آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-08-13, 08:08 AM
| #21 | ||||||||
| نجم روايتي وكاتبة في منتدى قصص من وحي الأعضاء 
|  اقتباس:
يا اهلا وسهلا باللي منورتني في كل بارت مشكورة يالغالية عالمتابعة والتخمين وفعلا  كلامك صحيح لكن تابعي معايا وشوفي اللي راح يصير مشكورة مرة ثانية حبيبتي | ||||||||
|  |
|
29-08-13, 09:05 AM
| #22 | |||||||
| نجم روايتي وكاتبة في منتدى قصص من وحي الأعضاء
| الفصل الخامس عبد الرحمن فرك عيونة بس حتى يتاكد اذا هالبنية اسرار لو لا ؟لان فعلا متغيرة لكن للاحلى و اللي مغير اسرار ما كانت الانفلونزا اللي مغيرها هو لبسها للحجاب ! اي نعم اسرار طوال الاسبوع فكرت وقررت تلبس الحجاب وكان اول حجاب تلبسة هو على ذوق عبد الرحمن ومن اختياره .وفعلا الاستاذ سمحلها تدخل وصلت للسيت وسلمت عالبنات وتحمدولها بالسلامة وباركولها. شيماء بفرحة : فدوة لعينج اسرار الله يهديج يا رب بس اول مرة اشوفج بالحجاب يااااا ربي طالعة تجننين شنو هاللون اللي يجنن؟ صدك عاكس لون عيونج . اسرار احمر ّوجهها (يعني شنو عاكس لون عيوني يا ربي ليش هو ايمتة شايف لون عيوني اشو كلما تصير عيني بعينة يلتفت)(الله يسامحج شيماء ليش تخليها ابالي) طبعا عبد الرحمن كان اكثر واحد فرحان وحاس انه الدنيا مو سايعته من الفرحة لكن كالعادة ما يحب يبين مشاعره او يظهرها. وبينه وبين نفسه (اااااااه اسرار لو تدرين شكد طالعة ملكة بالحجاب ليش مو من زمان لبستيه ورحمتيني من الغيرة عليج ) وبعد المحاضرة الشباب طلعو من القاعة والبنات تجمعو على اسرار يباركولها ويتحمدولها بالسلامة وهالشيء فرّح اسرار لان حست فعلا البنات كانو قلقات عليها وبعدين التقت اسرار بالشباب برة القاعة . عزيز: حمد الله عالسلامة اجر وعافية ان شاء الله متشوفين شر . عبد الله الصريح بطبعه :خوفتينا عليج اسرار بس تدرين القاعة ظلمة بدونج والله المهم رجعتيلنا بالسلامة وبضحك(بعد لا تسويها مرة ثانية) اسرار: الله يسلمكم يا رب . عبد الرحمن بهدوء : لا باس طهور ان شاء الله ,وحمد الله عالسلامة ,وربي يثبتج عالحجاب. اسرار: اشكرك اللهم امين . والتقت عيونهم بنظرات خجولة (قاطعهم عبد الله): اوووووو والله صحيح اكول شنو متغير بيج اثاريج متحجبة ؟ اسرار ضحكت من كل خاطرها: والله زين انتبهت يرادلك نظارات . عزيز وهو يضحك : العمى عمى القلب وانت يا عبد الله اثبتت هالشيء. عبد الله احمر وجهة والتفت على عبد الرحمن :وانت متريد تسمعني شيء هي بقت عليك ؟ مو صرت ملطشة للخلفوكم. عبد الرحمن بضحك: لالالا خليها عالمرة الجاية اخاف متتحمل. وصارو التلاثة يضاربون بايدهم مثل الاطفال. نرجع لحال اسرارمع الحجاب ,,,طبعا كلنا نعرف انه اسرار تحجبت لكن هي ظلت على اناقتها ولبسها الماشي مع الموضة وهي تعشق تناسق الالوان بين الاحذية والجنط وتضيف عليهم صبغ الاظافر يعني هي اسرار صح تصلي لكن بعد صلاة الفجر تصبغ اظافر ايدها ورجولها بلون مناسب وية الحجاب والجنطة والحذاء وبيوم من الايام كانت اسرار لابسة صندل مفتوح وشكله يجنن وكانت صابغة اظافر رجولها وكانت ماشية بالممر وكانو يمشون وراها شباب اثنين واحد منهم يقول للثاني: صدك لو كالو اظفرها بعشر بنات,شوف بعينك الله يساعدنا.... وبالصدفة كان عبد الرحمن وراهم انجن من الغيرة لما سمع هالكلام و رغم هذا ما حط اللوم عليهم وقرر انه يتجرا و يحجي وياهة من باب النصيحة وفعلا كانت اسرار واكفة بالممر شايلة كتاب تراجع بيه الا تشوف عبد الرحمن كَدامها اسرار رفعت راسها وابتسمت له . عبد الرحمن(بجدية): اسرار اريد احجي وياج بموضوع بس رجاءا لا تفسريه على انه شخصي. اسرار بإستغراب: اي اسمعك. عبد الرحمن: ااااا اسرار انتي تعرفين انه قدم المراة عورة ولازم تغطيها ؟واللي انتي د تسويه بنفسج مممممم يعني بيه فتنة للغير .. (قاطعتة اسرار بعصبية ):ومنو هم الغير اللي فتنتهم؟ يا ريت توضح.وبعدين اني البس بكيفي مو على مزاج احد. عبد الرحمن عض شفايفة وغمض عيونة: مو كلتلج الموضوع مو شخصي بس انتي تهميني وحبيت انصحج واعرفج واعية وفاهمة وراح تعرفين الصح من الغلط . كال هالكلمتين وراح عنها وخلاها بحيرتها, صدفة اذن الظهر قررت تنزل للمصلى وهي بالطريق للمصلى صارت تحجي وية نفسها(متكول انتة منو حتى تتحكم بحياتي وبلبسي بعد؟ يا ريت تفهّمني بشنو اهمك؟ وبعدين اني اسرار اللي ارد كل كلمة بعشرة اجي يمك انتة وابلع لساني ااااااااااه عبد الرحمن شمسويلي انتة ؟ ليش احسك مسيطر علية من بعيد لبعيد ؟ حيرتني وياااااك )ومنعت دموعها تنزل الى ان وصلت للمصلى وفعلا نزلت وصلت الظهر وبعد ما كملت الصلاة سندت راسها عالحايط ومددت رجلها وما حست الا بدموعها تنزل حاولت تدور كلينكس بجنطتها ما لكت ورفعت راسها شافت طالبة تظل تلتقي بيهة بالمصلى كان وجهها مريح ومبتسمة دائما انطتها علبة كلينكس . الطالبة: امسحي دموعج حبيبتي وتوكلي على الله. اسراروهي تمسح دموعها:والنعم بالله . الطالبة : اني اسمي الاء. اسرار: تشرفنا واني اسمي اسرار. الاء: عاشت الاسامي اني دايما اشوفج هنا تصلين ويانة وفعلا حبيتج في الله.اااا انتي متحجبة جديد مو؟ بس تدرين لون الحجاب عاكس على لون عيونج ما شاء الله تبارك الله. اسرار دق قلبها بسرعة من هالملاحظة: مممم الله يخليج هذا بس من ذوقج . وفجاة اسرار قررت تسالها عن لبس الجواريب. اسرار : اكول الاء ممكن اسالج سؤال؟ الاء: اي حبيبتي تفضلي . اسراربخجل: بس حبيت اسأل..هو صحيح قدم المراة عورة ولازم تلبس شي يسترها ؟ الاء ابتسمت: اي فعلا صحيحيمكن انتي ماتعرفين؟ اسرار هزت راسها(لاااااااا) الاء بمزح : زين عيني هسة بعد ما عرفتي لازم تغطين هالرجلين الحلوة قبل لا يجي احد يفتتن بيهة وتسويلنا مشكلة. اسرار: ههههه والله اكره الجواريب من صغري ؟ وبعدين الجو حار يعني اشون اتحملهن؟ الاء: انتي بس اخلصي النية لله هسة شوية شوية تتعودين وبعدين صدكيني دائما اللي ينصحج يريد مصلحتج حتى لو كانت النصيحة ما تتماشى مع هواج ..بس احنة ديننا هو النصيحة فانتي لا تزعلين من اي شخص ينصحج حتى لو الاسلوب ما عجبج يعني كلمن عقلة براسة يعرف خلاصة . اسرار سرحت بكلام الاء كأنه كانت تعرف انه احد مضايقها بهالخصوص بس ارتاحت اكثر لانه عرفت انه هي مهمة بالنسبة لعبد الرحمن وهذا كل اللي يهمها بالوقت الحالي . ثاني يوم اسرار طبقت النصيحة وثاني يوم عبد الرحمن قرر انه يريح نفسه من اسرار واسرارها وحسّ بنفسه انه بدا يضغط عليها اكثر من اللازم ..ولهالسبب صار مايتجمع وياهم مثل قبل وصار يوكف يسلم شوية وبعدين يترخص منهم على اساس متواعد وية اصدقائة لو مشغول.وبيوم من الايام اسرار وسهير كانو بالكافتريا ينتظرون يجي دورهم حتى يطلبون وكان كاونتر الطلبات مزدحم بالطلاب لهذا من الطبيعي انه اسرار وسهير يوكفون بالدور ينتظرون يخف الازدحام ,وكان عبد الرحمن بالصدفة موجود مع اصدقائة, لما شاف اسرار تنتظر عالكاونتر راح لها بسرعة عبد الرحمن: اسرار متشوفين الازدحام؟ ليش واكفة هنا؟؟ اسرار: مو ننتظر تخف الزحمة اني وسهير. عبد الرحمن بعصبية: طول ما انتي واكفة ما راح تخف الزحمة (اسرار احمر وجهها) عبد الرحمن بجدية :ارجعي لمكانج واني اجيبلج طلبج . وفعلا انطتة اسرار الورقة اللي بيها طلباتهم ورجعت هي وسهير لمكانهم وبعد دقايق رجع عبد الرحمن وبيدة الطلبات واكثر منها. ولاقى اسرار كاعدة لوحدها ترك الطلبات عالطاولة وكاللها: اسرار مرة ثانية لا توكفين عالكاونتر بالزحمة اي شي تحتاجيه بس اكتبيلي ورقة اوكي. اسرار ابتسمت: مشكور ما اريد اتعبك . عبد الرحمن: لا تعاندين وسوي مثل ما كتلج اوكي. اسرار باستسلام: اوكي. عبد الرحمن(بلا قصد): تسلمين يا وردة اسرار فتحت عيونها بدهشة وعبد الرحمن غمض عيونة من الارتباك بس نقذتهم سهير : السلام عليكم .. هاااااي شنو ؟؟ تعبناك ويانة تسلم والله . عبد الرحمن : العفو اختي بالف عافية يلا السلام عليكم. قاربت السنة الدراسية على الانتهاء والكل انشغل بالتحضير للامتحان,انتهت الامتحانات وطلعت النتائج وجاءت العطلة الصيفية بالنسبة ل(اسرار) انشغلت مع اهلها بالطلعات للمسارح والسينما والمطاعم وهم اصلا متعودين على هالحياة , اما الشلة فانشغلو بالعمل والسفر مع عوائلهم. واخيرا انتهت العطلة وها هي السنة الرابعة والاخيرة يعني (سنة التخرج)والحال مع اسرار وشلة الشباب كما هو لكن بصورة اقل وبيوم من الايام .... عبد الله: ياااااا ربي معقولة هذي اخر سنة كأنه البارحة دخلنا كلية. عزيز: اي والله هسة تشوفون بعد التخرج اشون تبدي المسؤوليات على روسنا . عبد الله: والله مثل ما كلت بس اصدك احنة نكدر نتجمع مرة ثانية لو الا بمواعيد؟ والتفت عبد الله على اسرار وسألها: صحيح اسرار وين نشوفج بعد والله تعودنة علييج؟ (عبد الرحمن انقبض قلبه من فكرة انه بعد ميشوفها) اسرار: يعني وين تشوفوني مثلا الا اذا تعينا بنفس المكان. عزيز يضحك : قصدج اذا لكينا تعيين. اسرار: والله اني مفكرة اخذ دورة حاسوب وبعدين اذا ما طلع تعييني خلال سنة يمكن اروح للشمال اتعين بشركة خاصة . . طبعا عبد الرحمن رجع للبيت وكلام اسرار ما راح من بالة (ااه وتاليها وياك عبد الرحمن؟ شسويت بنفسك ؟ليش ما بعدت عنها من اول يوم ليييش؟طلعت متعلق بيها لهالدرجة ومو داري بنفسي؟ اني لو يمر يوم ما اشوفهة بيه احس روحي تطلع , اشون اتحمل بعد ما اشوفها ابد. طوول عمري بعيد عن هالعالم شمعنى هي بس؟هي اللي دخلت قلبي وحالفة متطلع.ادري بيها من عالم يختلف عنا,وادري بيها عدها حرية بهواية اشياء,وادري بنفسي راح اتعب وياها,وادري باهلي ما راح يتقبلوها,ومع كل هذا احبهاا و ما اكدر اشوف غيرها) وبعد تفكيير طويل قررعبد الرحمن يصارح امه بالموضوع واللي يصير يصير. خلونا نتعرف على عائلة عبد الرحمن . العائلة هم طبعا عائلة غنية جدا ومعروفة جدا وجدهم الاكبر يسموه الحاج سعيد وللاختصار الناس يسموهم (بيت الحاج سعيد) يعني مثلا عبد الرحمن اذا يريد يعرف بنفسه يكول(عبد الرحمن الحاج سعيد)وهكذا....وعائلة الحاج سعيد مكونة من بيوت واقارب وتربط بينهم مصالح ونسب ويسكنون بمنطقة وحدة واكثرهم رجال اعمال بشركات خاصة بيهم للاستيراد والتصدير وطبعا عدهم الخدم والحشم والسواق .نرجع لعائلة عبد الرحمن وهذي العائلة يسموها (بيت ابو زياد الحاج سعيد) مكونةمن : الاب والام وبنتين متزوجات(سناء وايمان) و4 اولاد:زياد,اياد, عبد الرحمن ,عماد. بالنسبة لام زياد هي ام طيبة وحنونة لكن تقدس شيء اسمه زواج الاقارب وتقدس العائلة وهي بشكل عام انسانة قوية والها كلمتها بالبيت. ابو زياد اب عملي وطيب. زياد متزوج من بنت خاله وعندة 3 اطفال. اياد(اذا تذكروه)متزوج من زميلته نسرين وواجه معارضة شديدة من الاهل وهدد وتوعد انه يطلع من البيت وميشوفوه بعد اذا رفضو زواجه وفعلا تمت الموافقة غصبا عن الكل لكن بعدين استسمح اهله وسامحوه وعنده حاليا طفلين . عبد الرحمن(كلكم تعرفوه). عماد الابن الاصغر يحب بنت عمه بجنون والكل يعرف بيه ومقرر يخطبها بعد التخرج . نرجع لعبد الرحمن , ثاني يوم رجع من صلاة العصر شاف امه كاعدة بالصالة عالسجادة ولازمة سبحتها وتستغفر . عبد الرحمن (باس راسها):الله يتقبل حجية . ام زياد: منا ومنكم يا رب ها وليدي اشونك؟ اشوفك مشغول بالبحث(بحث التخرج)والامتحانات وادعيلك يوم تتخرج واشوفك عريس. عبد الرحمن: اللهم امين وانتي حاضرة يالغالية(ارتبك شوية): ااااااااا اكول يمة اريد احجي وياج بموضوع وآخذ رأيج بيه. ام زياد: اي يمة احجي اسمعك. عبد الرحمن سكت شوية وبعدين اختصر كلامه بجملة وحدة : ااا يمة اكو طالبة وياية اريد اخطبها. ام زياد (انذهلت):اييييييي ومنو هي؟ وبنت منو ؟ هو اني ادزكم للجامعات تحبون وتخطبون وتجون تحطوني كدام الامر الواقع مو؟ اي واكيد انت مثل اخوك متفق وياهة على كلشي صحيح؟ وجاي تكولي تحصيل حاصل مو؟ عبد الرحمن: يمااااه الله يخليج على كيفج احلفلج بالله انه البنية عمري ما حجيت وياهة بهالموضوع واصلا علاقتي بيهة متتعدى السلام وسؤال وجواب . ام زياد: ما كلتلي منين هي وشنو فرقها عن كرايبكم البنات اشو كلهن حلوات وجامعيات بس اشر باصبعك على وحدة منهم من باجر اخطبها الك. عبد الرحمن : يمااه والله كرايبي ما بيهن قصور بس اعتبرهن مثل خواتي وبعدين كلمن وقناعته. ام زياد: اي ما كلتلي منين هي؟ عبد الرحمن (بتردد):اااا هي كردية بس.... ام زياد(قاطعته) : اي هو اخوك اخذ وحدة من بغداد وراح سكن بغداد ومنشوفة بس بالاعياد وانت ان شاء الله هم تسكن بالشمال وبعد منشوفك بالسنة مرة. عبد الرحمن: لا يمة هي ابوهة مدير معمل (.........)واصلا جانو ساكنين بغداد قبل مينقلون ابوهة لهنا . (قاطعته امه): اسمع عبد الرحمن هاي البنية اريدك تنساها واخذلك وحدة من مستواك ,اني مو ناقصة حجي الناس بعد, شراح يكولون عنا بالله ؟مو كادرين نحكم ولدنا وبعدين اني مو موافقة لان حلفت متدخل بيتي غريبة بعد؟ وغير كلاام ما عندي بعد,ها شكّلت؟ عبد الرحمن( نزل راسه وسكت شوية وبعدين باس ايد امه): راح اكولج سمعا وطاعة وميصير الا خاطرج طيب اهم شي رضاج عني واصلا انسي لموضوع خلاااص. (امه استغربت من ردة فعله وتصورته مثل اخوه ) بعدين عبد الرحمن راد يخفف عن امه وغير الموضوع:اكول يماااااه الحب شخباره(يقصد ابوه)؟ ام زياد: وين بقى حب؟ كله راح خلينا الحب الكم بعد. وبهالاثناءدخل ابو زياد للبيت ابو زياد: اكول عيني ام زياد يا ريت تسويلي شاي من ايدج الحلوة. ام زياد احمر وجهها :صار من عيني. عبد الرحمن: لعد خليني اروح لان ما اريد اصير عذول بين طيور الحب يلة في امان الله. وفعلا طلع عبد الرحمن يفتر بالسيارة بس يحس روحه تريد تطلع ( يااا ربي تدري بية ما اكدر اقهر امي , بس والله مو رايد بس الحلال ياا ربي الصبر) مر هذا الاسبوع ولا جديد حتى عبد الرحمن ماتغيرت معاملته وية امه بالعكس بقى بار بيهة بس امه لاحظت علية كثرة السهر والتفكير حتى مرات تنزل تلاقيه نايم بالصالة ومو متغطي وهو مينام بالصالة الا اذا اكو موضوع شاغله. وبيوم من الايام عزيز اتصل على عبد الرحمن لكن ما لقاه بالبيت وردت عليه ام زياد. عزيز:اشونج خالة ام زياد ما ادري عبد الرحمن موجود؟ ام زياد: لا والله طلع قبل ساعة لصلاة العصر ولسة ما رجع. عزيز: شكرا خالة لعد اتصل عليه بعدين سلميلي عليه . (ام زياد لقتها فرصة حتى تسال عزيز عن البنية اللي يريدها عبد الرحمن) : اكول وليدي بس اريد اسالك سؤال. عزيز: اي خالة امر خدمة؟ ام زياد: اسمعني عزيز تعرف انه اني اعتبرك مثل عبد الرحمن واعزك مثل ولدي بالضبط. عزيز: الله يخليج يا رب. ام زياد: اريد احجي وياك بموضوع عالسريع بس ما اريد حتى عبد الرحمن يعرف بيه. (عزيز صار يبلع ريقة): اي خالة احجي اسمعج. ام زياد: اريد اعرف كلشي عن البنية اللي يريدها عبد الرحمن. عزيز متفاجيء: ايّ بنية ؟ ام زياد: البنية الكردية العدكم يعني تريد تكَّلي انت متعرف؟ عزيز(مو مصدك انه عبد الرحمن صارح امه بالموضوع):هاااا اي اي بس ما ادري شتريدين مني بالضبط خالة؟ ام زياد: اريد اعرف من ايمتة علاقتهم؟ عزيز:لا والله خالة ماكو اي علاقة ما اريد اظلمهم ما شفت شي بعيني . ام زياد(ارتاحت من سمعت هالكلام):زين لعد اريدك تجيبلي اسم ابوها وعنوان بيتهم بس ما اريد عبد الرحمن يعرف. عزيز: ان شاء الله خالة احاول يلة سلام عليكم.وقفل عزيزالخط وهو يفكر شتريد ام زياد من هالمعلومات الله يستر بس. (سبحانك اللهم وبحمدك اشهد الا اله الا انت استغفرك واتوب اليك) توقعاتكم للبارت القادم هل يستطيع عبد الرحمن اقناع امه بالموضوع؟؟ وما قصة المعلومات التي طلبتها ام زياد؟؟ وهل ستنتهي قصة الحب بسبب اختلاف الطبقات ؟؟؟ التعديل الأخير تم بواسطة هبة ; 29-08-13 الساعة 05:31 PM | |||||||
|
| |
|
29-08-13, 06:17 PM
| #24 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| مشكورة شوق على الفصل الرائع ... الحمد لله على حجاب أسرار و ربى يثبتها على دينه ... توقعى أن والدة عبدالرحمن ستذهب لزيارتهم و ترى بعينها كيف هى أوضاع عائلتهم فهى رغم كل قوتها و لكنها فى الآخر أم و تشعر بحيرة إبنها و عذابه ... شوق متابعاكى و شكراً لك | |||||
|
| |
|
29-08-13, 09:43 PM
| #26 | ||||||||
| نجم روايتي وكاتبة في منتدى قصص من وحي الأعضاء
| اقتباس:
تسلمين عالمتابعة الحلوة والتخمينات الجميلة مثلك يا قمر تابعي يالغالية ويا رب تعجبك باقي الاحداث | ||||||||
|
| |
|
29-08-13, 09:46 PM
| #27 | ||||||||
| نجم روايتي وكاتبة في منتدى قصص من وحي الأعضاء
| اقتباس:
مشكورة حبيبتي وان شاء الله تعجبكم باقي الاحداث بس خليكي معايا | ||||||||
|
| |
|
29-08-13, 11:48 PM
| #28 | |||||||
| نجم روايتي وكاتبة في منتدى قصص من وحي الأعضاء
| الفصل السادس وفعلا بعد اسبوع كانت المعلومات عند ام زياد ,وبيوم من الايام عبد الرحمن رجع ما لاقى امه بالبيت استغرب لان عادة متطلع لمكان الا بعلمهم وفعلا رجعت عالمغرب وصعدت لغرفتها وكدرت بطريقتها انه تقنع ابو زياد اللي عارض بالبدايةوبعد الاخذ والعطاء بالكلام . ابو زياد: والله ماادري شكولج ام زياد؟ يعني اشو الله هاديج على عبد الرحمن ؟ متتذكرين اياد شسويتي بيه؟ ام زياد: اييييييه يا ابو زياد ليش انت ما تتذكر هو اياد شسوى بينة؟وبعدين اياد يختلف عن عبد الرحمن تتذكر بايام المراهقة اشون تلفون البيت ميبطل رن بسببه هو وعلاقاته الطايشة, صدك هم ولدي كلهم عندي بغلاة روحي بس احس عبد الرحمن يختلف عنهم, دشوفه انت (اسم الله عليه)من ايام المراهقة عمرة ما رفع عينه بعين بنية ولا ابتسم بوجه وحدة غريبة, لا وحتى هالمرة من فاتحني بالموضوع ورفضت كاللي (سمعا وطاعة)شتريد مني لعد؟ والله ما اكدر اكسر قلبه خطية.احسه صدك يحبها ورايدها واني سألت عنها وعن اهلها وما سمعت الا الخير. ابو زياد: زين والعائلة شنو راح نكوللهم ؟ تعرفين بيت الحاج سعيد مو شوية, يعني اخواني وخواتي كلهم عدهم بنات ومو قاصرات. ام زياد:والله ادري بس افرض جبرناه ياخذ وحدة وما ارتاح وياها وطلقها شنو راح يكون موقفنا؟ مو راح تخرب علاقتنا وية الكل ,خو خلي من هسة وهم يزعلون شوية وبعدين يرضون.وليش تروح بعيد مو هذا ابن اختك اليدرس ب(القاهرة)مو تزوج وحدة مصرية وشفت شصار بوكتها مو رادو يجبروه يطلقها لو ما صار عندة طفل بس بعدين الكل رضى بالامر الواقع. .وبعد ان قنعت ابو زياد وزياد(ابنها الكبير اللي اعترض بالبداية بس بعد كلمة امه خلاص رضى) كعدت ام زياد وية عبد الرحمن وطالت السوالف بينهم بين سؤال وجواب. ثاني يوم عبد الرحمن ما صدك نفسه راح للكلية عالساعة 7 ونص وكالعادة اسرار موجودة . عبد الرحمن: السلام عليكم صباح الخير . اسرار: وعليكم السلام صباح النور . عبد الرحمن:اسرار اريد احجي وياج بموضوع وراح انزل للكافتريا وانتظرج يا ريت متتاخرين . ونزل وتركها , فعلا اسرار ما كذّبت خبر ونزلت بسرعة. عبد الرحمن سحبلها الكرسي وكعدت. عبد الرحمن بكل هدوء :اا اسرار بس اريد اخذ رايج بموضوع واريدج تكونين واضحة وصريحة وياية اسرار(خافت بينها وبين نفسها بس ما بينت): ايييي تفضل . عبد الرحمن : اسرار اكو.. اكو شخص من الجامعة سالني عنج ويريد يتقدملج . اسرار(خنقتها العبرة):ايييييييه وبعد؟ عبد الرحمن: بس يريد يعرف انتي مرتبطة لو لا؟ اسرار بعصبية:يعني شنو مرتبطة؟ انت مو تكول هو من الجامعة يعني اكيد سال عني ويعرف . عبد الرحمن: اي هو يعرفج داخل الجامعة بس احتمال تكونين مرتبطة او مخطوبة لابن عمج لو ابن خالج يعني قصدي بس يريد يتاكد. اسرار وانفاسها ضاقت: روح كَوله مو مرتبطة ولا تريد ترتبط بعد !!وبعدين ليش يجي يسالك انت ؟ اللي يريد مني شي يجي ويحجي وياية . عبد الرحمن : يعني متريدين تعرفيه منو؟ اسرار: لا مشكور يكفي انت تعرفة . ودفعت الكرسي : اني اترخص(وبلعت ريقها بصعوبة) اسمحلي وطلعت من الكافتريا ,وهي تمشي بسرعة وتحجي وية نفسها ( متكلي انتة شنو يا ...؟ معقولة ما عندك احساس لهالدرجة؟صارلي سنة ونص متعبة قلبي ومتعبة نفسي بيك ,,تعبتني وياك ووية تصرفاتك واهتمامك وهسة بكل سهولة تكَلي صديقي يريد يتقدملج يعني شحصلت منك حتى احصل من صديقك) وظلت تمشي بسرعة الى ان وصلت للقاعة . لاقت عبد الرحمن سابقها للقاعة وواقف متكتف وينتظرها طنشتة ودخلت للقاعة ولحكَها. عبد الرحمن بهدوء عجيب: اسرار شبيج ما اتصور حجيت شي غلط؟ اسرار وهي تمشي منطيتة ظهرها: عبد الرحمن رجاءا اطلع شوية من القاعة اريد اكَعد لوحدي. عبد الرحمن اقترب منها : عالاقل متريدين تعرفين اسمه؟ اسرار بعصبية: ما اريد اعرف لا اسمه ولا شكله روح كَولة ما اعطلة. عبد الرحمن: بس هو مُصرّ تعرفين اسمة هو اسمة.... (اسرار قاطعتة): ماااا اريد اعرف واذا متطلع من القاعة اني راح اطلع. عبد الرحمن ما اهتملها: هو اسمه عبد الرحمن الحاج سعيد,مرحلة رابعة قسم.... تعرفيه لو لا؟ اسراروبدون قصد دمعت عيونها و التفتت ودفعته من صدره: هو لان اسمه عبد الرحمن اكرهه. عبد الرحمن لزم صدرة: اااااااخ مو اكول مترتاحين الا اموت. اسرار: اسم الله عليك اموت وراك اني. عبد الرحمن انجن على كلمتها ورجع سالها: اسرار تقبلين بية اذا تقدمتلج؟ اسرارنزلت راسها سكتت شوية وبعدين كالت: الكلمة كلمة اهلي. عبد الرحمن: اني اهلج ميهموني اهم شي انتي اذا تقبلين احارب الدنيا كلها بس ريحيني هالمرة وصدكيني مراح اطلب منج هالطلب مرة ثانية .سااد الصمت بينهم لكن كان هناك شخص ثالث سمع الجملة الاخيرة(بس ريحيني هالمرة وصدكَيني ما راح اطلب منج هالطلب مرة ثانية) وراح تفكيرة لبعيد. نعم كان الشخص الثالث هو عبد الله اللي صارله اسبوع يفكر يصارح اسرار باعجابه بيهة عالاقل تحس بمشاعره تجاهها لكن يمكن اختار التوقيت الغلط , طلع عبد الله من البناية وعيونه شرار ويحجي وية نفسه( معقولة انت انت عبد الرحمن ؟ لعد ليش من يمي هذا حلال وهذا حرام ؟ ومسوي نفسك ملااك طلعت مثلك مثلنا بس ما لكيت غير اسرار ؟ مو الجامعة مليانة بنات ؟ ) بعدين رجع للبيت صعد غرفته وقفل الباب . بنفس اليوم بالجامعة عبد الرحمن وعزيز استغربو من غياب عبد الله لان هو دائما يبلغهم اذا ميريد يداوم ثاني يوم , وبنفس اليوم العصر اتصل عزيز على عبد الله عزيز:ها عبد الله خير ان شاء الله ,اشو ماكو ظل بالنا عليك. عبد الله: لا ماكو شي بس تعبان شوية وكلت ارتاح. عزيز: والله حتى عبد الرحمن ظل بالة عليك وكل شوية يكول مكانك خالي ,بس تدري ما ادري عبد الرحمن هيج يعزّك وانتو مناكَركم للسما . عبد الله ( باستهزاء): اييييييه ميقصر طول عمرة صاحب واجب . عزيز(ما عجبته نبرة عبد الله): عبد الله ليش هيج تحجي على عبد الرحمن ؟ طبعا طول عمره صاحب واجب لو نسيت مواقفه ويانة؟ عبد الله:عزيز انتة كلشي متعرف لتظل مخدوع بيه ترى مو كلشي يلمع ذهب. عزيز تعصب : عبد الله شبيك احجي ؟ خبلتني اكو شي؟ صاير شي جديد؟ عبد الله: روح اسال صديقك ويا من جان اليوم الصبح بالقاعة ؟ وليش يجي من الصبح لو ما عندة شي يريد يضمه عنا؟ عزيز: عبد الله قسما بالله اذا ما حجيت عدل وبلا ألغاز الا اقفل الخط وياك ولا ني صديقك ولا اعرفك عبد الله: راح احجي بس اسمعني زين ولا تقاطعني. عزيز: يلا انتظرك. عبد الله: اني اليوم الصبح رحت للكلية من وكت ومن صعدت للقاعة وقبل ما ادخل سمعت صوت عبد الرحمن واسرار بالقاعة لوحدهم وو...... عزيز: وشنوو؟ عبد الله: ما ادري صار هدوء بالقاعة يعني يمكن ااا.... اكولك عزيز يعني شاب وبنية لوحدهم شيسوون انتة افتهمها. عزيز بعصبية: شفت شي بعينك؟ عبد الله : لاااا بس كلشي واضح. عزيز: معقولة تشك بعبد الرحمن ؟ قاطعة عبد الله: ليش عبد الرحمن مو رجال وشاب مثلة مثلنا؟ عزيز: ولو اني ردت تعرف من عبد الرحمن نفسه بس اذا وصلت لدرجة الشك راح اكولك. عبودي عيني اللي اريدك تعرفة انه عبد الرحمن من زمان عينه على اسرار ويريدها بالحلال واليوم بالذات صارحها ويريد يروح يخطبها من اهلها وهو اجة من الصبح للكلية حتى ياخذ راحتة بالكلام وياهة لان تعرفة ينحرج. هذا اولا وثانيا هو اصلا اليوم سال عنك انت بالذات لان رادنا اول ناس نعرف بالموضوع ويكول اريدكم تدعولي بالتيسير. واتصور عبد الرحمن يستاهل كل خير ويستاهل ندعيله . عبد الله خجل من نفسه وبنفس الوقت انقهر من سمع الخبر: بس بس اني ما ادري بعبد الرحمن يحب سرار؟ عزيز: بلي بس تعرفة كتوم وعاقل بهيج مواضيع . عبد الله: يعني انتة تعرف بس ما كلتلي. عزيز: عبد الله كبّر عقلك شوي هو اصلا الولد ما كَلي بس اني عرفت بطريقتي . وهسة اريد منك تستغفر ربك من سوء الظن ودير بالك تعيدها بعد, وبعدين خابر على عبد الرحمن واسال عنه وهو راح يبلغك بالموضوع. يلا السلام عليكم عبد الله: وعليكم السلام. هنا عبد الله امتزجت مشاعرة بين ندم وفرح وحزن ,ندم على ظنة السيء وفرح لعبد الرحمن لانه مهما يكون هو صديقه لكن حزن لان خلاص اسرار راحت من ايدة وحتى مو من حقة يفكر بيهة بعد وبينة وبين نفسه"(هااا عبد الله طول عمرك مجنن البنات الا اسرار, ما انطتك مجال وخلت حدود بينك وبينها ,,هذا هو الفرق بينك وبين عبد الرحمن,انتَ تحب الطرق الملتوية وهو يحب يمشي عدل,). هسة نرجع شنو صار بين عبد الرحمن واسرار . طبعا اسرار اعترفت لعبد الرحمن بحبها لكن طلبت منه ينتظر شوي الى بعد الامتحانات لان اهلها ميزوجون البنية الا تتخرج وتتعين بعد وطلبت منه اذا هو فعلا يحبها انه ينتظر شوية و وعدته بالمقابل انه هي تنتظره . بهذا اليوم رجعت اسرار لبيتهم وهي مو مصدكة روحها ( ايييه معقولة معقولة واخيرا نطقت ياااااااااه شكد ريحتني عبد الرحمن بعد صدك ما اريد شي من الدنيا ,,مجرد اعرف انتَ تحبني وتفكر بيّ هذا يكفيني ) وبنفس اليوم رجع عبد الرحمن للبيت وظل يفكر بكلام اسرار ويحلل بيه( اسف اسرار والله ما اكدر انتظر خلاص تعبت صارلي سنة ونص انتظر اهم شي عرفت ردج ويصير خير) وفعلا عبد الرحمن راح لاخوه زياد ولابن عمه يوسف وسولفلهم القصة كلها وطلب منهم يتوسطولة عند ابو اسرار وفعلا راحو(زياد ويوسف وعبد الرحمن) على الحاج احمد للمعمل وطلبو يقابلوه. الحاج احمد: اهلا وسهلا حياكم الله تفضلو. زياد: اهلا بيك استاذ احمد, احنة اسفين جيناك بدون موعد بس والله شغلة ضرورية. الحاج احمد(وهو لحد الان متصور انه هم ضيوف من بغداد جايين يشوفون ويقيمون شغل المعمل):لا بالعكس حياكم الله بكل وقت تفضلو بس خلي اطلبلكم شي تشربوه؟ زياد بدا بالموضوع: العفو استاذ احمد خلي نعرفك بنفسنا اني زياد الحاج السعيد وهذا اخوية عبد الرحمن وهذا ابن عمي يوسف الحاج السعيد. الحاج احمد (مو مستوعب): اهلا وسهلا بيكم. زياد:العفو استاذ احنة نعرف المكان مو مناسب بس يا ريت تسمعنا للاخر. الحاج احمد: اعذروني بس مدا افتهم عليكم يعني شنو المكان مو مناسب ؟ زياد ارتبك:ااا استاذ احنة جايين نخطب. الحاج احمد(بضحك): يعني تخطبون موظفة هنا لو منو بالضبط؟ زياد: لالا استاذ احنة سالنا عن حضرتك وجايين نخطب بنتكم لابننا عبد الرحمن. طبعا بعد السؤال والجواب بين الحاج احمد وبين زياد الحاج احمد فهم الموضوع كله وعرف انه عبد الرحمن طالب بالكلية مع اسرار . وبنفس اليوم رجع الحاج احمد للبيت وبعد الغداء كَعد وية زوجته (نوال ) . الحاج احمد: اكَول نوال تدرين اليوم اجوني للمعمل ناس يخطبون اسرار مني؟؟ نوال(مستغربة): وليش يجون للمعمل ؟ الحاج احمد: هو الظاهر ابنهم طالب بالكلية وية اسرار وعارفين من اسرار انه احنة مو مستعدين نزوجها الا تتخرج وتتعين. نوال:ايييييييه يعني سائلين اسرار ويعرفون الجواب بعد. الحاج احمد: بس اللي عرفته انه هم عائلة حيييييل غنية ومعروفين يسموهم (بيت الحاج السعيد) ويكولون احنة اصلا مو معترضين اذا تكمل دراستها و تتعين رغم مو محتاجين وانطوني رقم تلفونهم وكالو اسالو علينا وفكرو بالموضوع لان الولد مستعجل . نوال: يعني شنو مستعجل ؟ هي كلمة ورد غطاها البنية مننطيها الا تتخرج وتتعين .حالها حال اخواتها. الحاج احمد : والله ما ادري نوال بس آني الولد ارتاحيتله و احسه شاريها ومو من شباب هالايام اليضحكون عالبنات ويعشموهم, تريدين الصدك اني حييييل احترمتهم. نوال : خليني افكر زين بس تدري بية احمد اني بناتي وبناتك كلهن متبعة وياهن نفس الاسلوب لان هن بنات وما عدهن اخ يعني الشهادة والتعيين هي الضمان الهن من بعد رب العالمين ولا تنسى احنة مو دايمين الهن . . وانتهى النقاش بين الحاج وزوجته ,,بعدين الام نوال صعد لغرفة اسرار وحققت وياهة بالموضوع الام: اسرار يعني ماكو شي بينج وبين هذا عبد الرحمن؟ اسرار: لا والله ماما بس هو سالني اذا يكدر يتقدم هسة وكلتلة انه اهلي مينطوني الا اتخرج واتعين , االام: لعد ليش رايح على ابوج مو خلاص كلتيلة؟ اسرار: والله ما ادري. وسرحت بافكارها شوي لأنه ما تريد مشاكل وما تريد تخالف اهلها في اللي يفكرون بيه لمصلحتهم . وبيوم السبت اسرار ثكَلت وجهها على عبد الرحمن واصلا ما عبرتة , عبد الرحمن انجن من هالتصرف وراح عليها . عبد الرحمن: اسرار خير صاير شي؟ اشو كالبة وجهج ؟ اسرار: لعد شتريدني اسوي بعد اللي انتة سويتة مو كلتلك انتظر شوي الدنيا مو طايرة يعني. عبد الرحمن ضحك : ها عرفتي يعني؟ اسرار: ليش عبد الرحمن تحرجني وية اهلي ؟ عبد الرحمن: اااااااه منج شتريدين بس كولي؟ لو تعرفين شكد احاسب نفسي من اوكف وياج لوحدنا , اسرار اريد اللي يربطنا شرع الله وهذا الشي ما يزعّل احد . احبج اي ومستعد انتظر بدل السنة 10 سنين ,,بس صدكيني الحمد لله مكون نفسي وعندي شغلي الخاص بية وحتى بيت عندي يعني على شنو الانتظار يا عيني .المفروض تفرحين اسرار ابتسمت بعيونها عبد الرحمن ابتسم هو الثاني :اييي افردي وجهج وخليها على الله . اسرار ارتاحت من سمعت كلامه وفعلا حسّت انه هو شاريها بس تدري انه امها مراح تغير موقفها الله يستر.. بس وفعلا بعد الواسطات والتوسلات اخيرا ام اسرار غيرت موقفها ووافقت بس حددت لازم تكون حفلة الزواج بعد النتائج وفعلا تم عقد المهر في المحكمة وصارت اسرار رسميا زوجة لعبد الرحمن اللي لحد الان مو مصدكَ نفسه وطاير بيها , طبعا الاساتذة والطلبة كلهم عرفو وباركولهم وفرحولهم لان اسرار وعبد الرحمن لايقين لبعض فعلا. كثرت لقاءاتهم بالكلية وصار عبد الرحمن اكثر جراة وية اسرار وصارت هي اكثر تعلّق بيه وحددوا يكون لعبد الرحمن يوم بالاسبوع يزورها بالبيت ويشوفها شمحتاجة وحتى ياخذون راحتهم اكثر,رغم هذا كانت ام اسرار دائما توصي اسرار انه تخلي حدود بينها وبين عبد الرحمن. صحيح هو زوجها لكن ما دامها ببيت اهلها لازم تبقى تسمع كلامهم الى ان تنتقل لبيت زوجها وبعدين كانت ام اسرار تحرص انه باب الديوانية يكون مفتوح اثناء زيارة عبد الرحمن وحتى مرات تخلي خواتها الصغار يكونون وياها بنفس المكان وهذا الشيء كان شوي يضايق عبد الرحمن لان يحس بنفسه غريب و ميكدر ياخذ راحته حتى بالكلام وياهة لكن تلفوناتهم كانت يومية تقريبا بالليل وعلى ساعة محددة. وفي الكلية كانت اسرار تقريبا تقضي يومها كله مع عبد الرحمن. وبيوم من الايام اسرار كانت رايحة تشوف صديقتها سهير وطبعا عبد الرحمن هو اللي لازم يوصلها . عبد الرحمن: اسرار حبي راح انتظرج بالمكتبة حاولي لا تتاخرين لان اشتاقلج موووت. اسرار تضحك :اويلي عليك يعني شلون بيك؟ مترتاح الا تكطعني من العالم كله وتسجني يمك مو؟ عبد الرحمن: اااخ يا ريت بس والله لو بيدي احبسج بقفص ذهب وما اخلي احد يقرب منج. اسرار بدلع : اممممممم واهون عليك تحبسني؟ عبد الرحمن ذاب بمكانة وغمزلها: اكول كنسلي الموعد وية صديقتج وتعالي نفتر بالسيارة شوية . وظلو يسولفون الى ان وصلها يم صديقتها ورجع هو للمكتبة. وفي المكتبة رحاب شهقت وتفاجأت من شافت عبد الرحمن داخل للمكتبة لوحده ,فزت من مكانها وراحتله رحاب: مساء الخير عاش من شافك والله . عبد الرحمن اللي تضايق من وجودها : اهلا ,العايش يشوف. رحاب سحبت كرسي وكعدت مقابيلة: مبروووووك سمعت بيك خاطب . عبد الرحمن : اشكرج بس يا ريت تكومين منا بسرعة. رحاب بسخرية: ليش بهالسرعة صرت تخاف منها؟ عبد الرحمن :لا وانتي الصادكة اخاف عليها. رحاب بجراة: واخيرا جربت الحب عبد الرحمن وحسيت بيه شكد قاسي .بس صدكني لو تلف الدنيا كلها مراح تلاكي وحدة تحبك وتخاف عليك مثلي . عبد الرحمن بعصبية: رحاب رجاءا كومي منا وصدكيني كلامج لا يقدم ولا يأخر اني خلاص مرتبط واحب زوجتي مو بس احبها الا اعشقها بعد. رحاب: اوكي الله يوفقكم بس عندي طلب اخير ولا تفشلني مثل كل مرة. عبد الرحمن بملل: خير ان شاء الله !!! رحاب: ايمتة موعد زواجك؟ عبد الرحمن: ليش يعني؟ رحاب بجدية : اريدك تعزمني خليني اشوفك للمرة الاخيرة عبد الرحمن باستغراب: يعني من كل عقلج انتي ؟صحيح لو كالو العقل زينة. رحاب بتوسل: يعني فد يوم ريحني وكَلي اي ميخالف شراح يصير؟ عبد الرحمن: ليش تريد تجين يعني ؟ لتكونين ناوية تخربين علية. رحاب ضحكت: ليش كالولك عني نعمة الله لو امينة؟ لالاتخاف ما اسوي مثل نسوان حجي متولي بس والله اريد اشوفك وبس . عبد الرحمن ضحك من كلامها وكاللها يصير خير. وبهالاثناء تدخل اسرار للمكتبة وتشوف عبد الرحمن يضحك وية رحاب,اسرار اشتعلت من الغيرة وبسرعة راحتلهم و لزمت ايد عبد الرحمن وعينها على رحاب وسلّمت: السلام عليكم. عبد الرحمن شوي ارتبك:هاا حبي كملتي؟لكيتي سهير؟ اسرار: لا, عدهة امتحان . رحاب بسرعة وبخبث:انتي اكيد خطيبته مو؟ اسرار بعصبية : قصدج زوجته, وانتي ان شاء الله منو؟ رحاب بثقة: اسمي رحاب ليش عبد الرحمن مو كايلج عني؟ اسرار رفعت حاجبها والتفتت على عبد الرحمن اللي اتنرفز من وقاحة رحاب. عبد الرحمن وبصوت هاديء لان هم بالمكتبة: رحاب رجاءا اطلعي منا . رحاب وبجراة اكبر: اوكي لا تنسى تخابرني مثل ما اتفقنا. ومشت وهي تحس بالانتصار.. اسرار مو مستوعبة الموقف بعد وعينها امتلت دموع بس تريد عبد الرحمن يفسرلها شصار وظلت تبجي وعبد الرحمن يحاول يهدّيها . عبد الرحمن :اسرار حبيبتي كافي عاد كلهم انتبهو عليج. اسرار وهي تبجي: امشي اخذلي اجازة ووديني للبيت ما اريد اشوفك بعد خلي رحاب تفيدك. عبد الرحمن بعصبية : اسرار تخبلتي لو شنو؟ رحاب منو اللي تفيدني ؟ بس اهدي شوي خلي افهّمج. اسرار: يعني شتفهمني بعد اللي شفته ؟ عبد الرحمن تعصب واخذهة من ايدهة لمكان هادي بالمكتبة بعدين قرب منها ومسح دموعها بايده, اسرار حست بالدفا من لمسة ايده وهدت شوية . عبد الرحمن بصوت هادي: اسرار لو الله يهديج وتطلعين وياية هسة ؟ مشتااقلج والله. اسرار احمرّ وجهها: عبد الرحمن اعقل شوي هسة يشوفنا امين المكتبة ويطردنا وبعدين تريد تضحك علية وتنسيني سالفة رحاب مو؟ عبد الرحمن : ليش هو اليتورط ويحبج بعد يشوف رحاب لو غيرها. اسرار بدلع تهز كتوفها: مو مصدكة. عبد الرحمن: كوليلي شيرضيج واني اسويه؟ اسرار: كولي منو رحاب؟ وشنو علاقتك بيهة بالضبط؟ عبد الرحمن : استغفر الله يا ربي شوفي اسرار والله ما احب اجيب طاري البنات على لساني بس ما دام اجبرتيني راح اكولج كل السالفة . رحاب اا تحبني من زمان (اسرار فتحت عيونها) وكلما تشوفني تنطيني رقمها وتريد اخابرها بس اقسم بالله هي تنطيني الورقة منا واني اذبها منا يعني حتى رقمها ما اعرفه والله وهسة تكلي اريد احضر عرسك ولهالسبب تكول خابرني ,افتهمتي؟ اسرار :معقولة ؟؟هذي اكيد مو صاحية.. عبد الرحمن :بس تدرين المفروض اروح اشكرها والله. اسرار بزعل: وليش عيني؟ تشكرها على شنو ؟؟ عبد الرحمن:لان خلتني اشوفج شكد تغارين علية.اموت عاليغارون ياناس. اسرار خجلت من نفسها وخدودها صارت وردية , عبد الرحمن حاول يسحبها بس فلتت من ايده وطلعت من المكتبة . وبنفس اليوم بالليل واسرار وعبد الرحمن عالتلفون . عبد الرحمن : اسرار وين رحتي؟ ليش ساكتة؟ اسراربهمس ناعم: وياااااك حبي. بس بس....ما تصورتك هيج جريء. عبد الرحمن يضحك: اصلا بعد ما شفتي الجرأة على اصولها. اسرار:كافي عبد الرحمن والله استحي يلا غير الموضوع . صحيح عبد الرحمن الله يخليك لا تعيد اللي سويتة بالمكتبة اليوم . عبد الرحمن يريدها تحجي: ليش شسويت ما اتذكر بالضبط شو ذكريني؟ اسراروهي خجلانة:اهوووو عبد الرحمن والله استحي يلا باي اشوفك باجر بالكلية . عبد الرحمن: ماكو كلمة اخيرة تصبّريني بيها؟ اسرار  وبصوت رقيق ) احبك امووت عليك.عبد الرحمن:اويلي بعد ما اتحمل والله, اوكي حبي تصبحين على خير والله معاج. (سبحانك اللهم وبحمدك اشهد الا اله الا انت استغفرك واتوب اليك) بعد ان تمّت الخطوبة على خير وهل سيتم الزواج؟؟ وهل راح يعيشون بحب وسعادة طول عمرهم؟؟ أم ستكون هناك منغصات بحياة اسرار وعبد الرحمن ؟؟ التعديل الأخير تم بواسطة هبة ; 30-08-13 الساعة 12:59 AM | |||||||
|
| |
|
30-08-13, 01:17 AM
| #29 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| مشكورة شوق على الفصل الرائع ... الحياة ليست فقط سعادة و هناء بالعكس فيها مشاكل و منغصات كثيرة و لكن عندها نحمد الله على أى لحظة سعادة نجدها و نقدرها لذلك لولا الحزن لما سعدنا بالفرج و السعادة و إن شاء الله تتم فرحة عبدالرحمن و أسرار ... و يرزق عبدالله الصبية اللى تسعد قلبه و خاطره ... شوق متابعاكى و شكراً لك | |||||
|
| |
|
31-08-13, 06:23 AM
| #30 | |||||||
| نجم روايتي وكاتبة في منتدى قصص من وحي الأعضاء
| الفصل السابع طبعا استمرت لقاءات العاشقين بالكلية واستمرّ عبد الرحمن يلح على اسرار انه تقنع امها انه توافق يقدمون موعد الزواج واسرار تتمنى هذا الشيء لكن ما تحب تزعل امها اللي كان هذا هو شرطها الوحيد حتى توافق ع الخطوبة . طبعا طلاب المرحلة الاخيرة في الكلية عدهم فترة يسمونها التطبيق وهذه الفترة تتضمن انه الطلبة يخضعون لتطبيق عملي لما درسوه لكن في مؤسسات قريبة على بيوتهم وبهذه الفترة ينقطعون عن الدوام في الكلية . طبعا في اليوم الاخير قبل التطبيق, الطلاب يسوون احتفال بسيط يودعون بعضهم ,الاحتفال ينتهي الساعة 12 الظهر انتهى الاحتفال عبد الرحمن شاف اسرار مشغولة وية صديقاتها تسولف وتضحك فما حب يزعجها ,وهو بعد انشغل وية اصدقائه الى ان تفرقو جماعته. سحب نفسه على جهة وراح يدخن لان حاس بضيقة شديدة لان من اليوم ورايح ما راح يكدر يشوف اسرار الا من يزورها البيتهم وطبعا كلنا عرفنا هو شلون يتقيد بهالزيارة, اسرار شافته لوحده واستأذنت من صديقاتها وراحت تشوفه. اسرار بصوت ناعم:حبيب القلب شبيه واكف الوحده؟ عبد الرحمن :لان حبيبة القلب والروح عنادية ومتسمع الكلام. اسرار: أأمرني حبي وكلي شتريد؟ عبد الرحمن: يعني ايّ شيء ايّ شيء؟ ا سرار:احجي بس ونشوف . عبد الرحمن:اسرار امشي وياية نطلع بالسيارة شوية والله مشتاقلج حيييييل واريد اكعد بمكان هادئ . يعني مااعرف شلون راح تخلص هالفترة يااااا ربيي . اسرار بتردد: امممم ما ادري والله بس تعرف لازم استاذن اهلي وبعدين يا حبي انت ليش مصعّبها يعني تكدر تجي لبيتنا باي وقت ونكعد براحتنا. عبد الرحمن بعصبية: احلفي والله! اسرار اصلا تعرفين ابيتكم ما اخذ راحتي يعني باب الديوانية يبقى مفتوح وقبلنا بيهة الا كل شوية خواتج الصغار يتنططولي مثل القرود رايحين جايين واوزع فلوس وحلويات ومو خلصان منهم . اسرار ضحكت غصبا عنها:لالا والله حرام عليك منو هم القرود؟اصلا حلوات وحبابات . عبد الرحمن: اسرار لو الله يهديج وتقنعين امج بس وخلينا نرتاح ونريحهم . وقرب من اذنها: خلي نلم الشمل تعبت والله حسّي بية شوية. اسرار حست بيه وانقهرت عليه وتمنت تكله انه هي تتمنى هذا اليوم بس متكدر تكسر كلمة امها. بعدين عزمتة بالكافتريا وظلت تسولف وتضحك وياه وتتدلل عليه الى ان امتصت عصبيته شوي. بدأ اسبوع التطبيق وكل واحد منشغل بالدوام وعبد الرحمن واسرار استمرو بس تلفونات. اسرار دوامها اليوم مسائي, اسرار طالعة من الحمام وشعرها بعده مبلول رن التلفون اسرار: الووو . عبد الرحمن بلهفة وخوف: الووو اسرار وينكم حبي ؟؟ صارلي ساعة اتصل محد يشيل التلفون اكو شيء؟ دائما متعود امج هي اللي ترد عليه بهالوقت . اسرار: هلا حبيبي,على كيفك شوية الحمد لله كلنا بخير. عبد الرحمن : اييييييه الحمد لله لعد وينكم حبي انتي؟ اسرار:اسمعني بس .اليوم من الصبح خابرتنا اختي ابتسام وهي تبجي وتكول احتمال عدهة ولادة مبكرة وتخاف الا تريد ماما وبابا وياهة ,ولهذا اهلي سافرو لبغداد من الصبح. عبد الرحمن:لااا ... سلامتها الف سلامة يعني انتي ما بيج شيء ؟ اسرار ضحكت: لا حبيبي اتطمن ما بيه شي . دا احجي وياك. عبد الرحمن بتنهيدة ارتياح : الحمد لله ...لعد ليش متردين عالتلفون؟مو خبلتيني . اسرار:تعرف بقيت لوحدي بالبيت نظفت البيت ورتبت الغرف بعدين اخذت حمام وطلعت خابرت ماما اتطمن على اختي وبعدين انت خابرت يا حبي انتة ورديت عليك .حلو التقرير مو ؟ عبد الرحمن ضحك: كفّيتي ووفّيتي.. زين وهسة شنو راح تسوين؟ اسرار بتفكير : امممممم راح اروح اجفف شعري وبعدين اسوي الغدا لخواتي الصغار . عبد الرحمن: زين واهلج ايمتة يرجعون ؟ اسرار:ما اعرف والله يمكن عالمغرب. عبد الرحمن(بخبث):اكول حبي لا تسوين غدا, اني راح اجيب غدا من المطعم واجيكم للبيت اوكي؟؟ . اسرار: لااا حبي لا اتعّب نفسك مشكور والله. . عبد الرحمن: لو بس ماتعاندين.يلا روحي جففي شعرج لتاخذين برد وانتظريني .(وفجأة): اكَولج انتي شنو لابسة ؟ اسرار استحت:لابسة بجامة وردي عليها رسومات كيتين,بس ليش تسال؟ عبد الرحمن مبتسم: اريد اشوفج مرة بملابس البيت يصير لو لا؟ اسرار احمر وجهها: استحي والله؟ عبد الرحمن: احنة مو كلنة ماتعاندين يلا بس روحي جففي شعرج وابقي بملابس البيت وانتظريني. احبج يلا في امان الله . اسرار: الله معاك. وفعلا بعد 45 دقيقة تقريبا وصل عبد الرحمن لبيت اسرار وفعلا كانت لابسة بجامة البيت ومجففة شعرها ومسرحتة وحاطة مكياج خفيف وعطر قوي .عبد الرحمن انجن عليها لان اول مرة يشوفها بملابس البيت ,.. اسرار شكرته و اخذت منه الاكياس واخذتهن للمطبخ , هو ما صدق خبر لحكَها للمطبخ وظل يتاملها شكد ناعمة ورقيقة .اسرار صارت ترجف لان اول مرة تلتقي بيه لوحدهم بالبيت. وبعدين سالته: ها حبي وين تريد تكعد بالصالة لو بالديوانية ؟ عبد الرحمن : خلي نكعد بالصالة. وسحبها من ايدها واخذها للصالة ,طبعا طول ما هم كاعدين هو ما ترك ايدها وصار يتقرب منها شوي شوي, اسرار بسرعة سحبت ايدهة وكالتله: صحيح حبي ما كلتلي شتحب تشرب ؟ عبد الرحمن وهو ولهان عليها: اي شيء من ايدج طيب . وفعلا راحت للمطبخ فتحت الثلاجة وصبت عصير برتقال والتفتت الا عبد الرحمن بوجهها. اسرار ابتسمت: تفضل حبيبي. عبد الرحمن:شربيني إنتي يصير لو لا؟ اسرار (غمضت عيونها): ما أكَدر والله . عبد الرحمن (سوى نفسه زعلان):خلاص لعد ما اريد. اسرار تنهدت شوية وتجرأت وشربته بيدها العصير ورجع لزم ايدها وشربها من نفس كاس العصير وعيونه ما نزّلها من عينها . عبد الرحمن انتبه انه البيت نظيف وريحة المعطر تفوح من كل مكان سألها: اسرار وين غرفتج؟ هم نظفتيها لو لا؟ اسرار: غرفتي بالطابق الثاني (قاطعها عبد الرحمن): اريد اشوفها. اسرار ضحكت : شنو تشوف بالضبط؟غرفة عادية والله. عبد الرحمن ما اهتم لها وصعد يركض عالدرج وصاح عليها : تعالي شوفيني غرفتج؟ . اسرار صعدت بهدوء واشرتله على غرفتها ولما دخل للغرفة تفاجأ بأنه كلشي بالغرفة يدل على ذوق حلو من المفارش للستائر الى ارضية الغرفة وانتبه على الكومدينة قرب السرير كانت اسرار مرتبة صورة عبد الرحمن ومخليتها بأطار على شكل قلبين الاول بيه صورة عبد الرحمن, والثاني بيه كلمات اغنية كانت اسرار تحبها : ضمني على صدرك بردان دفيني وانتة على كيفك موتني واحييني من دون كل البشر تعجبني يا عيني. عبد الرحمن شال الاطار وشاف صورته مع الكلمات رفع عينه بشوق على(اسرار)اللي غطت وجهها بايدها . عبد الرحمن انطاها الصورة وكاللها: اقري الكلمات المكتوبة اريد اسمعها بصوتج. اسرار: لاا عبد الرحمن ما اكدر والله.يلا خلينا ننزل. عبد الرحمن بعناد طفل : ما انزل الا تقرين الكلمات. وراح كعد على سريرها . اسرار ظلت واكفة يم الباب وبعد الالحاح الزايد قرت الكلمات بسرعة و بصوت لا يكاد يسمع. اسرار:يلا حبيبي قريتلك الكلمات امشي خلينا ننزل. عبد الرحمن: بس اني كلشي ما سمعت تعالي هنا واقريهن بصوت عااالي . اسرار:اوكي بس اخر مرة ومشكلتك اذا ما سمعت. وفعلا راحت قريبة منه واثناء ما هي تقرا الكلمات عبد الرحمن اقترب منها اكثر وحاوطها بذراعه وباسها من شفايفها حاولت تبعده عنها ,,قرّبها منه اكثر و استسلمت بسرعة,عبد الرحمن هو الثاني ما تمالك نفسه وضعف كدامها وتم كلشي بسرعة بحيث هم الاثنين ما حسو بنفسهم الا متأخر.وبعد دقااايق كل واحد منهم كاعد على طرف السرير. عبد الرحمن نزّل راسه ما كدر ينطق ولا كلمة بس مو مصدكَ روحه(معقولة اني هيج اسوي؟ وين عقلي بس؟ياااا ربي سامحني). اسرار على الطرف الثاني من السرير ظلت سااااكتة ومصدومة من اللي صار(لييييييش عبد الرحمن؟ ليييييش؟)وخنقتها العبرة وصارت تبجي بصوت يقطع القلب. عبد الرحمن حاول يهدّيها بس متريد تسمع منه ولا كلمة. عبد الرحمن:اسرار حبي تريدين تظلين لوحدج؟ اسرارهزت راسها:ايييي عبد الرحمن:اوكي براحتج اني طالع اذا تحتاجين شيء بس خابريني للبيت . اسرار هزت راسها واول ما طلع عبد الرحمن صارت تضرب بنفسها وتبجي بصووت عالي ( لعد شكد اني رخيصة ؟ ليش بهالسرعة رخصت نفسي ؟يااا ربي معقولة يكون عبد الرحمن د يختبرني معقووولة؟ لاااا هو يحبني واكيد يعرفني لو ما احبه ما اسوي هالشيء) وصارت مرة تقنع بنفسها انه هي زوجته واللي صار عادي ومرة تجيبها الافكار السودة وتوديها وبهالاثناء رن التلفون. اسرار فزت من مكانها. اسرار (بصوت مخنوق): الووووو. الاب: الو اشونج اسورة حبيبة بابا؟ شبيه صوتج لازم نايمة؟ اسرار مرتبكة :هااا.. اي اي شوية غفيت بس بشرني اشون ابتسام؟ الاب: الحمد لله جابت بالسلامة وهي وابنها بخير. اسرار: يييييه حياتي الحمد لله يا رب,زين وانتو ايمتة ترجعون؟ الاب: والله امج م اراح تكدر تعوفها بسرعة واحتمال تبقى يمها اسبوع , بس اني ان شاء الله راجع عالمغرب باذن الله . اسرار: ان شاء الله توصل بالسلامة. سلملي على ماما وابتسام وبوسلي النونو. الاب: الله يسلمج يا رب, يلا باباتي اني اروح , ديري بالج على نفسج وعلى خواتج الصغار. اسرار(حزت بخاطرها جملة ديري بالج على نفسج): ان شاء الله بابا, الله معاك. مرّ اول يومين واسرار ما حاولت تتصل ولا عبد الرحمن اتصل بيهة , في اليوم الثالث بعد ما تتحمل راحت ودقت عليه لكته فاصل تلفون الغرفة حاولت مرة ومرتين وماكو فايدة. ظلت تاكل بنفسها وتلوم بعمرها, وفي الاسبوع الثاني وصلت امها من بغداد وشافت اسرار شوية متغيرة وتظل سارحة وكلما تسالها متجاوب وحتى تحاول متكون قريبة من امها حتى لا تسالها شبيهة. المهم في نهاية هذا الاسبوع وبعد الغداء , اسرار كانت ترتب المطبخ سمعت امها وابوها يسولفون بالصالة. الحاج احمد: تدرين نوال ؟ اليوم عبد الرحمن اجاني للمعمل وو... (سبحانك اللهم وبحمدك اشهد الا اله الا انت استغفرك واتوب اليك) توقعاتكم هل ممكن ان يكون ما حصل اختبار لأسرار ؟؟ وماذا يريد عبد الرحمن بزيارته المفاجئة لأبو اسرار ؟؟؟ التعديل الأخير تم بواسطة هبة ; 31-08-13 الساعة 05:31 PM | |||||||
|
| |
|
| الكلمات الدلالية (Tags) |
| الجامعة...قصة, اسرار, عراقية |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
