آخر 10 مشاركات
إلَى السماءِ تجلت نَظرَتِي وَرَنـت (الكاتـب : ميساء بيتي - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          سيدة قلبه (35) للكاتبة: Deborah Hale .. كاملة .. (الكاتـب : * فوفو * - )           »          الدخيلة ... "مميزة & مكتملة" (الكاتـب : lossil - )           »          497- وحدها مع العدو - أبي غرين -روايات احلام جديدة (الكاتـب : Just Faith - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )           »          بين الماضي والحب *مميزة و مكتملة* (الكاتـب : lossil - )           »          ضلع قاصر *مميزة و مكتملة * (الكاتـب : أنشودة الندى - )           »          شيءٌ من الرحيل و بعضٌ من الحنين (الكاتـب : ظِل السحاب - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree30Likes
إضافة رد
 
LinkBack أدوات الموضوع انواع عرض الموضوع
قديم 16-12-22, 02:12 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 وتسفك الدماء من نظرة عينيك وأنا المذنب بالنظر عمداً / للكاتبة مؤلفة rwaiii_i






بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

نقدم لكم رواية
وتسفك الدماء من نظرة عينيك وأنا المذنب بالنظر عمداً
للكاتبة/ مؤلفة rwaiii_i




قراءة ممتعة للجميع.....



لامارا غير متواجد حالياً   رد مع اقتباس
قديم 16-12-22, 02:15 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية

هنـــــــــــــــــــــــ ــــــــــا


بسم الله الرحمن الرحيم

البداية *

•لا استبيح القراءة بدون لايك

‏ما نشعر به داخلنا من عواصف وصراعات ليس بالضرورة أن يظهر على ملامحنا، فكثيرًا مايظهر منّا الهدوء في حين أن داخلنا يحترق …
لن تجد إنسان قوي دون ماضي مؤلم ، لا أحد يصل إلى مرحلة العقلانية دون أن يدمر شيء ما في داخله ،،
لا شيء نكتبه بدون قصد، كل الكلمات نعنيها بدقه إما لأنها تؤذينا أو أن أحداً ما عليه أن يفهم ما نريد قوله
-
كان الحب لدي مقترناً بالخوف .. منذ ادركت قلبي وكل الذين احبهم لا يمنحوني سوى الخوف والفقد ، ترددت كثيراً في محاولة تفسيرك داخلي ، خشيت أن اعترف بك خشية أن أفقدك ، أردتك أن تظل بداخلي دون مسمى ، دون هويه كنت أخشى أن أسميك حباً فتتحول الى عذاب ، كان لدي شبه يقين انك تحبني ، ولكن كانت مخاوفي تبتلع يقيني في نهاية الأمر ، حتى غلبني حبك ، كنت احلم بك قبل ان انام وأثناء نومي ، وحين استيقظ ، بنيت بك مدناً شتى من الأحلام ، ولكني خشيت في كل مرة أن تكون مجرد خيالاً يصوره لي عطشي وهذه الصحراء الكبيرة التي تسمى الحياة ، لا يكون حب دون مجازفة .. هذه كلماتك ، هذا ما أؤمن به حقاً ، أنا لا أخاف منك ، أنا أخاف من فقدك..


"صلو على محمد"



التعديل الأخير تم بواسطة فيتامين سي ; 25-12-22 الساعة 09:19 PM
لامارا غير متواجد حالياً   رد مع اقتباس
قديم 16-12-22, 03:22 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 1

بالصباح - بالمدرسة *

كانت قاعدة مع صحبتها وتسولف معها
هنوف : اخوك بيجي ياخذك ولا كالعادة بتروحين على رجلينك ؟
سُلاف بتنهيدة : وانتي قد شفتيه جاء اخذني ؟
هنوف : الي يقهر لا هو الي اخذك ولا هو الي سمح لك تروحين معي اهخخ ودي اذبحه
سُلاف بقهر: اذبحيهه وراح اتنازل عنك
هنوف بضحكة: صدقيني على يوم التخرج قد ذبحته
سُلاف : الا صدق متى التخرج اسمعكم تخططون فالفصل وانا نايمه
هنوف : بعد بكره وحجزنا كلشي وانتي نايمه
سُلاف بضحكة: يزين النوم

"صلوا على محمد "

بمكان ثاني -
طلع من البيت بعد ما سمع نفس الحوار الي ينعاد عليه كليوم حط شماغه على كتفه وفتح سيارته سحب جواله وهو يرد على خويه بعصبيه: لا تسمعني صياحك بعد انت خلاص جاي
وقفل وهو يرمي الجوال بجنبه وحرك من بيتهم
وصل لاخوياه وركبوا بجنبه
عمر : علامك منفس انت ؟
نياف : يخوي تو صاحي واشغلوني بذا الجامعة ماني بمسجل ويبوني اسجل
عمر : طيب سجل شفيها ؟
نياف : واي جامعة بتقبلني وانا جايب فالستين بالثانوي وثاني شي مانيب حق دراسه
عمر : يخوي ابوك لو تطلبه سجلك في هارفرد بواسطاته
نياف :اخليه يسجلك وتفكني ؟
زايد بمزح :سجلني انا
نياف وهو يناظره من المراية : خلص ثانوي انت
ضحك زايد : تراك ساحب على ثالث ثانوي لا تسوي كبير
نياف : ساحب بكيفي
سعد : خلاص انت وياه فواز من امس يهايط في قروبات العيال
نياف : وشعنده ؟
زايد :والله فاتك تهاوش امس مع عمر ويقول انهم فايزين علينا في جوله المحمدية
نياف : قوله يقابل اذا صادق
سعد :يحيك من امس واحنا مخططين لسباق في خط السريع
نياف بضحكة :ولا تعلموني ؟
عمر :وكانك تفتح جوالك انت
زايد :حرك حرك اخلص
نياف وهو يسحب جواله : استنى انت
ورد على امه : هلا -ايه افطرت مع العيال -ابشري
سعد : متى افطرت يا كذاب
نياف :اسكت عشان ما تقلق علي
عمر وهو يشوف السنابات :يولد شف كل ذول يبون يشوفون الي بنسويه
نياف :اوريه فواز الي يهايط بالجوال

"صلوا على محمد "

بالمدرسة *
هنوف : يالله اخوي جاء انتبهي لك واذا وصلتي كلميني
سُلاف :ابشري
وسحبت شنطتها وهي تطلع مع هنوف وراحت هنوف
ومشت سُلاف وهي تتوجه لبيتهم
تأففت من الشمس والحر :الله ياخذك يا بندر
عقدت حواجبه من الحجارة الي ترمي قدامها ولفت وهي تحاول تعرف مين رماها وانتبهت على الاربعة الي داخل عمارة ببداية البناء ويأشرون لها دب الخوف بداخلها ومشت وهي تشد على شنطتها ووقفت من جاتها حجرة برجلها وصرخت :خيررر شتبون؟؟
نايف بضحكة :افا سحبتي علينا عشان ما ردينا سناب ؟
عقدت حواجبها وهي تناظره :ومين انت عشان ترد علي؟
نايف وهي يناظر اخوياه ويضحك :شكلها مو فوز يعيال
عمار وهو يغمز لها :اكيد من شلة فوز ؟
سُلاف :مين فوز وش تخربط انت وياه ؟
وخزتهم وهي تمشي وسرعان ما شهقت من مسكها نايف وهو يسحبها لهم : شدعوه تروحين بسرعه ؟
سُلاف بصراخ :اترك ايدي واذلف عن وجهي
عمار : افا ما علمتك فوز كيف تكلمينا ؟
سُلاف :لعنه تلعنك انت وفوز ابعدواا عنيي معرف مين انتم ولا اعرف فوز
نايف : تعبانه ؟ والله حتى احنا تو جايين من المدرسة بس ما سحبنا زيك
دفته من صدره وهي ترمي شنطتها : اقسم بالله لو ما تبعد عن طريقي انت وياه لافضحكم
تركي :هوب شفيك يا حلوة كلها ساعة ولا نص ساعة تقضينها معنا وبعدها روحي
سُلاف وهي خايفه منهم :صدقوني اخوي لو يشوفكم بيذبحكم ويذبحني معكم
ضحكوا كلهم وهم يناظرونه وقرب منها نايف : انتهت موضه تخوفينا باخوانك
وفتح عبايتها وابتسم من شاف جسمها وضحكوا العيال
عمار :والله ذي احلى من فوز البطيخه
سحبت عبايتها وهي تغطي جسمها وسرعان ما وسعت عيونها من دفها نايف على الجدار ويبعد عبايتها عنها
وبضحكة :مستعدين نفتح عن وجهها ؟
وسحب ايدينها وهو يرفعها على جدار بقوة

"صلوا على محمد "

في مكان جديد *
كان يضحك مع خويه واعز اخوياه : رح نعبي الاسطوانه عشان امك
فيصل : قلت لها بعد صلاة العشاء وبرجع لها عشان اوديها لخالتي
عز : خواتي يبون من البوفية اجل على طريقنا
فيصل : خلها بعد الصلاة
فتح جواله وهو ينشغل فيه وسرعان ما وسع عيونه من شاف خويه يحاول يسيطر على السيارة بعد ما طلعت له شاحنة ،، ما قدر يسيطر وصدم بالشاحنة وتقلبت السيارة
تجمع الكل وهم يسعفونهم ويتصلون على الاسعاف
وانتشر الخبر بحارتهم كلها …
نقلوهم للمستشفى ودخلوهم غرفة العمليات
بعد ساعات طلع الدكتور وخبرهم بوفاة فيصل ونقل عز للعناية المركزة
وصلوا اهله واعمامه وانصدموا بخبر وفاة صديق عز واخوه الي ما جابته امه
ام عز : كيفف كيفف بقوله يارب الهمني القوة والصبر
قربوا منها وهم يحضنونها ويهدونها
عمته : صلي على النبي وعز ما هو صغير والموت سنه وبيتقبل
ام عز : ولدي ما ياكل ولا يشرب الا مع خويه احسب حساب فيصل بكل شي ما ينام الا بعد ما يتصل عليه ويصحى يتصل عليه
وبكت وقلبها متقطع على ولدها وعلى موت فيصل
جلسوا بالانتظار وهم ينتظرون عز يصحى
ابو عز : يمه ارجعي للبيت وارتاحي
جدة عز : لا تطري لي البيت وعز مهو معي
ابو عز بتنهيدة : بيصحى معليك وبطمنك عليه
تجاهلته وهي تدعي لعز بخوف

على اذان الفجر طلع الممرض وهو ينادي الدكتور
وفزوا معه وهم ينتظرون اي خبر من الدكتور
طلع الدكتور : ابشركم ولدكم بخير ونقلناه لغرفة عشان يرتاح
تنهد الكل براحة وحضنوا بعض بفرحة

بالخط السريع *
وصلوا نياف واخوياه وسابقهم صوت
البوري من سيارة نياف
وقف السيارة ونزلوا منهم
نياف :وينه فواز ؟
سعد : شكله الزاحف ما وصل
ولفوا على واحد من المشجعين : انتم الي بتسابقون فواز ؟
نياف وهو يناظره بنص عين : فواز الي بيسابقنا حسن مصطلحاتك يورع
المشجع : اضمن لكم خسارتكم
نياف وهو يتقدم له ومسكوه اخوياه : تعال سابق اذا انت قدها
المشجع : لا خلني بوثق خسارتك للعيال
نياف :اوريك بعد الجوله قابل
ولفوا على السيارة الي مرت من عندهم
ووقفت قدامهم ونزل منها فواز ناظر نياف وبضحكة :افطرت انت ؟
نياف :بفطر عليك لا تخاف
ولف على واحد من الجمهور وهو ينادي عليه :نيااااف
نياف بضحكة:عيوون نياف
المشجع :هز الحديد حبك يزيد
ضحك وهو يسحب شماغه ويرميه عليه :عز يمال العز
فواز :جاهز ؟
نياف وهو يلف على اخوياه :مين المعزز يا عيال ؟
سعد :انا الموجه
عمر :احتزم انا المعزز
ابتسم نياف وركب السياره وركب عمر بجنبه
عمر : ابيك تخليه يحك وجهه بالزفلت
نياف : عندي اوريك فيه
حرك وهم يصفون بجنب فواز
عمر وهو يصور فواز : لا تهايط بالجوالات يورع
فواز : اوريك مين الورع

بالعمارة *
انتشرت شهقاتها وصراخها من قرب منها نايف
وبكت وهي تدفه عنها وصفقته كف وسحبت قطعة بلاط وهي تضربه براسه ورجعت للجدار بخوف من حط ايده على راسه وشاف الدم بايده قرب منها بعصبيه وهو يصفقها كف ولفوا اثنينهم من دخلت فوز وشلتها وهي تصرخ :شتسوي يا كلب ؟
وناظرت سُلاف :سُلاف ؟!!!
ركضت لعندها وهي تمسكها :سووا فيك شي؟
وطاحت عينها على بلوزتها المفتوحه وقبلات نايف بجسدها
وشهقت من ضربتها سُلاف :الله ياخذكك يا حيوانه طحيتني بمصايبك الله لا يسامحك
وسحبت عبايتها وهي تلبسها وتبكي وركضت لبيتهم
-
لفت على نايف : حيوان مين سمح لك تقرب منها ؟
وضربته برجلها وسحبت الحجارة وسحبوا صحباتها وهم يرمونها على نايف واخوياه
فوز :وربي لافضحك يا كلب يالخسيس والله لاخذ حقها منك
نايف بضحكة :لا تنسين صورك الي عندنا انتي والي وراك
خزته وهي راحت وهي صحباتها
-
وصلت لبيت اهلها وهي تبكي وبداخلها خايف من اخوها
دخلت بسرعه واستوقفتها امها : شفيك تبكين انتي ؟
سُلاف بتوتر :ما فيني شي
امها قامت وهي تقرب منها : وش الحاله ذي ؟
وشدت سُلاف على عبايتها بخوف من امها : كنت العب مع البنات
سحبت ام سُلاف ايدها وهي تبعد عبايتها عنها وشهقت من شافت جسدها : وشذا يا كلبه ؟ وش مسويه ؟؟ وبصراخ :تكلمييي ؟الي بجسمك وشش؟؟
سُلاف بصراخ :كلذا بسبب ولدكك تعبت وانا اقولك خلينيي اروح مع هنوفف بس ما كنت تسمعيني وكلام ولدك هو الي يمشي ارتحتي الحين ؟ لمسني هذا الي تبونه انتي ولدك؟

"صلوا على محمد "

بالمستشفى *
دخلوا على عز كلهم وهم يسلمون عليه ويتحمدون له بالسلامه
عز وهو يوزع نظراته عليهم : وين فيصل ؟
سكتت الكل وبكت ام عز وهي متوقعه سؤاله
عز وهو يعقد حواجبه ويناظرها : يمه فيصل وينه ؟
تقدمت جدته لعنده وهي تناظره : ارتاح يوليدي وبعدين بنقولك
عز : فيصل فيه شي؟
وناظر الدكتور الي دخل : البقية بعمرك وان شاء الله خروجك بكره الصباح
عز : وش تقول انت ؟ وش البقية بعمرك مين مات؟
بلع ريقه الدكتور وهو يناظرهم
قربت ام عز وهي تقعد قدامه ومسكت ايده : عز يمه هذا يومه ومكتوب ومقدر
عز بصدمه :يمه فيصل مات ؟
بكت وهي تهز راسها بالايجاب
ناظرها بصمت وهو يشوفها تبكي
قدامه ما نطق اي حرف وهو يناظرهم بهدوء
عز : ابي انام
الدكتور : ما يصير تكتم اي شي بداخلك
عز : فيني نوم
بكت ام عز وهي تحضنه :ادعي له ما يبي منك الا الدعاء
سكتت وهو مستسلم لحضنها وبعدت عنه وهي تناظر ملامحه الباردة .. وقامت من سحبها ابو عز وطلعوا وتركوه
سحب اللحاف وهو يتلحف وينام بصمت
طلعوا وهم يبكون على حالته ورجعت جدته للبيت
بالصباح *
دخلوا عليه وهم يصحونه ويحطون الفطور قدامه
ناظر الفطور وسحب اللحاف ورجع وهو ينام

" صلوا على محمد "

نتوقف هنا


لامارا غير متواجد حالياً   رد مع اقتباس
قديم 16-12-22, 04:14 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 2

سُلاف *

صفقتها امها كف : غصبا عنك تسمعين كلام اخوك محد عزك ورباك من بعد ابوك غيره
وسحبت شعرها : مينن الكلب الي سوا فيك كذا ؟
سُلاف بخوف : ولد ام نياف
وسعت عيونها ام سُلاف بصدمه : نياف ؟؟!
سُلاف: معرفه معرفه بس قد شفته ببيتهم
ام سلاف : اخذ شرفك الله ياخذك ؟؟
سُلاف وهي تبكي وتهز رأسها : ما سمحت له
ام سُلاف بتفكير : بتقولين لمسك تفهمين ؟ انا بقلب الطاولة عليهم واخليه يعرف كيف يعتدي عليك
سُِلاف: يعني شلون بتكذبين عليهم ؟
ام سُلاف بعصبية : مراح اكذبب وصدرك الدليل
وسحبت ايدها وهي توقفها عند الباب :انتظريني الله يسودك وجهك
وطلعت وهي تجيب عبايتها وانتظرتها سُلاف عند الباب
طلعت ام سُلاف وهي تقفل الباب وراها : امشي الله ياخذك لا يشوفك اخوك ذبحنا
سُلاف : وين بنروح ؟؟
ام سُلاف : بنروح نلم ماء وجيهنا الله يفشلك كانك فشلتيني
مشت وراء امها وهي تتنهد من دعواتها الي تعودت عليها
وصلوا لبيت اهل نايف *
دقت الباب ام سُلاف وهي تنتظر العاملة تفتح
فتحت ودخلت بسرعه وسحبت سُلاف معها
شافتهم يتغدون وقفت قدامهم وهي تتصنع دموعها : سلام عليكم
ابو نياف : وعليكم السلام
ام نياف :وعليكم السلام حياكم غدانا بأوله
ام سُلاف : كيف يا ام نياف تبيني اكل وولدك معتدي على بنتي
وسعوا عيونهم وهم يناظرونها
ابو نياف : وش تقولين انتي مين اعتدى على مين ؟
ام سُلاف ببكاء : ولدك نياف اعتدى على بنتي وهي طالعه من مدرستها وش تسمي فعلة ولدك يبو نياف
ام نياف بصدمه : نياف ولدي مستحيل يسويها اعرفهه ولدي مو راعي بنات ولا ذي الحركات مستحيل ومليون مستحيل يقرب من بنت او يكلم بنت ما له شغل فيها
سحبت ام سُلاف سلاف وهي تحطها قدامهم وتسحب عبايتها عنها :سألتها مين سوا فيك كذا قالت ولدكم مستحيل بنتي تكذب على امها

بالمستشفى *

تنهدوا على حالة ولدهم وطلعوا وهم يتركونه
استوقفت ام عز الدكتور :يا دكتور طلبتك ولدي شفيه ؟
الدكتور بتنهيدة: ولدك مر بحالة صدمه
ام عز : ليه ما يكلمني ليه ما ياكل ليه ما يرد على احد منا ؟
الدكتور : فقد شخص غالي ومستحيل يعوض مكانه غير شخص بنفس غلاته
بكت ام عز وهي تناظره : مشكلته ما يقولي ما يتكلم معي كيف بعرف مين يبي ومين عزيز عليه
الدكتور : احتسبي الصبر ولدك مرده بيقول الي بخاطره
هزت وهي تجلس وهي تبكي على حالة عز وحطت راسها على صدر ابو عز وهي تدعي لولدها
بالفجر *
دخلت ام عز على عز وهي تدعي يرد عليها : عز يمه قوم صل وادعي لفيصل وقول لي الي ودك فيه وانا اجيبه لك
كان يسمع كلامها ونطق : ابي اشوف ملاك
ام عز بصدمه : ملاك بنت عمك ؟
عز :ايه
ام عز : يمه عز ملاك وامها من مات عمك ما شفناهم بس ابشر اجيبها لك من عيوني
وطلعت وهي فرحانه انه تكلم وقال الي بخاطره وركضت لابو عز :ولدك يبي ملاك طلبك يا بدر جيبها ولدي يبيها
ابو عز : وش طرا عليه ؟
ام عز : يبيها ما يبي غيرها يجوز تخليه ياكل او يشرب ولدك بيموت ما اكل ولا نطق ولا تحركك طلبتك لا تردني تجيبها
مسك كتوفها : ابشري بجيبها
بمكان ثاني *
بالجامعة-
كانت تسوي كبسة مع صحباتها
ملاك :زيدي الماء
فجر : اخلصوا المحاضرة بتبدا
زنيب : بسم الله توه بدا البريك
ملاك : وش صار على المرسول بيجيب ببسي؟
فجر : ايه كلمته يقول جاي
زنيب : ملاك جوالك يدق
ملاك : مين ؟

" صلوا على محمد "

بالخط السريع *

بدا سباق نياف وفواز وعمر يعزز لنياف
نياف بصدمه : شف الورع وش حاط ؟
عمر وهو يصور : يبي يفوز ما تعرف حركاته النجس
نياف : والله ما يذوق الفوز
عمر : عطه يبو شنب
تجاوز نياف السيارة الي حاطها فواز بطريقه وبدا يلحق فواز الي اوشك على فوز
عمر بحماس :تجااوزهه
صار قريب من فواز ولف عليه بسيارته وطلعه من الطريق
وضحك نياف وهو يناظر فواز يحاول يسيطر على سيارته
نياف : له وجه يهايط علي
عمر : محد يقدر يتحداك يا اسطوررة
اعتلت ضحكات نياف وبدا يوجه السيارة يمين يسار لحتى دارت
عمر :كفوو يبو شنب
هد نياف من سرعته من اتصلت عليه اخته :هلا
لينا : وش مسوي انتت ؟
نياف :وش مسوي؟
وسرعان ما رمى الجوال من شاف فواز يلف سيارته على نياف
عمر : سيططرر يا ولد
نياف وهو يلف الدركسون ويحاول يسيطر عل السيارة من حركات فواز
عمر :خذ الدوارر
نياف بعصبيه:الفرامل تحوس يورعع
كان يسمع ضحكات فواز والمعزز حقه وهم يصورونهم
عمر :حكومههه حكومههه
نياف وهو يشوف الدوريات وراه والسياره قاعده تحوس في الشارع وفواز يلف بسيارته على نياف
تجاوزه فواز من شاف الدوريات ووصل لخط النهاية واعلن الكل فوز فواز وشلة وكمل نياف طريقه وهو يحاول يضيع الدوريات الي وراه
عمر : عطها تخميسه
صار نياف يدور بالسيارة واخذ الدوار وزاد من سرعته وهو يضيع الدوريات وتنهد وهو يناظر عمر : راحت علينا
عمر : ما عليك موثق السيارة الي حاطها بطريقنا اوريه


بالجامعة *

سحبت ملاك جوالها وهي ترد :هلا يمه ؟'
ام ملاك : السواق جايك اطلعي الحيين
ملاك : عندي محاضرات صاير شي؟
ام ملاك : اعمامك جايين وبياخذونك
ملاك : ياخذوني ؟؟! وليه ان شاء الله ؟
ام ملاك : اتصل عمك بدر وقال بياخذك تعالي الحين ونتفاهم
ملاك : توهم يتذكرون ان عندهم بنت اخ ؟'ماني رايحه
ام ملاك : لا تعصبيني والسواق جاي اطلعي معه وانا ما قلت بتروحين تعالي ونتفاهم
ملاك : محاضراتي اهم منهم معليش مراح اطلع خلي السواق يرجع
ام ملاك بعصبيه : لا تراددين والسواق برا خلصيني اطلعي
ملاك تنهدت بعصبيه من قفلت امها وهي ترمي جوالها
وقامت وهي تلبس عبايتها
فجر : شفيك ؟
ملاك بعصبيه: توهم يعرفون ان عندهم بنت اخ وقال ايش قال بياخذوني يخسون ما اروح معهم
زنيب : بنت شسالفه ؟
ملاك وهي تلف عليهم : اعمامي جايين ويبون ياخذوني والسبب لا تسألوني
ولبست نقابها وهي تسحب شنطتها وطلعت وركبت مع السواق وتوجه لبيتهم
وصلت وهي تشوف سيارات اعمامها نزلت وهي تطلع لشقتهم دخلت وهي تشوفهم بالمجلس ناظرتهم واحد واحد ولفت على امها : وش نتفاهم عليه ؟
عمها بدر : افا يا ملاك صرتي ما تسلمين ؟
ملاك وهي تناظره : ما بيننا سلام
ام ملاك : وشذا الهرج سلمي على اعمامك ؟
ملاك : بتقولون موضوعكم ولا اروح انام؟
عمها محمد : اقعدي وتعلمي الادب يا بنت
قعدت وهي تحط رجل على رجل وتناظرهم ببرود
ناظروها اعمامها وتنهد عمها ونطق : جينا ناخذك بطلب ولد عمك عز
ملاك وهي تناظره بنص عين : من متى عندي عيال عم ؟
كتموا عصبيتهم من نظراتها ونبرتها
بدر : ولدي عز بالمستشفى وحالته استعدت جيتنا لك بطلب منه
ملاك : وشدخلني فيه ؟

بييت اهل نياف *

انصدموا من فتحت ام سلاف عباية بنتها وشافوا اثار قبلات ولدهم
ترك ابو نياف ملعقته وقام وهو يتقدم لسُلاف : متاكده يا بنتي انه ولدي ؟ انا اعلم بولدي وخابر علومه وماني مصدق ان ذي الحركة تكون من ولدي نياف
بكت سُلاف وهي تناظره : والله يا عم ما ظلمته ولا جيته وهو الي سحبني بايده وانا طالعه من المدرسه وسوا الي سواه
مسح ابو نياف على وجهه ولف على ام نياف بعصبيه :اتصلي بالتبننن الهايت
اتصلت لينا باخوها مره ثانيه وهي تنتظره يرد ومتوتره من نظراتهم لها
لفوا على الي دخل وهو معصب ويكلم خويه : اقسم بالله لاوريه الرمه
وقفل من خويه وانتبه لنظراتهم: سلام عليكم ولا نسيت انتم ما تبون مني سلام
وطلع واستوقفه صراخ ابوه : اوقف عندك يالكلب
لف على ابوه ببرود وتنهد وهو عارف انه نفس الاسطوانه الي تنعاد عليه : يبه يرحملي والدينك بتعيد نفس كلامك فكني وخلني اروح انام تراها واصله معي
سحب ابو نياف سُلاف من ايدها وهو يلفها على نياف : واصله معك بعد ما اعتديت على بنات خلق الله
رفع حواجبه ونزل نظراته للي ماسكها ابوه وانتبه على الاثار الي بصدرها : اعتديت على بنات خلق الله ؟ وشذا الهرج ؟
تدخلت ام سُلاف : ما استحيت على وجهك وقربت من بنت لا حول ولاقوة ووصلت فيك تاخذ شرف..
قاطعها صراخ نياف : هيههه حدك ذي مو علومي ثمني كلامك
ام نياف بعتاب : اخر شي ممكن اتوقعه يجوني ويقولون ولدك معتدي على بنت
نياف :يمه انتي صاحيه وشذا الكلام من متى اقرب من بنات انا ؟ ذي تكذب عليكم
ونزل نظراته لسُلاف الي صرخت بوجهه : من متى اقرب من بنات ؟؟! الحين تسأل ؟ بعد ما قربت مني واعتديت علي وابتزيت غيري بصورهم الحين تقول ذي مو علومي ؟
قرب منها بعصبيه: اقسم بالله لو ما تلمين نفسك انتي والي وراك لاخذ شرفك صدق هيا فارقي

"صلوا على محمد"

ملاك *

ردت عليهاام ملاك وهي متفشله من اسلوب بنتها : اعمامك جايين ياخذونك لولد عمك عز صار عليه حادث ومات صديقه وطلبك
ملاك : والمطلوب اروح لانه طلبني ؟
ابو عز : ولدي ما صار ياكل ولا يشرب وساءت حالته يجوز تخلينه ياكل وترجع صحته له
ناطرته ببرود وسحبت شنطتها : ما جيتوني وانا تعبانه تبوني اروح لولدكم؟ ماني رايحه
واعطتهم ظهرها وهي تطلع من المجلس
ناظرتهم ام ملاك وقامت وهي تلحق بنتها دخلت عليها وشافتها تبدل ملابسها : ولد عمرك ما ضرك بشي وانتي بتروحين عشانه مو عشان اعمامك وانسي الي صار
ملاك : نسيتيه انتي انا ما نسيت ولا راح انسى
ام ملاك : الولد حالته يرثى لها حرام عليك ميت صاحبه وما طلب غيرك
ملاك : حنيتي عليه ؟ ما تذكرين اتصالاتك باخر الليالي عليهم عشان يودوني المستشفى ردو ؟ ما ردوا والحين اروح عشان صاحبه مات ؟شدخلني فيه هو وصاحبه
ام ملاك بعصبيه : بتروحين وانتهى نقاش جهزي شنطتك وخلصيني جيتك بالطيب ما رضيتي
ملاك : بتغصبيني اروح عشانهم ؟يمه نسيتي الي سووه فينا ؟من مات ابوي ما سألوا عني وعنك وسرقوا كل ورثه وحلاله والحين بتروحين عشان ولدهم ؟؟
ام ملاك : ما نسيت بس ولد عمك ما انسى الي سواه وجزاتي اردالمعروف له
وطلعت من غرفة بنتها وهي تجهز شنطتها
تأففت بعصبيه من كلام امها : شدخلني فيهه جعله بالموت اليوم قبل بكره
ولبست عبايتها من سمعت نداء امها
ام ملاك : وين الشنطه ؟
ملاك : يوم ونرجع من الحين اقولك
ام ملاك : امشي الحين
طلعت لاعمامها وهي تخزهم واحد واحد
ركبوا وتوجهوا للمستشفى
بعد دقايق نزلوا ونزلت ملاك وراهم
وصلوا لغرفة عز ومسكتها ام عز : حياك الله يا بنتي ما طلبك ولدي الا ان غلاتك مثل غلاة فيصل
ملاك وهي تناظرها سحبت السماعة عن اذنها : وش كنتي تقولين ؟


سُلاف *

انصدم نياف من اعطاه ابوه كف : ما تستحي على وجهك تقول ذا الكلام قدامي ؟
نياف : تتبلى علي وش مقصدها يبه ؟
انقهرت سُلاف من كلامه : شرفي لا تلمسه بحرف منك
ام سُلاف : يرضيك يبو نياف ياخذ شرفها ويهينه قدامنا
ابو نياف بقهر : بتتزوجها
نياف : يبه اقسم بالله ما لمستها تكذبني وتصدق ذي التبن ؟؟
ام نياف : ولدي واعرفه مستحيل يقرب منها ولا راح اخليه يتزوجها
-
بخارج البيت كان وراء الباب ويسمع كل كلامهم سحب جواله بخوف وارسل لاخته : لينا تكفينن طلبتك قولي لهم نايف راقد نايم طلعيني من السالفه
لينا بخوف : شدخلك انت ؟
نايف : انا الي لمستها
شهقت بخوف وارسلت : يا حيوان ونياف الي بياكلها حرام عليك ادخل تصرف ؟
نايف : قولي للشغاله تفتح باب المطبخ تكفيين اخلصي
توترت بخوف وركضت للمطبخ وهي تفتح الباب ودخل نايف وركض لغرفته بسرعه
طلعت من المطبخ بخوف من صراخ ابو نياف الي سأل : نايف وينه؟
بلعت ريقها : نايم يبه
ابو نياف وهو يناظر نياف : يعني حتى ما نقدر نقول يمكن انه نايف وهو نايم من الصباح
نياف وهو يتنهد : يبه والله واحلف لك اني توي راجع من عند العيال وذي التبن ما قد شفتها بحياتي
ابو نياف : وش قصدك تتبلى عليك والاثار بكل جسمها ؟
نياف وهو يناظر سُلاف : وش تبين توصلين له ؟زواج والله ما اتزوجك
واعطاهم ظهره وهو يطلع وسرعان ما غمض عيونه من كلام ابوه : بتتزوجها وتستر على الفضيحة الي سويته ولا بعد كلامي كلام
بلعت ريقها سُلاف من فكرة الزواج وناظرت امها بخوف
ام سُلاف : والله يبو نياف احنا ما نبي الا ستر وولدي لو يدري باللي سواه ولدك ذبحه وانا من خوفي على ولدك وبنتي جيتك قبل يعرف بندر
نياف من فوق الدرج : ما ذبحها ولدك بذبحها انا وبذبحك وراها

نتوقف هنا


لامارا غير متواجد حالياً   رد مع اقتباس
قديم 16-12-22, 05:33 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 3

بالمستشفى *

ناظر الكل ملاك وهم معصبين من اسلوبها
ام ملاك بفشله : توها راجعه من الجامعه ونفسيتها تعبانه اعذروها
ام عز بضحكة : معذوره معذوره
ولفوا على الممرضه الي جات بأكل عز اخذته ام عز وهي تمده لملاك : ادخلي به لعز يمكن ياكل لا شافك
ملاك : احد قالكم اني اخصائية فتح شهية ؟
ناظرتها ام عز بصمت وفزت من سحبت ملاك الاكل من ايدها ودخلت على عز حطت الاكل على الطاوله
وناظرته ببرود : داقه مشوار عشان حضرتك تبي تاكل كل ما تبي محد جابرك
صحى عز من صوتها وابعد اللحاف عنه وهو يناظرها : جبروك بجيتك ؟
ملاك : اخيرا احد صاحي ايه جبروني عشانك
عز : مو مجبوره تقعدين اطلعي وقفلي الباب وراك
ملاك : بطلع بدون ما تتأمر
وطلعت وهي تناظرهم : ما يبي ياكل بكيفه
وتقدمت لامها :يالله نرجع
ام ملاك : وش قلتي للولد ؟
ملاك : وش قلت له ؟قلت كل قال ما يبي
خزتها ام ملاك وهي معصبه من اسلوب بنتها ودخلت مع ام عز عند عز قربت وهي تسلم عليه وتتحمد له بالسلامه
ام ملاك : معليك يولدي هي نفسيتها تعبانه اعذرها
عز : مين قالكم تجبرونها على جيتها ؟
توهقت ام ملاك وناظرت بامه : لا يولدي ما جبرناها بس هي تعبانه من ضغوط الجامعة والاختبارات ولا بالعكس فرحت من قلت لها بنرجع لاعمامك
عز :ما قصرتي يا عمه
ورجع نام وهو يتلحف
ام عز : طلبتك يا عز كل بتكمل يوم ما دخل لبطنك شي وانت طالع من عمليه
ما رد وغمض عيونه
تنهدوا ثنتينهم وطلعوا وهم ينتظرون الفرج
ناظروا ملاك الي ركبت سماعتها وقاعده على جوالها
تقدمت ام ملاك وهي تسحب السماعات وبهدوء : ما قدرنا في ولد عمك ادخلي مره ثانيه الولد ما دخل بطنه شي من طلع من عمليته اذا مو عشانه عشاني
تنهدت ملاك وهزت راسها بالايجاب وتقدمت وهي تدخل على عز

"صلوا على محمد"

ببيت اهل نياف *
طلع نياف لغرفته وهو معصب من قرار ابوه
تحت -
ابو نياف :حقك علي يا بنتي ودامك حلفتي وامك لها سنين تشتغل عندنا بكل مصداقية نطلب منكم العذر والسموحة ومن اجل سمعتنا وسمعتكم بنستر على الي صار وبخليه يتزوجها اليوم قبل بكره
توترت سُلاف من فكرة زواجها وهي خايف من نياف
ام سُلاف : طال الله بعمرك واحنا مو مقصدنا نغصبهم على الزواج بس السمعة والشرف اهم من كلشي
وسحبت سُلاف وطلعت من البيت
سُلاف :يمه مابيه مابي اتزوجه تكفيين
ام سُلاف : اسكتي زواجك منه ما راح يعزك بس بيرفع اسم عايلتنا للسماء بيغير حياتنا كلها فكري في مستقبلك ولا تقولين مابيه
سُلاف بخوف :هذا الي يهمك الحين ؟ يمه حياتي ومستقبلي بينهدم بس اتزوج ذا المريض انتي الي كنتي تقولين انه صايع وما همه غير السيارات والتفحيط كيف ترمين بنتك له ؟
ام سُلاف: زمان قلت الحين كلشي تغير وبتغيرينه
وسحبتها ودخلوا البيت وكان باستقبالهم اخوها بندر
بندر :وين كنتم ؟
ام سُلاف : كنا عند ام نياف
بندر : مو اليوم اجازتك ؟
ام سُلاف : فيه موضوع ودي اكلمك فيه
وناظرت سُلاف : اذلفي لغرفتك انتي
راحت سُلاف لغرفتها وهي معصبه وسحبت جوالها وهي تتصل على هنوف
هنوف :هلا امداك تشتاقين ؟
سُلاف وهي تبكي : بيزوجوني
هنوف : الله زواج من زمان عن الزواجات
سُلاف بصراخ؛هنوف ما امزح بيزوجوني اخو لينا
هنوف بصدمه : كذابه ؟ ليه ؟ وشصار ؟ لا يكون اخوك الملعون جبرك عليه ؟
سُلاف : ليته بندر يجبرني على اخوياه بس المصيبه امي الي تبي تزوجني
هنوف : شفيها امك ؟ لا يكون صارت مثل بندر ؟ وبعدين اي واحد لا يكون الصايع ؟
سُلاف وهي تبكي : هو هو
هنوف : يا مصيبتك يا سُلاف جايتك يا انا يا امك سلامات

بالمستشفى *

دخلت على عز وهي تناظره ببرود وشافت الاكل بجنبه
تقدمت وهي تجلس على السرير واخذت الاكل وهي تحطه قدامها : الصراحة دخلت لاني ابي اكل تبي تاكل قم
وشالت نقابها وهي تأكل : لو انهم ما جابوني كان الحين اضرب بالخمس على الكبسه بس شقول الحمدلله بس
وسرعان ما شهقت من رفعت نظرها وشافته يناظرها
كحت وهي تأشر له على ظهرها عدل جلسته وقام وهو يضربها على ظهرها
ملاك : وجع والنظرات بس مو غريبه ذبحتوا ابوي اكيد ناوين علي كلشي متوقع منكم
عز : شلي الاكل واطلعي
ملاك ؛ ما تبي تأكل انت ؟
عز : وانتي خليتي شي ؟
ملاك وهي تناظر الاكل : محد قالك تقول مابي
ولفت على فتحوا الباب ودخلوا وشهقت بصراخ :استنوا
سحبت نقابها وهي تلبسه بسرعه ودخلوا عيال عمها الباقين وهم يناظرون جلستها قدام عز والاكل يتوسطهم
سيف : حركات بنت العم عندنا واخيرا شفناك
ملاك وهي تقوم : ما اتشرف اكون بنت عمكم
ماجد بحدة : احترمي نفسك لا تكونين بغرفة العمليات
ملاك وهي تخزه : لا تتكلم عن شي انتم فاقدينه
سيف : وش جابك ؟
ملاك وهي تناظر عز : وانتم خليتم احد بحاله الا غصب تجيبونا عندكم
ماجد وهو مو بالعها : محد جبرك اذلفي
ملاك وهي تقرب منه : انت بالذات مالك شغل
وناظرت عز وهي حاسه بنظراته لها من دخلوا عيال عمه
وطلعت ومشت لامها : خلصنا خلينا نرجع لبيتنا
ام ملاك : اكل عز ؟
ملاك بكذب : خلص الصحن كله
ابتسمت ام ملاك
ملاك : يعني بنرجع خلاص؟
رد عليها عمها بدر : معاد فيه رجعه بترجعون عندنا وبتسكنون عندنا
ملاك وهي تلف عليه بضحكة : الحين تفكر فينا ؟
عمها محمد : كلشي بيتصلح وبنرجع عايلة وبننسى كلشي
صرخت بوجهه : لاا ما راح انسى ما راح انسى ابوي الي حرمتوني منه وانا صغيره واخذتم كل حلاله وورثه والحين تقولون ننسى ؟ بعد ما اشتريتوا بفلوس ابوي سمعة لكم تبوني انسى ؟ والله ما انسى وحقي ابوي بطلعه من عيونكم واحد واحد

سُلاف *
وصلت هنوف لبيتهم ونزلت بسرعه وهي تدق الباب
ودخلت وهي تشوف ام سُلاف وبندر بالصاله
خزتهم اثنينهم وتوجهت لغرفة سُلاف دخلت وهي تناظرها
سُلاف : واخيرا جيتي
هنوف وهي تقرب منها وتحضنها : لا تسكتين سُلاف كل الناس يعرفون بسمعته الخايسه وحتى الدوريات اسمه مسجل بكل ورقه عندهم لا تسكتين لامك او اخوك
سُلاف : كيف كيف ابوه وامي قرروا كلشي واتصلت امه قبل شوي وحددوا كلشي
هنوف بصدمه : مستحيل بذا السرعه ؟ مجنونه انتي تبيعين نفسك لواحد مثله عشان قرارات امك ؟؟ قوميي واجيههم
سُلاف بخوف : لا انا اعرف وش بتسوي لو خربت عليها خططها فكيني من كلامها هي وبندر ويمكن ذا الصايع يكون اهون علي منهم
هنوف بعصبيه : غبيه انتي ؟؟ يكون اهون منهم من متى ؟ذا صدقيني من اول يوم قاتلك بحادث
سُلاف: شسوي شسوي تعبتت خليه يقتلني وافتك
حضنتها هنوف : وكيف فجأة قرروا يزوجونكم ؟
سردت سُلاف السالفه وبوسط صدمة هنوف
هنوف : اعتدى عليككك ؟
سُلاف وهي تبكي: ايه
هنوف : الله يحرقهم واحد واحد
ولفوا على ام سُلاف الي دخلت : سُلاف
ناظرت امها بصمت
ام سُلاف : قومي روحي مع اخوك اشتري لك فستان خفيف
هنوف : كيف يا خاله تبيعين بنتك بالرخيص عشان سمعتهم وفلوسهم بس؟
ام سُلاف : محد له دخل ببنتي
هنوف : يا حيف والله كيف تسمين نفسك ام وانتي ترمين بنتك وكانها شي رخيص ولا له قيمه عندك وهمك الفلوس
ام سُلاف بصراخ : انتي مالك شغل واطلعي ولا عاد اشوفك قريبه من بنتي تسمعين
ناظرتها هنوف وحضنت سُلاف : بجيك ولو على قص رقبتي
ولبست طرحتها وخزت ام سُلاف وطلعت
ام سُلاف : تحركييي انتي ما فيه وقت
-
نياف *
سحب مفتاح سيارته ونزل استوقفه كلام ابوه
ابو نياف : زواجك الليله بحفله صغيره ومختصره
نياف : جهز قبرها بيصير حفلتين الليله
وطلع ركب سيارته وحرك
زاد من سرعته وهو يحرك السيارة يمين يسار
بقهر وعصبية

" صلوا على محمد "

سُلاف *
وصلت هنوف لبيتهم ونزلت بسرعه وهي تدق الباب
ودخلت وهي تشوف ام سُلاف وبندر بالصاله
خزتهم اثنينهم وتوجهت لغرفة سُلاف دخلت وهي تناظرها
سُلاف : واخيرا جيتي
هنوف وهي تقرب منها وتحضنها : لا تسكتين سُلاف كل الناس يعرفون بسمعته الخايسه وحتى الدوريات اسمه مسجل بكل ورقه عندهم لا تسكتين لامك او اخوك
سُلاف : كيف كيف ابوه وامي قرروا كلشي واتصلت امه قبل شوي وحددوا كلشي
هنوف بصدمه : مستحيل بذا السرعه ؟ مجنونه انتي تبيعين نفسك لواحد مثله عشان قرارات امك ؟؟ قوميي واجيههم
سُلاف بخوف : لا انا اعرف وش بتسوي لو خربت عليها خططها فكيني من كلامها هي وبندر ويمكن ذا الصايع يكون اهون علي منهم
هنوف بعصبيه : غبيه انتي ؟؟ يكون اهون منهم من متى ؟ذا صدقيني من اول يوم قاتلك بحادث
سُلاف: شسوي شسوي تعبتت خليه يقتلني وافتك
حضنتها هنوف : وكيف فجأة قرروا يزوجونكم ؟
سردت سُلاف السالفه وبوسط صدمة هنوف
هنوف : اعتدى عليككك ؟
سُلاف وهي تبكي: ايه
هنوف : الله يحرقهم واحد واحد
ولفوا على ام سُلاف الي دخلت : سُلاف
ناظرت امها بصمت
ام سُلاف : قومي روحي مع اخوك اشتري لك فستان خفيف
هنوف : كيف يا خاله تبيعين بنتك بالرخيص عشان سمعتهم وفلوسهم بس؟
ام سُلاف : محد له دخل ببنتي
هنوف : يا حيف والله كيف تسمين نفسك ام وانتي ترمين بنتك وكانها شي رخيص ولا له قيمه عندك وهمك الفلوس
ام سُلاف بصراخ : انتي مالك شغل واطلعي ولا عاد اشوفك قريبه من بنتي تسمعين
ناظرتها هنوف وحضنت سُلاف : بجيك ولو على قص رقبتي
ولبست طرحتها وخزت ام سُلاف وطلعت
ام سُلاف : تحركييي انتي ما فيه وقت
-
نياف *
سحب مفتاح سيارته ونزل استوقفه كلام ابوه
ابو نياف : زواجك الليله بحفله صغيره ومختصره
نياف : جهز قبرها بيصير حفلتين الليله
وطلع ركب سيارته وحرك
زاد من سرعته وهو يحرك السيارة يمين يسار
بقهر وعصبية

"صلوا على محمد"

سُلاف *

ركبت مع اخوها ودموعها ما وقفت وتوجهوا للمول
نزلت وهي تختار اخيس فستان ومتجاهله نظرات الناس لدموعها
بندر : اسمحي دموعك يا بنت
سُلاف: مردها تنزل
سحب الفستان منها وقرب وهو يحاسب وطلعوا
بندر : وش بعد ؟
سُلاف : قبري
بندر ضربها على راسها بالمفتاح : لا تسوين حزينه احمدي ربك قام حظك وتزوجتي واحد من عايلتهم
وطلع وطلعت وراه ورجعوا للبيت وراحت لغرفتها وهي تبكي وترمي عبايتها وبداخلها محروق وخايف من مصيرها
فتحت الباب لامها وهي تناظرها
ام سُلاف : حطي مكياج خفيف وخلي جمالك طبيعي
قفلت الباب ببرود وتقدمت لمرايتها وهي تجلس قدامها وسحبت مكياجها وهي تحط وتمسح دموعها
وسحبت الروج وهي ترميه على المراية : خلااص خلااص وقفي
وصارت تضرب وجهها وتحاول توقف دموعها
قامت وهي تدخل دورات المياة وتغسل وجهها
وطلعت وهي تسحب الروج وحطت على شفايفها وسحبت فستانها وهي تلبسه وتقدمت للمراية وهي تناظر شكلها وانتبهت على شعرها وفكته وهي تتركه مثل ما هو
فتحت الباب لامها وهي تناظرها
ام سُلاف وهي تناظر شكلها بصدمه : وين مكياج وش ذا الشعر وش الحاله ذي ؟
سُلاف:زواجي وبكيفي
خزتها ام سُلاف :لو مو اخوك ينتظرنا كان علمتك شغل الله
ودخلت وهي تسحب عبايتها وترميها على سُلاف : خلصيني
لبست وهي تطلع ببرود وركبت مع اخوها وهي تخزه
-
ببيت اهل نياف
ليان :يمه نياف ما يرد
ام نياف بحزن على ولدها : الله يسامح الي جبره
تقدمت عمتها : اتصلي عليه الشيخ جاء والضيوف على وشك يجون
ولفوا على الي دخلت بفستانها وهي تناظرهم بحدة
ام سُلاف بابتسامة : عسى ما تأخرنا ؟


بسيارة ابو عز *
ترك ايدها ورجعت لوراء وهي تمسك ايدها بوجع وتدعي عليه
بعد دقايق *
وصلوا للبيت
ونزلت وهي تناظر بيوتهم : الله يرحمك يا ابوي مت وبناء غيرك بفلوسك قصور
ناظرها ابو عز بحدة من كلامها
ملاك : قلت شي غلط ؟
خزته وهي تدخل مع امها ووقفت عند الباب من ركضوا خوات عز وجدته بفرحة من رجعته
ملاك : الحمدلله والشكر
دخلت وهي تقعد بالصاله
وانتبهت على ماجد الي نزل وهو يناظرها؛ وش جابك تقولين ما اتشرف ؟
ملاك :٠جيت اخذ اخذ ابوي عن قريب
ماجد : الله يشفيك
ملاك : ادعي لنفسك يكملك بعقلك
وخزته وهي تناظر جدة عز تبكي وخواته ودخلوا الصاله وهم يبكون على حالته
اسماء : يا حسرتي على اخوي
مرام : يعني معاد بنشوف ضحكته الي تسر الخاطر
سحبتها امها وهي تحضنها : ادعي له الله يشفيه
ملاك : ابي انام وين غرفتي ؟
جدة عز : وليه ما تسلمين ؟
ملاك بكرّه:مين انتي ؟
جدة عز : انا جدتك يا مقطوعة الرزق
ملاك : نسيت ابوي معنده الا ام انتي امه ؟
جدة عز وهي تضربها بعصاتها : انا عمته قطع الله ذا الوجه
ملاك وهي حاقده عليها : اجل لا صرتي امه ذكريني اسلم عليك
وقامت وهي تناظرهم : وين غرفتي ؟'
ام عز : اعذرونا يا بنتي ما جهزنا لكم غرفكم ارتاحي بقسم المجالس
وطلعت للمجالس وهي تدور المجلس الي يعجبها
دخلت وهي تنزل عبايتها وتفك شعرها
ملاك وهي تناظر تصميم المجلس والاثاث : وش ذا الذوق فوق السرقة معندهم ذوق
وطلعت للمرايات وهي تغسل وجهها :احلى ما فيه المراية وش كبرها
طلعت وهي تشهق من الي دخل من الباب الرئيسي للمجالس

"صلوا على محمد"

نتوقف هنا

كوزكون likes this.

لامارا غير متواجد حالياً   رد مع اقتباس
قديم 16-12-22, 08:36 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 4

•لا حول ولا قوة الا بالله
•لا استبيح القراءة بدون لايك

ببيت اهل نياف *
ام نياف وهي تناظر سُلاف وشكلها : ابد ما تأخرتم
عمة نياف : حياكم حياكم
ابتسمت ام سُلاف وهي تمشي معها
ووقفت بمكانها وهي تناظرهم ببرود وتوجهت للصاله وهي تقعد ومتجاهلة نظرات الكل لها ولملامحها وشكلها
بعد ساعات من جلوسها نادوها توقع وقامت
وهي تجاوب علي الشيخ وامها بجنبها ووقعت
الشيخ : وين المعرس ؟
توتر ابو نياف واستاذن منه وطلع وهو يدق على نياف ودخل على ام نياف :وينن ولدكك؟
ام نياف :اتصلت ما يرد الله يستر لا يكون صاير فيه شي
ابو نياف وهو حاط جواله باذنه:وهذا وانا قايل له رايح يسربت
ولفوا على لينا الي ركضت لهم : يبه نياف جاء ودخل المجلس
ام نياف : فيه شي ؟
لينا : سمعت صوته بالمجلس بس ما شفته
وراحت ام نياف وانتبهت لينا على الي نازل وهو يضبط شماغه خزته بحقد : بالله! تكشخ لاخوك بعد ما دمرته ؟
نايف : اسكتي انتي لا اعلمهم وش مسويه خليني اشوفك ناطقه بحرف
خزته وهي حاقده عليه ودخلت المجلس وهي تناظر سُلاف بحزن وبداخلها تتمنى لو تتكلم وتغير مصير اخوها وسُلاف بس كل مالها تتذكر نايف وتهديده وجلست وهي تتنهد
-
بمجلس الرجال *
دخل بثوبه الاحمر والي مليان دم وجهه الي ينزف
جلس بجنب الشيخ وهو يخز بندر
تنهد ابو نياف بصدمه من شكل ولده ونظرات الرجال له
الشيخ : وشصاير معك يولدي
نياف : الي ما يسر الخاطر يا شيخ
تنهد الشيخ وسأله ووقع نياف وقام وهو يطلع من المجلس بدون ما يسلم على احد او يرد على تباريك عيال عمه واعمامه
انتبه لشهقات امه ونظراتهم المصدومه من شكله ووجهه وثوبه وشماغه الي على كتفه : عساك فرحتي يا ام نياف بزواج ولدك
قربت منه وهي تلمس وجهه وسرعان ما بعد عنها
وناظر عمته الي طلعت من المجلس : العروس جاهزة تقدر تشوفها

ملاك *

وقفت مكانها من دخل عز وهو يناظرها ويناظر شعرها وملامحها
أنتبهت على نظراته وصرخت : غض بصرك والناس تدق الباب قبل تدخل
عز : والناس ما تتمشى بالبيت وكله رجال
ملاك : ما اشوف ولا رجال كلهم حريم
رفع نظره لها بحدة : ساكت لك يا بنت العم وما ضنتي تبين مين يراددك ويعلمك السكوت
ملاك : محد يعلمني شي بعد ابوي
وخزته وهي تدخل المجلس وتلبس عبايتها وطرحتها
وانتبهت له من دخل المجلس الثاني وشافت سرير
تقدمت وهي تدخل عليه : بتنام هنا ؟
عز : قفلي الباب وراك
ملاك : اتكلم جد كيف اخذ راحتي وانت نايم هنا
عز: لسانك ماخذ راحته من جيتي وقفت عليك ؟
ملاك : ما عندك غرفة انت ؟اطلع لغرفتك
عز وهو يفصخ ثوبه : قفلي الباب
تأففت وهي تقفله وطلعت لامها وشافتها جالسه مع عماتها وبناتهم ، انتبهت لنظرات الكل لها من دخلت
مشت وهي تجلس بجنب امها
مرام : يوه كبرتي اذكرك كنتي بزره
ناظرتها ملاك ببرود وصمت
منى : من مات عمي معاد شفناكم وشذا القطعه ؟
ملاك : احنا ولا انتم يالسراقين
ولفت على دخول اعمامها
عمها بدر : ساكتين لك يا بنت سلطان عشان امك ولا انتي نعرف وش نحط بفمك
ملاك : قولها لا تستحي قولها بذبحك زي ابوك
بدر بصراخ : احترميي نفسك وذا اخوي قبل يصير ابوك وكيف تتهميني بقتله ؟
قاموا البنات من صراخ بدر وهم يرجعون على وراء ويلبسون طرحاتهم من دخلوا العيال على صراخه
سحبت ثلاجة القهوة وهي تصب لها ورفعت نظرها له : تحسب الكلام من راسي ؟ ترا ذاكرة الطفل اقوى منك بكذب عيوني واصدق واحد مثلك ؟
فتح الباب ودخل وهو يسمع كلامها جلس بجنب جدته وهو يناظر ابوه الي عصب من كلامها وقرب منها وهو يسحبها من عبايتها : لو سمعتك تتهميني بقتل اخوي والله لانشر اعضاءك بمقابر الرياض
ملاك وهي تناظر عيونه : يعني قتلته وناوي على بنته

ببيت اهل نياف *

سمع كلام عمته وتقدم وهو يدخل المجلس وسرعان ما استوقفته ايد امه : غير ملابسك ما يصير تدخل بذي الحاله
نياف : شفيها حالتي؟ مرد عروستكم تصير بنفس حالي
واردى
ودخل المجلس ومتجاهل كل البنات والحريم الي قاموا بسرعه وطلعوا
انتبهت على كلام امها : حي الله نياف
ورفعت نظرها للي دخل ونزلت نظرها لثوبه وشكله ووجهه
بلعت ريقها برعب وهي توقف بجنب امها ومسكت طرف فستانها وهي تشد عليه
نياف وهو يناظر سُلاف : الله لا يحييك لا انتي ولا البلوة الي بجنبك
ضحكت ام سُلاف : مقبولة منك يا ولدي
تقدم لسُلاف وهو يناظرها انتبه لنظراتها الخايفه ودموعها المتحجرة ورد على ام سُلاف الي قالت : اجل نخليكم مع بعض ومنها تتعرفون على بعض
ولفت على بنتها الي سحبت فستانها وهزت راسها بالرفض وبصوت يرجف وخايف :خذيني معك
ام سُلاف بضحكة : صار زوجك لازم تتعرفين عليه وانا برا اذا احتجتي شي
ناظرت امها لحتى طلعت ولفت على الي واقف قدامها ويناظرها بحدة : ما خفتي لما اتهمتيني الحين تخافين ؟
سُلاف بخوف: ما اتهمتك بباطل
قرب منها ولصق فيها ومسك فكها : ناظري
ذا الوجه متاكدة لمستك ؟متى لمسك ؟ متى قربت منك ؟
سُلاف وهي ترمش برعب من قُربه : ايه لمستني ما اسرعك نسيت
نياف : يعني صامله باتهامك ؟
وسحب فكها بقوة : احفظي ذا الوجه زين والله لاطلع اتهامك من عيونك
وبعد عنها واطلقت انفاسها المتسارعة برعب وناظرته : ما قلت شي من راسي ولا اتهمتك لمصالح انت قربت مني وفاكرة وجهك اكثر من اي شخص كان معك
قرب منها : جيتك مسوي حادث لحالي وما يخالف اقتلك بحادث
سحب ايدها وهو يشد عليها وفتح الباب وناظر امه وكل المعازيم شد على ايد سُلاف بشكل اقوى وهو ياخذها معها
وطلعوا وهو يفتح السيارة ورماها فيها وقفل الباب وركب بجنبها : فاكرة وجهي اجل والله لاخليك تكرهين وجهي والساعة الي شفتيه فيها

"صلوا على محمد"

ملاك *

ترك عمها عبايتها من سحبوه اخوانه وطلع وهو معصب منها
ناظرت الكل ونظراتهم لها وسحبت فنجانها وهي تكمل قهوتها ولفت على جدتها وانتبهت على الي قاعد بجنبها
جدة عز : ما تعرفين تسكتين انتي ؟مين جيتي وانتي لسانك ذا طوله ما تستحين تتهمين عمك بذا الهرج ؟
ملاك : لساني ذا طوله بس ما قال الا صدق تكذبيني وتصدقين ولدك بكيفك
وخزتها وانتبهت على صراخ عمها : احترمي نفسك واعرفي مع مين تتكلمين جدتك اكبر منه وتخزينها كانها اصغر عيالك
قامت وهي تتأفف وتناظره ببرود
وكمل ولد عمها ماجد : محد ضربك على ايدك وجبرك تجلسين انقلعي لبيتك وتعلمي كيف تتكلمين
ملاك ناظرت الكل : احد عنده كلام زيادة ؟
واشرت على اذنها : بسمع من هنا وبطلع من هنا وعناد مراح ارجع وبقعد على قلوبكم وبذكركم بفعلة ولدكم النجس
ورجعت على وراء من صرخوا اعمامها وعيالهم : احترمي نفسك ابوي مهوب نجس يالنجسه
ماجد: اقسم بالله لو ما تعدلين الفاظك لاقص لسانك
تقدمت ملاك وهي تدفه عن طريقها : فارق بس شف من يتكلم
وفتحت الباب وهي تطلع للمجالس دخلت وهي تنزل عبايتها ومقهورة منهم ومن امها الساكتة وتناظرها ولا كانهم اخذوا حلالهم
تنهدت وهي تحس تعبت : والله لاوقف بوجيهكم والله ما اضعف لواحد منكم
وسحبت اللحاف الي حطته العاملة وتلحفت وهي تنام ونزلت دموعها من تذكرت ابوها : اخذوك مني وانا ما شبعت منك والله ما اسامحه ولا واحد فيهم
وشدت على اللحاف وهي تمسح دموعها وغفت بسرعة بعد تعب ويوم ثقيل عليها .
بالصالة *
دخل بدر وهو يناظر ام ملاك : بنتك ذي اذا ما ربيتيها بربيها من جديد واعلمها الاحترام على اصوله
ناظره عز ببرود وناظر عيال عمه المتنرفزين من ملاك ومن كلامها واسلوبها وتنهد وهو يقوم ويرجع للمجلس ونام

بسيارة نياف *

حرك وهو يزيد من سرعته بكل عصبية
وصل للطريق العام وصار يفحط بوسط السيارات ومتجاهل اصوات البواري وصراخ الناس وصراخ الي بجنبه
سُلاف بخوف : يا مجنون خفف سرعتك
ما رد عليها وصار يزيد اكثر من سرعته
صرخت من شافت سيارة قدامهم ونياف مو راضي يتحرك يمين او يسار ويناظر السيارة وصاحبها الي يضغط البوري
زاد من سرعته وهو يقرب من السيارة اكثر ومطنش صراخ سُلاف الي حطت ايدينها على عيونها بخوف لفت عليه وهي معصبه من بروده وحطت ايدها على الدركسون وهي تلفه بعصبية وطلعوا من الشارع وقف السيارة ولف عليها ومسك ايدها : مين سمح لك تلفينه ؟
توجعت من قبضته وناظرته : تبينا نموت ؟ موت لحالكك
مابي اموت
دفها على الباب : لا بتموتين وعلى ايدي
سُلاف بصراخ :نزلنيي مابي اروح معك
لف عليها ببرود : انزلي انقلعي وفكيني منك
ناظرت عيونه ولفت وهي تناظر المكان والظلام
ولفت على الباب وهي تفتح الباب ونزلت وقفلت الباب بقوة
حرك وتركها بوسط البر والظلام واسرع وهو يسحب عليها
ناظرته لحتى راح ولفت وهي تتفقد المكان الي كان عبارة عن مساحة واسعة وكلها رمال بكت وهي تحضن نفسها من البرد والهواء البارد وجلست بمكانها وهي تدعي عليه
-
كمل طريقه وتوجه لاخوياه وقف عند استراحتهم وهو ينتظرهم طلعوا وهم يركبون معه
عمر:ولد شفيك ؟
زايد : شفيه وجهك ؟مسوي حادث ؟
نياف : ايه عطني دخانك انت
طلع زايد دخانه وهو يمده لنياف
سعد وهو يشوف السنابات : ولد تزوجت انت؟؟
نياف وهو ينفث دخانه : ايه
عمر : صادق انت ولا تعلمنا ؟ مين تعيسة الحظ؟
نياف : انا تعيس الحظ
زايد : افا ليه؟ لا يكون مب زينه ؟
نياف :العن ما شافت عيني
عمر : وساحب عليها من اول ليلة ؟
نياف : تاركها بطريق الملك

عند ملاك *

بالصباح صحت وهي تطلع تتوضى ورجعت صلت
وناظرت امها الي نايمه معها تنهدت وهي تطلع
وصارت تدور المطبخ سمعت صوت واتجهت لمصدر الصوت
شافتها واقفة بالمطبخ وتقطع بطاطس عقدت حواجبها وهي تناظرها واول مرة تشوفها
ملاك : صباح الخير
نجلاء : صباح النور
ملاك :جعت وجيت اسوي اكل ابي بيض عندكم
نجلاء : بسوي فطور تاكلين معي ؟
ملاك بضحكة: ما اقول لا وانا جيعانة
بدات تساعدها وهي تحس انها مرتاحة لها
نجود :انتي ملاك ؟
ملاك :ايه
نجلاء بضحكة:بليلة سويتي ضجة ببيتنا اعجبتيني
ملاك :انتي من بنات عمي؟
نجلاء:لا انا عمتك اخت بدر ومحمد
كشرت ملاك : يارب ما تطلعين زيهم
ضحكت نجلاء ولفت على الي دخل :عز ملاك هنا انتظر
عز من وراء الباب : عندك مفتاح الشاص؟
نجلاء :ليه ؟
عز :برجع للبر
نجلاء : ما راح اسمح لك الا لما تتعدل حالتك وتتحسن
تنهد عز : خلي الي عندك تتغطى
ملاك :شتبي ؟
عز :ابي ادخل اخلصي تغطي
تنهدت :يليل ادخل
دخل عز وهو يسحب كوب وفتح الثلاجة وهو ياخذ حليب
نجلاء :تفطر معنا احسبلك ؟
ولفت على ملاك الي اشرت لا بالرفض
انتبه لحركة ملاك :ايه احسبي لي
تركت السكين وتوجهت وهي تاخذ صحن وشهقت من صرخة نجلاء من الي دخل : خالدددد
ضحك عز من فرحة نجلاء وابتسم لرجعة عمه من امريكا
وقرب منه وهو يسلم عليه ولفوا كلهم على الي طرحت الصحن وهي ترجف وطلعت بسرعة من المطبخ

سُلاف *

انتبهت على تجمع سيارات على الشارع ونزلوا منها عيال وهم يسولفون ويضحكون وخافت من اصواتهم ورجعت على وراء وداخلها يرتجف من الخوف وزاد خوفها من زادت اعداد السيارات وكثروا العيال والتجمع ،،دعت على نياف من قلبها وهي تبكي برعب كانت تناظرهم وسرعان ما صرخت من ارعبها صوت كلب بعيد عنها وحطت ايدها على فمها بسرعه من انتبهت لنظرات العيال الي لفوا كلهم
غمضت عيونها وهي تدعي ان الظلام الي هي مافيه ما يخليهم يشوفونها
-
بسيارة نياف ^
زايد:يا مريض مخليها لحاله وعلى طريق الملك ؟؟
نياف ببرود : ايه
عمر : حرك حرك العيال كلهم هناك ما تشوف القروب انت
نياف : خلها تتبلى على واحد منهم وتفكني
سعد : يولد مجنون انت ؟في عقلك شي ؟ كل القروبات مجتمعين هناك والبنت لحالها حركك
نياف :بحرك بس روحه لها مانيب رايح
عمر : ما بتروح لها حنا بنروح لطريق الملك عاد كيفك بس وصلنا
حرك نياف وتوجهوا لطريق الملك
سعد وهو يشوف العيال :ول ومخليها عند ذول
نياف : بتنزل انت ؟
نزلوا العيال ووقف سيارته ورجع راسه لوراء وتنهد بتعب
شغل النور الي بالسيارة وقرب من المراية وهو يشوف جرحه نزل نظراته وانتبه للشي قاعد يركض شغل نور السيارة بجهته وشافها من قعدت وهي تتنفس بتعب وانتبه للكلب الي يركض وراها وسرعان ما نزل من شاف العيال نازلين لجهة البر
نياف بصوت جمهوري : وشعنده فواز هنا ؟
لف الكل عليه وغيروا وجهتهم وهم يرجعون مكانهم من رد فواز :يدق راسك
نياف بضحكة : متأكد ؟ تعال
اعتلت صرخات العيال والتعزيز من قرب فواز من نياف
-
حطت ايدها على صدرها وهي تتنفس بتعب من الركض
ولفت على صراخ العيال وناظرت الاثنين الي تقابلوا
عرفته من ثوبه الاحمر ومن هيئته وابتسمت من لكمه فواز بفكه

نتوقف هنا


لامارا غير متواجد حالياً   رد مع اقتباس
قديم 16-12-22, 08:45 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 5

ملاك *

دخلت المجلس وهي خايفه من شافته ومن وجوده
لفت على امها : شفيك؟
ملاك :ولاشي
وطلعت وهي تتوجه للمرايات وتغسل وجهها : ماراح يسوي لك شي لا تخافين بتقدرين على اخوانه وعليه لا تضعفين
وسمعت صوت نجلاء الي نادتها وسحبت طرحتها وهي تحطها عليها وطلعت لهم ناظرت عمها وهي متوتره
خالد بضحكة: اوخس ملاك كبرتي
خزته وهي تلف على نجلاء وشالت معها الحليب وطلعوا للصاله بدات تفطر وهي متوتره من وجود عمها معهم
عز : صبيلي شاهي
ملاك بفهاوة : ها
ناظرها وهو منتبه لرجفتها من جلست : صبي شاهي
هزت راسها وهي تصب له واعطته
انسدت نفسها من سوالف عمها وهي تحس مو بالعته وقامت وبدون ما ترد على نجلاء :شفيك ما افطرتي؟
دخلت للمجلس وهي ترمي طرحتها وسحبت اللحاف وهي تقعد على جوالها بملل وتفكيرها بعمها
قفلت جوالها ورجعت نامت *
بالليل ~
صحت على صوت المكنسة وناظرت العاملة الي تكنس المجلس :وجعع وجع نايمهه ما تشوفين
العاملة : مدام فاطمه يقول كنس مافي مشكله
ملاك :لعنه عليك انتي وفاطمه
وقامت وهي تتوجه لدورات المياة شافت فيها احد ودقت الباب بعصبيه :ميين فيهه ؟
فتح الباب وهو يناظرها : سلامات ؟
دفته من صدره :وخر انت الثاني
سحبها من ايدها وهو يرجعها قدامه : معصبه بكيفك بس قلة الادب امنعيني منها
ملاك : بتوخر ولا كيف ؟
عز :ماني موخر
سحبته من ثوبه وهي تشد على ايده وتركتها بتأفف : ابعدد ماني رايقه لك تراها قافله
عز لف على الباب وسحب المفتاح من داخل وقفل دورات المياة واخذ المفتاح : خلي عصبيتك تنفعك وانقلعي الحين لدورات جدتي
ملاك بعصبية : لحوول هات المفتاح بلا استلعان
ولفت بسرعه من تنحنح ولد عمها وهو ينادي على عز
سحبها عز وهو يحطها وراء ظهره: شبغيت يا ماجد

سُلاف *

كانت مندمجه ومركزة على مضاربة فواز ونياف
وصرخت من ضرب فواز نياف على وجهه :اييههه اضربهه
وبلعت ريقها من وقفوا مضاربة وهم يدورون صوت الانثى
واحد من العيال وهو يأشر على البر :يا عيال الصوت جاي من هنا
عصب من سمع صوتها وسحب فواز من ياقة ثوبه وهو يكلمه وطرحه على الارض وكمل عليه وانصدموا العيال كلهم وقربوا منه وهم يبعدونه عنه
سعد :يعياااال دوريااات
وقام الكل وهم يركبون سياراتهم وسحبوا فواز
سعد وهو يناظر نياف الي مسك ايده بوجع :يولد امشش دوريات
نياف : اركبوا مع العيال عندي شغله بسويها
تنهد سعد وركبوا العيال واختفى الكل باستثناء نياف وسيارته نزل لجهتها وهو يدور عليها سحب جواله وهو يشغل الكشاف شافها من بعيد وقرب منها
-
ارتعبت من شافته يقرب منها وقامت وهي تناظره
نياف : اضربه اجل ؟ قاعد على قلبك
وسحب ايدها وهو يلفها لها : كأني سمعت صراخك ؟
سُلاف بوجع :اترك ايدي
ولفت بوجهها والتقت نظراتهم ببعض انتبهت على دم بوجهه بلعت ريقها : شفت ذا الي بوجهك صدقني اتمنى لك الي اكثر منه والي يشوهه لك وجهك
شد على ايدها زياده وصرخت بشكل اقوى : شفتي الي بوجهي بيصير لك وباضعاف وما اكون نياف اذا ما شوهت لك وجهك زي ما تتمنين لي
وترك ايدها وسحبها من ايدها للسيارة ركبها وحرك
-
رجعت راسها على وراء وهي تمسك ايدها وبكت من اوجعتها وهي تتذكر كلام امها وبداخلها :ذوقني الموت باول يوم يمه
اطلقت تنهيدتها الطويلة والمحملة بتعب ووجع وهي تناظر الشباك
انتبه لتنهيدتها وزاد من سرعته
وبعد دقايق *
وقف عند استراحتهم وسحب مفتاح
ودخانه ومحفظته ولف عليها من قالت : رجعني البيت

"صلوا على محمد"

ملاك *

تقدم ماجد وهو يناظر عز : عيال الجماعة يبون يسلمون عليك
عز : جاي
ناظره ماجد لثواني وراح
ناظر الي طلعت من وراه وهي تناظره : قطع الله ذا الوجه
وراحت لقسم الحريم ودخلت وهي تشوف حريم الجماعة واغلب بناتهم بالمجلس ناظروا شكلها وشعرها المفكوك وجهها ،،خزتهم وهي مشت لدورات المياة قدامهم بعناد بجدتها الي اشرت لها ترجع للمجالس
وصلت لدورات وهي تناظر الي واقفه عند المراية وبجنب الباب
ملاك : وخري
ناظرتها عواطف : تقدرين تدخلين بدون ما اوخر
ملاك : اوك
دفتها من ظهرها على المراية ودخلت لدورات المياة
بعد دقايق *
طلعت وهي توقف عند المراية وتضبط شعرها وشافت نجلاء سحبتها : ابي بجامة طفشت بالتنورة
نجلاء : غرفتي اخر وحدة على يمينك
هزت راسها وتوجهت لغرفة نجلاء وفتحت دولابها واخذت فستان خفيف : ابي اصور طفشت
وتقدمت وهي تحط مكياج خفيف وطلعت وهي تناظر الحريم وتقدمت وهي تسلم عليهم وراحت لنجلاء
نجلاء : بنطلع احنا والبنات للسطح مسوين جلسة تعالي معنا
ملاك :جات بوقتها بس بجيب جوالي واجي
وطلعت للمجالس وهي تدخل المجلس وسحبت جوالها
وجلست تتفقد الاشعارات وشهقت من شافت قروب شعبتها : عندي اختبار !!!؟
وشافت الساعة صارت ١٠ ليل وما يمديها تذاكر وكتبها مو معها
ركضت للسطح وهي تنادي نجلاء : عندي اختبار واهم اختبار وكتبي بالبيت ابي اخذهاا
نجلاء :بسم الله طيب بخلي واحد من العيال يوديك
ملاك : تكفين مافيه وقت اذاكر فيه
نجلاء :طيب طيب برسل بقروب العايله
نجلاء: مين فاضي يجيب كتب ملاك من بيتهم عندها اختبار ؟
ماجد :فاضي بس والله ما اجيبها

سُلاف *

لفت عليه وهي تناظره : رجعني البيت !
نياف : انتظري للصباح ودوري واحد تتبلين عليه عشان يوديك لبيتك
تنهدت : بلا استهبال تعبانه رجعني البيت جايبني هنا ليه ؟
قفل نياف الباب : برجعك لبيت اهلك
سُلاف وهي خايفه من ردة فعل امها واخوها : يكون احسن
خزها وحرك سيارته وتوجه لبيت اهلها : اقعدي عندهم لين يوصلني خبر وفاتك
سُلاف : ياليت ما تتذكر ان عندك زوجة بيوم لاني معاد ابي اشوف وجهك
ناظرها بحدة وسحبها قبل تفتح الباب : اوريك
وحرك وهو متجاهل صراخها : نزلنيييي
نياف : بخليك تشوفين وجهي كليوم
وصلوا لبيت اهله ونزل وسحبها معه وفتح الباب وشافهم يتقهون سحبها لغرفته ورماها : لو اشوفك طالعة من هنا بتذكر انك زوجتي والباقي فاهمته
وقرب من وجهها وهو يناظرها : بعتدي عليك صدق لو طلعتي من هنا
دفته من صدره : ما كفتك اول مره ؟؟
نياف وهو يناظر عيونها : لا تبين نعيدها ؟
بلعت ريقها وقامت وهي متوترة من وجوده
قرب منها وصار وراها وهو يهمس باذنها : ما متي اليوم بتموتين بكره احسبي ايامك على اصابعك
وبعد عنها وهو يطلع ويقفل الباب نزل لاهله
وانتبه لسؤال لينا : وين سُلاف خلها تنزل تتقهوى معنا
نياف : بتقعد بالغرفة لين تخيس بنت امها فيكم تفتح لها الباب او تكلمها بحرف سكت لكم من زوجتوني بالغصب بس اقسم بالله ما ارحم اي وحده تتدخل فاهمين
وطلع لحوشهم وطلع دخانه : وطلع اسمك سُلاف اجل والله لانسيك اسمك
ولف على اخوه الي دخل ناظره بحدة وعقد حواجبه وهو يقرب منه : متأكد كنت نايم ومو انت الي اعتديت عليها ؟
نايف بضحكة: ايه يرجال اصلا ما دريت بسالفه الاعتداء الا قبل شوي
ناظره نياف بحدة : ادخل
دخل نايف وهو متوتر من كذب على اخوه وهو يعرف اطباعه
رمى سيجارته ودخل وهو يطلع لفوق

ملاك *

وقفت بجنب نجلاء وهي تقرا ردود العيال
ملاك وهي معصبه من رد ماجد : منزينك عاد يسحب بترجاه
نجلاء وهي تكتب لهم : عز فاضي ؟
عز : فاضي
نجلاء : اجل جيب كتبها البنت عندها اختبار
عز : تمام خليها تطلع
ملاك : وليه اروح معه ؟
نجلاء :اكيد بتنزلين تجيبين كتبك ولا شدراه المسكين
تأففت ملاك ونزلت وهي تلبس عبايتها واخذت المفتاح من شنطة امها
طلعت من باب المجالس والي يفتح على جلسة العيال
التفت الكل لها وعصبوا عيال عمها من ناظروها عيال القبيله وسرعان ماخزتهم ومشت وهي تركب وراء عز
عز : محد قالك فيه باب حريم ولا قاصده حركتك ؟
ملاك : مستعجله عاد منزين اخوياكم
عز : محد سألك زينين او لا لا عاد تتكرر
ملاك : على خير بس اخلص مافيه وقت ابي اذاكر
عز : راكبه وراء كاني سواقك ما قلت شي بس تتآمرين بذا الاسلوب بتنزلين
ملاك تأففت وسكتت
فتحت الشباك وهي تطلع ايدها وتصور
عز : دخلي يدك
ملاك : يليل تراك زودتها وشفيها اذا طلعت ايدي
عز : اوك طلعيها
وطلعتها ملاك وسرعان ما صرخت من قفل الشباك عليها : يا بزر ايدييي
عز :دخليها اخلصي
دخلتها وهي معصبه منه وفتحت جوالها وهي تنشغل فيه
بعد دقايق وقف عز
ونزلت وهي تقفل الباب بقوة وخزته من لف عليها وهو يصرخ : ياااالتبن
طلعت لبيتهم وهي تاخذ كتبها وتوجهت للباب وسرعان ما خطرت لها فكرة وبخاطرها تبي ترد له حركته
دخلت وهي تقفل الباب ونزلت عبايتها وتدخل المطبخ وتسوي قهوة : اقعد بالسيارة والله لاطول واخلي البلوت يروح عليك

"صلوا على محمد"

نياف*

طلع لغرفته وشافها تمسح روجها خزها
وفتح دولابه واخذ له لبس ودخل دورات المياة
كانت حاسه بوجوده وانتبهت على الي دقت الباب
لينا : ما اكلتي شي خذي بسرعه قبل يشوفني
قربت سُلاف بجوع : اووف جاء بوقته ما اكلت شي
لينا بضحكة : بالعافية
وركضت من طلع نياف وهو يجفف شعره ناظرها ونزل نظراته لكوب القهوة والكيك الي بيدها
سحبه منها : حلو كنت جيعان
سُلاف: مو لك بلا لقافه
نياف : اي شي يدخل غرفتي يعني لي
وقرب منها : مين جابه لك ؟
سُلاف: مالك شغل
ودفته من صدره وهي تتوجه لدورات المياة وصرخت من مسكها ايدها وهو يلفها : مو ناوي ابدا بتربيتك من جديد بس شكلك مو متربيه وتحتاجين مين يربيك
بكت وهي تشهق من لف نفس اليد الي لفها من قبل
نياف وهو يناظر عيونها : دموعك مراح تنفع معي
وشد على ايدها وسرعان ما دفها على الجدار من صرخت باقوى ما عندها و صفقها كف : تحسبين بتكفيني ايدك لما اكسرها ؟ صدقيني لو يذبحونك قصاص وقدامي ما يشفوني غليلي عليك
حط ايده على فمها قبل تتكلم : حتى صوتك مابي اسمعه تفهمين ؟
وبعد عنها وقرب للمراية وهو يضبط شعره
مسكت ايدها وهي تشهق بوجع
نياف بحدة : قلت مابي اسمعه
صرخت بقوة : اعتديت علي وتبيني اسكت ؟ بتكسر ايدي وتبيني اسكت ؟وتمد ايدك وتبيني اسكت؟مراح اسكت
افتحح الباب خلصنيي
نياف وهو يحط المشط وناظرها : الي سمعته الحين صوتك؟ تعاندين يعني ؟
سُلاف بنفس نظراته : دام بتمشي كلمتك علي حتنا بمشيها عليك
ضحك بخفة وقرب منها : تخسين محد يمشي كلمته وانتي بالذات كلمتي تمشي عليك ومن فوق خشمك
سُلاف وهي تحاول ما تضعف : وانت بعد تخسي تمشيها علي
صفقها كف وسحب شعرها : كلمتك ذي محد ترجى ينطقها بوجهي ولو ازيد اسمعها منك بخليك بكماء

عز *

كان ينتظرها بالسيارة وتأفف من طولت وانتبه على اتصالات العيال ورد عليه
ماجد :ولد وينك تأخرت
عز : جاي مسافة الطريق
ماجد : يالله اخلص باقي شوطين
قفل عز وهو يمسح على جبينه من بنرفزة
-
ملاك *

لبست سماعتها وهي ترقص بوسط المطبخ
انتبهت على اشعار نجلاء : وينك عز ينتظر ؟
مسحت اشعارها وهي تصور لصحباتها بكل روقان
سمعت صوت الباب وعرفت انه هو وصارت تغني بصوت عالي ومطنشته وسحبت كوبها وهي تشرب
-
وصله صوتها وهي تغني وعصب زيادة وهو يضرب الباب برجله وزاد ضرب الباب وهو متنرفز من حركتها
ولف على جارهم الي طلع :شفيك انت سلامات ؟
عز بوهقة : لا بس ابي الاهل
جارهم : ما تعرف تدق الجرس
عز : لا دقيت بس ما يردون يعطيك العافية
ناظره جارهم بحدة ودخل وهو يقفل الباب
فتح جواله وهو يرسل لعمته ترسل رقمها
اتصل عليها ووصله صوته : لو ما تطلعين الحين دوري لك مين يرجعك
وسعت عيونها وهي ناسيه انه ممكن يروح ويسحب عليها
ملاك :جاية جايية
وقامت بسرعه وهي تلبس عبايتها وسحب كتبها
وفتحت الباب وشهقت من شافته واقف عند الباب
ناظر وجهها وبعصبية : قدامي اوريك شغل الله
ملاك وهي تحط الطرحة على وجهها : اعصابك الواحد ما يسوي قهوة
سحبها من ايدها : لاطعتني نص ساعة وقاعدة تغنين ؟
ملاك وهي تسحب ايدها : نسيتك الواحد ما ينسى
بعد هنا ونزل وهو يركب السيارة وركبت وراه
ملاك وهي حاسه انه بيفصل عليها : البنات وصوني اغراض من البقاله
عز : اشتريلهم من اغانيك


نتوقف هنا


لامارا غير متواجد حالياً   رد مع اقتباس
قديم 17-12-22, 12:41 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 6

بغرفة نياف *

ناظرته وبداخلها يتراعد من الخوف وبعناد : تخسي قلتها بوجهك
صفقها كف وسحب شعرها وهو يرميها على السرير
وقرب منها : اكره ما عندي العنيدين وانتي من اولتها ما تنبلعين وفوق ذا عنيده يعني بكسر راسك مرتين وانتي تشوفين
سُلاف وهي تبكي : طلقني
نياف قرب من وجهها : زوجونا بكيفهم بس طلاقك بكيفي
بس تدرين ما راح تكونين ارمله او مطلقة بتكونين جثة وتستحقين يقصون برقبتي لما اذبحك
وسحبها من ايدها وهو يرميها على الارض وجلس على السرير : لا اسمع حسك او اشوف الباب ينفتح
وقام وهو يشغل التكييف على البارد بعناد من شاف فستانها اكمامه قصيرة وقفل الستاير
سُلاف : برد طفي المكيف
نياف : اشوفه ينطفي بتنطفي روحك وراه
حقدت عليه وهي تخزه ودموعها بعيونها حضنت نفسها من انتشرت البرودة بالغرفة
سحب اللحاف وهو يتلحف
قامت وهي تسحب القهوة وشربت منها وشربت زيادة من قال : القهوة تنكب
سحبت الكيك وهي تاكل بعناد وتشرب قهوة
بعد لحافه وقام وهو يسحب كوب القهوة ودخل دورات المياة وهو يكبها وطلع وهو يسحب الكيك من ايدها وحطها بالصحن وفتح الباب وهو يحطها عنده وقفل الباب وناظرها : تزوجتني تحسبين بعزك بفلوسي او بعيشك احلى عيشة ؟ والله ما تشوفين احلامك انتي وامك
وخزها ورجع وهو ينام
جلست بزاوية الغرفة وهي تحضن نفسها من البرد
بدأت ترجف وما قدرت تتحمل برودة الغرفة وقامت لدورات المياة وهي تقفل الباب
كانت حاس بحركاتها ومن دخلت دورات المياة : شوي عليك البرودة باقي ما شفتي شي
بالصباح *
صحى على صوت الباب الي يدق
نياف بصراخ :ميننن؟
ام نياف : نياف يمه تعال الفطور انت وزوجتك
نياف : جاي
وقام وهو يتوجه لدورات المياة وشافه مقفل ضربه برجله بقوة وسمع شهقتها : افتحي الباب خلصيني
قامت وهي تغسل وجهها وفتحت الباب

"صلوا على محمد"

بسيارة عز*

ملاك وهي تضحك بتسليك : يالله ضحكت وقف عند البقاله
عز : مو تقولين عندك اختبار وما يمديك تذاكرين ؟
ملاك :ما يخالف اذا تاخرت خمس دقايق
عز وهو يمر من عند البقاله وتجاوزها : كان قلتيها لما تاخرتي نص ساعة
وصرخت ملاك : البقااااله
سكت وتوجه للبيت وبعد دقايق وصلوا
عز : ادخلي من باب الحريم العيال هنا
ملاك : ما عليه
ونزلت وهي تمشي قدام العيال ودخلت من قسم الرجال
نزلت عبايتها وهي ترسل لنجلاء ان عز رفض يمر
وفتحت كتبها وبدات تذاكر قطع عليه اتصال امها : هلا
ام ملاك : بسهر مع عماتك والبنات وبنام عند عمتك عشانك تذاكرين اذا خلصتي تعالي
ملاك : تمام
قفلت منها وقامت وهي تتوجه للمطبخ بكل جوع واخذت كتابها معها سحبت كوب وهي تسوي شاهي بكل روقان
لفت على الي دخل وناظرته بخوف وارتجف كل عضو من اعضاءها وثقل لسانها وهي تحاول ترمش
خالد :سويلي شاهي معك
سحبت كتابها وهي تطلع واستوقفها من مسك ايدها : شفيك ؟
ملاك برجفه :وخر عني
خالد وهو يرجع خصلة شعرها وراء اذنها : كبرتي وصرتي احلى
رفعت نظرها له وهي تسحب ايدها : لو اشوفك مقرب مني
قاطعها وهو يسحبها من خصرها ضربت صدره وهي خايفه منه
خالد : لا تخافين مافيه احد يشوفنا
بكت وهي تصفقه على وجهه ودفته بايدينها وشدت على كتابها وهي تركض للمجلس وصرخت على الي كان قدامها وبايده صينية الشاهي :ما تشووف
ناظرها وهو يقرا ملامح وجهها وانصدم
من شاف دموعها :العيال وراي ارجعي وراك
ملاك : لعنة عليك انت والعيال

بغرفة نياف *

ناظرها من فتحت الباب وسحبها من ايدها وهو يطلعها
ودخل دورات المياة
ناظرته ببرود من دخل وحطت ايدها على رقبتها بوجع
وناظرت فستانها الي ضايقها من امس ورفعت راسها للي طلع وهو يمسح وجهه وتقدم للسرير وهو ياخذ مفتاح سيارته وتوجه للباب واستوقفه صوتها : ابي اطلع جيعانه
نياف : قلتلك بتموتين على ايدي
وسحب الباب وهو يقفله ونزل لاهله
ام نياف : وين سُلاف
نياف وهو يقعد معهم : ما نزلت يعني بغرفتي
ابو نياف : وليه ما نزلت ؟
نياف وهو يسحب الشاهي : مزاج مابيها تنزل
لينا : تستهبل خلها تنزل تاكل معنا وتشرب
نياف : انتي ترا ما نسيت الكيك الي جبتيه لها افطري وانتي ساكته لا افطر عليك
ابو نياف : قومي نادي البنت
قامت لينا ووقفت من قال نياف : لو وصلتي لغرفتي بتنقص رجلك
ابو نياف بحدة : ما تلمس اختك وانا موجود تفهم
نياف وهو يناظر ابوه: ومحد لك دخل بزوجتي وانا موجود
سكت الكل وهم معصبين منه ومن اسلوبه
ام نياف : يمه نياف البنت المسيكينة ما كلت شي من امس
نياف : جعلها ما تاكل ولا اشوف ذرة بسكويت طالعه لها
وقام وهو يناظرهم : زوجتوني اياها يعني انا المسؤول عنها يعني انا الي بقتلها بايدي
وسحب مفتاح سيارته وطلع
ام نياف : قلتلك قلتلك لا تزوجه ولدي مو حق بنات ولا زواج بتموت البنت واحنا السبب
ابو نياف : ولدك الي راسه يابس يعتدي على البنت ولا يبي يتزوجها
وقام وهو يطلع لشغله
-
وصل لاستراحة اخوياه ونزل وهو يقعد معهم
سعد : الله حي المعرس
نياف :اصبح انت
زايد :عندنا جوله اليوم بتشارك
نياف : الساعة كم؟
زايد :١١ الليل
نياف : زين وقتها بشارك

ملاك *

سمعت العيال لما تنحنحوا ولفت وهي ترجع لقسم الحريم وشافت خالد لما طلع من المطبخ خزته
وطلعت لشقة عمتها دخلت عليهم وهي تقعد
وبعد دقايق نزلت وهي تسوي شاهي وتوجهت للمجلس
سحبت جوالها وهي تسولف مع صحباتها دخلت السناب وهي تشوف سنابات المشاهير وتسوي سكب استوقفها اعلان لبرنامج فضفضة ضغطت عليه ودخلها الاب استور وحملته ودخلت وهي تسجل اسمها وعمرها بكل ملل
ملاك : وشذا السماجة
طلع لها شخص وهو يطلب دردشة قبلت وقرات رسالته : هاي
ملاك : من انت ؟
الشخص : شاللي من انت معرفك
ملاك : طيب اذلف
وطلعت وهي تدخل على شخص ثاني بقت على محادثته وقفلت جوالها وهي تسحب الكتاب وجلست تذاكر
بعد ساعة طفشت وهي ترمي الكتاب بكل تعب وانتبهت على صوت الاشعار وسحبت جوالها وهي تقرا : تعرفين لذا البرنامج توني محمله ومدري شسالفته
ملاك : حتنا لقيت له اعلان وحملته وشكله سامج
قرات اسمه وكان علم السعودية
وشافت رسالته من قال : ليش حملتيه ؟
ملاك :جذبني اسمه والصراحة ابي افضفض واحش بكل الي حولي
‏🇸🇦: وشفيهم الي حولك ؟
ملاك : كل واحد العن من الثاني
وعدلت جلستها وهي تكتب وتحش بكل اعمامها وتكتب كل الي بقلبها وهو ساكت ويقرا
وقفت كتابة وهي تناظر الساعة : اووف الساعة ٤ اذلف وراي دوام
وقفلت جوالها وهي تسحب اللحاف وتنهدت براحة من قالت كل الي بقلبها وفضفضت
بالصباح *
صحت على صراخ امها وناظرت الساعة وفزت بسرعة وهي تغسل وجهها وركضت لغرفة نجلاء وهي تاخذ لها لبس ورجعت وهي تصلي ولبست وسحبت جوالها وكتبها وطلعت للصاله : البنات راحوا ؟؟
نجلاء : اي تو وداهم ماجد
ملاك : عنديي اختبااار مين يوديني
نجلاء : صحي عز معندك الا هو
ركضت للمجلس وهي تدخل عليه

"صلوا على محمد"


بالاستراحة *

كان يتغدا مع اخوياه
عمر : ولد جوالك يدق
نياف : اسحبه
سحبه عمر من الشاحن واعطاه لنياف
شاف رقم امه ورد عليها : هلا ؟
ام نياف : بنتجمع مع عماتك وخالاتك بمناسبة زواجك تعال افتح الباب عن البنت وخلها تروح معنا
نياف : مراح تروح
ام نياف : استهدي بالله و
نياف : بغيتي شي ثاني يمه ؟
ام نياف : لا حول ولا قوة الا بالله تعال البيت
نياف : بتغدا وجاي
قفل وهو يرمي جواله
زايد: بالله ليه ماخذ جوال وانت لا تفتح ولا ترسل ولا ترد
نياف : يولد بفلوسك هو
سعد : عطني اياه جوالي مكسر
نياف : صب حمضيات بس
بعد دقايق خلص غداء وقام
عمر : لا تنسى الساعة ١١ بنقابلك
نياف : دقوا علي
وسحب شماغه وجواله وطلع وركب سيارته وتوجه للبيت
بعد دقايق وصل ونزل وهو يقفل سيارته ولف على نايف الي نزل من سيارة اخوياه وهو يضحك
وقف نياف على سيارته وهو يناظر نايف واشر له يجي
نايف : هلا ؟
نياف وهو يناظر عيونه : لحد الان شاك فيك
نايف بتوتر : يخوي اقولك كنت غايب وتشك ؟
نياف : ما اخبرك تغيب عن المدرسه
نايف بمزح : ليه قالولك نياف
نياف : اذلف لداخل
ودخل نايف ودخل نياف وراه قعد بالصاله وهو ينادي على العاملة تجيب له مويه
جات لينا تركض وقعدت بجنبه : سمعت انك مراح تسمح لسلاف تروح معنا ؟
نياف : وخير يا طير ؟
لينا : حرام عليك من امس حابسها بالغرفة خلها تطلع معنا وتغير جو وبعدين السهرة عشان زواجكم وعشانها
نياف : خلصتي؟
لينا ببراءة : ايه
نياف : فارقي عن وجهي

عند ملاك *

دخلت على عز وهي تشغل الانوار : عز عز عز عز عز
عز : لعنه طفي النور
ملاك : قوم تكفى عندي اختبار بيروح علي
عز : طفي النور وسكري الباب لاوريك اختبار القبر
ملاك : يخيي قووم والله صادقه عندي اختبار تكفى بيروح علي
عز بعصبية : قايلك ماني موديك طفي النور
ملاك بصراخ : قوووم مافيه احد غيرك
سحب جواله : بقول لخالد ياخذك
صرخت بسرعه وهي تقرب منه : مستحيييل والله ما اروح
عز : اجل فارقي عن وجهي ودوري مين يوديك
ولفت على خالد الي تنحنح : وشعندها ملاك عند عز؟
عز وهو يسحب اللحاف : ودها لجامعتها عندها اختبار واشغلتني
خالد : ما طلبت شي على طريقي انتظرك بالسيارة
وطلع ولفت ملاك على عز : عز تكفى قوم مابي اروح معه
عز بنوم : وليه ؟
ملاك : لاسبابي الخاصة قوم يخي الجامعة قريبه والله
عز : بروح للبر ماني فاضي لك
ملاك : ودني بعدين روح بسرعة الاختبار ما بقى عليه شي
عز وهو يسحب جواله ورد على خويه : يالله ثواني وجايك
ملاك : ولي ساعة اطلبك وهو بس اتصل قمت؟؟
عز : وليه افز لك باي صفة؟
خزته وطلعت وهي تنتظره يطلع
سحب ثوبه وهو يلبسه وتوجه لدورات المياة وهو يغسل وجهه وسحب مفاتيحه وجواله وطلع وطلعت وراه
عز وهو يصرخ لعمه : بتروح معيي
خالد وهو يناظر ملاك : يالله بالتوفيق
خزت خالد وركبت وراء عز
حرك عز وبدات ملاك تراجع ناظرت الساعة وحمدت ربها انه باقي وقت على الاختبار : هيه ابي قهوة
عز : شسويلك ؟
ملاك : الي يبي قهوة المفروض يتوجه لكوفي وش بعد اعلمك وش يعني كوفي ؟
عز : ابلعي كتابك وانتي ساكته
ووقف عند بيت خويه وانصدمت ملاك : خيرر خييرر بيروح معنا؟
عز : شرايك ؟
ملاك : بلا استهبال كيف تاخذ خويك وانا معك؟
عز : ليه بياكلك؟
سكتت من ركب خويه وهو يسلم

نياف *

طلع لغرفته وهو يفتح الباب دخل وشافها نايمه على سريره
تقدم لها وهو يسحبها وفزت سُلاف بخوف وناظرته
ناظر وجهها بهدوء : مو عشان اسمي ارتبط باسمك تسمحين لنفسك تنامين بسريري فهمتي ؟
وابعدها عنه ولفوا على ام نياف الي دخلت ودخلت وراها لينا قربت لينا وهي تسحب سُلاف ووسعت عيونها من سحبها نياف من ايدها الثانية بقوة وهو يرجعها وراء ظهره وبحدة : وشتبين فيها؟
بلعت ريقها لينا وناظرت امها بخوف
ام نياف : ابي اكلمك تعال معي
نياف : وشتبين يمه
ام نياف وهي تناظر سُلاف : قلتلك تعال البيت عشان اكلمك بخصوص العزيمة وخالاتك متكلفين عشانك وعشان زوجتك وفي الاخير تقول مراح تروح ليه ؟
نباف : تبيني اروح.؟ بروح ابشري بس الي وراي ما راح تطلع من الغرفة
ام نياف : يولدي العزيمه لك ولزوجتك وشفيها اذا راحت خلها تروح لو ساعتين وتعال خذها بنفسك
نياف : قلتلكم مراح تطلع من الغرفة الا لقبرها
تقدمت ام نياف وهي توقف قدامه : طلبتك يا ولدي ارفق بالبنت وخلها وتشوف الناس وتستانس مع البنات اول مره اطلبك
مسك راسه امه وباسها : والله لعينيك يا يمه تسلمين ولك ما طلبتي
ولف على الي وراه : اقدر ارفض الكل لو طلبني عشانك بس اليوم احمدي ربك ان امي طلبتني
سكتت وهي تناظره ببرود
ابتسمت لينا وتقدمت لسُلاف: تعالي خذي لبس من عندي
نياف : مراح تطلع من هنا الا لسيارة
تنهدت لينا وطلعت وهي تجيب فساتينها واكسسواراتها
لينا : يالله شوفي وش الي يناسبك
كان يسمعهم وهو قاعد على جواله ويسوي نفسه مشغول بالبرامج وهو بالاصل مو محمل غير الواتس
سُلاف وهي تسحب فستان باللون الازرق : احس حلو
لينا : يجنن انتي بيضاء وبيطلع عليك حلو
ابتسمت سُلاف وسحبت الفستان ودخلت دورات المياة وهي تلبسه ووقفت لينا وهي تنتظرها وتجهز الاكسسوار

"صلوا على محمد"

نتوقف هنا


لامارا غير متواجد حالياً   رد مع اقتباس
قديم 17-12-22, 12:50 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 7

بسيارة عز *

كان يسولف مع خويه وانتبه لاشعارات جواله
سحبه وشاف رسايلها بالواتس : وقفف عند الكوفي ابي اخذ القهوة
عز : قايلك لا
ملاك : بلا استهبال ابي قهوة انا الي بدفع
عز : وانا قلت لا
قفل جواله وهو يسولف مع خويه
وصلها لجامعتها ونزلت وهي معصبه وقفلت الباب بقوة
فز خوي عز على صوت الباب وناظر عز
عز : متعود
حرك عز وهم يتوجهون للبر
-
دخلت جامعتها وهي تسلم على صحباتها وسحبت قهوة صحبتها وهي معصبه شربت منها ومشت مع صحباتها
-
بعد الاختبار طلعت وهي تشوف البنات راحوا تنهدت وهي ترسل لعز : خلصت
تأففت من طول وهو يرد وصارت ترسل حروف عشوائية
وقفت من ارسل : لو ترسلين حرف زيادة بقص اصبعك
ملاك :اخلص تعال خذني
عز :احد قال اني سواقك ؟
ملاك :انت الي جبتني يعني انت الي ترجعني
عز:ماني فاضيلك قايلك بالبر
ملاك:يذا البر مافيه الا انت ترا تعال خذني
عز :برسل لماجد يمرك مع البنات
ملاك :مو اردى منك الا ماجد بس يالله شنسوي
عز :اجل خيسي بالجامعة
وقفل جواله وهو يلف على الابل ويرد على خويه
خويه :بتشارك في المهرجان؟
عز : ما ضنتي
-
عصبت من شافته طلع من الواتس وارسلت لنجلاء
شغلت مسلسلها وهي تنتظر ماجد والبنات
قطع عليها اتصال نجلاء وسحبت شنطتها وطلعت وهي تركب معهم

بغرفة نياف *

طلعت سُلاف من دورات المياة وهي تضبط الفستان من عند صدرها ناظرت لينا وانتبهت على نظرات الي قاعد على السرير ورفع نظره من طلعت نزل نظراته لجسمها وتفاصيله ولف وهو يسحب دخانه بتجاهل
صرخت لينا :يجنننن كنت متوقعه
سُلاف :مو كانه ضيق شوي
لينا :بالعكس احسه راسم جسمك وحلو
توترت سُلاف وهي حاسه بنظرات نياف
سحبت لينا الحلق وهي تلبسها :ذا حلو معه بجيب الاستريت عشان تسوين شعرك
طلعت لغرفتها ولفت سُلاف على المراية وهي تناظر شكلها
حطت ايدها على خشمها من ريحة دخانه ولفت عليه : اطلع برا بذا الي بيدك
نياف : انتي الي تطلعين وانا الي ادخل بذا الغرفة
سُلاف :ريحته بتلصق بفستان اطلع دخن برا
قام نياف وهو يوقف قدامها :لا بدخن هنا وبتتبخرين فيه
دفته من صدره عنها وهي متقرفه من ريحة الدخان
حط السيجارة بين اسنانه وطلع البكت والولاعة من جيبه
سحب عدد كبير من الدخان وحطه على التسريحة واحرقها بالولاعة وانتشرت ريحة الدخان بالغرفة بسرعة
كحت وهي تحط ايدها على خشمها دفته من صدره وهي تتوجه لدورات المياة واستوقفها لما سحب ايدها ورجعها قدام التسريحة ولصقت الريحة بفستانها حطت ايدينها على وجهها وهي تحس بكتمة سحب ايدينها وحطها وراء ظهرها :قلتلك بتتبخرين منه
سُلاف وهي تكح :خلاص دخن بكيفك بس ابعد عني
ولفوا على العاملة الي دخلت وهي تناظرهم وحطت ايدينها على خشمها من ريحة الغرفة تركت الاستريت على السرير وطلعت بسرعة
سُلاف بصراخ :بنكتم يا تبننن
سحبها لصدره اكثر وهو يشد على قبضة ايدينها : احمدي ربك ما خليتك تحطينه بفمك
سُلاف : تخسي احطه ابعدد ايدي توجعني
شد على ايدها : حذرتك من قبل على كلمتك صح ؟
دفها للجدار وهو يلفها له : والله ان تحطينه بفمك

ملاك *

وصلوا للبيت ونزلت بتعب وهي تتوجه للمجلس ورمت عبايتها وشنطتها وتوجهت للمطبخ بجوع
شافت عماتها كلهم بمطبخ جدتها
فاطمة : مين جابكم ؟
ملاك :ولدك
وفتحت الثلاجة وسحبت الحليب وهي تصب لها
وقفت بجنب عمتها من دخل خالد وهو يحط الغداء
سحبت كوبها بتوتر وطلعت للمجلس بسرعة
مسكت جوالها بطفش ودخلت فضفضة وهي تكتب عن خالد وبدات تسرد قصتها وتجسد قهرها بحروف ومو عارفة مين الي يقرا : تحرش فيني بكل مراحل الابتدائي وللحين اتذكر كلماته وحركاته وللحين يحاول يكمل على فعلته النجسة السبب الاول والاخير الي مسبب لي رعب بحياتي فرحت من سافر لاميركا وكنت ادعي ليل نهار يموت ولا يرجع وتلاشت دعواتي من شفته وبعيوني قدامي كرهني بالمدرسة وبطفولتي وسبب لي رعب من صغري بداخلي يحمل كل معاني الحقد والكره له وياليت اقدر اتخلص من خوفي منه واقدر عليه مثل اخوانه واخذ حقي وحق ابوي منهم واحد واحد
ارسلتها وتنهدت وهي ترجع راسها لوراء وسحبت كوبها وهي تشرب ورفعت راسها للبنات الي دخلوا
مرام : تعالي لغرفتنا نسولف نبي نعدل جدول نومنا
ملاك : جيتوا بوقتكم
وطلعت معهم لغرفتهم ودخلت عليهم نجلاء:افا تسولفون بدوني
اسماء :تونا ما قلنا بسم الله
نجلاء وهي تدخل بصينية الحلا :من الطفش طبخت
ملاك : يا جعلك دوم طفشانه بموت من الجوع
حطوا القهوة وبداوا يسولفون
نجلاء :ملاك مين اخذك للجامعة اليوم ؟
ملاك : عز
نجلاء :سمعت خالد يقول بوديك
ملاك : والله ما اروح معه
نجلاء :ليه ؟
ناظرت ملاك البنات وسكتت
مرام : من حقها ما تنلام ما احترامي لك يا نجلاء بس اخوك الي هو عمنا قليل حيا
عقدت حواجبها ملاك وهي تناظرهم
اسماء: تبون الصدق نظراته يخي مو طبيعيه لما نجلس مع عماتي واعمامي يطالع باجسامنا بنظرة مقرفة اقسم بالله ما ارتاح لما يكون موجود
مرام : حتنا تخيلوا مرة كنت اسوي لجدتي شاهي بمطبخها ودخل علي يابنات يقرب منيي وانا اتصدد يمين يسار وهو صامل يقرب مني

"صلوا على محمد"

بغرفة نياف *

حطت ايدينها على صدره وهي تدفه ودخلت دورات المياة بسرعة وقفلت الباب بالمفتاح وهي تكح وتبكي بكل كتمة
سمعت صوته وصرخت : ما راح افتح اتركني الله ياخذك
حطت راسها على الباب وهي تتنفس بسرعة
وصلها صوت لينا الي دخلت بسرعة بعد ما قالت لها العاملة فيه حريق بغرفتهم
لينا وهي تحط ايدها على خشمها : وشذا ؟؟!وشفيه ؟ وين سُلاف ؟
نياف : مالك شغل انتي واطلعي
لينا بصراخ : وين البنتت وشسويت فيها؟؟
قرب منها وهو يسحبها من شعرها : من متى تصارخين بوجهي ؟
وتركها من شاف ابوه طالع من الدرج وسمع كلامه
ابو نياف : توصل فيك تمد ايدك على اختك ؟! وش قايلك انا
نياف : اذا تستاهل بكسر رقبتها بعد
لينا : يبه شوف الغرفة كلها دخان
ولفت على نياف : وين سُلاف ؟
نياف بحدة : قلتلك مالك شغل
ابو نياف دخل وهو يدفه من عند الباب وسحب شماغه وهو يحطه على خشمه وتقدم لدورات المياة وهو يدق على سُلاف : اطلعي انا هنا مراح يسويلك شي
ناظره نياف بحدة ووقف عند الباب وهو ينتظرها تفتح
قربت لينا : سُلاف انا هنا اطلعي باخذك معي لغرفتي
فتحت سُلاف وهي تكح وحضنت لينا وهي تبكي
مسحت لينا على ظهرها وسحبتها معها وطلعوا وهو متجاهلين نظرات نياف لهم وقفل الباب وراهم بعصبية
-
دخلت غرفة لينا ومسحت على شعرها : غيري لبسك وغسلي وجهك لا تخافين مراح يلمسك وابوي بالبيت
وطلعت لها لبس جديد
سُلاف بتعب : معاد ابي اروح
لينا : والله ان تروحين عناد متاكدة مسوي كل ذي الحركات عشان ما يخليك تروحين روحي واكسري عينه
سحبت سُلاف الفستان ودخلت تلبس وبعد دقايق طلعت وبدات لينا تسوي لها ويفي ومكياجها
لينا :خلصنا يالله ننزل امي تنتظرنا
وطلعت لها عباية ولبستها سُلاف وطلعوا على طلعة نياف من غرفته وهو يضبط شماغه ناظرها وشاف فستانها وكشختها ومو كانها الي قبل ثواني تكح ناظر لينا من سحبت سُلاف ونزلوا ونزل وراهم وصلوا للسيارات
سحب ايدها : على السيارة
لينا : بتروح معنا
نياف : زوجتي وانا المسؤول لا تتدخلين انتي
وسحبها من ايدها وركبها معه
خافت لينا على سُلاف وناظرت ابوها نزل ابو نياف ووقف نياف قبل يحرك : خذ لينا معك

ملاك *

انصدمت نجلاء من كلام البنات عن اخوها : خالد يسوي كذا ؟؟
مرام : ايه وعشان كذا دايم نقولكم مانبي نروح ولا نبي نقعد معه
نجلاء :الحيوان ما احترم انكم بنات اخوانه وانه عمكم هذا وجهي اذا علمت بدر
اسماء بسرعه: يا مجنونه تبين ابوي يذبحني فكيني عاد هو يدور الزله
ملاك : الحمدلله مو لحالي اشوف ان العايلة كلها مريضة
مرام : تبين الصدق كلهم مرضى ومتحجرين حتى ابوي عز بكبره ما يكلم ابوي
ملاك : ليه
مرام : خليها مستورة مشاكل الله لا يوريك ما قلتها لك الحين بتشوفينها بعينك
تنهدت ملاك وقاموا البنات من نادتهم عمتهم للغداء
فاطمة : ملاك روحي نادي امك للغداء
توجهت ملاك للمجالس وهي تصحي امها وسحبت جواله وهو تشوف رد المجهول ببرنامج الفضفضة مشت وراء امها وعيونها بالجوال وتقرا كلامه ومو منتبه للي طلع من دورات المياة وهو يغسل ايده ناظرها ونزل نظراته للي بايدها رفعت نظرها لعز وهي تخزه ومشت وراء امها
دخلت مع امها وهي تتغدا مع البنات وخلصت وطلعت معاهم وهي تنام بغرفتهم
-
بالمساء
صحوا على هدوء البيت والانوار المقفلة
سحبت جوالها وهي تشوف الساعة
ضربت مرام : قوموا الساعه سبعة
قامت وراحت لدورات المياة وتغسل وجهها ورجعت وهي تصحي البنات ونجلاء
ملاك : البيت فاضي وين راحوا ؟
مرام : قالوا عندهم عزيمة واتوقع الكل راح
اسماء : احلى شي يعني البيت فاضي قوموا نسوي اكل ونلعب ونستغل الفرصة قبل يجون
بعد دقايق *
طلعوا للحوش وهم يحطون القهوة والشاهي والمكسرات
اسماء :سوالفكم سامجة اليوم بالجامعة حملنا برنامج انا والبنات وقعدنا نطقطق على خلق الله
مرام : اي لونه اسود ؟
اسماء :اي يالله خلونا نجرب وندخل مع خلق الله
ملاك : عندي طاقة هواش ادخلي ادخلي

نياف *

ناظر لينا بعد كلام ابوه وهو عارف انها تبي تروح عشان سُلاف
نياف : اركبي
توترت لينا من نظرته وشدت على شنطتها وركبت معهم
حرك نياف وهو يناظر لينا من المراية :مين كان يقول والله ما اروح مع ذا المفحط ؟
ناظرته وبلعت ريقها وانشغلت بجوالها بصمت
لينا : سُلاف
سُلاف : هلا
لينا : حطيتي روج ؟
سُلاف : اي ما كثرت
لينا : خذي ذا لونه حلو
اخذته سلاف ونزلت المراية الي قدامها وهي ترفع نقابها
ناظرها ولف بالسيارة يمين وهو متعمد عشان يخرب الروج
صرخت سُلاف : وجع خرب
لينا بعصبية وهي عارفه غاية نياف: يليل خذي منديل
واعطتها ومسحته سُلاف وهي تخز نياف
بعد دقايق وصلوا ووقف سيارته
وفكت نقابها وهي تضبطه مرة ثانية
وفتح الدرج الي قدامها وهو ياخذ عطره ورفع نظره لها من لفت وهي تكلم لينا نزل نظراته لشفايفها وروجها الاحمر
تنهد بتجاهل وتعطر ورجع العطر مكانه ونزل ونزلت سُلاف ولينا
نياف : وين قسم الرجال ؟
لينا : ترا مو غريبين مافيه قسم رجال امش ادخل من هنا
دخل وراهم وهو يناظر عماته وخالاته وبدا يسلم عليهم
انتبه لها من قامت من عند الورد وهو يناظرها بشوق لها
ابتسمت له وهي مشتاقه له غض بصره بسرعة وسلم الباقي ودخل مع عماته وهو يجلس معهم
-
دخلت مع لينا بسرعه لدورات المياة وهم يضبطون اشكالهم
سُلاف : اوف ذا ما يروح
قربت لينا وهي تسحب مناديل وتغرقها بموية ومسكت وجه سُلاف وهي تمسح الروج اكثر
ابتسمت سُلاف برضا وسحبت العطر وهي تتعطر
لينا بابتسامة : يالله ندخل ؟

"صلوا على محمد“

ملاك والبنات *

مرام : يالله فتحت
نجلاء : قفلي الكاميرا لا تطلع وجيهنا
مرام : طيب
وبدات تدخل روم انخرشوا من البنات والعيال الي يتناقشون في موضوع
ملاك : يع اسمعوا كيف تتكلم
اسماء بضحكة :اطلبي مايك نبي نتهاوش
طلبت مرام مايك من الليدر وضربت ركبة ملاك من قبل طلبها وصرخت ملاك : وجععع
وسكتوا البنات وهم يناظرونها من ردوا عليها الي بالروم
ملاك : بالله اسكت انت وياه مسوين راعين ردود وهم يتكلمون عن الحب
الليدر : مو عاجبك اطلعي يا كثر الرومات
ملاك : مالك شغل انت
ضحكت مرام وهي تضربها وقربت من اذنها : ذا الليدر يحمار
ملاك :واذا ؟
قفلت مرام المايك ولفت عليها وهي تضحك : يا غبيه بتلقمين طرد اذا تكلمتي عليه
ملاك : ما تكلمت قاعده ارد عليه
وسحبت جوال مرام من تكلمت وحدة من البنات الي بالروم وبضحكة : شكلها خافت منك يا سلوم
ملاك : تخسين وعدلي صوتك انتي ويع
البنت بدلع : لا تحطين اسبابك بصوتي
ملاك : تكفين ترا محد بيخق اذا تكلمتي كذا مقرفه صدق ورومكم كله مقرف يالله اذلفوا
وطلعت قبل يطردها الليدر
ضربتها اسماء وهي تضحك : تعجبيني
مرام : يالله بدخل واحد ثاني
دخلت روم ثاني وكان نقاش بمواضيع عامه
طلبت مرام مايك واعطاها الليدر
الليدر : حياك الله
ملاك : تعرفني انت ؟
الليدر : لا
ملاك : اجل وش الميانة ذي ؟
ضحك الليدر من رد خويه عليها : تكفين يا اخر حبة
ملاك : ايه اخر حبة انت وصوتك ذا
الليدر : بدون سب والالفاظ ذي
ملاك : ما سبيت قلت الصدق
سمعت خويه من قال : بالله وخر خلني اتفاهم معها شسمك يا اموره ؟
ردت اسماء : مالك شغل انت
ضحك الليدر : طلعوا شلة زينا

نتوقف هنا


لامارا غير متواجد حالياً   رد مع اقتباس
قديم 17-12-22, 06:57 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 8

سُلاف *

دخلت مع لينا و توترت من النظرات الكل الي التفت لها باسثناء نياف الي سحب ثلاجة القهوة وهو يصب له
بدات تسلم على الكل وقعدوا بجنب ام نياف وهي مرتبكة منهم
عمة نياف : كيفك يا بنتي ؟
سُلاف بهدوء : بخير الله يسلمك
خالة نياف : اسمك سُلاف صح ؟
سُلاف بابتسامة : اي
خالة نياف : ماشاءالله تبارك الله جميلة يا بخت نياف
ابتسمت بتسليك وهي حاسه بنظراته بعد جملة خالته
لينا : سُلاف تبين قهوة ؟
سُلاف : ايه
اعطتها وهم يسولفون مع بعض انتبهت على نظرات وحدة من البنات لها
سُلاف بتوتر : شفيها تناظر كذا
لينا : ذي وجد بنت خالتي اكثر وحدة مو بالعتها
ضحكت سُلاف وحطت ايدها على فمها وهي تحاول تكتم ضحكتها من لف الكل عليها
-
قام وهو يستأذن من الكل وطلع وتركهم
وتنهدت سُلاف براحة من طلع وهي تحس براحة
-
استوقفته اليد الي مسكت ايده وهي تلفه لها
وجد بزعل : الحين صارت احلى مني وتزوجتها ؟
نياف : قايلك محب أحد يمسكني بذا الحركة تعاندين؟
وجد : الحين سحبت على كلامي وركزت على مسكة ايدي؟
نياف : الظاهر والكل يدري اني مغصوب عليها زعلانه ليه؟
وجد : الكل يمدحها ويكحلها بعينك اخاف تعجبك مع الايام
نياف : قلتها لغيرك وبقولها لك الي داخل العن ما شافت عيني ولو يمدح فيها شعراء العرب كلهم
ابتسمت وجد : ارتحت اوعدني ما تحبها بيوم
نياف بحدة : ما يعميني الا رفعة الضغط لا ترفعين ضغطي
ضحكت وجد وقربت منه وهي تمسك وجهه : فديت المعصبين
نياف : ما ودي ازعلك بس انتي تعرفين اكثر من غيرك
نزلت ايدها على وجهه بسرعه وبعدت عنه : ولا تعصب بعدت
ابتسم من فهمت بسرعة ورفع نظره للي طلعت مع لينا
نياف : لينا جاية ادخلي
وجد بابتسامة: يعني زوجتك عادي تشوفنا ؟
نياف : لا اعتبرتها زوجة يصير خير

ملاك والبنات *

ملاك : يحسب بنعطيه وجهه اذلف اذلف
الليدر : هدي انتي شفيك معصبة ؟
مرام : بالعكس مروقين وناكل مكسرات انتم معصبين ؟
ضربتها ملاك : مالك شغل انت قطع الله ذا الوجه
خوي الليدر : انتي ترا بقص لسانك احترمناك وزودتيها
ملاك : لا تكفى خفت الحين
الليدر : هذا المطلوب احسك بزر كم عمرك ؟
مرام: صدقني محد مهتم لاحساسك
خوي الليدر : اسكتي انتي مسويه تدافع
كانت بترد لو ما قفلت مرام المايك بسرعة من رد خويهم الثالث : اطلعي انتي وياها
ملاك : خير افتحي خليني اتوطى ببطنه
مرام : عز عز
ملاك : شدراك ؟
سحبت مرام جوالها وهي توريها اشعاره من الواتس
ملاك : ماله دخل ما تكلمنا عليه افتحي بس
اسماء : فكينا بيجي بيلعن سابعنا
سحبت ملاك جوال مرام وهي ترد على خوي الليدر الي قال : اكل الذيب لسانك معاد اسمع لك صوت
ملاك : كنت اعطيك وقت تسرق ردود يبو صوت
الليدر : ذي صامله وين خوياتك معاد لهم صوت شكلهم خافوا
ملاك بضحكة: ليه يخافون ؟ ومنكم بعد ؟ صدقوني انتم محد يخاف منكم وصوتكم كانه صوت انثى احسني ارجل منك انت وياه
وصلها صوته : لو ما تطلعين وتبلعين لسانك بيجيك من يقص لسانك ويكسر راسك
ملاك بعناد : يالله تعال شلتكم فيها ثقة مليون يحسبون بخاف اذلف انت وياه بس
وطلعت لما اشروا البنات بخوف من صوت عز
ملاك : وجع اعصابكم تخافون منذا ؟
مرام : بيطلع البرنامج من عيوننا
ملاك : ماله دخل المهم نطلب عشاء؟
اسماء :اقول انا بقوم انام قبل يجي عز
ملاك بنرفزة : يليل مكبرين السالفه ترا
نجلاء : بطلب انا
ملاك : كفوو
نجلاء : التوصيل غالي
مرام : كلمي ماجد هو برا بيجيبه معه
ارسلت نجلاء بقروب العايله
ورد عز : جايك انتي وياها

"صلوا على محمد"

سُلاف *

اخذت جوال لينا من اتصلت الهنوف وطلعت تكلمها
انتبهت له وهو واقف مع وجد ناظرتهم بعدم اهتمام ومشت وهي تكمل مكالمتها
انتبه لنظراتها وناظرها لحتى اختفت عن نظره
لف على وجد واستاذن منها وطلع وتوجه لاخوياه
-
خلصت مكالمتها ورجعت لداخل استوقفتها وجد
الي كانت تصور عند المراية : على فكرة نياف ما يحب اللبس الابيض على البنات
سُلاف ببرود : والمطلوب ؟
ضحكت وجد : يعني لا تفكرين تجيبين راسه
سُلاف بنفس ضحكتها : خليته لك تتهنين فيه
وخزتها ودخلت للمجلس وهي كارهتها مع لينا
لينا : شقالت هنوف ؟
سُلاف : تخيلي بكره حفل التخرج
لينا : اي عشان كذا اقول لامي خلينا نرجع بدري عشان ننام
ضحكت سُلاف : عباية تخرجي عند هنوف
لينا : بقول لنايف يجيبها
-
وصل للمكان الي متفقين عليه بجولتهم
نياف : مين المعزز ؟
سعد : افا جحدتني
نياف بضحكة : اركب
ركب سعد بجنب نياف وهو يجهز جواله للتصوير
سعد : اشوفك مروق
نياف : عندي جولة كيف ما اروق
سعد بضحكة : تكفى جيبها الحين وخلنا ندق خشومهم
نياف : ما عليك روقاني مب عبث
بعد دقايق بدا الجولة وحرك نياف باقصى سرعة وهو يشغل اغانيه ويغني بكل روقان
سعد بتعزيز : ايييه هذا الروقان الي اشتقنا له
ضحك نياف وفتح الشباك وهو يسلم على يصورون
ولف وهو يقفل المسجل وسحب جواله وشاف رقم عمر خويه : هلا حبيبي
عمر بسرعه : حكومة يولد فواز الورع مرسل خبر للدوريات بالاسماء ، وصلني خبر الدوريات عند كل دوار خذ حذرك ودور لك مخرج
نياف : اوريه ابن ***** يالله يالله بنحاول نعديهم
عمر بعصبيه: اقولك اسمك باول القائمة شاللي تعديهم دور لك مخرج ولا يشوفونك
نياف بضحكة : والله ما افوت المتعة وانا بذا الروقان
وقفل من عمر ولف على سعد :جهز كاميرتك يا وحش عندنا فيلم

ملاك *

دخلوا البنات داخل البيت وجلست بالحوش وهي تصور القمر بكل روقان واندماج و الهواء الي يطير شعرها
فزت وهي تشهق من مسك خصرها ويدفن وجهه بشعرها
ارتعب كل جرء بجسمها وصنمت بمكانها بكل رعب
خالد بهمس : مو معقوله حتى ريحة شعرك تزيدك حلاوة
بكت وهي تبلع ريقها : بعد عندي
لفها من خصرها وشدها له ناظر وجهها الخايف : انا عمك عادي اتغزل ببنت اخوي
حطت ايدها على كتفه : بعد عني يا نجس
مسك ايدها وناظر شفايفها انتبهت لنظراته وعرفت نيته
ضمت شفايفها لداخل فمها وهي تهز راسها بالرفض
دفها للجدار الي وراها وقرب منها وهو يلصق فيها ومسك فكها ويشد عليه لحتى طلعت شفايفها وقرب من وجهها وهو يطبع قبلاته بكل قوة وغصب بكت وهي تدفه وصفقته كف ورجعت صفقته بخده الثاني وبصقت بوجهه وهي تبكي : اناا بنت اخوك يا كلب الله ياخذ حقي منك واشوفه بعيالك
مسك ايدها وهو يحضنها من خصرها
-
داخل البيت كانوا بالمطبخ وطلعوا للصاله وفزوا بسرعة من دخل عز وهو يناظرهم وحده وحده ويدور ملاك بنظراته : خليناكم بالبيت لحالكم بكل ثقة عشان تاخذون راحتكم بس طلعت ولا وحده فيكم تستحق الثقة
سكتوا البنات وهم مستحين من اخوهم
عز : وين ام لسان الثانية ؟
وعلى سؤاله دخلت ملاك وهي تركض من قسم المجالس ودخلت عليهم وهي تبكي بكل رعب
ناظرها بنفس صدمة خواته وعمته من شكلها ودموعها
ناظرته وتقدمت وهي توقف قدامه : وخر عن الباب
عز : وش الحاله ذي ؟
ملاك وهي تمسك ايده وتدفه عن الباب : مالك شغل
لف وهو حط ايده على الباب : تكلمي
صرخت ملاك : مالك شغلل ابعدد
سمعوا صوت خالد من تنحنح وخافت اكثر وسحبت عز وهو تحطه قدامها وتصير وراءه شدت على ثوبه من سمعت صوته : الله حي بنات اخواني من زمان ما شفتكم
توتروا البنات وناظروا عز الي استغرب من حركة ملاك ومن نظرات خواته ولف على ملاك وهو يناظرها

عند نياف *

نزل شماغه بحضنه وزاد من سرعته واطلق ضحكاته من شاف الدوريات عند الدوار : هنا اللعب الصح
واسرع وهو يتجاوز الدوريات وضحك من شافهم ركبوا سياراتهم وحركوا وراه
نياف : صورتت ؟؟
سعد : يولد اتركنا من حماسك ودور لك مخرج
نياف : خلها علي
صار يحرك بالسيارة يمين ويسار ويضحك من يشوف الدوريات تمشي بنفس حركاته
نياف : اوريك انت وياه
اخذ الدوار الثاني وانتبه للدوريات ركبوا سياراتهم
سعد بتوتر : يولد ست دوريات وراك ماسكينك ماسكينك هد ودور لك مخرج
نياف وهو يفكر يضيعهم ناظر المرايات الي بجهة سعد ومو منتبه للسيارة الي قدامه فز على صراخ سعد وهو يحاول يلف وعصب وهو يضرب الدركسون من علقت الفرامل وهو يحاول يطلع عن طريق السيارة الي قدامه ويتجاوز الدوريات الي وراه صرخ على سعد : اسكتت الفرامل معلقه ما تشوفف
حط سعد ايده على الدركسون وهو يلفه وابعدوا عن الطريق وصار يضغط على الفرامل بتكرار
نياف :اشتغلتت
حرك بشكل اقوى وهو يراقب الدوريات وغمض عيونه من مجموعه ثالثه من الدوريات عند الدوار اخذ الدوار بسرعة الكبيره ومو منتبه للسيارة الي جاية من الخط الي بجنبه وبسرعة كبيره وصدمت فيهم وتقلبت سيارتهم مرتين
صحى وهو يمسك راسه وهو يحاول يطلع نفسه من تحت السيارة وصرخ على سعد وهو يناديه سحب شماغه وهو يلفه على راسه الي ينزف وقرب من جهة سعد وهو يطلعه
ضربه على وجهه : ولد سعد سعد
فتح سعد عيونه وهو يناظر نياف بقلة وعي سحبه نياف وهو يحطه على كتفه وركضوا وهو يضيعون من انظار الدوريات الي تجمعت على السيارة الي صدمت فيهم
صار يأشر للسيارات وهو معصب من تجاوزه عدد كبير من السيارات حمد ربه من وقفت سيارة وشاف العسكر من ركبوا سياراتهم وركض وهو يركب مع صاحب السيارة
نياف : حرك حرككك
سحب مويه وهو يرشها على سعد ويحاول يصحيه
وصف صاحب السيارة مكان الشالية الي مجتمعين فيه اهله
كان يحاول يفتح عيونه ويركز ويتجاهل الصداع وراسه الي ينزف وشعور الدوخه الي يحسه فيه
ابتسم من صحى سعد وهو يناظره وبعد دقايق وصلوا للشاليه والدوريات وراهم ركضوا للبوابه وهم يدقونها باقوى ما عندهم
فتحت الباب وشهقت من شافتهم

"صلوا على محمد"

نتوقف هنا


لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:50 AM



Powered by vBulletin®
Copyright ©2000 - 2024, vBulletin Solutions, Inc.