يتيمات من رحم الألم ،للكاتبة / سموو العراق "عراقية " (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية ((يتيمات من رحم الألم )) للكاتبة / سموو العراق قراءة ممتعة للجميع ...

[فيتامين سي]

رابط لتحميل الرواية

https://www.rewity.com/forum/t424796.html#post13631326



هلو بنات اقروها القصه حلوه تستاهل القراءة تفاعلوا حتى نستمر بالنشر
الكاتبه«سمو العراق»..

اهلا احبتي....هو قلمي يكتب مايريد...يعبر عن رأيي وضعت له حدودا حمراء..لايتجاوزها...ليس لأي كان سلطه عليه..ليس المهم ان يرضي الناس..الأهم ان يرضي ضميري...لست الافضل لكن لي اسلوبي... سأضل دائما اتقبل رأي الناقد والحاسد...فالاول يصحح لي مساري..والثاني يزيد من اصراري..
...لاتعتمد علئ احد كثيرا في هذه الدنيا.. فحتئ ضلك يتخلئ عنك في الضلمه....«منقول»

طبعا كوولش تردد بكتابه مولودتي الثالثه..واحتاريت بااسم القصه..كأي ام انجبت وتحيرت باسم مولودها لكن استقريت علئ اسم«يتيمات من رحم الألم» قصه تحتوي..على امور كثيرة ومنها زواج تحت ضروف صعبه..وماضي يربط بطلتنا بمستقبل ائليم. مااريد احرق الاحداث..وللعلم القصه حقيقيه من ارض الواااقع...

[فيتامين سي]

البارت 1..«يتيمات من رحم الألم»..
..بقلم«سموو العراق»...

بداية ..}~
{مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ * لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ}

❤❤❤

الماضي .. الذكريات الأليمة
إنها كالشوك العالق ,المنغرس في جلدك , يسبب لك الألم
وحتى لو قمت بـ إخراجه ستتحمل الألم
ولابد ..
لابد أن تنتظر فترة من الزمن حتى يلتئم الجرح
وفترة حتى يختفي الآثر ..
فإن مفتاح كل شيء الصبر ..

لا بأس .. المهم أنه في النهاية
بقي من الماضي !

❤❤❤

هاهي لحضه الولاده تجئ...يومين قضتهما وهي تعاني على سرير المرض... طلقات كلحمم البركانيه. وصرخاتهاا تهز اركان الغرفه...وتمت الولاده وتنطفئ صرخاتهاا...ولكن لم تسمع صرخات تتمنئ كل ام عانت تسع اشهر ان تسمعهاا...صرخات طفله تعلن عن قدوومهاا..لم تتوقف دموعهاا وغابت عن الوعي..»

الولاده/...مبروك ام سامي ناديه جابت بنيه مثل الكمر تجنن..

ام سامي بحقد/..مانريدها وديها لبيت ابوها...مدام امها تطلقت مااريد اربطها بهاي الطفله..باجر يجي نصيبها وازوجها خوما تفني عمرها لخاطر طفله كومه لحم..

الولاده بتنهيده/...كولي يالله ياام سامي شنو ذنبها تنحرم من امها بااول يوم اجت بيه على الدنيا..

ام سامي بصد/..لا اصلا ابوها واخوانها مايرضون وهي ماتريده وهو طلكها بنتهم ننطيها الهم وكلمن يروح بحال سبيله

نضرت الجده لوجه الطفله البريئه المنبوذه من قبل امها واجدادها دون ان ترتكب اي اثم او جريمه فقط الانهاا ابنت ابيهاا او طليق امهاا.....

لفتهاا بقطعه قماش بيضاء دون ان تنضفها من اثار الولاده مسحت وجهها البريئ بقطعه قماش مبلوله خرجتها خارج الغرفه........شافت الكل واقف امام باب الغرفه...جدهاا وخوالهاا وخالاتها الصغار...لكن رؤيه الطفله لم يغير من قرار هؤلاء السفاحين من شئ.

سامي بعصبيه/...اخذوها لبيت ابوها خلي يتكفل بيها ماعايزين عله على كلوبنه وبعدين هاي لطفله بحاجه مصاريف وحليب واحنه مومسؤلين بيها..

ابو سامي بجمود/...اخذوها قبل لا تكعد ناديه وتحن عليها...

ام سامي بجمود/...راح تاخذها الجده«الولاده» توديها الهم وبعد ماعدهم شئ عدنا بنتهم عدهم وبنتنه عدنا..

الولاده بخوف/..لا تعذروني اني مااريد اتحمل ذنب هلطفله البريئه..ماريد خطيتها تصير برقبتي..

سامي بتجبر/...ومرتي جابت بنيه وناديه جابت بنيه الله ينتقم منهن ومن شرهن والله والله اذا هلطفله مااخذتوها من وجهي ارتكب بيها جريمه..

الولاده بعدم رضا/...لا تتجبر على الخالق..اذا جانت بنيه او ولد كوله رزق ربك..احمد ربك على نعمته وتمام الخلقه

سامي بعصبيه/..مامتكبر على ربي بس بنت جاسم مانريدها ودوها لاهلها وسدو السالفه...

ام سامي بهدوء/...راح ودز مرت حماي توديلهم هاي لطفله..وخلونه نخلص من المشاكل...

راحت وهي تاخذ الطفله لبيت حماهاا وخبرتهم بولادته ناديه وقررت تنطي الطفله لأهلها رفضت زوجت حماها ببدايه الامر لكن بعد الحاح من ام سامي وافقت تاخذ الطفله

بعد مارجعت ام سامي من بيت حماها شافت ناديه تفتح بعيونها...وهي تهمس بصوت تعبان..

ناديه بووجع وصوت خافت/...يممه وين بنتي؟؟

ام سامي بكذب وجمود/...ابوج واخوج اخذوها للمستشفئ يحطونها بالخدج لان شويه مريضه...

ناديه واوجاع الولاده مرافقتها/...ااااه يمه خذوني الها خطيه خاف تجوع عاد ارضعها...

اختها بعبرة/..ناديه بنتج ودوها لبيت عمي ابو جاسم امي تجذب عليج اخذو بنتج ونطوها الهم

ناديه قامت بفزع وهي تصرخ/...لييييييش لييييش ليش انطيتي بنتي ليش...يممه اريدهاا بنتي.

طلعت بالحوش وهي تعرج وتركض بألم وكل شويه توكع امها ركضت وراها وقيدتها...واخوها رفض خروجها...وايضا ابوهاا....صارت تصرخ بصوت عالي والجوء كان بااااارد والمطر كثيف وصوت الرعد
مخيف...اجواء كئيبه...كان المطر امام دموعها اقل.

سامي بعصبيه/...لو تنطبك السماء على الارض ما نخليج ترحين لبيت جاسم

ام سامي/...خليها تولي يمه طفله كومه لحم باجر تنسيها وتزوجين وتخلفين غيرها وتنسيها خلي تولي

ناديه ببكاء/..يممه بنتي جنت انتضر دقيقه دقيقه حتئ اكحل عيوني بشوفتها شلون تحرموني منها؟؟

سامي زمجر بتجبر/...والله والله اذا مرة ثانيه سمعتج حنيتي الها ماتلومين اله نفسج ادفنج انتي وياها...مشاكلجن ومصايبجن وخربتنه ويه بيت عمي وهسه تريدن بنتج والله ماتشوفينها والله..

ضلت تنوح على حالها وحال بنتها لكن مستحيل سامي وامها يسمحولها برؤيه بنتها مرة ثانيه امها كانت تحرض سامي علئ الطفله وماتريد علاقه بيت عم اهل الطفله...
************************************
الكل كان متواجد باارض الصاله ...عائله بيت ابو جاسم ...تتكون من اثنين ولد..وثنين بنات...
«جاسم لكبير ..مطفي من الرئيسي لايحل ولايربط وشخصيته ضعيفه بس هو حباب وفقير زوج بنت عمه ناديه..انطوهاا اله بيت عمه اصلا هو ماخاطبهاا هي حلووووة حييييل وهو يعني عادي مثل اي شاب ...صارت حامل منه وبعدين تسودنت منه مارادته تعارضت منه يكولون بسبب النساوة ..دخلت عالم ماترحم وهي طلبت الطلاق طلكهاا وهي حامل واصلا حرام طلاقهاا بفترة حملهاا لكن اطلقت بعد..وبعد ماجابت ايضا رجع طلقها...

جلال..حقير الئ ابعد حد اهم شئ مصلحته لو يعرف يبيع امه وكلمته ماشيه بالبيت ولبراسه يسوي متزوج وزوجته صايحه لغوث منه ومن مشاكله عنده بس ولد هو مزوج قبل جاسم وهو شكله متوسط بس زوجته تحبه حيييل»
...امال عمرها23سنه.....مزوجه وعدها طفلين...
«مريم...البنت الصغيرة لعائله بيت ابو جاسم عمرها سنتين بعدها طفله ..من تكبر اوصفهاا الكم..»

دخلت تلك الامراه لبيت ابو جاسم شافتهم جالسين باارض الصاله...لكل تفاجئ منهاا وهي تحمل طفل يضج ارض الصاله بالبكاء....

ام جاسم بخوف/...شكوو شنو هاي لطفله؟؟

المراءه/...والله ياام جاسم هاي بنتكم ليوم ناديه ولدت وبيت ابو سامي ودولكم هاي الطفله يكولون بنتكم عدكم وبنتنه عدنه..وبعد ماالكم شئ

ام جاسم بصدمه ونحيب/...جابت ناديه؟؟ جابت بنيه وذبت ضناهاا شلون ام هاي استغفر الله ياربي.

طلبت ام جاسم من ..زوجت جلال تجيب صينيه ..ولبنيه جابت الصينيه خلت بيهاا بطانيه صغيرة وجرجف ابيض وحطت الطفله بصينيه على مايجيبون الهاا كاركوك..التموا عليهاا ابوها وعمهاا وجدهاا وعمتهاا وبيبيتهاا وبكووا بقووة على حال الطفله الصغيرة كانت تصرخ من جوع وام جاسم تربطت اديهاا وماعرفت شنوو تسوي..وبهذاك الوقت مجان اكوو وسائل اتصال..لذالك رسلت ابنهاا..علئ اختهاا عندهاا طفل ..حتئ تجئ ترضع الطفله ... نضرت لوجه الطفله الي تصرخ وتصرخ...ام جاسم جابت برتقاله وعصرتها بصحن صغير وضلت تاخذ بالخاشوكه مال لجاي وتشرب بيها شويه شويه...لحد مااجت اختها ورضعتها.وضلت كل يوم تجي ترضعها
***********************************
بعد مرور 19 عاما.......

كبروا ابطالنا وفاتت سنين طوويله عليهم تغيرت احوالهم جاسم تزوج وصارت عنده ذريه وطلع ببيت لوحده...وناديه تزوجت برجال مطلق وصارت عندها ذريه....اما وهج كبرت وصار عمرهاا 19 سنه صارت شابه جميله جدا والخطاب تطرق بابها..حاليا عايشه عند بيبيتهاا وعمها ......وزوجت عمهاا عمتهاا زوجت وجدها توفئ..وعمتها الثانيه صار عمرها21 سنه ايضا جميله لكن لم تضاهي جمال وهج. عمتها اتزوجت واحد من اقاربهم قبل 6اشهر.... لكن وهج تعاني من معامله عمهاا القاسي وتحكمه لغير محدود

جلال بعصبيه/...وهههههج...وههههههج...

وهج بخوف/...هااا عموو؟؟

جلال بغضب/..وعمه صارلي ساعه اصيح ماسمعين.

وهج بزعل/..والله جنت بالمطبخ ماسمعتك..

جلال بتنهيده/ّ..اف ..اجوج خطابه اخوو مرتي خوش ولد وحباب صحيح هو كبير بالعمر ومطلك بس ماشي حاله..هاا شدكولين؟؟ولو هو رئيج مو مهم لان مو النسوان لتمشينه علئ رئيها

وهج وهي خايفه عمها يجبرها/ّ..هااا عموو اني مااريد ازوج بعدني صغيرة..خلي يشوف غيري..

جلال بتجبر/...لا هو شايفج ويه امي وعاجبته ولو يريد غيرج جان كال اريد غيرها..وراح يحط الج مهر غالي..

وهج بعبرة/...بس عمو اسعد كبير عليه يعني فرق بينه 17سنه..هسه لو عشر سنين ميخالف...

اسعد بعصبيه/...انجبي لعمر مو فد مشكله ورجال مايتعيب وبعدين اسعد فايخ وجيبه مليان

وهج بدموع/..بكيفك..

خرجت من الغرفه وهي تسحب كميه يئس والم وخيبه امل بزواج غير مرغوب فيه من قبل وهج. طلعت ملابسهاا ودخلت للحمام فتحت الدش وهي تجلس بكامل ملابسهاا والمياه تسقط علئ جسدها اليتيم وضعت المنشفه على فمها وهي تمنع خروج صوت بكائها ونحيبها الئ الخاارج.....

وهج ببكاء//ليش ياربي لييش ؟؟ ليش اني الوحيده لعايشه هيج عيشه..عايشه يتيمه واهلي علئ قيد الحياه يااربي والله متت ...ابووي ملتهي بمرته وجهاله ولا فد يوم سأل عليه..وامي..حرامات .اكول امي ..راحت ازوجت..وصار عندها اربع بنات وثنين ولد اكيد بعد ماتسال عليه ولا بحاجتي ...انوب هذا عمي ايده ولضربه واسلووبه زفت ..وهسه يريد يربطني بنسيبه لشايب.. والله متت يااارب.

«متعبه انا كطفله انهكهاا التعب من شده الركض ولم تجد عناق سوئ الحائط الذي بكت عليه😢» ************************************
في احد المناطق النائيه الموجوده ببغداد..منطقه اشبه بالحواسم او التجاوز...التي اخذت من دون علم الدوله وبنيت واصبحت مدينه تسكنها الناس العزل والبسطاء منطقه جدا متعبه تفتقر للكثير من الخدمات لكن للاسف يوجد في هذه المنطقه بعض من الشباب التي تهدد أمنها ويتسمون بعدم المبالاه

نزل من سيارته الحديثه الئ نص المنطقه معجبه بيهاا...تقرب من بائع للفلافل....

امير بدون نفس/..صباح الخير

ابو زعتر وهو يقطع لطماطه/..هلا صباح النور

امير بلوم/..اغسل لطماطه يااخي مو هاي بكتيريا وجراثيم تسمم العالم!!

ابو زعتر بدون اهتمام/..لا تخاف كولشي،يصفه بالمعده

امير/..يمعود طلعت مو معده طلعت مقبرة على تراب الطماطه والخس..

ابو الزعتر/...هههههه الي خلك اغسل الطماطه..

امير بتنهيده/..والله مااعرف شلون لعالم تشتري منك اشو لا محلك نضيف ولا وجهك يفتح الشهيه

ابو الزعتر بثقه/..لا بالعكس الشغل خير من الله.. تريد اسويلك لفه؟؟

امير بشمئزاز/...لا والله اذا اكلها يصير عندي تسمم.

ابو الزعتر وهو ينطي الفه للطفل/...بكيفك...

امير بضيق/...ضااايج..

ابو الزعتر/..طكلك بطل عرك وهي تروح الضوجه.

امير/..وشنو اول مااصحئ ترجعلي

ابو الزعتر/...وشسويلك اركص الك؟؟

امير بتنهيده/..اوف لك مليت من اهلي يردون يزوجوني...

ابو زعتر/..خليهم يزوجونك ومبروك مقدما انشاءالله الولد الساقط...

امير ببتسامه/...اكيد يطلع ساقط اذا اني نهار كوله واليل كوله مكابل وجهك..

ابو الزعتر/...وهسه شتريد؟؟

امير بقهر/..مااريد ازوج...

ابو الزعتر فتح قوطيه الببسي وقدمها لامير...

امير بقرف/..لا مااريد..

ابو الزعتر/..ترة مو اني مسويها !!عمل تجاري..

امير ببتسامه جانبيه/..ادري مو انته مسويها بس مااريد

ابو الزعتر فتح قوطيه الببسي وشربها كولها وضل يترجع غازات الببسي، بصوت مقزز

امير حس راح يتقيئ/..هههي شنو هاي وين الاتكيت لعبتها لنفسي...

ابو الزعتر بسخريه/...اووي دلوع الماما لعبت نفسه

امير بضيق/...انجب والله طالعه روحي...

ابو الزعتر/...يابه ازوج احسن الك ونسه الماضي.. اموري لفات مات واحنه اولاد ليوم...

امير بقهر/...مو سهل انسئ مو سهل لصار موقليل

ابو الزعتر بهدوء/...المرة تنسيك امير والله تنسيك

امير بتنهيده/...اوووف الله كريم

ابو الزعتر بمرح/..امير ليش ماازوجك اختي؟؟:

امير بقرف/...ابو الزعتر انته خلقتك ماتساعد واختك اكيد تشبهك بس محجبه

ابو زعتر/..هي اختي تكنس وتمسح وتطبخ بعد شتريد؟؟؟

امير برفض/...لا يااخي الجمال ينراد وبعدين اخاف اباوع بوجهها تنسد شهيتي...

ابو الزعتر بكذب/..وروح ابوك حلوة..

ملاحضه«ابو الزعتر بي صفه وحده حلوة وماكو غيرها...هو من يحلف كذب يكول وروح ابوك مايحلف بالله...بس هاي الصفه بعد كل صفاته زفت..»

امير بتأكيد/...لعد جذب..

ابو الزعتر بثقه/..بس ترة خسرتها..

امير/...هههههه احسن...يالله مع السلامه...

ابو زعتر/..الله وياك...عود تعال باليل...

امير بسرعه/...انشاءلله...

ترك ابو الزعتر وهو يتوجه لسيارة...شاب يتصف بالتكبر والكبرياء والغرور وتصرفاته لمنحطه....

«ابو الزعتر..شاب طايش صايع ضايع عمرة25 مدوخ المنطقه يشرب وحرامي...عنده ستوته ويوميه بسجن ويبيع لفات فلافل..شكله ضعيييف حيييل وشعرة كفشه كبيرة مكنكرة 😂.وجه محفر يعني بااختصار مقرف..هو صديق امير من سنه وصديقه المفضل» ************************************..في تلك الغرفه الخاويه التي تفتقر لوجود حنان الام..توجد تلك الملاك المجروحه من جور وضلم ائناس نست ان الله موجود واستغلوا وحدتها وعدم وجود سند قووي يقف بوجه كل طاغي...«لكن ان الله موجود.هو القوي الجبار»

كانت نايمه على سريرها وهي تبكي بالم وهبطه وعبالك اسعد هسه راح ياخذها كل ماتتخيل شكل اسعد وضخامته تكش وتبكي اكثر حست بنهيار بقلبها الصغير...

دخلت عليها بيبيتهاا..وهي ترفعهاا من افراشهاا.
ام جاسم بحنيه/..وهوجه يمه شبيج ليوم حتئ ماشفت وجهج..شضامه علئ امج؟؟

دفنت وجهها بصدر بيبيتها ومخلتها تشوف وجهها.لكن ام جاسم رفعت وجهها من صدرها وانصدمت من عيونها لمورمه..بيها طبيعه من. تبجي عيونها تورم وعيونها يندفنن بجفونها ودائما يفضحوها...
ام جاسم بصدمه وحنيه/..يمه وهج شبيها عيونج

وهج باارتباك وخجل/..مابيه شئ بس شويه فلاونزا وصارت عندي حساسيه بعيوني

ام جاسم بعدم اقتناع/..لا ياوهج اجذبين عليه كليلي من قاهرج احجي والله اشرب من دمه..

وهج ببكاء وشهقات متتاليه/...عموو جلال..

ام جاسم بعصبيه/..شبي وياااج ضربج؟؟

وهج بشهقات/..يريد يزوجني لاسعد اخو مرته..

ام جاسم بغضب/..شني علئ كيفه هو.والله ماتخذنه هذا الشايب يريد يزوج خلي يشوفله عجوز مثله.

وهج ببصيص امل/..يعني مراح تخلينه يزوجني؟؟

ام جاسم وهي تمسح دموعها/..لا مااخليه والله اله اني بالكبر يالله تزوجينه..
وهج بخووف/... لا اسم الله عليج يممه انشاءالله قبلج اموووت..والله اذا صارلج شئ صدك اتيتم

ام جاسم بمحبه/..والله انتي اعز من ولدي ثنينهم واعز من بنتي واعز من روحي..صدك لو كالو لربه كتال..اني ربيتج ونكتلت بيج...

وهج حضنت امها..او بالاحراء بيبيتها..استنشقت ريحتهاا وحنيتها..ام جاسم حيل حنينه على وهج تتخبل عليها..صحيح ربي ياخذي شئ ويعوض بشئ ثاني..الله عوض وهج باام جاسم...

************************************عند عائله«ابو محمد»

ابو محمد..رجال كبير بالعمر لكن صاحب هيبه وكلمه مسموعه لكن ببعض الاحيان رجل حقاني..

ام محمد...امراءه كبيرة بالعمر نوعا ما حبابه متحب المشاكل وحيل تحب ولدها وتخاف من المشاكل..

محمد...مثل اي رجل تصرفاته عاديه ومايدخل بااكثر الامور مزوج وعنده ثنين ولد... امير...شخصيته مامعروفه نتعرف عليه بالبارتات القادمه..لكن يعاني من ماضي غير كل حياته وتصرفاته ...

بلال...هذا قليل امثاله كوولش حباب وحنين يشتغل خط بسيارة علئ خط البصرة ومحافضه ميسان...

ايات...الدلع توته هاي لبنيه اسرار اخوانها كله عدها حيل يحبونها وتحبهم تدرس سادس علمي بس هي كسووله مو مال علمي عايده السنه مرتين

كوثر...طفله عمرها 11سنه مالها دور مهم..

سناء..زوجت محمد لحد الان حبابه بس اذا اجن جناين جدد راح تضل على طبعها لولا؟؟

دخل امير للبيت شاف اهله كلهم كاعدين فارشين السفرة باارض الصاله ويتغدون...

امير بتعب/...السلام عليكم..

الكل/وعليكم السلام...

ابو محمد بأمر/..تعال تغده..

امير بتنهيده/..مااريد عليكم بالعافيه...

تركهم وهو يتوجه لغرفته لكن سرعان مالحقته ام محمد قبل لا يقفل الباب...

ام محمد بحنيه/..يممه اموري ليش هيج تسوي بنفسك انسئ لصار وعيش حياتك والله كلبي يتكطع عليك اني ام وانته ضناي ليش تحرك بكلبي؟؟

امير بتنهيده وهو يسحب نفس/..يمه ناسي الماضي ليش تذكريني والله ناسي والله..

ام محمد بصوت حزين/..خليني ازوجك وفرح كلبي خليني اطمن عليك..عبالك ماادري بيك وادري بتصرفاتك؟؟حتئ صحتك تدهورت من هذا السم لتشربه..والله لو ابوك يعرف بيك مايرحمك ارحم حالك ورحمني يايمه..

امير بهدوء وغصه/..سوي لتردينه يمه اهم شئ رضاج..وهسه تعبان ماتخليني اناام؟؟

ام محمد ابتسمت بفرح وهي تحضنه/..نام نوم العوافي..من هسه رايحه ادورلك مرة..

طلعت من غرفته وهي فرحانه بقبوله..اما هوو رمئ نفسه على السرير بكافه ملابسه وحذاء وهو يذكر مقتطفات من ماضيه الئليم..تنهد بحسرة وغضب وهو يعض شفته بجزع ويطرد افكارة لمراودته منذ سنين

ذكريات الأمس مؤلمة بعد حب أندفن بين سراب الخيانة ورحل إلى عالم أخر وذكريات تعتصر القلب ويلتهب من جمرها العمر.
************************************
في محافضه ميسان الحبيبه...وبالتحديد في احد المناطق الزراعيه..«قصيبه او كصيبه»..

يوجد ذالك البيت المتهالك الذي يكسو جداره احزان فتاه عانت منذ نعومه اضافرها...بيت متعب ويفتقر للخدمات قريب جدا عن بستانهم..

كانت تصرخ باعلئ صوتها وترجف وكأن اصابتها رياح عاتيه لم ترحم جسدها النحيل قامت بقضم اضافرها
لكن للاسف لأ يوجد اضافر فقد بنيه اللحم الميت على تلك الاضافر....دخل والد تلك الفتاه المجنونه الئ تلك الغرفه الطينيه..وهو ينضر لوجه ابنته المريضه..اتمعن بالنضر الئ حالتها..كانت بشعر منكوش وبشرة شاحبه كشحوب الموتئ وسواد متهالك تحت تلك العينين الذي يكسوها الحزن تقدم منها وهو يحضنها بحنانه المعتاد..

ابوحازم/..ولج بويه فاطمه شجاج؟؟

ماردت علئ ابوها غير بصرخات مدويه ومزعجه.

ابو حازم وهو ينادي على زوجه ابنه/..سهاد سهاد..

سهاد باانزعاج/..هاا عمي جايتك..

ابو حازم وهو يرفع عيونه لسهاد/..شربتيها حبوبها؟؟

سهاد بجزع/..لا والله ياعمي نسيت..

ابو حازم بغضب/..عمي شلون تنسين ماشوفين حالتها شلون تعبانه..

سهاد بزعل/..جااا شسوي لبيت بس انه اشتغل بي وجهال ماخذيلهم صفحه..وام الجنيه تريدني اشربها علاجهاا اطير خوما اطير..

ابو حازم بعصبيه/..لا دكولين عليها ام الجنيه فاطمه مريضه مابيها جن..وروحي جيبي علاجها بسرعه..

راحت سهاد بعصبيه وقهر جابت لعلاج ونطته لابو حازم شرب فاطمه حبابه بالقوة يالله شربتها نومها على فراشها صارلها اربع سنوات على هاي الحاله مخلوو طبيب يعتب عليهم وماخلوا كشاف ورحاني ماراحوله لكن حالتهاا من اسوء الئ اسوء...

فاطمه همست بصوت مبحوح/..اريد امي..

ابو حازم اصابته حيرة قوويه من طلبها المحير فلم يسمع برجوع الموتئ إلا في زمن الانبياء والمرسلين حضنها بحنان وهو يهديها من وفاه امها لحد يومها هذا هي حالتها تتدهور وتنتكس الئ الاسوء.

يمـــــــــــه

يمة البيت عكبج يبجي عالبيت
وسود وداعتج شفت الحياطين

وعتبة بيتنة زعلت على الباب
وعلينة أتسودنت ما ترضة ترحين

وشفت دمع البلابل والعصافير
طاح إعلة المكان البي تكعدين

وشفت لطخة حزن بخدود الورود
وصبح بستانة يبجي البساتين

فراكج مو سهل يذبحني كل يوم
كل يوم بسنة لاوالله عشرين

شكظ من الدمع ودموعي شلال
وعليج تسودنت ماتسكت العين

هذا كان حال بطلتنا الثانيه فاطمه المصابه. بصدمه وحاله نفسيه قويه بسبب موت والدتها منذ اربع سنين مضت ياترئ هل تتحسن ؟؟ام هل يوجد منقذ لهذيه الفتاه الريفيه المريضه؟؟...

نهايه البارت.. بقلم«سمو العراق»

ملاحضه...البارت الاول فقط تعريف بالشخصيات لذالك لاتوجد احداث قوويه...❤❤

مقتطفات..من بارتات الروايه...

ضربه بسكين حاده واسال دمها...

زوجت جلال ببكاء/..ماتت بنت ناديه ماتت.

بلال بوجع والم/..لا يافاطمه لا ذبحتيني من الوريد للوريد...

وهج بووجع وصراخ وهي تمسك بطنها/...اااااااه.

امير بااستسلام/...راح اعترف بكل شئ بس مرتي مالها ذنب خلوها تروح للمستشفئ...

سهاد بخبث وكذب/..يحبله وحده من اهل بغداد..

سلام بخبث وهو يتقرب منها/...هنياله لنفخج..

رشت النفط على جسمها تحت انضار زوجها...

بلال حضنها من خصرها وهو يحجزها على الشجرة.

فاطمه ببكاء حاد...بويه خلي يطلقني مااريده..

وهج وهي بحضن امير وبكاء/..اني يتيمه من رحم الألم...

صباء بقهر..بعتني لخاطر هذي...

هذي اهم احداث الروايه..دمتم في امان الله سالمين

[فيتامين سي]

البارت 2...«يتيمات من رحم الألم»...سمو العراق🌹

أتيت ..وأنا لا أعلم ما هذه الدنيا؟....هل هي مؤلمة؟ هل بها ما يكفي من الجروح؟
آه ... آه... وكل الآهات لن تعبر عن ألمٍ قد سكن في داخلي.. ولن تخفف... فما العمل؟ إلى أين سأذهب وأنا أرى العالم صغيرٌ على وسعه.. وأنا أرى الأماكن كلها مغلقة في وجهي رغم طرقها الكثيرة.... كيف سأخرج من دوامتي التي أعيش فيها..

كانت كاعده بالحوش وملامحها هادئه..وهي تشوف بنات عمها جلال امهن تقري بيهن وتعبانه عليهن متلهفه الهن تريدن يصيرن فدشئ...ابتسمت بهدووء كلمت نفسها بحيرة وهي تخلي احتمالات امام واقعها

وهج بتفكير/.. يمكن ناديه ما انطتني بس همه اخذوني منها غصب..لان ماكوو ام تترك ضناها..زين اذا هي ماانطتني ليش ولا مرة بحياتها وخلال 19سنه ولا سائلت عليه ولا مرة جابتلي شئ مع لعلم رجعت علاقتهم ويه بيت عمهم...اووف يمكن ماتحبني...اي اكيد ماتحبني عندها غيري اربع بنات ويجنن كلها تسولف بجمالهن...تنهدت بحزن..اووف واذا محبتني اصلا هي ناديه وراح تضل ناديه ومستحيل تصير امي....

انطرق لباب..قامت بهدوء وفتحته ابتسمت بمرح بشوفتهم...اخوانها من ابوها وابوها وزوجت ابوها. سلمت عليهم وهو تشيل اخوها الصغير لبالغ اربعه سنين

خلود زوجه ابوها/..شلونج وهج؟؟ وهج ببتسامه حلوة/..الحمدلله ماما زينه.. خلود بمحبه/..انشاءالله دووم. وهج /..يدوم ايامج انتي شلونج؟؟ خلود/..والله الحمدلله عايشين وهج /..الحمدلله..

وهج حضنت ابوها وهو باسها سئلها عن احوالها وهي طمنته بحزن..تتمنئ تعيش عند ابوها بس بيبيتها متكدر على فراكها..وهم هي متحب تكون حمل علئ زوجه ابوهاا..

ملاحضه«زوجت ابو وهج مواقفها دائما ايجابيه ويه وهج ماعدها اي ضديه وياها..وهي تسميها ماما.. وتسمي بيبيتها..يمه..وتسمئ امها الحقيقيه..ناديه.. يالله شكد غريبه حالته..وشكد صايرة خربطه بعدم فهم امها..يعني امها الحقيقيه ماتحمل اسم..ام »
""""""""""""""""""""""""""""""""""""""""""
عند عائله ابو محمد...
لكل كان كاعد ويسولفون بامور عاديه وبنص كلامهم انذكر اسم اموري رفع راسه بطريقه تلقائيه والموضوع حيرة...معقوله صار ب هل سرعه؟؟؟؟؟ لبارحه اعلن عن موافقته وليوم قررت امه تشوف لبنيه...

ايوته بااستعجال/..اروح وياج؟؟

ام محمد /..لا ماترحين هسه احنه شفنه حتى ترحين وياي...

بلال بمزح/..هههه لايمه لاتاخذينها والله ماينطوج مرة على هلجهرة جنها زرافه شطولها... جبار

توته وهي تمد لسانها/..اءءء مضحك...

بلال بضحكه/...منو كلج اضحكي جبار

توته بعصبيه/...يممه صيحي بي؟؟

ام محمد بعصبيه/..اسكتوو اني وين وانتو وين.. هاا امير اروح اشوفها...؟؟

امير وهو يمسح وجهه بتوتر/..روحي...

ام محمد بحنيه/..امير مو تضحك عليه مثل ذيج المرة ومن صارت صدك مارحت شفت لبنيه...

امير بشرود/..لا اروح بس اذا ماقتنعت ترة مااوافق ولحد يجبرني...

ام امير/...لا محد يجبرك...

ترك امه وطلع...اما ام محمد اخذت جنتها ولبست بسرعه وراحت لبيت اختها لو صفتلهم العروس الجديده بعد ماشافتها اجت هي ومرت عمها للحفافه مرت عمها حفت وخالت امير انعجبت بالبنيه وأدبها قررت تخطبها لأبن اختها وراحت على بيتهم بعد ماوصفته الها زوجت عمها تمت موافقه النسوان وانطوهم اشارة للنسوان يشوفنها وبعدين يصير كلام زلم..وبهذي الموافقه المبدئيه قررت ام محمد تشوف العروس..هل راح تعجبها؟؟؟..

************************************عند وهج لمحتارة بروحها...

سمعت انطرق الباب ارتبكت بقووة وهي تدخل للغرفه اما ام جاسم فتحت الباب وهي ترحب بالضيوف..

ام جاسم/..اهلا وسهلا تفضلوا تفضلوا..
ام محمد بشكر/..تسلمين زاد فضلج..
ام جاسم بفرح/..الله يسلمج..

ضلن يسولفن واجت مرت جلال قدمت الهن العصير والمي..بعد فترة طلبت ام محمد من ام جاسم ان تشوف وهج...وام جاسم ابتسمت الهاا وراحت تنادي علئ وهج..
ام جاسم بحنيه/..يالله يمه لبنات منتضراتج.؟؟ وهج باارتباك/..هاااا والله استحي...
ام جاسم/..ههههه هنه بس النسوان...
وهج بتنهيده وقله حيله/..يالله بس ضلي وياي
ام جاسم بمحبه/..اي اكيد اضل وياج...

طلعت باارتباك وام جاسم حاضنتها من كتفها دخلت عليهم وسلمت كعدت بصف زوجت محمد ضلن يسولفن بمواضيع عامه وبعدين بدت لحضات الجد.

ام محمد وهي توجه كلامها لوهج/..شسمج؟؟ وهج بخجل وصوت ناصي/.. اسمي وهج... ام محمد ببتسامه/..عاشت الاسامي.. وهج بخجل/..شكرا.. ام محمد/..شمخلصه دراسه...؟؟ وهج بهدوء/..اول متوسط وتركت.. ام محمد بتساؤل/..ليش؟؟؟ ام جاسم جاوبت/..لان كبرت وصارت مرة واحنه لبنيه بس تقرة وتكتب انبطلها ماتهمنه الشهاده... ام محمد بتنهيده/..والله الشهاده مهمه بهذا الوكت وخاصه للبنيه ماتعرفين الوكت شضام الها واحنه وكتنه مو زين بس اذا عدها. شهاده وراتب تكدر تعين نفسها وماتحتاج لاحد... ام جاسم/..بعد ابوها وعمها هم مارضوا.. ام محمد/..الله كريم.. ام جاسم/..وابنكم شنو يشتغل؟؟ ام محمد/..والله هو يشتغل ويه ابو عنده مكتب مال دلاليه..وعنده سيارة ومامحتاج شئ هو
ام جاسم بتفهم/..اهم شئ الاخلاق واذا الشغل الشغل مابي عيب وأهم شئ اخلاقه وكون يريحها
ام محمد /..اي والله ...بقلبها فلك تسأل علئ الاخلاق وهو حتئ يشرب..اكملت كلامها...هاا هسه شكلتوا اني عجبتني البنيه...
ام جاسم ببتسامه/..يجي عمها وابوها ونسأل عليكم وندز الكم خبر والله يقدم لبي خير.. ام محمد/..امييين...

بعد فترة استئذنن من أم جاسم وهنه يطلعن انطنهن رقم التليفون وصفن بيتهم لام جاسم حتئ يسئلون على امير ويجي يشوف وهج...
"""""""""""""""""""""""""""""""""""""""""""
عند فاطمه...

اجت اختها من عيالها..دخلت للحمام ترست الجدر مي خلت بي بعض الاوراق وقارورة صغيرة متروسه مي حطت نصها داخل كميه كبيرة من المي داخل الجدر..وتراب من لانطاهم الها الشيخ...

راحت للغرفه المتواجده بيها فاطمه شافتها جالسه على الارض وهي تأكل بااضافرها حركتها المعتاده من يوم صارت الحادثه والشحوب طاغي عليها بشرتها اصبحت صبخاء من كثر العلاجات .الادويه...تنهدت اختها بحزن وتقربت منها وهي تقومها من مكانها...

دخلتها للحمام رفعت ثوبها نزعته الها ورفعت الاتك رادت تنزعه الها لكن فاطمه ضمت اديها لصدرها ومقبلت تنزع الاتك..حاولت وياها لكن بدون جدوئ حاولت حاولت عاندت فاطمه ومانزعت اتكها تنهدت اختها بحيرة كعدتها بالطشت وهي تصب المي عليها ومتخلي لمي ينزل للارض ويروح للمجرة ضلت تصب المي عده مرات وهي تسمي عليها..انوب سودنوا لبنيه بزايد من ورة الكشافين والعلاجات...

....كانت تنضف وهي تركع جدر بجدر وتتحلطم وتصيح على الجهال وحالتها حاله..

حازم بانزعاج/.خايبه. شجاج يامرة سطرتينه سطر
سهاد بعصبيه/..مليت من شغل لبيت واختك هاي ام الجنيه موتتني
حازم بقله حيله/..جاا شتردين اسوي؟؟؟ سهاد بخبث/..ذبوها بمستشفئ المخابيل.. حازم بغضب/..ديري بالج تعدين هذا الحجي ياسهاد ماتلومين اله نفسج هاي اختي صغيرة ويتيمه هاي من ريحه امي والله اذا عدتي مثل هل حجي ارمي عليج الطلاك..
سهاد بهبطه/..لا ياحازم طلكني ؟؟هانت عليك العشرة انه لعشت وياك على الحلوة والمرة وطلكني لخاطر وحده مضيعه ماتعرف الاحد من الاثنين..
حازم بتنهيده/..هاي المضيعه تصير اختي وماارضئ عليها وبعدين هي يتيمه وربج كال«فأما اليتيم فلا تقهر»..الج حسنه عندج ربج من دراينها...
سهاد بقهر/..مااريد الحسنه لتجيني من ورة اختك انه وين وانته وين اختك يردلها عشر نسوان يخدمنها وانه اخاف على الجهال منها تعرف لجني عشاك خاف يعشك الفروخ...
حازم بغضب/..خايبه انجبي لو بيها جني جاا عشكج من زمان..ولا انتي حتئ لجني مايعشكج.. سهاد بزعل/..ضلوا ضلوا منا لمن تسودن الفروخ كلها وبعدين يطيح الفأس براس ولا من اختك ولا من فروخنا...
حازم بضيق/..انعل ابووج لابو حتئ فروخج..وخري من وجهي لا ابتلي بيج..واختي تخدمينها ورجلج فوك راسج..

راحت وهي تسب وتدردم وماخلت كلمه ماتلفضت بيها على فاطمه وبعدها فكرة دخلها مستشفى المجانين راكزة براسها..بس من سابع المستحيلات تكدر تقنعهم لان اهل الجنوب دمهم حار وفاطمه عرضهم وشرفهم ومستحيل يخلونها تبات بغير مكان وغير بيت ابوها تطلع جنازة ولا تنام بمستشفئ المجانين...ابتسمت سهاد بخبث وهي ترسم خطه ثانيه راح تستعمل السياسه والادله عسئ ولعل تكدر تتخلص من فاطمه ولاتضل نايمه على كلبها شهور وسنين...

لغة السياسة تم تصميمها لتجعل الكذب يبدو صادقاً والقتل محترماً:...

شافت...فاطمه طلعتها اختها من الحمام وهي تلف المنشفه على شعرها وتدفيها...
سهاد بحنيه مصطنعه/.. هااا نضال سبحتي فاطمه؟؟
نضال/..اي سبحتها شلعت كلبي مارضت تنزع ملابسها وسبحتها بملابسها..
سهاد/..يااا مايصير جااا لابيها ولا بسبحتها
نضال بتنهيده/..جااا شسوي مارضت. سهاد بحقد/..هي عنوديه الله يساعدني عليها. نضال بتأييد/..اي والله

كعدتها نضال وهي تفرك بشعرها المجعد مشطته الها بصعوبه وضفرته سألتها

نضال بحنيه/..شلونج فطومه؟؟ فاطمه بجمود/..زينه... نضال بمحبه/..عفت عيالي وجهالي واجيت حتئ اشوفج..نروح انه وياج للبستان نشم شويه هوة؟؟ فاطمه بنفي/..لا..
نضال بحيرة/..ليش؟؟؟
فاطمه بعبرة/..مااريد اطلع اختنك من اطلع واشوف لناس تتهامس يكولون ام الجنيه.. نضال بعصبيه/..شحده ليصيح عليج ام الجنيه انتي مابيج شئ انتي حالتج النفسيه تعبانه.. فاطمه وهي تزم شفايفها/..لا انه بيه جنيه انه من ماتت امي الله..ماكملت كلمتها لان تحس اذا كملتها يعني فعلا امها ماتت وراحت لرحمه ربها..... انه بيه جنيه تجيني افكار وهلوسه وافقد وانصرع هذا شسمينه..؟؟
نضال بمحبه/..مااعرف شنهي حالتج ياخيتي الله يشافيج ويرجعج مثل قبل
فاطمه بنفي/..ماارجع اله امي ترجع..
نضال بتنهيده/..لراح مايرجع باجر تزوجين وتعيشين حياتج وتنسين والله؟؟ فاطمه بحقد/..ومنو يقبل يتزوج وحده مسودنه ومتلبسها جن؟؟ نضال بحسرة/..السلف كلها تحجي بسالفتج انه اريدج تقوين روحج وتصير زينه وتثبتين الهم انج
مو مسودنه ولا بيج جن
فاطمه بعناد/..مسودنه وبيه جن ومااصير زينه اله اشرب الحبايه..انه تلبسني جن وانه بالنجف بيوم اربعينيه امي.. نضال بحيرة/..ترة انتي تكدرين تساعدين نفسج بس انتي عاجبتج حالتج..بس والله انتي انانيه ماتفكرين بهلي ماترحمين شيبات ابوي..؟؟

ماردت عليها وضعت راسها على وسادتها وهي تتخيل طيف الغاليه..رفعت ايدها وهي تحاول تمسكها ابتسمت الها لكن سرعان مااختفئ الطيف..انعقدت النونه بحنكها ورجفن شفايفها ولمعت الدمعه بعينها بكت بصوت خافت ودموع هاربه من بوابات العناء وهي تلامس وجهها الصغير الشاحب..تبكي وهي مستيقضه تبكي وهي نايمه تبكي منذ ان انتمت الئ عالمها الخاص الحزين..
لا يزال رحيلك فاجعة اسكنت الالم داخلي ولازالت دموعي تنهمر في كل يوم يأتي بدونك وفي كل ساعة احتاجك واصرخ بالنداء ولا اجدك.#امي..
************************************
في احد المناطق المتوسطه كانوا متواجدين جاسم وجلال اجوو حتئ يسئلون على امير..التقوا برجل كبير بالسن سئلوا عن بيت ابو محمد وهو وصف الهم لبيت انتبهو للبيت كان قاطين وبنيان جديد ومبين مرتب..لذالك رجعوا سئلوا نفس الرجال.. جلال بهدوء/..شلونهم ذوله لناس اخلاقهم ادابهم نريد تحجيلنه اي شئ عنهم.. الرجال بتساؤل/..ليش؟؟
جاسم/..لان اجوو خطبوا منه مرة ونريد نسأل عليهم وترة هاي بيها ذمه كون تحجيلنه لصدك اذا زينين ننطيهم واذا لا فهمه لابيت عمنه ولا يكدرون ينهون عليهاا...
الرجال/..والله همه خوش ناس وابوهم معروف وماعدهم طبه وطلعه..بس اني ولدهم مااعرفهم..
جلال/..يعني ماتعرف امير ابنهم؟؟
الرجال/..لا والله مااعرفه..
جاسم وهو يسلم علئ الرجال/..تسلم ماقصرت..
الرجال/..الله يسلمك..تدللون..

تركوا الرجال وراحو شافوا شاب واقف قريب من بيت ابو محمد كان شعره المنكووش مضيع ملامح وجه..تقربوا منه وسلموا عليه..اسالو عن بيت ابو محمد وهو مدحهم وزكاهم..رجعوا سألو عن امير.

ابو زعتر بكذب/..امييير؟؟انطي وانته مغمض والله والله لوعندي اخت اله انطيها اله بعبايتها بس للاسف ماعندي شنوو من اخلاق شنو من ادب وروح ابوك قليل امثاله..هنيالك لو تناسبه..

جاسم وهو ينضر لجلال ويبتسم اله بفرح وجلال بادله الابتسامه..

جلال وهو يسلم علئ ابو زعتر/..مشكوور ماقصرت الله يكثر من امثالك..

ابو زعتر بثقه عمياء/..لا عمي تدلل احنه برسم الخدمه والزين لعالم كوله تمدحه

جاسم بتأكيد/..اي والله كلامك صحيح.

اشكروا من ابو الزعتر وراحوا لسؤء حظ وهج مااعرفوا شلون يسئلون سئلوا رجال ميعرف ولدهم وسئلوا ابو الزعتر الصديق السيئ المقرب من امير وابو الزعتر ماقصر بس ماشدله عمامه.....

الحظ سواء كان حسنا أو سيئا دائما ما سيكون معنا، لكنه غالبا ما يميل للذكي ويدير ظهره للغبي....
"""""""""""""""""""""""""""""""""""""""""""

اما عند بلال كان ماخذ عبريه وهو يسوق بسرعه جنونيه ويخطف من قبل السيارات..حمل العبريه من النهضه لمحافضه ميسان...ومسافه طريق طوووويله ومتعبه وشاقه وصل المحافضه المطلوبه..نزلوا العبريه من السيارة اما هو كان متعب بشده نزل من السيارة وهو يغسل وجه بقارورة الماء رجع ركب بسيارة وساق للمنطقه المتواجده بيها عمته... مسافه نص ساعه وصل لبيت عمته نزل من السيارة وهو يطرق الباب...
العمه/...منهوو؟؟
بلال ببتسامه/..اني عمه افتحي الباب..
العمه وهي تعقد حواجبها المتجعده/..منهوو انته؟؟

فتحت الباب امرأه عجوز تراكمت عليها السنين بلا عدد وتعلو رأسها عمامه من القماش الاسود وجهها مليئ بالخطوط والتجاعيد والنمش كان جلدها متهدل على عينها فلم تبرز رؤيه عينها.ولم يستطع رؤيه عيناها بوضوح...التقت عيونها الذابله بعيونه الحاده وكانت توجد ابتسامه على محياه حدقت بوجه بتركييز...«سمو العراق»❤

العمه بتركيز/..انته ياهوو؟؟ بلال بمرح/..اني بلال ابن اخووج حسن. العمه بفرح عارم وهي تفتح اديها وتستدعيه لاحضانها/...ييييمه ابن الغالي ابن حسن يممه هله بريحه اخووي هله بريحه امي وابووي. بلال وهو يحضن عمته يبوس ايدها/..هله بيج عمه شلوونج والله ابوي ودالج سلام العمه وهي تبوسه بحنيه/..هلا وكل الهلا تعال عمه ادخل ادخل ارتاح

دخل للبيت وضل كاعد عند عمته وهو يطمن عنها ويطمنها عن احوالهم وبعد فترة دخل سبح وغير ملابسه وهمه ضيفوا عادت اهل العمارة الكرم والضيافه ماقصروا وياه وبعد ماتغده فرشوله فراش وراح بسبات عميق ونوم هادي يريح جسمه بي..

************************************
عند امير بعد ماشاف وهج ركب سيارته وهو ينطلق للمنطقه المتواجد بيها ابو الزعتر..اقترب من المنطقه شاف ابو الزعتر يطوطح وهو سكران ..امير فتح شباك السيارة وهو ينادي لابو زعتر...
امير بصيااح/..ابو زعترررر. ابو زعتر وهو بالقوة لازم نفسه/..امووري ..وروح ابوك مشتاقلك...
امير ببتسامه/..اصعد وعوف روح ابووي..
ابو زعتر وهو يركب السيارة ودايخ/..غالي امو..ري. امير بهدوء/..شارب ؟؟
ابو زعتر بدوخه/..مبين عليه؟؟
امير بضحكه/..هههه لا. ابو الزعتر بخربطه/..لحمد..الله.. شبيك اموري
امير بتنهيده/..رحت شفت العروس..
ابو زعتر بتفاجئ/..ومااخذتني زعلان اموري زعلان. امير بضحكه/..يطبك مرض وزعلتهم.. ابو زعتر/..حلووة؟؟؟ امير وهو يسرح بشكلها/..مااتذكرها تصدك ماشفتها. ابو زعتر بثقه سكران/..اموري انته علئ ابواب زواج لازم تاخذ نصيحه من اخوك ابو الزعتر... امير ببتسامه/..وشنو النصيحه... ؟؟؟ ابو الزعتر عيونه مطايرة/..اولا..بيوم العرس أدبها اقطع راس لقط من اول ليله راشدي علئ بوكس على كفخه منا لمن تحس بيها بعد ماترفضلك طلب وبعدين افتح الشباك وشمرها منه... امير بضحكه عاليه/..هههههههههههه كمل كمل.. ابو زعتر بثقه/..اذا زعلت وتريد تراضيها ..عندك خيارات اذا جانت ماديه طكه 25الف وهي ترضه واذا جانت رومانسيه جيبلها ورده من حديقه الامه اما اذا جانت ام بطن وجوعيه جيبلها عشا من مطعم ليموونه ...هااا إنشاء الله استفاديت..؟؟ امير /..هههههه مشكور صديقي...فتح الباب ونزله من السيارة....وكمل ..والله نصائح نصائح من واحد سكران بس بيها نتيجه خذ الحكمه من افواه المجانين هههههههه.

ركب سيارته بعد ماترك ابو الزعتر متضايق مهموم حياته مامستقرة ومو مال زواج لخاطر اهله وافق بس محتار خاف يعذب البنيه وهو يعرف بتصرفاته تنهد بحيرة وهو يمسح وجه الماضي بعده محيط بي وسبب دماره..تذكر شكلها من دخلت عليهم صحيح مشافها بس هيئتها تدل على ان هي حلوة ومايعيبها شئ..اعلن موافقته عليها وضلت موافقتها؟؟

************************************
ابتسمت .....فقيل ....ياليتنا مثلها سعداء ...

ابتسمت ....واخفيت ما بداخلي من شقاء ...

ابتسمت ....والقلب يخفي ما بي.. من عناء .....

ابتسمت ...والعين جفت من كثرة البـــــــــكاء....

ابتسمت ....واملي كبير برب السمــــــــــــــــاء....

ابتسمت .....وهل لي غير الابتسامة من دواء ...

سألتها ام جاسم عن موافقتها علئ امير ماردت غير باابتسامه جانبيه تأكد على قبولها..

زوجت جلال/..هههههه مبينه موافقه فرحانه. بنت جلال/..هنيالها فرحانه راح تزوج وين الله وزوج وراها وخلص من اهلي
ام جاسم وهي تضرب بنت جلال/..يااا دهر لصالج حاطه عينج علئ وهج وحاسدتها عين الحاسود بيه عود
بنت جلال/..ههههههه مو حسد حبوبه بس والله لان اشوفها فرحانه اريد اصير مثلها...

تركتهم وراحت توجهت لغرفه ام جاسم ونامت على سرير ام جاسم ذات النفر الواحد الحديد ابتسمت بأمل مدفون عسئ ولعل تفرح بزواجها من امير... اتذكرت نضراته رغم قلتهن لكن اثرن بيها احتمال لان امير اول شخص ينضرلها بهذي النضرات....

وهج بتفكير/..اميييير !!!حلوو اسمه...يارب يطلع حلو بكلشي ..تنهدت بحيرة وهي تفكر باانسان اقتحم حياتها باليله وضحاها..عسئ ان يكون ملجأ امان الها

نهايه البارت.. بقلمي«سموو العراق»🌹

هلوو حبيباتي لبارحه الاغلبيه داخو بالقصه...حبيباتي مو اني فهمتكم البارت الاول فقط تعريف بالشخصيات..وبعدها حيكون ترابط بين الابطال...

متابعه ممتعه دمتم في حفظ الرحمن سالمين...البارت 2...«يتيمات من رحم الألم»...سمو العراق🌹

أتيت ..وأنا لا أعلم ما هذه الدنيا؟....هل هي مؤلمة؟ هل بها ما يكفي من الجروح؟
آه ... آه... وكل الآهات لن تعبر عن ألمٍ قد سكن في داخلي.. ولن تخفف... فما العمل؟ إلى أين سأذهب وأنا أرى العالم صغيرٌ على وسعه.. وأنا أرى الأماكن كلها مغلقة في وجهي رغم طرقها الكثيرة.... كيف سأخرج من دوامتي التي أعيش فيها..

كانت كاعده بالحوش وملامحها هادئه..وهي تشوف بنات عمها جلال امهن تقري بيهن وتعبانه عليهن متلهفه الهن تريدن يصيرن فدشئ...ابتسمت بهدووء كلمت نفسها بحيرة وهي تخلي احتمالات امام واقعها

وهج بتفكير/.. يمكن ناديه ما انطتني بس همه اخذوني منها غصب..لان ماكوو ام تترك ضناها..زين اذا هي ماانطتني ليش ولا مرة بحياتها وخلال 19سنه ولا سائلت عليه ولا مرة جابتلي شئ مع لعلم رجعت علاقتهم ويه بيت عمهم...اووف يمكن ماتحبني...اي اكيد ماتحبني عندها غيري اربع بنات ويجنن كلها تسولف بجمالهن...تنهدت بحزن..اووف واذا محبتني اصلا هي ناديه وراح تضل ناديه ومستحيل تصير امي....

انطرق لباب..قامت بهدوء وفتحته ابتسمت بمرح بشوفتهم...اخوانها من ابوها وابوها وزوجت ابوها. سلمت عليهم وهو تشيل اخوها الصغير لبالغ اربعه سنين

خلود زوجه ابوها/..شلونج وهج؟؟ وهج ببتسامه حلوة/..الحمدلله ماما زينه.. خلود بمحبه/..انشاءالله دووم. وهج /..يدوم ايامج انتي شلونج؟؟ خلود/..والله الحمدلله عايشين وهج /..الحمدلله..

وهج حضنت ابوها وهو باسها سئلها عن احوالها وهي طمنته بحزن..تتمنئ تعيش عند ابوها بس بيبيتها متكدر على فراكها..وهم هي متحب تكون حمل علئ زوجه ابوهاا..

ملاحضه«زوجت ابو وهج مواقفها دائما ايجابيه ويه وهج ماعدها اي ضديه وياها..وهي تسميها ماما.. وتسمي بيبيتها..يمه..وتسمئ امها الحقيقيه..ناديه.. يالله شكد غريبه حالته..وشكد صايرة خربطه بعدم فهم امها..يعني امها الحقيقيه ماتحمل اسم..ام »
""""""""""""""""""""""""""""""""""""""""""
عند عائله ابو محمد...
لكل كان كاعد ويسولفون بامور عاديه وبنص كلامهم انذكر اسم اموري رفع راسه بطريقه تلقائيه والموضوع حيرة...معقوله صار ب هل سرعه؟؟؟؟؟ لبارحه اعلن عن موافقته وليوم قررت امه تشوف لبنيه...

ايوته بااستعجال/..اروح وياج؟؟

ام محمد /..لا ماترحين هسه احنه شفنه حتى ترحين وياي...

بلال بمزح/..هههه لايمه لاتاخذينها والله ماينطوج مرة على هلجهرة جنها زرافه شطولها... جبار

توته وهي تمد لسانها/..اءءء مضحك...

بلال بضحكه/...منو كلج اضحكي جبار

توته بعصبيه/...يممه صيحي بي؟؟

ام محمد بعصبيه/..اسكتوو اني وين وانتو وين.. هاا امير اروح اشوفها...؟؟

امير وهو يمسح وجهه بتوتر/..روحي...

ام محمد بحنيه/..امير مو تضحك عليه مثل ذيج المرة ومن صارت صدك مارحت شفت لبنيه...

امير بشرود/..لا اروح بس اذا ماقتنعت ترة مااوافق ولحد يجبرني...

ام امير/...لا محد يجبرك...

ترك امه وطلع...اما ام محمد اخذت جنتها ولبست بسرعه وراحت لبيت اختها لو صفتلهم العروس الجديده بعد ماشافتها اجت هي ومرت عمها للحفافه مرت عمها حفت وخالت امير انعجبت بالبنيه وأدبها قررت تخطبها لأبن اختها وراحت على بيتهم بعد ماوصفته الها زوجت عمها تمت موافقه النسوان وانطوهم اشارة للنسوان يشوفنها وبعدين يصير كلام زلم..وبهذي الموافقه المبدئيه قررت ام محمد تشوف العروس..هل راح تعجبها؟؟؟..

************************************عند وهج لمحتارة بروحها...

سمعت انطرق الباب ارتبكت بقووة وهي تدخل للغرفه اما ام جاسم فتحت الباب وهي ترحب بالضيوف..

ام جاسم/..اهلا وسهلا تفضلوا تفضلوا..
ام محمد بشكر/..تسلمين زاد فضلج..
ام جاسم بفرح/..الله يسلمج..

ضلن يسولفن واجت مرت جلال قدمت الهن العصير والمي..بعد فترة طلبت ام محمد من ام جاسم ان تشوف وهج...وام جاسم ابتسمت الهاا وراحت تنادي علئ وهج..
ام جاسم بحنيه/..يالله يمه لبنات منتضراتج.؟؟ وهج باارتباك/..هاااا والله استحي...
ام جاسم/..ههههه هنه بس النسوان...
وهج بتنهيده وقله حيله/..يالله بس ضلي وياي
ام جاسم بمحبه/..اي اكيد اضل وياج...

طلعت باارتباك وام جاسم حاضنتها من كتفها دخلت عليهم وسلمت كعدت بصف زوجت محمد ضلن يسولفن بمواضيع عامه وبعدين بدت لحضات الجد.

ام محمد وهي توجه كلامها لوهج/..شسمج؟؟ وهج بخجل وصوت ناصي/.. اسمي وهج... ام محمد ببتسامه/..عاشت الاسامي.. وهج بخجل/..شكرا.. ام محمد/..شمخلصه دراسه...؟؟ وهج بهدوء/..اول متوسط وتركت.. ام محمد بتساؤل/..ليش؟؟؟ ام جاسم جاوبت/..لان كبرت وصارت مرة واحنه لبنيه بس تقرة وتكتب انبطلها ماتهمنه الشهاده... ام محمد بتنهيده/..والله الشهاده مهمه بهذا الوكت وخاصه للبنيه ماتعرفين الوكت شضام الها واحنه وكتنه مو زين بس اذا عدها. شهاده وراتب تكدر تعين نفسها وماتحتاج لاحد... ام جاسم/..بعد ابوها وعمها هم مارضوا.. ام محمد/..الله كريم.. ام جاسم/..وابنكم شنو يشتغل؟؟ ام محمد/..والله هو يشتغل ويه ابو عنده مكتب مال دلاليه..وعنده سيارة ومامحتاج شئ هو
ام جاسم بتفهم/..اهم شئ الاخلاق واذا الشغل الشغل مابي عيب وأهم شئ اخلاقه وكون يريحها
ام محمد /..اي والله ...بقلبها فلك تسأل علئ الاخلاق وهو حتئ يشرب..اكملت كلامها...هاا هسه شكلتوا اني عجبتني البنيه...
ام جاسم ببتسامه/..يجي عمها وابوها ونسأل عليكم وندز الكم خبر والله يقدم لبي خير.. ام محمد/..امييين...

بعد فترة استئذنن من أم جاسم وهنه يطلعن انطنهن رقم التليفون وصفن بيتهم لام جاسم حتئ يسئلون على امير ويجي يشوف وهج...
"""""""""""""""""""""""""""""""""""""""""""
عند فاطمه...

اجت اختها من عيالها..دخلت للحمام ترست الجدر مي خلت بي بعض الاوراق وقارورة صغيرة متروسه مي حطت نصها داخل كميه كبيرة من المي داخل الجدر..وتراب من لانطاهم الها الشيخ...

راحت للغرفه المتواجده بيها فاطمه شافتها جالسه على الارض وهي تأكل بااضافرها حركتها المعتاده من يوم صارت الحادثه والشحوب طاغي عليها بشرتها اصبحت صبخاء من كثر العلاجات .الادويه...تنهدت اختها بحزن وتقربت منها وهي تقومها من مكانها...

دخلتها للحمام رفعت ثوبها نزعته الها ورفعت الاتك رادت تنزعه الها لكن فاطمه ضمت اديها لصدرها ومقبلت تنزع الاتك..حاولت وياها لكن بدون جدوئ حاولت حاولت عاندت فاطمه ومانزعت اتكها تنهدت اختها بحيرة كعدتها بالطشت وهي تصب المي عليها ومتخلي لمي ينزل للارض ويروح للمجرة ضلت تصب المي عده مرات وهي تسمي عليها..انوب سودنوا لبنيه بزايد من ورة الكشافين والعلاجات...

....كانت تنضف وهي تركع جدر بجدر وتتحلطم وتصيح على الجهال وحالتها حاله..

حازم بانزعاج/.خايبه. شجاج يامرة سطرتينه سطر
سهاد بعصبيه/..مليت من شغل لبيت واختك هاي ام الجنيه موتتني
حازم بقله حيله/..جاا شتردين اسوي؟؟؟ سهاد بخبث/..ذبوها بمستشفئ المخابيل.. حازم بغضب/..ديري بالج تعدين هذا الحجي ياسهاد ماتلومين اله نفسج هاي اختي صغيرة ويتيمه هاي من ريحه امي والله اذا عدتي مثل هل حجي ارمي عليج الطلاك..
سهاد بهبطه/..لا ياحازم طلكني ؟؟هانت عليك العشرة انه لعشت وياك على الحلوة والمرة وطلكني لخاطر وحده مضيعه ماتعرف الاحد من الاثنين..
حازم بتنهيده/..هاي المضيعه تصير اختي وماارضئ عليها وبعدين هي يتيمه وربج كال«فأما اليتيم فلا تقهر»..الج حسنه عندج ربج من دراينها...
سهاد بقهر/..مااريد الحسنه لتجيني من ورة اختك انه وين وانته وين اختك يردلها عشر نسوان يخدمنها وانه اخاف على الجهال منها تعرف لجني عشاك خاف يعشك الفروخ...
حازم بغضب/..خايبه انجبي لو بيها جني جاا عشكج من زمان..ولا انتي حتئ لجني مايعشكج.. سهاد بزعل/..ضلوا ضلوا منا لمن تسودن الفروخ كلها وبعدين يطيح الفأس براس ولا من اختك ولا من فروخنا...
حازم بضيق/..انعل ابووج لابو حتئ فروخج..وخري من وجهي لا ابتلي بيج..واختي تخدمينها ورجلج فوك راسج..

راحت وهي تسب وتدردم وماخلت كلمه ماتلفضت بيها على فاطمه وبعدها فكرة دخلها مستشفى المجانين راكزة براسها..بس من سابع المستحيلات تكدر تقنعهم لان اهل الجنوب دمهم حار وفاطمه عرضهم وشرفهم ومستحيل يخلونها تبات بغير مكان وغير بيت ابوها تطلع جنازة ولا تنام بمستشفئ المجانين...ابتسمت سهاد بخبث وهي ترسم خطه ثانيه راح تستعمل السياسه والادله عسئ ولعل تكدر تتخلص من فاطمه ولاتضل نايمه على كلبها شهور وسنين...

لغة السياسة تم تصميمها لتجعل الكذب يبدو صادقاً والقتل محترماً:...

شافت...فاطمه طلعتها اختها من الحمام وهي تلف المنشفه على شعرها وتدفيها...
سهاد بحنيه مصطنعه/.. هااا نضال سبحتي فاطمه؟؟
نضال/..اي سبحتها شلعت كلبي مارضت تنزع ملابسها وسبحتها بملابسها..
سهاد/..يااا مايصير جااا لابيها ولا بسبحتها
نضال بتنهيده/..جااا شسوي مارضت. سهاد بحقد/..هي عنوديه الله يساعدني عليها. نضال بتأييد/..اي والله

كعدتها نضال وهي تفرك بشعرها المجعد مشطته الها بصعوبه وضفرته سألتها

نضال بحنيه/..شلونج فطومه؟؟ فاطمه بجمود/..زينه... نضال بمحبه/..عفت عيالي وجهالي واجيت حتئ اشوفج..نروح انه وياج للبستان نشم شويه هوة؟؟ فاطمه بنفي/..لا..
نضال بحيرة/..ليش؟؟؟
فاطمه بعبرة/..مااريد اطلع اختنك من اطلع واشوف لناس تتهامس يكولون ام الجنيه.. نضال بعصبيه/..شحده ليصيح عليج ام الجنيه انتي مابيج شئ انتي حالتج النفسيه تعبانه.. فاطمه وهي تزم شفايفها/..لا انه بيه جنيه انه من ماتت امي الله..ماكملت كلمتها لان تحس اذا كملتها يعني فعلا امها ماتت وراحت لرحمه ربها..... انه بيه جنيه تجيني افكار وهلوسه وافقد وانصرع هذا شسمينه..؟؟
نضال بمحبه/..مااعرف شنهي حالتج ياخيتي الله يشافيج ويرجعج مثل قبل
فاطمه بنفي/..ماارجع اله امي ترجع..
نضال بتنهيده/..لراح مايرجع باجر تزوجين وتعيشين حياتج وتنسين والله؟؟ فاطمه بحقد/..ومنو يقبل يتزوج وحده مسودنه ومتلبسها جن؟؟ نضال بحسرة/..السلف كلها تحجي بسالفتج انه اريدج تقوين روحج وتصير زينه وتثبتين الهم انج
مو مسودنه ولا بيج جن
فاطمه بعناد/..مسودنه وبيه جن ومااصير زينه اله اشرب الحبايه..انه تلبسني جن وانه بالنجف بيوم اربعينيه امي.. نضال بحيرة/..ترة انتي تكدرين تساعدين نفسج بس انتي عاجبتج حالتج..بس والله انتي انانيه ماتفكرين بهلي ماترحمين شيبات ابوي..؟؟

ماردت عليها وضعت راسها على وسادتها وهي تتخيل طيف الغاليه..رفعت ايدها وهي تحاول تمسكها ابتسمت الها لكن سرعان مااختفئ الطيف..انعقدت النونه بحنكها ورجفن شفايفها ولمعت الدمعه بعينها بكت بصوت خافت ودموع هاربه من بوابات العناء وهي تلامس وجهها الصغير الشاحب..تبكي وهي مستيقضه تبكي وهي نايمه تبكي منذ ان انتمت الئ عالمها الخاص الحزين..
لا يزال رحيلك فاجعة اسكنت الالم داخلي ولازالت دموعي تنهمر في كل يوم يأتي بدونك وفي كل ساعة احتاجك واصرخ بالنداء ولا اجدك.#امي..
************************************
في احد المناطق المتوسطه كانوا متواجدين جاسم وجلال اجوو حتئ يسئلون على امير..التقوا برجل كبير بالسن سئلوا عن بيت ابو محمد وهو وصف الهم لبيت انتبهو للبيت كان قاطين وبنيان جديد ومبين مرتب..لذالك رجعوا سئلوا نفس الرجال.. جلال بهدوء/..شلونهم ذوله لناس اخلاقهم ادابهم نريد تحجيلنه اي شئ عنهم.. الرجال بتساؤل/..ليش؟؟
جاسم/..لان اجوو خطبوا منه مرة ونريد نسأل عليهم وترة هاي بيها ذمه كون تحجيلنه لصدك اذا زينين ننطيهم واذا لا فهمه لابيت عمنه ولا يكدرون ينهون عليهاا...
الرجال/..والله همه خوش ناس وابوهم معروف وماعدهم طبه وطلعه..بس اني ولدهم مااعرفهم..
جلال/..يعني ماتعرف امير ابنهم؟؟
الرجال/..لا والله مااعرفه..
جاسم وهو يسلم علئ الرجال/..تسلم ماقصرت..
الرجال/..الله يسلمك..تدللون..

تركوا الرجال وراحو شافوا شاب واقف قريب من بيت ابو محمد كان شعره المنكووش مضيع ملامح وجه..تقربوا منه وسلموا عليه..اسالو عن بيت ابو محمد وهو مدحهم وزكاهم..رجعوا سألو عن امير.

ابو زعتر بكذب/..امييير؟؟انطي وانته مغمض والله والله لوعندي اخت اله انطيها اله بعبايتها بس للاسف ماعندي شنوو من اخلاق شنو من ادب وروح ابوك قليل امثاله..هنيالك لو تناسبه..

جاسم وهو ينضر لجلال ويبتسم اله بفرح وجلال بادله الابتسامه..

جلال وهو يسلم علئ ابو زعتر/..مشكوور ماقصرت الله يكثر من امثالك..

ابو زعتر بثقه عمياء/..لا عمي تدلل احنه برسم الخدمه والزين لعالم كوله تمدحه

جاسم بتأكيد/..اي والله كلامك صحيح.

اشكروا من ابو الزعتر وراحوا لسؤء حظ وهج مااعرفوا شلون يسئلون سئلوا رجال ميعرف ولدهم وسئلوا ابو الزعتر الصديق السيئ المقرب من امير وابو الزعتر ماقصر بس ماشدله عمامه.....

الحظ سواء كان حسنا أو سيئا دائما ما سيكون معنا، لكنه غالبا ما يميل للذكي ويدير ظهره للغبي....
"""""""""""""""""""""""""""""""""""""""""""

اما عند بلال كان ماخذ عبريه وهو يسوق بسرعه جنونيه ويخطف من قبل السيارات..حمل العبريه من النهضه لمحافضه ميسان...ومسافه طريق طوووويله ومتعبه وشاقه وصل المحافضه المطلوبه..نزلوا العبريه من السيارة اما هو كان متعب بشده نزل من السيارة وهو يغسل وجه بقارورة الماء رجع ركب بسيارة وساق للمنطقه المتواجده بيها عمته... مسافه نص ساعه وصل لبيت عمته نزل من السيارة وهو يطرق الباب...
العمه/...منهوو؟؟
بلال ببتسامه/..اني عمه افتحي الباب..
العمه وهي تعقد حواجبها المتجعده/..منهوو انته؟؟

فتحت الباب امرأه عجوز تراكمت عليها السنين بلا عدد وتعلو رأسها عمامه من القماش الاسود وجهها مليئ بالخطوط والتجاعيد والنمش كان جلدها متهدل على عينها فلم تبرز رؤيه عينها.ولم يستطع رؤيه عيناها بوضوح...التقت عيونها الذابله بعيونه الحاده وكانت توجد ابتسامه على محياه حدقت بوجه بتركييز...«سمو العراق»❤

العمه بتركيز/..انته ياهوو؟؟ بلال بمرح/..اني بلال ابن اخووج حسن. العمه بفرح عارم وهي تفتح اديها وتستدعيه لاحضانها/...ييييمه ابن الغالي ابن حسن يممه هله بريحه اخووي هله بريحه امي وابووي. بلال وهو يحضن عمته يبوس ايدها/..هله بيج عمه شلوونج والله ابوي ودالج سلام العمه وهي تبوسه بحنيه/..هلا وكل الهلا تعال عمه ادخل ادخل ارتاح

دخل للبيت وضل كاعد عند عمته وهو يطمن عنها ويطمنها عن احوالهم وبعد فترة دخل سبح وغير ملابسه وهمه ضيفوا عادت اهل العمارة الكرم والضيافه ماقصروا وياه وبعد ماتغده فرشوله فراش وراح بسبات عميق ونوم هادي يريح جسمه بي..

************************************
عند امير بعد ماشاف وهج ركب سيارته وهو ينطلق للمنطقه المتواجد بيها ابو الزعتر..اقترب من المنطقه شاف ابو الزعتر يطوطح وهو سكران ..امير فتح شباك السيارة وهو ينادي لابو زعتر...
امير بصيااح/..ابو زعترررر. ابو زعتر وهو بالقوة لازم نفسه/..امووري ..وروح ابوك مشتاقلك...
امير ببتسامه/..اصعد وعوف روح ابووي..
ابو زعتر وهو يركب السيارة ودايخ/..غالي امو..ري. امير بهدوء/..شارب ؟؟
ابو زعتر بدوخه/..مبين عليه؟؟
امير بضحكه/..هههه لا. ابو الزعتر بخربطه/..لحمد..الله.. شبيك اموري
امير بتنهيده/..رحت شفت العروس..
ابو زعتر بتفاجئ/..ومااخذتني زعلان اموري زعلان. امير بضحكه/..يطبك مرض وزعلتهم.. ابو زعتر/..حلووة؟؟؟ امير وهو يسرح بشكلها/..مااتذكرها تصدك ماشفتها. ابو زعتر بثقه سكران/..اموري انته علئ ابواب زواج لازم تاخذ نصيحه من اخوك ابو الزعتر... امير ببتسامه/..وشنو النصيحه... ؟؟؟ ابو الزعتر عيونه مطايرة/..اولا..بيوم العرس أدبها اقطع راس لقط من اول ليله راشدي علئ بوكس على كفخه منا لمن تحس بيها بعد ماترفضلك طلب وبعدين افتح الشباك وشمرها منه... امير بضحكه عاليه/..هههههههههههه كمل كمل.. ابو زعتر بثقه/..اذا زعلت وتريد تراضيها ..عندك خيارات اذا جانت ماديه طكه 25الف وهي ترضه واذا جانت رومانسيه جيبلها ورده من حديقه الامه اما اذا جانت ام بطن وجوعيه جيبلها عشا من مطعم ليموونه ...هااا إنشاء الله استفاديت..؟؟ امير /..هههههه مشكور صديقي...فتح الباب ونزله من السيارة....وكمل ..والله نصائح نصائح من واحد سكران بس بيها نتيجه خذ الحكمه من افواه المجانين هههههههه.

ركب سيارته بعد ماترك ابو الزعتر متضايق مهموم حياته مامستقرة ومو مال زواج لخاطر اهله وافق بس محتار خاف يعذب البنيه وهو يعرف بتصرفاته تنهد بحيرة وهو يمسح وجه الماضي بعده محيط بي وسبب دماره..تذكر شكلها من دخلت عليهم صحيح مشافها بس هيئتها تدل على ان هي حلوة ومايعيبها شئ..اعلن موافقته عليها وضلت موافقتها؟؟

************************************
ابتسمت .....فقيل ....ياليتنا مثلها سعداء ...

ابتسمت ....واخفيت ما بداخلي من شقاء ...

ابتسمت ....والقلب يخفي ما بي.. من عناء .....

ابتسمت ...والعين جفت من كثرة البـــــــــكاء....

ابتسمت ....واملي كبير برب السمــــــــــــــــاء....

ابتسمت .....وهل لي غير الابتسامة من دواء ...

سألتها ام جاسم عن موافقتها علئ امير ماردت غير باابتسامه جانبيه تأكد على قبولها..

زوجت جلال/..هههههه مبينه موافقه فرحانه. بنت جلال/..هنيالها فرحانه راح تزوج وين الله وزوج وراها وخلص من اهلي
ام جاسم وهي تضرب بنت جلال/..يااا دهر لصالج حاطه عينج علئ وهج وحاسدتها عين الحاسود بيه عود
بنت جلال/..ههههههه مو حسد حبوبه بس والله لان اشوفها فرحانه اريد اصير مثلها...

تركتهم وراحت توجهت لغرفه ام جاسم ونامت على سرير ام جاسم ذات النفر الواحد الحديد ابتسمت بأمل مدفون عسئ ولعل تفرح بزواجها من امير... اتذكرت نضراته رغم قلتهن لكن اثرن بيها احتمال لان امير اول شخص ينضرلها بهذي النضرات....

وهج بتفكير/..اميييير !!!حلوو اسمه...يارب يطلع حلو بكلشي ..تنهدت بحيرة وهي تفكر باانسان اقتحم حياتها باليله وضحاها..عسئ ان يكون ملجأ امان الها

نهايه البارت.. بقلمي«سموو العراق»🌹

هلوو حبيباتي لبارحه الاغلبيه داخو بالقصه...حبيباتي مو اني فهمتكم البارت الاول فقط تعريف بالشخصيات..وبعدها حيكون ترابط بين الابطال...

متابعه ممتعه دمتم في حفظ الرحمن سالمين...

[فيتامين سي]

البارت.3 «يتيمات من رحم الألم» بقلم«سمو العراق»

على كف القدر نمشي ولا ندري عن المكتوب
عبارة كنت أرددها صدق من صاغ معناها

مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا

تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها

من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا

متى يحـالفـنـي الحظ ويصحح وضعـي المـقـلـوب
يعـدل قسـوة الأيام وغلطة ما ارتـكـبـنـاهـا

طبعا سرعت الاحداث حتئ اتماشئ ويه الاحداث الجايه...

يوم خطبه «وهج وامير».... اجت من الصالون وشافت الضجه المتواجده بيتهم استقبلتها زوجت ابوها نزعت البرنص من راسها وهي تسمي بإسم الله كعدت علئ الكرسي وهي تبتسم للكل التمت عليها الجهال وهي تبتسم الهم بحنيه ... جانت لابسه فستان ازرق مخصر على الجسم وبدون اكمام..والمكياج وردي بسيط..وتسريحه بسيطه جدا وام جاسم اجت يمها وهي تسألها اذا جوعانه او تريد شئ ابتسمت لام جاسم بحنان وهي تبوسها وأكدت الها ان هي ممحتاجه شئ...... ورة نص ساعه تقريبا وصلوا بيت ابو محمد...سمعوا صوت السيارات وصارت ربكه بالبيت استقبلوهم النسوان بصاله ..والزلم بالاستقبال... ************************************بالاستق بال..
جاسم وجلال..استقبلوا اهل امير بترحيب حااااار. كان متواجد البعض من اقاربهم وعمامهم واولادهم شيخ عشيرة امير ارتكز صدر الاستقبال وامير جالس بصفه وابو امير على الجانب الثاني وباقي الافراد المعزومه متوزعين بالاستقبال وبطريقه مصفوفه وايضا البعض من عشيرة جاسم متواجده وحتئ واحد من خوال وهج كان متواجد طبعا علاقتهم رجعت طبيعيه لان همه عمام...

السيد/...من سنن الله سبحانه وتعالى في الكون أنْ جعل التّكاثر في الأرض سنة لإعمارها، وعبادة الله وحده من خلال سبيل واحد هو الزّواج الشّرعيّ بالكيفيّة التي أمر الله بها في جميع الشّرائع السّماويّة. شرع الإسلام الزّواج وحثّ عليه في الكتاب والسّنة قال صلى الله عليه واله وسلم: (يا معشر الشّباب من استطاع منكم الباءة؛ فليتزوّج؛ فإنّه أغض للبصر، وأحصن للفرج).

جاسم بإيمان/..ونعم بالله..بارك الله بيك سيدنا... السيد بوقار/..الله يبارك بيكم اجمعين...انه اجيتكم ليوم بطلب من اخوي وصديقي ابو محمد وليوم خلاني واجهت خير وبما انتم متفقين على سنن الزواج انه بس جاي اصدق العقد وشهد واشهر الزواج.. جلال/..بارك الله بيك سيدنا احنه متفقين على حاضرها وغايبها..وانشاءالله هي بنتهم وهذا كله الهم ابو محمد بشكر/..الله يكثر من امثالكم واحنه اجينه على طيب اصلكم و الرسول وصئ بحسن الاختيار وقال..«تنكح المرأة لأربع: لمالها ولجمالها ولحسبها ولدينها فاظفر بذات الدين تربت يداك)، كون المؤمن يتخير الناس الطيبين في دينهم وأخلاقهم وسمعتهم فهذا أمر مطلوب، ولازم المرأة أيضاً تكون من النساء الطيبات المعروفات بالديانة والفضل الكريم، هذا أمر مطلوب.
جاسم بتنهيده/..والله انتم اخذتم مني جوهرة بنتي مو لان بنتي وامدحها لكن الكل يشهد بااخلاقها وتربيتها اخت رجال وماترضئ بالعيبه..

ابو محمد/..ونعم منك ومن تربيتك وبنت الاصل كلها دك بابها وهي لبنيه مثل الحرث اذا زينه تنقطف من اسرع فلاح..

جاسم/..تسلم ابو محمد...وانته عمي ماسمعنه صوتك...امير مووو؟؟؟

امير باارتباك وهو يعدل جلسته/..اي امير ..اءءء اني بصراحه اتشرف ان اناسبكم واكون عند حسن ضنكم
اني حاضر بالمتآمرون عليه...

خال وهج/..انته شتستغل؟؟بلا زحمه..

امير بهدوء/..اني جنت موضف بالجوازات لكن تعرضت لحادث ومن كثرة الغيابات انفصلت بس مقرر ارجع واقدم اوراقي..وحاليا اشتغل سايق تكسي ومرات اكعد بمحل ابووي..

خال وهج بغرور/..هو الشغل مو عيب بس الافضل يكون عندك راتب والأعمال الحرة متفيد انته شاب ولازم تعتمد على نفسك..

امير بنفس الغرور/..اكيييد ومحد يوصيني وينبهني على شغلي واعرف اعتمد على نفسي..ومشكور علئ النصيحه........

لا خال وهج حب امير...ولا امير حب خال وهج... وثنينهم بنفس العمر ومتقاربين من حيث الهيئه...

السيد/..وشكد حاضر كريمتكم؟؟

امير..وخال وهج بصوت واحد/..خمسه بخمسه... عشرين بعشرين...

امير وهو ينضر نضرات حاقده لخال وهج/.. خمسه بخمسه...المتفقين عليه..

جاسم بتاكيد/..خمسه بخمسه.. بعد مناوشات بالكلام وضيافه من بيت ابو جاسم قرروا يقرون الفاتحه... السيد/...بسم الله الرحمن الرحيم..«أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِن كُلِّ زَوْجٍ كَرِيمٍ} صدق الله العضيم..الفاتحه بنيه التوفيق.والزواج..

الكل رفع ايده وهم يقرون الفاتحه بنيه الزواج..والكل توجه الامير وهمه يباركوله وهو يرد عليهم لكن تفاجئ بعدم المباركه من ذالك الشاب المغرور.. توجه جلال وهو يخبر النسوان بالوافقه.. ************************************
كانت جالسه باارتباك..وشعور يخالجها مزيج بين الفرح والحزن والخجل والارتباك والخوف شعور لايوصف الا لمن تعامل مع هذا الموقف

دخل طفل صغير وهو يخبرهم بالموافقه...والنسوان ماقصرن ضلن يركصن ويهوسن ويباركن الوهج اما كانت ترد بخجل طاغي علئ تلك الملامح الناعمه. بعد فترة لبسنها البرنص ودخلنها الغرفه ودخل امير وابو السيد اليعقد عقدوله وبعدها طلعوا لكن ام محمد رجعت امير ودخلت النفس الغرفه لعقدوا بيهاا. ام محمد وكفت امير بصف وهج وقربتهم من بعض ودخلن النسوان وهنه يهوسن...

خالته اطشر جكليت/..ونزعوا القوط اموري لبس قاطه....اموري التين ومحلي البساتين... والنسوان يردن وراها...

عمته وفلشتهم بجكليت/..ولاحج خير من ابن الماحجه بذله...ولاحج خير من ابن الماحجه بذله.

اردفت زوج محمد/..بوسها ولاتخاف من امهاا.

ماكانت اله اي ردت فعل غير ابتسامه بارده علئ محياه ..اما هي حزت بخاطرها..كلمه لتخاف من امها امها غير متواجده ولا خافت عليها من هي صغيرة هسه من كبرت امها تخوف وتوكف بصفه ضد اي شخص لا والف لا...

دفعته امه على وهج/..خيبه بوسها لاتخاف صير سبع يالله بوسها بوسها...

تقرب منها وهو يخلي يده على ضهرها من ورة ويخطف قبله خجوله على خدها الدافي...ارتعش كل جسمها صحيح قبله عاديه لكن اثرت بيها يمكن من زود البراءه. و الخجل...بلعت ريقها بخجل ودفعته هربانه منه ابتسم بداخله بااستهزاء...طلع من الغرفه وهو يسلم علئ الجميع....

اما هي رفعت اصابعها النحيفه وهي تلمس خدها بابتسامه هادئه اول مرة شخص يقبلها ويحرك مشاعرها المدفوونه...

ماذا فعــــــــلت بي ايـــــــــها الرجــل

فاانا لـــــــــــم اكن هكذا من قبــــــل
************************************
عند بلال لقفل موبايله وهو يضحك...

حازم بمرح/.. ضحكنه وياك ياابن عمي...
بلال بضحكه/..جنت اعاتب بااخوي امير خطب واني ماموجود بخطبته رزلته ورزلني ههههه
حازم بضحكه/..هههه ماكو عتب بين الاخوان
بلال/..لا ماكوو انشاءالله
حازم /..يالله امشينا راح يصبون الغده... بلال/..ليش كلفتوا نفسكم... ؟؟؟ حازم بزعل/..ماكوو تكلفه والله اذا عدته ترة ازعل منك شدكول علينه اهل العمارة ماضيفوني..
بلال بااستنكار/..لا والله انتم اهل الكرم والطيب الله يكثر من امثالكم..
حازم ابتسم وهو يخلي ايده على كتفه ودخلوا للبيت استقبلهم ابو حازم وهو يرحب بيهم طبعا همه ذبحوا ذبيحه رغم هو ضيف واحد لكن هاي عادتهم بالضيافه..

جلس بلال وهو يشوف الوليمه الفاخرة لكانت امام انضارة ابتسم على اصالتهم وكرمهم اجتمعوا كلهم وناس من العشيرة سموا بإسم الله وبدوا ياكلوون كانت وليمه كبيرة تضم اكثر من عشرين شخص ولاكل بما تشتهي الانفس خلصوا اكل وغسلوا ... واجه الشاي....

بعد فترة الكل راح لكن بلال ضل متواجد بيت ابو حازم وهو يصير ابو حازم ابن عمت بلال وابو محمد يصير خال ابو حازم...ضلو يسولفون عن بغداد ولعمارة واماكن زاروها...ماهي اله دقائق وسمعوا صوت صراخ قووي..بلال انفجع من الصوت وبالاخص هذا الصوت صوت انثئ...اما ابو حازم ادارك الموضوع بفشله وخيبه...وحازم كذالك...

طلع حازم يركض اما ابو حازم ضل ويه بلال المصدوم من ذالك الصراخ المدوي بعد عده دقائق صارت حاله من الهدوء والسكون...دخل حازم..

بلال بفضول/..شكوو؟؟انشاءالله خير.. حازم بفشله/...هااا لا ماكوو شئ. بلال بتساؤل/..لاهل بيهم شئ؟؟؟
ابو حازم بجمود/..عندي وحده من بناتي عقلها موهلكد..وبتنهيده..مثل منكول مجنونه.. بلال باسئ/..خطيه هي لجانت تصرخ؟؟ ابو حازم بحسرة/..من ماتت امها لهليوم وهي هاي حالتها تسودنت علئ امهاا...
بلال انقهر عليها/..بس تتعالج مدام هي مو من الولاده هاي حاله نفسيه وكبت قهري مسوي بيها هيج ينراد الها دكتور نفساني يعالجها وأنشاءالله تصير زينه...
حازم/...اي بويه خلينه نذبها بمستشفئ المجانين
ابو حازم بعصبيه/..انجب..مرة ثانيه اقطع لسانك والله !!شنو بتي كاعده على كلبك ياخبيث😡
حازم نزل راسه بخجل وفشله...
اما بلال ادارك الموقف/..اهدو شويه خلونه نتفاهم ...حازم..مو حل تبعد لبنيه عنكم ترة حتئ وان كان مستشفئ المجانين يقدمون العلاج وجود الدكاترة هناك..بس هم خطيه اختك تسكن بالمستشفئ هناك يمكن اكوو حالات اقوئ من حالتها وراح يائذنها ويضربنها المجنونات اكو بيهن متوحشات اختك مو مجنونه بيها حاله نفسيه مثل مكال ابوك لان فقدت امها ومااعرف بعد الاسباب وهم هناك يخافون من الوصاخه وعدم الاهتمام بالنفس فلهذا السبب اكثر المريضات يحلقون شعرهم للصفر واذا زينوا شعرها خطيه اختك شحيصير بيها؟ اكيد تتعب نفسيتها اكثر
ابو حازم بصدمه وغضب/...بوووويه فطيم يكصون شعرها جااا غير صير مجاتل جاا غير مارايد روحه ليتكرب لضفيرت فاطمه..
بلال باابتسامه/.. ابو حازم اذا تريد من ارجع لبغداد اخذها وياي وواحد منكم يروح وياي اعرف دكتور شاطر بالكراده مختص بالحالات النفسيه وعنده خبرة بهذا المجال وإنشاءالله تتشافئ. ابو حازم بلهفه/..اي ناخذها لو اعرف ابيع حلالي كله بس فاطمه تتعالج اخذها لو جان علاجها باارض الهند والسند اخذها...

بلال ببتسامه هادئه/..لعد عكب باجر حضروا نفسكم تروحون وياي لبغداد. ابو حازم/..الله يسلمك يابلال والله انك شهم.. بلال/..ههههه شمسوي اني انشاءالله تمشون وياي واضيفكم وارد جميلكم.. ابو حازم/..شني السالفه احنه اهل.. بلال/..اي والله احنه اهل.....

هِيَ النَفسُ ما حَمَّلتَها تَتَحَمَّلُ وَلِلدَّهرِ أَيّامٌ تَجورُ وَتَعدِلُ وَعاقِبَةُ الصَبرِ الجَميلِ جَميلَةٌ وَأَفضَلُ أَخلاقِ الرِجالِ التَفَضُّلُ.
************************************
عند وهج كاعدات وهنه يسولفن اجن عماتها هنه حيل يحبنها تقريبا لكل يحبها... عمتها مريم/..وهج خطيبج حيل يستحي. بنت جلال/..اي هسه تغني عليه اغنيه اليسا وبيستحي بعرف حبيبي بيستحي..ههههه ولج عمه شبيج مو يستحي يبيع ثكل.. وهج /...ههههههه والله حتئ ماشفته.. ام جاسم/..لا حلوو خوش ولد. عمتها امال/..ياربي يسعدج والله لو عندي امكانيه جا خطبتج لواحد من ولدي. وهج/...ههههه لاعمه ولدج صدك اكبر مني بسنتين بس اني جنت اكتلهم ويكتلوني عبالك خواني ولحد الان اطالب بثاري منهم. امال/.. ههههههه ياطايح الحظ المنهم كتلج حتئ اروح اطيح حضه. وهج/...ههههههه ثنينهم. امال/ّ..ليوم اسويهم تشريب كسور. الكل/..ههههههههه
عمتها مريم/..جابلج موبايل خطيبج؟؟
وهج بحزن/..لا عمو جلال مقبل كلهم تتصل من موبايل ام جاسم ..يكول الموبايل بس للنفاق .القال والقيل.. مريم بتفاجئ/..شنو هلحجي شلون تتفاهمين وياها ومنو كال الموبايل بس للقال والقيل هم يعتبر وسيله اتصال وتعارف...

وهج بضيق/..بعد اندري غير هو عمو مقبل...
مريم بتنهيده/..والله ياوهج انتي مضلومه..وخطيبج شكال على الموبايل؟؟
وهج بااستغراب/..والله مااعرف بس احتمال هو هم ميريد موبايل لان محد علق على الموضوع.. مريم/..الله كريم..
وهج /..الله كريم..
************************************
ابو الزعتر/..مبروك لاحلئ امووري
امير بشكر/ّ..الله يبارك بيك وانشاءالله يوم الك ابو زعتر/..امييين..

امير بتتهيده/..اكوو شاب موجود بالخطبه بس شنو عبالك كاتل ابو كل شويه واحرجني بسؤال. ابو زعتر بااستغراب/..منوو ماعرفته::؟؟ امير بهدوء/..لااا. ابو زعتر/ّ..لو تعرفه جان سويتله كرصت اذن وعرفته شلون يندك بيك..
امير بضحكه/..هههههه لا يمعود مو لهلدرجه بس غثني، عبالك ماخذها عليه كووة
ابو زعتر/..يجوز ابن عمها وجان رايدها:؟؟ امير بضيق/..مااعرف بس مو ابن عمها ولد عمها صغار وهذا كبير مبين عمرة29سنه. ابو زعتر/..يالله لمهم انته اخذتها. امير /..اي مراح اخليها تحتك بأي شخص ابو زعتر/..احسن امير/..ماعندي ثقه بأي مرة بس باامي ابو الزعتر/..مو كل اصابع سوة.. امير بحقد/..لا اذا اعدلهن يصيرن سوة. ابو زعتر بتنهيده/..امير انسئ امير بجمود/..ناسي

عدم فقدان الثقة بالنفس؛ فإن كُنت تشعر بأنّ جميع الناس غير جديرين بثقتك فقد ينتقل الشعور لنفسك فتعتقد بأنك مثل هؤلاء الناس، بل عليكَ الحفاظ على ثقتك بنفسك حتى تستطيع استعادة ثقتك بالآخرين، خاصّةً إن سبق لك وتعرّضت لعدد من المواقف من قبل أشخاص سيئين.
************************************
في محافضه ميسان ..صباح ريفي عفوي جميل..في الفجر تسلل الئ قلوب المؤمنين صوت المؤذن العذب والمنغم بااصداء الطبيعه الساكنه المليئه بصمت السحر ذالك الصوت الايماني وهو صوت اذان الفجر
وما ان يزجي لذه السر الروحي في ذهن ذالك العجوز القروي المهاب بوقار التواضع..الا ونفض من عينيه بروق الاحلام ودفء حلاوتها ليغسل محيها بروح الصباح الزاكيه والانسام مفتتح يومه بذكر الصلاة على محمد وآل محمد...

ابو حازم بفطرة وبديهيه وهو يفتح عيونه ويطرد النعاس/..اصبحنا واصبح الملك لله...ربي رضاك قبل قضاك ..دلنا للخير يادليل الحائرين..اللهم صلي على محمد وآل محمد

ابو حازم كعد بلال لجان نايم عندهم اتفقوا ورة صلاه الفجر يرحون البغداد حتئ يعالجون فاطمه وفعلا كعد بلال وصبح على ابو حازم وراح اتوضئ وصله صلاه الفجر..بعدها تريكوو وطلع بلال يحضر السيارة كان الجو بارد والغيوم غالبه الشمس واغصان الاشجار تتراقص مع الرياح الهادئه..طلع ابو حازم وهو شايل جنطه فاطمه حطه بسيارة اما بلال جان واقف وهو يتكئ على السيارة بطريقه جذابه

طلعت تلك الفتاة الكسيرة بعباءه سوداء كسواد اليل وحجاب اسود كانت فارعه الطول ووجهها الشاحب والكئيب وذالك السواد اللعين الذي يغطي على جمال عينيها كانت عيونها حاله خاصه وكأنها تحكي مرار السنين وعقم الحياه جمود وهدوء طاغي على تلك الملامح ...ضل يتاملها بنضرات استعطاف وحزن فهي انثئ وليست اي انثئ بل طفله فقدت حياتها لتصبح طفله تختبئ بعباءه انثئ...بقلمي«سمو العراق»

ركبت بالمرتبه الخلفيه وهي تقضم اضافرها حركتها الدائمه اما ابوها ركب بالصدر وايضا بلال يسوق لكن بحركه غير،اراديه من بلال عدل المرايه وبحيث، يكدر يشوف وجهها تفاجئ،من تصرفه وحمد ربه ابو حازم ماانتبهله..غض البصر عنها لكن سرعان مارمقها بنضراته وكأنه يريد يكتشفها ويحس بمعاناتها اما هي كانت غير مهتمه فهي انثئ هلاميه خاليه من المشاعر

مشت السيارة وهي تبتعد عن ارض ميسان وبعد فترة من الزمن حست فاطمه باانقباض بمعدتها تماسكت وعقدت حواجبها زمت شفايفها وهي تمنع نفسها من التقيئ لكن سرعان ما زهكت نفسها صرخت بصوت شبه عالي..

فاطمه بضيق/..وكف السيارة وكفها... بلال بدهشه/..شكووو؟؟
فاطمه وهي تحط ايدها على شفايفه/..اوككككف. ابو حازم بخوف/..اوكف بلال فاطمه دوخ من سيارة

وكف السيارة بسرعه اما هي نزلت مبتعده عنهم جلست على ركبها وهي تتقيئ،بصوت مسموع وحست احشائها تقطعت اصلا ماكو غير المي وكوب الحليب هي مااكلت ولا تريكت

كانت جالسه وهي تسعل وتكح بصعوبه وابوها محوط اكتافها...اما هو تقرب منها وهو يمد الها بطل المي..رفعت عيونها المحمرة اله وهي تتنفس بقوة اخذت البطل بااصابع ترجف وغسلت وجهها وهي تبكي غسلت شفايفها وشربت شويه مي قامت من مكانها وضلت واقفه بخجل وحسرة على حالها..

فاطمه بخجل/..لعفوو انه دوهنتكم وياي
بلال بااستنكار/..لا بالعكس مامسوين شئ
ابو حازم بخوف/..بويه فاطمه شلونج جويده؟: فاطمه بحسرة/..زينه بويه..

صعدوا بسيارة وهمه ينطلقون من جديد رفعت نضرها للامام شافت نضراته الحاده تخترقها لكن سرعان مابدل نضراته وهو يركز بالشارع..

تنهدت بحيرة وهي تلف راسها لزجاج السيارة وتنضر الئ الشوارع القاحله من خلال الشباك... ************************************
كان بااحد شوارع بغداد وهو يسوق بسيارته بهداوه
ويدنن مع راديو السيارة باغنيه«ياصاحبي يحزام ضهري ياوفي»...ومندمج ويه الاغنيه لكن سرعان ماكسر عليه شخص لف بسرعه جنونيه وكانت قد اؤدت بحياته...

امير وهو يطلع من جام السياره وبعصبيه/..ومرض ماتشووف جاااا موتتنه؟:

الطرف الثاني بحقارة/..ومرض يمرضك انته اثول.

امير نزل من السيارة وهو يغلي من العصبيه والغيض اتوجه لسيارة الشخص الثاني...انصدم من شاااااافه

سلام بنضره خبيثه وهو يباوعله من فوك ليجوه/.. اووووه امييييير بصراحه ماعرفتك

امير بهدوء وهو ينضر لتلك العيون الغدارة وكم تشبه عيون غدرت وخانت وكانت سبب بمعاناه وتغير،جذري لشاب، تحول من مسالم الئ شخص فرعوني...

امير ببتسامه حاقده/..سلام لو انتقام

سلام بغرور/..سلام وغصبن عليك..

امير بخبث/..قصدك تبن وستين تبن

سلام تقدم من امير بعصبيه وهو يحاول يضربه لكن امير سرعان ماتفاده ضربته صار بينهم مضارب وواحد هجم على الثاني وكلمن اخذ نصيبه من الضرب لعالم فارغوهم بسرعه ابو زعتر اجه يركض طبعا العركه الصارت قريبه على منطقه ابو زعتر

ابو الزعتر بعصبيه/..ابن الكلب تحاجي اموري ليوم اله ادفنك بمكانك
سلام وهو يرفع حاجب/..شنوو اموري هذا البودي كارد مالتك..
امير وهو يمسح انفه من الدم/.ّ.عووفه ابو الزعتر هذا واحد سافل لاتوصخ اديك بي

سلام بااستهزاء/..عوفني ابو الزعتر تره بينه صله دم

امير بكراهيه/ّ..مابيني وبينك اي صله دم

سلام/..لا بينه والفرع يرجع للاصل.

امير بااستهزاء/..ههههاي نعال عليك وعلئ اصلك.

سلام بدهشه/..لااا اموري ماتوقعتها منك..

امير بحقد/..اتوقع كووولشي.

سلام بجمود/..والموضوع لبالي وبالك صحيح؟؟

امير وهو يرفع حاجب/..احتمااال

سلام ترك امير وهو يقبض، ايده بقووة اتوجه لسيارته وركب باوع بالمرايه على وجه وشاف شلون تورم وزراك بااسفل عينه ماكان اله سبب البوكس الاجه من امير....ساق سيارته وهو يبتعد عنهم...

ابو زعتر بحقد/..اذا تريد اقتله والله ماعندي مانع

امير ببتسامه/..لا يمعود سلام ابن عمي.

ابو زعتر بتفاجئ/..ابن عمك؟؟؟

امير ببتسامه/. اي ابن عمي.
ترك ابو الزعتر وهو يركب بسيارته اما ابو الزعتر كان كالصنم المنحوت من الحجارة مدهوش من الموقف وطلعوا ولد عم بعد ماصارت مكاصب.... ؟؟

نهايه البارت.. بقلمي«سمو العراق»..ّ

[فيتامين سي]

البارت 4. بقلمي.«سمو العراق»

أسأل الله في هذا المساء أن يجعل في قلبكم صفاء.. ويجعل ذهنكم في نقاء.. ويجعل مالكم في نماء.. ويجعلكم من عباده الأتقياء.. الشاكرين له في السراء.. الصابرين له في الضراء.. وفي دين الله من الأوفياء.

تعالووا نبحر بالقصه ........ "أُحِبُّكِ".. عندما أبرأُ من حالة الفُصَام التي تُمزِّقُني.. وأعودُ شخصاً واحداً.. سأقُولُها، عندما تتصالحُ المدينةُ والصّحراءُ في داخلي. وترحلُ كلُّ القبائل عن شواطئ دمي.. الذي حفرهُ حكماءُ العالم الثّالث فوق جَسَدي.. التي جرّبتُها على مدى ثلاثين عاماً... فشوَّهتُ ذُكُورتي.. وأصدَرَتْ حكماً بِجَلْدِكِ ثمانينَ جَلْدَهْ.. بِتُهْمةِ الأُنوثهْ... لذلك. لن أقولَ لكِ (أُحِبّكِ).. اليومْ.. ورُبَّما لن أَقولَها غداً.. فالأرضُ تأخذ تسعةَ شُهُورٍ لتُطْلِعَ زهْرَهْ والليل يتعذَّبُ كثيراً.. لِيَلِدَ نَجْمَهْ.. والبشريّةُ تنتظرُ ألوفَ السّنواتِ.. لتُطْلِعَ نبيَّاً.. فلماذا لا تنتظرينَ بعضَ الوقتْ.. لِتُصبِحي حبيبتي؟؟

كان متمدد على السرير وهو يحاول ينام لكن صوت الموبايل قطع النعووسه..فتح خط واجه الصوت الانثوي الناعم..

وهج بصوت خجول/..الووو
امير بااستغراب/..الووو منوو؟؟
وهج باارتباك/..ماعرفتني؟؟
امير بااجابه/ّ..فرح؟؟
وهج بااستغراب/..فرح؟؟
امير ببتسامه/ّ..لعد بنين
وهج بزعل/..لعد شكد مصاحب؟؟
امير بتساؤل/..انتي منوو؟؟
وهج بضيق/..اني وهج..خطيبتك!!
امير بصدمه وهو يعدل كعدته/..اءءء وهج؟؟
وهج بخجل/..اي
امير باارتباك/..شلونج وهج؟؟
وهج/..الحمدلله
امير /..انشاءالله دوم الحجيه شلونها؟؟
وهج/.ّ.الحمدلله زينه تسلم عليك. امير بهدوء/..الله يسلمج اني ماعندي رقم الحجيه لهذا السبب مااتصل.. وهج ببتسامه/..لا عادي اني كلت لامي الحجيه راح اتصل بي حتئ بعد رقمها يضل عندك وتتصل بيه
امير بقبول/..اي ميخالف،راح احفضه..
وهج بمرح/ّّ..ممكن تمنحنه الشرف ونتعرف على بنين وفرح؟؟ امير بكذب/..هههههههه هذني زميلات جانن وياي بالشغل قبل لا انفصل يعني ماكو شئ،من لبالج. وهج ببتسامه/..هااا الحمدلله.. امير /ّ..شنو شتاقيتيلي وتصلتي.. وهج بخجل/..بصراحه اي..وانته مااتصلت ولا اجيت كلت خليني اني ابادر واتصل... امير/..هههههههه انشاءالله اجيكم بس والله ملتهي بس افرغ اجيكم انشاءالله... وهج/...اهلا وسهلا بيك تعال
امير بتنهيده/..انشاءالله..
وهج ببتسامه/..بنات عمي يكولن عليك تستحي هههههه صحيح انته تستحي؟؟ امير/..ههههه لا مو استحي،بس ارتبكت من كثرة النسوان واني الوحيد بينكم.. وهج /.. اي والله صحيح.. امير بملل/..اممممم. وهج بتساؤل/..امير تحبني؟؟ امير بصدمه من سؤالها وبصدق/..بصراحه اني مو مااحبج بس،اني اذا تعرفت عليج اكثر اكيد راح احبج فلا تستعجلين لان انتي خطيبتي والحب يجي،بعد الزواج اتعود عليج وتتعودين عليه يعني بعد وكت للحب والعافيه بالتداريج واتمنئ تتقبلين صراحتي لان اكدر اجذب عليج واكلج احبج بس،اني مااريد اخدعج بس اكيد راح احبج واتقبلج. وهج بصدمه من صراحته وبقهر/..هااا بكيفك لعد
امير/ّ..زعلتي؟؟
وهج بضيق/..لا عادي حتئ اني مو هلكد احبك بس متقبلتك واكيد راح احبك ورة الزواج. امير ببتسامه/..انشاءالله.. وهج بقهر/ّّ..يالله مع السلامه خلص رصيد امي الحجيه. امير /..مع السلامه وهسه اعبيلج رصيد.. وهج بقهر/..لا عاادي هي خلته الي. امير بكذب/..يالله حبي تصبحين على خير وراح ارسلج رصيد واذا رجعتي اجيج للبيت واشبعج بوسات اموت تموت. وهج بخجل ومرح/ّ..هههه لا وداعتك ماارجعه. امير/..هههههه يالله حب تصبحين على خير. وهج ببتسامه/..اجمعين حبيبي..

قفل الخط وهو يرجع راسه على المخده نام على وجه وهو يتنهد..محتار من حياته وهاي،وهج طلعتله صفح وتريد رومانسيه بطرانه بنضرة لكن هو حب يماشيها ويجاريها لحد مايتزوجها هو مو مال حب هو انسان مامتصالح ويه نفسه بنضرة كل النساء خائنات وعلاقاته ببعض البنات تأكد على ذالك..
**********************************
نزل من السيارة وهو يرحب بيهم دخلوا للبيت وهو نادئ على امه اجت بعد ماحضنته وسلمت عليه سلمت على فاطمه وابو حازم البنات اخذن فاطمه وابو حازم كعد بالاستقبال وبعد ما ابو محمد سلم عليه..ضلوو يسولفون ويضحكون...

اما فاطمه كعدت بغرفه توته كانت كاعده بسكون وخجل حاولن البنات يحجن وياها لكن بينت الهن هي ماترغب بالحديث ويه أي شخص..

توته بمرح/ّّ..شسمج؟؟
فاطمه باارتباك/..اسمي فاطمه
توته بمحبه/.ّّ.عاشت الاسامي فطومه
فاطمه بهدوء/..شكرا
توته/..ههه لعفووا..انصير صديقات👭
فاطمه ببتسامه/ّ..بكيفج..
توته بمرح/ّ..لعد صرنه صديقات👭

دخل امير لغرفه توته وشاف لبنيه الكاعده بكل وقار عبايتها علئ،راسها وحجابها كامل تفاجئ منهاا وعقد حواجبه اما فاطمه خافت حيل وهي تلم العباية على جسمهاا...

امير وهو يسأل توته ونضرة على فاطمه/..منو هاي؟:

ايات/..هاي فاطمه بنت ابن عمتي ابو حازم لبلعمارة.

امير وهو مركز نضرة عليها/ّّ..هااا اهلا وسهلا.

فاطمه ماردت وهي منزله نضرها اما امير لحد الان مركز بنضرة عليهاا...دخل بلال وهو يحضن امير من ورة امير اندار بتفاجئ ابتسم بمرح وهو يحضن اخو واحد سلم على الثاني وبلال عاتب امير بزعل لان ماانتضرة وخطب قبل لايجي...خلوا وطلعوا من غرفه توته..تاركين فتاه بين حيره من امرها.. **********************************
بعد يومين..راحت ام محمد وام جاسم وزوجت جلال كصوا نيشان لوهج وشترن ذهب وخطيه حيل تعبن بعدين ام محمد اشترت غده من المطعم لاهل وهج لان خطيه تعبن وتأخر الوقت بعد مايكدر يسون اكل خابرت على امير واجه بسيارته للسوك سلم عليهن واخذ الاغراض وصعدن بسيارة مسافه الطريق وصلن للبيت نزلوا كلهم كعدوا شويه عند بيت ابو جاسم

امير بطلب/..حجيه اني بس من رخصتكم اريد احجي ويه وهج على انفراد؟؟

ام جاسم ببتسامه وحيرة/..بس بسرعه لان عمها مايقبل تكعدون لوحدكم..

امير بقبول/ّ..اوك 5 دقايق مو اكثر.

طلعن اما هو تقرب من وهج وهي كانت كوولش خجلانه ومستحيه اول مرة تنفرد بشخص.

امير بلهفه وخبث/..شلووونج؟؟:

وهج بخجل/ّّ..الحمدلله..

تقرب منهاا وهو يبوسهاا بعنف وقووة اماهي نرعبت منه دفعته لكن ماكدرت نزل على رقبتها وانتقل لوجها وهو يعصر،بيهاا وهج ضلت ترجف وتدفع بي ومن بين مقاومتها كطع الزنجيل الذهب المعلق برقبتها ضلت تبجي وهو يعنفها ويوزع بوساتها بوحشيه على وجهها دفعته بقووة وخرمشته برقبته وركضت مبتعده عنها وصلت للباب وهي تلهث وتتنفس بقووة مسحت دموعها بقسوة رعبهاا حييل اما هو حس على نفسه وكام الها لكن هي طلعت من الاستقبال ...

قبلتها تسعاً وتسعين قبلة
وواحدة أخرى وكنت على عجل
وعانقتها حتى تقطع عقدها
وحتى فصوص الطوق من جيدها انفصل
كأن لآلئ الطوق لما تناثرت
ضياء مصابيح تطايرن من شعل

امرؤ القيس

طلعت من غرفه الاستقبال مرعوبه منه التقت بيه زوجت عمهاا ونصدمت من شكلها

زوجت عمها بصدمه /..وهج شبيج؟؟
وهج بخوف وربكه/..مابيه شئ بس امير يريد امه يريد يروح

زوجت عمها بشك/..امير سوالج شئ؟؟

وهج بخوف وارتباك/..لا ماسوة بس هو يريد يروح.

زوجت عمها بعدم اقتناع/..هااا

وهج بغصه/..اي.

مرت عمها نادت على ام محمد وهي اجت وامير طلع من الاستقبال وكان موجه نضراته لوهج اما هي ابد مارفعت نضره اله وحس بيها من خلال ملامحها هي زعلت من السواه..سلم عليهم وهمه ردو السلام رجع سلام عليها وهي ردت بخفوت وصوت ناصي ..طلعوا وهي تنهدت بحيرة وبعبرة عرفت السواه مو حبا بيها فقط ارضاء وتفريغ الشهواته..حست نفسها رخيصه لان مابادلها لحب فقط هجوم بوحشيه وهمجيه وهو مستذبح على جسمها وشكلها.. *********************************

عند فاطمه كانت كاعده بغرفه توته...اجت توته وخبرتها أن ابوها يريدها..فاطمه لبست حجابها ولبست جواريبها ولبست عبايتها...وطلعت لابوها انصدم من شكلها وهي لابسه عبايتها...

ابو حازم بااستغراب/..بويه فاطمه وين رايحه؟؟

فاطمه ببراءه/..اجيتك بويه كالوا تريدني؟؟

ابو حازم/..جاا ليش لابسه عباتج؟؟

فاطمه /..بويه جااا غير ناس غربه مااعرفهم.

بلال دخل للاستقبال وبااستنكار لكلامها/..شني ناس غربه ابوج يصير ابن عمتي...وبعدين انزعي عباتج وكضي ماسحتج وامسحي لبيت ههههه.

فاطمه ببتسامه عفويه خجوله/..ههه شكرا

ابتسم ابو حازم لابتسامته وادرك هذي اول مرة تبتسم من بعد وفاه والدتها يحس باامتنان لبلال قرروا لعصر ياخذون فاطمه للدكتور بعد ماحجزوا عنده..خبروها بموعد الدكتور وهي هزت راسها بااسئ وتركتهم وراحت اتبعها بنضراته واحساس غريب ينمو بداخله..فاطمه لطفله اليتيمه.المجنونه بنضر الكل حركت مشاعره؟؟ *********************************
عند الملاك المجروح...كانت نايمه على السرير وهي تبكي بصمت مبتورة الروح والافكار وجدت نفسها ضئيله جدا واضعف مما كانت تتصور وكتمت الموضوع..لكن غصتها تابئ الرحيل حتما ستبتلع
ماحدث كالعاده ولم تخبر احد بما حدث

دخلت زوجت عمها من شافتها وهج ارتبكت وهي تمسح دموعها بخووف ودفنت وجهها بوسادتها.

زوجت عمها رفعتها من فراشها وبحنيه/..وهج عمه شبيج ليوم لا اكلتي لا شربتي كضيتيها بس نوم

وهج بصوت مبحوح وهي تخفي ملامحها/..مابيه شئ، بس تعبانه من السوك...

زوجت عمها بشك/..شسوالج امير؟؟

وهج بخوف وصدمه/..ماسوة شئ!!

زوجت عمها وهي تخلي العقد المقطوع امام انضار وهج المصدومه/..وهذا شنووو؟؟

وهج بخوف ورجفه /..هذا زنجيلي وين لكيتي؟؟

مرت عمها/..لكيته بالاستقبال بمكان امير تحديدا.

نزلت عيونها بخجل وخوف وهي ينعاد عليها نفس المشهد مسحت شفايفها بجزع وخلت ايدها على صدرها بصورة تلقائيه طردته من افكارها..

مرت عمها بتنهيده/..احجي لا تضمين عليه.

وهج ببكاء وخوف/..هو وو اااني، هوو

مرت عمها بخوف/..شبيج عمه؟؟

وهج ببكاء/..عمه هوو اءءء اتحرش..بيه

مرت عمه وهي تفتح عيونها على وسعهن/..اغتصبج

وهج بخوف وهبطه/..لا عمه لا بس هو باسني حيل وتحرش بيه سطحيا يعني مو مثل ماتفكرين

مرت عمها ضربتها بعصبيه/..ثول حتئ،ثول خوفتيني عبالي اغتصبج..يعني واذا باسج مو هو خطيبج؟:

وهج بحسرة/..عمه حتئ،لو خطيبي ميصير هيج يسوي عمه اني لو مانقذت نفسي بااخر ثوراتي كان هو اغتصبني..اني مااحسيت بي يحبني ولا حسيته رومانسي لا..حسيت بي يريد يرضي،غريزته وشهوته هذا الشي،كرهني بي،هو حتئ من اتعده حدوده تعداهن بعنف وعبالك جاريه عنده كرهني،بي وبنفسي احسه غريب تصرفاته غريبه

مرت عمها بتفهم/..تردين تفسخين الخطبه؟؟؟

وهج باسئ/..عمه منو يقبل افسخها وحتئ،لو ردت افسخها تعرفين عمي مايقبل وهو كل شويه ونبهني لاترجعيلي مطلكه مثل امج..

مرت عمها سكتت لان تعرف كلامها صحيح زوجها لا يمكن يسمح الها بفسخ العقد وهو يعيرها بطلاق امها انسان تافه مستبد وهي شنو علاقتها بطلاق امها؟؟

مرت عمها غيرت الموضوع/..شفت امج ناديه

وهج بصدمه/..وين شفتيها؟؟

مرت عمها بهدوء/..شفتها بسوك يم اهلي وكتلها وهج راح تزوج وهي انطتني رقمها كالت من تزوج اعزميني،اجي بعرسها.

وهج بضياع /..انطينياه اني اخابرها

مرت عمها بصدمه/..صدووك؟؟ '

وهج برجفه/ّّ..اي

مرت عمها بتنهيده/ّ..براحتج

طلعت مرت عمها تجيب الها لرقم اما وهج ضلت كاعده بحيرة معقوله تتصل باامها تسمع صوتها تحس بامومتها المبتورة يالله شلون راح يكون الاتصال هل راح يكون صعب؟؟ هل راح تفقد وتنهار وهج عند سماع صوت الوالده؟؟مسحت دموعها بقسوة مهما يكون هذي امها لتركتها 19عاما بكت بغبن وبقلب مهضوم منكور تنهدت ب.اه طلعت من اعماق اعماق قلبهاا وهي تتخيل اتصالها ويه امها. ************************************عند فاطمه الي وصلت للدكتور المعني كانت كاعده هي وابوها وبلال على كراسي الانتضار وهي تشوف حالات المرضئ والمصابين بحالات نفسية قويه وحالات جنون سيئه...بعد معاناه طويله صاحوا باسم فاطمه للدخول إلى غرفه الدكتور...

فاطمه بحسرة/..بويه ادخل وياي؟؟؟؟

ابو حازم بحنيه/..بويه فاطمه انه مااعرف باهل بغداد ولا عرف اقرة واكتب خاف يسجلج علاج ومااعرف شلون تاخذينه...

بلال بسرعه/...ابو حازم اني ادخل وياها..

فاطمه بصدمه/..لا بويه مايصير؟؟

ابو حازم/..بويه فاطمه بلال يعرف كل شيء خلي يدخل وياج ولا تخجلين منه ترة مثل اخوج.

فاطمه باستسلام/..بكيفك بويه...

دخلت هي وبلال كعدت علئ الكرسي المقابل لمكتب الدكتور نضر الها الدكتور بتفاجئ صغيرة بالعمر وهي كاعده على الكرسي وعبايتها السوده مغطيه كامل جسمها والانكسار واضح على عيونها المهلوكه بالسواد القوي تحت عيونها...

سألها الدكتور عن عمرها وهي جاوبت وسألها عن سكنها وعن اسمها واذا كانت متزوجه وجاوبت بهدوء

الدكتور بهدوء/..مرتبطه او عندج علاقه حب؟؟

فاطمه بصدمه وقهر من سؤاله اتمنت تضربه على راسه بعلبه الادويه...لكن هدت من ثورتها لهاجمت عقلها الباطني..وادركت سؤاله ماهو اله استفسار لحالتها كان يضن حاله حب اثرت على نفسيتها وهو مايعرف سبب حالتها النفسيه هي افتقادها للفقيده الغاليه النائمه بالمقابر...

فاطمه بجمود وهي تتجاهل سؤاله/..جان عندي ام قلبها مثل الجنه راحت بدون ماتودعني احتاجها اريدها امي التعبانه من ضيم لسنين ماتت وندفنت برماد مو تراب اندفنت وماتت وكلشي مات بداخلي حياتي صارت عدم اتمنئ الموت ينقذني من الحقيقه يارحمت الموت اخذيني من بعد امي..ببكاء حزين..

الدكتور باسئ/..الله يرحمها..امج متوفيه؟؟

فاطمه بعبرة مخنوكه/..اممم

الدكتور بهدوء/..الله يرحمها شلون ماتت؟؟

فاطمه وهي تذكر الماضي وينعاد عليها المشهد المفجع الحزين....

كانت صغيرة عمرها 13سنه تلعب باارض البيت وامها كاعده تسوي شاي لعمها وزوجت عمها وفاطمه تلعب ويه بنات عمه الصغار«بيت البيوت» هي تجيهم خطار وهنه يجنها خطار...امها جابت الشاي وهي تحطه على الارض مقابيل حماها وزوجت حماها لكن فجاءه وكعت على الارض وهي ترفس ركضوا عليها وفاطمه ركضت بخوف عليها عبالهم انتلت لكن لاتوجد كهرباء...حضنوها بالهفه وهمه يحاولون ينعشوها اما فاطمه كانت تصرخ بصوت عالي يهز اركان البيت وهي ماتعرف شنو صار باامها...

عم فاطمه عرفها ماتت حضن فاطمه وهو يبكي ويمسح على راسها/..عمي لا تخافين مابيها شئ.

فاطمه بطفوله وبكاء/..اي عمي امي ماماتت بس ليش طلع من حلكها مثل الوغف؟؟ وليش عيونها ضلت مفتوحه وما تحركت؟؟

مكان يملك الاجابه لعالم كلها التمت واخذوا ام حازم للمستشفئ وهناك اكدوا الهم ماتت بموت الفجئه

فاطمه رجعت لواقعها مسحت دموعها وهي تشهق تحت انضار الدكتور وبلال لي حزنوا عليها بقووة.

فاطمه بحزن ودموع تارسه وجهها/..دخلوا اثنين زلم ومن بينهم حازم اخوي لكان يصرخ وهو شايل تابوت امي عرفتها امي لماتت ضليت الطم واصررخ واني اركض عليهاا حضنت التابوت وماقبلوا يفتحونه واودعها اخواتي جانن يبجن وكضني ويسكتن بيه اخذوها وربطوها على السيارة طلعت وراها اركض بدون حجاب وحتئ نعالي تكرمون مالبسته توسلت ببوي ياخذني ويه امي رحت وياهم وجان صيف دفنوا امي بالتراب الحار شفتها من حطوها بالحفرة وهلوا عليها التراب واحترقت رجليه من حرارة الرمل واني ماحاسه بيهن حرقت قلبي على امي اكبر.

يا شـيالين التابوت
محبوب القلب غافـي
وان صابت ســهام الموت
لمــشي للقــبر حافي

الدكتور بحزن/..الله يرحمها...وشلون ساءت حالتج؟؟

فاطمه بشرود/..خلصت الفاتحه واخواتي كلمن راحت لبيت رجلها واخوي صعد لغرفته ابوي راح للنجف ماتحمل راح يزور امي لبيت فرغ عليه حسيته يريد ياكلني بيتنه جبير ومابي بنيان بس غرفتين ومطبخ وحمام ضليت ابجي من ليل لحد ماصبح الصبح حسيت نفسي بعد مااكدر اشوف وضلت هاي حالتي ابجي لوحدي ومحد يواسيني غير المخده ودموعي صار يوم الاربعين ورحنه وصلنه لقبرها

شردت بذهنها عنهم ودارت عيونها بالفراغ وهي تتخيل الموقف...وصلوا للقبر ساعه الخامسه فجرا كان الجو صافي لكن القلوب عبرئ والشمس لم تغلب الغيوم...تقربت من القبر ولاول مرة تشوفه هذا القبر لضم جسد الفقيده الغاليه هذا القبر لحرمها من حنان نبع الجنه ..هذا القبر الي ابعدها مسافات عن الغاليه..اين امي...اين روحي..اين شمسي حينما الاكوان تضلم...ايها القبر ترفق كن نعيما...كن جنانا تلك امي...تلك فردوسي المنعم...

فاطمه بنهيار تام وحلم طفولي مكسور/...يمممممممه. يمممممه اكعدي يمممه فدوة اكعدي مشتاقتلج يممه اخاف انام لوحدي تعالي احضنيني يمممه تعاي لاتعوفيني ارجعي ارجعي والله وبعد مااضوجج واسمع كلامج اساعدج بشغل لبيت وبزرع اشتردين اسوي بس ارجعي يمممممه.....لكن لم ترد ام حازم وكأن فاطمه لم تكسر خاطرها....فاطمه بقلب محروق ضربت ايدها بحافه القبر بقوووه وحست العضم انكسر صرخت من الوجع لكن وجعها على امها عضيم ومن بين صراخهاا حست بجسمها كوله تشنج ومتعرف شنو لدخل بجسمها سقطت الحمامه الجريحه على تراب المقبرة وهي ترفس وكأنها اصابتها حاله صرع لكل ترك القبر وتوجهوا الهاا وهمه يفركون بااديها ورجليها ويبجون عليها ويحاولون يرجعون لدم لجسمها الصغير شالها حازم وحطوها بسيارة واخذوها لمستشفئ لنجف...ومن ذاك اليوم لحد هذا اليوم وفاطمه تعاني من هذي الحاله وتعبت نفسيتها ناس دكول جن دخل بيها وناس دكول حاله نفسيه ومايعرفون شنوو السبب...؟؟: كل هذه إليك يا #امي
#إليك رغم أنه لن يفيك قدرك
#إليك يامن خلعت ثوب الدنيا الزائف وتحليت بزي الاخره الحقيقي
#إليك يامن احتضنتني صبيه ورافقتني شابه

#إليك يامن ابكيت فؤادي دموع ألم تجففها اناملي
#إليك يامن يستحيل نسيانه

#إليك وقد تهت ففراقك ليس بالسهل ولا الهيت عن تفكيري بك
#وقد مرضت مرض النفس ليس كمرض العضو فهل أستطيع #نسيانك يانضرعيني.. هل تستطيع الأيام الضاعت أن تداوي علتي
#ياامي ##

فاطمه بشهقات ودموع حزينه/...يمه شنو ذنبي انحرم منج ومن حنانج؟؟

بلال بحزن وهو كاعد على نار وعيونه تتأملها يتمنئ يحضنها ويبوسها ويطير بيها ويواسيها لكن هو مايملك الحق يكدر يواسيها بس بالكلام لكن المس ممنوع وخاصه ويه فاطمه الخجوله...

الدكتور بتنهيده/..انا لله وانا اليه راجعون.. الرسول يكول انا وكافل اليتيم في الجنه...يافاطمه يابنتي تكلفه علاجج كلها على حسابي والله يرحم امج.

بلال بااستنكار وهو يكوم من كرسيه/..لا اني اتكفل بعلاجها هي عرضي ومن لحمي ودمي والحمدلله احنه الله رازقنه وكافينه اذا تريد تكفل يتيم اكفل غيرها...

فاطمه برفض لكلامهم اثنينهم/ّ..لا اعذروني ابوي لو يعرف ماضنته يسكت انه يتيمه من امي مو من ابوي
واذا انتم تكفلتوا بيه جاا ابوي بيمن يتكفل؟؟

ابتسم بلال على كلامها ولهجتها يحب اعتزازها بنفسها ويحب ثقتها باابوها...كان يحس،باحساس غريب تجاها بس ليوم من شاف دموعها وكلامها على امها حس انه يكن الها مشاعر وياريت لو هي ايضا تبادله المشاعر...

الدكتور ببتسامه/..ونعم منج ومن ابوج ربي يحفضه الج ويخلي خيمه فوك راسج...

فاطمه/...شكرا

سجل الها الدكتور علاج وسوالها تقرير كامل وملف شخصي،اهتم بحالتها كثير ونطه الراجيته لبلال وبلال بسرعه راح جاب علاجها من الصيدليه ورجع للدكتور الدكتور سجله شلون تاخذه وطلعت هي وبلال وركبت بالمرتبه الخلفيه وابوها بصدر وحست بنضرات بلال من خلال المرايه نزلت راسها بخجل ولا رفعته مرة ثانيه....

ملاحضه«ام حازم المرحومه بإذن الله بعد ماتوفت سولها تحليل سبب وفاته لان ماتت فجئه ورة اربعين يوم طلع وسبب الوفاه هي جلطه حاده» **********************************
عند امير لكان يسبح طلع من الحمام وهو لاف المنشفه على خصرة تقرب من المرايه وهو يشوف ويركز بوجه شاف خدش،صغير على وجه وخدوش متكررة على رقبتها...ابتسم وهو يذكر حربه القاسيه ويه خطيبته المرعوبه منه بس عجبه دفاعها عن نفسها حتئ وأن كان خطيبها...

بدل ملابسه وطلع خابر ابو الزعتر وابو زعتر اجاه ركبوا بسيارة وراحو للكوفي شووب كعدوا يدخنون اركيله...

ابو زعتر بتفاجئ وهو يأشر رقبه امير/..منو ضاربك ويامن متعارك؟؟ والله بس كولي اله اشوه الك.

امير بضحكه/..هههه ششوهه ماكو شئ،هجمت عليه
قطه اليفه""

ابو زعتر بدهشه/..قطه اليفه وسوت كل هذا؟؟

امير ببتسامه/..صارت قطه شرسه من هجمت عليها

ابو زعتر بفخر/..عرفتهااا خطيبتك😂

امير بنص عين وخزرة/...انجب.

ابو زعتر وهو يكتم الضحكه/..انجبينه..بس والله كاتلتك كتله طلعت معدله الشرسه.😂😂
امير وهو ينفخ الدخان بوجه/..تنجب لو شلون؟؟

ابو زعتر بضحكه/..ههه وروح ابوك انجبينه.

امير يدير وجه وهو يبتسم ويدخن بالاركيله.

ابو زعتر بتساؤل/..تحبها الشرسه؟؟؟

امير بااستغراب/...ماادري تصدك ماادري.

ابو زعتر بدهشه/..ليش ماتدري؟؟؟

امير بضيق/..يمعود خليها على الله يجوز احبها ورة الزواج....

ابو زعتر بتفهم/..لا امير هذا مو حل اذا متريدها افسخ الخطبه!!

امير برفعه حاجب/..شنوو ليوم صاير خير مو عوايدك. وصاير تنصح ههه اكيد مشارب.

ابو زعتر بكذب/..وروح ابوك بعد مااشرب.. بس نسيت اكلك دوش هليام يدكدك لفرح

امير بذعر وهو يعدل جلسته/..وفرح شنو موقفها؟؟

ابو زعتر بهيام/..اوووف ماتبطل عادته شعرها حاركته حرك الأوكسجين جنه اندومي ودومها كاضه لباب وثوبها مدلع...يااخي فرجه للرايح والجاي.

امير/...هههههه عائله شافطه.

ابو الزعتر/...هههههه اي والله.

امير وهو يحرك الفحم/...تدري بيه خاطب؟؟؟

ابو زعتر/...لا ماتدري ..

امير بهدوء/..مااريدها تدري ودوش اذا كلها مايلوم اله نفسه

ابو زعتر /..ليش ماتريدها تدري؟؟وبعدين انته خاطب لاتنسئ نفسك..

امير بجمود /...مالك شغل...

ابو الزعتر سكت وهو يتنهد يعرف باامير جاي يغوص بالمشاكل اكثر واكثر وكثرت اعدائه هو صديقه ويحبه ورغم ابو الزعتر طايح حضه لكن دائما ينصحه لكن لاحياه لمن تنادي.... **********************************
عند وهج لدخلت الرقم بموبايله بااصابع مرتبكه ضغطت الزر وهي تتصل باامها المفقوده منذ سنين في تلك الحضه تمنت أن يتوقف الزمن فقد نطق قلبها وعجز عقلها وربط لسانها عن مكالمه لم تكن بالحسبان...رن الهاتف عده رنات فعزمت وهج على قطع الخط فهي لاتريد الخسارة من جديد وقلبها لايتحمل الكثير ويكفيها بكاء على ماضي أليم لاتريد ان تجعل من مقلتيها ان تذرفان كل يوم شلال من دم بارد على لاشئ...لكن قبل قطع الخط جائها الصوت الهادئ ونبرته تدل على شخصيتها المتزنه.

ناديه بهدوء/...الووو منو وياااي؟؟؟

وهج باارتباك وخوف/...اءءءء

ناديه بااستغراب/..منووو؟؟ راح اقفل الخط.

وهج بكلمات متقطعه/..اءء اني بب بنت جاسم.

ناديه بصدمه/..ابتهاااج بنتي..

وهج بصدمه وخيبه امل/..ابتهاج؟؟؟

ناديه بضياع/..لعفوو مو اسمج ابتهاج؟؟

نسى اسمي و باسم غيري ناداني .. .. ..

جرحني جرح ماعمري تألمتـــــه .. .. ..

و تأسف لي و تعذر لي و ترجانــــي .. .. ..

شسامح فيك تناديني باسم ثانـــــي .. .. ..

اليوم اسمي باكر بكبري تنســـــــاني .. .. ..

انجرحت بقوة امها لفضت اسمها غلط معقوله؟؟ أكدت لنفسهاا...«لو تحبني لو هي امي مثل ماتدعي ماتنسئ اسمي وتغلط بي بس اني ماهامتها حاولت تقفل لخط لكن عقلها رفض الفكرة..»

نهايه البارت...بقلمي«سمو العراق»..ّ

هلاو بنات...ابو الزعتر وامير يذكروني بعدنان وعبسي😂😂

البارت 4. بقلمي.«سمو العراق»

أسأل الله في هذا المساء أن يجعل في قلبكم صفاء.. ويجعل ذهنكم في نقاء.. ويجعل مالكم في نماء.. ويجعلكم من عباده الأتقياء.. الشاكرين له في السراء.. الصابرين له في الضراء.. وفي دين الله من الأوفياء.

تعالووا نبحر بالقصه ........ "أُحِبُّكِ".. عندما أبرأُ من حالة الفُصَام التي تُمزِّقُني.. وأعودُ شخصاً واحداً.. سأقُولُها، عندما تتصالحُ المدينةُ والصّحراءُ في داخلي. وترحلُ كلُّ القبائل عن شواطئ دمي.. الذي حفرهُ حكماءُ العالم الثّالث فوق جَسَدي.. التي جرّبتُها على مدى ثلاثين عاماً... فشوَّهتُ ذُكُورتي.. وأصدَرَتْ حكماً بِجَلْدِكِ ثمانينَ جَلْدَهْ.. بِتُهْمةِ الأُنوثهْ... لذلك. لن أقولَ لكِ (أُحِبّكِ).. اليومْ.. ورُبَّما لن أَقولَها غداً.. فالأرضُ تأخذ تسعةَ شُهُورٍ لتُطْلِعَ زهْرَهْ والليل يتعذَّبُ كثيراً.. لِيَلِدَ نَجْمَهْ.. والبشريّةُ تنتظرُ ألوفَ السّنواتِ.. لتُطْلِعَ نبيَّاً.. فلماذا لا تنتظرينَ بعضَ الوقتْ.. لِتُصبِحي حبيبتي؟؟

كان متمدد على السرير وهو يحاول ينام لكن صوت الموبايل قطع النعووسه..فتح خط واجه الصوت الانثوي الناعم..

وهج بصوت خجول/..الووو
امير بااستغراب/..الووو منوو؟؟
وهج باارتباك/..ماعرفتني؟؟
امير بااجابه/ّ..فرح؟؟
وهج بااستغراب/..فرح؟؟
امير ببتسامه/ّ..لعد بنين
وهج بزعل/..لعد شكد مصاحب؟؟
امير بتساؤل/..انتي منوو؟؟
وهج بضيق/..اني وهج..خطيبتك!!
امير بصدمه وهو يعدل كعدته/..اءءء وهج؟؟
وهج بخجل/..اي
امير باارتباك/..شلونج وهج؟؟
وهج/..الحمدلله
امير /..انشاءالله دوم الحجيه شلونها؟؟
وهج/.ّ.الحمدلله زينه تسلم عليك. امير بهدوء/..الله يسلمج اني ماعندي رقم الحجيه لهذا السبب مااتصل.. وهج ببتسامه/..لا عادي اني كلت لامي الحجيه راح اتصل بي حتئ بعد رقمها يضل عندك وتتصل بيه
امير بقبول/..اي ميخالف،راح احفضه..
وهج بمرح/ّّ..ممكن تمنحنه الشرف ونتعرف على بنين وفرح؟؟ امير بكذب/..هههههههه هذني زميلات جانن وياي بالشغل قبل لا انفصل يعني ماكو شئ،من لبالج. وهج ببتسامه/..هااا الحمدلله.. امير /ّ..شنو شتاقيتيلي وتصلتي.. وهج بخجل/..بصراحه اي..وانته مااتصلت ولا اجيت كلت خليني اني ابادر واتصل... امير/..هههههههه انشاءالله اجيكم بس والله ملتهي بس افرغ اجيكم انشاءالله... وهج/...اهلا وسهلا بيك تعال
امير بتنهيده/..انشاءالله..
وهج ببتسامه/..بنات عمي يكولن عليك تستحي هههههه صحيح انته تستحي؟؟ امير/..ههههه لا مو استحي،بس ارتبكت من كثرة النسوان واني الوحيد بينكم.. وهج /.. اي والله صحيح.. امير بملل/..اممممم. وهج بتساؤل/..امير تحبني؟؟ امير بصدمه من سؤالها وبصدق/..بصراحه اني مو مااحبج بس،اني اذا تعرفت عليج اكثر اكيد راح احبج فلا تستعجلين لان انتي خطيبتي والحب يجي،بعد الزواج اتعود عليج وتتعودين عليه يعني بعد وكت للحب والعافيه بالتداريج واتمنئ تتقبلين صراحتي لان اكدر اجذب عليج واكلج احبج بس،اني مااريد اخدعج بس اكيد راح احبج واتقبلج. وهج بصدمه من صراحته وبقهر/..هااا بكيفك لعد
امير/ّ..زعلتي؟؟
وهج بضيق/..لا عادي حتئ اني مو هلكد احبك بس متقبلتك واكيد راح احبك ورة الزواج. امير ببتسامه/..انشاءالله.. وهج بقهر/ّّ..يالله مع السلامه خلص رصيد امي الحجيه. امير /..مع السلامه وهسه اعبيلج رصيد.. وهج بقهر/..لا عاادي هي خلته الي. امير بكذب/..يالله حبي تصبحين على خير وراح ارسلج رصيد واذا رجعتي اجيج للبيت واشبعج بوسات اموت تموت. وهج بخجل ومرح/ّ..هههه لا وداعتك ماارجعه. امير/..هههههه يالله حب تصبحين على خير. وهج ببتسامه/..اجمعين حبيبي..

قفل الخط وهو يرجع راسه على المخده نام على وجه وهو يتنهد..محتار من حياته وهاي،وهج طلعتله صفح وتريد رومانسيه بطرانه بنضرة لكن هو حب يماشيها ويجاريها لحد مايتزوجها هو مو مال حب هو انسان مامتصالح ويه نفسه بنضرة كل النساء خائنات وعلاقاته ببعض البنات تأكد على ذالك..
**********************************
نزل من السيارة وهو يرحب بيهم دخلوا للبيت وهو نادئ على امه اجت بعد ماحضنته وسلمت عليه سلمت على فاطمه وابو حازم البنات اخذن فاطمه وابو حازم كعد بالاستقبال وبعد ما ابو محمد سلم عليه..ضلوو يسولفون ويضحكون...

اما فاطمه كعدت بغرفه توته كانت كاعده بسكون وخجل حاولن البنات يحجن وياها لكن بينت الهن هي ماترغب بالحديث ويه أي شخص..

توته بمرح/ّّ..شسمج؟؟
فاطمه باارتباك/..اسمي فاطمه
توته بمحبه/.ّّ.عاشت الاسامي فطومه
فاطمه بهدوء/..شكرا
توته/..ههه لعفووا..انصير صديقات👭
فاطمه ببتسامه/ّ..بكيفج..
توته بمرح/ّ..لعد صرنه صديقات👭

دخل امير لغرفه توته وشاف لبنيه الكاعده بكل وقار عبايتها علئ،راسها وحجابها كامل تفاجئ منهاا وعقد حواجبه اما فاطمه خافت حيل وهي تلم العباية على جسمهاا...

امير وهو يسأل توته ونضرة على فاطمه/..منو هاي؟:

ايات/..هاي فاطمه بنت ابن عمتي ابو حازم لبلعمارة.

امير وهو مركز نضرة عليها/ّّ..هااا اهلا وسهلا.

فاطمه ماردت وهي منزله نضرها اما امير لحد الان مركز بنضرة عليهاا...دخل بلال وهو يحضن امير من ورة امير اندار بتفاجئ ابتسم بمرح وهو يحضن اخو واحد سلم على الثاني وبلال عاتب امير بزعل لان ماانتضرة وخطب قبل لايجي...خلوا وطلعوا من غرفه توته..تاركين فتاه بين حيره من امرها.. **********************************
بعد يومين..راحت ام محمد وام جاسم وزوجت جلال كصوا نيشان لوهج وشترن ذهب وخطيه حيل تعبن بعدين ام محمد اشترت غده من المطعم لاهل وهج لان خطيه تعبن وتأخر الوقت بعد مايكدر يسون اكل خابرت على امير واجه بسيارته للسوك سلم عليهن واخذ الاغراض وصعدن بسيارة مسافه الطريق وصلن للبيت نزلوا كلهم كعدوا شويه عند بيت ابو جاسم

امير بطلب/..حجيه اني بس من رخصتكم اريد احجي ويه وهج على انفراد؟؟

ام جاسم ببتسامه وحيرة/..بس بسرعه لان عمها مايقبل تكعدون لوحدكم..

امير بقبول/ّ..اوك 5 دقايق مو اكثر.

طلعن اما هو تقرب من وهج وهي كانت كوولش خجلانه ومستحيه اول مرة تنفرد بشخص.

امير بلهفه وخبث/..شلووونج؟؟:

وهج بخجل/ّّ..الحمدلله..

تقرب منهاا وهو يبوسهاا بعنف وقووة اماهي نرعبت منه دفعته لكن ماكدرت نزل على رقبتها وانتقل لوجها وهو يعصر،بيهاا وهج ضلت ترجف وتدفع بي ومن بين مقاومتها كطع الزنجيل الذهب المعلق برقبتها ضلت تبجي وهو يعنفها ويوزع بوساتها بوحشيه على وجهها دفعته بقووة وخرمشته برقبته وركضت مبتعده عنها وصلت للباب وهي تلهث وتتنفس بقووة مسحت دموعها بقسوة رعبهاا حييل اما هو حس على نفسه وكام الها لكن هي طلعت من الاستقبال ...

قبلتها تسعاً وتسعين قبلة
وواحدة أخرى وكنت على عجل
وعانقتها حتى تقطع عقدها
وحتى فصوص الطوق من جيدها انفصل
كأن لآلئ الطوق لما تناثرت
ضياء مصابيح تطايرن من شعل

امرؤ القيس

طلعت من غرفه الاستقبال مرعوبه منه التقت بيه زوجت عمهاا ونصدمت من شكلها

زوجت عمها بصدمه /..وهج شبيج؟؟
وهج بخوف وربكه/..مابيه شئ بس امير يريد امه يريد يروح

زوجت عمها بشك/..امير سوالج شئ؟؟

وهج بخوف وارتباك/..لا ماسوة بس هو يريد يروح.

زوجت عمها بعدم اقتناع/..هااا

وهج بغصه/..اي.

مرت عمها نادت على ام محمد وهي اجت وامير طلع من الاستقبال وكان موجه نضراته لوهج اما هي ابد مارفعت نضره اله وحس بيها من خلال ملامحها هي زعلت من السواه..سلم عليهم وهمه ردو السلام رجع سلام عليها وهي ردت بخفوت وصوت ناصي ..طلعوا وهي تنهدت بحيرة وبعبرة عرفت السواه مو حبا بيها فقط ارضاء وتفريغ الشهواته..حست نفسها رخيصه لان مابادلها لحب فقط هجوم بوحشيه وهمجيه وهو مستذبح على جسمها وشكلها.. *********************************

عند فاطمه كانت كاعده بغرفه توته...اجت توته وخبرتها أن ابوها يريدها..فاطمه لبست حجابها ولبست جواريبها ولبست عبايتها...وطلعت لابوها انصدم من شكلها وهي لابسه عبايتها...

ابو حازم بااستغراب/..بويه فاطمه وين رايحه؟؟

فاطمه ببراءه/..اجيتك بويه كالوا تريدني؟؟

ابو حازم/..جاا ليش لابسه عباتج؟؟

فاطمه /..بويه جااا غير ناس غربه مااعرفهم.

بلال دخل للاستقبال وبااستنكار لكلامها/..شني ناس غربه ابوج يصير ابن عمتي...وبعدين انزعي عباتج وكضي ماسحتج وامسحي لبيت ههههه.

فاطمه ببتسامه عفويه خجوله/..ههه شكرا

ابتسم ابو حازم لابتسامته وادرك هذي اول مرة تبتسم من بعد وفاه والدتها يحس باامتنان لبلال قرروا لعصر ياخذون فاطمه للدكتور بعد ماحجزوا عنده..خبروها بموعد الدكتور وهي هزت راسها بااسئ وتركتهم وراحت اتبعها بنضراته واحساس غريب ينمو بداخله..فاطمه لطفله اليتيمه.المجنونه بنضر الكل حركت مشاعره؟؟ *********************************
عند الملاك المجروح...كانت نايمه على السرير وهي تبكي بصمت مبتورة الروح والافكار وجدت نفسها ضئيله جدا واضعف مما كانت تتصور وكتمت الموضوع..لكن غصتها تابئ الرحيل حتما ستبتلع
ماحدث كالعاده ولم تخبر احد بما حدث

دخلت زوجت عمها من شافتها وهج ارتبكت وهي تمسح دموعها بخووف ودفنت وجهها بوسادتها.

زوجت عمها رفعتها من فراشها وبحنيه/..وهج عمه شبيج ليوم لا اكلتي لا شربتي كضيتيها بس نوم

وهج بصوت مبحوح وهي تخفي ملامحها/..مابيه شئ، بس تعبانه من السوك...

زوجت عمها بشك/..شسوالج امير؟؟

وهج بخوف وصدمه/..ماسوة شئ!!

زوجت عمها وهي تخلي العقد المقطوع امام انضار وهج المصدومه/..وهذا شنووو؟؟

وهج بخوف ورجفه /..هذا زنجيلي وين لكيتي؟؟

مرت عمها/..لكيته بالاستقبال بمكان امير تحديدا.

نزلت عيونها بخجل وخوف وهي ينعاد عليها نفس المشهد مسحت شفايفها بجزع وخلت ايدها على صدرها بصورة تلقائيه طردته من افكارها..

مرت عمها بتنهيده/..احجي لا تضمين عليه.

وهج ببكاء وخوف/..هو وو اااني، هوو

مرت عمها بخوف/..شبيج عمه؟؟

وهج ببكاء/..عمه هوو اءءء اتحرش..بيه

مرت عمه وهي تفتح عيونها على وسعهن/..اغتصبج

وهج بخوف وهبطه/..لا عمه لا بس هو باسني حيل وتحرش بيه سطحيا يعني مو مثل ماتفكرين

مرت عمها ضربتها بعصبيه/..ثول حتئ،ثول خوفتيني عبالي اغتصبج..يعني واذا باسج مو هو خطيبج؟:

وهج بحسرة/..عمه حتئ،لو خطيبي ميصير هيج يسوي عمه اني لو مانقذت نفسي بااخر ثوراتي كان هو اغتصبني..اني مااحسيت بي يحبني ولا حسيته رومانسي لا..حسيت بي يريد يرضي،غريزته وشهوته هذا الشي،كرهني بي،هو حتئ من اتعده حدوده تعداهن بعنف وعبالك جاريه عنده كرهني،بي وبنفسي احسه غريب تصرفاته غريبه

مرت عمها بتفهم/..تردين تفسخين الخطبه؟؟؟

وهج باسئ/..عمه منو يقبل افسخها وحتئ،لو ردت افسخها تعرفين عمي مايقبل وهو كل شويه ونبهني لاترجعيلي مطلكه مثل امج..

مرت عمها سكتت لان تعرف كلامها صحيح زوجها لا يمكن يسمح الها بفسخ العقد وهو يعيرها بطلاق امها انسان تافه مستبد وهي شنو علاقتها بطلاق امها؟؟

مرت عمها غيرت الموضوع/..شفت امج ناديه

وهج بصدمه/..وين شفتيها؟؟

مرت عمها بهدوء/..شفتها بسوك يم اهلي وكتلها وهج راح تزوج وهي انطتني رقمها كالت من تزوج اعزميني،اجي بعرسها.

وهج بضياع /..انطينياه اني اخابرها

مرت عمها بصدمه/..صدووك؟؟ '

وهج برجفه/ّّ..اي

مرت عمها بتنهيده/ّ..براحتج

طلعت مرت عمها تجيب الها لرقم اما وهج ضلت كاعده بحيرة معقوله تتصل باامها تسمع صوتها تحس بامومتها المبتورة يالله شلون راح يكون الاتصال هل راح يكون صعب؟؟ هل راح تفقد وتنهار وهج عند سماع صوت الوالده؟؟مسحت دموعها بقسوة مهما يكون هذي امها لتركتها 19عاما بكت بغبن وبقلب مهضوم منكور تنهدت ب.اه طلعت من اعماق اعماق قلبهاا وهي تتخيل اتصالها ويه امها. ************************************عند فاطمه الي وصلت للدكتور المعني كانت كاعده هي وابوها وبلال على كراسي الانتضار وهي تشوف حالات المرضئ والمصابين بحالات نفسية قويه وحالات جنون سيئه...بعد معاناه طويله صاحوا باسم فاطمه للدخول إلى غرفه الدكتور...

فاطمه بحسرة/..بويه ادخل وياي؟؟؟؟

ابو حازم بحنيه/..بويه فاطمه انه مااعرف باهل بغداد ولا عرف اقرة واكتب خاف يسجلج علاج ومااعرف شلون تاخذينه...

بلال بسرعه/...ابو حازم اني ادخل وياها..

فاطمه بصدمه/..لا بويه مايصير؟؟

ابو حازم/..بويه فاطمه بلال يعرف كل شيء خلي يدخل وياج ولا تخجلين منه ترة مثل اخوج.

فاطمه باستسلام/..بكيفك بويه...

دخلت هي وبلال كعدت علئ الكرسي المقابل لمكتب الدكتور نضر الها الدكتور بتفاجئ صغيرة بالعمر وهي كاعده على الكرسي وعبايتها السوده مغطيه كامل جسمها والانكسار واضح على عيونها المهلوكه بالسواد القوي تحت عيونها...

سألها الدكتور عن عمرها وهي جاوبت وسألها عن سكنها وعن اسمها واذا كانت متزوجه وجاوبت بهدوء

الدكتور بهدوء/..مرتبطه او عندج علاقه حب؟؟

فاطمه بصدمه وقهر من سؤاله اتمنت تضربه على راسه بعلبه الادويه...لكن هدت من ثورتها لهاجمت عقلها الباطني..وادركت سؤاله ماهو اله استفسار لحالتها كان يضن حاله حب اثرت على نفسيتها وهو مايعرف سبب حالتها النفسيه هي افتقادها للفقيده الغاليه النائمه بالمقابر...

فاطمه بجمود وهي تتجاهل سؤاله/..جان عندي ام قلبها مثل الجنه راحت بدون ماتودعني احتاجها اريدها امي التعبانه من ضيم لسنين ماتت وندفنت برماد مو تراب اندفنت وماتت وكلشي مات بداخلي حياتي صارت عدم اتمنئ الموت ينقذني من الحقيقه يارحمت الموت اخذيني من بعد امي..ببكاء حزين..

الدكتور باسئ/..الله يرحمها..امج متوفيه؟؟

فاطمه بعبرة مخنوكه/..اممم

الدكتور بهدوء/..الله يرحمها شلون ماتت؟؟

فاطمه وهي تذكر الماضي وينعاد عليها المشهد المفجع الحزين....

كانت صغيرة عمرها 13سنه تلعب باارض البيت وامها كاعده تسوي شاي لعمها وزوجت عمها وفاطمه تلعب ويه بنات عمه الصغار«بيت البيوت» هي تجيهم خطار وهنه يجنها خطار...امها جابت الشاي وهي تحطه على الارض مقابيل حماها وزوجت حماها لكن فجاءه وكعت على الارض وهي ترفس ركضوا عليها وفاطمه ركضت بخوف عليها عبالهم انتلت لكن لاتوجد كهرباء...حضنوها بالهفه وهمه يحاولون ينعشوها اما فاطمه كانت تصرخ بصوت عالي يهز اركان البيت وهي ماتعرف شنو صار باامها...

عم فاطمه عرفها ماتت حضن فاطمه وهو يبكي ويمسح على راسها/..عمي لا تخافين مابيها شئ.

فاطمه بطفوله وبكاء/..اي عمي امي ماماتت بس ليش طلع من حلكها مثل الوغف؟؟ وليش عيونها ضلت مفتوحه وما تحركت؟؟

مكان يملك الاجابه لعالم كلها التمت واخذوا ام حازم للمستشفئ وهناك اكدوا الهم ماتت بموت الفجئه

فاطمه رجعت لواقعها مسحت دموعها وهي تشهق تحت انضار الدكتور وبلال لي حزنوا عليها بقووة.

فاطمه بحزن ودموع تارسه وجهها/..دخلوا اثنين زلم ومن بينهم حازم اخوي لكان يصرخ وهو شايل تابوت امي عرفتها امي لماتت ضليت الطم واصررخ واني اركض عليهاا حضنت التابوت وماقبلوا يفتحونه واودعها اخواتي جانن يبجن وكضني ويسكتن بيه اخذوها وربطوها على السيارة طلعت وراها اركض بدون حجاب وحتئ نعالي تكرمون مالبسته توسلت ببوي ياخذني ويه امي رحت وياهم وجان صيف دفنوا امي بالتراب الحار شفتها من حطوها بالحفرة وهلوا عليها التراب واحترقت رجليه من حرارة الرمل واني ماحاسه بيهن حرقت قلبي على امي اكبر.

يا شـيالين التابوت
محبوب القلب غافـي
وان صابت ســهام الموت
لمــشي للقــبر حافي

الدكتور بحزن/..الله يرحمها...وشلون ساءت حالتج؟؟

فاطمه بشرود/..خلصت الفاتحه واخواتي كلمن راحت لبيت رجلها واخوي صعد لغرفته ابوي راح للنجف ماتحمل راح يزور امي لبيت فرغ عليه حسيته يريد ياكلني بيتنه جبير ومابي بنيان بس غرفتين ومطبخ وحمام ضليت ابجي من ليل لحد ماصبح الصبح حسيت نفسي بعد مااكدر اشوف وضلت هاي حالتي ابجي لوحدي ومحد يواسيني غير المخده ودموعي صار يوم الاربعين ورحنه وصلنه لقبرها

شردت بذهنها عنهم ودارت عيونها بالفراغ وهي تتخيل الموقف...وصلوا للقبر ساعه الخامسه فجرا كان الجو صافي لكن القلوب عبرئ والشمس لم تغلب الغيوم...تقربت من القبر ولاول مرة تشوفه هذا القبر لضم جسد الفقيده الغاليه هذا القبر لحرمها من حنان نبع الجنه ..هذا القبر الي ابعدها مسافات عن الغاليه..اين امي...اين روحي..اين شمسي حينما الاكوان تضلم...ايها القبر ترفق كن نعيما...كن جنانا تلك امي...تلك فردوسي المنعم...

فاطمه بنهيار تام وحلم طفولي مكسور/...يمممممممه. يمممممه اكعدي يمممه فدوة اكعدي مشتاقتلج يممه اخاف انام لوحدي تعالي احضنيني يمممه تعاي لاتعوفيني ارجعي ارجعي والله وبعد مااضوجج واسمع كلامج اساعدج بشغل لبيت وبزرع اشتردين اسوي بس ارجعي يمممممه.....لكن لم ترد ام حازم وكأن فاطمه لم تكسر خاطرها....فاطمه بقلب محروق ضربت ايدها بحافه القبر بقوووه وحست العضم انكسر صرخت من الوجع لكن وجعها على امها عضيم ومن بين صراخهاا حست بجسمها كوله تشنج ومتعرف شنو لدخل بجسمها سقطت الحمامه الجريحه على تراب المقبرة وهي ترفس وكأنها اصابتها حاله صرع لكل ترك القبر وتوجهوا الهاا وهمه يفركون بااديها ورجليها ويبجون عليها ويحاولون يرجعون لدم لجسمها الصغير شالها حازم وحطوها بسيارة واخذوها لمستشفئ لنجف...ومن ذاك اليوم لحد هذا اليوم وفاطمه تعاني من هذي الحاله وتعبت نفسيتها ناس دكول جن دخل بيها وناس دكول حاله نفسيه ومايعرفون شنوو السبب...؟؟: كل هذه إليك يا #امي
#إليك رغم أنه لن يفيك قدرك
#إليك يامن خلعت ثوب الدنيا الزائف وتحليت بزي الاخره الحقيقي
#إليك يامن احتضنتني صبيه ورافقتني شابه

#إليك يامن ابكيت فؤادي دموع ألم تجففها اناملي
#إليك يامن يستحيل نسيانه

#إليك وقد تهت ففراقك ليس بالسهل ولا الهيت عن تفكيري بك
#وقد مرضت مرض النفس ليس كمرض العضو فهل أستطيع #نسيانك يانضرعيني.. هل تستطيع الأيام الضاعت أن تداوي علتي
#ياامي ##

فاطمه بشهقات ودموع حزينه/...يمه شنو ذنبي انحرم منج ومن حنانج؟؟

بلال بحزن وهو كاعد على نار وعيونه تتأملها يتمنئ يحضنها ويبوسها ويطير بيها ويواسيها لكن هو مايملك الحق يكدر يواسيها بس بالكلام لكن المس ممنوع وخاصه ويه فاطمه الخجوله...

الدكتور بتنهيده/..انا لله وانا اليه راجعون.. الرسول يكول انا وكافل اليتيم في الجنه...يافاطمه يابنتي تكلفه علاجج كلها على حسابي والله يرحم امج.

بلال بااستنكار وهو يكوم من كرسيه/..لا اني اتكفل بعلاجها هي عرضي ومن لحمي ودمي والحمدلله احنه الله رازقنه وكافينه اذا تريد تكفل يتيم اكفل غيرها...

فاطمه برفض لكلامهم اثنينهم/ّ..لا اعذروني ابوي لو يعرف ماضنته يسكت انه يتيمه من امي مو من ابوي
واذا انتم تكفلتوا بيه جاا ابوي بيمن يتكفل؟؟

ابتسم بلال على كلامها ولهجتها يحب اعتزازها بنفسها ويحب ثقتها باابوها...كان يحس،باحساس غريب تجاها بس ليوم من شاف دموعها وكلامها على امها حس انه يكن الها مشاعر وياريت لو هي ايضا تبادله المشاعر...

الدكتور ببتسامه/..ونعم منج ومن ابوج ربي يحفضه الج ويخلي خيمه فوك راسج...

فاطمه/...شكرا

سجل الها الدكتور علاج وسوالها تقرير كامل وملف شخصي،اهتم بحالتها كثير ونطه الراجيته لبلال وبلال بسرعه راح جاب علاجها من الصيدليه ورجع للدكتور الدكتور سجله شلون تاخذه وطلعت هي وبلال وركبت بالمرتبه الخلفيه وابوها بصدر وحست بنضرات بلال من خلال المرايه نزلت راسها بخجل ولا رفعته مرة ثانيه....

ملاحضه«ام حازم المرحومه بإذن الله بعد ماتوفت سولها تحليل سبب وفاته لان ماتت فجئه ورة اربعين يوم طلع وسبب الوفاه هي جلطه حاده» **********************************
عند امير لكان يسبح طلع من الحمام وهو لاف المنشفه على خصرة تقرب من المرايه وهو يشوف ويركز بوجه شاف خدش،صغير على وجه وخدوش متكررة على رقبتها...ابتسم وهو يذكر حربه القاسيه ويه خطيبته المرعوبه منه بس عجبه دفاعها عن نفسها حتئ وأن كان خطيبها...

بدل ملابسه وطلع خابر ابو الزعتر وابو زعتر اجاه ركبوا بسيارة وراحو للكوفي شووب كعدوا يدخنون اركيله...

ابو زعتر بتفاجئ وهو يأشر رقبه امير/..منو ضاربك ويامن متعارك؟؟ والله بس كولي اله اشوه الك.

امير بضحكه/..هههه ششوهه ماكو شئ،هجمت عليه
قطه اليفه""

ابو زعتر بدهشه/..قطه اليفه وسوت كل هذا؟؟

امير ببتسامه/..صارت قطه شرسه من هجمت عليها

ابو زعتر بفخر/..عرفتهااا خطيبتك😂

امير بنص عين وخزرة/...انجب.

ابو زعتر وهو يكتم الضحكه/..انجبينه..بس والله كاتلتك كتله طلعت معدله الشرسه.😂😂
امير وهو ينفخ الدخان بوجه/..تنجب لو شلون؟؟

ابو زعتر بضحكه/..ههه وروح ابوك انجبينه.

امير يدير وجه وهو يبتسم ويدخن بالاركيله.

ابو زعتر بتساؤل/..تحبها الشرسه؟؟؟

امير بااستغراب/...ماادري تصدك ماادري.

ابو زعتر بدهشه/..ليش ماتدري؟؟؟

امير بضيق/..يمعود خليها على الله يجوز احبها ورة الزواج....

ابو زعتر بتفهم/..لا امير هذا مو حل اذا متريدها افسخ الخطبه!!

امير برفعه حاجب/..شنوو ليوم صاير خير مو عوايدك. وصاير تنصح ههه اكيد مشارب.

ابو زعتر بكذب/..وروح ابوك بعد مااشرب.. بس نسيت اكلك دوش هليام يدكدك لفرح

امير بذعر وهو يعدل جلسته/..وفرح شنو موقفها؟؟

ابو زعتر بهيام/..اوووف ماتبطل عادته شعرها حاركته حرك الأوكسجين جنه اندومي ودومها كاضه لباب وثوبها مدلع...يااخي فرجه للرايح والجاي.

امير/...هههههه عائله شافطه.

ابو الزعتر/...هههههه اي والله.

امير وهو يحرك الفحم/...تدري بيه خاطب؟؟؟

ابو زعتر/...لا ماتدري ..

امير بهدوء/..مااريدها تدري ودوش اذا كلها مايلوم اله نفسه

ابو زعتر /..ليش ماتريدها تدري؟؟وبعدين انته خاطب لاتنسئ نفسك..

امير بجمود /...مالك شغل...

ابو الزعتر سكت وهو يتنهد يعرف باامير جاي يغوص بالمشاكل اكثر واكثر وكثرت اعدائه هو صديقه ويحبه ورغم ابو الزعتر طايح حضه لكن دائما ينصحه لكن لاحياه لمن تنادي.... **********************************
عند وهج لدخلت الرقم بموبايله بااصابع مرتبكه ضغطت الزر وهي تتصل باامها المفقوده منذ سنين في تلك الحضه تمنت أن يتوقف الزمن فقد نطق قلبها وعجز عقلها وربط لسانها عن مكالمه لم تكن بالحسبان...رن الهاتف عده رنات فعزمت وهج على قطع الخط فهي لاتريد الخسارة من جديد وقلبها لايتحمل الكثير ويكفيها بكاء على ماضي أليم لاتريد ان تجعل من مقلتيها ان تذرفان كل يوم شلال من دم بارد على لاشئ...لكن قبل قطع الخط جائها الصوت الهادئ ونبرته تدل على شخصيتها المتزنه.

ناديه بهدوء/...الووو منو وياااي؟؟؟

وهج باارتباك وخوف/...اءءءء

ناديه بااستغراب/..منووو؟؟ راح اقفل الخط.

وهج بكلمات متقطعه/..اءء اني بب بنت جاسم.

ناديه بصدمه/..ابتهاااج بنتي..

وهج بصدمه وخيبه امل/..ابتهاج؟؟؟

ناديه بضياع/..لعفوو مو اسمج ابتهاج؟؟

نسى اسمي و باسم غيري ناداني .. .. ..

جرحني جرح ماعمري تألمتـــــه .. .. ..

و تأسف لي و تعذر لي و ترجانــــي .. .. ..

شسامح فيك تناديني باسم ثانـــــي .. .. ..

اليوم اسمي باكر بكبري تنســـــــاني .. .. ..

انجرحت بقوة امها لفضت اسمها غلط معقوله؟؟ أكدت لنفسهاا...«لو تحبني لو هي امي مثل ماتدعي ماتنسئ اسمي وتغلط بي بس اني ماهامتها حاولت تقفل لخط لكن عقلها رفض الفكرة..»

نهايه البارت...بقلمي«سمو العراق»..ّ

هلاو بنات...ابو الزعتر وامير يذكروني بعدنان وعبسي😂😂

[فيتامين سي]

بارت 5...بقلم«سمو العراق»...يتيمات من رحم الألم
ج
﴿ألم نشرح لك صدرك ﴾
اللهم بعُمق هذه الآية ؛
اشرح صدُورنا وأرِح قلوبنا
وأزل همومنا
إنّك على كلّ شيء قدير ..

مساء النور احبتي...تعالوا نبحر بالقصه...

ناديه بضياع/..لعفوو مو اسمج ابتهاج؟؟

وهج بحسرة/..لا اسمي وهج...

ناديه بعبرة/...حبيبتي ياعمري شلونج اتمنئ،احضنج وابوسج اتحسس معانيج يكولون حلوة تشبهيني صدوك تشبهيني بناتي ولا وحده تشبهني شلونج يمه.

وهج عضت على شفايفها وهي تمنع عبرتها من الخروج/...اي يكولون اشبهج حييل بس مانتشابه بالمشاعر...تنهدت بااااه

ناديه بكت بحسرة/..لاتضنين مامقهورة عليج ولا تضنين نسيتج كل هل سنين بس ياابتهاج اخذوج مني غصب وابوج مارضئ يرجعني..وديت ابوي عليه وكل لابوي مادام ذبيتوا بزري ماالفي بزركم..

وهج بحقد/...ليش لسويتوا قليل؟؟مو حرام عليكم تنبذوني من أول ساعه لا لا من اول ثانيه...اني حتئ مارضعت من حليبج ليش شنو ذنبي؟؟ ليش حتئ ملامحج مااذكرهن اتمنئ اشوفج ومااريد اشوفج. شلون انطاج كلبج تشمريني واني قطعه لحم طريه.

ناديه بقسوة/..لا تحطين لحق عليه ام جاسم اكبر كلبه هي لحرمتني منج ومنعتني من شوفتج

وهج بعصبيه/..لا تحجين على امي ام جاسم ..واذا تحجين على الحقارة فروحي شوفي امج...

ناديه بحقد/...انتي لسانج متبري منج..اوووف عوفينه من هذا الحجي صدوك راح تزوجين؟؟

وهج بخوف وهي تتذكر عرسها بعد اسبوع/...اي.

ناديه بهدوء/..اذا بناتي عندهن امتحانات مااكدر اجي بس اذا ماعدهن اجي!!

وهج بقهر/..لا تجين احسن وحتئ لو ماعدهن امتحانات لا تجين رجاءا.. اوك

ناديه بصدمه/..ليش؟؟

وهج بحقد/..مااريد امي ام جاسم تنقهر يكولون عليج هاي امها ومايكولون على ام جاسم هاي امي

ناديه بحرقه قلب/..انتي الخسرانه ...

وهج بقهر/...عادي جبت عمري خسرانه وراح اضل خسرانه..مشكورة ناديه ماقصرتي.

ناديه بحقد/..متصله بيه حتئ تقهريني...؟؟؟

وهج/..متصله بيج حتئ لاتجين بعرسي.

ناديه وهي تكتم غضبها/..هااا بكيفج خلي تفيدج ام جاسم...

وهج بتنهيده/..يالله مع سلامه ضوجتج.

ناديه بضيق/..لابالعكس كلامج كولش حلوو يالله مع سلامه وتصبحين على خير...

وهج بتنهيده/..مع سلامه اجمعين...

قفلت الخط وهي تحس بضيق وغربه كلامها مع امها ابد ماريحها وعبالك وحده تريد تاكل الثانيه بس تضل تحن لحنان لام حاسه بضيق وحيرة حاسه بنهيار بودهاا تصرخ وتطلع كل لبقلبها بس ماتكدر دوم تكتم ولاتسمح لنفسها تتكلم... **********************************
في محافظه ميسان...بأحد المناطق الشبه ريفيه. كانت زوجه حازم تحلب البقرة بالجاخور..«الحضيرة»وهي تتحلطم ترست نص السطل وشالته وطلعت من الحضيرة..كلمت نفسها بحقد/...ههه عمي هنيالها فطيم حضي حضها انوب طلعلنه ابن بغداد صفح...اي راحت تونس ببغداد مثل حضي مكابله لهوايش وكاعده...وحده جذابه مسويه روحها مريضه وبيه حاله نفسيه وهي اصحئ من ليرة اووف يافطيم مربيتلي عله شوكت اخلص منها ماادري...

حازم بمحبه/..هااا سهاد خلصتي؟؟:

سهاد بعصبيه/...اي خلصت يحازم خلصت انه مليت منك ومن فروخك ومن عيشتك ومن اختك لمسودنه مليت طكت روحي ضاله تونس بغداد وانه اديه راحت من الكرف الله ياخذها ورتاح منهاا.

حازم بعصبيه وهو يخنقها بيده طاح السطل من ايدها وتبده الحليب/...ولج انتي شبيج تسودنتي حاطه كورج وكور اختي ترة انه لمليت منج ياسهاد والله اذا ماعفتي فاطمه بحاله والله اطلكج واخذ فروخج وكولي ماكال......تركها وراح....

سهاد بخبث وهي تتحسس رقبتها/..ماكون انه سهاد بنت امي وابوي اذا ماطيحت حضج يافاطمه بس،اصبري انتي بس اصبري وشوفج لنسوان شجيب...

الغيرة تشوش العقل، ولا تسمح بالتفكير المتعقل، مثلها مثل الخمر....
**********************************
توته بمحبه/...فاطمه بلال اخوي يكول خلي تحضر نفسها راح ياخذنه للامام الكاضم «عليه السلام»

فاطمه بصدمه/..لوحدنا لالا مااروح..

توته ببتسامه/..مو لوحدج اني وانتي وامي وزوجت محمد اخويه بس بلال ياخذنه بسيارته...

فاطمه بتردد/..جااا وابوي؟؟

توته بملل/..ابوج راح لبارحه هو وابويه وانتي ياخذج بلال لان الدكتور كلهم اهم شئ راحتج النفسيه وتطلعين من جوو الكئابه.

فاطمه بحزن/...هااا يالله خلي اغسل غسول الزيارة وابدل ونروح...

توته /ّّ..تم اني هماتين...

سبحت فاطمه بسرعه ومشطت شعرها وبدلت ملابسها لبست حجاب اسود ونفنوف اسود ولبست عبايتها وطلعت كان لكل منتضرها سلمت على ابوها واستودعته وابوها انطاها فلوس وراحت ركبت بالخلف لكن هي مو غبيه تحس بنضرات بلال وادركت من اول مااجت لحد الان وهو يسرق النضر الها...نزلت راسها بخجل وضلت تشاقه ويه جهال محمد وصلو للامام ونزلوا هنه دخلن لقسم النساء وهو دخل لقسم الرجال...

اول مادخلت للحرم الكاضمي غلبها التأثر الشديد وانطلقت دموعها الغزيرة.. موقف لا يوصف من هيبه المكان وعضمته ماتملك الا انك تبكي بدون شعور. توجهت لقبر الامام عليه السلام وكان ازدحام لكن روحها الملهوفه أبت الرجوع مسكت الشباك بطرف اصابعها وبكت دعت بدعائها..«اللهم اغفر لي لوالدتي واجعل قبرها روضها من ريآض الجنه
اللـهـم افسح لها في قبرها مد بصرها وافرش قبرها من فراش الجنة»...بكت بقلب محروم وكأن اكثر دعائها لوالدتها حست الشباك انفتح الها وقفت مقابيل الشباك وبكت وبكت وتوجهت للامام بطلب حاجه اتمنت حاله الصرع والاغماء تروح وبعد ماتجيها لان تفشلها امام العالم حست بللت شباك الامام بدموعها توجهت بخطوات مهزوزة بعد ماودعت الامام اخذت تربه وصلت صلاه الزيارة وصلاه ركعتين لوالدتها هديه الزيارة....
"""""""""""""""""""""""""""""""""""""""""""
بالكافتريا كان جالس وهو يشرب كوفي ابتسم بخبث لما شاف الشخص المطلوب والعدو لدود لامير.

سلام وهو يقوم من مكانه ويسلم عليه/...اهلا وسهلا

الشخص المطلوب/...اهلا بيك تفضل شنو موضوعك

سلام يحط عيونه بعيونه وبخبث/..اميييير.

الشخص المطلوب بلع ريقه بصعوبه/..امييير:؟؟

سلام بخبث وهو يرجع ضهرة على الكرسي/..اي امير اريدك تطيح حضه اريدك تراقبه واي حركه يسويها تكون عندي واذا انفسح الك المجال صورة تمام؟؟

الشخص المطلوب/...عز الطلب بس اني شنو لراح استفاده ولاتنسئ امير مسودن وراه ابو الزعتر اخس منه...يعني مااريد اطلع من لمونه بلا حمص وعرض نفسي للخطر...

سلام بثقه/..لا ولوو شلون اطلعك بدون حمص اكيد اترس جيوبك حمص ولاتخاف اني احمي ضهرك.

الشخص المطلوب ابتسم بخبث/..هاي هي اتفقنه ولتريده اني حاضر بي وتدلل بس اريد مقدمه حتئ اتشجع واسوي المستحيل...

سلام ببتسامه/..الك لتريده بس انكون على اتصال والله والله اذا لعبت بذيلك ادفنك ورة السده اريد الموضوع يكون سري ومااختاريتك اله اعرفك تكرة امير...

الشخص المطلوب برفعه حاجب/..لا تهدد اكره هذا الاسلوب واني كتلك مااخونك مو حبا بيك لا.. لان امير اكثر شخص غاثني واريد لخلاص منه...

سلام بضحكه/...هههههه حلووو حبيت من باجر نبدي اني وياك وهسه روح لاحد يشوفك وياي..

الشخص المطلوب قام من الكرسي /ّّّ...مع السلامه انتضر اتصالك ...

تركه وراح ابتسم بخبث لازم يرجع حقه من سنين من ورة امير صارت سيرتهم على كل لسان قسم على نفسه اله يخلي سيرت امير على كل لسان... **********************************
رجعوا من الزيارة بعد ماتعشوا بالمطعم وبلال وكلهم موطه والجهال خبصوا الامه خبص يردون العاب وامهم اشترت الهم... بسيارة بلال يسوق

بلال بحنيه/..ّفاطمه لزيارة مقبوله اتونستي.

فاطمه باارتباك وخجل/..الحمدلله قبل اعمالك شكرا

بلال ببتسامه/..لعفوو فطومه. ابوج كل شويه يتصل خبلني عبالك خطفتج..

فاطمه ببتسامه/..لا خطيه مو هو يخاف عليه لهذا سبب كل شويه يتصل...

ام محمد بمحبه/..اي حقه محد يلومه..

توته بملل/..اووف والله مملين خلي اسولفلكم سالفه لبارحه صارت وياي.بالمدرسه..

مرت محمد بسخريه/...سولفي ام جبار.

توته بحماس/..طلعنه من المدرسه اني وصديقاتي اثنين ونتمشه راجعين للبيت وفاتت سيارة محمله تمشي على كيف ورة بسيارة ثلاجه ولولد لازمها سيارة حمل جان الولد شكال كال احلئ وحده بيجن هاي لابسه جواريب خضر...اني وصديقاتي دنكنه على رجلينه نباوع محد منه لابسه جواريب خضر جان الولد شكال كال ثول ماصدكن واحد صجمهن هههههههههههههه.

مرت محمد/...ههههههههههه ثول.

بلال بصدمه/..ياحمارة ياقليله الادب ماتستحين مادكولين اخوي موجود عيب ولج شكدني شكبرني شواربي يوكف عليهن لصقر وبكل صلافه دكولين صجموني...

توته وهي تضحك لفت اديه على رقبته وهو يسوق/.. هههههه وعلي احبك يااحلئ وطيب واحن اخ بالدنيا كلهااا.....رجعت باسته بقووة على خده وهو مسح بوستها بقرف.

ام محمد تضربها/...ولج وخري منه لايسوي حادث

توته وهي ترجع تبوسه/...يممه فدوة لبلال والله احبه اكثر من اخواني...❤

ام محمد بزعل/..انجبي شبيهم اخوانج وتحبين بلال اكثر منهم..؟؟:

توته بتنهيده/..والله ابنج امير مايشرف اله لما تنام الاحياء والاموات يعني بكل بساطه دايح.. وابنج محمد اصلا هذا مطفي وشالع راس الباتري بس بلال حنين وحباب...رجعت باسته بقووة.

بلال مسح خده بقرف/.ّ.ايييع لعبتي نفسي.

توته ضحكت وهي ترجع لكرسيها دارت وجهها لفاطمه وهمست بصوت منخفض/..فاطمه بالله بوسي هم يكول يييع...

فاطمه دارت وجهها عليها بصدمه وخوف وربكه ومشاعر مختلطه همست بضعف وخوف/..اسكتي عيب لحد يسمعج...

توته/..ّههههه فدوة للبرائه...

وصلوا للبيت وهي نزلت من سيارة كانت السيارة عاليه موديل حديث اول مخلت رجلها على الارض ورجل الثانيه على حافه السيارة انثنت رجلها وسقطت بقوة من السيارة وكعت على وجهها ركضوا الها وهنه يساعدنها ويمسحن التراب منها اما هو اجه بالهفه وخوف كعد مقابلها وهو يسالها عن حالها وينكت التراب من عبايتها وعرض عليها مساعدته لكن انصدم منها ومن ضحكها القووووووي وادرك هذي اول مرة تضحك بهذا الشكل....ضحكت من فشلتها والموقف شكد ماكان محرج ومؤذي لكن ضحكها ابتسم على ضحكتهاا... ضل يحدق بعيونها برومانسيه وهي بادلته النضرات لثواني...يحب نضراتها يحسها عفيفه وبسرعه تقطعهن..وهي تحب لهفته وخوفه عليها. ومساعدته الها تحس نفسها طفله وتحسه مثل حنان ابوها..من خلال اهتمامه بيها وهي ماتجهل تصرفه.

تخيل طفلة صغيرة ابوها يلعب معاها

يطالع هالدنيا فيها وماله غالي سواها

وفجأة ع الارض طاحت تمثل تدري بغلاها

وجاها مسرع وخايف خذاها تضحك لقاها

شفت الأبو وبنته جنهم انا وانته

مالي سوى عينك واحساسك ادمنته

**********************************

عند امير كان متمدد على سريرة وهو يباوع على السقف تنهد بحيرة مسك موبايله وهو يقلب بالارقام وصل لرقم ام جاسم أتأمله بحيرة وضغط على الزر واتصل لكن ماكوو رد عاود الاتصال مرة ثانيه واجاه صوته الأنثوي...

وهج بجمود/..الوووو.

امير بلهفه وهو يعدل جلسته/..اءءء الوو هاا وهج

وهج بزعل/..خير شتريد؟؟

امير باارتباك/...اءءء اني اسف عن لصار لبارحه بس اني مكان قصدي اسوي هيج بس بصراحه ماكدرت اقاومج..

وهج بحقد/ّ..هذا مو عذر كان ممكن تكون الطف من هيج..رعبتني منك وكرهتني بيك..

امير /..احنه علئ ابواب زواج ميصير هيج نافرين من بعض لازم نتقرب لبعض...

وهج بحيرة/ّ..الله كريم والله اني اتمنئ افسخ لخطوبه بس شسوي محد مساندني.

امير بصدمه وحقد وعصبيه وهو يكتم غضبه/..انتي شدكولين ترة مصار شئ وعادي اني خطيبج وبعدين هي بوسه قابل شنو اغتصبتج ترة مصختيها

وهج بصدمه من جرائته بالكلام/..انت شدكول حرام عليك لاتخوفني منك اكثر...

امير وهو يرد الصاع صاعين/...هذا نصيبج ورضي بي وترة اني انطيتج وجه زياده عن لزوم..

وهج بعصبيه/..مااعرف شلون حتقبلك..

امير حس على نفسه راح يفقدها وتخرب لخطبه لذالك تدارك الموضوع وبخبث/...وهج كولي يالله اني هم تعبان وانشاءالله متشوفين مني اله كل خير واوعدج مالمسج بيوم لعرس اله انتي تكولين تعال وشاربي موعليه اذا تقربت الج بدون اذنج...

وهج بعبرة/..اي امير هيج صير حن عليه اني مااريد شئ غير ان تبادلني المشاعر..

امير بكذب/..انشاءالله حبيبتي ولا يهمج وهسه كليلي بعدج زعلانه...

وهج وهي تمسح دموعها/...ههههه شويه.

امير /..لا مااريد ولا شويه اريدج راضيه.

وهج/...اممممم. يالله راضيه.

ضل يسولف عليها واكثرها وعود كاذبه لكن هي ارتاحت من كلامه ياترئ هل امير راح يوفي بوعوده؟:؟؟
**********************************
عند بلال ليفكر بفاطمه لاقتحمت حياته فجاءة....

سرح بخياله وهو يتذكر عفويتها وهدوئها وخجلها الزايد يتذكر شلون تدير راسها خجلانه منه وهو متعمد يركز نضرة عليها ويحرجها...ادرك ليوم ... فاطمه عاقله...ولو مو عاقله مستحيل تفرق بين الشرف وتخجل من الشخص المقابيلها..وايضا أكد لنفسها بأن فاطمه مامتلبسها جن لان لو متلبسها جن مستحيل تدخل تزور وتصلي وتقرء قران...

تذكر خجلها واحمرار وجناتها من راحو للزيارة ولبائع من طلب منه وهو ياشر عليها اشتري لزوجتك علك بلكي يصير عندها طفل...ابتسم وهو يذكر شلون ارتبكت وهي تضم اديها امامها وتارة خلفها وهي خجلانه...لكن قسم بداخل نفسه ان ابتسامتها الهادئه الجميله هي الاروع عند الخجل....

*********************************

يوم العرس كان مخبوص البيت بالمعزومين اقاربهم وعمامهم وخوالهم وعماتهم وحتئ ابو حازم مقبلوا يروح اصروا عليه يحضر العرس والرجال ماقصر وكف وياهم الطباخ يطبخ بالحديقه ومحمد واكف ويه الطباخ وابو محمد وابو حازم يستقبلون لناس.

اما عند امير كان بغرفته وهو يحضر نفسه وبلال ويعدل بي كانوا موجودين بعض،الشباب وصديقه ابوالزعتر....بلال لبسه القميص والرباط والسترة ورش عطر وهو مسوي تسريحه عند الحلاق لبس محبسه وساعته..ويدقق بوجه بالمرايه ويعدل بشعرة

بلال بتساؤل/...ابوي عزم بيت عمي ابو سلام؟؟

امير بعصبيه/..شنو شنو؟؟ والله والله اذا عزمهم والله اخرب العرس والعن والدي والديهم. ر

بلال بدهشه/..شبيك امير على كيفك هو مجرد سؤال ومااعتقد ابوي يعزمهم بعد ليصار..

امير بغضب/...لا والله شمحلاه ويعزمهم والله اطردهم كلهم يااخي مااريدهم اكرهم اووف ليش ذكرتني بيهم جنت ناسي...

بلال بمحبه/..اهدئ اهدئ مايجون والله..

امير وهو يمسح وجه بتوتر/..اووف.

ابو الزعتر ادارك الموضوع وهو يشغل الديجي ويعلي لصوت ويركص بااحترافيه لشباب ضلوا يركصون وياها وامير ابتسم عليهم سحبوا وهمه يحركون اديه يردونه يركص ابتسم وابتعد عنهم وهو يطلع من الغرفه...
**********************************

في الصالون...كاعد جالسه على الكرسي وام صالون تمكيج بيهاا حست رقبتها انكسرت لكن لزمت السكوت...بعدها لبست البدله ورجعت لام صالون سوتلها تسريحه طلعت كوووولش حلوة قامت من مكانهاا واجت عمتها مريم تصبغ اضافرها..

مريم مسكت كف وهج وهي تصبغ اضافرها لكن انتبهت لعدم وجود حلقتها/..وهج وين حلقتج؟؟

وهج بصدمه/...وينهااا؟؟:

مريم بخوف/...شدراني غير عندج؟؟

وهج بخوف وعبرة/..جنت لابستها هسه من بدلت جانت بااصبعي يالله وين راحت.

دورت مريم دورت ماكوو مخلت كلبت الصالون كلاب بس ماكووو حتئ ام الصالون دورت وياهاا.

ام صالون /..لا تبجين خربتي مكياجج.

وهج ببكاء/..يامكياجي..حلقتي ضاعت وليوم عرسي

راحت ام صالون دورت دورت ماكوو فص ملح وذاب تنهدت عليها وهي تشوفها تبجي..ماضاعت حلقتها الا بيوم العرس هسه شنو دكول لعيالها وخايفه ياخذون عليها نضرة ويكولون باعتها ومن هذا لحجي...

نهايه البارت...بقلم«سمو العراق»🌹

[فيتامين سي]

البارت6...بقلمي«سمو العراق»...

لَلمساءً لَغُةّ فُـي جّـبًينِ آلَ?ْوٌنِ..☀
تٌـؤجّـجّـهّـآ نِسِـمًآتٌـ آلَمساءًً آلَمًشُـرقُةّ ..☁
وٌمًعٌ تٌـلَ?ْ آلَنِسِـمًآتٌـ تٌـتٌـرآءﮯ لَنِآ صّـوٌر آلَأحًبًةّ ..💓
فُـنِطِرقُ آلَبًآبً لَنِقُوٌلَ لَهّـمً :
مساءً آلَمًوٌدٍهّـ وٌآلَمًحًبًهّـ ..💓
... مساءً آلَذِ?ْريآتٌـ .. وٌأسِـعٌدٍ آلَأوٌقُآتٌـ ..
فُـأنِآ لَآ أمًتٌـلَ?ْ مساءً بًآسِـمًآً فُـأهّـدٍيهّـ لَ?ْمً ..
غُير أنِي أمًتٌـلَ?ْ ثًـقُةًّ بًـِ مًآلَ?ْ آلَمًلَ?ْ
فُـأسِـألَهّـ أنِ يهّـبً?ْمً آلَسِـعٌآدٍةّ أينِمًآ ?ْنِتٌـمً ..
مسّـًًآءًًً آلَخِـير
سمو العراق....قراءه ممتعه

مريم اتصلت باامها واجاها صوتهاا...

مريم بضيق/...يمه وهج ضاعت حلقتها وتبجي..

ام جاسم بصدمه/...يااا شلون ضاعت؟؟

مريم بتنهده/..ماادري يمه مالكتهاا. وهسه شبعت بجي حتئ مكياجها خرب

ام جاسم انقهرت/..كليلها لاتبجي هسه اروح اشتريلها حلقه...انتن شوكت توصلن..؟؟

مريم/..بعد نص ساعه هسه راح يجي اخوو امير ياخذنه اني خابرت من موبايلي.

ام جاسم/..هااا يالله اطلعن واني رايحه للسوك.

طلعن بعد مااجاهن بلال وهج اخذت لطريق تبجي حلقتها غاليه وام جاسم ماعدها تشتري واكيد راح تتداين وتتورط بس لمهم متشوف وهج تبجي.. **************************
طلعت الزفه من بيت ابو محمد ولكل كان مبدل، كاشخ كانت زفه حلوة وحاضرين اقاربهم واصدقاء امير وبلال ومحمد راحو يجيبون لعروس من بيت اهلها تحت اجواء الطبل والموسيقى الزفه العراقية.
وصلوا لبيت ابو جاسم بعد مادخل امير اقل من ربع ساعه والنسوان يركصن ويغنن طلع من البيت وهو لازم عروسته وهج....ركب السيارة وهي ركبت بصفه كان هو يسوق لاحظ بكاء وهج العنيف..تنهد بضيق وهو يلف السيارة شاف ابو زعتر وهو يركص ابتسم.

امير طلع من جام السيارة/ّ..ابو الزعتر اركص اركص ليوم يومك...

ابو زعتر وهو مكطع روحه بركص/..هههههه اذا بعرس اموري مااركص بعرسمن اركص؟؟:

امير وهو يلف السيارة/..ههههههه ....لتفت عليها وسمع شهقاتها...تنهد بحيرة...اوووف استغفر الله.

وصلوا للبيت ودخلوا وهج لبيت ابو محمد ودخل وياها امير وشويه وطلع شاف لشارع مزدحم بالعالم شاف ابو زعتر كاعد يصور...راح اله وهو يمسكه من كتفه ويديرة عليه....

ابو الزعتر ببتسامه/...هاااا مبروك.

امير بضيق/..يامبروك يمعود لعروس عبالك ابوها ميت شبعت بجي..؟؟

ابو زعتر وهو يلوي شفايفه/..مو خوش خبر طلعت ام دميعه والله تستاهل واحد يعزيك على هذا الخبر مو يبارك لك...شكد اكرة لمرة لدلوعه...

امير بلعانه/...يوم يومين تدلع وبعدين اطيح حضها.
ابو زعتر/...ههههههههههه الله يعين..

بعد فترة انتهئ العرس وزفوا امير لغرفته وهو صعد.. **************************
اقتربي مني
اقتربي أكثر
فثورتي أعلنت قيامها
ونعوش حزني شيعت في يوم لقائنا الأول
اقتربي أيتها المجنونه
ولأتخافي
واتركي عيناك
تتفحص عيناي
تشاكس مشاعري
تعبث بروحي
اقتربي يامجنونتي
ولا ترموقينني بنظراتك الخجلة
فلست من النوع المداهن الرحيم حينما يحب

دخل لغرفته ورائ تلك الانثئ بملابسها السوداء كانت تعبث بااغراضه وهي تبحث عن شئ ما ابحر بعيونه على جسدها النحيل وايقن هذه غزالته الهاربه من سلطه القبيله..التفتت عليه واصابتها صدمه قويه من وجوده...ابحر بوجهها الجميل...الخالي من المساحيق التجميل..
يحبها نعم يحبها...يحبها مثل ماهي بسيطه عفويه

فاطمه بخووف/...انته شلون دخلت هنا؟؟

بلال ببتسامه واستهزاء/..هاي غرفتي ست فطومه.

فاطمه باارتباك وخجل/...ااااءء ايي ادري ببب بس اني اااءء عباتي ضمتها توته بغرفتك ككك كالت لا تضيع بالهووسه...

بلال وهو يتقرب وهي ترجع/..انتي هيج خجوله لو بس من تشوفيني..؟؟

فاطمه حست راح يغمي عليها وترجع الها حاله الصرع وحالتها لسابقه...لزمت راسها بووجع وعيونها تقلبت ادرك حالتها ومن خوفها منه راح تنصرع وترجع الهاا حالتهاا....

بلال بلهفه وهو يهديها/..اهدي اهدي لاتخافين حاولي تتماسكين هسه اجيب علاجج

سقطت على الارض وهي تصرع وترفس برجليها وصطكن اسنانها بقوووة حتئ بانت شرايينها وجهها انقلب للون الاحمر والازرق اتقرب منها بلهفه وهو يرفعها لصدره ادرك اذا ضلت صاكه اسنانها راح اتموت حاول يفتح فمها بااصابعه ورجع راسها للوراء وهو ينفذ الهواء على وجهها خطيه حالها يرثئ لها شالها مددها علئ السرير وبسرعه اتصل بتوته ماعرف شنو يسوي اديه تربطت اجت توته تركض وخلت الموضوع سري شافته يهفي عليها وفاطمه لاحياه لمن تنادي تقربت منها وهي تغسل وجهاا اما بلال فتح التكييف على اعلئ درجه...

فتحت عيونها بتشويش شافت وجه توته وهي كاعده مقابليها وشافته واقف وهو يتاملها وايده على خصرة...قامت من مكانها مفزوعه وهي تحط ايدها على صدرها بصورة أليه.. عدلت حجابها بتعب وهي تبكي..

توته بمحبه/...حبيبتي شبيج شصارلج؟؟

قامت من مكانها بشرود وهي تمشي بخطوات مهزوزة..لكن بلال مسكها من اطراف شالها الاIraqi (Nora):
سود.

بلال باسئ وحنيه/..اني اعتذر مو قصدي اخوفج وماجنت اعرف هيج راح يصير والله لو اعرف هيج يصير ابد ماحاجيتج...

فاطمه اندارت عليه وهي تشهق من شده لبكاء/..لا هو انه مريضه ماتصيرلي جارة انه دايما انصرع كدام لوادم مو شئ جديد انه لاعتذر منك لان انصرعت كدامك وبتليت بيه اهئ اهئ...

بلال بدهشه ومحبه/...لا انشاءالله مابيج شئ ولاتخافين انشاءالله تشفين هاي مو حاله صرع انتي مااعرف مشكلتج بالضبط انشاءالله تروح بمرور لزمن بس هاي لحاله سببها حالتج النفسيه وخوفج من لعالم كل مايصير عليج ضغط نفسي هيج يصير بيج.

فاطمه بخجل وبكاء وهي تعدل شالها/...شكرا.

طلعت من الغرفه وهو اتبعها بنضراته..حطت ايدها على شفايفها وهي تمنع طلوع صوت بكاءها اتمنت كل لعالم تشوفها بحالتها وانصراعها الا بلال ماتمنته انكسر كل حلم بداخلها بنته ويه بلال..وكلمت نفسها بجزع وعصبيه...يامجنونه اشتردين تردين تزوجين بلال؟؟شلون يقبل بيج وانتي رجعتلج حالتج بااحضانه؟؟ مايزوجج مايزوجج لا تأملين نفسج.... عضت شفايفها بحسرة ورجعت كلمت نفسها...بس اني حبيته حبيته اي والله حبيته.. *************************

عند وهج لشبعانه بجي وامير متضايق من بكاءها يحس ماله داعي...اما هي فتحس لا اله داعي...

اتذكرت ليوم شلون ضاعت حلقتها وام جاسم باعت محبسها...وجابت الها حلقه...وتذكرت شلون ابوها ماحضر يوم زفافها رايح فاتحه بالبصرة وناسي ليوم زواج بنته واتذكرت قساوت عمها وياها وهو ينهرها قبل لايزفوها بنص ساعه...لا ترجعين مطلقه اتحملي لمرة لزينه تتحمل ارجعي جثه ولا ترجعين مطلقه لاتصيرين مثل امج ماركدت وعاشت بكهف ابوج ولو ابن لبط عوام اكيد ثاني يوم ترجعيلنه مطلقه صدك من كال لساس نداس...هذا كان كلام عمها الئ مثل لسم يريدها جثه وميردها مطلقه...

تقرب منها امير وهو يمسح دموعها/...كتلج مااجبرج اله انتي تكولين تعال...

ابتسمت على كلامه هي وين وهو وين/.ّّ.لعد مااكدر انطيك ليوم اي شئ

امير بهدوء/..هذا هو مثل ماتردين..

قامت من مكانها وهي تجر ببدلتها اخذت ملابس وفتحت باب الكنتور خلته مقابيلها وحاولت تنزع البدله ماكدرت وهي مستحيل تطلب مساعدته نزعتها بالزور...وبدلت بسرعه لبست ثوب طويل ومخصر وفتحت التسريحه ومسحت وجهها بكنلكس مبلل جابوا العشاء وهو راح بدل وكعدوا يتعشون...

كعدت بهدوء وهي تأكل وهو مقابيلها ايضا ياكل بهدوء ويسرق لنضر لعروسته وبداخله شيطان يحثه على افتراسها...لكن هو وعدها واول مرة يوفي بوعده ابعد نضرة عنها وهو يكمل اكله...

وصلته رساله وبسرعه فتح الموبايل...عقد حواجبه وملامحه تعصبت وهو يقرء المكتوب بحروف من نار

مضمون الرساله..«..من الأفضل أن يكون أمامك أسد مفترس على أن يكون وراءك كلب خائن..... مبروك ياعريسنه الحقير...شنو ماعجبك النسب ياابو نسب. بنت المطلقه صار نسبها يشرفك..ماسئلت ليش امها تطلقت..غبي وستين غبي..ههههه عمتك مطلقه..تشاووو..ابن عمك ليشرفك سلام»

ضغط بااصابعه على الموبايل وحس راح يتكسر باايده اما هي انتبهت على حده ملامحه وخافت منه.

وهج بتساؤل وهي عينها على الموبايل/..شكوو؟؟

امير قام من مكانه/..ماكوو شئ..

نام على السرير وهو يفتح الموبايل ويعيد قرائه الرساله مسح وجه بتوتر...وكتب«شدكول كول بمسبه عرضي مراح اجاوبك وانزل من قيمتي...وانتبه مو خوف منك...بس ماكوو اسد يرد على حديث كلب مثلك..ياكلب ياابن السطعش كلب..»

حست بغربه وغموض وهي متعرف شنو يدير براسه شنو مشكلته؟؟؟ ليش انزعج من فتح موبايله؟؟؟؟؟

قامت من مكانها وراحت غسلت ولمت السفرة ورمت الفضلات بسله المهملات

تقربت منه وضلت واقفه بجانب السرير وهي تتأمله رفع راسه وأتأملها فتح اديه وهو يستدعيها لاحضانه
تقربت منه وهي تنام بجانبه الايمن حوطها بذراعه وضلوا هادين وساكتين..بعد مرور ربع ساعه حس بيها انتضمت انفاسها وهذا دليل على نومها لعميق
سحب ذراعه من تحت راسها نامت على المخده صار وجهها قريب من وجه...

ضل يتأمل ملامحها لناعمه جفونها كجفون الاطفال وقت النوم نزل نضرة لانفها المنحوت .الصغير...ابحر بعيونه الئ شفتيها الملتهبه كالهيب جهنم...وادرك ملامحها تقود الانسان للجنون الحتمي.. نزل راسه وهو يقبلها باانفها ونزل على شفايفها..ابتعد عنها وهو يتنفس بضيق...غمض عيونه باسئ...كلمها بداخل نفسه..../...لاتنطيني شئ لاتنطيني اعز ماتملكين والله امري مو بيدي اني رجل هلامي تخسرين اذا انطيتيني اعز ماتملكين اني مامستقر مااعرف ليش زوجتج..اطلعي من حياتي اطلعي لخاطر نفسج ابتعدي انتي بخطر...ابتعدي لاتحترقين بلهيبي...
*************************
صباح جديد على عائله ابو محمد...

نزلوا لعرسان تريكوا ام جاسم جابت الريوك خطيه مامقصرة جايبه كوولشي...

وفاطمه رجعت هي وابوها لمحافضه ميسان اخذهم بلال وصحتها مستقرة حاليا...

وهج اخذها امير بعد عشرة ايام وصارت زوجه فعليه لامير بعد طلب والحاح من ام امير...لكن وهج اكتشفت بعد ماصارت زوجت امير...علاقت امير
Iraqi (Nora):
بفتاه اسمها فرح ودائما يتهرب وهو يتصل بيها بدون علم احدا..وهج اكتشفته وهو يتصل بيها بالغرفه وهو غير مدرك بوجود وهج...سكتت مكالت لموضوع لاي شخص حتئ لو حجت محد يطلع وراها
**************************
في محافضه ميسان....❤

راحت فاطمه للجاخور«حضيرة الابقار» بعد عركه كبيرة من سهاد الي ثارت على عمها وزوجها وهي تطلب منهم يخلون فاطمه تروح تحلب الابقار وهمه رفضوا طلبها لكن هي اصرت ورادت تروح زعلانه وفاطمه من خوفها راحت تحلب الابقار رغم هي متعرف لان امها قبل هي تحلب ومن ماتت امها فاطمه تمرضت وماطلعت من البيت...

دخلت للحضيرة ونعفست ملامحها حطت ايدها على انفها من ريحه الابقار...نزعت عبائتها وربطتها على خصرها...حطت السطل قريب على البقرة وتقربت منها لمستها بااطراف اصابعها لكن سرعان ماابتعدت خايفه ومحتارة منهاا بكت بخوف وحيرة

....ببتسامه احلب بمكانج؟؟؟

اندارت فاطمه وببتسامه/...هههه تعالي ياريت والله تعرفيني مااعرف احلب لبقر...

ايات ابتسمت الها وهي تكعد على الطبله وتحط السطل كعدت تحلب بالبقرة وفاطمه مركزة وياها

ايات ببتسامه وهي تحلب/...ولج فطيم هذا ابن بغداد شحلاته ربج خلقه وكسر لقالب ولج فطيم انه طحت بغرامه ولاتكولين متزوج ترة راضيه اكون الزوجه الرابعه...

فاطمه/...ههههههه لا مامتزوج بس مااعتقد يتزوجج ياام الروبه.

ايات وهي تباوعلها بنص عين/...ليكون يتزوج حالبه الهوايش فطيم..

فاطمه/...هههه يمكن..

فاطمه بتردد/..ايات انتي صاحبتي وانه احبج اريد اكلج بموضوع بس مو تاخذين عليه نضرة موحلوة ترة والله انه شريفه وماعندي سوالف تعبانه..

ايات بملل/..احجي ياام الهوايش جاا انه ماعرفج حتئ تكولين هيج..؟؟

فاطمه بخجل/...اءءء احم اءء

ايات بعصبيه/...خايبه احجي😡

فاطمه بخجل/..انه احبن بلال..

ايات بصدمه مصطنعه/..ياقليله الحيا ولج ماتستحين هيج دكولينها عيني عينك...

فاطمه بضحك/...خايبه انجبي..ولج انه من اشوفه ماادري شيصير بيه ابرد وعبالك مدخليني بالقطب الشمالي احس كلبي يوكف اضل ارجف ارتبك وضل مااعرف احجي عيوني تضل تدمع مااعرف شيصير بيه خايبه هاي مو من علامات الحب؟؟

ايات بضحك/..هههه اي خيه من علامات الحب... بس ولج يافاطمه ديري بالج ترة نص المنطقه دايخه على ابن بغداد..وديري بالج من سعديه تراها تحبه وهي كل شويه رايحه لبيت جدتج عود تسوي روحها تجيب طوس لروبه..وهي بس تريد تشوفه لابن بغداد وهي صدك سعديه بنت عمي..بس انه احبج اكثر منها

فاطمه بحنيه/..يابعد كلبي ياايات والله انه اجبنج ولا سعديه ولا حمديه تاخذ بلال مني...

ايات/..ههههه ولج فطيم انتي مو مسودنه ولكفج جني ؟؟شوو من شفتي ابن بغداد صحيتي؟؟

فاطمه/..،هههه اي والله من شفته صحيت.. بس هو هم اخذني لدكتور هناك وجاي اخذ علاج ورغم علاجه احسه جاي تعب جسمي وحس بخمول بس متحمله شسوي لمهم اطيب وصير زينه لعالم ملت مني وابوي مسكين محتار بيه...

ايات قامت وهي تشيل لسطل وبتنهيده/..الله يشافيج يافاطمه بس انتي احسن من قبل تسولفين وضحكين واضافرج ماتاكليهن..ههههه.

طلعن من الحضيرة وهنه شايلات السطوله مالت الحليب ومشن مسافه الطريق وصلن لبيت ابوحازم شافته من بعيد ورتعش جسمها وخفق قلبها بشده شعورها كل ماتشوفه...

عندما اراك بلال ...
تتسارع انفاسي...
تضج نبضات قلبي...
تقف عيناي عن الرمش...
ويجمد جسدي في سكون ...

فاتت من امامه بدون ماتسلم لكن استوقفها صوته لحنون وهو يسألها عن احوالها..

بلال بحنيه/..شلون صرتي فاطمه..

فاطمه بخجل/..انه بخير الحمد لله..

بلال ببتسامه/..انشاءالله دووم...

فاطمه تركته وراحت اما هو اتبعها بنضراته ويحس بقلبه راح يطلع من مكانه يحس بجنون يحبها اول مرة يحب بحياته يمكن عنده علاقات لكن اكثرها علاقات عابرة وسطحيه بس من يشوف فاطمه يحس بالهفه وحب ومشاعر متلخبطه يريدها حتئ لو مسودنه.. ابتسم وهو يذكر كلمته لنفسه..«لو مسودنه وتركض بشارع واني اركض وراها هم احبها»...
**************************
«بعد مرور شهرين على الاحداث» كان جالس بالكوفي شوب وهو واصدقائه يشربون اركيله....

ابو زعتر بضحكه/..شلوونك ويه لزواج؟؟؟

امير بدون تعابير علئ وجه/..عادي بس شويه بي مغثه يعني..وين طالع؟؟ وين رايح؟؟ وين جنت؟؟ منو اتصل بيك؟؟ والمفلوكه لعندي كل شويه وكالت صليت؟؟ كووم صلي اذن..

ابو زعتر بسخريه/..طلعت عالم ديني ههههه.

دوش بتساؤل/..يعني برئيك مانتزوج احسن؟؟

امير وهو ينفخ الدخان/..ههههه يمعودين اتزوجوا شلي شغل بيكم..

مناف بغرور/...انتزوج ليش لا لعد بس انته تزوج.

قام واحد منهم وهو يجيب قواطي الببسي قدمها الهم وشربوا...وكل من راح على بيته...
"""""""""""""""""""""""""""""""""""""""""""
كانت واقفه امام مرئاتها وهي تعبث بخصل شعرها الجميل تنهدت وهي تنضر لملامح وجهها المحتارة
كل من رائها شبهها بوالدتها وهذا الامر يزعجها لكن حقا هي تشبه والدتها فلم توجد امراءه في قبيلتها احلئ واجمل من والدتها...تنهدتIraqi (Nora):
بحزن/...ياربي هذا وين راح هسه اكوو واحد ضال 12باليل ولجو بارد..استغفر الله ياربي امير محيرني سوالفه بيها غموض شبي ياربي هو اني هذا حضي عبالي ازوج وارتاح و اخلص من عمي وانوب طلعلي واحد اخس من عمي..

دخل للغرفه وهو يتمايل ومامسيطر على نفسه.. التفت عليه واستغربت حالته لكن ماعرفت شنو بي
تقدمت منه بالهفه وهي تسنده من خصرة...

وهج بخوف وهي ترفع وجهها لوجه/..امير شبيك؟؟

امير بكلمات مخربطه ومتقطعه وهو يتمايل/..انتي منوو؟؟؟

وهج بصدمه/..اااا اميي رر اءء اني ووهج..

امير بعصبيه وهو يتمايل/..انتي كذابه انتي صبا

وهج ادركت من خلال كلام امير وهو سكران هزت راسها بعدم تصديق لا ميصير يسكر..؟؟سكران؟؟

وهج ضربته بعصبيه/..ياحقير ياكافر سكران الله لا يوفقك سكران؟؟وماتصلي؟؟مزوجتلي شيطان اني؟؟

امير بعصبيه ضربها راشدي/..ولج ياسافله عبالج اني ماادري بسوالفج ولج صبا اني ادري بكل شئ اني من وراج صرت سافل ولج اريد انسه مااكدر..

هجم عليها وهو يقطع شعرها باايده ويضربها بعنف ويهددها ويعنفها لكن كان كلامه موجه لصبا وضربه موجه لوهج...

وهج ببكاء وهي تحاول تخلص نفسها منه/.ّ.اني مو صبا اني وهج..

مسكها من اكتافها بعصبيه وهو ينزلها على السرير صعد على جسمها حست نفسها اختنقت من ثقل جسمه عليها...

امير بعصبيه وهو يخلي شفايفه عند خدها/..يا بنت الكلب انتي صبا الحقيره لسافله..اطلعي من راسي اطلعي...ولج متت منج ومن سلام..سلام الحمار والله اله يوم اله يلكه روحه بالنجف..

ضلت تدفع بي وترفس برجليها لكن هي لاحول ولاقوة ضلت تبجي وتتنحب..وهي يغلط ويسب عضها بقووة على خدها وهو ينبت اسنانه بوجنتها خرمشته بخده وماتركها...ارتخت اسنانه من خدها وهو يهمس بكلمات مافتهمتهن لكن اكثرهن اسم صبا وسلام...كانت صبا المقصودة بس اكلتها وهج..

خلصت نفسها منه بالقووة دفعته وهو لاحياه لمن تنادي رايح بغير عالم..ضلت تنضر لملامحه لحاده وهي تعقد حواجبها وتبكي..قامت من مكانها تنهدت بحسرة عضت شفتها بقهر وسقطت على ركبها وهي تبكي من قلب محروق...زوجها سكران..ومع كل هذا حيرتها وياه...شنوو صبا؟؟ شنوو سلام؟؟ وفرح منو؟؟ وهي زوجته شنو موقعها من الاعراب؟؟

طلعت من الغرفه وهي تجر ثياب الذل تاركه وراها شاب سكران ضايع بين دهاليز الماضي..

في الحقيقه
ليس دائماا الطيۈر علي أشڪالهاا تقع
ف الحيــــااة أۈقعتناا علي غير أشڪالناا
ۈ أجبرتناا علي الڪثير من الۈجۈه التي لٱ تشبهناا أبداا...
وهج وامير...ابد مايتشابهون بتصرفات وحتئ بالاخلاق...
**************************
سلام ببتسامه خبيثه/..شربتها اله...

الشخص المطلوب/..اي حطيتله حبايه بقوطيه الببسي..
سلام بشر/..متأكد؟؟

الشخص المطلوب/..متأكد والله واحنه كاعدين حسيته داخ وعيونه زغللن واحتمال هسه سوة حادث بس لامات؟؟

سلام بحقارة/..مااريده يموت..اريده يعيش لذل مو الموت مراح استفاد اذا مات..مثل ماخله لناس تثير شكوكها بينه وتحجي علينه اريد لعالم تشك بي وتحتقرة ومحد يحترمه...

الشخص المطلوب بجمود/...سويت مثل متريد..

تركه وهو يركب سيارته ضحك بخبث هاي اول مهمه نجحت وياريت ولو تكمل على اكمل وجه.. ************************
كانت تمشي بالممر المؤدي لغرفه توته وكانت خطواتها مهزوزة وضايعه طرقت الباب وفتح توته باب الغرفه تفاجئت من شكلها ودموعها لتارسه وجهها...

توته بتفاجئ/...وهج شبييييج؟؟

وهج حضنتها ببكاء..تنهدت توته وهي تاخذها لغرفتها كعدن علئ الارض..وهي تسالها عن الخرائط لصايرة بوجهها..

توته بتساؤل وقهر/..امير هيج سوة بيج؟؟

وهج ببكاء/..ليش ليش.. مو حرام عليكم ليش ماكلتولي يشرب؟؟ليش ماكلتوا مايصلي؟؟ ليش ماكلتوا يحب وحده اسمها فرح؟؟ لييش؟؟

اردفت وهي تمسح انفها ودموعها/..يوميه يجي ب12باليل يكعد يخابر بصاحبته.. ومن أسأله يكول صديقي يتعصب بسرعه عليه..وليوم جاي سكران.وانوب اصدقائه مااعرف ليش اسمائهم مخربطه..دوش وابو زعتر ومدري منوو؟؟

توته بعصبيه وهي تكوم من مكانها/..سكران؟؟ ابن ابو محمد سكران؟؟والله والله..امير مايصبح على خير اله اروح اكول لابويه على سوالفه واخلي يطيح حضه..مو كال بطلت بعد مااشرب؟؟ رجع يشرب رجع

طلعت توته من الغرفه وهي تتوجه لغرفه ابوها حاولت وهج تمنعها لكن ماكدرت خافت تصير مشاكل وهي تروح بيها...ضلت واقفه امام الباب وهي تتنحب وتبكي بصوت تعبان ومقهور...

ياترئ ماهو موقف الاب من الابن؟؟

نهايه البارت... بقلم«سمو العراق»

[فيتامين سي]

البارت..7 قصه...«يتيمات من رحم الألم»

بقلم«سمو العراق»...

أحبتيٌ أنتمْ أجمَل مآا فيً قلبيّ ، ،
و الحنيِن إليكَم أروُع مشٌآاعريَ ، ،
وُالدعآاء لكُم عَطر تواَصَليّ ، ،
فيآآآآآرب
أمَطر علىّ الأنفْسَ التيٌ أحبهّآا
فرَحآا وسّعآادة لآ تنتهٌي ، ،

كانت جالسه بين اخوات فاطمه وهي تحرضهن عليها.

سهاد بخبث/..من اجت من بغداد وهي تعدل برويحتها تغسل وتبدل وتصفن مادري شجايها.؟؟

نضال بملل/..خليها تعدل برويحتها خطيه هي شافت من الدنيا اول مافكت عينها ماتت امي..وبعدها لزمها لمرض..

اقبال بتنهيده/..شتقصدين يسهاد؟؟ قصدج اختي تحب؟؟ بس هي وينها وين الحب؟؟ومنو تحب؟؟

سهاد بخبث/..انه شمدريني؟؟ بس انه اضن شايفتلها واحد من بغداد وهل تعدل بروحها..؟؟

اقبال بغضب/..شنهي تحب تريد تنزل راس ابوي وياهي منه تزوجت علئ حب؟؟ كلنه تزوجنه مثل لعالم ولناس ولا وحده زوجت لتحبه؟؟

دخلت فاطمه بعد ماسوت شاي لابوها وبلال.. ابتسمت بعد ماذكرت تذمر بلال من البك وشلون اكل جسمه تنهدت ببتسامه وهنه انتبهن عليها...

فاطمه بقلبها/..ياسودة عليه يابلال اكلاك البك كون بيه ولابيك...اشوو انه لبك مايكرصني وجنه يعرفني..بس ابن بغداد اكلاه اكل..وطلع حتئ البك دايخ على ابن بغداد ههههه

سهاد بشرور/..هااا فاطمه وين جنتي؟؟

فاطمه ببتسامه/..سويت لابوي جاي..

سهاد بتصنع/..عفيه يفاطمه جاا انه اموت عليج لانج معدله وام بيت ودايما اوصي عليج حازم واكله هذي اختك مريضه دير بالك عليها..وحتئ اسئلي..

فاطمه/...مشكورة يسهاد ادري بيج والله..

سهاد وهي تندس اقبال وتكلمها بصوت ناصي/.. شفتي شلون تصفن وتتبسم انه شاكه بيها

اقبال ضلت تنضر لفاطمه بنضرات غاضبه وهي تشوف شرود فاطمه ذهنيا وعقليا عنهن وتأكدت من كلام سهاد ان فاطمه بالها شخص..

ماتراه في وجوه الناس
ليس كما هو في داخلهم
هذا العالم حفله
تنكريه

""""""""""""""""""""""""""""""""""""""""""
في بيت ابو محمد بتوقيت العاشرة صباحا....

كان جالس على التخم مقابل لنضرات والده الغاضبه صارله عشر دقائق من وصل من محافضه ميسان بعد ماجاب عبريه سلم على والده وجلس،بتوتر حس،اكو شئ، من خلال نضرات ابوة

ابو محمد بغضب/..ايات ايات.

ايات بخوف/..هااا بابا.

ابو محمد بصوت جامد/..روحي صيحي مرت اخوج

راحت توته بخوف وتندمت لان خبرت ابوها بسكر امير تعرف ابوها عصبي ولكل تهابه ومايرحم.

اجت وهج بتوتر/..هااا عمي رايدني؟؟

ابو محمد بهدوء/..زوجج كاعد؟؟

وهج بهبطه/..اي عمي فوك..

ابو محمد بغضب/..روحي صيحي خلي يجي.

وهج بتردد/..اي عمي رايحه...

صعدت للغرفه شافته لابس بنطرون كابوي ثلجي وقميص،نيلي وهو يحس بدوخه من البارحه...

وهج بهدوء/..امير ابوك يريدك

التفت عليها/..شيري...قطع كلمته بعد مااصابته صدمه قويه من التشوه لصاير بوجه زوجته..هو مايذكر شنو السبب؟؟منو ضربها؟؟

امير بااستغراب وهو يحرك اصبعه على خدها المعضوض/..منوو ضربج؟؟

وهج بحسرة وهي تبعد ايده وتطلع من لغرفه/ّ..انته

امير بصدمه/...اني؟؟؟ هاي شدكول شوكت ضربتها اصلا مااذكر شوكت رجعت..اووف شنو صار؟؟

طلع من الغرفه وهو يطفي جكارته ويشمرها وصل لباب الاستقبال دخل شاف ابو واقف وبعصبيه..

امير وقف مقابيله وبهدوء/..صباح الخيي...

الاب بعصبيه ضربه كف على وجه وبصرخه/.. ياحيوان ياسافل ياحمار سكران سكران؟؟جايني تالي ليل سكران ؟؟

امير نزل راسه بهدوء وهو ياخذ نفس..

الاب بغضب عارم وهو يمسك عكازة ويجلس على التخم...

ام محمد ببكاء وهي تمسك امير/..يالله حصل خير.

ابو محمد بعصبيه/..منين يجي الخير وابنج الكلب جايني سكران ويتمايل؟؟اني ابومحمد لعشيرتي كولها تحلف براسي هذا السكط ينزل راسي؟؟

امير بقهر وهدوء/..بس هم حطو...

ابو محمد بعصبيه/..اسكتت مااريد اسمع صوتك انت واحد مطرود من رحمتي لناس تعارك ولدها على شغل على عمل اني اعارك علئ عربده وسكر وصلاه؟

امير وهو يريد يفهمه/..بس خلي افهمك...

ابومحمد بغضب/..انجب..والله والله اذا ماطلعت من البيت ماتلوم اله نفسك..مو اني ابو محمد لالفي لسكارئ والملعونين..روح انته مطرود من رحمتي ياكلب مااريد تشوة سمعتي بسببك.

حس بنفسه اختنق والاوكسجين قل من حوله كلام والده كان كوولش قاسي وضربه كدام الكل..رفع راسه شاف اخوانه اثنينهم واكفين وهم مقهورين عليه وامه تبجي عليه وزوجت اخوو مصدومه من الموقف واخته تنضرله بشفقه...

اما وهج كانت واقفه قريبه من باب الاستقبال وهي تبكي بهدوء وتنضر اله بخوف......طلع من الاستقبال وهو يزم شفايفه دفعها بقوة ضربت بباب الاستقبال وماتوازنت لكن بعده سيطرت على نفسها وهي تمسك الباب...

ابو محمد بعصبيه وهو يريد يرجع اله لكن ام محمد ماخلته وهي تمسكه من صدرة...

ام محمد برجاء/..عوفه ابو محمد الله عليك عوفه

ابو محمد بعصبيه/..ماشفتي Iraqi (Nora):
شلون ضرب لبنيه؟؟

وهج وهي تبوس ايد عمها/..عمي فدوة عوفه خلي يضربني بس مااريد يصعد عندك الضغط بسببنه.

ابو محمد تنهد وهو يمسح على راسها/ّّ..والله متندم زوجتج اله لو ادري جان زوجتج لبلال على اقل احسن من ذاك الفاشل..

بلال نزل راسه بخجل وانقهر على اخوو حيل تنهد وهو يطلع من الاستقبال ومن جابو طاري الزواج اتذكر فاطمه وخجلها ياريت تصير زوجته..
**************************
طلع من البيت بعصبيه فتح باب السيارة بقوووة وهو يسووق بسرعه جنونيه ضرب الستيرن بقووة يعرف منو الشربه..يعرفه هذا دوش هو لشربه..نص ساعه وهو يخطف من السيارات وصل للمكان المطلوب.. نزل من السيارة...صار امام بيت ام دووش طرق الباب بقووووة عارمه فلشه تفلش..

دوش اول مافتح الباب حس بنفسه طار مسافه داخل بيتهم بسبب البوكس لاجاه...

امير بعصبيه وهو يلزم دوش من ياخه قميصه وبغضب/...باابن الكلب تشربني تخليني اسكر وماادري بروحي والله والله ليوم اله دفنك بيتكم.

دوش ودم مغرق وجه وبخوف/..والله والله مامشربك !!

امير بغضب وهو يضربه ولعالم لتمت/..لعد منوو شربني؟؟ماكوو غرك ياسافل..

ام دوش تصرخ/..يمممه ياناس ياعالم الحكولنه راح يموته يممه دووش ياناس تعالوو...

اجت لعالم التمت وهمه يفارغون بيهم وبالقووة يالله فرغوا دوش من ادين امير والعالم تهدي بيهم.

امير وهو يتوجه لسيارته/..والله والله اذا ماندمتك مااكون امير انته بس اصبر اله اوكلك تراب..

دوش وهو دايخ من الضرب وامه تهفي عليه/..هههه انه لاندمك والله اله اخليك تمشي وتتلفتت..

ركب بسيارة وهو يجري اتصال بثواني اجاه لرد...

امير بسرعه/..هلا ابو زعتر..

ابو زعتر بمرح/..هله اموري..

امير بهدوء/..ابو زعتر اريدك تشوفلي بيت للايجار بس اريده رخيص كد 150...حتئ لو زباله.

ابو زعتر بتساؤل/ّ..لمنوو؟؟

امير/..اليه..اني اريد أأجر واطلع..

ابو زعتر/..ليش؟؟

امير بضيق/..اهووو بعدين افهمك..هسه روح دورلي.

ابوزعتر/..اوك عندي بيت عمي عتيك وياايجارة رخيص ومناسب ليوم احجيلك ويه عمي

امير/..يالله روح مع سلامه...

ابو زعتر/..اوكف وييي... طوط طوط...

تنهد بحزن وقرر قرار حتمي راح يترك عائلته وعيش لوحده..اما عن وهج اذا تريد تعيش وياه اهلا وسهلا اما اذا لا..ف..الطلاق مصيرهم...
"""""""""""""""""""""""""""""""""""""""""""
كاعدات قريب من النهر...

ايات وهو تدير وجها عليها وبلهفه/..خايبه البارحه سعديه دكول اذا ماتزوجت بلال اله اطكه بسحر..

فاطمه بصدمه/..يااا دهر صابها هيج تريد تسوي وهو بلال حتئ مايباوع بخلقتها...

ايات/..خايبه ولج البنات كولشي يسون ديري بالج لاتاخذه منج...

فاطمه/ّ..ماتاخذه مايقلدلها..

اجت اقبال وهي تنهرها بعصبيه/..كوومي شعندج كاعده هنا ماتستحين..

فاطمه بتفاجئ/..شبييج؟؟

اقبال بغضب/..كوومي اكلج كوومي..

كامت وياها بعصبيه وهي تتذمر من تعاملها المهين لكن مابليد حليه هذي اختها الكبيرة وتمون عليها..
**************************
دخل للبيت بسرعه وصعد لغرفته بدون ميقابل اي شخص...شافته لكن ماتجرئت تصعد...

فتحت امه الباب وقابلت ملامحه الحاده..

امير احتدت ملامحه/..خير شتردين؟؟

ام محمد ضربته على كتفه وبصوت غاضب/..... يامتستحي اني امك احترمني..شتريد اسوي ادعي عليك ياامير يطيح حضك اكثر ماهو طايح..؟؟ رجال شطولك شكبرك..هيج تعامل امك؟؟

تنهدت بحزن وهو ينضر بنضرات فارغه/..يمه اني راح اخلصكم من شري ولا بعد تشوفون وجهي..

ام محمد صارت قباله وخلاياها ترجف من قساوته وعدم اهتمامه بأمه/..وبعدين وياك اموري والله موتتني..ليش،ماترحم حالي اني امك حبلت بيك تسع شهور..من تتمرض اتمرض قبلك..ليلي كوله سهرانه على راحتك..كبرتك وصلتك سويتك رجال...امير يمه ارحم حالي شنو هلقسوة لبيك.. انته ضناي من اشوفك ضايج تضيق بيه لدنيا ولا توسعني..

امير وهو يفرك لحيته بتوتر وروحه هايمه/ّ..يمه تعذبت...

ام محمد اخذت نفس واردفت بهدوء/..يمه ياكلبي انسئ الماضي لموتتنه بي انسئ...شوف مرتك شحلاتها تسوالها قبيله شنو ذنبها تتحمل ذنب مو ذنبها؟؟

امير بغصه/..يممه ياريت امووت واخلص من همي.

لا نشكو للناس هما كفا بل زمان شامت
ولا نقل للناس سرا كفا للدموع تفضح
ولا نقول الخير قريب ربما الموت اقرب

ام محمد بخوف وهي تحضن وجه وتنضر لعيونه ودموعها مغرقه وجهها/..لا يممه امير لا.. لموت لاعدائك لليكرهونك...انشاءالله عمري قبل عمرك ياغلاي...

امير وهو يعض شفته/...يمه منو وصل خبر لابويه على حالتي لبارحه؟؟

ام محمد بكذب/..هو شافك..

امير بشك/..ماصدكت...

ام محمد بصدمه كاذبه/..يعني اني اكذب..

امير بتنهيده/..يممه راح اطلقها..

دخلت وضلت واقفه بمكانها من اثر الصدمه لتعرضت الها...يطلقها؟؟ هانت عليه..شنو ذنبها..وين تروح Iraqi (Nora):
ماتريد ترجع لدهليز عمها لضالم..هو عائلته مامتحملته..وانوب هي تتحمل..بلعت غصتها وبانت على ملامحها الضيق والقهر..عيونها لمعن بدموع...

ام محمد برجاء/..يمه امير شلون اطلقها هاي مرتك خاف الله بيها...ماصار لكم شهرين من تزوجتوا..

ابتعد عنها وهو يستدار بهدوء.. لكن وهج تقدمت منه وهي تخلي اطراف أصابعها الناعمه على كتفه المعضل..

وهج بصوت باكي/..ليش حرام عليك ليش تطلقني؟؟ امير حس بيه اتقي الله بيه.شدكول عليه لناس من ارجع ورة شهرين مطلقه..تعرف عمي ميرحم وابويه موقفه ضعيف..ليش مافسخت لخطبه قبل لاتزوجني؟؟امير حرام عليك اني ذنبك..مالي وطن

امير اندار عليها وهو يشوف لضعف بعيونها/ّّ.ّ. اني ماافيدج..واني اجرت بيت تردين تضلين وياي اهلا وسهلا ماتردين الله وياج..

وهج بضياع وهي تنضر لعيونه/..لا امير فدوة صالح ابوك وخلينه عايشين هنا باامان

امير بعصبيه ممزوجه بنهيار/..مااصالحه ولا اكعد بهذا لبيت ولا دقيقه ابوي ماسمع مني ولا احترمني وماقصر برزالته وياي وطردني شنو اني ماعندي كرامه والله اطلع ولو اعرف اعيش بشارع.

ام محمد بدموع وورع/..لا يمه امير لاتروح...

امير باس ايد امه وهو يغمض باسئ/..يمه لاتكسرين ضهري خليني اروح وارتاح اني طالعه روحي والله.

تركهن وهو يطلع من الغرفه....تقدمت وهج وهي تحط راسها على صدر ام محمد وتريد تستمد لحنان منها...حضنتها ام محمد وهي تبكي...

ام محمد وهي تبكي/..يمه وهج ديري بالج على امير ساعديه ولاتخلينه لوحده هذا ابني هذا ضناي ونضر عيني تعذب مشاف من شبابه شئ..امير امانه برقبتج
بكت بحسرة على حالها وحنيتها على نفسها ماسمحتلها تتكلم..لكلام كان موجه لداخلها المحطم..

ادير بالي عليه؟؟اساعده؟؟هو امانه برقبتي؟؟...واني منو اليه؟؟منو يدير باله عليه؟؟منو يساعدني؟؟ منو ائمنه على نفسي؟؟...بكت على صدر ام محمد ولا سمحت لنفسها تتكلم وتحجي واقعها المرير...
**************************
بعد مااخذت اختها لذالك البيت الطيني المتهاوي...كعدتها وكعدت مقابيلها وهي تكلمها بحنيه عسئ ولعل تكدر تجذبها...

اقبال بحنيه وهي تمسك ادين فاطمه/..فطومه حبيبتي عندي موضوع وياج وانه لو مااحبنج واريدلج الخير مااحاجيج بهذا الموضوع..

فاطمه باستغراب/..شنهي موضوعج؟؟

اقبال ببتسامه/..تعرفين انه عيالي يموتون عليه ويحبوني..انه قايمه بواجبهم احلب الهوايش وحش الحشيش وعلف الحيوانات..اروب روبه وابيعها اسوي كيمر وابيعه...وعيالي يحبوني يحبوني..

فاطمه /...هااا. اي ادري يحبونج؟؟

اقبال اردفت بحنيه/..اي وهمه يردون يجددون لنسب ويانه مرة ثانيه..

فاطمه بتساؤل/..مافتهمتج شتقصدين؟؟

اقبال بمرح/..يعني عيالي يكولون ناخذ اختج وتضل وياج وهي مريضه انتي تديرين بالج عليها وتدارينها وهمه رايدينج للثواب يكسيبون بيج اجر هم يتيمه وهم مريضه...واني يمج..

فاطمه بلكنه/..شنو احجي شنو يكسبون بيه اجر.

اقبال بمحبه/..كلفوني اخطبج لحماي سالم...

فاطمه وكأنها اصابتها صاعقه قويه لم ترحم جسدها النحيل...ماذا تقول تلك البلهاء..كيف يحق لها تزوجي؟؟ أولم تعلم ان خافقي ليس ملكي؟؟..اولم تعلم أني لست ملك نفسي بل ملكه؟؟والم تعلم اني احببته بجنون؟؟اولم تعلم ان طيف بلالي يطاردني اين ماذهبت..احبه نعم احبه ولا اريد سواه...

فاطمه بعصبيه وهي محتجه على كلامها/...مااقبل ولا اتزوج حماج..وكليلهم كطنه وشيلوها من اذانكم انه مااريد احد يكسب اجري انه مو مسودنه..

اقبال بغضب/...فوك مافكرت اخطبج يالخبله هو منو يدك بابج ويفكر يرتبط بيج ياام الجنيه..

سهاد بخبث/..علئ كيفج يااقبال خيه لنفس وماتشتهي يجوز فاطمه تحبلها واحد؟؟

فاطمه بصدمه وخوف/..انتي شدكولين؟؟

سهاد بحقارة/ّ..اي يجوز تحبين جاا اكو وحده يجونها خطابه وترفض...؟؟

اقبال بعصبيه/...جااا غير اذا صدك اكطعها تكطع..

سهاد بخبث وبرود/..جاا هي السالفة مبينه..

فاطمه بعصبيه ودموع هاربه/..اكلن تبن لاتتهمني بشرفي وانتن ماتدرن شئ...

هجمن عليها وكأنهن قطط مفترسه..يقابلن قطه اليفه ضعيفه لاحول لها ولاقوة كانت تجهش بالبكاء انتهت المعركه القاسيه بالكلام لا بالضرب..بعد مادخل ابو حازم وهو يستفسر عن الصار

ابو حازم بعصبيه/..شكوو شصاير فاطمه تحبمن؟؟

فاطمه ارتجفت جميع اطرافها وهي تنزل راسها بخوف...اما سهاد رسمت على محياها ابتسامه خبيثه وهي تنتضر اعتراف اقبال عن معركتها مع فاطمه

ابو حازم اعاد السؤال بصرامه/..مو اكلجن تحبمن؟؟

اقبال بكذب/..بويه تحب علي الدلفي..

ابو حازم بضحكه وهو يحضن صغيرته فاطمه/..جاا بويه طلعتي تحبين علي الدلفي..والله والله لو من كرابتنه جاا رحت انه خطبته الج

ابتسمت باانكسار بحضن ابوها..وصوت بداخلها يصرخ...لا اقبال جذابه...انه احب بلال احبه يابويه مسحت دموعها بصدر مصدر الحنان ابوها الغالي..
**************************
اتصل بااخته وهو يزمجر بعصبيه. ..

توIraqi (Nora):
ته بحيرة/..لا امير لاتطلع من لبيت ضل هنا؟؟

امير بعصبيه/..اهووو اكلج روحي صيحيها كليلها منتضرج بالباب..

توته عفست ملامحها وهي تنضر للموبايل بعدم رضا وبقلبها..الله يساعد وهج مدري شلون متحملتك نادت عليها وهي طلعت من غرفته تجر بجنطه كبيرة كجنط السفر..وهطول كم هائل من الدموع على وجنتيها..وحسرة وخوف يمزق قلبها...ودعت اهل امير بدموع كبيرة وهي يعز عليها فراقهم حضنت عمتها وباست ايد عمها وطلعت..

صعدت بصدر وهي تبكي بوجع تنهد بعصبيه وهو ينضر الها بطرف عينه ساق السيارة وهو مبتعد كل البعد عن منطقه اهله...كان الجو بارد والشتاء قارص وهطول حبات المطر تزيد الموقف رهبه.. وصلو لمنطقه مهجورة ويغطيها السواد الحالك..تفتقر للخدمات..بيوتها متهالكه وحيطانها متعبه..تلك المنطقه لم ترضئ ان تسكنها الكلاب السائبه فكيف بوهج الانثئ الصغيرة الناعمه؟؟

دخلوا للبيت وهي تنضر بقرف للبيت معقوله تسكن بهذي المزبله...كان لبيت عبارة عن حوش كبير تتوسطه شجرة كبيرة..«سدرة»..وبعدها غرفه وبداخل لغرفه غرفه...ومطبخ صغير متهالك ويعاني من الرطوبه..وحمام ارضيته من الصب المحفر.... وتواليت صغير...

دخلت للغرفه وهي تعض شفاتها بجزع وعدم رضا شافت مفروش دوشكين جدد وبطانيه ومخاد اضاهر مشتريهن هسه...كعدت علئ الدوشك وهي تلم رجليها وحاسه جسمها يحكها من قذارة المكان..

وهج بسخريه/..مالكيت اقذر من هذا المكان؟؟

امير بعصبيه/..تتمسخرين حضرتج؟؟ مو انتي السبب بالاحنه بي حاليا؟؟

قامت مفزوعه وهي تأشر على نفسها/ّ.اني؟؟

امير بغضب/..اي انتي..مو انتي لرحتي وصلتي خبر لابويه اني سكران؟؟..لمرة لزينه تحفظ سر رجلها مو تفضحه!!..بس انتن كلجن من نفس الصنف ماصير الجن جارة..

كيف يحق له ان يصدق كذبته..متئ اخبرت والدك بما حصل؟؟اولتعلم اني اخاف النضر في عيون ذالك الرجل المهاب..انت وبكل جبروتك لم ترفع رئسك وهو يهزئك..كيف لي الجرئه ان اقول لذالك الوالد بأن ابنك غرقان حد السكر؟؟لما تتهمني بفعله لست فعلتي؟؟ «سمو العراق»..

صرخت بوجه بعصبيه/...لا تشوف الناس بعين طبعك اني مو مثلك بايعه ديني لاتتهمني باطل..

امير وهو يلصق خدها بالجدار الرطب/..صووتج لاتعلينه علينه ترة والله بايع لدنيا..همس بفحيح مرعب وهي تبكي..اذا انتي حقيرة اعرف اربيج..

دفعته بعصبيه رجع خطوتين..طلعت خارج الغرفه وقفت بوسط الحوش المضلم بحيرة وعبرة وخوف وهي تشوف الرياح تضرب الشجرة وتصدر صوتا مزعجا وحبات المطر تضرب الارض بقسوة..

جلست على الارض وهي تدفن وجهها بين ركبها بكت بألم قاتل..بكت وحدتها..وبكت المها...بكت حيرتها وخوفها وبكت وبكت...

حست بشخص واقف على راسها رفعت عيونها الدامعه لوجه الجامح..مد ايده بالمساعده وهو يزمجر بتنهيده وياخذ نفس...ضربت ايده وهي ترجع على وضعها الاول وتبكي...جلس مقابل لها وهو يمسح على شعرها الاشقر بالمنثور حوالينها...

امير بتافئف/...كومي لاتتمرضين لجو بارد..

سكتت ماردت عليه...وهو يشوف اهتزاز جسمها دليل على بكائها...

حضنها بحنان وهو يدفن وجهها بصدرة وهو صامت ازداد هطول المطر لكن ماتركها وقرر يغرق وياها بالمطر...تريد تتمرض يتمرض.وياها...

انصدمت من حنيته...وناجت روحها الملكومه بصمت غريب امرك..ايها الامير الجامح..تنعتني بالحقيرة وتحن علي..تعنفني..ثم تحضنني..تدفنني بااطنان من التراب..ثم تمسح التراب من رأسي...اي منطق هذا؟؟ انا اعرف نفسي..فأنا يتيمه من رحم الألم..لكن لااعرفك.. من انت؟؟...بقلمي«سمو العراق»..

وهج وهي تبتعد عنه/...خلينه ندخل متت من البرد.

قام بهدوء وهو ياخذها للغرفه بدلت ملابسها بسرعه وهو بدل ملابسه...وناموا لكن الارواح ملكومه والانفس متعبه ياترئ متئ تأتي ساعات الفرح..

يتبع... نهايه البارت. «سمو العراق»

[فيتامين سي]

البارت 8....روايه«يتيمات من رحم الألم»😍

بقلم..«سمو العراق»❤

‏لآ تيأس من صعوبة الطريق ؛ ‏فالصراط المستقيم فوق جهنم ، ولكنه طريق الجنة.
اسعد الله مسائكم &&

افاق من نومه وهو يدورها بفراشها بس هي ماكوو ياترئ وين راحت من لبارحه زعلانه عليه...ماحاول يراضيها..وكان السكوت سيد الموقف...

اما هي افاقت من الصباح الباكر...طلعت برة شافت الحوش قذر لدرجه التقيؤ..تنهدت بحيرة وفتحت البوري غسلت وجهها رجعت شافته نايم...اخذت سطل لحمام وغسلت الحوش والمطبخ والملحقات.. من لبارحه لليوم تبكي من قذارة المكان

ومن البارحه هي على لحم بطنها ماتعشت عند بيت عمها تحس بمراره بجوفها وهسه لساعه عشرة والاخ ماكعد...تنهدت بحيرة..اخذت طحين عجنته وخلته اختمر...حط لقوري علئ الطباخ...وخلت لطاوة وحمت الزيت...وبعدها كورت العجينات وخبزتهن وقلتهن بزيت بشكل دائري....

حست بي كعد راح غسل وجه واجاها للمطبخ وهو يمسح وجه بالخاولي..

امير /..صباح الخير

وهج بهدوء/..صباح النور

امير وهو يعقد حواجبه بتساؤل عن الريوك لمسويته وهج/..شنوو هذا؟؟

وهج بسخريه/ّ..بيتزا....

امير بااستغراب/..بيتزا؟؟ وين اكوو هيج بيتزا؟؟ انتي فاهمه البيتزا غلط..هاي بس حرف الباء اما باقي الاحرف منقرضه...

وهج بهدوء/..الحمدلله كولها نعمه وبعدين انته نايم واني جعت فسويت خبز بدهن وراح اتريك...

حضنها من خصرها وهو ينزل وجه لمستوى وجهها وهو يربكها وينضر لعيونه..دفعته بخجل وهي مرتبكه باسها بحنيه ولهفه..دفعته بخجل وهي دير وجهها للطباخ..

امير وهو يبوس كتفها/...هسه اجيبلج احلئ ريوك.

طلع وتركها مصدومه من تصرفاته..حنيته تعلقها في لكن صوت بداخل روحها يصرخ..لاتصدقي هذا كذاب هذا مريض نفسي يكرهج..بس يريد يرضي نفسه لاتصدكني..مسحت دموعها وهي تحس بااحساس غريب ينمو بداخلها...دعت ربها يضل بحنيته ولا يتغير تحبه من يكون حنين وتكرة قساوته..

**********************************

هواي احبها بكد بياض سنونها
#_الله_مدري_اشحاط_فوك_عيونها
حلوه ويغار الغصن من طولها
#__اشلون__اهلها__تطلع__يخلونه� �
بارده
ومنها
الثلج
ماخذ
خصال
#__وحتى_فجر_الله_اخذ_من_لونها
.
بعد مارجع من بغداد للعمارة...غسل ونام وارتاح..وبعدها طلع بسيارته وهو يتجول بالمنطقه.. راح على مزارعهم...ولفت انتباهه حضيرة الابقار...

دخل للحضيرة وابتسم بحب شافها واقفه ونازعه العبايه وهي تعزل بالحضيرة..وكل شويه تفز مرعوبه من الابقار..رغم هنه مربوطات بس هي تخاف منهن.. تنهد بداخل نفسه واستغرب من اهلها شلون يخلونها تطلع لوحدها ميخافون عليها وهي بكل جمالها لطاغي...حلوة وطولها مثل غصن البان...

التفف عليه وبصدمه/...بلال شجابك هنا؟؟

بلال ببتسامه/..بالاول صبحي عليه..

فاطمه باارتباك/..اءءءء صباح الخير..بس جابك هنا؟؟

بلال وهو يعقد حواجبه/..ماادري بس جنت افتر بسيارتي ولفت انتباهي الحضيرة واجيت اشوفها..

فاطمه سكتت...عم السكوت عده ثواني وبعدها..

بلال بتساؤل/..تعرفين تحلبين؟؟

فاطمه وهي تغص بالكلام/..هااا اءء لا والله مااعرف هسه تجي صاحبتي تحلب الهوايش أنه بس انضف الجاخور وهي تحلب...

بلال ببتسامه على لهجتها/..شعجب ماتعرفين؟؟

فاطمه بحزن وهي تمسك سور الحضيرة/..جانت امي الله يرحمها هي لتحلب الهوايش وانه جنت صغيرة.. اذكر مرة من المرات امي خطيه كعدت تحلب بيها تقريبا نص ساعه...وتعبت حيل وجانت صيف وحارة ومن كملت ..الهيشه رفست السطل وتبده الحليب...

بلال بترقب/...خطيه..

فاطمه بدموع وضحكه/...هههه امي بهذاك ليوم كضت الهيشه وكتلتها بالمكناسه..ولهيشه ضلت ترفس..وامي تسب بيه وتغلط عليها..

التفتت عليه وشافت ابتسامته الحزينه على محياه..

ابتسمت بحزن ولدموع لمعت بعيونها نضرت لعيونه بترجي وهي تطلبه/...مشتاقتلها اريدها امي اريدها

حرك شفايفه لكن الكلام طار منه..من طلبها حس بنفسه منجل حاد..ونحر جوريه بريئه مالها ذنب...

اردفت بحنين/..هواي احب اجي لهذا المكان يذكرني،بغاليتي...وهواي احب اباوع بعيون هاي الهيشه..مرات اطلب منها تسامح امي لان ضربتها واحساس،بداخلي يكولي هي مسامحتها..امي تحبها وهي تحب امي..اثنينهن عانن من ضلم الزمن

بلال بحنيه وهو يتقرب منها/..الله يرحمها ويسكنها بالفردوس الاعلئ...

فاطمه وهي تنضر لعيونه بهيام/..تسلم ويرحم موتاك.

تقرب منها..ورفع اصبعه...مسح دمعتها لمتاخذه مسار على خدها البارد...ابعدت وجهها بخجل وصدمه من تصرفه..وهي تنضر لوجه لهيمان بيها....

ابتسم بحب وهمس/..آسف.

اشاحت وجهها عنه وضلت تنضر للابقار بخجل وهي تنطي ضهرها...ضل يتأمل ضهرها وهو يهمس بداخل نفسه....

فاطمه امك انجبتك لتسرقي قلبي اسكنها الله الفردوس كما انجبت فردوساٍ لدنيتي ❤️❤️.

رجعت نضرتله ببتسامه وهو بادلها الابتسامه اتمنت يعترف الها بحبه..يقهرها ثباته...ويعذبها صمته..ليش، مايعلن حبه وهو رجل...شلون تعترف بحبها وهي انثئ..خجلها اقوئ من جرائتها..لذالك فضلت السكوت

اما عن تلك العيون الحاقده التئ كانت تنضر بحقد منذ ان مسح بلال دمعه فاطمه...رسمت على شفتها ابتسامه خبيثه...وقررت تلك الافعئ ان تنشر سمومها داخل قبيله فاطمه...كرهها لفاطمه ليس له حدود.. لكن يبقئ السؤال لم تلك الشريرة تكن الكرة تلك اليتيمه..؟؟

خرجت من المكان وهي مسرعه...ركبت القارب وهي تجذف داخل النهر بسرعه كبيرة...فهي لاتملك الوقت الكافي لاذلال فاطمه...يجب ان تخبر زوجها ووالد زوجها بخلوة بلال بفاطمه..تريد لفاطمه ان تكون خادمه تحت يدها..ولاتتزوج ابن بغداد المرغوب من قبل الكل...
**********************************
كانت تبكي على فراق ولدها الغالي..حتئ وأن كان عاق بنضر والده..لكن هو يضل ابن قلبها...ولم يصبح عاق الا بعد ما غمرته مشاكل الحياه..

ابو محمد بغضب/..لا تبجين مايستاهل هذا النذل. مادام قرر يترك بيت ابوة ولا طلب اسامحه راح احرمه من كولشئ حتئ من الورث لورث يتوزع بين خوانه بس هو لا...

ام محمد زمجرت بغضب/..حرام عليك ليش تصير انته والدنيا عليه..انت اكثر واحد تعرف بأمير شكد انضلم وتعذب..وهسه يالله نفسيته شويه ارتاحت..

ابو محمد بعصبيه/..اهووو ترة موتونه بسالفت امير وهو هم حمار ماينسه السالفه ويسدها ضال يلوج ويعلج بيها...ماكفاه اني علاقتي بااخوي خربت من وراه ورة صبا...

ام محمد ببكاء/..ليش لصار قليل ياابو محمد؟؟ والله لتحمله امير مايتحمله جبال...لرجال كولشي ولاتنهان رجولته...وصبا ماقصرت..الله لايوفقها..بس شمالها حضها كاعد وكعت ببني المسكين...

ابو محمد بغضب/ّ..اسكتي سدي الموضوع ماكفاج ضلمتي بنت لناس ويه ابنج..شنو ذنبها وهج وهي ماتدري شضامين عليها من مصيبه؟؟

ام محمد بحزن/..محد راح يفتح الموضوع لان محد يعرف بالموضوع غيري وغير امير وام صبا...

ابو محمد بسخريه/..ليكون نسيتي مرت محمد وهي شافت الحادثه كولها وشهدت عليها؟؟

ام محمد بجمود/..مرت محمد لايمكن تتجرء وتفتح حلكها بكلمه...والله الطلاك مصيرها اذا حجت كلمه وحده...

ابو محمد بسخريه/..هههه سر وعند النسوان اقري عليه السلام....

ام محمد/..ليش مو هاي اني وام صبا حافضين السر وماحجينه لواحد...

ابو محمد بزمجرة/...يا مرة افتهمي...انتي حفضتي لسر لان خايفه على ابنج..وام صبا حفضت السر لان خايفه على بنتها...اما مرت محمد ماكوو شئ،تخاف عليه...
ام محمد وهي تمسح دموعها بقسوة/ّ..لا عدها وعدها. اذا حجت الموضوع راح تخسر عائلتها...

ابو محمد بتنهيده/..محد هامني بهذا الموضوع كوله هامتني..بس هاي لبريئه زوجت ابنج الحقير...وهج شنو ذنبها بهاي لعويصه كلها.؟؟
"""""""""""";;;;;;;;;;;;;;;;;;;;;;;;;;;;;;;;;;;;;; ;;;;;;;;;
جائت تركض بلهفه وهي تحمل العلف للحيوان...رمت العلف على الارض وهي تتوجه لزوجها ووالد زوجها..

سهاد بلهفه/..عمي عمي.. حازم..الحكوا الحكوا..

ابو حازم بخوف/...هااا سهاد خير شكوو؟؟

سهاد برعب مصطنع/..عمي فاطمه عمي.

حازم برعب/...شبيها فاطمه؟؟

ابو حازم بهبطه/..شبيها فاطمه غركت بشط..

سهاد بخبث/..اي يعمي غركت بشط ابن ب...

قطع كلمتها بلال..وهو ينادي على ابو حازم...

بلال من داخل البيت/..ابو حازم انكطع لمي واني جاي اتوضئ...

ابو حازم/..هااا..اي هسه حازم يشغل الك الماطور.

...اصابتها صدمه قووووويه من وجود بلال كانت تضن ان راح تورطهم بالجرم المشهود وتتخلص من فاطمه وبلال...لكن هي نست بسيارة بلال اسرع من قاربها...

ابو حازم بغضب/..خايبه احجي شبيها فاطمه..

سهاد بفشله/..عمي كلها دكول عليها طابت وصارت زينه...وماهو بيها جن..

ابو حازم بعتب/..خايبه امداج 🙌 هبطتيني...

تركها وراح...اما هي حست راح تنفجر من الغيض شجابه بهلسرعه..وهي شافتهن اثنينهم بالحضيرة.. اضطرت تغير اقوالها...كما تفعل الافعئ وتغير جلدها لوت فمها بخبث وهي ترسم خطه جديده...
**********************************
كانت جالسه لوحدها بالبيت...هو طلع من الخامسه عصرا وهسه الساعه العاشرة ليلا..لاتوجد وسائل تسليه لتلك المسكينه...البيت خالي حتئ من التلفاز.

نامت على ضهرها علئ الدوشك وهي تفتح اديها بطلاقه...تذكرت حديث دار بين توته وزوجت محمد..
وهي كانت تستمع الحديثهن بدون علم منهن...

توته/...امير مايحب وهج..

مرت محمد بااستغراب/..ليش مايحبها..؟؟

توته برفعه حاجب/..لا تنسين باامير شلون يحب صبا يعني مستحيل ينساها..

مرت محمد/..نساها وصارت ماضي ولاتعتقدين اخوج يحب صبا ترة يكرها ويكره طاريها

توته/..لا يحبها ويموت عليها كأنهم عصافير حب بس مااعرف ليش انفصلوا ونهو حبهم؟؟

مرت محمد وهي تضم سر كبير/..اسكتي لاتسمعج مرته واذا ميحبها باجر يحبها شنو يعني..

توته/..والله مااعتقد يحبها..امير واعرفه مايحبها.

قطعت شرودها بعد ماحست بالباب انفتح وسمعت صوت سيارته...كعدت ومسحت دمعتها...

دخل رمئ نفسه على الدوشك..بكافه ملابسه..تقربت منه وحطت ايدها على صدرة...استغرب من تصرفها ضل ينضر لعيونها بدقه..باسته بخده وهي بنيتها تستدرجه...

وهج ببتسامه/..اسويلك عشاء؟؟

امير بهدوء/..لاشبعان..تعشيت برة..

وهج وهي تمتد على بطنها وهو على ضهره صار وجها قريب من وجه/..اممم امير احجيلي عن حياتك الخاصه عن ماضيك عن اي شئ يرتبط بيك..

امير بجمود/..ماعندي شئ احجي..

وهج بستماله/..اممم انته حلوو يعني لون عيونك كوولش حلو مايل للقهوائي...وطولك حلو...وشعرك حلو..عيونك حلوة تربك لواحد..

امير ببتسامه/..وين تردين توصلين؟؟

وهج بمرح/ّ..مااريد اوصل بس انته تحبني لولا؟؟

امير بتنهيده/..اي احبج..

وهج بعدم تصديق وبقهر...كذاب ميحبني،يحب صبا ياربي لو اعرف صبا منو...اووف لقهر يأكل بقلبي...

وهج بجمود/..باجر اروح لاهلي..

امير/ّ..تروحين لصبح اجيج باليل ممنوع تنامين عندهم...وحجابج تلزمين بي...ابن عمج من يجي ما تطلعين من الغرفه...اوك

وهج بعصبيه/...لاتحسسني مقصرة بواجباتي تجاه ربي ومو انته تعلمني..ولاتشك بيه..وبعدين اذا انت هيج شريف ماتكوم تصلي من تزوجتك لحد هسه ماشفتك ركعتلك ركعه وحده...

امير بعصبيه/..لاتطولين لسانج وصلاه مالج شغل
بيها..مو انتي لتعلميني...مفهووم؟؟

وهج بعصبيه/..لا مو مفهووم انته انسان مريض،معقد شكد مااحاول اساعدك ترجعني للصفر.. والله والله ماينلام بيك ابوك يوم طردك

هجم عليها بعصبيه وهو يلزم شعرها بعنف/..بنت الكلب تستهزئين بيه لان ابويه طردني...على الاقل احسن من ابوج حتئ من زوجتي ماحضر عرسج وشمرج عليه..ولاسئل عليج..

وهج بنهيار/..انت لكلب لاتقهرني اكثر مااني مقهورة وراضيه بعيشتك الزفت يازفت...

رفع ايده بعصبيه وضربها باقوئ مايملك اسقطها ارضا...نامت على جانبها الايمن وهو صار وراها...

واست روحها بحنان ودموعها اتخذن مسار على خدها المحمر/..يالله ليوم ضربج باجر يدفنج هه مكيفه الصبح حن عليج وباسج وجابلج ريوك... وباليل طيح حضج...الله يرحم امي وابوي شوكت ماتوا ؟؟وليش ماحضرت يوم عزائهم...؟؟

شافته اخذ مفاتيحه وطلع...دعيت عليه بداخلها روحه بلا رده انشاءالله...عاد اصير ارمله ولا مطلقه مثل امي...مسحت دموعها وهي حاسه بخوف من البيت وجدرانه...
**********************************
عند بلال...لنايم عند بيت عمته...وهو يفكر بفاطمه شاغله تفكيرة من اربعه شهور مضت...وتأكد ان هو حبها لو اعجاب..كان تلاشئ،بمرور الزمن لكن هو كل مايشوفها يحبها اكثر واكثر..يحبها بكل اجابياتها وسلبياتها..يحبها مثل ماهي بريئه ناصعه...

تذكر موقف وياها...

وهي تجمع البيض من قن الدجاج...

اجه هو وابوها وهمه يشفونها تجمع بالبيض...

ابو حازم/...الله يساعدج بويه..

شالت السله ووقامت/..هله بويه..

بلال بهدوء/..شلونج فاطمه..

فاطمه بلكنه/..الحمدالله ززز زينه..

ابو حازم/..فاطمه بويه سوي ريوك لبلال مامتريك.

فاطمه بلهفه/..بويه تدلل انت وبلال...وهي تأشر على عيونها....من هاي قبل هاي...راح اسويلكم بيض تكلاه وبيض سلك...وبيض وطماطه...

بلال بضحكه/...ههههههههه شنو سالفه...سويتها سوايت هاي لسوت طماطه تكلاه وطماطه شوي وطماطه زلاطه..

فاطمه/...هههههه جااا شتريد اسويلك..؟؟

ابو حازم/...ههههههه سويله كيمر...

بلال/..لاتكلفون نفسكم..خاف اتعبكم

فاطمه ببتسامه/..ماكو تكلفه يابلال تعبك راحه..

رجع لواقعه وهو يبتسم قرر بس يرجع يفاتح اهله بموضوع فاطمه ويخطبها يريدها ويريد قربها يحبها بجنون...ماحبها لشكلها ولا لمالها ولا اهتمامها بي مايعرف ليش يحبها..اقتحمت حياته فجئ..

عندما تحب شخص لانه جميل او وسيم فهذا ليس حب بل شهوه عندما تحب شخص لانه ذكى فهذا ليس حب بل اعجاب وعندما تحب شخص فقط لمجرد انه غنى فهذا ليس حب بل لانك مادى وعندما تحب شخص لانه جيد بنظرك هذا ليس حب بل شكر لاحساسك ولكن ان احببت شخص وانت لا تعرف لماذ تحبه فهذا هو الحب الحقيقى ..=

قرر ينام لان باجر عنده عبريه من الفجر ولازم ياخذهم لذالك قرر ينام حتئ يكعد بنشاط...

ملاحضه..«طبعا فاطمه وبلال دام حبهم اكثر من سنه ونص..وكان حبي عذري بدون اعترافات...لكن اني اختصرت هوايه من المواقف للاختصار ولضيق الوقت..وحتئ اتماشئ ويه الاحداث..وفاطمه من شافت بلال وشافت اهتمامه بيها حالتها النفسيه تحسنت مع لعلم توكع بااكثر الاحيان لكن احسن من قبل...»
**********************************
رجع تقريبا الساعه الثانيه بعد منتصف اليل....

اما هي كانت نايمه على فراشها وهي تمثل النوم او الاغماء...دخل للغرفه شافها نايمه...تمدد قريب منها وهو يسرح بملامحها الناعمه وخدها المجروح....

رفع خصله من شعرها وهو يتأملها وبداخله انهيارات واعاصير قويه تجتاح دواخله...وتقرب منها لكن اتصل موبايله...وقطع عليه تأملاته

فتح الموبايل وهو يرد/...الووو هله ابو زعتر..

ابو زعتر/..هلا بيك شلونك خو مابيك شئ؟؟

امير ببتسامه/..مابيه شئ شويه رضوض..

فتحت عيونها ببطئ شديد بدون مايحس عليها وهي تشوف الكدمات بوجه..وقميصه الاسود صاير املح من التراب...انصدمت...وتشمتت بيه بداخلها...حل تستاهل ياجبان انشاءالله اكثر واكثر...يمه هذا لكتلك بودي ابوسه اخذ حقي...ابتسمت بداخلها..على تفكيرها...وانصتت لكلامه..

امير بضحكه/...ههههه انته مثل لفه الفلافل اعرفك وصخ بس احبك...يالله ولي اريد انام

ابو زعتر/..ههههه اجمعين بس والله كتلناهم كتله؟؟

امير /..هههه يستاهلون..يالله ولي راح انام...

قفل الخط بدون مايسمع الرد ورجع يتأمل بصغيرته المقهورة...حست باانفاسه تلفح على وجهها توترت من قربه ومن حركاته....لكن همس بكلمه خله كل اعصابها تشنجت وتوترت...وأكدت لنفسها لو كانت صاحيه ومانايمه مستحيل ينطق هاي لجمله الي الجمت كل حواسها...

ياترئ ماهي الهمسات الدافيه لجننت وهج؟؟

*********************************

ام جاسم بعصبيه/...ولك ليش مارحت اشتريت لبنتك هديه كدام عيالها ولا اتصلت بيها.؟؟

جاسم بتنهيده/...ماعندي ولا فلس منا الايجار منا مصرف البيت منا لفلك الاسود...

ام جاسم وهي تنزع محبسها/...هذا محبسي بيعه وجيب لبنتك هديه...هذا تقدير كدام عيالها...

جاسم اخذه/..اي يمه باجر اودي مرتي تبيعه وتشتريلها شئ بمكانه...

ام جاسم/..ولك يمه خطيه هاي بنتك حن الها مالها احد غيرك حسسها انته ابوها وتحبها...

جاسم/...شنو يمه عبالج اني مااحبها بس والله ماعندي فلوس وترة وهج اعز من اخوانها.

ام جاسم/...ولك يمه انت يايوم حنيت عليها..شو ولا اذكر بيوم من الايام اجه لعيد وشترتلها قطعه قماش

جاسم بضيق/...يمه شسوي والله ماعندي فلوس.

ام جاسم بتنهيده/...انت دومك تبجي بوجه الله.

جاسم بزعل/..يمه شسوي الله كريم ربج يحلها..

ام جاسم بعتب/..الله كريم..
********************************
افاقت من نومها بعد ليله مزعجه ومئساويه...شافته حاط ايده بااهمال عليها رفعت ايده بهدوء وبعدته عنها...ضلت تنضر للبيت بفراغ قاتل...اثار انتباها رنت الموبايل وكان صامت...قرت الاسم كان مكتوب فرحان 23...هذا الرقم تعرفه ودائما يثير شكوكها قررت تاخذه وتفتح خط....اخذته وهي تمشي على اطراف اصابعها...وصلت للمطبخ لكن انتهت المكالمه هو مخلي رمز ماكدرت تتصل...لكن سرعان مااتصل فتحت خط بسرعه واصابعها ترجف...

وهج تفاجئت من صوت فرحان الانثوي وبدلعه الماصخ

فرح بدلع زايد/...حبيبي اموري ياعمري ليش ماترد اكثر من عشرين مرة اتصلت ومارديت عليه زعلان ياكلبي...

وهج بهدوء/...الووو

فرح بصدمه/...انتي منوو ولج؟؟ شعنده موبايل امير عندج؟؟ احجي ولج ادب سز لا انعل والدي والديج.

وهج بقهر اجت تسبها لكن تماسكت وهي ترسم خطه

وهج بكذب وهي تتمسكن/...اني جيرانهم واحبه اموت عليه واريده راح اموت كليلي شسوي.

فرح بعصبيه/...خايبه ومرض حتئ مرض يالساقطه يا ماتستحين...ولج اذا جيرانهم شجابج عندهم وتاخذين موبايل اموري...

وهج بكذب/..مو اخته صديقتي وهي جابت الموبايل الي بس اني احبه وهو مايحبني امووت عليه وهو مايقلدلي متت من القهر راح اموت اريده يحبني.

فرح بعصبيه/...شيحب منج يالخفه ولج شكد شفت ساقطات وسافلات بس مثلج ماشفت ولج اهلج ثاقين بيج وهيج تنزلين راسهم...مو عيب ماتستحين تحجين ويه واحد غريب...اكيد جكمه ومايحبج... اموري بس الي هو حبيبي...اني ماعولت خلصت من بنين لجانت لازكتله طلعتيلي انتي يااام الشوارع...

وهج انصدمت من كلامها وغلطها...بصراحه وهج حست بتأنيب الضمير😂عبالك صدوك خانت اهلها بعدين اذكرت هو زوجها...زين اذا فرح هيج شريفه شكوو متصله علئ امير اكثر من عشرين مكالمه؟؟

وهج وهي تسوي روحها حزينه/...يمعوده هي بس اني بس بنين...ولج هو يحب وحده اسمها صبا لايحبني ولايحبج...انتي تعرفين منوو صبا؟؟؟

فرح بعصبيه/...وهاي صبا بنت لكلب منووو؟؟؟

وهج بتنهيده/..مااعرفها انتي تعرفينها..؟؟

فرح بغضب/...لا مااعرفها كون اكضها اله اكلها بااسناني...امير خط احمر محد يتقربله...

وهج بااستدراج/...اممم انتي مبينه تحبينه اريد اسئلج سؤال...بس جاوبين بصراحه...

فرح بصبر وانزعاج/...إسألي...ورجعي لموبايل لاموري ترة فلوسي مو هواي وخلصت رصيدي على صوتج

وهج بلعت ريقها وخايفه من اجابت فرح/...امممم انتي هم متقربلج امير...واريد اعرف شلون بدت علاقتكم ؟؟ وهم عنده علاقه يعني مثل الزوجيه بيج ؟؟

فرح بوقاحه/...شوفي ولج اني مامجبورة اجاوبج بس راح اجاوب حتئ احرك كلبج..اول شئ شلون بدت علاقتي بااموري هاي سالفه طويله...وهو جان يجي لبيت صاحبه ابو الزعتر واني جيران بيت ابو الزعتر وطلعت وشفت اموري..وضليت اتدلع عليه وابتسم اله وسويله حركات وجذبته بجمالي لخارق واذا تسألين على علاقتي بي...اموري كوة يفتح خط عليه وحجيه مو رومانسي وياي يمكن يستحي،فديته بس من نزوج اعلمه على كوولشي...

وهج قفلت لخطه بسرعه بعد مااخذت لتريده من فرح/...ولي لمخبله

اردفت وهج بحيرة...بالله هاي فرح عرفناها وحده خبله وعايشه لجو وعلاقتها عابرة مبينه هي لازكتله بس ضلت صبا...وضل سلام...هذول وراهم قصه وسلام اله علاقه بصبا..بس ياترئ شنوو؟؟

اخذت الموبايل وشافته بعده غاط بنومته شمرت الموبايل بصفه وهي تتذمر من افعاله وغموضه...
*********************************
كانت فاتحه ضفائرها السوداء..وهي ناويه تسبح لكن استوقفها صوت سهاد وحنيتها المصطنعه...

سهاد بكذب/..البارحه يسولفلي حازم على بلال...

فاطمه باهتمام/...شيسولف؟؟؟

سهاد بخبث/...حازم يكول يحبله وحده من اهل بغداد...

فاطمه بصدمه/...هاااا انتي شنو دكولين؟؟؟

سهاد بحقارة وكذب/...اي وحتئ خطيه حازم كله عود انه ردت اطيك اختي فاطمه...وهو ضال يضحك على حازم...كايله لا انه ماازوج من بنات الريف خاف ازوجها ومن همجيتها تكلب سيارتي بالنهضه...انه اريدلي وحده دارسه ومثقفه...وهم كايله فاطمه مريضه مو مال زواج....

حست كلامها مثل الملح الينرش على الجرح اختنكت بعبرتها ودموع متلئت بعيونها رجفن شفايفها...

فاطمه ببكاء/...ليش حازم رخصني ليش عرضني عليه مايستحي شلون هيج يسوي؟؟؟

سهاد بتمسكن/...عود هو اخوج ويحبج ويريدلج الخير وشاف بلال خوش ولد ولكل تتمناه والرسول يكول اخطب البنتك قبل لا تخطب لابنك...بس، بعد شنسوي بلال مارضه بيج...

فاطمه تركتها وراحت دخلت للغرفه ضلت تبكي بكاء حاد وهي تسترجع كلام سهاد..وتسترجع حنيته ونضراته عليها....

فاطمه ببكاء وعبرة/...الله لا يوفقك يابلال قهرتني.. اثاري حنيتك عليه جذب...كلت هاي مسودنه خلي اجرجرها وبعدين اخذ منها لاريده واشمرها... لا مو انه يابلال لتتقشمر وتبيع شرفها مو انه....اردفت بحزن بس ليش ليش خلاني احبه ليش؟؟

راحت على الاستقبال...اخذت موبايل ابوها وبتسرع منها اتصلت بااختها...واجاها صوتها

اقبال/...الووووو.

فاطمه ببكاء/...الووو هله اقبال...

اقبال بخوف/...فاطمه شبيج؟؟؟

فاطمه/...اهئ اهئ اقبال تعالي اني موافقه بحماج سالم...تعالي اخطبيني بسرعه تعالي..

اقبال بصدمه وفرح/...صدك يافاطمه؟؟ العصر احنه يمكم واكيد سالم راح يتخبل عليج.

قفلت الخط وهي تبكي بانين مفجع قررت تربط نفسها بسالم...وتنتقم من بلال...

ياترئ هل راح اتم خطبه فاطمه من حمه اختها؟؟

ما السبيل الى سعادتي ومن اين الطريق لراحتي وبماذا اطفا جمرات وجعي التي احرقت قلبي ومزقته بلا رحمة وبلا رأفة كيف احرر قلبي من اسر الوجع و بماذأ ازيل قيود الالم التي اعمت بصيرتي عن الفرح

نهايه البارت... يتبع....