آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-02-21, 09:04 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  الأخوات ، للكاتبة / أم مصطفى "عراقية " ( مكتملة )
التعديل الأخير تم بواسطة فيتامين سي ; 20-07-22 الساعة 07:29 AM | |||||||||||||||||
|  |
|
22-02-21, 09:06 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــــــــ ـــــــــــا مساء الخير الخير عليكم متابعيني الأعزاء بعد انقطاع ليس بطويل رجعت وياكم بقصة حقيقية جديدة اتمنى تنال رضاكم #الاخوات #للكاتبة_ام_مصطفى البارت الاول كان يا مكان كان هناك اربع اخوات كل واحدة تختلف عن الاخرى تعالوا معنا نتعرف ع تفاصيل حياتهم لنستفيد من تجارب غيرنا ...... الام جنان -هاي وين صارت المصخمة داليا ساعة ادزها ع شغلة مترجع تجي لو لا اني اعلمها الاب ابراهيم -ليش وين دزيتيها -اشتهيت لفت كباب ودزيتها تجيب -بله صدك تحجين ادزين بنية نص الليل وحدها للمطعم بعد اربع شوارع علينا ع مود اشتهيتي كباب -لعد شسوي ادز منو قابل حضي مثل النسوان عدي رجل صاحي ويروحلي -يابةة كلما حجيتي وكلتي مثل النسوان اني عندي رجل صاحي اذا معاجبج رجلج روحي لهلج واطلكج مابيها شي اني هذا ووضعي هذا تعبت واني اسمع منج هالجملة وليل نهار معجابج وضعي ولا عيشتي روحي لهلج ليش ضاغطة ع نفسج -هو لو اهلي بيهم خير ابقى يم واحد مثلك مريض ومعوق شسوي حضي مصخم من كل اتجاه طبت داليا هاي وين جنتي ساعة يله تجين -ازدحام يوم الشباب صايرة كربلة ع ابو المطعم ابراهيم _: وهاي انت جنتي واكفة بنص الشباب -شسوي يابابا غير امي ادزني -اي كرة عين امج اهم شي بطنها ونفسها -خو راح تسويها زقوم علي اروح اكل احسلي ........ داليا اني داليا الاخت الجبيرة احنه اربع اخوات واخو واحد والدنا معوق حرب اثنين رجليها مكطوعات بحرب ايران من جنت اني حامل ابطن امي يعني انولدت وفتحت عيوني ع الدنيا وابوي معوق بعدها صارن اخواتي وراي وحدة ورة اله منسة و بعدها سلمى و شيرين واخر العنقود اخوي عبدالله طبعا متعودين ع مناكر امي وابوي من صرنا همة هيج وضعهم امي متعجبها عيشتنا ابد ودائما تذمر حتى كدام ابوي الي هو لا حول ولا قوة مرات يسكت ومرات توصل وياه يكوللها روحي لهلج بس امي ماعدها احد امها وابوها متوفين واخوتها متزوجين ابوي عندة محل نجارة وعايشين علي وعندة راتب تقاعد هم وعدنا بيت ملك والحمد لله ممحتاجين لاحد بس امي ميعجبها كولشي دائما تندب حضها مرات اكول حقها ومرات لا والله انقهر ع ابوي الي ماالة ذنب هو هذا قدرة طبعا امي مهملة وهاملتنا ابد متسئلنا شتردن شعدجن شمحتاجات عبالها الامومه بس تطبخ وتوكلنا امي انطيها مكياج لبس نهار كلة يم الخياطة كل شهر اربع خمس داشاديش تخيط وهم ميعجبها الحال جان ابوي مسلمها كولشي . بس يريد يخلص من لسانها ويسكتها .... الصبح داليا كولنا مدارس كعدنا الصبح امي نايمة ابوي بعربانتة يدفع بيها ودخل للغرفة -كومن بنات يلة بابا تاخر الوقت عليكم داليا كومي بابا منسة كومي هم يله ساعة توكفين ع المرايا سلمى يله بابا شيرين كومي شيرين بابا عوفني اليوم مااريد اروح خل اغيب -حبيبتي كومي هاي كل يوم هجي تكليلي كومي -اووو شكد اكره المدرسة -دكومي يابنتي كومي -داليا .. صباح الخير بابا صباح الانوار كومي بنتي حضري الريوك لاخواتج -ليش امي ماكعدت -لا ممشتهة تكعد اليوم تعرفين هي ع مشتهاتها لعد خل اكوم هم يلة احضر الريوك اي بعد ابوج داليا طلعت غسلت وجهي وخليت الجاي ع الطباخ ع السريع سويت ريوك لكيت ابوي طالع للفرن بعربانتة يجيب صمون سودة علي بابا شايل مسؤوليتنا وهو بهذا الوضع دومة فتت للغرفة منسة واكفة ع المرايا تخلي حمرة لخدودها وتمسحها -شدسووين انت متستحين -شمسوية يمعودة عادي كل البنات بالمتوسطه هجي يسون ادري رايحات عرس لو للمدرسة دمشي امشي لا تشوفج امي عادي شافتني ذاك اليوم ومحجت التفتت ع شيرين ولج لسة نايمة كومي يمعودة سلمى جانت نشطة بسرعة تبدل وتطلع دخل ابوي صاح يبنات وينجن يله كومن رجع ابوي خل نتريك طلعت امي من الغرفة ايدها ع حلكها وتثاوب متسوون شي بهدوء بدوني اويلي اله تكعدوني عشتوا عود عندي اربع بنات غسلت وجها وكعدت اجت ع الصينية تتريك ويانه وابوي يشاقيها شهالجمال هسه يله راح اشتهي اكل -اي طبعا لوتموت متلكة بجمالي ولاتلكة وحدة مثلي تتحمل هذا وضعك يله الحمد لله على كل حال -هسة شجاب وضعي من الصبح دكلي ياعيني وحمدي الله -اي مو كلت الحمد لله طلعنا من البيت اني جنت ثالث متوسط ومنسة اول وسلمى خامس وشيرين رابع بديت اوصل خواتي وحدة وره الخ لمدرستها بعدين اني ومنسه رحنا لمدرستنا منسة طول الطريق توزع ابتسامات التفت عليها شكو توزعين ابتسامات -شبيج لعد شترديني الطم ابجي بالطريق حبيبتي اني وجهي يضحك للهوى -يضحك للهوى لو للولد تره لا خاف عبالج ماادري لو ماانتبه كولشي ادري اني وهاي زينيبه صاحبتج اذا ماخلتج بمصيبة شوفي ادري كلش زين هي الي علمتج على هاي السوالف -وشمسوية شبيج هي ضحكة سويتيها قضية .... فتنا للمدرسة تلكتها زينب صديقتها -منسة منسة وج شفتي ابو الاحمر الواكف بركن المدرسة خزرتها بعيوني سكتت وجرت منسة وراحن للصف يسولفن والله هالزينب اذا ماذبت منسة بسالفة مالها اول ولا تالي طبها طوب نصحتها مفاد منسة تعالي زنويبو ولج شفته ابو الاحمر وغمزلي وابتسمتله بس هاي داليا خزرتني -اوي اختج هاي شكد معقدة الله يساعدج عليها والله -شسوي عايشة دور الاخت الجبيرة وع اساس تخاف علي بس اني معلي بيها عوفينه منها وليث اليوم هم شفتيه -اي شفته وانطاني موبايل -عززةة صدك موبايل وتعرفين تستخدميه اي لعد شعبالج كولشي اعرف ابوي عنده واحد ابوج ماعندة لا منين هي امي تريد تشتري بس متعرفله سهل باعي بالفرصة اعلمج عليه داليا طلعنا للبيت ادور ع منسة ماكو سئلت عليها البنات صديقاتها كالوا طلعت هي وزينب للبيت اووف هاي مصير جارة الها عفتها وطلعت للبيت اول مدخلت ابوي كلي شو وحدج بابا اختج وين ماادري هسه تجي وراي -شنو متدرين مو انتن سوه اي بابا بس دورت عليها ماكو عفتها واجيت ميصير يابنتي غير تجيبيها بيدج انتي الجبيرة شلون تعوفيها هسه تجي بابا امي وين -راحت للخياطة ميته جوع اني اي بنتي الغده جاهز امج خطيه ركبت وراحت للخياطة اخواتج اجني جوه فوتي هسه تجي امج وصبن فتت بدلت وغسلت ومنسة ماكو اجتي امي وهي ماكو ابوي صاح علي داليا اختج وين شمعرفني بابا هسه تجي -راح اصير بالثنتين وهي ماكو مااعرف بابا هسه تجي -اني كم مره اكول ترحن سوة وترجعن سوه بابا شسويلها هي مدري وين تروح مني اور ماكو امي كالت هسة تجي قابل وين تروح احتمال وي صديقاتها راحت لبيت وحده عادي تعالوا نتغده متت جوع -وانت همج بس ع بطنج متكولين بنتج وين تروح ليش تتأخر يومية -شبيك انت متكلي خال كورك بكوري قابل وين تروح ها جاهل وتتاخر يم صديقاتها تريد بس تحجي انت تموت ع الدردمة يبووي هالنوب ابوي وامي تعاركوا كله من وره منسة اني الها تجي لولا صارت ب٢ وماكو و٣ وماكو ٣ ونص طبت منسى توزع ابتسامات واحنا حتى غدة ابوي مقبل نتغدة ابوي عاط بيها وين جنتي ولج -بابا جنت وي صديقتي -شسووين وي صديقتج -رحت وياها لبيت علمود انقل واجبي منها ملحكت اكتب وي المدرسة عاد رحت وياها للبيت وامها جلبت بيه حتى اتغدة يمها وتغديت واجيت -وانت شلون ترحين للبيت بدون متكلين لاختج شلون تصرفين بكيفك بابا داليا اختفت دورت عليها ماكو -ماكو مترحين تجين للبيت وتستأذنين لو امج معلمتج ع الاستأذان اهوووووو انت تروح وترجع ع امها فوتي بنتي بدلي ملابسج معليج بابوج هذا غاوي مشاكل دفع ابوي العربانه وتقدم لمنسة لزمها من ايدها وجرها ضربها -مرة ثانية تتاخرين ايدج ورجلج اكسرهن ترحين وي اختج وترجعين لو ترة اكعدج بالبيت وماكو مدرسة بعد -عووف البنية تخبلت مريض نفسيا انت جرت منسه امي ودفعت ابوي للكاع هو والعربانه ركضنا اني والبنات ع ابوي شلنا شفته دمع عيونة كلها ادفعيني ولج مالج كعدة بالبيت اطلعي لهلج يله مااريدج وورقت طلاكج تجيج للبيت وللحكاية بقية ام مصطفى التنزيل كل يوم بارت ماعدا يوم الجمعة التعديل الأخير تم بواسطة فيتامين سي ; 22-07-22 الساعة 03:07 PM | ||||||||
|
| |
|
20-07-22, 07:36 AM
| #3 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت الثاني كام يصيح ابوي اطلعي من البيت مالج كعدة هنا انتي شنو دورج هنا مالج اي دور خربتي البنات وراح اطلعيهن من الطريق اخذي ملابسج وروحي لاخوتج مااريد اشوفج هنا يله يله امي كامت تحجي -طالعة والتفت الكم ع عيشتكم الزينه عاد هسه واذا انت رجال صدك طلكني وخلصني دخلت امي للغرفة واخذت ذهبها ولمت شكو فلوس بالكنتور ولبست عبايتها وطلعت ركضنا وراها مفاد دفعتنا وراحت ابوي ضل خال ايدة ع وجهه ومدنك بالساعة جعت ع منسة -ارتاحيني ام المصايب مو كتلج زنيبة هاي هسة تسويلنه مصيبة بس انت وين تهتمين لا ابد -هاي شبيج والله مسويت والقران صدك رحت للبيت وياها تعلمني ع مبايلها الجديد -ومنيلها موبايل -هاا احجي -صاحبها اطاه الها -عززة بعينجن وانت شكو تتعلمين وياها اروح اكولة لابوي هسه -لا داليا فدوه توبة والله ابوي يروح يخابر عمو محسن ويضربني مثل ذيج المرة -والله تستاهلين ومستحقة انت صايرة محد يكدرلج من وراج امي وابوي تعاركوا -لا مو مني هي امي تريد حجة ع ابوي وهمة دوم هيج ع كلشي يتعاركون امشي بدلي عبود كام يبجي على امي جان صف اول ابتدائي جبته يمي سكته رجعت يم ابوي ع كعدته خال اديه ع وجهه ومدنك يمكن يبجي مااعرف التفتت صاح داليا ها بوية يابا صحيلي شيرين -ليش اريد ادزها ع عمج محسن يجي -يابه خطية منسة والله تبجي وماندمة وكالت توبة اخر مرة اتأخر عمو محسن اذا يجي يضربها حيل -صيحي شيرين تجي وبلة حجي زايد سمعتي ودوام ماكو بعد اثنينجن تبطلن وتكعدن ليش اني شعلي عاط كافي وخري مني طفرت الدمعة من عيني جنت حيل احب دروسي جنت شاطرة وبالي كلة بالدراسة اتمنى اصير معلمة من جنت صغيرة البس كعب والزم عوة وطباشير واكعد الجهال والعب اني المعلمة واكعد اكتب دار دور ع باب الترك صحت شيرين روحي بابا يريدج رجعت ع منسة ارتاحيتي بابا بطلنا اثنينا واراح يصيح عمو محسن وين ترحين اليوم كامت ترجف عمو محسن لا عفيه اخاف والله مسويت شي تووووبة تووبة بعد -متفيد توبتج بعد ياما نصحتج الله لا يوفقج...... ساعة وطب عمو محسن عمو محسن جان طويل كلش صاحب عضلات جان يلعب حديد عندة شوارب طوال وعيون كبار وحواجب مطبوكة جان يخوف عبالك عملاق بس دخل منسة ختلت وراي داليا اخاف من عمو محسن خاف يضربني -هسة خفتي من جنت اكولج لا تفترين وي زنيبة ماسمعين كلامي فدوه داليا انتي اختي ختليني لا تخافين مااعتقد بابا راح يكلة عليج اكيد راح يحجيله ع موضوع امي -ان شاءالله يارب يي انت شعليج علكتيها وراح ترتاحين طلعت اتسمع لكلام عمو وابوي اسمع ابوي يكلة محسن اني قررت اطلك جنان بعد مااريدها تعبت منها -ليش شصار سوت شي احجي اني مرتك ولا ارتاح الها -تعبتني حيل بس تذمر ومعاجبتها عيشتي وتالي بدت تخرب البنات وتأثر عليهن -شلون يعني ابراهيم احجي لاتضم علي شصاير بينكم دنك ابوي وجر حصرة اصور تدفعني وتوكعني للكاع اني زوجها تدفعني صدك تحجي وعفتها تطلع سالفة وليش مدزيت علي بساعتها ليش ولك جان كسرتها تكسير واوديها لهلها ماكو داعي اني قررت اطلكها وكلي محامي يطلك وخلص الحمد لله عندي بنات يخدمني مابحاجتها صاح داليا رحت ارض ها يابة -بوية روحي جيبي فلوس من الكنتور يافلوس بابا امي كلهن اخذتهن شنوو شنو اخذتهن روحي تاكدي بابا بابا شفت امي تخليهن بجنطتها هنه وذهبها عمو محسن كال يابنت الحرام شلون تاخذ فلوس مو الها اني اعلمها طلع سريع من البيت ابوي ضل يصيح محسسسسن محسسسسن تعال يمعود ختولي ماسمع وطلع عمو ابوي صاحلي بنتي تعالي نزليني ع الجرباية خل اتمدد ضهري تكسر تعبت اي يابه صار عبود اجة يمة بابا اريد امي -اي حبيبي هسه تجي دفعته بالعربانه للغرفة ونزلته ع جربايته طفيت الشمعة وسديت الباب حسيت ابوي حيل مكسور ومقهور متت قهر علي لليل ابو مكعد اجة عمو محسن الغضب مبين بعيونه وين ابوج عمو ابوية نام من ورة مارحت -ولهسة نايم شعجب حتى مصلى المغرب لا والله عمو خل اروح اشوفة واكعد مدري انجلط الرجال من وره امج دخل عمو للغرفة شغل الشمعة واني وراه ابو داليا خوية اكعد شجاك لهسه نايم مسمع ابوي تقرب عمي يكعدة كام يحرك بيه ابراهيم خوية اكعد فاتتك صلاتك اكعد بس ابوي مجان يكعد صرخ عمو ابراهييم خوية احجي شبيك تقربت من ابوي بخوف واشوفة صاير مثل الخشبه اليابسة وجهة ابيض اصفر عمو كام يصرخ التمن خواتي يم ابوي يصرخن وعمو يكول مات موتته امجن موتته جنان الله لا يوفقج ركض شال ابوي ويركض بيه للشارع اخذة بتكسي وراح كعدنا نبجي جنت ابجي من كل كلبي ع ابوي معقولة مات ابوي بعد مااشوفة جان حنين بشكل علينا معوق ومدارينا ويلبي طلباتنا عكس امي الي بس بالاسم ام من حركت كلبي لزمت منسة وكتلتها جانت بس تبجي وتكلي والله مو قصدي والله كلة منج كلة منج بعد ساعات دخلوا علينا بجنازة ابوي هيج بسع بسع ابوي مات بلحظات وبسبب تافه صارت مشكلة شكبرها وامي هي الي موتته قهر بدت الناس تجي بعدها طبت امي تصرخ بلحظة حسيت نفسي كرهتها مااريدها هي السبب موتت ابوي قهر هسه جاي تبجي عليه طبت عماتي يصارخن هم وشلون مات وشلون وشبيه وبدن يسئلن بس مااعرف شجاوبهن سكتت عمو محسن بس هو جان يعرف وراح وي ابوي للدفنه من رجع شاف امي وطردها بس امي مطلعت وكلتله انت اطلع هذا بيتي وبيت رجلي وجهالي ومالك حق تطردني كلها تسئل شكو عمي كلهم جنان موتت ابراهيم من القهر وبدة يحجي لعماتي صارت الصياح ورادن يكتلن امي بس امي ختلت منهن وطردتهن من البيت بعد الفاتحة وموتت ابوي تغيرت كل احوالنا حسينا بفراق كلش جبير بالبيت ابوي جان مالي البيت علينا .. سيطرة امي ع البيت هي وطردت عمامي وعماتي بس عمو محسن مسكت الها لزم امي وكتلها بيوم الفاتحة وطلع بس معافنه يجي يم الباب يذب مسواك ويروح كل كم يوم من ذاك اليوم تغيرت كل حياتنا امي بطلتنا هم وبقينا بالبيت نخدم امي بس خلصت العدة رجعت ع سوالف الخياطة والصالونات وكامت تهتم بمنظرها اكثر واكثر هنلتنا كلش والتهت بنفسها وللحكاية بقية ام مصطفى | ||||||||
|
| |
|
20-07-22, 07:38 AM
| #4 | ||||||||
| مراقبة عامة ومشرفة منتدى الروايات المنقولة
| #الاخوات #للكاتبة_ام_مصطفى البارت الثالث بقت امي تطلع وتطب ع كيفها واشترت مبايل كامت تقفل الباب عليها وتخابر ساعات وساعات عافت البيت كلة علينا بيوم كتلها يوم تخابرين منو انتي يومية ارتبكت وكالت احجي وي صديقتي وانت شكو تحاسبيني ولج بكيفي اخابر اليعجبني -ماما بس انت مو مثل الاول وهاملتنه كلش حتى عبودي متهتمين بي مثل قبل ماما احنه نفتقدج بابا مات وانت لو طالعة لو تخابرين البنات كلهن علي يعني البارحة شيرين ماامداومه صار يومين وانت ولا تدرين بيها اكلها روحي للمدرسة تكلي بطلت مااروح وعبوي ماخذ صفر -لعد متقرينه انتن شنو شغلجن ماما اني اطير اشو انتي خليتي البيت كلة براسي -ولج لسانج طولان لعد شتردين اخدمج اني مكافي طول عمري اخدم ابوجن المعوق وظلمت نفسي سنين وسنين لعمودكم هسه بعد راح اهتم بنفسي وانتوا حيروا بروحكم اوووي مبقت بس داليا تحاسبني بزر بطني -ماما اريد ارجع للمدرسة -اييي كولي هيج من البداية بله لف ودوران مدرسة ماكو سمعتي ويله فوتي سويلنا عشة عفتها والدمعة بعيني بالله اني ويني وين هالمسؤولية الي تخلت براسي كلها فتت للغرفة سلمى وشيرين كاعدات سلمى تدرس وشيرين تباوع ع التلفزيون وعبود يمشي بسيارتة بالكاع مسوي كراج بيهن انتبهت منسة ماكو هاي وينها ردتها تسوي عشة طلعت ادور عليها ماكو صحت منسة نزلت من فوك تركض -شافتني ارتبكت شدسووين شعندج فوك -شبيج خرعتيني صعد اجيب ثوبي المشرور وجبتيه لا خفت ونزلت اركض منين خفتي ولج سمعت صوت واحد كلي شسووين والتفتت ماكو ونزلت اركض الزمي كلبي يدك عزةة من يمي خفت منو هذا ماادري والله دمشي نسوي عشة امي كامت تحجي -عليمن تحجي لعد مسوي هية اشو من مات ابوي ولهسة كولشي وكع براسنا وامي ياطالعة يا تاخبر صدك داليا متعرفين ويامن تحجي -شمدريني سئلتها ودكول صديقتي وبقت تحجي لان سئلتها -يصير امي تحب واحد مثل زينب وهو اطاها الموبايل وتخابر بي -انجبي ولج شهالحجي انت ماكو بعقلج بس هاي الافكار.. امشي لا تسمعج والله تكطعج اكول منسة عمو محسن صار كم يوم مبين علينا -اي مو اخذ مرته لهلها للعمارة منو كال هو كلي راح اروح اسبوع مايجيكم اخذ نور لهلها ونرجع سوه هااا مو اكول مو عوايدة مايمر علينا -بس امي متطيقة -امي روحها مطياقتها هي ولا اطيقنا ولا جانت اطيق ابوي الله يرحمه -اووف يابابا شكد اشتاقيتله وافتقدناه مكانه خالي جنه مدللين بجالة معوق بس مدارينا وخيمة صدك لو كالو ثاري الابو ياناس خيمة ....... بعد ايام اجة عمو محسن طلعتلة -ها عمو شلونكم اخواتج شلونهن -زينات عمو فوت جوه -لا عمو مااريد اشوفني امج ولا اشوفها -امي مو هنا -لعد وين ماادري والله عمو امي هواي تطلع وهاملتنا -وين تروح ماادري والله اذا نسئلها تبقى تحجي علينا -بسيطة اني اشوف وين تروح وبعد كم يوم طبت امي وراها عمو محسن وامي تسب وتغلط عليه وهو يكللها اطلعي مااريدج ابيت اخوي انت وحدة مو شريفة كامت تغلط كلها منو هذا الجنتي وياه احجي عاطت بيه جان تكلة زوجي كل احنا انصدمنا ابوي مصارلة سبع اشهر من مات وامي ركضت ازوجت مصدكت شنو عمي كلها تزوجتي لج متستحين ع نفسج انت شنو مصغرة روحج انزوجتي شنو عبالج بت اربعطعش لج المثلج هسه تفكر تزوج بناتها لج جان استحيتي ع شيباتج مدامج ازوجتي روحي ولي وياه وبنات اخوي احنه نربيهن -شوف اكلك هذا البيت الي بي حصة وكاعدة بية ومدامكم عرفتوا حتى سامر اجيبة يعيش ويانه تره اني مسويت شي غلط هذا حقي الشرعي -اكولج كمتي تخربطين بالحجي الا اني جوه الكاع يله رجال غريب يدخل لهذا البيت ع بنات اخوي سمعتي لو لا اتزوجتي اطلعين بعد وحصتج ادزها الج -مو بكيفك طلعة مااطلع اكلج اطلعين لزم امي وجرها وهي تضرب بيه وهو يسحل بيها يلله بالشارع هذا البيت بعد مشوفيه جنا مصدومين من الي سمعنا وحدة تباوع ع الخ وتبجي عبود ركض ع عمو يكلة عوف امي دفعة عمو وجر امي طلعها كلتلة بسيطة محسن الا ابجيك دم الي اخليك تجي تبوس رجلي بسيطة اني الك -روحي برة بسيطتين يله دفعها وسد الباب كعدنا نبجي اجة صار بنصنا حقكم تبجون هاي امكم بس والله ياعمو خليها بعيدة عليكم احسن هاي مو ام الي تسوي هيج ولاتفكر بيكم وتفكيرها بس شلون تسعد نفسها حرام تسمى ام هاي تريدتجيب رجال غريب عليجن وادخله للبيت ويتحكم بيجن ويكشف عليجن واللة الا اني ميت يله اخليها هسه رايح اجيب نور واجي ونبات يمكم ونشوف شلون اخذكم يمي نجي احنة يمكمطلع عمو منسة كالت مو كتلج امي تحب واحد معقولة بسرعة نست ابوي والله اني هم مااستوعب خطية ابوي جاب عمرة كلة يريد بس يرضيها ويحبها ومدللها تالي بسرعة نسته وتزوجت واحد اندك الباب حييل راح عبود فتحه .فاتت امي باوعت علينا صفكة اديها وغمتنا من امداجن هالبت بيجن خير يطردني وانتن تتفرجن انتن تردن اكسر ضهري عليجن عليمن ع زينيتجن وبسيطة محيسن والله اذا اشتكي عليه يم الامريكان واكلهم هذا بجيش المهدي ويطكم عبواة بالليل واخليهم يسحلوه سحل مااطلع اني جنان فاتت للغرفة اخذت ملابس وذهبها وفلوس وطلعت تحجي وتدعي علينا وع عمو الحمد الله والشكر هاي هم ام بالله ساعة واجت عمة نور مرت عمي محسن وولدها وياها جان عندة اثنين ولد محمد واحمد صغار وخطية كامت تنظف بالبيت حتى مسئلتنا سوة روحها متعرف شي تسولف وتضحك ويانا وفاتت للمطبخ وياي سوة النا عشة وخلته كدامنا عمو يحاول يخفف من عدنا بدة يسولف النا عن ابوي وسئلته شلون تعوق كال ابوج جان ظابط جبير جان بطل وصاحب عضلات وطول بعد اكثر مني وشحدة اليندك بيه امج كتلت نفسها عليها جانت تجينا للبيت على مودة بيبتج مارادتها ابد كلت لابوي ماارتاح الها بس ابراهيم كال احبها واريدها بأول سنه زواج جانت امج حامل بيج وبنهاية حرب ايران ابوج تصوب بالاول كالوا مات وامي الله يرحمها تخبلت عليه ورحنا ع اساس نستلمة بس تفاجئنا هو عدل بس مبتورة رجليه من يومها امج شاخت ع ابوج وكامت تتعيقل ويومية زعلانه ونرجعها مع الاسف امكم ابد مو وفية ولا عدها محنه ابوكم دللها دلال تالي ماصدكت يموت تروح تزوج ... لممت السفرة وعمة غسلت المواعين وفرشة النا ونامت بصفنا كالت اليوم انام سوة واني مثل امجن اي وحدة عدها مشكلة تريد شي تكلي انتن مثل بناتي بقينا نسولف نمنا فزيت فوك راسي الامريكان صرخت وكمت واشوف عمو محسن خالين براسة جيس اسود ومجتفيه ويدورون ع سلاح عمة نور تبجي جروا عمو محسن واخذوه واحنا كمنا نصرخ اخذوا عمو وطلعوا عرفت امي تشتكت عليه بعد ميطبع ابد وللحكاية بقية ام مصطفى | ||||||||
|
| |
|
20-07-22, 07:40 AM
| #5 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت الرابع طلعوا الامريكان وماخذين عمو محسن وعمة نور تصرخ وتصيح عوفوه وين ماخذيه الله لا يرضى عليكم شمسوي قابل وتاخذوه اخذوا عمي وطلعوا بقينا بس احنه عمة نور ضلت تلطم وتبجي وكعدت بالكاع ليش هيج شمسوي وياخذوه منسة كالت اكيد امي اشتكت عليه كالت البارحة الا اشتكي يم الامريكان عليه واخليهم يذبوه بالسجن عزززة يعني هاي امكم اشتكت ع محسن ليش ليش هيج تسوي والله محسن يحبكم وشايل همكم اذا هي تريد تزوج خل تروح ليش تشتكي ع رجلي شتحصل اويلي عليك ابو محمد شحالك هسه شسوولك .. بقينا للصبح تون وتبجي عمة نور ع عمو الصبح غفيت وفزيت ع دكت الباب حيل طلعت سلمى فتحتة واسمع صوت امي طبت شافت عمة نور تبجي عوجة حلكها وباوعت الها بتشمت -هاي نهاية الي يخلي راسة براسي -ليش هيج تسوين متخافين الله مو حرام عليج صاحب عائلة مكلتي وين نروح وراه والله الي يدك الباب يلكة الجواب رجلج هو الي بدة والبادي اظلم الله ليوفقج شمسويلج مدكلليلي مو ركضتي وره الرجال وازوجتي بعد شكو راجعة -حبيبتي هذا بيتي وبكيفي ازوج ماازوج محد الة سلطة علي ويله ورينا عرض اجتافج ومااشوفج بهذا البيت لا انت ولا رجلج كامت عمة نور وبقت تدعي ع امي واخذت ولدها وطلعت طبت امي جنها مشوفنا طبت سبحت ونامت واحنا بس نباوع لا كالت شسويتن وراي شعدجن ماعدجن سبحت ونامت كعدت الضهر -سويتن غدة -اي كلتها ورة خشمي ورحت اجت وراي شبيج ولج جنج معاجبج -لا لا معاجبني كولشي شنو تزوجين ورة ابوي وليش اسجنين عمي مدامج ازوجتي شكو راجعة النه هااا شكوو -انجبي ولج عفتج يوم طلع لسانج تحاسبيني شنو ترة اني الام بكيفي اسوي اليعجبني خليني اعيش حياتي جبت طول عمري مظلومة وي رجال معوق مايصير افرح هسه ماتردلي الخير لو مثل عمجن انت شوفن ولجن سامر راح يجي يعيش هنا ويانه يوم هنا ويوم يم مرته الاولى ماسمع الجن حس ولا يوم تبينن اله انتن مراضيات على الزواج اجيبين رجال غريب ودخلينا علينا -لا مو غريب هذا رجلي ومثل ابوجن منسة كالت محد ياخذ مكان ابوي -اسكتي ام المصايب ليش منو موت ابوج غيرج هااا ام الطلايب كلة منج كتلها بس احنه مقابلين منريد رجال غريب يفوت النا مو بكيجن بكيفي -اذا فات اعوفلج البيت واطلع اجت لزمتني من شعري ولج اكسر اديج ورجليج ولسانج هذا اكصة احترمي نفسج وتادبي ثاني يوم الصبح طب سامر امي جايبته وصاحت علينا تعالن بنات تعالن واكفة ولازمته بيدها وتباوعلة وتتبسم عبالك طايح من السمة عليها تعالوا ماما هذا سامر عمجن بمقام ابوجن راح يعيش ويانه جنه بس نباوع بعيونه وساكتين منحجي لا حول ولاقوة ذبت عبايتها وهو كعد وراحت فتحت الثلاجة خلت الريوك يمة وهو مبين واحد ساقط خلقيا عينه علي ويبتسم حيل خفت وتخايلت يسويلي شي مثل مااشوف بالافلام والمسلسلات لما زوج الاب يتهجم غ بنت زوجته حيل خفت بوكتها وسبحان الله منسة نفس التفكير فكرت واجت حجتلي كتلها اني هم نفس تفكيرج والله وخفت ليش امي هيج تسوي متخاف علينا ماادري شصار الها المفروض هي تكون حريصة علينا اكثر من اي احد بالليل نسمع ضحك امي هي وياه وبغرفة ابوي وع نفس الجرباية شبعت بجي اذكرت ابوي شلون جانت مسودة عيشته ونهار كلة تذمر تحجي عليه اتعس حياة عاشها ابوي وي امي سودة علي .. شرين تكلي شبيها امي بس تضحك اليوم شو مجانت تضحك هيج وي ابوي كتلها حض ابوي بعد ....... وعاش سامر عدنا جان رجال عوينجي ويببصص حييل اضوج منه جنت ولا طياقته ابد... كامت امي تودينا للسوك اسوك الهم بيوم شايلة العلاكة ع جتفي وامشي عثرت ووكعت دنك ولد كومني الله الله كومي كومي رفعت عيني بعينة كال بهدوء بوجهي اللهم صل على محمد وآل محمد تخردلت ودنكت الم بالمسواك كام يلم وياي . انت منين ها بيتكم هنا . اي هنا ومدنكة الم شلت العلاكة وامشي واحس يمشي وراي دخلت للدربونه والتفتت عليه يمشي وراي يايمة عزة هذا لاحكني يمة لا تشوفة امي فتت ارجف امي شافتني مطينه هاي شبيج -وكعت يمة -خوما صارلج شي ولج -لا يمة مصار شي طول اليوم صار بالي يمة .فكد منسى ماكو. كلت هاي شو ماكو سمعت طكطه فوك ركضت فوك ع كيف لكيت منسة تضحك وتسولف وي واحد من ورة السياج اجيت وكفت بصفها منو هذا وشعدج وياه راسا ارتبكوا اثنينهم هو نزل ولج منسة انت متوبين هالنوب وي بن الجوارين والله تجي امي واكللها عليج ليش هي امي بحالنا هاي شبيج يمعودة والله يحبني خليني اخلص من سجن امج ومن رجل امج انت شايفتة شلون يباوع النا ولج الليل كلة اتكمز اتخيلة يجي يتحرش بينا خليني اخلص داليا والله يحبني وكال اخطبج بس مو هسة من يكون نفسة -ولج منسة هذا يضحك عليج تصورين احد امها يحطبنا بعد من الدربونا ولج امي الناس كلها تحجي عليها وكلها تكرها واكيد هسه يكولون بناتها مثلها وانوب انتي جمليا بسمعة موزينه هم ليش هيج ولج جريتها ونزلتها امشي منسة اذا لكيتج هنا اكلها لامي جان صوت يصير ورانا شتكلون لمجن ع رعد المطيرجي صاحب منسة كمزنا اثنينا وجان نشوف سامر يضحك ومجتف ويغمز النا شتردين منها عوفيها تحب وتنحب وانتي هم حبي مناقصج شي ماشاءالله جسم يخبل وبياض وطول يباوع الي بنظرات مو حلوة خفت منا وجريت منسة ردت انزل خلة اديه ع الباب شبيج خجلتي مو الي لا تخافين صديقي يريدلة وحدة وكتلة عليج وراح يجي اليوم يشوفج ابقي بهذا ثوبج حلو عليج وجسمج الحلو كلة مبين وخلة ايده ع خصري راسا رجعت ليورة اذا متوخر اصرخ والم الناس عليك واكلها لامي والله وخر فوتي فوتي لج لاتخافين اني لو اريد اخذ شي منج اخذ بس اريدج لصاحبي مريش وعنده فلوس وراد وحدة صغيرة مثلج يجدد حياته بيج وللحكاية بقية ام مصطفى اسفة ع التاخير ابني مريض تعرفون قبل اسبوع مسويتلة عمليه وصخن عليها صار يومين ان شاءالله اعوضكم | ||||||||
|
| |
|
20-07-22, 07:41 AM
| #6 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت الخامس نفس اليوم العصر طلعت للأسواق اجيب تايت اغسل الملابس بيه واشوف نفس الولد وياه نسوان اثنين اشر عليه الهن خفت يمة ليش هيج اشر علي معقولة راح يخطفني بسرعة من الخوف اخذت التايت وفتت اركض فحطانه دخلت ولج منسة هذا واحد ياشر علي لنسوان يمكن جاي يخطفني يااا منو هذا مااعرفة خوفتني اندك الباب خفت ولج منسة لا تفتحيه يمكن يخطفوني راح -شسالفة يخطفوج شنو شبيج ضل يندك الباب طلعت امي من الغرفة شبيجن يندك الباب وماطلعن تفتحنه تحركت منسة جلبت بيها من كل عقلي خايفة عبالي يخطفوني راحت فتحت امي الباب دخلن نفس النسوان شفتهن وفتت جوه خفت فوتتتهن امي تفضلن عيني خير والله جايينج بشغلة -تفضلو عيني هلة بيجن خير رحت ركضت اسمع جان دكللها رايدين نخطب بنتج لابنه -بنتي منو منهن -هاي الي هسة جانت بالأسواق والله ابنه شايفها الصبح واحنا ندورله ع بنت حلال من شايف بنتج اجه كللنا -واحنه وين نعرفكم ونطيكم مرة -اسئلوا علينا الحمد لله المنطقة كلها تعرفنا بيتنا يم السوك مو بعيد -والله ياعيني اسئل عمها تقصد ع سامر اسئل عمها والبنية ونشوف -واحنه منتضريكم بس خل نشوف البنية صاحت امي علي داليا تعاي كمزت بعد مسمعت الحجي ارتاحيت وفرحت راح اخلص وازوج احسن ميزوجني لهذا صاحبة الشايب ركضت طبيت والنسوان كالن ماشاء الله والله وليد عرف يختار خجلت وباوعت لامي ها جيبي مي وجاي للناس اي ماما صار تدللين طلعت فرحانه جرتني منسة ها ولج شو تضحكين مو مساعة جنتي خايفة -اسكتي لج جاي يخطبني منو هذا الي لحكني الصبح منو هذا لاحكج ها ولج -بعدين بعدين المهم راح اخلص من سامر وامج كمت اخلي مي بسراحية صدك داليا راح تعوفينا -اي خل اخلص وج اخاف سامر يندار علي -صيري سباعية وخلي هذا يجي يخطبج واخلصي.... دخلت خليت المي شربن واطن لامي رقم مبايل ترد الخبر الهم وراحن امي فرحانه كالت والله كبرتي داليا وكامت الناس تتخطبج. شتكولين تقبلين بيهم هزيت راسي اي -اي واني هم ازوجن واخلص وحده ورة الخ يبقالي بس عبود سمع سامر طلع من الغرفة جان يتفرج ع التلفزيون -شنو شكو منو الاجانه -ابشرك اجوي خطابة ع داليا وخوش ناس راح انطيها مااوكف قسمتها باوع الامي من هذا الي جابها ووين تعرفة -متعرفة شايفها من تروح للسوك وعاجبته بس اني اطيت كلمة لصاحبي كتله بت مرتي الك -صاحبك منو -عزيز -عزيز شنو جبير ع داليا لا مو جبير وبعدين الرجال مايتعيب ضليت اباوعلة بغضب ومنسة تباوعلي ومصدومه من جرأته كتلة اني ماازوج شايب وانت مو بكيفك تطي كلمة سمعت انت دخلك بيه ابوي اخوي عمي وتدخل عاطت بيه امي اسكتي هو بمقام ابوج التفتت عليه سامر بس بنتي صغير وهذا الشخص ميناسب عمرها ذول الناس الي اجو خوش ناس وابوهم خوش ولد -اي بس كلت لصديقي وخلص خليت وفتت ابجي وخايفة يافرحة ماتمت منسة فاتت اكلج تعاي فهميني منين هذا شيرين الظاهر تسمع اكلج صدك راح تزوجين وتعروفينا لا مراح ازوج لو يضل اخر يوم من عمري ماازوج هذا الي جايبة سامر...... تخبلت شنو كعدت اطلع بالملابس واسفط بيهن فاتت امي داليا تعاي .ها عمج سامر ماقبل ع ذول الناس ويكول هذا صاحبه مريش وعده فلوس وراح يسعدها . فاتي وافقت ع هذا الي جابة سامر -مو بكيفج لا بكيفنا سمعتي .شنو شعدج وي هذا صاحيج وجايبته يخطبج يمة مااريد من طرف سامر . هو اني سامر اكرها اموت -لج لا يسمعج متستحين عيب ترة هالحجي لا مو عيب هو شكو يدخل بية ابوية امي معليه هو لا يدخل فات سامر منو هذا ولج الي يدخل ولج ادخل ونص وغصب ماعليج وعزيز تاخذين غصب التفت ع امي جنان اذا بنتج ترفض عزيز وتخجلني وي صاحبي اعوف البيت الكم واطلع عاد امي استلمتني كالت تاخذين عزيز غصب عليج يمة مزوج وعده جهال ومرة ترديني اهجم بيته انت معليج سامر يكول عده فلوس خير من الله وراح يدللج بس اني مااريد ازوج رجال جبير اريد واحد بعمري . بنتي هذا عده فلوس يخليج طول عمرج سعيدة شلج بالصغير وللحكاية بقية ام مصطفى -مااريد مااريد باع اطينج عين زيادة عن اللزوم كتلج تاخذين تاخذين لزمت الموبايل اتصلت ع اهل وليد كالت الهم عيني البنية وايوها مقابلين ماصارت الشغلة وخلت سامر يتصل ع صاحبة يكلة التريدها اجتم .جيب سيد وتعال اعقد عليها واخذها | ||||||||
|
| |
|
20-07-22, 07:43 AM
| #7 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت السادس دخل عزيز علينا رجال عمرة ٤٥ سنه بذاك الوكت كاشخ عبالك وزير بكشخته باوعت عليه من شباك المطبخ -عزة ولج منسة تعالي شوفيه بكد ابوي هذا -وانت ليش تقبلين لا تقبلين بي انهزمي -عزة وين انهزم -شبيج يم عمة نور لو يم عماتي شنو تاخذين رجال جبير اني اذا ماأخذ صغير وحلو لو اموت ماازوج انهزمي والله احسن حل وج شلون انهزم شلون اكدر مو جايب سيد وجاي يعقد -افتري من الترك واطلعي كبل لباب الشارع هسه من مايلكوج اكيد راح يعرف انت مقابلة -وامي شلون تحملي كتله من امي ولا تضلين طول عمرج وي رجال جبير ويجوز هم يضربج -ماادري كلامج صح اني شنو جابرني ابقى فتت للغرفة صارت بوجهي امي ها تحضرتي خاف الرجال يدز يشوفج -وفوكاها يريد يشوفني يله يعقد ماما فدوه اروحلج رجال جبير مشفتيه ماما عفيه لا تظلميني اني مااريد ازوج خليني يمج ولا هالزواج -والله بنتي اني الصدك مااقابله وكلبي اول مرة يوجعني عليج بس شسوي عمج سامر منطي كلمة ومااكدر انزل كلمتة -بس هو ما مسؤول عني ليش ينطي كلمه بدون مايشورنا ع الاقل يشورج ماما فدوه خربيها والله اكتل روحي ترة لو انهزم اسكتي شهالحجي صح هو جبير بس عندة فلوس ومسؤول جبير ولج يدللج دلال يجوز حتى احنه هم يصعدنا للسما مااريد فلوس ماما مااريد شي فدوه حسي بيه -كافي كافي انتي ماينعطالج وجه يله امشي البسي يله وتحضني للرجال يشوفج راحت هي للمطبخ واني لبست عباتي وطلعت من الترك كبل لباب الحوش جنت خايفة حيل وارجف بس لازم اطلع حجي منسة اثر بيه كلت اروح لعمة نور هي تاخذني لعماتي اني مااندلهن جانن بعيدات علي مشيت سريع لبيت عمي جان بعد اربع شوارع علينا وصلت بسرعة دكيت الباب دكيت ماكو فلشت الباب تفلش ماكو طلع جيرانهم يعرفنا ها عمو ترة ام محمد ماكو راحت للعمارة صارلها شهرين هناك عززة وين اروح هسه -شنو لا هيج رجعت ع السريع اركض للبيت وين اروح خلي انكتل ولا اضل بالشارع طبيت اسمع امي تحجي وينها وينها متعرفن وين راحت ذبيت العباية ع صفحة وسويت نفسي نازلة من فوك شافتني امي ولج وين جنتي جنت خاتلة فوك مااريدة ماازوج جرت نفس وحضنتني وج شسويتي بيه كلت راح تنتحر لو انهزمت بنتي والله الرجال خوش رجال انت بس اقبلي ورايح يخطب اذا مااعجبج بفترة الخطبة افسخي الخطبة بعد شكوو -وعد اي وعد شوية ارتاحيت غسلت وجهي امي جرتني من ايدي فوتي فتت بثوبي مال بيت وخالة شال ع راسي امي سلمت وكالت هاي العروس بس هي خايفة ومستحية.... سمعت صوت يكول عليمن مستحية اني راح اصير زوجها ماشاء الله شهالجمال كلي سامر حلوة بس ماتوقعت هيج عمي والله ادللج دلال بس انت صيري الي وشوفي يحجي واني ابد ما مارافعة عيني عليه جنت ارجف من فوك ليجوه السيد كال نتوكل ع الله ونعقد تره عندي شغل كعدت كبالة ويباوعلي ويضحك حجه السيد كليشة العقد واني كلت نعم قبلت بيه زوجا كال الف مبروك امي كامت تذب جكليت ع راسنا كلها ام داليا اني اليوم اخذها ماعدي شي البيت كامل مفروش عندي وهسه نطلع نشتريلها كولشي باوعت لامي وهزيت راسي لا . -يعني ابو نورس البنية تريد تروح صالون تعدل تبدل شلون حجي هسه تاخذها تريد تلبس بدلة لا تنسى هي بنية تريد تفرح -اي صار تدلل لعد نبقى ع باجر ولو اني مستعجل بس يلة نصبر الباجر اجة كعد يمي السيد ترخص وطلع وهو سامر وامي عافتنه وطلعت بقينا وحدنا حيل خفت كمت ارجف واراسي مشلته ابد شبيج ترجفين لا تستحين اني صرت زوجج بعد شو ارفعي راسجج شال راسي بيدة وباوعلي وضحك لا لا حلوة يستاهل سامر الحلاوة الاخذها كلش حلوه تقرب لا تخافين ادللج بس انت طاوعيني كام وكف طلع ضبة مال فلوس وشمرها علي كال عدلي روحج وشتردين اشتري وفلوس ذهب راح اطيهن لامج اي شي تحتاجين اصرفي واني اجيبلج بعد تستاهلين هم حلوة وصغيرة ومبين فقيرة بعدج وكلشي متعرفين طلع واني ارجف احس كلبي راح يوكف ياربي بكيفك بعد سلمت امري الك طبت امي تهلهل وشدت الفلوس بيدي شافتهن ولج هم منطيج فلوس لج باعي الشدات الانطاهن الي باب السمة انفتحت النا حبيبي سمور فديته شلون قسمة جابها الج -ماما خايفة لج لا تخافين. والله رجال يدللج خوش قسمة يمة اني كلبي ارتاح فاتن البنات يباوعلي بجيت ع اخواتي هم تاليهن مثلي راح يتحكم بيهن سامر اويلي عليك يابة متت وعفتنه يتامى محد النه وينك عمو محسن تخلصنا اووف .. ثاني يوم اخذتني امي اشترتلي ملابس وذهب رغم حلوات ووهواية بس مااحس بطعم الفرح ابد خايفة كلش اتمنى انهزم بس مااندل احد من اقاربي الضهر اخذوني للصالون وكصت شعري وصبغته وسوتلي تنظيف جسم وبشرة ومكياج وتسريحة باوعت ع نفسي مااعرفتها هيج الفلوس تغير الشكل ابتسمت لشكلس كلش حلوه طالعة لبستي امي فستان ابيض وطلعوني للبيت اخواتي يبجن واني ابجي وياهن حتى عبود يكلي داليا صدك راح ترحين لغير بيت وبعد ماانام يمج بجيت عليه وكتله تنام يم امي كتلها يوم ديري بالج ع عبودي بالليل يخاف ينام وحده . اي ان شاء الله لا تخافين اجه عزيز اخذني صعدني وياه بالسيارة اباوع ع اخواتي كلهن يبجن وحتى امي تبجي الا سامر فرحان جان ودعتهم بالدموع مثل ميكولون واخذني لفندق اول مطبينا بدة يتقربلي وجنت خايفة ومستحية وابجي وامسح دموعي جانت طريقته وحشيه حيل عبالك حيوانه جواه الصبح كعدني اني اصلا منايمة بس مدري شلون غفيت كعدي اميرتي حبيبي نروح لبيتنا كعدت بدلت وطلعنا من الفندق للبيت . دخلني البيت ماشاء الله مثل هذن البيوت الي نشوفهن بالمسلسلات مال اغنياء يخبل وكلش حلو كال هذا بيتج اخذي راحتج بعد اني طالع -وين رايح ضحك همزين سمعت صوتج رايح للبيت الثاني هسه يستبطوني باجر اجيج يعني ابات وحده اي بس اخاف لا تخافين صيري سباعية يمج مسواك اطبخي واكلي طلع وكمت افتر بالبيت كلة نضيف ومرتب خليت ودخلت للغرفة مال نوم بدلت ونمت مفزيت غير من الجوع العصر كلش كمت فتحت الثلاجة كلشي بيها اكل جريت كبة جاهزة وكليتها وطلعت صمون وسويت جاي واكلت صار المغرب حييل خفت اول مره بالبيت وحدي شغلت تلفزيون وكعدت اتفرج صار الليل مااعرف حييل خفت رحت اتأكد من البيبان مسدوده لكيته قافلهن كلهن علي يعني اني مسجونه بالبيت رجعت للتلفزيون اتفرج افتح الباب كمزت اشوفة طب بيده جياس بيهن بطالة كال اجيت عاركت ام نورس واجيتج مااكدر اعوف عروستي وحدها وجبت شرب اشربج ونسكر اني وياج اليوم ونبقى للصبح وللحكاية بقية ام مصطفى | ||||||||
|
| |
|
20-07-22, 07:44 AM
| #8 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت السابع دخل بيدة بطالة كال مكدرت اعوفج عروستي عاركت ام نورس واجيتج يله تعالي نشرب ونسكر اني وياج وللصبح اليوم -نسكر بس اني مااشرب حرام -يابة حراميش تعاي اشربي يله حط بطالته ع الميز ونزع سترته والبنطلون وطب للمطبخ جاب كلاصات -يله دلول روحي غيري ملابس البسي من ذن مال هشك بشك -شنو يعني -ماال ركص اريدج تركصيلنا اليوم -منو انتو عازم جماعتي هسه يجون -شنوو واركص كدام أصدقائك -اي شكو بيها يا حبيبتي نتونس -يا صدك تحجي عود -اي اي دروحي البسي وتعاي اشربيلج كلاص راح تتونسين كلش وداعتج -عززة تحجي صدك -اي يله لا تضوجيني اني مو كتلج طيعيني واني ادللج ادلل بعدين ذول جماعتي راح يغركوج فلوس انت بس تركصين الهم وتسوين حركات مغرية راح يطوج فلوس يشمرون عليج ويصيرن كلهن الج -انت تخبلت متستحي اكو احد يسويها ماعندك غيرة شرف -اهووو بدت تبيع مثاليات دسكتي بابا وروحي البسي شكو بيها -مدام مابيها شي لعد خلي ام نورس تركص الهم وتسويلهم اغرائات ليش جاي علي طفر لجج اكص لسانج لوجبتي طاريها -شنو مقبلت عليها لعد اني مو زوجتك هم شلون تقبلها لعد علية شال البطل وطكة بالكاع احترك والديك سامر ع هالمرة ويكلي شتريد تسويلك اجة لزمني من شعري باعي لج اني بكيفي باليعجبتي الاريدة يصير فوتي البسي الثوب الجايبه الج الاسود واطلعي من يجون سمعتي لولا جان يحجي ويعت بشعري كتلة عوفني لا لا جرني للغرفة غصب عليج تلبسيه كام يجر بملابسي يله البسي شو اندك الباب كال اجو دقيقة واطلعين سمعتي راح يفتح الباب واني كعدت ابجي يربي شسوي شسووي شلون اطلع مصلخة يم الزلم والله استحي سمعت صوت سامر وياهم ايا حقير وانت جاي تتفرج علي دخل عزيز يله اطلعي سوي جاي كتلة اي بس البس رحت للكنتور خليت ذهبي كلة وفلوس عندي بجيبي لبست بنطرون وقميص ورفعت البنطلون من جوه ليفوك لبست روب ستن وفوكاه شال طلعت باوعلي شنو هاي كتله من تشربون عود انزع ضحك عفيه عليج طلعت شفت سامر يضحك الي ويغمز ياحقير ياكلب جاي تتفرج علي جان باب المطبخ قريب ع باب الشارع ذبيت الروب وفتحت الباب ع كيف وانهزمت اي انهزمت للمجهول لوين ماادري بس المهم اطلع من البيت مو هيج اني ولا تربيت ع هيج شردت بالليل امشي والتفت هالنوب الي بالشارع هم مايرحمون السيارات ادكلي هورن وكل شوي واحد يوكف اني اوصلج وين تردين امشي وابجي وين اولي بهالليل خايفة يربي خايفة... ضليت انتظر سيارة بيها رجال شايب كون حتى مايخطفني لو يتحرش بيه وفعلا وكفت سيارة قديمة وبيها شايب -ها بوية وين تردين -فدوه عمو صعدني واني اكلك -اي اصعدي صعدت بالسيارة بدون مااعرف اني وين رايحة بس المهم انهزم من هذا قليل الشرف يريد يشتغل علي يجيب زلم علي اووف مع الاسف وينك يابة وين رحت تعال شوف حالنا من بعدك وانت الي جنت تعارك امي اذا دزتنه لمكان بي رياجيل تعال شوف هسه سامر يريد اركصله ويتحرش بيه الحجي كلي وين بوية هاا عمو بس اطلع من هاي المنطقة واني اكلك وين بعدين صار بوية ابتعد وفكرت اروح لبيت عمو محسن بلكت راجعة عمة نور واذا ماكو ابات عد الجوارين يعرفوني همة ويعرفون ابوي وبيبي جوارينهم قدامه من عهد بيبي كتلة عمو للنعيرية صار بوية تندلين زين اي عمو اندلها كلش زين زين بنتي بس سؤال انت وين جنتي وليش خايفة -عمو اني مهزومه من زوجي -وليش بوية -عمو يريد يطبب رياجيل علي -انو ابوج صدك الدنيا راح تنكلب بينا كمت ابجي بوية ماعدج احد انت لا عندي بس ابوي متوفي ورجل امي هو زوجني لهذا -الله لايوفقة بوية هسة انت وين تردين ترحين لبيت عمي هاخوش وصلت لبيت عمو كال هاي وصلتج عمو دخلني للدربونة يم الباب كلش اي صار مديت ايدي وطلعت فلوس انطيته لا خليهن ع حسابي لا عمو حقك هذا وعندي خير من الله نزلت ضل واكف عمو روح لا اطمن عليج يله رحم الله والديك دكيت الباب والف دعاء دعيت كون عمة نور هنا ضليت ادك سمعت صوتها منو عمة اني داليا افتحي الباب داليا اجت فتحت الباب وحضنتها وكمت ابجي ها عمة خيرج شجابج بالليل شلون عرفتي اليوم اجيت عمة خل افوت واحجيلج بعدين سلمت ع الحجي حجي وصلت وهاي عمتي رحم الله والديك اشرلي بالسلامة وراح فتت جوه عمة خاف يجون وراي اكيد امي تعرف اني هنا ومااندل غيركم محد يعرف اني هنا بس ذول جيرانه بيت ابو رامي هسه اكللهم اذا احد دك بابنا كللولهم موهنا من زمان راحوا للعمارة وارجعوا اي والله عمة واني هسة احجيلج ..........منسة .... من راحت داليا واحس البيت فارغ خلافها فقدتها كلش بكد ماجنت ليل نهار اتعارك وياها بس من راحت عرفت قيمتها تحملت اني مسؤولية البيت وامي ليل نهار تحجي علي وجنت بالبوكة اصعد احجي يم رعد احجي وياه شوية وانزل يومين عبالك سنتين مفاركين داليا والله احس هلكت وسامر كل شويه يضحك يمي يجي يكلي هسه اشوفلج رجال مثل عزيز يدللج عوفي رعد المطيرجي ميفيدج ترة اعوفة واروح منه اسوي نفسي ماسمعته بالليل طب سامر يصيح وينها امي كالتله شبيك منو هاي بتج بتج داليا وينها امي كلتله شنو وينها غير يم زوجها -بنتج انهزمت فات عزيز بتج باكتني وانهزمت اذا اليوم مترجعوها اشمرك يامر بالسجن واذبك ورة الشمس ليش اني شعلي انت قشمرت علي كتلي ازوجك وحدة كلشي تكللها تسوي وتحب هلي السوالف صح لو لا حجت امي سوالفيش فهمونه -بتج وين ختلتيها والله ماادري غير وياك -اليوم اذا مااطلعوها وترجعوها وياي والله لذبكم بالسجن واكول باكوني -كول يا الله هسه تجي وين تروح وهي جاهل اخاف ومتعرف -مالي شغل هسه تجيبها سامر اني هاي عجبتني واريدها -يجوز يم بيت عمها محسن راحت -وين صايرين هنا بعد اربع شوارع امشي نروح نشوفها اخذ سامر وراح وامي كامت تلطم عزة بعينج داليا سويتيها وانهزمتي ..... .....داليا ..... حجيت لعمة نور كلشي كامت تدك وتلطم -صدك هاي امج هيج تسوي بيجن والله جان محسن يحجيلي ع سوالفها ومااصدك يمةةة الله يساعدجن عمة كلش خايفة لا تخافين باجر اخابر اخوي يجينه من الفجر باجر ونروح للعمارة واخذج وياي يم اهلي معليج ومااعوفج ابد انت امانة محسن محسن حيل يحبجن اندك الباب حييل عزة عمة اجوووي وين اروح اششش لا تخافين هسه يشوفون الاضائة كلها طافيه ويطلعون الجوارين الهم ويكللولهم ضلوا يدكون لحد ماسكتوا نسمع صوت يكللهم مو هنا صارلهم شهرين بالعمارة محد بالبيت عاد سمعنا صوت سيارة شغلوها وراحوا عمة نور اتصلت ع اخوها جان هنا ابغداد كلتله تعال بات يمنا حتى الفجر نطلع للعمارة وفعلا اجة اخوها وحجتلة عمة نور .كال هلة بيها ناخذها للبيت شكو بيها وطلعنا الفجر للعمارة وهناك بديت قصة حب ومحطة جديدة بحياتي وللحكاية بقية ام مصطفى | ||||||||
|
| |
|
20-07-22, 07:45 AM
| #9 | ||||||||
| مراقبة عامة ومشرفة منتدى الروايات المنقولة
| صباح الخير ع عيونكم #الاخوات للكاتبة ام مصطفى البارت الثامن داليا طلعنا بالسيارة جان اخو نور اسماعيل ولد جبير تقريب عمرة ٣٢ جاب الطريق كلة يسئل اخر شي نوهني ع شي من سئل ع منو شهد ع زواجكم كتله محد جان يكول لعد زواجيش هذا مابي شهود اخاف عاقدلج متعة لو اصلا جذب مو شيخ ولا يعقد لان لو شيخ جان كال وين الشهود ضليت مصدومة شنو يعني يعني اني مو زوجته انسطر راسي كالتله عمة نور نوصل ونسئل اي احد يعرف بالدين هناك -ترة مايرادلها عرفة هسه اني من ازوجت وعقدلي الشيخ شهد ع زواجنا ابوي ونسيبي الزواج يبطل اذا مابي شهود انشل عقلي فرحت لو حزنت مااعرف .ضجت لان اعتبر زانية اني وفرحت لان مو زوجي هو زواج باطل يعني حرة نفسي هسه اني .. الصبح با لعشرة وصلنا للعمارة للمشرح جانوا اهل عمة نور نزلت مستحية مااعرف احد بس امها شايفتها قبل تجي لنور لبغداد من دخلت كلها تفاجئت بيه نور كالت فوتي داليا سلمت ع امها -يمةة هاي بت حماي ابراهيم صايرة عدها مشكلة وجبتها وياي -هلة بيها كل الهلا تلكتني جنتهم مرت اسماعيل وجهالها هم سلمت جنت حيل مستحية جان بيتهم جبير حيل يمكن ٤٠٠ متر كلش فره وطابقين وحديقة وكراج جبير بيت مرتب مثل ابيوت بغداد جنت متوقعة العمارة كلهم بيتهم مثل الريف وعرب بس العكس شفت بيوت حديثة وجبيرة وحلوة حمودي يجر بيه داليا تعاي تعاي شوفي عدهم بلابل هواي ولك حمودي بعدين عيب هسه بس شوفيهن لا ولك عيب خل اكعد هسة كعدت بالصالة ونور فوتت جنطها فوك ونزلت صاحت نجلاء فدوه ريوك سويلنا ميتين جوع تره.... اي صار تدللين كالت تعاي اصعدي فوك لغرفتنا غيري ملابسج البسي مني ملابس حتى تتركين هذا البنطلون ضيك عليك مبين مماخذة راحتك -اي والله صدك لعد اصعدي فوك يله صعدت وياها احمد ومحمد وراي داليا راح تعيشين ويانه اي راح ابقى يمكم ع طول بعد شتردون -هي هي ههههييي -ههه فديتكم حبايب دخلت للغرفة غيرت ملابسي واذكر يوم عرسي الي طلع لعبة اووف شدعي عليك سامر هيج تلعب بيه الله يساعدج يوم شراح تشوفين من سامر بس لا تاليته حتى البيت بيعة وياخذة اله غيرت ملابسي وبقيت فوك منزلت صعد عمة نور شايله صينية الريوك -تعالي دلول اتريكي حبيبتي حتى تنامين انت البارحة الليل كلة منايمة -اي والله احس راسي صاير طبلة -ديله اكلي وخل نشوف شلون تصفة راح اخابر عمتج احلام واكللها -لا هسه لا تكولين لاح خل اشوف شراح يصير -واحنه شلون نعرف شيصير -ماادري المهم عمة هسه مااريد احد يعرف اني يمج ابد حتى اقاربكم الجوارين اني راح ابقى فوك بغرفتج وابد ماانزل جوه كأنما مموجوده -ولو ماكو داعي لكل هذا بس على راحتج عمري -يسلم عمرج تريكت وصدك احس نفسي ميته نعاس تمددت ع الفراش وغفيت ونمت ...منسة .. الليل كلة امي منايمة وبس تحجي وساعة تبجي وتدعي ع داليا وساعة تكول وين راحت ليش هيج سويتي بنفسج داليا يمة الصبح اندك الباب حييل فتح الباب سامر الي الليل كلة يغلط ع امي وعلى داليا طب عزيز كال -سامر لكيت البنية -لا ماكو نهزمت وين راحت ماادري الله يلعنها اكيد تعرف واحد ساعدها وانهزمت وياه حجت امي بنتي ماعدها هاي السوالف -شوف سامر مرتي اريدها لو ماكو امحيك من الوجود داليا عجبتني اريدها وهسه اطلعوها يله -منين نجيبها مو تعرف انت انهزمت -كذاب سوالفك هاي مشيهن على ام داليا مو علي اكيد بعتها لغيري انت تعرف مكانها داليا وين لزم سامر من قميصة -امحيك والله من الوجود مو اني الي تستغفلني مطيك ١٥ مليون عليها علمود اتزوجها -ماادري كتلك وين وبعدين زواجيش شنو جذبت الجذبه وصدكتها وال ١٥ مليون الي ردته منها اخذته ليش ارجعهن الك انت اصلا كلت كم يوم اقضي وياها -اي بس عجبتني واريدها اني ماكو مرة تعصي علي وهاي عصت علي اريدها امي ضلت فاكة عيونها -سامر بايع بنتي وشنو مو زواج يعني شنو -ههههه صدكتي انت اتزوج هذا شيخ كلاوات وسامر اتفق وياي هيج وباعلي بتج ل٣ ايام ب١٥ مليون وكال انت حر بيها ورة ٣ ايام تشغلها تبيعها تخليها يمك -شنووو شيخ كلاوات صدك سامر هالحجي -ويجوز انت هم مزوجج كلاواات هههههههههههه هههههههههههه -احجي سامر -اهوووووو كافي صدكتي انت عزيز لزم سامر وضربه اني مااجذب اريد الفلوس لو هسه اذبك بالسجن -ماعندي صرفت منهن ٥ مليون عندي عشرة تريدهن لو تاخذ هاي وياشر علي شوفها عمرها ١٤ سنه تخبل والله عطت بيه انجب احترم نفسك امي صرخت بيه ياما تستحي شنو بناتي لعبة بيدك امشي اطلع برة يله .... عزيز طلع ويهدد وامي تعاركت وي سامر لزمها سامر شبعها ضرب وطلع كعدت تلطم وتبجي وينج داليا وين صفة بيج الدهر بنتي اجة عبود يمها ماما لا تبحين وهذا سامر مااحبه منريدة مو مثل بابا ابراهيم جان يحبني ويحبج وابد مايضربج ابراهييم هاي حوبته طلعت بيه صدك ماتعرف خيرة اله تجرب غيرة وينك ابراهيم ارجع بس لبناتك ضلت امي ع هالحال لليل تبجي اجة سامر رجع سكران امي تعارت وياه وطردته جنت اسمع صياحهم وعركهم بعدها سمعت صووت عالي صوت طلقة انفجار وصرخت امي قبلها تكله لا لا اخواتي يرجفن من الخوف خاتلات بيه وصار الصوت كامن يصرخن طلعت اركض واشوف سامر بيدة مسدس وامي غركانه بدمها كمت اصرخ ماما ماما اشرلي عزيز اششش بدون مااحس ركضت عليه وكمت اضربة وسلمى وشيرين هم كامن يعضن بيه عبود طلع يصرخ بالشارع دخلت الجوارين علينا ولزموه واخذوا أمي للمستشفى وسامر لمركز الشرطة للحكاية بقية ام مصطفى | ||||||||
|
| |
|
20-07-22, 07:47 AM
| #10 | ||||||||
| مراقبة عامة ومشرفة منتدى الروايات المنقولة
| #الاخوات للكاتبة ام مصطفى البارت التاسع داليا نمت فوك وكعدت الضهرية عمة نور نازلة بس حمودي يمي يلعب بالموبايل دودة وكل شويه يخسر لا لا -شكو شبيك خسرت خرب ختولي يله ماما الت من تكعد داليا تعال كلي هاا زين لعد روح كللها نزل جان اكو سطح كبال باب الغرفة وصوت بلابل يغردن طلعت اتفرج عليهن ياعيني يخبلن ملونات وياكلن جاي جن واحد هسة ذاب اكل الهن تقربت منهن خليت ايدي ع القفص طارن كلنهن من الاكل وصعدن فوك بيوتهن صوت وراي منو انت التفتت ولد شاب جمال مو طبيعي العيون مكحلة صفر وحواجب متخالطة طويل وضعيف رسا كمزت منو انت وشجابج هنا اني داليا داليا منو ملاك جن شنو هاي بنت حمة نور هاا اسف صدك نور كالت بت حماي وياي بس متوقعتج شابة عبالي صغيرة يعني -لا عادي زين ليش هيج طيرتيهن جان يحجي بعفوية ويتبسم عبالك يعرفني من زمان ليش طيرتيهن هسة ذبيت اكل الهن -والله مو قصدي اجيت اتفرج عليهن لا اكثر -هههه عادي شبيج راح تبجين اجت عمة نور لك مهند شسوي هنا شكلت اني مو بنت حماي وياي -والله يانور كل ضني جاهل بت حماج بس ماتوقعت شابة وحلوة هيج جان صعدت من زمان -انجب يله انزل شبيج شكلت خل نتعرف ع بت حماج مهند انزل يله مالي خلكك -يله دلول تعاي تغدي -يي عمة بس اريد اغسل اي تعاي جوه نزلت نزل وراي غسلت وجهي عمة نور كالت تعاي تغدي خلت الصينية بالكاع وكعدتا نتغدة اني وياها اجة كعد ويانه -نور اني هم جوعان اريد اكل وياكم -ياا مهند خزرته شبيك انت شبيج عادي عرفت بت حماج هاي وتعارفنه وعادي اكل وياكم يابه انت مستحية مني هاا شبيج احجي مستحية مني اكوم لا عادي اكل -مهند والله لصيح ع امي عليك بطل هالسوالف اوكي ويله كوم ادرس مو عدك امتحان يله لا اكلها الامي -كايم كايم بداخلي اضحك كام باوعلي هاي اختي خبيثة شفتيها شلون كومتني من الاكل -مهند راح اصيح امي ماما لا رايح رايح... عمة نور ضلت تضحك هذا مهند مصيبه خطية عمة ليش كومتيه لا ادري بيج تستحين اكلي ومعليج بيه هو اصلا ماكل صدك عمة مو كال اخوج يسئل ع موضوع الزواج مالتي صحيح لو باطل اي والله كال بالليل اروح لواحد رجال دين يمنا يعرف بهاي السوالف بس كال يسئلج هو لازم اي عادي نروح وياه ....منسة .... شالوا امي للمستشفى رحت وياهم بالسيارة وعفت اخوتي يتصارخون محد الهم مبايل امي يمي اتصلت ع خوالي وكلت الهم عاد اجو للمستشفى يحجون ع امي هذا الي جنيتيه من اديج يا جنان مرة شكبرج وعدج جهال خمسة ترحين تزوجين . خالو مو وكتها ادعو لامي تطلع بالسلامة عساها لا طلعت امج جابت العار والحجي النه احنه تبرينه منها من يوم ماازووجت هذا عفية خالو لا دكول هيج واحنه منو النا ماعدج رقم عماتج ماادري اشوف مبايل امي عمج محسن مطلع لا وين امي اشتكت عليه اي علمود يحلالها الجو عساها لا طلعت وماتت وخلصنا منها دورت بمبايل امي ع رقم عمة احلام لكيته دكيت عليها عمة الحكينا امي راح تموت وضليت احجيلها عمة فدوه اخوتي وحدهم بالبيت واني بالمستشفى ضلت تحجي ع امي وكل من اديها اووف يايمة ماخليتي الج صاحب ابد بقت امي بالمستشفى الطلقة جانت براسها وكالوا يسوللها عمليه يطلعوها من راسها خوالي اثنينهم يدعون عليها واني ابجي عليها وعلينا وين نروح صغار لو مهما يكون امي هي جانت بالبيت حاسين بامان ع الاقل سند عدنا اذكرت داليا وين انت هسه تعالي والله مااكدر اتحمل هالحمل وحدي.. بجيت كعدت بالكاع اني مو مال هيج حمل والله لسة صغيرة على كل هاي المصايب باتت بالمستشفى اباب غرفة الانعاش امي خلوها بالانعاش خوالي راحوا واني ضليت نايمة فزيت ع صوت الدكتور منو وي جنان ها دكتور اني بتها باوعلي منو وياج محد بس اني ابوج اخوج عمج محد دكتور ليش امي بيها شي البقية بحياتج توفت امج ماتت ماتت امي ليش واحنة منو بقالنا ليش هيج ماما سويتي بينا ليش عفتينا منو النه بقى وينك بابا وينك ضليت ابجي كاعدة اتصلت على خالي كتلة توفت امي كال ارتاحت وريحتنا هسة راح اجي اجوا خوالي واخذوا أمي للبيت دخلوها لكيت اخوتي يتباجون وعمة احلام يمهم راحوا اخذوا امي يدفنهوها وبقيت يم اخوتي حتى فاتحة مسوولها عمة احلام والجوارين ونسوان خوالي بقن يمنا واسمعهم يكولون خطية منو الهن زين داليا وين احتاريت شكللهن عمة اختج داليا وين كمت وحجيت لعمتي ع زواجها وكتلها انهزمت من زوجها بس عمة محد يدري لحد الان لاتحجين بس كولي ازوجت بعيد كامت تخرمش بخدودها عزه بعينج جنان شسوويتي ابناتج ليش هيج ولج اووف استغفر الله شحجي شكول بعد متي ورحتي انا لله وانا اليه راجعون .... داليا فزيت ع حلم ارعبت منه جن منسة واكعة بنكرة وتصيح علي داليا تعاي الزمي ايدي طلعيني داليا وينج فزيت وبجيت عليها اكول خاف هم ورطها سامر اخاف انوب زوجها لعزيز واخذها بدالي اوويلي لازم اسوي شي طلعت من غرفة عمة نور للسطح يم قفص البلابل ياربي شسوي اني لازم عمو محسن يطلع ياربي كون اطلعة النه من السجن بس هو يكدر يحلي المشكلة هاي صار صوت وراي -صباااح الخير التفتت ابتسمت بوجها صباح النور يعني بلبل واكف يم بلبل هههه شكرا احب البلابل واني هم احب البلابل ارتبكت ردت افوت اوكفي خل نسولف وين رايحة لا افوت جوه لسة ممتريكة ها لعد تريكي واجي اكعد يمج نسولف ههههه ان شاء الله نزلت يم البنات ولد عمو احمد ومحمد يمي كعدوا وفرحانين بيه كلت لعمة نور ليش متخلين محامي يطلع عمو عمة ذول امريكان ميطلعون لو الف محامي عبالج مخليت خليت محامي بس كال ماكو فايد همة اذا عرفوا ماله علاقة يطلعوه الله كريم ان شاءالله يطلع بجاه الحسين صدك البارحة اخوي سئل السيد وكلة زواج باطل ترة هذا العقد مو صحيح يعني شنو عمة يعني مصيبة والله شكلج يعني هسه اني زانية لا حبيبتي انتي ماتدرين واتقشمرتي هو الحرام عليج بس اني مقهورة عليج شلون راح تتزوجين ومنو يصدك بقصتج ويتقبلج -خليها على الله المهم هالجلب مالة حكم علي اكول عمة كلبي طاك ع خواتي وتحملت بمنسة وخايفة لا سامر يبيعلة منسة هم والله كولشي توقعي منهم دك الموبايل كالت هاي عمتج احلام لا تكليلها اني هنا اكيد أمي ادور علية هسة لا مراح اكللها جاوبت عليها وسلمت شنو شبيج احلام صوتج مو ع بعضة شنو شنوو ماتت شلون وشوكت وباوعتلي منو ماتت عمة احجي منسة ماتت سدتة وباوعتلي امج ماتت شنوو ماتت بسببي اكيد سامر قتلها وللحكاية بقية ام مصطفى | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
