03-03-23, 01:53 AM | #1 | |||||||||||
مراقبة،مشرفة عالمي..خيالي,الوثائقية،البحوث والمعلومات،روايتي كافيه،(قاصة ولؤلؤة ألتراس،لغوية،حارسة السراديب، راوي)،نشيطة،تسالي،متألقةومحررة جريدة الأدبي، صحافية فلفل حار،كاتبة عبير
| خيبة بالويبة !!!!!! خيبةبالويبة هو ليه بنقول خيبة بالويبة !!!!!! تعالو نشوف إيه هى حكاية الويبة دى وهو مثل شعبى وعبارة تقال عند الفشل الزريع وخيبة الأمل مثل خيبة الأمل راكبة جمل تعتقدوا ليه الجمل مش حمار أو حصان او فيل بزلومة يكونش عشان تدخل بالراحة وتتأخر شوية ماهى خيبة بقى شوفوا ماتخرجوناش عن موضوعنا بلاها خدو غيرها خيبه الناس السبت والحد وخيبتك ما وردتش على حد المهم نرجع لخيبة بالويبة بترجع الحكايةلعصر الخليفه المأمون والذى كان وقتها اعتماد مصر كلها على الزراعة وكان المزارعين فى مصر بيستخدموا مثقال يسمى الويبة لتقدير وزن الحبوب ويقال ان كلمة الويبةدى كلمة مصرية قديمة فرعونى يعنى وهى ( مسمى للأوزان ) معناها يعنى اوزن لى 24 كيلو قمح وكان فى عصر المأمون بيتم فرض الضرائب والجزية على الناس بمنتهى القسوة وجامعى الضرائب مكانوش بيرحمو ا اللى ما يدفعش وهاتك ضرب وإهانه ويا الدفع يا الحبس وصل وقتها سعر ويبة القمح الى ربع دينار ودة بالنسبة للغلابةغلاء فاحش والناس مبقتش قادرة جمع الناس بعضهم ووقفوا قصاد جامعى الضرائب واللى وقف قصادهم قتلوه وقتها تدخل جيش الوالى وكانت المفاجأة هزيمه جيش الوالى وسُميت وقتهاهذة الواقعه بــــ ثورة البشموريين وكانت ضد جيش العباسيين زى ما بتقول عليها كتب التاريخ والاسم دة منسوب لأهالى بشمور وبشمورهى منطقه تقع بين دمياط ورشيد وقتها الخليفة المأمون سمع بهزيمة جيش الوالى فى مصر بسبب الغلاء راح مجمع جيش وجاء بنفسه على مصر وبعد معارك وخيانات كتير قدر يقضى على الثورة ولإن سبب الثورة الأساسى هو غلاء ويبة القمح ولإن سبب الهزيمة الثانى هو الخيانة الناس فى مصر قالت دى كانت خيبةبالويبة | |||||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|