20-11-11, 11:53 PM
| #1 | ||||
 
|  حدود الحب "مكتملة" مرررحبا ياحلوين اخباركم هذي اول رواية لي (عيونها عليا ) وان شاء تنال اعجابكم بصراحة انا ترددت كثير قبل انزلها وان شاءالله تلقى تفاعل منكم وتنال اعجابكم مااطول عليكم هذا اول بارت البارت الاول ::// كانت جالسه على الكرسي ودموعها شلال على خدودها ماتوقعت ابدا ابوها بيرخها علشان فلوس هي تعرف ابوها طماع بس ماتوقعت ان توصل فيه انه يزوجها رجال كبر جدها علشان كم مليون اسيل من بين دموعها : آآآآآآآآآه يمه ابوي ليش يكرهني انا كل اللي يطلبه مني انفذه حتى ماعترض ام اسيل تصيح مع بنتها على شباب بناتها اللي بيضيع : سامحيني يابنيتي ابووكي ظالم مايخاف ربه بس ربك يمهل ولا يهمل اسيل : يمه خلاص انا انكتبت على ذمته يعني خلاص مافي مجال ان كل شي يرجع مثل قبل يمه تكفين لا ياخذني معاه ماابي ابعد عنك وعن اخواني ام اسيل ضمت بنتها ودخلت في نوبة بكاء واللي يشوف حالهم يتقطع قلبهم عليه بس ابو اسيل لا حياة لمن تنادي دخل ابو اسيل وهو يبتسم بخبث : مبرووك يابنيتي انتي الحين المفروض بدال لا تبكين ترفعين راسك وتمشين بين الناس وتقولين انا زوجة راشد الراسي طالعت اسيل ابوها بنظرة كسيره تمنت لو تقدر تعلي صوتها عليه بس مهما كان هذا ابوها وماتقدر تسوي شي قامت مع ابوها وهي تدعي الله في سرها انه يساعدها ويحميها من اللي جاي ركبت اسيل بالمقعد الخلفي بسيارة ابو جاسم ( راشد الراسي ) وكان جالس جنبها واللي يسوق السواق الخاص بابو جاسم ومشت السيارة ماخذه اسيل للمجهول وماتدري شنو ينتظهرها هناك هذا البارت الاول وان شاءالله اذا شفت ردود كملت  التعديل الأخير تم بواسطة هبة ; 28-02-12 الساعة 09:42 PM | ||||
|  |
|
21-11-11, 12:54 AM
| #2 | ||||||||||
| نجم روايتي  
|  مبروك "عيونها عليا" روايتك الاولى. الاب..انسان طماع واب قاسى متجرد من مشاعر الابوه حرم ابنته من حق اعطاه لها الخالق عز وجل وهو اختيار الزوج وشريك الحياة وباع ابنته من اجل المال . الام..صدر حنون وحضن دافىء ولكن مغلولة اليدين ليس لها حق الكلام اوالاعتراض امام هذا الزوج القاسى. اسيل..حرمت من العلاقة المميزة التى تكون عادة بين الاب وابنته والان من تقرير مصيرها واختيار شريك حياتها. راشد الراسي..لا نعلم حتى الان اى رجل انت وماالذى يدفعك للزواج بفتاه فى سن احفادك. بداية موفقة وباذن الله منتظرة الفصل القادم لمعرفة المزيد..تقبلى مرورى. | ||||||||||
|
| |
|
21-11-11, 01:14 AM
| #3 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| أهلاً و سهلاً بك عيونها عليا فى أسرتنا الكبيرة روايتى و فى قسمك قصص من وحى الأعضاء ... أتمنى أن تجدى كل ما تبحثى عنه من إهتمام و متابعة و نقد هنا ... كما أرجو منك الإطلاع على قوانين القسم هنا https://www.rewity.com/vb/t169971.html أسيل ... والدها الطماع باعها لمن يدفع أكثر كأنها جارية فى سوق النخاسين ... حسبى الله عليه راشد ... رجل بسن جدها ماذا تريد بصبية بعمرها ... إتق شيبتك >>> كمان ممكن نكون ظالمينه لراشد ... لا أعرف سأنتظر القادم لكى تتوضح الصورة عيونها عليا متابعاكى و شكراً لك | |||||
|
| |
|
21-11-11, 04:13 PM
| #5 | ||||||||
| نجم روايتي وعضو الموسوعة الماسية لقصص من وحي الأعضاء وأميرة حزب روايتى للفكر الحر و عضو سياحى نشيط وعضوة فريق التصميم  
| أهلآآا وسهلا "عيونها عليا" حدود الحب أحببت العنوان.. وأنا دائما أتساءل هل حقا للحب حدود؟؟ ربما نعرف هذا في روايتك الأب.. ما أبشعه قال ترفعي راسك قال وهو يزوجها لرجل قد جدها!! أسيل.. لم تتوضح لي شخصيتها بعد لكني أشفق عليها للموقف الذي وضعها والدها فيه..أي قهر هذا راشد.. سر لم ينكشف بعد << لا أريد أن أضلمه عليا مرحبا بك مجددا ونحن في انتضار الفصل الثاني يا قمر واجعليه أطول شوي حتى نفهم القصة أكثر بصراحة تشوقت تسلمي حبوبة | ||||||||
|
| |
|
21-11-11, 04:33 PM
| #6 | |||||||||
| نجم روايتي وقاصة في قصص من وحي الأعضاء وعضو الموسوعة الماسية لقصص من وحي الأعضاء 
| نورتينا عيونها عليا ابو اسيل >> حسبي الله ونعم الوكيل ع الرجال اللى بيبعوا بناهم عشان الفلوس راااااشد >> اه يا خوفى .. عاوز ايه من بنت صغيرة .. اسيل >> مالكيش غير ربنا .. ادعيله ييسرلك الخير ف زواجك دا بداية موفقة .. وان شاء الله متبعاكى | |||||||||
|
| |
|
21-11-11, 09:32 PM
| #8 | ||||
| رد على الرواية البـــارت الثاني :://:: وصلت اسيل لقصر بحياتها مافكرت انها تسكن فيها صارت تطالع القصر وكانها تطالع عذاب بانتظارها اسيل ( ليش يايبه تبيعني عشان كم مليون انا بحياتي مافكرت بالفلوس حتى احلامي بسيطة وين الحرام في اني احلم اتزوج واحد بسيط ونعيش في بيت صغير ونربي اطفالنا ماهمني لو ماكان عندنا خدم او حتى فلوس المهم اني اعيش سعيدة الحين شنو راح استفيد مع رجال كبر جدي وعندها احفاد ) صارت تمسح تدموعها اللي على خدها دخلوا القصر وكان بستقبالهم الخدم والحراس صعدت اسيل مع بو جاسم لجناحهم اللي كان فخم بشكل خيالي بس ماهم اسيل ووصلوا لغرفة النوم ابو جاسم : انا بروح اقول للخدم يصعدون العشا وانتي بدلي ملابسك بالغرفة اللي على يسارك هزت راسها اسيل واول ماطلع طاحت ع السرير تبكي وبعدها توجهت لغرفة الملابس واخذت لها قميص نوم طويل باكمام طويله مستحيل تلبس شي عاري لبو جاسم مسحت مكياجها الناعم وحطت كحل وقلوس ودخل بو جاسم بو جاسم : يلا حياتي تعالي نتعشى اسيل : مو مشتهيه اكل شي بو جاسم سحبها من يدها : يلا قومي عشاني اذا مااكلتي مراح اكل اسيل استسلمت لانها تحس بجوع فضيع من يومين مااكلت شي وهي تدري ان العناد مراح ينفع لانها خلاص على ذمته واول مخلصوا من العشا صار الوقت اللي اسيل خايفه منه خايفه انه يدخل عليها سحبها بوجاسم لغرفة النوم واستسلمت للامر الواقع لانها تدري لو رفضت بتلعنها الملائكة صحت اسيل الساعة 9 الصبح ومالقت بو جاسم جنبها دخلت للحمام ( وانتوا بكرامة ) واخذت شاور يمكن ينسيها همومها وخلصت ولبست جينز برمودا وتيشيرت وردي ناعم عليه كتابات بالفضي وشعرها مفتوح قصة كيليوباترا وحطت كحل وقلوس وردي طلع شكلها كيوت طلعت من الغرفة مالقت احد بالصالة صارت تتمشى بالجناح وتدوره مالقته ترددت تطلع من الجناح ولالا قطع عليها افكارها صوت الباب اسيل : منو ؟ الخادمة بالانقليزي بس مترجم : السيد ذهب الى الشركة وقال انه سيعود وقت الغداء وطلب مني ان اساعدكي اذا احتجتي أي شي وان تنزلي لتقابلي ابناءه اسيل ارتجفت من قلب ( لالا اكيد الحين بيكرهوني مستحيل اصلا يوافقون علي هه اجل جدهم متزوج وهو بهالعمر حتى مافكر انه ياخذ اجازة صباحية عرسه شفيك ياسيل نسيتي ان هذول ناس انتي مو قدهم مستحيل يتخلون عن يوم واحد من الشغل ) راحت اسيل غيرت ملابسها ولبست جنيز واسع وبلوزه توصل لنص الفخذ ولبست حجابها ونزلت مع الخادمة سمت بالله قبل لاتدخل الصالة : السلام عليكم الكل التفت للباب : وعليـ سكت الكل ماتوقعوا ان زوجة جدهم تكون بهالجمال قعدوا ساعة متنحين فيها واسيل شوي وتبكي سارة ( حفيدة بو جاسم ) بابتسامة : مرحبا انتي اكيد زوجة جدي انا سارة حفيدته اسيل سلمت على سارة وحست براحة لان سارة تقبلتها مشاعل ( بنت بو جاسم ) باستحقار : يمه سارة لا تقربين من هالاشكال هذي ناس مو بمستوانا انصدمت اسيل صح كانت متوقعة انهم مايتقبلونها بس مو يهينونها انحرجت سارة من رد امها وكانت بتسحب اسيل ويروحون للمجلس الثاني بس وقفها صوت ابوها جاسم : مشاعل اللزمي حدودك واسيل زوجة جدي رضيتي ولا مارضيتي ورجا لسانك هذا خليه لك ارتاحت اسيل بس هي خايفه من مشاعل حمد ( اخو سارة ) ابتسم لاسيل : اسيل تعالي معاي انا وسارة نبي نطلع للحديقة مشت اسيل معاهم وراحوا لحديقة البيت وكانت كبيرة ومرتبة بشكل يجنن حمد : اسيل انا اسف امي جذي كل الناس مايعجبونها اسيل بابتسامة الم : لا عادي حصل خير سارة : اسيل كم عمرك ؟ اسيل : 17 سارة : هيء يعني انا اكبر منك انا عمري 18 بس توك صغيرة على الزواج شلون رضيتي وانتي ماكملتي 18 اسيل نزلت دمعتها : ليش انا لي راي بهالزواج سارة انصدمت : يعني انتي مجبورة على جدي اسيل هزت راسها واسكتت سارة عورها قلبها على اسيل وحضنتها وقالت بحنان : اسيل ترا وربي جدي انسان طيب وحنون وانا وحمد معاك انتي هنا مو بروحك اسيل ابتسمت : تسلمون سارة بهبال : اسيل افتحي حجابك مافي احد هني غير حمد ترا هو بزر ماكمل 16 سنة حمد طقها براسها : منو البزر ها ؟ انا رجال ياغبيه سارة : آآآآي عورتني ياخايس انزين رجال ماقلنا شي اسيل فصخت حجابها وحطته على كتوفها سارة وحمد ماقدرو ينطقون بحرف سارة بعد فترة : واااااااو بصراحة ما الوم جدي يوم تزوجك اكيد لمن شافك خق على طول اسيل انحرجت واسكتت تتذكر اليوم اللي شافها فيه ابو جاسم قبل شهر كانت اسيل جاية من المدرسة وفرحانة لانها انهت دراستها الثانويه وجابة معدل 97 علمي لان كان وقتها كله بالدراسة ماكانت تهتم بالتلفزيون والتكنولوجيا حتى جوالها ماتغيره الا اذا خرب دخلت البيت وفصخت عبايتها وغطاها على الارض ورمت نفسها على الكنبة ماحست بالعيون اللي كانت تراقبها من اول مادخلت لفت تبي تنادي امها وانصدمت بابو جاسم واقف عند الباب يقزها من فوق لي تحت شهقت واصعدت طيران لغرفتها وابو جاسم على طول راح لابوها وعرض عليها انه يتزوج اسيل ولان ابوها طماع على طول وافق وطار من الوناسه ان بنته بتتزوج مليونير سارة : هي اسيل وين رحتي ؟ اسيل انتبهت لسارة : هلا ها لا سوري بس سرحت شوي سارة : لا عادي امشي داخل الحين جدي بيرجع من الشركة لبست اسيل حجابها ودخلت مع سارة وحمد واول مادخلوا شافوا الجد سلموا عليه الجد ابو جاسم انصدم لمن شاف اسيل بحجابها ونادها يبي يكلمها بمكتبه مشت اسيل معاه ودخلت المكتب ابو جاسم جلس على كرسي المكتب واشر لاسيل تجلس قباله ابو جاسم : حبيبتي ممكن اعرف ليه لابسه حجابك البيت مافيه احد غريب اسيل انصدمت من كلامه : وعيالك مو محرم لي شلون تبيني اطلع عندهم بدون حجاب والخدم والحراس اللي بكل مكان ابو جاسم ببرود : عادي عيالي مو غريبين والحراس والخدم وجودهم ضروري ثاني مره ماتلبسين حجابك الا اذا طلعتي من البيت اسيل بصدمه اكبر : بس انا مااقدر يعني حرام ابو جاسم : انا كلتي تمشي في هالبيت ولا احد يتجرا انه يكسرها ماشي اسيل خافت منه وهزت راسها وراحت لجناحها وقعدت تبكي وتبكي لين نامت وهي مو حاسه بنفسها صحت المغرب وقامت بسرعة تصلي العصر والمغرب ولبست جينز اسود مع تيشيرت ابيض وحطت كحل لان كحل انمسح من كثر دموعها وحطت قلوس وردي ورشت عطر وطلعت برا الجناح شافتها سارة : مرحبا اسيل وينك طقيت باب الجناح ماتردين اسيل : سوري ياقلبي كنت نايمه سارة : لاعادي جدي راح الشركة ومراح يرجع الا الساعة 11 اسيل : اها سارة : خلينا ننزل تحت اسيل : لا سارونة اخاف يطلع واحد من عمانك بوجهي سارة عادي اللبسي حجابك اسيل بحزن : جدك منعني اتحجب عن عمانك والحراس يقول بالبيت هذا محد يتغطى عن الثاني سارة : عادي ياروحي احنا جذي متعودين وكلمت جدي تمشي خلينا ننزل علشان تتعودين نزلت اسيل مع سارة باستسلام بس وقفوا على الدرج لان جوال راسة دق سارة طارت من الفرح وهي تشوف المتصل ردت بسرعة سارة : هلا وغلا بعمي حبيبي تركي : بسارونة قلبي كيفك ؟ سارة : بخير دامني سمعت صوتك وانت ؟ تركي : دووم يارب انا تمام الحمدلله ... آآآآم عندي لك مفاجاة توقعي شنو ؟ سارة : بترجع صح ؟ تركي : صح بعد يومين ان شاءالله بوصل يلا سارونة مع السلامة انا مضطر اسكر الحين سارة : اوكي توصل بالسلامة صكرت سارة ولفت لاسيل : ياااي اسيل عمي تركي بعد يومين بيوصل وناسة اسيل : يوصل بالسلامة سارة : وااو احس نفسي بطير عمي تركي مع انه عصبي وراسه يابس نفس جدي بس امووت عليه اسيل : اجل شكلي مراح اكلمه لاني وحده خوافه سارة : بس انا خايفه لانه مايدري عن زواج جدي اخاف يعصب اسيل خافت : الله يستر والله قلبي قام ينغزني احس بخوف منه سارة : الله يستر نهاية البارت ... شنو تتوقعون بيصير بوصول تركي ؟  | ||||
|
| |
|
22-11-11, 12:43 AM
| #9 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى عيونها عليا على البارت ... الله يكون بعون أسيل ... أبو جاسم تزوجها فقط لمتعته و ربى يستر عليها حين يملها ... عزيزتى أحببت أن أستفسر حول كيف يكونوا أبناء أبو جاسم غير محرم لها >>> أليست زوجة الأب محرم لها كل أبناء زوجها و أحفاده ؟؟؟ عيونها عليا متابعاكى و شكراً لك | |||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
