آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-09-22, 12:56 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  ضاقت أنفاسي شوقا إليك ، للكاتبة/ نور "عراقية" (مكتملة)
التعديل الأخير تم بواسطة فيتامين سي ; 06-09-22 الساعة 11:29 PM | |||||||||||||||||
|  |
|
03-09-22, 12:58 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــــــــ ــــــا #رواية_ضاقت_انفاسي_شوقا_الي� � #الكاتبة_نور ١________٢ #البارت_الاول …^^^^^^^^^^^^^^^^… ……………………………….. وكفت يم الشباك واباوع ورا شلون يمشي غصب عني من اشوفة ابتسم شنو هلشي الي بي يخليني اراقبة بكل تحركاتة وكل يوم مثل هيج وقت اشوفة شون يطلع من البيت واراقب مشيتة لحد ميغيب من انضاري واني بوسط افكاري بي وسرحانة فززتني قمر وبصوت عالي -شوووو عم تعملي يا حلوة فزيت وحطيت ايدي على كلبي سديت الستارة وكلت -متبطلين هاي سوالفج قمر كل مرة نفس الحركات وتقطعين تأملاتي -ياب تأملات عبالج ماعرف بيج تراقبين يحيى حطيت ايدي على حلكها ومنعتها من الكلام -اششش ...لا يسمعج اسامة والله يكطعني -واسامة شدخلة بيج دنكت واني اذكر كلامة -اسامة يريد ينهي علية واني ما اطيقة قمر فتحت عيونها بصدمة -شنووووو من شوكت هل حجي ولج اسيل اسامة يمتة نهة عليج -بعدة بس هوة كال انتي الي وحتى الموت مايكدر ياخذج مني انتي الي كلامة يخوف ونضراتة اكثر اكرررهة وماطيقة بس ما بيدي شي تعرفين حكم القوي ع الضعيف سرحت قمر بافكارها وكالت -معقولة بابا يوافق ينطيج الة بس تدرين اسامة شخصية باوعتلها بغضب وطلعت من الغرفة ماتحمل حتى اسمة ينذكر ما اطيقة شلون بي لحد هسة اذكر شلون صار عصبي من كتلة لو تموت ما اوافق عليك لو يدرون اني احاجي يحيى يموتوني. ________________... قمر... بعد الكلام الي كالتة اسيل استغربت حيل معقولة اسامة فعلا مفكر ينهي على اسيل هوة صح يحبها بس هو رافض هيج افكار رجعية اسامة هو ابن عمي شخصية ومحترم خريج ادارة واقتصاد من الطفولة يحب اسيل اسيل اختي الكبيرة اكبر مني عمرها 22سنة واني عمري 19 اسامة عمرة 35سنة من لما انولدت اسيل وهوة حاطها ابالة ويكول اسيل متصير لغيري بس بحياتة ما حجة بالنهوة اني اعرف اسيل تحب يحيى ومستحيل توافق على اسامة بس بنفس الوقت هية جبانة تحجي شي وبس تصير كدام اسامة تبلع لسانها بالنسبة يحيى هوة يكون ابن ابن خالت امي يعني بعيدة القرابة بالنسبة لرئي اني اشوف اسامة احسن الها لان متعجبني شخصية يحيى احسة متكبر ومتسلط من اكلها لا اسيل تكلي حلات الرجال بالتسلط ماعرف منين جايبة هل فكرة مدري لان تحبة تشوف حتى عيوبة حلوة هسة خلي اعرفكم على نفسي رح تبدي رحلتي من هلحظة اني قمر عمري 19سنة اصغر وحدة بالعائلة اختي الجبيرة هي اسيل تدرس قانون اخر مرحلة اما اني اول سنة الي بالجامعة محصلت المعدل الاريدة بس المهم كدرت احصل ع نتيجة جيدة كلية التربية صح مو حلمي بس مقتنعة بيها عندي اخوية الجبير عمر هو صاحب الكلمة من بعد بابا وحتى بابا كلش يحترمة ومايمشي شي اذا مياخذ شورة اعز اولادة ابنة البكر كانهم اصدقاء وعندي اخوية الاصغر علي عمرة 22 طبعا الشي الي مستغربتة شلون اخوية علي واختي اسيل نفس العمر رغم انو همة مو تؤام من اسال يضيعون الموضوع المهم هو اقرب شي الي ودائما يحجيلي كلشي يخصة اسيل دائما تتخالف ويا وهذا الشي يحزنة كلش طلعت من يم اسيل وطلع بوجهي علي ابتسمت -علوش وينك شو صاير شفاف -ههه لا شفاف ولا بطيخ انت شفافة حتى ماتسألين عن اخيج -هههه لا شلون تعال حجيلي شخبارك بدوام -اكلج اني ضايج ماريد ادرس وابوج يضغط علية -علي هاي ليش تكول ابوج ترة ابوية نفسة ابوك ليش من تحجي عنة احسك عبالك تحجي ع واحد غريب توتر وكال -لا بس ابوج اقصد ابوية يضغط علية اني ماريد الدراسة -اوووف ياعلي شبيدي عليك زين انت ليش متحبها لدراسة حلوة -ماريد حر اني وهاي امج هم تساندة دائما ويفرقون بيني وبين عمر صح هوة الجبير وبنهاية ابنهم سكت واني صفنت علة كلمتة -ليش انت قابل مو ابنهم ضحك بتوتر -لا شبيج اقصد ابنهم العزيز من يوم يومهم يفرقون ماعليج من موضوع انتي شلونج حضنتة وكلت -والله اكون بخير من يكون علوشي بخير. بس بغلاتي عليك لاتغضب بابا هو يريد مصلحتك ويحبك ادرس لخاطرة بعدين هي الدراسة مارح اضرك ابتسم بحزن وهز راسة بالايجاب حضنتة بقوة -حبيبي اموت عليك دخلت امي وصاحت بية بصوت فزيت من مكاني وهاي مو اول مرة تسويها دائما من اكون يم علي تتنرفز وتصيح -اوي ماما شبيج خوفتيني -وجعة امشي وراي تعاي كملي شغلج بيت عمج رح يجون علي ضاج وكال -اختصريها وكولي ماريدج يم علي كلت -شبيك علي اني اختك ليش حتى ما اجي يمك صاحت بية امي -قمر اطلعي مشيت بسرعة علي مثل العادة شال ع خاطرة هية ماما صارمة بتعاملها بس هوة حساس ويعتقد امي تفرق دخلت للمطبخ لكيت اسيل تسوي زلاطة باوعتلي وكالت -انت مجوزين من علي ليش ترحين بغرفتة -اسيل شبيج ترة علي اخوية شدعوة هيج تتنرفزون من اكون يمة هزت راسها وسكتت اني صفنت مادري شبيها هل عائلة ليش يبعدوني عن علي كل مرة معقولة صدك يفرقون اني وعلي مو بس اخوان علاقتنة مثل الاصدقاء كلش قوية ومتعلقة بي اجتي امي وهية ادردم وكفت يمها وكلت -ماما شبيج وية علي ليش كل مرة تزعلي -شوفي قمر اخر مرة ابعدج عن علي مرة ثانية اتصرف غير تصرف لو شفتج يمة صدمني كلام امي -ماما شبيج علي لاتضحكين يمة علي لاتتقربين يمة علي لاتدخلين بغرفتة علي علي شبيكم تبعدوني عنة هوة مو اخوية ليش من اكون يم عمر كلشي عادي الا علي صفنت وكلت -ماما علي واسيل نفس العمر ليش وهمة مو توم امي ضيعت نضرها وكالت -علي اكبر حبيبتي -لا ماما اني شفت بجنسية نفس المواليد كلولي شنو السالفة صاحت بية -قمر كتلج علي اكبر متوهمين بجنسية ومثل موصيتج علي ابتعدي عنة -ما ابتعد عنة علي اخوية كافي تفرقون بينا ليش تعاملكم خشن ويا طلعت من المطبخ ولكيت علي واكف جر ايدي وكال -قمر اسمعي كلامها وابتعدي عني كال كلاما وطلع هذا شبي هاي العائلة رح اجنني علي اقرب شخص علية وهوة حياتي اخوية الوحيد الي يفهمني ليش هيج يعاملو نزلت ادموعي ورحت للغرفة ابجي شوية وطلعت سمعت ماما تجادل وية ابوية -ليمتة انضل ساكتين جمرة كتلك علي ابعدة عن قمر -ام عمر اهدي اني رح ادزة للخارج بحجة الدراسة بس اهدي -شوكت مو طلعت روحي اليوم دخلت شفتهم متحاضنين قمر بريئة ومتدري بس هوة يدري ليش ميبعد عنها ابد ميطمني من يكون يمها -ام عمر شنو هل كلام ترة علي يعتبرها اختة وهمة ربو سوة اني توقفت مصدومة يعتبرني اختة يعني شنو اني مو اخت علي علي لعد شنو امي كالت -ميخالف ... بس وجودها يمة حرام همة كبرو وهذا علي عنيد ميقبل يدرس برا -الله كريم كلشي واله حل رحت من يم الغرفة ودموعي تجري دخلت غرفة علي وسديت الباب جان كاعد يتصفح بالمبايل باوعلي وكال بخوف -قمر شبيج ليش تبجين باوعتلة ممصدكة علي يطلع مو اخوية طول عمرة اخوية واقرب شخص الي هسة هذا السبب الي يخليهم يبعدوني عنة وكف يمي وكال -قمر قلقتيني احجي شبيج منو وياج كتلة بعدم تصديق -علي الله يخليك كلي الشي السمعتة غلط لزم ايدي وكعدني -تعاي بس فهميني شنو الي غلط -انت اخوية بس ماما ... وبابا سمعتهم يكللها بابا انت تعتبرني اختك ليش احنة مو اخوة صفن بوجهي وترك ايدي -قمر طبعا انت اختي اكيد سامعة غلط -لا ماسمعت غلط وهمة يردوك تبعد عني لان وجودي يمك غلط فهمني شنو الي سمعتة واريد الحقيقة شلون انت مو اخوية دنك راسة وكال -اي صح اني مو اخوج من امج وابوج بس انتي تبقين اختي صح مايربطنة رابط الدم بس احنة اخوة الله يخليج لاتفكرين بيوم اتخلا عنج دموعي نزلت ممصدكة الي اسمعة حضنتة وكلت -لا علوش انت اخوية ماصدك اني دا احلم كعدني حباب ماريد اضل نايمة هذا الحلم موحلو انت اخوية وتبقى اخوية هم يردون يبعدوني عنك ما اريدك تروح حباب لاتدرس بالخارج -اهدي قمورتي اني اخوج طبعا بس لاتبجين مسح دموعي وباس راسي -وهسة اختي الحلوة رح تكون قوية وتسمعني ... جر نفس وكال -اني مو اخوج صحيح .... وبدة يحجيلي قصتة وشلون اجة واني مذهولة من طول عمري علي اخوية وهسة فجئة اكتشف هاي الحقيقة ما اكدر اصدك #البارت_الثاني سيكون فُقدانكِ مؤلماً كمَن فقدَ عينه أو من بُتِرت يده اليمنى، سيكون رحيلكِ من حياتي سبب لتكوري حول نفسي رُبما لأشهر او سنين ، سأختم لكِ القرآن وأدعوا لكِ عند كل صلاة ورُبما سألزم جميع من يعرفونكِ بفعل الشيئ ذاته ، لَن أتوقف عن سرد أحداث يومي وتفاصيلهِ لكِ كما اعتدت، وقد أغفو بين محادثاتنا، وسأستمر بمواساة نفسي وتعزيتها كما تفعلين بالضبط، سأكون اكثر حزناً وأنطوائاً حول نفسي ولا أظن اني سأتقبل مساعدةَ احد للخروج من ظلمتي هذه المرة، رُبما سأكون أوعى وساتوقف عن المبالغة في حب الناس، سأطبع صوركِ وأجمعها بصوري وأتخيلك معي في كل أحداث حياتي دوماً، وسأحكي لجميعِ من سأعرفهم عنكِ حتى يحفظوكِ، ومهما مرَّ الوقت وتشافيت سيبقى أثركِ المؤلم فيها، سيكون رحيلكِ كالطبعة في قلبي للأبد.. لا سامح الله يا اخي 💔 …^^^^^^^^^^^^^^^^… ……………………………….. قمر بعد ماسمعت الحقيقة من علي وعرفت انو هو مو اخوية ماكدرت اتقبل هذا الشي علي اخوية ماكدر اتخلى عنة -علي يعني رح تسافر -لا منو كلج اسافر هسة عرفتي ليش امعارض ابوج ع فكرة الدراسة لان يريد يدزني للخارج شوية وسمعنة صوتهم برة -وصلو بيت عمو اسامة حط ايدة ع خدي وكال -الشي العرفتي خلي بينا لاتبينين لاحد عرفتي -بس ليش همة كلهم يعرفون حتى اسيل -ميخالف لان هيج رح يصير سهل يبعدوني عنج وانتي اختي مو صح هزيت راسي وحضنتة -انت تبقة اخوية واذا يعني مو من امي وابوية بس احنة ربينة سوة تعودت ع وجودك ميهمني كلام احد انت اخوية ابتسم وكال -يلة خل ننزل طلع علي واني طلعت ورا شافتني اسيل وجرتني علي نزل -انت شسوين بغرفتة ما اتوبين -مايخصج اسيل جرت نفس وكالت -اكلج اسامة اجة وماريد انزل اشوفة شلون رح اسوي نفسي مريضة ونايمة -هههه لج لا انزلي خطية شلعتي كلبة مو يحبج -انجبي اني ماحب غير يحيى ومستحيل ازوج اسامة ع موتي راحت للغرفة وعافتني واني نزلت لكيت بيت عمو كلهم جاين سلمت ع عمو رافد -هلا هلا بقمر نورت البيت ابتسمت -هلا بيك عمو سلمت ع بنات عمي خولة وغدير وكعدنة نسولف ونحجي اسامة كال -شنو وين اسيل اجيت اريداكول تعبانة دخلت اسيل -هنا اني ابتسم اسامة وهو يباوعلها وهية راحت سلمت ع عمو وبعدين كعدت يمنة خولة بعمر اسيل كالت -ولج اسولة شوفي اسامة مشال عينة عنج -خاب دروحي اخوج لزكة غدير كالت -والله لايكتلج روحج وتقلدين غدير معجبها كلام اسيل واسيل سكتت وكامت اسامة جان يم الباب كاعد شفتة همسلها وهية خزرتة ضحكت والله مسكين اسامة يحبها وهية مخبوصة ع يحيى لو بي خير هسة اساندها بس ميعجبني بتصرفاتة وبصباص واحنة كاعدين ومندمجين بسوالف علي صاح -كتلك ما اروح برة مكاني هنا ابوية صاح -واني كتلك تروح فاهم -يعني انت شنو ماتثق بية اني ماكدر اروح فهموني روحي متعلقة هنا عمر صاح -علي ترة لا عبالك مافاهمك اني والله ادفنك بارضك لحضة وحدة تفكر بيها -لك عمر صدك تحجي لك هو شنو ااي افكر بي. هاي اختي اختي تفهم دموعي نزلت واني اعرف الكلام عني ابوية كال -قمر اخذي البنات وطلعي اجيت احجي علي اشرلي سكتت ورحت اني وبنات عمي شكلهم ميعرفون -قمر شكو -ماكو شي شغلة شغل يمكن وعلي معاند غدير كالت -خطية علي عمي مادري ليش يقسى علية والله تردين الصراحة اموت علية ضحكت وكتلها -يلة امشي تموت علية من يمتة ولج -اوووف معذبني اخوج كم مرة كتلة احبك وهو ممهتم شهكت -عزا بعينج كايلتلة احبك -اي بس هوة بارد -والله طلعتي مو قليلة صعدنة للغرفة فوك واسيل جانت واكفة يم الشباك تباوع ع الحبيب من دخلنا ابتعدت عن الشباك اما اني بالي يم علي معقولة يبعدو عني يعني واذا مو اخوية يعني احنة ربينا سوا ياربي لاتفرقنا والله احبة سمعت خطوات ع الدرج بسرعة طلعت شفتة علي وعيونة حمر ركضت علية -علي شبيك بابا شكال دفعني من طريقة فات للغرفة وسد الباب دموعي نزلت -علي الله يخليك فتحلي الباب والله ماكدر بدونك لاتعاملني هيج -قمر روحي اهلج يخافون عليج مني روحي -علي اني ما اخاف منك اثق بيك لاتسوي هيك افتح الباب -قمر روحي كافي اختصري علية الالم -افتح الباب بس شوية فتح الباب واني حضنتة شفتة يبجي علي لاول مرة يبجي -علي الله يخليك لاتبجي -قمر روحي وجودج يمي ميجوز ماريد يكولون عني استغلالي ابوج وعمر تخطو كل الحدود وهانوني -علي ... بعدني عنة وكال -سامحيني قمر غلق الباب واني ضليت واكفة ماعرف شسوي ليش هيج ديصير اقرب انسان مني بعدو عني رحت للغرفة ابجي طبعا بيت عمي راحو -قمر شبيج -عوفيني مبية شي نمت ودموعي بعيني كعدت الصبح راسي ثكيل وعيوني توجعني كد مبجيت سبحت وطلعت من الغرفة شفت غرفة علي عليها قفل خليت ايدي ع كلبي وكلت -علي بسلا راح ركضت جوة وكلهم كاعدين يتريكون صرخت بيهم -علي وين ابوية رد -علي سافر حسيت روحي طلعت بهاي الكلمة علي راح حتى بدون ميودعني علي اخوية ومتعلقة بي ليش صرخت -لاااا ليش بابااا ليش بعدتو عني انت حتى مخليتة يودعني ليش -بابا شنو هل كلام غير اخوج راح يدرس -كافي تجذبون اعرف علي مو اخوية ومايربطنة رابط الدم بس اخوية هوة روحي تعودت علية اني سمعتك وانت تكول لماما ذاك الكلام عمر كال -طالما تعرفين لا تثبرينة علي محرم يتواجد هنا ميصير انت واختج شابات وعلي مو اخوجن صرخت -لا اخوية يعني اخوية واذا مو ابنكم يعني تبعدو عني هسة اذكرتو مو اخوية احجي ودموعي تجري وجسمي يرجف من الغضب والقهر ابوية صرخ بية -قمر كافي علي بعد ماتشوفي فاهمة انتهى كلامي علي غريب بالنسبة النة حتى لو ربينا هو ابن صديقي وخلا بامانتي لذالك ماسغنيت عنة بصغرة بس هسة هوة جبير وما اكدر اخليجن يمة -بابا انت ماتثق بعلي اني بدون علي اموووت فقدت وعي وبس اسمع اصواتهم امي تكول -قمر كلبها ميتحمل اتصل بعلي خل يرجع عمر كال -مايرجع خليها تتعود بعدين صرت بغير عالم حسيت وشة باذني وماسمعت بعدها اي شي وما صحيت الة واني بسرير واسيل تسويلي كمادات -علي اسيل كالت -حبيبتي قمورة اتحملي شنسوي علي مو اخونة ومكتوبلة يروح من يمنة -علي اريد علي رن المبايل واسيل انطتنيا -هذا علي رديت بلهفة -علي ليش تركتني مو وعدتني ماتروح -حبيبتي سمعت مريضة -حقير اني مو حبيبتك ليش عفتني مو تدري اختك متعيش بدونك هسة ترجع -ماكدرر قمر مارجع صرخت -واني اني شلون تعوفي يعني اموت ميهمك -اسم الله يومي قبل يومج قمر انت اختي وروحي بس شنسوي هاي بعد المكتوب نزلت دموعي وكتلة -شلون طاوعك كلبك تروح بلا متودعني ماحضنتك وماشبعت منك شلون تركت اختك وراك هيج -قمر الله يخليج صيري قوية لخاطري مع الوقت تتعودين ع فراكي قمر صدكي ما انساج ودوم نتواصل اني اخوج بس صيري قوية وانتبهي لدراستج شمرت المبايل وكمت اصرخ -اااااااااااا علللللللي كلة صوجكم بعد مايرجع اااا حضنتني اسيل وهية تبجي رحيل علي من حياتي اكثر شي اذاني طول عمري عايشة ويا وهوة اخوية ليش حتى يفرقونة هذا اليوم اكثر يوم بحياتي كارهته ورح اضل انتضر علي وابد ما امل مرت الايام واني دائما اتصل بعلي واطمن علية اتمنى وجودة بقربي بكل لحظة تمر اكره الصبح لان تعودت اكعد وهو موجود ونشاقة سوة اكره اكل وجباتي ويه العائلة تعودت ع الانعزال وما اقبل اكل الة بغرفتة فتحت الباب وفتت بالغرفة سديتها ودموعي تجري مر شهر كانما سنة احس بفراغ محد يفهمني مثلك علي اذكرت مرة نايم واني دخلت وذبيت روحي عليه -عللللي فز من النوم وكال -وجع قمر شنو هاي اني احلم وانتي فززتيني مخبلة ضحكت وكتلة -جذاب يا تنبل مو كلت اطلعج اليوم حقير جذاب دفعني وكال -وج عليما كلبة اني الج -كلبة لو قلبك ههههه ضحكت واني اذكر شلون جنت ازعجة وهوة نايم ارجع الله يخليك ماعد اضوجك ولا اغلط عليك بس ارجع كعدت بالكاع ابجي مشتاقة لوجودة اخوية مو بيدي متعودة علية سنين واني العب ويا وربينا سوة اخوة ليش من كبر صار مو اخوية هشي كلش مؤذي ماتحمل ماتحمل خسارتة اخ وصديق وكل عالمي هو اقرب حتى من اختي اسيل شلون رح اصبر واتحمل فراكة واني كاعدة بغرفتة سمعت صوت جوة مسحت دموعي ونزلت سمعت صوت اسامة يصيح شبي هذا طلعت لكيت اسيل تفرك باصابيعها ودموعها تجري -اسيل شكو سألتها اجتي تبجي -ولج ساعديني حبابة اسامة لزمني واني احاجي يحيى شهكت -وين تحاجي ولج -ع المبايل صارلي فترة اتراسل ويا -عزة بعينج انت غبية لزمت ايدي وكالت -حبابا وقفي رح يكلة لبابة طلعت من يمها واشرت لاسامة بعيوني شكلة جان عصبي ودمرات كصتة مبينة وكف يمي -روحي كولي للغضب اختج الة اندمها ع هاي سوايتها -اسامة اهدء ماكو شي ينحل بالعصبية خل نحجي بهدوء -لج يا هدوء واني اسمعها تحاجي واحد سافل اخ لو الزمها اموتها بس كليلي منو هذا التحجي ويا سكتت وكلت وية نفسي لو عرف يحيى اتصير مشكلة خل اجذب -ماعرف والله شمر علية المبايل وكال -كليلها لاسيل اخر تحذير الها وهية تفهم اخدتا منة ودخلت جوة لكيتها بمكانها اجتي سالتني -عفية كال لابوية لو لا -لا بس عصبي وشكلة ميعرف وية منو جنت تحجين -اي لان من جنت احاجي اخذة مني وصار يصيح علية يحيى بوكتها سكت واسامة اجة يفترسني لو ما عمر دخل فجئة -اسامة دز المبايل وكال اخر تحذير الها وهية تفهم نزلت ادموعها وكالت -يريدني اوافق علية شسوي ياربي شسوي .... راحت لغرفتها وهية تبجي لحكتها -اسيل حطي عقلج براسج يحيى مايفيدج واحد ملعب -قمر انت تزيديها علية اني احبة ماكدر بدونة دخل اسامة علينا مثل الاعصار وسحبها بقوة -لج غضب انتي تردين تموتيني انت جنيتي ع نفسج اسيل حضري نفسج باجر نعقد واي اعتراض منج ماتلومين الة نفسج انت الي وبس اسيل جرت ايدها منا وكالت -انت مالك دخل بية انت شنو حتى تجبرني شنو متحس ماريدك ماتفهم رفع ايدة وضربها راشدي وكعد بالكاع اجيت علية وكتلة بهدوء -اسامة مو هيج الله يخليك لاتغصبها -كليلها تحط عقلها براسها ولاتفكر تتحداني باجر اعقد عليها وياويلها لو اعترضت ________________... اسيل الحقير التافه منو كلة اني امشي باوامرة اموت ما ازوجة مسحت ادموعي وشلت المبايل قمر كالت -اسيل وين رايحة -انطيني مفتاح غرفة علي -شرح تسوين صحت بيها -ميخصج انطتني المفتاح وكالت -لاتتهورين اسيل اسامة صح قسا عليج بس هوة يحبج انسي يحيى -انت متحسين بية قمر طلعت من الغرفة وابالي شي واحد وبس ومستحيل اوافق ع اسامة دكيت ع يحيى من قبل فترة واني ويا نتواصل وهوة اعترفلي بحبة واني ويا كلش نحب بعض وعدني بزواج ماكدر اتخلة عنة لو افكر اصير لغيرة بس اسامة واكف بطريقي هسة رح ادافع عن حبي وما استسلم -الو -الو كلبي شنو هاي منو ذيج اسة حاجاني كتلة واني ابجي -يحيى ابن عمي يريد يعقد علية كال بغضب -شنو هية بكيفة مستحيل -الله يخليك الكة حل اموت وما اقبل بي -اهدي يا عمري باجر مو عندج جامعة تعالي احجي وياج واني اكلج شنسوي -ماشي ... حبيبي.. -عمري -احبك لاتفكر شي يوم اتخلا عنك -ولا اني ياعمري سديت الخط منة ورجعت للغرفة اكيد يحيى رح يحلها نمت بمكاني وقمر كالت -اسيل علي ادك عليا وميرد ضل بالي يمة -لاتخافين تلكي راح هناك وشاف النسوان والتهة -كلكم تحكمون ع علي غلط -دوختينا بعلي طفي الضوة مو عدج دوام باجر يلة نامي ________________... قمر طفيت الضوة ورحت لغرفة علي ما ارتاح الا انام بيها بيها عطرة احس بوجودا وياي من اكون بيها كل يوم اروح لغرفتة واحجيلة كل تفاصيل يومي مثل ماتعودت وهوة موجود نزلت ادموعي نمت ع سريرة حضنت المخدة واشتم بيها متعودة علية الي يشوفني يمكن يكول مخبلة بس ماكدر انسا كل طفولتي وهو وياي خطوة بخطوة فجئة اختفى من حياة وصارت حياتي بلا الوان شلون رح اكمل بدونة وين هسة هوة شديسوي ياترا نساني لو هم مستفقدني هو هم متعود علية صوتة يرن باذني -قمورتي كلاص حليب من ايدج الحلوة -علوش كبرت وبعدك لازك بلحليب -ولي لج قابل بس الجهال يشربون رفع ايدة وهوة يشوفني عضلاتة -شوفي شربي حيلب حتى يصير عندج عضلات ضحكت بقوة وكعدت بحضنة -ههه اني ولد حتى اسوي عضلات ضربني على راسي بخفة وكال -اقصد قوة يا فهمانة وتصيرين حلوة هزيت شعري وكتلة -اني حلوة لو اشرب بانزين ضحك وكال -عسل انت عسل يلة روحي جيبي حليب انتضرج -من عيوني يا احلى اخ ______.. اوف شكد شتاقيتلك حبيبي اخوية انت غصبا عن الكل غفيت مثل العادة وعيوني مبللتها الدموع وعلي ميغيب عن بالي يتبع التعديل الأخير تم بواسطة فيتامين سي ; 05-09-22 الساعة 03:58 PM | ||||||||
|
| |
|
05-09-22, 03:20 PM
| #3 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور ٣_________٤ #البارت_الثالث وكيف حالك الآن؟ مُنقسم تماماً جزء يقاوم وجزء. منهار .. جزء يحن. وجزء يصد. جزء ينتظر وجزء لايُبالي …^^^^^^^^^^^^^^^^… ……………………………….. علي عمري 22سنة ربيت بعائلة كلش حلوة وحبيتها اعرف مو عائلتي بس همة كلشي بالنسبة الي ماتت امي من ولدتني وابوية توفة من عمري سنتين من توفة جان موصي صديقة بية الي هوة ابوية الرباني ما اعتبرة غريب طول عمري اصيحلة بابا كفلني من اني طفل ما افهم شي من الحياة ربتني خالتي ام عمر واهتمت بية وكاني ابنها واحد من العائلة جنت اعرف اني مو ابنهم وهمة هم بس بحياتهم ما فرقو بيني وبين احد ماعرف احد من عائلتي الي اعرفة ابوية ازوج مسيحية غصبا عن كل العائلة ومن ازوجها اسلمت بس رغم هشي عشيرتة تبرت منة لذالك من توفو اهلي بقيت وحيد وكفلني صديق ابوية هذا كل الي اعرفة عن حياتي جان عمري سنتين من مات ابوية وقت دخلت العائلة الي ستقبلتني بكل حب ابوية جان مسجل الاملاك باسمي وكلشي يخصة جان صاحب معمل بالتاجي وكون اني صغير بقة المعمل بادارت ابوية ابو عمر كون اني ابنة هوة جان يدير كلشي بس من كبرت سلمني كلشي وكالي هاي املاكك وهذا شغل ابوك المرحوم خلصت كفالتي الك وانت صار يعتمد عليك وانت حر بكلشي يخصك وهذا المعمل باسمك اخذت الارض الي مسجلها ابوية باسمي والبيت بس مقبلت اخذ المعمل وكتلة -انت ابوية ورح يبقى المعمل الك مقبل وعارض بس بيوم سجلتة باسمة من دون ميدري وهديتهيا -بابا هذا المعمل كبر بتعبك انت صح هوة لابوية المرحوم بس انت احق بي ورح يضل باسمك والك اعتبرة هدية بسيطة من ابنك بس رغم هشي ضل يكول هذا حقك ميجوز اكل مال اليتيم يعتبر حرام رغم اني انطتيها عن طيبة نفس ابوية ابو عمر مايربطني بي دم بس رابطنا قوي ورح يضل ابوية رغم قساوتة علية باخر فترة وحزنت من كام يشك ممكن اني اتقرب للبنات رغم اني ربيت وياهن واعتبرهن خواتي حتى لو مو بصلة الدم من اجيت للبيت جانت اسيل بعمري وعمر جان عمرة سبع سنوات واعي ويفتهم اما قمر الصغيرة جانت عمرها اقل من السنة اني وياها اقرب شخصين بطفولتها وعذوبتها صرنا احلى شي اسيل جانت تصد عني وربما حستني منافس الها او اخذ مكانها لان امي ام عمر جانت كلش تحبني وتعتني بية كلشي تغير بس كبرت ابوية وامي بدو يبعدون خواتي عني اسيل مجانت تهتم وتبتعد واصلا هية مو قريبة مني بس قمر جانت مثل ضلي ومجانت تتركني ابد حتى كبرنا والكل صار يعرف اني مو اخوهم حتى اسيل بالصدفة سمعت وبيومها كالت اضل اخونا حتى لو ميربطنا رباط الدم بس ماتاثرت مثل قمر بيوم العرفت كلش تاثرت لحد هسة اذكر اليوم الي سبب طلعتي من البيت برغم اني جنت مواعد قمر ماروح بس اهانتهم الي جانت سبب روحتي بيوم الي عمر كال -شايفني مكرن اخلي شاب غريب بالبيت يم خواتي مهما حاولت الحقيقة انت مو اخونا لذالك وجودك محرم وقمر متدري ومدتحفظ يمك معتبرتك فعلا اخوها -عمر شنو قصدك اني رح استغلها ماتثقون بية قمر واسيل خواتي وعرضي مهما يكون ابوية كال -علي لاتعبني سافر احسن الك والنا انت ابني صدكني وصعب علية الي اكولة بس الحقيقة هية انك غريب ع بناتي عمر كال -كلام الوالد صح -بس افهموني اني متعلقة روحي هنا انتو عائلتي ليش تتخلون عني بسبب شي سخيف قمر ماكدر افاركها عمر كال الكلام الصعقني -اي من البداية كولها قمر روحك الي معلكتك هنا ترة كلش زين فاهمك لاتفكر تتقرب من اختي ابوية بوكتها صاح بي -عمر الزم حدودك علي يعتبرها اختة بس اني من دا ابعدة مهما يكون وجودة مايجوز كلام عمر حز بنفسي وهوة يكول لاتفكر تتقرب من اختي كلام صريح ضاهر اني استغلالي لمحبة قمر وحبي القمر حب اخو وتعلقي بيها تعلق اخ جان وياها بكل خطوة كتلهم والغصة بكلبي لحد هسة اثرها -اني رح اسافر وانشالله اروح وما يجيكم غير جنازتي طلعت ومكدرت اقاوم دموعي نزلت شفت امي واكفة تباوعلي وتبجي -ابني اعذر عمر ترة هوة حريص على خواتة صحت بيها -خواتة خواتة خواتة فهمت واني مو اخوهن رح استغلهن هاي النضرة الي اخذتوها عني من بعد سنين رح اروح وما اشوفكم وجهي بوكتها طلعت قمر بوجهي صديتها ماريد اتاثر بدموعها ماتحمل قمر روحي الي صعب افاركها بس محد يفهم لحد هسة اذكر صوتها وبجيها طلعت من دون ما اودعها دخلت الغرفة ودعت اسيل بجت اسيل واني حضنتها -خليني احضنج لاخر مرة انتي اختي اضلين تدرين انت مو قريبة مني مثل قمر بس اني احبج واضلين اختي مهما يكون ديري بالج ع نفسج وهتمي بدراستج يمكن هاي اخر مرة تشوفيني اسيل جانت بس ادموعها جواب لهذا الموقف اتقربت من قمر جانت نايمة ماردت اصحيها وتبدي دموعها الي تاذيني بستها وكلت بهدوء -ديري بالج ع نفسج يروح اخوج ولو ادري رح تتاذين كمت وصيت اسيل عليها ماعرف شرح تسوي من تعرف بسفري بس ادري رح تنهار ومتتحمل طلعت مفتاح غرفتي من جيبي وانطيتا لاسيل -اسيل انطي لقمر اكيد رح تحتاجة -شنو هذا -مفتاح غرفتي اعرف قمر ادور ع اقل شي حتى تكون بمكان اني بي وبغيابي رح تحتاج غرفتي امانة تطيهيا طلعت بعد مودعت امي وابوية بس عمر مودعتة اجاهلت وجودة لان كلامة جان سجينة بكلبي ومستحيل انسا من ناحية اعذرة ومن ناحية ما انطي حق اتهامي رغم اني ربيت وياهم رحت لبيروت وبلشت دراستي هناك وبلشت رحلتي وحياة جديدة بمكان جديد واشخاص جدد ضليت اتواصل وية ابوية وامي بعد سفر بس وية قمر جان تواصلي اكثر بحيث باليوم الواحد اربع خمس مرات نفتح كامرة واشوفها تبجي طلعت من الكلية طبعا ادرس هندسة التقيت بصديقي السوري يزن -اهلا وسهلا فيك يا زلما شو مبارح ما اجيت ضحكت وكتلة -والله يا اخي مبارح ما كان الي خلئ من خلال عشرتي ويا بفترة قصيرة علمني احجي مثلة ضربني ع كتفي وكال -شو صاحبنا ابن العراق صاير يحكي متلنا -ههههه ماسامع من عاشر القوم اربعين يوما صار مثلهم -اي لا خيو قلبت عراقي ارجعلنا ع حكيك ولو -والله بسببك رح ضل احكي شروي غروي هههه -والله يا زلما مارح ترجع ع العراق الا وانت قالب لغتك كلا وقول رفيقي ما قال ضحكت وكتلة -لا هسة تعال اني رح ارجعك لاهلك تحجي عراقي وكول صديقي ما كال اقرب صديق مني هوة يزن اكو كم طالب عراقي جانو وياية بس مهلكد علاقتي بيهم حبيت صديقي السوري واحنة بالسيارة دكت علية قمر مجاوبت انتضرت ارجع للبيت احاجيها براحتي يزن يسوق وبس يسولف من سالفة لسالفة واني ابادلة الحديث شي احجي عراقي شي سوري خبلتة بلغتي المكلبة وهوة يضحك واحنا بطريق كال -يا زلما شكلا الفرام معطلين -شنو لا بربك -اي والله ياخيو ماعم اقدر سيطر عليها طلعت كبالنة شاحنة كتلة -يزن انتبه بسرعة لوف السيارة ع الجانب وانحرفت عن مسارها طلع كبالنة منحدر بعدها ماحس الا السيارة تتكلب بينا ________________... فزيت من النوم على صوت علي صاح باسمي دموعي كامت تنزل وكلبي كام يدك ماعرف فجئة حسيت كلبي وجعني شلت المبايل واتصلت علية وطلع مغلق ضل بالي باوعت لساعة 10 بالليل اتصلت علية الصبح وكال اني بالجامعة واتصلت الضهر مجاوب ياربي احمي رحت توضيت وفرشت السجادة كعدت ادعيلة كلبي حاسني اكو شي يارب كون توقعاتي خطأ ماتحمل يصير لعلي شي اموت اتصلت علية بعد وهم مغلق طلعت من الغرفة ورحت لبابا لكيتة كاعد هو وعمر واسامة ابوية شافني اني ودموعي خاف -بنتي شكو ليش هلدموع كعدت يمة -بابا حلمت بعلي والحلم خوفني ادك علية من الضهر وماكو الله يخليك شوفة وين عمر كال -لاتخافين حبيبتي اني عندي صديقي هناك يعرفة هسة اتصل واعرف شال المبايل ودك علية جاوبة -الو معتصم حبيبي ... بس اكلك علي شخبارة اها يعني اليوم داوم منو هذا صاحبة اوك زين هسة احنة نتصل وميجاوب بلكي اطمنة عنة انتضرك حبيبي ... الله وياك سد الخط وكال -هسة يطمني صاحبي لاتخافين يجوز مبايلة خالص شحن وطالع وية جماعتة ضليت يم بابا كاعدة وكلبي يرجف علية خايفة حيل شوية واتصل مبايل عمر رد -هلا معتصم طمني سكت شوية وبعدها وكف اني وكفت ويا عمر كال -شلون صار الحادث واني دموعي سبقتني نها المكالمة وكال -علي سوة حادث هوة وصديقا ع طريق وهسة همة بالمستشفى هذا كل العرفتة عمر كال هيج واني وكعت من طولي ماصحيت الة واسيل وامي يمي امي تبجي وتدعي يكون علي بخير اني احس روحي بحلم معقولة كل هشي صار بسرعة سفر علي والحادث كلش اثر بية فتحت عيني وبس ادموعي تنزل ماحجيت شي اسيل تحاجيني واني بالي يم علي مجرد اتخيل حياتي بدون علي احس بالخوف ماكدر اتخيل هشي غمضت عيوني وادموعي متوكف مختنكة اريد اروحلة واداوي ألمي بشوفتة بس منو ياخذني باوعت ع امي تصلي وتدعلية كلت لاسيل -بابا وين -بابا بالمطار رح هو وعمر و اسامة رح يسافر الفجر ويشوفة -وبابا ميسافر -لا بس اسامة كالة اني اطمنكم علية -ليش ما اخذوني اريد اشوفة -حبيبتي لاتخافين انشالله ماعلية شي ________________... اسيل بعد ما وصلنا خبر حادث علي الكل انخبص وجو البيت توتر الحلوة بالموضوع اسامة سافر يعني مارح يكدر يعقد وارتاحيت لهشي بنفس الوقت خايفة ع علي بالنهاية هوة مثل اخونا وربا ويانا سنين الليل كلة امي مانامت ولا نشفت عيونها من الدموع وحاطة الوم عليها وتكول اني زعلتة شفتة بالحلم زعلان ويعاتبني وابوية هم يلوم بنفسة قمر اكثر وحدة متأثرة ماتقل عن حالة امي بشي صبح الصبح علينا والكل منايم ينتضر خبر عن علي اسامة انطلق مسافر قبل ساعة وعمر ويا سافر اني جنت اريد اروح للكلية لان يحيى مواعدتة بس قمر مقبلت تروح رحت لوحدي من وصلت للجامعة التقيت بي -هلا بحبيبة كلبي -هلا رديت بحزن -شبيج اشوف وجهج حزين سوالج شي اسامة ... - لا اسامة سافر بس اخوية علي مسوي حادث بيروت وقلقة علية -يمعودة منين اجا اخوج مو كلتي بس ربة ويانا -حتى لو ربينا مثل الاخوة يعني اخوية -الله يكومة بسلامة يعمري هسة كومي خل نطلع الحمد لله ابن عمج سافر جنت شايل هم -وين نروح -لمكان حلو -لا عفية يحيى ماكدر اطلع من الكلية بلا علم اهلي -شنو ماتثقين بية -لا حبيبي مو هيج بس ماكدر -لا اسيل انت متثقين بية لو تثقين جان اجيتي وياي وانتي مغمضة زعل واجة يريد يروح لزمت ايدة -يلة ماشي بس لاتزعل طلعنا اني ويا من الكلية وكف سيارتة بمكان غريب اول مرة اشوفة بناية عالية والطابق الارضي جام بداخلي جان اكو خوف بس من ناحية مطمنة لان هو وياي اثق بي ... -يلة نزلي نزلت وهوة ماسك ايدي ويمشي فتح الباب جانت البناية فد شي روعة كلش حلوة -الله شكد حلوة -هاي البناية احد املاك ابوية طلبت من ابوية يسجلها باسمي بس هوة كالي من تخلص كلية تكون باسمك -تخبل حبيبي بالعافية مقدما -انت تعرفين ابوية صاحب xxxxات وابنية اتمنة اصير مثلة ابوية شخصية - اخوك خارج العراق مو -اي اخوية وسام الجبير دكتور هو بكد اخوج عمر -زين شعجب اخوك مو بالعراق -يمعودة هوة المستقبل زفت بالعراق فالحين بالقانون هوة درس طبية بيروت وصار اشهر دكتور -حلو زين مناوي يرجع بعد مخلص دراسة -هسة هوة بعد مخلص يريد يدرس بكلوريوس ومن يخلص يجي غير مهوس بالدراسة اني مو مثلة متشوفيني رحت عالسهل تقرب مني وحضن ايدي بايدة -اني فرحان لاني ادرس قانون والتقيت بيج لو مادرست هلمجال مجان شفتج ابتسمت ودنكت ترك ايدي وراح قفل الباب وكال -حتى محد يدخل فجئة جر ايدي وكال -تعالي اشوفج البناية هية بعدها مكاملة يحتاجلها بعد بناء بيها نواقص -حلو بالتوفيق جان ياخذني من غرفة لغرفة ويسولف وياي بالبداية جنت حاسة بخوف بعدين امنت وتونست ويا بعدين اخذني ع غرفة المكتب اطلالتها كلش حلوة للخلف اكو حديقة جبيرة سرحت بالاجواء الحلوة محسيت الا وحضني من الخلف توتر واجيت اوخر همس -اهدي ياعمري -يحيى مايصير -اشششش ... شنو الميصير انت مرتي وحلالي اني رح اطلبج من اهلج وغصبا ما على اسامة مانطاني مجال احجي وحط راسة بركبتي انفاسة الحارة صهرتني بمكاني شعور ماكدر اوصفة حسيت نفسي ذبت بلمساتة ومكدرت ابعدة باوع بعيوني وكال -دخيل الله شكد اعشق هل نضرات قرب وجهة مني وصار قريب كلش ابتعدت بس هوة سحبني وطبع شفايفة ع شفايفي بالبداية قاومتة بس بعدها حسيت نفسي ذايبة بلمساتة وبادلتة صحيت ع روحي وهوة يتجرء اكثر بحيث وصل لقميصي عدلت شعري وكلت -لا يحيى كافي هشي غلط ابتسم ونضراتة كانت غريبة شلت جنطتي وكتلة -يلة خل نروح طلعنا من البناية واني محجيت شي ضليت ساكتة ماعرف تندمت ع الصار ملازم اخلي يلمسني بالنهاية احنة مو مزوجين لزم ايدي فزيت كال -حبيبتي اسف ... اذا ضوجتج بس تعرفين انت حبي وكل حياتي لاتفكرين اني اتسلى بيج انت حلالي ابتسمت براحة من كلامة وطمني وخر شعري من ع اكتافي وكال هاي اثار حبي جمدت بمكاني اثار حبه شنو سحبت المراية وباوعت ع ركبتي -عزززة يحيى هاي شمسوي ضحك -شبيج غير بصماتي هاي بصمات ملكيتي عليج -ولك لو ماما تشوفهن تموتني وقف السيارة وحط راسة بركبتي واني ادفعة -لا يحيى بعد شنو هاي ما موخر الة وهو مسويلي علامات -يحيى شسويت -هههه مو اكلج ملكيتي غطيت الاثر بشعري وكلت -عفية بعد لاتسويها -تدلل حبيبتي الخجلانة نزلت من السيارة ع بعد مسافة من بيتنة حتى لحد يشك اول موصلت شفت اسامة بالباب وعيونة بكصتة كلبي وكع بين رجلية #البارت_الرابع من يقنع الإنتظار إن قدومك مستحيل …^^^^^^^^^^^^^^^^… ……………………………….. قمر طول اليوم قلقة وادموعي مانشفت دخل اسامة وكتلة -اسامة ليش مسافرت -عمر سافر بمكاني اني مارح اسافر لاتخافين عمر رح يطمنة -كلة بسببهم همة قهرو وخلو يروح اذا صار الة شي اموت اسامة كال -اسيل وين -راحت لدوام -يادوام هذا هسة تخليني احجي اخوها مو بالمستشفى مكدرت تلزم روحها وتبقى ولو اني اعرف سبب روحتها عبالها سافرت والجو فرغلها اني اعلمج كعد بالصالة وكال -عمي وين -بابا نايم خطية الليل كلة كاعد ومكدر ينام لا هو ولا ماما -زين سويلي جاي راسي رح ينفجر انتضر اختج الغضب طلعت اسويلة جاي وهاي اسيل اتاخرت وين راحت بسلا طلعت وية يحيى الا اجيب مصيبة لروحها واني افكر بيها طبت اسيل وجها مخطوف لونة واسامة خازرها صاح بيها -وين جنتي -بالجامعة يعني وين وانت مو علساس تسافر -اي مو اعرفج تردين تخلصين مني ما اسافر ع كلبج موضوع العقد رح ااجلة بس لاتفكرين نسيتة فجئة وخر شعرها وهوة يباوع ع ركبتها وكال بغضب -هاي شنو اسيل ابتعدت وهية مرتبكة وكالت -شنو ...؟! -شنو هاي الاثار بركبتج -ااا هاي حساسية موصح قمر اني ماعرف شي بس هزيت راسي مؤيدة هو كال -اسيل لو للحظة طلع الي ابالي صح موتج ع ايدي طلع واني صحت ورا -اسامة الجاي -ماريد زقوم طبت اسيل وهية خايفة -اسيل شنو هاي الاثار صاحت بية -مو كتلج حساسية صعدت فوك وعافتني جوة واني اعرف اجذب يالله معقولة اسيل عدها هيج سوالف .... لا مستحيل ________________... اسيل وكع كلبي بين رجلية واني اشوفة مو علساس مسافر شجابة وصلت يمة وهو جرني طببني جوة. وصاح بية -وين جنتي -بالجامعة يعني وين وانت مو علساس تسافر -اي مو اعرفج تردين تخلصين مني ما اسافر ع كلبج موضوع العقد رح ااجلة بس لاتفكرين نسيتة دنكت واني متوترة من وجودة فجئة بعد شعري وكال وعيونة غاضبة ونضرتة تخوف -هاي شنو بداخلي متت خوف وسويت نفسي ماعرف شسالفة -شنو ...؟! -شنو هاي الاثار بركبتج كتلة بتوتر وخوف -ااا هاي حساسية موصح قمر قمر هزت راسها مؤيدة هو كال -اسيل لو للحظة طلع الي ابالي صح موتج ع ايدي كلامة خوفني يالله يمتة اخلص منة طلع وقمر صاحت ورا ع الجاي وهو زمخ بيها شايف حالة دخلت جوة وقمر كالت -اسيل شنو هاي الاثار صحت بيها -مو كتلج حساسية ورحت صعدت فوك شاردة من اسئلتها سديت بابا الغرفة وحطيت ايدي ع كلبي وكفت كبال المراية وباوعت ع ركبتي صايرة حمرة ابتسمت واني اذكر لمساتة جان شعور حلو واني صافنة رن المبايل بصوت رسالة فتحتها طلعت فديو شغلتا وكفت مكاني مصدومة واني اشوف الفديو الي صعقني اني ويحيى تصوير وهوة يبوسني وكلشي صار بينا دموعي كامت تجري ع خدي واطرافي كامت ترجف رن المبايل باوعت يحيى جاوبت بصوت يرجف -يحيى شـ... شنو هاي -عجبتج المفاجئة -يحـ... حيى. كول دتشاقة -لا ياعمري ما اشاقة هذا الفديو بكل سهولة اكدر انشرة بالكلية وبالنسبة لوجهي مشوش علية ومحد يعرفني وكعت بالكاع وصرخت بي -يحيى ليش هيج تسوي -هيج احب اتونس -الله يخليك يحيى لاتسوي بية هيج مو كتلي احبج ضحك بصوت عالي وكال -وانت صدكتي منو يحب وحدة قليلة شرف سلمت روحها -يحيى تعرف كلش زين اني شريفة وانت تقربت مني -اي اني تقربت وانت سلمتي نفسج لان رخيصة صرخت بي وجسمي رجف -يحيى .... -نصي صوتج ... ها وصح باجر بنفس الوقت تعالي -مستحيل تحلم اجيك -هههه لعد انتضري الفديو ينشر سد الخط بوجهي وخلاني بحالة ذهول وصدمة ممصدكة كل الي ديصير وياي ياربي شسويت بحالي اني دموعي جانت تنزل واني افكر شسوي باجر وصلتني منة رسالة -حبيبتي ياويلج تخبرين احد ماتردد لحظة انشر الفديو وسمعتج وسمعة اهلج تصير بالارض قريت الرسالة وصرخت ودموعي تجري سمعت صوت خطوات ع الدرج مسحت ادموعي بسرعة وكمت فتت للحمام فتحت الدوش وكفت جوة المي اني حقيرة سلمت نفسي الة انخدعت بحبة شلون اطهر نفسي من لمساتة ياربي تندمت بكد شعر راسي لاني حبيتة شكد غبية اني طلعت من الحمام بهدومي المبللة قمر شافتني وركضت علية -ولج خبلة وين طالعة هيج الجو بارد ترة مو مثل قبل احنة ع ابواب شتة انطتني المنشفة واني كعدت بالكاع ابجي بصراخ ماتحمل الي صار وياي كلما اذكر اتمنة لو ميتة قبل هشي قمر تهديني وتسأل -حبيبتي بس اهدي شصار كولي اشرتلها ع مبايلي باوعت ع المبايل وشالتة -شبي المبايل لزمتة وايدي ترجف فتحتلها مقطع الفديو وهية شافتة شهكت بصدمة وكالت -اسيل هاي شنو الله يخليج لاتكولين هذا صدك هزيت راسي وحضنتها دفعتني بقوة وكالت -اسيل متوقعت منج تنزلين لهل مستوى اني شكتلج مو كتلج لاضيعين روحج بحبة بس لا ركبتي راسج وحبيتي رفضتي اسامة علمود هذا هزت كتفي وهية تصرخ علية -لج انت الجبيرة الواعية شلون هيج تصرفين كليلي هاي اثار هوة هيج سوا مووووو هزيت راسي بدون صوت بس ادموعي تشرح حالي ودماري قمر رفعت ايدها وضربتني لاول مرة مصديتها اني استاهل -هسة شلون رح يفضحج مو هددج -اي ويريدني اروحلة ضربت ع صدرها وكالت -لاتكولين رح تروحيلة -شسوي لعد -مستحيل هسة اكلة لاسامة. لزمت ايدها واتوسلها متكول الة الصار اسامة بس يعرف يذبحني -الله يخليج لاتكولين الة اسامة رح يموتني غير عن هاي مارح يرحم يحيى -بعدج تفكرين بالسافل يحيى بعدج لج حطي عقلج براسج -لا ولج ما افكر بي اسامة يموتة ويتورط ماريد بسببي ينضر الله يخليج افهميني سحبت المبايل مني وكالت -اني رح اخبر اسامة لاتحاولين توكفين بوجهي كومي بدلي هدومج لاتتمرضين ________________... قمر الي شفتة اليوم صدمني شلت المبايل واباوع ع الفديو مترددة اكول الاسامة ماكتلة خايفة لايتهور مر اليوم بطولة واني افكر بالموضوع واسيل تتوسل ما اكول تعبت حالتها ودموعها مانشفت حتى حرارتها ارتفعت حيل وكامت تهلوس بكلام ممفهوم ماعرف الومها لو انقهر عليها من جهة حالة علي اتصل عمر بليل وطمنة كال اصاباتة مو خطرة بس صديقة حالتة خطرة اطمنت من عرفت علي بخير رحت للغرفة لكيت اسيل ترجف ومتكورة ع روحها ركضت عليها شفت حرارتها فول -اسيل ... اسيل اصحي ياربي رح تموت رحت سويتلها كمادات وانطيتها دوة واني ابجي ماكدر اكول لامي يكفيها حالت علي الي هدت حيلها ضليت طول الليل كاعدة يم اسيل محتارة شلون ارجعها لحرارتها الطبيعية ومحتارة شسوي ويحيى يطلب منها تروحلة لو ينشر الفديو خايفة اخبر اسامة ويتهور ويسوي جريمة كعدت الصبح ع صوت اسيل تبجي فزيت لكيتها لازمة المبايل وترجف -الله يخليك يحيى امسح الفديو وتركني بحالي ليش هيج اسوي ماشي ماشي اجيك بس لاتنشر الفديو سدت الخط وكالت -قمر اني نتهيت لو اروحلة لو ينشر الفديو شسوي سمعت صوت عمر يكول -لاتخافون زين وصحى اطمنت علية واجيت طلعت من الغرفة -عمر شو رجعت علي وين -علي زعلان وميقبل يجي يكول خلوني هنا اني اطمنت علية وصيت عليه جماعتي لاتخافون ابوية كلة -ليش ما جبتة -معند ميقبل يكول ماريد ارجع خاف ااذي خواتك ماعرفت شكلة لان فعلا اني غلطت بحقة المهم الحادث مو خطير وعدة ع خير بس خطية صاحبة السوري وضعة خطر ويمكن يفوت غيبوبة امي كالت -خطية الله يكومة بسلامة راحت امي تحضر ريوك وعمر دخل يرتاح بغرفتة جانت الساعة حوالي التسعة الصبح وابوية راح لصالة اني رجعت للغرفة واسيل كاعدة بمكانها تبجي اتصلت باسامة -الو اسامة اسيل رفعت راسها وتاشرلي ما اكول -اسامة محتاجتك الله يخليك تعال للبيت بس ماريدك تحسس بابا او عمر اكو شي كال بقلق -خير قمر قلقتيني -هسة انت تعال وتعرف سديتة واسيل كالت -انت تخبلتي تردين اجيبين نهايتي -اسامة يحبج مرح ياذيج حتى لو عصب بس اكيد رح يلكة حل انت رح تنتهين لو رحتي ليحيى شمدريج شنو نيتة -قمر الله يخليج لاتخلين اسامة يكتلني اعرف غلطانة بس اسامة مرح يتحمل كعدت يمها وحضنتها ورة ربع ساعة اجة اسامة رحت استقبلتا وعيونة تحجي القلق اشرتلة يصعد فوك ابوية وامي وعمر جانو كاعدين اسامة كال -اني استرخص طلع من الغرفة واني ورا -شكو قمر قلقتيني -تعال بغرفة اسيل نحجي -اسيل شمسوية اكيد مسوية مصيبة مشة كدامي واني امشي ورا افرك باصابيعي من التوتر قبل لا ندخل صرت كبالة -اسامة الله يخليك كون هادئ وياها اسيل مريضة تحولت ملامحة من العصبية للقلق والخوف اعرف بي يحبها دخل بسرعة ________________... اسيل كاعدة وانتضر موتي اعرف اسامة مرح يرحمني من بعد عملتي السودة دخل الغرفة واني اخذتلي زاوية من السرير وجسمي كلة يرجف بدون ارادتي ودموعي تصب تقدم نحوي وملامحة كلهن خوف اكيد بعدة ميعرف بس من يعرف رح ينهي حياتي وميباوع بوجهي شكد تندمت لان فضلت يحيى السافل علية اجة علية وكال بقلق -اسيل شبيج صاير شي حط ايدة ع جبيني وكال -هاي شنو حرارتج مرتفعة التفت ع قمر وكال -العائلة مبين متدري ليش رجفت شفايفي واحس ريكي نشف من الخوف وكتلة بصوت واهن اتمنة لو اموت بهل لحظة واني اشوف الخوف بعيونة ما استاهل خوفة ولا حبة -ااا.. ااسامة اني وحدة حقيرة ما استاهل خوفك عليه اسفة كلتها وغطيت وجهي بين ادية ابجي حط ايدة ع ايدي وكال -اسيل شبيج اهدي شنو هل حجي قمر كليلي شنو السالفة خبلتوني قمر انطتة المبايل واني بهل لحظة تشاهدت ع روحي مرح يرحمني مالي عين حتة احط عيني بعينة بعد ما اشاف الفديو كال -اكيد هذا موصدك اسيل كولي واحد مسويلجيا ومو صح منو السافل الي سوا هسة اموتة بس كليلي منو هذا الي بالفديو قمر كالت -هذا الفديو صدك قمر كالت هيج ما احس الة واسامة جرني من ايدي بقوة رفعت راسي وصارت عيني بعينة عيونة حمر ودمرات وجهة مبينة كال بغضب حسيت اذني انطرشت -للللج اسيل شنوووووو هاي انت صدك هيج لج ليا مستوااااا واصلة قبل ما احجي اي كلمة ضربني براشدي من قوتة وكعت بالكاع قمر وكفت كدامة وكالت -الله يخليك اسامة اهدئ لازم نلكة حل لا تاذيها دفع قمر وكال -مااااااذيها شنو اليوم موتها ع ايدي جرني من شعري وصرخ بية -اسيل كليلي هشي جذب اصدك بس لاتكليلي سلمتي نفسج كتلة بصوت يرجف -اااني حبيتة اسامة بس متوقعت هيج يسوي صرخ بصوت رج البيت رج -كوليلي جذب -صدكـ ما ان كملت الكلمة حتى ضربني براشدي ثاني اقوى قمر بعدتة وكالت -اسامة لاتسوي هيج اسيل مريضة -لج قمر ترديني اشوف السافل بعيني يلمسها وتكليلي مريضة عساها بالموت يكون احسن تتخيلين هل منضر شلون خنجر بكلبي منو هذا احجي قبل ما احجي قمر كالت -يحيى وهسة ديهددها ينشر الفديو -حلو حلو صارت تهديد يعني سمعتج صار بالاراضي من يمتة علاقتج بيحيى من يمتااااا جان يحجي بحركة وصوت عالي -وناوية ترحيلة حتى يكمل الباقي موووووو تمنيت الكاع تنشك وتبلعني ولا اكون نازلة لهيج مستوة كعد يمي وكال -جنت اشوفج اسيل العنيدة حبيبتي البنية الي ما تمنيتها الة زوجة الي بس طلعتي وحدة **** ماتستحقين ولو ذرة من حبي الج شلون سمحتي لنفسج تنزلين لهيج مستوا وسلمتي نفسج انت خيبتي ضني ونزلتي من عيني سكت ثواني وجر شعري بقوة رفع راسي وهوة يباوعلي باشمأزاز لزم ركبتي وهوة ياشر على الاثار -هاي هية الاثار مو هنا خليتي يبوسج هاااااااا صاح بقوة وضغط ع ركبتي قطع انفاسي وقمر تصيح بي وماتركني حتى اجة عمر ع الاصوات العالية وبعدة عني اسامة كام يكسر كلشي بالغرفة واني متكورة ع نفسي استاهل كلشي يصير بية لو يموتني ما الومة وعمر يستفسر هوة وبابة اكيد لو يعرفون يسون اكثر من اسامة طلع اسامة وهو يكول -رح اروح انهي حياة السافل وانت راجعلج عمر صاح ورا -لك اسامة وين طالع فهمني شصاير وابوية طلع ورا امي اجتي علية -ولج احجي شمصخمة كمت دخلت للحمام بدون ما احجي كعدت جوة الدوش وفتحت المي البارد واني جوة المي البارد وجسمي يرجف سمعت صوت الرصاص برا فقدت وعي وماصحيت الة وامي يمي تبجي واسيل تسويلي كمادات اول مفتحت عيني امي دارت وجها عني -للاسف تربيتي الج ما فادات ابوج بسببج بالمستشفى كسرتي وجوهنا كدام ابن خالتي شهكت ودموعي تجري -ماما انـ... قبل لا اكمل طلعت وعافتني باوعت لقمر -قمر شصار -الكل عرف بالفديو واسامة راح تهجم ع يحيى وابن خالت امي راد يموت ابنة حط المسدس براسة وخلا يمسح الفديو بس اسامة كال مايبرد كلبي حتى انهي حياتة ابن خالت ماما كال الفديو مسحنا بس روحو غسلو عار بنتكم ترة التصرف مالتها مو هين ابني غلطان وصديتا ومسحت الفديو لان بنهاية اسيل بنت بنت خالتي ولولا هيج جان شفتو تصرف ثاني صلة القرابة شفعتلكم البنية واجبها تحمي سمعة اهلها بحفاضها ع شرفها احنا رح نسكت ومرح نفضحها بس غير ناس متسكت روحو تلاحكو لشرفكم قبل لاتصيرون ع كل لسان بعد هذا الكلام بابا اجتة جلطة وعمر حالف ينهي حياتج اسيل ماعرف شكلج بس تصرفج كلش غلط غمضت عيني وكلت -اصلا اعرف عمر مرح يرحمني واحنا نحجي فات عمر مثل الاعصار وبيدة المسدس -اي يابنت امي وابوي خليتي سمعتنا بالارض وصرتي ع كل لسان خليني اموتج واخلص من عارج جسمي يرجف وتشاهدت ع روحي لو يموتوني واخلص من هل عذاب دخل اسامة وسحب المسدس منة -اتركها عمر هاي اختك صرخ بي -مو اختي هاي العار مو اختي -عمر العن الشيطان ابوك بالمستشفى الصار صار والحمد لله اداركنا الموضوع ونهينا سالفت الفديو -وليش سهلة برايك يحيى يعيرني باختي الي سلمت نفسها اجة تهجم علية وعيونة حمر اسامة طلعة من الغرفة وسد الباب اتقرب مني وشمر المسدس كعد كدامي -تدرين شنو اسيل اكثر شي قاهرني رغم كل الي صار ورغم تصرفج كلبي بعدة يدك وينبض باسمج باوعتلة شفت عيونة حمر غمض عيونة وكال -لاتباعيلي اريد اكرهج واطلع حبج من كلبي بس غصب عني احبج انتي حب الطفولة اول موكعت عيني عليج سجلتج باسمي بس ماشفت منج غير الرفض علمود واحد ماحبج ولو ذرة خليتي يلمسج ... كال هاي الكلمة بغصة وشفت دموعه فتح عينة وكال -ليش خليتي يلمسج ويدنس طهارتج دنكت راسي ودموعي تنزل كام وكف وكال -حضري روحج اعقد عليج رفعت راسي متفاجئة بعد كل الي صار مصر يزوجني حب لو حتى يستر عليه -مامجبور تاخذني غرس اضافرة بزندي وكال وكانو كوة مسيطر ع غضبة -رح ازووجج واكرهج بحياتج لا تتوقعين يرجع حبي الج يتبع | ||||||||
|
| |
|
05-09-22, 03:21 PM
| #4 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_الخامس بارت هدية طلب من احدى المتابعات ❤️🥰 ونفس الوقت انزللكم بارت ❤️ قراءة ممتعة مُتعب، كجدار متهالك كرِه الوقوف. …_________________… قمر صحيت ع رن التلفون رقم غريب فتحت خط بدون ما احجي وصلني صوت علي -الوو رديت بلهفة -علي حبيبي شلونك -يا بعد روح علي مشتاقلج صرت بخير من حاجيتج قفزت الدمعة من عيوني وكتلة -علي محتاجة وجودك ممتعودة ع فراكك ليش مرجعت تنهد وكال -صعبة ارجع وهمة ميثقون بية بالنهاية اني غريب -لاتكول هيج لو تعرف شصار بينة من عرفو بالحادث ماما نهارت كلنة مشتاقيلك ارجع -حبيبي قمورتي وروحي وكلب اخوج لاتنقهرين اني وياج ع تواصل اسيل شلونها باوعت اسيل نايمة وتبجي بصوت خافت -اسيل زينة اسيل رفعت راسها وكالت -انطينيا احاجي انطيتها المبايل ردت -علللي وصارت تبجي بصوت عالي كانو تطلب وجودة وسندا الها ماعرف شكاللها وهية كالت -علي اني حقيرة محد يحبني كلهم يكرهوني لا علي اني غلطت اني سببت لبابا لالم واذيت اسامة سحبت المبايل منها علي كال -اسيل شبيج احجيلي رديت اني -علوش لاتقلق اسيل بخير -لا قمر صاير شي ومتكليلي شبي ابوية وشصاير -بعدين احجيلك اهتم بنفسك حبيبي -وانت هم كلبي قمورتي نهيت المكالمة واسيل كالت -انتي هم تكرهيني كلكم تكرهوني حضنتها وكلت -لاتكولين هيج -اسامة ميحبني هوة بس يريد يذلني -لا ولج يحبج بس مقهور من تصرفج اصبري وشوفي شلون رح تتحسن علاقتكم كومي وشدي همتج الي صار مجرد تجربة الج ودرس اتعلمي منة وانتبهي لحياتج وية اسامة ________________... اسيل ابتسمت متفائلة من كلام قمر لازم اخلي الي صار وياي هوة درس واتعلم منة واكمل حياتي وية اسامة هو يستحق حبي حضنت قمر -قمر ساعديني اراضي اهلي -انت نزلي اعتذري وهسة همة يتقبلوج -واذا رفضوني -لا ثقي بكلامي كمت من مكاني سبحت وعدلت نفسي مثل العادة ونزلت لكيت امي وابوية وعمر مجتمعين ع السفرة وياكلون قمر اشرتلي احجي واني كلت -صباح الخير امي رفعت نضرها الي وكالت -صباح النور تعالي تريكي جان كلام امي تشجيع الي ركضت عليها وحضنتها -ماما اسفة سامحوني باوعت ع بابا مدنك راسة نزلت يم رجلة وبست ايدة -الله يخليك بابا سامحني بس هل مرة امي كالت -مسامحيج بنتي مسامحيج بس الي سويتي مو قليل لو تدرين شصار بينة من ابن خالتي حاجاني بتصرفج اريدج تكونين واعية احنة نثق بيج وكسرتي ثقتنة والي ينكسر ميتصلح ابوية كال -اسامحج بس شرط -امر بابا -ابن عمج اسامة طالب ايدج توافقين هو شاريج ويريدج وكدام كل الناس تعرفين شنو معنى هشي يريد يثبت للكل انت شريفة ويعلن كدام كل واحد جاب طاريج بشين انت زوجتة وفخور بيج هزيت راسي موافقة وبداخلي ضميري يانبني ما استحق حب اسامة -موافقة بابا حط ايدة ع راسي وكال -الله يبارك بيج ويسعدج ارفعي راسي يابنتي يلة كومي كعدي ع السفرة وصيري واعية وانسي الي صار واعتبري مجرد درس فرحت لانو ماما وبابا سامحوني بس عمر كام من ع السفرة وكال -بالنسبة الي مستحيل اسامحج دار وجها وطلع ابوية اشرلي اكعد كعدت واحس بغصة عمر اخوية الجبير ما اتحمل غضبة علية كعدنة بشكل عادي ع الريوك كل واحد متفرد بافكارة واني ماعرف شرح يصير بمستقبلي بعد الي سويتة اسامة مرح يخليني ادرس يمكن واحنة نتريك دخل اسامة ابوية رحب بي هو بس شافني كال بامر -اليوم مو جامعتج ليش ما رايحة تفاجئت من كلي هيج توقعت رح يكعدني بالبيت كعد كبالي وكال -شوفي اسيل الي سويتي غلط ولاتفكرين بهذا الحجي سامحتج او نسيت الي سويتي كلبي متاذي من الي شفتة بس ركودج بالبيت وعدم دوامج رح اثبتين ليحيى السافل انج ضعيفة وكدر يستغلج وياخذ الي يريدة واني ما اريد مرتي ... كال هاي الكلمة وشد عليها واني باوعتلة -ماريد مرتي تكون ضعيفة حتى لو غلطانة تصلح غلطها واذا ترديني اسامحج وكلشي يرجع طبيعي ارجعي اسيل الي اعرفها هل مرة رح انطيج فرصة ولو غلطتي يا اسيل رح انسا عندي كلب شي يوم حبج كلامة جان تحذير وتشجيع بالنسبة الي كذالك فتحلي الطريق حتى اكدر اكسب ثقتة من جديد ابتسمت وادموعي تجري جنت رح اخسر انسان رائع مثل اسامة شكد جنت غبية بحبي ليحيى دار وجها عني وكال -كومي تحضري اوصلج كمت بهمة حضرت نفسي بس خايفة من يحيى كون ما اشوفة طلعت بعد مجهزت نفسي لكيت اسامة ينتضرني برة قبل لا اطلع لزمتني امي -اسيل حطي عقلج براسج ولاتخسرين اسامة رغم اخطائج سامحج وانطاج فرصة لاتخسرين حبة هزيت راسي ومشيت شكلة غاضب وعاكد الحواجب كعدت ليكدام يمة حرك السيارة وطول الوقت ما حجة شي مركز ع الطريق من صرنة كدام الجامعة اجيت انزل لزم ايدي حسيت برجفة من لزم ايدي وتلبكت كال بصوت هادئ -اهتمي بنفسج ولاتنسين اليوم بعد الدوام نروح نعقد بالمحكمة جليت صوتي وكلت -بس نعقد ما ... ماكو عرس يعني -ليش شنو ماخذج فصلية رح تصير كل مراسيم العرس حسب الاصول خطبة وحنة والعرس ابتسمت ودنكت اسلوبة وتعاملة وياي حلو همزين انطاني فرصة بعد صمت ثواني كال -كلشي رح يصير حسب الاصول كدام الكل وطبيعي بس لاتتوقعين اني رح اكون طبيعي الشي الي سويتي ماكدر انسا اسيل مكدرت افهم شنو قصدة يعني شنو يقصد من كلامة مافهمت كمل كلامة -يعني اقصد زواجي منج لاتتوقعين اتقرب منج بعد الي سويتي صعب حبيت اخبرج حتى لاتنصدمين بعد الزواج وتتوقعين الاكثر مني ها وصح الزواج امر انت مسيرة بي مو مخيرة ________________... علي رحت ع الغرفة الي بيها يزن سمعت حالتة مو زينة اني اصاباتي مو خطيرة لان جنت لابس الحزام بس يزن جان هوة يسوق بدون الحزام دخلت وشفت وجها عبارة عن خريطة من الكدمات والاجهزة موصولة بجسمة ومقياس النبض ضعيف دمعت عيني يزن صديقي الوحيد هنا ربي كومة بسلامة لزمت ايدة وكلت -ها ولك مو انت صديقي وكتلي مارح نفترق اشو اشوفك تريد تعوفني ضحكت ع نفسي وكلت -انت مو تريدني اتعلم سوري يلة رح احجي مثلك... ئوم يازلما شد همتك الارجال ما يبيضعفو وانت ئوي بعد ما انت بتصحى لسا في كتير حكي بدنا نحكي شوف انا كيف بلشت اعرف احكي مثلك لسا في كتير ادامنا وانا بدي علمك تحكي عراقي متلي انت بس اصحى ما قلت انك بطل انا متاكد انك رح تصحى وعم تسمعني ورح تفرح بكلامي ابتسمت واني اشوف حركة ايدة يعني فعلا يسمعني دخل الدكتور وكال -من فظلك لازم المريض يبقى لوحدة شكلة الدكتور عراقي -شوكت يصحى من الغيبوبة -بعد هشي مو معلوم بس حالتة تبشر بالتحسن وديستجاب للعلاج الله يكومة بسلامة انت من عائلتة -لا اني صديقة بالجامعة هز راسة بدون ميحجي بعدها طلعت اليوم وبعد اربع ايام سمحولي اطلع من المستشفى اتصلت بقمر -هلا قمورتي -الله شكد ارتاح من اسمع صوتك شلونك -والله اصير زين بس اسمع صوتج شخباركم اسيل شلونها -تمام كلنة زينين -اسيل شصاير وياها مكتيلي كعدت تحجيلي عن الي صار واني متفاجئ -هذا السافل يحيى بس اتمنى بهل لحظة يوكع بايدي انهي حياتة -اهدئ اسامة خلا يتربة وهسة هوة كاعد بالبيت مكسر -عمر شسوة -عمر زعلان من اسيل وميحاجيها بس ماما وبابا سامحوها تعرف كلب اهل واسامة عقد هو واسيل قبل يومين الحمد لله اسامة عاقل وانطاها فرصة بس احس اسيل موفرحانة -الله يسعدها طمنيني عنهم حبيبتي ولا تنسين تتواصلين وياي ها صحيح صوريلي اجواء العرس -علي ليش ماتجي -ماكدر عندي دراسة حياتي من اخلص اجي -بالتوفيق ياعمري نهيت المكالمة منها وشفت الدكتور نفسة الي جان واكف يم يزن صاير عصبي ويحجي ع التلفون مادري احس شايفة بشي مكان بس وين مادري ________________... اتصل بية الوالد وهوة يخبرني بالمشاكل الي سواها يحيى وكف شعر راسي من عرفت شمسوي -يابة لاتبرر لابنك ترة استغل البنية باسم الحب ابوية كال -وهية البنية معرفت تحافظ ع شرفها -والله الوم البنية بشي واحد هية وثقت بابنك وصدكت حبة اي بنية تثق بشخص الي تحبة وابنك مواعدها بزواج لذاك الحق الاكبر علية ولاتنسى صلة القرابة بينا ليش هية مو بنت بنت خالتك ابوية كال -انت مانوي تجي -والله ناوي اجي واريداسويلة كرصة اذن لسافل يحيى حتى يتعلم مايضحك ع بنات العالم نهيت المكالمة من ابوية ورحت سلمت مسؤلية المريض لواحد من الاطباء لازم باجر اسافر اريد اروح اربي يحيى لان شكلة صاير ميعرف يتصرف وابوية رجال جبير مايكدر يسيطر علية اصلا روحتي للعراق صارت ضرورية اصفي اموري بيروت وارجع باجر ________________... اول يوم بشهر نوفمبر الجو بارد والدنيا تمطر طلعت من البيت اروح لجامعة ركضت وراية اسيل -لج تعالي وين رايحة الجو بارد وين اكو دوام -ما معليج بعدين اني مزاعلتج البارحة بخطبتج مانطيتيني الفستان الي عجبني -لا قمورة لاتزعلين حبابة كلشي ولا زعلج عود بالحنة انطيجيا بس هسة فوتي دتمطر -لاتخافين مطر خفيف هسة يوكف وعندي مظلة طلعت من البيت واني شايلة المظلة اباوع ع الطريق فارغ الساعة سبعة ونص الصبح رح اتاخر ع الجامعة مشيت مسافة وكفت ع الشارع انتضر تجي تكسي تاخذني اشو الجو تغير وصارت عاصفة قوية والمطر زاد عزة تورطت لو سامعة من اسيل ومطالعة اجيت اعبر الشارع وكفت كبالي سيارة جريت نفس وبسرعة صعدت للخلف باوعلي بالمراية وكال -شنو القمر شمطلعة بهيج وكت فكيت حلكي متفاجئة وكلت بعفوية -انت شلون عرفت اني اسمي قمر سكت ثواني وبعدها ابتسم وكال -اني بس اشوف الواحد اعرف اسمة -لا تشاقة اكيد تعرفني -هههه لا جديات اقصد القمر يعني القمر بذاتة بس طلعتي صدك اسمج قمر عوجت حلكي معاجبني ودرت وجهي -ع حضي الجو انكلب -ماكتيلي وين رايحة -جامعة ابن الهيثم -اها انت طالبة يا مرحلة -اكلك شو انتة اخذك الواهس سوق وبلا لغوة اعرف اصحاب التكسي امثالك وكف السيارة وكال -هوب هوب وين رحتي ترة اني مو تكسي اشتغل عندج بس شفت الجو مكلوب وكلت خطية اخذها بس شكلج قليلة ذوق بدل ماتشكريني اطولين لسان هاي انت متعودة اجادلين بالعالم -لا والله مامتعودة اجادل بالعالم لان اول مرة اصعد وية قليل ذوق مثلك - ع فكرة اني مو قليل ذوق مثل ماتشرفتي دكتور والحمد لله بس شكلي ممتعود ع العراق بعدني للاسف شكلج انطيتيني نبذة موحلوة عن العراقيات شهكت وكتلة -اني اصلا استغربت انت واحد عراقي ومنا وبينا بس شكلك واحد مدلل مامتعود ع العراق طبعا رابي بالخارج وشكلك اصلا مو دكتور لو كايلي فلاح جان صدكت استدار علية وهوة مقطب حواجبة وباوعلي بنضرة صعقني بيها يبو ما انكر نضراتة صهرتني بمكاني رجفت شفايفي وكتلة -خل انزل بالمطر احسن الي ولا اكمل وياك قليل ذوق نزلت من السيارة واني ادردم شايلة كتبي والمطر قوي والريح قوية الة شوية اطير وية الهوة علما وصلت الجامعة رجلي صارت خيوط لان مالكيت تكسي باوعت لساعة ثمانية ونص فاتتني اول محاضرة دخلت للجامعة واستقبلتني صديقتي رسل -والله عبالي متجين هاي شصاير بيج -اسكتي حتى المظلة صارت عوجة من كثر ما ضربها الهوى وتنكعت ضحكت رسل وكالت -دير بالج عليها لاتسخن ضحكت باستهزاء وكلت -يلة شكد دمج خفيف امشي اصلا اليوم يكفيني التقيت بواحد متعجرف عكرلي مزاجي سوالي نفسة واحد صاحب نخوة وانقهر علية وصعدني ويا طلع حضرتة دكتور شايف حالة لا و جاي من الخارج كمت اقلد علية واني امشي معصبة ورسل تضحك مشى يومي عادي بس قريب ما اريد اطلع من الجامعة استفقدت مبايلي -يا ولج رسل مبايلي ماكو يارب كون ناسيتة بلبيت ولا مضيعتة ________________... وسام طلعت من المطار بعد وصولي من بيروت مباشرا واستقبلني السايق الخاص اخذت السيارة وكتلة يروح حاب اني اتفرج ع معالم بغداد مشتاق للعراق الجو اليوم بارد بداية الشتا وكاعد تمطر قوي واني اسوق شفت من بعيد بنية تضوي مثل الكمر وشعرها يطاير وية نسمة الهوة كلت وية نفسي القمر شنزلة وكفت السيارة كدامها وهية شكلها محتارة تريد تكسي وشارع فارغ بسبب سوء الجو اول موكفتها صعدت بدون تردد لا والاحلى من كتلها -شنو القمر شمطلعة بهيج وكت ردت متفاجئة وملامح الذهول كلش لايكتلها -انت شلون عرفت اني اسمي قمر سكتت وكلت حلو طلعت صدك قمر اسم ع مسمى كتلها واني مبتسم -اني بس اشوف الواحد اعرف اسمة -لا تشاقة اكيد تعرفني -هههه لا جديات اقصد القمر يعني القمر بذاتة بس طلعتي صدك اسمج قمر عوجت حلكها معاجبها ودارت وجها تباوع من الجامة -ع حضي الجو انكلب سألتها -ماكتيلي وين رايحة -جامعة ابن الهيثم سالتها من باب التعارف واني جنت بيروت عادي هلشي بالنسبة الي -اها انت طالبة يا مرحلة شو هاي كبت بوجهي عاصفة مو بنية -اكلك شو انتة اخذك الواهس سوق وبلا لغوة اعرف اصحاب التكسي امثالك انوب عبالها تكسي وكمت اجادل وياها وشكلها مو سهلة ام السان طويل اصلا يمكن جنت حاب اجادل وياها عجبتني حيل لا وقوية يمة نضراتها مو نضرات تكلك سهام صوبت كلبي نزلت من السيارة معصبة وكملت طريقها ضليت اضحك عليها بس لو اعرف هاي البوة منين واني اسوق سمعت رن مبايل بس مو نغمة مبايلي استداريت ع المقعد الخلفي مبايل ابتسمت شكلها البوة نست مبايلها القمر مالتي ضحكت وشلتا مرديت جان المتصل علوش منو هذا علوش معقولة صديق لو حبيب لو خطيبها اوف وشعلية بس شلون ارجعا الها خطية يلة ماعليا هسة باجر ارجعا اروح لجامعة كالت ابن الهيثم بلكي اشوفها والله وحلوة لو اشوفها صدك اريد اذوب بنضراتها وصلت للبيت استقبلني ابوية وريحة طبخ امي فد شي شكد مشتاقلهم الغربة مو حلوة -هلا هلا بابني الغالي نورت بغداد بطلتك ابتسمت وبست ايدة اجتي ختام اختي الصغيرة عمرها 13 -هلا باحلى اخ بالدنيا كلها مشتاقتلك -هلا بعمري اني الاشوق فتت للبيت من المطبخ تلكتني امي بلهلاهلا وصلاوات جني عريس عيونها مدمعا وبوستني بست راسها واديها كلت -هلا برويحة الجنة هلا بست الحبايب حضنتني وهية تبجي -ولك حبيبي شلون تبعد عن امك سنين -ها يوم شو تبجين -يمة خليني ابجي واشمك وليدي ماكلت امي تموت ماتشوفني بعد -اسم الله عليج يومي قبل يومج عمرج طويل وتشوفين احفادج -يمة هذا الوليد العاقل مو هذا الخبل الي ورطنا وية الكرايب وضيع ماي وجهنا دخل يحيى وكال -اها نبع الحنان بدينة شلتي غيبتي كمت علية وبشقة جريتة من قمصلتة -تعال ولك صايع لاتخابر لاتسال شنو هاي السمعتة عنك -والله بزعتوني كل شوية محاسبيني هية وحدة *** عصبني بكلمتة وانطيتة لكمة ع وجها وصرخت بي -احتشم شو ماعندك احترام لاخوك الجبير وابوك وتفشر ع بنت الناس وجمالة كرايبك مو تعرف امها بنت خالت ابوك شلون هيج اسوي لو ما انت خادعها باسم الحب تصرف مثل ولد الشوارع ولا جنك ابن اكبر رجل اعمال وابوك الة صيتة وسمعتة بغداد عار يحتاجلك تربية يحيى واني جاي هنا اريد اربيك من جديد #البارت_السادس أُحب أن أنظر إليك ولست من عشاق النظر إلى وجوه الأخرين ولكنك مُختلف و ما يُزيدك إختلاف أنك لا تدرك ذلك ولا أعتقد أيضًا أننى مُغرم بك ولكن فى كل مرَّه أنظر فيها إليك أشعر انني مهوست بك …___________________… رجعت للبيت وكلبت الغرفة ع المبايل وملكيتا وين حطيتة ماعرف كعدت ابجي اسيل كالت -هاي شبيج هوة مبايل -لج ثولة اني ع المبايل بي كل صوري واذا راح المبايل يعني راحت صوري اسيل كالت -عزة بعينج كم مرة كتلج لاتصورين بالمبايل بس انت غبية -يارب كون ينكسر كون محد يشوف صوري يارب مر اليوم واني بالي يم المبايل وين راح اجاني بابا كال علي يحجي وياج -ولج ليش متردين اتصل ومجاوبين -علي مبايلي ضاع -لا صدك تحجين -اي والله -لاتكولين صورج بي -اي صاح بية -لان انت غبية كم مرة كتلج لاتصورين بالتلفون بس انت غبية هسة راح المبايل شمدريج بيد ياسافل وكع واحتمال يكدر يفتحة كمت ابجي وهوة كال -اسف اسف حبيبتي لاتبجين بس غير لمصلحتج -علي يعني هسة صوري راحو رح ينشروهن -الله لايكولها انشالله تلكي بلبيت حجيت ويا شويا وبعدها سديتا والليل كلة منمت افكر بمصيبتي والف حسبة ابالي فجئة فزيت واني اذكر هذاك الي اجادلت ويا معقولة نسيتة بسيارتة اوووف تعبت من التفكير طلعت من الصبح لدوام اليوم الجو معتدل عكس البارحة انتها الدوام واني هم قلقة بموضوع المبايل من طلعت شفتة نفسة وكف كبالي شكهت متفاجئة وكلت -انت .... دنك المستواية وحط عينة بعيني خجلت وبعدت نضري عنة -خير شنو حضرتك لاحكني مد ايدة وهو شايل المبايل -هذا الج نسيتي واجبي ارد الامانة لاصحابها... لاني مو قليل ذوق شد ع هاي الكلمة اخذت المبايل وابتسمت وكتلة باحراج -شكرا ... واسفة ع الكلام الكلتة بحقك يعني اني جنت معصبة شوية وتصرفت هيج -امممم باوعتلة بعدة واكف واحس اكو حجي عندة كتلة -شكرا لانك رجعت المبايل -العفو ولو... قمر ابتسمت هوة كال -ماحابة تعرفين اسمي هزيت راسي بالايجاب ضحك وكال -وسام -تشرفت مشيت وهوة وكف كدامي -خلي اوصلج ليش مستعجلة -هااا لا بس اني اروح -لاممعقولة اخليج ترحين وحدج امشي اني اوصلج والة مااسامحج رفعت حاجبي وكلت -ع شنو اسامحني -ع الي اعتذرتي عنة اذا متقبلين اوصلج ما اقبل اعتذارج دنكت وضحكت -هاي الضحكة اعتبرها موافقة لو رفض -ماشي مشيت ويا وحسيت مطمنة لجانبة باوعت للمبايل اتاكد اذا كان فاتحة بس الحمد لله شكلة ما شايفة مكالمات فائتة من علي خمسة ورسالة كاتبلي ردي وينج ضل بالي كتلة لوسام -شعجب مارديت ع المكالمات كال -ماحبيت ارد ع مبايلج الخاص وبعدين اني جنت ناوي ارجعة بما اني اعرف انت صاحبتة صحيح ماكتيلي يامرحلة طبعا السؤال الي خلاج تتهجمين علية بس ترة مالي قصد من سؤالي مثل ما صرحتي اني متعود هيج ع كولتج تربية الخارج ضحكت -هاي شنو شايل بكلبك علية -لا بس هيج اذكرت -اني مرحلة اولى كلية التربية -بالتوفيق -وانت باوعلي وابتسم -اني دكتور مخلص دراسة من زمان -ليش شكد عمرك -اربعين كلت مصدومة -لا الله عليك -هههه ليش شكد مبين علية -امممم حوالي 28 او اكثر -اي صح 28 خوش تقيمين -العمر كلة بعدها سكتنا اشرتلة ع الفرع الي بي بيتنا وهو فات بمسافة قبل بيتنا كتلة -هنا -اها وصلتي وين بيتكم اشرتلة ع بيتنا وكتلة -شكرا ع التوصيلة وع المبايل وتشرفت بيك ضحك وكال -تعالي وين وين صار ساعة احاجيج تالي طلعتي كرايبي استغربت وكلت -كرايبك -اي انت بنت ابو عمر -اي صح منين تعرف بابا ________________... وسام تفاجئت من اشرتلي ع بيت اهلها هو بيت ابو عمر طلعت كرايبي اخت اسيل الي ضحك اخوية عليها ابتسمت وكلتلها واني اضحك -تعالي وين وين صار ساعة احاجيج تالي طلعتي كرايبي وجها بان علية ملامح الاستغراب وكالت -كرايبك؟ ! -اي انت بنت ابو عمر -اي صح منين تعرف بابا -اي طبعا غير انتي كرايبي ابتسمت وكالت -صدك بس مشايفتك يعني قرابة ماما لو بابا -لا قرابة ماما -منو .... -اذا كتلج منو اني يمكن بعد ماتحبيني عكدت حواجبها وكالت بعفوية من اسلوبها -ليش هو انت تنحب ليش حتى ما احبك رفعت حاجبي وضحكت بخجل كالت -اممم ماكتلي منو من اقاربي -اخو يحيى الجبير اني كتلها هيج وهية صفنت بعدين ضحكت ودنكت راسها -هاي ليش اضحكين -لا بس بصراحة بابا دائما يكول يحيى عكس ابو واخو اخو كلها تسولف بي دكتور واصل ومثقف بس اخو واحد ... سكتت واني كملت -واحد صايع مو ضحكت واني ضحكت وياها -ماينلام والله موقليل السوا باختج واني رجعت حتى اسويلة اعادة تربية -اي واكيد مثل متلوم اخوك تلوم اختي -بصراحة ما اكولج اختج مغلطت بس اكثرية البنات يثقون بشخص الي يحبو هوة خدعها بحب وهمي اخذ الي يريدة وعافها اخوية واعرفة سكتت ثواني وكلت -صحيح اختج انخطبت لابن عمج -اي وهوة من زمان يحبها بس هية جانت تحب اخوك هزيت ايدي وكلت -شعجبها منا ضحكت بصوت وكالت -اني هم اكول هيج عوجت حلكها وكالت -يكولون عيون الحبيب عمياء عن عيوب حبيبها واذنها صماء عن قبيح ما يسمع ضحكت من كل كلبي ع كلامها بعدها كالت -يلة اخذنا الواهس بالكلام انشالله عجايات نلتقي نزلت وعيوني تراقب خطواتها وتمايل مشيتها الهادئة وشعرها الي يتحرك وية نسمات الهوة ضجت بداخلي لان هل شعر غيري يشوفة اريد بس اني اشوفه استدارت علية ولوحت بايدها واني ابتسمت وكلبي يرجف لشوفتها اول مرة احس بضربات كلبي شكلي حبيتها وتورطت حركت السيارة بعد مادخلت للبيت ورجعت للبيت واني اذكر كلامها وحجيها والابتسامة الحلوة طبيت وهي بفكري قاطعني صوت امي -هلة هلة بصاحب الطلة الحلوة شنو سبب هل ابتسامة ضحكت وكعدت كدامها ع الميز ويحيى جان كاعد يكلب بمبايلة مامهتم لوجودي كتلها لامي -تدرين يوم توني اعرف اكو كمرين الله خالق امي ضحكت وكالت -شكلها وحدة حركت كلبك -مو اي وحدة يمة اتقربت منها وكملت -خلتني اسمع دكت كلبي لاول مرة امي ضحكت وكالت -اشر عليها وتلكاني باجر طالبتها -لايوم مو هسة بعدين يحيى كال وعينة بمبايلة -خير ياطير اشوفك كمت تروكض ورة العسل عصبني بكلامة وكلت -انلصم يحيى اني من حطيتها بالي ردتها حلالي ومرتي وما دالعب وياها مثلك ... عوج حلكة وعينة متركزة بالمبايل سحبت المبايل منة وركعت بالحايط سويتة وصل حركتة نرفزتني صاح بعصبية -هاي شسويت ارتجيت براحة عالكرسي وشربت الجاي -والله هذا الي اجة بالي نطت عيونة وية كميت البرود العندي وضرب الميز -شوف وسام لاتعرضلي عضلاتك علية ترة اني مو طفل رديت برود قاتل العب باعصابة -والله تصرفاتك تثبت انك واحد مراهق هتلي مامتربي واني حاب اسويلة اعادة تربية صاح بقوة وامي كالت -استهدي برحمان يحيى احترم اخوك كال بعصبية -ليش شو توصين احترمة ترة هو الي بدة لو شنو اني ابن البطة السودة رديت برود -لا سودة ولا حمرة كل ما بالامر انت واحد قليل ذوق امشي اطلع برة -والله ما كاعد بيتك مو اجيتنة تالي وكت من صياعة بيروت وجاي تتميدن براسي كمت وكفت ع حيلي وضربتة بلكمة كومتة بمكانة امي كامت تهديني واني شلت كلاص الجاي الحار وذبيتة ع صدرة كمز من مكانة ورفع ايدة يضربني لويت ايدة وكتلة بهدوء برود اريد احرك اعصابة -شوف ولك يحيى هاي كرصت اذن خفيفة مرة ثانية تجيك الاقوى امشي اطلع برة سحب روحة مني وكال وعيونا كلها شر -اسمع مني وسام هاي اني وهاي انت اله اخليك تندم ع اليوم الي فكرت تعاديني بي درت وجهي عنا وامي شهكت مصدومة وكالت -يا قابل اخوك امعاديك غير ديربيك -اي انتي صفي ويا اندمك وسام وكول يحيى مكال كعدت ع الميز وكملت كلاص الجاي بهدوء واني افكر بكلامة هذا غبي لو يستغبي من كل عقلة مفكرني معادي طلعت الصبح واني ابالي اليوم انقل اموري لبغداد بعد حتى اكمل شغلي فات من يم بابنا عمي ابو عمر شايل سبحتة ويمشي بثقة ناديتلة -عمي التفت ناحيتي وكال -انت وسام ابتسمت -اي عمي وسام -من شوكت ولك راجع لبغداد شلونها دراستك بالخارج -تمام التمام خلصت دراسة الحمد لله وهسة ناوي اكمل شغلي بغداد -خوش والله بس كلي خوما هناك برا تعلمت سوالف عوجة وصرت مثل اخوك ضحكت وكلت -والله يعمي اني شفت من بيروت كضيتها دراسة وهاي اني رجعت نفسي لامتغيرة اخلاقي ولا شي -ونعم منك مثل ابوك نفس الطينة والسان البق عاد مادري هذا اخوك المايتسمة عليمن طالع اكيد عرفت بسوايتة دنكت خجلان وكتلة -اي والله عمي دريت لاتخاف رح اادبة انشالله -اي يا ابني ابوك شكلة شايل ع خاطرة مني اني داعيكم اليوم ع العشا ابيتي وهو ابوك كرابتها لمرتي بعد خلينا ننسا الزعل والخلاف محلوة تصير مشاكل بسبب ولد حمار مثل اخوك ضحكت لكلام عمي يحجي بعفوية الي بكلبة ع السانة مثل قمر ابتسمت وكتلة -والله تلكاني اليوم ملبي دعوتك واتشرف استاذن مني وراح واني طلعت لشغل ________________... اسيل مرت ايام ع خطبتي من اسامة يجي دائما بس ميكعد وياية احسة يجاهلني حدد موعد العرس بعد شهر اني وامي جنة نطلع انجهز بس مجنت احس بالفرح لان ماحس لابحبة ولا اهتمامة واني محتاجتة يبينلي هوة سامحني كلما تصير عيني بعينة يبعد النضر وكانة يذكرني بسوايتي شكد تحز بنفسي بس مو بيدي احس كلبي يدك بشوفتة بديت احبة اول ميجي اطلع اوكفلة بالباب بس هوة يمر من يمي مكانة شايفني قبل جان غير هسة خطبنة بس رغم هشي مبتعد عني احسة يعاقبني اجة اليوم بليل ابوية عازمة وعازم بيت ابو وسام الي هو ابو يحيى خفت من عرفت جاين امة بس شافتني باستني بحب ماكنو صاير شي واني رتاحيت جانو جاين كلهم الايحيى ورتاحيت دخلت للغرفة بعد ما خلصت العزيمة لكيت قمر تسرح شعرها وتغني وجنها بغير عالم هاي الثانية متغيرة ماعرف شبيها هليومين وبس تصفن كعدت ع طرف السرير واني اراجع تصرفات اسامة كلبي احسة كام يوجعني ديأذيني حيل بتجاهلة رح اصير مرتة ما يوم كعد وحجينا ولا كانو مخطوبين طلعت قمر من الغرفة ثواني ودخل اسامة رفعت راسي متفاجئة وكفت دار وجها عني وكال -اجيت اكلج بما انج صرتي مرتي وع ذمتي اريدج تلبسين حجاب سكتت محجيت من طلب هشي ودنكت راسي كال بنترة -شكلة مايعجب حجي رجفة سرت بجسمي وعيوني دمعت اني محجيت واصلا ممعترضة بس هوة يريد بس يهيني باوعتلة بلوم دار وجها كتلة بصوت هادئ كوة احجي اختنكت بعبرتي كوة لازمة روحي -اني ماعترضت واصلا هشي حلو وفرحني اجة يطلع لزمت ايدة نتر ايدة مني وباوعلي بنضرة صعقني بيها متحملت نزلت دموعي وفاض بية الالم وكتلة بصوت يرجف -انت ماتحبني وتكرهني ليش تجبر نفسك انك تزوجني اعرف غلطت وغلطي جبير بس ماتحمل معاملتك القاسية وياي كلما تصير عيني بعينك تبعد عني وتذكرني بالصار كانك قرفان من شوفتي وبكل لحظة اذكرني بالصار اعتذرت من الكل بس حياتي مدتمشي وياك بعدني راكدة ماريد شي بس اريد حبك لهفتك الي ترجع اعرف شعورك شنو تكره تتقرب مني لاني وسخة لمسني غيرك كلتها وكعدت بالكاع اشهك بقوة ودموعي مسيطرت عليهن -اسامة الله يخليك ياتموتني يا تحيني خلصني من العذاب لا انت رايدني ولا مارايدني ليش تعاقبني هشكل والله عرفت غلطي اني حقيرة وسخة بس اطلبك تسامحني حبست صوتي واني بعدني بالكاع ابجي هوة بمكانة همست بصوت وجع كلبي واني احجي -احبك اسامة لاتعذبني لاتعلقني بيك لو مرايدني ... احبك والله رفعت راسي شفت ملامحه هادئة كملت -صح ماجذب عليك جانت علاقتي بيحيى طويلة بس انت غير والله بداخلي غير مو مثلة هو احبـ قبل لا كمل كلامي نزل بمستواية قطع كلامي بحضنة الدافي اول مرة يلمسني حسيت بشعور غريب هدءت روحي ورجفة سرت بجسمي واني احس بدفو حضنة اجة يبعدني عنة جلبت بي وكلت -لا تبتعد عني حسسني بحبك القديم الي موجنت تكول انت الي والموت ميفرقنة حسيت لمست شفايفة ع جبيني واني ماعرف اوصف شعوري وايقاع نبضات كلبي غير شكل قربة مو مثل قرب يحيى قرب نقي غمضت عيوني وسمعتا كال -ماقل من حبي الج مقدار شعرة اسيل بس بداخلي سوايتج كل يوم ادك بكلبي ماصدك البنية الي حلمتها ملكي اشوفها بيد واحد ثاني هصورة مدتنمحي من عقلي مو بيدي اسيل شعور الغيرة يحرك ومن ابعد عنج جنت احس بالالم من اشوف عيونج اذكريني بالصار ماصدك حبيبتي لمسها احد قبلي من كال هيج شهكت بقوة وصرخت ابجي بحركة شكد جنت نذلة وحقيرة مجاهلة مشاعرة لسنين ومضيعة وكتي بسبب واحد سافل مثل يحيى انعاد كلشي كبالي وكانة كابوس كمت ابجي بصراخ بدون ماكدر اسيطر ع نفسي جسمي احسة صار قالب ثلج وارجف اسمع اسامة يناديني اهدئ بس مغمضة عيني بقوة اريد امحي يحيى من كبالي كلام اسامة اذاني وذكرني بنذاليتي وحقارتي تمنيت الموت كمت اردد بصراخ اسفة اسفة الله يخليك انسا كلشي انسا كلشي لاذكرني لاذكرني اسامة كال -اسيل فتحي عينج اسيل ماذكرج بس اهدي -انسا كلشي -ناسيي ماشي بس اهدي مجنت ارد ع كلامة غير بكلمة وحدة انسا كلشي وبعدني ارجف ودموعي تجري ماكدر اسيطر ع نفسي احس اعصابي تلفت كدما الصورة تكررت كدامي سمعت صوت امي تكول -شبيها بنتي اسامة -خالتي مادري متهدئ بعدني احس باصوات الكل بس بعد ماوعيت ع نفسي شديصير بية بس ضوضاء بذاني وصورت يحيى والصار متروح.... ________________... قمر شفت حالت اسيل وانهيارها ماعرف شصار بية جانت ترجف وتصرخ ودموعها متوكف مغمضا عينها بقوة وايدها ع اذنها وتصيح انسا كلشي واسامة يحاول يهديها بعدها سكنت شوية بس كامت تون وعيونها مفتحتهن مصلبة جسمها خفت من شفت منضرها وكمت ابجي وامي كامت تسمي وتقرء ايات بعد مهدءت اسيل وغفت باوعت امي لاسامة -شسويت لبنتي -خالة مسويت جنة نحجي وذكرنا الموضوع. الصار وهية صارت هيج حط ايدة ع راسها وكال -شكلها انهارت من كثر الضغط خلص لحد يذكرها بالصار لانضرة ولا عتب خل ننسا كلشي امي هزت راسها واسامة طلع بس احس بالة يم اسيل كتلة -لاتخاف اني يمها رح اهتم بيها هز راسة وراح بابا وعمر مكانو موجودين كلبي لحد هسة يرجف من صراخ اسيل حالتها مطبيعية جانت خوفتني دعيت ربي تمر هل الايام براحة تعبانة من المشاكل اتصلت بعلي وحجينا شوية بس محجيتلة الصار يتبع | ||||||||
|
| |
|
05-09-22, 03:22 PM
| #5 | ||||||||
| مراقبة عامة ومشرفة منتدى الروايات المنقولة
| _______٨ #رواية_ضاقت_انفاسي_شوقا_الي� � #الكاتبة_نور #البارت_السابع رغماً عن قلبّي أجدني اُغرم بك أجدني مفتون بكل تفاصِيلك الصغيرة رغماً عني أقع بِك ثم أجدني غارقاً بالتفكير بك تصبح دوماً في عقلي وكأنك تأبى الخروج أراك جميع الأوجه وأراك حاضراً إن كنت غائباً فقلبي لم يؤمن بوجوده سِواك ...____________________... قمر مرت الايام واني اروح للجامعة يومية ودائما التقي بوسام احسة يتعمد يجي حتى يشوفني واني افرح بجيتة ماعرف ليش هل فترة كلش تقربت منة وصرنا اصدقاء جان دائما يحاول يختلق المواضيع حتى يحاجيني احسة بس يريد يتعرف علية واني فرحانة لوجودة بحياتي ممجربة اكون صداقة وية شخص بس ابدمايوم طلب رقم تلفوني ولا حاجاني وهذا اكثر شي خلاني اتقرب منة حسيتة مو مثل اخو نهائي بس اليوم طلعت من الجامعة ملكيتة مثل العادة واكف ضجت كلت يمكن مشغول لان هلفترة يريد ينتقل لبغداد مشيت مسافة عن الجامعة فجئة وكفت سيارة كدامي الجام مظلل وسيارة حديثة اجيت امشي وبداخلي مرتبكة نزل منها وسام تفاجئت وكلت -وسام ..! استند ع الباب وكال -اي شبيج ماكو بالعافية ع سيارتي الجديدة ضحكت وكلت -مبروك شوكت جبتها -توني هاي جيتي من المعرض ادشنها بيج لان وجهج خير ابتسمت خجلانة وهوة كال -يلة صعدي اجيتج طاير خاف مالحك عليج صعدت وسئلتة -وسام ليش دائما تجيني ع الجامعة -ليش خاف ضوجتج بشـ قاطعتة بسرعة -لابس هيج مجرد سؤال -ههه مو احب اسولف وياج ونتعرف باوعلي ونزع نضارتة كمل كلامة بيها شي ابتسمت -لا مابيها -اذكرت اغنية كاظم هههه سكتت بعدها كال -اي اشوفج ساكتة -ماعندي حجي -اخاف اكلج شي وتضوجين او تفهميني خطأ التفتت الة وكلت -لا عادي شنو تنهد وكال -بصراحة احنة طلعتنا كلها من الجامعة لبيتكم اوصلج من ترجعين ليش منطلع مشوار صغير مبيها شي واني قريبكم مو غريب باوعتلة صافنة واذكرت كلام عمر -بعد الي صار ممنوع وحدة منجن تختلط وية بيت ابو وسام بصراحة ماثق بيهم حتى وسام لابد ميطلع مثل اخو قطع افكاري وسام -احم عادي شكلج متكدرين بداخلي حابة اطلع ويا شكو بيها مو غلط كلت -اها اكلك وسام شرايك نمر ع المكتبة اشتري كم حاجة نسيت اجيبهم مكدرت اكلة نطلع بنفس الوقت اقترحت فكرت المكتبة شوية نتونس ابتسم وهز راسة شكلة فهم علية ضلينا طول الطريق نسولف وصلنا للمكتبة ونزلت هو نزل وياي كتلة -انتضرني وارجع -لا شون اعوفج هنا المكتبة كلها شباب فايت وياج دخلنا سوة وهوة يمشي وراي وكانة الحارس الشخصي مالتي شفت كتاب اسمة ثنائي اوكسيد الحب وكتاب قواعد العشق عجبني واخذتهن ع مسافة مشيت شفت كتاب ابق قويا لمعت عيوني واذكرت وسام وياي سحبت الكتاب بهدوء ومشيت بعد محاسبت صاحب المكتبة كانت عينة علية ويطول بالحجي ضجت سالتة عن كتاب ابقة قويا وسعرة كالي -هدية مني لعيونج صاح بي وسام وكف كدامي -هي شو اشوفك كمت تهدي بلا هدية وبلا ماتكثر حجي شكد سعرة الرجال ارتبك وكال السعر طلعت فلوس وانطيتة وسام جر ايدي ومشى اول مطلعنا التفت لي -لاتكولين دوم تجين هنا -لا والله اول مرة -يلة صعدي رفع ضغطي ابتسمت وكتلة -معليك منة خل يولي باوعت ع الكتاب ابقى قويا وقواعد العشق احتاريت ياهوة الاهدي لوسام حطيت كل واحد بايد وضميتهن ورا ضهري وهمست -وسام -هممم -اختار واحد هاي الايد لو هاي باوعلي مستغرب وكال -شنو هوة -هيج هسة ختار رفع عينة بتفكير وكال -اليمين طلعتة طلع كتاب قواعد العشق ابتسم يباوع بعيني وكال -شنو هاي -بصراحة حبيت اهديك كتاب وحتاريت شتفضل كلت اخيرة احسن ضحك وكال -حلو خوش هدية. شكرا اخذة مني وكمل كلامة -بس ليش خيرتيني بين هذني وما خيرتيني بين ثنائي اوكسيد الحب -لان ثنائي اوكسيد الحب حبيتا ابتسم -قمر -هممم -تدرين لو تلبسين حجاب اطلعين احلى صفنت بكلامة واذكرت اسيل من كالت اسامة كلي البس حجاب فديتة مايحب احد يشوف شعري ابتسمت وسكتت هو كمل ع كلامة -اي جديات اني اتخيلج بالحجاب كلما اشوفج ابتسمتلة وسكتت بعدها وصلني ونزلت جان عمر واكف بالباب بس شافني ويا خزرني وسام ماهتم سلم عادي -هاشونك عمر عمر جاوبة من ورة خشمة -هلا تمام راح وسام واني دخلت جرني عمر قوي وكال -شسوين ويا هذا اخو السافل جاوبتة بهدوء -هاي انت كلتها اخو السافل يعني مو هوة السافل بعدين مبيها شي هوة اقاربنا ومنا وبينا جاوبني بعصبية -لج قمر امشي عدل لا بالله العضيم رجلج اكسرها وباب الحوش متشوفي دخل وابوية كال -خير شنو هلمصايح -بابا ماكو شي وصلني وسام وهوة معصب ابوية رد -شكو بيها ماكو داعي عمر عصب وضل يحجي ع يحيى ابوية ردة وكالة مالنة دخل منخرب علاقتنة بيهم علمود واحد سافل مثل يحيى بعدين اصابيع اديك مو سوة عمر تنهد وكال -عسا كلام صح وطلع وهوة عصبي اصلا احس عمر يكره وسام ماعرف ليش دخلت جوة لكيت اسيل مبدلة وتحط مكياج -ها ع خير -رح نطلع اني واسامة ابتسمت بفرح اخيرا علاقتهم تحسنت ________________... علي مرت الشهور ع وجودي بيروت تعودت ع الوضع وصار عندي اصدقاء جدد صديقي يزن السوري تحسنت حالتة بس مارجع لدوام حالتة الصحية متسمح بس اني دائما ازورة ونكعد نسولف سوة حياتي بيروت جانت حلوة رغم اشتياقي لقمر بكل لحظة رغم التواصل محتاج وجودها ومحتاج احضنها بالنهاية هية اختي حتى وان كان رابطة مو الدم وصلت لبيت يزن السوري متعود ازورة مرتين بالاسبوع ونغير جو مرات اجيب جماعتي حتى نتسلى لان اشوفة مقعد سبب الحادث ويمل امة وابو يفرحون بية واني حسيتهم عائلتي الثانية رنيت الجرص عدة مرات اجاني صوت ناعم من خلف الباب -اي اي جاية ستنا استغربت شنو عندة حبيبة لو وحدة تقربة فتحت الباب والتقت عيوني بعيونها مو عيون بحرر وغركت بي ضليت صافن بوجها شنو وين اني متوهم بالعنوان باوعت ع البيت اتاكد هذا بيت صديقي ابتسمت بهدوء وكالت -انت رفيئو ليزن جاوبتها بتوتر جني عندي مقابلة وية مديري بالعمل -ااها اي اني صديقة ابتسمت وفسحتلي مجال ادخل جانت لابسة تنورة قصيرة تحت الركب وقميص زهري بسيط وشايلة شعرها دخلت وجان يباوعلي يزن -هلا بالغالي شونك ضحكت -صاير عراقي -والله عاشرتك صرت متلك كعدت يمة بعد السلام وهمست -بس ماكتلي منو هاي بالبيت -هي بتكون اختي من ابي -الله يخليها ... بس شعجب توني اشوفها -ماهي عايشا برا البلد مع زوجا كلت بداخلي -طلعت مزوجة والله مامبين واني كاعد وية يزن دخلت وهي تقدم العصير شفتها ضلت واكفة واني اباوعلها بطرف عيني كالت بتوتر -يزن انا رح اطلع لبيت رفيئتي وضل معها كم يوم لو سأل عني احمد ئلو ما اجت ولا شفنها يزن كال -لحظة شو صاير احكيلي من اول مأجيتي حاسك مو ع بعضك -مافي شي بس بدياك تعرف اني ماعد بدي عيش معو خلص زهئت وبدي ننفصل طلعت ويزن مستغرب شكلها تقيدت من وجودي يزن كال -من يوم يومو احمد بيزعجا لاختي بدو ائتلة مرتبا على قولتك اريد امسح فينو الكاع ضحكت ع كلامة وكلت -والله وصاير تحجي مكلب -اي يا اخي ماهو زهئني مانو زلمة من يوم الي اخدا لاختي وهو كل يوم مشكلة وهية الغبية بتحبو سكتت وبعدها غيرت مسار الحجي ماحب ادخل بهيج امور بس ضلت عيونها بعيوني غير تخبل رجعت بالبيت واتصلت بية قمر مكالمة فديو -هلا يا اجمل اخ بالدنيا -هلا بعمري شلونج -باجر عيد ميلادك حبيبي -هههه تصدكين ناسي -اي بس اختك متنسة فجئة حطت ايدها الى وجها وتبجي -لاه ليش قمورتي تبجي -لان هلمرة انت بعيد عني ومارح اكدر اسويلك بيوم ميلادك الشي الي تحبا والكيك الي ازينة بايدي رح احس بفقدانك ولو اني اعيش كل يوم هلشعور بدونك كل يوم ادخل غرفتك وما اكدر انام الة بيها احس بوجودك من خلال عطرك يمتة ترجع اريد احضنك وارجع طفلة مثل قبل حتى ماتتحاسب ولايكلولك مايجوز عيوني دمعت وكتلها -حبيبتي انشالله ارجع مبقى شي كم سنة وارجع واني شايل شهادتي ونحتفل سو احبج يا عمر اخوج -واني بعد احبك باجر عدي الك مفاجئة حلوة هسة رح اروح احضر هديتك سديت منها وتمددت ع السرير صدك مشتاقلها متعود عليها احس مكانها فارغ غمضت عيني استرد كل لحظة وياها علاقتي بيها اكثر من اخوة ماتوصفها كلمة اختي وقوتي وصديقتي وحبيبتي وكلشي جانت مالية كل حياتي بضحكتها وبنضرات عيونها البريئة ابتساماتها الخجولة وغمازتها الحلوة لمن تضحك كلش اعشقها بحياتي مفكرت شي يوم بيها تفكير وسخ او جربت اقترب منها بشي محلو عشت وياها اخو ورح اضل اخو ________________... اسيل دخلت للغرفة شفت قمر تبتسم ويا روحها ضليت اراقبها بدون صوت اريد اعرف شبيها هاي الايام كلما توكف كدام المراية تتبسم شفتها شالت الشال وحطتا على راسها وهية تتمعن بنفسها تقربت بخطوات بطيئة وعليت صوتي فجئة -شدسوين فزت وحطت ايدها ع كلبها -اوووي اسيل شنو هاي فززتيني ضحكت -وين صافنة شو اشوفج بغير عالم هاي الايام ابتسمت وكالت -هيج ماكو شي ... المهم شلونها طلعتج ويا اسامة ابتسمت وكلتها بفرح -تخبل احلى يوم بعمري كعدت اسولفلها شلون اول مطلعنا وتونسنا اني ويا وشنو يعجبني يجيبة حيل فرحت من تحسنت علاقتنا جريت نفس براحة وتمدد باوعت لقمر وكتلها -لاعبالج نسيتج كليلي شنو سالفتج -اها ... لا ماكو شي شلزكتي بية حيري بروحج كالتها وطلعت صحت وراها -وين. رايحة -اريد اطلع لسوك اشتري شغلة مهمة ________________... قمر نزلت بسرعة ورحت لماما لكيتها كاعدة هية وبابا يسولفون منسجمين -ماما... ماما -ها قمورة شرايدة -ماما اريد اطلع لسوك تعالي وياي -ليش شعندج -ها مو باجر عيد ميلاد علي واريد اجيبلة هدية واشتري شغلات مهمة ابوية ابتسم وامي كالت -هوة وينة علي حتى تهدي -لا هلمرة هدية مختلفة اجيبلة وحتى وان كان مموجود اضمها الة يلة حبابا خل نروح ابوية كال -خليها براحتها روحي وياها امي وافقت وطلعنا اشتريت هدية لعلي ودخلت لمحل الملابس امي كالت -شكو داعي للملابس مو اشتريتي ذاك اليوم واني ادور ع الاريدة كتلها -اكو شغلة بالي اريدها وبعد مافريت امي عدة محلات وهية ادردم علية لكيت الي اريدة وجنت فرحانة حيل رجعت واني مشترية كومة اشياء وامي تصيحلي مبذرة وابوج نطاج عين واني عادي كانما رزالتها عسل دخلت للغرفة ولكيت اسيل كاعدة تحاجي اسامة نهت المكالمة وكالت -تعالي شوفيني شجبتي -لا مستحيل -ليش قمر اني مو شوفتج غراضي -باجر اشوفيهن مفاجئة مر اليوم طويل واني متحمسة لباجر وشلون رح افاجئ الكل كعدت الصبح بكامل نشاطي ودخلت سبحت ولبست ملابس الجديدة اشتريت تنورة طويلة موديلها كبسات قاعدتها بيضة وبيها فقاعات لونها سمائي شكلها كلش نازك بدي ابيض وفوكا جاكيت سمائي مطابق للفقاعات وكلادة سلسلتها فضي والمدالية كوكب زحل كلش عجبتني واشتريت حذاء كعب مو كلش عالي لبستهن وكفت كدام المراية مستعدة للمسة الاهم والاحلى رفعت شعري كلة وخليت الشال ع راسي واني مستعدة ومن اليوم البس حجاب اقتراح وسام بالحجاب كلش عجبني ولصراحة حسيتا يريد يكلي لبسي حجاب بس ميعرف شلون يكولها واني سهلتها علية اليوم رح يتفاجئ بطلتي الجديدة لفيت الشال بشكل حلو فعلا طلعت احلى مثل مكال باوعت ع نفسي بالمراية تغير كلش حلو شلت حزمة الكتب والمبايل ونزلت ع الدرج بسرعة لكيت العائلة تتريك كلت -صباح الخير الكل رد -صباح النور امي شافتني وابتسمت ابتسامة عريضة والدموع بعينها ضهرت بابا صلى ع النبي واسيل متفاجئة وفاكة حلكها -شبيكم صافنين حلوة المفاجئة قررت اتحجب ابوية كال -الله يبارك بيك بنتي خوش قرار وامي حضنتني وكالت -يحفضج ربي ويحميج من العين احلى قرار تتخذي ومن ارادتج محبينا اني وابوج نجبرجن ع حجاب بس انت اليوم اثبتيلي انج بنية واعية بهل تصرف اسيل حضنتني وكالت -شبيكم خبصتونا ترة غارت مني جي لبست حجاب قلدت عليها وكلت -ولي غرت منج اصلا انت اسامة طلب منج اني مني لحالي رفعت راسي بغرور واسيل حضنتني وكالت -طالعة تخبلين ديربالج من عيون الحساد عمر دخل من شافني كال -اللهم صلي ع محمد وال محمد ماشالله طالعة صدك قمر شنو هلطلة الحلوة ابتسمت بخجل ماعرف من يحاجيني عمر اخجل باس راسي وكال -احلى مفاجئة تدرون ضحكت وكلت -يلة يلة تاخرت فسحولي المجال عندي دوام طلعت وكل فكري شنو ردت فعل وسام من يشوفني لابسة الحجاب اول مطلعت شفت سيارتة من بعيد تطلع من الفرع يمكن راح لشغل ماعلية تعودت يجيني للجامعة يومية ومرات ميجي لان عندة دوام اول موصلت لجامعة صديقاتي اتفاجئو بستايلي الجديد وسارة تكلي والله معرفتج والشباب بالجامعة ناصبين علية واني مو مهتمة واني بالاستراحة كاعدة بالكافتريا كعد كدامي شاب ع المقعد درت وجهي عنة كال -انت قمر طالعة صدك قمر مهتميتلة سكتت هو كمل -اي شنو سالفة حجابج بسلا انجبرتي باوعتلة بعصبية ونترت -كيفي حرة وبعدين انت شنو هل لكافة العليك شي ميخصك جنت احاجي بنتر وصوت هادئ ولازمة كوب الكهوة بيدي مد ايدة وخلاها ع ايدي بحركة سريعة شلت الكهوة الحارة وذبيتها علة صدرة صار عصبي وجر ايدي بقوة تفاجئت حركتة بحياتة محد اجرء يصرف وياي هيج سحبت ايدي منة وصحت بي -اياك تمد ايدك علية تقرب مني كلش واني ابتعدت وهوة يتقرب والشباب والطالبات يباعون وكلما ابتعد يتقرب جرني بقوة وثبتني ضليت اتلاوة ويا اريد يتركني ماكو خفت حيل ماعرف منين جبت القوة وضربتة راشدي كلها تفاجئت واني اطرافي ترجف كتلة بتحذير -اياك اياك تتقرب مني والله اشوفك وجهي الثاني ولاتفكرني سهلة طلعت من الكافترية واني معصبة حيل لحكتني سارة وكالت -والله وطلعتي قوية كتلها وجسمي يرجف خايفة -اسكتي اني منين جبت هلقوة ماعرف متت خوف طلعت من الجامعة من بعيد شفت وسام مشيتلة بلهفة ونسيت كلشي ________________... وسام وصلت يم بابا الجامعة وانتضرها واني اخر يوم بي اجيها لان بلش شغلي الجديد وبعد لازم التزم وماكدر اترك عملي وخصوصا اني دكتور شفتها من بعيد طلعت بس تفاجئت شنو اتخيل اني هاي قمر صدك لابسة حجاب نفضت راسي ممصدك اجتي وكفت كدامي رافعة نضرها الي وكالت -مفاجئة والابتسامة مزينة شفايفها بهل لحظة من صدك تمنيت اضمها بكلبي جانت طالعة تخبل الحجاب زايدها جمال وانوثة متحملت لزمت ايدها وكلت بدون وعي -احلى مفاجئة طالعة تخبلين شفتها خدودها صارت حمر ودنكت بسرعة بعدت ايدي بسرعة وكلت -شلون مفاجئة ... يعني حبيتي اقتراحي ابتسمت وردت -اي طبعا تمعنت بالنضر لعيونها ردت اغرك بيهن لون عيونها البني وبياض بشرتها ولون الي لابستة وابتسامتها الخجولة رصعطتها الي مزينة خدها طالعة فعلا قمر ما ادري شلون سيطرت ع نفسي شلون خفيت رغبتي بيها اذا قبل جان كلبي يدك بوجودها هسة خلتني اشتعل بهلحضة بدلي اضمها واشم عطرها صعدنا بسيارة وكتلها -مبروك الحجاب اكتفت بالابتسامة كملت -اني هاي اخر يوم اوصلج لان نقلت اموري لبغداد ورح اداوم بالمستشفى من الصبح لليل واحيانا حتى نص الليل هيج يطلب شغلي كالت بنبرة حزينة -يعني اليوم توديع ضحكت -لاشنو توديع رح نضل نتواصل طلعت من جيبي رقمي وانطيتها كاتبة بورقة كالت -يعني تكدر تتواصل وياي -اي من اكون فاضي بس مرح اكدر اجيج لجامعة جنت اسوق مركز ع الطريق كالت بحزن من صوتها -رح احس بالملل تعودت عليك لوفت السيارة بغير طريق كالت -شنو هاي وين رايحين -لاهيج نتمشة واكلج بشغلة -شنو باوعت بعيونها وكفت السيارة يم النهر ع الجسر كلبي بهل لحظة ماكدر اوصف دكاتة جانت نضرتها مليانة تساؤلات تنهدت وكلت -احتمال الشي الي رح اكولة يضوجج مني او تاخذين فكرة بس مهما كان اني رح اكولج لان ماكدر اضم اكثر -وسام قلقتني شكو غمضت عيوني وكملت -يمكن غلطة اخوية وية اختج تاثر علية وتاخذين فكرة عـ قاطعتني -لا وسام انت غير يحيى من البداية جنت احذر اسيل منة بس انت رتاحيتلك وحتى بابا وماما يمدحون بيك واني اثق بيك احجي براحتك كلشي تريدة لاتفكر شي يوم اخذ منك موقف ابتسمت براحة وركزت بعيونها الواسعة وكلت بهدوء صوت اقرب للهمس -قمر .... -هممم -اااحبج من كلتها رمشت عيونها وضلت صافنة وكالت بتوتر -هاا.. شـ..شــــنو ابتسمت وكلتلها -احبج ... احبج واريدج تكونين زوجتي ماريد تفكرين اني اخدعج او اكون مثل اخوية بس انت اول بنية اشرت ع كلبي وكلت -اول بنية ملكت كلبي وسيطرت ع عقلي جنت ناوي اتقدملج من زمان بس الي مانعني سواية اخوية ومتردد من موقف اهلج وحتى موقفج بس حبيت اصارحج انت واعرف جوابج #البارت_الثامن من قال ان القتل قتل الروح فحسب فالمرءة قادرة ان تستوطن قلب رجل وتقتله بهجرانها …___________________… قمر بعد مسمعت اعترافة معرفت شكول او شرد نبضات كلبي تعدت كل المقايس حسيت لساني انربط مجرد نضرات عيني جانت تباوعلة تقرة صدق الكلام من عيونة اني بداخلي احبه لاشنو احبه اني اعشقة كل مرة من يجي اطير بشوفتة بس متوقعت يجي يصارحني تلبكت حيل وبعدت نضري وكمت افرك بايدي خجلانة حيل هوة ساق بسرعة وكال -براحتج فكري بكلامي اني طالبج واريدج تكونين زوجتي وانتي لو وافقتي تكدرين تحاجيني ماجبرج ع شي كملنا الطريق ساكتين بس صوت انفاسنا نزلت بسرعة اتهرب منة حيل متوترة ممجربة هل شعور دخلت لللبيت بسرعة وصعدت فوك كلبي يدك سديت الباب وارتجيت عليها باوعت ع الرقم وابتسمت حطيت ايدي ع كلبي يدك سريع هاي شسويت بية وسام خربطت كل احوالي اويلي كلمة احبج ترن باذني والي زادها جمال اريدج زوجتي شكد حلو هل احساس ذبيت روحي ع السرير واني مبتسمة اعيد كل لحظة عشتها ويا بالايام المضت تعلقت بي وحبيتة نضراتة ابتسامتة الهادئة رنة صوتة كلشي بي احبة باوعت ع الرقم ترددت احاجي بعدني خجلانة منة اجلت الموضوع لبين ما افكر زين لان حتى لو احبة لازم استعين بعقلي مو بس كلبي اتصلت بعلي وعايدتة واني لابسة الحجاب تفاجئ من شافني بالحجاب وكتلة تحجبت فرح وباركلي بعدها سديت منا كل تفكيري كان وسام واعترافة بالحب ومباشرتا طلبني حيل خجلت بوكتها وضاع لساني كلما اذكر احس الحرارة تصعد لراسي من الخجل ثاني يوم جنت ضايجة اعرف بي مرح يجي ياخذني طلعت وكالعادة من ع الشارع وكفت تكسي فجئة غير اتجاه الطريق كتلة باستغراب -لحظة مو منا الطريق ماهتملي وضل ساكت كلبي رجف وخفت صحت بي وصوتي يرجف -هيييي وين ماخذني .... ________________... اسيل جانت الايام تمر بطئ واني انتظر يوم زواجي من اسامة علاقتي بي تطور وكل يوم تصير احلى تجهيزاتي للعرس مستمرة حضرت احلى تحضيرات اسامة كال لاسوي عرس كلها تسولف بي اليوم اجتي ام اسامةوبناتها طبعا احس امة مراضية خولة زينة وياي وتحبني بس غدير احسها مطايقتني بس حسب ردات فعلهم مبين ميعرفون بالصار وسالفة يحيى اني هم غلست ضلينا كاعدين تقريب النص ساعة انسولف وام اسامة شوية بدت تتالف وياي اول ماجتي جانت معاجبها شي بعدين بدت تسولف براحة وياي راحت عمتي وبناتها فجئة دخل عمر مذعور وكال -قمر وين امي كالت -مادري بالجامعة -يمة يا جامعة رحت اجيبها كالو ما اجت اليوم امي ضلت تلوب خايفة وعمر يتصل بقمر ومغلق كتلة -زين اسال وسام يجوز يعرف -سالتة لان اعرف بي يوصلها دائما بس كال اني اليوم مشفتها لان بدة دوامة بالمستشفى دخلنة حالة انذار وقلق ابوية اجة مخبوص وجها اصفر وامي انهارت اعصابها من الانتضار وماكو اي خبر عن قمر ولا اي اثر ________________... قمر غير مسار الطريق واني خايفة احاجي مو مهتم يسوق وهوة ساكت اجيت افتح الباب لكيتها مقفولة شكلها من يمة كمت اصرخ وابجي اخذني بطريق رملي وكدام بناية عالية وكفني اني قطرة دم ما بقى بية فتح الباب واني اجيت ادفعة قيدايدي وحط وصلة ع حلكي خدرت بعدها محسيت ع شي كعدت واحس جسمي مكسر فتحت عيني شفت غرفة فارغة مبيها اي شي عالجانب درج وادوات صبغ شكلها غرفة ديصبغوها باوعت اني ع سرير وحدة بنص الغرفة بلعت ريك باوعت ع الباب مقفول كمت دكيت ع الباب بهسترية وخايفة حيل كعدت بزاوية تكورت ع نفسي ماعرف اني وين باوعت من الشباك شفت اني بمكان عالي شهكت اني وين شنو عمارة اباوع ليجوة الارتفاع دوخني بعدت نضري ضغطي صعد اخاف من الاماكن المرتفعة كعدت بزاوية ابجي شوية شفت الباب تحركت كمت خايفة واتفاجئ بلي كدامي تراجعت خايفة وكلت بصوت يرجف -يـ ... يـحيى سد الباب وتقرب مني واني اتراجع ليورة وكعت ع السرير صار فوك مني واني صرخت حط ايدة ع حلكي وكال -صوت ما اسمعلج هزيت راسي بخوف ودموعي تجري وخر ايدة من ع حلكي حطيت يدي ع صدرة حتى يبتعد عني لزم ايدي ورفعها صرخت -لاااا يحيى الله يخليك لاتسوي شي ابتسم بطرف شفتة واني ارجف ضغط ع ايدي بقوة واني اصرخ وهوة يكلي -بعد صرخي صرخي محد ينقذج مني نضراتة الشريرة وقربة مني متت بلحضتها اريد اقاوم وادفعة ماكدر اقوى مني حسيت عظام ايدي نطحنت من قبضت ايدة مد ايدة ع حجابي وكال -من يمتة متحجبة -وخر لاتلمسني والله اخلي وسام يموتك -ههه تخوفيني بوسام هوة اصلا بعد مارح اخذ الاريدة شيكدر يسوي فكيت عيني متفاجئة من كلامة وميتة خوف كمت اخرمش بي واتلاوة ويا وهوة يضحك جر الشال من ع راسي وتناثر شعري تخبلت من سوة هيج كمت اضرب بي واقاومة وهوة ماكو هيج برود علية ولا همة بصعوبة ابتعدت واني اتنفس بسرعة تقرب مني وجر ايدي ضربني راشدي وكعت ع رجلي سحلني من شعري واني اصرخ ذبني ع السرير بقوة وصار فوكاية ويضرب بية حسيت نفسي نهاريت صوتي اختفى كد مصرخت فقدت بين ادي ابتعد عني بعد مشافني ضعفت وكف كدامي ونزع القميص اريد اشيل نفسي ماكدر تقرب مني وخلا راسة بركبتي دفرتة بقوة وكمت بسرعة اتجهت ع الباب لكيتها مقفولة جرني من اذراعي نشك القميص شهكت وضليت اتلاوة ويا ودموعي تجري سحبت المفتاح من جيبة وضربتة مرة ثانية فتحت الباب بارتباك وطلعت واشوف كدامي كومة ادراج هو وراية يصيح نزلت بسرعة واريد الدرج ينتهي ماكو يمكن مصعدني باخر طابق اني انزل هوة وراية عثرت وكعت كمت باكوة ورجلي متألمة بس اريد انفذ منة ودكات كلبي الف اخير شي وصلت لطابق الارضي جان مكتب باوعت نفس المكان الي مصور بي اسيل نزلت لكيت كبالي الباب الجام مقفول باوعت شفت سطل مال صبغ شلتة وبكل قوتي شمرتة ع الباب اتناثر الزجاج وانكسرت الباب سمعت صيحتة وراي -اليوم اموتج طلعت بسرعة وشعري محلول وقميصي من الجانب مشكوك مجان همني شي غير انفذ وصلت ع الشارع واني اركض كل قوتي ورجلي تنزف باوعت محاسة ع روحي يمكن من كسرت الجام دست علية وجنت حافية حسيت روحي نهاريت ومابقت بية قوة كمت امشي بالكوة كانو هسة بدة الالم علية طلع بوجهي سيارة مكدرت اوخر عن الطريق استسلمت وكعت من طولي اتنفس بالكوة واشوف الناس حولي اجمهرت ________________... وسام جنت مشغول بالمستشفى اليوم اول يوم الي بدوام من اتصل بية عمر يسال عن قمر قلقني شكلة من صوتة خايف عليها اجيت اطلع من المستشفى حتى اطمن بس اجتنة حالة طارئة ومكدرت اطلع ضليت بالي يمها طلعت من غرفة المريض واني اوصي علية شفت من بعيد هوسة وخبصة اقتربت شفت قمر حاطيها ع السدية وحالتها حالة ركضت عليها وكلبي بين ادية صحت بخوف -خير شبيها جاوبتني مرة جانت بشارع تركض وشكلها شاردة طلعت كدام سيارتنا همزين ما دعمنها باوعت ع وجها كلة ضربات وشعرها طلع قميصها مشكوك من الجانب بلعت ريك ونقلتها ع غرفة معزولة توليت اني امرها باوعت رجلها مشككة وتنزف صحت ع ممرضة تعاوني طلعت من الغرفة ايدي ترجف من الحالة الشفتها بيها اتصلت بعمر وريكي ناشف ماعرف شكتلة بس خبرتة بحالتها وسديتة بسرعة رحت يمها حطيت ايدي ع راسها همست -حبيبتي نبضي فتحي عينج كوليلي. منو هيج سوة بحالج دخلت الممرضة -دكتور المريض الي بالغرفة الثانية حالتة تراجعت ومديستجيب للعلاج تركت قمر ورحت ع مريضي وبالي يم قمر بس ملازم اترك مسؤليتي ________________... قمر فتحت عيني واحس جسمي مكسر باوعت حولي الغرفة فارغة وشكلي بالمستشفة الكانونة بيدي تحركت شوية واستندت ع ايدي وجعتني تألمت بصوت اجتني الممرضة وهية تطمن ع وضعي ابتسمت وكالت -حمد لله سلامتج اهلج برة ينتضرون رح اكللهم يفوتون اشرت براسي مابية احجي طلعت ورة شوية دخلت امي وع وجها علامات القلق اني جنت كلش خايفة واحس كلبي يوجعني اليوم الي سوا يحيى يتخطى كل الحدود بس ماكدر اكول لاهلي رح تصير سالفة جبيرة وتاثر ع علاقتي بوسام واني وسام نحب بعض امي حضنتني وتمسح ع راسي -يمة بنتي خوفتينا عليج وين ختفيتي وشصاير وياج احجي باوعتلها واني جامدة ماحجي ابوية حط ايدة على راسي -بنتي طمنينا لاتقلقينا عليج هزيت راسي بالايجاب احس ماكدر احجي بلعومي مجرح واصلا مالي قابلية احجي الصار امي شهكت -وج قمر ليش متحجي احجي لاتوكفين كلبي تباوع لابوية بتساؤل والدموع ملت عيونها بعدت نضري عن امي ماعرف شديصير بية الي صار اكبر صدمة ربي ستر وكدرت انقذ روحي من محاولت اعتداء يحيى علية كلبي وجعني حيل وامي تسال واني صافنة بالفراغ يمكن حتى ماسمع كمت ذبيت روحي بحضن امي واحس جسمي مكسر محتاجة لحنانها ودفو حضنها حضنتني واني دموعي تنزل ع خدي بهدوء غمضت عيني واني اعيد الي الي صار شهكت بصوت مسموع وامي تخبلت ع بجي خصوصا صوتي مديطلع امي عرفت صاير شي وياي طلعنا من المستشفى بعد ما اجة عمر علينا وهو الثاني بس شاف حالتي صار يصرخ يريدني احجي واني بس اباوع بوجها اخير شي صاح بية واني فزيت ودموعي تجري -لج احجي لاتكوليلي احد سوالج شي لاتخبليني بسكوتج ابوية نهرة -لك عمر ماتشوف حالت اختك اتركها ترتاح -يابة لاتخليني افقد عقلي البنية حالتها حالة وشكلها جانت مخطوفة الله اليعلم شصاير وياها صرخ وضرب ع الاستيرن امي. تهدي بية وتقرة ايات واني احس روحي تطلع سكت عمر فترة وكل شوية ويضرب ع الاستيرن بغضب اخير شي التفت الي وعيونة حمر -لمسج احد كولي صفنت بوجها ومحجيت صرخ بقوة -لج احجي دمرتي اعصابي لمسج اختصبج هاي الكلمة وحدها دمرتني هزيت راسي بنفي وجسمي يرجف دار وجها ابوية كال -استهدي برحمان انشالله خير ابوية من صوتة متوتر عمر رد علية متوتر -لازم نـ...نـفحصها ونتاكد امي صاحت بي -خلص سد حلكك لاتتتفاول بشر عمر صاح -يوم هاي اختي اختي تعرفين شنو اختفت يوم ومنعرف عنها شي وهاي شوفي حالتها كدامج شترديني افكر رحمة لله مو الشياطين ع راسي تربعت والله بس اعرف احد مسويلها شي لاطلع روحة بايدي وصلنا للبيت واني مصدكت كبل فتت لغرفة علي وسديت الباب ماريد اشوف احد الي صار اليوم كافيني ابوية كال خلوها ترتاح وامي هم بس عمر ضل يدردم بعدين طلع ساعة مرت واني بالغرفة حتى اسيل مشفتها شوية وطلعت من الغرفة فتت لغرفتنة شفتها فارغة حتى اسيل ماكو استغليت الفرصة طلعت الرقم مال وسام واخذت مبايل اسيل ورجعت لغرفة علي جريت نفس وكتبت الرقم ع الفايبر ماكدر احجي مكالمة صوتي مختفي احاجي كتابة ________________... وسام طلعت قمر من المستشفى وملحكت اشوفها بسبب الضغط العلية ظل بالي يمها وافكر بالي صار وشنو سبب حالتها وفكرة اجيبني وفكرة توديني تعبت من التفكير ياريت عندي رقمها اني من يوم الي نطيتها رقمي ماتصلت كانو تتهرب مني هسة لاتحبيني مجابرج بس طمنيني كلبي نار عليها واني افكر وصلتني رسالة ع الفايبر فتحتها بملل مكتوب -وسام اني قمر كمت من مكاني متلهف ورديت بسرعة -قمر عمري طمنيني شصاير وياج فهميني ورة دقائق كتبت -يعني تعرف بالي صار وياي -شفتج من جابوج للمستشفى فتحي خط خل افهم منج كلبي نار لحضات وكتبت -ماكدر احجي صوتي مختفي صدمتني -قمورة لاتكليلي متحجين يعني اختفى صوتج -وسام الي صار وياي اليوم اذاني وسام اني مكلت لاحد شصار كلبي دك بسرعة من قريت كلامها وعدتة الف مرة -قمر احجي شصاير لاتفوتيني بدوامة احد اذاج سوالج شي -اوعدني بالاول محد يعرف -اوعدج بس احجي -اخوك خطفني وحاول ... كالتها هيج مرة وحدة جمد الدم بعروقي انشل لساني كتبت -قمر الله يخليج كليلي دتشاقين اعرف يحيى سافل بس الله يخليج كملي شنو سوالج شي كولي -وسام مداكدر كلما اذكر كلبي يوجعني صحت وكلبت الميز كتبتلها وايدي ترجف -لج لاتخبليني شسوالج بعد عدة دقائق بعد ما اكلني الانتضار كتبت -حاول حاول بس نقذت نفسي منة اخوك سافل وسام ماسكتت ع عملتة لاني خايفة علية اتمنى اشوفة كدامي مذلول ع السوا بس انت انت وكفت بعيني ماريد اهلي يعرفون وعلاقتي بيك تدمر تعرف شنو ماريد ياثر ع حياتنه وحبنا ... وكفت اباوع لكلماتها واعصابي ترجف بس قريت كلمة حبنا حسيت براحة كتبت -احلفلج قمر الة اندمة ع السوا بيج لو مو اخوية اليوم انهي سديتة منها بسرعة بدون ماسمع منها رد ثاني اعرف هية سكتت لانو تحبني ومتريد شي يعرقل طريق زواجي منها بس مارح اضيع حقها رحت للغرفة مال يحيى لكيتة كاعد براحة وياركل كلبت النركيلة وضربتة بلكمة ع وجها كام بعصبيه ودفعني قبل ليحجي توليتة بلكمات من كل الاتجاهات وكع بالكاع واني انقضيت علية بضرب واصرخ علية -لك سافل *** شلون تتقرب منها هاااا شلون اليوم موتك ع ايدي اخلص من عارك دفعني وكام كدامي بكل وقاحة يحجي -ها اجاي تضربني علمود حبيبة الكلب مو اي طبعا الي يضوك رحيق شفايفها هيج يصير مجنون مثلك استفزني بكلامة وضربتة وهوة هم صار يتلاوة وياي وع اصواتنا اجتي امي وهية تحاول تنهي الخلاف بس جنت فاقد اعصابي واضربة بدون رحمة اخير شي وكع يحيى بالكاع من كثر الضرب شلت الاركيلة اجيت اضربها براسة امي صاحت -لاااااا بغلاتي عندك عوفة شمرتها ع الشباك وتناثر الكزاز كتلة بتحذير -لخاطر امي عفتك والا والله كان نهيت ع حياتك اياك اياك اياك تلمس شعرة منها لامحيك من الوجود طلعت من الغرفة ودخان يطلع من اذني اريد ابرد ماكو كلامة يدك بكلبي رحيق شفايفها ... ريحة عطرها السافل بكل وقاحة يحجي امي احتي لزمتني من كتفي -ابني استهدي برحمان صلي ع النبي شصار بس فهمني سمعت صوت يحيى يكول -شصاير يعني وحدة ساقطة شابع بيها ابنج تهمتني امي شهكت وضربت ع صدرها واني اجيت اضربة امي وكفت بوجهي -بغلاي عليك بس فهمني يمة -يمة ابنج السافل خطف قمر بنت ابو عمر وحاول يعتدي عليها من كلت هيج امي وكعت من طولها سندتها خايف عليها -يمة يمة اهدي كعدتها ع الكرسي كامت تبجي وتكول -يا حسافت تربيتي بيك يحيى سودت وجهي كدام العالم بالاول اسيل وهسة اختها بس فهمني عندك ثار وياهم الله لايوفقك يحيى طلع واني انطيت لامي دواها ارتفع ضغطها بسبب السافل رح يجلطها ضليت كاعد يمها افركلها عيونها كلها دموع حطت ايدها ع راسي -ابني انت رفعة راسي وفخري بس هدي الاخوك لايسويلنة مصيبة رح يموتني ناقصة عمر بست راسها -لاتخافين يوم اني هذا يحيى طير عقلي لازم الكالة حل والة يسوي مكسورة ثانية كمت من يم امي.... ________________... احداث من البارت القادم جلبت بدين عمر واني اتوسلة ميسوي شي -عمر دخيل الله اسمعني وسام مامسوي شي والله جذب ماكو اي علاقة تربط بينا صرخ بوجهي -شنو ماكو اي علاقة لج وكف بوجهي يكلي احبهاااااااااا ليش تساعدي وهوة خطفج خطفج حتى يعتدي عليج ويكسرج مثل اخو سافل هزيت راسي اصرخ -لاااا مو هو مو هو خطفني وكعت بالكاع منهارة ضميت السالفة حتى لاتاثر على حياتنا تالي يحيى ستخدم النقطة ضدي دفعني عمر وطلع وهوة شايل السلاح احاول اوقفة بس عبس الشايطين تربعت براسة يتبع | ||||||||
|
| |
|
05-09-22, 03:24 PM
| #6 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_التاسع مرت يومين اني ع نفس حالتي معتزلة واتهرب من اسئلة اهلي اكثر شي جان متعصب ويلح علية هو عمر علي ماتواصلت ويا خلال هاي اليومين كذالك اتهرب منة واصلا مالي قدرة ع الكلام ماعرف اصلا اذا اختفى صوتي او مجرد عجز من عندي حتى محاولة ماابادر واجرب نفسي اتخذت السكوت راحة الي وسام هم ماتواصلت ويا بعد الكلام الصار انطويت ع نفسي لدرجة كلش جبيرة واليوم اجتني اسيل فاتت من دون مادك الباب رفعت راسي باوعتلها ورجعت نزلت راسي كعدت يمي حطت ايدها على كتفي -قمورة ليش هيج منطوية ع نفسج بس فهميني كوليلي شصار وياج وعد ما احجي احنة مو خوات اشتاقيت لضحكتج وصوتج الحلو حتى علي هواي يسال عنج وقلق عمر صار يشك انت يعني سكتت ومكملت اعرف عمر عبالة احد معتدي علية بس محاولة يحيى جانت كافية ادمرني خايفة اطلع خايفة اجتمع خايفة اكول لاهلي وتصير مشكلة وسام يبتعد عني اني خايفة من وسام بذاتة خايفة اكون مخدوعة بحب وهمي مرت يومين وهوة يراسلني بس ماجاوب خايفة منة وعليه نزلت دموعي وحطيتي ايدي ع راسي اريد اوقف التفكير بكل هل اشياء تعبت اصلا يحيى شنو عداوتة وياي معقولة ينتقم من اسيل بية لو شنو سبب الي سوا واني كاعدة سمعت صراخ عمر كلبي وكف اسيل كامت مفزوعة من صوتة العالي باوعتلها ودموعي تجري سمعتة يكول -اني تالي وكت اجي اتعير بخواتي اليوم موتها ع ايدي اسيل اجتي تطلع لزمتها تبقى يمي خايفة حيل دخل عمر مثل الاعصار وكفت ورا اسيل احتمي بيها سحبني بقوة من ايدي وكال -كافي تدعين السكوت وانج خرسة كولي منو خطفج كالها بصوت عالي رج البيت رج ضليت ساكتة ماعرف شكول اني فعلا مو خرسة بنفس الوقت عاجزة احجي بلحظة رفع ايدة وضربني امي وكفت بوجها وصاحت بي -عمر تصدك بكلام الغريب عمر ماهتم لامي وسحبني من شعري وهوة صاك ع سنونة -احجي ... . الكلام السمعتة صح علاقتج بوسام من شوكت من شوكت وهوة يخدعج وسيرتج صايرة ع كل السان هنا انصعقت شنو وسام شدخلة هزيت راسي ضربني بكف ثاني وكال -لج بكل وقاحة وكف كدام ويكلي احبها ... هو خطفج مو لمسج احجي احجي لاتخبليني جان يحجي بعصبية وصوت عالي اني متفاجئة من كلام وسام مالة دخل بخطفي شلون صارت براسة ماشي متحجين مو كام من يمي وطلع امي واسيل لحكو واني هم طلع من غرفتة شايل سلاح شهكت وعطت بدون ارادتي -لااااااا عمر الشي السمعتة غلط بس اسمعني وكف كدامي وكال -هسة تاكدت انج جنتي تضاهرين حتى تحمي بس مو عمر الي يسكت عن حقة موت وسام ع ايدي جلبت بدين عمر واني اتوسلة ميسوي شي -عمر دخيل الله اسمعني وسام مامسوي شي والله جذب ماكو اي علاقة تربط بينا صرخ بوجهي -شنو ماكو اي علاقة لج وكف بوجهي يكلي احبهاااااااااا ليش تساعدي وهوة خطفج خطفج حتى يعتدي عليج ويكسرج مثل اخو سافل وانت مخدوعة بي حطي عقلج برااااسج هزيت راسي اصرخ -لاااا مو هو مو هو خطفني وكعت بالكاع منهارة ضميت السالفة حتى لاتاثر على حياتنا تالي يحيى ستخدم النقطة ضدي اكيد هوة سبب هشي وتهم اخو دفعني عمر وطلع وهوة شايل السلاح احاول اوقفة بس عبس الشايطين تربعت براسة صرخت قبل لايطلع -يحيى .... يحيى خطفني توقف عمر بمكانة وكال -شنو يحيى بلعت ريك اجة تقرب مني باوعت لامي واسيل اطلب يساعدوني امي كالت -اهدء عمر واسمع منها ذب السلاح وكال -اسمعج ماشي يحجي وكوة لازم نفسة الشر بعيونة جريت نفس وكتلة -احجيلي انت شنو سمعت واكلك الحق رفع راسة وصرخ بوجهي -ااااحجي... -انت اول احجي ________________... طلعت من البيت اليوم الصبح طلع بوجهي شاب ماعرفة بعد السلام حط ايدة ع كتفي وكال -ها شلونك ابو الغيرة رديت -اهلا اهلا كال بهمس -شوف اسمع مني نصيحة واعتبرني اخو الك اختك دير بالك عليها ترة وسام ديخدعها. ويشوه سمعتها بالجامعة والكلام الطالع عنكم مو حلو بحقها بوكتها عقلي طار شيحجي مفهمت دخت بوكتها حيل طلبت منة يفهمني شصاير وكالي وسام عندة علاقة وياج يحاول يتقرب منج كذالك باليوم الي انت انخطفتي هوة الي اخذج وبالة يأذيج وكت الي سمعت الكلام عقل مضل براسي واني اسمع شخص يجي يكلي عن علاقتج بي وفوكاهة طالعة عليج سمعة بالجامعة رحت بسرعة ع وسام وبالي انهي حياتة جان ستوة طالع من البيت وتعاركت ويا وضربتة مجان حتى يصدني اكدلي كل شكوكي بعدين كالي اني مخطفتها مو كلشي تسمعا تصدكه واعترف هوة يحبج وقتها ضربتة بقوة ووو وكف كلبي ودموعي تنزل واني اسمع عمر -شسويتلة -ماعرف يمكن مات بس ضربتة بجامة السيارة وكع بالكاع ينزف شهكت وحطيت ايدي ع حلكي اكتم صرختي هزيت راسي وكلت بانهيار -جذب كل الحجي جذب ليش هيج سويت بدون متسمع مني احجي وابجي عمر باوعلي بغضب -واني شفتج ويا عدة مرات يوصلج هم جذب -عمر انت صدك تحجي شلون صدكت هيج سالفة انت بربك من اختفيت مو كلت خابرتة وجان بالمستشفى يعني اهل المستشفى كلهم يشهدون هوة جان مطالع وعندة حالة خطرة شلون بعد خطفني واني هاي كبالك اكلك مو هوة صاح بية -لعد ليش ضميتي السااااالفة ويحيى من خطفج ليش ضميتي ليش ماكتيلي حتى اعرف اوازن بين الامور ولو جان بريئ ما اظلمة رجعت حجيتلة كل الي صار وحتى كلام وسام وكتلة هوة طلب ايدي لزواج صار عصبي نار وطلع من البيت كعدت بمكاني ابجي زين هوة منو هذا الي حجة هيج كلام عني وليش تهم وسام معقولة يحيى دزة وصلت بي يتهم اخو وسام شنو حالتة معقولة صارلة شي ياربي ماتحمل حياتي بدونة ________________... وسام طلعت الصبح من البيت متوجه ع المستشفى وبالي كلة بقمر مرت يومين وهية مترد ع رسالي واني شارد بفكري بيها محسيت الة ع لكمة وكعتني بالكاع رفعت راسي شفتة عمر نهضت واني مستغرب السوا ضربني مرة ثانية واجة يضرب مرة ثالثة لزمتة -خير عمر شبيك متهجم علية من صباحية الله لزمني من ياختي والشر بعيونة -يا دكتور يامحترم طلعت بس مضاهر مثل اخوك واحنة مخدوعين بيك انت خطفت قمر مو حتى تاخذ الي تريدا مثل مسوا اخوك باسيل تفاجئت من كلامة دفعتة وكلت -مصاير هيج شي اني مخطفت اختك بالاول افتهم الصار ضربني وكال -الكلام وصلني عنك انت ملاحك اختي صايرة سيرتك ع كل لسان اني من البداية حذرتها منك بس غبية ونخدعت بيك تولاني بضرب واني متفاجئ من كلامة الي يوكف شعر الراس شي عندك علاقة بيها تحاول تخدعها وخطفتها وووو منين جاب الحجي ماعرف شكلة اخوية خطفها حتى مالي عين ادافع عن نفسي اخير شي بعدتة عني وضربتة بضربة قوية صحت بي -مو كلشي تسمعة تصدكة صاح بية -لا اصدك عليك شهود وانت مشوه سمعتها لاختي -اني مالي دخل اني مخطفتها صح احبهاااا بس مخطفتها و.. بعدني ممكمل ضربني هل مرة اقوة قبل لا اكوم دفعني ع السيارة وضرب راسي دخت وكعت محسيت ع شي بعدها صحيت واني بالمستشفى واحس راسي رح ينفجر اذكرت عمر والي صار زين هو ليش تهجم عليه وتهمني ومنو كله كل هل كلام الله يلعنك يحيى وكعتنا بمصيبة واني افكر دخل عمر باوعتلة متفاجئ وجودة بعد كل الصار جانت نضراتة هادئة غير عن الاول جانت نضراتة كلها حقد سحب الكرسي بهدوء وكعد كدامي -حمد لله ع سلامتك كالها بدون ميباوعلي رفعت حاجبي وكلت -هاي انت نفسك الضربتني لو اتخيل ابتسم وكال -قمر حجتلي كلشي كالها وكام بسرعة من يمي كمل كلامة بس لاضن رح اسكت بعد عملت اخوك اول شي استغل اختي اسيل وبعدين اجة ع قمر وفوك هذا كلة تهم اخو صدكني وسام لا انت ولا اي واحد رح يوكف بوجهي بس خل يطلع بوجهي هل جبان ويواجهني شغلة ثانية اختي شيل سالفتها من بالك لان مستحيل اوافق تكون الك وتدخل لبيتك تحت اي ضرف باوعلي بنضرة سريعة وراد يطلع استوقفتة -بس اني مالي دخل بكل الي صار ويحيى حاسبتة عن كل الي سوا بقمر ومستحيل اسامحة بس قمر ماكدر اتخلى عنها التفتلي بسرعة ونضراتة مكدرت افسرهن كال بصوت عالي -لاجيب سيرتها ع لسانك قمر انساها ولا حب ولا زواج ولا اي شي يكون افضل الك والنا كالها وطلع بسرعة حطيت ايدي ع راسي احسة رح ينفجر برغم عرف مالي دخل مصر ع موقفة. يعني شنو انساها مثل الي كلي اترك روحك ماكدر اتخلى عن قمر غمضت عيني بالم احاول استوعب كل الي صار معقولة حلم كلة بسبب يحيى كمت من مكاني دخلت الممرضة -انت لازم ترتاح وضعك مامستقر نهرت بيها -مابية شي عوفيني طلعت من الغرفة لكيت امي كاعدة ع جانب وكفت يمها وكلت -مابية شي يوم كومي نهضت من مكانها وهية تبجي -يمة راد يوكف كلبي من شفت هاي حالتك اختك شافت عمر يضربك يمة والله ماتحمل اخسرك حضنتها -يوم مابية شي اطمني خلينا نرجع -زين عمر شعندا وياك ضربك وهسة اجة يزورك مكفا الي صار -سوء فهم يوم عبالة اني خطفت قمر ابنج السافل يحيى كلب السالفة ضدي وهسة مختفي ماعرف وين بس لو الزمة جنازتة تطلع من البيت امي شهكت وكالت -يمه شنو هل حجي وسام تريد تكتل اخوك مشيت بدون مارد ع كلامها الوالد طبعا لاهي ميعرف شصاير بالعائلة كضة عمرة عايف يحيى ع راحتة وهاي النتيجة كل همة شغل شغل وهسة هوة مسافر وتارك ابنة صايع حاير شيسوي بنات العالم بس ماكون وسام لو ماندمتة وخليتة طول عمر كاعد بالبيت وصلت للبيت والمفاجئة لكيتة كاعد ويشرب جاي وختام اختي بس شافتني ركضت حضنتني -وسام ممتخيل شكد خفت عليك ابتسمتلها ونضري ع يحيى يباوعلي وابتسامة النصر ع وجهة بعدت ختام عني وكفت كدامة كال -حمد لله ع السلامة -انت السبب بكلشي صار رحت خطفت البنيه وفوكاها تهمتني باوعلي وضحك -صح اني خطفتها واني تهمتك حتى لاتفكر تتحداني انت تدري ليش خطفتها بكل بساطة عرفتك تحبها شفتها وياك عدة مرات وشفت نضراتك عليها وحبيت اردلك الضربة الي ضربتنياها وخطفتها بس حرامات جنت ناوي ادمرها بس جانت قوية مو سهلة واذا على شغلة تهمك بكل بساطة دزيت ولد من جماعتي يدرس بجامعة حبيبة الكلب حاقد عليها لان هانتة كدام الكل وضربتة راشدي واني خليتة يروح يحاجي عمر ويكلة طالعة عليكم سمعة وانت سبب خطفها وعمر الغبي صدك يعني شغلة في غاية السهولة يحجي بنذالة ولا كانو اخوية ومن لحمي ودمي امي جانت تباوعلة صافنة ع كلامة فجئة ضربتة راشدي كالت بعصبية -يا حسافة تربيتي بيك طلعت واحد ناقص شلون هيج تسوي باخوك اني جنت واكف وساكت محجيت شي ومالي قابلية احجي الي سوا يحيى جنت مصدوم بي يعني اعرف بي سافل بس توصل بي ياذي حبيبتي يعرف احبها وسوا هيج حتى يغيضني فركت وجهي بيدي وستغفرت ربي كلت بصوت عالي كوة لازم روحي عنة -كوم اطلع برة وماريد اشوف وجهك ابتسم باستهزاء وكام طلع دفرت الميز كلبتة امي حطت ايدها ع كتفي -يمة اهدء لاتحرك اعصابك باوعت لامي اتوسلها تلكالي حل كلت بعجز -يوم اني خسرتها بسبب ابنج السافل حتى ينتقم مني اذاها جنت ناوي اطلبها اخوها من عرف رفض... رفض كررتها بصراخ ورحت لغرفتي اريد احاجيها مشتاقلها اتصلت بيها ردت بسرعة وتبجي -وسام طمني الله يخليك بيك شي بس سمعت صوتها حسيت نفسي ماكدر اوكف معقولة خسرتها كعدت وجاوبتها -قمر ... اخوج رفضني سمعت شهكتها وصوت بجيها بعدها سدت الخط كتبتلها رسالة -قمر مارح استسلم رح اطلبج من ابوج وميهمني اي شخص انت الي قمر احبج ________________... اسيل الايام الي مرت حيل صعبة رغم الاوضاع هدءت بس عمر بعدة شايش يومية يجي يصيح ومطايق احد يتمنة يوكع بيدة يحيى بس ماكو مختفي من ايام قمر حالتها تعبانة ومنعزلة لاتحاجي احد ولا تطلع لجامعة كل شوية فاتحة اخر رسالة من وسام وتبجي طبعا وسام. مخلة طريقة مايقنع اهلي يوافقون ينطو قمر اجة طلبها من ابوية واجتي امة وحدة من كرايبة عن طريق امي يتوسطون والجواب كان الرفض من امي وابوية وعمر امي تكول ما اضحي بنتي وانطيها لناس ابنهم سافل وابوية نفس كلام امي وعمر ع موقفة وقمر تحب وسام ومدمرة بسبب قرارهم اتصل علي عدة مرات ومتقبل تحاجي اني حجيتلة الصار وهو صار عصبي وراد يجي بس ابوية منعا وكلة اهتم بدراستك اليوم وبعد مامرت اربع ايام ع كل الاحداث اجة اسامة استقبلتة اول مدخل باس راسي ويباوعلي بشوق اسامة جان مسافر من صارت كل هل الاحداث وميدري باوع لعيوني وكال -هاي ليش وجهج اصفر تلفانة حبيبتي دنكت راسي وبجيت حضني -لا ليش تبجين عمري هلكد مشتاقتلي اصلا كلما اتصل يبين مو ع بعضج رفع راسي ويباوع بعيوني -احجي صاير شي -كلي شنو الماصاير شكلك حتى اكلك سحبني من ايدي -هسة تحجيلي كلشي هذا الثاني عمر هم مدري شلونة حتى سلام ماسلم من الباب طلع طافر شنو سالفتة -يحيى بس كلت اسمة كل تعابير وجها انكلبت للغضب وصاح -سوالج شي شصاير احجي -مو الي خطف قمر و...... حجتلة كل الي صار وهوة طفر من مكانة يصيح ويغلط -اني اعلمة السافل اليوم انهي حياتة لزمتة وكلت -هدء اسامة الله يخليك لاتسوي شي تندم علية هوة اصلا مختفي وممبين باوعلي بنضرة صهرني بيها وكال -كل الي صار بسببج لو ماتحبين واحد تافه مثلة مايصير كل هشي بالاول حاول يدمر سمعتج وهسة اجة ع اختج ودمر حياتها ومستقبلها وحتى اخو وسام ماسلم من شرة والسبب منو انت وحبج التافه كلماتة جانت خنجر بكلبي دموعي صارت تنزل بدون ماسيطر ع نفسي وكتلة -يعني كل الصار بسببي رح يظل الماضي التافه ملاحكني وما اخلص رح اظل اتعير وظل انت اذكرني. بكل الصار وماااااارح تنسا جنت احجي بحركة وابجي تقرب مني وكال بحنية -اسف حبيبتي ماقصدي اذكرج بالصار بعدت عنة وطلعت من يمة رحت للغرفة ابجي شافتني قمر كالت -انت مالج ذنب لا تنقهرين -سمعتي كلامة -لاتخربين حياتج علمود اسباب تافهة كالتها وطلعت من يمي قمر حيل متغيرة لاتتناقش ولا تحجي اشوفها مثل الوردة الي تذبل معقولة هشي بسببي لحضات وجان اسمع صوت صياح برا وعرك طلعت بسرعة مفزوعة لكيت امي تبجي وقمر واكفة بمكانها مثل المصدومة -ماما شصاير امي ردت وهية تبجي -ماعرف ... ماااعرف هل مصايب منين اخوج اخذو الشرطة بتهمة قتل يحيى جمدت بمكاني يحيى شموتة معقولة فعلا عمر قتلة دخل اسامة عصبي وكال -الانذال اخذو عمر بتهمة باطلة باي حق ياخذو وين الدليل على قتل العار يحيى اكيد هاي لعبة منة ابوية جان واكف مخطوف لونة كعد بعجز بالكاع وكال -رح يروح بيها ابني الوحيد قمر كالت -مستحيل اخلي عمر يصيرلة شي متاكدة هوة مسوة شي يحيى اختفى كل هاي الفترة حتى يتهم اخوية باختفاءة طلعت من يمنة وراحت ماعرف شنو بالها ________________... احداث من البارت القادم لزمت التلفون وايدي ترجف ودموعي تجري ماتحمل اخسر اخوية وصلنا خبر اختفاء يحيى وبعدها عرفنا انو هوة مقتول ولكو جثة ع اطراف بغداد المتهم الوحيد اخوية بس اني متاكدة عمر ميسويها اتصلت بوسام هوة الوحيد الي يكدر يساعدني اول مرن التلفون جاوب وقبل لا احجي وصلني صوته #البارت_العاشر لم اكن اعلم ان القدر قاسي لهذه الدرجة ابعدني عن من هواه قلبي المسافة دائما تكون سبب الفراق ولكن قلبي لايبالي لا بالقدر ولا بالفراق ولا بالمسافات ساظل اعشقك وانتضر رجوعك بفارغ الصبر …____________________… قمر بس عرفت بلي صار واخوية اخذو متحملت لازم الكة حل ركضت بسرعة للغرفة لزمت التلفون وايدي ترجف ودموعي تجري ماتحمل اخسر اخوية وصلنا خبر اختفاء يحيى وبعدها عرفنا انو هو مقتول ولكو جثة ع اطراف بغداد المتهم الوحيد اخوية بس اني متاكدة عمر ميسويها اتصلت بوسام هوة الوحيد الي يكدر يساعدني اول مرن التلفون جاوب وقبل لا احجي وصلني صوته -قمر اطمني عمر مرح يبقى بسجن اني اطلعة بجيت وكلت -وسام والله مو هوة قتلة مستحيل عمر يسويها -اعرف اصلا يحيى مختفي من فترة وهوة بخير متاكد مسحت ادموعي وكلت -يعني اخوك عايش -اي عايش وهاي خطة من عندة -انت شون عرفت -محد يعرف اخوية اكثر مني والجثة الي لكيناها مو ليحيى صح مامبينة ملامحة بس متاكد مو اخوية جريت نفس جنت حابستة وكلت بامل -يعني اخوية رح يطلع -يطلع لاتخافين هدءت نبضات كلبي ورتاحيت بكلام وسام همس -شتاقيتلج محجيت حسيت بغصة اني مشتاقتلة هم صارلي شكد مسامعة صوتة سمعت صوت تنهيدة بعدها كال -بعد ما اطلع اخوج وابرءة اني رح ارجع لبيروت ماكدر ابقى هنا بعد كل الاماكن اذكرني بيج وريحت عطرج بكل مكان عيشتي هنا اشبه بالموت بس عايش جحيم الدنيا همست بتعب -وتنساني ضحك باستهزاء -انساج ... لا عبالج مسافر حتى انساج وانسا حبي الج اني مسافر حتى ما اضل مخنوك بمكان انت بي بس مو الي هشي يموتني تنهد وكمل كذالك ابوية ماعرف منين طلعلي بسالفة الزواج من بنت عمي من كال زواج وكف كلبي كلت بحزن -يعني رح تزوج نهر بية -ستغفر الله اكلها اسافر تكلي تزوج لج اني مطايق الدنيا زواج بطيخ شنو هذا احبج تفهمين شلون تكدرين تفكرين اني ازوج غيرج مالي نفس باي وحدة واني شارد لبيروت اخلص من ضغط ابوية ياريتني مارجعت لبغداد ولا شفتج ولا كلبي هواج جان محسيت بالم واني طالع من العراق قمر تارك روحي وطالع دير بالج على نفسج شهكت بصوت عالي ودموعي تنزل بدون سيطرة حسيت نفسي ختنكت بكلامة -قمر ... اذا سافرت ماريدج تزوجين ولا توافقين ع شاب غيري اوعديني اعرف حياتج رح تتوقف بس اني اناني بحبج ما اتحمل اشوفج وية شخص ثاني ________________... وسام وصلني صوت بجيها بصوت وكالت -مستحيل اوافق اكون لغيرك وسام اني الك متاكدة شكد ماوكفو بطريقنا احنا لبعض كون متاكد اني رح اظل اعشقك طول عمري واموت. وما انساك تنفست براحة لان بعد كلامها تاكدت مرح تكون لشخص ثاني وحتى لو مو الي مرح يملكها غيري اناني بالحب وطالما حبيت قمر مارح تكون لانسان ثاني مستحيل اقبل بهل شي ________________... زارتنِي العِتمة ، و أستوطنت هناك ، بين جَسدي وضُلوعي تعلم لانك راحل سيعود الفراق وستعود تلك اليالي المظلمة ساعود لافكر بك وانت بعيد لن اجدك مرة اخرى ولا اعلم ان كان هذا الفراق سيطول ... هل هذه النهاية انتهى حبنا ... انتهى بفراق ربما لا عود بعده بعد مرور شهرين .... اسيل دخلت للغرفة شفت قمر واكفة يم الشباك وتباوع برا هذا حالها من يوم سافر بي وسام مرت شهرين وهية ع نفس الوضع وكل يوم يمر بي تفقد حيويتها اكثر قطعت شرودها وكلت -اووووف قمر تعالي محتارة شختار باجر الحنة واريد الحفلة تكون مميزة مسحت ادموعها وابتسمت برود اعرف رغم حزنها متبين الي حتى تفرحني اني بسبب الاوضاع الي صارت ضطرينا انأجل العرس اكثر وبعد مامرت شهرين حددنا الموعد وباجر حنتي وبعدها العرس كعدت اني وقمر اختارينا الكوشة من البيج ع الفيس جانت كلش حلوة وقمر ايدتني باختيارها حيل فرحانة لانو واخير ا رح نكون اني واسامة سوة باوعت ع قمر وحضنتها -قمر رح اشتاقلج بس كملت كلامي صارت تبجي بقوة اعرف صارلها هواي مباجية ولا تحجي بلي تحسة بس هسة فاض بيها الحزن خصوصا اني رح اتركها -حبيبتي لاتبجين -اسيل انتي هم رح تتركيني مثل مسوا وسام -اني ماتركج وعد كل اسبوع اجي واشوفج حتى اسامة يقبل -اسيل اني داموت باليوم الف موتة ما اكدر اتحمل بدونة لج ميتة شوق اريد اسمع صوتة اريد نرجع مثل قبل يوصلني ع الجامعة اني حتى جامعتي تركتها هاي السنة ماكدر اتحمل كلشي يذكرني بي قاطعنة دخول امي مثل العاصفة وصاحت بقمر -لج انت يمتة اتوبين اشوف طالعة عينج صايرة تحبين وتعشكين كم مرة كتلج وسام شيلي من بالج وذولة العالم بيناتنا عداوة متفهمين -ماما وسام مدخلة بكل الي صار اني احبة ضربتها راشدي وكالت -اياج تعيديها لو سمعج اخوج يموتج لج انت متحسين مو نفسة اخو الي خطفج وحاول يدمر شرفج بيناتنا ثار وعداوة تعرفين شنو يعني يحيى مختفي لحد هسة واخوج المتهم لحد الان حتى لو وسام برءة بس عمامة حادين سيوفهم علية ناوين ع قتل اخوج. وانت بعدج تفكرين بالتافه وسام يمتة تحسين ع دمج طلعت امي وقمر تبجي -شسوي يعني ماكدر اشيلة من بالي ماكدر انسا احبه كلبي تعلق بي شلون انسا حطت ايدها على وجها وتبجي ماعرف شسوي حتى اخليها تتقبل الواقع وتقبل بفكرت وسام ماعد موجود ولازم تواصل حياتها بس هية بعدها واكفة بنفس المكان اعذرها ع شعورها وع الي دسوي يمكن لو كنت بمكانها كنت بنفس وضعها لما كنت احب يحيى ربي عوضني باسامة لذالك كدرت انسا واباشر بحياتي اما قمر وسام يبادلها نفس الشعور كذالك راح مجبور بعد ماتلقى الرفض عدة مرات من اهلي قرر يبتعد بس حتى ميتاذة بمكان حبيبتة موجودة ومو الة طلعت من الغرفة ورحت لكيت امي كاعدة بالمطبخ حاطة ايدها ع خدها والدمعة بعيونها بس شافتني كالت -قمر عبالها اني قاسية وما افكر بيها متدري شديصير بية واني اشوفها يوم عن يوم تذبل ومابيدي شي اغير الواقع ماكدر اضحي بيها وانطيها لوسام واخو واحد سافل وخصوصا بعد الي صار اضافة الى انو علاقتي خربت بابن خالتي بسبب افعال ابنة وبدل ميردعة جاي يلومني وذاب تهمة اختفاءة براس ابني بس اريد من ربي تضهر الحقيقة وابني يعوفو بحالة يومية كلما يطلع ايدي ع كلبي عمر حياتة بخطر وهو مو مهتم السانة ميلزمة بس يهدد ومورط روحة وهاي اختج قمر ملتهيتلي بالعشك خليها تنسا كافينا مصايب ترة تخليني اجبرها تزوج واقسى عليها خلي تشد همتها وتكمل دراستها جنت استمع الكلام امي بصمت كلام امي منطقي الي صار صار قمر لازم تكمل حياتها ليش تعذب نفسها بحب انسان مو الها ________________... وسام سحبت نفس من الجكارة وزفرتة بقوة هذا السم الي صرت اخذة ومدمن علية يمكن اطلع حركتي بهاي الجكارة مرت شهرين وبعد قمر عني ياذيني مكادر اشيلها من بالي باوعت ع الشاشة وهية تضوي مخلي صامت حتى ميزعجني المتصل ابوية من ساعة الي طلعت من العراق مامحاجي عدا تواصلي وية امي واختي قاطعت ابوية وحتى يحيى السافل الي ماعرف وين ضام نفسة وبالي العالم بموتة لا وابوية من كل عقلة مصدك ابنة العار ميت اذكر اخر حوار بيني وبينة جنت محضر نفسي اسافر واتحرر من المشاكل وكف كدامي ابوية -بدل مطلع حق اخوك من عيونهم جاي تشرد لا وفوكاها طلعتة براءة ومن دون علمنا جاوبتة ابرود -وضيف عليها وثيقة تعهد محد يطخ شعرة من راس عمر والا انتو المسؤلين باوعلي ابوية بغضب وصاح -وسام عقلك براسك شنو هل خريط قاتل اخوك تبرءة وتتعهد محد ياذي صحت بعلو صوتي -ماميت ابنك العار ماميت هاي لعبة منة ابنك شارد طام روحة حتى يتهم عمر خليها ابالك العار ميمووووت وابنك عار امي ادخلت وكالت -ابو وسام كافي اترك ابنك يرتاح يكفي حرمتة من البنية الي تمناها وبسبب ابنك الي ادافع عنه يحيى اني متبرية منة ولا هوة ابني ولا اعرفة وحتى لو مات ما اترحم علية ابوية باوعلها متفاجئ وكال بغضب -لج حليمة انت شو صايرة بلا رحمة تتبرين من ابنج علمود ناس متسوة امي وهية تبجي -ابنك واحد ميستاهل اعترف بي راح شوه سمعت البنية وخدعها باسم الحب وفوك كل هذا سامحنا وهو ستغل الفرصة حتى ينتقم من اخو خطف بنت الناس الي اخو ناوي يخطبها علمود يدمر شرفها كل هذا ودافعلة ابنك مو يستاهل بس الموت يستاهل اكثر ولا تتخيل مامحروك كلبي لا اني داموت لان قطعة من كلبي وابني طلع واحد عار مسحت ادموعها امي وباوعتلي -روح ابني موفق روح شوف حياتك لا تعذب روحك وتبقى هنا اذا الله كاتبلك تكون قمر من نصيبك محد يكدر يوكف بوجهك الله يوفقك ابني... ويسرلك امرك هذا اخر كلام بيني وبين عائلتي طلعت واني ناوي ما ارجع لان مكان بي قمر وذكرياتها ماريدة هشي يعذبني واني اعرف هية مو الي برغم اني مالي ذنب بس ابوها رفضني بس لانو اخوية كان السبب بكلشي واني صافن اجاني صديقي علي ااي تعرفت عليه بجديد -شلونك شيخ باوعتلة مبتسم كعد يمي وكال -هموم الدنيا كلها ع راسك يا اخي افتح كلبك واحجيلي شبيك من يوم الي شفتك وعيونك بيها الحزن جريت حسرة وضحكت ضحكة مهموم ________________... علي مرت شهور ع وجودي بيروت واني ادرس اتقلمت وتعودت ع عيشتي تعودت ع اصدقائي خصوصا صديقي يزن صرنا اني ويا واحد دراستنا سوة اكلنا سوة طلعتنا سوة تحسنت صحتة ورجع مثل الاول حبيت حياتي الجديدة وصارت بيروت عالمي والجامعة والدراسة صارت هدفي الوحيد الي اسعا علمودة بس اشتياقي لاختي قمر يزيد خصوصا باخر فترة حيل بتعدت عني وحتى متتواصل وياي عرفت من اسيل بالي سوا السافل يحيى وكالتلي اسيل عن اخو يحيى وشلون خطبها عدة مرات ومطو رغم مالة ذنب تمنيت اكون موجود جان مخليت قمر تتعذب وانطيتها لوسام اني وسام مشايفة ولا ملتقي بي بس سامع عن اخلاقة واعرف بي دكتور ودارس مو مثل اخو الصايع يحيى الي كلها تحجي بخلاقة السيئة حتى ابو محترم بس ماعرف شبي طابك وية ابنة حسب مكالت اسيل لا وفوكاها مختفي ومتهمين عمر بموتة لولا وسام جان هسة عمر بعداد الاموات ااي قالقني بس وضع قمر الي اعرف اخبارها من اسيل وياريت لو موجود حتى اخفف عنها بس بحكم دراستي ماكدر اعوف بيروت حتى تنتهي هاي السنة خلال الشهرين الي فاتن تعرفت ع صديق جديد غامض بتصرفاتة رغم اني احاول اتقرب منة بس هوة انطوائي نهائي ميحجي عن حياتة بس احس بكلبة هموم كل الي اعرفة عنة هو اسمه من اسئلة عن عائلتة عن شغلة وضيفتة اي شي يخصة يغير موجة الحوار ويبدي يسالني عن نفسي اني كلشي احجيلة بس هو لا اليوم مريت من يم النهر شفتة كاعد ويدخن وصافن بغير عالم صرت متاكد هلولد عاشك حاجيتة كالعادة مايحجي بس يهز راسة يبتسم وضحكتة مليانة هموم مرات اضوج منة ومن تجاهلة لاسالتي ومرات احس هو محتاج مساعدة ولو شخص يساندة يفضفض عن الي بداخلة بس خوة باني حاجز قوي بينة وبين الحواليه انطوائي حيل يمكن لو يحجي ويفرغ يرتاح بس هوة صلب كلش بعد طول صمت -احم احم باوعلي ساكت كتلة -ياخي اني شايف كومة صخور بحياتي بس مثلك مشايف لك احجي فضفض والله ترتاح ليش هيج حابس همومك جريت الجكارة من ايدة -يلة وعوف هذا السم بدقيقة الوحدة تشرب مية وحدة ضحك وكال -مو لهدرجة بهدين اني لاشغلة ولا عملة خليني ملتهي بهل جكارة اطلع حركتي سحبتة من ايدة وكتلة -كوم اعرفك ع جماعتي والله من تشوفهم تنسة همومك -اكلك بس لاتكلي جماعتك من هدولة اهل البار والشرب -وسفة عليك شايفني اشرب شي يوم لك جماعتي درر تعال شوفهم واحكم ترة اني ابن بلدك يلة واعتبرني اخوك ضحك باستهزاء -ميت مرة كتلك لاتكول اخوية انت اغلى من شي اسمة اخو بصراحة يعني لو بمكانك اني وتعرفت ع واحد مثلي جان لطشتة بالحايط وماسئلت عنة انت شلون متحملني ضحكت من كل كلبي وكلت -يا اخي حبيتك مو بيدي مشينا يلا خل اغير روتينك الممل لا اسويها والطشك بالحايط ضحك ومشينا اخذتة ع بيت يزن والا بس شاف وسام رحب بي وكانما يعرفة من زمان يزن طبيعتة حلوة دخلنا لبيت يزن وكالعادة مجتمعين جماعتنة اني ويزن السوري واوس لبناني وامه عراقية ويوسف لبناني واحمد عراقي عايش بلبنان من زمان وسام صديقنا الجديد حسيتا ارتاح لجمعة مالتنا وشوية صار يحجي ويبتسم باوعتلة وفجئة خطر ع بالي قمر وسام معقولة هذا هو وسام اخو يحيى اكو شبه بينهم بس مافديوم كلي انو هو دكتور احتمال مو هو صارت عينة علية وشافني اباوعلة حط ايدة ع كتفي وكال -صدك غيرت نفسيتي وارتاحيت بهل جمعة اصدقائك رائعين مثلك ابتسمت -بس انت متعتبرني صديقك بعدها الحواجز بينا ضحك -اي ادري اني ثكيل ع المعدة شوية شوية تعرفني اكثر سألتة حتى اتاكد لو كان فعلا اخو يحيى لان من ركزت ع ملامحة هواي يشبه يحيى -انت دكتور مو -ههه شون عرفت اي صح ضحكت وكتلة -بصراحة شبهتك بواحد وممتاكد اذا تقربلة عكد حواجبة وكال -منو كتلة حتى اتاكد -واحد اسمة يحيى بس صباعك مو مثلة راحت الابتسامة من ع وجها وملامحة تغيرت وكال بغضب -وانت منين تعرف يحيى تاكدت من شكي وهذا هو وسام ابتسمت باستهزاء ورديت -انت اخو مو... دنك ورد -اي اخو وميشرفني بس انت شلون عرفتني ومنين تعرف يحيى -كتلك الشبه ... تنهدت ورديت مركز ع ملامحة -علي اخو عمر محبيت اذكرة بقمر اعرف بالصار وهوة يحبها قطع كلامنة يزن وكال -يلا شباب مبدكون نروح على السينما مثل متفئنا جاوبت -لا يزن خليها ع غير مرة اني رح اروح اني ووسام كمت بعد مستأذنت وسام تغير مزاجة الحلو الى غاضب من طلعنا من بيت يزن وسام كال -اكيد تعرف بالي سوا اخوية وبعد معرفت اني اخو اكيد ميشرفك صحبتي مثل ما اخوك وابوك ميشرفة نسبي ع كلا اني اعتذر عن الي سوا يحيى خليني اظل اعتذر واتعاقب ع اخطاء مو الي اجة يريد يروح لزمتة -هوب وين رايح اشو كمت تصرح من كيفك ترة مثل ماعرف بسوالف اخوك وشسوة بخواتي وعرضي واي واحد ميقبل هشي بس ميعني اني اخذ فكرة سيئة عنك بسبب اخوك وطبعا كلنا نعرف وسام منو محاجة يجي واحد يفهمني ويحجيلي عن اخلاقك صح اخوك غلط وغلط جبير وابوك ساندة وتقريبا انقطعت صلات القرابة بينا واثر هشي هواي ع حياتك بسبب فعلة شخص واحد ادمر مستقبل اثنين بس انت تبقى صديقي ومالك دخل بصار اتمنى ننسا الصار ...ونكمل صداقتنا مال علاقة باخوك يحيى وصدكني لو اشوفة انهي حياتة ع ايدي بدون تردد بس هالمشكلة نهائي مالها علاقة بيك اني مو مثل عمر مرح ادخلك بهيج امور ابتسم وسام براحة وحضني ومن هاي الحظة تحددت علاقتي وية وسام وصارت اقوى ________________... احداث من البارت القادم جنت بالحوش كاعدة واقرة الكتاب مال ثنائي اوكسيد الحب اذكر بي وسام كلما اقرا طلعنا اشترينا سوة وهديتا كتاب قواعد العشق بيومها ابو المكتبة طول بالحجي وسام صاح بي شكد حلوة غيرتة علية اتمنى لو يرجع الوكت ليورة وتمحي كل الاحداث السيئة الصارت ويرجع حبنا يتكرر من جديد واني افكر اندكت الباب حطيت الشال ع راسي وكلت منو وصلني صوت اعرفة كلش زين وما انسا حسيت كلبي طارر وفتحت الباب بسرعة بدون تردد اخذت مكاني بحضنه ودموعي سبقت كلماتي اشتم ريحتة شعور الشوق كلش مؤلم واحلى شي لمن تشتاق لانسان وتلكا كدامك يتبع | ||||||||
|
| |
|
05-09-22, 03:25 PM
| #7 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_الحادي_عشر بعد الغياب الطويل وبعد قساوة القدر وبعد مرور ايام قاسية بدونك ها انت تعود وانا ارتمي بحضنك ساشرح لك عن المي بغيابك وعن كل حزني وستستمع انت بدورك ستزيح بلمست يدك كل جرح وتخفف عني كل حمل ثقيل بوجودك يا اخي …___________________… قمر كانت دقائق تمر صعبة تلتها ساعات مرة وصار ايام مليانة وجع وشهور قاسية حتى مرت سبع شهور كانت كانما قرون الساعة الوحدة كوة اجرعها بغيابة يمكن يكولون البعيد عن العين بعيد عن الكلب بس لا سبع شهور بعد زادت الحب اكثر وكل يوم اتمنة وجودة ومافقدت الامل برجوعة كل يوم احلم بي واشوفة لازم ايدي ناسين العالم وماخذني لعالمنا الحلو ومرح اياس ولا انسا اليوم هو الاول من شهر حزيران مرت خمس شهور ع زواج اسيل الي غيابها زادني وحدة والم زيادة ع شوقي لعلي رجعت اتواصل ويا مثل الاول ودوم يسال عني وعدني بالعطلة يجي واني منتضرتة ع احر من الجمر اكثر شخص يفهمني ويكدر يخفف وجعي واليوم جنت بالحوش كاعدة واقرة الكتاب مال ثنائي اوكسيد الحب اذكر بي وسام كلما اقرا طلعنا اشترينا سوة وهديتا كتاب قواعد العشق بيومها ابو المكتبة طول بالحجي وياي وسام صاح بي شكد حلوة غيرتة علية اتمنى لو يرجع الوكت ليورة وتنمحي كل الاحداث السيئة الصارت ويرجع حبنا يتكرر من جديد واني افكر اندكت الباب حطيت الشال ع راسي وكلت منو وصلني صوت اعرفة كلش زين وما انسا حسيت كلبي طارر وفتحت الباب بسرعة بدون تردد اخذت مكاني بحضنه ودموعي سبقت كلماتي اشتم ريحتة شعور الشوق كلش مؤلم واحلى شي لمن تشتاق لانسان وتلكا كدامك تحسة كانما لبة نداء كلبك وضهر كدامك جنت ابجي واني حاضنتة بقوة مثل الطفل الي محتاج وجود امة هيج اني هسة دموعي بس تشرح فرحي بشوفتة مسح ع راسي وكال -لا لا الحلوة قمورتي تبجي ليش ضربتة ع صدرة وكلت -حقير واخيرا حنيت ع اختك واجيت ضحك ومسح دموعي -لاتبجين يا احلى قمر بالدنيا كلها والله مشتاقلج كد الكون حضنتة مرة ثانية وبقوة -والله ماخليك تروح بعد ع جثتي اخليك تروح -هسة مارح تخليني افوت شو البيت هدوء وين الاهل خليتا يفوت واني مجلبة بي اخاف يرجع يختفي روحتة المرة الاولى سببتلي صدمة ماريد اخسرة بعد لو شميصير ما اخلي يروح بعد -ماما هسة طلعت تسوك جنها حاسة بجيتك من الصبح تكول خلينا اليوم انسوي دولمة علاوي يحبها علي ابتسم وكال -بعدكم تذكروني ضربتة بخفة ع كصتة -ليش منو نساك ترة انت اخونا الحلو باس راسي وكال -افيش ياريحة الكمر مشتاقلج كد الكون ضحكت وصعدت ع ضهرة صار يضحك وكال -بعدج خبلة متعقلين انزلي لج -ما اليوم شيخلصك مني دخل لغرفتة واني مجلبة بي فرحانة برجعتة باوع للغرفة شاف بيها كتبي ع السرير وغراضي جان يكول -ويييع منو الاجرب الكاعد بغرفتي عضيتة وكلت -ولي انت اجرب هاي غرفتك جانت ملكي ابد ما طلعت منها من يوم الي رحت ابتسم وكال -صايرة متوحشة ليش عضيتيني اتخصرت وهزيت براسي بدلع -بعدك مشايفني اليوم اشبعك خبالاتي ما اخليك تنام ضحك وكرص خدودي -احلى خبالات والله -صحيح بعدك تشرب حليب رفع حاجبة وهوة يعرف قصدي -اي بعدني عندج مانع ضربت ع ذراعة واني اكلة -والله وصاير حليوا وعضلاتك مبينة شنو هاي جنت تدرس لو تلعب حديد وكفت يمة وكملت كلامي يا عزا صاير طوووويل اني قزمة يمك دفعني باصبعة وكال -دروحي قزومة دوختيني خل ابدل طلعت -اي بسرعة بدل تعال عندي هلكد حجي فتحت ايدي اشرلة ع كمية الحجي حط ايدة ع راسة -اهوووو اليوم شيخلصني من الببغاء رحت واني اضحك وموسايعتني الفرحة امشي واكمز احلى يوم بحياتي دخل عمر وشافني غير عن كل يوم ابتسم وكال -شصاير اليوم شو فرحانة كتلة بحماس -علي اجة من شوي واني هسة اسعد انسانة تغيرت ملامحة وكال -علي ... علي شجابة اجة يريد يروح لغرفتة لزمتة -مرة وحدة عاملة مثل اخوك الحقيقي ابتسم ومشا رحت ورا خايفة لايسوي مشكلة اخر مرة طلع علي زعلان دخل عمر للغرفتة واني وكفت بالباب وايدي ع كلبي علي جان داير وجها عمر حط ايدة ع كتفة استدار علي ورسا اخذة بالاحضان عمر ضحك وكال -مشتاقيلك ولك لا تسال لاتكول شعجب فكرت تجي -والله مو اني ماسال انت بذات ماتسال عن اخوك ضحك عمر وحضنة بقوة ارتاحيت لانو هذا القاء جان حلو لقاء اخوي عن حق وحقيق قطعنا صوت امي وهية تصيح -ولج قمر وينج... علي ركض لزمني واشرلي اسكت ضحكت ومشيت -ها ماما كعدت امي بتعب ع الكرسي وكالت -ناوشيني كلاص مي فحطت والله طلعت السوك اتعب انطيتها مي واني مبتسمة كوة مسيطرة ع فرحتي اجة علي من ورا امي وغمض عيونها امي كالت -ولج هاي اسيل جاية لمست ايدة شافتها خشنة وملمس الشعر جان تكول -عمر صاير تشاقة علي ضحك ورد مغير صوتة -احم احم ... لاه لاه وسفة عليج يمة نسيتيني امي كالت بلهفة وصوتها باين علية الفرح -علاوي حبيبي وخر ايدة علي وحضن امي وباس راسها - اي يمة علي ... كعد ع ركبة ونص وباس ايدها مشتاقلج يا اروع ام امي باست راسة وكالت -يمة واني بعد مشتاقة طولت علينا شلونك شخبارك بدراسة وضلت امي تسأل سؤال ورا سؤال علي مبتسم والفرحة مو سايعتها لامي هشي مبين من عيونها وعمر يتفرج مبتسم دخل ابوية بهل لحظة -وينج ام عمـ.... وقبل لايكمل تركز نضرة ع علي وصاح بلهفة -علي علي توجه لابوية وباس ايدة ابوية حضنة وهوة يرحب بي هذا القاء جان كافي يثبت حب اهلي الكبير لعلي رغم هو مو ابنهم بس بالنهاية هم الي ربو واعتنو بي من اول لحظة دخل بيها ع هل بيت ماكدر اوصف فرحة اهلي برجعة علي صدك روحتة من البيت جان البيت ظلمة وستوة نور ضلينا طول الليل سهرانين بضحك وشقة وعلي يسولفنة ع اوقاتة الي قضاها بيروت واصدقائه ويزن السوري وصحبتهم الحلوة جان واضح انو علي مرتاح بيروت وتغيرت نمط حياتة وحتى افكارة وصاير علي شخصية ثانية بس الي ماتغير علي الي يدلعني ويعزني وميزني عن الباقي الساعة 12 بليل علي دخل غرفتة واني ورا اسولف ماوكف لساني من ساعة مدخل لبيت استدار بحركة سريعة وحط ايدة ع حلكي -وج اسكتي ثرثارة لغوية دوختيني ضحكت ودفعتة رفع اصبعة واشر ع غراضي -يلة شيلي جوالاتج وطلعي اريد غرفتي تخوصرت وهزيت كتفي بدلع -ما ما ما اطلع رفع حاجبة ودار وجها وهوة يحجي -اني اطلعهم صعدت على ضهرة مجلبة بركبتة هاي طبيعتي وية علي دائما اخذ ميانة حتى ما افكر بشي يوم عرفت حقيقة هوة مو اخوية بالنسبة الي يضل اخوية وحتى اول ما اجة سوين نفس الحركة فاجئني هل مرة صاح بية بغضب -انزلي قمر بطلي هاي الحركات نزلت من ع ضهرة باوعلي بغضب ودار وجها عني استهضمت منة ومن تصرفة جلبت الدمعة بطرف عيني واجيت اطلع لزم ايدي وكال -اسف قمر ماقصدي اصيح عليج بس لازم متتكررين هل تصرفات انتي مو صغيرة ولا اني صغيرة وتجلبين بية هيج اول ما اجيت نفس هالتصرف سويتي وسكتت لان كلت مشتاقتلي وعذرتج باوعتلة مقهورة ورديت بعفوية -شنو يعني اني جبيرة صح بس اني وياك من زمان هيج شنو الي تغير باوع بعيوني وجر نفس وكال -انت عرفتي الحقيقة لتغشمين روحج وازيدج علم قمر حتى لو هشي رح يقهرج حتى تواجدج بغرفتي ممنوع اني صح رجعت بس مارح اضل بالنهاية جيتي مؤقتة اشوفكم واروح باوعتلة بصدمة وكاني هسة وعيت للحقيقة علي مو اخوية وبالنهاية اني جبيرة ميصير اتصرف بهل حرية ويا كلامة صحيح بس شلون اقنع نفسي وكلبيي هوة اخوية بكلبي اخوية مو غير شي طلعت الكلمات مني بدون سيطرة ودموعي تسبقني -طالما تعرف بالحقيقة وتدري بالحواجز الي صارت بينا ليش رجعت جان ضليت بيروت رجعت حتى تهيج جروحي وتصير روحتك الثانية موت الي انت مو اخوية بدم وغريب عني حرام اكون يمك بنفس الغرفة ممنوع اخذ حريتي ممنوع كلش لا احضنك ولا احس باخوتنة رح تصير بعيد عني بسبب هل حقيقة وانت تعرف اني شكد متعلقة بيك ليش رجعت جان بقيت وخليتني وحيدة ومعتادة ع المي وهسة بعد مرجعت شلون اقنع نفسي انك رح تروح مرة ثانية وتبتعد شلون اكدر ابتعد عنك واعتبرك مو اخوية وابني الحواجز بينا وانت من طفولة اخوية وتوئم روحي جنت احجي بعصبية ودموعي غوشت نضري جد انقهرت من الحقيقة المرة الي ماكدر اتقبلها حسيت ع رجفة جسمي والم بصدري واختنكت حيل علي باوعلي بخوف مسح دموعي وكال -اهدي قمر لاتبجين علي يحجي واني زدت بالبجي والم زاد اخر شي وعيت علية صرخت علي وهوة يصيح -قمر اصحي قمر شبيج ....قمرررر ________________... علي بالمستشفى بالممر واكف واحوم حول الغرفة بعد الحجي الي صار بيني وبين قمر ماعرف شصار بيها فجئة تخربطت بالي يمها وتندمت على كلامي ليش بعدتها عني هيه اختي واذا مو رابط دم بينا ليش جرحتها جان خليتها ع راحتها صعب تتقبل الواقع بين ليلة وضحاها واني اسلوبي فض وياها اجاني عمر وكال -ممكن افهم ليش وصلت لهل حالة رديت بندم وقهر -بسببي ...بسببي بعدها سكتت ورحت يم امي شفتها كاعدة تبجي لزمت ايدهة وكلت -الله يخليج يوم ادعيلها لاتبجين انشالله ماعليها شي باوعتلي وكالت -ليش هيج صار بيها -اني قهرتها ذكرتها بحقيقة اني مو اخوها ولازم تكون حدود بينا بس هية ممتقبلة هشي -قمر تحبك من الطفولة وانت اخوها تريدها تتقبل بيوم وليلة انت مو اخوها اني اقدر شعورها لو مخبريها من البداية مجان وصلنا لهل مواصيل جان ماتعلقت بيك طلع الدكتور ولجنة الي ويا ابوية وعمر راحو يسألو واني هم الدكتور كال -للاسف بنتكم تبين بالفحص عدها فتحة بالقلب هذا الشي سبب عدها خنكة والم بالقلب لازم تراعون حالتها وماتتعرض لاجهاد هاي الفتحة تحتاج لعملية قسطرة كلت بخوف -شلون يعني من يمتة عدها فتحا بالقلب هية مجانت مريضة - لا فتحة القلب هية مرض يصاحب الشخص اول مينولد لكن الاعراض مكانت ضاهرة وذالك لان الفتحة اولا صغيرة ثانيا الفتحة بين ردهة الاذينين ماتسمى باحاجز الاذيني وهي اقل خطر من الحاجز البطيني مما يؤدي الى ضهور الاعراض بفترة متاخرة من العمر بالبداية تضهر باعراض طفيفة وبعض من هاي الاعراض يودي الى التحام الفتحة عند الكبر والبعض يحتاج عملية قسطرة قلبية بمثل حالت بنتك ابوية كان واكف مصدوم سأل والدموع بعيونة -زين العملية تنجح لو خطر ع بنتي رد الدكتور -بصراحة ما انطيك نسبة عالية لنجاح هشي يشكل خطورة ع حياتها نسبة النجاح ضئيلة بس كل الي اكدر اكولة ماكو غير العملية تنقذها باذن الله والا رح ياثر ع حياتها طول ماهي مريضة خلال هاي الفترة اياكم تعرضوها لاي ضغط لازم تكون مرتاحة والا صحتها رح تتراجع نحو الاسوء اني وصفتلها بعض الادوية ولازم تلتزم بيهن وعلى الوقت معافاية انشالله بعد كلام الدكتور اختنكت مكدرت اقاوم حتى دموعي غلبتني بسببي تاذت باوعت ابوية ساكت وصافن بالفراغ اكيد مصدوم تقربت منة -يابة لاتياس انشالله تكون بخير اني رح اتولى كل امور العملية وانشالله تنجح قاطعنا صوت امي -ماكو عملية مامسستعدة اخاطر بنتي. العملية نسبة نجاحها قليلة كانت تحجي وتبجي حاولت اهديها هية والوالد الي ماحجة ولا كلمة ________________... اسيل اتصلت بية امي. الصبح وخبرتني بحالة قمر وشلون اخذوها ع المستشفى باليل خطية جانت منهارة خليت اسامة ياخذني الهم ماكدر اعوف امي وحدها وقمر مريضة مسحت دموعي ولبست الشال احضر نفسي اروح الهم حضني اسامة وكال -حبيبتي لاتياسين انت هم اكيد اكو حل وقمر قوية رح تكوم تتخطى هاي الايام وترجع اقوى واحسن -ياريت؟ ! من يوم الي راح وسام وهية ما شافت السعادة بعدني عنة وخزرني -كم مرة كتلج لاجيبين سيرتة -بس هو مالة دخل -اعرف ماله دخل بس لو ما يكون اخو هذا العار مكان وصلنة لهل مواصيل -بس... قاطعني -لاجادليني اسيل وسام لاتحجين بي راح بعد ونتهى موضوعة والايام كفيلة تنسي اختج واحنة عائلتها يمها ونساندها هزيت راسي بالايجاب وطلعنا من البيت طول الطريق الصمت كان سيد الموقف حتى وصلنا نزلت قبل اسامة متلهفة ع اهلي اول مدخلت اصطدمت. بشخص رفعت راسي شفتة علي ماعرف رغم مشايفتة من فترة وهوة بنهاية مثل اخوية وربا ويانا بس درت وجهي عنا اعرف هوة سبب حالة قمر اجاهلتة ومشيت بدون ماسلم برغم اشهور مرت ع غيبتة بداخلي مشتاقتلة بس ماريد انطي مجال يكمل حياتة ويانا لو باقي بيروت كان احسن ع الاقل قمر تعودت ع غيابة وهسة رجع وهيج جروحها وهوة يعرف معزتا بكلب قمر غير عنا كلنا دخلت بسرعة تلكتني امي وجها شاحب وكانها كبرت الف سنة بعد هذا الخبر حضنتها اواسيها واخفف عنها سالتها -قمر وين -بالغرفة ترتاح خليتها خايفه عليها ماحجت شي ولا ناقشت حجيت بعصبية -كلة بسبب علي ليش رجع مابقى وخلصنا دخل علي وكال -كان لازم اعرف من البداية اني ممرحب بية بينكم الشوق غلبني وخلاني اجي متلهف اشوف عائلتي الي حتوتني سنين بس للاسف بعد مكبرت صارو مكادرين يتقبلوني للحظة اسف ثكلت عليكم بس هاي اخر مرة تشوفون وجهي طلع علي وكلامة حرك شي بداخلي تندمت حيل وبكلبي دب الخوف خصوصا من اخر كلمات اخر مرة تشوفون وجهي ركضت ورا وكلت -علي انتضر علي مقصدي طلع بدون ميهتم نزلت دموعي تندمت مكان لازم احجي كلام جارح هيج اوووف ________________... علي كلام اسيل حيل جرحني ممتقبلين وجودي ياريتني مرجعت اني اعرف كلش زين هذا مو مكاني ولا همة عائلتي بس وحدتي وشوقي الهم خلتني اتسرع واجي اوهم نفسي عندي عائلة بالحقيقة اني يتيم علي يتيم وحيد من هوة صغير امي ماتت وابوية مات اهل ابوية متبرين منة لان ازوج مسيحية واني الي وكعت بيها طلعت واني ناوي خلص من هل لحظة اطلع لبيروت مكاني مو هنا واني اسوق وكلبي محروك الشي الوحيد الي قاهرني قمر وشلون رح اتركها طلعت تقريبا ع حدود بغداد ماعرف وين رحت حتى محاجز بالمطار اتصلت ع صديقي يدبر اموري كالي ماكو حجز اليوم ع بيروت الساعة ستة وراح الوقت حجزت ع اليوم الثاني من الصبح بس وين ابات اكيد مارح ارجع للبيت برغم بالي يم قمر شتاقيتلها حبيبتي وكفت السيارة ع الجانب مر الوقت بسرعة والشمس بدت تغيب واكف بمكان خالي مثل الجولة اكو لافتة ع صفحة قريتها مكتوب الرستمية اني ع اطراف بغداد جريت نفس ورجعت راسي ليورة غمضت عيني لحظات وسمعت طرق ع الجام رفعت راسي باوعت شفت شاب الضوة خفيف والشمس راحت وقت غروب الشاب طويل وضخم اول مرة اشوفة ملامحة قاسية نزلت الجامة وحجيت -تفضل اخي رفع حاجبة وكال -انت علي صفنت بوجها معقولة يعرفني ابتسم وكانو يمحي قلقي وكال -لاه ضلعي ماعرفتني نزلت من السيارة وكتلة -اعذرني بلا صغرا بيك بس مدتعيني ذاكرتي تحولت نضراتة لنضرة خبث وكال -ليش هوة منو يعرف عزرايل #البارت_الثاني_عشر لو يُسمعُ بكاء القلوب ما كان للغياب صوت💙 …________________… ابتسم بخبث وكال -ليش هوة منو يعرف عزرايل اجذب اذا كلت مخفت شي عادي اخاف وحدي وبدون سلاح وبطريق خالي يكتلوني وشربون دمي ومحد يعرف بعدني محاجي ضربني بلكمة ع بطني مديت ايدي وضربتة اجو ثنين ماعرف منين طلعو كتفوني وطلعو بعد كدامي ثنين شايلين اسلحة همس باذني واحد منهم الصوت مو غريب علية -عبالهم اذا وقعنا تعهد منمس شعرة من عمر معناها منكدر ناخذ الثار اذا مو عمر عدنا البديل صحت بي -شتقصد ومنو انتو شتردون مني -اني موتك ياسافل الدم بالدم والموت بالموت والبادي اظلم كمل كلامة وضربني ع خاصرتي بعدها تولوني بالكمات. واني ممستوعب شي يضربون بكل وحشية لو اني كدرت اخذ ضربة منهم همة موتوني ضرب كانما عدهم ثار وياي يادم يا موت مفهمت كلشي حجة واحد منهم بعد مخلوني اتكسر من الضرب من كل صوب ماكدر بعد استوعب شي شبه فقدت وعي كال -طلقة براسة وذبو مثل الجلب باب اهلة وحطوة يمة رسالة هاي بمكان يحيى من كال هيج استوعبت الي ديصير وجاين ياخذون الثار اكيد كرايب يحيى واحد منهم تقرب مني خلا المسدس براسي خلص ايقنت رح اموت بعد مانطوني جرعة من الضرب وكسروني هسة يموتوني غمضت عيني وتشاهدت بعدها سمعت صوت رمي الي ضربوني شردو ماستوعب شديصير بس اني مكسر وماكدر اتحرك قيد شعرة الدنيا ضلمة وكلشي ماشوفو واحد ضوة ع وجهي غمضت عيني اثر الضوة القوي سمعتة كال -لازم ننقلة ع المستشفى لحكنة علية قبل لا يموتو هذولة مجرمين بلا رحمة ________________... قمر صافنة بالفراغ اعيد كل الي صار بيني وبين علي هو مغلطان كلامة صح خلص هوة مو اخوية لازم اتقبل الواقع دخلت اسيل الغرفة محضرتلي العشة وكالت -يلة تعالي تعشي حتى تاخذين الدوة ابتسمت ورديت -انت ماشوفج بس من اتمرض -ههه خبيثة غير ازوجت وعندي مسؤليات ورغم هشي ماعفتج اجي واشوفج تحركت شوية وحضنتها -الله يخليج الي ولا يحرمني منج باستني وكالت -يلة يعمري اكلي حتى تتحسنين مديت ايدي اكل بعدني باول لكمة سمعت صرخت امي وعمر يكول -الانذال يردون يموت ع حساب روح العار يحيى... لزمني كلبي حسيت بنغزة قوية اسيل كالت -انت لاتكومين اني اشوف شكو لزمتها وكمت وياها -ما اني هم وياج اول مطلعنا طلع بوجهنا اسامة كلت -اسامة شصاير منو يردون يموتو احجي وايدي على كلبي ضحك اسامة وكال -لا شنو يموتو عمر ديتفرج ع مبارات كلت واني اعرف يجذب -شنو طفلة وتضحك علية سمعت صرخت امي كلي شصاير باوع لاسيل وكانما يحجون شي بنضراتهم صرخت -علي ... علي وين ركضت مثل المجنونة دكات كلبي صارت الف واحس بالم موطبيعي اسامة وراية يصيح -لج قمر مابي شي علي تعاي وكعت منهارة ماكدر اقاوم الم ذبحني احس كلبي رح يوكف لزمتني اسيل تبجي -قمورة اهدي والله مبي شي شالني اسامة رجعني للغرفة انطاني الدوة وضربني ابرة بايدي احس جسمي خدر وهدءت اعصابي بعد الابرة كعدت يمي اسيل وكالت -لا تتوترين اهدي علي مابي شي اسامة جاوب بتاكيد -اي مابي شي هسة يجي وتشوفي بعينج اسيل سالت اسامة -شصار ماكتلي -لاتخافين انت هم بخير علي حاولو يقتلو بس الحمد لله عدت ع خير اني اسمع بس تاثير الابرة مخليني اهدء شوية شوية حسيت نفسي رخيت اكثر ونمت ________________... اسيل بعد مانامت قمر كلت لاسامة -فهمني. شصاير ترة كلبي نار -علي متعرضيله جماعة بطريق حاولو يقتلو بس... -بس شنو لاتكلي بي شي والله بسببي اني قهرتة بكلامي -لا حبيبتي مالج دخل الي صار قدر وعلي بخير بس ضاربي هواي انشالله فترة ويكوم ع حيلة -زين معرفتو منو ورا الصار -ماعرف والله بس الامن اجو بالوقت المناسب جان قتلو ع الاخر الحمد لله عدت ع خير ماعتقد متعمد هاي المجرمين سايبة بشورع والوضع من يومة مو امان شرد بالي واني افكر معقولة مو متعمد ليش احس مستهدفي ياربي بس مايكونون اهل يحيى وينتقمون ماكدرو يأذون عمر اجو ع علي بالنهاية هوة واحد منة قطع افكاري اسامة -وين راح بالج... -وين ماما وبابا راحو -اي راحو للمستشفى وصوني اهتم بقمر ملازم تتوتر وضعها بخطر موزين عليها -اسامة ... -هاا؟! -معقولة يكونون الي متهجمين ع علي اهل يحيى -بس همة شعدهم عداوة وية علي ثارهم ويه عمر -اي بس همة انطو تعهد ميأذون عمر واي شي يصير على عمر رح يبتلون لذالك مكدامهم خيار الا علي ينتقمون -انت ليش صدكتي يحيى مات يحيى عايش وهاي لعبة من عدهم حتى تصير مشاكل بين العائلتين -اذا كان يحيى عايش فعلا هذا الشي ميوقفهم ومرح يهدالهم بال الة يقتلون واحد من العائلة سواء ثار السالفة او مو ثار -ماعرف حبيبتي انت لاتشغلين بالج الله كريم المهم علي بخير بعد ميكوم بسلامة نخلي يسافر ونخلصه ________________... قمر مرت اربع ايام خلالها ماطلعت من الغرفة ولا شفت علي يكفيني اطمنت علية وعرفت هوة بخير جنت اريد ابتعد عنا هذا افضل اليوم سمعت ابوية يكول لامي علي رح يرجع يسافر اني ماكدر اوصف شعوري علي قطعة من روحي ماعتبرة غريب شلون اكدر اتقبل شخص ربيت وياطفولتي كلها واخوية سنين اتقبل عدم وجودة وبعدة القاسي نزلت دموعي ومسحتها ماريد اضعف لازم اتقبل الواقع طلعت من غرفتي واتوجهت ع غرفة علي من شوي شفتة طلع شتاقيت لعطرة. وشتاقيتلة هواي اتمنة ماكو حواجز بينا دخلت للغرفة لكيتها مخربطة مشمر غراضة بكل مكان ابتسمت اعرف طبيعتة واحد فوضوي كمت ارتب بيها بهل اثناء سمعت رن تلفون هاي شنو ناسي مبايلة باوعت ع الميز شفتة اتقربت شلتة قريت الاسم وكلبي كام يدك بسرعة معقولة وسام هذا لا لا هذا الرقم دولي اي ليش لا وسام هم بيروت يعني معقولة يتصل بعلي شايلة المبايل وهوة يرن ويفصل محتارة يكون هوة او لا جريت نفس ورديت بس اسمع صوتة وتاكد فتحت خط وصلني صوتة -الو علي وين مختفي ولك لاتسال لاتخابر من شاف احبابة نسى صحابة ول..... ماكدر اوصف شعوري نبضات كلبي الي صارت تتسارع بسرعة غريبة لو رجفة ايدي ودموعي الي ماكدر اسيطر عليهن شهكت بدون ارادتي قطعت كلامة حطيت ايدي ع حلكي امنع صوت البجي كال بهدوء -قمر ... كانة عرفني مرديت بس دموعي كانت ترد شحجي وشكول شوقي ولهفتي لشوفتة شكد مشتاقة اسمع صوتة -قمر احجي لاتسكتين مشتاقلج شوفي الصدفة شلون خلتج تردين انت ... قمر ردي بداعتي لو تحبيني شوية بس كولي اسمي مشتاقلج كد رحمة الله لاتحرميني من الفرصة هاي مكدرت اسكت حجيت وصوتي مخنوك -وساام ... سمعت صوت حسرة بعدها كال -لاتبجين بداعتي بعدني محاجية دخل علي من شافني تفاجئ كال -قمر ... انطيتة المبايل وكلت -صديقك يتصل اخذة مني اجيت اطلع لزمني رد على وسام وكال -اي وسام بعدين احاجيك نهى المكالمة وباوعلي بنضرة مفهمتها يحاسبني لاني رديت لو مقهور على حالي اكيد يعرف بحبي لوسام دنكت راسي ومحجيت -ليش رديتي علية -جنت بس اريد اتاكد اذا كان هو -قمر كلمة وحدة ما اعيدهة اعرف كلشي صار واعرف وسام مالة ذنب بس خلص انسي. ابدي حياة جديدة رفعت راسي باوعت بعينة وكلت -لازم انسى وسام ولازم انساك وكلشي يسبب الالم الي انجبر اني اتقبلة ليش ...؟! غمضت عيني وخليت ادموعي تشرح تقرب علي راد يحضني دفعتة وكلت -خلص ... ماكو داعي انت نبهتني المرة الماضية وهل مرة اني انبهك طلعت بسرعة واحس كلبي كام يوجعني اخذت الدوة واني اشهك ماكدر امنع دموعي صوت وسام هيج كل المواجع. اخاف جنت عايزة الم جنت بوحدة صرت بثنين خليت راسي ع المخدة وابجي بحركة ياريت يصير شي هسة ويغير كل الي صار ياريت انام واصحى الكا كل الي صار حلم لا علي بعيد ولا وسام واني ابجي خطرت ع بالي فكرة خلص اسوي المستحيل علمودها مارح استسلم كافي اكون ضعيفة واخلي الكل يتحكم بية لازم اسعى حتى احقق شي واحد بحياتي ماسمح لاحد يفرق بيني وبين وسام مسحت دموعي وكمت ررحت لغرفة علي واقتحمتها بدون استأذان لكيتة حاط راسة بين ادية وكانما يفكر من دخلت رفع راسة ________________... علي اقتحمت الغرفة وع وجها اثر الدموع وعيونها حمر كد مباجية منضرها كسرني بس مبيدي شي ضليت كاعد بمكاني اتقدمت علية كعدت كدامي ع الكاع ورفعت راسها تباوعلي كنت كاعد ع طرف السرير لزمت اديه وكالت بصوت مخنوك -علي اطلب منك طلب -اطلبي روحي انطيج ابتسمت وكالت -شوكت تروح لبيروت -بعد يومين ليش -خذني وياك طلبها فاجئني وصدمني بدون تردد كلت -مستحيل -حباب علي الله يخليك كون انت السند لاتوكف بوجه سعادتي ماكدر اعيش بدونة احبة صدمتني بكلامها تريد تروح علمود وسام يعني متخيلتني اوافق ع هيج مهزلة صحت بيها -الا اذا اكو شي بعقلج شلون هيج تفكرين مستحيل اني شلون ارضاها ع اختي يعني رايحة وياي تشوفين حبيبج وين عقلج قمر حطت عينها بعيني وكالت -بس انت مو اخوية صحت بيها -مو اخوج صرت مو خلص نسيتي اني اخوج اذن اسمعي الاقوى بما اني مو اخوج سفرج وياي ممنوع حسب ماتعرفين بالعادات وتقاليد ممنوع اطلعين ويا شاب غريب واني غريب شلون تسافرين وياي كامت وكفت وكالت -لاتاخذني بس اروح لبيروت اروح ومارح اخلي احد يفرقنا لزمتها بقوة -انت من كل عقولج -احبه ماتفهمني خلص كافي اراعي العادات وتقاليد ماكدر ماكدر بدون حاولت انسا بس انتو ظلام واكفين بوجه سعادتي ضلمتو وسام برغم هوة مالة ذنب كم مرة طلبني وابوية رفضة بسبب الثار وبسبب اخو واحنة شنو محد فكر بينا اني وسام شنو ذنبنة اعرف مرح تاخذني لان ابوية ميقبل ولا حتى انت واني مو اختك وميجوز اطلع وياك اذن اني اروح وباي طريقة محد رح يمنهني تحجي بصوت عالي ودموعها تجري ماتوقعت كلامها يعني تفكر تشرد اخر شي اتوقعا من قمر ضربتها كف وكعت بالكاع مغمى عليها صرخت اوعيها -قمر ... اسف ماقصدي تنكسر ايدي انشالله... قمر على صوتي اجتي امي تركض -هاي شسويتلها هم تعاركتو ذبيت على وجها مي صحت امي شافت اثر ايدي ع وجها باوعتلي بلوم قمر كالت -ماما الله يخليج كليلة ياخذني لبيروت رح اموت اختنكت -اسم الله عليج حبيبتي... كومي هسة وبعدين نحجي بالموضوع كومتها وياها اجيت الحكها خزرتني ارجع خبلتني بطلبها بس لو افهم شلون تفكر هيج مستحيل اوافق اضافة الى انو ابوية وعمر مرح يوافقون تسافر وياي وهاي تفكر بوسام لو عمر دره رح ينهي حياتها عمر مستحيل يخليها تفكر بهشي انوب اطبق طلعت من الغرفة طلعت بوجهي امي وهية تهدد -من باجر تسافر وبدون ماتدري قمر تعلقها بيك وصلها لهاي الدرجة صارت تريد تسافر وياك روح وخلينا ننهي الموضوع شوف اني وين وامي وين مفكرة قمر تريد تسافر علموي متدري حبيب الكلب هناك وتريد تشوفة جريت نفس وهزيت راسي موافق اول مطلعت طلع بوجهي عمر -ها على خير ابو الشباب -لكبور النجف مشيت ومهتميتلة صاح وراي -خير شبيك تعارك ذبان وجهك اني هسة لازم احجز على بيروت قمر طكت فيوزاتها مارح اكدر اتحملها واتحمل افكارها الغريبة اخ لو تدري افكارها شلون رح تودينا بمشاكل حبها لوسام خبلها من جهة انتقام اهلة ومحاولت قتلهم الي ومن جها حبها بس لو تشغل عقلها احنة بخير رجعت للبيت الساعة 8 سمعت صوت صياح ابوية وعمر -ياستار شكو اول مدخلت لكيت قمر كاعدة بصف ابوية وتتوسلة يخليها تسافر صاح بيها ابوية -خلص كلت ماكو سفر يعني ماكو عمر خزرني وكاني اني السبب رد بعصبية -انت تعرفين كلش زين علي مو اخوج شلون تردينا نامن نخليج تسافرين وية واحد غريب كلامة عصبني بس كوة لزمت روحي هسة من اكوم امدة بالكاع هم احد يلومني قمر ردت -هو مو اخوية بدم بس هوة ربا ويانة كاخو يعني قابل شرح يسويلي اني اثق بي اريد اسافر ويا ارتاح وابتعد عن المشاكل فترة ابوية رد بنفاذ صبر -خلص كتلج سفرج وية علي ممنوع مو قصة هوة بس غريب ومنثق بي انت كبرتي وين تردين ترحين هناك بمكان مبي اهلج وبس انتي وعلي خلص اعقلي كافي تعبتيني عمر كال -بحالة وحدة اخليج تسافرين وية علي قمر ابتسمت بامل وابوية خزر عمر كانو يعرف شرح يكول واني انتضر شنو يكول مستغرب كلت -وهي ... -تزوج قمر وكفت مصدوم وقمر صرخت معترضة -انت شلون هيج تحجي علي اخوية اكلك ربينا سوة يمتة تفهمون علي اخوية شلون هيج يخطر على بالك صرخ بيها -اذن شيلي الفكرة من بالج انت وعلي ماضلون سوة ماااااايصير والسفر شيلي من بالج باوعتلي برجاء اعرف هية محتاجة تسافر مو بس حتى تريح نفسيتها حتى تشوف وسام ومرح تستسلم بعد ماعرفت موجود بيروت اني ماكدر اشوفها منهارة ولا بيدي شي لازم الكة حل كعدت بصف ابوية واشرتلها تهدء جريت نفس خلص لازم امشي بطريق الصح وحسب ميكلي كلبي سعادة قمر بايدي واني الوحيد اكدر احلها -يابة قمر خليها تسافر لبيروت هشي ضروري مو بس لانو هية تريد بصراحة انت تعرف بمرضها وتعرف هية بحاجة عملية قسطرة احسن مكان تسوي بي العملية بيروت قاطعني عمر -هاي خوش حجة -انت لاتدخل كلامي وية ابوية يابة اني مارح اسافر اني وقمر لوحدنا ابوية كال -ومنو لعد يسافر وياكم -امي ...هشي من اجل علاج قمر تعرف العملية حرجة وهناك اكو اطباء احسن متاكد رح تنجح العملية وقمر تصير احسن ابوية صفن بتفكير وامي ايدت كلامي وشكلها الفكرة مقنعة حتى عمر سكت ومناقش قمر ابتسمت بامتنان كانها فهمت هاي جذبة حتى اساعادها بعد ماتم الموافقة ع اقتراحي قمر ما سايعتها الفرحة رحت لغرفتي شارد بتفكيري وشنو لازم اسوي حتى اسعد قمر دخلت قمر وحضنتني بعدها الطفلة المتعلقة بية ومو بس هية اني هم متعلق بيها اختي وروحي اسوي اي شي حتى اسعدها -علي ماعرف شلون اشكرك انت جذبت علمود -اني مجذبت انتي فعلا مريضة ويحتاجلج عملية -اي اعرف بس انت اتخدت هشي حجة علي احبك انت اروع اخ بدنيا حضنتها بقوة وكلت -امي رح تجي ويانا بعدها رح اخبرها بقراري الي يخصج باوعتلي وكالت -شنو قرارك -اول منوصل بيروت رح اكمل عمليتج بعدها ... سكتت ثواني جريت نفس يتبع | ||||||||
|
| |
|
05-09-22, 03:26 PM
| #8 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_الثالث_عشر جريت نفس وكلت -تعرفين كلش زين الشي الي رح يصير ضد ارادة ابوية لان هو رفض اي علاقة تربطنا بوسام بس انتي اختي واني اريد سعادتج لذالك وافقت ع سفرج انت تردين تشوفين وسام حتى ترتاحين وتزيل همومج هذا الحل اني مامقتنع بي بس بعد مفكرت وصلت القرار اضرب عصفورين بحجر الاول علاجج بيروت والثاني زواجج من وسام واني اعرف ميقبلون تسافرين وياي وحدج لاني مو اخوج وشفتي اقتراح عمر لذالك امي رح تجي ويانا واني رح اخبرها بكلشي بعد منوصل واكيد رح تكون امام الامر الواقع وتوافق في سبيل سعادتج بعد ماتزوجون انت وسام نكدر نخلي العائلتين امام الامر الواقع ويتصلح الوضع استمع لكلامة باعجاب لخطتة وكلامة المنطقي وفرحانة و فخورة علي اخوية الي هوة الوحيد الي فكر بمصلحتي قبل لا احجي قطعنا صوت امي -وبعد مسمعت هاي المهزلة منك علي مستحيل اقبل بنتي تزوج وسام انت شلون هيج تفكر وكفت مصدومة امي رادت تطلع وهية عصبية لزمها علي وكال -يوم الله يخليج لاتستعجلين بحكمج -ماريد اسمع منك شي انت تعلمها ع السوالف العوجة من باجر تسافر ولا تشوفني وجهك -يوم هشي مو لمصلحتي هذا علمود قمر ترديها تكون ضحية لثارات والمشاكل الي متنتهي -لا ضحية ولا شي قمر بنتي واخاف عليها اكثر منك تريدني ازوجها وسام وسام منو اخو واحد سافل خطفها وحاول يعتدي عليها وبعدها تهم اخو تريدني اذب بنتي بنار لو نسيت شلون حاولو يقتلوك من ايام الجروح وكدمات بعدها بوجهك ومانسيت الدرس تعرف كلش زين احنة وهاي العائلة منتوالم يادوب مخلصين عمر منهم. وهسة مستهدفيك ياخذون بثار اخوهم تروح انت تسوي علاقة بينهم وتزوج اختك للاعدائك ادخلت اني وكلت -ماما يحيى مات خلص وسام مادخلة باخو هو يحبني وطلبني عدة مرات من بابا بس انتو رفضتو ليش اظلمون حبنا اجتي تضربني لزمها علي كالت بعصبية -صاير عندج لسان ودافعين عن حبج خلص وسام انسي ومن باجر اوافق ع عرض الزواج الي اجاني من خالتج من قبل ايام طلبتج لابنها هيثم وتنتضر رد وبعد مشفت افكارج شكلي لازم استعجل بزواجج من اليوم بعد ماكو تساهل من كالت هل كلام سجينة وحطتها بكلبي صرخت ورها تسمعني بس ماهتمت طلعت انهاريت ابجي وعلي لزمني يهديني اخدني للغرفة ينطيني دوة شلت الدوة وشمرتة -ماريد خليني اموت ... خليني اموت تريد تدفني بالحياة وتزوجني غصب عني مستحيل اموت وما اكون لشخص ثاني دفعت علي اطلعة برا الغرفة ع صوت الصياح اجتي امي ضربتني راشدي وكعت بالكاع -انت صايرة قليلة تربية رفعت راسي واحس الدنيا تفتر وضيق بتنفس تشوشت الدنيا كدام عيني كمت احجي بصعوبة -تردين تجبريني ع زواج مستحيل اوافق اكتل نفسي حسيت بغنكة والم ذبحني علي ركض علية وكال بعصبية -عجبج الحالة الوصلتلها... مستحيل اخليج تجبريها مسح دموعي انطاني العلاج يتوسل بية اخذا امي واكفة تباوعلي وتبجي ماعرف اذا كانت حالتي رح تخفف من حدتها وقسوتها مقبلت اخذ الدوة رغم الالم موتني تقربت مني امي وانطتنيا -خلص مرح اجبرج بس اخذي دواج رح تموتين من كالت هيج وافقت اخذ العلاج حضنتني وهية تبجي -بنتي ليش تجبريني اتصرف بقسوة والله وسام ميفيدج رح تتعذبين بسبب هل حب امري لله لو مخايفة اخسرج فلا اوافق ع عنادج ويباست راسج اني امج لو عدوتج لزمت ايدها وكلت -ماما وسام يحبني صدكيني سعادتي تكتمل ويا بحياتي مطلبت منكم شي ومارح اطلب بس اريد توافقين ع وسام -وابوك واخوج شلون بيهم علي كال -بعد ماتزوج وسام رح تتصلح هواي امور حتى المشاكل بين العائلتين تخف صدكي واما ابوية صح رح يعصب ومرح يتقبل الموضوع بس بنهاية تهمة سعادة بنتة ماما اني اكثر واحد اعرف وسام وسام شخص شهم وهو محط ثقة رح يصونها لبنتج ويحميها كوني متاكدة طوال الفترة الماضية كان اقرب صديق الي وماشفت منة العيبة حتى اني جنت اشوف حبة الكبير لقمر مكان يحجي ويعبر بس جنت اشوفة بصمت بانعزالة عن الكل مرح تلكين شخص يحب قمر ويعتني بيها مثل وسام علي يحجي عنه بكل كلمة يزيد حبي الة واتشوق اشوفة امي جرت نفس وكالت -الله كريم ... انشالله مايخذلنا وسام وفعلا يحميج ويصونج الله يكتبلج الخير قمورتي شريد من الدنيا غير راحتج انت واختج كومي هسة ارتاحي وبعد لاتسويها وتعوفين الدوة موزين عليج حطت ايدها ع راسي وباستني حضنتها بقوة وكلت -ماما احبج لاتزعلين مني -مازعل من قمورتي يلة كومي نامي باجر نحضر نفسنا حتى نسافر علي كال -موعد الطيارة الساعة 4 العصر ________________... قرار علي جان هو الحياة بنسبة الي حسيت بنشاط والقوة رغم التعب والمرض رغم كلشي قرار علي وسفري لبيروت جان استعادة فرحتي وقوتي حضرت غراضي واني فرحانة واغني دخلت اسيل علية التفتت باوعتلها مبتسمة بادلتني الابتسامة وكالت -امي كالتلي عن سفرج وعن قرارها ابتسمت وكلت -صدكي حاليا اسعد انسانة اني نزلت دموعي وكملت -شنو رح تكون ردت فعلة من يشوفني بعد كل هل فترة يالله اسيل متتوقعين شكد مشتاقة لشوفتة ماريد شي بس اشوفة حضنتني اسيل -معقولة هلكد تحبي -اموت بحبة .. ماكدر اوصف سعادتي بكلمة اني ماحتاج لا عملية ولا دوة وسام هوة كلشي شوفتة كافية ضحكت اسيل وكالت -معقولة بس تردين شوفتة -اي لعد قابل شريد غمزت وكالت -حضنة دفو ... ضربتها على كتفها وكلت -اي شبيج اسيل والله متستحين هذني بعد ماصير مرتة درت وجهي خجلانة واسيل تضحك -رح تتركيني واشتاقلج -واني هم اشتاقلج بس رح نتواصل بعدين اني مباقية طول العمر بعد منزوج نرجع -بصراحة خايفة من ردت فعل عمر بابا ممكن يتقبل بس عمر مرح يسكت بلعت ريك وكلت -اني مثلج هم خايفة بس مارح اظل طول عمري خايفة اني وسام نحب بعض ورح نزوج ممسوين غلط -الله يسرلكم حبيبتي -انت لاتخبرين اسامة -ههه بعد وكت توصين اسامة عرف ماما حجت كدامة اصلا -اي شكال -بصراحة ماعترض فاجئني كال عين العقل الي سوا علي وطمن امي وهدء بالها ابتسمت وكملت تحضير حاجياتي المهمة واني اتخيل لقائي بوسام ومتشوقة لشوفتة تمنيت اتصل بي هسة واكلة اني جاية وافرحة بس خليها مفاجئة احلى ولاول مرة من بعد فترة طويلة نمت مرتاحة وفرحانة ________________... وسام بعد مسمعت صوتها ماعرف شصار بية كل جروحي هاجت ورجع الشوق والحنين للحظة فكرت ارجع حالا للعراق واخذها وغصبا عن الكل صوت شهكتها وبجيها كطع كلبي اكيد هية هم متعذبة واضح من صوتها ... ضليت بقلق وتوتر من الوقت الي سمعت صوتها محتار شسوي ارجع للعراق واجرب اصلح الوضع واطلبها لو اظل هنا محترك بنار الشوق طلعت بسيارة اسوق بسرعة ماعرف وين اروح وين اتجه كلشي بية محتاج لقمر متوقعت بيوم كلبي يتعلق بانسانة هيج فجئة دخلت حياتي عشقتها من اول نضرة يمكن قليل الي صدكون بالحب من اول نضرة بس اني حبي لقمر من اول مرة شفتها بيوم كان الجو مطر ومحتارة وين تروح مستعجلة على جامعتها وصلتها وشفت نضرة التحدي بعيونها لبوة شرسة ابتسمت واني اذكرها قطع افكاري صوت السيارات حولي وعيت على واقعي واني بنص الشارع كدامي شاحنة تنبهني لطريقي اريد اتحكم بسيارة حسيت نفسي ضايع ماعرف وين اتجه انحرف اتجاه السيارة على الجانب وانضربت بجذع شجرة بعدها محسيت غير اني بنص السيارة حرارة تنزل على جبيني احاول افتح عيني بس بين الوعي واللاوعي اسمع اصوات ضوضاء حوالية صوت واضح من بينهم كان صوت قمر -وسام ... وسام اني جاية فتحت عيني لكيت الدكتور واكف يمي عرفت اني بالمستشفى -حمد لله على سلامتك دكتور وسام ابتسمت نصف ابتسامة الدكتور همام صديقي -اشكرك دكتور اجيت اكوم حسيت بتشنج بكتفي الدكتور كلي -لازم ترتاح انتبهت حاطيلي طوق الرقبة كلت -هسة هذا ضروري ضحك وكال -اي ضروري لازم ترتاح وتنتبه لصحتك عندك كسر باليد اليسرا وبعين دكتور وسام اشوف صاير مو على بعضك وتتهرب من شغلك شنو سالفتك -همام مو وكتك اجيت اكوم سحبني وكال -شكلت ستوك سويت حادث الحمد لله مكانت الاضرار خطيرة وعدت برضوض بسيطة وكسر ايدك شنو مستغني عن حياتك جريت نفس واستلقيت بهدوء على السرير مالي خلك لنقاش سكتت واني استمع لنصائح الدكتور سألتة -بس تلفوني ممكن اتصل انطاني تلفوني وطلع جريت نفس افكر اتصل بعلي بس ماعرف شكلة اكلة اريد اطمن عن اختك والله حتى ماعرف شلون ماجيبها هية ماترهم شنو رح يفكر بية ياريتني لو ميت بهل حادث غمضت عيني احاول استرخي شوية من الافكار الي تعبتني رن تلفوني شفتة ابوية مارديت بعدها مباشرتا اتصلت امي جاوبت -وينك وسام صاير متتصل -هلا بيج يوم مشغول اعذريني شلونج -والله اني بخير اذا انت بخير شخبارك انشالله مرتاح -مرتاح يمة بخير -ابني ليش ابوك يتصل ماترد -ماما لخاطر الله عوفيني من ابوية رغم كل الي صار هو مساند يحيى قاطعتني امي -ابني مهما يكون هو ابو صح يحيى غلط بس بنهاية احنا اهله ابوك مريض وسام تعال ارجع -لخاطر الله ماما ماكدر ارجع اختنك واموت اذا رجعت -ابني ارجع واني اخطبها الك حتى لو اعرف اتوسل بس ارجع -يوم ماعاش الي يذلج راسج دوم مرفوع بس ماريد ارجع خليني مرتاح هنا -تريد تقنعني انك مرتاح -افضل من ما اعيش بمكان روحي بي بس بعيدة عني اشوفها واموت الف مرة البعد افضل -زين حاجي ابوك وريحة تريد تجلطة -انطينيا ثواني وصلني صوت ابوية واضح انو تعبان -شلونك ابني هيج تهون عليك ومتحاجيني -يابة تعبان اسف انت شلونك -والله يا ابني اني موات تعال خل اشوفك قبل لا اموت -اسم الله عليك يابة عمرك طوويل ولاتنقهر ترة يحيى عايش -انت ليش هيج متأكد -اني متاكد لان اخوية واعرف شكد نذل كذلك هو هددني اصلا قبل ليختفي كل هشي حتى يدمر علاقتي وية ابو عمر وماخذ قمر ليش مو هو خطفها وحاول يدمر سمعتها فيسبيل ينتقم مني ابنك عار ولا تحزن حتى اذا مات وصدك اذا لزمتة اني اخلص علية بايدي سمعت تنهيدة ابوية بعدها كال -ذاك اليوم عمامك محاولين يقتلون علي فزيت من مكاني وكلت -علي .. اي وشصار لاتكلي بي شي -لا مابي شي بس جانو ضاربي هواي واجو اعصاب لان بلحظة الاخيرة وقفهم الامن وعلي نفذ صحت بصوت -وعلي شدخلة حتى يهجمون علية -لاتنسى خوة من العائلة وانت خليتهم يوقعون تعهد مايتاذة عمر ومالكو بديل غير علي حتى ياخذون بثار اني منعتهم بس عمامك دمهم حامي عمك سلام كال مارتاح حتى اخذ بثار يحيى -هذا سلام نسخة يحيى استغفر الله بس لو اعرف يمتة تنتهي هثارات البنية وخسرتها وكلة بسبب عمايل ابنك الي ماعرف وين ضام روحة ابوية رد وشكلة مقتنعم بكلامي -يلة ابني لادوخ راسك انشالله احاول اهدئ عمامك انت اهتم بنفسك ولاتتجاهل اتصالاتي وتقرب موعد وفاتي ضحكت وكلت -عمرك طويل يابة يموتون عدويك -يمعود هو اخوك يحيى كبرني الف سنة بسبب عمايلة نهيت الاتصال وية ابوية اجيت اتصل بعلي اطمن علية اترددت بعدها اتصلت رن عدة مرات بس ماوصلني رد توقعت يجاهل مكالماتي اني علي اعتبرة اكثر من صديق هو مثل الاخ ملكيت واحد يساندني ويوكف وياي غيرة وماريد اخسرة بسبب المشاكل مثل مخسرت قمر اتصلت بمحاولة يأسة رد -هلا بضلعي شلونك ارتاحيت من رد علية هيج -بخير انت شلونك شو لا سلام لا كلام -ماسامع المثل الي يكول من شاف احبابة نسا اصحابة ضحكت وكتلة -حقك عمي ارتاح وية اهلك صار هواي مشايفهم -اي اني رح ارجع باجر -شبسرعة انت مصارلك هواي -هاي شمو متريدني ضحكت -لا والله هلا بيك اصلا مشتاقلك ضوجة بلاك -ليش وين الشباب -ههه يمعود منو بحالي واحد ثكيل علمعدة ماكو غيرك يتحملني علي كام يضحك -لايمعود انت .... قطع كلام يحيى صوت قمر سمعتها على الطرف الثاني -علي تعال بابا يريدك -اي هسة اجي انت روحي بعدها كمل علي -اي وين جنة نحجي رديت بفهاوة بالي يم قمر شكلها بخير ... -هااا وين علي ضحك -شوف اني اسال المطفي يمعود اني جاي باجر حضر نفسك اريدك تكون وسام الي اعرفة -اي تعالي رح تشوف وسام شصاير هههه نهيت المكالمة وبالي يم حبيبتي ارتاحيت من سمعت صوتها طمنتني جنت خايف عليها ________________... قمر وانطلقت لحياتي الجديدة بحياتي الثانيه بعالم ثاني واخيرا رح انكون اني وسام سوة هاي اقرب نقطة تقربنة علي لزم ايدي وكال -مظل شي رح احقق حلمج نزلت دموعي بفرح امي كالت - مارح ينتهي كلشي بمجرد تحقيق حلمج لازم تعرفين وراج هواي وهذا الامر مستحيل يتقبلة ابوج ولا حتى عمر والله اليستر من القادم جريت نفس رغم خفت من كلام ماما بس ماريد شي يعكر سعادتي وصلنا لبيروت علي اخذنا للشقة الي يسكن بيها اول مدخل اتصل بصديقة يزن وبدة يزن يعزم ومشتاقيلك وماعرف شنو واني امشي ورا علي اريدة يرفض مو كت صديقة التفت لي علي وكال -كافي تفترين دوختيني ضحكت بعدها علي كال -يلة يزن رتبلنا كعدة اني وانت وشباب واني وسام رح نجي على ساعة ثمانية من ذكر اسمة كلبي كام يدك نهى المكالمة. وباوعلي مبتسم -لاتخافين كلشي علية امرج ميسور حضنتة -علي لا تبتعد عني صدكني رغم كلشي انت اخوية -خبلة اخوج غصبا عنج يلة اني طالع جماعتي مشتاقيلي غمزلي وطلع واني متوترة اعرف رح يفاتح وسام بموضوعنا متوترة اوووف اعد الدقائق اريد بس يمر الوقت احس الوقت صار طويل يمتة اشوفة وارتاح اجتي امي كالت - يلة تعالي رتاحي ميصير اضغطين على نفسج تعالي اخذي دواج ولازم نضبطلج موعد علمود عمليتج كلت باعتراض -ما ماريد عملية اخاف صاحت امي بية -واني عليمن جبتج ترة مجبتج بس علمود وسام اريدج تكومين سلامة كافي تعذبيني سوي العملية وريحي كلبي، -ماما اخاف ماريد عملية منو يكول تنجح مو دكتور كال نسبة نجاح قليلة جرت نفس امي وكالت -الله كريم بنتي هنا الطب متطور مو مثل العراق واخوج هم كال -هسة مو كتها ماريد عملية شوفة وسام دواية امي شهكت وكالت - عفية صلافة ... تكولها كدامي شون وقاحة ضحكت وحضنتها -ماما صدكي وسام ماكو منة وهسة من تشوفي تحكمين ابتسمت وكالت - خبلة ________________... احداث من البارت القادم كعدنة قريب يم النهر ماعرف شلون رح ابدي وية وسام بالموضوع قاطعني. وسام -اي علي شنو موضوعك المهم باوعتلة وكلت مباشرتا -زواجك من اختي قمر وسام ملامحة تغيرت مصدوم ضل يباوع على وجهي يدور عن الصدق بكلامي ابتسمت وكلت -قمر مريضة ... عدها فتحة بالقلب وتحتاج عملية قسطرة قلبية متتحمل قهر ... جبتها وياي حتى نحل الموضوع انت تريد اختي بالحلال ولوما اعرف انت شاري وتحبها صدك ماجنت اخاطر واجيبها محد يدري بالي رح اسوي بس راحة قمر هية اهم شي بالنسبة الي جنت احجي وسام ماعرف اوصف حالتة جان متفاجئ اصلا ماعرف شنو شعورة تجاه كلامي شرحتلة وضعية قمر والي صار وفكرتي تجاه مستقبلهم طول الوكت وسام ساكت # #البارت_الرابع_عشر - مايجعلني أراهن أنكَ معجزة ؛ هو انك الغرق والنجاة في آنٍ واحد 🖤 …________________… بعد موصلت لبيروت قررت مباشرا احجي بموضوع قمر شوية متوتر من الموضوع ماعرف شلون ابلش وية وسام اتفقت اشوفة قبل لا نلتقي اني واصدقائي الباقين الي موعدنا وياهم ع الساعة 8 اما وسام موعدي ويا غير هو بخصوص مستقبله هو واختي وصلت للماكن المتفقين عليه اول مشفت وسام انصدمت ضاع مني الكلام والسلام وسام ابتسم -هاي شنو وسام عفتك سبوعين الكاك صاير هيج احجي واني مذهول من وجهه الشاحب والكدمات الي على وجهة وايدة مكسورة سلمت علية بسرعة -ولك شصاير بيك فهمني صاير وسـ مو وسام. وين وسام الاعرفة ضحك وكال -يمعود كبرتها مبية شي هاي اني كدامك عدل وانت هم مكتلي عن تهجم عمامي عليك -اي ظاهر عرفت المهم معليك بية انت شصاير وياك -حادث بسيط لاتخاف كلت بعصبية واني زاعجني برودة -حادث بسيط ... انت ليش هيج مستهتر كلش بخصوص صحتك واهتمامك بنفسك -هسة هاي شنو عود لقائك بية ضحكت حطيت ايدي على كتفة -انت مو بس صديق انت اخ واني ما احب اشوفك هيج احب اشوفك وسام الدكتور الانيق المرح ... نجي بالمهم تعال نستراح كعدنة قريب يم النهر ماعرف شلون رح ابدي وية وسام بالموضوع وسام كال -اي شلون جان لقائك وية الاهل اكيد مشتاقيلك ابتسمت واني اذكرهم واذكرت اسيل الي جرحتني باستقبالها وكلامهم رديت -اي فرحو كلش على كلا اني عندي وياك موضوع مهم وسام -اي اسمعك شنو موضوعك المهم باوعتلة بعد صمت لحظات -زواجك من اختي قمر وسام ملامحة تغيرت مصدوم ظل يباوع على وجهي يدور عن الصدق بكلامي ابتسمت وكلت -قمر مريضة ... عدها فتحة بالقلب وتحتاج عملية قسطرة قلبية متتحمل قهر ... جبتها وياي حتى نحل الموضوع انت تريد اختي بالحلال ولوما اعرف انت شاري وتحبها صدك ماجنت اخاطر واجيبها محد يدري بلي رح اسوي بس راحة قمر هية اهم شي بالنسبة الي جنت احجي وسام ماعرف اوصف حالتة جان متفاجئ اصلا ماعرف شنو شعورة تجاه كلامي شرحتلة وضعية قمر والي صار وفكرتي تجاه مستقبلهم طول الوكت وسام ساكت كملت كلامي واني اشوف ردت فعلة -اني متهمني الثارات واعرف انت مالك دخل بكل الي صار ماريد عمايل اخوك والصار ياثر على حياة اختي... اشوفك ساكت رد عليه -بصراحة ماعرف شكول فاجئتني مجنت متوقع بيوم تفتح هيج موضوع خصوصا بعد الرفض الي واجهتة من ابوك واخوك وبعد كل المشاكل - انسا الي صار وسام وخلي نفتح صفحة جديدة رغم انو محد يعرف بالي رح اسوي غير امي بس سعادة قمر اهم شي بالنسبة الي وماريد اي شي اياثر على حياتها خصوصا بعد معرفت بمرضها مامستعد اخسر اختي بسبب مشاكل مالها داعي واعرف انت شاري اختي وتحبها فلذالك اني مستعد ازوجك اختي -علي قمر هي حياتي واني طلبتها عدة مرات مو مرة وحدة بس ... -بس شنو تراجعت عن حبك... قاطعني -الحب مابي تراجع بس العائلة محد يدري شنو رح يكون ردهم تجاه هزواج والمشاكل والي رح يصير واختفاء يحيى والثارات بين العائلتين -انت رح تزوج قمر مدنسوي شي حرام وبالنسبة للعائلة امي تدري وموافقة يعني امها واخوها كلش كافين مو صح واعتقد بعد الزواج رح تنتهي المشاكل صح بالبداية تصير معارضة بس القرابة رح تحل كل الامور ابتسم وسام وكال -اني مستعد اسوي اي شي حتى تكون قمر مرتاحة وانشالله اكون عد حسن ضنك وقمر احطها بعيوني خليت ايدي على كتفة وكلت -يلة يا صهري نتوكل على الله ورح يتم زواجك من اختي قمر بعدها انسوي عملية قمر تغيرت ملامحة وكال -بس ... بس قمر شلون عدها فتحه بالقلب مكان عدها اي اعراض من المرض -لا جانت عدها اعراض طفيفة ولن الفتحة صغيرة حسب مكال الدكتور بين الردهة الاذينين لذالك بمثل هيج حالة تضهر الاعراض بوقت متاخر من العمر ياما تلتحم من وحدها اما بعملية قسطرة -انشالله تكوم سالمة اني رح ابذل جهدي ابتسمت -انت هسة بعد ماكنت صديق واخو رح تصير صهر هههه رح تقوى علاقتنة ابتسم وسام واني الاحظ ملامح السعادة باينة على وجهه بعد ماستقبلني بوجه شاحب السعادة حسيتها ردت العافية لوجها واكيد هسة قمر كاعدة تنتضر على نار -يلة ابو الشباب خلينا نروح لجماعتنا نسهر اليوم لصبح هههه مشتاقيلي نهض وسام بفرح وطلعنا سوة على شقة يزن استقبلنا يزن بفرح وحضني -اي هلا نورت بيروت بوجودك -هلا بيك يزن والله الك وحشه يزن بعد ما رحب بية باوع لوسام متفاجئ -شو هاد شو عامل بحالك يازلما الك زمان مختفي وهلا جايني هيك مكسر وسام ضحك -حادث بسيط ... -انو حادث انت كمان انت مابعرف كيف بتفكر. اشر علية يزن بعصبية وكال -ما هاد رفيئك صرعنا فيك قبل ميسافر هلا لما شافك هيك اكيد قال لحالو نحن مو قد الامانة التفت ع شباب وكال -ماهيك شباب اوس واحمد ردو سوية -اي والله معو حقك يزن الو زمان مختفي وسام كال -اسف شباب قلقتكم بس والله مشغول اني كلت -يلة مصار شي المهم وسام سالم ومبي شي خلونا نسهر ونستمتع وقضينا وقتنا اني واصدقائي احلى ايام العمر اما وسام فكان غير شكل من طبيعتة الي تغيرت جذريا والسعادة باينة علية حتى الشباب متفاجئين بتغير وسام تمنيت بداخلي السعادة ادوم وربي يسر الامور ________________... قمر افتر بالغرفة ذهابا وايابا وافرك بايدي وهذا علي طلع بعد مارجع يوترني واني هنا على نار انتضر الخبر امي دخلت للغرفة وصاحت بية -هاي بعدج كاعدة ولج ساعة بالعشرة متنانين -ماريد منعسانة باوعت ع الميز شافت الاكل على حالة مماكلة شهكت وكالت -ولج ليش مماكلة تردين تجلطيني واكيد ماخذتي دواج -طلعت ناسية دواية صاحت بية -انت شكد مهملة وين عقلج يم وسام.... تردين تموتين وتجلطيني متحسين بية امي تصيح واني انصرعت صرع منا بالي وية الى رح يصير ومتوترة كعدت ع الجرباية حسيت بدوخة ونفسي ضاق امي لزمتني -يمة قمر شبيج باوعتلها مبية حيل احجي احس صدك اختنكت خصوصا مماكلة ولا ماخذة دوة امي بجت لزمت ايدها كوة احجي اطمنها -ماما مبية شي اطمني بخير حجيت بالكوة بعدها كلبي كام يوجعني حيل حطيت ايدي على كلبي احاول اتنفس امي نرعبت ومعرفت شسوي كامت تبجي وترزل بية لان ماجبت دواي شالت المبايل تتصل على علي ضلت تصيح وتروح وترد -اني صوجي وافقت اجيبج هنا علمود وسام ساعة السودة الي رجع وسام على العراق بيها وشافج امي تحجي واني محتارة بالمي احس النفس شوية شوية يختفي ________________... علي صارت الساعة بالعشرة وبعدني وية جماعتي سوالف وضحك استمتعت بالوقت وياهم فجئة سمعت رن تلفوني لكيت امي تتصل رديت -الو هااا يوم بسرعة وصلني صوتها تبجي -يمة تعال بسرعة اختك تخربطت رح تموت توترت ماعرف شسوي -يوم شبيها قمر انطيها دوة لبين ماجي -يمة ناسية دواها تعال بسرعة -بس اهدي لاتخافين اني جاي سديت الخط منها ورحت اخبر جماعتي -شباب اني رايح للبيت عدنة حالة طارئة وسام كال -خير علي شصاير قلقتني -قمر متخربطة اني رايح يلة وسام كال -اجي وياك علي مشيت واني احجي -لا وسام روح انت اسبقني على المستشفى اني رح اجيبها انطلقت بسرعة خايف على قمر صعدت لكيت قمر تتنفس بالكوة شلتها بسرعة -قمر ... حبيبتي اتحملي رح اخذج للمستشفى امي تمشي وراي وتبجي واني متوتر باقصى سرعتي رحت للمستشفى قمر لبين موصلنا للمستشفى حالتها فدمرة ادهورت والافكار السلبية مبطلت ادور بعقلي ________________... وسام وهاي بعد شهور من الفراق التقي بحبيبتي بالمستشفى وهية واصلة للموت جابها علي للمسشفى بسرعه اسعفنا حالاتها جانت فاقدة الوعي حطيتلها اوكسجين نبضها خفيف كوة تتنفس احس اختنكت وياها باوعت على ملامحها الشاحبة صار هواي مشايفها معقولة بعد الفراق اخسرها هيج للابد لا مستحيل... بعد الفحوصات والتحليلات الدكتور همام الي وياي كال -لازم حالا تجرى العملية حالتها متتحمل حسيت كلبي وكف ياربي ماريد اخسر حب حياتي طلعت اخبر علي اول مطلعت ركض يسالني -طمني وسام ... شلونها -ضروري حالا نسويلها عملية خالتي ام قمر كالت -ابني الله يخليك بنتي ماريد اخسرها -لاتخافين نشالله ماكو خطر واحنا نحجي طلعو قمر على السدية ونقلوها على غرفة العمليات غمضت عيني ماتحمل اشوفها هيج صاح بية دكتور همام -استعجل دكتور مو مال تأخير تركت علي وخالتي بحالة يرثى لها ورحت انقذ حياة حبيبتي يمكن اذا خسرتها بعد ماكدر اعيش لزمت ايدها وهمست -قمورتي لاتعوفيني حبيبتي رح نزوج ونكون عائلة بس انت اصحي مسحت على راسها اجة دكتور همام حتى يجري العملية ادري بروحي مارح اكدر اني اسوي الها العملية لان ايدي اليسار مكسورة ستوني مسوي حادث همام كال -دكتور تركني اني رح اسوي العملية الها اني مطلعت ظليت ويا اساعدة واطمن على وضعها ماكدر اعوفها دخلت بحاله حرب اعصاب ماعرف شسوي خايف متوتر رغم هشي لازم هلمرة استخدم مهنتي بعيد عن عاطفتي ولازم اتخيلها موقمر لان ماتحمل اكمل اذا استمريت بافكاري .... بعد فترة مرت طلعت من الغرفة واني مبتسم فرحان بنجاح العملية علي توجه نحوي -وسام طمني. اختي -لاتخاف العملية نجحت قمر بخير خالتي ام قمر سجدت تحمد الله علي بجة من الفرح حضني -ماعرف شلون اشكرك جنت على اعصابي ضحكت -شنو تشكرني ولك مبينا شكر ابتسم علي -هانت ... الحمد لله ع سلامتها -يلة رح ننقلها على غرفة ثانية حاليا مرح تصحى الة بعد اربعة وعشرين ساعة من العملية بعد منقلو قمر على غرفة ثانية حسيت نفسي رتاحيت لان جتازيت هاي المرحلة صعبة اصعب لليلةاقضيها بحياتي واني اشوف حبيبتي بين الحياة والموت تقربت منها اباوع على ايدها بيها الكانونة ومصل المغذي مربوط بايدها متخيلت نوصل لهل حالة شي يوم واشوف حبيبتي بالمستشفى وبين الاجهزة وحياتها بخطر دخلت الممرضة وكالت -دكتور عائلة المريضة بدهون يشوفوها دخهن -اي دخليهم بعدت عنها دخلت خالتي وبسرعة حضنت قمر -حبيبتي قمر الحمد لله رجعتيلي سالمة حاجيتها بهدوء -خالة صح نجحت العملية بس وضع قمر بعد مو مستقر يحتاجلها فترة حتى تكون متعافية تمام اضافة الى انو ملازم تتوتر لازم تكون مرتاحة والا هشي يسبب مضاعفات جانبية وياثر على العملية خالتي كالت -لاتخاف انشالله مارح يصير شي يوترها دخل علي وكال -ماما اتصل هسة الوالد وخبرتة تمت عملية قمر طمنته عن وضعها بعدها علي باوعلي وكال -وسام اني هسة رح اوصل امي لشقة حتى ترتاح تعبت من جو المستشفى خالتي ردت باعتراض -ماريد اعوف قمر -يمة قمر مرح تصحى الا بعد اربعة وعشرين ساعة بعدين انت لازم ترتاحين ميصير تضغطين على نفسج -ماكدر اعوفها انت روح اذا تعبان -لا متعبان بس انت تعبانة روحي رتاحي لاتعاندين اجيبج من تصحى قمر قاطعتة -خالة علي حجية صح انت روحي رتاحي وقمر هنا بخير تحت اشراف طبي واني رح اهتم بيها لاتخافين باوعتلي بنضرة مفهمتها وطولت بالنضر علية بعدها كالت -يلة بس اجيبني بعدين علي اكدلها يجيبها قبل لاتطلع التفت الية وكالت -دير بالك عليها وابتسمت ابتسمت واشرت بالايجاب ________________... اسيل مر اليوم الاول على سفر قمر ماتصلت ابد واني ضل بالي اتصلت بليل خطها مغلق وعلي مارد علية ضليت صاحية لحد الساعة 12 خبرت بابا كلي اطمني مصاير شي اسامة هم كالي ماكو داعي اقلق بس ماعرف ليش احس صاير شي لساعة 2 بليل مكدرت انام اتكلب بفراشي. كعدت مفزوعة ولحيت على اسامة يتصل على علي من اتصل جاوبة -الو ها علي دخيل ربك طمنة عنكم هاي اسيل صرعتني تكلي احس صاير شي جان فاتح سبيكر علي كال -صح صاير شي قمر تخربطت طلعت ناسية الدوة واخذناها للمستشفى جريت المبايل من وسام -علي عليك الله قمر صارلها شي -لا اطمني الحمد لله سوينالها العملية ونجحت -صدك الف حمد وشكر ياربي زين هسة هية وين -لاتخافين بخير بعد اربعة وعشرين ساعة من العملية تصحى اني هسا بطريق اوصل امي للبيت يلة بعدين اخابركم -عفية طمني عن وضعها اول باول -اوك نهيت المكالمة واني مرتاحة لان نجحت العملية جنت خايفة اخسر اختي الوحيدة ماحسيت الة واسامة جرني من شعري ونيمني -ارتاحيتي الخبلة -اوووي اسامة شبيك تأذيني -وجع لاتكولين اوي خليني راحمج ضحكت بدلع وكتلة -ليش متقبل اكول اووووي ابتسم وتقرب مني همس وهو مركز بعيوني -لان اذوب وماتحمل واهجم عليج واكلج كالها وعضني من خدي -اووووي اسامة حباب لتسوي هيج -كلما تكولين اوي اعضج ههه حتى تبطلين تحركين اعصابي حضنتة -احبك -واني احبج يا اخر حب بحياتي -هههه لاتصير خبيث اني اول واخر حب -لا شلون نسيت اني عندي حب غيرج كالها حتى يغثني -ما اسامة ماتحب غيري اموتك -يمة مجرمة -اي غير احبك ما ارضه وحدة تشاركني بحبيبي باسني وكال -مناوية تكبرين عائلتنة -هههه لا مناوية خل اكمل دراسة رفع حاجبة وكال -واني انتضر هذا غير حب اني اريد بنوتة تصيحلي بابا -ما لاتقشمرني نمت ودرت وجهي سحبني علية وكال -بحضني نامي مو بعيد هههه حضنتة ونمت واني مرتاحة بعد مجنت قلقة بخصوص قمر ________________... وسام ظليت طول الليل بالمستشفى رغم اني عندي اجازة بس مكدرت اترك قمر دكتور همام هو جان مشرف على حالتها وهو الي اجرة العملية الساعة 3 الفجر حسيت نفسي تعبان فدمرة وصيت ممرضة تهتم بـ قمر -هاي المغذي من يخلص سدي انبوب الكانونة حتى لا يسحب دمها اني شوية واجي بعد موصيتها تركتها شوية ورحت اشرب كهوة حتى اصحصح لاكاني الدكتور همام -الحمد لله ع سلامة المريضة ابتسمت -شكرا همام انت كان الك فضل بانقاذ حياتها -هذا واجبي كـ دكتور المهم انت بعد متخلص اجازتك التزم بدوام ترة هواي قصرت بعدها راح همام اني شربت كوب كهوة ورجعت يعني مطولت بوقتي شي ربع ساعة علما رجعت لكيت الممرضة واكفة تلعب بتلفونها المغذي مخلص ومسحوب دم قمر بالمصل مال المغدي صحت بيها -هاي شنو مو وصيتج عليها هية توترت الممرضة من اجيت بسرعة و بغباء شلعت الكانونة بقوة من ايد قمر خلتها تنزف صحت بيها بكل صوتي -لج انت غبية شنو هتصرف خليت كلينس على ايدها احاول اوقف النزف الغبية واكفة كدامي وتعتذر بعض الممرضين اجو. على صوتي وهمام هم -خير شكو شنو هل ضجة صحت بصوت -منو موضف هاي الغبية هنا انت شلون هيج مهملة اني وصيتج تهتمين بيها الكاج ملتهية بالمبايل احد كلج حياة الناس لعبة الممرضة روز اردنية اجتي ضمدت جرح قمر وكالت -كان لازم تنتبهي على صحة المريضة هاي مستشفى مانا لعبة حياة الناس بعدين انت بتعرفي حالة المريضة خطرة كيف بتتركيها هيك همام كال -هذا تصرف غير مسؤل ورح يأدي الى فصلج اطلعي منا الممرضة طلعت وهمام هم الحمد لله اجيت بالوقت المناسب الممرضة روز اهتمت بوضعها وبسرعة قاست ضغط الدم وقفت النزيف -الحمد لله انها عدت على خير باوعتلي الممرضة وسالت -بدك شي ثاني دكتور -لا شكرا روحي انت واريد ممرض كفو يهتم بصحتها رح اضل هنا فترة بين ما تتعافة -ما تخاف انا رح اكون موجودة واهتم فيها راحت الممرضة واني سحبت كرسي وكعدت بصف قمر سحبت ايدها وبستها - اووف قمورتي مشتاقلج يمتة تصحين واشوفج بخير مثل قبل ________________... احداث من البارت القادم واني نايمة حسيت على خطوات قريبة فكرت يكون وسام كنت مغمضة عيني واحس نفسي تعبانة فتحت عيني شفت شخص مغطي وجها ولابس اسود من فوك ليجوة انرعبت اجيت اصيح بسرعة خلا المخدة على وجهي احاول اقاومة ماكدر اختنكت وهو ضل ضاغط بكل قوتة احس قطرة هوة مبقة وضعفت مقاومتي ثواني وحسيت هاي هية نقطع الاوكسحين عني ومالي قابلية المقاومة ... يتبع | ||||||||
|
| |
|
05-09-22, 03:27 PM
| #9 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_الخامس_عشر وكيفَ أكفُّ عنك وأنا كفيفة من غير كفِّك ؟ …__________________… قمر فتحت عيني اشوف مغوش ركزت زين الون الازرق واضح كدامي سمعت صوت مرة بس تحجي لبناني -انت صحيتي حمدلله ع سلامتك باوعت شفتها ممرضة يعني بعدني عايشة جنت متوقعة رح اموت بعد الي صار بية الممرضة طلعت تصيح الدكتور باوعت حولي ادور على امي علي ماكو احد تحركت شوية حتى اكوم حسيت نغزة كلش قوية بكلبي -ااااه ... انيت متألمة سمعت صوته كال اسمي رفعت راسي ممصدكة اذني شفتة كدامي بعد غياب اكثر من سبع اشهر نبضات كلبي مهدئت همست -وسام ابتسم وتقدم تجاهي لزم ايدي حسيت رجفة سرت بجسمي -حمدلله على سلامتج قمورتي باوعتله واني ممصدكة عيوني -وسام اني بحلم ضحك -اذا حلم خلينا هيج على طول دنكت راسي ابجي ماعرف ليش ابجي يمكن دموع الفرح رفع راسي بأيدة وكال -لا قمر لاتبجين دموعج غالية من اليوم بعد ماكو فراق ولا بعد رح انظل سوة للموت الحمد لله نجحت عمليتج وهسة انت بخير -صدك يعني هسة اني سويت عملية -اي .. الحمد لله عدت على خير -بس ليش احس بالم -عادي لانو استوج سويتي عملية هسة ارتاحي خل افحصج اقيس ضغطج واشوف حالتج مستقرة ابتسمت واني مركزة بملامحة شكد مشتاقتلة انتبهت على ايدة مكسورة -وسام شصاير وياك -مابيه شي حادث بسيط -سلامتك باوعلي مبتسم وكال -سلامتي بوجودج دنكت خجلانة بعدها سألت -ماما وين وعلي؟! -علي هنا هسة يجي وامج بالشقة علي وداها حتى ترتاح ضليت اتأمل وسام وهوة مشغول يفحصني ابد مشلت نضري عن وسام جنت مركزة بي والاحظ التغير الي صاير شحوب وجها وضعفان ولحيتة طولانة ابتسمت رغم مبين مهموم بس لايكتلة لحية باوعلي شافني مبتسمة -ها شو مبتسمة ضحكت حسست بالم -اااااه تقرب مني بقلق -ها حبيبتي بيج شي -لا بس شوية وجع عندي -استرخي -وسام ... -ها حياتي -بعدك تحبني رغم اعرف بي يحبني بس ماعرف ليش سألت ضحك وكال -ليش اني كدرت اتوقف عن حبج انتي بكلبي ساكنة من لحظة الي شفتج بيها ابد مكدرت انساج مشتاقلج حيل ... اني لحد هسة ممصدك انت كدام عيني ورح نكون سوة معقولة رح تصيرن الي ممصدك خاف اكون بحلم واصحى ساعتها ماتحمل اذا فعلا حلم كون اظل نايم نزلت دموعي بسرعة مسحها -متلوك لاميرتي الدموع من اليوم وعد ماخلي دموعج تنزل رح اخليج اسعد انسان لو مهما صار -الفضل لعلي لو ماكان علي موجود ماجتمعنة من جديد متتخيل شكد جنت تعبانة ومتعذبة بفراكك احس اليوم الي مر علية دهر شكد بجيت وطلبت منهم يوافقون على زواجنا بس الصار جان هوة العائق بطريق حبنا ومن اجة علي وقت الي تصلت بي سمعت صوتك ردت كل جروحي تعبت ونهاريت احجي بغصة واني استرجع الماضي الموجع بعدها قررت مستحيل استسلم حبنا لازم يستمر ولا اخلي احد يوكف بوجهنا طلبت من علي ياخذني ويا واشوفك كنت مستعدة لاي شي علي عارضني وعصب بس اصريت وقتها نهاريت وتخربطت بسبب مرضي لولا هشي علي ماوافق وقتها خبرت بابا اني اروح جان معارض سفري وعمر هم -ليش معارضين -لانو علي مو اخوية الحقيقي من كلت هيج انصدم وسام -شنو مو اخوج شلون -حجيت الي صار ومعارضة بابا على السفر وشرط عمر وشلون حلها علي بحجة عمليتي وامي تكون موجودة ومعارضة امي من عرفت وشلون وافقت من مقبلت اخذ الدوة كان يستمعلي بصمت بعدها كلت -علي صح مو اخوية برابط الدم بس هو الاخ الي سندني وقت عازتي الة بالوقت الي الكل وكف بدربي علي اخوية حتى لو شما كالو يبقى اخوية قطع كلامي دخول علي -قمورتي اجة بسرعة علية وحضني -حبيبتي قمر الف حمد وشكر لانج رجعتي سالمة حضنتة وكلت -ربي لايحرمني منك يا احلى اخ بالكون -روح اخوج باوع لوسام وكال -شوكت صحت -ستوها حمد لله ع سلامة -تسلم باوعلي علي مبتسم وكال -وهسة مرتاحة اختي باوعتلة افهم قصدة وجود وسام خجلت منة ودنكت ضحك وكال -الله يهنيكم ويسعدكم اني شعدي غير سعادتج اصلا بعد عملتي دمي مهدور -اسم الله عليك ليش شمسوي قابل انت حققت العدالة الفضل بسعادتي هو انت حضني علي وهو يحاجي وسام -اني منطيك جوهرة دير بالك عليها وخليها بعيونك هاي النور مال البيت وسام ابتسم ورد -لاتوصي حريص قمر بعيوني -علي اريد ماما وينها -هسة اروح اجيبها هية هم تسأل عليج خطية منامت طول الليل بالها يمج واسيل هم كلساعة متصل تسأل واحنة نحجي رن تلفون علي -شوفي هاي المزعجة اسيل هم اتصلت ضحكت وكتلة اطينياها انطاني تلفون ورديت ________________... اسيل من ساعة معرفت بعملية قمر واني الوب اعد الساعات حتى احاجيها واطمن برغم انو علي طمني انو وضعها مستقر اتصلت بعلي عدة مرات وكلي بعدها ما صاحية هسة هم قررت اتصل اسامة كال -كافي ولج حولتيني بس تفترين اكعدي -حبيبي مو خايفة على قمر -يلعن بليسج شكد مزعجة -هسة اموت وترتاح مني من كلت هيج صاح بية -انجبي لج ... يموتون عدويج مرة ثانية عيديها اكوم اكسرج -هههه اشاقة حبيبي ع كيفك اعصابك واذا متت فد شهر بـ القليلة وتنساني والكاك مزوج غيري اصلا ولا كـ.... قطع كلامي ودفعني ع الحايط يباوعلي بغضب -اااااي هاي شبيك سومي حجيتها بدلع. وحضنته ضحك وكال -والله عود صايرة تقشمرين باوعت بعيونة وكلت -انت اصلا ميحتاج كلام حتى تتقشمر انت بس تباوع بعيوني تروح بعالم ثاني باوعلي بتحدي ورد -واثقة خليت ايدي على شاربة ومشيت اصابعي بهدوء على لحيتة اعرف هاي الحركة تخلي ينسة كلشي غمض عيونة ضحكت واني اشوفة شلون مغمض عينه ورايح لعالم ثاني شافني اضحك ابتعد خافي ضحكتة وكال -ملعونة ... احبج -ماحبك كلتها وشردت هو يصيح وراي -وين ترحين مني تاليتج راجعة وااعلمج على كلمتج هاي طلعت للحديقة اضحك قررت اتصل بـ علي اول مدكيت جاوب -الوعلي طمني ع قمورة وصلني صوت قمر تحجي بالكوة -حبيبتي اسيل اني بخير بجيت ورديت -حبيبتي قمر حمد لله ع سلامتج شلونج -اني زينة وانت شلونج -والله بالي يمج يعمري ماما شلونها -ماما بعدني مشايفتها هسة علي يجيبها -شلونها الاوضاع شفتي وسام -امممم -شنو يمج وسام كالت بصوت ناصي -اي ... ضحكت -اي عيني بالعسل اختي شكو عليج حياتي ربي يسعدج -اسامة شلونة -ها غيرتي الموضوع ملعونة ضحكت -ااااه بسرعة وصلني صوت علي -يلة عيني مو مال سوالف توها صحت بعدين سولفو -اوك طمني عليها مو تنسى واله اني اتصل -خاب ماترحيني صدعتي راسي ضحكت ونهيت المكالمة اول مالتفت لكيت اسامة وراي فزيت وحطيت ايدي على كلبي -اوووي اسامة هاي شبيك خوفتني واكف جنك ملك الموت سحبني علية وكال -وانت وين شايفة ملك الموت -هههه يعني كمثل -هاااا مثل يحجي وعيونة بعيوني اكيد ناوي على شر -اسامة عفية لتخبث مالي خلك حوط خصري بايدة -لا وين مخبث بعدني ممسوي شي -هاي شبيك اسامة هسة يجي احد غمزلي وكال -لعد خلينا نروح للغرفة حتى محد يشوف -ههههه حسرة بكلبك اخليها ________________... قمر بعد ما اجتي ماما وشفتها راحت لان الدكتور كال لازم ارتاح موزين علية الضغط علي اخذ ماما وراح امي كوة راحت جانت تريد تبقى وسام كال -يلة حبيبتي اني شوية واجي طلع واني نمت لان وسام طول شوية برجعتة واني نايمة بين الصحى والنوم حسيت على خطوات قريبة فكرت يكون وسام كنت مغمضة عيني واحس نفسي تعبانة فتحت عيني شفت شخص مغطي وجها ولابس اسود من فوك ليجوة انرعبت اجيت اصيح بسرعة خلا المخدة على وجهي احاول اقاومة ماكدر اختنكت وهو ضل ضاغط بكل قوتة احس قطرة هوة مبقة وضعفت مقاومتي ثواني وحسيت هاي هية نقطع الاوكسحين عني ومالي قابلية المقاومة ... لحظات وسمعت صوت وسام صاح بي -هيييي ... منو انت كلشي صار بلحظة كانو كابوس وهسة صحيت من رجع وسام وسام حضني -قمر حبيتي انت بخير كمت اتنفس بسرعة وكلبي كام يوجعني وسام لزم ايدي -قمر ... قمر انت بخير حجيت بالكوة -وسام منو هذا -ماعرف ماكدرت اشوفة شرد مني المهم انت بخير حضني بقوة لاول مرة وسام يكون قريب لهدرجة بعدها بتعد عني وكام لزمت ايدة -لاتعوفني خايفة -لازم اعرف منو هذا وليش يريد يكتلج ________________... وسام دخلت للغرفة لكيت واحد يحاول يقتلها صحت بي بسرعة دفعني وشرد طلعت ورا ماكو تبخر ماكو اي اثر رجعت لقمر خايف عليها تتنفس بصعوبة وجها اصفر حضنتها -قمر انت بخير تحجي بالكوة -وسام منو هذا -ماعرف شرد مني طلعت من يمها لازم اعرف منو حجيت لعلي الي صار طار عقلة حاولت اعرف منو بس مكدرت حتى كامرات المراقبة شفتها ملاحظت اي شي غريب وماشفت هذا الشخص الي كان لابس اسود طلع من المستشفى اظاهر متحضر لكل الاحتمالات وحابكها بس الي محيرني منو وشيريد من قمر مصارلها غير يومين بيروت محد يعرفها وعلي كال معندي عداوة وية احد واني كذالك ماعرف احد عدو الي ممكن يأذيني بقمر ضليت طول الوقت قلق وخايف وابد ما فارقني التفكير بس لو اعرف منو امحي اسمة من الوجود بس عجزت وماعرفت منو لذالك قررت اخلي قمر تطلع من المستشفى اامن الها كملت اجراءات المستشفى وطلعنها بعد ما تطمنت حالتها استقرت الحمد لله بطريق كانت صافنة وعينها ع الشارع لزمت ايدها التفتت باوعتلي همست -ممصدك حبيبتي يمي ... ابتسمت بخجل وخدودها وردت -قمر -همم -احبج نصت راسها خجلانة ضحكت اعشق كلشي بيها خجلها ابتسامتها عيونها انتضر الحظة الي تجمعنا وتصير حلالي وبعد محد يبعدنا وصلتها للبيت استقبلني علي وخالتي ام قمر فرحانة ________________... قمر طلعت من المستشفى الي جنت مختنكة بيها وخصوصا بعد ماتهجم علية هذا الشخص المجهول جنت خايفة بس من طلعت رتاحيت وسام اخذني للبيت جنت فرحانه لان واخيرا اني وسام رح ننجمع ونكون سوى احلى لحضات حياتي ماتمنيت ابد اكون بعيدة عن اهلي وبلدي واكون بهاي الحالة بس الضروف جبرتني بس اهم شي ومن بين كل المشاكل كانت سعادتي بوسام مرت ايام ع عمليتي اعراض مابعد العملية كانت تصير عندي وجع بصدر وانتفاخ بالساق وسام كال عادي اعراض مابعد العملية تخطيتها بالادوية اتحسن ومرات ترجع دوخة وعدم شهية بالكوة اكل وعلي يكللها لامي عادي متشتهي عملية وامي تكلة شلون تتغذة شوية شوية بدت حالتي وضعي يتحسن بعد مرور تقريب سبوعين امي بدت تتألف وية وسام الي كانت رافضتة اقتنعت بي بعد ماتعرفت على شخصيتة وادركت كمية الحب الي بينا من بين كل هذا هاجس ردت فعل اخوية عمر وابوية جانت مخوفتني وشرح يصير بعد ميتم زواجنا معقولة سعادة مؤقتة لحظات السعادة عندي جانت معكر صفوها افكاري وهواجسي من المستقبل وسام وعلي جانو يطمنوني ويهونون علية اطمن لفترة بعدها اقلق... عمر اتصل بية هو بابا بعد معرفو اني اتشافيت تماما وتحمدولي ع السلامة صوت بابا وفرحتة كلش وجعتني حسيت نفسي عاقة واني اعصي اعرف هو رافض وسام بس موبيدي ماكدر اعيش بدون وسام نهيت المكالمة وية بابا وحطيت ايدي ع وجهي ابجي علي حضني يهديني -يعمري لاتبجين كلشي رح يكون تمام -اني دا اغلط علي ... -احنا مدنغلط قمر هاي حياتج وسعادتج انت سعادتج وية وسام الغلط هو بعدكم ونحرمكم من بعض... حب وسام صادق لولا هشي مكنت سمحت زواجكم يصير واثق ومطمن كلشي رح يكون تمام حتى لو بابا عصب رح يرجع يتفهم الموقف واني وياج اطمني ولا تخافين كلام علي طمني وارتاحيت وبعد مامرت كل هاي الايام عقدنا اني ووسام وصرت زوجتة رسميا بعدها حددنا موعد للخطبة بيومها كنت اسعد انسانة خابرت اسيل واني اسولف ومتحمسة طلعت لسوك اني وماما وعلي وسام ويانا جان شي مختلف بحياتي كون لاول مرة وبلد اخر حياة مختلفة وكلشي مختلف مشينا اني وسام وغيرنا طريقنا عن امي وعلي ... علي شافنا وغلس مشينا اني وسام نتفرج على المحلات والملابس لزم ايدي وابتسم وهو يباوعلي بهيام نضرات الحب بعيونة تحجي الف سعادة ماكدر اوصفها بكلمة ... نتمشة ماسكين ايد بعض ورايحين بـ عالم ثاني فجئة حسيت شخص مر من يمي وهمس -لاتفرحين هواي سعادة مؤقتة بسرعة لتفتت شفتة ركض واختفى بلمح البصر ملحكت اشوفة وسام جان ملتهي واني لازمة ايدة الصوت هذا سامعتة وما انسى هذا يحيى.... ضغطت ع ايد وسام وكلبي يرجف وسام باوعلي دموعي نزلت مسيطرت متاكدة هذا صوتة وسام عكد حواجبة مستغرب دموعي -حبيبتي ليش تبجين شبيج ماعرفت شكول حسيت لساني نشل خايفة.... لزم وجهي بكفوف ايدة وسالني بقلق -عمري بيج شي احجي كام يتلفت والقلق بعيونة سحبني من ايدي وكعدنا بمكان ع صفحة مثل المطعم -شكو يعمري احجي خوفتيني لونج تغير وايدج ترجف شكو رجفت وكلت -عفيه وسام خل نروح خايفة -احد اذاج بس فهميني شبيج باوعلي يتامل ملامحي بقلق واني اتلفت خايفة ضليت ساكتة ووسام مستغرب اجة علي كال -ها شو كاعدين طيور الحب وسام كال -مادري شبيها اختك فجئة تغيرت احوالها ومدتحجيلي صحت بي -هسة الة احجيلك كتلك خايفة رجعني للبيت ماهتميت وكمت لزمت ايد علي المستغرب تصرفي -علي اخذني رح اموت خوف علي مسح على راسي بهدوء ومشينا طول الطريق ضليت ساكتة وامي بس تسأل شبية عبالها اني وسام تعاركنا كالت -لاتكلولي تعاركتو وسام كال -خالة ياتعاركنا هية بنتج فجئة تغيرت خوفتني متحجي ضليت استرجع صوتة بذاكرتي متاكدة هو هو بس شجابة معقولة فعلا عايش لاحكني لبنان يربي شرح يصير قطع شرودي صوت امي -ماما شبيج احجي بجيت -ماما يحيى عايش علي شخط بسيارة وكفها وسام. كاعد بصدر يم علي التفت فاك عيونة وكال -شفتي -لا ماشفتة بس ... بس سمعتة سمعت صوتة مر من يمي وهمس لاتفرحين هواي سعادة مؤقتة وبعدها راح بسرعة مكدت اشوفة صاح بية وسام -ليش ماكتيلي بوكتها جان كدرت الزمة انت شبيج حطيت ايدي على راسي ابجي -والله اختفى بسرعة حتى اني معرفت منو علي ضرب على الاستيرن وكال -يعني عايش اخوك العار عايش هو .. هو اكيد ذيج المرة حاول يقتلها ماكو غيرة امي شهكت -شنو يقتلها .... امي مجانت ما تدري بسالفت المستشفى... علي تنهد وكال -الله كريم بس خل يوكع بيدي هل نذل الة اخلي اخرتة تجي واعلمة الموت شلون يصير وسام فرك وجهة بايدة وكال -جنت متاكد عايش بس متوقعت يكون لهدرجة وصل ولاحكني حتى لبيروت امي كالت -اني ممستعدة اضحي بنتي قاطعها وسام ولاول مرة بصوت -شنو قصدج خالة ترديني اتركها خالة سمعيني مسحيلات سبعة وثامنها اعوف قمر وبالنسبة لاخوية ميكدر يسوي شي صاحت بي امي -لا كلش ميكدر بس حاول يكتلها بالمستشفى والله يستر من الجاي اني ما انطيك بنتي غلطت علي نتر -يوم هذا مو حجي ترة قمر صارت مرتة عقدنة محكمة ... -ميهم خلي يفسخ طالما بعدنا ع البر بنتي ما انطيها عيوني نترست دموع شهكت مختنكة معقولة بعد كل هذا وانفصل صرخت -ما مستحيل ... ماما خلي بالج لو جان زواجي من وسام يخلي حياتي بخطر لو حياتي ويا جهنم مستحيل اتنازل واعوفة لحظة امي سكتت ودارت وجها زعلانة علي مشة وطول الطريق كضينا حسرات واني مو مستوعبة كل الي ديصير عقدنة اني وسام وصرت حلالة وبقة بس الخطبة الي هية حفلة بسيطة بينا ونلبس الخواتم كلشي صار بسرعة .. ماكو لا اخوية عمر ولا اختي ولا ابوية شاركني فرحي ورغم كل هضروف ارتاحيت لانو وسام هو سعادتي جنة متفقين انظل فد شهر شهر عسل بعدها نرجع ونعلن زواجنا الي ماعرف بعد مانعلن الزواج شنو رح يصير بس وجود وسام مصبرني واثقة محد بعدها يكدر يفرقنا وع غفلة يطلع يحيى الي هوة كابوسي الاعظم ويدمر حياتي وصلنا لشقة واحنة ساكتين امي كالت -رح نظل ساكتين علي رد -يمة اطمني مرح يصير شي وانت كل عقلكم خايفين من يحيى لو بي خير يواجهنا مو خاتل مثل النسوان باوعلي وكال -وانت الي كالبة وجهج يول شبيج خطبتج اليوم وجهزنا كلشي تكسرين فرحج بسبب تهديد فاشل تقدم علية وباس راسي -اطمني يعمر اخوج ماكو شي تدرين اني اريد سعادتج وداحاول جهدي هسة هاي خطبتج البسيطة هية بداية لحياتج الجديدة واني واثق من وسام رح يحميج وسام ابتسم بعدها علي تركنا اني وسام وراح اول مانسدت الباب علينا وسام سحبني لحضنه باس كتفي وكال -لاتخافين اني يمج رفعت راسي باوعت بعيونة -اني ما اخاف واني هنا اشرت ع صدرة بمعنى حضنة ضحك وخلا جبينة ع جبيي غمضت عيوني همس -فتحي عينج ابتسمت واني مغمضة حاوط خصري وشدني لحضنة فتحت عيني متفاجئة تقرب مركز بعيوني المسافة بينا شبه معدومة كلبي كام يدك سريع ماكدر اسيطر ع دكات كلبي همس بحب -احبج يانفسي وروحي وحياتي احبج ياكلشي حلو بحياتي ابتسمت واني مغمضة ثواني وحسيت بلمسة شفايفة ع خدي بعدها تقرب ع شفتي ارتعد جسمي دفعتة بس هوة مابتعد احساس وشعور ماكدر اوصفة صرت بعالم ثاني ابتعد عني لاول مرة يقترب مني ويبوسني دنكت خجلانة وسام ضحك ابتعدت اروح يمة كد الخجل حسيت نفسي شتعلت نار لزم ايدي وحضني بسرعة -وسام خل اروح -ههه بكيفج هو انت بعد هنا مكانج حرك راسة بركبتي -اوي وسام شبيك... لاتسوي هيج قطع كلامنا صوت المبايل ابتسم -هاي امي -انت كتلها عن زواجنا -لا انطاني المبايل صفنت بوجها -ردي عليها وانت خبريها -ماما اخاف -امي تحبج ردي ترددت واخذت المبايل فتح الخط سمعت صوتها كالت -شلونة وليدي صاير مايسأل انني محجيت دمعت عيني اباوع لوسام يأشرلي احجي ترددت ثواني وكلت -ااا الو خالة استغربت وكالت -منو انتي يمة باوعت لوسام اشرلي بعينة بمعنى احجي -اني ... اني قمر سمعت شهكتها وكالت -يمة انت قمر نفسها -اي خالة قمر ... يتبع ومن هنا تبدأ انتقالة جديدة بالرواية اشخاص لم نذكرهم الا قليل. سوف نعود لـ نذكرهم وابطال جدد سـ تدخل بالقصة واحداث الرواية بتصاعد مستمر ماذا تخبأ بين طياتها وماذا سيحصل مع يحيى وكيف سيكون انتقامه بعد الغياب دور يحيى هنا سيكون بشكل اخر ظالم ويطالب بالعدالة فكيف ستكون نهايته #البارت_السادس_عشر "لا غُفران في موقف جعلَك تُشفق على نفسك" ..._____________________… ختام سيبدء دور ختام اخت وسام .... تحجيلي امي بلهفة وسعادة والدموع بعيونها ممصدكة وسام تزوج قمر جان مثل الحلم جنت اشوف فرحة امي واكول شكد جانت مهمومة لهم وسام واني كذالك سعيدة لفرحة اخوية مجنت متوقعة يجتمع بيها ورح يحضى بحب حياته بعد كل المشاكل دعيت من كل كلبي لراحتهم -ماما ماكتيلي شوكت يجون -مادري يمة كالي فد شهر ونرجع متتخيلين شكد فرحانة احلى خبر فجئة تلاشت ضحكتها وكالت -زين واهل قمر شلون ابوها واخوها ميدرون الله اليستر -زين بابا مرح تخبري -لا وسام كال لتكولين لاحد بس تدرين اني ماضم عنج ضحكت اني وامي علاقتنا كلش قوية مثل الصديقات ضربتني ع كتفي وكالت -خوب انت كيفتي ع السوالف يلة روحي اقري امتحاناتج الوزاري بلشت -اي يوم بس تنذكر بطني تمغصني -الله يسهلج وانشالله اطلعين الي تتمني خل احجيلكم شوية عني اني ختام عمري 18 سنة مرحلة سادس اعدادي تقريبا شارفت ع انهاء هاي السنة طموحي هندسة واتمنى اكمل دراستي بالخارج لحد هسة ممفاتحة اهلي بالموضوع انتضر اطلع المعدل بالاول بعدها اطلب من اخوية حلمي من زمان ادرس بيروت بالجامعة الامريكية عندي كومة صديقات نفس طموحي وهنا الي شجعني اتمسك بقراري بس الي مخوفني اخوية وابوية خاف ميوافقين من الطفولة واني كل اموري بيد اخوية وسام كون انو هو اخوية الجبير بالنسبة ليحيى صح اخوية بس اناني وميفكر الة بنفسة لذالك علاقتي مو قوية بي ابوية جان هو كل دنيتي وسعادتي شطلب يلبيلي بس هوة متشدد من ناحية وعندة البنت الطلعة ممنوع عليها... لذالك متخوفة بشان قرارة ع سفري بالخارج كعدت اقرة مثل العادة وباجتهاد كل همي اطلع المعدل بعدها كلشي سهل ________________... مرت ايام ع زواجي من وسام كانت اسعد ايام بالنسبة الي كل يوم ويا غير شكل حياتي ويا اجمل بهواي من الشكل الي كنت متوقعتة لكن بين لحظة والثانية ارجع لهواجسي وكل معتاد ابتسامة من وسام تزيل كل همومي وسام جان حاط حراسة ع الباب وكامرات حتى بداخل لبيت ورابط بمبايلة حتى من يكون مموجود يكون مطمن علية تواجدة اكثر الوقت يمي بالشقة لو يروح للمستشفى بحكم وضيفتة قررنا نبقى شهر بعدها نرجع احلى ايام عمري ويا حب ولهفة وعشق وهيام بحياتي متوقعت شي يوم اعيش هسعادة خصوصا بعد كل الاحداث الصارت جنت كاعدة. بالمطبخ والف دولمة وسام طلب مني دولمة شايلة شعري باهمال رن تلفوني مكدرت ارد لان مشغولة بطبخ بعد ربع ساعة كملت حطيت جدر ع النار رن المبايل مرة ثانية رديت -الو وصلني صوت امي -هلا بنتي شلونج -هلا حبيبتي بخير اني علاوي شلونة -بخير علي عايفني وطالع وية جماعتة كال فد شوية امرلج واخذج لقمر اني لو بس افهم وسام ليش اخذج جان بقينا بنفس الشقة -ههه لا يوم شقة علي صغيرة بعدين وسام يريد ياخذ راحتة امي كالت -اي ياخذ راحتة شكو بيها اخذ بتي وعافني -ههه لا حبيبتي بنتج الج -شعندي غير سعادتج بس هذا ابوج خبلني كلساعة يتصل اريد قمر واحاتر واطلع حجج مدري منين والله خايفة من الجاي تنهدت -الله كريم اني هم خايفة بس من اذكر اني وسام سوة انسى كل همومي متتخيلين شكد مرتاحة ويا ماما وسام حب حياتي تتخيليني حياتي بدونه موت -اسم الله عليج من الموت الحمد لله اجتمعتو رغم المشاكل الله يسر وكون ابوج يتفهم الموقف سديتا منها بعد مطمنت علية كعدت شوية اكلب بالفون ونعست خليت راسي ع الميز حسيت ع فتحت الباب ضليت بمكاني اعرف بس وسام عدة المفتاح حسيت بخطواتة تقترب كنت مغمضة عيني حسيت بلمسة ايدة ع خدي وخلل اصابعة بشعري لزمت ايدة واني مغمضة بداخلي شعور غريب من لمست ايدة فزيت بسرعة فتحت عيني شفتة يحيى شهكت مصدومه كمت بسرعة وتراجعت ليورة انكلب الكرسي خوف ورعب ماكدر اوصفة رجفت بخوف هوة واكف كدامي ولا كانو وحاط ايدة بجيوبة متغير حيل لحيتة طولانة ويباوعلي بنضرة غريبة ابتسم بطرف شفتة تقرب مني رفعت راسي ع الكامرة اعرف اكو كامرة بالمطبخ كونها بداية الشقة واعرف اكو حرس شلون فات همس -خايفة ... بعدج مشايفة شي من الرعب الحقيقي بلعت ريك نزلت ادموعي بخوف صرخت بخوف -اياك تتقرب مني هوة يتقدم واني ارجع ليورة اصطدمت بالكاونتر بعد ما انتهت المسافة بالمطبخ اتقرب اكثر صارت المسافة شبه معدومة سحب ايدي ليورة بحركة سريعة صرخت من الالم حسيت عظامي انطحنت بايدة خلة ايدة ع حلكي يكتم صرخاتي دموعي ماتوقف وجسمي يرجف بشكل موطبيعي رفع حاجبة وهمس بتهديد -صيري عاقلة حتى لا اذيج حجاها وضغط علة ايدي رفعت نضري ع الكامرت بس اريد افهم شون فات وكل هل تشدد بالحراسة والكامرات مربوطة بمبايل وسام -اذا تفكيرج بالكامرات سويتلهن تعطيل فكيت عيني مصدومة كمت اتحرك بقوة واحاول ابعدة وهو يتلاوة وياي ضربني راشدي وكعت بالكاع نزل لمستواية طلع وصلة من جيبة وحط بيها مخدر بسرعة خلاها ع انفي قطع نفسي بعدها غبت عن الوعي.... ________________... وسام طلعت من غرفة العمليات ورحت للمكتب اليوم جان متعب حبيت اطمن على قمر شلت المبايل اتصل طلع مغلق يمكن مبي شحن فتحت المجر اطلع المفتاح مال البيت ملكيتة خليت ايدي بجيوبي ماكو كلبت المكتب ملكيتة رسا كلبي حسني لازم ارجع كون قمر بخير طلعت من المستشفى بسرعة مسافة الطريق وصلت انصدمت واني اشوف الباب مفتوح والحاطهم ع الباب ماكو دخلت بسرعة المطبخ بالواجهة اشتم ريحة حرك الاكل ع الطباخ شايط طفيت النار -قمر ... قمر اشوف المطبخ مكلوب والبيت فارغ عرفت الكلب اخذها ضربت ع الميز هسة شسوي اني اتصلت من الارضي ع علي ايدي ترجف وبالي يم قمر لايسويلها شي يالله شطلعني وعفتها رد علي بدون مقدمات كلت -علي يحيى خطف قمر -شنووو شلون مو انت مامن كلشي -ماعرف ماعرف ماعرف شسوي صرخت بانهيار اعصابي تلفت صارت عيني ع الكاونت ورقة مثبتة تحت الكلاص شلتها مكتوب -اخي العزيز اكيد بعد مارح ترجع ومتلكة حبيبة الكلب رح تعرف انت خسرتها اذا حاب تخسرها للابد اكدر ادزها لعزرائيل ونختصر بس عندي الك طريق اسهل تحافظ ع حياتها اوراق الطلاق عالميز محضرهن الك وقع واختصر الطريق وانتبه ترة قمر وقعت كسرت الكزاز بايدي وصرخت - والله لدفعك الثمن غالي يحيى باحلامك اطلكها قدمت بلاغ عن خطف قمر وعلي وياي حيران -هسة شنسوي -ماعرف والله بس اريد افهم شلون كدر يتخلص من الحرس والكامرات عطلهن ابن ال--- خالتي درت -لا اذا عرفت تنجلط هسة خل نشوف تالي الشرطة بدت ادور -علي اني هسة صح قدمت بلاغ بس ماضل معتمد عليهم خليني اني هم اتحرك اول ما انقذها من الكلب نطلع من بيروت ماتحمل بعد اخسرها ..... ________________... قمر فتحت عيني بهدوء احس راسي رح ينفجر باوعت بصفي فزيت نايم بقربي ويباوعلي رعب ماكدر اوصفة اجيت اكوم جريت نفسي ايدي جلبت بايدة اباوع حاط كلبشات رابط ايدي بايدة صرخت بي -انت مجنون عوفني ليش رابطني يباوعلي بهدوء برودة اعصاب دموعي تجري وهو ولا كانو مثل هل انسان نذل وصخ مشفت خاطف مرت اخو بكل وقاحة نايم يمي صرخت -مو احجي وياك اتركني ماااا تسمع سحبني بقوة. وكعت علية شهكت مصدومة اريد اكوم حاوطني بايدة الوسخة بجيت وكعت دموعي ع خدة اكره ضعفي واكره لم يلزمني احس نفسي تنكست خلص يمكن هل مرة محد يكدر يخلصني كتلة بترجي -عوفني الله يخليك اني مرت اخوك حرام تسوي هيج بجيت بصوت دفعني عنة بقوة سحب ايدي واشر ع ابهامي وكال -تشوفين هذا الحبر خليت بصمتج ع اوراق الطلاق خلص وسام انتهى انت الي حطيت ايدي ع حلكي بجيت بقهر -حقير هذا باطل اني ما وقعت بارادتي انت بصمتني -هشي خل يفيدج - وسام موقع يعني ماطلكت وخر عني يلة حجيت بعصبية وكمت اضرب بي بكل قوتي هوة مو مهتم يباوعلي برود قاتل. تعبت كدمبجيت حطيت ايدي على وجهي ابجي وخر ايدي وكال -قمر اسمعيني -ماريد اسمعك رجعني اني زوجة وسام هشي متكدر تغيرة انت ليش هيج تسوي مريض ليش خطفتني الله يخليك تركني وعد ما اخبر احد ولا اخلي وسام ياذيك بس تركني صرخ بوجهي -لج انت متفهمين متفهمين صرخ بهسترية وضرب ع الميز البلور شهكت وحطيت ايدي على حلكي مصدومة ايدة كامت تنزف حط ايدة ع خدي ونصة صوتة -قمر ماريد ارجعج يتصرف مثل المخابيل كمت اشك بسلامة عقلة وخرت ايدة -ماريد ابقى يمك انت اكيد مخبل والا تصرفاتك مو مال عقال لزم وجهي بكفوف ايدة وبجة -اني مخبل بسببج احبج لج احبج رجفت روحي دفعتة منهارة صرخت بي -انت فاقد عقلك شارب شي وخر عني يلة وخر ادفع بي وهوة يتقرب يبجي -بس اسمعيني ... احبج قبل وسام لاتسوين هيج لاتعذبين روحي طالعة بس اسمعيني جنت مصدومة صدمة عمري اول مرة اشوف يحيى يبجي لا ويكلي احبج هزيت راسي برفض اريد استوعب كل الي ديصير احس نفسي بدوامة لزم ايدي -خل احجيلج قمر وسمعيني الله يخليج تنهد سحبت ايدي منة لزمها وكال خليها بايدي بس اسمعيني -اسمعك باذني مو بايدي لا تلمسني لزمها بقوة ومهتم بدة يحجيلي -اول مادخلتي كلبي من جنتي بالخامس اعدادي جنت مرحلة ثانية جامعة معجب بيج حيل اراقبج بكل طلعة الج وكلما ترحين لدوام الحكج جنتي اول حب بحياتي ماحبيت غيرج مرت السنة كاملة ع حبج قررت اخطبج خلص ماتحمل بيومها رحت لعمر خطبتج بس اخوج هاني بكلامة بالبداية كالي مانطيك اختي اني عصبت واجيت اضربة كال شايفني مخبل انطي اختي لصايع مثلك روح لاتشوفني جهرتك حقدت علية كلش وقررت انتقم منة باي طريقة صديقي كلي انتقم بي باختة تقرب منها خليها تحبك وبعدين عوفها وفعلا حاولت اتقرب منج بس مكدرت انت حذرة ومتطين مجال سكت وباوعلي اني مصدومة من كلامة بعدين قررت اتقرب من اسيل لان شفتها لكمة اسهل واقرب الي واني وياها نفس المرحلة تقربت منها وفعلا خليتها تحبني تعلقت بية وبكلامي المعسول خدعتها بحب مزيف كل تفكيري الانتقام من اخوج لان طلبتج ومانطاني لعبت نفسي من كل الي يصير حاولت احب اختج وانسة انتقامي بس لا كل عقلي وكلبي مليان بيج اشوف الدنيا كلها انت قررت انهي علاقتي باسيل بعد علاقة دامت سنتين معرفت شلون حجيت لصديقي وكلي استفزها بشرفها ماستساغيت الفكرة جنت محتار ضايع بعدين قررت اسوي اي حل في سبيل اتخلص منها وسويت الي سويتا وياها مجنت ناوي انشر الفديو كل همي اعير عمر باختة طمعت باختج من شفتها سلمت نفسها باول مرة واعرف مرة ثانية مرح تقبل اتقرب استفزيتها بالفديو وقررت استغلها وبعدها انتقم من عمر بس الي صار الكل عرف بي وابوية خلاني امسح الفديو نوعا ما كدرت انتقم من يحيى لان بنهاية نفذت شوية من الي بالي وشاف الفديو بس مشفى غليلي محروك دمي جان منة رجعت اراقبج بكل خطواتج واجة اخوية وشفت تقربج منة جنت احترك حراك اموت الف موتة من اشوفة يوصلج حجاها ونبت اضافرة بايدي صرخت ودموعي تجري حط ايدة ع خدي يحجي بحركة حبيتج مكدرت انساج من عرفت اخوية يحبج متت وقررت اسوي المستحيل حتى ابعدكم بس خطفتج وناوي اكسرج حتى متكونين لغيري وحتى اذا مو الي المهم مو لغيري بس كدرتي تنقذين نفسج وخابت امالي ومن جديد صارت مشكلة واخوية طردني من البيت واخوج جان يريد يقتلني خصوصا بعد متهمت اخوية بمساعدة الولد الي ضربتي بالجامعة وخليتة يجذب ع اخوج بعد كل هاي الاحداث رجعت لجئت لصديقي الي بكل مرة ينطيني خطط وهلمرة كلي سوي نفسك ميت راح قتل الولد الي ضربتي بالجامعة جان تقريبا بطولي ومثل جسمي هشي ساعد مصدوم اول مرة اشوف جريمة كدامي تخبلت ضربت صديقي بس بعدها فهمني انو هو لمصلحتي وسافرت لاربيل فترة ابتعدت وفعلا انتهم اخوج بموتي مثل مخطط صديقي لان هو الوحيد جان متحلفلي وصارت شغلة ثارات وكدرت ابعدج عن وسام كان اعظم انتصار الي بعد فترة سافر وسام اني سافرت ورا من عرفت جنت اراقبة بين فترات متباعدة وعرفت رجعتو انجمعتو كلبي احترك حسيت كل خططي فشلت وما حصلت ع شي هلمرة نويت اقتلج شهكت -وتسمي نفسك تحبني وية كل كمية النذالة العندك وصلت لادنى مرحلة تغيرت نضرتة -اي مستعد كلشي اسوي حتى متكونين لغيري حتى لو موتج الثمن المهم مو لغيري حجاها بعنف وخنكني بقوة بديت اتنفس بطئ الا شوية ينكطع نفسي يلة تركني ويتصرف بجنون -حبيبتي صارلج شي اسف اسف حضني ويمسح ع شعري دفعتة -لا تلمسني اكرررهك ماتستوعب انت مريض ميهمني حبك ولا كل افكارك المريضة وسام حب حياتي وسام دنيتي لو شما سويت متكدر تبعدني عنة واذا رايد تموتني عادي المهم ماكون تحت رحمتك يا نذل ضربني راشدي ودفعني ذب نفسة علية -مو بكيفج انت الي قمر ليحي غصبا ما عليج دفعتة حاولت اكوم بس ايدي مربوطة بايدة ضحك باستهزاء عصر وجهي بايدة -تحاولين تشردين متكدرين وين ما اروح انت وياي فهمتي ________________... اسيل خلصت امتحاناتي النهائية بالكلية رجعت فرحانة واخيرا انتهت اخر سنة الي انتضر نجاحي وتخرجي اكون اسعد انسانة ستقبلتني عمتي. وجها غاضب -رجعتي خاتون -خير عمة صاحت بية -منين يجي الخير وحضرتج ملتهيتلي بالامتحانات والدوام وبناتي وحدهن الخدمة عليهن خولة كالت -ماما مبيها شي الشغل ميموت بعدين هية خلصت امتحاناتها ورح تتخرج صاحت بيها عمتي -انت انجبي اختج غدير ماكدرت تقرة من وراها ورجعت ممجاوبة ملتهية تنضف في سبيل الانسة ترتاح وابني المن ازوج لعد هسة لا مفرحتة بولد ولا تعتني بي اني ممجبورة اتحملها اريد اخطب لابني وازوجة ثانيه شكلها مامنها فايدة دنكت ودموعي نزلت بهل اثناء دخل اسامة -هاي شكو صوتج برة يوم شكو اشرت علية بعصبية - ما تسال الخاتون مكضيتها نايمة بالكتاب كافي طفرت روحي شجاريلي منها شو لا من فالحة تنضيف لا من فالحة بالخلفة والله ليعلم عاقر نتر اسامة -يوووم لخاطر الله البنية تعبانة من الجامعة تتلكيها من الباب وبعدين شنو هل حجي اني مزوج لو جايب خدامة ع البيت -هاي خوش والله بس خواتك يخدمن الها ويطبخن وهية ع الحاضر واختك غدير ممجاوبة والله في سبيل مرتك تدرس براسنة جنت اسمع ومحترك كلبي فوكاها تكول عاقر ضليت ساكتة وبس ادموعي تنزل اسامة جرني وكال -هسة دراستها انتهت ماكو داعي لهل مشاكل اخذني وامة ورا ادردم وتصيح ساحرتة ام الولد توقف اسامة بمكانة وية هاي الكلمة ورجع صاح بغضب -شكلتي يوم -اي عبالك ماندري ياما تحت السواهي دواهي ترة اعرف ازوجتها حتى تستر عليها وسام وجها كام يضرب الوان واني صاعقة ونزلت ع راسي رجفت لشتي واني اذكر الي صار فقدت حاسة السمع بعد مسمعت كلام امة وصارت عركة شكبرها وعمي ادخل وعلكت بينهم وغدير طلعت هية الي حاجية اضاهر سامعة بالكلام وموصلة لامها وعمتي هايجة علية ضليت واكفة وجسمي يرجف ودموعي تجري تقربت مني خولة هية زينة وياي -اهدي اسيل شبيج مصار شي باوعتلها صورتها مغوشة وفعلا بدت الاصوات تتلاشة مجرد وشة باذني حجي عمتي هيج المواجع متحملت روحي دارت الدنيا بيا وكعت من طولي يتبع | ||||||||
|
| |
|
05-09-22, 03:36 PM
| #10 | ||||||||
| مراقبة عامة ومشرفة منتدى الروايات المنقولة
| #رواية_ضاقت_انفاسي_شوقا_الي� � #الكاتبة_نور #البارت_السابع_عشر القلب عضو عاق جداً ٲذا عَشق ٲتـعب الجسد بٳڪمله …___________________… بعد الكلام السمعتة تهت وانصدمت حسيت نفسي ضايعة حضنت نفسي حطيت راسي بين رجلي وكمت ابجي ايدي مربوطة بايدة قرفانة من كل الوضع حسيت ع حركة ايدة فتح الكلبشة رفعت راسي شفتة فل ايدة شي بداخلي رتاح ابتعد وهو ساكت ملامحة تغيرت باوعلي وشكلة مكسور طلع وقفل الباب شسوي ويا هسة اني من طلع كمت اباوع من الشباك مكان غريب بلد غريب وسام مو ياي ياترى شسوى من رجع وشاف الوضع اكيد يدور علية دموع تنزل بحيرة فتريت بالغرفة ماعرف وين رح اصفة اكتل نفسي واخلص هذا احسن حل يحيى مرح يتركني ماتحمل اذا تقرب مني وهوة قوي واني ضعيفة مهما قاومت باوعت حولي ادور عن اي شي اكدر اخلص حياتي صارت عيني ع الميز البلور الي كسرة قطع الكزاز مطشرة شلت قطعة وحطيت ها ع وريدي مترددة اني داسوي حرام بس مو بيدي اما الموت او الموت ماكو حل بديل غمضت عيني واني اذكر كل لحظة قضيتها وية وسام يحيى يكول اذا انت مو الي ماتكونين لغيري واني اكول اذا لمسني شخص غير وسام حياتي بلى معنى حتكون لذالك استعجل انهي حياتي سامحني ربي مجبورة كلتها بخنكة ودموعي تجري ايدي ترجف حطيت كزازة ع الوريد حاولت اصيب الوريد واقطعة اعمق مايمكن غرسته حسيت بالم فضيع غمضت عيني واني اتجرع الالم ماحسيت الا ويحيى جرني وصرخ بية -شدسوين غضب ... دفعتة -انت شتريد مني خليني اموت اريد اخلص مستحيل اعيش وياك الله خالقني لوسام واذا شخص ثاني تقرب مني انهي حياتي دفعني بالكاع وصاح -مو بكيفج ________________... يحيى رفعت راسها وكالت -لا بكيفي مو الك اني افهم حقيررر انت ونذل ماريدك دنكت عليها ولزمتها بقوة -صوتج اخفي لا بالله العظيم حياتج انهيها ضحكت بستهزاء -والله اتمنى توفر علية معانات اقتلني وخلصني افضل الموت ع اني اخلي واحد --- و----- كامت تغلط بجرءة علية ضربتها كف وضربتها مرة ثاني توحشت عليها فقدت اعصابي. واني اضرب بيها وكعت مغمى عليها بين اديه فقدت اعصابي مدريت شسويت همست -قمر ... مثل متكول مجنون صرت مجنون بسببها شي اتصرف بخبال شي اخاف عليها شلتها حطيتها عسرير اديها تنزف لفيتها بقطن وشاش اباوع ع وجها كلة اثار ضرب شكد متوحش اني سويت كل هشي ودخلت بكل هدوامات تقربت من اختها تهمت اخوية خطفتها نشرت خبر موتي دمرت الكل ليش علمودها وهية تحب اخوية شسويلة لكلبي حتى اتخلص من حبها لحل بجنون مستعد ااذيها ومتكون لغيري بس احبها شسوي الله خلاها بكلبي والسبب كلة من عمر خطبتها ومطانيها كعدت يمها انتضرها تكعد ليل وهية ماكو مغمى عليها حرارتها ارتفعت فدنوب ضليت افتر بالغرفة ماعرف شسوي صفنت ع روحي بالمراية اني هم بشر هم بداخلي احساس رغم كل السويتة اتندم بس ارجع واكول هي حبيبتي حبيتها قبلة سويتلها كمادات جبت اكل من صحت خليتها تاكل عاندت بالبداية بعدها وافقت همست -يحيى باوعتلها -الله يخليك رجعني والله ما اخلي وسام ياذيك وكلشي ينتهي انساني اني ازوجت بعد شوف حياتك وية غيري ليش تسوي كل هشي امك ابوك اخوك تركتهم سويت مشاكل كسرت اختي كلة انتقام ماتعبت مايعذبك ضميرك سكتت محجيت بس اباوع بعيونها شي من كلامها غير هواي بداخلي حسيت نفسي طفل تحجي بهدوء ترجف روحي وية كل كلمة تكولها من شافتني هادء امنت وكملت كلام -عليمن كل هشي يحيى تعرف اني ماحبك تدري حتى لو عمر وافق ع تقدمك الي جان اني رفضت لاني اولا جنت ادرس ثانيا مجنت اطيقك وصراحة هاي. انت صح تحبني بس وسام اول حب بحياتي ماكو شي بالاجبار خصوصا الحب اني ماكدر اجبرك تشيل حبي بنهاية القلب عضو عاق. يعصينا دائما ولا انت تكدر تجبرني احبك تفهمني يحيى -بس اني احبج -واني ماحبك حب طرف واحد مينفع الله يخليك عيش حياتك وتركلي حياتي خليني ارتاح بنهاية اني مرت اخوك الك نفس بمرت اخوك بعد ما اخوك ازوجني تسمحها لنفسك حتى لو اطلكت وسويت الي بالك انت داخلك يرتاح ترضي نفسك هيج حجت ودموعها نزلت كمت من يمها وتركت الغرفة تهت ضعت ماعرف شسوي اول مرة اشغل ضميري ماعرف كلامها بي وجة نضر اني ليش سويت هيج بعيد عن بلدي بعيد عن امي وابوية اخوية احاول اخذ زوجتة ضليت اليل اجول بشوارع بيروت صار نضري ع الحايط شفت صورتي مقدم علية بلاغ اكيد وسام رجعت بسرعة لشقة ماريد الشرطة تلزمني رجعت لكيتها نايمة قست حرارتها نازلة صفنت بوجها دموعي نزلت خلص لازم اتركها ماكو شي بالاجبار غلطت ورح اتحمل النتائج -قمر ... قمر فزت مبتعدة عني ابتسمت بوجها فليت ايدها كمت فتحت الباب هي تباوعلي صافنة -اطلعي انت حرة مالي دخل بيج بعد كلتها ودنكت كامت تباوعلي كانو مو مصدكة -شكرا ... لانك تفهمتني حجتها وطلعت صحت وراها قمر التفتت وبوجها ملامح خوف يمكن تعتقد اغير رئي -سامحيني لان اذيتج بجت وكالت -مسامحتك الله يجمعك بالبنية تستاهلها راحت واني اباوع وراها لحد ما غابت عن نضري انكسرت كسرة بروحتها كعدت ابجي اول مرة احس هلكد ضعيف ليش الي يوضف كلبة هيج يصير بي بجيت يمكن اول مرة ابجي بيها هلكد من طفل مباجي هلكد ________________... ومن هنا بدءت نقطة التحول بحياة يحيى من ظلم يدافع عن حقه الى شخص يتمسك بتصليح نفسه وترميم اخطاء الماضي اول من سامحه قمر هل سيسامحه الجميع ام ان فعله القبيح سيودي به نحو الهاوية ولا مفر من سوء افعاله تابعو.... ________________... اسامة حجي امي جان ع الجرح فجئة صرخت خولة اسيييييل ... باوعت اسيل بالكاع ركضت عليها اصحيها فاقدة وترجف شلتها وصحت -اي صوت اسمعة اخفي ولو انفتح الموضوع البيت اكلبة ع راسكم حطيتها ع السرير خولة يمي تبجي خايفة -خولة جيبي مي راحت خولة اجتي غدير واكفة ع صفحة خزرتها لان بسببها صارت المشكلة لان بيوم الي جنت احجي وية ابوية سمعتنا وكتلها اكص لسانج اذا حجيتي عصتني وراحت كالت لامي راحت طلعت اجتي خولة بيدها كلاص المي ترجف شكد اكو اختلاف بينهن وحدة حساسة والثانية كل الشر والخبث بيها مدري منين جايبتة رشيت مي على وجه اسيل صحت باوعتلي وبجت -حبيبتي شلون صرتي دارت وجها وغطت راسها اسمع صوت بجيها اجيت احاجيها خولة حطت ايدها ع كتفي اشرتلي اتركها تنهدت وسكتت راحت خولة واني بقيت كاعد واسمع صوت بجيها دموعها تاذيني وكل شهكت بجي احسها خنجر بكلبي صحت بيها -كافي جريت البطانية وسحبتها لحضني -اني شنو سببي غلطت وفهمت غلطي ليش كلما ابلش من جديد ارجع اوكع بالماضي الي مرح ينتهي -لاتحجين هيج حبيبتي لاتهتمين امي عيبيها تحجي هيج بعدين تبرد ماتشيل بكلبها -هو مو صوج امك اختك الله ليعلم شلون فهمتها والا عمتي ماتكول هل حجي حجيها كلش قاسي كالتها وحطت ايدها ع وجها تبجي وخرت ايدها مسحت ادموعها وبست راسها -اسف يكلبي خلص لا تشيلين بخاطرج اعتبريها محجت خلص هذا الموضوع مينفتح بعد انتي مرتي واشك حلك الي جيب طاريج بشين ضحكت وكالت - لاتحجي حجي ماتسوي عكدت حاجبي -ليش شايفتني شي يوم حاجي وممنفذ -اي لان امك اذا حجت متشك حلكها امك تظل عيب وهذا الحجي يعتبر عقوق ضحكت وحضنتها -فدوة لحبيبتي وهسة مسحي دموعج وحضري نفسج نطلع طلعة حلوة حاجز بفندق اريد اجدد ليلة العرس شهكت وكالت -شنو صدك تحجي -اي طبعا حضنتني فرحانة سعادة اسيل هية سعادتي حواء نخلقت من ضلع ادم واسيل انخلقت من ضلعي مكانها بكلبي ماكدر ع زعلها حتى وان قسيت تبقى هي كل حياتي... ________________... وسام افتر بالبيت ذهابا وايابا قلق والشرطة ماكو خبر طشيت صورة بكل بيروت ولحد هسة ماكو اي شي تعبت اعصابي صحت -اني ماظل كاعد هيج تعبت علي كال -يعني شنسوي وسام فترينة ودورنا مر اليوم كلة وهية ماكو يعني وين نروح بعد كلة بسببك وسام كتلك خليها يم امي انت تعرف امي هسة اذا عرفت مستحيل ترجعها الك حطيت ايدي ع جبيني اباوع الساعة بالعشرة باليل الوقت تاخر كل نص ساعة اتصل ع الضابط يكلي ماكو اي خبر وين راح يعني انشكت الارض وبلعتة واني صافن وبحيرتي رن تلفوني رديت بلهفة عسى ولعل خبر عنها .... ________________... طلعت تقريب المغرب حررني واخيرا كلامي جاب نتيجة ويا طلعت بس ماعرف وين اروح تايهة اباوع حولي ناس غريبة ماعرف احد بجيت وكعدت ع مكان مخصص للكعدة والرايح والراد يباوعلي واني وجهي كلة علامة ضرب وشعري مفلول لابسة تراك مال بيت ضليت صافنة عسى ولعل يجي وسام يشوفني الشمس بدت تغيب واني خايفة حيل اذا بقيت لليل يمكن يجون يخطفوني من جديد وين اروح بجيت بحيرة حسيت ع شخص وكف كبالي وكفت خايفة رجال كبير بالعمر كال -شوبيكي يابنتي انت بخير محتاجة مساعدة محجيت خايفة -بنتي شكلك ضايعة هوني بتجي معي هزيت راسي برفض ماكدر اثق باحد باوعلي بحيرة ومشى خطر ع بالي اتصل من مبايلة واحاجي وسام ركضت ورا -عمو عمو بس لحظة باوعلي مستغرب لهجتي -انت من العراق -اي عمو اني ضايعة وما اندل اجيت اني وزوجي بس انطيني مبايلك اتصل بي يجيني -ماشي يبنتي تكرمي انطاني مبايلة اخذتة بسرعة وكتبت رقم وسام دكيت اول رنه ورد -الوووو سمعت صوتة حسيت بالامان صحت استنجدة -وسااااام صاح بلهفة -قمر كلبي انت وين قمر اني بس ابجي ماعرف وين تايهة -قمر حبيبتي وينج وين الحقير اذاج -وسام ماعرف وين تعال ساعدني ضايعة وماعرف شلون حاجاني الرجال -عطيني بنتي انا بقلو ع المكان ماتخافي انطتهيا وبعد السلام ردلة العنوان ابتسم بوجهي وكال -اطمني يبنتي متخافي انتي بامان معي لزم ايدي وكعدني.... انت ابقي هون انا رح جيبلك مي شكلك تعبانة -لا عمو الله يخليك لاتعوفني ماريد مي جسمي يرجف رغم وسام رح يجي بس ميتة خوف ضل كاعد الرجال يمي ماحجة. يباوعلي كل شوي بردت شوية ضليت افرك بايدي الجو هنا بارد شوي تعبت حيل حسيت مالي طاقة كمت افتر بقلق -بنتي ارتاحي متخافي هلاء بيجي زوجك باوعتلة ودموعي ماجفت خايفة بعد طول انتضار يمكن مطول بس لاني اترقب الثواني حتى يجي حسيت الوقت طويل اجة وسام وعلي مصدكت شفتة ركضت حضنتة وابجي -قمر حبيبتي انت بخير سوالج شي -جنت خايفة حيل وسام اخذني منا الله يخليك بعد ماطيق ابقى لحظة خلينا نرجع احجي بسرعة ودموعي تنزل علي حضني -تعالي حبيبتي امشي نرجع وانشالله باجر نرجع للعراق وسام تشكر من الرجال وصعدنا السيارة علي يسوق وسام كاعد يمي -احجيلي شلون تخلصتي منة باوعتلة ملامحة قلقة -هو تركني علي كال -معقولة ... ليش خطفج من الاساس وليش تركج حطيت راسي ع كتف وسام وبديت احجيلهم كل الي صار من لحظة خطفي لحد ماتركني وسام كال -واحد سافل ... وانت صدكتي يحبج جان هذا اكيد ابالة مخطط اخوية صح بس بعد عمايلة الدنيئة ما اثق بي الله اعلم شنو الي ناوي علية لازم نرجع للعراق اني غلطت من عفتج وحدج ومستحيل اعيد الغلط مرة ثانية يحجي بعصبية ويصيح علي كال -كل الي سوا وانت سامحتي -علي يعني شسوي بعد محررني وطلب السماح مادري حسيتة فعلا نادم وكلامي جاب نتيجة بعدين هوة موشرير هلكد وسام ضحك -كلبج طيب عبالج الناس كلها مثلج لاتثقين متاكد رح يرجع ويسوي مسلسل جديد بس قسم بالله لو شفتة كدامي ما اخلي ع قيد الحياة -لا تكول هيج وسام هذا اخوك بعدين شنو تقتلة وتصير مجرم -ماشفتي عمايلة الدنيئة والله لو واكع بيدي ماترددت لحضة بقتلة حضنتة -خلص خلينا ننسة ونرجع للعراق اكيد مرح يجرء يلحكنا هناك خلينا ننسى رجعنا للبيت الساعة جانت 12 علي راح بعد ماطمن علية امي ماعرفت بكل الي صار وخطفي اتقرب وسام مني حاوط وجهي بكفوف ادية -ضربج الحقير... متتخيلين شكد خفت عليج خفت اخسرج روحي طلعت من لكيتج مو بلبيت ابتسمت -هلكد تخاف علية -اكثر مما تصورين حظنته -انت اماني واطمئناني وسام خليني انام بحضنك وارتاح اليوم جان اصعب يوم لزم ايدي ورحنا لغرفتنا تمدد ع السرير وفتحلي ايدة حضنتة بقوة.باس راسي -رح اكمل اموري هنا ونسافر -اممم بعد صمت لحضات همس -قمر... قمورتي همست منعسة -هممم -جوعانة نوم -وسام خليني انام نعسانة حركت راسي بصدرة كرصني بخفة وكال -تريد تنام وهية تتحارش حطيت راسي بركبتة وبستة -شلون اليوم تنامين لو تتحارشين -ثنينهن سوة نمت بحضنة حسيت الصبح على لمساتة وايدة بشعري تنفس باذني قشعر جسمي همس -كومي تنبل كومي خل نتريك -ما لازمتك كوم تريك وعوفني نايمة -مو متعود اتريك بيج قبل كلشي تقرب مني بلهفة واني قافلة ع النوم كوة صحاني صحت بي -وسام مزعج ليش هيج اريد انام ضحك علية كرص خدودي -احلى صباح يعمري يلة كومي بعد ورانا كومة طب سبح واني ورا سبحت طلعت من الحمام لكيتة محضر الريوك ابتسمت باسني بخدي -سويتلج احلى ريوك تعالي كعدنة نتريك علي اتصل -الو ها علي ... ها جاي هلا بيكم سدة وكال -علي وامج جاين كمت فازة -شنو ماما ويا -اي شبيج -ماتشوف وجهي شلون علية علامات اشرت على ايدي مجروحة -وهسة شلون -ماعرف رح احاول اخفي بالمكياج رحت لبست ثوب طويل ردان طويلة حتى اخفي جرح ايدي وكفت احط مكياج يم عيني زراك اثر الضرب وشفتي شوية اختفت الاثار بس يم شفتي ضربة قوية رن الجرس وسام فتح الباب طلعت اني متوترة امي حضنتني -شلونج حبيبتي صار سبوع مشايفتج مشتاقتلج ابتسمت -اني هم حبيبتي صفنت بوجهي واني ماعرف شسوي سكتت حطت ايدها ع شفتي وكالت -هاي شنو ... التفتت ع وسام عبالها ضاربني علي رسن جاوب -موكتلج البارحة لعبنا وبشقة ضربتها وتاذت اشرلي بعيونة مو قمر -اي ... اي صح امي كالت -هو هذا شقة شوف شمسوي بشفتها صاير متوحش ضيعت الموضوع وكلت -اي ماما ماتصل بابا بعد -يو ابوج ثبرني اخر مرة اتصل ومرديت خلصت الحجج بهل اثناء رن مبايلها طلع بابا ________________... علي مرت يومين كملت اموري بيروت قررنا نرجع رحت اودع يزن قبل لا اسافر دكيت الباب مرة مرتين محد فتح اهلة مسافرين من فترة معقولة مو بالبيت هو هم اجيت اروح سمعت صوت شي انكسر تقربت اسمع سمعت صوت بنية -تركني مستحيل ارجع معك هاي اكيد اخته سمعت صرختها دكيت الباب بقوة بعدها كسرتها من دخلت شفتها بزاوية واحد واكف شايل سجينة -هيييي منو انت بعدته عنها ضربني -انت ماتدخل باوعلها وكال -مين هاد الي تركتيني مشانو مو طالع من هون حتى تجي معي -ع جثتي بروح معك حتى لو بدك تموتني اجة تهجم عليها وكفت كدامة عرفت هذا زوجها باوعلي ورفعة ايدة بتحذير -انت ماتدخل هي بتكون زوجتي -وهية ماتريدك ولا تريد ترجع وياك لزمني من اكمام قميصي وصاح -وانت مين لحتة تدخل ضربتة لكمة ع وجهة وكع بالكاع خشمة نزف مسح الدم ويباوعلي بحقد تقرب غاير علية وبيدة السجنة بعدت عنة صارت الضربة بكتفي صرخت اخت يزن -احمد خلص اطلع لبرا باوعلي بنضرة حقيرة كمت ضربتة رغم ايدي تنزف طلع وهوة يهدد -انا ماشي بس رح ارجع وخلي هل كلمتين حلقة باذنيك رزان راجع ونهايتك ع ايدي طلع وهية التفتت الي -انت شو دخلك مين سمحلك تدخل بحياتي عجبك يلي صار فيك مسحت ادموعها واني اباوعلها من تتحرك راحت مني يمي واجتي جايبة عدة تضميد -بدي داوي جرحك خليني شوف ابتسمت -ماكو داعي اروح لدكتور مختص مشيت اطلع لزمت ايدي -وانا دكتورة خليني شوفها هيك رح اضل تخسر دم كتير كعدت ع الكرسي وهية جابت كرسي ثاني كعدت كدامي عاكدة حاجبها نضراتها شرسة وحتى من جان زوجها يتعارك وياها مجانت مستسلمة قوية اباوع ع نضراتها نفس العيون الجذبتني من اول مرة شفتها قطع افكاري صوتها الناعم -شو فيك صافن بوشي ... احم تلبكت وكملت كلامها فرجيني جرحك لئقدر داوي فتحت قميصي وهية خجلت اني كلت مبتسم -شنو كانك اول مرة اداوين -لا مهيك ضيعت نضراتها وركزت ع الجرح مجان عميق وقفت الدم بعدين حطت المعقم وجعني وتحركت -ااااه -بيحرق شوي بس تحمل همست -مثل نضراتك باوعتلي بخزرة وكالت -اسمعتك ماتحاول تعيدها لفت ايدي وضغطت ع الجرح عمدا ضحكت -مكدرتي الة اخذتي حقج ابتسمت -شكرا ... لانك ساعدتني لولاك كنت هلاء ماخلصت منو رح اعملك كاست عصير مشان تسترخي ________________... احداث من البارت القادم دخلت من الباب وايدي على كلبي خايفة من القادم برغم اني سعيدة لازم يصير شي يعكر سعادتي والخوف هو معكر سعادتي لزمت ايد امي وامي اشرتلي بنضراتها اطمن استقبلنا عمر وبابا من الباب ضهرت ملامح الصدمة ع وجه بابا زالت ابتسامة عمر وهو يشوف وسام ويانا دخل علي بدة بالكلام -شنو رح نضل واكفين ع الباب دخلنا للبيت ابوية نضراتة جامدة ع وسام مفاهم كل الي ديصير امي كالت بتوتر -ابو عمر ... قمر صارت ع ذمة وسام ...وسام وقمر ازوجو. ابوية تراجع ليورة مصدوم عمر صاح -شنوووو #البارت_الثامن_عشر أحبها جداً ، بسعة إحدى عشر كوكبا معاً بعوامل ضخمة وليالٍ طويلة لا يفصل إمتدادها ضوء ، أحبها كـ سماءٍ سابعة تحضُن ست سماوات وأرض 🖤 ..._______________________... يحيى مرت ساعات طويلة واني راكد بمكاني الساعات تمر بسرعة صبح ضهر عصر ليل كلها مرت واني بمكاني راحت قمر خسرتها .... لا مخسرتها هية مكانت الي حتى اخسرها كلامها وعاني خلاني ارجع بنفسي لنقطة الصفر واول شي رح اسوي اصلح اخطائي بعد ما مر وقت طويل ع كعدتي ومراجعت حساباتي كمت لميت غراضي وحضرت جواز السفر وقررت ارجع لبغداد شلون ميت ورح يرجع بس جنت ثابت بالقرار طلعت من الشقة حوالي الساعة ستة الصبح بعد ماحجزت طيارة ع الساعة ثمانية رحت لمطار بيروت شغلة نص ساعة واعلنت انطلاق الرحلة جريت نفس وانطلقت لبداية جديدة لكن لحياتي القديمة.... اهلي وبلدي وكلشي حتى لو الخطوة صعبة بس مستعد اواجه اخطائي بعد ساعة ونصف تقريبا وصلت للعراق بمطار بغداد نزلت انطلقت للحي الي ساكن بي اول موصلت كانت الاولاد تلعب بشارع كالمعتاد بعض من الجوارين كاعدين بالباب يتحاورون واحد من ولد الجيران شافني صاح مفزوع -جنيييي ... جنييي الجهال يركضون خايفين بلا مايفهمون السالفة ضحكت الجهال كالو جني الباقين شنو رح تكون ردت فعلهم بواحد ميت ورجع ضهر بعد فترة طويلة ________________... عمر واكف بالباب اني وابوية وابو مختار جارنا جنا نحجي بأمور سياسية... فجئة اجانا ولد يلهث واضح انو يركض صاح -عمو عمر يحيى ... يحيى عايش طلع ابوية وكف بصدمة واني ماستغربت انو يكون عايش الي كنت مستغربة رجعتة اصلا بعد عملتة السودة ماتوقع يرجع انطلقت متوجه ع بيتهم استقبلة بطريقة حلوة تليق بمقامة اردلة كل حقارة سواها ويانا ابوية حاول يوقفني بس مهتميت -عمر عوفة خل يولي لاتسوي مشاكل -لا مشاكل ولا شي اني ناوي اخلص ع حياتة اريد من صدك هلمرة اموتة حتى ماتكون التهمة باطلة -ابني لاتتهور حط عقلك براسك مشيت مومهتم كل الي بالي حقدي ع يحيى وشلون اختفى وتهمني بموتى خطف اختي كل هشي رجع ينعاد وهسة الوقت المناسب حتى انتقم جنت اتمناها من الله ع الله وصلت لبيتهم قبل لا ادك الباب سمعت صوتة من وراية -ها عمر اجيت تاخذ بثارك مني بدون نقاش تهجمت علية وضربتة ابوية يحاول يوقفني والتموا علينا واني مو مهتم صوت الصياح والهوسة ابوية يحلفني بغلاتة اتركة واني فاقد هوة مدافع عن نفسة وبالحظة اجة ابو وكف بينا -كافي عمر كافي رح تموتة صحت -وهذا الاريدة العار لازم يموووت مو هو كان رايد ينشر خبر موتة اريد احقق رغبتة لو ترجع ادافع عن اعمال ابنك الوسخة ومثل ماتعدة علينا يتعدة على غير ناس خليني اموتة واخلص العالم من شرة ابوية كال وهوة فحطان وجهه اصفر -ابني اقصر الشر خلص اتركة خلينا بحالنا وهمة بحالهم حجة بصوت مخنوك وكع بالكاع حسيت الدنيا وكعت ع راسي نقلنا ابوية ع المستشفى ضربتة جلطة من الصدمة اني السبب غضبي تحكم بية بس رغم كلشي ماشفة غليلي من هل سافل الي اسمة يحيى بعد كل الي سوا واحد مثلة المفروض ميرجع ________________... ختام جنة كاعدين ع الريوك ابوية يقرة الجريدة واني شايلة كتابي واقرة حتى ع الاكل ماعوف الكتاب فجئة سمعنة صوت صياح وضجة برا باب البيت تكسرت ابوية كام بسرعة وامي حطت ايدها ع كلبها -يارب استر فتح ابوية الباب ولد صغير يحجي سريع -عمو ...عمو. يحيى عايش وعمر رح يموتة ابوية تراجع ليورة بصدمة شهكت بصدمة حجي وسام صح يحيى ما مات امي تخربطت واني بسرعة رحت جبتلها الدوة ضغطها ارتفع دموعي ماوقفت اصوات الضجة والهوسة ادك بكلبي احس رح تصير مصيبة وامي تاشرلي ع المبايل -وسام ...وسام. -ماما عوفي وسام خلي متهني -بنتي لايجي لايجي يحيى رح يخرب حياتة بجيت ام خايفة ع ابنها من ابنها الثاني الاختلاف بين يحيى وسام شاسع اوووف -لاتخافين ماما بس اهدى مرح يصير شي كلشي حينتهي هدئت الضجة برة ودخل ابوية ساند يحيى الى كان مدمة واضح انو عمر اخذ بحقة وما الومة... ابوية صاح -ختام بسرعة داوي اخوج تعاي امي كامت وهية تتنفس بالكوة -هذا الولد العاق ما استقبلة بيتي ميت بالنسبة الي يحيى باوعلها برجاء غير نضراته الشريرة مشت امي وهو صاح -يوم الله يخليج سامحيني نزلت ادموع امي وكالت -ماعندي ولد اسمع منة ولا اسامحة ابني وسام وبس ويكون احسن اذا طلعت من البيت ولا تشوفني وجهك متت من زمان بالنسبة الي ابوية كال -ام وسام هسة مو وكت هل كلام وانت ختام تعاي داوي جروح اخوج رحت وكفت كدامة دموعي بعيني متاذية من حالتة مهما كان اخوية ومن لحمي ودمي همس -انت هم متسامحيني دنكت وبجيت بالحظة متوقعتها حضني اول مرة يمكن يسويها بحياتة محاضني ولا محسسني بعطف الاخ بداخلي حسيت شعور الحنان تجاهة حسيت جد ندمان وجاي معتذر من كلبة حضنتة اني هم وكلت -مهما يكون انت اخوية ابتعدت عنة وباوعت بعيونة -اوعدني متسبب اذية لاي شخص اشرلي براسة مبتسم يمكن اني اول وحدة انطتة الفرصة حتى يغير نفسة واكيد امي فترة وتبرد وتسامحة كعدت ع الكرسي واني اداوي جروحة اكثر شي كدمات بوجها صارت ايدي ع جرح يم عينة اذيتة وصاح -ااااي ... على كيفج حبيبتي -ليش هيج سويت ليش طلعت اشاعة موتك -مغوش ع عيني جنت مخدوع بدنيا ...شرير مو ضحكت -جنك شرشبيل ضحك وملامحة متألمة -وانتو السنافر اخ يمة هيج جنت شرير -بس انت رح تصلح اخطائك مو -اي ... رجعت اواجه اخطائي عيونة دمعت وكال -هي وعتني ع حياتي خلتني اصير انسان ثاني عكدت حاجبي -منو هي -بعدين تعرفين كلشي بوكتة حلو -الله يخليك يحيى لا تخيب ضني بيك حجيتها وبجيت -هلكد خايفة مني ااذيكم لاتخافين تغيرت والايام تثبتلكم كام يعرج ابوية وكف بوجها -ليش رجعت -رجعت اواجه اخطائي -مومصدك الانسان الي مليان اخطاء مثلك رجع يواجه اخطائة -جانت صعبة ع انسان حقير ونذل مثلي يتغير بس. مو مستحيل الايام تثبتلك اني تغيرت -عسى ولعل اشوف منك انسان ثاني بالنهاية انت ابني خذلتني بتصرفاتك شوهت سمعة العائلة خطفت بنت الجيران اضافة الى انو هية اقاربنا تهمت اخوك كل هشي ورحت خفيت نفسك حتى تصنع ثار مالة وجود الله يهديك ابني حط ايدة ع كتفة وراح اني كلت -اني رح احضرلك الحمام حتى تسبح وترتاح رحت سبقتة للغرفة حضرت هدومة ورتبت غراضة الي بالجنطة مال السفر تحت الهدوم لكيت صورة شلتها انصدمت ________________... علي كاعد اني ووسام والشباب وصافن بغير عالم غركان بعيونها ونضراتها من ذاك اليوم ماكدر اشيلها من بالي كلامها صوتها نضراتها يو هسة اني شجابني ع الحب وضليت سرحان قطع شرودي يزن -وين صافن شيخ هذا تعلم يحجي مثلنا والله من ورة اختة عشقت بيروت مابدلي اعوفها كون اكابلها بس شسوي لازم نرجع يلة مو مهم بعد ماكمل سالفة قمر ارجع بالنهاية دراستي مستمرة استاذنت من الشباب وكلت -يلة شباب اني وسام رايحين اصلا بعد يومين راجعين للعراق يزن كمز -لا شو عم تحكي لسا مصارلك شهر ببيروت -لاتخاف ماتاخر اوصل العائلة. امي واختي وارجع -اي ما وسام حيسافر ياخذ زوجتو وامك كمان ماهي اختك زوجتو ضحكت -اي بس عندي مهمه اكملها وارجع ماطول راجعلك سنة كاملة اكضيها كدامك لاتنسى احنة ندرس سوة رح تنتهي العطلة ونرجع مرحلة ثانية -اوك بس ماطول تعودنا عليك ياخي وهو وسام كمان عتدنا علية بس مانو متلك دمو ثقيل وسام ضحك تودعنا ورحنا للشقة لكينا امي وقمر يحضرون الجنط قمر كالت -وينك وسام طالع وعايفني والله احس روحي تعبانة مدري شبية اليوم امي مبتسمة وعلي اقترب مني حط ايدة ع كصتي -شبيج مسخنة خاف -لا بس حاسة بدوخة وتعب وسام كال -مابيج شي انت تضغطين على نفسج بشغل خلاها ترتاح وانطاها عصير اذكرت رزان من قدمتلي عصير هاي البنية غامضة رغم زوجها اذاها بس ماقبلت اكول لاخوها عن الصار -علي بترجاك الي صار مبدي حدا يعرف في حتى اخي -شلون متكولين للاخوج زوجج اتخطى حدودة وراد يضربج -مومهم خلي هل موضوع بينا انسا وكانو مصار وانا اسفة مشان الجرح الي جرحو لالك باوعت بعيونها وكلت -بعد الي صار شرح تسوين رفعت حاجبها وكالت -مو كانك مشيت زيادة واخذت راحتك بالكلام ابتسمت واني اذكر عصبيتها قطع افكاري وسام -وانت شبيك فاك الكشرة... الي يشوفك يكول غركان بالعشك ضحكت -ولي لك عبالك كلها مثلك -تريد تقنعني -لاتقتنع شسويلك ________________... قمر مرت يومين بسرعة وصار موعد السفر واقتربت من اللحظة الحاسمة شكد مجنت احاول ابتعد بس مصيري ارجع والكل يعرف خوف وقلق وتوتر من القادم ماعرف شضامتلي الحياة ردة فعل بابا عمر شنو الي رح يصير فكري مملوء بالافكار رن تلفوني فزيت اسيل -هلو حبيبتي -هلو قمورة بعدج ع قرارج رح ترجعون -اسيل ليش معترضة كالت متوترة -لا مو معترضة بس اريدج ترتاحين ولا تنسين عمليتج كلة مر عليها 3 اسابيع على القليلة خل يمر شهر وضعج بعدة حرج ترة -لا تخافين حبيبتي زوجي دكتور وهوة طمني عن وضعي شوية اعراض كانت بعد العملية بس هسة تحسنت -اي بس لازم تبتعدين عن التوتر -اوي اسيل لاتعرضين ارجع يعني ارجع لازم اتخلص من التوتر ولج كلبي خلص بس افكر بالي رح يصير تعبت خل اواجهم واخلص -اخاف عليج مو -لاتخافين اولها وتاليها لازم يعرفون يلة باي طيارتي بالليل يعني كولي ع الساعة ثمانية احنا واصلين نهيت المكالمة وكملت كل اموري الوقت مر سريع وطلعنا ع المطار حوالي الساعة ستة الوقت بين العراق ولبنان مبي فرق حلقت الطيارة واني اباوع ع الاجواء مبتسمة شي بداخلي فرحان وشي خايف فرحانة لاني رجعت مع وسام وايدي بايدة زوجتة وباسمة تحققت امنياتي خايفة من عمر وبابا ومعارضتهم حسيت لمسة ايد وسام -حبيبتي متوترة استرخي ولاتفكرين حطيت راسي ع كتفة -احبك -واني احبج ... واخيرا رح ارجع للعراق وياي زوجتي وعمري ودنيتي -بس اني خايفة من بابا وعمر -احنا ممسوين غلط حبيبتي انت زوجتي -واذا بابا عارض وافترقنا -اشششش لاتتفاولين بعدين صرتي ملكي محد ياخذج مني ميفرقنة غير الموت شددت حضني الة باس راسي وبعد ساعة حطت الطيارة ع مطار بغداد بطني مغصتني وكلبي رجف ضليت كاعدة بمكاني ماما وعلي نزلو وسام باوعلي -يلة شدي همتج -حموت خوف -متخيلتج جبانة كومي لج انطاني ايدة ومشينا سوة كلما اخاف اشدد لزمة ايدة وهو يطمني بنضراتة اخذنا تكسي وطلعنا ع البيت السيارة تمشي وكلبي ماوكفت ضرباتة توترت حيل جسمي احسة صار حار وسام كال -حبيبتي بس اهدي انطاني مي لاحظ توتري وقطرات العرق ع جبيني ريكي نشف اشرب مي واحس عبالك تصحر بلعومي دخلنا بشارع الي يادي الى بيتنا رجعتلي ذكرياتي اني وسام من يوصلني لجامعة جريت نفس احس الهوة انقطع عني نزلت من السيارة الي وقفت كدام باب البيت علي دفع الاجرة وباوعلي -اهدي حبيبتي اني اتصرف الدموع جلبت بعيني خفت حيل وسام لزم ايدي دخلت امي همست -اهدي بنتي لاتتوترين انشالله الامور تمشي ع خير هزيت راسي ماكدر احجي بلعومي يبس دخلت من الباب وايدي على كلبي خايفة من القادم برغم اني سعيدة لازم يصير شي يعكر سعادتي والخوف هو معكر سعادتي لزمت ايد امي وامي اشرتلي بنضراتها اطمن استقبلنا عمر وبابا من الباب ضهرت ملامح الصدمة ع وجه بابا زالت ابتسامة عمر وهو يشوف وسام ويانا دخل علي بدة بالكلام -شنو رح نضل واكفين ع الباب دخلنا للبيت ابوية نضراتة جامدة ع وسام مفاهم كل الي ديصير امي كالت بتوتر -ابو عمر ... قمر صارت ع ذمة وسام ...وسام وقمر ازوجو. ابوية تراجع ليورة مصدوم عمر صاح -شنوووو... لزمت ايد وسام بقوة نضرات عمر تشخصت علية والغضب اعتلى ملامحة اقترب من وسام علي وكف كدامة -مو ع الباب نحجي خلينا ندخل صاح عمر بصوت - وسام مايدخل بيتي سحبني من ايدي بقوة واني تشبثت بوسام مكدر ياخذني خزرني وكال -قمر كلمة وحدة ماكررها اتركي ايدة وخلي يطلع برة كلت بصوت يرجف -وسام زوجي واذا طلع اني ويا رفع ايدة يضربني غمضت علي لزم ايدة -عمرررر لاتصرف هيج ... -لعد شلون اتصرف واني اشوف هاي المهزلة ممكن تفهمني شنو الي ديصير شنو زوجي ليش يمتة ازوجو -اني زوجتهم ... كالها علي ومباشرتا ضربة عمر براسة شهكت وامي فاتت بينهم علي رفع راسة مدمة عمر دفع امي ولزم علي من ياختة -انت واحد قليل شرف و**** شنو ماخذ اختي اتاجر بيها لو رحت بعتها علي دفعة -اني ماتاجرت بيها اني زوجتها لشخص المناسب. لو تريدني مثلك اخلي الثارات الي مالها داعي واكف بوجه حبها صرخ عمري -حب شنو بطيخ اخو هذا سافل خطف اختي وحاول يعتدي عليها -وسام ماخصة بكل هشي ولا قمر الها ذنب تتعاقب ع جريمة واحد مثل يحيى -تفكيرك حقير من الدرجة الاولى ... تردني اامن على اختي بيت واحد اخو سافل شلوووون وسام حجة -اني ميهمني يحيى يحيى مات بالنسبة النا وانت تعرف اني احب قمر ومستعد اواجه العالم علمودها انت الي وصلتنا لهنا اني طلبتها منك بس انت واجهتني تشخصت انضار عمر علية وكال -وانت رحت سحبت علي بصفك ستغليت فرصة وجودة بيروت تقربت منة حتى تاخذ اختي اسمعني وسام قمر متصير الك اطلع جثة من البيت بساعتها تكدر تاخذها وسام كال بتحدي - هذا الشي زمان قمر صارت الي وحضرتك متكدر تسوي شي لزم ايدي يريد يطلع استوقنا صوت بابا -لحظة وكفت مكاني دموعي تنزل طول هل وقت ساكت عمر كال -قمر ارجعي احسن من ماتكون نهايتة كدام عينج -اسفة عمر اني ازوجت وسام ماسويت غلط ماما ضغط على ايدي وكال -ازوجتي بسر وتكولين مامسوية غلط ماعدنا بنات صايعات يتصرفون هيج حطي عقلج براسج واتركي وسام افضل لطرفين -اني مازوجت بسر ازوجت بعلم اخوية وامي صاح بصوت رج البيت -منووووو اخوج لاتكليلي علي علي مو اخوج بجيت وكلت -علي اخوية الي فكر بية وبسعادتي بالوقت الي كنت بين الموت والحياة هو سندني الاخ مو كلمة عمر الاخ سند وعلي اخوية واني ازوجت بعلم امي واخوية ابوية كال بصوت ناصي وعتب -وابوج نسيتي نزلت دموعي -بابا سامحني بس اتقربت منه حط ايدة يمنعني اتقرب طال الصمت عمر ونضرات الغضب وبابا ونضرات العتب علي يترقب الي رح يصير ماما وسكوتها وسام الي ايدة ماتركت ايدي عمر الوحيد ابدة ردت فعل بعد صمت لحظات ... بعد ما سمع كل الكلام الي دار انسحب بهدوء ودخل جوةنبضات كلبي مهدءت الهدوء ماقبل العاصفة وفعلا لحظات وتمركز عمر كدامي وهوة شايل السلاح موجهة على وسام شهكت خايف ومصدومة وبدون تفكير وكفت كدامة ... علي كال -عمر شدسوي -الخطوة الصح بهل اثناء دخل اسامة واسيل اسامة بسرعة اخذ السلاح -عمر شدسوي ماكو داعي لتصرفاتك الصبيانية بعد ازوجو عمر بصدمة -انت تعرف باوع الاسيل الي وكفت بصفي -انتو تدرون واني هنا ماعرف ماعرف مو بس اني وابوية مخدوعين كلكم خطتتو اسامة كال -زواجهم كان لابد منه همة مالهم ذنب بالمشاكل الصارت وماسوو غلط بالحلال ازوجو -انت لاتدخل صرخ عمر ابوية الهادئ تفجر كالبركان -كافي الكل يسكت صار ساعة استمع للمسرحية التافهة الكل يسكت سكتنا وهوة وكف كدامي وكال -اختاريتي حياتج وبأرادتج عصيتيني وبدون علمي رحتي ازوجتي حتى لو كانت امج تدري امج حسابها وحد وسام طلب ايدج عدة مرات وعارضت اني ابوج واعرف بمصلحتج بس ركبتي راسج وازوجتي وبدون علمي شدد ع الكلمة وصاح -وبعد كل هذا جاية تعلنين زواجج بعد ما ركنتيني ع صفحة ولا كاني موجود من اليوم يا قمر امحي من راسج فكرة عندج اب ابوج مات طالما مشيتي برئي امج واني محيتيني من حياتج برغم من وجودي يعني دتوصليلي رسالة انك ميت بالنسبة الي هزيت راسي برفض ودموعي موكفت كمل كلامة -اني متبري منج مثل ما تبريتي من وجودي ماعندي قمر من اليوم كلمات موجعة لحضة ماكدر اوصفها حسيت نياط كلبي تكطعت مكدرت احجي وكعت بالكاع وهوة مشة مو مهتم امي تمشي ورا تحاجي علي يكلة -بابا موهيج قمر مالها ذنب عمر سكت وراح ورا ابوية اسيل تبجي وياي -اهدي قمر مجرد كلام صدكي ميحجي من كلبة لان مصدوم بالي صار وسام سندني وهمس -امشي خل نروح -بابا ... بابا تبرة مني وسام حضني -فترة ويبرد حبيبتي لاتصدكي امي طلعت وكالت -يلة وسام اخذ مرتك وروحو -ماما بابا تبرة مني احجي عقلي مومصدك الي سمعتة حضنتني وباستني -فترة ويهدء لاتخافين طلعت بعد ما ودعتني امي احس بداخلها كلام وهية هم تاذت بس صبرتني وضهرت كانها قوية كدامي اما اني انهياري كان شي ثاني اصعب ايامي اخذني وسام على بيتهم واني ساكتة حياة ثانيه وبيت ثاني مستقبل كل بينة الا اني طلعت وابوية مراضي عني واخوية فتحت الباب ختام اخت وسام وحضت وسام بقوة -حبيبي حمد لله ع سلامتك وسام بعدالسلام اشرلي افوت ختام استقبلتني بابتسامة اني الابتسامة حتى تصنع ماكدرت ابتسمها كسرني كلام ابوية دموعي بعيني واحس كلبي مقبوض ختام شكلها فهمت وبدت تهون علية دخلت ام وسام ترحب بية وباست راسي وسام باس أيد امة ماحسيت بشي غريب باهل وسام متقبلتني امة واختى ابو الوحيد اتفاجئ بس ماناقش من شافني عمتي اخذتني ع غرفتي واضح علية التعب جانت الغرفة جاهزة من كلشي واضح متحضرين لجيتي ختام طببت الجنط وراحت واني دموعي ماكدر اسيطر عليهن بس انسدت باب الغرفة كمت ابجي بصوت وسام خضني -حبيبتي صيري قوية فترة وتعدي -شلون وسام مكادرة اصدك كل الي ديصير اني السبب وسام ياريتني متت وخلصت لا اتحمل بعدك ولا اكدر اتحمل زعل بابا يارب اموت حط ايدة ع شفتي -اشششش اياج تعيديها ممنوع حبيبتي تكول هل كلام ممنوع عمرج طويل لاتيأسين العمر كدامج طويل بعدين لازم تكملين جامعتج وبعد تتخرجين ويصير عدنا اطفال تصيرين ام وبعدين بيبي واحفادج حواليج مو صح الحياة صعبة بس احنا لازم نواجها بقوة مو من اول مرة تيأسين بعدين ابوج مستحيل يتبرة منج لحظة عصبية كالها ضمني بحضة وباس خدي - حبيبتي الدموع متلوكهلها يتبع #توضيح حبايب بالنسبة للي يسأل هل الرواية حقيقية الرواية خيالية بيها حقيقة بنسبة قليلة اني ما اغشكم خوب بس القصة من زمان مسولفيها الي وشوية اذكرمنها يعني صح دامجتها بخيالي بس اكيد تتكلم واقع يدور بالمجتمع مو خيال فانتازيا اني ماحب اكتب حقيقي بس هل مرة حبيت ادمج واخذت مشاهد حقيقة ولان القصة حلوة وبيها فكرة حبيتها وحبيت ادمجها مع خيالي حتى تصير احلى وانشالله نالت اعجابكم احبكم 🥰 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
