31-05-11, 01:26 AM
| #183 | ||||||
| نجم روايتي  
|  هلا خواتي ... سمحلي على التأخير مب بيدي والله ...والله مادري متى بنزل البارت الياي .. أنا لي حياتي الخاصه ومسؤليات , وبعد من غير الدراسه ...والشغلات الثانيه .. فديتكن لو تأخرت عذرني بسسس أن شاء الله احاول أكتب البارت قريب وأن شاء الله ماأتاخر ...سوري حبيباتي ... | ||||||
|  |
|
31-05-11, 01:29 AM
| #184 | ||||||
| روايتي مؤسس ومشرفة سابقة وقاصة في منتدى قصص من وحي الاعضاء  
| اقتباس:
معذورة أحلى بدوية ... ما فى أحد ضامن الظروف ... ربى يكون فى عونك و يهونها عليكِ ... | ||||||
|
| |
|
15-08-11, 04:00 PM
| #187 | ||||||
| نجم روايتي
| السلام عليكم ورحمة الله وبركاته .... أسمحولي على تأخري ... بصراحه توي أدري أني تأخرت عليكم ها الكثر وأنصدمت بصراحه كيف الوقت مره.. لهيت في الدنيا أستغفر الله .... وأن شاء الله بعد شوي أحطلكم بارت ^^ | ||||||
|
| |
|
15-08-11, 04:06 PM
| #188 | ||||||
| نجم روايتي
| البارت العشرين هذا إلي في الحمام .. حسيت بمغص في بطني من الربكه والخوف... تميت أطالعه شرا الهبله بس الحراره بدت ترتفع لويهي وحسيت عيوني تحرقني شوي وودي أصييييح … نظرته وهو رافع حواجبه جمدتني أكثر .. ظهرت ابتسامه صغيره مع تقطيبه أحتقار وقال: ماتشوفين ؟؟ وين عيونج؟؟ زين ماجبيتي الكوفي عليه ... وراح .. فتحت عيوني وأنا شوي وأطيح من الفشله ودموعي تهددني بالانهيار , أحساس بالقهر والغضب يتملكني غضب لاول مره أحسه , ما قدرت أقبض عمري أحس أني أرتجف بقوه ... بدون ما أحس ألتفت لاورى ومشيت بسرعه ويوم وصلت عنده صرخت : أنته ؟؟ لف صوبي وهو مستغرب ومع ملامح الغضب على ويها ... وبسرعه فتحت الكوب الي كان في يدي وفي لحظه جبيته عليه بقوه .... نظرات التعصيب الي كانت على ويه اختفت وتبدلت لنظرات صدمه ..... رفع عيونه صوبي وكانت حمرا ... تبلدت محلي بعدم أستوعاب أنا شو سويت ؟؟؟؟ أسوم.. نوره تاخرت ووايد وينها ؟؟ يلست على الكرسي إلي كنت طايحه عليه وتثاوبت ياااربي فيني نووم فضيييع بس مب باقي شي من الوقت غير عشر دقايق ... وقفت وعدلت شيلتي وبعدبن لبست قميصي الابيض وحطيت النظاره على عيوني , كل يوم ألبس عدسات بس اليوم حبيت اغير لاني سويت نظاره يديده ... حست بوزي وطلعت أممم نوره وين؟؟؟ أسير صوبها أحسسن وأنا ماشيه شفت طلاب الطب الاولاد ..... وبدون ما أحس انفتح فمي وأنا أطــالع .... ياااربي كل واحد احلى عن الثاني ليشش؟؟ خذني التفكير أبا أعرف سر جمال شباب الطب ليشش معظمهم يهبلون لزم فيه سببب ولا لزم أطلع نظريه ؟؟ ضربت راسي متفيجه صدددق ....آآآه خطف جدامي فجأه واحد وشكله دكتور, بس ها الدكتور شكله غريييييييييب ياااااااااااربي هذا هذاااااااااااا يشبه هيون بين الي في الحديقه السسريه ماشفت ملامحه زين بس جانب من ويه ذكرني به ........... ضغط بصبوعي في باطن يدي ... ومشيت وراه مب قاصده أني أتبعه بس نفس طريج الكوفي والمطاعم ... وقفت وأنا أشوف ها الدكتور يسلم على الدكتور أمم الدكتور منصور ويرمسون بالانجليزي من كلامهم كأنه ربيع منصور لانه يتخبره عن أهله وجيهـ ... كنت واقفه وراهم واتسمع إلي يقولونه بدون ما أحس بس فجأه يت عين منصور عليه وكحركه لاشعوريه طلعت لساني وعضيته بتوتر .... عقد حواجيه بششكل غريب وهو يطالعني وبعدين لف الي كان وياه صوبي يوم انتبه أن منصور يطالعني .... فتحت عيوني وأنا أشششوف جمــــال غريب مخلوط بعربي هندي ومن شرق أسيا ....بلعت ريجي بتوتر ومب مستوعبه إلي واقف جدامي !!!.. أبتسم وانا انحرق ويهي من الفشييله , رديت على ورا وحاولت أظهر أبتسامه بالغصب وبسسرعه لفيت وشردت .... وصلت صوب غرفة التبديل ووقفت عند الباب أخذ نفس .... ياربي حطيت عمري في موقف يفششل أخ بس مني.... نوره ... رديت على ورا وأنا انافخ مب عارفه شو اسوي أو كيف أحل الموقف ...رفعت يدي لشفايفي وقلت بصوت خافت : سوري ماكان قصدي ... وبسرعه شردت .... ركضت وانا افكر وين أروح أو شو أسوي ؟؟ أنا اصلا كيف تجرأت وسويت جي ؟؟؟ على أقرب كرسي شفته يلست أفكر , أو أستوعب إلي سويته !!! رفعت يديه وضربت ويهي بهن .... وبعدين يلست أصفع خدودي وأعض لساني وأقول غبيييه غبييه .. وقفت ودرت محلي .... وانا أهز رأسي لا أنا أتخيييل ما اظن سويت ها الشيء ...يلست ونزلت رأسي لريولي ويلست اضربه عليهن ....... سمعت ضحكه مفاجأه ... رفعت رأسي برعب .... وأرتحت يوم شفت دكتور ثاني..... ورديت وحطيت يدي على رأسي أتخييل إلي بيستوي .... ها !!ها!! ها !!..... رفعت رأسي وأنا أحس بالحراره كلها ترتفع له ..... هذاااا منووو .... آآآآه ... وقفت مصطلبه ...وأبتسمت أبتسامه عبيطه وشردت بسسرعه ...مشيت في الممرات ما اعرف وين أسير ؟؟؟!!! ما اعرف وين اسير اخ نسسسسسسسسسسسسسسسيت ..... بسرعه رفعت تلفوني وشفت الساعه أووووف اوووف طافن 15 دقيقه وأنا متأخره الحبيبه أووف رئيسة الممرضات بتعطني محاضره الحين..... سرت بسسرعه صوب قسم الاطفال ... ومن شافتني الرئيسه عصبت وصرخت عليه : ليشش متأخره ها الكثر و ليشش لبسج وصخ ؟؟؟ اطالعت لبسي بسرعه وكان عليه بقع كبيره بنييييه , هذااا من الكوفي أستغفر الله عطيت الرئيسه كم عذر وأستأذنت منها علشان أسير أغسله ... سرت الحمام إلي في الطابق إلي فوق وقبل ما أدخل تأكدت أنه حمام حريم .... حاولت أغسل قميصي وللاسف ماطالعن يخوزن الا شوي ... خاطري أصييح من القهر كيف بروح عنه ... وقميص احتياطي ما عندي .... بعد ما غسلته حاولت أنشفه بالي تنشف اليدين ... ويالله نشف شوي ... طلعت وأنا حاطه يدي على القميص لعلى وعسى يخفي شوي من البقع .... ضغط فص المصعد علشان ينزل لي .... أنفتح باب المصعد ودخلته ... وشوي حد يدخل وراي .... ما عطيته اهميه لاني يلست اعدل شيلتي .... وارتب شكلي وأخفي البقع يتني فكره وحطيت الشيله على مكان البقع وأختفت شوي ... لفيت أشوف جدامي ..... فتحت فمي وأنا أشوف نفس الشخص الدكتور إلي جبيت عليه الكوفي ..... وقف قلبي وأنقطع نفسي وأنا أحاول أستوعب انه جدامي ..... حتى أني أختنقت وأضطريت أسعل ما قدرت اتحمل لاني سعلت مره ومرتين وثالث وأربع ... شفته ألتفت صوبي ... نزلت رأسي ويلست اسعل أكثر .... وأستوى السعال أضطراري ومصطنع ... بس ما أباهـ يشوفني أو يعرفني .... .............: اختي انتِ بخيير ... أشرت بيدي شرق وغرب ... مب عارفه شو أسوي بس المهم أني أقوله أن مافيني شي ... حسيته تقرب مني وهو يقول: يمكن فيج إلتهاب لان سعلج مب طبيعيه .. ؟؟ أمبين سعالي رفعت رأسي شوي وقلت : لا ما أظن .... حسيته طلع صوت فيه مصخره وهو يقول: بتموتين أن تميتي تسعلين جي .... | ||||||
|
| |
|
15-08-11, 04:07 PM
| #189 | ||||||
| نجم روايتي
| بلعت ريجي وأنا اتحنحن ...وجه نظراته لي بس أنا درت بعيوني لكل المصعد لين وقفت مره ثانيه عنده ... شفته عاقد حواجبه .... عقدت حواجبي ... مادري شكله يذكرني بحد !! ممثل هندي لالالا حد ثاني مادري بصصراحه ... أنعفس ويه يوم شاف نظراتي له وأطالعني بنظره مادري شو أفسرها احتقار ولا أستصغار ... حسيت بالقهر من بعد مالف ويه عني .... اخ أخ بسس مادري لييش أحس بالقهر ....صابني توتر وأنا أدق بريلي على الارض بلا شعور ... وقف المصعد .... وأنفتح الباب وطلع .. حست رأسي ويت أصلا أنا ضغط رقم الطابق ... لا نسسيت ... أطالعته وكان في الطابق الثالث وأنا لزم أروح الطابق الأول .. ضغط زر المصعد ونزلت .... طبعا من وصلت القسم لقيت هزبه محترمه من المشرفه ,, بصراحه هذي أول مره تستوي لي لاني منضبطه .... شكله الانضباط بدا يروح من أول يوم ... مر اليوم بسرعه .... وأخر الدوام الساعه 3 يلست أتريا أسوم لين تظهر .. من ظهرت ركبنا السياره .... عقدت حواجبي أسوم سرحانه شو السالفه .؟؟ رفعت يدي وهزيت بها جتفها , أطالعتني أسوم وبعدها إبتسمت وحطت رأسها على ريولي بدلع وهي تقول: خليني في حالي أحسس أني مدوخه ...نفخت : مي تو.. أسوم بكل شاعريه: آه بس يانوره... اليوم ماشفتي إلي شفته ... إبتسمت عرفت أن السالفه فيها أن قلت : وشوه إلي شفتيه ؟؟؟ كانت حاطه راسها على طرف وجان تعدله وتجابلني عضت على شفايفها وقالت: شفت دكتور يجنننن .... ضحكت بصوت عالي : أنتي خليتي دكتور ماتخبلتي عليه ؟؟ قامت من ريولي وهي تقول: والله هذاا غير تتخيلين كوري شكله كوري والله مب مصدقه بعدني !!! قلت: انزين يمكن صيني أو أندلوسي او فلبيني , وهني كتمت ضحكتني وأنا أشوف أسوم بدت تعصب ...اطالعتني وهي حايسه بوزها : بتشوفين أنا أعرفهم ... وصلت البيت على الساعه 4 ... بدلت وصليت العصر .. وأنا أحس خلاص حيلي منهد وودي أنام .... أنسدحت على شبريتي ... وغمضت عيوني .. بس ياني طيف ... طيف ذاك الدكتور وهو يطالعني ياااربي نظارته تذكرني بحد بس منو مادري ... حاولت أبعد طيفه ماقدرت ... أستغفر الله شو ها ودي أرقد .. ومجرد دقايق ورقدت .... مر ها الاسبوع بسرعه ... بدون ما ألتقي بهذاك الدكتور وبدء الآسبوع الثاني وانتلقنا لقسم ثاني وهو قسم العمليات ...بعد ماخلص الدوام رديت البيت , حاولت أرقد بس ماقدرت قمت وغيرت ثيابي ولبست لي جلابيه وطلعت .... كانت الساعه 5 ونص وبرع حر ... ما أظن يدوه تيلس برع الحيين ... سرت الصاله بس مالقيت حد يلست أطالع التلفزيون وبعد وقت طويل حسيت بحد يدخل أطالعت صوبه وكانت يدوه وياها عمي عمير قمت واقفه وسلمت عليهم .... يلسنا وبعدها يلست أقهوي عمي ويدوه .. حسيت عمي عمير يطالعني بطرف عينه مادري شو فيه بس نظراته لي اليوم غير ... بعد سوالف يدوه وعمي ألتفت لي عمي وهو يطالعني بنظره مادري شو اسميها وبعدين أطالع يدوه وقال : هاي بنتج ليش ماتسير صوب قوم خالها ... فشلتنا جدام خالها يقولي مره ماتي صوبنا .... بلعت ريجي وأنا أحسه وقف في نص حلجي ... ماقدرت أقول شيء بسس فشلني وجرحني آآه ياخالي لييش تقول جي ..أنا أعرف خالي مايقصد جي بس عمي عمير يكبر السالفه وهي صغيره ... الحراره حسيتها أحتلت ويهي كله... يت بقول شي بس صوتي خانني ... ماقدرت أقول كلمه وحده سكت خنقتني العبره ودموعي تبا تنزل بس حاولت أتحمل ... سمعت رد يدوه وهي تقول : البنت عليها دوام ويوم بتفضى بنسير ... سمعت عمي يقول بنبرة قويه : الدوام مب عذر ترا شي أجازه يوم الجمعه سيروا لهم مب لزم كل جمعه جمعه لا وجمعه هي ... قالت يدوه : أن شاء الله ها الجمعه منسير صوبهم ... ودي أقوم وأروح لغرفتي مب قادره اتحمل , بس حاولت اتحمل لين راح عمي عمير وسيده رحت الغرفه وصكيت عليه الباب ... طحت عل شبريتي وأنا أكتم شهقاتي ...دموعي ماطاعن يوقفن ... صح اني غلطانه بعد أني ماأسير لبيت خالي بس كانت ضروفي أقوى .. أكره شي أن أحد يعاتبني ....دقايق وحسيت حد يدخل لغرفتي أنخشيت تحت اللحاف ولحفت راسي به وأنا أحاول أسكت عمري بأي طريقه ... سمعت صوت يدوه وهي تقول : بنتي خلاص ... حسيت العبره خنقتني أكثثر مما خلا صياحي يزيد ... يارب رحماك ماودي أخلي يدوه تشوفني بها الحاله ... مسحت دموعي بسرعه وخوزت عني اللحاف وحاولت أن ويهي يكون منزل تحت .. علشان ماتشوفني يدوه ... سكت .. ماعرفت شو أقول ... يدوه : بنتي ما أظن خالج يقصد ها الشيء وهو فاهم ضروفج ... هزيت رأسي بنعم ... لوت عليه يدوه وقالت : يالله قومي ويايه بتاكلين شوي من الخبيص الي مسوتنه ... هزيت راسي بنعم وقمت مع يدوه ... صح أني نسيت إلي أستوى شوي بسبب حنان يدوه ... ورديت عادي أضحك واسوالف ...مامرت الآ ربع ساعه من يلستي مع يدوه والآ ويو عيال عمومتي شهاب وعبدالله .. بصراحه أستحيت من يلستي وياهم ولاني مب متعوده عليهم ., كنت يالسه عدال يدوه واحس الانظار عليه ... وخاصتنا شهاب كان ووايد يتخبرني بعكس عبدالله .. حتى أن من كثر مايسألني شهاب أحس وانا أجاوبه وويهي يتشكل قوس قزح.. أسالته ووايد عن دراستي ومستوايه وكل كبيره وصغيره ... والحمدالله مجرد دقايق و دخلوا في سوالف ثانيه ..واستاذنوا بعد مده لصلاة المغرب ...وقمت بعدهم .... ....اليوم الثاني.... اليوم أحس أني تعبانه من زخة زجام وألم في بطني ومالي خاطر أروح المستشفى بس ما آقدر للأسف .. تلبست ويلست أتريق ... يالله أبلع الخبزه الي بيدي مالي خاطر بس يدوه قاصبتني ... قمت مدوخه من بعد ماشربت الحليب الحار بس ريحني شوي .. ركبت السياره وبعدها خطفت على أسوم .... وتريتها ربع ساعه لين تخلص أأأأخ بسسس .... ركبت أسوم السياره .... وسلمت عليه وبعدها فتحت فمها وقالت: شو بلاهن اليوم هالاتج جي غامجه ... هزيت راسي أقولها مافيني شي ... تثاوبت بتعب .... أطالعت أسوم ولقيتها تفصص البلاك بيري ... حطيت راسي على الدريشه وغمضت عيوني .. ماحسيت بالوقت إلي مر ... .. لبست لبسي الابيض وبعدين طلعنا أنا وأسوم وسرنا قسم العمليات .... مسكتنا المشرفه مع مجموعة بنات في إلي نعرفه وفي لاااا ... وقسمتنا في القسم .. مسكتني المشرفه مع بنت ... وودتني صوب وحده من غرف العمليات ......تجدمنا صوب الغرفه .. بلعت ريجي وأنا أشوف الدكتور إلي جبيت عليه الكوفي , شفته وهو يلبس الكمام ويخلي واحد من حباله طايحه .. جدمتني المشرفه صوبه وقالت : هذي من المتدربات وهي إلي بتساعدك في العمليه ... واشرت للي ورايه تروح وقالت لها: مروه انتي دورج الساعه عشر ... اطالعني الدكتور وأنا تجمدت بتوتر ... أشر بيده بس لوري وقال: ما ابا هاي .. خلي هذيج تي .... لفيت للمشرفه بصدمه وعدم أستوعاب وهي أطالع الدكتور مستغربه وبعدين قالت للبنت: سيري مع الدكتور .... حسيت بالقهر ... عيوني صارت تحرقني , حسيت بالحراره ترتفع لويهي وجسمي كله وانا انتفض لييش يسوي جي ... شو السالفه شو ها الحركه البايخه ... سمعت المشرفه تكلمني: نوره سيري الحين على الساعه 10 بتكون في عمليه وبتشاركين فيها ... سرت وأنا أحس بكل جسمي ينتقض ويحترق من الحراره ... حرام عليه ليشش يفشلني جي ...سرت غرفة التبديل ويلست فيها وأنا أحس بتعب فضيييع ... فجأة حسيت ببروده... وقشعريره سرت في جسمي من البرد .... قمت وبندت المكيف ... ورديت يلست على الكرسي وانا ظامه ريولي لصدري ... أسوم.. رمشت بعيوني أنا أشوف الدكتور الكوري ...هو الدكتور إلي بسوي عملية الدوده الزايده وأنا بشاركه فيها ... ياربي متأكده أنه كوري مادري أحسس يمكن كشخته وبياضه ...بس الغريب أنه بس عيونه تدل انه من شرق أسيا , كنت اتحراه يشبه هيون بين بس هذا غير خشمه صغير ورفيع وطويل ... حواجبه مقوسه وغليظه فمه متوسط ووردي حتى يوم يبتسم غمازاته يطلعن ..... ياااربي بتخببل خلاص يابنت خوزي عيونج عنه ... نزلت عيوني بس بالغلط على يده ... لالا هذي مب صبوع ريال ... بيضه وضعيفه ..أطالعت يدي أوووووووووووف يد جيكره ووربي أنشاف سووده عداله .. قهر قهر هب هباه الله من بياض ...حشششا لمعن عيوني قهررر ليشش هو أبيض جي ..وانا لاااا ... شفته لبس القفاز .. وبسرعه لبستهن ... دخلنا غرفة العمليات ووقفت قرب العربه الي فيها الادوات ..بدت العمليه ... طبعا انا شغلتي أعطي الدكتور الادوات وإذا أستوى نزيف أشفطه بأدات الشفط ... حاولت قد ما أقدر أكون منتبهه والحمدالله الآموار مرت على خير ... صدق تعب ... طلعت من غرفة العملية صوب المغاسل ... زخيت كلينكس وخرستها ماي ويلست أبلل ويهي بها .... طبعا ما أهتميت للعدالي لانهم إلي كانوا ويايه في غرفة | ||||||
|
| |
|
15-08-11, 04:08 PM
| #190 | ||||||
| نجم روايتي
| العمليات وطبعا إلي يتغسل وجي... بعد ماخلصت التفت بروح ... شفت الدكتور جدامي ... ماقدرت غير أني أبتسم ... بادلني الآبتسامه ... هنيه أنا صخيت أو بالاصح ذبت ذوبااان الثلج يوم يطلع من الفريز ..خطف عني الدكتور وأنا بعدني محلي .. مشيت بلا وعي معقوووله يعطني ده القمييل دي الآبتسامه لآ أكيييد أنا بحلم ... مشيت رايحه صوب غرفة التبديل ودخلتها كانن هناك مجموعة بنات .. درت بعيوني أدور نوره لقيتها يالسه على طرف ومغمضه عيونها ... شو فيها ؟؟ رحت صوبها ويلست عدالها دقيت جتفها ....بفزه فتحت عيونها وأطالعتني ... يااربي عيونها حمر وخدودها حمر بعد بسرعه حطيت يديه على خدها وحسيته حاررر الا نار تروعت وقلت لها: نوره فييج حمى ... أشرت براسها لاااا ....رفعت يديه وحطيتها على يبهتها , كانت نارر فجيت شيلتها عنها ... وقمت واقفه صوب الخزانه الي أحط فيها أغراضيه وفجيتها وطلعت بندول من شنطتيه .. يبت ماء وشربتها أياه ... حسيت بها مستويه مثل الريشه مافيها طاقه أبدا ... سندتها على جتفي ..سمعتها تمت: أسوم ..رفعت يدي ومسحت شعرها : هلا .. قالت بصوت تعبان: الحين الساعه كم ؟ .. أطالعت ساعتي وقلت :10 الا خمس.. فزت وخازت عن جتفي: أسوم عليه عمليه .. اطالعتها وكانت صدق ينبان عليها انها تعبانه ووايد ومافيها طاقه .. وقفت وقلت: بسير أخبر المشرفه انج مريضه ...بوزت وقامت : لا بروح أنا بسوي شغلي .. شوي وترد تيلس ...قلت لها : لا يلسي محلج أصلا أنتِ الوقفه ماقدرتي توقفينها ... سرت صوب المشرفه وخبرتها حسيتها ماصدقتني أنقهرت منها وعقب مووت صدقتني .. رديت صوب نوره لقيتها محلها متسانده على اليدار ... ياربي شو اسوي بها فكرت أيب لها مقياس الحراره وأطالع حرارتها ... طبعا عقب مووت خذيت المقياس ورديت صوبها قست حرارتها وكانت 40 ..آآآه ياربي ... ماعرفت شو اسوي غير أني أوقفها بالغصب طلعنا من الغرفه وانا ساندتنها عليه بسس فجأة فرطت من يدي وخلاص كانت بطيح .... أبا أقبضها بس ماقدرت لان أختل توازني .... حطيت يدي على اليدار وأنا أشوف نوره خلاص بطيح ... بسس بسس.. يد مسكتها بسسرعه .. قبل ما أطيح على الآرض , ركعت عدالهم وانا أطالع نوره وإلي ماسكنها أمبين يديه ويالس تحت ... تكلم : شو فيها؟؟ رصيت بيديه وبخوف قلت : حرارتها واصاله 40 ... وقف وشلها أمبين يديه , فتحت فمي اول مره أشوف ها المنظر في حياتي .... أبعدت عني ها الأفكار ولحقته لين دخلنا غرفه مكشوفه بس تغطي كل ستاره سرير حطها على واحد من ها الاسره وبسرعه قاس حرارتها مره ثانيه وقاس ضغطها وبعدها حط السماعه في أذنه ويلس يقيس تنفسها ... أطالعت نوره وشفتها تتصبب عرق وخدودها حمر أكثر , ألمني شكلها وهي جي ... ألتفت عليه وقال : هاتي المحلول بسسرعه !!! بسرعه ربعت ويبت غرشت المحلول وعلقتها, وحطيت الآبره في يدها ....يلست اطالعها وهي تون ... ألتفت لي الدكتور وقال : يلسي عندها وشوفي حالتها انا بروح وبيي بعدين . حسيت مع الوقت خفت حرارتها وبدى الاحمرار يروح شوي منها ... قمت وقست حرارتها ولقيتها 39 الحمدالله خفت درجه وحده ... يلست أتأمل نوره ... أحس في ويه نوره تغلب البرائه فيه, كل شي صغير الا عيونها الاشوي كبار ..أحب برائتها ووايد والحين أحس أنها تغمض ووايد ... حتى لون خدودها الوردي عاطنها شكل طفولي جدا . ...إبتسمت وأنا أشوف نوره تفج عيونها بشوي شوي وتقول بصوت متعب: أنا وين ؟؟ تقربت منها وانا أقول : أرتفعت حرارج ويبناج هنيه ... قمت واقف وأنا أشوف ساعتي : نوره خليج هنيه انا بروح وبيج بعد نص ساعه اوكيه ... ركضت ركض صوب قسم العمليات اووف مررره ناسيه الشغل ..... خبرت المشرف أن نوره طاحت عليه وجي ...ويبت لي كم عذر .... خطفت لي وقالت انها بسير صوب نوره بشوف شو حالها بعد مايخلص الدوام .... نوره ... غمضت عيوني بعد ماراحت أسوم وأنا أحس بتعب ومرض ... فتحت عيوني على صوت حركه ... كانت الرؤيه ضبابيه وبعدين وضحت ...شفت نيرس فلبينه مبتسمه وأطالعني وبحركه سريعه قاست لي الحراره والضغط وبعد دقايق خوزت جهاز الحراره وقالت: الحمدالله الحين الحراره اوصل 38 ... خوزت عني أبرة المحلول .... يلست وأنا أحس أن حيلي منهد صح فيني تعب بس مب شكل مساعه ..مجرد دقايق واشوف أسوم يايه وبيدها كيس ... يلست على السرير وقالت: شو حالج الحين ؟؟؟ هزيت راسي وقلت : الحمدالله أحسن ... فتحت الكيس وظهرت منه سندويشة جبن وعصير برتغال ومدته صوبي قايله: كلي لج شوي ...,, آآه بصراحه مالي خاطر أكل شي بس أحس اني يوعانه... مديت يدي غصب وخذيته ..يلست أكل وأشرب شوي عصير .. وأسمع أسوم إلي تسوالف عليه وتخبرني شو سوت اليوم .... صغرت أسوم عيونها وهي تشوف لبرع الستاره وببتسامه خبيثه طالعتني وقالت : لبسي شيلج حد ياي صوبنا ... وقفت أسوم وانا لبست شيلتي إلي كانت على جتفي بسسرعه ... دخل ... واحد طويل ... آآه سكت وأنا أشوف ويه ... هذا هوو .. انعفس ويهي وحسيت بنفضه وقصه مادري شو اسميها قهر أو ضيقه ... نزلت عيوني تحت وانا أحس أن المرض رد لي ... هذا وقته ياي ..بصوت هادي قال: شو حالها الحين ؟.. ردت أسوم : الحمدالله أحسن حرارتها نزلت ل38 ... رفعت عيوني صوبه شفته يطالعني وبعدين ابعد عيونه عني وطلع ... تجدمت أسوم مني ويلست على طرف السرير وأبتسمت أبتسامه كبيره وقالت بصوت غير مسموع إلآ لي : تعرفين من يابج هنيه .. أطالعتها مستغربه : منو .. قالت : هذااا ... فتحت فمي بعدم أستوعاب : هااا ؟؟!! وخبرتني كل السالفه , أخ أخ يالفضيحه شلني بعد لالا هذي ما اقدر أصدقها أخ وين بودي ويهي الحين آآآآآآآآآآآآه ...وبنطه وصرخه قالت اسوم : أتعرفينه منو هاا ..؟؟؟ هزيت راسي بلا ... قالت : أحلفي ترا هذااا نفسه رئيس الورشه تذكرييينه ووربي أذكره ما أنسساه ماحلااااااه يهببببببببل...... رئيس الورشه معقوله يكون هو ,,,, إلي ألتقيت به في الحمام وجبيت عليه الكوفي .. والي رفضني أساعده ... مر الوقت بسرعه وطبعا اليوم ماسويت شي علشان حاالتي الصحيه ورجعت البيت على طول ... ماخبرت يدوه أني مرضت .. والحمدالله حسيت أني بخير باقي اليوم بس مع تعب قليل .. اليوم الثاني وإلي كان الثلاثاء دوامت ...وشاركة في وحده من العمليات .... بعد ماخلصت العمليه روحت ويلست أرتاح على واحد من المقاعد إلي كانن موجودات في الممر ..فتحت قرشة الماي إلي كانت في يديه وشربت منها شوي .... أرخيت ظهري على الكرسي ...وسرحت في الفراق إلي جدامي ... صحيت على صوت تحنحين رفعت عيوني صوبه شفته واقف قريب مني وحاط يداه في جيب قميصه ومنزل شوي النظاره الطبيه إلي كان لبسنها على خشمه ... وبربكه حطيت يديه على الكرسي ... أطالعني وقال: شو حالج اليوم؟ بلعت ريجي وقلت بصوت يالله ينسمع : الحمدالله بخير ... أرتبكت أكثر وأنا أشوفه واقف يطالعني وبسرعه أبعد عيونه عني وراح ...تنفست بقوة ورفعت يدي صوب ويهي أتحسس الحراره إلي أرتفعت لخدي ... أسوم ... اليوم دشيت عمليه لقلوب مفتوح ....وكان معانا رئيس الورشه ووالدكتور الكوري ...بصراحه خاطري أعرف شو أسمه يالقهر مب عارفه كيف ....سرحت لثواني بسسس.. سمعت صرخه أرعبتني أطالعت صوب الدكتور وهو فاتح عيونه بعصبيه : وين عقلج أنتي من الصبح أقولج هاتي المشرط..مديت يدي بالمشرط بس هوه صرخ مره ثانيه وقال: أطاللللعي برررع يوم برد عقلج تعالي ...تجمدت محلي وأنا أشوفه ياخذ المشرط من يدي بقوة ... أنصدمت من عصبيته وطلعت برع غرفة العمليات ... هذا الدكتور ريئس الورشه شكله بريىء بس الحقيقه غير بسم الله ... أخترب مزاجي لآخر درجه ... بطلت القفزات وطلعت برع قسم العمليات ورحت صوب الكوفي طلبت قهوه ويلست أشربها على واحد من الكراسي وانا ضامتنها بيديه .. بعد نص ساعه رفعت نظري وأنا اشوف الكرسي إلي جدامي يندز وييلس عليه الدكتور الكوري ... فتحت عيوني مب مصدقه .. ودزيت عمري في الكرسي مالي لاصقه فيييه .. إبتسم ...وقال بنبره هاديه : مرحبا ..أنتي وحده من المتدربات صح ؟؟ فتحت فمي مب مصدقه وهزيت راسي .. لهجته مره شراتنا ... ونبرته تجننن ... حاولت أطالع جهه ثانيه غير عن جدامي وأنا احس قلبي يدق طبول ... سمعت صوته وهو يقول: لا أتمين جي حزينه ترا ووايد نيرسات ينطردن من غرفة العمليات لاخطاء صغيره ... وإبتسم أحلى أبتسامه وانا رحت فيها ونسسيت كل شي ...وقام مستأذن علشان يروح ..... رفعت يدي لويهي بعد ماراح وحطيتهن على خدودي يييييييييييااااااااااي أحس اني بتخبببببل بموووت خباال ودي أنقاز معقوله ها القميييل رمسني لالالا ماصدقشش .. وقالي لااتمين حزينه يياااي .. أه يمكن معجب فيني ياااألبي انا .. ...... | ||||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
