آخر 10 مشاركات
عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree162Likes
إضافة رد
 
LinkBack أدوات الموضوع انواع عرض الموضوع
قديم 19-07-22, 06:17 PM   #1

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي سلطان الهوى يافتنة الألفية *مكتملة*


بسم الله الرحمن الرحيم..

نبدأ روايتنا الجديدة (سلطان الهوى يافتنة الألفية)
أتمنى تنال إعجابكم
.
1
-
وقف قبال البوابة الحديد المسّورة بحدايدها الطويلة الممتدة من فوق لتحت بوجهه يتخللها مسافة بسيطة بين كل حديدة والثانية مكتسية باللون الاسود اللي يكرهه كره الويل بثوب وشماغ واخيرا بيفارق هالمكان اخيرا بكل مافيه من مشاعر مختلفة(قهر..حقد..كره..خيبة..ا� �عدام شعور..اكتئاب..أمل..انتظار غاية)ردد بنفسه/مايهم مايهم مايهم ابد/صحى من دوامة افكاره على صوت فتح البوابة وهو يرفع عيونه لها وهي تنفتح له بترقب وتوتر تسارعت نبضات قلبه بأضعاف اضعاف سرعة فتح البوابة اللي قدامه اللي تعود يوقف قدامها كل مرة بيدين مكبلة هالقضبان اللي طوقت روحه وشتتها قبل جسده تنفتح قدامه اخيرا بعد سنين طويلة وطويلة جدا عليه نزل نظره ليدينه يناظرها يتأكد/مافيه كلبشات مافيه/رفع يديه وسط رجفة قلبه وهو يستوعب اللحظة اخيرا حانت هاللحظة اخيرا التفت للعسكري اللي جنبه وهو يبي يتأكد ناظره وهو يشوف شفات العسكري تتحرك وسط ابتسامة على وجهه لكن مايوصله صوت مجرد همس خافت مو واضح له من زود صوت نبضاته اللي صمّ اذانيه/
العسكري بابتسامة وهو واقف عند بوابته المسؤول عنها/تفضل تقدر تكمل لنهاية الممر وقدامك الاخوان يخلصون امورك
سلطان ناظره وهو ياخذ نفس
العسكري مد يده لسلطان بالابتسامة اللي مافارقت وجهه من البداية ولاانتبه لها سلطان
سلطان ناظره بتفكير للحظة مد يده بتردد
العسكري امتدت يده ليد سلطان المترددة وصافحها/مبروك مبروك والله يوفقك بحياتك
سلطان توتر فوق توتره اكثر وضغط على يد العسكري
العسكري ابتسم بتطمين له وهو يحس بضغطه على يده اللي وصلت حجم قلق سلطان وتوتره بدون اي شعور منه/الله يكتب لك الخير وبداياته
سلطان ترك يده وهو يشد على قبضته وتوجهت انظاره للممر قدامه رغم ان الممر مايزيد طوله عن السبع امتار الا انه مايشوف نهايته ابد من فرط توتره تقدم خطوة والتفت لورا بسرعة من وصله صوت سحب البوابة اللي تنقفل بينه وبين هالمكان اللي قضى فيه سنين طويلة من عمره تقفلت وهالمرة مو عليه هالمرة هو برا هالمكان بلع ريقه وهو يوجه نظره من جديد لنهاية الممر وهمس بينه وبين نفسه/بِسْم الله توكلت على الله/خطى خطواته اللي واضحة لغيره بثبات وقوة وهي العكس تماما خطوات ترجف معها رجوله وثقيلة عليه يالله يرفعها كمّل هالخطوات المهتزة الثابتة لنهاية الممر وانفتحت اخر بوابة واللي كان بعينه من سابع المستحيلات تنفتح بوجهه بيوم ولكن هالمستحيل حصل وانفتحت له اخيرا انفتحت بعد15سنة>>
>>قضاها بهالمكان طالع العسكري وهو يكبح عبرته وعلى عكس العسكري اللطيف اللي قبل شوي هالعسكري غير ملامح محتدة والتمس له العذر لطبيعة هالشغل وحتى المكان وقف وهو يسمعه/
العسكري مد يده وبجلافة/هات اوراقك اختمها؟
سلطان مدها له
العسكري ختمها بسرعة وهو يمرر نظره عالورق بسرعة اكبر من ختمه ومدها بتكشيرته المرتسمة على وجهه/خذ /فتح البوابة وبنفس النبرة الحادة والملامح المحتدة/لاطلعت يقابلك مسؤول النقل اللي يحطك عند البوابة الخارجية وهناك تقابل الاهل فمان الله
سلطان انصعق ووضح على وجهه وبصدمته/اهل!!
العسكري وهو يمد يده لزر البوابة الخارجية عكس الداخلية اللي يدوية ويضغطه وبحدة/ايه اهل تفضل قبل تقفل عليك داخل الوقت محسوب علينا بالملي
سلطان خرج وهو يطالع لقدامه صحرا قاحلة وبوابة مدخل السجن على مسافة بعيدة جدا عنه ثم التفت لبوابة السجن اللي وراه وهي تنقفل بوجهه تعلن موعد رحيله عن هالمكان رسميا لكن رهبة الخروج وحتى فرحته تبددت من سمع ان اهله ينتظرونه برا رفع عينه عالباص اللي وقف قدامه وانفتح بابه طلع له وهو يسمي وجلس باخر هالباص وهو اخذ عقله التفكير وبنفسه/مين ياسلطان مين اللي بيجيك!!/قطب جبينه بشك/فواز؟ولا بجاد؟/اتسعت عيونه بتكذيب/ابوي!!!/انعاد بذاكرته ذاك اليوم اللي يعتبره ثاني أسوأ ايام حياته انعاد وكانه يحصل قدامه الحين/
،
،
سلطان بدموعه وهو جالس عند رجول ابوه ومتعلق فيهم/تكفى يبه تكفى صدقني مالي شغل
ابو سلطان يتامله بصمت مطبق من وصل عنده وانقفل عليهم الباب وهو مانطق حرف مجرد نظرات مسلطة على سلطان وسط وجهه الجامد الخالي من اي تعبير يتامل فقط
سلطان برجفة صوته من كثر بكاه/واللي رفع سبع وبسط سبع مالي ذنب/وبشهقات انبح معها صوته من القهر/مظلوم يبه مظلوم
ابو سلطان سحب رجله وهو يصد بوجهه ولا رف له جفن وهو يسمع نحيبه
سلطان فز واقف وهو يسحب يمين ابوه ويبوسها بدموعه اللي تطيح من عينه وتلامس ظهر كف ابوه واحتضن هاليد بين كفوفه احتضنها وهو يضغط عليها بآخر أمل بقى له آخر ملجأ اخر من يصدقه بهالمصيبة الكبيرة اللي صابته/يبه يبه مظلوم والله مظلوم تكفى
ابو سلطان سحب يده من بين يدين سلطان بقوة ووجهها لخد سلطان وارتسم الغضب على التعابير الجامدة وطبع كف بكل مااختزن قلبه من غيظ وغضب على سلطان من وصله الخبر وثبتت التهمة عليه
سلطان التف بوجهه من هالكف اللي انطبع على خده وتراجع بخطواته من قوة الكف وهو وصلت له مشاعر ابوه قبل ينطق بها
بجاد انصدم وهو يطالعهم
ابو سلطان مسك سلطان الضايع بحسرته من ياقته المبعثرة وشده وهو ينهال عليه بالضرب
بجاد تحرك لابو سلطان وهو يمسكه ويبعده عنه
سلطان واقف بدون اي ردة فعل وهو يطالع الفراغ من صدمته ويأسه كل شي انتهى خلاص انتهى رسميا مافي احد يصدقه مافي احد يوقف معه حتى ابوه اخر امل له بهالدنيا تركه
بجاد/ياعم جابر استهدي بالله ياعم تعوذ من الشيطان وافهم السالفة تعوذ ياعم
ابو سلطان دف بجاد عنه وبغضب وضح بوجهه اللي اختفت باللون الاحمر من شدة غيظه المكبوت/لاتحسب اني حبيت خشوم وتوسطت لاجل شوفتك ياسلطان
سلطان حرك عيونه وهو يناظر ابوه بهدوء
ابو سلطان بقهر/مظلوم!!!تقول مظلوم هاه!!والاوراق والبلاوي السودا اللي لقوها ياسلطان وباسمك!!الجماعة اللي معك/صرخ/وللحين تقول مظلوم!!
سلطان ناظره وبخيبته همس/ايه مظلوم
ابو سلطان زلزل صوته الغاضب المكان/اعقب!!ياخاين دينك ووطنك اعقب!!مابه ظلم وتبلي بهالامور اعقب لااسمع لك صوت
سلطان سكت وهو يشوف هالغضب المتأجج عليه واللي لاول مرة يعيشه ويحس به من ابوه
ابو سلطان/انا جيت بس عشان اقولك هالكلمتين وماشي
سلطان برجفة واضحة بصوته وعيون جفت من الصدمات المتوالية/إتبرى مني؟
بجاد قشعر جسمه من قوة الكلمة بلع ريقه وهو ملتزم الصمت حس انه غلط يوم وافق على طلب عمه السري بينهم
ابو سلطان/ليت التبري يفيد كان سويته لكن مايفيد ابد اسمك مربوط باسمي ليوم الممات مايمحيه لا قول ولافعل
سلطان بلع ريقه وبهدوء عكس عاصفة المشاعر اللي تجتاحه داخليا/أجل؟
ابو سلطان بغضب وصوت ثابت عكس عيونه اللي امتلت دموع من الغبنة والقهر/كسرتني ياسلطان كسرتني
سلطان اهتز كل مافيه من قوة الكلمة
ابو سلطان بغضبه/كسرت شيخ قومه ومرغّت خشمي اللي بأعالي السما مايقصه السيف مرغته بالتراب برمشة عين
سلطان اختنق بصوته وهو ينادي ابوه اللي ماوصله صوته
ابو سلطان بغضب تمردت معه هالدموع المحبوسة على خده/كسرتني ياسلطان رح عساك تنكسر ورا كسرك لي ولاخوانك عساك تنكسر كسر ولاتنجبر منه بيوم ياسلطان ياولد جابر/خرج/
بجاد خرج وراه/ياعم ياعم
سلطان واقف بمكانه ولالحق ابوه ولاابدى اي تصرف مجرد يناظر مكان ابوه بهدوء من صدمته
،
،
سلطان زفر بابتسامة وهو يضحك على نفسه بخيبة وبنفسه/باقي تنتظره ياسلطان!!انت انكسرت بلحظة القبض وهو دعى فوق كسرك كسر الله يجيرك من هالدعوة ويسامحه/تنهد/وهو يطالع الطريق قدامه اعتدل بجلسته وهو يشوف بوابة دخول السجن اخذ نفس يكبح فيه توتره ويهدي نفسه وسط تفكيره بمن يكون هاللي جاي عشانه/
//وخرج الباص من السجن وابتعد عنه ووقف بمواقفه الامامية وانفتح باب الباص لسلطان//
السواق التفت له/تفضل
سلطان وقف وهو ياخذ اغراضه البسيطة مجرد شنطة سودا صغيرة نزل من الباص وهو كله فضول وتفكير باللي ينتظره التفت يمين ويسار وهو يمرر نظره بسرعة عالكم شخص المتواجدين قباله مايشوف احد يعرفه
//كل اللي موجودين عند المحطة ينتظرون اهلهم ابتعدوا بخيبة وقت شافوا ان اللي نزل مو الشخص المنتظر بالنسبة لهم ماعدا شخص واحد فقط//
سلطان قطب جبينه وهو يناظر المتسمّر بمكانه قباله بمسافة متر تقريبا دقق النظر فيه يحاول يتعرف هالوجه المخطوف اللي يناظره الوجه مألوف له نوعا ما لكن مااسعفته الذاكرة بمعرفة هالشخص خصوصا بعد الفترة اللي مرت عليه/
وقف قباله وهو ينتفض بخفة من فرط مشاعره شوق حنين حب فرح رفع يديه اللي تنتفض وهو يحركها بلغة الإشارة وسط عيون التمعت من كثر الدموع اللي ملتها
سلطان اتسعت عيونه بذهول عرفه عرف هالشخص لام نفسه كيف مايعرفه كيف!!لانت ملامح وجهه وهو يتامله يتامل كمية التغير اللي صارت لهالانسان فعلا كبر كبر كثير صار يوازيه بالطول وممكن اكثر يالله يالوقت اللي مر عليه غرقت عيونه دموع وهو ماابدى اي اهتمام ولااستيعاب للي يقوله هالشخص بلغته فتح يديه وبصوت كله حب ابوي طاهر قبل يكون اخوي/ياعين سلطان أقبل ياعينه
نايف جرى هالمسافة وهو يرتمي بهالحضن اللي فارقه مُجبر وانتحب لكن بدون صوت بالنسبة لوضعه
سلطان غلبته دموعه وطاحت وهو يحس به ينتفض ينتحب بين يديه بدون صوت لو الكل تركه يبقى نايف الولد والاخ والصديق اللي مايتركه ابد شده لحضنه وهو يمسح عليه يحاول يخبيه بين ضلوعه وهو نساه ونسى حاجته وبخوف واضح بصوته المهتز/وش سوت بك الدنيا بعدي ياعين سلطان وش سوت؟!!
ـــــــــــــــــــــــــ ـــــــــــــــــــــــــ ـــــــــــــــــــــــــ
.
صحت من نومها بكسل مو رضا بهالكسل غصب عنها مغمضة عيونها وممتدة للحين مافتحتها ولاقامت تحس بكل جسمها مكسر بعد تعب البارح اللي زايد عن كل ليلة كيف لا وهي المسؤولة الوحيدة بهالبيت الكبير عن كل اشغاله رفعت يدها لوجهها وهي تغطي عيونها تحديدا بهاليد اخذت نفس وزفرته وهي تهمس لنفسها/اجر اجر الكلمة الشينة ماتلحقك يقولون اللي يقولونه يسوون اللي يسووونه كله اجر/جلست على فراشها الارضي وهي تبعد اللحاف من فوقها وقفت وهي ترفع قميصها الاخضر الطويل عليها شوي عن الارض وتقدمت خطوة وهي تفتح الباب اللي مايبعد الا كم خطوة عن فراشها فتحته وفزت غمضت عيونها وهي تحط يدها على قلبها وتسمي/سلامُ قولا من ربٍ رحيم
موج ميلت فمها بزعل/وش شايفة هاه!!انتي مو بس انتقصتي انوثتي انتي نسفتيني نسف
فتنة بابتسامتها الذابلة وهي تتجه للحمام اللي قبالها بمسافة بسيطة/مو ذنبي انتي اللي مدري وش تبين؟
موج ابتسمت وهي تمشي وراها/لا الحمدلله اليوم احسن جيت خايفة اقول اكيد ميتة الحين
فتنة لفت عليها وهي تطرد التعب وتخصرت/بِسْم الله علي فالك ماقبلناه يامويج
موج ضحكت/ادخلي ادخلي قبل ترجع عمتي من المدرسة
فتنة اختفت ابتسامتها وبضيقة/وطلال؟
موج تنهدت/انا تعبت اخوك ذَا يبي له ضربة على راسه عشان يصحى وانا من رايي اقول يعني انسيه وقفي اهتمام يمكن هو يحس شوي ويستحي على دمه
فتنة زفرت/يعني مافيه أمل
موج بسخافة/لا والله فيه رغد حسبي الله عليها سبع التحاسيب
رغد بعبايتها المفتوحة اللي واضح من تحتها مريولها باللون الكحلي واقفة بنهاية الممر الضيق وهي تناظرهم ومتكتفة وبنرفزة/ماشاء الله ماشاء الله طاقين حنك عالضحويات وتضحكون لكن هين دواكم عند عمتي
موج زفرت وعينها على فتنة/استغفر الله العظيم هينا اللي ينقال سلامُ قولا من ربٍ رحيم مو بأنا
رغد تخصرت وبصوت عالي/نععععمممم!!
فتنة تنهدت/موج اتركيها عنك وروحي ماانتي ناقصة مشاكل مع امي
رغد اتسعت عيونها/نعم!!!وش هالكلام اللي يسمعك مايدري اي فينا بنت خالك!!
فتنة ناظرتها/رغد انتي مستأذنة من المدرسة على ابو انك تعبانة اشوف لسانك وش طوله!!متاكدة تعبانة
رغد كشرت/اعوذ بالله منك!!صدق حسودة!!ايه وش ارتجي من وراك وانتي
موج قاطعتها بصرخة/رغد!!!
رغد بصوت عالي/هيه هيه انتي لايرتفع صوتك علي والله ان اغطسك بالبحر واطلعك ناشفة!!
موج بحدة/تعلمي الامثال صح وتعالي تكلمي بعدين
رغد/هين ياموج والله ان تندمين مااكون بنت ابوي اذا ماخليتك تبكين دم هين
موج/روحي روحي كلي كروسونك واشربي حليبك وبعدين تكلمي معي روحي يالله يالله
رغد عضت شفتها بقهر ولفت وهي تمشي مغبونة
موج/بزران اخر زمن
فتنة ناظرتها بضيقة/وش تستفيدين الحين ياموج هاه وش تستفيدين بالله
موج/خلي اطلع شوي من اللي بقلبي والله ان سكت اكثر باموت
فتنة بقلق/وامي اكيد بتـ
موج قاطعتها/عمتي مبهذلتني فيها وبدونها يعني شي جديد بالله عليك؟/ابتسمت/مو جديد اكيد
ام عمر(عزة)وقفت على نهاية الممر وهي تناظرهم بغضب وبصوت عالي/ووجع يشيلكم من مكانكم يضرب بكم قاع ارضه اي والله ووجع !!
//فزوا للحظة مع بداية صراخها//
موج بربكة وهي تمشي لها/هلا عمتي ياهلا
ام عمر رفعت يدها بوجهها وهي توقفها قبل توصلها/وعمى انزلي تحت زيني الدلة وانتي واقفة هينا اتضحكين لي لاشغل ولامشغلة
موج/طلال مدوام ياعمة
ام عمر/ويوم انه مدوام على يديك نقش حنا!!اذلفي جهزي القهوة اذلفي
موج مرت من جنبها/ابشري ان شاء الله ان شاء الله
ام عمر قطبت جبينها وهي تشوف اثار التعب على وجه فتنة/وانتي وش فيك بعد؟!
فتنة/مافيني شي يمّه
ام عمر/دارية مايصيبك لاوصب ولا نصب سبع ارواح الله اكبر عليك
فتنة كتمت ابتسامتها من قوة الكلام اللي معتادة عليه وهي تزفر/سمي يمّه
ام عمر/وسم يفكني منك ماوراك الا المصايب اذلفي نظفي الحوش وبعده نظفي بيت الشعر مو اهل ابوك وشغالتهم على يديهم نقش حنا مايعرفون السنع ابد
فتنة/على امرك حاضر يمّه
ام عمر زفرت/لاتتاخرين مو بناقصين ابوك يدق يابنت بعد فترة بسبتك ويقلب على اخوانك نظفي بسرعة
فتنة/ابشري يمّه
ام عمر لفت ومشت كم خطوة ووقفت وهي تلتفت لها من جديد وبابتسامة/ايه اليوم وانا رايحة استاذن لرغد قابلت معلماتك
فتنة فز قلبها بشوق وهي تناظر امها
ام عمر/الله والخيبة باقي احد يذكرك ياوجه المصايب والنحس!!
فتنة اخذت نفس وهي تكتم ردودها كالعادة/تامرين على شي ثاني
ام عمر بحدة/ايه لاخلصتي تعالي واساليني هالسؤال/مشت/
فتنة همست لنفسها/صبر جميل والله المستعان صبر جميل
ـــــــــــــــــــــــــ ـــــــــــــــــــــــــ ـــــــــــــــــــــــــ
.
((بمكان ثاني))
//على باب الحوش//
سدول واقفة قدامه على اطراف اصابع رجولها وهي رافعة نفسها بكل تركيزها تعدل شماغه
ساجي واقف قبالها يتاملها بابتسامة وبعناد وهو يرفع نفسه شوي
سدول كشرت وهي تناظره وبزعل لطيف/وبعدين!!
ساجي ابتسم/ياويل قلبي ويلاه!!تلوميني لااعاندك!!
سدول بتهديد/ترا والله باتركك
ساجي رفع يساره المجبسة/ويرضيك تتركيني وانا كذا
سدول بتكشيرتها/تعبتني طيب
ساجي بابتسامة كلها ثقة/تعبي راحة
سدول مسكته من يديه تنزله/اهجد تراك متاخر على دوامك وتاخرت زيادة وكثير
ساجي/الله والدوام كله محل!!
سدول زفرت ماعجبها كلامه/قل الحمدلله!!رزقنا وش بتسوي يعني!!
ساجي/الحمدلله الف اللي عطاني اياك ومارتي لغيري
سدول ابتسمت وهي تتفادى نظراته بخجل
ساجي باستقعاد/ماصار شماغ ذَا!!كرفتة الظاهر
سدول تركته وباحراج/اصلا خلصت
//سماح وبدرية نازلين من الدرج بيتمشون بالحوش شوي//
سماح بابتسامة وهي تناظرهم/ياعيني ياعيني
سدول تغير وجهها من زود الاحراج
بدرية/الله يرزقنا ياسموحة الله يرزقنا بس
ساجي وهو ينفث/قل اعوذ برب الفلق قل اعوذ برب الفلق اذكروا الله!!هب مب خوات عدوات!!
سماح شهقت/الله اكبر عليك انت اللي مو بأخو!!
بدرية/وبعدين الله رازقنا والله يزيدنا ويهنيكم وش فيك علينا!!
ساجي بشوفة نفس/ايه مـاهـو انتم مـاهـو بحاصلكم ساجي مثلي
سماح/حاصل وحاصل مرتين بعد بس لاتطولها وروح واللي يعافيك
بدرية/ترا كلها نزلنا نتمشى وانتم يابلس 18طلعتوا بوجيهنا
ساجي انحنى وباس سدول على خدها الايمن
سدول اتسعت عيونها بصدمة من حركته واخواته مثلها بنفس الصدمة من جرأته
ساجي التفت يناظرهم/والله اذا زوجتي تساعدني بشماغي لظرف مرضي وانتم قلبتوها بلس18مرة وحدة اجل تفضلوا هذا اوله المرة الجاية الله اعلم وش بيصير/التفت لسدول/
سدول اللي للحين مصدومة من اللي صار ولاحظت عينها بعينهم مثبتتها عالارض
ساجي ابتسم وانحنى وهو يطبع بوسة على جبينها/انا رايح اذا بغيتي شي ارسلي لي ياعيني/ناظر خواته/وانتم اتركوا اللقافة عنكم واذا بغيتوا شي ارسلوا لي بعد/التفت لسدول وهمس بحب/فمان الله/خرج/
سدول قفلت الباب وراها وهي تكره هالمواقف وتكره تبقى معهم لحالها بعدها
سماح تكتفت وبابتسامة/ياحظك والله ياحظك باخوي
سدول التفتت تناظرها
سماح/ربي معمي عيونه عنك لو غيره من زماااان مطلق ومتزوج ثانية
بدرية/الشكوى لله،ربي بلاه يحبك على كثر عيوبك
سدول شدت قبضتها وهي تعبت من كثر اللعب على راسها وهي ساكتة زفرت/قولوا لعمتي باجهز الغدا انا لاتتعب نفسها/مشت مرت من جنبهم بخطواتها السريعة وهي ماتناظرهم/
بدرية رفعت صوتها وبهمز/بسرعة بسرعة املي عينه لايلف يدور غيرك/ضحكت وشاركتهم سماح بالضحك وسط قلب سدول اللي ينعصر من الحزن/
ـــــــــــــــــــــــــ ـــــــــــــــــــــــــ ـــــــــــــــــــــــــ
.
عجايب ببجامتها القطنية باللون الابيض تمشي وراه وهي تتحلطم/كل يوم وانت مشغول خاطري يوم تجي ونطلع برا نتغدى حتى شف قلت نتغدى ماقلت نفطر
حاتم وهي يمشي باتجاه باب الشقة وبطفش/لاحول ياعجايب لاحول ماتطفشين انتي ماتطفشين!!
عجايب/حرام عليك هذا جزاي اني ابي اجلس معك لحالنا بدون ازعاج البزران ليش زعلان علي كذا هاه ليش
حاتم وقف وهو يرفع راسه ياخذ نفس يكتم غيظه
عجايب ضربت فيه بخفة ووقفت وهي مكشرة/وش فيك!!
حاتم يضبط شماغه/مـاهـو وقته هالكلام مـاهـو وقته ابد فكينا ياعجايب من هالسيرة اللي تنفتح كل صبحية مايكفي قلق الدوام اتركيني يابنت الحلال اعتقيني
عجايب اتسعت عيونها وبنرفزة/وش فيك علي وش فيك!!كل كلمة والثانية اعتقيني اعتقيني وش مسوية لك انا هاه هاه!!
حاتم التفت لها/مافيك شي ابد البلا فيني واقولك من الحين قررت ارجع دوامي مثل قبل من ثمان لاثنين ارتحتي الحين/فتح الباب وهو يقفله وراه بقوة/
عجايب امسكته قبل يتقفل وهي تخرج وراه ونزلت الدرج بنفس سرعته
حاتم ينزل الدرج بخطوات سريعة يبي يفتك من كثر الكلام اللي صدع براسه على هالصباح
عجايب بمكانها من اعلى الدرج/حاتم لحظة اصبر حاتم/وقفت بين الدور الارضي والثاني اللي به شقتهم وهي ترتسم تكشيرة على وجهها اول ماوصلنا صوت فتح باب احدى الشقتين الارضية المتقابلة/
//انفتح باب الشقة//
حاتم وقف مضطر وهو يلتفت لهالباب
خرجت بكامل اناقتها كالمعتاد فستان مخمل باللون العنابي يبرز مفاتنها شعر مسدول لمنتصف الظهر مكياج صباحي ناعم يكسر لون الفستان المخملي سيدة اربعينية لكن من فرط الجمال والاناقة تعتقد انها ببداية العشرينات وبابتسامة زادت جمالها جمال/صباح الخير ياحاتم
حاتم ابتسم مكره وهو يدري انه عجايب بتقوم الدنيا عليه/هلا ياعمة صبحتي بالنور/تقدم لها وهو يرفع نفسه يبي يسلم على راسها/
عليا دفته بخفة عنها وهي تناظره بعتب/وبعدين ياحاتم وبعدين
حاتم ابتسم وهو يسلم خد بخد
عليا قبل يبتعد عنها حاتم مسكته من اذنه وبنص عين/وش فيك على عجايبنا ياحاتم؟
عجايب عضت طرف شفتها وبحدة وهي متكتفة/مافينا شي!!ليش شايفة شي مثلا!!
عليا تركت حاتم وبربكة/لا مو قصدي بس صوتكم عالي وخفت
عجايب قاطعتها/وفري خوفك لك مشكورة مانبي متعبك معنا
حاتم اتسعت عيونه/عجايب!!
عجايب ناظرته بابتسامة/حبيبي تاخرت على دوامك وش فيك!!ناسي ان المدير مستقعد لك!!
حاتم زفر وهو يفهم تصريفتها ناظر عليا/ابوي وينه ياعمة؟
عليا/طلع من الصبح تعرفه مايحب جلسة البيت
حاتم بوسع عيونه/لحاله!!
عليا/ايه الله يهديه مارضى يسمع لي كلمة
حاتم زفر/خلاص انا
عليا قاطعته/لاتشيل هم رح دوامك وانا بأكلم سراج يشوفه
حاتم/زين وانا بعد باكلمه واتطمن يالله فمان الله/رفع عينه لعجائب اللي للحين واقفة بمكانها تخز عليا بنظراتها/وانتي ادخلي قبل يطلع سراج
عجايب/طيب طيب
حاتم مشى يعاجل بخطواته
عليا ناظرت عجايب وهي تميل فمها/وش فيك علي من هالصبح اللهم ياكافي
عجايب ابتسمت/والله ابد بس البغض من الله من شفتك وانا ماادانيك الله يكفينا شرك ياعليّة
عليا ابتسمت/الله يسامحك انا شرانية وش شفتي مني
عجايب ضحكت بصوت عالي/خليها مستورة ياحية اوه اقصد ياعليّة
عليا بغبنة منها/عليا عليا متى يتعدل هاللسان
عجايب/ابدد طال عمرك لابق لك عليّة مو جوك ابد عليا وهاللسان بيعلك دايم تعودي عليه/راحت لبيتها وصدى ضحكتها يغطي المكان/
عليا عضت على لسانها وهي تكتم غيظها واتجهت للشقة المقابلة لشقتهم/
ـــــــــــــــــــــــــ ـــــــــــــــــــــــــ ـــــــــــــــــــــــــ

((الـشـقـة الـمـقـابـلـة))
سراج بنطلونه الرمادي وتيشيرته الابيض متربع قبال التلفزيون وهو يتابع الاخبار
سحايب ببجامة حرير زيتي وبلوزتها بنفس اللون باكمام قصيرة وبتوربان باللون البيج غطت معه شعرها ماعدا غرتها اللي غطت يمين ويسار جبينها جالسة جنبه تقطع بصحن الفواكه ومدت له الفاكهة وبتردد/سراج
سراج وهو ياخذ القطعة منها وعينه عالتلفزيون/خير
سحايب/وش رايك ندخل علي لمدرسة احتياجات خاصة
سراج احتدت نظرته وهو يلتفت لها يناظرها
سحايب تعلثمت/يعني علا بالمدرسة هي وعاصم وحتى عفاف وعزام دخلوا الروضة وهو المسكين بالبيت لايجي ولايروح ولايشوف احد
سراج اعتدل بجلسته وبعصبية/خليه يقعد بالبيت اجل يروح ويأذي خلق الله فوق أذيته لنا اصلا هالاشكال مكانها البيت
سحايب امتلت عيونها دموع رمت السكين بالصحن ووقفت
سراج بحدة/اجلسي ماخلصت كلامي
سحايب ناظرته
سراج صرخ/اقول اجلسي
سحايب جلست غصب عنها
سراج/كملي تقطيع وبعدين اذلفي باللي مايحفظك
سحايب عضت طرف شفتها وهي تحبس دموعها وسحبت السكين وهي تدعي عليه بينها وبين نفسها
سراج بنرفزته/وبعدين ماقلت لك ماابي اشوف شعرة من شعرك هاه؟!!
سحايب/اسفين بالغلط طلعت
سراج زفر/اخر مرة
سحايب وقفت وهي تسمع صوت الجرس/افتح الباب ولا ممنوع بعد
سراج مد يده لرجلها وهو يقرصها بكل قوته
سحايب كتمت المها
سراج/عدلي اسلوبك معي ترا يوم امشي لك شي امشيه بمزاجي فهمتي؟
سحايب ماردت ومشت
سراج رفع صوته/ايه اقولك
سحايب وقفت والتفتت له وهي تغلي
سراج/سويد الوجه
سحايب اللي بتنفجر منه
سراج بابتسامة/يقولون طلع اليوم
سحايب اتسعت عيونها بصدمة
سراج بابتسامة/لو اهلك قريبين كان رحنا نشوف البث مباشر/ضحك وهو يتكي عالمسند براحة بعد الشماتة اللي رماها/
ـــــــــــــــــــــــــ ـــــــــــــــــــــــــ ـــــــــــــــــــــــــ
.
((بيت ابو عمر الثاني))
ام تركي وهي قباله عالفطور/حبيبي
ابو عمر يفطر/هلا
ام تركي/وش رايك تجيب شغالة تساعدني
ابو عمر قطب جبينه وهو يناظرها
ام تركي بتبرير/ذبحني الوحم غير طلبات العيال وفوقها الضيوف وغير باقي البيت
ابو عمر/عندك فتنة تساعدك
ام تركي/والمسكينة وش تلحق عليه بيت امها ومجلس الضيوف وفوقها بيتي بعد!!ماتقدر والله لو هي مشحونة فل اربع وعشرين ساعة
ابو عمر بنرفزة/بثينة!!
ام تركي بعناد/وبعدين انا مااحب احد يشوف حوسة بيتي ياعبدالله
ابو عمر/والشغالة عادي!!
ام تركي/عبدالله تكفى والله مو قادرة الحق على شي
ابو عمر/شوي وفتنة عندك تنظف البيت لك اقطعي هالسيرة خلاص
ام تركي/ايه لو هي عزة كان ابشري من عـيـونـي
ابو عمر اعتدل بجلسته وبحدة وسط صوته اللي اعتلى/بثينة!!
ام تركي فزت/بِسْم الله علي وعلى وليدي خوفتني
ابو عمر وقف/خليه اول يكبر ثم قولي وليدي وقفلي فمك عني وماتخافين وشغالة مافيه انسي/خرج/
ام تركي بغبنة/يارب تجيب اليوم اللي تهرب فيه فتنة يارب هاذي كيف صابرة عليهم
ابو عمر خرج من بيته الثاني ومتجه لبيت ام عمر اللي مايفصله عن بيت ام تركي الا كم بلاطة من الحوش مشى بالحوش اللي بين البيتين وقف وهو يناظرها
فتنة رافعة شعرها كله لفوق ورافعة قميصها لتحت الركبة باينة رجولها تكنس الحوش بمكنسة اليد وسط حرارة الشمس
ابو عمر احتدت ملامحه وهو يطالع رجولها وبصرخة زلزلت المكان/فتنة وبلااا
فتنة فزت برعب وهي تلتفت له وبلعثمة واضحة وجدا وسط رجفة اهتز منها كل جزء منها/ييببهه!!
ابو عمر وهو يمشي لها بخطوات سريعة كلها غضب/وبلا يفكني منك يافتنة وبلا/وقف قدامها وهو يسحبها من يمينها بكل قوته/
فتنة عضت شفتها وهي تحس بيدها انخلعت من مكانها
ابو عمر سحب المكنسة من يدها وضربها على رجلها بطرفها بقوة
فتنة تاوهت بألم
ابو عمر بجنونه عليها وهو يهزها بيده وهي مثل الورقة تروح وتجي معه/ومتعرية بوسط حوش البيت ياللي ماتستحين هااااه
//عمر خرج من البيت ووراه امه ورغد//
رغد ابتسمت وهي تناظرها
عمر جرى لابوه وبدون لايتدخل/يبه اتركها عنك لايضرب الضغط معك وماتنفعك وقتها
ام عمر تناظرهم/حسبت به مصيبة/لفت عنهم ببرود ودخلت للبيت/
رغد باستعطاف مصطنع من مكانها عند الباب/عمي الله يهديك لاتوجع راسك بناس ماتستاهل
فتنة تناظرهم بصمت
ابو عمر دفها عالارض بقوة طاحت منها عالارض مثل مايبي ودعس على طرف رجلها
فتنة غرقت عيونها دموع
ابو عمر/ورب البيت والله يافتنة والله ان شفت هالسيقان متعرية مرة ثانية ان اقصها واعلقها برقبتك سمعتي
رغد مشت لهم ووقفت جنب عمها/عمي الحين اذا انكسرت ورحت بها للمستشفى بيمسكونك سين وجيم والله العالم وش بتفتري عليك وقتها
فتنة التفتت تناظرها بقهر
عمر وهو يطالع ابوه الهايج/يبه الله يهديك وش بتحصل لاكسرت رجلها غير التعب مابتنفعك بشي اتركها يبه اتركها
ابو عمر رفع رجله عنها/احمدي ربك ان به شي يشفع لك ولا كان علمتك وشلون تتعذرين وسط بيتي يالخايس خمي خمي هذا قدرك مابه زود يالخمة/مشى بخطوات سريعة للبيت تاركها وراه وهم يتبعونه/
فتنة ضغطت على نفسها ووقفت وهي تاخذ نفس بلعت ريقها رجعت تكمل شغلها وهي تدندن بينها وبين نفسها بأنشودة من كتاب الابتدائي تحبها وجدا(الله رب الخلق..أمدنا بالرزق...)
ـــــــــــــــــــــــــ ـــــــــــــــــــــــــ ـــــــــــــــــــــــــ
.
#سلطان_الهوى_يافتنة_الألفية





روابط الفصول

الفصل 1.. اعلاه
الفصول 2, 3, 4 .. بالأسفل

الفصول 5, 6, 7, 8 نفس الصفحة
الفصول 9, 10, 11, 12 نفس الصفحة
الفصول 13, 14, 15, 16, 17 نفس الصفحة
الفصل 18, 19
الفصول 20, 21, 22 نفس الصفحة
الفصول 23, 24, 25, 26, 27, 28, 29, نفس الصفحة
الفصل 30
الفصول 31, 32, 33 نفس الصفحة
الفصول 34, 35, 36 نفس الصفحة
الفصل 37, 38 نفس الصفحة
الفصول 39, 40, 41 نفس الصفحة
الفصل 42 الأخير




















التعديل الأخير تم بواسطة ebti ; 01-01-23 الساعة 11:19 PM
مدامع حزينة غير متواجد حالياً   رد مع اقتباس
قديم 19-07-22, 10:08 PM   #2

زهرورة
عضو ذهبي

? العضوٌ??? » 292265
?  التسِجيلٌ » Mar 2013
? مشَارَ?اتْي » 2,283
? الًجنِس »
? دولتي » دولتي Egypt
?  نُقآطِيْ » زهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond repute
¬» مشروبك   ice-lemon
¬» قناتك mbc
?? ??? ~
My Mms ~
افتراضي

البداية مشوقة ..سلطان تنسجم 15سنة وظلم ومحد صدقه أولهم أبوه بس ايش تهمته ومن لفقها له ..ومااجاه بعد ماطلع غير نواف اخوه هل حيستقبلوه اهله وكم كان عمره لما دخل السجن اعتقد مساعدة العشرين .
فتنة المسكينة الي بيعاملوها ااقل من الخدامة مسكينة ياترى هي البطلة وبتلاقي العوض المسكينة ومن رغد الحقيرة وأخوها عمر حتى مادافع عن أخته وامها تركتها ومشت حسبي الله من الأهل الي زيهم ..
حسايب الغلبان متجوزة سراج الي ماعجبني وشكل حسايب اخت سلطان وعندها ولد ذوي الاحتياجات الخاصة بس سراج مو راضي يوديه مدرسة خاصة للاسف حقير.
البداية مشوقة اتمنى لك التوفيق ومتابعينك بإذن الله .


زهرورة غير متواجد حالياً   رد مع اقتباس
قديم 20-07-22, 12:41 PM   #3

سلام لعيونك

? العضوٌ??? » 300787
?  التسِجيلٌ » Jul 2013
? مشَارَ?اتْي » 694
?  نُقآطِيْ » سلام لعيونك is on a distinguished road
افتراضي

💕 السلام عليكم ورحمة الله وبركاته

سلام لعيونك غير متواجد حالياً   رد مع اقتباس
قديم 20-07-22, 07:00 PM   #4

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

اقتباس:
المشاركة الأصلية كتبت بواسطة زهرورة مشاهدة المشاركة
البداية مشوقة ..سلطان تنسجم 15سنة وظلم ومحد صدقه أولهم أبوه بس ايش تهمته ومن لفقها له ..ومااجاه بعد ماطلع غير نواف اخوه هل حيستقبلوه اهله وكم كان عمره لما دخل السجن اعتقد مساعدة العشرين .
فتنة المسكينة الي بيعاملوها ااقل من الخدامة مسكينة ياترى هي البطلة وبتلاقي العوض المسكينة ومن رغد الحقيرة وأخوها عمر حتى مادافع عن أخته وامها تركتها ومشت حسبي الله من الأهل الي زيهم ..
حسايب الغلبان متجوزة سراج الي ماعجبني وشكل حسايب اخت سلطان وعندها ولد ذوي الاحتياجات الخاصة بس سراج مو راضي يوديه مدرسة خاصة للاسف حقير.
البداية مشوقة اتمنى لك التوفيق ومتابعينك بإذن الله .
ياهلا مرحبا حياك الله
اسعدتيني بتعليقك مشكورة❤❤


مدامع حزينة غير متواجد حالياً   رد مع اقتباس
قديم 20-07-22, 07:02 PM   #5

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

اقتباس:
المشاركة الأصلية كتبت بواسطة سلام لعيونك مشاهدة المشاركة
💕 السلام عليكم ورحمة الله وبركاته
وعليكم السلام والرحمة
حياك الله

زهرورة likes this.

مدامع حزينة غير متواجد حالياً   رد مع اقتباس
قديم 20-07-22, 07:03 PM   #6

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

الشخصيات:
****عائلة أبو فواز*****
الاب:جابر
الام:نورة
الاولاد:
سلطان(39سنة)
فواز(37سنة):الزوجة جواهر ،،أولاده:جابر-نورة-جوهرة
سحايب(34سنة)
سدول & عجايب (33سنة)
ذهب(27سنة)
سجايا & ثابت (22سنة)
*الجدة سدول
منايا(34سنة)بنت اخ ابو فواز الوحيدة جبر(متوفى)
————————————-
****عائلة ابو عمر****
الاب:عبدالله
*الزوجة الاولى:عزة
الاولاد:
عمر(28سنة)زوجته(رغد)
طلال(27سنة)زوجته(موج)
بدر(24 سنة)
ريان(22سنة)
فتنة(18سنة)
*الزوجة الثانية(بثينة)
الاولاد:
تركي(13سنة)
راجح(11سنة)
أصيل(9سنوات)
غياث(7سنوات)
———————————————
****عائلة ابو راضي(صديق جابر)****
الاب:محمد
الام:عايشة
الاولاد:
راضي(42سنة)
بجاد(39سنة)الزوجة:منايا،،او� �اده:سلطان13سنة،وعد 12سنة،عهد4سنوات
ساجي(35سنة)الزوجة سدول
البنات:سماح،بدرية،عزيزة،ر� �مة
———————————
****عائلة ابو ماهر*****
الاب:احمد
*الزوجة الاولى:نوار(خالة سلطان واخوانه>>متوفاة)
الاولاد:
(عددهم سبع المهمين فقط)
سراج(39سنة)الزوجة:سحايب،،او� �اده:علي16،،علا15،،عاصم10،،عف اف وعزام5 سنوات)
حاتم(34سنة)الزوجة عجايب ,, اولاده:حازم9،فيصل5،،رزان3
جوهرة(30سنة)متزوجة عندها ولدين
*الزوجة الثانية:عليا(40سنة)
—————————————
****عائلة نايف***
نايف(28سنة)
ياقوت(37سنة)بنت ابو ماهر
الاولاد:
سمو 6سنوات
مجد4 سنوات
———————————
(باقي الشخصيات يتم التعريف عنها في سياق الاحداث)

زهرورة, dalia22 and simsemah like this.

مدامع حزينة غير متواجد حالياً   رد مع اقتباس
قديم 20-07-22, 07:04 PM   #7

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

2
-
.
((بالسيارة))
سلطان بمكان الراكب متكي بطرف كوعه على حافة القزاز يتامل بكل تركيز كل شي يمر قدام عيونه مصدوم من كمية الاختلاف اللي مرت عالمكان كل شي غير عن اللي يذكره كل شي غريب عنه تماما كانه مو من اهل هالبلد ابتسم بخيبة على نفسه اكيد مو من اهلها وهو مسجون كل هالفترة ترددت بافكاره قصيدة قرأها قبل فترة تمثل واقعه الحين بمطابقة مخيفة
(سيرّت لأطراف المدينة ومرّيت..
منـــــــــــازلٍ ما يندرا من نِـــــــزلْها..
ماعاد من سكان أهلها ولا بيت..
صْبغت مبانيها وكَثْرت حْلَلها..
تغيرّت من عقب ما غبت وأبطت..
لاذي بشوارعها .. ولا أولى بأهلها..
أنا أحْسِب إن عِلمي بها توو أخطيت..
وش يردع أيام العمر دون أجلْها..
سنين من عمري قِضت ما توعّيت..
لمحة بصر دافع البلا ما عجلها..
قرب المشيب وشاب راسي وسجّيت..
إن السنين تْدور والنــــــاس تِلْها..)
قطب جبينه وهو ينتبه انهم يخرجون برا الرياض التفت لنايف وباستغراب/على وين!!
نايف بلغة الاشارة/للبيت
سلطان/وش بيته وانت مسكت خط سفر!!
نايف/محد بقى بالرياض الكل عاف الرياض واهلها
سلطان يناظره بذهول من الكلام اللي نطقه وهو يدور بباله الف سؤال وسؤال/القصيم؟
نايف/حتى القصيم محد يبيه ياسلطان
سلطان بهم/كل شي بيني وبينه علاقة إقطعوه يانايف؟
نايف مارد
سلطان ابتسم وهو يناظر الطريق/مصيري التقيهم يانايف نلتقي ويصير اللي محد يبيه يصير
.
ـــــــــــــــــــــــــ ـــــــــــــــــــــــــ ــــــــــــــــــــــــ
.
((بيت بجاد))
منايا بعصبية وهي ترفع اغراض البيت الحايسة/سلطان دامك غايب رح وامسك عهد
سلطان(13سنة)/يوووه يمّه حتى لمى اغيب ابتلش بالبزران قولي لوعد
منايا/وعد بالمدرسة رح لعهد اسمعها تبكي/صرخت/قوووم اختك ماتت صياح
بجاد دخل للمجلس عندهم وبيده عهد صاحبة الاربع سنين/وش فيكم تاركين الحلوة تبكي لحالها
سلطان/يبه امي معصبة علي عشاني غايب
منايا حذفته بالخدادية
سلطان/اااه يمّه
عهد ضحكت
بجاد ابتسم وهو يشوف ضحكتها
منايا بعصبية/قوم الاكس بوكس مو طاير
سلطان وقف وبعصبية/وش اسوي؟
بجاد بحدة/لاترفع صوتك على امك
سلطان كشر/اسف
بجاد بنفس النبرة/لامك مو لي!!
منايا زفرت/روح للمطبخ حط الفطور وافطروا انا مجهزته لكم
سلطان مشى
بجاد ناظرها/مابتفطرين معنا؟
منايا بدون لاتناظره انحنت المكنسة الكهربائية تشغلها/عليكم بالعافية افطرت انا
بجاد نزل عهد من يديه/روحي يابابا ساعدي سلطان
عهد جرت
بجاد/منايا
منايا ماردت وهي بدت تكنس
بجاد تقدم وانحنى ويقفل المكنسة
منايا تاففت وانحنت بتشغلها
بجاد مسك يدها/منايا
منايا ناظرته وهي تعتدل بوقفتها/سم ياابو سلطان
بجاد ابتسم على محاولاتها انها تغيظه وترك يدها/سلمتي ياعيون ابو سلطان
منايا زفرت
بجاد/طولتي علي يامنايا
منايا ماردت
بجاد/للحين ماحنيتي لبجاد
منايا/حنيت لاهلي
بجاد/ماكفت اربع سنين؟
منايا/اربع سنين ولاشي يابجاد
بجاد/طيب انا حنيت
منايا/ماابني سعادتي على حساب غيري يابجاد
بجاد/وبجاد العوض؟
منايا عضت شفتها تكتم الكلام ماتبي تغلط عليه وانحنت وهي تشغل المكنسة وتكمل شغل بدون لاتجاوبه
بجاد فصل سلك المكنسة كله
مناسا التفتت تناظره بقهر
بجاد/افطري ياام سلطان معنا لايشكون عيالك يكفي عناد/مشى/
منايا زفرت وهي تستغفر ومشت لهم عالاقل تفطر عهد وترجع
.
ـــــــــــــــــــــــــ ـــــــــــــــــــــــــ ــــــــــــــــــــــــ
//ذاك البيت المعتاد مثل اي عائلة دور ارضي استقبال ضيوف والدور الثاني خاص باهل البيت ودوره الثالث شقة لاكبر العيال(المتزوج)وحوش على يمينه مجلس شعر مفتوح لضيوفه طول الوقت وقبال بيت الشعر بنهاية الحوش وجنب هالبيت الكبير بيت صغير عبارة عن غرفتين وصالة وحمام ومطبخ//
ابو فواز جالس بصالة هالبيت الصغير يتقهوى/ياميمتي العني ابليس وارجعي للبيت عندي وش لك بالجلسة لحالك
الجدة سدول/ماني بلحالي عيالك دايم معي
ابو فواز/يايمه نورة ماتقصد يوم رمت هالكلمة وجتك وتعذرت منك وانتي للحين راكبة راسك عليها
الجدة سدول/اسمع ياجابر انت ماحطيت في ذَا البيت ريال ذَا بيتي تبي اتقهوى حياك ماتبي لاتصدع براسي امسك الباب
ابو فواز شهق/تطرديني يمّه!!
ذهب دخلت وهي شايلة صينية الفطور/صباح الخير
الجدة سدول بابتسامة/هلا ياهلا حيالله خويتي
ذهب ابتسمت وهي تنزل الفطور عندهم وانحنت وهي تسلم على راس جدتها ثم سلمت على راس ابوها
ابو فواز بابتسامة/سلمتي سلمتي وينها امك؟
الجدة سدول بعصبية/اتركها عنك تبي تجي تعرف البيت مـاهـو ترسل وراها
ام فواز دخلت/السلام عليكم
الجدة سدول كشرت وهي ترد السلام
ذهب بابتسامتها الهادية/الطيب عند ذكره
ام فواز انحنت وهي تسلم على راسها/صبحتي بالخير ياعمة
الجدة سدول وهي تصد بوجهها عنها/ايه من ورا قليبك تقولينه
ام فواز جلست جنبها/افا ياعمة افا انا بنيتك تقولين عني هالكلام
الجدة سدول تنحنت وهي تلتفت لذهب تناظرها/السّجيّة وينها؟ماصبحت علي اليوم؟
ذهب/بجامعتها ياجدة
ام فواز مدت لها كاسة النعناع/حبق يحبه قلبك محبوك على ماتحبين ياعمة
الجدة سدول اخذته منها/سلمتي/وباستغراب وعينها على ذهب/والثّبتي الاجرب يقول مابه دوام اليوم الخلق مقيلة
ذهب شرقت بالحليب وبلعته تحاول توقف الكحة لاتنفضح
ام فواز قطبت جبينها
ابو فواز شهق/ابو فواز!!
ذهب/الله يهديك ياجدة اكيد فهمتيه غلط
الجدة سدول بحدة/انا بنت ابوي وش تقولين!!
ذهب بربكة وهي تستدرك الوضع/مااقصد ياجدة مااقصد
الجدة سدول بعصبية/تقولينه بوجهي وتلحقينها مااقصد!!
ذهب وقفت وباست راسها/والله ياجدة مااقصد لاتفهميني غلط
ابو فواز بحدة/خليك واقفة لاتجلسين
ام فواز زفرت بهدوء
ابو فواز/اطلعي لفواز وقولي له يجي بسرعة
ذهب/حاضر يبه/مشت/
ـــــــــــــــــــــــــ ـــــــــــــــــــــــــ ــــــــــــــــــــــــ
.
جواهر واقفة قباله بيدها مبخرة خشبية منقوشة ومذهبة زواياها الاربع يتصاعد منها دخان كسر العود اللي غطى المكان بريحته بفستانها الليموني المنقوش بالورد الصغير باللون الاخضر والابيض اكمامه الكت وطوله الميدي شعرها القصير لاكتافها بروج وردي ناعم وكحلة سودا داخل عيونها بابتسامتها الهادية/تفضل حبيبي
فواز كاشخ ينهي اخر لمسات كشخته(الكبك)قبال التسريحة اخذها بهدوءه وهو يتبخر بدون لايناظرها حتى
جواهر/ننتظرك عالغدا اليوم؟
فواز/لا بس القهوة جاهزة
جواهر/ايه ياعيني جاهزة
فواز/و
جواهر قاطعته/وزعفرانها على كيف كيفك
فواز ميل فمه بابتسامة جانبية
جواهر زفرت بحب وهي تناظر هالابتسامة اللطيفة منه بعينها/اذا غيرت رايك وتبي تتغدا ياحبي بلغني
فواز/لاتنتظرين طالع المعارض مع راضي يومنا طويل بالحيل
//رن جرس الشقة//
فواز ناظرها/مكلمك احد
جواهر هزت راسها بنفي/لا
فواز وهو يمرر نظره عليها/تستري لاتطلعين كذا
جواهر ابتسمت بحماس وفرحة حتى لو كان مجرد كلام عابر يبقى بنظرها غيرة فتاكة عليها من حبيبها فواز اللي نادرا يتكلم/ابشر
فواز مشى خارج من غرفة النوم وهو يرفع صوته/طيب جاي جاي/فتح الباب وقطب جبينه باستغراب/ذهب!!
ذهب بتوتر من ردة فعله/فواز انت ارسلت ثابت بشغلة لك صح؟
فواز وهو يميل فمه بشك من كلامه/ليش؟وين ذالف هاللعّاب؟
ذهب بخوف تخفيه/خلاص انسى بس ابوي يبيك/مشت/
فواز مسكها/لحظة لحظة لحظة
ذهب ناظرته
فواز/وين ذالف هالثابت؟
ذهب/اكيد عنده اوف وطالع يتمشى
فواز اتسعت عيونه/حلوووو والله!!اوف وطالع يتمشى!!
ذهب/قل لااله الا الله!!
فواز دفها عن وجهه وهو يمشي بخطوات سريعة
ذهب جرت وراه/فواز لحظة يافواز لحظة
ـــــــــــــــــــــــــ ـــــــــــــــــــــــــ ــــــــــــــــــــــــ
ثابت فتح الباب ودخل للبيت ببنطلونه الرمادي وتيشيرته الاسود وهو يدندن بابتسامة وقفل الباب بكعب رجله وهو يهز خصره للحظة شايل بيده اكياس فطور من احد المطاعم المعروفة ارتفع صوت دندنته وهو يتمايل وتجمد للحظة/وأنا المولع/كمّل طريقه وابتسم وهو يشوف فواز جاي من ورا البيت لانه مدخل بيت فواز من الجهة الثانية وعلى مسافة متوسطة البعد نوعا ما منه رفع صوته/هلا هلا باخوي
فواز جرى له وطاح شماغه وراه وكله شر لثابت
ثابت اتسعت عيونه وهو يرجع لورا يراجع حساباته/وش؟!وش فيه وش صاير؟
ذهب تجري وراه/فواز فوااااز
فواز وقف عند ثابت وهو يمسكه من تيشيرته يشده له وبصراخ/وين ذالف على هالصبح؟
ثابت ترك الاكياس من يده وطاحت عالارض وهو يفك يد فواز عنه بالقوة/اصبحنا واصبح الملك لله وش فيك مين اللي مزعلك!!
فواز ماسكه للحين بصراخ/رد علي واترك اللفات عني مع مين ذالف ووين كنت البارح هاه؟
ثابت دفه بقوة وبصراخ/ماذلفت لمكان رحت جبت الفطور وجيت نويت افطر برواق مع ابوي وجدتي وامي وافطرت زين الحين وبعدين اللي بيسوي شي بهالبيت يقدر؟ابد والله مااقدر اذلف مكان وانتم صقور علي/مشى بخطوات سريعة متجه للبيت/
فواز بصراخه/تعال وين رايح للحين اتكلم معك ارجع!!
ذهب بغبنة/ماراح مكان البارح طول ليله يذاكر واذا بيسوي شي بيسويه من وراك لاتحسب نفسك رقيب عليه
فواز بحدة/ذهب!!
ذهب/والله والله نهاية هالتسلط يافواز شينة واذكرك/مشت/
فواز/مين المتسلط ياذهب هاه مين؟!!تعالي قولي اللي عندك تعالي
ذهب دخلت للبيت وتركته وراها
ـــــــــــــــــــــــــ ـــــــــــــــــــــــــ ــــــــــــــــــــــــ
.
//بعد طريق اربع ساعات واصرار من نايف على سلطان مايمر اهله اليوم وينتظر لبكرة//
((بيت نايف))
نايف فتح الباب وهو يحي بسلطان بلغته وبفرحة واضحة عليه واخيرا شخص من اللي يعتبرهم اهله دخل لبيته اخيرا/حياك نور البيت حياك
سلطان دخل وهو يسلم ويسمي بصوت عالي بيده الشنطة الصغيرة اللي فيها كم لبس فقط ورفض يشيلها عنه نايف
نايف دخله للمجلس
سلطان دخل وراه وجلس عالجلسة الارضية اللي باللون الكحلي يزين اعلاها خشب محفور بنقشات عريضة باللون الذهبي وموكيت باللون البيج/ماشاء الله ماشاء الله عساه عامر يانايف عساه عامر
نايف وقف واستأذنه اتجه لداخل البيت ووقف بصدمة وهو يناظرها لابسة عبايتها وبلغة الاشارة وسط خوفه الواضح برجفة يديه/وش فيه!!عسى ماشر!!
ياقوت وقفت وبعناد/دامك دخلت هالاشكال بيتك انا مالي جلسة فيه يانايف
نايف تنهد براحة وبحركات يده السريعة/خلي اليوم يمر على خير تكفين
ياقوت/هذا قرارك!!!
نايف بوجهه السمح/ياقوووت
ياقوت التفت على سمو(5سنوات)اللي جنبها وبعصبية/روحي جيبي اخوانك مالنا جلسة بهالبيت
سمو وقفت ومشت بخطوات سريعة
نايف تقدم لها وهو يمد يده لها ويمسك يدها وبحنيته المعتادة/لاتفشليني ياياقوت تكفين هذا اول اهلي يدخل لبيتي لاتفشليني
ياقوت سحبت يدها منه/اهلك على عيني وراسي لكن مو بذا يانايف مو ذَا
نايف/خلي اليوم يمر وبعدها ابشري باللي يسرك ياياقوت ابشري
ياقوت زفرت وهي تطالعه/اليوم بس يانايف اليوم وبعدين تاكد ان كل ثانية تمر علي وانا مرعوبة على عيالي وعلى نفسي بعد/مشت واتجهت لغرفة النوم/
نايف ناظرها وهي تبتعد تنهد واتجه للمطبخ يضيف اول ضيف من جهته يدخل لبيته من تزوج
..بالمجلس..
سلطان يناظره بابتسامة وكيف يناظره باستغراب/تعال واعطيك حلاو تعال
مجد(4سنوات)واقف بزاوية الباب يناظره باستغراب/لا
سلطان/ماتبي حلاو!!طيب تعال انت وقل وش تبي وابشر
مجد مشى له بتردد ووقف على مسافة وبكلامه المكسر واكبر منه عمريا وفكريا/انت إلهابي؟
سلطان رغم تكسير هالكلمة الا انه وصلت لاعماق اعماقه ونفضت مشاعره نفض ظل يناظره بصدمة من اللي قاله
سمو دخلت للمجلس وضمت مجد لحضنها وبخوف/وش سويت به؟
سلطان يناظرها بصدمته
سمو/ماما تقول انك عادي تقتلنا صح؟
سلطان يناظرها ساكت
سمو بعيون تنزل بهدوء على خدودها/حتى لو بابا يحبك احنا مانحبك مانبيك ماما وبابا يتخاصمون الحين روح اذا انت تحب بابا روح
سلطان قشعر جسمه من كلامها وفز واقف اخذ شنطته وهو يعاجل بخطواته وخرج من البيت
مجد رفع راسه يناظر سمو/ثمّو
سمو مسكته من يده ومشت وهي تسحبه وراها واتجهت للصالة قطبت جبينها وهي ماتشوف امها ولابوها انفجعت وزادت دموعها جرت لغرفة النوم ويدها بيد مجد وفتحت الباب ارتحت ملامحها براحة وهي تناظر امها
ياقوت متمددة عالسرير وعينها بجوالها وللحين مانزلت عبايتها رفعت نفسها وجلست وهي تتربع بجلستها ورمت الجوال جنبها عالسرير وتناظر سمو/تعالي
سمو هرولت لامها ولازالت يدها بيد اخوها/نعم ماما
ياقوت ناظرت مجد/اقفل الباب
مجد اتجه للباب وسكره ووقف بمكانه يناظرهم
ياقوت مدت يدها وسحبت سمو تقربها اكثر وبهمس/هاه وش صار؟
سمو/قلت له اذا يحب بابا يروح وراح
ياقوت ابتسمت بفرح وباست سمو/يسلم لي الفاهم/ضمتها لحضنها/بطلة حبيبة ماما انتي
مجد غار واتجه لهم وهو يفتح يديه/وانا ماما وانا بطل؟
ياقوت ضحكت وهي تحتضنهم بين يديها كلكم ابطال ياروحي كلكم
سمو ابتسمت بحب وهي تتمنى بينها وبين نفسها ببراءتها هاللحظة ماتنتهي ابد
ياقوت رن جوالها وتركتهم بسرعة وهي تفز له/هلا جوهرة
سمو كشرت بوجهها
ياقوت/ها بشري وش سويتي/وعينها على سمو/لحظة لحظة،خذي اخوك وروحوا لغرفة العابكم العبوا ومابي اسمع صوت لاتزعجوني اعاقبكم كلكم
نايف خرج من المطبخ وهو شايل بيده صينية الضيافة واتجه للمجلس وانصدم وهو يشوفه خالي اتجه لدورة المياه بعجالة ودق عالباب ماوصله رد توتر وفتح الباب وانصدم وهو ماحصل احد لف البيت باعتقاد ممكن يكون غلط بالبيت ودخل غرفة غلط بس مو مشكلة انجن وهو مالقاه بالبيت خرج من البيت وهو يتلفت يمين ويسار يبي يلمح بس زوله وشلون يفارقه وهو اخيرا التقى فيه بعد طول انتظار
ـــــــــــــــــــــــــ ـــــــــــــــــــــــــ ــــــــــــــــــــــــ
((بيت أبو عمر1))
..جناح طلال البسيط..
موج جالسة بالصالة بطفش وسط صوت التلفزيون العالي بدون اي فايدة مجرد صوت فقط وهي مثل السجين غير مسموح لها الخروج الا باذن او تقوم مصيبة عليها
ام عمر فتحت الباب بقوة
موج فزت/بِسْم الله الرحمن الرحيم
ام عمر بعصبية/خير وش شايفة قدامك
موج مشت لها تسلم على راسها/محشومة ياعمة محشومة
ام عمر دفتها ولاسمحت لها تسلم
موج كتمت غيظها وهي تتعذر لها
ام عمر/وش وراك العصر؟
موج قطبت جبينها/ولاشي ياعمة امريني بغيتي شي
ام عمر/ايه بغيت العصر نروح انا وانتي للدكتورة
موج تضايقت/بس ياعمة بس انا مافيني شي
ام عمر بعصبية/وعمى ترادديني بعد!!لك سنتين طايحة بكبدي وكبد ولدي وللحين ماشفنا شي خلك ماتروحين معي والله ثم والله ان تشوفين شي مايسرك/خرجت/
موج جلست عالكنبة وهي تحبس دموعها/يارب الفرج من عندك يارب
..المطبخ..
فتنة بوجه شاحب تغسل صحون الفطور وهي جهزت الغدا اللي يطبخ بقدر الضغط شاغل تفكيرها وش بتسوي لضيوف ابوها المعتادين حلا ماتبي اي مشاكل اليوم عالاقل لحد ماترتاح شوي من تعبها
رغد بروب ستان طويل باللون البنفسجي يخفي تحته قميص لايليق بغير زوجها يشوفه كاشف عن اعلى صدرها بحزام من نفس اللون يتوسط خصرها مثبت هالزول لاينفتح ويبان معه المخفي بشعرها الكيرلي الطويل اللي توسط ظهرها وقفت عالباب وهي تتكتف/جهز الغدا؟
فتنة التفتت لها وكشرت من شافت لبسها
رغد تنحنحت وهي تزم روبها من فوق تغطي صدرها/جهز الغدا اقول!!
فتنة/لا ماجهز وبعدين اشتري نفسك كيف طالعة بهالمنظر؟!!
رغد وهي تناظر نفسها/وش فيه منظري/تخصرت/اهبل قمر14ولا عندك اعتراض!!
فتنة/محد معترض ياقطعة القمر بس البيت فيه شباب ولا تبين تقومين قيامته بين اهله
رغد ابتسمت بسخرية/محد قوم قيامته غيرك!!
فتنة عضت شفتها للحظة وبقهر/الله عالظالم حسبي الله ونعم الوكيل
رغد قشعر جسمها وهي تكابر وبحدة/اذا جهز الغدا كلميني/مشت خطوة ووقفت وهي تلتفت لها وبابتسامة/اااه نسيت ان مامعك جوال/حنت نفسها لقدام وهي تتكتف وبتأمّر/اطلعي ودقي بابي/اعتدلت بوقفتها/ولا اقولك جيبيه ماله داعي انزل/مشت/
فتنة بقهر/اخدمي نفسك عندك مطبخ
رغد التفتت لها/نعم!!
فتنة زفرت وهي تستغفر/استغفر الله العظيم
رغد/ايوا الله استغفري استغفري بس لاتتهاونين!!
فتنة تنهد/انت الحين وش تبين مني؟الغدا وماجهز وش تبين!!
رغد تناظرها بحقد رغم اللي يصير للحين متماسكة ماانكسرت هالفتنة ابتسمت/ايه شلتي الدلال حقت البارحة؟
فتنة قطبت جبينها/ايه شلتها ليش تسالين؟!!
رغد/لا بس سمعت عمي يقول به ريحة قهوة ببيت الشعر وشكلك ناسية شي
فتنة غسلت يديها بسرعة ونفضتها من الموية بتوتر وهي توقف عند الغاز تقصر النار عالغدا ماتبي تحتك مع ابوها ابدا مشت وخرجت من باب المطبخ اللي يخرج لبرا البيت وهي تجري
رغد وقفت عالباب وبضحكة/يقولون
فتنة التفتت لها وهي ترفع يديها اللي شبكتهم ببعض تسوي لها ظل يغطي عيونها عالاقل
رغد/الشمس مليانة فيتامين
فتنة اتسعت عيونها وهي تستوعب حركتها ورجعت طريقها جري
رغد/تشمسي زين/قفلت الباب وهي تضحك/
فتنة وقفت عالباب بقلة حيلة وهي تدري ماحولها احد والمجلس ماتقدر تطبّه خوف من ابوها يشوفها رمز تدنيس تنهدت بضيق وناظرت لباب المطبخ وهي تدري انها وراه احتدت ملامحها/الله عالظالم وحسبي الله ونعم الوكيل وكفى
رغد اللي واقفة ورا الباب احتدت ملامحها وفتحته وبعصبيتها/لايكون ظلمتك بشي ياست فتنة!!
فتنة بغيظ تكتمه من فترة طويلة/الظالم يعرف نفسه واذا دعوتي لامستك وحركت فيك شي فاأنتي ادرى بنفسك/ماخلصت كلمتها الا وانطبع على وجهها كف من رغد/
رغد وهي تنتفض من غيظها تحس بنار بقلبها مابردت للحين
فتنة تناظرها بصدمة ماتوقعت تمد يدها عليها تسوي كل شي الا هالشي ماتوقعته ابدا
رغد بحقدها/محد ظلمك ابد انتي اللي راجعي نفسك ياابليس ماتركتي احد يتهنى بحياته بالاول أمك وابوك وبعدها أنا وكملتيها بسواتك الشينة ونزلتي روس اهلك كلهم لسابع قاع
فتنة غرقت عيونها دموع وهي تسمعها وبصراخ وهي تدفها لجوا/تخسين وتخسين الف يالظلوم يالظالمة
رغد واقفة بمكانها بثبات ماهزتها دفّات فتنة الهزيلة ودفتها بكل قوتها ترجعها لمكانها برا البيت/دام اني ظالمة على قولتك تنقعي بالشموس ياوجه الشينة/قفلت الباب/
فتنة مسكته باخر شي قبل يقفل وبابتسامة تخفي تحتها كم كبيييير من القهر والندم/كل هذا عشانه
رغد انصدمت من ذكرها له بهاللحظة وهي حتى بأسوء لحظاتها مانطقت حرف عضت شفتها واكتسى وجهها اللون الاحمر هالمرة من كثر الغيظ اللي احتواها/احترمي نفسك انا على ذمة رجل الحين وهالرجل يكون اخوك!!
فتنة استحقرت نفسها كيف تنزل هالمستوى اللي هي بنفسها ماترضاه تعوذت من الشيطان وهي ناوية تعتذر لرغد لكن انصدمت وهي تشوفه قدامها وبلعثمة/ععممرر!!
عمر يناظرها بدم انضخ بعروق رقبته من كلامها اللي وجهته لرغد وكله اتهامات
فتنة بندم/انا آسـ/وألجمها كفه الصمت غصب عنها/
رغد زفرت برضا وهي للحين مابرد قلبها
عمر بصراخ/رغد شريفة طاهرة لاتقارنينها فيك اللي امثالك يحمدون ربهم ليل ونهار انهم عايشين تحت سقف مـاهـو يتكفنهم التراب
فتنة تناظره بقهر وهي تدري لو نطقت كلمة دفنها
عمر وهو بالقوة ماسك نفسها لايذبحها/خلي هالشمس تصك قاعة راسك حتى تعرفين قدرك بهالبيت/قفل الباب بوجهها بكل قوته/
فتنة رفعت يدها تلامس خدها اللي تحسه قسى وخشّن ملمسه من كثر مامر عليه هلت دموعها غصب عنها وجلست باستسلام عند باب المطبخ تحت هالشمس وبهالحر وهي تلامس بظهرها هالباب
عمر التفت لها بشر وهو ماهدا للحين
رغد قشعر جسمها وبخوف/حبيبي انا
عمر مسكها من يمينها وهو يضغط عليها ومشى وهو يسحبها وراه
رغد بألم من يدها/عمر ااه عورتني عمر
عمر يسحبها وراه وهو يطلع الدرج وكله حرقة منها وقف وهو يناظرها
ام عمر واقفة بأعلى الدرج وهي تناظرهم/وش فيكم وش اللي صاير؟
عمر/مافيه شي يمّه سلامتك
ام عمر قطبت جبينها بشك وهي تشوف شكله وبنبرة حادة/اترك رغد ياعمر
عمر انتبه من كلامها وترك رغد بسرعة
ام عمر بحدة/اموركم تنحل بينكم اذا انقفل عليكم الباب اما هالحركات لاتشوفها عيني ياعمر سمعت
رغد ابتسمت بحب لعمتها اللي دايم بصفها
عمر/ابشري يمّه على امرك حاضر/التفت لرغد وهمس لها/الحقيني/طلع الدرج بخطوات سريعة/
رغد مشت وراه بسرعة
عمر مر من جنب امه وسلم على راسها وهو يقطع انتظاره لها اليوم بالغدا/تعبان يمّه وابي ارتاح
ام عمر تنهدت/الله يريح بالك وانا امك الله يريحه
رغد وقفت جنب عمتها وسلمت على راسها وبابتسامة همست/الله يخليك لي ياعمة
ام عمر همست/الحقي زوجك الله يهديكم لبعض الحقيه
رغد جرت ورا عمر تلحقه وهو ابتعد عنهم
ام عمر تنهدت/الله يسخركم لبعض الله يسخركم/اتجهت لغرفتها تاخذ قيلولتها براحة كالمعتاد/
ـــــــــــــــــــــــــ ـــــــــــــــــــــــــ ــــــــــــــــــــــــ
.
{الـمـعـارض}
فواز يسمع الحوار بصمت بدون اي مداخلة منه
راضي لصاحب احد المعارض/مشكور مشكور ماتقصر عساكم عالقوة فمان الله/التفت يمينه لفواز وباستغراب/امش وش فيك اليوم!!
فواز سبقه بخطوات سريعة/مافيني شي
راضي عاجل بخطواته ولحقه وباستغراب/اقول وش فيك يارجال ماانت على بعضك
فواز بضيقة/اليوم اتهمت ثابت ظلم وهاوشته وانت تعرف وضعي مع ثابت مو بالحيل
راضي ابتسم/بـــس!!خوفتني ياابن الحلال قلت صاير ببيتكم شي يروع!!
فواز بزعل/راضي!!
راضي ضحك/والله اني صادق وبعدين ثابت مو بزر يدري انه عشان مصلحته
فواز/ثابت كل ماله ويبعد عني اكثر واكثر ياراضي وهالشي مزعلني واجد
راضي/قوله فهمه دامك شايف الوضع يزيد بينكم
فواز/وش تبيني اقول خايف عليك من اخوياك!!حتى اخوياه هجوا عنه والسبة أنا!!
راضي/انت متى تترك هالطفاقة(استعجال)عنك هاه؟
فواز كشر/وانت تهاوشني ليش الحين!!
راضي/ياابن الحلال انا ادري انك تبي مصلحته لكن بهالطريقة زين ان مالعب من وراك
فواز بنفسه/وهذا اللي تقوله ذهب ومخوفني
راضي/اتركه يتنفس شوي وبعدين بتحشره لمتى؟!!تراه رجال لازم يخالط حتى يتعلم ولاينقرص بيوم
فواز سكت
راضي/تفاهم معه وقوله واتركه ياخذ راحته شوي لاتحفر وراه
فواز/مااقدر ياراضي مااقدر
راضي/اجل لاتتركه ينتبه انك تحفر وراه منها هو ياخذ راحته وانت بعد ترتاح
فواز سكت وهو يفكر بكلام راضي
راضي فتح سيارته اللي على مسافة منهم بالريموت/اركب اركب خل نشوف لنا غدا اركب
ـــــــــــــــــــــــــ ـــــــــــــــــــــــــ ــــــــــــــــــــــــ
خرج من شقته بكامل أناقته وريحة عودته الثقيلة غطت المكان بسرعة من ثقلها قفل الباب وراه وارتسمت ابتسامة عريضة على وجهه وسرعان مااختفت هالابتسامة وانقلبت لتكشيرة زفر وهو يخرج/لاإله الا الله
عجايب واقفة بالجهة المقابلة لشقتها متخبية ويهمس وسط تكشيرتها/قطيعة تقطعك عمرك وتفكنا منك/نزلت الدرج بخطوات سريعة بدون عباية بعد ماسمعت صوت قفلة باب العمارة الكبير/وجع كل ذَا جلسة بالبيت هب ياوجهه من وين له يصرف مالت عليه الا مالت/رنت جرس الشقة بانتظار تفتح لها
سراج فتح سيارته اللي واقفة عند باب العمارة وركب وهو يتافف/قطيعة تقطع ذَا العجايب/شغل السيارة وانتظر شوي/رادار رادار عوذا منها هين بس اقابل حاتم اتفاهم معه هين/رن جواله ارتسمت ابتسامة عريضة على وجهه وهو يرد/هلا والله ياهلا/ضحك/ايه شين جديد يحبه قلبيك
ـــــــــــــــــــــــــ ـــــــــــــــــــــــــ ــــــــــــــــــــــــ
.
((بيت ابو فواز))
،،غرفة ثابت،،
ثابت على كتابه يذاكر وهو كل شوي يوقف ويرفع راسه ويزفر من قلبه بغبنة
ذهب دقت الباب وفتحته بدون ماتعطيه فرصة يرد وللاسف مقفل دقت من جديد/ثابت
ثابت/ماابي غدا ابي اذاكر
ذهب/افتح ابيك بشي ضروري
ثابت/بعدين
سجايا بعبايتها راجعة من الجامعة مرت من جنبها وهي مكملة طريقها/السلام عليكم
ذهب/وعليكم السلام والرحمة
سجايا وقفت والتفتت لها/وش فيه بعد؟
ذهب/تعالي كلميه مو راضي يفتح
سجايا/اتركيه بكيفه!!
ذهب ناظرتها ساكتة
سجايا زفرت وهي ترجع وتوقف جنب ذهب/ثابت افتح وخلصني ابي اصلي واتغدا وانام ماني فاضية لك تعبانة من الدوام
ثابت مارد عليهم
سجايا استلمت الباب تدق ورا بعض
ذهب غطت اذانيها باصابع يديها وهي مغمضة عينها اليسار
ام فواز طلعت اللي تحت وتسمع الازعاج وبصوت عالي من اسفل الدرج/سجايا اتركي الازعاج عنا صدعتي براسي!!
سجايا التفتت تناظر ذهب بعيون متسعة/ماشاء الله ماشاء الله شفتي الشمعة اللي طلعت عني من وراك انتي واخوك!!
ذهب ابتسمت/لاتصيرين حساسة وتفاهمي معه مو تقولون تحسون ببعض!!وش فيك ماحسيتي انه زعلان!!
سجايا بوسع عيونها/الثبّتي زعلان!!/استلمت الباب دق من جديد/ثابت اثويبت وش فيك من مزعلك يانصي الثاني هاه!!ثابت ثابت
ثابت فتح الباب وهو للحين ماسكه بيساره ومد يمينه ومسك يمين ذهب وسحبها لداخل الغرفة/وانتي توكلي مو تشتكين تعبانة/قفل الباب بوجهها/
سجايا بتكشيرة/مالت الا مالت اشبع زعل عساك مارضيت واااع/مشت للغرفة/
ثابت اتجه لكتابه المرمي عالارض وسط حوسة اغراضه وجلس وهو يرفع هالكتاب على رجوله يذاكر
ذهب واقفة تناظره بزعل وهي مميلة فمها ومتكتفة
ثابت على وضعه ماناظرها
ذهب زفرت/وبعدين؟!!
ثابت نزل القلم بكتابه/ولا قبلين اخوك وتعرفينه يحب لي الاذية
ذهب/وش هالهواجس الشينة استغفر الله العظيم!!
ثابت ناظرها بتكشيرة/هواجس شينة!!!
ذهب/ايه هواجس شينة يعني بالله من كل عقلك تقوله؟!!انت تدري ان فواز مايأذي أحد
ثابت ارتفع صوته باستنكار/ذهب!!
ذهب/هو صح انه عليه حركات بس مستحيل يأذي اي احد منا اللي يسويه يشوف انه لمصلحتنا
ثابت بقهر من كلامها/مثل تركك للجامعة غصبا عنك؟
ذهب انقلب وجهها
ثابت/لمصلحتك بعد صح؟
ذهب بوجهها المخطوف/الكلام بدا ياخذ طريق ماله داعي
ثابت/ليش!!عشان صار الكلام عنك؟
ذهب بزعل وضح بنبرة صوتها اللي ارتفعت/خلاص ثابت تشوفه اذية صح مأذيك مرة ياحرام لدرجة طاردك من جامعتك وجارك معه للمحل تساعده/خرجت وقفلت الباب وراها بقوة/
ثابت يغلي بمكانه/حسبي الله عليه بس حسبي الله
.
((شقة ساجي))
سدول نزلت حافظة الغدا وخارجة من شقتها وهي معها حافظة بالحجم الوسط ايدام وحافظة وسط سلطة نزلت الشقة اللي بالدور الارضي ونزلت اللي بيدها وهي تعدل عبايتها ونقابها دقت الباب بشويش واكتفت به دون الجرس حتى ماتزعج عمها لانه احتمال يكون نايم انتظرت كم دقيقة ورجعت دقت من جديد
عزيزة من ورا الباب/ميييين؟؟
سدول ضاق صدرها وهي تسمع صوتها وتاكدت ان الباقين كلهم موجودين بلعت ريقها/سدول افتحي الباب
عزيزة من ورا/بشعري قناع الحين ولازم اغسله والبنات نايمين وعيالنا نايمين اصبري شوي اغسل وارجع لك انتبهي لاتدقين تصحينهم سمعتي
سدول زفرت بضيق/طيب دخلي الغدا لعمتي وعمي خليهم يتغدون
عزيزة فتحت الباب بسرعة وبابتسامة/ليش ماقلتي معك الغدا!!
سدول/قلت لسماح وبدرية اليوم
عزيزة فتحت الباب اكثر/حياك حياك كنت ناوية اطلب للكل بس دامك مسوية ادخلي المطبخ وحطي الغدا وانا بأغسل شعري/مشت وتركتها بدون لاتساعدها/
سدول اخذت الحافظة الكبيرة اللي بها الغدا واتجهت للمطبخ ومرت من صالة البيت اللي بطريقها قبل المطبخ ووقفت وهي تنزل الحافظة/السلام عليكم/اتجهت لعمها وعمتها تسلم عليها/
ابو راضي/وعليكم السلام والرحمة ياهلا والله بسدول هلا بشمعة البيت ياهلا
ام راضي ميلت فمها بتكشيرة/وعليكم السلام والرحمة
سدول بعد ماسلمت عليهم وبابتسامتها/جبت الغدا تبون نتغدى الحين ولا القهوة اول؟
ام راضي/تبين تذبحيني بالحرقان الظاهر!!
ابو راضي ناظرها بحدة واضحة لسدول ثم ناظر سدول بابتسامة/ياعسى هاليدين ماتمسها النار قولي امين سلمتي يابنيتي سلمتي اتعبتي نفسك
سدول بابتسامة وهي تتجاهل كلام عمتها/تعبكم راحة ياعم وثم مامن تعب وش هالكلام اللي يزعل ياعم
ابو راضي/اجل نتغدى بس اصبري لمى تخلص عزيزة اللي براسها هالخبيصة اللي مالها لزمة دام المنبت شين يبقى شين
ام راضي بزعل لبنتها/محمد!!
ابو راضي بنبرة حادة/وش فيك!!
ام راضي/لاتسمعك عزيزة وتزعل
ابو راضي/خليها تزعل ذَا الصدق المهم ذالحين اجلسي باسدال لمى تخلص وثمّن نتغدى جميع
ام راضي وهي تناظر سدول وبابتسامة/ليش بتتغدين معنا!!ووينه ساجي لايكون مايبي الغدا!!
سدول بربكة اخفتها وهي تحس بريحة شماتة/لا ياعمة بيتغدا معي بس هو بيتاخر بالشغل شوي وانا قصدي اجهز الغدا لكم وبعده امشي لبيتي
ام راضي انغبنت وصدت بوجهها تخفي الغبينة
ابو راضي/روحي يابنتي روحي كثر الله خيرك وبيض الله وجهك ووجه من رباك روحي
ام راضي التفتت بحدة/وين تروح!!لا ابيها بشغلة
ابو راضي بحدة/وش تبين يامرة!!اتركي سدول عنك
سدول/امري ياعمة
ام راضي/روحي المطبخ وتعرفين الباقي
ابو راضي شهق/عايشة!!
سدول/حاضر ياعمة ابشري/مشت وهي تاخذ الحافظة بطريقها/
ابو راضي بحدة/وش فيك عليها هاه وش فيك
ام راضي/مافيني شي ليش وش فيني!!
ابو راضي/بناتك خامدات كلهم بالشقة اللي قبالنا وتبينها هي تنظف وراهم هاذي والله قواة العين ياعايشة!!
ام راضي/وش فيك علينا!!حنا اهلها اذا ماخدمت اهلها مين بتخدم ان شاء الله!!
ابو راضي بتهديد/اسمعي ياعايشة هالمرة بأمشيها لك لكن والله وبالله المرة الجاية لو هه احس ولا ادري انك عايدتها لاأخليك تنفضين بيت سدول زواية زاوية لحالك سمعتي
ام راضي صدت بوجهها بقهر منه
ابو راضي بحدته/سمعتي؟
ام راضي/سمعت سمعت خلاااص
.
((بيت ابو عمر1))
،،جناح عمر و رغد،،
عمر دخل الجناح وهو بقمة عصبيته واقف قدامه بمنتصف المدخل الصغير اللي يعتبر بنفس الوقت مدخل اصالتهم المتواضعة وهو معطي ظهره للباب ثاني يده على وسطه ينتظرها
رغد دخلت وهي تقفل الباب وراها بهدوء والتفتت
عمر التفت لها وضربها كل بكل قوته
رغد انصدمت وبشدة وهالمرة اول مرة تنمد يده عليها تناظره مو قادرة تستوعب ان عمر حبيبها وزوجها ضربها غرقت عيونها دموع وهمست/ليش!!!
عمر بوجهه الواضح عليه عصبيته وبهمس كله تهديد/هاليد ان انمدت على فتنة مرة ثانية يارغد قطعتها سمعتي
رغد تناظره بصدمة/كل ذَا عشان فتنة!!
عمر بعصبية/فتنة اختي وتظل اختي ولو اذبحها ضرب ليل ونهار انتي يدك ماتنمد عليها فاهمة
رغد احتدت ملامحها وهي تحبس هالدموع لاتنزل/شي ثاني طال عمرك!!
عمر وهو يمرر نظره عليها وبحدة/انتي وشلون طالعة بهالمنظر ماتستحين البيت به غيرك مو لك لحالك وناسية انك على ذمتي كل شي تسوينه يمسني!!وش قلة هالعقل اللي عندك صدق انك قروية
رغد بغبنة/كل كلمة والثانية قروية قروية قروية!!وش فيني نقص يوم اني من بنات القرى هاه!!وتراك بكبرك من اهلها فلا تشوف نفسك علي
عمر صرخ/رغد!!
رغد/وبعدين لو عندك شوية احساس كان انتبهت للي وراك ولا فاضي تتهاوش معي مثل العادة مستحيل تتركني اتهنى حتى بفرحة لي
عمر قطب جبينه من كلامها وهو يلتفت وراه وانتبه للطاولة المذهبة اللي بوسط الصالة قبال الكنبة الزيتية اللي عليها كيكة صغيرة مثبتة فيها بالونات باللون الوردي والازرق تتطاير بالهوا بخفة حاول يفهم هالوضع لكن هالوضع مع كلامها ماله الا تفسير واحد التفتت لها يناظرها ينتظرها تاكد له
رغد بمقاومة للبكى/مبروك مبروك ياعمر بنصير ان شاء الله اب وام/مسكت اطراف روبها وهي ترفعه شوي/ها عرفت ليش لابسة هاللبس
عمر زفر وهو يحس بتانيب ضمير لاستعجاله/رغد انا
رغد قاطعته وهي يرجف صوتها ماعاد قدرت تتحمل اكثر/شكرا ياعمر شكرا حتى الفرحة مستكثرها علي والسبب مين؟!!اختك اللي اتهمتني بشرفي وانت ادرى الناس بكذبها وتبليها المرة الجاية لاتترك هالكف بيننا خل الكل يشوفه ويعرف ان اللي ماله احد يسنده ماله قدر بهالبيت او اي مكان شكرا ياعمر شكرا/مشت ومرت من جنبه بخطوات سريعة/
عمر/استغفر الله العظيم
رغد دخلت لغرفة النوم وارتمت عالسرير وهي تتغطى باللحاف كلها وانسابت دموعها بغزارة وبحرقة قلبها لفرحتها اللي اختربت وبنفسها وهي تعض شفتها السفلية بقوة/حسبي الله عليك يافتنة نكدتي علي جعلك ماتتهنين يارب هين والله لااخليك تندمين هين يافتنة/واجهشت بالبكا تحت اللحاف فوق نظرات عليها من عمر/
.
((بيت ابو فواز))
سجايا دخلت للمطبخ بعد مابدلت ملابسها وتحممت وقفت جنبها وهي مقطبة جبينها تناظر ذهب
ذهب توزع السلطة بالصحون الصغيرة وهي ساكتة بوجهها المتغير
سجايا/احط الغدا
ذهب/لا شوي ابوي راح يكلم جدتي تتغدا معنا
سجايا/نروح لها جديدة ذي يعني!!
ذهب زفرت والتفتت لها/سجايا تكفين ماابي اتكلم خلاص انا احطه روحي اجلسي وارتاحي
سجايا ارتفعت حواجبها وهي تناظرها/اوكي اوكي على راحتك/مشت خارجة من المطبخ جري واول ماخرجت منه جرت وهي تطلع الدرج بنفس جريها وسرعتها واتجهت لغرفته وفتحت الباب وبوسط انفاسها وبعصبية/ثبّتي ووجع
ثابت اللي متمدد على بطنه ومتكي بدقنه على كتابه وجواله اللي قباله عالكتاب بين يديه يقلب فيه زفر وهو يترك الجوال من يديه ويطيح عالكتاب/يهالثبتي اللي تزعجونه ازعاج مابعده
سجايا قفلت الباب وراها وهي تتكتف بنرفزة/وش قايل لذهب هاه وش قايل؟
ثابت جلس وهو يناظرها/ماقلت شي وبعدين وش دراك انه انا!!ولا كل شي ثابت!!
سجايا بسخرية/بِسْم الله عليك يالملاك بِسْم الله اخوي واعرفك وبعدين مالقيت الا ذهب المسكينة حيلك حطه باللي مزعلك مو هي
ثابت/فارقي عني سجايا مو ناقصك بعد!!
سجايا/اكيد فوازوه كالعادة
ثابت بعصبية/استغفر الله العظيم اطلعي برا سجايا احسن لك
سجايا/وش بتسوي هاه وش!!اصلا بس فالح تزعل ذهب وهي قلبها عليك والله ماتستاهل
ثابت فز واقف
سجايا فتحت الباب وجرت وبصراخ/يممممههههه
ثابت يجري وراها/اوقفي اقولك
ام فواز خرجت من غرفتها عالاصوات تناظر وش اللي صاير تنهدت وهي تشوفهم/ولد اترك اختك
سجايا نزلت الدرج جري وهو وراها ونطت 3درجات مع بعض ووصلت لنهاية للدرج توجعت وكملت جري وهي تخرج من البيت لبيت جدتها
ثابت وراها
سجايا دخلت لبيت جدتها وقفت عند مدخل الصالة وهي تسمع جدتها
ثابت دخل وهو يلهث
سجايا التفتتت له بوسع عيونها وهي تأشر بطرف اصبعها على انفها بمعنى اسكت
الجدة سدول/البارح جاني نايف
ابو فواز ميل فمه بعدم رضا/وش يبي ماعندنا له شي
الجدة سدول بحدة/محد محتاج منك شي ياجابر!!ماعرفتك بذا الشيانة ماترحم!!
ابو فواز/كبرناه وعطيناه وخلاص وش يبي بعد زود!!
الجدة سدول بحدة/لاتمنن ياجابر!!
ابو فواز سكت
الجدة سدول/وثم لولا اللي انت عارفه ماظنتي لك منّا عليه
ابو فواز بنرفزة/يمّه!!
الجدة سدول رفعت صوتها/وذا الصدق ياجابر
ابو فواز/وش يبي الحين وش جايبه
الجدة سدول/مايبي شي ودوم يجيني ماعمره طلبني شي ياجابر
ابو فواز/وبعدين؟اكيد ماتكلمتي الا ووراه مصيبة
الجدة سدول/لاتظلم الولد وهو ماشفت منه الا كل خير ياجابر لاتصير جحود
ابو فواز صد بوجهه/استغفر الله العظيم
الجدة سدول غرقت عيونها/واعزتي لك ياعين سدول
ابو فواز اتسعت عيونه والتفت يناظر امه بصدمة
الجدة سدول/واشيب حالي عليه كلن بيسري به واعرفه مابينطق حرف بعد اللي حصل به
ابو فواز بحدة/يمّه!!
الجدة سدول ناظرته بحدة/اسمعك لاترفع صوتك علي
ابو فواز/لو تنطبق السما عالارض والله
الجدة سدول قاطعته وبحدة وعصبية واضحة عليها/لاتحلف ولاتهدد وتتوعد قدامي ياجابر كلمتك ماتمشي علي دامها ماجازت لي
ابو فواز/كل شي امري وعلى راسي ولبيه لكن هالـ
الجدة سدول/قم اطلع برا قم ماابي اسمع منك شي قم
ابو فواز/تطرديني يمّه!!
الجدة سدول بتحدي/واطرد عيالك معك اذا تمشي رايك علي ياجابر
ابو فواز/يمّه كل شي الا
الجدة سدول قاطعته/ول عليك ياجابر ول ماهقيتك ظلوم!!نسيت نسيت بجاد ورميته لنفسه بين يديك نسيت!!
ابو فواز بغبنة/مانسيت يمّه مانسيت ولا نسيت كسرتي قدام الناس يمّه للحين باب ضيوفي مقفول مالي وجهه بين الناس يمّه مالي وجه
الجدة سدول/قم قم اطلع وخل الناس ينفعونك قم
ابو فواز/يمّه!!
الجدة سدول/ولساني مايحاكيك يالظلوم المتجني حد الله بيني وبين الظالم قم اطلع برا
ابو فواز/يمّه!!
الجدة سدول/وش تنتظر اطلع برا عني اطلع
سجايا رجعت طريقها وهي تسحب ثابت معها بسرعة وخرجت من البيت
ابو فواز وقف وهو يكتم غيظه/باخليهم يجيبون الغدا لك
الجدة سدول صدت وبعصبية/ماابي غداكم تهنوا به
ابو فواز/يمه!!انا اخليهم يجيبونه
الجدة سدول/قلت ماابي شي منكم واطلع يالله برا يالله
ابو فواز ناظرها بغبنة وخرج وهو يغلي
سجايا وثابت دخلوا المطبخ مع بعض
ذهب قطبت جبينها وهي تناظرهم من فوق لتحت/وش فيكم!!
سجايا مسكت ثابت اللي واقف جنبها ودفته لقدام/ثابت يبي يقولك شي
.
((شقة سراج))
علي جالس بزواية المجلس يرسم بكراسته وساكن بعالمه الخاص مثل عادته
عجايب شرقت بالقهوة من صدمتها باللي سمعته ونزلت فنجالها بسرعة/ايش!!وش تقولين انتي صاحية؟!!
سحايب متربعة جنبها وضربتها على رجلها وبهمس من بين اسنانها وعينها على علي/نقصي صوتك علي يسمعنا!!
عجايب/ووش دراه علي بهالمواضيع هاه
سحايب قاطعته بحدة وزعل/عجايب!!
عجايب بدون اهتمام لزعل سحايب/الحين اخلصي وقولي لي مين اللي قالك هالكلام!!
سحايب/سراج
عجايب/وانتي تصدقينه!!ذا الرجال ياكرهي له بس واع واع مدري كيف صابرة عليه الله يعينك بس
سحايب بنرفزة/وبعدين ياعجايب وبعدين احترميني عالاقل
عجايب وهي تكش بوجيههم/مالت الا مالت مااردى من احويتم الا هالسراج الله يكملنا بعقولنا بس مدري وشلون اخذناهم
سحايب/وبعدين معك والله لاطردك برا عجايبوه
عجايب/اطرديني مردنا لبعض اذا مو هينا ببيت ابوي بعد هالمصيبة اللي قلتيها
سحايب تنكدت اكثر/قولك ابوي بيسامحه
عجايب/خليك من ابوي امي وش بتسوي اذا شافته/شحب وجهها/يمّه يمّه والله صدق قامت القيامة ياويلي ياربي ياحبيبي يارب وش الحل
سحايب وهي تطرد القلق/مابيصير شي ارتاحي بس
عجايب وقفت مفجوعة
سحايب رفعت راسها تناظرها/وش فيك!!
عجايب بفجعتها/يمّه يمّه والله ماتمر السالفة على خير الله يستر الله يستر
سحايب/ربك يسهلها انتي بس اجلسي خل نكمل قهوتنا
عجايب/وين اجلس بأتصل بحاتم يجي
سحايب قطبت جبينها/ليش!!
عجايب/ليش يعني عشان اكون مع امي
سحايب/مالك دخل وبعدين امي ببيتها لاتروحين ويشكون بس
عجايب/مااقدر مااقدر بروح
سحايب/روحي الله يسهل لك روحي
عجايب مشت كم خطوة ووقفت/اقول الصباح شميت ريحة بخورك جديد هو صح؟
سحايب زفرت/ايه
عجايب/اذا علا رجعت اعطيها منه شوي تجيبه لي خليني ابخر بيتي قبل يجي حاتم يمكن يوافق لي نروح يالله سلام/مشت وخرجت/
.
#سلطان_الهوى_يافتنة_الألفية


مدامع حزينة غير متواجد حالياً   رد مع اقتباس
قديم 21-07-22, 11:48 PM   #8

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

3
-
لاحول ولاقوة إلا بالله
.
((بيت ابو عمر1))
كحالها المعتاد تستسلم بدون اي مقاومة تفاديا (للمشاكل)على حسب ظنها رغم انها وبكل أسف تعيش فيها جالسة عند باب المطبخ على امل تفتح لها رغد ولهيب الشمس اظهر تأثيره على جبينها اللي تبلل بقطرات العرق الظاهر عليه التفتت وهي تسمع صوت ضحكاته ابتسمت بفرحة وهم الشي الوحيد المتبقي المبهج بحياتها وقفت وهي تمشي وتبعد عن هالممر اللي يفصل بين بيوتهم
غياث صاحب السبع سنوات وبالصف الاول الابتدائي راجع من مدرسته وهو يضحك بصوته العالي واتسعت ابتسامته وهو يناظرها بطرف الممر وبصراخ وناسة/فتتتنننننةةةة!!
فتنة فتحت يديها له
غياث جرى لها وارتمى بحضنها بحماسه
فتنة بابتسامتها/وش فيكم تاخرتوا اليوم؟
غياث تركها وبزعل/يعني ماتعرفين تركي دايم يأخرنا ننتظره الى مايخلص
أصيل وقف جنب غياث وهو يشوف نفسه كبير رغم انه صاحب التسع سنوات رفع يده/السلام عليكم
فتنة بابتسامة/وعليكم السلام والرحمة هلا هلا بتاج راسي اصيل هلا
اصيل خجل من كلمتها ومد يده يسلم عليها
فتنة صافحته وهم تكتم ضحكتها
راجح داخل وهو رافع شنطته فوق راسه يستظل فيها مر من عندهم
فتنة رفعت صوتها/السلام اجر ياعباد الله
راجح لف واتجه لهم ووقف جنب اخوانه ومد يده/السلام عليكم
فتنة صافحته/وعليكم السلام والرحمة
راجح/تعرفين شمس وانا ماااطيق الحر اموت
فتنة ضحكت بخفة وهي تناظر خدوده اللي بتنفجر من لونها الاحمر/مايحتاج تقوله اعرفك
راجح/هيا لاتزعلين اذا ماسلمت
فتنة/الا والله بازعل!!
راجح اتسعت عيونه/ليش!!
فتنة/حبيب قلبي مر وماسلم علي!!
راجح ماعرف يرد
غياث بغيرة/مو انا حبيبك!!
فتنة/والله كلكم حبايبي واموت عليكم
تركي(13سنة)وقف على مسافة منهم وبتكشيرة/وبعدين معكم انتم هاه!!امي تنتظرنا وانتم واقفين هينا يالله قدامي
فتنة تضايقت وحاولت تكون عادي/هلا ياتركي وحشتني والله وشلونك عساك طيب
تركي/الحمدلله طيب
فتنة/اليوم مسوية حلا يحبه قلبك تعال العصر يكون بارد تمام
تركي/ماابي مشكورة/وبحدة لاخوانه/خلصوني امشوا يالله قدامي بسرعة
فتنة ميلت فمها بزعل من تصرفاته بهالفترة والتمست العذر بمراهقته اكيد
غياث همس/بقي لي قطعة انا ابي
فتنة ضحكت/تعال العصر قطعتك جاهزة
طلال دخل للبيت بلبسه العسكري واحتدت نظرته وهو يناظرهم وبصراخ/يالله عند امكم ناقصين شموس بعد يكفي شموس يالله
//العيال اسرعوا بخطواتهم للبيت//
فتنة تضايقت من تعامل طلال معهم
طلال اسرع لها بخطواته ووقف قبالها وهو يمسكها من يسارها وضغط عليها بكل قوته
فتنة تالمت بصوت وهي تحس بها انكسرت بين اصابع يديه/طلال طلال
طلال بعيون بتخرج من مكانها/وش عندك بالحوش بهالظهر هاه!!ولا ناوية على شي يـافـتـنـة/ضغط عليها اكثر وبصرخة/انطقي
فتنة بكت غصب من قوة الالم وهي فوق ألمها طلع صوت طقت يدها/والله ماسويت شي انقفل الباب والله ماسويت شي
طلال ترك يدها وهو يدفها بنفس الوقت
فتنة ضربت بالجدار وراها/وانتي كل بعد كم يوم ينقفل الباب!!/قرب منها وهو يضرب راسها بطرف اصبعه/وش هالباب اللي ينقفل على هواك هاه/ضربها على راسها/هاااه!!
ام عمر فتحت باب المطبخ وخرجت وهي عالباب للحين ابتسمت وهي تشوف طلال/هلا يمّه هلا رجعت ادخل عن الشمس يمّه ادخل
طلال مسك فتنة من يسارها وسحبها له
فتنة كتمت المها لكن فضحتها دموعها
طلال بعصبيته/وش تسوي ذي برا يمّه هاه تاركتها بلا حسيب ولا رقيب
ام عمر تنهدت/مو انا نزلت لان عمر قالي انه قفل عليها برا لانها تلفظت عليه ومايبي يذبحها عاللي قالته
فتنة ناظرت امها بعيون متسعة من الصدمة همست/أنا!!
طلال دفها من يده/كان كسرها عظم عظم ولايتركها برا على هواها!!
ام عمر/تعال يمّه الدنيا نار وانت راجع من دوام تعال الله يصلحك تعال
طلال ناظرها وبحدة/امشي قدامي يالله
فتنة مشت وهي تخنقها العبرة كيف تبدل حالهم لهالدرجة
طلال يمشي وراها دفها لقدامه
فتنة تقدمت بخطوات سريعة ووقفت قبال امها اللي معترضة طريقها
ام عمر زفرت وهي تدخل للمطبخ
فتنة دخلت
طلال دخل وقفل الباب وراه بالمفتاح
ام عمر فتحت يديها له
طلال انفكت تكشيرته وارتسمت ابتسامة جانبية وهو يناظر امه واسرع لها بخطواته وارتمى بحضنها
ام عمر/يومين يالظالم يومين ماتتصل حتى!!
طلال بابتسامة/يمّه تدرين بي مستلم مـاهـو على هواي/تركها وهو يبوس راسها ويدها وحط يده على كتف امه يحضنها ويمشون وهم يسولفون بين بعض بحب ونسوا ذيك العيون اللي تناظر لهم بشوق وتمني كم تمنت وتمنت كم بكت وهي ترتجي لمسة ماطلبت حتى هالحضن كيف بعثرت مشاعرها بهاللحظة وهي تشوف حضن يخالطه مشاعر شوق ووله وحب وفوقها ابتسامة من اتسعها بينشق الخدين
فتنة بكت من قلبها بحسرة/وش بيصير يمّه لو كنت بمكانه دقيقة وش بيصير؟
ـــــــــــــــــــــــــ ـــــــــــــــــــــــــ ــ
المغرب
ـــــــــــــــــــــــــ ـــــــــــــــــــــــــ ــ
((بيت ابو عمر))
//كعادته ابو عمر فاتح باب بيته على وسعه وعلى يمينه بيت الشعر اللي يعتبر اكبر من بيتينه الاثنين مرة وحدة وريحة البخور وشبة النار والقهوة اللي تغلي فوقها مختلطة بهالمجلس//
ابو عمر ناظر لعمر اللي عن يمينه يسولف مع احد جيرانهم والتفت يساره وهو يناظر طلال اللي واضح على وجهه التعب ماارتاح من دوامه للحين ثم ناظر لعياله الصغار تركي وراجح اللي يبخر واللي يجهز يوزع التمر ثم ناظر لريان اللي جالس يقهوي كم جار اجتمعوا عندهم/ولد ياريان
ريان التفت لابوه/سم يبه
ابو عمر/رح لابو فواز قلّه ابوي يحتريك بالقهوة
ريان/يبه بس هو دايم
ابو عمر قاطعه بحدة/رح ياريان ولايكثر
ريان تنهد/ابشر يبه ابشر/التفت يناظر تركي اللي بيده البخور/تركي
تركي نزل المبخرة عند طلال واتجه له/سم
ريان مد له الدلة وهمس/كمّل وانتبه لاتجيب العيد
تركي هز راسه/ابشر
ريان مشى لبيت ابو فواز وهو يتحلطم/دايم مايجي غير بعزيمة وهو الباب عالباب يعني مايشم ريحة النار ويفكنا من التعب يعني!!حسبي الله عليه الله يشغله مثل مااشغلنا به ابوي
.
((شقة ساجي))
ساجي جالس عالارض عالسجادة اللي تتوسط هالغرفة قباله صحن الحلا وصينية القهوة مقطب جبينه وهو يتقهوى يناظرها بشكه ويشيل نظره وقت تنتبه له
سدول متربعة عالكنبة المفردة بلونها البيج وهي تقلب بجوالها
ساجي/ماسالتيني يالحب اليوم
سدول رفعت نظرها له عن الجوال وباستغراب/عن ايش!!
ساجي/عن الدوام!!
سدول تنهدت وهي ترجع عينها على جوالها/يقولون فيه واحد ملقوف تلقف بفتحة وانحشر فيها ومات
ساجي ارتفعت حواجبه وارتسمت ابتسامة سخرية جانبية/والله!!
سدول ناظرته من جديد وهي تعتدل بجلستها وترمي جوالها عالكنبة المفردة اللي جنبها وضرب بيد هالكنبة وطاح عالارض
ساجي بلع ريقه وهو يناظرها
سدول بابتسامة تخفي وراها تعصيبتها وهي تعرف حركاته/حبيبي وش عندك قول؟
ساجي/لا ولا شي بس اشوف خاطرك مو طيب
سدول ابتسمت وهي تنزل من الكنبة وتجلس عالارض قباله وبينهم الصينية واخذت ثلاجة القهوة ومدت يدها له وحط فنجاله وصبت القهوة وعينها عالفنجال وهي تتكلم/الخاطر بفضل الله بخير وطيب دامك قدامي ومبسوطين/مدته له/تفضل
ساجي مد يمينه ومسك معصم يمينها اللي مادة بها الفنجال له واخذ الفنجال بيساره ونزل فنجاله من يده وهو يرفع كفها له ويبوس باطن هالكف/ياعساني ماانحرم منك بيوم ياعيون ساجي
سدول زفرت بابتسامة وهي تناظره/ولايحرمني منك ياحبي كله والحين قولي وش اللي تبي تقوله؟
ساجي تنهد وهو يضم يدها بين يديه وعينه عليها/هو فيه شي بس ان شاء الله انه بسيط
سدول تخفي توترها ورا ابتسامتها/قول ياحبي متى عارضتك بشي
ساجي/تركت الدوام
سدول انصعقت وهاذي الوظيفة الخامسة اللي يتركها خلال هالسنة احتفظت بابتسامتها وهي متزلزلة داخليا من اللي سمعته/وش المانع ياحبي؟
ساجي للحين مارفع عينه بعينها متوتر من ردة فعلها/ماارتحت للحين مالقيت المكان اللي احس نفسي فيه
سدول بشعور مرير خلف ابتسامتها/طيب ياحبي كان بقيت بهالوظيفة واذا انتهى الدوام تشوف المكان اللي يناسبك هو كله على بعضه هالدوام خمس ساعات ونادرا تتاخر اكثر من كذا هي كم مرة بس تنعد عاليد
ساجي حل عليه احباط الدنيا كلها من كلامها ضغط على يدها ورفع عينه لها مستجمع شجاعته/هالوظيفة احسها حبل ملتف حول رقبتي يخنقني كل يوم يمر علي وانا بها ماقدرت اتحمل والله ماقدرت اتحمل اكثر
سدول زفرت/طيب وش ناوي عليه الحين؟
ساجي بحماس/انا خاطري والله خاطري افتح لي محل باسمي محد يتامر على راسي ومتاكد مليون بالمية بتزين اموري ووقتها والله ماتخطين بهالرجل الا على جوري مفروش بدربك ياعين ساجي وتامرين امر ياسدول/اشر على عيونه/من هالعين قبل هالعين
سدول بابتسامتها/تسلمي هالعيون وراعيها وانا متى عارضتك بشي سوي اللي تبيه وانا سندك ياحبي
ساجي فز على ركبه جالس وهو يدف الصينية عنهم ومد يده ليدها وسحبها لحضنه
سدول تحركت مع سحبته وارتمت بحضنه
ساجي ضمها بكل قوته لصدره/والله والله انا بدونك اضيع ياسدول والله انتي دعوة الخير وربي استجابها لي
سدول بحضنه تمسح على ظهره بهدوء مرتسمة ابتسامة ظاهرة على وجهها وداخلها عواصف كره للدوامة اللي تنعاد كل فترة
.
((عند العمارة اللي بها شقة نايف))
نايف وقف بسيارته بموقفه الخاص غارق بافكاره وبملامح تملاها الضيقة والنكد ماحصل له اي أثر فقد الامل تماما بأنه يحصله له قرابة الخمس ساعات وهو يدور عليه بيموت من كثر تفكيره وين ممكن يروح وهو مايعرف احد بهالديرة نزل من السيارة وعينه بالارض وقف على مسافة من باب العمارة الرئيسي واختلطت مشاعره وسط صدمة وفرح ومو اي فرح بشوفته من جديد جرى له ووقف قباله
سلطان ناسف شماغه اللي بدون عقال اي كلام وهو جالس على طرف درج باب العمارة الخارجي عينه عالارض وهو ينتظره يخرج من بيته رفع عينه يناظر صاحب الخطوات اللي كان متجه له ووقف ابتسم وهو كله احراج/انت برا!!ظنيتك داخل
نايف ارتسم الغضب على ملامح وجهه وأسرع بخطواته له وهو يرفع يمينه يدف بها كتف سلطان اليمين بتعبير عن غضبه اللي وصل اقصاه
.
سلطان زفر بابتسامته/تروعت!!افا يالقلب الرهيف!!
نايف عض طرف شفته السفلية وهو يجمع قبضته ويرفعها بيكلمه من كثر قهره والخوف اللي عاش به
سلطان مسك يده وبنفس ابتسامته/افا!!ترفعها بوجهي!!ماهقيتها منك
نايف تبدد غضبه كله وارتخت ملامحه بندم على تصرفه
سلطان/يحق لك يحق لك تزعل ومالي لوم عليك لكن يانايف
نايف قطب جبينه
سلطان ضحك بقهر على نفسه/نويت الهجر والصدة وابتلشت ماعرف شي الدنيا غير الدنيا اللي اعرفها يااخوك
نايف وقفت غصته بحلقه ورسم ابتسامة غصب حتى يخفيها
سلطان وهو يحك طرف دقنه بابتسامة/قلت أسنع نفسي بنفسي/ضحك بخفة/وهذاني رجعت لك خيبان ولا شي اعرفه
.
((بيت الجدة سدول))
الجدة سدول بغرفتها اللي باللون الابيض بفرشة(موكيت)باللون البني يغطي كامل الغرفة جالسة على سريرها الحديد البني بتصميمه القديم لابسة عبايتها وطرحتها قبالها مرايتها الدائرية الصغيرة وكحلها بيدها كحلت العين اليمين وتكحل اليسار بهالوقت
سجايا دخلت وبيدها المبخرة وبابتسامة وهي تناظر جدتها/الله الله وش هالزين وش هالزين
الجدة سدول/اذكري الله عوذا من عيونك
ذهب ضحكت بخفة وهي تدخل ورا سجايا وبيدها ثلاجة قهوة جاهزة
سجايا/ماشاء الله ماشاء الله بس ياجدة عيني باردة والله ماتذبح بس ماقلتي اي هالزين كله لمين/غمزت لها/حاطة العين على احد؟
الجدة سدول سحبت عكازها وهي بتضربها
سجايا وهي تبعد عن جدتها بفزع/جدة ياجدة البخور يطيح وينحرق شقا عميرك تعوذي من ابليس
الجدة سدول/هب من لسانك ماقبلنا قولك كله اعوذ بالله منك يابنت جابر اعوذ بالله
سجايا جلست قبالها بالضبط مايفصل بينهم شي غير هالمراية الصغيرة ومدت لها البخور/تبخري يالزين كله
ذهب وقفت جنب السرير جنب جدتها
الجدة سدول ناظرتها وهي للحين ماخذتها وبنظرات حادة/كله من حلالي؟
سجايا/اي والله ماجبت شي من بيتنا
الجدة سدول ناظرت ذهب
ذهب/كله من بيتك ياجدة والله ماحطيت شي من بيتنا
الجدة سدول زفرت براحة/ايه اشوا/اخذت المبخرة وهي تتبخر/
سجايا/جدة وش مزعلك من ابوي يالحب انتي هاه
الجدة سدول وهي تتبخر/علوم الكبار مالهم بها الصغار
سجايا/من هو عينك اللي زعل منها ابوي؟
ذهب قطبت جبينها
الجدة سدول رفعت عيونها لها بتكشيرة
سجايا/من هو اللي يغار منه ابوي
الجدة سدول/ووش عرفك انه رجل!!
سجايا/ايه لو هي حرمة مازعل ياجدة
الجدة سدول نزلت المبخرة ومسكتها من اذنها وشدتها
سجايا/ااه ياجدة اااه
ذهب تناظر جدتها بشك
الجدة سدول/وانتي يالملقوفة وش عليك هاه؟/شدت اكثر/ووشو له تتسمعين لنا هاه؟
سجايا/والله مو بقصد ياجدة مو قاصدة
الجدة سدول تركت اذنها وضربتها على فخذها بقوة/والله والله ياالسجية ان اقص اذانيك واعلقها برقبتي ان عدتيها سمعتي؟
سجايا/طيب طيب توبة توبة
الجدة سدول وهي تمد المبخرة لسجايا وبنرفزة/ذهب جيبي الشنطة الصغيرة
سجايا اخذت المبخرة وهي مبوزة
ذهب/ان شاء الله/مشت لدولاب جدتها اللي باللون البني وعبارة عن قسمين فقط جهة تعليق والجهة الثانية منه ارفف واسفل هالارق درجين ينسحبون سحبت الدرج الاول وخرجت الشنطة الصغيرة السودا واتجهت لها ومدتها/سمي ياجدة
الجدة سدول/سم ربي عدوينك ياذهبة القلب قولي امين
ذهب بابتسامة/امين
الجدة سدول خرجت مبلغ مالي منها مزموم على بعضه
سجايا طارت عيونها/جدة
الجدة سدول ناظرتها بتكشيرة/اذكري الله
سجايا/ذاك اليوم اطلبك عشرة حقت التوصيل تقولين مامعي واكلتي معنا!!
الجدة سدول بتهديد وهي تحسب المبلغ/والله لاقول لفواز هين
سجايا بتكشيرة/خلاص لاتقولين عليك بالعافية بس والله ماتوقعتك بخيلة المرة الجاية ماادفع عنك سمعتي ياجدة
الجدة سدول اخذت منه خمس مية ريال وربطتها بطرف طرحتها والباقي مدته لذهب/اعطيه لثابت هو يعرف راعيه
ذهب/ابشري ان شاء الله
الجدة سدول وقفت وهي تلبس نقابها
سجايا/وين رايحة؟!!
الجدة سدول وهي تسرع بخطواتها رافعة عكازها بيد وبيد ثلاجة القهوة/ووش عليك مني!!الله من ذَا البزر اللي مناشبني!!
سجايا ضمت جدتها/وازين عجيزنا وازينها
الجدة سدول دفتها عنها/انقلعي عني هناك خليني اروح لمسياري/اسرعت بخطواتها لباب البيت ووقفت وهي تسمع دق الباب والتفتت لسجايا/تنتظرون احد؟!
ذهب/مدري
سجايا قطبت جبينها/من متى ابوي ينتظر احد!!اكيد جارنا راسل عياله كالعادة
ريان ورا الباب بحلطمة/وبعد مايفتحون/رن الجرس من جديد بيد ودق الباب بيده الثانية/
الجدة سدول/ادخلوا انتم وشو له لاحقاتني للباب انا بتفاهم معه يالله
//ذهب وسجايا اتجهوا للبيت وسط حلطمة سجايا//
الجدة سدول فتحت الباب
ريان على جنب الباب/مسيتي بالخير ياخالة
الجدة سدول ورا الباب/مسا النور وش بغيت؟
ريان/بغيت تقولين لعمي ابو فواز حياه عالقهوة
الجدة سدول وهي تفتح الباب/ماله داعي انا عنه
ريان انصدم/هاه!!
الجدة سدول خرجت من البيت ومدت له الثلاجة/امسك ياولد
ريان بصدمته ماعرف يتصرف اخذها
الجدة سدول/ودها للحريم لاتوديها للرجال سمعت؟
ريان/ان شاء الله
الجدة سدول مشت وراه بمسافة/عسى مابه ضيوف واجد؟
ريان/حياهم الله جميع
الجدة سدول/ايه ايه ماشاء الله الله يكثر خيركم ياولدي
.
((شقة سراج))
//شقة سراج تفتح على مدخل خاص بها وحوش به مراجيح لعياله//
علا تدف علي بكل قوتها وسط صوت ضحكته العالي اللي يملى المكان
عاصم بزعل/وانا؟!!
علا/انت اخدم نفسك
عفاف وعزام بمرجيحة الكرسيين المتقابلين يلعبون بهدوء لوحدهم كعادتهم
سحايب بقميصها الروز الوردي الهادي وتورينا يغطي شعرها فارشة فرشتها قبالهم وقهوتها وحلاها قبالها تناظرهم بسعادة وهم يكفونها بهالعالم/علا حرام عليك ذبحتي اخوك بكثر الضحك اتركيه خليه يلعب لحالها ذبحتيه شوي يبكي من بطنه اتركيه
علا تركت علي وهي تلهث ومشت لامها وهي متخصرة/يمّه هو ينبسط كذا ليش تخاصميني عليه
علي نزل من المرجيحة وجرى وراها وهو يحاوط يديه على رقبتها ويضمها من ورا يبيها ترجع تلعب معه
علا ضحكت وهو اطول منها بشويااات ومسكت يدينه بيديها تثبتها على رقبتها وانحنت وهي تضغط على نفسها رغم ثقله عليها ودرات به وهي تصرخ/طيااااااررررةةة
سحايب بصراخ/يامهبولة بتذبحين نفسك هو اثقل منك بيجيك انزلاق يالخبلة
علي ارتفع عن الارض وهو يطير من دورانها فيه واعتلى ضحكه بوناسة
سحايب سكتت بوسط ابتسامة وهي تطالع وناسة علي المسكين/استودعتكم الله
عاصم جلس على يمينها وهو يتكي بيده على رجلها وبزعله الطفولي/يمّه علا كله تلعب مع علي وانا ماتطالع فيني
سحايب وهي تفتح يديها وتضمه لحضنها/يمّه يمّه من عاصم يمّه انا العب معك جعل عيني فدا لك ياعين سحايب
عاصم ابتسم برضا وهو بحضنها
سراج دخل هالمرة من المدخل الخاص عكس عادته وهو يسمع اصواتهم واتسعت عيونه وهو يناظر علا وعلي صرخ بصوته العالي/وووججعع ياعيال سحايب وووجعع
.
((شقة بجاد))
بجاد رجع من استلامه ببذلته العسكرية بتكشيرة على وجهه من تعب دوامه دخل للبيت واستقبلته ريحة البخور والقهوة اللي متعود عليها بهالوقت انشرح صدره وارتسمت ابتسامة زاد عرضها وهو يسمع ضحكاتها مع عياله دخل للمقلط اللي مكان جلستهم المعتادة وبابتسامته/السلام عليكم
منايا اختفت ابتسامتها ونزلت نظرها للاغراض اللي قبالها
وعد فزت من مكانها وهي ترمي كتابها عالكنبة جنبها وجرت لابوها بكل حب/يبه
عهد نزلت من الكنبة وجرت وراها بضحك/بابا
بجاد فتح يديه لها/ياعين ابوك ياهلا
وعد ارتمت بحضنه تضمه لها
بجاد انحنى لمستواها وضمها له بيد وضم عهد اللي حاوطت رجله اليمين بيديها الصغيرة بيده الثانية بوسط ابتسامته
وعد تركته وهي ترفع نفسها وتبوس على راسه وسحبت يده تبوس كفها
بجاد برضا/الله يرضى عليك ياوعدي
عهد تشده/انا انا
وعد انحنت لها وشالتها ورفعتها
بجاد بضحكة خفيفة انحنى وهو يقرب لها راسه
عهد باست راسه
بجاد اعتدل بوقفته/الله يرضى عليك ياعهدي
وعد نزلتها عالارض
عهد مدت يديها الصغيرة ليده وباست ظهر كفه
بجاد مات من رقة البوسة الصغيرة وسحبها لحضنه وبحب وهو يضمها وبذات الوقت يطبع بوسات على وجهها وسط ضحكاتها/يمّه يمّه ياعهدي عساني مااشوف فيك حزن عساها كلها افراح
منايا ناظرت سلطان وهي مميلة فمها تعاتبه بصمت
سلطان زفر وهو ينزل جواله ووقف وهو يتجه لابوه ووقف قباله وسلم على راسه/عالقوة يبه
بجاد/الله يقويك
سلطان رجع طريقه لمكانه ووقف وهو يناظر امه اللي تناظره بنظرات حادة/وش فيه!!
منايا بتقطيبة جبينها زفرت وهي تهز راسها بياس منه واختفت تقطيبتها وهي تناظر بجاد
بجاد وقف عندها/مافيه ياهلا ولا امشي
منايا وقفت وهي تمد يدها له/عساك عالقوة ياابو سلطان
بجاد صافح يدها وسحبها له وهو يسلم خد بخد
منايا تنرفزت وكتمت هالنرفزة عشان وجود عيالهم تركته وهي ناوية تبتعد عنه
بجاد مسك يدها وسحبها تجلس جنبه غصب
منايا استسلمت بهدوء وهي تاخذ الفنجال وتقهويه
//بعد سوالف العيال عن يومهم وخروجهم للحظات//
بجاد وعينه بفنجاله/يقولون اليوم طلع
منايا التفتت له بتقطيبة جبينها/مين هاللي طلع؟!!
بجاد وهو يتحاشى يناظرها/سلطان
منايا اتسعت عيونها للحظة ثم اردفت بهدوء/الله ييسر امره وش علي منه!!
بجاد رفع عينه لها بشك من صدق كلامها
منايا وقفت وهي ترفع صينية القهوة/وش فيك تطالعني كذا!!
بجاد بابتسامة راحة يخفيها/لا ابد ولا شي
منايا قطبت جبينها/اذا عشان الزعل يابجاد فزعلي عشان شي انت تعرفه زين وليش تفتح مواضيع ماابتدت من الاساس!!/مشت من عنده للمطبخ/
بجاد زفر براحة وهو يسند ظهره عالكنبة بوسط ابتسامة ارتسمت على وجهه زاد عرضها من رجعت له عهد عنده
عهد مشت له بوجهها العابس
بجاد/افا من مزعل عهدي وانا ولد ابوي!!
عهد وقفت بين رجوله/بابا
بجاد حاوطها بيديه وهي بمكانها عند رجوله/عـيـونـي
عهد بكلامها المكسر/وعد وسلطان عصبوا علي وطردوني
بجاد ضحك وهو يضيق عيونه/وش مسوية هاه
عهد/بس اخذت دفتر وقلم
بجاد ضحك/بس!!!مايستحون قليلين الادب/باسها على خدها وهو يضمها له ويناظرها/ابشري بالعوض يابنت بجاد لك احلى دفتر واحلى قلم
عهد ابتسمت بوناسة
بجاد/بس لاعاد تجين اغراض اخوانك خلاص؟
عهد هزت راسها بايه وجرت من يديه لبرا/ووووعددد سلطااان
بجاد ضحك عليها وهو داري رايحة يقال تقهرهم
منايا نزلت الصينية عالطاولة الصغيرة اللي بزاوية المطبخ وهي تحس بجسمها يرجف رفعت يديها تتاكد اخذت نفس وهي تغمض عيونها تهدي نفسها ثم قطبت جبينها وهي تبلع ريقها/وش اللي صابك يامنايا وش هو!!!
.
((بيت ابو عمر1))
فتنة على اب المطبخ تخرج صحون الحلا لراجح اللي واقف قبالها وهي تعطيه/انتبه
راجح ميل فمه بزعل/مابكسرها ارتاحي
فتنة ابتسمت وهي تناظره/مين قال خايفة عالصحون!!خايفة عليك خلها تنكسر قلعتها اهم شي انت لايصير لك شي
راجح مشى وهو يتحاشى يناظرها
موج من وراها داخل المطبخ بابتسامة وهي تاخذ موية للضيوف/بغى يموت يـافـتـنـة ارحميه!!
فتنة ضحكت بخفة وهي تلتفت لها/ماتتركين حركاتك/قطبت جبينها بشك/وش فيك احسك مو على بعضك؟
موج زفرت بصوت/مافيني شي/رفعت عينها على فتنة باستغراب/الا تعالي وش فيها رغد هادية على غير العادة؟!!
فتنة/اتركيها عنك مو ناقصك مشاكل معها اتركي الصداع لها
رغد دخلت للمطبخ
فتنة اتسعت عيونها وهي تناظرها وبنفسها/اكيد سمعتني الله يستر الله يستر
رغد فتحت الثلاجة واخذت موية لها وخرجت بدون اي كلمة
موج انصدمت ووضح على وجهها/شفتي شفتي!!والله الدنيا صاير فيها شي!!
فتنة قطبت جبينها باستغراب من رغد وهي ماردت عليها كالعادة تنهدت/وش لك فيها اتركيها ياموج تكفين
موج زفرت/والله لو انا منك لااقول وش تسوي بالنهاية هذول اهلك
فتنة ميلت فمها بابتسامة جانبية كلها سخرية
موج/اكيد بيسمعون لك ويصدقونك
فتنة/لاتدخلين في مواضيع اكبر منك ياموج تكفين خليك بعيدة احسن لك واحسن لي ولنا كلنا تكفين
موج سكتت تتركها على راحتها/تبين اساعدك بشي
فتنة هزت راسها بلا/مشكورة
موج شالت الصينية وخرجت
فتنة التفتت للباب وراها وهي تسمع صوت الضرب عليه وابتسمت وهي تمشي له بسرعة/حياك ياجدة حياااك الله!!/سلمت عليها بحرارة/تفضلي من باب الضيوف ياجدة
الجدة سدول مسكت يدها وسحبتها برا وهي تمشي/امك المبلوسة ماتخليني اشوفك تعالي معي ابيك
فتنةمشت معها/سمي ياجدة
الجدة سدول وقفت ورا البيت وهي تسحب طرحتها
فتنة ميلت فمها/بترفعين ضمانك معي ياجدة
الجدة سدول ابتسمت وهي تفتح الطرحة/مثل ماتعرفين وانا جدتك اخاف يشوفها جابر
فتنة بضيقة/الله يسامحه ويهديه وش له ولدك بضمانك وهو مو محتاجه
الجدة سدول حطت بيدها الفلوس/حسيبه الله
فتنة بفزع من دعوتها/استغفر الله حرام ياجدة انتي امه قولي الله يهديه
الجدة سدول تنهدت وهي تناظرها ومشت راجعة للبيت/استغفرت من اول مادعيت مايهنى قليبي ادعي على هالاغبر بس قولي امين يـافـتـنـة
فتنة مشت معها وكشرت/ماني بقايلة اسمع دعوتك اول
الجدة سدول ضحكت/يمّه منك مابدعي عليك ابي لك الخير يابنية
فتنة/ادعي الله يفتحها بوجهي وبس ياجدة
الجدة سدول/كم صارن الحين؟
فتنة/تشترين لك بها رطب تغطي بيتك مرتين شكلي بأسرقها وش تبين بكل هالرطب
الجدة سدول ضحكت وخزتها/ويقولون انك ضعيفة ماانتي بهينة والله
فتنة/صدق ياجدة وش تبين بكل هالرطب!!
الجدة سدول ابتسمت وهي توقف عند باب المطبخ/هيه خليها مستورة وانا جدتك خليها مستورة
ام عمر من داخل المطبخ ومن بين اسنانها بنرفزة/فتنة ووجع
فتنة اخذت نفس/يالله ياجدة عن اذنك/فتحت باب المطبخ/
ام عمر بحدة/فتنة ووجع يوجعك ماله علاج وجع!!
الجدة سدول قشعر جسمها من الدعوة
فتنة دخلت للمطبخ/امري يمّه
الجدة سدول دخلت وبحدة/الله اكبر عليك من مرة!!
فتنة اتسعت عيونها وهي تلتفت لها
ام عمر كشرت بوجهها/حياك الله ياخالة
الجدة سدول بحدة/الله لايحييك اي والله
ام عمر احتدت نظرتها
فتنة بلعت ريقها
الجدة سدول/خافي ربك مامعك الا هي بكرة تكبرين وتحتاجين من يعاونك وتندمين على فعول يديك لاشفتيها ماعرفت حتى لبابك طريق
ام عمر وهي تكتم غيظها/تفضلي ياخالة
الجدة سدول/ماابي ادخل الله لايشكر فضلك اعوذ بالله منك من ادمية/خرجت/
ام عمر ناظرت فتنة بحدة/جيبي المعجنات واليوم انسي الراحة فهمتي/مشت/
فتنة ميلت فمها بابتسامة/ذابحتني الراحة الحين!!
.
((شقة حاتم))
عجايب بابتسامة وهي تمد من المعجنات لفيصل ورزان اللي كل واحد بجهة منها وناظرته قبالها وهو ياكل/عساه بالعافية ياعيني
حاتم قطب جبينه وهو يطنشها مايناظرها
حازم جالس جنب ابوه بابتسامة/يمّه وش عندك؟
عجايب كشرت/وش عليك يالسوسة كل وانت ساكت اكلم ابوك
عجايب زفر بضحكة/انا من شفت هالسفرة مفروشة قبل العشا وقلبي قارصني/نزلت قطعة المعجنات اللي بيدها وهو يتنهد/قولي ياعجايب وش وراك
عجايب بزعل/الظلم شين ياحاتم من متى انا مصلحجية
حاتم ضحك بخفة/ابدا ظالمينك المصلحجيين والسجون نقطة ببحرك
عجايب/حاتم!!
حازم ضحك/يمّه والله ابوي صادق
عجايب/انت اسكت عني ماتفهم!!
حازم كشر/يمّه ليش تعصبين علي!!ابوي اللي تكلم
حاتم/اتركي هالمسكين عنك وقولي لي وش وراك
عجايب/سلامتك ياعيني ماوراي شي الله يسامحك بس تظلمني دايم حتى لو نيتي زينة
حاتم ضحك/اعرفك محد يعلمني فيك ياعجايب قولي بس وش وراك
عجايب قطبت جبينها وهي تسمع الصراخ شهقت وهي توقف/يمّه قلبي اكيد رجع/مشت وهي تغلي/حسبي الله عليه والله مااسكت له
حاتم بحدة صوته اللي وقفتها/عجايب!!
عجايب وقفت وهي تلتفت له/حاتم
حاتم بحدته/انثبري مكانك
عجايب بقهر/يرضيك ياحاتم يرضيك!!
حاتم/مايرضيني لكن شفتي بعينك وش صار اجلسي
عجايب بغبنة/مااقدر مااقدر ياحاتم اذا انت قلبك مطاوعك انا مااقدر
حاتم/والله ياعجايب ان عتبتي الباب ذبحتك
عجايب تلون وجهها باللون الاحمر بعد ماغرقت عيونها دموع وبقهر/اجل تتركه يذبح علي ياحاتم!!
حاتم بقهر/عليا بتتصرف معه هي اللي بتقدر عليه
عجايب وهي تكبح دموعها بالقوة/حسبي الله عليه وعلى هالعليا حسبي الله/مشت لغرفة النوم بخطوات سريعة/
حاتم زفر بعد ماوصله صوت قفلتها القوي للباب
.
((شقة سراج))
سحايب واقفة بينه وبين باب الغرفة وهي ترجف بخوف منه/وش تبي منه؟هالمرة ماسوا شي حرام عليك خاف الله فيه ياسراج خاف!!
سراج جن جنونه وهو يدفها عن الباب وبصراخه/هالمجنون هو اللي مايخاف الله ماشفتيه وشلون ماسك اخته
سحايب قشعر جسمه وصرخت/يلعبون!!!وش فيك انت يعلبون!!
سراج/لعبت بك الدنيا يالمخفة وتاركته ماتأدبينه لكن أنا اللي بأدبه محد غيري يأدبه هين
علي جالس داخل الغرفة بالزواية وهو ضام ركبه لصدره مغمض عيونه يرجف بوضوح
علا قافلة الباب عليهم وهي واقفة عند الباب وتغلي بغبنة من اللي يصير التفتت وراها وهي تناظرها بلعت عبرتها واتجهت له وهي تجلس قباله/علي
علي رفع عينه لها وهو واضح عليه الرعب
علا بابتسامة/انت رجال وقوي لاتخاف خلاص؟
علي نزلت منه دمعة
علا عضت شفتها بقهر وفزت من قدامه وهي تتجه للباب
سحايب/ذَا ولدك ولدك وشلون تسوي فيه كذا حرام عليك
سراج مسك سحايب من يديها ودفها بكل قوته/اذلفي عني
علا فتحت الباب وبصراخ/وش فيك مستقعد لنا على كل شي هاه!!نلعب نلعب حتى اللعب ممنوع!!
سراج ضربها كف/ترادديني ياقليلة الحيا
علا ناظرته بغبنة وبترد
سحايب وقفت بينهم ودفتها وراها وبرجى/انا انا عنهم اترك عيالي تكفى ياسراج تكفى
عفاف وعزام اللي واقفين على مدخل البيت من جهة الحوش انفجروا يبكون بصوت بعد الصمت
عاصم وقف عندهم ويده بيد عليا وسط انفاسه السريعة
عليا بحدة/سراج!!
سراج التفت وهو يناظرها بتكشيرة عض شفته وهو يهدي نفسه
عليا بتهديد/شوي وابوك يجي والله والله ان اقوله ياسراج وتعرف ابوك!!
سراج بحدة/محد له بعيالي
عليا تنهدت وهي تترك يد عاصم واتجهت له/اذا ماترضى عليهم ليش تسوي فيهم كذا!!
سراج صد بوجهه مارد عليها
عليا/وبعدين وش سوى هالمسكين تجي وتحط حرتك فيه خاف ربك
سراج بقهر/يسترجل هالمخفة اللي ماوراه طب
عليا زفرت/وش تبيه يسوي وانت عارف وضعه!!ارحمه هذا بركة البيت ارحمه
سراج مشى وخرج من عندهم
سحايب جلست عالارض ماعاد تشيلها رجولها من الخوف منه
عاصم وقف عند امه وهو يحبس دموعه
عليا جلست عندها وهي تمسح عليها/بِسْم الله عليك بِسْم الله الله يهديه ادعي الله يهديه لكم
علا اللي ورا امها مشت بغبنة لعاصم وضربته كف بكل قوته
عليا اتسعت عيونها
سحايب انصدمت وبعصبية/علا!!!
عاصم يناظر علا بصدمة ونزلت دموعه غصب عنه
علا بدون اهتمام لامها وعينها على عاصم وبحدة/لو تنطبق السما عالارض الغريب مايتدخل باسرار البيت/صرخت/فاااهم؟!!
عليا وكانه كلام علا خنجر طعن قلبها
عاصم هز راسه بايه/فاهم
عليا وقفت وبربكة/عن اذنكم/خرجت من عندهم بخطوات سريعة/
سحايب وقفت وبعصبية وعينها على علا وهي تضم عاصم لحضنها/ليش تمدين يدك عليه ترضين اسويها فيك!!
علا بصراخ/سويها فيني يمّه وريحيني اهم شي نطلع من هالجحيم اللي عايشين فيه/دخلت للغرفة وقفلت الباب بوجه امها/
سحايب عضت شفتها بحسرة وهي تبلع غصتها لازوج ولا بنت ولا خصوصية مالها اي احترام ابدا
.
//بعد كم ساعة//
((شقة نايف))
نايف رجع للبيت بعد ماحجز لسلطان واتعشى معه واتفق يقابله الصباح رجع وبيده باقة ورد باللون الاصفر دخل وابتسم وهو يشم ريحة البخور تغطي البيت مشى بخطواته ووقف وهو يناظرها
ياقوت بفستان احمر ميدي رافعة شعرها وبكعب ابيض صغير جالسة وهي على طاولة الاكل المرتبة بعد مانومت الصغار وهي تنتظره عينها بجوالها تسولف مع جوهرة كالعادة
نايف زادت ابتسامته وهو يناظرها
ياقوت رفعت عينها وانتبهت له نزلت جوالها وهي توقف وتتجه له بخطوات سريعة
نايف فتح يدينه لها وهو شايل الباقة بيساره
ياقوت ارتمت بحضنه
نايف زفر براحة
ياقوت ضمته وهمست/اسفة
نايف تركها وطبع بوسة على جبينها
ياقوت فهمته من عيونه/حبيبي والله اسفة بس مااقدر اتحمل وجوده اسفة
نايف اشر بطرف اصبعه اليمين على فمها حتى تسكت ورفع يساره اللي فيها الباقة بوجهها
ياقوت اخذتها وهي تبتسم/مشكور حبيبي مشكور/مسكته من يمينه وهي تسحبه للعشا/
نايف مشى معها وهو يطرد زعله ويكتفي بهاللحظة
.
((الفندق))
سلطان واقف بالبلكونة متكي بيديه عالحديد وهو يناظر المكان بتدقيق وتفكير مباني طريق وسيارات رايحة وجاية يعتلي صوت ابواقها بنفسه/ايه كلن على همه سرى وكلن بطريقه يمشي محد بيذكر هاللحظة!!/ابتسم للحظة وهو يتوقع ردة فعل اهله زفر وهو يرجع للكرسي والطاولة اللي عليها قهوته جلس وهو ياخذ فنجاله ويرفع رجوله فوق الطاولة ورجل على رجل وبابتسامة وهو يمر بباله كلامها وهي معصبة(اذا بقيت سلطان الطيب يرخي أذنه ويغمض عيونه تستاهل مايحصل لك تستاهل)ضحك/هذاك اول/هز رجله بحماس للبداية بداية حياته الجديدة وابتسم برضا اخيرا عن وضعه/اييهههه ومقيولة أول تحول!!
.
#سلطان_الهوى_يافتنة_الألفية
إنتهى
موعدنا الاسبوع القادم باذن الله

dalia22 and Maha bint saad like this.

مدامع حزينة غير متواجد حالياً   رد مع اقتباس
قديم 26-07-22, 02:26 AM   #9

مدامع حزينة
 
الصورة الرمزية مدامع حزينة

? العضوٌ??? » 400611
?  التسِجيلٌ » May 2017
? مشَارَ?اتْي » 469
?  نُقآطِيْ » مدامع حزينة is on a distinguished road
افتراضي

4
-
لااله إلا الله
ـــــــــــــــــــــــــ ـــــــــــــــــــــــــ ــــــــــــــــــــــــ
{يوم جديد}
((شقة سراج))
سحايب نايمة بغرفة عاصم و علي عالارض صحت من نومتها وهي تناظر علي النايم قبالها بفراشه اللي عالارض تنهدت بضيقة وعينها عليه التفتت وراها وهي تناظر عاصم اللي على سريره تنهدت براحة وهي تشوفه نايم بهدوء بعد اللي صار امس سحبت جوالها اللي عند مخدتها واتسعت عيونها وهي تناظر الوقت الصلاة والدوام راح عليهم كشرت بوجهها وبنفسها/خل ينامون بس/وقفت وهي تمشي بخطوات هادية حتى مايصحون وفتحت الباب بشويش وخرجت وقفلت الباب وراها واتجهت لغرفة علا وعفاف وعزام فتحت الباب وكشرت بانزعاج من نور الشمس اللي ضرب بوجهها ثم التفتت يسارها تناظر الصغار وارتاحت وهي تشوفهم نايمين وعلا نايمة بجلالها عالسجادة ابتسمت رغم انها بخاطرها شي عليها للحين مشت لها وجلست عالارض عندها تصحيها وهمست/علا علا
علا قومي نامي على سريرك
علا نايمة ماصحت
سحايب زفرت واتجهت لسريرها وسحبت بطانيتها وغطتها ونزلت الستارة واظلمت الغرفة تماما وخرجت منها ثم اتجهت لغرفة النوم وسط قلبها اللي يدق بجنون متوترة من مقابلته فتحت باب غرفة النوم بشويش وزفرت براحة وهي ماتشوفه مشت لدورة المياه وهي تستغفر عالفرض اللي فاتها توضت وصلت وجلست بمصلاها تكمل اذكارها قطبت جبينها وهي تشوف جوالها يضوي زفرت بضيق وردت غصب وهي تقطع اذكارها/هلا عجايب
عجايب/صباح الخير
سحايب بهدوء/صباح النور
عجايب/افتحي الباب
سحايب تضايقت ماتبي تقابل احد تبي ترتاح بعد اللي صار امس ولاردت وهي ماتحب تمنع احد عنها وهي اللي ماتقابل احد من الاساس
عجايب/الوووو بنت
سحايب بضيقة/تكفين عجايب خليها المرة الجاية ماابي اقابل احد اليوم
عجايب باصرار/اقولك افتحي الباب بس حلوة ذي
سحايب/عجايب!!
عجايب/يالله بس يالله افتحي ولاتطولينها/قفلت الجوال/
سحايب كتمت عبرتها وهي تعرف عجايب ولسانها اكيد بتسأل وش صار امس وتخاصمها ليش سكتت له وكلامها الكثير اللي يضيق الصدر وقفت بقلة حيلة وهي تسمع رنة الجرس المتواصلة قامت من السجادة واتجهت لباب الشقة وقطبت جبينها من وصلتها ريحة البخور وقفت على جنب ورا الباب وفتحته بشويش بوسط استغرابها اتسعت عيونها وهي تفتح الباب كله وانظارها اتجهت للارض وهي تشوف الدخان المتصاعد من المبخرة اللي عالارض وفطور جاهز مرتب يفتح النفس بوسط هالصحون باللون الليموني والرمادي وثلاجتين باللون الزيتي اهتز جوالها بيدها ورا بعضها رفعته لها وهي تقرأ الرسايل من شاشة الجوال مافتحته/عليك بألف عافية افطري واذا العيال صاحين خليهم يفطرون معك وهالجني لايذوقه عساه بمغص مايفك عنه/ابتسمت على الفاظ عجايب اللي ماتتغير/وارجعي كملي نومتك والغدا علي ارتاحي ياعين اختك/زفرت براحة وسط ابتسامة جانبية وهي تنحني للفطور وغرقت عيونها دموع وهي تحاول تكبح عبرتها ناظرت جوالها اللي اهتز بيدها وكانت الرسالة اللي فجرت هالعبرة/استهلي ياسحابة وامطرينا بضحكاتك استهلي ياعين اختك/انفجرت تبكي بقهر وهي تكتم شهقاتها وبنفسها/بعد تطاول تطاول وبالحيل ياسلطان بالحيل قهرني وقهر عيالي حسبي عليه حسبي عليه
.
((شقة أبو ماهر))
عليا تناظرها بتكشيرة
سراج نزل الفنجال اللي بيمينه عالطاولة واعتدل بجلسته وهو يمرر سبحته من يساره ليمينه/عساها دايمة يامرة ابوي
عليا ميلت فمها ولاردت عليه
ابو ماهر نزل فنجالها وهو يناظره بحدة/سراج
سراج تنحنح/سم يبه
ابو ماهر/وش اللي صار البارح؟!!
سراج اتسعت عيونه/خير ان شاء الله عسى ماشر
عليا رمشت من انكاره
ابو ماهر بتهديد/والله والله ان ماتعدلت ياسراج مـاهـو بأنا أحمد ان ماخذتها ووديتها لاهلها وطلقتها منك وعيالها معها ووطيت رقبتك تطلق غصبن عليك
سراج بنرفزة/يبه!!بيتي محد له خص بأموري!!
ابو ماهر بغبنة/والله والله لو يدري ابوها ان يسحبها ماتركها دقيقة
سراج ببرود وهو يقلب بسبحته/ابوها يدري
ابو ماهر اتسعت عيونه/وشو
عليا قطبت جبينها وهي تناظره
سراج بثقة/من بيقبل بوحدة معها عيالها وواحد منهم مضيع عقله/ضحك بخفة/ولا اخوها انت عارف وضعه محدن بيقبل بها لو تنطبق السما عالارض!!
ابو ماهر بعصبية/مهبول انت مهبول!!هذول عيالك وبايعهم!!صاحي انت!!
سراج بهدوء/ماني ببايعهم انا اقول الحقيقة لك يبه اذا نويت تاخذهم مثل ماتقول
ابو ماهر اتسعت عيونه/تهددني!!
سراج وهو يلعب بالسبحة/محشوم يبه محشوم
ابو ماهر بغبنة/قم اطلع برا قم والله والله لو اسمع لهم صوت علي الحرام ان ادفنك قدام عيونهم قم
سراج وقف ببروده/اترك ترتاح يبه لكن هذا الصدق وهاذي اموري محد له كلمة بيني وبين اهلي/مشى/
ابو ماهر بغبنة/وقطع من ولد وش هالادمي اللي مارحم حتى لاهله وش هالقساة اللي به ول!!
عليا وقفت/اهدى ياعيني اهدى وادع له الله يهديه
ابو ماهر/مفارقته الهداية وهو عديم رحمة من وش مخلوق اعوذ بالله منه!!
عليا تنهدت/بروح اجيب موية انت اهدى وتعوذ من الشيطان/خرجت ووقفت وهي تناظره متكي بظهره ع باب الشقة ووجهه عليها كشرت/خير ياولد زوجي؟
سراج/ابد يامرة ابوي انتظر نصايحك المعتادة
عليا/هذا انت قلتها معتادة ولافادت فيك!!
سراج زفر بابتسامة/غريب هالمرة زعلانة بالحيل!!
عليا/تبي شي مني؟
سراج/سلامتك ياعليا سلامتك/فتح الباب وخرج/
عليا زفرت وهي تكمل طريقها للمطبخ
سراج وقف وهو يناظرها قباله
سحايب واقفة وبيدها الفطور بتدخل
سراج بتكشيرة/ليش واقفة برا ادخلي لاتشوفك حاتم ادخلي
سحايب اخذت نفس وزفرته وهي تدخل
سراج كمّل طريقه لبرا وهو يلبس نظارته الشمسية رفع جواله لنظره وهو يفتحه وابتسم وهو يقرأ الرسالة(صباح الخير)زفر براحة/يازينه من صباح!!
.
((شقة ابو راضي))
//صالة البيت مكان جلستهم//
ام راضي وهي تناظرها عن طرف ثم ناظرت ساجي/ياامك يوم ماصلحت الفطور كان قلت لي اصلحه انا او وحدة من خواتك
سدول بلعت الكلام وسكتت
ساجي ضحك وهو يسحب يدها ويبوس كفها/يسلم هاليدين/ناظر سدول بابتسامة/ويسلمها لي خيرها سابق
سدول ابتسمت/عساك سالم
ام راضي ميلت فمها بانزعاج
ساجي ناظر امه من جديد وهو يشد على يدها اللي للحين محتضنها بين كفوفه/لكن يمّه الصدق الصدق اني انا حلفت ماتسوي شي ودام البنات موجودين هم يسوون الحليب والشاهي وينهم مالهم صوت؟!!
ام راضي/اكيد نايمين/ناظرت لسدول/قومي سوي الحليب
سدول بتقوم
ساجي مسكها/والله ماتقوم وبعدين انا اليوم مبسوط والغالين علي لازم ينبسطون معي
ام راضي ابتسمت بفرحة/بشر عسى به شي بالطريق؟؟
سدول انزعجت ووضح على وجهها
ساجي/لا ولاهو بوقته يمّه
ام راضي احتدت ملامحها/اجل؟
ساجي اخذ نفس وبابتسامة/ناوين ابدأ مشروعي
ام راضي قطبت جبينها/ووظيفتك؟
ساجي/تركتها والمشروع يبي كل وقتي عليه
ام راضي تناظره ساكتة
ساجي بابتسامته/افا يمّه مافيه موفق عساك فالك الخير والرزق؟
ام راضي تنهدت/عساك عالقوة والله يفتحها بوجهك ياساجي
ساجي وقف وانحنى قبالها وسلم على راسها/امين امين/اعتدل بوقفته/سماح بنت ياسماح/مشى لغرفة اخواته/سمحوووه
ام راضي ناظرت سدول بحدة/وانتي عاجبتك حالتكم يومه يترك الوظيفة ويقعد مقابل وجهك الودر!!
سدول/ياعمة هو اللي تركها انا مالي شغل
ام راضي بعصبية/ايه لان مابك خير لو بك خير وسنع كان رديته مو يترك وظيفته ذَا كلام
سدول تنرفزت/والله ذَا ولدك وانتي تعرفينه اذا حط شي براسه سواه ماانتظر راي احد
ام راضي اتسعت عيونها/وشو!!
سدول وقفت/فطور العافية عليك ياعمة/مشت/
ام راضي بحدة/ارجعي
ساجي وقف على مدخل الصالة وهو مقطب جبينه من صوت امه العالي واستغرب اكثر وهو يناظر سدول
سدول بوجهها المتغير وقفت قباله وهي تناظره/ساجي انا تعبانة بروح ارتاح
ساجي/افطري معنا
سدول/مالي نفس عليكم بالعافية
ام راضي بحدة/خلها ترجع ياساجي تسمع!!
سدول بلعت ريقها وهي تسمعها
ساجي انحنى ليدها ومسكها وهو يناظرها/نفطر ونطلع مع بعض
سدول تناظرها بعيون كلها رجى/تعبانة ساجي
ساجي همس لها/تكفين لاترديني
سدول عضت طرف شفتها وهي تنزل نظرها
ساجي مشى لامه ويدها بيده يسحبه معه
ام راضي زفرت برضا وهي تناظرها ترجع غصب عنها وصدت بوجهها
ساجي وقف قبال امه وترك يد سدول وانحنى يسلم على راسها وجلس/ليش معصبة يمّه!!
ام راضي ماردت
سدول انحنت وهي تسلم على راس عمتها بكسرة خاطر/السموحة عمتي بس تعبانة شوي
ام راضي بحدة/مافيك الا العافية ولسانك هالطول علي!!
سدول سكتت
ساجي مسك سدول من يدها وجلسها جنبه وترك يدها/يمّه سدول ماتقصد وبعدين انا جاي مبسوط وشو له هالحركات اتركيني افطر وانا مرتاح!!
ام راضي/ايه الشكوى لله بس تبي تسكتني وهي مالك كلمة عليها
سدول شدت قبضتها بقهر
ساجي/يعني اقوم يمّه!!
ام راضي/لاتقوم لاتقوم ماانت فالح تهدد الا انا بس
ساجي مسك يد سدول وبيقوم
ام راضي مسكته/والله ماتقوم!!ان قمت ماارضى عليك
ساجي جلس وهو يناظرها بزعل
ام راضي/هذا اللي ناقص تفرّح العذّال بزعلنا
سدول اخذت نفس وهي تحبس دموعها
ساجي مسك يدها وهو يشد عليها بمحاولة منه يهديها شوي وبنرفزة/سماااااح وين الحليب اخلصي علينا!!
.
((السيارة))
نايف يسوق يوصل ياقوت لمدرستها والصغار للروضة وبعدها لشغله
ياقوت جالسة جنبه مكان الراكب صادة بوجهها عنه
نايف تنهد ومد يده ليدها يضغط عليها
ياقوت التفتت تطالعه/لاتجبرني مااقدر نايف مااقدر!!
نايف بلغة الاشارة/تراه سلطان ماتغير هو سلطان
ياقوت/واللي سواه شي كبير اسفة حبيبي مااقدر
نايف زفر/يرضيك اتركه يبات برا وبيتي موجود
ياقوت/خلاص على راحتك بس قبلها وصلني بيت اهلي
نايف اتسعت عيونه/من جدك!!
ياقوت/بأخذ اجازة ونطلع لهم الحين عادي ونوصل عالظهر اصلا انا من زمان عنهم
نايف احتدت ملامحه بقهر وغيّر طريقه
ياقوت اتسعت عيونها بصدمة وهي تشوفه غيّر الطريق/على وين!!
نايف مارد
ياقوت بنرفزة/اذا بتوديني صدق لاهلي خل نمر البيت ناخذ اغراضنا مو حلوة ندخل كذا باشكالنا
سمو تغير وجهها وهي تناظرهم
نايف عينه عالطريق مارد
ياقوت ضربته على كتفه وبصراخ/اكلمك انا!!لايكون ماتسمع بعد!!
نايف التفت لها بحدة ملامحه
ياقوت خافت وهي لاول مرة تشوف هالنظرة على وجهه
نايف ناظر لقدام وهو يضغط عالبنزين بسرعة جنونية اعتلى معها صوت جرس السرعة
ياقوت صرخت/بتموتنا عشانه بعد!!
نايف مارد وطلع عالخط السريع باتجاه بيت اهلها
.
((بيت ابو عمر1))
{غرفة فتنة}
فتنة بفستانها الابيض ماسك عالرقبة ومزين هالمسكة فصوص صغيرة من الكريستال كاشف عن ايدينها مخصر على جسمها رافعة شعرها ذيل حصان بمكياج ناعم يناسب بشرتها الحنطية بكعب طويل ابيض جالسة بصدر مجلس الضيوف ورجل على رجل وابتسامة عريضة مرتسمة على وجهها وهي تتقهوى رفعت فنجالها بعد ماخلصته للي واقفة قبالها
اخذت الفنجال منها ذيك الجميلة المتميزة بجمالها بفستانها الاحمر جميلة للحد اللي يأسر القلوب قبل العيون صبت لها بالفنجال من الدلة اللي بيساره وانحنت وهي تمد لها الفنجال/حياك
فتنة اخذته بابتسامة وبراحة عجيبة تملى صدرها ارتشفت منه وانخطف وجهها ابعدت الفنجال اللي بيمينها ومازال يلامس شفاتها وغطت فمها بيسارها رجعت القهوة من فمها بيسارها واتسعت عيونها وهي تناظر كمية الدبابيس اللي بيدها توجعت من فمها وهي تحبس دموعها وسال الدم من فمها ولون فستانها الابيض باللون الاحمر رفعت عيونها للي قبالها وبرجفة صوتها/ليش تسوين فيني كذا ليش؟!!وش سويت لك وانا حتى مااعرفك!!
الجدة سدول جالسة عن يمينها ضربت يد فتنة اليسار بيدها اليمين حتى تطيح الدبابيس
فتنة طاحت الدبابيس من يدها عالارض
الجدة سدول وقفت قبالها بملامح محتدة وهي تمد طرحتها لفم فتنة وتمسح الدم اللي على اطرافه ثم ناظرت البنت الجميلة اللي وراها ودفتها بعكازها وهي تتكلم
فتنة ماتسمع وش تقول الجدة سدول لكن واضح انها معصبة وتخاصم
الجدة سدول التفتت لها وهي ترفع يسار فتنة بيمينها وتحط بوسطها دبوس وتقفل يد فتنة عليه وتضغط عليه
فتنة توجعت من نغزها الدبوس بيدها لكن تحملته بوسط ابتسامة
الجدة سدول بتشديد على كلامها/انتبهي له يـافـتـنـة انتبهي له وعليه
فتنة فزت جالسة من نومتها بفجعة وهي تلتفت ليسارها وتنفث ثلاث وتتعوذ من الشيطان مسكت فكها بيديها وهي تحس بوجع فظيع بفمها مررت لسانها داخل فمها تتاكد مافيها شي ناظرت يمينها وهي للحين ماسكة فكها بيسارها وعقدت حواجبها ماتحس بألم عكس فمها زفرت بصوت/اعوذ بالله من الشيطان الرجيم
ام عمر دفت الباب بقوة
فتنة انتفضت برعب غصب بعد هالكابوس وناظرت امها
ام عمر قطبت جبينها وهي تناظر وجهها الشاحب/وش فيك؟هيا مابعد سويتي شي قولي تعبانة!!
فتنة وقفت/سلامتك يمّه مافيني شي
ام عمر/قومي صلي بس مو قلب اسود وعمل اسود بعد!!
فتنة/صليت
ام عمر زفرت وسط تقطيبة جبينها/الضحى مو الفجر!!ولا حلالك النوم!!
فتنة وقفت/جزاك الله خير يمّه
ام عمر اتسعت عيونها/تتمسخرين علي!!
فتنة/استغفر الله العظيم
ام عمر بعصبية/اي والله استغفر الله العظيم منك قومي جعلك لاصليتي رحمتك وتركتك تنامين كم ساعة تقومين تتمسخرين!!استاهل هذا جزا احساني معك!!
فتنة/محشومة يمّه
ام عمر/انزلي بس يالله انزلي
فتنة خرجت وهي تلوم نفسها لو مانامت هالساعتين كان ماحصلت هالتهزيء
.
{طلال و موج}
موج بفستان ناعم ابيض كت مشجر ميدي سادلة شعرها اللي لنص ظهرها وبفلات باللون البني وروج وردي وكحلة سودا واقفة قبال الدولاب اللي باللون البني المحروق فاتحته وهي تخرج له لبس
طلال خرج من دورة المياه بعد مااتحمم لاف منشفته على وسطه وللحين يقطر شعره بقطرات من الموية ابتسم وهو يناظر قفاها واسرع بخطواته وحاوطها من خصرها
موج شهقت وهي تحس بالبلل وتحركت/طلاااال!!
طلال ضم ظهرها لصدره اكثر/عين طلال
موج بزعل وهي تتحرك بين يديه/حرام عليك بللتني
طلال ابتسم وهو يتكي بطرف دقنه على كتفها ويلصق شعره بوجهها
موج غمضت عيونها بانزعاج وببكية/طلال!!
طلال/ياعين طلال
موج/خلاص والله باغير الفستان فهمت اتركني
طلال لفها لوجهه وهو يحاوط خصرها وعينه بعينها/والحين قولي لي وش مزعلك؟
موج باستغراب/أنا!!
طلال/لاتكذبين علي محد يعرفك اكثر مني
موج بابتسامة/يتهيأ لك/دفته عنها وهي ترجع للدولاب/وبعدين لو فيه شي بأقول وش المانع/خرجت له لبس والتفتت وهي تقفل الدولاب ورسمت وهي تناظره/
طلال متكتف وهو يناظرها بتقطيبة جبينه/امي اكيد
موج بنفسها/وفيه غيرها!!
طلال تنهد/وش صار قولي لي؟
موج بابتسامة/ماصار شي اهم شي هي ارتاحت
طلال بنرفزة/يعني صاير من وراي!!كم مرة اقولك قولي ولاتسكتين!!
موج/خلاص طلال قفل عالموضوع انتهينا
طلال مد يديه يلامس اكتافها وهو يحني راسه لمستوى نظرها/تدرين ان امي حريصة علينا
موج/يعني دريت بالموضوع
طلال/اكيد الحمل هو فيه غيره!!
موج كشرت بوجهها بغضب واضح
طلال باسها بين عيونها/خليها تتطمن بنفسها اذا تبي ترتاح وش يضرك واحنا مافينا شي ياقلب طلال
موج بغصة/الى متى!!تعبت تعبت ياطلال
طلال ضمها/اصبري شوي هي فترة وبتفك عنا اصبري ياعيني اصبري
.
((بيت ابو فواز))
ام فواز بحضنها جوهرة تلعبها/يازين جويهر زينها تسوى الجماعة كلها
نورة(3سنوات)جالسة جنبها تلعب بألعابها وقفت وبزعل/جدة وانا!!
ام فواز ضحكت
جواهر جلست قبالها وهي تنزل صينية الفطور بابتسامة/يمّه يالغيرة يمّه!!
ام فواز مسكتها من يدها وسحبتها لحضنها جنب جوهرة
نورة ابتسمت بوناسة
ام فواز باستها على خدها وهي تضم الثنتين بابتسامة/يازين النوري زينها تسوى القبيلة كلها
جواهر/يوه يوه ياكبرها لايسمعونك القبيلة ياعمة تقوم قيامة
جابر(6سنوات)داخل يجري وهو يلهث وجلس ورا امه يتخبى
جواهر قطبت جبينها/وش مسوي!!
ام فواز/جبّور مأذي جدة؟!!
جواهر تغير وجهها وقرصت كتفه
ام فواز/جواهر!!
جابر/اااه ماما ماسويت شي والله
جواهر/لاتحلف يالكذاب/وقفت/عمة باروح اشوفها وراجعة افطري بالعافية/انحنت وهي تاخذ جوهرة/
ام فواز مسكت جوهرة لحضنها وعينها على جواهر/اجلسي ذهب عندها
جواهر اعتدلت بوقفتها/مااقدر اكيد هالجابر مسوي شي بروح لها
ام فواز/بكيفك
جواهر خرجت من الباب الرئيسي ووقفت وهي تناظر ذهب والجدة سدول جالسين بظل البيت يتقهوون برا مشت لهم بخطوات سريعة ووقفت عندهم/السلام عليكم
ذهب بابتسامة/وعليكم السلام والرحمة
الجدة سدول/وعليكم السلام وينه هالاذية ماجاء معك
جواهر جلست بعد ماسلمت/والله ياجدة انه اذية ادري بس ابشري اجيبه عندك وسوي به ماتبين
الجدة سدول/لا اعوذ بالله من ذنبه تبيني اضربه وانتي تشوفيني الله يكفيني شر دعاك!!
ذهب/مو توك تتحلفين تذبحينه ياجدة
الجدة سدول/ايه مو على عين امه!!
ذهب ضحكت
جواهر/يفداك ياجدة سوي ماتبين اشوف ولا مااشوف
الجدة سدول/خليك من هالكلام
جواهر/امري ياجدة
الجدة سدول مسكت يدها وقربتها منها وهي تهمس لها/انتي فيك شي؟
جواهر تغير وجهها باحراج
ذهب رفعت الفنجال تتقهوى وهي تتحاشى تناظرهم وانها ماسمعت
الجدة سدول/اخلصي علي
جواهر ماردت
الجدة سدول/عاد فيك ولا مافيك ابيك تقولين لفواز العلم
جواهر قطبت جبينها/وشو ياجدة؟
الجدة سدول/ولااحد يدري به بينكم لاانقفل الباب سمعتي؟
جواهر/امري ياجدة؟
.
((الفندق))
سلطان جالس على الكراسي يمين الريسبشن باللبس الرسمي السعودي ثوب أبيض وشماغه الاحمر بساعته الحديد الذهبية اللي ماعنده غيرها ناظر ساعته بتقطيبة جبينه وكله شك وهو مكذب الوقت وقف واتجه للريسبشن وبابتسامته اللطيفة للموظف/كم الساعة لاهنت؟
الموظف/تسع الا ثلث
سلطان بابتسامة/شكرا/رجع ناظر ساعته وتنهد وهو يشوف ساعته مضبوطة خرج جوال نايف اللي اعطاه البارح واتصل فيه/
نايف رد برسالة انتظار
سلطان زفر وهو يناظر الموظف وباحراج/معليش ازعجتك بس كيف ارسل رسالة بهالجوال؟
.
((شقة حاتم))
{غرفة النوم}
عجايب على جوالها داخلة عالواتس بقروب اخوانهم ماعدا فواز وبضيقة خلق/هيييه مين موجود
ثابت رد/بالمحااااضرة بتقرقرون بأخرج
سدول دخلت/اخرج نرجعك بعدين
ثابت/رجعوني لاتتمنذلون بعدين
عجايب/اطلع بس اطلع فكنا
ثابت خرج
ذهب/هلا عجايب صباح الخير
سجايا/انا جيت
عجايب/وش عندكم هالاسبوع؟
سدول/انا نازلة لاهلي اليوم
سجايا/وش فيك اعجيب وغريبة سحيب مادخلت!!
عجايب اللي مابرد قلبها للحين/مالك شغل انشغلي بنفسك الله يعافيك
سجايا انصدمت من الرد وسجلت صوت/وش فيك اعوذ بالله منك جتك الحالة!!
عجايب/اسفين دخلت وازعجتكم انا وحالتي!!/خرجت ورمت الجوال عالسرير جنبها ووقفت وخرجت من غرفة النوم ودخلت للمطبخ وهي تخرج الصحون اللي بالدولايب كلها وبدت تغسل وهي تدعي بكل لحظة عليه/
حاتم دخل للمطبخ وبيده كيستين وانصدم وهو يشوف المطبخ المقلوب حالته اخذ نفس وهو يدري انها معصبة/السلام عليكم
عجايب فزت مو بوقت رجعته التفتت وبتكشيرة/خير الواحد يتنحنح ولا تبي تذبحني!!
حاتم بابتسامة/صباح الخير ياعجايبتي
عجايب رجعت وجهها للمغسلة وهي تغسل ماردت
حاتم تنهد وهو يمشي ويوقف جنبها ولف الصنبور من جهتها لجهته من حوض المغسلة وهو يغسل من الصحون اللي فيها صابون بعدها
عجايب رجعت الصنبور لجهتها بعناد وهي تقفله
حاتم رجع الصنبور وهو ساكت لجهته وفتحته
عجايب قفلته وبعصبية وهي تلتفت له تناظره/ماابي مساعدة مشكور روح اجلس
حاتم/جبت الفطور خلينا نفطر سوا
عجايب/عليك بالعافية انا افطرت
حاتم قطب جبينه بتكذيب/وش افطرتي؟
عجايب/قهر وغبنة ارتحت!!/لفت عنه وهي تغسل/
حاتم زفر وهو يبلع كلامه/وش اللي قاهرك!!مسوي لك شي انا عشان تزعلين مني كل ذَا الزعل؟!!
عجايب ماردت
حاتم بقهر ارتفعت معه نبرة صوته/ردي علي اكلمك!!
عجايب التفت له وهي ترمي الاسفنجة بوسط الصابون بقوة وتطشر معها الموية عليهم
حاتم بعصبية/ردي علي اكلمك!!
عجايب بغصتها ومحاجر عيونها امتلت دموع تحبسها/الى متى واخوك المتخلف ذَا يعامل علي كذا الى متى!!
حاتم بحدة/احشمي الفاظك!!مهما يكون ذَا اخوي الكبير
عجايب/عساه مايكبر علينا قل امين
حاتم صرخ وهو يشد قبضة يده يكبحها بكل مافيه لاتمتد عليها/عجااااايب!!
عجايب/لاتصرخ علي وانت عارف ان اخوك يستاهل كل كلمة قلتها/نزلت دموعها/قولي انت وش مسوي له هالمسكين؟ذبحه؟تلفظ عليه؟وش ممكن يسوي له علي عشان يلقى منه كل ذَا هاه ليته قعد عند جدتي ولا رجع لسحايب ليته/هلا دموعها بغزارة من قهرها وهي تكبحها بدون فايدة/
حاتم بصراخ/وش تبيني اسوي شفتيه بعينك اتصل بالشرطة عشان تدخلت بينهم وافترى علي وش تبين اسوي اكثر انحبس يعني
عجايب بصراخ/اجل علي يموت وحنا ننتظر قلبه يحن!!
حاتم/حتى ابوي ماقدر عليه وش تبيني اسوي وشو!!
عجايب عضت شفتها بقهر وهي تناظره وبصراخ/اصدمه
حاتم اتسعت عيونه
عجايب/كسره وفتت عظامه خله يحس وشلون يحس علي بعد كل مرة يبهذله فيها
حاتم/لاااااا انهبلتي انتي انهبلتي!!تبيني اذبحه!!
عجايب بدموع/ايه مو انت اللي تسمع نحيبه كل صبح ولاهو انت اللي تسمع نحيب سحايب معه مت مكاني مت اذا ماسويتوا له شي انا انا بيوم بجيب نهايته واجيب نهايتي معه
حاتم/واهلك وينهم هاه؟!!
عجايب انخطف وجهها من كلامه
حاتم بغبنة/ابوك فواز وحتى ثابت وينهم ماشفنا احد من سنين جا عندنا ووقفه عند حده هاه وينهم ماتشوفينه مستهين بالكل
عجايب عضت شفتها بقهر وهي ماعندها رد تقوله
حاتم/ولا حيلتك يرتفع صوتك علي بس!!
عجايب/الحين ليش جيت!!جاي عشان تتهاوش معي رح دوامك انا ارتاح وانت ترتاح بعد
حاتم ضحك بقهر/احمدي ربك اني صابر عليك لو هو غيري دفنك بعد كلامك ذَا معه/مشى واخذ الفطور وخرج من المطبخ/
عجايب وهي تناظره تمتمت/ووجع فيك وبغيرك وغبنة قلبي من الاهل اللي مافيهم حيلة!!/لفت تغسل الصحون وهي تكافح دموعها/وجع عساك بالمغص جايب الفطور اللي احبه واخذه وجع
حاتم خرج من البيت بملامح محتدة من العصبية قطب جبينه وهو يسمع صوت الكعب قفل الباب وراه ووقف وهو يناظرها تطلع الدرج
بريحة عطرها الفواح اللي غطى المكان وسبقها لفوق عباية مخصرة بالملي ع جسمها وضح معها تفاصيل ذَاك الجسد الواجب عليها ستره متلثمة وهاللثمة كشفت عن جمال عيونها اللي زادت من جمالها برسمها ومكياجها الخفيف وقفت بنص الدرج وهي تفتح اللثمة وبابتسامة/صباح الخير حاتم
حاتم بتكشيرة/صباح النور
جوهرة رفعت يدها/مثل ماأنا ماسألتك ليش اصواتكم واصلة لتحت ماتسألني ليش عبايتي كذا وذا من حقي
حاتم/مااقول الا مالت على رجلك
جوهرة بزعل/حرام عليك!!يالله عارفة ومقدرة وضعك
حاتم بيتكلم سكت وهو يناظر عيالها
//(وسام11سنة،يزن10سنوات،أديب8س نوات)كل واحد عينه بجهازه مروا من امهم مكملين لفوق ومروا من عنده//
حاتم بحدة/ولد انت وياه!!
العيال وقفوا
جوهرة ببرود/يووه بشويش عليهم يالله ياماما سلموا على خالو
العيال سلموا وكملوا طريقهم
حاتم هز راسه بيأس وناظرها/وش جايبك؟
جوهرة تكتفت وبنرفزة/اولا بيت ابوي واعتقد به شقة لنا يالبنات!!
حاتم/وثانيا!!
جوهرة/ياقوت جاية قلت اسبقها
حاتم/وعيالك ومدراسهم؟ودوامك اللي ازعجتينا فيه تركتيه؟!!
جوهرة/معي اجازة ارتاح وعيالي انا ادرى بمصلحتهم/طلعت بسرعة ومرت من جنبه/
حاتم نزل
جوهرة التفتت تناظره/واااه
حاتم وقف والتفت يناظرها
جوهرة/عقدك النفسية من مشاكلك ابعدها عني لو سمحت انا ابي راحتي ماابي امراض فضلا يعني/طلعت الدرج لشقتهم فوق/
حاتم هز راسه/اللهم طولك ياروح كملت والله كملت/خرج من المكان/
.
((بيت ابو عمر))
{مجلس الشعر}
//ابوعمر وام عمر وام تركي وموج وطلال يفطرون//
ابو عمر جالس بين ام عمر وام تركي
موج وطلال قبالهم
ام عمر جالسة عالسفرة بس عشان تغيظ ام تركي
ام تركي تاخذ من الصحون البعيدة وتحط قبال ابو عمر على جنب بينهم بدون ماتتكلم
ابو عمر ياخذ من اللي تحطه بهدوء مايبي احد يلاحظ
ام عمر صبت الشاهي وحطت الكاسة جنبه
ابو عمر اخذها وبابتسامة/سلمتي ياعزة
ام تركي قطبت جبينها بزعل وهو مانطق بشي لها ابد
موج كتمت ضحكتها وهي تاخذ نفس
طلال عطاها نظرة يبيها تسكت لاتسبب مشكلة
ابو عمر تنحنح وهو يناظر موج/سلمت يمناك ياموج
موج/الله يسلمك ياعمي
ابو عمر/صدق الفول هالمرة مضبوط على كيف كيفي
موج/بالعافية ياعم لكن اللي صلحت الفطور فتنة كالعادة ماحطيت يدي الا بالقهوة
طلال دق ركبته بركبتها
موج كشرت بوجهها
ام تركي طالعتها بحدة من فوق لتحت
ابو عمر تغير وجهه ورفع يده عن الاكل/الحمدلله
طلال/كمّل فطورك يبه مااكلت!!
ابو عمر التفت لام عمر وهو يكتم غيظه/وش قايل عن الفطور انا؟
ام عمر ماردت
ابو عمر/اهم شي عندي الفطور والباقي يهون اذا بتبقى ياعزة هي تصلح لي الفطور بافطر مع بثينة كل يوم/وقف/
ام تركي وقفت
طلال وقف/يبه ارتاح الحين اجيب فطور غيره
ابو عمر/عساه بالعافية عليكم مالي به خلاص يكفيني مااكلت والله يستر من باقي اليوم/مشى وخرج/
ام تركي مشت وراه
ام عمر وقفت وبقهر وعينها على موج
موج ماناظرتها
طلال/يمّه موج ماتقصد
ام عمر بقهرها/ايه ابد ماتقصد بس تحب تزيد ابوك قرب من خالتها وانت خلك مصدق طيبتها ذي/مشت/
طلال ناظرها وهو يكتم غيظه ولحقها
موج زفرت وهي تطنش اللي صار ومدت يدها للخبز وهي تكمل فطورها
فتنة دخلت وبيدها صينية بها علب موية وباستغراب/وش صاير؟
موج/جابك الله تعالي افطري معي
.
((سوبر ماركت ابو فواز))
ابو فواز جالس واقف عند باب مستودع الخاص بالسوبر ماركت وهو يراقب العمال وهم ينزلون البضاعة ويرتبونها داخله
ثابت وقف ورا ابوه وبابتسامة وهو يسلم على راسه/صبحت بالخير ياوجه الخير
ابو فواز قطب جبينه/صباح النور والسرور وش جايبك؟!!
ثابت/امشي يعني!!
ابو فواز/ودوامك اليوم!!
ثابت/اخذ الحضور وطلع وماوراي غيرها اصلا وجيتك افطر معك/مسك يد ابوه وضمها لصدره/والله ياابو فواز اشتقت افطر معك لحالنا بس شكلك انت ماتبيني
ابو فواز ابتسم/جهز الفطور واجيك الحين
ثابت/رح افطر يبه وانا بوقف عالعمال يبه
ابو فواز/رح رح قبل يجي فواز وانت وياه ماترتاحون اذا ماتهاوشتوا
ثابت/ماني رايح الا وانت معي
فواز وقف عندهم وهو يرفع يده/السلام عليكم
.
((الفندق))
سلطان بغرفته بيده الجوال رايح جاي ازعج نايف اللي يتفاداه بكثرة اتصالاته رمى الجوال عالسرير وتمدد عالسرير بابتسامة وهو يرسله/ايييههه يانايف داري بقلبك لكن بك وبدونك رايح رايح/فز جالس عالسرير وثم قام من فوقه ونزل وهو ياخذ الجوال ومفاتيحه وشنطة الظهر الصغيرة وخرج من الغرفة واتجه لريسبشن الفندق ووقف قبال الموظف وبابتسامة/داري اني ازعجتك والعذر منك لكن وين اقرب حلاق لاهنت؟؟
.
((عالفطور))
//ابو فواز وفواز وثابت بداخل غرفة استراحة الموظفين يفطرون//
ابو فواز وعينه على فواز اللي قباله/وش فيك تارك المعرض؟
فواز/راضي به
ثابت جنب فواز بنرفزة/ياهالراضي اللي متقطع والخدمات المجانية اللي يسويها
فواز قطب جبينه والتفت له/ووش حارق دمك عليه!!
ثابت/من الله البغض يااخي!!
فواز/ليتك تجي نص راضي هاللي مو عاجبك
ثابت/عساني لاجيت مثله اعوذ بالله
ابو فواز/راضي عون ياثابت عون
ثابت/الله لايحوجنا لاحد من خلقه لا راضي ولا غيره/اكل لقمته/
فواز بنرفزة/الحين انت ياللي شايف نفسك وش صار على تخصصك هاه
ثابت وقفت لقمته بحلقه وهو يناظره
ابو فواز تنهد/بعدين يافواز بعدين خلنا نفطر
فواز/لا مو بعدين يبه الحين هذا اخر ترم يحول به بعدين ماعاد يمديه
ثابت/تخصصي ماني مغيره ابد ودخلته لاني ابيه
فواز/انت وش تفهم هاه!!ماانت بمفلح به والاهم ماله مستقبل ماتفهم ماله مستقبل
ثابت/اذا تخرجت ومالقيت شي العسكرية موجودة
فواز/عناد هو عناد!!
ثابت/اذا تشوفه عناد ايه عناد وماني مغير لو ارسب بالمادة مية مرة
فواز بحدة/وشو!!
ثابت وقف/دايمة يبه والمرة الجاية لاجيت افطر اتصل عليك قبل اجي عشان ماانغث/مشى/
فواز/ولد ابوي البزران ترفع صوتها/وقف بيلحقه/
ابو فواز مسكه من ثوبه وبحدة/اجلس يافواز
فواز/بس يبه
ابو فواز رفع صوته/اجلس
فواز جلس بغيظ وهو يبلع كلامه ويصد بوجهه
ابو فواز/تخصص ثابت اقطع سيرته مالك فيه
فواز اتسعت عيونه وهو يلتفت لابوه
ابو فواز/سمعته اذا تخرج ومالقى شي العسكرية تنتظره
فواز/ايه يبه ايه خله على كيفه وثم تندّم بعدين!!
ابو فواز/ماني بمتندم ابد دام ذي هوايته يافواز
فواز انغرست بقلبه الكلمة مثل الخنجر/هوايته يبه!!هوايته!!
ابو فواز/ايه هو يبي هالتخصص لاتستقعد له
فواز بحسرة بقلبه للحين/وانا يبه وأنا؟
ابو فواز سكت مارد
فواز/ويوم اني اترجاك مابقى لي من تخصصي شي وسحبتني وراك غصب عني يبه نسيت نسيت!!
،
،
<<قبل13سنة>>
،،سكن الطلاب،،
ابو فواز واقف قباله وبحدة/من بكرة تسحب ملفك مالك قعدة بهالديرة تلحقنا
فواز بترجي/تكفى يبه تكفى الا دراستي خلاص مابقى شي بس هالسنة تكفى يبه تكفى
ابو فواز/المعرض يحتريك هناك ماله داعي هالدراسة اللي مالها طب بك
فواز بصراخ/لا يبه لا ماابي المعرض ولا اطيقه مكاني قدام الكاميرا هذا مكاني الصح وش لي بالمعارض وكرفها
ابو فواز ضحك وبسخرية/لااحد يسمعك ويصدق!!/بحدة/نسيت انت من!!اخو من!!تبطي عظم ان توقف قبالها!!ضف عفشك والحق اهلك واترك هالامور اللي مالك بها ابد يافواز
فواز/ايه اخو سلطان مانسيت ولاتنسى اني الاول عالدفعة يبه
ابو فواز/بلها واشرب مويتها هالشهادة اذا ناظرك احد وهم يدرون من تكون
فواز سلم على راسه وهو يسحب يده يبوسها وبغصة/تكفى يبه تكفى لاتذبحني وانا حي تكفى
ابو فواز سحب يده وبغضب/ياانا وامك وخواتك يادراستك يافواز وانت بكيفك/مشى وخرج/
فواز جلس عالارض وانسابت دموعه بقهر على حلمه اللي ضاع وطموحه العالي اللي اصتطدم بأعتى عقبة قدامه(ابوه)مسح دموعه بحسرة وهو يأن من قلبه بحرقة/ليش يبه ليش تذبحني ليش
،
،
فواز بابتسامة/عشان مصلحتي نسيت يبه!!
ابو فواز زفر/للحين بقلبك!!
فواز/مابقلبي شي يبه راح وانتهى راح وخلص
ابو فواز بقلة حيلة/داري اني اخطيت ياابوك لكن تبرى مع السنين وانا ابوك تبرى
فواز/بريت وطبت يبه ماتشوفني قدامك يمينك اللي ماتعصاك!!
ابو فواز/واللي حسرة بقلبك تبيه حسرة بقلب اخوك!!
فواز/عشان مصلحته يبه يكبر ويفهم ويعرف اني ابي مصلحته
ابو فواز/ثابت لاتجيه يافواز
فواز/يعني على كيفه!!يضيع عمره وبتتركه على كيفه!!
ابو فواز/مـاهـو بضايع وانت وراه يافواز مـاهـو بضايع
فواز وقف/يوم مالي حشيمة وشو له توليني عليهم!!
ابو فواز/فواز!!!
فواز/استودعتك الله رايح للمعرض يبه رايح له/مشى/
ابو فواز/الله يهديك يافواز الله يهديك
.
//بعد اربع ساعات سواقة//
نايف وقف بالسيارة عند بيت عمه(ابو ماهر)ونزل من السيارة وهو يقفل الباب بقوة ويعطيها ظهره يخرج جواله
ياقوت تغلي بالسيارة وبغبنة/حتى ماكلف نفسه يفتح لي الباب!!هاذي بداية رجعة سلطان ياسلام!!/التفتت لسمو اللي جالسة ورا مكان ابوها وبحدة/نزلي اخوك من كرسيّه ويالله انزلي
سمو/وبابا بيجي معنا
ياقوت بحدة/وش عليك منه!!ليته فايدك الحين انزلي يالله ولاتقولين الكلام معي
سمو حبست دموعها وهي تفتح مشد الكرسي عن مجد
مجد/ماما وبابا؟
ياقوت بعصبية/اااووووهه انا نازلة وانتم خلوا ابوكم ينفعكم/نزلت وقفلت الباب وراها بقوة/
سمو غمضت عيونها بفزع من قفلة الباب القوية
نايف التفت وهو يناظرها بحدة
ياقوت وشنطتها اللي باللون البنفسجي على كتفها وقفت قبال باب العمارة وهي تخرج مفتاحها وتفتح الباب الكبير وتدخل وتتركه مفتوح وراها ودخلت للداخل
نايف اخذ نفس وهو يهدي نفسه ثم قفل جواله بدون لاينتبه اذا رد عليه او لا ارتسمت الضيقة على ملامحه وهو يناظر سمو اللي تحاول تفتح احد الاحزمة من مجد ومو قادرة عليه لف من ورا السيارة وهو يفتح الباب اللي ورا الراكب ورسم ابتسامة على وجهه وهو واقف على باب السيارة وينحني لمجد ويمسك يد سمو اللي تحاول تفتح الحزام ورفعها له وباسها
سمو ارتاحت وهي تناظر ابتسامته
نايف يتصنع صعوبة فتح الحزام وطيح نفسه عالارض
مجد ضحك
سمو ابتسمت
نايف وقف وهو ينحني للحزام ويتصنع صعوبته وفتحه وهو يزفر بصوت ويمسح جبينه
مجد صفق بحماس /بابا قوي فتحه قوي
سمو ضحكت
نايف شال مجد من الكرسي وباسه وهو ينزله عالارض
سمو قربت منه بتنزل
نايف عطاها خده بابتسامة
سمو كشرت بوجهها
مجد ينط مكانه وبضحكه/يالله يالله
نايف بلغة الاشارة/قيمة المرور
سمو باسته ع خده وابتعدت
نايف هز راسه بلا وسط تكشيرته وهو يناظرها
سمو حاوطته بيديها وهي تضم راسه لها وتبوس خده بقوة
نايف ضحك وهو يحاوطها بيديه ويشيلها وقفل باب السيارة
مجد/بابا وانا
سمو بابتسامة وهي بين يدين ابوها/انت رجال
مجد كشر بزعل
نايف بلغة الاشارة/المرة الجاية دورك
مجد بتاكيد/الى فوق؟
نايف هز راسه بايه بوسط ابتسامة
مجد مد يده له
نايف حط يده بيد مجد وهو يدخل معهم لداخل ويتحاشى يناظر ذاك الباب
ياقوت نزلت عبايتها ورمت نفسها عالكنبة وهي واضح عليها النرفزة
جوهرة جالسة عالكنبة قبالها ناظرت عيالها/يالله غرفتكم بسرعة/بعد ماراحوا/خير
ياقوت بنرفزة/متغير هالفترة متغير كثير ياجوهرة
جوهرة/يمكن فترة وبس عشان اللي انتي عارفة
ياقوت/لا من قبل ملاحظة عليه ماعاد يتحمل شي مني والحين بزيادة
جوهرة/والله هذا اختيارك وانتي اللي رميتي نفسك
ياقوت بحدة ملامحها/جوهرة!!
جوهرة/لاتزعلين مني لازم تسمعيني للاخير وتسمعين اللي ماكنتي تبين تسمعينه من احد وانا اللي باقوله لك شفتي الحين شفتي نتيجة اختيارك وعنادك للكل كيف!!شاف نفسه عليك وهو كله عيوب انتي اللي تمسكتي فيه وهو بأول مشكلة تصير بيتخلى عنك وتشوفين
ياقوت بمكابرة بينها وبين نفسها/لا اختياري صح ياجوهرة
جوهرة زفرت/مليت من الحياة معه كل شي هادي بأموت
ياقوت كشرت بوجهها
جوهرة/مو هذا كلامك!!
ياقوت/وبعدين ياجوهرة جاية افضفض مو اتحاسب!!
جوهرة ارتفعت حواجبها/والله انتي اللي قلتي مو بأنا!!
ياقوت بقهر/خلاص جوهرة خلاص!!
جوهرة ابتسمت وهي تناظر سمو ومجد داخلين/يسلم قلوبهم يسلمها حبايب خالة/فتحت يديها لهم/
سمو ومجد اتجهوا لها يسلمون عليها
ياقوت/وين بابا؟
مجد/باسنا وراح
سمو مدت يدها لامها وفيها فلوس/بابا يقول مصروف
جوهرة بنص عين وهي تناظر ياقوت/يمّه منك يمّه حتى مصروفك مانساه وزعلانة!!
ياقوت صدت بوجهها وهي متنرفزة ماتبي ترد اكثر بالكلام
نايف وقف عند سيارته وهو عاقد حواجبه واتسعت عيونه وهو يقرأ رسالته فتح السيارة وركب وحرك بسرعة جنونية
ـــــــــــــــــــــــــ ـــــــــــــــــــــــــ ـــــــــــــــــ
((الـمـغـرب))
.
((بيت ابو عمر2))
موج تتقهوى
ام تركي ضربتها ع كتفها
موج/اااه ياخالة وش فيك علي!!
ام تركي بنرفزة منها/والله مابطلتي هالحركات لاقول لامك
موج/بِسْم الله وش سويت!!
ام تركي/سلامتك والله بس نكدتي علي يومي بحركتك مع عمك الصباح
موج وهي تتقهوى ببرود/والله هذا الصدق اللي صلحت الاكل فتنة توه كان يتلذذ ويوم قلت له الله اكبر انمغص!!اقنعيني بالله!!
ام تركي/مالك شغل بينهم ابعدي عنهم وش فيك انتي ماتفهمين الى ماتاكلين لك علقة على راسك!!
موج/والله عمتي اكبر علقة ويوم اشوفها مع فتنة اقول الحمدلله اني مو بنتها
ام تركي رفعت الفنجال/موجيّة وربي بهالفنجال بجبهتك
موج/عاد تدرين خالة على كثر ماتلاسن عمتي فتنة بس ارحم من عمي
ام تركي/لاااا ماانتي بصاحية انتي اليوم!!
موج/ليش!!
ام تركي/قفلي فمك لاتجيبين لنا مشاكل
موج/المشاكل جاية جاية!!مو بنت اختك لاحقتنا المشاكل لاحقتنا هذا السبب يكفي
ام تركي/بس شفتيه اليوم يتشكر عزة وانا سيفون علي!!
موج ضحكت/وماالحب الا للحبيب الاولي
ام تركي بزعل/وجع ياموج وجع بتغثيني روحي بيتك
موج غمزت لها/يحبك والله يحبك والدليل يومه ياكل من يدك ماياكل من يدها بس ارتاحي
ام تركي ميلت فمها وهي تناظر تصريفة موج/كيفها فتنة
موج/الحمدلله صابرة عليهم
ام تركي/وهالسوسة رغد؟
موج بشك/هادية على غير العادة
ام تركي/الله يستر منها
موج/امين امين ها وضح الجنين وش؟
ام تركي/لسى بالثالث بدري
موج/يارب بنت
ام تركي كشرت/لا ولد ان شاء الله تبين الثالثة فوق راسي!!
موج/استغفر الله بس/وقفت/ولد ولا بنت مايفرق الله يعينك ياخالة اذا بتصيرين مثله كثر خيرك سلام/مشت/
ام تركي/تعالي وين رايحة
موج/وراي زوج مثلك سلام/مشت/
ام تركي/استغفر الله العظيم الله يصلحك من بنت/نادت/تركي تركي يمّه
.
((شقة ساجي))
سدول بالمطبخ تطبخ
ساجي من الصالة/سدول بنت ياسدول
سدول رفعت صوتها/لحظة شوي
ساجي/بسرعة بسرعة الحقي علي اللي معي بيطيح
سدول قفلت النار واسرعت بخطواتها للمقلط وشهقت بفجعة وهي تحس بيدين تحاوطها
ساجي ورا الباب متخبي عنها واول مامرت من عنده حاوطها بيديه يضمها ظهرها لصدره وبحبه/ياروح ساجي اشتقت لك
سدول بانفاسها المخطوفة وهي تسمي/بِسْم الله علي بِسْم الله
ساجي دفن وجهه بشعرها وهو يستنشق عبيرها اللي يأسره كان ولازال يعشقها ويعشق وجود تفاصيلها بحياته
سدول ضربته بطرف اصابعها اللي يدوب تلحق يديه اللي محاوطتها من اعلى/خوفتني!!
ساجي/احبك
سدول ابتسمت
ساجي تركها وهو يلفها له ويضمها لصدره/والله اني احبك ياسدول
سدول/وبعده؟
ساجي ضمها اكثر بصمت وكأنه يعتذر عن تصرفات امه لها
سدول مسحت على ظهره/وبعده ياساجي؟
ساجي تركها وهو يناظرها بحب ثم مد يده للباب اللي كان متخبي وراه وهو يسحب الكيس اللي معلقة بيد الباب ويمده له/واحبك واحبك وفوق حبي لك احبك
سدول بابتسامتها/يكثر خيرك ياحبي ماله داعي خيرك سابق الله يخليك لي
ساجي باسها على جبينها/ويخليك لي من عندي اغلى منك ياروح ساجي يالله يالله افتحيها
سدول ناظرت الكيس وتوترت وهي تشيل الفكرة من بالها
ساجي بحماسه/يالله
سدول خرجت بوكس طقم الذهب من الكيس وفتحته وبابتسامة/يكثر خيرك يارب
ساجي/من طاحت عيني عليه عرفت مايليق الا بحب ساجي وروحه
سدول/يسلم عمرك ياحبي عارفة غلاتي عندك وانت عارف غلاتك بقلبي ماله داعي وانت بتبدأ مشروعك وخيرك مغطيني عساه دايم
ساجي زفر وهو يضمها/والله والله اذا نجح المشروع لاأفرش لك الارض ورد رجلك الناعمة ماتلامس الا الورد اللي انعم منها
سدول ضمته/الله يخليك لي ياحبي/تنهدت بين يديه وهي تفكر وشلون بيبدا مشروعه وهو يضيع فلوسه بهالسرعة/
.
((شقة سراج))
سراج جالس قبال التلفزيون يتابع مسرحية ويضحك بصوته العالي
سحايب دخلت كعادتها بتوربان يغطي شعرها هالمرة بلونه الابيض وبجامة باللون الوردي زادت جمالها الناعم نعومة انحنت وهي تنزل الصينية قباله واعتدلت بوقفتها
سراج يناظرها من فوق لتحت/وين!!اقعدي قهويني
سحايب بدون نفس/العيال فاتتهم درس اليوم وللحين ماخلصنا
سراج بسخرية/الله من الدفارة والمستقبل الباهر!!تراهم عيالك مردهم بالبيت واصرف عليهم مثلك!!
سحايب بلعت ريقها بقهر
سراج/الحمدلله اللي مصبرني عليكم ولا الله العالم وش صار لكم
سحايب/تبي شي الحين؟
سراج وهو يصب له شاهي بيمينه وياشر بيده اليسار بمعنى روحي/الحمدلله بصحتي ماني بحاجتك انتي وعيالك
سحايب مشت وهي تدعي ربها يفكها منه على خير عاجل غير اجل
.
((شقة حاتم))
عجايب جالسة بعيد عنهم وعينها بجوالها ولانطقت حرف
حاتم يتقهوى وهو صاد عنها بوجهه مايناظرها ابد
حازم كل شوي يسرق لامه وابوه نظرات بضيق ابتسم/يمّه البرتقال لذيذ لايفوتك
عجايب/اكيد حامض كالعادة لاتاكله بس وتعدم لسانك مو هذا الشي الزين اللي ورثته وانا امك
حاتم ميل فمه بعدم رضا وهو يكبح غيضه
حازم/يمّه!!الزين مايختار الا زين وبعدين نسيتي انك الزينة مختارة الزين!!
عجايب زفرت بضحكة وماردت
حاتم/روحي جيبي برتقال للصغار خلص
حازم/انا رايح
حاتم بحدة/اجلس هي تروح
عجايب/ماني برايحة معك يدينك ورجولك وهم مثلك!!
حاتم التفت لها وبصراخ/عجايب لاتراددين وروحي
عجايب/ماني برايحة!!
رزان انفجرت تبكي
حازم تغير وجهه
فيصل يحبس دموعه وهو يناظرهم
حاتم وقف/قومي قومي انتي لسانك طويل ماتحشمين احد يبي لك تأديب من جديد
عجايب وقفت وبصراخ/الحمدلله متأدبة من قبل اعرفك
حاتم وقف قبالها ودفها/يالله شنطتك يالله ماتقعدين ببيتي دقيقة يالله خلي اهلك يربونك من جديد يالله
عجايب بعصبيتها/الحمدلله فرقاكم ياعيال احمد عيد الحمدلله/زغرطت وهي متجهة لغرفتها تجمع اغراضها/
حازم ناظر ابوه/يبه
حاتم بصراخ/عينك على اخوانك فاهم
حازم هز راسه بايه
حاتم مشى خارج من الشقة وقفل الباب وراه بقوة
.
((بيت فواز))
فواز واقف قبال التسريحة يمشط شعره بملامحه الثقيلة كالعادة
جواهر وهي ترفع وتنزل شماغه من والى السرير بتوتر من اللي بتسويه اخذت نفس وهي تتظاهر بانها تعدل الشماغ وهي تتجه له/اقول حبيبي
فواز وهو يرفع العطر له ويتعطر/أسمعك
جواهر وقفت جنبه ومدت له شماغه/بما اني حامل فكرت بالاسماء؟
فواز وهو يعدل شماغه/توك بالاول خليه يثبت بعدين فكري
جواهر وهي تلعب بالعقال بين يديها/ان شاء الله بيثبت ان شاء الله يارب بس يعني خاطري نسمي سلطان وش رايك؟
فواز اللي من وصل لمسامعه الاسم تجمدت يديه عن اللي يسويه والتفت يساره يناظرها بحدة مو مصدق اللي تقوله/عيدي ماسمعت!!
جواهر قشعر جسمها وهي لاول مرة تناظر هالشر لها بعيونه وبلعت ريقها وهي تكمل عادي/سلطان ياحبي
فواز تقدم خطوة منها وهو يغلي/لو يصير مايصير هالاسم مايتسمون به عيالي يحرم عليهم
جواهر/طيب و
فواز صرخ لاول مرة بجواهر/جوااااهررر
جواهر فزت وهي تغمض عيونها برعب
فواز/لاعاد تفتحين هالموضوع معي مرة ثانية ولا والله والله يصير شي مايسرني قبل مايسرك/سحب العقال من يديها ومشى/
جواهر انتفضت وهي تحط يدها على صدرها/يمّه يمّه استاهل انا وش لي بكلام العجايز يمّه بِسْم الله علي/جلست وهي تحس رجولها ثقيلة من الخوف/
.
((السيارة))
نايف وقف بالسيارة وعلى وجهه ملامح زعل
سلطان بابتسامة/خلاص عاد لاتطولها وهي قصيرة
نايف التفت له وسط حواجبه المرتفعة بسخرية من كلامه
سلطان ضرب صدره وبثقة/محسوبك ذيب هالمرة ذيب محد يقواه ذيب تخافه الذيابة
نايف ميل فمه بسخرية وهو يتكلم بالاشارة/ايه واضح الذيب وهو قافل ازارير غلط!!
سلطان ناظر ازارير بصدمة كشر وهو يلتفت يناظره/تكذب بعد!!
نايف رفع اكتافه لفوق/ماادري مو انت ذيب!!
سلطان كشر بوجهه وهو يرفع يده بيضرب/يالله عاد احترم نفسك عطيتك وجه ولانسيت من الكبير!!
نايف ابتسم
سلطان/لاتوقف ماابيهم يشوفونك ولايدرون انك انت اللي جايبني
نايف اتسعت عيونه/نعم!!!
سلطان بتشديد على كلامه/عالاقل هالليلة يانايف الليلة بس اسمعني
نايف يناظره وبعناد/لا رجلي على رجلك
سلطان/تكفى
نايف/اقولك رجلي على رجلك!!
سلطان بتهديد/لاتحدني على شي ماابيه
نايف زعل ووضح عليه
سلطان تنهد/لاتروح بعيد اكيد شوي وطالع لك/نزل من السيارة وأشر له يمشي/
نايف واقف بالسيارة وهو يضغط عالدريكسون بتردد
سلطان انحنى وهو يدق على قزاز السيارة ويناظره/امش
نايف ضغط البنزين وارتفع صوت احتكاك الكفر بالاسفلت وحرك بسرعة
سلطان زفر وهو يناظره يبتعد اخذ نفس وهو يلتفت وراه ويناظر الباب الحديد اللي غطاه الشجر الكبير وكأنه حاجز يمنعه ويحذره من الرجوع لهالبيت مد يده بعناد لجرس هالبيت وهو يضغطه لمرة وتسارعت نبضاته مع هالجرس اللي استمر صوته حتى بعد مارفع يده عنه عدل شماغه وياقة ثوبه وحتى ساعته بشكل سريع من زود توتره ولحظات معدودة وانفتح الباب قدامه/
.
اللهم صل وسلم على نبينا محمد
.
إنتهى موعدنا الاسبوع القادم بحول الله وقوته

أمل و ترقب likes this.

مدامع حزينة غير متواجد حالياً   رد مع اقتباس
قديم 28-07-22, 12:32 AM   #10

غدا يوم اخر

? العضوٌ??? » 5865
?  التسِجيلٌ » Apr 2008
? مشَارَ?اتْي » 1,152
?  نُقآطِيْ » غدا يوم اخر is on a distinguished road
افتراضي

من القصص الياعتبرها متعه تمنين انها قربت علي النهايه علشاناقراهابس لحقت عليها بعد كم بارت من الاشياء علاوخالتها ليش يكرهون عليا ويعتبرونه سبب الظلم هلهي السبب بان سراج ياخذعلي من عند جدته ثاني شي الجدةتعتبر اموال ولدها حرام يمكن اكل اموال بالغصب هل هي اموال سلطان او شي زي كذا بس هالشي جديد هل هو اموال نايف اظن اسمه نايف ليشام فواز كذا ماتحب الجدة كراهيه باردة تحاشيابعاد لماذا الجده غاضبه عليها فتنة تخيلت ان الي تشتغل في البيت تصير قويه لكن مع نقص النوم المستمر وقله الاكل صح تضعف لكنها تصبح اقوي حتى الضرب والجد مع الشغل يصبح عضلاته قويه بس ربما اللصابات القويه والامراض جعلتها ضعيفة اتذكر احد الابطال يقول زوجته انتى ماسميت شي ولا خربتي بيت احد من يقصد الي بيته انخربارشح سراج وصديق سلطان او فتنة ليش هالمعامله السئية لفتنة الي يشك بشخص يشك انه يسممه يقتله بس اخوها اخ طبيعي يهزاء اخته ويعاقبها من ورا قلبه بس حره قلبه بنفس الوقت اخته خط احمر اكثر السعوديين الطبيعين كذا اختي ماتمدون يدكم عليها ولا تاخذون اغراضها ولا تسبونها سب قوي باعتبراها كرامته والتجاوز عليها تجاوز عليه بس ام قتنة غريبه ليش تمسح وسخ اخوانها فيها هل حقيقيتها تميز وتقدس الولد وتخلي عيوبه علي اخته غالبا الوحيدة تعتبرها خط احمر ماحد يتجاوزها فتنة والديها قلوبهم متجبرة فيهم ظلم ربما الاب ظلم من غضب علي فتنة لكن الام واضح الظلم الاب ماسكة عليه ام فتنة شي كانه خايف تطرده من البيت والا يمكن نوعيتها تضرب زوجها وخايف علي برستيجة ابو ريان يدعو جارة اكيد بسبب هو يحافظ علي كرامته ووجهه قدام الناس ليش هل هناك طلاق بينهم او موضوع حساس قطع بينهم لان ابو فتنة يقول لابنه عند الجيران ناد ابو فواز ادعوه دعوة وهو شي كبير عند الرجال الوجيه لا ياتي الا بدعوة او زيارة مريض او تعزيه في ميت او معايدة او صله رحمة وهو قليل القصه حلوه استمتع بها رغم ان فيها المشاكل والضرب هل هناك اكثر من جواهر وحده اخت حاتم ووحده زوجة ولد ام فواز اظن راحت للجده سدول تعتذر عنه

غدا يوم اخر غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:57 PM



Powered by vBulletin®
Copyright ©2000 - 2024, vBulletin Solutions, Inc.