28-11-09, 03:05 PM
| #1 | ||||
| نجم روايتي وكاتبة في قسم قصص من وحي الأعضاء 
|  نور ... *مميزة ومكتملة*   مرحبا قرائي الاعزاء هاهو اللقاء يتجدد بنا من جديد مع قصه جديده ارجو ان تنال اعجابكم مع محبتي وديمه العطا   "نـــــــــــــــــــــــ? ?ــــــــــــــور" الجزء الاول على الشارع الطويل الممتد على شاطئ الراحه كان ايسوق سيارته وابتسامته اداعب شفايفه...اخيرا الحلم اصبح حقيقه...وقدرت يا زايد تدخل انتخابات مجلس الشعب حلم كان يطمح فيه من زمان .....من ساعه والتيلفون ماوقف من تهنئتة ابتسم زايد وهو يتذكر اشكال خصومه في المجلس اي لذه حسبها وهو ايشوف علامات الخيبه على ويوههم زايد"خلهم ايموتون حسره وعدهم ما شافو شي والله لا اخليهم يندمون على اليوم الي حطونيه فيه خصم الهم...وقاعديليه في السوق مثل العظم في البلعوم برويكم عاده زايد شو عليه قادر" هذا هو زايد من اغنى رجال الاعمال سلطه ومال وعلى ابواب دخوله عالم الانتخبات وامساكه كرسي في مجلس الشعب وزايد يتيم الابوين ماعنده لا اخو ولا اخت عاش وحيد اول شي مع ابوه الي كان ريال شرس في السوق علم زايد كيف يكون خصم قوي لغيره ورباه على انه احسن من غيره وبعدها مات وتركه بعمر السبعتعشر سنه لاكنه اول ما وعى على الدنيا كانت له سياسته وطموحه انه يوصل لاعلى المراتب اجتهد في دراسته ومسك شركة ابوه الي ورثها وقدر ايديرها احسن ايداره ويوسع من فروعها في كل مكان متميز دائما وله هيبه تطقي على المكان المتواجد فيه ونظرته لنفسه انه يستحق الافضل دائما وهذا الشي خلاه يكتسب صفة الغرور والتكبر بنظر الاخرين كان يملك فله قريبه من انها تكون قصر في روعتها وكبر المساحه الموجود فيها يملك الكثير من الخدم وعزايمه شغاله دائما لكثرة معارفه والناس الكباريه الي ايكون دايمن على اتصال ابهم...وهو كثير السفر....ومايقصر دايمن في اهله من ناحية جدته....يزورهم في الاسبوع مره او مرتين اذا قدر وطبعا عند زيارته لاهله اهل البيت يرتبشوون ويقدمون له الافضل اتم مرة خاله اتحوس في المطبخ اطلع احسن المواعين الي عندها وتطلب الحلويات وتسوي كل الي تقدر عليه عشان تبيض الويه جدامه وبيت الخال هذا عايشه فيه اليده الي اهيه ام ام زايد ومعاها ولدها راشد خال زايد وعنده من العيال فهـــد الي يدرس ثاني جامعه وعبدالله في اعدادي و روضه ثنويه عامه ومي اول ثنوي ....اما خاله عبدالله فهو ميت وترك بنت عايشه حاليا عند خالتها اما اخوال زايد الثانيين فهم اخوان راشد من الاب وكانو عيال الحرمه الثانيه واحد مات مخلف وراه عايله صغيره عايشه حاليا مع جدتهم والخال الثاني خليفه شاب بعمر زايد عايش بروحه في بيت وهو خاطب بنت خالته الي متفق معاها ان الزواج ايكون بعد انتهائها من الكورس الاخير في الجامعه وكان دائما ايفكر اييب عيال اخوه ويخليهم عنده لاكن المشكله انهم صغار ومحتاجين حد يعتني ابهم طلب ايعجل بالزواج لاكن الخطيبه رفضت عى اساس اتخلص دراستها اولا بدر صديق زايد من ايام الدراسه ومحاميه الشخصي كان قاعد معاه في السياره بدر:شووووه اشوف الابتسامه شاقه الويه زايد:هههه مستااااااانس والله مستانس...اخيرا صار الي احلم به بدر:ياله شد حيلك للفوز زايد:لااا ابشرك من الحين بالفوز ان شالله بدر:مشالله عليك يازايد مادري كيف ثقتك بنفسك هذي؟ زايد:لوما ثقتيه بنفسيه ماشفتنيه وصلت لين اهنيه...انا استاهل يابدر...انا زاااااايد وانا الي بمسك المجلس باذن الله وبفوز هز بدر راسه:خطير والله زايد:عيال الصقور ماتبور اتصل خليفه خال زايد عليه خليفه:مبرووووووك مبروووووك يا ولد الاخت شفت عاده واسطت خالك زايد:هههههه هلا بالخال هاااه ترا غدانا عندك خليفه:اررررحب حياك فديتك زايد:يالله مسافة الطريق سكر خليفه وياه اتصال من حرمة خاله مرة الخال:مبرووووك مبروووك يا زايد....لحووووه ياعمتيه اصبري ببارك له ضحك زايد:ههههه يدوووه هاتيها الجده:سلااام عليكم...خوووزي منه انا قايلتلج اتصلي عليه وقبضينيه السماعه ماقلت رمسييه زايد:هههه يدوووه الجده:هااه بلاك انته بعد زايد:ههههههه انا بلانيه علووومج انتي الجده:هييه صدق مبروك فديتك ...عاده شو هالعله الي فزت فيها زايد:يدووه ارفعي راسج فووووق ...ان شالله باخذ الكرسي في مجلس الشعب الجده:وااااايه غير هم كراسيهم سر عند انور خان الكراسي عنده رخاص زايد:ههه ههههه اسمع يدوه شو تقول تقول روح عند انور خان ايخسي انور خان اييب كرسيه من عنده...يدووه ولدج بيصير باذن الله في مجلس الشعب وبتشوفين عاده زايد شو بيسوي عقب الجده:ياولديه والله ماعرف انته شو قاعد اتقول.......ودام ان العرب كلها تتصل عليه اتباركليه قلت بتصل ابارك لك فديتك زايد:فدييييت روحج انا سكرت الجده والتفتت لمرة ولدها وبنتها الجده:هاا كرسي شوووه؟ روضه:لحووووووه ساعه يايدوه اقولج اظاهر مافي فايده لهيام قرب الجده:قربت خيبتج يامسودة الويه....فارجي اشوف روضه:زيين زين.....عاده انتي بروحج نافخ راسج ولد بنتج باجر الله يعين لو ياخذ الكرسي شو بتسويبنا الجده:الخلا .................................................. ...... اتصل زايد على خليفه قبل لايروحله على الغدا وكلمه خليفه وهو محتشر زايد:شبلاااك؟ خليفه:ماشي فديتك اداعمت مع واحد ريال بس الحمدلله ما صار شي جرح بسيط وقاعدين ايخيطونه اليه زايد بخوف:شوووه وين انته خليفه:في الجزيره زايد:يالله احنا يياينك خليفه:ياريال مافي داعي روحو البيت انتو الغدا زاهب اهناك وانا بييكو زايد:احنا يايينك ولحمار الي داعمنك وين خليفه:اييي دريت حق شوه تبا تي اقلعه يازايد لاتنسى انك الحين على ويه انتخابات وصل زايد وبدر للمستشفي واتوجهو داخل وكانت سيارة الاسعاف توها واصله بريال حالته خطيره كانو الدكاتره يتراكضون في كل مكان دخلو زايد وبدر على خليفه واطمنو عليه وراحو عقب ينتظرونه برا عند الكراسي لين ايخلص من لخياط بدر:سبحان الله جنه البارحه يوم انييب مروان عقب ما طلعناه من تحت السياره ماجن مر على الحادث سنتين زايد كان يسمع بدر يتكلم وايحس انه منزعج من صريخ بنات وراه ايصيحن على ابوهن الي يابوه قبل اشوي وحده منهن كانت اتصارخ بطريقه فضيعه ما حس زايد بنفسه يوم قام ومسك عقاله وصرخ عليها بجـــــــــــــــــــــــ ب مسكه بدر ويره بدر:ياريال اقلعهن شلك خص فيهن زايد:عنلاااتهن ماتسمعهن كيف ايصارخن ماشي مستحى بدر:ياريال اقلعهن ابوهن تعبان ولازم بيتمن ايصارخن زايد:قومهن ما وراهن ريال يصلبهن ....مستشفي ابوهن هن عشان ايصارخن بكيفهن ماشي ريايل تتخطف عدالهن بدر:لحووووه تعال تعال خلنا انروح عند خليفه وبعد الموت قدر بدر يقنع زايد انهم ايروحون .... في اليوم الثاني اقام زايد حفله عووووده على شرف فوزه في النخبه الاخيره المرشحه للكرسي ودعا فيها كبار الشخصيات والتجار وكل من له سلطه وكل الاهل والاقارب والاصدقاء وكانت حفله على مستوء عالي الكل هناه فيها وتمنى له التوفيق والفوز ومن ضمن المعازيم كانت ناس حاقده على زايد ومقهورين امنه خميس:اتصدق احس انيه بطر ثيابيه من القهر ....طالع كيف مصدق عمره وضامن الفوز سلمان:ماعليك امنه انا جندت جيش ايدوروليه هفوات عليه عشان اخليه يخسر في الانتخابات خميس:ياريال من وين بتيبها هذي الهفوات ايقولولك يتيم ماعنده هل تقدر اتعايره بمشاكلهم ولا شي سلمان:لا عنده خواله لازم بنلاقي عند حد منهم مصيبه خميس:خل الكلام عقب هذي يبالها سهره وترتيب .................................................. ................. مرت الايام واجتهد خلالها زايد استعداداته للانتخابات وملت صوره كل الشوارع وفي كل الجرائد المحليه والعالميه.....غير الصحافه الي تلاحقه في كل مكان وايدورون اي معلومه عنه كان خليفه خال زايد راجع من دوامه يوم ياه خبر وفاة جدة عيال اخوه على طول اتوجه لبيتها وحضر العزا وبعدها على اخر الليل طلب عيال اخوه وخذهم معاه كانو ولدين وثلاث بنات ولد عمره اثنعشر سنه والبنت الكبيره عشر سنوات وبعدها ولد والبنتين عقب واصغر بنت عمرها سنتين لاحظ خليفه علامات الحزن على ويوههم ومربهم بوبايز وخذلهم وجبات وبعدها راح لبيت خالته وطلب من خطيبته تهتم ابهم الليله كانت اميره وهيه خطيبة خليفه قاعده معاه في الميلس ومعاهم اليهال اميره:خليفه شو بتسوي الحين؟ خليفه:شو بسوي يعني؟ اميره:اليهال وين بيعيشون؟ خليفه:عنديه طبعا اميره:هذولا صغار ياخليفه يبالهم عنايه كيف بتخليهم عندك خليفه:شفتي شكثر انا محتاجنج؟ اميره:خليفه انته تبا تتزوجنيه لك ولا حق عيال اخوك خليفه:اميره انتي تدرين انيه من زمان اقولج خلينا نتزوج اميره:علشان السبب نفسه خليفه:لحووووه انتي ليش جذيه....لازم يعني تخلطين المواضيع وقفت اميره:خليفه انا من حقيه مثل كل بنت انيه اعيش حياتيه مرتاحه وابدا اسرتيه بروحيه مش ابدا حياتيه باسره ثانيه خليفه:هذولا عيال اخويه مب عياليه اميره:ادري بس هم يهال ويبالهم عنايه انا انا مب مستعده اربيهم وقف خليفه معصب خليفه:وانا ماقلت تعالي ربيهم....خلج مع دراستج تصبحين على خير واظن بعد مالج بارض اتخلينهم عندج لين باجر اميره:خليييفه حرام عليك ليش اتقول جذيه احنا لازم نتفاهم ...مب اتعصب جذيه خليفه:ماعليه خليهم عندج لين باجر وعقب بنتفاهم ....ترانيه والله تعبان من همهم...انا مهتم منهم من قبل وين الحين راسيه بينفجر وانا مش عارف شو اسوي الهم اميره:ليش ماتيب بنت اخوك الي عند خالتها اطالعهم؟ خليفه:ياسلام عليج وتتحسبين يدتها بطيع اتخليها تي اطالع عيال ولد ظرتها...ماظن؟ اميره:انتو بعد مادري كيف تفكيرهم هلك؟ خليفه:اذا انتي ماتنزلتي اتربينهم بطيع بنيه عمرها ثمنتعشر اطالعهم بروحها اهيه تبالها منو ايطالعها اميره:ياسلام اظن مافي فرق بينيه وبينها الا ثلاث سنوات خليفه:المهم خلي بالج منهم لين باجر طلع خليفه وخاطره متضايق من موضوع عيال اخوه اما في بيت جدة عيال اخوه الي توفت كانت بعض الحريم والصديقات عند نوره بنت العيوز الي مادرا عنها خليفه قعدت نوره من بعد ماكانت منهاره من موت امها وراحت ادور عيال اختها مثل المينونه نوره:ويينهم وين راحو؟؟؟ وين فطامي ودانووه ويييينهم قالتلها وحده من صديقاتها ان عمهم يا وخذهم نوره تمت واقفه منصدمه:خذهــــــــــــــم. ...خذهم جذيه بدون مايشاورنيه وانا انا منو عنديه منو بيتم عنديه انا ماليه حد في هذي الدنيا لييييش ليش ياخذهم مش كفااااايه اميه راحت ايرد اهو بعد ياخذهم عنيه ليش مايخليهم ايردون روحيه على الاقل احس ان في حد بقا اليه قعدت عقبها نوره اتصيح وقطعت قلوب الموجودات نوره :ارجوج يام احمد ارجوج خلي حد اييب اليه رقمه انا لازم اكلمه ولاترانيه والله ايين ام احمد:ماعليه يابنتيه بخلي احمد ولديه يشوف رقمه .................................................. .......... في مكان ثاني في الصحرا كانت ثلاث سيارات تلاحق الطير الي فجوله ورا الارنب ومن ضمن السيارات كانت سيارة مروان الي كان مظهر نصف جسمه من الدريشه ويصرخ على الطير وهو يظرب على زجاج السياره مروان:حووووووووووه يعنيه افااااااارقه من طير بذبحه اليوم...طالع طالع الارنب في وادي وهو في وادي حووووووووه شقراااااااااااان بذبحك ياشقران وقف وقف السياره قفز مروان من السياره اول ماوقفت وركض للطير الي ضيع الارنب وحل على الشيره الصغيره كان مروان منقهر امنه وركضله وهجم عليه ومسكه وقام ماسك الحبل المربوط في ريل الطير ويشل الطير ويظرب به على الارض واحد من ربعه:مرواااان استهدا بالله هذا طير شفهمه مروان:انا بفهمه الثور عيل الارنب جدام عينه ويحل على الشيره احمد:ياريال خله اترك الطير عنك ذبحته كان صوت الطير عالي وهوينظرب كل شوي على الارض...تركه مروان وعقب تم ايطبه بالتراب معصب عليه فووووول.....كل ربعه كانو واقفين ايطالعونه وهو يدفن الطير وخلا راسه طالع وقف وتفل عليه قبل لايروح سيارته قعد على الكرسي الجدامي يلهث من التعب ومسك دبة ماي وصبها على ويهه اما ربعه فحفرو عن الطير وطلعوه وهم يتضاحكون...هذا حال مروان الي بسرعه يعصب على الطير اذا خيب ظنه قرب امنه ربيعه علي علي:مرواااان وين الي ياي يبا يستانس يعصببك طير مروان:هذا طير اتسميه عور مايشوف الارنب جدامه جاننا من الصبح واحنا نتبعها وفي الاخير ايضيعها فارقته علي:ههههههه ماعليه هذا القنص مره تصيب ومره تخيب مروان :ايخسي انا مادربته كل المده الي فاتت عشان يحل اليه في الشيره بدال لايصيد الارنب علي:هههههه...افا عليك هذا شقران له صولات وجولات في المقناص...ولا انته نسيت العام شو كان ايسوي مروان:هييه كان فرخ توه الحين اتقول شيبة زمانه علي:هههههه .................................................. ................... في اليوم الثاني زار زايد يدته واستقبلوه اهل البيت باستقبال حافل..الخاله كله تقووم وتقعد وماخلت شي ماقدمته زايدوهو قاعد عدال يدته وحاضن يدها يقبلها اليده:اشوووعاده كرسيه هذا؟ زايد:يايدوووه اتركيج من سالفة الكرسي...عقب بتعرفين سالفته...قوليليه انتي علومج شوووه؟ اليده:زينه علوميه...انته علومك متى بتعرس؟ هز زايد راسه لان يدته قاذيتنه بسالفة العرس هذا رفع نظره لروضه الي كانت قاعده معاهم يستنجد ابها لاكنه ماردت عليه اليده:شوووه معطنيه بولباس اشوف زايد:لا والله بس بتخبرج يدوه ...انتي شفتي في حياتج وحده تصلح تكون حرم زايدبن محمد...هالزين الي جدامج في وحده تستاهله زايد كان يمتلك عيوون تذبح الي يشوفها عيون قريبه من العيون الناعسه وكان وايد مغرور ابهن غير الخشم الطويل الي معطي زايد شكل رهيب روضه:موجووووده طالعها زايد بنظره غيض روضه:شيخه يايدوووه شيخه الكل يتمنى اشاره منها اليده:منيه شويخ هذي؟ روضه:لا يايدووه مش اسمها شيخه اقصد الي يشوفهاا ايقول عنها شيخه شو جمال وشو ادب واخلاق اتقول للقمر قم وتقعد مكانه اليده:غااوييه روضه:اقولج اتقول للقمر قم اليده:منيييه هذي روضه:مب الاول ايوافق ولد بنتج اليد:هو ماعنده شووور قوليليه منيه؟ روضه:هوايعرفها زايد باستنكار:اعرفها منيه هذي الي مضويتنها اليه؟ روضه:طالع جدامك زيين وبتعرفها زايد:منيييه؟؟ روضه وهيه ترفع نفسها واتاشر على نفسها:احم احم زايد عرف منو تقصد:فاااارقت ويهج...هب ناقصنيه عاده الا انتي روضه:انته ماتقول انك تبا حرمه شيخه تليق بمقامك زايد:اصوم اصوم وافطر اليه على بصله روضه:ياااااله عااده الي يسمعك عاده يتحسبنيه ميته عليك...انا اصلا ما اتنزل اخذليه واحد حضيييري انا ابا واحد بدوي وعنده كروزل يقحص ابيه ويلااات في النقيان اليده:حسبي الله عليج بنيه قويه قومي ياله قومي انقلعي داخل زايد وهو يضحك:هههه يدووه خليها تراها طماشه روضه:والله انا طماشه....زيين باجر بسويلك سالفه في النت وبخلي الكل يرفض ايصوت لك عصب زايد:والله لا اذبحج مااااااالج خص في التصويييت وياله انقلعي داخل قامت روضه متروعه من اسلوبه الي انجلب وركضت داخل روضه:بسسسسم الله انته اصلا محد يقدر يمزح معاك زايد:انقلعي دخلت ام فهد مرت خاله:حسبي الله عليج يارويض زايد:هههههه تعالي مرت الخال ماعليج منها الا وين ميمي فديتها تولهت عليها؟ ام فهد:هذي ذابحه عمرها بالدراسه مره ما نشوفها اتقول اهيه الي عليها ثنويه هب هاي الي ما تمسك الكتاب دقيقه زايد:وليش ميمي تغربل عمرها بالدراسه ترانيه قلتلج بيب الها عشر مدرسات جانها تبا ام فهد:يعل ربيه ايزيد خيرك يا ولديه بس اهيه ماتبا اتقول بروحيه بدرس زايد:فديييتها خلي حد يزقرها اليه قامت ام فهد وقالت للخدامه تروح تزقر مي ومي بنت خال زايد لاكنه ايموووت فيها لانه متعلق فيها من يوم اهيه صغيره دائما ايوديها الدكان وفي الفتره الي كان يدرس فيها زايد وبدر في مصر كان خاله عنده دوره ثلاث شهور وكانت مي في هذاك الوقت عمرها ست سنوات وكان كل وقت بدر وزايد معاها بيموتووون عليها دخلت مي واول ما شافت زايد ركضت ناحيته وفتح يده وخذها بالحضن زايد:فديييييت انا ميمي ابتسمت مي بخجل وسلمت عليه بالخشم عقب ام فهد:ياولديه لبنيه غدت حرمه عاده الحين مايوز سلامكم هذا زايد وهو يمسك مي من ويهها:ان شالله تبينها تودر موايهيه؟ ام فهد:عاده ياولديه مايوز حراام زايد:حرااام هذي بنتيه ماعليه من حد شوفي ميمي تحملي حد يضحك عليج وايقولج ودري اموايهه ابتسمت مي واهيه اتهز راسها باوكيه ومي بنت نعومه وهاااديه وعلى نياتها في الشور دائمن عكس روضه الي لسانها متبري منها تم زايد يهمس لمي بروحهم ومحد يسمعهم ومي مستانسه....لان زايد من غلاتها عنده مب مقصر معاها باي شي دائمن لازم توصلها اول ما يوصل من السفر ***سات مترسه من كل شي هدايا الها...تموووت روضه من القهر وتاخذ نص الاغراض واهيه تقول لمي ان هالاغراض ماتصلح الها ومي تحت الشور .................................................. .......... كان فهـد قاعد في ميلس واحد من رباعته وكانت شله قاعده عدالهم ايطالعون تيلفوناتهم ويتضاحكون واحد منهم:فهووود طالع فديتك الصوره هذي وفر عليه التيلفون واول ماشاف فهد الصوره تغير لونه وحس ربيعه الي قاعد عداله انه انتفخ من اغيض قام فهد بسرعه من عندهم وهو يلعن ويشعن وركب سيارته وربعه كلهم لحقوووه ايحاولون ايوقفونه عن لا يسوي شي كانت ثلاث سياير الي تتلاحق ورا سيارة فهد الي كان ايسووق بسرعه جنونيه متجه لمدرسة البنات الثانويه حمدان:مجتووووم الحق فديتك فهووود معصب فول ورايح لمدرسة البنات مادري شو عنده الريال فهم السالفه غلط الحق فديتك مجتوم كان صديق فهد الروح بالروح ترك فهد سيارته مفتوح بابها ودخل بسرعه لمدرسة الثانويه واول مادخل الاداره صرخ في المدرسات الحين ايبن له بنت عمه اليازي وحتى انه كان ناوي ايروح الها لصفها لاكن الاخصائيه منعته تم واقف متحرقص يرقبها واول مايبوها له وهيه كانت مستغربه شو السالفه التفت الها فهد ومسكها جارنها وراه لخارج المدرسه بدون عباه ولا شنطه حاولت معاه المدرسات يترك البنت لاكنه ماتركها وقعد يصارخ عليهن ركبها السياره وركب اليازي:شوووصاير؟ لاكنه مارد عليها الا بكف وكلمة جــــــــــب فهد:جــــــــــــــــــــ? ?ـــــب جب ولا كلمه تتحسبين انج مهمله وانتي قاعده عند خالتج ماوراج ريايل ياحمارة الروء اليازي:انته شو تقوووول؟ فهد:جب اقول ## ## ## هذي البدايه لقصة بعض ابطال قصة نــــــــــــــــــــــور ارجو ان تنال اعجابكم ودمتم وديمه العطا نـــــــــــــــــــــور روابط الفصول الفصل الأول في نفس المشاركة الأولى الفصل الثاني الفصل الثالث الفصلان الرابع والخامس الفصل السادس الفصل السابع الفصل الثامن الفصل التاسع الفصل العاشر الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس عشر الفصل السادس عشر الفصل السابع عشر الفصل الثامن عشر الفصل التاسع عشر الفصل العشرون الفصل الواحد والعشرون الفصل الثاني والعشرون الفصل الثالث والعشرون الفصل الرابع والعشرون الفصل الخامس والعشرون الفصل السادس والعشرون الفصل السابع والعشرون الفصل الثامن والعشرون الفصل التاسع والعشرون الفصل الثلاثون الفصل الواحد والثلاثون الفصل الثاني والثلاثون الفصل الثالث والثلاثون الفصل الرابع والثلاثون الفصل الخامس والثلاثون الفصل السادس والثلاثون الفصل السابع والثلاثون الفصل الثامن والثلاثون الفصل التاسع والثلاثون الفصل الأربعون الفصل الواحد والأربعون "الأخير" رابط تحميل الكتاب الالكتروني اهداء من قسم وحي الاعضاء لكنوزه المنسية التعديل الأخير تم بواسطة كاردينيا الغوازي ; 14-01-18 الساعة 04:27 PM | ||||
|  |
|
28-11-09, 03:19 PM
| #2 | ||||
 
| ياهلاا والله وديمه منووره وأخيراااااااااااااااااااا ااا وصلت الروايه كنت يالسه أقرا ومتمسكه بلااب وأخوي أير اللاب ونا أير من صوب يبون يضهرون ونا ودي أكمل  لي رجعه كان ودي أكون أول وحده أتعلق على البارت تيك كير | ||||
|
| |
|
28-11-09, 04:25 PM
| #3 | ||||
 
| والله حرام كتبت رد هذا طوله لكن راح الله يسامح اللى كان السبب مرحبا وديمه انا متابعه كل روايات بالحرف ومتابعه شرسه ايضا لان ولا واحد من اخوانى يقدر يقول عن رواياتك حرف اعجبتنى شخصية زايد حسيته له هيبه وشخصيه ..بس الله يستر منه ليرفع ضغطى فى الاخر وجدته والله حبيتها لما قالت ودام ان العرب كلها تتصل عليه اتباركليه قلت بتصل ابارك لك فديتك ما عندها خبر بالدنيا ههههههه  خليفه واميره انتى حاطتهم فى موقف صعب بس اعتقد انكى دخلتى نوره فى القصه كحل .....توقعات لا اكثر  بس والله ضحكتينى على طير مروان الاحول هو فى وادى والارانب فى وادى بس شكله عصبى الولد ادعو معى ربنا يرزقه بحبيبه تهدي اعصابه..مثل ما تعودنا من بطلاتك اعتقد ان اليازى هى بطلت القصه ..قلت لكم توقعاتى كثيره بس لانى بحب رواياتك كثير كثير كثير وديمه بس والله حرام الرد الاول كان اطول كنت مبققه عيونى فى الشاشه 24 على 24  :crazy:بترسكاتش راحت عليكى يا حلوه  انا زيك اخوانى بيحاولو ياخذوه منى بس على من انا ام عضلاتوتصدقى وديمه انا بقص على اضافرى من الان منتظره البارت الجاى الله يصبرنى وبسسسسسسسس | ||||
|
| |
|
28-11-09, 08:22 PM
| #5 | ||||
| باااااااااااااااااااااااا ك بعد صراع وزحف واصابات خطيره قدرت أني أوصل  احم بلأول كان ودي أقول ودووووووم أول ماشفت الروايه واسمج يلمع خطفت ركيييييض ودعمت شوي بس عدت سليمه زايد شخصيه رهيبه وعجيبه بس شكله عصبيييييييي:crazy: ايوا نسيت أقول مبرووووك عقبال الفوز:icon30: يده زايد وفدييييييييييييتها والله تهبل هههههه حبيتها من يوم قالت السلاام عليكم خوزي مناك... خليفه سلاامات سلاامات ياريال .. أميره ماحبيتاها أبببببببببد مادري أحساسي يقول لاتحبيها ونا أعتقد أنه راح يتزوج عايشه وبتنفك الخطوبه:crazy: مروان ههههههههههههههاااااااي:icon_ smile_rotating... واي بطني ...شكله هذا سعيد ثاني يحليل الطير هههههه ماتوقعت بعد الخبط إلي صارله يعيش :crazy: والله انه فله هلمروان سلمان وخميس .,.<<شرشبيل وعرنجبيل أنا أقول أنه لهم دور في المشاكل إلي راح تستوي ...لاتخافو ياجمعه الشوزن جاهز لأي صدمات :icon30:...فهد ياشيخ فهمت السالفه خطأ هم يلحقوه بسياره ونا أقولك رد ياريال فهمت السلفه غلط لكن أنته ماتسمع الكلاام... انزين ودوم شو السالفه:crazy: انا مع الخيل ياشقرا  أنا أقول وديمه أقصد الجازيه:crazy: بريئه من أي تهمه ودووم ربي يحافيج عل هيك جزء ونا متابعاكي للأخر وياريت تتحملي هبالي شوي:60: أوان الورد والله انك ... وشو اليايزي البطله نور ماتشوفي عنوان الروايه إلا نور وينها ماطلعت يمكن تكون إلي فلمستشفى:41: تحياتي لك ودوووم ^^ | ||||
|
| |
|
28-11-09, 08:48 PM
| #6 | ||||
| قلما أفتقدناه وفارقنا لبارئه - نجم روايتي وكاتب سابق في قسم قصص من وحي الاعضاء 
| مرحبا وديمه العطا.... و الله إذا تسنت لي الفرصة و جئت الإمارات لن تكون عندي مشكلة مع الهجة لأنني واجهتها للتو.... قصة رائعة بس زايد ما عجبتني شخصيته....ربما لأنني تفاعلت مع القصة...الحقيقة من إعجابي للقصة أحط نفسي مكان كل شخصية حتى أحس و أعيش الموقف...طريقتي الخاصة هههالحياة تفرض على المرء أحيانا صفات و أفكار خاصة بحالته الاجتماعية...و أنا لا أحب حالته الاجتماعيه...رأي صريح كلمة مينونه استغرقت مني لحظات لأدرك أن الجيم هي الياء و الله خليفة مسكين تورط في أولاد أخوه الله يفرجها ما يسببولو مشاكل مع خطيبتو... و أعتقد أن نوره هي اللي حتحل المشكل.... أما مروان هدا فالحمد لله ما رحت عنده لأجل المؤدبه و إلا كانت اتنهت الجلست بجريمة قتل...ما أحب الناس العصبيين.....لا أحب الكثير من الأمور..ههههه وإذا وجدت طائره الأعور أسويه مندي....مازال جوعان يا أختي  .و الله أطلت الكلام معذرة و لكن آخر شيء ...رد زايد على كلام روضه كان قاس جدا...لا أدري إن كانت العلاقة بينهما تسمح بأن يسمعها كلام كذاك....و الله يستر على اليازي...بس شكلها مظلومة... أختي تقبلي تحياتي و متابعك انشاء الله...شكلي راح آخذ جائزة تفوق في اللهجة الإماراتية إذا أكملت القصة بس القصة فعلا تستاهل .gif "Eh S(7)") | ||||
|
| |
|
28-11-09, 10:58 PM
| #9 | |||||
| قلما أفتقدناه وفارقنا لبارئه - نجم روايتي وكاتب سابق في قسم قصص من وحي الاعضاء
| اقتباس:
الله يسلمك لنا يا غاليه بس انتي تعرفي ياباني..... تحياتي لك و بالمناسبة انت عندك نيه تستولي على موضوع وديمه....لتكوني فحرب معاها كمان:60: | |||||
|
| |
|
28-11-09, 11:05 PM
| #10 | |||||
| اقتباس:
ليكون وديمه تتكلم ياباني :crazy: | |||||
|
| |
 |
| أدوات الموضوع | |
| انواع عرض الموضوع | |
|
|
5Likes
العرض العادي
