سألتني طفلتي عن الكريسماس

[مهاجرة إلى الله]

#سين_وجيم_تربوي
حوار_بريء🎃😈

🍄سين: بنتي في مدرسة مش إسلامي وبيحتفلوا بالكريسماس.. عاوزة تعمل شجرة مع صاحباتها.. وأنا طبعا رافضة دة. الحوار تطور بيننا ودخل في نكد وعياط وعند😒.. إزاي أقنعها وأخليها هي اللي رافضة دة من جواها إيمانيًا❤؟

🍄جيم: قلنا في لقطة13 قبل كدة إننا مفروض نتفادى هشاشة الدين من بدري عن طريق إننا نعلم ولادنا قبل أي إقناع أو أي حوار أو أي حاجة إن إحنا بنعمل كذا أو ما بنعملش كذا "عشان ربنا قال كدة✋"*(لقطة13 في آخر المنشور)
👈👈هنا في موقف الكريسماس ببساطة هنقول لولادنا:
-✋مش هينفع حبيبتي لإن ربنا قال لأ..

-فين دة يا ماما اللي قال لأ 👀؟.

-في القرآن

- شجرة الكريسماس جت ف القرآن😳؟! فين دة؟! مفيش الكلام دة👀..

-لأ فيه❤.. افتحي المصحف.. سورة109-آية6.. اقري كدة.. بتقول إيه؟

-"لكم دينكم ولي دين".. دي سورة الكافرون أنا حافظاها :d

-شفتي!

-أيوة بس دة مش دين دي شجرة وحفلة يا ماما وبس😑 . أنا مش بعبدها يعني زي الأصنام والصليب 😔 ..

-جميييل.. طب ايه رأيك في خروف العيد والعيد؟ هل دة خروف عادي وحفلة عادية وهيصة وخلاص؟ والا دة رمز لحاجة في دين المسلمين؟

-دين المسلمين أيوة طبعا..

-يبقى ازاي بتقولي شجرتهم مش دين!؟.. ثم دي مش الآية الوحيدة على فكرة.. دة لسة فيه آيات كتير.. افتحي كمان سوةالحشر/آية7، واقري كدة سمعيني بصوتك الجميل يا جميل.. <3

-"وما آتاكم الرسول فخذوه وما نهاكم عنه فانتهوا".

-شفتي بقا😑..

-ايوة ماشي هسمع كلام النبي ﷺ، بس فين إنه قال إن الكريسماس لأ👀؟

-جميييل.. اقفلي المصحف وتعالي نفتح البخاري.. (أو من عالنت لو ماعندكمش الكتاب) افتحي عند "كتاب الاعتصام بالكتاب والسنة" –واخدالي بالك اسم الكتاب إيه! 😈 - وهتلاقي حديث تاني شبهه موجود كمان في البخاري عند "كتاب حديث الأنبياء"، افتحي كدة دة واقري معايا: "لتتبعن سنن من قبلكم شبرا بشبر وذراعا بذراع حتى لو سلكوا جحر ضب لسلكتموه. قلنا: يا رسول الله، اليهود والنصارى؟.. قال: فمن!!" يعني هيكون مين غيرهم مثلا يعني!؟ -_- ..

-ترجمي يا ماما 😑

-يعني هتتبعوا طريق الأمم اللي سبقتكم -اليهود والنصارى- وتقلدوهم في كل حاجة عملوها شبر بشبر وسنتي بسنتي، لدرجة لو دخلوا أضيق جحر في الوجود وأسوأه على الإطلاق هتخشوه وراهم بردو وتقلدوهم😳 !..

-.......😳

- دة غير أحاديث صحيحة تانية كلنا حافظينها، فيها أوامر صريحة بمخالفة اليهود والنصارى.. هما شمال⬅، إحنا يمين على طول➡..
طب فاكرة ليه ماكناش بنصوم عاشوراء لوحده👀؟ عشان نخالف اليهود لإنهم كانوا بيصوموه لوحده.. طب فاكرة قصة الأذان لما حكيتهالك👀؟

-أيوة.. لما قلتيلي إن الصحابة قعدوا يقترحوا على النبيﷺ أفكار لتنبيه الناس للصلاة، منهم اللي قال نحط راية وقت الأدان فاللي يشوفها يبلغ الباقيين، بس ما عجبتش النبيﷺ، وله حق طبعا.. ومنهم اللي قال ننفخ في حاجة زي البوق كدة، النبي ﷺ رفض وقال "هو من أمر يهود".. ومنهم اللي قال ندق ناقوس زي الأجراس كدة، فالنبي ﷺ رفض بردو وقال "هذا من أمر النصارى".. وفضل مهموم مع إنه عنده حل مشروع وحلال لكل إنسان، لكن لإنه علامة مميزة للتنبيه للصلاة عند اليهود والنصارى رفض، لحد ما جت رؤيا بالأذان لأحد الصحابة، وربنا ميزنا بيه عن كل الأمم.. <3

-الله ينور عليكي❤.... آهو النبي ﷺ كان بيخالفهم في كل حاجة لدرجة إنهم قالوا له ف مرة من الغيظ: "ما يريد هذا الرجل أن يدع من أمرنا شيئا إلا خالفنا فيه!".. دة من حديث في صحيح مسلم حبيبتي.. نيجي إحنا بقا نبدل السنة والدين بعد منه ونتابعهم ببساطة كدة😳؟!

-ماشي بس.. ااااا.. انا مش هتبع سنتهم، دانا بحبهم بس كدة وبفرح معاهم عشان يحبوا الإسلام لما يحبوني وكدة😇..

-المسلم يعامل أهل الأديان الأخرى بحسن الخلق والرحمة بما لا يمس دينه ولا ذرة فيه حبيبتي.. عند دينه يطلع يافطة📵 "لكم دينكم ولي دين"📵..
ثم أصلا ربنا قال "ولن ترضى عنك اليهود ولا النصارى حتى تتبع ملتهم".. فلما أقلدهم أنا في بعض ملتهم عشان يرضوا عني ويحبوني، يبقى أنا كدة بعمل إيه بالظبط فهميني💀!!! أفهمك أنا؟👈👈 "قل إن هدى الله هو الهدى.. ولئن اتبعت أهواءهم بعد الذي جاءك من العلم ما لك من الله من ولي ولا نصير"💔..
ثم إنهم لا يمكن يدبحوا معانا خروف ف العيد لو عرفوا إن دة اللي هيرضينا عنهم مثلا😡، فليه إحنا إللي ندور على رضا ناس بتشتم ربنا وتقول إنه متجوز ومخلف ولد وربنا غضبان منهم جدا جدا😡.. "كذبني ابن آدم وما ينبغي له أن يكذبني، وشتمني ابن آدم وما ينبغي له أن يشتمني، فأما تكذيبه إياي فقوله: لن يعيدني كما بدأني. وليس أول الخلق بأهون علي من إعادته، وأما شتمه إياي فقوله: اتخذ الله ولدا. وأنا الله الأحد الصمد لم ألد ولم أولد ولم يكن له كفوا أحد."..😡😡
👈👈ثم تعالي كدة نقفل المصحف والبخاري ونفتح ويكيبيديا ونكتب "شجرة الكريسماس" و "بابا نويل".. اقري كدة..هتلاقي إن عادة تزيين شجرة عيد الميلاد دي قبل الدين المسيحي كمان، دي عادة مرتبطة بالعبادات الوثنية في إكرام وعبادة الشجرة!! ياللي كنتي من شوية بتقوليلي مش هعبد هعبد الشجرة وجو الأصنام وكدة -😏😒 .. وباباهم نويل دة قديس عند النصارى بيقدسوه.. إحنا مالنا بجد💀!!.

-........امممم

-نرجع للمصحف يا حبيبتي <3 .. افتحي سورة المجادلة آخر آية خالص كدة واقري بصوتك الجميل بردو ^_^

-"لا تجد قوما يؤمنون بالله واليوم الآخر يوادون من حاد الله ورسوله ولو كانوا آباءهم أو أبناءهم أو إخوانهم أو عشيرتهم".. يعني لو انا أمك اللي كافرة زيهم -والعياذ بالله- ربنا قال لك ما تقلدينيش في أي شيء في ديني الكفري دة.. مابالك بالغريب! دي عقيدة حبييتي الولاء والبراء.. أوثق عُرى الإيمان: الحب في الله والبغض في الله..👌

-.........😔

-"وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم" حبيبتي ❤ .. كملي الآية كدة من سورة الأحزاب/آية33 ^_^ ..

-"ومن يعص الله ورسوله فقد ضل ضلالا مبينا"..... 💔💔💔

-عاوزة حبيبك النبي ﷺ لما نقابله عند الحوض مشتاقين له، نيجي نقرب منه تقوم الملايكة تبعدنا عنه ويقولوا له لأ يا رسول الله فقد بدلت من بعدك، يقوم يقول لك "سُحقا سُحقا! بُعدا بُعدا!"..؟

-خلاص يا ماما.. اقتنعت😑. بس قوليلي أعمل إيه مع صحابي😢💔؟

-خليكي قوية واعرضي دينك عليهم بكل عزة و ف نفس الوقت بكل حكمة وود وموعظة حسنة.. اوعي تخسري ذرة من دينك عشان أي حد.. محدش هينفعك يوم القيامة إلا دينك.. ولا حتى أنا.. كله هيهرب من كله وكله هيعادي كله إلا المتقين فقط... "يوم يفر المرء من أخيه وأمه وأبيه وصاحبته وبنيه".. "الأخلاء يومئذ بعضهم لبعض عدو إلا المتقين".. 👌👌

-إزاي أفاتحهم طيب :/ ؟

-هتروحي يوم الحفلة، ماعكيش شجرة ولا فلوس للشجرة عادي خالص، ووقت الحفلة هتقعدي ف الفصل وخدي معاكي قصص مثلا، دة لو مش عاوزة تغيبي يوميها وخلاص... هيسألوكي طبعا.. هتقولي إللي أنا قلتهولك دة كله وأجرك على الله.. ❤❤❤

====
====
🔔خايفة على بنتك من إنها تدخل في الحوار دة في المدرسة؟ غيبيها اليوم دة أو الاسبوع دة كله..
ماهو ماتقوليليش إن عند مفترق الطرق والفتن غالبا الدين هو اللي هيقع -_- .. لأ الدراسة يوم أو أسبوع يقعوا يا حلوة أحسن لك ولها..
🔔هتقوليلي بس هي لسة صغيرة مش مهم؟
هقولك: وينشأ ناشيء الفتيان فينا على ما كان عَوَّدهُ عليه أبوه..
وهقولك دة هو دة وقت "التليين" و"العجن" بالدين..
عارفة تليين العربية الجديدة كدة👀؟
اهو دة بالظبط زيه.. دة وقت خلط الخميرة وعجن العجينة يا فوزية😒..
🔔على أد غرسك للمباديء الدينية في الوقت دة = على أد ما مش هتتعبي معاها قدام في الحجاب والنت والصحوبية والأفلام وووالخ...والعكس بالعكس..
🔔وطبعا كافئيها على إيثارها لطاعة ورضا الله –معنويًا وعينيًا- تأليفا لقلبلها في الدين..
😡دة غير اننا قلنا ياما قبل كدة ندخل ولادنا مدارس إسلامية عشان نتجنب مشاكل وفتن كتير نوعا ما.. ✋دة طبعا للي متوفر جنب منه مدارس اسلامي..

🌴عودي ولادك إن المسلم وقاف عند كتاب الله..
🌴علميهم ما يبقوش زي اليهود، اللي ربنا قال لهم: "خذوا ما آتيناكم بقوة واسمعوا"... "قالوا سمعنا وعصينا"..
"ولو أنهم قالوا سمعنا وأطعنا واسمع وانظرنا لكان خيرا لهم"..
🌴علميهم إن من الإيمان أن يكون الله ورسوله أحب اليه مما سواهما.. 👌

🌴🌴🌴وخليهم يقروا مقالي عن "حلاوة الايمان"

🌴🌴🌴ودة رابط لقطة13 بتاع هشاشة الدين اللي قلنا عليه فوق:


🌴🌴🌴وطبعا دة رابط إزاي ألقن ولادي علم شرعي بسيط من كتب مبسطة، عشان ينشأوا في طاعة الله
# خذوا ما آتيناكم بقوة واسمعوا👌
#خالفوا_اليهود_والنصارى😡
#المسلم_ما_يحتفلش_بكريسماس😏
#المسلم_ما_يحتفلش_بسانتا_كل� �ز_بابا_نويل😒

عرفت؟ = فالزَم ......🍃

منقول...

كتبته:
أسماء محمد لبيب
أمةالله-عفا الله عنها