27-12-11, 10:11 PM
| #294 | ||||||
| روايتي مؤسس ومشرفة سابقة وقاصة في منتدى قصص من وحي الاعضاء  
|  اقتباس:
و عليكم السلام و رحمة الله و بركاته ... ربى يتقبل منا و منك صالح الأعمال و النيات ... و إن شاء الله ترجعى بالسلامة ... ناطرينك ... | ||||||
|  |
|
02-01-12, 09:59 AM
| #296 | ||||||
| نجم روايتي  
| البارت السادس والعشرون ... شهقت شهقه قوية وأنا أشوفه ... محمــد .. هذا محمد ... ركضت صوبه .. ووقفت قريب منه ما امبينا الا خطوه وأطالعته بعيوني الدامعه ... نزلت دموعي بفرحه أنه ياء في ها الوقت وانتشلني من الرعب إلي أنا فيه ... تقربت أكثر منه لين صارت المسافه امبينا صفر ..ورفعت يدي وحاوطت خصره بهن .. وحطيت رأسي على صدره أصييح وأقول : محمد لاتخليني !! كنت بموت , خايييييفه ووايد ... محمد أنا بدونك ما أقدر أعيششش ... حسيت به يضمني هو بدوره ... ويمسح على رآسي على الخفيف ويقول : حبيبي خلاص لاتخافين أنا وياج .. أبعدني عنه شوي ومسك ذقني ورفعه لفوق وحط يديه على ويهي يمسح دموعي : بس خلاص لاتنزلين ها الدموع .. خوز يديه وحطهن ورا ظهري وهو يلفني صوب السياره ويقول: ركبي السياره ... هزيت رآسي وأنا أطالعه يبتعد عني .. خطيت بخطوات مسرعه صوب السياره .. وفتحت الباب ودخلتها بسرعه وسكرت الباب ... رفعت عيوني صوب الدريول ومحمد والشباب شفته يرمسهم وبعدها شفتهم يتجهون لسيارتهم ويركبونها ويروحون ... غمضت عيوني براحه ... مرن عشر دقايق ... زادت دقات قلبي وانا اشوف محمد ياي صوبي ... نزل يدين كندورته وهو يفتح باب السياره ... خذ نفس وهو يركب في كرسي السايق ... ويشغل السياره ... عضيت شفتي السفليه وأنا أشوف التقطيبه إلي على ويهه ..وشكله صدق معصب ... ماقدرت أتحمل ... أحس بغصه خانقتني ... ودي أصيح عضيت شفتي أكثر أمنع دموعي ماتنزل ..بس ماقدرت لآن دموعي تجمعت ونزلت بسسرعه وبشكل غزيز ... حاولت أكتم شهقاتي ... بس ماقدرت لآن وحده فلتت مني بشكل قوي ... حطيت يدي على ريولي وبسرعه نزلت رآسي ويلست أصييييح بصوت عالي .. مب قادره اتحمل أو أكتم ... أبا أفررغ ... وقفت السياره ... بس كملت صياحي ماأبا أوقفه .. ما اباه يشوف دموعي وما أبا أرفع ويهي صوبه... حاولت أكتم أنفاسي اكثر علشان ماتطلع شقهاتي ...... نزلت يده على ظهري وهو يقول: نوره بس .. بس زد بكائي ..ماقدرت غير أني أصيح أكثر وأكثر .. بقوه رفع جتوفي وسند ظهري على الكرسي .. غمضت عيوني ما أباه يشوفني ..ورفعت يدي امسح ويهي إلي مبلل بالدموع ...مسك رآسي وحطه على جتفه وهو يهمس في ذني : بس حبيبي .. مجرد دقايق وحسيت عمري هديت وانا حاطه رآسي على جتفه ... حاوطت يده جتفي وهو يضمني لصدره بشوي ... قال بصوت خفيف : ها خلصتي ... إبتسمت لهالكلمات وخوزت رآسي عنه وهو أبعد يديه عني ...بعد فتره قال : ليش أتصلتي بالدريول وماأتصلتي بي, أو لآبويه ؟؟ رفعت عيوني صوبه .. وبوزت بخوف للهجته الجاده وقلت بتردد : ما اعرف رقمك وخفت أزعج خالي وهو راقد .. غمضت عيوني بخوف ...بس سمعت نبره هاديه منه وهو يقول : صار خير ... أطالعت صوبه ...شفت ملامحه رقت .. تنفست بعمق بس بعدني خايفه ومتوتره .. ونفسيتي صارت أسوء من جو التوتر الي أحتل الجو ... حزنت لصمت محمد ... وصلنا البيت بعد وقت حسيته طويل ووايد , أنتظرت السياره توقف ... وقفت ففتحت الباب ونزلت .... بسرعه حرك محمد السياره وراح ... أطالعت السيار بعيون دامعه .. كان نفسي لو يودعني على الآقل ...لآن أنا أستحيت أودعه ... دخلت البيت ورحت غرفتي بسرعه .... بدلت وطحت على شبريتي أفكر بمحمد... حسيت بشعور غريب وأنا أتذكر كلمة حبيبي ... قالي حبيبي ... آآآه .. حسيت بالحراره لتذكري ضمته ... شوفته فهذاك الوقت وضمته لي كانت غير ... حسستني بشعور حلو ... بالآمان والحب .. فتحت عيوني على أشعة الشمس إلي أزعجتني ... شبح إبتسامه أحتلت شفايفي لتذكري الحلم إلي حلمته كان حلم حلو حسسني بالفرح ومشاعر جمييله .. قمت بكسل وتغسلت وتلبست وطلعت من غرفتي ... أحس اليوم بشعور حلو مادري ليش .. مع أن الي مريت فيه البارحه كان بقمة الرعب ... شي من أتذكره يرد لي الخوف ... إبتسمت, المهم البارحه يا محمد وأنقذني ... نزلت تحت بخطوات بطيئه ... كان البيت شبه مايكون هادي ... الساعه ثمان وأكيد أن الكل واعي لآن اليوم جمعه ... شفتهم ملتمين على طاولة الطعام ... إبتسمت لمنظرهم لآنهم ذكروني بأيام قبل ... أيام الطفوله .. تقربت منهم وسلمت على كل من خالي وخالوه وسلامه ... الكل كان موجود عدا سلطان ومحمد ... إبتسم علي وهو يشوفني وقال: أشحالج نوره عساج بخير ؟؟ رديت له الآبتسامه وقلت: الحمدالله بخير ... يلست عدال خالوه ومديت يدي صوب الخبز ويلست أكله مع الجبن ... مجرد دقايق وياء سلطان ومحمد من برع من شفت عيون محمد إلي ألتقت بعيوني نزلت عيوني بسرعه على الصحن إلي جدامي ... مستحيه ,متوتره منه ... تقربوا هو وسلطان ويلسوا على الطاوله ... مع الاكل ونقاشات الشغل ووآشياء ووايد كانت دايره على الطاوله ... كنت ساكته ماشركتهم في شيء مع أن سلامه وخالوه كانن يشاركن ....كنت عايشه جوي المتضارب بوجود محمد .. لآن كان يالس عادلي على جهة اليمين وبعيد شوي عن زاوية أنحراف الطاوله وسلطان قرب خالوه إلي يالسه على جهة اليسار مني فيوم يتكلم ويا سلطان لزم عيني تي في عينه من أرفعها.. واشوف كل حركه منه وكل كلمه وكل إبتسامه.. فأحس بالحراره تتصاعد لويهي ..والتوتر يجتاحني يلخبط كل ذره فيني ...لدرجه ودي فيها أقوم وأشرد .... خف النقاش مع قومت البعض... بس أنا يلست أتريا خالوه وخالي يقومون علشان أقوم بعدهم وبعد فتره قامت خالوه .... لمسه خفيفه على يدي وضمت يد تحمل القليل من البروده ليدي .. جمدتني... رفعت عيوني صوب صاحب اليد ... حرك شفايفه بـ "أووص" ينبهني علشان ما اجذب آهتمام الآشخاص المتواجدين ... غمضت عيوني وأنا انزل رآسي للأسفل ... سمعت همسه وهو يقول : خليج عادي ترا عيون علياء مصوبه صوبنا .. ضحكت بشوي وعضيت شفايفي وأنا أرفع رآسي وآشوف الصوب الثاني ... لمست يده وصبوع إلي تخللت صبوعي وترتني أكثر ... صغرت عيوني وأطالعت صوب خالي ياربي لو شافنا خالي الحين وين بودي ويهي منه ... حاولت أنظم أنفاسي علشان الي يالسين مايحسون بشيء ... ومسكت بيدي اليسار الحليب ويلست أشربه ..من التوتر مب عارفه كيف أتصرف تلخبطت ... أبعد يديه عني أخيراً بس بكل هدوء .. من رفع خالي عيونه عن الجريده وقال موجهه كلامه لمحمد: متى بتسافر ...؟؟ أطالعت خالي مب فاهمه عليه , وبعدين وجهة نظري لمحمد إلي قال: بعد ثلاث ساعات ... اطالعت محمد بأستغراب كيف بيسافر ووين ؟ بوزت بحزن ليش آنا أخر من يعلم ... تلاقت عيوني بعيونه ... بحزن أنه بيسافر ... بس هو إبتسم بكل حنيه وقال : عندي مؤتمر في لندن وبتم لآسبوع ... أصطنعت الابتسامه .. ياربي مابشوفه لمدة أسبوع ..ما أقدر .. على الساعه عشر كانوا قوم خالوه بيروحون صوب أهلهم ... أنا من يت عندهم مارحت بسبب حالتي النفسيه القبليه وشغلي ... بس ها المره قررت أروح وياهم .. أطالعت ساعتي محمد بيسافر الساعه 12 والحين لآزم يروح المطار ... طلعت من غرفتي ونزلت تحت ... شفت محمد وخالوه وخالي وباقي العائله يالسين في الصاله , شل محمد شنطته وهو يتكلم وياعلي لآن شكله علي إلي بيوديه المطار ...ماعرفت غير أني إبتسم مودعه لمحمد إلي طلع برع بدون مايلتفت صوبي...بوزت بمزاج متخرب ... أكيد أنشغل ..وأصلا أنا كيف أباه يودعني ... أعقلي يانوره ... رددتها في رآسي .. المهم خبرني أنه مسافر وخلاص ... سرنا بيت أهل خالوه مهره .. اليلسه كانت غريبه شوي لآن كان هناك بنات دخلن للعايله وماأعرفهن .... وحسيت صعوبه ببدايه أني أسوالف وأعطي وياهن بس شوي شوي وخذيت راحتي وياهن مب لهذيج الدرجه ... شفت إيمان ياحليلها إيمان صديقة الطفوله إلي بقت لي ... إيمان طيبه وحبوبه وماتغيرت أبدا .. بس حسيت بويها زاد حلاوه ..من فتره بعيده سمعت انها عرست .. للاسف ماحضرت عرسها .. وإلي خذته أكيد حميد .. بعد الغداء يلست مع إيمان أسوالف ... إبتسمت إيمان وهي تقول: شو التجهيزات حق العرس , وماحددتوه بعدكم ؟؟ أختبص ويهي بألون قوس قزح وتوترت من ها الطاري وبخجل هزيت رآسي وقلت: لا بعدنا ... ضحكت إيمان : شو فيج أختبصتي جييه ... ولا الحب عامل عمايله ... توترت أكثر أأخ أي حب .. هاي شو دراها ... إبتسمت مفتشله ومتوتره : إيمان عاااد ... إبتسمت إيمان : حلو يوم تاخذين حد يحبج .. بللت شفايفي وسألت : إيمان , شو حياتج بعد العرس ؟؟؟ بفرح وويه بشوش قالت : الحمدالله كل شي تمام عايشه سعيده مع حميد ... أطالعتها ودي أتخبرها بس ماتجرأت ..بس هي استرسلت في الكلام : تعرفين نوره , ترا الفتره إلي قبل العرس كنت رافضتنه .. وندمت عليها ووايد اني ضيعتها بكل سهوله .. بس من عرست حسيت أن حميد أنسان غير عن الي كنت أعتقده ... طيب , حنون ... وعرفت الحب الحقيقي بعد الزواج .. طبعا لزم من المشحنات ... إبتسمت بفرحه أن إيمان أرتاحت بحياتها بعد كل شي .. أوقات حلوه قضيتها مع البنات وعلى العصر رديت البيت ... حسيت بالبيت هادي مادري لآني يمكن أفتقدت تواجد محمد فيه , فحسيته غير ... مر الوقت بسرعه وباجر دوام وعليه أرقد من الوقت ... أسوم كالعاده وعيت متأخره .. ماودي أقوم خاطري أكمل رقادي ... بس إبتسمت وأنا أتذكر مينهو .... شكله ها الاسبوع بيبحر في خيالي لآخره ... لآني خلاص تخبلت على ألاخر .. أمس نوره تمت تضحك عليه من كثر ما أتفدأه ... مادري أحس أني أستويت قليلة أدب .. وعيت وخذيت لي شاور وتلبست ونزلت ... بوزت بدلع وأنا أشوف أبويه وحمد واعيين .. غريبه حمد واعي ... اووف منه أستويت ماأداني أشوف رقعة ويهه لآن ييلس يطالعني بنظرات تقهر ... حبيت أبويه ويلست عداله ,حمد سوى لي أكبر طاف حتى أنه ماكان يطالع صوبي ... سويت له طاف بالمقابل وتريقت بسرعه علشان الوقت ... وصلت المستشفى على الوقت المناسب ... ألتقيت بنوره في غرفة التبديل ... نوره تغيرت ووايد ... طبعا من ناحية الشكل ... ويها ردت له حيويته بل زادت أضعاف ... عيونها صارت مشرقه ... وربي فرحت لها أنها خذت الي تحبه ... مع اني ماأعرف الدكتور محمد وصح احسه جامد ...وغامض .. بس أتمنى أن يكون الزوج الصالح والمحب لنوره .. ومايكون العكس مع اني خايفه أنه يكون العكس ... بحالميه قلت لنوره إلي تبدل لبسها بلبس المستشفى وأنا أتساند على الكبت : آآه ماقدرت أنام امس ... ضحكت نوره وقالت : الله يغربل عدوج ... من شو ؟... حركة رموشي بسرعه وبخجل مصطنع وقلت: آآآه ياقلبي بس ...حركة يديها تعرف حركاتي : أيوا عرررفت ممثل ثاني في الابراج مالاتج ...ضحكت من قلب عليها.. نوره خابزتني ... تحركنا لبرع الغرفه وتحركنا للأقسام إلي نشتغل فيها أنا في قسم النساء والولاده ونوره الجراحه ... مسحت يبهتي وأنا اتحرك صوب الحمامات, الله يغربل العدو اليوم أشتغلت في عمليتن للولاده ... الحرمه الثانيه كانت ووايد تصارخ .. ماألومها من الفلم الرعب إلي كان يستوي ... أني بروحي يالله قبضت نفسي عن أشرد من الغرفه ...ومسويه عمري قويه على الفاضي... خلاص ماأبا عيال ولا ابا اعرس ...قرار أتخذته... عيل اتحمل حمل تسع شهور وبعدين أربي واشوف الموت وبعدين ايبهم وماأرقد ويوم يكبرون أيبون لي المرض من حشرتهم ... بروحي ما أتحمل الازعاج... رفعت حاجبي بأزدراء للأنسه إلي تمشي بكل تميع ... وحده طويله بس ما اظن بطولي من الكعب الله يخليه إلي يسوي طااخ طااخ ومزعج .. ومتحجبه ... بس ياربي شفايفها حمراء..مع أنها مب متعدله ولا حاطه شيء في ويها بس شفايفها مرسومه وحمرا بشكل أشك أنها حاطه فيه روج .. حركة اهدابها وهي تتطالعني بنفس نظرتي ... شايفه نفسها هاي .. ووووع ... عاد من زين شكلها أنا أحلى ...دخلت قبلي الحمام وأنا سرت أشتري لي ماي من الثلاجه القريبه من الحمام وبعدها دخلته... ويلست أغسل يدي وأطالع شكلي في المنظره ... فجأه وصلت لآنفاسي ريحه تلوع بالجبد سديت خشمي بأرف .. الله يغربل العدو ... شوي وأسمع صوت واحد من الحمامات يتبطل .. إلي *** طلعت أخيراً ... الله ياخذها هاي الفضيحه ... بطلت عيوني مب مصدقه معقوله أم كعب هاي ياربي وين الشكل والبرستيج .. أطالعتني بنظره كلها أحتقار وبادلتها نفس النظره ...يلست تغسل يديها ... أطالعت المنظره أبا أطالع منو أحلى انا ولا هي .. ياربي هي حلوه صدق ... بس .. بس أنا أحلا ... أو يعني نفس الحلاه ... أعطي نفسي أمل ...أطالعتني هي الثانيه وكأنها تقيمني ... بس أنا مانزلت نظري يلست اطالعها بعيوني وبكل حده وقوه .. وفي ها اللحظه كانت عيونها وعيوني متقابلات ... بكل شر وحقد وكرهه ... وكأن كل وحده تقول أنا أحلى واحسن عنج ...فجأه نسمع صوت طالع من الحمام بصوت عالي ... صغرت عيوني وأنا اسد خشمي وهي سدت خشمها بعد ... وتظهر من الحمام حرمه ... وتطلع من الحمام بكبره ولا كأنها سوت شي.... هنا ماقدرت أمسك نفسي وطلعت من الحمام وطلعت معي أم كعب ... من شميت الهواء وأنا أبتعد عن الحمام أنفجرت اضحك ... ماقدرت أمسك نفسي ... وهي ضحكت معي ... قلت وأناأضربها على جتفها : الله يغربلها ... وهي مسكت يدي وقالت : روعتني ... شفتيها كيف طلعت صدق ماتستحي .... زاد ضحكي وأنا أقول: والله أول شي تحسبتج أنتي إلي مسوتنها ...هنا ضربتني بيديها على ظهري بقوة وقالت: تخسيييييييين .... فزيت واقفه ونسيت ضحكي وبتكشيره قلت : خاستج ريحج ...ضحكت بصوت عالي وهي تقول: ووووووووالله حلللوووه عيديها.. إبتسمت ها البنت الشكل غير والروح غير قلت أستهبل: بعيدها بس كم بتعطيني؟ حركة حواجبها الكثيفه وهي تقول: طلابببه ... هنيه انفجرت ضحك وقلت: لا شحاته ... انفجرنا نضحك وماقدرنا نوقف ... مادري من البياخه الي عايشينها ... بعد الضحك سرنا نتمشى في الممر وسايرن صوب الكوفي ... بصراحه أندمجت وياها في الكلام .. أسمها ليلي ... وهي تشتغل في قسم المختبرات وعمرها 26 سنه .. أكبر عني بثلاث سنين ... بس يا أخي اول مره أهذرب يا وحده جييه خاطرنا نمسك يدين بعض من كثر الكلام وما نرد الشغل ... حسيت عندنا ووايد اشياء مشتركه الآ أغلب الاشياء .. | ||||||
|
| |
|
02-01-12, 10:00 AM
| #297 | ||||||
| نجم روايتي
| بعد مرور أسبوع ... نوره .. حطيت يدي على خدي وأنا أشوف أسوم وليلي إلي مايوقفن كلام من يلتقن ... سبحان الله ليلي أحسها ووايد تشبه أسوم ... بس في شيء وواحد ليلي تعطي الناس أنها رزين ,وأنها شخصيه ..أول ما ألتقيت بها ماكانت مظهره لي إلا جانبها الثاني تتكلم شوي وبهدوء وبأختصار... بس من أنمدجت وياها وعرفتها زين تقريبا في يوميين .. طلع الويه الثاني ... أسوم بس من النوع ثاني ... ماأعرفتها زين بس حسيت بها طيبه وحبوبه وسوالف .. تنهدت بعمق ...باجر بيرد محمد آآه ..ها الاسبوع مر ومب حلو ..بصراحه أفتقدته ووايد أحس بفراق من بعد سفره ...بس يارب يرجعه بالسلامه ... حتى أني أتصال ماأتصلت له ولا كلمته لآني ماأعرف رقمه وحتى لو أعرفه مابتصل لآني أستحي... رديت البيت على بعد المغرب ... اليوم متعب ... الشيء الوحيد إلي أفكر به هو الرقاد .. فجيت عباتي بسرعه وطحت على شبريتي مغمضه عيوني ... فتحت عيوني ...وليت الغرفه معور عيوني .. ياربي رقدت وأنا حتى مابندت الليت .. أطالعت الساعه كانت 1 ونص ,شليت فودتي ...وسرت أخذ لي شاور قصير ... لبست لي جلابيه نص كم دانتيل .. وحاولت أنشف شعري بس بعده فيه ماي ... لآن شعري يوصل لآخر ظهري فحتى الاستشوار يباله وقت علشان ينشفه ...خليته مفجوج وحطيت شيلة الصلاة على رآسي لآن ودي أروح المطبخ التحضري أسوي لي نسكافيه أو أي شراب ... يلست أشرب بكل هدوء النسكافيه إلي في يدي ... وأطالع من دريشة المطبخ المطله على الحديقه ... الظلام محتل نص البيت... البرد ها الايام زاد .... مسكت بالكوب أكثر أخفف من البروده إلي حسيتها بعد ما طلعت من غرفتي الدافيه ...خلصت الكوب وغسلته ورديته محله ... رفعت يدي وحطيت كفوفي على زنودي أخفف من البروده إلي أحسها صدق برد مووت ها الآيام وخاصه الصبح ... رديت غرفتي وقفلت الباب وعقيت الشيله ...ولبست لي بجامه وبندت الليت وشغلت الابجوره ... انسدحت على شبريتي وأنا أتثاوب ... أقرأ شيء ولا أرقد ..مع أن باجر عليه دوام بس لآني راقده من سبع لين 1 ووايد ... مسكت كتاب بقرآه ... كان كتاب علمي .. فتحت أول صفحه وقريت أول سطرين .... وشوي أسمع صوت دق على الباب ... ما أظن بابي ... منو بيدق الحين .؟؟ بس زاد الدق وبنفس مستوى الصوت المنخفض ... قفزت واقفه وطار كل الكسل إلي كنت أحسه عني ... حطيت الشيله على رآسي وأنا أقترب من الباب وقلت : منوه ... سمعت صوته الآجش : أنا... عقدت حواجبي ... منوه ؟؟ فتحت الباب ... خذيت نفس عميق وبصدمه شفت محمد ... بتوتر ركزت عيوني في عيونه ..شفته يطالعني بأرتباك ...تداركت عمري بسرعه وقلت بصوت هامس: الحمدالله على السلامه ...ظهرت إبتسامه حلوه على شفايفه وتبدل الارتباك وهو يقول: الله يسلمج ..سكت شوي وهو يتأملني , أستحيت من نظراته لي وكمل : ليكون راقده وأنا غثيتج .؟ هزيت رآسي بلا وقلت: لا كنت أقرأ كتاب ... وقفت عند الباب أطالعه وهو يطالعني ... ماأعرف شو اسوي ... بس هو دخل غرفتي , عضيت شفايفي ياربي شو يبا الحين .. بس هو وقف في نص الغرفه وأطالعني وهو يرفع حواجبه وقال: صكي الباب ... لفيت صوب الباب أخذ نفس ياربي ... رحماااك ... وبندته بشوي شوي ... محمد شو يبغي ؟ بموووت , وبتوتر وأنا احس الحراره كلها ترتفع لويهي صديت صوبه ... شفت في يده كيس توني انتبهه له ... هنيه أستحيت أكثر معقوله يايب لي شيء ... أشر لي اتقرب صوبه .. أقتربت بتردد وهو يلس على كرسي الكومدينه وحط الكيس في حضنه ويلس يطلع منه الآغراض ... من التوتر طلعت خصله من شعري ويلست ألعب بها ماودي أطالعه لآني متوتره ومختبصه ... حط الكيس على الكومدينه بعد ماطلع بوكس وطلع من البوكس شي وقام صوبي ... تقرب مني ... لين صار جدامي رفع يديه بتوتر وكانت أمبين يده سلسلة ذهب على شكل حلزونه ومرصعه بألماس ... أطالعتها وبعدين رفعت عيوني صوبه متفاجأه من الهديه ... وفرحانه ومب مصدقه ... مد يده الثانيه وخوز الشيله بكل هدوء عن رآسي... ومسك جتوفي يلفني ولبسني السلسله بعد وقت طويل... نزلت نظري عليها ومسكتها بيدي ودموع تهددني بالنزول ... حاولت ما أخلي دموعي تنزل ... بس نزلن مع إبتسامة فرحه أحتلت ويهي ... خذيت نفس وغمضت عيوني وأنا أحس بيداه تلتف حول جتوفي وتضمني , ضمني بقوة وهو يحط رآسه عند رقبتي وأمبين شعري ...ويهمس في أذني : أشتقت لج ...وبعدها أبتعد شوي ولفني صوبه ... فتحت عيوني بخجل وتوتر, ورجفه أحتلت معظم جسمي ... رفعت عيوني لعيونه وبنظره نابعه من قلبي كلها حب وأشتياق ولهفه أطالعته وبدالني النظره ,عيونه كانت أطالعني بنظرات غير ..عيونه كانت فيها لمعه ومرتخيه ... تجولت عيونه على ويهي قبل مايقترب من ويهي وبشوي أقتربت شفايفه من شفايفي وطبع قبله على الخفيف ... غمضت عيوني وأنا أحسه زاد من قوتها .. ما أستوعبت إلآ لما ضمني بقوة ... وبعد شفايفه عني ...ودقات قلبه صمت ذني .. أبتعد عني بشوي شوي ....أطالعت ويهه وأنا مختبصه ومستحيه ومب عارفه شو اسوي .. غمض عيونه وهو يتنفس بعمق وتوتر وويهه محمر... وبعدها بثواني فتح عيونه وهو يأخذ نفس للمره الثانيه وقال بتوتر : أسف نوره ماقدرت أمسك نفسي ... وإبتسم بهدوء وهو يضيف : تصبحين على خير ... وطلع من غرفتي ... حطيت يدي على قلبي ..وبعدها بعدتها وأنا أحط يدي على ويهي من المستحى ... بعد فتره وبعد ماأستعدت وعيّ ..وقفت ماشيه صوب الكيس ... رفعت يدي لشفايفي منصدمه من إلي في الكيس ... كان مكياج ومرطبات ... وبعض الاكسسورات .... ماأقدرت أعبر عن فرحتي غير بدموعي إلي نزلت وأنا أشوف غرض غرض ... فديته عبل على عمره ... وبعد مانساني ... معقوله محمد يحبني مثل ما أحبببه ؟؟؟!! آسوم.. أفتح عيوني وأفتح فمي على سوالف ليلي إلي ماتخلص ... سالفه ورا سالفه ... ومرات أنا اقاطعها علشان أقولها شو صار لي ومن مغامراتي إلي ماتخلص... ضحك وسوالف وماتنتهي ..وطلعت من محبي الكورين .... طبعا لستة المسلسلات طلعنا حافظينها عن غيب أنا وهي ... وهي نفس أمنيتي ودها تروح كوريا .... وتتزوج كوري ... وعاد من عرفت ان في واحد أمه كوريه تخبلت الا تشوفه ... على البريك طلعنا أنا وهي نتسحب ... شوي نمشي ونضحك وقفتها وأنا إبتسم إبتسامه فيه خبال وأقول وانا أتحرقص: شوفييييييه يهببببببببل ... حركة ليلي رموشها وهي مبرطمه بدلع : يياااااااااااااااااي صدقج يجنن ... سندت ظهري على جتف ليلي وقلت بتمثيل : أخ قلبي يهبببل شوفي ... شوفي لبسه ... كان بلبسه العادي وكأنه توه ياي المستشفى , قميص أسود عليه جاكيت عيناوي غامج وبنطلون أسود... عادد على بشرته غرام ... دفرتني ليلي من على جتفها وهي تقول: روحي عني أنا بروحي ذايبه .. وبعدين إبتسمت بخبث وقالت : أباه ... هنيه صرخت : روحي عنننني أنا قبلج ... هنيه أشتغلت الصراعات أمبيني وأمبين ليلي .. وبعدها رحنا نمشي في الممرات ... وشوي وتنزل ليلي تحت وهي أطالع نعالها ... اقتربت من الكرسي الموجود في الزاويه ويلست عليه وهي تتألم وتلعن: الله يغربله قطع ريلي ... يلست عدالها وحطيت ريل على ريل وقلت: محد قالج تلبسين كعب ...أطالعتني بنص عينها ... وبعد فتره قالت وهي ترفع نعالها لجدام عيونها: الله يغربله التقليد لزم بيعور الريول ...حركة جتوفي بضحكه وقلت: محد قالج تشترينه ... حطته على الآرض بقهر وحطت تيشو على الاطرف لعله يخفف من الاحتكاك إلي يستوي عند المشي ... رحنا صوب الكوفي وطلبنا كوفي ويلسنا ويا بنات تعرفهن ليلي بشكل سطحي بل تقبطهن على قولتها ... ها البنات حسيت بهن سطحيات وماعندهن سالفه الا الرمسه الفاضيه ... ودخلنا في سالفة الماركات .... رفعت ليلي ريلها وحطت ريل على ريل ... وأعتلت شفايفها أبتسامه كلها غرور وهي تلوح بنعالها لفوق قايله بكل دلع : آنـــا .... ألتفتن صوبها فكملت بدلع أكثر : أنا ما أشتري الا الماركات شوفي هذا نعالي ونطقت بتميع :شانيل ... وكملت بنره أكثر تميع : بخمس تلاف ... وهاي شنطتي.. ورفعتها :بخمس طعشر ألف .... فتحت فمي مب مستوعبه توها تقول تقليد والحين ماتشتري الا الماركات .. اطالعتها وأنا مستغربه .. غمزت لي بضحكه ....اطالعنها البنات وكأنهن مب مصدقاتنها... وفي جهه ثاني نظرات الحقد والكرهه على ويوهن ....وغيرن وجهة الحديث للدكاتره إلي في المستشفى ... وصارن يقول ويرمسن عن واحد واحد ومن وصلن عند الكوري .... يلسن يرمسن عنه واونهن يعرفن كل شي عنه أنقهرت منهن وكنت برد بس بس ليلي قاطعتهن وقالت وهي تهز يديها : أيووا تعرفون هذا أصلا واحد أيي لي ... ولآن توهن قايلات البنات أسم قبيلته فقالت : ماتشوفن أسم قبيلتي مثل قبيلته ... أطالعنها البنات والي حايسه بوزها وإلي متنرفزه ...بوزت بدلع وهي تكمل : في الجواز مكتوب بروايكن أياه بعدين .. الله يسلمكن هذا أبوه يصير ولد عم أبوي ... ونحنا علاقتنا ووياهم ووايد قويه , دوم نتزاور ونتقابل .. وأنهتها بأبتسامه كلها غرور ... هنا انفجعت أكثر هذي من صدقها .؟؟؟؟ مب معقوله ... انا مستحيل أجذب بها الطريقه لآني أن جذبت بنكشف ... بس ليلي مستحيل تنكشف ... قمنا لآن البريك خلص ... شهقت وأنا أستوعب كل كلام ليلي ... وبعدها صديت صوبها وقلت وأنا مب مصدقه : ليلي من صدقج في إلي قلتيه... ردت ليلي رأسها على ورا بضحكه وبعدها أطالعتني بغرور وهي تحرك جتوفها : عادي ماعليه منهن يولن ...المهم اني اتخقق عليهن ... وإبتسمت ... هنا ضحكت وانا اضربها على جتتتفها وأقول: ليلوووه والله أنج عجيييييييييييبه ....وحسيت بهستريه كنت ماسكتنها ويلست أضحك لين وصلت قسم العظام ... مرن الساعات بسرعه ....وتقريبا بقت ربع ساعه وبخلص الوقت ... والساعه وصلت 6 المغرب..رفعت يدي لفوق أتثاوب فيييني نوم وتعب ....رديت يدي لتحت وأنا اشوف الدكتور منصور ...عقدت حواجبي وأنا أشوفه يطالعني بنظرات غريبه , بسم الله هذا شوفيه .. أطالعت ورايه يمكن يطالع حد غيري ... بس محد ورايه ... كملت مشي لصوب غرفة تبديلنا ,يولي هو مايستحي جييه يطالع ..صدق انه أربكني ...وقفت وانا أسمعه يقول: أسماء.. بلعت ريجي بخوف وانا ألتفت صوبه وأرسم إبتسامه متوتره على شفايفي ... خوفني ها الجيكر...ثبت عيونه في عيوني بتقطيبه وأقترب شوي مني ... انا هنا من الخوف رجعت لورا ... وما أبعدت عيوني عنه ... إبتسم شبه إبتسامه وحاس بوزه وهو يقول: لين متى يعني ؟؟؟ نهاية البارت السادس والعشرون .. | ||||||
|
| |
|
02-01-12, 02:54 PM
| #298 | |||||||||
| نجم روايتي وقاصة في قصص من وحي الأعضاء وعضو الموسوعة الماسية لقصص من وحي الأعضاء  
| تسلمين حبيتى ع الفصل الراااائع محمد >> فاجئتنى الفصل دا كان فيييييين متخبى دا كله>>> هههههههه ضحكتنى وانت محروج وانتوا الاتنين وشكوا ضارب احمر .. بس قلبي ارتااااح واخيراااا عبرت عن مشاعرك ليها وهى كدا تتطمن انك بتحبها نورة >> يلا افرحى يا بنت محمد بيحبك وبيعرف يعبر كمان ههههههههههههههه اسومة بموووتف جنانك وطلعلك صاحبة اجن منك كمان >> منصور اجى وقالهالك وش لحد امتى ؟؟؟؟؟؟؟؟؟؟؟؟ تسلم ايديكى احلى بدوية ع الفصل الرائع وف انتظارك دوماااا | |||||||||
|
| |
|
02-01-12, 06:47 PM
| #299 | ||||
| السلام عليكم ورحمة الله وبركاته وعليكم السلام ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . كيف حالك إن شاء الله دائما بخير ؟ ألف مبروك .. لقد سعدت بهذا الخبر | ||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
