ماكان ضني يومها تقوى ترد الباب !!!!!! - روايتي القطرية

[Reem al-m]

طبعا هاي اول رواية لي وبس بداية حبيت اخذ رايكم فيها وانتقاداتكم عشان اكملها

أقسى كلامي لك رجا
و اعذب كلامك لي جروح
مافيني شي منك نجا
و انت تخليني و تروح

ناديتك بقلبي قبل صوتي و لا رديت
نادتك صورة جمعتنا و للأسف صديت

.. على انغام هالاغنية كانت ريم منسدحة على السرير وتشوف صورة راشد وتحضنها بكل قوتها وتغني مع الاغنية
ريم : ناديتك بقلبي قبل صوتي ولا رديت نادتك صورة اجمعتنا و ياللاسف صديت , وانزلت دمعة يتيمة من عينها !
طبعا الكل يتساأل من هي ريم ومن هو راشد !!! خلونا نتعرف على شخصيات الرواية
اسرة المرحوم بو عبدالله ( بدر ) ام عبدالله (منيرة ) و بنتهم ريم طالبه ثالث ثنوي في مدرسة الرسالة و اختها وضحى ثاني اعدادي و وبو عبدالله كان عنده ولد اسمه عبدالله وتوفى في حادث و الحين ماعنده الا ولد واحد اسمه خالد عمرة 22 ويشتغل , طبعا ريم كانت فاشلة في الدراسه خخخ وهي وشلتها في المدرسة افشل ناس في المدرسة وكل اسبوع لازم عند المديرة شلتها هم جوجو (جواهر ) تصير بنت بنت عمها وطبعا جواهر بنت ام راشد (عاشة ) وماعندها غير جواهر و (راشد : مخلص ثنوية اكبر من جوجو بسنه وجوجو ثالث ثنوي ..
الصبـاح في بيت بوعبدالله الله يرحمه الساعه 10 الصبح , صوت يصارخ بقمة راسه من فوق الدري
ريم : يمـاااااااااااااااااااااا ااااااااااااااااااااااااا ااااااااااااااااااااااااا اااااااااااااااااااااااة يممممممممماااااااااااة منوووررررررريييييييييي
ام عبدالله : بسم الله يالله صباح خير الناس يقولون صباح الخير اول
ريم : نزلت راحت حق امها وباست راسها (وهي ترمش بعيونها بدلع وتجوف فوق ) بـ دلع : صصباح الخيييييير
ام عبدالله : صباح النور يمة يلا تبين ريوق اكو محطوط فوق الطاولة
ريم : ممم لااؤء مب يوعانه لي يعت باكل
ام عبدالله : على هواج الا وين وضوح وخالد
ريم : وضوح راحت المدرسة و خالد راح الدوام
ام عبدالله بعصبيه شوي )وانتي ليش ماداومتي على راسج ريشة ولا وشو @@"
ريم (بعيارة ) : قعدت على الارض ااه بطني يمه تعبانه وايد ماقدر اداوم
ام عبدالله (تتصنع الخوف وتجوفها بطرف عين ) : ويييي يا يمة بسمالله عليج روحي ارتاحي ف غرفتج انا بروح الاند باخذ اغراض حق البيت
ريم (طالعتها بنضرة جنه مستقبلها ضاع خخ) : هاا يمة انا خذت بروفين خلااص باجي معاج وامري لله
ام عبدالله : ههههههههههههههههههههههه اااه يالعيارة من قال ابيج اتيين معاي جفتي شلون انتي عيارة
ريم : ههههه (تضحك وهي رايحه غرفتها تلبس ) دخلت الغرفة واول شي سوته اتصلت حق راشد
راشد : الوو هلاا الشيخ (هو بالدوام )
ريم : ههههههه اما الشيخ صباح الخير بيبي
راشد : شبغيت امرني (متتوهق حدده ويكلمها على انها ريال عشان اللي حولة ماياخذون فكرة سيئة )
ريم : ممم حياتي انا باروح الاند مع امي امي تبي تاخذ اغراض البيت وانا اوبي اسوي شوبينق
راشد (موطي صوته عشان محد يسمع ) : ريم وبعدين معاج حبيبتي كل يوم طلعة
ريم بدلع )حبيييبي عااد والله زهقانة وبعدين احين الساعه 11 مافي حد في اللاند مب زحمة
راشد : طيب انا باجوف اخرتها معاج روحي وديري بالج على نفسج و لاتحطين مكيب وايد
ريم (فديته طيب حبييبي ) : انشاللــــــــــــــــــة , يلاا باي
راشد : باي
وقامت تجهز ......



....

نفس الوقت في بيت بو راشـد .. دخل من برع معصب ويصارخ على كبر البيت بو راشد : حسببي الله عليه جانه مفلسني الكلب الهندي والله لا روية سنع الله
ام راشد (عاشة ) : شفييك شصايير يا بوراشد !!!!!
بو راشد : راجو الخايس (الدريول) طرشتة بيت خالد اخوي و اتصل لي قال انه داعم عند دوار القوس
ام راشد : حسببي الله عليه وذي كل يومين لازم داعم لالا خلااص لازم نسفرة
....
خالد اخو بوراشد ( بو تركي) متزوج هيا (ام تركي) وعندهم مشالله ثلاث بنات و ثلاث اولاد .. نور سنه ثالثة جامعة ( تدرس في كالاجاري في المدينة التعليمية ) تدرس تمريض نور برونزية وشعرها بني فاتح لي ضهرها ضعيفة و قصيرة وحدها ستاييل
كل همها الدراسة من وهي صغيرة كانت تحب خالد ولد عمها بس هو ماكان يبادلها الشعور لان خالد بطبعة مايهتم بالبنات انسان وايد شديد و محافظ .. و اخت نور اللي اصغر منها هي مشاعل دلوعة وايد( الدلع الي ينرفز ) يشبهونها بحليمة بولند بس جميلة وايد تشابة شيلاء سبت سنه اولى جامعة تدرس في جامعة قطر .. وطبعا اخر همها الدراسة تروح الجامعة حق ربعها و عشان تكشخ وتستعرض جمالها و ستايلها .. واختهم الاخيرة اسماء ثالث ثنوي كبر ريم وجوجو ومن نفس الشلة طبعا اسوم كانت رشيقة و رياضية جمالها وايد ناعم تشابة لاعبة التتنس الهندية https://www.akhbarulhind.com/2009-05/...ia%20mirza.jpg
بعكس ريم اللي كانت ملكة جمال جسم مرسوم ولونها برونز وشعرها كثير ولي خصرها .. دوم نور بنت عمها تحاول تنافسها بس بدون جدوى ... !! بس ريم كانت تحب الكل ومالاحضت هالشي / وبالنسبة لاخوان نور ومشاعل و اسماء
احمد : عمرة 26 متزوج شوق من سنة ( رفيجة ريم ) وللحين مالله رزقهم بـ بيبي
فيصل : عمره 23 يشتغل ف لخويا وسيم اجمل واحد في العايلة
وناصر 20 سنة : صايع ومغازلجي درجة اولى كله معشش ف هالمجمعات برونزي وشعرة اسود وكثيف وايد وسيم للحين ماشتغل من اول ماتخرج من الثنوية وهو يقول انه يدور شغل يسككت اهله بس
.....

نـرجـع لـ ريم وامها اللي كانـو فـ اللاند ... طبعا ريم حدها ستاييل ماتاخذ عبيها الا عند المصممات ف كانت لابسة من اغلى عبيها ولابسة نضارة كبيرة اوفر ماركة فوج .. و مثل ماقال لها راشد ماحطت ميكب الحلو في ريم انها كانت تصونه في غيابة وحضورة وكانت لابسه كعب من كريستيان لابوتون اسود من قدام مفتوح وكلاتش ال في احمر ..
ام عبدالله : ريم يمة يلاا تعالي كارفور خل ناخذ اغراض البيت
ريم : يمه انتي تدرين ماداني ادخل هالاماكن الـ Cheap انتي روحي تشرري وانا باروح مايا باشرب كوفي و بعدين باسوي شوبنق ..
ام عبدالله (ابتسمت ): انتي الله يعين الي بياخذج
ريم : يلاا مامي اجوفج عقب
وراحت الام ومشت ريم طبعا راحت مايا وقعدت وكان الكوفي شوب فاضي بس كان في شاب مزيون ومبين علية من عيلة راقية , ماحرك ولا شعره فيها و طلبت الكوفي و قعدت تسولف ع البيبي شربته وطلعت .. مالحضت العين الي كانت عليها طول الوقت !!! سحرته اي نعم سحرته اطلعت من الكوفي شوب ومن غير احساس قام ولحقها
ريم في نفسها : اوة ماي قاد من صجه ذي يلاحقني شاسووي فيه الحيين !!! خلني اضيعة
ودخلت زارا سوت روحها مش منتبه .. بس هو كانت جرأته مش طبيعية دخل وراها ووقف قدامها انبلع لسانها وماعرفت شتقول واكتفت بالنضرات
ريم (اتجـوفـة باستغراب) : ......
وليـد : انا شفت جمال بس مثلج ماجفت !!!!
ريم : ...
وليد :: ادري استغربتي من جرأتي بس جمالج هو الي خلاني اسوي جي انتي المفروض مايخلونج تطلعين من البيت
ريم (في نفسها ) : اوبيه شهالوقاحة انا ليش موب قادرة امشي من مكاني ريلي تجمدت شهالموقف الي مانحسد عليه
وليد : انا اسف اذا ازعجتج .. وطلع كرت وعطاها ياه وقال وهو يغمز : هاي رقمي لازم تتصلين في شي لازم تعرفينه !! وراح تنصدمين
ومشا وخلااها حيرانه والدمعه ف عينها !!!! و الف سوال وسؤال في بالها منهو ذي ومن وين يعرفني وشنو الشي الي ملزم يقوله لي !!! وقالت بصوت عاليه شوي : اوووة اكيد فاضي ويبي يتقرب ومالقى الا هالطريقة طزز فيه وكملت الشوبنق !

...
الساعه 5 المغرب في جامعـة قـطر .. قاعدة بين ربعها ويتطنزون على الرايح والجاي كالعادة كل مافضو تجمعوا هي وصديقاتها و يمارسون هوايتهم الطنازة ع الرايح والجاي عبالهم النعمة دايمة و طبعا الاستعراض والمياعة
طبعا مشاعل كانت لابسة عباية ستايل من مصممة معروفه ف الدوحة .. و مسوية شعرها ويفي ومن قدام فرق وحاطه برونز و روج بني و شنطة ليدي ديور سودا , جميلة وستايل كالعادة

مـشـاعل (تـضحك بدلع وصوت عالي) : هههههههاااي او ماي قاد صج صج cheaaaaaap لابسة شنطة فالنتينو تقليد وتقول اصلية ماستغرب بعد سوارتها تكون تقليد
دانه : ههااي وانتي الصاجة .. يعني مستخسرة في نفسها تاخذ شي اصلي !! ولا اييش
سارة : هههههههههااي والله ضحكتوني ليدييز , هفف ابي اغير فوني مابي بـيبي ابي اي فون
مشاعل : زين اخذي الاثنين ؟ !!!
دانه : انتي مب عارفة شسالفه هههههه هي تقط نقزات لان عيد ميلادها قرب
كلهم : هههههههههههههههههه What a daaaayy
مشاعل : هفف وين السيارة ليش تأخروا ويت خل اتصل حق ابوي وطلعت البيبي وداتصلت
بوتركي : هلاا بابا
مشاعل : بابا حبيبي ليش اخرتوني ف الجامعة ربعي كلهم راحوا هفف زهقت (وتغمز حق صديقاتها )
بوتركي : افاا وانا بوتركي .. انا كلمت سايق بيت عمج بوراشد يجيج لان انا عندي اجتماع
كلمي جواهر بنت عمج سأليها .. وسكر
مشاعـل : هفف مالي خلقها خل اتصل وامري لله
ودقت ..
جوجو : اححم هلاا واللة
مشاعل : هلاا جوجو اخبارج حياتي
جوجو : طيبة وانتي
مشاعل : زينه .. جوجو حبيبتي جوفي سايقكم ليش للحين ماجاني
جوجو : وييي راجو داعم بالسيارة اليوم
مشاعل : هفف يعني شاسوي انا وقته ذيي بعد
جوجو : ههههه زين جوفي ربعج ؟
مشاعل : نوو وييي استححي
جوجو : ممم تدرين اكو راشد اخوي حذاي باقوله يجيج خلج ع الخط
.. جوجو : راشششششششششششد
راشد : شتبين !!
جوجو : مممم تروح تجيب شعول من الجامعة متوهقه وسايقنا داعم
راشد : لالالا انا مشغول خل تكلم خلود ولد عمي بوعبدالله من شوي كلمته وكان فاضي ماعنده شي
..
جوجو : الوو
مشاعل : ها شقال
جوجو : يقول كلمي خالد ولد عمي بوعبدالله هو فاضي !
مشاعل : هفف زين باي
وسكرت واتصلت حق خالد
خالد : الو مرحبا
مشاعل : خالد معليش تجيني الجامعه احيين احيين احيين
خالد : زين قلتيلي لاني صوب الجامعة يلاا سكري قريب انا

..
نروح حق ريم .. الي كانت قاعده مع امها وابوها ومب معاهم كل تفكيرها فـ وليد تبي تعرف من وين طلع لها و شنو الشي المهم !!!!! اللي لازم اتعرفه
بوعبدالله : ريييييم يبه
ريم : ..
بوعبدالله رييييييييم
ريم : لبييه يبه
بوعبدالله : شفيج شكلج متضايقه لو فيج شي قولي !
ريم : لا يبه لو في شي بتكلم
بوعبدالله : اكييد ؟
ريم : اي يبه اكيد يلاا انا بقوم اجهز
....
نروح حق خالد اللي صار لي نص ساعه ينطر الشيخة مشاعل عند الجامعه !! ويتصل لها وماترد
خالد : (يكلم نفسه ) والله ان ماردت هالمره بخليها تولي وباحرك !! واتصل
مشاعل : اوبيييه هاي خالد 20 مسكول باال !!! / وردت عليه
مشاعل : الو هلاا خالد ووالله رحت اكلم الدكتور اسفه اسفففه
خالد : لاوالله دريول ابوج الي عند الباب صح !!
مشاعل : يووة والله اسفه طالعه يلاا باي .. وسكرت
شويات الا شافها طالعه !! بس لاا ! مستحيل هاي مشاعل !!! معقوولللللههههه هاي هي انصدم وحس جنه حد صافقه على ويهه
مشاعل تمشي مع ربعها لي برع !! وكلهم بدون شيله والعبايه مفتوحة ! وصوتها عالي وهي تضحكك
خالد : انا اعرف اسنعها الوقحه وماحس بنفسه الا وهو ماسكها من شعرها ومبطل الباب ومدخلها السيارة
بـالطريج مشاعل تصيح : ليش ضربتني ليييش فشلتني قدام ربعي الله يفشلك يابقره
خالد : ولاا كلمه مابي اسمع حسج فشلتينا الله يفشلج شلون تطلعين بدون شيله ماتجوفين الريايل ولا نسيتي نفسج
مشاعل : اشفييك خالد كل بنات الجامعه جيي يسوون مافي الا انا !
خالد : صرخ صرخه مش طبيعيه و كان شاييط !! ولاا كلممممممممممهههههه @@
نـهـايـة الفـصـل الاول