آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-08-13, 06:25 AM
| #31 | ||||||||
| نجم روايتي وكاتبة في منتدى قصص من وحي الأعضاء 
|  اقتباس:
صدقتي حبيبتي لا تخلو ايّ حياة من المنغصات لكن كل شيء بقدر والحمد لله على كل حال دائما يسعدني وجودك ويشرفني هباوي بوركتي غاليتي | ||||||||
|  |
|
31-08-13, 08:37 PM
| #32 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى شوق على الفصل الرائع ... صحيح ما حصل خاطئ بالنسبة للأعراف و التقاليد و ربما خيانة لثقة والديها و لكنه شرعاً حلال فهما زوجين شرعاً ... و توقعى أن عبدالرحمن أعطها هذه الفترة كى تهدأ و كى يرتب أموره لأن تسريع الزواج أصبح أمر عاجل و ربما كانت زيارته لوالدها كى يطلب منه تعجيل الزفاف خوفاً من عواقب ما حصل ... شوق متابعاكى و شكراً لك | |||||
|
| |
|
01-09-13, 11:11 AM
| #34 | ||||||||
| نجم روايتي وكاتبة في منتدى قصص من وحي الأعضاء
| اقتباس:
يا رب ما انحرم من هالتواجد الحلووو كوني بالقرب | ||||||||
|
| |
|
01-09-13, 11:13 AM
| #35 | ||||||||
| نجم روايتي وكاتبة في منتدى قصص من وحي الأعضاء
| اقتباس:
مشكورة حبيبتي والرووعة في متابعتك للقصة مشكورة وكوني بالقرب واسعدني تواجدك معي غاليتي | ||||||||
|
| |
|
01-09-13, 11:43 AM
| #36 | |||||||
| نجم روايتي وكاتبة في منتدى قصص من وحي الأعضاء
| الفصل الثامن الحاج احمد: تدرين نوال ؟ اليوم عبد الرحمن اجاني للمعمل ويكول يريد يقدم موعد الزواج بعد اسبوعين. الام نوال (بعصبية):يعني شنو يقدم موعد الزواج ؟ مو كلنالة الا بعد النتائج .زين وانت شكلتلة ؟ الحاج احمد: والله يا نوال هو الولد حجّته قوية يكول اني اخجل اجي البيتكم دائما وبعدين يكول اني كلشي مجهز حتى بيت الزوجية مأثث و كامل .يعني شتريديني احجي بعد؟ نوال:مو اني كَلتلك من البداية خلي حتى الخطوبة والعقد نأجلهم الى بعد الامتحانات بس انتو الله يهديكم استعجلتو. (قاطعها الحاج احمد):غير انتي ماشفتي اشلون يومية جايين ويريدون الجواب وانتي بأذنج سمعتيهم من كالو احنة موافقين على كل شروطكم . نوال: بس اني ما احب هالطريقة بالزواج يريد ينتظر اهلا وسهلا, ميريد كَوله ما عدنة بنات للزواج. طبعا اسرار سمعت هالكلام اظلمت الدنيا بعينها وبعد عجزت عن التفكير.بعدين امها طلبت منها انه تتصل ب(عبد الرحمن)حتى يجي للبيت وتفهم منه كلشي. اسرار اتصلت على عبد الرحمن وبسرعة رد عالتلفون . اسرار: الوووووو السلام عليكم. عبد الرحمن: هلا هلا حبي وعليكم السلام اشونج مشتاقلج والله. اسرار(متقيدة بوجود امها):اشكرك احنة اكثر والله. عبد الرحمن:اسرار منو يمج؟ اسرار: هذي ماما تسلم عليك وتكول يا ريت تجي بالجمعة حتى نتفاهم . عبد الرحمن:اكول اسرار تكدرين تتصلين اليوم بالليل, انتظرج اوكي؟ اسرار:ان شاء الله احاول. لحد هنا انتهت المكالمة,,, وام اسرار انتبهت انه اسرار كانت تختصر بالكلام ولهالسبب طلبت منها انه ما تتصل على عبد الرحمن الى ان يجي بيوم الجمعة ويتفاهمون.وفعلا اجى يوم الجمعة,اسرار وامها وعبد الرحمن كاعدين بالديوانية,حاول عبد الرحمن يقنعها بوجهة نظره لكن كانت الام مقررة خلاص انه اما يبقى موعد الزواج بنفس الموعد او كل واحد يروح لحال سبيله. عبد الرحمن فلتت اعصابه:يعني شنو كل واحد يروح لحال سبيله؟خالتي الزواج لازم يتم هالاسبوعين. نوال:يعني شنو لازم يتم ؟فهموني اذا اكو شي. اسرار وعبد الرحمن التفتو لبعض, اسرار صار قلبها يدق بسرعة وعبد الرحمن صار يبلع ريقه. الأم تأكدت من شكوكها و التفتت على اسرار اللي دمعت عيونها وعضت على شفتها. وبعدين وكفت الأم على طولها ووجهت الحجي لعبد الرحمن(كأنه تريد تطرده): خلاااص العندي كلته وما عندي شي ثاني وانت بكيفك. اسرار والدموع بعينها وتتوسل:ماما الله يخليج. الأم: اسكتي ولا كلمة واصعدي لغرفتج حسابي وياج بعدين. عبد الرحمن ما كال ولا كلمة وبسرعة طلع من البيت بس ظل باله كله وية اسرار. الأم صعدت لغرفة اسرار اللي كانت كاعدة على سريرها ومنزلة راسها. نوال (بعصبية):اسرار احجي شصاير؟ ا اسرار خلت ايدها على وجهها وهي تبجي: والله غصبا عني. أمها فتهمت و اقتربت منها وضربتها كف قوي وتعصبت عليها:معقولة انتي اسرار يطلع منج هذا كله؟ ليش هيج تسوين بنفسج وبينا لييش؟هسة شيكول عنج الولد؟ شيكول عنا احنة؟ ما عرفنا نربي؟ اسرار وهي تبجي:ماما الله يخليج بس اسمعيني. نوال بصوت عالي:اسكتي ولا كلمة شنو اسمع بعد؟ ولج انتي سودتي وجوهنا كدام الناس الغربة,اااااخ يا ريتني خليتج ابغداد ولا جايبتج هنا.بس كوليلي اشون تجرأتـي اشوون؟ هية هاي جزاة ثقتنا بيج اسرار؟؟؟.واني الطول عمري اتباهى بيكم وبتربيتكم, اول مرة تخليني اندم على خلفة البنات... والله صدك لو عندج اخ الا يكسر ركَبتج ع اللي سويتيه. اسرار ما بقى عدها شي تكوله وظلت تبجي,امها نزلت وتركتها بس منعتها انه تتصل على عبد الرحمن نهائيا.رغم انه اهل عبد الرحمن كانو على اتصال دائم بيها,وفعلا ظلت العلاقة بين اسرار وامها متوترة وبعد مرور شهر تقريبا ع الحادثة صارت اسرار تحس بفقدان الشهية ووجهها صار اصفر وبدا التفكير والقلق يقتلها .وبعد طوول تفكير قررت تتصل بعبد الرحمن من تلفون المدرسة اللي هي بيها وبعد ان استأذنت من المديرة. اسرار: الوو ممكن احجي وية عبد الرحمن؟ السكرتير: نعم منو نكوله؟ اسرار: كوله البيت. وحوّل الخط لعبد الرحمن عبد الرحمن: الوو . اسرار: اشونك عبد الرحمن ؟ عبد الرحمن(فز من سمع صوتها):اسرااار هلا حبيبي اشونج؟من وين دتخابرين ؟اكو شي؟ بس طمنيني. اسرار والدموع بعينها: تعبااانة والله. عبد الرحمن بقهر: اسرار احد مأذيج بالبيت؟ اسرار:لااا بس اني خايفة حيييل. عبد الرحمن : اسرار خبلتيني احجي شبيج. اسرار: اسمع عبد الرحمن,ما اكدر اطول وياك لان أخاف يجون الموظفات بس ما اعرف يمكن اني(ح...ا..مل)بس مو متأكدة, خاايفة حييل كولي شسوي ؟ اسمع والله اذا صار شي بماما وبابا بسببي الا اكتل روحي واخلص. عبد الرحمن(حط ايدة على راسه)وارتبك:زين بس اسمعيني حبي انتي, انتظريني هاليومين وان شاء الله الاكي حل للموضوع بس تحملي شوية. اسرار: شأتحمل بعد والله مليت. عبد الرحمن: اسرار اني خليتج بهالموقف واني ان شاء الله اطلعج منة بس خليني اشوف شأسوي. وبعد يومين اسرار اتصلت على عبد الرحمن وما رد, هنا فقدت كل امل واخذت اجازة ورجعت للبيت وبرجعتها شافت سيارة عبد الرحمن واقفة كدام بيتهم , صارت ترجف وخطواتها ثكلت,دخلت للبيت على روس اصابعها وسمعت امها وعبد الرحمن وهم يحجون بهدوء. عبد الرحمن:اني غلطان واتحمل نتيجة غلطي,ومستعد لأي شي بس اسرار متتأذى. ام اسرار:ليش احد كايلك احنة مأذّيها؟ عبد الرحمن: لااا العفو بس اني ما اريد تلوميها هي عاللي صار.واليوم جيت ونيتي صافية والله بس اريدج توافقين نقدم موعد الزواج وبس.احسبيني ابنج وديتوسل بيج توافقين عالانسانة اللي اختارها قلبي. ام اسرار(حست بيه انسان صادق )وابتسمت: والله لوما اسرار بنتي الا اكول مسويتلك سحر. عبد الرحمن ارتاح من ابتسمت: هي هم مسويتلي سحر بس سحر رباني. لحد هنا اسرار ارتاحت وصعدت لغرفتها واخذت صورة عبد الرحمن وحضنتها ونامت. وبعدين عبد الرحمن قدم هدية لأم اسرار واتفق وياها انه هو اللي يبلغ اسرار بالخبر السعيد.وبنفس الليلة اسرار كاعدة بغرفتها صعدت اختها رشا وهي شايلة التلفون.. رشا: اسرار هذا عمو عبد الرحمن ع الخط . اسرار تسأل اختها: وماما تدري ؟ رشا: اي اصلا هي كالتلي اخذيلها التلفون. اسرار ارتاحت و ردت:الووو. عبد الرحمن(بنفسية مرتاحة): فديت احلى الوو . اسرار خجلت:يفداك عدوك. عبد الرحمن:عندي الج بشارة شتنطيني واكولها. اسرار:كوللي شتريد واشوف. عبد الرحمن: يعني متعرفين شأريد؟ اسراراحمر ّوجهها:متبطل سوالفك انتة.. يلاا احجي حبيبي لخاطري. عبد الرحمن: احم ..احم..حبي اسرار استعدي بعد اسبوعين وتشرفين بيتج المتواضع وتصيرين (حرم عبد الرحمن الحاج سعيد)تقبلين لو لا؟ اسرار انذهلت:معقولة قنعت ماما بهالسرعة؟ عبد الرحمن : ليش ما سألتيهة؟ اسرار:لااا بصراحة اخجل احط عيني بعينها بعد اللي صار. عبد الرحمن: ااسف حبي انتي,بس هسة اريدج تروحين تستسمحيها وتبوسين ايدها حتى ترضى علينا اوكي. اسرار : ان شاء الله. وطاالت السوالف بيناتهم الى اذان الفجر. وفعلا بعد اسبوعين تم زفاف العروسين وكانت اسرار روووعة بفستان زفافها وبمكياجها وتسريحتها وزاد تعلق الحبيبين ببعض ومرت ايام الامتحانات على خير وطلعت النتائج وكانو اسرار وعبد الرحمن من الاوائل وحضرلها مفاجأة (سفرة شهر عسل الى لبنان)وفعلا اسرار بعد متوسعها الدنيا من الفرحة بحب عبد الرحمن ودلاله لها, لكن طبعا كل حياة متخلو من بعض المنغصات يعني عبد الرحمن اكتشف انه اسرار عنيدة شوية ودلوعة هواية وحب يجاريها ويعدل من عنادها , واسرار اكتشفت انه عبد الرحمن شوية شديد وعصبي وميحب احد يدوسله على طرف وكان عنده بعض من (الأنفة)اللي متميزين بيهاافراد(بيت الحاج سعيد)وكان يحب انه تسمع كلااامه هو وبس. ومع هذا كان يحب اسرار ويتواضع لأجل عيونها ويطلب رضاها.يعني صحيح كانو مختلفين على هواية شغلات مثل لبس العباية المخصرة والروحة للمسارح والسينمات حتى لو مع اخواتها واهلها وسماع الاغاني هذا كله عند عبد الرحمن (ممنوع)وحاول يسايس اسرار شوي شوي حتى تقتنع بوجهة نظره لكن هذا ما يمنع انه اسرار كانت مدللته وحاطته بعيونها ومسوية بيته مملكة من حيث اهتمامها بنفسها وبلبسها وبطبخها والحرص على راحته وسعادته والليالي الرومنسية اللي تبدع بيها بس بدون موسيقى ولا اغاني حسب طلب عبد الرحمن وكانت اسرار تموت بشي اسمه الرقص الشرقي وحاولت اكثر من مرة تقنع عبد الرحمن انه يسمحلها ترقص على موسيقى بس, لكن كان يرفض. اسرار طبعا زعلت شوي لكن لاجل عين عبد الرحمن كانت مستعدة تسوي كلشي وهو كان بالمقابل ميكدر يرفضلها طلب وبعد مرور الشهر على زواجهم اعلنو انه اسرار حامل والكل طبعا كان فرحان وزاد دلعها وزاد اهتمام عبد الرحمن بيها وبعد شهرين من اعلان الحمل وبدون سبب يذكر صار عندها اسقاط وتعبت نفسيتها لكن عبد الرحمن كان يخفف عنها ويزيد بدلاله لها وظلو متعلقين ببعضهم وكانت اسرار بالمناسبات العائلية الخاصة باقارب عبد الرحمن تكون محط الانظار باناقتها والمجوهرات اللي تلبسها وكانو كثير من الاقارب ما يحبوها لان يعتبروها غريبة وكانت تحس بهذا الشي لكن كانت تقابلهم بالابتسامة والكلمة الحلوة وبالنسبة لها اهم شي هو عبد الرحمن اللي مو مخليها محتاجة شي وشايلها بعيونه وحتى اذا راد يسافر وشاف انه اكو مجال تروح وياه كان ميقصر وياهة, وبعد مرور السنة الاولى على زواجهم صارت اسرار حامل للمرة الثانية وكانت خايفة حييل وفعلا بعد اسبوعين صار عندها اسقاط للمرة الثانية رغم انه كانت مريحة نفسها عالاخر لكن قدر الله وما شاء فعل , وتجاوزوا اسرار وعبد الرحمن هالمحنة وزاد حبهم وتعلقهم ببعض وحتى الكل مستغرب انه عبد الرحمن ما عمره قصر وية اسرار ولا تغير عليها مرت الان سنتين ونصف على الزواج ولا جديد بخصوص موضوع الاطفال اسرار تراجع الطبيبات والكل يأكدون لها انه الموضوع محتاج شوية صبر وصارت اسرار تمل من المراجعات ومرات تلتزم بالعلاج ومرات تتركه اما عبد الرحمن فصار يسمع كلام منا ومنا في كل اجتماع مع العائلة والكل يسئله عن هالموضوع وصارت نفسيته تتعب شوي وصارو اهله واقاربه يلحون عليه بالزواج الثاني خصوصا انه هو مقتدر ويكدر يفتح بيتين وانه مو عيب ولا حرام والكل كان متفق انه اسرار تبقى على ذمته لأنهم يعرفون انه عبد الرحمن لا يمكن يفرط بيها وصار عبد الرحمن شوي شوي يتأثر بكلامهم لكن ابد ما حاول يبين لاسرار هذا الشي وفعلا قرر يخضع لفحوصات كاملة بس بدون ما يقول لاسرار .. وبيوم من الايام اسرار كانت ترتب بادراج الكومدينة لاقت جنطة جديدة فتحتها لاقت بيها ظرف مفتوح طلعت منه الاوراق شافت اسم عبد الرحمن ولفت انتباهها اكو اسم مركز طبي في اعلى الورقة طبعا اسرار قلبها صار يدق بسرعة وقررت تاخذ الاوراق وياهة للدكتورة بالمرة الجاية وفعلا بيوم المراجعة طلعت الاوراق للدكتورة.. اسرار: عيني دكتورة بس اريد اعرف هذي الاوراق شنو مكتوب بيها ؟؟ (اخذت الدكتورة الاوراق) الدكتورة: مممم انتي اسم زوجج عبد الرحمن مو؟ اسرار: اي صحيح ليش اكو شي؟ الدكتورة ابتسمت: لا بس هو مسوي فحوصات كاملة وما شاء الله النتائج كلها سليمة . اسرار مستغربة: بس هو عمره ما جابلي سيرتهم ولا كلي عنهم شي. الدكتورة: عادي والله بس هو يمكن ميحب يضايقج يعني اكثر الزلم يعتبرون هذا الموضوع حساس شوي وبعدين احمدي ربج انه زوجج يقدر مشاعرج وميحب يجرحج. اسرار دمعت عيونها: يعني هسة بنظره اني مريضة وما مني فايدة مو؟ الدكتورة: استغفري الله بنتي انتي بعدج صغيرة وبعدين كل الموضوع ارتفاع بالهرمونات يعني كلها مسألة وقت واذا تظلين تفكرين بهالطريقة راح علاجج يتأخر يعني كلما هديتي كلما احسن يا بنتي. طبعا السنة الاولى من زواجهم كانت قبل الاحداث الاخيرة اللي مرت بالعراق وبعد الحرب على العراق وانفتاح مجالات السفر امام الناس صارت اسرار تسمع بشيء اسمه التلقيح الصناعي وانه كثير من الناس يسافرون ويرجعون وبيدهم الطفل ,طبعا اسرار خلت ببالها هالشيءوقررت تفاتح عبد الرحمن وكانت دائما تسال عن احسن الاطباء بالبلدان المجاورة وعن التكلفة وعن كل شي يخص هالموضوع وفعلا صارحت عبد الرحمن برغبتها لكن عبد الرحمن كان رافض الفكرة لانه مو كل شي تسمعه صحيح وانه مثل هالعمليات مو مضمونة لكن اسرار صارت تزعل من عبد الرحمن وتغيرت عليه وصارت تتهمه انه هو ميحبها وهذا الشي كان ميرضي عبد الرحمن وكان هو مطول باله عليها وكان يراضيها باغلى الهدايا بس حتى ترضى وفعلا ترضى اسبوع وتزعل منه اسبوعين لكن هذا الشي كله بس داخل البيت يعني محد لاحظ عليهم اي شيء لكن رغم الزعل والعتاب بينهم ظلو على حبهم لبعض واعتبرو هالمرحلة غيمة وتعدي. وبيوم من الايام عبد الرحمن خبر اسرار انه هو اشترى شقة جديدة بمنطقة راقية لأجل يأجرها ويستفيد منها وفعلا مر الموضوع عادي لكن بأحد المناسبات العائلية اسرار كالعادة كانت حاضرة وبكامل اناقتها ومنطلقة عالاخر وية اقارب عبد الرحمن الا وتسمع اثنين من النسوان يتحاجون بيناتهم وما انتبهو لاسرار. المرأة(1): اكولج شفتي زوجة( عبد الرحمن الحاج سعيد) شلون حلوة وصغيرة بس سبحان الله الحلو ميكمل يكولون ميصير عدهة اطفال. المرأة(2): يااا صحيح بس هو شلون صبر عليها فوك السنتين ؟ والله ابني بس تأخرت مرته 6 شهور عن الحمل صار يدور على وحدة ثانية بس الله لطف بيهة وحملت. ا لمرأة(1): لاااا مو اني سمعت بيه يكولون مشتري شقة جديدة ويكولون يمكن راح يتزوج بيها. اي عيني ليش هو الرجال كم دوب يصبر؟ المرأة(2): اي والله صحيح وهو ما شاء الله حالته المادية ممتازة ويكدر يفتح 4 بيوت, ووالله لو عندي بنية الا انطيها لعبد الرحمن هو الف وحدة تتمناه زينة الشباب و كلها تمدح بيه وباخلاقه وبكرمه. طبعا لحد هنا واسرار حست بنفسها راح توكع من طولها وارتفعت حرارتها وصار جسمها يرجف وبسرعة استأذنت من ام عبد الرحمن ... وتحججت انه ضغطها انخفض واتصلت على عبد الرحمن وجاء اخذها للبيت وهي طول الطريق ساكتة عبد الرحمن يلاطفها: تدرين احسن شيء سويتي انه اتصلتي بيه ؟ تدرين بيه اشتاقيتلج مووووت.. اسرار :؟؟؟؟؟؟ عبد الرحمن مستغرب: شبيج اسرار اكو شي مو عوايدج تظلين ساكتة بالسيارة؟ اسرار: لااا بس شويه عندي صداع يمكن انخفض عندي الضغط.. عبد الرحمن(لزم ايدهة وباسهة): سلامتج عمري انتي.هسة نروح للبيت وترتاحين . اسرار سحبت ايدها بهدوءوبينها وبين نفسها(آآآه عبد الرحمن ما ارتاح اذا ما اعرف على شنو ناوي ؟؟وبشنو تفكر؟؟) هل تتوقعون ان ينتهي الحب بسبب تأخر حمل اسرار؟؟ وهل ممكن ان تؤثر ضغوط العائلة على عبد الرحمن بأن يفكر بالزواج مرة ثانية؟؟ وما مصير اسرار ؟؟ التعديل الأخير تم بواسطة هبة ; 01-09-13 الساعة 11:05 PM | |||||||
|
| |
|
02-09-13, 12:31 AM
| #37 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى شوق على الفصل ... أفضل شيئ فعلته أسرار أنها لم تثور و تحطم كل شيئ و حياتها مع عبدالرحمن ... المفروض أن تفهم منه ما الذى ينوى عليه و لا أتوقع أن عبدالرحمن سيكذب عليها لو يريد الزواج من أخرى سيخبرها و إن شاء الله يكون هناك تفسير مقنع لشرائه تلك الشقة و تكون أسرار حامل لحتى تنتهى تلك المرحلة من المشاكل ... شوق متابعاكى و شكراً لك | |||||
|
| |
|
02-09-13, 11:58 AM
| #38 | ||||||||
| نجم روايتي وكاتبة في منتدى قصص من وحي الأعضاء
| اقتباس:
مشكورة يا حياتي للمتابعة والتشجيع المستمر لكن ابقي معي لأنه راح تصير نقلة بالاحداث ويا رب تستمعين بأحداث القصة لك كل الشكر هباوي | ||||||||
|
| |
|
02-09-13, 12:38 PM
| #39 | |||||||
| نجم روايتي وكاتبة في منتدى قصص من وحي الأعضاء
| الفصل التاسع طبعا الأيام اللي بعدها اسرار ظلت تفكر بينها وبين نفسها بطريقة تقنع بيها عبد الرحمن انه يبيع الشقة ويسافر بيها للعلاج فقط وبأحد الايام.... اسرار: اكول عبد الرحمن يكولون اكو طبيب جديد ومشهور يسوي عمليات تلقيح صناعي وكل عملياته ناجحة . عبد الرحمن: اوووه اسرار مو كلتلج هذا الموضوع شيليه من بالج ( وصار يتقرب منها وحضنها بقوة)يا بعد روحي انتي اذا تريدين رضاية لا تعيدين هالموضوع. اسرار (بعصبية): لو صحيح اني بعد روحك المفروض تريحني وتوافقني. . عبد الرحمن(تعصب): ليش اسرار بشنو مقصر ويااج اني؟؟ وبعدين تريدين الصراحة يكولون العملية مكلفة ومو مضمونة وثانيا اني منين اجيب فلوس للعملية والمصاريف اللي بعدهة ؟؟؟انتي تعرفين بعد الحرب كلشي تغير صحيح شغلنا ماشي والحمد لله بس الشغل مو مثل قبل يا عيني انتي, الشركة اللي اشتغل بيها والارباح مو بس الي لوحدي يعني عندي ابوية واخواني وكلمن وبيتة ومصاريفةيعني شلون تريدين اتداين من الناس حتى ترضين ؟ اسرار: وليش تتداين ؟ روح بيع الشقة اللي اشتريتها, انت مو تكول بمنطقة راقية وتنباع بسرعة يعني محلولة الشغلة وميرادلها تفكير. عبد الرحمن بعصبية : ايّ شقة تريديني ابيعها ؟ الناس ماتصدكَ تملك **** وانتي بسهولة تكولين روح بيعها! اسرار ليش صايرة انانية شبيج مو انتي العاقلة. اسرار(علّت صوتها): اي عبد الرحمن اطلع على حقيقتك وكَول, يعني اللي سمعته صحيح . عبد الرحمن (فتح عيونه مستغرب منها) لكن اسرار كملت كلامها وبنفس العصبية: عبد الرحمن انتة تريد تتزوج بالشقة مو صحيح؟ عبد الرحمن: اسرار منين جبتي هالسوالف؟ اسرار وبصوت يرجف : ليش تريدني اظل مغمضة وعلى عماية؟؟؟ لا ااا عبد الرحمن اني كلشي سمعت وعرفت بيك اشتريت الشقة حتى تتزوج بيها صح لو لا ؟ (وسكتت شوية) عالعموم اني ما راح امنعك من شي بس اسمعني متتزوج واني على ذمتك والدنيا دنيا . ومثل متريد تشوف حياتك اني هم اشوف حياتي وية واحد يحبني ويقدرني . هنا عبد الرحمن انتفض من مكانه وبسرعة راح انطاها كفين على وجهها ولزم ايدها وصار يخضها ويصيح بوجهها : وتكوليها بوجهي بعد؟ ليش اني بشنو قصرت وياج ؟ لو من الدلال بعد تفرعنتي وتصورتيني خاتم باصبعج وتريدين كلشي على كيفج ومرادج _وظل يضغط على ايدها_ اسرار صارت تصرخ:آااااااي آاااااي عبد الرحمن ايدي راح تكسرها . عبد الرحمن( وبنفس العصبية): واكسر راسج بعد افتهمتي لو لا؟ اسراربعناد اكثر: ما عاش اليكسر راسي, والدنيا مو واكفة عليك, طلّقني واني آخذ أغاتك (سيد سيدك). عبد الرحمن صار دمه يغلي وانطاها كف ثالث من قوته وكعت عالارض وظلت تبجي وتصرخ وتركها وطلع من البيت . عبد الرحمن بعد ان هدا شوية وهو يتمشى (ااااااخ ليش اسرار هيج اتسوين بيه؟ ليش تعصّبيني ليش؟منو تلاكين يحبج ويريد رضاج مثلي؟) وبعدين صار يلوم نفسه( وانت شبيك عبد الرحمن ؟ اشون تتقوى على وحدة ضعيفة ؟لا و اخرتها تمد ايدك على اسرار حبيبتك اللي متت حتى اخذتها؟ يا ربي لو مكسورة ايدي ولا مادها عليج اسرار.اسف والله سامحيني عمري انتي) بعد ساعتين تقريبا رجع عبد الرحمن للبيت لاقى اسرار نايمة عالقنفة ودمعتها على خدها,حاول يقترب منها لكن خلاها على راحتها بس غطاها بالبطانية ودخل هو غرفته وحاول ينام وما كَدر وطلع كَعد بالحديقة وظل يدخن, بعدين دخل البيت اخذ حمام واستعد لصلاة الفجر بالمسجد القريب , بعد ساعة تقريبا رجع وحاول يصحي اسرار لصلاة الفجر وفعلا اسرار كامت من مكانها حست بدوخة شديدة بس ما بينتله ولا حطت عينها بعينه وفعلا راحت للحمام وحست بنفسها صارت تنزف(لان اسرار بسبب ارتفاع الهرمون صارت عادي تتاخر الدورة لكن هالمرة كانت تحس بيهة شديدة )وصارت تتلوى من الالم والمغص.. وطلعت من الحمام وصاحت بصوت ضعييف: عبد الرحمن الحكَني . وبعدين اغمي عليها, عبد الرحمن راح يركض بسرعة لكاها واكعة من طولها وبسرعة لبسها العباية والحجاب واخذها بسيارته للمستشفى. وهناك بالمستشفى حطولها مغذي وانطوهة ادوية وكالتلة الدكتورة يعني كلشي مابيهة بس منخفض الضغط عدها بسبب حالة نفسية ,هنا عبد الرحمن صار يلوم بنفسه وراح وكعد يم سريرها وظل لازم ايدهة وشاف طبع الكف مسوي اثر على وجهها , اسرار فتحت عيونها وشافت عبد الرحمن لكن التفتت للجهة الثانية.. عبد الرحمن اللي انقهر من تصرفها حاول يواسيها : ها حبي الحمد الله عالسلامة اشونج هسة ؟ اسرار ما ردت عليه : اريدك تروح تصيحلي ماما بسرعة . عبد الرحمن :ليش تقلقيها يا عيني الدكتورة تكول انخفاض بالضغط والحمد لله كلشي تمام. هسة نرجع لبيتنا وترتاحين . اسرار: كلتلك اريد ماما وبس . واذا متريد تروح انطيني الموبايل اخابرها هي تجي . عبد الرحمن: اوكي بس لا تتعصبين هسة اروح أجيبها لحد هنا بس هدّي نفسج شوية . وباسها من راسها وطلع. وفعلا بعد نص ساعة كانت ام اسرار يمها بالمستشفى ولاحظت شلون اسرار عصبية وتتأفف من يدخل عبد الرحمن للغرفة لكن ما حبت تسألها الا هي تكول من نفسها وبنفس اليوم الدكتورة سمحتلها تطلع العصر... طبعا عبد الرحمن ما تركها ولا دقيقة , وفي السيارة طلبت منه اسرار انه تروح وية امها لبيت اهلها وفعلا راحت وظلت اسبوع هناك وعبد الرحمن ما تركها يومية يجيها للبيت وحتى اهل عبد الرحمن صارو يزوروها يطمنون عليها وهي عادي تستقبلهم وبيوم من الايام كانت ام عبد الرحمن واخته المتزوجة بزيارة لاسرار واثناء كعدتهم دخل عبد الرحمن , طبعا اسرار بسرعة انقلب وجهها وكان تصرفها هذا يقهر عبد الرحمن اللي التفت على امه واخته: يمة اكول السايق منتظركم انتي وايمان برة. ام زياد( لبست العباية): اي يا الله يلا عيني اسرار نشوفج بخير . وباستها وطلعت, وبعدين ايمان اخت عبد الرحمن راحت باست اسرار وكالتلها: يلا اسرار شدّي حيلج شوية وارجعي للبيت شوفي عبد الرحمن راح تطك روحه حتى اكل ما ياكل مثل العالم . الكل طلع وبقوا عبد الرحمن واسرار لوحدهم بالديوانية .. عبد الرحمن (سحب اسرار من ايدها وحضنها بقوة):يلا عاد مو كافي زعل ايمتة ترجعين لبيتج؟. اسرار(خلصت نفسها من ايده): اني ما عندي بس بيت أهلي ويا ريت تخلصني من هالموضوع بسرعة. عبد الرحمن: اسرار حياتي نرجع لبيتنا ونتفاهم وكلشي تريديه اني حاضر . اسرار:ما اريد بس شي واحد, مثل ما دخلنا بالمعروف نطلع بالمعروف وكلمن يشوف حياته. (طبعا هي تكول هالكلام من ورى قلبها لان تعرف انه عبد الرحمن اذا خلى شي بباله لازم ينفذه وتعرف انه ما دام فكر بالزواج الثاني فهو حتى لو أجّ ل الموضوع شوية راح يرجعله بعدين ولأن بالنسبة لها زواج عبد الرحمن هو نهاية حبهم وثانيا راح يخلي الناس تشمت بيها وخصوصا اقاربه ولهالسبب فضّلت تختصر الطريق على نفسها وتطلع من حياته) عبد الرحمن تعصب عليها :ليش اسرار تضيعين الاول والتالي على لحظة عناد منج ؟ تعرفيني شاريج ومو مستعد افرط بيج .اسمعي انتي صارلج اسبوعين يم اهلج ابقي اسبوعين بعد وفكري زين ومن تقررين خابريني.يلا مع السلامة . وطلع وتركها بحيرتها .وكملت الاسبوعين وبعد الاسبوعين ظلت شهر واسرار طبعا سولفت لأهلها عن كلشي صار ما عدا فقرة انه ضربها لأن تعرف نفسها هي استفزته واهلها بالمقابل ظلو حايرين لأن عبد الرحمن ظل يروح ويجي لبيتهم بمعنى انه يحبها و شاريها رغم بعض المرات هي تبقى بغرفتها ولا حتى تطلع تسلّم عليه. وكالعادة عبد الرحمن اليوم جايها يزورها وهي ظلت بغرفتها وكل شوية اختها الصغيرة تصعد تطلب منها تنزل تقابل عبد الرحمن لكن اسرار عنيدة ومصرّة على موقفها. رشا(تدق الباب): اسورة ماما تكول انزلي سلمي على عمو عبد الرحمن. اسرار بعصبية: روحي كوليلة نايمة. رشا: اني ما اكذب لان الكذب حرام. اسرار: انزلي رشا وكوليلة مو نايمة بس متريد تنزل اوكي. طبعا رشا بسرعة نزلت وكالت لامها اللي انحرجت من تصرف اسرار وبعدين الام بكل صراحة طلبت من عبد الرحمن انه هو يصعد لغرفة اسرار ويتفاهم وياهة .. وفعلا صعد عبد الرحمن ودق الباب بهدوء طبعا اسرار ما ردت لكن هو فتح الباب ودخل للغرفة بهدوء ورجع دق الباب مرة ثانية .. اسرار (بملل): اوووه رشا كلتلج ما انزل يعني ما انزل. عبد الرحمن بصوت حزين : يعني لهالدرجة كارهتني! ليش اسرار! اسرار (فزت من مكانها): اا عبد الرحمن شجابك لغرفتي ؟ تعرفني ما اريد اشوفك؟ عبد الرحمن: اسرار حبي المشكلة ما تنحل بهالطريقة.واحذري من غضب الحليم يعني مو تشوفيني صبرت عليج يعني خلاص تستغليني. اسرار: انتة تعرف شنو أريد. عبد الرحمن: واني ما اريدج تستعجلين بقرارج لان هي مو حياتج لوحدج هي حياتنا سوة. اسرار :مو بكيفك تغصبني على شي ما اريده.مثل ما تفكر بنفسك ومصلحتك اني بعد افكر بنفسي وبمصلحتي . عبد الرحمن اقترب منها وهمس باذانها :حتى لو اكولج مشتاقلج مووت وكل ركن بالبيت مفتقدج. اسرار(خافت على نفسها تضعف كدامه) بعدت عنه: مو وكت هالسوالف ارجوك. عبد الرحمن تعصب وسحبها من ايدهة بقوة : لازم نسيتي انتي بعدج زوجتي؟ اسرار دمعت عينها وصارت ترجف(و تذكرت عصبيته بيوم ضربها), عبد الرحمن من شاف دموعها بسرعة هدا وسحبها من ايدهة على السريروصار يمسح بدموعها,مرت الدقائق بسرعة وبعدين وهم عالسرير.. عبد الرحمن: اسرار لو الله يهديج وترجعين وياية اليوم,,, عذبتيني والله, يعني ما عرفتي شكد مشتاقلج!هااا شتكولين ؟ اسرار نزلت من السرير وبكل عناد ودموعها على خدها وانفاسها تتسارع: خلاص أخذت حقك عبد الرحمن ؟ تريد تسمعني شأكول! اسمعني زين يابن الناس ...اريدك تطلقني. عبد الرحمن اللي ما توقع هذا راح يكون جوابها بسرعة راحلها ولزم ايدها ودفعها عالحايط وصار يحجي بعصبية : ...اسمعيني زين اعرفج شتريدين بالضبط بس اسمعيها مني اسرار,رجعة راح ترجعين لبيتج بكيفج لو غصبا عنج,وزواج راح اتزوج رضيتي ولا لا,وطلاق ما راح اطلقج لوتموتين كدامي,واذا ما خليتج تعضين اصابعج ندم على عنادج هذا ما اكون عبد الرحمن الحاج سعيد(وقرب من اذنها وصرخ):افتهمتي لو لا؟.ودفعها عالحايط ونزل يركض بسرعةوطلع من بيتهم. طبعا اهل عبد الرحمن لحد الان ميدرون شي باللي صار لكن ام زياد انتبهت انه كلما عبد الرحمن يروح يزور اسرار يرجع متعصب وتعبان وقررت تحجي وياه بالموضوع وبنفس اليوم بعد العشاء صعد عبد الرحمن لغرفته, بعدين امه اخذت كاستين شاي وصعدت الام(دقت الباب وفتحته ): عبد الرحمن يصير نشرب شاي سوة لو لا؟ عبد الرحمن قام من مكانة بسرعة واخذ صينية الشاي منها : اصلا انتي بالذات متستأذنين انتي تؤمريني امر. الام: ما يأمر عليك ظالم ابني .. بس اكو موضوع اريد احجي وياك بيه. عبد الرحمن : اي يمة تفضلي. الام: اكولك اكو شي صاير بينك وبين اسرار؟ يعني مو عوايدهة تبقى شهر يم اهلها! عبد الرحمن(عض على شفايفه):يمة بصراحة اسرار متريد ترجع للبيت وكلما اروحلها ماكو على لسانها غير طلقني,طلقني. الام (ضربت على صدرها): يا ساتر استر يا رب, ليش ؟ شصاير؟ ممعقولة بيوم وليلة توصل لهالدرجة بلا سبب. أخاف عين وصابتكم!ا آني اعرف والله وين منروح كل العيون عليها وكلها تعرف بيك شكد مدللها وتحبها , بس مهما يكون متوصل للطلاق. عبد الرحمن: لا يمة اسرار مدري وين سامعة انه اني ناوي اتزوج عليها واتخبلت (بعدين سكت عبد الرحمن) الام: اييييييه وبعدين ؟ عبد الرحمن: يمة تتذكرين من اسرار دخلت المستشفى ؟ احنة باليوم اللي قبله صارت بيناتنا مشكلة كلش جبيرة وصار اسرار عصبية وعّلت صوتها عليه وو... الام:وشنو؟ عبد الرحمن: اني ضربتها على وجهها بكل قوتي وتعصبت عليها وهي ما تحملت وكعت من طولها وثاني يوم نامت بالمستشفى. الام(مو مصدقة انه عبد الرحمن ممكن يضرب عصفور): لااا ممعقولة انتة عبد الرحمن اللي طول عمرك تخاف الله تضرب مرة ضعيفة؟ ليش وليدي ليش؟ عبد الرحمن(قاطعها): بس هي علّت صوتها علية وهذا الشي هي تعرفني ما اتحمله. الام:مهما يكون ابني وبعدين احنة صحيح كلنالك روح تزوج بس مو معناتها تقسي عليها, طبعا هي بعد متأمن بيك هسة تكول اذا بعده ما تزوج وضربني لعد بعدين شنو راح يسوي؟ عبد الرحمن بندم واضح : والله اول مرة وان شاء الله اخر مرة بس خليها ترجع بعد ما اتحمل زعلها وبعدها ... هسة كوليلي شأسوي؟ والله تعبت منها ومن عنادها حتى تصدكين مرات اروح وارجع وهي مترضى تنزل من غرفتها؟ لا وبعد حتى موبايلها قافلته حتى ما ترد علية؟ الام: لا حول ولا قوة الا بالله ..خليني اني اروح لبيتهم وافتهم منها. وفعلا راحت ام زياد لبيت اهل اسرار وكعدت وية اسرار لوحدهم وفهمتها بأنه ما دام عبد الرحمن يحبها فزواجه الثاني ما راح يأثر عليها لكن اسرار كانت مصرّة على الطلاق وما عدهة غير كلمة( خلي يطلقني ويروح يتزوج) وحتى اهل اسرار وبالذات امها ما كانت راضية على عناد اسرار ودائما تكوللها كلشي ينحل بالتفاهم ... اسرار المجروحة بحبها و اللي قلبها ينزف بدل الدموع دم.. كانت تكول بينها وبين نفسها (محد يحس بالنار الا اللي واطيها وخلوني اتعذب مرة بعيدة عنه ولا اتعذب يومية واني اشوفه مشاركتني بيه وحدة ثانية)وظلت اسرار ببيت اهلها لمدة اربع شهور وعبد الرحمن ما قطع الامل انه بيوم من الايام تتراجع عن قرارها لكن هيهات. _(سبحانك اللهم وبحمدك اشهد الا اله الا انت استغفرك واتوب اليك) من سيتراجع عن قراره ؟؟؟ هل سيضحي عبد الرحمن بحبه لأجل ارضاء عائلته ؟؟ ام هل ستتنازل اسرار عن كبريائها وترضى بزواج عبد الرحمن من ثانية ؟؟؟ | |||||||
|
| |
|
02-09-13, 04:04 PM
| #40 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| مشكورة شوق على الفصل ... أتفهم شعور أسرار و بنفس الوقت أتفهم شعور عبدالرحمن و لكن الصراحة مطلوبة بينهما ... هى لا تتقبل الزوجة الثانية و معها حق لأنه حين يأتى الأطفال ستتغير أمور كثيرة و هى لن ترضى أن تكون مجرد الراحة له ... الزواج إمتداد و هذا لا يكون إلا بالأطفال ... ربى يفرجها شوق متابعاكى و شكراً لك | |||||
|
| |
|
| الكلمات الدلالية (Tags) |
| الجامعة...قصة, اسرار, عراقية |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
