20-12-10, 03:22 PM | #82 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| تسلمى سحابة على البارتين الحلوين ... هبه ... كلام سحابة خلانى أخاف عليكِ ...معقولة يكون كلامك مع عماد من غير ما تخبرى أهلك ... الله يستر من اللى جاى يعقوب ... معليه حصل خير ... بس المفروض تتحكم بنفسك أكثر و تتذكر أن غالية لساتها صغيرة ... لجين ... سلامتك >>> صحيح ما قدرتى تمسكى القطة لكن فى شيئ ثانى وقع فى المصيدة سحابة متابعاكى و شكراً لك | |||||
20-12-10, 05:54 PM | #83 | |||||||||
نجم روايتي وكاتبة في قسم قصص من وحي الأعضاء وكاتبة وقاصة بقلوب أحلام
| سحابة .. أخيرا خلت الرواية أول شي خليتيني طالع شراب اللوز من التلاجة واشرب كاسة ... شهيتيني عليه تاني شي عزيزتي ما أحسسته أثناء قرائتي لقصتك بمتعة ما بعدها متعة واقعية الشخصيات والأحداث راءة علاقة غالية ويعقوب والفرق بين طريقة تفكير كل منهما فهي بريئة وطاهرة الفكر والقلب وهو شاب ناضج .. لديه حاجاته ومشاعره هبة أحزنتني لأنني أشعر مسبقا بالتطورات الحزينة القادمة أما لجين فهل سيتمكن عبد الرحمن من التقرب منها ؟؟؟؟ شكرا حبيبتي على القصة الحلوة في انتظار التطورات | |||||||||
20-12-10, 10:50 PM | #84 | ||||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر وعضوة القسم السياحى المميزة
| السلام عليكم ورحمة الله وبركاته لجين ضحكتيني يا بنت ولك شو هالموقف الطفولي يلي زبطك فيه حبيبب القلب المستقبلي هههههههههه يعني يا روحي كل ما بتخيل الموقف عم بضحك الله يضرب القطط هههه بس انا كمان بحب القطط اصلا كانت مربية قطين هههههههه هبة انت بنت عاجبني كتير شخصيتها لانك قوة بس كيف بتستسلمي بها السرعة انا بصراحة متخوفة من تصرفاتك الاخيرة بس الله يستر . وترجعي لهبة القوية يلي ما باثر فيها حدا . غالية يا مسكينة يا غالية عملها فيك وفين في الملاهي بس حبيبتي عذبيهلي شوي مشان ميكررها ادللي عليه شوي مشان يعرف غلطه وحياتك. يعقوب شو هاذ يا زلمي انفجرت القنبلة وفين في غرفة الرعب شو هالرومنسية ههههههههه بدك تخوفلنا بنت صغير ة بس معلش غالية راح توريك كتير منيح شو يعني هاذ. ستي لا تصدقيهم اكيد انت ذكية ومو نايمة على ودانك مشان تصدقي حكاية الخبطةهههههههههه اسفة يعقوب وغالية ما قدرت امسك حالي الا لخبر ستي الطيووووبة بتمنى تسامحوني. سحابة نقية 1 يسلمو على البارت الاكثر من الرائع بارت شو لك بارتين يجننو كلهم مشاعر واحداث عنيفة شكرا شكرا وبتمنى ما كون طولت عليكي ونمت وانت بتقري ردي بس ما قدرت ماعلق بيلي حسست تجاه المواقف الظريفة يلي قريتها حول شخصيات روايتك. | ||||||
20-12-10, 11:46 PM | #85 | ||||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| اقتباس:
الله يسلمك حبيبتى مو قلتلكم حطو ايدكم على قلبكم ..... حتوضح قصة هبه بالجزء القادم ان شاء الله شكرا على متابعتك ولك منى اجمل تحيه | ||||||
20-12-10, 11:51 PM | #86 | ||||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| اقتباس:
حبيبتى كنت مننتظره تعليقك على نار ههههه صحه وهنا انا بموت بشراب اللوز كمان شكرا لك على تشجيعك ومتابعتك وان شاء الله الاجزاء القادمه تعجبك وتستمرى معنا بالروايه لك منى اجمل تحيه | ||||||
21-12-10, 12:01 AM | #87 | ||||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| اقتباس:
لك دخيل عينك ..... يمكن قرات ردك شى 10 مرات وانا اضحك هههه يعقوب الظاهر شافها ما ارتعبت ببيت الرعب فعملها فلم رعب حقيقى ههههههههه بس هى السلبيه الى بواجها الشاب الناضج لما بخطب بنت اصغر منه لازم يصبر ويمسك حاله وعلى مهل يدرج بالامور هبه ولجين قصتهم رح توضح اكتر بالاجزاء الجاى ان شاء الله حبيبتى عفوا عفوا .... بس حبابه عطى يعقوب فرصه تانيه ترى هو ادمى وبحب غاليه .... لا تخبرى ستى هههههههه عزيزتى اعتز بمتابعتك ولك منى احلى تحيه | ||||||
21-12-10, 11:01 AM | #88 | |||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| الجزء العاشر وكانت غاليه مشغوله بترتيب شنتتها هى وخواتها لما جلست جنبها هبه وسالتها... غاليه انت صاير شى بينك وبين يعقوب؟ ردت عليها غاليه منغير ما ترفع راسها ... وليش بتسألى؟ جاوبتها هبه ... لان شكلك بعد روحت الملاهى غير عن اليومين الى قبلها وبعدين من وقتها ما حكيتى مع يعقوب ولا قابلتيه وهو طلب يزورك ويطمن عليك بس انت مارضيتى يعنى التصرفات هى كأن فى شى مزعلك من يعقوب تنهدت غاليه ورفعت راسها واطلعت بأختها وقالت وهى بتبتسم... لا مافى شى لا تقلقى بس كنت تعبانه وانت شايفه كيف كان شكلى بالمرض يعنى كان بدك اياه يشوفنى هيك؟ ضحكت غاليه وهى بتقول ... والله كان هرب من الشباك قبل الباب ضحكو معها هبه ولجين وردت عليها هبه وهى بتضحك اى والله كان شكلك بخوف ههههههه اخدت غاليه جوالها ودقت رقم وهى بتقول لهبه .. ومنشان تتاكدى هى بتصل فيه هلا .... اجاها صوت يعقوب .. الو ردت عليه غاليه باسلوب كتير طبيعى ... السلام عليكم يعقوب كيفك؟ بلهفه جاوبها ....... وعليك السلام الحمد لله... انت كيفك ان شاء الله صرتى احسن هلا؟ اى الحمد لله احسن بكتير وطقت روحى من قعدت البيت اليومين الى راحوا منشان هيك انا متصله اعزمك هلا على فنجان قهوه ... اذا مشغول معليش بطلع مع خواتى بسرعه اجاها رده....... لا شو مشغول نص ساعه وبكون عندك .... ردت عليه وهى بتبتسم..... اوكى بشوفك بعد نص ساعه مع السلامه وسكرت وهى بتطلع بهبه .......شفتى مافى شى بس كنت مرضانه ردت عليها هبه وهى بتكمل ترتيب بالاغراض ... طيب الحمد لله ... والله كنت قلقانه عليك لان حسيتك متغيره بس الظاهر كنت بتخيل هههه على العموم بالهنا يا ستى والله يطعمنا ضحكت غاليه وردت عليها..... قريب ان شاء الله هههه بعد نص ساعه بالضبط كانت غاليه طالعه مع يعقوب بالسياره ومتوجهين لوحده من المقاهى وكان الصمت سيد الموقف ... جلسوا بالمقهى وطلبوا قهوه و شويت حلو و لما وصلت القهوه بدى يعقوب يحكى وهو بطلع بغاليه بنظرات فيها ندم واعتذار .. غاليه انا بدى اعتذر ... قاطعته غاليه بحركه من ايدها وهى بتطلع بفنجانها سكت يعقوب بعد دقيقه رفعت غاليه راسها وصارت تطلع بيعقوب بجديه وهى تقول ... خلال اليومين الى راحو انا فكرت كتير وقررت انسى الى صار مو لشى بس لانى شفت الصدق بعيونك وماعاد بدى نتكلم بالموضوع هدا مره تانيه ولا بدى منك اى اعتذار لفظى اعتذارك لى بكون ان الشى هدا مايتكرر مره تانيه يعقوب تفاجئ كتير بجديتها وكلامها الموزون الى بدل على شخصيتها الناضجه... ابتسم لها بحب وهو بمسك ايدها وعيونه بعيونها... بوعدك يا غاليه ان ماتشوفى منى الا الى بسرك ابتسمت له غاليه ابتسامه واسعه وهى بتقول .... بدك تضحك على وتمشيلى اياها هيك لا مابرضى بدى حلوان الصلح برقت عيون يعقوب وهو بقول لها ... امرى شو بدك بجى لعندك هلا.. بدك تنزلى تشترى الحلوان على ذوقك ولا اروح انا اشتريه ضحكت غاليه ..... وليش كل هدا ..بعتقد صحن البوظه مابده كل اللبكه هى ..هلا بعد القهوه بتشترى لى صحن بوظه بفواكه وخلص ........ سالها يعقوب مستغرب... هدا هو حلوان الصلحه الى بدك اياه ردت عليها غاليه وهى بتضحك وبتشاور بيدها متل الى بلقى خطبه ومتحمس .. ولن اتنازل عنه ابدا ورجعت المياه لمجاريها بين يعقوب وغاليه فى يوم السفر طلع يعقوب معهم للمطار وودعهم وودع غاليه ببوسه على جبينها وهو بقول لها بحب ... رح اشتاقلك كتير ردت عليه وهى بتبتسم له بخجل ... عندك رقم جوالى كل ماشتقت اتصل ... ومشيت وتركته وهى بتلوح له مع السلامه يعقوب وهو بلوح لها بدت مشاعر الشوق تملى قلبه .... غابت غاليه عن عينه بعد مالفت لاخر مره ولوحت له مع السلامه.............. | |||||
21-12-10, 11:02 AM | #89 | |||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| مع رجوع هبه لامريكا رجعت للقائاتها مع عماد كل الجامعه صارت تعرف انهم حبيبين لان كل قعدتهم مع بعض ... بالمحاضرات ... بالكفتيريا ... بحديقة الجامعه هبه صار عمرها 22 سنه ومشاعر كتيره بتتأجج بقلبها خاصه لما بتغزل فيها عماد ... والشى هدا خلاها تكسر ثقة اهلها وقواعد ومبادئ كانت شى اساسى بحياتها وتربيتها ....لحظة الانحدار بدت من اول مره راحت فيها مع عماد لشقته الى هى عباره عن غرفه نوم وصاله ومطبخ صغير وحمام ..كانت مكركبه كتير مبين عليها انها شقة طالب وفرشها بسيط كتير بس باين عليه انه جديد باختصار كانت ملائمه كتير لشاب اعزب وطبعا الكل بعرف الحديث الى بقول ( ماخلا رجل بأمراه الا كان الشيطان ثالثهما) والخلوه هى جرت شغلات كتير منها ان عماد اتجرأ وصار يلمس وجها وبعدي صار يطبع قبله على خدودها وصارت القبله قبلة شفايف وهبه كل مالها بتستسلم له اكتر واكتر وكأن عقلها بوقف عن العمل لما تكون معه مره كانوا دايبين مع بعض بوحده من قبلاتهم المحرمه رفع عماد راسه وهو بطلع فيها برغبه قويه وكأنه بفكر اذا تمادى اكتر شو بكون ردت فعلها؟؟... هبه شافت النظره هى بعيونه وفهمتها خافت من حالها قبل ماتخاف منه .... اجى صوتها ضعيف وهى بتقول له .... شو رايك نتزوج ....؟ تغيرت النظره الى بعيون عماد وقال لها باستغراب ... نتزوج ؟؟ بس انا مو جاهز ولا بقدر افتح بيت ولسى بدى سنه على الاقل لاتخرج و....... وقفته هبه وهى بتقول ... لالالا مو قصدى هيك يعنى بعد ما تتخرج اخطبنى رسمى من بابا ووقتها بتكون جاهز ....انا .. انا قصدى ننزل على المحكمه ونعقد زواج مدنى ومو ضرورى حدا يعرف لمعت عيون عماد ببريق غريب مافهمته هبه بس من جوات قلبها تمنت انه يوافق لانها تعبانه ومدايقه من الى بتعمله وبدها كلشى يصير على الاقل شرعى طبع عماد قبله على جبينها وضمها له وهو بقول.... الاثنين الجاى حتكونى الى يا هبه وفعلا يوم الاثنين ماراحو على الجامعه وراحو اتزوجوا زواج مدنى بمحكمه امريكيه وصاروا رسميا زوج وزوجه رجعوا لشقة عماد تفاجئة هبه انه منظفها ..كانوا جايبين معهم غدا وبعد الغدا نظفت هبه الطاوله وشالت الاكل وهى بتشعر بالنصر والسعاده لانها هلا تزوجت عماد وبتقدر تطلع كل مشاعرها وعواطفها بدون ماتحس بالذنب ... صحيح هى مدايقه لان مو هيك كانت متخيله الموضوع يمشى ..بس ان شاء الله ملحوقه ولما بخلص وبخطبنى من اهلى بصير كلشى تمام وتتصلح الامور .... سمعت عماد بندهلها طلعت من المطبخ متوجه لغرفة النوم وقلبها بدق بسرعه شافت عماد هناك ملى الغرفه ورود والسرير متناثر عليه ورود .... رمت حالها بحضن عماد واستسلمت لك رغباته | |||||
21-12-10, 11:07 AM | #90 | |||||
نجم روايتي وكاتبة في قسم قصص من وحي الأعضاء وأميرة حزب روايتى للفكر الحر
| يا جماعه شكرا على النجوم معليش هلا انتهت ....... بشكر كل من كانت له يد بوجودها بجانب اسم الروايه وللجميع منى خالص الحب والتقدير | |||||
الكلمات الدلالية (Tags) |
الحب..., علمني |
أدوات الموضوع | |
انواع عرض الموضوع | |
|
|