آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-09-13, 09:40 AM
| #91 | ||||||||
| نجم روايتي وكاتبة في منتدى قصص من وحي الأعضاء 
|  اقتباس:
العفو يا حبيبتي ما سويت شي والله كله لعيونكم نعم كلاهما معذور فلا يملك امر القلب الا من خلقه مشكورة عالانتظار يالغلا ولا عدمت هالتواجد الحلووو | ||||||||
|  |
|
06-09-13, 09:43 AM
| #92 | ||||||||
| نجم روايتي وكاتبة في منتدى قصص من وحي الأعضاء
| اقتباس:
اهلا بالكاردينيا ومنورة القصة يا حياتي والله فعلا كلامك صحيح آآه من الرجال ومن مفاهيمهم للتعدد ارهقونا بها والله ههههه انتظري معي وشوفي كيف راح يكون مصير اسرار مشكورة للمرور الطيب ولا حرمني هالتواجد والكلام الجميل | ||||||||
|
| |
|
06-09-13, 09:46 AM
| #93 | ||||||||
| نجم روايتي وكاتبة في منتدى قصص من وحي الأعضاء
| اقتباس:
اهلا وسهلا برفيقتي من بداية القصة واللي منورتني في كل بارت منها نعم ربما يصدق احساسها فكل شيء يهون الا حب المرأة لغير زوجها ومشكورة عالتوقعات الجميلة يا عسل | ||||||||
|
| |
|
06-09-13, 09:51 AM
| #95 | ||||||||
| نجم روايتي وكاتبة في منتدى قصص من وحي الأعضاء
| اقتباس:
نعم صدقتي اوهام ما يحس بالنار الا اللي واطيها لكن مجتمعنا الذي لا يرحم هو من يجبر المرأة ان تسكت وتقتنع وان بقيت على الهامش مشكور يالغلا وربي لا يحرمني هالطلة الحلوة | ||||||||
|
| |
|
06-09-13, 09:56 AM
| #96 | |||||||
| نجم روايتي وكاتبة في منتدى قصص من وحي الأعضاء
| حبيباتي اعتذر لهذا اليوم فقط لأني عدلت البارت وكنت ناوية انزلة لكن صار عندي خلل وانمسح للأسف ان شاء الله اليوم الجمعة عالساعة 8 مساءا بتوقيت مكة المكرمة راح انزل بارتين وودت عليكم اسفة مرة ثانية غالياتي | |||||||
|
| |
|
06-09-13, 07:24 PM
| #97 | |||||||
| نجم روايتي وكاتبة في منتدى قصص من وحي الأعضاء
| الفصل الرابع عشر هنا اسرار حست انه حياتها مع عبد الله على وشك تنتهي او بالاحرى انتهت من هاللحظة وحست بنفسها انه مو قادرة تفكر بشيء واستسلمت للدموع.مرت ساعتين, ثلاث ساعات وعبد الله برة البيت, اسرار حاولت تتصل بيه اكثر من مرة لكن تلاقي التلفون مغلق واستسلمت للنوم على الكرسي. عبد الله يريد احد يشكيله وبسرعة وبدون تفكير اتصل على نادية .. نادية: الووو. عبد الله:اشونج نادية؟ نادية (بلعت ريقها):عبد الله شتريد مني بعد؟ عبد الله: اريد اشوفج بسرعة. نادية بعصبية: ليش كالولك اشتغل عندك بكيفك روحي وتعالي. عبد الله (بندم): نادية مو وكتها , الله يخليج محتاج اشوفج بسرعة. نادية: عبد الله ما اكدر بعد, اني خلاص عن قريب راح اتزوج(وانصدم عبد الله)وزوجي هو استاذي بالكلية صحيح هو اكبر مني بعشرين سنة بس عالاقل يحبني. عبد الله: وانتي؟ نادية: اني الوحيد اللي حبيته ذبحني وبعد متفرق عندي خليني اخذ اللي يحبني مو اللي احبه. عبد الله: مو بس انتي انذبحتي نادية . نادية (بلهفة وخوف ):شبيها وياك اسرار؟ عبد الله : ولا يهمج و اسف ع الأزعاج, اتمنالج الموفقية وتستاهلين كل خير,يلا مع السلامة .وقفل الخط . في اليوم الثاني صحت اسرار ولاقت نفسها نايمة ع الكرسي لكن متغطاية وبسرعة فزت لاقت عبد الله بالمطبخ يحضر الفطور لنفسه وهذا طبعا مو من عوايده,,,,اسرار تحاول تكون على طبيعتها دخلت للمطبخ.. اسرار: صباح الخير. عبد الله: ....... اسرار: ليش ما كعدتني اسويلك الريوك؟ عبد الله يتأفف: ما اريد منج شي. اسرار بتوسل: عبد الله بس اسمعني ؟ عبد الله:اهوووه وهذا الريوك خليه الج. وطلع من البيت وضرب الباب بقوة. استمر عبد الله بعقابه لاسرار بس من دون كلام حتى اذا تتصل بيه تريد شي للبيت يدزلها مسج(اكتبيلي اللي تريديه وبس)وهكذا وبعد 3 ايام طلب منها عبد الله انه تحضر جنط السفر حتى يسافرون للعراق, اسرالر حست انه خلاص سفرتها هذي راح تكون بدون رجعة. وفعلا من رجعو للعراق نزلو عند بيت (ضحى)وهو بالاساس بيت امهم المرحومة ابوهم قسمه بين عبد الله وضحى .و ضحى كانت مجهزة غرفة لعبد الله ولأسرار حتى يرتاحون بيها وطول الفترة هذي كان عبد الله يطلع من الصبح يروح للمستشفى حتى يشوف عبد الرحمن ومن يكمل زيارة يكمل يومه مع عزيز.اما بالنسبة لعلاقته بأسرار فأستمرت على نفس التوتر,وياما حاولت اسرار انه تفتح الموضوع وياه لكن كان يصدها,ومع هذا كان عبد الله يتصرف بصورة طبيعية كدام ضحى وكأن شيئا لم يكن.واليوم بالذات رجع عبد الله الساعة 4 العصر للبيت ولما اسرار سمعت صوته يسولف ويضحك وية ضحى واطفالها نزلت تركض حتى تسلم عليه, وفعلا اول ما نزلت وشافها عبد الله انكلب وجهه والتفت للجهة الثانية.هنا حست ضحى انه اكو شيء وسألت. ضحى:اكول يا عصافير الحب شكو بيناتكم؟ اشو مدلغمين؟ عبد الله بعصبية: ماكو شي. اسرار وهي متحاملة على نفسها : عبد الله اسويلك غدا؟ عبد الله: لااا, نفسي انسدت خلاص. اسرار انحرجت بمكانها:......... ضحى: يا ساتر يا رب مو هسة تكول سويلي غدا ميت من الجوع .وبعدين اسرار ما اكلت لأن انتظرتك (وحتى تتركهم على راحتهم)..اني رايحة اسويلكم الغدا وبين ما ارجع اريدكم تتصالحون (وطلعت من الصالة). اسرار وعيونها دمعت: عبد الله حرام عليك تحرجني كدام اختك, الله يخليك ارحمني, كافي عاد. عبد الله بعصبية :الله ياخذني واخلص منج وارتاح.وطلع وتركها. اسرار بسرعة صعدت للغرفة وسحبت جنطة السفر وجمعت ملابسها ولبست الحجاب ونزلت, ضحى لزمت ايدها:اسرار شبيج وين طالعة بهالوكت والدنيا مو امان ,وانتي ما عندج احد هنا؟ اسرار وهي تبجي: ضحى خليني اروح وين ما كان بس خلي اخوج يرتاح مني. ضحى: بس كوليلي شصاير ؟ اسرار:اسأليه هو يكولج كلشي. بس خليني اطلع الله يخليج. وسحبت ايدها من ايد ضحى وطلعت. ضحى اتصلت على عبد الله مرة ومرتين وبالمرة الثالثة رد عالتلفون. ضحى: عبد الله الحك,اسرار طلعت من البيت واخذت جنطتها. عبد الله:شنووو؟ وين راحت ؟ منو عدها هنا؟ ضحى : بس فهموني شصاير بينكم مو خبلتوني. عبد الله قفل الخط ورجع للبيت وهو طول الطريق يتصل على اسرار وهي مترد وبعدين قفلت الموبايل . طبعا اسرار توجهت لبغداد لبيت اختها ابتسام وبعد تقريبا ساعتين وبسبب الازدحامات الشديدة وصلت اسرار لبيت اختها(ابتسام) بالسلامة . ابتسام استغربت من وصول اسرار لوحدها وعلى وقت المغرب وبعد اخذ وعطاء بالكلام بيناتهم. ابتسام بزعل:مهما يكون اسورة عيني ميصير تطلعين بهالطريقة من بيت اخته العبد الله, بلة هسة شيكولون عنج؟ وبعدين انتي متعرفين شصاير بالاوضاع يعني !هم الزلم ميطلعون يسافرون لوحدهم,انوب انتي وبعدج صغيرة وحلوة. اسرار وهي تبجي: يعني شتريديني اسوي لعد؟والله الموت عندي ارحم من هالعيشة. اكوللج يا ريته ضاربني, ذابحني ولا معذبني ساكت وعابس 24 ساعة. ابتسام: بس لتزعلين أسورة انتي السويتيه مو شوية, الا اكو وحدة عاقلة تبجي على طليقها كدام زوجها ...اسرار لا تنسين انه اللي سويتيه مو لصالحج واحتمال,,, اسرار دمعت عيونها: بسومة يعني المطلقة لازم تنهان وتتبهذل وتسكت . ابتسام انقهرت عليها وحضنتها:لا حبيبتي ما عاش اللي يهينج بس انتي اتركيه فترة يهدا وتفاهموا وبطلعتج اليوم اني متأكدة عبد الله ما راح يسكت . وبنفس اليوم اسرار دزت مسج لضحى تبلغها بيه انه هي في بيت اختها ابتسام. وبنفس الليلة عبد الله اتصل على اسرار وكان شعلة من العصبية. عبد الله: وتاليها وياج انتي؟ تريدين تموتيني حتى ترتاحين! اسرار: وشتريد مني لعد؟ مو دا اتوسل بيك صارلي اسبوعين حتى تتمنن علية بكلمة طيبة وانت ولا معبرني . لو شفتني غريبة وما عندي احد كلت ابهذلها احسن. عبد الله : ليش السويتيه شويه؟ اسرار اللي سويتية ما ينغفر. اسرار:لعد اذا ما ينغفر ليش خابرت؟شتريد يعني؟ عبد الله :اسرار انتي بطلعتج اليوم من بيت ضحى حرجتيني كدام اهلي وكدام زوج ضحى (قاطعته اسرار):ايييييييه والمطلوب؟ عبد الله: مثل ما طلعتي لوحدج ترجعين لو تخلين اختج و زوجها يوصلوج لحد بيت ضحى. اسرار:واذا كلت لا؟ عبد الله: متلومين الا نفسج. بعدج ما شفتي مني شي . لهنا واسرار قفلت الخط بوجه عبد الله اللي حلف يخليها تندم على كلشي سوته بيه. ومر الاسبوعين وبدا عبد الرحمن يتحسن شوي,اما عبد الله فرجع لوحده للاردن وترك اسرار متعرف شنو مصيرها, اسرار رجعت لبيت اهلها في اربيل والكل عرف انه اكو خلاف صاير بينها وبين عبد الله والكل كان يظن انه الخلاف بسبب انه اسرار تاخرت بالحمل. وبعد شهرين من انقطاع العلاقة بين عبد الله واسرار, نرجع لعبد الله اللي هو بطبيعته انسان متسرع بقراراته وميسمح لأحد يناقشه بيها فقد قرر ما يلي: انه ياخذ بكلام نادية(انه ياخذ اللي تحبه مو اللي هو يحبها) وانه ما دام اسرار جرحته بهالطريقة فلازم يرد لها الصاع صاعين, وقرر انه يتقدم ل(سلمى) وفعلا كثرت لقاءاته بيها بالكلية و ولأول مرة عبد الله يتوجه مخصوص ويعزمها بالكافتريا حتى يفاتحها بموضوع الزواج, طبعا سلمى ما صدكت نفسها وقبلت الدعوة. عبد الله:سلمى ممكن احجي وياج بموضوع؟ سلمى: اييييه تفضل. عبد الله:اسمعي سلمى تعرفيني انسان صريح وما احب الف وادور...واتصور خلال هالفترة عرفتي كلشي عني,وعرفتي انه اكو خلافات بيني وبين زوجتي. وما اضم عليج اذا كلت انه انتي خلال هالفترة سديتي فراغ كلش جبير بحياتي. (سلمى نزلت راسها وخجلت):...... عبد الله: سلمى اذا تقدمتلج هالفترة وبظروفي هذي اللي تعرفيها, اهلج راح يوافقون لو لا؟ واهم شي انتي توافقين لولا؟ سلمى بخجل: خليني اسألهم. عبد الله: وانتي شتكولين؟ سلمى (سكتت مع ابتسامة)والسكوت علامة الرضا.طبعا بعدين صارت الخطوبة رسمية . وبالفترة السابقة حاولت اسرار انه تتصل على ضحى او عبد الله حتى تفهم شنو مصيرها لكن دائما يطلع الخط مفصول.وبعد هالفترة رجعت اسرار اتصلت على ضحى. اسرار: الوو ضحى السلام عليكم. ضحى(بأرتباك):هلا حبيبتي اسرار شخبارج؟ اسرار: بخير الحمد لله, بس قبل فترة اتصلت عليج ولكيت الخط مفصول ودا اتصل على عبد الله بس يمكن مغير الشريحة مالتة صح لو لا؟ ضحى : ها اي اي مغيرها. اسرار(شكّت انه اكو شي): اكولج ضحى صاير شي؟ اشو احسج مو مرتاحة؟ لو يمكن الوقت مو مناسب, اذا تريديني اتصل عليج بعدين. ضحى(سكتت):....... اسرار والدموع بعيونها:ضحى اكو شي؟ احجي الله يخليج. ضحى:اسمعي اسرار بس اريدج تعرفين انه مو كلشي يسويه عبد الله احنة راضين عليه, بس هو اول وتالي ابننا ونخاف عليه من الحرام. اسرار:يعني شنو مدا افتهم؟ ضحى: اسمعي اسرار اريدج تعرفين انه عبد الله خطب زميلته بالكلية وتزوج ..والفترة المضت احنة كنا وياه بالاردن ولهالسبب انتي ما حصلتينا. اسرار وهي تبجي:بهالسرعة,وما فكرتو بية ولا خابرتوني ولا حتى سألتو؟ليش ضحى؟ ليش؟وانتو ليش تقبلون؟ ضحى انقهرت عليها: والله اسرار هو فاجئنا بالموضوع وطلع متفق وياها على كلشي. اسرار:وهو باعني بهالسرعة مع الاسف عليه(وسكتت شوية) ضحى اريد رقمه الجديد؟ ضحى: هو منبهني ما انطيه لأحد. اسرار: بس اني المفروض زوجته مو احد غريب لو نسيتو؟ ضحى:اسرار لو بس نعرف شصاير بيناتكم والله الا كلشي ينحل بس لا انتي ولا هو ترضون تحجون. اسرار: خلاااص بعد,ميسوة الحجي, كلشي انتهى بس اذا الي خاطر عندج رديلي الرقم وهسة. وفعلا ضحى انقهرت عليها وردتلها الرقم , واسرار قفلت من هنا واتصلت على عبد الله من هنا. عبد الله: نعم. اسرار:عبد الله اشونك؟ عبد الله(فز من سمع صوتها): منو؟ اسرار: بهالسرعة نسيت صوتي؟ عبد الله: لا مو ناسي,وين رايح عن صوتج. بس منين جبتي الرقم؟ اسرار: هو هذا اللي يهمك؟ ماكو كلمة اشونج؟احوالج؟ عبد الله ببرود قاتل :اسرار شتريدين؟ اسرار:اريد اعرف راسي من رجلية؟ عبد الله: بصراحة ليهسة ما قررت. اسرار بعصبية:ها لعد قررت النفسك وتركتني عبد الله؟ عبد الله ببرود:ها يعني عرفتي الاخبار؟ زين اختصرتي علية الطريق, ومتريدين تعرفين منو هي؟ اسرار: عرفتها بدون متكول.سلمى ما غيرها. عبد الله بحرقة: اي عالأقل اخذ وحدة تحبني لو صار علية شي تبجي من كل قلبها.لو شتكولين؟ اسرار انقهرت: يااااااه عبد الله ما نسيت السالفة لحد الان لعد شكد قلبك اسود! زين وما كلت هالادمية اللي تاركها يم اهلها شنو مصيرها؟ عبد الله: انتي اختاريتي اسرار. وجرحتي كرامتي . اسرار:عبد الله انتة شكيت بيه وبأخلاصي الك كزوجة شتريدني اسوي؟ وحلفتلك مرة وراح ارجع احلفلك انه من ساعة دخلت بيتك والله ثم والله ما فكرت بعبد الرحمن ولا بغيره , وحاولت اسعدك بكل شي اكدر عليه . عبد الله قاطعها : يمكن صحيح كلامج بس عمري ما حسيت بيج تحبيني لو ملهوفة علية ..انتي يمكن ترتاحيلي لو متعودة علية بس حب لااا... بعدين فاجئها :ويمكن انتي وافقتي على زواجنا حتى تقهرين عبد الرحمن صح لو لا؟؟ اسرار نزلت دموعها غصبا عنها عبد الله كمل كلامه :وحتى اني تقصدت اقهره بزواجنا بس الظاهر صار العكس وهو رجع قهرني لأن شفته بعيونج اسرار.. وبدا يفضفض اكثر:يمكن تتصورين اني اكره عبد الرحمن...لا اسرار اللي يعاشر عبد الرحمن ما يكرهه مهما يكون بس الي وياه موقف ما راح انساه وانتي السبب بيه. اسرار انتي اول ما صرتي ويانا بالشلة عبد الرحمن تغيّر علية وبدا يخاف عليج مني ويحذّرني اقترب منج ومن اسأله ما يجاوب ..طلع الأخ هو اللي يحبج وضاامها بقلبه ...وياما كشفت النظرات بيناتكم بس من اسأله يحجيلي بالمثاليات الى ان تفاجئت بيه وهو يريد يخطبج. اسرار بقت مذهولة لما سمعت كلام عبد الله:عبد الله انتة ما تنسى؟؟ عبد الله: بصراحة بديت انسى بس بذاك اليوم انتي رجعتي ذكّرتيني بكل شي اسرار. ومع هذا اني مستعد انطيج فرصة ثانية حتى لا اظلمج اسرار ابتسمت بسخرية:لااا واضح ما راح تظلمني ..بشنو تظلمني اكثر من انه تتزوج حتى بدون ما تنطيني خبر .. عبد الله :اسمعي اسرار اعرف انه صعبة تصيرين (وتلعثم عبد الله)_يقصد مطلقة للمرة الثانية_ فاذا تريدين ترجعين اني ما عندي اشكال بس بشرط تقبلين تعيشين انتي وسلمى ابيت واحد وما اضم عليج انه سلمى راح تكون الكل بالكل الى ان يمكن انسى اللي صار. اسرار انطعنت منه للمرة الثانية : معقولة اللي تكولة ؟؟وليش ارضى بهالمهانة ..اللي قبلك ظل يتوسل اشهر واني ما رضيت .. عبد الله :وتصورتيني ضعيف مثله ..لااا اسرار اني ما اتوسل بأحد ..يمكن شفتيني متساهل وياج بهواية مواقف ..بس تجين يم كرامتي .. اسرار قاطعته :وكرامتي اني ما فكرت بيها؟ عبد الله: انتي بموقف ضعف ولا تنسين انه انتي اصلا..... اسرار صرخت بوجهه: كافي كافي افتهمت ...هو هذا وعدك انه ما تحاسبني عالماضي..محد ضربك على ايدك عبد الله ... وعالعموم ما اريدك تتمنن علية بحياتي وياك,هاي عشرة عمر مو يوم ويومين. عبد الله طلقني وريح نفسك وريحني. يمكن صجيج تستاهل وحدة احسن مني ..وحدة بقلبها واحد ووبس.. وقفلت الخط ونزلت من غرفتها وظلت كاعدة بالحديقة وهي تحس انه روحها راح تطلع وحتى تحس دمعها نشف خلاااص. ام اسرار حست بيها لما نزلت و فتحت باب الصالة وبأحساس الأم عرفت انه لااازم اكو شي وفعلا كامت من سريرها وطلعت للحديقة,شافت اسرار كاعدة بالمرجيحة ومغمضة عيونها وهي تئن بأنين يقطع القلب. الأم تنحنحت وسمت بسم الله وصاحت على اسرار اللي بسرعة فتحت عيونها وراحت تركض لحضن امها وهي تصيح(ليش ما خليتوني اموت من ذاك اليوم؟ ليش جبتوني للدنيا تاخذني يمنة ويسرة ؟ماماااا والله صرت اخاف من كل اللي احبهم, خاف يجي يوم ويعوفوني لوحدي_وظلت تبجي بحضن امها وبدون متسأل عرفت اللي صار_)طبعا اسرار كالت هالكلام مو من فراغ لكن هذا الكلام الة قصة مرتبطة بحياة اسرار وهي( انه اسرار انولدت بالشهر الثامن من الحمل وكانت حالتها ضعيفة وظلت بالخدج, والكل توقع انه راح تمووت لكن ابوها_ورغم انه هي البنت الرابعة _ظل متعلق بيها وظل يروح ويجي للمستشفى وبيده المصحف ويكعد يقرا قران وظل على هالحال الى ان تحسنت وسماها(اسرار) لأنه حس انه راح تكون مختلفة عن اخواتها وفعلا كانت اسرار ولا زالت الاقرب لقلب ابوها وكانت ابر البنات بيه) بعدين وبهدووء عبد الله طلق اسرار وطلع من حياتها , وصارت اسرار مطلقة للمرة الثانية,وكثرت اقاويل الناس وخصوصا الاقارب والكل يسأل وتعبت نفسيتها لكن ابوها اواها و خلى الكل يوقف عند حده, وفعلا اسرار استمدت منه الشجاعة وطلعت واجهت المجتمع و رجعت ثقتها بنفسها ورجع اهتمامها بنفسها مثل الاول واكثر.وقررت انه متبقى بالبيت وتستفيد من شهادتها وفعلا قدمت على شغل وبعد فترة طلع تعيينها كأدارية في احد المدارس وكانت في المدرسة مثل الفراشة بجمالها وابتسامتها ومثل النحلة بنشاطها وكانت مثار اعجاب المديرة والمعلمات وياها.وكانت مديرة المدرسة انسانة فاضلة اسمها (ست ربيعة)_ام سيروان_ وكانت تحب اسرار وتنقهر عليها بنفس الوقت خصوصا لما سمعت بقصص زواجها وطلاقها.وبيوم من الايام (ست ربيعة)وكعت وانكسر كاحلها وظلت بالبيت وصارت الادارة من مسؤولية اسرار وما قصرت بشي وكانت تتصل دائما ب(ست ربيعة)تسألها وبسبب شغل الادارة اسرار تأخرت بزيارة (ست ربيعة)والاطمئنان عليها ووعدتها انه لما تكمل شغلها راح تزورها للبيت. وصارت ست ربيعة تكثر الكلام عن اسرار ونشاطها واشون عدها شخصية حلوة و شايلة المدرسة رغم صغر سنها ,طبعا هذا الكلام كله كدام زوجها (ابو سيروان) اللي تمنى يشوف اسرار شلونها!(نتعرف على عائلة ست ربيعة_ام سيروان_طبعا العائلة مكونة من: الاب(ابو سيروان)والام, ام سيروان والاولاد:سيروان وسامي. والبنات: اسراء, سالي, والصغيرة سمر. اما ابو سيروان فهو رجل في بداية الخمسينات(52 سنة), وكان مهتم بنفسه وبأناقته ومن ناحية الشبه فهو كان يشبه(رشدي اباظة) وكان متزوج من بنت عمه اليتيمة وهي اصلا اكبر منه بالعمر وعنده منها بنتين.لكن بسبب عيونه الزايغة,راحت زوجته الاولى وخطبتله ( ست ربيعة) واللي صار عنده منها ( 5 ابناء)طبعا ست ربيعة عدها احفاد من ابنائها رغم انه لا تزال بالاربعينات لكن هي زوّجت بنتها اسراء على عمر (16 سنة) من ابن عمها وزوجت ابنها سيروان على عمر(20 سنة) ومن الساعة اللي صارت بيها(بيبي) ,ام سيروان صارت وقورة اكثر وتخجل تلبس الالوان الفاتحة وصارت تخجل من وضع المكياج , صحيح هي بالاصل حلوة لكن (ابو سيروان) هو بالنهاية رجل وعنده متطلبات.ولما ام سيروان ملت من طلباته المتكررة قالت له وبالفم المليان: (اسمع عيني ابو سيروان, روح شوفلك وحدة تلبسلك وتكشخلك , ومن عيني اني اروح اخطبها الك, بس لا تحملني فوق طاقتي) وفعلا ظلت ام سيروان تسمع انه ابو سيروان يخطب هنا وهنا, لكن لحد الان ما صار شي على ارض الواقع. نرجع على بيت ست ربيعة وخصوصا الفترة اللي انكسر بيها كاحلها,طبعا اليوم اسرار اتصلت على بيت ست ربيعة وتتوقعون منو رد عالخط. اسرار وبصوتها الناعم كالعادة:الووو مساء الخير العفو ست ربيعة موجودة؟ ابو سيروان:اي نعم منو نكوللها؟ اسرار: كوللها ست اسرار. ابو سيروان(ذاب من نعومة الصوت) :اي عيني فد لحظة.(وفعلا راح لاقى ست ربيعة ماخذة مهديء ونايمة) ابو سيروان: العفو والله لاقيتها نايمة. اسرار: امممم اوكي سلامتها الف سلامة, بس سلملي عليها وان شاء الله فد ساعتين واخابرها. وقفلت الخط بينما ابو سيروان ظل بمكانه وحس نفسه واقع بحب صاحبة الصوت ايا كانت.وعند المساء وبينما ام سيروان وابو سيروان كاعدين يتفرجون ع التلفزيون الا ويرن التلفون وترد ام سيروان. ام سيروان: الووو. اسرار: ......... ام سيروان: الف هلاااا عيني اسرار اشونج حبيبتي؟ (طبعا ابو سيروان صارت عينه ع التلفزيون واذانه ع التلفون وية ام سيروان) اسرار:........ ام سيروان: اي عيني حياج الله بكل وقت. اسرار: ............ ام سيروان: اوكي حبي انتظرج الساعة 4 العصر لا تتأخرين. طبعا كملت المكالمة وكعدت ام سيروان تسولف(مسكينة ام سيروان على نيتها):هذي ست اسرار اللي كلتلك عنها بس شنو ادب واخلاق وجمال وست بيت ومعدلة بس المسكينة ما عدها حظ. ابو سيروان بأهتمام مخفي: ليش يعني؟ ام سيروان: خطية تطلقت مرتين. ابوسيروان : وشنو السبب؟ ما عرفتي؟ ام سيروان بحزن: اي خطية ميصير عدها اطفال. ( ابو سيروان تنفس الصعدااء بأنانية : اي ومنو رايد اطفال هسة ) وثاني يوم ابو سيروان من الصبح كعد وراح للحلاق ورتب نفسه ووجهه, وكل شوية يروح ويرجع ع المراية يشوف نفسه, حتى ام سيروان استغربت رغم هو طول عمره يهتم بنفسه لكن مو لهالدرجة ولما سألته كاللها(عندي موعد وية صديق ومعزومين على مناسبة على الساعة 4 ونص)وصار اليوم بالنسبة الة اطول من كل يوم وما صارت الساعة 4 الا خمس دقايق الا هو طالعة روحة وراح وكعد بالحديقة حتى يكون هو اللي يفتح الباب.ولما اندق الباب راح ابو سيروان يركض وفتح الباب الا ويشوف..... ابن جيرانهم الصغير:عموو الطوبة مالتي وكعت بالحديقة مالتكم بس اريد اطب اخذها. ابو سيروان (وبخيبة امل)راح جاب الطوبة وانطاها للولد وهو يدردم ويلعن ابو الطوبة وسنين الطوبة .ورجع كعد بالحديقة وعلى الساعة 4 بالضبط , اندق الباب مرة ثانية وفعلا راح فتح الباب الا ويتفاجيء بانسانة ناعمة وانيقة وبيها كل المواصفات اللي يريدها هو(حسب رأيه) اسرار ابتسمت: مساء الخير. ابو سيروان(ما نزل عينه من عليها):اهلا وسهلا.تفضلوا. وصاح على بناته: سالي,سمر..افتحو باب الصالة. اسرار شكرته ودخلت للبيت وكانت وياها اختها الصغيرة(رشا) وفجأة اسرار التفتت على رشا: رشاليش ما سلمتي على عمو؟ مو عيب! رشا(استحت وما سلمت). ابو سيروان(بينه وبين نفسه) عمو شنو؟ يعني كوة تريد تكّبروني! طبعا اسرار دخلت للصالة مع سالي(وكانت طالبة بالكلية) ورشا راحت تلعب وية سمر,سالي طلبت من اسرار انه تنزع حجابها لأنه ماكو احد غريب وفعلا اسرار نزلت الشيلة وخلتها على كتوفها وكانت مسرحة شعرها بطريقة بسيطة وحلوة. ابو سيروان راح للغرفة على ام سيروان وبلغها انه ضيفتها وصلت وتنتظرها بالصالة. ام سيروان: عيني ابو سيروان يا ريت تصيحلي(سالي)خلي تسندني لما اوصل للصالة. ابو سيروان: ليش واني وين رحت؟ خلي(سالي) وية الضيفة, عيب تتركها بوحدها.يلا عيني انطيني ايدج. وفعلا ام سيروان استندت على ابو سيروان لما وصلها للصالة وفجأة ابو سيروان فتح الباب الا وتصير اسرار بوجهه وهي منزلة الشيلة,وشعرها نازل بطريقة حلوة. اسرار تفاجئت ورجعت لبست الشيله على شعرها بسرعة لكن نزلت خصلة من شعرها على عيونها.وبسرعة كامت من مكانه وراحت تستلم ام سيروان من ايد ابو سيروان اللي انتبه عليها اكثر وهي قريبة, وكانت منزلة عيونها وخاطة الاي لاينر على جفونها بطريقة سحرية. طبعا ابو سيروان طلع من الصالة وهو يسأل نفسه( اكيد هالبنية بشر؟ لالا مستحيل هاي اكيد حورية, وبعدين اكيد اللي طلقوها عميان,يكفي ابتسامتها اللي تذوب الحجر) (سبحانك اللهم وبحمدك اشهد الا اله الا انت استغفرك واتوب اليك) التعديل الأخير تم بواسطة هبة ; 06-09-13 الساعة 11:37 PM | |||||||
|
| |
|
06-09-13, 08:05 PM
| #98 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته مساء الخيرات والسرور على عيون احلى شوق والله هاي البنية ابد ماعدها حظ ليش المطلقة تكون مطمع لكل رجل تحت مسمى مطلقة وترضى باي شئ كرهت جدا ابو سيروان يعني من جانت زوجته متحملة البيت والاطفال ومداريته والتعب مضاعف عليها لان الرجل شهريار زمانه حاير بس برغباته واحتياجاته فقط والمجتمع طبعا معه على طول الخط تحت مسمى موحرام ولا عيب اذا من جهة الرجل بس اذا انعكست الصورة لا تنقلب الدنيا سودة ظلمة على المرأة المسكينة عرفت نهاية اسرار وية عبد الله بهذا الشكل لانه انسان مريض بانتظار الاحداث القادمة على احر من الجمر دمتي بكل الخير والود والمحبة | ||||||||
|
| |
|
06-09-13, 08:27 PM
| #99 | ||||||||
| نجم روايتي وكاتبة في منتدى قصص من وحي الأعضاء
| اقتباس:
يسلمو حبيبة قلبي ويسلمو العيون اللي تقرا بالضبط حبي هي المطلقة تكون مطمع ولازم ترضى بأي شي بس حتى يسكت المجتمع من حولها وفعلا كان لازم تكون نهايتها مع عبد الله مادام دخل الشك بينهم راح تستحيل الحياة اكيد مشكورة حبي وانتظري البارت القادم لأني وعدت انزل بارتين لهذا اليوم دقائق ويكون بين ايديكم | ||||||||
|
| |
|
06-09-13, 08:47 PM
| #100 | |||||||
| نجم روايتي وكاتبة في منتدى قصص من وحي الأعضاء
| الفصل الخامس عشر وعدّت الايام وتحسنت حالة ام سيروان ورجعت لمدرستها ورجع ابو سيروان يوصلها بس هالمرة كان يتمنى ويتأمل انه بس يلمح اسرار ولو مرة وحدة. وصارت اسرار متفارك خياله .. وبيوم من الايام ولما كانو يطلعون من المدرسة. ام سيروان: عيني ابو سيروان اكو معلمات وياية سايقهم تأخر وما اكدر اعوفهم بوحدهم, تكدر توصلهم بطريقنا؟ ابو سيروان: اي ليش لا؟ خلي يتفضلون . وفعلا طلعو معلمتين من المدرسة وكانت الثالثة هي اسرار اللي بشوفتهه ابو سيروان ردتله الروح.وطول الطريق ابو سيروان كانت اذانه وعيونه على اسرار وكل شوية يعدل بالمرايا الامامية والجانبية حتى يشوفها وهي _يا غافلين الكم الله_ وبعد تقريبا اسبوعين من التفكير, خلاص ابو سيروان بعد ميتحمل وقرر انه يتقدم لخطبة اسرار لكن بالأول لازم يجس النبض وتجيه الموافقة .وعلى وقت العصرية كانو ابو سيروان وام سيروان كاعدين بالحديقة . ابو سيروان ارتبك شوية وبعدين:عيني ام سيروان اريد احجي وياج بموضوع بس يا ريت متفهميني غلط. ام سيروان ضحكت: ومن ايمتة اني افهمك غلط ليش اكو احد فاهمك مثلي؟ ابو سيروان : عيني ام سيروان اانتي تعرفين انه شرع الله ما يزعل احد.(ام سيروان ابتسمت ابتسامة باهتة لان عرفت شيريد يكول) وانتي يعني..... اااقصد....قبل فترة كلتيلي انه انتي مستعدة تخطبيلي بنفسج صح لولا؟ ام سيروان(بلعت ريقها): ها يعني نويت ابو سيروان؟ومنو سعيدة الحظ اللي تريدني اروح اخطبها؟ ابو سيروان (بتردد):ا...اا.. هي وحدة من معارفج. ام سيروان (فتحت عيونها): ليش معارفي وحدة, اثنين؟ ما افتهمت يعني. ابو سيروان: ااا... هي وحدة من المعلمات اللي وياج بالمدرسة. ام سيروان بعصبية: ابو سيروان ليش متكول منو هي وتخلصني؟ لو تريدني اعددلك اسماء كل المعلمات! ابو سيروان: لا لا ماكو داعي,هي.. هي..هذي اللي اسمها(ست اسرار). ام سيروان شهقت: اسرار المعاونة؟ معقولة؟ ابو سيروان: وليش مو معقولة؟ ام سيروان: بس هاي بعدها صغيرة. يعني تصورتك تريد وحدة شوية جبيرة بالعمر. ابو سيروان: يعني شنو بعدها صغيرة؟ وبعدين انتي مو تكولين مطلقة مرتين؟ ام سيروان:يعني واذا مطلقة مرتين, تكوم تاخذ واحد بعمر ابوها؟! ابو سيروان تعصب من هالملاحظة : شنو قصدج بعمر ابوهة؟ على كيفج ام سيروان ترى كل عمري 50 سنة ونص(هو متقصد يصغر بعمره).وبعدين اني زوّجت ولدي وهم صغار, مو شفتي عندي احفاد ويصيحولي (جدو) عبالج عجزت!لاااا ترى كلمن يشوفني عبالهم عمري ما تجاوز ال45. ام سيروان : بس هي البنية كل عمرها 27 سنة, ما اتصور راح تقبل بيك,شوفلك غير شوفة ابو سيروان. ابو سيروان: وانتي ليش تريدين تكطعين رزقها؟اسأليها وشوفي شترد؟ وانتهى النقاش لحد هنا, طلع ابو سيروان من البيت, ودخلت ام سيروان لغرفتها وصارت تحجي وية نفسها(هي هاي تاليتها ربيعة؟لعد ليش انطيتيه كلمة وكلتيله اروح اخطبلك اذا انتي تغارين عليه؟شعبالج الرجال لعد؟وهو ابو سيروان بالذات ميصدك على الله.لاااا وانتي الطيبة وعلى نياتج,كعدتي تسولفيله عن اسرار وتوصفيله بيها, وانتي تعرفين رجلج يهيم اذا شاف صورة وحدة حلوة. وهسة ربيعة شراح تسوين؟اااه صدك لو كالو الضرة مرة. اشو من هسة حاسة روحي تريد تطلع!) لكن لأنه ست ربيعة كانت امرأة متدينة وتخاف الله, وعد كلمتها ومؤمنة انه (لن يصيبنا الا ما كتب الله لنا)قررت تحجي وية اسرار وتجس نبضها. وبعد يومين ست ربيعة تحججت انه تريد تسوي جرد بالأدارة وطلبت انه اسرار تساعدها,طبعا اسرار ما تقصر وعلى طول راحت لغرفة الادارة وصارت تساعد ست ربيعة ,واللي انتبهت على اناقة اسرار ومكياجها البسيط وحتى انتبهت على اظافرها شلون مرتبتهن وصابغتهن (بصبغ الاظافر)المتناسق مع لبسها والاكسسوارات اللي لابستها.وبينها وبين نفسها(ايييه ابو سيروان حقك والله,مو مثلي كبّرت نفسي 20 سنة بحجة الوقار الى ان طفش الرجال)واثناء الجرد قررت ست ربيعة تبدي بالموضوع وية اسرار. ست ربيعة بضحك:اكول اسرار انتي ما تشتغلين بالبيت؟ اسرار ابتسمت: ليش منو اكو بالبيت غيري اني وماما؟ تعرفين رنا بالأعدادية ورشا بأول متوسط ومخليهن على راحتهن. ست ربيعة: زين ايمته تلاكين وكت يعني لأظافرج , للشسوار؟يعني ما شاء الله اشوفج مهتمة بنفسج. اسرار: شوفي عيني ست ربيعة اني عندي ايمان انه(لنفسك عليك حق)يعني اذا انتي متحبين نفسج وتدللين نفسج منو راح يحبج ويدللج؟ صح لو لا؟ وبعدين لااازم دائما اكو وقت.وحتى لو الشغل يتأجل شوية اهم شي نفسي.بس مو قصدي الشغل الرئيسي ,لاا اقصد الشغلات الثانوية. ست ربيعة:بس اسألج سؤال ولا تزعلين؟ اسرار: اعرف شنو تريد تسألين, قصدج من جنت متزوجة؟ راح اكوللج ,اي نعم ظليت مهتمة بنفسي لأن على كد حبي النفسي راح المقابل يحبني وهذا الشي لمسته لمس اليد(وابتسمت بقهر)بس شنكول محد ياخذ اكثر من نصيبه. ست ربيعة: زين عيني اسرار,اكو ناس شافوج عندي وسألوني عنج.وكالو منو هالحلوة الطلعت من بيتكم. اسرار: بس لا خطابة! كوليلهم هالحلوة ما عدها حظ, بعدو عنها احسن. ست ربيعة: استغفر الله, ليش هيج تكولين اسرار؟كلها مكتوبة باللوح المحفوظ ارزاقنا واجالنا وانتي انسانة مؤمنة.هاا ما كلتيلي؟ اسرار فتحت عيونها: شأكول؟ ست ربيعة: اذا اكو شخص يريد يتقدملج ويعرف كلشي عنج وما عندة اعتراض على شي, بس هو متزوج مرتين وعندة ضنا واحفاد وانتي اذا قبلتي راح تكونين الزوجة الثالثة. اسرار ضحكت: هاي شنو الكاميرا الخفية؟و بعدين هذا شكد عمره لا يكون 70 سنة ويريدني ممرضة الة. ست ربيعة ضحكت: انزول عليج اسرار,لا والله هو مو حييل جبير يعني وسط,وما شاء الله صحة وعافية. اسرار: ست ربيعة اشو انتي حييل مهتمة يعني عبالك تعرفيه زين؟ وبعدين اني اصلا شايلة الفكرة من بالي هسة, عرفت حظي خلاااص. ست ربيعة بجدية: انتي فكري بالموضوع زين وكوليلي؟ حتى ارد عليهم.لأن يهمهم يعرفون ردج. اسرار:مو كلتلج يا عيني اني شايلة الفكرة من بالي ,شلون ارجع افكر بالزواج انوب.وبعدين منو هم الكاتلين نفسهم يعني؟ البنات ماليات البيوت.(وبعدين اسرار رجعت سألت):هو شخص قريب الكم يعني؟ ست ربيعة بأبتسامة : ايييه حييل قريب. اسرار: يعني اخوج مثلا؟ ست ربيعة: لااااا مو اخوية(وسكتت شوية وبإبتسامة سخرية ) العريس هو زوجي ابو سيروان هو اللي يريد يخطبج اسرار. اسرار شهقت: شنوووو؟ ابو سيروان يريد يتزوج؟لييييش ؟ هو وين يلاكي وحدة مثلج؟ ست ربيعة بأبتسامة باهتة:هو ميريد وحدة مثلي, هو يريد وحدة مثلج دلوعة وانيقة وصغيرة. اسرار(دمعت عيونها): وانتي ليش تقبلين؟لااا وكاعدة تخطبيله بعد؟ ست ربيعة: ليش عيب لو حرام.؟ اسرار:لااا مو عيب ولا حرام بس يكسر الخاطر.الله يخليج ست ربيعة كوليلي د تختبريني لو د تتشاقين وياية بس لا تكوليلي صدك. ست ربيعة:لا والله كل كلمة كلتها صدك,وهو ابو سيروان شافج وتغيرت احواله وما دام مو حرام خليه على راحته. اسرار نزلت راسها:وشتريديني اكول؟ ست ربيعة: اكوللج فكري؟انتي بهذا وضعج بالنسبة الج ابو سيروان احسن من غيره , هو صحيح عمره 52 بس... اسرار: هااا يعني لأن مطلقة مرتين خلاااص اذب نفسي على اي واحد؟ واهدم استقرار بيت وعائلة؟ ست ربيعة:اسرار عيني هو ابو سيروان مو اليوم والبارحة يخطب علية, واذا ما خطبج انتي راح يخطب غيرج.ولو تريدين الصدك اني اتمنى اخذله وحدة اعرفها احسن متجينا وحدة متخاف الله وتفتن بيناتنا. اسرار: اسفة والله ما اكدر,والله لو بيدي اخابره واكوله عندة جوهرة نادرة اسمها ست ربيعة حراام تفرط بيها. ست ربيعة حضنت اسرار: هذا من طيب اصلج والله,وصدكيني اسرار اذا توافقين على ابو سيروان راح اني من يمي ارتاح. الله يخليج فكري زين. وطلعت من الادارة وتركتها بحيرتها. ومرت الأيام وابو سيروان على نار ينتظر ام سيروان تحجي وتجيبله الرد من اسرار,ولو بيده يوميه يسألها عن هالموضوع وصار كلما يوكف ع المراية يدندن(حب تالي العمر كتاّل).وطبعا ام سيروان كالتله انه البنية بعدها تفكر. وبيوم من الايام كانت ام سيروان ومجموعة من المعلمات معزومين عند وحدة من المعلمات واسمها(ست محاسن)بمناسبة حصول زوجها على شهادة الدكتوراه , وقررو ينقسمون مجموعتين: المجموعة الاولى يروحون وية ام سيروان بسيارة ابو سيروان,والمجموعة الثانية يروحون وية معلمة اسمها(ست رؤى )بسيارة اخوها واسرار كانت من ضمن المجموعة الثانية.وبنفس اليوم ست رؤى اتصلت على ست ربيعة وكالتلها انه سيارة اخوها عطلانة ولأنه متعرف العنوان ,طلبت منها انه تروح وياهم بسيارة ابو سيروان وفعلا ست ربيعة وابو سيروان مروا بسيارتهم واخذو ست رؤى,المهم انه لما صارو قريبين على بيت ست محاسن(صاحبة المناسبة) رؤى صاحت كأنه ناسية شي:ياااه شوفي ست ربيعة, اني نسيت ست اسرار وحتى ما خابرتها,هي هسة تنتظرني شكد عييب؟ هنا ابو سيروان قلبه صار يرجف وبسرعة جاوب:هسة نمر عليها ناخذها ويانا. ست رؤى: اشون مو احنة صرنا قريبين على بيت ست محاسن, والله منريد نتعبك ابو سيروان. يعني المشوار يصير مشوارين. ابو سيروان(بينه وبين نفسه-ان شاء الله عشر مشاوير بس اشوفها بعيني_):لالالا ماكو كل تعب لو شتكولين ام سيروان؟ ام سيروان(بينها وبين نفسها_شأكول يعني مبين وكعت ومحد سمى عليك_):اي ما بيهة شي احسن ما تظل تنتظر. وفعلا مرو على اسرار اللي انصدمت من شافت سيارة ابو سيروان لكن ما كان بيدها شي غير تروح وياهم. وبالطريق كله اسرار ظلت ساكتة واي شي تسألها ست رؤى هي تهز راسها بثلاث كلمات(اي,لا,بعدين)وصار ابو سيروان يعدل بالمرايا الامامية ويتمنى بس ترفع عيونها,لكن هيهات, وهذا الشي محد انتبه عليه بس اسرار وام سيروان اللي انقهرت من تصرفه. واثناء ما هم كاعدين في بيت (ست محاسن)اسرار ما كانت حاسة بالراحة واستأذنت تروح للحمام وهناك خابرت على ابوهة وطلبت منه يجي ياخذها قبل صلاة المغرب وفعلا قبل صلاة المغرب اتصل ابو اسرار وهي استأذنت من المعلمات وتحججت بأنه هي تحس بمغص قوي. وفعلا عذروها الا ست ربيعة عرفت انه اسرار سوت هالشي لأن انحرجت من نظرات ابو سيروان لها. وثاني يوم ست ربيعة طلبت اسرار للأدارة . ست ربيعة: اسرار شبيج البارحة مو على بعضج؟ اسرار: ااا....مو كلتلج عندي مغص قوي. ست ربيعة: هااا علينا اسرار؟ عبالج اني غشيمة وما انتبهت شنو سوى ابو سيروان؟اسرار والله صدك ليش متقبلين بيه؟ والله خطية؟ ما شفتيه شلون رجع مراهق.يمعودة لحستي عقله. اسراردمعت عيونها:والله ما اكدر اسفة ست ربيعة, واذا بقيتي تلحين على هالموضوع اني بعد اذنج راح اطلب نقل رغم تعودت عليكم هنا بس انتي غالية عليه ومو مستعدة اجرحج لا اليوم ولا باجر .وطلعت اسرار من الادارة وهي تمسح بدموعها. وبنفس اليوم رجعت ست ربيعة للبيت وعلى وكت العصر كعدت وية ابو سيروان. ام سيروان: شوف عيني ابو سيروان بخصوص الموضوع اللي كلتلي عليه, والله البنية مو موافقة. ابو سيروان تعصب: يعني شنو مو موافقة؟ ام سيروان : تكول ما اريد اتزوج. ابو سيروان: وليش يعني؟ لا عيب ولا حرام, لااازم انتي ما لحيتي عليها.وبعدين وحدة حلوة مثلها يرادلها رجال يدللها ويستر عليها. ام سيروان انقهرت من هالملاحظة: والله مدري يمكن هي تعقدت من طلاقها مرتين وتخاف من الثالثة. ابو سيروان:ارجعي كوليلها مستعد اكتب بعقد الزواج انه ما اطلقها بس خلي توافق. (سبحانك اللهم وبحمدك اشهد الا اله الا انت استغفرك واتوب اليك) التعديل الأخير تم بواسطة هبة ; 06-09-13 الساعة 11:37 PM | |||||||
|
| |
|
| الكلمات الدلالية (Tags) |
| الجامعة...قصة, اسرار, عراقية |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
