روايه نبضات العشق ❤

[Marwa akl]

بسم الله الرحمن الرحيم ❤
اولى حلقات روايه 🎀نبضات العشق 🎀
بقلمى :marwa akl
اتمنى تنال اعجابكم ❤❤توكلنا على الله ...


الفصل الأول


فى شهر يناير فى أحد الكافيهات المطله على النيل كانت تجلس فتاتان فى بدايات العقد الثالث ...الين وهمس صديقتان منذ الطفوله مرتا بالكثير والكثير سويا فلطالما عاشتا سويا الطفوله ببرائتها وأحلام المراهقه، همسات ونبض الحب الأول فلم يمر حدث فى حياه إحداهما الا وكانت الاخرى شاهده عليه ، كانت كل منهما للاخرى الصندوق الأسود وكاتم الأسرار الأمين ...الين امتازت بذلك الجمال الساحر الناعم خاصه مع تلك العيون الواسعه بلون الفيروز وشعرها الأسود كسواد الليل الذى يصل إلى خصرها تقريبا وشفتاها المكتنزتان بلون التوت منذ طفولتها عشقت لقب الطبيبه وبالفعل انتهت هذا العام من دراسه العلاج الطبيعى فلطالما عشقت تلك المهنه ..همس لا تقل فتنه وجمال بتلك العيون بلون العسل والشعر الكستنائى وروعه تلك الغمازتين التى اشتهرت بهما دائما وهاهى أيضا انتهت من دراسه اعلام ...
هتفت همس بضيق :
الين انتى مجنونه فى عز البرد يا مفتريه جايبانى معاكى الساعه 7 الصبح عشان تشوفي النيل وتشمى ريحت المطر هتجنن منك!
اجابت الين بالرغم من انشغالها بمراقبه هطول المطر فى الخارج وقد بدا عليها الحزن نوعا ما ...
همس انا قولتلك هنزل لوحدى بس انتى موافقتيش وصممتى تيجى معايا بلاش تقطيم بقى وفجاه انقلبت تلك الملامح الحزينه إلى ابتسامه مشرقه واكملت خلينى استمتع بالمطر والنيل مع بعض وشروق الشمس وصوت فيروز الرائع ده ..ثم هتفت بنبره شقيه وبعدين خلينى بقى اشرب الهوت شوكلت بتاعى انتى عارفه ده اغلى عندى من ناس كتير .
اجابت همس بحزن طفولى مصطنع تجيده ببراعه :
اغلى منى يا لى لى وانا اللى سايبه الدنيا كلها واهم من كده سريرى الدافى ونزله معاكى فى عز البرد عشان متكونيش لوحدك وتبقى دى اخرتها.
وانفجرت الاثنتان ضاحكتان ..
اجابتهاالين بعدها بتاثر واضح وامتنان :
همس انتى اغلى حاجه فى حياتى من اول يوم عرفتك وانتى صديقتي واختى الغاليه عمرك مخذلتينى يا همس دايما كنتى بتحمى الين الرقيقه البسكوته قبل متتحول لانسان بارد مبتظهرش طبيعته الا فى لحظات خاصه زى دى وترجع تانى لبرودها وشرنقتها اللى بتتدارى بيها عن العالم همس انتى الوحيده اللى بتقدرى ترجعينى للحياه والين اللى ضاعت انا كل كلام الدنيا ميقدرش يوصف انتى ايه يا همس بالنسبه ليا .
اجابت همس بجديه وهى ممسكه بكفى صديقتها تبث بداخلها مشاعر القوه التى طالما امتازت بها : الين مراحتش لاى مكان الين موجوده بروحها اللى كلها حيويه الين اللى بتنشر بهجه فى كل مكان بتروحه بالخواطر اللى بتكتبها بكل كلمه بتقولها حتى لم بتتجرا وتغنى بصوتها اللى كله بهجه الين بس فى اجازه وهترجع وانا واثقه هتتغلب على الجرح اللى حصل نتيجه حب وهمى هتستجمعى قوتك وترجعى احسن من الاول الين اللى كلها حياه فاهمه .
ابتسمت الين بامتنان لهمس :
انا كويسه يا همستى انا بس بعدت عن الأحلام الورديه ووهم الحب وركزت فى الحياه العمليه يمكن لم يكون بايدى اداوى انسان بيتالم اقدر انسى وجع قلبى يمكن لم اشوف ضحكته بعد ميتحسن قلبى يفرح يا همس كده افضل دى الحياه المثاليه المناسبه ليا الخاليه من اى وجع .
همس بثقه:
هترجعى يا الين هييجى الشخص اللى يحرر حبس القلب الجميل ده ويمتلكه ويسقيه حب وبكره تشوفى ولحد مييجى الوقت ده هترجعى يا الين بالتدريج هفضل جنبك ...وبدا عليها التردد ثم أكملت بثقه عشان كده انا عايزه يا الين منك خدمه
اجابت الين باندفاع :
طبعا يا همس انتى مجنونه اطلبى طبعا
نظرت لها همس بعيون متفحصه:
اممممم واثقه يا الين انك هتساعدينى ؟؟؟
الين بقلق :
طبعا يا همس فى ايه قلقتينى
اكملت همس بلهجه عمليه :
الين السيزون الجديد هيبدا وحصل تغيير فى الراديو فى خريطه البرامج وانا حاليا هذيع برنامج اجتماعى بس محتاجه الحلقات تكون مكتوبه باسلوب فيه بهجه وامل ونظرت لها نظره ذات معنى واردفت عشان كده يا صديقتى الصدوقه انا قررت انك هتكتبيلى الاسكربت بتاع الحلقات الجديده وانا واثقه انك اكتر انسانه هتساعدنى فى الموضوع ده انا عارفه ان الموضوع جديد وانتى دكتوره ممله مالك ومال الكلام ده عارفه الاسطوانه دى كلها بس صدقينى يا الين
الموضوع ده لو مش واثقه من موهبتك في انك تدخلي بهجه فى اسكربت مفيهوش اى روح مكنتش طلبت منك ابدا غير كده انتى محتاجه الموضوع ده عشان تغيري روتين حياتك وتجددى فيها وده هيطلع الين اللى كلها حيويه من جواكى انا واثقه هااااا ايه رايك ردى بقى هااااا
الين وقد بدا عليها الذهول:
اييييه راديووو خدى نفس طيب سيبينى افكر يا همس المستشفى والعياده تفتكرى هلاقى وقت ؟وبعدين انا خلاص فقدت الموهبه دى يا همس اعترفى بقى
همس : لا موجوده وهتطلع وجه الوقت الساعه حالا 8 يادوب الحق الراديو وانتى المستشفى وخلصى عيادتك وبليل بعد مترتاحى شويه هنتفق على الموضوع وتفاصيل الاسكربت ومتقلقيش هى ساعه واحده كل اسبوع يعنى مش ضغط عليكى وكده خلص الكلام يلا قدامى بلاش عطله يا دوك
ابتسمت الين معلنه موافقتها وودعت كل منهما
الاخرى لتتجه كل منهما إلى عملها وبداخل الين قلق وراحه فى آن واحد وبالفعل اتجهت إلى المشفى لممارسه عملها والانشغال بالروتين اليومى المعتاد .فى ذلك الوقت كانت همس قد توجهت إلى المبنى الاذاعى الذى تعمل به ...وانطلقت سريعا إلى غرفه الاجتماعات الخاصه بالمذيعين ..كان يوجد بالغرفه 5 أفراد بجانب همس بمجرد دخولها
نظرت إلى اياد نظره اسف واعتذار طفوليه ..اياد طويل القامه وجسده الرياضى القوى بشعره حالك السواد ونظراته الرجوليه الجذابه التى ما كانت لتدل يوما سوى على رجوله قاتله شاب بنهايه العقد الثالث معيد بكليه الإعلام ومؤسس الراديو الذى اختار له مجموعه من انجب الطلبه الذى قام بالتدريس لهم ...
نظر لها بتوعد مفتعل وتحدث بعمليه :
متاخره كالعاده والسيزون الجديد قرب ومشوفتش اى شغل يا همس فى برنامجك اتفضلى يا استاذه
اجابت بمرح:
ياباااى عليك يا دكتور اياد آخد نفس طيب اتك على الصبر يا دكتور وغمزت لباقى المذيعين ونظرت لمعتصم نظره ذات معنى برنامجى رقم واحد بإذن الله ثقه فى الله نجاح .
ضحك جميع من بالغرفه بينما اكتفى معتصم بالنظر إليها طويلا وتعمد استفزازها :
جميل الثقه دى يا همس بس مش شايفين شغل كله كلام كلام وبس
وابتسم لها بسمه مستفزه
كادت ان تجيب ولكن قاطعها اياد منهيا للنقاش:
تمام يا شباب اظن كل واحد فيكم سلمنى الفايل اللى فيه فكره برنامجه وعدد الفقرات والزمن بتاعه تقدروا تتفضلوا دلوقتى وعايز الاسكربت الخاص باول حلقه بكره عشان اشوف لو محتاجه تعديل وانت يا معتصم عايزك تشرف على فريق الأعداد بنفسك واى مشكله بلغنى اتفضلوا وخليكى انتى يا همس ..وبالفعل انصرف الجميع ومعهم معتصم بعدما غمز لهمس ورحل سريعا قبل ان تنقض عليه لقتله .
نظرت همس لاياد بحزن :
عجبك كده عمايل صاحبك يا اياد ده ناوى يشلنى .
ضحك اياد :
انتى دايما بتحبى تستفزيه والكل واخد باله انتم مولودين فوق روس بعض اصلا .وأكمل بعمليه ..
عايز شغل يا همس انتى لسه مسلمتنيش حاجه مش معقول تكونى ناويه تبقى السيزون ده مش موجوده .
اجابت :
طبعا لا هكون موجوده وبقوه كمان بكره هيكون الشغل كله عندك .
اجاب:
تمام حلو جدا اخترتى مين إعداد ولا تحبى انا اختارلك .
اجابت مسرعه :
لا انا خلاص اخترت المعده بتاعتى وهى الوحيده اللى هتنفعنى .
...يا ترى مين بقى دى يا همس
....لا متعرفهاش لسه يا اياد هى مش من الراديو هنا دى صديقه ليا .
تسائل :مين دى بقى انا درستلها طيب ؟
اجابت بقلق:بصراحه هى مدرستش إعلام اصلا هى خريجه علاج طبيعى بس بجد أسلوبها رائع فى الكتابه يا اياد هتزود على الاسكربت الروح والبهجة اللى بدور عليها .
اجاب منفعلا :افهم من كده معندهاش خبره يا همس يعنى محتاجه تتعلم واصلا مفيش وقت هنبتدى بعد اسبوع مينفعش تهرجى خليها فى تخصصها وانتى استعينى بحد متخصص .
اجابت مدافعه :
اياد من فضلك انا اللى طلبت مساعده الين وبجد بالنسبه لفكره برنامجى هى انسب واحده تكتبلى الاسكربت انا هساعدها وبعدين انا هشرف على شغلها انا بس محتاجه منها طريقتها فى نشر البهجه والروح اللى بتضيفها على اى كلام بتكتبه من فضلك يا اياد الموضوع بسيط محتاجه منك مجرد ثقه فيا زى مبتعمل دايما واوعدك مش هخذلك .
اجاب مستسلاما :
تمام يا همس موافق بس الاسكربت يكون عندى الصبح وانا اللى هراجعه بنفسى اتفقنا .
اجابت سريعا بسعاده :
اتفقنا يا قائد يا احسن قائد فى الدنيا راديو رقم واحد بإذن الله و برنامجى الافضل وأكملت بغمزه شقيه وثقه فى الله نجاح سلام يا قائد وركضت سريعا تضغط على هاتفها النقال عده أرقام وسمعها تتحدث الين خلصى عيادتك بدرى هبات عندك عندنا شغل كتير يا لى لى .
ابتسم اياد وأكمل ضاحكا :مجنونه الله يكون فى عونك يا معتصم .
وبعد ان انهت همس مكالمتها السريعه مع الين وهى متجهه لمكتبها سريعا سعيده ومبتهجه استضمت بشخص وكانت ان تعتذر ولكن نعم انه هو ولا والف لا للاعتذار اجابت بحنق وغيظ :
مش تحاسب يا اخينا !
ضحك ونظر لها رافعا أحد حاجبيه :انا برده صح فعلا انا اللى ماشى فعلا زى المطيور مش شايف قدامى وأكمل متفحصا ..وبعدين يا هانم كويس ان انا اللى خبطتك افرضى راجل تانى اللى كان خبط فيكى كنت اعمل فيكى ايه وقام بجذب أحد خديها مشاكسا .
نظرت له متامله بلا وعى وسامته المفرطه وعيناه الجذابتان بلون العسل رباااه كم أعشقك.
ولكن سرعان ما استعادت وعيها واجابت منذره :
معتصم
نظر لها طويلا بحب واشتياق :
عيووون وروح معتصم
نظرت نحوه بحزن :ابعد عنى مش عايزه اتكلم معاك
اخذ كفيها يقبلهما برقه اذابتها .
وأردف :سامحينى مش هتتكرر تانى مش ههزر مع مذيعه ولا معده هكشر فى وشهم كلهم ماعدا مذيعتى حبيبتى اللى زى القمر كده بنوتى الشقيه وخطيبتى اللى بموت فيها واكمل غامزا ومراتى وروحى سامحينى بقى مش قادر انام من اسبوعين زعلك وحش من غيرك بضيع بحبك .
ابتسمت برقه وامرته بطفوله اذابت قلبه :متهزرش خالص مع اى بنت تكلمهم مصدرلهم الوش الجبس .
ابتسم مقبلا أحد كفيها بشوق :روح قلبى وطفلتى تؤمر.
انا اصلا كلى ملك همس وقبل جبينها واكمل معتصم عيونه وقلبه مش بيشوفوا غير همس قلب معتصم بيت كبير مفيش واحده تسكنه غير همس اميره حياته كلها ...نظرت له بعينين دامعتين :وبالنسبه للى قولته من شويه انى مش بشتغل وكلام وبس وبدأت فى بكاء آلم قلبه كثيرا فضمها إليه :يا قلبى انتى طيب متعيطيش بجر شكل حبيبتى اللى مخاصمانى اللى كانت واحشانى اوووووى يا قلبى انتى انا مقدرش على الدموع دى انا اموت يا همس ..اجابت سريعا :بعد الشر يا حبيبى متقولش كده عشان خاطرى .
نظر لها بعشق:وحشتينى اووووى وحشتنى كلمه حبيبى منك وأكمل بحنان مزيلا دموعها طفلتى متعيطش تانى العيون اللى خطفونى دول ميعيطوش ابدا بحبك اوى يا همس .
اجابت بابتسامه مشرقه :انا كمان بحبك اوى يا معتصم .
اجاب:طيب تعالى يا حياتى اعزمك فى اى مكان تختاريه .
ابسمت واجابت:موافقه وبعدين تودينى هبات عند الين عشان هى اللى هتعدلى برنامجى واياد عايز الحلقه بكره .
اجاب بضيق:انتى عارفه انى بخاف عليكى تباتى بره ببقى مرعوب عليكى متستغليش اننا لسه متصالحين ومش عايز ازعلك انا مش بتطمن عليكى غير فى بيتكم وده كمان مؤقت لحد منتجوز وبعد كده مش هتطمن على همسى غير فى حضنى وبس.
اجابت بخجل ودلال: عشان خاطرى يا حبيبى النهاده بس ده الين يا معتصم عشان خاطرى وهكلمك كل خمس دقايق يا حبيبى وحياااتى يا معتصم .
اجاب بحب : حااااضر بس آخر مره وعشان الين وصاحبتك من زمان وعارف أهلها هوافق كل شويه هتصل اتطمن عليكى .
اجابت مبتهجه : يا حبيبى يا معتصم ربنا يخليك ليا يارب .
اجاب :و يخليكى ليا يا همسى يلا نروح نتغدى واوصلك لبيت الين وبالفعل اخدها إلى أحد ارقى المطاعم واستمتعا معا واوصلها إلى حيث تسكن الين ........وفى المساء كانت الين برفقه همس فى غرفتها بعد ان عادت من يوم متعب وشاق فى العمل وبعد مئات الإتصالات من معتصم لهمس :
حبيبى والله قاعده فى اوضه الين بنتناقش على تفاصيل البرنامج ..حاضر يا حبيبى مش هتعب نفسى بحبك تصبح على خير .
بعد ان انهت المكالمه نظرت اليها الين بحنان :
مبسوطه اوى انكم اتصالحتوا بجد معتصم بيحبك اوى يا همس ربنا يخليكم لبعض اوعى تضيعى لحظه من عمرك بعيده عنه يا همس الحب ده معجزه وانتى حصلتلك اوعى تتنازلى عن معتصم انتم روح واحده ممنوع تفترق او تتقسم فاهمه يا همس .
نظرت لها همس بإعجاب :
شوفتى عشان كده مصممه انك تكونى معده البرنامج بتاعى انتى يا الين مهما كنتى حزينه عندك قدره غريبه فى نشر طاقه مبهجه غير طبيعيه .
ابتسمت الين :
ده لانك بتحبينى بس فمش هتشوفى فيا غير الحلو لكن انا مش كده .
اجابت همس متاثره :
انتى فعلا جميله اوى انتى مش حاسه بقيمه نفسك متخليش انسان معندوش قلب كان همه المصلحه فقط يخليكى تفقدى ثقتك فى نفسك فاهمه وبعدين كفايه نكد بقى يلا نشتغل قبل ميتصل معتصم تانى اياد لو ملقاش الشغل بكره على مكتبه هيقتلنى بجد .
نظرت لها الين بثقه وحماس :
الشغل خلص من بدرى يا همس واتبعت على الميل بتاعك من اكتر من 5 ساعات انا بس مرضيتش اقولك غير لم تيجى عشان وحشنى نبات سوا .
هتفت همس بسعاده بالغه :
بجد يا لى لى انا مش مصدقه نفسى ايه النشاط ده معنديش صبر هجيب اللاب حالا .
وبالفعل بعد حوالى نصف ساعه من المراجعه والتدقيق كانت ملامح همس مليئه بالسعاده وهتفت :الين مش معقوووول بجد الاسكربت اكتر من رائع انا عارفه انك بتحبى الكتابه وموهوبه بس مش بالدرجه دى الكلام كله روح يا الين الفقرات تحفه واختيار الأغانى كلها مبهج لا وكمان موضوع الحلقه السعاده لحقتى ازاى تعملى كل ده انا تقريبا مش محتاجه ارتجل اصلا الاسكربت مليان مشاعر انا مبهوره بجد.
الين بخجل:ابدا انا فجاه الالهام جالى وشغل العياده مكانش كتير فضلت اكتب لحد مطلع الشغل ده بجد مش قادره اقولك ارتحت ازاى ميرسى اوى يا همس وسورى بجد لو اخترت موضوع الحلقه من غير ما اقولك بس ممكن نغيره عادى .
اجابت همس مسرعه:نعممم نغير ايه انا بجد عاجبنى الموضوع والأسلوب جدا انا لازم ابعت الاسكربت حالا لاياد مش قادره اصبر لبكره.
وبالفعل قامت بارساله لاياد على البريد الالكترونى الخاص به .

فى ذلك الوقت كان اياد جالسا فى مكتبه الخاص بمبنى الراديو تلك المؤسسه الذى سعى طويلا من أجل إنشائها حتى أصبحت من أهم المؤسسات الاعلاميه فى خلال عام واحد فقط وأصبح هو من أشهر الأسماء الاعلاميه اللامعه فى مثل هذا السن الصغير ورفض تماما ترك التدريس لعشقه البالغ للتدريس واكتشاف المواهب الاعلاميه الواعده... كان منهمكا فى العمل من اجل الخطه الجديده للبرامج الخاصه بالموسم الجديد بجانب الإشراف على قائمه الإعلاميين ورجال الأعمال المدعويين فى حفل افتتاح الموسم الجديد للراديو الذى أصبح من أشهر المحطات الاذاعيه فى الوطن العربى ..قرر اخد قسط من الراحه والاستماع إلى بعض الموسيقى الهادئة والاسترخاء ولكن سرعان ما بدا رنين هاتفه المحمول وكانت الشقيه همس اجاب وسرعان ما اندفعت الكلمات :يا قااائد افتح الميل بتاعك مش قادره اصبر اسكربت اول حلقه بلييييز اقراه وتخلص وتقول رايك مش هستنى للصبح .
قاطعها :هممممس ايييه اهدى ماصوره وضربت حاضر حاضر اقفلى مجنونه .
وبالفعل بدأ فى مراجعه وتدقيق النص رباه كم كانت لكلماتها سحر خاص كلمات وسلاسل من نور بالفعل بهجه من نوع خاص حقا سلفونيه حياه موهبه من نوع خاص وفريد قد ينقصها الاحتراف بعض الشىء ولكن لا ينكر كم كان وقع كلماتها عليه يكاد يجزم ان صاحبه هذه الكلمات ذات ملامح فريده بسمه هادئه وناعمه تخفى بها جرحا ووجعا ما بجانب اختيارها للاغانى به رقى فريد اخد يحرك انامله على حروف اسمها إعداد الين عامر ياله من اسم رقيق وسرعان ماعاد لاسلوبه العملى من جديد وباتصال سريع لهمس:
همس الاسكربت رائع فعلا كان ليكى نظره موهبه جميله محتاج اشوفك انتى وآنسه الين بكره ...تمام مفيش مشكله هكون موجود من بدرى عشان نلحق نتقابل قبل معاد المستشفى بتاعها خليها متقلقش مستنيكم ..........



روابط الفصول

الفصل الأول ..... اعلاه
الفصل الثاني ..... بالأسفل

[زهرة الغردينيا]

السلام عليكم ورحمة الله وبركاته
الف مبروك على نزول روايتك
بالتوفيق ان شاء الله 😍

[Marwa akl]

حبيبتى تسلميلي ياااارب الله يبارك فيكى ❤❤

[ebti]

اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ...

للضرورة ارجو منكِ التفضل هنا لمعرفة قوانين المنتدى والتقيد بها
https://www.rewity.com/forum/t285382.html

كما ارجو منك التنبيه عندما تقومين بتنزيل الفصول على هذا الرابط
https://www.rewity.com/forum/t313401.html

رابط لطرح اي استسفار او ملاحظات لديك
https://www.rewity.com/forum/t6466.html

واي موضع له علاقة بروايتك يمكنك مراسلة الاشراف عن طريق ارسال رسالة خاصة ...


ارجو منك ترقيم الفصول انا رقمت المشاركة اعلاه بالفصل الأول

[Marwa akl]

شكرا على تعاونك معايا ولو سمحتى عايزه بليل انزل فصل كمان لو ممكن بس اللينك اللى بنبهكم عليه مش راضى يفتح

[modyblue]

موفق بإذن الله ... لك مني أجمل تحية .

[modyblue]

السلام عليكم ورحمة الله وبركاته بداية جميلة ايكون اياد هو علاج لو لو
همس هههه شخصية جميلة جدا الله يكون في عونك يا معتصم
مستنييينك موفقة بإذن الله ... لك مني أجمل تحية .

[Marwa akl]

حبيبتى شكرا على تفاعلك وهنشوف مع بعض فى الفصول القادمه😉😉

[Marwa akl]

الفصل الثانى
حلقه 2 ❤
روايه🎀 نبضات العشق🎀
فى الصباح الباكر كانت همس والين تستعدان للاجتماع مع اياد فقد وافقت الين على مضد بعد إصرار شديد من همس.
الين:مش عارفه يا همس ايه لزمته الاجتماع مش عجبكم الاسكربت وعد هعملك كل الشغل وابعتهولك على الميل بس من غير اجتماعات والجو ده انتى عارفه انى مشغوله دايما ودى مجرد هوايه .
اجابت همس وهى تكمل وضع زينتها:
الين ده راديو كبير يا حبيبتى وبعدين اكيد لازم مدير الراديو ومؤسسه يقعد معاكى تناقشوا بعض الأمور متكبريش الموضوع بليز واياد شخصيه محترمه ومتفهمه يلا بسرعه بقى معتصم مستنينا تحت هاا شكلى حلو يا لى لى طمنينى .
ابتسمت الين بحنان: زى القمر يا حبيبتى يلا ننزل عشان منتاخرش على معتصم .
وبالفعل توجهتا الى سياره معتصم الذى انتظر كثيرا لدرجه الملل..وما ان لمحهما :
كل ده يا بنات نفسى افهم البنات بتتاخر فى اللبس ليه؟؟؟؟ثم وجه نظره إلى همس باعجاب وحب :
زى القمر يا همسى وحشتينى على فكره .
ابتسمت له بخجل اذابه :
ميرسى يا حبيبى انت كمان وحشتنى اوى .
تاملها للحظات واردف:وحشتنى غمازاتك ده كده اسمه صباح .
احمم نحن هنا على فكره وكانت الين هى المقاطعه لسلفونيه العشق الصباحيه تلك .
معتصم :يا فضيحتى انتى هنا يا الين من امتى مفيش احم مفيش دستور يا قاتله الملذات .
فانفجر الثلاثه ضاحكين وانطلقوا الى حيث مقر الراديو حيث ينتظرهم اياد ..
وبالفعل توجهوا نحو المكتب الخاص باياد كانت الين تشعر بالكثير من التوتر وفضلت ان تنتظر بالخارج فى البدايه وبعد قليل طلبت منها المساعده الخاصه به الدخول ، عدلت من هياتها وطرقت باب الحجره استقبلتها همس بابتسامه مشرقه وهى كانت فى قمه الخجل ..هتفت همس:هى دى الين يا دكتور اياد كان اياد فى ذلك الوقت مشغول بمطالعه الملف الذى بين يداه وانتبه لصوت همس تعلن عن دخول الين أراد الترحيب بها ولكن ربااااه اهى حقا الين ام ملاك رقيق تلك الفتاه بعيون واسعه بلون الزمرد ذات جمال رقيق لا يصدق كانت ترتدى ثوب زهرى نهارى (دريس) لائم بشرتها ناصعه البياض وفوقه ستره من الجينس مع قلاده رقيقه بحجر كرستالى بلون الزمرد تناسب جدا لون عيناها بل وأظهرت جمالها مع لمسه هادئه من مستحضرات التجميل وشعر اسود فحمى منساب مهلا من اين رائحه الفانيلا تلك انها نابعه من تلك الالين كان كل ذلك الوقت ماخوذا من تلك الكعكه الصغيره اللطيفه على ما يبدوا وبصعوبه استعاد تماسكه تبا انها تربكه منذ ان قرا كلماتها فماذا الآن بعد كل تلك الرقه والفتنه ابتسم بهدوء لا يتناسب مع الذى بداخله الآن :
آنسه الين اهلا بحضرتك .
ابتسمت بود:اهلا بيك يا دكتور اياد .
همس :اياد دى دكتوره الين اللى حكتلك عنها وابتسمت بفخر واكملت صديقتى والمعده بتاعتى.
ابتسم لها اياد بعفويه :تمام يا همس انا شوفت فكره البرنامج جميله واسكربت الحلقه الأولى ونظر لالين وأكمل حلو جدا .
نظر لمعتصم :معتصم ظبطلى كل حاجه خاصه ببرنامج همس مسئوليتك يا معتصم بجانب برنامجك واشرافك على المعدين عارف حمل تقيل بس انت ادها اكيد .
أجاب معتصم وهو غارق بالنظر لهمس:طبعا يا اياد برنامج همس وهمس فى عيونى ..كانت همس فى هذه اللحظه تذووب خجلا ...اياد:احم طيب يا نحنوح انت وهى كملوا الوصله دى برا خلص اجتماعكم كده سيبونى مع الين هتناقش معاها فى كام حاجه كده واخليها تتفضل .
وبالفعل استأذن معتصم وهمس وكانت فرصه لمعتصم بالقليل من الغزل الصباحى ..
نظر اياد لالين وبدأ حديثه بعمليه :
الين الاسكربت ممتاز جدا انا نادرا لم شغل حد يجذبنى بس انتى فعلا فى موهبه كبيره جواكى .
اجابت بحرج:متشكره جدا لحضرتك .
اياد:لا احنا هنشتغل كتير سوا فمشيها اياد تمام كده
اومات موافقه بخجل:تمام
اكمل :طيب تحبى نمضى العقد امتى؟
اجابت بدهشه : عقد ايه ده ؟؟
رفع أحد حاجبيه:انتى دلوقتى بقيتى واحده ضمن تيم الاعداد باعتبارك معده برنامج همس وطبيعى تمضى عقد عشان حقوقك الماديه على الأقل .
اجابت مسرعه : لا بجد ميرسى انا بعمل الموضوع ده كهوايه فبجد انا مش محتاجه فلوس الحمد لله ليا شغلى الأساسي وبالنسبه لحقوقكم وطبعا ده حقكم متقلقش مش هسيب برنامج همس فى النص احنا اكتر من اخوات.
تحدث بعمليه :الين ده شغل يلا عشان تلحقى معاد المستشفى اتفضلى وراجعى كل البنود .
كانت فى غايه الاحراج والتوتر القت نظره سريعه على العقد وبالفعل سجلت اسمها فى خانه التوقيع.
نظرت إليه :تمام كده اظن مبسوطه انى اتعرفت على حضرتك اقدر استاذن؟
ابتسم بحنان: اكيد فرصه سعيده بجد انتى موهبه واعده مبسوط جدا انها انضمت للتيم بتاعى .
اجابت بحرج :متشكره استاذن انا بقى باى.
ولكنه اوقفها سريعا:الين
استدارت اليه فاكمل انا نسيت اسالك بالنسبه لمكتبك تحبى فيه اى مطالب معينه ؟
سالت باندهاش :مكتب ايه حضرتك ؟
اياد بعمليه:انتى دلوقتى معده فى محطتنا ولازم يكون ليكى مكتب مريح عشان تقدرى فيه تجمعى افكارك شغلك محتاج إبداع والابداع محتاج جو مريح فاهمانى يا الين وانا الحمد لله واخد مقر كبير للراديو بتاعى لان اسمه مش قليل

فى الوطن العربى وانا عامل كده لكل أعضاء التيم بتاعى .
اجابت بحرج: متشكره جدا لاهتمامك بس انا فعلا مش محتاجه لانى مش هكون متواجده هنا كتير انا عندى مستشفى وعياده واخدين كل وقتى فكل شغل همس هيوصلكم عن طريق الميل متقلقش واى حاجه تحبوا تتعدل هظبطها انا وهمس سهل نتقابل فى بيوتنا ونعدل كل حاجه .
نظر لها طويلا وأجاب بتفهم:
تمام يا الين بس من فضلك مش هطلب منك غير انك تحضرى وقت بث الحلقات الخاصه ببرنامج همس ووقت الاجتماع الاسبوعى وباذن الله مش هتتعطلى.
اومات موافقه:اوك مفيش مشكله .
فاكمل :وهجهز برده المكتب احتياطى محدش عارف الظروف تحبى حاجه معينه ؟
صمتت قليلا تفكر ثم فجاه اجابت بطفوله عفويه:
ألوانه ابيض وبينك وسرعان ما اخفضت رأسها خجلا فنظر لها بحنان :تمام هيكون جاهز فى اسرع وقت اتفضلى ده كارت دعوه خاص بيكى عشان حفله الافتتاح يوم الخميس بإذن الله لازم تيجى عشان تشوفى بقيت التيم هتكون حفله كبيره جدا منتظرك يا الين .
ابتسمت بخجل واجابت : بإذن الله متشكره جدا باى
وبالفعل انتهى ذلك الاجتماع السريع مع تلك الجميله الخجوله .
خرجت الين وكانت همس ومعتصم بانتظارها
همس بلهفه :الين ايه الأخبار ؟
الين :تمام متقلقيش مضيت العقد ووصلنا لحل وسط يرضى الطرفين مش هكون هنا غير وقت الاجتماع الاسبوعى ووقت بث الحلقه .
صفقت همس بطفوله وفرح :هيييييه بجد اخيرا هنشتغل مع بعض متحمسه جدا هنكسر الدنيا واخذت تحتضن الين بسعاده بالغه .وتضحكان سويا ... معتصم وهو يضرب كفا بكف :قال يعنى كنت ملاحق عليكم وانتم برا الشغل لم هتشتغلوا سوا كمان .
فانفجرت الين وهمس ضاحكتان وردت الين :فى مانع يا معتصم انت خاطب همس وانت عارف ان ليك ضره وراضى ايه اللى جد بقى.
رفع معتصم يديه مستسلما:انا اقدر انطق يا دوك بس ونبى يا شيخه تحننى قلب صاحبتك عليا ونحدد معاد الفرح بقى.
همس بدلال:وبعدين يا معتصم نخلص السيزون ونتفق.
معتصم :نعمممم انسى آخر السيزون مين لا مش هستحمل يا حبيبتى .
الين:ايوه يا همس مفيش داعى للتاجيل سنه ونص خطوبه يا مفتريه وكنتم مع بعض فى الجامعه سنتين سديهاتكم معايا كفاااايه سويتى الراجل.
ضحك معتصم:مش كده برده يا الين ؟
اجابت همس :كلكم اتجمعتوا عليا طيب نخلص بس الحفله ونبدا بث ونتفق .
معتصم بفرح:اخيرا اميرتى حنت عليا وهتنور حياتى وقام باحتضانها بحب.
نظرت الين بسعاده :مبروك يا همس انتى ومعتصم ربنا يسعدكم يااارب .يلا بقى كملوا وصله الغرام دى وانا الحق المستشفى وبالفعل ودعت همس ومعتصم وبدا كل منهم دوامه العمل اليوميه .
فى المساء كانت الين بغرفتها بعد اخذ حمام دافىء لانعاشها فقد كان يوم عمل متعب وشاق وبعد خروجها من الحمام الملحق بغرفتها وجدت والدتها بانتظارها على أحد المقاعد بالغرفه ببسمه حنونه .
الين بفرحه :مامى وحشتينى اوى معرفتش اشوفك خالص النهارده .
والده الين :تعالى يا حبيبتى اصل حبيت اجى اتطمن عليكى قبل منام مش بشوفك خالص يا لى لى. مستشفى وعياده وحالا الراديو .
الين بحزن:اسفه يا مامى مقصره فى حقكم اوى بس انتى عارفه انا بحب اشغل نفسى دايما فى الشغل غير كده انا بحبه .
الام باسى:لى لى انا فخوره بيكى وبنجاحك فى سن صغير كده بس هنفضل طول عمرنا شغل بس مش آن الاوان ننسى اى وجع فات ونبص للمستقبل .
الين مقاطعه : مامى بليز مش حابه اتكلم فى الموضوع ده انا فعلا نسيت كل حاجه بس مش مرتاحه مامى فيه عريس؟
الام بارتباك :بصراحه يا الين على ابن طانط ريهام طلب ايدك .
الين :امم طيب مامى انا على ده مش بقبله الموضوع مرفوض مش عايزه مناقشه .
الام :بس ...طبعت الين قبله على خد والدتها مفيش بس انا مش مستعده حالا لاى ارتباط وفجاه شردت ملامحها : انا اه نسيته بس منستش قلبى اللى اتوجع ولا الالم اللى عشته ومشاعرى اللى اديتها لواحد مقدرهاش وكان واهمنى بالحب لمجرد انى افضل الموجود بس مجرد ما لقى الأفضل اختاره وباعنى انا ..قلبى انكسر مش قادره اداوى جرحه انا مبقتش الين بتاعت زمان انا مكسوره بس لازم افضل قويه انا مش محتاجه وجود راجل فى حياتى يوجعنى تانى لانى بجد وقتها هنهار للأبد..
قامت والدتها باحتضانها واخذت تملس على شعر طفلتها :لى لى انتى مفيش احلى منك يا حبيبتى عارفه فى واحد موجود فى الدنيا دى بعيد او قريب مش عارفه ثم ابتسمت بحنان وأكملت بس اللى اعرفه ان مجرد متشوفيه هتعرفيه لوحدك لان روحك وروحه واحده هيكون فيه قوه حب غريبه سحر اسمه سحر الحب لا انتى ولا هو ولا اى حد فى الكون هيقدر يفك السحر ده هتتنفسوا بعض يا الين هتعرفى وقتها ان كل اللى مر فى حياتك عمره مكان حب ..وقتها انتى وهو هتعزفوا نغمات حب خاصه بيكى انتى وهو بس هيكون ليكم لغه ثالثه محدش هيفهمها غير انتى وهو بس دى هتكون معزوفه الحب الخاصه بيكم وقتها القلب ده هيدق والعيون الحلوه دى هتلمع اكتر والجمال الملائكى ده هيزيد .
ابسمت الين بعيون دامعه :مامى كلامك حلو اوى ربنا يخليكى ليا يا اجمل حاجه فى حياتى بحبك اوى وارتمت داخل احضانها تبكى بمراره ..

اخذت والدتها تملس على شعرها واكملت:عيطى يا الين وطلعى الشحنه السلبيه اللى كبتيها جواكى شهور موضوع الجواز ده هنقفله دلوقتى تماما مش هفتحه غير لم تكونى جاهزه ومبسوطه مش هفتحه غير لم ييجى اللى يخلى قلبك يدق انا وبابى ميهمناش غير سعادتك وبس ثم ابتسمت وبعدين احكيلى بقى على شغل الراديو الجديد ده مبسوطه فيه؟
ابتسمت الين واخذت تقص على والدتها تلك المغامره الجديده ومدى سعادتها وبلا وعى رددت ذلك الاسم كثيرا بالمدح والاعجاب ،فضلت والدتها عدم التعليق ولكن بغريزه الام وبغريزه امراه عاشقه للحب شعرت بانه شخصيه لن تمر مرور الكرام بحياه طفلتها الرقيقه المدلله .
فى ذلك الوقت كان معتصم يجتمع مع صديقه اياد بمنزله الفخم فى أحد ارقى المناطق السكنيه المطله على النيل .
معتصم بنفاذ صبر:كل مره انت اللى تكسب بليستيشن يا اخى عقدتنى .
اياد بمرح: اعملك ايه يا ابنى قاعد معايا بنص عقل طبيعى لازم اكسبك . الحب وسنينه .
معتصم بابتسامه حالمه:ماله الحب يا اخى عقبال ما أفرح فيك بقى ...بلا وعى ابتسم اياد ولم يخطر بباله فى تلك اللحظه سوى كعكه الفانيلا ذات العيون الفيروزيه ابسامتها الخجوله وملامحها الناعمه الجميله فقط هى لم يخطر بباله سواها.
وبعد الانتهاء من اللعب بفوز ساحق لاياد اخذ الصديقان يتناقشان فى بعض الامور الخاصه بالعمل وبحفله الافتتاح.
اياد:تمام دلوقتى كل مذيع خد معد واول حلقه اتكتبت كويس جدا معتصم عايزك تتابع كل حاجه .
معتصم بعمليه:متقلقش يا اياد كل حاجه ماشيه زى الفل مش عايزك تتوتر.
اياد:طيب بالنسبه للحفله همس اتفقت على الplay list مع الدى جى؟ والمطربه اللى هتغنى اغنيه افتتاح الحفله.
معتصم بثقه:بجد عيب تسال سؤال زى ده او تقلق على التجهيزات وهمس هى اللى منظماها.
ضحك اياد:طبعا يا عم خطيبتك ولازم تقف جنبها.
معتصم بفخر:تنكر اعجابك بتفاصيل حفله السيزون اللى فات؟؟
ابتسم اياد:بصراحه لا كانت حفله مميزه بس السيزون ده العيون علينا يا معتصم فاهمنى السيزون اللى فات كنا مجرد راديو لسه فى بدايته ملوش اى اسم مكناش هنخسر حاجه لو نجح او فشل لكن دلوقتى احنا اسم قوى وناجح عايزين كل حاجه السيزون ده تكون مميزه .
اجابه معتصم:بإذن الله خير احنا تعبنا اوى وربنا هيجازينا خير بإذن الله متقلقش.
ابتسم اياد وصمت قليلا واكمل:بس بجد همس كان اختيارها موفق لصاحبتها.
معتصم :اه فعلا الين مجتهده دايما فى اى حاجه بتدخلها تحس يا اخى ان ليها لمسه وبصمه خاصه انا قريت الاسكربت بتاعها اكتر من رائع .
اياد وقد بدا انه بعالم اخر:فعلا كلامها حلو اوى غريبه جميله حزينه. ولكنه انتبه فجاه لوجود معتصم ولكن حمدا لله لم ينتبه لاهتمام اياد بالين .
أجاب معتصم:فعلا حزينه لسه مقدرتش تتخطى الموضوع .
تسائل اياد:موضوع ايه يا معتصم؟
تردد معتصم قليلا ثم اكمل:الين كانت مخطوبه لزميلها فى الجامعه فى الظاهر شاب محترم اعجب بيها دخل البيت من بابه ولأنها وحيده أهلها وافقوا لأنهم احترموا أنه شخص مكافح ملفش ولا دار اختار الخط المستقيم والموضوع كان ماشى ممتاز لحد التخرج عياده الين كانت جاهزه من قبل متخلص دراسة عياده مجهزه بكل حاجه هديه اهلها ليهم عشان يأمنوا مستقبلها وطبعا الين بالنسبه ليه كانت فرصه لا تعوض ..لحد مظهرت بنت عميد الكليه بمنحه دراسيه ومستوى افضل بكتير .
ببساطه لقى البنت دى فرصه افضل من الين ومكلفش خاطره يفسخ الخطوبه غير لم ضمن السكه التانيه تماما يوم فرحه على بنت عميد الجامعه .
اياد بغضب:حيوااان !
معتصم :من يومها الين اتحولت هدوء وحزن اغلب الوقت وشغل طول الوقت همس بتقول ان فيها حاجه مكسوره مقدرتش تتخطى لسه الموضوع بس هى انسانه جميله بجد ربنا قادر يعوض خيبه أملها دى ...كان اياد يستمع بشرود وحزن لا يصدق كيف لأحدهم ان يكون بلا قلب ان يتخلى عن ملاك بتلك الرقه لم يلتقى بها سوا مره واحده ولكن هناك شىء غريب يجذبه اليها تبا لقد سيطرت على كيانه لم يكن بالفعل بحاجه لان تتواجد الين فى مقر الراديو ولكن طلبه لها بأن تتواجد فى الاجتماع الاسبوعى ويوم بث حلقه همس ليس سوا حجه كحجج المراهقين لكى يراها لا يتذكر يوما بانه اعجب بفتاه لم يكن القلب يوما فى الحسبان فدائما كان اهتمامه منصب على العمل والنجاح والاهتمام بوالدته واخته الصغيره بعد وفاه والده رحمه الله ...كان مستغرقا فى التفكير بل مغيبا عن الواقع حين قاطعه معتصم :
لاااااا ده انت مش معايا خالص يلا انا هقوم بقى لازم انام شويه عندنا يوم طويل بكره.
ابتسم اياد بود:تمام يا صاحبى تصبح على خير مش عايز تاخير بكره .
ودعه معتصم بغمزه:امرك يا بوص تصبح على خير ...
وبعد ان ودع اياد صديقه انطلق إلى غرفه والدته وطرق الباب عده طرقات خفيفه حتى سمحت له بالدخول ...وبابتسامه مشرقه :ست الكل وحشتينى اوى عامله ايه يا حبيبتى ؟
الام ببهجه :يا حبيبى وحشتنى استعدادات السيزون الجديد واخداك مننا مش بنشوفك يا ابنى انا واختك.
اياد وقد بدا عليه الحزن:حقك عليا يا ست الحبايب هانت خلاص انتى بس ادعيلى وبعدين تعبى ده كله عشانك انتى وساره .
الام ببسمه رضا وفخر:ربنا يخليك لينا يا حبيبى والله عمرك مقصرت ومعييشنا اجمل عيشه ربنا يرضى عليك وييسرلك كل الصعب .
اياد بفرحه :ربنا ميحرمنى من دعواتك يا بركه حياتى واخذ يقبل كفيها .
ولكنه لاحظ على ملامحها بعض علامات التعب فبادر بالسؤال بقلق:ماما انتى كويسه ؟!
الام بالم:الحمد لله يا حبيبى متخافش.
اياد:ازاى مخافش يا ماما واضح انك تعبانه !
حاولت الام طمانه اياد:يا حبيبى انا كويسه بس السن يا ابنى ركبى وجعانى الدكتور قالى خشونه ونصحنى اعمل جلسات علاج طبيعى .
اياد بغضب:وساكته يا ماما تعبانه وروحتى للدكتور ومتعرفنيش .
الام:يا حبيبى متقلقش ادانى علاج بيريحنى بس لازم الجلسات للاسف مش عارفه دكاتره كويسين فى المجال ده .
وفجاه ظهرت ابتسامه على وجه اياد واجاب:متقلقيش يا امى انا هتصرف بكره هنبدا الجلسات يا حبيبتى .
ابتسمت الام:ربنا يرضى عليك يا ابنى وافرح بيك .
قبل اياد كفيها واجاب :اللهم امين ..هتصل حالا احجزلك عند دكتوره محترمه أعرفها متقلقيش .
وبالفعل أخذ هاتفه وطلب همس :همس من فضلك عايز عنوان عياده دكتوره الين ..لا متقلقيش بس والدتي محتاجه جلسات علاج طبيعى ..تمام ابعتيلى العنوان whats App ..بس من فضلك بلاش تعرفى الين عشان موضوع المجاملات ده وكده انا هروح واحجز عادى تمام شكرا ...سلام يا همس.
وبالفعل فى اليوم التالى انهى أعماله مبكرا واصطحب والدته إلى حيث مقر العياده الخاصه بالين ..حقا فتاه ذات بصمه خاصه المركز الخاص بها يغلب عليه الرقى والبساطه بآن واحد مهلا يغلب اللونان الأبيض والوردى ابتسم لا عجب فى طلبها ان تكون غرفتها الخاصه فى الراديو باللونين الابيض والوردى يشتم رائحه الفانيلا بكل مكان إذن هو عطرها المفضل صدق حين اطلق عليها كعكه الفانيلا ...توجه نحو السكرتيره الخاصه بها امراه طيبه وقوره بالعقد الخامس على ما يبدو بادر بالسؤال بعد ان أجلس والدته فى قاعه الانتظار :سلام عليكم بعد اذنك عايز احجز كشف عند دكتوره الين من فضلك .
ابتسمت السيده الخمسينيه :وعليكم السلام ورحمه الله وبركاته يا ابنى دكتوره الين معاها حاله جوه وتقدر تتفضل بعدها .
اياد :متشكر جدا وقام بدفع ثمن الكشف وانتظر برفقه والدته ما يقارب ربع ساعه .
وبعد ان انتهت الطبيبه الصغيره ضغطت الجرس الخاص بها والمعنى دخول الحاله التاليه .
ابتسمت السيده الخمسينيه لاياد:اتفضل يا استاذ اياد انت ووالده حضرتك .
ابتسم اياد بود :متشكر جدا وبالفعل طرق باب المكتب الخاص بها .
رباه سمع صوتها ياذن بالدخول انه رقيق بالفعل وناعم صوت دافىء كصاحبته تماما .
وبمجرد دخوله نظرت له كعكه الفانيلا باستغراب وصدمه.

[modyblue]

السلام عليكم ورحمة الله وبركاته
وبداءت حكاية كعكة الفانيلا وايادها وحجة علاج الوالدة هههه
همس ومعتصم الله يجمعكم
الندل الوصولي عقد البنت بس الله يعوضها احسن منه شـكــ وبارك الله فيك ـــرا لك ... لك مني أجمل تحية .