26-09-12, 10:40 PM
| #21 | ||||
 
|  بالنسبة لان ده البطل فانا قررت هطلق عليه لقب النطع طالما انت مش مسمياه بإسم بقى هو نطع نطع و عايز قلم يفوقه بالنسبة للفصل قصير برضه يا ضوضو و عايزين بقى نخش في الجنان بقى و الذي منه ماليش انا في حوارات الام و الاب و المذاكرة و ااجو ده انت عارفاني  بكرة الخميس و مستنية على الاقل على الاقل جزئين بقى ان شاء الله و لازم نكون دخلنا في الجد بقى فيهم ما تنسيش تناديني من على الفيس يا اما تقوليلي هتكتبي الساعه كام بالظبط | ||||
|
|
27-09-12, 01:24 AM
| #22 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| مشكورة ضياء على البارت ... ما بعرف حاسة كأنك عم تحضرينا لوفاة أم جهاد رغم أن عملية تغيير الصمام صارت هينة هلأ و لكن المشكلة وقت لما ينفصل القلب الصناعى و يعطوا الصدمة الكهربائية لحتى يشتغل القلب الطبيعى كثير ناس بتكون العملية ناجحة لكن إرادة رب العالمين تشاء أن القلب ما يعود ينبض >>> يا خوفى هيك يصير و تبقى هى يتيمة أو ممكن تيجى لها زوجة أب تسود عيشتها ... لا إن شاء الله ما يصير هيك شى هو ... عن جد أنه خسارة فيك هيك أم و خوات و هى كمان حبها لك ... شو هاد حتى شوية إحساس ما فى عندك  ضياء متابعاكى و شكراً لك | |||||
|
|
|
28-09-12, 10:59 AM
| #23 | ||||
| نجم روايتي وكاتبة في قسم قصص من وحي الأعضاء وبقلوب أحلام 
| اولا الوش ..اسفة ما قدرتش ادخل امس بتعرفي ...صار وضعي يعني مش كل ما قول يلا ادخل بقدر .. بس عشان اعوض ح احط لكم اربع اجزاء كاملة اية رايكم تعويض عن الغياب واسفة مرة ثانية .. | ||||
|
|
|
28-09-12, 11:02 AM
| #25 | ||||
| نجم روايتي وكاتبة في قسم قصص من وحي الأعضاء وبقلوب أحلام
| هبوشة الله يوفقك اولا في الدراسة ونسمع عنك الاخبار الطيبة يا طيبة ... وربي يسهل لك كووووووووووول صعب يا رب .. بالنسبة للقصة ............دعي الاحداث تتحقق صدقيني هناك شيء مختلف | ||||
|
|
|
28-09-12, 11:23 AM
| #27 | ||||
| نجم روايتي وكاتبة في قسم قصص من وحي الأعضاء وبقلوب أحلام
| حب مجنون 3 حاول جاهدا ان يركز ولكنه عرف في قرارة نفسه انه لا يحب الدراسة ..ولكن يجب ان ينجح ..وهكذا قلل الخروج الي الشارع مع الاصدقاء وفرحت امه بهذا التغير ..ورغم ان مستواه تحسن غير انه يعرف انه لن يحقق الكثير .. دخلت امه اليه وهو يقلب الصفحات ويتافف .. ام محمد : شو بتعمل ؟ هلق هاي دراسة ؟ هو : اية بدرس وهيك الدراسة ؟.شو ما بعمل مو عاجبكم اوف ام محمد : خلص خلص ..اية اسمع جوز اختك جاية ان شالله بعد يومين وبدوا يعمل العرس قال بسرعة وبدنا نعمل هيك عرس صغير و هو: قلب شفته وقال " اية وانا شو دخلني ؟ خلص اعملوا شو ما بدكم ام محمد : يا ابني انت رجال البيت ولازم نخبرك .. هو :" اغمض عينه بنفاذ صبر " قال ..طيب انا موافق .." اعتدل في جلسته وقال ..انا بدي طقم مرتب وبدي شوز وبدي عطر كمان وبدي احلق شعراتي و ام محمد : لك انت مجنون والله لا يكون انت العروس وانا مش دريانه ؟ هو: اية وان شالله بدك احضر العرس بهيك اواعي ؟ لا انا ما بيمشى عندي هيك قصة ..بدي لبس ومرتب كمان .. ام محمد : بنشوف شو بقدر اعمل " وادرات دبلتها التى حفرت في اصبعها وهي تفكر في بيعها واحضار ما يريد .. ................... مرت ايام وام جهاد تحاول ان ترسم البسمة على وجهها وهي تكلم اولادها وتخفف من القلق البادي على محياهم حتى عمر الطفل شعر بالخوف وعرف ان الامر كبير.. كانت تضحك وهي تكاد تبكي واليوم سوف تدخل المشفي لعمل اخر الفحوص وبعدها العملية .. ام جهاد : شو هاد شو مالك عمر قلبي ..ليش زعلان ؟ الماما رايحة تعمل عملية وتطيب وتصير تجري معك بالحديقة تعالي لهون " وحظنته " عمر : خلص ماما انا مو زعلان بس انت طيبي .." وحضن امه بقوة .." كانت هي تكاد تصرخ ولكنها تتماسك وان بدى الخوف والفزع على وجهها وقد تشققت الشفاه من كثرة ما قضمتها ..من القلق .. اشارت لها امها بيدها ان تكون هي الاخرى بحضنها وبدون ان تعي كانت تحضن امها وعيونها تدمع ..كانت حالة من الاتحاد الاسري والامومي .. كان والدها يقف يراقب ما يحدث بصمت وحزن والم ولكنه كان يحاول التماسك .. همست لها امها بصوت بالكاد يسمع .. " بدي تكوني دكتورة بدي تكوني قوية انت اقوى واحدة ..لا تقولي اية شي بس اسمعي وانا بعرف انك قوية وح تصيري متل ما بدك .. ودفعتها عن صدرها وامسكت بوجهها ونظرت مليا الي ابنتها التى حبست دمعها وقالت بدي تضحكي وتنبسطي وتوعديني انك تقدري . نظرة الي امها واخذت نفسا عميقا " ابتسمت وهزت راسها بمعني الموافقة والوعد لوالدتها .. خرجت الاسرة في حالة صمت .. كانت تمسك بيد عمر بقوة ..وتسير مرفوعة الراس " كانت تقول لنفسها راح تعيش ماما وح تكبر في حضنها يا عمر ..ما تخاف ..لم تقل شئ حقيقة له ولكنها كانت تضغط بشدة على يد عمر وتحدث نفسها .. ................. كانت الاستعدادات في منزل ام محمد الصغير على اشدها لعمل عرس لابنتها حاولت ان يكون كل شي موجود ورغم ضيق ذات يدها لم تبخل بشئ على ابنتها .. ناديا: الله يخليك يا امي .." وقبلت يد امها ..وقالت " ما تتعبي حالك يا امي بيكفي انه اهل جوزي عارفين انه انت عم تعملي اشيا قالوا ما بدهم انك تعملي شي منها ..الله ما يحرمني منك يا حق .. ام محمد : بعرف يا بنتي " وضمت ابنتها الي صدرها " لكن " ورفعت اصبعها ..لازم نبيض وشك قدام اهل جوزك ونقول لهم ولو ما عنا بس بنتنا عزيزة علينا .. ناديا: وشو هاد اللي جبتيه لاخي ..كتير مرتب ..وحملت ملابس اخوها بفرح بيلبق له قلبي ما شالله حوله احلا شب بالدنيا .. الام : اية والله بس يا رب يكون كمان اعقل شب .. دخل على اخر كلمات والدته وعرف انه المقصود هو: اية وان شاء لله لو صرت اعقل شب بالدنيا ح يكون لهاي الدنيا طعم " وقبل راس والدته وهو يضحك ..لك احلا شي فيه هو قصة الجنان هاي ناديا : الله يسلمك لنا يا اخوي ...اطلع شو جابت لك امي ؟ ورفعت له الطقم كانت تتوقع ان يقفز فرحا ولكنه نظر بشكل متعالي وقال " ااام يعني ما بو شي ..يعني تقليد كويس بس مش اصلي .. انطفئ شي في عين والدته التى كانت تظن انه سوف يفرح .. ردت ناديا عليه ...احمد ربك حدا عبرك شو انت ما تقول شكرا ع شي " وغمزت بعينها .. فهم انه قد اخطئ وقال " بمزح بالعكس كتير مرتب بس انا حامل هم الاكسسوار بدو ساعة وبدو جزمة هيك كمان طلياني يعني شغلة يسلم زوقك يا احلا ام محمد بالدنيا .. اغتصبت والدته بسمة هي اقرب الي الوجع منها للضحك رغما عنها وهي تحاول تجاوز الصدمة .. " كانت تقول في نفسها بعت اللي باقي لي من فرحتي وانت مش حاسس علي ..شو بقدر اعمل لك يا ابني الله يصلحك يا رب ..." .................. وصل الجميع الي المشفي وما تزال تتماسك وتمسك بيد اخوها الاصغر .. كانت تجلس في استراحة وامها ووالدها قد ذهبا الي حيث تعمل الفحوص النهائية وبعدها يقرر الطبيب ان تبقي لعمل العملية ام سوف تعود وبعدها ترجع مرة اخرى .. كانت مشاعرها مختلطة مرة تتمني ان تتأخر العملية وتعود اليوم معهم ومرة اخرى تتمني ان تعمل والدتها العملية وتنتهي من معاناتها .. عمر : ضرب على يدها حتى التفتت اليه وعادت من افكارها .." وقال" ماما ح تموت ؟؟ " كان ينتظر الجواب منها تعود ان تكون هي القادرة على اجابته علي كل اسئلته الصعبة فهي تعرف كل شيء .. هي : امسكت بفمه وغطته بيدها وقالت " لا حبيبي عمر انت بس ادعي لماما انه تصح وترجع للبيت وتلعب معك ونخرج للحديقة سوا و.. عمر : رفع يده للسماء وقال " يا رب خلي ماما يا ربي خلى ماما تطيب .. ظل يدعوا بكل خشوع وحب .. لاول مرة سقطت دمعة من عيونها فقد كانت تتماسك وتحمل كل مخاوفها بعيدا عن عيون عمر وعيون والدتها حتي والدها كانت تخاف ان يلحظ خوفا في عيونها .. مرت ساعات وعاد والدها اليهم .. وقفت بسرعة .." شو قال يا بابا الدكتور .. الاب : عمل التحاليل والكشف وكل شي وقال لازم تبقي خلص وان شالله بدهم يضبطوا قال الضغط ويعملوا العملية .." كانت عيونه ما تزال حمراء من اثر الدموع التى سكبها بعد ان ترك زوجته بالغرفة ودخل الي احد دورات المياه وبكى بكل قوة كان يشعر ب اختناق .. وقفت وهي تكاد تعرف ما حصل معه قالت " شو بابا فيه شي ؟ شو صاير الاب : ما في شي ..بس بتعرفي ما بحب انا جو المشافي هيك من الله " وضمها اليه وقرب عمر بينهما .. ابتعدت عن والدها وقالت " بنقدر نروح لماما هلا ؟؟ بدون ان يتكلم اخذهم الي حيث تنام والدتهم ... ما ان فتح الباب حتى شاهدوا والدتهم وقد بدلت ملابسها بملابس المستشفي ابتسمت لهم وفتحت ذراعها ..قالت " اهلا بوالدي الابطال ..شو مالكم هيك ؟ شو صار ..ليش الزعل .. عمر : حاول ان يتسلق السرير ويكون الي جوارها " ساعده والده واجلسه على السرير مع والدته .." شكرا بابا " ماما انت ان شالله بتصحي وترجعي معنا ان دعيت ربنا مشان تصحي .." سحبته ليكون على صدرها وهي تقبل راسه .. كانت تمسك بيد امها الحُرة وتقف بصمت حزين ورغم ذلك ذلك حاولت الابتسام ..لقد شعرت فعلا انها تعودت علي رسم تلك البسمة حتي تريح الجميع وتخفف عنهم بعد ربع ساعة حضرت الممرضة وطلبت منهم ان يذهبوا لترتاح المريضة ورغم اعتراض والدتها غير انهم اصروا على الذهاب وكان المعاد غدا .. ......................... كانت الاستعدادات قد اكتملت في منزل ام محمد وحضر الضيوف وقد تزينت ناديا ولبست ثوبها الابيض الذي زانه جمالها وجسمها الناعم .. اما هو فقد اصر وحصل على جزمة تناسب اللبس وساعة تلمع وان لم تكن اصلية ولكنها من نوع جيد ولم يفكر كثيرا كيف وصلت الي امه الاموال او ماذا فعلت اهم شيء انه حصل ما يريد ..كان فعلا لافتا وقد كانت روحه المرحة ونكاته تضفي جو من المرح على الحفل .. ........... لم تكن تستطيع ان تجد العزم حتى تراجع دروسها درات في الشقة بعدما اطمئنت ان عمر قد نام ووالدها اغلق غرفته .. كانت تشعر بقلق ومن يلومها ورغم صغر سنها حاولت ان تبدوا متماسكة وقادرة على فهم ما يحصل واستيعابه ..وقفت عند ذلك الشباك المحرم فتحته ..شباك الخالة ام محمد ..امسكت به وفتحت فتحة صغيرة ونظرت ..لم تتوقع ما ترى ..كانت تعرف ان اخته سوف تتزوج ولكن كانت تعرف انه لا يوجد اية عرس او ما شابه ؟ كان اول ما وقع عليه نظرها وهو يرقص ..كان يبدوا مثل نجوم التلفزيون ..شعره الجميل اللامع والناعم والكثيف ..انفه الذي يجعلها تلمس انفها وكل شي فيه ..انه مثل آله الرومان القدماء ..بشر كامل ..لا تعرف كيف يجعلها تخرج من روحها وتكون انسانة اخرى .. لمست نظارتها وحاولت ان تتنفس ..واغلقت الشباك ودمعة ندم تسقط " لا مو معقول اقعد اطلع فيه هيك وامي بين الحياة والموت لا شو انا ؟ حيوانه ما عم حس على حالي ؟ شو صار لي ؟ ..احكمت غلق الشباك وعادت الي غرفتها وهي تحاول ان تنسى شكله وتبعد راسها عن التفكير به .. امسكت كتاب ولكن ماذا ترى ؟ لا شي غير صورته .." يا ربي حتى ماما ماعم تيجي ع بالي قده ..تركت الكتاب ووضعت راسها تحت وسادتها ..وحاولت ان تتشغل نفسها بالتفكير في والدتها .. ...........يتبع | ||||
|
|
|
28-09-12, 11:27 AM
| #28 | ||||
| نجم روايتي وكاتبة في قسم قصص من وحي الأعضاء وبقلوب أحلام
|  حب مجنون 4 زفت اخته ..وخرجت من المنزل بعدما حاولت والدته ان تسعدها بكل ما قدرت عليه ..سافرت الي الامارات .. هو : ان شالله كلها شي سنة وبدي الحق اختي بتدبر لي شي شغلة هونيك ..كان يكلم والدته واخته سهام التى كانت ترفع المكان وتبكي فراق اختها .. سهام : نظرت اليه وقالت " اية وكيف ان شالله وانت ما معك شهادة ؟ او بدك تشتغل هنيك شغيل ؟ " وضربت على راسه .. والدته : مسحت والدته دموعها ونظفت انفها وقالت بصوت مخنوق " اية كلكم روحوا واتركوني لموت لحالي هون ..ونظرت حولها .. سهام : بعيد الشر عنك امي ما تحكي هيك .." شايف شو بتعمل ..ما عم تفهم انت يالله شو بهيم يا اخي فكر قبل ما تزت هيك حكي .. هو : اوووف شو حكينا ؟ كفرنا بقلك بدي شوف مستقبلي وبدي قب ع وش الدنيا وبس بعمل مشروعي باخدك يا امي لعندي شو انت مفكرة بتركك هون ؟ اصلا هاد المطرح مح يكون مناسب لي ههههههههه والدته : لك والله انت واحد مجنون واخوت وما عم تعرف شو بتحكي شو بدي قول يعني الله يعينك ع عقلك ..شو باقي ع الاختبارات ولا شي ..درست ؟ لا لك حتى كتبك مضيعهم .." وشعرت بالعبرة تخنقها سهام : خلص امي طبع الكتب ان شالله ينجح لا تشيلي هم .. الام : وانت امتي بدي افرح واشوفك في بيتك يا بنتي .. سهام : " احمر وجهها وقالت " الله يخليك يا امي فوق راسنا وتشوفينا كل واحد في بيته وعيلته يا رب كان يفكر جديا في السفر وشعر اليوم من خلال ما قصص عليه زوج اخته من قصص تكاد ان تكون نوع من الخيال لا واقع وكيف ان اشخاص اصبحوا من الاثرياء جدا عندما وصلوا الي ارض الذهب الاسود وكيف كل شي يتحول الي مال ..شعر بأنها ارض الاحلام كما كان يطلق علي امريكا وقرر ان يسافر مهما كلف الامر .. لم يفكر ابدا في الدراسة او الشهادة اصبح السفر هو الحلم .. ....................... صوت الاذان جعلها تزيح المخدة التى حبست بها احلامها المحرمة وجعلها تجلس وهي تردد الكلمات وتدعو الله ان يحفظ لها والدتها .. صلت بكل خشوع ودخلت الي المطبخ واعدت طعاما الافطار لوالدها واخوها .. كان والدها يعود من الصلاة وقد احمر وجهه " كانت تعرف انه يبكي بعيدا عنهم ولكنها لم تقل اية شي ..حاولت ان تبدوا اقوى حتى من والدها .. هي : بابا عملت لكم فطور ياريت تصحي عمر مشان يأكل شي ..امبارح ما اكل زي الناس كان خايف .. الاب : اية هلا بدخل واصحية مع انه بكير كتير .. هي : اية بعرف .." لم تكن تعرف ماذا تفعل غير ما تفعل ..فهي تعمل حتى تنسى .. جلس الجميع الي الطاولة ولكن بقي الطعام دون مس .. ابو جهاد : عمر كل قلبي مشان تروح معنا للمشفي مشان الماما .. عمر : انا خايف كانت تعرف مما يخاف فهي ايضا خائفة ولكنها امسكت بيد عمر وقالت " لا يا قلبي ما تخاف ان شالله ماما تصح وترجع معنا بس انت ادعي منيح ولازم تاكل مشان ما تزعل ماما " واعدت له شطيرة صغيرة والقمته اياها وهي تبتسم .. كانت كلماتها تريح عمر وتساعد والدها في التعامل مع الموقف .. نظر اليها والدها بشكر وامتنان ..وكانه يأخذ هو الاخر القوة منها .. ......................... رغم السهر والتعب على ام محمد غير انها صحت مبكرا حتى توقضه للمدرسة .. ام محمد : قوم يا ابني خلص صار وقت المدرسة .. هو : بدي ناااام شو انت ما تتعبي ؟ روحي نامي وخليني نام يا ربي شو اخذه انت من المدرسة ؟ ام محمد : انت شو اخد من النوم والكسل ؟ الدرس هو اللي بيفيدك يا بغل اصحي بقي اصحي .." كانت توكزه بيدها عله يصحوا .. رفع يدها بقوة ..حتى انه تنبه انه دفع يد والدته ليجلس مستوى في السرير وهو يشعر بالندم ..اسف امي الله يخليك لا تزعلي مني " واخذ يقبل راسها ويدها ..انا بغل شو بدك تقولي العمي بقلبي ..الله يخليك لا تزعلي .. واخذ يمسح دمعة سقطت على خدها .. الام : هيك اخرتها بتضربني .. هو : الله يقطع ايدي يا امي والله ما قصدي يا ربي ..شو اعمل مشان تسامحيني ؟؟ ..وبدون ان تشعر كان يمسك بقدمي امه ويقبلها ويبكي بندم .. ام محمد : خلص قوم قوم الله يخليك ..خلص الله يرضى عليك قوم . وقف وحظنها وقال " بعرف يا امي اني فيه كل عبر الدنيا بس ما بدي كون مغضوب الله يخليك ارضى علي من قلبك والله والله ما بعمل اية شي غير يرضيك شو قولتي ؟ ام محمد : لكان ادرس منيح وابقي ادمي هو : ابتلع ريقه وقال " عا راسي .." وبدأ في الاستعداد للذهاب الي المدرسة كانت مشكلته اكبر من انه لا يريد ان يدرس كان فعلا يجد صعوبة في الدراسة مهما حاول فهو اقل من غيره .." انا الظاهر غبي هاد هو يا ربي بحفظ قد ما بحفظ ما يبقي براسي شي ..وبحاول اني استوعب بس هاد هو مخي ..بس امي مح تفهم ح تقلي اشتغل شوي .." ...................... كان يتوجه الي المدرسة وهي ووالدها واخوها ينزلون من منزلهم الي المشفي .. ناده والدها حتى يبارك له عرس اخته .. هو : وقف قبالة والدها وقبالتها هي وعمر ..ومد يده للجميع وقال " الله يبارك فيك عموا ابو جهاد عقبال اولادك يا رب .. خفضت راسها وهي تشعر ان الهواء قد سحب من هذا الكون الفسيح ..وغطت خصلات شعرها وجهها تقريبا ..وهي تضع يدها على كتف عمر .. عمر : احنا رايحين المشفي مشان الماما ح تعمل عملية وانا كل الليل بدعي لماما .. هو : الله يقومها لكم بالسلامة ان شالله ..انا اسف ما كنت بعرف .. ابو جهاد : لا ابني ما يهمك الله يسعد العروس وان شالله عقبال عندك انت واختك وابقي بارك لامك وقول لها ان شالله بمرق لعندكم يا ابني .. هو : ابتلع ريقه وشعر بتعاطف معهم وقال " الله يشفي خالتي ام جهاد ان شالله وكمان ان شالله امي ح تمرق عليكم مشان تشوف لو ناقصكم شي .. شكره والدها وفتح السيارة ليذهب الي المشفي وهو توقف يتذكر ام جهاد وجهاد ذاك الشاب الذي خطف بلحظة وترك قهر وحزن في قلب والدته .. ............. دخلت ام جهاد الي غرفة العمليات والكل يتمنى لها ان تقوم بالسلامة وهي كذلك تتمنى ان تعود لتعيش مع اولادها وتراهم في احسن مكان تتمناه اية ام .. كان الجميع ينتظر وهو يكاد يذوب من الخوف فالقلوب تدق بسرعة والايدي باردة والعيون تحتار فيها دمعة تارة تسقط وتارة تلمع بدون ان تسقط ...وكأنها تنتظر هدفها .. بعد سبع ساعات وصل احد الاطباء الي حيث كان يجلس ابو جهاد واولاده .. وفتح الباب ونظر بنظرة حزن وانكسار الي ابو جهاد وطلب منه بدون كلمات ان يلحق به .. عرفت انه حصل لوالدتها مكروه لم تعرف من اين حصلت على القوة حتى تتنفس وتمسك بيد عمر وتقول له .. عمر " لو ماما راحت بيكون لانه اريح لها لانه كانت هون كثير تعبانه تعرف يا عمر انه الله خلقنا وبس يحبنا كثير بينادي علينا ونبقي بقلوب الناس اللي بيحبونا ..وعند الله نشفي من المرض ونبقي في الجنة ..كانت تحاول ان تخفف على عمر ما يمكن ان يواجهه .. عمر : طيب يعني ما تيجي عندنا ..بعدين . هي : بتبقي بقلبنا ...تسكن بالقلوبنا "وهنا اختنقت بالعبرة " ولم تجد كلمات تواسي بها اخوها .. كانت دموع والدها هي التى اكدت لها الخبر المفزع .. حظنهم بقوة وهو يبكي ويقول الله يرحمها ويتجاوز عنها ويجعل الجنة مثواها .. صمت عمر وقد فهم ماذا يعني هذا..لم تعد امه معه هنا ..لن تعود ابدا ..سوف تكون بالجنة ..رغم كل ما قيل غير انه بكى بحرقة ونادي علي والدته بقوة ولم يقتنع انها اصبحت في مكان اخر لا يمكن له ان يصل اليه . عمر : بدي روح لامي بدي روح ما بدي ابقي هون ..." كان يبكي ويصرخ وهي ووالدها يمسكان به ..ويحاولان ان يخففا عنه .. مرت الساعات الاولي طويلة ومؤلمة ولا يكاد احد منهم يصدق ما حصل مر ليل طويل ووالدتها لم تعد معهم ولكن بالغد مع شروق الصباح سوف يكون الجميع هنا ..لوداعها ..رفضت ان ترد على الاتصالات فقد كانت تشعر بالم اكبر من ان تجد معه حتى صوتها .. حملوا النعش وخرجوا ..سوف يضعونها في التراب ..الى جوار ابنها البكر ..سوف تسعد هناك مع جهاد الذي اجهد قلبها غيابه .. كان الوقت هو الظهر هو وقت الصلاة عليها وكان قبلها قد سلموا عليها كان وجهها منير ويكاد يبتسم .. كل من شاهدها وودعها عرف انها تبتسم لجهاد ..انه معها الان ان شالله .. رغم كل شي حاولت ان تتماسك بكت نعم حزنت نعم ولكنها وقفت وتقبلت العزاء مع خالتها فدوى وزوجة خالها سامية وابنة خالها التى تكبرها ب خمسة اعوام والتى تدرس المحاماة لينا .. كانت لينا تبكي احيانا اكثر منها ..وكانت خالتها فدوى تقول لها ابكي وخرجي اللي بقلبك لا تبقهي هيك جامدة ..كانت تخاف ان تمرض فالحزن المكتوم يمرض الروح والقلب ..ولكنها اصرت على التماسك بقدر ما استطاعت وبقيت لفترات طويلة الي جوار عمر الذي انعزل وهو لا يريد ان يصدقهم انها ماتت " كان يقول ماما نايمة بس تصحي ح ترجع ليش بتقولوا ماتت ؟ كان يتكلم وكأنه يتهمهم .. هي : اية قلبي هي نائمة بس مح تفيق لانه روحها صارت عند الله .. هلا بس نموت احنا بشي يوم بنروح لها هي واخي .. عمر : لكان هلا نموت ؟. هي : لا مش ع كيفنا بنروح لازم يجي وقت معين ولو رحنا بكيفنا ما بنشوف الاحباب ..لانه عصينا الله .. كانت المعلومات والكلمات غير مبررة عند عمر ولذلك اعتصم بعيدا عنهم .......يتبع | ||||
|
|
|
28-09-12, 11:30 AM
| #29 | ||||
| نجم روايتي وكاتبة في قسم قصص من وحي الأعضاء وبقلوب أحلام
| حب مجنون 5 وصل الخبر لكل الجيران ..ومثلما حضر الجيران والجارات حضرت ام محمد وبنتها سهام وقدموا واجب العزاء وعددت ام محمد فضائل امها وكيف كانت تساعد العديد من الناس وانها توصي ام محمد احيان ب ايصال ما لا تقدر هي ان توصله .. وزادت العبرات وهي تعدد محاسنها وصبرها واحسانها .. لم تكن تعلم بأن امها لها يد بيضاء وصدقات ولكنها عرفت الان وقررت ان تستمر في هذا العمل الخيري على نية امها .. ................... مثلما يقال تبدأ المصيبة وتصغر مع الزمان ونعمة النسيان لا تقدر بثمن ..ولكن هل ننسى حقا ام الفقد يبقي ندوب بقلوبنا .. كان اكبر همها هو ان تحقق امنية والدتها ووعدها لها بالتفوق وقد كان والدها لا يكف عن تذكريها بالوعد ..وفعلا كانت تحقق هدفها وامنية والدتها .. حققت نجاحا مميز ..واصبحت فعلا امنية والدتها ان تكون طبيبة حقيقة فقط قبلت في الكلية التى تريد ..وبعد ان نسى هذا البيت خلال الشهور الثلاثة الماضية ماذا يعني الفرح وجد طريقه اليهم ..فرحة نجاحها .. والدها :" قبل جبين ابنته" وقال ..هلا انا متاكد انه امك فرحانه بالجنة مشانك عمر : كان هو الاخر فرح وقال " هلا بتصيري دكتورة وكل الناس الي مرضانين متل الماما شافيهم .. هي : ان شالله " ولعبت بشعر عمر ..وقالت ..انت كمان شاطر وان شالله بتصير دكتور وتعالج الناس .. تلقت اتصالات من خالتها فدوى ومن باقي افراد العيلة وكلهم يهنئون ويباركون لها " اقترح عليها الجميع ان يعملوا لها حفلة مصغرة ولكنها رفضت وقالت " لا مح احتفل ابدا باية نجاح غير لما اشفي مريض وساعتها ان ح اعمل حفلة .." احترموا هذا القرار واعطوها الهدايا بدون احتفال .. رغم فرحتها بهذا النجاح غير انها كانت تحب ان تعرف ماذا حقق هو وهل نجح ؟ كان الجميع قد تفرق بمجرد انتهاء ايام الثانوية فكلا عرف اين يكون الدرب ومن صديقاتها من تزوجت مباشرة ومنهن من قدمت في معهد او جامعة ..رغم انها بقيت على تواصل مع البعض غير ان الحياة تلهي الجميع عن الجميع .. .................. مرت اشهر قبل ان تحضر ام محمد لزيارتهم .. هي : اهلين ام محمد ليش هاي الغيبة ؟ ام محمد : والله يا بنتي رحت لبنتي في الامارات حامل الله يطعم كل مشتهي ..واخدت معي ابني وبنتي سهام عقبال عندك سهام كتبت كتابها هونيك وان شالله بنعمل الفرح كمان شهرين .. وابني بقي هنيك قال لقي شغل .. هي : " كانت تريد ان تعرف اخباره هو بالذات ..شو ما كمل الجامعة ؟ ام محمد : يا بنتي ..انت من كل عقلك ؟ هاد ابني يدوب نجح مافي ولا مكان لا جامعة ولا حتى معهد قبله ..خليني ساكتة ..وتنهدت بحسرة هي : ابتلعت ريقها وقالت " يلا خير " المهم انه بصحته واكيد ح يشتغل ويعمل شي المهم انت ارضى عليه .. ام محمد : الله يرضى عليك يا بنتي ..والله كان نفسي يكون اولادي هيك ناجحين مثل حكايتك ..بس قولي البنات بالاخير ح يجوزوا بس ..وكادت ان تبكي هي : ربتت على كتيف ام محمد وقالت " ان شالله بيكون شغل بينجح فيه ليش انت عم تقولي هيك ..كتير عالم ما كفت علم بس كانت ناجحة .. قال عمي عامل شغلات كبيرة في البرازيل هيك عالم بيسافروا بيصيروا شي كبير ..اهدي وادعي له يا خالتي ام محمد ..." كانت تتمنى ان يكون ناجح ولكنه فعلا يبدوا لا يعرف الطريق ..ولن تقول والدته هذا عنه من فراغ ..وكم تمنت ان ينجح حتى لو لم يكن لها في يوم من الايام ..فيكفي انه ناحج .. ..................... كان يعمل في احد الفنادق في الاستقبال ..كان شكله المناسب هو كل ما يؤهله للعمل ..حاول كثيرا ان يعمل شي اخر ..ولكن حتى المال الذي يستلمه سرعان ما ينفقه ..الدنيا غالية وهو يحتاج الي المال لانه يحب اللبس والعطور ويزين شعره بملبغ وقدره ..اما الطعام والشراب فقد قرر ان يكون ضيف دائم على اخته نادية وزوجها بكل بساطة .. نادية : بعت شي لماما ؟ قال بدها تجهز سهام ..ما بقي شي و هو : اوف هلا لازم تجهز ومعرف شو ؟ خلص الرجل قال بدو البنت بشنطة هدومها خلص .. نادية : اية بس مو حلوة هيك لازم تعمل شي وبعدين ماما ما قصرت معي لازم هيك بيصير مع سهام ؟ هو: اية ؟ ابعتي انت لامي .. نادية : بعت بس انت لازم كمان تبعت شو انت ما اخدت مصاري من شغلك ؟ هو: شو هي المصاري الله وكيلك ما بيجي نص شو نص ربع الشهر بيكون طارت ..شو بدي احكي لك ..انا بدي اداين منك نادية : " ضربت على صدرها وقالت " شو انت عم تحكي مجنون انت شي ؟ لك انا خجلانه من جوزي كل يوم عم تاكل عنا وبترمي اوعايك مشان اغسلهم و هو : اية وشو يعني هلا لقمتي هي اللي فقرتكم ؟ عيب .. نادية : مو هيك بس انت لازم تصمد لك قرشين واصلا انا كنت مفكرة انك عم تاكل عنا مشان تصمد المصاري .. هو: هههههههههه لك انت هبلة ما بتعرفي شي ..الدنيا غلا وشوفي هاد القميص بياخد نص الراتب اللي باخده ..اصلا هاد الشغل مو ابدا من مقامي انا بدور لي شغله بس مشى هلا ..اسمعي هات لك هيك قطعة دهب وانا بعوضك .. نادية : لا لا شو انت جنيت ؟ وبعدين هاي الحركات بتضحك ع امي مو علي انا ..انا باكلك بشربك بنضف اوعليك بس .. ................ لم يحضر فرح سهام رغم انه قال انه سوف يحضر .. ولكنه اعتذر باخر وقت بحجة انه مشغول جدا ..ورغم ان والدته لم تطالبه بان يرسل اية مساعدة لها ولكنها كانت تتنمى ان يفعل ..وها هو الان لا يحضر حتى فرح اخته .. سهام : ما تزعلي امي خلص اخي قال مشغول واختي حامل واكيد مح تقدر تحضر ...لا تزعلي يا قلبي .. ام محمد : قبلت ابنتها وقالت " الله يسعد ك يا رب ..شو بدي قول .. كانت تعرف احوال ام محمد التى كانت تحضر بين وقت واخر وتساعدها في تنظيف المنزل وعرفت بشكل غير مباشر انها لا تملك ما تجهز به ابنتها فاعطتها مبلغ مناسب وها هي اليوم تحضر العرس وقد اشترت سلسلة ذهبية ..للعروس .. هي : وينها العروس يا خالتو ؟ شو بعدها مخباية ؟. ام محمد : يا مية اهلا وسهلا لك نورتي المكان ..يا بنتي خفت ما تقدري تحضري مشان فحوصك .. هي : ههههه اية والله عندي فحوص بس كمان لازم احضر ولو هاي سهام بنت ام محمد مو حي الله ..وعموما يا خالتي انا بس ح سلم وارجع ادرس ..ممكن اشوف العروس .. ام محمد : اية تفضلي يا اهلا وسهلا ..سارت الي غرفة تجلس فيها سهام في النتظار العريس ان يحضر وتزف معه .. هي : سلمت على العروس الجميلة والتى تبتسم بفرح ..قالت " الله يبارك لك يا سهام ..معليش مح اقدر احضر العرس .. سهام : " الله يسعد قلبك قلبي ..بعرف انه ما مر سنة على موت امك بس هي : نظرت الي الارض وقضمت شفتها وقالت ..الله يرحمها لا مو مشان هيك ..بس انا عندي فحوص بس ما قدرت ما اجي بارك لك بنفسي .." واخرجت السلسلة ذات القلب الذهبي ..وطوقتها بها .. سهام : شعرت بفرح عارم وعيونها تكاد تدمع وقالت " ليش هيك ..والله جيتك بالدنيا .. هي : الله يسلمك وان شاء الله تتهني يا سهام .." كانت عينها تبحث عنه علها تجده .." قالت " وين باقي اخوانك ما اجو ؟ سهام : لا ما اجى حدا ..اخي قال مشغول " مدري شو بيشتغل حضرته واختى ربي ينتعها بالسلامة ع وش ولادة .. هي : " شعرت بخيبة امل وقالت بصوت ..مبحوح " اية اكيد مشغول اخوك ..يعني بيدور مستقبله واختك الحق معها يعني كيف ح تيجي وهي حبلي ..بركي يكون خطر عليها .. ام محمد : لك والله انت اطيب قلب متل امك الله يحميك لشبابك وان شالله بفرح فيك واشوفك عروس والله انت يا بنتي مافي منك .. رغما عنها توردت خدودها وقالت " لسى بكير يا خالة هلا ادعي خلص الدراسة واصير طبيبة وكل شي بيصير بعدين ان شالله .." وابتسمت بخجل .. سهام : الله يرزقك بن الحلال اللي بيستاهلك يا رب .. هي : يلا هلا بروح ..مع السلامة ..اية صح يا خالة اخي عمر قال بدوا يحضر العرس ..يا ريت تديري بالك عليه .. ام محمد : بعيوني ولو روحي ولا تشيلي هم .. سارت خارجة وعيون ام محمد تتبعها وقلبها يدعوا لها .. مافي منها لا هي ولا امها ولا ابوها ..ناس اكبار والله ربي بيحبني انه هن جيرانا .. سهام : كانت تلمس السلسلة وهي تشكرها بسرها وقالت " اية والله معك حق يا امي .. .............يتبع | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
