23-04-13, 02:37 AM
| #114 | |||||||||||||
| نجم روايتي  
|  انهن في موقف لا يحسدن عليه ..... كريم على بعد خطوات ..... يجب ان يحسنوا التصرف .... منة : كريم هيعرف ... يا ربي ...اعمل ايه .... نخرج نجري بسرعة ... ولا نستخبى تحت السرير .... او .. او في الدولاب .... هنعمل ايه .... قولي هنعمل ايه .. وضعت آية كفها فوق فم منة و قالت بهمس : اسكتي شويه ... خلينا نسمع . اقتربت آية من الباب لكي تستطيع سماع الحوار الذي يدور بالخارج ..... كريم : اخدتي الدواء بتاع الصبح . جيهان : اه يا حبيبي . كريم : طب انا داخل انام شويه و لو عوزتي حاجه صحيني . جيهان بصوت حاولت ان تجعاه عاليا : طب روح نام في مكان غير اوضتك عشان منة اغم عليها و ... لم تحاول آية سماع اكثر من ذلك بل ذهبت إلى حيث كانت تقف منة و قالت : اطلعي عالسرير و اعملي انك تعبانة بسرعة . نفذت منة ما قالته آية بدون تردد .... بينما اتجهت آية إلى حقيبة صديقتها و اخرجت علبة البودرة التي تستخدم في الزينة .... و اخذت تلطخ وجه منة بهذه البودرة ... لتخفي اي احمرار منه . منة بهمس : بتعملي ايه ؟ آية : شششششش . و فجأة سمعت آية صوت طرق على الباب .... فأخفت العلبة سريعا و قالت : اتفضل . دخلت جيهان و خلفها كريم ... الذي اتجه مسرعا نحو الفراش . كريم : مالك يا منة ... ايه الي حصل يا حبيبتي . جيهان : كانت رايحة تجيب مايه من المطبخ ... اتأخرت ... آية راحت تشوفها لقيناها واقعة عالأرض .... فخدناها لأقرب اوضه . منة بصوت ضعيف : متقلقش يا كريم انا بقيت كويسة . جيهان : ياما قولتيلها متنزلش من البيت من غير ما تفطر .... مبتسمعش كلامي . آية : الحمد لله على كده يا طنط ... المهم انها بقت كويسة . جيهان : الحمد لله . منة : يلا يا آية نروح عشان بابا و ماما ميقلقوش عليا . كريم : لأ طبعا مش هتخرجي و انتي بحالتك دي ... انا هكلم اهلك و اقولهم عاللي حصل . منة : لأ متقولش لبابا هيقلق عالفاضي .... انا هكلمة و اقوله اني هتغدا عندكم النهارده . جيهان : خليكي انت انا هكلمه ..... و انتي يا آية كمان هتقعدي تتغدي معانا . أية : لا معلش يا طنط ... خليها مرة تانية تكون الظروف احسن من كده .... و اكون مبلغه ماما و بابا . جيهان : لا مش هقبل اعذار .... منة شوية و هتقوم تجري فى البيت زي القردة . منة بصوت منخفض : قردة ؟؟؟ آية بهمس : مشيها قرده و خلاص . جيهان : و حنان انا هكلمها اقولها و هي هتقول لباباكي .... خلاص معندكيش حجة .... خليكي قاعدة جنب منة . آية : انا بس مش عايزه اسببلكم ازعاج . جيهان : ازعاج ايه بس ... متقوليش كده ..... يلا يا كريم عشان نسيب منة تستريح . مشى كريم بعض الخطوات نحو الباب .... ثم استدار فجأة كأنه تذكر شيئا .... فاقترب من الفراش و أخذ دفتر يومياته من على الشئ الخشبي و خرج من الغرفة قائلاً : لو تعبت تاني ناديني . اومأت آية برأسها . آية : انا مش عارفة لولا طنط جيجي كنا عملنا ايه . منة : اوووووووف ... ده انا كنت هموت من الرعب .... بس ايه رأيك في تمثيلي ... ابدعت ... صح . آية : يعني مش بطاله . منة : مش بطاله ايه بس ... ده انا زينات صدقي بذات نفسها ... اتحايلت عليا عشان امثل معاها في فيلم معشوقة الجماهير بس انا موافقتش . آية : لأ بصراحة خسرك الفيلم . منة : طيب ... يلا قومي اخرجي بره . آية : ايه ؟ .... ليه ؟! منة : يعني انا المفروض دلوقتي تعبانة و نمت .... هتقعدي تعملي ايه معايا .... تحلميلي مثلا ؟! آية : خلاص يا ظريفة .... هاخرج . اتجهت آية نحو الباب بينما قالت منة : اقعدي مع عمتو جيجي ... متستفرديش بالواد . آية بصوت منخفض : اخرسي بقى ... هيسمعوكي ....... نامي . منة بهمس : خلاص خلاص مخدتش بالي .... و أدي نومة . ******** مازال غارقا في التفكير .... هل ما فعله صحيح .... لقد تحمس عندما اخبرته آية انها تريد مساعدته في حل مشكلة كريم .... و تسرع بالموافقة .... و لكن في الحقيقة .... هو لا يعلم ان كان سيستطيع علاج كريم ..... ام لا ...... و لكنه سيحاول .... لن يخيب ظن صديقة الطفولة به .... سيفعل كل ما بوسعه لعلاج كريم .... حتى و ان كان هذا المرض هو نفس المرض الذي قامت امريكا بازالتة من قائمة الامراض النفسية عام 1973 !!! سارة : حازم .... انا ماشية بقى . حازم : طيب ماشي . سارة : مش هتروح انت كمان . حازم : لأ انا قاعد شويه . سارة : يا عم قوم روح محدش هييجي . نظر إلى شقيقته بحنق قائلا : امشي يا سارة انا مش ناقص تريقتك . سارة : خلاص خليك .... مع السلامة . حازم : مع السلامة . ****** اتجهت آية نحو المطبخ القريب من الغرفة لتساعد جيهان في تحضير الطعام . آية : ممكن اساعدك يا طنط . جيهان : لأ يا حبيبتي متتعبيش نفسك ... انا قربت اخلص . آية : انا و الله مش عارفة اقول لحضرتك ايه ... احنا ازعجناكي اوي النهاردة . جيهان : لأ خالص يا آية ... انا مبسوطة اوي ان انتم موجودين .... انا طول اليوم قاعده لوحدي ... و كريم قاعد في اوضته و قافل عليه ..... و من ساعة ماتعبت و انا مش باخرج خالص ..... ياريت تزعجوني كل يوم كده . ابتسمت آية و قالت : طب حتى خليني اساعدك . جيهان : طب خدي خرجي الاطباق بره . آية : حاضر . وضعت آية الاطباق فوق الطاولة ... و نظرت حولها فوجدت كريم يجلس على الاريكة .... و في يده قلم و ورقة ... يبدو انه يكتب شيئا ...... لم تستطيع التحكم في فضولها .... فاقتربت منه بهدوء ..... لم يكن يكتب ... بل كان يرسم ! .... لوحة يسيطر عليها اللون الابيض .. الذي يمثل الثلوج .... بها اشجارا تخلت عنها اوراقها .... و في وسط اللوحة .... رجل يسير وحيدا يحاول التدثر بمعطفة .... بجانب كوخ صغير .... و هذا كل شئ ! ... لقد كانت لوحة بسيطة للغاية .... و لكنها ان دلت على شئ .... لن يكون هذا الشئ الا حزن عميق يسيطر على من قام برسمها ..... كريم : انتي هنا من امتى ؟! آية : من قبل ما يوصل الراجل بشوية ! ابتسم كريم لها نصف ابتسامة .. ثم قال : و ايه رأيك ؟ آية : حلوة بس .... حزينة . كريم : واقعية . آية : طب ليه مش بتشوف الجانب المشرق . كريم : قصدك ارسم ربيع و بس . أية : لأ تشوف الجانب المشرق في الشتاء .... يعني مثلا ان الراجل خلاص قرب يوصل للكوخ و هيقعد في مكان دافي . كريم : و مين قال ان الجانب المشرق انه يقعد في الكوخ ... بالعكس في الكوخ هيبقى مسجون .... مش هيقدر يخرج غير لما القدر يحن عليه و الجو يبقى حلو . أية : هيبقى مسجون لو هو عايز يشوف نفسه كده . كريم : يمكن عشان معندوش امل . أية : فعلا المفروض ميكونش عنده امل ..... المفروض يكون عنده آمال .... امل في بكرة انه يبقى احلى .... امل في رجوعة لبيته .... و لما يرجع البيت .... يكون عنده امل انه يخرج تاني .... عشان يستمتع بالجو !! كريم : يستمتع بالتلج و البرد ؟؟!! أية : ايوه ... هو لو عايز يستمتع بالتلج !! .... هيقدر .... المهم يكون عايز كده . جيهان : يلا الغدا جهز . ******* اثناء الغداء في مكان اخر . سوزي : انا كلمت حنان تاني في موضوع آية . رأفت : آية مين ؟! ..... اه اه ... صاحبة منة .... هم ... و قالتلك ايه . سوزي : قالتلي انها موافقه بس لسه مأخدتش رأي آية . رأفت : لا .. بقولك ايه يا ماما .... فكك من الموضوع ده . سوزي : ايه ده الي فكك .... هو لعب عيال . رأفت : مش حكاية لعب عيال ... بس غيرت رأيي . سوزي : انت مش جيت قولتلي انك معجب بيها ؟! ر أفت : اه بس حسيتها غلسه .... بصراحة كده مش دي الي تستاهلني . سوزي : ما انت تعرفها من زمان .... فجأة كده بقيت غلسة . الأب : زي ما هو جه في يوم و قالك فجأة انه معجب بيها .... ابنك ده ميتاخدش كلامة جد ابدا . رأفت : ييييي بقى محدش فاهمني في البيت ده . و خرج من غرفة الطعام صافعا الباب خلفة .... ******** منة : يلا يا آية انا خلاص بقيت كويسة و اقدر اسوق العربية . جيهان : لأ طبعا مفيش سواقة ... آية : خلاص اسوق انا .... او اكلم ماما تيجي تاخدنا . جيهان : و ليه يا بنتي بس تنزليها دلوقتي . كريم : تعالوا ... انا هوصلكم . منة : لا متتعبش نفسك ... انا هعرف اسوق . جيهان : اسمعوا الكلام بقى . انتصرت جيهان في النهاية .... و ذهب كريم مع الفتاتان لكي يوصلهم إلى منازلهم ..... و اوصل آية أولا . ********** ما ان دلفت إلى حجرتها حتى جلست على احد المقاعد و اخذت تنظر إلى هاتفها المحمول .... انه الان يحوي الكثير و الكثير من اسرار كريم .... تملكتها رغبة قاهرة في ان تقرأ ما قامت بتصويره .... و لكن بأي حق ستقرأه ... فحازم سوف يقرأ يومياته لأنها ستساعده في علاجه .... و لكن هي .... بأي صفة تقرأها ؟! .... اغلقت الهاتف تماما ... و قررت ان تتخلص من هذه الصور فور ارسالها لحازم .... فهي لا تعلم إلى اي مدى يمكنها التحكم في نفسها .... ******* وصل كريم و منة إلى منزل خاله فقال كريم : يلا يا منة اشوفك بكره فى الجامعة . منة : طب ادخل حتى شوية . كريم : لا .. عايز اروح انام ... خليها مرة تانية . ترجلت منة من السيارة ... اغلقت الباب ... و كادت ترحل و لكنها سمعت صوت كريم يناديها فنظرت له من نافذة السيارة . منة : نعم . كريم بثقة : في الاجازة .... خدي كورس تمثيل . منة بصدمة : نعم ؟؟؟؟؟!!!!! كريم : باي . ..... و انطلق بالسيارة بعيدا ........ انتهى الفصل  | |||||||||||||
|  |
|
23-04-13, 02:40 AM
| #115 | ||||||||||||||
| نجم روايتي
| اقتباس:
و تم تنزيل الكنبة بسلام .... اقصد تم تنزيل الفصل بسلام | ||||||||||||||
|
| |
|
23-04-13, 02:48 AM
| #116 | ||||||||||||||
| نجم روايتي
| اقتباس:
 | ||||||||||||||
|
| |
 |
| الكلمات الدلالية (Tags) |
| قوس قزح |
| أدوات الموضوع | |
| انواع عرض الموضوع | |
|
|
85Likes
.png)
.png)
.png)
العرض العادي
