التكمله 6

و نحنا سايريين لـ حجرتنا زخ ايدي ..طالعته بـ إستغراب .. حس اني اجوفه ..
فـ تم يطاالع جدامه .. كان يحرك الدبله في ايدي و يلعب بـ أصابعي ..
بغيت اسحب ايدي .. رفعت راسي عسب اقول له اني بسحبها ..
جفته يفكر ونظراته حزينه .. تذكرته يوم باس ايدي ويبهتي مرتيين ..
يباني ابدا معاه صفحه إيديده.. يباني ابدا معاه من اول وإيديد..
قلبي يبي يفهم علته .. يبي يدااااوي روحه ..
يبي يحضن نفسه .. يبي يتم بروحه ..
فكرت وفكرت .. لقيت الجرح اكبر من اني امشي ورا عواطفي ..
الحماالي كان يتجدمنا .. لفيت عليه..
بصوت واطي: "فج إيدي"..
لف رأسه صووبي.. طالعني بنظره و رد يطالع الطريج..
و إبـهامه تلعب بالدبله وطريقته في اللمس تغيرت.. جنه تضاايق من طلبي ..
مره يدوورها بسرعه ومره يمرر صبعه بالخفيف عليها (فوق وتحت )
رديت عيدت عليه الطلب بصوت واطي: "فج ايدي . تراك من قعدت عدالي
ع الكوشه وانت ماسكها خلااااص فجني" ..
وهو يطالع الحماالي: "إيدج عايبتني و ملمسها حلو "..
: "اوك .. بس انا ابي ايدي .. ممكن إتفجها ..؟"
مب مهتم : "انتي شكلج اتحبين تتضاربين معاي .. وتراني اعرف اسكتج ..
لو انه ... تعمد يطوول في الكلمه : هــ ـ ـــ ــاه مب جداامنا .. جان سويتها"
طاالعته بتحدي: "لا ابي اتضارب ولا ابي اسوي شي معاك ..
بس فج ايدي.. وتراني ابيها عسب اعدل شيلتي قربت اتطيح .. فج إييدي "..
ضغط ع ايدي اكثر :"آآآآآآآخ" وقفت مكااني .. لف علي .. : "بتطييح صح ..؟"
هد ايدي شوي .. مسك الشيله وربطها لي خلااااني انا واندونيسيااات وااحد ..
انقهرررررررررت .. ييت ابطل الشيله ولا اقييين يمسك إيدي ..
بـ قهر: "يالهيييس هدني"..
ويهه كان قريب من ويهي :"انا ريلج وإتأدبي معاي .. يوم تبيـــــن ترمسين ويـــاي"..
قلت له بغييض :"هـــ ــ ــدنيييييييي "..
سحبني بـ قو تخرطفة (شوي وبطيح).. تعمد هالحركه ..
من قهري وقفت في مكااني وما طعت اتحرك
بجووف لـيين ويين بـ يوصل معاي بـ هالأسلوب ..
وقف يطالعني وعقب تم يطالع ايدي وتم يلعب بالدبله ..
مد إيده الفاضيه وفج الربطه .. : "خليها جيه مابتطيح"
بـ غيض : "الناس بتجووف شعري"
يضحك إبـ شر :"عيل برد اربطها" ..
بعصبيه :"لفها لي عدل وغطي شعري بس .. لا تقعد تربط الشيله ..
تراها مب حجاااااب هااي عسب تربطها..خليتني اشبه الأندونيسياااات ..
لفها ع رااسي بس ولا تقعد اتسوي جييه فيني "..
كاان وده يضحك علي بين ع ويهه .. لف ويهه الصوب الثاني وقعد يطالع أرقام الحجر ..
: "اووكيه بلفها لج .. ترا ما اعرف لتشييلكم انا "
ياخي لفها عدل :"اوكيه .. المهم شيلني .. مب تربطها لي شرات الأندونيسياات "..
خلص جفت شكلي في اقرب منظره مرينا عليها .. والله قلت الربطه اهون من هالتشيله ..
رد مسك إيدي وقال : "بـ فج إيدج بعد ما نوصل الحجره .. الحين خليج ساكته" ..
مابي ارد عليه بـ يمصخها عقب معاي : ..
والله فيني نووم والساعه صارت 1ونص وانا حتى ما صليت العشا والمغرب..
امي ونصااايحها الـ موووشي .. شو قالت قااالت جمعييهم ..
لفيت ابي اقول له وين هالحجره .. ذللت مخي لين الحين ما ظهرت ..
ولا اجوف الحماالي يووقف عند الحجره حط الكرت في آلة الإلكترونيه وظهره ..
(المفتااح كان ع شكل كرت وشي في مقدمته قطعه إلكترونيه من يدخلها الآلة تفتح باب الحجره)
الله رحمني والله .. يا الفرج وانا كنت ادوور عليه..
دخل الأغراض ونادنا.. قربني وليد من جسمه والله ويهي ضاع فيه ..
: "شوي وبخلي إيدج" ..
سلم الحمالي الكرت لـ وليد يا بيظهر .. ولا يناديه عطااه بيزات ..
شكره وعقب ظهر امصكر الباب وراه ..
عاد ما صدقت ظهر ع طول كليته: "الحين ايدي وقلت بتهدها ع شنو هالحضن يعني .. !!"
كان يطاالعني من طرف عينه:"ماشي ..بس حبيت احس فيج وانتي قريبه مني ..!!"
خوزت عمري عنه : "و إيدي ..!!"
طالع الصوب ثاني :"شوي وبهدها ..إلا إيد والله .. لا تنأكل ولا تنكسر "..
طااالعته بغيييض..: "لا تنأكل ولا تنكسر ..!!.. لا اتقول تبي تكسرها "..
بكل ثقه:"ادري فداااااي ايدج لو كسرتها"..
رديت إبروود: "لا تتمصخر معاي .. خلااص هد إيدي"..
:"اوكي اوكي .. هاه هديناها .. شي ثاااني "
:.....
: "زين عيل بسير الحجره" ..
ما نطر ردي .. لف عني وساار صوب وحده من الحجر إللي في الشقه..
كنت امخططه والله اول ما يهدني اركض ع اي حجره اجوفها جداامي واقفل ع نفسي الباب
من جفته سوى جيه .. لفيت بدوري ورحت الحجره اللي مقابلتنها ..
كانت بارده عكس مشاعري إللي كانت شوي وتحرق كل شي حولها..
جوها كان مظلم وكئيب يشابه كآبة أفكاري ..
شغلت الليت وخففت من شدة النور.. صكيت الباب وسيرت صوب الكرفايه ..
يت بقعد بس وقفت .. في شي ناستنه .. صلااتي .. سيرت صوب الحمام ..
غسلت ويهي عدل .. عقب توضيت .. كنت متضايجه .. وانا والله ما اعرف ليش
دورت ع سياده ولقيتها .. كبرت وصليت إللي فاتني ..
كنت احس بـ دمووع تنزل من عيني..ما ادري ليش .. فرح هم ما ادري
خلصت وتميت استغفر .. حسيت بـكل الهم يختفي
ربعتها وحطيتها ع الكرسي .. مشيت صوب الكرفاايه .. مثل مالـ هم اختفى رد لي ..
ليش جيه متضاايجه .. خذيته وما تضايجة من وجووده عدالي ..
ولا تضايجة من لمسته لي .. عيل ليش متضايجه ..
قعدت ع الكرفايه .. رديت شوي لـ ورا وسندت نفسي بـ إيدي ..
كنت اطالع الفستاان لونه في الظلاام كان غير ..
كانت صور اتمر جدامي .. مسكته لـ إيدي .. و بوساته ..
والمشاعري إللي كانت توصل لي من هالأشياء..
حسيتها حلوه ع قلبي وصعبه ع عقلي .. وابتسمت بـ حزن ..
آآآآآآآآآآآآآآآآآ.. مااابي افكر .. احسن لي انااام ..
والله بطااريتي خلصت .. ومافيني اقوم واغير ملااابسي ..
من طحت ع ظهري .. سافرت لـ عالمي الثاني ..




كنت اسمع صوت يناديني جنه ياي من بعيد .. "و د ا د"
ع بالي هاه حلم ..قعدت اكرر في نفسي حلم هاه حلم ..سمعت نفس الصوت ..
بطلت عيني كنت متكووره ع نفسي .. مشكلتي اني اتنح ع الصبح
سمعت صوت الدق .. ويوم ركزت عدل عرفت انه باب ..
سمعت والصوت وعرفت منو يناديني .. : "ودااااااد"
بصوت ناايم ::وااااعيه" ..
: :تعالي تريقيي: ..
: :كم الساعه ..!!:
: "9 الصبح .. يالله قومي "..
كنت بسير اغسل ويهي .. بس تذكرت انه ما عندي ملاابس ..
قمت بـ كسل .. فتحت القفل وبطلت الباب .. كان بيظهر : "ولييييد "..
لف علي .. كان مرتب وشكله مقبوول : "ملاابسي عندك ..؟"
مستغرب : "نمتي بالفستااان ..!!"
إبـ تعب: "هيه .. ملاابسي عندك "..
عينه علي : "سيري جوفي اذا في الحجره الثانيه ولا لا ..
لأني نمت بالكندوره ما فصختها "..
مب مهتمه لآخر كلاامه: "اوكي .. شكرا ..
بسرعه قال :"العفو ".. وظهر برع الحجره..
استغربت من حركته وما اهتمييت واايد .. سيرت للحجره إللي نام فيها ..
فتحتها كانت الحجره امظلمه .. فتحت الليت ولا اتفاجأ بـ وجود
صوري في كل ركن من الحجره كاانن عشر .. كانت صور احبها وصور استغربت انها موجوده ..
لقيت صوره وهو حاضنني وانا صغيره .. شكلي فيها جني توي بنت اربعين يوم ..
كان مستانس علي .. ويطالعني بعطف .. وانا ناايمه بين إيديه
وثانيه اظني اربع ولا خمس سنوات.. كان ماد إيده يعطيني حلاااوه وانا اضحك له ..
وصور ثانيه منها ع البحر حزينه ..انا برووحي استغربت منه ..
كيف وصلت له هالصووور .. صورة البحر هاي مالتي واختي صورتني كيف وصلت له ..
كييييف .. كنت بكسر الصوور إللي انا فيها ومعاااه ..
مريت من عند الكرفااايه رايحه للـ كبت ولا اجوف صوره محطوطه ع المخده الثاانيه ..
قربت اجووفها ولا القاها صوووره حديثه لي .. شبة الناااار في قلبي ..
وبطني عووورني من العصبيه .. رفعت الصووره ابي اعرف كيف وصلت له ..
يت بكسرها بالغصب مسكت عمريي.. رديتها لمكااانها سيرت خذيت لي ملاابس
وظهرت برع الحجره وانا ارقع الباب بالقوووو ..
تسبحت .. صليت وخلصت ... عقب نطرته في الصااله ..
إلا واعرف من وين له هالصوور.. وشو يقصد بـ هالحركه ..
ع باله بنسى له فعلته بـ هالصوور .. وخير يا طيير يحبني حبه يني ياااربي ..
يحب وجيه يسووي الله يأخذ الحب إللي جييه .. يت الساااعه 12 وبعده ما رجع..
بنطره يعني بنطره .. لا ترييقت ولا هم يحزنوون عسب هالسااالفه ..
يت وحده ونص وعقب جفته دش البيت .. وقفت اطااالعه بعصبيه ..
جااف نظرتي له .. : "سلاام عليكم "..
وانا امعصبه :.. "الله لا يسلمك .. من وين لك صووري .. وكيف اتحطها في حجرتك "..
وهو مستغرب مني : "إرمسي عدل ..يوم تتعلميين آداب الحديث برد عليج "..
ولف ويهه للجهه الثاانيه .. يا يبي يتحرك ويسير عني ..
وانا بروووحي اغتااض من إللي يسوون لي طااف وانا ارمسهم..
اغتضت منه : "انا اعرف الآدااب وغير الآداااب .. مب لازم اتعلمه من اول وإيديد ..
واظني إللي يحتااج لـ هالشي هو انت "..
بـ صرااااخ : "عدلي اسلووووووووبج "
ولا هامني عصبيته : "من ويين لك صووري" ..
بـ برود : "مايخصج .. من وين لي ومن عطااني ما يخصج "..
مو عاجبني كلاامه : "شو إللي ما يخصني .. منو عطااك صووري ..
وما اظن اني سمحت لك بـ هالشي "..
إلا ويقهرني بالرد الغبي : "ليش منو انتي عسب تسمحييين لي"
خلاااص وصلت عندي يا انا يا هوو : "برااااويك منو انا "..
كنت قريبه من الحجره .. لفيييت وسيرت اركض للحجره وهو كاان وراي ..
قفلت الباب وبعدت عنه .. حسيت بـ جسم انصدم بالباب..
سييرت صووب الصووور .. وهو شوووي ويكسر الباب ..
كان يدق الباب بـ قوو ..: "فجـــ ــــ ــــــي "..
نفس صراااخه : ""اكسره لو تبي ..مابا ابطل الباااب "..
مسكت الصور كنت اطاالع الصور وانا منقهره .. مابيه يتقرب مني ..
وما ابي يكوون لي معاه اي ذكرى لا الحين ولا بعديين ولا بعد مليووون سنه ..
بديت في الصور إللي كنت احبهم ومنهم الصوره إللي صورتني اختي ..
طريتهم (قطعتهم) لـ اربع قطع.. كنت كلما طرييت صووره الصوت يطلع عالي ..
وهوو يزيييد في قوة الدق ع الباب.. وانا اطر واطر واطر..
كنت اطرهم بسرعه بسرعه .. مابي اخلي له اي صوووره لي في هالحجره ..
سييرت صوب إللي فوق الكرفااايه ..طريييتها وعقييتها ع الكرفاايه..
ييت للصوورتيين الصغار .. يوم يعطيني حلااوه ... ويوم هو حاضنني ..
ييت بطرهم بس قلبي عوورني .. خذيتهم وخشيتهم تحت ملاابسي ..
خذيييت اوراق الصوره إللي كاانت ع الكرفايه .. وسيرت فيها للحمام ..
فجيت الغطا فرييت القصاصات داخلها سمعت صووت كسر للباب ..
ضغطت ع السيفوون .. كنت اجوف القطع وهيه تختفي ..
بقى شوية منها ما نزلن ردييت ضغطت ع السيفوون ..
كنت اطاالع المااي وهو يرتفع .. كنت داخليا زعلاانه ع إللي سويته ..
وخارجيا خليت العصبيه هو قناعي.. كانت اشياء تمنيتها انها ما تنمحى ..
اشياء اتم معاي انا بس مابي احد غيري يعرفها او يجوووفها ..
أشياء تمنيت اني اتشارك فيها ويا شخص اموت فيه ويموت فيني ..
ما حسيت بـ إللي كان وراي شي لفني بسرعه وقعد يهزني هزز ..
حسيت بـ فجي شوي وبيظهر من مكانه .. كاان يرمس ويرمس..
ما كنت اسمعه نظري للصوره إللي راحت في البالوعه ..جني فقدت شي مني في هالمكااان ..
شي كنت ابي اشاركه ويا شخص يملك قلبي
مب ويا ها إللي ذبح روحي في لحظة غضب وكره لـ رفض اهلي له ..
هدني وسار صوب الأفرنجي .. طل عليه وكان توه الماي يكتمل ..
لف علي كان امعصب وويهه احمر .. كنت اطاالعه عادي وبعصبيه اتشااابه عصبيته ..
قرب مني .." انتي اتعرفيين ان الصوور إللي طريتهــ ــ ـن ..
خااصــ ــ ــه الجدييممه هيه الوحيده إللي عنــ ـــ ــدي..
البااقيــ ــ ــااات اقــ ــ ــدر اسوييهن مره ثااانيه "..
طالعته بـ برود: "ما اهتم" ..
قرب شوي وبيصفعني: "إنتي اشفيييييييييج .. ليش طريتيييييهم لييييييش ..
عرفت انج تكرهييني عرفت انج ما اتطيقيييني . بس ليش الصوور "..
إبـ برود: "عسب اتعرف ان اللي في الصووور كان شخص احترمه
وإللي جدااامي شخص احتقره مابي يكون بيني وبينه اي شي "..
تجمد في مكانه ما عرف شو يقول لي .. جني صبيت عليه ماي باارد
وتم يطاالعني واهو امبهت يبي يرد ومب قاادر يرد
مرييت من عدااله ابي اظهر من المكاان .. حسيت بـ خنقه من وجودي معاه في نفس المكااان .. ضيقتني الصووور ..المفروض اكوون ويا واحد يحبني ويخاف علي مب مع هااااااه ..
قعدت في الصاااله وشغلت الـ تي في حطيت لي قناة إم بي سي 3 ..
كانوا حاطين جاكي شان .. عليت ع الصوت وقعدت اطاالع ..
حاااولت اني ما اسمع إللي يسويه بس ما قدرت ..
فضوووليه الله يخسني .. عيني في الـ تي في وإذني صوووبي حجرته ..
سمعت خطواااته كانت خطوات واحد امعصب ..
خليت عمري اوني مندمجه في الـ تي في وفجأه طاالعت تحت ..
رفعت راسي..لقييته وااقف جداامي وهو امعصب ..
وامكوور إيده ع شكل قبضه والثاانيه حاطنها في مخبااته ..
حجب عني الرسوووم .. جين استوت حاكمة الشدوخان وجاااكي ياي يصب عليها الدوا ..
عاد الحين اندمجت يوم هو وقف جداام الـ تي في والله اني فاايجه ..
كااان يفكر ومتردد من شي يبي يسووويه لي .. جفته تحرك من جدااامي سار صوب حجرته ..
شوي ورد في ايده قراطييس ... طالعته والله ان شكله كان يضحك ..
تمييت هاااديه لا امعصبه ولا مبتسمه..
وهو امعصـــب ..: "هاايل صورج صح ..!! انا مابيهم ومابي شي منج ..
مثل ما سويتي فيها جيه..انتي فريهم ..
مثل ما انتي ما تبيني لا ألمسج ولا يكون لي منج شي حلو ..
بسوي فيج نفس الشي .. قومي عقيها برع "..
فره علي ومر من جداامي ظاهر برع الشقه
تميييت خمس دقاايق مااسكه عمري .. من حسيت اني ما بروووم امسكها ..
والله ضحكت بـ صوووت عااالي .. شكله كااان يضحك ..
من يعصب عيووونه يغوووصن لـ دااخل .. و فناااخره(خشمه) ينتفخن ..
وخدوووده شوي وبينفجرن من الغيييظ ..
ضحكت وضحكت .. عقب تمييت اصيييح .. ما اعرف ليش بس تميت اصييح
شلييت الصوور وفرييتهن في الزباااله ..



مر ع هالساالفه اربعة اياام .. وانا كله في الشقه .. اقوم 5 الفير وما ارد انام..
كنت اسمع تحركاته في الشقه .. يتسبح يتلبس..
قمت اعرف متى يظهر ومتى يرد ..انا بغيت هالشي والمفروض اتحمل قراري ..
اتريق بروحي فـ البلكوونه ..شي طااوله داائريه حواليها اربع كراسي خشبيه ..
وإتظللها مظله لوونها بيج ..والمنظر واايد حلو .. يطل ع البحر وانا عشقي البحر ..
اقعد ع البلكوونه لين الساعه 12 الظهر .. واطاالع الخلق شو يسوون ..
إللي يلعب رياااضه وإللي يرمس بالفوون .. وإللي يتضاارب ..
الظهر ما اتغدى .. بس اشرب عصير ..وعشاي يا اكل يا ما اكل
او اتم يوم كامل بدون اكل واشبع نفسي بـ ماي ،عصير او جاي ..
القعده معاه قاامت اتضاايقني .. وانا مب متحمله شي
كنت قاعده ع البلكوونه مثل كل مره .. اطالع الخلق واطالع البحر ..
اقوم اصلي وارجع .. اقووم واصلي وارجع ..هالمره ما ادري ليش طولت لين 6 المغرب ..
سمعت صوت تصكيير الباب .. حركة رأسي شوي ورديت اطالع المنظر ..
حسيت بـ شي واقف وراي ..و اتأكدت اكثر من الريحه إللي دشت خشمي ..
كان حاط دهن عود و امخلط .. : إممم .. وداد ..
طالعته كان متردد وبنفس الوقت يبتسم جنه يقول لي لا اترديني ..
وما رديت عليه..بجووف شو بيطلب مني ..
وهو يبتسم : شو رأيج نتعشى برع ..
زين انه قااال هالكلمه انا ابي اغير جوو والله ملييييت من الشقه
بدون تفكير ع طول رديت : اوكيه .. مليت من القعده هنيه ..
استااااانس:عيل يالله قومي تلبسي وخلينا نظهر ..
: اوكيه .. دقاايق وبكون جاهزه ..
تعدلت حطيت لي بودره بنفس لوني .. وجحلت عيني من داخل وبرع
وكملتها بـ غلوس وردي .. لبست عباتي وياها حجابي وعليها الشيله ..
طلعت له والصندل في ايدي .. : "بسرعه خلصتي "..
طالعته:"ما احب اطول يالله مشينا .. !!"
:" يالله .. قبل ما نظهر تغشي "..
: "ليش اتغشى ..!!"
رافع حاجبه :"تراج متمكيجه لازم تتغشين "..
مستغربه :"ومنو قال اني اتغشى حطيت ميكب ولا ما حطيت تراني ما اتغشى "..
مب عاجبته الساالفه : "ابد ما تتغشين ..!!"
:" ابد ما اتغشى .. المفروض اتعرف هالشي .. دامك اتعرف كل شي عني ..
جفتني مره اتغشى وانا اسير للدوام ولا إي مكان ثاني ..؟!!"
اقتنع ومب عاجبه : "لا ولا مره جفتج تتغشيين "
:"خلااص هالرد يكفييني .. وغير اني اتحجب وشعري مايظهر ..
هاه اهم شي عندي "..
يتطنز علي : "اوك يالله مشينا ولا بتقولين لي شو تلبسين وشو اللي ما تلبسينه" ..
تعداااني حسيته تعمد هالكلمه ..مشيت وراااه وقلت له
:"ألبس كل شي حتى المفصخ اتصدق .. وكنت اسير فيه الدوام" ..
بـ إستهزااء :" اووه زيين والله إنج نبهتييني .. الحين لازم اتأكد من ملاابسج..
من ألحين اقول لج ماشي ظهره من البيت وانتي لابسه ملااابسه فاااصخه" ..
عرفت انه يتمصخر : "سخيييف زييين .. ما يضحك"
ضحك بصووووت عااااالي ومن عقبها تميينا صاااخيين .. تعشينا وردينا البيت
العشاا كاان واايد حلو .. وغير انه كان مأكولاات بحريه وانا احب هالأكلاات ..
في الليفت كان يضحك ويبتسم لي ويسووولف عاادي .. وانا ارد عليه بنفس الطريقه ..
ظهرنا من الليفت رادين للشقه وهو بعده يسوولف ويضحكني ..
كان ماسك ايدي و حاضننها بـ إيده بـ قو .. بطل الباب الشقه وايدي بعدها في ايده ..
من دشينا قلت له .. "تقدر الحين اتهد إيدي "
تغيرت نبرة صوته: "ما اقدر الحين .. "
إرتجفت من هالنبره .. حسيتها لمست قلبي .. ما عرفت بـ شو ارد عليه
شكلي احب اخرب رومنسيااته.. تقرب مني وإيدي بعدها في إيده ..
ماعرفت شو اسوي غير اني ارد لـ ورا و احاااول اسحبها من ايده ..
كلما قاومته ضغط ع ايدي.. عوورني ابي اقول له فجها..
كان يتقرب ماعرفت شو يبي ..وخوفي كان لا إرادي ..
خفت يرد يغصبني اقيين ع شي مابيه..
دام اني صرت حلااله ويقدر يسوي فيني إللي يبيه..
محد بيقدر يلومه او يقول له شي .. تميت ارجع وهو يتقرب ..
ريلي ضربت في شي .. كنت بطييح .. وهو ما قصر دزني..
ولا القى نفسي ع الكرسي .. قعد ع ركبي ورد يحبسني
وانا هالحركه قمت اكرهها والسبب هوو ..قام شوي شوي يقرب رأسه مني..
غمضت عيني مابي اعرف شو بيسوي فيني..
جنه حس بـ خوفي حط يبهته ع يبهتي.. سمعت صوت تنهيده..
وانفاسه كانت تلفح ويهي .. بهمس وصوت حسيته مخنوق:"وداد" ..
انا خلااص متلخبطه ما عرفت بـ شو ارد قربه ضيع لي كلاامي :.....
رد يهمس: "ودااد طاالعيني"..
وانا امغمضه عيني: "مـ ـ ـ مابي .. بترد اتسوي إللي سويته قبل .. ماابي "..
بحزن شوي خوز رأسه : "ودااد ".. رفع رأسي بإيده .. "طالعيني في عيني" ..
قربت اصيح:" قلت لك ماابي وخووز عني" ..
بـ حزن: "والله ما اسوي لج شي يزعلج .. والله ..
فتحي عينج .. جوفيني .. جوفي عيوني .. لو جذاب بيبين في عيوني" ..
توترت من قربه .. واايد قريب مني .. وطرت ع بالي فكره .. اذا يبااني افتح عيني
: "ببطل عيوني .. بس انت خووز شوي عني" ..
ضحك ع تفكييري: "لا.. انا بتم جيه .. يالله طالعييني "..
بغييض: "أنت كل شي عندك جييه .. يا اسوي إللي تبيه يا مابتسوي
إللي اقوله لك "
حط صبعه مابين حواجبي .. جنه يدلكهم:"هيه.. يالله بطلي عيوونج
وبسج نكد .. وترا العصبيه اتحلييج اكثر واكثر . بس خوفي إتعيزييين بسرعه "..
:"سخييف زييين ".. بطلت عيني وجفته قريب من ويهي.. "هاه بطلتها .. عقب ..!!"
ضحك بصووت عااالي .. وخاااز عني بس تم مااسك بـ إيدي .. انا ابي ايييدي هدني
ماادري والله شو سااالفته كلما قلت شي ضحك علي ..
لا يكووون اقول نكته وانا ما ادري
خلص من الضحك بس هالمره ماال بـ جسمه علي .. نظرته كانت غيير ..
كان يطالع عيوني بتركييز كبير ..وانا من هالتركيز ارتجفت ما عرفت ليش ..
قربه مني مره ينفرني ومره يجذبني له ..ما ادري شو اقول....
رد حط رأسه ع يبهتي وهو يبتسم بـ حنان: "وداد .. مابي ابدا معاج ..
وانتي تكرهيني ..جرحتج وانا قلت لج السبب وانتي عصبتي علي "..
لفيت ويهي لـ جهة اليمين .. ولف ويهه معاي ..
كمل :"مابي منج غير فرصه..
عطيني فرصه اعدل كل اللي خربته .. بس فرصه "..
طالعت تحت بـ حزن : "ما اقدر "..
زعل وبعد رأسه شوووي .. قال بنكسار : "عادي .. انا بخليج اتغيرين رأيج فيني ..
المهم يكون بـ رضاج"..
قلت بــ قهر و صراااخ :" بعد شوووووو .. بعد شووو هالطلب .. بعد شوو هالكلااام" ..
طاالعني بـ حززن وندم : "عطيــ ــني فرصه .. وبعدل الوضع ..
من غير الفرصه مابنقدر انسوي شي" ..
غمضت عيني:"مابعطييك .. مثل ما كسرتني ونثرتني...
تحمل إللي جنيته"..
تنهد بصووت عالي .. وبسرعه رد حط يبهته ع يبهتي ..
شهقت بخوف من حركته .. كانت غير متوقعه والله ..
رفع عمره .. غصباً عني شميت ريحة عطره..
حسيت بـ أنفااس دافيه ع يبهتي .. و إيد تفتح حجابي
كنت امغمضه عيني .. اختفت الإيد شوي وعقب رجعت ..
بطل شعري وقعد إيعدل قذلتي ..
باسني ع يبهتي بطلت عيني ابي اجوفه من قريب ..
حسيته بيخووز عن راسي فـ غمضت بنفس الطريقه إللي فتحتها فيها ..
وحل مكان الدفى برود.. استغربت من هالإحساس..
من بِعد شوي فتحت عيني .. كنت اجووف نص ويهه ..
رجع يطالعني في عيوني:" والله بتم احبج ولو عذبتييني "..
تنهد في شعري هد ايدي .. وقام عني ..
كنت اجوف كل حركاته .. من قام عني.. وقف.. شل ايده.. هد ايدي ..
نظرت عيونه ملاامح ويهه الحزينه عور قلبي .. بس ما بينت له
لف حوولي وساار .. بس فجأه رد .. : "قومي تعالي "..
لا إراديا لفيت كل جسمي له : :ويين ايي ..!!:..
ابتسم: "ابي ارمسج في شي .. تعالي ع البلكوونه" ..
هاه وقت النوم يعني بـ خووور (اطلع) بكل إللي في خاطري
احسن لي اسير اناااام .. لا بعدين بيزعل مني ..
بسير له وبجوف شو يبي مني..يلسنا ع الكرااسي ..
كان يطاالع البحر .. لف علي وهو يسند خده بـ إيده
قال: "انا امخطط اسافر برع الإمارات"
مستغربه : "كيف يعني اتسااافر برع الإمارات ..!!"
بمزح : "انا وانتي بس .. بنشرد من الإمااراات .. شو قلتي ..؟!!"
امتنحه وقت النوم :"المكااان فيه بحر ولا مافيه ..!!"
وهو يحك رأسه :"بلاا فيه بس نحنا بنكوون في وسط المدينه" ..
بضييج : "مابي اكون في وسط مديينه اتضاايق والله انا ..
ما ابي اساافر ما احب اقحص يمين ويسار..
قعدني في مكان فيه بحر او فرني ع جزيره صغيره المهم البحر يكون حوولي ..
مابا اقول لك شي .. بس اتسفرني وهالسوالف .. ما تعيبني والله "..
مستغرب : "يعني شو ..ّ!!تبين بحر بس .. !!! "
هزييت رأسي يعني هييه : "مابي غير هالشي "..
لقيته ينزل رأسه تحت .. وانا بدووري من جفته نزل رأسه قمت
طليت عليه من تحت .. طااالعني بـ إستغرااب وقعد يضحك علي والله
: "وااات ..!! ليش تضحك ..؟!!"
رد بسرعه : "مااشي .. بس "..
قاطعته :: بس شوو "..
ضحك علي وبصوووت اعلى من قبل:" تبينا انطوول لـ شهر واكثر" ..
فرحة والله :" عادي عندك ولا ..؟!!"
كان يبتسم لي:" بالنسبه لي عادي والله بس شغلي منو بيجووفه عقب "..
كنت اطالعه مثل الياهل ما صدقت عطوني حلاااوه :"اهاااا .. اسبوعين عادي"..
كان يبتسم : "هيه عااادي اسبوووعين "..
من غير ما ادري قربت منه .. كنت اجوفه وهو مستغرب من حركتي ..
:"الحين صج بنسافر وبيكون للبحر بس .. بتفرني ع الجزيره وبتسيير..!!!"
هو قرب ويهه مني : "شو رأيج انتي ..!! تخيلي بس افرج ع جزيره واسير"..
تخيلته وكان التعبير يظهر مني وانا ما ادري
قلت له: "والله بقول لك بصرااحه .. تخيلت انك اتفرني ع جزيره واتسير ..
اطالعك من بعيد وانت تعطيني ظهرك خلااص ماتبي شي يذكرك فيني
عقب تخيلتك اترد واتم معاي .. افكار اتووديني واتردني ..
سندت ايدي ع الكرسي وقعدت اطالع البحر..كملت :
ابي اعرف ليش بعد ما خليتني بروحي رديت لي ليش ..!!
اجوووفك وودي اناديك وما ودي اخليك اتلف علي.. او اتلااحظ وجودي..
وخرت عنه ورخيت جسمي ع الكرسي ..كملت : كنت اتدور علي ..
انا جدامك بس انت ما اتروم اتجوفني ..اتدورني واتدورني ..
حسيت بـ جفوووني تثقل .. صكرت عيني وكملت :
اتلف وفجأه تلقااني واقفه جدااامك .. اتطاالعني بحزن وودك تتقرب مني ..
شي حاجز يمنعك عني وهاه ما يخليك تتقرب اكثر من قلبي ..
اتحاول واتحاااول و... "
دخلت لـ عالمي الخاص ..