آخر 10 مشاركات
طوق نجاة (4) .. سلسلة حكايا القلوب (الكاتـب : سلافه الشرقاوي - )           »          لتتوقف الثلوج.....فانظري لعيناي و قولي أحبك "مكتملة" (الكاتـب : smile rania - )           »          جدران دافئة (2) .. سلسلة مشاعر صادقة (الكاتـب : كلبهار - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          المز الغامض بسلامته - قلوب أحلام زائرة - للكاتبة Nor BLack *كاملة&الروابط* (الكاتـب : Nor BLack - )           »          مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          واثق الخطى ملكاً فى قلبي *مميزة و مكتملة * (الكاتـب : حياتى هى خواتى - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree1089Likes
إضافة رد
 
LinkBack أدوات الموضوع انواع عرض الموضوع
قديم 04-10-22, 07:36 PM   #1

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي رواية/ لكنهُ أكثَر *مكتملة*


*

رواية " لكنهُ أكثَر "

بقلمي / cloud24





*
*

الجزء الاول ..


وقف سيارته عند بيت الشعر الاسود الخالي ..
نزل القزاز وهو يعدل نظارته السودا ناظر المكان بضيقه وهم
فتح الباب ونزل وهو يرفع طرف ثوبه الابيض عن التراب

ناظر يسار الخيمه والعريشه اللي جنبها
..هدووء..

واضح مافي احد .. وينهم !؟
ناظر ساعته مابقي شي ع المغرب اكيد انها راحت مع الغنم وقريب تجي
تنهد وهمس بـ : ياارب

*
وماهي الا دقايق
ويشوف الغنم من بعيد وشاهر اللي عمره 7 سنوات يسابقهم
اما هي تمشي ورا ورافعه يديها لكتفها ومعها الخيزرانه لافتها ورا رقبتها
وتمشي ببرود وتغني يوصله صوتها بكل وضوح المكان خلا خالي : ياونتي ونة الجربووووع
اربع دداسسن توطنننه اننه
يوم التفت ولا الذنب مقطووع اووع
ومن القهر جرر له وونه اننه


ضاري مسح ع وجهه وهمس : صبر من عندك ياالله

وصل شاهر وبحمااس : عمي ضاري عمي ضاري جبت لي عصيير

ضاري ابتسم له : ايه حبيبي جبت لك

شاهر بسعاده : ياسلااام

ضاري راح لسيارته ونزل كيس العصيرات والحلويات وعطاه له وهو يناظر سعادته المفرطه بشفقه
يحس غصه بحلقه .. وربي حرام طفل وعايش حياة ماهي من جيله .. الله يرحمك ياصقر ويسامحك

لف بنظره عنه ل ريميه اللي قربت منهم ..
تأملها نحييفه سمرا حيل
تلبس جلابيه وحجاب ع شعرها
ومشيتها رجوليه

هذا منظر بنت بعمر 12سنه .. لاتعليم ولاتفهم شي بالحياه
عايشه طول عمرها بالبر وترعى هالغنم وتداري ابوها واخوها بسس لاتفقه شي غير هذا ..

البارح اخوه توفى ..
ماحزن عليه كثر ماحزن وتقطع قلبه لما شاف عياله
ايش استفاد صقر لما حرمهم التعليم
لما حرمهم العيشه مثل جيلهم
متمسك بالبر والحلال لاخر يوم بعمره .. طيب وعيالك!؟
مو حرام

خلص الدفن وجا لهنا ع طول ماقدر يجلس بالقريه القريبه يستقبل المعزيين بما انه اخوه الوحيد

ريميه قربت لعمها اللي البارح كانت اول مره تشوفه


ضاري يناظرها بحنيه مكتفه يديها لصدرها وواضح الاعتراض بملامحها : جاهزين

ريميه بنبره قويه مثل الرجال : انا من البارح قلت لك مانيييب رايحه معك

ضاري بهدوء يطول باله : مايصير وانا عمك لازم تروحون معي بتسكنون ببيت حلوو مرره وامشيكم واسوي لكم اللي تبون

شاهر ياكل شبس وبحماس : متى نمشي

ريميه ناظرت شاهر بقوه ورجعت تناظر عمها : حنا مرتاحين بديرتنا توكل الله يستر عليك



ضاري : انا مسؤول عنكم مااقدر اخليكم بهالخلياان

ريميه سمعت صوت السياره من بعيد : هذي خالتي جت ماحنا بروحنا

ضاري لف وراه للجبل ينتظر السياره تبين حسها المزعج وصل قبلها ..
دقايق وتبين سياره ددسن غماره .. والي تسوقها حرمه لابسه برقع وبكل ثقه متكيه يدها ع الشباك

ام عايض توقف السياره جنبهم وتناظر ضاري بطرف عين قبل تنزل : هذا عمكم !

شاهر بحماس : ايييه

ريميه : ياخاله شوفي يقول يبي ياخذنا

ام عايض تنزل وعباتها طايحه ع كتوفها ورافعتها مبينه نص ثوبها البني : عز يعزك اي والله خذهم

ضاري زفر براحه

ريميه : ياخاله ابيك عون صرتي لي فرعون

ام عايض بقوه : تمشين مع عمك وانتِ ماتشوفين الدرب وين اوديكم انا عندي مانيب جايبتكم تبين سويري ياخذك علي ضره

ريميه تحرك يدها : الله والسويري عاااد

ام عايض تلف لضاري : خذهم الله يرضى عليك

ريميه تناظرهم بعدم رضا ..

ضاري مايبي ياخذها غصب ناظرها بحنيه : ريميه عشان اخيك عمره 7 سنوات خله يروح يدخل المدرسه ويلحق عمره بيطلع دكتور ولا ضابط يعزك ويكون لك سند تعتمدين عليه شمستفيده من جلستك بهالبراري لاتصيرين انانيه مثل ابوك

ريميه : ابوي موو اناني

ضاري : هه ورا مابكيتي عليه ليه ماشيه ورا الغنم وقت دفن ابوك ليش ماانتِ حزينه

ريميه بلعت عبرتها : الحزن بالقلب كذا علمني ابوي وواجب علي ادعي له دموعي مو فايدته

ضاري سكت حس انه جرحهاا ..

ريميه : بروح معك بس عشان شاهر ولاانا مابي من الحياه الا ان اعيش مثل ابوي والله يسامحك ياخاله

*

ركبت فالسياره وهي تشوف سعاده اخوها المفررطه وتدعي بداخلها الله يستر من الي جاي
..
لفت تناظر من الشباك .. سيارة خالتها تبعد بجهة ديرتهم ..


لفت قدام وعدلت جلستها وحجابها : كم عمرك ؟

ضاري استغرب سؤالها المفاجئ اللي قطع تفكيره وبهدوء :21

ريميه : ليش عايش بعيد عن ابوي مو هو اخوك فهمني ابوي عمره مااطراك دايما يقول انا مالي احد كل الغوالي ماتو

ضاري : صقر اخوي من امي

ريميه بحماس : امك جدتي عايشه ؟؟

ضاري : لا الله يرحمها تطلقت من ابو صقر اللي ماخلفت منه الا صقر وتزوجت ابوي وبرضو ماخلفت الا انا وتوفت وانا عمري سنتين

ريميه : خساره يعني ماعندي عمام ثانيين

ضاري : بعوضك ان شاءالله

ريميه بقلق : وين تودينا

ضاري : لشقتي بجده

ريميه سكتت وهي تحس بقلق من الايام الجايه ..

*

من اول مادخلت جده وهي كذا فاتحه فمها والدهشه
والخوف بنظراتهاا
شي فوق الخياال مباني طوويله وانواااار
وسيارات كثيير
همست وسط دهشتها : ايش هالناس كلهم برا مافي احد ببيته

ضاري ضحك : هههههه البيوت والشوارع مليانه هناا حياه

ريميه سكتت وتناظر وتحس بخوف داخلها ..
عمرها ماتوقعت انها بتروح لجده اللي بس تسمع عنها من بنات الديره
نزلت من السياره لما قالها عمها انزلي وصلنا
فتحت الباب وهي كذا متنحه فالعماره الطويله اللي وقفو عندهاا
رفعت راسها فوق تتأملهاا ..
نزلت راسها بسرعه لما حست انها بتدوخ

ضاري شال شاهر اللي فتح عيونه بس باقي ماصحصح
واستوعب هم وين : ريميه ياابوي تعالي وراي

ريميه تحركت بسرعه وراه .. دخلو من الباب الكبير الاسود

ناظرت الدرج .. اول مره تشوفه بحياتها
يالله شلون تمشي عليه تخاف تطيح
شافت ضاري يمشي عليه قدامها وهي تحركت طلعت
بشويش وتمسكت بالحديد حبه حبه
يممه بسم الله ..

ضاري فتح باب الشقه الي بالدور الثاني بالمفتاح وهو
يلف يشوف ريميه تمشي بشويش وعيونها ع خطواتهاا .. حس قلبه يتعصر لمااستوعب انها اول مره تطلع درج ..
يالله اشياء بسيطه يشوفها سخيفه ماتستاهل يتأمل فيها
ماتوقع انها تدهش شخص بيوم

*
*

ضاري نزل شاهر ع الكنب بالصاله ولف ع ريميه اللي تتأمل الشقه : اجلسي ارتاحي وانا بروح اجيب لنا عشا

ريميه بخوف : تخلينا بروحنا

ضاري : المطعم قريب كنت بمره وانتم معي بس خفت تخافون بالسياره هنا افضل خذو راحتكم
"اشر بيده ع الحمام" وهذا باب الحمام

ريميه : طيب لاتطول

ضاري : ان شاءالله

ريميه بعد ماطلع ضاري ناظرت اخوها كمل نومته
وقفت وراحت تستكشف الشقه ..
وقفت ع باب المطبخ صغير بس فيه كل شي بنظرها
دولاب مغسله ثلاجه فرن ..

طلعت منه وفتحت الغرفه اللي قباله فاضيه
راحت للباب الثاني فتحته شافت غرفة نوم ..

مشت للسرير جلست عليه بحذر : بسم الله ياخوفي تنكسر فيني نفس سرير خالتي الكحيان
"طبطبت ع السرير بيدها وهزت جسمها" لاماشاءالله اصلي

ناظرت الدولاب قدامها كله مرايا ..
تأملت نفسها ببرود وقامت فتحت الدولاب ولوت فمها : اخييه عمي يلبس بدلات مااش

نطت بمكانها بخوف لما سمعت صوت باب
ضااري جا
طلعت بسرعه ورجعت للصاله جلست جنب شاهر النايم وهي مستغربه وينه متأكده سمعت صوت باب

شوي كذا تسمع صوت غريب من جهة الباب اللي ع يسارها مافتحته ؟!
صوت رجال يغني "مقادير يا قلب العنا مقادير
وش ذنبي أنا مقادير .. "

حست بخوف تأخر عمها وهذا مين ..
تحس للحين مو فاهمه وضع الشقه وهالباب اللي وراه
هالصوت يفتح عليهم ولا لا ؟

ماحست بالخوف منه لانها متعوده بالبر تواجه وترد ع رجال ماتعرفهم يسألونها عن شي وكذا
بس خوف وحشه المكان وعدم الفهم ..

لفت للباب بسرعه لما انفتح وشهقت بصدددمه لما
شافت صاحب هالصوت

واقف ويده باقي ماسكه الباب ويناظر وجودهم مصدوم هو بعد!!
مو منتبه لشكله اللي فجع ريميه ..

ريميه مصدومه ايش قله الادب هذي بس لاف عليه منشفه وكرشته دووب غطت عيونها وهي تصارخ : ارررجع وراك ياقليل الخاتمه ياربي لاتسخط عليناا

رجع ورا بسرعه وقفل الباب وراه
وهو يحاول يستوعب من ذي والبزر اللي نايم ع الكنب
من ذول متى جو .. خييير هو نايم وتوه صحى وتروش ولاهو داري عن الدنيا

دخل بسرعه مجلس الرجال اللي معتبره غرفه نوم لضاري فتح شنطته قلب في الملابس يدور شي يلحق عليه بس ضاري معصقل .. راح رجع لبس ملابسه قبل يتروش

اخذ جواله واتصل ع ضاري .. اللي رد عليه ع طوول : وينك يارجال تعالي في بزارين عندنا بالشقه

ضاري بهدوء : قريب هذول عيال اخوي

منذر يمسح شعره المبلل : الله يرحمه انا بس فتحت الباب ورجعت بسرعه مادريت

ضاري وهو يطلع درج العماره يقاطعه : ماعليك صغار هذاني وصلت وافهمك كل شي

*

‎ياكل من الشاورما حقته وهو يناظر خويه المهموم : خلاص فكها عاد

‎ضاري يتصدد بالنظر عن ريميه اللي جالسه مكتفه يديها ورافضه تاكل : ماعليك بس البال مشغول عندي امور كثير بخلصها

‎منذر خطف نظره شفقه للبنت والولد ع نفس نومته : الولد بيدخلونه المدرسه عادي الحمدلله تونا بدايه السنه بس البنت كيف

‎ضاري يحك شعره : مدري اشوف مدرسه خاصه تقبلها

‎منذر : ايه انا بكلم امي وتحلها مع معارفها هي افهم بهالامور وماعليك

ريميه تناظرهم برفعه حاجب : ريح عمرك ياعمي انا ماابي ادرس

ضاري ناظرها : ليه يابوي توك صغيره يمديك تتعلمين مايصير تجلسين كذا جاهله

ريميه : انا ماني جاهله من قالك اني مادرست انا معي سادس ومكفيتني اعرف اقرا واحسب

ضاري : شلون !! ابو عايض يقول ان اخوي حرمكم التعليم

ريميه : حرمة عيشته هالسويري بس عشان ابوي ماخلاني اكمل المتوسط لان مدرستها بالمحافظه وانا راضيه

منذر ناظر ضاري براحه : زين الحمدلله يمديها تكمل بالراحه

ريميه ناظرته بقوه : ماتفهم انت قلت ماابي اكمل
"وناظرت ضاري ورفعت اصبعها تهدد"
شوف انا جيت معك عشان اخيي استلمه وعلمه مثل ماتبي بس انا مالك دخل فيني حالي وعاجبني اللهم لك
الحمد والحين علمني وين ارقد بيصبح الصبح
وانا مارقدت

منذر كتم ضحكته وهو يشوف ضاري يتنهد ويقوم ويشيل شاهر ومشى للغرفه الفاضيه وهي وراه ..


‎منذر طلع من الشقه ونزل الدرج بسرعه
وهو يحرك المفتاح بيده ..

‎حرك سيارته وهو يفكر بحال بزارين اخو ضاري كاسرين خاطره ..
وضاري مو ناقص حمل يكفي انه شايل نفسه ومصاريفه لحاله
‎ابوه مايدفع له ريال ..
‎يتذكر اول ماتعرف عليه بالجامعه كان يكرهه الدافور
‎عمره ماتوقع انه بيكون له صديق لا وصديقه المقرب
وتوصل انه يسكن معه واغراضهم وحده

‎ناظر جواله امه تتصل

‎رد عليهاا : هلا هلا والله بنبع الحنان

‎ام منذر : هاه قص علي بكلامك الحلوو وينك ماعاد تجي ولاتسأل عن ام ولااهل

‎منذر : والله مشغول بالجامعه حياتي جامعه ونوم

‎ام منذر : وماتاكل زين اعرفك اسمع مني وتعال اسكن
معنا اسوي لك اكل واداريك

‎منذر : ياحبه عيني انتِ والله مرتاح بشقتي عندكم مااخذ
راحتي اخوي بياكلني وكان زوجته اخر حبه خلهم
يعيشوون معكم براحتهم وانا براحتي

‎ام منذر : طيب طمني عنك انت كيف صحتك

‎منذر : بخيير والله وبمرك بكره العصر اجلس معك واخذ علومك

‎ام منذر ابتسمت بحب لولدها القعده : حياك حبيبي باي وقت


*
*

مرت الايام سريعه ..
تأقلمت ع وضع الشقه .. وتعودت ع عمها ضاري .. ومنذر صار لها عم ثاني
شاهر دخل المدرسه ومستانس .. بس تحس بالملل
ماتعودت تنحبس بين اربع جدران كذا
حتى لما يطلعهم ضاري او منذر .. تحس بفراغ

جالسه بالصاله .. تناظر التلفزيون مزاين الابل ..
وعلى الارض شاهر يحل واجباته

منذر طلع من المطبخ وبيده صينيه شاهي وساندوش بيض ..
جلس ع الارض وياكل وريميه تناظره بشفقه توهم متغدين
ماامدا يجوع هالدب

منذر حس بنظراتها : تبين اقسم لك

ريميه : لا الحمدلله شبعانه توي متغديه

منذر ابتسم : هااه اسمعي ياجاره يعني

ريميه عدلت جلستها : ايه دوب كل شوي تاكل خل نطلع بالمزرعه ونمشي نفس الناس وانا اشم هوا اختنقت بين اربع جدران

منذر ياكل ساندوشه بسرعه ويهز راسه يعني تم واجهزي ..

ريميه وقفت وطبطبت ع ظهر شاهر : بسرعه خلص بنطلع

*
*

وبحديقه الحي الي ريميه تسميها مزرعه ..

منذر يناظرها بعبايتها ومتحجبه .. نتفه مبين صغيره الي مثلها مالبست العبايه وتلعب مع الاطفال ..
بس هذي مكبره نفسها حتى فالبيت جلابيه وحجاب ..
يحس شكلها مضحك بس ماتدخل فيها دامها مرتاحه

ريميه : اتصل على عمي ضاري وينه اليوم ماجا

منذر : خلص محاضراته وراح لمحل الجوالات يفتحه
مو فاضي الله يعطيه العافيه

ريميه : وانت ليه ماتشتغل مثله

منذر : انا يادوب اركز بدراستي واهلي مو مقصرين معي

ريميه سكتت تناظر الناس وشاهر الي يلعب مع الاطفال
وبعد فتره : اشتقت لخالتي وبنتها اريج

منذر يطلع جواله من جيبته : تبين تكلمينها

ريميه : مااعرف رقمها عمي ضاري قال يدوره لي

منذر يبي يسعدها : زين طيب قومي خل نروح ونمر
السوبرماركت تشترين الي تبين

ريميه تناظره بفرح : الله زي ذيك المره لما رحت مع عمي
ضاري كان يهبببل ماخلاني اخذ كل شي

‎منذر قمط : تبين تاخذين كل شي!!

‎ريميه ضحكت ع شكله : ههههههه هاااه خليك قد كلمتك

‎منذر يتحلطم : انت اللي جبته لنفسك يامنيذر

*

‎يمشي وراهم بالعربيه وهو يناظرها تناظر الشوكولاتات
بشغف مو عارفه تاخذ ايش وتخلي ايش

‎تاخذ لها مجموعه وتروح تجري وتلف للشبسات
وتتناقر مع شاهر
وهو وراهم يدف بطفش غلطان اللي يعطي البزارين وجه

*
‎طلع للسياره وهو يحسب فلوسه مابقى شي من مصروفه وامه تفتح معه تحقيق لو طلبها
كان باقي معه 500 قال تمشيه
بس طارت بخرابيط ريميه وشاهر مابقى منها الا 41 ريال

‎ريميه طول الطريق مبتسمه تحس طاقتها رجعت لها من الطلعه .. والاغراض الي اشترتها لفت ع منذر : منذر

‎منذر بطفش منها قاطعه سرحانه وهو يسوق : هااه

‎ريميه : كل يوم طلعنا باالله

‎منذر خلاص منفس : قولي لضاري

‎ريميه تزن : ضاري بس يدرس واصلا يجي من الجامعه
متأخر كله محاضرات مايفضى انت فاضي ماتشتغل

‎منذر : اووهوو ريميه خلااص هشش صدعتي راسي هذره هذره ماتسكتين

شاهر الي جالس ورا وبالنص تقدم وبيده عصير : لاتطلعنا للمزرعه بس ودينا للدكان كل يوم

‎منذر تنهد : اناا لله

*
*

‎بالليل ..
‎فارشين ع الارض وكل واحد منسدح بفراشه وبينهم فراغ مو كبير ..
‎يناظر صديقه مصدوم اخر واحد توقع انه بيحب هو
ضاري
‎بغض النظر عن شخصيته
‎بذمته يتامى ويدرس جامعه ويشتغل وين يلحق يعرف بنات

‎ضاري منسدح ع ظهره ويناظر السقف : ادري انها قليله ادب بس عاجبتني

‎منذر اللي منسدح ع جنبه ويناظره وضحك : والله مالك
داعي تدري شنوعها وكيف جرأتها تطلب رقمك
وانت تعطيها والله انك خبل

‎ضاري : ايه عطيتها بس كذا بشوف ايش عندها اقولك
كل يوم جايه المحل بس وتناظرني

‎منذر : وطبعاً ماعندها سالفه بس كذا مصاعه

‎ضاري : لا منذر البنت ع كذا طلعت هم منفتحين وعادي عندهم عجبتها وحبت نتعرف ارتاح وانا اتكلم معهاا
احسها تفهمني تهتم فيني غصب تعلقت فيها صارت روتين

‎منذر يتغطى : عشنا وشفنا اقول بس اخمد دام عندك
وقت للمغازل وقله الحيا عطه لليتامى ابرك ريميه وشاهر يبون كل يوم نطلعهم

‎ضاري : ان شاءالله

*
*

‎تبصم ع العشره ان هذا اسعد يوم بحياتهاا والاكيد
ان شاهر نفسها حاس بهالسعاده
‎لعبت لعبت لين تعبت ..
اول مره تحس انها طفله وتلعب

‎صح كانت خايفه من بعض الالعاب بس كانت مبسوطه
بالتجربه

‎شاهر وهو ياكل اسكريمه : ودينا الالعاب هذي كل شوي عمي

‎ضاري يمشي بوسطهم : ان شاءالله حبيبي

‎ريميه اللي ع يمين ضاري : الله لو اقابل بنات الديره
واقولهم اني لعبت بالملاهي يموتون قهر

ضاري ضحك وهو يطلع جواله من جيبه يشوف
الرساله اللي وصلته من سماح
‎"اذا فضيت كلمني .. اشتقت"

‎ابتسم وهو يرجع جواله ويمشي معهم للسياره
مو مركز بكلام ريميه الكثير

‎ريميه من اول ماوصلو الشقه نزلت بسرعه وطلعت تجري بحماس تبي تقول لمنذر ايش سوت

‎دخلت الشقه وع طول للمجلس اللي صار ينام فيه
مع ضاري بعد ماقالت انها تبي السرير ع طول وافق
وقالها خلاص خذيها الغرفه لك ..

‎شافته جالس وقدامه اللابتوب واوراق
وكتب يدرس : عمي منذذذر

‎منذر رفع راسه وابتسم : هلاا بالرييم هااه انبسطتي

‎ريميه تجلس قباله وتحرك يدها : مره مره "وضحكت"
انت المره الجايه عليك توديني البحر

‎منذر يناظرها بطرف عينه : طلباتك ماتخلص

‎ريميه برجا : امانه امانه بشووفه تو قلت لعمي ضاري
وقال بعدين

‎شاهر دخل وقفل الباب وراه

‎منذر ناظره : وين ضاري

‎شاهر : يقول عنده مشوار

‎منذر تنهد اكيد طلع يدج عشان يكلم الحب ع راحته ..

‎ريميه : ها عمي ايش قلت خلاص بكره بعد اختبارك

‎منذر : طيب طيب حلو عني الحين بدرس

‎ريميه نطت بمكانها بحماس
وهي تناظر شاهر : بنروح البحرر




*


خلص من مذاكرته وانتبه للساعه 1 بالليل
‎وينه ضاري للحين ماشرف ..

‎وقف وهو يتمغط بكسل وتعب من الدراسه ..
طلع من المجلس بيتطمن ع ريميه وشاهر .
‎ يحس كأنهم اخوانه الصغار .. هو اصغر العايله وياما تمنى يجرب شعور ان في احد اصغر منه ..

‎فتح باب غرفته المطرف الي صارت لريميه ..
‎شاف شاهر نايم بفراشه ع الارض

‎دف الباب شوي وهو بمكانه وضح له السرير وريميه النايمه
‎بس عيونه وقفت ع شي واحد "شعرها"

‎فاتح فمه مذهول من جماااله
‎اسووود ناعم غزير طويل .. مبعثر ع المخده ..
‎ابد ماتوقع ولااصلا فكر ان شعرها بيكون جميل لهالدرجه

‎لما استوعب نظرته .. قفل الباب بسرعه وراح للمجلس
‎جلس بفراشه وهو يردد ماشاءالله

"

‎طلع من محاضرته واتصل ع ضاري اللي ماحضر وين راح هذا من البارح ماجا
‎ولاحضر اول محاضره غريبه ..

‎جاه صوت ضاري الخامل : هااه

‎منذر : وينك يارجل قلقت عليك

‎ضاري : ههف بالشقه ماصار لي ساعتين نايم خيرر

‎منذر وقف ويشد ع كتابه بيده : هااي ضااري قلي هالحين وين كنت البارح مو عادتك تطلع وماترجع الا الصبح
لاا وتسحب ع محاضراتك ضاري الدافور يسحب انطق بسررعه علمني ايش اللي صاير لك

‎ضاري بنعاس : مو صاير شي ييلاا بنام

‎منذر ناظر جواله بقهر ..يقفل بوجهه..
‎حسبي الله ع بنات ابليس هالبنت اللي من تعرف عليها
ضاري ماعاد هو ضاري اللي يعرفه

*
طلع من الجامعه وهو يقاوم النوم ..
بس ضغط ع نفسه عشانهم
مر مدرسه شاهر
وبعدها اخذو ريميه من الشقه .. بيغديهم برا

حماسهم خلاه يصحصح .. اليوم الجو يهبل ..
خساره يضيع هالجو بالنوم .. بعد الغدا ..
اخذ له شاهي بالطريق وشاهر وريميه عصير
واتجه للبحر .. اللي يعتبره عادي مو مستوعب حماسهم وشغفهم

هو من صغره متعود ع البحر ..
مو مستوعب ان في ناس ماقد شافوه ومو متخيلين كيف يكون شكله ع الطبيعه

وقف السياره بمكان هادي ونزل وهو يشوفهم ينزلون قبله ويجرون للبحر

منذر بخوف يمشي بسرعه : لاتدخلون بتغرقون

ارتاح لما شافهم بس وقفو جنبه ويلمسونه بيديهم ويضحكون
قرب منهم ووقف يتأملهم
الضحكه والسعاده بوجههم ..

شهق لما جات عليه مويه ويشوف
ريميه تنحاش : انا اوريك يالبزر

ريميه تمد له لسانها : مايمديك تمسكني يالدووب اننن

منذر يجري وراها ويرش عليها مويه هي وشاهر اللي صارو فريق ضده وغرقوه

*

جلست بالسياره وهي ترجف : يااربي بررد

منذر يضحك : تستاهلون

شاهر لبس جاكيت لمنذر : ياكبر جاكيتك يدددفي

ريميه لفت عليه بقهر : عطني اياه انا مره تبللت مو زيك

شاهر يشد الجاكيت عليه : لا والله مااعطيك

منذر ناظر رجفتها بجديه اول توقعها تمزح ..
وقف السياره ونزل فتح الشنطه اللي معتبرها دولاب متنقل
اخذ جاكيت وسكارف

ورجع السياره ومدهم لها : شيلي الطرحه وتحجبي بالسكارف ادفى لك

ريميه لبست الجاكيت بسرعه فوق العبايه ..
ونزلت حجابها المبلل وتحجبت بالسكارف مو منتبهه للي يخطف النظرات لشعرها اللي ظافرته
هي معتبره الحجاب عاده للحين ماتفهم اهميته او ليش وعن مين تتحجب اصلاً ..

منذر حرك السياره وهو يفكر بضاري لازم يفهم ايش
اللي يصير من وراه ..

*
*

جالسه ع سريرها تقرا كتاب اعطاه اياه منذر ..
عشان تشغل وقتها بشي مفيد

تحس عيونها تدوخ مع القراءة بتنام
شوي كذا سمعت اصوات عاليه من المجلس ..
صوت ضاري..

ناظرت شاهر اللي نايم بسم الله ايش فيهم هذول
طلعت بسرعه ووقفت عند باب اللي قبل المجلس بتردد وخوف
من اصواتهم اللي وضحت

ضااري والغضب بوجهه : ماانت ابووي ولااخوي الكبير
عشان تتحكم فيني انا رجاال شايل نفسي مالك شغل فيني

منذر وصوته اعلا متنرفز : انت غبي ولا دلخ ولا شلوون
اقولك تلعب عليييك البنت قاعده تضيعك وتضيع
مستقبلك

ضاري يشد ع اسنانه : وانا رااضي شعندكك

منذر : بالعنا فيييكك ماهميتني بس هاليتامى اللي برقبتك لاتضيع وتضيعهم معك

ضاري : عيال اخوي مالك دخل فيهم واذا مثقلين عليك عطني بس شهر واطلع انا وياهم وترتاح

منذر يهدي من نفسه وبداخله مغبوون : انا ماقلت مثقلين

ضاري ياخذ مفاتيحه وجواله والمحفظه : واضحه مايبي لها

منذر يناظره بقهر يعطيه ظهره ويطلع :ماخلصت كلامي وين منقلع

ضاري وهو يفتح الباب الخارجي : في ستين داهيه

ريميه تقدمت بشويش وهي تسمع منذر يتحلطم ويلعن ..
وقفت ع باب المجلس تناظره مو فاهمه سبب هوشتهم
بس اللي فهمته ان منذر مايبيهم بالشقه

منذر رفع عيونه لها وصد مو طايق يشوف احد ..

ريميه وهي بمكانها : ليه ماتبينا

منذر تنهد بضيق : لاتهتمين لكلام ضاري يألف من راسه

ريميه تناظره مصدقته تدري بغلاتهم عنده
حتى يهتم فيهم اكثر من عمها
وبتردد سألت اللي ببالها : ليش مو عايش عند اهلك

منذر رفع عيونه يناظرها مستغرب سؤالها
وتغيير الموضوع : اخوي متزوج وساكن عندهم وطلعت عشان زوجته تاخذ راحتها واريح لي لحالي

ريميه تقدمت وجلست قباله وبينهم مسافه : عندك اخوات

منذر بهدوء : ايه

ريميه : اخواتك كبري ؟

منذر ابتسم : هه لا اخواتي عجايز كلهم متزوجات وعندهم بنات كبرك

ريميه تحط يدها ع فكها تفكر : يعني امك عجوز

منذر ضحك : لاا بس خواتي تزوجو صغار وخلفو ظلموها ولا هي شباب فخمه تجنن امي

ريميه : الله يخليهم لك

منذر سكت شوي بعدين قال الي بخاطره من فتره : ليش ماتكملين دراستك مامليتي من الجلسه كذا فاضيه
ترا بتندمين بعدين

ريميه تشتت نظراتها : الا مليت بسس ...

منذر يناظرها بتشجيع : اييه !!؟

ريميه ناظرته : ماابي اكلف ع عمي يكفي شاهر

منذر بحماس : لاتفكرين بالمصاريف الحين اهم شي
تدرسين وتلحقين عمرك امي مديره مدرسه بكلمها تساعدك

ريميه تبتسم بتوتر من فكره انها ترجع تدرس : بس عمي ضاري

منذر : انا عمك ولا مو عمك ؟ خلاص ازهليها انا ارتب كل امورك انتِ بس عليك تدرسين وتصيرين شاطره وترفعين روسنا

ريميه ناظرته باامتنان : اوعدك والله

منذر يتأمل ملامحها بهدوء .. عاديه ..
اجمل شي فيها عيونها .. جحوظها خفيف .. رموشها كثيفه وطويله ..

لف يفرش فراشه ع الارض : زين تصبحين ع خير

ريميه وقفت بحماس : وانت من اهله


*

تأملت حالها بالمرايه ..
لابسه مريول المدرسه .. شعرها ظافرته ع جنب .. اخذت عبايتها ولبستها وتحجبت وطلعت بسرعه
وهي تسمع صوت ضاري وشاهر بالصاله

ضاري ابتسم : ياصباح السعدد لااوصيك هاا شدي حيلك ترا محد مثلك يبدا يداوم وباقي ع الاختبارات النهائيه
اسبوعين واسطه ام منذر ماشاءالله ههههه

شاهر متحمس ان اخته مثله بتروح للمدرسه : عمي عطها المصروف لاتنسى

ريميه : ماله داعي

ضاري يطلع محفظته ويقاطعها : شلون مانعطيها بعطيها عشره بعد

شاهر شهق : لا وش هالتفرقه انا تعطيني ثلاثه وهي عشره

ضاري يغمز له بضحكه : بس اول يوم

ريميه اخذتها منه وهي مبتسمه ..
تتذكر طول مسيرتها الابتدائيه ماقد ابوها عطاها مصروف ..
مو بخل كثر ماهو جهل بااحتياجاتها وهي ماتطلب
كانت خالتها تحط لها فطور مع بنتها اريج ..
ويفطرون سوا

*

جلست ع درج العماره بعد ماراح ضاري وشاهر ..
تنتظر منذر الي راح يجيب امه تكون معها بااول يوم

منذر وقف السياره ونزل القزاز ع طول وبعتاب : ليش جالسه هنا كان انتظرتي فوق

ريميه تناظر لامه بفضول وفتحت الباب تركب ورا : السلام عليكم

آمنه لفت عليها ومدت يدها وهي تتأمل وجهها : وعليكم السلام شلونك يمه

ريميه سلمت ع يدها وتركتها وابتسمت : الحمدلله طيبه

منذر حرك السياره وهو حاس بنظرات امه له .. متوتر من اول ماقالها ان بنت اخو ضاري ..
بتدرس اول متوسط وهي نظراتها مو مريحته ..
يدري ان اهله المحافظين يشوفون الي بالعمر هذا كبيره .. بس بالنظر ريميه صغيره
يتمنى امه تقتنع

*

ومثل ماتوقع
.. بس خلصو من المدرسه ونزل ريميه بالشقه ..
وبقى مع امه لحالهم بطريق البيت ..

آمنه : اخوك نواف باقي اسبوع بس وينقل لبيته لم
اغراضك انت بعد وتعال عندنا غرفتك نفس ماهي

منذر : انا مرتاح بشقتي

آمنه قاطعته بصرامه : والله ماتبات هالليله بالشقه خاف ربك شلون تعيش مع بنت ماتجوز لك لاتقولي صغيره عمرها 13 مايجووز وانا طول هالفتره احسبها بزر الله يسامحك

منذر : يمه والله اني ماانظر لها الا مثل بنات اخواتي
مااقدر ابعد عنها هي واخوها انا مسؤول عنهم ضاري
ماعاد يعتمد عليه

آمنه : اكيد مايعتمد عليه دامه مسكنهم معك اسمعني
زين كثر خيرك الشقه وبتخليها لهم بلاش وهالبنت
واخوها باامانتي انا كل شوي توديني اطل عليهم بس انت لاعاد تعتب بابهم ان كانك تبي رضاي

*

*



ضاري زادت الضغوط عليه .. الجامعه .. وشغله ..
والشقه وعيال اخوه اللي صار هو كل شي يسويه لهم
بعد ماقاله منذر انه طالع وبيترك لهم الشقه

وهذا غير عن حبيبته سماح اللي كثرت زعلاتها منه ليش ينشغل


اما ريميه ..
انشغلت بدراستها .. وكل اسبوع تزورهم ام منذر
حبت هالانسانه حيييل
تعلمت منها اشياء كثير ..
وجابت لها جوال هديه .. تتواصل معها اي شي تحتاجه
تطلب منها تعتبرها مثل خالتها وماتستحي منهاا

ومع هذا رفضت تغطي وجهها ..
حاولت فيها ام منذر بس رفضت
نص البنات الكبار هنا كاشفات
عادي .. تختنق ماتتخيل تغطي وجهها


"

مايثق بضاري اللي تغير حيل حيل .. مايثق انه يحميهم
صار كل يوم يطلع من الجامعه ع وقت طلعتها من
المدرسه .. يوقف بعيد يشوفها لما تطلع وتركب الباص
ويروح ورا الباص لين يشوفها تدخل الشقه هناا ..
يرتاح رغم تحفظه ع كشفها لوجهها


*

بدايات الشتاا الجو غبار وهوا باارد ..

خلصت حل واجباتها .. وجهزت اغراضها للدوام بكره
جلست ع السرير وشدت جاكيتها ع جسمها وابتسمت
بحماس لما تذكرت الابله قالت تكرم المتفوقات بالطابور
وهي واثقه انها منهم .. رجعت بظهرها ورا وانسدحت ..
تناظر السقف
لو احد قالها ترجع للبر وتعيش نفس ماكانت .. تموت ولا ترجع
حبت هالحياه .. التعليم .. حست انها بنت صدق ..
اهتمامها بنفسها .. وعت ع اشيا كثير كانت جاهله فيهم
تعودت ع بروده المكيفات ماتقدر تتحمل الصيف وحراره الشمس
حتى شاهر تأقلم ع الحياه هنا صارو عنده اصحاب .. منذر جاب له هديه بلاستيشن وطول وقته عليه
حتى الحين بالمجلس يلعب وكالعاده ينام بدون مايحس

*
*


وفي غرفته الي يغلب عليها اللون الابيض ..
جالس ع مكتبه وقدامه اللابتوب والاوراق .. وكوب شاي
بقى قليل ويخلص البحث ويقدمه بكره ويرتاح

رفع راسه لما سمع صرخه متوجعه .. وقف وطلع وهو مو مميز هذي صرخه مين
ابوه وامه راحو لديره خواله يعزون خال امه توفى ..

شاف مرام بنت اخته اصايل ومعها اخوانها الصغار
تمشيهم بسرعه : وش فييه

مرام الي فالثانويه شوي وتبكي : الخبل ضرب خالتي ولاء وامي قالت ابعد اخواني لايشوفون

منذر تنهد ومشى عنها ..
يدور خواته شاف ولاء جالسه ع الارض وتبكي

اصايل جالسه جنبها وبيدها كوب مويه : اشربي بسم الله علييك حديد يده الله ياخذه

منذر ناظر اخوه الي واقف ع جنب يناظرهم
ويعض ع اظافره : ليش تضربها ؟

ولاء رفعت راسها وهي تبكي متوجعه : والله ماسويت له شي الله ياخذه بلا سبب يضرب قطيعه

منذر يرفع صوته ويناظره بقوه : كم مره اقولك ماتمد يدك ع احد لمتى متحملينك هاااه اخر مره وش قلت لك تتذكر

اصايل شهقت من اللفظ القذر الي قاله سلمان لمنذر ..

منذر شده مع ذراعه وصار يسحبه معه وسلمان
يصارخ ويحاول يتسحب منه مثل الاطفال ..
فتح غرفه بااخر البيت ودفه داخلها : انخمد هنا والله ان سمعت لك حس ياويلك

وطلع وقفل الباب وراه بالمفتاح ..

سلمان يرفع يديه للسما : عسااك تموووت ....

منذر مشى وهو يسمع دعوته وبعدها سيل من
الالفاظ القذره

فتح باب البيت وطلع ركض بسرعه لسيارته والهوا شوي
ويطيره .. جلس بالسياره
يحس صدره مقبوض .. اتصل ع ضاري ومايرد رجع اتصل عليه اكثر من مره ونفس الشي مايرد .. اقلقه زياده ..
حرك سيارته والشيطان يوسوس له .. دقات قلبه سريعه ..مو مرتاح ابد ابد

واخيراً وصل الشقه ..


وقف ع الباب .. تردد يدق بهالوقت الساعه 2 ونص
طلع مفتاحه من جيبه وفتح الباب بشويش ودخل .. بس يتطمن ويطلع ع الساكت محد بيدري عنه

ناظر الصاله والقلق دب بقلبه .. مبعثرره ..
حس الم حااد بقلبه وهو يسمع صوت انين مكتووم

اتجه بسرعه للصوت اللي جاي من غرفه ريميه ..
فتح الباب بسرعه وبعده ماسك الباب يناظر بصدمممه !!!؟

رجال مايعرفه واقف بنص الغرفه ويناظره بخوف وصدمه

وريميه بالزاويه جالسه و متكوره ع نفسها وكلها ترجف
وتشهق برعب .. والغرفه مكركبه ..

الرجال تحرك بسرعه بينحاش بس كان منذر اسرع منه
والغضب معمي عيونه ..
صار يضربه بقوه وهو يصارخ ويسب ويلعن بجنون
يحس الدم يغلي بعروقه
منذر ويديه ع رقبه الرجال يخنقه بااقوى مامعه ويصارخ
بجنون وغضب والدموع تلمع بعيونه حسره وغبينه : والله لااذبحك ياعديم الشرف

الرجال وجهه قلب احمر ويحاول يدف منذر عنه بس ابدد مافي حيله يحس انه اختنق اكيد بيموت ع يد
هالرجال الغريب ..

منذر بدا يستوعب ان الرجال خارت قواه ..
بين يدينه بلا حركه او نفس
وخر عنه وهو يناظره بحقد وكره وناار بصدره كيف ذبحه
بسرعه مفروض عذبه وخلاه يتمنى الموت الخسيس ..
رفسه بقوه اكثر من مرره ولاتحرك ويصارخ : قم يا.. قمم

رفع عيونه للي زادت صياح برعب من الي صار لها
واللي تشوفه قدامها الحين ..
راح لها بسرعه وهو يرجف ودموعه تنزل مو حاس فيها .. جلس جنبها ع الارض وهمس بحسره : ريميه

ريميه تبكي وتشهق : ااه مـ منذر بـبمـ ـووت

منذر اجهش بالبكاا واخذها بحضنه يحس فيها ترجف ..
يبكي معها مو قادر يقول شي
الموقف اكبر منه ومنهاا

منذر قدر يستجمع نفسه وقوته وهو يحضن وجهها بين
كفوفه يحاول يطمنهاا : خلاص اهدي حقك اخذته قتلته
بيدي والله لااروح قصاص فداك

ريميه تبكي وتهز راسها مو مستوعبه للحين تحس انها
بحلم : لا لا منذر


شهقو مع بعض بخوف لما سمعو صوت باب الشقه يفتح وينضرب بالجدار

ضاري دخل الغرفه مثل المجنون بس وقف لما شاف
اللي صاير
سالم ميت ع الارض
منذر موجود !؟
ريميه شعرها وملابسها مبهدله ..
صرخ بجنون : قرب منك ؟؟؟

ريميه ترجف وتبكي ..

منذر يناظرها وهو يحس قلبه يوجعه ..

ضاري همس بضياع وهو يناظر منذر : قتلته !؟

ريميه غمضت عيونها غايبه عن الوعي ..

وبمجلس الرجال شاهر نايم قبال التلفزيون
وبيده يد البلستيشن وفاتح فمه ..
نايم مو داري عن شي


*

*



نهاية الجزء الاول .


روابط الفصول

الفصل 1 .. اعلاه
الفصل 2, 3 نفس الصفحة
الفصل 4
الفصول 5, 6, 7 نفس الصفحة
الفصل 8
الفصل 9
الفصول 10, 11, 12 نفس الصفحة
الفصل 13, 14 نفس الصفحة
الفصل 15, 16 نفس الصفحة
الفصل 17
الفصول 18, 19, 20 نفس الصفحة
الفصل 21
الفصل 22
الفصل 23 الأخير























التعديل الأخير تم بواسطة ebti ; 27-01-23 الساعة 12:55 AM
Cloud24 غير متواجد حالياً   رد مع اقتباس
قديم 05-10-22, 12:33 AM   #2

Soy yo
عضو جديد

? العضوٌ??? » 390429
?  التسِجيلٌ » Jan 2017
? مشَارَ?اتْي » 483
?  نُقآطِيْ » Soy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond reputeSoy yo has a reputation beyond repute
افتراضي

روعة روعة تسلم ايدك أحداث نار من اول بارت، من متابعينك ان شاءالله ونشوف حيحصل ايه لمنذر و ريميه و إلى اين؟

Soy yo غير متواجد حالياً   رد مع اقتباس
قديم 05-10-22, 12:43 AM   #3

فوق السحاب مستواي
 
الصورة الرمزية فوق السحاب مستواي

? العضوٌ??? » 488203
?  التسِجيلٌ » May 2021
? مشَارَ?اتْي » 174
?  نُقآطِيْ » فوق السحاب مستواي is on a distinguished road
افتراضي

جميل جدا اسرد من اول جزاء متابعه لك بتوفيق
متى موعد تنزيل البارت


فوق السحاب مستواي غير متواجد حالياً   رد مع اقتباس
قديم 05-10-22, 01:04 AM   #4

فوق السحاب مستواي
 
الصورة الرمزية فوق السحاب مستواي

? العضوٌ??? » 488203
?  التسِجيلٌ » May 2021
? مشَارَ?اتْي » 174
?  نُقآطِيْ » فوق السحاب مستواي is on a distinguished road
افتراضي

والله اشتعلت نار على ريميه انشاءالله ماعملها شي. ها كله من اهمال ضاري الله لا يسامحه

فوق السحاب مستواي غير متواجد حالياً   رد مع اقتباس
قديم 05-10-22, 11:43 AM   #5

قسيس

? العضوٌ??? » 391086
?  التسِجيلٌ » Jan 2017
? مشَارَ?اتْي » 827
?  نُقآطِيْ » قسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond repute
افتراضي

اول مره اقرا رواية بارت اول ...عادة انتظر تتضح صورتها واقراها ..مبدعه استمري

شنهي ايام نزولها وهل مكتملة عندك ولا ؟

وشكرا على هذا الجمال

وان شاء الله مامات الخسيس سالم

هل سالم من جهة سماح؟؟


قسيس غير متواجد حالياً   رد مع اقتباس
قديم 05-10-22, 09:02 PM   #6

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي

اهلييين
بأذن الله موعدنا كل يوم اربعاء 🤍
وايوه الروايه شبه مكتمله الحمدلله
وسالم بالبارت الجاي يوضح مين هو ..

دمتمم بود وشكراً لكل من يشاركني رأيه🤍🤍


Cloud24 غير متواجد حالياً   رد مع اقتباس
قديم 05-10-22, 10:14 PM   #7

فوق السحاب مستواي
 
الصورة الرمزية فوق السحاب مستواي

? العضوٌ??? » 488203
?  التسِجيلٌ » May 2021
? مشَارَ?اتْي » 174
?  نُقآطِيْ » فوق السحاب مستواي is on a distinguished road
افتراضي

طيب قلبي اليوم اربعاء مافي بارت كرماً منك

فوق السحاب مستواي غير متواجد حالياً   رد مع اقتباس
قديم 06-10-22, 02:32 AM   #8

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي

اقتباس:
المشاركة الأصلية كتبت بواسطة فوق السحاب مستواي مشاهدة المشاركة
طيب قلبي اليوم اربعاء مافي بارت كرماً منك



اهلاً صباح الخيرر
هالبارت كان مخطط ينزل الاربعاء بس تعرفون حماس اول شي خلصته وكان نصيبه يوم الثلاثاء😅

اما البارت الثاني الصدق للحين مو جاهز بس اذا خلصته بدري ان شاءالله بنزله الثلاثاء وبلاش من يوم الاربعاء
يكون موعدنا كل ثلاثاء > محد تذكر عروة وهناء🥺💔

دمتم بوود🤍🤍


Cloud24 غير متواجد حالياً   رد مع اقتباس
قديم 11-10-22, 06:21 AM   #9

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي

صباح الخير
البارت الليله ان شاءالله
كونو بالقرب🤍


Cloud24 غير متواجد حالياً   رد مع اقتباس
قديم 11-10-22, 06:11 PM   #10

قسيس

? العضوٌ??? » 391086
?  التسِجيلٌ » Jan 2017
? مشَارَ?اتْي » 827
?  نُقآطِيْ » قسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond reputeقسيس has a reputation beyond repute
افتراضي

قريبييين ...عسى بينزل مبكراا😍👌🏻

قسيس غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:22 PM



Powered by vBulletin®
Copyright ©2000 - 2024, vBulletin Solutions, Inc.