أرواح مشرقة بالأمل .. لا تحجبها سحائب اليأس (مكتمله)

[جرح الذات]

أرواح مشرقة بالأمل .. لا تحجبها سحائب اليأس

تجربتي القصصية الأولى أضعها أمام أعينكم لتقرؤها كما أتمنى بقلوبكم حياة الأمل والاستبشار بالغد مهما كان اليوم حزين ومؤلم في نظرنا فالغد يحمل بين طياته كل جديد فهو يشرق بشمس متجددة عند كل صباح تنير لنا الدنيا دون أن ندفع لها ثمن من الشمس وصمودها استوحيت قصتي هذه لفئة من البشر تملك أرواح تحمل صفات الشمس متجددة بعد الغروب المظلم على وحشية و قسوة الدنيا و بعد كل غيمه تحجبها وكل قطرة مطر امتزجت بدموع تلك الأرواح الطاهرة الصابرة على حكم ربها ..

الجزء الأول

نبدأ أحداث القصة..
صحت هند مثل كل يوم من بدري كانت الساعة 8:30 صباحا بدلت بجامتها ونزلت تفطر مع أمها و جدتها بكل نشاط ( هند هي بطلت قصتنا عمرها 22 سنه ملامحها جدا جذابة بداية من خشمها الدقيق وعيونها بلون العسلي الواضح لدرجة كل من يشوفها أول مره يتوقعها لابسة عدسات وشعرها ألامع صحيح مكان طويل مره لكنه ناعم و جذاب هند كانت خريجة قسم غريب وتقريبا مستقبلة الوظيفي معدوم لكن رأسها يابس حلفت يمين ما تدخل غيره بعد ما انحرمت من حلم طفولتها بدخول كلية الطب والسبب المجتمع ونظرته لدكتورة السعودية أو بنت القبيلة بالأخص ودخلت قسم ( رعاية كبار السن بعد الجلطات ) )

هند\ صباح الخير ياحلوات
أم نواف <<<إلي هي أم هند >>> وأم محمد إلي هي جدتها أم أبوها
أم محمد\ صباح النور يا بنيتي اقربي افطري
هند\ يمه ما اتصل حد على خط البيت << كان هذا سؤالها كل يوم وهي تنتظر الوظيفة
أم نواف\ لا يا يمه محد اتصل
هند\ الله يعين وراها نور بيتنا ساكتة جدتي شي يعورك؟
أم محمد\ لا يا بنيتي الحمد لله أنا بخير لكن أفكر في حال الدنيا
ام نواف\ هونيها وتهون يا خالتي
هند<<<<< بخاااطرها وين تهون يا يمه وهي كل يوم تقفل بوجوهنا أكثر
هالمره كملوا فطورهم بدون كلام غير عادتهم وراحوا يجلسون بصالة شالت هند الصحون للمطبخ وغسلتها و رتبتها وسوت قهوة لجدتها وأمها وراحت تجلس معهم لين تجي منال وتلعب معها ( منال أخت هند الصغيرة وأخر العنقود عمرها 7 سنوات وهي بأولى ابتداي متعلقة بهند بدرجه خياليه و كأنها بنتها *)
هند\ سمي يا جدتي
أم محمد\ سم الله عدوك يا بنيتي يا الله جعلني ما أموت لين أشوف عيالك
أم نواف\ الله كريم يا خالتي
هند\ تفضلي يمه
أم نواف\ سلمتي يا بنيتي
بحركة سريعة شالت هند القهوة وسط شكوى أم محمد وأم نواف أنهم ما بعد تقهون عدل لكن وش تسوي ثنيناتهن يشكون من الضغط والقهوة خطرة عليهن فقررت تعطيهم جرعه الصبح وجرعه العصر
تكلمت وهي تطلع الدرج\ ترى من اليوم بخليه بس فنجان واحد بدل اثنين وطلعت غرفتها وهي تفكر لو لا أمها وجدتها معها بالبيت وش كان مصيرها جلست وفتحت الأب توب و دخلت تشيك على المنتديات إلي مشاركة فيها مابين رد و موضوع جديد هنا وهناك مشى الوقت وسمعت أذان الظهر يغمر مدينة جده با الأمان و يحث كل مؤمن انه يتؤضاء و يقف أمام ربه يجدد إيمانه توضأت هند وصلت فرضها في خشوع ودعت ربها ييسر لها وظيفة تشغل فيها نفسها صحيح حالتهم المادية ميسورة لكن هم هند كان وقتها إلي جالس يضيع بدون فائدة خوفها إنها تنجر لطريق الضياع ويدخل عليها الشيطان من ذا الباب استغفرت ربها وتعوذت من الشيطان و نزلت تحت تساعد أمها بالغداء وتنتظر منوله جلست تقصص الخضار وهي تسمع منال تدور عليها وجدتها تحاول فيها تترك هالخبال على قولتها وتنزل شنطتها وتبدل ملابسها بعدين تروح لهند لكن الطفل لما يتعلق بشي صعب يبعد عنه وذا حال منال مع أختها
منال\ أنتي هنا
هند\ إيه منوله حبيتي تعالي وفتحت لها يديها تحضنها ارتمت عليها منوله وجلست تحكيها عن أبله سارة وعصبيتها وأبله مها وحنانها وعن صديقاتها إلي تحبهم والي تخاصمت معهم وعن ريم وبدور وسلمى ووو..<<<< وهند تسمع بكل حناااان رغم إنها تعودت وحفظة كل حكاياتها لكنها تستمتع وهي تشوف منوله مبسوطة
راحة منوله بطلب من هند تبدل وتنزل تحت تنتظر فهد عشان يحطون الغداء ( فهد كان اخو هند الثاني بعد نواف وعمره 13 سنه الاخو الصغير بعمره والكبير بعقله والي يعتمد عليه تقريبا أكثر من نواف 19 سنه إلي ترك أهله وراح يدرس بجامعة الملك فهد بمدينة الظهران ويجري وراء مستقبله<<<<<<<أحيان ألؤمه وأحيان أقول ممكن معه حق)

السلام عليكم
دخل فهد وحب رأس أمه وجدته وسط دعواتهم له و بهدوء طلع غرفته يبدل ونزل للغداء على الغداء

فهد\ يمه الأربعاء الجاي المدرسة مسوين رحله للمكتبة العامة اقدر أروح
أم نواف\ أكيد يا يمه روح الله يحفظك يأرب
هند\ لكن الورقة من بوقعها؟
بلعت هند اللقمة بالألم وهي تقول\ أنا أوقعها لك فهود ولا يهمك
رفعت أم محمد يديها وهي تدعي ربها انه يرد لها محمد بكرها إلي ما شافت إلا الألم والدمع من كبر وزوجته بنت عمه نورة ( زوجته الأولى قبل أم نواف إمراة احتل الحقد والكره قلبها وامتلت روحهااا بغض حتى لأقرب الناس لها وعرف الشيطان طريق الدخول لقلبها وجرها لطريق مظلم نهاية جهنم والعياذ بالله )

فزت هند وهي تشوف دمعة جدتها والي تعتبرها مصدر قوة البيت بكبره مسحتها بطرف شيلتها وهي تقول: افى يانور البيت وش اتفقنا عليه ما قلنا دموعك غالية لا تنزل
أم محمد\ يا بنيتي فؤادي محروق على ضناي من 8 شهور ماله حس ولا خبر هو ميت ابكيه وإلا حي ارجيه
هند\ لا يا جدتي حي بأذن الله و بتشوفيه بس ادعي له
رمى فهد الملعقة وقف وكل خليه فيه تعلن غضب رماه الزمن على ظهره : بتشوفيه لما تخطط له نوره مشكلة يجي يبلانا فيها
أم نواف\ عيب يافهد هذا أبوك ( أم نواف مهما ذاقت من عذاب لكنها صابرة وتتأمل في عيالها يعوضوها وتتذكر كلام أبوها ( الله يرحمه ) من صغرها وحكاياته عن الصابرين وجزاؤهم عند الله واكبر مثل لها أسيا إمراة فرعون إلي صبرت على زوجها الكافر وكان جزاؤها بيت في الجنة )
فهد\ أي أبو يا يمه إلي ما نشوفه إلا جاي بمشكلة تذكرين أخر مره دخل علينا وش صار وإلا ايش كان يبي.. قالها فهد وهو يترك الغداء ويجري لغرفته.. مابين خوف من الاسم إلي أنذكر ( أبوي ) و رغبة إنها ما تشوفه لان اسمه اربط بالرعب والدموع بالنسبة لمنوله إلي من ولادتها ما حست بشعور العطف والحنان الأبوي و حاولت هند تعوضها لكن من يقدر يحل مكان الأب .
سحبت نفسها و راحت غرفتها تبكي خوف تبكي حاجه فطرية تفقدها طفلة في السابعة من عمرها تحلم مثل ما تسمع من زميلاتها كل يوم أبوي وصلني المدرسة,, أبوي ساعدني وحل معي الواجب,, أبوي وعدني يجيب لي هدية لما انجح,,,,, دفنت رأسها بفراشها وجلسة تبكي الأب إلي تيتمته و هو حي بسبب نفوس مريضة ما رضت بحكم ربها عليها

تحت و في الصالة الوضع ما كان أحسن من فوق عند فهد ومنال أم محمد لسى الدموع ما رحمت ضعفها وكبر سنها وهي تشوف الدنيا كيف تعامل عيال محمد البكر وفرحتها الأولى إلي جلست سنين تتمنى تشوفهم وإلا أم نواف إلي خوفها كل يوم يزيد على منال وهي تشوفها تضيع قدام عينها بعد ما سارت تخاف من كل شي وحتى المدرسة ما قدرت تستمر فيها إلا بعد ما داومت هند معها شهر كامل تقريبا ما بين دعوات ألجده واستغفار الأم صحت هند من شريط ذكرى ذاك اليوم الأليم إلي قد ما حاولت ما تقدر تنساه كان يوم الخميس يوم إجازة صادف نزول نواف إلي ينزل مرة بالشهر لأهلة كانوا مبسوطين على جيته وعلى ألامه الحلوة وسوالف جدتهم عن أيام زمان في الديرة دق الجرس و نطت منال و هي تصرخ أنا بجيب البيتزا أنا لكن الصدمة جمدتها وهي تشوف أبوها و الشر يطير من عيونه يحط كل قوته على الباب و يدف معه منوله إلي طاحت على الأرض خوف وجرح ينزف بيدها من قوة الطيحه مالأن قلب الأب إلي تحول لصخر من طرق شيطانية تركها مكانها ودخل البيت ثاير يصارخ و كأنه يتعامل مع أعداه ماهو مع ألام إلي سهرت على تربيته ولا الزوجة إلي كانت معه على الحلوة والمرة ولا حتى فلذة كبده وقطعة فؤاده.
تكلم بدون وعي للي قاعد يقوله أبو نواف\ أنا ببيع البيت دبروا حالكم.
ذهول وصدمه وصمت لف المكان ببيع البيت !! معناه ستة أشخاص يتشردون ستة أشخاص وين يروحون ؟ يسكنون الشارع!! معناه عذاب جديد وألم أقوى, معناه قلوب ما تنام الليل تفكر كيف؟ومن وين؟ تجمع فلوس تستأجر شقه أو حتى بيت شعبي قديم ومتهالك الصدمة اكبر من إنهم ينطقون أو يترجون عطف و رحمة من شخص غاب عقله.
استجمعت هند قوة مكسورة مجروحة ترد على أبوها وكيف ترد على الأب إلي كانت فرحته بهند غير هند الفرحة الأولى الأمل إلي استبشر فيه بعد 12 سنه عقم من زوجته الأولى ( نوره ) هند كانت تعتبر أبوها الأمان لأنها أكثر وحده قريبه له وعاشت طفولتها بحضنه : يبه كيف ندبر حالنا ؟ من وين لنا فلوس؟
أبو نواف\ خلي أمك تدبركم أنا محتاج فلوس
هند\ وانتم ليش تبون الفلوس؟<<< تعمدت تقول تبون وتقصد فيها نورة قبل أبوها
دارت عيون أبو نواف وهو يفكر وش تبي نورة بالفلوس كل إلي قالته تبي مبلغ كبير أكثر من خمسين ألف ريال لكن وش مخططه له هالمره أبو نواف ما حصل قدامه إلا بيت عياله بحكم انه ما يرفض لها طلب : محتاجينا وبس بكره با اعرضه للبيع ولا جاني فيه مبلغ زين بعته
بيع بيتي إلي في الديرة وخل بيت عيالك يا محمد! كانت أم محمد تتكلم بكل صمود وكأنها تتعامل مع شخص غريب ما هو ولدها إلي حملته وربته سنين قالت كلمتها وجرة خطوتها بكل ثقل لغرفتها فتحت صندوقها الخشبي القديم وأخذت منه أوراق أخر شي تملكه في هالدنيا بعد المزرعة وقطعة الأرض إلي تنازلت لها لنورة اتقاء لشرها البيت إلي دخلته عروس مع أبو محمد ( الله يرحمه ) وفرحت فيه بمحمد وإخوانه البيت إلي عاشت فيه ضحكت عمرها بعيالها و دمعة الفرقى على أبو محمد سندها بالدنيا رمتها له وكأنها تقول ما همني كل ما املك قد ما أشوف عيالك مرتاحين ببيتهم
أم محمد\ هذي أوراق البيت بيعه و بعد عن هالبيت ذا لأنه حق عيالك.
مثل ما دخل بثورته طلع بثورة اكبر وتهديد اذا البيت ما جاب المبلغ إلي محتاجه باع ذا البيت بدون علمهم ورماهم بالشارع ليش يا دنيا ليش؟ مصدر أمانا بهدنيا تحولينه لوحش؟...

أم نواف\ بروح أشوف منال يا خوفي هالبنت تسوي بنفسها شي
هند\ خليك يمه أنا أشوفها
أم محمد\ خليها يا أم نواف تشوفها هند تعرف لها أكثر منك ( فعلا هند هي الأم لمنال من وقت ما ولدتها أم نواف وصار إلي صار لابو نواف مرت أم نواف بحالة اكتئاب وكأنها ترمي الذنب على طفلة بريئة ما تفهم وش إلي صار ولا إلي بيصير ولا تعرف الحزن إلي ينتظرها الصدمة إلي تعرضت لها أم نواف اكبر منها إنها تصحا وحد يقولها من اليوم صرتي الأم و الأب لأربعه أطفال تحميهم داخل البيت و خارجه وأبوهم حي بدنيا غير دنياكم بدنيا استوطنها الشيطان وطمس على سمع وبصر سكانها , أخذتها هند بحضنها وكأنها بنتها هند إلي ذيك الفترة كان عمرها 15 سنه جبرتها قسوة الدنيا إنها تسير أم تصحا على بكاء طفلة جيعانه بنص الليل تطلب من أمها إنها تطفي رغبة البقاء والتمسك بالدنيا مهما كانت أليمه أو تنام على بسمة أمل ترسم على وجه طفله بريئة وتشوف فيها غد أحلى من اليوم نامت بحضنها , أكلتها , شربتها , بدلت لها , تألمت لوجعها , وضحكت لضحكتها )

دخلت هند على منال وهي تشوفها مثل ما أتعودت عليها في كل مره ينذكر اسم أبوها دافنها نفسها تحت اللحاف ومتمسكة فيه بكل قوتها وكأنها تترجاه يخبيها مثل الغطاء السحري عن العيون
منوله حبيتي طالعي فيه
هالمره منال ما أتحركت خلاص حفظت كل كلام هند عن بكرة وعن الأمل وبكره تكبرين وتسيرين دكتورة تعالجين بابا لأنه مريض فكرت هند تغير طريقتها معها اليوم وتحكيها عن أبوها قبل يطيح فشر أعمال نورة
هند\ تدرين منوله بابا كان يقول قبل تجين لماما أبي بنت صغنونه ادلعها و أخذها للملاهي لان هند كبرت وأبي اسميها منال لأني أحب هذا الاسم كثير وبدلعها لوله
تحركت منال بهدوء وهي تشوف بصيص أمل أبوي أبوي كان يبيني من قبل مااجي ويحبني وببراة طفوليه : طيب متى بيجي ويقولي لوله ؟
هند\ قريب إن شاء الله أنتي لا تصيحين لأنك كل ما صحتي تأخر بابا
مسحت عيونها بحركة سريعة : خلاص ما راح أصيح بعد اليوم
وعد
وعد
هند\ طيب يلا نامي شوي ولما تصحين نسوي ورق عنب وبيتزا وش رأيك؟ لان نواف بيجي في الليل
منال\ والله بيجي هو و عدني لما يجي هالمره نروح البحر
هند\ إيه حبيبتي نروح إن شاء الله لعيون منولتنا
طبعت هند بوسه على خد أختها وغطتها وطلعت وسكرت الباب تنهدت بقوة و بخاطرها يأرب متى ؟ يرجع بس ؟


ثقيلة هالدقائق اذا كان الوجع بـ عمر ..إنسان ثقيلة يا ثواني هي بداية... ( تمر أزمان ) بغيضة يالدموع اللي على خدين طفله بعمر الورد/ وكبر الجرح حزينة يا الأماني ..ليه ؟أنا مدري وش اللي ما خذينه بس!! أنا مدري من المسؤل ؟!أنا مدري .. أنا ليه اكتب حروف أللحين ؟!!أحاول...اشرح ..الحزن الدفين بثرثرات ...حروف ...وغصت عين حكاية من حرم طفله.. تحس بضحكة الأطفال..

مرت هند بطريقها على فهد إلي كان نائم و كان القدر رحمه من التفكير في الحياة نزلت لمها وجدتها تحت بالصالة
هند\ يمه وين جدتي؟
أم نواف\ دخلت غرفتها تنام شوي وترتاح
هند\ زين بشوفها
أم نواف\ خليها يمه أنا غطيتها و قالت صحوني لصلاة العصر خليها ترتاح ولا تزيدين عليها
هند\ طيب خلاص نامي أنتي كمان شوي ترى منال نامت ولا عليها وفهد كمان نام
أم نواف\ وأنتي ماراح تنامين ترى نواف بيجي الساعة 11
هند\ اتصل أخيرا لا يمه مافيني نوم وعندي شغل بالبيت بخلصه
أم نواف\ على راحتك اجل أنا بروح أريح شوي لين العصر

دخلت هند للمطبخ تخلص شغلها وتشغل وقتها بالاستغفار غسلت الصحون و مسحت أرضية المطبخ و طلعت تغسل الملابس و تركتها تنشف لجل ترجع مره ثانيه تكويها ..


على سجدتها و بعد ما خلصت صلاتها جلست تستغفر وتذكر ربها وتدعي لولدها الله يشفيه ويفكه من شر نوره وأعمالها سمعت دق خفيف على الباب من غيرها هي إلي شايله البيت على رأسها بدون ما تشكي : ادخلي يا هند تعالي يمه
طلت هند من الباب بابتسامه حلوه على وجهها : وشلون عرفتي انه أنا يا جده
أم محمد\ حفظت دقت الباب يا بنيتي
هند\ قولي كذا اجل مركزه على صوت دقة الباب وش انطباعك بالله ماهو دق رومانسي وإلا لا <<<<قالتها وهي تضحك تعرف جدتها وش يصير لها لما تسمع هالكلمه
أم محمد\ افى وأنا إلي أقول بنيتي عاقله عن كلام التلفزيون اثاريها مثلهم
هند\ ههههههههه ياجده هالكلمه عاادي ماهو بس في التلفزيون يقولونها حتى بالشارع
أم محمد\ الله يستر علينا ذا الزمن معاد به حيا
هند\ زين يلله تعالي معي الصالة حطيت لك القهوة هناك
أم محمد\ إيه الفنجال الواحد ساعديني أقوم يمه
هند\ هاتي يدك وعاد اليوم إفراج خذي اثنين
أخذت هند يد جدتها و مشتها لصالة مكان ما حطت القهوة والتمر عند أمها وفهد
فهد\ حيا الله جدتي تعالي هنا اجلسي قريب مني
صب فهد القهوة و مده لجدته وأم نواف قربت لها التمر : سمي ياجده
أم محمد\ سم الله عدوك يا ولدي
انسحبت هند من جلستهم وراحت المطبخ عند منوله مثل ما وعدتها يسوون ورق عنب و بيتزا
هند\ منوله الحلوة وش تسوين بدوني
منال\ شوفي طلعت الحاجات كلها طحين وزيت وحليب وسكر وبيض و طماطم وكمان جبنه وزيتون و ورق العنب
هند\ برافو ماشاء الله عليك تقريبا حفظتي المقادير كمان طلعي مكرونه راح نسوي مكرونه با لبشاميل
منال\ حاضر
كملت هند باقي المقادير وبدأت تعجن وتلف وهي مبسوطة على منال و حركاتها وهي تحط بقايا الطحين بوجهها كان ضحكهم واصل لخارج المطبخ و كأنهم اسعد بنتين بالعالم .....

***********


***********

الجزء هذا كان بسيط و أحداثه قليله لكن أوعدكم بالقادم فقط أنتظر أراكم .

( ملحوظة \ القصة كتبت بالهجة السعوديه العامية الدارجه في كل المناطق تقريبا )

محـــــــــبتي



الجزء الثاني

هناك وبعيد عن جده وعلى شاطئ الخبر تحديدا وقف يتأمل الأمواج وهي تتصارع مع الصخور تشبه لمشاعره كثير يقاتل عشان غيره مابين غربته عن أهله ومشاكل أخواته ولوحده إلي ماليه عليه يومه من أول ما يطلع من العمل لحد ما ينام قطع عليه سرحانة نغمة الجوال إلي خصصها لأغلى ناسه
سعود\ هلا بصوت وراعيه
أم سعود\ أيه خذني بالكلام إلي لا يودي و لا يجيب
سعود\ علامها الغالية زعلانه أنتي بس قولي لي من مزعلك؟
أم سعود\ سعود من غيره
ضحك سعود من كل قلبه: افى يا أم سعود أنا مزعلك متى؟
أم سعود\ يا يمه وينك هالأسبوع ما نزلت جده أملي عيني بشوفتك وأنت واعدني تجي ما اشتقت لأمك
سعود\ الله يهديك بس يالغاليه هذا إلي مزعلك ما حصلت طياره اليوم وأرجع الجمعة و السيارة تعرفين تعب و مشوار علي بعدين توي الجمعة كنت عندكم
أم سعود\ أيه حطها بالطيارة والسيارة و أنت ما تبي تنزل
سعود\ لا لا الغالية معصبه هالمره بجد
أم سعود\ يا يمه أنت لو عندك حرمه وبيت ما كان حنيت عليك تجي كل أسبوع
سعود بباله وبعدين مع هالسالفه ما تنتهي : ألا ما قلتي لي يا يمه وشلون صحتك طمنيني عسى الضغط ما عاد أرتفع ؟
أم سعود\ أيه غير السالفة زى كل مره صحتي زينه الحمد لله لكن قلبي ماراح يرتاح لين أشوفك يا يمه مرتاح في بيتك وأشوف عيالك
سعود\ أن شاء الله تشوفينهم يا الغالية بس ها حصلتي لي عروس وإلا لا ؟
أم سعود\ أي هذا الكلام إلي يبرد الخاطر من بكره أروح لخالتك حصة واخطب لك من بناتها إلي تبيها
سعود\ الله يهديك يمه مئة مره أقولكم ماراح أتزوج من الأهل أبي وحده من بعيد لا تعرفنا ولا نعرفها أنا واحد أبي راحة البال ماهو أختك قالت وأمي قالت والكلام إلي ما يجيب غير الصداع
أم سعود\ وهذي من وين أجيبها لك كيف نخطب من ناس لا نعرفهم ولا يعرفونا
سعود\ خلاص وش رأيك أتزوج وحده من بنات الخبر هنا و أريح راسي وراسك ؟
أم سعود\ لا يا سعود إلي بتزوجك لازم أشوفها واعرف طبعا قبل نخطبها أنت ولدي الغالي لازم أزوجك إلي تريحك وتسعدك ماهي إلي تزيدها فوق راسك مثل .....استغفر الله بس
سعود\ يمه هالسالفه سكرتها خلاص و مها راحت بخيرها وشرها تبقى بنت عمي وبس
أم سعود\ الله يسعدك يا يمه و يكملك بعقلك
سعود\ ويخليك لي يا الغالية
أم سعود\ اجل أخليك الحين اسمع صوت أم فارس وعيالها
سعود\ سلمي عليها يمه
أم سعود\ يؤصل انتبه لنفسك يا يمه
سعود\ إن شاء الله
أم سعود\ فمان الله
سعود\ يا هلا

( سعود بطلنا الثاني في القصة عمره 28 سنه مهندس خريج جامعة الملك فهد للبترول والمعادن ويشتغل بشركة ارامكو سعود كان طويل وأكتافه عريضة وجسمه رياضي متناسق جدا ملاحمه دقيقه ونظرته طاغية و حادة و كل جزء فيه يحكي رجولته )

مسح على وجهه ونفظ الأفكار إلي برأسه وقرر يتصل بصديقه يوسف إلي ما فارقه من كانوا بالجامعة و يسهر معه الليلة

***************


بجدة
الساعة 10:30 مساّء

الجو حركه وحماس غير العادة بعد نصف ساعة راح يجي نواف البيت ويغير جو الروتين فيه شوي طلعت هند غرفتها بعد ما جهزت كل شي بالمطبخ تبدل ملابسها وتنزل تحت سمعت صوت الجرس معناه نواف وصل خلصت بسرعة ونزلت.
بالصالة المشهد المعتاد نواف بحضن أمه وهي تصيح شوقها له من شهر << الله عليه قلب ألام
هند\ بداء الفلم الهندي هالمرة قبلي عيدوه هههههه
نواف\ هنوده الدبة وأنا أقول فاقد أحد
قربت تسلم على أخوها وعزوتها بعد أبوها نواف هند : بدري تو تفقدني وإلا حصلت الحضن الدافئ ونسيتنا
نواف\ فديتها والله أنا مدري ليش تغارين كل مره كذا
هند\ هههههههه أغار لا بس أرحمك 48 ساعة وبتروح لكن أنا عندها طول الوقت وإن شاء الله ما أنحرم منها يأرب
أم نواف\ الله يخليكم كلكم لي يأرب وأشوف عيالكم
هند\ عندك نواف زوجيه أنا لا عندي مخططات أهم من العرس ألان
أم محمد\ يا أبنيتي العرس ستر للبنت
هند\ جدتي تبين عريس شكلك تراه جاهز أمام المسجد كل يوم يرسلك سلام مع فهد خخخخ
أم محمد\ الله يهديك قومي بس ضيفي أخوك
هند\ هالمرة منوله هي إلي بتضييفه لا ومسويه له مفاجئاه كمان
كانت منال بحضن نواف وهو يلعب بشعرها نواف : كفو والله أختي الصغنونة كبرت هاه وش مفاجئتك ؟
فهد\ أقول نواف لا يغرك ترى الدنيا مصالح عند البنات
نواف\ خلها تدلع وتطلب إلي تبي كم منوله عندي أنا
رفعت رأسها بحرج منال : أنا سويت لك العشاء مع هند عشان أنت وعدتني توديني البحر بكره
نواف\ أبشري بس البحر من عيوني
هند\ اجل قومي منوله ساعديني نجهز العشاء ويذوق نواف طبخك قبل ينام
منال\ طيب يلا .....


*************

أم عزام\ يمه وبعدين مع ولدك هذا متى بيتزوج ويريحنا
أم سعود\ يابنيتي هذا هو عندكم كلموه أنا عجزت منه خلاص
أم عزام\ احلفي عليه ويرضى وإلا اخطبي له وخليه قدام الواقع
أم فارس\ لا عاد سعود ماهو بزر ينغصب خلوه براحته
أم سعود\ هو إلا حالف ما يتزوج إلا وحده ما تقرب لنا
أم عزام\ وهذي كيف نجيبها له يمه ؟
أم سعود\ يايمه حنا زوجناه بنت عمه و ما الله أصلح بينهم وطلقها خليه يتزوج وحده من بعيد يمكن ربي يصلح له معها
أم عزام\ وهذي مها بتزوج ألان ولدك ما فكر
أم سعود\ هذا نصيبها يمه الله يوفقها ويستر عليها
أم فارس\ أمين يمه مها طيبه بس مشكلتها تسمع كلام أمها الله يهديها
أم عزام\ إلا حيه من تحت تبن هي وأمها
أم سعود\ الله يهديك يمه خليها بحالها
أم عزام\ يمه كان خاطري نزوج سعود قبلها عاد ألان شوفي خشمها وين واصل علينا
أم فارس\ قولي كذا بتزوجين سعود بس عشان تقهرينها يا أختي حرام عليك خليك اكبر منهم بعقلك
أم عزام\ لو سمحتي يا أم فارس وفري كلامك لنفسك
أم فارس\ الله يهديك بس ما كني أختك اكبر منك بسكت لك عشان أمي وبس
أم سعود\ إلا والله ما احترمتني وأنا جالسة بينكن بكرة لامت بتبرن من بعض شكلكن
أم فارس\ الله يطول بعمرك يمه لا تقولين كذا
أم عزام\ أنا بروح بيتي أبو عزام عازم له ضيوف بكرة للغداء وبنام بدري تأمرين بشي يمه
أم سعود\ إيه الله ييسر لك أمرك يمه روحي وشوفي رجلك
أم عزام\ ياذا الرجال عاد
أم سعود\ الله يهديك بس انتبهي لبيتك تراه ماهو صابر على لسانك إلا لجل عيالكم
أم عزام\ براحته عاد صبر وإلا لا يلا فمان الله
بعد ما تأكدت أنها طلعت وما تسمعهم أم فارس \ يمه ترى بنتك لو استمرت كذا بترجع لك مطلقه
أم سعود\ وأنا وش بيدي لها فهمتها بس رأسها يابس زي أبوها الله يرحمه ما تعترف بغلطها
أم فارس\ لا حول ولا قوة إلا بالله الله يهديها
أم سعود\ أمين يأرب
أم فارس\ عاد يلا يمه سهرناك اليوم خليني اتصل بفارس يجيني وأنتي روحي حطي راسك ونامي
أم سعود\ سلمي على رجلك تراه من أسبوع ما مر سلم
أم فارس\ إن شاء الله يمه
قامت أم سعود غرفتها وعقلها مع سعود الولد جاء بعد بنتين وكانت له ألام والأب بعد وفاة أبوه إلي كان يعاني من السرطان أخر أربع سنوات من عمره وعمر سعود وقتها كان 11سنه ربته على انه يكون رجال البيت والمسئول عن أخواته وأمه و فعلا ما خيب أملها فيه دعت له من قلبها أنها تفرح فيه وتشوف عياله حطة رأسها ونامت على أمل تشرق الشمس بكره وحلمها بشوف عيال سعود يتحقق

( بيت سعود بعد زواج أخواته أم فارس وهي الكبيرة ملتزمة شوي وقلبها طيب مثل أمها وأم عزام إلي طالعة نسخه لبوها تغلط ولا تعترف بغلطها تجرح ولا تتأسف مغرورة لأبعد الحدود وسفر سعود لشرقية دراسته وألان عمله بقيت أم سعود بالبيت الكبير لوحدها مع الشغالة برغم من محاولات سعود معها إنها تروح عنده الشرقية ويشتري لها بيت هناك إلا إنها ترفض بحجة إنها تعودت على بيتها وجو جدة وأهلها *)


***************



الجزء الثالث

الخميس الساعة 9 مساء

على بحر جده وبجلسة ما تحلا إلا بجمعة الأهل كان نواف اخذ أهله على وعده لمنوله والجو ولا أروع
منال\نواف أبي آيس كريم الله يخليك
نواف\ من عيوني يلا امشي اشتري لك و تلعبين في الملاهي كمان فهد خلك هنا لين ارجع
فهد\ أكيد جالس
هند\ ههههههه حشى كان حد بياكلنا لو جلسنا لوحدنا
أم محمد\ هم سندك يا بنيتي أخوانك و يخافون عليكم الله لا يحرمكم من بعض
أم نواف\ آمين ياخالتي ويطول لي بعمرك
هند\ زين يا أخ فهد ممكن أروح اجلس على الصخرة هناك
فهد\ هذي آلي قدامنا
هند\ إيه
فهد\ أفكر خخخخخ
هند\ هههههههههه ترى أنا الكبيرة
فهد\ وأنا هنا الرجال
وقفت هند تعدل عبأتها : زين يارجال أنا رايحه لصخرة ذيك البعيدة تبون شي يا حلوات سلام
فهد\ ههههههه يمه بنتك ذي متقلبة أحيان أحسها أعقل بنت وأحيان ارج بنت
أم نواف\ خلها يمه شوفها جلسة قدامنا هند فديتها ما ينخاف عليها

جلسة هند على الصخرة تطالع الأمواج وتفكر بحال الدنيا كم مرة جات البحر و رمت همومها عليه
حزني بحر وأمواجه ايامي ,, غربت شمسه على ملوحة دموعي ,, بحر همي بحر حزني بحر ذكرى سنيني ,, بحر أغرقني وكتم أنفاسي ......

*********************

9:30 مساء
بالخبر وبشقة سعود

كان نائم على ظهره وحاط شماغه على وجهه يوسف\ : سعود ترى جاتني حالة اكتئاب وأنت السبب
سعود وهو يصب الشاي: أنا السبب ليش؟ تبلاني أنت و وجهك
قام يوسف و تعدل بجلسته واخذ فنجال الشاي : شوف من بعد صلاة العشاء وحنا بالشقة مقابلين بعض تبي الصراحة مليت من وجهك ههههههههههههه
سعود\ ههههههههههههههه وش تبي
حط يوسف وجهه قدام سعود وقام يسوي له حركات بعيونه : نطلع
سعود\ روح اطلع لوحدك أنا تعبان وشكلي بحط راسي ونام
يوسف\ تنام وأنت صاحي العصر قوم فكنا خل نطلع نشم هواء نشوف ناس توه سلطان دق علي يقول مجتمعين في الراشد
سعود\ يا أخي سلطان ذا ما ارتاح له أنا
يوسف\ إيه هو شوي شايف نفسه ومغازلجي حتى أنا ابعد ما ارتاح له لكن نتؤنس وش علينا
سعود\ أقولك تعال نروح مطعم نتعشى وبعدين ندق على سيف وعلي تلقاهم مجلسين على البحر أو في مخطط نروح عندهم
يوسف\ على حسابك
سعود\ يا حبك لتفقير جيبي يا أخي
يوسف\ والله أخوك مفلس والراتب ما جاء لسى
سعود\ الله يعينك مدري تصرف على كم بيت و زوجة وعيال وأهل
يوسف\ تطنز أنت و وجهك
سعود\ ادري عنك وين تودي راتبك طول الشهر مفلس
يوسف\ إيه تكلم أبوي الثاني امش بس امش وعشاك على حسابي حدك سندوتشات من ألرومانه
رمى سعود علبة المناديل بوجه يوسف وهو يقوم: يا بخلك يا أخي خل أبدل وارجع لك
يوسف\ بنزل السيارة تحت لا تطول ولا تلبس بنطلون خخخخخخ
سعود\ ههههههههههه غيران من جسمي عناد لك بلبس
يوسف\ لا تكفى بتذبح بنات الناس تذكر البنت إلي في كارفور قسم بالله اني حنيت عليها هههههههه
سعود\ ههههههههه وحده ما تستحي إلا تمشي ورأي وتقول وش ماركة التي شيرت قلت أسواق الخبر ما تشوف إلا إلي لابسه
يوسف\ تلقاها عربيه متربية هنا الله يستر على بناتنا بس انتظرك يلا لا تطول سلام
سعود\ زين

لبس سعود على السريع ثوبه وشماغه وتعطر ونزل ليوسف إلي ينتظره في السيارة عشان يطلعون يتعشون مع بعض سعود : يلا حرك..
حرك يوسف السيارة وهو يهدئ على صوت المسجل : عشان ما تذلني وتقول بخيل بعشيك في المطعم الهندي وش رأيك ؟
سعود\ على بركة الله مشينا يا كريم خخخخ

*****************

جده
الساعة الـ02:30 فجرا

بعد ما غيرت جو وشكة للبحر همومها دخلت هند غرفتها وهي مرتاحة نفسيتها شوي الساعة ألان ثنتين وربع الكل نام إلا هي شبكة نت ودخلت على المنتدى مافي مواضيع جديدة ولا شي يشدها سجلت خروج من الموقع وقبل تفصل النت كان الشيطان يحوم حولها بخيله ورجله بنت حلوة وصغيرة وبنفس الوقت وحيدة لا صديقة ولا أخت قريبة من عمرها تسولف معها وتشاركها همومها خل تدخل شات وتغير جو ممكن تلاقي حد يغير حياتها <<< للأسواء طبعا
انفتحت الصفحة والشيطان فلحظات زي كذا يعرف كيف يستغل ضحاياه بقى إنها تختار لها نك بس فها لحظة كل شي قدام عيونها تسكر لا ياربي لا أمي تثق في نواف وفهد يفتخرون بي جدتي مثلي الأعلى حتى منوله تشوفني قدوتها مآبي أخونهم مآبي أخونك يأرب وأنت تشوفني يأرب في الوقت هذا عبادك الصالحين بين صلاة واستغفار وأنا بضعف لشيطان يأرب سامحني و عوضني بحياتي خير سحبت سلك الأب توب من الكهرباء بكل قوة و أتعوذت من الشيطان وراحت تحط رأسها وتنام لها ساعتين لين الفجر .....

**************

الخبر
الساعة الـ 02:45 فجرا

في واحد من المخططات الجديدة بمدينة الخبر والي تعتبر مجلس ومتنفس لشباب ألعزابي بعد الكورنيش وفق سعود : يلا شباب نستأذنكم أنا و يوسف
علي\ بدري على وين ؟
يوسف\ لا و يسحبني معه حد قالك اني بروح يا أخي ؟
سعود\ أستح على وجهك أنا جاي معك فسيارة وحده تبيني ارجع مشي
يوسف\ لا تاكسي هههههههههههه
سيف\ خلاص خذ مفتاح سيارتي وأنا ارجع مع علي وبكرة ردها لي
علي\ سيف يا أخي أحس كأنك تطرده هههههههه
سيف\ لا والله محشوم أبو عبدالعزيز بس أنا عارف طبعه لقال مشيت ما يهون
سعود\ تسلم يا سيف والنعم بك والله تعرف بكرة جمعة و ورآنا صلاة
رشف يوسف أخر قطرة من الشاي إلي بكوبه : تسلم يا سيف خل مفتاحك ما شي أنا خلاص و أوصله معي عارف طبعه تراي
علي\ والله مالكم داعي توها الساعة ثلاث وين رايحين استمتعوا بالسهر قبل يجون الحرمة والعيال
سعود\ هههههههههه لا يسمعك سيف و يهون عن العرس ترى مابقي له إلا شهرين
سيف\ ههههههههههههه لا سيف أصلي ما يتغير
علي\ إيه هين يا الأصلي أقوله امش نروح بسيارة وحده يقول لا خلني بسيارتي عندي مشوار وهو جالس يكلم الحبيبة رايح جاي
سعود\ هههههههههههههههه شوف وجهه كيف راح تقول طماطم
سيف\ صدق ما تستحون امشي أبركلي
علي\ إيه سيف لف لبيتكم من ورى المحطة هاااه عشان أطول مدة الاتصال هههههههههه
سعود\ ههههههههههه إلا يوسف وين طس ؟
علي\ شوفه هناك عند الرصيف أنا من سمعت صوت المسج وأنا شااك انه بيبعد خويك ما خلى بنت بالشرقية إلا كلمها
سعود\ هههههه وكل ما سألته من ذي؟ قال القلب مدري كم قلب عنده
علي وهو يلف الفراش ويطبقه\ ههههههههه الله يهديه وربي اني مبطل من سنه لكن خوفي اني أغار من يوسف وارجع اكلم بنات خلق الله واضحك عليهن
سعود\ الله يثبتك و يسلمني من شره
مشوا سعود وعلي لرصيف وين ما وقفوا سياراتهم الشباب وفعلا كان المنظر مثل ما توقعوا سيف من ركب سيارته حط السماعة بأذنه يكلم خطيبته ومشى من قدامهم وهو يأشر لهم على الجوال بمعنى إنكم غيرانين مني آما يوسف إلي كان يكلم وحده من البنات إلي يعرفهن سكر بسرعة وقرب يفتح سيارته ويشغلها
علي\ هاه يوسف ذي القلب وإلا العين ؟
يوسف\ هههههه لا والله وأنا أخوك ذي صمام القلب
علي\ ههههههههههههههههه جديدة
يوسف\ بس تسوءا إلي قبلها كلهن
علي\ الله يهديك
سعود\ يلا علي نشوفك على خير وأنت امش توبة أجي معك بسيارة وحده دليتنا
يوسف\ حاضر عمي سعود
مشى علي بطريقة وسعود ويوسف بطريقهم
سعود\ أنت ما تقولي متى بتترك حركات المراهقين عنك ؟
يوسف\ يا أخي أنا احبك واحترمك وآنت غالي علي إيه لكن هذي حياتي
سعود\ حياتك من بنت لبنت و راتب ما يكمل أسبوعين فواتير جوالك وشحن وهدايا لبنات خلق الله هذي حياتك وش مستفيد ؟
يوسف وهو يطالع الطريق ألفاضي قدامه من السيارات تكلم بهدوء وعيونه مركزه على الشارع : ما خليت بنت في سوق ولا بشارع ولا شات إلا رقمتها و كلمتها وطلعت معها وشفتها لكني ما حسيت اني حصلت إلي تفهم يوسف زي هالبنت والله اني من شهرين لا رقمت ولا كلمت غير ساره فيها شي عجيب أحس اني خلاص طحت عند ذي البنت لكن مشكلتها ماتبيني أشوفها كل ما أقول لها بشوفك ترفض
سعود\ ليش كيف تعرفت عليها ؟
يوسف\ من الشات مره

سعود\ وقالت لك هي من وين ؟
يوسف\ إيه من الخبر من هنا
سعود\ أجل أترك عنك تلقاها ما هي من الخبر مكذبة عليك و خايفه تقولك
يوسف\ لا يا شيخ ما أظن دائم تقولي بطلع ذا السوق و ذا المطعم وكلها هنا
سعود\ تلقى لها حبيب غيرك تطلع معه وأنت بس تلعب عليك و تتسلى بك
انتفض يوسف من فكرة أنها تكلم غيره \ تظن كذا ؟
سعود\ إلا أكيد كذا ما في بنت تكلم وما تطلع والي تقول غير كذا كذابة فكر فيها بعقلك كل البنات إلي كلمتهن طلعن معك صح وإلا لا ؟
يوسف\ صح و طلعن مع غيري كمان
سعود\ هذا أنت قلتها بنفسك يوسف أنا ربي ما عطاني اخو من أمي و أبوي لكنه عوضني فيك و ما يرضيني أشوفك تعصي ربك و تضيع وقتك ومالك قدامي واسكت لك
طلع يوسف تنهيده من قلبه\ أنا أصلا حياتي كلها ماهي عاجبتني وأنا أخوك لكن وش السوات الله يعوضني
سعود\ تعوذ من الشيطان وقول الحمد لله أنت بين اهلك و عندك وظيفة و راتب غيرك يحلم به شفني قدامك اكبر مثال متغرب عن أهلي عشان أعيش وأعيش أمي بعزها
طالعه يوسف بعجب هذا هو سعود إلي يخفي ألامه و ما يشكي يتيم و متغرب وفوق غربته مشاكل أخواته مع أزواجهن إلي ما تنتهي كلها تطيح فوق رأسه و مايرتاح لين يطلع جده و يحلها بنفسه حتى لما أتزوج ما ارتاح لحقته المشاكل لين طلق و هو ما كمل سنه حتى أنا ماارتاح لين اشكي له همي هذا هو قدامي لا غلط ولا كلم بنت ومشى بطريق الرذيلة وأنا عشان إهمال أهلي من صغري لي وكم مشكلة في البيت بين أمي و أبوي عرفلي الشيطان و سحبني بدروبه ياه يا يوسف كأنك توك تعرف سعود : تصدق كل يوم اكتشف اني أحبك
سعود\ ههههههههههههههههههههههههه قسم بالله ما تستحي شايفني وحده من خايساتك
يوسف\ لا والله تكرم يموتن ما وصلن قدرك بقلبي أنت لي اعز من أخواني
سعود\ أي ذا هو يوسف إلي اعرفه و قف بس هنا انزل
يوسف\ لا بدخل السيارة بمواقف العمارة بنزل أنام عندك مالي خلق أروح البيت
سعود\ حياك الله غرفتك جاهزة متى ما بغيت

نزلوا سعود و يوسف الشقة وبدلوا وناموا كل واحد بغرفته ( من وقت ما طلق سعود زوجته و ترك البيت إلي من ارامكو واستأجر هذي الشقة بغرفتين وحده له و وحده ليوسف إلي فرشها و صار ينام فيها أكثر من بيتهم و يما تخاصم مع سعود على دفع الإيجار لين ما صاروا يدفعونه بنص بينهم )


*******************



يسلمووووووووو ياقلبي

الجزء الرابع

السبت الـ 7:00 صباحا


صباح جديد و إشراقه لشمس على أرجاء الدنيا تبعث الأمل والحب والنشاط في سكان الأرض و تحثهم على العطاء و العمل بكل إخلاص لرؤقي بأوطانهم ....

كل شي رجع مثل ما كان في البيت نواف رجع لظهران أمس بالليل و سط دموع أمه وجدته و دعواتهم له فهد و منال بها لوقت في المدرسة ما في بالبيت إلا هي و جدتها صاحين و أمها إلي دخلت تنام بحكم إنها قضت ليلها بالبكاء على رجوع نواف صباح اليوم غير على هند من صلت الفجر ما رجعت نامت حست بنشاط عجيب يسري بجسمها نزلت تجلس مع جدتها و تأخذ أخبارها ..

أم محمد\ وش فيها بنتي اليوم ما نامت زين ؟
هند\ لا حمد لله جدتي نمت زين أمس نمت من بدري يمكن الساعة 11 وأحس اني شبعانه نوم
أم محمد\ الحمد لله خوفي إن بك شي و ماتبين تقولي لي
هند\ وأنا اقدر اخبي عليك شي الله يهديك بس ما في إلا العافية لا تشيلين هم أنتي
أم محمد\ زين والله اجل قوميني أطلع بالحوش بمشي بالشمس قبل تحمى عليه وأنا جدتك
قامت هند تسند جدتها \ بمشي معك اليوم إلا جدتي ما قلتي لي لسى تحسين بوجع بركبك ؟
أم محمد\ والله يا بنيتي يروح ويرجع شكله إلا من هالمكيف إلي شغال ليل نهار
هند\ لا جدتي مكيف غرفتك أنا مهديته لك اقل درجة لكن البلاء من السيراميك إلي يمسك البرودة وأنتي تمشين عليه بأذن الله اذا كتب لي وظيفة وجاني راتب افرش لك الغرفة بفرش أحسن لك
أم محمد\ يالله يأرب كان طيور الأرزاق مع هالصبح طارت تكتب لبنيتي فيها الرزق إلي يغنيها ويشغل وقتها و يستر عليها
هند\ أمين يأرب إيه هذي الدعاوي إلي تفتح النفس مع هالصبح ......


**************

الخبر الساعة 7:30 صباحا

فسيارة سعود الوضع متأزم مثل كل يوم سبت في دوامهم ...

يوسف\ يا أخي بفهم ليش تخلينا نداوم أول ناس أنت مفكر حنا حراس الأمن وإلا عمال النظافة إحنا مهندسين فاااهم ايش يعني مهندسين
سعود حفظ هالاسطوانه كل سبت فقرر يتجاهله و يغير السالفة : تبي فطور قبل نوصل الشركة أوقف لك ؟
يوسف\ توها ماما سعود معطيتني كوب حليب و شابورة شبعان
سعود\ ههههههههههه تطنز أنت وجهك لا والله أمر لك تأخذ سندوتشات فطاير شي
يوسف\ وأنت ؟
سعود\ لا الحمد لله ألان شبعان لجعت أرسل و احد من عمال النظافة يجيب لي من الكفتريا إلي برا
يوسف\ أجل لأرسلت لك احد خله يمر ع مكتبي مالي نفس الحين
سعود\ إن شاء الله يلا وصلنا أنزل
يوسف وهو يطالع ساعته ويحطها قدام عيون سعود\ ثمان إلا عشر شوف قبل الدوام بعشر دقائق قول بس وش أسوي امسح الممرات يعني ؟
سعود وهو كاتم ضحكته على شكل يوسف المعصب : لا مسح مكتبك يومين و الغبار عليه خخخخ
يوسف\ امش بس امش شكلك اليوم مصبح على وجه بنت من ورأي
سعود وهو يمشي لداخل الشركة و يتذكر الحلم إلي صحاه من الفجر والبنت الصغيرة بحضن أمه صحيح وجه أمه كان تعبان لكن ملامح البنت و ابتسامتها وصوت أمه تقول له هذي ملكك يا سعود خلته يا خذها بحضنه و يمسح على رأسها بدون ما يسال أمه ليش تعبانه ؟ و كيف جاته هالبنت ؟ : الله يرزقني يا أخي .......
******************

غطت عيونها بيدها من حرارة الشمس صحيح الوقت لسى بدري و الساعة تسع الصباح لكن هذي هي شمس الصيف بجده حرارتها تبدأ من شروقها لغروبها \ جدتي قومي ندخل حرقتنا الشمس
أم محمد\ أي والله يا بنيتي خليني ادخل اغسل لصلاة الضحى وأنتي شوفي أمك أخاف إلا ضغطها ارتفع وهي نايمه
هند\ لا إن شاء الله ما عليها شر بس هي تعرفين ما نامت أمس زين
بطريق هند و جدتها للبيت و قريب من الباب إلي كان مفتوح سمعوا صوت التلفون يرن والي نادرا ما يدق الصباح و مايكون إلا من مدرسة منال
أم محمد\ روحي يمه شوفي من عسى أختك ما صار لها شي ضيق خاطرها
هند و ببالها الله يستر \ إن شاء الله
راحت هند الصالة تجري بتلحق التلفون و يدها على قلبها يأرب ما صار لمنال شي يأرب رفعت الخط على أخر رنه وهي تلهث \ الوو
المتصلة \ السلام عليكم هذا بيت هند محمد الـ .......
هند\ و عليكم السلام إي أنا هند أي خدمه
المتصلة\ أنتي مقدمة عندنا على وظيفة في وحدة الرعاية و جأت من نصيبك لان معدلك ممتاز مع باقي المتقدمات ياليت تشرفينا بكرة لجل نجرب شغلك و نوقع معك العقد إذا الله كتب
هند بلحظة ما عرفت شو تقول ما بين فرح وأمل جديد أشرق قدامها قدمت أوراقها بكل مكان مستشفيات مراكز تأهيل دور رعاية جمعيات خيرية لدرجة إنها نست تقريبا نص العناوين إلي قدمت فيها \ عفوا أختي ممكن تعطيني العنوان بتفصيل و رقم تلفونكم و بكون بكرة عندكم بأذن الله
المتصلة\ اوكيه خذي العنوان شارع الـ …….
سجلت هند العنوان ورقم التلفون بورقة وشكرت المتصلة بلطف وسكرت منها و الفرحة ما هي شايلتها أخيرا بعد كم سنه دراسة بعد ليالي قضتها سهر وتعب تنتظر هذا اليوم أخيرا بتحس نفسها إنسانه تعطي و تنجز في هذا الوطن والاهم عندها بتغير روتين حياتها و تقضي على الملل و الفراغ إلي تعاني منه شافت جدتها واقفة بأول الصالة تطالعها بحيرة وقلق توها دعت لي قبل ساعة و استجاب الله دعائها هذا هو رزقي أنكتب لي به اليوم قربت منها مبتسمة و باستها على رأسها : استجاب الله دعائك يالغالية هذا رزقي أنكتب لي و بكرة بروح و إذا ربك كتب وقعت معهم العقد
أم محمد وعيونها تدمع بفرح\ الحمد لله الحمد لله يا يمه الله ما يخيب عباده الصابرين الله يكتب لك فيه الراحة و الرزق الحلال
هند\ أمين يا نور البيت بس ليش الدموع تكفين امسحيها خليني افرح بدون ما أشوف دموعك
مسحتها أم محمد بطرف شيلتها \ هذي دموع الفرح يا يمه أنا فرحانة لك وأنا أشوفك مبسوطة
هند\ الله لا يحرمني منك يالغالية قولي أمين
أم محمد\ أمين يأرب ولا منك أنتي و إخوانك يا نظر عيني
هند\ اجل أنا بطلع أصلي لي ركعتين اشكر ربي على فضله وأمر على أمي و ابشرها تبين شي يا الغالية
أم محمد\ لا يمه سلامتك بروح أصلي الضحى وادعي ربي لين أمك تنزل تحت .
هند\ زين الله يتقبل منك .........


*****************

بالخبر الساعة 10:30 صباحا

واقف من خمس دقائق على الباب يطالعه و هو ما رفع رأسه عن مكتبة و أوراقة هذا أكثر شي يعجبه في يوسف حرصه و جديته بعملة صحيح يمل و يتضايق من قومت الصبح بدري لكن من يدخل المكتب ينسى كل شي و يخلص عمله بكل أمانه ......

سعود\ يا أخي في بنت بريطانيه وقفت على باب مكتبك ربع ساعة وش تبي ؟
يوسف بعد ما نزل النظارة إلي يستخدمها لما يقرءا و أعطى سعود نظرة بطرف عينه ورجع يقلب أوراقة : روح اسألها ما هو أنت إلي شفتها ؟
سعود\ وأنت ما شفتها يعني ؟
يوسف\ إلا و قالت لي تبي المهندس المزيون إلي عندنا قلت لها ما اعرفه
سعود\ كان خليتها تجي عندي طيب شوف وش زيني أكيد تقصدني
يوسف\ أقول شكل ما عندك شغل و جاي تزعجني عندي شغل روح مكتبك وبعدين بنت وش يدخلها عندنا يا أخي هذا المبنى سعوده بالكامل ما تشوفه كئيب و مظلم بدون بنات
سعود\ ههههههههه كل هالا نوار و مظلم الله يهديك قم خلنا نفطر و نرجع نكمل شغل
يوسف\ ليش ما بترسل ذاك الهندي غفور مدري وش اسمه يجيب لك ؟
سعود\ لا أخذت إذن من رئيس القسم نفطر و نرجع نفسي مفتوحة للأكل و أبيه حار ما يجيبه غفور إلا و برد
يوسف وهو يوقف ويحط جواله و محفضته بجيبه\ يابعد قلبي والله و اخذ لي إذن معك و جالس ساعة تهذر على راسي قم خلني أشم هواء و أكل بنفس
سعود\ تعرف ما اقدر أروح مكان إلا معك تصدق ما اتهنى بالأكل إلا وأنت تأكل منه
يوسف\ هههههههه حرمتك على غفلة
سعود بضحكة بدون نفس\ هههههه بنروح الكفتريا إلي هنا و راي شغل كثير والله
يوسف\ ماشي على أمرك يا عم .....

راحوا سعود و يوسف يفطرون وكل واحد شايل بقلبه هم الدوام متى يخلص و يرجع البيت ينام و يرتاح ....

*******************

جده الساعة 8:20 مساء

جالسة على سجادتها بعد ما صلت العشاء و بيدها المصحف سمعت دق على الباب خلصت الآية و سكرت المصحف : ادخل
دخل فهد و سكر الباب و راه : خلصتي صلاة ؟
هند وهي تنزل شرشف صلاتها و لفته مع السجادة : إيه خلاص خلصت بغيت شي ؟
فهد\ إيه بسالك من بيوديك بكرة ؟
هند\ أبو منذر من غيره دقيت عليه و بيجيني الصبح بعد ما يوصل بنته الجامعة
فهد\ و الله مدري وين نروح بدون هذا الرجال
هند\ أبو منذر جارنا من زمان و يعرف ابوي من أول ما تزوج أمي و سكنوا هنا يعني يعرف البئر و غطاءها
فهد\ الله يجزاه خير إلا معك فلوس تعطيه على المشوار ترى أخر مرة يوم رحت معه اشتري أغراض البيت حلف ما يأخذ مني شي
هند\ لا تخاف بعطية قبل أروح بعدين أغراض البيت تشتريها معه وقت هو ما يروح يشتري أغراض بيته يعني ما يحسبه عليك مشوار لكن أنا يحسبه علي ترى هذا رزقه هو و عياله يا فهد ( أبو منذر جار بيت أبو نواف و تقريبا في عمره كان يشتغل بوظيفة حكومية لكنه اخذ تقاعد مبكر واشتغل على سيارته ليموزين و صار يوصل أهل بيت أبو نواف وين ما طلبوا و مرة كان يأخذ عليهم حق المشوار و مرات ما يأخذ إلا من هند إلي تحلف عليه يأخذ الفلوس قبل ما تطلع مشوارها )
فهد\ أنتي من يقدر عليك حتى أبو منذر يقول لي أختك تعطيني الفلوس و هي ما ركبت السيارة ودي أقول لها ما اني أخذها و أنتي زي بناتي لكن أخاف أنها تبطل من مشوارها
هند\ هههههه يقولك كذا
فهد\ إي والله كم مرة قالي
لحظة صمت هند ببالها عارفة إن فهد جاي يسال عن شي غير كذا و متأكدة كمان هو عارف إن ما احد يوصلهم غير أبو منذر لكن بتخليه براحته لين يقول إلي بخاطرة بالجهة الثانية فهد ماهو عارف كيف يبدأ و يسألها مهما كان هو الولد و هي البنت لكن تضل هي أخته الكبيرة ما يبي يقول لها شي يضايق خاطرها لكن هي شرفة و عزه مايبي يوصلها شي يمس عفتها و طهرها تشجع و بلع ريقه \ هند
هند\ لبيه
فهد\ لا تفهميني غلط لكن أبي أتطمئن عليك المركز إلي تشتغلين فيه في معكم رجال ؟
هند ابتسمت و كأنها تأكد له أنها مرتاحة لسؤاله و كانت محتاجه حد يسألها و يحسسها بخوفه عليها \ تبي الصراحة في و ما في
فهد\ كيف ؟
هند\ المدير رجال وفي قسم مخصص أو دور كامل للمرضى الرجال لكن أنا اشتغل بقسم كله حريم موظفاته و المرضى فيه و مالي دخل في قسم الرجال ولا أشوفهم هم فوق و إحنا تحت
فهد\ كذا ارتحت
هند\ ليش أبو الشباب ما أنت واثق في أختك
فهد\ إلا والله لكن تعرفين حاجة في نفس يعقوب قضاها
هند\ زين دامك ارتحت قوم افتح كتبك أحسن لك أبي أشوفك دكتور
فهد\ هههههه أنتي من تبين تشوفين دكتور أنا و إلا منال حددي
هند\ ههههههههه لا انتم الاثنين
فهد وهو يوقف بيروح غرفته\ زين بروح أذاكر عشان أصير لك دكتور مخ و أعالجك
هند\ ههههههههههههه ليش وش شايفني خبله وإلا مجنونه ؟
فهد\ لا متقلبة ههههههههه
هند\ الله يسعدك بس سكر الباب معك
فهد رافع حواجبه\ طرده ذي ؟
هند\ ههههههههههه محترمه بس
طلع فهد من عند هند إلي طالعت السرير من الفجر صاحية ولا نامت شكله مغري بحجم التعب إلي تحسه حتى الغرفة ثلج من المكيف تمددت عليه و تغطت ما كان عندها وقت تحلم و تتمنى أو حتى تخطط لبكرا غمضت عيونها و استسلمت لنوم بهدوء ......


***************

الخبر الساعة 10:00 مساء

الهدوء في الشقة شبه قاتل حتى التلفزيون صورة بدون صوت و سعود جالس قدامه لكن عيونه تطالع الفراغ و تفكيره بجده عند أمه إلي كل يوم يكلمها لكن ما يرتاح إلا لما يشوفها و يبوسها و يشم ريحتها و أخواته و مشاكلهم أم فارس و طيبة قلبها إلي تسبب لها مشاكل حتى مع زوجها إلي يشكي دائم من سذاجتها و تصديقها لكلام الناس عنه وعن أهله و أم عزام إلي مصائبها و لسانها محد يسلم منه لا قريب ولا بعيد الكل يبعد عنها و يتقي شرها حتى زوجها اليوم يوسف نائم ببيت أهله بعد ما اتصلت عليه أخته المغرب تبيه يجي بسرعة أكيد صاير بين أمه و أبوه خلاف الله يهديهم خمس و ثلاثين سنه لهم متزوجين ما فهموا بعض و المشاكل كل يوم تكبر بينهم و يدفعون ثمنها عيالهم تنهد من خاطرة على الأقل يوسف أهله قريب منه و متى ما اشتاق لهم راح يشوفهم و يتطمئن عليهم لكن أنا بيني و بين أهلي مشوار أكثر من ألف و خمس مئة كيلو ما بينا إلا تلفون الله يسرها علي و يعيني على هالغربة و يرزقني ببنت الحلال إلي تريحني و تطعمني الذرية الصالحة أبتسم و هو يتذكر و جه البنت إلي شافها بحلمه يا الله شو حلوه لو فعلا تصير بنتي ضحك على حاله و وين وصل به تفكيره قام سكر التلفزيون و دخل غرفته ينام و يرتاح لدوامه بكرة .........

أمانينا بـ ليل الغربة حلم ,,
تصحى معه طيور الأمل ,,
بجناحها كل الألم ,,
وتغريدها ترانيم تنشد لنا أحلا ,,
نغــــــــم



الجزء الخامس
الأحد
جده الساعة الـ 8:00 صباحا

يوم جديد و اشراقة جديد للأحلام بكل عنفوان الأمل و حب الغد و الكفاح بطموح للأفضل اليوم بنروح تشوف دوامها و حياتها الجديدة من اليوم كل شي بيتغير حتى نومها و صحوتها من اليوم بيكون لها دور اكبر في البيت و مصروفة راح تفرش لجدتها غرفتها مثل ما و عدتها و تشتري لمنال و فهد كل اللي يتمنونه و تجيب شغالة تساعد أمها بشكل يومي بشغل البيت حتى نواف ماراح تنساه بتحول له فلوس كل شهر كل هذا و هند ما فكرت بنفسها كل اللي تتمناه تسعد إلي حولها و تشوف بوجيهم البسمة كل هالاماني و هي ماتدري شو ينتظرها لكنها تتمناها وهذا حقها ما دام الأحلام ببلاش ......

نازلة مع الدرج و عبايتها و شنطتها بيدها لان أبو منذر له خمس دقائق واقف عند الباب و هي مرتبكة و متردده تنزل تتطمن على لبسها و أغراضها بالشنطة يمكن نست شي استعجلت خطواتها باتجاه الباب الخارجي و هي تشوف أمها و جدتها جالسات بالصالة
هند\ ادعولي
أم نواف\ الله يوفقك يا بنيتي انتبهي لحالك
هند\ ان شاء الله يمه يالله أشوفكم على خير
أم نواف\ هند يمه شلتي الجوال معك أكيد تحتاجيه
هند وهي و أصله عند الباب\ إي يمه أخذته معي
( هند ما عندها جوال خاص فيها هو جوال أمها من زمان وتستخدمه هي و فهد لما يطلعون مشوار )
في الطريق أبو منذر والي يعتبر هند و حده من بناته
أبو منذر\ هاه يا بنتي تبيني انتظرك عند الباب و إلا أروح كم مشوار و ارجع لك
هند و ببالها وانأ وش عرفني بطول أو لا\ والله مدري يا عمي اليوم ما راح أداوم عندهم بس اخلص أوراقي و من بكره أداوم لكن مدري كم اجلس لين اخلص أوراقي
أبو منذر\ اجل بروح لي مشوار قريب منك و لا خلصتي دقي علي
هند\ أن شاء الله عمي
نزلت هند وهي تطالع المبنى قدامها كانت عمارة من ثلاث ادوار و باين عليها جديدة لسى ما تهالكت من الزمن سمت بالله وطلعت الكم درجة عند الباب دخلت لكن ما عرفت وين تروح رفعت رأسها ممكن تشوف لوحة ترشدها لكن خاب ضنها انتبهت لباب مفتوح على يمينها و داخله مكتب قربت من الباب و دقت عليه دق خفيف لكن ما في رد رجعت دقت بقوة أكثر و برضوا ما في أي إجابة تقدمت بخطوتها و دخلت المكتب كان مكتب واسع شوي و في مكتبين و كأنه الاستقبال لكن المشكلة ما في احد هند بخاطرها الله ييسرها .
مرحبا اختي أي خدمة
التفتت لصوت البنت اللي ورآها و بخاطرها الحمد لله ما هو رجال \ هلا إيه انتم كلمتوني أمس بخصوص وظيفة مقدمة عليها
الموظفة \ هلا فيك تفضلي لحظه بس أعطي سكرتيرة المدير خبر بوصولك
هند\ شكرا
رفعت الموظفة سماعة التلفون تعطي الطرف الثاني خبر بوصول هند اللي كان كل تفكيرها كيف بتدخل عند المدير لوحدها بحياتها ما قابلت رجال بمكان بدون فهد أو نواف بسرها دعت ربها أن المدير يكون ما هو سعودي يمكن يخفف عليها شوي <<<<<ما هو كلهم رجال ؟
الموظفة\ تفضلي نهاية الممر في باب على يدك الشمال فيه مكتب السكرتيرة و المدير
وقفت هند \ مشكورة اختي
مشت مثل ما وصفت لها الموظفة و كل الأماني تمشي معها في طريقها و تزينه لها بالأمل و الفرج من رب العالمين شافت الباب المقصود وقفت و سحبت نفس عميق تهيئ نفسها للي جاي دقت الباب و ها المرة وصلها الرد بسرعة \ تفضل
دخلت بخطى بطيئة و هي تشوف السكرتيرة اللي كاشفة وجهها تبتسم لها تطمنة هند و تقدمت لها \ السلام عليكم
السكرتيرة\ و عليكم السلام هلا تفضلي
جلست هند و كان رجولها محتاجه ترتاح من الرجفة اللي بدت تسري فيها بمجرد ما حست أنها بتكون بعد لحظات جالسة مع رجال لوحدها \ شكرا
السكرتيرة\ أنتي هند صح ؟
هند\ إيه أنا
السكرتيرة\ الآن تدخلين على المدير ما شاء الله عليك معدل تخرجك ممتاز أكيد شغلك بيكون حلو معنى
هند\ بأذن الله
رفعت السكرتيرة سماعتها تطلب من المدير إذن لدخول هند اللي ما سمعت منها إلا حاضر و أن شاء الله \ تفضلي المدير ينتظرك
وقفت هند وسالت السكرتيرة ببراة \ وأنتي ما راح تدخلي معي ؟
السكرتيرة ببالها شكل هالبنت ما هي متعودة تخالط مجتمع رجالي \ ترى المدير إنسان ما يخوف وكبير بعمره شوي اعتبريه مثل أبوك
هند ببالها و هو وينه أبوي لكنها تطمئنت شوي مجرد ما سمعت انه كبير بعمره \ اوكيه مشكورة
باب المكتب مكان بعيد كلها خطوتين و هي عنده دقت الباب و وصلها صوت رجولي غليظ و مربك بالنسبة لهند اللي ما تعودت تسمع غير صوت أبوها و أخوانها وإذا مرة سمعت صوت أبو منذر سمت باسم الله في سرها و دارت مقبض الباب و دخلت المنظر قدامها كان شبه مريح رجال واضح من الوهلة الأولى انه شامي و الشيب مغطي شعر رأسه بالكامل
هند\ السلام عليكم
المدير\ وعليكم السلام تفضلي اجلسي
جلست هند و بخاطرها يارب ثبت على قلبي و يسرها لي \ شكرا
المدير والي كان يطالع هند بعيونه من فوق لتحت و كأنه يتفحصها من تحت الغطاء و العباية \ شوفي ياهند أنا اخترتك له الوظيفة ما بين عشرين متقدمة من شان درجاتك كتير منيحه و باين هلا انو أدامي بنت خلوقه و محترمة كتير
هند\ تسلم أن شاء الله أكون عند حسن ضنك
المدير\ اوكيه هلا أنتي عم بتعرفي طبيعة شغلك شو حاتكون عنا صح ؟
هند\ إيه تقريبا
المدير\ حلو كتير و قسم النساء بالدور التاني تقريبا عنا أربع مريضات كبار بالسن عندهن جلطة و مسببه ليهن شلل جزئي بتكوني مشرفة عليهن و تراعينهن وقت دوامك
هند\ أن شاء الله
المدير\ و في شغله تانيه بدي أخبرك فيها هلا أنتي راح تشتغلي معنا شهرين بدون ما نعمل معك عقد لبين ما نشوف شغلك منيح وإلا لا بس طبعا ايلك راتب 2800 ريال و 200 تأمين ما تخافي
هند\ زين أن شاء الله
المدير\ هلا فيك تروحي تتعرفي على مكان عملك و زميلاتك فيه و من بكرة تبدي تداومي هون من الساعة 8 إلى 4 لانا محتاجين موظفة هلا
هند\ أن شاء الله
المدير\ في عندك أي سؤال ؟
هند و هي توقف \ لا شكرا
المدير\ على العموم بابي مفتوح لئلك أي وقت ما تحملي هم كم هند عنا
الجملة الاخيرة ابد ما عجبتها توها تقول برتاح له\ شكرا اقدر أروح الآن
المدير\ إيه طبعا أتفضلي

*************

الخبر الساعة الـ 11:30 صباحا

من وقت وصل الصباح وباله مشغول على يوسف يبي يشوفه و يطمئن عليه وشو صار معه أمس لكنه من وصل طلبه المدير في اجتماع دخله من الساعة 8:30 و ما قدر يشوف يوسف قلب الملف بين يديه و فكره مشتت ما بين يوسف و المشروع اللي بيده والمدير اللي كلفه بالإشراف الكلي عليه \ خلاص خلصنا كذا طال عمرك
المدير\ إيه خلاص عاد أبيك ترفع راسي و تباشر في الموقع من الأسبوع الجاي
سعود\ لك اللي يبيض وجهك طال عمرك
المدير\ والنعم فيك تقدر تروح و لك باقي الدوام إجازة مني
سعود\ تسلم والله لكن في كم شغله باقي على مكتبي لازم أخلصها قبل آخر الأسبوع
المدير\ معك ثلاث أيام لأخر الأسبوع يمديك تخلص شغلك الان روح ريح و خذ الملف معك و أشوفه بكرة جاهز أبيه شغل سعود اللي اعرفه
سعود وهو يوقف\ أن شاء الله على خير يلا فمان الله
المدير\ مع السلامة
طلع سعود من مكتب المدير و سحب كمية اكسجيين كبيرة ملئ فيها صدره من ثلاث ساعات و هو جالس و يحس نفسه يتنفس بحذر مديرهم شخص صارم و جدي جدا في عمله و ما يتهاون لي أي زله أو نقص من أي موظف مشى باتجاه مكتب يوسف و في طريقة شاف زميلهم سيف طالع من مكتبة والي يشاركه فيه علي ( سيف و علي كانوا يشتغلون بقسم التخطيط و الإدارة لن تخصصهم يختلف عن يوسف و سعود اللي كان تخصصهم هندسة بترول و عملهم يكون أغلبه في التنقيب عن النفط وفي أباره و فترات بسيطة يداومون بمقر الشركة )
سيف\ سلام وينك أنت لي ساعة أدور عليك
سعود\ وعليكم السلام خير أن شاء الله بغيت شي كنت عند المدير
سيف\ مهمة جديدة
سعود\ إي والله و هالمرة بصحراء أسبوع لا ومن غير يوسف
سيف\ الله يعينك إلا في أوراق حطيتها لك على مكتبك فيها كم شغله ضروري تشوفها
سعود\ اليوم لازم أخلصها ؟
سيف\ لا محتاجها يوم الأربعاء تكون عندي
سعود\ اجل خلاص اخلصها لك بكرة اليوم باقي الدوام عندي إجازة بمر أشوف يوسف واطلع
سيف\ الله معك
وصل سعود لمكتب يوسف و شافه ساند رأسه على الكرسي ومرجع شماغه والعقال لورى و عيونه مغمضه و باين على وجهه التعب تنحنح وهو يدخل لجل ينتبه لوجوده \ سلام
فتح عيونه اللي كانت حمراء وشكله ما نام طول الليل عدل جلسته \ وعليكم السلام هلا سعود اجلس لك مده واقف هنا ؟
جلس سعود على طرف الطاولة \ لا والله توي واصل
يوسف\ سلامات اجلس على الكرسي طيب ترى منت خفيف
سعود\ هههه قل ماشاء الله مستعجل والله طالع أنا
يوسف\ ماشاء الله هاه وترى مني عيان طالع على وين ؟
سعود\ الشقة اعطاني المدير باقي اليوم أجازة
يوسف\ حركات من ورآنا وش مسوي للمدير أنت ؟
سعود\ إلا قول وش مسوي لك هو راميني الأسبوع الجاي كله بربع الخالي
يوسف\ أوف تكفى لا تقول اني معك والله ماني ناقص
سعود\ لا لحالي والله ربك يعين إلا ما قلت لي وش صار معك أمس ؟
يوسف\ خلها على ربك يا اخوي زي كل مرة يتمشكلون على شي ما يستأهل و يكبرونها والمشكلة كل واحد فيهم اعند من الثاني قسم بالله لو لا أخواتي و محمد اني أقدم على بعثه و سافر ادرس ابرك لي من ذا الحال لكن الشكوى لله ماقدر أخليهم مالهم ذنب
سعود\ زين و إخوانك احمد و عبدالعزيز وينهم عنهم ؟
يوسف وهو يتنهد\ لاهين ببيوتهم و عيالهم ولا يسالون زين كان شفناهم من الجمعة للجمعة والله كل شي فوق راسي وانأ ساكت
سعود\ الله يصلح بينهم بس
يوسف\ أصلا خلاص أنا تعودت على ذي الحالة و ماراح ارتاح لين أزوج أخواتي وطلعهن من ذا البيت ومشاكله و محمد مرة بس يخلص ثانوية هالسنه بسفرة يدرس برى وأريحه
سعود\ شكلك ما نمت أمس جالس تخطط ؟
يوسف\ والله جاي الدوام مواصل
سعود وهو يوقف و يأخذ الملف معه\ باين من عيونك أصلا اجل أنا رايح الشقة بتجي بعد الدوام عندي وإلا بتروح البيت ؟
يوسف\ لا بجي عندك تعرف لو رحت البيت ما نمت وأنا ما غمضت لي عين أمس
سعود\ زين يلا نشوفك على خير
يوسف\ حياك
طلع سعود من الشركة وراح اخذ له غداء و مشى في الطريق لشقته رن جواله طالع الشاشة و هو يبتسم فديتها والله
سعود\ هلا والله بكل الغلا
أم سعود\ هلا بك يمه السلام عليك
سعود\ وعليك السلام يا الغالية شخبارك ؟
أم سعود\ الحمدلله بخير وأنا اسمع صوتك يمه طمئني عنك أنت وش علومك ؟
سعود\ الحمد لله بخير و نعمة و هذاني رايح لشقتي
أم سعود\ و عليه يمه ما خلص دوامك ليش طالع بدري لا يكون انك تشكي شي
سعود\ لا يمه ما فيه إلا العافية بس المدير عطاني باقي اليوم إجازة و يوم الأربعاء ماعندي دوام يعني بتلقيني من صبح الله خير عندك
أم سعود\ وش ورى الرضاء ذا كله عليك
سعود\ هههههه افى لا تكونين ما تبين تشوفيني بس ترى اطلع البحرين و اجلس فيها آخر الأسبوع كله
أم سعود\ كان تبي قلبي يغضب عليك يا سعود روح البحرين أشوف
سعود\ لا عاد كله إلا غضبك علي قسم بالله طول ما أنتي ما تبيني أروح اني ما اكسر كلمتك لكن أقولك بجي لك من بدري ها الأسبوع وأنتي الله يهديك كأنه ما هو عاجبك
أم سعود\ و الأسبوع اللي بعده ما أنت نازل صح ؟
سعود و بخاطرة حشى يا أم سعود منتي هيئنه طلعت عندك الحاسة السادسة \ تبين الصراحة إيه عندي الأسبوع الجاي عمل في بئر للبترول بالربع الخالي
أم سعود\ إيه أنا أقول
سعود\ عاد يايمه هذا شغلي لو ما سويته بيحطون موظف مكاني و اجلس أنا بلا شغل
أم سعود\ الله يعينك يمه عاد هذا رزقك بتاخذه لو من نص البحر دام ربك كاتبه لك
سعود\ ونعم بالله يا الغالية
أم سعود\ زين يمه بعد ما تطئمنة عليك خلني أقوم أصلي الظهر هذاني اسمعه يأذن وأنت يمه روح تغداء و ارتاح و خل كل شي بيد ربك
سعود\ الله كريم يا يمه هذا غداي معي بسيارة لا تشيلين همي ريحي بالك و رضاك هو اللي أبيه بس
أم سعود\ الله يرضى عليك دنيا وآخرة يا ولدي
سعود وهو يوقف سيارته بباركنات العمارة \ الله يطول لي بعمرك يلا يا الغالية هذاني وصلت شقتي توصين شي
أم سعود\ سلامتك يمه
سعود\ يلا اجل فمان الله
أم سعود\ فحفظ الكريم يمه .....

**************

جده الساعة الـ 12:30 مساء

دخلت هند البيت والي كان مفروض تكون موجودة فيه من ساعة لكن أبو منذر تأخر عليها و اضطرت تنتظره شافت الصالة هادية و ما فيها احد ببالها أكيد جدتي تصلي بغرفتها و أمي بالمطبخ من اليوم شغل الغداء كله بيكون عليها و محد يساعدها الله يعين بحاول اخذ عنها العشاء و أريحها خل أروح أشوفها قبل اطلع أبدل مشت هند باتجاه المطبخ و هي تسمع صوت أمها تعطي توجيهات غريب من عندها أمي؟؟ ,,, المنظر قدامها حلو و مضحك بنفس الوقت منوله عافسه الدنيا بالمطبخ بزعم أنها تساعد وأم نواف مبتلشه معها تبي تخلص الغداء و منال كل شوي تطلع لها شغله ابتسمت هند لهم \ سلام
أم نواف\ وعليكم السلام هلا يمه
هند\ وش ها الريحه الحلوة وش طابخين أنتي و بنتك من باب الصالة الروائح استقبلتني
أم نواف وهي تفتح الفرن وفيها الضحكة\ كل خير و بنتي ما خلت شي إلا سوته لك تقول هند بتجي جيعانه يا حرام
هند\ يا حرام إي والله اني على فطوري معكم
أم نواف\ اجل روحي يمه بدلي و صلي فرضك و تعالي تغدي هالحين يجي فهد و بعد الغداء حكيني وش صار معك
هند\ أن شاء الله يمه هاه منوله سويتي لي حلا ؟
طالعت فيها منال ببرأه و هي تهز رأسها بمعنى لا \ بس معي جالكسي جبته لك من المدرسة
هند\ زين حلو بروح أصلي و ارجع لكم ......

***********

الخبر الساعة الـ 3:00 فجرا

الأوراق في كل مكان بالصالة على الكرسي و الطاولة وحتى بالأرض وين مكان سعود جالس أصلا بين أوراقة و أكواب الشاي وأكياس الوجبة اللي طالبها من المطعم للعشاء بمعنى كان المكان حوسه عنده لكنه لازم يخلص الشغل اللي معه و يسلمه المدير الصبح طلع يوسف من غرفته بعد ما نام تقريبا 12 ساعة من ثلاث الظهر وهو نائم بعد ما استأذن آخر ساعتين من الدوام بحكم انه تعبان
يوسف وهو يتثاب \ وش ذي الحوسه ما نمت أنت ؟
سعود\ لا ما خلصت باقي لي شوي
يوسف\ الساعة ثلاث الحين متى بتخلص و تنام ؟
سعود\ أقلك لا تقعد تسال فوق راسي بروحي مصدع خلني اخلص
يوسف\ أوف السهر مآثر على الأخلاق كمان
طالعه سعود بنظرة وكمل شغله بدون ما يرد عليه ( سعود طبعه لما يواصل أو مايخذ كفايته من النوم يصير عصبي و نفسه ضيقه )
يوسف \ ههههههه زين زين سكت خلاص بس آخر سؤال فيه ي عشاء أو لا ؟
سعود\ لا روح سو لك شي من المطبخ و فكني
دخل يوسف المطبخ دقائق وطلع بتفاحة بيده اخذ الريموت وجلس يقلب التلفزيون \ يقترح عليك تروح تقدم بجمعية خيرية
سعود\ وليش ؟
يوسف\ مطبخك فاضي يصفر حتى اندومي ما فيه الواحد يصبر نفسه به
سعود\ وش أسوي أنساه وأنت ما تشتري لو ملح
يوسف\ الأسبوع اللي راح حاط فيه مئة ريال لكن ما تجلس ما عليك بعد بكرة الراتب و انزل لك كارفور و أعبي لك الثلاجة
سعود\ تطنز
يوسف\ افى والله أقول الجد
سعود\ الراتب يوم الأربعاء و أنا نازل جدة الثلاثاء في الليل وراجع الجمعة والسبت من فجر الله طالع مقر البئر الجديدة ليوم الجمعة يعني لمن بتشتري غير لنفسك
يوسف\ أوف ذكرتني أصلا الشقة بتكون كئيبة بدونك يمكن ما أجي هنا لين ترجع أنت
سعود وهو يمد الملف ليوسف\ خل عنك بس وشف لي المخطط وقول رأيك
يوسف بعد ما قلب الملف شويتين\ شغل عدل والله أنت لو يقولون لك خطط الربع الخالي شبر شبر خططته ما هو كم كيلو ماشاء الله عليك
سعود\ مكانك ناجح بمعدل أكثر مني أنت ووجهك
يوسف\ ههههههههه غاش منك طال عمرك
سعود وهو يجمع أوراقة \ يا شيخ بس قصر على صوت التلفزيون أنا رايح أصلي وأنام لي ساعتين قبل الدوام ابرك لي
يوسف وهو يسكر التلفزيون\ ابشر أنا بروح أصلي بالمسجد و أمر بيتنا و أجيب معي فطور سنع واجيك
سعود\ ما تقصر والله
يوسف\ يلا فمان الله .......

************




الجزء السادس
الاثنين

جده الساعة الـ 6:30 صباحا

صاحية اليوم من الفجر بكل نشاط وحيوية كيف و اليوم أول دوام لها و أمل جديد انفتح بابه قدامها لبست ملابسها وأخذت عبايتها و شنطتها و نزلت تفطر لازم تكون جاهزة قبل 7 لان أبو منذر بيوصلها بطريق ما يوصل بنته الجامعة والي تبدأ محاضراتها الساعة 8
هند\ صباح الخير
أم محمد و أم نواف\ صباح النور هلا يمه
جلسة على السفرة والي كانت مفروشة تحت على الأرض لام محمد إلي تتعبها جلسة الكرسي بعد ما باست جدتها و أمها على رؤوسهم \ اليوم أول يوم دعواتكم لي لا تنسوني
أم محمد\ الله يوفقك يا يمه حنا ما ننساك لكن أنتي انتبهي لشغلك إلي يعطوك و لا تفكرين بشي ثاني
أم نواف\ صادقة جدتك انتبهي تراك بتعامليين مع حريم كبار يعني طولي بالك و لا تتراددين معهن بالكلام
هند\ ابشروا من عيوني
أم نواف\ الله يحفظك يا يمه يلا افطري زين قبل يجيك أبو منذر
أم محمد\ الله يجزيه هالرجال كل خير ما يقصر معنى
أم نواف\ إي والله انه أحسن من أخواني إلي أشوفهم من عيد لعيد و لا حتى يرفعون السماعة و يقولون نشوف اختنا و عيالها يمكن محتاجين شي
أم محمد\ اذكري الله يا بنيتي و ادعيلهم الله يهديهم و يحنن قلبهم عليك و يرجع لك رجلك و يعوضك صبرك خير
أم نواف\ الله يسمع منك يا خالتي و يهدي لك عيالك و يبرون فيك
أم محمد وعيونها بدت تلمع من الدمع \ الله كريم ما ينسى احد
كانت تطالعهم و كل تفكيرها كيف ترجع له الوجهين البسمة لكن صعب يا هند صعب تصححين أغلاط غيرك و تفكيرهم خوالي إلي يحاولون في أمي تطلق ولا تبقى معلقة و لما رفضت قاطعوها وإلا أعمامي إلي قاطعوا أمهم جنتهم و نارهم بسبة فلوسها و أملاكها إلي تنازلت عنها لنورة وأعمالها عشان تحافظ لنا على هالبيت بزعم انه لهم حق فيها مثل محمد غريب أمرهم يبون يورثونها حيه أخذت نفس عميق تسترخي فيه \ جدتي يالله معي الحوش نمشي لين يجي أبو منذر
أم محمد و هي تمد يدها\ يالله يمه ساعديني أقوم
هند\ يالله بسم الله .....


*****************

الخبر الساعة الـ 7:00 صباحا

جالس يسوق وهو ميت ضحك على شكل سعود إلي كان فاتح عين و مغمض الثانية و ممكن ينام في أي لحظه و إلا النفسية إلي صايره عدم من قلة النوم سبحان الله الدنيا دواره قبل يومين كان هو بوضعية سعود ألان
يوسف\ أنت بتروح المدير اليوم ؟
سعود\ أكيد بودية الملف
يوسف\ وبتناقشه في المخطط ؟
سعود\ لا برميه عليه وأروح
يوسف\ انتبه بس ليطردك أنت و هالاخلاق ههههههههه
سعود\ اسكت بس وشف طريقك
يوسف وهو يلف على محطة البنزين\ عارف أنت ينطبق عليك المثل إلي يقول اتق شر الحليم اذا غضب
سعود\ وليش داخل المحطة البنزين عندك فل ؟
يوسف\ بشتري لك عصير ليمون تروق شوي قبل ترتكب جريمة في احد ماله ذنب
سعود\ لا مآبي ليمون جب لي كابتشينو أصحصح راسي شوي
يوسف وهو يفتح نافذة السيارة \ ابشر اثنين كابتشينو سكر وسط
العامل\ اوكيه
دقائق و جاب لهم العامل طلبهم أخذوه واتجهوا لعملهم و كل واحد يفكر بروتين حياته و متى يتغير .......


**************

جده الساعة الـ 7:45 صباحا

دخلت هند المركز قبل موعد دوامها بربع ساعة كانت متأكدة إن المبنى بيكون فاضي العالم تتأخر ربع ساعة ما هو تتقدم ربع ساعة لكن وش بيدها سمت بالله و طلعت الدور الثاني شافت الخالة أم عبدا لله إلي تنظف المركز جالسة تمسح الطاولات
هند\ السلام عليكم
أم عبد الله\ وعليكم السلام
هند\ حمد لله اني حصلت المركز فاتح و فيه احد
أم عبد الله\ ايوا أنا أجي هنا من سبع ونص ارتب و امسح لكن أنتي جايه بدري اليوم
هند\ وكل يوم بجي كذا لان إلي يوصلني يوصل بنته الجامعة
أم عبد الله\ يالله حصلت إلي يسولف معي روحي نزلي عبأتك وتعالي اصب لك قهوة
هند\ تسلمين ياخالة ما اشربها الصبح أنا اذا فيه وفريها لي الظهر
أم عبد الله\ ما عليه أسوي لك الظهر أنا أصلا أسوي للموظفات هنا شاي و قهوة
هند\ مشكورة والله ما تقصرين خالتي ......
راحت هند تحط أغراضها بالمكتب المخصص للموظفات جلسة على واحد من المكاتب وأخذت ملف المريضة إلي راح تشوفها بعد ساعة تقرا فيه حرمة كبيرة عمرها 58 سنه يبدو إن حالتها صعبة شوي لان عندها شلل رباعي هند بخاطرها الله يعينها و يعين أهلها ..


********

الخبر

الساعة الـ 9:30 صباحا

جالس بمكتبة يخلص أخر أوراقة لذ الأسبوع كان المفروض يكون ألان عند المدير يسلمه الملف و يناقشه فيه لكن طلع عنده اجتماع و اجل جلسته مع سعود لساعة 11 اخذ الملف إلي سلمه له سيف أمس و راح يوصله له بعد ما خلص شغله فيه مكتب سيف وعلي كان مقابل لمكتب سعود
سعود\ السلام عليكم
سيف و علي\ وعليكم السلام
سعود\ هذا ملفك جاهز تفضله
سيف\ تسلم عاد عندنا أمر ألان ما نعطيك شغل
علي\ و إلا خاطري أسلمك كل ذي الملفات
سعود\ تكفون عاد مسافر لبنان سياحة أنا منب أصلا رايح الصحراء شغل وإلا يمكن قالوا لكم رايح اكتسب لون برونزي و ارجع
سيف\ تبي اطلب لك شي ؟
سعود\ ليش قالبين كوفي وأنا مدري
سيف\ لا بس شي يهدي لك أعصابك روق شوي
سعود\ استغفر الله بس شارب اثنين كابتشينو من الصبح فكني خل ارجع مكتبي واهدءا شوي قبل أروح المدير
علي\ ترى ماراح اكتب لك ورقة فصلك لا تخاف
سعود\ تكفى يا سكرتير المدير من ورآنا خلك فشغلك لا تنطرد أنت هذرتكم انتم الاثنين زايده
غلطوا يوم حطوكم بمكتب واحد
يوسف إلي كان واقف على الباب من أول و علي بس إلي كان يشوفه \ وأنت ما عندك إلا تدور من مكتب لمكتب ما عمري جيت أبيك و حصلتك بمكتبك
سعود\ كملت وش تبي بعد أنت ؟
يوسف\ هههههه أتطمئن بس انك لسى بالشركة معنى
علي\ هههههههه لسى ما دخل للمدير تراه
سعود\ تكلم سكرتير المدير الجديد
يوسف\ وليش لسى ما دخلت ما هو مواعدك الساعة تسع ؟
سعود\ عنده اجتماع مع شركة فرنسية وقالي سكرتيرة أجي الساعة 11 أقوله لا يعني !
يوسف\ وليش تقول لا تكفى خلك ساكت
سيف\ أقول على مكتبك أنت و هو ورأي شغل
سعود وهو يقوم لمكتبة \ من كثر شغلك عاد كلها كم ورقة
سيف\ بس مرتاح بالمكيف ما هو زي بعض الناس من صحراء لصحراء
سعود سفه ولا رد كمل طريقة لكن يوسف استلمه وياويله من لسانه\ صحراء في عينك الصحراء هذي إلي مستهين بها ذهب مغني السعودية كلها لو لاهي تلقاك صياد سمك في الخليج الحين
سيف\ لا اله إلا الله وش قلت أنا يا أبوي الحمد لله على النعمة خلاص روح مكتبك أبي اشتغل ورأي عرس ما اني أكل حرام و آكل أهلي
يوسف\ يازين طاري العرس على ذا الصبح متى ربي يكرمنا يا علي ؟
علي\ اسكت بس قسم بالله أمي لها أسبوع فوق راسي أتزوج و أتزوج وشف فلان اصغر منك متزوج وعنده عيال وأنت لسى هالمرة شكلها ما بتحل عن راسي إلا خاطب
سيف\ وش فيها ترى أحلى شي فترة الخطوبة حياة حلوه والزواج لابد منه وهو سنة الحياة
علي\ أحلى يا عريس كلك مفهوميه
يوسف\ أقول يا علي ما تحس مثلي إن سيف بعد ما خطب صار عاقل أكثر شكل الحرمة مسنعته
علي\ هههههههه يمكن إلا أكيد
سيف\ الله يهديكم بس
يوسف\ أمين يالله بروح أكمل شغلي سلام
سيف و علي\ وعليكم السلام ......

**************

جدة الساعة الـ 30 :12 مساء

طلعت هند من دورة المياه ( أكرمكم الله ) بعد ما توضأت لصلاة الظهر دخلت المكتب وفرشت سجادتها بتصلي كبرت و بدأت صلاتها بخشوع أول مرة تصلي برى البيت قريت الفاتحة وسورة المسد كبرت لركوع بركوعها جأت وحده من الموظفات فرشت سجادتها وركعت معها و كملوا صلاتهم مع بعض بين ركوع وسجود وصلت هند لجلست التشهد الأخير سلمت على يمينها و شمالها وجلسة بمكانها تستغفر ربها لفت على وجه إلي صلت معها وابتسمت لها ..
هند\ تقبل الله
الموظفة\ منا ومنك يأرب جديدة هنا ؟
هند\ اليوم أول يوم لي
الموظفة\ وإن شاء الله أعجبك المكان
هند\ يعني أول يوم صعب تحكمين من أولها
الموظفة\ معك حق معك رؤى لي هنا تقريبا سنه
هند\ تشرفنا وأنا هند ماشاء الله سنه أكيد عندك خبره بتعلم منك
رؤى\ يعني مو كثير وأنا جاهزة في أي وقت ولا يهمك
هند\ تسلمين والله
رؤى\ خلاص قومي نتغداء و احكيك عن كل شي من اول يوم لي هنا حتى اليوم
هند\ يلا بسم الله ....


***********

الخبر
الساعة الـ 7:00 مساء

في احد شوارع الخبر الرئيسة يمشي بسيارته ما هو عارف وين يروح سعود من جاء من الدوام نام وتركه لوحده وماله خلق يروح البيت حتى سيف اتصل عليه واعتذر منه انه رايح يشوف امور القاعة مع اهله سمع صوت المسج وابتسم وهو يفتحه (( أسفه الغالي كنت نايمه لما دقيت توي صحيت )) يا حبي لها يا ناس فتح كتابة الرسايل وكتب لها (( نوم العوافي يا قلبي اقدر اسمع صوتك الحين )) ثواني وكان الرد واصله (( أكيد حبيبي دق الحين )) وقف سيارته قدام البحر وضغط على زر الاتصال بعد رنتين بس جاه صوتها الهادي إلي تعود عليه يوسف وصار يعشقه لحد الجنون ..
ساره\ الوو
يوسف\ هلا والله حيا الله الصوت
ساره\ بس الصوت ؟
يوسف\ هههههه الصوت من غير راعيته ما نبيه شخبارك يا قلبي ؟
ساره\ بخير والله أنت شخبارك ؟
يوسف\ بخير دامك بخير حبيبتي عسى ما أزعجتك وأنتي نايمه ؟
ساره\ لا أصلا مصمت الجوال ما توقعتك تدق العصر غريبة ما نمت ؟
يوسف\ لا والله ما جاني نوم ولا لقيت احد اطلع معه دقيت لك وكمان مارديتي وشوفيني من ساعتين أدور بشوارع الخبر والحين موقف قدام جسر البحرين شكلي بكمل واخذلي لفه بالمنامة لين 10 وارجع
ساره\ والله بس روح وشوف كان ما زعلت منك ولا عاد كلمتك
يوسف\ هههه نفسي اعرف ليش تكرهوني بالبحرين أنتي من جهة و سعود من جهة
ساره\ لنا نحبك ونبي مصلحتك
يوسف\ يعني أنا جاهل ولا اعرف مصلحتي ؟
ساره\ لا يا قلب ساره أنت رجال والنعم فيك بس نتكلم بصراحة أنت مستعد تحرق نفسك قدام إخوانك وتنسيهم المشاكل بدون ما تفكر بنفسك يوسف وحقها عليك تضل تراكم على قلبك لين ما عاد تعرف وش تبي إلا انك تنسى وعشان تنسى بتسوي أي شي لو غلط بس المهم انك تنسى وخلاص
يوسف\ أنتي متأكدة انك من الخبر ؟
ساره\ هههههه إيه وش دخل ألان هالسؤال ؟
يوسف\ شاك انك من جدة وأخت سعود الدب أسلوبكم في الإقناع واحد
ساره\ هههههههه لا والله من الخبر ولا عندي اخو اسمه سعود إلا على طارية وينه عنك اليوم
يوسف\ نايم من جاء من الدوام كان مواصل أمس
ساره\ اهاا قول كذا عشان كذا داق علي من بدري وسال عني
يوسف\ افهم إن هذي غيرة سوير
ساره\ هههههه لا تقول سوير يادب بعدين أنا واثقة من غلاتي عندك صحيح هو يشاركني كل شي بس يالله أنا سامحه له بمزاجي
يوسف\ ساره بطلبك طلب ولا ترديني
ساره\ اممم اذا غير الشوفة أمر
يوسف\ لا الشوفة خلاص حفظنا ردك شي غير
ساره\ تأمر يوسف إلي تبيه
يوسف\ بحط لك هدية بمحل الهدايا وخذيها شي بسيط مني أبيك تذكريني فيه
ساره\ يوسف وش براسك ؟
يوسف\ خليها ليومها وأقولك المهم تروحين تأخذينها يوم الأربعاء الليل اتفقنا
ساره\ زين لكن توعدني تقولي وش براسك
يوسف\ وعد يالله سوير بخليك الحين بروح أتعشى وأروح الشقة أنام
ساره\ اوكيه انتبه لنفسك
يوسف\ وأنتي بعد يالله فمان الله حبيبتي ..


*************

جدة
الساعة الـ 8:30 مساء

تمدت على فراشها بعد ما صلت العشاء اليوم مارجعت نامت الظهر عشان كذا تحس بصداع بيفجر رأسها سمعت الباب يدق بخاطرها اللهم اجعله خير
أم محمد\ ادخل
دخلت أم نواف و بيدها كاسة حليب \ تفضلي خالتي شفتك ما تعشيتي زين و سويت لك الحليب تشربينه قبل تنامين
أخذته أم محمد\ ليش تعبتي نفسك يا بنيتي الحمد لله شبعانه
أم نواف\ والله عيني عليك يا خالتي على السفرة ما كلتي شي
أم محمد\ الحمد لله إلا فهد و البنات ناموا ؟
أم نواف\ فهد راح غرفته يذاكر والبنات منال نامت من ساعة وهند توي نازله من عندها صلت و بتنام
أم محمد\ إلا ما قالت لك كيف شغلها عسى ارتاحت فيه ؟
أم نواف\ إيه تقول تعرفت على وحده معها لها سنه تشتغل وتقول طمأنتها
أم محمد\ الحمد لله عسى الله يكتب لها الخير فيه يأرب
أم نواف\ أمين يأرب ما ترتاح عيني لين أشوف هالبنت في بيت رجلها و أشوف عيالها حولها
أم محمد\ إن شاء الله بتشوفين عيالها وعيال إخوانها وقولي يأرب
أم نواف\ يأرب
أم محمد\ بس عسى ما قلتي لها عن إلي صار اليوم ؟
أم نواف\ لا يا خالتي هند ما هي ناقصة و الحمد لله إنها ما كانت فيه اليوم ......


**************




الجزء السابع

الثلاثاء
الخبر
الساعة إل 4:00 عصرا

طالعين من الدوام إحساسهم اليوم مختلف لا تعب و لا إرهاق و لا ملل يوسف تفكيره كله وش الهدية الي بيختارها لساره بكرة و سعود و هواء جده و شوقها يسري بجسمه بحرها و شوارعها و حتى زحمتها اشتاق لها جده غير بكل شي تسع سنوات له بالشرقية ما بين دراسة و عمل لكن ما نسته جده و أهلها تنهد من قلب \ وربي مشتاااااق لجده
يوسف\ ههههه قول مشتاق لامك يا النون عادي بفهمك
سعود\ هههههه إيه شوقي لها اكبر من شوقي لجده حرام يعني
يوسف\ الله يحفظها لك و يعوضني يأرب
سعود\ ما في أم إلا تحب عيالها وتخاف عليهم من الهواء الطاير بس يمكن أمك ما عرفت تحسسكم بحبها بسبة مشاكلها مع أبوك
يوسف\ يا شيخ أي حب وأي هباب أنام عندك بشقة ليالي ما تدري عني ولا تسال كان زين عرفت رقم جوالي فكنا بس ترى مزاجي رايق اليوم ولا أبي أعكره بشي
سعود\ غريب وش الي مروقك ؟
قالها يوسف بمزحه\ بفتك من وجهك ثلاث أيام شلون ما تبيني أروق
سعود\ ههههههههه اجل كذا إلا والله أنا الي برتاح منك و من حنتك على راسي
يوسف\ تكفى بس عاد لأرحت ماهو تنساني طمني عنك
سعود\ إن شاء الله بابا
يوسف\ هههههههههه بابا في عينك
سعود\ إلا ما قلت لي وش الي باسطك اليوم كذا بجد عاد ؟
يوسف كان بخاطره يقول ساره لكن ما كان يبي سعود يزعل فتذكر شغله مستأنس منها أكثر\ تعرف اختي الكبيرة محجوزة لولد عمتي من فترة وأمس كلمني يقول بعد رمضان يبي العرس باقي الثانية بس و محمد كلمت له واحد اعرفه قالي مرة اعتبر أوراقه جاهزة بس جيب لي شهادته لتخرج و ما يهمك بالباقي وساعتها عاد بتفرغ لنفسي
سعود\ أخبار حلوه والله وبتفرغ لنفسك بالعرس إن شاء الله
يوسف\ لا شي أهم
سعود\ وش الي أهم من العرس عندك خابرك مستقطع عليه ؟
يوسف وهو يوقف قدام المطعم\ بتعرفه بوقته لا تهتم أنت انزل بس جب لنا غداء و جب لي بيبسي معك
سعود\ ابشر دقائق بس.....

************

جده
الساعة إل 6:30 مساء


صلت صلاة المغرب و تمددت على سجادتها اليوم ثاني يوم دوام لها لكنه كان متعب أكثر من أمس أربع حالات تشرف عليها هند كانت اغرب حالة شافتها لبنت لسى ورده بشبابها عمرها 25 سنه ما رحمتها الدنيا سكر و ضغط و النهاية جلطة شلت حركتها الدنيا حقيرة لمن تشوف شخص يعجز عن ابسط الحركات اليومية البسيطة يعجز عن الأكل و البس وحتى قضاء الحاجة لوحده ( أكرمكم الله ) حمدت ربها على نعمته عليها وشكرته على فضله قامت ولفت سجادتها و حطتها بالصندوق ونزلت تحت تساعد أمها وتشوف جدتها اليوم الصبح حست أنها ما هي طبيعية و مخبيه عنها شي لكن ما هو على هند يا أم محمد جايتك و صلت عند باب غرفتها دقته وسمعت صوتها المبحوح و الواثق مع كل حرف تقوله جدتها تحس بثقتها بربها و بنفسها و قوتها و الي تعودت عليها من صغرها \ سلام يا نور البيت
أم محمد\ و عليكم السلام هلا يمه تعالي
كانت أم محمد جالسة على سجادتها و ماده رجولها الجلسة ذي تحبها هند تعودت كل ما حست بتعب و ضيق من الدنيا تحط رأسها على فخذ جدتها و هي تمسح على رأسها و تخفف عنها بحكمة الحرمة الكبيرة الي شافت من الدنيا أكثر من مما تتوقع هند.. حطت رأسها على رجولها و تمددت بجنب جدتها\ شخبار رجولك اليوم جدتي ؟
أم محمد\ لا الحمد لله بعد ما صرت البس الشربات خفت شوي علي
هند\ إيه الحمد لله
أم محمد\ هاا طمنيني كيف شغلك عسى مرتاحة فيه بس ؟
هند\ لا الحمد لله زين ما عليه
أم محمد\ الحمد لله يا بنيتي
هند\ إيه يا أم محمد ما تبين تقولين لي ؟
أم محمد\ وش أقولك يا يمه ؟
هند\ الي مخبينه عني ؟
أم محمد و الي بدت ترتبك\ ما اني مخبيه عنك شي يمه
هند\ علينا يا أم محمد غمزاتك أنتي و أمي من أمس ما راحت عن بالي و حاسة إنكم مخبين عني شي قولي بس قولي
أم محمد\ لا يمه هو ما في شي يستأهل
هند\ اهاا يعني فيه شي قولي و أنا اعرف اذا يستأهل و إلا لا ؟
أم محمد\ و الله يا بنيتي أنا بقولك لكن لا تزعلين وتحطين بخاطرك إحنا ما أنا متأكدين
هند\ متأكدين من شو ؟
أم محمد\ أمس الضحى دق على تلفون البيت واحد و قال انتم كم تبون في البيت ؟
تعدلت هند بجلستها \ أي بيت ؟
أم محمد\ هذا البيت يا يمه لكن أمك قالت له ما نبي نبيعه قال يمكن هو غلطان بالرقم
هند\ سبحانك لا اله إلا أنت أي غلطان و هو داق على البيت تلقين أبوي حاط البيت عند واحد من مكاتب ال**** و ناسين السعر الي حدده لهم ودقوا يسالون
تكلمت أم محمد بحكمه \ يا يمه أبوك صح غائب عقله و لا يدري وش يسوي لكن ورآه وحده داهية ما راح تحط رقمنا عند مكتب ال**** بتحط رقمها هي عشان تبيعه من غير حنا ما ندري بشي اذكري الله و إن شاء الله انه واحد غلطان زي ما قال
هند\ و الله مدري يا جده ما امن هالانسانة ابد
أم محمد\ قولي يأرب و خليها عليه أهم شي إخوانك لا يدرون تعرفين نواف و فهد ما بقى على اختباراتهم شي و قومي يمه هوني على قلب أمك تراها ما ارتاحت من أمس
هند\ إن شاء الله جدتي ....

*****************

الأربعاء
مطار الملك فهد بالشرقية

الساعة إل 1:00فجرا

يوسف\ يالله سعود خلصت لك الأوراق كلها بعد نص ساعة بتطير الطيارة
سعود\ تسلم والله اجل خلاص ارجع الخبر يمديك تنام كم ساعة قبل الدوام الله يهديك لو انك مخليني أجي بتاكسي كان يمديك مرتاح بفراشك الحين أو على الأقل جاي بسيارتي و موقفها بالمواقف
يوسف\ خل عنك بس وش أخليك تجي بتاكسي وأنا فيه قسم بالله لو تعيدها لزعل منك بعدين تحط سيارتك بالمواقف وش أنت فلوسك زايده تظمن إنها تبقى سليمة ثلاث أيام خلها بمواقف العمارة والجمعة أجي أخذك والسبت بنفسي اوديك المحطة الي بتحركون منها وهي خلها تنتظر العروسة خخخخ
سعود\ هههههههه يسمع منك ربنا
يوسف\ أي والله الله يزوجك و تفكني
سعود\ وأنت معي يأرب
يوسف و عيونه على صالة المغادرين للخارج\ بدري على العرس أنا حلمي ذيك البوابة تشوفها هناك
سعود\ تبي الشهادة ؟
يوسف و بعيون حالمه\ إيه أبي ارجع بدكتوراه في الهندسة أبي اثبت للكل من هو يوسف أبي أقول لعبد العزيز و احمد شوفوني نجحت و ما قصرت على إخواني الي اصغر مني مثلكم شوفوني رغم كل المشاكل سرت دكتور بشهادة من الخارج
ربت سعود على كتفه\ بأذن الله بيجي ذا اليوم و أنا بنفسي استقبلك
يوسف\ لا إن شاء الله أنت معي و خل ولد أختك الجداوي ذاك يستقبلنا
سعود\ ههههه فارس أيه والله ذا الولد من دخل الجامعة قلب هرجه جداوي أول ما كان كذا أنت عارف حلمي كمان أكمل دراستي لكن أم سعود من يقنعها ؟
يوسف\ تقنعها العروس طال عمرك تأخذها معك
سعود\ والعروس من وين نجيبها ؟
يوسف\ من بيت أبوها
سعود\ وينه بيت أبوها ؟
يوسف\ جمب بيت جدها
سعود\ ههههه الله يرجك بس اسمع نداء الركوب و أنت تهذر يالله نشوفك على خير
مد له يوسف يده يصافحه وسعود ما قصر سحبه لحظنه و تعانقوا \ وأنت بخير عاد طمني عنك
سعود\ إن شاء الله .....

,,,,,,,,,,,,,,,,,,,,

جدة
الساعة إل 04:00 فجرا

تتقلب في فراشها من ساعة ما هي قادرة تنام البيت كبير عليها ما فيه غير الشغالة و الي أكيد تكون نايمه الحين أخذت شيلتها و طلعت من الغرفة ومشت بصالة من جمب الدرج الدور الثاني بالنسبة لها شي مهجور من غير قرة عينها سعود بحكم كبر سنها معاد تقوى تطلع الدرج و جلسة بغرفه بالدور الأول هي و الشغالة بجمبها و صار الدور الثاني كله لسعود على أمل انه يتزوج و يسكن فيه وقت إجازاته جلست على كنبه مقابله للباب الرئيسي ثواني و سمعت صوت المفتاح النور كان خافت بالصالة و أم سعود نظرها على قدها كان كل خوفها الي جاء تكون أم عزام متمشكلة مع زوجها و مطلقها حطت يدها على قلبها و هي تشم ريحة عطره صارت تميزها من بعيد \ سعود
التفت لوراه هذا هو الصوت الي مشتاق له لكن وش صحاها الحين معقول يكون فارس خبرها اني بجي الحين لمحها جالسة بظلمة يأرب تكون بخير فتح النور بطريقه و رمى بكل جسمه على رجولها و جلس يبوس يدينها و يشم ريحتها \ إيه سعود يالغالية
أم سعود\ الحمد لله على السلامة يا يمه ما قلت لي انك جاي الحين
سعود\ عشان ما تقلقين و تهوجسين لو تأخرت عليك إلا أنتي وش الي مصحيك هالوقت ؟
أم سعود\ ابد يمه بس ما جاني نوم و الحمد لله يوم اني شفتك إلا أنت من وصلك ؟
كان واقف و ماسك الشنطة بأول الصالة\ سواقكم من غيروه ؟
أم سعود\ ههههه هلا يمه تعال اجلس
فارس\ فين اجلس هدا البزر الدلوع جاء و أخد مكاني ؟
سعود\ البزر هذا خالك يالي تستحي على وجهك
أم سعود\ تعال يمه مكانك محفوظ أنت الغالي تعال جمبي هنا
فارس وهو يحط الشنطة على الكنبة \ الله يخليك جدتي بس ورأي محاضرة الساعة تسعه ولسى ما نمت و كله من ولدك هداا
سعود\ لا قول يا ستي أحسن ترى لهجتك يبي لها تعديل من الصفر
فارس\ و هي على راسك يالله أشوفكم على خير
أم سعود\ تلاقي خير يمه إلا قول لامك إن أخوها جاء و تتصل على خالتك تقولها كمان
فارس\ طيب أقول لها بعد ما ارجع من الجامعة عشان ما تبلشني أجيبها من الصبح أنا مدري ليش يحبوا ولدك كل هادا الحب ؟
سعود\ تغاريا دب ؟
أم سعود\ يا يمه هو أخوهن الوحيد مالهن بعد الله سند غيره الله يخليه لهن و يحميه يأرب
فارس\ و تزوجوه و تفكوني هادي أخر سنه لي و كل ما قلت لامي اخطبي لي قالت ولد خل نزوج خالك أول و بعدين أنت
سعود\ هههههه اجل بأجل زواجي ثلاث سنين كمان
أم سعود\ الله لا يقوله إن شاء الله ما يخلص الشهر إلا وأنا خاطبه لك
سعود\ والله شكلك محصله لي عروس ؟
فارس\ ههههههااااي و عروس يحبها قلبك على ما سمعت من أخواتي إن خالتي أم عزام مختاراتها لك
سعود و هو يكتم ضحكته عشان أمه ما تنتبه\ و النعم والله أم عزام اختيارها ما يتعوض
أم سعود و هي فاهمه غمزاتهم\ الله يهديكم تتطنزون على بنتي هين كان ما قلت لها عليكم
فارس\ وي ايش تقولي لها أروح جامعتي ابرك سلام
أم سعود\ و عليكم السلام فارس يمه لا تسرع و صل الفجر قبل تنام
فارس\ ابشري
بعد ما طلع فارس تمدد سعود على الكنبة توه يحس بالتعب بجسمه خاطره ينام يوم كامل لكنه مشتاق لامه و بخاطرة يسولف معها لليوم الثاني قلب ألام دائما يحس بعياله قبل يتكلمون و كيف بأم سعود ألام الي كانت ألام و الأب و الصديق لولدها \ قوم يمه ارتاح بغرفتك أكيد انك ما نمت من أمس ؟
سعود\ أي والله يا يمه اني مواصل لكني بقوم أصلي الفجر و أبي ارجع من المسجد احصل فطور مشتهيه من يدين أم سعود الي اعرفها ما أبي الشغالة تحط يدها فيه
أم سعود\ بس كذا ابشر يا يمه ما تجي من المسجد إلا كل الي نفسك فيه جاهز كم سعود عندي أنا ؟
سعود\ واحد بس فكيه من بنتك و الي تبي تبلاني بهن .....

********************




الجزء الثامن

الأربعاء
جده
الساعة الـ 09:30 صباحا

دخلت هند لغرفة العلاج الوظيفي ( هالغرفة بيعلموا فيها المرضى كيف يعتمدوا على أنفسهم بالإعمال اليومية الي المفروض يقوموا فيها بأنفسهم مثلا في الأكل كيف يمسكوا الملعقة و الشوكة و كيف يعتمدوا على أنفسهم بخلع الملابس و فتح الازارير و كذاا .......) و بيدها مخدة كانت بتحطها خلف ظهر نوره تسندها فيها ( نوره البنت الي قلنا عمرها 25 سنه ) \ كذا تمام مرتاحة ؟
هزت نوره رأسها بمعنى إيه ( للمعلومية نسبه كبيرة من الأشخاص الي يتعرضوا للجلطات يفقدوا القدرة على النطق أو يصير الكلام ثقيل عليهم و فيه تاتاها مع الوقت يرجع للبعض النطق شويه شويه و البعض يفقدوه بالمرة حسب قوة و سرعة مرور التجلط عليهم و يترتب عليه كمان قدراتهم الحركية بعد الجلطة )
هند\ تمام يالله نبداء هذي الملعقة أول شي نتعلم نمسكها باليد اليمين يالله نوره أنتي تقدري تحركي يدك امسكيها أشوف قولي بسم الله ايوا تمام عليك
أم نوره والي تعودت هند تشوفها مع بنتها كل يوم \ الحمد لله يابنتي ايواه أنتي تقدري لكن حاولي اكتر من مره تدربي لازم ترجعي زي أول
هند\ إن شاء الله يا خالة بترجع زي أول و أحسن سمعتي يا نوره لازم تحاولي أكثر من مره ألان أبي منك تنزليها على الطاولة و ترجعي تأخذيها عشر مرات تعدي يالله ابدي أشوف واحد .. اثنين .. ثلاث .. قطع على هند صوت أم عبد الله تدور عليها \ هلا يا خالة أنا هنا
أم عبد الله\ المدير يبيك يا بنتي
هند\ خير يأرب وش عنده ألان ؟
أم عبد الله\ و الله مدري يا بنتي قالي خليها تجي دحين
هند\ زين مشكورة خالتي الحين أروح له شوفي نوره لما تخلصي عشرة ابدي خذي الملعقة من الصحن هذا لفمك كأنك تشربي شوربة عشر مرات كمان أنا ألان رايحه و راجعة ما اتاخر عليك زين
طلعت هند و أخذت عبايتها معها لبستها و نزلت تشوف المدير وش يبي منها على الصبح وصلت مكتبة وما حصلت السكرتيرة بمكتبها كانت مستعجلة ورآها حالتين لسى ما بدت فيها غير نوره الي تنتظرها سمعت صوته من ورى الباب يتكلم دقت الباب و جاهاء رده سريع و كأنه معصب من شي فتحت الباب وشافته يكلم بالتلفون دخلت وهالمره خلت الباب مفتوح و وقفت بجهة قريبه للباب المدير لما شافها سكر السماعة على عجل و ابتسم لها \ آهلين يا هند تفضلي لهون
هند\ مشكور أستاذ لكن مستعجلة خير طلبتني في شي ؟
المدير\ حلوه هاي استاز ليكي أنا اسمي نزار من هلا بتقولي نزار إيه طلبت ورآك من شان أسالك شو مرتاحة في العمل عنا ؟
هند\ إيه الحمد لله ماشي الحال
نزار\ حدا مضايقك عم بتحسي انه الشغل كتير عليك ؟
هند ببالها وش هالحنيه\ لا كله تمام مرتاحة
نزار كان شخص خبيث و عيونه زايغه على أي بنت سوى تشتغل عنده أو حتى بالشارع و قدام هند كأنه حصل ضالته و بداء يرمي شباكه فتح الدرج و طلع منه ورقة و قلم وقام من مكتبة و اتجه لهند \ إيه منيح بفهم انك مرتاحة عنا شو رأيك توقعي العقد من هلا نحن كمان مرتاحين لشغلك ؟
لأول مرة تشوفه هند واقف قدامها و تفصله عنها أمتار بسيطة كان نزار يقلصها مع كل كلمة يقولها شكله و وزنه المتجمع في البطن كان مقزز بالنسبة لهند لدرجة إنها حست بالغثيان منه و من قربه منها\ لا التوقيع صعب ألان
قرب نزار أكثر\ وليه ما تخافي لو عندك شروط بوافق لك عليها
رجعت بخطواتها لورى واجتمعت قواها \ راح أوقعه بعد شهرين مثل ما قلت أنا توي لي ثلاث أيام ما قررت اذا راح استمر أو لا
نزار و الي كان مركز على عيون هند\ أنتي ما عم تتعبي من العدسات كل يوم ؟
هنا وبس !! يطالعني بعيون ذئب جايع من أول ما وصلت و أنا الي قلت كبير بالسن له احترام و تقدير لكنه واحد واطي و أنا مستحيل استمر على هالوضع عفتي و كرامتي عندي بدنيا طالعته هند بنظرات احتقار من فوق لتحت \ لا و عن إذنك عندي شغل ....

جسمها صار كله يرتعش و أنفاسها سريعة من الغضب بحياتها هند ما تعرضت لموقف مثل كذا واحد قد أبوها يتحرش فيها و يستغل و حدتها و قسوة الزمن عليها كانت طالعه مع الدرج بدون ما تنبه للي قدامها كل الي حسته خبطه بكتفها خلتها تنتبه و ترجع لورى و هي تحس إنها بتطيح لكن يدين رؤى كانت أسرع و مسكتها \ الي أخد عقلك يتهنا فيه
تنهدت هند\ أسفه ما انتبهت أذيتك ؟
رؤى\ لا ايش فيك أحسك ما أنتي على بعضك ؟
هند\ لا أبدا بس سرحت شوي
رؤى\ كنتي عند المدير ؟
هند\ إيه
رؤى وهي تمد يدها و تلمس خد هند الي كان لونه احمر\ بنت عمل فيكي حاجة أتكلم عليك كلام وسخ ؟
هند\ كنتي تعرفي انه واحد حقير ؟
رؤى بتردد\ ايواه لكن أنتي ما لك إلا تلات أيام هنا لحق عليك من بدري ما قصر الحقير الله ياخده
هند\ ليش يسوي كذا و هو واحد قد أبوي ؟
رؤى\ الله يعز ابوكي عنه هدا واحد حقير ما خلى بنت إلا أتحرش فيها عارفة انه متزوج من وحده سعودية مطلع باسمها مركز غير هدا و فلوسه في جيبته غير البنات الي طلعوا من هنا و يقولوا انه الي أتزوجها بالسر و الي أتزوجها مسيار و غيره ربك يستر
هند\ استغفر الله يعني عايشين ببلدنا و مخلين شبابنا بلا وظائف و كمان عيونهم زائغة علينا
رؤى\ شفتي كيف وربي لو لا الحاجة كان تركت العمل هنا لكن وش بيدي مضطرة اصبر
هند\ الله يعينك لكن أنا ما أظن اقدر أبقى هنا على هذا الوضع
رؤى\ ايش بتتركي العمل ؟
هند وهي تهز رأسها \ مدري والله مدري أنا بديت أخاف منه
رؤى\ شوفي الأفضل ليك و اعمليه أهم شي راحتك
هند\ أكيد
رؤى\ يالله عن إذنك بروح اخلص الأوراق دي بقدم على إجازة
هند\ تفضلي و رقمي عندك راح نتواصل عليه
رؤى\ أكيد
كملت هند طريقها لفوق و هي تمسح دمعة قهر طلعت منها يترى لو كنت يبه معي لما قابلته كان قدر يتطاول علي كذا ؟ .....

**************

جده
الساعة الـ 06:00 مساء

صحي من نومه بعد ما نام 12 ساعة تقريبا حس بعدها انه نشيط و أهم شي مرتاح لأنه بجده و جمب أهله و ناسه قام من فراشه و دخل الحمام ( أكرمكم الله ) توضاء و صلى صلاته الي فاتته الظهر و العصر و لبس ملابسه و نزل يبي يشبع من سواليف أمه قبل يرجع أيامه هنا معدودة و الوقت الي أخذه بالنوم كان طويل الأصوات بالصالة كانت مزعجه ما بين صريخ أطفال و بكاءهم وصوت أخواته منسجمين في سوالفهم حس انه يفتقد لذا الجو الأسري بالشرقية هدوء الشقة قاتل بالنسبة له لكن هنا كل شي غير ابتسم و دخل الصالة \ السلام عليكم
قامت أم فارس و سلمت على سعود و تحمدت له بسلامه و أم عزام الي بادلته الابتسامة و سلمت عليه سعود و هو يسلم عليها تذكر أمر الخطيبة الجديدة فضحك و بادله فارس الضحكة \ خير وش الي يضحك أنت و ياه ليكون فيه شي ما هو عاجبكم ؟
فارس\ لا خالتي سلامتك والله انك زي القمر بس أتذكرنا منظر شوفناه اليوم الفجر بالمطار
أم عزام\ وش هو المنظر ذا ؟
سعود\ خليك الحين من المنظر و قولوا لي شخباركم ؟
أم فارس\ الحمد لله نحن بخير أنت قلنا شخبارك؟ و كيف دوامك ؟
سعود\ الحمد لله أموري كلها زينه أهم شي عندي اني شفت الغالية و شفتكم و تطمئنة عليكم
أم سعود\ الله يطمئن قلبك يا ولدي
أم عزام\ إلا غريب ما عندك دوام اليوم ؟
سعود\ لا والله ما عندي طالع السبت عمل و أعطوني اليوم إجازة
أم فارس\ و كم يوم عملك لا يكون بس في مكان ما فيه إرسال جوال زي أخر مره ؟
سعود بباله الله يهديك ما لقيتي تسالين إلا ذا السؤال قدام أمي \ لا ذيك المرة كان في البحر ما فيه جوالات الحين بالربع الخالي احتمال في إرسال أو جوال الثريا أنا أدق عليكم اطمنكم و لا يهمك
أم فارس\ إيه الحمد لله
أم عزام\ مدري وش حادك على كذا لو انك داخل قسم غير و متوظف هنا بجدة أحسن لك
سعود\ عاد هذا حلم ست الكل تبيني مهندس و الحمد لله يوم اني رفعت رأسها
أم سعود\ الحمد لله يمه
أم عزام\ أظن أمي عندها حلم لك غير انك تصير مهندس و إلا مو كذا يمه ؟
أم سعود\ والله يا يمه ما ناقصني إلا أزوجه و أشوف عياله بس
أم عزام\ و العروس جاهزة
سعود\ على البركة خاطبين لي من ورأي كمان ؟
أم عزام\ لا ما خطبنا ننتظر رأيك عشان ما نتفشل مع الناس
أم فارس\ و ليش نتفشل نقول لهم ولدنا معاد يبي بنتكم وين المشكلة ؟
أم عزام\ كيف نروح لناس نخطب بعدين نقول والله خلاص و لدنا معاد يبي بنتكم لعبة هي
أم سعود\ و انتن هذا حالكن ما تفتحن موضوع إلا تهاوشتن عليه هذا أخوكن قدامكن اسألنه لو يبغى البنت بكرة أروح أخطبها له
سعود\ بنت من هي ؟
أم عزام\ بنت خلف الـ.... جيراننا من زمان ونعرف أهلها ناس طيبين و ما عليهم كلام البنت تخرجت ذي السنة و جالسة بالبيت و سمعت أنها ماتبي تشتغل
سعود\ إيه اعرف أبوها و أخوانها من زمان ما عليهم كلام و الله
أم سعود\ اجل على بركة الله بكرة دقي يمه على أهلها و قولي لهم إنا بنزورهم
سعود\ الله يهديك يمه أنا بس قلت ما عليهم كلام لسى ما وافقت اصبري أفكر و أرد لكم خبر
أم عزام\ و متى بترد لنا بكرة أنت راجع وإلا يمكن بترسل علينا جمل من الصحراء تقولنا فيه
اللهم جيبك يا طولت الروح قالها سعود وهو يقوم من مكانه\ أقول قوم يا أبو الفوارس خل نلحق على صلاة المغرب اسمعها قامت
فارس\ إيه والله و بعدها بلفك كم لفه على جده شوف الحياة قبل تندفن في الرملة هناك
سعود\ إيه والله يالله مشينا واحشتني شوارع جده
أم سعود\ يا يمه لا تتأخرون عشاكم عندي الليلة

بعد ما تأكدت إن أخوها و ولدها طلعوا\ الله يهديك قالك أفكر وارد ليش تسمعينه ذا الكلام هذا هو زعل
أم سعود\ هذي أم عزام ما ترتاح لين تزعل الناس منها و تقول كلام ماله داعي خلني أقوم أصلي قبل ترفعن ضغطي
تركتهم أم سعود و راحت تصلي هالبنتين لا يمكن يكبرن من يوم هم صغار ما يتفقن على شي مع بعض .....

***********

جده
الساعة الـ 09:00 مساء

من رجعت من دوامها و هي بغرفتها ما طلعت و لا حتى أكلت شي قالت لامها إنها تعبانه و تبي تنام لكن من وين يجيها النوم اليوم حلمها وأملها أنقتل قدامها حتى الأماني الي أهدتها لجدتها بالفرش الجديد و إلا لمنوله بالعاب الجديدة الي تتمناها ماتت قدامها هند قررت ما ترجع لشغل مهما كان اذا سلمت من ذا الشخص مرة ماراح تسلم مرات خافت تضعف و تضيع نفسها وأهلها قدام نزوات واحد مثل ذا الإنسان السافل دفنت رأسها بالمخدة و صاحت الم و قهر و وحده تعيشها محتاجه سند بالدنيا اليوم بس حست بمعنى وجود رجل بحياتهم يحميهم و يسندهم اليوم عرفت إن قوتها لها حدود قدام المجتمع الخارجي حست بحاجتها للأب للأخ لكن و ينهم و ين الدنيا عنهم ....

هاهي ****ب الساعة تدور وكذلك الحياة تدور لكن دون توقف
تمر الأيام وتنقضي أيام ونحن في ذهول وصمت من موقف الزمان لنا
ماذا نقول ؟ أنقول إنها تريد منا كسب ثمارها!؟


كيف؟؟؟؟
وكل يوم ٍعن يوم تزداد الحياة قسوة وألم فكلما يحين وقت نومي ارسم أملاً للغد
وعندما استيقظ يكون التفاؤل قد اكتمل رسمه لكن ..

أرى الألم هوا الذي يملئ صفحتي
و يا لها من صدمه قوية تهز كياني وتخدش بقايا أحلامي .

أين أنا من هذه الحياة وأي جزء ألقى به أملي..




الجزء التاسع

الجمعة
الساعة الـ 02:30 مساء

لحظة الوداع لابد منها مثل ما استقبلته قبل يومين راح تودعه بعد دقائق بدموع شوقها له هالمرة ما راح تشوفه إلا بعد أسبوعين و احتمال ما تسمع صوته أسبوع كامل مسحت أم سعود دمعتها بطرف شيلتها و هي تشوف فارس داخل البيت عشان يأخذ سعود للمطار\ وي ياجده ايش الي يصيحك دحين ؟
أم سعود\ هالحين أنت متى بتكلم زينا و زي اهلك جايب لي لهجة ما اعرف من وين حتى ما تنفهم تقلب لي بالحروف
فارس\ أنا فاهم شعورك من تشوفي وجهي قلتي هدا جاي ياخد ولدي و عصبتي لكن لا تخاصميني لان ولدك هو الي دق عليه و قالي تعال دحين إلا هو وينه ؟
أم سعود\ فوق يجيب شنطته و بينزل
فارس\ و المسلسل خلص وإلا لسى ؟
سعود و الي كان نازل و سمع فارس\ لا لسى هو أنا اقدر ما أخليك تشوفه من أوله ؟
أم سعود\ بسم الله عليكم أي مسلسل الي تشوفونه الحين ؟
سعود\ ههههههه قصده مسلسل الوداع يمه
أم سعود\ قوم من وجهي أنت و هو الحين أنا من الصبح ما جفت لعيني دمعه ادعيلكم وانتم جالسين تتطنزون
فارس\ هههههههه طيب ولدك مسافر و تدعيله بسلامه هدي فهمناها أنا ليش تدعيلي وربك خايف انك تدعين عليه ما هو تدعي ليه
أم سعود\ لا يا يمه أنا من لي غيرك بعد سعود من شايلني و شايل البيت في غياب خالك أنت ما أنت ولد بنتي و بس أنت ولدي الثاني
فارس وهو شاق بالابتسامة\ الله يخليك لي يا الغالية أنتي كمان عارفه انك أمي التانيه و عايش عندك اكتر من أمي
سعود\ إيه الطيارة بتروح علي و أنت قالبها غزل في أمي امش خذ الشنطة و اسبقني السيارة
لف سعود على أمه واخذ يدها يبوسها و باسها على رأسها \ يالله يا الغالية ادعيلي و أرضاك عني و أهم شي صحتك انتبهي لها و خذي حبوبك على وقتها
أم سعود\ إنشاء الله يمه و قلبي راضي عنك وين ما رحت لكن طمني عنك لأرحت الصحراء يمه قلبي ما يقدر ما يسمع صوتك أسبوع كامل
سعود\ إن شاء الله يمه و لا يهمك لك الي يطمنك حتى لو ما قدرت أدق اخلي يوسف يطمنك عني
أم سعود\ إلا هالولد شخباره ما سولفت لي عنه
سعود\ بخير ما عليه أمس الليل مكلمه و بيستقبلي في المطار بعد شوي يلا يمه الحين فارس تلاقينه عصب طولت عليه أشوفك على خير
أم سعود\ و أنت بخير يا قلب أمك اتصل علي أول ما توصل
سعود \ أكيد يمه
أم سعود و هي تمشي مع سعود للباب\ إلا يمه ما رديت لي خبر نروح نخطب لك من عند الناس وإلا لا ؟
سعود وهو مستعجل لبس نظارته الشمسية وطالع\ الي تشوفينه يمه اذا البنت عاجبتك توكلي على الله
أم سعود\ و النعم بالله الله يفرح قلبك يا يمه زي ما فرحتني...


***********

جده
الساعة الـ 04:00 مساء

سحبت نفس قوي اوووف أخيرا خلصت صاير متعب الكوي و أحس بألم في ظهري منه خل اخذ ملابس جدتي و أرتبها لها الحين أحسن .. نزلت هند لغرفة جدتها و دخلتها و على بالها أنها بالصالة \ جدتي أنتي هنا اسمحيلي ما دقيت الباب أحسبك في الصالة
أم محمد\ تعالي يمه ما عليك حطي الثياب عندك و تعالي هنا جمبي أبيك
هند\ لبيه جدتي بغيتي شي ؟
أم محمد\ كيفك الحين يا يمه عسى ما عاد تحسين بتعب ؟
هند\ لا الحمد لله بخير
أم محمد\ وش الي جاك أنتي يمه طلعتي من عندنا بوجه و رجعتي بوجه ثاني ؟
هند\ مدري جدتي يمكن من الشغل و الشمس يوم الأربعاء كانت حاره
أم محمد\ بس ؟
هند\ إيه بس جدتي ما فيه شي
أم محمد\ وليش صبح الخميس عيونك و خشمك كانت حمر و كأنك صايحه طول الليل ؟
هند\ لا ما صحت أنا وليش أصيح
أم محمد\ قول لي يمه حد مضايقك تخبين عن جدتك ؟
يا ربي هما راح يعرفون اليوم وإلا بكرة بيعرفون لكن وش أقول لهم هند\ جدتي بصراحة أنا معاد برجع للمركز
أم محمد\ و ليش يمه ؟
هند\ أنتي علمتيني إن الشي الي نبغاه اذا كان فيه ذل لنا نتركه حتى لو كنا محتاجينة صح ؟
أم محمد\ صح يمه
هند\ و أنا ما ارتحت فيه ولا لمديرة
أم محمد\ تعرض لك بشي يمه ؟
هند\ لا لا يا جدتي أنا تربيتك محد يقدر يغلط علي لكني ما قدرت ارتاح قلت اترك الشغل من أوله
أم محمد\ أهم شي راحتك يا يمه الله يعوضك با أحسن منه
هند\ أمين يأرب يالله عاد أعطيني يدك و تعالي معي الصالة نجلس هناك
أم محمد\ يالله يمه .....

****************

الخبر
الساعة الـ 05:30 مساء

بمواقف المطار منظر مضحك للمارة يوسف كان مغطي عيون سعود بيد و بالثانية ماسك يده و يمشيه معه و سعود متعجب تصرفه عليه حركات طفوليه هالانسان\ يا أخي ضحكت علينا الناس وش عندك ؟
يوسف\ خلاص وصلنا فتح عيونك
فتح سعود عيونه و طلعوا علي و سيف في وجهه من ورى السيارة \ سبرايز
سعود\ بسم الله مستخفين انتم
علي\ هههههه لا نحاول الحمد لله على السلامة
سعود و هو يمد يده و يصافحهم\ الله يسلمكم ايش هذي الحركات جايين المطار و متعبين أنفسكم
سيف\ هذي مخططات خويك
يوسف\ يستأهل سعودي
سعود\ من هذا سعودي ؟
يوسف\ ههههههه أنت من غيرك يا عريسنا
سيف\ يا أخي كان انتظرت لين أعرس و بعدين خطبة لازم تحرق الجو علي يعني و أصير المعرس القديم
سعود\ الله يهديكم وش معرس أنا توي جايكم و أهلي ما خطبوا لسى بس كلام مدري البنت توافق و إلا لا
يوسف\ و هي وين بتحصل أحسن منك إلا بتوافق و غصب عنها بعد
سعود\ و أنت مرة محد يقولك شي إلا وزعته و أشهرته بتصرف تقول رويترز
علي\ افى بس يعني حنا غرب عنك يا سعود ؟
سعود\ لا والله انتم من العين و الرأس لكن أنا مدري وش راي الناس ولا حتى متى أهلي بيرحون يكلمونهم و يمكن البنت تكون مخطوبة يعني لسى بس كلام بينا الناس ما يدرون
سيف\ الله يقدم لك الي فيه الخير و اذا أنها من نصيبك ربي يبارك لك
يوسف\ المهم إن فيه خطبة و أنا متأكد إن اهلك بيكلمونهم اليوم يا أخي افهم يبون الفكه من موضوع عرسك هذا
سعود عرف انه ماله فكه منهم\ زين ماراح تأخذوني الشقة وإلا عاجبتكم الوقفة في ذا الغبار
علي\ أحلى يا الي جاينا من باريس بتفهمني إن جده ما فيها غبار الحين
سعود\ لا والله يومين ولا شفته أصلا جده حتى لو يجي فيها غبار ما يجي زي هنا شي بسيط و بس لكن هنا أعوذ بالله تتنفس تراب
يوسف\ امش بس اطلع و احلم بالنقل بتعيش طول عمرك أنت و عيالك هنا
سعود\ الله كريم سجلت طلب نقل لفرع ينبع قبل سنه يمكن ربك يشملني بفضله
سيف\ يا الخاين و بتتركنا ؟
يوسف\ لا و حتى أنا ما يقولي إلا الحين اطلع بس و بعدين نتفاهم على ذا الموضوع لا تخرب علينا الجو الي مسوينه
علي\ اطلع مع سيف ورى العرسان و العزاب قدام
يوسف\ هههههه أحلى كفك يا العزابي
سعود\ أي جو لا تكونون قالبين الشقة بالونات و هدايا
سيف\ و من قال لك أنا بنروح الشقة حنا عازمينك الليلة برى
سعود\ و الله ماله داعي تكلفون على أنفسكم
يوسف\ اسمع هذا يا أخي أسبوع ما راح نشوفك خلنا الليلة نفلها معك
سعود\ أنت ناسي إن ورأي قومه من الفجر
يوسف\ ههههههههه لا تخاف بنرجعك بدري حنا كمان خايفين على مستقبلك الوظيفي و الأسري ما راح نشرد بنت الناس معك من أولها
علي\ هههههههه الله يرجك والله اني خايف إن المدام ما تصبر عليك يا سعود لكن مهد لها الموضوع من بدري
سعود\ ههههههههههههه أكيد لازم تعرف هذا الشي أول حاجه لمستقبلها
سيف\ ههههههه الله يعينها
كملوا الشباب طريقهم للمطعم الي كانوا حاجزينه للعشاء وداع مؤقت لجلسة سعود و سوالفه أسبوع كامل.......


على الساعة 09:30 رجع سعود مع يوسف الشقة بعد عشاء و سوالف مع شباب ما راح تنسي بسهولة دخل و شاف الصالة مقلوبة فوق تحت جرايد فكل مكان و أكياس و علب بيبسي على الطاولة و الكنب حتى على الأرض \ أوف قالب الشقة زبالة أنت ؟
يوسف\ ههههه لا ما عليك هالحين أرتبها لك
سعود\ أكيد بترتبها أصلا أنا بدخل أنام
يوسف\ خذ راحتك
مشى سعود لغرفته لكنه انتبه لوجود شي غريب بين الجرايد غلاف هدايا و أشرطة و ورد مجفف اخذ الغلاف بيده و لف ليوسف\ وش ذا ؟
يوسف وهو يبتسم لذكرى\ غلاف هدية وش يعني أول مرة تشوفه ؟
سعود\ لمن ؟
يوسف ببلاهة\ للحارس وش قالوا لك لي طبعا
سعود بحده\ و من مين ؟
يوسف\ ساره ؟
قرب سعود من يوسف و حط وجهه بوجهه\ جبتها هنا ؟
يوسف\ وش تقول أنت مجنون مستحيل اخذ بنت لشقة أنت عارف حدي معهن لفة بسيارة و إلا جلسة بمكان عام قدام الناس و عمري ما تعديت شي غير كذا
سعود\ يعني أخيرا شفتها لست الحسن و الدلال ؟
يوسف\ لا ما شفتها
سعود\ و الهدية كيف و صلتها لك ؟
يوسف\ حطيت لها هدية بمحل الهدايا الي بفينيسيا مول شفته و حطت لي هي كمان و رحت أخذتها لا شفتها و لا شفتني ارتحت
سعود\ اهاا يعني تأكدت أنها من الخبر الحين ؟
يوسف\ يس
سعود\ و بتستمر معها كذا على ذا الحال ؟
يوسف\ مدري يا سعود أنا مرتاح معها والله لكن هي مدري وش ورآها من أسلوبها و كلامها معي أنها بنت ناس و ما هي حقت طلعات و سهرات و متأكد اني أول واحد بحياتها
سعود\ وش الي يخليك متأكد ؟
يوسف\ لا يغرك البنت الي ما عمرها كلمت تنعرف ترى خويك صار خبره فذا الحركات
سعود\ إيه زين يا الخبير انتبه بس لا تخونك خبرتك ذي المرة خلني أروح أحط راسي ابرك لي
يوسف\ متى بتصحى أنت ؟
سعود\ ستة و نص لازم أكون عند المحطة الي على طريق الإحساء قبل اللفة
يوسف\ زين يعني على خمس و ربع نمشي يمديك تنام .......


***************




الجزء العاشر

السبت
جده
الساعة الـ 08:30 صباحا


دخلت هند مع جدتها للبيت بعد ما مشت معها شوي بالحوش أم محمد تعودت على الشمس كل صبح لازم تطلع و تحرك رجولها على قولتها \ جدتي تبين غرفتك و إلا تجلسين بالصالة ؟
أم محمد\ لا يمه وديني عند أمك الصالة و هاتي لي كاس مويه الله يسقيك من حوض محمد
هند\ أمين يا جده و أنتي إن شاء الله.... هااا وصلنا ياجده اجلسي هنا على الكنب أحسن لك
أم محمد\ بسم الله
جلسة أم محمد عند أم نواف الي كانت تكلم نواف قبل يدخل محاضرته و تطمئن عليه دقائق و جأت هند بكاس المويه لجدتها \ تفضلي جدتي
أخذت أم محمد الكأس و سمت و شربته\ تسلمين يمه
هند\ الله يخليك لي يأرب
أم نواف\ نواف يسلم عليكم
أم محمد\ الله يسلمه إلا شخباره عساه طيب ؟
أم نواف\ لا الحمد لله بخير
أم محمد\ الله يوفقه و يصلح أمره يا بنيتي
أم نواف و هي توقف\ أمين يا خالتي الله يسمع منك
هند\ وين رايحه يمه ؟
أم نواف\ بروح المطبخ فهد له يومين يقولي نفسه فالمحشي قلت أسويه له اليوم
هند\ خليك يمه هنا مع جدتي أنا أجيب لك الكوسة هنا تفرغيها و أنا أسوي لك الحشوة أصلا أنا بسوي الغداء اليوم خليك مرتاحة
أم نواف\ الله يريحك يا يمه إلا أنتي خلاص ما بترجعين لشغل ؟
هند و هي رايحه\ لا يمه خلاص
أم محمد\ خليها على راحتها يا بنيتي

في طريقها للمطبخ سمعت صوت التلفون كانت الأقرب له \ الوو
المتصل\ السلام عليكم
هند\ و عليكم السلام
المتصل\ هند ؟
هند و الصوت بداء ما هو غريب عليها\ إيه نعم
المتصل\ إيه شو عم بيولوا ما داومتي اليوم لا تكوني تعبانه بدك اليوم أجازه ؟
هند و خاطرها تقفل الخط بوجهه\ لا أنا بخير لكن ما راح ارجع لشغل و لو سمعتك دقيت هنا مرة ثانيه راح أقول لأخوي عنك ... قالت له كلامها و قفلت الخط بوجهه بدون ما تنتظر رده واحد جبان
أم نواف\ من يا يمه ؟
هند\ واحد غلطان فديتك .......وكملت طريقها و هي تطوي صفحة الم من حياتها.

************

الربع الخالي
الساعة الـ 10:30 صباحا

بعد ما مشى وسط الصحراء 200 كيلو متر تقريبا وصل سعود لمقر البئر الجديدة الي راح يشرف عليها هو و مهندس تعرف عليه مع الوفد الي وصل معه المكان كان شبه مقطوع عن العالم الخارجي مجرد غرف جاهزة للعمال وسط كثبان رملية و كم آلة حفر و مواتير للكهرباء و أنابيب مجهزة لتركيبها مع بعض لتوصيل الغاز للخزانات المخصصة لنقلها لمعمل التكرير الي يبعد خمسين كيلو من البئر المنظر ما كان جديد على سعود ابد نزل و حس بحرارة الشمس كانت حارقة و تختلف بقوتها عن حقل أو حتى عن حدود الكويت استقبلهم الموظف المسئول عن العمال و رحب فيهم و أخذهم للمكتب المخصص لسعود و حمد <<< المهندس الي بيشاركة في العمل .. المكاتب و سكن العمال كانت مكيفه بمواتير الكهرباء طبعا و الي تصدر صوت مزعج و ضجيج في المكان
حمد\ لا اله إلا الله وش ذا الحر ؟
عبد المحسن المسئول عن العمال\ لسى ما انتصفت الشمس بين الساعة 12 و 4 توصل درجة الحرارة أحيانا للخمسين
حمد\ أوف خمسين لا والله احترقنا
سعود\ أول مره تجي الربع الخالي هذا و أنت جاي على أخر الصيف كيف لو بأوله تعيش جهنم الحقيقية هنا
عبد المحسن وهو يوجه سؤاله لسعود\ جاي قبل هنا ؟
سعود\ إيه أكثر من مره لكن أول مره أتوغل حدي خمسين ستين كيلو بس و اغلب شغلي بالبحر و على حدود الكويت والله
عبد المحسن\ واضح عليك لكن المهندس و سكت..<< ما هو عارف اسمه
حمد\ أنا اسمي حمد و هذا المهندس سعود طبعا أنا توي متوظف و هذي أول مهمة خارجية لي يعني بتسمعون شكاوي لين أخر يوم هههههه
عبد المحسن\ ههههه و النعم والله بكم وياكم عبد المحسن المسئول عن العمال هنا
سعود\ حياك الله عاد ألان بنبداء الشغل عشان ما نضيع الوقت وصلتكم المخططات الأولية صح ؟
عبد المحسن\ إيه هذي هي الي قدامك
أخذها سعود و اخذ خوذة الرأس الي قدامه على الطاولة و وقف \ يالله حمد نباشر العمل بالموقع
حمد\ يالله بسم الله شكل ما فيه راحة من المشوار ؟
سعود\ لا طبعا ما فيه كان تبي ترجع لراحة اشتغل من ألان و بدون نقاش بكرة بتسير أنت المسئول عن المهندسين الي بيتوظفون بعدك
حمد هز رأسه بمعنى إن شاء الله و مشى مع سعود و بباله كان يقول إن سعود شخص صارم بعمله و لا يتهاون لكن بلطف و لين و هذا الي كان يحتاجه موظف جديد مثل حمد في أول مهمة ..


****************

جده
الساعة الـ 01:45 مساء

مجتمعين على الغداء ثلاث أيام مرت ما كانت هند تحظر ذي ألمه الحلوة كانت مبسوطة و مرتاحة نفسيا من هم نزار و هي تشوف إخوانها مجتمعين و أمها و جدتها يمدحون أكلها و طعمه
أم محمد\ الحمد لله
هند\ ما كلتي جدتي لا يكون أكلي ما عجبك ؟
أم محمد\ لا يا يمه شبعت الحمد لله ماشاء عليك يا بنيتي طالعه على أمك نفسك في الأكل حلو
أم نواف\ بالعافية يا خالتي
منال\ هند لما اكبر أبى أكلي حلو زيك
هند\ إن شاء الله فديتك يطلع أحلى مني كمان
فهد وهو قايم يغسل يديه\ صراحة طلعتي فنانه بالمحشي أعجبني
هند\ أنت عاد بنزوجك سوريه عشان تريحنا من أكلك هههههههه
أم نواف\ لا إن شاء الله غير السعودية ما يأخذ ولدي
فهد\ على هونك يمه زوجي هند و نواف و لا زوجة لك منال بتزوج أنا
قالتها ببراه منال \ لا أنا بتزوج مع هند في بيت واحد
هند\ هههههههه فاهمه الدنيا غلط الأخت
أخذتها أم نواف بحضنها \ إن شاء الله افرح بكم كلكم يأرب و أشوف عيالكم ......

*************

الربع الخالي

الساعة الـ 09:30 مساء

أتقلب في فراشه يمين يسار ما هو قادر ينام من طبعه ما يعرف ينام اذا أتغير عليه المكان أول ليلة و يواجه صعوبة كبيرة في التأقلم خاف انه يقلق حمد و يزعجه بنومه فقرر يطلع يمشي شوي يمكن يجيه النوم الجو كان بالليل بارد بالصحراء و القمر كامل بالسماء و عاكس بنورة على الكثبان الرملية و معطيها منظر و لا أروع وسط هدوء و سكينه من كل الكائنات الحية في المكان سوى بعض الحشرات و الزواحف الي تطلع بالليل تدور على قوة يومها ما كان يعكر المكان و هدوءه إلا صوت مواتير الكهرباء المزعجة و المنفرة حتى للحيوانات الصحراوية ( السكان الأصليين للمنطقة ) مشى سعود بين الرمل و تفكيره كله عند أمه و كيف يقدر يطمنها عليه و يسمع صوتها طالع جواله للمرة الألف من وصل في محاولة يائسة انه يلمح لو درجة إرسال لكن خاب أمله كمان ... لمح شخص جالس قدامه بخاطرة استغرب من الي صاحي ألان حسب علمه كل العمال و الفنيين ينامون على حدود تسع أو ثمان و نص قرب منه و اتضحت له ملامح الشخص الي كان جالس و بيده سيجارة و يبدو إن تفكيره متعدي حدود المكان \ عبد المحسن وش الي مقعدك هنا ؟
فز من مكانه و التفت لمصدر الصوت\ هلا مهندس سعود ابد أنا متعود على الجلسة هنا إلا أنت وش مصحيك ؟
سعود و هو يجلس قريب منه\ أنا مانمت لسى عشان اصحى ما هو راضي يجيني النوم هنا
عبد المحسن\ عادي الليلة ما يجيك و بكرة تعود تلاقي بالك مشغول في شي الليلة ؟
سعود\ إيه والله مشغول مع الوالدة ما طمأنتها تلاقي بالها مشغول علي و الجوال زي ما تشوف وجوده زي عدمه
عبد المحسن\ جوالك الاتصالات ؟
سعود\ إيه
عبد المحسن\ اجل أنساه ماله داعي هنا لو رقمك موبايلي تمشي جهة الجنوب أربعين كيلو يشتغل فيه برج هناك
سعود\ شكلك تعرف المنطقة زين ؟
عبد المحسن\ إيه
سعود\ لك مده طويلة هنا ؟
عبد المحسن\ لي شهرين ونص أتنقل من بئر لبئر و هنا لي أسبوع
سعود\ أوف و لا شفت اهلك شهرين و نص ؟
عبد المحسن و هو يولع السيجارة الثانية\ لا شفت كيف انتم المهندسين تجون أسبوع و إلا كم يوم و تشكون من الطفش و الملل شوف العمال هنا يخلصون شهور لا شافوا أهلهم و لا حتى عرفوا أخبارهم
سعود\ الله يعين و ما تكلمونهم كمان ؟
عبد المحسن\ تعرف ما فيه وقت نروح لين البرج عشان نتصل أول ما وصلنا هنا كان فيه بدوي ساكن بااهله معه جوال الثريا كانوا الشباب يروحون يتصلون من عنده و يعطونه فلوس لكنه يومين و رحل يقول بيسكن عند عيال عمه على حدود عمان تلاقي صوت المواتير أزعجه بنومه و استحى يقول
سعود\ ههههههه إلا والله فر بجلده قبل صوت الحفارات
عبد المحسن و هو يمد سيجارة لسعود\ تدخن ؟
سعود و هو يوقف\ لا الحمد لله ما أقربه يالله أنا رايح أنام لي شوي ورأي شغل كثير بكرة تصبح على خير
عبد المحسن\ تلاقي خير إلا أقولك ترى في هنا تلفون يدق لشركة بس يعني لو لك حد تعرفه تكلمه يوصلك سلام لهلك
سعود\ الله يبشرك بالخير ....


****************

جده
الساعة الـ 09:40 مساء


بعد ما خلصت غسل الملابس طلعت هند للحوش تجففها بحبل الغسيل جدتها و أمها من ساعة و هم جالسين بالحوش الجو بدا يتحسن و خصوصا بالليل بس لو تخف الرطوبة شوي يا سلام قابلتهم عند الباب \ شو داخلين خلاص ؟
أم نواف\ إيه خلاص جدتك سهرت اليوم بتنام
أم محمد\ إيه والله يمه إلا أنتي وش مطلعك بعد ما دخلنا ؟
هند\ بودي الملابس و أجي أنا جدتي
أم نواف\ زين يمه قفلي باب الحوش معك من جوا فتحته أختك و لا قفلته
هند\ إن شاء الله يمه
كملت هند طريقها جهة حبل الغسيل و بدأت تنشر الملابس و الهواء يلعب بشعرها سمعت صوت من ورآها ما قدرت تلف تشوف أتصلب جسمها تبي تتحرك أو حتى تنطق ما قدرت هي متا كده إن فهد فوق يذاكر و منال نامت من بدري و أمها و جدتها دخلوا قدام عيونها يعني كل أهل البيت جوا إلا هي مين الي فتح الباب ؟ و ين راح تتخبى ؟ ومين يكون ؟
\ هند ........


**********************




الجزء الحادي عشر

تجمدت أطرافها حتى الملابس طاحت من يدها معقول الصوت الي سمعته معقول يكون هو؟ لكن صوته هادي على غير العادة \ يبه !!
أبو نواف\ اجل من بيجيكم الحين ؟
تركت من يدها و قربت اليوم أبوي هادي و ما يصارخ زي العادة يأرب يكون بخير\ هلا يبه حياك
أبو نواف\ وين أمك و أخوانك ؟
هند يأرب استرها بتردد و خوف عليهم\ فيه داخل
أبو نواف قالها و هو يمشي\ أحسن تعالي لي المجلس أباك في كلام
مشت ورآه و هي ما هي مستوعبه الي يصير من سبع سنوات أبوي ما عاد عنده أسلوب لا لنقاش و لا للكلام جاي اليوم بكل هدوء يبي يتكلم معي لوحدنا يأرب خير
هند\ أجيب لك شي تشربه يبه ؟
أبو نواف\ أنا ما اني جاي اشرب عندكم شي تمنون علي به أنا جاي بقولك كلام و لا تقولين فيه شي أنا أبوك و أدرى بمصلحتك
هند\ خير يبه ؟
أبو نواف\ فالولي انك لقيتي شغل و لا جلستي فيه أعوذ بالله خوف إن الواحد يستفيد منكم لو بريال
هند مسرع ما عرف\ ياليت أخبارك توصلنا يبه زي ما كل أخبارنا عندك
أبو نواف\ لا تضيعين الي جاي لك عشانه و اسمعيني زين أنتي كبرتي و صرتي في سن زواج و أنا اليوم جاي أقولك انك انخطبتي و أنا وافقت
هند بصدمه\ يبه بس أنا ما أبي أتزوج
أبو نواف بغضب\ هذا الكلام ما هو عندي أنا عطيت الرجال كلمة و زواجك بعد الاختبارات يعني معك ثلاث أسابيع جهزي حالك و هذي 12 ألف عشان ما تقولين أبوي ما عطاني من المهر والله ثم والله يا هند لو فتحتي فمك بكلمة و قلتي انك ما أنتي موافقة اني لخليكم تنامون بشارع
الكلام الي سمعته اكبر من طاقتها عمرها ما فكرت إنها بتجبر على الزواج من شخص ما تعرفه لكن أبوها ربط مصير الكل برقبتها و هذا الشي صعب عليها \ أنا موافقة يبه بس عندي شرط و أوعدك ما اكسر كلمتك ابد ...


نازل مع الدرج بكتاب الرياضيات يدور على هند تشوف له المسالة و تساعده بحلها لكن ما شافها لا بالصالة و لا بالمطبخ قال بباله أكيد بيحصلها بغرفة جدته وصل عند باب الغرفة شاف أمه طالعه بوجهه \ يمه هند جوا ؟
أم نواف\ لا يمه يمكن بغرفتها
فهد\ لا يمه ما هي فوق ولا بالمطبخ ما حصلتها
أم نواف\ بسم الله وين راحت ؟
أم محمد و هي بفراشها \ هي راحت تنشر الملابس شوفها يمكن عجبها الجو و جلسة برى يمه
ضربت أم نواف على صدرها و هي تتذكر الباب المفتوح\ روح يمه شوفها باب الحوش كان فاتح لا يكون حد دخل على أختك
أم محمد\ اذكري الله و تعالي ساعديني أقوم
راحت أم نواف تساعد خالتها تقوم حرمة كبيره و خطوتها صعبه و ثقيله لكن هند عندها أهم من راحتها .. فهد الي راح يجري من سمع كلمة الباب المفتوح رجع و هو مصدوم من الي سمعه و ما هو عارف كيف يتكلم لجدته و أمه الي وصلوا نص الصالة
أم محمد\ وين أختك ؟
فهد\ في المجلس مع ........ و سكت
أم نواف\ تكلم مع من ؟
فهد\ أبوي !!!!!!
أم محمد\ امش ودني له
انصاع فهد لكلمة جدته و أخذها من جهة و أم نواف من الجهة الثانية صارت خطواتها أسرع ما بين شوقها لشوفه ضناها و خوفها على هند الي غلب عليها وصلوا الباب الخارجي لصالة و شافوها تقفل البوابة الخارجية شافتهم وجات له مبتسمة بنصر على الي سوته\ أش فيكم واقفين كذا ؟
أم محمد\ وين أبوك ؟
هند\ كيف عرفتوا انه كان هنا ؟
فهد\ أنا جيت أدورك و سمعت صوته في المجلس
هند بخوف\ سمعت شي ؟؟
فهد\ لا أش كان يبى و ليش ما دخل عندنا ؟
أم محمد\ ليش ما دخل يسلم علي وأشوفه ؟
و هو أبوي في وعيه أصلا يا جده\ كان مستعجل بيجي بعد كم يوم
أم نواف\ وش يبي يمه ؟
هند و هي تقرب من جدتها وتمد لها الورقة\ مو مهم هو أش يبى يمه أهم شي أنا وش بغيت خذي جدتي هذي أوراق ملكية البيت احتفظي فيها و لا تتنازلين عنها مهما صار
أم محمد\ و أش هذي الفلوس الي بيدك ؟
هند و هي تطالع الفلوس باشمئزاز و سخرية\ مهر زواجي يا جده !!!!!.......


***************

ثلاث أيام مرت على أبطالنا ما بين شوق سعود لأهله و أصحابه و حياة المدينة و صخبها و حزن هند على فراق أهلها و التفكير بحياتها الجاية كيف بتكون أو حتى مع مين بتكون ؟

الأربعاء
الربع الخالي

الساعة الـ 03:00 مساء

دخل المكتب و حط و جهة قدام المكيف من ثلاث ساعات و هو تحت الشمس ما ارتاح يبي يخلص و يرجع خلاص مل جو الهدوء هنا يبي يسمع صوت السيارات صوت البحر الناس اشتاق ليوسف و حركاته و علي و طنازته اشتاق لسيف وللمدير حتى لبواب العمارة و أهم شي محتاج يسمع صوتها من وصل ما قدر يكلمها كان مضغوط و لا قدر يروح البرج و يتصل عليها لكنه قدر يكلم يوسف و يطلب منه يتصل على فارس و يطمئن أمه انه بخير \ استغفر الله اللهم قنى حر جهنم يأرب
حمد\ أي والله ما اني مصدق إن بكرة أخر يوم نشتغل فيه هنا
سعود\ الحمد لله ما قصرت يا حمد ما شاء الله عليك شغلك تمام و ما عليه كلام لك مستقبل بأذن الله
حمد\ تسلم يا سعود تلميذك بعدين أنا ما سويت شي لحالي كله أنت تقولي كذا و كذا
سعود\ هههههههه و سويته زي ما أبى و أحسن
حمد و هو يقوم من مكانه\ زين والله انه أعجبك يالله أنا رايح أدور لي شي أكله و أصلي العصر
سعود\ خذني معك والله اني على فطوري من الصبح .....


***************

جده

الساعة الـ 05:00 مساء

مجتمعين عندها من بعد صلاة العصر ما بين سوالفهم و أصوات أولادهم لكن فكرها ما كان عندهم ابد كان بعيد عن جده و هواها هناك مع الضنى الي ابتعد عنها عشان رزقه ما سمعت صوته من خمس أيام لكن الخبر الي قالته أم عزام خلها ترجع بفكرها عشان تتأكد الي سمعته صح و إلا لا تبي تتأكد \ وش قلتي ؟
أم عزام\ الي سمعتيه يمه بنت خلف رفضت سعود
أم فارس\ و ليش وش ما هو عاجبها فيه ؟
أم عزام بدون نفس\ عاد تقول ما تبي تطلع من جده و تخلي أمها لوحدها و ايش هي كمان ما تبى أصلا واحد مطلق عاد حنا الي ميتين عليها و قربها
أم سعود\ يمكن له فرفضها خيره يا بنيتي الله يعوضه بخير منها
أم فارس\ خليها أصلا هي وين بتحصل زي سعود بعدين حتى لو كان مطلق الرجال ما يعيبه شي شايفته بنت هو عشان تقول مطلقة
أم عزام\ قلتيها خل تستنى لين يجيها الي يسوى نص سعود جعلها تعنس جمب أمها قولي أمين
أم سعود\ لا يمه لا تدعين على بنت الناس ترجع لك الدعوى خل تروح بنصيبها و أخوك ربك بيعوضه
أم عزام\ أصلا ولدك كمان زودها هذي ما يبيها و هذيك مدري وش فيها و لا بنت عاجبته شمت فينا الناس بيوصل عمره الثلاثين و هو ما تزوج
أم سعود\ استغفر الله وعشان نرضي الناس نروح نزوجه وحده ما يبيها و تنغص عليه حياته و يطلقها
أم فارس\ وش بتقولين له يمه ؟
أم سعود و قلبها أكلها عليه\ خليني اسمع صوته يمه و اطمئن عليه أول بعدين يصير خير ...


****************

جده

الساعة الـ 09:30 مساء

من صلت أم محمد العشاء و هند نايمه على رجولها بقلبها حكي و مئة سؤال لكنها ساكته و محترمه رغبة هند بسكوت تبيها تتكلم براحتها و تقول الي بخاطرها ( هند من يومها ما قالت لهم شي غير إن زواجها بعد الاختبارات و هي موافقة و راضية فيه )
هند\ جدتي أتعبت رجولك ؟
أم محمد و هي تمسح على رأس هند\ لا يمه تذكريني بيوم كنتي صغيرة كنتي تنامين على رجلي و يأخذك أبوك على سريرك لكنك لصحيتي تزعلين منه و تقولين له لو اخذك لغرفتك مرة ثانية معاد تكلمينه
هند\ كان فرحان بي ؟
أم محمد\ إيه يمه أنتي كنتي الفرحة الأولى أبوك يوم جيتي ما خلى ممرضة بالمستشفى إلا أعطاها فلوس و سماك هند و هو يقول هذي بنتي و الي بيتزوجها يجيب لي مهرها مئة جمل على اسمها
آآآآآآه يا جدتي جيتي على الجرح لكني لازم ما أحسسكم اني ما اني مرتاحة يا عالم صليت الاستخارة و لا حسيت بشي غير بقبضه بصدري مجبورة اسكت و امثل لكم اني مبسوطة \ هههه يعني هالحين اندفع لأبوي مهري مئة جمل ؟
أم محمد\ الله العالم يا بنيتي
هند\ ترى أبوي بيجي يوم السبت
أم محمد\ ليش يمه ؟
هند\ بياخذني أسوي فحص قبل الزواج .....


*******************




الجزء الثاني عشر
الخميس

الخبر
الساعة الـ 10:00 مساء

من ساعتين و هو يقلب سماعة الجوال بين أذانيه مرة يمين و مرة يسار ما هو قادر يقفل هالانسانه ملكته خلاص و صار ما يمل من سوالفها و يتمنى لو تكون معه أربع و عشرين ساعة
الأسبوع هذا بذات حس بقربها منه أكثر بعده عن سعود خلاه يبرمج يومه على جزيئه كبيرة من وقته لساره عشانها استحمل وحشة الشقة بدون سعود بس عشان يصحى على صوتها تصحيه لدوام ( يوسف كان يكلم ساره كل يوم لكن بسيارته لجل سعود ما هو خوف منه بقد ما هو احترام لرغبته انه ما يكلم قدامه و لا عنده بالشقة مهما كان يحب ساره لكن يضل سعود عنده هو الأغلى )
ساره\ يعني خلاص من بكره معاد راح اسمع صوتك غير بالقطارة ؟
يوسف و حب يشوف غلاه عندها قد ايش\ اممم أصلا بكرة ما راح أكلمك
ساره\ وليش إن شاء الله
يوسف\ بكرة وقتي كله لسعود
ساره\ اهاا يعني من لقى أحبابه نسى أصحابه يا يوسف
يوسف\ شوفي كم يوم لي ما جلسة معه و سمعت صوته وكنت معك يعني صراحة اشتقت له
ساره\ و مليت مني ؟؟
يوسف\ لا مو كذا
قاطعته بعصبية\ إلا كذا زين خلاص لا تكلمني أصلا أنا بكرة بكون مشغولة و ماراح أرد عليك
يوسف\ احبك يوم تعصبين نفسي أكلك
ساره\ ........<<<<<لا رد
يوسف\ ههههههههههه اسمعي يا حياتي سعود أمي أبوي من ما كان ما راح يمنعني اسمع هالصوت الحلو فديته أنا بدق بكرة و خل أشوفك بس ما تردين والله يا سويره ما يردني عن جسر البحرين شي ,....

**************

الجمعة

الربع الخالي
الساعة الـ 04:30 فجرا

أخيرا خلص ترتيب شنطته و طالع في حمد الي يتقلب بسريره و واضح انه ما هو قادر ينام من الفرحة \ طيب قوم صل ابرك لك دامك صاحي
حمد\ ههههه شكلك خرفت من الفرحة صليت أنا
سعود\ متى ؟
حمد\ مع الجماعة تحت ورآك كمان و جيت الغرفة قبلك
سعود\ ما انتبهت لك والله
حمد\ بالك ما هو معك أنت
سعود\ إيه والله خلاص يا اخوي اشتقت للغوالي
حمد\ شكلك توك معرس ؟
سعود و بباله يا ترى أمي راحت أخطبت و إلا لا و اذا خطبت وافقت البنت يا ترى\ ههههههه لا والله أنا جاي هنا و أهلي توهم رايحين يخطبون بس مشتاق للوالدة و الأهل
حمد\ هههههههههه قول كذا مستعجل على الرد يالله مبروك مقدما
سعود\ الله يبارك فيك و عقبالك
حمد\ لا وين هي وحده و خلاص ناقص وجع رأس أنا أجيب الثانية
سعود\ ما شاء الله متزوج ؟
حمد\ و عندي بنت كمان اتزوجة أخر سنتين لي بالجامعة حنا بنجد ما عندنا دلعكم يا أهل الغربية يصك الواحد فيكم الثلاثين و هو ما أتزوج عندنا صكه و كبت حرية من أولها
سعود\ هههههههه لا ياشيخ أشوف كذا أحلى الواحد يعف نفسه أحسن له
حمد\ بس تحس انك بزر تأخذ فلوس من أبوك و ما تدري وين الله حاطك فيه يعني لو ما ورآك سند لا أتزوج أحسن لك و لبنت الناس
سعود\ صح كلامك
حمد\ إلا أنت متخرج من أربع سنين ورآك ما اتزوجة ؟
سعود\ لا أنا كنت متزوج قبل بس ربك ما كتب نصيب و طلقت
حمد\ إيه الله يكتب لك الخير و أنا أخوك
سعود\ أمين قوم خل نمشي شوي نودع المكان كلها نص ساعة و بنتركه
حمد\ إلى غير رجعه إن شاء الله
سعود\ ههههههه على خير .......

*****************

جده
الساعة الـ 08:30 صباحا

تنفست بعمق و رمت بنفسها على السرير من أمس ما نامت جالسة تكتب أسئلة لفهد لرياضيات و الانجليزي خلاص السبت اختباراته و لازم تساعده و تكون معه آآآآآآه يا هند وش ينتظرك بعد الاختبارات كيف بتكون حياتك ؟ لي أول مره تسمح لنفسها تفكر بمصيرها و هالزواج الي ما كان لا على البال و لا الخاطر فكرت تتراجع و تقول ما أبي لكن أبوها مسكها من اليد الي توجعها لو رفضت راح يأخذ البيت و يرميهم بشارع بدون رحمه صحيح أخذت منه الأوراق و الي كانت بالصدفة معه بسيارة لكن ورآه وحده مصيبة بتطلع له طريقة يرجعها ابسطها يقدم بلاغ انه فقد أوراق ملكية البيت و هي بترجع له في غضون أيام و تفقد الأوراق الأولى صلاحيتها .. يا ترى كيف شكله طويل قصير اسمر ابيض أو كم بيكون عمره ؟ من يكون ؟ معقول يكون من عيال عمي ؟ أو واحد يقرب لنورة و هي الي بتزوجني عشان تأخذ راحتها و تستمر بتخطيطها بسهوله مهما كان فهد بدا يكبر لكنه اصغر من انه يوقف بوجهها و وجه أبوي لوحده حتى جدتي كبرت و ضعفت و أمي شخصيتها مهزوزة و نواف وينه بس ؟ محتاجته الحين يوقف معي و يحسسني بطعم السند بهالدنيا محتاجه لصدر حنون يضمني أبي أحس بالأمان يا ناس غمضت عينها و استسلمت لنوم يمكن تلقى في الأحلام الي ما حصلته بالدنيا....


**************

الخبر
الساعة الـ 09:15 صباحا

فتح باب الشقة و دخل و شنطة سعود بيده \ نورت بيتك يا سعودي
سعود\ بنورك يا يوسفي
يوسف\ هههههههه وش شايفني يوسف أفندي عندك تدلعني ؟
سعود\ ههههه لا كبرت شوي و صرت صندوق برتقال
يوسف\ هههههه والله افتقدتك يا وحش
سعود\ تعال بس أنا مشتاق للي يسواك وين الشاحن جوالي ما فيه بطرية و شاحني ضاع مني هناك
يوسف\ شوفه هناك عند التلفزيون ترى فارس دق علي من الفجر مرتين مسكين هالولد بسبتك حتى النوم ما يتهنى فيه
سعود و هو يحط جواله بشاحن\ هههههههه تلقاه نائم عند الوالدة و ما قصرت فيه
يوسف\ اهاا زين أنا بروح أسوي شاي أفطرت و إلا أسوي لك ؟
سعود\ لا الحمد لله أفطرت بدري مع الشباب بس تكفى أبى شاهيك السنع من رحت ما تهنيت بشرب الشاي
يوسف من المطبخ\ ابشر والله

دق سعود على جوال أمه يبي يتطمئن عليها و يسمع صوتها من الجهة الثانية كانت أم سعود ماسكه الجوال بيدها و تطالع الشاشة من صحت هي عارفه انه بيجي اليوم لكن ما تدري متى وقته و تدعي ربها انه يكون بخير سمعت النغمة الي خصصها له شخصيا عشان تعرف انه هو الي يدق ابتسمت على صوتها و هلت به حتى قبل تفتح الخط \ هلا و غلا بنور عيوني
سعود\ هلا بك زود يالغالية شخبارك يا الغالية بشريني عنك ؟
أم سعود\ والله اني بخير من سمعت صوتك يا يمه طمني عنك عساك بخير
سعود\ الحمد لله يا يمه بألف خير و ما هو ناقصني غير اسمع صوتك و أتطمئن عليك
أم سعود\ الحمد لله يا يمه أنا بخير طمئني كيف كان شغلك عسى خلصته ؟
سعود\ إيه يمه خلاص خلصته
أم سعود\ و بترجع تشوفه مره ثانية ؟
سعود\ ههههه لا فديتك خلاص ولدك يعتمد عليه مره وحده يخلص و يرجع
أم سعود\ الحمد لله إلا متى بتجي جده يمه ؟
سعود و حصلها فرصة يفتح الموضوع\ يعتمد على أخبارك يمه
أم سعود بحيرة\ أي أخبار يمه ؟
سعود\ أخبار الخطبة و إلا خلاص هونتي و تريحني يمه
أم سعود بتردد\ و الله يا يمه لو بيدي زوجتك اليوم و أنت عارف لكن الله يسرها من عنده و يرزقك وحده زي ما تتمنا و أحسن
سعود و كأنه حس بشي\ رحتوا لبيت أهل خلف ؟
أم سعود\ إيه يمه لكن ربك ما كتب لك عندهم نصيب
سعود و بضيق <<هو خلقه مواصل\ و السبب ؟
أم سعود و هي تخلق الحجج\ يا يمه البنت هي وحيدة أمها تقول ما تقدر تروح عندك الخبر و تخليها و هي حرمه كبيرة
سعود\ يعني أنا بهاجر بها ما اني كل أسبوع و إلا اثنين أجي جده و بجيبها معي و تروح لامها ما اني مانعها
أم سعود\ عاد هذا رأيها يمه و البنت تبي رضاء أمها
سعود\ زين مدام انك يمه تمدحينها و أخواتي موافقات عليها خلاص أتزوجها و أخليها عندك بالبيت و أجي أنا لكم كل أسبوع و تقدر تروح لامها كل يوم
ما عرفت وش تقول هو جاب الحل لسبب الأول لكنه ما يدري عن السبب الثاني و الي هو الأهم\ يمه ادع ربك يعوضك بأحسن منها
سعود\ اهاا يعني ما هو هذا سبب الرفض تخبين عن ولدك يمه ؟
أم سعود\ لا يا يمه هذا الكلام الي قالته لكن فيه سبب ثاني غيره
سعود بقلة صبر\ الي هو ؟
وش بيدي لازم يعرف أم سعود\ تقول ما تبى تتزوج واحد كان متزوج و مطلق عاد هذا رأيها يمه
الرفض صعب على أي رجل إحساسه بأنه غير مرغوب من الأنثى يشعره بنقص وقتي لفترة فكيف لما يكون الرفض بسبب ماله فيه ما كان بيده انه يطلق لكن حياته كانت جحيم مع مها حاول بكل الطرق يحلها معها بتفاهم لكنها كانت عنيده و تبي كلامها هو الي يمشي و هذا الي ما قدر يستحمله منها\ قولي كذا والله و صاروا يرفضوني عشاني مطلق
أم سعود\ اذكر الله يا ولدي ما هي أخر بنت بالدنيا و الي خلقها خلق غيرها بكرة اخطب لك الي تسواها
سعود\ لا يمه لا هي و لا غيرها و موضوع الزواج ذا خلاص شيلوه من رأسكم أنا ما أبى أتزوج الحين لقررت أتزوج وقتها أقول لكم .........


***************




الجزء الثالث عشر

السبت

جده
الساعة الـ 09:00 صباحا

اليوم أول يوم في الاختبارات النهاية للعام الدراسي من الفجر و هي صاحية مع فهد و منال الي راحت تأخذ شهادتها من المدرسة مع أم نواف لكن السبب الحقيقي الي مخلي هند ما تقدر تنام إنها بتطلع بعد نص ساعة مع أبوها بسرها كانت تضحك على سخرية القدر هي طالعه مع أبوها يعني ما هو شخص غريب عليها و رايحه تعمل فحص قبل الزواج يعني حلم كل بنت بالدنيا لكن في غير وضعها صحيح بتطلع مع أبوها لكنها من سبع سنوات ما طلعت معه صحيح بتتزوج لكنها ما تدري وش مصيرها و مع من ؟
أم محمد\ أنتي متاكده انك موافقة يمه ؟
هند بغصة\ افى يا جدتي أنتي متبين تشوفين هنودتك عروسه ؟
أم محمد\ والله انه يوم السعد عندي يا يمه الي أشوفك فبيتك و عندك عيالك لكن أبيه برضاك ما هو غصب عنك
هند\ و من قال لك اني ما اني راضيه ؟
أم محمد\ عيونك فاضحتك يا بنيتي
هند\ ههههههههه و بعيوني ذي بجيب رأس العريس أنتي لا تشيلين همي و ادعيلي بس إن يكون وجهه علينا خير يمكن على يدينه يجينا الفرج
أم محمد\ الله كريم يا يمه ما ينسى عباده....


*******************

الخبر

الساعة الـ 10:00 صباحا

طالع الملف الي بيده و نزل النظارة و هو يبتسم بفخر إن عنده بالقسم مهندس مثل سعود ..
المدير\ ما شاء الله عليك شغلك تمام
سعود\ تلميذك طال عمرك
المدير\ صراحة يا سعود أنت من أفضل المهندسين عندنا بشركة و الكل يشهد على كذا بس لو تسمع مني و تقدم على بعثه و تكمل دراستك في الخارج صدقني بيكون لك مستقبل هنا
سعود\ والله ذا الموضوع في بالي أنا و المهندس يوسف من تخرجنا لكن الوقت الحالي عندنا ارتباطات عائلية بنخلصها بأذن الله و نكمل دراستنا
المدير\ و أنا مستعد بالي اقدر عليه لكم يوسف معدل تخرجه ممتاز جدا و حرام يوقف على الماجستير بس و أنت مبدع و تقدر تنجز و معدلك تمام
سعود\ تسلم طال عمرك ما تقصر نحن ما نستغني عنك راح يجي اليوم نسافر و ندرس و نجيب الشهادة العليا بأذن الله
المدير\ بأذن الله موفقين يأرب
سعود و هو يوقف\ يأرب تأمر شي طال عمرك
المدير\ تسلم يا سعود

طلع سعود من عند المدير بعد ما تطمئن على الشغل الي قضاء فيه أصعب وقته بدون يوسف لكنه حصل في حمد و عبد المحسن نعم الإخوان ( سعود تعود من توظف ما يطلع عمل ميداني إلا مع يوسف و هذي أول مره له يروح بدونه بينما يوسف سبق و انه راح مرتين عمل بدون سعود ) فكر يمر بطريقة على مكتب سيف و علي من أسبوع ما شافهم و لا سمع أخبارهم \ السلام عليكم
علي\ و عليكم السلام هلا والله
سعود و هو يسلم عليه\ حياك الله شخبارك يا القاطع لا سؤال و لا اتصال ؟
علي\ هههههه و لا سلام من بعيد والله أنت أمس واصل قلت أخليك تنام و ترتاح و بعدين أدق عليك يا المعرس
سعود و هو يكشر من ذكرى العرس\ ما في وأنا أخوك لا عرس و لا غيره
علي\ افى ليش ؟
سعود\ ما صار نصيب والله
علي\ الله يكتب لك الي فيه الخير إلا تعال اجلس قلي شخبارك و كيف كان شغلك ؟
سعود\ الحمد لله بخير و الشغل خلصناه خلاص
علي\ زين والله
سعود\ إلا وين سيف ما اداوم اليوم ؟
علي\ إلا مداوم لكن راح يشوف يوسف يقول عندهم شغل
سعود\ كنت بسلم عليه لكن مدامه عند يوسف أكيد ماراح يجي سوالفه ما تخلص و أنا و راي شغل بخلصه
يوسف من عند الباب و كان واقف مع سيف\ و أنا حتى هنا ما اسلم من لسانك
طنشه سعود و راح يسلم على سيف\ شخبارك يالمعرس خلاص ذليتنا على الخطبة و ما صار نصيب و رجعت أنت المعرس فينا
سيف\ ههههه الله يعوضك بأحسن منها لا تذكرني بالعرس خلاص بقى أسبوعين بس والله ما عندي وقت أحط راسي ساعة إلا طلعوا لي بشغله و يا سيف روح و جيب و ودي
علي\ هههههههههههههههه حتى ثياب العرس أمس توي مفصله
سيف\ عاد ذليتنا بكم ثوب و ياليت عاد أنت الي بتدفع حقهم
يوسف\ قسم بالله محد يدفعها غيري و البشت كمان
علي\ وأنا واعدك بحجز يومين الفندق علي لين تسافر
سعود\ و السيارة أجارها و زينتها علي
سيف\ ما تقصرون والله نخدمكم بالأفراح.........

******************

جده
الساعة الـ 12:00 ظهرا


دخلت هند البيت بعد ما عملت الفحص مع أبوها و الي قال لها انه هو الي راح يأخذها و يخبرها النتيجة حاولت هند في أبوها ينزل يتغداء معهم أو على الأقل ينزل يسلم على أمه و يجبر بخاطر منوله و يبارك لها و الي أكيد ناجحة و فرحانة بالشهادة لكنه رفض و كان يقدم حجج واهية و مالها أصل أهم شي يبعد عنهم... سمعت صوت الباب و ركضت جهته من رجعت من المدرسة و هي فرحانة بشهادتها و أدور على هند من غرفة لغرفه عشان تخبرها أنها نجحت \ أنتي رجعتي ؟
نزلت هند بجسمها لمستواها و فتحت لها يدينها\ تعالي
منال و هي بحضن هند\ شوفي أنا نجحت و بروح صف اثنين
هند\ مبروك يا حبيبتي شاطرة منوله عقبال ما تصيرين دكتورة
منال\ أنتي وين رحتي أنا دورت عليك فكل مكان
هند كانت مشتريه دبدوب من محل الهدايا الي بالمستشفى هدية نجاح لمنال\ كنت مع بابا و اشترى هالدبدوب هدية نجاح لك
أخذتها منال بتردد ممزوج بين الفرح و الخوف\ ليه أنا طيب ليش هو ما اعطانيه بنفسه ؟
هند\ كان مستعجل بس بيجي مره ثانية
منال\ و أنتي وين رحتي معه ؟
هند و هي تمد لها يدها عشان تشوف مكان الإبرة \ اممم كنت تعبانه و بابا وداني عند الدكتور
منال\ وليش ما أعطاك دواء ؟
هند\ أعطاني إبرة بس و قالي تسيرين زينه بعدها
منال\ يعني أنتي هالحين ما يعورك شي ؟
هند\ إيه خلاص ما يعورني شي
منال\ بس الإبرة تعور مره ثانية قولي انك تبين شراب بس
هند\ هههههههههههه من عيوني.......

***************

جده
الساعة الـ 05:30مساء

خلاص معاد تقدر تستحمل هالبنات و سخطهم المستمر على سعود و موضوع زواجه الإنسان خلاص كره الزواج من كثر حنتهم فوق رأسه و هي بدت تحن عليه و تبي تريحه من ذا الموضوع صحيح تبي تشوف عياله لكنها تبيه برضاه وزواج يكون مرتاح فيه \ خلاص عاد سكرن ذا الموضوع و فكني صدعتن براسي
أم عزام\ يمه و لين متى نسكره يعني خلاص خطبنا له وحده و ما وافقت خلاص معاد ندور غيرها ؟
أم فارس\ هالحين بيقولون هو ما يبى إلا بنت خلف و يوم رفضته قال ما عاد يبي غيرها
أم سعود\ لا اله إلا الله ما هو كنكن انتن الي اخترتنها له و إلا هو وش درأه إن خلف عنده بنت
أم عزام\ اخترتها على بالي أنها بنت ناس و طلعت أعوذ بالله شكلها طالعه على أهل أبوها شايفين أنفسهم مدري على ايش ؟
أم سعود\ يا بنيتي اتركي الناس فحالهم ترى من تكلمتي فيه تكلم عليك
أم عزام\ قطيعة عاد بحسب لهم أو لكلامهم حساب
أم فارس\ صح كلام أمي الكلام في الناس من ورآهم ما يجوز
أم عزام\ خليك أنتي يا أم حلال و حرام في حالك هم بيتكلمون فيه ما هو فيك
أم فارس\ و أنتي اختي و الي يجي عليك يجي علي
أم عزام\ كان إلا كذا و ما تبين الكلام يجي عليك خلاص قولي انك ما أنتي اختي و ريحي راسك
أم سعود\ وش ذا الكلام تبرين من أختك وانتن قدامي
أم عزام\ يمه هي ما يعجبها شي من جهتي حتى لو أتنفس ودها تقول لي غلط و عيب
أم فارس\ هالحين أنا كذا بس استأهل عشاني أبي مصلحتك
نادت على شغالتها تجي تساعدها تروح غرفتها لكنها وقفت تقول لهم كلمتها الأخيرة\ شيلن يديكن من موضوع زواج أخوكن هذا ولدي و أنا الي راح أزوجه .....


*********************




الجزء الرابع عشر

الخميس
جده
الساعة الـ 08:30 مساء

أسبوعين مرت بأسرع ما يكون انطوت فيها أفراح و اندثرت جراح انولدت أحزان و نشفت دموع بعد جهد و تعب و سهر خلصوا الطلاب اختباراتهم و ابتدو مشوار الأمل في طريق النجاح .... أسبوعين مرت ثقيلة و بطيئة على من ينتظر فرح و سعادة و سريعة و حزينة على من ينتظر المجهول .

رؤى\ خلاص يا هند أنتي عروسه اليوم تعبتي البنت كم مرة بتعدل مكياجك يعني ؟
الكوفيرة والي كانت بالأصل يمنيه مقيمه بجده\ أنا ورأي عروسة ثانيه كمان لازم أخلصك عشان أروح لها
هند\ أسفه خلاص أخر مره عدليه و روحي لشغلك
رؤى\ أتعوذي من الشيطان يا بنت دحين العريس بيقول زوجتوني وحده صياحه كل داا شوق لأهلك
هند آآآآه لو تدرين بالي بقلبي\ أكيد ما أتحمل ابعد عنهم يوم
رؤى\ هادي سنة الحياة و أمك تلاقيها اسعد وحده بالدنيا دحين
هند\ عقبالك
رؤى\ ياااااارب يسمع منك
هند\ ههههههههههه مستعجلة على وجع الرأس
رؤى\ هههههههههه تقدري تقولي
سمعوا دق خفيف على الباب هند\ من جاي الحين
رؤى\ أنتي ملكتي أو لسى ؟
هند بخوف\ لا
رؤى\ وي تلاقيه حد من أخوانك بدخل الحمام
قامت هند بعد ما خلصت تعديل مكياجها تشوف من عند الباب\ نواف
كان نواف واقف عند الباب و معه دفتر الماذؤن\ إيه أبوي يبيك توقعين هنا و خلصي بسرعة عشان اوديك الاستراحة
بخوف و ربكه مسكت القلم داخلها يصرخ ويقول حرام تضحين بنفسك و خارجين بدت تتوتر و أطرافها ترتعش طاح القلم على الأرض أخذه نواف بسرعة و مده لها مره ثانيه\ أنتي متاكده انك موافقة اذا ما تبينه تكلمي من بدري
والبيت!!!!!!
خذة نفس عميق\ أوقع هنا ؟
نواف\ إيه
خلاص شخطتين بالقلم و صارت بعصمة رجل ما تدري من هو ؟ أتحدد مصيرها و مصير أهلها معها نواف\ مبروك
هند\ الله يبارك فيك عقبالك
نواف\ ههههههه بدري يالله حاولي تسرعين باللبس لان سلمان له ساعة يقول تخرنا على الناس
هند\ من سلمان ؟
نطقها نواف بحنان على سؤالها\ زوجك ....

******************

الخبر
الساعة الـ 09:15 مساء

على بعد مسافة ألف و خمس مئة كيلو متر عقد زواج أخر و قلبا أتحدى يطوقهم الحب و الفرح ( سيف كان متزوج بنت خالته و الي كان يتمناها من صغرها صحيح اصغر منه بست سنوات لكن قلبه و ما يريد )
بشقة سعود كانوا الشباب مجتمعين من بعد صلاة العشاء بعد ما اتفقوا إنهم يرحون للعرس بسيارة وحده ..
سعود\ يالله يا شباب تأخرنا على سيف
ناصر وهو يطالع ساعته \ إيه والله تأخرنا و أنا ورأي دوام بكره ( ناصر اخو علي و اصغر منه عمره 25 سنه و هو موظف بالمطار و يدوام أحيانا حتى الجمعة )
علي\ أنت بتقلقنا بدوامك روح بسيارتك أحسن عشان ترجع براحتك
ناصر\ ليش انتم بتباتون هناك حدكم الساعة وحده
علي\ لا يا شيخ العريس الحين ما يروح إلا حدود ثلاث أربع بنجلس معه أنت وش مفكر عروس زمان
ناصر\ والله أنا لو أتزوجت بشرط عليهم العرس يخلص الساعة وحده عشان نرتاح
يوسف\ ههههههههههههههه لحصلت الي بتوافق لك على شرطك قولي عشان اخطب أختها
علي\ خله يخطب أول بعدين يتشرط
ناصر\ لو بكيفي خطبة اليوم و أعرست لكن فيه ناس واقفة لي هنا بالبلعوم
علي\ قلت لك تبي تتزوج روح أتزوج و لا تنتظرني أنا مطول
ناصر\ و أم علي من يقنعها ؟
علي\ خلها عليه بس أنت مستعد خلاص و إلا بس كلام ؟
ناصر\ أنت عارف إن حتى الشقة جاهزة يعني بس أثاث و مهر و قاعة عندي كم ألف في البنك و بأخذ سلفه تكفي المصاريف
علي\ على بركة الله خل الوالدة علي
يوسف\ وهو صادق لو بينتظرك شاب شعر رأسه نفسي افهم ليش ما تبى تعرس وأنت واحد قادر و لك بيت مضمون ؟
علي\ القدرة ما هي فلوس وبس لازم تكون مهئ نفسك نفسيا إن فيه إنسانه بتشارك كل شي و بتكون المسئول عنها
يوسف\ تدري أحيانا أصنفك من طينة الي ورآك لبديت تفلسف و تقول كلام يبي له فهم و فك رموز
سعود\ اجل وش شايفنا متهورين زيك
يوسف بيغير السالفة\ أقول ترى صدق تأخرنا يبي لنا ربع ساعة لين نوصل خلونا نمشي
سعود\ يالله بروح بسيارتي
الشباب\ يالله ...

*****************

جده
الساعة الـ 01:30 صباحا

بعد ما وزعت ابتسامات كذابة على الحضور و مثلت للكل الفرح وأتقنت الدور جأت ساعة الصفر بالنسبة لهند ودعت رجول جدتها الي تحسسها بالأمان و صدر أمها الي يضمها لحتاجته ودعت منال و ضحكتها ودعت نواف و فهد و غرفتها ودعت حتى البيت الي دفعت حياتها ثمن له و من اليوم معاد راح تدخله إلا زيارة و تمشي .. و صلها نواف مع سلمان لشقتهم و استأذن من هم و راح دخلت ورى سلمان الي ما نطق بكلمه من طلعت السيارة و لا حتى قدرت تميز ملامحه كل الي تشوفه إنسان يمشي قدامها و معطيها ظهره تبعته بخطواته و الي حست إنها بعيده و متوترة و فجاء وقف قدام وحده من الغرف ولف عليها\ هذي غرفتك ادخلي بدلي ملابسك و ارتاحي أنا هنا قريب وهو يأشر لها على غرفه في أخر الممر
هند ما قدرت تنطق بحرف توقعت أبوها يكون مزوجها من واحد كبير بالسن أو يكون قريب من عمره لكن المنظر الي قدامها اخرصها سلمان صغير بالعمر و باين انه في الخمسة والعشرين طويل و اسمر شوي و ملامحه جدا ناعمة حتى عيونه لونها اسود داكن و ناعسة هزت رأسها بمعنى طيب و دخلت الغرفة كبيره بلون العودي و بسيطة جدا لكنها حلوه ببساطتها فتحت شنطتها الصغيرة الي رتبتها أمها لها و على إصرار من هند حطت لها بيجامه من قطعتين بكم وسط و بلون الوردي أخذتها هند و دخلت الحمام الداخلي في الغرفة و أخذت لها شاور على السريع و طلعت كانت متوقعه إن سلمان قالها بدلي و ارتاحي و هو راح يدخل الغرفة بعد شوي جلسة على طرف السرير تنتظره يدخل أو ينادي عليها تطلع له الصالة مرت ساعة كاملة على هند و هي بذا الوضع تنتظر و تنتظر لكن بدون فايدة ..أوف هذا وين راح ؟ أروح أشوفه أو لا ؟ طيب يمكن هو ينتظرني افتح الباب ؟ ياربي وش هالحاله أنام و أخليه ؟ للحظه تذكرت هند كلامه قبل شوي قالي هذي غرفتك واشر على غرفه في أخر الممر و انه بيكون هناك طيب ليش ما جلس بالصالة معقول تكون الغرفة مكتب مثلا ؟ <<<<أوف يا هند مكتب الحين هو وقته
تشجعت و قامت تشوفه يمكن صاير له شي ؟ فتحت الباب و طلت برأسها الاضاءه بالممر كانت خافته لكن باب الغرفة الي اشر عليها مفتوح و الاضاءه فيه مفتوحة سحبت رجولها تجاه الغرفة كانت مستحيه و مترددة وصلت و وقفت بوجه الباب و شلتها الصدمة الغرفة ما كانت مكتب مثل ما توقعت كانت غرفة نوم!! و سلمان ما كان موجود فيها لكن البشت و شماغه مرمية على السرير بإهمال دخلت خطوتين داخل الغرفة سرير و دولاب و مكتب صغير حاط عليه الأب توب و مجموعة كتب و جرايد مدت هند يدها عليها تاريخها يرجع لكثر من أسبوع معقول يكون هو ساكن هنا أصلا من قبل الزواج !!
بغيتي شي ؟
طاحت الجريدة من يدها على الأرض انحرجت منه و ما عرفت وش تقول أنا وش دخلني هنا أصلا ؟ لفت جهة الباب كان واقف قدامها ولابس بيجامه كم طويل بلون الأزرق و في يده كوب منظره هادي حتى تعابير وجهه عاديه و باين انه ما هو معصب على فعلتها لكنها صعب تقول كنت أدور عليك فاضطرت تدور لها على كذبه تستنجد فيها من ذا الوضع هند \ لا بس أدور على ساعة بشوف الوقت
سلمان ما قدر يشيل عيونه عنها تخدر على صوتها و على منظر البنت الي قدامه هو أول مره يشوفها و بدون ماكياج لكنها سحرته صحيح قبل شوي طالع فيها لثواني لكنه ما قدر يميز ملامحها أو يحفضها انتبه لنفسه و لوجه هند الي صار كأنه قطعه من بيجامتها \ صحيح نسيت أحط لك بغرفتك ساعة حائط بكرة أجيب لك مد يده على ساعة المنبه الي جمب سريره و مدها لهند خذي خليها عندك الليلة
لثاني مرة يقولي غرفتك ليش هو ماراح يشاركني فيها ؟ أخذتها بحركة سريعة من يده متفاديه لمسها هند\ شكرا
سلمان\ العفو شوفي المطبخ جمب باب الشقة من الجهة اليمين فيه كل شي بالثلاجة الي نفسك فيه خذيه لا تستحين أو تقدرين تنامين اذا تبين
هند أنام وش سألفته ذا هزت له رأسها ومشت
سلمان\ هند
هند\ لبيه
سلمان\ حاولي دائم تلبسين بيجايم زي كذا قدامي في غرفتك خذي راحتك مو مشكلة اوكيه
هذا وش مفكر أنا ألان زوجته\ إن شاء الله

طلعت من عنده للغرفة على طول صحيح كانت جيعانه من الصباح ما أكلت شي لكن خلاص ما صار لها نفس سكرت الباب و استندت بظهرها عليه طالعت السرير قدامها يكفي شخصين لكنها الوحيدة الي بتنام عليه معقولة يكون أبوي هو الي فأرضني عليه عشان كذا ماله أي رغبه فيني ؟ أو هالانسان يواجه مشكلة ؟ لكن الأكيد إنها حست برغبة في البكاء ما قاومتها فراق أهلها و التعب الجسدي و النفسي الي تعرضت له اليوم و فوق كذا الصدمة الي ألان تواجها كيف راح تعيش مع شخص ما يرغب فيها و لا في قربها بكت في ليل عرسها لين الفجر حتى الأمل الي نسجته بوجود سلمان في حياتها صار أمل مقتول ......


***************

[جرح الذات]

الجزء الخامس عشر
الجمعة

الخبر
الساعة الـ 11:15 صباحا

طلع من الحمام ( أكرمكم الله ) بعد ما أخذ له شاور يستعد لصلاة الجمعة كان يحس بألم في صدره و نغزه بقلبه من أمس ما قدر ينام زين منها و ما هو عارف السبب كل شي تمام بحياته حتى صوت أمه سمعه قبل ساعة و كانت مبسوطة لبس ثوبه و اخذ شماغه و طلع يستعجل يوسف وقف على باب غرفته و نادى عليه\ يالله يا يوسف عجل
طلع يوسف و شماغه على كتفه\ يالله جاهز أنا
طلع سعود المفتاح من جيبه و مده على يوسف\ خذ سوق أنت
يوسف\ وش فيك وجهك تعبان ما نمت ؟
سعود و هو يحط يده على صدره من جهة القلب\ مدري أحس بضيق بصدري ما أني مرتاح حتى بالنوم
يوسف\ ليش فيه شي مضايقك ؟
سعود\ لا ما في شي
يوسف\ خلاص بعد الصلاة نروح المستشفى تكشف
سعود\ هههههههه ما يحتاج يمكن انخنقت من ريحة البخور أمس
يوسف\ طيب يعطونك شي يريحك و تنام مرتاح
سعود\ امش بس امش اذا القلب ما هو مرتاح ما تقدر تعالجه المستشفيات
وقف يوسف قدام سعود\ قول وش مضايقك تخبي علي ؟
سعود\ أحس من أمس إن في قطعة من قلبي مقطوعة ما أحس فيها
يوسف\ كلمت اهلك اليوم ؟
سعود\ إيه الصبح كلمت الوالدة ما عليهم خلاف
يوسف\ حمد لله اجل بلاك هنا و هو يأشر على قلبه
سعود\ لكنه فاضي ؟
يوسف\ ما هو شرط تدري بالي فيه سنين و أنا أحسه مثلك لين حصلت ساره و اكتشفت إنها هي الي كانت فيه من قبل اعرفها والحين أحس فيها قبل تتكلم اذا زعلانه و إلا تعبانه
سعود\ الله يسرها و أنا أخوك لين أحصلها ..

****************

جده
الساعة الـ 01:30 مساء

من أمس ما أكلت شي خلاص رأسها بينفجر و بدت تدوخ هو قالها عندك الثلاجة خذي الي تبيه لكنها تحس بشعور غريب كيف بتآكل من فلوس شخص ما يبيها .. اووف لازم أتعود أصلا كم ببقى يعني مأكل أنا زوجته و محسوبة عليه حتى لو ما يبيني طالعت بملابسها للمرة ألاف محتشمة خلاص بطلع ( كانت لابسة بينجابي هندي كم طويل بلون الأبيض و الأسود ) فتحت الباب بهدوء يمكن يكون نايم باب غرفته مسكر حمدت ربها و طلعت للمطبخ كل شي قدامها لكنها مجبورة تأكل بدون نفس من الوضع الي عايشته أخذت لها تفاحه تأكلها و هي تتأمل المطبخ مرتب و نظيف حتى الكوب الي الفجر كان مع سلمان مغسل و مرتب على جنب من المغسلة .. شكل هالانسان منظم و يحب الترتيب شي حلو والله سمعت صوت الباب يتسكر كانت بتطلع تشوف لكنه كان أسرع منها و دخل عليها المطبخ و في يده غداء بنفس ملامح وجهه أمس هادئ جدا \ السلام عليكم
يعني ما يدخل إلا و أنا أكل لو تأخر شوي بس \ وعليكم السلام
بكل هدوء و بدون أي كلام اخذ له صحن و ملعقة و فتح الكيس و حط له أكل وصب له كاس مويه و قبل يطلع\ الباقي لك بالعافية
هند\ شكرا
طلع و تركها في حيرتها يعني حتى على الأكل ماراح نجتمع فيه مع بعض اوكيه كذا أحس أنا من الأساس مغصوبة عليه خليه يعيش براحته و أنا براحتي أخذت الكيس و حطت لها أكل و جلسة بالمطبخ تأكل و حاولت تكون سريعة ما تبيه يشوفها دقائق و قامت وقفت على المغسلة تغسل صحنها و ملعقتها كانت تحسه واقف ورآها يتأملها لكنها سوت نفسها ما تدري عنه و كملت غسيلها
طولت هذي يا عني ما انتبهت لي وافق\ خلصتي ؟
سوت نفسها متفاجئه بوجوده و التفت بسرعة\ من متى أنت هنا ما انتبهت ؟
سلمان\ اذا خلصتي بعدي بغسل
انتبهت هند انه يأشر على الصحن الي بيده \ أعطني أنا اغسله
مده لها سلمان\ شكرا
هند\ العفو
سلمان\ راح يجون أهلي العصر خلك جاهزة و استقبليهم لأنهم بيرجعون ينبع المغرب
هند\ إن شاء الله
كان متردد ينطقها و باين عنده كلام \ فيه شي ثاني كمان
هند\ الي هو ؟
سلمان بتردد\ لا تقولي للوالدة شي
هند ما فهمت عليه\ شي مثل شو ؟
سلمان\ أي شي تسألك عنه قولي تمام و الحمد لله بس
هند بعد ما فهمت قصده\ ابشر ....

**************

الخبر
الساعة الـ 04:30 عصرا

من الملل قراء الجريدة ثلاث مرات حالته اليوم ما هي طبيعية برغم انه ما نام لكنه ما هو معصب زي العادة و نفسه يطلع في زحمة ناس يبي يسمع أصوات و يشوف مناظر و أشكال ممكن تنسيه شوي من الي جالس يحسه\ يالله قوم بنطلع
يوسف و الي كان متمدد على الكنبة و يطالع التلفزيون \ وين ؟
سعود\ أي مكان البحر الراشد حتى لو نروح الدمام
يوسف\ لا أنت اليوم ما أنت طبيعي نروح البحرين أحسن طيب
سعود\ هههههههه و ساره ما بتزعل ؟
يوسف\ نفس زعل أم سعود هههههههههه
سعود و هو يوقف\ قوم نروح الراشد أبي لي قهوة أصحصح
يوسف\ يالله مشينا
سعود\ دق على علي يلحقنا
يوسف\ لا خله مواعد ناصر اليوم عشان يقنع أمه تخليه يتزوج قبله
سعود\ إيه صح ..

*****************

جده
الساعة الـ 05:00 مساء

واقفة في المطبخ ترتب فناجيل القهوة و الشاي في الصحن عشان تقدمها لأهل سلمان الي كانوا جالسين بالصالة أمه و أبوه و أخواته ثلاث حستهم هند ناس طيبين من طريقة ترحيبهم بها لكن كلامهم قليل لما تكون موجودة و تحس أنهم يخبون عنها شي .. هند ببالها\ يمكن ما هم متعودين عليه خل أروح أضيفهم أحسن .. أخذت القهوة و الشاي معها و راحت الصالة كانت تمشي ببطء و تحس أنها بتطيح الصحن كان ثقيل عليها أنتبه لها سلمان و قام من مكانه و اخذ منها الصحن و نزله على الطاولة جلست هند تصب القهوة و مدتها هند \ تفضل عمي
أبو سلمان\ زاد فضلك يا بنيتي
كملت صب القهوة لأم سلمان و أخواته و مدت فنجان لسلمان\ لا هند أنا ما اشرب إلا شاي بس
هند معلومة جديدة \ اهاا طيب لحظة اصب لك
ريم\ تعودي يا هند ترى سلمان أكله و شربه محدد
هند\ أكيد بتعود عليه
سلمان\ لا تأخذني فكرة غلط ترى ريم تحب تبالغ شوي
ريم\ هههههه لا ما أبالغ أنت ما تشرب القهوة و لا تأكل لا اللحمة و لا المكرونه و لا الفواكه
هند\ ههههههه كل ذا
أم سلمان\ خلاص يا ريم خلي أخوك يفهم زوجته براحته أنتي لا تدخلين بينهم
سلمان\ عادي خليها يمه ريم هذي الدلوعة بعدين هي سهلت علي
مريم\ طبعا دلوعتك
سلمان\ بدينا بغيرة البنات عاد
أم سلمان\ ما قلتيلي يا هند كيف سلمان معك ؟
هند و هي تطالع سلمان\ الحمد لله يا خالتي ما هو مقصر معي بشي
أم سلمان\ زين والله عاد اعتبريني زي أمك و الي ينقص عليك قولي لي لا تستحين ترى خالتك نورة موصيتني عليك
نورة هي ورى زواجي معقول!! بلعت هند ريقها و تكلمت\ تسلمين خالتي ما تقصرين أنتي تعرفين خالتي نورة من زمان ؟
أم سلمان\ إيه اخوي متزوج من بنت أختها من ثلاث سنوات يمكن
سامية\ زوجة خالي ساكنة عندنا بينبع يا ليت أنتي كمان تجين معنى هناك
أبو سلمان\ بس عاد سلمان شغله هنا ما يقدر يتركه لكن إن شاء الله تجونا هناك خميس و جمعه
هند\ إن شاء الله
مريم\ عمرك شفتي ينبع ؟
هند\ لا والله
سامية\ مره حلوه خصوصا ينبع البحر
سلمان\ بحر جده أحلى و هند متعودة عليه ما أظن تعجبها ينبع من الأساس
كأنه يتكلم عني و ما هو حاسب لي حساب طيب يا سلمان هند\ بالعكس أنا أحب المدن الصغيرة و نفسي ازور ينبع من زمان ...

***************

جده
الساعة الـ 08:00 مساء

دخلت المطبخ تشوف أمها في شي ناقصها اليوم في البيت ما شافته اشتاقت لها و ما تدري بتقدر تشوفها متى ما بغت مثل أول أو لا ؟
منال\ يمه هند متى بتجينا ؟
أم نواف\ بعد كم يوم تجينا يمه
منال\ طيب هي ليش ما تعيش معنى ؟
أم نواف\ لأنها اتزوجة يمه و صار عندها بيت لازم تعيش فيه
منال\ طيب حنا نقدر نروح لها في بيتها ؟
أم نواف\ إيه يمه نقدر بس ما هو الحين بعد ما تجينا هي أول بعدين نروح لها
منال\ هي مره وحشتني
دخل على كلمة منال الأخيرة فهد\ من الي وحشك ؟
منال\ هند
فهد بضحكة\ بدري أمس شفتيها
منال\ بس اليوم ما شفتها
فهد\ و لازم كل يوم تشوفينها ؟
منال\ ايوا لأني أحبها أكثر شي في الدنيا
فهد\ افى أكثر مني و أنا الي جاي اخذك معي ؟
منال\ وين بنروح ؟
فهد بمزحه\ لا خلاص أنتي تحبين هند أكثر مني كنت بوديك البقالة نشتري آيس كريم بس بطلت
منال بغيظ\ أصلا أنا بساعد أمي ما أبى أروح معك
فهد\ ههههههههههه يا الزعوله والله خلاص امشي يالله نروح قبل ما يأذن العشاء......

******************

الجزء السادس عشر

السبت
جده
الساعة الـ 04:00 فجرا

تقلبت في فراشها الغرفة صايره ثلج من المكيف و هي تحس بمغص ببطنها بتتقطع من ساعتين تبي تسوي لها شي حار تشربه لكن ظهرها متصلب و ما هي قادرة تتحرك من مكانها .. اووف كله من الصحن اليوم كان ثقيل علي و أنا ظهري أصلا يعورني وينك يا يمه تسوين لي شي يخفف عني هالالم ؟ قامت بتثاقل من السرير و طفت المكيف و طلعت للمطبخ من الألم كانت تمشي بخطوات ثقيلة و كأنها تسحب رجولها على الأرض سحب دخلت و شافت سلمان واقف يصب له كاس مويه أخر شخص كانت تتمنى تشوفه حتى بيجامتها ما كانت طويلة و شعرها مفتوح و ما هو مرتب كانت بترجع للخلف لكنه شافها خلاص
سلمان\ وش مصحيك ذا الوقت ؟
هند انحرجت تقوله لكن مع هالانسان اكذابها دوم جاهزة\ عطشانة بس
سلمان وهو يطالعها من فوق لتحت\ و الملابس وش قلنا فيها قبل ؟
هند انحرجت هو نبها صح لكن ما توقعت يشوفها هالوقت\ كنت مستعجلة و ما توقعت انك تكون صاحي ألان
سلمان و هو يرص على أسنانه\ أنا كلمتي وحده و افهميها قلت ذي الملابس حدها غرفتك بعدين فيه شي اسمه روب تقدرين تلبسينه اذا انك مستعجلة على قولتك
أصلا هي نفسيتها من الألم صفر و هو بدا يزيد عليها لكنها مالها نفس لنقاش معه ألان هند \ إن شاء الله اعتذر
تنهد بقوة و اخذ كوبه و طلع بدون ما يرد عليها .. استغفر الله ذا الإنسان ما ينام أربع و عشرين ساعة صاحي غريب الألم بيذبحني محتاجه كوب قرفة ألان وين بتكون ؟ دورت هند على القرفة بكل الأدراج و العلب الي قدامها لكنها ما حصلتها فتحت الثلاجة تبى بندول تهدئ نفسها فيه لكن ما حصلت .. يعني لازم أروح أسئلة يأرب ساعدني شكله عصبي اليوم لكن أنا محتاجه له ألان , طلعت هند رايحه لغرفة سلمان تسأله عن مكان القرفة أو البندول أو أي شي تسكن فيه ألامها بطريقها مرت غرفتها وأخذت لها روب تتحاشى غضب سلمان دقت الباب على خفيف << ما في أي رد
دقت بقوة أكبر و فتحت الباب النور كان مفتوح و سلمان نائم لكن بدون لحاف دخلت هند و سحبت الفراش و غطته و كانت بتطلع مثل ما دخلت لكنها انتبهت لعلبة دواء تحت يده رفعتها هند بهدوء و أخذت الدواء بتحطه على الطاولة و جت عيونها عليها لعلبة ما كانت غريبة شافتها قبل كذا .. وين يا هند وين شفتيها ؟ اوووه تذكرت هذي حبوب الاكتئاب متأكدة استخدمتها أمي بعد ما ولدت بمنال إلا هي أنا كنت أعطيها لها .. لفت هند تطالع سلمان الي ما تحرك وكأنه جثه خامدة و استغلت وضعيته هذي و فتحت الدرج و انصدمت من علب الأدوية قدامها أخذتها و حيرتها تزيد معها كلها مهديات نفسيه و مضادات اكتئاب وو ..... معقول حبوب منومه كمان !!


***************

جده
الساعة الـ 07:30 صباحا

تمشي في الحوش لوحدها تعودت تمشي مع هند كل يوم لكن خلاص من أمس بدت تتعود على عدم وجود هند في البيت فكرها كان معها صحيح سمعت صوتها أمس لكنها حست أنها متضايقة و لما سألتها قالت إنها ما نامت زين و أهل سلمان كانوا عندهم العصر لكن ذا الكلام ما يمشي على أم محمد هند مخبيه شي و شي كبير عنهم .. دخل البيت و شاف جدته تمشي و مسرحه راح ناحيتها
نواف\ السلام عليكم وش مجلسك لوحدك في الحوش يا جده ؟
أم محمد\ و عليكم السلام هلا يمه أنت من وين جاي ؟
نواف\ رحت أصلي الفجر و حصلت واحد من الشباب أيام الثانوي و عزمني على الفطور و رحت معه إلا أنتي أفطرتي و إلا لسى
أم محمد\ الحمد لله أمك من صلت حطت لي فطور و أفطرت
نواف و هو يمسك يد جدته\ اجل خلاص تعالي ادخلي و من اليوم لازم تعودين تنامين على الأقل لين تسع الحين إجازة و محد يصحى بدري بتملين لوحدك
أم محمد\ إيه الله يذكر هند بالخير كانت تصحى معي بدري و تجلس أصلي لين الضحى و تروح تنام
نواف\ ادعيلها يا جده بسعادة يمكن يكون وجه سلمان خير عليها
أم محمد\ الله يسعدها وين ما كانت إلا رجلها ذا ما شفته قبل كذا أنت ؟
نواف\ لا والله أصله من ينبع و أهلة كلهم عايشين هناك بس هو يشتغل هنا من سنه
أم محمد\ وش يشتغل ؟
نواف\ يقول أبوه فاتح له شركة هنا ما سألته والله وش شركته
أم محمد\ وأنت وش انطباعك عنه من ملامح وجهه و كلامه معك ؟
نواف\ والله مدري وش أقولك يا جدتي كلامه قليل و ملامحه عادية كان ساكت طول الوقت بس باين عليه انه متوتر و قلقان وأبوه كل شوي يطالعه زي الي خايف انه بيشرد ....

*****************

الخبر
الساعة الـ05:30 عصرا

تمدد على الكنب بكسل توه راجع من الدوام و نفسه ينام لكن ورآه مشوار لازم يخلصه قبل العشاء فسره غبط سعود الي من يطلع من الدوام ما عاد يشيل هم شي لا مشاوير أهل و لا غيره تثاب بتعب يوسف\ يا اني مكسر اليوم تكسير ما هو صاحي
سعود\ أكثر منك والله نفسي أنام يوم كامل
يوسف\ المشكلة لازم أروح البيت الحين
سعود بضحكة\ أروح عنك ؟
يوسف\ تسوي خير بس البس لك بنطلون و قميص كروهات و بقول لأخواتي برسل عليكم سواق هندي يؤصلكم
سعود\ هههههههههه سواق مره وحده
يوسف\ اجل بيروحون معك و أنا أقول لهم خويي سعود
سعود\ ما قلت لي وش صار على بعثة محمد ؟
يوسف\ مواعد لي واحد بيطلع لي النتيجة يوم الثلاثاء عسى نسبته تساعد بس
سعود\ لا ماشاء الله محمد شاطر طالع عليك
يوسف\ نقول يأرب
سعود\ تقدر تسفره أول كم شهر على حسابك بعدين يحول بعثه على حساب وزارة التعليم
يوسف\ احتمال أنا أسوي معه كذا يتعلم لغة و بعدين يحول
سعود\ طيب هو يبي يروح و إلا أنت ضاغط عليه
يوسف\ لا افى عليك مقتنع و إن شاء الله أنا و أنت ورآه
سعود\ بأذن الله
يوسف و هو يوقف\ و نعم بالله يالله أنا رايح تبغى شي ؟
سعود\ سلامتك راجع هنا بعدين ؟
يوسف\ ما أكد لك والله اذا رجعت متأخر بنام هناك
سعود\ زين والله اجل أشوفك بكرة لأني بصلي العشاء و أنام ........


********************

جده
الساعة الـ 10:30 مساء

نزلت سماعة التلفون من إذنها بعد ما كلمت رؤى هالانسانه تعودت عليها هند و صارت تحسها قريبه منها و تشاركها في أشياء كثيرة يمكن أكثرها إنها البنت البكر و الي شايله البيت على رأسها بعد وفاة أبوها تنهدت هند و هي تطالع الممر الي يؤصل لغرفة سلمان من الصباح ما صحى و لا تحرك من مكانه و صارت تخاف تقرب منه تخاف إن عنده مشكلة نفسية كبيرة و راح تأثر على علاقتهم الي ما بعد بدت في داخلها كانت تتمنى تعرف هو ايش عنده بالضبط عشان تقدر تساعده و توقف معه لكن المشكلة انه ما يعطيها فرصة تتكلم معه أبدا حتى أخواته ما تعرف لهم أي رقم تحاول تعرف منهم شي عن حالته .... عشان كذا خالتي نورة كلمت أم سلمان عني لجل تزيدني عذاب يا ترى وش استفادت من الي سوته و إلا أش الي مخططة له الله يستر منها حتى في الزواج حضرت مبتسمة و كأنها اشرف إنسانه بالدنيا لا و باركت لي كمان زي بنتها صدق من برى تأخذ فكرة حلوة عنها لكنها من داخل إنسانه حقودة و أنانيه لأبعد الحدود يأرب خلصني من هذا العذاب و اكفني من شر الجاي يأرب ..... قامت هند لغرفتها تهرب من واقعها بالنوم صار هو الحل الوحيد قدامها من أول ما عرفت بأمر خطبتها و زواجها ...


******************



الجزء السابع عشر

الأحد
جده
الساعة الـ 07:30 صباحا

فزت من نومها على صوت أشياء تتكسر و تخللتها صرخة الم قوية هزت هدوء الشقة المميت بسرعة طلعت من الغرفة تشوف مصدر الصوت الي كان واصل من المطبخ بنفس واحد و برعب تجمدت رجولها على باب المطبخ بسب صرخة سلمان بوجهها ..
سلمان\ ارجعي غرفتك بسرعة
كانت يده تنزف ونص الكاسات الي غسلتها و رصتها على المنشفة مكسره بفعل شخص و أجزاءها مبعثرة على أرضية المطبخ جسمه كان يرتعش و ما هو قادر يسيطر عليه قربت هند و بداخلها مقرره تساعده حتى لو سبب لها أذى لكن مستحيل تخليه يعاني لوحده وسط صراخه و رجاءه لهند إنها تبعد عنه سلمان\ روحي من وجهي ما أبي أشوفك ما أبي أشوف احد والله ما أبي اذيئك لا تجبريني هند اطلعي قفلي عليك الباب بسرعة
هند قربت منه بعزم\ أنت يدك تنزف الحين تعال خل أضمدها لك بس و أروح و الله بروح
سلمان\ أنتي ما تعرفين شي روحي ارحموني ما أبي منكم شي بس اتركوني لوحدي ما أبى بيت و لا فلوس و لا حتى أباك أنتي كمان أنا تعبان
هند\ طيب خلاص الي يريحك بيع البيت ورجع الفلوس حتى أنا خلاص بروح لأهلي بس تعال الغرفة ارتاح المطبخ كله زجاج بيجرح رجولك أنت قاعد تمشي عليه
سلمان طالع الأرض تحته و انتبه انه واقف على قطع الزجاج و رجولة تنزف فتعمد بدون وعي يدعس عليه بقوة عشان ينجرح أكثر و توه بالألم\ أكرهكم كلكم أكرهكم خليني لوحدي لو تقدمتي كمان بجرح رجلي الثانية أنتي ما تفهمين أنا ما ابغاك أبوك باعك لأبوي عشان الفلوس ما ابغاك
هند صارت بين نارين تصدق كلامه و إلا تكذبه لأنه يتكلم بدون وعي تذكرت علب الأدوية الي بغرفته أكيد هو الحين محتاج لوحده منها جريت بسرعة للغرفة و أخذت كل العلب الي قدامها احتارت وش النوع الي بيكون محتاجه الحين رجعت لمكانها و مدت له العلب هند\ سلمان خذ أي حبوب تستخدم عشان ترتاح أجيب لك كاس مويه
في هالحظة سلمان تحول لوحش ما هو مدرك لتصرفاته مد يده وسحب هند من كتفها لجهته بقوة و لصق جسمها فيه غصب عنها رجولها جت على الزجاج و انجرحت و صرخت بألم .. آآآآه
سلمان\ من وين جبتي هذي الحبوب ؟ من متى شفتيها انطقي بسرعة ؟
هند وهي تتألم و عيونها بدت تدمع \ أمس الفجر والله
سلمان و هو يضغط برجله على رجلها الي تتألم منها عشان تحس الم أكثر\ دخلتي و أنا نائم تفتشي أغراضي يعني ؟
هند و هي خلاص معاد تقدر تتحمل الألم و لا ثورة سلمان سحبت نفسها من يده بقوة\ لا والله كنت أبى بندول بس ما حصلت .. قالتها و جرت لغرفتها للحظة اختفى كل الألم الي برجلها أهم شي عندها تؤصل لمكان امن و تبعد عن سلمان قفلت الباب بالمفتاح و سندت بظهرها عليه و غطت عيونها بيدها مستعدة لموجة بكاء ممزوجة بألم و رعب و ذل ....


***************

الخبر
الساعة الـ 09:30 صباحا


اليوم متكاسل عن الشغل خاطرة يطلع و يترك كل شي ورآه نفسه يروح البحر و يشم هواه من وقت ما رفضته بنت جيرانهم و أمه معاد كلمته بموضوع الزواج لكنه يحس إنها ودها تفتح هالموضوع في كل مكالمة لكنه يسكر السالفة من أولها صاير عنده إحساس غريب بالهروب خاطرة يترك كل شي ورى ظهره و يسافر لمكان بعيد بلا مشاكل و هموم انتبه لصوت علي الي دخل عليه \ السلام عليكم
سعود\ و عليكم السلام هلا
علي\ وين شارد لي وقت على الباب ؟
سعود\ هههههههه قريب لسى على الحدود
علي\ ههههههه كويس اني كلمتك قبل تعدى الحدود
سعود\ أشوفك تمشى على المكاتب ما عندك شغل ؟
علي\ اذا أنا ما عندي شغل من بالشركة الي عنده شغل ؟
سعود\ تو الناس لسى سيف ماله غير يومين و تعبت
علي\ هذا شغل اثنين يعني كأني مشتغل حق أربع أيام
سعود\ ما في حد بيساعدك لين يرجع سيف ؟
علي\ يقولون بكرة بيجوبون واحد لين يرجع سيف
سعود\ حلو يساعدك
علي\ بس ما بيجي عندي زي سيف
سعود\ تلقاه مبسوط الحين بماليزيا و ناسينى
علي\ إيه والله الله يهنيه
سعود\ أمين
علي\ زين أنا راجع أكمل شغلي يالله سلام
سعود\ أنت من وين جاي أصلا ؟
علي\ رحت شربت شاي و رجعت من برى
سعود\ شفت يوسف ؟
علي\ عند المدير أظن بيروح كم يوم بئر الوفرة على حدود الكويت .....

**************

جده
الساعة الـ 03:30 عصرا


اليوم بالها مشغول على هند و قلبها قابضها تحس إن فيها شي و إنها محتاجتها تكون معها شافت فهد نازل مع الدرج و نادت عليه أم محمد\ فهد تعال يمه
فهد\ هلا جدتي بغيتي شي ؟
أم محمد\ إيه أنت تعرف رقم تلفون بيت أختك ؟
فهد\ لا هو مع نواف ليش تبغينه ؟
أم محمد\ أبي اسمع صوت أختك و أتطمئن عليها من راحت بيتها ما كلمتنا إلا مرة وحده أخاف صاير معها شي
فهد\ لا إن شاء الله تلقينها مشغولة مع رجلها و وقت تفضى بدق
أم محمد\ حتى و لو حنا أهلها و لازم ندق نتطمئن على بنتنا
فهد\ زين بروح أجيب لك الرقم من عند نواف
أم محمد\ عجل يمه

دقائق

و رجع فهد اخذ التلفون ودق الأرقام لجدته و انتظر الرد\ ما احد يرد جدتي
أم محمد بإصرار\ ارجع دق مره ثانية يمكن ما سمعوا

في الجهة الثانية كانت هند تسمع التلفون يدق و طلعت من غرفتها جهته لكن بسبب الجرح الي برجلها كانت تمشي و هي تعرج و خطوتها ثقيلة أول ما وصلت عنده فصل تنهدت على المسافة الي مشتها و حجم الألم الي عانته لكن المتصل ملزم على الرد و على أول رنه رفعت السماعة هند\ الوو
أم محمد\ السلام عليكم
هند من سمعت صوت جدتها اختنقت و دمعة عينها\ و عليكم السلام هلا بالصوت الله يحييه
أم محمد\ هلابك يمه شخبارك يا هنوده طمنيني عنك يا قلب جدتك
هند\ الحمد لله أنا بخير و ما ناقصني غير شوفتكم طمنيني أنتي عن صحتك و أمي شخبارها و منال عسى ما هي مزعجه أمي تسال عني ؟
أم محمد\ كلنا الحمد لله بخير و منال ما عليها شر أنتي وينك ما رديتي من أول عسى ما أنتي نائمة و أزعجتك ؟
هند\ لا صاحية بس مالحقت عليه كنت بالغرفة
أم محمد\ وين رجلك عسى مرتاحة معه يمه ؟
هند مجبورة اكذب و أقول اني مرتاحة\ طلع مشوار و راجع الحمد لله جدتي أموري معه بخير
أم محمد\ متأكدة يمه قلبي ما هو مرتاح عليك
هند\ لا جدتي ارتاحي و طمني قلبك أنا مرتاحة و ما عليه شر
أم محمد\ اجل تعالي زورينا الليلة مدام رجلك يطلع واجلسي عندنا شوي
هند ارتبكت مستحيل تقدر تروح و هي تعرج كذا\ جدتي هو قالي بوديك اهلك الخميس استحي أقوله بروح اليوم ......


*************



الجزء الثامن عشر


الاثنين

جده
الساعة الـ 05:30 عصرا

جالسة عند أمها من ساعة ما عاد فيها تستحمل برود أمها و أخوها اليوم لازم تنهي الموضوع و يتزوج سعود و يريحهم حتى بنت عمها الي كانت طليقته اتزوجة و هو جالس بدون عرس
أم عزام\ يمه و الحل يعني معكم ؟
أم سعود و هي بدت تمل\ وش بيدي أنا خلاص هذا أخوك دقي عليه و كلميه بنفسك
أم عزام\ و هو يخفى عليه دقيت عليه و لكلمته في سالفة العرس تهرب مني
أم سعود\ اجل خليه على راحته
أم عزام\ يمه ولدك باقي له سنه و يدخل الثلاثين بعدين قولي لي من بتقبل فيه ؟
أم سعود\ اجل أجره من يده و أزوجه بالغصب زي البنات ؟
أم عزام\ لا احلفي عليه
أم سعود\ أخوك يعرف مصلحته ما هو صغير لبغى العرس بيعرس من نفسه
أم عزام\ أصلا أنا متأكدة إن فيه تحت رأسه شي من وقت قالك بيتزوج بنت خلف و يخليها عندك و ما هو أخذها معه
أم سعود والي بدت تسمع لبنتها\ شي زي شو ؟
أم عزام\ بقولك بس لا تعصبين
أم سعود\ قولي أنتي تعرفين شي عن أخوك و ما قلتي لي ؟
أم عزام\ لا يمه ما اعرف بس أنا اسمع من الناس الي لهم عيال بعيد عنهم و مشاكلهم مع الزواج
أم سعود بدت تعصب و هي تعاني من الضغط و السكر\ قولي و خلصيني طيب تراك رفعتي ضغطي
أم عزام\ يمه أنتي تعرفين الحين زواج المسيار و مشاكله
أم سعود\ قصدك إن أخوك متزوج مسيار من ورآنا ؟
أم عزام\ أنا ما أقول متزوج أقول يمكن هو رجال و عايش لوحده لا رقيب و لا حسيب و البنات الي يوافقن على زواج المسيار يا كثرهن و يبغن الي زي سعود ما حوله احد من أهله متى ما طلعت معه طلعت
أم سعود بداء الشيطان يوسوس لها و تشك في ولدها و أم عزام ما صدقت إن أمها بدت تتجاوب معها و بدت تحكيها قصص عن زواج المسيار لأشخاص تعرفهم أو سمعت عنهم ..


***********

جده
الساعة الـ 06:00 مساء

وقفت في المطبخ مكان ما تألمت الصبح من صحت على تلفون جدتها ما دخلته ولا شافت سلمان و لا تدري هو بغرفته أو طالع لكن وين ؟ ما كانت تدري جلسة على الأرض و هي ترفع قطع الزجاج من الأرض و تحطها في الزبالة سلمان كان في حالة هيجان فضيعه اليوم و كل خوف هند انه يستمر على طول بهذي الوضعية وش بيكون تصرفه معها بتستمر تهرب منه و تقفل عليها الباب و إلا بيسمح لها تتقرب منه و تساعده .... خلصت الي بيدها و طلعت من المطبخ الشقة كبيرة و موحشة عليها و هي جالسة لوحدها فتحت التلفزيون و قلبت قنواته لكن ما في شي أعجبها تمنت لو تقدر تدخل نت بس المشكلة أنها ما جابت الأب توب حقها معها تذكرت الأب توب و الكتب الي في غرفة سلمان لكنها خافت بس لمجرد إنها تقرب من باب الغرفة ما هو تدخلها و تمد يدها على أغراضه تنهدت بملل و سكرت التلفزيون و قامت بتدخل غرفتها مشت ببطء لين و صلت أول الممر و انتبهت لسلمان الي كان واقف على باب غرفتها و متردد يمد يده على مقبض الباب انتبه لظلها و التفت لها سلمان\ كنت أبى أقول لك <<< وسكت
ملامحه كانت هادية عكس الصبح و هذا الي طمنها هند\ شو بتقول ؟
سلمان و هو ينتبه لرجلها الملفوفة بشاش \ أسف على الي صار أذيتك ؟
هند و عشان تطمئنه و تكسب ثقته\ لا بسيطة ما تعور
سلمان\ اوديك المستشفى طيب ؟
هند\ لا
سلمان\ أنا قلت لك روحي بس أنتي ما سمعتي الكلام
هند و هي تمشي جهة غرفتها\ أسفه ما راح أكون بوجهك المرة الجاية
سلمان قلبه عورة عليها و هي تعرج هو ماله ذنب في هالزواج مغصوب عليه زيه زيها لكن هو مريض و ما يقدر يسيطر على نفسه اغلب الأحيان لكن تضل هند مالها ذنب تتحمل أذاه مد يده و مسكها يسندها \ تعالي أساعدك
سحبت هند يدها من يده هي مجروحة من الداخل حتى لو كان سلمان أذاها بدون وعي لكنه قالها بلسانه انه ما يبيها و أن أبوها هو الي باعها لهم مقابل فلوس صعب تحس انك شخص تعيش في مكان وأنت ما هو مرغوب فيك \ شكرا اقدر امشي لوحدي
سلمان ما علق دخلت هند غرفتها و سكرت الباب و أغلقت بينهم أبواب الوصال ......


أنا ضد السؤال الي يجاوب نفسه بنفسه
أنا ضد السؤال الي يعاتب في دجى شمسه
أنا ضدك 00 وضد نفسي 00 وضد الواقع المشؤم

تبيني اعشق الدنيا وأحطك فوق كل الناس
وأنا ليل ألفرح فيني غدى صوت الحزن عرسه
من المسؤل عن موتى اذا فيك الأمل قد مات
من المسؤل عن يومي اذا بعدك نسى أمسه
غريبة كيف ماشافت عيونك قسوة الأقدار
تظن الجرح لي ينزف يطيب وينتهي بلمسه


*********************

الخبر
الساعة الـ 07:30

جالسين بالصالة على العشاء من زمان ما اجتمعوا على العشاء مع بعض غالباّ ما يجتمعون على الفطور أو الغداء لكن العشاء نادرا ما يجتمعون عليه خصوصا بنص الأسبوع العادة سعود يأكل و ينام لوحده و يوسف يتعشى برى أو عند أهله رفع سعود يده من الصحن و هو يسند ظهره على الكرسي\ الحمد لله
يوسف\ ما أكلت ؟
سعود\ لا والله شبعت الحمد لله
يوسف\ طيب قوم غسل
سعود\ بريح <<<<حال الشباب غريب
يوسف\ اجل خلك أحسن عشان تشيل الصحن المطبخ
سعود\ وأنت ليش ما تشيله ؟
يوسف\ أنا بكرة مسافر لازم أريح
سعود\ مسافر العصر و كلها ثلاث أيام و راجع
يوسف\ عاد اسمه سفر و بس لو ثلاث ساعات
سعود\ هو تقريبا الطريق ثلاث ساعات
يوسف\ عاد أنا واحد ما يقدرون يستغنون عني أكثر من ثلاث أيام في الشركة عشان كذا يعطوني شغل قريب أنت ليش مقهور ؟
سعود\ تكفى يا مهم أنت بس المشكلة إن البئر هذا بذات جمب برج الاتصالات و هذا الي قاهرني خاطري يحطونك بمكان مقطوع فيه الاتصال و أشوفك عاد بدون مكالمات الغرام حقتك ثلاث أيام
يوسف\ تكفى لا تذكرني من قلت لسوير اني مسافر عمل و هي تجلس تصيح علي تقول قلت لها بروح أجاهد
سعود\ البنات دموعهم جاهزة على طول أصلا يصيحون من الهواء
يوسف\ ههههههههههه وأنت ليش شايل حمله على البنات
سعود\ و من قايل لك اني شايل حملة عليهن ؟
يوسف\ أسلوبك تقول ذابحات لك غالي و بتنتقم منهم
سعود\ لا والله ما يعنون لي شي خصوصا بنات الغرام ذولا الي تكلمهم .....


****************

جده
الساعة الـ 08:30 مساء

تعود بعض الأيام انه ينام عند جدته في بيتها يحس إنها أمه الثانية و شخصيتها تعجبه أكثر من أمه برغم أنها حرمة كبيرة لكنها حبوبه و سوالفها ما تنمل و تتفهم عقلية الشباب و تتحاور معهم دخل البيت و توجه لصالة لكنه ما حصل إلا الشغالة جالسة تطالع التلفزيون...
فارس\ فين ماما كبير ؟
يأتي\ ماما في غرفة
فارس\ نائمة ؟
يأتي\ لا ما في نوم هي اليوم مره ما في كويس ما في يأكل حاجة من أول
رجع فارس خطوتين جهة الشغالة\ ليش هي تعبانه ؟
يأتي\ أنا يشوف ضغط حقها مرة مرتفع أنا يقول لها روح مستشفى ما يروح
فارس\ وليش ما اتصلتي فيه
يأتي\ أنا ما يدري
مشى عنها فارس و هو عارف انه ما راح يأخذ منها شي لازم يشوف جدته و يتطمئن عليها بنفسه .....


**************



الجزء التاسع عشر

الخميس

الخبر
الساعة الـ 03:00 عصرا

جالس بالشقة و باله مشغول عليها من يومين ما سمع صوتها و أخر مكالمة كان صوتها متضايقة و تعبانه كل الي يقولون له أخواته إن ضغطها مرتفع شوي و نائمة لكنه ما هو قادر يصدقهم و إحساسه يقول أنهم مخبين عنه شي .. طلع من الحمام ( أكرمكم الله ) بعد ما اخذ له شاور من ثلاث أيام و هو يحس انه ما استمتع بالمويه زي اليوم يوسف\ فعلا المويه هنا حياة ثانيه
سعود\ المويه هي نفسها فكل مكان لكن قول هنا ما في شمس أصدقك
يوسف\ أي والله
سعود\ ما أنت رايح لأهلك ؟
يوسف\ المغرب بروح الحين بريح وشفيك أنت وجهك مقلوب كذا ؟
سعود\ من يومين ما كلمت الوالدة يقولون تعبانه
يوسف\ لا سلامتها عسى ماشر
سعود\ الضغط مرتفع عندها
يوسف\ عشان ما نزلت جده يعني؟
سعود\ ما أظن لأنه من قبل تعبت الظاهر زعلانه من شي و ما تبى تقولي
يوسف\ طيب سالت اهلك ؟
سعود\ يقولون ما فيه شي صاير
يوسف\ اجل احمد ربك و لا تشيل هم الضغط أحيان يرتفع من و لا شي بكرة و أنها راجعه بصحة و عافيه ........


******************

جده
الساعة الـ 05:30 عصرا


اشتاقت لكل شي مرت به الشوارع البيوت حتى السيارات و زحمتها من أسبوع ما طلعت و لا شافت نور الشمس اشتاقت لكل شي في الحارة مسجدها و الأطفال الي يجتمعون على لعب الكورة في قطعة الأرض المقابلة لبيتهم و اشتاقت أكثر للي داخل البيت محتاجه تحضنهم كلهم و كأنها من سنين ما شافتهم محتاجه تروح غرفتها و تتخلص من كل الحزن الي بقلبها و تكمل إحساسها أنها لسى بنت ما جنت من الزواج إلا اسم متزوجة و بس ... وقف سلمان قدام بيت أبو نواف بدون ما يطفي السيارة\ متى تبين ارجع لك ؟
هند\ ما راح تنزل معي ؟
سلمان\ لا خليك براحتك مع اهلك
هند\ و اذا سألوني ليش ما نزلت ؟
سلمان\ قولي لهم أي شي عنده شغل مواعد احد أي كذبه
هند يعني عارف أنها كذبه\ إن شاء الله
سلمان بدون نفس\ ما جاوبتي متى ارجع لك ؟
هند\ بعد صلاة العشاء
سلمان\ اوكيه ....


****************

الخبر
الساعة الـ 06:10 مساء

وقف يستوعب الكلام الي سمعه من ولد أخته فارس معقول كل ذا يصير و هو ما عنده خبر سعود\ أش تقول أنت ؟
فارس\ يا خالي أتعوذ من الشيطان الحمد لله جدتي استقرت حالتها دحين
سعود\ وش استقرت ثلاث أيام و هي بغيبوبة و عندها جلطة و أنا أخر من يدري
فارس\ و تلات أيام و أنا معها في المستشفى ما تركتها
سعود\ و هالحين فكرت تقولي كان صبرت كمان ؟
فارس\ خالي اعرف انك معصب دحين بس والله ما قدرت أقولك لين اطمئن على حالتها و أطمئنك و هدا ما هو راي بس حتى أبوي قالي أسوي كداا
سعود هدى شوي فعلا فارس ماله ذنب يحط حرته فيه\ لا اله إلا الله طيب و الحين وش وضعها بالضبط و بدون ما تخبي علي شي
فارس\ أقولك نفس كلام الدكتور توي شفته دحين جدتي فاقت من الغيبوبة و تعدت مرحلة الخطر وتوي داخل عندها و شفتها و عرفتني لكن عشان أحطك بالصورة جدتي لسى ما تتكلم و لا تتحرك
سعود خلاص ما عاد فيه يسمع أكثر\ زين سكر أنا جاي جده الحين
سكر سعود من فارس بدون ما يسمع رده و توجه لغرفته طلع شنطته الصغيرة و رمى فيها ملابسه بإهمال و بدون ترتيب يوسف كان يطالعه من أول و ما هو فاهم الموضوع كامل كل الي تأكد منه إن أم سعود جاتها جلطة يوسف\ قول لا اله إلا الله و هد شوي عشان تعرف أنت وش بتسوي
سعود\ لا اله إلا الله وش بسوي بنزل جده هالحين
يوسف\ صاحي أنت بتروح بالسيارة ألف و خمس مئة كيلو و أنت بذا الوضع مستحيل أخليك
سعود و هو يحط أغراضه في جيبه\ منتظر رأيك أنا ؟
يوسف\ لحظة سعود بتمشي كم ساعة و بتسرع و بتجيب لنفسك المشاكل اصبر خل ندور طيارة
سعود\ مستحيل تحصل طيارة الحين و لا بعد أسبوع حتى كلها محجوزة
يوسف و هو يطلع جواله\ اصبر خل أدق لعلي يشوف أخوه ناصر يمكن يقدر يدبر لنا حجز
سعود\ عجل طيب شوفه
اتصل يوسف على علي و مع ثاني رنه رد ...
علي\ هلا والله
يوسف\ هلابك أقول علي أخوك ناصر في الدوام الحين ؟
علي\ خير وش صاير تسال عنه صار له شي
يوسف\ لا بس أبيه يدبر لسعود حجز على جده الحين
علي\ وشفيه سعود ؟
يوسف\ الوالدة تعبت شوي و بيشوفها بعدين أقولك المهم الحين ناصر يقدر يدبر لنا حجز
علي\ ثواني بس أدق عليه و أرد لك خبر
يوسف\ لا تطول الله يخليك
سكر يوسف و التفت لسعود\ يقول بيدق لخوه و يرجع يخبرنا
سعود\ خلني أتوكل على الله و أروح بالسيارة أصلا بكون محتاجها هناك
يوسف\ ما عليه سعود طول بالك دقائق بس و اذا على السيارة أنا اشحنها لك لجده لا تشيل هم
سعود\ ما قصرت والله

ثواني من الانتظار

يوسف و هو يرفع جواله\ هذا علي
سعود\ رد بسرعة
يوسف\ هلا هاا بشر
علي\ دبر حجز بس بعد ساعتين الطيارة
يوسف\ المهم انه حصل
علي\ خلاص هو في المطار الحين بعطية رقمك و يدق عليك أنت بتوصل سعود المطار ؟
يوسف\ إيه أنا بوصله خلاص انتظر اتصاله يالله فمان الله
سعود\ فيه حجز ؟
يوسف\ إيه الطيارة بعد ساعتين قوم نمشي للمطار
سعود\ يالله
يوسف\ طمني عاد و السيارة على السبت تكون عندك بإذن الله
سعود\ إن شاء الله بس السبت قدم لي على إجازة تكفى
يوسف\ و لا يهمك .....


*******************



الجزء العشرون

بعد شهرين من الأحداث الأخيرة

الاربعاء

جده
الساعة الـ 04:00 عصرا

طلعت من المطبخ و بيدها كوب شاي لسلمان الي كان جالس عند التلفزيون علاقتهم مع بعض تطورت تطور خفيف و صاروا يجتمعون مع بعض على الاكل و قدام التلفزيون حتى هند بدت تتفهم وضع سلمان النفسي و تبعد عنه وقته انفعالاته عشان ما تاذي نفسها و لا تحسسه بتانيب الضمير بعد كذا \ تفضل
سلمان\ مشكورة والله
هند\ العفو
سلمان و هو يشرب من كوب الشاي\ ماشاء الله عليك شاهيك طعمه مميز وش سره ؟
هند\ و لا شي بس يمكن تعودت على طعمه
سلمان\ يمكن

و كملوا متابعة البرنامج بصمت هند ببالها تبي تقوله انها ملت من الوحده بالبيت و تتمنى لو يسمح لها تشتغل اكيد عنده واسطات و بيساعدها و سلمان في الجهة الثانية كان منتظر تلفونه يرن بفارغ الصبر .... تشعت هند و قررت تفاتحه بالموضوع الي ببالها \ سلمان
سلمان\ هلا
هند\ ممكن أطلب منك شي ؟
سلمان\ اكيد قولي
لكن قبل ما تفتح هند فمها رن جوال سلمان و أستاذن منها يروح غرفته يرد ...

****************

الخبر
الساعة الـ 05:00 عصرا

وقف بسيارته قدام بيتهم ينتظر أخته عشان يوصلها للخياطة تشوف فستان ملكتها و الي ما بقى عليها الا شهر واحد و هو شهر رمضان و ما في اسرع من مرور هالشهر الكريم و انقضاء ايامه كان نفسه ينزل و يشوف أمه لكنه يتراجع كل ما يتذكر ان أبوه طرده من البيت بعد ما سفر محمد لدراسة و انه بيكون السبب في ضياعه بعيد عنهم من يومها و يوسف ما دخل البيت و تواصلة مع أخواته كان على جوالاتهم و ما تغير بينهم شي لا زال هو الي يوصلهم وين ما طلبوا لأنهم يعتبرون يوسف الأخ و الأب بالنسبه لهم ....
أمل وهي تفتح باب السيارة\ السلام عليكم
يوسف\ و عليكم السلام تاخرتي ؟
أمل\ لاوالله بس أنت جيت بدري
يوسف و كان بيحرك السيارة\ ههههههه يا شيخه
أمل\ لا وقف منار بتروح معي
يوسف\ وليش ما نزلت معك طيب و الا أنتم بالتقسيط تجون ؟
أمل\ اصلا هي ماكانت بتروح بس الدبى سوير أنا اوريها قالت بتروح معي و عبد الرحمن بيؤصلها للمشغل و الحين تتصل تقول عبد الرحمن ما هو فيه
يوسف فز قلبه من الأسم\ ساره بنت خالتي أم عبد الرحمن ؟
أمل\ ايه
يوسف\ طيب نمرها اذا لأزم تروح معك ؟
أمل\ صراحة هي ذوقها حلو و انا اتمنى تروح معي بس بصراحة ما قلت لها نمرك خفت أن الموضوع يضايقك
يوسف\ لا عادي دقي عليها و خبريها و استعجلي أختك كمان
طلعت أمل جوالها بدق لبنت خالتها لكنها أنتبهت أن الاكسسوار الي بتاخذه معها للفستان ما هو في الشنطة نزلت الجوال فوق الشنطة بسرعه و فتحت الباب\ ثواني نسيت شي مهم بالبيت و بكلم منار تنزل
ما اعطته فرصه يتكلم سكرت الباب و راحت مسرعه للبيت ... شكلي مطول قدام الباب تقول سواق الله يعين على الحريم و مشاويرهم ما تخلص قطع عليه صوت نغمة الجوال و التفت لجوال أخته لأن النغمه ما كانت نغمة جواله اخذه يطالع الرقم
و انشلت اطرافه و وحس أنه يختنق و اكسجين السيارة معاد يكفيه (( ساره يتصل بك )) ذا الرقم تعودت اصابعه تدقه كل يوم هالرقم مستحيل يغلط فيه معقول ساره تعرف اختي امل ؟؟؟و الا ساره هي نفسها بنت خالتي الي اعرفها ؟ ....


*****************

جده
الساعة الـ 05:10 عصرا

طلع من الغرفة يدور على الشغالة تكوي له ملابسه في سره رحمها صارت معاد تقدر تلحق على شغلها و السبب حاجة أمه المستمره لوجودها معها نزل لصالة و شافها تمشي للمطبخ و معها صينية فيها دواء امه سعود\ يأتي خذي كوي ملابس عشان بيروح
يأتي\ اوكيه مستر بس ودي هذا دواء ثلاجه
سعود و هو يحط لها الملابس على الكنبه\ انا عند ماما لما يخلص كوي كلميني
راح عنها سعود يشوف أغلا ناسه اذا محتاجه شي بعد ما كانت مالية البيت بحركتها و صوتها الي يطمئن قلبه صارت حبيسة غرفتها و كرسي متحرك حتى صوتها صار ضعيف و باين فيه الألم دق على الباب دق خفيف و دخل و هو يبتسم لها\ السلام عليكم كيفك الحين يالغالية ؟
بصوت تعبان و متألم على هالولد بس ام سعود\ الحمد لله يمه
سعود\ الحمد لله وين كنا و وين صرنا يا أم سعود وجهك اليوم منور يا جعلني ما انحرم منه
أم سعود\ و لا منك يا قلبي رايح يمه اليوم ؟
سعود\ أي والله يمه مالقيت حجز الا اليوم او يوم الأحد و أنا ما اني ناقص غياب عن الدوام لكن بأذن الله الاربعاء اكون عندك و فارس عندك أي شي تبغينه اطلبيه منه و هو ما يقصر
أم سعود بلؤم\ انا ما مضايقني الا أنت و فارس من طحت تلؤمة فيكم و اشغلتكم عن اشغالكم و دراستكم
سعود و هو يبوس يد امه \ لا اسمع منك ذا الكلام مرة ثانيه حنا عيالك و اذا ما شالتك الأرض تشيلك عيوننا يالغالية و بعدين أنتي سمعتي كلام الدكتور أمس بنفسك الحمد لله حالتك تحسنت عن أول و بأذن بترجعين تمشين بس يبغيلك شوية وقت
أم سعود\ الحمد لله على كل حال يمه ربك ما ينسى عباده .........


*****************

جده
الساعة الـ 09:30 مساء

تعبت من المشي في الشقة رايحه جايه بقلق جلسة على اقرب كنبه للباب و تنفست بعمق .. هذا وين راح ؟ من جاه تلفون العصر طلع مستعجل و لا قالي شي ياليت لو نزلني بطريقة عند اهلي ابرك من ذا القلق الي معيشني فيه التفتت للباب و هي تسمع صوت المفتاح و شافته يدخل بوجه غير الي طلع فيه سلمان\ السلام عليكم
هند\ وعليكم السلام
سلمان\ ليش جالسة هنا تنتظري احد ؟
هند\ انتظرك طلعت مستعجل و تاخرت
سلمان و هو يتخطاها لغرفته\ أنا بخير بس كانت عندي شغله مهمه
هند\ احضر لك العشاء ؟
سلمان\ لا أنا تعبان و فيه نوم

هند بخاطرها و أنا الغبية انتظرة من أول و هو و لا همه بينام وبس استاهل ليش اعبر واحد مثله كانت العبرة خانقتها و خاطرها تنفجر فيه و طلع كل حرتها ..

التفت لها و شافها واقفه بمكانها و منزله راسها للأرض و الدموع متحجرة بعيونها قرب منها و رفع ذقنها بيده و التقت عيونهم \هند
هند و كل شي فيها ذاب من لمسته\ لبيه
سلمان\ لا تتضايقين مني أنا جالس اسوي كل شي عشانك
هند\ عشاني ؟
سلمان\ إيه عشان راحتك
نطقتها بدون وعي هند\ راحتي معك
تنهد بألم على مصير بنت مثل هند ظلمتها الدنيا و حتى هو شارك بظلمها سحب يده سلمان\ جمعي اغراضك بكرة بنروح
هند بحيرة\ وين ؟
كمل طريقة لغرفته و نطقها بدون ما يلتفت لها سلمان\ بنغير الشقة ما تبين تسكنين جمب أهلك لا تخلين شي وراك لأني بعت الشقة اليوم و بكرة بسلمها لصاحبها ......


*********



الجزء الحادي والعشرون

الجمعة
الخبر
الساعة الـ 01:00 ظهرا


رجعوا مع بعض من صلاة الجمعة حال صديقة من أمس ما هو عاجبه و حاس أن فيه شي مضايقة غير سالفة أن أبوه طرده من البيت لأنه سفر محمد لدراسة يوسف من النوع الي ملامحه تفضحه مهما خبى مشى جهة غرفته بدون أي كلام لكن سعود مصمم انه يعرف شو فيه و لحقه غرفته شافه ينزل شماغه و يتمدد على السرير سعود\ بتنام ؟

يوسف\ ايه
سعود\ ما تبي تتغداء طيب ؟
يوسف\ مالي نفس تغداء أنت
سعود و هو يجلس على طرف السرير\ و أنا كمان معاد لي نفس دامك ما تبى
يوسف و هو يسند ظهرة على طرف السرير و ماد رجوله\ أنا ما ابي الحين بنام شوي و لصحيت باكل أكل أنت و خل الباقي لي
سعود\ ما هو قبل ما تقولي وش الي مضايقك ؟
يوسف\ ما فيه شي مضايقني يا ابن الحلال بس تعبان ما نمت زين من أمس
سعود\ عشان فيه شي جالس تفكر فيه ما أنت قادر تنام تخبي على أخوك يا يوسف
ثنى يوسف رجوله وضمها بيديه على صدره و حط ذقنه على ركبه \ أنا تعبان يا سعود خلاص خسرت كل شي حتى ثقة اقرب الناس لي خسرتها
سعود\ وش صار معك ؟
يوسف و هو يضم رجولة لصدرة بقوة اكبر\ ساره .. ساره طلعت بنت خالتي
سعود انصدم و ما عرف ايش يقول فكمل يوسف كلامه و كانه يتخلص من جبل جاثم على صدره\ يعني يوسف الي قدامك واحد نذل ما عنده غيرة حتى على أهله خالتي الي فاتحه بيتها لي و تعاملني زي عيالها أنا اخونها من وراها و اكلم بنتها و اتغزل فيها و معتبرها وحده من بنات الليل مهما حملت لها مشاعر لأن الي ترضى تكلم واحد بتكلم عشرة وش تتوقع بيطلع مني اكثر ؟
سعود\ بس أنت ما كنت تعرف انها بنت خالتك و الا ما كلمتها
يوسف\ أنا انصدمت أصلا خالتي و زوجها ملتزمين يوم عرفت أن بنتهم تكلم كان نفسي اروح لبيتهم و اسحبها من شعرها و احطها قدام أبوها و أخوانها يذبحونها بس وش اقولهم أنا كنت اكلمها وشفت رقمها بجوال أختي و عرفت انها بنتكم
سعود\ ما كان ذا كلامك عنها
يوسف بعصبية\ الحين الوضع تغير اول أنا ما اعرف هي بنت من و الا من هي أصلا لكن الأن هي وحده من أهلي يعني شرفي يا سعود
سعود بتعقل\ يعني يوم كانت شرف ناس كنت ترضى عليها و الان يوم طلعت شرفك حطيت الغلط كله فيها ترى أنت بعد الغلط راكبك من ساسك لي رأسك يوم رضيت انك تكلم بنات الناس و تلعب بشرفهم جاك اليوم الي يلعب بشرفك ياما نصحتك تترك عنك ذا الطريق بس وش اقول
يوسف\ عاد لا تزيد علي ما اني ناقص
سعود\ احمد ربك انك أنت الي كلمتها ما هو غيرك و يمكن ضحك عليها و مسك عليها شي هددها به
يوسف\ والحل الأن ابي اتاكد هي تكلم شباب ثانين او لا ؟
سعود\ الأهم الحين هي تعرف انك ولد خالتها و الا لا ؟
يوسف\ ما أظن لو تدري ما كلمتني أصلا هي من أمس تدق و ترسل عادي
سعود\ اجل طنشها و لا ترد مدام انها ما تدري انك ولد خالتها ربك كريم حب يستر عليك و عليها لا تفضحها و لا تفضح نفسك و اظن هذي تؤبك عن غيرها ..


*******************


جده
الساعة الـ 05:30 عصرا

بعد ما جمعت كل اغراضها في شنطتين كبار مثل ما طلب منها سلمان تمددت على السرير و حضنت المخده لصدرها كانها تودعها بإمتنان بعد ما شاركتها شهرين من اقسى أيامها ألم و وحده و خوف تنهدت بحرارة من أمس ما نامت و قلبها مقبوض تحس بشي بيصير لها لكنها تجهله وش يكون ؟ او متى بيصير ؟ بتروح مع سلمان و لا تدري على وين ؟ و كيف بيكون وضعها معه ؟

بالجهة الثانية سلمان كان واقف قدام باب غرفة هند و متردد يدق عليها الباب لكنه مضطر يستعجلها خلاص كل شي انتهى و لازم يكمل دورة معها للاخير...


****************

جده
الساعة الـ 05:45 مساء

جالسة على كرسيها المتحرك الي صار يرافقها في كل حركاتها و تتأمل عيال بناتها حولها يلعبون تتمنى لو كانوا عيال سعود بينهم تشوفهم و تسمع ضحكاتهم لكن أمنيتها هذي شكلها مطوله سعود رافض فكرة الزواج خلاص من وقت الي عرف السبب الي جلط أمه و هو مسكر على هالسالفة نهايئا و ما يسمح لاحد يفتحها اهم شي صحة أمه الان تنهدت بتعب و هي تتعوذ من الشيطان الي شككها في ولدها و تربيتها له و سمعت كلام بنتها الي ما تدري وش كانت تقول غير إنها تنقل كلام الناس لها ,
أم فارس\ فيك شي يمه تعبتي تبين تدخلين على السرير ترتاحين ؟
أم سعود\ لا يمه مرتاحه هنا و أنا اشوفكم حولي
أم فارس\ الله لا يحرمنا منك يا الغالية ان شاء الله تبقين أنتي حولنا على طول
أم عزام\ امين يارب
أم سعود\ دقي لي على أخوك يمه ابي اكلمه اليوم ما سمعت صوته
أم فارس و هي تمسك الجوال\ هو دق يمه يسأل عنك و أنتي نائمة ابشري هالحين ارجع ادق لك عليه ......


**************

جده
الساعة الـ 07:00 مساء

وقف بالسيارة قدام بيت أبو نواف بداخله كلام كثير ما هو عارف كيف يبداه او من وين كفاية الشهرين الي عاشتها معاه و هو واحد عاجز عاجز حتى عن واجباته الزوجية حرام يضيع عمرها معه و تدفع غلطة ما هي في رصيدها ضغط على نفسه و طلع من جيبه ظرف و مده لهند\ هذا الظرف لك و كل الي فيه ملكك بس هو شي واحد ابي اسمعه منك قبل تروحين سامحيني
هند بغصة مخنوقه بعد ما فهمت كل شي يصير قدامها\ على شو اسامحك ؟
سلمان\ على اني كنت واحد جبان ما قدرت اوقف بوجه اهلي و انهي موضوع هالزواج من اصلة على اني ظلمتك معي و خذلتك
هند\ ما عاد تفرق الان كل شي انتهى و ياليت تحتفظ بالظرف و الي فيه لك انا ما احتاجه كفاية الي دفعته لابوي
سلمان\ بس هذا من فلوسي الخاصة و هو حقك انا متاكد ان ابوك ما اعطاك و لا ربع الي اندفع لك مهر
هند و هي تفتح باب السيارة \ مهر!!!! قصدك ثمن عشان تشتروني انا مستغنيه عنه و ياليت تحط الشنط عند الباب عشان ياخذونها اخواني .....



الواحد وصل في حيااته لحد اليـــأس
كلمه الامل من قاموس حياته حذفـــــــــــــها
لدرجه صار تعامله بدون احســــــاس
ومشاعر الناس للأسف بعرض الحايط ضربها
واذا انفرد بهمه يضرب اسدس بخماس
وهمومـــــــــــــــــه محــــد يسمعـــــــــها
ويجر بأفكاره ولايلقــــــــى مراس
وفي النهايه سفينه مشاعره حطمـــــــها
ويرجع انسان فاقد كل الحــــواس
ويسقي نبتته الامل لجل يحيــــــــــــــها
ويواسي نفســـــــه ويقول لاباس
هذا مصيري والدنيا هذا حالـــــــــــــها
والدموع تجيه ويحااول يكون حباس
لجل يتحمل مواجهه دنياه وجنونــــــها
وبلحظه ضعف يصرخ ويقول ياناس
ويتجرع لوحده من دنياه سمها ومرها

***************



الجزء الثاني و العشرون

السبت

جده
الساعة الـ 09:00 صباحا

تتقلب في فراشها عطشانه من أمس دخلت غرفتها و لا عاد طلعت منها مالها نفس تقابل أحد و لا تتكلم مع أحد خلاص هي اطلقت و أنتهت حكاية زواجها الي بدت بثمن و أنتهت بقلبها الي تحطم و لقب بيلازمها طول العمر مطلقة و هي لسى بنت الاثنين و العشرين و الاهم من كذا مازالت عذراء !!
تنهدت و هي تطالع الساعة .. لسى بدري أكيد الكل نائم الحين خل اروح اشرب موية و ارجع قبل يصحى احد .. نزلت هند للمطبخ و هي تدعي بخاطرها ما تشوف احد صحيح أمس استقبلوها و محد لامها على الي صار لكن دموع أمها و جدتها كفت قلبها أوجاع حتى الصدمة بعيون نواف و فهد كانت كافية إنها تقرى الخيبة بعيونهم دخلت و شربت كأس مويه بلت فيه ريقها كانت معدتها تعلن أصوات من شدت الجوع لكنها تجاهلتها مالها نفس تأكل شي و لفت بتطلع و ترجع غرفتها لكنها أنصدمت من الشخص الواقف على الباب أخر شي كانت تتمناه إنها تشوفها هي بالذات\ جدتي بغيتي شي احضر لك فطور ؟
أم محمد\ لا يمه أنتي وش مصحيك بدري ؟
هند و هو أنا نمت أصلا\ عطشت و جيت أشرب مويه
أم محمد\ اكلتي شي ؟
هند\ لا
أم محمد\ يا يمه أنتي من أمس ما اكلتي شي خلاص الي صار صار و أنتي مالك ذنب فيه
هند و دموعها بدت تنزل\ قولي لي يا جده أنا وش سويت ليش مكتوب علي ما ارتاح في الدنيا ذي ليش مكتوب علي ادفع ثمن أغلاط غيري ليش ؟
قربت أم محمد من هند و حضنتها\ تعوذي من الشيطان يا يمه الله بيعوضك باحسن منه ما يستاهل تنزل دموعك عشان الله كريم يمه الله كريم ....

******************

الخبر
الساعة الـ 11:45 صباحا

طلع من مكتبة اليوم بالذات شغله كان قليل و ما ينسى فضل علي و سيف الي كانوا يرسلون على مكتبة الشغل البسيط بس و يوسف الي كان يأخذ شغله و نص شغل سعود معه طول ما كان مشغول مع أمه و صحتها مستحيل ينسى وقفتهم معه مسك جواله وهو يمشي بتجاه المسجد بيلحق على صلاة الظهر و دق على فارس يسأله عن موعد أمه وش صار فيه بالذات اليوم كان الموعد مهم لأنه مع أخصايئة التأهيل .....
فارس\ هلا خالي
سعود\ الناس تقول سلام اول
فارس\ وي توي مكلمك من كم ساعة و راد السلام خلاص و لا تزعل السلام عليكم و رحمة الله و بركاته
سعود\ و عليكم السلام و رحمة الله و بركاته حتى لو مكلمك قبل دقيقة لازم ترد السلام
فارس\ حاضر و لا يهمك كم خال عندي أنا
سعود\ طمني وش قالت الدكتورة للوالدة ؟.
فارس\ الحمد الله بشرتني بالخير و في أمل ترجع تمشي بس قالت من اليوم لأزم تبداء معها بالعلاج الطبيعي لان عضلاتها ترقدت شهرين و تحتاج تأهيل عشان ترجع تتحرك
سعود\ الله يبشرك بالخير طيب و بتسوي عندهم في المستشفى و الا وين ؟
فارس\ والله هي تقول ممكن تسويه بالمستشفى لكن تعرف المشكلة بالمستشفيات الحكومية العلاج الطبيعي مدته تلات شهور و يتوقف لين تشوفها مرة تانية و تعال شوف لين تحصل موعد يبي لك أقل شي سته شهور و جدتي محتاجة وقت لين ترجع زي أول يمكن اكتر من سنه بدون ما توقف علاج
سعود\ والحل طيب ؟
فارس\ تقول أفضل شي تروحوا لمراكز التاهيل بفلوسكم تدفعوا كل شهر محد بيقول لكم خلاص وموعد و حوسة لين تتحسن حالتها و هي بتابعها في المستشفى
سعود\ طيب و ما تدري مراكز التاهيل هذي كم تأخذ و الا ماسالتها وش أحسن مركز تعرفه ؟
فارس\ ودي أنساها يا خالي اعطتني كرت لمركز كانت تشتغل فيه تقول يأخدوا مبلغ معقول بين ألف أو ألف و متين و شغلهم ممتاز و آحلى صدفة طلع المركز عشر دقائق من بيتكم يعني ماراح تتعب جدتي بالروحه و الجيه
سعود\ و متى بتوديها طيب ؟
فارس\ بكرة بأذن الله و أشوفهم ايش يقولوا لي و ايش نتفق عليه و اقولك
سعود\ الله يسعدك يا شيخ بس ....


*****************

جده
الساعة الـ 06:00 مساء

جالسة فوق رأسها من ساعة تحاول تفهم منها أي شي يريحها لكنها ساكتة و ما هي راضية تفتح فمها بشي غير هذا قضاء ربي و مصيري!
أم نواف\ هند يا يمه لا تعبيني معك أنا أمك قولي لي ليش طلقك و أنتي مالك معه الا شهرين ؟
هند\ مدري طلقني و خلاص
أم نواف\ كيف وأنتي كنتي كل ما سألتك عنه قلتي ما هو مقصر معي بشي ؟
هند\ لأنه ما قصر معي بشي
ام نواف\ لا إله إلا الله يا بنيتي المشاكل تجي بين كل أثنين توهم متزوجين لين يفهمون بعض بس ما يكون الحل الأول هو الطلاق ليكون أنتي الي طلبتيه يطلقك ؟
هند\ لا يمه و خلاص ارحميني أنا من وين احصلها اروح اقوله تكفى رجعني عشان ترتاحون يعني و الله تعبانه فكوني من سالفة الزواج و سلمان و الطلاق و كل شي أنا كذا ارتحت بتحرموني حتى الراحه يعني
أم نواف\ أي راحه و أنتي من أمس ما اكلتي و لا طلعتي من غرفتك تقول ميت لك احد ما هو بس مطلقة
هند بألم\ مطلقة حتى أنتي يمه بتقولينها شكلي بسمعها حتى من اقرب الناس لي ما هو بس من الناس البعيده على العموم مالي نفس أكل أي شي رأسي بينفجر واحس بغثيان أبي انااام وبس
أم نواف\ هند لا تكونين حامل وأنتي ماتدرين ؟
سكين ثانية غرستها أمها بقلبها و هي ماتدري .. أي حامل يمه بنتك الي قدامك لسى عذراء محد لمسها زي ما طلعت من عندك و أنتي تفكرين أني حامل وش هالسخرية الي اعيشها يا ناس\ لا يمه ما أني حامل و متاكده كمان .....!!!!!


******************


الخبر
الساعة الـ 08:00 مساء

جالس قدام التلفزيون لكن عيونه على شاشة الجوال هذا الأتصال رقم مليون من يوم الخميس و الرسالة رقم ألف و كلها تسأل عنه و ليش ما يرد عليها و مطنشها قراء الرسالة الأخيرة و رمى الجوال على الكنب بغيض يوسف\ اوووووف و بعدين معها ؟.
سعود\ ايش فيها كمان ؟
يوسف\ تقول لو ما رديت عليها بتذبح نفسها مجنونه ذي والله تسويها
سعود\ أنت عودتها على الدلع كل يوم تكلمها
يوسف\ ما كنت ادري إنها بنت خالتي افهمني الحين ما أقدر اكلمها ما أستحمل و أنا اعرف إنها تصير لي والله لو كلمتها نسيتها نفسها
سعود\ خايف على مشاعرها و تظن و هي تدق كذا ما تحس إنها مجروحه منك ؟
يوسف بتنهيده\ و لا أرد و اجرحها أكثر
سعود\ تبي الحل ؟
يوسف\ لا تقولي غير رقمك
سعود\ لا هات اكلمها
فز يوسف من مكانه\ وش تكلمها هي ذي محارمنا لا تغلط
سعود\ و أنا بغازلها بكلمها قدامك و بفهمها بطريقتي ما عاد تدق
يوسف\ بس بدون ما تجرحها بالكلام تكفى
سعود و هو يأخذ منه الجوال\ أبشر
يوسف\ أنت دق لا تخلي المكالمة على حسابها
أخذ سعود جوال يوسف و اعطاها مشغول و رجع ضغط على رقمها و خلاه على السبيكر ما كان عارف وش بيقولها او حتى شو بيسمع منها . جاه صوتها باكي و متألم \ يوسف ليش ما ترد حبيبي فيك شي أنت بخير أهلك بخير ؟
سعود\ أنا مو يوسف
ساره بأندفاع\ هذا جوال يوسف أنا متأكده وينه هو ليش ما يبي يرد علي ؟
سعود\ أنا صديقه سعود اظن تعرفيني اسمعيني للأخير و لا تقاطعيني يوسف معاد يبي يكلمك و هذا افضل لك وله ماراح تفهمين كلامي الحين بس يمكن يجي يوم وتفهمينه أنتم الأثنين ما تصلحون تكلمون بعض و الا بيصير شي يوصل أهلك و أهله و ماراح تطيح الا برأسك أنتي يا سارة لان يوسف رجال و ما يعيبه شي لكن أنتي شرف فاهمه ايش يعني شرف يعني دم يمكن يراق عشانك
ساره بضحكة هستيرية\ انتم كلكم واحد تباني اصدق كلامك و اخاف لا أنتم كلكم كذابين و خونه حتى يوسف خلاني اصدق أنه غير عن الشباب و الحين طلع زيهم أكيد حصل و حده ثانيه تحبه اكثر أنا عارفه هو سوى كذا عشان انا ما خليته يشوفني و لا اطلع معه.. و بصوت باكي .. سعود الله يخليك خلني اكلمه والله ماراح اقوله لا الحين ارسله صورتي يشوفها
سعود\ الله يهديك والله أنه ما فكر كذا و لا تفكرين ترسلين صورتك و الا يوسف هو الي بيذبحك خلاص هو ماراح يكلمك غصب عنه ما هو برضاه
ساره\ يعني هو بيتزوج صح والله بس اسمع صوته مرة وحده و معاد ادق الله يخليك
سعود\ لا يا بنت الناس ما هو متزوج بس خلاص هو بطل معاد بيكلم بنات لا تكسبين ذنبه
ساره و هي تصيح\ و انا وش ذنبي ليش يخليني أحبه و بعدين يتركني كذا بدون ما يقول ؟
سعود حس انه بداء يحن عليها و هو يسمع صوتها تبكي و تترجاه\ يعني أنتي ما تكلمين غيره ؟
ساره\ والله ورب الكعبة أنه اول واحد بحياتي و أخر واحد و عمري ما فكرت اكلم غيره واذا أني اكذب عليك جعلني أموت الحين
يوسف كان يسمع كلامها من اول و قلبه يتقطع عليها غصب عنه ادرك أنه يحبها و لسانه نطق بدون ادراك ما استحمل يسمعها تدعي على نفسها و يسكت \ لا أسمعك تدعين على نفسك مره ثانيه فاهمه
ساره\ والله أني اقولك الصدق وربي ما فكرت يوم اخونك يوسف الله يخليك أحس أني بموت بدونك لا تتركني
يوسف\ ما هو بكيفي اذا أنك تحبيني صدق لا عاد تدقين عليه و اعتبريه طلب من أخوك اتركي عنك ذا الطريق ماراح تستفيدين منه غير الضياع ما هو كل الي بتكلمينهم يوسف بتلقين النذل الي يمسك عليك شي يهددك به و تضيعين نفسك معه ...


******************


الجزء الثالث و العشرون

الثلاثاء

جده
الساعة الـ 04:00 عصرا

اليوم اول أيام شهر رمضان الكريم شهر الرحمة و المغفرة و العتق من النار شهر الخير و الفضل على عباد الله شهر فيه تتقرب النفوس من خالقها و تلجاء له بالليل و النهار تستغفر لذنوبها و تطلبه الرحمه و الجنة .. باقي ساعتين على الفطور و هي لسى ما خلصت شغلها في المطبخ تحس ان بالها مشغول بأفكار و مشوش ما هي قادرة تركز في شي معين انتبهت للحليب الي فار و طفت عنه بسرعه التفتت لمنال و ابتسمت\ أنتي اش تسوي ؟
منال\ هذي لجدتي اسويها
هند\ و هي الي قالت لك تسوين كذا
منال\ لا بس عشان هي ما عندها اسنان أنا ابى اطلع لها النوى حق التمر عشان تأكل بسرعه
هند\ هههههههه ذكيه والله أختي
منال\ أنا كبرت و سرت اعرف أفكر
دخل فهد و سمعهم يتكلمون في الذكاء\ من الذكية لا تكونين أنتي يا منال ؟
منال\ الا أنا و اذكى منك كمان
فهد\ اوف اذكى مني كمان ليش وش اخترعتي ؟
منال و هي تمد صحن التمر الي نازعه منه النوى\ شوف ايش سويت لجدتي عشان تأكل بسرعه
فهد\ هههههههههه مره ذكية من ذكاءك ما اظن جدتي بتستوعب المنظر و تقدر تأكل .

*************

الخبر
الساعة الـ 05:28 مساء

مجتمعين على السفرة باقي دقيقتين و يأذن المغرب و يفطرون هذي اول سنه ليوسف يفطر أول يوم من رمضان بدون أهله \ أحس الفطور بارد
سعود\ بتعود عاد لين يطيح الي برأسك
يوسف\ و أنا وش الي برأسي ؟
سعود\ تروح تستسمح من أبوك و الا بتستنى لين هو يجي يحبك على رأسك و يقولك تكفى سامحني يا ولدي
يوسف\ أبوي عنيد و رأسه يابس حاولت افهمه أن هذا هو الاحسن لمحمد و مستقبله بس ما هو راضي يفهم الا يقول أنا ضيعته و خربته عليهم
سعود\ عاد هو تفكيرة كذا لأزم تتنازل بعقليتك له و تستسمح منه
يوسف\ جيته أمس بالمجلس ضغط على نفسي و قلت اسلم عليه ليلة رمضان و لليلة فضيلة بيسامحني توقع وش قال ؟
سعود\ وش قال ؟
يوسف\ روح رجع محمد يدرس هنا زيكم و اسامحك
سعود\ هههههههههه و ربي أبوك هذا تحفه طيب يفهم انك تباه احسن منكم
يوسف\ روح فهمه انت اقوله طيب و الفلوس الي ادفعها له و الناس الي مكلمهم له واسطات وش اقولهم طلع لي بقضيه ثانية لو أني متزوج بالفلوس الي ادفعها له ابرك لا و الوالدة وقفت معه لأول مره بحياتهم
سعود\ هههههههه فتحت على نفسك باب ثاني ..

**************

جده
الساعة الـ 08:00 مساء


شافها تطالع التلفزيون و عيونها تدمع جمعة الناس حول الكعبة و هم ينتظرون صلاة العشاء و التراويح منظر روحاني يطمئن النفس المؤمنة قرب منها و مسح دمعتها بيده فارس\ افى يا ست الكل ليش الدموع هادي دحين ؟
أم سعود\ كل سنه اروح اخذ عمره و اصلي التراويح في الحرم الا هالسنه ما اقدر اروح يمه لكن الحمد لله على كل حال
فارس\ يعني أنتي فيك شده تروحي ما راح تتعبي ؟
أم سعود\ ايه يمه أنا على كرسيه ما اتحرك احد يدفني ما راح اتعب
فارس\ و مين الي قلك انك ما راح تروحي تعتمري ؟
أم سعود و هي تطالع رجولها بعجز\ و من الي بيستحمل وحده عاجزه زيي ؟
فارس و هو يحب يدها\ اولا أنتي مو وحده عاجزة أنتي راح تقدري تمشي بأذن الله بعدين أنتي كل عمره تستخدمي العربة في السعي دي المره بتستخدميها في الطواف كمان و أنا الي بوديك بنفسي و اخدي ياتي معك تساعدك
أم سعود\ أنت ما تقصر يمه بس أنت وش تلحق عليه مواعيد الدكتور و الا اشغالك معي ازيد اتعبك كمان بالعمرة توديني
فارس\ هو أنا رايح عمرة رايح يعني اخدك معي بعدين نروح بأول الشهر قبل الزحمه و كمان وقت الصبح بدري ما في ناس كتير بس أهم حاجه ترتاحي و ما تتعبي نفسك
أم سعود\ الله لا يحرمني منك يا يمه .....


*****************

الخبر
الساعة الـ 01:30 فجرا

واقف قدام البحر مشتاق لها لصوتها و ضحكتها لسوالفها الي يستمتع فيها حتى لو تعيدها عليه ألف مره يحس بفراغ كبير بعدها ومستحيل تعوضه أي بنت مكانها طلع جواله و فتح صندوق الرسائل هذي اخر رسالة وصلته منها بعد ما كلمها مع سعود ((انا أدري إن هالدنيا طبيعتها لقا وفراق
ظروف الناس فيها كثير احيان تتشابه
ولكن من يصبرني على جور الزمان العاق
جروحي هي وآلامي وتعذيبي من اسبااابه
حبيبي كل ماهمتني الدنيا وصدري ضاق
تذكرتك لقيت الكون اوسع واكثر رحااابه
هذا قدري معك يوسف مكتوب علينا ما نستمر لكن مستحيل انساك و اوعدك وعد من قلب حبك أني مستحيل أحب شخص مثل ما حبيتك و اعتبر نفسك أمرت ما راح ارجع لذا الطريق ابدا ساره )) تنهد على ذكر اسمها.. يا ترى وش اتسوين الحين يا ساره؟ يا ترى تفكرين في و الا نسيتيني ؟ و لو عرفتي أن الي كان يكلمك ولد خالتك وش بتسوين اكيد بطيح من عينك ؟ .. قطع عليه صوت الجوال و ابتسم ورفعه لأذنه\ هلا
سعود\ وينك أنت ؟
يوسف\ قريب بغيت شي ؟
سعود\ تعال الشقة علي عندي بنتسحر مع بعض
يوسف\ عشر دقائق و أنا عندكم .......

***************

الجزء الرابع و العشرون


الخميس
جده
الساعة الـ 07:25 مساء



رجع الروتين لحياتها مثل اول و لازم تتعود عليه الشي الوحيد الي اخذته معها لقب مطلقه لقب زادها جرح فوق جروحها لفب بيستمر معها طول الوقت و نظرة مجتمع راح تتبدل و تتعامل على انها انسانه مقترفه اثم!!!
نزلت مع الدرج و هي ملزمة على الفكرة الي براسها و راحت لغرفة جدتها هي ملاذها الوحيد بعد الله دقت الباب ودخلت \ السلام عليكم
ام محمد\ وعليكم السلام هلا يمه
هند\ هلابك جدتي اشوفك جاهزة بتروحين المسجد ؟
ام محمد\ ايه يمه الا هو اذن ؟.
هند\ لا فديتك باقي يمكن نص ساعة
ام محمد\ ايه زين يمه تعالي جمبي هنا اشوف بعيونك حكي
هند\ والله يا جدتي هو تبين الصراحه طلب ما هو بس حكي
ام محمد\ خير باذن الله تبشرين به يمه
هند\ صراحة جدتي ابى اروح للعمره و لا تقولين لي توك مطلقه و عده و كلام ناس و مدري ايش انا محتاجه اعتمر والله متضايقه محد من الناس هذولا يحس بضيقتي
ام محمد\ يا يمه محد بيقولك ليش طالعه انتي رايحه بيت الله و في شهر فضيل يعني لا يهمك احد
هند\ اجل كلمي نواف انتي
ام محمد\ وانتي كلمتيه و رفض ؟
هند وهي منزله راسها\ لا جدتي ما كلمته انتي كلميه انا استحي اطلبه الحين
ام محمد\ خلاص يمه ابشري و لا يهمك
هند\ الله يخليك لي يا الغالية ......

**************

الخبر
الساعة الـ 09:30 مساء

راجعين من صلاة التراويح في سيارة يوسف اليوم اجازة و رمضان لليلة طويل ما هم عارفين وين يقضون وقتهم تافف من زحمة الشارع قدامه \ اوف كل ذولا البشر وين طالعين ؟
سعود\ الاسواق اكيد لو رحة جده ابرك
يوسف\ قلت لك اكلم ناصر يدبر لك حجز وانت رفضت
سعود\ يا اخي استحيت منه الشهرين الي راحت و هو ما قصر معي كل اسبوع حاجز لي
يوسف\ عادي والله بس انت متحسس زيادة
سعود\ اذا كان صاحبك عسل لا تاكله كله
يوسف كان بيرد عليه لكن جواله رن\ الاهل عسى خير الوو
امل\ هلا يوسف وين انت ؟
يوسف\ راجع من المسجد بغيتوا شي ؟
امل\ ايه امي تباك توصلنا مستشفى السعد
قاطعها يوسف\ المستشفى ليش وش فيكم ؟
امل\ نبغى نزور خالتي ام عبدالرحمن بنتها منومه من امس و امي بتروح لها
بلع يوسف ريقه\ بنتها من ؟
امل\ سلامات خالتي ما عندها الا بنت وحده ساره وش فيك ؟
يوسف ارتبك و ما عرف وش يقول \ وش فيها ؟
امل\ مدري ما فهمت من امي شي تقول ما تاكل و لا تشرب وبس تبكي و اغمى عليها لازم اشوفها بنفسي البنت ذي الفترة الاخيرة مهي طبيعية
يوسف قلبه عورة عليها اكيد هو السبب و خوفه الاكبر انها تكون عرفت انه ولد خالتها\ يعني بتقولك وش فيها ؟
امل\ مدري يمكن بس انت بتودينا او لا ؟
يوسف\ ايه طيب نص ساعة و انا عندكم
امل\ اوكيه يالله ننتظرك باي
يوسف\ باي
نزل السماعة و هو يتنهد \ انا السبب اكيد
سعود\ في ايش و من الي بالمستشفى ؟
يوسف\ ساره
سعود\ اوف اش فيها ؟
يوسف\ منومه من امس اغمى عليها اكيد ما تاكل و بس تصيح عشان معاد اكلمها
سعود\ تبي الصراحة احسها صدق حبتك والله
يوسف و هو يكابر على الي بقلبه\ البنات حساسات من أي شي يصيحون و يسوونها قضية بتنسى مع الايام اكيد ....

*************

جده
الساعة الـ 10:00 مساء

دخلت غرفتها و دخل وراها اكثر شخص حسته متاثر بموضوع طلاقها و كل يوم تحس بعيونه كلام لها\ يالله تفضل قول الي عندك بس اسرع لان اكل جدتي على النار
فهد\ طيب بسالك عن ابوي شفتيه بعد ما اتزوجتي قصدي زارك مثلا بعد ما اتزوجتي في البيت ؟
هند\ لا و لا شفته ليش جاكم هنا ؟
فهد\ لا بس قلت هو الي جاب سلمان ذا اكيد يعرفه و يزورك عشانه
هند\ ما زارني ابد و اظن انه ما يعرف سلمان اصلا
فهد\ و كيف زوجك منه اذا ما يعرفه ؟
هند\ مدري انت لا تشغل بالك سالفة سلمان انتهت من حياتي و ما ابي اسمعه ينذكر قدامي لا بخير و لا بشر
فهد\ هند حنا ليش ما نعالج ابوي ؟
هند\ نعالجه كيف ؟
فهد\ ما هو القران يفك السحر ليش ما نخلي حد يقراء عليه لين يصير بخير
هند\ و من الي بيقدر عليه هو الان يكرهنا و ما يطيق يشوفنا و لازم يداوم على القراء كل يوم و اصلا خالتي نورة لو عرفت بتسحرنا كلنا ما هو بس هو
فهد\ يعني ما فيه احد يساعدنا اعمامي خوالي أي احد ؟
هند\ الحين محد يساعد احد لا من قريب و لا من بعيد خلها على ربك بس .....

***************

الخبر
الساعة الـ 11:00 مساء

بين قلبه و عقله حاول يسيطر على واحد منهم لكنه ما قدر خطواته قادته خلاص استسلم لصوت الحب الي بقلبه دخل محل الهدايا و طلب بوكيه ورد من الجوري الاحمر و اخذ كرت كتب عليه (( هذا و عدك لي بأنك ما تصيحين و لا تأذين عمرك هذا اولها يا سوير .. يوسف ))
طلع من المحل و اتجه لغرفة ساره بالدور الثاني وين ما وصل امه و اخواته دعى ربه ان محد يشوفه لين يكمل خطته بسلام نادى وحده من الممرضات و اعطاها البوكيه و طلب منها توصلها لغرفة ساره بعد نص ساعه .. ابتسم على الي سواه اكيد بتفرحين يا سوير الحين .. رفع جواله و اتصل في اخته \ امل انا في السياره خمس دقائق و انتم عندي
امل\ ابشر .....


**************



السبت

مكة المكرمة
الساعة الـ 07:30 صباحا

في اطهر بقعه على وجه الارض و في اكثر مكان يحس فيه المؤمن بالامن و الطمئنينه رفعت يدها لخالقها و هي تلهج بالدعاء و الاستغفار لربها من وقت دخولها الحرم شافت الكعبه شامخه قدامها حست ان كل الهموم الي بقلبها اتغسلت و رجعة انسانه ثانيه من اول و جديد تطالع الدنيا بامل و فرح التفتت لجدتها الي كانت رافعه يديها تدعي و دموعها ما جفت حبت تتركها لوحدها تناجي ربها في هالمكان و هي صائمه .. قامت تاخذ لها مصحف من الرف تقراء فيه و تستفيد من الوقت الي بتقضيه بالحرم في كل الي يقربها من ربها انتبهت بطريقها لحرمة كبيرة في السن مع شغالتها جالسين بالزاويا و كانهم ينتظرون شخص يطلعهم من وسط الزحمه ابتسمت هند بخاطرها و قررت تساعدهم \ السلام عليكم تبين مساعده يا خاله
ام سعود\ وعليكم السلام مشكورة يا بنتي لكني انتظر ولدي الحين بيجي
هند انتبهت لثقل لسانها و هي تتكلم من خلال الي درسته صارت تقدر تميز الحالات الي مرت بجلطات من نبرة الصوت \ زين تعالي انتظريه هنا في الظل الشمس بدت تطلع
ام سعود\ اخاف يجي ما يشوفنا ؟
هند\ لا هنا بيشوفكم زين ان شاء الله
اخذت ياتي ام سعود لظل و تبعتها هند\ انتي شغاله مع مدام على طول ؟
ياتي\ ايواه
هند\ طيب شوفي قولي لولد حقها يشتري من صيدلية مخده صغير تحت مدام يجلس عليها عشان رجولها ما تتعب من كرسي يجلس على طول بعدين في الم
ياتي\ اوكيه ....

************

الخبر
الساعة الـ 10:00 صباحا

بين كوم الاوراق الي قدامه و فكره المشغول ما هو راضي يستقر قلبه يقوله دق تطمئن عليها و شوف طلعت من المستشفى و الا لا ؟ و عقله الي يرفض انه يرجع يكلمها و يعرف اخبارها و يزيده ندم على الحركة الي سواها بالمستشفى لكن لثاني مرة يستسلم يوسف لقلبه طلع جواله لازم يطمئن عليها مهما صار ضغط على رقمها ثواني و جاه صوتها نائم \ نعم
يوسف\ الناس تقول الو هلا مرحبا ما هو نعم
امل\ نعم اقولها لناس الفاضية الي تدق من صباح الله خير
يوسف\ أي صباح الساعة عشر الحين ساعتين و بياذن الظهر قومي صلي و ادخلي المطبخ تعلمي لك طبخه بكرة تروحين بيت رجلك تفضحينا ما تعرفين تسوين شي
امل\ اصبحنا و اصبح الملك لله الحين انت داق وش تبى ترى ما نمت الا بعد الفجر؟
يوسف\ بسال عنكم و الا حرام اسال على اخواتي ؟
امل\ وليش ما تدق على منار و الا بس انا فاضي تزعجني ؟
يوسف بضحكة امل اكثر وحده قريبه لقلبه من اخواته و يستانس لما تعصب عليه\ منار نومها ثقيل بعدين هي تكسر خاطري ما احب اصحيها ما ترجع تنام زيك
امل\ تكسر خاطرك هااه طيب تقول داق تسال عنا ابشرك احنا كلنا بخير حتى شغالتنا و جيرانا عندك اساله ثانيه ؟
يوسف\ طيب قرايبنا بخير كمان ؟
امل\ ايه بخير
يوسف\ القريبين و البعيدين ؟
امل\ انت وش تبي توصل له بالضبط عندك حد تبي تسال عنه اسال و فكني
يوسف ما هو عارف كيف يقولها انه داق يسال عن ساره\ لا بس اتذكر اني وديتكم المستشفى قبل يومين
امل\ ايه ساره بنت خالتي و طلعت اليوم الصبح
ابتسم يوسف للي سمعه\ و هي اصلا وش كان عندها ؟
امل\ فقر دم حاد
يوسف\ من ايش ما تاكل هي ؟
امل\ وانت داق تسال عنها يعني ؟
يوسف انحرج \ لا بس كذا يالله كملي نومك خليني اكمل شغلي احسلي
امل\ تحت راسكم شي انت و هي بس بترجعولي و بنشوف ......

****************

جده
الساعة الـ 09:30 مساء

من زمان ما ضحكت بذي الطريقة اشتاقة لسوالفها و خفة دمها طول الفترة الاخيرة ما قدرت تكلمها براحه مثل كذا \ هههههههههههه رؤى بس خلاص ترى حنا برمضان
رؤى\ وبرمضان محد يضحك يعني يا ستي عيشي يومك
هند\ لا بس نخفف شوي
رؤى\ زين تعالي للجد انا تركت العمل
هند\ اوف ليش يكون نزار تعرض لك بشي ؟
رؤى\ لا بس مليت سخافته و ربك و الحمد لله ربك عوضني باحسن منه
هند\ من ترك شي لله عوضه الله خير منه انتي تستاهلين والله
رؤى\ على فكرة هما محتاجين موظفة تانيه وانا كلمتهم عنك
هند\ عني ليش ؟
رؤى\ ايش ما تبي تتوظفي و الا عاجبتك جلسة البيت دي ؟
هند\ مدري ما فكرت يمكن اهلي يرفضوا
رؤى\ وليش يرفضوا ؟
هند\ نسيتي اني مطلقة يعني
رؤى\ وادا تدفني نفسك حيه لو مطلقة خلاص لازم تنسي و تعيشي و عشان تنسي لازم تطلعي من جو البيت الكئيب دا تشوفي الناس تخالطيهم احمدي ربك انك ما حملتي منه و الا تلاقيك دحين شايله هم الي بطنك كيف بيعيش و من وين ؟ .....

*************

الخبر
الساعة الـ 10:30 مساء


حاط سماعة الجوال باذنه و مبسوط على الاخبار الي يسمعها حالة امه تحسنت كثير و اهم شي ان حالتها النفسية بالف خير \ يعني سبقتوني بالعمرة رمضان هذا ؟
ام سعود\ ماشاء عليك يمه انت شباب و فيك شده تروح لو بالعشر الاخيرة لكن انا خلاص كبرت و عجزت
سعود\ الله يطول لي بعمرك يا الغالية اهم شي انك اعتمرتي و ريحتي نفسك اهم شي ما تعبتي بس ؟
ام سعود\ لا الحمد لله يمه الله يسرها لكن ياتي تقول وحده قالت لها اشتري مخده مدري وش تقول
سعود\ مخدة ايش ؟
ام سعود\ هي كلمتها قدامي لكن انا ما فهمت عليها تقول مخده اجلس عليها عشان رجولي ما توجعني من طول الجلسة
سعود\ ايه مخده طبيه يعني ؟
ام سعود\ تقول تلقونها بالصيدلية
سعود\ ايه يمه عرفتها خلاص انا اكلم فارس يجيبها لك
ام سعود\ زين يمه انت متى بتجي ما عندك اجازة ؟
سعود\ الا يمه عندي عشرة ايام اخر رمضان و اول العيد باذن الله انا عندك ......


****************



الجزء الخامس و العشرون


الاثنين

جده
الساعة الـ 08:00 مساء

مجتمعين قدام التلفزيون و كل شخص تفكيره بحياته كيف بتكون ؟ وش يخبي له بكرة من أحزان و الا أفراح أم نواف\ هند يمه أنتي محتاجه شي من السوق ؟
هند\ لا يمه ما ابي شي ؟
أم نواف\ بس العيد قريب يا ابنيتي ولازم تشتري لك شي جديد
هند\ عندي يمه كثير ملابس ما لبستها و لا شافها احد
نواف\ طيب روحي معنى يمكن تشوفين شي يعجبك
هند\ لا والله نواف ما احتاج شي حرام اشتري و أنا عندي الي يكفيني اصلا توهم من شهرين مشتريتهم و لا لبستهم
نواف\ الي يريحك
هند\ خذوا أنتم يمه كل الي تبون و منوله خليها تشتري كل الي نفسها فيه حتى لو تبين فلوس ترى فيه عندي
أم نواف\ معي الي يكفيني يمه خلي فلوسك يمكن تحتاجينها أنتي يوم
هند\ أنا ما احتاجها الان اصرفيها وربك يرزقنا اصلا انا بقدم على شغل الان مع رؤى
أم نواف\ بتشتغلين ؟
هند\ ايه يمه وش فيها ؟
أم نواف\ بس انتي توك .....وسكتت
هند بألم\ توي ايش يمه مطلقة قصدك و كلام ناس وين هذولا الناس عنا لما نحتاج لريال وين الناس عني وانا اتزوجت بس عشان احافظ لكم على البيت و ما ننطرد بالشارع وين الناس هذولا بيكلونا و الا بيسكنونا راح يتكلمون وقت بس بالنهاية بيسكتون

الكل انصدم و سكت من الي قالته اتزوجت بس عشان احافظ لكم على البيت!!!!!!

******************

الخبر
الساعة الـ 11:00 مساء

متمدد على الكنبة و يقراء الجريدة اليوم مصدع من الصباح و ماله نفس لطلعه ابد حتى دوامه بالقوة قدر يخلصه .. قرب منه و سحب الجريدة من يده يوسف\ مصدع و تقراء ارحم عيونك شوي
سعود وهو يمسد بيده على جبينه\ والله مادري من ايش ذا الصداع ما هو راضي يخف
يوسف\ اخذت بندول ؟
سعود\ ثنتين ولا خف
يوسف\ أجل روح نام
سعود\ شكل ما فيه حل الا كذا
يوسف\ يمكن ما نمت زين أمس نام لين السحور و اصحيك
سعود\ يا خوفي تنام انت كمان و يروح علينا السحور
يوسف و هو ياخذ مفتاحه و شماغه\ لا اصلا انا بطلع مشوار مع الأهل و ارجع على وحده و نص و اصحيك لا تخاف
سعود\ زين يالله نشوفك
يوسف\ ان شاء الله .....

****************

جده
الساعة الـ 12:10 صباحا

حست بالندم بعد ما قالت لهم انها اتزوجت عشانهم لكن اش تسوي فقدت اعصابها و الحمد لله ما قالت اكثر من كذا و الا صدق بتندم على تصرفها .... سمعت باب غرفتها يدق \ ادخل
نواف\ صاحيه هنوده ؟
هند\ ايه بغيت شي ؟
نواف و هو يدخل و يسكر الباب\ ايه بسولف معك شوي
هند و بالها حست هو وش بيقول\ تفضل اسمعك
نواف\ انتي ليش ما قلتي لي انك مغصوبه على الزواج لما جيت اسالك ؟
هند\ وش ينفع السؤال الان ,؟
نواف\ انك دفعتي حياتك ثمن لطمع نورة
هند\ وش عرفك ؟
نواف\ انتي تدرين من كنتي متزوجه سلمان فيصل الـ......... ولد صاحب اكبر شركة نقل في المدينه و ينبع و الشمال الغربي كله
هند ما تفاجات من كلامه كانت متوقعه اهل سلمان باين عليهم الترف لما زاروها \ الحين انتهينا انا ما اخذت منه شي و هو يعرف كذا
نواف\ بس الاكيد ان ابوي اخذ لنورة اضعاف الي نتوقعه
هند\ قلت لك هو يعرف اني مااخذت شي من الفلوس الي دفعها لابوي
نواف\ هو قالك شي ؟
هند\ هم يعرفون كل شي نورة هي الي قالت لهم عني و خطبوني و اندفعت الفلوس من ام سلمان لنورة عرفت كل شي بس اهم حاجه امي و جدتي لا يعرفون بشي
نواف\ اكيد ما راح اقولهم بس احس اني ما قدرت اكون رجال البيت الي يحميكم يا هند بعد الي صار لك
هند\ لا تقول كذا عن نفسك انت وش بيدك تسوي الي صار صار و خلاص انا نسيت و ببداء صفحة جديدة
نواف\ عشان كذا لازم تطلعين من جو البيت هذا و لا تهتمين لكلام الناس اشتغلي و انا بنفسي اوديك تقدمين اوراقك ....

**********

الخبر
الساعة الـ 02:00 فجرا

جالسين الشباب على السفره يتسحرون تعدوا الفترة الاخيرة على وجود علي بينهم اكثر من اول بحكم زواج سيف و انشغاله ببيته صار علي يطلع مع سعود و يوسف طول الوقت \ الحمد لله
سعود\ ما اكلت ؟
علي\ لا والله شبعت اللهم لك الحمد
يوسف\ تسوي رجيم شكلك اكلك زي ما هو ؟
علي\ هههههههه أي رجيم و انا تقول هيكل عظمي متحرك بس تعودت ما اكثر سحور شي خفيف و خلاص
سعود\ هو احسن اصلا صحيا يقولون انك تاكل شي خفيف
علي\ ايه صح
يوسف\ ياليت سيف معنى الحين ما عاد ينشاف
علي\ هههههههه ايه والله تقول محد اعرس الا هو
سعود\ خلوه يستانس قبل يجوه عيال
يوسف\ عقبالنا يارب
علي\ انت و ناصر حاله مستقطعين على العرس و لا تتزوجون بس كلام
يوسف\ انا عندي كم شغله قبل العرس لازم تخلص و اخوك انت السبب واقف بطريقة
علي\ لا والله الوالدة وافقت تزوجه قبلي لكن كل ما قالوا له نخطب لك البنت الفلانيه قال لا ذي ما اباها و ذي مدري وش فيها
يوسف\ ههههههههه خله يتنقى الرجال براحته
علي و هو يوقف\ بكيفه يالله استاذنكم انا
سعود\ وين تو الناس
علي\ من عمرك ورانا دوام بنام لي كم ساعة
سعود\ انت لو تسمع كلامي و تجيب عفشك و تسكن عندنا يا سلام
علي\ هههههههه و وين انام بالصالة ؟
سعود\ غرفنا تشيل سريرين الي تباه منى نام معه
علي\ تسلم والله بفكر و ارد لكم خبر ....


*******************



الجزء السادس و العشرون


الأربعاء

مرت أيام الشهر الفضيل بأسرع ما يكون و الكل يعيش أيام رمضان الأخيرة برجاء إن صيامهم و قيامهم سجل في صحائف حسناتهم أيام مرت و مابقى على العيد الا يومين فيها أتوظفت هند مع رؤى في مركز تأهيلي قريب من بيتهم و بدت عملها فيه من أسبوع كان العمل مريح لها لأنه يخلوا من وجود الرجال فيها رجع سعود عند أهله إجازة و ترك الشرقية بكل همومها .....

جده
الساعة الـ 05:40 مساء


طعم الجلسة الأسريه غير من أمس يحس بروعة الفطور برمضان مع أمه و أخواته و عيالهم اليوم عازمهم كلهم عنده في البيت أشتاق لسوالف أزواجهم .
سعود\ بسرعه يأتي وين العصير ؟
يأتي\ اوكيه مستر أنا يسوي
أم سعود\ خف عليها يمه وش تلحق عليه
سعود\ وين بناتك و شغالاتهم ما يساعدونها مخلينك انتي في المطبخ ؟
أم سعود\ أم فارس و بناتها ما يقصرون يحضرون لنا السفرة بالصالة و أم عزام بنتها الصغيرة تصيح و راحت تنيمها
سعود\ وشغالتها وين ؟
أم سعود\ ما جابتها معها
سعود\ طبعا عوايدها أصلا ما تغير خوف أنا نستفيد منها لو بكأس مويه
أم سعود\ عاد وش نسوي لها يمه الله يهديها
في ها اللحظة دخلت عليهم سحر و هي أكبر بنات أم فارس عمرها 19 سنه تدرس بالجامعة \ مرحبا خالي الله جابك شوف جدتي ما هي راضية تسمع الكلام و تجلس بالصالة متعبه نفسها بالمطبخ و كل شي جاهز أصلا
سعود\ هههههه أنا اقولك وديها لين الصالة وأربطي الكرسي بالطاولة عشان ما تحرك
سحر\ فكرة يالله جدتي بيأذن الله يهديك و أنتي هنا
أم سعود\ نقلوا لمكة في التلفزيون
سحر و هي تدف كرسي جدتها\ إيه والله نقلوا .......

**************

جده
الساعة الـ 06:30 مساء


من بعد ما أفطرت دخلت مع جدتها الغرفة تصلي المغرب شافتها تمدد رجولها على السجادة و تهمزها بيدها قربت منها و جلسة تهمز لها رجولها\ جدتي رجولك لسى تعورك حتى بعد ما فرشتي الغرفه ؟
أم محمد\ لا يمه الحمد لله أحسن من أول بس فيه باقي ألم خفيف
هند\ الله يهديك لو تسمعين كلامي و تخليني أوديك المستشفى
أم محمد\ أنا ما أحب المستشفيات و لا ريحتها يمه خليني على رحمة ربك هو وجع خفيف و يروح
هند\ بس يعطونك شي يشيل هالألم مرة وحده و خلاص
أم محمد\ خليك مني الحين و طمنيئني كيف شغلك عسى مرتاحه فيه ؟
هند\ أي والله الحمد لله جدتي مرة مرتاحه
أم محمد\ أحسن من الأول يعني ؟
هند\ أكيد أحسن بكثير و أحسن شي أنه ما فيه رجال صح راتبه أقل بس الحمد لله
أم محمد\ الحمد لله الفلوس الي تجي بالحلال و راحة نفس تسعد أهلها مهما كانت قليله ......


*****************

الخبر
الساعة الـ 09:00 مساء

ماسكة الجوال بيد و الكرت باليد الثاني تحط رقمة في الشاشة و ترجع تمسحه تكتب رسائل شوق و غرام و قبل ما تضغط على أرسال تمسحها هي و عدته و لا يمكن تخلف وعدها له و ترجع تدق هذي رغبته ولأزم تحترمها مهما كانت تحمل في قلبها من شوق و حب تحاول تسيطر عليها رجعت الكرت مكانه بالصندوق و قفلت جوالها بالمرة و وقفت قدام الشباك تتأمل الشارع و الناس .. يا ترى كيف عرفت يا يوسف إني بالمستشفى و أرسلت لي الورد معقول تكون فعلا عرفت أنا من أكون و من بنته عشان كذا أبتعدت و الا أنت تراقبني من غير ما أدري بك معقول كلام سعود يكون صح و أنا الي شكيت أنك مثل باقي الشباب خوان معقول أنا فعلا شرفي يؤصل يوسف ؟

(( ساره من يوم أستلمت الورد ما حاولت تتصل على يوسف وتعرف منه كيف عرف بأمر مرضها لإنها بكل بساطة خافت و بداء الشك يذبحها فكرت بكل الي تعرفهم و تتوقعهم قرايبها أصحاب أخوانها أخوان صديقاتها و حتى جيرانهم لكن بدون فائدة الكل جاء ببالها الا يوسف ولد خالتها ))

**************

جده
الساعة الـ 11:30 مساء

طلع الصالة بعد ما كان بغرفة أمه يتطمئن عليها قبل تنام لها كم ساعة قبل السحور و جلس قدام التلفزيون وين ما كان فارس جالس\ نأمت جدتي ؟
سعود\ إيه نامت
فارس\ بس ما تكون تعبت اليوم ؟
سعود\ لا حمد لله باين عليها إنها بخير أصلا هي تستأنس على جمعتكم تعرفها
فارس\ الحمد لله أحس انوا حركتها و نفسيتها كمان صارت أفضل من دخلت مركز التأهيل
سعود\ إيه والله اشوف كذا لكن هي متى موعدها الأحد هذا ما فيه ؟
فارس\ الأحد بيكون ثاني العيد و هم ما يداوموا أول تلات أيام الثلاثاء فيه
سعود\ تمام أجل أنا بوديها
فارس\ براحتك بس ترى مركز نسائي مو تفضحنا و تدخل
سعود و هو يناظرة بنص عين\ يعني مرة ما يدخلون الرجال لو بس عند الرسيبشن ؟
فارس\ ههههههههه هو حدك
سعود\ و أنت وين تبى تدخل كمان ؟
فارس\ الأسبوع الي فات جدتي هلكتني و هي تمدح الي سوت لها العلاج تقول بنت ناس و ما فيه أخف من يدها
سعود\ و أنت تبي تشوفها ؟
فارس\ تقدر تقول
سعود وهو يأخذ الريموت و يطفئ التلفزيون\ قم خلنا نطلع بس بلا سوالفك الي مالها داعي .......

****************




السبت

جده

الساعة الـ 05:00 فجرا


اليوم أول أيام العيد بعد شهر أنقضى بلمح البصر بعد صوم و صلاة و صدقات و تقرب لله جاء اليوم الي تتوزع فيه الدرجات على العباد ما بين فائز بفضل ربه و خاسر بشر أعماله ,,,,,,

تنهدت و هي تحط يدها على ظهرها أخيرا خلصت كل شغلها في البيت سمعت صوت جدتها طالعه من غرفتها و هي تكبر و تهلل قربت منها هند و بأستها على خدها \ صباح الخير جدتي و كل سنه و أنتي بخير
أم محمد\ وأنتي بخير يا يمه صاحية من بدري ؟
هند\ لا والله جدتي لسى ما نمت
أم محمد\ الله يهديك يمه ليش مانمتي لك لو ساعة ؟
هند\ تو خلصت شغلي الحين والله لارجعت من الصلاة أنام
أم محمد\ و أخوانك صيحوا و الا لسى ؟
هند\ راحوا المسجد يصلون الفجر و أمي تصحي منال
أم محمد\ زين يمه عجلوا نبي نروح لصلاة العيد من بدري عشان نحصل لنا مكان
هند\ أبشري أنتي خلاص أنا جهزت لك كل شي بس باقي تلبسين
أم محمد\ الله يخليك يا يمه الحين أنا بروح البس
هند\ زين وأنا بطلع أخذ دش سريع و أبدل و انزل لكم .....

*************

جده
الساعة الـ 08:00 صباحا

طلع من مصلى العيد و شاف له مكالمتين بالجوال أستغرب ما هي من عوايدة يدق عليه كذا من بدري دخل السيارة ينتظر أمه و شغالتها يطلعون (( طبعا أم سعود متعودة تحظر صلاة العيد كل سنه لكنها هالمرة كانت رافضة فكرة إنها تروح مسجد الحي بكرسي متحرك لو لا سعود الي قدر يقنعها تروح عشان خاطرة ))
رجع اتصل عليه و رد من ثاني رنه سعود\ الوو
سيف\ السلام عليكم و كل سنه وأنت بألف خير و من العايدين
سعود\ وعليكم السلام و أنت بألف خير و من الفائزين وش ذا الحماس كله مرة وحده و حده و حده علي
سيف\ ههههههههه متحدين من يهنيئك بالعيد أول بشر عسى محد سبقني ؟
سعود\ هههههه وأنا اقول وش عنده سيف يدق و حنا لسى ما خلصنا خطبة العيد
سيف\ ههههههههه لا والله لا متحدين و لأ شي بس جيت ببالي و قلت اعيد عليك
سعود\ الله يعيده عليكم بالخير عاد العيد هذا لأزم أجمع صرتوا أثنين
سيف\ ههههه لا وأنت الصادق ثلاثه
سعود\ والله
سيف\ أي والله أبشرك ناصر جاي بالطريق و عاد أنت أول واحد من الشباب يدري
سعود\ مبروك والله يتربى بعزك يا أبو ناصر
سيف\ الله يبارك فيك و عقبال عندك أنت و الشباب
سعود\ اميين يارب ........

*************

جده
الساعة الـ 04:00 عصرا

صحت من نومها متكاسله مهما الواحد ينام بالظهر ما يسوى نوم الليل و راحته رفعت شعرها بالشباصة صاير طويل و متعب مع العمل الظاهر لأزم تقصه بدلت و نزلت الصالة تشوف أهلها هي متأكدة إن محد جاء يعيد عليهم من أقاربهم و حتى جيرانهم ما تسأل عنهم الا أم منذر و شافوها بالمسجد و عيدوا على بعض \ سلام
فهد\ وعليكم السلام
هند\ وين الناس ما فيه الا أنت ؟
فهد\ نواف نائم و أمي عند جدتي بغرفتها تصلي
هند\ و منال وين ؟
فهد\ كانت هنا قبل شوي وراحت تلعب في غرفتها
هند\ حد جاء او أتصل ؟
فهد\ لا
هند وهي توقف\ زين بروح أشوف أمي و جدتي ما بتروح تصلي انت ؟
فهد\ الا رايح بس صحوا نواف على أربع و نص
هند\ ليش ؟
فهد\ يقول بيطلعنا المغرب
هند\ اوكيه ....


**************

الخبر
الساعة الـ 07:00 مساء

دخلوا البيت و هم مستعدين لي أي ردت فعل بتكون من أبوهم هو مشتاق لجمعتهم و سوالفهم مشتاق لأمه و اخوأنه أشتاق للبيت و الخبر و شوارعها و كل شي فيها و الثاني مهيئ نفسه للكلام الي بيسمعه من أمه و أبوه وأنه هو السبب الي بعده عنهم \ جاهز
\ ايه
\ خلك هنا لين اكلمك اوكيه
\ اوكيه

دخل عليهم و هم مجتمعين بالصالة يوسف\ السلام عليكم
الكل أتفاجاء فيه ودخوله البيت و ردوا السلام الا ابوه الي اكتفى بنظره له و رجعها لتلفزيون بدون ما يقول شي قامت أم أحمد و هي فرحانه بيوسف و دخلته البيت\ هلا يمه حياك كنت متأكدة أنك بتجي و ما عليك أبوك أحيان يسوي حاجات ما يدري عنها
أبو أحمد\ ليش شايفتني مجنون و الا أنتي راضية يوم أنه ضيع أخوه عند الغرب ؟
قامت منار و هي تحاول تهدئ الموضوع بينهم قبل ما يكبر\ تعال يوسف اجلس حياك أجيب لك عصير ؟
يوسف\ أنا معاي ضيف و عشانه دخلت و هو يرفع صوته حياك أدخل ما في حد غريب
دخل محمد و هو كان واقف بمكان قريب و سمع كل الي قالوه أتوقعهم تغيروا في الكم شهر الي غابها لكنه اكتشف إن مشاكلهم زادت و حطوا السبب كله على يوسف الي يعتبره أكثر من أخ بالنسبه له\ السلام عليكم
فرحوا بحظوره بينهم و قاموا يسلمون عليه و يحضنونه وسط دموع أمه بشوفته و فرحة أمل بوجوده \ كنت متأكدة أنك بتجي
محمد\ و أنا اقدر ما أحضر ملكة أول خوأتي
أرتسمت على وجهه بسمة نصر أبو أحمد\ عرفت أن مالك مستقبل بالدراسة الا أن ترجع هنا ؟
محمد بشموخ و هو يطالع بعيون يوسف\ أنا جاي إجازة أسبوع لعيون أمل و لأني الشهر الجاي بدخل الجامعة معاد عندي إجازة الا شهر بالسنه أجيكم فيه و ان شاء الله كلها كم سنه و أرجع بشهادة و أنا رافع رأسكم بي ......


***************

[جرح الذات]

الجزء السابع و العشرون

الثلاثاء

جده
الساعة الـ 05:00 عصرا


اليوم رجعت لدوامها بعد إجازة العيد المركز بداء دوامه من أمس لكن بحكم أن ما عندها حالات يوم الأثنين قضت يومها بالبيت كأفضل حل .. اليوم عندها حالتين وحدة الساعة خمس و الثانية سبع دخلت الغرفة و شافتها قدامها أبتسمت لها ترتاح لوجودها مع هالإنسانه و تحس إنها تتعامل مع شخص قريب لها ما هو مريضة عندها و بس\السلام عليكم كل سنه و أنتي بخير ياخالة
أم سعود\ و عليكم السلام وأنتي بألف خير يا بنتي
هند\ هااه كيف كان عيدك ؟
أم سعود\ الحمد لله زين من الله
هند\ تمام جاهزة لتمارين من جديد ؟
أم سعود\ ان شاء الله بس لي كم يوم أحس بوجع بظهري مدري من ايش
هند\ يمكن لنك وقفتي التمارين ؟
يأتي\ لا أنا يسوي كل يوم زي أنت يقول
هند\ طيب متى أكثر شي تحسين ألم لما تجلسين او لما تنامين على ظهرك ؟
أم سعود\ لا والله يا بنتي اكثر شي يوم اجلس و جلسة السيارة هي الي توجعني اكثر
هند\ أنتي تطلعي السيارة بنفس الكرسي و الا تجلسي على نفس مقاعد السيارة ؟
أم سعود\ لا عيالي يجلسوني على المقعد و الكرسي يحطوه بالشنطة
هند و هي تلتفت ليأتي\ كيف يجلس من كرسي لسيارة ؟
يأتي\ يشيلي ماما خفيف ما في مشكله
هند\ أنتي يشيلي ؟
يأتي\ أنا ما يشيل لوحدي يشيل مع مستر فارس بس مستر سعود هو يقدر شيل ماما لوحدها
و هو أنا أعرف فارس من سعود هند\ زين كيف هو يشيل زي أنا و أنتي يشيل الحين من كرسي لسرير ؟
يأتي\ لا يشيل جسم كله
هند\ زين يا خالة لأزم اشوف اليوم كيف تطلعين السيارة الظاهر الألم إلي بظهرك منه ........


*************

الخبر
الساعة الـ 05:45 مساء

اليوم أسعد يوم عندها اليوم ملكتها على الشخص إلي تتمنأه من سنين أخيرا بتصير ملكه هو بس الأيام الأخيرة حست بغلاتها عند أخوانها محمد إلي أخذ إجازة و جاء من بريطانيا و استحمل كلام أبوه بس عشانها و يوسف الي استحمل الطرده من البيت و رجع عشان يسهر معها و يطمئنها أبتسمت من قلبها\ لو تعرفين شكثر أحس إن يوسف اكثر من أخ لي
ساره و قلبها انقبض من الإسم\ يوسف من ؟
أمل\ سلامات يوسف أخوي اش فيك ؟
ساره\ هااه لا بس وش جاب طارية الحين ؟
أمل\ جاء ببالي الله يسعده أصلا هو الي بيودينا الإستراحة أنا و أنتي
ساره\ هو ؟
أمل\ أيه هو وش فيها ذيك المرة لما كنت بشوف الفستان و عبد الرحمن ما وداك قالي شوفيها لو تبي تروح معنى عادي نمرها بس عاد بنات عمك زاروكي و حتى يوم اتنومتي هو إلي جابنا لك في المستشفى
ساره و الشك بداء يذبحها\ وين راح يوم جابكم للمستشفى ؟
أمل\ عادي جلس تحت لين خلصنا
ساره\ اهاا بس هو ما هو ساكن عندكم صح لأني اجيكم على طول ما عمري صادفته
أمل و هي تتكلم بعفوية\ لا يوسف ذا من دخل الجامعة تعرف على سعود واحد جاي يدرس من جده و من يومها و هو صاير زي ظله ما يفارقه أربع و عشرين ساعة معه حتى أيام مرت كان يروح معه جده و ينام عنده بالبيت و الأن هم ساكنين شقة من بعض
هنا كل شي في ساره أنشل خلاص الدنيا أنتهت بعيونها يوسف الي حبيته هو ولد خالتي و راح أطلع معه بعد شوي و هو عارف أني كنت أكلمه كانت تطالع الفراغ و عيونها بدت تغرق بالدموع
أمل\ فيك شي ؟
ساره قالتها و هي تمشي بسرعه\ لا بروح الحمام شوي عن أذنك .........


*************

جده
الساعة الـ 06:00 مساء

واقف بالسيارة ينتظر أمه تطلع له شافها طالعه لكن معها وحده من طريقة لبسها باين إنها تشتغل بالمركز أستغرب من وجودها ما قاله فارس إنهم يجون لين السيارة لبس نظارته الشمسيه و نزل سعود\ هلا يمه خلصتي ؟
أم سعود\ أيه يمه بس البنت تبي تشوف كيف اطلع السيارة تقول يمكن الوجع الي بظهرك منه
سعود\ و أنتي من متى ظهرك يوجعك ؟
أم سعود\ من كم يوم يمه بس
سعود\ زين .. و هو يوجه كلامه لهند\ يعني قصدك أنه طريقة طلوعها السيارة غلط و تسبب لها ألم ؟
هند\ يمكن اذا كنتم تشيلونها بدون ما تبذل هي أي جهد
سعود\ أيه هو كذا
هند\ كذا غلط و تسير التمارين الي نسويها مالها داعي اذا ما أعتمدت على نفسها في كل حركة عضلاتها الأن بدت تنشط معنى لأزم تستخدمها بالطريقة الصح عشان ما تترقد مرة ثانيه
سعود\ زين كيف تطلع ؟
هند\ راح أبدا ادربها من اليوم طبعا تحتاج مساعده أول
قربت هند من أم سعود و بكذا قربت اكثر من سعود كانت تحس أنفاسها تختنق من قربها له و تحاول تسيطر على دقات قلبها لكنها مضطرة تكلمت و هي تطبق كل خطوة تقولها \ اوكيه أول شي تنزل رجولها من الكرسي على الأرض القدم لأزم تلامس الأرض عشان ثقل جسمك كله ينزل برجولك كذا خالتي أمسكي بيدك في الباب الحين بقوتك كلها
أم سعود\ زين
هند\ الأن ممكن تمسكها أخوي من الجهة الثانيه و تساعدها ترفع نفسها من الكرسي خالتي أنتي لأزم ترفعين نفسك بعد بيدك و دوري بجسمك عشان تجلسين قولي بسم الله
أم سعود\ بسم الله
ورفعت نفسها مع سعود طبعا لكن الي صار أن أم سعود انفلتت يدها الي كانت ماسكة فيها الباب كان وجها راح يضرب بالباب و تنجرح لو لا أن هند مسكتها بسرعه ..
حس بقشعريرة تسري في جسمه من لمسته ليدها ما قدر يقاوم أنه يرفع عيونه فيها وأنتبه لون عيونها الي كان مشرق اكثر بإنعكاس أشعة شمس الغروب عليها بهت في منظرها ثواني و كانت النظارة الشميسة بلونها الأسود معطيته الإريحية أنها ما تنتبه لنظرت عيونه خذ نفس عميق و سحب أمه لحضنه ورفعها بكل قوته لمقعد السيارة ..
حست بالإحراج من لمسته و قربه لها لدرجة كانت تسمع أنفاسه تحسها تختلط بأنفاسها و من الموقف ككل تبي تهرب من المكان بأسرع وقت \ اتعورتي خالتي ؟
أم سعود\ لا يا بنتي
هند\ زين أدري صعب عليك من أول مرة لكن شوي شوي بتدربين زين
أم سعود\ ان شاء الله
سكرت هند الباب و مشت مرت غصب بطريقها من شنطة السيارة وين ما كان سعود يحط الكرسي
أستجمع قواه و همس سعود\ آسف
هند ما قدرت تنطق بحرف هزت رأسها و مشت
سعود لاشعورين التفت يطالعها لين دخلت المركز و أبتسم على نفسه و تفكيرة دخل السيارة و مشى في طريقه .....

***************

الخبر
الساعة الـ 08:00 مساء

كان يسوق السيارة و ما هو قادر يسيطر على نفسه و على المشاعر الي بداخله ساره معه بمكان واحد يحس بحركتها و أنفاسها داخل السيارة معه خاطرة يصرخ و يقولها أحبك أشتقت لك مشاعره اليوم ثائرة و يحس بجنونها ..

بالطرف الثاني ساره كانت تحاول تسيطر على شهقاتها ما تطلع و تنفضح مع أمل إنها جالسة تصيح ..اكيد قاعد يقول باي وجه ذي طالعه معي بعد ما خانت أهلها أكيد قاعد يستحقرني الأن أستاهل من قالي أكلمه من أول أنا و أخذ رقمه ..

بدت تشك في وضعهم أكثر من وقت طلعت ساره من الحمام و هي شاكة فيها واضح عليها أنها صايحه والأن يوسف قدامها متوتر و أنفاسة سريعه أمل\ يوسف
أخر شي أتمناه أنه يسمع أسمه او حتى يتكلم الأن .. الأن أكيد بتعرفني من نبرة الصوت الله يهديك ياأمل ما تشوفين تكلميني الا الأن رد بهدؤ\ نعم
أمل\ أبي قهوة
يوسف ما قدر يسيطر على نفسه لما سمعها\ ههههههههههههههههه الحين ؟
أمل\ أيه بريح أعصابي قبل أوصل
يوسف\ والله أنك أخبل عروس بالدنيا أبشري أشتري لك .........


**************


الجمعة

جده
الساعة الـ 04:00 عصرا

نزل مع الدرج و شنطته بيده اليوم خلاص بيرجع الشرقية و بيودع كل شي بجده بعد عشر أيام إجازة بين أهلة و حبايبه شافها بالصالة و هي تمسح دموعها عنه بطرف شيلتها\ أفى يا أم سعود ليش تصيحين ؟
فارس\ فراقك صعب هههههههه
أم سعود\ عسى عيني ما تفارقه يمه بس كم يوم جلس عندي حسيت أن البيت منور بوجوده الدور الثاني الحين بيظلم بعيوني
فارس\ ما هو كم مرة أقولك خليني أجيب أغراضي و أسكن لك فيه على طول ما تعطيني الا غرفة تحت
أم سعود\ الدور الثاني لسعود و بإذن الله محدن يدخله معه الأ زوجته و عياله
سعود و هو يبوس يد أمه\ بأذن الله يالغالية المهم أنتي لا تصيحين شوفي كم يوم و أنا عندك و خاطري اقعد عندك طول عمري لكن أنتي تعرفين دوامي هناك غصب عني أروح
أم سعود\ الله يحفضك و يخليك لي يا يمه و جعلني أشوفك مرتاح مع الحرمة الي تعرف قدرك و ذي السنه ما خلصت قول أمين
سعود\ أمين شكلك محصله لي وحده يمه
أم سعود\ ان شاء الله يمه والله إنها بنت ما تعوض الله يكتبها من نصيبك
سعود بلحظة جات عيون هند ببأله تمنى يشوفها مرة ثانيه لكن وين ؟\ الله يكتب الي فيه الخير ........

***************

الخبر
الساعة الـ 05:00 عصرا

واقف بالمطار يخلص له أوراق الرجوع ما بين زحمة الناس و انتظارهم في طابور واحد الفترة الأخيرة تعود على المطار و صار حافظ كل ركن فيه صالاته تجمع ناس أشكال و ألوان تجمع دموع و ضحكات و غربة و فراق تجمع قلوب و تشتت قلوب المطار صار بالنسبة له حياة مستقله من المشاعر المتناقضة خلص أوراق أخوه و طلع من وسط الزحمة \تفضل بعد نص ساعة الطيارة
محمد\ تسلم خلاص الله يهديك أرجع الخبر لو انك مخليني اخلص أوراقي بنفسي يمديك قطعت نص الطريق
يوسف\ بنتظر سعود بعد ساعة بيوصل
محمد\ ليش ما جاء بسيارته ؟
يوسف\ لا شحنها تعرف الأن أول الشتاء أمطار و سيول الطريق
محمد\ الله يعيني على برد بريطانيا بس
يوسف\ بتعود
محمد\ ههههههه تصدق صرت أحس نص حياتك بالمطار
يوسف\ ههههههههه أي والله شايف بس
محمد\ يوسف
يوسف\ هلا
محمد\ أنا أعتذر منك على الي سواه أبوي و أوعدك أرفع رأسك يا أخوي
يوسف و هو يربت على كتفه\ أنت لا تفكر الا بدراستك وبس خل الباقي علي بس لا تنسى وعدك و أرفع رأسي فيك يا محمد ......

************

جده
الساعة الـ 06:00 مساء

رتبت أخر ملابسه بالشنطة الكم شهر الي راحت تعودوا على و جوده بينهم صحيح أصغر منها بس يضل هو الرجل و أمان البيت و تحس بالفخر بوجوده جمبها \ باقي لك شي كذا ؟
نواف\ لا خلاص مشكورة والله
هند\ على ايش
نواف\ رتبتي لي الشنطة
هند\ ههههههههه أجل بخليها مثل لما تجينا
نواف\ هههههههه لا يغرك الترتيب بس
هند\ تكفى عاد ما كأنها حوسه
نواف\ لا دققين عاد
هند\ هههه طيب
نواف\ أقول هند
هند\ لبيه
نواف\ مرتاحة بشغلك ؟
هند\ فوق ما تتخيل و بكرة بستلم أول راتب
نواف\ حلو كذا اقدر أروح و أنا مطمئن عليكم
هند\ لا تخاف نحن نعرف ندبر حالنا المهم أنت أهتم بدراستك ننتظر اليوم الي تسير فيه مهندس قد الدنيا
نواف\ ان شاء الله
هند\ أنت متى طيارتك ؟
نواف\ الساعة ثمان
هند\ أجل يالله أنزل عند أمي تلقى الصالة غرقت الحين
نواف\ ههههههههههه الله يعين .........

**************

الخبر
الساعة الـ 06:40 مساء

نزل من السيارة و أستنشق هواء كورنيش الخبر تعود عليه تسع سنوات أسبوعين بس غاب عنه حس بشوق له لدرجة أنه راح له قبل يروح الشقة صار يحس نفسه من أهل المكان \ بداء البرد تصدق
يوسف\ أيه من كم يوم
سعود\ الله يعين
يوسف\ كيف صحة الوالدة طمئني ؟
سعود و لثاني مرة تجي هند ببأله اليوم و أبتسم وهو يتخيل عيونها على البحر\ تمام والله أحسن من أول بعد العلاج الطبيعي
يوسف\ يعني بترجع تمشي ان شاء الله
سعود\ بأذن الله بدت تحرك رجولها على خفيف و نقول يارب
يوسف\ يارب
سعود\ كيف كانت ملكة أختك ؟
يوسف و هو يطالعه بنص عين\ زينه بس أنت مالك دااعي
سعود و هو يتحسس يده مكان لمسة هند\ ههههههههه والله هذاك اليوم أمي عندها موعد و أنا وديتها ما قدرت أجي الشرقيه
يوسف\ حتى محمد جاء من أخر الدنيا و أنت القريب ما جيت
سعود\ والله و هو لسى موجود ؟
يوسف\ لا سافر اليوم قبل ما تجي بساعة و شوي
سعود\ خسارة كان نفسي أشوفه و أسلم عليه .........

************

جده
الساعة الـ 12:00 صباحا

كانت جالسة فوق السرير و تمسح يدينها بالكريم تحسست يدها اليسار مكان لمسة سعود و هي تبتسم .. ماشاء الله الظاهر أن هذا سعود الشغالة قالت هو الي يقدر يشيل أمه لوحده باين من عضلاته يا ترى متزوج أم سعود باين إنها حرمة كبيرة الظاهر عندها بنات قبله ما هو بكرها إلا اذا ما جابته بدري بس لو عندها بنات ما يجون معها لو يوم كل موعد بس أشوف الشغالة تجي معقول ما عندها بنات يصير .. ضربة نفسها بالمخده و أنا اش دخلني فيه آوف لسى أحس بحرارة لمسته كأنه اليوم و الا وقت تأسف باين أنه أختنق لين نطقها .. ضحكت هند على نفسها و طفت النور و نامت . يا ترى بيكتب لك القدر تشوفينه مرة ثانية او لا ؟؟


**************



الجزء الثامن و العشرون


شهر و نص مرت على أبطالنا بلمح البصر الشخص لما يعيش يومه بس لغيرة يحس أن أيامه تتسارع معه ما يقدر يسيطر عليها او يستفيد لنفسه بشي عملهم جهدهم تعبهم حتى مشاعرهم تقدم كبش فداء لسعادة غيرهم و هذا الي نشوفه بأبطال قصتنا الثلاث هند و سعود و يوسف جالسين يقدمون أغلا لحظات عمرهم لجل بسمة و راحة الي حولهم .....

الأثنين
جده
الساعة الـ 05:00 عصرا

خلاص قررت و ما راح تهتم لكلام احد هي تشوفها احسن وحده لولدها كل شي فيها يناسب ولدها تفكيرها طيبة قلبها إهتمامها بأهلها لأزم تكلمه الأن و تقوله اختيارها أخذت جوالها و ضغطت على أسمه ..
سعود\ هلا يمه هلا با الغالية
أم سعود\ السلام عليك هلا بك يمه طمئني عنك ؟
سعود\ و عليكم السلام الحمد لله يمه بألف خير أنتي وش أخبارك و كيف صحتك عسى زينه ؟
أم سعود\ الحمد لله يمه و أبشرك رجلي اليمين صرت احركها أحسن من أول
سعود\ الله يبشرك بالجنه ايه هذي الأخبار الي تفرح
أم سعود\ هذا كله بفضل الله ثم هند
سعود\ هند من ؟
أم سعود\ البنت الي تسوي لي العلاج الله يجزاها الجنه يدها خفيفه و مباركة
سعود\ الحمد لله ما قصرت
أم سعود\ أي والله يمه حتى طلوع السيارة علمتني لين صرت اطلع من نفسي أنا اشهد إنها ما قصرت
سعود حس بنبضه بقلبه\ هي الي جات معك السيارة لما وديتك أنا ؟
أم سعود و هي تحس أن مهمتها بدت تسهل\ إيه يمه تذكرتها
سعود و بباله وهي ذيك العيون تنسي يمه\ إيه يمه
أم سعود\ اجل وش رأيك فيها ؟
سعود\ من أي ناحية يمه
ام سعود\ البنت أخلاق و آدب و جمال و فوق كذا بنت ناس أنا اشوف محد يناسبك زيها يمه تكفى يا سعود خلني اشوف عيالك قبل لا أندفن بالتراب
سعود\ الله يهديك يمه وش هالكلام الله يطول لي بعمرك و تشوفينهم
أم سعود\ أجل خلني اخطبها لك
سعود\ زين يمه الي تشوفيه أنا جاي الأربعاء بإذن الله و يصير خير ......

****************
جده
الساعة الـ 07:30 مساء


دخلت الصالة و بيدها دبدوبها و دارت بعيونها في الجالسين ما هي بينهم صارت تفتقدها و ماتشوفها الا خميس و جمعه و باقي الأيام تشوفها عشر دقائق الصبح قبل ما تروح هي المدرسة و بالليل تنام و هي لسى ما رجعت ..
أم نواف\ تعالي حبيبتي تبين شي ؟
منال\ ابي هند
أم نواف\ بس هند ما تجي الحين يمه ليش تبينها ؟
منال بدت عيونها تدمع\ أبيها زي أول تنيمني و تقولي قصة لين أنام
أم محمد وهي تأشر لمنال تجي جمبها\ تعالي يمه هنا
جت منال و جلسة جمب جدتها بدون ما تتكلم
أم محمد\ أنتي تدرين ليش هند تشتغل ؟
منال\ عشان تجيب فلوس هي تقولي كذا
أم محمد\ و حنا وش نشتري بالفلوس ؟
منال\ نشتري كل شي
أم محمد\ يعني يا يمه هند تشتغل و تتعب عشان تشتري لنا كل الي نبيه تشتري لك ملابس و العاب و كل الي تطلبينه
منال\ بس أبى اشوفها كل يوم
أم محمد\ خلاص لا تقولين تبين شي و تترك هند الشغل و تجلس بالبيت
منال\ لا أنا اباها تشتغل بس اباها تجي بدري
أم محمد\ خلاص نقولها حاولي تجين بدري عشان منال
أم نواف\ بعدين يوم الأربعاء أخر يوم للمدرسة و بتشوفينها طول الإجازة
منال\ طيب
أم نواف و هي توقف\ زين يمه قومي أنا أقولك قصة لين تنامين حبيبتي .....

************

جده
الساعة الـ 08:00 مساء

خلصت حالاتها اليوم لكن باقي لها ساعة في الدوام و لأزم تكملها و تنتظر أبو منذر الي يجيها الساعة تسع اتمللت في الجلسة و قررت تروح تأخذ لفة بالأقسام يمكن تشوف رؤى شافتها جالسة لوحدها بزاوية و باين إنها جالسة بجسمها بس لكن عقلها بعيد \ سلام الي أخذ عقلك يتهنى به
رؤى\ و هو فيه غير الهم يتهنى بعقولنا ؟
هند\ ايش فيك ؟
رؤى\ أخوي ترك العمل
هند\ ليش ؟
رؤى\ اتهاوش مع مديرة و طرده
هند\ لا آله إلا الله و الأن ايش بيسوي ؟
رؤى\ جالس في البيت ينتظر الفرج من الله
هند\ و نعم بالله الله يعوضة بالي احسن منه
رؤى\ امين
هند\ يعني الأن صار كل شي عليك في البيت ؟
رؤى\ ايه بس الحمد لله على كل حال المهم الأن إجار البيت له شهرين ما دفعناه لأزم ندفعه الشهر هذا او ننطرد
هند\ راتبك يكفي إجار و مصاريف شهر ؟
رؤى\ ماأظن يا هند بس أدعيلي ربك يفرجها
هند\ الله كريم لا تشيلي هم أنتي الله يسترها معكم قومي معي نصلي العشاء و أدعي ربك يرزق أخوك بشغل أحسن من الي قبله ......


************

الخبر
الساعة الـ 09:45 مساء

يتقلب في فراشة من ساعة ما هو قادر ينام كلام أمه يتردد في أذنه تبي تخطب له البنت الي سحرته بعيونها و لا قدر ينساها بس يا ترى بتوافق علي بعد ما تعرف أني مطلق و الا بترفض زي الي قبلها ؟ ... طيب أنا مقتنع فيها هي تشتغل و شغلها ما هو عيب بس اخاف إنها تصرف على أهلها و ما تروح معي الشرقية يالله يسرها اخاف أقول ما أبيها و تزعل أمي و ترجع تتعب مرة ثانية بس والله عيونها تذبح حتى صوتها عذاب لو تصير من نصيبي بس يمكن اكون أسعد أنسان أحس كأني أعرفها من زمان الله يسامحك يا يوسف دخلت ذي الفكرة برأسي حتى أسمها هند ههههه والله حلو أسمها هند و سعود يا سلام راكبين على بعض ..... دفن رأسه بالمخدة و هو يتخيل شكل هند و هي بقربه و ملكه لوحده أبتسم لطيفها و غمض عيونه كأنه يحرس طيفها داخل عيونه و يمنعه من الإبتعاد عنه ......


******************

الأربعاء

جده
الساعة الـ 07:30 مساء

دخلت للغرفة الي ينزلوا عبايتهم و يحطوا أعراضهم فيها بالمركز فتحت الكبت بتردد هي خايفة من ردة فعلها بعد الي بتسويه تخاف تزعل منها و تحط بخاطرها و تفهم شكواها لها على أنه عطف من جهتها لكن الحقيقة إنها صارت مثل أختها و ما عملت معها كذا الا من حبها لها و لهلها هي تعرف معنى الشعور أنك تكون بلا سقف بيت يحميك جربت الخوف من النوم بشارع جربت تحمل هم أم و أخوان بلا ماؤى يحميهم صعب تخليها تحس بالي حسته فترة من عمرها أخذت كمية اكسجين كبيرة أشبعت فيها أطرافها و مدت يدها بظرف دسته بشنطتها و رجعت كل شي مثل ما كان سكرت الكبت و طلعت من الغرفة و هي مرتاحة على الي سوته ......


**********

جده
الساعة الـ 08:30 مساء

الظاهر موضوع زواجة هذا ما راح يعدي على خير اذا أرتاح هو عارضوا أخواته و اذا رفض هو وأفقوا خوأته و أمه بينهم ما تدري ترضي من لكن الأن تصدمه كذا بهذا الكلام ما هو قادر يستوعب .
أم سعود \ بس البنت ما في شي يعيبها و أنا مرتاحة لها
أم عزام\ يا يمه تقولين مطلقة و ما في شي يعيبها تعرفين ليش تطلقت طيب ؟
أم سعود\ الزواج نصيب والله ما كتب لها معه نصيب خلاص تطلقت تنعاب
أم عزام\ ايه تنعاب معقول تبين ولدك يأخذ وحدة مطلقة
أم سعود\ و ليش ما يأخذها دامني أحس إنها بتريحه والرجل هو الي طلقها ما هي هي طلقته يمكن العيب منه ما هو منها
أم عزام\ تبقى مطلقة و الله ماأني قادرة اصدق كلامك يمه أم فارس قولي شي
أم فارس\ طيب يمه خلينا نسال عنها و عن أهلها أول
أم سعود\ أنا سألت عنها و البنت ما عليها كلام لا هي و لا أهلها
أم عزام\ يعني أنتي مخططة كل شي بس جاية تقولين لنا
أم سعود\ إيه أجل بستشيركن أنا
أم عزام\ والله تلقينها يوم تعالجك شافتك على نيتك معها قالت خلني اضحك عليها و اخليها تزوجني ولدها
أم سعود\ كلن يرى الناس بعين طبعه يا بنيتي
أم عزام\ وش قصدك يمه ؟
أم سعود\ يعني مفكرة أن البنت من طينتك تسوي المشاكل و ترمي أغلاطها على الناس أنا ما شفت زي أخلاقها معي و مع الكل والله إنها تسوى مها و كل الي جبتيهم لخوك
أم عزام\ بس عاد ما أجيب مطلقات سعود لأزم يتزوج وحدة ما هي مطلقة ما هو أحسن من غيرة ياما رجاجيل طلقوا و اتزوجوا من بنات و عاشوا حياتهم
أم سعود\ و البنات الي جبتيهم و لا وحدة وأفقت على أخوك و على قولك ياما مطلقات اتزوجن و عاشن حياتهن أحسن من أول
أم عزام\ يمه أنتي أكيد تمزحين سعود أنت ليش ساكت قول شي لا تكون موافق بس على الي تقوله أمي ؟
سعود ما هو عارف أصلا وش يقول هند الي سحرته بعيونها و عاش ليالي يحلم بطيفها مطلقة و كانت بحظن رجال ثاني بس أمي تمدحها يا ترى وش العيب الي فيها ما هو واضح لأمي خلى الرجال يعافها و يطلقها ؟
أستغلت أم عزام سكوت سعود و تكلمت\ شفتي يمه حتى سعود ما يبيها هو الي ناقص يتزوج مطلقة أنا ازوجه الي تسواها هي والي جابها
أم سعود و صوتها بدا يرتجف من الغضب و جسمها يهتز \ و أنا قلت سعود ما يتزوج غير هالبنت مدام رأسي يشم الهواء و أشوف من الي كلامه يمشي
سعود لما شاف أمه بدت تزعل خاف عليها يرتفع ضغطها مرة ثانية و تنجلط و السبب أم عزام كافي إنها السبب في الي صار لها أول تكلم يهدي أمه\ خلاص يا الغالية أنا موافق على الي تبينه أتزوجها حتى لو مطلقة أنا بعد مطلق بس لا تزعلين أنتي و تعبين عمرك تكفين أبيك أنتي الي تروحين تخطبينها لي
أم سعود\ الله يرضى عليك يا يمه .......

*************

الخبر
الساعة الـ 09:00 مساء

جالسين يمشون على كورنيش الخبر الجو صاير بارد مرة لكن الملل ذبحهم بالشقة فقرروا يطلعون يمشون شوي .
علي\ ذبحتنا بالبرد يا يوسف
يوسف\ ههههههه أنت ما تحمل شي
علي\ يعني أنت يالي مرة ما تحس بالبرد ؟
يوسف\ أحس بس أحيان ما يأثر علي
علي\ هههههههههه ليه عندك برود مشاعر داخلي ؟
يوسف\ هههههههههه الا جمود خلاص
علي\ افى وين راحوا الي كانوا يدفون مشاعرك ؟
يوسف\ خلاص بطلنا من زمان
علي\ لا والله جد من متى ؟
يوسف\ من قبل رمضان خلاص أفكر أتزوج بس مو الأن يمكن سنه كذا
علي ببأله حلو أنه فتح موضوع الزواج بنفسه\ كلام حلو الله يوفقك بس ها ببالك وحده و الا بتقعد لنا زي ناصر
يوسف للحظة جات ساره بباله لكنه غمض عيونه بسرعه يطرد طيفها \ لا والله محد ببالي بس اكيد ألاهل بيشوفون لي إلا شخباره أخوك لسى ما حصلتوا له عروس تناسبه ؟
علي\ والله تقدر تقول فيه وحده شافوها أخواتي و مدحوها و تحس ناصر ما قال فيها شي
يوسف\ أجل وش منتظرين روح أخطبها له ؟
علي\ منتظرين رأيك طال عمرك
يوسف\ وأنا وش دخلني ؟
علي\ صراحة في ملكة أختك أمي و أختي الكبيرة حضروا و قالوا عن هالبنت و مدحوا فيها و طلعت مع أختي الثانية بالكلية و تعرفها
يوسف\ و من بنته طيب ؟
علي\ أختك يوسف أنت تعرفني من أيام الثانوي و تعرف ناصر و إني أنا تقريبا الي مربيه بعد وفاة ابوي الله يرحمه أنا طالب القرب منك و نبي أختك لأخوي ناصر
يوسف تمنى لو يبؤس علي على رأسه منار كانت اخر حجر بطريق مستقبله والأن تنخطب و من شخص يعتبره أخوه الثاني بعد سعود\ والله ما راح أحصل أحسن منكم نسب لنا و لا عريس مثل ناصر الله يحييكم باي وقت و أعتبر موافقتي جاهزة بس رأي البنت تعرف لأزم
علي\ الله يخليك هذا العشم فيك .....

**********

جده
الساعة الـ 10:30 مساء


جده
الساعة الـ 10:30 مساء

فتحت الخط و هي مبتسمة بخاطرها عارفه وش عندها متصله ذا الوقت بس حبت تستهبل عليها \ هلا وغلا
رؤى\ لا أهلا و لا سهلا
هند\ ههههههههه افى وشعندك معصبه ؟
رؤى\ ما تعرفي ليش يعني ؟
هند\ لا
رؤى\ من الي سويتيه والا تستغبي عليه
هند\ وش سويت أنا فهميني ؟
رؤى\ أنا قلت لك الي صار معي مو عشان أطلب منك فلوس قلت لك بس لإنك مثل أختي و افضفض لك
هند\ أي فلوس أنا ماني فاهمه شي ؟
رؤى\ يعني مو أنتي الي حطيتي فلوس بشنطتي اليوم في المركز ؟
هند\ لا مو أنا
رؤى\ أجل مين ؟
هند\ أختك
رؤى\ كيف ؟
هند\ ما هو تقولي أني مثل أختك و أنتي أختي مارضى عليك تكونين مهمومه و ما اوقف معك و أساعدك أنا احتجتك أيام وأنتي ما قصرتي معي حتى الشغل أنتي قدمتي لي أوراقي فيه و كنتي معي بكل شي
رؤى\ بس صيحتيني بعتبرها سلف و ارجعها لك و ياويلك لو ما تأخديها
هند\ ههههههه ابشري لو بيدي اعطيتك الراتب كله بس أنتي تعرفي البئر و غطأها
رؤى\ يكفي إنك فكرتي في يا هند ما قصرتي والله بس كيف حطيتيها من غير ماأشوفك ؟
هند\ لما كانت عندك مريضة سهله ترى
رؤى\ هههههههه اليوم تعلمتي تحطي من غير ما حد يشوفك بكرة تتعلمي تسرقي
هند\ هههههههههههه الله لا يحوجنى
رؤى\ أي والله
هند\ تعرفي المريضة الي عندي أم سعود ؟
رؤى\ ايواه ايش فيها ؟
هند\ اتخيلي بتزورنا البيت بكرة
رؤى\ ليش انتوا تعرفوها من قبل ؟
هند\ لا بس يوم الثلاثاء قالت لي باجيكم البيت يوم الخميس قلت لها الله يحييك وش أقولها
رؤى\ ما عندك فكرة ايش تبى من دي الزيارة ؟
هند\ لا استحيت أسالها
رؤى\ أكيد تبى تخطبك يا غبية
هند\ هههههههه لا وين نسيتي أني وحده مطلقة وش تبي فيني
رؤى\ وهي تعرف إنك مطلقة ؟
هند\ ايه هي سألتني إذا متزوجة او مخطوبة و قلت لها أني أتزوجة واحد شهرين و اطلقت منه
رؤى\ سألتك ليش اتطلقتوا ؟
هند\ إيه و قلت لها الحقيقة أنا مغصوبين على بعض و الله ما كتب نصيب
رؤى\ اقص لك يدي ادا الموضوع ما فيه خطبة أصلا هي واضح أنك معجبتها و أنتي ما هو ناقصك شي تقولي للقمر أنزل و أجي مكانك
هند\ لا دخلي أفكارك في رأسي يا بنت
رؤى\ بنشوف أسمعي أمي تناديني بقفل دحين و أنتظر أتصالك بكرة تخبريني ليش زارتكم ؟
هند\ أيه اكيد سلمي على أمك
رؤى\ اوكيه باي
هند\ باي

قفلت هند من رؤى و كلامها يدور بعقلها معقول يكون كلام رؤى صح بس تخطبني لمين إلي فهمته من شغالتها و شفته أن عندها ولدين واحد تعودت أشوفه كل مرة معها و واحد شفته بس مرة وحده و اختفى أكيد أنه متزوج و منشغل عن أمه بس الثاني يكسر الخاطر كل موعد أشوفه عند السيارة لين قدرت تطلع من نفسها و بطلت أطلع أنا بس شكله صغير ماأظن تزوجة أمه وحده مطلقة طيب يمكن تخطبني لثاني زوجة ثانية هو واضح أنه كبير أكيد متزوج اوووف يا رؤى شتتي مخي الله يهديك بس .....

(( طبعا هند ما تعرف أن فارس هو ولد بنت أم سعود و هي جدته ما هي أمه مثل ما تظن ))


******************



الجزء التاسع والعشرون

الخميس

جده
الساعة الـ 04:00 عصرا

الغيظ بيذبحها ما احد راضي يفهمها جالسة تاكل بنفسها من القهر و كلام الناس كيف اخوها الوحيد يتزوج وحده مطلقة الي قاهرها ان امها هي الي تبي كذا و اخوها مستسلم و كان الموضوع ما يعنيه ..
ام عزام\ يمه يعني انتي ملزمة على رايك خلاص ؟
ام سعود\ الله لا يعقوني بشر انا مكلمة البنت انا بنجيهم المغرب خلاص و ترى من الحين اقولك ان فتحتي فمك بكلمة كذا و الا كذا قدامهم والله بغضبي عليك
ام عزام\ من الحين لا بديت اشك ان هالبنت مسويه لك بلا اذا يريحك مني رايحة معكم
ام سعود\ بتروحين الدرب معك بتجلسين محدن غاصبك تروحين
ام عزام\ كذا يمه ؟
ام فارس\ خلاص لا تعصبين بامي تروح لناس تعبانه
ام عزام\ عادي هي بتروح لمن يعني وحدة مطلقة تشتغل بمركز معاقين يعني فاهمه حالت امك
خلاص معاد فيه يستحمل كلامها تغلط على زوجها على الناس سكتنا لكن تغلط على امها ما راح يسمح لها سعود\ انا اظن لو ما تروحين معهم افضل لاني ابي موضوع هالزواج يعدي على خير
ام عزام\ يعني قصدك لو رحت ما بيكون فيه خير صح ؟
سعود\ احلا شي يوم الواحد يكون سريع فهم
ام عزام و هي توقف\ زين افهم انها طردة ماشي يا سعود من الحين اقولك مالي شغل بموضوع زواجك بس ما هو تجي بعدين تقول زوجتوني وحدة ما هي من مستواي

قالت كلمتها وطلعت بدون حتى ما تستسمح من امها الي جرحتها بكلمة معاقين
التفت لامه و هو حاس بضيقتها سعود\ الغالية متى واعدتي الناس انتي ؟
ام سعود\ قلت لهم بعد المغرب نحن عندكم
سعود\ زين انتي تعرفين طريق بيتهم عدل يمه ؟
ام سعود و هي تبتسم\ و ليدي فارس هو الي يعرف بيتهم
فارس\ ههههههههه فضحتي سرنا يا جده
سعود\ ههههه وانا اقول من الي ورى موضوع زواجي ذا ؟
فارس\ هههههههه شوف باقي لي كم شهر و اتخرج ابى اتزوج على طول ما هو يقولوا انتظر خالك اول
ام فارس\ ما شفت زي ذا الولد مستعجل على العرس محد بيوافق عليك لين تتوظف
ام سعود\ خليه يا بنيتي الله يوفقة بوظيفة و حرمة سنعه تعرف قدرة .......


*****************

جده
الساعة الـ 06:10 مساء


من ساعة وهي قدام الكبت ماهي عارفة وش تلبس محتارة و مرتبكة هي متعودة تشوف ام سعود على طول بس بملابس العمل ما هو في بيتهم هي ماتدري جايه ليش واذا معها حد او لا .. اوف طلعت كل الملابس و ما هو عاجبني شي البسه مدري ليش مرتبكة كذا كاني اول مرة بشوف ناس .. دخلت عليها منال الغرفة و شافت حوستها
منال وهي تطالع ببراء\ انتي وين بتروحين ؟
هند\ ولا مكان ليش ؟
منال\ ليش ملابسك كلها برى بترجعين عند سلمان
هند انقبض قلبها من ذكرة سلمان من فترة ما جاء ببالها و لا فكرت فيه وش فكر منال فيه الان قربت منها و حضنتها \ لا حبيبتي خلاص سلمان سافر بعيد معاد بروح انا عنده
منال\ حتى يوم يرجع من السفر ما بياخذك ؟
هند\ لا
منال\ طيب رجعي ملابسك
هند\ ههههههههههه ابشري بس وش رايك البس ايش عشان الضيوف ؟
منال\ كلها حلوه
هند\ والله
منال\ انا نسيت الضيوف تحت جدتي قالت لي اقولك تجين
هند\ الله يصلحك يا منوله ليش ما قلتي من اول اووف لسى ما لبسة


تحت بغرفة الضيوف

كانت ام محمد تسولف مع ام سعود و ترحب فيها هي و بنتها ام فارس احساسها ناحيتهم بالارتياح و كانها تعرفهم من زمان لكن هي ما تعرف السبب
الي خلى ام سعود تزورهم بدون معرفة سابقة خصوصا ان ضروفها الصحية ما تساعد كثير و تستخدم الكرسي المتحركة لسى ....
ام محمد\ حيا الله ام سعود نورتوا والله
ام سعود\ الله يحيك
ام نواف و الي كانت داخلة بالقهوة\ حياكم الله البيت بيتكم
ام سعود\ تسلمين يا بنيتي ما شاء الله من شفت هند و اخلاقها قلت اكيد وراها ام سنعة مثلك
ام نواف\ هند بنت جدتها هي الي ربتها
ام سعود\ و النعم والله انا اشهد انك ربيتي يام محمد
ام محمد\ الحمد لله هند من صغرها و هي تنام معي تعلمت مني كل شي
ام فارس\ امي تمدحها على طول شوقتني اشوفها الا هي موجودة ؟
ام نواف\ ايه الحين تنزل ....


,,,,,,,,,,,,,,,

الخبر
الساعة الـ 06:15 مساء

طلع الدرج و هو يغني و مبسوط طبعا ابوه و امه ما هم موجودين يعني اخواته بس الي بالبيت اكيد بيستانس معهم و يفكر يخرجهم كمان
قابلته منار باول الصالة\ حركات تغني و مبسوط وش عندك ؟
يوسف\ هلا يا عروستنا ابد مستانس
منار\ طالع زين انا منار ما هو امل عشان تقول عروستنا
يوسف\ هههههه اشوف انا قالولك احول
منار\ لا بجد مبسوط انت ؟
جات امل على صوتهم\ دوم مبسوط يوسف
يوسف\ هلا بعروستنا القديمة
منار\ وش عندك انت عروستنا و عروستنا القديمة ؟
امل\ احسه محصل لك عريس صح ؟
يوسف\ ههههههه ذكية
منار و هي تبعد عنهم \ ما عندكم سالفة والله
يوسف\ وليش لا يقولون لتزوجة البنت الكبيرة فتحت الباب للي وراها على طول
منار\ اتزوج انت اول
يوسف\ خلاص لا تطمئنت عليك انتي و امل اتزوج
منار\ والله و من نخطب لك ؟
امل\ ساره طبعا
يوسف بلع ريقة بالغصب\ من ساره ؟
امل و هي تطالعة بنص عين\ بنت خالتي اصلا حط بالك هي او العنود بنت عمي محمد
يوسف\ ههههههه لا وش العنود هذي من يفتك من لسانها اعوذ بالله طولها مرتين
منار\ اجل نخطب لك ساره والله انا احبها و احسها تناسبك
يوسف يغير السالفة\ زين خلونا من ذي السالفة الحين وش رايكم نطلع نتعشى برى بدخل ابدل واطلع احصلكم جاهزات
ماكمل كلامة الا اخواته بثواني مختفيات من قدامه يوسف بخاطرة .. يا حب البنات لطلعات هههه آآه بس معقولة اخطب ساره و توافق
علي ما اظن ......

,,,,,,,,,,,,,

جده
الساعة الـ 06:30 مساء

من جلسة و هي تحس ام فارس بتاكلها بعيونها ما تحب حد يطالع فيها بذي الطريقة كانها تتفحصها خلاص وجها صار احمر و باين عليها الضيق
تبى تتنفس براحة لكن هي مضطرة تجلس عشان ام سعود الي تعنت و جات لهم البيت لكن المنقذ جاء من ام سعود نفسها\ هند يا بنيتي
جيبي لي كاسة مويه
قامت هند وهي تبتسم لها\ ابشري خالتي
ام سعود ما كانت عطشانه لكنها حست بضيق هند و هي بخاطرها كلام جايه تقوله و صعب تقوله قدامها\ بما انك يام محمد كبيرة هالبيت انا
جاية لكم اليوم بطلب و اتمنى ما تردوني
ام محمد\ ان قدرنا عليه جاكم يام سعود
ام سعود\ باذن الله تقدرون انا ربي ما عطاني غير ولد واحد بعد بنتين و كل الي اتمناه بالدنيا اني اشوف عياله قبل لا اموت و انا من شفت
هند و هي داخلتن قلبي واليوم جاية اخطبها له و ترى انا اعرف عن هند كل شي و ضروف ولدي تشبه لها لانه تزوج قبل من بنت عمه بس
ما ربك اصلح بينهم
ام محمد\ الله يحيكم و باذن الله كان لكم عندنا نصيب تاخذونه لكن تعرفين لازم اخوها يدري و راي هند قبل كل شي
ام سعود\ حقكم يا ام محمد و الي تبون تسالون عنه حنا حاضرين ما نخبي عنكم شي
ام نواف\ والله يام سعود بما انك تقولين انك تعرفين عن هند كل شي و ما جيتي الا وانتي ساله عنها اكيد تعرفين عن حالة ابوها وانه تقريبا
مايدري عنا بالشهور يعني لو صار لكم عندنا نصيب ما عندنا الا اخوها يتفاهم معه
ام سعود\ اكيد يام نواف ولدي كمان يتيم ابو و ماعنده حد قريب لا خوال و لا عمام لكنه رجال و يعرف لذي الامور باذن الله ما يقصر بشي
على كلام ام سعود الاخير دخلت هند و مدت لها كاسة الموية و بالها كانت تفكر من هذا الي تتكلم عنه ام سعود و ليش ؟

,,,,,,,,,,,,,,,


الجمعة

جده
الساعة الـ 01:20 ظهرا

دخلوا البيت مع بعض بعد ما صلوا الجمعة في المسجد القريب من بيتهم اصواتهم مستانسة و مبسوطة و هذا الي يفرحها اليوم جمعة لكن بدون
مطارات و سفر و فراق ضناها عندها اسبوع كامل (( اجازة عيد الاضحى طبعا )) ابتسمت لهم \ يا هلا بعيالي والله
سعود\ يمه ترى انا ميت جوع حطوا الغداء كان جهز
ام سعود\ جاهز يمه الحين تحطه ياتي
سعود\ احس اليوم نفسي مفتوحة على الاكل
فارس\ ههههههههه من صاحب العيون العسلية والله
سعود بغرابه\ منهو ؟
ام سعود و الي ابتسمت بعد ما فهمت قصد فارس وجهة له كلامها\ الله يهديك يمه روح غسل خل نتغداء بس
سعود مسك فارس من طرف يده\ تعال من قصدك انت ؟
فارس\ هههه الخطيبة
سعود للحظة حس بقشعريرة بجسمة فعلا هند عيونها عسلية بس فارس وش دراه رص على اسنانه و طالعة بنظرة\ وانت وش دراك ؟
فارس كتم ضحكته على ملامح سعود الي باين فيها الغيرة \ ابد الله يسلمك بس كم مرة تجي السيارة مع جدتي ايام كانت تدربها و لمحتها بس
سعود\ اهااا طيب حاول تغض بصرك عن بنات الناس المره الجاية
فارس\ ههههههه ابشر
ام سعود\ الله يهديكم بس قوموا نتغداء برد الاكل وانتم تسولفون
فارس\ والله يا جدتي مهي سوالف كنت بنطق من دحين و المحروسة ما دخلت البيت بكرة الظاهر من باب الحوش بطلعوني
سعود وهو يجلس على سفرة الغداء\ بدري امس خطبنا ما ندري يمكن محد يوافق ...

,,,,,,,,,,,

جده
الساعة الـ 02:30 مساء

كل شعرة بجسمها وقفت سعود يخطبني انا؟ لسى صوته يرن بأذني و لمسته ما نسيتها و أنا ما شفته الا مرة وحده بس وش يبي فيني بلعت ريقها
\ جدتي انتي متاكدة ان ام سعود قالت لكم عرفت عنا كل شي ؟
ام محمد\ ايه يمه ما جات الا سالت عنا
هند\ يعني تعرف اني مطلقة شلون تخطبني لولدها ؟
ام محمد\ يمه هو كمان كان متزوج و مطلق
هند\ و ليش طلق ؟
ام محمد\ يا بنيتي امه تقول ما صار نصيب بينهم و الحرمة راعية سنع ما قالت لنا ليش بنتكم تطلقت عشان نسالها عن ولدها
هند\ مدري يا جدتي قولي انتي وش رايك ؟
ام محمد\ والله ان قلبي ارتاح للحرمة و بنتها و احس انها شاريتك و الا ما جات تخطبك و هي على كرسيها
هند\ حتى انا ارتاح لها و احبها يا جدتي لكن انا بتزوج ولدها و الي اعرفه انه يشتغل بالشرقية و عايش هناك
ام محمد\ انا قلت لنواف يسال عنه اليوم واذا انه رجال سنع و يستاهلك تروحين معه لو لاخر الدنيا يمه و قلبي مرتاح عليك
هند\ انا بستخير و ارد عليك
ام محمد\ و النعم بربك يمه الله يكتب لك الي فيه الخير .....

,,,,,,,,,,,,,,

الخبر
الساعة الـ 03:00 مساء


حس انه استعجل يوم قالهم يفكر يتزوج هالبنات ما يصدقون خبر على طول نشروا الخبر في البيت و عاد امه من يفكه منها الحين
ام احمد\ اخيرا فكرت تريح قلبي يا يوسف و تزوج الي بعمرك عيالهم بالمدرسة و انت جالس بدون حرمة
يوسف\ لسى يمه انا بس قلت افكر اتزوج ما قلت روحوا اخطبوا لي
ام احمد\ و عاد من زود السنع تقول لاخواتك قبل امك
يوسف اللهم جيبك يا طولت البال\ قلت لهم افكر اتزوج بس انتي بقولك روحي اخطبي لي يعني انتي غير عنهم انتي الاساس
ام احمد\ و العروسة جاهزة ساره بنت خالتك والله انها جمال وادب و اخلاق و من زمان نفسي انها تكون من نصيبك
ابو احمد\ من قال يوسف ما ياخذ الا العنود بنت اخوي و الا تبين الناس يقولون ترك بنت عمه للغريب
ام احمد\ لها عيال عم غيره يتزوجونها ما بقى الا يوسف ياخذ العنود
ابو احمد\ وش ناقصها بنت اخوي تفضلين بنت اختك عليها ما هو احسن من اخوانه تزوجوا بنات اعمامهم و شوفيهم مرتاحين ببيوتهم
كان يكتفي بالسمع لا امه جنه و لا ابوه نار جالسين يقررون مصيرة و لا يدرون بالنار الي تشب بقلبه العنود مستحيل يرضى فيها لو كانت اخر
بنت بالدنيا و ساره ماراح ترضى فيه بعد ما عرفت انه مغازلجي و راعي بنات طالع في اخواته الي حس من نظراتهم انهم متلؤمين فيه عمره
ما ارتاح في ذا البيت و لا بيرتاح تنهد و فتح الموضوع الاهم بالنسبة له الان\ الحين خلونا من موضوع زواجي و خلونا في منار ترى جايها
خطيب مكلمني اخوة قبل يومين و يبي راينا
منار بخجل انسحبت من جلستهم لكنها اشرت لاامل تجلس و تخبرها التفاصيل <<<<حركات بنات خخخخ
ابو احمد\ و من هو منهو ولده ؟
يوسف\ تذكر الله يسلمك حمد عبدالله الـ...... الله يرحمه ابو علي خويي الي كانوا جيراننا في حينا الاول
ابو احمد\ ايه اعرفه علي رجال و النعم فيه بس لمن يبيها ؟
يوسف\ لاخوه ناصر يشتغل بالمطار و جاهز لكل شي و ترى هم شافوا منار بملكة امل و بغوها
ابو احمد\ و علي تزوج ؟
يوسف\ لا والله لسى احسه يبي يزوج خواته و يتطمئن عليهن و بعدين يشوف نفسه
ابو احمد\ والله ناصر ذا ما عرفه زين خبري فيه بزر بحضن ابوه لكن بما انك تعرفه زين حدد معهم وقت يجونا فيه و الله يكتب الي فيه الخير ....

,,,,,,,,,,

جده
الساعة الـ 10:00 مساء


قدام البحر واقف و عيونها ما هي راضية تفارق خياله غصب عنه صار يسرح فيها يتذكر لمستها صوتها حركتها السريعة الحقيقة هو يدين لها
ذاك اليوم بسلامة امه لانه تفجاء بسقوطها و كان بيفقد السيطرة على نفسه لو لا ان هند سندت امه من الجهة الثانية رفع جواله و ضغط على رقمه
هو الوحيد الي يحتاجه الان
سعود\ سلام
يوسف\ وعليكم السلام هلا باهل جده
سعود\ هلا بك ليتك تطلع اقرب طيارة و تجي جده
يوسف\ اوب وش فيها النفسية ؟
سعود\ خطبت !
يوسف\ لا والله مبروك الف مبروك
سعود\ الله يبارك فيك وعقبالك
يوسف و هو يتذكر الخيارين الصعبة بين امه و ابوه\ خلك مني الان وشفيك انت خاطب و ماانت مبسوط كذا ؟
سعود\ مدري مبسوط و مااني مبسوط البنت ماعليها كلام بس انها مطلقة
يوسف\ مطلقة كبيرة يعني ؟
سعود\ لا عمرها 23 سنه لكن سالفة زواجها و طلاقها مدري كيف
يوسف\ شلون يعني ؟
سعود\ الي فهمته انها تزوجت واحد من اهل ينبع شهرين و طلقها
يوسف\ عندها عيال ؟
سعود\ لا تو تطلقت قبل رمضان
يوسف\ ما تدري يمكن نصيبك
سعود\ الله كريم
يوسف\ الظاهر هالايام ايام خطبة عند الكل وانا مدري
سعود\ لا يكون علي خطب بس
يوسف\ هههههه هو خطب و ما خطب
سعود\ شلون ؟
يوسف\ خطب اختي لاخوة ناصر
سعود\ لا والله الف مبروك عاد الان مالك حجه لازم تخطب انت بعد
يوسف\ نقول يارب ......




الجزء الثلاثون

ألاثنين

جده
الساعة الـ 07:00 صباحا


الجو صار بارد بنص الشتاء صحيح برد جدة ما كان البرد القارص مقارنة بباقي مناطق المملكة لكن أول الصبح و قبل طلوع
الشمس يكون فعلا بارد عليها بحكم كبر سنها فخاطرها تبى تدخل لكنها تبى تسمع هند و هالوقت الوحيد الي تقدر تكلمها بحرية
قبل تروح دوامها و الي كانت تنتظر ابو مهند بالحوش \ جدتي ما تحسين بالبرد انتي ؟
أم محمد\ الا والله يمه و اليوم كأنه زايد البرد
هند\ اجل ادخلي الله يهديك و كملي نومتك لين الضحى
أم محمد\ بس ما هو قبل ما تقولليلي وش قررتي بالي خاطبك ؟
هند\ و الله مدري يا جدتي شغلة اني اروح عنكم لشرقية معورة قلبي ما اتخيل اقعد كم شهر ما اشوفك و لا اشوف امي و منال
و فهد
أم محمد\ يا يمه حنا ما علينا خلاف المهم انتي وش رايك موافقة على الرجال و الا لا و بعدين هو ينزل لاهلة على طول و
بيجيبك معه ما هو مخليك و اخوك عندك بتشوفينه يومين
هند\ زين نواف قالك كل شي عرفه عنه ؟
أم محمد\ ايه يمه كل الي عرفه و قاله لي قلته لك البارح
هند\ زين و انتي وش رايك ؟
أم محمد\ الحق يا بنيتي الرجال ما يتعوض لا تضيعينه من يدك و أمه تنحط على الجرح يبرى
هند\ شورك و هداية الله يا نور هالبيت ......

,,,,,,,,,,,

جده
الساعة الـ 04:30 عصرا

نزل مع الدرج و هو يسكر أزارير ثوبه و شماغة على كتفه يبي يطلع بسرعه صار ما يستحمل يبقى معها بمكان واحد
بعد الي صار منها يوم الي راح يخطب شافته مستعجل مثل كل مرة ما يبى يشوف وجهها بس هالمرة لازم يسمعها بالغصب
او بالطيب ...
أم عزام\ طالع
سعود\ ايه
أم عزام\ ما هو قبل ما تسمعني
سعود\ مواعد شباب و ما اقدر اتخر عليهم
أم عزام\ خمس دقائق تسمعني مهي ماثرة
سعود و هو يتافف\ وش بتقولين بس اختصري ؟
أ م عزام\ هالحين رحة و خطبت ما قلنا شي بس انت سالت عن البنت و اهلها او لا تعرف ان ابوهم ما يدري عنهم من سنين
تتوقع كيف تربيتهم ؟
رجع خطوتين للخلف سعود\ كيف ابوهم ما يعرف عنهم شي من سنين ؟
أم عزام\ طبعا ما تدري بس خطبت و خلاص
سعود\ زين قولي وش عارفة عنهم لا تستفزيني
أم سعود\ ابوهم من اكثر من سبع سنوات ......

مافيها تسمح لها تكشف سر البنت عند أخوها و هي لسى ما وافقت عليه لازم تعرف حدودها و تفهم مشاعر الناس ..
\ بس و أن سمعتك تكلمتي في هند و الا أهلها و الله بغضبي عليك
أم عزام\ يعني انتي تعرفين يمه
أم سعود\ ايه اعرف و ما اني ناقصة تجين أنتي تسالين و تخبرينا انا اعرف كل شي عن البنت و اهلها بس هي ما وافقت
على اخوك عشان يعرف سرهم اليوم الي توافق ذاك اليوم انا اقوله كل شي بنفسي
سعو و هو حاس انه مثل الاطرش في الزفة بينهم \ زين يمه بس اهم شي هدي نفسك لا تزعلين تكفين و كل الي تبينه يصير
.......

,,,,,,,,,

الخبر
الساعة الـ 05:30 مساء

طلع من غرفته على صوت التلفون الي ازعجه و محد راضي يرد عليه يوسف بخاطرة اووف محد يسمع و يرد
على التلفون نادى على منار و أمل بس محد رد عليه رفع الخط بسرعه و كان بيتكلم لكن صوتها جاه اول
\ الوو السلام عليكم
كان بيرد لكن لسانه ثقل و حس انه مخنوق مشتاق لصوتها من اكثر من شهرين ما سمعه اشتاق لضحكتها و همستها
اشتاق لاسمه ينطق به لسانها
\ الوو
قطع عليه صوتها مرة ثانية و رجعه للواقع يوسف\ وعليكم السلام هلا
بالطرف الثاني كل شي فيها تجمد هي مشتاقة لصوته و تتمنى تسمعه لكن ما توقعت القدر يحكم بينهم كذا اختلطة
بها الدمعة و البسمة تمنة تقفل الخط بدون ماترد بس شو بيقول عنها احسن شي تحط نفسها طبيعية و كانها ما عرفته
ساره\ امل موجودة ؟
يوسف\ كيفك ؟
ساره بتردد\ بخير
يوسف\ ما في كيفك انت ؟
هذا وش سالفته ليش يبي يعذبني\ _______ <<< لا رد
يوسف فهم انها ما تبي منه اي شي و لا تبى تسمع اخبارة او اي شي عنه حس بالقهر على نفسه و مشاعرة تجاهها
شاف منار طالعة من غرفتها وحس انها المنقذ الوحيد له رفع صوته لجل يسمعها و يبين لها انها معاد تهمه مثل ما
هو ما عاد يهمها \ منار تعالي تلفون لكم
منار\ مين ؟
يوسف\ وحدة ما اعرفها
بالجهة الثانية ساره حست انها خلاص ما تسوى شي لهدرجة محتقرني و يقول ما يعرفني و انا الغبية لسى احبه
و اشتاق له .......


,,,,,,,,,,

جده
الساعة الـ 12:00 صباحا

انتصف الليل و كل القلوب سكنت مع أحبابها و عشاقها الا قلبين في سماء جده تحوم تعلمت تعشق بس تنسى مشاعرها
تعلمت تتمنى بس تأجل امانيها تعلمت تعطي و ما تنتظر تاخذ ابد ..

اتقلب في فراشة و هو يتذكر كلام امه و اخته اليوم فيه شي مخبينه عليه بخصوص ابو هند هند صارت تهمه من
اليوم الي قابلها عند المركز و عيونها ما فارقت خيالة صار يحس انها قريبة من روحه و كانها قطعة من قلبه
يترى وش مخبية ذيك العيون من حزن اكيد ما هي مرتاحة بحياتها بس سالفة ابوها لازم تعرفها يا سعود لازم بس
كيف ؟

تتقلب في فراشها و خيال سعود ما هو راضي يفارق عيونها هي شافته مرة وحده بس ملامحه انطبعت بذاكرتها
و كانها تعرفه من زمان هند صار كل تفكيرها سعود اليتيم تربى بدون اب لكنه صار عن الف رجال قدر ينجح بأخلاقه
بدراسته و عمله و الاهم رضى امه عليه فقد ابوه بالموت و هي فقدت ابوها بالانانية و الظلم
ياترى كيف بتكون حياتي معه و الا كيف بيعاملني ؟
و الا احسن شي اقول بكرة لجدتي اني ما اني موافقة افضل حل ......!


,,,,,,,,,,,,,,,,


الخميس

جده
الساعة الـ 05:30 عصرا

جالسين بالمجلس مع بعض إحساسة من أول ما دخل هالبيت أن في شي يربطة بأهل البيت نواف و فهد كانوا جالسين
معه و رحبوا فيه ببيتهم و أستقبلوه بكل أحترام .
سعود\ وش ناوي تتخص يا نواف ؟
نواف\ بأذن الله هندسة بترول
سعود\ مثلي يعني الله يوفقك
نواف\ امين و يعنى على غربة الشرقية شكل الدوام ما غير فيها
سعود\ هو من ناحية الوظيفة اول شي لازم هناك لكن لو لك حظ ينقلونك هنا ينبع و الغربة عاد معاد عندك هذا
انا و اختك بنكون هناك و بكرة تتزوج و تعيش هناك
نواف\ قول الله يعينك انت على صياح أختي ما اظن تتقبل الشرقية بسرعه
سعود\ الله يعين
لحظة صمت و انظار توجهة ناحية باب المجلس تطالع المخلوق الي دخل و هو يطالع بعيونه في وجيه الجالسين و كانه
يدور على شي قربت منه و حطة وجهها قدامه\ انت سعود ؟
سعود ابتسم لها \ ايه انا سعود و من انتي يا حلوة؟
\ منال
اخذها سعود و جلسها بحضنه \ الله حلو اسمك
منال\ انت بتاخذ هند معاك بعيد ؟
سعود\ ما هو بعيد مرة بروح عند نواف
منال\ بالطيارة ؟
سعود\ ايه
منال\ يعني مااشوفها كل يوم ؟
سعود\ لو تبين تشوفينها تعالي عندنا بس بعد المدرسة وانا اسوي لك غرفة لوحدك
منال\ لا انا بجلس مع جدتي و أمي عشان ما يجلسون لوحدهم بس انت جيبها عندنا على طول
سعود\ ابشري بس كذا
منال\ كمان لا تصيحها زي سلمان انا ما احبه لانه صيح هند
سعود حس بطعنه بقلبة بس لمجرد انه تخيل ذيك العيون تدمع\ ماراح اصيحها اوعدك و لو صيحتها تعالي انتي
صيحيني ...

,,,,,,,,,,,,,

الخبر
الساعة الـ 06:30

اخذ جاكيته و طلع من الغرفة مواعد علي و سيف الي طلع من صومعته على قوله وصار يخرج معهم و السبب تعب
زوجته من الحمل و كل وقتها صار ببيت اهلها نزل مع الدرج و شاف اخوة احمد جالس بالصالة لوحدة قرب منه
وسلم عليه يوسف\ وين الناس ليش جالس لوحدك ؟
احمد\ طالع اصلا ابوي طلع المسجد و كنت جالس مع امي و البنات بس جوهم ضيوف و راحوا
يوسف\ من جاهم ؟
احمد\ اظن خالتي ام عبدالرحمن
يوسف حس بنغزة بقلبة طول الفترة الماضية وهو يتهرب من خالته و لا يبي يشوفها و يحس بالخيانة تجاهها \
زين انا طالع مع الشباب و .....
بس صوت منار ما سمح له يكمل \ يا شباب خالتي بتسلم عليكم
اخر شي تمناه وهو يشوفها تدخل و تسلم على احمد قبله تمنى يهرب قبل يشوفها لكن وين يا يوسف\ هلا خالتي
ام عبدالرحمن\ هلا بالقاطع الي ما ينشاف بقول اخوانك عندهم بيوت و عيال يشغلونهم لكن انت وش عندك ما
تمرني و طريق شغلك على بيتي رايح جاي
ام احمد\ والله ماعنده شي وانا اختك غير الفضاوة الي بسنه عيالهم بالمدارس
يوسف\ الله يسامحك يمه يعني شايفتني شايب بتزوجوني قبل امشي على ثلاث
احمد\ امي معها حق الي بسنك الحين متزوجين وانت لا
ام عبد الرحمن\ يوسف هذا زي ولدي خلوه على راحته لبغى يتزوج يقولي وانا اخطب له البنت الي يتمناها
يوسف والله ما استاهل هذا منك يا خالة لو تدرين وش مسوي\ الله يخليك يا خالة ايه هذي الناس الي تفهم
ام احمد\ يعني حنا الي ما نفهم عشان نقولك تزوج
يوسف وهو يوقف\ محشومة يأم احمد يالله استاذنكم انا مواعد الشباب
منار\ لا تطلع من هنا روح من باب المطبخ
يوسف\ ليش ؟
منار\ امل و سارة طلعوا في الحوش
ام عبدالرحمن\ وليش يمه يطلعن برد برى ؟
منار\ مدري ساره تقول ما تقدر تتنفس وطلعوا برى
ام عبدالرحمن\ والله يا هذي البنت معاد ادري وش فيها من طيحتها برمضان وهي هذا حالها لا تطلع و لا تاكل
وبس تقول مكتوم نفسها

لا تقولين يا خالة لو تدرين قد ايش هالكلام يذبحني و يحسسني بالذنب بس وش بيدي بنتك كرهتني خلاص معاد
تتقبل مني شي ....

,,,,,,,,,,,,

جده
الساعة الـ 08:00 مساء

حاس انه انجز كل شي اليوم بيسعده و يرضي امه عليه البسمة الي شافها مرسومة بوجها لما هند وافقت عليه حسسته
ان امه اسعد انسانة ذيك اللحظة في الدنيا اليوم اتفق مع نواف على كل شي خلاص ما بقى الا انه ياخذ هند و يطير
لشرقية ..
ام سعود\ يعني خلاص يمه اتفقت مع اخوها على كل شي ؟
سعود\ ايه يمه
ام عزام\ مدري على شو فرحانين حدها وحده مطلقة
ام سعود\ بس تسوى الف بنت هالي ماهي عاجبتك
ام عزام\ اي الف بنت يمه هذي مربيتها حرمة تعرفين يعني ايش ربتها حرمة
ام سعود\ وش يعني الفرق هالحرمة عرفت تربي اكثر من الرجال والبنت ابوها حي ما مات عشان تقولين ما رباها
ام عزام\ الا كانه ميت تاركهم من سنين و لا يدري عنهم تعرفين اخلاقهم طيب ابسطها تعرفين ليش تطلقت و هي
مالها الا شهرين متزوجة ؟
ام سعود\ هالكلام مالنا فيه الحين بكرة بتصير زوجة اخوك وهو الي له الحق يسالها ليش تطلقت
ام عزام\ وش يتزوجها و بعدين يعرف سبب طلاقها و شفيك انتي يايمه شكلهم ساحرينك حتى انتي ؟
معاد فيه يسمع اكثر وقف صامد و داخله براكين تثور كلام اخته نزف فيه جروح قديمة اكتشف ان هند تشاركه فيها
بدون ذنب ربته حرمة هالكلمة يا ما سمعها في المدرسة في الشارع بكل مكان يعرفونه الناس وش فيها تربية الحرمة
ربت رجال افضل من غيرة مهندس يخاف ربه و لا يغلط على احد سعود\ هالكلام خلصنى منه وزواجي يوم الخميس
الجاي بعد اسبوع من اليوم وتراه زواج عائلي و هذا شرط البنت وانا وافقت والجمعة راجع بها الخبر
ماابي مشاكل ...


,,,,,,,,,,,,

جده
الساعة الـ 09:30 مساء

خلاص بعد الي سوته منال اليوم حست ان وجهها انحرق قدام سعود وهي لسى ما شافته الله يهديها هي و حركاتها
الطفولية
فهد\ لا وعاد الاخت تهدد لا تصيحها عشان احبك
هند\ هههههههههه انا مدري كيف طلعت من عندنا و جاتكم من غير ما نشوفها
منال\ عشان تعرفين اني احبك و ماابيه يصيحك زي سلمان
ومن جاب طاري سلمان الحين <<هند
نواف\ لا سعود باين انه رجال ماشاء الله عليه وفوق كذا بتصيرين قريبة مني يا هند يعني اقدر اتطمئن عليك اي
وقت
ام محمد\ الله يخليكم لبعض يايمه و يوفقك يا هند بزواجك و انت يا نواف بدراستك
هند&نواف\ امين ياجدتي والله يخليك لنا
فهد\ من الان الدعاوي بس لهم وانا و منال رحنا فيها ؟
ام محمد\ انت و منال الاساس يا يمه خلاص هند ونواف كبروا والدنيا ابعدتهم عنى لكن انت رجال هالبيت الحين
ومنال هي زينته ..

,,,,,,,,

جده
الساعة الـ 10:15 مساء

دخل عليها الغرفة بعد ما جاته ياتي غرفته تقوله ان امه تبيه قبل تنام دخل وهو مبتسم لها و في خاطرة عارف هي
وش بتقوله اكيد بتكلمه عن هند الفترة الاخيرة صارت تتكلم عنها على طول
سعود\ هاا يالغالية امريني وش بغيتي مني ؟
ام سعود وهي تاشر له على طرف السرير\ تعال يمه اجلس هنا بغيتك
جلس سعود بطرف السرير\ و هذي جلسة
ام سعود\ يمه انا ما ابيك تزعل من كلام اختك تعرفها انت تكلم و لا تفكر وش تقول
سعود\ الله يهديها تعودت محدن يقولها غلط
ام سعود\ المهم يمه كلامها ما ياثر فيك انت تعرف نفسك رجال و النعم فيك و هند باذن الله ما تشوف الا كل
خير منها
سعود\ انتي واثقة منها يمه اشوفك وش السبب ؟
ام سعود\ خبرة الحياه يمه تبين لك الزين و الشين من اول نظرة
سعود\ زين يمه انتي مقتنعه فيها و ما اكذب عليك اني من دخلت بيتهم حسيت براحة لكن سالفة زواجها و طلاقها
احس سالفته سريعه و ما اني مقتنع فيها كانه في شي مخبيته ؟
ام سعود\ الي مخبيته قلب هند و كبره يا يمه هالبنت ما تفكر بنفسها الا اخر شي قبلت تتزوج بس عشان امها و اخوانها ما يتشردون
سعود\ كيف ؟
ام سعود\ ابوها مسحور من زوجته الاولى الله يتوب عليها نفسها حقودة و حاسدة ما قدرت تخلف له و من زواجه عليها انقلبت لانسانه
مريضة و خلته ماهو بدنياه تمشيه بكيفها و من يومها ما خلت أذيه الا رمتها على ام نواف و عيالها و حرمتهم كل شي حتى بيتهم
الي يسترهم عيونها جت عليه وما خلت طريقة الا تبيعه لكن ام محمد و قفت لها لكن الحرمة كبيرة و قوتها ضعيفة ما لقت الا هالمسكينه
هند زوجتها من ولد واحد غني بس فلوسة ماثرت بهند طلعت من بيته زي ما دخلت لكن ليش طلقها و على ايش اختلفوا ماسالتها هذا
بيصير حقك بعد كم يوم كان تبي تعرفه
سعود\ الله المستعان طيب مالهم عمام خوال يوقفونها عند حدها ؟.
ام سعود\ لهم يمه بس الدنيا غرتهم
سعود\ الله يعين
ام سعود\ هذا الي اعرفه و بغيتك تعرفه مني يمه و الباقي عند هند
سعود وهو يسحب الفراش و يغطي امه\ ان شاء الله يمه ما قصرتي خلاص هالحين نامي و خلي الباقي علي
ام سعود\ الله يسعدكم يا ولدي
سعود\ امين

طلع سعود من عند امه و هند كابر قدرها بقلبه لهدرجة تضحي بحياتها و تتزوج لجل اهلها ترمي نفسها بواقع ما تدري وش نهايته
بس تسعد و تامن قلوب الي حولها .....

,,,,,,,,,,,,

الجزء الواحد والثلاثون

الجمعه

جده
الساعة الـ 10:20 صباحا

بخاطرها كلام و خوف من الجاي ما تدري تشكيه لمين و الا تسكت و تخلي القدر يمشي كل تفكيرها بردت فعله وش بتكون ؟
بيتقبل و ضعها بدون نقاش و الا بتكبر سالفتها و ينفضح سرها الي خبته شهور تقوله له قبل الزواج و الا اول ليله معه و الا
تخليه يكتشف بنفسه يالله يا كبر همك يا هند طلعت منها تنهيدة بحرقة و عيونها تطالع بعيد ..
ام محمد\ هند يمه وش فيك ؟
هند\ سلامتك جدتي
ام محمد\ و ليش هالتنهيدة مضايقك شي بنتي ؟
فكرة تقولها يمكن هي منقضها الوحيد بس اتراجعت جدتها ما هي ناقصة هموم و تفكير هند\ افكر شلون بيمر يومي ما اشوفكم
ام محمد\ يا بنيتي الحين فيه تلفونات تقرب البعيد بس فكري في حياتك و سعادتك شي ثاني لا تفكرين
هند\ الله كريم
ام محمد\ و نعم بالله يمه انا احساسي مرتاح لسعود و انا ما شفته و الي مطمئني اكثر ان اخوك عندك
هند\ ايه الحمدلله ان نواف هناك اشوفه على طول شي من ريحتكم جدتي .......

,,,,,,,,,,,,,,

الخبر
الساعة الـ 03:00 مساء

صحى من نومه كسلان امس سهر لين الفجر و حتى لصلاة الجمعه ما صحى رغم محاولات منار معه طالع الساعة و شافها ثلاث
قرب اذان العصر و طيارة سعود احساسة بالتعب مسيطر على جسمه اخذ الجوال و تاه فكره عيونه تقراء حروف تتراقص و كلمات
ما هو مستوعبها هي حقيقة و الا لسى يكمل واحد من أحلامه (( أبيك تعذرني اذا فيك الوصل صار معدوم درب العناء انا من فراقك
هالكني .. عطشانه و فيك الماء سرابه مفقود حد اللقاء بحكم هالقدر مختوم ., لي قلب حلف ما يعبره غيرك مخلوق صاينه و ارجي
رب هالكون يلتقي فيك و لو تحت اللحود ....))
كل ألاحسياس تفجرة و ثارة براكين الشوق داخله بصونك بقلب بس بالحلال انتظريني ...

,,,,,,,,,,

جده
الساعة الـ 04:30 مساء

داخل صالات المطار طيارتهم وحده و وجهتهم وحده هالمرة سعود لقى الي يؤنسه و يشاركه الطريق و نواف لقى الي يعينه على الغربه
و يعتبره اخوه الكبير
فارس\ يالله شباب انا رايح تبون حاجه ؟
سعود\ ما اوصيك على الوالدة و الاشياء الي وصيتك
فارس\ اعتمد كل حاجة زي ما تبى و احسن
سعود\ تسلم نخدمك بعرسك
فارس\ اكيد بحط رجل على رجل و انت جهز كل حاجه
نواف\ خاطب ماشاء الله ؟
فارس\ لا والله لسى
سعود\ مسوي كل هالرجه بعرسه وهو لسى لا تخرج و لا توظف
فارس\ هدا اخر سمستر لي و الوظيفة ربك يجيبها
نواف\ الله كريم
فارس\ هيا طيارتكم دحين نشوفكم على خير
نواف&سعود\ تلاقي خير .......

,,,,,,,,,,,,,,,,

جده
الساعة الـ 05:15 مساء

دخلت غرفتها عشان تاخذ راحتها مع رؤى الي كانت معها على الخط من سمعت انها انخطبت ومن ام سعود و فرحتها لهند ما
تنوصف و تذكرها بكلامها ان ام سعود حاطه عينها عليها من اول ما دخلت المركز .
رؤى\ تذكرتي كلامي وانا اقولك بتخطبك لواحد من عيالها ؟
هند\ اصلا ما عندها الا واحد
رؤى\ والتاني الي يجيبها دائم ؟
هند\ فارس ولد بنتها بس زي ولدها هي مربيته
رؤى\ يعني عندها بس ولد واحد و كم بنت ؟
هند\ بنتين وحدة شفتها جت معها لما زارتنا و الثانية ما شفتها لسى
رؤى\ حلو و بتروحي الشرقية و تاخدي راحتك الله يوفقك
هند\ امين و عقبالك حبيبتي
رؤى\ الله يخليك بس وربي بفقدك مو تروحي تنسيني ولا تدقي عليه
هند\ افى عليك هذا كلام اكيد بكلمك
رؤى\ راح تجي لدوام بكرة ؟
هند\ ايه بخلص دوام بكرة و الاحد و خلاص بتركه .......

**********
الخبر
الساعة الـ 06:30 مساء
تمدد على كنب الصالة بتعب جسمه هلك من زحمة المطارات و الطيارات يبي الاستقرار و الراحة
يوسف\ ادخل غرفتك طيب ريح فيها
سعود\ خلني هنا ماعاد فيني اتحرك شبر
يوسف\ بلا دلع تراك الحين عريس
سعود\ ههههههههههه على طاري العرس ترى يوم الاربعاء حاجز لك و الشباب معي نفس الرحلة
يوسف\ بجد ؟
سعود\ ايه والله اجل ما تحظرون عرسي
يوسف\ لا بس انت قلت زواج عائلي و كذا فكرتك ما بتعزم احد
سعود\ انتم الاساس و اخواني تجون من غير عزيمة
يوسف\ عن نفسي حاظر من الحين هو الي ناقص محضر عرسك ؟
سعود\ الله يخليك و يالله شد حيلك نبي نفرح فيك
يوسف\ قريب باذن الله الا الشقة وش ناوي تسوي فيها ؟
سعود\ تباهها انت ؟
يوسف\ لوحدي ما اقدر عليها شكلي برجع البيت
سعود\ زين اجل نسلمها نهاية الشهر ذا
يوسف\ و متى بتقدم لك بيت ؟
سعود\ كلمت سيف يقولي 15 يوم و يطلعه يعرف واحد بدور لي شقة و الا فندق لين يطلع لي بيت ........
***********

جزء


الثلاثاء

جده
الساعة الـ 05:30 عصرا

عقلها مشتت مع هالانسانة الي قدامها من جت طلبت تتكلم معها لوحدهم كنها تحدثها عن معارك و أعداء ما هي فاهمه هي وش تبي تؤصل له بالضبط عشان تريحها و تريح نفسها..
هند\ أصب لك قهوة ؟
ام عزام\ لا شكرا ما اشربها كثير انا
هند\ ايه صح كثرها يسبب مشاكل صحية
ام عزام\ طبعا تعرفين ضغط و مشاكلة اكيد عندك خبرة انتي
هند\ ايه صح
ام عزام\ عاد وتعرفين اكيد ان صاحب الضغط ينخاف عليه من الامراض و الي حوله يحاولون ما يزعلونه ؟
هند يالليل ما اطولك\ اكيد
ام عزام\ امي الان كذا بعد الجلطة ما تستحمل مناقشة ما نقدر نقولها لا لاي شي حتى لو على حساب حياتنا الخاصة
هند\ بالعكس ماشاء الله اشوف خالتي تتقبل النقاش و روحها حلوة الله يسعدها
ام عزام\ يمكن معاك لكن مع سعود يا قلبي عليه عصبية و كلامها هو الي يمشي وهو يخاف على صحتها ما يقولها لا
هند\ اهااا الله يعينه تبقى امه جنته و ناره
ام عزام\ اكيد امه بس ماهو تغصبه على اشياء مايبيها
هند بقلة صبر\ مثل شو؟
ام عزام\ يعني هي حكمته يدخل جامعة الملك فهد و يتغرب و بعدين لما ما اعجبتها بنت عمي و تاخرت ما حملت خلته يطلقها
و هو يبيها و الان اجبرته يتزوج
هند بقلق\ قصدك انه مجبور يتزوجني ؟
ام عزام بابتسامة نصر\ لا حبيبتي لا تفهمين غلط هو قال موافق اتزوج بس ماقال لنا روحوا اخطبوا لي الوالدة الله يهديها
راحة خطبتك و حطته في الصورة مدري كيف تقبله وانتي تعرفين انك كنتي مرتبطة بواحد
هند\ قصدك مطلقة ؟
ام عزام\ ايه
هند بضيق\ الي عرفته انه بعد مطلق
ام عزام\ بس رجال ما يعيبه الطلاق و ارجع اقولك مجبور طلق امي الله يهديها تبي تشوف عياله وبنت عمي تاخرت 8 شهور
ما حملت والان ماشاء الله عليها متزوجة و عندها ولد و حامل يعني لو صبرت شوي كان هذولا عيال ولدها
كنك جاية تفيقين الجروح النائمة هند\ <<<<سرحانه
ام عزام بمكر\ انتي وحده جربتي الطلاق وانتي لسى صغيرة حرام تضيعين عمرك مرة ثانية مع واحد قلبه مع غيرك
واخذك رضاء لامه ماتدرين وش مصيرك بعدين لو ماحملتي او صار لامي شي لا سمح الله....

,,,,,,,,,

الخبر
الساعة الـ06:10 مساء

طلع من غرفته لابس و ريحة عطرة تدوخ باين على ملامحه السعادة بسمته عيونه حتى نشاطة صار غير هاليومين
مر الصالة ياخذ جواله من الشاحن و مفتاحه..
يوسف\ اوووف على وين الشياكة ذي كلها ؟
سعود\ الراشد
يوسف و علي بصوت واحد\ الراشد ؟
سعود\ وشفيكم على كهربه ايه بروح الراشد حرام يعني ؟
يوسف\ يااخي وش تبى بالراشد بعد بكرة عرسك استريح بس
علي\ هههههههههه خله يارجال يودع الحرية
سعود\ قسم بالله تفكيركم غبي بروح اخذ لي غرض و ارجع
يوسف يغمز له\ علينا امس مع سيف ما خليتوا شي الا اخذتوه حتى الخواتم اشتريتها وش تبي ؟
سعود\ ما هو انت وسيف مفهين نسيتوني اشتري هدية للبنت
علي\ ههههههههههه بتكسر القاعدة انت محد يجيب هدية بالعرس يجيبونها للملكة بس
سعود\ بملك العصر عندهم بالبيت اجيهم و يدي فاضية ؟
يوسف\ هههههههه لا مايصير حتى يمكن يقولون لك ادخل شوفها و عطها الهدية بنفسك
سعود و هو يرمي عليه الشاحن\ تطننز ؟
يوسف\ ههههههههههههههههههه
سعود\ اصلا انا جالس اضيع وقتي معك انت و هو والا انتم وش عرفكم بالذوق و الرومانسية
علي\ احلا يالرومانسي من الحين حركات و هداية اجل بكرة وش بتسوي ؟
يوسف\ اظن بيشوفنا بالدوام و يقول من انتم ؟
سعود وهو يمشي للباب\ و لا راح اسالكم اصلا .,

,,,,,,,,,,,,,,,,,,,,,

جده
الساعة الـ 08:30 مساء

دخلت معها الغرفة شغلت لها المكيف و غطتها مستغربة نومتها بدري حاسة ان عندها كلام بتقولة لكن بخاطرها ماتبى تسمع شي من احد تبى الكل ينام و تروح غرفتها تاخذ راحتها بالبكاء الصراخ أي شي تفرغ فيه القهر الي تحسه......
هند\ اطفئ النور جدتي خلاص ؟
مسكتها من يدها و جلستها جمبها ام محمد\ ما بتقولين لي ؟
هند\ اقولك ايش جدتي ؟
ام محمد\ وش تبي اخت رجلك منك ؟
هند\ جدتي هو لسى ما صار رجلي
ام محمد\ بيصير باذن الله لكن وش تبي منك و هي من طلعت وانتي خاطرك ماهو معجبني ؟
هند\ ماتبي شي تسولف معي بس
ام محمد\ وش هالسواليف الي غير لوحدكن ؟
هند\ تكلمني عن اخوهها وش يحب وش يكره و كذا
ام محمد\ والله يابنيتي اني ما ارتحت لها و لا لجيتها
هند\ ليش ؟
ام محمد\ قلبي يمه يقولي انها ناوية شر ماجات مع امها و اختها يوم خطبوك جايه الحين لوحدها تكلمك عن اخوها لو فيه شي كان جات من اول ماهو وهو مابقى على عرسكم شي الا تبي تشكك بنفسك يايمه زمان كانت الوحده فينا تتزوج وهي ماتعرف لا الرجال و لا اهله و مع القرب و العشرة تصير وحده من بناتهم
هند\ لا تشيلين همي جدتي انا تربيتك واعرف معادن الناس ام سعود حبيتها من قبل تفكر فيني لولددها واذا على سعود و حياتي معه خليها للايام.......
**********

الخبر
الساعة الـ 09:30 مساء

مجتمعين الشباب بالشقة على قولتهم اجتماع توديع العزوبية لسعود بين ضحكاتهم و ذكرياتهم مع بعض .
علي\ والله بشتاق لشقة جمعتنا ايام ياشباب
يوسف\ اقولك نخليها و تعال اسكن معي فيها منت راضي
علي\ وين يااخي تعرف ماقدر انام هنا و اهلي ماعندهم احد
يوسف\ ناصر بيسكن فوقهم يعني قريب منهم لاحتاجوه
علي\ خله ينبسط بحياته انا متعود على المسئولية
سيف\ المسئولية بيت و زوجة و عيال مهي كلام وبس
علي\ تكلم ابو عشرة عيال
يوسف\ هههههههه الا عشرين
سيف\ تطنزون والله كنت مفكر العيال بلحظة يجون لا تعب و لا هم بس الحين قلت للاهل مابي الا بعد خمس سنين
سعود\ حرام عليك الاطفال زينة الحياة بعدين هو لسى في بطن امه و تشكى منه اجل لاطلع وش بتقول .؟
سيف\ الله يعين بكرة بتجرب مواعيد مستشفى والاغراض الي تجهز و الغرفة كلها بنتظارة
سعود\ الله يحفضه و يصلحه لك
سيف\ امين
علي\ اقول ياسعود انت خلصت كل اغراضك ناقص لك شي محتاج شي ؟
سعود\ لا والله تسلم مخلص كل شي
علي\ والشقة استاجرة خلاص ؟
سعود\ ايه من يومين
يوسف\ الولد مخلص من بدري عشان يرتاح
سعود\ لا والله بس صراحة اعتبرة اسرع زواج في التاريخ الحمدلله كل شي ربك سهله بسرعه
يوسف\ بس باقي المطار و تقلع نحو حياه جديده
سعود\ ههههههههههه وانتم معي على متن الرحلة
يوسف\ ههههههههههه ايه والله بشم هواء قبل يوم السبت
علي\ هههههههههههه وتجي الاربعاء محترق من الشمس
سيف\ هههههههه بس لا تصور مع اختك الخميس
يوسف\ ههههههههههههههههه لا بناجل التصوير للعرس مافي تصوير بالملكة بلغ ناصر يا علي ............
*************
جده
الساعة الـ10:00 مساء

باصابع مرتعشه ضغطت على الارقام جهلها للي على الطرف الاخر مقلقها يمكن تكون فعلا انطوائية و شرانيه مثل ما سمعت عنها و ما تعطيها فرصة تتكلم
ام عزام\ السلام عليكم
\ وعليكم السلام
ام عزام بارتباك\ كيف الحال ؟
\ من معي ؟
ام عزام\ انتي الخاله نورة ؟
نورة\ ايه انا نورة من انتي يا حرمه ؟
ام عزام\ انا وحده تبيك تساعدينها
نورة\ اساعدها بشو انا وحده كبيرة بالسن و على باب الله
ام عزام و هي تتصنع البكاء\ بس اخوي انظلم و الي ظلمته محد يقدر عليها الا انتي تكفين يا خالة ساعديه
نورة\ و من الي ظلمته ذي ؟
ام عزام\ هند بنت زوجك
نورة\ ايه هذي طالعه لجدتها ظلمتني قبل و خلت محمد يتزوج علي و مارضت بحكم ربها على ولدها
ام عزام\ و شلون ؟
نورة\ الله ما كتب له يجيب عيال راحت زوجته حرمه الله العالم من وين جابت لهم هالعيال
ام عزام\ معقول بس هم يقولون انك انتي الي ماتخلفين ماهو ابو نواف
نورة\ هذا جزاي الي صبرت على ولدها و ما قلت له تعالج رموا بلواه علي وزوجته وحده سحرته و غيبت عقله
ام عزام والله و طلعتي يا نورة نذله بجد حتى اهلك متبرين منك و من فعلتك الي الكل يعرفها و انتي مسويه فيها انك البريئة المظلومة بس يالله يقولون اذا لك شي عند الكلب قله حبيبي \ الله عليها الي ما تخاف ربها ما اكتفت بك جايه هي و هند الحين يضحكون على امي و يسحرونها عشان هند تتزوج اخوي المسكين
نورة بابتسامة خبث\ هند بتزوج بعد ما تطلقت ؟
ام عزام\ شفتي كيف بيزوجونها لاخوي و هي مطلقة و هو ما قدر يفتح فمه تخيلي ماعمرة تزوج ياخذ مطلقة
نورة\ بس الي بيتزوج هند متزوج قبل و مطلق
هذي وش عرفها ام عزام\ هااااه انتي تعرفين انها بتتزوج ؟
نورة\ و هذا يوم سعدي ان هند تزوج لا و بتروح الشرقية عز الطلب
ام عزام\ ليش ؟
نورة\ وانتي داقه عشان تعرفين وش بستفيد من زواجها و الا انتي ما تبينها لاخوك تراني اعرف كل صغيرة و كبيرة عنك يا ام عزام و اعرف انك السبب بطلاق بنت عمك لكن بقولك ترى هند ما تقوين عليها بس وخري من طريق زواجها و خليه يمر و الا ترى بياصلك الي مني يفهمك كلامي.....



الجزء الثاني و الثلاثون

الخميس

جده
الساعة الــ 04:00 عصرا

ابتسم و هو يخلص كتابة اسمه و يوقع قدامه خلاص من هالحظة هند صارت ملكه لوحده يحس بالارتياح لمجرد ان بيجمعهم سقف واحد بعد ساعات بفكرة مجنونه ( ياليت هنوده تبطل من الروحه للاستراحه و تمشي معي هالحين البيت ابي ارتاح و هي جمبي )
نواف\ مبروك يالله بروح اجيب توقيع المدام لك
سعود\ أي والله تكفى
يوسف\ ههههههه أي الرجال مستعجل
سعود\ خلك ساكت انت بس
يوسف\ اقولك ترى انا شاهد على زواجك لا تخليني اسحب شهادتي
سعود\ مره وقف زواجي عليك اجيب لي عامل من الشارع يشهد و لا تذلني بشهادتك
يوسف\ ههههههه روح روح يا نواف لا يذبحنا الاخ هنا
فهد\ خلك نواف انا اوديها
نواف وهو يمد له الدفتر و يغمز ليوسف\ بس تاكد من موافقتها قبل توقع
فهد\ ابشر>>>>>>> وراح بطريقه
فارس\ مبروك ياخالي و يارب عقبالي
سعود\ الله يبارك فيك بقول امين بس عشان ارتاح منك
فارس\ افى كل هدا عشان معاد اجي البيت عند جدتي
سعود\ ههههههههههه ابي ارتاح في بيتي حرام يعني
يوسف\ لا الاخ بايعنى كلنا اليوم
سعود\ هههههههه و بلاش الا وين سيف و علي ما جبتهم معك ؟
يوسف\ بيجون المغرب الاستراحة ما ناموا بدري امس طلعت و هم نائمين
دخل بهالحظة فهد و على وجهه ابتسامه انعكست بالرضى و الراحة على وجه سعود\ مبروك سعود ......

,,,,,,,,,,

جده
الساعة الـ 05:30 مساء

طلع من الحمام ( اكرمكم الله ) بعد ما اخذ له شور جدد فيه نشاطه راسه هالايام مليان بالافكار مسئولية اخواته و زواج اخوه و الاهم صحة امه ما عنده وقت لنفسه ابد ...
سيف\ نعيما
علي\ انعم الله عليك ماجاء يوسف ؟
سيف\ لا اتصلت عليه يقول نص ساعه و بيجي
علي\ ملك سعود خلاص ؟
سيف\ ايه من زمان يقول يوسف فضحنا شوي و يقولهم باخذ البنت خلاص معي
علي\ هههههه الله يهنيه سعود يستاهل كل خير والله
سيف\ أي والله يستاهل
علي\ عقبال ما انفرح بيوسف
سيف\ و انت كمان و الا ناسي نفسك
علي\ لا انا زواجي مطول شوي
سيف\ مدري وش عندك منت راضي تزوج و تريح نفسك ؟
علي\ اذا الله كتب
سيف\ ميؤس منك انت تغير الي بر اسك قم بس حلق و البس خل يجي يوسف و نحن جاهزين
علي و هو يمسح ذقنه بيده\ لا مني محلق بطلق لحيتي انا
سيف\ تتكلم جد ؟
علي\ أي والله
سيف\ الله يثبتك .......

,,,,,,,,,,,,,

الخبر
الساعة الـ 06:30 مساء

جالسه و هي سرحانه خطبتها جت بسرعه و الاسرع ملكتها الي بعد اسبوع و زواجها الي تحدد بالصيف بعد زواج اختها باسبوعين يعني وش تلحق عليه اغراضها و الا تساعد اختها و الا تفكر بالشخص الي عمرها ما شافته و بتعيش معه .
ساره\ منار وين و صلتي ؟
منار\ السوق وش بيخلص لي اغراضه .؟
امل\ لا تذكريني و ابشرك الاسبوع الجاي كله يوسف طالع عمل يعني احلمي احمد او عبدالعزيز يجيبون لك لو الشموع
منار\ لا انا الشموع لسى ما اخذتها للملكه
ساره\ عادي يوديكم بكرة
امل\ هو اصلا بجده وبيجي بكره متاخر ما يمديه راح يحضر عرس سعود
منار\ دنيا صغيرة الان يوسف بيرجع للبيت مثل ما كنى نحلم و حنا الي بنترك له البيت مره وحده
امل\ يارب يشوف سعود تزوج و يطيح الي براسه و يتزوج
ساره بقلب مقبوض\ صح هو ليش ما يبى يتزوج ؟
منار\ كان يقول ابي اتزوج لتطمئنة عليك انتي و امل و الان قال يفكر يتزوج بس تعرفين امي و ابوي كل واحد حالف عليه يتزوج على اختياره و هو ما تكلم سكر السالفه اصلا
امل تلمح\ هو اصلا بباله وحده بس ما هو راضي يقولها
بلعت ساره ريقها\ متاكده يمكن بس هو ما يبي يتزوج الان ؟
امل بذكاء\ لا متاكده من يسمع اسمها بس يسطل و قبل فترة رتبت له غرفته و شفت كرت مكتوب بخطها
منار ببراه\ اوف امل تعرفين خطها لا تكون من العنود تكفين لا تقولين
ساره\ من العنود ؟
امل\ العنود بنت عمي ابوي يبيه يتزوجها و هو مدري وش رايه فيها بس الخط لا مو للعنود
منار\ طيب لمن قولي اثرتي فضولي من ذي الي تحب يوسف و يوسف يحبها ؟
امل\ لا ماابي اقول لانها اصلا كاتبه اسمها اخر الرساله اذا جت فرصه خليتك تقرينها او نواجه يوسف
ساره كانت متاكده ان امل تتكلم عنها \ بروح اجيب لكم الشاهي
امل\ و مويه الله يسعدك
ساره\ ابشري
بعد ماتاكدة انها طلعت و معاد تسمعها امل\ كفك شفتي وجهها كيف صار لونه ؟
منار\ والله اخاف يذبحنا يوسف على هالحركات وحنا ما استمتعنا بحياتنا
امل\ هههههه الا بيشكرنا بس المشكلة بالفقره باء من الخطه .......

,,,,,,,,,,,,,,,

جده
الساعة الـ 10:30 مساء

همهماتهم باذنها تذبحها نظرات ام عزام الي باين فيها الشماته و ان نهايتها الطلاق مثل زواجها الاول دارت بعيونها بالحظور امها و جدتها و اختها هي الوجوه الوحيده الحاضرة من اهلها و الوجوه الي بتفقدها من تطلع من هنا ابتسمت لسحر الي جت قدمت لها هديه
سحر\ مبروك هنوده ترى ما اوصيك على خالي طول عمره متغرب اخيرا جات الي تؤنسه
هند\ يبارك فيك ان شاء الله

طلع الكل يبارك و يهني و يقدم لهند هدايه كانت معهم جسد بلا روح عقلها و تفكيرها كله في الكلام الي سمعته و النظرات الي تشوفها من الحظور و ردت فعل سعود لوضعها بعد ساعات تبي تهرب من كل هذا و تروح غرفتها تحضن مخدتها و تبكي عليها تنسى هموم قلبها و تغسلها بدموعها

قطع عليها صوت ام فارس و رجعها للواقع\ يالله يا هند سعود ينتظرك بالسيارة و كملت كلامها لسحر هاتي عباية هند خالك مستعجل
سحر\ ان شاء الله يمه.......

************
الخبر
الساعة الـ 10:45 مساء

من طلوا من عندها بنات خالتها و هي هذي حالتها حابسة نفسها في الغرفه و تصيح (( معقول امل تقصدني انا هي تعرف خطي اكيد انا مافي وحده عرفها يوسف من القرايب الا انا اكيد قال لهم عني و طحت من عينهم و بيتزوج بنت عمه ..... كانت تلؤم في نفسها و مشاعرها الي ما قدرت تتحكم فيها صحيح لما كلمت يوسف مافكرت بعلاقة حب تنتهي بالزواج لكن صعب على القلب يشوف الشخص الي يحبه مع انسانه غيرها يضحك و يسولف مبسوط بحياته بس هالمرة خلاص قررت تنساه و تتمنى له السعاده مع البنت الي اختارها يوسف يستاهل حتى لما ابتعد عنها ما سبب لها أي اذى و لا خبر اهلها عن فعلتها .....

*************

جده
الساعة الـ 11:35 مساء

تحس بالاختناق من طلعت السيارة لين وصلت البيت و سعود كان يتكلم مع نواف و لا هم معترفين بوجودها جلست على طرف السرير و هي تشوفه يعلق بشته و شماغه و قرب يجلس جمبها ابتسم لها ( في داخله مرتبك و فرحان ما هو مصدق ان هند صارت ملكه لوحده بخاطرة كلام يبي يقوله كثير بس ماهو عارف من وين يبدا )
سعود\ مبروك هنوده
هند بهمس\ الله يبارك فيك
سعود حس براحه من سمع صوتها\ ما في مبروك لي انا بعد و الا ما استاهلها ؟
هند برتباك\ مبروك
حس بالارتباك بصوتها فما حب يضغط عليها و فكر يخليها تاخذ راحتها بالغرفه شوي لين تتاقلم على الجو\ الله يبارك فيك زين انا اخليك ترتاحين و تبدلين بالغرفه و هو يوقف انا برى بالصالة لو احتجتي شي

( هالحظة كل شي قدام هند تسكر بعيونها تذكرت اول لليله لها مع سلمان و شلون تركها لوحدها نفس السيناريو ينعاد تذكرت بعدها و غربتها و الالم الي حسته و الي ينتظرها تذكرت كلام ام عزام وان سعود مغصوب يتزوجها و نهايتها الطلاق للمرة الثانيه شافت قدام عيونها ملامح لاشخاص ماتعرفهم و اصواتهم باذنها سعود يتزوج مطلقه معقول؟ سعود شكل عنده مشكله في الانجاب و الا ما طلق بنت عمه و من تزوجة غيره حملت ؟ كلامهم يرجع صداه بعقلها يجبرها على التفكير في مصيرها للمره الثانيه بلا وعي نزلت دموعها مثل الشلال على وجهها محتاجه تبكي )

بهت من ردت فعلها و منظرها كان يظنها بترد بطيب او حاضر لكن تنفجر كذا بالبكاء رجع جلس جمبها ومسك يدها يضغط عليها كانت يدها صغيرة بالمقارنه مع يده ضمها بقوة بين اصابعه \ هنوده بسم الله عليك وش فيك ؟
ما كانت تقدر ترد بس صوت شهقاتها بداء يرتفع و يخلي سعود يقلق اكثر\ فيك شي طيب ردي تعبانه شي يعورك ؟
كل شي يعورني كل شي متعبني و اولهم انت و حياتي معاك كانت تبي تنطقها بس لسانها ما اسعفها هزت راسها بمعنى لا و غطت و جهها بيدينها و كملت شهيق و بكاء
محتار و ما هو عارف وش فيها او وش يسوي معها و هي بهالحالة سحبها لحضنه و ضمها بقوة لصدره و هو يمسح على راسها\ خلاص اووص اهدي هالحين لا تقولين شي تعوذي من ابليس بس
هذا الي كانت محتاجته هند حد يضمها وقت ضيقتها تمسكت فيه اكثر و دفنت راسها بحضنه و غفت على صدره......





بعد مرور ساعتين

الوضع ما كان مريح لا له و لا لها حست بعضلات رقبتها بدت تتشنج بس المشكله شلون ترفعها من على صدره متاكده ان وجهها صاير خريطة الوان من المكياج و الاحراج ماتدري كم مر من الوقت عليها و هي على وضعها و سعود مخليها على راحتها سحبت نفس عميق و نادته بهمس\ سعود
كان صاحي من اول و يتامل فيها احساسه انها مغصوبه عليه بداء يسيطر على عقله و بكاءها كان مجرد ردت فعل على وجوده معها\ هلا صحيتي ؟
هند و على نفس وضعيتها بحضنه\ غمض عيونك
استغرب طلبها\ ليش ؟
هند\ خلاص غمضها و لا تفتح لين اقولك
سعود\ طيب هااه غمضتها
هند تاكد\ احلف انك ما تشوف
سعود\ والله ما اشوف
رفعت جسمها عن صدره و بلمح البصر سمع سعود صوت باب الحمام يتسكر فتح عيونه و ضحك على هند و خريطة الالوان الي بثوبه رفع صوت ضحكته لها\ ههههههههههههه طيب و بعدين كيف بتطلعين من الحمام ترى ما معك ملابس .

,,,,,,,,,,,,,




الجزء الثالث و الثلاثون




جزء

الجمعة
الساعة الـ 05:16 فجرا

انتفض في مكانه مو معقول الي يشوفه قدامه فتح النور يحاول يكذب عيونه بس بدون فائدة التفت لها و سحبها من كتفها بقوة لين صار و جهها بوجهه\ انتي مو كنتي متزوجه وش مسويه بعمرك ؟
هذا الي كانت تخافه ردت فعله وش بتكون هند\ الا بس......واختنقت بالدموع
سعود حس بالدم يثور بعروقه كيف متزوجه قبل و هي الان قدامه عذراء رفع صوته بغضب و هو يضغط على كتفها\ بس ايش ؟
هند\ ما صار بينا شي والله
ارتخت عضلاته و حس بالقهر كيف تعيش مع واحد شهرين بدون مايلمسها سعود\ النذل و ليش كان متزوجك دامه مايبيك ؟
هند\ مدري عنه مدري شي ما كان يتكلم معي
سعود\ و ينام معك بنفس الغرفه ؟
هند\ لا انا انام لوحدي
سعود بقهر\ النذل قسم بالله ما هو رجال متزوجك و مخليك كذا
هند\ يمكن ما يبيني مدري عنه
سعود بغيظ\ ما يبيك يقول قبل يتزوج ما هو يتزوجك و يطلقك وانتي بكر لسى اهلك يدرون ؟
هند بقلق\ لا سعود الله يخليك لا تقولهم كفايه مشاكل ابوي لهم ما ابي ازيدهم
سعود\ و لا حتى امك ماتدري ؟
هند بحزن\ هي اكثر وحده ماابيها تدري
سعود\ و هو ما حاول معك بشي وانتي رفضتي ؟
هند\ لا
سعود\ ما حاولتي طيب انتي تغريه ؟
فوق الالم الي بكتفها حست بطعنه بقلبها اغريه ! يعني افرض نفسي عليه فوق انه مغصوب علي مستحيل الي مايبيني مره مابيه الف سحبت الروب و نطقتها بكبرياء\ ما هي هند الي تفرض نفسها على رجال .. و كملت طريقها للحمام بدون ما تنتظر رد سعود......

********

جده
الساعة الـ 08:00 صباحا

غطتها و طلعت من الغرفه من رجعت امس و هي تبكي و تبي هند ترجع و مارضت تنام الا مع جدتها في الغرفه
ام نواف\ نامت ؟
ام محمد\ ايه يمه خلاص انتي روحي نامي لك كم ساعة اكيد هند بتمرنا قبل تروح لا تخلينها تشوفك تعبانه
ام نواف\ و انتي كمان خالتي نامي لك شوي منال ما خلتك تنامين زين
ام محمد\ ايه انا برجع امدد عندها هالحين
ام نواف\ الله يخليك لنا يا خالتي والله من غيرك مدري وش اسوي
ام محمد\ و يخليك يا بنيتي انتي مرة الغالي و هذولا عياله ....

********
الخبر
الساعة الـ 09:00 صباحا

هذي فرصتهم الوحيده صاحين من بدري عشان هذي اللحظة ابوهم جالس بالصالة لوحده و امهم لسى نائمه
امل\ جاهزة لنفيذ الفقرة باء .؟
منار\ جاهزة
امل\ الحقيني
دخلوا على ابوهم الصالة سلموا و جلسوا معه
امل\ افطرت يبه و الا احط لك فطور ؟
ابو احمد\ افطرت مع امكم من بدري الا انتن وش مصحيكن بدري مهي عادتكن ؟
امل\ افى يبه يعني مره مانقوم بدري حنا
منار\ بعدين حنا اصلا نبي نجلس معك من زمان ما تكلمنا لوحدنا معك
ابو احمد\ ايه والله من زمان ما بغيتن مني شي
منار\ هههههههه يعني انت فاهم بناتك يبه ؟
امل\ زين يبه انت اختصرت لنا الطريق حنا نبي منك شي هالمرة بس اسمعنا للخير و افهمنا
ابو احمد\ ايه قولن
امل\ يبه انت تعرف اني و منار خلاص كلها ثلاث شهور و بنترك هالبيت
ابو احمد\ ايه والله نصيبكن جاء مره وحده يا بناتي الله يسعدكن و يسر امركم بيفضى علينا البيت
منار\ و هذا الي ما هو مخلينا نرتاح يبه انت و امي بتجلسون لوحدكم من بيهتم فيكم و يسال عنكم
ابو احمد\ لنا رب يا بناتي انا و امكم قادرين نشيل انفسنا المهم انتن تسعدن بحياتكن
امل\ يبه انا بروح الرياض و طلال ما بينزلني لكم على طول يمكن شهور تمر ما اشوفكم و منار صح قريبه منكم بس بتنشغل بحياتها و مستحيل تجيكم كل يوم
ابو احمد\ الله كريم يبه لا تفكرن انتن بشي هالحين الا حياتكن
منار\ يبه بس حنا نبي نتطمئن عليكم قبل نتزوج
ابو احمد\ و كيف ؟
منار\ نزوج يوسف و يعيش معكم
امل\ و كذا نتطمئن ان زوجته ما بتقصر فيكم
ابو احمد\ و اخوكن يوافق يتزوج هو الي ما هو راضي و الا بنت عمه جاهزة الليله اروح اكلم عمكن
امل\ يعني انت ما كلمت عمي انك تبى بنته ليوسف و لا لمحة له ؟
ابو احمد\ لا ما كلمته اخوكن ما يحشم بكره بعد ما احدد كل شي يقول ما عاد ابيها وين اودي وجهي من اخوي
منار\ بصراحه يبه العنود اعرفها مستحيل توافق تعيش معكم بالبيت بتقعد تقول تبي بيت لوحدها
امل\ العنود بنت عمي و حنا نحبها مثل اختنا لكنها ما تصلح ليوسف و لا لكم شف اختها من تزوجة عبدالعزيز سرنا ما عاد نشوفه الا بالمناسبات
ابو احمد\ ومن بتزوجنه انتن ؟
لحظة الصفر امل\ ساره بنت خالتي
ابو احمد\ ايه و امكن الي مرسلتكن علي ؟
منار\ لا يبه والله لا امي و لا يوسف يعرفون بشي
امل\ يبه ساره هي الوحيده الي نامنها عليكم و نقدر نعيش حياتنا و حنا مطمنين تذكر يوم كنا صغار كنت تقول ان عندك ثلاث بنات انا و منار و ساره هي لين هالحين بنتك
منار\ يبه لا تردنا هذا اخر طلب لنا في هالبيت خلنا نروح بيوتنا راضين مطمنيئن
ابو احمد\ مدام انكن تبنها ما اردكن بس ما اني رايح لابوها الا بعد ما يجيني اخوكن بنفسه يقولي انه يبيها
امل و منار قاموا و سلموا على راس ابوهم\ تبشر يبه .....

******
جده
الساعة الـ 10:00 صباحا

فتحت عيونها بكسل تاملت السقف قدامها لثواني و شريط الامس يرجع قدام عيونها من طلعت من الحمام امس ما تكلمت مع سعود الي حصلته نائم غطته و استسلمت هي بعد لنوم التفتت بهدوء تبي تتامله تطبع ملامحه في عقلها لكنه ما كان موجود في فراشه .. وين راح هذا الصبح ؟
قامت من مكانها بدلت و طلعت من الغرفه ما كانت تشوف أي احد حتى الانوار مطفيه و كان الدور كله مهجور الا هالغرفه .
( بخاطرها يا مخك يا هند اكيد الدور هذا بس لي انا و سعود و خالتي تحت خل انزل عندها اشوفها يمكن سعود جالس معها )
رجعت الغرفه و اخذت لها شيله احتياط حطتها على كتوفها و نزلت مع الدرج
شافت يأتي طالعه بوجها هند\ ماما صاحي ؟
يأتي\ يس في صاله
هند\ مستر سعود معها ؟
يأتي\ لا ما يشوف مستر سعود ينزل
هند\ طيب انا يروح عند ماما يشوف
يأتي\ سوي فطور ؟
هند\ لا شكرا
كملت هند طريقها لصاله و بالها تفكر وين طلع سعود من بدري كذا\ السلام عليكم يمه
ام سعود الي فرحة بشوفة هند و بكلمة يمه منها\ و عليكم السلام هلا يمه
هند\ كيف اصبحتي اليوم عسى ما تعبتي امس ؟
ام سعود\ لا الحمدلله الا نمت وانا مرتاحه لراحتكم يمه
هند\ الله يخليك لنا يمه
ام سعود\ عسى انتي ارتحتي يمه ببيتك الجديد و نمتي زين ؟
هند\ ايه يمه نمت زين
ام سعود\ و وينه رجلك ما نزل معك لسى نائم ؟
انا جايه اسالك عنه هند\ والله يمه صحيت و ما حصلته توقعته نزل عندك و نزلت
ام سعود\ لا والله يمه ما شفته انا صاحيه من بدري و جالسه هنا اتصلتي عليه طيب ؟
هند\ ما اعرفه رقمه ؟
ام سعود و هي تاخذ جوالها\ زين يمه انا ادق عليه تلقينه طلع له مشوار و الا شي
هند\ يمكن
دقت ام سعود على جواله لكنه طلع مقفل \ مسكره
هند ما تبي تقلقها\ ايه امس ما كان جواله في بطاريه اكيد تقفل
ام سعود رفعت صوتها تنادي على يأتي\ يأتي
يأتي\ نعم ماما
ام سعود\ شوفي سيارة حق فارس فيه ؟
يأتي\ انا اول يطلع ما في سياره يفكر مستر فارس ياخذ
هند\ هو فارس ينام هنا ؟
ام سعود\ لا يمه امس ما نام هنا بس هو خلى سيارته لخاله عشان سعود خلى سيارته بالشرقيه
هند\ زين انا سمعته امس يقول لنواف ان اصحابه من الشرقيه هنا حضروا امس اكيد راح عندهم
ام سعود بابتسامه\ ايه كانه راح عند يوسف انسيه ترى محد بيشارك في سعود كثره ........

,,,,,,,,,,,,,
جده
الساعة الـ 10:30 صباحا

اليوم يسكنه نشاط من الصبح دخل المطبخ و جهز الفطور له و لشباب الي صحاهم من بدري بدون اعتراض و كانهم بيستمتعون باخر ساعات لهم في جده.
علي\ يالله يوسف خلصت الشاهي ؟
يوسف\ ايه خلاص جهز
علي وهو يطلع\ جيبه و تعال الصالة عند سيف
يوسف\ يالله جاي
طلع الصالة عند سيف و جلس جمبه\ بسم الله
سيف\ امم ريحة الشاهي تعدل المزاج
يوسف\ من صنع يدي عاد
علي\ الله يعين سعود بيفقد هالمزاج كان متعود عليه
سيف\ ههههه بيحصل شي احسن اكيد
يوسف\ ايه تكلم الخبير
علي\ والله اني مبسوط و انا اشوف سعود امس حسيته مستانس الله يكمل له على خير و يسعده
يوسف\ أي والله وجهه امس احسن من زواجه الاول بكثير
علي\ الدور عليك الحين
يوسف\ و ليه ماانت قبلي ؟
علي\ خلني اشوفك معرس اول و بعدك انا
سيف\ الظاهر تبي تجمع خبرتنا الاربعه يا علي و بعدين تتزوج
علي\ هههههههه تقدر تقول.......

**********
جده
الساعة الـ 11:15 صباحا

خلاص القلق بداء يسيطر عليها و خوفها على خالتها من ارتفاع الضغط و تتعب و هي محد عندها تتصرف هند بخاطرها ( وش هالامبالاه عند هالانسان في حد يطلع صباحية زواجه بهالطريقة و يقفل جواله طيب اقلها كتب لي ورقة انه بيطلع يا ربي وش اسوي هالحين انا ) قطع عليها صوته يدخل \ السلام عليكم
ام سعود\ و عليكم السلام هلا يمه انت وين رحت من الصبح ..؟
قرب سعود و باس امه على راسها\ مشوار ضروري يمه
ام سعود\ اقلقتنا يمه حتى جوالك مقفل
سعود\ ايه خلصت البطاريه ليش تقلقون انا مني صغير اضيع طريقي ؟
ام سعود\ قول هذا لهند حتى فطور ما اكلت شي من صحت
هند والله منتي سهله يا خاله تسوين حركات بعد\ لا هو بس ما كنت مشتهيه
سعود\ و لا انا ما افطرت لسى
ام سعود\ اجل اخلي يأتي تحضره لكم
هند\ خليك يمه انا احضره
انصت للكلمه ( يمه ) انبسط عليها بس مابين\ انتي لسى عروس ما راح تدخلين المطبخ الحين خلاص يمه خلي يأتي تحضر لنا الفطور و تطلعه فوق و انتي الحقيني ابيك

فوق بالدور الثاني

دخل الغرفه و دخلت وراه نزل شماغه و رماه على السرير باهمال جلس على طرف السرير و هو ياشر لها\ تعالي اجلسي هنا
انصاعة لكلامه و جلسة على يساره سعود\ صدق قلقتي علي ؟
هند الله يسامحك يا خالتي وش اقوله الحين\ يعني ما قلت لنا وين رايح و فوقه جوالك مقفل
سعود\ و ليه ما اتصلتي علي ما شفت الا رقم امي ؟
هند\ ما اعرف رقمك
سعود\ كان اخذتيه من جوال امي طيب
هند ما عرفت وش تقوله بس الصراحة دائم تكون افضل حل\ انا ما عندي جوال الحين لاني اعطيته فهد هو الحين المسئول عن البيت و يحتاجه
سعود\ اهاا خلاص انا اشتري لك لارحنا الخبر
هند\ طيب
سعود\ ما تبين تعرفين انا وين كنت ؟
هند بارتباك\ الا بس
سعود ما اعطاها فرصه\ كنت في ينبع
بلعت ريقها\ ينبع ليش ؟
سعود\ ليش ما قلتي لي ان سلمان مدمن ؟
هند بصدمه\ هو كان مريض نفسي مو مدمن ؟
سعود\ لا كان مدمن و دخل المصحة يتعالج عن الادمان و يوم طلع زوجوك به و هو لسى ياخذ ادويه نفسيه
هند\ معقول ؟
سعود\ معقول ونص المبلغ الي اخذه ابوك منهم يخليه يزوجك له و هو لسى مدمن حتى ماهو بس يتعالج
هند\ ابوي ما هو في وعيه هذي زوجته
سعود\ تدرين كم اخذه ؟
هند\ لا
سعود\ 250 ألف ريال كانهم بايعين قطعة ارض والله
صعب انك تحس نفسك ما تسوى شي عند اقرب الناس لك نزلت راسها بحزن و هي تطالع الارض الي قاعد سعود و قبله ابوها يساوونها بها
حس انه جرحها بكلامه بس هو مقهور من فعلتهم و مواصل ماقدر ينام مشى 350 كيلو بس عشان يرتاح لكنه تعذب اكثر كيف بنت مثل هند تتعذب كذا و تدفع حياتها ثمن لجشع نورة لو كانت هند بنتها كانت سمحت لنفسها تسوي فيها كذا ؟ التفت لها بجسمه كله وحضن وجهها بيدينه \ هنوده الله يشهد اني مارحت ينبع لجل اني مااني واثق في الكلام الي قلتيه و لا اني ندمان اني اتزوجتك انا رحت بس عشان اريح نفسي و اريحك ابي اعرف منهو هالانسان الي ما عرف قدر هند و لا استحقها استحملت الطريق وانا مواصل مانمت بس عشان هالعيون
هند\ انت شفته ؟
سعود\ لا مسافر بس سالت عنه لو شفته كان ذبحته و جيت
هند\ يعني هو طلقني و انت بتخليني اترمل ؟
استانس عليها سعود و هو يشوف خوفها عليه بعيونها سحبها لحضنه بحب و همس لها\ لا تتوقعين اني مني مبسوط و انا اول رجال بحياتك انا حيل مستانس و اتخيلك اول مره تتزوجين
هند\ يعني انت الان مرتاح لانك عرفت كل شي بنفسك ؟
سعود\ ايه يا قلبي و اوعدك الي عرفته يبقى سر محد يعرف عنه شي اخذه معي لقبري
سحبت نفسها من حضنه و حطت اصبعها على فمه هند\ بسم الله عليك من الموت قوم نفطر لاني دخت صراحه ولازم اروح اسلم على امي قبل نروح الشرقيه
سعود\ ايه والله حتى انا ما شفتها و لا سلمت عليها للحين
هند\ ما تبي تنام طيب ؟
سعود\ لا لوصلنا الخبر انام بدري عشان الدوام...

***********

[جرح الذات]

الخبر
الساعة الـ 05:30 مساء

دخلت الشقه و العبره خانقتها اشتاقة لاهلها و هي توهم من ثلاث ساعات كانت معهم كيف بتقدر تتحمل اسبوع كامل بدون حنان امها و طيبة جدتها و الاكثر منال كيف بتبعد عنها حتى فهد له مكانه بقلبه لفت على نواف\ نواف عطني جوالك شوي بكلم امي اطمئنها انا وصلنا
كان اقرب لها من نواف و اسرع منه طلع جواله و مده عليها\ خذي و تعودي تطلبي مني مو من غيري
هند يعني غيرك غريب مهو اخوي اشفيه هذا صارت اخلاقه عدم من طلعنا الطيارة\ شكرا
ابتعدت عنهم شوي و ضغطة رقم امها و كلمتها من سمعت صوتها دمعت عيونها غصب خايفه ما تقدر تسمع صوتها كل ما اشتاقة لها او حتى تشوفها و صتها على نفسها و جدتها و منال و فهد طمنتها انها بخير و نواف معها و انها راح تتصل عليهم على طول بس لما تطلع جوال سكرت منها و التفت تشوف نواف لكنها ما شافت حد بالصالة نادته بس محد رد عليها \ سعود
جاهاء صوته من داخل الغرفه تعبان و من غير نفس\ نعم
اتبعت صوته و وقفت عند باب الغرفه شافته مدد على السرير و مغطئ نص جسمه\ وين راح نواف ؟
سعود\ السكن
هند\ ليش ما انتظرني طيب ؟
سعود\ تبينه دقي عليه
هند\ انت تبي تنام ؟
سعود\ وش شايفه انتي بالله ؟
وش هالاسلوب الي طلع لي به من وصلنا الشرقيه يتكلم معي بدون نفس كذا ما هو عشان سؤال يعاملني كذا دخلت و حطت له الجوال جمبه\ زين براحتك انا بجلس بالصاله
من نبرة صوتها واضح فيها الزعل بس هو مواصل و تعبان لازم تفهمه مسك يدها و وقفها\ لا تتضايقين مني بس انا مانمت تعبان و اصير عصبي شوي اذا ما اخذة كفاية نوم
هند\ طيب مني زعلانه
سعود\ خلي الجوال معك دقي على امي و خبريها انا وصلنا و اني نمت و التلفون عندك اطلبي لك عشاء لا تجلسين بدون اكل طيب
هند\طيب بس انت ما بتصحى اخليلك اكل ؟
سعود\ لا والله ما اظن اصحى الا بكره الصبح مره هلكان .

*******

الخبر
الساعة الـ 10:20 مساء

دخل غرفته و اخواته وراه متاكد ان عندهم كلام من اول ما وصل و هم ياشرون لبعض و يتغامزون بينهم
يوسف و هو يحط شنطته\ الله يا زين السرير
امل\ يعني طرده ؟
يوسف\ ههههه لا والله بس صاحي من بدري و بفقده كم يوم ابي ارتاح حق خمس ايام
منار\ ياليت عملك الاسبوع الجاي مو هذا
يوسف\ أي والله ياليت او حتى ملكتك الاسبوع الجاي بس وش اسوي بناصر ذبحني مستعجل
امل\ هههههه
منار\ بايخين
يوسف\ هههههههه زين منورتي محتاجه شي ناقصك شي ؟
منار\ لا والله جهزت كل شي خلاص مشكور
امل\ حتى لو نقص شي نروح مع سواق خالتي ام عبد الرحمن ما تقصر
يوسف بباله يازين هالطاري\ بس عاد لا تثقلون عليهم يمكن عندهم مشاوير ثانيه
امل\ لا عاد السوق ابشرك معتفكين فيه هالحين خالتي و بنتها
منار\ تستاهل ساره والله اني فرحة لها
يوسف انقبض قلبه\ وش تستاهله ؟
امل\ انخطبت لواحد من قرايب ابوها
يوسف انتفض\ هااه من قال .. تلعثم و كمل اقصد متى صار هالكلام ؟
امل\ من كم يوم بس
منار\ يعني هالصيفية ما في راحه يا امل انتي و بعدين انا و ساره كمان يالله
يوسف معاد صار معهم ساره بتتزوج و انا و حبي و الاحلام الي بنيتها
امل بمكر\ يوسف وين رحت لا يكون بتتزوج انت كمان و تكملها علينا
منار\ ترى العنود جاهزة
يوسف\ ان سمعت اسم العنود مره ثانيه قسم بالله لا اترك لكم كل شي و اروح عند محمد ادرس و لا احضر لكم عرس وحده
منار\ زين وش فيك معصب علينا ما تبيها قول لابوي ما هو لنا
يوسف تكلم بدون وعي\ ما ابيها و لا ابي الزواج من اصله اصلا ما في بنت بالدنيا تستاهل انك تصدق معها و تتمناها بالحلال اذا ما عاملتهم زي ما يعاملوك ما يعرفون قدرك لازم تحب و توهم و بعدين تروح تتزوج وحده غيرهم
هنا امل و منار ما قدروا يمسكون انفسهم ما توقعوا تكون ردت فعله بهالطريقة\ ههههههههههههههههههه
بهت يوسف منهم و من كلامه الي قال ما عرف وش يقول ففضل يسكت
امل\ ههه طيب تباها تحبها كل هالحب تكلم
منار\ ههه و الا لازم نجر منك انت و هي الكلام جر
يوسف متفاجئ\ هي ؟
منار\ ههه لا و الا وجهها لما قلنا يوسف خطب ماتت خلاص
يوسف\ انتن وش مسويات ؟
امل بثقه\ ابد بس ضمنا موافقتك و موافقة سوير الدبى
منار\ و الاهم موافقة ابوي
يوسف\ موافقتنا على ايش ما اني فاهم شي ؟
امل\ اقول خلاص فهمنا انك تحب ساره و هي تحبك خلاص اتزوجوا و فكونا
يوسف\ هي قالت لكم شي ؟
منار\ لا
يوسف\ وانتم كيف عرفتوا ؟
امل\ انا عرفت من كرت الورد الجوري يالعاشق
يوسف\ كيف عرفتي ؟
امل\ تذكر اليوم الي وصلتنا المستشفى نزورها بعد ما دقيت علي وقلت انك بالسياره طلعنا بس امي نست شنطتها و رجعت اجيبها و شفت ممرضه تدخل الورد اخذتها منها و دخلتها و طاحت عيني على الكرت
يوسف\ قريتيه ؟
امل\ شدني خطك اعرفه
منار\ ومن يومها حطتكم ببالها
يوسف\ يعني ساره الان ماتدري عن خطتكم بزواجي من العنود ؟
منار\ لا طبعا
يوسف\ اهااا و اكيد تصيح الحين و تفكر اني معاد ابيها ؟
امل\ هههههههه لو شافت ردت فعلك الحين بتعرف انها مجنونه
يوسف بحركه سريعه سكر باب الغرفه بالمفتاح و حطه بجيبه\ زين اشوف وحده تطلع الليله سليمه
منار بصريخ\ لا يوسف وراي ملكه والله توبه كله من امل
يوسف\ هههههههههههههه مافي خلاص
و اختلط صوت ضحكهم و صريخهم .

***********
السبت

الخبر
الساعة الـ 06:35 صباحا

طول الليل ما قدرت تنام تغير المكان و الجو عليها و الاهم بعدت عن احبابها طالعت الساعة و تذكرت دوام سعود الي من امس ما صحى نادته بهدوء\ سعود
سعود\..... لا رد
رفعت صوتها و هزته بكتفه على خفيف\ سعود
فتح عيونه بكسل و طالع فيها\ هممم
هند\ اصحى لدوامك ما بتروح ؟
سعود\ من قالك ان عندي دوام ؟
هند\ انت امس
سعود\ و تفكريني بتزوج و ما اخذ اجازه عندي ثلاث ايام راحه ادري قليل و تستاهلين اكثر بس صراحه رصيد اجازاتي صفر
هند\ وليش ما خليتنا نبقى بجده طيب ؟
سحبها لصدره و لصق وجهه بوجهها\ عشان اخذ راحتي معك لوحدنا
هند ما قدرت ترد عليه يعرف كيف يحرجها فاستغل وضعها و كمل و غطاهاء معه تحت الفراش\ هنوده جيعان بس فيني نوم رجعي نيميني يالله زي ما صحيتيني......

*********

جده
الساعة الـ 10:00 صباحا

البيت صاير موحش عليهم الثنتين مجتمعات بالصالة بس كل وحده تفكيرها بجهه ثانيه
ام نواف\ اليوم هند ما اتصلت و لا طمنتنا عليها
ام محمد\ يا يمه تلقينها لسى نائمه خليها على راحتها
ام نواف\ والله ما تخيلت يوم انها بتبعد عني
ام محمد\ أي والله يمه بس النصيب الله يسعدها
ام نواف\ امين يارب
ام محمد\ اخوها عندها لا تخافين عليها
ام نواف\ والله يا خالتي حتى رجالها والله اني ارتحت له من شفته
ام محمد\ الله يصلح بينهم و يرزقها الذرية الصالحه
ام نواف\ امين يارب و يبلغني في اخوانها و انتي تشوفين ...

**********

الخبر
الساعة الـ 10:30 صباحا

من زمان ما اكل بهالطريقه بنفس مفتوحه احساسه براحه منعكس على وجهه من هالانسانه الي قدامه يحس فيها براءة الطفوله حتى بطريقة اكلها \ شبعتي ؟
هند\ الحمد لله
سعود\ وين تبين نروح الحين ؟
هند\ براحتك
سعود\ ما في ببالك مكان سامعه عنه بالخبر و بتشوفيه ؟
هند\ كان نفسي اشوف الراشد و الان شفته بس
سعود\ الراشد كبير يوم واحد ما يكفي تكتشفينه
هند\ ايه واضح كبير
سعود\ زين قومي اشتري لك جوال و نلف على كم محل اذا اعجبك شي قولي لي
هند\ ان شاء الله تتوقع نواف الان عنده محاضرات ؟
سعود بضحكه\ انا قلت بنرتاح لوحدنا في الشرقيه بعيد عن الاهل نسيت نواف
هند بهتت فيه وش قاعد يقول\ هااه
سعود\ ههههههه اكيد عنده محاضرات لطلعنا السياره دقي عليه و لا يهمك كم هنوده عندي......

*******


الجزء الخامس و الثلاثون



السبت

جده
الساعة الـ 09:30 مساء

في مكان يلفه السواد و غيوم الحقد تخيم على ساكنيه رجعت تنسج خيوطها حوله الطمع و الجشع و حب الدنيا طغى على قلبها و صارت ما ترضى بالمكتوب و طالع حقوق غيرها
نوره\ يعني معاد لي قيمه عندك يا محمد ؟
ابو نواف\ انتي تعرفين قدرك بقلبي لكن انا معاد املك شي كل الي عندي بعته لك ما بقى الا هالبيت
نوره\ واذا بعته وين نعيش بالله ؟
ابو نواف\ هذا انتي قلتيها
نوره\ خلاص بيع بيتك الثاني
ابو نواف بغرابه\ أي بيت ؟
نوره\ البيت الي مسكن فيه امك و الي معها
ابو نواف\ يا بنت الناس وهم وين يسكنون ؟
نوره\ البيت كبير و بمكان راقي يجيب لك مبلغ حلو استاجر لهم شقه على قدهم الاربعه و حنا نستفيد من الباقي
ابو نواف\ يصير خير
نوره\ مافيه يصير خير ابي فعل ملكية البيت لك روح بيعه و حطهم قدام الامر الواقع
ابو نواف\ بس اوراق البيت مهي عندي
نوره بدهشه\ و وين ؟
ابو نواف\ اخذتها هند
نوره\ ياذي هند الي حتى بعد زواجها ما سلمت منها و ليش تعطيها الاوراق من قالك تسوي كذا ؟
ابو نواف\ وش تبغيني اسوي لك الا تزوجينها من هذاك المدمن البنت ماوافقت الا يوم ضمنت البيت لهم لو ما اعطيتهيه ما تزوجته و لا اخذتي ذاك المبلغ الي مدري وين راح ؟
نوره\ زين خلاص خلها علي وانا احلها اصلا انا وش وراي الا اعدلك عمرك ما تعدل من نفسك......

***********

الخبر
الساعة الـ 03:15 صباحا من فجر الاحد

الظاهر سعود مثلها يسكنه عشق البحر لكنها تعبت من الوقفه تبي ترجع الشقه ترتاح لكن سعود واصل بخياله بعيد و كانه ما هو معها
هند\ سعود ما تعبت نرجع الشقه ؟
سعود\ عمرك شفتي شروق الشمس على البحر ؟
هند\ لا بجده اصلا تطلع الشمس من جهة المباني مو البحر مثل الشرقيه
سعود\ فيك حيل تشوفينه اليوم ؟
هند بخاطرها تبي تشوفه بس تحس بالتعب لكن خجلانه تقوله\ اوكيه نشوفه
مسك يدها و مشاها معه لين الصخر وجلسوا هناك\ بتشوفين احلا لحظه بعمرك
هند\ متعود تجي هنا ؟
سعود بذكرى\ من بعد ما طلقت تعودت اشوف الشروق هنا
اكيد يحبها مثل ما قالت اخته و يشوف خيالها بالفجر هند\ ما انت قادر تنساها ؟
التفت لها مستغرب سعود\ من هي ؟
هند\ زوجتك الاولى
سعود\ هالحين هي راحت في نصيبها و انا اتزوجة ترضين افكر بوحده غيرك لا و ملك رجال ثاني ؟
هند\ لا
سعود\ هند انا بزواجي الاول ما عرفت طعم الراحة مدري السبب مني او منها او احنا ما قدرنا نفهم بعض بس حياتي كانت جحيم
هند\ اكيد في سبب يمكن تاخرها في الحمل اثر على نفسيتها
سعود و هو يطالع الامواج تضرب بالصخر\ حياتنا من الاول متذبذبه ما استقرت عشان نقرر نجيب عيال و نربيهم
هند تفاجات بدت تسمع منه كلام مناقض للكلام الي تسمعه من الي حوله\ انت ما كنت تبي عيال ؟
سعود\ كنت متاكد انا بنفترق من اسلؤبها معي و مع اهلي ما بغيت اظلم طفل برئ اخليه يتشتت بيني و بينها
هند\ اسلؤبها مع اهلك هي بنت عمك يعني تعرف امك و اخواتك من قبل
سعود\ بس بعد الزواج اختلفت معهم صارت تسمع كلام و امك قالت و اختك جابت و اختي تقول و المشكلة اهلنا واحد تزعل هي يزعل في صفها عم او عمه و يا سعود روح راضي
هند\ عشان كذا قلت تبي تتزوج وحده ما هي من الاهل ؟
سعود\ ايه المشاكل موجوده بين كل اثنين في الدنيا لكن لما بس طرفين تحتويها تنحل بينهم بسلام لكن لما تتدخل اطراف تكبر المشكلة و تتضخم و ماتنحل الا بخسائر مها كانت ما ترضى بالي تشوفه مني تتبع وراي تحاسبني على الكلمة و تفسرها الف تفسير على كيفها ما عمرها وثقة بي احيان احسن في شخص يلعب بعقلها ضدي و يشوشها بيني و بين قناعاته
تفكيرها جرها لام عزام نفس الاسلؤب وشوشة عقلي ضده بكلام قبل ما اعرفه سعود عمره ما حب مها ما ارتاح معها من البداية لانها سمعت فيه و خربت عليها للحظة هند حست بالشفقه عليها ضيعت بيتها بغباءها و القهر من ام عزام على افعالها\ تتوقع من هالشخص ؟
سعود\ مدري بس نفسي اعرفه احتمال اكون ظلمة مها و هالشخص لسى باقي يخرب علي
هند حست بكبر قلبه حتى بعد ما طلقها و استقرت بحياتها خايف انه ظلمها رفعت يدها على صدرها يا قلبي سيطر على دقاتك قدام هالانسان لا شعوريا حطت راسها على كتفه و كسرت بينهم كل الحواجز\ تاكد ماراح اسمح لهشخص يخرب بينا مهما كانت قوته.....

***********

حدود الكويت المكان احدى أبار النفط
الساعة الـ 07:00 صباحا

اليوم ثاني يوم له بهالمكان موحش بدون صوت اصحابه و ضحكتهم طلع من غرفته يبي يشغل وقته بالعمل ما يبغى يفكر بشي محتاج لراحه محتاج يعيد حسابات حياته يبي الاستقرار الزواج البيت الاطفال احلام بدت تسيطر عليه ملامح ساره الطفلة الي كانت تلعب ببراءه بحضنه صارت اليوم آنثى تسيطر على عقله بكل لحظه تملك قلبه و تشاركه في نفسه .. الجو ربيعي و يشرح الصدر برى حركة العمال في هالمكان مثل الخلية و هو رئيسها
يوسف\ صباح الخير
الكل رد عليه و بدوا معه يوم عمل جديد و طاقة تبنى لعز هالوطن.....

*******

الخبر
الساعة الـ 01:20 ظهرا

تنفست بعمق و نشوة فرح و هي تشوف سفرة الغداء الي جهزتها بنفسها اليوم اول يوم تدخل المطبخ بعد مضاربات مع سعود و انها لسى عروس و ماراح تدخل الا بعد اسبوع لكنها قدرت تغلبه و تقنعه يذوق طبخها اليوم و تحججت بنواف و عزيمته للغداء

دخل على الروائح الزكيه الي غزة انفه سعود\ اممم باين انك طباخه من ريحة اكلك انتشرت بالشقه
هند\ لا بس انت جيعان و تتوهم ان الريحه انتشرت بالشقه
سعود\ وش اسوي في ناس فطروني الساعة 8 و من 11 قفلوا عني المطبخ
هند\ هههههه عشان تتعلم ما تتدخل في خصوصياتهم
سعود و هو يقرب للاكل\ هههههههه كان كل مره بيحضرون لي سفرة كذا طيب يبشرون نخليهم براحتهم
ضربته على يده هند\ لا تلمس روح ناد نواف و ناكل سوى
سعود و هو يتحسس يده\ ااح عورتيني
هند\ هههههه بالله يا حساس
سعود كان يشوف السعاده اليوم واضحه بعيونها صدق طفله بس عشان خليتها تطبخ\ زين بروح اناديه لك بس انا ماراح اكل
هند\ ليش ؟
سعود بضحكة\ لان عندي حساسيه من السمك
هند بخيبه و ضحت على وجهها\ والله وليش ما قلت من اول ؟
سعود ببراه\ انتي ما سالتيني وش اكل
هند\ صحيح اسفه حقك علي
سعود\ بس فيه حل ؟
هند اكيد بيرجعني اطبخ له مره ثانيه\ شو هو ؟
سعود قرب منها\ اذا احد اكلني بيده ما تجيني الحساسيه
حست كانه حد يعطيها كف هي صدقته و هو يتغلى و يبي يحرجها بس يالله يا سعود ما هو على هند\ اوكيه انا اقطع لك السمك و الله يخلي لك يد الملعقه .......

************
جده
الساعة الـ 08:00 مساء

مسئولية البيت صارت كلها عليه يحس كانه كبر عشر سنوات فوق عمره الظاهر هند كانت اخذه عنا حمل ما نحسه و لا حسيناه الا بعدها دخل على جدته الغرفه و هو مصمم على الي في باله
فهد\ السلام عليكم صاحيه جدتي ؟
ام محمد\ و عليكم السلام هلا يمه تعال هني
فهد\ هاا جدتي طمنيني كيف صحتك ؟
ام محمد\ الحمد لله يمه بخير
فهد\ الله يطول لنا بعمرك
ام محمد\ وشفيه ولدي بعيونه كلام ؟
فهد\ الا والله طلب يا جدتي
ام محمد\ ابشر بالي تبيه يمه
فهد\ جدتي ابيك تكلمين واحد من اعمامي عيالهم أي احد المهم بس يكون رجال تثقين فيه
ام محمد\ وليش يمه وش تبي منهم ؟
فهد\ بنعلاج ابوي حرام نخليه كذا و حنا نعرف علاجه
ام محمد\ يا يمه فك السحر ما هو شي سهل لازم يطول و ما ينقطع و ابوك حنا ما نشوفه الا بالسنه حسنه كل وقته عند نوره و هي ساحرته كيف نعالجه عندها ؟
فهد\ حتى لو نجيبه عندنا البيت
ام محمد\ لو بيدي يمه انا جبته هني عندي بالغرفه و قريت عليه القران لين تشافى بس الشكوى لله ما هو في وعيه منها .......

***********





الجزء السادس و الثلاثون

الثلاثاء

الخبر الساعة الــ04:30 مساء

دخل الشقة راجع من الدوام صار يحن للبيت صوتها ريحة عطرها كلها تفاصيل اخذها معه اليوم كاول يوم دوام بعد زواجه دخل بهدوء يبي يملي عيونه فيها من غير ما تحس بوجوده يبي يفاجاءها برجوعه و يشوف ردت فعلها دخل خطوتين و صم اذنه صوت الجوال في الشقه الهادئه رفعه لاذنه بخيبه
\ عارف ان وقتك غلط
يوسف\ هههههههه عارف اني متعمد
سعود\ اخلص بس وش تبي ؟
يوسف\ اشتقت لك
سعود\ هههههههههه سخيف
يوسف\ لاوالله بجد تو ترجع البيت من الصبح ابيك بس القهر ما جاء الارسال بالجوال الا الان
سعود\ تمون حبيب قلبي امرني
يوسف\ تسلم لي بغيتك تنزل السوق و تشتري لي هديه على ذوق عريس
سعود\ لمن لا يكون.......
يوسف\ اعوذ بالله يا اخي صف نيتك ابيها لاختي بجي بكره متاخر و بنام لين الخميس
سعود\ هههههههه ايه زين ابشر بس وين احطها لك بكره راجع جده بعد الدوام ؟
يوسف\ يا شيخ ملكة الاولى مشيناها و الان الثانية و الاخيرة بعد ما تمشي
سعود و هو يطالع بهند و يبتسم لها\ وش اسوي هالمره حكم القلب
يوسف\ من اولها
سعود و هو يلف يده على كتف هند\ ليه الغيرة ؟
يوسف\ هههههههه زين عطها علي يحطها بسيارتي مفتاحي معه الله يعيني الظاهر معاد بعرفك الا بالدوام
سعود\ تبشر لك احلا هديتين وحده لك و وحده مني و الاهل
يوسف\ تسلم اجل يالله ما اطول عليك احسك ثانيه و بترقع الخط بوجهي
سعود\ ههههههه تمام انك فهمت يالله سلام
هند\ هذا صديقك يوسف ؟
سعود\ ايه
هند\ ايه قالت امي محد ما بيشاركني فيك غيره
سعود\ هههههههههه علمتك امي من بدري عاد يوسف هذا اخوي و يمون علي يبيني اشتري له هديه ملكة اخته الخميس و هو بالعمل بيجي بكره متاخر بالليل يعني جهزي نفسك المغرب نروح السوق ابي اشوف عاد ذوق هنودتي
هند\ ابشر من عيوني........


**********

الاربعاء

جده
الساعة الـ 07:00 مساء

دموع الفرح احيان تفضح اكثر من دموع الحزن من اول ما شفته داخل عليها و يده بيد زوجته و هي ما هي قادره تحبس دموعها
سعود\ افى يا الغاليه ليش كل هالدموع الحين .؟
ام سعود\ من فرحتي فيكم يا يمه الحمدلله الي عشت لين اشوف هاليوم
هند\ اثاريك كنت متعب امي و ما تبي تتزوج بعد ؟
يتفنن في احراجها الون الوردي بخدودها صار يغريه سعود\ محد لمس يدي طيب قبلك
فهمت له و لإسلؤبه و صارت تجاريه هند\ مثل ما عمره احد طالعني بطريقتك من تحت النظارة
سعود\ هههههههه منتبهه
ام سعود\ الله يسعدكم يا يمه و اشوف عيالكم يارب
سعود\ امين و يخليك لنا يا الغاليه بس العيال بدري عاد عليهم
هند ببالها تو لنا اسبوع و تبي تشوف عيالنا و هو ما يبي يارب اصدق ام عزام و الا اصدق سعود
سعود\ هنوده وين وصلتي ؟
هند\ لا هنا
سعود\ سمعتيني وش قلت طيب ؟
هند\ اممم لا سرحت شوي
سعود\ اقول لك ابي شاهي راسي مصدع
هند\ طيب أبشر يمه تبين أنتي كمان ؟
ام سعود\ لا يمه شربت العصر مع فارس.......

*************

الخبر
الساعة الـ 10:50 مساء

البيت ساكن و هدوءه مغري لراحه طلع الدرج بخطاء خفيفه يبي يفاجأها برجعته و انها على باله هو متاكد من ذوق سعود بالهدية و هو لسى ما شفها اخذها من السيارة مغلفه و جاهزه بس اكيد بتعجبها شاف نور غرفتها مفتوح معناته انها صاحيه كان بيدق الباب بس تراجع اخر شي و فتح الباب و دخل بجسمه كله يوسف\ منوره الحلوه وش تسوي سهرانه.. و إتجمدت اطرافه هذي منال بس الثانيه لا مو امل هذي ملاك حوريه على الارض يالله ما قدر يشيل عيونه عنها حس باحراج البنت الي ما لقت قدامها مفر الا تختبي ورى الستاره سحب نفسه وراح غرفته

بين فرحها برجعته و خجلها من الموقف الي صار منار\ اسفه ما يدري انك هنا بروح اشوفه
\ اوكيه


ياربي وش هالجمال معقول وحده بالحلاة هذي تدخل بيتنا و انا مدري عنها اووف بس لو منار مهي بالغرفه ضحك على نفسه و تفكيره الظاهر تعب الطريق ماثر عليك يا يوسف
منار\ يوسف انت كيف تدخل كذا احرجتني مع البنت ؟
يوسف\ ما توقعت عندك احد هالوقت قلت افاجئك بالهدية و رجعتي
قربت له منار و حضنته على خفيف\ رجعتك اهم من الهديه عندي
يوسف\ فديتك والله بس من هذي الي عندك هالوقت و وين امل ما اشوفها ؟
منار\ امل تكلم طلال بغرفتها و هذي العنود اصلا عندنا من امس
وش العنود لا مو معقول هذي الي ابوي يبيني اتزوجها و انا رافض والله اني غبي احد يرفض كل هالجمال و يدور غيره بس ساره القلب الحلم وين راح يا يوسف تبخر\ هااه العنود ام لسانين حلوه كذا ؟
منار\ ايه انت ما قصرت حفظت ملامحها مو بس طالعت
يوسف\ اووف والله قمر
منار\ شو يعني غيرة رايك تبيها و ساره ؟
بهت ساره ما يبيها \ هاااه
ابتعدت عنه ناحية الباب و على شفايفها ابتسامه رضا منار\ ايه ساره و الا الجمال نساك القلب ؟
و خذت الباب في يدها وطلعت ما سمحت له يفكر لحظة رجعت فتحت الباب منار\ نسيت اخذ هديتي و على فكره ابيك تاخذ دش و تنام زين ابي صورك بكره معي تطلع مرتاح ما هو تعبان من كثر التفكير و اعتبر الي شفته نظره شرعيه لان هذي سويرتك الدبى
قالت قنبلتها على راسه و راحت يالله يا منار هذي ساره هذي ملامحها هذي ام الصوت المخملي الي عشقه إذني رمى نفسه على السرير مبتسم يرسم احلامه على سقف غرفته.....

***********

الخميس

جده
الساعة الـ 05:15 مساء

بمجرد ما تشوف هالانسانه قدامها تحس بخلايا جسمها تثور ما تبي توسع بينهم المسافات بس هي تغصبها هين بتشوفين من هي هند يا ام عزام..
ام فارس\ عساك الحين مرتاح يا سعود بعد ما اتزوجة ؟
سعود\ الحمد لله الي عنده مثل هالهنوده اكيد بيرتاح يسلم لي الذوق يمه
ام سعود\ الله يسعدكم يمه
ام عزام\ ايه بس تو لكم اسبوع ما تقدرون تحكمون الا بعد عشره
سعود\ في ناس يعطيك عشرة سنين بيوم واحد
حست بالقهر ام عزام\ الا ما سمعنا صوتك يا هند مرتاحه مع سعود ؟
هند\ فوق ما تتصورين
ام عزام\ و كيف الشرقية معك اكيد ضايقه عليك بدون اهلك ؟
هند\ بالعكس سعود الان صاير كل اهلي الله يسعده بعدين انا اخوي هناك يدرس و سعود هو الي جمعني فيه متى ما بغيته دقيت عليه يجيني
ام عزام شوي و ترتكب جريمه في هند طلع لها اخو هناك كمان\ ايه بس اكيد ملل لما اخوك بالجامعه و سعود بالعمل النهار طويل ما هو مثل هنا كان وقتك يروح في العمل
هند\ العمل شي حلو بس الصراحه متعب ما افكر فيه الان مرتاحه في البيت
ما كانت موافقه على زواجي ما قلنا شي بس تقعد تضايق هند بكلامها لا ما راح اسمح لها سعود\ حتى لو حبيتي تشتغلين انا ما عندي مانع بالعكس بحس ان وقتك منشغل بشي مفيد و شغلتك اعتبرها شغله انسانيه يمكن نحصل على دعوه من وحده تسعدنا و تبارك حياتنا
هند ببالها و يلوموني فيك يارب سيطر على نبض قلبي احسه بيطلع من صدري من قوته طالعة فيه و ابتسمت و اختلطة نبضات قلوب الجالسين بين حب و سعاده و نبضة كره......!

************


الجزء السابع والثلاثون

الاربعاء

الخبر
الساعة الـ 07:30 مساء

سريعه هي الايام اذا مرت بعمر انسان ايام و اسابيع و شهور تمر بفرحها و حزنها علينا بدون ما نحس بتسارعها .
دخل االبيت بعد أسبوع عمل قضاه في البحر بعيد عن اليابسه و الاستقرار والراحه و الاهم بعيد عن هند الي اضطر نواف ينام عندها الاسبوع كله بامر من سعود ريحتها استقبلته قبل يشوفها كان متوقع انها بتنتظره عند الباب مشتاقه له مثل ما هو مشتاق لها لكن ظنه خاب و ما شاف الا نواف جالس في الصاله و واضح عليه الملل نزل شنطته و سلم عليه سعود\ اشوفك جالس لوحدك و ينها هند ؟
نواف\ طلعت غرفتها تاخذ دش من شويه على فكره ترى ما قلت لها انك جاي الحين
سعود حب الفكره\ تمام طيب اجلس ليش واقف ؟
نواف وهو يطالع ساعته\ والله ماشي خلاص بلحق الطياره
سعود\ كلمت فهد هالايام شو الوضع عنده ؟
نواف\ لا تمام لا تشيل هم انت ارتاح و انا رايح و اجيب لك الاخبار
سعود\ الله يريحك
مشى خطوتين ناحية الباب و التفت له نواف\ على فكره ترى ما قلت لهند لاني ابيك تشوفها مثل حالها لها كم يوم مدري وش فيها تعبانه و وجهها ما هو عاجبني حتى المستشفى رفضت تروح شوفها انت يمكن تروح معك

قلبه انقبض هنودة قلبه تعبانه و هو ما هو جنبها ترك شنطته بمكانها و طلع الدرج ركض يبي يطمئن عليها و يريح قلبه

فوق بالغرفه كانت هند توها طالعه من الحمام [ اكرمكم الله ] و تلف شعرها المبلل بالبشكير هي تعرف ان سعود بيرجع اليوم بس أي ساعه ما تدري كانت تتمنى لو يتاخر شوي بس لين تقدر تخفي اثار التعب من وجهها لجل ما يحس ان فيها شي

انصدم من الي تشوفه عيونه هذي هند؟ وين اختفت ابتسامتها و وجهها ذبلان مثل الورده الناشفه وش صار لها بغيابي معقول تكون عرفت شي..!
سعود\ هنوده

اخر امنياتها رجوع سعود الان غمضت عيونها تحاول تكذب الي تشوفه و انها تتوهم طيفه و صوته بس لمسة سعود لخدودها رجعتها للواقع ..يالله رجولي معاد تشيلني اختنق انا بقربه بكامل وعيئ كيف الان و انا منهكه ارحمني يا سعود و يشيل يدينك عني بعدني عن حضنك ابي اتنفس يارب ضاع الحكي و اظلمة الدنيا بعيونها.....

********

الخبر
الساعة الـ 08:00 مساء

لف السوق ثلاث مرات ما في شي داخل راسه يبي شي مميز حاجه عمره ما احد فكر فيها قبله هذا اليوم الي يتمناه من زمان هذي اللحظة الي بتكون بداية حياته الجديده معها الي بتبداء من الجمعه،..
علي\ يوسف ترى و ربي هلكة اختار لك أي هديه و فكنا
يوسف\ ما في شي معجبني ابي شي مميز شي غريب
علي\ وش براسك يعني ؟
يوسف\ ابى هديه عمره محد فكر فيها
علي\ لا واضح الرومانسية الي طلعت لسعود جاتك
يوسف\ هههه ااه يا علي لو تدري هاليوم وش يعني لي هذا الشئ الوحيد الي تمنيته من هالدنيا
علي\ الله يسعدك اجل تعال معي باخذ لك هديه حتى بعد ماتزوج كل عيالك و تبقى شايب هي عندك
يوسف\ ههههه لا يكون بس بتسوي لي وشم باسمها في يدي ؟
علي\ هههههههههه ما عندك سالفه و ربي ....

*************

الخبر
الساعه الـ 08:15 مساء

صدى هالكلمة تردد باذنه الف مره قبل يستوعبها بلع ريقه و سال الدكتوره للمره العاشره سعود\ كيف يعني حامل ؟
الدكتوره\ إزاي كيف حامل دي يعني حاتصير اب حضرتك
سعود بدون وعي\ والله
الدكتوره\ ايه يا بني هو انت مش مصدقني و الا ايه ؟
سعود\ لا بس تفاجات شوي
الدكتوره\ ليه هو ليكم زمان متقوزين<<<<صعبه اللهجه المصريه
سعود يا شين اللقافه\ لا تونا طيب المدام عرفت او لا ؟
الدكتوره\ اه عرفت و عملت نفس حالتك كدا معقول متاكده و مش عارفه ايه
سعود\ طيب صحتها و الجنين كيف .؟
الدكتوره\ لا دلوتي صحتهم كويسه بس ما تهملش نفسها لازم الاكل الصحي و حاكتب ليها فيتمينات
سعود\ زين مشكوره بروح اشوفها.


كان يمشي لغرفتها و خاطره يضحك مع كل الي يشوفهم بممرات المستشفى مبسوط اخيرا بيصير اب حلم امه بيتحقق و بيريحها و الاهم احساسه بعلاقته مع هند الي بدت تكبر و بتكون ام عياله بس ذيك البسمه اختفت اول ما شاف دموعها سعود\ هنوده حبيبي ليش تبكين في شي يعورك ؟
اختنقت اكثر لما شافته و ما قدرت تنطق
جلس معها على طرف السرير و قرب راسها لصدره\ هنوده تعوذي من ابليس انتي حامل و تسوين كذا غيرك يتمنى هاللحظة
وربي انها اسعد لحظة بحياتي بس مدري من فينا الي ما يبي عيال من بين شهقاتها نطقت كلام مقطع هند\ بس. تبى.انت الان..انا
ضمها اكثر بعد ما جمع كلامها وقدر يفهم سبب هالصياح سعود\ طيب انا قلت لك ما ابي عيال و استخدمي موانع ؟
هزت راسها بمعنى لا بدون ما تنطق
سعود\ اجل ما عندك سالفه لهصياح يا هند صحيح انا قلت اول زواجنا ما افكر بالعيال لاني ما عرفتك و لا عرفت اطباعك بس الان مرتاح معك و حياتنا مستقره وش يمنعنا ما نجيب عيال
مدت يدها تلامس بطنها شعور ان فيه روح تنبض تحت يدها شعور سعاده فضيع هند\ يعني انت مبسوط و تبي هالجنين ؟
حط يده فوق يدها و كانه يتحسس نبضه و يتاكد انه معهم هاللحظة يشاركهم فرحتهم فيه سعود\ ايه ابيه و الدليل اني ما صحت زي بعض ناس شكلهم هم الي ما يبونه تشوف يا بابا ؟
هند\ حرام عليك و الله ابيه يكفيني انه اغلا هديه منك بعدين الان هو يسمع ما يشوف يا ذكي
سعود\ هههههههه و انا وش عرفني المهم انه معنى و بس....
هند\ انه طيب يمكن انها
سعود\ انه انها انهم كلها واحد الي يجي من الله ما نعترض عليه المهم تقومين انتي بالسلامه

************

الجمعه

الخبر
الساعة الـ 10:30 مساء

دخل مع امه و اخواته و عيونه تسبقه يشوف هالملاك الي ملكة قلبه و يحتضن صورتها بعيونه لحظات سريعه مرت بين تلبيس و تصوير و مباركه من الاهل كل هذا و يوسف ما هو معاهم تفكيره بس وش يقول لها لما يجلسون لوحدهم من وين يبدا بحبه بشوقه و الا يفتحون الماضي
امل\ يالله يوسف حنا بنطلع نخليكم لوحدكم
منار\ ربع ساعة بس و راجعين
يوسف\ مره كثير عشر دقائق تكفي و الا اقول خمس احسن
امل\ انا اشهد ان سوقنا طاح يا منار بعد سوير
منار\ الا والله انتهى من الاساس
يوسف\ بعدي والله اخواتي يفهمنها على الطاير
امل و هي تاشر لمنار\ امشي بس هذا جزاء المعروف
قام يوسف وحضن اخواته مع بعض\ لو بقيت طول عمري اشكركم ما وفيتكم حق الي سويتوه عشاني
منار\ ما نبي شكر بس نبيكم تذكرون دورنا البطولي في قصة حبكم
امل\ هههه ايه والله لحكيتوا عيالكم عن سالفة العشق و الجوري الاحمر
كانت تطالعهم و تشوف قد ايش حبهم لبعض و تفاهمهم تحس بالسعاده لمجرد انها صارت وحده منهم
منار\ يالله الربع الساعة انتهت
يوسف\ عطيتكم وجه ترى اشوف يالله قدامي وحده على سيارة طلول و الثانيه على سيارة نصور خلوني اعيش حياتي....

************

الخبر
الساعة الـ 12:20 صباحا

جالس بالصالة قدام التلفزيون و منسجم مع البرنامج بكل حواسه الوقت متاخر و بكره دوام متى بينام ؟
هند\ ما راح تدخل تنام ؟
سعود\ بشوف البرنامج و انام
هند\ يا حبك لسياسة يا سعود
سعود\ عارفه ان حلمي اكون سفير من انا صغير
هند\ حلو الطموح والله
سعود\ تعالي اجلسي ليش واقفة ؟
هند بكسل على شوية دلع\ لو جلسة معاد قمت مره متكاسله
سعود و هو يطفئ التلفزيون و يمشي ناحيتها\ يا قلبي تعبتي شكلك في الملكة ؟
هند و هي تتحسس بطنها\ شوي تعرف ولدك قائم يدلع علي لما يحسك منت قريب مني
سعود و يده فوق يدها\ ههههه افى تتعب ماما من وراي
هند\ هو بس حتى ابوه متعبني ؟
سعود\ ههههههه ابوه والله بريئي وش سوى
هند\ متعب هذا << وهي تاشر على قلبها
هنا سعود ما قدر يستحمل كلامها نزل لمستواها و رفعها فوق \ شكل هالليلة مهي بس ليوسف
هند\ وش دخل يوسف الان ؟
سعود\ ما تعرفين حكاية العشق حقته لبنت خالته هذي
هند\ لا
سعود\ اجل تعالي اقولك يا دبى صايرة ثقيله ...

************

الخبر
الساعة الـ 03:00 فجرا

بعد ما الكل راح بيته طلعت غرفتها اخذت لها شاور و فرشت سجادتها صلت ركعتين شكر و حمد لربها الي هداها و وفق بينها و بين يوسف بالحلال مثل ما كانت تتمنى (( يارب وفقني لسعادة يوسف و رضاه و اسعدنا بحياتنا ))
التفتت لهديته رغم التعب الا ان يدينها بدت تفتح الغلاف و تشوف ذوق يوسف لها في هاليوم كل شي طبيعي الورود علبة عطر ديور اسوار ذهب شغله بسيط و ناعم ومعها صندوق خشبي مغلف لوحده فتحته ساره و انبهرت كان مجرد لوح خشبي مفرغ لحلقات دائريه و منثور في الصندوق دوائر خشبيه بلونين الاسود و الاحمر استغربتها ساره شافت رسالة معها و فتحتها (( و انتي تقرين حروفي هذه اسعد لحظة بحياتي لاني كاتبها و انا مرتاح و مطمئن انك بتقرينها في النور بدون خوف من حد لان رابط الحب بينا الان اصبح اقوى من أي علاقه كانت ..
مستغربه ليش هالوح الخشبي صح؟
انا اقولك هذا يا قلبي الون الاسود لي و الون الاحمر لك اذا زعلتيني بحط لك دائرة حمراء في الوح و اذا زعلتك حطي لي دائرة سوداء في الوح و نهاية كل سنه نكتب النتيجة و نفرغ الوح ..
يعني الان قومي حطي دائرة حمراء بلوح لانك زعلتيني اليوم لما ما جلستي معي الا نص ساعه خخخ..

زوجك و حبيبك المخلص\يوسف ))
طبعت بوسه على خد الورق اختلطة بدمعة فرح...

**********


الجزء الثامن و الثلاثون


السبت

جده
الساعة الـ 11:30 صباحا

انتشر خبر حمل هند بينهم الكل فرح لهم و هناء الا شخص واحد كان مقهور ان كلامه مالقى أي تاثير
ام فارس\ والله يمه من الفرح ما اني مصدقه اخيرا بنشوف عيال سعود و بصير عمه
ام سعود\ الحمد لله الله يقومها بالسلامة هند لوحدها و اخاف عليها
ام عزام\ لا تخافين عليها و لا شي شكلها ما هي سهله من اولها غيبت سعود عنك صار بالاسابيع ما ينزل
ام سعود\ اخوك عنده شغل الاسبوع كله غايب حتى عن بيته و البنت جالسه هناك لوحدها ما اشتكت و لا قالت نزلني عند اهلي وروح
ام فارس\ والله اصيلة لو وحده غيرها ما جلست
ام عزام\ و هي عاد لوحدها ما هو اخوها عندها
ام فارس\ ولو ما يسوى شوفة امها و اختها هنا
ام عزام\ و هي صدقت تبعد عنهم
ام سعود\ انتي وش حارك على البنت و اخوك نزلوا و الا ما انزلوا خلاص حياتهم ذي ..

**********
الخبر
الساعة الـ 12:10 ظهرا

من فترة طويله ما اجتمعوا الاربعه مع بعض المشاغل الحياه المسئولية بدت تباعدهم عن بعض يستغلون اللحظة بس لمجرد اللقاء بينهم ..
في مطعم الشركة جالسين على طاولة وحده و صوت ضحكهم يميز جلستهم بين الكل
علي\ طول عمرك فيك طفقه ما هي طبيعية و الا احد يسوي سواتك ؟
يوسف\ و انا وش مسوي الا اني بتزوج ؟
سيف\ ههههههه انت امس الي ملكة اصبر اسبوع على الاقل ما هو من صبح الله خير تدق على الناس و تقول انا حجزت قاعه بعد اسبوعين
سعود\ هههههه خلوه يعيش حياته العاشق
علي\ بس خاطري افهم انت متى حجزت ؟
يوسف\ الواسطات طال عمرك
علي\ الله يهنيك يا اخي
يوسف\ الا تعال ما بقى بالشله عزوبي الا انت متى بتتزوج ؟
علي\ الله كريم
سعود\ و نعم بالله بس صادق يوسف وش تنتظر انت ما تتزوج ؟
سيف\ هذا هو عندكم يأسة منه راسه يابس
علي بنظرة للفراغ\ قلت لكم الله كريم انهوها سالفة خلاص ...

**********

الخبر
الساعة الـ 04:35 مساء

من الصباح تحس بالغثيان و القرف بس مثل هاللحظة ما في كانت بالمطبخ تجهز الغداء لسعود كلها ربع ساعة و يوصل و هي ما خلصت جاءها اتصالها و حست بالاشمئزاز فتحت الخط على السبيكر و اجبرت نفسها ترد عليها و تتقبل كلامها لخاطر سعود بس
هند\ هلا والله
ام عزام\ السلام عليكم
هند\ و عليكم السلام هلا
ام عزام\ كيفك يا هند و كيف سعود مره معاد ينشاف و لا يتصل القاطع
هند\ الحمد لله احنا بخير سعود مشغول بالعمل والله حتى انا معاد اشوفه يجي يتغداء و ينام و الصباح يطلع من بدري
ام عزام\ ايه بس عاد ما هو يقطع امه كلميه قبل يتزوج كان يدق عليها كل يوم بس الان بالايام ما يدق عليها
يعني قبل تدخلين حياته يا هند افهميها\ ابشري اكلمه اليوم
ام عزام\ ايه نسيتيني ابارك لك يقولون حامل
هند\ الله يبارك فيك
ام عزام\ صراحه ما توقتك تحملين الان
هند\ الحمل شي بيد الله ما هو بكيفنا
ام عزام\ صادقه بس تعرفين الغربه عن اهلك و سعود مدري قالك انكم بتستقرون مع بعض او لا ؟
وش قصدها ذي بنستقر مع بعض او لا هند بدون نفس\ لا تخافين حتى لو ربي ما كتب لنا نبقى مع بعض ولدي باخذه معي و لا بكلف عليكم بشي
ام عزام\ انا ما قصدت كذا تفهميني غلط الله يصلحك بس حرام انتي تحملين و تتعبين و بعدين تربين لوحدك
هند\ انتي ظامنه ان اخوك بيطلق مره
ام عزام\ و الله كل شي جايز
هند\ طيب لذاك اليوم يصير خير اسمحيلي الان لازم اجهز الغداء قبل يرجع اخوك فمان الله
و قفلت الخط بدون ما تنتظر ردها .. هذي الانسانه مريضه قسم بالله مريضه اووف تعرف تنرفز بجد


واقف على باب المطبخ شكلها و هي تشتغل معصبه و تكلم نفسها بنرفزه واضحه قرب منها بدون ما تحس فيه و حضنها من الخلف و حط راسه على كتفها سعود\ اوووص ليش كل هالاعصاب
ارتعشت بلمسته و كل الخوف انه سمع المكالمه هند\ متى جيت ما حسيت فيك
لفها ناحية وجهه سعود\ لي دقائق من مزعل حبيبي و مخليها تكلم نفسها و قريب تكسر الاواني
هند\ لا ما احد اصلا مني زعلانه
سعود\ بس وجهك كانه احمر و متورم
هند\ من الحر حبيبي خلاص انت روح بدل و تعال الغداء جاهز
ما حب يضغط عليها خلاها على راحتها وراح يبدل ملابسه..

على الغداء

هند\ سعود احنا متى بننزل جده ؟
غص بالاكل من الي سمعه سعود\ كح كح ننزل جده ليش اهلك فيهم شي ؟
هند\ لا بس انا اشتقت لهم
سعود\ طيب كلميهم أي وقت
هند\ انا اكلمهم بس مو زي لما اشوفهم بعدين انا لي شهرين ما شفتهم
سعود\ بس انتي الان حامل و تعب عليك المشوار
هند\ لا بالطيارة مو تعب
حب يسكر هالسالفة افضل حل سعود\ خلاص اشوف لو حصلت حجز هالاسبوع
هند\ انت ما اشتقت لامك كمان ؟
سعود\ الا والله بس اكلمها كل صبح و انا رايح الدوام و تعرف اني لو عندي وقت نزلت لها و بصراحه هي كمان قالت لي لا تتعب هند بالجيه و الروحه كل اسبوع و هي لسى في اول حملها
يكلمها كل صبح و ذيك الانسانه تقول بالايام ما تسمع صوته يالله ارحمني هند\ ايه معها حق
سعود\ خلاص قلبي لا تزعلين نفسك على شي ما يستاهل تبين جده ننزل جده باذن الله بس اعطيني وقت اخلص اشغالي و ننزل....

************

الخبر
الساعة الـ 07:00 مساء

الكل انصقع من الخبر الي يقوله استعجال هالانسان غير معقول بالمره
ابو احمد\ الان انت محدد كل شي و مكلم الناس و بعدين جاي تقول لنا
يوسف هذي حياتي متى تفهم اني ما اني صغير\ عاد هذا انا الان اقولكم عشان ما تسمعون من غيري
ام احمد\ بس يا يمه مره استعجلت ما يمدي البنت تجهز اغراضها في اسبوعين
ابو احمد\ حتى ما اعطى خبر لناس قبل الملكه انه مستعجل بالعرس
يوسف\ انا كلمت عمي ابو عبد الرحمن و ما قال شي الناس راضين ليش تعقدونها انتم كلها ليله و بتعدي
ام احمد\ و اخواتك يعرفن ؟
يوسف\ لسى ما قلت لهم بس ادق عليهم
ابو احمد\ طول عمرك تمشي كلامك و ما تسمع لحد سو الي تبى بس لا تجي تقول محتاج فلوس و نقص علي مدري وش نقص
يوسف اللهم جيبك يا طولت الروح\ ابشر بس كذا الحمد لله ما هو ناقصني شي..

************

الخبر
الساعة الـ 07:50 مساء

رفعت الخط و دقت ارقامها احساسها بالازدواجيه مسيطر على تفكيرها كلام ام عزام و افعال سعود صعب تقارن بينهم تبي تلمس خيوط تريحها
ام سعود\ و عليكم السلام هلا يمه
هند\ شخبارك يمه طمنيني عن صحتك عسى زينه ؟
ام سعود\ الحمد لله يمه انا بالف خير انتي بشريني كيف صحتك و كيفك مع الحمل يمه عسى ما هو متعبك بس ؟
هند\ لا يمه لسى باوله ما احس تعب مره شي خفيف و يروح
ام سعود\ ايه يمه بس عاد ريحي لا تجهدين نفسك حتى شغل البيت لا تسوين الا الي تقدرين عليه و لا تشيلين شي ثقيل
هند\ ابشري يمه
ام سعود\ انا اوصي سعود بس اعرفه هالولد من يخلص شغله و يرجع البيت ما يبى الا النوم
هند\ لا والله يمه انه ما يقصر معي بشي و لا يخليني اشتغل الا الشي السهل
ام سعود\ الله يهنيكم يمه و يسعدكم
هند\ و يخليك لنا يمه و الله اني اشتقت لجلستك و سوالفك بس سعود ( بضحكه ) يقول ان ناس قارصين اذنه ما يتعبوني بالروحه و الجيه لجده
ام سعود\ ايه يمه الحق اني قايلتن له يريحك ان شاء الله بس يخلص كم شغله يقول انها عنده و تنزلون لنا كم يوم
هند\ يارب يمه ..

***********


الاثنين

الخبر
الساعة الـ 10:30 صباحا

وقف يستوعب الكلام الي يسمعه معقول بس يومين ما دق عليها يصير كذا
سعود\ استغفر الله و ليش ما دقيتوا علي عطيتوني خبر
\ ما بغينا نقلقك قلنا بس خفيف و يعدي
سعود\ بس انا قايل لكم أي شي يصير خبروني على طول لا تنتظرون
\ و الله مدري وش اقولك
سعود\ خلاص انا اجيكم الخميس و اشوفه بنفسي
\ و زوجتك ؟
سعود\ القى لها حل و لا يهمك انتم اولا الان
\ ما تقصر يا سعود
سعود\ واجبي هذا....

***********

الخبر
الساعة الـ 01:10 مساء

الخبر نزل عليها مثل الصاعقه الي ارعبتها و وشوشة مخها من اليوم الي قال لها ابوها ان زواجها بعد اسبوعين و هي ما هي قادره تركز على شي معين تخلصه اخر محاولة قدامها امل يمكن تقدر تقنعه ياخر الزواج شوي
امل\ هالحين داقه علي من ظهر الله و مشغلتني عن غداي و طلول بيجي بعد ساعه عشان تقولين لي كلمي يوسف يأجل الزواج
ساره\ وشو يعني ما راح تكلمينه
امل\ لا طبعا محد قالك جنني الولد و علقيه فيك و بعدين اشتكي منه
ساره\ املووه لا تهبلين فيه والله ما اني قادره اركز على شي و لا القى حجز لا فستان و لا غيره
امل\ تعوذي من ابليس و هدي نفسك و بتلقين كل شي الخميس انا جايه الخبر لين يوم عرسك انزل معك و نتقاسم كل شي في السوق حتى منار ناخذها معنى
ساره\ مره تعرفين تبسطين الامور
امل\ طبعا اخوي يوسف
ساره\ والله مجنوووووون
امل\ فيك والله
ساره\ يا شيخه مالك داعي على بالي بتكلمينه
امل\ الاخ امس طبع كروت الزواج يعني مصمم وين اكلمه انا
ساره\ يارب ساعدني
امل\ايواه يارب ساعدني و كليها عليه و افرحي بعمرك ترى الايام تمشي و تاخذ من اعمارنا
ساره\ اووف سرتي تقولين حكم بعد ما اتزوجتي
امل\ من يومي و انا حكيمه روحي بس خليني اخلص غداء طلال قبل يرجع
ساره\ اوف طرده ؟
امل\ محترمه
ساره\ هههههههههههه مجانين قسم بالله و بتجننوني
امل\ احلا كلام دع العقل و تمتع بالدلاخه........

***************

الخبر
الساعة الـ 05:00 مساء

رمت الجوال على الكنب بقهر اووف مقفل وين راح المفروض يكون راجع البيت قبل نص ساعة و لا حتى قالي الصباح انه بيتاخر ياربي يكون بخير بس .. ركضت للباب اول ما سمعته يتسكر
هند\ سعود انت وين رحت تاخرت ؟
لكنه تخطاها و راح للغرفه بدون أي كلمه
تبعته للغرفه ملامحه متضايق .. شو صار له امس نام زين ليش وجهه عابس كذا هند\ سعود
بدون ما يلف عليها او ينطق همهم لها بنعم
قربت منه اكثر هند\ شلي مضايقك كذا و عابس وجهك ؟
سعود\ و لا شي
هند\ طيب ليش تاخرت و مقفل جوالك ؟
سعود\ رحت المطار
هند\ ليش ؟
سعود\ ابى حجز لجده
هند بفرح\ و لقيت ؟
سعود\ بس تذكره وحده
هند\ كيف ؟
سعود\ هند لا تزيدينها علي بروحي الخبر الي سامعه رافع ضغطي تذكره وحده لقيت رايح جده و حجزتها
هند\ و شو الخبر الي سامعه حد صاير له شي ؟
يارب سامحني سعود\ فارس متضارب مع واحد و داخل السجن و محد يدري عنه صاحبه قال لاهله انه عنده في الطائف و دق علي و خبرني
هند\ اووف من متى ؟
سعود\ امس
هند\ و انت بتروح له اكيد
سعود\ بس ما في تذكره الا وحده و انتي تبين اهلك
هند\ ما راح اقدر اروح لوحدي انا
سعود\ انا اصلا ما اتخيل انك تروحين من هنا لجده بالطيارة لوحدك
قربت منه و حضنت خدوده بيدها هند\ في اشياء اهم الان فارس هو الي يراعي امي و يشوف اخبارها الحين اكيد هي مفتقدته و انت ما انت مطمئن عليها لانه بعيد و بتجلس تفكر من يشوف طلباتها روح طلعه بس مر على اهلي و طمني عليهم قول لهم هند كانت بتجي بس حست بتعب و تبى ترتاح و رجعها نواف
سعود\ يعني انتي ما عندك مانع اروح ؟
هند\ لا بس الاسبوع الجاي تحجز من بدري تذكرتين
سعود و هو يطالع فيها ببراه\ امم الاسبوع الجاي ما نقدر زواج يوسف
هند\ طيب الي بعده
سعود\ باذن الله
هند\ زين بروح اجهز لك الاكل بدل و الحقني
سعود\ أي والله ميت جوع
هند و على وجهها ابتسامه و هي طالعه\ يخسى الجوع
بعد ما تاكد انه معاد يسمع خطواتها ابتسم بنصر ( سامحيني هنوده سامحيني لاني بديت اكذب عليك ).....

************

الاربعاء

الخبر
الساعة الـ 05:05

رتبت له شنطه بسيطه حق يومين جهزتها و حطتها على طرف الباب بداخلها زفرت بقهر هي خاطرها تشوف اهلها و مشتاقه لهم بس متاكده مليون بالمئه ان سعود ماراح يسمح لها تسافر لوحدها لازم تنتظر اسبوعين ثانيه كمان
طلع من الحمام بعد ما اخذ له شاور سريع شافها تطالع الشنطه و سرحانه في داخله تالم من فعلته فيها قرب منها و بحركه سريعه باسها على خدها سعود\ بتوحشيني
هند\ و انت كمان اول ما توصل طمني
سعود\ ابشري بس انتي انتبهي لنفسك و صحة الي في بطنك
هند\ ان شاء الله
سعود\ تبين شي من جده نفسك فيه ؟
طالعة فيه هند لثواني و بصمت قامت و فتحت الكبت طلعت منه كيس و رجعت جلسة بمكانها جمب سعود\ بس ابيك توصل هالكيس لمنال قولها هند اشتاقت تشوفك
سعود\ اقدر اعرف شو فيه الكيس و الا سر ؟
هند\ هدية نجاحها خلصت الفصل الاول قبل اسبوعين
سعود\ اهااا طيب انا اوصله لها
هند\ خلاص يالله ما بتروح الان الطياره تروح عنك
سعود و هو يطالع ساعته\ أي والله بتاخر بس وينه نواف كيف اروح و هو لسى ماجاء عندك ؟
هند\ ما عليك هو بيتاخر شوي عنده اختبار لين 7 و بيجي لا تشيل هم انت.

***********

الخبر
الساعة الـ 06:30 مساء

هذي المره العاشره الي يدق من امس و ما ترد و الان يقراء مسجها و يضحك (( القضاء العادل يعلن\ واحد من الناس حكم علي اسبوعين اعيشها في الاسواق بادلته الحكم بقطع الاتصالات لعدم التفرغ و شكرا ))
من قلبه كان يضحك فعلا معاها حق وين بتلقى وقت ترد على اتصالاتي و الا تجهز اغراضها احسن شي اخليها هالكم يوم تتفرغ لنفسها و حاجياتها بدون ما ازعجها بس خليك تجين عندي يا سوير و تشوفين بدل هالقطيعه وش يسوي بك يوسف
فتح الرسائل و كتب لها (( قبول عقلي بالحكم لكن القلب يحتج و يطالب بمسج قبل النوم و اخر عند الصباح رفعة القضية ))

[جرح الذات]

الجزء التاسع و الثلاثون



جزء

الخميس

جده الساعة الـ 11:15 صباحا

كان واقف ينتظره يجمع اغراضه بعد ما انتهى من شغلته يبي يرجعه مكانه قبل يصحى و يشوفه و يثور و يتعب مره ثانيه
سعود\ خلاص كذا ؟
\ ايه
سعود\ زين يالله نمشي السيارة ما قصرت
\ هذا واجبنا ولو اخوي
سعود و هو يلتفت لشخص الثاني\ انا ماشي الان تبون شي ؟
\ لا بس ... تبى تشوفك
سعود\ خلاص انا ارجع لها المغرب الحين بوصل الرجال و بروح اصلي الظهر و برجع البيت
\ زين تعال تغداء معنى بعدين روح
سعود\ والله الوالده تنتظرني مره ثانيه
\ اجل تتعشى عندنا
سعود\ يصير خير يالله فمان الله...

***********

الخبر
الساعة الـ 11:45 صباحا

تحسست مكانه بالسرير عطره شماغه كل شي بالغرفه له فيه لمسه تفتقده اكثر من اول قدامه ما تقدر تسيطر على مشاعرها قلبها صار يشتاق له وين ما يروح حضنت مخدته بضحكة .. معقوله بديت احبه صدق و الا بس مجرد مشاعر بتخمد يوم اووف و ليش ما احبه ما هو زوجي و ابو الي بطني ياربي ما اقدر اسيطر على دقات قلبي طيب هو شو مشاعره تجاهي حب و الا مجرد واجبات زوج و بس ما اعرف بس الاهم اني اشتقت لصوته ضحكته اكيد الان هو صاحي خل ادق عليه و الي يصير يصير..

حمد ربه الف مره ان هند ما دقت الا بعد ما انهى شغلته و الا كان صدق بيرتبك و تحس انه فيه شي سعود\ هلا و الله بهالصوت
هند\ صباح الخير
سعود\ صباح النور حبيبي صباح الفرح و السعاده
هند\ صحيتك ؟
سعود\ لا صاحي من الساعة 8
هند\ و ليش ما دقيت لي طيب
سعود\ اتغلا شوي اشوف في ناس بتشتاق لي او لا
هند\ بالله
سعود\ ايه والله
هند بغياظ\ بس انا ما اشتقت لك
سعود\ و ليش داقه ؟
هند\ غلط بالرقم و لما مسك عندك ما حبيت اكسر خاطرك قلت اسلم
سعود حس بقهر من اول ما صحى وهو خاطره يتصل بس خاف انها نائمه و مابغى يزعجها طول الليل ما قدر ينام لانها ما هي جنبه و لا يشم رائحة عطرها الي صار يعشقه وهي قمة البرود عندها\ فيك الخير والله ما قصرتي
عضة شفايفها تكتم صوت الضحكة الي كانت بتطلع ليش تكابر يا سعود؟ هند\ سعود
سعود\ هلا
هلا هذي تنطق لما يكون الخاطر مش و لا بد هند\ انا ما اشتقت لك لانك موجود معي حتى لو ابتعدت بس الحقيقة اني افتقدتك
حس بقشعريرة في جسمه تمنى لو كان جمبها هالحظة يحضنها بعد هالكلام تنهد و ما قدر ينطق غير بكلمه وحده سعود\ أحبك....

*************

جده
الساعة الـ 04:30 عصرا

كان حاط بنت اخته الي عمرها سنتين على رجوله و يلعب معها ابتسم من خاطره متى يشوف ولده قدام عيونه يلاعبه و يبوسه كذا
سحر\ وش سر هالبسمه خالي وين واصل ؟
ام سعود\ اكيد عند ولده و امه ياربي متى اشوفه يلعب في هالبيت مع عيال عماته
سعود\ خليه يشرف يمه اول والله اتعبلي هنوده و هو لسى ما طلع لدنيا
ام فارس\ لازم عاد التعب هذا البكر كل شي تحسه جديد عليها
ام عزام\ ايه عاد و من زود التعب ما تنازل تنزل تسلم لنا ساعة هنا
سعود بهدوء\ هند ما نزلت جده معي
ام فارس\ عسى ماشر ليش ؟
سعود\ حسيتها شوي تعبانه ما حبيت ازيد عليها قلت ترتاح هالاسبوع و بعدين انزلها
ام فارس\ الله يهديك يا سعود كان جلسة انت كمان معها و نزلتوا الاسبوع الجاي
سعود\ فديتها والله هي لزمت علي الا انزل بعد ما حجزت و كمان عندي شغله ضروريه هنا اسويها
ام فارس\ بس عاد ما هي حلوه تخليها و هي تعبانه تعرف الوحده في اول حمل لها تكون نفسيتها حساسه و خوافه في كل شي تبى زوجها معها
ام عزام\ لا تخافين تلقينها ما هي مهتمه لشي و لا تحس بشي و اخوها عندها ما هو بعيد
سعود\ اظن الي تكلمين فيها زوجتي ما ارضى عليها بعدين وش الي يخليها ما تحس بالتعب ما هي بشر زيها زي غيرها..

**************

الخبر
الساعة الـ 05:30 مساء

ما بقى الا اسبوع على زواجه و هو ما خلص تجهيز الغرفه ( طبعا يوسف و ساره اتفقوا انهم يسكنون فترة عند اهل يوسف بحكم ان البيت فاضي لحد ما يستقلون ببيت لوحدهم فاضطر يوسف ياخذ غرفة محمد و يفتحها على غرفته و يعمل فيها حمام داخلي و صاله صغيره )
امل\ ما شاء الله حلو التصميم و الالوان
يوسف\ اكيد اخوك ذويق
امل\ بس عجل شوي بيخلص الاسبوع في لمح البصر وانت مالحقت تخلص يا مجنووون
يوسف\ اااه بس متى يخلص بس ليش تقولين علي مجنون افى بس وين الاخوة وين الاحترام
امل\ ههههههههه ما هو انا الي اقول هذي سوير
يوسف\ افى
امل\ تخيل داقه علي من كم يوم تباني اقولك تاجل الزواج شهر لجل يمديها تخلص اغراضها
يوسف فتح عيونه على الاخير\ شهر المفتريه قولي لها لا تشتري شي تجيني بملابسها الي في كبتها انا راضي
امل\ تبي الصراحة معها حق انت مره استعجلت
يوسف\ ادري والله يا امل بس ما اني عارف ليش استعجلت كذا احس في شي داخلي يقولي اتزوج بسرعه يا يوسف تبين الصدق بديت اخاف انه بيصير شي بس الله يستر......

*************

جده
الساعة الـ 07:30 مساء

طالع الكيس بين يديه يتذكر كلمتها ( هدية نجاحها ) لذي الدرجه هنود تعامل منال بمستوى الاحترام الحب العطاء و المكافة عرفت تقريبا انها هي الي ربتها بس ما توقعت انها مهتمه لكل التفاصيل حتى بعد ما ابتعدت عنها مد يده و دق الجسر و كان القدر ميسر له انها هي الي تفتح له دخلته الحوش و خلت الباب مفتوح تلتفت وراه تنتظرها تدخل..
سعود\ منوله حبيبي ليش ما تسكرين الباب ؟
منال\ هند ما بتدخل ؟
نزل لمستواها و حط يده على كتفها سعود\ اممم هنوده ما جت معي
منال\ بتجي بكره ؟
سعود\ لا هنوده جلسة عند عند نواف
منال\ يعني هي تحب نواف اكثر مني الحين ؟
سعود بذكاء مد لها الكيس\ لا تحبك اكثر و هذي الهديه منها هدية نجاحك شوفي ما نستك اشترت لك كل الالعاب الي تحبيها و قالتي اقولك سر
منال و هي منبهره باالالعاب\ شو هو السر ؟
سعود\ بس سر محد يعرف صح ؟
منال\ ايه صح وهي تعد على اصابعها الا انا وانت و هند و ربي اربعه
سعود\ صح هي جلسة عند نواف لانه امس طاح وجاء فيه دم في رجله ما تقدر تخليه لوحده صح ؟
منال\ صح
سعود\ و لا يقدر يجي معنى و تشوفه ماما و تبكي صح ؟
منال\ يعني هو يصيح ؟
سعود كان خاطره يضحك بس مسك نفسه شوي\ اول صاح شوي بس الحين سكت خلاص
منال\ عشان هند عنده هي تعرف تشيل الدموع و ما تخليه يصيح
سعود\ صح هنوده تعرف تشيل الدموع
منال\ انت تحبها ؟
قمة الاحراج لما طفل يسالك عن مشاعرك ببراء سعود\ ايه .....وسكت
منال\ عشانها تشيل دموعك صح ؟
هنا سعود ما قدر يكتم ضحكته اكثر انفجر مره وحده و سحبها لحظنه\ ايه بس هذا سر ما تقولين لاحد....

*************

الاربعاء

الخبر
الساعة الـ 10:35 صباحا

كانوا راجعين من عند الدكتورة بعد ما تطمنوا على صحتها و الجنين الي بداء يكبر و تقوى الروابط بينه و بين امه
سعود\ شو رايك نروح نفطر في أي مكان ؟
هند\ ماراح ترجع الدوام ؟
سعود\ لا ما في شي يستاهل ارجع له خليني معك احسن
هند\ والله و يوم السبت يتراكم عليك الشغل تدعي علي
سعود وهو يرفع اصبعه قسم زي الاطفال\ والله ما اسويها
هند\ هههههههه زين صدقتك خلاص نروح نفطر ليش لا
سعود\ وين تبين نروح طيب ؟
هند\ ابغي بطاطس مشويه مع الشطه و تبوله بس يكون اليمون فيها زايد شوي
طالع فيها يفتح و يغمض عيونه بسرعه سعود\ هذي من وين اجيبها لك هنوده ؟
هند\ مدري هذي طلبات ولدك نفذها
سعود\ ترى لك كم يوم ولدك و ولدك يمكن بنت وش عرفك ؟
هند\ احس انه ولد قلبي يقولي مدري ليش المهم لا تغير السالفة نبي طلباتنا يالحبيب
سعود\ استلم يا سعود طلبات بعد
هند\ هاااه ترى لو اشتهيت شي و ماتوفر يجي شامه في ولدك و انت السبب
سعود\ لا عاد لكه والا انا اكون السبب ابشري ناخذ لكم طلباتكم في مطعم بالظهران عنده بطاطس مشويه جنان بس على الله فاتح الحين.....

**************

الخبر
الساعة الـ 04:50 مساء

مجتمعين عندها و هي معلنه حالة الصفر كم ساعة بس و بتترك هالبيت و بتبدا حياة جديده كل شوي و نازله دمعه
منار\ ياربي معك انتي اغرقتينا
ساره\ والله بفقد امي
امل\ من بعدها عاد خطوتين وانتي عندها ما هو مثلي
ساره\ انا ما اتعودت يمر علي يوم ما اشوفها فيه
امل\ مشكلة والله لازم تعرض على الامم المتحده لنقاش الدولي
ساره\ تطنزين
امل\ يا بنت اعقلي انتي صرتي مدام و مسئوله عن تصرفاتك
منار\ يعني اتركي عنك حركات الدلع هذي والله انبلش اخوي بصياحه
ساره من ورى قلبها\ يا شيخه طيب روحوا زوجوه وحده ما تصيح
منار\ والله العنود جاهزه
ساره\ العنود هااه
امل\ هههههههههه ايه
ساره\ معطيتكم وجه انا
امل\ حلوه عليك الغيرة يا بنت
ساره\ خليك من غيرتي و امشوا ننزل تحت عند امي و خالتي
منار\ لا الغيره ماثره على الذاكره يا الحبيبه امي و امك راحوا يرتبون ملابسك و اغراضك في غرفتك هناك عند يوسف
ساره\ هاااه من متى لا تقولين يعني خلاص و دمعت عيونها
امل\ ههههههههههههه ايه يعني خلاص.......

*************

الخبر
الساعة الـ 06:45 مساء

حياة الروتين و الملل قاتله بعض الاحيان و تسبب ضيق نفسي واضح شافته قدام المرايا يعدل شماغه معناته طالع اكيد اخذة العطر من قدامه و وقفت بوجهه تعطره
هند\ بتتاخر ؟
سعود\ ما ادري والله ليش تبين شي من برى ؟
هند\ لا
سعود و هو ياخذ العطر من يدها و يحطه على الكومدينه بعد ما حس انها تعطره بطريقة عشوايئة قربت تخنقه\ وش الي مضايقك ؟
هند\ و لا شي
سعود\ الا فيه شي ؟
هند\ بس حالة ملل احسها يمكن من الروتين
سعود\ تبيني ابطل طلعه مع الشباب و نطلع انا وياك طيب ؟
هند\ انت اليوم من الصبح معي حتى دوامك مستاذن منه
سعود\ هههه اووف مليتي مني يعني ؟
رفعت نفسها لمستوى خده و طبعت عليه بؤسه هند\ لا والله بس انا مالي خلق اطلع اصلا مالي خلق لشي
فتح لها يديه مثل الي يقول تعالي هنا لحضني سعود\ هذا كله من تعب الحمل لا تتضايقين و لا شي انا معك و بحاول ما اتاخر عنك حبيبي..

************

جده
الساعة الـ 08:44 مساء

من وصل بينهم و هو يحس انها تطالعه من فوق لتحت مثل الي بيكتشف فيه شي جديد عليها ناداها جمبه و جلسها
نواف\ وش فيك منوله تبين شي ؟
منال\ لا
نواف\ و ليش تطالعين فيه كذا متغير انا يا فهد شي ؟
فهد\ هههههههههه مسمر شوي
نواف\ والله من شمس الشرقية تحرق ما هو بس تسمر
ام نواف\ يا قلبي على هند اكيد يطفشها الحر هالحين مع الحمل
نواف\ ايه لي ثلاث سنوات هناك ما سمعت احد قال يا قلبي على نواف
فهد\ طاح سوقك خخخ
ام محمد\ الا والله يمه تقول بس ما هو قدامك من ترجع الجمعه الا يغرق هالبيت هذا قلب الام ما يفرق بين عياله
نواف\ الله يخليها لنا يارب بس
فهد\ انا خاطري اروح ادرس عندكم بشوف حد يفتقدني و الا لا ؟
ام نواف\ انت بالذات مالك روحه لمكان بتدرس هنا في جامعة الملك عبد العزيز هو الباقي تغرب واحد و بيلحقه الثاني
فهد\ طيب ما ادخل الجامعه الا بعد ما نواف يخلصها يعني هو بيرجع عندك و انا اروح
ام نواف\ من شفت رجال اختك و انا غاسله يدي من رجعته ماله وظيفه الا هناك
نواف\ لا تقولين يمه سعود اصلا مقدم نقل لفرع ينبع بس مديره في الشركة مره متمسك به يمكن انا وضعي غير
ام محمد\ الله كريم يمه......

***************

الخبر
الساعة الـ 10:40 مساء

جالس قدام التلفزيون منسجم معه و يمسح على شعرها و هي نائمه على رجله تفكيرها في سؤال من فتره في بالها ما هي محصله له اجابة تريحها
هند\ سعود
سعود\ خاطري مره تقولين لي اسم دلع
هند\ اسمك صعب ما يدلع
سعود\ هههههههه طيب صعب هاااه انك تقولين سعودي
هند\ ههههههههه والله اعرف جنسيتك انك سعودي
سعود\ هههههههههههه تسلم لي هذي الضحكة يارب اصلا كل حرف انتي تنطقينه دلع
هند\ زين بسالك سؤال ممكن .؟
سعود\ ممكن و نص
هند\ انا دائما اسمعك تتصل في اخواتك و تسال عنهم و ما تقصر معهم بس الفترة الاخيرة احسك ما عاد تتصل في ام عزام بالذات زي اول
سعود\ يعني تشوفيني صرت مقصر ؟
هند\ لا فديتك مو تقصير انت ما تغيرت مع ام فارس بس ام عزام شوي احس كانك متضايق منها
سعود\ ام فارس احسها مثل امي ارتاح لها و تقريبا مربيتني مع عيالها عارفه ما بيني و بين فارس الا خمس سنوات كنت زي اخوه الكبير في البيت
هند\ و ام عزام ؟
سعود و هو يتذكر ذيك المكالمه فحب يسحبها بالكلام \ تضايقك ؟
هند\ لا لا من قال ؟
حس بارتباكها سعود\ لا وحده تكفي طيب وش فيك ؟
هند\ و لا شي خلاص سكر السالفة
سعود\ هنوده تذكرين اول ما حملتي لما كنتي معصبه في المطبخ
بلعت ريقها هند\ ايه
سعود\ انا سمعت مكالمتك الي مع اختي بس ما حبيت اقولك تمنيت انك تجين من نفسك تصارحيني بس انتي سكتي و لا كانه شي صاير
هند براحه\ لانه ما في شي يستاهل صاير مجرد كلام و انتهى
سعود\ بس عندي فيه شي يستاهل ان ام عزام صايرة تضايقك و انا ما ارضى عليك
هند\ هي اصلا ما هي متقبلتني كزوجه لك من اول جات الان على مضايقات كلام انا ادخل من هنا و اطلع من هناك
انصدم بكلامها هند تعرف ان ام عزام ما هي راضيه عن زواجي منها و ساكته أي قلب يسكن صدر هالانسانه سعود\ تعرفين و ما حاولتي تبينن لي شي ؟
هند\ وش بستفيد الا اني بخرب بيتي و ادخل في دوامات معك و مع اختك بخسرها انا زي الي قبلي
سعود\ قصدك مها ؟
هند\ ايه صحيح هي ما قدرت تصفي عقلها من وشوشات ام عزام و بين افعالك تلخبطة بينكم و انت ما فهمت اصل تغيرها عشان تريحها و تستمر حياتكم بنجاح
سعود\ ما انكر غلطي يا هند بس الله يشهد ما كنت ادري عن شي بينها هي و ام عزام
هند\ و الان كيف عرفت عن اسلؤبها معي ؟
سعود\ من اول ما اتزوجنا و انا اشوف اسلؤبها معك و طريقة ردك عليها ترى انا افهم النغزات الي بينكم مو غبي لدرجة اني ما احس بالي بينكم
هند\ و يمكن اساس رفضها لي من البداية اكبر سبب خصوصا ان مها مثل ما اعرف هي الي مختارتها لك
سعود\ احتمال
كانت بخاطرها تفكر تقول له عن زيارتها لهم قبل الزواج بس في النهاية تراجعت ما راح تستفيد شي لو كبرت بينهم حطة يدها على بطنها و تكلمت هند\ انسى الان كل شي لان عندي الي ادافع عنه عشان تستمر علاقتنا
سعود\ بس هو ؟
هند\ يعني شو ؟
سعود\ هند بصراحة لو لسى ما حملتي او نقول قلت لك لا تحملين الان كنتِ بدافعين عن علاقتنا بكل القوة هذي عشان تستمر ؟
هالمرة سمحت لقلبها يتكلم بكل ثقه هند\ و اكثر قوة من كذا كمان افعالك معي تعاملك مختلف قدرت تحتوي احزاني خوفي من اول ليله حسيت معك بالامان سمحت لي انام بكل راحه ساعتين وانت على وضعيتك ما تحركة و لا شكيت
سحب جسمها كله لصدره و حضنها مثل الاطفال سعود\ لو تنامين طول عمرك على صدري ما راح اشتكي ثانيه وحده..........

**************



الجزء الاربعون




الخميس

الخبر
الساعة الـ 11:30 صباحا

صحى على صوت جواله بباله يالله اليوم عرسي من الي مزعجني من بدري كذا حرام علي الراحه..سحب الجوال و طالع الرقم و ابتسم و هو يشوف مكتوب بالشاشة (( رقم خاص ))
\ سلام يا عريس
يوسف\ و عليكم السلام يالله حي راعي الصوت
محمد\ كذا ما عندك وقت تنتظر كم شهر لين اجي و تسوي عرسك ؟
يوسف\ كم شهر كمان انا خاطري اني معرس من شهر و انت تقول اجله كم شهر ما عندك سالفه
محمد\ ههههههه تعالوا شوفوا يوسف الي كان ما يحب حد يفتح له سالفة العرس الان مستقطع عليه اركد شوي
يوسف\ كنت افكر فيك انت و خواتك الان مريح راسي منكم
محمد\ افى كنا ثقل عليك ؟
يوسف\ هههههههه كبر جبال الحجاز
محمد\ ههههههههه اجل خلاص برجع الخبر اليوم و ابى غرفتي
يوسف\ مالك شي عندنا تصادرة
محمد\ نحط ستارة بينا
يوسف\ ههههههههههه عندك صك شرعي ان المكان لك قبل التعديل ؟
محمد\ اذا عندك صك الى ما بعد التعديل ؟
يوسف\ هههههههههههههه والله لك وحشه يا دب
محمد\ و انتم اكثر والله بس تعرف الان اختبارات
يوسف\ شد حيلك نبي الدرجات الي تبيض الوجه
محمد\ ابشر.......

**************

الخبر
الساعة الـ 09:15 مساء

سبب لها قلق فوق راسها رايح جاي لهدرجة يغلي يوسف كذا و ما يبي يتاخر عليه والله بديت اغار منه
هند\ ياربي سعود خلني اكمل لبسي بهدوء
سعود\ هنوده لك ساعة شوفي والله قمر ما هو ناقصك شي خلاص خلينا نمشي تاخرنا
هند\ قسم بالله بديت اغار من هاليوسف
سعود\ له ساعة يدق و كل شوي اقله بالطريق عشان خاطري يالله
هند\ انت معه من العصر توك تجي بس تبدل ما يصبر عنك ؟
سعود\ لا
هند\ سعود والله احراج الناس ما يجون الا بعد 10:30 او 11 و انا اروح الان و كمان ما اعرف منهم احد
سعود\ اهل يوسف مثل اهلي بس قولي عند الباب انك زوجة سعود و شوفي و شلون يستقبلونك
هند بنظرة\ بالله
سعود\ هههههههه والله حتى سيف راح يجيب زوجته ادق عليه و ادخلي معها اظن تعرفينها
هند\ زين خلصت خلني البس العباية بس.......

************
الخبر
الساعة الـ 10:45 مساء

ما سكينه الشباب طنازة من الصبح و هو ساكت عنهم شخص بينهم ثاير فضوله من كم يوم حالة السكوت و الشرود الذهني مسيطره عليه
يوسف\ علي ما قلت لي مبروك يا اخي ؟
علي\ ههههه ما حسيت لها لازم وانا من اسبوعين قايلها لك
سيف\ هههههههه في هذي صدقة
ناصر\ اسرع زواج في تاريخ عائلتكم هذا يا يوسف
يوسف\ لا فيه اسرع واحد خطب و ملك و اتزوج في شهر و نص
ناصر\ هههههه من تقصد ؟
يوسف\ واحد يعرف نفسه ههههههههههه
سعود\ اصلا يوسف عجل بزواجه عشان يكسر الرقم القياسي حقي بس هذا بعدك
سيف\ ههههههههه ايه والله صح انت لسى المتربع على القمه
ناصر\ ليش كم كانت مدة خطبتك كمان .؟
سعود\ ههههههههه ثلاث اسابيع خطبة و زواج على طول
ناصر\ اووف اجل معاد لها الا علي يكسر الرقم حقك بنزوجك في اسبوع وش رايك ؟
علي\.....<<<من الاساس ما كان معهم
منتبه لشروده من اول يوسف\ علي نكلمك يا ابو الشباب
علي\ هااه هلا
يوسف\ لا انت منت معنى اصلا
ناصر\ اقولك بنخطب لك و نزوجك في اسبوع عشان تكسر الرقم القياسي لزواج سعود
علي و هو يقوم عنهم\ الله يهديكم احسب عندكم سالفة تستاهل.....

**************
الجمعه

الخبر
الساعة الـ 01:55 صباحا

من بعد ما اتصلت عليه و قالت له انها تعبانه و معاد فيها تقدر تجلس اكثر من كذا و هو معاد فيه يجلس ثانيه استاذن من الشباب و طلع السيارة ينتظرها فيها
دخلت بهدوء و كان باين في مشيتها و صوتها التعب هند\ السلام عليكم
سعود و بكل خوف قبل يحرك السيارة لمس يدها و ضغط عليها\ حبيبي وش فيك ؟
هند بالم\ مدري ظهري مره يعورني ما اني قادرة اجلس
سعود\ بسم الله عليك نروح المستشفى ؟
هند\ ما يحتاج بروح البيت ارتاح و ان شاء الله يروح الالم يمكن لاني جلسة طويل
سعود و هو يحرك السيارة\ معليه نروح المستشفى نتطمئن بس
هند\ ماله داعي سعود روح البيت
سعود\ لا ما في بيت الان اول بروح المستشفى مشيتك اصلا واضحه و انتي نازله الدرج انك تعبانه......

*************

الخبر
الساعة الـ 02:50 صباحا

ما هو قادر يسيطر على دقات قلبه الي بدت تنجن يحس انها بتشق صدره من قوتها اخيرا هو و ساره تحت سقف واحد لحظات الصمت من دخلوا الغرفه مسيطرة على المكان بس ما هو على يوسف الي حافظ طبع ساره و كل تفاصيل حياتها
يوسف\ اليوم صاحب القاعة شكرني تصدقين يقول وفروا المويه الي كانوا بينضفون فيها القاعة بعد ما يروحون المعازئيم
ساره تكلمت ببراءه و حب فضول\ ليش ؟
يوسف\ يقولي العروسة تكفلت فيه ههههههههههه
هنا ساره فهمت قصده انه يتكلم على دموعها الي ذرفتها و هي تودع امها هذا طبع يوسف ما يتغير طالعته بنظرة\ ما تتغير انت ؟
يوسف\ لا اصلي
ساره\ هههههه كنت تقول صناعة وطنية مو اصلي
يوسف و هو يقرب منها و يفك الورود الي بشعرها\ كنت صناعة وطنية قبل سوير الحين انا اصلي لانها جمبي
ساره\.......نزلت راسها بحياء و لا تكلمت
يوسف\ اموت انا في الناس الحياوية يا ناس
ساره\ مفكر الكل زيك يعني
يوسف\ انا واحد احب و الي يحب ما يعرف يستحي مع حبيبه
ساره\ حتى انا احب
يوسف\ و ليش تستحين مني الا اذا كنت مو انا حبيبك ؟
ساره باندفاع\ الا والله انت حبيبي
يوسف حب يحرجها اكثر و مثل انه مغمى عليه\ هههههههههههه ما اصدق انا اغمى عليه اعطيني بوسه و اصحى و الا ترى بدخل في غيبوبه
ساره حست بالفرح بداخلها هذا هو يوسف الي حبته ما تغير حتى بعد الزواج يعرف انها تحبه و مستعده تنفذ له كل الي يطلبه منها قربت منه و قبل تلامس شفايفها خده كانت يدينه اسرع و حضنها فوق صدره و هو نائم......

*************

الخبر
الساعة الـ 03:45 صباحا

فتح الباب و هو ماسك يدها يسندها تمشي كلام الدكتورة عن وضع الجنين خوفه عليها وعليه لازم يهتم فيها اكثر و الا راح تفقده
سعود\ شوي شوي حبيبي
هند\ ابي اجلس هنا شوي
سعود\ تطلعين الغرفه على السرير احسن
هند و هي تغالب دمعه بتنزل من اول ما سمعت كلام الدكتورة\ ابي ارتاح هنا شوي
انصاع لرغبتها و سندها تجلس على اول كرسي قابله\ طيب اجلسي
هند و بدت تدمع عيونها\ سعود ابي امي
سعود\ هالحين
هند\ ايه الله يخليك لا تقول ما تقدر
سعود\ بس انتي سمعتي الدكتورة قالت لا تمشين كثير كيف ركوب الطيارة يا قلبي صعب الحين
هند\ بس انا محتاجتها الحين
سعود\ انا معاك حبيبي و انتي بس ترتاحين بتصيرين زينه
الخوف من الفقد شعور صعب فكيف بام تبشر ان جنينها في وضع الخطر و مع أي حركة ممكن ينزل هند\ يعني راح اصير ام ؟
سعود\ باذن الله حبيبي شيلي هالفكرة من راسك انك بتفقدينه الدكتورة قالت مجرد احتمال يعني ما تدري بالغيب فعلم رب العالمين انا احساسي يقول بس تريحين بيستقر وضعك من اليوم لا ترفعين و لا شي بالبيت حتى الاكل انا اجيبه من برى لا تطبخين
هند و يدها على بطنها\ سعود انا خايفه عليه بجد
جلس جمبها و ضمها سعود\ تخافين و انا معك......

*************


الاحد

الخبر
الساعة الـ 02:40 فجرا

جالس قدام البحر لوحده يراقب الامواج كيف تضرب الصخور بدون ما تشتكي صامده في مكانها قدام كل موجه تنهد و سرح فكره بحياته و كيف بدت تتغير من بعد وفاة ابوه و هو لسى ولد الـ17 سنه فاق على واقع انه مسئول عن ام و ثلاث اخوات و اخ مسئول عن بيت عن مستقبله و مستقبلهم رغم صعوبة الوضع الا ان علي قدر يوفق بين دراسته و تربية اخوانه مع امه الي لها الفضل الكبير بعد الله في نجاحه الان هو مرتاح جزئيا على اخوانه علمهم و بين لهم الصح من الغلط كان لهم الاب و الاخ و الصديق صار الوقت الي لازم يعتمدون فيه على انفسهم دوره هنا خلاص انتهى ابتسم على ذكريات اصحابه سعود الولد الجداوي مثل ما كانوا يسمونه ايام الجامعه في الشلة برغم انه ما يتقن اللهجة الحجازية الا ان هاللقب كان ملازمه وين ما يروح صار الان مهندس و عنده بيت و اسره ينتظر اول فرحه له بعد كم شهر .. يوسف الصديق و الاخ الجار القديم من ايام ثانوي صاحب الضحكة الي تسعد علي مهما كان يحمل بقلبه من هموم صار الان مهندس بشهادة امتياز كون اسره بعد ما تغلب على كل مشاكله مع امه و ابوه و قدر يبني حياة مستقرة لاخواته الي كان خايف على وضعهم من بعده .. سيف و اااه من هذا الشخص كاتم اسراره و صديقه من ايام الطفولة لعبوا سوى درسوا تخصصوا نفس التخصص حتى بعد زواجه كان علي محور استشاراته حتى على سبيل حياته الشخصية كان له نعم الاخ قبل الصديق تغيرت حياتهم الثلاثة الا هو كل يوم روتينه مثل الي قبله مد يده لجيبه و طلع الشي الي مخفيه عنهم الثلاثة من شهور لحظات الضعف و كثرت الهموم ممكن تجر الشخص لطريق الغلط لكن بالعزم يقدر يسيطر على نفسه من اول الطريق قبل يتمادى اكثر رمى علبة السيجار الي كان يستخدمها من ثمان شهور في البحر قدامه و ابتسم لها و هو يشوفها تغرق بالمويه و كانها تسمعه (( خلاص معاد احتاجك من اليوم ))

**************

الخبر
الساعة الـ 06:55 صباحا

واقفه على باب المطبخ تراقبه و هو يلف ساندويتش جبن و يصب له كاس عصير صارت هذي حياته من بعد ما حذرتها الدكتورة من الحركة الصبح يحضر لنفسه الفطور و يلف لها ساندويتش قبل يروح و الغداء يجيبه معه و هو راجع من الدوام و العشاء يحضر أي شي خفيف يكلونه مع بعض تحس انها بدت تقصر معه بس هو حالف عليها ما تحرك شي
التفت للباب طالع و انصدم بوقفتها سعود\ انتي وش منزلك من السرير الحين ؟
هند\ جيت اشوفك لو تبي شي قبل تروح
سعود\ لا حبيبي ما ابي شي روحي ريحي نفسك انتي قايل لك لا تنزلين من الدور الثاني اصلا
هند\ طيب
لفة راجعه لدرج لكنها سمعت جواله و استغربت محد يدق عليه هذا الوقت الا يوسف عشان يطلعون لدوام مع بعض لكن يوسف الان باجازة هند\ من داق الان ؟
سعود بضحكة\ هذا يوسف الظاهر مل من البيت و بيقطع اجازته .. و اشر له بمعنى لحظه
سعود\ صباحك ملل يا عريس لا تقول ماشي الدوام .. لكن ابتسامة سعود اختفت و هو يسمع صوت يوسف
سعود\ شو فيك ليش صوتك كذا ؟
قلبها انقبض مع ملامح سعود الي بدت تتجهم و كانه يسمع خبر ما يفرح
سعود\ يعني ايش خلاص راح
قربت منه اكثر منو الي راح ؟ وش هالخبر الي جايبه يوسف مع هالصبح
سعود بنظرة حزن\ إنا لله و انا إليه راجعون وين انتم الان .. اهاا خلاص جايكم .. و قفل الخط
هند\ سعود شو فيه من الي راح ؟
من الي راح ؟ راح ترددت هالكلمة داخله الف مره الان استوعبها راح يعني ما راح يرجع خلاص قرب منها و لمس خدها بيده التقت عيونهم ببعض و لاول مرة يسمح لدمعه تنزل من عينه قدامها رفعت يدها و مسحتها من الي خلى عينك تدمع حزن عليه يا سعود من ؟

*************

الخبر
الساعة الـ 12:45 مساء

واقفين الاربعه فوق قبره بعد ما غطوه بالتراب و ساووه بالارض رجع الجسد لاصل خلقه الاول و صعدت الروح لخالقها ترتجي رحمته و عطفه اليوم فقدوا الاخ و الصديق الي تعودوا على وجوده بينهم في فرحهم و حزنهم اليوم مشوا به جثه فوق اكتافهم و رجعوا ينفضون غبار يدينهم بدونه
افتقدوه كلهم بس يضل فقده هو مختلف اليوم دفن ابوه الي رباه و علمه الصح من الخطاء دفن اخوه الي كل ما احتاجه لقاه واقف ينتظره دفن صديقه الاول التفت يطالع المكان و وجوه الي حوله سيف الي كان يبكي مثل طفل فقد مصدر امانه و يوسف الي يطالع القبر بشرود و كانه يتخيل انه بيطلع و يكذبهم و الا سعود الي طول الوقت يمشي معهم و خطاه مسيره ما هو مستوعب هو صلى على من .؟ و الا دفن من ؟ او حتى مفارق من ؟
طول عمره يشوف فيه اخوه الاكبر يعز عليه انه يكون بهذا الوضع قرب منه و جلس جنمبه ناصر\ قول لا إله الا الله
سيف\ المفروض انا الي اواسيك بس والله ما اني مصدق امس كنا مع بعض امس
ناصر\ خلاص يا سيف راح علي راح وش يفيد امس
معه حق علي راح وش تفيد جلستنا هنا المفروض حنا الي نواسي ناصر و نوقف معه لف شماغه على وجهه و مد يده لسيف يوسف\ قوم يالله علي محتاج منا الدعاء مو نصيحه كنا بنات بدل ما نوقف مع ناصر جالس هو يواسينا انت بالذات الان اخوه الكبير قوم حط يدك بيده و خلونا نمشي
لف للجسد المتحرك الي يرافقهم من اول و نادى عليه يوسف\ يالله سعود مشينا
سعود\ وين ؟
يوسف\ السياره
سعود بدون وعي لف للقبر و كانه بيقول و علي ما راح يرجع معنى ؟
قرب منه بوجه ثاني و كان كلام يوسف صحاه و جاء دوره يصحي سعود سيف\ لا طالع في القبر علي ما راح يرجع معنى هالمره هذا مكانه الاخير و بكره مكاني و مكانك و مكان كل هالبشر علي راح بس ترك لنا حبه اخوته صداقته الي ماراح ننساها تركنا الثلاثة مع بعض و بنضل مع بعض و روحه رابعتنا
الكلام الي يسمعه هو الحقيقة الي قدامه بس عقله يكذبها من اول طالع في عيون سيف هالعيون ما تكذب قرب منه و حضنوا بعض و سمحوا لعيونهم تعبر عن حزن قلوبهم.......

*************

الخبر
الساعة الـ 11:30 ليلا

قبل ساعات كان الكل حوله صحيح ما يساوون مكانه عنده بس اقلها يشاركونه حزنه يحس انه مو بس هو الي فقده فيه كثير غيره دمعة عيونهم عليه و الان رجع وحيد الا من هم مسئولية كان ما يشيل لها بال زادت عليه تنهد بحزن و رمى شماغه كل القوى الي كان يتصنعها بدت تهتز و بتهتز اكثر لشاف امه و اخواته
بعد ما تاكدت ان الكل طلع من المجلس اخذت شيلتها و راحت له شافته منطوي على نفسه بحزن قربت منه و جلسة بدون ما تتكلم
حس بوجودها هو محتاجها الان اكثر من اول ناصر\ راح علي يا منار راح وش بقول لامي الحين كيف بقابلها
حطة يدها على يده منار\ بتقابلها ناصر الي اعرفك بقوتك و صبرك بتقابلها ناصر الي ما خاب علي يوم رباه و استامنه من بعده على امه و اخواته
ناصر\ قوتي راحت مع علي خلاص
منار\ و هالبيت الي بناه علي من له كل زاويه فيه تبي شموخ رجال يسندها لا تضيع الي سواه علي بسنين الان انت رجال هالبيت امك و اخواتك من لهم غيرك اذا انت ضعفة هم ضاعوا و اذا ضاعوا ماراح يرتاح علي بقبره لا تخلي الدنيا تحسس امك بفقد الامن ترى فقدها لعلي مو سهل
رجال البيت هالكلمة سمعها من علي في اخر لقاء بينهم وهم راجعين من صلاة العشاء بنفس ليلة الحادث الي اتوفى علي بسببه وصاه على كل شي و كانه حاس انه ما راح يعيش بالدنيا اكثر حمله مسئولية كل شي بصفته رجال البيت من بعده.. التفت لها فعلا كلامها هو الصح امي ما فقدت شي سهل لازم تشوف فيه قوة علي الي حافظ علينا طول هالسنين جاء الوقت الي يرتاح فيه و اخذ المسئولية انا ناصر\ راح نقفل شقتنا فوق و ننزل في غرفتي عند امي تحت
كانت متوقعه هالشي و مستعده تتقبله ام علي و اخواته عاملوها مثل بنتهم و حست معهم انها صارت جزء مهم منهم منار\ ابشر بالي تبي
ناصر\ ما خاب الظن فيك
منار\ يالله امش معي لامك تسال عنك من صبح خلها تشوفك و ترتاح...

************

[جرح الذات]

الجزء الواحد و الاربعون


الاحد


اسبوع مر على وفاة علي الحزن هو الحزن طعمه بالقلوب ما تغير لكن الحياة و الايام بدت تاخذ طابع السير و الانشغال بالظروف و الاعمال اليومية رجعت طبيعة الدوامات اليومية لشباب و ناصر الي بداء يعمل بجد لان دائرة مسئوليته بدت تتوسع اكثر طول الفترة الماضية ما ينكر وقفت سيف و سعود و يوسف معه و لا ومنار الشخص الخفي وراء قوته.

الخبر
الساعة الـ 03:30 عصرا

البعد الشوق المشاعر الي تحسها كل ما سمعت صوت امها تعذبها تبى تشوفها ترمي نفسها في حضنها تتخلص من التعب و الخوف المسيطر عليها
ام نواف\ بس يا يمه انتي لازم تهتمين بنفسك اكثر زوجك معه حق يومه ما يخليك تشتغلين هو خايف عليك
هند\ و معه حق انه حارمني من شوفتكم بعد ؟
ام نواف\ ما اظنه حارمك منى و الا ما كنتي تكلميني الحين
هند\ يمه انا قلت شوفتكم كم شهر لي ما شفتكم ؟
ام نواف\ و شلون تبين تطلعين طيارة و انتي حالتك كذا تبين تفقدين ولدك انتي ؟
هند بخوف\ لا يمه
ام نواف\ اجل اسمعي كلمة زوجك و اجلسي هو عندك و يشوف حالتك قدامه لو انه شايف انك بخير كان نزلك عندنا و هذا انا اكلمك كل يوم نحن بخير يمه و ما نشكي خلاف ما نبيك تشغلين بالك فينا و تهملين نفسك
هند\ ان شاء الله يمه
ام نواف\ اجل يالله انا بخليك الحين بروح اسوي القهوة لجدتك قبل تصحى اسمعه اذن العصر
هند\ طيب يمه سلمي عليها و طمنيني عنكم....

***********

الخبر
الساعة الـ 04:15 مساء

طالعين من دوامهم مع بعض يمشون جهة مواقف السيارات كانوا قبل اسبوع اربعه والقضاء خلاهم اليوم ثلاثه
سيف\ بمر ناصر اليوم حد بيروح معي ؟
سعود\ انا ماظن الاهل عندهم موعد بالمستشفى
يوسف\ و انا مواعده المغرب مع الاهل
سيف\ خلاص انا رايح له الان نشوفكم على خير
سعود\ اجل سلموا لي عليه و ان شاء الله اشوفه بكرة
يوسف\ يوصل باذن الله
سيف وهو يطالع ساعته\ مدري يمديه رجع من الدوام ؟
سعود\ اتصل عليه
سيف\ صعب ادق اقوله بجيك احسن شي خلني اروح لين البيت اذا سيارته فيه نزلت و الا رجعت له بعدين
يوسف\ لا فيه اليوم يرجع على ثلاث امس مكلمه
سيف\ تمام ما قصرت يا يوسف
يوسف\ ابو علي من اليوم نادوني ابو علي لاحد يقول يوسف.......

**************

جده
الساعة الـ 04:20 مساء

من وقت كلمتها و بالها مشغول معها هند بدت تتضايق من جلسة الشرقية و هذا بياثر على نفسيتها و يا خوفها يسبب مشاكل بينها و بين سعود
ام نواف\ والله يا هند ما اعجبتني اليوم من كلمتها
ام محمد\ وش فيها عسى مهي تعبانه بس ؟
ام نواف\ لا تقول انها احسن بس معزمه الا تبي سعود ينزلها جده و هو كانه ما يبي
ام محمد\ معها حق من تزوجة ما شفناها الا مرتين حتى بعد ما حملت ما شفناها بنتنا كيف
ام نواف\ بس يا خالتي هي تتبع شور رجلها ما نبي تصير بينهم مشاكل من اولها الله العالم هي متى تقدر تزورنا
ام محمد\ هند ما هي بزر تمنعونها بكره بتولد اذا الله كتب لها اكيد بتقوله بروح عند اهلي سعود لين متى بيكذب عليها
ام نواف\ مدري والله هو خايف عليها ما يبي يقولها الحين لين يستقر وضعها
ام محمد\ يا خوفي تسمع كلام من برى و تجي تلومنا ليش ما قلنا لها
ام نواف\ أي والله انه هذا الي مخوفني بس الله يسترها.......

*************

الخبر
الساعة الـ 05:10 مساء

جالس يتاملها و هي تلبس عباتها بيطلعون للموعد مع الدكتورة بطنها صاير يكبر و هذا شي مفرحه ان الجنين ينمو و لسى موجود معاهم بس وجهها و ملامح التعب الي صارت واضحه فيه شي مقلقه كثير اسبوع له تقريبا مهملها حتى الموعد ماجله من الاسبوع الماضي و طول وقته في بيت اهل علي و لما يرجع يكون تعبان نفسيا و جسديا و ينام على طول و هي ساكته و ما تشكي ابد
انتبهت له انه جالس يطالعا بشرود هند\ وين وصلت فيني ؟
قام من مكانه و جاء وقف مقابلها سعود\ لكلمة انا اسف
هند\ على شو ؟
سعود\ كل شي هنوده
هند\ سعود شو فيك انا ما اني ناقصه خوف
سعود\ و ليش الخوف حبيبي انا حاس اني مهملك من اسبوع و مقصر فيك حبيت اعتذر
هند\ بس ؟
سعود\ ايه بس
هند\ انت ما كنت مهملني حبيبي بس الظروف ما كانت مثل ما نبى
سعود\ الله كريم يالله خلصتي نمشي ؟
هند\ ايه خلصت
مسك يدها و ضغط عليها سعود\ هدي نفسك لا تقلقين هو موعد عادي
هند\ خلك معي زين
سعود\ ابشري انا معك.....

*************

الخبر
الساعة الـ 05:45 مساء

كل ما يشوفها قدامه يتذكر استعجاله بالزواج يحمد ربه انها معه الان توقف جنبه يتذكر علي هديته الي لا يمكن ينساها طول الفترة الاخيرة الي مرت يوسف هو الوحيد الي لاحظ تغير علي و شروده في كل جمعه بينهم
ساره\ خلاص انا جهزت
يوسف\ تعالي هنا..واشر لها تجلس جنبه
ساره\ شو في حبيبي ؟
يوسف\ عارفه ساره ان فكرة الهدية حقت اللوح الخشبي علي الله يرحمه هو الي اختارها لي
ساره\ الله يرحمه
يوسف\ قالي هالهدية بتبقى لين تزوج عيالك ما تنساها
ساره\ ان شاء الله تبقى معنى و ما ننسى علي الي اهداها لنا
يوسف\ انا الان مرتاح انك معي مرتاح ان علي حضر زواجي قبل لا يموت
ساره\ انا معك على طول حبيبي و علي بيتم معنى على طول
يوسف\ بيتم معنى يا ساره لانه باذن الله بيكون اسم ولدنا الاول....


*************


الاثنين

جده
الساعة الـ 04:45 عصرا

سكرت منها الخط و هي تبتسم من اول ماتزوجت و هي كل يوم تدق عليها و تسمع اخبارها و تسالها عن صحتها و كانها بنتها ما هي زوجة ولدها
ام عزام\ وش تبى بعد هالهند اشوفها كاثره اتصالاتها معك يمه
ام سعود\ فيها الخير والله تسال عني
ام عزام\ يعني حنا الي ما نسال عنك يمه شوفيني كل يوم تاركة بيتي و جايه عندك
ام سعود\ انتن بناتي و ملزومات تسالن عني
ام عزام\ و سعود هو بعد ولدك اشوفه قبل يتزوج ينزل جده كل اسبوع و الحين ما نشوفه الا بالشهر مره
ام سعود\ اخوك من وين يلقاها صديقة تو متوفي و زوجته و تعبانه معاد يقدر يتركها لوحدها وين الوقت الي يجي فيه جده
ام عزام\ سبحان الله يمه اول كان اذا ما نزل زعلتي منه و الحين اشوفك الا راضيه و تحطين له الاعذار بعد
ام سعود\ لاني مرتاحه انه عنده حرمه اداريه و تشوف طلباته
ام عزام\ و الله مدري صار من يشوف طلبات من ؟
ام سعود\ الله يعطيك خير نفسك يمه قومي بس هاتي لي الجوال خل اشوف فارس وش سوى باختباره......

************

الخبر
الساعة الـ 04:50 مساء

قام من على الطاولة و اخذ صحنه معه للمغسلة كلام الدكتورة امس كان مطمئن الى حد ما بس لو استمروا على محافظتهم بهذي الطريقة راح يعدي كل شي على خير باذن الله
الكلام الي امس طمنها كثير لكن المشكلة في كم الالم الي تحسه متى ينتهي هي مستعده تصبر و تتحمل الف آآهااه و وجع بس تشوف طفلها تلمسه و يكبر قدام عينها اخذة صحنها و قامت للمغسلة
مد يده و اخذه منها سعود\ انا قايل لا تشيلين شي
هند و هي تغسل يدها\ صحن خفيف ما ياثر
سعود\ حتى لو ممنوع تشيلينه
هند و يدها على بطنها\ امس الدكتورة قالت لي اني في اول اسبوع من الشهر الخامس باقي اربع شهور بس
لف يدينه من ورى ظهرها سعود\ بتمر حبيبي باذن الله بكل خير بس انتي اسمعي كلامي و لا تعندين هالراس
هند\ ان شاء الله
باسها على جبينها سعود\ عفيه على الي يسمعون الكلام يالله على السرير اشوف
هند\ هههههههه طيب بابا
سعود\ هههههههههه ايه انا بابا و ماما و كل شي و ممنوع من اليوم اسمع منك كلمة لا
هند\ بس حاضر و طيب و ان شاء الله
سعود\ ايوا برافو حبيبي عليك
هند\ طيب بابا سعود ممكن طلب صغيرون
سعود بباله كان يدعي ان طلبها ما يكون روحه لجده\ قولي
هند\ نروح البحر الليله
سعود بضحكة راحه\ بس البحر من عيون بابا سعود نروح.....

**************

جده
الساعة الـ 07:30 مساء

في مكان مظلم و موحش سكانه بين ظالم و مظلوم كانت نهاية عبثها و سنين ظلمها من اليوم راح تدفع ثمن كل دمعه سببتها لعيون بريئة راح تدفع ثمن الضحكات الي قتلتها على الشفاة التفتت حواليها وجوه غريبه مكان مقزز متهالكه جدرانه من الزمن وين الفلوس الي جمعتها وين السلطة و الهيبه الي صنعتها لنفسها كلها راحت مع الريح و بقت دعوة مظلوم سهمها صاب ابواب السماء و اتفتحت لها.....

****************

الخبر
الساعة الـ 10:15 مساء

جالسين على واحد من الكراسي بواجهة بحر الخبر المكان هادئ و الجو كان شوي حر بس الملل الي تحسه هند بالبيت مجبرها تبقى و تستمتع بجلستها
سعود\ هنوده ترى ذبت من الرطوبة تعالي نطلع السيارة
هند\ بس ما نروح البيت
و هم يمشون لسيارة سعود\ طيب نجلس بالسيارة لين بكره بس بالمكيف يرحمنا من هالحر
هند\ المفروض انك تعودت على جو الشرقيه
سعود\ حرها ما ينطاق تعودت و الا ما تعودت
هند و هي توجه المكيف ناحيتها\ حتى المكيف ما يسوي شي
سعود\ هههههه لا ارجعي اجلسي هناك احسن
هند\ كنت اكابر بس وربي البيت صار ملل
سعود\ ادري حبيبي بس الله يعين
هند\ شو اخبار اهل علي متى رحت لهم ؟
سعود\ و الله من يومين مارحت هنوده بس اتصلت بناصر اليوم يقول الحمد لله امورهم بخير
هند\ الحمد لله صراحه امه كانت مره تعبانه ايام العزاء
سعود\ الله يعينها ولدها يا هنوده مو سهل عليها تفقده
حست بالغصه من كلامه ولدها مو سهل تفقده نفس الشعور الي تحس فيه الحين دمعة عينها و اخفتها بسرعه عن سعود هند\ صحيح مو سهل عليها الله يعينها....

************




الجزء الثاني و الاربعون

الاربعاء

الخبر
الساعة الـ 06:50 صباحا

جهز السندويتش و لفه لها و طلع عندها للغرفه فوق لما نزل كانت نائمه لذلك دخل بهدوء و حطه على الكومدينه لف عليها و تاملها و هي نائمه كل ما تقدمة بالحمل التعب يصير واضح على ملامحها مد اصابعه بهدوء و شال شعرها عن وجهها (( اعرف انك متضايقه مني و تفكرين اني بمنعك من اهلك و انتي محتاجه امك الحين بس ما تبينين يا قلبي بكره بتعرفين منهو سعود و اني ما سويت كل هذا الا لجل عيونك و من خوفي عليك ))
سحب له ورقة و قلم و كتب لها (( صباح الورد لوردة حياتي .. هذا فطورك جهزته لك و خلك مرتاحه لين ارجع و ترى بتاخر شوي اليوم عندي مشوار بعد الدوام .. احبك ))
حط الورقه عند يدها و اخذ شماغه و طلع من البيت لدوامه...

**************

الخبر
الساعة الـ 07:50 صباحا

وقف سيارته و التفت و هو يبتسم سبحان الله يوسف جاي قبله اليوم و حتى قبل الدوام بعشر دقائق نزل من السيارة و على طول طلع له المكتب يشوفه
سعود\ سلام ايش النشاط هذا كله ما اصدق
يوسف\ و عليكم السلام قول ما شاء الله بس
سعود\ لا تخاف منب عيان بس اول مره تصير في التاريخ تجي الدوام قبلي
يوسف\ ما هو انا افتكيت منك قلت ارتاح شوي واجي الدوام على راحتي بس طلع لك خلفيه في الارض
سعود\ هههههههه منو ؟
يوسف\ مالك خص
سعود\ هههههههههههههههه محد قالك حب
يوسف\ يا اخي ما اقدر اقولها لا قلبي ما يطاوعني تصحيني من اول ما يأذن مسجدنا
سعود\ ههههههههههه
يوسف\ مبسوط انت تضحك هااه شكل محد يصحيك ؟
سعود\ ااااه يا قلبي ياليت ترجع تصحيني زي اول لو من قبل يأذن انا راضي
يوسف\ كيف صحتها الحين ما طمنتكم الدكتورة اخر مره ؟
سعود\ نفس الكلام حق كل اسبوع والله اني اطمنها و كل ما شفتها تتالم قلبي قبضني و خفة اكثر
يوسف\ الله يخليه لكم و لا يحرمكم فرحته
سعود\ امين يارب يالله انا رايح مكتبي نشوفك على خير..

*************

الخبر
الساعة الـ 09:30 صباحا

صحت من نومها متكاسلة طالعت الساعة . اووف سعود راح و ما صحاني كانت تتحرك و كل جزء فيها يألمها ياربي ارحمني من هـ الالم لين متى بيستمر حتى مع الادوية ؟
انتبهت للورقة تحتها ابتسمت و اخذتها تقراها تنهدت ( ياربي منك يا سعود كل يوم تجهز لي الفطور و انا معاد اسوي شي انا ادري انك خايف علي بس صرت اقصر بواجبي تجاهك سامحني يا روحي )
اخذت الجوال و دقت عليه تبى تسمع صوته تبى تقوله انا بعد احبك و ما اقدر اعيش لحظة من حياتي بدونك .. لكن سعود مارد على جواله .. حست بالاحباط و نزلت جوالها و قامت الحمام ( اكرمكم الله ) تغسل
هند بالرغم انها كانت تحب سعود بداخلها و افعالها لكن عمرها ما قالت له كلمة احبك......

************

الخبر
الساعة الـ 06:05 مساء

واقفه عند مدخل الباب من نص ساعة قال لها بيتاخر بس ما هو الى هـ الوقت من وقت طلع من الدوام و هو له ساعتين و لسى ما رجع البيت بدت تقلق تخاف وين يكون راح .؟ و ليش ما يرد على جواله من الصبح ؟ من تسال عنه الان تتصل في نواف و الا يوسف او تنتظره كمان شوي ؟
اول ما سمعت الباب انفتح لفت و بعيون مغمضه تحسست جسمه و حضنته هند\ حبيبي وين رحت ليش اقلقتني كذا ما ترد على جوالك ؟
كان بداخله فرحان بخوفها عليه بس الموقف ما يساعد يبين لها فرحته و حبه بعدها على خفيف و قبل ينطق تفاجاة بالي واقفه وراه و ابتعدت هند\ منو هذي ؟
سعود\ هذي هيلي شغالتك .. هيلي هذي مدام هند
هيلي\ مرحبا مدام
هند كانت مبهته بينهم سعود ما قال لها انه بيجيب شغاله و لا هي كانت تتمنى هـ الشي منه و في اول حياتهم هند\ اهلا
عارف انها تفاجئة منه بس هذا كله من خوفه عليها سعود\ هيلي تعرف تتكلم عربي زين و تطبخ و كل شي ترى هي اخت يأتي الي عند أمي
هند\ بس انا ما قلت ابي شغاله
وجه كلامه لهيلي سعود\ اخر ممر هنا مطبخ و جمبه غرفة حقك روحي ارتاح لين بكره
بعد ما تاكد انها راحت سعود\ شو هذا هند قايل لك تعرف عربي زين تقولين انا ما ابي شغاله اجل جايبها لمن انا ؟
هند\ بس انت ما قلت لي بتجيب شغاله
سعود\ انتي الان تعبانه و محتاجتها
هند\ بصير زينه بس ما ابي وحده تسوي الاشياء الي المفروضة علي كزوجه
سعود\ بكرة بتولدين لازم تكون عندك وحده تساعدك
هند\ بس انا ابي اولد عند اهلي و امي الي بتساعدني مو ذي
سعود بقلة صبر\ و من قال انك بتولدين عند اهلك ؟
هند\ انا قلت
سعود\ شورك في راسك ما شاء الله
هند\ سعود
سعود و هو طالع الدرج\ بلا سعود بلا هم ولدي راح يولد و يتربى في بيت ابوه و قدامي و كلام غير كذا ما عندي
طلع الغرفة و تركها بمكانها تستوعب الكلام الي يقوله ليش يا سعود ليش بتمنعني حتى من اهلي ؟ ليش احيان احسك احن قلب بالدنيا و احيان اقسى قلب.....

**************


الخميس

الخبر
الساعة الـ 01:30 ظهرا

تحس ان حياتها ما اختلفت كثير عن قبل الزواج مجرد غرفة و تغيرت عليها و وجود شخص بحياتها يمكن بحكم و جود خالتها و زوجها معهم بالبيت ما هو معطيها الحرية الكبيرة انها تتحرك في البيت براحتها و تغير في كل زاوية مثل ما تبي و تتمنى يوسف هو الشي الوحيد الي مخليها تسكت و تتقبل أي شي من خالتها الي بدت تتحكم حتى باصناف الاكل و مواعيده و كان البيت له نظام معين ماشي عليه و ماراح يتغير التفتت له و ابتسمت جالس يلعب بالقطع الخشبية يحطها في اللوح و يطلعها لين استقر على قطعتين وحده سوداء و وحده حمراء استغربت منه ما تذكر انها زعلته او هو زعلها هالاسبوع قربت منه ساره\ متى زعلتك انا ،؟
يوسف\ طيب تعرفين متى انا زعلتك ؟
ساره\ لا
يوسف\ لاننا مخبين على بعض انتي زعلانه من شي و ما تبين تقولين و انا مسوي شي و ما ابى اقول
ساره\ انا مو زعلانه منك
يوسف\ بس في شي مضايقك
ساره\ يمكن بس انت وش الي مخبيه و ما تبي تقول ؟
يوسف\ قولي انتي اول
حاولت تطلع لها كذبه ساره\ يمكن متضايقه من جلسة البيت تعرف خالتي تنام بدري و اغلب وقتها مع ابوك استحي اجلس بينهم
يوسف\ يا شيخه عاد وهم يجلسون بهدوء صوت هواشهم يوصلني الدوام
ساره\ ههههههه حرام عليك يالله عاد قول وش مخبي عني ؟
يوسف\ بؤسيني و اقول
ساره\ يوسف بلا حركات عاد
يوسف\ زين بس هدي نفسك و بلا دموع
ساره\ طيب
يوسف\ اقول علي الامان
ساره\ ايه
يوسف\ بعد سته شهور انا مسافر
ساره حست بضيق\ مسافر وين ؟ وليش ؟
يوسف\ مسافر انا و قلبي بعثه لكندا خمس سنوات
ساره\ خمس سنوات و انا ؟
يوسف\ هههههه بلا تستطيل قلت انا و قلبي يعني انتي بتروحين معي مجنون اعيش بدونك خمس سنوات
هذا الي كانت محتاجته تكون مع يوسف بمكان لوحدهم تعيش قصة حبها بكل تفاصيلها قامت و حضنته ساره\ اروح معك العمر كله لو لاخر العالم..

**************

الخبر
الساعة الـ 02:40 مساء

من امس و الوضع بينهم متكهرب هي ما تبي تكلمه و ما توقعت منه هالتصرف و هو ما يعرف شلون يعتذر منها قسى عليها امس بكلامه كثير بس التعب الي كان يحسه منرفزة و مضيق اخلاقه الدوام المطار الحجوزات اجرات الجمارك كلها في راسه من وقتها دخل نام و ما صحى الا اليوم بعد صلاة الظهر قرب منها و جلس جمبها يلعب بااصابعه بدون ما يتكلم
ما تبي تسمع منه شي تحس بضيق و قهر و تعب من امس ما هو طبيعي بظهرها احسن حل تقوم عنه لجل ما تزود بينهم المشاكل اول ما وقفت مسكها من يدها سعود\ اسمعيني طيب اول
هند\ انت قلت ما عندك كلام بعد امس
سعود\ انا كنت تعبان و معصب
هند\ و ذنبي انا شو ؟
معها حق هي مالها ذنب اعصب عليها كل ما اتضايقة من شي سعود\ طيب ممكن تجلسين و نتفاهم بهدوء
جلسة مكانها بدون كلام تنتظره وش بيقول
سعود\ انا ما قصدت بكلامي الي انتي فهمتيه بس اتوقعتك بتفرحين بشالغه انها تساعدك في البيت و انا والله ما جبتها الا عشان خاطرك و الا عن نفسي ما كنت ابي الشغالات يدخلون بيتنا من اولها بس انتي شوفي الظروف كيف معنى انتي ما تقدرين تسوين شي و لا اباك تسوين شي من الاساس و انا عندي دوام و مشتت و طول وقتي والله و انا افكر انك تحتاجين شي و انا ما اني موجود
هند فعلا معه حق\ انا اعترف اني مقصرة معك و بحقك بس ما توقعت انك بتجيب شغاله حتى بدون ما تعطيني خبر
سعود\ يا روح سعود انتي ما قصرتي معي و الله يشهد بس انتي الان وضعك ما يساعد على أي حركة و هذا كلام الدكتورة و انتي سمعتيه بنفسك يعني بس ترتاحين لين تولدين ان شاء الله و بيرجع كل شي مثل اول حتى الشغاله اسفرها بعدين لو معاد تبينها
هند\ زين بس لين اولد و معاد ابيها
سعود\ ابشري من عيوني هههههههه و الله انكم غريبات يا الحريم اذا الواحد جاب شغاله قلتوا ليش و اذا ما جاب جلستوا تحنون فوق راسه لين جاب لكم
هند\ اصلا ما عمري سمعت بها رجال يجيب من نفسه لزوجته شغاله
قرب منها يضحك سعود\ ما في واحد بالدنيا يحب زوجته مثلي
هند\ احلف بس
رفع اصبعه قسم سعود\ والله
هند من يومها تكره الزعل و مع سعود ما تقدر تقاومه حطت راسها على صدره\ و ما في بالدنيا وحده ما تزعل من زوجها مثلي حتى لو ضايقها بسرعه تسامحه
سعود\ يعني حبيبي مو زعلان مني ؟
هند\ ما يقدر قلبها
سعود\ فديته بس انا يارب ما نحرم منه...

***************
جده
الساعة الـ 04:00 مساء

شافتها مثل كل يوم بعد صلاة العصر تطلع من البيت ساعة او اكثر و ترجع الفضول بداء يسيطر عليها كـ طفلة و قفتها هالمره و سالتها
منال\ جدتي انتي وين تروحين كل يوم ؟
ام محمد\ اروح لحرمة يمه
منال\ طيب ابى اروح معك
ام محمد\ بس يمه هالحرمه ما عندها بنات تلعبين معهم
منال\ عايشه لوحدها ؟
ام محمد\ ايه يمه
منال\ طيب انتي ليش تروحين لها ؟
ام محمد\ عشان ما عندها احد و هي مريضه
منال\ و انتي تساعدينها ؟
ام محمد\ ايه اساعدها
منال\ طيب ليش ما عندها بنات ؟
ام محمد\ عندها بس بعيد لـ خلصت المدرسة يجون عندها
منال\ و بعدين انا اقدر اروح معك ؟
ام محمد\ ان شاء الله يمه تروحين هالحين روحي عند امك لين ارجع و بس يجون بنات هالحرمه انا اشيلك معي لهم....

*************
الخبر
الساعة الـ 06:50 مساء

ابتسم لها براحه و هي تجلس جمبه و هيلي وراها معها الشاهي صحيح امس زعلت و ما تقبلت الشغالة بس اليوم كانه ما صار شي جلسة في المطبخ و سوت معها الغداء بدون ما تتحرك من مكانها و هذا الي كان يبيه سعود و الي مريحه اكثر ان هيلي تعرف كل العادات السعودية بحكم انها جات كم مره تشتغل
شافتها نزلت الشاهي على الطاولة و قربت تصبه هند\ خلاص هيلي روحي شوفي شغلك خلي شاهي انا اصبه
وقفت بمكانها و كانها تبي شي و متردده
هند\ تبين شي ؟
هيلي\ يس ممكن انا يكلم يأتي شويه بس
طلع لها جواله فعلا يأتي عندهم من ثلاث سنوات ما سافرت لهلها و هذي اختها اكيد مشتاقه لها سعود\ يأتي ما عندها جوال بس بتصل في ماما كبير و تكلمينها دقيقه
اتصل سعود بأمه و بعد سلام و سؤال عن الحال و سوالف استاذنها انه اخت يأتي تبي تكلمها ..
سعود\ خذي كلميها
اخذت هيلي الجوال و كلمتها شوي و قفلت الخط و مدت الجوال لسعود\ شكرا مستر.. و راحت تكمل شغلها
هند\ امي بخير اليوم ما كلمتها ؟
سعود\ الحمد لله زينه ايه تسال عنك توها
هند\ ان شاء الله شوي ادق عليها قبل تنام
سعود\ عودتيها عليك كل يوم و من ادق الا سالت عنك ضعت انا بينكم خلاص
هند\ ههههههه يالغيار
سعود\ ايه ما كان احد ينافسني في حبها لي حتى اخواتي ما تحبهم مثلي جيتي انتي قلبتي كل الاوراق
هند\ و لسى ما جاء ولدك بعد ما عاد لك مكان وقتها
سعود\ اصلا بخليه عند امي هي تربيه و انا و انتي نعيش حياتنا
هند\ لا والله
سعود ببراء و هو يحط يدها على قلبه\ ايه انا محتاج حنان محتاج حب و هو بكرة بياخذ كل شي و انا اتفرج بعدين من له اروح انا ساعتها ؟
هند\ ياربي يا دلعك تغار منه و هو لسى ما جاء لا تخاف بحبكم مثل بعض
سعود\ لا انا لازم اكثر لانك عرفتيني من قبله هو الحب الثاني و انا الحب الاول
هند\ هههههههه طيب بس كذا من عيوني يالحب الاول
قام و باسها بين عيونها سعود\ و انا ذابحني غير هالعيون يالله انا ماشي تبين شي ؟
هند\ رايح لناصر ؟
سعود\ ايه بمر يوسف و نروح له نطلع شوي نغير جو معه
هند\ زين انتبه لنفسك حبيبي
مشى عنها شوي جهة الباب و اشر لها على عيونه سعود\ و انتي بعد انتبهي لقلبي و لحبك الثاني.......

**************



الجزء الثالث و الاربعون


بعد اسبوعين من الاحداث الاخيرة

الاثنين

الخبر
الساعة الـ 07:10 مساء

انتبه لها طالعه من الحمام ( اكرمكم الله ) بوجه اسود كئيب و شفايف ترتعش منظرها خوفه و الاكثر انها وقفت بمكانها شهقت بدمعه و غطة فمها بيدها قرب منها بخوف و كانه بداء يحس ان فيها شي
سعود\ حبيبي شو فيك ليش وجهك كذا ؟
هند ما قدرت ترد لانها من الاساس مهي مستوعبه الي شافته
رفع صوته لها سعود\ هنوده ردي وش فيك ؟
هند بصدمه\ انا انزف....

************

جده
الساعة الـ 07:30 مساء

رجعت اليوم من المركز بامل جديد بعد اكثر من احدى عشر شهر اليوم بدت توقف على رجولها و مع الايام راح تستغني عن الكرسي الفرحة الي تحسها ماتنوصف و بتكمل لما تخبر سعود و هند
ام سعود\ فارس يمه دق لي على جوال خالك
فارس\ على طول بتخبريه طيب و تقولي ما تحبيه اكتر مني ؟
ام سعود\ خلني ابشره يمه خالك من متى ما سمع خبر يؤنسه
فارس و هو يدق رقمه\ ابشري ..بعد انتظار دقيقة
فارس\ مايرد جدتي اكيد نائم دحين
ام سعود\ ايه يمكن اجل بالجوال مكتوب هند دق عليها يمه
فارس مستغرب\ برضوا ماترد
ام سعود\ اللهم اجعله خير خالك يمكن نائم هالحين بس زوجته ما تنام بدري
فارس\ كلموك اليوم ؟
ام سعود\ ايه سعود كلمني الصبح بس هند هذا وقتها تدق
فارس\ اجل لا تقلقي يمكن مشغوله بشي و ترجع تدق لك لما تخلص
ام سعود\ طيب يمه دق على رقم بيتهم يمكن جوالاتهم فوق وهم جالسين تحت
فارس\ مسجل عندك ؟
ام سعود\ ايه يمه مكتوب بيت سعود
شو يقول لها ما يبي يقلقها فارس\ يمكن طالعين برى البيت جدتي
ام سعود\ محد يرد ؟
فارس\ لا......

**************

الخبر
الساعة الـ 09:05 مساء

رايح جاي بالممر يدعي ربه انه يسترها معاهم ما هو عارف شو يسوي من وقت دخلوا هند عنه غرفة الكشف معاد احد طلع و لا طمنه عليها بينه و بين نفسه كان معزم يعطيهم خمس دقائق و يدخل الغرفة اذا ما طلع احد طمنه
طلعت و قبل ما يسالها كانت اسرع منه الدكتورة\ انت زوج المريضة ؟
سعود\ ايه طمنيني شو وضعها الان ؟
الدكتورة\ اتبعني للمكتب
ثواني و كان معها بمكتبها القلق مسيطر عليه و هي ما هي راضية تتكلم بسرعة سعود\ شو وضعها فقدت الجنين ؟
الدكتورة\ لا الحمد لله كان نزيف بسيط و وقف الان
اخذ نفس عميق بارتياح سعود\ الحمد لله
الدكتورة\ لكن بصراحة وضعها كذا ما يطمئن انا افضل تاخذ حبوب او ابر تثبيت
سعود\ هي اخذت ابرة تثبيت اول حملها و قالت الدكتورة الي اتابع معها انها ما تحتاج للحبوب
الدكتورة\ اهاا تمام يعني انتم متابعين لحالتها من اول ؟
سعود\ اكيد
الدكتورة\ فيني اقولك الان انها بس تسترخي على السرير و تحاول ما تتحرك كثير و الحالة النفسية لها دور كبير يعني حاول تريحها نفسيا و افضل تشوفها الدكتورة الي متابعه معها في اقرب وقت
سعود\ ان شاء الله يعني الان اخذها معي البيت خلاص .؟
الدكتورة و هي توقف\ طبعا بس لما تخلص المغذي..

****************

الخبر
الساعة الـ 09:15 مساء

دخل عليها المطبخ مبتسم لها برضى تام من اليوم الي قالها انهم بيسافرون و هي مبسوطة من كل شي لدرجة انها خبرة امها بدون دموع قرب منها و وقف مكتف يدينه يوسف\ شو تسوين هنا ؟
ساره و الي كانت تغسل صحون العشاء\ الي تشوفه
يوسف\ بس انا قايل لك بنام
ساره ببتسامة\ السرير فوق ما هو بالمطبخ
مد يده و سكر عنها المويه يوسف\ اتركي من يدك و تعالي معي فوق
ساره\ يوسف خلني اخلص ما احب يجلس شي على المغسلة لين بكره
يوسف\ ما فيه انا ابي انام الحين
ساره\ طيب روح و انا الحقك بعد خمس دقائق
عرف ان الكلام معها ميؤس منه خل يتصرف هو احس بلحظة رفعها و وصل فيها للباب المطبخ و هي تصرخ نزلني
ساره\ يوسف يا مجنون لو تطلع امك الان وش تقول
يوسف و هو يطلع الدرج\ بتطلعينهم انتي بصوتك و لا نفس اقول.....

***************

الخبر
الساعة الـ 09:50 مساء

دخل فيها الغرفه و مددها على السرير و فسخ لها العباية سعود متاكد بعد كلام الدكتورة ان كل السبب بالنزيف الي صار لهند الحالة النفسية صارت تتضايق على طول و من أي شي لكن هو فعلا ما يلومها كم شهر و هي ما شافت احد الا هو او نواف بالاسبوع مرة تحملته هو و نفسيته الي احيان تكون عدم تحملت البعد و هي محتاجه اهلها محتاجه امها من اول ما عرفت بحملها من ست شهور و كل ما تقدمت في الحمل بتحتاجها اكثر و اكثر.
سعود\ يعورك شي حياتي الان ؟
هند\ لا
سعود\ الحمد لله عدت على الخير
هند\ شو قالت لك الدكتورة بجهض صح ؟
حط يده على فمها سعود\ لا مو صح الا اذا استمريتي بذا التفكير فعلا بتجهضين هنوده تمسكي فيه ثقي انه بيعيش و تربينه عشان ربي يعطيك على نيتك
هند\ مدري سعود انا تعبانه ما اني قادرة احدد انا شو افكر فيه
سعود\ طالعي في عيوني و قولي لي بصدق انا لي مكانه عندك او لا ؟
هند بانفعال\ انت حياتي كلها سعود
سعود\ تظنين يوم اني بتركك او بقسى عليك .؟
هند\ لا
سعود\ تظنين يوم اني بحرمك شي تحبينه او بخبي عنك شي ؟
نزلت راسها و ما عرفت شو تقول الا الي تحس فيه هند\ انت من فترة مخبي عني شي سعود انا احس فيك سفراتك لجده بدوني التلفونات الي احيان تقلب مزاجك حتى نواف لمن يجلس عندي مرتبك و مخبي عني شي والله كنت افكر ان امي او جدتي صار لهم شي انا الان اكلمهم الاربعه كل يوم بس عشان ارتاح و ما افكر وانا بعيده عنهم سعود ريحني و قولي انتم شو مخبين عني ؟
هالمره بصدق قلبه عوره عليها تمنى لو يقدر يقولها الان بس صعب صعب يا هند تعرفين شي الان قرب منها و حضنها سعود\ ما في شي احنا مخبينه حبيبي عنك لا تتوهمين شي ما صار
يارب ياسعود يارب يطلع ظني غلط و ما تكونون مخبين عني شي يارب..

**********

الثلاثاء

الخبر
الساعة الـ 08:10 صباحا

دخل مكتبه و لاول مره متاخر عن العمل عشر دقائق طول الليل ما قدر ينام من التفكير في وضعه و في حياته يا ترى الي سواه صح او غلط وبيسير مثل ما يتمنى او بيطلع له شي يخرب عليه
وقف له عند الباب و هو يبتسم يوسف\ مخصوم نص الراتب ليش التاخير ؟
سعود\ قلهم اخصموه كله طيب
يوسف\ اوووب النفسية وش فيك ليش متاخر ؟
سعود\ اول مره اتاخر اختل التوازن الاقتصادي للعالم
يوسف\ خلك بس و قولي ليش متنفرز كذا ؟
سعود\ ما نمت
يوسف\ ليش عسى خير ؟
سعود\ ما اعرف يوسف امس من المغرب و زوجتي بالمستشفى صار عندها نزيف طول الليل و انا اراقبها خايف يصير لها شي
يوسف\ لا حول و لا قوة الا بالله و هالحين هي وين بالبيت و الا المستشفى ؟
على كلمة بيت او مستشفى دخل عليهم سيف\ من الي بالمستشفى .؟
سعود\ زوجتي لا هي الان بالبيت
سيف\ شو صار لها ,؟
سعود\ نزيف
يوسف\ و الجنين بخير ؟
سعود\ الحمد لله
يوسف\ و ما كان لك احد ما تدق و لا شي ؟
سعود\ رجعنا المستشفى و نامت ماله داعي اقلقكم
سيف\ أي قلق هذا و انا جارك في نفس السكن افى عليك بس
يوسف\ و انا زوجتي ما عندها شي من الاساس يعني لو جبتها الصبح عندها لين ترجع من الدوام ما بيصير شي
سعود\ ما استغني عنكم و الله و ما تقصرون بس الشغاله عندها و اخوها دقيت عليه قال يمرها الظهر...

*************

جده
الساعة الـ 02:30 مساء

جالس معها يتغداء و شايفها من اول ما رجع شارده و بالها مشغول في شي
فارس\ وين وصلتي جدتي ؟
ام سعود\ عند خالك و زوجته يمه و الله ان بالي مشغول عليهم
فار س\ ما هو خالي اتصل و طمئنك ان زوجته بخير ليش تقلقين دحين ؟
ام سعود\ يمه البنت ضعيفة و هذا اول حمل لها ما تعرف شي بكرة بتولد تحتاج حد عندها يداريها و يهتم بها
فارس\ وي هو خالي ما راح ينزلها عند اهلها حتى لما تولد ؟
ام سعود\ لسى ما هو عارف اذا بيتحسن الوضع بيقدر ينزلها لكن على ذا الوضع ما ظنتي يقدر ينزلها
فارس\ الله يسترها بس انا عندي لك حل بيريحك
ام سعود\ قول يمه
فارس\ اذا قربت ولادتها و الوضع مثل ما هو سافري انتي عندها لين تولد و تشوفي حفيدك و ترجعي....

************

الخبر
الساعة الـ 04:50 مساء

رجع من الدوام و طلع لها الغرفة فوق على كلام هيلي انها ما قامت من السرير من الصبح قلبه مقبوض لا تكون تعبانه شافها ممدده على السرير ورافعه رجولها على مخده حاولت تقوم لمن شافته
سعود\ خليك حبيبي زي ما انتي
هند بعد ما نزلت رجولها\ خلاص من اول و انا كذا ارتحت
سعود\ كيفك هالحين يا قلبي في شي يعورك ؟
هند\ جسمي كله سعود متكسر ما فيه اتحرك شبر
سعود\ ما عليه حبيبي هذا من المغذي وقت و يروح ترى سويت لك موعد مع الدكتورة بكرة
هند\ ان شاء لله
سعود\ كلمت اهلك ترى و طمنتهم و امي بعد تسلم عليك لا تجهدين نفسك بالاتصالات طيب
هند\ ايه الله يسلمها حصلت لها مكالمة امس
سعود\ نواف مرك اليوم ؟
هند\ ايه مرني و رجع للجامعه قبل العصر
سعود\ تغديتي حبيبي ؟
هند بخجل\ ايه سبقتك هالمره عشان اخذت الدواء
سعود\ فديتك ما عليه اهم شي تاخذي علاجك بوقته
هند\ طيب بدل و انا اكلم هيلي تحط لك غداء
سعود\ اكلت حبيبي مع الشباب ابي انام بس مره مصدع
هند\ ادري طول الليل مانمت عشاني
سعود\ اكيد عشانك
هند\ الله يخليك لي حبيبي خلاص انا بروح بالصالة اجلس و انت نام...

*****************

الجزء الرابع و الاربعون

الخميس

جده
الساعة الـ 01:20 صباحا

كانت صاحية تصلي و تسبح و تدعي ربها انه يسترها مع هند و الي في بطنها و ما يحرمهم منه سمعت صوت باب الصالة يتسكر من الي جايها هالوقت مستحيل يكون فارس لان عوايده ما يرجع الا بعد الفجر حركة كرسيها و طلعت من الغرفة شافتها قدامها جالسة بالصالة لكن ما هي مثل ما تعودت عليها شامخه و مستقويه كانت منكسرة و منكمشه على نفسها تطالع الفراغ
ام سعود\ بسم الله الرحمن الرحيم وش جايبك من بيتك الحين يمه ؟
قامت من مكانها و جلسة تحت رجول امها ام عزام\ يمه خالد اتزوج علي وحده
حطة يدها على راسها تمسح عليه ام سعود\ و من الي جابك الحين ؟
ام عزام\ خليت السواق يجيبني ما اني جالسة له في بيته يوم واحد الا اذا طلقها
ام سعود\ و ليش يطلقها لو ما كان محتاج زوجه ما تزوج
ام عزام\ يمه و انا كنت ايش عنده .؟
ام سعود\ زوجه بس مقصرة و ابو عزام ياما استحملك والله انه رجال و النعم فيه و الا كان هو الي رماك عند باب البيت مطلقة انتي و عيالك
ام عزام\ اشوفك تدافعين عنه يمه و هو متزوج علي هذا لو مطلقني كان رحتي حبيتي راسه
ام سعود\ طول عمرك ما تسمعين كلام احد و الي براسك تمشينه و هذا نتاج فعلك و الحين تشكين و تاركة بيتك و عيالك هالوقت و جايه مع سواق
ام عزام\ و كيف تبيني اجلس و هو يقولي انا ملكة و الليله زواجي ؟
ام سعود\ ايه تجلسين في بيتك و بين عيالك معززه مكرمه و ما ظنتي خالد بيقصر في حقك
ام عزام\ ماراح ارجع و خليني اشوف و ش بيسوي ؟
ام سعود\ شوفي يا ترجعين بيتك من نفسك مثل ما طلعتي من راسك يا استني خبر طلاقك و وقتها استاذني اخوك يسمح لك تعيشين انتي و عيالك في بيته و الا لا ؟........

**************

الخبر
الساعة الـ 10:30 صباحا

جالسين يفطرون مع بعض هي مرتاحه كثير بعد كلام الدكتورة انها بدت نوعا ما تتجاوز مرحلة الخطر و النزيف الي صار كان بسيط و سطحي نتيجة حركة ما اثر على الجنين بشي طالعت فيه و ابتسمت الفترة الاخيرة ما قصر معها بشي و كان سند لها
انتبه لبسمتها سعود\ فيني شي يضحك ؟
قربت منه بحب و اعطته بوسه على خده هند\ احبك
سعود فتح عيونه متفاجئ منها هند اول مرة تقوله احبك لوحدها كذا تعود انها تظهر له حبها بافعالها باهتمامها بس مو بكلمة احبك\ قلتي ايش ما سمعتك ؟
هند بثقه\ قلت احبك
سعود\ هنوده احس ان قلبي بيوقف
هند\ بلا دلع
سعود سند ظهره على الكرسي\ يالله ما اني مصدق اخيرا سمعتها منك وش مصبح عليه انا
هند كانت مبسوطة لكم الحب و الراحة الي تحسها مع سعود و كان في شخص ثالث قاعد يخبرهم انه لسى روحه تنبض بينهم اخذة يده و حطتها على بطنها\ تحس شي ؟
سعود يتعجب\ لا
هند\ ركز زين
ثواني و ارتعشت يد سعود\ هنوده يتحرك و الله احس فيه
هند\ ههههههههههه ايه يتحرك و يحس فيك
سعود\ ما يعورك لما يتحرك كذا ؟
هند\ لا يحسسني بوجوده و يشاركني بكل شي حتى الحب تحرك عشان يقول بابا انا احبك كمان
قام من مكانه و حضنها سعود\ ياروحي انتم الاثنين وانا بعد احبكم عساني ما انحرم منكم يارب....

************

الخبر
الساعة الـ 11:40 صباحا

طلع لها الدرج ركض يستعجلها ما يبي يتاخر على ناصر يبي يصلي معه في المسجد و يتغدون مع بعض مثل ما خطط من امس طلعت من الغرفه و كانت بتضرب فيه لو لا ان ربي ستر
ساره\ بسم الله وش فيك ؟
يوسف\ تاخرتي جيت استعجلك
ساره\ خالتي خلصت ؟
يوسف\ و بدت تعصب تحت
ساره\ الله يهديكم لو تسمعون كلامي و نروح بعد الصلاة و ناخذ الغداء معنى احسن
يوسف\ خلاص حبيبي مشيها هالمرة بعدين الغداء بيوصله المطعم بعد الصلاة على طول
ساره\ اخاف يرحون من ورانا يطلبون غداء
يوسف\ لا ما عليك ما يمديهم خليها علي
ساره\ اوكيه يالله نمشي
يوسف قرب منها و حمس في اذنها\ طالعه قمر قريتي على نفسك ؟
ساره بخجل\ ايه
يوسف\ يالله اجل.....

*******************

الخبر
الساعة الـ 12:50 ظهرا

سكرت الخط و وجهها متجهم من الخبر الي سمعته هي متاكدة مليون في المئة انها تكرها بس الحقيقة هند ما عمرها كرهتها او تمنت لها شر
شافها شارده سعود\ شخبارها امي اليوم لسى ما كلمتها ؟
ترددت تقوله هند\ هي بخير بس....و سكتت
سعود\ بس ايش ؟
هند\ صراحة قالت لي خبر ما يفرح
سعود\ شو ؟
هند\ تقول ان زوج ام عزام تزوج عليها و اليوم عرسه
سعود و هو يرجع يقراء الجريدة\ ايه ادري
هند\ تدري و ما قلت شي ؟
سعود\ شوفي هند خالد ولد عمي و انا اعرفه زين ما تطلع منه الشينه دق علي و خبرني حتى قبل ما يروح يخطب و انا مالي حق امنعه الرجال ما سوى شي حرام
هند\ يعني انت موافق انه يحط وحده ثانية على اختك ؟
سعود\ موافق و الا ما اني موافق ما تفرق دام ربي حلل له اربع و هو رجال قادر و انا متاكد انه ما تزوج الا من مشاكل اختي خليه يرتاح شوي
هند\ امي تقول انها تركة البيت و جاتها اخر الليل و ما بترجع الا اذا خالد طلق الثانية
سعود\ ما راح يطلق خالد لا هي و لا الثانية خلها تقعد عند امي لين يطيح الي في راسها و ترجع لبيتها و عيالها مدام حرمته الثانية مسكنها ببيت لوحدها ماراح يظلم و لا وحده فيهن.......

**************

جده
الساعة الـ 05:30 عصرا

طول الليل ما قدرت تنام القهر ذابحها كيف خالد يتزوج عليها بعد كل هالعشرة و كيف امها تتهمها انها هي السبب و تلزمها ترجع بيتها من نفسها
ام عزام\ يمه سعود ما راح يجي و الا يكون ما قلتي له تعال .؟
ام سعود\ لا ما هو جاي و لا قلت له تعال اخوك تعب من المشاكل بعدين الرجال و تزوج ما سوى شي حرام اخوك يمنعه
ام عزام\ طبعا ما هو جاي الان صرنا معاد نهمه بعد هالحية الي عنده
ام سعود\ لا اله الا الله هالحين الضعيفة وش سوت بك تحطين حرتك فيها ما هو بكافيها الي فيها
ام عزام\ و هذي عدله انه ما يجي و يمنع هالزواج ؟
ام سعود\ و ليش يمنعه لو مالقى خالد منك تقصير ما راح دور غيرك و الله انه رجال و النعم به و كبر في عيني يومه خبر اخوك من قبل ما يخطب
ام عزام اتصنمة حواسها و هي تسمع امها\ يعني انتم تعرفون من قبل يتزوج يمه و ما قلتوا لي ؟
ام سعود\ الحق انا ما كنت اعرف و اخوك الي اليوم خبرني لكن اذا بتسمعين كلمة من امك ارجعي لبيتك و لا تفرطين بحقك في زوجك و حياتك ياما رجاجيل اتزوجوا و عاشوا حياتهم مع ثنتين تحتف سقف واحد و كانوا اسعد بيوت الارض
ام عزام\ كمان بيجيبها في بيتي لا والله خلاص قولوا له يطلقني كرهته ما عاد ابيه ؟
ام سعود\ لا تخافين كل وحده منكم في بيت و ترى خالد قال لاخوك انه ما راح يطلقك لو شو ما سويتي حتى لو يعلقك لين يطيح الي براسك و تركدين و ترجعين بيتك....

*****************
الخبر
الساعة الـ 06:30 مساء

مستانسه على الجلسة معهم بس الاتصال الي جاء لسعود و خلى ملامحه تتبدل و يطلع عنهم خلاها تتضايق و ترجع لتفكير انهم مخبين عنها شي
هند\ بروح اشوف سعود
نواف\ ليش خليه براحته اكيد عشان مشكلة اخته و مستحي يتكلم قدامي
هند و كانها ارتاحة شوي\ ايه ممكن
نواف\ انتي طمنيني كيف سعود معك عسى مو مقصر بشي ؟
هند\ لا و الله ما هو مقصر بشي
دخل على جملتها الاخيرة سعود\ من هذا الي مو مقصر ؟
نواف وهو يغمز له\ واحد الله يستر عليه
سعود فهم عليه وان هند كانت بتلحقه عشان الاتصال\ طيب و طلعت بينكم اسرار بعد
نواف\ طبعا
سعود حاول يطلع له كذبه و مالقى غير يوسف يلزقها فيه\ زين هذا يوسف يقولي ان الشباب طالعين قوم معي نروح لهم
نواف\ ضروري .؟
سعود\ غير جو بلا كأبه
نواف\ اوكيه بس نرجع قبل 12 عشان ما يقفلون البوابة
سعود\ ههههههههههه بيتي مفتوح لك يا دب
نواف و هو يوقف\ ماشي انا عند السيارة انتظرك
سعود\ هنوده حبيبي تبين شي قبل اروح ؟
هند\ سلامتك حبيبي بس انتبه لنفسك و يعني حاول ما تتاخر
سعود\ هههههه ابشري يالله سلام........

*******************

الخبر
الساعة الـ 07:05 مساء

جالسين بالسيارة قدام البحر يفكرون وش المفروض يسوون بعد الي سمعوه اثنيناتهم ما يقدرون ينزلون جده هاليومين نواف و مشغول في اختباراته و سعود ما عنده أي اجازة و الاهم ما يقدر يترك هند لوحدها
نواف\ طيب انت مو قلت انه في محامي ما يقدر يخلصها بدل عنى ؟
سعود\ يا حبيبي القضية مضمونه بعد التقرير الطبي و المحامي المحكمة هي الي حطته و لما ما حصلت له اهمية شالته
نواف\ يعني خلاص القضية انتهت ؟
سعود\ ههههههههههههه ايه وش فيك ما انت مصدق
نواف\ أي والله ما اني مصدق اللهم لا شماته لكن احس بالارتياح
سعود\ من حقك والله و هذا مصير هالافعال
نواف\ بس باقي الشي الاهم يارب يسرها
سعود\ الله كريم الا خلني ادق لفارس اعرف واحد بالمحكمه ممكن يمشيها حتى لو ما نحضر الجلسة
نواف\ اخاف تكلف عليه بس
سعود\ لا ما عليك انت بس خلها علي...

*******************

[جرح الذات]

الجزء الخامس و الاربعون

السبت

الخبر
الساعة الـ 09:45 صباحا

راجع من مكتب المدير متضايق بعد خبر العمل في ينبع الي طلع له ما هو في وقته لكنه بثواني تغير 180 درجه و ابتسم على الاتصال الي جاه و كان احد يبشره باسعد شي في حياته
سعود\ روح الله يبشرك باللي نفسك فيه يا شيخ
فارس\ اميين بس ما تكون كل هادي الفرحة شماته يا خالي .؟
سعود\ اعوذ بالله لا والله بس الي سوته ما هو سهل هذي جزاتها ربك يمهل و لا يهمل
فارس\ أي والله بتقول لزوجتك خلاص ؟
سعود\ لا وين يا فارس اقولها خلني اتطمئن عليها اول ما اظن اقدر اقولها قبل تولد
فارس\ بس صراحة احسها صعب تولد لوحدها على كلام جدتي بتتعب و ما عندها احد
سعود\ الله يساعدنا وش اسوي كيف اوديها عند اهلها في البيت قبل ما اتاكد من الوضع
فارس\ صحيح ماله مكان الان
سعود\ الله يعين يالله انا اخليك اكلمك وقت ثاني
فارس\ سلم على نواف و بشره لا تنسى.....

***************

جده
الساعة الـ 10:30 صباحا

طلعت من الغرفة و عبايتها بيدها طول الليل ما نامت تفكر في مصيرها و في عيالها الي ما شافتهم من يوم الخميس احيان الانسان يشوف اخطاه و يعترف فيها لمن يعطي نفسه وقت يبعد و يفكر براحه
شافتها طالعه و حاولت ما تبين لها فرحتها ام سعود\ وين رايحه يمه ؟
ام عزام\ بيتي
ام سعود\ الله يهديك يمه و يصلح لك
ام عزام\ طبعا خالد ما دق ولا كلف على نفسه بس لو لا عيالي ما رحت
ام سعود و هي مبتسمه\ و كيف يمه يدق و انتي مقفله جوالك ؟
ام عزام\ يعني هو دق يمه ؟
ام سعود\ كل يوم يدق و يسال عنك
ام عزام\ واضح اهمه يومه يتزوج علي ؟
ام سعود\ رجلك يبيك و ما نسى العشرة لا تفرطين فيه اكثر و يميل لها و يترك عدلي من طبعك معه يمه عشان عيالك
ام عزام\ ان شاء الله يمه
ام سعود\ الله يسرها لك مع من بترجعين ؟
ام عزام\ السواق من غيره دام خالد ما هو فاضي الا لحياته الجديدة
ام سعود\ السواق هذا انتي الي طلبتيه اكيد الرجال بيتكاسل عن اشغاله دام فيه الي ينوب عنه
ام عزام\ خلاص يمه لا تزيدينها علي انا رايحة
ام سعود\ زين يمه الله ييسر لك و يسهل امرك و يصلح بينك و بين رجلك.....

*****************

الخبر
الساعة الـ 05:15 مساء

من وقت رجع من الدوام و هو يبي يقولها بس ما هو عارف كيف اكيد بتتضايق بيغيب خمسة ايام ما هو شي سهل يتركها لوحدها و هي توها استقرت حالتها و واضح اليوم بالذات انها مبسوطة حتى لمن قالها ان ام عزام رجعت بيتها فرحة لها توقع انها استانسة ان خالد اتزوج عليها بحكم مضايقاتها لها لكن الحقيقة هند ما تعرف تحقد على احد مهما كان
سعود\ هنوده
هند\ لبيه
سعود\ بقولك شغله بس لا تتضايقين
هند\ شو فيه ؟.
سعود\ انا بكرة مسافر ينبع
هند\ ينبع و ليش ؟
سعود\ عمل لين يوم الخميس و راجع
هند\ ليش طيب ما قالوا لك قبلها باسبوع مثل كل مرة ؟
سعود\ لاني بروح لفرع الشركة هناك ما هو عمل ميداني زي العادة هنوده انا اصلا مقدم طلب نقل من زمان لفرع ينبع يعني توقعي في أي يوم يمكن ننقل هناك
هند باستسلام هالمرة\ طيب بروح احضر لك الشنطة
ماتوقع ردها بيكون كذا سعود\ انتي بخير حبيبي ؟
هند\ ايه هذا عملك مالي حق امنعك
سعود\ نواف عندك و انا بكلمك كل يوم ابيك تهتمين بنفسك عشاني ابي ارجع و هالوجه منور مو تعبان
هند\ ان شاء الله
سعود\ فديتك حبيبي......

*****************

جده
الساعة الـ 05:30 مساء

راجع مع جدته من مشوارهم الي صاير شبه يومي من بعد حكم المحكمة و هو بالذات مرتاح كان اكثر واحد حاقد عليها و يتمنى يشوف فيها يوم و كان القدر كان على موعد مع رغبته
فهد\ تبين غرفتك جدتي ؟
ام محمد\ لا يمه ودني الصالة عند امك
كانت اسبق لهم و جاتهم بالممر ام نواف\ طمنيني خالتي كيف صحته الحين ؟.
ام محمد\ لا الحمد لله وين كنى و وين صرنا
فهد\ راح يطلع بعد كم يوم
ام محمد و الي تفاجئة من الخبر\ الحمد لله الحمد لله
ام نواف\ يطلع وين يروح ؟
ام محمد\ ماله مكان الا هنا يمه
ام نواف\ و منال ؟؟
ام محمد\ اجل انا مستعده اروح معه وين ما راح لين ربي يشفيه
فهد\ الملحق منال ما تروح هناك
كان احد اعطاهم الامل فعلا منال ما تروح جهة الملحق و لا تقرب منه....

***************
جده
الساعة الـ 11:30 مساء

التفتت حواليها من اليوم هذا هو المكان الي بتعيش فيه 15 سنه ممكن تكون عمرها الباقي كله نفس الوجوه نفس الاصوات ما راح تتغير عليها كل تفكيرها الان وين الفلوس الي جمعتها ؟ وين الفلوس الي هي بالاساس السبب لدخولها هالمكان و تدفع عمرها الباقي فيه وينها ما تجي تطلعها من هنا .. كل الي حواليها يتكلمون و يتهامسون هي متاكدة انهم يتكلمون فيها و في قضيتها الي هزت ارجاء احد السجون بجده لكن المخفي عن هالسجينات ان هالانسانه عاشت سنين تضحك على حساب دموع غيرها قهرت قلوب و خلتها تعيش حياتها بالخوف و الحرمان 15 سنه سجن لا يمكن تمحي 9 سنوات عذاب عاشتها نفوس بلا ذنب.......


***************

الاحد
الساعة الـ 05:05 فجرا

من ساعتين فزت من نومها بسبب حركة الجنين و ما قدرت ترجع تنام تفكيرها قادها لبوها هالمرة من اكثر من سنه كانت اخر مره شافته فيها يوم زواجها بسلمان و معاد سمعت أي خبر عنه هو مريض مسافر و الا نورة إكتفت من تعذيبهم خلاص
هو من الاساس من التفكير ما هو قادر ينام و حركتها اقلقته أكثر سعود\ هنوده
هند\ لبيه
سعود\ شو فيك ما انتي نائمه ؟
هند\ صحيتك ؟
سعود\ لا انا من الاساس صاحي
هند\ افكر في ابوي
سعود كأن احد صب عليه ماء بارد\ هاااه في ابوك
هند\ ايه من زمان ما سمعت عنه شي بالعادة ما يغيب اكثر من سنه الا و يجينا لكن الان له اكثر من سنه غايب
سعود و كانه ارتاح شوي\ يمكن مشغول بشي
هند\ احساسي انه ما هو بخير
سعود\ لا تعوذي من الشيطان ان شاء الله ما فيه الا الخير
هند\ مدري ليش قلبي ما هو مرتاح لغيبته
سعود\ انتي تعرفين بيته وين ؟
هند\ لا زوجته بعدته عنى بالمرة حتى ما اني متاكدة هو في جده او لا
سعود\ ما حاولتوا تدورون عليه ؟
هند\ حاولت انا و نواف اكثر من مره نسال عنه لكن كانت امي من تعرف تخاصمنى وتتعب نفسيتها من خوفها علينا و هي ما هي ناقصة لان الي تتحمله هي اكثر منى فتركناه و معاد سالنا لجلها
سعود\ الله يعين المهم انتي لا تفكرين و لا تشيلين هم اكيد في يوم بتسمعين عنه خبر
هند\ ان شاء الله
سعود\ ايه عاد لا تخليني انشغل فيك و انا بعيد و ما اقدر ارتاح
هند\ يا سلام واذا ما انشغلت فيني في مين بتنشغل ؟
سعود بمزحه\ زوجتي الثانية
هند\ ايه عاد خالد فتح لك الباب الان قوم بس الحق الصلاة ازين لك يعني
سعود\ ههههههههه طيب طيب بس لا تعصبين ترى اروح عندها على طول
هند سحبت المخده و كانت بترميها عليه لكنه كان اسرع و دخل الحمام و سكر الباب\ زين يا سعود روح لها خلاص احسن
كان يسمعها و يضحك عليها هو قصده بزوجته الثانية العمل و هي فهمتها على كيفها سعود\ ايه انا رايح اصلا بعد شوي.....

***************

الخبر
الساعة الـ 08:15 صباحا

اخذ الملف من مكتبه و طلع يبي يلحق الطيارة افضل شي بالعمل هالمرة ان كل شي مجهز له الصبح جاء الشركة مع سيف و الان سواق الشركة بيوصله المطار و في الي بيستقبله بمطار ينبع و يوصله الفندق طلع جواله و اتصل فيه للمرة العاشرة يوصيه عليها من امس و يحس ما هو كافي
سعود\ سلام
نواف\ و عليكم السلام هلا
سعود\ خلصت اختبارك ؟
نواف\ يا اخي قايل لك يبدا 08:30 بعد ربع ساعة
سعود\ زين نسيت لا تاكلني
نواف\ والله حفظة توصياتك اكثر من مذاكرتي للأختبار
سعود\ شي طيب المهم الموعد مع الدكتورة يوم الثلاثاء ما هو تنسى
نواف\ ابشر
سعود\ ادري مكلف عليك بس مالي حد غيرك اعتمد عليه
نواف\ افى عليك هذي اختي قبل كل شي و انت ما انت مقصر معنى عشان نقصر معك
سعود\ هذا واجبي يا نواف لا عاد اسمع منك هالكلام مرة ثانية و الا بالزعل
نواف\ عارف امس فهد دق يقولي ان .....طالع بعد يومين بالكثير
سعود\ و الله خبر زين بس وين بيروح ؟
نواف\ فهد ملزم الا انه يجيبه الملحق عندنا بالبيت
سعود\ و منال طيب ؟
نواف\ و الله مدري يقول ما تروح جهة الملحق
سعود\ صحيح الان ما تروح بس بتشك ان فيه شي بيذبحها فضول الاطفال و بتروح
نواف\ خصوصا ان هذا اخر اسبوع لها بالمدرسة يعني معاد فيه شي يشغلها
سعود\ خلاص انا اكلم فهد الليلة يالله انا بقفل اشوف السيارة وصلت
نواف\ زين يالله فمان الله..........

***************

الخبر
الساعة الـ 10:30 صباحا

تفكيرها من الفجر مسيطر عليها فيه هو بالذات احساسها انه ما هو بخير و ان في شي ما انعه من زيارتهم حتى لو كان حظوره يسبب لهم مشاكل مالها الا جدتها هي تريحها اتصلت فيها و حاولت قد ما تقدر تتكلم معها بشكل عادي بدون ما تخليها تحس ان فيها شي لكن ما هو على ام محمد الي فاهمه هند اكثر من نفسها
ام محمد\ هند يمه ما تبين تقولين وش مضيق خاطرك ؟
هند\ و الله مدري جدتي هالايام صايرة افكر في كل شي سفر سعود ولادتي الي بدت تقرب افكر فيكم و........وسكتت
ام محمد\ في شنو يمه ؟
هند\ جدتي مدري ليش اليوم افكر في ابوي احساسي انه ما هو بخير
ام محمد\ لا يمه لا تقولين كذا ان شاء الله ما فيه الا العافية
هند\ جدتي من اكثر من سنه ما سمعتوا عنه شي ؟
ام محمد\ لا يمه بس انتي لا تشيلين هم يمكن مسافر و الا نوره ما تبي شي
هند\ هو بقى عندنا شي نعطيها
ام محمد\ انتي قلتيها ما عندنا شي نعطيها يعني لا تشيلين هم و تفكرين ابوك باذن الله بخير.....

***************


الجزء السادس و الاربعون



الثلاثاء

ينبع
الساعة الـ 05:15 مساء

راجع غرفته في الفندق و باله مشغول مع هند الي ماترد و هو يبي يتطمئن عليها و شو قالت لها الدكتورة حاول يشغل نفسه عن التفكير و يحط احتمالات انها لسى ما خلصت لجل تطمئنه و ممكن تكون مشغولة في الفحص اول ما نزل جواله على الطاولة رن رفعه بسرعه متوقع انها هي بس خاب توقعه
سعود\ هلا فهد
فهد\ هلابك تقول الوالدة انك داق اكثر من مرة تباني و تسال عني عسى خير ؟
سعود\ ايه من امس ابيك حشى المفروض احجزك من قبل اسبوع
فهد\ و الله تعرف الاسبوع الجاي اختبارات و نومي متقلب لاصحيت تكون انت نائم و العكس
سعود\ أي شد حيلك
فهد\ نقول يارب
سعود\ يقولي نواف انك ملزم تجيب......في الملحق
فهد\ هو ما في مكان الا هناك تعرف داخل البيت ففف لسى شوي صعبه
سعود\ هو تعود عليكم و الا لسى ؟
فهد\ على جدتي بس
سعود\ تمام في تقدم طيب متى طالع هو ؟
فهد\ بكرة ان شاء الله
سعود\ و الله انا خايف من منال اكيد بتحس ان في شي مخبينه هناك عنها
فهد\ و الله مدري بس بحاول ادور لها تصريفه
سعود\ اجل اسمع ما في حل الا اني اخذها فترة عند هند لين يستقر الجو
فهد\ ما اظن امي توافق
سعود\ مالها حل الا كذا انا الصبح مخلص شغلي هنا و نازل جده عطني اكلمها لجل احجز لها على الخميس معي.....

*****************

الخبر
الساعة الـ 05:40 مساء

دخلت البيت بعد ما نزلها نواف و راح يخلص له مشوار و يرجع لجل ينام عندها هي مبسوطة من كلام الدكتورة لها اليوم كثير و مستغربه ان سعود ما دق يسالها شو صار معها ( خلني اتصل انا احسن ) فتحت شنطتها تطلع الجوال و استغربت انه مو موجود ( معقول اكون ما اخذته معي خلني اطلع فوق اشوفه )
في الغرفه انتبهت ان الجوال على طرف السرير و من الاساس ما اخذته معها طالعت بالشاشة و كان فيها سبع مكالمات كانت كلها من سعود عضت شفافيها ( الان اكيد معصب وشايل هم اففف كيف نسيته انا )
ضغطة على الاتصال و بداخلها تدعي ربها انه يكون هادي

كان متمدد على السرير و يكلم فارس على اساس يحجز تذكره لمنال على يوم الخميس و شاف اتصالها قفل منه بسرعه لكنه ما لحق يفتح الخط الا و هند مقفله فرجع اتصل فيها
هند\ هلا
سعود\ هلابك حبيبي و ينك عن الجوال انتي ؟
هند\ نسيته بس في البيت
سعود\ حد يطلع يا هند و ينسى جواله و ربي اقلقتيني عليك ؟
هند\ طيب انا وحده عقلي مو معي اكيد بنسى
سعود\ و وينه عقلك ؟
هند\ في ينبع
سعود\ و وش يسوي في ينبع ؟
هند\ مسافر مع القلب
سعود\ هههههههه و منو القلب ؟
هند كانت تحمد ربها انه ما هو معصب\ مشكلة اذا ما يعرف نفسه
سعود\ بصير مغرور و السبب انتي ترى
هند\ ههههههه ايه و من زود الغرور الممرضة سالت عنك اليوم
سعود\ هههههههههههه افى وش تبى مني ؟
هند\ ادري عنها مخرفه خطوتين و طيح
سعود\ شايفه بس كيف زوجك حتى الفلبينيات ما يقاومنه
هند\ ايه صح من الجمال
سعود\ هههههه طيب اتركينى منهم و قولي لي الاهم شو قالت الدكتورة لك ؟
هند بفرح\ اني و الجنين بالف خير و كلها اقل من شهرين و بنشوفه
سعود\ الحمد لله ما بقى شي كثير هنوده
هند\ ايه عارف احس الايام صارت تمشي بسرعه
سعود\ لانك مريحه راسك من التفكير من زمان و انا اقولك خلي كل شي يمشي مثل ما هو و لا تفكرين ليش صار كذا و متى بيصير كذا ؟
هند\ ابشر خلاص من اليوم ما افكر بشي الا انت و الي في بطني
سعود\ يا قلبي انتي
هند\ زين انت خلصت شغلك او لسى ؟
سعود\ شوفي هنوده صراحة بكرة بخلصه الصبح و ما في طيارة الا على جده
هند\ و بتطلع جده ؟
سعود\ مافي حل
هند\ يعني بتجي بكرة او الخميس ؟
سعود\ لا غير الخميس الصبح
هند\ طيب ممكن اطلب منك طلب
سعود\ عيوني
هند\ تروح لام عزام في بيتها طيب خاطرها بكلمتين صحيح هي رجعت لكن اكيد لسى شي بخاطرها و الله مو سهل الوحدة زوجها يتزوج عليها مهما كانت افعالها
سعود كان منصدم من كلامها ابد ما توقع هند تطلب منه شي كذا\ ياليتني اقدر اطلع لك من سماعة الجوال كان اكلت اكل......

*************

الخبر
الساعة الـ 05:50 مساء

نزل من غرفته بعد ما اخذ شاور و ريح شوي من الدوام سمع اصواتهم جهة الصالة و ميز صوتها من بينهم من فترة طويلة ما جاتهم البيت و كلهم عاذرينها بسبب ظروف اهل زوجها
يوسف\ اووه منوره الحلوة عندنا و انا اقول وش هالنور الي من بعد نور سوير
قامت له و هي تضحك منار\ هالحين تقارن نوري من بعد نور هالدبه ؟
يوسف كان يسلم عليها فهمس لها باذنها\ عشان ما يزعلون بس
ضحكة منار و كان ساره فهمتهم\ تتكلمون عني هاااه ؟
يوسف\ افى من قال بس
ساره\ جدتي قالت
يوسف\ هههههههه الله يرحمها
منار\ انتم لسى مجانين ؟
ساره\ اخوك مو انا
يوسف و هو يقلدها\ اخوك مو انا اخوها هذا في ناس كانوا من يسمعون اسمه يملكون بيوت فوق السحاب
منار ما قدرت تقاوم دمعت عينها على طول يوسف شي كبير عندها
يوسف\ افى بس ليش الدموع منوره لا يكون نويصر مزعلك بشي ؟
منار\ اسمه ناصر وش نويصر اصغر عيالك
يوسف\ و انا الي متعني اسالك
منار\ بفقدكم ........و كملت صياح
يوسف\ ههههههههههههه بدت المناحه يا بنتي هو انا بعيش طول عمري هناك كلها كم سنه و برجع
منار\ حتى لو ما تعودت انك تغيب عنى فترة طويلة
يوسف\ ترى عندك اربع اخوان مو واحد
منار\ انا ما احس الا عندي اثنين واحد مسافر و الثاني بيلحقه
قامت لها ساره و حضنتها و هالمرة صاحت معها\ هذا حلم يوسف من زمان لازم احنا نوقف معه شوفي انا بتحمل الغربة و ببعد عنكم بس عشان خاطرة انتي بعد عشان خاطرة لا تصيحين و ادعيله,...

*****************

جده
الساعة الـ 07:25 مساء

دخلت عليها الغرفه و هي تلعب في العابها حاولت تخفي دموعها عنها مهما كان عمرها ما فكرت انها بتبعد عنها او تنام لليله في مكان ما هو معها فتحت الكبت و جلسة مقابله
ام نواف\ منوله تعالي حبيبي
منال و الي كانت مستغربه من فعلة امها جات و جلسة جمبها بدون ما تتكلم
ام نواف\ منول الحين انا و انتي بنرتب لك ملابس و العاب في الشنطة
منال باندفاع قبل امها تكمل\ ليش وين بنروح ؟
ام نواف\ ما تبين تشوفين هند ؟
منال بفرحه\ يعني حنا بنسافر عند هند
ام نواف\ ما هو احنا بس انتي حبيبي عشان فهد لسى ما خلص مدرسة زيك و جدتك رجولها تعورها ما تقدر تطلع الطيارة
منال\ و انتي بتجلسين معهم ؟
ام نواف\ عشان ما يقدرون يجلسون لوحدهم يمه
منال\ و انا بروح مع من ؟
ام نواف\ مع سعود
منال\ و هند وين ؟
ام نواف\ هند في بيتها تنتظرك هناك
منال\ عند نواف ؟
ام نواف\ ايه يمه
منال\ و انتي تبيني اروح ؟
ام نواف\ ليش يمه انتي ما تبين تروحين ؟
منال\ بروح بس انتي تجلسين لوحدك
ام نواف\ ما عليك يمه انتي روحي عند اختك من زمان ما شفتيها صح
منال\ ايه صح اجل خلاص انا بروح بس ما اجلس كثير شوي بس و ارجع عندك.....

*************

الاربعاء

جده
الساعة الـ 04:45 مساء

من عشر دقائق و هو واقف قدام الباب و متردد يدق الجرس و الا يرجع اكيد عرفت انه كان يدري بموضوع زواجها قبل يتم و الله يعينه عليها كان ما طردته ابرك رفع يده للجرس و بخاطرة كان يقول ( بس عشانك يا هند )
دقائق و كانت الشغاله فاتحه له الباب و دخلته الصالة البيت كان هادي لحد الملل و كان مافيه احد
نزلت له من غرفتها و شافته واقف و متردد يجلس ام عزام\ حيالله سعود ليش واقف تفضل
سعود\ الله يحييك بس اشوف البيت هادي قلت شكل ما فيه احد
ام عزام\ ايه والله مافي الا انا
سعود\ وين العيال ؟
ام عزام\ طلعوا مع ابوهم بس الصغيرة نائمه
سعود\ لا عاد هذي لازم تصحينها قبل امشي اذا ما شفتها ما ارتاح لها مكانه بقلبي
ام عزام\ بكره يجي ولدك و الا بنتك و تنساها الا وينها هند جات معك ؟
سعود\ لا والله ما جات انا جاي من ينبع على هنا
ام عزام و هي توقف\ زين الي فكرة تزورني ترى هذي اول مرة تدخل بيتي بعد ما اتزوجة حتى زوجتك ما دخلت بيتي
سعود\ أي والله حتى ام فارس تتشره هناك بس تعرفين سافرنا الشرقية على طول و بعدها هند ما نزلت جده بعد ما حملت و تعبت بس تعالي انتي وين واقفه ؟
ام عزام\ تجي بيتي بعد كل هالوقت و ما اضيفك مايصير
سعود كان ماهو مستوعب ام عزام الي طول عمرها تجلس و الشغاله تجيب لها حتى كاسة المويه بتقوم تضيفه بنفسها\ شوفي والله جاي من البيت و توي متغدي و شارب قهوة و شاهي مع امي يعني مره ما ابي شي اجلسي بس
ام عزام و هي رايحه جهة المطبخ\ اجل اجيب لك عصير

ثواني و رجعت ام عزام لسعود بكاس عصير اخذها و هو ما هو عارف كيف بيبداء معها بالكلام في الموضوع الي جاي عشانه\ تسلمين
ام عزام\ الله يحييك
سعود\ وين طلعوا العيال مع ابوهم بيتخرون ؟
ام عزام\ راحوا هنا لبيت جدتهم ما يتاخرون قبل المغرب اكيد بيرجعهم
سعود\ و انتي ليش ما رحتي معهم ؟
ام عزام\ كان عندي شغل كثير في البيت و اصلا انا عازمتهم بكرة عندي للغداء يعني بخلص اشغالي من اليوم
سعود ( سبحان من يغير و لا يتغير ) \ اهااا تمام
ام عزام\ انت بكرة طيارتك الساعة كم ؟
سعود\ ثلاث
ام عزام\ اجل تعال تغداء عندي و روح للمطار امي فارس يرجعها او انا و خالد
سعود وهو يتذكر انه لازم يمر منال ياخذها معه\ مدري والله اشوف ان قدرت مريتك........

**************

الخبر
الساعة الـ 05:10 مساء

من راح سعود ينبع وهي تحس ان سيف وزوجته ابد مو مقصرين معها ( طبعا بحكم انهم بنفس السكن ) كان يمر نواف على طول و يسال اذا محتاج شي او ناقصه شي والا زوجته رغم مشاغل بيتها و بنتها الصغيرة الا انها كانت تكلم هند كل يوم و تسالها عن صحتها و اليوم من الظهر اخذة غداها وجت عند هند
هند\ و الله اني منحرجه منكم و ما اني عارفه كيف ارد لكم فضل هالايام
ام شهد\ افى بس انتي مثل اختي اصلا انا ما اعرف حد بالسكن الا انتي اسولف معه و اطفشه بصياح بنتي
هند\ هههههه لا والله بالعكس انتي مونستني و بنتك تعطيني درس مجاني للقادم
ام شهد\ الله يعينك كان تبين درس من بنتي دلوعة ابوها اول ما يسمعها تصيح شالها ولف فيها البيت الف مرة و خلاص تعودت لاصاحت تبي حد يشيلها و يلف فيها
هند\ بس كذا غلط و تعب عليك انتي لان ابو شهد نص يومه بالدوام
ام شهد\ الشكوى لله على قوله بكره تمشي و تريحك
هند\ أي والله احلى لحظة يوم يكبرون
ام شهد\ ان شاء الله تشوفين الي في بطنك يكبر قدام عينك
هند\ اميين يارب
ام شهد\ ما عرفتي هو ولد و الا بنت ؟
هند\ لا والله سعود ما يبي يقول خليها مفاجئا احسن
ام شهد\ هو احسن اذكر بشهد اخواتي جننوني كل ما زرتهم قالوا بنت و الا ولد
هند\ و كنتي تعرفين ؟
ام شهد\ هههههههههههه ايه بس ما قلت لاحد حتى سيف ما يدري.....

***********

جده
الساعة الـ 06:30 مساء

نائمه على رجولها و هي تغالب دمعتها ما تنزل قدامها تشوف انها فرحانه لجل بتشوف اختها و تجلس معها كم يوم و في نفس الوقت ما هي مستوعبه انها بتكون في مكان بدون امها
ام نواف وهي تمسح على راس منال\ منوله
منال\ نعم
ام نواف\ حبيبتي خلك عاقله عند اختك لا تسوين دلع و تعبينها
منال\ طيب
ام نواف\ شاطره حبيبتي
منال\ يعني هند ما تقدر تلعب معي ؟
ام نواف\ لا يمه ما تقدر تلعب كثير معك
منال\ طيب نواف يقدر ؟
ام نواف\ ايه يمه نواف يقدر
منال\ خلاص بلعب معه هو و سعود
ام نواف\ زين بس بكره خلك قريب من سعود لا تروحين عنه بعيد و تضيعينه......

*****************
الخبر
الساعة الـ 07:05 مساء

دخلت الغرفه و دخل وراها بعد ما رجعها من بيت اهلها من وقت وفاة علي وهي ماراحت لهم و لا طلبت منه يوصلها منار كل يوم تكبر بعينه اكثر و يحس ان ربي وفقه باختياره
ناصر\ كيف اهلك حبيبي اليوم ؟
منار\ الحمد لله بخير ولو ان ابوي زعل انك جيت لين عند الباب و لا دخلت
ناصر\ والله معه حق انا مره مقصر معه بس انتي عارفه انا وين رحة
منار\ ايه انا قلت له و قال ما بيرضى الا اذا تغديت معه بكرة
ناصر\ هههههه اوف شكل زعله قوي هالمره
منار\ فوق ما تتصور
ناصر\ خلاص باذن الله امره بكره و انتي روحي معي
منار\ لا انا ما اقدر اروح
ناصر\ ليش ؟
منار\ امممم من اليوم لازم ارتاح في البيت حتى الكلية بوقفها سنه
ناصر بخوف\ ليش حبيبي شلي صاير ؟
منار و هي تطلع له جهاز اختبار الحمل المنزلي من شنطتها بعد ما اقنعتها ساره تستخدمه و طلبته من الصيدلية لها .. قلبه في يديه مستغرب و ما هو عارف شو هذا ناصر\ شو هذا ؟
منار\ جهاز اختبار الحمل
ناصر ابتسم بفرح و قلة استيعاب\ انتي حامل ؟
منار\ ايه
ناصر و كان يقولها بتعجب\ و عرفتي من هذا ؟
منار بضحكة\ ايه
قام من مكانه و اخذ عباتها ناصر\ قومي يالله بنروح المستشفى لازم تسوين تحليل..........

*********************



الجزء السابع و الاربعون




الخميس

الخبر
الساعة الـ 05:15 مساء

كانت جالسة في الصالة تنتظره بعد ما طلع نواف يجيبه من المطار سمعت الجرس و استغربت من الي جايهم الان سعود معه مفتاح قامت تفتحه قبل هيلي الي كانت مشغوله في المطبخ وصلت للباب و كانت تهمس من ورى الباب مين؟
لكن ما كان احد يرد فكرة ان محد يسمعها فـ فتحت شوي في الباب تشوف للوهله الاولى كذبت عيونها و ما استوعبت (هذي منال معقول و الا وحده تشبهها ) فتحت الباب و هي ناسيه انه يفتح على الشارع و هي بدون شيله او أي شي يغطي شعرها صرخت بفرح و هي تحضنها و تبوس خدودها هند\ منال يا عمري
دخل و سكر الباب وراه سعود\ ايوا الاحضان الان بس لمنال و سعود محد يعبره ؟
هند من فرحتها قامت و حضنته و باسته بشوق واضح و هي متناسيه وجود نواف معهم الي حب يخليهم براحتهم و ابتعد شوي متشاغل بجواله
سعود وهو يحط يده على خده مكان بوسة هند\ وهـ دخت برجع المطار
هند و هي تحضن منال\ خلاص مدام هالحلوة عندي ارجع
سعود\ هذي عاد من شافتني الا تمشي معي لك
هند\ زرت اهلي انت ؟
سعود\ و هذي تصير اروح جده و ما ازورهم
هند\ امي و جدتي بخير ؟
سعود\ ايه ما عليهم
هند\ ياليتهم جو معك كمان
سعود\ تعرفين فهد لسى يختبر
هند\ ايه صح زين يالله ندخل البيت يالله منال تعالي......

*************

الخبر
الساعة الـ 05:30 مساء

شافها جالسة لوحدها و بالها شارد بعيد قرب منها و مسك يدها يوسف\ وين وصلت سويرتي ؟
ارتعشت على لمسته ساره\ و لا مكان هنا
يوسف\ علينى انتي من امس منتي طبيعيه
ساره\ لا والله بس يمكن مرهقه شوي
يوسف\ قومي طيب نروح المستشفى
ساره\ لا ما يحتاج مستشفى
يوسف\ طيب نطلع نغير جو
ساره\ مالي نفس يوسف
يوسف\ طيب قولي لي من مضايقك ؟
ساره\ محد
يوسف\ اجل وش فيك ؟
ساره\ يوسف احنا من تزوجنا لنا اربع شهور
يوسف و كانه فهم عليها\ ايه واذا ؟
ساره\ انه انا لسى ما حملت
يوسف\ الي يسمعك بيقول لنا اربع سنين مو اربع شهور في ناس ما تحمل وربي ما كتب له الذرية من سنين و عايشين حياتهم وانتي من اربع شهور و بديتي تشيلين هم وربي ما عندك سالفه شوفي اخواتي اكبر مثال عندك تزوجوا قبلنا و لسى ما حملت و لا وحده فيهم
ساره\ لا ما شاء الله منار حامل
يوسف\ مناروه الدبى حامل و الله ما اني مصدق الكتكوته ذيك بتصير ام
ساره\ لا تسمعك تزعل
يوسف\ زين شوفي امل اتزوجة من قبل منار و ما اظن انها سوت الي تسوينه الان
ساره\ يمكن
يوسف\ لا اكيد
ساره\ بس انت تبي علي ؟
يوسف\ يا عمري يا حياتي علي اذا ربي كاتبه لنا بنشوفه بس والله بدري يا ساره بدري على تفكيرك هذا بخصوص الحمل خلينى نعيش حياتنا و متى ما جو العيال جو........

***************

جده
الساعة الـ 06:15 مساء

دخل البيت و هو مبتسم اخيرا امنيته بدت تتحقق و يشوفه في حال افضل هو متاكد انها مهي سهله لا عليه و لا عليهم لكن استجابته كانت احسن مما توقعوا
فهد\ السلام عليكم
ام محمد\ و عليكم السلام يمه راح الرجال ؟
فهد\ ايه راح جدتي بس ............نام
ام محمد\ ليش يمه نائم الحين في شي يوجعه ؟
فهد\ لا جدتي بخير بس خليه يرتاح شوي لين العشاء
ام نواف\ ايه خالتي هو افضل يوم ينام بعد..... يريح جسمه
ام محمد\ اجل بروح اجلس عنده يمكن يصحى و انه يبغي شي
فهد\ يا جدتي خليه و الله ما عليه الا كل خير حتى الـ........ طمني اليوم انها بس كم جلسة و خلاص يصير مثل اول و احسن
ام محمد\ الحمد لله الي عشت لين اشوفه بينكم
فهد\ الله يطول بعمرك يالله انا بروح اذاكر شوي ادعولي......

*************

جده
الساعة الـ 06:30 مساء

مهي عارفه كيف تبدا معها هي سمعت كلام و مهي متاكدة من صحته و تخاف تكون امها ما تعرف شي و تسبب لها قلق
ام فارس\ يمه انتي تتصلين على اهل هند تسالين عنهم ؟
ام سعود\ ايه يمه ليش تسالين ؟
ام فارس\ مدري يمه سمعت كلام و قلت يمكن سمعتيه
ام سعود\ وش سامعه و من منّ ؟
ام فارس\ يمه الناس كلهم صاروا يتكلمون حتى الجرايد عن الي سوته زوجة ابوها
ام سعود\ الله يحسن خاتمتنى يا بنتي هذي نهاية اعمالها
ام فارس\ يعني انتي تعرفين يمه ؟
ام سعود\ ايه يمه بس الشماته مهي زينه
ام فارس\ و هند ما تدري صح ؟
ام سعود\ لا يمه و لا يبونها تدري قبل تولد حتى اخوك مخبي عنها
ام فارس\ لا حول و لا قوة الا بالله بس الان لو عرفت يمكن ترتاح لانهم ارتاحوا من شرها و ما اظن بتطلع من السجن استغفر الله حيه
ام سعود\ بس يمه بتقلق على اهلها هنا و وضع ابوها خليها لين تولد و يصير خير
ام فارس\ زين بس بعرف هي ليش سوت كذا و هو عندها زي الخاتم باصبعها لا يطلع و لا يسال عنهم ؟
ام سعود\ يمه كله لجل البيت الي ساكنينه اهل هند في كلام انه بيجي طريق للحكومه على الحي و بتعوض سكانه فلوس و هي عابده الريال ما خلت طريقة الا تبي بيتهم المساكين
ام فارس\ هو باسم من ؟
ام سعود\ هو كان باسم ابوهم و يوم تزوجة هند زواجها الاول اخذة الاوراق حقة الملكية من ابوها شرط انها تتزوج من الرجال الي جابته لها نورة
ام فارس\ و نورة ما كانت تدري انه اعطاها الاوراق ؟
ام سعود\ لا يمه يوم عرفت انجنت ما خلت رشوة الا دفعتها لجل تتزور لها نفس الاوراق بدون فائدة
ام فارس\ حسبي الله و نعم الوكيل تقوم تحاول تقتل زوجها لجل تورث منه كم الف
ام سعود\ الله لا يبلانا يمه بس الحمد لله ان ابوهم ربك كتب له عمر ثاني
ام فارس\ أي والله الله يعوضهم يوم فكهم من شرها.....

**********

الخبر
الساعة الـ 09:40 مساء

دخلت عليه الغرفه و هو متمدد على السرير باين في ملامحه التعب و كان له فترة ما نام لكن الي صار يعمله معها معاد ينطاق ليش يكذب عليها ليش؟؟
هند\ سعود انا ما قدرت اتكلم عند منال لاني ما ابيها تحس بشي
سعود\ شي زي ايش قصدك ؟
هند\ يعني تظن انها سهله عليه بصدقها انها بس لمجرد زرتهم قالت بتروح معك و خلاص طيب و امي كيف وافقت بسهوله كيف حصلت لها طيارة معك بنفس الرحله ؟
سعود\ شكل ضايقك اني جبتها
هند\ انت ليش تكذب عليه ؟
سعود\ هند تعوذي من ابليس و خلي هالليلة تعدي على خير اخوانك تحت ماله داعي يسمعون صراخانا
هند\ اجل ماله داعي تصارخ و قولي بهدوء انت من يوم ايش في جده ؟
سعود\ امس والله امس
هند\ و في يوم واحد قدرت تحجز لمنال ؟
سعود\ نصيب طيب حصلت حجز وش اسوي اقولهم لا استنوا استشير زوجتي تبي اختها و الا لا ؟
هند\ سبحان الله و الحجز هذا ما يطلع لي لو مره كل ما قلت ابي جده قلت ما في طيارة ؟
سعود\ اللهم طولك يا روح وين احجز لك وانتي كل اسبوع صحتك اردى من الي قبله
هند\ بس هالحين انا بخير
سعود\ و المطلوب ؟
هند\ نواف يخلص الخميس اختباراته و بينزل جده احجز لي من بكره معه لجل ما تقول ما في مقاعد
سعود\ ولين متى ان شاء الله ؟
هند بتحدي\ لين اولد
سعود\ ما في ولادة الا هنا و مع دكتورتك الي تعرف حالتك فاهمه
هند\ لا مو فاهمه و بروح جده يعني بروح
سعود وهو ياخذ المخده و بيطلع\ زين روحي يالله ماتبين تسمعين كلمتي روحي الطريق معك حد ماسكك
هند\ وين رايح انت الحين كمان ؟
سعود\ بروح انام في الصالة في المجلس لو في السطح وش هامك
كانت اقرب منه للباب هند\ ماله داعي خلك انت مرتاح انا اصلا بنام عند منال من غير شي.....

************

جده
الساعة الـ 09:45 مساء

كانت واقفه عند الباب و تطالع باب الملحق تفكر كيف كانت ايامها معه كلها سعاده و راحة و كيف تبدلت فجاه الي عذاب و قهر و دموع كانت تخفيها عن خالتها و عيالها وتحسسهم بالقوة صبرت كثير و كل تفكيرها الحين بتشوف نتاج صبرها و الا بيتعذبون هي و عيالها اكثر صحيح مصدر عذابهم بداء ياخذ جزاه في الدنيا قبل الاخرة لكن شبحه لسى تحسه حواليهم ما اختفى
نزل من غرفته يبي يشرب مويه و شافها واقفه عند الباب الخارجي لوحدها فهد\ يمه ليش واقفه هنا ؟
ام نواف\ هذي اول ليلة تنام فيها منال بعيد عني مادري نامت متغطيه مرتاحه و الا لا ؟
فهد\ يمه منال عند هند وانتي عارفه انها امها الثانية يعني ليش تشيلين هم و تفكرين
ام نواف\ انا خايفه عليهم يمه هذولا بنات مالهم احد يبي لهم الي يهتم فيهم و يحميهم
فهد\ الله يهديك يمه كيف مالهم احد ما شاء الله هند ربي عوضها برجال و النعم فيه و منال لسى صغيرة و انا و نواف ماراح نقصر معها
ام نواف\ بس هند ما هي مرتاحه قلبي يقولي هذي بنتي وانا اعرفها شايلة هم و ساكته
فهد\ ادري بس لانها تفكر ان سعود ما يبيها تزورنا بكرة تعرف وش سوى سعود عشانها و تعذره
ام نواف\ الله يعين
فهد\ زين يالله يمه ادخلي و اتركي عنك النظر لباب الملحق و التحجج ببناتك بكرة بيرجع لك و قولي فهد قال
ام نواف و هي تبتسم من تفكير هالولد\ صدق انك ما تستحي قم ادخل انت ذاكر وش منزلك من غرفتك
فهد\ هههههههه صوت العصافير ازعجني وجيت ادورها وين......

************

الخبر
الساعة الـ 10:15 مساء

يتقلب في فراشه من نص ساعة ما هو قادر ينام قسى عليها بكلامه و هو ما يقوى يزعلها بس فقد سيطرته على نفسه هالمره و هي معصبه اتعوذ من الشيطان وقام من فراشه بيروح لها قرب من الغرفه الي نامت فيها منال و قبل ما يفتح الباب تردد ورجع خطوتين ورى ( هي معصبه افضل حل اخليها ترتاح الليله بدل ما اكبرها بينا)
نزل الدرج يبي يشم هواء في الحوش شوي يمكن يرتاح و يقدر ينام خطواته جرته للمجلس الخارجي وين ما كان نواف جالس على الارض و فاتح كتبه يذاكر لاختبار يوم السبت دخل عنده و رمى نفسه على الكنب بدون كلام
نواف\ سلامات وش فيك مقلوب وجهك كذا ؟
سعود\ اختك نفسيتها زفت
نواف بمزحه\ لا تكون طرده زوجيه بس
سعود\ اصلا هي الي راحت تنام عند منال وانا ما جاني نوم
نواف\ غريب العصر كانت زينه و مبسوطه
سعود\ مسكت اعصابها لجل منال و انفجرت على موضوع الحجز الا تبيني احجز لها معك الخميس وانه كيف تحصل طيارة لمنال بسرعه وانا لا
نواف\ تبي الصراحة انا ندمت انا مخبين عنها ياليت قلنا لها من اول
سعود\ وين تقول لها انت الثاني حنا عرفنى الجمعه و انا السبت طلعت للعمل وانا حاجز على جده الخميس قلت اقول لها لارجعت لجل تروح تشوف ابوك و ترتاح انه بخير لكن اختك ما اعطتني فرصة يوم رجعت اغمى عليها على طول و طلعت حامل و هونة و شفت انت حملها كيف متعب
نواف\ الاسبوع الي راح نزلوا القضية في الجرايد
سعود\ و هند شافتها ؟
نواف\ لا رميت الجريدة قبل تقراها
سعود\ وليش منزلينها ؟
نواف\ تعرف الجرايد بس تبي تنشر أي شي و بقسم الحوادث ( مواطنه تحاول قتل زوجها بسكين لتحصل على نصيبها من ورثه )
سعود\ كاتبين اسماء ؟
نواف\ لا رموز
سعود و هو يوقف\ ما عليك فيهم ما عندهم سالفه ذاكر بس........

***************



الجزء الثامن و الاربعون






الجمعه

الخبر
الساعة الـ 09:30 صباحا

نزل مع الدرج و هو يسمع اصواتهم و ضحك هند على سوالف منال طول الليل ما قدر ينام من خوفه عليها يصير لها او الي في بطنها شي اكثر من ثلاث مرات كان يدخل عليهم الغرفه يتحسسها بهدوء او يغطيها و يطلع
سعود\ صباح الخير
حاولت ما تبين قدام منال شي فردت عليه بشكل طبيعي هند\ صباح النور
سعود\ هااه منوله نمتي زين امس ؟
منال\ ايوا نمت
سعود\ اشوفكم صاحيات من بدري
منال\ عشان نمنى من بدري
هند\ اجهز لك الفطور
سعود\ انتم افطرتوا ؟
منال\ انا افطرت بس هند ما خليتها تاكل
هند ابتسمت لها و حركت يدها بمعنى لا تتكلمين
سعود\ و ليش ما خليتي هند تاكل ؟
منال\ شوف كيف دبى مهي حلوه لازم ما اتاكل كثير عشان ترجع زي اول حلوه
سعود طالع في هند و استوعب كلام منال فانفجر ضحك هي فعلا وزنها زائد بس بسبب الحمل و بما انه منال ما شافتها من اول حملها فهي تعتبر ان هذا مجرد وزن زائد على قولتها
هند ما استحملت ضحكه عليها بهذه الطريقة و حست بالاحراج\ مبسوط تضحك هااه
سعود\ هههههههه والله صدقة اختك كنتي احلا قبل كم ساعة خصوصا انا مانقوى زعلك
هند فهمت عليه انه يقصد زعلهم امس\ ما تقوون بس تتعمدون
سعود\ لا والله بس الوزن يخلي الواحد حساس شوي
هند\ و السهر يخلي الواحد يلطش كلام ما يحسب معناه
سعود\ هذا عيبي الوحيد حاولي تتقبلينه
هند\ الوحيد طيب و ازعاج الناس النائمه مو عيب ثاني ؟
سعود\ منال تروحين معي نشتري فطور من برى ؟
منال بفرحه طفولية انها بتكتشف مدينه جديده عليها\ ايه اروح
سعود\ طيب اطلعي البسي و تعالي يالله
هي فاهمه انه بيصرفها شوي عنهم بس مو على هند\ تعالي اجهز لك ملابس
بس منال خربت عليها قالتها و هي تطلع للغرفه\ انا اعرف لوحدي خلاص كبرت
بسرعه قام من مكانه و مسكها قبل تشرد عنه سعود\ يا عني ما كنتي نائمه و تمثلين علي و لا رحمتيني طول الليل رايح جاي ؟
هند\ ما قلت لك لا تنام و اجلس رايح جاي كل شوي
سعود بضحكة\ و الله طيب ليش انتي ما نمتي كمان و كانك جالسة تستنيني اجيك كل شوي
هند\ انا ما استناك انت تصحيني بالباب
سعود\ لسانك يكذب عيونك تقول انك ما تقدرين تنامين بعيد عني
هند غمضت عيونها الي دوم تفضحها قدامه\ العيون ما تتكلم لا تحاول
بعد عنها شوي و فتح لها يدينه و غمض عيونه سعود\ طيب العيون كمان تكذب نشوف قلبك و حضن سعود كمان يكذبون
يعرف كيف يخليها تسامحه بسرعه و بدون جهد هند\ اووه منك ما اقدر عليك
سعود و هو يبوسها على راسها\ و انا مقدر على زعلك.....

( تعال ننسى هـ الزعل بعناق )

***************

جده
الساعة الـ 10:45 صباحا

صحى من نومه و طلع عندها الصاله اليوم يحس بنشاط كبير و شوق لبكرة الي بيكون اخر يوم له في الجامعه و خلاص بيودعها و يبداء مشوار البحث عن وظيفة و حياة جديده بعيد عن مقاعد الدراسة
فارس\ صبحك الله بالخير جدتي
ام سعود\ صبحك الله بالرضى يمه
فارس\ وين يأتي عنك ؟
ام سعود\ طلعت تنشر ملابس برى تبي فطور يمه .؟
فارس\ خليها لين ترجع و تحطه
ام سعود\ صاحي من بدري اليوم العادة على اذان الجمعه و بالقوة
فارس\ ههههههه خلاص الان كل شي بيتغير بعد ما اتخرج
ام سعود\ الله يوفقك يمه بوظيفة و زوجه تريحك
فارس\ ايوا هدي الدعاوي الي تسر الواحد على هالصبح
ام سعود\ يا حبك لطاري العرس
فارس\ بس المهم تحصلي لي عروس ابيها على ذوقك
ام سعود\ كان بدور لك في الشرقية
فارس\ خلاص معزمه تروحي ؟
ام سعود\ ان شاء الله يمه
فارس\ اجل خليني اروح بكرة للمطار ادور لك حجز........

**************

الخبر
الساعة الـ 10:50 صباحا

جالس بالصاله يقراء الجريدة صار لازم يقراها صفحه صفحه لاجل يطمئن لو هند تبي تقراها بعده انها سليمة من أي شي ممكن يشككها فيهم

سمعت جواله يرن وهو في الشاحن جمبها و هي تشوف افلام كرتون في التلفزيون
سعود\ منوله هاتي الجوال حبيبي
طلعته من الشاحن و بسرعه مدته له
سعود\ شاطره حبيبي
طالع الرقم و هو يبتسم سعود\ هلا بشباب كندا
يوسف\ هلا بالناس القاطعه ما تسال
سعود\ والله امس الي رجعت وين يمديني اسال
يوسف\ حتى لو اتصال خمس ثواني بس
سعود\ يكلف علي والله
يوسف\ انت و وجهك بدل ما تقول تفداك
سعود\ ههههههههه ما اعرف اجامل
يوسف\ مالت بس على الي يسال عنك لو لا سيف ما دقيت
سعود\ و كمان سيف قايل لك تدق يعني مو من نفسك
يوسف\ هههههههه حشرنا الا تجينا مع اهلك الشاليهات اقوله امس الي رجع من ينبع اكيد يبي يرتاح خله في حاله و خلنى نفتك من وجهه راسه يابس
سعود\ حبيب قلبي ابو شهد والله مالت بس على بعض ناس ما تعرف الاصول تطلع من وراي
يوسف\ يا كثر هرجك يا اخي علي فاتورة ما سددتها اخلص علي و تعال في شاليهات الـ.......... بنتغداء هناك
سعود\ افكر
يوسف\ يا شين التغلي عليك
سعود\ هههههههههه سكر بس لا تتبلاني بفاتورة جوالك وراي مصاريف ولي العهد.....

*****************

جده
الساعة الـ 11:20 صباحا

رجعت من الملحق و هي تحمد ربها و تهلل وجهها ينور من الفرحه و يبشر بالخير ما كانت تبغى من الدنيا قبل تموت اكثر من الي تشوفه اليوم

ام نواف\ خالتي اشوفك مستانسه
ام محمد\ الحمد لله يمه الحمد لله
ام نواف\ عسى خير فرحيني معك ؟
ام محمد\ محمد يمه اليوم سال عنك و عن عياله
ام نواف\ الله يبشرك بالخير يا خالتي الحمد لله يعني صار احسن من اول هالحين ؟.
ام محمد\ ايه يمه و قالي و ينها ام نواف ما اشوفها و العيال ما اشوف الا فهد
ام نواف\وش قلتيله خالتي ؟
ام محمد و بعين دامعه\ قلت له الصدق يمه محمد زي الي رجع للحياة من جديد ما هو مصدق ان نواف كبر و دخل الجامعه و لا ان هند تزوجة و بتصير ام.....

*************

الخبر
الساعة الـ 11:35 صباحا

اخذ سجادته و مفتاح السيارة و طلع من الغرفه يبي يلحق صلاة الجمعه في المسجد القريب من البيت لجل يرجع بدري و يروح لصحابه شافها طالعه من غرفة منال فحاول يستعجلها شوي سعود\ هنوده ارجع من المسجد احصلكم جاهزات لا تتاخرون
هند\ ان شاء الله
سعود\ ان شاء الله و واقفه روحي طيب البسي بتجلسين ساعة
هند\ طيب خلاص روح انت صل و بتلقى كل شي جاهز
سعود\ يالله تبين شي ؟
هند\ سلامتك
نزل عنها سعود و هي دخلت الغرفه و وقفت قدام الكبت محتارة وش تلبس مع هالبطن هي متعوده على ام شهد لكن ساره ما شافتها الا مرتين بعد زواجها و حست ان هالانسانه كثير تهتم لاناقتها...

*************
الخبر
الساعة الـ 04:50 مساء

دخلت عليهم و هي تركض و دور على هند الي كانت تلعب في الغرفه مع شهد
ساره\ انتبهي حبيبتي لا تطيحين
منال\ وينها هند ؟
طلعت على صوتها وهي مبتسمه هند\ انا هنا
منال\ تعالي شوفي سعود طاح و رجله فيها دم
هند ما استوعبت كلامها\ شو ؟
لكن منال تركتها وراحت تركض\ تعالي شوفيه برى
رجعت هند الغرفه و اخذت جوالها و اتصلت فيه لكنه مايرد
ام شهد\ هدي هند اكيد جرح بسيط
ساره\ هم اصلا يلعبون كوره
هند معاد صارت تشوف قدامها الا سعود يتالم وهي مو جنبه اخذة عباتها و لبستها\ بروح اشوفه برى
مشت عنهم شوي لين وصلت الباب الخارجي لشاليه و دق جوالها
هند\ حبيبي شلي صار لك ؟
سعود\ ههههههه اختك يبيلها عضه لجل تعقل ما فيني شي جرح بسيط
هند\ وينك الان بشوفك ؟
سعود\ هنوده حبيبي والله جرح بسيط في رجلي حتى اقدر امشي عليه
هند\ زين تقول تقدر تمشي عليه تعال عند الباب
سعود\ هنوده
هند\ خلاص اجل انا بجيك
سعود\ زين خلاص انا اجيك انتي عند الباب الخارجي ؟
هند\ ايه.....

*************

الخبر
الساعة الـ 04:51 مساء

بين كتبه و ملازمه الي مبعثرة في الغرفه قطع عليه صوت جواله طالعه و هو يبتسم
نواف\ هلا والله بست الكل
ام نواف\ هلا بالقاطع ما كان لك ام تسال عنها اذا ما دقيت ما تدق انت
نواف\ ههههههه قولي بس من زعلك و جايه تحطين حرتك فيني و انتي عارفه ان جوالي مفصول و حايس مع ذا الاختبارات ؟
ام نواف\ ايه بدل السالفه
نواف\ هدي انتي بس
ام نواف\ وين اخواتك من الصبح ادق على البيت محد يرد ؟
نواف\ وانا اقول ليش داقه علي اليوم مرتين ما هو حب فيني والله الا لجل بناتك
ام نواف\ طلع لي فهد الثاني
نواف\ ههههههههههه ايه عاد فهد الان صاير دلوعك في البيت يالله لنا الله المهم يا ستي بناتك طالعين البحر من الظهر و ولدك يذاكر لان اختبار بكرة اصعب اختبار و يبي دعوه حلوه منك
ام نواف\ الله يوفقك يا يمه و يسهل لك كل اختباراتك..........

**************

الخبر
الساعة الـ 04:54 مساء

شافته يمشي ناحيتها و واضح انه يسند نفسه على رجل وحده وهو يمشي و خطوته ثقيله و الالم واضح بوجه مشت نحوه خطوتين و حضنته هند\ توجعك صح ؟
سعود حب يدلع عليها شوي\ بس لمن حضنتيني خف الالم
هند وهي تطالع رجله\ و تقول جرح بسيط و كل هذا الدم منك
سعود\ لا هو وقف النزف بس هذا في الشاش شوي
هند\ و انت ليش تلعب من دون البوت ؟
سعود\ لا انا نزلته و دخلت البحر و جتني الكورة و سددتها لسيف هههههه بس طلعت هدف
هند\ هههههه هدف بس في رجلك
سعود\ هههههه انا شت الكورة و الحجر مره وحده قولين
هند\ ههههههههههه و من لف لك الجرح؟
سعود\ يوسف شايفه بس كيف مبهذل
جلست هند عند رجله و فتحت له الشاش ورجعت لفته بشكل اكثر امان لجل ما ينفتح و يتلوث الجرح\ خلاص كذا تمام
سعود\ الله يهديك يا هند هالحين كيف برجع عند الشباب
هند\ وليش ما ترجع ؟
سعود\ بياخذوني طنازه لجل جيتك تشوفين جرحي
هند\ بالله و من بيطنز سيف الي حرق جوال زوجته من كثر ما يتصل و المسكينه تتحجج انه يسال عن شهد لان حرارتها مرتفعه و الا يوسف و قصة عشقه الي تعرفها من اولها
سعود\ هههههههههههه و احنا مالنا حق نعشق
هند\ الظاهر الدم سحب العقل معه
سعود\ لا الحضن سحب القلب ناحيته..........

************



الجزء التاسع و الاربعون





الاربعاء

الخبر
الساعة الـ 11:15 صباحا

تحس خلاص انه راسها راح ينفجر من صياحها الي صار كل يوم ما يوقف ما كانت كذا صياحه معها و متعوده عليها اكثر من امها وش الي غيرها اكيد البعد له دور
هند\ ياربي منال بس خلاص ليش تصيحين ؟.
منال\ ابي ارجع عند امي
هند\ قلت لك طيب بس يخلص نواف اختبارات ارجعي معه
منال\ هي جالسة لوحدها
هند\ وانا كمان جالسه لوحدي
منال\ انتي عندك سعود
هند\ و هي عندها فهد و جدتي
منال بصياح طفولي\ و الحين فهد يشيل غرفتي و العابي
هند\ يا ماما فهد كبير و هو عنده غرفه
منال\ ما ابي ابي ارجع للبيت
هند\ طيب خلاص ترجعين الجمعه بس اسكتي الان......

************

جده
الساعة الـ 11:20 صباحا

رتبت لها الشنطه و جهزتها هذي اول مره تسافر فيها امها و بس عشان خاطر هند من سنين و سعود يترجاها تترك جده و تجي الخبر عنده لكنها ترفض و انها ما تقدر تبعد عن جده و عن بيتها و الان هي من نفسها تبي تروح الخبر لجل تكون مع هند وقت ولادتها
ام عزام\ يمه متى طيارتك ؟
ام سعود\ الجمعه يمه المغرب
ام عزام\ سبحان الله اول سعود يترجاك تجين عنده والان من نفسك تروحين
ام سعود\ هند تستاهل و البنت ما عندها حد الحين دامني اقدر خل اروح عندها
ام عزام\ هي ابوها طلع من المستشفى ؟
ام سعود تفاجاة\ أي مستشفى .؟
ام عزام\ يمه لا تخبين ترى انا اعرف السالفه لا تخافين ما راح اقول لهند شي
ام سعود\ يمه خليها لين تولد و سعود الي بيقولها بنفسه لا تدخلين بينهم و تخربين حياتهم
ام عزام\ ما اني مدخله و لا شي خلاص انا مالي شغل في احد كافي ان بيتي بغى يخرب
ام سعود\ الله يصلح لك يمه و الله يا ان هند بنت طيبه و عمرها ما ذكرتك الا بخير حتى يوم تزوج خالد و الله انها تكدرت من كدرك
ام عزام\ ما تقصر عاد ما شافت مني خير
ام سعود\ الايام جايه يمه بكره تجي جده و تصفى النفوس بينكم
ام عزام\ الله كريم طيب انا جهزت لك كل شي شوفي بنفسك و لو شي ناقص خلي يأتي تحطه
ام سعود\ ليش انتي وين رايحه .؟
ام عزام\ بروح البيت اجهز الغداء الان يرجعون العيال من المدرسه
ام سعود\ ليش خالد ما يتغداء عندك اليوم ؟
ام عزام بانكسار واضح\ لا في بيته الثاني
ام سعود\ اجل اتصلي في السواق يجيب لك العيال هنا و تغدوا معي.......

****************

الخبر
الساعة الـ 04:40 مساء

جالسة على الدرج و رافضة أي نقاش او محاولة استلطاف خلاص هي معزمه تروح يعني تروح و كـ عقاب ما تبي تاكل و لا تشرب..جات وجلسة على الغداء بعد ما يسأت منها و بدت تتعب و معاد فيها تناقشها اكثر
سعود\ وش فيها مظربه عن الاكل حتى ؟
هند\ دلع و الله معاد فيني استحمل عنادها
سعود\ دلوعتك هذي عاد
هند\ اول كان عندي نفس استحمل الان مره حدي حد نفسي
سعود\ يالله ما بقى شي و ترتاحين
هند\ شوف انت كلمها يمكن تسمع منك
سعود و هو يرفع صوته لها\ منوله تعالي
منال\ ما ابي
سعود\ تعالي تغدي معنى ليش جالسة لوحدك حبيبي
منال\ عشان انت و نواف و هند ما تحبوني و لا تبوني ارجع عند امي
سعود\ من قال يا حبيبي احنا نحبك و انتي بترجعين لماما الجمعه مع نواف خلاص
منال\ لا انتم بتحبون النونو اكثر مني
سعود قام من مكانه ناحيتها و همس لهند\ افهمي انها حالة غيرة النونو بياخذ مكانها عندك.....

***************

جده
الساعة الـ 05:42 مساء

سكرت السماعه من هند و تنهدت الظاهر منال ما هي مستحمله البعد عنها لكن يا ترى بتتقبل وجود ابوها معهم في البيت و هي تخاف ظله و الا لا
ام محمد\ خير يا بنتي وشفيك ؟
ام نواف\ هذي هند تقول ان منال ما تبي تجلس عندها
ام محمد\ و بيرجعونها ؟
ام نواف\ بترجع مع نواف يوم الجمعه قلت لكم ما بتجلس اكثر من اسبوع اعرفها انا
ام محمد\ ما عليه لو حست بشي بنقول لها
ام نواف\ بس يا خالتي هي تخاف من ابوها والله لو عرفت انه معنى بنفس البيت ما تنام الليل
ام محمد\ لو قلنا لها يتعالج و بيصير زين و بتشوفني انا و فهد ندخل عنده ما بتخاف
ام نواف\ مدري يا خالتي انا خائفه عليها
ام محمد\ و كليها على الله و احمديه وين كان رجلك و وين صار بكرة بس يتعافى و يعوضكم عن الي راح.....

**************

الخبر
الساعة الـ 06:35 مساء

طلعوا من الغرفه بعد ما رتبوها و جهزوها لام سعود كانت بخاطرها متضايقه بس ما حبت تبين له معناته يا هند خلاص و لا تفكرين تروحين لاهلك و امي الي بتبقى عندك لمن تولدين هالمره قررت تستسلم و ما تناقشه خلاص هي كلها الم وانا الي بحسها سوى هنا او عند امي نفس الشي
هند\ هيلي روحي شوفي منال برى ايش تسوي ؟
هيلي\ اوكيه
سعود\ كانت تلعب وانا جاي من المسجد
هند\ بس تشوفها اخاف تطلع الشارع
سعود و هو يمسك يدها\ طيب تعالي انتي اجلسي من اول واقفه
هند\ ما راح تطلع انت اليوم ؟
سعود\ ما اظن سيف عند اهله الليله و يوسف نازل السوق يجهز لسفر
هند\ خلاص معزم هو ؟
سعود\ أي ما شاء الله هذا حلمه من زمان اصلا
هند\ وانت مالك نفس تكمل دراستك ؟
سعود\ ياليت والله انا لو اقول للمدير بكمل دراستي بكره يجيب لي الحجز و كل الاوراق بس مدري عن الظروف
هند\ أي ظروف ؟
سعود\ يا عمري انا مو مثل يوسف ما شاء الله مرتاح ماوراه شي زوجته و اخذها معه و اخواته كل وحده ببيتها و امه في بيتها مع ابوه
هند\ وانت بعد اخواتك مو صغار و كل وحده ببيتها
سعود\ و امي نسيتيها ؟
هند\ ما اظن انها بتمنعك و هي مو قاصرها شي عندها بيت و اخواتك و عيالهم عندها
سعود\ هي مو قايله لا لو انتي رحتي معي من زمان تقول اتزوج وروح لجل اكون مطمئنه عليك
هند و كل تفكيرها عند اهلها كيف تسافر معه و هي مو مطمئنه عليهم و لا الدنيا شو بتسوي معهم \ يسرها ربك
سعود\ و النعم بالله
هند\ فيك حيل ننزل السوق ؟
سعود\ ليش شو ناقصك .؟
هند\ مو لي ناقص كم غرض للبيبي بس
سعود\ ههههههه اجل خذي هيلي معك و انا اخذ منال للالعاب لجل ما تقلب السوق علينا
هند\ الله يعين عليها بس....

**************
الخبر
الساعة الـ 08:40 مساء

لجله تحاول انها تكون طبيعيه و ما تبين انها تخفي دموعها عنه مهما كان فراق الاهل و الوطن صعب حتى لو كنت مع اغلى بشر عندك في الدنيا
ساره\ تعبت خلنى نرجع البيت
يوسف\ وش فيك انتي مقتصده ترى هناك برد بتموتين و ما اشوفك اخذتي شي ثقيل
ساره\ اخذة جاكيت و كم بلوزة و لا تخاف هناك بننزل اسواقهم بضاعتهم احلا
يوسف\ ان كيدهن عظيم يعني توفرين هنا و بتفقريني هناك ؟
ساره\ بذمتك مو استاهل ؟
يوسف\ ترى انا بروح ادرس جامعه و تعرفين هناك مختلطه يعني لا تخليني ادور لي مزيونه اصادقها و بعدين احبها
ساره\ والله و يعني انا بقولك روح حب
يوسف\ حسب تعاملك
ساره\ كيف ؟
يوسف\ يعني يا قلبي انا طالب محتاج حد يوقف معي يسندني يذاكر لي يشجعني يدلعني مو يتركني و يروح السوق
ساره\ بالله
يوسف\ أي والله
ساره\ طيب اجل ماله داعي اروح معك
يوسف\ تقدرين ؟
ساره\ زي قلبك يومه يفكر من الان بزميلات الجامعه
يوسف\ هههههههههه غياره
ساره\ لا
يوسف\ الا ونص يا دبى......

**********

الخبر
الساعة الـ 09:50 مساء

دخلت معها الغرفه و غطتها في السرير كانت تبي تتركها تنام بس فكرت ليش ما تحاول تحمسها لشوفة الجنين بدل الغيرة منه
هند\ منوله أنتي مو نفسك لو عندك اخت تروح معك المدرسة ؟
منال\ بس ما عندنا حنا
هند\ يمكن يصير عندنا
منال\ يعني ماما بتجيب نونو كمان ؟
هند\ لا مو ماما انا
منال\ يعني مو اختها لانها بنتك
هند\ بس بتكونين خالتها و هي ما عندها اخوات خليك انتي اختها الكبيرة
منال\ تلعب معي في العابي .؟
هند\ ايه و نشتري لها العاب جديده تلعبون فيها مع بعض
منال\ هي بتجي صغيرة صح ؟
هند\ ايه ما تقدر تاكل و لا تلبس و لا تنام لوحدها لازم حد يسويلها كل شي لين تكبر
منال\ زي فله انا البسها و اكلها و تنام معي
هند\ ايه زي فلتك
منال\ طيب و اذا كان ولد ؟
هند\ برضوا بيكون صغير ما يقدر يسوي شي
منال\ ما يروح يلعب مع فهد و انا لا ؟
هند\ لا هو يبي يلعب مع الي يشوفه اصغر واحد في البيت و كمان مع الي يحبه
منال\ خلاص انا بحبه بس خليه يلعب معي
هند\ ابشري من عيوني يالله نامي انتي الحين......

*******************
الخبر
الساعة الـ 10:05 مساء

اتمددت جمبه على السرير بهدوء اليوم ما انام بعد ما رجع من الدوام على صحيته الفجر ما تبي تزعجه
لكنه يبدو ما كان نائم و بس مجرد مغمض عيونه سعود\ نامت منال ؟
هند\ ايه و انت ليش لسى ما نمت ؟
سعود\ ما اعرف انام و هنودتي مب عندي
هند\ تخاف الظلمة يعني ؟
سعود\ لا اخاف الوحش ياكلني
هند\ ههههههه بس تكفى بكره لا ترعب ولدي بوحشك هذا
سعود\ تخافين عليه من الوحش و انا لا ؟
هند حبت تغايضه شوي\ اكيد اخاف لانه حياتي و عمري و دنيتي كلها
سعود\ والله
هند\ أي والله و كمان ما ابي حياتي بدونه
سعود\ هذا كله له ؟
هند\ و اكثر شوي
سحب الفراش و غطى نفسه سعود\ النوم ابرك بس
ابتسمت منه و من الغيرة الي تجيه لمن تذكر حبها للبيبي قربت و حضنته من فوق الفراش هند\ بس انت ما سالت هو منو ؟
سعود\......لا رد
هند\ طيب انا بقوله حتى لو ما سالت هو س ع و د ي
رفع الفراش عنه بانتصار سعود\ طيب احلمي تذوقين النوم الليله....





الجزء الخمسون




الجمعه

جده
الساعة الـ 01:30 ظهرا

طلع من الغرفه و راسه بينفجر من توصيات امه و خالته على جدته كانه اول مرة يطلع معها او انه بيتركها في صحراء لوحدها و يرجع عنها
ام سعود\ تعال يمه اتغداء
فارس\ اول قولي لي عندك حد من بناتك ؟
ام سعود\ لا ما عندي الا ابو عزام
فارس\ ايوا لان راسي بينفجر من غيرهم
ام سعود\ ليش يمه راسك بينفجر ما نمت زين ؟
فارس\ بينفجر من توصياتهم عليك وي كاني بضيعك
ابو عزام و الي كان يسمعهم و هم يمشون جهته\ لا تخاف خالتك موصيتني قبل اجي اذكرك بكل شي و بتجي العصر و بتكمل كان نست شي
فارس\ اجل اتصل عليها و قولها عندك نيه تتزوج التالته
ابو عزام\ ههههههههههههههه لا فكنى معاد ناقص هم ثاني
ام سعود\ ما عليه يمه هذي اول مره اروح عنهن مهن متعودات
فارس\ و انتي بتروحي عند غريب الا بتروحي عند ولدك
ام سعود\ و هن يوصن ولدي الثاني علي ما غلطن
ابو عزام\ افى يا عمتي طاح سوقي انا كنت ولدك الثاني قبل
ام سعود\ كلكم عيالي يمه و غلاتكم بقلبي وحده....

***************

الخبر
الساعة الـ 03:15 مساء

وقفت بعد ما باستها و حضنتها كانت تتمنى لو تروح معهم للمطار لكن بحكم ان سعود بينتظر امه على طيارة المغرب ما حب يتعبها معه بزحمة المطار
هند\ انتبه عليها نواف
نواف\ اكيد
هند\ هااه منولتي خلك شاطرة و زي ما اتفقنى
منال\ طيب انتي متى بتجين عندنا زي اول ؟
هند لا شعوريا ناظرة بعيون سعود و كانه تقوله انا الي ابي اجابه له سؤال منك
سعود\ بنجي حبيبي بس بعد ما يجي النونو
منال\ تجيبونه معكم عندنا ؟
هند\ ايه حبيبي لازم نجيبه عشان ماما و جده يشوفنه
منال\ طيب و تخلينه عندنا ؟
هند\ ما يقدر حبيبي لانه بيكون لسى صغير بس يكبر و يمشي اخليه عندكم
نواف\ يالله امشي الطيارة بتروح و انتي تفكرين كيف تستولين عليه و هو لسى ما جاء
هند\ هههههههه حرام عليك خف عليها تونا كسبنا ودها.....

************

الخبر
الساعة الـ 03:20 مساء

تمدد على السرير بكسل الوقت بداء يمشي و هو يحس انه لسى ما جهز نفسه لسفر مرة و الاهم كيف يعود ساره على الحياه معه هناك لوحدها
يوسف\ سارونه
ساره\ لبيه
يوسف\ شو رايك اقدم لك اوراقك و تكملين دراسه هناك ؟
ساره\ بكندا
يوسف\ لا بالهند ايه بكندا اجل وين ؟
ساره\ صراحه ما ابي و لا افكر
يوسف\ ليش ؟
ساره\ يبي لك سنه لغة و اختبار يمكن تعدي و يمكن ما تعدي و لازم تكون متفرغ لدراسة و انا ما عندي وقت
يوسف\ الا قولي ما عندك طموح يا الكسوله
ساره\ طموحي ان زوجي ياخذ الشهادة الي يحلم فيها ما ابي شي اكثر بعدين ما تخاف انا ندرس و انا انجح و انت لا بعدين بشوف نفسي عليك
يوسف\ هههههههههههه بس اخاف تملين مني بعدين و تبين واحد معه الدكتورا
ساره\ اجل خلني كذا احسن لك
يوسف\ بس وربي اخاف تملين من الوحده هناك
ساره\ فيه سعوديين كثير هناك اكيد بنتعرف على حد منهم
يوسف\ هو بس لو سعود يقدم اوراقه و يروح معي بكون مرتاح انك تبقين مع زوجته
ساره لما سمعته يذكر سعود ضحكة و هي تتذكر كلامه عنه قبل ما يتزوجون و الي شافته يوم الجمعه
يوسف\ ليش تضحكين ؟
ساره\ لا بس اتذكرت لمن تقولي ان سعود مره ما هو حق رومانسيه و بنات و الله يعين الي بتتزوجه
يوسف\ ايواه
ساره\ لكن الي شفته من زوجته يوم كنى بالشاليهات مره غير مره كانت خائفه عليه و طلعت له برا يمكن نصف ساعة
يوسف\ هههههههههههه هو من خطب هالبنت و هي تطلع الرومانسية عنده مدري من وين.......

*****************

جده
الساعة الـ 04:10 مساء

اخذ شنطة جدته و شنطته الصغيرة بحكم انه بيجلس يومين في بيت خاله و طلع لسيارة افضل عنده من الجلوس معهم و توصيات امه و خالته الي ما تخلص ابد سمع جواله يرن و طلعه يرد
فارس\ هلا خالي
سعود\ لسى في البيت و الا طلعتوا المطار ؟
فارس\ لسى الطياره الساعة 6 دحين بدري
سعود\ و ايش صوت الهواء هذا عندك انت برى ؟
فارس\ بالشارع
سعود\ ليش .؟
فارس\ لان جوا امي و خالتي كل ما شافوني قالوا سوي كدا لجدتك في الطيارة حرك رجولها كل شوي خلك جمبها و كلام ما يخلص
سعود\ هههههههههه اعصابك طيب
فارس\ و الله يجيبوا القلق
سعود\ ما عليك الحريم هذا طبعهم بعدين يأتي معها اكيد بتسوي لها كل شي
فارس\ الحمد لله ما اني جالس لين رمضان و الا كان قالوا ادخل فطرها بنفسك
سعود\ هههههههه اجل بمسك عندي لين رمضان......

*****************

جده
الساعة الـ 04:45 مساء

طلعت من غرفتها لصالة وين ما كانت ام نواف جالسة و حاطه يدها على خدها و تفكيرها بعيد
ام محمد\ راح فهد يجيب اخوانه ؟
ام نواف\ ايه خالتي راح
ام محمد\ و شفيك انتي يمه سرحانه كذا ؟
ام نواف\ افكر في محمد يا خالتي
ام محمد\ انتي رحتي له يمه ؟
ام نواف\ ايه من شوي بس كان نائم
ام محمد\ ما عليه شر هذا هو عندنا كنى نتمنى نشوفه بالسنه مره و الان طول يومه عندنا
ام نواف\ محمد اخذني طفلة يا خالتي هو الي علمني و فهمني هالدنيا ما استحمل الحين اشوفه مكسور كذا
ام محمد\ قولي الحمد لله يمه محمد احسن من اول و بكرة بس يشوفك انتي و عياله ملتفين حوله بيحس انه رجع مثل اول رجال هالبيت......

*************

الخبر
الساعة الـ 07:30 مساء

من وقت انتشار خبر حملها في البيت و خالتها و البنات ما يخلونها ترفع شي ابد و الي تبيه يوصلها غرفتها سوى من البنات او ناصر الي كان داخل عليها و معه صحن فواكه لها
ابتسمت له منار\ ليش اتعب نفسك انا ما ابي شي
ناصر\ احنا اتفقنى تاكلين الي يجيك بدون نقاش
منار\ بس توها خالتي مشربتني كوب حليب
ناصر\ و هذي فواكه ما هي حليب
منار\ نصور و الله بديت انحرج بدل ما انا اخدمك انت و خالتي صايرين انتم تخدموني و انا جالسة
ناصر\ يا روح نصور انتي انا لما شفت امي كيف انبسطت على حملك و بدت تتغير نفسيتها و تدخل المطبخ و تبتسم اخذت عهد على نفسي ما اخليك تتعبين لا انتي و لا الي في بطنك لنكم الاثنين الان مصدر سعادة هالبيت
منار\ فعلا خالتي مره تغيرت نفسيتها يارب اجيب ولد عشانها
ناصر\ بس انا ابي تؤم بنت و ولد
منار بخوف\ و هذيلا سهلين هو واحد و انا افكر كيف استحمل ولادته
ناصر\ ههههههههههههه جبانه
منار\ ايه جبانه ارتحت
ناصر\ خلاص الي يجيبه ربك حياه و انا معك و ربك بيسرها بس انتي شيلي هالخوف من بالك......

***************

الخبر
الساعة الـ 08:33 مساء

جالس معهم و يشوف كيف امه من وصلت الا تسال هند عن صحتها و متى ولادتها ؟ و ارتاحي لا تقومين و هو مكان حد يعرفه
سعود\ يمه ترى انا ولدك مو هذي الدبى
ام سعود\ و هذي بعد بنتي و غلاتها من غلاتك
سعود\ ايه زين ان غلاتها من غلاتي مو اكثر
هند\ ههههههه يمه ولدك صاير غيار بشكل مو طبيعي
ام سعود\ ما عليك منه عودته على الدلع و الاهتمام الزائد
سعود\ افى بس يمه
هند\ ايه وانا كملت عليه من اتزوجنا دلع و اهتمام
ام سعود\ اجل الحين خفي عليه و فكري بالي في بطنك قولي لي بس متى بتولدين أنتي ؟
هند\ 5\9 ان شاء الله
سعود\ ايه و فري له الدلع من الحين
هند\ اكيد و ما هو بس انا حتى امي
ام سعود\ ايه صح
سعود\ تبينها من الله انتي خل اروح عند فارس ابرك
ام سعود\ ايه والله يمه جالس لوحده
هند بعد ما شافته راح بدون ما يرد\ شكله زعل يمه
ام سعود\ لا مو زعلان و لو زعل بيرضى اهم شي انتي الحين تنتبهين لنفسك ما بقى لك كم يوم..........

***************

الخبر
الساعة الـ 10:30 مساء

دخل الغرفه و على طول على فراشه بدون كلام هي متاكده انه مو زعلان لكنه يدلع عليها و يشوف غلاه عندها
قربت و جلسة عند راسه تمسح على شعره هند\ حبيبي
سعود\......<<لا رد
هند\ امممم هذا الان زعل و الا دلع ؟
سعود\ الي تشوفينه
هند\ اذا زعل ما يليق عليك و اذا دلع من حقك
سعود\ كيف دلع من حقي ؟
هند\ يعني انت من قبل حبي الاول و بيبي هنوده الاول
سعود\ انا بيبي هاااه ؟
هند\ بس عند هنوده
سعود\ و انتي نونو
هند\ بس عند سعود
سعود وهو يحط يده على بطنها\ و هذا الي تعب امه و ابوه و هو لسى ما جاء ؟
هند\ هذا اغلى هديه منك
سعود\ مني ؟
هند\ لو لا انت ما صرت انا ام و استحملت كل هذا الالم عشان اهدي لك كلمة بابا
عدل جلسته و فتح لها يدينه سعود\ تعالي انتي المفروض تعيشين داخل أحضاني بعيد الناس.......

*****************



الجزء الواحد و الخمسون





الاربعاء

الخبر
الساعة الـ 03:20 فجرا

صرخت بألم....
معاد فيها تستحمل اكثر من كذا كل ضنها انها كانت مجرد حركة عادية من الجنين لكن هالمرة اقوى و اعنف و كانه شي يتصارع في بطنها و اسفل ظهرها
صحى على صرختها و كله خوف عليها سعود\ شو فيك حبيبي ؟
هند\ آآآه الظاهر راح اولد
سعود\ هالحين ؟
هند\ سعود ايه ما اقدر استحمل الالم
سعود ارتبك و ما عرف شو يسوي\ طيب طيب اروح اصحيلك امي
هند\ لا لا تقلقها يالله المستشفى و بعدين خبرها
قام من مكانه بسرعه ياخذ مفتاح السياره سعود\ زين بروح اشغل السيارة و ارجع لك....

**************

الخبر
الساعة الـ 03:44 صباحا

واقف بمرر المستشفى ينتظر حد يطمنه مو عارف شو يسوي لوحده دخلوها عنه الغرفه و قالوا انتظر هنا ما يدري هي صحيح بتولد قبل وقتها و الا صار للجنين شي
طلعت مسرعه تدور عليه الدكتوره\ انت زوج المريضه ؟
سعود\ ايه
الدكتوره\ عندها حالة ولادة تبي نتصل في دكتورتها تحضر ؟
سعود بلا استيعاب كان يعد الايام على اصابعه\ باقي 12 يوم على ولادتها
الدكتوره\ بس الان عندها ولاده مبكره
سعود\ و في خطر عليها ؟
الدكتورة\ لا كثير تصير لهم
سعود\ طيب اتصلي في الدكتورة تجي لانها متابعه معها من اول.....


*****************

الخبر
الساعة الـ 06:45 صباحا

طلع من البيت و اتصل فيه يبي يمره و يروحون الدوام مع بعض مثل اول هو اكثر انسان بيفقده و يفقد اخوته لما يسافر
سعود\ هلا
يوسف\ في البيت بمرك نروح الدوام
سعود\ لا والله بالمستشفى
يوسف\ عسى ما شر ؟
سعود\ المدام تولد
يوسف\ احلف مو قلت برمضان ولادتها ؟
سعود\ طلعت عندها ولاده مبكره
يوسف\ الله يقومها بالسلامه اجل طمني شو تجيب
سعود\ امين ابشر و لا تنسى وقع عني
يوسف\ بشرط اذا ولد تسميه باسمي
سعود\ روح بس قلت الاسامي اذا ولد مسمى قبل يجي
يوسف\ زين يا ابو عبدالعزيز بطلت اوقع......

*******************

جده
الساعة الـ 07:05 صباحا

فتح عيونه متكاسل على صوت جواله يالله هو انا ما نمت الا بعد الفجر كان بيطنشه بس لما شاف اسم سعود رد
نواف\ هلا
سعود\ ايه رجعت جده لنوم هااه
نواف\ يالله صباح خير
سعود\ حسيتك نائم قلت ازعجك
نواف\ و انا اقول اكيد عنده شي مهم خل ارد
سعود\ و في اهم من ان اختك في غرفة الولاده محتاجه دعائكم
نواف\ هند تولد مو بدري ؟
سعود\ ولادة مبكره خبر خالتي تدعيلها خفت ادق على جوالها تكون نائمه
نواف\ لا الان اكيد صاحية مع جدتي خلاص انا اخبرهم بس انت طمنئي اول ما تولد
سعود\ ان شاء الله...........

**************

الخبر
الساعة الـ 09:25 صباحا

شافته داخل البيت و باين بوجهه ملامح التعب و الارهاق مسيطر عليه هي مستغربه من الصبح ان هند ما نزلت تفطر معها من بدري مثل العادة و الان سعود راجع بهالوقت و هو المفروض يكون بدوامه
ام سعود\ سعود يمه ليش راجع الان و ليش وجهك تعبان كذا ؟
قرب منها و جلس عند رجولها و باس يدها سعود\ صرت ابو يمه ولدك صار اسمه ابو عبدالعزيز
ام سعود و الي كانت من فرحتها تغالب دموعها\ الحمد لله الحمد لله من متى و ليش ما صحيتوني ؟
سعود\ الفجر رحنا المستشفى هند ما توقعت انها ولادة قالت ممكن بس الم لكن طلعت ولاده مبكره
ام سعود\ ايه تصير يمه انت جيت قبل يوم وولادتك بعشره ايام
سعود\ و ولدي 12 يوم
ام سعود\ و هند هالحين بخير شفتها ؟
سعود\ شفتها بس كانت نائمه ما صحت جاي باخذ لها ملابس و اغراض و ارجع عندها
ام سعود\ و ولدك شفته ؟
سعود بفرحه و هو يطلع جواله لامه\ يوه يمه صغيرون ما قدرت اشيله خفت يطيح شوفيه بالله ما هو يشبهني
ام سعود\ بسم الله ما شاء الله الا احلا منك ماخذ زينك انت و امه الله يحفظه لكم و يبارك فيه بس يا يمه لازم تشيله و تأذن في أذنه
سعود\ ان شاء الله هالحين اروح بس ببدل ملابسي
ام سعود\ خذ هيلي معك
سعود\ اكيد باخذها.......

********************

جده
الساعة الـ 10:10 صباحا

من خبروها و الفرحه ما هي شايلتها من الارض اخيرا هند صارت ام و اخيرا جاء البيبي الي بتلعب معه و تحبه مثل ما وعدتها هند
منال\ طيب انا متى اشوفه ؟
فهد\ توك شفتيه في جوال نواف
نواف\ افهم قصدها متى اشوفه بمعنى متى المسه
منال\ اصلا هند قالت هي بتجيبه عشان امي و جدتي يشوفونه و العب معه
فهد\ تلعبين معه لاكبر ما هو الان توه جاي
منال\ عارفه اصلا هند قالت لي لما يمشي بتخليه عندنا و هي تروح مع سعود بيتهم
نواف\ هههههههههه لا والله ما تعبت فيه
فهد\ على بالها جاي بالمجان الاخت
طلعت من غرفتها على صوت ضحكهم ام نواف\ ما شاء الله ضحكوني معكم
فهد\ ههههههه تعالي بس اسمعي بنتك قال هند بتخلي ولدها عندنا وترجع الخبر مع سعود
منال\ ايه هند قالت و هي ما تكذب
ام نواف اخذتها لحضنها\ خلاص خلوها بنتي هي متفقه مع اختها
نواف\ هههههههههه خل اروح انام احسن..........

***************

الخبر
الساعة الـ 04:05 عصرا

مدت يدها و تحسست بطنها تسع شهور و هو يكبر معها و تحس ان فيه روح تشاركها فرحتها و حزنها و الان صارت هالروح قدام عينها تقدر تلمسها تحضنها تنهدت بين تعب و الم و شوق انها تحضن هالطفل لصدرها بحب مره ثانيه برغم من كل الالم الي سببه لها
قرب منها على صوت الاهه الي طلعت منها و مسك يدها سعود\ يعورك شي حبيبي انادي لك الممرضه ؟
هند بتعب\ لا انا بخير
سعود\ طيب ريحي لا تتحركين
هند و هي تطالع سرير البيبي\ نائم
سعود\ ايه زي الملاك
هند\ يشبهك
سعود\ كلهم يقولوا اخذ حلاة امه و ابوه
هند\ بس انا اقول يشبهك انت وبس
سعود\ امممم طيب انتي ادرى منهم
هند\ اكيد
سعود\ اجل ما هو حلو اذا ما اخذ عيون امه
هند\ و مو حلو اذا ما اخذ فم ابوه
سعود\ و مو حلو اذا ما اخذ قلب امه
هند\ و مو حلو اذا ما اخذ رجولة ابوه
سعود\ احبك
هند\ اموت فيك

و ذاب بذيك اللحظة كل شي الا الفرح
أشتعلت شموعه......

************





الجزء الثاني و الخمسون



الجزء الاخير


بعد مرور شهر

الخبر
الساعة الـ 03:05 مساء

واقف عند باب الغرفه و يطالع ساعته تاخر الوقت معاد يمديهم يلحقون الطيارة لو بقوا دقيقة كمان في مكانهم خصوصا انه على اخر رمضان الحجوزات كلها لجده للعمره عادي تتكنسل مقاعدهم لو تاخروا و المطار زحمه و ما راح يحصل موقف لسيارة بسهوله
سعود\ هند يالله تاخرنا ترى
هند\ طيب بس بجهز الرضعه لعزوز دقيقه
سعود\ كمان بيشربها هنا اجل نبطل ما نروح احسن
هند\ لا بيشربها في السياره
سعود\ ايه استعجلي طيب ترى معكم واحد صائم
هند\ هههههههه استغفر الله عينك على الرضعه
سعود\ لا على الاهتمام
هند\ صوم طيب
سعود كان متاكد لو بقى لحظه ممكن يصير شي\ انا انتظركم بالسياره لا تتاخرين
هند\ خذ هيلي و عزوز معك بقفل الباب و اجي
سعود\ اوكيه.......

*****************

جده
الساعة الـ 03:50 مساء

دخل عليها المطبخ و هو ما هو مستوعب الكم الهائل من الاواني و الخضار و اصناف المكرونه و الحلى و العصير
فهد\ يمه انتي عازمه احد للفطور اليوم ؟
ام نواف و هي منشغله بالي في يدها\ اختك و زوجها بيجون اليوم و الا انت ناسي
فهد\ ايه بس طيارتهم المغرب و مدري يجون هنا على طول و الا بيروحون بيتهم
ام نواف\ المهم انهم بيجون اليوم في أي وقت
فهد\ و هذا كله لهند ؟
ام نواف\ اكيد لها
فهد\ ايه و انا وش موقعي ؟
ام نواف و هي تعطيه الملعقه\ حرك هذا لين اروح اصلي و ارجع
فهد و هو ما هو مستوعب\ يمه انا كمان بروح اصلي
ام نواف\ بلا حجج لسى الصلاة ما قامت بالمسجد طفئ على الحليب لفار....

*****************

جده
المطار
الساعة الـ 07:05 مساء

هواء جده غير الضجيج الوجوه الملامح كل شي فيها مميز هنا تربت تعودت على الحياه كبرت و تعلمت هنا عاشت الظلم من زوجة ابوها في طفولتها هنا كابرت على جروحها على الحاجه و الوحده هنا كانت بتكون في يوم صيده سهله لرجل يلهث خلف شهواته و يظن انه بالفلوس ممكن يشتري الشرف هنا تالمت من زواج كان مدفوع ثمنه و حملت هم مطلقه و مجتمع ظالم و هي باقي عذراء لكن يضل حب جده ما تغير لانها علمتها شلون تسعد الي حولها شلون تبتسم و تقهر جروحها و الي جرحها ..
خللت اصابعها الصغيرة بين اصابعه و شدتها بقوة تنهدت براحه مع هالانسان حست بالامان بالحب حست بقيمتها عنده خوفه عليها و الاهم هالطفل الي قوى العلاقه بينهم
سعود\ شو هنودتي خائفه تضيعين بالزحمه ؟
هند\ لا
سعود\ و ليش ما ساكة يدي بقوة كذا ؟
هند\ ابي احس بالامان اكثر
شد على اصابعها و كانه ياكد لها انه هو مصدر امانها سعود\ انا معك حبيبي
هند\ سعود
سعود\ عيونه
هند\ ابي اروح لاهلي على طول الله يخليك
حس بكثر شوقها و هي تترجاه سعود الي شفتيه كافي كافي يا عمري\ من عيوني شوفي نواف هناك تعالي
نواف و الي كان يمشي جهتهم\ هلا والله نورت جده
سعود\ منوره بأهلها
نواف\ شوفوا من الاخير هالترحيب مو لكم هذا لشبيه خاله
هند\ نواف بعد ترى توه نام لا تصحيه
نواف و هو يقرب منها\ مو وقت نوم الان لازم اسمع صياحه
هند و هي تبعد عنهم مع هيلي ناحية الكراسي\ لمن تخلصون الشنط احنا هنا
نواف\ ههههههه طرده
سعود\ ما شفت شي تحولت شرسه عشانه
نواف\هههههههه اممم خبرتها ؟
سعود بابتسامه\ مو ابوك الان بخير و معكم ؟
نواف بستغراب\ الا
سعود\ و يدري ان هند بتجي ؟
نواف\ ايه
سعود\ اجل ماله داعي نخبرها التفاصيل الان خلها تتفاجئ بوجوده بينكم و بعدين انا احكيها كل شي
نواف\ والله فكره خلني اتصل بفهد بس انت تتحمل ردت فعلها
سعود\ اكيد...........

*********************

جده
الساعة الـ 08:55 مساء

دخلت و كانت خطاء قلبها تسبقها لحضن أمها و جدتها و شقاوة فهد 10 شهور كانت غائبه عنهم تغيرت كثير و تالمت كثير بس بالنهاية انتهى كل تعبها من اول ما ضمت عزوز تقدمت خطوة ناحية الصالة و تراجعت بدون وعي لين لامس ظهرها صدر سعود الي كان واقف وراها نفس الملامح بس كابره شوي العيون و السواد الي تحتها الشيب الي بداء يكتسي لحيته بالكامل بس هالمره في شي مختلف الهدوء الابتسامه منال الي جالسة في حضنه بدون خوف و الاهم انه و امي جالسين بنفس المكان بدون صراخ و سب و شتم بلا وعي
رفعت يدها لفمها تمنع شهقه ما قدرت تميز سببها و همست هند\ ابوي
سعود\ ما اشتقتي له ؟
الان بدت تستوعب كل شي سعود كان مخبي عليها و مانعها تنزل جده لجل كان يعالج ابوها و يفك عنه السحر و عمائل نوره التفتت له هند\ أنت الي..
ما سمح لها تكمل و كان يهز راسه بمعنى ايه
كنت اظلمه كثير أزعله مني اخاصمه و هو يسوي كذا لجلي رمت نفسها في حضنه هند\ ليش ما قلت لي ليش خليتني أظلمك و احط بخاطري عليك و أنت..........
كان يضمها لصدره أكثر متجاهل وجود كل الي حوله هند علمته شلون يكون بحياتها هو الاهم حسسته بمعنى رجولته خوفها عليه وقفتها معه بحزنه و فرحه علمته كيف يحب حتى الشخص الي يسعى بجهل لنزع الراحة من حياته سعود\ كله عشانك
هند\ و نوره كيف و وين ؟
سعود\ في المكان إلي المفروض تكون فيه من أول دمعه نزلت من هـ العيون بعدين أحكيك كل شي بالتفصيل
هند و من دموع الفرح و الحب\ اسفه حبيبي اسفه على كل شي
سعود\ و انا بعد اسف على كل القسوة الي شفتيها مني سامحيني حبيبي
هند استرخت في حضنه و هي متناسيه كل الشوق الي بقلبها لامها
سعود بهمس في اذنها\ هنوده ترى إحنا واقفين لا تنامين زي يوم زواجنا بعدين المفروض تروحين تحضنين ابوك مو انا
هند احضن ابوي صح انا مشتاقه له\ بس اليوم اسعد عندي من يوم زواجنا يا سعود اسعد بكثير.......




&&&&&&&&&&&&

بعد مرور خمس سنوات

المكان\ مطار الشرقية الدولي
الوقت\ الـ 05:00 مساء
بوابة القادمين
التفت له و هو يبتسم سعود\ روح الان مناك ما ابي اشوف وجهك
يوسف\ أي والله خمس سنوات حفظت ملامحك اكثر من نفسي
سعود\ هههههههههه من جمالي لازم تحفظه
يوسف و هو يطالع قدامه\ ايه الجمال الي ورثته لذاك الدبى يا اخي قطع يد ولدي ما صدقت انه جاء تفاهم معه وش يبي
$سعود و هو يمشي ناحيتهم الاثنين عزوز الي كان يسحب علي [ ولد يوسف و ساره طبعا جابوه بعد فترة سنتين و 8 شهور من زواجهم تخللها شلالات ساره الي ما كانت توقف كل ما شافت طفل ] وراه من يده و كان واحد مستمتع و واحد مستسلم\ الدبى انت و ولدك عزوز يا بابا وين رايح ؟
عزوز\ بنشوف السعودية
يوسف\ ههههههههههههههههه مخ ابوك عباله الاخ السعوديه علبة كبريت ورى ذاك الباب
سعود\ تبطئ انت بس لين توصل لذكاء الولد يبي يكتشف المكان ما هو زي الدلخ الي معك
يوسف\ الدلخ الي تقول لسى عمره ثلاث سنوات ما هو ولدك ههههههه حشى ما عندكم وقت
سعود تجاهله و انتبه لهند الي تاشر له على همس الي تمشي ناحيتهم [ عمرها سنه جابتها هند في كندا و اخذت ملامحهم بالشعر الاشقر و العيون بلون الاخضر و البياض الصارخ ]
يوسف كان كل ما يشوفها يضحك و يقول لسعود انه اكيد صار غلط بالمستشفى و معطينك بنت مو بنتك\ ههههههه و هذي جبتوها معكم كمان
سعود و هو شايلها و يبوسها\ هموسة ابوها هذي قمر السعوديه محد يجيب مثلها
يوسف و هو ياخذ علي من يده\ زين انت و عيالك التحفه اشوف ولد خالتي ياشر لنا لا تتصل فيني الا بعد اسبوع
سعود\ افكر اذا كنت فاضي.....

راح يوسف في طريقه مع زوجته و ولده لولد خالته عبدالرحمن بعد ما رجع من كندا بحلم الشهادة العليا
اما سعود فكان جالس بالمطار مع هند و اولادهم ينتظر طيارة جده بكل شوق لامه و اهله يشاركونه فرحة الشهادة



ارواح مشرقه بالامل

كانت روايتي الاولى و محاولة شخصيا استفدت منها كثيرا ناقشنى قضايا من محيط مجتمعنا الزوجه الاولى,السحر,الطلاق,الغربه في سبيل العمل او الدراسة,الصداقه,الحب بين الزوجين ووو غيرها الكثير حاولت جاهده فيها الا امتطئ اجنحة الخيال كثيرا حتى لا تفقد القصة نكهتها و المغزى الحقيقي من كتابتها سكبت فيها كل المشاعر و متناقضاتها ما بين حزن و فرح وظلم و صبر و لحظات ياس لتطغى عليها رياح الامل و تزهر قلوب ابطالها امتدت فترة الـ 6 شهور معكم كنت سعيده بكم بتواصلكم بكل كلمة وضعت هنا او بالرسائل الخاصة بكل تقييم و تشجيع وصلني منكم فشكرا بحجم السماء لكل من مر من هنا.....

ابطال القصه

هند\ مجرد فتاه عاديه جدا استطاعت ان تبني قصرا من السعاده بكم الحب المختزن بقلبها و ان تكون عانت في حياتها الكثير لم يمنعها ان تسعى للبحث اكثر لم يمنعها ظلم زوجة الاب او حرمانها من حنانه وقت حاجتها او ظلم الذئاب البشريه للفتاه العامله لتسد حاجه لاهلها لم يمنعها لقب مطلقه ان تعمل و تجتهد و تبني حياه جديده مع رجل اخر

سعود\ كل ملامح الرجوله وسمئت به و لا اقصد هنا الا رجولة الفكر و الاتزان قد يكون خير مثال ان المراه تستطيع صنع الرجل لوحدها مثل ما فعلت ام سعود ربت و تحملت وصبرت لتنتج رجل كان خير بار بها و خير صديق و اخ و افضل زوج أتقن فن الحب و العطاء و رسم البسمة على وجوه ترفع يديها لدعاء له كل صباح

يوسف\ مثال الصمود و النجاح الشخصي تعجبني مقولة ( اصنع نفسك بنفسك و لا تنتظر ان يشكلك احد كما يريد ) بطبع مثل ما فعل يوسف استطاع ان يهرب من كل المشاكل و يبني طريق النجاح لنفسه و الاستقرار لمن كان يشعر بانه مسئول عنهم قد يكون ارتكب اخطاء و مشى في الطريق الغلط قليلا لكن استفاقته كانت في الوقت المناسب

ساره\ مثل أي فتاه تبحث عن وهم الحب عبر اسلاك الهاتف او نوافذ الدردشة سلكة طريق كان سيسبب لها الضياع و لعائلتها العار و الخزي كثيرا ما كنت افكر ماذا لو سقطت تلك الساره او غيرها في يد عابث او ذئب يتقن الهجوم على فريسته ( للمعلومية الذئاب لا تحب ان تاكل الا منطقة البطن او الاحشاء الداخلية و تترك فريستها تنازع الموت بباقي جسد قتلت فيه امل البقاء ) قد تكون نسبه قليله لا تذكر تنجح في مثل هذه العلاقات لكن يضل لساره و يوسف ميزة خاصه و هي صلة القرابه و الحب الحقيقي الذي اثمر بالزواج و الابناء

سيف و علي\ الصداقه الاخوة هي ما كانت تجمعهم ببعضهم و بمن حولهم حتى و ان فقدوا الاجساد تضل القلوب تسترجع الذكريات

ام محمد و ام سعود و ام نواف\ رمز العطاء و الحب بلا حدود او ثمن ملحمة الصبر و الثقه بان رب الكون لن يخذل الكفوف المرتفعه له بسود الليالي

نوره و نزار و ام عزام\ النفوس المريضه بمجتمعنا حاولت ان اضعهم مجتمعين الحقد السحر , الرغبات الشيطانية , تجاهل الخطاء و التمادي فيه هم موجودون بيننا ولن ننكرهم لكن فقط لنتعلم ان نكون افضل منهم

نواف و فارس و فهد\ لا ينتظرون عطاء من احد فقط يتبعون طهر قلوبهم في تعاملاتهم مع الجميع <<<<<توي انتبه ان يجمعهم حرف الفاء

توجد شخصيات لا ننكر حقها وان كانت لها بعض الادوار البطوليه امل\منار\ناصر\محمد\ رؤى




بالنهاية اعود لشكر الجميع دون استثناء و بصدر رحب اتقبل أي انتقاد او ملاحظة قد استفيد منها مستقبلا



لكل من مر من هنا تحايا الشمس

[جرح الذات]

تمت بحمد الله

[هبة]

مشكوة جرح الذات على إختيار الرواية الرائعة و على النقل ... لقد سعدت بقرائتها و ربى يسلم إيدين كاتبتها على بساطتها و روعتها ...




تسلمى جرح و فى إنتظار جديدك ...

[أميرة الحياة]

يسلمووووووووووووووووووووو وووووووووووووووووووووو