22-05-13, 12:35 AM
| #241 | |||||||||||||
| كاتبة وقاصة بقسم قصص من وحي الاعضاء ولؤلؤة فعالية اقتباسات مضيئة  
|  اقتباس:
ولايهمك قمري بانتظارك | |||||||||||||
|  |
|
22-05-13, 12:36 AM
| #242 | |||||||||||||
| نجم روايتي  
| الفصل الحادي عشر الفصل الحادي عشر ماذا عليه ان يفعل الآن ؟! .... سؤال يدور في عقله بالحاح شديد ... يشعر بالراحة بعد مقابلة كريم اليوم .... الأخير اظهر بعض التجاوب .... فقط القليل منه ... و لكن هذا يعتبر جيدا في حالة كريم المريبة ! .... تأكد اليوم أن جعبته تحوي الكثير .... انه ليس كأي مريض .... حسنا هو لم يقابل الكثير من المرضى في رحلته المهنية – هذا ان كان يملك واحده – و لكنه يعلم ان كريم مختلف .... يبدو كمن يحمل على كاهله ثقل ضخم ... و يكابر و يقول لا يرهقني .... عندما ينظر إلى عينيه يرى تلك الدموع التي تأبى ان تفارق مقلتيه بكبرياء .... دموع بدت و كأنها تعاني من حبس دام اعوام .... عندما يحدثه يلاحظ ارتجاف يديه بعض الأحيان .... لتفضح هذا الوجه الجامد الذي يجيد اخفاء تعابيره بحنكة و خبرة اكتسبها بمرور السنين .... انه يعاني .... و في الوقت ذاته يرفض المساعده ... و هو لن يلومه على ذلك .... فكما اتضح جزء من هذه المعاناه كان سببها طبيب نفسي ... لكنه سيساعده ليتخطى ذلك . ******** ما ان وجدت كل فرد من العائلتين منشغل في الحديث الجماعي الذي يدور بينهم حتى وجهت حديثها إلى حازم الذي يجلس قريبا منها و بصوت هادئ كي لا تلفت الانظار قالت : قابلت كريم النهارده ؟! اومأ برأسه و هو يلوك قطعة من التفاح بتلذذ . آية : و عملت ايه ؟ اجاب ببساطة : مش عارف . عقدت حاجبيها و قالت : يعني ايه ؟ ... اتكلم معاك يعني ولا لاء ؟ حازم : ..... انا حاسس انه بدأ يتقبلني شويه ... بس لسه مش واثق فيا ... و ده المتوقع .... مش هيفتح قلبه في يوم و ليلة . اومأت آية برأسها ثم قالت : اظن ان منة دلوقتي بتطلع نار من الي انت عملته فيها . ضحك حازم بعفوية ثم قال متصنعا البراءة : انا عملت حاجه ؟! آية : انت استفزيتها اوي .... حرام عليك . حازم بمرح : تستاهل . آية : ماشي .... بس افتكر اني حذرتك .... منة دي مجنونة .... و لما بتتعصب مش بتشوف قدامها . اتسعت ابتسامته و هو يقول : عارف ! ******* استيقظ من النوم و ارتدى ملابسه على عجل ثم ودع أمه بعد تناول افطار خفيف ... ما ان رفع نظره نحو سيارته ... حتى تفاجأ بوجود حازم يقف مستندا عليها .... نظر كريم إليه ببعض الحنق ... بينما اجابة حازم لم تكن سوى ابتسامة . كريم : انت بتطلعلي منين ؟! قال حازم بصراحة : يعني لو انا منطتش عندك كل شوية .... هتيجي العياده في سلام و امان ؟! لم يأخذ وقتا للتفكير .. بل اجاب سريعا : لأ . ابتسم حازم ثم قال : طيب يلا عالنادي . كريم بأستسلام : يلا . قفز حازم بخفة ليجلس في المقعد المجاور لمقعد السائق و هو يقول : حاسس اني بجرك لموتك ... يا اخي تظاهر حتى انك مبسوط من وجودي . كريم ببرود : مش مضطر اعمل كده . تجاهل حازم برود كريم المتوقع و قال : هسألك سؤال ... لو انا قلتلك على طريقة عمل اكلة .... و طلبت منك تعملهالي و تطلع حلوة جدا .... بس خبيت عنك المقادير .... هتعرف تعملها ؟ اجابه كريم يتحزلق : هقول لماما تعملها . ادرك حازم ان كريم فهم مقصده من السؤال لذلك يتهرب من الأجابة ... فقال بوضوح : انت فاهم قصدي ايه ؟ كريم معترفا : مش هتعرف تعالجني غير لما اجاوب على كل اسألتك . حازم : لأ مش مهم كلها دلوقتي ... بس في حاجات لازم اعرفها عشان اقدر احدد العلاج . كريم : سامعك . حازم : امتى اعترفت لنفسك بميولك ؟ و ازاي اكتشفتها اصلا ؟ كريم : لما دخلت الجامعة و حسيت ان الانكار مش هيجيب نتيجة .... و لو سمحت مش عايز اقول تفاصيل . يبدو ان اسلوب الأسئلة المباشرة يجدي نفعا .. حتى و ان كانت الاجابات قصيرة و غير مكتملة ... فليستمر ... : انا مش هقولك احكيلي عن تجربتك مع الدكتور ... بس في حاجه مهمة ... قاطعه كريم : معنديش اي مشكلة عضوية ولا امراض مزمنة .... كنت عايز تسأل عن الموضوع ده صح ؟ حرك حازم حاجبيه بمرح و هو يقول بصوت مضحك : غلط ... خانك ذكائك ... مكنتش هسأل عن كده اصلا .... خلاص بقى متقرفناش بذكائك طلعت زي الناس العاديين و بتخمن غلط .... كنت هسألك الدكتور كان بيعالجك لوحدك ولا معاك ناس . حاول كريم ان يمنع ابتسامته و لكنه لم يستطع ... و قال : لوحدي . باغته حازم بسؤال صريح : انت سالب ولا موجب ؟ تحكم كريم في انفعالات وجهه سريعا ... فلم يستطع حازم سبر اغواره ... اجابه كريم بثبات : معرفش . حازم : يعني ايه ؟ كريم بسخرية : يعني مش عارف .... محتاج اترجمهالك ؟ حازم : لأ ... محتاج توضحلي . كريم : اوضحلك ايه و انا بقول مش عارف ؟! ادرك حازم انه لن يصل لشىء من هذا الحوار سوى ابتعاد كريم عنه مجددا ... يبدو انه اخطأ مرة اخرى و تسرع في اسئلته .... تجاهل اي ذرة يأس يحملها و قال بنبرة مليئة بالحماس : شوف الظاهر احنا محتاجين نغير قواعد اللعبة ... انا مش هسألك تاني ... انت هتسأل نفسك . كريم : و اجاوب على نفسي !! حازم ببساطة : مش مهم تجاوب ... اسأل و خلاص ... و لو عندك اجابة قولها . كريم : من غير لف و دوران ... قولي انت عايز ايه و خلصني . حازم بصدمة مصطنعة : خلصني !! ... انت كده ناقص تفتح الباب و ترميني . كريم : لأ مش للدرجادي .... مع اني اتمنى كده . شهق حازم مازحا قبل ان يقول : كده انت جرحت شعوري .... و انا مش هتنازل و اسامحك ... غير لما تجيبلي ايس كريم بالفرولة .... و هسيبك تختار المحل ... شفت اكرم مني ؟! كريم : عشان تسامحني !! ... ده انا مستعد اجيبلك محل كامل عشان تزعل مني . حازم : طيب عشان الجملتين دول .... انا الي هعزمك ... و هكسر عينيك بقى و كده .... بس انت الي هتدفع برضه .... ماشي . كريم باستسلام : ماشي . ******* تعددت المقابلات بين حازم و كريم .... و توطدت علاقتهم .... كما حصل حازم على بعض ثقة كريم .... إلى ان اتى ذلك اليوم .... كان حازم يجلس بجوار كريم و هو يقود السيارة .... عندما فاجأه الاخير قائلا : حازم .... انا موافق اروح العيادة ! حازم : انت متأكد ؟! .... على فكرة انت مش مجبر على كده . كريم بثقة تخفي اضطرابه الداخلي : متأكد . وصف له حازم عنوان عيادته بينما لم يخفي قلقه من رد فعل كريم عند زيارة العيادة .... خاصة و هو يعلم ان العيادات النفسية تمثل ذكريات مزعجه لكريم .... بالرغم من انه لا يعرف تفاصيل هذه الذكريات المزعجه .... الا انه لن يخفى عليه انها شديدة الازعاج ... حازم : خلاص هنا ... وصلنا . كريم : مفيش يافطة ؟! حازم : انت هتتصدم من دلوقتي ؟! ... تعالى . اتبعه كريم ... بينما كان حازم يصعد الدرج بأتجاه عيادته .... فتح حازم الباب ... ثم توجه نحو غرفة الاستقبال ليقول بطريقة مسرحية : مرحبا بك في محل عملي . اخذ كريم يتجول بعينيه في ارجاء الشقة الشبه خاليه .... لتتحول نظرة عينيه من الدهشة إلى الصدمة ... عندما دلف الحجرة الاخرى . حازم : ايه رأيك في العيادة ؟ كريم : بعيدا عن ان تسمية الشئ ده عياده غلط في حق الدكاتره .... فين الشيزلونج . حازم : انا مش عارف ايه الشيزلونج الي شاغل كل الناس ده .... هو انا مينفعش اكون دكتور منغيره . استكمل كريم تأمله ثم اشار باصبعه نحو الطاولة الصغيرة التي تستكين امام الكرسي .. و قال : ده المكتب ؟! حازم : جميل ... صح ؟! جلس حازم اولا على كرسيه خلف الطاوله الصغيرة ثم اشار إلى الاريكة قائلا : اتفضل .. توجهة كريم نحو الاريكة .... بينما الزهول مازال مسيطرا على ملامحه . حازم : انت هتفضل تتأمل الحيطه كده كتير . كريم : ايه ؟! .... لأ خلاص .. خلاص . حازم بجديه : كريم ... انت بتثق فيا ولا لأ ؟ واثق اني ممكن انجح في علاجك ؟ كريم : .... مش عارف . حازم : بس انا واثق فيك ... و متأكد من انك عندك استعداد تتغير ... و عايز تبقى احسن . ازدرد حازم ريقه ثم اردف : انا عارف اني هعمل حركه مجنونة دلوقتي .... لكن انا واثق من انك مش هتخيب ظني .... انا هجاوب على السؤال الي انت سألتني عليه قبل كده ... و ساعتها انا رفضت اجاوب عليه .... هقولك الحاجه الي محدش في الدنيا يعرفها غيري انا و بابا ! ضيق كريم عينيه و هو يحاول تذكر هذا السؤال بينما استطرد حازم : الاجابة تحت رجل الكنبة .. كريم و هو يعقد حاجبيه : ايه ؟! حازم : شوف الاجابة ... هتلاقيها تحت رجل الكنبة . ازاح كريم الأريكة الكبيرة قليلا ... ليلتقط الشئ الابيض من تحتها .... لا لم يكن شيئا ابيض .... بل كيس صغير يحوي !!! .... لا ... لا يمكن .... اسرع كريم بالسؤال قبل ان تنجرف افكاره : ايه ده ؟!!! اجاب حازم بثقة غريبة : ........ هيروين !!!!!! ******** يتبع | |||||||||||||
|
| |
|
22-05-13, 12:50 AM
| #244 | ||||||||||||||
| نجم روايتي
| اقتباس:
 اما كريم فكل ما يخفيه سيظهر الفصل القادم .. سعيدة بمتابعتك  | ||||||||||||||
|
| |
|
22-05-13, 12:54 AM
| #245 | ||||||||||||||
| نجم روايتي
| اقتباس:
 | ||||||||||||||
|
| |
|
22-05-13, 01:03 AM
| #246 | ||||||||||||
| كاتبة وقاصة بقسم قصص من وحي الاعضاء ولؤلؤة فعالية اقتباسات مضيئة
| مرحبا رنا .. فصل رائع حبيبتي اظن حكاية الادمان صحيحة والد حازم طبيب عظام ومستواهم المادي ممتاز وضع حازم نفسه يؤكد كلامه .. عجبني تشبيه الثقة .. آية حازم محق بعد توصيله اي خبر عن كريم وعلاجة السرية من آداب المهنة منة بدات تفقد حازم احسن ام لسان طويل تحتاج تتادب كريم وبداية الثقة اتمنى ان يكون الفصل القادم حامل لتوضحيات بشان حياة كريم بانتظار القادم بشوق كبير | ||||||||||||
|
| |
|
22-05-13, 01:05 AM
| #247 | ||||||||||||||
| نجم روايتي
| اقتباس:
اظن انا ما سيسهل مهمة حازم هو احتياج كريم لصديق وفي بقدر احتياجه لطبيب ماهر . | ||||||||||||||
|
| |
|
22-05-13, 01:14 AM
| #249 | ||||||||||
| نجم روايتي  
| حكاية حازم فيها حته ناقصه .. ايه هي مش عارفه بس ده احساسي يعني زي مايكون شايل اجزاء منها مخبيها لوقت تاني كده ... اصل مش كل من كان مقفول عليه بيدمن بسهوله كده مكنتش متوقعه انه يكسب ثقة كريم بالسرعة دي .... اقتباس:
هل ده يعني مؤشر لمدي سوء الحاله؟؟ اقتباس:
| ||||||||||
| |
|
22-05-13, 01:16 AM
| #250 | ||||||||||||||
| نجم روايتي
| اقتباس:
بالفعل استعين بالكثير من الكتب و المراجع ... قضيت اشهر ابحث و اتقصى عن الموضوع قبل ان ابدأ بكتابة حرف واحد في الرواية .... و باذن الله عند نهاية الرواية سأقوم بكتابة اسماء جميع المراجع و الكتب التي استعنت باجمع هذه المعلومات و طرق العلاج . | ||||||||||||||
|
| |
 |
| الكلمات الدلالية (Tags) |
| قوس قزح |
| أدوات الموضوع | |
| انواع عرض الموضوع | |
|
|
85Likes
.png)
.png)
العرض العادي
