أجبرني أعشقه ، بقلم/ همس حسن " مصريه " ( مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( أجبرني أعشقه )) بقلم/ همس حسن قراءة ممتعة للجميع ....

[فيتامين سي]

رابط لتحميل الرواية


هنـــــــــــــــــــــــ ــــــــــــا


.
رواية / اجبرني اعشقه
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 1
.
رواية اجبرني اعشقه الحلقة الأولى
- انت بتقول ايه ياجدي ؟؟

عايزني اتجوز بنت عمي اللي كانت حامل من جارنا في الحرام !!!!

دا على جثتي إنه يحصل

= أولا الموضوع اللي بتتكلم فيه دلوقتي دا لو فتحته تاني في يوم من الايام حتى لو بالغلط هتشوف مني وش عمرك ما هتنساه عشان اللي بتغلط فيه دا شرفك قبل ما يكون شرفها .. وطالما متعرفش الحكاية كاملة يبقي متحطش سيناريو من مخك ياادم

آدم : سيناريو ايه اللي حطيته من مخي ياجدي ، انا شوفت كل حاجة بعيني و ...
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 2
.
رواية اجبرني اعشقه الحلقة الثانية
رفعت : قدامك خيار من اتنين
يا توافقي تتجوزي إبن عمك من سكات
ياهدور على ابوكي في اسكندرية وفي ظرف ٣ ساعات زمن هتكوني عنده يربيكي هو ويحتكم على حياتك
ها .. قولتي ايه ؟؟؟؟؟
مليكة : حضرتك عارف إن الخيارين بالنسبالي أصعب من بعض .. ومعنى إنك بتخيرني بينهم انك عاوز تعجزني
رفعت بيحط ايده على وش مليكة : يابنتي ياحبيبتي انا مش بكرهك عشان اعجزك ولا ادايقك .. بس انا عارف مصلحتك كويس اوي وعارف حاجات عمرهاااا ماهتيجي في مخيلتك
بس الأكيد إنك لو سمعتي كلامي دلوقتي هييجي يوم من الايام وهتقولي جدي الله يرحمه كان عنده حق
مليكة بعد تنهيدة طويلة : ماشي ياجدو اللي انت شايفه .. لو عايزني اتجوز آدم انا موافقة اتجوزه
أي حاجة في الدنيا بالنسبالي اهون بكتيييير من أنك ترجعني لابويا ولا حتى تخليني المحه من بعيد
انا محدش اذاني قده ...
رفعت بفرحة : عليكي نوووور .. انتي كدا بتعملي الصح ياحبيبة جدك
مليكة بكسرة : ايه المطلوب ؟؟
رفعت : انتي مش مطلوب منك اااي حاجة غير إنك تبتسمي بس وسيبي الباقي كله عليا ✋
مليكة : ماشي ياجدي ، حاجة تاني ؟
رفعت : خطوبتك هتكون النهاردة بالليل
هعمل خطوة أخيرة بس وبعدين نجيب حاجة الخطوبة ونبدأ تجهيز
مليكة : هنلحق نحضر لخطوووبة في كام ساعة !!
صحيح يعني جت على دي .. اللي يريحك ياجدو
سابته ودخلت القصر طلعت على اوضتها ..
💥💥💥💥💥💥💥💥💥💥💥💥
*في أوضة التمارين *
آدم : هي مييين اللي خدتها منك انت اتجننت !!!
إبراهيم : انت عارف كويس اوي انا قد ايه بحب مليكة ومتعلق بيها من زماااان .. دا انا طلع عين اممممي عشان أدخل تجارة انجلش وابقى معاها حتى في نفس الجامعة والكلية
تقوم انت تيجي دلوقتي بمنتهههههى البساطة تاخدها ع الجاهز وانا أطلع من المولد بلا حمص
آدم بيزق إبراهيم بعيد : مبدأيا انت لو حاولت تمد ايدك عليا تاني وتنسى إني أخوك الكبير انا هفصل ضلوعك عن جسمك
-اما بقا بالنسبة للأخت الي انت فرحان بيها اووووي دي كانت موجودة قدامي من زمااان لكن انا لا عايزها ولا طايقها ولو عليا هسيبهالك تشبع بيها
إبراهيم : ومسيبتهاش ليييييه يااخي
ليه .. دا هي الحاجة الوحيدة اللي اتمنيتها في الدنيا دي *بزعيق*حرام عليييييك
آدم بيمسك إبراهيم بايديه الاتنين من التيشيرت : صووووتك ميعلاش وخليك فاكر إنك بتكلم أخوك الكبير قولناااا ، وطالما ملهوف عليها اوووي كدا انا هجيبهالك على طبق من دهب حااالا
جري على باب الأوضة وبيفتحه عشان ينزل ... لقى جده في وشه
آدم : اهوووو .. من غير مااتعب نفسي وانزله طلعلي لحد هنا
رفعت : في ايه ياادم
آدم : البيه فاكر إن فكرة جوازي من مليكة اللي انا اصلاااا مش طايقها كانت فكرتي انا
وانا بقترح بقا ياجدي مدام حضرتك عاوز تجوز مليكة لحد من العيلة يبقى أنسب حد للمهمة دي
*بيحط ايده على كتف إبراهيم *
إبراهيم أخويا .. ع الأقل هيبقي بيحبها وهينسى كل حاجة حصلتلها قبل كدا
إبراهيم بيبص لادم بغِل وعصبية : اتكلم عددددل عنها ياادم متخلينيش اخسرك بسببها
رفعت : بسسسسسس
كفاية لحد كدا بقا واحترموا وجودي شوية
مليكة مش هتتجوز غيرك ياادم .. بالعافية بالذوق بالإكراه مش هتتجوز غيرك
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 3
.
رواية اجبرني اعشقه الحلقة الثالثة
آدم : ششششش .. مش عاوز أسمع صوتك
مليكة بتبرق وبوقها مكتوم
آدم بيشيل ايده من على بوقها .. بيحط ايده جنبها عالحيطة وبيقرب منها
آدم : قولتي تعملي نفسك رافضة في الأول إحياءاً لماء الوجه عشان ميبانش إن دي اصلا رغبتك .. وقبل أول قلم كنتي بتقولي بالفم المليان "انا موافقة" عشان دا كله كان تخطيطك من البداية
مليكة : هو ايه اللي كان تخطيطي ؟؟
آدم : تخطيطك إنك تدبسيني انا في كل الليلة دي .. عشان يوم ما تتفضحي يبقى انتي كنتي متجوزة قبل كدا
بس وحياة أمي اللي مبحلفش بيها كدب يامليكة ... يومين بالظبط ونتجوز وابكيكي بدل الدموع دم كل الليلة وانتي بتتمني الموت ومش عارفة تطوليه
مليكة بتزقه بعصبية : لييييييه انا عملتلك ايه لكل دا ، وإذا كنت عرفت حاجة وحشة عني فدا شئ ميخصكش
أما بقا بالنسبة للجوازة دي انا لو عليا مش عايزة ابص في وشك واظن فيه طرق كتيييير اوي أقدر اجيب بيها اي واحد ادبسه في الليلة على رأيك
بس انت مريض ودماغك تعبانة .. ثم إنك هتخليني اتمنى الموت ازاي بإذن الله ؟؟
آدم : مش انتي حلوة ومقطعة السمكة وديلها ؟؟
من أول يوم هيتقفل فيه باب علينا احنا الاتنين في أوضة واحدة هدفعك تمن كل ذنب عملتيه بس بطريقة مختلفة 😉
بيحط ايده على شعرها وفي عيونه الشر
مليكة بتزقه بعيد عنها : انت حيواااان
آدم بيمسكها من رقابتها : طب اسمعي بقا ياقطة
القاعدة الأولى والأهم .. لسانك دا لو نطق كلمة غلط تاني في ضهري او وشي هقطعهولك ، صوتك لو علي عليا تاني هحرمك منه .. مفهوم 👂
آدم بيسيب رقابتها وبيعدل هدومها : ان شاء الله مفهوم
يلا روحي جهزي نفسك بقا .. خطوبتك كمان ساعة ياعروسة ☺️
فتحت الباب وخرجت تجري على برا .. أنفاسها بتسابق خطواتها ، دقات قلبها بتسابق xxxxب الساعة .. عيونها الرقيقة العسلي مدمعين من الخوف
ياترى اللي جاي شكله ايه ؟؟؟؟
لقت روان في وشها ..
بدون أي مقدمات حضنتها وقعدت تعيط ، روان بدأت عينيها تدمع هي كمان وهي وخداها في حضنها وبتطبطب عليها
مليكة : انا ليه بيحصل فيا كدا ياروان
روان : قولي الحمدلله على كل حال .. خصوصاً وإن انتي كان ليكي يد في اللي بيحصل دا
مليكة بتبعد عنها ورفعت عيونها المدمعين باستغراب : ليا يد ازاي ياروان ؟
روان : شيلتي نفسك شيلة مش شيلتك وحطيتي نفسك في موطن الشبهات للعيلة كلها .. كنتي منتظرة جدك يعمل ايه
مليكة : عشان بحاول أنقذ بنت عمي وصحبتي بقيت انا كدا بوقع نفسي في موطن الشبهات !
روان : ياحبيبتي.. ياحبيبتي فكري فيها بالعقل ، اللي انتي عملتيه من سنتين دا مكانش هين ولا صغير دا
مفيش أغلى من الشرف خصوصاً عندنا في العيلة .. وعاجلاً أم آجلاً جدو كان هيعمل كدا بس الحمدلله إنها جت في آدم مننا وعلينا مش حد غريب
مليكة : مش لو كان ليا سند في البيت دا مكنتش هوصل لكدا
💥💥💥💥💥💥💥💥💥💥💥💥💥.
في جنينة الڤيلا ..
رفعت واقف مع الناس بيظبطوا ديكور الخطوبة في أسرع ما يمكن
نشوى بنته داخلة عليه
نشوى : هو انا اللي سمعته دا صح يابابا ؟
رفعت : هو ايه اللي سمعتيه
نشوى : انت صحيح هتجوز آدم لمليكة وبالسرعة دي !!!
رفعت : أيوة صح
نشوى : طيب وليه الاستعجال دا ما تسيبهم ياخدوا على بعض شوية
رفعت : نشوى .. من امتى وانتي بتتدخلي في قراراتي ، انا كبير البيت وعارف مصلحة كل واحد فين
نشوى : ماشي يابابا اللي تشوفه
سابته ودخلت على جوا .. اتلفت يكمل إشراف على الناس
سهيلة خارجة من الباب عشان تكلم جدها .. وفجأة برقت ورجعت لورا تاني ودخلت بسرعة
سندت ع الحيطة غمضت عينيها وخدت نفسها ... واحدة واحدة بدأت تبص تاني على الجنينة بطرف عينيها على شاب إسمه سليم واقف يظبط في الديكورات ، اتلفت بصلها هو كمان من تحت لتحت
Flash back 📸🔙 من سنتين

🔴🔴🔴🔴🔴🔴🔴🔴🔴🔴🔴🔴🔴🔵
الحلقة 4
.
رواية اجبرني اعشقه الحلقة الرابعة

جه آدم من ورا شد ايديها فجأة .. بقت في حضنه

اتصدمت ولسة هتزقه مسكها بالعافية ..

واحدة واحدة قرب على ودنها

آدم بصوت واطي وبخبث : زي القمر ياروحي

كل حاجة فيكي كاملة ماعدا حاجة صغيرة نسيتيها للأسف

"خطيبك "

مليكة بتحاول تزقه : اوعى كدا انت اتجنننت ؟؟؟؟

نسيتك ازاي مش فاهمة !!

آدم : هي ماما مقالتلكيش ان يوم خطوبتك لازم تخرجي للناس وايدك في ايد خطيبك 🤔

مليكة : ااااادم راعي إني هتم الجوازة دي وانا بالعة قفص لمون فبعد اذنك عدي ام الأيام دي على خير
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 5
.
رواية اجبرني اعشقه الحلقة الخامسة
= كنتي عروسة زي القمر النهاردة .. مصدقتش إن هي دي مليكة اللي آخر مرة شوفتها كانت لحمة حمرا

مليكة بعد سكوت للحظات : مين معايا ؟؟؟؟

= معقولة نسيتي صوتي !

عندك حق .. ماهو بردو اللي عملته فيكوا مش قليل

مليكة ملامح وشها كلها بتتغير وبتبرق وتقفل السكة بسرعة ..

مليكة بتحط ايديها على دماغها : لا إله إلا الله .. لا إله إلا الله
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 6
.
رواية اجبرني اعشقه الحلقة السادسة
شابتر 6 ❤️❤️
وفجأة ...
نور الأوضة كله اتطفى
مليكة اتخضت واتعدلت بسرعة وبصت حواليها .. الأوضة ضلمة كحل وابوابها عمالة تترزع تتقفل
جاية تجري على الباب عشان تفتحه لقيته مش بيفتح .. بدأت تعرق وعينيها تدمع من الخوف
بتغمض عينيها : أشهد أن لا إله إلا الله
واشهد أن محمداً رسول الله .. يارب احميني انا أعصابي بااااظت
وجاية بتلف وشها خبطت في حد لسة هتصوت كتم بوقها
غمضت عينيها تاني من الخوف : انت ميييي...
وقبل ما تكمل الكلمة بدأت تميز ريحة البرفيوم بتاعته واكتشفت إنها ريحة *آدم* فتحت عينيها تاني
آدم : جالي خبر ان الحكومة داخلة على البيت عشان تقبض عليكي ، والتهمة انا لسة معرفهاش
سبقتهم وطلعت على هنا وطفيت النور عشان أحذرك متنزليش من الأوضة دي غير لما انا أطلع اجيبك
خلص كلامه ونزل ايده من على بوقها
مليكة : وانت مصلحتك ايه في كل دا ؟؟
آدم : مش لازم تعرفي مصلحتي ايه دلوقتي .. المهم تنفذي اللي قولتلك عليه
متتحركيش من هنا ولا تعملي صوت ولا تنوري النور
سابها وخرج على برا نزل من السلم الخلفي على الجنينة .. وبص على البيت
الظابط داخل ومعاه امنا الشرطة : انا معايا أمر بالقبض على مليكة محمد الخشّاب
رفعت : نعم ؟؟؟
تقبض عليها بتهمة ايه ياحضرة الظابط !!
الظابط : بتهمة سرقة كوليه الماظ تمنه نص مليون جنيه
ثرية بتدب على قلبها : ياحوستي السودا نص مليون اااايه انا بنتي مش حرامية يا...
الظابط : طب عشان انا بحترم البيت دا والعيلة دي عشان مش بنسمع عنكم غير كل خير مش هعمل شوشرة ولا هزعق بس بعد اذنكم سلمونا المتهمة بهدوء
رفعت بينده : مليييييكة .. انزلي بسرعة
آدم داخل عليهم : بس انا خطيبتي مش هتخرج من البيت دا ياحضرة الظابط
الظابط : معناه ايه الكلام دا ؟؟
آدم : اقولك معناه ايه ياباشا
مد ايده في جيبه طلع دفتر الشيكات .. كتب شيك ب٥٠٠ ألف جنيه
آدم : اتفضل ياباشا الشيك دا هيفضل رهن معاكو لحد مانلاقي عقد الالماظ بس شعره من خطيبتي اللي بكرا هتكون مراتي تتمس .. آسف دي ممكن يطير فيها رقاب ✋
ثرية وأمينة وسهيلة وروان واقفين خايفين ومرعوبين من اللي ممكن يحصل دلوقتي لمليكة
الظابط : يطير فيها رقاب الحكومة ياادم ؟؟؟
رفعت : لا ياباشا العفو آدم أكيد ميقصدش بس الفكرة إن احنا حريمنا مبتباتش في الأقسام
آدم : دا غير إن مليكة مش موجودة في البيت أصلا في الشارع بتجيب طلبات لنفسها .. ثم إني سلمت حضرتك الشيك واعتقد كدا مبقاش علينا حق
الظابط : حتى لو ادتني الشيك فيه إجراءات لازم تحصل مع مليكة في القسم عشان نخلي سبيلها .. خصوصاً وإن اللي مبلغة على العقد رافضة تماماً أي تعويض وعايزة العقد بتاعها
رفعت : طيب شوف ياحضرة الظابط .. انا لو عليا كرفعت الخشاب أقدر حالاً اقلبها حرب ورجالتي يغربلوا كل الموجودين في المكان بس انا مش هعمل دا عشان انا راجل بفهم في الأصول ... فبعد إذنك خد الشيك وحقق كويس في الموضوع قبل ما تقبض علي حد ، حفيدتي مش حرامية ياباشا
الظابط بعد تنهيدة : ماشي ياجماعة .. انا هاخد الشيك وامشي وهعرض الموضوع على اللي أعلى مني ونشوف رأيهم ايه
بس خليكم فاكرين الموضوع منتهاش .. انا همشي بس احتراماً للعيلة دي
رفعت : آنست وشرفت ياسعادة الباشا
خرج الظابط والامنا معاه ..
ثرية قعدت على الكرسي اللي تحتها من صعوبة الموقف
ثرية بتحط ايديها على دماغها : ايه اللي بيحصلنا دا بس
آدم : متقلقيش ياامي انا هخرجها من الموضوع ده
يعدي اليوم بتاع بكرا دا بس وانا هشوف مين اللي ورا الموضوع واللي بلغ عنها واشمعنا هي بالذات
نشوى : إن شاء الله خير ياثرية متخافيش
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 7
.
رواية اجبرني اعشقه الحلقة السابعة
شابتر 7 👰🏻‍♀️❤️❤️
🔥💖أجبرني أعشقه 💖🔥
نزل بسرعة على تحت في مدخل القصر .. اكتر من ١٠ أفراد واقفين يزعقوا ويهللوا
"فين رفعت الخشااااااب "
رفعت داخل عليهم : أيوة أيوة انا رفعت فيه ايه
واحد من الناس : احنا جايين ناخد حقنا ياعم رفعت ولو انت مجيبتلناش حقنا هناخده بنفسنا
رفعت : حق ايه ؟؟
الناس : إبراهيم حفيدك جه امبارح بالليل مسك عيل قده في السن من عيالنا ضربه علقة موت كسر عضمه ولما جينا نكلمه ونقوله جدك ميرضيهوش الكلام دا وهيعمل ويسوي فيك قالنا جدي في البيت واللي ليه شورت ييجي ياخده بنطلون ..
واحنا كرم مننا استنينا لطلعة النهار وجينا نشوف رأيك ايه ياحج
رفعت : إبراهيم عمل كل دا امبارح ؟؟؟
لا طبعاً ميرضينيش الكلام دا
سهيلة .. فين اخوكي
سهيلة : إبراهيم راح الجامعة من الصبح وبكلمه تليفونه مقفول
رفعت : كماااان .. راجع البيت امتي امبارح ياسهيلة
سهيلة : هو يدوبك رجع ٦ الصبح غير هدومه وطلع ع الجامعة
رفعت : لا إله إلا الله .. طيب ياجماعة حقكوا عندي انا المرة دي
هستأذنكم بس دلوقتي عشان فرح اخوه وبنت عمه النهاردة والدنيا مقلوبة زي مانتو شايفين واول ما الفرح يخلص هجيبه واجي لحد عندكو
واحد من الناس : طب واحنا نضمن منين أننا منمشيش من هنا وولا من شاف ولا من دري
رفعت : عييييب ياحج مجاهد اللي بتقوله دا ، الخشاب ميقولش كلمة وتنزل الأرض
وإذا كان على الواد اللي اتضرب انا هبعت معاكو دلوقتي مدير أعمالي هيديكو كل مصاريف علاجه كمان
الناس : ماشي ياحج ، هنسيبك دلوقتي عشان فرح عيالك بس لو مسمعناش إن إبراهيم دا اتربى هيبقالنا كلام تاني
رفعت : انا اللي هيبقالي كلام تاني لو اللهجة دي استمرت اكتر من كدا يارجالة
راعوا إني مقدر وجودكم في بيتي ومحترمكم لحد دلوقتي رغم إن محدش يقدر يكلمني باللهجة دي
بدأوا الناس يخرجوا على برا واحدة واحدة .. رفعت راح قعد على الكنبة
رفعت : اتصلولي بالكلب اللي إسمه إبراهيم دا ، جاي يعمل مصيبة في يوم زي دا عشان يبوظ فرح أخوه
دا انت ليلتك سوداااا معايا ياابراهيم الكلب
💥💥💥💥💥💥💥💥💥💥💥💥💥
*في الجامعة *
إبراهيم قاعد في الكافيه
إبراهيم بخبث : وريني بقا هتتم الفرح ازاي ياادم بيه
💥💥💥💥💥💥💥💥💥💥💥💥💥
*بعد نص ساعة *
دخلت الميك اب ارتيست لمليكة وبدأت تجهزها
_____________________________
*في أوضة آدم *
آدم قاعد على طرف سريره باصص قدامه .. الباب خبط
آدم : ادخل
إسلام صاحبه بيفتح الباب وداخل وفي ايده البدلة وشنط كتير
إسلام : دي ياسيدي البدلة اللي طلبتها .. ودي الجزمة ، ودا القميص ودي البيبيونة
ودي بقا مني ..
ازازة برفيوم من ماء الدهب لليوم المهم دا
انا عارف إنه مش مقامك طبعاً بس انا لو كان معايا وقت كنت هعمل اكتر من كدا بكتير انت فاهم
آدم : مقام ايه يااسلام وهدايا ايه ، هو انت شايفها جوازة عدلة اوي
الجوازة الجاية إن شاء الله أعمل اللي انت عايزه
إسلام: جوازة جاية 😳😳
شششش الله يخربيتك انت بتقول ايه يوم فرحك 😂😂 اعقل ياادم الله يباركلك ويلا عشان أساعدك في اللبس
آدم : لا لا تساعدني ايه ، انت أهم حاجة تنزل تتابع سليم وتتأكد إن ديكورات الفرح ماشية تمام وانا هلبس على طول وانزلكم
إسلام : اشطة
💥💥💥💥💥💥💥💥💥💥💥💥
خرج إسلام من الأوضة .. آدم دخل اخد دوش وخرج بدأ يلبس
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 8
.
رواية اجبرني اعشقه الحلقة الثامنة
محمد أبوها جاي من بعيد : طالما أبوها لسة عايش يبقى محدش غيره ليه الحق يكون وكيلها يابا
مليكة بترفع عينيها بصدمة وبتبرق
وفجأة عدت قدام عينيها الأيام اللي عاشها معاهم لحد ما مشي .. وبعدها كل الأيام اللي عاشوها من بعده واحساسهم كل ليلة وهما من غير اب
ثرية قعدت على الكرسي من الصدمة .. روان نزلت ابنها من ايديها في الأرض ووقفت مبرقة
محمد : استأذنك في القلم يابا
مليكة بتقوم تقف : ودا على جثتي إنه يحصل ياجدي .. انت اللي مربيني ومسؤول عني من وانا لسة لحمة حمرا وانت الوحيد اللي يحقلك تكون وكيلي
أما بقا اللي سابني انا واختي من وانا عندي ٦ سنين ، ميحقلوش حتى يشهد على كتب كتابي وانا عندي ٢٢ سنة
ولو دا هيحصل فأنا متجوزش أحسن .. وامضتي هقطعها
ولسة بتمسك قسيمة الجواز وهتقطعها رفعت مسك ايديها بالورق
رفعت : ومين قالك إني ممكن أوافق على حاجة زي دي ؟؟
مليكة : ممكن توافق عشان شكلنا قدام كل الناس دي ياجدي وانا مش هقبل بدا
رفعت : ولا انا هقبل إن فرحتك تتكسر في يوم زي دا وقدام نفس الناس دي كلها .. خصوصاً لو الشخص ميستاهلش
بيبص بطرف عينه على محمد : لو عاوز تحضر كتب الكتاب تقعد على جنب لحد مانخلص زيك زي الكرسي اللي قاعد عليه
محمد وشه بيحمر من الكسوف والغضب
رفعت : امضي فين يا شيخنا
المأذون : امضي هنا ياحج
مضى رفعت .. مسك ايد آدم وعليها المنديل وبدأ كتب الكتاب
مليكة قاعدة متنحة ومش مركزة في كتب كتاب ولا في جواز .. قد ما هي بتفكر في كل حاجة بتحصلها وازاي تقدر تخرج من دا كله
ووسط موجة تفكيرها وتوهانها سمعت جملة
"بارك الله لكما وبارك عليكما وجمع بينكما في خير "
وقف آدم شد ايديها وقفها هي كمان .. باس ايديها ودماغها
آدم بيبتسم بخبث : مبروك ياحبيبتي ☺️
مليكة بتظبط طرحة الفستان وبتبعد عنه .. بدأوا كلهم يحضنوا فيهم ويهنوهم
ثرية بتحضن مليكة وهي بتعيط .. قربت من ودنها
ثرية : كان نفسي يومك يكون احلى من كدا بكتير بس انا اختياري كان غلط يابنتي .. سامحيني
بعدت مليكة وباست ايديها الاتنين .. راحت لامينة واللي هي خلاص بقت حماتها
نزلت تسلم عليها على الكرسي المتحرك
حضنتها أمينة حضن عميق جدااااا
مسكت ايديها : من النهاردة انتي بقيتي بنتي التانية
مليكة : وانا طول عمري شايفاكي امي ياامي ❤️❤️
جت سهيلة وروان يحضنوها .. خلصوا وبعدهم جت نشوى حضنتها
نشوى : ألف مبروك ياحبيبتي .. اوعي وجود ابوكي يأثر عليكي ها
افرحي انتي بيومك وملكيش علاقة بحد
محمد واقف بعيد يتفرج عليهم وهو متغاظ .. وفجأة دخل وسطهم كلهم
شد مليكة من دراعها خلاها تبصله
محمد : بتكسفي ابوكي يامليكة ؟
ابوكي اللي مشوفتيهوش بقالك اكتر من ١٥ سنة !!
مليكة : وانا اللي قولتلك تقعد ١٥ سنة بعيد عني انا وامي واختي ؟؟
انا اللي قولتلك تخذلنا وتبيعنا بالرخيص !!
انا اللي قولتلك تتسبب في عيب خلقي يصيب أختي بقيت حياتها
انا اللي قولتلك تبيع امي وتخليها تعيش زي البيت الوقف لا منها متجوزة ولا مطلقة ولا حتى أرملة
جاي بعد ايه ؟؟؟؟؟؟
مقدرتش تستحمل تشوفنا اتخطيناك وبدأنا نعيش حياتنا فجاي تنغص علينا عيشتنا حتتتتتي يوم فرحي .. انت ايه يااخي وباااااء
انا كل يوم ببص لنفسي في المرايا وبقرف منها لمجررررد إن دمك بيجري في دمي
عارف ليه ؟؟
عشان انا ميشرفنيش أكون بنت واحد زيك يامحمد ياخشاب
محمد وشه بيحمر من الغضب وبيرفع ايده عشان يضربها بالقلم
محمد : اخرسي ياقليلة الادب
وفجأة آدم مسك ايده ودخل بينه وبين مليكة
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 9
.
رواية اجبرني اعشقه الحلقة التاسعة
فجأة حد جه من ورا كعبله وقعه على وشه وشقط منه سهيلة نزلها في الأرض واتلفتله وبدأ يضربه ويكسر في عضمه
والشخص دا يبقي إسلام "صاحب آدم"
عمال يضرب فيه بالبواني والشلاليت ويزعق بعلو صوته
إسلام : عايز تخطف ميييين ياابن الجزمة دا انا هطلع عين اهللللللك
سهيلة واقفة تصوت وتعيط من الخوف وتزعق "خلااااااص يااسلام أبوس اييييدك "
إسلام مستمر في الضرب لحد ما شلفط سليم .. ووسط ماهو نايم ع الأرض وفوقه اسلام عمال يضرب فيه اقلام وبواني
ايده طالت طوبة من جنبه ضربها في دماغ إسلام
إسلام خد الضربة رجع لورا من قوتها ودماغه جابت دم
سهيلة : اسلاااااام 😱😱
زقه سليم وجري نط من على السور وخرج من القصر
إسلام حاطط ايده على دماغه بيتوجع من الضربة .. سهيلة مخضوضة وبتمسك دماغه بسرعة عشان تكتم الدم وهي بتترعش زقها إسلام
اسلام : معناه ايه الكلام اللي انا سمعته دا ياسهيلة ؟؟؟
سهيلة : كلام اااايه اللي بتتكلم عنه يااسلام انت دماغك سايحة دممممم 😱😱
اسلام : سيييييبك من أم دماغي وقوليلي الحقيقة حاااالا .. انتي فعلا كنتي حامل من الكلب دا ومليكة هي اللي دفعت التمن !!!!
سهيلة بترجع لورا وبتبص في الأرض بكسرة
اسلام : دي مش إجابة ياسهيلة
رددددي على سؤالي ؟؟؟؟؟؟
سهيلة : اااه يااسلام
كنت حامل منه
اسلام بيبرق وعلامات الصدمة بتظهر على وشه وهو بيبصلها بذهول
بعد عنها وراح قعد على المقعد حط ايده على دماغه ... وبعد دقيقتين رفع دماغه
اسلام : اللي حصل دا حصل ازاي ياسهيلة ؟
سهيلة راحت قعدت جنبه على المقعد .. بدأت عينيها تدمع زيادة وهي بتحاول تتكلم
اسلام : اتكلمي من غير عياط
سهيلة : ضحك عليا بكلمة بحبك ومتعلق بيكي ، ارتبطنا فترة لحد ما في يوم حطلي برشام مخدر في العصير وحصل اللي حصل
فوقت تاني يوم لقيت نفسي لوحدي على سرير فاضي وهو مختفي تماماً .. قعدت حوالي شهر بحاول أوصله مقدرتش
لحد ما في يوم شكيت إني حامل ، والوحيدة اللي قدرت احكيلها من غير خوف "مليكة " اقترحت عليا نروح نعمل اختبار حمل في المعمل بس بإسمها هي عشان لو حصل في الأمور أمور مروحش انا في داهية
ودا بما إني عندي أخ زي آدم اللي دمه حامي ولو عرف حاجة زي دي ممكن يقتلني ، لكن هي لا عندها اب ولا اخ
خدت مني العينة وراحت عملت الاختبار باسمها بس بالعينة بتاعتي انا
وطلبت منهم يقولوا النتيجة في التليفون بس للأسف ، فاجئونا وجم بالنتيجة لحد البيت
ووقتها اعترفت قدام الكل إن هي اللي حامل نتيجة غلطة غلطتها وإنها خلاص سقطت الطفل
ولحد اليوم دا الكللل يعرف إن هي اللي غلطت وإني بريئة وسليمة .. ماعدا جدي
قدرت تسيطر عليا إني مقولش لأي حد خالص إن انا المذنبة وانا اللي كنت حامل ، بس انا سيطرت عليها في كون إن لازم شخص واحد بس في العيلة يعرف أنها بريئة
عشان لو انا حصلي حاجة يكون فيه دليل إنها انضف وأشرف واحدة في الدنيا
وكان عقابي من جدي إني قعدت من التعليم .. بحجة إني فاشلة ومنفعش في جامعات
اسلام باصص في الأرض وساكت
سهيلة : مليكة دي انضف واجدع واحدة في الدنيا .. عندها استعداد تعمل اي حاجة وتدفع أي تمن مقابل إنها تحمي اللي بتحبهم
وعشان انا بحب مليكة ومقدرش علي بعدها مقدرتش اقولهم لأنها حلفت بحياة أمها إني
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 10
.
رواية اجبرني اعشقه الحلقة العاشرة
مليكة بصوت عالي : الحقووووووووني

آدم بيكتم بوقها والشر في عينيه الاتنين ونيته ينتقم منها بأبشع الطرق ، ولسة هيقرب منها ...

Flash back 📸🔙

من 22 سنة

آدم عنده ٦ سنين .. داخل أوضة ثرية اللي قاعدة علي السرير ولسة والدة "مليكة "

ثرية بتعب : ايه ياحبيبي تعالي أدخل

آدم : طنط ثرية ممكن اشيل النونة شوية صغيرين بس

ثرية : طبعاً طبعاً ياحبيبي تعالي اقعد وربع رجلك وانا هحطهالك عليها

جري آدم قعد جنبها وربع رجله .. ثرية بتحطله مليكة على رجله

[فيتامين سي]

الحلقة 11
الحلقة 12
الحلقة 13
.
.
رواية / اجبرني اعشقه
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 11
.
رواية اجبرني اعشقه الحلقة الحادية عشر
آدم بيبرق : والمطلوب دلوقتي ايه ؟؟

الظابط : المطلوب دلوقتي إن مدام مليكة هتشرفنا في القسم شوية لحد ما نعرف العقد راح فين

آدم : انتي يادليدا !!!!!!!

داليدا : ايه مستغرب ؟

معلش .. هو أحياناً الغدر بييجي من أقرب الناس كدا

مليكة : غدر اااايه وبتاع ايه انا سرقت منك عقد امتى وازاي انا !

داليدا : ايه نسيتي من كام يوم في الجامعة لما كنت قاعدة جنبك وسبت شنطتي اللي فيها العقد وقومت أرد على صحبتي رجعت ملقتهاش ؟؟

ولا انتي الجواز نساكي عملتي ايه كمان

مليكة : كنت قاعدة جنبي في الجامعة ؟؟

انا أول مرة أشوفك دلوقتي أصلا

الظابط : طب تقدروا تتعرفوا علي بعض بعدين لكن احنا ورانا شغل دلوقتي وعايزين نخلص

وبالنسبة لقعدتك جنبها أستاذة داليدا جابت شهود إنك فعلاً كنتي قاعدة جنبها يومها
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 12
.
باب الأوضة ونزل يجري على تحت اتجاه أوضة إبراهيم ووراه مليكة
وصل الأوضة وداخل لقى أمينة قاعدة ماسكة ورقة بيضا وعمالة تعيط وجنبها العيلة كلها
آدم بخضة : ايه في ايه ياامي مالك
أمينة : اتفضل اقرا الورقة دي
آدم مسك الورقة وبدأ يقراها ..
“كنتو دايما بتفضلوه عليا في كل الأوضاع .. ويوم ماكنت بحط عيني على حاجة قبل ماامد ايدي عشان اخدها يكون هو خدها وبقت ملكه
بس لما توصل إنه يضربني علقة موت ظلم عشان حاجة معملتهاش يبقى كدا كتير اوووي وكفاية لحد كدا بقا .. جربوا تعيشوا الحياة من غيري عشان تعرفوا قيمتي “
ملامحه بتتغير مع وشه الأحمر الغضبان من الكلام اللي بيقراه
أمينة : هو انت صحيح ضربت أخوك علقة موت ياادم ؟؟؟
هي دي وصية أبوك اللي وصاهالك على أخواتك قبل مايموت
*سهيلة عيطت وقامت دخلت على اوضتها*
آدم : ياامي الموضوع مش زي مانتي فاكرة والله
أمينة : ايه هو الموضوع طيب اشرحلنا بقا .. برد ناري يابني متموتنيش بحسرتي علي كرهكو لبعض
آدم : كره مين ياامي احنا لا بنكره بعض ولا عمرنا هنقدر نعمل كدا دا مجرد خلاف وهو يومين يهدي بس وهتلاقيه راجع
رفعت : آدم .. تعالي ورايا ع المكتب عايزك
⭐🤍⭐🤍⭐🤍⭐🤍⭐🤍⭐🤍⭐🤍
*في المكتب *
رفعت : ايه ياادم اللي انا سمعته دا !!
آدم : للأسف دا اللي حصل
رفعت : لا انت تحكيلي بقا الموضوع من أوله كدا عشان أفهم فيه ايه
آدم : حاضر
⭐🤍⭐🤍⭐🤍⭐🤍⭐🤍⭐🤍⭐🤍
*في أوضة الضيوف المقفولة *
نشوى : الحمدلله اهي حاجة اتحققت اخيراً
معاذ : ايه السعادة دي 😂😂
نشوى : أصلك متعرفش حوار إبراهيم دا كان تقيل على قلبي قد ايه .. معاه أسرار كتير ولو قال حاجة قدام حد كنت هروح في داهية
معاذ : طب وانتي تضمني منين إن آدم مينخربش ورا الحوار لحد مايعرف إن اخوه بريئ من حوار محاولة الاغتصاب دا
آدم : ببساطة عشان قبلها إبراهيم كان بيتخانق معاه عشان متداي إنه هياخد منه مليكة .. وبكدا آدم هيصدق بمنتهي السهولة إن اللي عمل كل دا يبقي إبراهيم ومحدش تاني ليه يد
معاذ : ربنا يسترها
🤍⭐🤍⭐🤍⭐🤍⭐🤍⭐🤍⭐🤍⭐
*في أوضة ثرية *
قاعدة ثرية ومعاها مليكة وروان
مليكة : يعني هو ممكن يكون راح فين المجنون دا !!
ثرية مش عارفة يامليكة والله انا مبرتاحش للواد دا خالص
مليكة : روان *مبتردش*
رواااااان
روان : ايه في ايه يامليكة
مليكة : انتي سرحانة في ايه وتايهة اوي كدا
روان : بعد ما سمعت الكلام واستنيت لحد ما فرحك خلص جاية افاتح جدي في الموضوع قالي معندناش طلاق
ثرية : يعني ايه الكلام دا !
يخونك وتقفشيه مرة وياعالم قبلها كان فيه كام مرة ومع ذلك يقولك مفيش طلاق
روان : انا هتنقط
مليكة : جدو اكيد خايف على ياسين ابنهم وانه هيتشرد بين ابوه وامه بعد كدا
روان : وتفتكري لما يعيش معانا في الوضع الزبالة دا هيرتاح يعني ؟؟؟
🤍⭐🤍⭐🤍⭐🤍⭐🤍⭐🤍⭐🤍⭐
رفعت : وانت ايه اللي اكدلك إن إبراهيم هو اللي عمل كدا في مراتك ؟
آدم : مفيش غيره ليه مصلحة في كدا دلوقتي وخصوصاً بعد اللي قالهولي يوم ما حددنا الفرح
رفعت : لو دا حقيقي فأنا هيبقي ليا كلام تاني معاه
بس أهم حاجة دلوقتي نعرف هو فين ونلاقيه بأسرع وقت ممكن
آدم : حاضر ياجدي هبعت رجالتنا في كل مكان يدوروا عليه
رفعت : انت قدها
❤️🖋️بقلم همس حسن° 🖋️❤️
🤍✨🤍✨🤍✨🤍✨🤍✨🤍✨🤍✨
سهيلة في اوضتها عمالة تعيط جامد .. آدم بيفتح الباب وداخل عليها ، مسحت دموعها بسرعة وعملت نفسها قاعدة عادي
آدم بيقعد جنبها : بتعيطي ليه ياحبيبتي
سهيلة : خايفة ابراهيم يمشي وميرجعش تاني زي ما قال
آدم : متخافيش .. انا هرجعه بأي طريقة
سهيلة : هو انت فعلاً بتكره إبراهيم ؟؟
آدم : محدش يقدر يكره اخوه ياسهيلة .. ولو فيه فالشخص دا عمره ما هيكون انا
انا من ساعة موت بابا الله يرحمه وانا معنديش شغله غيركو انتو الاتنين وامي اللي بحارب عشان اعالجها من مرضها
وربنا يعلم انا إحساسي بالمسؤولية ناحيتكو واصل لحد فين … بس أحياناً بيكون التصرف المناسب لازم يكون قاسي شوية عشان نلحق حاجة ممكن تدمر الدنيا او تأذي حد تاني
بيحضنها وبيطبطب عليها : متخافيش ياحبيبتي كله هيبقي زي الفل .. انا عارف إنك حساسة ومبتقدريش تستحملي الكلام دا بس انا هعمل اي حاجة أقدر عليها او مقدرش عشان اخلصك من خنقتك دي
سهيلة بتحط ايديها على وشه : انت بتحبني اوي كدا ياادم
آدم : بحبك اكتر من اي حاجة ياسهيلة .. يابت دا انتي بنتي قبل ما تكوني أختي ، اتولدتي على ايدي وبقيت بربي فيكي انتي وملي…
وفجأة سكت و تعبيرات وشه كلها اتغيرت وبص في الأرض
سهيلة : كمل الكلمة ياادم .. مليكة مظلومة ، والله العظيم مظلومة
آدم : بلاش نتكلم في الموضوع دا ياسهيلة
سهيلة : مش هنتكلم فيه عشان انا مجبورة مكلمكش فيه بس انا عايزاك تحكم قلبك لمرة واحدة وتثق في إحساسه .. مليكة بريئة ونضيفة وعمرها ما عملت حاجة غلط صدقني
آدم : مفيش حاجة أوضح من الإعتراف ياسهيلة .. يلا انا هقوم بقا عشان ورايا مقابلة شغل ضروري
سهيلة : تمام
قام آدم سابها وخرج من الأوضة .. سهيلة بدأت تفتكر كلامه
Flash back 📸🔙
أدم بيحضنها وبيطبطب عليها : متخافيش ياحبيبتي كله هيبقي زي الفل .. انا عارف إنك حساسة ومبتقدريش تستحملي الكلام دا بس انا هعمل اي حاجة أقدر عليها او مقدرش عشان اخلصك من خنقتك دي
سهيلة بتعيط : ااااه لو تعرف اللي فيها ياادم
لو تعرف إني من غير مااقصد كسرتلك ضهرك وكسرت معايا ثقتك في حد غالي اووووي عليك
لو بإيدي أغير الزمن كنت رجعت للوقت اللي شوفت فيه سليم أول مرة وكنت قتلته أقسم بالله بس ميحصلش كل دا
🤍❤️🤍❤️🤍❤️🤍❤️🤍❤️🤍❤️🤍❤️
✨في أوضة مليكة وآدم ✨
آدم لوحده في الأوضة وبيشرب كوباية قهوة قبل مايروح المقابلة .. وهو بيحرك ايده القهوة اتدلقت على القميص
آدم : يااادي العطلة ناقص انا
قام طلع قميص غيره من الدولاب .. قلع القميص اللي كان لابسه
ولسة هيمسك القميص التاني عشان يلبسه …
مليكة بتفتح الباب وداخلة مش مدية أي خوانة
أول حاجة شافتها في وشها آدم واقف من غير هدوم من فوق … عضلاته ممشوقة ومرسومة بالمسطرة مع ال6 باكس اللي بيلمع
برقت ولفت ادتله ضهرها بسرعة وهي بتحط ايديها على وشها
مليكة : حد يعمل كدااا والنبي
آدم : حد يعمل ايه
مليكة : حد يغير هدومه في نص الأوضة كدا!!
آدم : وهو انا المفروض أغير فين لا مؤاخذة ؟؟
مليكة : غير في الحمام في المطبخ في البلكونة حتي بس مش في نص الأوضة كدا وانت عارف إن فيه حد معاك
آدم بيشد ايديها من على وشها
مليكة بتشد نفسها وبتلف الناحية التانية
شدها بالعافية وشال ايديها .. لقته لبس هدومه خلاص
مليكة : ايه دا انت لبست
آدم : بتتكسفي اوي صح ؟؟
اومال كان فين الكسوف دا لما عملتي اللي عملتيه
مليكة بتنطر ايده : ماشي مادام معندكش حاجة مهمة اوعي بقا أشوف اللي ورايا
دخلت فتحت الدولاب ووقفت تدور على حاجة ، آدم وقف قدام التسريحة يسرح شعره كويس ويحط برفيوم
مليكة : ألا صحيح .. هي مين داليدا دي ؟؟
آدم بيثبت للحظة : واحدة متخصكيش
مليكة : متخصنيش ؟؟ امال تخص مين بإذن الله
آدم : وتخصك انتي بمناسبة ايه بإذن الله
مليكة : بمناسبة إني مراتك قدام الناس بيقولوا وع الأقل المفروض أبقي عارفة مين معارفك عشان لما اتحط في موقف أفهم انا بتعامل مع مين
آدم : مش كل حاجة في الدنيا لازم تعرفيها وتفهميها .. خصوصاً لما الحاجة دي تخصني انا
مليكة : تمام انا غلطانة ، بس هييجي عليك اليوم اللي هتستغبى فيه نفسك اووووي ياادم
آدم : ياريت استغبى نفسي
آدم لبس الجزمة وفتح الباب وخرج من الأوضة نزل على تحت
مليكة اتأكدت كويس إنه نزل ، قفلت الباب عليها بالمفتاح وفتحت الدولاب تاني طلعت هدومها وبدأت تلبس
🤍⭐🤍⭐🤍⭐🤍⭐🤍⭐🤍⭐🤍⭐
*بعد نص ساعة *
مليكة خلصت لبس ..
مسكت الفون وطلبت صاحبتها
مليكة : الو
فريدة : ياااه أخيرا شوفت رقمك على تليفوني عاش من شافك يابنتي
مليكة : 😹😹 ايه عاملة ايه
فريدة : تمام الحمدلله .. استحليتي القاعدة انتي من ساعة اجازة كورونا اللي خدتيها 😹😹😹
مليكة : والله مش فكرة استحليتها بس هحكيلك كل حاجة لما اجي الجامعة
فريدة : ايه ده انتي جاية بجد 😍😍
مليكة : اه منا عرفت من جروب الدفعة إن فيه سكشن مهم النهاردة قولت اجي احضره وبالمرة أسلم عليكو
فريدة : خلاص ماشي هستناكي عند الكافيه وندخل الجامعة سوا
مليكة : اشطة
قفلت معاها وفتحت الباب .. بصت يمين وشمال اتأكدت إن آدم مش موجود
اتسحبت واحدة واحدة ونزلت على تحت ركبت وراحت في إتجاه الجامعة
❤️✨❤️✨❤️✨❤️✨❤️✨❤️✨❤️✨
*في أوضة سهيلة *
تليفون سهيلة بيرن رقم غريب .. ردت
سهيلة : الو ؟
= فكرتي في اللي قولتلك عليه ؟
سهيلة بتبرق : مين
= ماهو انا متأكد زي مانا متأكد اني بكلمك إنك منسيتيش صوتي فتعالي معايا دوغري
سهيلة : سليم ؟
انت مكفاكش الضرب اللي كلته من إسلام امبارح عايز تكمل النهاردة
سليم : ماهو انا مش هحلك بسهولة كدا
ولو فاكرة إنك هتفلتي بعملتك بإنك تلبسيها في مليكة بنت عمك فانا لسة موجود .. والماية تكدب الغطاس ✋
سهيلة : يعني ايه ؟
سليم : يعني لو موافقتيش تيجي تقابليني النهاردة في المكان والساعة اللي هقولك عليهم هيبقي كله على عينك ياتاجر
سهيلة : انت حيواااان وزبالة
سليم : شكراً يامحترمة .. هسيبك تفكري وتردي عليا وهبعتلك التفاصيل ع الواتس
ياتيجي .. ياااااا
فكري بقا
قفل السكة .. سهيلة بقت دموعها نازلة من عينيها حنفيات ومش عارفة تتصرف ازاي
🤍⭐🤍⭐🤍⭐🤍⭐🤍⭐🤍⭐🤍⭐
*في الشركة *
آدم قاعد في مكتبه وقدامه صاحب شركة توريدات كبير جداً
فهمي : تمام يااستاذ آدم كدا نقدر نمضي العقد
آدم : لا مدام فيها امضا عقد يبقى نشيل التكاليف وخليها آدم على طول 😍😍
فهمي : لا ازاي المكانه محفوظة بردو دا انت ممشي شركة الخشاب على المسطرة من ساعة ما مسكتها
آدم : كله بفضل ربنا والله يااستاذ فهمي وبعدين دا من بعض ما عندكم يعني ❤️
فهمي : حبيبي ياادم .. ماشي يلا نمضي العقود
آدم : طيب ينفع نستنى إسلام بس ثانية عشان خرج يرد عالتليفون
فهمي : شكلك بتحب إسلام صاحبك دا اوي
آدم : والله يااستاذ فهمي إسلام دا مش بس مدير أعمالي هو كمان صاحبي واخويا والكتف اللي بتسند عليه في أي حاجة وعشان كدا مبقدرش أعمل حاجة من غير مايكون موجود وحاضر معايا
فهمي : ربنا يخليكم لبعض يارب
إسلام داخل : طب يلا ياادم نمضي العقود بقا بسرعة عشان عندك ضيوف
بدأوا يمضوا … وبعد ربع ساعة
خلصوا كل حاجة وفهمي قام مشي
إسلام : انا هروح مكتبي ابص علي ملف شركة إسكندرية كدا في السريع وارجعلك
آدم : تمام
❤️🖋️بقلم همس حسن° ❤️🖋️
⭐⭐⭐⭐⭐⭐⭐⭐⭐⭐⭐⭐⭐⭐
راح إسلام مكتبه .. ولسة هيفتح الملف تليفونه رن
إسلام : الو
سهيلة : إسلام انا عاوزاك ضروري جداااا
إسلام : ياستار يارب في حاجة ولا ايه
سهيلة : اه يااسلام محتاجاك بسرعة
إسلام : طب اجيلك ع البيت ؟؟
سهيلة : لا يااسلام اوعي مش عايزة اي حد يحس بحاجة
إسلام : طب تمام تمام اقفلي وهبعتلك لوكيشن كافيه هقابلك هناك كمان نص ساعة بالظبط
سهيلة : ماشي
🤍⭐🤍⭐🤍⭐🤍⭐🤍⭐🤍⭐🤍⭐
آدم قاعد في مكتبه بيبص ع العقود ويتمم عليها
تليفونه رن هو كمان رقم غريب
آدم : سلام عليكم
= اتجوزت واحدة شمال وكنت عارف بدا .. ودلوقتي كمان سايباها دايرة علي حل شعرها وانت قاعد في المكتب
آدم بيبرق : نعم ؟؟؟؟؟ مين معااااايا
= انا فاعل خير قولت انبهك تروح لمراتك جامعتها حالاً تشوف اللي بيحصل من ورا ضهرك
رمي التليفون من ايده وقام طار على برا فتح الباب ونزل جري ركب عربيته .. دورها وداس بنزين على أعلى سرعة في إتجاه الجامعة
❤️🖋️بقلم همس حسن° 🖋️❤️
✨في الجامعة ✨
مليكة خلصت السيكشن وخارجة هي وصحابها ماشيين في الجامعة عشان يخرجوا من الناحية التانية
وصل آدم عند الجامعة برا .. نزل من عربيته وبدأ يدخل الجامعة يدور عليها بعينه
مليكة ماشية .. وفجأة جه شاب معدي كعبلها كانت هتقع راح حاضنها قبل ماتقع قدام الجامعة كلها
جاية تتحرك بسرعة معرفتش لانه مكلبش جامد اوي
على مجية آدم من بعيد شايف المنظر دا
وشه احمر وعروقه كلها نفرت في عضلاته وحواجبه لزقت في بعضها ، عدلها الشاب وجري بسرعة قبل ما حد يشوفه
آدم داخل على مليكة في وسط كل الناس
مليكة بتبرق : آدم 😳
آدم بيمسك ايديها بمنتهي الهدوء ومن غير ولا كلمة وبيشدها عشان يمشوا .. صحاب مليكة كلهم بيضربوا كف على كف من الصدفة الغريبة اللي حصلت
مليكة ماشية معاه مبرقة وقلبها واقع في رجلها
عرف منين اني جيت ؟ وجه امتى وازاي ؟ واشمعنا دخل في اللحظة دي بالظبط ؟؟؟؟؟؟
وصلوا عند العربية .. فتح الباب دخلها ولف ركب من الناحية التانية
مليكة : آدم انا ….
آدم : شششششش .. مش عايز أسمع ولا كلمة لحد ما نروح البيت
✨وبعد نص ساعة ✨
وصلوا القصر .. مسك ايديها وطلع بيها على اوضتهم في صمت تام
مليكة ماشية مرعووبة وركبها بتخبط في بعضها ، دخل اوضتهم .. قفل الباب بالمفتاح وبالترباس
مليكة : آدم انت لازم تسمعني
آدم ساكت تماماً مبينطقش بولا كلمة
قلع الچاكت بتاعه وعلقه على الشماعة .. بدأ يفك في زراير اسورة القميص
**انا آسفة على المقطع الجاي بس لازم أوصف اللي حصل بالظبط عشان الأحداث تكمل **
مليكة : آدم انت بتعمل ايه
اتلفتلها وبدأ يمشي ناحيتها .. زقها وقعها ع السرير
آدم : الصبح واحنا في نفس الأوضة دي انا قولتلك كلمتين
بلاش تغلطي غلطة كمان عشان وقتها حسابك هيبقى أصعب من أي عقاب ممكن تتعاقبيه في الدنيا .. حصل ولا لا ؟؟
مليكة بخوف وعينيها بتدمع : حصل ياادم
آدم : وبدل ماتعملي بنصيحتي وتتقي شري ، مخوفتيش وطلعتيني خروف قدام كللللل الدنيا وخونتيني حتي وانتي على زمتي
بس انا مش خروف يامليكة .. انا راجل
راجل دمي حر واللي بيغلط في حقي لازم يتعاقب
وانا النهاردة مش بس هعاقبك
انا هعرفك قيمتك ..
مليكة : لاااا ياادم ابوس ايييي…
كتم بوقها وقلعها هدومها بالعافية .. مليكة بقت ترفص وتزقه بعزم ما فيها بس من قوته مقدرتش تقاومه
كتف ايديها الاتنين جنبها وبدأ يغتصب فيها ومع كل ثانية بتعدي بيفتكر كل حاجة حصلت منها وبيقسى عليها زيادة ، بيفتكر كسرة قلبه لما عرف إنها حامل من غيره ، بيفتكر قهرته لما عرف إنها مقضياها ، بيفتكر ضيقته لما سيطرت على دماغ جدها يعمل كل اللي هي عاوزاه .. بيفتكر شكلها في الجامعة وواحد حاضنها وسط الناس ، ومع كل فلاش من دول بيقسى زيادة وصوت صراخها بيعلى من الوجع اللي حاسة بيه سواء من برا او من جوا واللي ممزوج بعياطها
لحد ما من التعب أغم عليها وغمضت عيونها وهي بتقوله ” هتندم ياادم .. هتندم ومش هتنام من تعذيب ضميرك “
ثبت على وضعه لحظة وبصلها وهي بتقول الكلمة دي وبيغم عليها … حس بحاجة غريبة
اتعدل بسرعة لقى السرير غرقان دم 💥💥
اتنطر من مكانه وبرق وهو بيبص للملاية
آدم : عذراء !!!!!!!!
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 13
.
اتنطر من مكانه وبرق وهو بيبص للملاية
آدم : عذراء !!!!!!!!
عرق ووشه احمر من الخضة
Flash back 📸🔙
مليكة : تمام انا غلطانة ، بس هييجي عليك اليوم اللي هتستغبى فيه نفسك اووووي ياادم
Flash back 📸🔙
سهيلة : مش هنتكلم فيه عشان انا مجبورة مكلمكش فيه بس انا عايزاك تحكم قلبك لمرة واحدة وتثق في إحساسه .. مليكة بريئة ونضيفة وعمرها ما عملت حاجة غلط صدقني
Flash back 📸🔙
” هتندم ياادم .. هتندم ومش هتنام من تعذيب ضميرك “
آدم مبرق ومصدوم .. حط ايده على وش مليكة وبدأ يهز فيها ، مبتصحاش !!
آدم : مليكة .. ملييييييكة فووووقي
مسكها وبدأ يهز فيها بكل قوته : بقولك فوووووقي مش هتيجي دلوقتي وتسكتتتتتي
مليكة فاقدة الوعي تماماً .. قام بسرعة لبس هدومه ، جابلها هدوم من درفتها وبدأ يلبس فيها هي كمان
🔥🔥🔥🔥🔥🔥🔥🔥🔥🔥🔥🔥🔥
روان في اوضتها نايمة مرهقة جدا .. وجنبها ياسين ابنها نايم هو كمان
باب الاوضة اتفتح ، دخل منه معاذ ماشي يتسحب وفي ايده ورق
وصل جنبها نده عليها بصوت واطي “رواان”
لكن روان من تعبها مع ياسين محستش بأااااي حةجى ولا صحيت
ابتسم .. طلع من جيبه البصامة ومسك صوباعها براحة بصم علي البصامة وبعدين بصم الورق اللي في ايده
حط الورق براحة ع الكومودينو وفوقه البصامة .. ولسة هيطلع منديل من جيبه عشان يمسح صوباعها بسرعة ياسين صحي واتحرك
اتخض معاذ ووطي بسرعة لتحت .. قامت روان بتعب وطبطبت علي ياسين ، رجعت غفلت تاني ومدريتش بالدنيا
طلع معاذ براحة تاني ومسح صوباعها
🤍🖋️بقلم همس حسن° 🖋️🤍
❤️✨❤️✨❤️✨❤️✨❤️✨❤️✨❤️✨
*في أوضة سهيلة *
سهيلة بتلبس بسرعة عشان تنزل تروح لاسلام .. حد بيخبط ع الباب جامد اوي راحت بسرعة تفتح باب الأوضة
سهيلة بخضة : ايه ياادم في حاجة ولا ايه
آدم : سهيلة البسي وتعالي معايا بسرعة عشان هنودي مليكة المستشفي
سهيلة : اااااايه مليكة مالهاااا 😱😱😱
آدم : مش وقتتتتته اخلصي
اوعي تقولي لأي حد وتعالي ورايا في الخباثة وهننزل من الباب الخلفي
سهيلة : خلاص ماشي يلا انا كدا كدا لابسة اهو
جري آدم على اوضته تانية .. فتح الباب ودخل
اكتشف إنها مازالت بتنزف وهدومها اللي لسة ملبسهالها اتبهدلت دم
شالها على ايده وجري بيها وسهيلة وراه هتجنن …
نزلوا حطها في العربية ورا جنب سهيلة وركب قدام وداس بنزين على أعلى سرعة وطاااار بالعربية
سهيلة بتفوق فيها ومليكة مبتفوقش
سهيلة : ياادم عرفففففني في ااااايه هي مالهاااا
آدم : هقولك كل حاجة في المستشفي بس مش وقتتتته شرح دلوقتي
سهيلة لقت اسلام باعتلها رسالة واتس “انا وصلت الكافيه”
ردت عليه من غير ماادم يحس
سهيلة : إسلام احنا واخدين مليكة ورايحين بيها المستشفي ولحد دلوقتي معرفش مالها
إسلام : يالهوووي طب استني هكلم آدم
سهيلة : متقولش إني عرفتك حاجة بس
اتصل إسلام بآدم
آدم باستعجال : أيوة يااسلام
إسلام : ايه يابني مالك بتنهج ليه
آدم : مبنهجش ولا نيلة ايه عايز ايه
إسلام : مفيش كنت عاوزك في حوار يخص الشغل بس قولي الأول ماااالك
آدم : مفيش يااسلام مليكة تعبت شوية فواخدها المستشفي اللي جنبنا دي
إسلام : طب اقفل انا جايلك
آدم : لا لا لا متجيش يااسلام
إسلام : اقفل ياادم بس
قفل إسلام السكة … وبعد ربع ساعة وصلوا المستشفى
نزل آدم من العربية جري فتح الباب ورا وشال مليكة اللي مازالت غايبة عن الوعي وجري دخل بيها قسم الطوارئ ووراه سهيلة
اخدوها منهم وخرجوهم برا وقفلوا الباب
وقف آدم سند راسه علي الحيطة : انا مش فاهم حاجه ياربي ، مش فاهم اي حاجة
سهيلة : ياادم فهمني ايه اللي حصل طيب ؟؟؟
آدم : سهيلة انتي خدتي تليفون مليكة وانتي خارجة زي ماقولتلك ؟
سهيلة بتمد ايديها في شنطتها : اه اهو
اخد آدم التليفون وفتحه .. بدأ يقلب بيه يمين وشمال على أمل يلاقي أي حاجة
فتح الواتس اب
فريدة صاحبتها في الكلية بعتالها رسالة صوتيه
“مليكة طمنيني عليكي ياحبيبتي …
اتخضيت عليكي اوي لما صادفت جوزك ييجي في اللحظة دي بالذات دا لو كان جه قبلها بثواني كان هيشوفك وانتي بتخبطي في الواد وبتقعي 😂
بس انتي اكيد زمانك اتصرفتي عارفاكي مبتغلبيش ، يلا لما تسمعي الريكورد ابقي طمنيني بقا “
آدم : كماااااان .. دي كمان شوفتها غلط
انا هتجنن ياربي هتجننننننن
سهيلة : يابني في اااايه ماتفهمني
الدكتور بيفتح الباب وخارج ، جري عليه آدم
آدم : ايه يادكتور طمني
الدكتور : انت جوزها ؟؟
آدم : اه جوزها
الدكتور : اممم .. طيب هسألك سؤال واضح وصريح وانت كمان تجاوبني بصراحة
آدم : اتفضل يادكتور
الدكتور : مدام مليكة اتعرضت للإغتصاب أو أي إعتداء عنيف قبل ماتفقد الوعي ؟؟
سهيلة : لا طبعااااا يادكتور ايه اللي حضرتك بتقوله دا احنا ناس متحضري…
آدم : أيوة يادكتور .. الكلام دا مظبوط
سهيلة بتبرق وبتلطم : ااااااااايه 😱😱😱
الدكتور : اممممم
طيب ياادم .. انا في الحالة دي بعمل محضر رسمي بالحادثة اللي حصلت والحكومة تتصرف بس انا في حالة مدام مليكة هستنى لما هي تفوق وتقرر
آدم : هو اااايه اللي حصل عاوز أفهم .. مليكة مالها ؟؟
الدكتور : على حسب الكشق والسونار اللي عملناه تبين كدا إنها فقدت عذريتها لأول مرة من حوالي ساعة بالظبط ، وللأسف اتعرضت لجماع عنيف جداً اذى جدار الرحم واتسببلها في نزيف شديد
آدم بيبرق وبيتتك على ميدالية المفاتيح الحديد اللي في ايده
الدكتور : حالياً احنا حاطينها تحت الملاحظة وبنحاول نوقف النزيف بأي شكل .. ولما تبدأ تفوق هنبدأ في إجراءات المحضر
سامحني يااستاذ آدم بس دا التصرف المناسب ليا كدكتور في وقت زي دا
مشي من قدامهم الدكتور .. سهيلة واقفة مصدومة
وآدم كأنه واخد بالشوما على دماغه ، ايده بدأت تنزف دم من الميدالية الحديد اللي ماسكها بإيده جامد
وفجأة مسكته سهيلة من القميص : عملت فيها ااااااايه ياادم عملت ااااايه حرام عليك حذرتك كتيييييير وانت مسمعتش كلامي لييييييه كدا ليه ياادم
آدم بيمسك ايديها وبيوقفها : دلوقتي مش انا اللي هتسأل ، انا هسأل
كلكوا اكدتولي وقتها إن مليكة حامل في الحرام من واحد تاني ومن ساعتها كل الأدلة بتثبت دا ، ودلوقتي اكتشف إنها كانت بنت وان وان
مليكة حد لمسها ولا لا ياسهيلة ؟؟؟؟؟
سهيلة بصاله وساكتة
آدم بصوت عالي : بقووووولك حد لمسها ولا لاااااااااا
سهيلة : محدددددش لمسها ياادم محدش لمسها 😱😱 مراتك نضيفة واشرف من الشرف وانا حاولت اقولك دا كتيييييير والمحلك وانت اللي مكنتش عايز تسمع ولا تفهم وكل اللي عملته دا كان عشان تداري على حد تاني
آدم بصدمة : كل دا عشان تداري على حد تاني !!
حد مين ؟؟؟؟
سهيلة ساكتة ومصدومة ودموعها نازلة من عينيها
آدم : ماتردي علياااااا
سهيلة : الحد دا يبقي ….
إسلام جاي من بعيد : هتفرق معاك في ايه ياادم
آدم : انت لحقت توصل ؟!!!
إسلام : اه لحقت ، هتفرق في ايه بقا
الحد دا يبقي مجهول ومحدش فينا يعرفه ، وهي لو عايز توضح مين الشخص دا مكانتش عملت كل دا من البداية
آدم : انت كمان كنت عارف كل دا ومخبي عني يااسلام ! حتى انت ؟؟؟؟
وياترى مين تاني يعرف حاجة زي دي بقا
إسلام : آدم انت فاهم غلط .. انا لسة عارف يوم فرحكم ومن ساعتها مجاتش مناسبة أقولك
آدم : مجاااااتش مناسبة !!!!!
مراتي تبقى بريئة ونضيفة وكلكو عارفين الاااااا انا ومجاتش مناسبة تعرفي .. يعني سنتين وانا مغفل وفاكرها اوحش واحدة في الخلق وانتو كلكو عارفين ومخبيين !
سهيلة : هو انت كنت راااااضي تسمع ولا تفهم حاجة انت كنت رافض تقبل أي فكرة غير اللي في دماغك انها مذنبة وشمال
آدم بيسقف : انا بيحييكوا بجد 👏👏
إسلام : آدم
آدم : شششش .. مش عايز أسمع ولا كلمة ✋
سابهم وخرج على برا
إسلام : يااااادم
سهيلة : خلاص يااسلام سيبه .. هو شوية وهيبقي تمام
إسلام : انتي بتهزري ياسهيلة !!!!
بمنتهي البساطة كنتي هتفضحي نفسك وتقوليله ان انتي وتضيعي كللللل المجهود اللي مليكة عملته عشان آدم ميعرفش
سهيلة بتعيط : عذاب الضمير هيموووووتني يااسلام اقسم بالله نااااار قايدة جوايا بتحرقني كل مرة بحس فيها إني السبب في كل اللي بيحصلها دا .. وخصوصاً بعد اللي حصلها النهاردة وبردو بسببي
إسلام : طب اهدي ياسهيلة .. اهدي عشان خاطري
المهم ، كنتي عايزاني في موضوع مهم
في جديد ولا ايه ؟؟؟؟
سهيلة : الحيوان كلمني من شوية
إسلام : سليم ؟!!!
سهيلة : اه هو
كلمني وهددني إني لو مروحتش قابلته هيفضحني ويكلم آدم يقوله كل حاجة
إسلام : ياابن الكلب
سهيلة : انا خايفة اوي يااسلام
حاسة إني داخلة على مصايب
إسلام : لا ياسهيلة متخافيش .. انا جنبك ومش هسمح للكلب دا يقربلك ، لما يكلمك تاني ويقولك ع الزمان والمكان اللي هتتقابلوا فيه وافقي واتفقي معاه وقوليلي وانا هقولك هنعمل ايه
سهيلة : تمام
🔥🔥🔥🔥🔥🔥🔥🔥🔥🔥🔥🔥🔥
*في مخزن فاضي في المستشفي *
آدم واقف عروقه كلها نافرة ووشه احمر ، عرقان وايديه الاتنين بتتهز من الغضب والندم
آدم بصوت عااالي : ازاااااااااااااااي
ازاي تبقي غبي ومغفل بالطريقة دي ياحيوان ازاااي
ازاي محستش بيها ولا فهمتها .. ازاي صدقت حاجة زي دي عنها وانا اللي مربيها بايديا الاتنين اللي يتقطعواااا .. وازا….
ازاي قدرت أعمل فيها كدا النهاردة !!!
الغضب وحب الانتقام يعميني عن الحقيقة لدرجة أني اكسر اكتر إنسانة حبيتها في حياتي
اعمل ايه انا دلوقتي ياربي .. أعمل ايه بس
اعمل اااااايه
بدأ يخبط راسه في الحيطة وهو بيقول اعمل ايه لحد ما راسه بدأت تجيب دم
نزل قعد في الأرض
آدم : قدرتوا كلكوا تخبوا عليا حاجة دمرت حياتي .. طب ياترى هتسامحيني يامليكة بعد كل دا ؟؟؟
ياترى هقدر أعرف مين كان السبب في كل دا واقدر اعاقبه ؟؟؟
سند دماغه علي الحيطة ودموعه نازلة زي الحنفيات مش قادر يسيطر عليها ولا قادر يطفي نار الندم اللي قادت جواه ، ونار وجعه على مليكة اللي زمانها نايمة بتتألم بسببه
🔥🔥🔥🔥🔥🔥🔥🔥🔥🔥🔥🔥🔥
*بعد ربع ساعة *
آدم راجعلهم ودماغه منزله دم ومزرقة وايده كمان فيها دم
إسلام : ايه دا ايه اللي عمل فيك كدا ياادم
آدم بيبصلهم بطرف عينه : انا مش عايز حد معايا .. خدها وامشوا من هنا حالاً ومحدش ليه علاقة بيا
إسلام : أيوة ياادم بس …
آدم : قولتلكوووووووا امشوا من هنااااا
إسلام : حاضر حاضر ياادم خلاص اللي تشوفه
سهيلة باصة لآدم وعمالة تعيط … شدها إسلام ونزل بيها على تحت
آدم بيحط ايده على اوكرة الباب عشان يدخل على مليكة يشوفها فاقت ولا لسة .. ثبت مكانه لحظة
آدم بينه وبين نفسه : هتخشلها بأنهي وش ؟
هتبص عليها بأنهي عين .. انت حتى انك تشوفها مبقاش حقك بعد اللي عملته
ساب اوكرة الباب ورجع لورا سند على الحيطة
الممرضة بتفتح الباب عشان تدخل
آدم : بقولك ايه
هي مليكة عاملة ايه دلوقتي؟
الممرضة : النزيف بدأ يقف بس للأسف هي مازالت فاقدة الوعي .. واحنا ادينالها كام حقنة مهدئة كدا عشان لو فيه وجع متحسش بيه اوي
آدم : تمام شكرا
الممرضة : حضرتك متعور جامد في دماغك .. تحب أساعدك ؟؟
آدم : لا لا شكراً انا تمام .. المهم انا هروح أقف في الهوا شوية ولو فيه اي جديد كلميني قوليلي
الممرضة : خلاص ماشي
خرج آدم وقف في الطل .. بص للسما
بدأ يفتكر كل حاجة حصلت من سنتين لحد النهاردة
🔥🔥🔥🔥🔥🔥🔥🔥🔥🔥🔥🔥🔥
*في عربية إسلام *
إسلام : يابنتي بطلي عياط بقا والله هتتحل
سهيلة : مليكة صعبانة عليا اوووي يااسلام
إسلام : والله هتبقي زي الفل بس انتي روقي كدا
سهيلة بتمسك الفون بخضة : اهو بيتصل تاني
إسلام : تمام ردي واعملي اللي قولتلك عليه بقا
سهيلة بترد ع الفون : ايوة ..
سليم : ها فكرتي ؟؟
سهيلة : اه فكرت
سليم : ووصلتي لإيه ؟
سهيلة : انا مش عايزة اخويا يشم خبر ياسليم
سليم : ايوووون .. يبقي عرفتي مصلحتك فين
هبعتلك عالواتس اللوكيشن .. تكوني هناك الساعة ٩ بالظبط ، يعني كمان نص ساعة من دلوقتي
سهيلة : ماشي
قفلت السكة وبصت لإسلام
سهيلة : ناوي على ايه ؟؟؟
إسلام : هاتعرفي كل حاجة في وقتها .. جاهزة ؟
سهيلة : اه جاهزة
إسلام : تمام طلعي اللوكيشن
🔥🔥🔥🔥🔥🔥🔥🔥🔥🔥🔥🔥🔥
*في غرفة مليكة في المستشفي *
مليكة نايمة ع السرير ومتعلقلها محاليل فيها العلاجات
فتح الباب حد لابس أسود في أسود ومغطي وشه بص يمين وشمال .. دخل بهدوء وقفل الباب وراه
طلع من جيبه حقنة فيها سم .. مسك عبوة المحلول اللي رايح لمليكة ، وبدأ يحط فيه الحقنة
وفجأة … 💥💥💥
آدم بيفتح الباب
.
يتبع…

[فيتامين سي]

رواية / اجبرني اعشقه
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 14
.
رواية أجبرني أعشقه الفصل الرابع عشر 14 بقلم همس حسن
طلع من جيبه حقنة فيها سم .. مسك عبوة المحلول اللي رايح لمليكة ، وبدأ يحط فيه الحقنة
وفجأة … 💥💥💥
آدم بيفتح الباب .. أول ما شاف اللي واقف دا برق ولسة هيمسكه
الشخص اللي واقف رمى السرنجة من ايده وبيلف عشان يجري مسكه آدم بسرعة وحاول يشيل من علي وشه القناع ، مسك المقص وضرب آدم في رجله
آدم اتعور ولسة هيمسك رجله لقاه هيجري شال أنبوبة إطفاء الحريق ضربه بيها على دماغه ، وقع في الأرض اغم عليه .. رجع سند آدم على الحيطة وخد نفسه ، حاول يستجمع قوته تاني وراح شايله وخرج بيه على برا بسرعة .. فتح العربية وحطه فيها وركب
داس بنزين وجري بالعربية
❤️✨❤️✨❤️✨❤️✨❤️✨❤️✨❤️✨
سهيلة وإسلام وصلوا اللوكيشن ..
سهيلة قاعدة خايفة جداً وبتعيط
إسلام : ايه يابنتي عمالة تترعشي ليه كدا
سهيلة : خايفة اوي يااسلام لا يعمل فيا حاجة
إسلام بيحط ايده على ايديها : عندك ثقة فيا ولا لا ؟؟
سهيلة : اه عندي اكيد
إسلام : بس يبقي متقلقيش وجمدي قلبك
يلا اتصلي بيه قوليلي انا وصلت ورايحة على البيت
سهيلة : حاضر
طلعت تليفونها واتصلت بسليم
سليم : يامرحب
سهيلة : انا وصلت اللوكيشن .. هو أنهي بيت بقا ؟؟
سليم : لو طلعتي معاكي حد هندمك على يوم ولادتك ، معايا ؟
سهيلة : معاك ياسليم .. وجاية لوحدي متقلقش
سليم : تمام امشي قدام وتاني شارع يمين خشي فيه .. اول عمارة الدور التالت
سهيلة بتبلع ريقها : حاضر
قفلت معاه
إسلام : تمام .. انا هستناكي هنا وانتي هتنزلي من العربية وتروحي العنوان اللي قالك عليه بالظبط
ومتخافيش .. انا معاكي ياسهيلة
سهيلة بتمسح دموعها وبتحاول تتماسك : حاضر
نزلت من العربية وراحت على العنوان .. طلعت العمارة وخبطت على الشقة
سليم بيفتح الباب : يااهلا يااهلا 😍
ليلتنا عنب ولا حاجة .. تعالي خشي
سهيلة داخلة بتقدم رجل وتأخر رجل وركبها بتخبط في بعضها .. قعدت على الركنة
سهيلة : عايز ايه يااسلام
إسلام بيقرب منها : لالا الكلام مينفعش هنا .. تعالي جوا وانا هقولك
سهيلة بصوت عالي : مش هدخل انا اوووووض
إسلام : ايه ده ايه ده 😳
بتعترضي وكمااان بتعلي صوتك
بيمسك تليفونه : لا دا انا أكمل آدم بقا اخليه ييجي يحضرنا يشوف أخته اللي معترضة
سهيلة : خلاااااااص
انت بني آدم حقيييير
سليم : معلش ياحبيبتي خد صاحبك علي عيبه
قامت دخلت على الأوضة وهي عينيها على باب الشقة وقلبها بيتنطط من الخوف وقعدت على كرسي جنب السرير
سهيلة : هااااا .. ايه المطلوب؟؟
سليم : جرا ايه ياسهيلة ماتفكي كدا شوية خلي الليلة تحلو
سهيلة : هو انت معندكش دم خالص كدا بجد ؟؟
معندكش أم اخت مش هيبقي عندك بنت ؟
ليه بتعمل فيا كدا انا اذيتك في ايه دا انا في يوم من الايام حبيتك بجد يااخي .. كنت فاكراك بني آدم محترم طلعت زباااا
سليم : حيلك حيلك ياقطة
قولنا بلاش غلط .. وإذا كنت أنا مش بني آدم سوي فانتي مش مريم العذراء بردو ، متخليناش نتكلم بقا
سهيلة : سليييييم انت اكتر واحد عارف إنه مكاااانش بإرادتي وانت خدرتني
سليم : يووووه هنضيع الوقت كله في رغي ملهوش معنى بقا قومي يابت
قرب عليها ولسة هيعتدي عليها وهي بتصوت
إسلام داخل من ورا في ايده سلاح موجهه اتجاه سليم
إسلام : عندك حق الوقت كالسيف بردو مينفعش نضيعه ع الفاضي
سليم بيبرق : انت دخلت هنا ازاي ؟؟
إسلام : السؤال مش دخلت هنا ازاي
السؤال هتعمل فيا ايه لما تدخل هنا ؟
وفيه سؤال أهم بس مني ليك المرة دي
مكفتكش العلقة بتاعة المرة اللي فاتت ؟؟؟
سليم : انت داخل عليا بسلاح !!!!
إسلام : حظي حلو بقا إن أبويا لسة مرخصه من كام يوم
سليم : انت لو قربت بالبتاع اللي في ايديك دا انا هبلغ البوليس وهوديك في داه…
إسلام بيديله بالرجل بيوقعه جنب السرير
إسلام : انت متنطقش يازبااااالة ياابن الجزمة لافرغ اللي في الطبنجة دي في دماغك
سليم بيحط ايده قدام وشه : خلاص خلاص اهدي
ايه المطلوب مني دلوقتي
إسلام : المطلوب تثبت مكانك خاااالص دلوقتي
بيبص لسهيلة : انزلي استنيني في العربية
سهيلة : لا يااسلام مينفع…
إسلام : بقوووولك انزززززلي
سهيلة : حاضر حاضر نازلة خلاص
سابتهم ونزلت جري علي تحت
إسلام بيبص لسليم ورايح ناحيته
سليم بيرجع : انت هتعمل ايه ؟؟
بيشاور بالسلاح : قوم اقلع
سليم : افندم ؟؟؟؟
إسلام : قووووم اقلع بقولك وإلا هضيعلك مستقبلك بالسلاح اللي في ايدي دا واخليك مش نافع لا جواز ولا لحياة اصلا وتعيش زي قلتك
سليم : لا لا خلاص .. اقلع ايه
إسلام : اقلع هدومك كلهاااا وبسرعة
بدأ سليم يقلع في هدومه وهو نفسه الأرض تنشق وتبلعه .. طلع إسلام موبايله وصوره فيديو وهو من غير هدوم خالص
سليم بغضب : انت بتعمل ااااايه
إسلام : انت تخرس خاااالص
خلص تصوير فيه .. طلع من جيبه دفتر وصولات أمانة على بياض ومعاها قلم ، رماهم على رجله
إسلام : امضي ٥ وصولات
سليم : بس دا كتير يااسلام !!!
إسلام : لا ياحبيبي مفيش حاجة تكتر على زبالة زيك .. امضضضضي واخلص
بدأ سليم يمضي على الوصولات .. خلص واداهمله
إسلام : حلو اوي كدا
انا هسيبك وهنزل دلوقتي من غير ماامد ايدي عليك بقلم واحد .. وجدع بقا أعمل اي تصرف كدا ولا كدا عشان اخليك تطلع تريند ع السوشيال ميديا في نص ساعة بالظبط
لا وكمان هعملك كادو علي الاوفر وهسجنك بقيت حياتك بالوصولات اللي معايا
سليم بيبصله الشر والكره هينط من عينيه
سابه إسلام ونزل على تحت .. فتح العربية وركب
سهيلة : عملت ايه ؟؟
إسلام : عملت اللي كان لازم يتعمل من زماااان
ومتقلقيش من هنا ورايح مش هيقدر يقربلك ولا حتى ينطق اسمك
سهيلة : انا بجد مش عارفه اقولك ايه
انا لو قعدت طول حياتي أشكرك على وقفتك جنبي دي مش هقدر اوفيك حقك
إسلام : متقوليش حاجة لأن دا واجب عليا وقولتلك قبل كدا السبب
المهم دلوقتي فيه حاجة أكبر من كدا بكتير شاغلة تفكيري
سهيلة : ايه هي
إسلام : آدم مش هيسكت ولا هيعديها بسهولة اي نعم هو دلوقتي مش طايقنا ومش عايز يكىمنا بس هو هيفضل ينخرب عشان يعرف مين اللي ورا كل اللي حصل .. محتاجين نعمل خطة محكمة عشان نبعد تفكيره عنك تماماً ونوديه في أي مكان تاني
سهيلة : انا مستحيل أعمل اي حاجة تخليه يرجع يشك في مليكة تاني
إسلام : وانا زيك بالظبط
مليكة دي بني ادمة نضيفة واحنا مينفعش نظلمها في القصة دي اكتر من كدا .. خصوصاً وإنها ضحت بحياتها وسمعتها وشرفها في سبيل أنها تحميكي من اخوكي ولحد آخر لحظة متكلمتش
سهيلة : طب هنعمل ايه
إسلام : مش عارف اديني بفكر
سهيلة : طيب انت رايح علي فين دلوقتي
إسلام : ع المستشفي طبعاً .. لازم نبقي جنب آدم دلوقتي مهما حصل
سهيلة : كنت لسة هقولك كدا حالا .. يلا بينا
💖✨💖✨💖✨💖✨💖✨💖✨💖✨
*في القصر *
ثرية بتخبط على باب أوضة مليكة وآدم .. محدش بيفتح
ثرية : غريبة !! مختفيين من بدري وبتصل بيها حتي مش بترد والمفروض إنها في الاوضة 🤔
بدأت تخبط تاني بردو محدش بيفتح … جربت تفتح اوكرة الباب لقيته بيفتح
ثرية داخلة بهدوء : بسم الله
مليكة .. يامليكة انتي فين
اااادم …… ايه دا !!!
قعدت تدور في الأوضة كلها وفي الحمام وفي الدريسنج روم ملقتش أي أثر ليهم .. نزلت على تحت
ثرية : محدش شاف مليكة وادم ؟؟
رفعت : ليه هما فين ؟؟
أمينة : انا بردو بقالي شوية عمالة اتصل بآدم وسهيلة مش عارفة الاقيهم
ثرية : سهيلة كمان مختفية
رفعت : استني انا هكلم آدم أشوفه فين
ثرية : تمام
مسك الفون واتصل بآدم
🔥🔥🔥🔥🔥🔥🔥🔥🔥🔥🔥🔥🔥
آدم وصل مكان مخزن كدا ولسة هيفتح الباب وينزل تليفونه رن “جدي”
آدم بيحط ايده على دماغه : يالهوااااي
بيرد : أيوة ياجدي
رفعت : ايه ياادم انت فين
آدم : مفيش ياجدي قولت اخد مليكة وسهيلة كدا ونغير جو في اي مكان كدا كام يوم ونرجع
رفعت : تاخد مليكة وسهيلة وتسافر ومن غير ماتقولي كمان !!! مش غريبة دي ياادم
نشوى بتبصل لرفعت وبتبسم من تحت لتحت وبتحط وبتبص في تليفونها تاني
آدم : أصلها جت فجأة كدا ياجدي وقولت اخدهم ونروح اي حتة حضرتك عارف بقا بقالنا كام يوم فيه عك كدا وحوارات
رفعت : في الظروف دي !!
طب وخدت معاك سهيلة ليه يابني دا المفروض شهر العسل
آدم : مانت عارف بقا ياجدي مبعرفش أروح اتفسح من غير مااخد سهيلة افرحها هي كمان
رفعت : امممم .. عرفت حاجة عن أخوك طيب ؟؟
آدم : لا لسة .. اول مااعرف حاجة هقولكو
رفعت : ماشي ربنا معاك
قفل رفعت معاه
رفعت : اخد مليكة وسهيلة وراحوا يغيروا جو
أمينة : نعم ؟؟؟؟
أخوه سايب البيت ومختفية منعرفش عنه حاجة وهو رايح يغير جو !!!!
نشوى : خلاص بقا ياابلة أمينة هو يعني هيعمل ايه لإبراهيم أخوه .. سيبيهم يغيروا جو ويرجعوا على مهلهم وابراهيم اديه بيهدي أعصابه كام يوم بردو
أمينة : ماشي .. انا هطلع على اوضتي
حركت كرسيها وطلعت على فوق
🌏🌏🌏🌏🌏🌏🌏🌏🌏🌏🌏🌏🌏
قفل معاهم آدم .. نزل من العربية وفتح شنطة العربية وطلع اللي كان قافل عليه ومكتفه ايد ورجل ، شاله ودخل بيه على المخزن ورزعه على الأرض
راح قفل باب المخزن ورجع .. لقاه فاق من الرزعة وبدأ يتحرك ويفلفص من الحبل اللي هو مربوط بيه
قرب عليه آدم وشال من على وشه القناع .. لقاه إبراهيم 💥💥💥
برق آدم ورجع لورا : ابراهيم !!!!!!!
ابراهيم بيبص في الأرض : اه ياادم .. انا إبراهيم
آدم : انت بتحاول تقتل مراتي ياابراهيم ؟؟؟؟!!
إبراهيم : اه بحاول اقتلها .. بحاول اخد منك حاجة واحدة بس من اللي عندك
يااخي حرام عليك كفااااااية بقا خدت مني كللللل حاجة
خدت مني حب أبويا قبل مايموت وحب أمي بعد مرضها خدت رضا جدي خدت الأولوية في الشركة وبقيت الكل في الكل خدت إحترام وتمجيد العيلة كلهاااا بلا استثنا وبعد كللللللل دا
خدت كمان الحاجة الوحيدة اللي حبتها في حياتي “مليكة” .. لا ياادم
دي بالذات مش هخليك تتملكها لوحدك ، هفضل مشاركك فيها لحد ما اخدها … يااقتلها وبردو احرمك منها
آدم بيمسكه من رقابته وبيخنقه : طول عمرك بتكرهني وشايف إني واخد منك كللل حاجة والسبب في تعاستك بس كللللله إلا مراتي ياابراهيم
مراتي خط أحمر لو مديت رجلك عليه هقطعهالك وهعجزك
قسماً بالله ياابراهيم .. عليا الحرام من نعمة ربي انت لو ماكنت أخويا وابويا موصيني عليك انت واختي قبل مايموت لكنت زمانك مدفون حي مكانك دلوقتي ، عارف ليه ؟؟؟؟
بيضربه بضهر ايده بعزم ما فيه وبيزعق : عشان زي مانت أمانة في رقابتي من يوم وفاة أبويا .. مليكة دي أمانة في رقابتي من يوم مااتولدت ولقت نفسها في الدنيا لوحدهااااا
آدم : انا مش هضربك تاني عشان انت أصلا مفيش حتة في جسمك سليمة من ساعة آخر علقة .. بس انا هكتفي بإني هسيبك متربط ومحبوس هنا في المخزن لحد مامراتي تقوم بالسلامة .. وساعتها هسلمك للحكومة وهما يتصرفوا معاك
إبراهيم : مش هتعرف تثبت عليا حاجة ياادم .. ولعلمك انا مش لوحدي
آدم : يعني ايه ؟؟
إبراهيم : ماعلينا بقا .. لو عرفت تثبت حاجة اثبتها
آدم : هجيبك انت واللي بيساعدك
سابه آدم وخرج من المخزن وقفل عليه بالمفتاح وال٣ ترابيس … ركب العربية
سند على الدريكسيون وبدأت دموعه تنزل من وجعه على اللي بيحصل
🤍🤍🤍🤍🤍🤍🤍🤍🤍🤍🤍🤍🤍
بعد نص ساعة وصل آدم المستشفي وطلع جري على فوق .. لقى سهيلة وإسلام واقفين قدام اوضة مليكة
بصلهم بغضب وعصبية .. سابهم وفتح الباب ودخل وكان الدكتور واقف بيشوف مليكة
آدم : ايه يادكتور طمني .. ايه الاخبار ؟؟
الدكتور : بدأت تتحسن الحمدلله والوعي هيرجعلها في خلال ساعة
آدم : خلاص ماشي انا هفضل جنبها واول ماتبدأ تفوق هنده لحضرتك تشوفها
الدكتور : هو يستحسن حد غيرك اللي يقعد معاها .. بس اللي حصل للمريضة بسببك انا أخاف اسيبك معاها في أوضة واحدة
آدم بغضب : قصدك اااايه يعني يادكتور دي مراااتي وانا أحق واحد أفضل معاها
الدكتور : لا مانت متعليش صوتك يااستاذ انا مش شغال عندك انا دكتور محترم
آدم : وانا راجل محترم بردو وميتقاليش البوقين دول لا مؤاخذة
إسلام داخل بيجري : خلاص خلاص ياجماعة صلوا ع النبي في ايه .. معلش يادكتور هو بس أعصابه تعبانة عشان زي مانت شايف مراته في حاله صعبة بردو
الدكتور : ماشي انا هعدي الموضوع بس عشان حضرتك ومدام مليكة بس لولا كدا كنت ممكن خرجته برا
آدم : طيب انا مش هرد علي الكلام دا
بعد اذنكو بقا انا عايز اقعد معاها لوحدي لحد ماتفوق
إسلام خدهم كلهم وخرج بيهم من الاوضة وساب معاها آدم …
آدم شد كرسي وقعد جنبها بالظبط
🌏🌏🌏🌏🌏🌏🌏🌏🌏🌏🌏🌏🌏
*برا الأوضة *
إسلام : طب احنا وقفتنا دي ملهاش لازمة .. تعالي نروح الكافيه نشرب حاجة
سهيلة : ماشي
راحوا على الكافيه
💥💥💥💥💥💥💥💥💥💥💥💥💥
*في أوضة روان *
روان صحيت وبتسرح شعرها قدام التسريحة .. معاذ داخل الأوضة
معاذ : صباح الخير
بصتله بقرف ومردتش ورجعت بصت في المراية تاني
معاذ : مشوفتش مأذون واتنين شهود يعني ولا حاجة
روان : متقلقش كله جاي بإذن الله
معاذ بسخرية : كان إحساسك ايه وهو بيكسفك ها 😉
روان : انت عرفت منين ؟؟؟؟
معاذ : لا لا مؤاخذة انا ليا عيون في كل حتة في البيت
روان : تمام متستعجلش .. قريب اوي هنجيب المأذون والشهود وهتطرد من البيت دا
معاذ بيقرب منها : ماتيجي نفتح صفحة جديدة كدا يارورا وننسى اللي فات
روان : اقسم بالله خطوة كمان وهخرب الدنيا فوق دماغك .. اطلع برااااا
معاذ : خلاص خلاص ياستي .. مش هلمسك ✋
بس خليكي فاكرة إن هييجي اليوم اللي تجيلي فيه راكعة ها
روان : ان شاء الله حاضر .. يلا اتفضل
سابها وخرج من الأوضة
🤍✨🤍✨🤍✨🤍✨🤍✨🤍✨🤍
^ في أوضة مليكة ^
آدم قاعد جنبها وباصصلها وهي نايمة
آدم عينه بتدمع : مقولتيش ليه يامليكة ؟؟؟
انا عارف إني كنت صعب اوي .. بس لو كنتي اتكلمتي معايا بصراحة صدقيني كنت هصدقك
أو ع الأقل كنت هحاول أفهم إن فيه حاجة غلط
ضيعتي نفسك وضيعتيني عشان تداري على حد تاني انا معرفش هو مين ولما أعرف مش هرحمه
– انا كنت بعشق التراب اللي بتمشي عليه .. قلبي اتحرق وكان بيغلي لما حسيت إن حد غيري لمسك ، كنت نفسي اوقف العالم كله قدام وجعي دا وكل واحد يتحاسب على نيته بس معرفتش أعمل دا .. واكتفيت بإني أحاول احسسك بوجعي من بعيد لبعيد ، واتاريكي انتي كمان كنتي شايلة وساكتة طب ليييييييييه
ايه الحاجة اللي تخلي واحدة تغامر بنفسها بالطريقة دي وترميها في التهلكة عشان حد تاني أيا كان هو مين
اي نعم انا من جوايا زعلان اووووي منك عشان غفلتيني التغفيلة دي .. بس زعلي دا كله هيروح مجرد مااشوفك مفتحة عينك وبخير ، قومي يامليكة أبوس ايدك
وطي علي ايديها وباسها ..
مسح دموعه وخرج من الأوضة راح لحد الامانات ياخد حاجة منهم … خلص وراجع في الطرقة وماشي واحدة واحدة ، فجأة سمع صويت
جري على الأوضة بسرعة .. وبيلف وداخل
مليكة ماسكة داليدا من شعرها في الأرض وعمالة تضرب فيها يمين وشمال 💥💥💥💥💥
موقف مضحك شوية 😹 بس بيحمل مليون سؤال
مليكة فاقت امتى ؟؟
داليدا جت المستشفي امتى ؟؟
ومين اللي عرفها إن فيه حاجة تخص مليكة في المستشفي أصلا ؟؟
طب راحت ليه ؟؟
وليه مليكة قامت جابتها من شعرها ؟؟
يتبع…
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 15
.
رواية أجبرني أعشقه الفصل الخامس عشر 15 بقلم همس حسن
رواية أجبرني أعشقه الفصل الخامس عشر 15 بقلم همس حسن
مليكة ماسكة داليدا من شعرها في الأرض وعمالة تضرب فيها .. آدم برق وجري بسرعة يشد داليدا من تحتيها “بتعملي ااااايه يامجنونة 😱😱😱😱” زقته مليكة زقة واحدة طيرته من قدامها ورجعت تضرب تاني في داليدا وداليدا تصوت بعلو صوتها “الحقوووووني هتمووووتني “
جم الدكاترة والممرضات بسرعة يسلكوا بينهم .. مسكوا مليكة كتفوها ع السرير وادوها حقنة مهدئة بسرعة ، بدأت تروح في النوم تاني
داليدا عمالة تعدل في نفسها : وحياة امممممي لأوديكي في داهية يامليكة الكللللب
آدم بصوت عالي : داليداااااا
داليدا : انت كمان بتزعقلي 😱😱
شدها من ايديها خرجها على برا .. زقها ع الحيطة ووقف قدامها
آدم : ايه اللي جابك هنا
داليدا : كنت عاوزاك في موضوع مهم ولما روحتلك الشركة قالولي إن مراتك تعبانة وانك في المستشفي فقولت اجي اقولك الكلمتين اللي هقولهم هنا .. دخلت الأوضة لقيت مليكة ولسة ملحقتش اقول حاجة قامت جابتني من شعري
آدم : لا حيلك حيلك بقا ثواني عشان انا دماغي عملت error
مين اللي قالك في الشركة إن مراتي في المستشفي !!
ومليكة ايه اللي قامت تضربك قبل ماتعملي حاجة دي لسة من خمس دقايق سايبها نايمة .. ثم إنها هتقوم تضربك من الباب للطاق كدا ؟!!!!
داليدا : واضح إنك بقيت معمي بحبها ومش شايف أي حاجة .. اه ياادم قامت ضربتني من الباب للطاق واي حاجة هتحاول تبررلك بيها تبقى غلطانة بس انا وحيااااة ربنا ما هسيب حقي
آدم : داليدا .. خرجي مليكة تمامااااا من اي حاجة كانت بيني وبينك ، وانا قولتهالك قبل كدا انا لا وعدتك بحاجة ولا عشمتك ولا حتى لمست ايدك .. ولو عرفت بأي طريقة إنك حاولتي تأذيها النهاردة وهي في الحالة دي ورحمة أبويا انا ما هرحمك
داليدا : بتهددني ياادم !!
آدم : اه بهددك .. اللي جوا دي شافت كتير اوي في حياتها وانا مش هسمح لحد يأذيها تاني ، اتفضلي
داليدا : ماشي .. بس خليك فاكر إنها مخلصتش هنا
سابته ومشيت … أتقدم آدم قدام وبص على مليكة من شباك الأوضة لقاها نايمة
ضرب كف على كف : أستغفر الله العظيم يارب
ومشي في الطرقة على قدام .. بإتجاه الكافيه
💖✨💖✨💖✨💖✨💖✨💖✨💖✨
*في الكافيه *
إسلام : ها بقيتي أحسن دلوقتي ؟؟
سهيلة : اكيد بقيت أحسن كتير .. كلامك هداني جداً
إسلام : الحمدلله
سهيلة : ممكن اسألك سؤال
إسلام : اكيد اتفضلي
سهيلة : انت ليه بتعمل معايا كدا ؟
إسلام : منا قولتلك قبل ك…
سهيلة : سيبك من اللي قولته قبل كدا بس عشان انا مش مقتنعة بالحوار دا .. عملت كدا ليه يااسلام
إسلام : مش عارف .. لما شوفتك في الموقف دا فجأة حسيت إنك مسؤولة مني أو المفروض احميكي منه ، حسيت إنك ضنايا كدا فاهمة 😂😂😂
سهيلة بتضحك جامد : 😹😹😹😹😹 والله انت مشكلة
آدم داخل الكافيه متنرفز وحواجبه مرفوعة .. وقف قدام ترابيزة إسلام وسهيلة
آدم : خربت الدنيااا وقاعد دلوقتي تهزر وتضحك !!
إسلام : في ايه ياادم مالك ؟؟؟؟!!
آدم : هو اااااايه اللي مالك .. انت بتاع ايه بتنشر خبر تعب مراتي في الشركة وتخلي الزفتة اللي إسمها داليدا تيجي على هنا وتعملي حوار ؟؟؟
إسلام باستغراب : بس انا منشرتش أخبار ياادم
آدم : نعم بقا ؟؟؟
اومال مين اللي وصل الخبر للشركة بإذن الله
إسلام : معرفش ياادم انا من ساعة آخر مرة كلمتك فيها تليفوني فاصل شحن أصلا وكنا بنجيب حاجة انا وسهيلة من تحت ولسة جايين اصلا
آدم : !!!!!!
اومال مين اللي وصل الخبر يعني ؟؟
إسلام : مش عارف بس اللي انا متأكد منه إن محدش في الشركة يعرف .. هي أكيد عرفت من البيت
آدم : بيت ايه يااسلام ما كلموني واكدتلهم إننا مسافرين احنا التلاتة .. فيه حاجة غلط انا مش فاهمها بس لازم افهمها
قام عشان يمشي إسلام مسك دراعه
إسلام : طول عمرنا مع بعض .. خليني معاك دلوقتي كمان ياصاحبي
آدم بيشيل ايده : صاحبي اللي بجد ميقدرش يقعد دقيقة مخبي عني حاجة يااسلام .. عن إذنك رايح أشوف مراتي
سابهم وخرج من الكافيه في إتجاه أوضة مليكة تاني
سهيلة : لا حول ولا قوه الا بالله
إسلام : قومي اروحك بقا ملهاش لازمة تتذنبي هنا احنا داخلين ع الفجر
سهيلة : لا تروحني ايه انت مش سمعته قال إنه عرفهم إننا مسافرين احنا التلاتة
لو رجعت هتفقس أوي
إسلام : اممم عندك حق
🩸🩸🩸🩸🩸🩸🩸🩸🩸🩸🩸🩸🩸
*في القصر *
وفي أوضة نشوى تحديداً •••
نشوى بتطلع العلبة السودا اللي مخبياها تحت السيراميكة .. فتحتها
طبعاً العلبة مليااانة علي عينيها ورق وحاجات .. مسكت الورق اللي حاطاه جنبها *واللي واضح إنه نسخة متصورة من ورق أصلي* وحطيته مع بقيت الورق .. ابتسمت وهي بتحسس على الورق كله
“اتدفوا مع بعض ياغاليين ، ياللي هتعدلولي حياتي قريب جداً “
قفلت الصندوق تاني وحطيته تحت السيراميكة ..
جت رسالة على تليفونها .. مسكت الفون وفتحت
معاذ : مستنيكي ❤️
ابتسمت .. قفلت الفون وقامت عدلت هدومها ، فتحت الباب وخرجت مشيت في الطرقة بتتلفت يمين وشمال تتأكد محدش شايفها
فتحت نفس الأوضة اللي بيتقابلوا فيها ودخلت ، ولسة بتلف شدها معاذ على الحيطة ومد ايده قفل الباب
ساندة عالحيطة وهو قدامها ، بينه وبينها سنتي واحد
معاذ : وحشتيني 😍
نشوى بتزقه : وانت كمان وحشتني بس اوعي بقا مينفعش كدا 🙄
معاذ : هو ايه اللي مينفعش بس .. لحد امتى هنفضل أخوات كدا
نشوى : لحد ما تطلقها وتتجوزني
معاذ : وهو انا عااارف يعني أعمل دا مانتي اللي معطليني وعمالة تقوليلي لا مش دلوقتي مش دلوقتي وانا خلاص على أخري
نشوى : معلش يامعاذ .. انت لو تعرف انا دماغي فيها ايه ومركزة في كام حاجة في نفس الوقت هتقدرني
معاذ بيبص لجسمها : انا كدا كدا مقدرك .. ودا اللي مخليني مش قادر أبعد عنك اكتر من كدا
نشوى : ياحبيبي انت مش ملاحظ إني عمتها .. يعني بكل الأشكال مش هينفع طالما لسة على زمتك
معاذ : هنتوب
نشوى : يعني ايه ؟
معاذ : تعالي انا هقولك يعني ايه
⚫وطبعاً اللي جاي مش هينفع أقوله ⚫
💥💥💥💥💥💥💥💥💥💥💥💥💥💥
*في المستشفي *
آدم رايح على أوضة مليكة لقى الدكتور خارج من أوضة مليكة
آدم : دكتور عاوز حضرتك دقيقة
الدكتور : اتفضل ياادم
آدم : انا آسف طبعاً على اللي صدر مني النهاردة انا مقدر إن حضرتك بتعمل شغلك بس بردو لازم تقدر موقفي انا كمان والوضع اللي محطوط فيه
الدكتور : ولا يهمك ياادم .. انا اكيد مش قصدي استقصدك ولا حاجة بس هو شغلي
آدم : تمام .. كنت عاوز أفهم بقا اللي حصل من شوية دا معناه ايه
إنها تكون في إغماء او شبه غيبوبة وفجأة تصحى وتجيب بنت من شعرها وتضربني ضربة تطيرني من قدامها وبعدين تدوها مهدئ تاني .. ايه التفسير يعني
الدكتور : مليكة اتعرضت لضغط نفسي شديد جداً لفترة وآخرها صدمة عصبية .. أدت إنها اتصابت بمتلازمة نادرة جداً على المستوى العالمي
المتلازمة دي بتخلي المخ يدي أوامر لمركز الأعصاب والعضلات إنها تتحرك بطرق أعنف بكتير من اللي كانت متعودة عليه في الطبيعي .. فيتفاجئ المريض بقوة مهولة خارجة منه مكانش يعرف اصلا إنها عنده ، القوة دي بتشتغل أول ما يبدأ يحس بأذى من أي شخص تاني
آدم : ايه الكلام دا !!!
معنى كدا إن أي حد هي متدايقة منه هيقربلها هتقوم تضربه ؟؟
الدكتور : بالظبط .. ومش أي ضرب
هتضربه ضرب عنيف جداً وممكن توصل معاها للقتل ، وللأسف مش هتكون في وعيها تماماً في اللحظات دي
آدم : ودا اللي حصلها وداليدا موجودة أول ما فاقت وشافتها .. اتااااري داليدا بتقولي قامت ضربتني من غير مااعملها حاجة
الدكتور : لا هو بالنسبة للنقطة دي البنت مش على حق طبعاً
آدم : مش فاهم ؟؟
الدكتور : اسماء الممرضة شافت اللي حصل من أول ما البنت دخلت لحد ما مليكة قامت تضربها
تقدر تروح تسألها وهي هتقولك
آدم : تمام شكراً يادكتور
ساب الدكتور وراح على غرفة الممرضات .. خبط ودخل
آدم : هي فين آنسة اسماء ؟
اسماء الممرضة رايحاله : أيوة انا .. اتفضل
آدم : كنت عاوز اسألك على حاجة كدا حصلت من شوية
الممرضة : مفيش مشكلة
آدم : هو ايه اللي حصل قبل ما مليكة تقوم تضرب البنت الي كانت واقفة معاها ؟؟
الممرضة : كنت داخلة اغيرلها المحلول فلقيت البنت دي داخلة قولتلها انتي مين قالتلي صحبتها وقريبة منها جدا
خلاص ماشي سيبتهم وجالي مكالمة خرجت أرد عليها .. خلصت المكالمة وبتلفت عشان أدخل لقيت مدام مليكة صاحية وتعبانة جداً وبتحاول تستوعب الموقف لسة
البنت اللي كانت واقفة اللي اسمها دا….
آدم : داليدا
الممرضة : أيوة هي دي
قالتلها شوفتي ربنا بيعمل ايه في البني آدم الطماع
طمعتي في حاجة مش بتاعتك وحاولتي تاخديه مني ودي كانت اخرتك
ردت قالتلها هو مين اللي خدته منك !!
قالتلها آدم .. آدم بتاعي لوحدي ولو قربتيله مرة تانية متزعليش من اللي هيحصلك
مدت ايديها ومسكت ايديها وهي بتقولها : فاهمة ولا اقول تاني ؟؟
وفي ثواني مليكة مسكت ايديها وراحت قايمة واقفة جابتها من شعرها وبدأت تضرب فيها بكل قوتها وداليدا مبقتش قادرة تقاوم
آدم بغضب ووشه احمر : وكانت بتقولها ايه في الوقت دا ؟
الممرضة : لا مدام مليكة مكانتش بتتكلم ولا بتعلق كانت بتضرب بس ، وكأنها مش في وعيها اصلا
آدم : أفهم من كدا إن مليكة ممكن تبقي لحد دلوقتي مفاقتش ١٠٠٪ ؟؟
الممرضة : حاجة زي كدا .. الدكتور هيفيدك اكتر بقا
آدم : تمام شكراً يااسماء
طلع من جيبه فلوس اداهالها … خرج من الأوضة وقف برا
طلع تليفونه وبعت رسالة لداليدا
“آدم : انا حلفتلك برحمة أبويا إن لو عرفت إنك بتحاولي تأذي مراتي مش هرحمك .. من أول دلوقتي حاولي تبعدي عني بقا ياداليدا عشان انا لو لمحتك هزعلك على نفسك “
بعت الرسالة وقفل الفون .. راح على أوضة مليكة تاني
شد نفس الكرسي وقعد جنبها .. بصلها وهي نايمة
آدم : وبعدين يامليكة .. هنفضل نلف حوالين نفسنا كدا كتير
طول عمرك مكنتيش حاسة بحبي ليكي ، ولما جيت الحقيقة تاهت مني وبقيت مغيب .. ولما عرفت الحقيقة انتي اللي وعيك غاب ، ولما رجعلك وعيك بنسبة بسيطة كنت انا مش موجود
وبردو لما رجعت غيبتي تاني … صدقيني انا محتاجلك أوي يامليكة
محتاجلك لدرجة إني نفسي بس أشوف عينك مفتحة ومش طالب حاجة تاني
جاي يتحرك حس إن رجله واجعاه جدا .. رفع البنطلون
مكان ضربة ابراهيم بالمقص في رجله عمل جرح واتلوث
سند آدم دماغه ع السرير ، راح في النوم من تعب اليوم
❤️ أذان الفجر بيأذن ❤️
صحي إبراهيم على صوت أذان الفجر .. حاول يحرك نفسه متكتف ومش عارف يتحرك
بدأ يحك ايده في الكرسي عشان يقطع الحبل لحد ما قطعه وقام … جري يحاول يفتح باب المخزن مش بيفتح
إبراهيم بيدب برجله في رجله المخزن : وبعدين بقااااااا في ام القرف دااااا
ماشي ياادم .. ورحمة أبويا مااااشي
🌏🌏🌏🌏🌏🌏🌏🌏🌏🌏🌏🌏🌏
*في القصر *
أمينة في اوضتها عمالة تعيط .. خبطت عليها ثرية ودخلت
ثرية : مالك ياامينة بتعيطي ليه ياحبيبتي
أمينة بتمسح دموعها : لا مفيش حاجة
ثرية : مش عليا انا بردو دا احنا اخوات .. مالك ياحبيبتي فضفضيلي
أمينة : إبن يسيب الجمل بما حمل ويضرب بينا كلنا عرض الحائط ويمشي .. والتاني يسيبنا في الظروف دي ويسافر ، وأخته تمشي وراه وتروح معاه
لا والأجمل إن محدش فيهم فاكر إن عنده أم يقولها قبل ما يمشي من البيت
ثرية : معلش ياامينة التمسيلهم الأعذار ، وبالنسبة لآدم انتي عارفة كويس هو قد ايه بيحبك وشايلك من ساعة موت أبوه الله يرحمه .. واستحالة هيطنشك أو يعمل حاجة تزعلك بس فيه حاجة مفقودة انا مش فاهماها
أمينة : قصدك ايه
ثرية : مش عارفة والله ياامينة بس انا من ساعة ما فتحت الباب وملقتش مليكة في الأوضة و سمعت بالسفرية المفاجأة الغريبة دي وانا قلبي واكلني .. حاسة ان فيه حاجة احنا مش عارفينها
امينة : ماهي حاجة زي ايه طيب متقلقنيش
ثرية : مش عارفة .. ربنا يسترها عليهم ياامينة
يلا تعالي نصلي الفجر وننام بقا اليوم دا طويل اوووي
💖🖋️بقلم همس حسن° 🖋️💖
💖✨💖✨💖✨💖✨💖✨💖✨💖✨
في الطرقة اللي قدام أوضة مليكة .. سهيلة بتنام على نفسها وهي قاعدة ، دماغها كانت هتقع
شدها إسلام وحط على كتفه .. قلع الجاكت بتاعه وحطه عليها ، سند دماغه على الحيطة لورا وغمض عينه هو كمان
💖✨💖✨💖✨💖✨💖✨💖✨💖✨
∆° بعد ٣ ساعات °∆
النهار بيشقشق وآدم لسة حاطط دماغه على السرير زي ماهو ونايم .. حس بحاجة غريبة بيفتح عينه
مليكة مقرفصة ع السرير وماسكة مقص حاطاه على رقبة آدم ••• قام آدم اتنطر من مكان وبعد عنها
آدم : بتعملي ايه يامجنوووونة 😱😱😱
مليكة عينيها حمرا من الغضب وبصوت عالي : وبمنتههههههههي البجاحة نايم جنبي يابججججججح
آدم : اهدي يامليكة اهد…
مليكة : اهدى ااااااايه اطلع براااااااااا مش عاوزة أشوف وشششششك
آدم بيقرب منها : يابنتي اسمعي بس انا …
مليكة : والله العظيم ياادم خطوة كمان وهقتللللك .. ابعد عني احسنلك واخرج من الاووووووضة
سهيلة وإسلام صحيوا على الصوت ودخلوا جري
سهيلة : ايه ده ايه ده في ايه يامليكة
مليكة : خرجوا الحيواااان دا برا مش عايزة اشووووفه
إسلام بيشد آدم : خلاص تعالي تعالي ياادم
آدم : اجي فيييين هي لازم تسمعني يااسلام
إسلام : هتسمعك بس بعديييين مش وقته خالص
خده إسلام وخرج بيه على برا ..
سهيلة بتحضن مليكة : حمدالله على السلامه ياحبيبتي
مليكة بتحضنها : الله يسلمك
سهيلة بتعيط : متتخيليش إحساسي ايه بعد ما شوفتك بخير كدا
مليكة : انا جيت هنا امتى وازاي
سهيلة بصالها ومبلمة
مليكة : متخافيش ياسهيلة انا فاكرة آخر حاجة حصلت .. بس اللي مش فاكراه انا جيت هنا ازاي
سهيلة : اغم عليكي وهو شالك جابك علي هنا .. ومن ساعتها وهو هيتجنن يامليكة والله متعرفيش هو كان..
مليكة : أنا مش عايزة أسمع سيرته تاني .. وبعد إذنك متخليهوش يخش المكان اللي انا فيه تاني عشان اقسم بالله هقتله وانا مبقولش أي كلام
سهيلة : طب خلاص خلاص اهدي
مليكة : انا عاوزة اخرج من هنا
سهيلة : بس لسة الدكتور مكتبلكيش علي خروج
مليكة : روحي اندهيله وانا هقوله
سهيلة : حاضر
خرجت سهيلة تنده للدكتور
*برا الأوضة *
إسلام : اهدي ياادم وبإذن الله خير
آدم : وهييجي منين الخير في الوضع دا يااسلام
إسلام : ماهو انت بردو استغبيت ياادم .. اشحال لو مكنتش بتحبها يااخي كنت هتعمل فيها ايه ؟؟؟
آدم بغل : حط نفسك مكاني لما فجأة تعرف إن الإنسانة اللي بتحبها كانت حامل من واحد غيرك وكلللل اللي حواليك مخبيين عنك الحقيقة لمدة سنتين بما فيهم جوازكم .. كنت هتعمل ايه وقتها
إسلام بيبص في الأرض وساكت
💥💥💥💥💥💥💥💥💥💥💥💥💥
الدكتور داخل لمليكة
الدكتور : حمدالله على السلامة دا احنا فوقنا وبقينا زي الفل اهو 😍
مليكة : بعد اذنك يادكتور انا عاوزة أروح ضروري
الدكتور : لا طبعا انتي المفروض تفضلي تحت الملاحظة على الأقل يوم كمان
مليكة : لا لا انا مش هقدر أقعد هنا اكتر من كدا
الدكتور : امممم .. في الحقيقة فيه حاجة كنت عاوز أكلمك فيها
مليكة : اتفضل يادكتور
الدكتور : الحادثة اللي حصلتلك واللي جيتي بسببها على هنا كانت لازم تتثبت في محضر رسمي حفاظاً على حقوقك بما إنك كنتي فاقدة الوعي وقتها
وحالياً الظابط مستنيكي تفوقي عشان ياخد اقوالك ويعرف اللي حصل حصل ازاي وهل عاوزاه يتصعد ويبقى محضر رسمي ولا هتسامحي في حقك .
مليكة بصاله وساكتة .. وبعد ثواني
مليكة :
🔥🖋️بقلم همس حسن° 🖋️🔥
🔥🔥🔥🔥🔥🔥🔥🔥🔥🔥🔥🔥🔥
معاذ ونشوى نايمين ع السرير في حضن بعض والاوضة من الشمس اللي داخلة من الشباك
وفجأة 💥
روان بتفتح الباب وداخلة ..
يتبع…
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 16
.

رواية أجبرني أعشقه الفصل السادس عشر 16 بقلم همس حسن
معاذ ونشوى نايمين ع السرير في حضن بعض والاوضة من الشمس اللي داخلة من الشباك
وفجأة 💥
روان بتفتح الباب وداخلة .. الباب مبيفتحش
قعدت تخبط ع الباب جااامد
روان : افتح يامعااااذ انا عارفة إنك جوا افتتتتح بقولك
معاذ ونشوى صحيوا مسروعين نطوا من عالسرير ولبسوا هدومهم بسرعة
روان بتخبط اجمد : افتتتتتح يامعاذ
معاذ بيبص لنشوى و بصوت واطي : خشي استخبي في البلكونة تكت الكنبة وانا هقفل عليكي من جوا .. بسررررعة
دخلت نشوى بسرعة تحت الكنبة وهو قفل البلكونة
معاذ : ايوووة جاي حاضر
راح فتح الباب بسرعة
معاذ : فيه ايه ياروان انتي بتفتحي على حرامي !!
روان داخلة بسرعة تبص حواليها : انت بتعمل ايه هنا يامعاذ .. وايه اللي موترك كدا
معاذ : يابنتي انتي مجنونة ولا مهووسة شك في ايه مالك
هو انتي مش طردتيني امبارح بالليل من الأوضة .. كنتي عايزاني أنام فين يعني ؟؟؟؟
روان : معاذ انت مخبي حاجة وانا متأكدة من دا
معاذ : وانا هخبي اااايه عنك يعني 😱
وهو بيتكلم بصت على رقابته لقيتها متخربشة .. متكلمتش ولا علقت
رمت عينيها على السرير شافت روج كاشمير ملحوس في الملاية … بردو متكلمتش
راحت وقفت قدام التسريحة
مسكت في ايديها مشط فيه شعر حريمي
رفعت المشط قدام عين معاذ
معاذ واقف متلبش مكانه عرقان من الكسوف والهوف وكل همه ييجي في بالها تفتح البلكونة وساعتها يروحوا في داهية بجد
سابت من ايديها المشط وبدون ولا كلمة فتحت باب الأوضة وخرجت على برا
معاذ واقف مستغرب من تصرفها وإنها متكلمتش ولا كلمة
طلعت روان على اوضتها وقفلت على نفسها الباب ••• خرجت نشوى من تحت الترابيزة فتحلها معاذ الباب ودخلت الأوضة
نشوى : حست بحاجة ؟
معاذ : غالباً عرفت إني كنت بخونها .. بس بالنسبالك انتي مفيش أي دليل
نشوى بتغمض عينيها : طيب الحمدلللللله 🤦🏼‍♀️
معاذ : طب حوار إنها عرفت اني بخونها دا محركش حاجة جواكي بإذن الله 🤔
نشوى : ياحبيبي .. بالنسبة لخيانتك هي كدا كدا عارفة ودا مش جديد عليها
اللي كان هيبقي جديد بجد إنها تكشفني انا كمان
معاذ : طب وبعدين .. هنعمل ايه ؟
نشوى : هنستني نشوف رد فعلها الأول وعلى حسب رد الفعل هيكون التصرف
بس خد بالك .. اللي جاي هيكون مهم جدااااا وكله خطر ، وعلى فكرة هي غالباً مش هتلحق تعمل حاجة دلوقتي عشان السنيورة اختها في المستشفي
معاذ : مليكة في المستشفي ؟!
نشوى : اه
معاذ : ليه كدا .. وعرفتي منين ومحدش في البيت عارف اصلا
نشوى : متستقلش بمصادري ها
معاذ : تمام ربنا يسترها .. انا هخرج من الاوضة دلوقتي وانتي ظبطي الدنيا وكمان ساعتين كدا لما تتأكدي إن مفيش حد مركز اطلعي انتي كمان
نشوى : متقلقش عليا
⚫✨⚫✨⚫✨⚫✨⚫✨⚫✨⚫✨
*في المستشفى *
آدم واقف على باب الأوضة يسمع اللي بيتقال
الدكتور : ها يامدام مليكة .. قررتي ايه ؟؟
مليكة : مفيش محاضر هتتعمل
الدكتور : يعني ايه
مليكة : يعني انا وجوزي بنحب بعض ومفيش أي حاجة من الكلام اللي حضرتك قولته لا فيه اغتصاب ولا يحزنون هو يمكن العشم خدنا بس شوية لكن دا ملهوش اي علاقة بالعنف وبقضية الرأي العام اللي حضرتك كنت ناوي تفتحها دي
الدكتور : انا آسف يامدام مليكة بس هي دي قوانين المستشفى عندنا لما بتجيلنا أي حالة من الحالات دي بنبلغ الحكومة عشان نخلي مسؤوليتنا من أي حاجة
مليكة : وانا بقول لحضرتك انتو فهمتو غلط ومفيش حاجة من الكلام
آدم بيبرق
بينه وبين نفسه : الفرصة جاتلها لحد عندها ورفضت !!
الدكتور : تمام اللي يريحك يامدام مليكة
مليكة : اللي يريحني إن حضرتك تكتبلي على خروج بقا عشان انا خلاص اتحسنت وبقيت زي الفل
الدكتور : تمام بس لازم نعملك سونار الأول على الجرح اللي في الرحم عشان نتطمن إن النزيف مش هيرجع تاني
مليكة : مفيش مشكلة
💖✨💖✨💖✨💖✨💖✨💖✨💖✨
*في أوضة روان *
روان قافلة الباب على نفسها وقاعدة على السرير .. عمالة تفتكر كل حاجة حصلت من ساعة مااتجوزت معاذ ومن أول مرة اكتشفت خيانته لحد اليوم اللي خانها فيه في نفس البيت
قلبها بيتقطع من الوجع والقهر اللي حاسة بيه
*ودا شئ طبيعي *
🔥 الخيانة مفيش أصعب منها وإحساسها ميتوصفش مهما حاولنا نعمل دا .. إحساس بيخلع القلب من مكانه ، روح الإنسان بتقيد ناااار من جواه لا قادر يطفيها ولا حتى يتعايش معاها عشان بتموته بالبطئ كل مرة بيفتكر إن حبيبه/خطيبه/ زوجه بيخونه أو حتى بيفكر في حد غيره •• ربنا ما يكتب الاحساس دا على أي حد منكم 🔥
وبعد سلسلة ذكريات جت في دماغ روان .. وتخيلها إن ابنها اللي نايم بيعيط جنبها دا ممكن يكبر في يوم من الأيام ويشوفها بالضعف دا
فتحت درج الكومودينو .. طلعت شريط برشام كامل ، مسكته في ايديها وبدأت تبصله
🔥🔥🔥🔥🔥🔥🔥🔥🔥🔥🔥🔥🔥🔥
*في المستشفى *
خلصوا الكشق والسونار .. سهيلة بتلبس مليكة وبتلملها حاجتها ، خلصوا وخرجوا على برا
آدم : انا هنزل اجهز العربية
مليكة : إسلام .. انا هركب معاك عربيتك
انا عايزة أشوفه ولا اتوجد معاه في مكان واحد
آدم بيبصلها بحزن : تمام يااسلام روح وصلهم انت بعربيتك
سهيلة : لا ياادم انا هركب معاك
إسلام : تمام .. تعالي يامليكة
نزلوا هما الأربعة ، مليكة مع اسلام .. سهيلة مع آدم
*في عربية إسلام *
إسلام : حمدالله على سلامتك يامليكة .. قلقتينا عليكي
مليكة : الله يسلمك يااسلام .. ربنا يخليك
معلش تعباك معايا بقا
إسلام : متقوليش كدا يابنتي دا انتي مرات اخويا يعني اختي
مليكة بتبص ع الطريق وعينيها بتدمع
إسلام : آدم عرف كل حاجة
مليكة بتبرق : كل حاجة اللي هي ايه ؟؟؟؟
إسلام : عرف إنك بريئة وبتداري على حد .. بس معرفش مين الحد دا
مليكة : وانت عرفت منين الحد دا يبقي مين ؟؟
إسلام : دا حوار يطول شرحه .. المهم هنعمل ايه
مليكة : اوووووعى يااسلام .. اوعى آدم يعرف اي حاجة أبوس ايدك
انا قعدت بعاني سنتين عشان آدم بالذات ميعرفش حاجة زي كدا ومش هقبل بالبساطة دي إنها تتفضح قدامه ويقتلها
دا عمل فيا انا كل دا وانا حياله بنت عمه .. امال لو أخته بقا
إسلام : متقلقيش انا عمري ما هعرفه حاجة زي دي
بس لازم نلاقي حل بردو .. ادم مش هيسكت
مليكة : بلاش نتكلم عنه أحسن .. اللي جوايا ناحيته كتييييييير اوي ولو طلع انت نفسك هتزعل على صاحبك
🔥🔥🔥🔥🔥🔥🔥🔥🔥🔥🔥🔥🔥🔥
*في عربية آدم *
آدم بيسوق ومش شايف الطريق ولا العربيات .. مش شايف غير
شكل مليكة وهو بيعذبها ، شكلها وهي في المستشفي .. مش شايف غير كلام الدكتور وهو بيقوله عندها متلازمة نادرة وياعالم هتروح امتى
ووسط التوهة دي كلها
سهيلة بتطبطب عليه : حاسة بيك ياادم
آدم : انا محدش هيحس بالنار اللي جوايا دي غيري ياسهيلة .. انا دمرتها بأيدي
سهيلة : انا معاك انك غلطت ، وغلطة كبيرة اوووي
بس كل حاجة ليها حل .. والغلط بيتصلح والنفوس بتهدى وبتتصافى ياادم
أهم حاجة الفترة الجاية تعمل المستحيل عشان تصلح غلطك دا
آدم : سهيلة .. انتي متأكدة إنك متعرفيش حاجة عن الشخص اللي هي بتداري عليه او حتى السر في الحوار اللي حصل دا كله
سهيلة بتبص قدامها بتوتر
آدم : سهيلة انا بكلمك
سهيلة : لا ياادم وانا هعرف منين
آدم : يعني معقولة صاحبتها وقريبة منها اوووي كدا ويعتبر قاعدتكو كلهااا سوا ومتعرفيش سر مهم زي دا
سهيلة بتوتر : مليكة مش زي مانت فاكر ياادم .. مليكة بير غوووويط وكتومة بطريقة بشعة ، متقدرش تطلع الكلمة منها غير بإعجوبة ودي بالذات انا مقدرتش اطلعها منها
آدم : اممم .. ماشي ياسهيلة
بس لو المرة دي كمان عرفت أنك كنتي عارفة حاجة عن الموضوع من قريب او من بعيد هتبقى بزعلة بجد .. خليكي فاكرة
سهيلة : ماشي ياادم
رجعت بصت على الطريق وهي متوترة وايديها بتترعش من الخوف
🤍🖋️بقلم همس حسن🖋️🤍
🤍✨🤍✨🤍✨🤍✨🤍✨🤍✨🤍✨
العربيتين وصلوا البيت .. نزلوا ودخلوا البيت
العيلة كلها قاعدين في الريسبشن ماعدا روان … شافوهم داخلين
ثرية قامت جري حضنت مليكة
ثرية : حمدالله على السلامة يانن عيني
بتمسك وشها انتي كويسة ياقلب امك
مليكة : اه ياماما زي الفل الحمدلله
ثرية : زي الفل ايه دا انت وشك أصفر وقد اللقمة زي ماتكوني خارجة من وعكة صحية .. مش منظر واحدة جاية من شهر عسل خالص
مليكة : لا مفيش انا بس جالي دور برد من تغيير الجو وكدا .. انا هطلع أشوف روان عشان عاوزاها
دخل آدم باس ايد أمينة ودماغها .. أمينة زعلانة ومش عايزة تبصله
سلموا على العيلة كلها
رفعت : هو انت كنت معاهم في السفرية يااسلام ؟
اسلام : لا انا كنت جاي لادم بالصدفة وقابلته برا
رفعت : اهااا
آدم : انت زعلان مني في حاجة ياجدي ؟؟
وفجأة سمعوا مليكة بتصوت بعلو صوتها فوق
“الحقوووووني اطلعوا بسرررررعة “
برقوا وكلهم وجريوا على فوق (رفعت – آدم – سهيلة – إسلام – ثرية – نشوى – معاذ)
💥💥💥💥💥💥💥💥💥💥💥💥💥
مليكة طالعة لروان .. بتفتح الباب وداخلة
لقت روان مرمية في الأرض فاقدة وعيها ، شفايفها زرقة وجسمها متلج وجنبها شريط برشام فاضي
مليكة بتلطم : يانهار اسوووووود 😱😱 بتنتحري ياروان بتنتحررررررري
بتهز فيها جامد : روااااااااان قوووووومي ياروان
الحقوووووني اطلعوا بسرررررعة
وصلوا الأوضة ودخلوا جري
رفعت : ايه يابننننتي فيه ايه
ثرية بتدب على صدرها : ياحوستي .. بنتتتتتتي
معاذ بيبرق مصدوم ومبينطقش
نشوى بتبتسم من تحت لتحت
سهيلة بتبص على الكومودينو لقت ورقة بيضا ولسة هتفتحها
آدم بيزقهم وداخل يجري على جوا .. نزل على الأرض بسرعة يشيلها
مليكة بتمسك ايده وبعياط : اوعي ايييييدك ومتلمسش اختتتتي
آدم : اووووعي يامليكة مش وقتتتته
شال روان وجري بيها على تحت بسرعة وكلهم وراه .. سهيلة حطت الورقة في جيبها ونزلت وراهم بسرعة
حطها آدم في عربيته وجري يركب قدام عشان يسوق .. ركبت مليكة جنبها بسرعة وثرية من الناحية التانية وبقيتهم في عربية إسلام ، داس بنزين أعلى حاجة وجري على المستشفى
مليكة بتهز روان : روان .. ياروان ردي عليا أبوس ايدك انا مش ناقصة تعب أعصاب
انا هستحمل اي حاجة إلا بعدك عني ياروان والنبي ماتسيبيني لوحدي
ثرية بتحاول تمسك نفسها : تبعد عنك اااايه ما تلمي نفسك اختك ززززي الفل ومفيهاش حاجة هي بس تلاقيها داخت شوية من الدوا
مليكة بتعيط : ياروان ردي عليا والنبي بقا
آدم : اهدي يامليكة .. اهدي وادعيلها احسن ربنا يخفف عنها ويقومها بالسلامة بسرعة
مليكة بغضب : انت متتكلممممممش خااالص مش عاوزة أسمع صوووووتك
آدم : حاضر يامليكة سكتت
*في عربية إسلام *
رفعت : دوس بنزين أعلى يابني عاوزين نجري بسرعة
إسلام : دايس والله بس اكتر من كدا هنعمل حادثة
سهيلة على الكرسي اللي جنبه : معلش يااسلام تاعبينك معانا اليومين دول
إسلام : متقوليش كدا يابنتي تعبكم راحة .. ربنا يطمنكم عليا يارب وتقوم بألف سلامة
نشوى : يارب يااسلام يارب
وصلوا المستشفي .. نزل آدم جري فتح الباب وشال روان ودخل بيها جري على قسم الطوارئ اداهالهم .. اخدوها وخرجوهم على برا
فضلوا كلهم رايحين جايين متوترين جدااا ومليكة عمالة تعيط
ثرية : استر ياستار .. استر ياستار
مليكة : يعني اللي حصل دا معناه ايه .. معقولة حاولت تنتحر ؟؟؟
رفعت : وايه اللي هيخليها تحاول تنتحر .. لا معتقدش ، روان أعقل من كدا بكتير
سهيلة : مليكة .. كان فيه حاجة كدا عايزة اوريهالك
مليكة : ايه هي
سهيلة : انا لقيت الورقة دي ع الكومودينو جنب روان وهي واقعة
مليكة : وريني
أخدت الورقة فتحتها
“طول عمري بمشي زي مانتو عايزين وبعمل اللي يريحكم ، بس المرة دي اسمحولي انا مش قادرة هقدر استحمل •• مش هقدر استحمل واعيش مع واحد خاين بعد ما شوفت خيانته بعيني لمجرد إني معصيش كلمتك ياجدي ، او موجعش قلبك ياامي ، او مشردكش ياابني
وقفت قدامك ياجدي وقولتلك انا تعبت ، اتحاميت فيك وقولتلك طلقني .. وكان ردك المعتاد “لا”
بس انا فعلاً تعبت من الحياة دي ، وكفاية اوي لحد كدا “
مليكة قرت الورقة وبدأت العفاريت تتنطط قدام عينيها .. وشها احمر وحواجبها اترقعت
رفعت عينيها وبصت لمعاذ
آدم : ايه دا واضح إن النوبة هتيجي لمليكة حالا
ولسة بيتحرك عشان يمسكها بسرعة طارت مليكة مسكت طفاية الحريق وبكل قوتها رزعتها في دماغ معاذ “هقتلللللك يامعاذ ” 💥💥
يتبع…

[فيتامين سي]

الحلقة 17
الحلقة 18
.
.
رواية / اجبرني اعشقه
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 17
.
.
ولسة بيتحرك عشان يمسكها بسرعة طارت مليكة مسكت طفاية الحريق وبكل قوتها رزعتها في دماغ معاذ “هقتلللللك يامعاذ “
دماغ معاذ ساحت دم جري آدم بسرعة يمسكها خبطته هو كمان بالطفاية في دراعه اتنطر بعيد
مليكة بتبص لمعاذ : حسبي الله ونعم الوكيل فيييييك انت السبب في كللللل حاجة اقسم بالله لو اختي حصلها حاجة لاقتلللللك يامعاااذ
نشوى بتلطم على وشها 😱
كلهم جريوا شدوها بسرعة وشدوا الطفاية منها
معاذ بيتوجع من دماغه والدم اللي نازل منها .. جم الممرضات بسرعة اخدوه على أوضة وبدأوا يعملوله إسعافات أولية
آدم : اهددددي يامليكة هتودي نفسك في دااااهية 😱
مليكة : بالذات مسمعش صووووتك متوجهليش كلااااام
رفعت ماسك الورقة بيقراها هو كمان ووشه احمر من الغضب
مليكة : ايه رأيك ياجدي في اللي عملته فينا
ثرية : ششششش اسكتي يامليكة انتي ازاي تكلمي جدك بالطريقة دي
مليكة : النهاردة واحدة بتموت في المستشفي عشان مش اجبرتها متطلقش وامبارح اختها كانت هتموت في نفس المستشفي بسبب انك اجبرتها تتجوز .. مبسوط دلوقتي ؟؟؟؟
رفعت باستغراب : امبارح اختها بتموت في نفس المستشفي ؟!!!!!
ايه الكلام دا ياادم
ثرية بتبرق
مليكة : مش مهم نشرح لحد اللي حصل امبارح .. المهم إن اقسم بالله لو اختي حصلها حاجة ههد المعبد عاللي فيه .. وسعواااا
سابتهم وخرجت على برا والعفاريت بتتنطط في وشها
ثرية قعدت علي جنب حطت ايديها على دماغها وقعدت تعيط
آدم بيبوس دماغها : متقلقيش ياامي ، هتقوم وهتبقي زي الفل
رفعت واقف باصص لادم وعلى لسانه مليون سؤال عايز يقولهم
آدم : إسلام تعالى عايزك
مشي في الطرقة بعيد عنهم هو واسلام
إسلام : ايه ياسطي خير
آدم : عايز منك خدمة ضروري جداً
هديك لوكيشن دلوقتي ومفتاح .. هتنزل من هنا تجيب أكل وتروح على اللوكيسن هتلاقيه مخزن تفتحه بالمفتاح اللي معاك وتدخل هتلاقي إبراهيم محبوس جوا .. تديله الأكل وتقفل عليه كويس وتيجي
إسلام : ابراهيم ايه ؟؟؟؟؟؟
انت أكيد بتهزر صح
آدم : إسلام مش وقت شرح خاااالص .. أعمل اللي بقولك عليه وانت هفهمك بعدين
عشان وسط المصايب اللي بتحصل دي كلها ممكن هو يموت من الجوع هناك
إسلام : خلاص ماشي
اخد منه المفتاح واللوكيشن ونزل على تحت .. رجعلهم آدم
آدم : عمتي انتي وشك أصفر ليه كدا .. أنزل اجيبلك عصير او حاجة تشربيها ؟؟
نشوى : لا ياحبيبي انا كويسة متقلقش
آدم : تمام
الدكتور خارج
كلهم جريوا عليه بسرعة
آدم : خير يادكتور
ثرية : طمني علي بنتي الله يرضى عنك
الدكتور : مكدبش عليكم .. الدوا اللي اخدته كان قوي جدااا واذى الكلى والمعدة عشان انتو مجيبتوهاش في ساعتها
بس احنا عملنالها غسيل معدة واديناها مجموعة أدوية كدا هتنيمها شوية ولما تصحى نشوف الدنيا فيها ايه .. ممكن تدخل تقعدوا في الأوضة اللي جنبها دي بدل مانتو واقفين في الطرقة ولما تبدأ تفوق هنندهلكم
آدم : ماشي يادكتور شكراً
ثرية : الحمدلله يارب الحمدلله
رفعت : الحمدلله جت سليمة
سهيلة بتحضن ثرية : شوفتي ياعمتي مش قولتلك هتقوم بالسلامة
خدهم آدم ودخلوا الأوضة المجاورة ..
آدم واقف معاهم بس مخه مع مليكة .. ياترى راحت فين؟
وبتعمل ايه ؟ مينفعش نسيبها لوحدها
بس انا لو روحتلها دلوقتي هزود البلى طين وهتصرخ في وشي
آدم : بقولك ايه ياسهيلة
روحي شوفي مليكة فين كدا وايه ظروفها
سهيلة : انا كدا كدا كنت هروحلها بس مستنية اتطمن على عمتو ثرية الاول
ثرية : لا ياحبيبتي انا كويسة متقلقيش .. روحي شوفي مليكة هي أهم دلوقتي
سهيلة : حاضر ياعمتو
🤍🔥🤍🔥🤍🔥🤍🔥🤍🔥🤍🔥🤍🔥
خرجت سهيلة وبدأت تدور على مليكة كل مكان مش لقيالها أثر … راحت على السلم تنزل تدور عليها يمكن قاعدة عليه
وبتلف عشان تنزل حرف الكوتشي خبط في ترابيزين السلم كانت هتقع مسكت في الترابزين بسرعة لقت حد بيمسكها من ضهرها وبيعدلها
اتنطرت بسرعة تشوف مين دا
إسلام : ايه يابنتي مش تخلي بالك
سهيلة غمضت عينيها وبلعت ريقها
سهيلة : انت بردو .. انا بقيت حاسة إن ربنا باعتك تنقذني من اي مصيبة بس 😹
إسلام : اهو ربنا بيسترها بقا بأي شكل انا مجرد سبب 😂😂 بس بردو أبقي خلي بالك ها
سهيلة : حاضر .. انت كنت نازل رايح فين كدا
إسلام : مفيش دا مشوار شغل كدا رايح اقضيه لآدم بسرعة وجاي تاني
سهيلة : طب ينفع بس توصلني في طريقك البيت ابص على ماما عشان قاعدة لوحدها من ساعة ما مشينا وزمانها قلقانة جدا .. ومش هتعرف تلاقيها التليفون وتتصل بينا ، دا غير إن ياسين ابن روان معاها واكيد مش هتعرف تتصرف معاه لوحدها
إسلام : خلاص ماشي تعالي اوصلك البيت واروح مشواري وارجع اخدك وانا راجع ونيجي المستشفي تاني
سهيلة : تمام يلا بينا
🔥🖋️بقلم همس حسن 🖋️🔥
🤍🔥🤍🔥🤍🔥🤍🔥🤍🔥🤍🔥🤍🔥🤍
مليكة قاعدة في أوضة مهجورة في آخر المستشفي ومنهارة عياط ..
Flash back 📸🔙
من ١٦ سنة
ثرية : ابوكو سابنا ومشي ومش هيرجع تاني .. اقلموا نفسكو ان ابوكوا مااااات
Flash back 📸🔙
الدكتور : للأسف الحالة النفسية السيئة اتسببت في إعاقة في الرجل اليمين لأختك .. وهيبقي صعب شوية انها تخف
Flash back 📸🔙
سهيلة : الحقيني يامليكة .. انا في مصيييييبة وآدم لو عرف هيقلتني
Flash back 📸 🔙
آدم : انتي اوسخ بني آدمة شوفتها في حياتي .. انتي شيطانة اتربت معانا في نفس البيت لحد ما كبرت
Flash back 📸🔙
رفعت : ياتتجوزي آدم ياهرجعك لأبوكي
Flash back 📸🔙
آدم بيغتصبها بمنتهى العنف وبدون ذرة رحمة أو قلب
Flash back 📸🔙
روان مرمية على الأرض شفايفها زرقة وجسمها متلج وياسين على صرخة واحدة جنبها
قامت فجأة مليكة وبدأت تصوت بعلو صوتها
مليكة : حرااااااام اللي بيحصل دا حرام انا تعبببببت ياربي تعبت اقسم بالله
قامت وبدأت تشيل في كل حاجة وترزع في الأرض
مليكة : اشمعنا انا بيحصل فيا كدا ياربي هي الدنيا وخدالي اجازة كفااااية بقا كفاية
دموعها تنزل زيادة وتدب وتخبط وترزع في الحاجات وتصرخ بعلو صوتها .. وايديها تتجرح من كل حاجة بتدب فيها
وفجأة جه حد ومسك ايديها الاتنين
آدم : كفاية يامليكة حرام عليكي نفسك ياحبيبتي
مليكة بتزقه : اووووعى كدا سيبننننني
آدم بيمسك ايديها اجمد عشان متفكش منه : مش هسيبك تأذي نفسك اكتر من كدا .. مليكة انا بحبك
مليكة بتبصله وعينيها مليانة دموع
آدم : أيوة سمعتي صح يامليكة .. اقسم بالله بحبك وبعشق التراب اللي بتمشي عليه
انا عارف إني غلطت بس عندي إستعداد أعمل ااااي حاجة عشان ارضيكي
هي بتشد ايديها وهو بيمسك ايديها اجمد لحد ما شدها في حضنه وقفل دراعاته عليها جامد اوووي
آدم بيعيط وهي في حضنه : لو بإيدي كنت دخلتك جوايا أقسم بالله وحميتك من الدنيا باللي فيها
مليكة بتفتكر اليوم اللي اغتصبها فيه *النوبة جاتلها* وشها بيحمر وعروقها بتبرز
بتحاول تزقه جامد لكن طبيعي رغم النوبة اللي عندها هو أقوى منها .. فضل حاضنها حوالي دقيقة وهي بتحاول تزقه ، لحد ماقدرت تفلفص وتبعد عنه
مليكة : انت عايز مني اااااايه
آدم : عاوزك انتي يامليكة .. عاوزك تسامحيني بأي شكل ، اطلبي ااااي حاجة وانا هعملهالك
انا بحبك يامليكة والله العظيم ماحبيت في حياتي قدك
مليكة : حب ايه اللي بتتكلم عنه ياادم
هو تعرف يعني ايه حب من أساسه ؟؟
طب اقولك سر انت مكنتش تعرفه
آدم : قولي ياحبيبتي
مليكة : من سنتين .. وقبل الحادثة دي مباشرةً
لو كنت جيت قولتلي انا عايز اتجوزك انا مكنتش هاخد دقيقة تفكير
عارف ليه ؟؟
عشان انت كنت غالي عندي اوووووي ياادم .. كنت غالي بطريقة انت متتخيلهاش
لانك ببساطة مكنتش مجرد *ابن عمي* انت عوضتني عن حاجات كتيييير اوي
كنت بشوف فيك إحساس الأب ، وحنان الأخ ، وجدعنة الصديق
من يوم مااتولدت وانا كل يوم قبل ماانام كنت بغمض عيني وانا بقول “الحمدلله يارب خدت منين أشخاص كتير وعوضتني بشخص واحد بس يغنيني عنهم كلهم “
لما كنت بقع في اااي مشكلة كنت انت أول واحد بلجأله وانا من جوايا وااااثقة إنك الوحيد اللي مش هتخذلني ••• وفجأة
اكتشفت إني كنت أكبر مغفلة في الحياة
*آدم باصصلها وعينه كلها دموع *
مليكة : اكتشفت إني كنت مغفلة لما اتحطيت في موقف إني لازم أتصرف وبسرعة .. وقتها فكرت فيك انت أول واحد
بيني وبينك خوفت اخسرك .. بس حاجة جوايا اتكلمت وقالتلي لا يامليكة
آدم لو عارفك بجد هيحس بيكي
هيحس إن فيكي حاجة هيحاول يفهمك يحاول يساعدك كالعادة
بس لما وقفت قدامي ومسكت دراعاتي الاتنين وقولتلي “انتي بني آدمة قذرة” وقتها انا حسيت إني خسرت أكبر خسارة في حياتي
زي مااكون عندي عيلة كبيييييييرة اوي وفجأة توهت لوحدي في صحرا
عيشت سنتين كاملين في كابووووس .. سنتين كل يوم بصحى على أمل إنك تفوق وتفتكر أنا مين
لحد ما جه اليوم اللي اتجبر فيه إني اتجوزك .. وبدل ما يكون أسعد يوم في حياتي
كان يوم مليان نكد وخوف “ياترى هيعمل فيا ايه؟؟”
ياترى هيخيب ظني فيه ولا هيطلع أصيل بجد
بس اليوم بتاع امبارح كان بمثابة القشة اللي قطمت ضهر البعير .. اليوم بتاع امبارح دا مش بس قفلني منك
دا قفلني من صنف الرجالة كلللللله
إذا كنت انت و لا أبويا ولا جدي ولا جوز اختي ولا ولا ولا
محمد جاي من بعيد : بس فيه راجل واحد عمره ما كان هيخذلك لولا الظروف يامليكة .. مفيش راجل في الدنيا هيقدر يحبك او يحميكي قد ابوكي
مليكة بتتلفت على أبوها وبتبرق .. دموعها نازلة ووشها احمر
آدم بيبصله والشر بينط من عيونه الاتنين
آدم : انت ايه اللي جابك هنا ؟؟
محمد : جاي أشوف بناتي الاتنين واعرفهم إن أبوهم لسة عايش
مليكة : الكلمة دي انت متنطقهاش تاني
احنا أبونا مات من زمااااان اوي وخدنا عزاه وبقيتا يُتما
محمد : انتي متعرفيش انا عملت كدا ليه عشان تحكمي عليا
مليكة : وانت متعرفش احنا شوفنا ايه غيابك عشان ترجع دلوقتي
محمد : واديني جاي أصلح غلطتي دلوقتي وانقذكو انتو الاتنين
أنقذ أختك من جوزها اللي خانها .. وانقذك من الحيوان اللي واقف دا
مليكة : الحيوان اللي واقف دا يبقى جووووزي وتاني مرة هتغلط فيه انا هتصرف معاك تصرف يزعلك وانا إنك في يوم من الايام ليك صلة قرابة بيا
آدم بيبرق 😳 : بسم الله الرحمن الرحيم ملبوسة دي ولا ايه
مليكة : ع الأقل اوي اللي قدامك دا وقف في ضهري لسنييييين طويلة انت مكنتش موجود فيها وكنت عايش حياتك مع واحدة قد عيالك
وإن كان حصل بيننا كام خلاف الفترة الأخيرة فدا عمره ما هينسيني هو عمل معايا ايه في غياب ابو… ، اللي كان بالاسم أبويا
محمد : اللي بتعمليه دا هتتحاسبي عليه قدام ربنا
مليكة : ياسيدي مني لربنا بقا أطلع انت منها وابعد عني وعن اختي وامي احسنلك
محمد : انتي بتهدديني يا… بنتي ؟؟
مليكة : أولا انا مش بنتك
ثانياً .. اه بهددك يامحمد ياخشاب
ولو حاولت تختلط بينا تاني هبدأ انفذ التهديد دا
محمد بيقرب منها : مليكة فوووقي
آدم بيزقه بعيد : لو قربت من مراتي خطوة كمان انا اللي هزعلك
محمد بيضحك بسخرية : بسم الله ماشاء الله على تربيتك يابويا .. حقيقي براڤو 👏
تمام •• انا همشي واسيبك في اللي انتي فيه أحسن يامليكة
بس اعملي حسابك هتروحي البيت تلاقيني مستنيكوا عشان نصفي حساباتنا بقا
مليكة بتبصله بغضب .. زقتهم وخرجت على برا ووراها آدم
راحوا في إتجاه أوضة روان يشوفوها فاقت ولا لسة
🔥✨🔥✨🔥✨🔥✨🔥✨🔥✨🔥✨
*في عربية إسلام *
إسلام : بس غريبة يعني
سهيلة : هي ايه اللي غريبة
إسلام : اللي انا أعرفه إن انتي وروان علاقتكو ببعض مش قد كدا .. بس الخوف اللي شوفته في عينيكي عليها النهاردة ميوحيش بكدا ابدا
سهيلة : الضافر عمره ما يطلع من اللحم يااسلام ..
روان بنت عمي وبيننا صلة دم وأيا كان اللي حاصل بيننا كل دا هييجي في لحظة ومش هيكون ليه وجود نظراً لكل السنين اللي عيشناها سوا في بيت واحد كبير كأخوات
إسلام بيبتسم : انتي جميلة اوي ياسهيلة
سهيلة بتضحك : ليه بتقول كدا ؟
إسلام : رغم كل اللي مريتي بيه في حياتك والخذلان اللي اتعرضتيله لسة بيضا ونضيفة من جواكي ومبتعرفيش تكرهي حد
سهيلة : الدنيا مش مستاهلة فلان يكره فلان يااسلام .. دا غير إني بصراحة لما فكرت حسيت إن عندها حق
انا نفسي لو مكانها ولقيت واحدة اذت أختي وخلت منظرها زبالة كدا عشان تحمي نفسها لازم يبقى دا إحساسي ناحيتها
إسلام : معلش كله هيتحل مع الوقت بإذن الله .. بس والنبي ماتزعلي نفسك عشان خاطري
سهيلة : حاضر ❤️❤️
💖✨💖✨💖✨💖✨💖✨💖✨💖✨
مليكة وآدم داخلين عليهم ..
قعدت مليكة جنب امها وخدتها بالحضن
رفعت : تعالي ياادم عايزك في موضوع مهم
آدم : تمام ياجدي تعالي
🔥🔥🔥🔥🔥🔥🔥🔥🔥🔥🔥🔥🔥
*إسلام وصل اللوكيشن *
إسلام : بقولك انا انا نازل مشوار سريع كدا اول الشارع وجايلك تاني .. متتحركيش من العربية بس
سهيلة : تمام
نزل إسلام من العربية وراح في إتجاه المخزن .. وصل
فتح الباب بالمفتاح .. زقه ودخل على جوا يدور على إبراهيم
مش شايف اي حاجة قدامه ، وفجأة
جه ابراهيم من وراه ضربه على دماغه ضربة جامدة جدااا بحديده .. وخرج يجري على برا
وقع اسلام في الأرض ساح في دمه وفقد الوعي ..
في مكان فاضي ومخزن مفيهوش حد
تفتكروا حد هيلحقه .. ولا هيموت بالنهاية المأساوية دي 💔💔
🔥🔥🔥🔥🔥
يتبع…
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 18
.
رواية أجبرني أعشقه الفصل الثامن عشر 18 بقلم همس حسن
وقع اسلام في الأرض ساح في دمه وفقد الوعي ..
في مكان فاضي ومخزن مفيهوش حد
🔥🔥🔥🔥🔥🔥🔥🔥🔥🔥🔥🔥🔥🔥
*في العربية *
سهيلة بتبص في الساعة : ايه يابني اتأخرت اوي ليه كدا !!
مسكت تليفونها ورنت عليه .. التليفون يرن للآخر ومحدش يرد
قعدت تفكر شوية .. ملقتش حل غير إنها تفتح باب العربية وتنزل تدور عليه
سهيلة ماشية : المفروض إنه يكون في مكان قريب جدا من هنا .. هو قالي مش هتأخر
تبص يمين وشمال وتدور ، مش لاقية اي حاجة !
وفجأة وهي ماشية شافت مخزن خشب مفتوح على وسعه .. الفضول قتلها تبص جوا تشوف مين اللي فاتح مخزن في صحرا وسايبه كدا
وبعد ما خطت اول خطوة بتبص قدامها *إسلام مرمي في الأرض وسايح في دمه !!*
سهيلة بعلو صوتها : اسلااااااااااام 😱😱😱😱
🔥💥🔥💥🔥💥🔥💥🔥💥🔥💥🔥💥
على أول الشارع .. إبراهيم واقف مستني أي عربية ولكن نظراً للمكان المهجور اللي هو واقف فيه فين وفين لما لقى عربية
إبراهيم : بقولك ايه ياباشا لا مؤاخذة بس
الراجل : اتفضل يابني
إبراهيم : كنت عاوز تليفون اعمل مكالمة ضروري جداً
الراجل : ماشي بس تعالي اركب معايا .. معلش يابني التليفون غالي
إبراهيم: لا يابا ولا يهمك
ركب جنبه العربية وخد تليفونه ، اتصل بنشوى
نشوى شافت رقم غريب بعدت عنهم وردت
نشوى : الو ؟؟؟
إبراهيم : انا إبراهيم ، هبعتلك اللوكيشن عالواتس دلوقتي ابعتيلي اي حد ياخدني بسرعة او حتي تعالي انتي بأي عربية خوديني
نشوى : إبراهيم ؟!!!
انت بتتكلم من رقم غريب ليه يابني وكنت مختفي الفترة دي كلها فين
إبراهيم : مش وقته ياعمتي تعالي خوديني بسرعة
نشوى : طيب طيب اقفل
قفلت معاه نشوى وخرجت عليهم
نشوى : بقولكو ايه ياجماعة معلش .. انا صحبتي مزنوقة في الشارع في كمين كدا ومش عارفه تروح فأنا مضطرة أروح اسلكها بسرعة واوصلها البيت
ثرية : طب خليكي انتي هنبعت اي حد م الرجالة
نشوى : لا لا لا هروح انا معلش هي مش بترتاح لحد غيري
ثرية : امممم .. خلاص ماشي خدي بالك من نفسك
نشوى : حاضر حاضر
💖🖋️بقلم همس حسن 🖋️💖
💖✨💖✨💖✨💖✨💖✨💖✨💖✨
سهيلة : يانهار اسووووود ايه الدم دا وايه اللي عمل فيك كدا يااسلام قووووم
بتهز فيه وبتحاول تقومه مبيقومش
سهيلة بخوف وعياط : يالهووووي عليا أعمل ايه دلوقتي ياربي
يااسلام فوق الله يباركلك والنبي ماتسيبني في الموقف دا لوحدي
بتلطم : وانت هتفوق ازاي بالدم اللي نازل منك دا كلللله 😱😱
لا انا لازم أتصرف بسرعة
قامت جري وقعدت تدور حواليها على اي قماشة
جابت قماشة كبييييرة وجريت بسرعة تنشف الدم وتحاول تكتم الجرح عشان مينزفش
سهيلة : طب انا دلوقتي كتمت الجرح أعمل ايه عشان تفوق بقا
بتهز فيه وبتعيط جامد : يااسلام فوق ابوس ايدك فوق متوجعش قلبي عليك دا انا ماصدقت لقي…
ايه اللي انا بقوله دااااا 😱😱😱
جابت شنطتها بسرعة تطلع تليفونها افتكرت إنها سابته في العربية ، وعلى ماتوصل للعربية ياعالم هيكون حصل ايه
حطت ايديها في جيبه طلعت تليفونه .. ومن سوء الحظ التليفون كان ١٪
فتحت جهات الاتصال وجاية تتصل بسرعة
الفون فصل شحن
سهيلة : يالهووووي عليا ايه ام الحظ دا
قامت خرجت جري على برا ووقفت على أول الشارع توقف أي عربية .. بدأت تنده بعلو صوتها
الحقوووووني معايا واحد بيمووووت حد يلحقناااا ياجدعااان
العربيات رايحة جاية ومحدش بيبصلها ولا بيسمعها .. ورا شجرة واقف إبراهيم شايفها ومستخبي لحسن تشوفه
فقدت سهيلة الأمل تلاقي حد يقفلها او يساعدها .. دخلت جري تاني على المخزن وبدأت تشد في إسلام تخرجه على برا
وطبعاً إسلام تقيل جداااا عليها مش قادرة تخرجه
وبما ان دا مخزن خشب تبع شركتهم “الخشّاب” لقت لوح خشب طوييل .. جابته وحطته جنب إسلام
نقلت إسلام عليه بالعااافية وبدأت تشد في اللوح نفسه لحد ما خرجت برا
حطت إسلام باللوح في نص الشارع بالظبط
سهيلة : سامحني يااسلام بس دي أنسب طريقة أخلي حد يقفلنا
شافت عربية جاية من بعيد وقفت تتنطط وتشاور .. سواق العربية شاف اسلام في نص الطريق وسهيلة واقفة تنده وقف
الراجل : خير يابنتي في ايه
سهيلة : أبوس ايدك ساعدني فيه واحد معايا بيموت وعمالة ينزف دم جامد اوووي وفاقد الوعي محتاجة اوديه على أقرب مستشفى ضروري جداااا
نزل الراجل جري من العربية وشال معاها إسلام حطه في العربية .. ركبها وركب ودور وساق على أقصى سرعة *في إتجاه أقرب مستشفى*
*في أوضة في المستشفي اللي فيها مليكة *
آدم ورفعت داخلين
آدم : خير ياجدي كنت عاوزني في ايه ؟
رفعت : انا سمعت طراطيش كلام كدا من بوق مليكة معناهم إنها كانت في مستشفى امبارح
ممكن تقولي ايه اللي حصل بقا ؟؟
وليه خبيت عننا كلنا وكدبت وقولت انكو مسافرين
آدم : هو انا اللي عاوز أسأل حضرتك بجد ياجدي
ازاي قدرت تخبي عليا حاجة زي دي
رفعت : نخبي عليك ايه ياادم ؟؟
آدم : تخبي عليا إن مليكة شريفة ومحدش لمسها وإنها كانت بتداري علي حد تاني
رفعت بيبرق : انت عرفت منين الكلام دا
آدم : عرفت امبارح .. لما اغتصبتها كنوع من أنواع الانتقام واكتشفت إنها لسة بنت
رفعت بتوتر : وعرفت كانت بتخبي علي مين ؟؟
آدم : لا معرفتش ودا اللي مش هسكت إلا مااعرفه
بتركيز : انت تعرف حاجة ياجدي ؟؟
رفعت : لا طبعا هعرف منين
آدم : عموماً كونكو خبيتوا عليا كلكوا الحقيقة اتسبب في إني خسرت أنضف بني آدمة في الدنيا .. انا لحد دلوقتي مش فاهم ازاي قدرتوا تعموا كدا
رفعت : احيانا في حاجات بيبقى قلة معرفتها احسن يا ادم
ادم حتى لو الحاجه دي تخص مراتي اللي هي شرفى وعرضى !!
رفعت : ماشي عموما انا كنت بتطمن مليكة دخلت المستشفى امبارح ليه .. وبالنسبة للاسئلة اللي عمال تسألها دي كلها هجاوبك عليها لما نخلص من الحوار دا ، بنت عمك تحت الملاحظة جوا وياعالم الموضوع هيرسى على ايه
آدم : ماشي ياجدي .. المهم انت ناوي تعمل ايه في حوار روان
رفعت : تعالي ورايا وانت هتسوف
خرجوا على برا .. ثرية قاعدة ماسكة نفسها ومبتنزلش دمعة
مليكة قاعدة مهرية عياط ومش قادرة تتمالك
دخل رفعت ووراه آدم الأوضة اللي فيها معاذ .. معاذ كان فارد ضهره ع السرير اول ما شافهم قام اتنطر
رفعت : خليك نايم يامعاذ .. انا جاي في كلمتين
معاذ : اتفضل ياجدي
رفعت : هسألك ٣ أسئلة وهتجاوب بمنتهي الوضوح والصراحة ودا احسنلك طبعاً
معاذ بيبلع ريقه : تحت أمرك ياجدي
رفعت : انا مش جددددك .. انا ابقي رفعت بيه الخشاب
فاهم ؟؟
معاذ : فاهم .. فاهم يارفعت بيه
رفعت : نسأل بقا ال٣ أسئلة
خونت روان فين ؟
ومع مين ؟
وروان شافتكوا ازاي ؟
معاذ باصصلهم وبطنه مكركبه : يارفعت بيه انتو فاهمين غل
رفعت : معاااااااذ انا مش عيل صغير وروان حفيدتي عمرهااا ما كانت هتعمل كدا من الباب للطاق فإنطق احسن ماانطقك بطريقتي
معاذ : في أوضة من اوض الضيوف اللي كنت قاعد فيها
رفعت : مع مين ؟؟؟؟؟
معاذ : واحدة معايا في الشغل .. دخلتها القصر من الباب الخلفي وطلعنا على فوق من غير ما حد يحس بينا
وانا مخونتش روان .. هي كانت جاية تقعد معايا عادي
آدم : انت هتستعبط يالااااا
رفعت : ااااادم
آدم : ماشي ياجدي سكتت
رفعت : ماشي يامعاذ .. بغض النظر عن بقيت التفاصيل
روان حاولت تنتحر عشان تتخلص منك .. وانا مش هستني لما تموت وتضيع مننا بجد
معاذ : يعني ايه
رفعت : يعني مجرد ما روان تفوق وترجع على البيت هنجيب المأذون ونطلق في نفس اليوم
معاذ : انت الي بتقول كدا يارفعت بيه
رفعت : انا اللي بقول .. دا كله مبدأيا
تاني حاجه بقا ودي الأهم
انت هتشوفها مرة واحدة يوم الطلاق .. بعدها لو وريتها وشك او فكرت تدايقها بأي شكل هخفيك من على وش الأرض .. أمين ✋👂
معاذ : ماشي يارفعت بيه اللي تشوفه
🔥🔥🔥🔥🔥🔥🔥🔥🔥🔥🔥🔥🔥🔥
خرجوا على برا .. آدم بص على مليكة
قاعدة ساندة راسها على الحيطة وراها وعينيها وارمة من العياط وباين عليها الدوخة والتعب
نزل آدم على الكافيه يجيب عصير وباتيه للكل
وهو واقف مستني الراجل يحضر الحاجات
آدم باستغراب : ايه دا هو إسلام مكلمنيش كل دا يطمني ليه !!
طلع الفون واتصل بإسلام *تليفونه مقفول !!*
آدم : انا ليه قلبي مش مرتاح ؟؟
الراجل بيديله الحاجات .. أخدها منه وخرج على برا
🔥🔥🔥🔥🔥🔥🔥🔥🔥🔥🔥🔥🔥🔥
*قدام المخزن *
نشوى وصلت بعربيتها .. بدأت تبص حواليها تشوف بين ابراهيم
خرج من ورا شجرة وركب معاها
نشوى : ايه فيه ايه ياابراهيم؟؟
إبراهيم : فيه إن آدم قفشني ياعمتي
نشوى بتبرق : قفشك فين 😳
إبراهيم : قفشني وانا بحاول أقتل مليكة
نشوى : ياحووووستي السودا قفششششك 😱😱😱😱
قولتلك ميت مرة بلاش حوار القتل دا .. انا عايزة ااذيها وهي حية
إبراهيم : مش قادر ياعمتي .. نااااار بتقيد جوايا كل ماافتكر إنه ممكن يلمسها
نشوى : طب المهم عمل ايه لما شافك
إبراهيم : كتفني وجابني على المخزن هنا حسبني وقالي انه هيسلمني للحكومة بعد ما مليكة تخرج م المستشفي ومشي .. والنهاردة باعتلي البيه إسلام صاحبه بشوية أكل
ضربته وجريت .. وقع الأرض ساح في دمه كدا بس انا قولت مبدهاش بقا مش هضيع نفسي عشانه
نشوى : يانهارك اسوووود ومهبب .. انت بتستعبط ياابراهيم
انت بتبوظ كلللل حاجة بإيديك ولو اتقفشنا هنتقفش بسببك انت
إبراهيم : طب هنعمل ايه دلوقتي ياعمتي
نشوى : هعمل ايه يعني ، هروح اداريك في اي مخبأ لحد ما نشوف صرفة في اللي انت هببته
إبراهيم : تمام
بتدور العربية عشان تمشي جالها رسالة واتس اب من سليم
فتحت الرسالة ••
سليم : بقولك ايه يامدام نشوى .. فيه حوار كدا حصل امبارح ولازم أكلمك فيه ضروري جدااا
لما تفضي وتخلصي اللي في إيدك كلميني عشان نتفق هنتقابل فين وازاي
نشوى بتقرا الرسالة وبطنها بتكركب
“ياترى فيه ايه ؟؟!”
إبراهيم : فيه حاجة ياعمتي ولا ايه
نشوى : لا لا مفيش حاجة
إبراهيم : اومال مطلعتيش بالعربية ليه
نشوى : هطلع اهو
دورت العربية ومشيت وهي ركبها بتخبط في بعضها
🔥🔥🔥🔥🔥🔥🔥🔥🔥🔥🔥🔥🔥🔥
رجعلهم آدم وفي ايده شنط العصير والباتيه
آدم : انا عارف إنه مش وقته بس الاكل ملهوش علاقة بأي حاجة ولازم تاكلوا عشان تقدروا تواصلوا وتقفوا على رجليكوا .. هي فين مليكة
رفعت : دخلت الأوضة اللي جنبنا دي
آدم : تمام خدوا الأكل بقا
ادى لرفعت العصير والباتيه .. وجاي يدي لثرية
ثرية بتعب : لا يابني مش عايزة اكل
آدم بيقعد جنبها : بصي ياامي .. انا عارف إنك متماسكة قدامنا ومن جواكي هتموتي من زعلك ووجعك ، بس صدقيني الأكل ملهوش اي علاقة
الأكل هو البنزين اللي هيوقفك على رجلك عشان تقدري تقويها
آدم : خدي بقا كلي ياامي بالله عليكي
ثرية بطبطب على رجله : حاضر ياحبيبي .. هاحط حاجة في بوقي عشان خاطرك
اخد آدم باتيه وعصير ودخل على أوضة مليكة
🔥🔥🔥🔥🔥🔥🔥🔥🔥🔥🔥🔥🔥🔥
الراجل وصل بسهيلة وإسلام المستشفي .. نزلت سهيلة جري ندهت للناس بتوع الطوارئ ييجوا يشيلوا إسلام
جم اخدوه بسرعة على جوا
الراجل : اي خدمات تاني ياانسة ؟؟
سهيلة : لا شكراً جدااااا لغاية كدا ربنا يكرمك ويقعدهولك في عيالك يارب
الراجل : ربنا يقومهولك بالسلامة .. سلام عليكم
سابها وركب عربيته ومشي ، فضلت سهيلة رايحة جاية في الطرقة مرعوبة وبتعيط
سهيلة : والنبي تقومه بالسلامة يارب دا غلبان وعايش عشان يخدم غيره بس
يارب دا انا ماصدقت لقيت حد اتسند عليه وميبقاش ليه ااااي مصلحة لو حصله حاجة انا المرة دي هتهد فعلاً
قعدت على الكرسي وحطت ايديها على دماغها وبدأت تقرا قرآن
💖✨💖✨💖✨💖✨💖✨💖✨💖✨
داخل آدم بشنطة الباتيه والعصير .. طلع باتيهاية وعلبة العصير ومد ايده بيهم لمليكة
آدم : خدي يامليكة حطي اي حاجة في بوقك ، انتي لسة خارجة من المستشفي ومحتاجة حاجة تقويكي شوية
مليكة ديرت وشها الناحية التانية بغضب ومن غير ماترد بولا كلمة
آدم : مليكة .. ياملييييكة ؟؟
بصلها لثواني وبعدين راح قاعد جنبها
آدم : طيب ، معنديش مشكلة إنك متاكليش بس اسمحيلي اشرحلك اللي هيحصل بعد ما متاكليش
امبارح انتي كنتي محجوزة في المستشفي ونزفتي دم كتير جدا .. ولو الدم دا متعوضش بحاجة تنقذك بسرعة هيغم عليكي تاني واحتمال يجيلك هبوط في الدورة الدموية او تدخلي في غيبوبة
وساعتها ايه اللي هيحصل 🤔
اللي هيحصل إن أختك الغلبانة دي أول ما تفوق كمان شوية ومتلاقيكيش قدامها هييجي في دماغها حاجة واحدة بس
أبويا سابني زماااان وانا صغيرة وباعني ، جوزي خانني ، جدي اجبرني اكمل مع واحد خاين ، ودلوقتي حتى أختي اللي حاضرين مع بعض كل حاجة واللي مبحبش في حياتي اكتر منها هي كمان سايباني ومش واقفة جنبي في موقف زي دي
وساعتها انتي هتتبسطي صح ؟؟
مليكة باصة قدامها وبردو مبتردش
آدم : اممم ، شكلك هتتبسطي ، خلاص ماشي اللي يريحك بقا
مد ايده يلم الباتيه والعصير عشان يمشي .. وفجأة اتعدلت وراحت شادة الباتيه من ايده خرجت من الكيس وبدأت تاكل وهي دموعها نازلة
آدم بيبتسم : أيوة كدا
هتسامحيني يامليكة .. ورحمة أبويا لأجبرك تسامحيني واجبرك كمان تحبيني
بس مش هجبرك بالإكراه ، هجبرك بالحب
💖✨💖✨💖✨💖✨💖✨💖✨💖✨
الدكتور خارج على سهيلة بسرعة
سهيلة قامت تجري : خييير يادكتور طمنني ، عايش صح
الدكتور : المريض نزف دم كتير جداااااا ومحتاجين نقل دم فوراً
سهيلة : انااا مستعدة ، فصيلة دمه ايه ؟؟
الدكتور : ياانسة بقولك نزف كتير ، يعني هنحتاج قصاده دم كتير بردو
سهيلة : مش مشكلللللة .. المهم يقوم بالسلامة بس
الدكتور : طيب تعالي أدخلي معايا هنحللك ونشوف الفصيلتين متطابقين ولا لا
سهيلة : يلا بينا بسرعة
دخلت معاهم على جوا
💖✨💖✨💖✨💖✨💖✨💖✨💖✨
وصلت نشوى بإبراهيم شقة بعيدة جداً .. فتحت بالمفتاح ودخلت
نشوى : الشقة دي بقا محدش هيعرف يوصلك فيها
إبراهيم : خلاص ماشي .. بس الكلام دا لغاية امتي منا عايز اتحبس
نشوى بغيظ : تتحبس هنا ولا تتحبس ع البُرش ياابراهيييييم
ابراهيم : لا لا خلاص هتحبس هنا عادي
نشوى : طيب .. هسيبك بقا عشان ورايا مشوار كدا وبعدين اروحلهم المستشفى تاني
ابراهيم : تمام
خرجت نشوى من عنده نزلت على تحت ركبت عربيتها ،طلعت الفون واتصلت بسليم
نشوى : هبعتلك اللوكيشن اللي هنتقابل فيه حالاً
سليم : متتأخريش
نشوى : سلام
قفلت معاه وبعتتله اللوكيشن على الواتس اب ، دورت العربية وطلعت
🔥🔥🔥🔥🔥🔥🔥🔥🔥🔥🔥🔥🔥🔥
*في المستشفي *
مليكة خارجة من الأوضة الي كانت فيها عليهم ، على خروج الدكتور من اوضة روان
الدكتور : تقريباً هي هتبدأ تفوق كمان دقايق ، تقدروا تدخلوا تقعدوا معاها جوا
دخلوا جري كلهم على أوضة روان .. وكانت روان بتبدأ تفوق
وطت عليها مليكة وبدأت تبوس في دماغها وايديها
روان بتعب وتوهان : ابني .. ابني فيييين
ياسين
مليكة : ابنك معانا ياحبيبتي متخافيش ، وكلنا جنبك اهو
روان بتأتأة وعينيها لسة بتفتح : مليكة
ابني فين يامليكة
مليكة : في البيت ياحبيبتي والله معانا ، المهم انتي تبقي كويسة بس وتقوميله بخير
روان فتحت كويس وبتبص حواليها : انا فين
ثرية بتبوس في ايديها : انتي في المستشفي ياحبيبتي وبقيتي زي الفل
بقا كدا تعملي فينا الحركة دي وتوجعي قلب امك عليكي
افتكرت روان كل حاجة شافتها ، عينيها بدأت تدمع وهي بتبص لجدها
رفعت : حمدالله على سلامتك ياحبيبتي .. انا عارف إنك زعلانة مني ، بس خلاص اللي انتي عاوزاه هيتعمل
آدم واقف على جنب بيبصلهم وزعلان جدا على الوضع اللي عيلته وصلتله
روان بتبص الناحية التانية : انا عاوزة أروح لابني
آدم : ازاي ياروان انتي لسة تعبانة مينفعش طبعاً
روان : وانا بقول عاوزة ارووووح لابني ، عاوزه اشوفه واخده في حضني
رفعت : خلاص ياادم روح انده للدكتور يلا واحنا هناخد معانا ممرضة تخلي بالها منها هناك
💖✨💖✨💖✨💖✨💖✨💖✨💖✨
*في المستشفى التانية *
الدكتور : آنسة سهيلة .. للأسف فصيلتين الدم مطلعوش متطابقين
انتي فصيلتك o وهو فصيلته A+
سهيلة : يعني ايه الكلام دا .. شوفلي حل يادكتور بسرعة
الدكتور : طيب في الحالة دي تقدري تشتري أكياس دم ، بس دا تعمليه بسرعة جدااا طبعاً عشان هو كدا في خطر
سهيلة : يالهوي هجيب فلوس منين دلوقتي ؟؟؟
دا انا سايبه شنطتي وكل حاجة في عربية إسلام عند المخزن 🤦🏼‍♀️🤦🏼‍♀️
واحدة داخلة من الباب : بقولك ياانسة لو سمحتي
سهيلة : اتفضلي
البنت : انا جوزي جوا في العمليات ومحتاج فصيلة الدم بتاعتك دي ضروري جداً ، وانا فصيلتي A بلاس
ممكن نبدل ، انا ادي المريض بتاعك وانتي تدي جوزي
سهيلة : طب تمام حلو جدااا .. يلا يادكتور
🔥🔥🔥🔥🔥🔥🔥🔥🔥🔥🔥🔥🔥🔥
وصلت نشوى اللوكيشن وقابلت سليم
نشوى : خير ياسليم ؟
ايه الحاجة الضرورية اوي اللي تخليك تجيبني على ملى وشي بالمنظر دا
سليم : عملت كل اللي قولتيلي عليه .. وكان معايا ورق وناوي امضيها
بس اللي حصل إن انا اللي اتمضيت
نشوى : يعني ايه !!!!
سليم : إسلام صاحب آدم جه في اخررررر لحظة ومعاه سلاح
صورني ومضاني على وصولات أمانة تودي في داااهية
نشوى : انت غبببببببي .. متعرفش تعمل اااااي حاجة عدلة في حيااااتك 😱😱😱
سليم : بقولك ااااايه .. انا لحد دلوقتي عامل كلللل حاجة طلبتيها مني ، ودلوقتي انا اتطليت واي حركة هتلطع مؤبد
شوفيلي حل بقا
نشوى : وايه هو الحل بقا ؟؟
سليم : انا اكيد مش هقعد في البلد دي تاني بعد اللي حصل فيا واللي اتكتب عليا
وكدا كدا انا نفسي أسافر من زمان .. تعمليلي جواز سفر وتديني حق السفر وقرشين اقعد بيهم هناك لحد مااكون نفسي واعمل مشروع
نشوى : نعععععم يااخويا .. انت عايزني اضيع كللل اللي لميته الفترة اللي فاتت واديهولك انت
دا لما تشوف حلمة ودنك ان شاء الله
سليم : امممم .. مانتي لو فكرتي فيها هتلاقي إن كدا كدا ممكن كل اللي جمعتيه يضيع في ثواني
نشوى : بمعني ؟؟؟
سليم : بمعنى إن لو مديتينيش الفلوس دي عشان أسافر بيها واسيبك في حالك .. العيلة كلها هتعرف مين اللي عامل فيهم كلللل دا وساعتها غصباً عنك هتخسري كلللل حاجة
نشوى : انت بتهددني ؟!!!!
سليم : اه بهددك يانشوى .. قولتي ايه؟؟
نشوى : قولت أعلى ما في خيلك اركبه ياسليم
سليم : خلاص ✋ انتي اللي اختارتي
استخبي بقا في أي حتة الفترة الجاية دي
🔥🔥🔥🔥🔥🔥🔥🔥🔥🔥🔥🔥🔥🔥
ومن هنا هتبدأ النار تحرق أي حد مؤذي
يتبع…

[فيتامين سي]

الحلقة 19
الحلقة 20
.
.
رواية / اجبرني اعشقه
علقوا هنا ب 10 ملصقات
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 19
.
.
نشوى : انت بتهددني ؟!!!!
سليم : اه بهددك يانشوى .. قولتي ايه؟؟
نشوى : قولت أعلى ما في خيلك اركبه ياسليم
سليم : خلاص ✋ انتي اللي اختارتي ..
استخبي بقا في أي حتة الفترة الجاية دي
نشوى بتضحك بسخرية : هو انت فاكرني تلميذة يابني ؟؟
بتطبطب عليه : روح ألعب بعيد ياشاطر .. ولو عرفت تمسك عليا حاجة ابقى أعملها
سليم بيضحك بصوت عالي : لاهو انا مقولتكيش
مش انا مسجلك كل حاجة من أول مرة اتفقنا فيها 😂😂😂
نشوى ملامح وشها بتتغير : مسجلي ايه ؟
سليم : مسجلك تسجيل صوتي ياقلبي
كلللل حاجة من أول مرة ندهتيلي فيها وقولتلك عايزاك في موضوع مهم .. رغم إنك كنتي مقدمالي كل سبل الطاعة إلا إني وقتها حاجة اتكلمت جوايا وقالتلي لا ياض يا سليم .. الناس الأكابر دي ميتآمنش ليها وممكن في اي لحظة تغدر بيك
نشوى بصاله ومتنحة
سليم : شكلك لسة مش مصدقاني .. تحبي اسمعك ؟؟؟ 😂😂
ولا انتي بتفكري ازاي تخطفي الفون من ايدي دلوقتي وتمسحي كل حاجة ، بس ياخسارة
معايا نسخ كتيييير اوي من التسجيلات دي
يعني رايحة في داهية رايحة في داهية
هااااا .. هتديني الفلوس أسافر واعمل مشروع ؟
ولا اخدهم منك بطريقة تانية 😉
نشوى : هقتلك ياسليم .. هقتلك
سليم : لو تقدري تعمليها انا جاهز .. بس خلي بالك حاولي تعملي كدا في أسرع وقت
عشان انا من دلوقتي هبدأ أفكر مين أولى واحد ياخد التسجيلات دي
سابته ومشيت وكل الشر والحقد والغل اللي جواها طالع على وشها ..
❤️🔥❤️🔥❤️🔥❤️🔥❤️🔥❤️🔥❤️🔥❤️
*في المستشفي اللي فيها اسلام *
سهيلة اتبرعت بدم كتير جدااا لدرجة إنها بقت دايخة جدااا وعينيها عمالة تغرب
ومع كل تغريبة عين بتنطق “يارب قومهوله بالسلامة .. يارب اديله من ميزان أعماله وافضاله على الناس، وعليا اول واحدة “
غمضت عينيها وهي بتقول “ياااارب” فقدت وعيها
الممرضة : يادكتور .. البنت فقدت وعيها
الدكتور : طبيعي جدااا .. انا قولتلها بلاش واللي هتعمليه دا خطر جداً
اتبرعت بكمية دم مهولة
الممرضة : طيب هنعمل ايه
الدكتور : انقليها على اوضة مخصصة واعمليلها كل الاسعافات اللازمة
🔥🔥🔥🔥🔥🔥🔥🔥🔥🔥🔥🔥🔥🔥
آدم وصل بالعربية القصر .. نزل فتحلهم البيبان
نزل رفعت وثرية .. روان ومليكة
وبدأوا يدخلوا القصر ، مليكة مسندة روان وهي نفسها دايخة جدااا
آدم : تعالي يامليكة عشان انتي تعبانة ، انا هسندها
مليكة مردتش عليه وكملت في طريقها .. دخلوا القصر
مليكة طلعت بروان على القصر
رفعت : آدم .. تعالي ورايا ع المكتب عايزك
آدم : حاضر ياجدي
قبل ما يطلع وراه جرب تاني يتصل بإسلام “مغلق”
ضرب كف على كف وطلع ورا جده ع المكتب
💖🖋️بقلم همس حسن 🖋️💖
💖🔥💖🔥💖🔥💖🔥💖🔥💖🔥💖🔥
مليكة وروان وصلوا الأوضة .. وكانت أمينة قاعدة في الأوضة وماسكة ياسين
أمينة : حمدالله على سلامتك ياروان ياحبيبتي الف حمد وشكر ليك يارب
دخلت روان جري شالت ابنها وخدتها في حضنها وقعدت تعيط جامد اوي
مليكة راحت باست دماغ أمينة : ازيك ياامي عاملة ايه
أمينة : الحمدلله ياحبييتي .. حمدالله على السلامه ❤️
مليكة : الله يسلمك .. معلش احنا سيبناكي لوحدك ومشينا بسرعة بس اديكي شوفتي اللي كنا فيه
امينة : لا ياحبيبتي ولا يهمك .. أهم حاجة اتطمنا على روان إنها بخير ، انا كنت هتجنن والله
مليكة : ليه هي مش سهيلة جت تطمنك ؟؟
أمينة : لا سهيلة مجاتش !!
مليكة : مجاتش ازاي يعني ؟؟
أمينة : مش عارفة والله ماجت
مليكة : تلاقيها راحت مع إسلام في اي حتة قبل ماتجيلك ، زمانها على وصول
سابت روان ياسين علي سريره جنبها .. قعدت على السرير وسندت دماغها وراها
مليكة : انتي لو عملتي عملتك دي تاني ياروان أقسم بالله ما هوريكي وشي تاني
انا مرضتش اكلمك في المستشفي ، بس اللي عملتيه دا زعلني منك جدااااا
ايه مش شايفانا كلنا !! لما حاجة تزعلك من جوزك تنسي امك واختك وعيلتك وترمي كللل دا ورا ضهرك وتروحي تنتحري ؟؟!!
روان : لو حد حط نفسه مكاني لمرة واحدة بس هيفهم انا عملت كدا ليه
مليكة : طيب ياستي اتطمني .. جدك وافق على الطلاق
روان : بجد 😍😍
مليكة : اه والله .. قال أول ما تقومي بالسلامه هيجيب المأذون
روان بتتعدل : لا خلاص انا بقيت زي الفل والله ، انزلي قوليله انا جاهزة
مليكة : يابنتي اهدي علي نفسك شوية الدنيا مش طايرة
بقولك ايه صحيح ••
هو معاذ كان بيخونك مع مين جوا البيت ؟؟
روان بزعل وعيون مدمعة : معرفش .. اللي أعرفه إنه معنى انه قدر يدخلها جوا القصر يبقي حد قريب مننا
مليكة : لازم نعرف هي مين .. انا مش مقتنعة بحوار زميلته في الشغل دي
روان : أيا كان بقا .. ربنا يهني سعيد بسعيدة
قامت مليكة خدتها في حضنها
💖✨💖✨💖✨💖✨💖✨💖✨💖✨💖
بعد نص ساعة
*في أوضة إسلام *
إسلام نايم ع السرير .. دماغه ملفوفة
بدأ يفوق واحدة واحدة ، حط ايده على دماغه واتوجع جامد اوووي من صداع شديد جداا ووجع في راسه ودوخة
فتح عينه وبص حواليه : انا فين ؟؟
الدكتور : حمدالله على سلامتك يابطل .. انت في المستشفي
إسلام : مستشفي !!!
ليه ايه اللي حصلي ؟؟؟؟
الدكتور : جيت هنا بخبطة شديدة جدا على راسك كانت هتسببلك مشاكل كتير اوووي بس الحمدلله ربنا سترها والبنت اللي معاك قدرت تتصرف
إسلام : البنت اللي معايا !
مين البنت
الدكتور : آنسة سهيلة .. هي الي جابتك على هنا وكانت قلقانة جدااا عليك ولما اتطلب دم اتبرعت بدم كتير جدا عشان تنقذك
إسلام : طب وهي فين دلوقتي ؟
الدكتور : نقلناها أوضة تانية عشان حصلها مضاعفات من نقل كمية الدم دي كلها
إسلام : يالهوووي انا لازم اروحلها
بيقوم بسرعة دماغه وجعته جداااا حط ايده عليها “آااااااه”
الدكتور : يااسلام ميصحش اللي بتعمله دا تروح فين انت لسة خارج من وعكة جامدة جداً ومينفعش تتحرك دلوقتي اصلا خصوصاً وإن الحوار كله في دماغك
إسلام حاطط ايده على دماغه : مفيش الكلام دا انا لازم أروح أشوف سهيلة فين
الدكتور : متقلقش يااسلام هي حالياً متعلقلها محاليل وأدوية هتخليها زي الفل وهتجيلك هي بنفسها ، بس صدقني قومتك دلوقتي خطر جدااا
إسلام : طب هي كويسة يعني ولا تعبانة اوي
الدكتور : مانا قولتلك هي شوية مضاعفات بس وهتروح لحالها متقلقش
إسلام بيسند دماغه ورا وبيغمض عينه من الوجع والزعل على الموقف اللي هو فيه ، واللي حطها فيه
💖✨💖✨💖✨💖✨💖✨💖✨💖✨
*في المكتب *
آدم : خير ياجدي كنت عاوزني في ايه ؟
رفعت : اقعد ياادم
آدم بيقعد : حاضر
رفعت : صلي على النبي
آدم : عليه الصلاة والسلام
رفعت : بص ياادم .. الفترة اللي فاتت دي انا مكنتش بنام ، لازم اجوز مليكة لحد كويس وميستغلش السمعة اللي طلعت عليها ويقلل منها
آدم : سمعة ايه ياجدي ؟
مش احنا بس اللي عرفنا الموضوع ولا ايه
رفعت : للأسف لا .. ودا اللي مكنتش عايز أتكلم فيه طول الفترة اللي فاتت
فيه حد سرب الخبر من جوا البيت والخبر انتشر هنا وهناك ولما كنت بروح الشركة كانوا العملا نظرتهم ليا بتوضح إهانة كبيرة جداً لكياني وكيان العيلة الي تعبت سنين عشان اوصله للمستوى دا
وعشان كدا لو تفتكر انا بقالي حوالي سنة ونص مبخطيش عتبة الشقة ولما حاجة تطلب اعملها من البيت
آدم : ايه الكلام دا !!!
انا أول مرة اعرف الحوارات دي ياجدي
رفعت : مش هو دا موضوعنا
أكمل كلامي بقا •• لما حبيت اجوز مليكة اللي ربنا حطها أمانة في رقابتي فكرت كتيييير اوي ، مين أأمن واحد ممكن اسلمه الأمانة الغالية دي وميبهدلهاش .. وبعد تفكير طوووويل اكتشفت إن انت أنسب واحد لحاجة زي دي
وعشان كدا اجبرتكو انتو الاتنين على كدا
عشان عارف ومتأكد إنك لما تعرف الحقيقة هتكون أقوى ضهر ليها ، وهي لما تشوف دا منك هتحبك بجد
آدم باصص في الأرض : وبعدين
رفعت : عملت حوارات ومشاكل عشان اجوزكو في ٣ أيام بالظبط .. بس لما بعد دا كله تكون انت الشخص اللي تأذيها وتدخل المستشفي بسببك ااااانت ، يبقى انا كنت غلطان ياادم
وانا لما حد بيوقعني في الغلط مبرحمهوش حتي لو كان أبويا .. مليكة دي الملاك بتاع البيت
يوم ولادتها فتحت شراكة مع أكبر شركات استيراد خشب في العالم واتفتحلي باب رزق .. ومع كل سنة كانت بتكبر في البيت دا كانت بتزيد بركته واللي يخشه ويشوفها نفسه بتتفتح
وبعد ولادتها ب٦ سنين بقت عهدة مطلوب مني اربيها واكبرها واسلمها لعريسها اللي هيحطها في عينه اكتر مني انا شخصياً
وعشان كدا ياادم من اول دلوقتي .. لو عرفت لمرة واحدة إنك اذيتها تاني بأي شكل
حسابك معايا هيتقل اوي يااد…
آدم : من غير ماتكمل كلامك ياجدي .. انا غلطت غلطة كبيرة اووووي لما عملت كل دا فيها
ومن اللحظة اللي عرفت فيها الحقيقة خدت عهد على نفسي إن الباقي من حياتي كله هقضيه بفكر ازاي اخليها أسعد إنسانة في الدنيا .. بس هي تسامحني 💔
رفعت : هتسامحك .. مليكة بنت أصول وقلبها أبيض وهتسامحك
آدم : المشكلة إن فيه حاجة حضرتك متعرفهاش ياجدي
رفعت : خير
آدم : مليكة من كتر الضغط اللي اتحطت فيه الفترة اللي فاتت وبالذات بعد آخر حاجة حصلتلها اتصابت بمتلازمة نادرة جداً على مستوى العالم
رفعت بقلق : وايه هي المتلازمة دي !!
آدم : المتلازمة دي بتخليها تهاجم أي حد يحاول يضايقها وتضربه بطريقة شنيعة ممكن توصل للقتل وهي مش في وعيها أصلا.. ودا ناتج عن إن المخ بيدي إشارات لمركز أعصابها وعضلاتها يبذلوا طاقة أكبر بكتيييير من اللي هي متعودة عليه
رفعت بيحط ايديه الاتنين على دماغه علي المكتب : لا حول ولا قوة الا بالله
آدم : قولت نخرج بس من الحوارات اللي حاصلة دي وهوديها لأكبر دكتور في القاهرة او حتى مصر ونعالجها
رفعت : هسيب الموضوع دا في عهدتك وانت اتصرف
آدم : تمام
رفعت : المهم .. روان اديها خرجت من المستشفى على خير
اتصل بالمأذون وخليه ييجي بالليل يخلص
آدم : حاضر ياجدي اللي تشوفه .. بس في حاجة غريبة
رفعت : ايه هي
آدم : إسلام وسهيلة خرجوا من الصبح هو راح مشوار تبعي وهي كانت جاية على هنا ولسة مرجعوش
رفعت : ايه دا ازاي يعني ؟!!
آدم : مش عارف
رفعت : عموماً متقلقش اسلام راجل يعني ميتخافش عليه .. هتلاقيهم شوية وجايين
💖✨💖✨💖✨💖✨💖✨💖✨💖✨
خلص آدم وطلع على اوضته .. بيفتح الباب وداخل لقى مليكة واقفة بتحط هدوم في الدولاب
أول ما لقت الباب بيتفتح اتخضت الهدوم وقعت من ايديها اتنعكشت .. شافت آدم دورت وشها تاني وبدأت تشيل الهدوم عشان تطبقها وتحطها
آدم رايح يشيل معاها : استني استني انا هشيلهم عنك
راحت شادة الهدوم من ايديه بعصبية وحطاها كلها على السرير وبدأت تطبق فيها
آدم : طب انتي هتفضلي صامتة كدا كتير ؟؟
مليكة واقفة تطبق ومبتردش عليه
آدم : مليكة ؟؟ ياملييييكة
مازالت مبتردش .. راح قعد على كرسي التسريحة قدام السرير
آدم : انا عارف إنك زعلانة مني بس انتي ممكن تتكلمي صوتي صرخي كسري ، اعملي اي حاجة تخرج الطاقة اللي جواكي دي .. طب ع الأقل عرفيني مييييين هو الشخص اللي كنتي بتحاولي تداري علييييه 😱😱😱
رفعت عينيها بصتله بصمت تام .. عينيها بتقول مليون حاجة ولسانها مبينطقش
مسكت الهدوم واتلفتت تحطها في الدولاب .. بدأت ترصص فيها ، وهي بتتلفت تاني داخت والدنيا لفت بيها .. وقفت مكانها ومسكت دماغها 🤦🏼‍♀️ جري عليها آدم بسرعة ومسكها
حاولت تزقه مسكها بالعافية وراح بيها لحد السرير .. نيمها عليه وراح فتح التلاجة طلع العصير ، جاب كوباية وصب شوية وبدأ يشرب فيها بالعافية بردو .. شربت بوق غصب عنها
جاية تزق الكوباية جاي يشربها بالعافية
وشها احمر وراحت زاقة الكوباية من ايده وقعتها اتكسرت مليون حتة
بص آدم ع الكوباية وبرق .. الغريب إن هي كمان بصت ع الكوباية باستغراب !!!
قام آدم وبدأ يلم في الازاز اللي انكسر .. طبيعي وهو بيلم راحت ازازة معورة ايده
مليكة برقت وجت تقوم بسرعة تشوفه .. افتكرت وضعهم رجعت قعدت تاني وعينيها عليه
ابتسم آدم واستغل الموقف وبدأ يلم في الازاز زيادة وايده متعورة عشان يستفزها وتتكلم
لكن هي كانت اعند منه وبردو متكلمتش !!
💖🖋️بقلم همس حسن 🖋️💖
💖✨💖✨💖✨💖✨💖✨💖✨💖✨
رفعت قاعد في الريسبشن ..
نشوى داخلة من الباب وشها مخطوف وجايب ١٠٠ لون .. جت تطلع على السلم
رفعت : نشوووى
نشوى : نعم يابابا
رفعت : تعالي عايزك
نشوى رايحاله : ايه يابابا خير ؟
رفعت : انتي كنتي فين كل دا ؟؟ ووشك مخطوف ليه كدا
نشوى : مفيش حصل حوارات معايا انا وصحبتي بس وخلصاناها بالعافية
رفعت : انتي كويسة يعني ؟؟
نشوى : اه اه كويسة
رفعت : طيب جهزي نفسك .. بنت اخوكي هتطلق كمان شوية
نشوى بتبرق : بنت اخويا مين ؟!!
رفعت : روان
نشوى بصدمة : بتتكلم بجد ؟؟؟؟
رفعت : اه بتكلم بجد طبعاً .. في حاجة ولا ايه
نشوى : لا مفيش ، خراب البيوت وحش بس
رفعت : تمام اطلعي غيري هدومك
نشوى : حاضر
💖✨💖✨💖✨💖✨💖✨💖✨💖✨
جه المأذون .. العيلة كلها نزلت قعدت معاه ماعدا روان ومعاذ ، طلعت مليكة تجيب روان ، فتحت الباب ودخلت
مليكة : ايه ياروان قدامك كتير ولا ايه ؟؟
روان : لا نازلة وراكي اهو .. هدخل الحمام بس الاول
مليكة : ماشي هنزل استناكي تحت
نزلت مليكة على تحت .. روان دخلت الحمام وخرجت ، بتفتح باب الأوضة عشان تخرج
لقت معاذ في وشها وفي ايده ورق .. !!!
💖✨💖✨💖✨💖✨💖✨💖✨💖✨
*بعد ربع ساعة *
*في الصالون *
كلهم قاعدين مع المأذون .. آدم جاله رسالة على تليفونه ، فتح الرسالة
” لو عايز تعرف مين الشخص اللي أختك كانت بتداري عليه طول المدة اللي فاتت ، ومين الشخص اللي ورا كل المصايب اللي انتو فيها بقالكو سنتين
تعالى على اللوكيشن دا بكرا الساعة ٨ الصبح”
آدم بص للرسالة باستغراب !!!!
المأذون : ايه ياجماعة لسة بدري ولا ايه .. ورايا شغل تاني .
رفعت : لا ياشيخ .. زمانها نازلة دلوقتي
ومعاذ زمانه في الطريق
اطلعي يامليكة اندهي لاختك
مليكة لسة جاية تتعدل لقت روان نازلة .. قعدت تاني
دخلت روان عليهم ووقفت قدامهم
رفعت : ايه ياروان ماتقعدي عشان نشوف هنعمل ايه على ما البيه يوصل
روان : انا غيرت رأيي ياجدي
رفعت : بمعنى ؟!!!
روان : يعني انا مش عاوزة اتطلق 💥💥💥💥
🔥🔥🔥🔥🔥🔥🔥🔥🔥🔥🔥🔥🔥🔥🔥
ياترى رفضت تطلق ليه ؟؟ ياترى نشوى ليها يد في الموضوع ولا لا ؟؟
طب مين اللي بعت الرسالة لآدم وياترى هيلحق يروحله ولا لا ؟؟؟؟؟
يتبع…
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 20
.
.
روان : انا غيرت رأيي ياجدي
رفعت : بمعنى ؟!!!
روان : يعني انا مش عاوزة اتطلق
رفعت : نعععععم ؟؟؟؟؟؟
يعني ايه الكلام دا
معاذ جاي من برا : يعني احنا فكرنا كويس وقررنا إن ابننا أغلى بكتير من إننا نفكر في نفسنا بأنانية ونشرده معانا
رفعت بيبرق : صحيح الكلام دا ياروان ؟!!!
روان بتبلع ريقها : اه ياجدي مظبوط
آدم بيحاول يلم الموضوع بسرعة : طيب ياشيخنا معلش عطلناك بس انا هحاسبك بعدين متقلقش
المأذون : ربنا يهدي الأحوال يابني .. كله خير في الآخر
خرج المأذون على برا .. العيلة كلها بصالها بذهول إلا نشوى ، بصالها بابتسامة صفرا
رفعت قام وقف : هو لعب عياااال ياروان .. يعني تفضلي تزني عايزة اتطلق اتطلق اتطلق وتوصل إنك تحاولي تنتحري وتجرجرينا كلنااااا ع المستشفي واحنا بنضرب كف على كف ازاااي بنتنا تقدر تفرط في حياتها وبعد دا كلللله جاية دلوقتي تفوقي إن ابنك أهم ؟؟؟؟
معاذ : جرا ايه ياجدي انت هتكره لحفيدتك الخير بردو
آدم : مبدأيا انت متوجهش كلام لجدي تاني ولو وجهت يبقي باحترام أحسن مااقل منك ، تاني حاجة ودي الأهم ••
بيبصله بشك : فيه حلقة مفقودة هنا وانا قلبي مش متطمن
ولو عرفت إن ليك يد في الحوار هزعلك
معاذ : يعني ايه الكلام دا مش فاهم ، قلبك مش متطمن لايه بالظبط
ماتتكلمي ياروان .. هو انا عملتلك حاجة ؟؟
روان بتبصله •••
Flash back 📸🔙
روان بتفتح الباب لقيته في وشها
روان بغضب : انت ايه اللي جابك هنا ياحيواااان .. هما مش قالولك ملكش دعوه بيها تاني ؟!!!
معاذ دخل الأوضة وقفل الباب وراه
معاذ : يعني آخر كلام عايزة تطلقي ؟؟؟
روان : اه عايزة اتطلق واخلص من خلقتك يامعاذ
معاذ : طب مش تستني لما تشوفي الورق دا وبعدين تحددي 🤔🤔
روان : ورق ايه ؟؟
معاذ بيفتح الورق اللي في ايده : تعالي نفنط الورق مع بعض …
دي ياستي ورقة تنازل تام عن ياسين وعليها بصمتك .. دي ورقة تنازل كامل عنن حقك من ميراث جدك ومن القصر و عليها بصمتك
وأخيراً •• دا وصل أمانة مفتوح
وبردو عليه بصمتك ☺️☺️
روان الغضب بيظهر على وشها وبتمسكه من ياقة قميصه : انت زبااااااااالة
معاذ بينزل ايديها : ششششش .. مش عايزين حد يسمع صوتنا بقا
بس لو انتي مستغنية عن إبنك وعن حريتك دا شئ تاني طبعاً
روان : انت جبت بصمتي منين
معاذ : دا كلام بردو يارورتي .. الحاجات دي أصغر من إننا نتكلم فيها
المهم دلوقتي ، هتنزلي زي الشاطرة تقوليلهم إن الست ملهاش غير بيتها وجوزها وتخلعي من الطلاق بشياكة
روان : والله العظيم لادفعك تمن اللي بتعمله دا يامعاذ
معاذ : على ما تعرفي تدفعيني انزلي اعملي اللي قولتلك عليه يلا ياكوكو .. بس خدي بالك
لو فكرتي تعرفي حد ابقي ودعيه بالمرة
عشان المرة الجاية هتنتحري وتموتي بجد بعد ما كل حاجة تروح منك
رجعت روان من الفلاش باك 🔙 💔
معاذ : ماتنطقي ياروان .. عملتلك حاجة ؟؟؟
روان : لا ياجماعة معمليش حاااجة وخلاص بقا الموضوع خلص
رفعت بيقرب منها : لا ياحبيبتي الموضوع مخلصش .. انتي مش هتصغريني بالطريقة دي والموضوع يعدي كأن شيئاً لم يكن
ثرية : تعالي ياروان معايا عايزاكي فوق ، وتعالي انتي كمان يامليكة
آدم : إسلام وسهيلة لسة مرجعوش وانا قلبي مش متطمن ياجدي .. لازم نفهم هما فين الأول وبعدين نعمل اي حاجة تانية
رفعت : عندك حق .. هما فعلاً طولوا اوووي
حاول تتصرف او حتى تشوف الاماكن اللي ممكن يتوجدوا فيها وروح دور فيها
بقلم همس حسن
💖✨💖✨💖✨💖✨💖✨💖✨💖✨
*في المستشفى *
استنى إسلام أول ما الدكتور خرج من الأوضة .. حاول يقوم براحة وشال الخرطوم من المحلول ومشي بيه .. خرج من الأوضة وراح على أوضة سهيلة
سهيلة نايمة ع السرير ووشها أصفر .. قعد إسلام جنبها وبصلها
إسلام : عملتي كل دا عشاني ، وكنتي مستكترة عليا أساعدك في حتة واد لا راح ولا جه
بيحط ايده على ايدها : انتي حاجة جميلة اوي ياسهيلة ، خسارة في الظلم أقسم بالله
بعد اللي حصل دا انا مديونلك بحياتي .. واوعدك من اللحظة دي محدش هيقدر يأذيكي في الدنيا دي كلها
الصوت بدأ يصحي سهيلة .. بدأت تفوق وهي بتقول اخر حاجة كانت بتنطقها قبل ما تفقد الوعي “يارب اشفيه وقومه بالسلامة يارب متوجعش قلبي عليه”
إسلام عينه دمعت وحط ايده على وشها : انا موجود اهو وقومتلك بالسلامة
سهيلة بتفتح عينيها .. اول ما شافته قدامها برقت وكأنها بتحلم
فضلت حوالي ٥ ثواني بصاله وساكتة .. وفجأة قامت حضنته بعزم ما فيها وقعدت تعيط .. اتصدم إسلام اول ما لقاها بتحضنه
سهيلة : انا مش مصدقة إنك قومت بخير والله العظيم ألف حمد وشكر ليك يارب انا بجد مش مصدقة
بتتعدل بسرعة وبتحط ايديها على وشها : انت حقيقي ؟؟ يعني قاعد قدامي بجد وسليم ؟
إسلام : قاعد قدامك بفضلك بعد ربنا
سهيلة : خوفت اخسرك يااسلام .. كان هيحصلي حاجة والله العظيم
إسلام : وعدتك قبل كدا مش هسيبك في اللي انتي فيه دا بسهولة .. تفتكري انا من الناس اللي بتخلف بوعدها 🤔
سهيلة : ألف حمدالله على سلامتك
إسلام : الله يسلمك ❤️ بس اللي انتي عملتيه دا كتير اوي ياسهيلة وكان ممكن يحصلك حاجة
سهيلة : انت عملت حاجات كتير اوي عشاني يااسلام .. انا مجرد برد بس
المهم انت عامل ايه دلوقتي ؟
إسلام : الحمدلله .. دماغي بس وجعاني جدا
سهيلة : معلش كل حاجة بتاخد وقتها بردو
المهم .. انا لحد دلوقتي مفهمتش اللي حصل دا حصل ازاي
انت وقعت ولا اتخبطت ولا حصل ايه ؟؟؟
إسلام : انا مصدع جداااا وحاسس دماغي هتفرقع ، اول ماابقي كويس كدا هحكيلك
اهم حاجة بس عايزين نطمن العيلة بأي طريقة عشان زمانهم قلقانين علينا جدااا علينا
بقلم همس حسن 🖋️
💖✨💖✨💖✨💖✨💖✨💖✨💖✨💖
ركب آدم عربيته ولسة هيدور العربية افتكر الرسالة اللي جاتله قبلها … مسك تليفونه وفتح الرسالة تاني
” لو عايز تعرف مين الشخص اللي مراتك كانت بتداري عليه طول المدة اللي فاتت ، ومين الشخص اللي ورا كل المصايب اللي انتو فيها بقالكو سنتين
تعالى على اللوكيشن دا بكرا الساعة ٨ الصبح”
آدم : غريبة !!
مين اللي باعت الرسالة دي وايه مصلحته يعني .. ماشي
دور العربية وراح يدور علي إسلام وسهيلة في اي مكان ممكن يتوجدوا فيه
💖✨💖✨💖✨💖✨💖✨💖✨💖✨
*في أوضة ثرية*
ثرية ومليكة وروان وأمينة قاعدين عالسرير
ثرية : ممكن تفهميني بقا اللي عملتيه دا يتسمى ايه
روان : زي ماسمعتوا تحت كدا .. انا فكرت في مصلحة إبني
ثرية : هو اااايه فكرتي في مصلحة إبنك جاية دلوقتي تقولي كدا !!
وكان فين الكلام دا من بدري ، كان فين لما انتحرتي عشان وحرقتي قلبي عليكي انا واختك
كان فيييييييين
أمينة : براحة عليها ياثرية مش كدا بنتك لسة تعبانة
روان : ياماما ماقولتلك فكرررت وعرفت إن إبني أولى في ايه انتو مش عاجبكوا اي حاجة ياجدعان حرااااام بقا
ثرية بتلطشها بالقلم : حرممممت عليكي عيشتك ياحيواااانة
مليكة بتشد روان من قدامها بسرعة وأمينة بتشد بتمسك ثرية
أمينة : في اااايه ياثرية بنتك مش عيلة صغيرة ع اللي بتعمليه دا
ثرية : هو ايه اللي مش عيلة صغيرة اومال العيال الصغيرة يعملوا ايه لما دي تتصرف كداااا
شوفي يابت انتي ، هقولك كلمتين تحطيهم حلقة في ودنك
انا الكل شايفني ناشفة وقلبي جامد ومبحنش ولا بفكر في عواطف .. بس محدش يعرف انا ايه اللي وصلني لكدا ، الكل شايف الصورة من برا
في يوم من الايام لما كنت عبيطة وطرية زيك كدا الدنيا لطشت فيا ع الاخررررر ووصل بيا الحال ألاقي نفسي ببنتين في الدنيا لوحدي ومجبورة إن جدهم العجوز هو اللي يتحكم في حياتهم
ومن اليوم دا انا اتعلمت إن مينزليش دمعة … في عز الحزن والقهر والكسرة زي الموقف بتاع امبارح انا منزلش من عيني دمععععة واحدة بس
وبعد كلللل اللي حصل فيا عشان اربيكو واكبركو انا مش هسيب حاجة في الدنيا تزل فيكوا او تهينكوا
ولو رجوعك لجوزك هيكون ذل ليكي انا هخسف بيه الأرض .. انا تعبي ميروحش هدر
روان قاعدة عينيها مدمعة وساكتة
مليكة : خلاص ياماما بالله عليكي .. أكيد فيه سبب ورا اللي روان بتعمله دا بس مفيش داعي نعرف كل حاجة دلوقتي
انا هاخدها الأوضة تبات معايا النهاردة هي وياسين وبكرا إن شاء الله هنعرف كل حاجة
أمينة : مليكة عندها حق ، دي أنسب حاجة ممكن تتعمل دلوقتي
مليكة بتبص لامينة : بقولك ايه صحيح ياامي
هي فين سهيلة ؟؟ مشوفتهاش من ساعة ما قامت في المستشفي عشان تجيلك !!
أمينة : سهيلة مختفية بقالها كتير هي واسلام ومش عارفين هما فين .. آدم خرج يدور عليهم
مليكة : مختفية ؟!!!!!!
يعني ايه الكلام دا
ثرية : مختفية ازاي يعني ياامينة ؟؟؟
أمينة : انا معرفش ايه اللي حصل المفروض انتو اللي كنتوا معاها في المستشفي
بتعيط : انا العجز اللي انا فيه بقا رابطني ومكتفني
الدنيا بتتهد وتتبني وانا محبوسة جوا الكرسي دا على أمل ربنا يفرجها عليا .. بس لحد امتى
دا انا إبني مختفي بقاله كام يوم معرفش عنه حاجة ، وبنتي مختفية من الصبح وبقينا قرب الفجر ومعرفش عنها حاجة وابني الكبير حاله مقلوب ومش قادرة أفهم ماله
مش قادرة أعرف اخرتها ايه بس ياربي
مليكة بتعيط وبتحضنها : متعيطيش ياامي والله خير وبإذن الله هنلاقي حل قريب انشاله نسفرك برا وهتبقي زي الفل وكل حاجة في حياتنا هتتظبط بس انتي متعيطيش
ثرية : اهدي ياامينة دا اختبار من ربنا ولازم تنجحي فيه
أمينة بتمسح دموعها: ونعم بالله
مليكة : أهم حاجة دلوقتي لازم نعرف سهيلة فييين كل دا
أمينة انا هتصل بآدم أشوف وصل لايه
بقلم همس حسن 🖋️💖
🌆🌆🌆🌆🌆🌆🌆🌆🌆🌆🌆🌆🌆🌆
*في المستشفى *
نقلوا سهيلة وإسلام في أوضة واحدة دا على سرير ودا على سرير .. الممرضة واقفة بتعلقلهم محاليل
الدكتور : إسلام تعليقله ٣ محاليل وسهيلة اتنين ونشوف هنحتاج تاني ولا لا
والورقة دي مكتوب فيها الأدوية اللي هتحطيها لإسلام في المحلول
إسلام : احنا هنخرج من المستشفي امتى يادكتور ؟؟
الدكتور : بالنسبة لسهيلة تقدر تخرج على بكرا الصبح يكون المحلول عمل مفعول ، لكن بالنسبالك انت ممكن تحتاج يومين كمان
إسلام : يالهوي يومين كتير
الدكتور : لا يااسلام انت خبطتك قوية وممكن يحصلك مضاعفات في اي وقت
سهيلة : الدكتور معاه حق يااسلام .. خلينا يومين
أهم حاجة بس يادكتور انا عاوزة أكلم أخويا ضروري عشان زمانه علينا جدا
الدكتور : للأسف مفيش سيجنال في المستشفي هنا خالص .. بكرا الصبح بإذن الله انزلي كلميه برا المستشفى تكون محاليلك خلصت
سهيلة : تمام
🤍✨🤍✨🤍✨🤍✨🤍✨🤍✨🤍✨
آدم ماشي في الشارع بالعربية عمال يعدي على أي مكان ممكن يلاقيهم فيه وملهومش أي أثر
وقف في الشارع وبص للسما
آدم : يارب انا تعبت بقا من اللف والمناهدة .. مش ناقصة حيرة زيادة والله العظيم ماناقص
*الفجر أذن*
ساب اللي في ايده ودخل المسجد عشان يصلي الفجر حاضر ❤️❤️
بقلم همس حسن 🖋️
🤍🤍🤍🤍🤍🤍🤍🤍🤍🤍🤍🤍🤍🤍
🌟بعد نص ساعة في القصر 🌟
مليكة وروان بيصلوا الفجر .. خلصوا وقلعوا الاسدالات
روان خلصت وقعدت على السرير سندت دماغها وراها .. طلعت مليكة على السرير هي كمان ، خدتها في حضنها وهما الاتنين ساندين على شباك السرير عادي
مليكة : ها .. قوليلي بقا مالك
روان : قلبي واجعني اوي يامليكة
مليكة : معملتيش كدا عشان ياسين ، فيه سبب اكبر ياروان .. محبتش اضغط عليكي قدامهم عشان ممكن يبقى فيه حاجة مش حابة تقوليها
روان : غفلني يامليكة .. غفلني
مليكة : غفلك ازاي ؟!!!
روان : مضاني على ورق في تنازل عن حضانة ياسين وتنازل ليه عن حقي في ميراث جدي والقصر ، ووصل أمانة أبيض
مليكة مبرقة : انتي بتتكلمي بجد ؟؟؟
روان : هددني إني لو صممت على الطلاق أو حتى حكيت لجدو ولا حد في العيلة هيحسبني بوصل الأمانة ، وحضانة ياسين تتنقله
ويبقي انا ضيعت من كل النواحي
مليكة : اه يازبااااااااالة ياحقيييييير
زقت روان .. وشها احمر وعروقها نفرت وجاتلها النوبة
مليكة بتوقع كل حاجة على التسريحة : ازاي يعمل كدا في أختي ازااااااي الحيوان الكلب دا احنا اللي عملناه من الصفررررررر
روان بتبرق : ايه يامليكة فيه ايه اهدددددي
فجأة مليكة مبقتش سمعاها ومبقتش بتتكلم ولا بتعمل اي حاجة غير انها بتكسر في الأوضة وروان بتحاول تمسكها وتوقفها لحد ما وقعت في الأرض اغم عليها
روان واقفة بتلطم وعينيها مليانة دموع .. كل اللي في البيت نايمين ومحدش سامعهم
نزلت وحاولت تفوق في مليكة بأي شكل وترش ماية على وشها
روان : ايه اللي حصلك بس يامليكة فيه ايه .. انا أول مرة أشوفك كدااااا
🌥️🌥️🌥️🌥️🌥️🌥️🌥️🌥️🌥️🌥️🌥️🌥️🌥️
*في المستشفى *
سهيلة : أول ماشوفتك واقع بالمنظر دا وسايح في دمك حسيت مخي اتشل وقلبي هيقف
إسلام : خوفتي عليا اوي كدا ؟؟
سهيلة : فوق ما تتوقع
إسلام بيتعدل : سألتيني قبل كدا ليه بتعمل معايا كدا .. بس انا مسألتكيش
سهيلة : عن ايه ؟
إسلام : ليه بتخافي عليا اوي كدا
سهيلة : هتصدقني لو قولتلك إنك كنت طوق النجاة اللي جالي في عز ما كنت بغرق وفاقدة الأمل إني أرجع اعيش
مجرد كون إن معاك شخص مصدقك ومؤمن ببراءتك سواء كان صديق اخ اب او حتي واحد معرفة بتفرق معاك كتير اوووي
إسلام : ايه الكلام اللي هيخليني أخف بسرعة دا 😂😂
سهيلة : لو هيخليك تخف بسرعة هقعد طول الليل أقول فيه 😹😍😍
إسلام : طب يلا نلحق نخطفلنا ساعتين كدا قبل بكرا عشان يومنا طويل والنهار بدأ بيشقشق اهو
سهيلة : تمام
🌄🌄🌄🌄🌄🌄🌄🌄🌄🌄🌄🌄🌄🌄
النهار طلع وآدم نايم في العربية في الشارع .. أول ما سمع صوت العصافير فتح عينه العسلية وقام بسرعة
مشى ايديه على شعره سرحه وبص في مراية العربية .. مسك تليفونه يشوف الساعة لقاها ٧ إلا ربع
آدم لازم أروح على المخزن اشوف إبراهيم بس قبلها …
فتح الفون وفتح الشات اللي مبعوت عليه اللوكيشن
آدم : قبلها لازم اخلص المشوار دا عشان شاغل تفكيري .. و يمكن بعدها بقيت الابواب تفتح ولا حاجة
دور العربية في اتجاه اللوكيشن ..
بقلم همس حسن 🖋️❤️
🌥️🌥️🌥️🌥️🌥️🌥️🌥️🌥️🌥️🌥️🌥️🌥️🌥️🌥️
*في القصر *
مليكة بتفتح عينيها .. بصت جنبها لقت روان صاحية وقاعدة بصالها
مليكة : ايه ياروان مالك قاعدة كدا ليه انتي منمتيش ولا ايه ؟؟
وانا نمت امتى وازاي أصلا
روان : انتي مش فاكرة اللي حصل !
مليكة : انا فاكرة آخر حاجة كنتي بتحكيلي على الحيوان دا وبعدها مش فاكرة رديت عليكي ولا نمت
روان : قومتي قعدتي تسكري في الأوضة زي مانتي شايفة كدا وبعدين اغم عليكي وانا فضلت صاحية طول الليل عشان اتطمن عليكي
مليكة بتتعدل : كل دا حصل امتى ؟؟؟؟
روان : مش عارفة .. ماعلينا يلا قومي اغسلي وشك عشان ننزلهم
مليكة : ماشي
🤍✨🤍✨🤍✨🤍✨🤍✨🤍✨🤍✨
*آدم وصل اللوكيشن *
لقاه مكان فاضي .. فتح باب العربية ونزل وقف برا
سند على العربية وبص في الساعة لقاها ٨ بالظبط .. وبيرفع عينه لقى شاب جاي من بعيد
استناه لحد ما وصل عنده
الشاب : مواعيدك مظبوطة يااستاذ آدم
آدم : انت اللي كنت بتبعت الرسايل ؟؟
الشاب : لا .. تقدر تقول كدا انا حمامة السلام اللي جيالك بالرسالة اللي هتحللك كل مشاكلك
آدم : تمام .. أحب أسمع
الشاب : بص ياسيدي
هنعمل مع بعض ديل … ليك عندي معلومتين
هقولك معلومة منهم دلوقتي إثبات حسن نية وهدللك عليها كمان
بس التانية بقا هتحتاج إثبات حسن نية منك
آدم : بمعني ؟؟؟
الشاب : أول معلومة هقولك : مين اللي مراتك كانت بتداري عليه طول المدة اللي فاتت
تاني معلومة ودي الأهم : مين السبب في كل حاجة بتحصلكوا
هقولك اول معلومة دلوقتي .. والتانية هقولهالك لما تجهز شنطة ب٢ مليون جنيه كاش
آدم بيبرق : ليييييه يعني هتقول أسرار بلاد
الشاب : هقول أسرار تطير فيها رقاب
آدم : تمام اتفضل .. مين اللي كانت مراتي بتداري عليه طول الفترة اللي فاتت ؟؟؟
الشاب : أختك ..
آدم باصصله وساكت من غير بربشة عين واحدة
آدم : اختي مالها لا مؤاخذة ؟؟
الشاب : اختك هي الشخص اللي كانت مليكة بتداري عليه .. بالبلدي كدا
سهيلة أختك هي اللي غلطت وكانت حامل .. عملت التحليل بإسم مليكة ومليكة لبست الموضوع بدل اختك خوفاً من أنك تقتل أختك بدمك الحامي دا
آدم بيمسكه من القميص وبيضربه بالدماغ وقعه في الأرض ونزل يضرب فيه
آدم : انت بتقول اااااايه يازبااااااالة عليا الحرام من نعمة ربي ما هسيب في امك حتة سليييييمة انت متجيبش سيرة أختي على لساااانك
الشاب بيحاول يحمي وشه منه : استني بس يااستاذ آدم انا قولتلك هبرهنلك على كل حاجة
آدم : تبرهنلي علي ااااايه ياحيوان انت لسة هتبرهننننن كمان
الشاب : طب شوف ولو مقتنعتش أعمل اللي انت عاوزه
آدم : وريييييني
اتعدل آدم وشده من قميصه قومه وقفه .. الشاب حط ايده في جيبه طلع تليفون وشغل تسجيل
سهيلة : بعد سنتييييين لا تعرف عني ولا اعرف عنك حاجة جاي بمنتهي البساطة لحد بيتي تحضر حفلاتنا !!
دا ايه ياشيخ الجحود دا كله ؟؟؟؟
سليم : جحود ؟؟
جحود عشان قولت اسيبك لحياتك بدل ما ابوظهالك اكتر من كدا
سهيلة : تبوظلي اااااايه ماخلاص كانت باااااااظت … هو انت فاكر لما تغلط معايا وتضيع مستقبلي وتسيبني وفي بطني طفل انت كدا بتحميني !!!!
انت مخك دا متركب ازاي
سليم : طفل !!!!!
انا معرفش إن كان فيه طفل
سهيلة : وافرض عرفت .. كنت هتعمل ايه ؟؟
سليم : ع الأقل كنت هساعدك تنزليه وابقي جنبك
سهيلة بتضحك بسخرية وبتسقف : لا برافوا عليك 👏 برافوا عليك ياراجل ياشهم ياابن الأصول
آدم بيسمع الريكورد .. وشه بيحمر و شرايين جسمه كلها بتتنفخ
رجع لورا وحط ايده على دماغه .. مخه اتشل من الصدمة ، أبراج عقله طارت وكأن حد ضربه بشومة على راسه
قام من سكات ركب العربية
الشاب : يااستااااذ .. طب عرفني هتجيب الفلوس وتعرف تاني معلومة ولا لا طايييييب
وطبعاً آدم لا سامعه ولا شايف حاجة غير الصدمة اللي في راسه والمشوار اللي هو رايحه
دور العربية وراح في إتجاه المخزن اللي محبوس فيه إبراهيم … سايق العربية وهو مش شايف قدامه غير كل حاجة حصلت طول السنين اللي فاتت من يوم ولادة سهيلة لحد اليوم دا .. وبالذات آخر سنتين
*بعد نص ساعة وصل المخزن*
نزل من العربية وبيبص ع المخزن لقاه مفتوح … بدأ يتحرك ويدخل بخطوات بطيئة على جوا لحد ما شاف المكان اللي فيه الدم اللي نزف من إسلام
وطي في الأرض ولمس الدم بإيده … قام وقف تاني
خرج على برا من سكات .. ركب عربيته وطلع الفون ، فتح الماب (الخريطة)
وبدأ يبحث عن ……..
🤍✨🤍✨🤍✨🤍✨🤍✨🤍✨🤍✨
🔥🔥🔥🔥بعد ساعة 🔥🔥🔥🔥
*في المستشفى *
سهيلة خلصت محاليلها وقامت غسلت وشها وايديها .. رجعت روقت السرير اللي كانت نايمة عليه
إسلام : بتعملي ايه يابنتي الممرضات هتعمل كل دا .. انتي تعبانة لمي حاجتك بس عشان تنزلي تروحي
سهيلة : انا هلم حاجتي عشان تبقي جاهزة بس مش هروح .. هنزل أكلم آدم او ماما من اي تليفون تحت واطمنهم علينا
بس قبل مااعمل دا هدخل الأول الأوضة اللي كنت محجوزة فيها قبل دي عشان ناسية فيها حاجات وطول الليل متكتفة بالمحاليل دي ومخي في الحاجات اللي ممكن تتسرق
إسلام : 😂😂😂😂
تمام طيب روحي بس خلي بالك من نفسك
سهيلة : ماشي
خرجت سهيلة مشيت في الطرقة شوية لحد ما وصلت للاوضة اللي فيها حاجتها .. دخلت وبدأت تلم في الحاجة وهي لوحدها في الأوضة
وهي موطية بتلم في الحاجة وضهرها للباب .. سمعت صوت الباب بيتقفل وراها
رمت اللي في ايديها واتلفتت بسرعة تشوف مين اللي دخل وقفل الباب
*آدم واقف ساند على الباب *
سهيلة بتبلع ريقها : آدم ؟؟
انت جيت امتي وازاي وعرفت طريقنا منين ؟!
آدم : مش مهم جيت ازاي .. المهم جيت ليه
يتبع…

[فيتامين سي]

الحلقة 21
الحلقة 22
.
.
رواية / اجبرني اعشقه
بقلم/ همس حسن
🔴🔴🔴🔴🔴🔴🔴🔴🔴🔴🔴🔴🔵
الحلقة 21
.
.
سهيلة بتبلع ريقها : آدم ؟؟
انت جيت امتي وازاي وعرفت طريقنا منين ؟!
Flash back 📸🔙
آدم واقف في المخزن .. طلع تليفونه وفتح الماب
دور على أقرب مستشفى من اللوكيشن
اللي يدايق إنه لقى اكتر من ٣ مستشفيات على نفس المسافة وفي اتجاهات مختلفة !!!
سمى الله وراح على أول مستشفى يدور فيها .. وبعد طلوع ونزول كتيييير
اكتشفت إن ملهومش أثر فيها .. خرج ركب العربية واتجه ناحية المستشفي التانية وهو فاقد الامل بردو انه يلاقيهم
دخل المستشفى ووقف قدام موظفة الاستقبال
آدم : لو سمحتي فيه مريضة جت امبارح بإسم سهيلة الخشاب ؟؟
الموظفة : لحظة معايا هشوفلك الكشف
آدم : تمام
بعد دقيقة
الموظفة : لا والله يافندم مفيش حد محجوز بالاسم دا
آدم : امممم .. طيب معلش شوفيلي إسلام حمدي السيد كدا
الموظفة : اه دا موجود
آدم : طيب ممكن تقوليلي رقم الغرفة
الموظفة : اه طبعا ثانية واحدة
رجع من الفلاش باك 🔙
آدم : مش مهم جيت ازاي .. المهم جيت ليه
سهيلة بخضة : مالك ياادم وشك احمر ليه كدا ودخلت وقفلت الباب وبتاع .. انت كويس ياحبيبي ؟
آدم بيقرب عليها : وعرفتي منين إني مش كويس ياسهيلة ؟؟
سهيلة بتبعد بخوف: عشان انت أخويا ياادم فطبيعي بحس بيك وبفهم لما تكون متدايق او فيك حاجة
دا غير إن انت اللي مربيني يعني هههه
آدم بيقرب اكتر ببطئ : عشان انا اخوكي اللي مربيكي صح ؟؟
طب تخيلي معايا كدا ياسهيلة .. لو عيشتي سنيييييييين بتبني في بناء كبييير اوي لحد ما كبر قدامك وبقيتي بتحلمي باليوم اللي هيظهر فيه للمجتمع وتشوفيه وهو ناجح وبتاع
وفجأة تكتشفي إن البناء دا كله مش مترخص .. فالحكومة تيجي وتخرجك منه وفجأة تلاقي نفسك غريبة عنه •• هتحسي بأيه ؟؟؟؟
سهيلة بترجع لورا اكتر : ماتوضح ياادم قصدك ايه انا مش فاهمة حاجة !!!!
آدم : تعالي افهمك قصدي
مد ايده مسك ايديها اتنطرت وبقت عمالة تترعش من الخوف وعينيها مدمعة
خدها وقعدها على السرير .. شد كرسي وقعد قدامها
سهيلة : فهمني ياادم في ايه بس
آدم : انا مش هتسرّع زي كل مرة ولا هضرب واكسر وادغدغ وأبقى متخلف
انا هسألك بمنتهى الهدوء .. ايه اللي حصل ؟؟؟
سهيلة بتبلع ريقها : مش فاهمة
ايه اللي حصل في…
آدم : ااااااايه اللي حصل عشان مقومش ارميكي من الشبااااااااااك
سهيلة بتعيط : خلاص خلاص هتكلم والله بس اهدى
آدم بيبص في الأرض قدامه : اتفضلي اتكلمي .. انا هادي خااالص اهو وبسمعك
سهيلة : خدرني ياادم
آدم بيرفع وشه وبيبص في عينيها : خدرك ؟!
سهيلة بعياط : ورحمة أبويا خدرني .. وحياااة أمي خدرني
انا عارفة إحساسك ياادم ، عارفة إني كسرت ضهرك ووجعتك اوووووي بس أقسم بالله ما كان بإرادتي انت عارف أختك وتربيتها
آدم باصصلها مصدوم وساكت تماماً .. وبعد دقيقة من الصمت الفظيع دا
ادم : سنتين ؟؟؟؟
سنتين مستغفلاني ومشككاني في اكتر واحدة حبيتها في الدنيا .. سنتين وانا مفكر نفسي سيد الرجالة دا انا ربيت أخت ب١٠٠ راجل ضافرها أنضف من بلد !!!!
سهيلة : ياادم صدقني والله العظيم انا
قام وقف ولطشها بالقلم بعزم ما فيه لدرجة إن بوقها جاب دم وقعدت تعيط من الوجع
مد ايده حطها على رقابتها
آدم : المفروض دلوقتي أعمل ايه ؟؟ اقتلك واغسل عاري بإيدي زي الأفلام والمسلسلات ؟؟ ولا اخدك واروح بيكي القصر وافجر القصر بكللللل اللي فيه؟؟؟
ولا ياترى ارميكي في الشارع كلاب السكك تنهش في لحمك مانتي خلااااص لحمك رخيص .. ولا ياترى اعمل زي ما جدي عمل وأدور على واحد ادبسه فيكي يتجوزك ويشيل فُجرك ؟؟
بس صحيح .. مين هيقبل يتجوز واحدة زيك ؟!!!!
إسلام داخل من الأوضة ماسك دماغه : انا ياادم
آدم بيشيل ايده و بيتلفت يبصله …
سهيلة بتبص لإسلام ومصدومة !!
إسلام : انا هقبل اتجوز أختك واستر عليها واشيلها في عينيا كمان .. انا اكتر واحد عارف إنها بريئة وكانت ضحية مجني عليها مش جانية ياادم
أخرج من المستشفى بس وهاجي اتقدملها قدام الكل واكتب عليها ونعمل أحلى فرح في الدنيا كمان
آدم ماشي ببطئ ناحية إسلام
وبمنتهى الخذلان : حتى في دي ياصاحبي .. حتى في دي خونت صداقة عمرك وخبيت عليا للمرة التانية !!!!!! ياخسارة
قال الكلمتين دول وخرج على برا وهو مليان وجع وقهر وكسرة قلب
مش عارف يلاقيها منين ولا منين
من ناحية أخته اللي قعد سنين يربي ويكبر فيها وفجأة تحط راسه ف الطين وميلاقيش قلب حتى يقتلها ،من ناحية أخوه اللي كان بيربي فيه هو كمان وبيفضله على نفسه في كل حاجة وبيشيل شغل الشركة كله بداله عشان يريحه وفي الآخر غدر بيه وكان هيقتل مراته وبعدين ضرب صاحبه على دماغه وهرب ..
من ناحية تانية مراته وحب عمره اللي ظلمها وجه عليها مادياً ومعنوياً وخسرها .. من ناحية عيلته اللي كدبت عليه وخبت عنه الحقيقة سنتين بعد كل اللي عمله معاهم .
ركب عربيته وحط دماغه على الدريكسيون وكل الأحداث بتتكر في دماغه زي الشريط
رفع راسه وعينه مليانة دموع وصرخ بعلو صوته
“آاااااااااااااااااه ” صرخة وصلت لآخر الشارع
💝🌟💝🌟💝🌟💝🌟💝🌟💝🌟💝🌟
*في المستشفي *
سهيلة حاطة ايديها على وشها وعمالة تعيط بصوت من زعلها ووجعها على آدم
إسلام عينه دمعت راح واخدها في حضنه وقعد يطبطب عليها
سهيلة في حضنه وبتتشحتف من العياط : مكانش قصدي كل دا والله العظيم ماكان بإرادتي
آدم عمره ما هيصدقني ولا هيثق فيا تاني والللللله ماكان قصدي ااذيه ولا اجرحه ولا افضح نفسي كدا
إسلام بيطبطب عليها : اهدي ياسهيلة اهدي عشان خاطري انا .. انا هحل كل حاجة والله العظيم
سهيلة بتتعدل : هتحل كل حاجة ازااااي بس
إسلام : أول مانخرج من المستشفى هروح أطلب ايدك وهنكتب الكتاب في أسرع وقت .. وإذا كان على آدم انا هاتصرف معاه
دا صاحب عمري ومعايا مفاتيحه ياسهيلة
سهيلة : وانت ذنبك ااااااايه تعمل كل دااااا
ذنبك ايه تشيل غلطة حد غيرك ذنبك ايه تتجوز واحدة معيوبة زي…
إسلام بصوت عالي : ذنبي إني بحبببببببك ياسهيلة
راسه وجعته من علو صوته ووطي حط ايده على راسه .. سهيلة بصاله متنحة ومصدومة
اتعدل تاني وبصلها : اه بحبك ياسهيلة ومن بدررررري أوي
من أيام ماكنت باجي عندكم اذاكر مع آدم وكنت شايفك لسة طفلة بريئة بتلعبي بكتبنا واقلامنا وتبوظيلنا الحاجات
اتعلقت بيكي من ضحكتك ، من برائتك وعفويتك ومهما كنتي بتكبري قدامي صورتك وانتي لسة طفلة بريئة زي الملاك مكانتش بتفارق عيني
بس اللي كان مانعني أتكلم أو حتى ألمح إن آدم صاحب عمري .. وانتي عارفة إن في المواقف دي لما البنت او حد من أهلها بيرفض الصاحب بيخسر صاحبه
اختارت إني أحبك من بعيد لبعيد من غير ماتحسي .. ويوم ما حسيت إن قلبك مع حد تاني مستنتش لحد مااعرف حتى هو مين
اختفيت من قدامك وكنت بتعمد مشوفكيش
كنت بحبك بيني وبين نفسي وابص لصورتك اللي سرقتها من البيت وانتي طفلة وكأنك كبرتي وبقيتي واحدة تانية غيرك
بس يوم ما ربنا حطك تاني في طريقي وانتي محتاجة مساعدة حسيت إن دا رزق وربنا باعتهولي وكأنه بيقولي خد يااسلام
“دي نتيجة صبرك ”
من أول لحظة مشكتش لحظة إن كل دا يكون حصل بإرادتك أو ليكي يد فيه
ودا ببساطة لأني مبطلتش أشوفك في صورة الملاك البرئ اللي كان بيلعب بحاجاتنا واحنا صغيرين ❤️❤️❤️
سهيلة بصاله ومتنحة اكتر مش مصدقة إن كل الكلام دا بيتقال ليها هي !!!!
حطت راسها على كتفه ببطئ ومن غير ما تنطق ولا كلمة •• وكأن مفيش كلام يوصف شعورها في اللحظة دي
بقلم همس حسن 🖋️
💝🌟💝🌟💝🌟💝🌟💝🌟💝🌟💝🌟
نشوى بتفتح باب الشقة اللي سايبة فيها إبراهيم ..
دخلت وبدأت تدور عليه
نشوى: إبراهيم
ياابراهييييييم
تفتح بيبان الاوض وتبص .. مش لقياه !!!
نشوى بغضب : ياابن الغداااااارة
طلعت تليفونها بسرعة واتصلت بيه على الرقم اللي سايباه معاه .. “غير متاح”
رزعت التليفون في الأرض بعصبية
نشوى : مااااااااشي ياابراهيم ماشي
إن ما وريتك مبقاش انا نشوى الخشاب ياابن الج***
نزلت تجري على تحت وهي عفاريت الدنيا بتتنطط في وشها وحاسة إنها قربت تنكشف
🔥🔥🔥🔥🔥🔥🔥🔥🔥🔥🔥🔥🔥🔥
*في القصر *
*تحديداً في أوضة مليكة *
مليكة : هنعمل ايه دلوقتي ؟؟
روان : مش عارفة
مليكة : العيلة لازم تعرف اللي الحيوان دا عمله فيكي عشان يااما يجيبولك حقك يااضعف الإيمان اووووي يقدروا موقفك
روان : لالالاء اوعي تقولي لحد يامليكة .. انا مش هقدر أبعد عن إبني يوم واحد ، يوم ايه دا انا مبقدرش اسيبه من ايدي ساعة بس
مليكة : وانا مش هسيبك في الوضع دا لوحدك ياروان .. كفاية اووووي اللي جرالي من ورا تخبية الأمور ، مش عايزة أكرر نفس الغلطة معاكي
روان : يعني عرفتي اخيراً إنها كانت غلطة اهو ؟
مليكة : قصدك ايه
روان : قصدي إنك فوقتي وفهمتي إن سهيلة مكانتش تستاهل كل اللي عملتيه في نفسك عشان خاطرها
مليكة : بس ياروان متقوليش الكلام دا
مش معنى إني بقولك غلطتي إني ندمانة إني عملت كدا ••• أحياناً كدا فيه غلطات بتبقي مفروضة عليكي ولو اتعاد بيكي الزمن بدل المرة مليون هاتعمليها هيييي هي
وسهيلة بت غلبانة وطيبة وياما وقفت جنبي في حاجات كتير وأبسط رد جميل اردهولها إني اعمل اللي عملته
روان : بس خلي بالك الحقيقة مش هتفضل مستخبية كتير ومسير آدم هيعرف
مليكة : يالهوي دا لو عرف تبقى كارثة ياروان
روان : ربنا يسترها بقا .. المهم انتي مالك كدا
حاسة وشك مخطوف بقالك دقيقة كدا
مليكة : مش عارفة والله ياروان فجأة قلبي اتقبض كدا وحاسة بشعور غريب اوي مش قادرة أحدد هو ايه
روان : طيب بصي .. قولي استغفر الله العظيم ١٠ مرات وغمضي عينك ، وشوفي أول صورة هتيجي قدامك صورة مين
استغفرت مليكة ١٠ مرات وغمضت عينيها
مشافتش غير صورة آدم ..!!!
فتحت عينيها بسرعة وهي مخضوضة : لا لا ياشيخة ايه التخاريف اللي بتقوليها دي اقعدي ساكتة
روان : هي مش تخاريف هي مجرد طرق بتعرفك بالتقريب قلبك مقبوض عشان ايه ودا في الغالب بيكون حاجة انتي عارفاها بس مش واخدة بالك
مليكة بتغمض عينيها تاني شافته للمرة التانية .. فتحت عينيها
مليكة : طيب انا هقوم اخد دوش بقا يمكن افوّق كدا
روان : ماشي قومي وانا كمان هروح اوضتي عشان أغير لياسين واظبطه كدا وانيمه
سابتها روان وخرجت هي وياسين من الأوضة وراحت على اوضتها .. وقامت مليكة دخلت تاخد دوش
💝🌟💝🌟💝🌟💝🌟💝🌟💝🌟💝🌟
روان في اوضتها بتنيم ياسين .. اتأكدت إنه نام وحطته ع السرير
معاذ بيفتح الباب وداخل
روان بتبصله بإستحقار : ايه اللي جابك هنا ؟!!
معاذ : الله !!
اوضتي ومراتي .. عايزاني أروح فين يعني
وبعدين يارورتي دا احنا يعتبر اتكتب لعلاقتنا عمر جديد يعني
روان : بقولك اااااايه .. انا مستنية بس آدم إبن عمي يخلص من الحوارات اللي هو فيها دي وهخليه يفوقلك ويفوقك انت فين ودخلت عيلة مين
معاذ : آدم إبن عمك دا تبليه وتشربي مايته
أصله ياحرام ..يوم ما تنامي ع البُرش بتتقطعي من وجعك على فراق إبنك مش هيعرف يخش سجن النسا عشان يقولك معلش يابنت عمي
روان : انت بني آدم زبالة
معاذ : الطيور على اشكالها تقع ياحبي
روان : ممكن أعرف مين الزبالة اللي كانت بتجيلك البيت؟؟؟ معلش الفضول قاتلني بس
معاذ بيضحك بسخرية : الفضول هيقتلك اكتر لما تعرفي هي مين .. بس للأسف الاوان لسة مجاش
بس عموماً متستعجليش .. كله جاي 😉
💝🌟💝🌟💝🌟💝🌟💝🌟💝🌟💝🌟
*في أوضة مليكة وآدم *
خلصت آدم الدوش
لبست هدومها وخرجت من الحمام .. وقفت قدام التسريحة تنشف شعرها بالفوطة
باب الأوضة بيتفتح .. آدم داخل من الباب شبه مُحطم ، وشه أصفر وعيونه دبلانة ووارمة من العياط .. باصص في الأرض وماشي يتطوح من التعب من كتر اللف في الشوارع بدون هدف
اول ما مليكة شافته نزلت ايديها والفوطة وقعت منها .. تعابير وشها كلها اتغيرت وعلى طرف لسانها تسأله “مالك ياادم فيك ايه ؟؟؟!”
لكن بتمنع نفسها في آخر لحظة
دخل آدم ساب التليفون على الكومودينو .. قعد على السرير وبص في الأرض بكسرة
راحت مليكة قعدت جنبه يمكن تفهم فيه ايه
بصتله وربعت رجلها •••
آدم بكسرة وعين مدمعة : الحِمل تِقل عليا أوي يامليكة .. تِقل بغباء أقسم بالله
عارف إن زمانك مش طايقاني ويمكن مش عايزة تسمعي مني حاجة ودا حقك طبعاً ، بس صدقيني انا محتاجلك فوق ما تتخيلي
نام على رجلها ومسك ركبتها بإيده .. مليكة مبرقة ومتفاجئة من الموقف الغريب دا 😳
آدم : انا تعبان اوووووي يامليكة .. حاسس إن قلبي بيغلي و مولع ناااار وكأن الدنيا كلها اتفقت عليا تكسرني
مش قادر أتخيل ولا استوعب إني كنت حماااااار أوي بالشكل دا … كل حاجة كانت قدام عيني ومكنتش شايف ، كل الموازين كانت مقلوبة ، كل الحقايق كانت معكوسة .. كل الناس كانت فاهمة صح وانا الوحيد اللي كنت مُغفل وفاهم غلط
بيمسك ايديها البيضا الناعمة .. حطها على وشه وهو نايم وشم ريحتها الهادية اللي بتطمنه دايما .. حركها ناحية بوقه وباسها
آدم بيعيط : سامحيني يامليكة .. أبوس ايدك سامحيني وخليكي انتي الحاجة الحلوة اللي تهون عليا النار اللي حاسس بيها
غمض عينه وهو بيقول “سامحيني” غصب عنه راح في النوم من التعب والارهاق والحزن
مليكة بصاله من فوق وعيونها مليانة دموع .. شدت ايديها من على بوقه وبدأت تمسح في دموعه اللي نزلت على خده بعد ما غمض عينه
مليكة بعياط : ياريتني أقدر مسامحكش 💥💥 مش هقدر أقولك الكلام دا وانت صاحي بس هكتفي بإني انطقه وانت نايم ••
انا مش قادرة أمنع نفسي عن حبك رغم كل اللي عملته فيا ياادم .. رغم أذيتك اللي كانت بتزيد كل يوم ولا مرة بطلت أحس إنك إبني ، أبويا ، أخويا ..
بتعيط زيادة وهي بتمشي ايديها على وشه : لو عليا كنت شيلت عنك كل الحزن اللي حاسس بيه وخبيتك جوايا أقسم بالله
مسكت راسه بإيديها الاتنين وحضنتها جامد اوووي وكأنها بتعوض طول الفترة اللي كانوا فيها بعاد عن بعض .. سواء من بعد ما اتجوزوا ، او من بعد ما عرف إنها حامل وشافها غلط
💥وهنا انا كهمس اتبسطت أوي الصراحة 😹😹❤️❤️❤️ أخيراااااا بلوا ريقنا بحاجة حلوة 💥
نرجع للأحداث بقا مش عايزين نسرح 🙄
🤍🌟🤍🌟🤍🌟🤍🌟🤍🌟🤍🌟🤍🌟
بدأ الليل يليل .. قامت مليكة من مكانها وعدلت آدم على السرير وحطت راسه على المخدة ، قلعته الجزمة وغطته
جاية تخرج على برا سمعت صوت رسالة على تليفونه بس الغريب إن صوت الرسالة دي بالذات مختلف عن صوت بقيت الرسايل
الفضول خادها .. راحت خدت الفون من ع الكومودينو وفتحته عشان تشوف الرسالة
” مشيت قبل ماتعرفني وافقت على الديل ولا لا ؟
عموماً لو وافقت جهز الاتنين مليون وتعالالي بكرا في نفس المعاد والمكان عشان تعرف المعلومة التانية ”
استغربت مليكة وطلعت في المحادثة تشوف الرسالة اللي قبلها
“لو عايز تعرف مين الشخص اللي مراتك كانت بتداري عليه طول المدة اللي فاتت ، ومين الشخص اللي ورا كل المصايب اللي انتو فيها بقالكو سنتين
تعالى على اللوكيشن دا بكرا الساعة ٨ الصبح”
مليكة برقت واتصدمت
مليكة : يالهوووووي .. معنى كدا إن آدم عرف إن سهيلة ا…..
يالهوي عليا يالهوي .. انا لازم أعرف سهيلة فين بسرعة لا يكون عمل فيها حاجة
مسكت التليفون تاني وبصت على المعاد واللوكيشن … آدم بدأ يتقلب قفلت التليفون بسرعة من غير حتى ماتقفل الشات وسابته ع الكومودينو وفتحت الباب خرجت على برا
🔥🔥🔥🔥🔥🔥🔥🔥🔥🔥🔥🔥🔥🔥🔥
*بعد ساعة *
آدم نايم بيحلم بكابوس من وسط الكوابيس ..
ناس كتير عايزة تأذيه وفيهم حد كبير عامل زي الوحش بالظبط لابس أسود في أسود ومداري وشه ، ماسك سيف طوووويل وعمال يجري وراه عايز يقتله
قعد يجري والشخص دا يجري وراه يجري ودا يجري وراه .. لحد ما آدم فاق مفزوع من النوم
عرقان وبينهج جامد
آدم : أعوذ بالله من الشيطان الرجيم ، أعوذ بالله من الشيطان الرجيم
قام اتعدل وبص في الساعة … مشى ايده على وشه وشعره
ولسة هيقوم يدخل الحمام سمع صوت قلق تحت
خرج من الأوضة بسرعة وبص من فوق على الريسبشن تحت
إبراهيم داخل من الباب .. أمينة بتجري بالكرسي ورايحة عليه
آدم واقف فوق مبرق 💥💥💥

يتبع…
🔴🔴🔴🔴🔴🔴🔴🔴🔴🔴🔴🔴🔵
الحلقة 22
.
أجبرني أعشقه
أجبرني أعشقه
رواية أجبرني أعشقه الحلقة الثانية والعشرون
إبراهيم داخل من الباب .. أمينة بتجري بالكرسي ورايحة عليه
أمينة : ياالف حمدالله على سلامتك ياحبيب امك
وطى إبراهيم باس ايديها ودماغها وحضنها
أمينة بعياط : كنت فاكرة إني مش هلحق أشوفك تاني .. قولت خلاص
هتاخدك الأيام وانا أيامي هتخلص وهقابل وجه كريم قبل مااخدك في حضني
إبراهيم : مقدرش ياامي .. انا رجعت تاني أهو
العيلة كلها واقفين مترصصين وبيبصوله
إبراهيم : انا عارف إنكم أكيد زعلانين مني جداً واني مهما قولت هبقى بردو غلطان .. بس صدقوني غصب عني
بدأ يسلم عليهم واحد واحد ..
رفعت ، روان ، معاذ ، أمينة ، ثرية .. وصل لغاية مليكة ، بصلها شوية وعينه مكسورة
وبيمد ايده عشان يسلم عليها ، جاية ترفع ايديها تسلم عليه هي كمان جه آدم من ورا شدها ومسك في إبراهيم
آدم : يابجاااااحتك يااخي .. بعد كلللل اللي عملته جاي برجليييييك لغاية هنا وكمان عايز تسلم على مراتي وايدك تلمس ايديها ياحيوااااان دا انا هدغدغ عضممممك
ولسة جاي بيرفع ايده عشان يضربه بالبونية
أمينة : ااااااادم
ثبت آدم على وضعه وبص لأمه .. مليكة مستغربة ومش فاهمة ايه اللي بيحصل !!
أمينة : جرا ااااايه ياادم .. انت مش هامك اي حد ياأخي ، مش كفاية اتسببت في إنه يسيب البيت ويمشي من كام يوم كمان دلوقتي لما صدقت إني أشوفه هتضربه وقداااامي
آدم : انتي متعرفيش حاجة ياامي
أمينة : امك تعبااااااانة ياادم .. تعبانة وعاجزة ومتكتفة جوا كرسي شاللها معنوياً اكتر ماهي مشلولة مادياً
نفسي اشوف عيالي كويسين مع بعض وبيحبوا بعض .. نفسي لما أروح لابوك في يوم من الايام أقوله انا كنت قد الأمانة وربيت عيالك صصصصح
آدم بيتعدل وبيبص في الأرض ويتراجع عن كل اللي كان هيقوله
آدم : انا آسف ياامي
سابهم وطلع على اوضته .. إبراهيم رفع عينيه وبصله وهو طالع
رفعت : حمدالله على سلامتك ياابراهيم .. بس خد بالك الحركة دي لو اتكررت تاني مش هيكون ليك مكان في البيت
إبراهيم : حاضر ياجدي
بقلم همس حسن 🖋️
💝🌟💝🌟💝🌟💝🌟💝🌟💝🌟💝🌟



*الساعة ١ بالليل *
آدم واقف قدام حمام السباحة في الجنينة اللي فاضية ومفيهاش مخلوق وبيشرب سجارة
وكل الأحداث عمالة تتكر في دماغه زي الشريط
فجأة .. جت مليكة من ورا وقفت جنبه وبصت هي كمان بإتجاه حمام السباحة
آدم بصلها باستغراب !!!!
رجع بص تاني على حمام السباحة
آدم : آسف لو كنت دايقتك من شوية لما جيت .. انا بس أعصابي كانت تعبانة شوية
مليكة باصة قدامها ومبتردش عليه
آدم بعصبية : هتفضلي مبترديش عليا كدا كتير ؟؟
مش كفاية اللي انا فيه بقا ولا ايه الحكاية
بردو مليكة مبتردش ……
آدم : طب لما انتي مش عايزة تردي ولا تتكلمي ولا حتى تبصيلي جاية تقفي جنبي ليه .. أمرك غريب اوي
اتلفتت مليكة عشان تمشي وقصدت تزحلق رجلها وكأنها هتقع في حمام السباحة … رمى آدم السجارة ونط مسكها بسرعة قبل ما تقع
بقت في حضنه .. ايديها على صدره و بينه وبين وشها سنتي بالظبط ، قلبه بيدق جامد اوي
سواء من خوفه على مليكة .. او من رهبة قلبه إنه قريب للحد دا من اكتر واحدة بيحبها في الدنيا
مليكة : فهمت دلوقتي ؟؟
ابتسم آدم لمجرد إنها ردت عليه لأول مرة ❤️
آدم : فهمت ايه ؟
اتعدلت مليكة وعدلت هدومها
مليكة : رغم إنك كنت متدايق مني عشان مبردش عليك في موقف زي دا بس أول ما شوفتني هقع لحقتني
نفس الشئ •••
عملت فيا كتير وجرحتني كتير ، بس مقدرش أشوفك في موقف صعب ومقفش جنبك او اسيبك لوحدك
زي مانت كنت دايماً بتعم….
*وقفت كلام وافتكرت كل حاجة حصلت معاها *
لفت وشها عشان تمشي ، مسك ايديها وقفها
آدم : متأكدة إنك وقفتي جنبي لمجرد إني كنت بعمل معاكي كدا
مليكة : قصدك ايه
آدم : انا متأكد إن من جواكي بتحبيني زي مانا بحبك بالظبط .. ولو لسة دا محصلش
هجبرك تحبيني
مليكة : تجبرني أحبك ؟؟ هو الحب بقا بالإجبار هو كمان اليومين دول !
آدم : كل شئ متاح في الحب والحرب
ولو مخلتكيش تعترفي إنك بتحبيني مبقاش آدم الخشاب
مليكة : تفتكر دا وقت اللي انت بتقوله دا ؟
آدم : عندك حق .. حياتي فيها مصايب وبلاوي وتحديات كتير اوي الفترة دي
لكن انتي أهم تحدي فيهم .. انتي المستند اللي لو اتطبع صح حياتي كلها هتمشي صح
مليكة : ابراهيم عمل فيك ايه ؟؟
آدم بيسيب ايديها وبيبص ناحية حمام السباحة تاني : خشي نامي يامليكة الوقت اتأخر
فضلت بصاله شوية ومستغربة .. سابته ودخلت على اوضتهم
دخلت قعدت على السرير .. بصت ع الكومودينو شافت تليفون آدم ، فكرت شوية
وبعدين مسكت الفون وفتحت نفس المحادثة لقت الشخص باعت رسالة جديدة
“معلش ياادم بيه هنرحل المعاد شوية ونخليه ٣ العصر بدل ٨ الصبح .. مشغوليات بقا
أهم حاجة زي ما اتفقنا ، ٢ مليون جنيه ”
سابت مليكة الفون على الكومودينو مكانه وقامت فرشت الشازلونج ونامت عليه
*بعد نص ساعة*
آدم خلص اللي بيعمله .. راح على اوضتهم وبيفتح الباب
شاف مليكة نايمة على الشازلونج ورايحة في النوم … قرب منها ببطئ
وطى وباسها من دماغها براحة .. شالها نيمها على السرير وغطاها ، فرش كوڤيرتا في الأرض ونام
بقلم همس حسن 🖋️💖
💝🌟💝🌟💝🌟💝🌟💝🌟💝🌟💝🌟



تاني يوم الصبح 🌄❤️
مليكة بتبدأ تفوق .. اتمطعت واتتاوبت وهي بتتعدل
بصت حواليها لقت نفسها ع السرير استغربت !!
بصت على آدم في الأرض لقيته نايم ورايح في النوم .. اتعدلت عالسرير وقعدت تبصله وهو نايم وابتسمت
بدأ يتقلب اتعدلت بسرعة وقامت تدخل الحمام
🔥🔥🔥🔥🔥🔥🔥🔥🔥🔥🔥🔥🔥🔥
*في الريسبشن *
قاعد رفعت بيفكر في سهيلة وياترى زمانها راحت فين ؟؟؟
روان نازلة على السلم بتسكت ياسين على ايديها .. راحت قعدت جنب جدها وبتهز في ياسين وهو على صرخة واحدة
رفعت دير وشه عشان ميبصلهاش ..
روان بفقدان صبر : ما خلااااص بقا خلصنا يا ياسين هتفضل ويك ويك ويك ويك صدعتننني
رفعت بغضب : انتي ازاي تكلمي عيل صغير بالمنظر داااا
روان : انا آسفة ياجدو هو بس بوظلي أعصابي
رفعت : ما يبوظلك ام أعصابك عادي ومين الأم اللي أعصابها مباظتش يعني .. هاتي الواد دا
خسارة فيكي انتي وأبوه اصلا
اديته ياسين .. ثرية نازلة ع السلم
ثرية : ايه يابابا بتزعق ليه في حاجة
رفعت : أبقي علمي بنتك ازاي تبقى أم ، تبقى زوجة ، وازاي تبقى ابنة او حفيدة كمان
ثرية : حاضر يابابا متزعلش نفسك بس
رفعت : فين أمينة عشان تفطر ؟؟
ثرية : أمينة قاعدة في اوضتها فوق مش عايزة تنزل ولا تفطر ، بالها مشغول بسهيلة اللي مختفية ومش عارفينلها طريق دي
رفعت : ياحول الله يارب .. ربنا يعدي اليومين دول على خير يابنتي
خدي حفيدك دا حاولي تلهيه او تسكتيه ، ولو فضل بيعيط كدا كتير ودوه للدكتور يمكن عنده مغص
ثرية بتاخد ياسين : حاضر هات
مليكة نازلة : صباح الخير 😍😍
رفعت : صباح النور يانن عين جدك
البصة في وشك عالصبح ترد الروح والله العظيم
مليكة بتبوس دماغ جدها : ربنا يخليك لينا ياجدو ❤️❤️❤️
آدم نازل وراها : صباح الخير ياجماعة
ثرية : صباح النور ياحبيبي
رفعت : وصلت لحاجة تخص أختك ياادم ؟
آدم باصصله وساكت .. نزل عينه في الأرض
رفعت : آدم .. انا بكلمك
إسلام وسهيلة داخلين من باب القصر
إسلام : ياريتكم افتكرتوا ٥٠ جنيه
كلهم قاموا وقفوا .. اول ماادم شاف سهيلة افتكر كل حاجة هو أصلا مش ناسيها
أعصابه شدت تاني وملامح وشه كلها اتغيرت
مليكة جريت حضنت سهيلة
رفعت : كنتي فين ياسهيلة ؟؟؟؟
سهيلة : كنت ا….
إسلام : واحنا جايين على البيت هنا عملنا حادثة بالعربية .. بس الحمدلله ستر ربنا جت فيا انا
ثرية : ياساتر ياااارب 😱😱
مليكة بتبرق
رفعت : لا إله إلا الله ، وبعدين
إسلام : بسيطة الحمدلله هو ارتجاج خفيف في المخ بس ، وطبعاً اللي اخرنا كدا عشان هما خادوني على أقرب مستشفى ومكانش فيها شبكة وسهيلة كانت خايفة تسيبني وتخرج عشان تكلمكم
رفعت : حصل خير يابني .. بس اللي حصل دا ميصحش
بياتكوا انتو الاتنين في أوضة واحدة في مستشفى دا مش أصول يااسلام
إسلام : دا حقيقي ياجدي وانا محقوقلك في دي
بس لما تعرف اللي انا جاي لحد هنا عشان أقوله يمكن تغير رأيك
رفعت : ايه هو اللي عايز تقوله
إسلام : انا عايز أخطب سهيلة ياجدي
دخل الكل في حالة صمت وذهول ومحاولة استيعات للموقف
رفعت : طلع منين الموضوع دا ؟؟
وبعدين هو انت في ايه ولا في وفكرت امتى في الكلام دا
إسلام : فكرت من زمان .. بس قولت اكيد مش هلاقي أنسب من الوقت دا اطلب منك فيه ايد سهيلة
آدم الغضب ظهر على وشه اكتر .. سابهم وخرج على برا
معاذ بيضحك بسخرية من تحت لتحت
مليكة : يعني انتو كنتو مخططين لدا من بدري ولا حصل حاجة ؟؟
إسلام : لا مكناش مخططين لاي حاجة
روان اتغاظت من الكلام وافتكرت اللي حصل لمليكة من وراها .. سابتهم و طلعت على فوق
رفعت : بص يا اسلام
انا معتقدش خالص ان ده الوقت المناسب نتكلم في حاجه زي كده .. العيله مليانه احداث مهمه وكبيره ده غير ان والدتها اصلا مش موجودة دلوقتي عشان تقول رأيها ولا اخوها موجود عشان يقرر معانا ، اديني شويه وقت وهنرجع نتكلم تاني في الموضوع ده بعدين
إسلام : تمام مفيش مشاكل
انا جبتلكم سهيلة لحد البيت اهو وآسف مرة تانية إنها غابت عنكم كدا بسببي
رفعت : ولا يهمك ياحبيبي أهم حاجة إنك بخير
إسلام : طيب هستأذن انا بقا
رفعت : لاااااا تستأذن ايه مفيش الكلام دا .. انت هتقعد معانا كام يوم في القصر لحد ما تبقى تمام
انت عامل حادثة ومحتاج عناية
إسلام : لا لا ياجدي اعفيني والنبي انا من الحوار دا مش هينفع والله
رفعت : لا هينفع ونص ، ولا انت هتقلب عليا بقا عشان بقولك اديني شوية وقت 🤔
إسلام : لا وربنا ابدا اوعي تربط دي بدي
رفعت : يبقي هتقعد معانا لحد ما تبقي بخير ، وهنكلم والدك نقوله كل حاجة كمان
إسلام بعد تفكير لدقيقة : ماشي ياجدي اللي انت شايفه
ثرية : هخش بقا اعملك فرخة بلدي كدا ترم عضمك وتنسيك الحادثة دي من أساسه 😍😍
إسلام : الله يباركلك ياامي تسلميلي يارب ❤️❤️❤️
💝✨💝✨💝✨💝✨💝✨💝✨💝✨



مليكة طلعت اوضتها وبتفتح الباب ..
آدم واقف قدام الدولاب “قدام درفة مليكة تحديداً” وبيطلع هدوم
مليكة : انت بتعمل ايه ؟!
آدم : بطلع هدوم
مليكة : مانا أكيد شايفة إنك بتطلع هدوم .. بتطلعلي هدوم ليه
آدم : عشان عرفت إن عندك محاضرة مهمة جداً النهاردة ولازم تحضريها
مليكة : ؟!!!
هو انت سألتني قبل ما تعمل كدا
آدم : في يوم من الايام بمنتهي الغباء كنت هحرمك من التعليم .. بس من الوقت اللي عرفت فيه الحقيقة خدت عهد على نفسي إنك هتتخرجي بامتياز
مليكة : هو انت في ايه ولا في ايه ياادم ؟!!!
آدم : مانا قولتلك اللي فيها بقا ياموكا .. يلا ياحبيبتي البسي بسرعة وانا هنزل أجهز العربية واستناكي
نزل آدم على تحت ، مليكة قعدت على السرير محتارة
مليكة : طب مانا ورايا مشوار لازم اعمله بأي طريقة
أعمل ايه انا دلوقتي 🤦🏼‍♀️
🤍🌟🤍🌟🤍🌟🤍🌟🤍🌟🤍🌟🤍🌟
*بعد نص ساعة *
آدم واقف بيجهز العربية ، خلص وركب ولسة هيقعد يستني .. مليكة بتفتح باب العربية وبتركب هي كمان
آدم : بالسرعة دي ؟
مليكة : كنت عاوزني أتأخر ولا ايه !
آدم : لا بس كنت فاكرك هتعاندي وتتاخري بقا والشغل الساقط اللي بيحصل من البنات دا
مليكة : قصدك اللي كان بيحصل من داليدا مش كدا ؟
ملامح وشه اتغيرت واحمر .. دور العربية وطلع
مليكة : هو انت ازاي كدا ؟!
في وسط كلللللل المصايب اللي حاصلة دي ووسط مانت سايب شغلك نفسه ومش عارف تركز من اللي انت فيه بتركز في جامعتي وفي المحاضرة المهمة
آدم : زي ما كل المسؤوليات التانية دي في رقابتي انتي كمان أمانة في رقابتي .. واعتقد احنا اتكلمنا في الموضوع دا كتير قبل كدا
مليكة : صعب اوي إن الواحد يفهمك
آدم : معلش بكرا تفهميني
طول الطريق مليكة متوترة جدا وعمالة تفرك في ايديها ، آدم يبص لايديها الاتنين ومستغرب
وصلوا الجامعة .. آدم نزل فتحلها الباب ونزلها
آدم : خدي بالك من نفسك كويس ، انا رايح مشوار وبعد ساعة بالظبط هاجي اخدك
مليكة : ماشي
آدم : يلا ادخلي
وقف استناها لحد مااتأكد إنها دخلت .. ركب عربيته واتحرك
وبعد ما هي اتأكدت إنه مشي خرجت تاني بسرعة ، وقفت تاكسي وركبته وقالتله على اللوكيشن
*في العربية *
فتحت مليكة شنطتها ، طلعت دفتر الشيكات والقلم
قطعت شيك وكتبت فيه ٢ مليون جنيه
معلومة : الفلوس اللي في حسابها دي جدها حطها في حسابها هي واختها من يوم ما أبوها مشي وسابهم .. ودا عشان يأمن مستقبلهم لو مات بدري
*وصلت مليكة اللوكيشن *
داخلة مكان واسع وكبير وفاضي .. داخلة ببطئ وخوف “ياترى ايه اللي مستنيني جوا؟”
طلعت الدور التاني زي مامكتوب في الرسالة
نفس الشاب واقف مستني آدم ييجي ، اتفاجئ بأن اللي داخلة عليه بنت .. مش آدم
الشاب قام اتعدل : انتي مين ؟؟
مليكة : كنت بتكلم آدم الخشاب .. وانا حرم آدم الخشاب
الشاب : بمعنى ؟
مليكة : طلبت اتنين مليون جنيه مقابل إنك تعرفنا مين الشخص اللي مدمر حياتنا بالاسلوب دا
*طلعت من شنطتها الشيك *
مليكة : دا شيك ب٢ مليون جنيه .. بس مش هتلمسه بإيدك إلا ماتقولي المعلومات الأول
الشاب : امممم .. بس انا الأوامر اللي معايا أقول لاستاذ آدم ، مش لمراته
مليكة : آدم الخشاب .. مليكة الخشاب
واحنا الاتنين اسمنا في بطاقة واحدة .. هتقول ولا أرجع في كلامي وارجع الشيك مكانه ؟؟؟
الشاب : لا هقول ياستي خلاص اهدي كدا
مليكة : اتفضل سمعاك
الشاب : السبب في كل اللي انتو فيه دا تبقى ا…..
فجأة سمعوا ضرب نار جامد جداااا جاي من تحت ، مليكة اتخضت واتنطرت من مكانها ولسة هتجري بسرعة
راح الشاب ماسكها : لاااااا على جثتي إن الفلوس توصل لحد عندي واسيبها
طلع المطوة من جيبه حطها على رقابتها واللي بيضربوا نار طالعين على السلم 💥💥💥💥
🔥🔥🔥🔥🔥🔥🔥🔥🔥🔥🔥🔥🔥🔥
تفتكروا آدم هيقدر يوصلها ويتقذها ؟ وهل نشوى هتفلت منها فعلاً ولا هتقع في شر أعمالها 🤔

يتبع…

[فيتامين سي]

الحلقة 23
الحلقة 24
.
.
رواية / اجبرني اعشقه
بقلم/ همس حسن
🔴🔴🔴🔴🔴🔴🔴🔴🔴🔴🔴🔴🔵
الحلقة 23
.
أجبرني أعشقه
أجبرني أعشقه
رواية أجبرني أعشقه الحلقة الثالثة والعشرون
راح الشاب *مازن* ماسكها : لاااااا على جثتي إن الفلوس توصل لحد عندي واسيبها
طلع المطوة من جيبه حطها على رقابتها واللي بيضربوا نار طالعين على السلم
مليكة بتبص للمطوة بخوف : انت عايز ااايه أبعد عني بالبتاعة اللي في ايدك دي .. انا مش هديك شيكات إلا ماتقوووولي
مازن : يبقى انتي اللي جبتيه لنفسك بقا تعالي
حط ايده على بوقها والمطوة بالايد التانية على رقابتها وجري بيها عشان ينزل من السلم الخلفي
معلومة : المكان عبارة عن عمارة بتتبني ولسة متشطبتش .. مفتحة من كل ناحية
مازن ماسكها بيجري بيها على تحت وهي عمالة تصوت وتفلفص منه وفي نفس الوقت مرعوووبة ودموعها نازلة من الخوف والشيك في ايديها مطبقة عليه جامد اوووي
بدأ صوت الرصاص يقرب عليهم ويعلى جامد ومازن يجري أسرع وهي تترعب اكتر ..
لحد مانزلوا تحت العمارة وجايين يلفوا مليكة خبطت مازن المطوة وقعت من ايده جاية تجري بيجيبها .. طلقة منهم جت فيه
وقع في الأرض .. ياعالم الرصاصة قتلته ولا لسة عايش !
مليكة وقفت لطمت على وشها وصوتت من الموقف جاية تجري لقيتهم جايين كلهم في وشها .. برقت زيادة وجاية تلف من الناحية التانية بسرعة لقت كذا راجل جايين بردو
حطت ايديها على وشها وقعدت تعيط جامد وتقول ” لا إله إلا الله ، لا إله إلا الله ” وبتشيل ايديها .. لقت حد بيشدها ورا ضهره وبيقف قصداهم
وطبعاً الشخص دا يبقى آدم
*تعالوا نعرف وصل ازاي قبل مانكمل الأحداث *
Flash back 📸🔙
آدم اتحرك بالعربية مشي وسابها في الجامعة .. وبعدها بيتلفت جنبه عشان يشغل حاجة
لقى الملازم بتاعة مليكة نسياها على الكرسي
لف بالعربية ورجع بسرعة عشان يديها الملازم .. دخل بالعافية من البوابة وطلع على المحاضرة
وكان لسة الدكتور مدخلش .. رمى عينه على كل اللي قاعدين عشان يدور علي مليكة ، مشافش غير صاحبتها اللي كانت دايما بتيجي عندهم البيت
شاورلها تروحله .. قامت من البينج وراحت
صاحبتها : ايه ياادم في حاجة ولا ايه
آدم : هي مليكة فين كدا ؟ راحت الحمام
صاحبتها : مليكة !!
مليكة مجاتش اصلا النهاردة ياادم
آدم : نعم ؟!!!!!! مجاتش ازاي يعني
صاحبتها : والله ماجت .. في حاجة ولا ايه
آدم سرح …
آدم : لا مفيش حاجه روحي كملي محاضرتك
سابها ونزل يجري على تحت طلع الفون من جيبه عشان يتصل بيها .. فتح الفون على محادثة مازن
قرا الكلام المكتوب ، استغرب إن المحادثة كانت مفتوحة لوحدها ! وكمان متعلم إنه كان شايفها من قبلها مش مكتوب
*2 unread messages*
آدم برق وهو ماسك الفون .. ركب العربية بسرعة وراح على نفس اللوكيشن
نرجع من الفلاش باك 🔙
مليكة لقت آدم بيشدها من ايديها ورا ضهره *ورا الحيطة* وبيخبيها وبيطلع هو قدام الناس وبيبص عليهم
لقاهم رجالة كتير جدا مسلحين جايين عليا وقائدهم راجل صعيدي
آدم رايح عليهم رافع ايده : اهدوا يارجالة ، انا زيي زيكم بالظبط
الراجل الصعيدي : اجف عندك ياولد .. خدوووه
جريت الرجالة مسكوا آدم يمين وشمال ولسة هياخدوه معاهم
آدم : طب بص ياباشا .. احنا صعايدة زي بعض خلينا نتكلم كلمتين رجالة وبعدين اعملو اللي انتو عايزينه
الراجل بيفكر شوية …
الراجل : نزلوا السلاح لحد ما نعرف عايز ايه
آدم : دلوقتي احنا الاتنين جايين لنفس السبب واحنا الاتنين اتضحك علينا
الراجل : تجصد ايه ياوِلد
آدم : اقصد إني جيت لحد هنا بأمر من ناس عشان اخطف بنت .. والمبرر إنها هتعرف حاجات مينفعش تتعرف والي معاها هو المخبر
بعد ما جيت هنا اكتشفت إن البنت جت قابلت الشاب دا عشان تاخد منه دوا القلب الممنوع بتاع امها
*بيطلع شريط برشام من جيبه*
اهو الشريط ياباشا وحتي ادخل اسأل عنه
الراجل بيبص لرجالته بغضب : يعني ايه الكلام دا ؟؟ كنا هنخطف واحدة ونوديهالها لحد دارها عشان بتجيب دوا لامها ؟؟؟؟!!
آدم بينه وبين نفسه : طلعت واحدة ست
آدم : اه ياباشا .. انا بعد ما وصلت لحد هنا وشوفت الكلام دا ضميري تعبني وحسيت إني اتضحك عليا فقولت بلاش اسيبكوا تقعوا انتو كمان في نفس الغلطة
الراجل : ليلتها سودااا .. مش أشرف الضبع اللي ينضحك عليه وياچي في إخبارية كذب
يلا يارجالة
الرجالة سابت آدم ومشيوا كلهم .. آدم استنى لحد مااتاكد إنهم ركبوا العربية واختفوا
بيتلفت لمليكة جريت عليه وحضنته حضن قوي جداااااا .. حضن يعوضها عن كل خوف حست بيه ، كل رهبة دخلت قلبها ، كل نفضة خوف رعشت جسمها .. آدم مبرق 😳





مش مصدق إنها فعلاً بتحضنه .. بدأت تعيط بصوت عالي وهي بتحضنه زيادة من خوفها ، حضنها هو كمان وهو عينه مرغرغة دموع من فرحته بالحضن دا .. وإحساسه بالإنجاز انها أخيراااااا بدأت تميل وتسامحه
مليكة بشحتفة : انا كنت هموت ياادم ، كانو هيخطفوني ويموتوني كنت خايفة اووووي
خليك معايا ياادم متسيبنيش أبوس ايدك
آدم بيطبطب عليها وهي في حضنه : اهدي ياحبيبتي اهدي انا جنبك وعمري ما هسيبك
مليكة بتحضنه أقوى : كان كل غرضي أعرف الحقيقة بس ، نفسي اوصل مين بيعمل فينا كلللل دا بس مين انا تعبببت
آدم بيبعدها وبيحط ايده الاتنين على وشها : اهدي يامليكة كل حاجة هتبقي بخير وانا مش هسيب حد يأذيكي تاني ولا يمس شعره منك دا انا ادفنه مكانه بس انتي اهدي والنبي
مليكة بتتشحتف وبتحاول تمسك نفسها : حاضر .. حاضر ياادم بس خليك معايا والنبي لا يرجعوا تاني
آدم : حاضر ياقل…
وفجأة بيبص وراها لقى مازن فاق وشايل في الايد التانية اللي مش متصابة سنجا طويلة وبيرفع ايده جااامد عشان يضربها على دماغه
آدم شدها وحط ايده مكانها بسرعة الضربة كلها نزلت على ايده
مليكة : ااااااادم 😱😱😱
آدم مداش فرصة لنفسه يتوجع وراح ناطر من ايده السينجا ومسكه قعد يضرب فيه يمين وشمال لحد ما بوظه خالص
مسكه من رقابته وقعد يزعق بعلو صوته
آدم : انطق مييييين اللي عامل فينا كل دا .. قووووووول
مازن بتعب : لو على جثتي مش هقول ياادم
آدم : شكلك عايز تموت بجد بقا .. انطططططق والا هطلع بروووووحك
آدم ماسكه جامد من رقابته .. مازن بيدافع عن نفسه شال طوبة كبيرة ورزعها في دماغ آدم
آدم حط ايده على دماغه وصوت من الوجع وهو بيقع الناحية التانية .. مليكة اول ما شافت آدم في الموقف دا برقت ، عينيها احمرت وعروقها نفرت ودخلت في النوبة
مازن قاعد في الارض بيمسح بوقه من الدم وحاطط ايده على دراعه اللي في الطلقة وبيبص على آدم باستحقار
قامت مليكة وقفت ووشها كله احمر واعصابها مشدودة ..
وفجأة مسكت مازن بعزم ما فيها قومته وقفته ومسكت دراعاته الاتنين جااامد
مليكة بتطوحه وترميه بكل قوتها بعيييييد : انت بتعمل كدا في جوزي اناااااا ؟؟؟
مازن اترزع ع الأرض وقعد يتدألج لف لف لف لحد ما فقد الوعي
وآدم باصصلها ومصدوم .. سبحان الله اللي يخرج قوة زي دي من واحدة زي دي !!!!
راحت مدت ايديها لادم قومته من الأرض ، راحوا ركبوا العربية واتجهوا للبيت
❤️🔥❤️🔥❤️🔥❤️🔥❤️🔥❤️🔥❤️🔥
*في القصر *
*في أوضة أمينة *
أمينة قاعدة بتقرا قرآن ، سهيلة بتفتح الباب وداخلة عليها .. اول ما امينة شافتها اتفاجئت وصدّقت بسرعة وقفلت المصحف
جاية تجري تترمي في حضنها مسكت ايديها ووقفتها
أمينة : كنتي فين ياسهيلة ؟؟؟؟
سهيلة باستغراب : ايه ياماما في ايه
دا انا حتى جاية بحضنك
أمينة : جاية بتحضنيني !!
بعد كللل اللي عملتيه فيا اليومين الي فاتوا لما مخليتينيش ادوق طعم النوم بسببك جاية دلوقتي تترمي في حضني ببساطة كدا..
كنتي فييييييييين انطقي
سهيلة : إسلام عمل حادثة بالعربية لما كنا جايين عليكي عشان أشوفك ، هو كان قاعد قدام اتعور واتخبط في دماغه بس انا الحمدلله محصليش حاجة
أمينة بتبرق : ياساتر يااااارب .. حادثة 😱
طب وهو عامل ايه دلوقتي ؟؟
سهيلة : الحمدلله .. هو موجود في أوضة معانا في القصر ابقي روحي شوفيه
بس خليكي فاكرة إنك ظلمتيني ها
أمينة : حطي نفسك مكاني طيب .. لما اقعد المدة دي كلها معرفش حاجة عن بنتي منتظرة مني ايه
سهيلة باصة في الأرض وساكتة
أمينة : طب قومي يلا تعالي في حضني بقا
قامت سهيلة حضنتها جامد اوووي .. عيطت وهي في حضنها
أمينة : مالك ياحبيبتي بتعيطي ليه كدا
سهيلة : قلبي واجعني اوي ياامي .. حاسة ببرد فظيع جوايا ومش عارفة أعمل ايه
أمينة بتبعد وتمسك دراعاتها : في ايه ياسهيلة ياحبيبتي ايه اللي حصل فهميني ؟؟!!
سهيلة بتعيط : آدم عرف كل حاجة ياامي
أمينة بتبرق : ايه
سهيلة : زي ما بقولك كدا .. معرفش عرف ازاي
بس اللي أعرفه ومتأكدة منه إني كسرته ووجعت قلبه
أمينة : وعمل ايه لما عرف
سهيلة : كان هيقتلني .. بس تراجع في آخر لحظة
وكالعادة صاحب الفضل في دا كان إسلام
أمينة : ماله إسلام
سهيلة : إسلام طلب ايدي للجواز ..كالعادة حب يحميني من كل اللي بيحصل
أمينة : لا يابنتي انا مش موافقة على الكلام دا
احنا ناس ولاد أصول وبنعرف ربنا
وانا كأم ميرضينيش أقف قدام ربنا واقوله انا دبست واحد ملوش ذنب في بنتي لمجرد إنه يحميها
سهيلة : دبستيه ايه ياماما هو محدش ضربه على ايده عشان يعمل كداا .. إسلام بيحبني بجد
أمينة : وانا مش موافقة على الموضوع دا ياسهيلة
بقلم همس حسن 🖋️
🤍✨🤍✨🤍✨🤍✨🤍✨🤍✨🤍✨





*في أوضة الضيوف *
معاذ : ايه اللي رجع الزفت اللي اسمه إبراهيم دا تاني مش كنتي خلصتي منه
نشوى : حطيته في شقة واكدت عليه ميتحركش منها وإلا هيتكشف وبردو مفيش فايدة خرج وجالهم لحد هنا برجليه
معاذ : طب وبعدين يعني يانشوى .. ما دا ممكن يبوظ كل حاجة بنعملها
نشوى : على مييييين يابابا .. انا مخططة لكل حاجة بأدق التفاصيل ، وهو لو فكر يفتح بوقه همحيه من على وش الأرض أصلا
معاذ : ياخوفي يانشوى لا تفضلي مدية الأمان المطلق دا لكل حاجة لحد ما نلبس في الحيطة
نشوى : متقلقش بقا قولنااااا خلاااص
معاذ : نشوى متزعقيش انتي عارفة اني بكره كدا
نشوى : انا مش ناقصة توتر يامعاذ انا فيا اللي مكفيني .. وكل حاجة تحت السيطرة لحد دلوقتي متقلقش
معاذ : طب عملتي ايه مع سليم
نشوى : بعت صعايدة زي مانت عارف ياخدوا الواد اللي كان باعته وياخدو اللي كان واقف بيسمع منه وزمانهم هيجيبوا خبرهم
أما بالنسبة لسليم فدا خلاص اتخطف وزمانه عندي في المخزن
معاذ : ربنا يسترها .. طيب ايه الخطوة الجاية
نشوى : ركز معايا بقا
الخطوة الجاية ياسيدي …
🤍🔥🤍🔥🤍🔥🤍🔥🤍🔥🤍🔥🤍🔥
وصل آدم ومليكة البيت .. آدم بينزل من العربية وحاطط ايده على دماغه من الوجع ، لفت بسرعة مسكته من ايده التانية تسنده
بصلها وابتسم من فرحته .. دخلوا القصر
رفعت : ياااااادي النيلة فيه ايه ياادم مالك انت كمان
آدم : مفيش ياحج اتخبطت بس عادي يعني انا زي الفل اهو
ثرية : لا إله إلا الله .. هو احنا مش هنخرج من الدايرة دي بقا كل يوم حد شكل تعبان !!
مليكة : معلش ياجماعة سيبوه يرتاح بس عشان هو تعبان جدا
رفعت : طيب خديه واطلعي على فوق جهزيله السرير وخليه ينام كدا خمسة على ما تعملوله أكلة تسنده هو وصاحبه اللي فوق
آدم وشه قفش تاني أول ما سمع سيرة إسلام .. مليكة بتسنده عشان يطلعوا على فوق
بقلم همس حسن 🖋️
🤍✨🤍✨🤍✨🤍✨🤍✨🤍✨🤍✨
سهيلة واقفة على باب أوضة إسلام بتخبط ع الباب وفي ايديها كوباية فيها مشروب ملون كدا
إسلام : ادخل
فتحت سهيلة الباب ودخلت .. إسلام قام اتعدل
بتحط الكوباية ع الكومودينو : عملتلك حتة خلطة بقا هتخليك تقوم تجري دلوقتي 😹
إسلام : ياخوفي لا اشربها ارقد وروحي اللي تقوم تجري 😂😂
سهيلة : لا لا متقلقش 😂😂
انا طلعت فيها كلللل مواهبي بقا عشان تشرب بوق من هنا …..
نطلب الإسعاف على طول 😹😹😹
إسلام : 😂😂😂😂😂😂
متضحكينيش بقا دماغي بتوجعني لمت اضحك
سهيلة : حاضر 😹
عامل ايه دلوقتي طمني عليك
إسلام : الحمدلله والله بتحسن اهو
سهيلة : ربنا يقومك بالسلامه يارب .. مش ناوي بقا تقولي ايه اللي عمل فيك كدا
إسلام : معلش ياسهيلة والنبي تعفيني من السؤال دا
سهيلة : امممم .. تمام مفيش مشكلة
بتتعدل عشان تقوم حط ايده على ايديها ثبتت تاني على وضعها
إسلام : متزعليش مني ياسهيلة انا مش عايز ازعلك والله .. بس انتي عارفة إن احترامي للأسرار صفة متكفاني طول حياتي
بس أوعدك أول مالاقي فرصة لدا هعرفك
سهيلة : احترامك للأسرار دا دليل رجولتك يااسلام
ودا اللي شاددني ليك أصلا
شدت ايديها من تحت ايده وقامت خرجت من الأوضة وهو مبلم مذهول
إسلام : ايه ده هي قالت مشدودة ليك بجد 😳😳😳
ضحك وهو بيمسك الكوباية وكأنه منتصر 😂😂❤️❤️
💖✨💖✨💖✨💖✨💖✨💖✨💖✨
*في أوضة مليكة وآدم*
دخلوا اوضتهم .. آدم قعد على السرير
مليكة : انا هدخل الحمام أغير هدومي بسرعة والبس أي حاجة على ما تغير انت كمان هدومك عشان نشوف هنعمل ايه
آدم : تمام
دخلت الحمام غيرت هدومها وهو كمان غير .. خرجت من الحمام فتحت درج الكومودينو طلعت علبة الإسعافات الأولية
آدم : انتي هتعملي ايه ؟؟
مليكة : الجرح اللي في راسك ورم وازرق ، هحطلك مرهم وكريم مضاد حيوي واربطهالك
آدم : لا لا مفيش داعي انا هنام وهصحي كويس بإذن الله
مليكة : انا مش باخد رأيك على فكرة
آدم : يااااه .. دي بلطجة بقا 🤔😂





مليكة : اعتبرها زي ما تعتبرها بقا .. هات دماغك
بدأت تدهنله راسه بالمرهم والكريم ، بدأ قلبه يدق من مجرد إحساس إنها لامساه وايديها على دماغه
وهي بتلف دماغه بالشاش تقلت على الحتة اللي وجعاه فإتألم جامد
اول ما مليكة لاحظت شالت الشاش تاني بسرعة
وفجأة … تلاحظ إن هي كمان قلبها دق أول ما حست انه بيتألم !!
استغربت نفسها اوي ، كملت لف في دماغه
طلعت شريط برشام وطلعت واحدة
مليكة : دا مسكن هتاخد منه واحدة وكمان نص ساعة بالظبط مش هتحس بحاجة بإذن الله
آدم : شكراً ❤️❤️
مليكة : الشكر لله
آدم : اعتقد بعد اللي حصل دا انتي سامحتيني بقا ؟
مليكة : انت كنت بتعمل كدا عشان اسامحك ؟!
ادم : لاااا والله أبدا .. انا عملت كدا عشانك انتي
مليكة : يبقى بلاش نسبق الأحداث بقا .. المهم
احنا لازم نوصل للمعلومات اللي مازن كان بيقول عليها
ادم : أيوة فعلاً .. الموضوع بيكبر وانا شاكك في حاجات كتير
بس الغريب في الموضوع دا إن الواضح من كلامهم كلهم إن اللي ممشي كل حاجة واحدة ست
مليكة : واحدة ست ؟!
طب هتكون مين الست دي أصلا
ادم : الله أعلم ، بس اللي متأكد منه أنها واحدة قريبة مننا اوووووي
قريبة للحد اللي مخليها عارفة عننا كل حاجة وقادرة تتحكم فينا كمان
مليكة : طيب نام انت شوية وبإذن الله لما تصحى كدا هنشوف الموضوع دا ونفكر هنعمل ايه
آدم : تمام
سابته مليكة وخرجت على برا ….
بقلم همس حسن 🖋️
💖✨💖✨💖✨💖✨💖✨💖✨💖✨
*نشوى خلصت وخرجت من الأوضة *
بعدها بنص ساعة
مليكة ماشية في الطرقة لا بيها ولا عليها
فجأة لقت نفسها بتتشد جوا أوضة الضيوف وحد بيحط ايديه على بوقها
مليكة بتفتح عينيها بسرعة .. لقيته معاذ
لسة هتفلفص عشان تقوله انت ايه اللي بتعمله دا ودخلتني الأوضة ليه ، لقت الباب بيتفتح
روان داخلة …
لقت مليكة واقفة ساندة ع الحيطة وقدامها معاذ
وقفت روان اتسمرت مكانها وبرقت من الصدمة
مليكة بتزق معاذ بعيد عنها : انت اااايه اللي بتعمله دا انت اتجننننننننت
روان انتي أكيد مفهمتيش غلط دا هو اللي …
روان بترفع ايديها ✋🏻 : شششش مش عايزة أسمع أي حاجة .. خلصت على كدا
سابتهم وخرجت جري على برا .. جريت وراها مليكة وحاولت تشدها من دراعها
مليكة : هي اااايه الي خلصت انتي فكرتي ااااايه بقولك هو اللي دخلني بالعافية الأوضة ومبقاليش دقيقة واااااحدة 😱😱😱
روان : بقالي بتاع سنة بفكر ياترى مين اللي بيخونني معاها يومياً ، وياترى هي قريبة مننا لدرجة إنها تكون بتدخل معاه كل يووووم على الله ومن غير ما حد يلاحظ
فكرت في القريب والبعيد والغريب وكللل الناس
بس مكنتش أعرف إن اللي بدور عليها تبقى أختي
بتزقها من قدامها وبعياط : اختتتتتي اللي قضينا ايام سودااااا مع بعض وشوفنا سوا المرررر عشان نقف في وش الدنيا ودلوقتي هي اللي تطعني في ضهرررررررري
مليكة بذهول : انتي بجد شاكة فيا يا روان !!!!!
روان : وانتي لو مكاني هاتفسريها بأيييييييييه
تعالوا ياعااااالم احضرونااااا
وفجأة جت من ورا ثرية ولطشتها بالقلم لوحتهاااا
ثرية : لو مش محترمة البيت اللي انتي عايشة فيه .. يبقى تطلعي منه أحسن ياروان
روان : انتي بتضربيني وبتطرديني ياماما !!!!!
ثرية : اااااه اطردك .. لما تنسي نفسك وتربيتك وتنسي أختك مين ومتربية ازاي يبقي انتي متستحقيش تعيشي في وسطناااا
رفعت : ثرية
انتي ازاي تاخدي قرار زي دا من غير ما ترجعيلي ؟!
ثرية : مش وووووقته يابااااا
البت بتخون اختهاااا وفاكراها هي اللي بتخونها مع الحيواااان الي خد بعضه وجري
رفعت : وانا مقولتش إنها تمشي .. اتفضلي ادخلي على اوضتك ياروان واستنيني جوا
روان دخلت اوضتها ووراها رفعت
مليكة قعدت في الأرض على سلم القصر وحطت ايديها على دماغها ، ريأكشانات وشها ثابتة زي ماهي ودموعها نازلة لوحدها
قعدت جنبها ثرية
🔥🔥🔥🔥🔥🔥🔥🔥🔥🔥🔥🔥🔥🔥





*في الجنينة الفاضية *
إبراهيم ونشوى واقفين مع بعض
نشوى : انت ازاي تمشي من البيت من غير اذني ياابراهيم ؟؟؟؟
إبراهيم : انا مش مطلوب مني اعمل كل حاجة باذنك .. كان لينا مصلحة مع بعض مصلحتنا خلصت يبقي كل واحد فينا من طريق
نشوى : يعني ايه الكلام دا !!
إبراهيم : يعني انا فوقت ياعمتي .. فوقت وحسيت إني غلطت اووووي لما عملت كل اللي عملته
وغلطت في مين ؟؟ في اخوياااا اللي من لحمي ودمي
وعشان كدا انا قررت أطلع برا اي حاجة واعيش في سلام لحد مااخويا يسامحني
نشوى لااااا والله
لاهو انت فاكر دخول الحمام زي خروجه ياحبيبي؟؟؟
إبراهيم : يعني ايه
نشوى : يعني اللي يدخل الحرب الي احنا فيها دي يا يخرج منتصر يايخرج على ضهره
وانت مخرجتش منتصر *بتطلع من جيبها سلاح* يبقي تخرج على ضهرك ياابن أخويا
آدم جاي من بعيد : وبما إن كل شئ متاح في الحب والحرب ، يبقى متاح كمان إن الإبن يقتل عمته
يا…… عمتي
🔥🔥🔥🔥🔥🔥🔥🔥🔥🔥🔥🔥🔥
ولععععععععت 🔥🔥

يتبع…
🔴🔴🔴🔴🔴🔴🔴🔴🔴🔴🔴🔴🔵
الحلقة 24
.
رواية أجبرني أعشقه الجزء الرابع والعشرون


أجبرني أعشقه
أجبرني أعشقه
رواية أجبرني أعشقه الحلقة الرابعة والعشرون
آدم جاي من بعيد : وبما إن كل شئ متاح في الحب والحرب ، يبقى متاح كمان إن الإبن يقتل عمته
يا…… عمتي
نشوى بتتصدم وبتحط السكينة الصغيرة في جيبها بسرعة
نشوى : ايه الكلام اللي انت بتقوله دا ياادم ؟!
آدم : قولت ايه ، هو انا لسة قولت حاجة ؟؟؟؟
احنا هنقول كل حاجة جوا .. تعالي
مسكها جامد من دراعها دخل بيها على القصر .. الغضب مكهرب وشه وعروقه شادة ومحمر
دخل بيها على القصر وهي عمالة تزق فيه جامد “ايه اللي بتعمله دا ياادم سيبنييييي”
آدم : ياجدددددددي ..
مليكة ،روان ، سهيلة ، معاذ
يااممممي .. كله ينزل حالا
كلهم نزلوا جري على تحت .. وأصبح اللي واقف في الريسبشن
رفعت ، ثرية ، أمينة ، سهيلة ، مليكة ، روان ، معاذ ، ابراهيم .. وآدم ماسك نشوى
رفعت : في ايه ياادم مالك خضتنا ، وبعدين انت ماسك عمتك كدا ليه !!!
آدم بينطر نشوى من ايده : بص بقا ياجدي ..
طول السنين اللي فاتت كلنا كنا ماشيين ورا أوامرك واحنا مغمضين ، لحد ما جت عليا اللحظة اللي اكتشف فيها خيانة اقرررررررب حد لينا كلنا .. وكالعادة هسيبك انت تتصرف مبدأياً
بنت حضرتك المصونة اللي واقفة قدامك عاملة فيها الملاك البرئ ، هي أس كلللللل المصايب اللي احنا فيها .. معرفش تفاصيل بس دا كله فهمته من كونڤيرسيشن بسيطة جداً بينها هي وإبراهيم سمعتها بالصدفة .. هتحل ولا احل انا ؟؟؟
كل العيلة اتصدوموا ووجهوا نظرتهم لنشوى بسرعة .. كل واحد فيهم بيدور جواه مليون سؤال وجواب شكل
معاذ واقف مبرق وبيعرق ، نشوى ركبها بتخبط في بعضها ومصدومة
رفعت : خيانة ايه ياادم !! عمتك هتخوننا ازاي يعني
آدم : وهو دا اللي انا عايزك تعرفه حااالا منها
نشوى : خلي بالك ياادم انت بتغلط جداااا معا…
آدم : ششششش انت تخرسي خالص عشان ماخدكيش جوز اقلام على وشك واخلي منظرك زبالة قدام العيلة كلها
نشوى بتبرق : تاخد ميييييين جوز اقلام هو انا عيلة صغيرة معاك يالا انا ابقى عمتتتتك
رفعت : بسسسسسس .. مش عايز أسمع صوت
ايه الكلام اللي انت سمعته ياادم ، انا مش فاهم ازاي يعني عمتك هتخوننا وهتعمل دا ليييه أصلا
آدم : ااااه .. كدا فرصتك انتهت ياجدي
اعذرني انا دي مسمهاش قلة تقدير ولا قلة أدب بس انا كراجل لما الاذية توصل لمراتي يبقى لازم أتصرف
جري مسك معاذ وطلع السلاح من جيبه حطه في دماغه
روان بتبرق 😳😳 العيلة كلها واقفين مصدومين “هو ايه اللي بيعمله دا !!!!!”
آدم : أحياناً فيه ناس مبتطلعش الكلمة منها بسهولة ، ولازم عشان تطلع من بوقها كلمة تحطها تحت تهديد عنيف زي دا
روان : وهو ايه التهديد العنيف ليها في إنك تحط المسدس في راس جوزي ؟؟؟!!!
آدم : التهديد العنيف ياحبيبتي إن مراتي اللي هي أختك واللي انتي بمنتهى البساطة شكيتي إن هي اللي بتخونك مع جوزك دي كانت مجرد طُعم
كوبري كانوا عايزين يضحكوا بيكي عليه وللأسف انتي بلعتي الطُعم بمنتتتتتتتتهي السهولة والسلاسة .. تعالي احكيلك ازاي
Flash back 📸🔙
مليكة خلصت مع آدم وسابته ينام .. بعد ما خرجت من الأوضة بشوية آدم حس إنه عاوز يشرب ماية .. فتح التلاجة ياخد ازازة
لقى الازايز الساقعة في التلاجة اللي في اوضتهم خلصت
فتح الباب وخرج في إتجاه المطبخ عشان ياخد ازازة ساقعة .. وجنب أوضة الضيوف تحديداً
سمع صوت كلام جاي من جوا ، استغرب الأول
“الأوضة دي مقفولة من سنين ، الكلام اللي جوا دا جاي منين !!!”





ad
speakol

رواية أجبرتني على عشقها الفصل الرابع 4 بقلم ضحى خالد



رواية ملكت الأسد الفصل السادس عشر 16 بقلم فاطمة حسن

قرب من باب الأوضة وبدأ يركز عشان يسمع ايه اللي بيحصل
سمع صوت نشوى ومعاذ وهما بيتكلموا ..
ولو احنا مركزين معاهم هنفتكر في الشابتر اللي فات لما وقفنا عند …
معاذ : طيب ايه الخطوة الجاية بقا ؟
نشوى : هقولك ياسيدي ..
الخطوة الجاية بقا إننا هنحاول نشتت انتباههم لينا ، روان مركزة جدا معاك وبعد اللي عملته لما هددتها بالورق اللي معاك هي هتركز اكتر عشان توقعك في اي مصيبة وتقدر تخلص منك
وانسب طريقة ممكن تشتت انتابهها بيها إنك تصدمها في أقرب حد منها ، واللي هي “مليكة”
معاذ : ودي هنعملها ازاي ؟؟؟
نشوى : ركز معايا بقا
بدأت نشوى تحكيله الخطة اللي هيعملها عشان يوقع مليكة في الفخ ويشكك روان فيها ، وفي نفس الوقت هتكون هي في الجنينة مع ابراهيم عشان ميتشكش فيها
استخبي آدم بعيد وشاف الواقعة اللي حصلت كاملة لحد مااتأكد انها خلصت وراح ع الجنينة ورا نشوى .. سمع كل الكلام اللي قالته من أوله لأخره
نرجع من الفلاش باك 🔙
آدم : وبكدا قدرت أعرف معلومتين مهمين جدا
أولهم .. ان نشوى عمتك هي الشخص اللي جوزك كان بيخونك معاه ياروان واللي شكيتي في اختتتتتك شقيقتك بسببها وكانت بتخطط معاه لكل حاجة ، حتي الورق اللي مضاكي عليه
تانيهم بقا .. إنها كانت متفقة مع إبراهيم في كل حاجة كانت بتحصل
روان بتبرق وعينيها بتدمع وهي بتبص لنشوى … لفت وشها وبصت لمليكة اللي عيونها غرقانة دموع من كسرة قلبها من أختها الوحيدة
رفعت واقف مصدوم ومبرق .. مش قادر ينطق بولا كلمة من صدمته
نشوى بتتحول ووشها بيحمر من الغضب وهي شايفة معاذ في ايد آدم والسكينة على رقابته ومش عارف يتحرك ولا يتكلم
نشوى : اااااااادم .. سيب معاذ وابعد عنه احسنلك
آدم : ليه ؟؟ خايفة عليه اوي ياعيني
نشوى : اقصر الشر ياادم وسيييييييبه بقولك
آدم : وانا مش هسييييبه إلا ما تحكيلي كللللل حاجة
بيتتك على رقابته : انططططططقي عملتي فينل كل دا لييييييييييييه
نشوى : عشان بكرهكووووووووا
بكرهكوا وعايزة انتقم منكو بأاااااااي طريقة ولو اطول احرقكوا احياء مش هتردد لحظظظظة
زي ما أبوك وعمك وجدك اللي هما اخواتي وابويااا المصون حرقولي أحلامي ودمرولي مستقبلي برفضهم لإنسان انا كنت بمووووت في التراب اللي بيمشي عليه
اترجيتهم وكنت هنزل على رجليهم ابووووسها انا مش عايزة غيررررره .. لكن ازاي ؟؟؟
بنت الخشاب لما تيجي تتجوز لازم تتجوز واحد على سن ورمح تتهزله شنبااات
مصعبتش عليهم ولا فكروا لحظة في حرقة قلبي وجوزوني واحد غيره ، واحد كان عايز يدفني بالحياة
رفعت : لما ننقذك من الي بتحبيه اللي هو تاجر مخدرات ونجوزك لراجل محترم يصونك ويتقي ربنا فيكي نبقي كدا بنأذيكي وبنحرقلك مستقبلك ؟!!!
نشوى : يااخي روح اجري .. يتقي ربنا فيا اااايه هو دا يعرف ربنا ولا يعرف دين
دا ميعرفش اي حاجة غير انه يدفني في البيت بين أربع حيطان ولو رفضت يضربني ، استحملت كتيييير لحد ما جيت في لحظة رفضت كللل دا وقررت اطلق وارجع انتقم منكم
انتقم منك يارفعت ياخشاب بتحصيرك على عيلتك وبيتك اللي قعدت سنين تبني فيه وبتحسب ان مفيش زيك .. وانتقم من أخواتي الاتنين في عيالهم
ولعلمك ياادم الموضوع مكانش يخص بس أخوك إبراهيم ولا روان وجوزها
الموضوع يخص كلللل العيلة
وبكلللل فخر : اي حد كان بيتشك في صباعه في البيت دا كنت انا السبب
*العيلة كلها واقفين مبرقين *
بدأت تتمشي قدام كل واحد
نشوى قدام سهيلة : لو أختك غلطت في الحرام ، فكنت انا حمامة السلام اللي وفقت بينها وبين الشخص اللي غلطت معاه
قدام مليكة : لو انت ومليكة حصل بينكو مشاكل وكرهتوا بعض فدا بردو كان بفعلي اناااا
قدام أمينة : لو امك عاجزة ومش قادرة تقف على رجلها فدا بفعل الدوا اللي كنت بحطهولها كلللل يوم في ازازة الماية اللي بتشرب منها
قدام روان : لو انتي اتجوزتي واحد واكتشفتي خيانته ليكي وإن جوازك منه كلللله كان كدبة كبيرة ، فدا بردو كان تخطيطي
قدام ابراهيم : لو إبراهيم أخوك كرهك وكان شايف إنك الشيطان اللي في حياته اللي واخد منه كلللل حاجة حتى البنت اللي حبها .. فدا بردو بفضل وسوستي ☺️
واخيرااااااا ودا بعتبره أهم إنجاز وصلتله
نشوى بتمسك مليكة جامد وبتطلع السكينة من جيبها تاني وتحطها على رقابتها
نشوى في ودن مليكة بخباثة : أهم إنجاز ياموكا ، إني قدرت ازرع في دماغ ابوكي أفكار خليته يبيعكم بالرخييييص ويسافر ☺️☺️
آدم بيبرق : نشوووووووى ابعددددددي عنها احسنلك
ثرية : ياحوووستي
بنتتتتتتي 😱😱





نشوى : وكدا نبقي خالصين ياابن اخويا .. تقتلي حبيبي ، واقتلك مراتك .. ايه رأيك 🤔🤔
آدم : اقسم بالله العلي العظيم يانشوى لو ما سيبتي مراتي حالا من ايدك ما هرحمك
نشوى : خلاص تعالي نتفق إتفاق.. سلم واستلم
سلمني حبيبي اخده وامشي ، واستلم حبيتك صاغ سليم
آدم : نشووووى
ثرية بعياط : ااادم .. معنديش أغلى منها أبوس ايدك
آدم بيبص لمليكة وعينه بتدمع من العجز اللي حس بيه فجأة … زق معاذ ورمى السكينة في الأرض
معاذ جري على نشوى .. نشوى فضلت ماسكة مليكة والسكينة على رقابتها وبترجع بيها لورا
آدم : انا سيبتلك معاذ سيبي مليكة بقاااا
نشوى : هو دخول الحمام زي خروجه ياحبيبي ☺️☺️
خرجت نشوى تجري على برا بمليكة وكلللللهم وراها وآدم بيجري عفاريت الدنيا كلهاااا بتتنطط في وشه بس مش قادر يعمل حاجة *السكينة على رقابتها*
وصلت نشوى عند البوابة ولسة معاذ بيفتحها عشان يخرجوا .. مليكة اتحولت ووشها احمر


مسكت ايد نشوى اللي ماسكة بيها السكينة وغرزت ضوافرها في أضعف مكان للأعصاب .. ايد نشوى اتكربهت واعصابها اتشلت شلل لحظي ، نطرت مليكة أيدها بالسكينة وجريت على آدم


خرجت نشوى ومعاذ يجروا على برا في ثواني وقبل ما يلحقوا يمسكوهم كانوا اختفوا من المكان
آدم بصوت عالي : اهربي قد ما تهربي يانشوى بس ورحمة أبويا لاقتلك بإيديا .. وحياة حرقة قلبي على عجز أمي وشرف اختي اللي ضاع وكسرة قلب مراتي لاحرقك حية يانشوى
رجع بص لمليكة وحضنها جامد اوووي وباس ايديها وهي مبلمة وساكتة … دخلوا كلهم على القصر تاني
رفعت داخل مصدوم وساكت تماماً .. قعد على كرسي الانتريه وهو مبلم وبالع لسانه
روان قعدت في الأرض وحطت ايديها على دماغها
ثرية : كلللللل دا يطلع من نشوى !!!
اللي احنا شايلينها في عينينا ومفضلينها على نفسنا في كل حاجة
أمينة : قدرت تخون وتغش وتزور وتأذي وتعجز وتوقع وتكرّه كمان
روان رفعت وشها من الأرض وقامت راحت وقفت قدام مليكة
روان بعياط : انا غلطت في حقك يابنت امي وابويا ، انا آسفة
حقك عليا
مليكة بترفع عينيها وبتبصلها بصمت •• وكأن الكلام اللي عيونها بتقوله ميتقالش بألف لسان ، ومردتش عليها بولا كلمة
رفعت قاعد ساكت .. وباصص قدامه
آدم راح قعد جنبه وحط ايده على كتفه
آدم : وحياتك ياجدي لا هجيبها راكعة تحت رجليكوا كلكو تطلب الرضا والسماح ، بس والنبي ماتيجي على نفسك زيادة .. احنا مش مستعدين نخسرك ياجدي
رفعت قام وقف : اطلع بلغ إسلام
جوازه من سهيلة هيكون بعد بكرا .. وفي نفس اليوم بالليل ، نشوى تتقتل ياادم
آدم : جدي انت في وعيك ؟
بتقول الكلام دا بنفسك
رفعت : سمعتني ياادم ؟؟؟
آدم : اه سمعتك ياجدي
رفعت : تمام
انا طالع اوضتي أنام
سابهم رفعت وطلع .. خرج آدم على برا وهو العفاريت بتتنطط قدام عينيه
سهيلة بصدمة : ازاي فرحي بعد بكرا يعني ؟؟
هو سلق بيض ! انا مش هلحق أعمل كلللللل دا
جريت طلعت على اوضتها
مليكة واقفة مصدومة من فكرة إن جوزها هيقتل عمتها بعد بكرا .. طلعت هي كمان على اوضتها
أمينة بصت لرجلها ، افتكرت كل الكلام اللي نشوى قالته .. طلعت على اوضتها
روان قاعدة وشها غرقان دموع
من جوزها اللي خانها وسابها ومشي
من عمتها اللي طلعت السبب في كل حاجة
على اختها اللي شكت فيها وخسرتها للأبد
🔥🤍🔥🤍🔥🤍🔥🤍🔥🤍🔥🤍🔥🤍






آدم واقف قدام البسين يشرب سجاير ورا بعض ورا بعض ورا بعض .. ابراهيم وقف جنبه
إبراهيم : عارف إن زمانك مش طايق تبص في وشي ولا تسمع صوتي ودا حقك طبعاً ، بس انا كمان حقي إنك تسمعني وبعد كدا تقرر عاوز تعمل ايه .. صدقني ياادم انا مش إبراهيم اللي تعرفه
مش ابراهيم الخاين ولا الحاقد ولا قتال القتلة اللي ملوش أمان
انا اتغيرت كتييير اوي الفترة اللي فاتت وحسيت إني معنديش اغلي منك انت وسهيلة وماما عشان أقف جنبهم
وعشان كدا مجرد ما نشوى جت تكلمني في نفس الكلام تاني انا صديتها ولو كانت كترت كنت هضربها ٨٠ جزمة عشان انا خلااااص توبت عن كل حاجة كنت بعملها ومعنديش اي استعداد اخسر حد فيكو
آدم باصص قدامه بيشرب سجاير وساكت
إبراهيم : ياادم .. ياادم اديني فرصة ابقى جنبك الفترة دي احنا داخلين على أيام صعبة جدااااا ولازم نكون في ضهر بعض عشان نقدر نحمي العيلة .. نشوى أخطر بكتييييير اوي من ما انت فاكر
عندها استعداد تدمر وتحرق وتهد وتقتل .. وانا واللله العظيم ما خايف على نفسي قد مانا خايف عليكوا ومش عايزها تأذي حد فيكو
خلص آدم السجارة ورماها من ايده .. اتلفت لابراهيم وحط ايده على كتفه
آدم : بص ياابراهيم .. انا اه مصدقك ومصدق توبتك وندمك بس مش معنى كدا إني سامحتك
لو كنت غلطت ااااااي غلطة تانية في الدنيا حتى لو فيا انا شخصياً كنت هسامحك واخدك في حضني زي ماكنت بعمل زمان .. بس المرة دي الغلطة كبيرة اوي ياابراهيم
المرة دي الغلطة كانت مع مراتي .. مراتي اللي هي مليكة بنت عمك اللي انت بعينك شوفت هي اتأذت كام مرة ومن كام شخص
اتأذت من أبوها لمدة ١٦ سنة ، اتأذت بسبب بنت عمها اللي هي صحبتها لمدة سنتين ، اتأذت من جدها لما جوزهالي غصب ، اتأذت مني انا شخصياااااااا وبطرق بشعة
وبعد كل دا انا وقفت قدام ربنا واتعاهدت إن محدش هيقدر يأذيها تاني طول مانا عايش
يقوم أخويا يحاول يقتلها .. لا صعبة اوي ياابراهيم
صعبة وصعب اسامحك عليها غير بمجهود كبيييير اوي منك للأسف
إبراهيم : وانا هعمل كلللل اللي اقدر ومقدرش عليه عشان اخليك تسامحني يااخويا
طبطب آدم على كتفه وسابه ودخل على جوا ..
*في المطبخ *
مليكة واقفة بتصب كوباية ماية .. روان جاية من وراها
روان : يامليكة .. سامحيني أبوس ايدك انا غلطت وعارفة والله بس مش هعرف أنام إلا ماتسامحيني
انا الشيطان عماني ومشوفتش انا بعمل ايه ، اول ما شوفتكو في الوضع دا انا ….
مليكة : شششش .. مبدأيا متجيبيش سيرة اللي حصل تاني بالتفصيل
وبعدين انتي مغلطتيش فيا غلط عادي ياروان ، انتي غلطتي في شرفي وعرضي وسمعتي وبوظتي كلللللل حاجة بيننا
والموضوع مينفعش فيه كلام ياروان للأسف .. حتى الود اتقطع بيننا
كفاية أذية بقا لحد كدا ، عن إذنك
سابتها وخرجت من المطبخ .. قعدت روان في الأرض وقعدت تعيط
🔥🤍🔥🤍🔥🤍🔥🤍🔥🤍🔥🤍🔥🤍
*بعد نص ساعة *
*في أوضة مليكة وآدم*
مليكة قاعدة على السرير ساندة ضهرها لورا وفاردة رجلها وباصة قدامها .. آدم فتح الباب ودخل
قعد جنبها بنفس الطريقة وسند ضهره ورا وبص قدامه
هو يفتكر اللي أخوه عمله فيه ومش قادر يسامحه ،هي تفتكر اللي أختها عملته فيها ومش قادرة تسامحها
هو يفتكر اللي نشوى عملته في أمه وعجزتها كل السنين دي ، هي تفتكر اللي نشوى عملته وإنها اتسببت في بعدها عن ابوها كل السنين دي
هو يفتكر شرف أخته اللي ضاع بسبب نشوى ، هي تفتكر عمر اختها اللي ضاع اما لما نشوى بعتتلها معاذ اللي كفر سيئاتها وكمان خانها معاها
ووسط كلللل الهموم دي .. آدم بيمد ايده وبياخد مليكة في حضنه ، حطت ايديها على صدره ومنطقتش بكلمة
آدم : اللي حصلنا كان كتير اوي ، بس خلينا نسرق ساعتين من الزمن وننسى كل حاجة
بيطبطب عليها : استرخي خالص ومتخافيش .. انا جنبك وهفضل جنبك
مليكة بتغمض عينيها .. وبعد لحظات كانت راحت في سابع نومة من تعبها
بقلم همس حسن 🖋️
🤍🔥🤍🔥🤍🔥🤍🔥🤍🔥🤍🔥🤍🔥
*في الجنينة *
روان قاعدة في الأرض عمالة تفتكر كل حاجة وتعيط .. إبراهيم راح قعد جنبها
روان بعياط : بقينا زي بعض ياابراهيم
انت خسرت أخوك ، وانا خسرت أختي
إبراهيم : اه خسرناهم ، بس مش للأبد
روان : يعني ايه ؟
إبراهيم : يعني احنا هنعمل المستحيل عشان نخليهم يسامحونا ويثقوا فينا تاني
اعتقد إحنا الاتنين وضعنا بقا زي بعض بالظبط
انتي خسرتي حب عمرك ، وانا خسرت حب عمري
انتي خسرتي اختك ، وانا خسرت أخويا
يعني مصلحتنا واحدة
بيمد ايده : معايا ؟؟
روان : معاك ياابراهيم 🤝
إبراهيم : اوعدك ، كمان فترة بسيطة من دلوقتي هنرجعهم الاتنين وهننسيهم عملنا ايه فيهم أصلا
روان : ياريت ، انا قلبي بيتحرق من جوا ومش عارفة اطفيه
إبراهيم : طيب .. تعالي ننسى كل اللي حاصل وندخل نعمل اتنين هوت شوكلت يطري على قلبنا عشان نعرف نفكر كويس
روان : هوت شوكلت ايه بس ياابراهيم في الوضع دا والنبي
بيمسح دموعها : من اول دلوقتي مش عايزين عياط خلاص ، زمان العياط انتهي واللي جاي لازم يبقي خير وحل
بيشد ايديها : يلا قومي نعمل الهوت شوكلت ونخطط بقا
دخلوا المطبخ هما الاتنين
💖✨💖✨💖✨💖✨💖✨💖✨💖✨






*تاني يوم الصبح *
جرس القصر بيرن .. راحت الشغالة تفتح الباب
دخل مُحضر : فين صاحب البيت دا
رفعت : أيوة يااستاذ .. انا صاحب البيت خير
المحضر : أستاذة نشوى رفعت الخشاب بتطالبكم بإخلاء البيت خلال ٢٤ ساعة بالظبط من دلوقتي
رفعت : نعمممم ؟؟؟؟
الكلام دا بناءً عن ايه ؟!
المحضر بيطلع ورق ..
المحضر : دا ورق فيه تنازل رسمي من كل واحد في البيت عن ممتلكاته ونصيبه داخل البيت .. أما الورق دا فيه تنازل من حضرتك انت عن البيت نفسه 💥💥💥💥💥

يتبع…

[فيتامين سي]

الحلقة 25
الحلقة 26
.
.
رواية / اجبرني اعشقه
بقلم/ همس حسن
🔴🔴🔴🔴🔴🔴🔴🔴🔴🔴🔴🔴🔵
الحلقة 25
..
.
الة بتخبط على صدرها وبعلو صوتها : يالهووووي
رفعت باصصله ومصدوم .. مبينطقش ولا حتى عينه بترب

العيلة سمعوا صوت الشغالة ونازلين ع السلم جري
آدم داخل عليهم : في ايه ياجدي مالك
بيبص للمحضر : مين حضرتك ؟
المحضر : انا مُحضر جاي أبلغكم تخلوا البيت خلال ٢٤ ساعة بالظبط
آدم : انت بتقول اااااايه ، بيت ايه اللي نخليه دا بيتنااا



المحضر : كان بيتكم ، قبل ما ينتقل لأملاك مدام نشوى بعد ماكلكم وقعتوا على التنازلات



آدم باصصله ومبرق : تنازلات ايه ؟! محدش فينا وقع ولا اتنازل عن حاجة !!!
المحضر : الكلام دا بينكم وبين بعض كعيلة بقا ، انا مجرد رسول ودلوقتي كل اللي عاوزه حد يمضيلي هنا إنه استلم الأوراق وبعد كدا تحلوا مشاكلكم
كلهم واقفين مبرقين ..


وفجأة رفعت وشه اصفر ووقع في الأرض فقد وعيه ، جريوا عليه كلهم وبدأوا يفوقوا فيه بكل الطرق مبيفوش
شالوا آدم حطه على الكنبة بسرعة
آدم : حد يطلب الإسعاف بسرررررررعة
اسلام جري مسك الفون وطلب الإسعاف ييجوا بأسرع وقت
مليكة وسهيلة وروان وآدم وإسلام واقفين يفوقوا في رفعت دا ماسك ايد ودا رجل ودا بيهز في دماغه ودا بيرش ماية على وشه ، جسمه بيتشنج وبيصفر
الإسعاف جت خدوه بسرعة وجريوا كلهم وراه ع المستشفى .. وكالعادة دخلوه الإستقبال ووقفوهم كلهم برا
أمينة : ياااارب استرها يارب وحياة حبيبك المصطفى احنا مش ناقصيييين
ثرية بعياط : لا إله إلا الله ، لا إله إلا الله
احنا ايه اللي بيحصلنا دا بس ياربي اللهم لا اعتراااض

مليكة بتحط ايديها على ودانها : خلاص ياجماعة خلاااااص ، محدش يتكلم جدي هيخرج وهيبقي زي الفل اسكتوا بقاااا
روان : اهدي يامليكة بس
مليكة : انتي ملكيش دعوووة اهدى ولا مهداااااش متوجهيش ليا كلااام
آدم بيطبطب على مليكة عشان يهديها .. مليكة حطت ايديها على وشها وبدأت تعيط بحرقة من زعلها على جدها
❤️⚫❤️⚫❤️⚫❤️⚫❤️⚫❤️⚫❤️⚫
*نشوى ومعاذ قاعدين في مكان *
معاذ : لعبتيها صح ياشوشو 😉😉
نشوى : عييييب عليك .. قولتلك قبل كدا مش نشوى الخشاب اللي يتتمم وراها
معاذ : لما اتقفشنا قولت بسسسس ✋🏻 كل حاجة ضاعت وهنروح في داهية
بس كالعادة بهرتيتي وآخر ضربة ليكي كانت ضربة معلم بصحيح

نشوى : كل تفصيلة معمول حسابها من قبل ماتتعمل يامعاذ ، دا مش سلق بيض
معاذ : طب انا كدا طلقتها غيابي .. هبعتلها ورقتها فين وازاي ؟؟
نشوى : متقلقش ، في أقرب فرصة هنبعتلها ورقتها على الجزمة .. نخلص بس من حوار البيت دا ونطردهم كلهم في الشارع ونفوق لروان
معاذ : ماشي ياقلبي ، بعد اللي حصل دا انا همشي وراكي وانا مغمض بقا ✋🏻😂😂
🖤🔥🖤🔥🖤🔥🖤🔥🖤🔥🖤🔥🖤🔥
*في المستشفي*
الدكتور خارج من الأوضة
آدم : خير يادكتور
الدكتور : كان عنده بداية جلطة والعياذ بالله بس الحمدلله لحقناه في الوقت المناسب
آدم بيحط ايده على دماغه
أمينة : ياستاااار يارب ، جلطة 😱
الدكتور : اهدوا اهدوا ياجماعة منا قولتلكم لحقناها الحمدلله .. أهم حاجة بس إنه مينفعش يتعرض لأي ضغط خاااااالص الفترة دي عشان لو دا حصل قبل التعافي التام ممكن يلقطها تاني وساعتها والعياذ بالله هيحصله شلل نصفي
ثرية : لا إله إلا الله 🤦🏼‍♀️🤦🏼‍♀️
آدم: طب هو عامل ايه دلوقتي يادكتور

الدكتور : حالياً هو هيفضل في العناية فترة طبعاً لأنه مريض قلب ودا ممكن يأثر عليه بالسلب .. واحنا عملنا كل الاحتياطات اللازمة واديناله كل الأدوية اللي هتحميه بنسبة ٦٠٪ من أي خطر
وربنا يقومهولكم بالسلامة بإذن الله
مليكة بتقعد على الكرسي وبتحط ايديها على دماغها من الصدمة والزعل
آدم : اه يانشوى الكلللللللللب ، اقسسسسسسم بالله لو شوفتها قدامي لأفرتكها ٥٠٠ حتتتتتتة
أمينة : اهدي بس ياادم
آدم : اهدي ااااايه وزفت ايه دي دمرتتتتتتت كل حاجة في حياتنا وبقا موت وخراب ديار
نروح فين دلوقتي احنا ولا نعمل ايه في ام الليلة السودا دي
ثرية : حرام عليك ياادم متسبش الزمن ، دا ابتلاء وكلنا اتحطينا فيه ولازم نتخطاه سوا
إسلام بيقف قدام آدم وبيحط ايده على كتفه
إسلام : انا موجود ياصاحبي وبيتي موجود
وعيلتك هما عيلتي ومن زمان اوي كمان ، لو مكنش اخوك اللي يقف جنبك في الظروف دي مين اللي يقف والنبي
آدم : كتر خيرك يااسلام .. انت عملت كتييييير اوي للعيلة دي ومهما عملنا مش هنعرف نوفيك جزء من ديونك وبالذات لما تحمي شرف أختي
بس الموضوع دلوقتي مش موضوع نقعد فين
الموضوع بقا أكبر من كدا بكتييييير ، الموضوع اتحول من حياة بتبوظ لواحدة انا نفسي اقتلها واشرب من دمها
مليكة : تشرب من دم مين ياادم وام القانون اللي في البلد دي راح فيين ؟؟؟؟
ما كفاااااية بقا لحد كدا ، كفاية خسارة ودمار وخراب وموت ومستشفيات كفااااية
شايف كل يوم واحد فينا بيقع عايزنا نخسرك انت كمااان عشان العيلة تدمر بجد ؟؟؟؟؟
آدم : اومال عايزاني أعمل اااايه يعني !!!
اسيب الزباااالة دي تتحكم في كل وتخرب حياتنا وتقتل فينا واحد واحد واقف اسقفلها براڤو عليكي دمرتي عيلتي 👏
أمينة : لا ياادم متسقفلهاش انها بتدمر عيتلك ، بس ع الاقل متدمرش عيلتك انت كمان عشان تساعدها اكتر
آدم اتعصب وسابهم وخرج على برا ، وقف في جنينة المستشفي يشرب سجاير
ثرية : كنتي زعلانة ياسهيلة إن فرحك كمان يومين ومش هتلحقي تخلصي ، اديه اتأجل خالص
إسلام : فرحها !!
سهيلة بتبصله بكسوف
ثرية : هو انت محدش عرفك إن جدها وافق امبارح بالليل على فرحكم وقرر إنه يكون كمان يومين .. بس دا طبعاً قبل كل اللي حصل النهاردة
إسلام : وافق وقرر إن فرحي كمان يومين والكل عرف إلا انا !!!!!!
مش غريبة شوية دي ياسهيلة ؟؟
سهيلة : هو انا لحققققت أقول حاجة يااسلام مانت شوفت اللي حصل وبعدين احنا في ايه ولا في اااايه عشان نتكلم في حاجة زي دي 😱😱
إسلام سكت وهو من جواه شعورين عكس بعض
من ناحية هيموت من الفرحة إن رفعت وافق بالسرعة والسهولة دي على جوازهم ، ومن ناحية متدايق جدا بسبب الوضع اللي فرحهم هيتعمل فيه ومتدايق اكتر إن الكل كان عارف إن فرحهم هيكون كمان يومين إلا هو
روان : هو احنا جدنا بيموت جوا واتطردنا من بيتنا وحياتنا خربت وانتو واقفين تفكروا في فرحكوا وجوازكو ومين عرف قبل مين ؟؟!!!!
سهيلة : معلش يااستاذة روان غلطة مطبعية احنا آسفين



روان : آسفين ايه وزفت ايه ماهو دا مش وقت تتكلموا فيه في حاجة زي دي هو احنا بنموت ولا بنتجوز
سهيلة وشها احمر من الغضب ، مرضيتش تنطق بولا كلمة وخرجت على برا بسرعة
مليكة لروان : ماكفاية بقا ياشيخة حرااام عليكي انتي ايه ، جبتي الغباء دا كله منييييين
رغم كل اللي عملتيه فيا امبارح جاية دلوقتي بتشخطي في البت كالعاااادة زي كل مرة بتكلميها بالطريقة دي وهي بتسكتلك كفاااية بقا
روان بتحط ايديها على كتفها : يامليكة انا كنت بعمل معاها كل دا عشان متدايقة عشانك ان…
مليكة بتحمر و بتنطر ايديها وبتزقها بعزم ما فيها .. اتنطرت روان بعييييد وكانت هتقع في الأرض لولا ان لحقت نفسها ، كلهم برقوا واتصدموا
مليكة جابت القوة دي منين ، ومن امتي بتعامل حد بإيديها أصلا !!!!!
مليكة احمرت و فضلت تصوت وتعيط بصوت عالي لحد مااغم عليها ، جريوا عليها كلهم يفوقوها جم الممرضات شالوها بسرعة ودخلوها أوضة لوحدها وندهوا الدكتور يشوفها بسرعة
🖤🔥🖤🔥🖤🔥🖤🔥🖤🔥🖤🔥🖤🔥
*في جنينة المستشفي *
آدم واقف زي ماهو متعصب جداااا وقلبه بيتقطع من جوا على كل حاجة بتحصل .. خلص السجارة ورماها من ايده وجاي بيلف وشه ، لقى سهيلة قدامه .. واقفة مفحومة عياط وكل عين وارمة قد كدا
آدم باصصلها وساكت مبيتكلمش
سهيلة بتبصله وهي عمالة تتشحتف جامد اوي من العياط لحد ما عينه دمعت هو كمان وهو بيحضنها
حضنته جااااااامد وهي بتعيط بصوت من الوجع اللي حاسة بيه ، وإحساس الامان اللي حسته مجرد ما حضنته
سهيلة بعياط وصوت متقطع : انا … انا آسفة ياادم متزعلش مني والنبي انا مليش غيرك
آدم بيحضنها جامد وكأنه نفسه يدخلها جواه من خوفه عليها وحبه ليها
آدم بعياط : انا اللي آسف إني كنت بعيد عنك اووووي بالطريقة دي ، كنت بعيد لدرجة إن حصل معاكي مصايب وقعدتي سنتين شايلاها جواكي وخايفة تحكيلي وانا بغبائي محستش
بيبعد عنها وبيمسك وشها بإيديه الاتنين : ولما عرفت غصب عني من وجعي وكسرتي جيت عليكي زيادة وكنت هقتلك .. مكنتش اعرف إنك ضحية مجني عليها مش جانية
سهيلة : والله العظيم انا ماكنت خايفة منك قد ما كنت خايفة عليك وخايفة اخسرك .. دا انا مليش غيرك بعد ربنا ياادم
انت أبويا واخويا وصاحبي وكل ما ليا مقدرررتش أعرفك واخسرك مدى الحياة
آدم : فيه حد بيخسر روحه ؟؟ انا عمري ما كنت هقدر اخسرك ولا ابعد عنك مهما عملتي ياسهيلة
حضنها تاني وفضل مدة سايبها في حضنه يحسسها بالأمان ، ويحس هو كمان بالامان معاها
❤️🔥❤️🔥❤️🔥❤️🔥❤️🔥❤️🔥❤️🔥
*في طرقة المستشفى *


آدم راجع ومعاه سهيلة عشان يشوفوا جدهم وصل لايه
آدم : فيه جديد
إسلام : لا لحد دلوقتي مفيش .. بس مليكة تعبانة اوي ونايمة في الاوضة اللي هناك دي
آدم بيبرق : تعبانة ازاااااي
ثرية : اتخانقت هي وروان أختها ووقعت من طولها ودوها المستشفى ، بس خير متقلقش هي فاقت خلاص بس مريحة شوية جوا وروان معاها
آدم : انهي اووووضة
ثرية : اهي نفس الأوضة اللي روان خارجة منها هناك دي
آدم سابهم وجري طاااار على الأوضة يشوفها ..
ثرية بتبص لروان
ثرية : مليكة قالت متعرفيش آدم حاجة .. اسكتي خالص بقا
روان : وهي مش عايزة تعرفه دلوقتي ليه يعني ؟
ثرية : ملناش دعوه بقا سيبيها هي تتصرف مع جوزها
🔥🔥🔥🔥🔥🔥🔥🔥🔥🔥🔥🔥🔥🔥
آدم بيفتح الباب وداخل .. مليكة نايمة عالسرير ومفتحة عينيها
آدم بخضة : مالك ياحبيبتي ايه اللي حصلك انا آسف إني مكنتش موجود حقك عليا والله مااعرف
مليكة : بس بس في ايه مالك ، انا كويسة والله الحمدلله شوية دوخة وراحوا لحالهم خلاص
آدم : ايه اللي عمل فيكي كدا طيب فهميني
مليكة : آدم .. انا عايزة اسألك سؤال بس تجاوبني بسرعة وبصراحة
آدم : طبعاً ياحبيبتي اتفضلي
مليكة : انا فيا ايه ؟؟
آدم بيبص في الارض بتوتر : مش فاهم
مليكة : قولتلك بصراحة ☝🏻
أنا متأكدة ان فيا حاجة غريبة من يوم ماخرجت من المستشفي .. بيجيلي أحاسيس غريبة وبعمل حاجات أغرب وفي أغلب الأوقات دي بكون مغيبة ومش في وعيي للي بعمله ولما بفوق اكتشف اني كسرت ودغدغت وضربت .. فيه ايه ياادم فهمني
آدم بزعل : انتي مصابة بمتلازمة نادرة جدا يامليكة ••• جاتلك من يوم اللي حصل بيننا وبعد الضغط الرهيب اللي كان عليكي الفترة اللي قبلها
وهي اللي اتسببت في كل اللي انتي فيه دا
*مليكة بصاله وساكتة .. ومش مفهوم نظرتها دي بتعني ايه بالظبط ؟!*
آدم : كل دا بسببي وانا عارف ، واللي متأكد منه اكتر إن عمرك ماهتسامحيني ودا حقك .. بس انا زي ماقولتلك قبل كدا انا مش هسكت غير لما اخليكي تسامحيني عشان انا وانتي …


مليكة : ماتيجي نأجل كلام في الموضوع دا
آدم : يعني ايه ؟؟
مليكة بتبسم : بعد ما الأزمة اللي احنا فيه دي تعدي وجدي يقوم بالسلامة هقولك انا أجلت ايه واجلت ليه
آدم بيبوس ايديها : الف سلامه عليكي ياحبيبتي
مليكة : الله يسلمك ، انا بقيت كويسة يلا نخرج نقعد معاهم برا بقا
آدم : لا لا انتي تعبانة خليكي
مليكة : لا والله انا بقيت زي الفل يلا بس
قامت معاه ، سندها لحد برا وقعدوا كلهم
أمينة : الوقت بيجري واحنا قدامنا ٢٤ ساعة بالظبط ياادم .. لازم نلم حاجتنا
آدم : إسلام بقولك ايه تعالي ثواني
اخد إسلام على جنب
آدم : إسلام انا عارف إني بتقل عليك بس اديك شايف حالة جدي عاملة ازاي وحالة مليكة كمان
إسلام : متقولش الكلام دا يااخويا انا رقابتي ليك
آدم : نشوى
عايز نشوى بأي طريقة واي تمن حتى لو هتأجر رجالة يطلعوها من تحت الأرض ويجيبوهالي
إسلام : اعتبره حصل ياصاحبي
آدم : هتعرف ؟
إسلام : سيبها على الله
آدم بيحط ايده على كتفه : ونعم بالله ، واثق إنك قدها
آدم راجع عليهم : يلا يامليكة انتي وسهيلة وروان .. هنروح البيت نلم الحاجة ونحطها في عربية عشان ال٢٤ ساعة بتجري
ثرية : نعم ؟؟؟؟
انتو هتلموا حاجتنا بجد !!
يعني معني كدا احنا اتطردنا من بيتنا بجد
آدم : خليها على الله ياعمتي وكل حاجة هتبان في وقتها
أمينة : هو ايه اللي هيبان في وقته مانت رايح تلم الحاجة اهو
آدم : انا رايح ألحق مصيبة واحدة من ضمن المصايب اللي ممكن تحط على دماغنا







يلا ياجماعة نروح بسرعة لحد ما جدي يفوق
نزلوا هما الأربعة بسرعة على تحت ، ركبوا عربية آدم وراحوا على القصر
دخلوا وبدأوا يلموا في حاجتهم .. وبعد أول شنطتين اتلموا، جرس الباب رن
راح آدم يفتح الباب ووراه مليكة ••• لقوا داليدا ع الباب
داليدا : اخس عليك ياادم ، بتفضي حاجتك عشان تمشي من بيتك وفي حياتك محامية شاطرة زيي
طلعت ورقة من جيبها : طب والله عيب عليك لما تشك في قدراتي بالمنظر دا
.
🔴🔴🔴🔴🔴🔴🔴🔴🔴🔴🔴🔴🔵
الحلقة 26
.
.
طلعت ورقة من جيبها : طب والله عيب عليك لما تشك في قدراتي بالمنظر دا
مليكة وآدم بيبصوا لبعض وبيبصولها تاني
آدم : يعني ايه مش فاهم .. ايه الورقة دي ؟
داليدا : دي ياسيدي ورقة رسمية لتأجيل إخلاء البيت خمس أيام

آدم باستغراب : نعم !!!
وعملتيها ازاي دي؟؟؟
داليدا : بردو هيستقل بقدراتنا 🙄 ماشي هخليني معاك للاخر .. بص يادومي
فاكر العقود اللي كنت بتشيلها معايا بعد ما توقع مع كل شركة آمان ليك يعني
آدم : اه فاكر
داليدا : كل العقود دي معايا وعليها امضتك ، وبالنصاحة كدا قدرت اثبت ان الامضا الموجودة في العقود دي واللي هي متوثقة رسميااااا ، مختلفة عن امضتك في الورقة اللي مع نشوى
ولما نقدر نشكك في امضا واحدة ، نقدر نشكك في الباقي .. وعلى ما دا كله يحصل قدرت أجيب ورقة بتأجيل إخلاء البيت ٥ أيام
ع الأقل لحد ما نعرف هنعمل ايه مع عمتك
آدم باصصلها وساكت .. لف وشه وبص لمليكة
مليكة بغيظ : كتر خيرك والله ياداليدا .. من غيرك كان زماننا مرميين في الشارع بقا وكدا
داليدا : لا لا كتر خيري على ايه .. دي أقل حاجة ممكن اعملها مع آدم



بتقرب من ادم بدلع : أصلك متعرفيش آدم دا عمل معايا ايه وافضاله عليا في كام حاجة قبل كدا
كل اللي انا بعمله دا بردله الجمايل بس .. مع إن مفيش جمايل بيننا طبعا
ولا ايه يادومي ..



مليكة بتتغاظ ووشها بيحمر .. بتبعدها عن آدم وبتقف بينهم
مليكة : طيب متشكرين جدا ياداليدا ، عن إذنك بقا هنطلع نرجع حاجتنا مكانها
شدت آدم من ايده وطلعت بيه على اوضتهم ، وهو ماشي معاها وبيضحك من تحت لحت وكاتم الضحكة بالعااافية 😂😂
دخلوا على اوضتهم سابت ايده
مليكة : ممكن أفهم اللي كان بيحصل تحت دا اسميه ايه؟؟؟
آدم باستعباط: تسميه إنها جاية تساعدنا
مليكة : بقولك ايه متصيعش عليااا ، انت عارف كويس انا بتكلم عن ايه
هي بتاع ايه بتقرب منك وبتدلع بالطريقة دي وقدامي
آدم : ايه دا هو فيه حد بدأ يغير عليا ولا حاجة
مليكة بتبلع ريقها : اغير ايه انت اتجننت !!
كل الحكاية إني مراتك قدام ربنا وقدام الناس وقدام نفسي ، وعزة نفسي مش هتسمحلي للحظة إن واحدة غيري تاخد مكاني كمراتك
آدم باصصلها ومبتسم *فرحان جدااا من جواه*
مليكة : بتضحك على اااايه انت عايز تشلني 😱😱
آدم بابتسامة : عارفة إن شكلك حلو اوي وانتي غيرانة 😉
مليكة : تااااني هيقولي غيرانة .. بقولك ايه وسع كدا ألم الحاجات عشان نروح نشوف جدي اللي تعبان وسع
خرج آدم وقف في الجنينة واتصل بإسلام
آدم : أيوة يااسلام
داليدا لسة ماشية دلوقتي
إسلام : داليدا !!
ودي ايه اللي جابها دي
آدم : أجلت الإخلاء ٥ أيام .. وخلال ال٥ أيام دول احنا لازم نصلح كلللل حاجة بأي شكل
مبدأياً لازم نثبت إن الامضا مش امضتنا .. وتاني حاجة لازم نمسك نشوى
طول ما هي حرة طليقة كدا هتفضل تخطط وتخرب
إسلام : متقلقش انا نشرت رجالة في كل حتة وهنجيبها بأسرع وقت
آدم : تمام .. انا هجيب مليكة وسهيلة وروان ونرجع عالمستشفى عشان نشوف الدنيا فيها ايه
خلص معاه ودخل يشوف مليكة .. بيفتح الباب وداخل
مليكة قاعدة ع السرير حاطة ايديها على دماغها ودايخة
جري عليها آدم ومسكها : مالك يابنتي في ايه
مليكة : مفيش حاجة ياادم شوية دوخة ع الماشي وهيروحوا لحالهم عادي
آدم : استني اجيبلك حاجة تشربيها
مليكة : لا لا مفيش وقت للكلام دا .. يلا نرجع ع المستشفي بقا
❤️🔥❤️🔥❤️🔥❤️🔥❤️🔥❤️🔥❤️🔥❤️
بعد ساعة
*في المستشفى *
آدم ومعاه البنات داخلين عليهم
آدم : ها ياجماعة فيه اي جديد يخص جدي ؟
ثرية : لا يابني مفيش أي جديد .. لسة في العناية ومحدش عارف هيفوق امتى
آدم : طيب قومي معايا يلا ياامي نروح للدكتور بتاعك اللي في المستشفى هنا
أمينة : احنا في ايه ولا في ايه ياادم ، وبعدين ايه لازمتها يعني اروحله دلوقتي
آدم : نشوى الكلللب كانت بتحطلك في العصير والماية دوا يأذيكي ، ولازم نروح لدكتور عشان نوقف مفعول الدوا دا بسرعة قبل ما يتوغل اكتر من كدا
ونشوف حل نرجع بيه رجليكي الاتنين تاني وتقدري تدوسي عليهم
مليكة : آدم عنده حق ياامي قومي روحي معاه يلا
ابراهيم : وانت هاجي معاكو يل…
آدم : لا لا مفيش داعي ، انا هوديها على طول مش محتاج حد معايا
زعل إبراهيم ورجع قعد مكانه تاني
آدم اخد امه وراح بيها على الدكتور في الدور اللي فوقيهم في نفس المستشفي
سهيلة واقفة تبص على إسلام من تحت لتحت وزعلانة بسبب اللي حصل قبلها لما بخت فيه
إسلام : طيب انت هروح اجيبلكم أي حاجة تاكلوها من الكافيه عشان واضح القاعدة هتطول
مشي إسلام راح يجيب الحاجات .. روان تليفونها رن
ردت ع الفون ، وشها بدأ يجيب ألوان
نزلت على تحت جري من غير ما تحسس حد بحاجة ، الوحيد اللي اخد باله هو إبراهيم وفضل باصص عليها لحد ما نزلت
مليكة سندت على صدر امها .. ثرية حطت ايديها عليها وخدتها بالحضن
❤️🔥❤️🔥❤️🔥❤️🔥❤️🔥❤️🔥❤️🔥
*بعد ١٠ دقايق *
إبراهيم نازل من المستشفي .. خرج على البوابة بص يمين وشمال
لقى روان قاعدة على جنب ساندة بضهرها على الحيطة وبتعيط ، وفي ايديها ورقة
اتخض إبراهيم وقعد جنبها بسرعة
إبراهيم : مالك ياروان قاعدة كدا ليه ، وبتعيطي ليه ؟؟؟
روان بترفع عينيها اللي مليانة دموع
روان : غيابي ياابراهيم .. تخيل اللي وصلتله
إبراهيم : مش فاهم !!
روان بتضحك وعينيها مدمعة : طلقني غيابي .. وياريتها جت على قد كدا ، دا مطلقني من شهرين كمان تخيل
إبراهيم بيبرق : نعم ؟؟؟ من شهرين ايه انتي بتهزري اكيد
روان بتعيط : ياريتني كنت بهزر ياابراهيم ياريتني
عايشة بقالي شهرين مع طليقي في مكان واحد وانا معرفش
إبراهيم : طب خلاص اهدي بس
احمدي ربنا إنك خلصتي منه بدري بدري من غير ما يبهدلك وراه عشان يطلقك .. ع الأقل دلوقتي انتي بقا فاضلك شهر في العدة وتبقي حرة طليقة



روان : انا كل حاجة في حياتي بتبوظ ياابراهيم
جوزي اللي المفروض كنت بحبه كسر قلبي وخانني ، وبعدها كسر كرامتي وطلقني غيابي
إبني هيطلع يلاقي أبوه وامه متطلقين قبل حتى ما يكمل سنتين وفي الغالب هيعيش نففففس اللي انا عيشته .. هيعيش من غير اب
وانا اكتر واحدة تقدّر عدم وجود الأب عشان اتحرمت منه بدري اوووي .. ولما ياسين يكبر ويعرف إن انا اللي حرمته من أبوه كل السنين دي هيكرهني انا كمان
وبعد اللي حصلي دا كله اروح انا اللي اكسر قلب اختي وخسرتها لما اتهمتها في شرفها وشكيت فيها ، اختي اللي طول عمرنا مع بعض زي التؤام ، ماهي اصغر مني بسنة بقا وكل الناس كانت بتتلغبط بيننا
وياعالم هتقدر تسامحني بعد اللي عملته ولا لا
وفوق كللل دا .. اتطردنا من البيت الكبير اللي لاممنا وساترنا ، وجدي اللي كان بيعرف يسيطر على كل حاجة اديه بين الحياة والموت
قولي بقا انا ايه في حياتي يستاهل أعيش عشانه دلوقتي ؟؟
إبراهيم : روان .. روان تستاهل إنك تعيشي عشانها
روان انتي بني آدمة نضيفة بجد من جواكي وتستاهلي تبصي لنفسك شوية ، مش معنى إنك اتظلمتي من كذا حد إنك تكملي على نفسك وتظلميها زيادة .. لسة قدامك الحياة طوووويلة
لسة معاكي إبنك اللي محتاجك في كل مرحلة في حياته
وصدقيني الحياة مش هتقف
مليكة قلبها أبيض وهتسامحك بسرعة وأنا هساعدك في دا ، إبنك هيكبر وهيقدر إنك عملتي كدا عشان مصلحته قبل مصلحتك ، بيتنا هنرجعه بأي شكل وهنودي نشوى في داهية
جدنا هيقوم بالسلامة وهيبقى بخير كمان
أما انتي حياتك هتمشي وهتكتشفي إن فيه حاجات كتير حواليكي حلوة مكنتيش شايفاها كويس ..
وانا جنبك متقلقيش
روان بتمسح دموعها : طبعا انا مقدرة إحساسك دا ياابراهيم بس انت فيك اللي مكفيك ومش ناقصني انا كمان .. دا غير آدم اللي هو كمان زعلان منك ومش قادر يسامحك دا
إبراهيم : انا عندي إيمان بالله إن كل حاجة هتبقى زي الفل بإذن الله .. يلا حطي الورقة دي في شنطتك وقومي معايا نطلعلهم بقا عشان نشوف الدنيا هتمشي ازاي

*في أوضة الدكتور *
آدم : ها يادكتور ايه الأخبار
الدكتور : بصراحة ياادم انا مش قادر استوعب اللي انت بتقوله .. دا احنا قعدنا سنين نلف حوالين نفسنا وانا مسبتش إحتمال واحد مفكرتش فيه
وفي الآخر يطلع السبب حد معاكم من نفس البيت وبيحطلها دوا خطير زي دا !!!!!
آدم : هنعمل ايه بقا يادكتور نصيبنا كدا .. المهم ايه العمل دلوقتي
الدكتور : هكتبلك تحاليل معينة تعملها دلوقتي عشان أقدر أعرف نسبة الدوا الغريب دا قد ايه وبعدين هكتبلكم علاج هيوقف مفعول الدوا بس بالتدريج .. وربنا يقدم اللي فيه الخير
آدم : تمام يادكتور
💖✨💖✨💖✨💖✨💖✨💖✨💖✨
قدام أوضة رفعت
سهيلة : بقولك ايه يااسلام تعالي ثواني كدا عاوزاك
إسلام بيقوم من ع الكرسي ورايح معاها لآخر الطرقة
إسلام : ايه ياسهيلة في حاجة ؟
سهيلة : انا آسفة 🥺
إسلام : على ايه
سهيلة : آسفة إني كلمتك بطريقة مش حلوة وقبلها امبارح مقولتلكش إن جوازنا اتحدد كمان يومين
انا عارفة إني غلطت وانت متستاهلش مني كدا بس حط نفسك مكاني .. حياتنا متشقلبة والدنيا بايظة علاقتي بأخويا كانت متدمرة عمتي طلعت شيطانة وعايزة تطردنا من بيتنا وجدي العمود اللي كان ساندنا كلنا وقع وياعالم هيقوم ولا لا
دا غير إني لما امبارح سمعت منه كلمة جوازك كمان يومين مكدبش عليك اتقهرت
أي بنت بتفضل طول حياتها بتحلم بيوم فرحها والفستان الابيض والطرحة والمعازيم
الشقة والتجهيزات والجهاز والعروسة راحت العروسة جت
تفاصيل كتير مهمة اوي عند اي بنت ، وانا لما اتحرم من كل دا عشان غلطة انا مليش ذنب فيها وكنت متخدرة وملعوب عليا لعبة كبيرة والاقي جوازي كمان يومين بطريقة واحدة مطلقة مرتين قبل كدا طبيعي هتقهر من جوايا وهتوجع
بس هي دي الحكاية ودا كمان ممكن اكون غلطانة فيه عشان انا فعلاً مينفعش اكون بنت طبيعية .. بس انا آسفة حقك عليا
إسلام بيقرب ناحيتها خطوة : بصي ياسهيلة
مبدأياً كدا متعتذريش تاني على حاجة عملتيها معايا عشان انا عمري ماازعل منك مهما عملتي إلا ☝🏻 لو قصرتي في حق نفسك
ودلوقتي انا شكلي هزعل فعلاً
سهيلة : ليه ؟؟

انا قصرت في حق نفسي امتى
إسلام : كونك تفكري ولو للحظة واحدة إنك أقل من أي بنت دا في حد ذاته تقصير قهري في حق نفسك .. سهيلة انتي ست البنات
ومن حقك يتعملك فرح على أعلى مستوى وكل الناس تحضر فيه وتتجوزي في شقة بتاعتك متشطبة ومستقلة تختاري فيها كل حاجة على ذوقك
ولو كان على تكشيرتي من أول اليوم فدا بسبب زعلي من اللي اتقال امبارح .. عشان انا مش هقبل اتجوزك بالطريقة دي واكسر فرحتك
شقتي موجودة ومتشطبة بعد ما جدي يقوم بالسلامة بإذن الله هاخدك ونروح ننقي أفخم أنواع العفش على ذوقك انتي ، وبعدها نعملك أحلى فرح في الدنيا وتبقى اجمل عروسة خلقها ربنا كمان ❤️❤️❤️❤️
سهيلة بصاله وسرحانة : هو انت ازاي كدا ؟
ازاي كل حاجة فيك حلوة بالمنظر دا ، دا انا من كتر ما مش شايفة فيك ولا عيب خايفة منك
إسلام : اكيد فيا عيوب ياسهيلة ، بس أيا كانت العيوب دي انا مش هخليها تقرب منك او من مصلحتك
سهيلة : ربنا يخليك ليا ويقدرني اردلك جزء ولو بسيط من جمايلك عليا
إسلام : مسمهاش جمايل ياحبيبتي .. ولو كان على الرد فانتي تقدري ترديلي كل دا بأنك تكوني جنبي وبس ❤️❤️
💖✨💖✨💖✨💖✨💖✨💖✨💖✨
آدم جايب أمه وراجع عليهم ..
الممرضة : بصوا ياجماعة هو انا معتقدش هيكون فيه داعي تقعدوا هنا لحد بكرا .. حج رفعت بدأ يتحسن بس بردو عمره ما هيفوق دلوقتي
تقدروا تروحوا تستريحوا في البيت وبكرا الصبح تعالوا بإذن الله
آدم : يعني مفيش أي أمل إنه يفوق النهاردة
الممرضة : للأسف صعب
بس اللي أكيد إنه ممكن يفوق بكرا ويروح معاكم بإذن الله .. انا لو عليا هخليكم قاعدين معاه والله بس انتو عارفين الوضع عامل ازاي بعد الوباء المنتشر دا
ومانعين تماماً وجود المرافقين ودا عشان سلامة الكل طبعاً
آدم : مفهوم اكيد
طيب ياجماعة يلا بينا على البيت وبكرا الصبح بإذن الله نرجعله
قاموا كلهم .. آدم ومليكة ، إسلام وسهيلة ، إبراهيم وروان ، ثرية وأمينة
ركبوا العربيات ورجعوا على البيت
🤍🌟🤍🌟🤍🌟🤍🌟🤍🌟🤍🌟🤍🌟
*نشوى ومعاذ قاعدين في شقة مفروشة *







تليفون نشوى بيرن .. ردت
نشوى : الو ..
سليم : عاش من سمع صوتك ياشيخة فينك
نشوى قامت وقفت : سليم !!!! انت خرجت ازاي ؟؟؟
سليم : فاكرة إنك تقدري تخطفي واحد زيي وتسيطري عليه بسهولة كدا ؟
لا والله انا كدا ازعل متصغرناش ياشوشو
عموماً انا اتصلت بيكي بس مخصوص عشان أسمع رعشة صوتك لما تعرفي إني خرجت عشان اهدها فوق دماغك ولعلمك ، انا عارف مكانك كويس اووووي
خافي مني بقا الفترة الجاية
❤️🔥❤️🔥❤️🔥❤️🔥❤️🔥❤️🔥❤️🔥
*بعد ساعة إلا ربع *
وصلوا القصر وداخلين
إسلام : طيب انا هروح البيت عندي كدا عشان فيه شوية حوارات لازم اخلصها قبل بكرا .. والصبح بإذن الله هتلاقوني عندكم
آدم : ماشي يابرنس
سهيلة : خلي بالك من نفسك
آدم : جرا ايه ياحجة انا واقف على فكرة
اخوكي الكبير بقا وكدا ها
سهيلة : الله هو انا قولت حاجة غلط 😳
آدم : هتردي عليا كمان 😱
اطلعي على فوق يابت بدل ما اخدك جوزين على قفاكي يلااا
سهيلة طالعة ع السلم : حاااضر ياعم طلعنا
*كلهم بيضحكوا *
إسلام : أيوة ياحمش 😉😂😂
يلا تصبحوا على خير
آدم : وانت من أهله ياباشا ❤️❤️
خرج إسلام على برا
روان : كنت عاوزة اقولكم حاجة ياجماعة
أمينة : ايه ياروان خير
روان : هو خير فعلا .. انا اتطلقت
ثرية : نعمممم !!!









آدم : دا حصل امتى وازاي ؟؟؟؟!!
إبراهيم : الواطي بعتلها ورقتها النهاردة ونزلت خادتها من قدام المستشفي
روان : وياريتها جت على كدا وبس
تخيلي ياامي إنه كان مطلقني غيابي بقاله حوالي شهرين ؟؟
ثرية : شهرين ؟؟؟
قولي إنك بتهزري ياروان
روان : بهزر اه
ثرية : اه ياابن ال….
مليكة : جرا ايه ياماما ، مش عايزين ندعي على حد لا الدعوة ترد فينا
بتدور وشها : ولا بلاش لاتفهم غلط ولا حاجة زي المرة اللي فاتت
عن اذنكم انا طالعة اوضتي
طلعت مليكة على اوضتها
آدم : متقلقيش ياروان ، هنلاقي معاذ والحقيرة اللي اسمها نشوى في أقرب فرصة وقبل ما يعدوا ال٥ أيام هنكون مسكناهم بس انتي متزعليش نفسك
روان : مش قادرة أصدق إن الواحدة اللي كان بيخونني معاها طووووول الفترة دي وكنت هتجنن عشان خاطر أعرف هي مين تطلع عمتي اللي بناكل ونشرب مع بعض من نفس الطبق ودمها من دمي
إبراهيم : العايط ع الفايت نقصان عقل ياروان ، اتفقنا إنك تنسي اللي فات بقا وتبدأي من جديد
ثرية : إبراهيم عنده حق ياروان



روان : يلا الحمدلله
انا هطلع أنام انا كمان بقا عشان نعرف نصحى بدري
طلعت روان تنام .. راح آدم إتصل بإسلام عشان يتفق معاه على حاجات تخص نشوى واللي هيعملوه معاها
خلص آدم وطلع اوضتهم بعد حوالي نص ساعة او ساعة إلا ربع
بيفتح باب الأوضة وداخل .. النور مطفي !!
قرب من مفتاح الإضاءة وداس عليه نور النور
بص ع السرير لقى جزمة بيبي صغنونة اووي محطوطة على طرف السرير •• استغرب ومسكها في ايده ، بيتلفت على التسريحة لقى مشط تالت صغنون بردو محطوط جنب مشطه ومشط مليكة
استغرب اكتر !!!! واقف دماغه تلف ومش فاهم ايه اللي بيحصل
باب الحمام اتفتح ••
خرجت مليكة من الحمام ، لابسة فستان حلو جدااا قطعتين ، قطعة من تحت وقطعة من فوق هاڤ استومك *نص البطن* … وبطنها مكتوب عليها
Welcome dad .. i will come soon 👶🏻❤️

[فيتامين سي]

.
رواية / اجبرني اعشقه
بقلم/ همس حسن
🔴🔴🔴🔴🔴🔴🔴🔴🔴🔴🔴🔴🔵
الحلقة 27
.
.
آدم باصص لبطنها ومبرق .. رفع عينه وبصلها تاني
مليكة : يمكن مكنتش هقدر اسامحك بسهولة على الطريقة اللي حصل بيها دا .. بس لما عرفت إن الناتج عن دا إني شايلة جوايا خشّاب صغير واللي هو حتة منك ، مقدرتش مسامحكش ❤️❤️
آدم باصصلها ومصدوم .. مش قادر يستوعب اللي هي بتقوله وعينه بتدمع
وفجأة شالها وقعد يلف بيها كتيييير لحد ما نزلها ع السرير قعد يبوس في ايديها ودماغها بجنون
آدم : انا مش قادر اصدق !!!!
يعني انا هبقى أب ؟؟ ومنك انتي كمان ؟؟؟؟؟
ياما انت كريم يارب ياما انت كريم ياااااااارب
مليكة : اهدى بس ياادم دا انا بقول عليك عاقل 😹😹
آدم : عاقل ااااااايه بس بعد الخبر دا ، دا انا نفسي أعلي صوتي ع الآخر واسمع مصررررر كلها إن ولي العهد اللي هيعدل كللللل حاجة في حياتنا جاي في الطريييييق 😍😍😍 دا مجرد فكرة إن يبقى عندي طفل منك انتي دا انا كنت مستعد ادفع نص عمري عشانه .. ما بالك بقا لما يجيلي على طبق من دهب وبدون أي تعب
“ياما انت كريم وحنين على عبيدك يااارب ” قال الجملة دي وهو بياخدها في حضنه وبيبوس رقابتها من فرحته باللحظة العظيمة دي ❤️❤️❤️❤️❤️❤️❤️
مليكة : بس مش عايزين نعرف حد دلوقتي بقا .. خلينا بس نعدي اليومين دول ونتطمن على جدي وبعدين نعمل اللي احنا عايزينه
آدم : انا لا فاكر جدي ولا فاكر مشاكل ولا حوارات ولا بيوت .. انا مش فاكر غير إني عايز اوزع لحمة وشربات على كل اللي اعرفهم وافرحهم معايا
مليكة : ربنا يفرحك كمان وكمان ❤️❤️
آدم : بس دا عرفتيه امتى وازاي ؟؟
مليكة : •••





ad
speakol

رواية عمياء سكنت روحي كاملة بقلم إسراء ابراهيم(جميع الفصول)



رواية سهام الانتقام الفصل السادس 6 بقلم فاطمة وجيه


Flash back 📸🔙
*في المستشفي*
مليكة بتبدأ تفوق من الإغماء اللي كانت فيه على وش الدكتور
الدكتور : حمدالله على سلامتك يامدام مليكة
ثرية : الله يسلمك يادكتور .. طمننا بقا فيها ايه ؟؟
الدكتور : انا مش عايزكم تقلقوا خالص .. فين جوزها مبدأيا ؟
روان : جوزها برا بيخلص حاجات عشان جدنا في العناية المركزة
الدكتور : اه ربنا يشفيه ويطمنكم عليه
طيب عموماً انا كنت عاوزه يحضر الموقف يعني
مدام مليكة حامل
مليكة بترفع عينيها وبتبص للدكتور بصدمة : حامل !!!!
نرجع من الفلاش باك 🔙📸
مليكة : وقتها مكنتش مصدقة ولا مستوعبة ولا عارفة ازاي دا حصل بالسهولة دي لحد ما الدكتور فهمني
آدم : وياترى فرحتي بالخبر .. ولا زعلك مني غطى على فرحتك 💔



مليكة : بص ياادم .. انا منكرش إن الفترة اللي فاتت انا زعلت منك بشكل كبير جدااا وبالذات في آخر كام يوم تحديداً
بس انت تصرفاتك وكرم أخلاقك اللي متقطعش حتى في عز مانت مش طايقني أجبرني أنسى كل حاجة
وكأن فيه حاجة جوايا رافضة تزعل او تشيل منك أيا كان السبب



آدم بلهفة : يعني أفهم من كدا إنك بتبدأي تسامحيني ؟؟
مليكة بدلع : انت شايف ايه
آدم بيقرب منها : انا شايف إنك لو مقولتليش مسامحاك حاااالا هتبقي انتي الجانية على نفسك بقا 😂😂😂
مليكة بتبعده : لا خلاص خلاص مسمحاك 😹😹😹✋🏻
آدم بيبوس ايديها : اوعدك ياحبيبتي هخليكي أسعد واحدة في الدنيا أقسم بالله .. فرحنا هيتقسم على اتنين ، وحزننا هيتقسم على واحد بس ، عشان انا لو سيبتك يوم تنامي زعلانة بعد النهاردة مش هقدر ابص لنفسي تاني في المراية
مليكة : انا مقدرة كلامك الحلو طبعاً وكل حاجة ، بس مفيش حياة من غير مشاكل او زعل
آدم : دا حقيقي .. بس لما تكوني انتي طول حياتك مشاكل وزعل بس
يبقى أبسط حقوقك انك تكملي حياتك في سعادة بقا .. وعد مني كل يوم هيعدي علينا مع بعض هتسأفلك نيابةً عن اي حد اذتك او زعلتك في حياتك
بيبص في عينيها : انا عارف إنك لحد دلوقتي مش قادرة تأمنيلي ١٠٠٪ بسبب اللي شوفتيه مني .. بس لو مخلتكيش تحبيني غصب عنك مبقاش انا أقسم بالله 😂😂❤️
❤️🌟❤️🌟❤️🌟❤️🌟❤️🌟❤️🌟❤️🌟
*في شقة نشوى ومعاذ *
نشوى رايحة جاية في الشقة متوترة جدااا
معاذ : ماتقعدددددي بقا يانشوى هيخلتيييني
نشوى : خيلتك !!!
طبعاً مانت مش حاسس باااااي حاجة وحاطط ايدك في ماية الورد
بقولك سليم عارف مكاننا يعني لو راح قالهم هنروح في داااهية احنا لازم نهرب من هنا بسرعة قبل طلوع النهار
معاذ : نهرب فين ياما بصي في ايدك شوفي الساعة كام .. بكرا بإذن الله أول ما النهار يشقشق هنروح مكان ماتحبي
نشوى : انت مش هترتاح غير لما نروح داهية اقسم بالله
معاذ : ياستي اقعدي والنبي ماحنا خلاص اتقفشنا واللي حصل حصل .. وحتى روان زمان وصلها ورقة الطلاق وعرفت
نشوى : وانت مالك ياخويا متأثر ليه كدا وانت بتقولها !! اشحال لو مكنتش مطلقها بقالك شهرين وعارف بكدا .. ولا تكونش حنيت 🤔



معاذ : حنيت !! بقولك ايه يانشوى انا تعبان وداخل أنام تصبحي علي خير
💖🌟💖🌟💖🌟💖🌟💖🌟💖🌟💖🌟








تاني يوم الصبح 🌄❤️
في القصر 🏯
صحيوا كلهم وبيجهزوا نفسهم عشان يروحوا لرفعت المستشفى .. آدم ومليكة نازلين ع السلم
داليدا داخلة من باب القصر : صباح الخير ياجماعة
مليكة ملامح وشها اتغيرت أول ما شافتها
ثرية : صباح النور ياحبيبتي تعالي اتفضلي
داليدا : انا آسفة لو كنت جيتلكم في وقت مش مناسب أو حاجة بس انا كنت عاوزة آدم في كلمتين
مليكة : كلمتين ايه ؟؟
داليدا : انا وادم بيننا شغل وانتي عارفة
يلا ياادم نخش أي مكان كدا نتكلم
مليكة بتبصلها بغيظ وبيبان على وشها الغضب .. آدم بص على وش مليكة وبعدين رجع بص لداليدا
آدم : طب ماتتكلمي هنا ماكلهم عارفين اللي بيحصل
داليدا : لا معلش محتاجين نكون على إنفراد عشان نبقي براحتنا اكتر ونشوف هنعمل ايه
آدم : امممم .. طيب تعالي ندخل المكتب عند جدي تقولي اللي عايزة تقوليه
*في المكتب *
آدم : ها عاوزة ايه
داليدا : طب مابراحة ياعم .. مكنتش أعرف إنك بتخاف من مراتك اوي كدا 😹😹
آدم : مبدأيا متجيبيش سيرة مراتي على لسانك
داليدا : ياعم وانا قولت عليها حاجة وحشة
آدم : انتي متقدريش تعملي دا أصلا ، فمتجيبيش سيرتها لا بخير ولا بشر
انتي جاية بصفتك محامية عادية بأتعاب عادي زيك زي اي محامي .. ولو زعلانة من كلامي ممكن أجيب اي محامي تاني
داليدا : امممم .. وياترى بقا المحامي التاني هيقدر يجمع كم الدلائل اللي انا جمعتها 🤔
آدم : دلائل ايه ولحقتي تجمعيها امتي ؟!
داليدا : عيب عليك يابني قولتلك قبل كدا متستقلش بقدراتي
آدم : اممم .. طيب أحب أسمع
داليدا : تمام فتح مخك معايا كدا وخليه يستمتع
أول حاجة ودي الأهم .. سليم
آدم : مين سليم
داليدا : سليم ياادم .. اللي كان مع أختك
آدم وشه بيتحول وبيحمر : سليم بتاع الديكورات ؟؟
داليدا : اه هو
آدم بيقوم يقف : فيييين هو
داليدا : اهدى بس كدا واقعد عشان نعرف نتكلم
آدم : اقعد ااايه بعد ما عرفت مين اللي عمل في أختي كدا
داليدا : كله هيتعاقب ياادم متقلقش ، بس بالعقل
آدم بيقعد : امممم .. ماله بقا الأخ
داليدا : الأخ كانت نشوى خاطفاه ولسة هربان
وانا قدرت أوصله
آدم : مش فاهم بردو انا كدا استفادت ايه
داليدا : استفادت إن سليم ظهر عشان يشهد بكل حاجة ضد نشوى اللي غدرت بيه وباتفاقهم
ودي أول قشة مسكناها .. تاني قشة بقا
فاكر الصعايدة اللي ضربوا عليكم نار انت ومليكة والشاب اللي كان معاكو ؟؟
آدم : اه فاكرهم
داليدا : دول كمان موجودين وجاهزين يعملوا اي حاجة في سبيل إنهم يأذوا نشوى اللي غشتهم
آدم : ممكن سؤال ؟
داليدا : اكيد
آدم : هو انتي عرفتي الكلام دا كله امتى وازاي ؟!!
داليدا : مصادري الخاصة بقا
آدم : مصادرك الخاصة مرقباني ٢٤ ساعة 🤔








داليدا : هو انت ليك أكل ولا بحلقة ؟؟
آدم : تمام .. وبعدين ؟؟
داليدا : دا جزء صغير من الدلائل خلي بالك .. بس اكيد مش هعرض كل ورقي مرة واحدة كدا
أهم حاجة دلوقتي القضية اللي شغالين فيها .. قضية البيت , نخلصها وبعدين نشوف الباقي كله بقا
آدم : وقضية البيت هنخلصها ازاي
داليدا : هنشكك في كل الامضات اللي على الورق
اللي ماضيين الورق دا .. رفعت جدك ، انت ، ثرية ، أمينة مامتك ، مليكة ، روان
شككنا في امضتك أول حاجة .. فاضل الباقي
ودلوقتي هبدأ بإمضة جدك
آدم : وهتشككي في امضة جدي ازاي بقا
داليدا بتبص حواليها : هاخد راوند كدا في المكتب هنا واكيد هطلع بثغرة
آدم : تمام .. ايه المقابل بقا ؟؟؟؟
داليدا : مقابل ايه
آدم : مقابل كل اللي انتي بتعمليه دا ايه مع واحد زيي يعني
داليدا : مش هتصدق
آدم : لا هصدق
داليدا : تعاملني حلو .. بس كدا
آدم : مش فاهم ؟؟؟
داليدا : مقابل كل الكلام دا إنك تعاملني حلو .. بس في كل الاوقات ها
آدم : امممم .. ولو رفضت ؟؟
داليدا : من حقك ترفض ، بس وريني بقا هتجمع كل الحاجات اللي معايا دي ازاي وتنقذ عيلتك كلها بما فيهم مراتك
خلينا حبايب ياادم .. والله انا عاوزة أساعدك من قلبي بجد ومش بلوي دراعك بس كل الحكاية مينفعش أكون انا بعمل معاك كل دا عشان ترجع حق أهلك وتحافظ على بيتك وانت تعاملني وحش
آدم : تمام
سابها وخرج من المكتب ..
مليكة واقفة ساندة ع الانتريه بضهرها ووشها كله غضب وغيره
آدم : ايه ياجماعة معلش اتأخرنا
مليكة : بتعملوا ايه كل دا !!
آدم. : بنتكلم في شغل والله
مليكة : وهو الشغل دا مكانش ينفع يتعمل قدامنا ؟؟
آدم : ماهو …
داليدا جاية من ورا : جرا ايه يامليكة دا احنا حتى بندور ع المصلحة العامة ، مش كدا ياادم ولا ايه ؟
آدم : اه .. يلا ياجماعة نلحق نروح المستشفى ، زماننا اتأخرنا عليه يلا
روان : طب انا لازم اطلع أنيم ياسين قبل ما اروح عشان صحي تاني وأحلام الشغالة مش هتعرف تتصرف معاه لوحدها
ثرية : طيب خليكي معاه هنا وابقي تعاليلنا على المستشفي انتي
آدم : لا مش هينفع واحدة فيكو تخرج من البيت لوحدها ، ولا حتي تقعد في البيت لوحدها
إبراهيم : خلاص انا هخليني هنا معاها وهي تطلع تنيم ياسين ولما تخلص نجيلكو
آدم : تمام
داليدا : طيب انا هستناكم برا في العربية بقا .. هاجي معاكم المستشفي عشان ابقى متابعة الدنيا بردو
مليكة بصالها باستغراب وغل
آدم بعد سكوت لحظات : تمام ماشي
خرجت داليدا على برا
أمينة : هي هتروح معانا ليه ياادم مافيه مليون طريقة تاخد بيها معلومات غير دي
آدم : ماعلينا بقا ياامي خليها تعمل اللي تعمله ويلا نشوف رايحين فين
مليكة باصة لآدم ومستغربة تصرفاته
خرجوا على برا ركبوا العربيات وراحوا في اتجاه المستشفى
❤️🔥❤️🔥❤️🔥❤️🔥❤️🔥❤️🔥❤️🔥
*بعد ساعة إلا ربع *
وصلوا المستشفي .. داخلين كلهم لقوا الدكتور لسة خارج من عند رفعت
آدم : ايه يادكتور في اي جديد ؟؟
الدكتور : اه الحمدلله جدك بدأ يفوق اهو
آدم بفرحة : ياما انت كريم يارب
دخلوا جري كلهم على جوا يشوفوا رفعت
رفعت بيفتح عينه وبيبدأ يستوعب اللي بيحصل .. آدم قرب منه وباس دماغه
آدم : حمدالله على سلامتك ياجدي
رفعت بتعب : الله يسلمك ياادم
ثرية وأمينة : حمدالله على سلامتك ياحج ربنا يطمنا عليك
مليكة بتبوس ايده : الف الف سلامة عليك ياحبيبي
سهيلة : عامل ايه دلوقتي يا جدو
سابهم كلهم وبص لآدم
رفعت : البيت ياادم .. اوعى تكون فرطت في بيتنا
آدم بيمسح ايده على دماغه : متقلقش ياجدي .. بيتنا بتاعنا وهيفضل بتاعنا طول العمر لعيالنا واحفادنا كمان
رفعت بيمسك ايده : عفارم عليك ياغالي ياابن الغالي
آدم : المهم انت حاسس بأيه دلوقتي ؟
رفعت : كويس ياادم ، كويس وبحمد ربنا
آدم : اجمد كدا ياجدي ، طول عمرنا شايفينك الهرم اللي ساند الأرض .. ومش هقبل اشوف بتضعف بأي شكل
اقسم بالله لو حكمت هحرق الأخضر واليابس بس مشوفكش يوم بتضعف ياجدي
رفعت بيطبطب على ايده : انا خلفت رجالة ياادم
واللي يخلف رجالة عمر ضهره ما ينحني
لكن اللي يخلف بنات بقا ….
آدم : قوملنا بالسلامة انت بس وبعدين نفكر في بقيت الحاجات
رفعت : انا عايز أروح بيتي ياادم .. عايز أعيش آخر أيامي فيه قبل مااتحرم منه
مليكة : بعد الشر عنك ياجدو متقولش الكلام دا بالله عليك
⚫🔥⚫🔥⚫🔥⚫🔥⚫🔥⚫🔥⚫🔥







*في القصر *
روان واقفة في اوضتها شايلة ياسين بتنيم فيه وعمالة تغنيله عشان يروح في النوم وضهرها لباب الاوضة
دخل حد من برا حط ايده الاتنين على عينيها
= انا ميييين ؟؟
روان بتتنطر بسرعة من مكانها وبتلف وشها .. لقيته معاذ
روان بتبرق : انت ايه اللي جابك هنا ياحيوااااااااان يازبالة
معاذ : توء توء طب ليه الغلط ياروان .. يعني الحق عليا إني بعمل بأصلي وجاي اشوفك ؟؟
روان : أصل ايه يابو أصل .. لاهو انت عندك أصل من الأساس ؟؟؟؟؟؟؟
معاذ : تاني هتغلطي .. تاااني ؟؟
روان : اغلط .. دا انا هوديك في ستين داهيه أصبر عليا بس
جريت تجيب الفون ترن على آدم بسرعة جري شد منها الفون ورماه ع الأرض
معاذ : انا لا هستناكي تتصلي بحد ولا هطول في الأوضة دي كلها اكتر من دقيقة .. اخد اللي ليا وامشي
روان : هو ايه اللي ليك ؟؟
معاذ : اللي ليا مراتي وابني .. مراتي اللي طلقتها في لحظة غضب وغباء ومفوقتش غير دلوقتي ، وابني اللي طلعت بيه من الدنيا
وبما إن مراتي مش هتوافق تيجي معايا .. فأنا مضطررررر اسفاً إني اخد إبني وامشي لحد ما تفكري وتقرري
روان بتاخد ياسين في حضنها جااامد وبتبرق
روان : افكر ااااايه واقرر ايه انا محدش هياخد ابني مننننني اطلع برااااا
معاذ : لا مانا مبحبش الرغي الكتير بقا هاتي الواد دا
حاول ياخد ياسين منها وهي تجري بيه يمين وشمال وتزق في معاذ تبعده بعيد وهو مصمم ياخد منها ياسين .. لحد ما خد منها ياسين بالعافية وزقها وقعها عالارض
روان تعيط وتصوت بعلو صوتها ” ابننننننننننني”
معاذ واخد ياسين وبيجري بيه على برا .. جه إبراهيم من وراه بشومة ضربه على دماغه
وقف معاذ مكانه من قوة الخبطة وداخ .. جري إبراهيم اخد منه ياسين بسرعة ، معاذ وقع في الأرض فقد وعيه
جريت روان عليهم وخدت ياسين من ايده قعدت تحضن وتبوس فيه وهي بتعيط
إبراهيم جر معاذ لحد جوا .. وبالشوما اللي معاه قعد يضرب فيه يمين وشمال وعلى رجله وايده وبالبواني والشلاليت لحد ما بهدله وكل دا معاذ فاقد الوعي أصلا
شاله إبراهيم حطه على كرسي وربطه في الكرسي من كل الإتجاهات
قفل عليه الباب وخرج على برا ومعاه روان وياسين .. وتربس عليه الباب
روان بتعيط : انا مش عارفة أشكرك ازاي اقسم بالله .. انا إبني كان هيروح مني
إبراهيم : يروح فين .. مانا أكيد مقعدتش في القصر معاكي كأباچورة يعني 😂😂
روان : ربنا يديك على قد نيتك ويجعله في ميزان حسناتك يارب
إبراهيم : انا كل همي اطمن عليكو بس انتي وسهيلة ومليكة وامي وامك
روان : طب انت ناوي تعمل ايه في الحيوان اللي جوا دا
إبراهيم : هقولك كل حاجة
💖⚫💖⚫💖⚫💖⚫💖⚫💖⚫💖⚫
*في المستشفي *
واقفين كلهم جنب رفعت وداليدا عينيها على آدم ومبتتشالش
داليدا بدلع : طب ياادم .. انا جعانة مش هتجيبلنا اكل بقا ولا ايه
مليكة بتبصلها بغيظ ونفسها تجيبها من شعرها 😡
آدم : اه هروح أجيب أكل اهو
داليدا : طب استني انا جاية معاك
داليدا جاية تعدي من قدام مليكة عشان تروح معاه مليكة مسكت ايديها وقفتها مكانها
مليكة : ريحي نفسك ياحبيبتي .. مراته موجودة
داليدا : لا خليكي انتي باين عليكي التعب انا موجودة
مليكة وشها بيحمر من الغضب وضوافرها بترشق في ايد داليدا زيادة
مليكة : قولتلللللك انا موجوووودة
داليدا : ياماما .. لا انتي هتتحولي تاني ولا ايه روحي روحي اتفضلي وسيبي ايدي
سهيلة وثرية وأمينة باصينلهم وبيضحكوا 😂
خرجت مليكة وآدم من الأوضة وراحوا يجيبوا أكل .. مليكة ماشية العفاريت بتتنطط قدامها ونفسها تضرب حد وآدم بيضحك من تحت لحت ، وفي نفس الوقت متدايق جداا إن كل دا غصب عنه .. لو بإيده مكانش هيسيبها تبصله بس
لكن الدلايل اللي معاها قادرة تنقذهم كلهم من نشوى وعمايلها
دخلوا عند الراجل بتاع الأكل .. راح آدم طلب الأكل اللي مليكة بتحبه ومعاه المقرمشات اللي بتحبها كمان ..
مليكة: هو انا ممكن أفهم انت عاوز ايه بالظبط ؟؟
منين عاوزني اسامحك ومنين عاوز تحرق دمي
منين فرحان بابنك اللي هييجي مني ومنين سايب واحدة تانية تقربلك وقدامي
آدم : جيبتلك الأكل اللي بتحبيه .. عاوزك تتزغطي زي البط كدا عشان الأيام الجاية صعبة وياعالم هنعرف ناكل ولا لا 😂😂
مليكة بغضب : انت مستفز اوي على فكرة
آدم : وانتي قمر اوي على فكرة 😍😍
مليكة : لا إله إلا الللللللله .. يلا ياادم يلا
💖🌟💖🌟💖🌟💖🌟💖🌟💖🌟💖🌟







*بعد ساعة *
بدأ معاذ يفوق ويفتح عينيه .. جاي بيرفع دماغه جسمه وجعه جداااا ومبقاش قادر يتحرك
معاذ : آااااااه .. انا ايه اللي عامل فيا كدا ومتكفني بالمنظر دا
مين هنااااا ياجدعان
إبراهيم داخل عليه وفي ايده نفس الشوما : صباح الخير ياحبيب بابا
معاذ : حبيب بابا ؟!
يعني انت اللي عملت فيا كل دا ؟؟؟
إبراهيم: اه ياحبيبي انا
معاذ : خلي بالك انت لو راجل كنت هتجيلي وانا فايق راجل لراجل مش تيجي وأنا فاقد وعيي
إبراهيم : اممم .. طيب احنا لسة فيها
بيرفع الشوما : تحب تقوم ونكمل ؟؟؟
معاذ بيبص في الأرض وبيتوجع
ابراهيم : جدع برافو عليك ، انت كدا عارف مصلحتك .. راسك تبقى في الأرض ومتترفعش
معاذ : ايه المطلوب ياابراهيم ؟؟
ابراهيم : فين نشوى ؟؟؟
معاذ ساكت •••
ابراهيم بيضربه بالشوما علي دراعه .. معاذ بيصوت من الوجع
إبراهيم : لما اسألك سؤال ترد على اهلللللللللي .. فين زفتة
معاذ : انت بتعاملني كدا على أساس ايه ؟؟؟
هو مش انت كمان كنت متفق معاها ولا نسيت
إبراهيم : كنت متفق معاها بس مخونتش مراتي معاها ولا طلقت مراتي غيابي ولا ساعدتها نمضي العيلة كلهاااا على أوراق سرقة
ولا جيت بعد كل دا وحاولت اخطف ابني من امه يازبااااالة
بيضربه بكل قوته على دراعه التاني : انططططططق
معاذ : خلااااااص ، خلاص ياابراهيم هقولك
💖🔥💖🔥💖🔥💖🔥💖🔥💖🔥💖🔥
*في المستشفي *
خلصوا أكل وغسلوا ايديهم ومستنيين الدكتور ييجي يشوف رفعت
داليدا : ماشي انا هروح بقا عشان ورايا شغل كتير اوي في قضية البيت
آدم فرح أول ماقالت همشي : تمام ياداليدا ربنا معاكي
داليدا : ربنا معايا ؟؟
انت مش هتوصلني ولا ايه 🤔
آدم باصصلها متنح وساكت
داليدا بخبث : ايه ياادم .. مش قادر توصلني ؟؟
مليكة بتبص لآدم تشوف رده
آدم : لا طبعاً قادر مفيش مشكلة .. يلا بينا
خرج وهي خرجت وراه .. كلهم باصينلهم ومستغربين !!!!
مليكة رجعت لورا سندت ضهرها على الحيطة وعينيها دمعت من الغيظ والضيقة اللي هي فيها ومش قادرة تتكلم
بقلم همس حسن 🖋️
🧡💛🧡💛🧡💛🧡💛🧡💛🧡💛🧡💛
نزل آدم وداليدا على تحت .. آدم بيفتح باب العربية عشان يركب ويركبها ، تليفونه رن “إبراهيم”
آدم : ابراهيم !!!!
داليدا : في حاجة ولا ايه ياادم
آدم : ثواني ياداليدا متركبيش
آدم بيرد عالفون : أيوة ؟؟؟
إبراهيم : بقالي كام يوم عمال أفكر إزاي أقدر اكسب ثقتك واكسبك من جديد واخليك تسامحني .. بس مكنتش أعرف إن الحظ هيكون معايا اوي كدا
انا لقيت نشوى ياادم .. بقا بيني وبينها خطوتين بالظبط بس قولت أوثق اللحظة دي واسمع صوتك عشان انا اموت ولا إني أرجع من غيرها النهاردة
.
🔴🔴🔴🔴🔴🔴🔴🔴🔴🔴🔴🔴