04-01-10, 12:41 PM
| #31 | ||||
 
| أهليييييييييين دمعه ياهلا والله ...وين مخبيه كل هذا..:41: ماشاء الله عليج :44:.. انا كنت كاتبه تعليق من يوم السبت  بس مادري وين أختفى  ..أممممم دمعه رااااااااائعه بجد .. وليد..لوكنت مكانها... إلا هي شو اسمها ..مر على ونا مادري:41:..المهم جان دخلت المطبخ من يوم شفت نظرات وخذت التاوه وعلى راسه وبمشع شعره  وبكسره:7R_006: مابخليه يصكني الهيس..سود الله ويهه ..امم بس شكله يحبها ..يعني أنتظرها 8 سنوات :41:..انا أقول انه بيعتني فيها ويمكن تحبه بعد :41:..أبوها هذا أبو بالله عليكم يعني بنتي تتوجع من الألم ومنفخه أروح أخليه يملك عليها  ..بعالجها بالأول وربي يقهر :7R_001:...>>>هدوني عليه وها ودااااااا.....>>>بعدني ما أعرف الأسم يمكن وداد ...ياتها القوه بعد ماتكسرت وانضرب :crazy:..يعني فلبدايه مارامت ..عيبتني يوم داست على ريوله:7R_003:وخلته يناقز ههههههه...دمعه متابعاكي يالغلاا لو أني متأخره .gif "Eh S(7)") في الرد السموحه :blushing: | ||||
|
|
04-01-10, 05:48 PM
| #32 | ||||
| كاتبة وناقدة ادبية في قسم قصص من وحي الاعضاء 
|  السلاام عليكم ....... مساء الخيالات يا دموعه......:icon30: مااا صدقت شبك النت ....وعلى طول دخلت على المنتدى والحمد لله ماطافني وايد  ياعمري انتي..... شنو هالمعانه التى تعيشينها كل يوم...خخخخخخ وربي هاي مو خيالات هاي كوابيس.. الله يدوم هالنعمه علينااا>>نيههاااااي كل مااتخيلت نفسي مكان هالمسكينه >>> يكش شعر جسمي يعني شكلها بحالها وماضرت احد..ليش يصير فيها جذي وهالوليدووو..صدق ماافيه ذره رجوله.... بنت عمه .. عرضه يسوي فيها هالسواة لو انا من ابوها >>لو هو آخر ريال ماازوجته بنتي مستغل فرصه ان محد بالبيت...ومعتدي على بنت عمه... يووووو...باط جبدي...وفاقع مرارتي.... اشك انه كان بوعيه:41: وداد...الحين خلاااص تزوجتيه....وانا متأكده انج كل مااشفتي ويهه...>> سود الله ويهه بتتذكرين الي سواه فيج الهيس ماااوصيج ..خليه يشوف نجوم القايله...ويتحسف..ويقول السجن ارحم من العيشه وياج ننتظر البقيه......وخيالات سعيده  ود لا ينضب  | ||||
|
|
|
04-01-10, 07:24 PM
| #33 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
| اقتباس:
.. إحــــم .. الله يسلمج .. كان في مخييخي الأصغر :blushing:.. حاااولت اشجعه بس قاال لي خليييني راااقد .. مافيني ع كلاااامم المسكره .. موجووود تعليقج وردييت عليج بعد:blushing: إممممم .. ليش التردد ..:41: هههههههههههههههههههههه.. جوووفي انتي في التعذيب والإرهاااب اول وحده والله عندج الضووء الأخضر عذبييييييه والله ما اقول لج لااا :icon30:.. تدرين انج ذكيه .. الله يحفظج والله .. صج ذكيه .. ما شاء الله عليج .. شو دراااج انه اسمها ودااد .. خبرييني كييف ..:41: بديت اشك انج وحده من خوااااتي :41:.. اعترفي ولا برفع عليج قضييييه :crazy: تعلييق ولا ارووع والله:44: .. وانا مسااامحتنج والله وبالحل يالغلااا .. المهم انج ييتي وقريتييها:blushing: دمتــي بــود يالغلاااا dam3ahel3in | ||||||||
|
|
|
04-01-10, 07:46 PM
| #34 | ||||
| هلاا بج زووود يا المسكره .. ههههههههههه مسكره مره وحده:blushing: إحــــم .. الله يسلمج .. كان في مخييخي الأصغر :blushing:.. حاااولت اشجعه بس قاال لي خليييني راااقد .. مافيني ع كلاااامم المسكره ..ههههههههه أفا بس لاازم شوي انسكره ..أهم شي أنه رضى وطلع :60: موجووود تعليقج وردييت عليج بعد:blushing: هههههههه تعليقي ماشفته مادري وين راح ..يمكن حوليت:c4a5c142f5c88b253c6إممممم .. ليش التردد ..:41: ها الله يسلمج لاازم مقدمه هب تردد هههههههههههههههههههههه.. جوووفي انتي في التعذيب والإرهاااب اول وحده والله عندج الضووء الأخضر عذبييييييه والله ما اقول لج لااا :icon30:.. أيواااااااااا أول مره أحد يعطيني الضوء الخضر شوفي باجر بتلقينه محد فروايه بكون جاتلتنه :d تدرين انج ذكيه .. الله يحفظج والله .. صج ذكيه .. ما شاء الله عليج .. شو دراااج انه اسمها ودااد .. خبرييني كييف ..:41: ههههههه الله يسلمج يارب ولا طلع وداد الله يسلمج انا من القهر دشيت داخل الروايه ..عشان أساعدها في وليد وأبوها عاد هي ماقصرت خبرتني ... يعني وش ممكن يكون ودااا...مافي غير وداد لتكمله :60: بديت اشك انج وحده من خوااااتي :41:.. الله يسلمج هيه وحده منهم مسجله وعرفت أنها أختج ..وتخبرتها تحت التهديد اعترفي ولا برفع عليج قضييييه :crazy: ههههههههه جان بتوصلين حيه عند المحكمه زين رفعي علي قضيه تعلييق ولا ارووع والله:44: .. والله انتي الأروع وانا مسااامحتنج والله وبالحل يالغلااا .. المهم انج ييتي وقريتييها:blushing: دمتــي بــود يالغلاااا من طيب أصلج..اهم شي انج منورتنا بخيالااتج ..عيل لو أكتب خيالااتي :41:جان بتتسدحون من اضحك علي ,,متابعتج يالغلاا ^^دمتي بعافيه | ||||
|
|
|
04-01-10, 08:18 PM
| #35 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
شمووووستي مساء النوور والسرووور .. ع قووولت بالخيير هلاا والله بالطش والرش والماي الورد في الغرش :blushing:.. الحين يالدوبهـ اتيييين -_- لا اتقولين نت وما نت .. انا الحين انكرف وادش .. بس مافيها شي انا عاااذرتنج والله تظلييين الغلااا:blushing: ههههههههههه جفتي عااد .. معاااناااه موشي الصرااحه ادري انها اتخرع بس يالله امشي حاالي فيهم وانتي بعد ذكيييه والله .. امووت واعرف كيف عرفتوا انها وداااد:41: (--- استهبلي ترااه ينفع هالأيااام والله نووورتي خياااالي يالغلاااا والحييين دووورج ابي اقرا التكمله مااالتج .. بدعييي جيييين ..!!؟؟ الله لا يحرمني من طلتج الحلوووه دمتـــي بــود يالغلااا dam3ahel3in | ||||||||
|
|
|
04-01-10, 08:20 PM
| #36 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| السمووووحه ع التأخير .. كرفووني شوي التكمله ...3 فتحت عيني ع مكان غريب .. الحجره مب حجرتي .. الديزاااين الي فيه ابد مب نفس ديزااااين حجرتي.. حسيت اني ضايعه .. ماعرفت شو اسوي و رأسي يعوورني .." في شي غريب والله في شي غريب ".. طاالعت السقف .. لونه اسود ..اسأل نفسي " ليش اسود ..؟ منو يختار هاللون الكئيب ..؟ ما احس بـ جسمي .. ليش ما احس فيه ..؟ بلاااني ما اسمع شي .. شو صااااير فيني ..؟ رفعت ايدي بـ ترجى.. طلبت الرحمه من خالق الكون .. : "ياااربي لا اتخليني اعااني اكثر من جييه .. ياارب ارحمني .. لا اتزيد علي همومي .. يااارب ارحمني ..إرحمني .. وانت خيـر الراحمين .. " خلصت من دعاي ورجاي .. جفت ايدي المرفوعه لقيتها مثل ما هي بـ هالعلااماات امخربه لون بشرتي ابي اتحسسها لقيت بعضها يعورني والبعض الآخر عادي مجرد كدمات من غير الم .. قعدت وهالمره ماشي الم مثل قبل .. قلت : "الحمدالله ع هالنعمه " .. كان في ودي اجوف ويهي .. دام الويع اللي في بطني اختفى .. احيد انه منضرب ومتعلم بسببة اللي مسمي عمره ولد عمي .. ع بالي بجوف ويهي صاافي مافيه لا علاامة ضرب ولا شرخ ع الشفايف .. سيرت لـ اقرب جامه (المرايا ) لقيته مثل ماهو امعلم .. ولا لوونه صاار اخس من قبل .. كان بنفسجي وشوي وااارم (متورم) .. الحين لااا إييبييين عدل ونص ويهي انتفخ .. وشفاايفي طبيعي انتفخن بدون ما اضرب فيهن بووتكس.. قسما بالله اخرع ولا شيماء علي .. انقهرت .. واغتضت اكثر من قبل .. تميييت ادعي عليه في خاطري .. فجأة نوور يخترق الظلاام .. وإنعكس ع جامة (المرايا) الكبت (الخزانه) وعمى عيني .. حطيت ايدي اغطي عيني .. لفييت ابي اجووف من وين مصدره .. لقيته يظهر(يطلع) من فتحت باب صغيره .. فجييت (فتحت) الباب .. وانبهرت بالنوور صج كان قوي إللي يجوفه يرتاح .. مشيت ورا النور .. كلما قربت منه ابتعد .. كلما قربت يبتعد .. قلت: "لـ متى امشي وراه .." حسيت بـ ضياااع فـ وقفت مكااني .. دورت عن طريقه إتخليني ااعرف المكاان من غير ما يختفي .. خلااص نفسيتي بدت تتعب والله .. قلت في نفسي: "بلحقه .. بمشي وراه .. ما ابي اتم في الظلاام بروحي .." مشيت ولا همني انه يختفي .. مشيت لين ما وصلت لـ مصدره .. لقيت النور يظهر من التيجوري (خزنة المال).. واختفى داخلها .. استغربت .. "الحين نووور ويظهر من تيجووري (خزنة المال) ..؟" قربت ابي اجووف سببه .. حطييت ايدي في دااخله .. ولا شي يمسك ايديي ويسحبني لـ داخل التيجووري .. صرخـــــت: "هددددددددني .. هدددددددددني .. " اللي سحبني اختفي .. وتمييت برووحي محبووسه في التيجوووري .. قعدت اصااااارخ يمكن حد يسمع صرااخي : "إإإإإإيييييييي ... حد برررررع ..!!! طلعوووووووني !!!.. طلعووووني !!!!!!!.. حد برع ..!! .. حد هنييييييه .. طلعوووووووني " أأدق التيجوووري دق ومحد يسمعني .. ورفسته رفس لينما عورتني رييلي .. تعبت عمري ع الفاااضي ايدي وريووولي (رجلي)عووروني وانا اكرر الحركاات.. صـــرخــت وبديييت اشاااهق من الصيااح.. دقاايق وحسيت انه نفسي بدا ينقطع .. "هاه كله من الخرعه .. غبيه والله غبيه .." ولا عيني إتغمض من روحها .. ووو... قمت فجأه وحطيت ايدي ع صدري.. اتحسس مكاان نبض قلبي .. اتاكد اذا ينبض ولا لا إن كنت حيه ولا اتخييل سألت نفسي : "والله توي في التيجوووري كيف ظهرت كييييييف .. ؟؟" كنت ع الكرفاايه (السرير) وقمت وانا متخرعه من الوضع اللي تغيير .. بس بعد ماشي الم .. ما احس بـ اي الم .. سيرت صوب الحمام .. غسلت ويهي بالماي الباارد ونشفته .. من تعديت باب الحمام .. حسيت بـ سائل ثقيل ينزل من راسي .. مسحته بإيدي .. ومسحت ايدي بـ ثياابي .. مره ثانيه رد السائل ينزل.. بعد مسحته !!.. إستغربت ..!! وتميت اطالع ايدي ..عيني قربت شوي تظهر من مكاانها .. كاان دم ..!! قلت :" دمم في اييدي .. يعني هالسااائل دم وانا ما ادري ..؟ لالا مب معقوووله .. شكلي اتخييل انا .." قعدت انبش (ادور) في رااسي عن الجرح .. ما لقيت ولا شرخه في راسي .. بس بعد الدم ينزل .. خلاااص نفسيتي تعبت انا بمووت .. قلت بصووت كله خووف : "إنزييين من وييين ينزل ..؟!!" دوورت ودوورت وما لقيييت الجرح .. قلت: "اليوم بتخبل يعني بتخبل .. من وييين هالـــدم ..!!!" حاااسييت في شعري .. والله ما لقيت ولا جرح .. خلاااص تعبت .. طحت ع ركبي .. وتميييت اصيح .. ويهي إنترس بالدم .. واختلط بدموعي .. صياحي كان مره يعلى ومره يخف .. دقايق ولا اسمع صوت خطوات تتقرب من وراي .. رفعت رأسي .. ابي اجوف منو الي دش الحجره .. ما قدرت اجوف ويهه .. ما كان فيه ملاامح .. قال: "وداد .. بلااج حبي ..؟!!" ما عرفت منو هوو ..بس قلبي كان يعرف هويته .. طاالعته وانا اصيح :" د د د دم .. جوف ويهي كله دم .. شو اسوي .. مسحته ورد ينزل.. شهقت .. : مسحته اقين .. ورد ينزل اكثر من قبل .. شو اسوي .. خبرني شو اسوووي .. بـ صوت كله ترجي : شوووو اسوي ..!! " قرب مني وتربع ع الأرض.. لمني من ورا لـ حضنه.. جني(كأني) تمنيت هالحضن من زمان .. لفني بـ دفاه .. قعد يهدييني بـ كلمات حسيت اني صج احتاجها الحين .. " لا اتفكرين في الدم .. دام انا وياج خلي قلبج وعقلج معاي .. انا وياااج .. !! .. اعتبريني حياتج وانا بـ اعتبرج كل دنياي.. انا وياااج .. .. بـ اعتبرج هوااي اللي اتنفسه .. لا اتفكرين فيه .... انا ويااااج .. اعتبريه هم وإنزااح عنج .. يارووح ملكتني وإسكنتني في البعد معاج معاج لـ آخر العمر معاااج " شوي شوي النزيف بدا يخف .. .. كان يمسح ع راسي ويهديني بصوته .. كان يدندن وصوته صج كان عذااااب ..سمعته يقول: "صغير كنت وانت صغيرون .. حب عرفنا بـ نظرة العيون .. قالوا ترى ذوله يحبون .. من الصغر لما يكبروا.. مثل النجمه والقمر .. كبر حبنا وازدهر .. بـ عيونج حبيبتي .. كملت دروب السهر .. "" كنت بين كل فتره وفتره ارفع راسي واطالعه .. كنت استغرب من شي واحد فيه .. ان ويهه ممسووح .. لا عيون ولا حواجب ولاخشم ولا شفايف ..!!! مع هاه حسيت في حضنه بالآمان .. قلت له : "ياااريتك انت اللي خذيت روحي وقلبي .. ولا اتم امعلقه بين السماء والأرض .. ياريتك كنت نصفي الثاني .. ولا انغصب ع شخص ذبح روحي .. ليش ما ييت .. لييييش ..!!! نطرتك وااايد .. ويوم قربت اتحصلني .. انا ضيعت من اييديك .. لييييش ما يييت..!!" .. حضني اكثر من قبل .. من زاااد في احتضاااني .. النزيف كله اختفى .. لمساااته كانت صجيه (حقيقيه) .. حسيت فيها .. حضن حاره ودااافي .. المكااان تغييير .. النوور يلفنا من كل صووب .. استااانست .. وتميييت اطااالعه .. كاان راافع رااسه يطااالع لمكااان ثاااني .. مسكت ويهه ولفيته علي ابيه يطالعني .. طااالعته بـ عيوون كلها دمووع .. وقلت له: "لو دريت انك نووري .. ماخليتك ولا لحظه تبعد عني.." قرب مني .. غمضت عيني .. باسني ع يبهتي (جبهتي) بطلت عيني .. قلت : "استغفر الله حتى في حلم قلة ادب ..الله يغربلك يا ابلييس.. الله يغييبك .. ولا السااالفه فيها بووس .. لو درى ابووي والله لا يدفنني .. وبـ يعلمني اشقااايل احلم بـ هالأحلااام الفااصخه .." معاتبته نفسي .. تنبهت اني في حجره ( غرفه )غطت الظلمه ع ملاامحها.. حااولت اعود عيني ع الظلام .. بس ما قدرت .. رأسي كان يووون علي ..مع هاه ركزت اكثر.. مديت ايدي اتحسس مكان الأبااجووره :" وينها هالأبااجوووره بعد ..؟!!" اوووف .. استغفر الله من هالكلمه .. انا برووحي متضااايجه .. مافيني ازيييد ع نفسي الضييج رفعت ايدي عسب امسح ويهي :" آآآآآآي ".. غبيه والله غبيه .. نسيت انه نص ويهي مرقوووع (مضروب) من هاااكي يعني كل اللي جفته مجرد !!!!!.. مالت عليه من حلم.. بعدني ادوور ع الأباجوووره .. "انا متى غيرت مكااانها .. ناظرت للسقف .. استغربت انه شي مروحه اتدوور ..!! انا متأكده من انه حجرتي مافيها مروحه .. بس هالمروحه من وين ظهرت..؟!!! حجرتي فيها مكيف مركزي بس .. ناظرت الحجره .. وجفت انه فيها شي مختلفه .. ومن صفا ذهني عدل تذكرت اني مب في بيتنا في بيت عمي .. بالأصح بيت ابو الأحمق اللي امسمي روحه ولد عمي.. مسحت ويهي بـ راحت إيدي ع الخفيف .. دوورت ع دريشه (الشباك) في الغرفه .. لقيتهم امنزلين الستاااره .. كنت ابي اعرف الوقت .. صج هاليوووم مب يوومي كلش مب يووومي .. حااولت اسند نفسي ع كووعي .. قمت شوي شوي .. كلما تحركت جسمي عوورني .. والألم زاااد .. كاان عند البطن الحين صار تحت الصدر .. "آآآخ .. ابي اعرف هاكي اللي ما يتسمى شو سوا فيني .. شو كسر فيني".. بالغصب رفعت عمري و يالله يالله قدرت اسند نفسي .. رفعت المخده اللي وراي .. ومن حسيت ان الوضعيه اوكيه ومافيها اي الم علي .. سندت رأسي ع خشب الكرفايه ( سرير ) .. تمييت اطاالع السقف .. فكرت في الكلاام اللي قاله لي ابوي .. ابي اعرف شو اسوي في هالمصييبه .. "اشمعنى هوو كيف اعيش ويااه وهو ذاابحني .. يعني الحين ابوي ما يعرف بالعمليات اللي يسووونها .. مايعرف القااانوون .. مايعرف انهم بدوا يسمحون لـ هالشي .. طااع كييف افكر .. الحين لو حد عرف اني مب ___.. والله انها فضيحه .. لا رحمني ولا رحم توسلااتي .. خلااااص هالآدمي يااااب لي المرض يعله المرض .. كيف رضى .. كييييييييييييف رضى كيييف ".. من عقب هالسؤاال نزلت دمووعي بدا همي يظهر من اول وايديد (جديد) .. خلاااص يوولي والله .. مليت من الصيااح .. ع وااحد حطم لي حياااتي .. بقول لأبوي مابيه .. ولو تميييت طوول عمري بدون زوااج مافيها شي .. المهم هالمنــحرف ما اخذه .. خلااص مابـ فكر.. مسحت دمووعي .. واستغفرت ربي ع هالأفكار الغبيه .. وتمييت استغفر واسبح ع اصابعي .. من خلصت من الإستغفااار .. مسحت وييهي .. ييت اقووم من فوق الكرفايه .. ابي اسير اتوضأ ..احس اني ما صليت شي اليوم .. هم يعله من هم .. لفيت رأسي ابي اجوف شكل الحجره كيف وهيه في الظلاام .. بغيت أدِّل طريجي في الظلاام .. جفت شي كنباات في الحجره .. قلت بصوت شبه مسموع : " اشكالهم مريحه.. تنفع للي يردون من برع وهم تعباانين..!! حلو حلو ..!! " ييت اكمل تقييم الحجره ..عيني بعدها تمشي ع كل ركن فيها.. استغربت من وجود ظل شخص في الحجره (الغرفه) ..!! يالله ...!! رد عدااد الخووف ينط فوووق رأسي .. ومخي قام يردد الكلاام بدل المره ألف مره .. شوي ولا يتحرك ويقرب صووبي .. والله تجمدت في مكاااني.. وبطني بدا يعوورني .. شو هالحاااله الكريهه .. شكله هاكي الغبي وياي يكمل إللي خلصه.. بـ طماشه: "ليش هو اصلاا بقى شي بعد ..؟؟!!" سألت: "منوو ..؟" مالقيت رد .. كلما خطى صوبي رديت لـ ورا .. قال: "وقفي مكانج ولا تتحركين ".. وقفت .. الصوت كان قريب من صوت ابووي .. فـ سمعت الكلاام .. تعدااني.. وفج ليت (نور) الحجره .. لف علي .. كان لابس كندووورته إللي جفتها عليه اليوم العصر .. رديت اعيد كلمة العصر .. سألته: .. كم الساعه ..؟ عمي بـتوتر ..: 1 الفيير (الفجر) بطلت عيوني ع الآخر .. يعني اليوم ما صليت .. لا العصر ولا المغرب ولا العشا .. سألته : من متى وانا نااايمه ..؟؟؟ عمي : "من 8 ساعات .. كنت ابي اوديج المستشفى .. بس خفت اجرحج اكثر من ولدي.." عطيته نظره .. وما طولت فيها ع طول نزلت رأسي .. مابيه يجوووف عيووني .. وخاصه اني كنت انااظره بنظراات حقد وكره .. كمل بـ ترجي : "صدقيني أميه والله ما دريت انه عمااايله السوده توصل لـ عرضه والله ما دريت .. هيه هو ولدي بس والله ما ربيته ع هالشي .. والله إللي تبينه انا حااضر فيه .. لو تبيني الحين اسجنه والله اسويها .. واخليه يخييس .." طالعته .. ادري انه جذااب .. ياما جذب ع ابووي .. يا ما عيشنا في هَم .. تذكرت يوم طلب مني ألااعب بنته .. وآخرتها ضربني .. ويوم خبرت ابوي .. ابوي ما سوى له شي .. سيرت عند يدتي (جدتي) وخبرتها بـ إللي صااار .. ناادته وجدااام الكل ضربته بالعصا وهزأته .. قالت له : قسما بالله يا حمووود .. لو جيست (لمست) بنت الغااالي والله لا اطيين عيشتك .. واحسن لك من الحين اتدووور ع بيت لـ نفسك .." يدتي طردته والسبه انا .. عماااتي قامن يفرن علي كلاااام يجرحني .. وإذا صيحت قالن لي: "سيري خبري الداده مالتج وخليها تتطردنا بعد .." كنت اكتم معاملتهم الخاااايسه لي ما ابيهم يلوموني اكثر .. واحد وانطرد وسوا فيني جيه .. خلااص هاه يكفيني والله .. احياناً اقول ما يستاااهل .. من عرفت انه سرق بيزات (فلوس) ابوي ونصب ع كم شركه وزور توقيعه في كم معامله .. قمت اقول يستااهل الطرد وزوود الحراامي .. يوم اختفى من حيااتنا ارتحت منه .. يعني الحيين يالس عداالي ولا كان قبل يالس في الظلمه.. وفي حجرتي ..!! طااالعته .. : شو كنت اتسوي في حجرتي .. عمي: عادي انا عمج .. :نعم ..؟؟؟ ويعني عمي .. منو سمح لك اتدش الحجره وانا نايمه فيها .. ؟ عمي : شو يعني بتحاسبييني بعد ع دخلتي للحجره .. ترانيي ييت ابي ارمسج في سالفة وليد .. قلت في نفسي : يحليلك .. امسوي من روحك الأبو الحنون والمهتم.. نسيت يوم يضرب عيااله بالعصاا ويرّزعهم (يرقعهم ، يفرهم) بالطوووفه جنهم (كأنهم) كووره .. قسما بالله لو اني ما اتووويع .. جااان قمت وفرييت عليه اللي ابيه .. وطلعت قهر السنين فييه ..بس حسيت ع دمي وقلـت بسمع الدرر منه .. بجوف آخرة هالعم اليوم .. احلى عم إيي في نص الليالي .. لحظه .. : عمي محمد..!! كم الساعه ..؟ عمي: 3 الفير .. ليش تسألين .. : "قول والله 3 الفير ... مب تووك قاايل 1 الفييير ..!! وياااي تتفاهم وياي عسب هالموضوع .. ؟!!" ارتكب عمي بعد ما كشفته :" اشفيها يعني .. هالسالفه اهم من نووومج .." قسما بالله .. ويهه لوووح والله ويهه لووح وما يحس ابد ما يحس .. ما ارتحت له ابد ما ارتحت له .. ولا ياااالس في ظلمه .. هالعم ورااااه إن وأن ولكن ولعل والله .. إنسااان فااايج .. صرااحه مب فايجه له الحين .. راسي قاام يووون علي .. قلت له:" لو سمحتي عمي .. آآجل كلاامك لـ يووم ثااني .. صج مب وقته .. " عمي: "انا قلت ييت اتفاهم وياج .. بخلص وبظهر .." :"لو سمحت انا آدميه ومب حيواااانه عسب اتيي في هالوووووووقت بالذاات .. وهالوقت مب وقت تفاهم .. يوم الجروووح تبرا تعاال تفااهم .." بـ عصبيه خفيفه :" لــــو سمحت .. خلني بـ حالي .. انا اصلاا انغصبت ع اليايه ( الجايه) .. تبي تتفاهم تعال عقب اسبوع.." ورصيت ع الكلماات البااقيه : يـــوووم اكــــوون إبخيــــ ـــر .. حسيته قفط (إنحرج) : خير ان شاء الله .. إعتذر مني وظهر من الحجره .. والله من ظهر مشيت بـ سرعه للـ باب وقفلته عقبها تنفست .. : "صج عم ويهه لووح .. ويبيله ضرب ".. قمت امشي شرات (مثل) العيااايز .. ياالله ع الووويع .. ولا العيووز إللي حوضها متكسر .. مشيت حالي .. كلما مشيت قلت آآي.. ما صاارت .. دخلت الحمام تغسلت وتوضيت.. صليت كل الصلوات اللي طوفتهم .. وعقب صليت قيام الليل .. دعيت ربي انه يهدي سري ويفرج كربتي .. ويصبرني ع مصيبتي .. تميت استغفر ربي وادعي من الرحيم الودود المساعده لين ما آذن الفير (الفجر) صليت .. ورديت انام .. ع ساعه 10 سمعت دق ع باب الحجره ..: منووووو ..؟!! : "انا يا أميييه .. بطلي لي البااب" : دقاايق يوبا .. " يييت ابي اقووم .. ولا اصرخ صرخه .. حسيييت رووحي بتظهر مني ..جسمي تشلل .. وقعد يطلع اشااارااات تعلن عن الآلاام ماراااح اتخلص ابوي من سمع صوووت صراااخي دق الباب بالقووو .. :" بلاااااااج ..!!" :" آآآآآآآآآخ .. ما ارووم(اقدر) اتحرررك .. ما اروووم .." ابوي: " وداااااد ..!! بطلي (فتحي) البااااب.. تعااالي بطليييه .." : "والله ما اقدر.. يوبا والله جسمي يعووورني .. خل حد من اللي برع يفجه .. الله يخليييك .. ودنييييي المستشفى .." ابوي: "نطريييي اميييه .. دقااايق والله دقاااايق و بـــودييييج .." سمعت حشره برع الحجره .. كان ابوي يرمس وااحد .. بس ما عرفت منو هوو .. دقاايق ولا يفجوون الباب .. دش ابووي سألني وهو خاايف علي ..: "بلاااااج امييه بلاااااج ..؟!!" قلت بـ صياااح : "جسمي يعوورني ما اقدددددر احركه .. من بطني ليين تحت .. ودددددني المستشفى .. خلااااص ما اروووم اتحممممممل .." ابوي وهوو خااايف علي .. : "ان شاء الله اميييه .. ان شاء الله .. " غط ابوي راسي بالشيله ولبسني العباايا .. كنت اصييح من الووويع .. ماكنت اتحمله صااار في نصي الـ تحتاااني من المعده للـ فخذ .. جفت ابووي قلت له بـ صيااح وقهر : "ودنــي المستشفـــى .. الله يخلييك ودنـــــ ــي .. خلااااص ما قمــت اتحمل .. من امس وانا اقووول لك ودنننني .. واني احسس بـ ويييع .. الله يخليييييييك ودني ..أحس اني بموووت يوبااا .. الله يخليييك ودنــــي .. ما ارووم استحمل اكثر .. الله يخلييك ودنــــــي .." حسيت نفسي اطير .. صرت خفيفه .. دمووعي غطت ع نظري.. ما قمت اجووف عدل .. كنت اتوويع واصيح .. تمسكت في اللي شلني من ع الكرفاايه بـ قوو .. كنت اسمع همساات وكلمات .. بس والله ما فهمت ولا كلمه .. همي في ويعي .. كنت داافنه ويهي .. في رقبة اللي شااالني .. مابي اسمع لـ حد .. "ودوووووووني المستشفى" .. قلت بقهر وصرااااخ: "الله يأخـــــذ الييـــــــــــوم اللــــي صــ ـــار فيينــــ ـــي جييـــ ــه .. الله يأأأأأخذك يا ولييييد.. " التعديل الأخير تم بواسطة rola2065 ; 28-12-13 الساعة 08:46 PM | |||||||
|
|
|
04-01-10, 09:29 PM
| #37 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| دمع تسلمى على الجزء الجديد ... حسبى الله عليهم من عيلة ... هذا عم يخرب بيته شو اللى جايبه فى أنصاص الليالى و لا قاعد فى الظلمة ... شو بده حسبى الله عليك يا وليد فى اللى عملته فى وداد >>> الله يصبرها و يشفيها ... الحمد لله أن أبوها حن عليها و وداها على المستشفى >>> أتوقع أن اللى حاملها هو وليد ... دمع متابعاكى و شكراً لك | |||||
|
|
|
04-01-10, 09:40 PM
| #38 | ||||
| أهليييييين دمعه مره أخرى هع ... شو أقولج والله هلبارت خيال قلب راسي هههههههههههه بلأول لما شافت النور كنت أمشي معاها أقول لين وين بتوصل..قلت يمكن وليد جي يسويلها ..لكن يوم حد سحبها داخل التجوري قلت لاااااااااااا الحبيبه أكيد تحلم ,,انزين قامت من الحلم ..الدم إلي ينزل قلت يمكن ماتحس فيه ..ونا أقول دوري عدل مني وله مني..آخر شي يوم مالقته ,,,قلت :41:,,هذا حد قاتل شخص ومعلقنه فسقف ودمه بنزل عليها:crazy::crazy:..قمت أقول طالعي فوق طالعي فوق هههههههه خرفت ..بعدين يوم يا شخص يهديها قلت أكيد وليد ..قلت ها يتهيألها يمكن كانت تعرق ومن الرهبه تفكره دم..وبعدين يوم طلع مافيه ملاامح قلت لاااااااااااااااا:crazy: بعدها تحلم,,خدعتيني كذا مره ....بعدين نجي على العم ..:41: واحد من الأثنين ...ياأن العم تلوم وانصلح حاله ,,,ياأنه شكله ناوي على نيه شينه ..ساعتها بذبحه ..وشكله دلخ ...الأبو تو نزلت الرحمه عليه ..وش إلي قلب حاله:41:.... أنا أقول إلي شلها وليد.. ..وهي ماقصرت دعت عليه ...>>>بالله ماتنلاام من إلي ياها منه ..دمعه بارت أنما أيه ..متابعتج يالغلاا ...ماشاء الله عليج ,, | ||||
|
|
|
04-01-10, 10:13 PM
| #39 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
هبه احلى مافي السااالفه انج اول الردووود تسلمييين ع الحضووور الحلووو .. دمتـــي بـــود يالغلاااا dam3ahel3in | ||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
