09-10-10, 11:12 AM
| #1 | |||||||||||
| نجم روايتي  
|  رواية حب لا تهزه العواصف رواية من تأليف أبو نوف الروقي . وأتمنى تنصحوني أكمل إذا أعجبتكم << على العموم أنا مكمل مكمل الله لا يعقب بشر المهم أنتم شجعوني إذا شفتوا الرواية حلوه وأنقدوني إذا في الرواية أخطاء وأنا أتقبل نقدكم بصدر رحب لإني ممكن أخطي لإني إنسان ماني معصوم أتمنى والعذر والسموحة إذا أخطيت في حق أحد . أخوكم/ مجنون noof . طبعا أنا رايح سأذكر لكم الشخصيات والمبطلين (من الأبطال وهي مبالغة من عندي مالها معنى) أثناء الرواية (ألعن أم اللغة اللي أنت تعرفها) (أدري أني دجه وما عندي ما عند جدتي الله يشرفها) أمحق الي يسمعه يقول هذي الكعبه (أستغفر الله) مهي عجوز رايحة(ن) فيها. الفصل الأول : في أحد هالأسواق اللي فيها البنات أشكال وألوان فيهن البيضا والسمر وفيهن الحمرا والصفرا <<ماباقي ألا الأخضر وتصير إشارة مرور . وفيهن المتينة (الدبه) والنحيفة (العصلا) و فيهن الطويلة والقصيرة يدخل فيصل مع أهله (فيصل عمره 20 سنة وسيم إلى أبعد الحدود) <<متأثر بالعزقرية (على قولة إخوانا شيبان الشمال) أبو شباب فيصل هذا ماله في المغازل والترقيم مافكر ولا مره يرقم بنت ولا حتى يناظر فيها مهو لنه شيفه <<لا تروحون بعيد شيفة يعني .؟ ياخي أشلون أشرحلكم ؟ وشلون وشلون ؟ آه بس لقيتها لقيتها شيفة يعني جيكرة (إن لله أنتوا مافهمتوا شيفة علشان تفهموا جيكرة) بس لقيتها جيكرة+شيفة= قبيح << أبو الشباب مسوي متأثر بالرياضيات هو وخشته بس ! أتمنى ... المهم نعود إلى محور حديثنا << حلوه ذي نعود إلى محور حديثنا بس لاتعودها . المهم المهم بس لاتفلسف لا أطيرك بقس أفرم خشتك <<ألعن بدينا هياط ياشيخ رح بس رح . ترى أعلمكم من هالحين الرواية فيها هياط(ن) (معناتها هيا وزنها طن <<ألعن أم الصاروخ يا شيخ) واجد بس لا تاكلون هم لازم تعودووون الله يعينكم . بعد هالفاصل الغثة من هالآدمي الغثة الي هو أنا نرجع للرواية المهم هو مايغازل لإنه شيفه أو ماينبلع بالعكس هو مزيون بالعربي أطرق وحلو مررره مرره من شدة الجمال الخيـــالي اللي عليه يطقع البنات في الحلى والشباب عيال عمه وأصدقاه مسمينة شمس لإنه بصراحه يشبه الممثله شمس البارودي إن كنتم لحقتوا عليها أو شفتوا لها أفلام وكان حلو من جد بس هو خواف يعني يخاف إنه ينطق أو إن البنت تهزئه وتشرشحه . المهم وهو داخل السوق مع أهله وأول ما دخلوا كان فيه بنت واقفه عند نافورة في السوق عند المدخل ومن دخلوا والبنت تناظر فيه طبعا هو غشيم في السوالف هذي طبعا أول ماقربوا منها قـــالها : نعم خير إنشاالله وش فيتس تناظرين فينا من اليوم عسى ما شر أم الشباب . البنـــت : نعم ؟؟ نعم نعم ؟؟ أقول رح قبل مايصيرلك شي مايرضيك <<ألعن أم الهياط ياشيخ أنا ماقلتلكم << أخس مهب بسيطة والله (أقول يمدحون الهجدة) فيصل : نعم أنتي وش قاعده تقولين ؟؟ البنت : إسمع يازفت لو مارحت من هنا ترى تتندم سامع ولا لا. فيصل : نعـــم ؟ إيش قلتي ؟ البنت : شف أقسم لو ماتروح يا ابن الكلــ.. إنه يكون آخر يـــوم في حياتك . طبعا قفلت معه ع الآخر وماتمالك نفسه وبدا يشتم فيها ويسب ويقول : أنتي ماتربيتي ولا تستحين على وجهتس ! أنتي محدن توطى في بطنتس قبل كذا يابنت الكلـ. ! لو ماتربيتي أنا الي رايح أربيتس يابنت الكلــ... . طبعا أهله يحاولون يهدونه ويقولونله : تعذبل من الشيطان ترى هي ما أخطت أنت المخطي !! فيصل : ما اخطت يعني أنتم معها ؟ كل هذا ومااخطت ! ماباقي ألا هالسلتوحة تهددني . طبعا أبو الشباب ناظر فيها وقال : شوفي قسما عظما لو ما ظفيتي وجهتس قسمن لأفتح في وجهتس شوارع أنتي ووجهتس الي تقول مقفا عنز << كذاب هو أصلا ماشاف وجهها طبعا هي قالت : أسمعني ياكلـ.. قسم بالله لو مامشيت من هنا لا أمشيك بطريقتي . فيصل : يالله ورينا وش رايح تسوين ماباقي ألا هي !؟ عال عال يعني رايح تدخليني النار أنتي وجهتس الي تقول صبه << ياسرع ماغير كلامه (صبه = مانع من الإسمنت يحط عند النقاط العسكرية مهو السندويسـ(ش)ــه تطمنوا) << على طاري السندويسات ترى فيه سندويسة أو فطيرة كاكو أسمها 7 دايز على كيف كيوفك أنصحكم تجربونها وأنتم بكيفكم<<يسوي دعايه هو ووجهه <<أقول ورى ماتنثبر وتكمل أحسلك ياكثر طلعاتك بس . لا تخافون الرواية مهي طايره البنت : أنت لو فيك ذرة رجولة وقف دقيقة وحدة ولا تحرك ما أكون أنا رنى بنت سعد الــ... إذا ما خليتك تندم ياحيوان على كل الي قلته . البنت أبعدت شوي وطلعت من شنطتها جوال ودقت وقعدت تكلم من ثلاث إلى أربع دقايق . وهي جالسة تكلم أمه قالتله : إمش ياإبن الحلال تراك طولتها وتبغى تجيب لنفسك مشكلة وأنا أمك . (نصابه العجوز خايفه لايمشي العقال فوق ظهرها من شايبهم أبو سعود(زوجها) وأبو عيالها) فيصل : أنتوا روحوا هالحين تقضوا وأنا أبا أشوف آخرتها مع هالسلتوحه <<إخس ياقوي أهله حاولوا إنه يمشي رفض وحاولوا إنهم ينتظرون معه بس هو رفض << إلعن أم الفلة يتقضون لين يقولون بس محدن يزعجهم وقالهم : شوفوا أنتم تقضوا وإذا خلصتوا تلقوني عند السيارة وإذا مالقيتوني أنتظروا عشر دقايق ربع ساعة وإذا تأخرت ماجيت خذوا لموزين وروحوا للبيت وبلغوا أبوي يبلغ الشرطه إذا جا 24 ساعة وماجيتكم يالله روحوا . طبعا هو إنتظر بعد ماراحوا أهله تقريب ربع ساعة تقريبا ألا ويشوف ذوليك العمالقة الي كانت البدال الي لابسينها تبغى تشقق من كبر عضلاتهم وأول ماشافهم جايين قال في نفسه "إلعن إلعن هذي ياشيخ الأجسام ولا بلاش مهب حنا كل واحد تقول عود كبريت" طبعا هم أول ماقربوا سأل واحد منهم البنت : أنتي تبغينا ضروري ؟؟ وش السالفة ؟ وبعدين ويــن الولد اللي قاعد يهددكي ؟؟ رنــى أشرت على فيصل وقالت : هذا هو لاتخلونه يروح ألحقوني به ! زيـــن ؟ طبعا فيصل تشجع وناظر في العملاق وقال : أنت من أخو البنت ولا أبوها يالله قلي . العملاق : لا لاأنا أخوها ولا أبوها وش تبغى يعني .؟ فيصل : إذا ما أنت لا أخوها ولا أبوها أجل ضف وجهك . العملاق : نعـــم؟ إيش قلت ماسمعتك ؟ فيصل : أقول إذا إنت منت أخوها ولا أبوها ضف وجهك (وشد على كلمة ضف) . العملاق أستغرب من شجاعة فيصل وبعدين قال : ترى لو جا أخوها أو أبوها ترى ماهو في صالحك بس أمش معنا بالطيب أحسلك . طبعا فيصل قال بعصبية وحده : جالس تخوفني أنت ووجهك يعني وش رايح يسوون هاه قلي يالله أقول راح ناد أسيادك بس أنا متكلم معك أنت وياها . العملاق خاف من جد رغم اللي قاله لفيصل إلا أنه ماخاف مبين إن هالولد وراه ظهر << العملاق على نياته مايدري إن فيصل يقول هالكلام وهو يرجف من الداخل . طبعا رنى يوم طلعت ووصلت لسيارتها وألتفت وراها ماشافت البودقرات حقينها فهي أنتظرت وهي جالسة تنتظر ألا جوالها يدق أول ماطلعته من الشنطة ألا الي داق ريس البودقرات طبعا هي ردت أول ماردت رنى : ألوه نعم ! "سيدتي الولد رافض يجي معانا يقولــ ..." رنى قاطعته : طيب طيب جايتك هالحين لاتخليه يروح أي مكان . " طيــ ..." رنى قطعت الخط بسرعه بدون ماتسمع رد البودقارد ورجعت لداخل السوق بسرعة وهي واصلة معها إتش . عند فيصل البودقارد بعد أنهت رنى الإتصال قال : أنتظر دقيقه لين تجي عمتي تتفاهم معاها . طبعا فيصل شاف البنت جايه مسفحه لين وقفت عندهم وبعدين قالت : أنا وش قلتلكم ؟ ماقلتلكم ألحقوني به بسرعه . ولا أنتم ماتفهمون ؟ قاطعها واحد منهم : بس هو ياسيدتي رافض .. رنى : يالله أنت وياه قدامي وخلوكم ماسكينة لا يفلت منكــ ... فيصل قاطعها : لا يا شيخه ضحكتيني أقول ويـــن أخوتس ولا أبوتس ؟ أتفاهم معاهم أنا الأشكال هذي ما أتفاهم معاها . رنى : أقول ترى أخوي وأبوي لو جوا ترى ماهو في صالحك بس أمش بالطيب وخلنا حبايب أحسنلك وأحسنلي . يالله قدامي أنت وياه وخلوكم منتبهين أنت وياه لا يروح منكم يسار ولا يمين . طبعا فيصل راح معهم ورنى كانت وراهم ركبوه سيارة من نوع شروكي أسود مظلله ورنى ركبت سيارة من نوع بي إم دبليو آخر موديل وبدت تحرك السيارة وهم يتحركون وراها ثم بدوا يطلعون من حي إلى حي لين دخلوا أحد الأحياء الراقية جدا جدا كان يناظر في السيارات اللي عند البيوت أقصد قصور كان كلها مواتر فخمه بعضها شافها وأكثرها أول مره يشوفها كانت جميعها سيارات فخمه بمعنى فخمه .. ... عند أهل فيصل ... جالسين يتقضون وهم يتقضون ألا تلمح سناء (سناء أخت فيصل طريدته _اللي بعده على طول_ بنت رقيقة جدا عمرها 18 سنة مخلصة ثانوية علمي نسبتها %97.28 ودخلت قسم هندسة ديكور في جامعة اللملك سعود وأبوها كان يتمنى تدخل طب عيونها وسيعة ووجها مستدير مثل عمتها هند وشعرها طويل مره يصل لتحت الركبه بشوي ) حرمه كأنها ملامح عمتها هند حبيبة أمها وأغلى صديقة عند أمها (هند أم مشاري متزوجة عزام ولد خالها وحبيبها هذي أخت أبو سعود اللي أصغر منه عمرها 47 سنة أنسانة طيبة واجد أعز صديقات أم سعود وحبيبة قلبها هن صديقات من كانن في الإبتدائي طبعا جسمها طويلة نوعا ما تتميز بعيونها الوسيعة مرة ووجها المستدير) أول ما دخلت الحرمه وقربت من أم سعود (أم سعود أسمها ليلى عمرها مثل عمر هند إنسانه طيبه واجد وحنونه جسمها حلو مره الي يشوفها يقول عمرها من 27إلى30 رغم أنها تجاوزت 47 بقليل أنسانها قمت الأخلاق والجمال علشان كذا أبو سعود متعلق فيها واجد) الحرمه أول مادخلت كانت مهي منتبه لأم سعود وكانت تسأل صاحب المحل عن بعض الأغراض وأول ما ألتفت على أم سعود قالت : مـــن ليلى يا حياالله أم سعود لا يالقاطعه لاعاد تجينا ولاعاد تعزمينا ياأم سعود ما كنا بصديقات . ليلى : أفااا ياهند أفاا بس أنتي الغالية أخت الغالي أفا بس . هند : وألا أقول من لقى أحبابه نسي أصحابه ياليلى . ليلى : أفا بس ماعاش من ينساتس يا بعد قلبي بس تعرفين الأيام ذي حنا مشغولين لين روسنا مانقدر نحك ظهورنا من المشاغل تعرفين الأيام ذي نحظر لزواج العنود ونجهز لحفل سعود ومشاري الله يرجعهم سالمين غانميــن . هند : آمـــين يارب . ألا على طاري العنود هي وينهـــا ماشوفها معكم ؟؟ ليلى : والله اليوم كنها ماش كن عليها حرارة ماتقدر تروح عطاها الدكتور مسكنات . هند : الله يشافيها إنشاالله وماتشوف شر . ألا أقولتس ياليلى حنا يا جى مشاري الأسبوع الجاي ترى حنا عازمين نفسنا عندكم إذا ما فيه أزعاج لكم . أبتسمت ليلى وغمزت لهند وهي تقول : أفا يا أم مشاري أنتي بس تعالي وإذا ماشالتكم الأرض تشيلكم عيونا . وكملت وهي تناظر لبنتها سناء : أنتي أخت الغالي وأم الغااالي ولا وش تقولين يا سناء . سناء قلبها يرقع مليون من سمعت بإسم مشاري ولما سألتها أمها قالت وهي ترجف : إييـ....ــه إييـ....ــه صصـ..ـح يمه إيه . طبعا هند ضربت ليلى من تحت على رجلها وقالت : الله يهديتس يا أم سعود بس على العموم أنا رايحه ولاتنسين الموعد يا أم سعود ياالله فمان الله وسلميلي على نايف (أبو سعود) . أم سعود : أنشاالله ياالغالية أنشاالله . ... نرجع لفيصل ... كان فيصل يناظر في القصور والسيارات اللي كانت واقفها قدامها كان يقول في نفسه "هذي السيارات ولا بلاش آه آه بس هذي السيارات مهي سيارتنا شف ألعن أم الهمر آخ آخ ياشيخ هذا العز ولا بلاش مهب حنا نكرف ليل نهار وآخر شي نصرفه على البلزيم وأيش أحسن سيارة عندنا ددسن مصدمه من كل جانب وأحسن واحد اللي عنده كرسيدا ولا كابرس ملعون(ن) جدفه . آخ بس الكلــ .. شكلها بنت عز باين على الحي اللي ساكنين فيه إنها بنت عز" أنقطعت أفكاره لما شاف من بعيد قصر السور اللي عليه كبير مره وعالي مره قال في نفسه " أف أف أف لا إله إلا الله ماشاء الله ماشاء الله تبارك الله ياخي تخيل إنها ساكنه هنا؟ بس ما أتوقع أنها ساكنه هنا لإنها قليلة أدب ما أتوقع" طبعا أنقطعت أفكاره عندما لفت السيارة اللي هو فيها تجها البوابه حقت القصر طبعا فيصل قال : هيه هيه أبو الشباب ويــن رايح أنت ووجهك ترى الظاهر إنك غلطان هذا ماهوبــ ... قاطعه البودقارد بنظره تخوف طبعا فيصل قمط العافيه لإنه عرف الخطا اللي حط نفسه فيه وقال في نفسه "ألعن أم النظرة اللي زي كذا" طبعا هم دخلوا من البوابه اللي من كبرها لو بغيت تدخل منها سفينه دخلت . أول مادخلوا نزلوا فيصل معهم راحوبه جهة أحد البيبان ودخلوه عليها في الجناح حقها طبعا الجناح حقها قصر بلحاله أول مادخلوه كانت جالسه على كنب . رنى أشرتلهم يروحون قال واحد منهم : بس يا سيدتي إحــ ... رنى : روحوا خلاص أهم شي إنكم جبتوه لحد عندي . أول ماراح البودقارات رنى ناظرت فيصل وقالت : ميـــن السلتوحه ؟ علمني من يالله .؟ طبعا هو انبكم وماعاد يدري وش يقول .! رنى : وش فيك ساكت ماتكلم ؟ علمني من السلتوحة ياحيوان؟ شف أنا سكتلك مهو لني خايفه منك أو ما أقدر عليك ! أنا سكت لإني ما أبغى أرد على واحد كلـــ .. مثلك سمعت ولا لا ؟؟ هو قاعد يناظر فيها وهو ساكت ما يتكلم وهي تقول : أنت لو فيك خير رديت علي ما سكت تقول أطرم . فيصل ناظر فيها بسخرية وقال : خلاص خلصتي كلامتس ولا عندتس كلام تقولينه . رنى : وش تقول أنت ووجهك أنت هبل ولا تستهبل .؟ هو تشجع شوي و قال يستفزها : إذا خلصتي قوليلي علشان أرد عليتس .! رنى طرطعت من كلامه وقالت : يعني أنت ووجهك تبغى تقول إني غبية ما أفهم !؟ فيصل بكل جراءه : وشلون عرفتي صدق إنتس ذكية وأنا ما أدري . رنى ولعت وصارت تطلع النار من أذانيها من العصبية <<متأثر بالكراتين أبوالشباب. وبعدين قالت : شف أنت ووجهك لو ماجلست زي الكلب وأنت ساكت قسم(ن) ليصيرلك شي ما يرضيك . طبعا فيصل دمه خفيف لما قالتله هالكلام جلس يديه ورجليه وجلس يناظر فيها ويقول : هوهو هو هوهو هو ... طبعا رنى جالسة تناظر فيه وتقول : هي أنت وقاعد تسوي أنت ووجهك .؟؟ طبعا فيصل كمل حركته ولا كأنه يسمع . رنى ولعت معها إتش لإنها يتجاهلها وقالت : هيـــه هيـــه أنا أقعدة أكلمك أنت ووجهك . طبعا فيصل تجاهلها للمرة الثانية وكــمل حركته . رنى شبت شبايبها من تجاهل فيصل وقالت بعصبية شديدة جدا : هــــــي أنا جالسة أكلمك وأنت متجاهلني . تكلم زي الناس يا خـــي وخلصـــنا . طبعا فيصل كانت فيه الضحكة ، بس إنه قدر يسيطر عليها وقال : لاحول ولا قوة إلا بالله . نعـــم ؟ خيـــر ؟ رنى وهي تناظر فيه : أنت وش قاعد تسوي أنت ووجهك ؟ يعني حنا ماحنا مالين عينك ؟؟ فيصل : لا يا بنت الحلال !! بس أنتي قلتي أجلس زي الكلب وأنت ساكت ، وأنا جلست زي الكلب زي ماتشوفين وقعدت أقولتس بلغت الكلاب حرام عليتس حرام عليتس .. بس أنتي الظاهر ماتفهمين لغة الكلاب . طبعا رنى بدت تضحك تضحك تضحك وهي ماسكه بطنها وهي قاعدة تقول وهي تضحك : ههههههههه آه يابطني هههه هههههههههاي ههههه آه بس يابطني . وبدت تمسح عيونها اللي دمعت من كثر الضحك وبعدين قالت : آآخ يابطني !! الله يقطع شيطانك !! آخ بس على العموم هالمره سماح . طبعا فيصل رجع لنفس الحركه وقال : هـــوهـــو هـــوهـــو . طبعا رنى بدت تضحك وتقول : بالله ترجملي ولاعليك أمر . فيصل : أبد أقول شكر شكر . طبعا رنى قالت وهي تضحك : هوهو هوهو . طبعا فيصل جاوبها : هو هوهو هوهو هو هوهو. طبعا رنى قالت : ههههههه آه ياأخي أنت جاوبتني بدون ماتعرف وش أقصد !! أتحـــدا... فيصل : مايحتاج أنتي قلتي عفوا عفوا وأنا جاوبتتس لا داعي أختي لا داعي . طبعا رنى فطست ضحك . فيصل : ماقلتلتس أنا أفهم لغة الكلاب أحسن منتس . تبغيني أعلمتس ترى التدريب مجاني . طبعا رنى قالت وهي تضحك : هو . فيصل : لا لا ما أتفقنا هذي ماتعلمناها لها الحين . رنى بدت تضحك لين بغت تشقق وبعدين قالت بعد ما هدت : آآخ بس أول مره أكون مستانسة زي كذا . آه آه بس تدري عاد أول مره في حياتي أشوف حلو دمه خفيف بصراحه أنت كسرت القاعدة ، طيب عن أذنك دقيقة لاتحرك أنا رايحة داخل دقايق وراجعه لا تحرك من مكانك . طبعا هي طلعت من عنده وهو وقف وبدا يناظر في الصاله اللي هو فيها وبدا كان أثاثها حلو مره وفخم كانت ألوان الأثاث متناسقة وحلوة خليط بين الأحمر والذهبي بالإضافة إلى العودي ، وهو جالس يناظر ألا يشوف برواز فيه صورة من بعيد يوحي إنها صورة بنت طبعا هو قرب من الصورة ومسك البرواز تفاجئ بشكل البنت اللي في الصورة كانت حلوه حلوه حلوه مرررره سبحان اللي خلقها عليها حلى ولا عند الأوربيات شعرها أسود وعيونها زرق كانت متمددة على كنب سماوي ولابسه فستان فوشي فيه خطوط بالذهبي كانت جنان جنان طبعا هو مركز على الصورة بشكل وماكان مع الناس وجالس يقول في نفسه "آآه بس آه سبحان الله سبحان الله آه معقولا فيه بنت بها الحلا أنا أشك معقول فيه . لا لا مهي معقول هالحلا سبحان الله كل شي كأنه مرسوم رسم سبحان الله ..." قطع عليه أفكاره صوت نحنحه ولما ألتفت شاف بنت لابسه جنز البنطلون مصنوع من الجلد لونه أسود مع بلوزه بيج بكتابات ذهبية بأسود ومسيحه شعرها الطويل كانت متكتفه وتناظر فيه أبو الشباب فتح فمه على الآخر وقاعد يناظر فيها ويقول في نفسه "البنت هذي ويـــن ويـــن شفتها يارب ويــن ؟ آه يادلخ لاتكون البنت اللي .." وهو يناظر في البنت نقل عيونه للصورة ثم بدى يناظر مره في البنت وبعدين أشر للبنت وأشر للصورة يستفسر إذا هي نفسها البنت أشرت براسها وقالت : إيه أنا البنت اللي في الصورة ؟ فيصل ناظرلها وناظر للصورة وقال : بس أنتي على الطبيعة أحلى منتس وأنتي فالصورة . بعدين قال كأنه يتذكر شي كان ناسيه : آه آه صح ويــن خويتي ؟ البنت : خويتك ؟؟ أي خويتك ؟ فيصل : خويتي اللي كانت عنــ ... البنت : آه تقصـــد ... بالله عليك أنت ووجهك ما عرفتني لها الحين ؟؟ فيصل : يعني أنتي هي ؟؟ البنت : من تكون هي ؟ فيصل : أقصد أنتي خويتي اللي كانت معي قبل شوي !! البنت : آه بس وصلت خير أبو الشباب تصدق عاد أول مره أحس إنك غبي !! فيصل : وش نسوي يعني ؟؟ رنى : بالله أنت وشلون تفهم علمني إذا أنت جالس في غرفت وحده وتشوف صورة في غرفتها وبعدها تطلع نفس البنت اللي في الصورة يعني من تكون يعني ؟؟ فيصل : ألا أم الشباب أنا جالس معتس من اليوم ولا أعرف أسمتس !! رنى : أنا أسمي رنى وإنت ؟؟ فيصل : عاشت الأسامي وأنا إسمي فيصل فيصل : عاشت الأسامي وأنا أسمي فيصل . هو أبتسم إبتسامه تعذب وبعدها قال : سبحان الله من يصدق اللي يشوفه قبل دقايق ما بقي ألا ونتذابح . رنى كانت تناظر فيه ومركزه على شعره الأسود الناعم واللي يوصل إلى كتوفه وحجانه السودا اللي متشابكه وتناظر عيونه السودا الوسيعه وهي تقول في نفسها "آه آه بس معقول هذا رايح يكون لك وبس . آه من عيونه بس عيون تسحر . آه آه ياقلبي (وتحط يدها على قلبها) حرام عليك لا تبتسم زي كذا تعذبني" وبعدها ناظرت لفيصل وهي تبتسم : ألا قلي أنت كــم عمرك ؟ (فيصل ذاب من إبتسامتها) فيصل وهو يتأوه : عمري 20 سنة تخصــص محاسبه . وأنتـــي ؟ رنى : أنا عمري 23 سنة متخرجة قبل أربع أشهر تخصص قانون من جامعة أوكلاهوما . فيصل : آه يعنـــي أنتي أمريكية !؟ رنى : لا ياشيخ ! قــال أيش قــال أمريكية ! وبالله أمريكية جالسه أكلمك سعودي !! فيصل ضحك ضحكة تذوب وقال : هههههههههه ههههههههه الله يقطع بليستس ههههههه لا ماأصدق ههههه آه يابطني آه ... قاطـعته : لا ياشيخ وش اللي يضحكك أنت ووجهك ؟! فيصل : لا بس أضحك عليتس ! بالله عليتس يعني أنا ما أعرف أنتس سعودية ! أنا أقصد أنتس عايشة في أمريكا أصل حنا اللي يعيش في ديره مهي ديرته نسميه بها علشان نميزه عن غيره . رنى : وأنا أيش يعرفني أبو الشباب أنك تقصد كذا !! فيصل : هههههههه ههههه آه والله إنتس فله !! رنى كانت ذايبه من ضحكته وتقول في نفسها "آه آه ياقلبي آه بس ياحلو ضحكته تدوخ آه لو بس أقدر أسمع صوت ضحكتك طول عمري ياحلوك بس" فيصل : ألا أقول رنى أبوتس وإخوانتس وينهم عنتس . آسف بس لا تفهميني غلط بس أسأل يعني حرام وحده مثلتس حلوه وصغيره في السن تترك كذا بدون ما أحد يراقبها ... رنى : يراقبوني ليه مافيه ثقه يعني أو هم خايفين إني أضيع .؟ فيصل : لا وأنتي الصادقه تصيعين . رنى : نعم ؟؟ نعم نعم ؟؟ فيصل : لا تفهمين غلط بس صدق أنتي ممكن تكونين ثقه بس حنا ما نثق بالشباب ياما بنات كانوا أهلهن يثقون فيهن ولا يراقبوهن وتدمرت حياتهن وحياة أهاليهن والسبب ثقة أهل البنت الزايده بها . طبعا البنت مسكينه تصدق أي شاب بدون ماتعرفه . صدقيني لو أنتي أختي لو بمقدوري إني أمنع الهوا يلامس خدتس قسم لأمنعه قسم اللي عنده أخت مثلتس ولا يغار عليها ما عنده إحساس ولا دم . رنى وجهها ولع نار من الحيا وبدت ترتجف بشدة وعضت شفايفها . فيصل أبتسم وقال يصرف عشان مايحرجها : أنا سألتك وما جاوبتيني ! وين أبوتس واخوانتس هم هنا والا ... رنى : والله أبوي الآن مسافر برى وأخوي واحد بس يدرس في نفس الجامعه اللي كنت فيها في أمريكا بس هو إدارة أعمال وأنا قانون . طبعا فيصل ورنى بدو يسولفون مع بعض . .. عند أهل فيصل .. أهل جلسوا يتقضون بعدما خلصوا راحوا وقفوا عند سيارته تقريب عشر دقايق وبعدها أخذوا لموزين وراحوا لبيتهم وأول مادخلوا كان نايف (أبو سعود) يكلم واحد وهو معصب على الآخر وهو يقول : أسمعني أنا سكتلك واجد وأظن إنك طولتها وهي قصيرة الموضوع منتهي وبنتي تحلم أنك تآخذها سمعت ولا لا .؟؟ جلست ليلى عند أبو سعود في الصالة . أبو سعود : والله مانيب نايف ابن سعود الـ... إن رجعتلك والله ما ترجعلك وراسي يشم الهوا . أبو سعود : شف ياأبن الحلال أنت نوره مهي راجعتلك لو تموت موت سمعت ولا لا يا تركي والله ثم والله ثم والله هذي ثلاث حلوف إن نوره ما ترجعلك وأنا حي . وإذا عندك كلامن غير ردة نورة هاته وغير كذا ماعندي كلام ألا في المحكمه وكلام في الموضوع في الجوال مقفل عليه . أبو سعود سكت شوي وبعدين قال : تجيني في البيت ؟؟ علشان أنحرك ياتركي ... تتحداني يعني بقولتك جاي جاي ... أجل وش تسمي كلامك شف والله ... أعوذ بالله من الشيطان ... طيب أنا أسمع ... على الطرف الثاني تركي يتكلم : أسمعني زين ياعمي ولا تقاطعني تكفى ياعمي . أنا طلعت نوره من عندي بدون لا أدري ويوم رجعت للبيت مالقيتها كانت مقفله جوالها وكل ما أدق على إخوانها ما يردون وآخر شي لما رد علي فارس وقال إنها ماتبي ترجعلي وبعدها كل يوم صرت أتصل عليها لين ردت البارح وعرفت منها الموضوع اللي فاهمته غلط وأنا بكره ناوي أقابلك علشان تعرف الموضوع وأنت تحكم إذا الموضوع يستاهل ولا لا وأنا راضي باللي تقوله إذا عرفت الموضوع . أبو سعود : زيـــن زيـــن أجل بكره العصر نتقابل ويصير خير . يالله فمان الله يا تركي . أبو سعود سكر على طول وشاف مرته اللي كانت تسمع المكالمه وقال : يا حيا الله قلبي وعيوني أم الغالين . ليلى أبتسمت : الله يبـــدزيك (يبقيك) يانايف حنا كبرنا على الحاجات هذي خلها للي توهم متزوجين . هو أبتسم : الله أكبر يا أم سعود قبل كنتي تفرحين ليا قلتلتس هالكلام وهالحين كبرت روسنا . ليلى : لا والله يابعد قلبي ما.. أبو سعود : اللـــه يا زين هالحكي من فمتس ياليت دايم تقولينه كان مابي بلا . ليلى وهي منحرجه : وبعدين معك يانايف الله يهديك حتى نسيتني الكلام اللي أبغى أقوله إلك . نايف (أبو سعود) : يا حلو الناس اللي يستحون بس ، والله إني ما غلطت يومني أخذتتس . ليلى : ألا بغيت أقولك اليوم قابلت هنيد وتراها تسلم عليك واجد وتبغى تجينا ليا جى مشاري ولدها . نايف : الله يسلمها من الشر . ألا ولدتس فيصل وينه ما أشوفه ؟؟ ليلى : يــــــوه نسيت أعلمك ؟ اليوم العصر وحنا داخلين السوق كان فيه بنت قليلة أدب كنها تكلمت عليه وهاوشها والظاهر أنه قابل أهلها إن ماخاب ظني إنه هالحين جاي مع الدرب . وتراه يقول إن مر 24 ساعة وأنا ماجيت بلغوا الشرطه . نايف : الله يهديه ويرده سالم(ن) غانم هو لو إنه يكب عنه السرسره (الدوارن في الشوارع) والدوجه اللي ماوراها ألا شر كانهوا بخير . ... عند فيصل ... فيصل كان يسولف مع رنى في أحد المقاهي بعد ما أقترحت رنى عليه إنهم يغيرون جو طبعا فيصل أخذه الوقت وأول ماناظر لساعته قال : أففففف الساعه كم تدرين ؟ رنى : لا كم الساعه ؟ فيصل : ناظري لساعتك وأنتي تعرفين ! رنى تناظر في ساعتها وتصفر وهي تقول : أف أف أف الساعه 1:15 الوقت الحلو دايما يمر بسرعة يالله حنا لازم نوصلك لسيارتك ونروح عاد يالله مشينا . طبعا فيصل ودعها بعد ما أخذ رقم جوالها وأخذ سيارته وهو في الطريق كانت هي تمشي وراه بالسواق حقها طبعا هو دخل البيت على 1:45 وأول ما دخل لقا أمه كانت جالسه عند باب المدخل . أنتهى الفصل الأول ... وش توقعون موضوع تركي اللي مزعل نوره ..وياترى وش سر زيارة أم مشاري ؟؟؟؟ التعديل الأخير تم بواسطة jello ; 17-10-10 الساعة 08:20 PM سبب آخر: تكبير الخط | |||||||||||
|
|
09-10-10, 03:20 PM
| #2 | ||||||||||||||
| مراقبة ومشرفة سابقة ونجم روايتي  
|  اهلين فيك اخي بينا ان شاء الله تلاقي التشجيع والنقد اللي يفيد روايتك فيه سؤال بس ابي اسأله الروايه من وحي قلمك والا لكاتب اخر منور القسم | ||||||||||||||
|
|
|
10-10-10, 09:23 AM
| #3 | ||||||||||||
| نجم روايتي
|  شكر وتقدير ....... اقتباس:
| ||||||||||||
|
|
|
10-10-10, 05:57 PM
| #5 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| أهلاً و سهلاً بك أخى سجين نوفا فى أسرتنا الكبيرة روايتى و فى قسم قصص من وحى الأعضاء ... أتمنى أن تجد كل ما تبحث عنه من إهتمام و متابعة و نقد هنا فى روايتى ... لقاء رنى و فيصل هل سيكون بداية لصداقة >>> اللقاء هذا هل من الممكن أن يحدث فى الواقع ؟؟؟ لا أعتقد ... لن تجرؤ فتاة على أن تحضر شاب لبيتها و جناحها الخاص و دون أن يكون أهلها موجودون و بعد ذلك تخرج للسهر معه فى مقهى ؟؟؟ سجين نوفا متابعاك و شكراً لك | |||||
|
|
|
11-10-10, 07:17 AM
| #6 | ||||||||||||
| نجم روايتي
| اقتباس:
| ||||||||||||
|
|
|
11-10-10, 07:47 AM
| #7 | ||||
| كاتبة في قسم قصص من وحي الاعضاء
| بسم الله الرحمن الرحيم السلام عليكم ورحمة الله وبركاته أهلاً وسهلاً وأخيراً أصبح الذكورة ينافسون نون النسوة هنا أتمنى ان تكون كاتب قوي حتى يتشجع من بعدك الكتاب ويمتلئ القسم بالكتاب ونرى التأليف من منظور الذكورة ولأن العامية ليست من تخصصي أعذرني على عدم مناقشة الأحداث يوجد غيري جمهور يعشق أسلوبك ويستميت للقراءة لك موفق يا أخي أختك السفاحة | ||||
|
|
|
11-10-10, 01:44 PM
| #10 | ||||||||||||
| نجم روايتي
| اقتباس:
| ||||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض العادي
