07-01-10, 08:55 PM | #11 | ||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| ((لم تتوقف صبا عن تلك العاده فور رؤيتها للامطار تصعد مسرعه الى سطح منزلها لتغرق شعرها وملابسها بتلك القطرات الصغيره التى ترقص طربا على جسدها تتمنى لو تستمر طويلا ولكن سرعان ما توقفت واذا باشعة الشمس تتسلل خفيه من بين السحب لتضع اكليلا بديعا على جبين السماء بعد ان انهت سحبها البكاء)) دخلة استاذ... كمان الموقف ده بيفكرني بنفسي على طول كنت بعمل كده.... بحب المطر جدا فخرج مسرعا ولكن اصطدم باياد الذى تفحصه وهو يقول : تبدو منزعجا ما الامر ؟ قال باسل : لا شىء سادخن سيجاره واعود بعد قليل قال اياد : هل صبا بالداخل ؟ اجابه وهى يبتعد قائلا : لا الم تكلفها بانجاز بعض التوقيعات امس قال اياد : محق لقد نسيت الامر تماما كانت همس لازالت شارده فى لوحة باسل وكلماته المختنقه ولكن على صوت اياد الذى تسلل خلفها وقال وهو ينظر باللوحه : صبا مجددا قالت همس : كف عن تلك العاده ستصيبنى بازمه قلبيه يوما ما ابتسم وقال : انى احسدها فهى محظوظه بكى حقا قالت همس : ولم هى انا اوفر حظا منها قال اياد : لانك تعتنى بها جيدا لا اجد من يعتنى بى هكذا نظرت اليه ساخره وقالت : وصبا الا تعتنى بك قال : لا انا من يعتنى بها فمنذ طفولتنا وانا اعلم انها لا تستطيع فعل شىء بدونى قالت : لذلك لم تسال عنها نظر اليها مستخفا قائلا : سالت باسل الان فهاتفها لا يجيب وهنا دخلت صبا التى القت بنفسها على اقرب مقعد وقالت : لقد انهكت اليوم امتدت اليها يد باسل بكوب ممتلىء بالقهوه اخذته فرحه وقالت : شكرا جزيلا اغمضت عينيها وهى تستنشق القهوه بلهفه وباسل يرمقها مبتسما قال اياد متعجبا : منذ متى وانتى تشربين القهوه مش باسل كان خرج ازاي امتد يده بكوب القهوة ... كان لازم توضح يا مشمش انه رجع همسه صبا عجبتني اووووووووووووي الاسامي ... كنت حاسه ان انا اللي مختاره الاسامي معاكي حق فينا كتير من بعض يا طماطمايتي في نقطة كمان واضح ان كان ف دماغك خط سير معين للاحداث و في انهماكك في الخط ده فوتتي شويه اشارات مرور ... يعني في تفاصيل كان لازم تهتمي بيها شويه مثلا ازاي الشركة كان فيها ثلاثه بس اقل شكرة معمار و تصميم و ديكور هتحتاج كاست ميقلش عن دسته او دستتين و خاصة انك قلتي انهم اخدوا وضعهم فهماني يا مشمش؟؟؟ همسة صبا فيشعرك بان الليل قد حل والسكون يعم المكان ولا توجد مشاريع بالداخل فيذهب العميل دون ان يطرق الباب صوبت صبا اليه نظرة غاضبه الحته دي سكرررررررررررر ما أروع حركات إياد و هو بيحاول يخلي همس ترجع تنطق تاني ... جميييييييييييله كله كوم و كلام باسل مع البيبي كوم تاني موقف تحفففففففففففه في المجمل كانت القفشات و الهزار و المواقف اللذيذه فيها ملهااااااااااش حل... خفة دم بطعامه ملهاش حل يسلمووووووووو ايديكي انا اول قصه قراتها كانت قلبي بصحبة الايام بس الصراحه دي احلى منها بكتييييييييييييير... هيه قلبي بصحبة الايام ليها مذاقها الخاص برضه بس حاسه ان ف دي اسلوبك متمكن اكتر... بس محتاج تركز في التفاصيل شويه يا مشمش يسلمو ايدكي يا طماطمايتي استنيني ف باقي رواياتك آه نسيت اقولك ان اختياراتك لعناوين رواياتك اختيارات فنان .... تسلمي و يسلم قلمك الجميل | ||||
07-01-10, 11:19 PM | #12 | ||||||||
مراقبة عامة ومشرفة وكاتبة وقاصة في منتدى قصص من وحي الأعضاء
| اقتباس:
اهلا مره تانيه بزاهره حبيبتى عجبتك صبا وهى بتلعب تحت المطر انا كمان بموت فى المطر وبحب رائحته اوى )) بالنسبه لجزء باسل لما خرج ورجع هقولك هو قال لاياد هدخن سيجاره فخرج من الغرفه اللى كانوا فيها وبعدين همس واياد قعدوا يرغوا شويه لما خضها فكان دخن السيجاره ولمح صبا فراح عملها القهوه لما لاحظ انها مرهقه يعنى انا حسيت انه مفهوم من السياق ممكن اكون قصرت فى الشرح (( عجبتك الاسامى همس وصبا شفتى ازاى فينا من تفكير بعض كتير (( بالنسبه لكاست الشركه انا بقى معرفش حاجه عن موضوع شركات الديكور زيك يا قمر انت مهندسه فاكيد محتكه بس خلاص المره الجايه هسالك علطوووووول عارفه الاجزاء الصغننه دى بتتعبنى يعنى لازم اسال حد يكون فى المجال سقط سهوا معلش هههههههههههههههههه )) بالنسبه لقفشات اياد ههههههههههههه مرسيييي ليكى كتير يا قمر يارب اكون اسعدتك بجد وباسل ده يابنتى فى خيالى بس محدش كده فى الحقيقه ههههههههههههههه (( على فكره انا مبسوطه انك بدات بالترتيب ده يعنى الاقدم الاول عشان تلاحظى التقدم فى اسلوبى مستنيه رايك بفارغ الصبر اقراى اشتقت عطرك الاول وبعدين عيناك بلا شطآن وبالنسبه للعنواين اللى عجبتك بعض ماعندكم يا ثكر انت والله والله مبسوووووووووووووووطه جدااااااااا انى اتعرفت على حد جميل كده باى يا قمر | ||||||||
01-03-10, 11:23 PM | #14 | |||||||
مراقبة عامة ومشرفة وكاتبة وقاصة في منتدى قصص من وحي الأعضاء
| شكرا حبيبتى bobos على رايك بالرواية ولمرورك الجميل ويارب اكون اسعدتك ولو للحظات بكلماتى بامان الله اختى فى حفظ الله | |||||||
02-03-10, 02:20 AM | #15 | ||||
| فاطمه ازيك انا قريت الروايه مره واتنين وتلاته بصراحه الموضوع عجبنى مع انه صعب فى الواقع الصداقه بين اتنين للدرجه دى يعنى فى الواقع ممكن يقطعوا بعض على شاب ودى موجوده كتير لدرجه ولا بلاش عايز اقول حاجه انتى اكيد بتتعبى فى الكتابه اظن كده صح يمكن اكون ضعيف فى الكتابه بس انا قارىء كويس عايز اقولك يعنى القصه اشبه بالفصل الواحد بتجرى بسرعه انا نفسى مش عايز اسبها ليه مش بتقسمى وده انا عارف انك متمكنه منه صح يعنى مثلا 1 وتكتبى فصل بقدر انا اعيش مثلا مع صبا وهمس واتعرفت عليهم كويس وكمان حبتهم تمام بعد كده بتتفاعل الاحداث بوجود باسل واياد انت ان شاء الله هتفهمينى اختينا لقصه حب همس واياد اوك وفى نفس الوقت لحب باسل لصبا معلش خدينى على قد عقلى وخليكى معايا ازاى اياد وباسل اصحاب صعبه عليا وجت ازاى من البنات ممكن المهم قسميه فصل فصل انتى بتعرفى تصورى كويس مش لازم تكتبى الفصل الاول والتانى وهكذا ممكن 123................ با لمناسبه ليه صبا مسمتش مش سممتها سمتها ملك فين همس انا عمال انقد وانا اساسا لسه بقول يا هادى هعمل استاذ وانا على فيض الكريم بس القصه عجبتنى مع انها مش ولا بلاش تانى انتى بجد متميزه | ||||
02-03-10, 05:37 AM | #16 | |||||||
مراقبة عامة ومشرفة وكاتبة وقاصة في منتدى قصص من وحي الأعضاء
| شكرا لمرورك هشام ولرايك الروايه عجبتك رغم انها مش ولا بلاش ..... هههه على فكره هى فعلا دون المستوى ومعاك حق فى كده وكلنا على فيض الكريم وانا بعتز بارائكم كلكم وبفرح جدا باللى بينقدنى اكتر من اللى بيقول اطراء فاضى فرايك اسعدنى بجد نيجى للرواية دى تعتبر تالت تجربة ليا فى الكتابة فاكيد فيها اخطاء لا حصر لها من ناحية المثالية الشديدة فى علاقة صداقة همس وصبا فعلا هى فيها مثالية لكن مش مستحيلة لان مش كل البنات هيقطعوا بعض عشان ولد لان بينهم كتير صداقة واخوة مش تقدر واحدة فيهم تستغنى فيها عنها وانا وجهة نظرى ان صبا لم تضحى بترك اياد لهمس لانه اساسا لم يكن لها من البداية الا مشاعر ( اخوة ) وهو كان مستعد ان يترك همس عشان مش يجرحها لانها بنت عمته لكن هى تخيلت حياتها معاه كانت هتكون مجرد مشاعر شفقه عليها او مجرد احساس بالواجب لانها قريبته ومهما كانت مشاعرها ناحيته اعتقد انها لو استمرت بالوضع ده هيبقى اقسى من انها تتخلى عنه وتدور على حد يكون عايزاها لنفسها ( باسل) مش مجرد احساس بالواجب وربنا عوضه وعوضها (( بالنسبه لموضوع تقسيم الروايه لاجزاء انا كانت من عادتى انى انهى الرواية واحطها جزء واحد ونقلت كتاباتى هنا لما لقيتها بتتسرق فى منتديات تانيه فنقلتها هنا ووزعتها على كذا منتدى تانى على مثل بيدى لا بيد عمرو فهى اعمال قديمة كتبتها من سنه ونص تقريبا لكن العمل الجديد اللى انا شغاله عليه حاليا هقسمه لاجزاء عشان استفيد اكبر استفادة من ارائكم ونقدكم (( موضوع صداقة باسل وإياد اللى استغربته ليه ؟ عادى باسل كان من جيران همس فى الطفولة واتقابلوا فى كلية الهندسه وإياد بحكم انه متواجد مع همس بيوديها ويجيبها اكيد كان هيحتك بهمس وباسل وبعد كده شغلهم مع بعض عمل جمل جو زمالة رائعه اقرب للصداقة بين الاربعه لكن الصداقة بمعنى الصداقة يعنى هى صداقة البنات .. يارب اكون قدرت اوضحلك )) صبا سمت بنتها ملك مش همس لان همس موجوده فى اخوات كتير بيحبوا بعض ومش بيسموا اولادهم على اسم بعض الكلام ده لو كانت ماتت همس لا قدر الله (( ومره تانيه برحب برايك جدا وانا كمان مبتدئه وكلنا بنتعلم من اراء بعض والرواية الجديدة باذن الله هتكون فيها جانب كبير من الواقعية حاسه انها هتكون مختلفة (( صحيح لو قرات عيناكِ بلا شطآن هى اخر اعمالى اعتقد مش عارفه رايك كده ولا لا انها مختلفة عن كتاباتى القديمة ومنهم همسة صبا (( بامان الله ورعايته وانا متميزه بارئكم وبمتابعتكم | |||||||
02-03-10, 03:33 PM | #17 | ||||
| انا قرتها وهرجعها تانى بس عايز اخد رأيك فى حاجه انتى طبعا شوفتى الرسايل انا قبل مكتبها بصراحه كنت بقرا لك انت وديمه العطا وانا طبعا من عشاق عبد الوهاب مطاوع وقارىء قديم له بصراحه كنت عايز اغش اسلوبكم بس حاسس ان ده مش نافعنى وعايز اغير انا لما قريت موضوع بترسكاتش بصراحه بضخك كتير ممكن اكتب عادى بالبلدى كده علشان اكمل ولا افضل مثابرا على اسلوبى تعرفى الى بيأخرنى فى الكتابه المفردات بجد فيها عجز من نحيتى مع انى مقدرش اقول بكتب شعر دا انا عايش فيه تقريبا وحافظ مئات الابيات احب اشوف رأيك والسلام | ||||
03-03-10, 04:38 AM | #18 | |||||||
مراقبة عامة ومشرفة وكاتبة وقاصة في منتدى قصص من وحي الأعضاء
| بالنسبه لموضوع تغش اسلوب او تقلده مش هينفع لان كل الانسان له اسلوبه الخاص طالع من جوا روحه وبعدين انا شايفه الرسايل اسلوبها بالشكل ده مميز بالفصحى وكمان الواقعية اللى فيها جميلة لكن موضوع بترسكاتش هو من النوع الساخر تقريبا لانى مش قريته انت قصدك مثلا زى كتابات زاهرة الكوميديه انا رايى اللى انت عايز تكتبه اكتبه لكن خلى للحاجه اللى بتكتبها طابع بيميزها من اولها لاخرها يعنى الرسايل متميزه فى رايى بالفصحى لكن عاوز تكتب حاجه تانى بالعامية ليها طابع ساخر مش يمنع ابدا المهم ان الموضوع الواحد يكون له طابع يميزه يئما فصحى يئما عامية مش تبقى سلطة كمان بالنسبة للمفردات اقرا كتييييير لادباء كبار انا وديمة العطا مش ادباء احنا لسه بنجرب وعبد الوهاب مطاوع الله يرحمه مش روائى انا بكن ليه احترام كبير كشخص فاضل وفادنى كتير فى حياتى لكن كمهارات روائيه ولغوية فى ناس كتير هيفيدوك اكتر مش تحصر نفسك فى لون معين التجديد بيعمل ثراء للانسان يارب اكون جاوبتك بامان الله | |||||||
مواقع النشر (المفضلة) |
أدوات الموضوع | |
انواع عرض الموضوع | |
|
|