آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-03-13, 05:31 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|   الفنجان العاشر اي شئ في العيد اهدي اليكي ياملاكي ..وكل شئ لديكي ... أسوارا ام دملجا من نظارا .. لا احب القيود في معصميكي أغنيه ل ( ناظم الغزالي ) أجيد استغلال الوقت جدا ... وهذا ما قمت به اليوم صباحا لم يبقى على اقامتي في دبي سوى يومين عيد ميلادها سيصادف بعد عشرة ايام .... يجب علي احضار الهديه .. حاولت اكثر من مره اقناعها بشراء شيء في جولاتنا التسوقيه ولم تقبل اخذتني الحيره وانا اجوب المحل .. خاتم ام سوار .. ربما قلاده سأتصل بنوره فهي منقذي الوحيد ###صباح الخير انسه نوره ...بس لا ازعجناج '''''' يا هلااااا وميت هلا بأستاذ احمد ### عفيه عفيه بنتي ''''''' خير شتريد من الصباحيات ### اريد اخذ هديه لشذر بس حاير ''''' مممممم شنو ببالك ### محبس لو سوار ''''''' محابس متلبس هوايه هيه خليها سوار ### زين كلاده '''''' لا سوار احسن ###تمااااام .. ممنونج ''''''' تدلل صدك جذب غلفته بعنايه مع باقه من الزهور الحمراء ... اعشق تدلليها .... ولكن اشعر بشئ ناقص لا اعلم ما هو *********** أنزعجت كثيرا حين صحوت ولم أجد مكالمه ولا حتى رساله منه ... عادي قد تعود على وجودي وقد يكون الان ينتظر هذه اليومين بفارغ الصبر ليرحل أتصلت بنوره لم تجبني هي الاخرى ... كرهت هذا اليوم احس بأني انسانه خفيه لا احد يأبه بي دخلت سما في هذه الاثناء ... ومع ابتسامه مشرقه --- صححح النوم **** الللللله اخيرا احد انتبه عليه --- هههههههههه ليش شكو **** شدراني شو اليوم لا احمد ولا نوره --- هههههههه ديخونوج *** شو نازله خفة الدم عليج من الصبح --- اولا خاتون ساعه ب 1 يا صبح هذا *** زين انطيني الثانيا --- ولا شي *** بعدين وين جنتي ؟ --- بلصالون *** ﻻزم اليوم حتشوفين نمير ... أشووووفج حلكج من الطول للطول لا شئ يسعد سما كذكره ... تعشقه بجنون لم يحدث ان رأيت شخص يحب الى هذه الدرجه فقط هي .. عشقها من نوع خاص وجنون خاص ... حب بهذه القوه اما ان يأتي اليوم الذي يقضي فيه على العقل تماما ... وأما ان يقضي عليه العقل وأشك ببقاء اي أثر في عقل شقيقتي و ل لله الحمد رن هاتفي ### حبيبي صح النوم **** زززززين تذكرتني يله اعترف ليش ناسيني ### بدلي وتعاي انتظرج ورح تعرفين **** زين أوكي حين اغلقت الهاتف كنت افكر بشئ واحد .. مدى الفراغ الذي يستركه في داخلي حين يرحل ...مدى تعلقي به .. اشياء ومشاعر كثيره تنتابني اليوم ********** رساله صباح الخير أيه ... من تكعدين خابريني هذا المسج المرعب هو ما استيقظت عليه اتصلت بصوت ملئه النعاس ،،،، شلونك ؛؛؛؛ الحمدلله انتي شلونج ،،، خير خوما أكو شي ؛؛؛ لا بس حبيت اشوفج ،،،، ﻻزم تريد تعرف الاخبار الجديده ؛؛؛ ليش حجيتي وياها ،،، أي ... أشوفك ونحجي ؛؛؛؛ انتظرج لعد ******** لم يكن امامي الكثير من الوقت اتممت حمامي بدقائق وبدأت بتغير ملابسي اجمل ما في علاقتنا البساطه ... هو يحبها وانا ارتاح بها ﻻ أذكر بأني قد ارتديت معه الكعب العالي الا نادرا مره واحده حقيقتا كان هناك تجمع للطلاب في جامعتي القديمه ... اتى معي يومها ... احببت وجوده بين اصدقائي اندماجه، تواضعه ... نظرات الفتيات المعجبه به كان يملك تلك الطله المحببه للقلوب رجوله تلفها البرائه لم يحدث ان التقاه شخص ولم يحبه ... يملك تلك البطاقه التي تسمح بدخوله في قلب من يشاء (الطيبه ) بطاقته فهي تشع من عينيه تصرفاته تعاملاته البسيطه .... يا الله لقد بدأت بعشقه فعلا حين وصلت كان جالسا في المطعم بإنتظاري ### هلا هلا بحبيبي **** هلو حياتي شلونك ### زين **** ويييييينك حضرت جنابك وين مختفي ###هنا واخرج العلبه حين فتحتها كان في داخلها سوار من ذهب بسيط جدا كما احب تماما .... سوار بقلبين احدها يكبر الثاني بقليل **** هذا الكلب الجبير كلبي .. والصغير كلبك .... قلتها وانا اعلم انه العكس .. فقط لاغيضه ###طبعا حبيبي هو اكو اكبر من كلبج **** كلاوجي مو بيدك ********** مدت يدها لي لألبسها السوار ... اعطاني هذا الموقف شعور مختلف ﻻ اعرف ما هو ... لا يهم يكفيني اني هنا معها .... اليوم هو اليوم الاخير لنا ... فبعد غد طائرتي وغدا لن استطيع رؤيتها *** صدك باجر محكدر اشوفك ###ممليتي مني حبيبي *** انته شتكول ###اكول مليتي *** يمكن لان هذا احساسك أقتربت منها اكثر لأستنشق عطرها الذي اعشق ### لو اظل العمر وياج ما امل ولا اشبع منج لو بس اعرف شنو سويتلي حتى احبج لهلدرجه *** ميكفيني هلكد اريد بعد ###شكد يعني ؟؟؟ *** اريد تحبني اكثر وحده بحياتك عرفتها ###ومنو كلج انتي مو هيج ********* اخاف كلمات الحب ... واخشى من قولها لا اعلم لماذا ... احساس بلا سبب او قد يكون تعودي على فقدان كل ما يسعدني قررنا الذهاب لمتابعة فلم كنت امسك بيده كطفله صغيره .... وهذا كان احساسي دوما معه ### ها حبيبي يا فلم يعجبج **** اختار انته الي تريده وبعد طول معاناه قررنا ... فكل شئ فينا مختلف حسب معلوماتي فانك حين تنجذب لشخص يكون هناك شبه كبير يدفع الى هذا الاعجاب والانجذاب حسنا ليكن بسيطا المهم وجود الشبه .. اما انا و هو فلا نقطه واحده تجمعنا ... لا ذوقا ولا طبعا وصلنا الى المقاعد وكلعاده غير مسموح بجلوس اي شخص الى جانبي .... اما الجالس امامنا فقد وصل به الكره اقصى مراحله بسبب ضحكنا وتعليقاتنا بسبب وبدونه كل هذا ولم تترك يداه يدي ولا لحضه مسكها وقبلها بعطف ..... كنت افكر بشئ واحد ادعو ربي ان ﻻ يحرمني منه ابببببدا *********** كان يجلس في ركن المقهى بعيدا عن عيون الجميع ..... جلس يحرك في الشاي امامه ويأخذ نفسا عميقا من دخان سجارته تذكرها حين كانت تطفئ سجارته حين يشعلها ^^^ ساااااامر ... جم مره كتلك بطل جكاير /// اخر مره حبيبتي بس هلنفس أين هي الان في احضان اخر ... تخاف على غيره ترى ماذا تفعل معه بلضبط هل تعامله بنفس الطريقه ذات الاهتمام والحب ضرب الطاوله بقوه اسقطت عليه كوب الشاي الساخن ××× excuseme do u need any help '''''' no thanks im ok ... and sorry for that ذكرياته ستقتله ... دفع الحساب وذهب مباشره لمكتب الحجوزات لن يبقى يوما اضافيا هنا تذكر ان شذر لم تجيبه ليله امس ... صحيح انه قد قام بتغير رقم هاتفه لكنه ذكر اسمه في نهايه الرساله فكر بلاتصال بها قد تكون لم تقرأ الرساله ******** كنا قد خرجنا للتو من المول حين رن هاتف شذر ###تلفونج عمري **** رقم غريب ###جاوبي شوفي منو *** هسه يطلع غلط عوفه ###جيبي اني اجاوب *** لا خلص ميحتاج اني حجاوب ###يله *** الو .... هلو شلونك ...شبيك ؟ بدأت النيران تغلي في داخلي صوت رجل وارتباك شذر الغير طبيعي ... حتى انها اخذت تمشي مبتعده ... ترددت بلذهاب نحوها ********* **** أوكي حبيبي بس أهدى شويه ارتطمت بهذه الاثناء باحمد .... حين سمع الجمله الاخيره استشاط غضبا *** اوكي عمري بس تخلص من الحجز وكلي ساعبيش .... احبك لم اشعر الا وشلال من الدموع ينساب فوق وجهي كانت قد اطفئت النيران في عيون احمد **** هذا سامر ### اخوج ؟ *** أومئت برأسي فقط فلدموع كانت تخنقني ###شبيه حبيبي ... شذر شبيج عمري خليتي بالي *** تعبان كلش سامر مخنوك ومو يمي اهون عليه قربني لصدر بحنان ###حبيبي لتبجين مو كلتي جاي *** احمد هذا سامر تعرف يعني شنووو سامر.... واني الغبيه البارحه دزلي مسج مجان عندي رصيد مجاوبته واليوم نسيت ###كافي حبيبي لتظلين تلومين بنفسج .. يجي وتفهمين كل شي منه ******* حين قمت بمسح دموعها وهي بين احضاني شعرت براحه غريبه .... اول مره اشعر بأن شذر بحاجه لي ... فهي تستطيع ان تشعر اي شخص امامها بأنها هي المسيطره على جميع الامور ومتحكمه بمقاليد كل شئ لكن التي هي الان في احضاني ... مختلفه تماما عن شذر التي اعرفها ********* عشت وتربيت في عائله متماسكه حزن شخص واحد يقتل باقي الافراد .... لم احتمل سماع سامر بصوت كهذا .... دموعه في اخر الهاتف حطمتني .. فسامر يكبرني ب 10 سنين... لكني كنت ملجأه دوما حتى حين كنت طفله كان يهرب من همومه بللعب معي .. وحين كبرت كانت اسراره معي دوما ... لكن رغم كل هذا لم اشعر في يوم بحنان واحتواء ك الذي شعرت به بين احضان احمد احساس استثنائي من شخص استثنائي فعلا خفف من الامي ********** اخذتها الى السياره ### يله صعدي **** وين ؟ ### مو سيارتج ويه سما *** أخذ تكسي حبيبي ### ومن كل عقلج حخليج *** الطريق حيصير عليك اثنين ### اني قابل واحلى من العسل على كلبي ************ لم تكن سما قد عادت للمنزل بعد ... جلست في الشرفه وانا اتذكر احداث اليوم خاصه بعد اتصال سامر .... حنانه وعطفه لم اتصور أني سأجده في يوم .... سرحت في السوار وانا اتذكر كيف كان وداعه صعب .... خنقتني العبره ..وألم فضيع اعتصر قلبي بعد غد طائرته ولن استطيع رؤيته مجددا حتى ثلاث شهور كان ملتزما يوم غد مع بعض من اقاربه .. كثر تأجيله لرؤيتهم بسبب بقائه معي أدى هذا الى حرماني منه غدا . . اي ظلم هذا اريده معي دوما كنت ارتب اغراضي حين تفاجأت بوجود ساعته وهاتفه الثاني معي ... ابتسمت في داخلي نسيانه للاغراض يعني شئ واحد ... سأراه غدا رن هاتفي **** ههههههههههه هااااا حسيت ### بشنو ؟ *** لا مستحيل ... صدك تحجي ### اي والله شكوو ؟؟؟ *** ساعتك وتلفونك يمي نسيتهم بجنطتي ### لاااا مستحيل خلص وصلت اني شيرجعني *** ﻻزم باجر ### هااااااي اكيد انتي متقصده *** شكد مكروه لا والله ###ادري مدتتحملين فراكي **** بصراحه اي ### حياتي والله حتى اني .. بس صدكيني ححاول اجي باقرب وقت .. واظل على كلبج هم *** شفايتلي ### يله حبيبي اني اروح ... باجر كعدي من وكت لان ماعندي مجال ابد *** اوكي عمري كانت سما قد وصلت في هذه الاثناء ... وهي تدندن باغنيه و تبدو عليها السعاده ... لن اعكر مزاجها بموضوع سامر --- احبببببببه *** ههههههههه ادري بيج ( الله يثخن لبنكم ) --- شكو ماكو *** ماكو ... باجر سامر جاي --- جذاااااابه *** والله .. كال مشتاقلكم --- حبيبي فدوه لكلبه مشااقتله ....اكييييد ربى هم جايه للاهله *** ما ادري ما اتصور --- شذر شكو صاير شي ؟؟؟ *** ماكوو شبيج ... --- ممقتنعه *** لا اقتنعي .... باجر طيارته توصل العصر وقبلها لازم امر انطي للاحمد غراضه لان نساها يمي --- زين اني اريد اجي وياج *** اوكي حبي خلي ننام هسه وباجر نرتبها سما كانت تعرف باني اخفي عنها شيئا ولكنها لم تلح لمعرفه ما هو ... ولله الحمد انها لم تفعل فلنعاس غلبني وغدا يوم طويل ******* صحوت على صداع لا يطاق ... تذكرت لم اشرب قهوتي البارحه ولا وقت لدي الان فاحمد يتتظرني غيرت ملابسي على عجل وخرجت مسرعه من المنزل ****** لأكن صادقا لم تكن من مخططاتي اليوم رؤيتها لكن الحظ لعب لعبته .. حمدت الله على فرصه رؤيتها من جديد قلبي تمزق ليله البارحه حين وداعها ... لا اعرف لماذا كل هذا التاثر بها كانها اول امراه اعرفها في حياتي كنت اجلس في المقهى بأنتظارها رن هاتفي *** حبيبي وينك ### كاعد بلكافي تعالي *** مو كلت بس اخذهن واروح ### كلتي راسي ديأذيني اريد كهوه ... فكلت نكعد شويه هنا مو مشكله ********* يا الله ... احببببه ... اعشق اهتمامه بأدق التفاصيل التي بأمكانها أراحتي .... ### هاي كهوتج ... وسط صح ؟؟ *** اي حبيبي ### حشتاقلج خنقتني العبره ... ***مو بكدي والله لم نطل في جلستنا فكل منا مرتبط بمواعيد .. كنت في طريقي لسما وانا افكر .. كيف سأحتمل غيابه . . قد ترك لي في كل شارع .. مقهى .. ذكرى اتمنى ان لا يطيل بقائه هناك ... سأفعل كل ما وسعي للابقائه معه فأحمد هديه من الله لي واجبي الحفاظ عليها رن هاتفي **** هيج اشتاقيتلي بهلسرعه لم يجيب .. اصوات أتيه من الهاتف سياره شرطه . ورجل يصرخ بصوت مكبوت أين الاسعاف اتصلوووا بهم بسرعه توقف علقي عن التفكير للحظه ... صرخت بعلو صوتي احمممممد فاجأني صوت مباشر ..... ألوووو ترى من الذي رد على الهاتف ؟؟؟ هل للاحمد علاقه بلحادث ام فقط تصادف وجوده هناك ؟؟ انتظروا البقيه في فنجاننا الاتي التعديل الأخير تم بواسطة لامارا ; 03-04-13 الساعة 03:47 PM | ||||
|  |
|
11-03-13, 05:32 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان الحادي عشر وارض الله واسعه ولكن ... اذا نزل القضا ضاق الفضاء الامام الشافعي توقفت الارض عن الدوران هذا ما احسسته وانا اسمع الصوت الآتي من الهاتف ،،،، لو سمحتي اختي اذا تعرفين صاحب هذا التلفون توجهي للمستشفى الاسعاف وصل لم يقل اي كلمه اخرى ... أهو بخير ام لا لماذا الاسعاف ...لا شئ ولا حتى ملاحظه صغيره توجهت مسرعه الى المستشفى وانا ﻻ ارى غير وجهه الذي كان امامي قبل ساعه .. متوردا يعلن عن انزعاجه بسبب سفره و وداعنا ... لا تحرمني منه الهي ... ان كان سيصيبه السوء فليصيبني انا اولا ********** حين وصل الى المطار كانوا قد اعلنوا عن تأخر اقلاع الطائره لساعتين '''''' يمعود هاي صدك تحجي ... سامر متكلي شجاك شنو هلسفره المفاجئه ؟؟ زين ليش محجيت :::::: عمر ما اريد احد يعرف اني وين رايح ابد دير بالك ... اني بس الك كلت وتلفوني هذا حغلقه بس اوصل دبي ادكلك مناك """" زين وأذا ربى سألت عني ::::: هيه بلذات ما اريد تعرف اي شي عني """" بس سامر ::::: عمر الموضوع منتهي الله يخليك سده بعد """"" على راحتك حبيبي ... تروح وتجي بلسلامه :::::::: الله يسلمك .. اي شي تحتاج خابرني لم يكن في داخله الان غير الالم والغضب ... لم ينسى حبها فقط خبئته اطنان من الصدمه و الوجع لم يتوقع كل هذا منها .. احبها بجنون وخطط ل مستقبله على اساس مستقبلها وبطريقه تتيح له بلبقاء دوما بلقرب منها مر بلقرب من محل للهديا والزهور في المطار سرقته الذكريات عن من حوله ... في كل مره كانت تشتري نفس النوع من الشوكلا التي تحبها كان قد حمل العلبه بحكم العاده ... ثم رماها كم يتمنى لو كان له نفس القدره على رمي ذكرياته كذلك .. لن ينسى جرحها يوما كما هو الحال مع حبه لها ...يتمنى لو يجد في دبي اي شي يشجعه على البقاء بها كفرصه عمل مناسبه مثلا ... سيحاول جاهدا لتحقيق هذا * * * * * * * ﻻ اعرف كيف حدث الحادث فخلال اقل الثانيه حدث كل شي طيش الشاب الذي في السياره الاماميه سبب كل هذا --- استاذ احمد في بنت تنتظرك بره ايعقل ان تكون شذر .. لم احتاج للتساؤل كثيرا فقد كانت قد دخلت الى الغرفه قبل ان يؤذن لها بذلك **** حبيبي اسم الله عليك عمري ... شنو الديأذيك كانت قد ضمتني بين احضانها بحنان ﻻ مثيل له **** احبك ### حبيبي شجابج هنا .. منو كلج ؟؟ *** تلفونك دك عليه .. وسمعت كل شي وحجه ويايه واحد وجيت ركض ### وسامر ؟ *** خابرني واني بلطريق كلي حيتأخر الحمدلله جتي من الله كان قد دخل علينا الطبيب لاخباري ان بامكاني ترك المستشفى بشرط اخذ الحذر والاتصال بحالة حدوث اي طارئ *********** لم اكن اشعر باقدامي حين وصلت الى المستشفى تتضارب بداخلي جميع المشاعر امل ... خوف ... كره ل اقداري المتعاكسه مع الحظ دوما لكن حين رأيت ابتسامته عند رؤيتي نسيت كل شئ ( يمكن حتى ليش اني هناك ) خرجنا من المستشفى **** حبيبي وين اوديك هسه ### اني هسه اخذ تكسي بنظره مؤنبه **** اصعد بلسياره ### أمر .. هو اني اكدر افتح حلكي واكلج لا ******** معالم الخوف كانت باديه على وجهها الجميل .. مع كل حركه مني كانت تلفت **** دير بالك حبيبي لتأذي نفسك ### الله ﻻ يحرمني منج قبلت يدها اعترافا مني بكل الحب الذي تمنحني أياه ###احببج *** وأني اموت عليك حبيبي ********** للمره العاشره تدق على هاتفي **** سماوي حبيبي والله اسفه --- شذر وينج من كل عقلج الدتسويه **** احمد سوه حادث وجنه بلمستشفى والله --- شنوووووو ؟ *** هسه اوصل واحجيلج --- انتظرج ********* موضوع الحادث كان قد عاد بسما الى قبل سنه كان حادثا فضيع بسبب سائق متهور وقتها نمير هو من اتاها مسرعا كانت بحاله انهيار شديد لم تصدق وقتها انها نجت من الحادث هو من اخذها الى المستشفى بعد ذلك للإطمئنان على حالتها الصحيه ... رغم قسوته حين تعصف بينهم مشكله ما اﻻ انه طيب فعلا وكثيرا ما ساندها في مواقف معينه فكرت ... مجبور هو على فعل هذا فهو اقل واجب لرده جمائلها معه فلم تقصر معه في يوم ... يكفيها تحملها له ، راهنته ... لن تستطيع انثى غيري تحملك والمقاومه معك .. وهذا ما اثبتته الايام فحتى حين يخونها مع ثانيه كان يعود لها دوما وهذا ما صبرت به قلبها اتصلت بسامر ... رن الهاتف معلنا عن وصوله --- حمدلله علسلامه عمري :::: الله يسلمج حبيبي ... تووووني وصلت --- قلبي علمني ********** حين وطأت قدمه ارض المطار كثير من المشاعر كانت تتضارب في داخله ... ربى ... العوده ... اخبار اهلي بالغاء خطوبتهم المتوقعه في الشهر القادم """" سامر ؟؟؟ لم يكن الصوت غريبا عليه ابدا ... عاد به الى قبل عشر سنوات ::::::: آيه ؟؟ شعندج هنا ؟؟ """" هو منو الي شعنده هنا ؟؟ شو قبل موعدك جاي ؟؟ اكيد علمود تحضيرات الخطبه أبتسم ::::: كبرانه وحليانه ست ايه ... اخر جيه الي العام مشفتج أستغربت تغيره للموضوع """" من يومي حلوه فعلا كانت جميله منذ طفولتها ... شبهها الكبير من شذر ووجودها الدائم معها جعله يضعها في نفس مرتبه شقيقته :::::: مكتيلي شتسوين هنا ؟؟ """" صار جم يوم بلشت شغل هنا :::::: حلو ... بالتوفيق ان شاء الله """" ليش وجهك تعبان :::::: اكيد من السفر شعرت بوجود شيء غريب لم تعرفه ماهو ولكن لم تحب ان تتدخل :::::: يله أيو اني اروح نتشاوف اكيد ... سلامي لعمه ''''' اكيد ان شاء الله .... باي ********** اغلب المسافرين كانوا قد اتموا اﻻجرائات وبدأوا بلظهور لكن سامر تأخر كثيرا أطلع اخيرا **** فدوه لله اجه احلى شاب عراقي بلندن ودبي فعلا سامر شاب مميز جدا شخصيته .. ذكائه .. جماله .. طوله كلش شئ فيه يصرخ انا هنا .. حضوره الطاغي يقتل اي رجل اخر معه .. ويسلب قلوب الفتيات .. لكن لم يسلبه قبله اﻻ تلك السمراء القصيره سامر كان افضل منها بكل شيء .. حتى بلشكل ما يميزها عيونها الواسعه ذات الدهاء العالي .. نصحته كثيرا لم يرتح قلبي لها ابدا لكنه كان معمي بحبها --- حمدلله علسلامه عمررري كنت سارحه بافكاري حين سمعت صرخه سما أول ما شد انتباهي هو مدى ذبول وجهه ضمني بقوه بين احضانه اشعرني بانه يريد ادخالي في قلبه ل أرى ماحدث واشعر ب ألمه **** يله علسرريع خلي نروح للبيت اخاف ماما تطلع ::::::: ليش مكتيلها اني جاي --- ﻻ كلنه نسويلها مفاجئه لم يعلق او يبدي اي اهتمام كأنه ليس اخي كأن هناك من اخذ سامر الملئ بلحيويه وبعث لنا برجل مسن فاقدا ل أي امل او دافع للحياه *********** مرت على وجهي اﻻبتسامه وانا اتذكر وجهها المصفر وانطلاقها نحوي في المستشفى القلق والخوف كانا باديان عليها بشده ... عجيبه هذه الفتاه لها قدره كبيره على اعطاء الحب والحنان بقدر ما ترعبك منها... أحقا علي مفارقتها غدا ... غصه صوتها حين نزولي من السياره كانت واضحه اعلم بأن الموضوع يدمرها هي ايضا سأحاول اي شي للبقاء هنا بجانبها لن اتصل بها الان من المؤكد انها مع عائلها حاليا *********** ردت فعل والدتي كانت متوقعه فقد استقبلت سامر بدموع وكثير من الدموع ؛؛؛ حبيب ماما ليش مكتلي جاي ؟؟ :::::: عبالي البنات كلولج والله **** هههههههه مو احب اشوف درت الفعل مال المفاجئه كلش حلووه حاول سامر اخفاء الآمه عن والدتي لكنه من يفلح كليا ... تعذر بضغوط العمل لم يصدقوه لكن لم يحبوا اي يضغطوا عليه اكثر ::::::: اني اروح انام كلش نعست قبل رأس امي وابي وذهب الى غرفته **** وين رايح ؟؟؟ عبالك تخلص مني :::::: رحميني تعبان والله **** اخذ دوشك واجيك تحجيلي كل شي :::::: امري لله * * * * * * * **** حبيبي وصلت البيت ### اي عمري *** مشتاقتلك مووووت ... خوما بعدك متأذي ### ﻻ حبيبي عادي **** احلف وداعتي ### شويه بس ... بس مضوجني الخدر الي برجلي **** باجر نروح للدكتور ### حبيبي مسافر باجر اني **** بهذا الوضع ؟؟ ### ماعندي غير حل اجازتي خلصت **** اوووووف ### سامر شلونه **** والله حمودي مو هلكد هسه دا اريد اشوف شنو القصه ### الله يساعده ديري بالج عليه **** ان شاء الله عمري ... اني اروح هسه اخابرك بعدين ### احبج **** اموووووت عليك حبيبي *********** قرعت الباب ::::::: ادخل **** نعيمااااا يا احلى واحد بلدنيا ::::::: تعاي تعاي كلاوجيه ... هذا كله حتى احجيله *** احجيلي قلبي انته :::::: شحجي شذر شكول ... راحت من ايدي خلص *** شلون شصار ؟؟ :::::: تتذكرين ابن عمها ؟؟ *** اااي :::::: ربى حتلبس حلقته الخميس هذا *** شنوووو ؟؟ شلون ؟ ليش ؟؟ وانته وخطوبتكم وحجايه اهله الك ::::::: كالوا ابن عمها اولى بيها وهيه متسميه باسمه من جانوا صغار *** وليش محجوا من رحنه ؟؟؟ وين جان سبع البرمبه بعدين وين عايشين احنه بزمن الخيم نحجي بولد العمومه :::::: اني وصلتلي خبر وره ما انكطعت اخبارها جم يوم بيد صديقتها .. ابن عمها رجع من اميركا وخطبها واهله وافقوا وعساس هيه منهاره ورافضه *** زززين ::::::: رحت للاهله للبيت اني ودا ادك الجرس سمعت صوت جاي من وره انداريت لكيتهم هيه وياه جاين يضحكون ومبين عليها شكد فرحانه *** اخاف مضطره تمثل ::::: شذر اني اعرفها كلش زين .. محد يعرف ربى بكدي ربي جانت فرحانه من كل قلبها جانت دتضحك مثل من جانت ويايه ... عشره سبع سنين احنه شذر مو يوم ويومين هذا كله باعته ... ربى باااعتني و ﻷول مره بحياتي ارى دموع اخي .... كسرته لن اسكت لها ابدا عن ما فعلته به.. جزائها معي ولكن قبلها يجب ان اعرف لماذا حدث كل هذا ... لم يقصر سامر معها يوما كانت ربى جارتنا لمده ثلاث سنوات وحين قرروا انتقالهم الى لندن للدراسه ونقل عمل والدها قرر اخي الذهاب ايضا بعد شهر من رحيلها .... احبها من اعماق قلبه ولكن كثيرا ما ماطل اهلها في موضوع زواجهم وكل مره بعذر جديد حاولنا اقناع اخي بلعدول عن الموضوع ولكنه تصدى لنا بقوه من اجلها حتى انا لم يكلمني في احدى المرات لمده شهر و ذلك فقط لأني قلت له بان عليه تركها *** حبيبي نام هسه انته وارتاح و باجر نكمل حجي حين فتحت باب غرفتي وجدت سما في وجهي --- شذر ليش دتبجين ... شكو شصاير .. احمد بيه شي ؟ *** دا ابجي على سامر والصار --- ليييش شكووو ؟؟؟ *** تعاي احجيلج ********** وفي منزل اخر... ﻻ يخلو من الجروح ايضا == شفتي ايه شفتيها شسوت تحجي ويايه ووياه بنفس الوقت ... دار الزمن وحبيبها صار صديقي """" انته مو كلت ميهمني ؟؟؟ مو كلت بعد ما اريدها ليش دترجف عليها .. البنيه واضحه ورفضتك اكثر من مره مكافي عاد حس زينه مو زينه على نفسها كافي اصحه على زمانك === خلي تشوف الي حسويه اﻻ افضحها اني حجيتله كل شي للولد ومضميت عليه وﻻ شي """" هذا الي الله كدرك عليه تفضحها ؟؟ هيه هاي الرجوله ... شفرقت عنها كل واحد بيكم خاين من صفحه وبطريقته الخاصه === تستاهل هذا كله ربيتها على ايدي هاي تاليها """ اني ﻻزم اروح اهلي ديصيحوني بعدين اخابرك لم يناديها احد ... فقط عقلها كأنه صحى اخيرا امرها بانهاء المكالمه وانهاء وجوده المريض في حياتها .. شعرت ب الإشمئزاز منه فمن يفضح فتاه ﻻ يستاهل الاحترام حتى لو كانت انسانه سيئه تذكرت مثل سمعته ذات مره من جدتها (( البنيه ستروها .. والمتزوجه فضحوها )) وكان يجب عليه سترها ... ﻻجله هو واحترما لذاته ﻻ ﻻجلها هي. تذكرت حالت سامر اليوم وقررت الاتصال على شذر للاطمئنان . ********** حين وضعت رأسي على وسادتي لم استطع النوم كان الوقت مبكرا نسبيا ولكن كثرت احداث اليوم وجهدها النفسي كانوا قد اصابوني بتعب شديد رن هاتفي *** هلو أيو شلونج حبيبي """" الحمدلله انتي شلونج... شبيه صوتج شو اليوم كلكم تعبانين ؟؟ *** ليش منو بعد ؟؟ """ سامر *** وين شفتي ؟ """ بلمطار مكلكم ؟؟؟ *** هااا اي صح كال """ شبيكم شذر صاير شي *** ﻻ حبي بس احمد سوه حادث اليوم وشويه ضجت و سموري تعب مال سفر لم اشأ اخبارها بما حدث رغم قرب ايه منا لكن ﻻ احب ان يبدو اخي مسكينا منكسرا امام اي احد طالت احاديثنا قمت خلالها بعمل فنجان قهوه لي اغلقت الهاتف مع ايه وأنا ارتشف اخر رشفه من فنجاني .. اخذتني الاحاديث فبرد فنجاني على عكس يومي الذي كان ساخنا باحداثه ومشاعره ودموعه امسكت هاتفي لارسل رساله اليه الله ﻻ يحرمني منك ابد ردت اموت اليوم من خوفي عليك .. انته احلى شي صار بحياتي من سنين وما اتحمل اشوفك متاذي ابد دير بالك على نفسك حبيبي ... تصبح على خير *********** ما اتحمل اشوفك متأذي ... رنت الجمله في رأسي . اعرف هذا جيدا وهو ما جعلني اخفي عنها ما قاله الطبيب لي اليوم .. أووووووف ( عوونك يارب ) ما الذي قاله الطبيب .. مدى تأثيره على شذر .. هل سيخبرها احمد ام سيكتم هذا اﻻمر عنها كما العديد من اسراره المكتومه ؟؟ ماذا عن سامر هل سينسى ربى ..ام سيعيش في اﻻطلال حبه ؟ ما هي خطه شذر لرد اعتبار اخيها من ربى ؟؟ كل هذا مع دله القهوه اﻻتيه فاحداث كهذه لن يكفيها فنجان واحد التعديل الأخير تم بواسطة لامارا ; 03-04-13 الساعة 03:51 PM | ||||
|
| |
|
11-03-13, 05:33 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان 12 الحب هو ان تختار الشخص الوحيد القادر على ان يجعلك تعيسا انيس منصور شهر كامل مر على سفره ... فعلا لم اعدّ ارى اي نور هنا جميع الاماكن مظلمه خبأت نورها وحشة غيابه .. احاديثنا تدوم على طول اليوم وبشكل مكثف لكن لم يعد هذا يكفيني غيابه يحدث في داخلي وحشة كبيرة مسكت هاتفي للاتصال بشركة لديها وظائف شاغره ﻻزلنا في حالة بحث متواصل ينقطع الامل في داخلنا احيانا خصوصا هو يأسه السريع ونظرته السوداويه للامور تقتلللني فأنا على ثقه بأن الله لن يضيع تعبنا ( اسع يا عبدي .. وانا اسعى وياك ) هذا مبدئي في الحياة،،، رن الهاتف اكثر من مرة وﻻ مجيب .. ذهبت للصاله بعد ما مللت من المحاولة *** هلا هلا بسموري ... شعجب مطالع ؟؟ ::::::: صح النوم يابه *** كاعده بس جنت بلغرفه ... مكتلي شعجب بلبيت :::::: اليوم ورانة عرس نسيتي ؟؟ فد شويه اروح اخذ العريس نروح نزين *** يوم زيان عرسك عمري كما هو متوقع لم يرد .... ﻻيزال كما هو منذ اول يوم اتى به الى هنا حزينا مكسورا في داخله مع محاوﻻت مستميته لأظهار العكس مسج ### شدتسوين **** وﻻ شي خابرتلك على الشركات الي اتفقنه عليهم البارحه بس محصلتهم ### يله مو مشكلة ... شوكت حترحين للصالون *** فد ساعه حجزنه اني وسماوي ونوره ### كلش زين عود طكيلي صور هوايه *** شو من هسه دتوصي شنو قابل مراح نحجي اليوم بعد ### شلون منحجي بس دا اذكرج *** اي مو دا اكول انته متكدر بدوني ### بلنسبه للثقه الي مو بمحلها *** هااااااا تحب نجرب ### عادي *** اووووكي لعد خل نبدي ازعجني كلامه جدا اعلم انه يحب مضايقتي فقط ولكني ﻻ احب هذا الاسلوب ابدا فهو يقودني على العناد والمكابره وبلتالي لن اتوانى عن خسارته أذا ما وصل الامر الى حد المساس بكرامتي .. انا لست مغروره فقط ﻻ احب ان تمس كرامتي بسوء ********** كنا في طريقنا متوجهين الى نوره للذهاب الى الصالون لأجل حفلة اليوم *** هااااا سما خير ان شاء الله ؟؟ تخبلتي حبيبتي شو تضحكين ويه روحج --- حرام اضحك ؟؟شلون ؟؟؟ *** زين ضحكيني وياج --- وﻻ شي دا اضحك على نمير البارحة *** عفيه نمير ... شبيه ؟ --- جنه بلسينما خلص مالتي الببسي مديت ايدي دا ابوك الببسي ماله اندار عليه من خرعتي جبيت الببسي عليه كله وكام يكمز ويعيط كدام العالم *** ههههههههههه حيل بيه لم اعد اطيقه بصراحة دافعت عنه لفتره ﻻ بأس بها ولكن كل ما اﻻحظه الان هو شئ واحد نمير ﻻ يستحق سما بأي شكل من اﻻشكال .. سما فتاة استثتائية تستحق شخص استثنائي تماما مثلها بلضبط حال صعود نوره للسيارة بدأت الضجة +++ ما اريييييده خلص حيخبلني والله --- هدي هدي يمعوده *** ههههههه اكككيد نگـ على روحة العرس +++ اﻻ اجي وياج .. يابه وين تجي هو اني حاشكه روحي حشك ... هلنوبه يكلي لترحين *** اي غير يغار عليج يا عيني +++ شذر كافي هاي مصارت غيره هاي خنكة مدا اكدر اعيش حياتي طبيعي رن صوت رسالة ففتحت هاتفي بسرعه وقبل ان اكتشف انها ليست لي +++ هاكم استلمو الأمراض ... (( خوما سامر حيوصلكم مو تكعدين وياه بلحفلة تكعدين من جهه البنات )) هاي اني من اجة سامر من السفر كل ما اجي يمكم ﻻزم اشرح ترة سامر مثل اخويه تره سامر صار سنين اعرفه يابه سامر يحب وحده بس كووووولولي شسوي بعد فهموني .. والله حتى حلقته مدا اطيق البسه احسها تخنكني سرحت بأفكاري بعيدا وانا اسمع راشد الماجد يصدح (( يظلم في عيني كل شي ماعدت ارى في دبي ضي والشوق لك يقسى علي وانا بدونك مو بخير )) فعلا انا بدونه مو بخير الكئابة تسكنني واحاول ابعادها عني بشتى الطرق ارسم تلك الابتسامة الباهتة على وجهي مجاملة محاولة لعدم زرع الكأبة في الجالسين حولي ولكن افشل في مسحها من داخلي بغيابه وجاء كلامه اليوم ليزيد فوق كل هذا في داخلي .. +++ شذرررر يمعوده وينج *** وياكم وياكم شبيج +++ هسة شلوووون لكيلي حل *** صبري وامرج لله بلكن يحس +++ والله انتي بطرانة سرحت كل منا في عالمها ... اﻻ انا لم اسرح بعيدا فكل تفكيري مرتبط بلهاتف ومسجاته ********* تعمدت ما قلته واختفائي عنها ... اريد ان اعرف ان كنت سأستطيع فراقها أذا ما جبرتنا الضروف خصوصا بعد ما قاله لي الطبيب اكاد اجن فكل ثانيه تخطر على بالي ترى ماذا تفعل الان ... كيف تبدو اتخيلها بفستانها الذي أرتني اياه ليلة البارحه اعشقها ويا خوفي من هذا العشق اخاف فعلاً ان ﻻ اكون جديراً بها .. اخاف ظلمها .. واخاف من اشياء عديدة اخرى سينفجر رأسي وضعته على الوسادة وغفيت ********* أتممت تسريحتي والمكياج ... كان قد اوصاني بأرسال صورة حالما انتهي ... لكن بعد التحدي الاخير لن افعل وهو من سيخسر حتماً --- اشوفج صافنه وايدج على الخد .. اخافج عاشكه وبالج احد *** هلاااا هلاااااا هاااااي شطالعة ولج تخبللللين حتكسرين على كل البنات بلحفله .. سماوي وبس والباقي خس --- الله عليج شوفي نوره بعد محاطيلها احمر خدود وصايره طماطه *** هههههههههه اكيد وصلها فد مسج حنين خلاها تكمز --- اي كلها امي مشتاقتلكم تريد تجيكم اليوم *** ههههههه كل هذا حتى لتجي ... والله مدا افهمه لهذا الولد نوره شالعة گلب گلبة شنو الي مخليه يتحمل --- الحب طبعا ... مشكلتج شذر عمرج محبيتي وعرفتي الحب الحقيقي حبج اعجاب وحب هامشي من تكدرين تتحكمين بمشاعرج وعقلج هو الي يمشيج عمرج متتسمين تحبين ... سرحت بكلماتها ... الحب بلنسبة لهم الغاء العقل الذهاب للتهكلة ان نستمر معهم وان كان البقاء يعني موت كرامتنا وتعذيب قلوبنا ... لن اعشق ان كان العشق بهذه الوحشية ..سألغي المشاعر وأدوس عليها بأي لحضة تتعدى فيها حدود العقل وتتجاوز اوامره ******** كان قد رجع للتو للمنزل ::::::: ها ماما شو ممحضره نفسج ^^^ سموري حبيبي والله مالي واهس وتعبانه ... اخذ البنات وتونسوا انتو :::::: براحتج حبيبتي كانت والدتي حزينه من رده .. ليس لانها كانت تنوي الذهاب ... ولكن سامر لم يكن طبعه هكذا لو كان القديم لأصر على ذهابها لـ ملأ البيت بنكاته وغنائه .... حسبي الله ونعم الوكيل خرجت من اعماقها على كل من حرمها بسمة ابنها حين دخلت على غرفته كان يتأمل بدلته ... دون ان يلتفت لي قال ::::::: هاي جان المفروض البارحة البسهة البارحة الي جان موعد خطوبتنة المتفقين عليه .... الي هيه خلته موعد لمهرها .... لج شذر لللليش ليش هيج دتسوي بيه هذا حق الجزه !!!! ضممته بين احضاني .. ونسيت كل ما اشعر به من حزن بسبب غياب احمد ... فـ لاشئ اهم من سامر ﻻ احد *** اجيبلك تاج راسها حبيبي .. اصلاً هاي شنو هيه متستاهلك انته تساهل بنية جمال واخلاق وهاي الحمدلله وﻻ وحده من ذني ::::::: ما اريد اني لغيت فكرة الزواج من بالي خلص *** بعدين نتناقش بهذا الموضوع ... كوم بدل لتتاخر على صديقك ... لحضة لحضة تذكرت انتظر هسه اجيك عدت وانا حاملة كيس كبير في يدي *** لتلبس هذاك القاط خلي يولي ... هذا اني اشتريتلكياها قبل ﻻ تجي كلش تنغصتة الك :::::::: مخبلة مشتريتلي قاط لييييش ؟ *** دلبسه يلة حتأخرنه خرجت مسرعه من غرفه فـ لا مجال لـ أسئلة اخرى ... كنت قد اشتريت هذه البدله لاهديها له في يوم زفافه فأني اعرف بذوقه جدا وطالما اخترت له ملابسه ... لم اخبره كي ﻻ يحزن اكثر جعلته يظن انها هديه وحسب ********** صحوت من نومي .. كان اول ما خطر ببالي هاتفي كنت اتوقع منها مسج او صوره لها كما اوصيتها ... يالها من عنيده لم يحدث ان عرفت فتاه بعنادها واصرارها هذا .. احب قوه شخصيتها ولكنها ترعبني ايضا ### هلو بعد مده ﻻ بأس بها *** هلوات ### شو ماكو *** موجوده انته الماكو ### جنت نايم *** واني جنت مشغوله ### وين الصوره *** خل ابدل واطكها بعدني ممبدله ### اوكي انتظرج حسنا اعرف باني بدوت من تنازل ولم يستطع مقاومه الغياب بينما كان عاديا بلنسبه لها .. لكني لم اقاوم شوقها اكثر وثانيا انا اعلم بأنها كانت مزعوجه جدا ولم احب ان ازعاجها اكثر .. شذر طفلتي ومن منا يحب أيذاء طفله ********** حين رن هاتفي معلنا عن وصول مسج منه ... كل جزء من جسدي كان يدق ليس قلبي وحسب مرت علي الساعات اﻻخيره كلجحيم --- سبحانه الشوفنه ضحكتج صارلج جم ساعه مبومه *** خلصي تبديل وعوفيني بحالي ... أو اكلج بلعكس اخري نفسج خلينه احنه نروح --- ليش يعني ؟ *** سمعي كلامي ومعليج حتشوفين ليش *********** /// حبيبي حمودي متكلي وينك صارلك شكد مختفي اخذت بضع دقائق لاقرر أرد ام ﻻ ### هلو شلونج /// اخيرا .. وينك ظل بالي عليك ### موجود بس جنت مسافر /// مشتاقيتلي ؟؟ متكول اسئل على حبيبتي ### اي والله حقج ... يله تعرفين بيه اني بذات /// حشاك حبيبي لتكول هيج ### يعني انتي مشتاقتلي ؟!! /// موووووت نعم انجرفت تلك الليله كثيرا بلكلام مع يسر لم يمر الكثير على قطع علاقتي فحتى حين كنت في بداية علاقتي مع شذر كنت اتحدث بين الفينه واﻻخرى معها ... لم اظن اني ساحب شذر الى هذه الدرجة، كنت اتوقعها علاقة عاديه ﻻ اكثر ... ولكني وقعت في حبها وﻻ اعرف لماذا فعلت هذا اليوم لم تحدثت مع يسر حديث كهذا رغم اني ﻻ اكن لها اي مشاعر ... ايعقل ان اكون اختبر نفسي ... حبي ... مدى تعلقي /// احمممد .... وينك حبيبي /// احمممممممد الوووو لم استطع الجواب ... كانت شذر قد ارسلت صورتها خلال الحفله ... نظراتها كانت صفعه احسستها توبخني رغم ابتسامتها في الصوره ********* حين وصلت الحفله ... استقبلتنا ام العروسه === حبايبي شذوره وسماوي ... ما شاء الله شنو هلجمال ... حبايب يوم عرسكم فدوه بس صعدوا للعروس ساعدوها ماكو يمها بس اختها *** تدللين خاله صدك جذب اببطن عينه كنا في طريقنا لغرفه العروس حين فتحت سما النقاش --- الله يساعدها عافت حياته واهلها وصديقاته وجايه تنزف بمكان متعرف بيه احد وتعيش بيه هم *** مو تكولون الحب يسوي اي شي اني اشوف هذا يعتبر شي بديهي وعادي ان الوحده تكون ويه زوجها بلمكان اللي هوة بيه --- ممكن!!! فكرت لم اﻻستغراب فالعروس لن تذهب الى مكان سئ او مزعج بلعكس سوف تجد الراحه هنا اكثر ... بينما انا سيكون لدي احتمال الذهاب والعيش في مكان متعب ولكن ﻻ يهمني يكفيني وجودي قربه *** الف الف مبروك عروستنه ،،، الله يبارك بيج عمري يوم اﻻلج انتي وسماوي --- تسلميييين حبيبتي ؛؛؛؛ عيييني شذوره هاي شطالعه شنو هلجمال .... اكلج عندي ترجيه جايبتها بلون فستانج بلضبط لبسيه جنج ناسيه تلبسين تراجي *** ههههههه تسلمين حبيبتي بس اصلا اني مزارفة اذني ؛؛؛؛ شلووووون يصير!!! باجر عكبه شلون يلبسج النيشان ناقص؟؟ .. ﻻ عيني ﻻزم تزرفيه ﻻزم تحسست اذني ...للمرة الاولى افكر بشئ كهذا ربما ﻻني ﻻ افكر بموضوع الزواج ... حسنا ان كان ( النيشان) لأحمد فساثقب اذني قبلها اما لشخص اخر فلن افعل حتما ************ حين وصلت القاعه كان سامر واقفاً لوحده يتامل باتجاه معين ... اخذني الفضول لمعرفه سبب سرحانه ... كانت صديقة ربى من ضمن المدعوات صراحه سررت لهذا فقد سهلت مهمتي وقربتها لي احب صدف كهذه فعلا رن هاتفي في هذه اﻻثناء *** هلا هلا هلا بأيوتي شلونج حبيبي """" شذر ظل بالي شبيج شو حبابه خوما مريضه *** مقبوووله منج ... يله وينج ؟ """" توني وصلت تعاليلي بره ما اندل *** اوكي ثواني التفت اليه *** ساممر ... سااامر ::::::: هااا شبيج تعيطين *** ايه جتي ::::::: اي وشسويلها *** فدوه روح جيبها اني العروس رادتني :::::: وين سما ؟؟ *** شدراني دروح انته نعم كيد نساء ... سببان دفعاني اوﻻ انا واثقه بان ايه ستخطف انفاسه اﻻن ... وثانيا واﻻهم دخولهم معا الى القاعه ضروري لباقي الخطة *********** ::::::::: هلااااا انسة ايه ... ﻻﻻﻻﻻ صدك صايرة انسة """"" هههه شكرا شكرا مد ذراعه لها لتشبك ذراعها به ::::::::: شفتج من بعيد دتتعثرين انتي والكعب الي ﻻبسته ترحين توكعين بباب الصالة وتفشلينه """" ﻻ اصلا مسيطرة اني عااااادي ::::: متاكده ؟؟؟ """"" اااااي خطوتين كانت فاصله بين اخر كلمه وتعثرها ::::::: كتللللج لزمي ايدددددي تقربت منه ووجها يشع احمرار ::::::: هههههههه فدوه للخجلانة يلة كدامي وﻻ كدامهم ********** لم استطيع ارسال اي شئ لها اليوم احساسي بلذنب والعار من ما فعلته اعطاني اﻻحساس بأني أذا كلمتها سوف تشعر بي وتعرف كل شي ولكن اشتاقها سوف الجئ الى الفراش واتعلل بلنوم كأفضل حل ********** كانت جالسة لوحدها ... تكتب مسج كعادتها *** شلونه نموري ؟ --- ظلمتيني هلمره هاي نوره ... محصلتج فدزتلي مسج كلتلي كبس عليها للبيت ومحتكدر تجي *** هههههههههههه والله ذوله فلم هندي --- وين سامر *** راح يجيب ايه بنظره فاحصة من عينيها --- اكيد سوالفج هاي ... اختي واعرفج *** شوفي هذا شلون صافن عليج من جينه ليهسة لم تبدي اااي اهتمام فقد رن حبيب القلب وذهبت في عالللم اخر تماما فتحت هاتفي لأجد رسالة منه ### اني حنام انتي اكيد سهرتج مطوله تصبحين على خير ﻻ تزال الساعه العاشره ايعقل ان ينام منذ اﻻن... ﻻ اظن بأنه انزعج من وجودها بحفل فليست من عادت احمد الغيرة الزائده *********** بدأت رقصة الاحباب كما يحلو لي تسميتها ... بينما كانوا العروسين يتمايلون على النغمات الهادئه تم اﻻعلان من خلال الفرقه لتوجه من يود مشاركتهم الرقصه من الحضور *** يله سامر كوم لوما هذا اعز اصدقائك ... كوم شاركه فرحته حتضل صافن والله عيب :::::: لعد تلحلحي وكومي ويايه *** اني ما اعرف .. اخذ سما --- لتباوع عليه هسه اوكعك .... اخذ ايه وغمزت لي كانت تبدو ملامح الانزعاج على ايه بشكل كبير ::::::: شكلها معاجبها ---أيو يمعوده وين صافنه """" ووياكم شبيكم *** سامر يريد يركص وياج سلو """" ها ... اوكي يله :::::: مو توكعينه انتي وحذائج """"" ﻻ بدلته ويه سما اﻻن فقط ستتم الخطة على اكمل وجه ... طلبت من سما مرافقتي --- غير افهم وين *** هسه انتي بس تعاي ومعليج *** حبيبتتتي وسن شلووونج ( صديقه ربى ) +++ الحمدلله .. شلونج عيني شذوره *** والله الحمدلله ... شنو هلجمال ( تدرون بيه دا اجذب مو ) +++ شكرا كانت نظراتها تخترق ايه .. ابتسمت في داخلي *** سمااااوي اخذيلي صوره ويه هلكمر غمزت لها ...ففهمتني --- بس من هلجهه تعالوا لضوه احلى +++ يله عيني سما صارلج ساعه دتاخذيها شنو القصه *** ابتسمت ... باعي باعي علكامره صوووووره راااائعه ... الخلفيه المثاليه أيه وسامر وهم بحالة انسجام وقرب *** يله حبيبتي منطول عليج ... خلي نشوفج عود +++ اكيد ... عفيه عود سويلي تاك علفيس بلصوره *** صدك جذب ببببببطن عيني --- هههههه ارتاحيتي هسه *** ههههههههه حيل بس بعد بعد انتظري عليه ******** حين وصلوا الى طاولتنا كانو مبتسمين ... ولكن ما هي اﻻ ثواني حتى تغير وجه ايه بعد قرائتها لرساله وصلتها ^^^ ما شاء الله حلو تركصين وحيل مندمجه وياه ارتني الهاتف ... فهمت انه موجود في الحفله لم تجبه بل تعمدت اﻻقتراب من سامر ... وهذا هو المطلووووب ××× شذر ... شلونج حبيتي كانت بسمه ... صديقه قديمه لنوره من ايام الثانويه *** الحمدلله حبيبتي انتي شلونج شخبارج ××× تمام الحمدلله ... ميخالف تجين ويايه شويه *** اوكي في طريقي الى طاولتها ××× ماما كلش حبتكم وحبت تسلم عليج استغربت !!! *** مرحبا خاله .. ،،،، هلوو ماما شلونج حبيبتي تعالي تفضلي بعد اخذ ورد ومجاملان كدت اموت من الفضول لمعرفه سبب التعارف هذا ... نطقت واخيرا ،،، حبيبتي اني سألت بسمه عليكم وكومه مدحت بيكم *** تسلمين خاله من طيب اصلكم ،،، خاله احنه عجبتنه سما اختج ... هيه ممخطوبه صح *** ﻻ خاله اتمنى ان ﻻ تكون اصوات الزغاريط التي في داخلي ﻻ تصل لهم فانا اعلم بانهم عائله مرموقه ولها وزنها في المجتمع ،،، اي والله صار فتره اختي دتدور لأبنها احمد على عروسه ... صح هو ببغداد هسه بس ناوي يجي قريبا تحولت الى قطعه من جليد بثواني *** أحمد ؟؟؟!! - احمد ؟؟ اهو حبيب شذر ام شخص اخر ؟؟ هل ستكون واحده من خياناته ؟ واحد اسراره المخفيه ( بحثه عن عروس ) - ايه وسامر هل ستنجح مخططات شذر ام ﻻ لم يسعها اليوم شرب معشوقتها القهوه .. فانتظروا اجابتها مع فنجانها القادم التعديل الأخير تم بواسطة لامارا ; 03-04-13 الساعة 03:53 PM | ||||
|
| |
|
11-03-13, 05:34 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان الثالث عشر ارجوك تسكت لا تكلم ولا بحرف مالك عذر مالك كلام تقوله ياشيـخ اسف وين بلقي لها صرف مادام قلبك انكشف لي ميوله ياماعيوني اذرفت دمعها ذرف وياماسهرت الليل اشتاق واوله راحت حياتي وانا من جرف لي جرف وانا احسب ان الحب هذي اصوله انا دخيلك ودي اليوم اعرف وشلون تنساني بهذي السهولة هي الخيانه والكذب عندكم عرف او الوفاء في هذا الزمن ما تطوله حامد زيد *********** خرجنا متاخرين من الحفله --- امووووت وأعرف ليش كلتي لأم بسمه انتي توصليهم *** هسه انتي شعليج قابل انتي الدتوصليهم اني الي حسوق --- شذر حنتاخر *** حجيت ويه سامر وقبل هسه انتي ياهو مالتج اكتم في داخلي ضحكه مدويه للموقف الذي حدث حين سألتها عن اسمه بأستغراب ذكرتني بسمه به كنت مدعوه لحفله زفاف اخته بلعام الماضي وكان من اكثر الشباب تميزا بلحفله .. فعلا يليق بسما نعم شاب كهذا لأختي وليس نمير ...لم يكن احمد حبيبي وروحي والحمدلله كنت قد اودع الحياه بموقف كهذا ******** تركت سامر يقل ايه الى منزلها (ضربت عصفورين بحجر ) سامر وأيه وسما وأهل العريس ... عسى ولعلى انجح في مقصدي :::::::: أيه تكدرين تمشين لو اساعدج """" بصراحه رح انزع الحذاء وأمشي ﻻن بعد ما اكدر اتحمل ::::::::: هههههههه العالم منا يمعوده انتظري اوكفي هنا هسه اجيب السياره واجي """"" اوكي فتحت الهاتف لارسال رساله """" سماوي وشذر احب اكلكم خططكم كلها مكشوفه حبايب فحاولو لتعبون نفسكم ويايه مع تحيات ايه ( الميعبر عليها شي ) ضحكت كثيرا على رسالتها ﻻ يهمني ما تقوله فأنا اعرف شئ واحد فقط ... أيه وسامر سيدواون جروح بعض وسيحبون بعضهم بل سيعشقون ويتزوجون اراهنكم على ذلك ********** فتحت عيني متأخره .... عدنا في ساعه متأخره ليله البارحه منهكين كدت ان انام بملابسي ولكني غيرتها على عجل لدرجه اني ﻻحظت ارتدائي لها بلمقلوب استمتعت كثيرا بلفعل كانت ليله جميله حافله بلاحداث ما ينقصها كان احمد حضوره ولو بلرسائل كان سيعني لي الكثير حين تفقدت هاتفي وجدت رساله منه ### صباحو ... اليوم عايفني الحلو ومحد كعدني *** صباحوو حبيبي والله توني كعدت ميته تعب ### شلونهة الحفله *** تخبل مكانك خالي ### المهم انتي تونستي عمري ... شحتسوين اليوم *** أروح يم نوره البارحه مكدرت تجي اكيد هسه ضايجه ### اوكي حياتي ... اني اروح هسه نحجي بعدين *** اوكي عمري باي ********* كنت افكر بما حدث ليله البارحه ... ماذا لو كانت شذر تخونني ايضا ؟؟ ايعقل ان يحدث هذا ؟؟ انا بعيد حسنا ... هي ايضا تعرفت بي من خلال موقع انترنيت وقد تفعلها للمره الثانيه ما المشكله ... ﻻ ﻻ يعقل بلطبع ... أأطلب كلمه السر منها ؟؟ ستطلب هيه ايضا مني ذات الطلب ... حسنا سوف اقوم بمسح كل ما يتعلق بليله البارحه واطلب منها كلمه السر ... ﻻ اشك فقط ليطمئن قلبي ************* وصلنا الى بيت نوره ... كانت بأنتظارنا على احر من الجمر لمعرفه اخبار الحفل ،،،، احجوووولي على السريع يللله من اول محطيتو رجلكم بلقاعه الى ان طلعتو --- هههههه والله حبيبتي كضينها مكائد ومؤمرات ويه ست شذر ،،،،، شلوووووون وبينما كانت سما تخبرها بما حدث البارحه ... كنت انا اتم احدى مكائدي كما يحلو لهم تسميتها فقد قمت بتحميل صورتي مع وسن مع عمل ( tag ) لها حتى تظهر الصوره لدى ربى.... خلفيه جميله كمنظر أيه وسامر ستكون كفيله بحرق قلبها الجاحد واﻷتي اعظم .... رن هاتفي *** ها حبيبي رجعت البيت ### اي عمري *** الله يساعدك ### شكرا حبيبي ... شذر اريد منج شغله *** كول ### اريد باسورد الفيسبوك واﻻيميل مالتج ********* كان سامر جالسا يفكر بكل اﻻحداث التي حدثت منذ اتى الى هنا ... يشعر بشوق حقيقي لحياته بلندن ولكن يستحيل عليه الرجوع الان ... عمر شريكه هو منقذه الحقيقي فلوﻻ ادراته للشركه لما استطاع البقاء هنا وتكريس وقته للنسيان تذكر كلامه مع ايه ليله البارحه """" سامر ... اريد اكلك شي :::::::: كولي """"" اني متاكده انته فاهم حركات شذر وسما ::::::: بخصوص ؟ """"" يحاولون يقربون بينه واني دا اعرف هذا بحسن نيه منهم ... يمكن اني مو من حقي الي راح احجي .... بس اني اعرف أذا استمر الموضوع بهاي الطريقه اني وياك كلش حنبتعد وننحرج واني ما احب يصير هلشي بينه ... انته طول عمرك سامر من اقرب الناس الي سامر الجان من تضوجني شذر يدافعلي الجان مدللني ويطلعني ويشتريلي صح اخر كم سنه تغيرت اﻻمور بينه ... بس الراح راح بوكته اني هسه اتمنى شي واحد اتمنه اكون صديقه الك وكت التحتاج احد تحجي وياه .. احد تتونس وياه اني موجوده وتلغي اي موضوع ثاني ومتحط رسميات بينه :::::::: ايه والله ما اعرف شنو اكول اني لحد هسه فشلان منج على المواقف الي سوتها وياج ربى ما ادري ليش شاده وياج جانت """"" احم احم ﻻن احلى منها ::::::::: هههههههههههه *********** **** ههههههههه صدك تحجي ؟ ### اي والله حقيقه انزعجت فهذا اذا يعني اي شئ فيعني عدم ثقته بي ... حسنا العين بلعين *** اوكي ماعندي اي مشكله بس ردلي باسوردك اول ### اوكي حدزلجياها مسج وانتي هم *** تمام اغلقت الهاتف وانا منزعجه من تصرفه ،،،،شو وجهج احمر شكو يا ستار لم ارد فقط فتحت اللابتوب بانتظار وصول مسج منه --- شذر فهمينه شبيج شكو شصاير *** انطوني صبر ،،،،تخبلت البنيه الف الحمدلله والشكر *** حضرته ميوثق بيه يريد الباسورد مالتي --- هسه انتي قابل شعندج انطهياه *** سما مو مبدأ عندي لو ﻻ ... ليش هلعدم ثقه هاي ،،،، ميخالف هدي انتي *** انتظروا خل اشوف بروفايله ...... شنووووووووووو ؟ سما ونوره بنفس الوقت -"-" شكوووووووو ********** حالما اغلقت هاتفي مع شذر .. رن للمره الثانيه .. استغربت رقم دولي ومن اﻻمارات تحديدا === مرحبا ممكن اكلم استاذ احمد ### تفضلي اني احمد === حضرتك مقدم على وظيفه على موقعنا ### صحيح === تم قبولك مبدئيا بس في مقابله شخصيه تحدد القبول النهائي وان شاء الله بتكون الوظفيه الك ### شكرا === المقابله بعد اسبوع ### ان شاء الله خبر كهذا سوف يفرح شذر جدا ... ﻻ لن اخبرها اﻻن سأدع اﻻمر مفاجأه مع مفاجأه اخرى اكبر ********* كان جالسا في احدى المقاهي لأرتشاف قهوته واتمام بعد الاعمال بحاسوبه حين رن هاتفه ××× حبيبي سموري شلونك :::::::: هيه مال شلونك مصار نص ساعه من سديت التلفون وياك ... شكو شتريد ××× افااااااا اني عموري الذهب صديق عمرك تحجي هيج ويايه ::::::::: ههههههه ... هسه غير يحجي عاد ××× اني جاي لدبي باجر ::::::: خير خو ماكو شي ... توني سديته منك مجبت هيج طاري ××× ﻻ والله بس هاي مريم اختي ثبرتني حفله تخرجها واﻻ تريدني اجي :::::::: بيها الخير ان شاء الله ... زين والشغل ××× السكرتيره موجوده وان شاء الله ما اطول ::::::: اوكي حبيبي ... محتاج شي مني ××× سلامتك :::::::: خوش شوف طيارتك شوكت حتى اجيك ××× ان شاء الله تبسم في داخله ... اراحه قدوم عمر مع قلقله على سير مجريات العمل ... لكن ﻻ بأس العمل بركود هذي اﻻيام وسيتطيعون ادارته من هنا .... سيكون من وجود عمر هنا متغير جيد لروتينه القاتل .. رغم وجود العديد من اﻻصدقاء حوله اﻻ ان لعمر نكهه خاصه عن بقيه اصدقاءه كيف ﻻ وهو صديق طفولته ... والد عمر صديق والده ايضا توفي في حادث وترك مريم ووالدته امانه في عنق عمر الذي كان على قدر المسؤوليه ... عكس مريم اخته الصغيره فهي تحمل القليل من الطيش والعفويه المبالغ بها ... ما جعل شذر وسما يتجنبوها كثيرا رغم انهم جيران في نفس الطابق من العماره ... بسبب اصرار والد سامر على هذا ..... مريم وما ادراك ما مريم ********** --- شذر شبيج يمعوده احجي *** لج شوفي شوفي المسجات ... عباله ذكي ماسحهن من الانبوكس ... كلهن موجودات بلارشيف .... تعاي اقري الحجي ثنين دازلهن مرحبا لكككككم شوفو اشكالهن والمستوى ،،،، اي يا حبيبتي انتي كلتيها شوفي المستوى ؟؟ مضوجه روحج على هيج نماذج *** طبعا اضووووج نوره شلون ما اضوج اني يخوني اني يلعب عليه ليييييش فهميني للللليش اخذت الهاتف للاتصال به ### هلو حبيبي ... بس شويه واخابرج مشغول *** بشنووو مشغول بلنسوان ... اخاف وحده بيهن جاوبتك ### يانسوان شذر شبيج تخبلتي *** الي معارف تمسح حجيك وياهم ... اقرالك اﻻسامي تحب .... شنو هلمستويات الضحله . اني تخلي راسي من راس ذني ..للللللليش ### شذر بس اهدي دخيل الله ... خليني ادخل على المدير رايدني بشغله وارجع اخابرج ،،،، شذر كافي الله يخليج حيصير بيج شي --- فدوه نورة بس كلاص مي خلي تشرب لم ارد عليهم تابعت بحثي في موقعه حتى وجدت طامه اخرى .... مسج من احدى اقاربه /// عيني احمد هذا موقع البنيه على الفيس تكدر تشوف صورها هيه مهندسه واهلها من عائله معروفه كلش ### ماكو منفتح اﻻسم مجررد محاوله رؤيته للبروفايل تعتبر خيانه واهانه لي ... ما يقتلني جميعها احداث قريبه ونحن في قمه علاقتنا .... يااااارب منك الصبر عاودت اﻻتصال به وانا في حاله غليان مره اثنان ثلاثه خمسه لم يريد ... سأنفجر في اي لحضه اذا لم اصب لجام غضبي عليه ********** أستمر هاتفي بلرنين فقمت بأطفائه ...... احمد الشكوى صار ثاني مره توصلني وانته تعرف هذا ظهره قوي وبعد ما اكدر اسكت ### يعني شلون يدوس بنص بطني وتريد اسكتله ؟؟ ﻻ والله شيريد يسوي خلي يسوي ..... أذا انته جايز من روحك فاني مجايز ### والمطلوب ..... حاول تلكه حل وياه وﻻ تره اذا اضطريت اختار بينكم فمراح اكدر اختارك ### الله كريم خرجت من المكتب وانا في قمه العصبيه ... قمت بفتح الهاتف مره اخرى .... اعلم انها ستظن باني اتهرب منها يا الله على هذا اليوم *********** **** غللللقه الجبان يعرف روحه شمسوي ... امشو نطلع من البيت رح اختنك هنا ،،،، اوكي حبيبي بس هدي الله يخليج ووين متردين نروح رن هاتفي --- شذر هذا احمد *** خير؟ شعجب تكرمت ودكيت وحضرتك حتى جنت متجاوب ### شذر كتلج اني يم المدير *** وين متكون هاي مشكتلك .... يخطبولك موووو تدورلي صور علفيس مو ... جان كلتلي ادورلك يا عيني ليش متعب نفسك واهلك ### شدتحجين شذر *** اهوووووو .. رجعنه لدور البرأه مو كافي جذب عاد مو كافي تعبتني ### اني مجرد جاريتهم حتى ﻻ يلحون *** احمد روح وبعد ما اريدك وﻻ اريد اعرفك ### شذر هدي ونحجي بعدين *** بعد ماعندي حجي وياك ... باي يله امشوا ... خلصتوا ؟ نظرات القلق كانت باديه على وجوههم ... كانو ينتضرون مني ان ابكي انهار ... اي شئ يعبر عن حزني ... لم استطيع فلغضب الذي في داخلي اﻻن اقوى من لحضه ضعف وحزن على خائن ﻻ يستحق مني دمعه واحده *********** يا لغبائي كيف لم انتبه على وجود هذه الرسائل كيف نسيت مدى ذكائها واستهنت به ... قد اكون خائن .. ﻻ انا مترردد فقط .. خائف لم يحدث ان تملكت قلبي امرأه كنت دوما انا المسيطر على مشاعري ولكن معها فعلا ﻻ استطيع فعل هذا حتى اﻻن رغم كل صراخها وما قالته لم ارد ... لها الحق لقد تجاوزت حدودي أيعقل ان تكون شذر جاده ؟؟ هل ستتخلى عني بهذه البساطه .. قد حذرتني مرارا قائله بأنها لن تغفر لي خيانتي .. بأنها ستدوس على قلبها بلحضه توضع بها مع امرأه ثانيه في كفه واحد ولكن وان بدى لها بأنها بكفه واحد معهن فهي خاطئه ... شذر بكفه والعالم كله بكفه ثانيه ********** اتصل سامر مرارا على هاتفي اصيب بلقلق بسبب اغلاقي له ::::::: ها سما وينكم شنو القصه شذر وين ليش تلفونها مغلق --- وحده وحده على كيفيك حبيبي ما بينه شي بس شذر خلص شحنها ::::: شنو ماكو شاحنات --- طالعين بسياره نوره ماعدها نفس نوع الموبايل :::::: زين وينها شذر *** ها سموري ::::: شبيه صوتج ؟ شذر لتضمون عليه صاير شي *** ﻻ حبيبي قابل شكو ... شنو خير شصاير :::::: ماكو شي دا اشوف وينكم ... ودا اكلج حسبوا حسابكم نهايه اﻻسبوع حفله تخرج مريم فحتى اذا تردون تحضرولكم ملابس شي *** اهوووو سامر فدوه اني اعفيني .. اخذ سما وياك :::::: ماكو هيج حجي تجين تجين ولخاطري *** ان شاء الله ... نرجع للبيت ونسولف مريم فعلا ﻻ ينقصني غيرها الان ... ﻻ اطيق هذه الفتاه خصوصا في اخر موقف لها .. ذهبنا للتسوق اختفت فجأه وجدتها في احد مراكز الاتصالات في مركز التسوق سألتها لماذا هي هنا فادعت بوجود فاتوره عليها دفعها وقامت بدس رقم هاتف جديد كانت قد اشترته في حقيبتها ... عند عودتنا للمنزل كنت اقوم بأرسال بعض الصور لهاتف سامر حين وصلت رساله من رقم مجهول يعلن عن اعجاب وحب من معجبه سريه ... حين قرأ سامر الرساله لم يعرها اهتماما بسبب ضنه بان يكون احد مقالب اصدقائه .... ولكن انا قمت بلربط بين اﻻحداث وخصوصا ان مريم لم تتوانى يوما عن ابداء اعجابها الكبير لسامر وكرهها لربى .... بعد فتره من المحاوﻻت المريره منها عرف سامر بأن مريم هي من تقوم بارسال الرسائل ... قام بلتملص منها ولم يخبر عمر بأي شيء كما لم اخبر انا احدا سوى سامر بعد ان صارحني بشكوكه ... منذ ذلك الوقت وانا اتجنب هذه الفتاه فمن لها القدره والجرأه على عمل شيء كهذا لها القدره على عمل اي شيء ثاني ********* كانت قد مرت ساعه كامله على اغلاقها للهاتف حين وصلتني رساله منها **** مع اﻻسف حبيتك ... انته متستاهل ربع الحب القدمته الك انسان خاين ومالك وفه من اﻻول جنت ادري بيك ملعب وابو بنات ادعيت البراءه كدامي وانته اكبر غدار عمري مراح اسامحك ابد كلسكين الحاد دخل كلامها الى قلبي ماذا لو لم تسامحني ...ماذا لو لم ترضى بعوده العلاقة بيننا ايعقل ان تكون تخلت عني بهذه البساطه *********** لم اتحمل لم تشفي غليلي الرساله قمت بلاتصال به ### ها حبيبي صرخت *** لتكلي حبيبي انته جذااااااااب اني تلعب عليه .. اني شذر هيج تسوي ويايه لييييش شنو القصرت بيه وياك جاوبني شنو الناقصني .... احجججججي لتضل ساكت ### شذر اهدي *** على اي اسااااااس اهدى ... ليش هيج سويت مماليه عينك مووو اني ممليت عينك ### اي مماليه عيني *** اننننننني ؟ ليش منو انته حتى ما املي عينك غيرك تحسر واختاريتك .. حبيتك من كل كلبي ولعبت عليه .... اني الي مجنت ادخل احد لحياتي رفضت الكل وقبلت بيك هيج تجازيييني *********** اعلم بأني جرحتها ولكنها قتلتني بكلامها ... قبل ان انهي المكالمه تكلمت عن شخص تقدم لها في اﻻيام الماضيه ... لماذا لم تخبرني .... ماذا لو وافقت بسبب جرحي لها ... أأفقدها للابد ﻻ يعقل هذا اتصلت بها ### شذر *** جنك نسيت تحجي حجايه تغثني اكثر بيها كلمه لليوم كمله ### شذر انطيني فرصه لباجر بس .. بس باجر والله وحتشوفين شلون حثبتلج ماكو بلقلب غيرج ********* عدت متعبه الى المنزل ... لم تكن اﻻحداث التي مررت بها بلسهله ابدا جلست لوحدي في الغرفه حين دخلت علي سما بفنجان القهوه عله يعيد لي هدوئي --- شذر حبيبتي ماكو علاقه ميصير بيها مشاكل والولد لو ما شاريج مجان كلج انطيني فرصه لم ارد عليها تذكرت حين اكتشفت خيانه عمار وتركته تذكرت جمله قالتها لي صديقه وحده احساسك ما يجعل حكايتك مميزه ﻻهم ... فجميعهم متاشبهون .. رجال .. هم هكذا .. يملون .. يشكون .. يغارون .. وجميعهم بلنهايه يا حبيبتي يخونون أيعقل ان يكون احمد كَـ عمار ... ترعبني الفكره اكثر من حقيقه تركنا لبعض ... فلاحمد صوره اخرى ... احمد حبيبي ... ابي .. صديقي واخي كان دوما مختلفا عن الجميع ... تلك البراءه في عينه طيبه قلبه .. حبه الجارف لي ... ﻻ ﻻ اصدق احمد مستحيييييل أمضيت الليل وانا اعيد بقراءه مسجاته معهن .. اقلب بصوري اني وهو .. رسائلنا ... جميع اﻻغاني التي اهداني اياها .... يا الله كيف لي بنسيانه كثيره هي اﻻمور التي تجمعنا ********* وضعت رأسي على الوساده .. تدور عده افكار في رأسي لم يحدث ان مررت بيوم مليء بلمشاكل كهذا .... رساله ...مؤكد انها من شذر ( الله يستر ) احمد اليوم موقف المدير جان كرصه الك ... بس اذا مطلعت باجر الصبح من الشركه محتكون زينه ﻻ الك وﻻ لاهلك ترى ما مشكله هذا الشخص مع احمد ؟؟ ماذا عن وعده لشذر هل سيوفي به ام ﻻ ؟؟ هل ستقتنع شذر بلعوده ؟؟ دخول عمر ومريم على اﻻحداث هل سيؤثر على ابطالنا ؟؟ انتظروا شذر وفناجينها لمعرفه اﻻجوبه التعديل الأخير تم بواسطة لامارا ; 03-04-13 الساعة 03:56 PM | ||||
|
| |
|
18-03-13, 05:51 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان الرابع عشر البعض برغم الحب يخون ... والبعض برغم الخيانه يحب اللامرأس قاتله هذا ما بدأت به يومي .. --- هاي الدموع تجمعت براسج فكام يأذيج هذا ما علقت به سما وانا اتناول حبيتن من المهدء *** تدرين بيه دمعتي متنزل بس على اللي يستاهلها بينما كانت ترتشف من النسكافيه --- وهيج احمد تحول بين يوم وليله لشخص ميستاهل !!! *** مثل ماهو باعني بيوم وليله --- بس احمد لو بايعج مجان كلج انطيني فرصه *** بابا انتي صدكتي ... اراهنج محيسوي شي من اوووول يوم كلتها احمد ابو نسووووان --- اراهنج حرقت قلبي .. كبريائي المكسور .. جميعها تجبرني على قول كلام كهذا .. لم اتوقع منه في يوم هذا كله ... اتمنى من كل قلبي ان يفعل اليوم شئ يجبرني على مسامحته ... ان يقنعني حتى لو بكذبه ... لن اتحمل بدونه سأموت ان فارقني :::::::: صح النوم يا حلوات --- شو مبدل و مستعجل ... وين رايح ::::::: عمر حيوصل بعد ربع ساعه --- هاي شنو شو مكلت انو هو جاي :::::: البارحه يله دريت .... شذر شبيج حبيبتي شو ساكته ووجهج اصفر ... اصلا من البارحه انتي مو على بعضج شصاير ؟؟ *** ماكو شي حبيبي بس راسي ديأذيني :::::: اوكي لعد رجعي نامي ﻻن اليوم ورانه هوايه اشياء *** ليش شكو :::::::: عمر حيجي يمنه على الغده وبعدين بليل اكو مطعم جديد فاتح عازمكم عليه *** اني اعفيني سامر :::::: شذر روحي نامي وحضري نفسج لليل ... يله باااااي --- شذر ميصير هيج احنه مصدكنه سامر ديرجع طبيعي لتكسرين واهسه *** ان شاء الله ********** لم اصحو اليوم في موعدي المعتاد ليله البارحه كنت قد اطلت بلسهر ... كان علي اتخاذ الكثير من القرارات وواغلبها مصيريه /// ها يمه خير خوما بيك شي شو مرايح شغلك اليوم ### هسه حروح بس تعالي قبلها اريد احجي وياج بموضوع /// تعال للهول ### يمه انتي صارلج فتره تدوريلي بت الحلال /// اي يمه عجبتك الجابوها بيت خالتك ؟ ### لا .. اني اكو بنيه ببالي رايدها /// منيه بت منو شلون عرفتها ### عن طريق جماعه من المؤكد اني لن اخبرها بأني تعرفت عليها عن طريق اﻻنترنت فوقتها سيكون الرفض قاطعا ********** اتصل بي سامر ::::::: ها شذوره شلون صرتي حبيبي هنا فقط نزلت دموعي لم احتمل اي كلمه تحمل اي معنى من معاني الحنان .... ﻻ اريد سماع كلمه حبيبتي مجددا ... رميت الهاتف فالتقطته ايه """" هلو سامر اني ايه مو شذر :::::: عبالك صوتج صوت شذر من كلتي الو """ ما ادري ::::::: شلونج انتي شخبارج """" الحمدلله انته شلونك :::::: تمام التمام ... انتي وين بلببت يمنه لو همه يمج """" ﻻ والله اني يمكم :::::: خوش لعد حتى تظلين يمنه اليوم عازمكم كلكم على العشه """"" والله ما اكدر اتاخر ::::::: مو عيب هلحجي ليش طالعه وحدج لو ممالي عينج اني """" ﻻ والله بس تعرف اهلي ::::::::: اذا على اهلج فعوفيها عليه وحضري نفسج ... """" ان شاء الله :::::::: يله من تفضه شذر خلي تخابرني """ اوكي ********* /// ابني فكرت زين ؟؟ البنيه حتقبل تعوف كل شي وترجع هنا بهاي الظروف ### اني اكيد محظلم البنيه .. جتني فرصه عمل هناك وراح اتوكل واسافر هليومين /// حتعيش هناك .. كله علمودها ؟ واحنه ؟؟؟ ### يوم اني مرايح لنهايه العالم وﻻ اول مره اعيش هناك شو قبلها معترضتي ... يوم فدوه سهلي الموضوع .. واليوم اريدج تحجين ويه البنيه بلتلفون /// بدون ما اكون حاجيه ويه اهلها؟... شلون يصير ### يمه اني غلطان بحق البنيه غلط كلش جبير وما اريد تاخذ مني موقف ابد ما اريد اخسرها الله يخليج ساعديني ارجعها الي /// الله كريم .. الله كريم *********** دقات جرس متلاحقة على رتم واحد فتحت الباب راكضه لأتخلص من هذا الرنين :::::::: تعال عموري .... يا هلا وميت هلا *** حمدلله علسلامه عمر شلونك °°° اني زين الحمدلله .. الله يسلمج *** تعالو تفضلو رمقني سامر بنظره مستغربه بسبب شحوبي كلامي المقتبض معهم على غير عادتي °°° سلامتج شذر مبينه تعبانه **** اي يمكن بدايه افلاونزه °°° شربي دوه علسريع اليوم سموري حال الجيس وعازمنه لم اعلق فقط ابتسمت ببرود جلسنا جميعا الى طاوله الجميع يضحكون ويتبادلون الكلام ::::::: شذوره حبيبي سمعينه صوتج وين صافنه *** مصافنه وياكم ... دا اجمع طاقه لليل بينما كنا نتحدث كنت اﻻحظ نظرات عمر الغريبه لي ... احسست بكميه من الاسئله تتجمع بعينه المائله الى الخضره ◆◆◆ اي عمر ماما ... لشوكت باقي هنا °°° والله خاله حسب .. بعد ما اعرف عندي موضوع هنا اذا صار بخير وسلامه احتمال شويه اطول :::::: شتطووول والشغل °°° الله كريم يحلها الف حلال :::::::: بعدين تعال هنا يا شغله شو اني اخر من يعلم --- جنه ناااوي يتزوج .... اااااي عمر الله عليك يله نريد عرس °°° ههههههه الله كريم كنت في عالم ثاني ... لم اتحمل عدم سماع صوته .. اعتذرت منهم وذهبت الى غرفتي متعلله بلتعب وحاجتي للنوم اتصلت به بحجه توبيخه ... ولكن في الحقيقه انا في حاجه ماسه لسماع صوته ### هلو شذر شلونج *** زينه ... شوف احمد انته طلبت مني فرصه ونطيتكياها وانته مسويت شي ### بس اني بعدني عند حجايتي وصدكيني حكون كدها واكثر *** خلص احمد اعذرني لهنا واني ما اكدر بعد ### زين خليج ويايه علخط ثواني ********** أشرت لوالدتي بأن تتحدث معها بلهاتف لم اعطها المجال للرفض /// هلو شذر شلونج يمه *** ه..لو ... هلو خاله شلونج /// الحمدلله على الله ... انتي شلونج اﻻهل شلونهم *** كلنه بخير الحمدلله /// الف الحمدلله والشكر ... ان شاء الله حبيبتي نشوفج قريب انتي واﻻهل ونتشرف بيكم *** ان شاء الله خاله تسلمين حبيبتي ... الشرف النه /// الله وياج بنيتي ********** لم اتوقع ابدا ان يفعل هذا ... اشعر برعشه بسائر جسدي .. خجل وصدمه هذا ما تراوحت مشاعري بينه ### ارتاحيتي هسه *** على شنو ارتاح ؟ هسه شنو يعني من امك حجت ويايه يعني انته مخنتني ... لو يعني منجرحت اني ### شذر انطيني فرصه وحده والله حثبتلج خلينه نبدي صفحه جديده من اليوم واذا شفتيني خاينج بعد لو مجرد سامعه الج الحق تسوين الترديه وباسورداتي يمج دوري شكد متردين يوميه *** الله كريم ### شذر اني احبج لتنسين هلشي ... *** اوكي .. باي اعلم بأني تعاملت معه بقساوه ولكنه يستحق ذلك فقد جرحني البارحه بكلامه وافعاله ... اتمنى ان استطيع نسيان ما حدث وافتح صفحه جديده فعلا اتمنى """" وين صافن الحلو *** تعاي حبي كعدي """ جبتلج جاي ... دريت بيج جذابه منايمه *** شكرا """ بس قبل شويه جنتي صفره .. شو هسه ماروني شكو ؟؟ *** ام احمد حجت ويايه غيرت أيه جلستها والفرح يتطاير من عينها """"" اااااي وشنو وشكالت وشعجب .. اول مره تحجون مو اطلت سما --- باااااع النذاله مسويات اجتماع بدوني """" لججج تعاي سمعي ... ام حمد حاجيه ويه شذر ---- عااااا احجولي وبينما اخبرهم بما حدث ... ستذهبون انتم أليه ********* وكما هو متوقع تم نقل الخبر الى خالتي خلال ثواني /// عيني ليش نطاني نفس شو عدل وكبل حطه على اذني ``````````` و خير يا طير تكومين تحجين وياها راسا هيج /// الولد حابه والبنيه حابته بس هو ﻻعب بذيله ``````` وشنو هلدلع هو يا رجال ملاعب بذيله شدعواها /// حطي الله بين عيونج بعدهم ممتزوجين وسوه هاي الدكه بيهم `````````` خليج انتي فقيره هيج الى ان تطلعين من المولد بلا حمص /// انتي شدتحجين المهم ابني مرتاح وفرحان فرحت مما سمعته .. هذا يعني ان امي سوف تكون بجانبي ********* تم اقناع عمتي ببقاء ايه اليوم ... وطبعا يعود الفضل اﻻكبر لأمي ::::::::: ها بنات خلصتوا تبديل فتحت الباب :::::: هلا هلا هلاااا منو كدي اليوم حطلع ويه 3 كمرات وحده احلى من اللخ مسكت بيد سامر **** اكييييييييد اني احلاهم ::::::: بعتبار نفسيتج منقرفه أوي أوي نكدر نكول هيج بس الواقع اشاح بنظره نحو أيه ::::::: الواقع احلاكم سما *** يا مكرررررروه خلي تفيدك سما للللعد اني باقيه بلبيت ::::::: يمعوده صدك جذب انتي الروح والريه ... يللله امشوا ديتنظرونه --- ينتظرونه ؟؟ ليش منو جاي بعد :::::::: عمر ومريم --- مرررريم .... اهووووو *** الله يعبر هليله سلامات نزلنا الى موقف السيارات في البنايه حين اطل عمر .... لوحده °°° اكلك يله خل نطلع بسياره وحده مو احسن :::::: لعد مريم وين °°° كالت باجر الحفله وما اريد اسهر واتعب نفسي اليوم هسمت بصوت منخفض *** عشتو .. لو عرسها جان شسوت استدرت نحو سما واية فأذا بهم يحاولون كتم ضحكتهم بصعوبه *** لتكولولي سمعتوني .... اووويلي بس ﻻ عمر هم سمعني --- يمكن *** جذب """" دمشي امشي قابل عنده ﻻقطه °°° هاااا عليمن دتقشبون جمدت في مكاني حين عرفت ان عمر خلفي مباشره °°° ها شذر شلون صرتي ان شاء الله احسن .... هاج هذي الحبوب جبتها ويايه من لندن رهيبه ساعه وتصيرين زينه همست ايه """" يابه اخذت حبايتها وهسه عال العال هيه مثل الحصان °°° صدك ششربتي ... يله الحمدلله المهم تحسنتي ونحن في السياره ضربت ايه على ما فعلته ... فعلا احرجتني الحمدلله سامر كان في السياره حين حدث الموقف ********* اتممت اليوم جميع التزاماتي مع الشركه ... ﻻ اشعر بلضيق فلحمدلله امامي فرصه افضل ...واﻻهم من هذا شذر لن اخبرها الان بفرصه العمل .... ستكون مفاجاه لها لم تتصل ولم ترسل لي اي رساله ... اقدر شعورها ما تزال في طور الصدمه اخذت هاتفي للاتصال بها ... تركت فراغ كبير في يومي *********** لم اسمع رنين هاتفي ... كان جو المطعم صاخبا بلكاد نسمع ما يحدثنا به الجالس بلقرب منا --- شذر تلفونج دا يضوي لم استطيع اﻻجابه كان قد اغلقه حين مسكت الهاتف .... سكت المغني قليلا ::::::: هسه اجي °°° سامر وين رايح ؟ :::::: ثواني عاود اﻻتصال بي ### وينج شو متجاوبين *** هلو ... طالعه مسمعت التلفون """" شذر ... عمر ديحجي وياج ...... سووووري منتبهت دتحجين بلتلفون ### يا عمر هذا ؟؟ *** صديق سامر ... الي كتلك عليهم اصدقائنه من يوم جان ابوهم ويه ابويه بلجامعه ### وجان ضروري تطلعين وياهم ... مو كلتي راسي يأذيني *** اصروا عليه ... بعدين وين المشكله مدا افهم ؟ ### ماكو أي مشكله ... يله لعد ما اعطلج اخذي راحتج *** اوكي باي *********** كأنها لم تصدق ان اقول لها اني سأغلق ... حتى لم تسألني اي شيء ...لم تجيب من المره الاولى .... ومن يكون عمر هذا حتى يخرج معهم ... لن اتحدث معها اليوم ... سنتاقش بلغد ... يكفيني كميه الحديث والجهد الذي قمته به اليوم لاقناع امي ومدير الشركه ... وﻻ مجال لنقاش اخر اليوم رساله منها .... ﻻ بد انها شعرت بما فعلت معي *** نسيت اكلك .. تصبح على خير ماذااااا ..... اتقصد انها لن تكلمني حين تعود ؟ ### شو من هسه *** مو احسنلك ؟ كلت اخاف عندك شي ما اريد اعطلك لن تنسى بسهوله هذا ما تقوله لي بطريقه غير مباشره ********** ### ماعندي شي دا انتظرج هذا كان رده ... اراحني حقيقتا ولكن ﻻ اعلم .... اشعر بشيء مكسور في ما بيننا """" يله سما..... احنه هسه نجي *** انتظروني اجي وياكم اشارت لي أيه ان انتبه على هاتفي ... كان هناك رساله منها """" انتبهي على سامر وعمر ... نمير هنا حنكوم نشوف ويامن كاعد ونرجع *** انتو وين رايحين --- نسلم على حنان وراجعين *** اهووو ... ﻻ روحوا انتوا لعد طال الصمت ... كنت سارحه في خيالي ... ماذا ستكون رده فعل احمد اذا عرف بأني وحيده مع عمر ... ابسمت على تخيلي لرده الفعل °°° ضحكينا وياج .. لم اكن اعلم بان عمر يقوم بمراقبتي ... احمررت خجلا *** ﻻ هيج ماكو شي °°° شلون صرتي ؟؟ *** ﻻ احسن الحمدلله °°° الحمدلله *********** مرحبا... انها المره الاولى التي احدثكم بها ... سأعرفكم بنفسي .. انا عمر الصديق المقرب لسامر ... أو بالاحرى نحن اخوه .. فقد ترعرعنا معا طالما كنا جيران منذ ان ولدنا ﻻ استطيع تسميتهم بجيران .. او اصدقاء بل اهل ... وطالما وقفوا معنا كأهل في عده مواقف واهمها وفاه والدي .. سامر اخي الذي لم تلده امي .. حين قررت اﻻستقرار في لندن رفضت الفكره وحاولت اقناعه بلعدول عنها ... وحين رأيت منه الاصرار قررت خوض المغامره معا ... نجحنا وكبر اسمنا معا ... كل شئ تشاركته معه اﻻ شئ واحد ... حبي لشذر لم يعرف احد ابدا بهذا اﻻحساس فقد كتمته بداخلي طوال السنين احتراما لسامر وعمي .. واﻻن انا مؤهل لأعلان هذا الحب امام الجميع والتقدم لطلبها رسميا منهم .. شئ واحد يخيفني شذر .... اخاف ان تكون مشاعرها اتجاهي مشاعر اخوه ... ماذا ان رفضتني ... ماذا لو اعتبرني سامر خائن لعشرته حين اعجبت بأخته بينما يضع هو مريم في نفس الخانه التي يضع بها سما وشذر :::::::: عمر ... يمعوووود وين صافن °°° وياك حبيبي ... شوكت جيت ::::::: صارلي خمس دقايق ودا انتظر تخلص صفنه *** الماخذ بالك يتهنه ابتسمت ..... اوووووف لو تعرفين منو ******** """"" هاااااااا ارتاحيتي --- يعني الله عليج ايه مشفتيها شلون كاعده ﻻزكه بيه """" بصراحه اي ... كرت عينه للجايه وياه --- والله تعبت ..مضل عندي اعصاب بس احبه شسوي رساله من نمير □□□ ان شاء الله ارتاحيتي هسه ... ما اعرف شوكت حيصير اكو ثقه بينه أجابته --- من تستاهلها □□□ منو اليحجي ﻻزم انتي هم مكتيلي اكو واحد وياكم ... هاي هيه صارت وحده بوحده --- هذا عمر احنه رابين وياه حاله من حال سامر اخويه □□□ سمااا خليني ساكت .... من هذا جان دياكل شذر بعينه ... كل ما اباوع على ميزكم الكاه صافن .... هو هذا الرابين وياه --- هاي شبيك انته تخبلت ... ما اسمحلك تحجي هيج عن اهلي □□□ اني محاجي على اهلج ... دا احجي على سبع البرمبه ال وياكم --- وعمر من اهلي *** سما وجهج صار طماطه كافي مسجات سامر حينتبه .... شكو شصاير ؟؟ --- ماكو شي *** احجي --- بعدين """ بنات هدوو عاد تره حيحسون :::::: بنات التفتنا جميعا مذعورين :::::: تطلبون بعد شي ؟ تنفسنا الصعداء *** اريد كهوه *********** طالت السهره كل دقيقه توترني اكثر ... تجيب على رسائلي باقتضاب .... أيعقل ان تكون نست كل شيء .... ردت فعلها وهي لم ترى سوى امور طفيفه ماذا لو عرفت ما حصل مع يسر يوم كانت في الزفاف .... الحمدلله لم احدثها على الفيس بوك تأخرت سأرسل لها رساله ### مو كافي عاااد ... كوليلهم تعبت رجعوني للبيت ********** حين وصلت رساله من احمد كان عمر يتحدث معي °°° شذر مريم تريد شال كالت نسته هذاك اليوم يمج *** اوكي بس... ﻻحظ ارتباكي من الرساله °°° اكو شي ؟؟ *** ﻻ بس نوره شويه ضايجه .... من نصعد البيت اوديلها الشال °°° اني اجي اخذه منج *** تمام لم استطيع اكمال قهوتي .. لم يعجبني مذاقها ... كان حلوا وبلنسبه لي لذه القهوه في مرارتها ... كما هي حياتنا ... فلولا المراره لما احسسنا بطعم اﻻتي حين يكون حلوا .... قوه المراره تعطي طعما رائعا للاتي ولو كان حلوه قليلا *********** عدنا الى المنزل ... اخبرني عمر بانه سيعود بعد ربع ساعه لاخذ الشال اتمتت حمام سريع ولبست بجماتي ... ﻻحظت انه تأخر اخذت الشال وذهبت بنفسي ... في وسط المرر الفاصل بين شقتينا رأئيته °°° تاخرت اااااسف *** ﻻ عادي ... تفضل °°° شذر *** نعم ............ *** عمر احجي شبيك °°° يله تعاي اوصلج للشقه تاخر الوكت *** تمام أغقلت الباب وانا افكر لم يكن عمر على طبيعته ابدا ... كان يريد اخباري بشيء وتردد ... ايعقل ان تكون مريم اخبرته شيء ؟؟؟ --- شذر ... شبيج ؟؟؟ *** وﻻ شي نطيت الشال لعمر ... بس شو مدري شبيه جان مرتبك وراد يحجي شي وسكت عادت سما بذاكرتها لما قاله نمير ... ماذا لو صح ... كيف ستكون رده فعل الجميع ... فرحه ام كارثه """" شذر احمد صار 3 مرات خابر يا لله احممممد قد نسيته كليا ♡♡♡ ماهو الشيء الذي تخاف شذر ان تخبر مريم عمر به ♡♡♡ هل سيعودون شذر واحمد لسابق عهدهم ♡♡♡ هل سيتجرء عمر باخبار شذر ام سيبقى حب في داخله فناجين وفناجين تحمل من الاسرار اكثر من حبات القهوه .. فتابعوني لنرتشف اسرارها معا التعديل الأخير تم بواسطة لامارا ; 03-04-13 الساعة 03:59 PM | ||||
|
| |
|
18-03-13, 05:51 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان الخامس عشر الحب هو اروع متعه .. واعظم ابتلاء بيرل بايلي اليوم بلذات لم يكن الجو حارا على عكس عادته هنا .... اخذت فنجاني وجلست في الشرفه اراقب منظر الغروب .... فرحتي اليوم ﻻ يسعها شيء فقد طلب مني احمد رقم هاتف والدتي لتتصل امه بها شعور ﻻ يوصف وفرحه ﻻ تضاهى حين تراهنين بقلبك وفرحك ومشاعرك على شخص وتكسبين رهانك ...... الحمدلله ... لم يكن كاذبا ... ولكن هذا ﻻ يعني بأني لست خائفه .... قطع سلسله افكاري صوت يصرخ باسمي --- شذر شذرررررررررر وينج *** شبيج شبيييييييج يمعوده --- اكلج ام احمد تعرف رقم تلفون امج ؟ *** اي توه احمد اخذه --- اااااااااي ﻻن ماما دتحجي ويه وحده وتكلهة انتو تشرفونه والبيت بيتكم وشذر اول وتالي بتكم لم يمضي على اغلاقي الهاتف معه سوى خمس دقائق ايعقل ان تتصل بهذه السرعه .... مسكت الهاتف للاتصال به *********** **** ههههههه ماكو هيج سرعه ... ### على شنو ؟؟ *** خاله شبسرعه خابرت ### يا خاله ؟؟ *** اهوووو احمد بلا مداهره ### والله مدا افهم عليج ؟؟ *** امك شبسرعه خابرت امي ### بس امي مدتحجي بلتلفون *** يمكن سدوه ### شذر ماما يمي دنتفرج تلفزيون ﻻ خابرت وﻻ حجت ويه احد ... اني مو كتلج ماما حتاخبر باجر ............*** ### شذر ... شبيج حبيبي والله باجر حتخابرها *** احمد الي دتحجي ويه امي دتخطبني منها ### شنوووووو ************* احسست بلارض تدور بي بلحضه ... ايعقل ما يدور في رأسي .. ﻻﻻ ومريم ؟؟ انه من المستحيل حدوث هذا ### شذر شذرر وين رحتي ... منيه هاي الدتحجي ويه امج *** لحضه شويه واخابرك ماما جتي ### خلي الخط مفتوح اريد اسمع □□□ شذر ... وينج ماما *** بلغرفه ماما تعاي كنا انا وسما في قمه الذهول ... ويبدو ان امي ﻻحظت هذا □□□ شبيكم مخترعات --- ﻻ قابل شكو □□□ شذر ماما ... خابرتني خالتج ام عمر هسه .. باجر تريد تجينه وبحاله نكران للواقع ... ومحاوله يائسه مني لتكذيب الفكره الني مرت على بالي منذ قليل *** اي ؟؟ اني شعليه من شوكت تكوليلي من تجي □□□ هلمره جيتهة عليج مو عليه --- شنووووو احسست بدوار فضيع ... جلست على الكرسي بقوه ﻻ شعوريا □□□ ام عمر حجت ويايه حتى تخطبج لعمر *** مستحيييييل ... خلي تنسه الفكره □□□ شبيج شذر ... اهدي بتي عمر ورده مال الله وطول عمرج متلكين واحد مثله *** ماما عمر ؟؟؟ عمر حاله من حال سامر بلنسبه الي الله يخليج طلعيني من هذا الموضوع □□□ الله كريم *** الله يخليج ﻻ تكولين ﻻ لسامر وﻻ لبابا ... ليكبر الموضوع وياخذ اكبر من حجمه □□□ شذر اكو شي اني ما اعرفه ؟؟ ::::::::: ماما ماما ... وينج تلفونج ديدك التفتنا جميعا بذهول نحو سامر *** سامر ::::::::شبيكم عبالك شفتو جني.... ماما رقم من بغداد دك عليج عاود الرقم اﻻتصال للمره الثانيه □□□ الوو .. اي حبيبتي .. تفضلي نظرت امي بأتجاهي مستغربه ... استرقت نظره الى هاتفي لأرى احمد ان كان ﻻ يزال على الخط كان قد اغلقه :::::: شذر.. سما شكو شصاير ؟؟ --- ماكو شي حبيبي .... شذر يله مو البنات دينتظرون ﻻ اذكر انا قد اتفقنا مع احد للخروج --- ييييله لتصفنين :::::: وين حترحون ؟؟ --- لبيت ايه ::::::: يله اني طالع اول وتالي حتى اوصلكم بدربي --- ميحتاج احنه نروح ::::::: اوكي بس لتتاخرون --- اوكي رمقني سامر بنظره ... لم انبس بحرف ... كنت بصدمه ماذا لو اصروا على عمر .... ترى هل تعلم مريم بهذه الخطوه ؟؟!! ************* لم استطيع الصبر ... سماعي بموضوع عمر ... غصه صوت شذر حين تلقيها الخبر كل هذا دفعني على اﻻلحاح على امي بلاتصال حالا بدون انتظار الى الغد اغلقت امي الهاتف ### ها ماما بشررري /// اني حجيت وياها والله كريم ### يعني شنو شكلتلج /// والله ابني ما ادري ... شو المره حسيته ابد ممتوقعه شنو البنيه مكايلتله ؟ ### هسه مو هذا موضوعنه /// يعني اكيد مكلتلي لتجون بس كالت الله كريم البيه الخير الله يقدمه ### الله كريم حبيبتي الله كريم ************* تهربت من اسئله امي حول اتصال ام احمد ... بلاحرى سما من انقذتني .. كلمه اخيره قالتها امي وانا خارجه عن الباب □□□ عمر احسنلج الولد منه وبينه ومن ثوبنه وشاريج .... وابوج وسامر اكيد حيختارون عمر منو مجان الجاي لم ارد غمزت لي سما لأسكت اتصلت على نوره *** نوره تعالي لبيت ايه على السريع ،،،، شذر شصاير .. ليش دتبجبن شكوووو *** تعاي واحجيلج ،،،،، يله مسافه الطريق --- شذر حبيبتي بس اهدي *** سما ما سمعتي امي شكالت ... وجماله حتكول لأبوج وسامر ... مستحيل راح يقبلون خصوصا احمد طلع من شغله ببغداد وهنا هسه ماعنده شغل --- متدرين ربج شقاسم وهاي قسمه ﻻ بيدج وﻻ بيدي ممكن عمر الي يسعدج مو احمد *** سماااا لتحجين هيج لتخبليني ... سما لو ما هاي انتي الي تحبين واللي رفضتي الدنيا كلها علمود نمير ... انتي الي فسختي خطوبتج من وره حبج اله تريدييني اعيد نفس المأساه سكتت سما لبرهه .... كأني ذكرتها بلتو بهذا الموضوع .... كانت قد اعلنت خطوبتها لأبن احد الشخصيات المهمه والمعروفه تحججت كثيرا لأحداث المشاكل معه واعلنت ابطال خطبتها قبل شهر من موعد زواجها --- شذر اني غلطت تغلطين مثلي ؟؟ بعدين اني ونمير حب سنين *** مجانت سنين من فسختي ... بعدين احمد مو ما اجه حتى هيج تكولين ليش اعوفه ليش --- مدا اكلج عوفي بس فكري ... مستعده تعوفينه وترحين لبغداد ... تضحين بكل شي علمود احمد *** ااااي مستعده .... علمود احمد اسوي ااااي شي ﻻن احمد يستاهل --- هذا شي راجعلج بعد *********** ندمت على الخطوه ... ليس بسبب طلبي لشذر ولكن ﻻني لم اخبر سامر قبل الخطوه ... رغم ان هذا ليس بذنبي ولكن امي هيه من استعجلت اتصلت بوالده سامر حال مفاتحتي بموضوعها حتى مريم لم تسعها فرحتها عدت في ذاكرتي لحفله مريم ... كانت مميزه باطلالتها بين الجميع زاد اعجابي لها بعد تلك الليله وتاكدت من سلامه قراري ... ازعجتني نظرات الناس حولها اريدها لي انا وحدي °°° الو ... هلو ابو سمره شلونك حبيبي ::::::: هلو عموري شلونك حبيبي °°° اكلك انته وين اريد اشوفك ضروري ::::::: بلبيت هسه طالع °°° يله امشي لعد عازمك ::::::: اذا بيها عزيمه اكيد ما اكول ﻻ *********** ﻻ اعلم سر هذا البكاء ... شئ في داخلي يخبرني ... احمد ليس من نصيبك *** شذوره حبيبتي بس هدي ماكو شي مينحل ... مستحيل رح يجبروج ... صح سما ؟؟؟ لم ترد سما .... المشكله جميع النقاط بصالح عمر رن هاتفي ### ها حبيبي شلونج *** الحمدلله ### حبيبي شبيه صوتج *** ما بيه ### ليش تبجين ... احد حجه وياج شي ؟؟ *** ﻻ ### شذر احجي *** ماما متقبل تكول لأم عمر الموضوع ملغي .. ### وشكالت على موضوعنه لم اعلق ### الله كريم حبيبي لتشيلين هم لغيري متصيرين اغلقت الهاتف .... اشعر بان كل اﻻبواب قد اغلقت بوجهي *** شي واحد مدا افهمه ... مريم شلون سكتت علموضوع قلتها بحاله انهيار --- وليش متقبل الان فقط احسست بأني نطقت كلام ليس في محله ،،، شذر شصاير *** مريم شافتنه اني واحمد من دنتغده واحمد جان ديلبسني السوار ---شنووووو وليش محاجيه .... انتي مخبله ... زين متاكده شافتكم *** جتي سلمت --- شذر ليش محجيتي فهميني *** ادري حتاكلين راسي .... بعدين شدراني جان هيج حيصير ،،، ممعقوله مدرت بلخطوبه --- وشنو يخليها تسكت هيج حبها لسامر هذه هي اﻻجابه ... زواجي من عمر تعتبر فرصه لها للتقرب اكثر منه ... لن ابوح لأحد فهذا وعدي لسامر الذي لن اخلفه ابدا *********** ::::::: اي ابو خطاب احجيلي شردت تكول °°° سامر بصراحه اني جنت اريد احجي وياك بلموضوع قبل اﻻهل بس امي الله يسلمها منطتني وكت ::::::: عمر شصاير ... فوت بلموضوع .... صاير شي بين اﻻهل ؟؟ °°° ﻻ ﻻ الله ﻻ يكولها ماكو غير كل خير ... بس ::::: بس شنو احجي ؟؟ °°° بس بصراحه امي اتصلت حتى تجيكم علمود شذر ::::::: يعني شلون مفهمت °°° يعني اني حاب اتقدم لشذر ::::: شنوووو ؟ !! شذر .... انته ؟؟ ************ لم اسمع شي من لومهم ... نصائحهم .. كل ما يخطر اﻻن في بالي احمد ... هل سأضطر لخسارته سأفعل المستحيل حتى ﻻ اخسره ... ولكني اخاف من شئ واحد فقط اخاف ان يصح علينا قول محمود درويش : لم نفترق .. ولكنا لن نلتقي ابدا ... فانا اﻻعلم بعائلتي ... اﻻدرى بهم ان اصروا على شئ ... لن تفيد كلماته المهدئه ذات الثقه العاليه ... اهلي وانا اﻻعلم بهم ... رغم هذا لن استسلم *********** وفي مكان اخر حيث اﻻصرار □□□ ابو سامر ... اليوم خابرتني ام عمر ■■■ خير خوما اكو شي .. شو مرتبكه شبيج □□□ كل خير ان شاء الله ... رايدين شذر لعمر لم يعلق □□□ الباجر تجي امه تحجي ... ويبقه الرأي اﻻول واﻻخير الك بعد ■■■ ﻻ مو الي .. الاول واﻻخير لشذر □□□ بس شذر بعدها صغيره ومراح تعرف تختار الصح واﻻختيار الصحيح بدون مساعدتنا ■■■ ليش شنو خيارها الثاني ... متقدم احد غيره □□□ اي .. ولد مهندس اتصلت امه عليه ■■■ شوكت شو مالي علم بلموضوع لم تخبره بموعد اتصالها الحقيقي ... كان سيشعر بوجود شيء غريب ... كما شعرت □□□ قبل جم يوم .. بس التهيت ونسيت اكلك لم يقتنع اومئ برأسه فقط ■■■ عمر رجال وورده مال الله ... بس المهم شذر والي بيه الخير الله يقدمه ************* °°° سامر شبيك ساكت :::::::: ماكو شي ... زين انته من شوكت ببالك الموضوع لم يكن الوقت المناسب ان يخبره ان حبه لها تجاوز حساب عدد السنين ... شذر وردته التي كانت تتفتح امامه يوما بعد يوم ولم يتحمل فكره قطافها .... لن تقطف ان كانت له ستعيش بنفس البستان فلا فرق بين اهله واهلها سوى اختلاف المسميات °°° من جيت هنا اخذت القرار .... سامر انته معارض ؟؟ مدا احسك فرحان ؟ اني مقدر انو الموضوع اجه مفاجأة بس هذا الظرف وهذا الصار شذر ححطها ببطن عيني واتصور انته واثق من هذا الشي ::::::: خلينا ﻻ نستبق الامور خلي نشوف رأيها وبعدين نحجي بهاي التفاصيل فاجأني رده ..... ﻻ اشعر بأي ترحيب منه ::::::: يله خل نكوم هم يله °°° بعد وكت ::::::: ﻻ هم يله لم احب الضغط عليه اكثر ... رفض دفعي للحساب رفضا قاطعا ... تغير كبير طرأ عليه بعد اخباره ... اذا كانت هذه رده فعله وهو خير من يعرفني واقرب البشر لي ... ماذا سيكون ردها هي ************** صداع رهيب يفتك برأسي منذ ان سمعت بلخبر الى اﻻن .... وزاده سماع صوتها الباكي /// احمد ابني شبيك وين صافن ### مصافن ... دا اتفرج /// ابني كلشي بلدنيا قسمه ونصيب ... اذا البنيه من نصيبك عمرها متصير لغيرك ... وأذا من نصيب غيرك ### اروحلج فدوه لتكملين امي رمقتني بنظره تحوي الكثير من المعاني ... اولها ستتعذب كثيرا يا بني ************ عدت من المنزل ... متعبه اشعر بطبول الدنيا كلها تضرب في رأسي ... فنجااااان القهوه هذا كل ما افكر حاليا .... سمعت قرع باب غرفتي *** ادخلي ::::::: اني ادخل مو ادخلي *** تعال حبيبي دخل سامر وهو يحمل صينه بفنجاني قهوه ... ::::::: كلت اعزم نفسي ببالكونتج بس بفلوسي ابتسمت برغم اختناقي *** ميت هلا جلسنا ونحن نتشرف القهوه بهدوء .... كان سامر ينظر لي بين الفينه واﻻخرى *** اني اعرف الموضوع الجاي تحجي ويايه ... اعرف ماما كالتلك ... واعرف عمر اقرب ناسك و... ::::::: انتظري انتظري .. اوﻻ امي مكالتلي شي ... عمر الي حجالي ... ثانيا مهما احب عمر اكيد موو بكدج انتي ... خليج واثقه من هذا الشي نزلت دموعي ﻻ شعوريا :::::: ليش دتبجين .... شذر محد حيجبرج على شي القرار قرارج واني وياج بيه *** سامر ،،عمر ما اكدر اشوفه بعين الرجال الي اكضي وياه حياتي اني عمر اشوفه اخ الي ﻻ اكثر وﻻ اقل تنفس بأرتياح .... كأنه جبل وانزاح عن كاهله أقبلت امي نحونا .... *** سامر الله يخليك لتنطيها مجال لماما تفتح الموضوع ... والله مابيه حيل □□□ ها شنو هنا سامر .... شنو مسوين اجتماع من ورايه :::::::: اشتهيت كهوه وكلت اشربها ويه ام الكهوه □□□ كلش زين ... همزين انته هنا ::::::: ليش خير ؟؟؟ سحبت كرسي وجلست □□□ اكيد عمر حجه وياك بلموضوع :::::: اي ماما وتناقشنه اني وشذر ... والبنيه دتكول اشوفه اخويه فلموضوع انسد □□□ شذر بتي ... اﻻمور مو هيج تنقاس الزواج عمر كامل ﻻ يوم وﻻ يومين الحب ينتهي وره الزواج وتبقه العشره ... وعمر صارلنه سنين معاشريه ونعرف معدنه ومنقلق عليج وياه ... الولد منه وبينه ومو غريب ليش نروح على غربه :::::::::: على يا غربه دتحجين امي □□□ ﻻ هيج بس قصدي بشكل عام *** ﻻ مو بشكل عام ... امي دتقصد على واحد تقدملي وامي رافضه علمود عمر صدمت امي وسامر بجوابي ودفاعي عن الشخص اﻻخر :::::::: وانتي رايده الثاني جاوبت بسرعه وحده *** اي ترى ماهي رده فعل سامر واﻻم نحو جواب كهذا ؟؟!!!! هل ستنجح شذر باقنعاء اهلها بـ احمد رغم ضروفه ووميزات عمر !! ماهي انعكاسات الاحداث على علاقه احمد و سامر انتظروا فناجينني اﻻتيه ... يا حبات الهال التي تميز قهوتي التعديل الأخير تم بواسطة لامارا ; 03-04-13 الساعة 03:19 PM | ||||
|
| |
|
18-03-13, 05:52 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان السادس عشر أذا كان بوسعك ان تحب .. ففي وسعك ان تفعل كل شئ تيشكوف صدمت امي وسامر بجوابي ودفاعي عن الشخص اﻻخر :::::::: وانتي رايده الثاني جاوبت بسرعه وحده *** اي ::::::::::: ليش انتي تعرفيه حتى مصره هيج عليه ؟ اجابت سما التي كانت تستمع لنا من بعد ... لتتدارك اي انفعال قد يصدر مني مما قد يجعلني اندم في وقت ﻻحق --- سامر هيه ميزته للثاني انو هيه متعرفه مو مثل عمر ماخذتله واحد رابيه وياه غمزت لي للأجارايها ... فعلا هذا ما علي فعله اﻻن فاي موقف معاند لهم قد يتسبب لي بخساره احمد **** بلضبط هو هذا الي كلته للبنات اليوم اريد انسان هسه اعرفه مو حافظته وحافظه كل شي بيه كان يبدو الاقتناع على سامر ... اما امي فﻻ طبعا لن يقنعها كلامي .... انه قلب اﻻم يشعر بنا مهما حاولنا اﻻخفاء :::::::::::: ماما خلص ﻻ تضغطون عليها ... وعمر اني اعرف شلون افهمه □□□ خلي تفكر لتردون هسه :::::::::: ليش تأملون الولد باحتماليه مموجوده ... اني كلت راح احجي وياه باجر لم ارى سامر في يوم مزعوجا الى هذه الدرجه .... تبدو عليه العصبيه ....ﻻ اعلم ان كنت انا السبب ام عمر .. ولكن سامر اليوم لا يبدو كسامر اخي بتاتا ************ ### ماما جوازي وين مدا الكي /// شتسوي بيه ### دا اجحز اروح للامارات /// ليش ؟؟ ### هو شنوه الي ليش امي ؟؟ وحضري جوازاتكم حيجي صديقي يطلعلكم الفيز /// ابني لتسعجل .... ### قراري اخذته ... وشذر متصير لغيري /// الله يقدم البيه خير ... هيه قسمه واذا الك متصير لغيرك ### ونعم بالله ... بس هم اسع يا عبدي واني وياك نظرات امي توحي بشئ واحد ... ﻻ تتأمل كثيرا اتصلت على شذر لأرى اخر المستجدات ### ها حبيبي شلونج *** الحمدلله احسن ### صار شي جديد ؟؟ *** اي ### شصار ؟؟؟ اول مره اشعر بلخوف لهذه الدرجه *** كلتلهم ما اريده ... وسامر أيدني ### شعجب (احببت سامر هذا كثيرا ) *** ما اعرف حتى اني استغربت ### زين وموضوعنا؟؟ *** فتحته ماما كدام سامر .... وكلتلهم اني اريدك ### ززززززززين ؟؟؟ *** رادوا يكبون بوجهي ... بس سما تلاحكت علوضع ### عفيه عفيه بسماوي *** ههههههههه ### فدوه لهاي الضحكه ... الله ﻻ يحرمني منها يارب *** احبك .... وﻻ يحرمني منك يارب بدونك مستحيل تضل هاي الضحكه موجوده اغلقت الهاتف بعد حديث قصير ... اعجبني موقفها بعد موقف كهذا علي مضاعفه مجهودي ... ان اثبت اني اﻻجدر بها .. اني استحق هذا الحب والتضحيه .... لن اخذلها ابدا سأحاول ما استطعت ********** رغم كل التعب الذي اشعر به اﻻن لكن النوم قد هجرني تماما ... بعد كل احداث اليوم لم اشعر بلسعاده التي كنت سأشعر بها لو كان اتصال والده احمد في ظروف طبيعيه --- شذره حبيبي لتضلين تفكرين هيه تصفه وعيونج وماطول سامر وياج محد حيكدر يجبرج *** اعرف ... بس اني خايفه يرفضون احمد ... كلش خايفه سما --- ﻻ ان شاء الله تقنعوهم واخلص منج عاد ... كافي اريد ارتاح بغرفتي اوووووف *** غررررفتج موووو مو دافعه ايجارها حضرتج --- اني الجبيره اﻻحقيه الي *** هيه سنه سبتني سبايه بيها --- وج لوما اني اليوم جان انتي مشموره من البالكون *** ههههههههه اي والله منين جتني هاي الجرأه ما ادري --- من الخوف فعلا فلحب يجعل من المحب وحشا عند احتمال حرمانه من محبوبه ... انها غريزه في داخل كل مخلوق ... حتى القطه التي تملك الكثير من الوداعه حين تقترب من اطفالها او تمسها بسوء تتحول الى مخلوق شرس في ثواني ... وهي قطه ... كيف بي انا حين يحرموني منه اخيرا اهتدى جفني الي النوم ........ ************* اليوم اجمل يوم حياتي اخيرررا ستكون لي لي انا وحدي .... فتحت الستاره ل أجد الجو مغبرا كئيبا .... يالله ﻻ تجعل حظي يحمل من صفات هذا اليوم ◆◆◆ﻻﻻﻻ معقول عموووري كاعد من وكت هااااي شنو °°°° ها مريومه صباح الخير ... شو كاعده من هسه ؟؟ ◆◆◆ البارحه نايمه من وكت °°° من البارحه منمت ◆◆◆ يا عيني يا عيني على العريس الخايف ... لتخاف حبيبي وين يلكون احسن منك جم عموري اكو بلدنيا °°° ان شاء الله رغم سعادتي احس بانقباض في صدري .... استر يارب *********** بعد ليله من السهر الطويل صحيت متأخره ورغم هذا لم اصحو بمفردي ولكن .... هناك من يفتح الستائر □□□ يلللله كومي ساعه ب5 العصر كلنه عروس بس عاد مو هيج نظره غاضبه هذا كان ردي لوالدتي .... اول مافكرت به مدى قلق احمد اﻻن وبلفعل خمس مكالمات وعدد من الرسائل منه ومن نوره التي يبدو انه نقل عدوى القلق لها منه □□□ خالتج ام عمر بره ... يله بدلي وتعالي *** ومن شوكت اني ابدل حتى اطلع اسلم عليها □□□ المره مجايتنه خطار .... جايتنه خطابه *** واتصور اتفقنه انو الموضوع انلغه □□□ محد اتفق هاي اﻻمور اتفاقها ويايه وويه ابوج مو ويه سامر لم ارد عليها فدموعي كانت كافيه على ما اظن امسكت هاتفي لإرسال الرساله له *** حبيبي اني كلش اسفه توني كعدت من النوم هسه ما اكدر اخابرك بس يصير مجال ادكلك ... احبك دخلت سما للغرفه --- شذر شبيج حبيبي ليش تبجين *** تريدني ابدل واطلع ل أم عمر ... تكلي الموضوع مو بكيف سامر --- هدي شويه ميخالف ماكو شي مينحل *** شينحل سما دخيلج .... خايفه ﻻ تاليها بدون ما احس الكه روحي ﻻبسه حلقته --- ماكو هيج شي محد يكدر يجبرج ... كومي غسلي وبدلي يله *** همممم كلولي بدلي .... هيه ام عمر قابل منو جاينه --- ومريم هم الله يخليج *** هااااااي الجانت ناقصتني هلمره --- اخذت الهاتف ودخلت الى الحمام ... فتحت الدوش واتصلت على احمد تماما كلمراهقات ### حبيبي ظل بالي متكوليلي وينج ؟؟ سردت التفاصيل له باختصار ...... وفي مكان اخر..... ************ يتصل بي سامر اليوم .... ليست من عاداته .. بادرت انا بل اتصال °°° يابه شو ثكلان علينه اليوم ::::::: توني دا اخابرك انته وين ؟ °°° بلبيت تعال يمي اﻻهل يمكم وحدي بلبيت :::::::: اها .. يمنه .... يله جايك °°° هلا بيك لم يعجبني صوته .... اي غلط قد ارتبكته اذا قمت بطلب الزواج باخته .... اين هي المشكله انا لم ابح بحبي لها ولا لأي بشر فقط احتراما له واﻻن اني ابوح به بلطريقه الصحيحه فلما يبدر رد فعل كهذا منه .... سامر صاحب الفكر المتفتح ايعقل ان يزعجه شيء كهذا ؟ ************** خرجت مبتسمه من الحمام فوجدت سما امامي *** يمه خرعتيني --- الماخذ بالج يابه *** حمودي حجز وجاي عكبه --- هههههه علخير علخير طرقت الباب واطل :::::::: على شنو علخير شنو جنج غيرتي رأئيج *** ﻻ طبعا اتي جوابي سريعا وحادا كعادته في هذا الموضوع ::::::: اعصابج اعصابج يمعوده ... على شنو علخير لعد --- صارله ساعه دتاخذ دوش فدا اكلها على الخير خلصتي ..... صدك شوكت جيت انته قبل شويه دورت عليك ملكيتك ؟؟ ::::::::: توني جيت وهسه طالع *** وين ؟؟ :::::::: يم عمر --- سامر لتخسر عمر من وره هلموضوع اني دا اشوف تعاملك وياه حيل مشدود ::::::: سما اخر شي جان يجي ببالي عمر الي اني مفوته لنص بيتي ومخليه وياكم عادي يشوف وحده من خواتي بنظره غير اﻻخوه *** الحب مو بل ايد سامر ::::::::: شو دتافعين وتلقين شعر شنو القصه *** ﻻ ادافع وﻻ القي شعر .... انته تعرف رائي بلموضوع .... بس بنفس الوكت مثل ما نطيت عذر لنفسك من حبيت ربى رغم كل علامات اﻻستفهام الي جانت عليها وعلى اهلها انطي عذر لغيرك لم يجبني بشئ ::::::::: اذا ردتوا شي اني يم عمر --- الله وياك حبيبي اغلقت سما الباب خلفه بينما اتممت انا تسريح شعري --- دتلاحظين نفسج شكد صايره درودج حاده وشرسه .... شو هسه دتدافعين عل عمر والله معرفناج بدون ان انظر اليها *** دا ادافع عن الحب مو عن عمر .... بس الظاهر كلكم يحقلكم تحبون بهذا البيت بس اني ﻻ ... انتي الي فسختي علمود حبج لنمير .... سامر الي عافنه وسافر علمود ربى ... وامج الي وكفت بوجهه اهلها ومحجوا ويانه اﻻ قبل جم سنه ... كلكم يحقلكم بس اني من كلت ﻻ كلها هبت بوجهي --- محد هب بوجهج بس مو ضروري تعيدين اغلاطنه وهاي احنه كدامج كلنا ندمنه ومفادنه الحب شي ومنطانه غير الوجع والحسره .... حتى امج سنين دمعتها على خدها من وره اهلها وكل حب ابوج ودﻻله الها معوضه عنهم *** ان شاء الله ما اندم واستفاد من اغلاطكم .... واذا طلعت غلطانه بفد يوم حتكون تجربه ... محد يموت وره احد ( نسيت ان الموت يأتي للأحياء احيانا بدون ان يأخذهم من عالمهم .... فقط يزوهم ... يطيل الزياره كضيف ثقيل ... يتطفل على حياتهم ... ويسلبهم افضل ما فيها .... فيتركهم مترنحين فيها ... ساخطين على الموت لذهابه دون اخذهم معه ) ************ رتبت الكثير من اﻻمور العالقه لي هنا واهمها فيزه الدخول ل أمي وابي .... لن اضيع المزيد من الوقت .... لم يبقى اﻻ بعض اﻻمور الصغيره اﻻخرى .... الحمد لله استطعت اليوم زرع الفرحه في داخلها بعد اخبرها بقدومي .... اتمنى ان يمكني الله اسعادها .... اتمنى ************** *** هلو خاله شلونج ... شلونح مريومه +++ هلا هلا بعروستنه منوره صلوات على محمد لم اكن اتوقع انها تملك تلك القابليه على المجامله .... عن اي نور تتحدث مع وجه مصفر وعيون متورمه ~~~ استحت عروستنه متجاوب ﻻ اعرف لماذا تسبب لي هذه الكلمه وجعا في معدتي .... فكره زفافي لشخص اخر غير احمد تثير اﻻشمئزاز في داخلي .... حتى لو كان لعمر .... حلم المراهقه كما اسمته نوره عند اخبارها بلخبر +++ ماما شذر انتي معزتج من معزت مريم وعمر والله شاهد عليه ... وانتي تعرفين اكيد سبب جيتي .... اني اعرف هاي شكليات ومالها داعي واحنه اهل ... بس اني اريدج تحسين انو ماكو فرق بينج وبين باقي البنات بسبب هلقرب .. لهذا احنه حنسوي كل الخطوات المتعارف عليها حالنه من حال لو جنه غربه لم استطع الرد .... ربط لساني عن الكلام ... كيف سأخبرها بردي مع كلام كهذا □□□ ﻻﻻﻻ ام عمر مالج حق شلون مثل الغربه .... انتو اهلنه وشذر بتكم +++ طبعا اكيد ... بس رغم هذا احنه رح ننطي فرصه لشذوره تفكر بلموضوع شكد متريد .... هذا حقها وهاي حياتها الحمد لله تخلصت من الموقف المحرج الذي كنت سأكون به ************** °°° هسه انته محتكلي شبيك ويايه سامر ؟؟؟ :::::::::: شبيه ؟؟ °°° سامر خلي منحسب من جنه صغار كلش صارلنه بلقليل 29 سنه سوه .. هسه جاي تجذب عليه وتريديني اصدكك تره عيب والله لم يجب سامر وﻻ بحرف واحد °°° سامر احجي عاد لتخبلني :::::::: شحجي هااا شحجي انته خليت حجي احجي جاي تخطب اختي الصغيره ... شذر عمر هاي شذر الي ربيناها سوه .... الي جنه ناخذها للكليه حتى يجون يمنه البنات هذي شذر الي انته تريد تتزوجها ..... كل هذا واني مأمن بيك اكول عمر اخوهم طلعت حاط عينك وعليمن على الصغيره على طفلتك مثل مجنت تسميها .... مو هذا العشم بيك °°° لهنا وحدك سامر كافي عاد .... اني عمري مخنتك وﻻ خنت حرمت بيتكم وﻻ فد يوم فكرت بشي مو زين .... مفكرت انته فد يوم اني ليش مسويت عﻻقه حقيقه ويه بنيه عمري مكلت لوحده احبج ؟؟ ﻻن اني محبيت غيرها بس اكراما الك ولعمي محجيت انتظرتها تكبر .... شذر طفلتي كبرت ... اجوي بحفله مريم يخطوبها مني .. طفلتي حتروح لغيري شتريد مني ؟؟؟ جاوووبني انتظر ابارك لرجها .... انته جربت كسرت الكلب ترضاها عليه ؟؟ ويه ربى جم سنه وشوف حالك .... اني الي عمري وياها اذا راحت لغيري شنو كسرتي حتكون ..بعدين هو منو اﻻحق مني بشذر... جاوب ... اني عمري محسستكم وﻻ حسستها وخنتك مثل متكول و روح اسئلها اذا تريد اذا ييوم حسستها بحبي الها كنت قد التفت نحو باب الصاله بهذه اللحضه حين رأيت عدد من الوجوه مجتمعه ..... ولم يعنيني سوى واحد فقط **************** حين التفت عمر في تلك اللحضه ولاقت عيوننا احسست ان العالم قد توقف في تلك اللحضه كان الجمود من نصيبنا انا وهو .... اما السكوت فقد كان سيد الموقف بين اﻻخرين ... ركضت نحو شقتنا وتوجهت نحو غرفتي مغلقه الباب ورائي جلست على فراشي وانا اتذكر ما حدث منذ دخولي الى الصاله ولام والده عمر معي .... توجهنا الى شقه عمر بعد سماع صراخ سامر ..... كلام عمر الصادم ... الموجع .... نزلت دموعي دون ان اشعر ... شعرت بيد مواسيه على كتفي ~~~ اني متأكده انتي سألتي نفسج ميت مره اني ليش سكتت ومحجيت شي وخليت الموضوع يتم .. نعم انها مريم ~~~ اني الوحيده الجنت حاسه بعمر شكد يحبج ... ومن دريت عمر حيخطبج كلش فرحت رغم الشفته ذيج المره ... ماكو بنيه متحب او تمر بمرحله طيش بس ..... *** مريم ... احمد مو مرحله طيش .. احمد خطبني من اهلي بليوم الخابرت خاله امي بانت ملامح الصدمه على وجه مريم ~~~ وعمر ؟؟ صدكيني شذر محد يستاهلج غيره ..... اجهشت بلبكاء اشعر بثقل فضيع على صدري ~~~ لتبجين شذر الله يخليج والله كلبي مينطيني اشوفج بهاي الحاله .... فكري بلموضوع زين وتذكري كلنه بلبيت نتمناج لعمر بكد عمر ويمكن اكثر منه ... فكري زين ولتندفعين بمشاعرج ... واسئلي مجرب دخلت سما مسرعه الى الغرفه .... *** شكو شبيج --- كبت بين سامر وعمر ... اريد سويج السياره دا اطلع سامر منا ~~~ ﻻ حول وﻻ قوه اﻻ بالله ... خلي اروح حبي اشوف شكو ... وانتي حاولي تهدين *** ان شاء الله ************* كنت في الخارج مع اصدقائي لتوديعهم .... فقد تمر فتره طويله لرجوعي الى هنا ... وصلتني رساله **** والله مدا اكدر اتحمل ضغط اكثر اتمناك يمي عاد ويتم موضوعنه والله تعبت والله شعرت بثقل الوجع الذي في داخلها لكني لم افهم السبب سأكتفي بمواساتها اﻻن واحاول فهم الموضوع عند عودتي للمنزل ### حبيبتي هانت ومضل شي ان شاء الله وتصيرين الي اني وبس *********** □□□ المن دتكتبين مسج ؟؟ *** لنوره بنظره غير مصدقه تابعت امي حديثها □□□ اتصور سمعتي كل شي بأذنج ... وشفتي شنو صار بسببج بين سامر وعمر *** ماما سامر رافض المبدأ من قبل ما يعرف رائي □□□ وانتي هم مقصرتي ذبيتي الزيت علنار بدل متهدين وتعقلين *** واني ما اريده ماما شلون اجذب □□□ هذا كله علمود ابو بغداد ؟ *** ﻻ بس .......... □□□ لتكوليلي ﻻ وﻻبس شذر اني امج اعرفج اذا رمشتي عينج ليش رمشتيها واعرف كلش زين شنو الموضوع .... بس صدكيني بتي مو دائما الحب هو الخيار الصح ... امشي وره عقلج مو كلبج ... طول عمرج انسانه عقلانيه شغيرج هسه لم استطع الجواب كان تفكيري مشوشا جدا □□□ فكري زين ومثل ما كلتلج خالتج لتنطين جوابج هسه *** الله كريم امي الله كريم ************ +++ ها مريم ماما وين جنتي ~~~ يم شذر +++ ليش شصار ؟؟ جذبي الحديث ~~~ وﻻ شي بس دخلت لكيتها تبجي كنت اظنها قد هربت خجلا ﻻ قهرا °°° ليش دتبجي +++ اكيد علمود المشكله ويه سامر نظرت نحو مريم منتظرا الجواب ~~~ اي مثل مكالت ماما °°° اكيد ؟؟ هيه كلتلج هيج ؟! ~~~ اي لعد قابل شنو حسنا ... اعرف كيف سأريح قلبها الصغير سمعت صوت اغلاق الباب وخطوتهما ... اخيرا قد عادو سما و سامر الى المنزل دخلت سما الى الغرفه *** ها شلونه بعده معصب --- سكتي وخليها بلكوه هدئته *** خلي اروحله --- انتظري شويه وروحي ... اكلج مريم شجانت دتحجي وياج *** بعدين احجيلج رن هاتف سما فتبسمت .... نمير ومن غيره **************** عدت لى المنزل بعد فتره وجيزه من رساله شذر تعللت بصداع وحجاتي الى النوم وصلتني رساله من صديق لي كنا قد تناقشنا اليوم في امور تخص العمل (( أبو جاسم دزيتلك اﻻيميل جيكه وارجع ردلي خبر )) .. حاولت فتح اﻻيميل كثيرا ولكن بﻻ جدوى .... سأطلب من شذر فتحه واعطائي التفاصيل ************** توجهت الى غرفه سامر للتحدث معه ... فانا خائفه جدا من حدوث فجوه مع ... اﻻ سامر لن اتحمل اي موقف جارح منه حين اقتربت سمعته يتحدث بلهاتف :::::::: اني اسف يمكن مو من حقي ادكلج هيج وكت بس والله مخنوك واول مفتحت تلفوني ايدي راحت على رقمج ..... ماعرف والله .... شهدأ والله عقلي مديشيلها ايعقل ان يكون سامر قد عاد للتحدث مع تلك العقربه .... ﻻﻻﻻ يستحيل حدوث هذا عدت الى غرفتي وانا احمل الكثير من التساؤلات في رأسي رن الهاتف قاطعا لسلسله افكاري *** هلو حبيبي ### شلونج عمري شلون صرتي *** الحمدلله ### الحمدلله ... شذوره فدوه اﻻنترنيت مدري شبيه يمي وعندي ايميل ضروري اريدج تقري الي *** من عيوني حبيبي ثواني .... خليك على الخط شنو الباسورد ؟؟؟ ###ههههههه شلون كﻻوجيه عساس محافظته *** ﻻ والله اني مفاتحه بس الفيس هذا وﻻ مره ### اوكي وبينما كان احمد يمليني كلمه السر وصلت رساله من عمر °°° هلو شذر اسفه على اﻻزعاج اعرف الوكت متاخر بس اني حجزت هسه اون ﻻين للندن وطيارتي حتكون بعد كم ساعه ... اني متاكد انتي نايمه هسه ومن حتكعدين حكون اني بلطياره .... جنت اتمنه صعدتي بلطياره هلمره تكون وياها فرحه مو مثل كل مره اكون مقهور على وداعكم ... بس مع اﻻسف زاد الوجع هلمره ... اني حكون بأنتظار ردج على الموضوع الي انفتح اليوم واتمنى متخلين المشكله الصارت تأثر على قرارج ﻻن سامر حاليا منفعل بس اني متاكد من هيهدأ حيفكر بعقل وبمنطقيه ولهذا اني قررت السفر حتى يهدأ وانتي تاخذين وقتج بلتفكير ولا تستعجلين اني انتظرت سنين وكوني على ثقه مستعد انتظرج بكدها .. تصبحين على خير ### الو الو شذر وينج *** وياك حبيبي ... هاي انفتح اﻻيميل ### وين صفنتي *** مصفنت يله خل اردلك التفاصيل ### اوكي ************** ﻻ اعلم مدى صحه تصرفي حين ارسلت الرساله ولكن لم اطيق الوسائط اكثر كلمات كهذه يجب ان تقال مباشره وبوضوح ... خصوصا واني اعني كل حرف ... سأنتظرها مهما طال الوقت ************* ارتشفت قهوتي ببطئ وانا افكر بلحب ... وكيف يجعل منا اشخاصا هوجائين ﻻ نفكر وﻻ نسمع سوى لقلوبنا كنت استمع الى وائل وهو يصدح من سماعات (اللابتوب) هيدا القلب وحكم القلب هو بيختار وبيحب قلوب تتهنى بلحب وقلوب بتبقى محترقه هممت باطفائه والتوجه الى النوم حين اكتشفت اني لم اغلق حساب احمد بعد ... اثارني الفضول لفتح محادثات ( المسنجر) ﻻحضت وجود حساب يسر عدنه بدون عمل اي حظر قمت بلدخول على محادثاتهم وهنااااا كانت الصدمه ♡♡♡ ترى ما هي ردت فعل شذر على ما رأئته في المحادثه ♡♡♡ هل سيستطيع احمد باقناع شذر للمره الثانيه ... ام سيصب الموقف في صالح عمر ♡♡♡ من هي ذات القلب الكبير التي لجئ لها سامر بعد ما حدث احداث مشوقه وفنجاين ساخنه بانتظاركم ... فانتظروني — التعديل الأخير تم بواسطة لامارا ; 03-04-13 الساعة 03:18 PM | ||||
|
| |
|
02-04-13, 06:10 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان السابع عشر بعض اﻻحزان نسترها كما نستر عوراتنا .... فـَ بعض اﻻحزان عوره شهرزاد الخليج عن اي شوق يتحدثان ؟؟ كلام عاطفي ﻻ يخلو من امور اخرى يقشعر لها بدني مالذي يحدث دون علمي .... ومن وراء ظهري .. هل هو هذا من سأتزوج من وقفت في وجه اهلي من اجله ... هذا ما جازاني به ؟؟ خيانه ... فعلا اثبت استحقاقه لي اتصلت عليه مرارا .... استمر الهاتف بل رنين دون اي اجابه ..... ﻻبد انه نائم ..... يا الله كيف سأتحمل حتى الصباح *************** لم استطع النوم ... سفري بعد عده ساعات ..... كلمات سامر ﻻ تزال ترن في رأسي الكثييييير من اﻻفكار واهمها شذر .... لم تجب على رسالتي .... توقعت هذا لن ادعي الصدمه .... ولكني منيت نفسي برد .... ولو بحرف واحد وصل على مسامعي صوت في المطبخ .... الحمدلله يبدو انّ واحده منهن قد افاقت من نومها ... احتاج لجليس اﻻن ... فـَ الأفكار ﻻ ترحمني ابداً ◆◆◆ بسم الله خرعتني °°° سوري حبيبتي مجان قصدي ... شكعدج ◆◆◆ مكدرت انام °°° وﻻ اني تعالي نطلع للبالكون ◆◆◆ يله امشي .....مُصِر بعدك على السفر ؟؟ رميت بجسمي على الكرسي °°° ماعندي غير حل ◆◆◆ عموري الحياه قسمه ونصيب لتسوي هيج بنفسك °°° صح ... موضوعي ويه شذر قسمه ... ممكن تصير وممكن ﻻ ... بس اني كسرتي بسامر ◆◆◆ سامر يحبك وميكدر بدونك وخاطرك يمه مو قليل °°° بس سامر باعني .... واني ما اكدر اتحمل هلشي ◆◆◆ اذا رحت اﻻمور حتتعقد اكثر °°° االله كريم .... الله كريم **************** """"" سامر ... الووو ... الوووو :::::::: وياج ... سوري الظاهر غفيت """"" اوكي روح نام .. من تكعد باجر خابرني ... ولتفكر بشي باجر يحلها الف حلال ::::::: اني اسف سهرتج ... وانتي فد شويه يبدي دوامج """""عااااااادي بلا هلحجي ... اصلا فرحتني من اعتبرتني ملجأ الك أعجبه التعبير ... كان يملك الكثير من الدفء ::::::::: أيه """""" نعم :::::::::: اكدر اشوفج باجر """"" اني اصلا ناويه بس اخلص دوام اجيكم :::::::::: خلص خلصي الدوام واني امر عليج .... لترحين بسيارتج انتي محتلحكين تاخذين كفايتج من النوم """"" تمام .... تصبح على خير ::::::::: وانتي من اهله ***************** انها المره الخامسه عشر التي اتصلت بها على هاتفه ..... وﻻ جووووووواب ...... يا الله اشعر بكره كبييييير ... الم يفتك في رأسي ومعدتي احتاج الى مسكن وبشده توجهت للبحث عن حبوب تهدأ الامي حين استوقفني صوت في الممر .... في وقت كهذا نادرا ما يحدث هذا ذهبت لرؤيه ما يحدث من خلال فتحه الباب كان عمر ... مع حقيبته .... وها هي مريم تغلق الباب بعد وداعه ..... اطال النظر نحو شقتنا ... اشعر بكم اﻻلم الذي في داخله اﻻن ... لم يتعود عمر على السفر من دون سامر .... مرات نادره جدا حدث فيه هذا ... ياربي ﻻ تجعلني انا السبب في هدم علاقتهم --- شدتسوين *** سمااااااا فززتيني --- عليمن دتباعين .. مشيت مبتعده عن الباب *** عمر سافر --- واكيد مو علمود هلشي وجهج طماطه وبيدج حبوب وجع الراس *** طبعا ﻻ .... مو قصدي مو مقهوره على عمر ... بس صار شي --- شصار *** امشي احجيلج بلغرفه *************** حين وقفت امام منزل سامر ... شعرت بحركه خلف الباب مباشره .. احساس في داخلي يقول انها شذر من كانت خلف الباب .. اعرف فضولها جيدا .... ومن مثلي يعرفها وجدت نفسي ابتسم رغم كل الحزن الذي في داخلي وانا اتذكر نظراتها الفضوليه نحو فتاه كانت معي في احدى المرات .... يالله كانت ﻻ تزال في السادسه عشره من عمرها ... كامله اﻻنوثه منذ ذلك الوقت ... فائضه البراءه تقربت الى طاولتنا بعد ربع ساعه من وصولنا .... كنت اراقبها دون ان تدري ... متوتره غاضبه ... ﻻ اعرف السبب حين اقبلت كانت خدودها كلجمر اطالت النظر نحو رفيقتي ... ثم قالت لي بنبره امره *** صديقتي اهلها خابروها وتريد ترجع للبيت واني ماكو احد يرجعني °°° اني ارجعج شذوره تعااي كعدي يمنه *** اوكي لم ترضى الجلوس بلقرب من الفتاه ... اختارت الكرسي الملاصق لي ... يا الله كم اعشقها ،،، بابا هذا في يوصل بابا ييدو على سائق الاجره الغضب ... °°° انته ليش عصبي ،،، بابا انا يكلم انته انته مافي يرد ... انا يريد يرجع بيت ينام ... هذا في حرمه يعمل انتظار حتى هذا السائق البسيط يملك من ينتظره ... من يضيف الفرح لحياته ... اما انا ﻻ يتنظرني سوى جمود المشاعر .... وبروده الاجواء في لندن *************** --- يعني تريدين تقنعيني انو هلعصبيه والقهره كلها على عمر وسامر *** طبعا .... خصوصا اني السبب --- لعد وافقي على عمر وحلي الموضوع *** هذا الشي حيزيد المشكله بينهم --- شو مكلتي واحمد .... مو عوايدج ... مو دا اكلج صاير شي *** وج بابا دا اكلج كل شي مصاير ... كرميني بسكوتج خل انام كتمت في داخلي ماحدث ... لم احب البوح لأحد بما حدث سأكون صغيره في عيونهم .. وسيصغر هو اﻻضعاف .... وانا ﻻ ارضاها عليه ... وان كنت بقمه كراهيتي له اﻻن .... في كثير من اﻻحيان نخفي عيوب من نحب ... نضخمهم في اعيننا.. قلوبنا ... وفي عقول الاخرين ... نسمو بهم .. نفخر بحبهم ووفائهم .. ننكر خيانتهم .. البعض يفعلها حبا والبعض كبرياء ... و البعض ..... غباء *************** صحوت على صوت المنبه المعتاد لايقاضه ... اطفئته وغفوت.... ﻻ يستحق حتى مجهود كهذا لكني فشلت بلعوده الى النوم ... ففي كل يوم حين اصحو في وقت كهذا ابقى احدثه حتى وصوله الي مقر عمله ... اما اليوم ... فكان لديه موعد اهم ... اتمام اوارق رسميه قد نحتاجها في حال قررنا عقد قراننا .. رغم ذلك لم ايقضه فهناك الكثير من المشاعر واﻻفكار تتضارب في رأسي ... اشعر بفراغ كبير من دونه .... ماذا سأفعل حين تدفعني خياناته الى مكان بعيد عنه .... ماذا سأقول لمن حولي ... بأني غبيه ... لم اعرف اختيار الشخص الصحيح لي وانا من راهنت الجميع .... وأولهم امي بأنه هو الشخص الوحيد الجدير بي صحوت من افكاري على صوت رنين الهاتف ترددت باﻷجابه ولكن .... *** الو **************** ترددت كثيرا بالاتصال بها .... لعدت اسباب ... سامر ... هي .... وانا ... فسامر سيعتبرني طعنته في ظهره مره ثانيه خصوصا وانا احدثها من دون علمه ... اخاف ان ترفض هي الحديث معي .... ورعبي الاكبر ان اسمع صوتها وافقد عزيمتي على السفر .. وركوب الطائره بعد دقائق لكن صوت الاشتياق والحب كان اعلى من جميع اﻻصوات في رأسي .... لم احظى بفرص كثيره لرؤيتها هذه المره .... كما لم يتسنى لي وداعها ... لن تضرّ بعض الكلمات ... فقد يزيح عني القليل من الهم سماع صوتها °°° صباح الخير *** صباح النور °°° اسف كعدتج *** اصلا جنت كاعده °°° خير خوما اكو شي ؟ *** ﻻ فزيت من النوم ومكدرت ارجع °°° اسم الله عليج .........*** °°° حبيت اسلم عليج قبل ما اسافر *** بل سلامة .. °°° الله يسلمج ***ﻻ اله اﻻ الله °°°محمد رسول الله كان يبدو اﻻستعجال في صوتها .... من المؤكد انها تخاف ان يسمعها احد وهي تتحدث معي .. او تشعر بالاحراج ... يكفيني ان النوم قد سرق من جفونها ... فهذا دليل على اهتمامها بلموضوع وتفكيرها .... ولكن ماذا لو كان لسبب اخر ......... ماذا لو عنفها سامر مثلا .... مستحيل ان يفعل شئ كهذا .... وان فعل ... فحسابه سيكون عسيرا معي **************** توقعت ان هناك كارثه بانتظاري ... الكثير من المكالمات ... عدد ﻻ بأس به من الرسائل ... واﻻهم عدم ايقاضي صباحا .... راجعت تفكري بجميع الجرائم .. الكذبات ... كان قد مضي وقت طوييييل على اخر واحده ترى ما سبب كل هذه اﻻتصالات.... اتممت حمامي مسرعا وقررت اﻻتصال بها في الطريق فلا املك المزيد من الوقت اﻻن تأخرت بما فيه الكفايه ***************** كنت اتمنى لو استطيع البوح لأحد بما اشعر به الان ولكن ... لن استطيع .. ولكن لو لم يكن يحبني فلماذا يفعل كل هذا لأجلي ... لما اصر على اتمام خطوبتنا رغم جميع الموانع التي تواجهنا ... عمله ... ظروفه ... وظروفي انا خصوصا مع مشكله عمر ولكن ما فائده زواج مبني على اسس ضعيفه ؟؟ ﻻ نزال في اول الطريق ... وهذا ما حدث ... بعد الزواج ... اﻻعتياد والملل .. ما الذي سيحدث .... اﻻن قراري اصعب ... سأتخلى عن كل شئ من اجله ... ترى هل يستحق فعلا ؟؟ مع كل هذا ﻻ اظن خنقتني العبره ... ياااارب ساعدني رن الهاتف اكثر من مره لم اقم بلاجابه ... ﻻ اريده ان يسمع صوتي الباكي ... الح فأجبت *** الو ### صباح الخير ... ناسيتني اليوم *** ﻻ منسيتك ### لعد *** هيج ### شنوه الهيج ... شذر شبيج *** ما بيه ... شكو اني دا اكعدك ... خلي حبيبتك الي تسألها مشتاقتلك لو ﻻ تكعدك ### يا حبيبه شنو حلمانه شبيج *** يسر ### شبيها *** شنو شبيها ... قريت الحجي مالتك وياها على اﻻيميل استاذ ### يا حجي صار كومه محاجي وياها ... جيكتي التاريخ شوكت ... شذر ... خلي شي واحد ببالج اني غلطت مره صح ... بس هلغط مستحيل اكرره .. من ردتي نترك بعض يوم الي اكتشفتي حسيت بمعنى خسارتج ومستحيل حخسرج مره اللخ .. هاي اﻻفكار كلها تشيلها من بالج ... تفكرين بتحضيرات خطوبتنه وبس .. اني باجر جاي واهلي مضل شي على جيتهم فكافي هاي اﻻفكار السوداوية شيليها من راسج خلي نعرف نعيش حياه حلوه ... شذر وينج شو ساكته *** لحضه بينما كان احمد يتحدث خطرت على بالي فكره .... انا لم اطلع على تاريخ محادثتهم ... قد فاتني هذا الموضوع ... قمت بفتح حسابه .. وفعلا كانت المحادثه قبل اﻻنتفاضه التي قمت بها اخر مره والتي على اثرها كان قد تغير ### شدتسوين ؟؟ *** دا اشوف التاريخ ### يعني ممصدكتني *** التاكد واجب ... بعدين حتى لو قديم جم مره كتلك احمد احجيلي لتخليني اني اكتشف ### ليش دا افتح باب للمشاكل ... اني اعرف كلش زين كلشي راح وانتهه وبديت وياج بدايه جديده وحلوه ... حجايه وحده حكولها الج شذر اني احبج ... فكري زين مستعده تبدين ويايه حياه جديده لو مصره تضلين عايشه بلماضي مالتي واوهامه ... حطي ببالج الماضي بيه هواااايه ... بس انتي الوحيده الي اختاريتها للمستقبل اخترت الصمت كجواب ### فكري زين وياريت لو تنطيني جوابج اليوم *** الله كريم ### باي *** باي بلنسبه لي فانا اعرف قراري جيدا .... ولكني احببت ان الوعه .... بدينا صفحه جديده وﻻ يحق لي اﻻن طويها والرجوع للماضي هدأت قليلا .... كنت افكر بشئ يجب علي فعله قبل اغلاقي لجفوني ... ولكن بعد كل هذا التعب والتفكير ... خلدت للنوم بسهوله ***************** """" كووووووومي شعندج ليهسه نااااايمه *** مممممم سما عوفيني للصبح كاعده شعرت بجسد يندس تحت الغطاء معي ... اوﻻ اني مو سما وثانيا شعندج كاعده للصبح ... وثالثا واهممم شي كووووومي ﻻن مشتاقتلج فتحت عيني ببطئ ..... *** اااااايه ... زززززين تذكرتيني """ يللللله كووومي علسريع ارررريد تحجيلي كل شي .. *** اووكي وخلي اخابر نوره هم صارلي يومين مشايفتها ... فدوه خل نطلع من البيت اريد اغير جو """ يله لعد كومي اخذي دوشج واني حخابر نوره *** اوكي ***************** :::::::: أايييي """ اسفه .. اسفه أنجويت ؟؟ شو خل اشوف كانت ايه خارجه للتو من المطبخ وفي يدها فنجان قهوه حين ظهر سامر امامها دون سابق انذار ::::::::: ﻻ حبيبي ماكو شي لحضه صمت سادت ... سامر .. ايه .. وسما التي كانت تراقب من بعيد ::::::: سوري ... خل اروح ابدل هدومي ركضت سما باتجاه ايه التي كانت متسمره في مكانها --- تعااااااااي احجيلي """" شحجيلج ؟؟ اجابت ايه وعيونها معلقه بسامر الذي اغلق باب غرفته بقوه ::::::: غبببببي انننننني غبي هاي شكلت ... شخلاني هيج احجي ياربي ... هسه شتكول ... اكيد راح تسحب روحها مني ... واني الي كلبت الدنيا على عمر ... شنووو فرقي عنه هسه عمرر اوووووووف ... اووووف قرعت الباب *** ساااامر حبيبي بس ﻻ تخبلت ... شو تحجي ويه روحك ::::::هااا ام لسان شتردين *** وﻻ شي طالعين كلت اسلم عليك ::::::: منو حيطلع ؟؟ *** اني وسما وايه و نوره تنفس الصعداء ::::::: اي زين تسوون الله وياكم ***************** ونحن في الطريق لمنزل نوره *** سما سما اوكفي هنا --- شنو شكو ... شتسوين بلصيدليه *** هسه اجي ... ايه تعاي ويايه بنظرات مستغربه بين ايه وسما ... كنت قد تركت السياره متوجهه بخطى ثابته ~~~ تفضلي يا انسه وصلت ايه """" هااا مخبله شدتسوين اشرت لها بلانتظار *** أذا ممكن اريد ازرف اذني ~~~ بدك تحطي حلق تاني يعني *** هههههه ﻻ هذا اول واحد ~~~ أف معئول صبيه بعمرك لهلاء وعمره ما حطت حلق *** اااي بصراحه اخاف قلتها وانا اجلس على الكرسي ~~~ من شو ؟؟ *** الوجع ~~~ وشو خلاكي تتحملي هلاء ضغطت على يد ايه بقوه عند وضعها للحلق أبتسمت قائله *** الحب فعلا ... فلحب كلمخدر يجري في دمائنا ينسينا اﻻلم ... يمنع القلق من الوصول الينا ... أﻻ قلق حرماننا منه .. انقطاعه عنا هو فقط ما يخيفنا كعاشقين ... وصلنا الى المقهى ،،،، ست شذر تكدرين تكوليلنا شنوو سر هلتغير ... معقوووول انتي اخيييييرا زرفتي اذنج ما اصدك لو ما اشوف بعيني كانت سما تلتقط صوره لـ أذاني .. ثم اجبت *** والله مدام نوره فكرت انو النيشان ميكمل بلة الترجيه """" نيششششان ؟؟ *** احمد جاي باجر ... واسبوع الجاي اهله بس يوصلون يجونه للبيت صرخوا نوره وايه ((( مبرررررررروك ))) ارسلت الصوره له زرفت اذني ... مردت نيشاني يكون ناقص ... ﻻن اني متاكده كل شي وياك حيكون كامل ... """" ههههههه تذكرين من جنه صغار ورحنه كلنه زرفنه اذنه ... انتي الوحيده الي مقبلتي --- اي ايه تتذكرين .. وحتى من كبرنه وكلنالها وأذا رجلج طلع يحب التراجي """ ماكوو رجال يستاهل اشوف روحي الوجع علموده *** صح ... بس احمد مو اي رجال ... ولو غير احمد مستحيل اسويها علموده ،،، وأذا متزوجتي احمد *** اسسسسم الله ... الله ﻻ يكولها ... بس بوقتها مستحيل رح اقبل البسها ... غير ترجيه احمد ما احط بأذني .... حتى هاي الي هسه بأذني هديه منه هو ،،، صدك... وج شلون تشيلين الطبيه من اذنج رأسا *** عادي ما عليه شي --- اخيرررررررا شفت شذر واكعه من صدك بلحب ************** حين وصلتني الصوره عرفت الجواب لما قلته لها صباحا ... خصوصا مع ارتدائها للحلق الذي قمت بشرائه لها والكلمات التي ارسلتها لي مع الصور احبها ... واعشق طيبه قلبها لهذه المجنونه ... يارب قدرني على اسعادها كما احلم احسست بألم مفاجئ في ركبتي اضطرتني للجلوس .. لن اجيبها برساله ... فانا مشتاق فعلا لسماع صوتها ### حبيبي *** هلوو ### مشتاقلج .. شدتسوين ؟ *** طالعه ويه البنات شويه نغير ### زين تسوين .... شنو هـ الأذان الحلوه *** ترجيتك الي محليتها ### امووووت على الي ﻻبسه الترجيه *** اني هم احبك ### يله حبيبي لتتاخرين *** اوكي عمري ***************** رن هاتف أيه ... ارتبكت .. وابتعدت عنا """ هلو سامر :::::: سوري علازعاج ايه ... بس دا ادك على عمر ومدا احصله وتذكرت اليوم جنتي دتكوليلي عليه شي وانكطع الموضوع """ اي جنت دا اكلك شفت اسمه بكشف المسافرين اليوم للندن :::::::: شنووووووو ؟؟؟ واني اخر من يعلم .... ليش مكلتي ايه ........... """ :::::::: اسف ايه اني انفعلت عليج ... بس ما اجه من كلبي عمر مسافر واني ما ادري او اقلها اني مموصله ... وجماله زعلان """ ﻻ عادي وﻻ يهمك :::::: حترجعين وية البنات يمنة مو؟!! ،، تعالي وياهم اني عود ارجعج """ ﻻ ما اكدر اتاخر :::::: احنه نحجي ويه عمه .. دا اكلج تعاي وياهم اريدج ضروري """" اكو شي ؟؟ :::::: ﻻ ماكو ... يله انتظرج .. باي """ باي عادت بوجه محمر وعيون دامعه *** شبيج أيو ؟ منو خابرج """" وﻻ شي شوكت نرجع للبيت ،،، يله اني هم تاخرت وعلي خبلني بلتلفونات *** اوكي امشوا نروح ************** عدت للمنزل وانا فخوره بلتغير الجديد *** ماااااما شوووووفي □□□ ﻻﻻ ما اصدك ... شجابها ببالج وسويتها *** لعد ترضيها نيشاني يكون ناقص □□□ شذر .. صدك .. خلص رضيتي اخيرا بتي حطيتي عقلج براسج *** ماما اني من زمان راضيه □□□ انتي عليمن دتحجين *** احمد طبعا □□□ احمد ميفيدج .. هاي اﻻذن الحلوه محتلبس غير ترجيه عمر *** اذا بيوم جبرتوني البس نيشان غير نيشان احمد عمري محلبس التراجي ... وعود خلي يكون نيشاني ناقص .. لأن كل شي وره هيج زواجه بحياتي حيكون ناقص ... هاااي اذا اجه هيج يوم واشك ممكن يجي قطع حديثنا صوت عالي يصدر بلقرب من باب الشقه ::::::: ااااااايه دا اكلج اني اوصلج بصووت مخنووق """" دا اكلك عووووفني اني اروح مسكها بقوه من ذراعها ... وبصوت غاضب :::::: كتلج اني حوديج وخلص لجمت السنتنا جميعا لم نستطيع التعليق او السؤال ... خرجوا من المنزل بدون اي كلمه سوى توديع سريع واعتذار من ايه لوالدتي ♡♡♡ ترى هل يستحق احمد هذه الصفحه الجديده وهل سيجيد ملأها جيدا ♡♡♡ ما سبب صراخ ايه وسامر .. وماهو الخلاف الحاصل بينهم ♡♡♡ هل ستستلم والده شذر لرغبه ابنتها ان اثارتكم الاحداث .. فانتظروا القادم ... بفنجان يحمل الحب .. اﻻمل .. واﻻلم معا.... التعديل الأخير تم بواسطة لامارا ; 03-04-13 الساعة 03:16 PM | ||||
|
| |
|
02-04-13, 06:11 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان الثامن عشر الغيره هي الطاغيه في مملكه الحب ( سرفانتيس ) --- صباح الخير ... صايره كله نشاط ومن الصبح مدا اعرفج *** شسوي غييير احمد كاضيليها كعده من الصبح ويثبرني --- لييييش اليوم هم حتطلعين وياه ؟؟ *** اي ليش --- شذر ... صارلج اسبوعين يوميه طالعه وياه من اجه ليهسه .... بله فهمنه مطلعه حجه لأهلج شغل مؤقت ... زين احنه البنات صارلنه جم شهر مملمومات وكله ننتظرج ... الكعده الشهريه خو من اجه احمد ليهسه ممسويها .. وجماله المفروض ببيتنه هسه شيكولون *** ميخالف ميخالف هسه اول وتالي حسوي كعده على الخطوبه مالتي --- دتحسسيني اهلج وافقو ...واهله اجوي ... متكوليلي على اي اساس انتي لهدرجه متاكده *** على اساس واحد ... انو قبلو او ﻻ اني حتزوج احمد ... وحقنعهم اقنعهم ... واحمد ما بيه شي ينرفض --- هوايه تغيرتي شذر *** مو انتي الي جنت تكولين الحب يغير --- زين عوفينه من هذا الحجي كله ... ايه صارلنا شكد مشايفيها *** والله اني مشتاقتلها بس ضوجتني ... مدا افهم شصار ويه سامر وكل ما اسئلها تغير موضوع ... هسه المهم اني تاخرت كلش يله ﻻزم اروح --- باي *** بااااااي اتصلت بأحمد *** ها حبيبي انته وين ؟ ### جوه حبيبي دا انتظرج *** يله يم المصعد اني ثواني ونازلتلك كنت مشغوله بفتح رساله قد وصلتني حين فتح باب المصعد اصطدمت بحقيبه احدهم *** اسفه دون ان ارفع رأسي °°° شذر هذا الصوت ليس بغريب ابدا *** عمرر ... حمدلله علسلامه °°° الله يسلمج شذر *** زين مطولت هلمره ... °°° والله عندي شغله ﻻزم افهم راسي من رجلي بيها رن هاتفي مرتين خلال حديثي معه °°° اخذي راحتج ... مبين عليج مستعجله *** اي والله شويه .... ان شاء الله نتشاوف °°° اكيد *** باي °°° باي ************** مرت عشر دقائق منذ ان قالت لي انها عند المصعد ... قلقت عليها فقررت الذهاب لرؤيه سبب تأخرها خصوصا وهي ﻻ تجيب ... حاولت تذكر رقم الطاابق ... كانت قد اخبرتني به من قبل فتح باب المصعد *** احمد ... شدتسوي هنا شنزللك ### ظل بالي عليج ... دا ادك ومتجاوبين وانتي كلتيلي اني يم المصعد *** دتعال تعال خلي نروح السياره ﻻ احد يشوفنا ### ليش تأخرتي *** هسه اسولفلك بس امشي ***************** ◆◆◆ حمدلله علسلااامه حبيبي °°° الله يسلمج مريومه ذهبت بسرعه نحو الشرفه لرؤيه شذر وهي خارجه من البنايه ◆◆◆ شبيك عمر ... شصاير شو كبل علبالكون ركزت مطوﻻ لم المحها .. برغم انها قد صفت سيارتها امام البنايه مباشره ...خمس دقائق .. لم تتحرك السياره .. وشذر لم تطل ◆◆◆ عمر ألمن دتنتظر ؟ ◇◇◇ هلة هلة يمه توه نور البيت ... حمدالله علسلامه °°° الله يسلمج أمي مجيء امي منحني الفرصه للهروب من اسئله مريم ... ولكنها لم تساعدني على الهروب من اسئلتي ... ذلك الشاب الذي رأيته امام البنايه ... رأيت صورته مرارا على اكاونت شذر في الفيس بوك... ايعقل ان يكون شبيهه فقط .. حسب ما أذكر في معلومات حسابه يذكر انه يعيش في العراق ... أهي صدفه .. ؟؟؟ اتمنى ان ﻻتكون اكثر من هذا *************** ### يعني انتي عايفتني جوه عشر دقايق وكاعده تسوووولفين ويه عمر ... *** حبيبي بس هدي شويه الله يخليك ### شهدي شذر عمررر !!! ...الملكيتي غيره .. زين انتي مو كلتي سافر ووله *** اليوم رجع ### جان ﻻبس جينز فاتح وتيشيرت نيلي ؟؟ *** مركزت بس اتصور اي ###طويل شويه وجار جنطه *** اي ليش ؟ كنت افكر بسبب نظرات هذا الشاب الغريبه نحوي ... اﻻن فهمت ولكن يا ترى من اين يمكن له معرفتي *** احمد وين صفنت شكو ؟؟ رن هاتف شذر *** هاي مريم شتريد مني ؟؟ ### منو مريم *** اخت عمر شبيك ### دجاوبيها *** عوفها ما بيه حيلها ### شذر دا اكلج جاوبي *** هااا اها هاي كدامك انكطع ### ليش مجاوبتيها *** يعني ليش مثلا احمد ... متكلي شبيك اليوم شو دتدور على المشاكل دواره رن الهاتف *** رجعت خابرت ارتاح ### جاوبي **************** *** هلو مريم شلونج ◆◆◆ الحمدلله وانتي *** الحمدلله .. ◆◆◆شذر انتي تشاوفتي ويه عمر شي *** اي يم المصعد ليش ◆◆◆ اها *** ليش شكو احجي توتر اعصابي .. نظرات احمد الحارقه .. واحمرار وجهه .. طريقه كلام مريم المبهمه *** مريم لتصفنين احجي ◆◆◆ دخل معصب وبوجهه للبالكون يمكن جان ديشوفج من تطلعين *** شنووووووو ؟؟ ◆◆◆ مشافج لتخافين *** وليش دا اخاف خل يشوفني ◆◆◆ يله عيني اني اروح نحجي بعدين *** باي اغلقت الهاتف وانا اشتطت غضبا ... بأي حق يراقبني ... تصرف مراهقين اقل ما يمكنني قوله على تصرف كهذا ... فعلا عندما كنت مراهقه كثيرا ولكن اليوم هو رجل ثلاثيني ... يتصرف كما لو كان صبي بعمر الخمسه عشر ### شذر .. شبيج شكلتلج مريم *** وﻻ شي ### عمر جان ديراقبج مو *** احمد ممكن تسد الموضوع ### جاوبيني *** ليش دتعيط عليه هيج احمد ### سألتج جاوبيني *** اي ### حسابه ويايه اني اعرف شسوي *** احمد لتنسه موضوعنه مو رسمي بعده الله يخليك لتسويلي مشاكل ### الله كريم ******************* اعرف تمام المعرفه بأني لم اخطئ بحق سامر .. رغم هذا فانا من قام بلاتصال به بعد وصولي الى لندن وبصراحه كان يبدو عليه اﻻحساس بلذنب ..وهو من اقنعني بلعوده مجددا الى اﻻمارات .. كنت ﻻ أزال ارتب حقيبتي حين فتح باب الغرفه :::::::::: ابو خطاب مشتاقلك حبيبي اكثر من اسبوعين .. هذا ما شعرت به طوال تلك الفتره ... لم اعتد غياب سامر :::::::::: شبيك كالب وجهك .. بعدك زعلان مني ادري بيك °°° شتعرفني انته اني اكدر اشيل بقلبي عليك ::::::::: لعد شبيك بلطبع لن استطيع اخباره ان ما يعكر مزاجي شكي بأخته °°° تعبان من السفر ... يعني متدري شكد طويل الدرب ... زين دكعد ليش واكف ::::::::: متكلي وين اكعد ويه هلهوسه حملت مجموعه من اﻻوارق المرميه على السرير ... تساقط بعضها من يدي ... ومن بين اﻻوارق ... :::::::::: مالمن بطاقه العرس هاي والله حلوه تغير لوني تذكرت ان السكرتيره قد اخبرتني بوضعها دعوه زفاف بين اوراقي ... احساس في داخلي اخبرني بأنه زفاف ربى .. فقد اخبرتني احدى الصديقات المشتركه بقرب موعد الزفاف ... يا الله كيف نسيت رميها °°° هاي ... ::::::: مال ربى ... الله يوفقها °°° تدعيلها ؟؟ :::::::: اليحب ميحقد هذا كلام القلوب البيضاء ...ﻻ يعرف الحقد قلب دق محبه في يوم .. فرغم كل اﻻﻻم .. الدموع والحسرات .. رغم اننا في يوم قد ندعو عليهم غضبا .. نتمنى لهم السوء ولكنها ثواني ﻻ غير .. حتى نعود لحبنا خوفنا ونتمنى اﻻفضل لهم .. ناسين انفسنا .. متناسين قلوبنا التي جرحت ..واعمارنا التي سرقت .. وسامر هو احد هذه القلوب °°° زين ديله لعد تعال دنتغده اني حموت جوع ::::::::: يله امشي °°° ماما لعد مريم وين متتغده ويانه ◇◇◇ الباجر سما وشذر مسويات لمه بنات وطلعت تشتريلها جم شغله °°° زين ليش استعجلت مو اني جايبلها خوش غراض ويايه ◇◇◇ لتخاف عليها ... ميبور عدها شي .. اريد اشوف دﻻلك لهلبنيه وين حيوصل °°° هو اني شعدي غيركم يا يمه :::::::::: ممكن تعوف المشاعر الجياشه هسه وتنقل دﻻلك الي ونكعد ناكل °°° ههههههه دكل اكل عساس انته هم خطار ومستحي ****************** ### حتضلين ساكته هيج *** عادي ﻻ ساكتة وﻻ شي ### نخلص غده اكو محل هنا اريد اروحله *** محليش ### مال ملابس ... اني احبه وشفته البارحه مسوي تنزيلات كلت نجيله اني وانتي حتى نختار سوه *** اوكي رن هاتفي ### ﻻزم مريومه مدتكدر على فراكج اليوم نظرت له بطريقه مؤنبه *** هلو سما شلونج --- شبيج ؟؟ شو مو على بعضج *** ماكو شي --- متعاركين *** ﻻﻻ .. كولي --- شذر باجر لمه البنات ومو معقول ايه متجي ... اخر فتره ايه كلش صارت ويانه كلوز اكثر من البنات نفسهم *** اي متعزميهما منو مانعج --- هيه مدتقبل تجي *** ليش ؟ --- علمود موضوع سامر *** غير لو افهم سامر شسوالها للبنيه شو ﻻ هيه تحجي وﻻ هو ...المهم عوفيها اني احجي وياها --- اوكي مو تنسين *** ﻻ لتخافين ... اكلج سامر وين ؟ --- يم عمر *** الله يستر --- ليش شكو *** بعدين نسولف ﻻزم اروح ... --- باي اغلقت الهاتف .. ووقفت في مكاني اتامله وهو يختار الملابس ويشير لي بها ... يارب ﻻ تحرمني منه ياااارب ... اشعر بأنقباض في قلبي ... شئ ما يخبرني ... لن تكوني له ### حلو هذا البنطرون ؟؟ *** مممم كدر الثاني اتصور احلى ... خلي اروح اشوفلك قميص وياه ### اوكي اخترت له مجموعه من الاغراض ... استوقفتني بدله رسميه كان الموظف يلفها بطريقه أنيقه تخيلته وهو مرتديها .. واقفا بلقرب من ابي وسامر ... أبي وسامر ... لم افكر من قبل .. كيف سياقبلهم وهو ﻻ يملك وظيفه مستقره الى اﻻن قطع افكاري صوت قريب ××× مدام لو سمحتي تفضلي معي *** خلص لبسه ... جيبلي نفس هذي البدله ××× هذي البدله اصلا للاستاز .. بس أستاز احمد تعب شوي وحكالي ناديلك *** شنووو شبيييه كان شبه مستلقي على اريكه بلقرب من غرفه القياس *** احمد عمري شبيك ### وﻻ شي حبيبي ***احمد وجهك اصفر حبيبي شنو ديوجعك احجي ### عادي هذا اﻻلم دائما يجيني ويروح هسه يفك *** من شوكت اجاك ؟؟ وره الحادث مو لم يرد كان جوابا كافيا بلنسبه لي *** أمشي نرجع للبيت ### ﻻ عمري ميحتاج .. *** الله يخليك ﻻ تعاندي ### أوكي *************** في طريق العوده استلمت هيه القياده بلنيابه عني .. سرحت بعيدا وانا اتذكر اخر ما قاله لي الطبيب ... (( عليك الحذر في حاله ظهور الام مفاجاه بعد الحادث .. في حاله كهذه عليك الرجوع الينا حالا )) لقد مر اكثر من ثلاث شهور .. واﻻﻻم في حاله تفاقم .... سأذهب غدا ما دامت شذر ستكون مشغوله اصلاً *** حبيبي بشنو دتفكر .. لو متأذي وساكت ### ﻻ حبيبتي وياج *** صدك القاط الحطوليكاه كلش حلو .. شكد مكروه ليش مشوفتنياه عليك ### ردت اسوليجاه مفاجاه .. تتذكرين من مره فتنه نفس المحل وعجبج .. كلت من اجيكم للبيت اجيبه *** فدوه لكلبه لحبيبي الي يتذكر شحب وشيعجبني ### هو اني شعندي غيرج مسكت يدها مقبلا لها ... اعشق تدليل هذي الفتاه .... احبها كما لم احب من قبل ***************** عدت الى المنزل وانا ادعو الله ان ﻻ اصادف عمر مره اخرى --- شو من وكت *** وين رايحه .. شو مبدله --- دا اوصي اكل علمود باجر .. ويمكن امر غلى ايه بدربي الشغله مو مال تلفون *** دنتظري خل اجي وياج رن جرس الباب :::::::: سما سما ناوشيني مفتاحي *** شو مستعجل ::::::::: عمر بلمصعد ... شنو طالعين انتو هم --- اي :::::: ديله امشوا لعد ﻻن مصعدين عاطله والبقيه دتتاخر *** ﻻ نزلوا انتو عادي احنه ممتسعجلين --- ﻻﻻ انتظروا رمقت سما بنظره مؤنبه --- شذر لتعقدين الامور *** هيه معقده بما فيه الكفايه --- ليش شصار :::::::: انتو شدتبشبشون ... يله امشو --- حمدلله علسلامه عمر °°° الله يسلمج عيني سما نظرات سامر نحوي توبخني لاني لم القي التحيه *** اني وعمر تلاكينه من وصل °°° اي اليوم كاضيها بلمصاعد حتى ابتسامه المجامله لم استطع رسمها على وجهي حين فتح باب المصعد .. كان شعوري كسجين حان وقت اطلاق سراحه ::::::: انتوا وين رايحين *** لأية ... زعلانة ومدتقبل تجي باجر للعزيمه لم يرد ::::::::: يله ﻻ تتخأرون *** باي --- بااي --- يعني شجان صايرلج لو كايتله باي للولد شفتي شلون جان ديباوعلج *** عمر اليوم جان ديراقبني من البالكون سما ... بأي حق يسوي هيج --- ههههههههههه الله يرحم ... منو جانت تراقبه قبل ... مو هذا جان فارس اﻻحلام الي مكابله الشباك علموده *** هاي الحجي اني مراهقه هسه ﻻ اني وﻻ هو مراهقين سما --- والحب ميعرف عمر ... سبحانه مغير اﻻحوال *** كرميني بسكوتج خلي اخابر احمد اشوف شلون صار --- ليش شبيه *** اثار الحادث دتبين عليه هسه --- هاي مو خوش شغله خلي يدير باله *** الله يستر .. الشفته اليوم ممطمني *************** رن هاتفي اكثر من مره ... اﻻلام التي كنت اشعر بها كانت تمنعني من اﻻجابه ``````` احمد تلفونك ديدك ### اممممم `````` امشي اوديك مستشفى لخاطر الله تره ميصير هيج ### بعدين ````````` شكد عنودي ... متكدرلك غير شذر ... خلي اخابرها ### ﻻ لتدك سرمد لم يعطي لكلامي اي اهميه ... على اي حال لن اذهب فكما قال انا عنيد ولكن بلفعل ﻻ احد يملك مفاتيحي غيرها .. ووحدها من ﻻ استطيع رفض طلبا لها ... ************** حين وصلنا الى منزل ايه كانت لم تصل للبيت بعد +++ جلب العضكم كتلناه ---والله حقج عمه بس ملتهين شنسوي +++ مبروك شذره حبيبتي شايفه كل الخير *** على شنو ؟؟ +++ مو خطبج عمر ... صدك شوكت الحفله --- بس احنه مرادليهم خبر ليهسه +++ ليش مثلا يحتاج تفكرون ... عمر منكم وبيكم ليش تأخرون الموضوع *** ﻻ عمه احنه مدنفكر علمود نقبل ... احنه دنفكر شلون نرفض بدون ما نخسرهم صعق جوابي سما وعمتي .. وكلن لها اسبابه ... فسما من جرائتي في الرد ... وعمتي بسبب فكره رفضي لشاب بموصفات عمر .. عم السكوت المكان ... قطعه صوت المفاتيح التي تحاول فتح الباب عبثا +++ اني حاطه مفتاح بلباب خلي اكوم افتلحها اكيد هاي ايه --- اخذي راحتج عمه انتظرت سما ذهاب عمتي واستغلت الفرصه لتوبيخي --- شبيج انتي تخبلتي ... ليش صايره متسرعه وحديه بلردود مالتج *** ﻻ متسرعه وﻻ شي هذا الواقع ليش دنجذب --- هيج جواب اهلج ينطوه مو انتي *** ليش منو الحيتزوج اني لو اهلي --- يا مخبله .... قطع حديثنا وصول ايه """" هيه مال مخبله اشهد ما با الله *** للللج مشتاقتلج يا بذاته --- يابه سما منو شذر منو الله العالم ويامن ملتهيه """" يعني ويامن يا حظي ... دمشوا للغرفه امشو اريد ابدل ميته تعب *** ميحتاج تبدلين ﻻن حتجين تباتين يمنه """" الوو اذا ممكن حابه اطلب اغنيه ﻻ باحلامك ﻻ باوهامك واهديها لشذر و سما --- حبيبتي انتي الي باحلامج نعف عنج """"" انسووووا وﻻ تحرجوني الله يخليكم *** بس اريد افهم شنووو الصاير """" نصييي صوتج وامشي للغرفه ما بيه حيل تحقيق من عمتكم ... هناك نحجي ******************** °°° سامر انته متأكد من قرارك ... متاكد نابع من قلبك ... مو رده فعل على الشفته اليوم ::::::: عمر اني اجذب عليك اذا اكلك موضوع ربى مقاهرني ... بس اني مستحيل ادخل بلعبه رد اﻻعتبار هاي وخصوصا مو ويه ايه ﻻن ﻻ هيه تستاهل ... وثاني شي ايه مو اي بنيه ايه بت عمتي °°° زين انته وﻻ مره لمحتلي او حسيتك معجب بيها :::::::: ﻻن اني مجنت ادري ... اخر فتره بديت احس مشاعري دتتحرك اتجاها بس كلت اني غلطان بس ﻻن تعودت عليها وصارت مقربه الي دا احس هيج ... بس من يوم الزعلت مني حسيت بفراغ ووحشه واشتاقيتلها كلش .. محكلك اني احبه .. اني متعلق بيها °°° زين ليش متنظر شويه ﻻ تستعجل ::::::::: انتظر شنو ؟ اعرفها اكثر ... واني اعرفها من جانت ببطن امها .. لو انتظر احبها ... اني حبيت مره وانجرفت وانتظرت ... مالها داعي اعيد غلطي خلص ... ايه مو مال علاقة °°° بس انته بعدك متحبها سامر شلون تتزوجها ::::::::: بلزواج التقبل ... اﻻرتياح واﻻمان اهم بهوايه من الحب ... هياتني حبيت وانحبيت وتاليها شنو الحصلته من الحب مشيت وره كلبي وندمت .. خليني هلمره امشي وره عقلي °°° الله يقدم البي الخير ... فكر ولتستعجل بقرارك كثيرا ما حلمنا انا وسامر بأن يوم زواجنا واحد تماما كما تشركنا اﻻيام المفرحه اﻻخرى في حياتنا ... ولكن ... مع برود شذر ... وعدم ردهم الى اﻻن اكاد اشك في امكانيه تحقيق هذا الحلم ... ******************* *** يا الله تلفوووووني طلع خلصان شحنه .. ايه ماعندج شاحنه ترهم عليه """" شو خل اشوفه ... ﻻ والله حبيبي ماعدنه من هذا *** ياربي شلوووون بالي يم احمد ... اني شلون نسيت اشحنه """" دكيله من عندي *** رقمه مال اﻻمارات محافظته """ ان شاء الله ماكو شي حبي *** هاي هم سما وين راحت كالت بس اوصي وارجع صارلها ساااعه ... دكيلي عليها عفيه """" لحضه .... هاج ديدك *** ها سما وين صرتي --- هسه جايه .. شفت نمير بلصدفه وشويه وكفنه نسولف *** دعوفيج منه وتعاي علسريع عاد --- شكو .. شصاير *** ماكو ... ﻻزم ارجع للبيت طفه شحني واريد اطمن على احمد ضروري --- خابري من يمج اني بعد اكو جم شغله اكضيها *** سما خليها باجر ما حافظه الرقم والولد اني عفته تعبان --- باجر ما الحك ... خلي ايه ترجعج للبيت *** اوووووووف منج سما اوووووف احسست بلدموع تتدفق من عيوني بدون شعور .. شئ ما في داخلي يخبرني اني احمد في حاجتي الان ... اشعر بانقباض في قلبي .. """" شذر حبيبتي شبيج ... *** سما تتاخر واني كلش ضل بالي """" زين عصري مخج حاولي تتذكرين *** ماكو ... هو هلجيه غير رقمه فمحافظته بعدني.... اكلج زين انطيني تلفونج شويه """" هاج حبي ******************** ::::::::: اكلك عمر شوف هذا المطعم شكله جديد مفتوح مره اللخ نجيله °°° ابو بطن تموت على المطاعم لوما توك ماكل وطالع من مطعم رن الهاتف ::::::: شوف منو ديخابرني التلفون بجيب الستره ليوره °°° اويلي عليك شلون شمره شامره ::::::::: يله عوفه بطل يدك °°° لحظه لحظه ... هاك ***************** *** اوووووف يااااااااااربي هذا الثاني ميجاوب """ ها تذكرتي الرقم *** ﻻ دا اخابر سامر """" من رقمممممي شذر من كل عقلج وره كل الكلته قبل شويه شلون هيج تسوين *** يعني اكيد حكله هاي اني حيسمع صوتي ليش مكبره الموضوع """" وهاي كدامج مجاوب ... هسه عباله هاي اني *** اني حكله اني دكيتلك لتخافين """" ﻻ فدوه هسه عباله دتمطميلي اخوج عنده هلخيال الواسع رن الهاتف *** هاااااا شفتي رجع دك .... اجبت بسرعه قبل اني احضى بجواب من ايه التي كانت العصبيه جليه على وجهها *** الوو ... هلو سموري :::::: سما ؟؟؟! *** ﻻ اني شذر ... عفيه سامر انته وين ؟ ::::::: بلطريق ليش *** عفيه مر عليه يم ايه اني تلفوني خلص شحن ... وسما ذبتني يمها ورح تتاخر شويه ::::::: زين ؟ *** عفيه تعال اخذني دا احس روحي كلش تعبانه وعبالك رح اتمرض اريد ارجع البيت بنظره متعجبه نظرت ايه لي ::::::::: يله حظري نفسج اني قريب *** يعني شكد وتوصل :::::::: 5 دقايق ونزلي *** تمام اغلقت الهاتف وذهبت بسرعه لاخذ حاجياتي من الصاله """" عيني يا المرضانة ... خووووووش طريقه جبتي علسريع *** ﻻ والله جديات ﻻزمتني البردة اقتربت ايه لتقيس حرارتي """"" وج هاي شنو صايره تنور ... تعالي انطيج دوه *** ﻻ حبي ميحتاج .. هسه اروح واخذ بلبيت .... ايه الله عليج تعاي باجر ولتكسرين بخاطرنه """" هذا سامر ديدك .. اكيد وصل *** يله حبي بااااي """" باي ***************** :::::::: ووووين صارت عاد هاي ثالث مره دا ادك وماكو جواب °°° هياتها جتي *** هلوو ... :::::::: وينج جم مره دكيت *** من دكيت اول دكه جنت يم الباب دا اطلع ... بس المصعد اتاخر °°° خيرج شذر شبيج ؟؟؟ *** سااامر اوكف علطريق ::::::: شبيج شذر *** ماااا ادري يمكن الاكل اذاني اليوم معدتي ااااااااااااااااااخ اوقف سامر السياره ... فتحت الباب السياره لاخرج ... ولكن .... ::::::::: شذر .... شذر حبيبتي شبيج °°° شذر ... سامر حطها بلسياره علسررريع :::::::: سوق انته °°° ما اندل المستشفى :::::::: اركب علسرررريع اركب °°° وين العطر خلي نرش حتى تكعد :::::::::: ما ادري دور يمك ****************** +++ احمد كافي تعاند كلولك تبات يعني تبات ### لك بابا افهمني هسه بس ينطوني مهدء اصير زين ... ما بيه شي ... سرمد باجر ورايه مقابله كلش ضروريه ما اريد تروح عليه +++ انته سمعت الدكتور شكلك ؟؟؟ اني محنتظر جواب منك امشي للغرفه هسه وبعدين نتفاهم ### يا غرفه ؟؟ +++ غرفتك هنا ### ﻻﻻﻻ حول الله يارب ... دا اكلك ما اريد دتفهمني +++ اكو اشعه ضروريه ﻻزم يسولكياها ويراقبون حالتك هم وره الدوه النطاكياه هسه ### باجر عود اجي +++ هاي شنو ... شنو هذا العياط ### صدك هذا شبيه ******************** ::::::::::: للللك يعني شنوووو ماكو وﻻ كرسسسسي متحرك دا اكلك طوارئ ××× استنى يا بيه انا بعت حد يكبهولك ... ::::::::: شستنى انتتتته بطراااان ### اخويه محتاج مساعده ؟؟ :::::::: ارررريد كررسي اختي بلسياره متكدر تتحرك ### سامر؟؟ ::::::::::: عممممر جيبها علسريع .... °°° دير بالك سامر الزمه من الجهه اللخ *** سااااامر تعبانه °°° خلص شذوره وصلنه ... ××× بس أمليلي البيانات دي يا سعادت البيه *** ساااا..... °°° ساااااامر شذر وكعت تعااااال ******************** حملها بين ذراعيه ... وانا اراقب .... شذر بين ذراعي عمرر وانا كلغريب ... تمنيت قتله في تلك اللحضه .... وهي ... كيف سمحت لنفسها ان تتكأ عليه .. ان تمسك يد غير يدي +++ احمد يله الغرفه جاهزه والطبيب دينتظرك بيها ### عووووووووووفني سرمد استعادت وعيها من جديد ... كأن صوتي كان قد نبهها ايقضها من عالمها الخاص *** اح...م...د نعم انا احمد المغفل ... الذي كان قلقلا بسبب هاتفها المغلق ... احمد الغبي الذي قرر تغير حياته لأجلك ... احمد الذى ضحى بكل شئ ... حتى يكون هنا بلقرب منك ... لأراكي بين احضانه .... وبمباركه من اخاك +++ يله احمد امشي الوكفه مو زينه عليك شكلك الدكتور ### هدننننننننننننني سحبت يدي بقوه .. فارتطمت بفتاه كانت تحمل فنجان من القهوه ... +++ اسفين كلش اسفين لم اعتذر .... اعتذر لسكب قهوه ..؟؟؟ ان كان علي الاعتذار ... فعلي اﻻعتذار من قلبي .. الذي مزقته بيدي لحضه رهاني على حبها ♡♡♡ ترى ماسبب تواجد شذر واحمد في المشفى ... ومن مِن اﻻثنين يجدر بنا القلق عليه ؟؟؟!! ♡♡♡ هل سيستوعب احمد ما رأه ام سيتمسك برأئيه وندمه !!! ♡♡♡ عمر ... ما موقفه وهو يسمع شذر تنطق بأسم غيره وهي في احضانه !!!؟؟؟ فنجان اليوم مكسور ... مفرط بحبات قهوته ... ترى من سيصلحه ... ام سيتم تبديله باخر ؟؟؟ التعديل الأخير تم بواسطة لامارا ; 03-04-13 الساعة 03:13 PM | ||||
|
| |
|
02-04-13, 06:11 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفنجان التاسع عشر روح حزينه بأمكانها ان تقتل اﻻنسان اسرع من جرثومه جون شتاينبك صحوت على صوت الطبيب .. وهو يطمئنهم ... ```````` ميحتاج تقلقون الظاهر ماكله شي فاسد وهيه بنيتها ضعيفه ومتحملت ... وره غسيل المعده السويناه رح ترتاح ::::::::: يعني نكدر نرجعها للبيت ```````` تكدر بس المفضل انك تخليها هنا اليوم علمود المغذي والمراقبه :::::::::: تمام دكتور ان شاء الله °°° هسه شنو حتباتون :::::::: اي ... ﻻزم اخابر امي حتى تجي وتجيبلها غراض --- سامر ... شكو شبيها شذر شكلولك :::::::: سما ليش اجيتي مو كتلج سبقيني للبيت --- انته من كل عقلك اتحمل ... احجي شبيها °°° لتخافين ماكو شي تسمم :::::::: هسه شلون امج منو حيجيبها لعد .... روحي رجعي جيبيها *** سامر ... خلي سما يمي ::::::::: شلون اعوفكم وحدكم °°° شبيك سامر اني وياهم ::::::::: اذا هيج ديله لعد اني رايح اشرت لسما باخراج عمر من الغرفه --- عمر عفيه تكدر تصيحلنه الممرضه °°° اي عيوني ثواني --- شبيج حبيبي ... شدتحسين ليش دتبجين *** سما احمد بلمستشفى ... شافني من شايلني عمر ... احمد مستحيل يسامحني --- وعمر ليش شالج *** ما ادري بس فتحت عيني شفت احمد و شلت راسي لكيت عمر الشايلني --- زين احمد شيسوي هنا *** ما ادرري اريدج تطلعين تجيكيلي --- هسه انتي بس ارتاحي ... *** سمااااا شوفيلي احمد انتابتني حاله بكاء رهيبه ﻻ اعرف سببها ان كان من الالام التي اشعر بها ... ام بسبب معرفتي المسبقه بان احمد لن يسامحني يوما عن ما رأه سمعت طرق الباب --- ادخل اتى عمر مندفعا نوحي °°° شذر حبيبي شبيج شنو الديأذيج حبييي ؟؟ كيف يتجرأ على قول شيء كهذا ازداد غضبي الذي خرج على شكل دموع تحرق وجهي ````` لو سمحت استاز اطلع شوي لبره مشان اعطيها ابره تهديها شوي *************** خرجت من غرفتها وانا اشعر بقلبي يعتصر ... لا اتحمل رؤيتها بهذا الشكل .. تتالم وﻻ استطيع مساعدتها ... تذكرت ذلك الموقف حين سقطت شذر من دراجتها بعد ان قامت مريم بدفعها عنها .... ﻻ اذكر اني غضبت يوما كما في ذلك اليوم ... اتت شذر باكيه مندفعه نحوي ... كانت في الخامسه من عمرها بينما كنت بلسادسه عشر من عمري .... حين كانت باحضاني اعادتني ثمانيه عشر عاما الى وراء ... شئ واحد اعادني الى الواقع ... كلمه نطقتها ... لم اميزها ... فقط حرف الدال في اخر الكلمه ``````````` استاذ فيك تدخل هلأ °°° شكرا ... بس.... `````````` بس لحضه استاز .... احمد قسم العظام والكسور ..... طيب هلأ بدي روح لعندو اسفه استاذ شو كنت عم تقول °°° خلص وﻻ شي شكرا احمد ..... ايقعل ان يكون هذا هو ما نطقت به شذر وهي باحضاني ... نفس الشاب الذي يعلق على حسابها في الفيس بوك... الذي كان اليوم تحت منزلنها ... ايعقل ان يكون كل هذا محض صدفه --- عمر وين صافن °°° سوري سما .... كلتي شي ؟ ... شلون صارت ؟ --- احسن بدت تنام ... بس فوت شويه يمها هسه اجي اني °°° اوكي كانت بين الصحو والنوم حين دخلت ... اثار المهدء بدأت بلظهور ... لا اتصور ان اللام معدتها هي ما سببت كل هذا البكاء ... فتحت عينها بصعوبه .... نزلت منها دمعه °°° شذر ... شنو الديأذيج ليش دتبجين لم ترد ... كان قلبي يعصتر لم اتحمل رؤيتها حزينه ... حتى لو كان السبب حبها لأخر *** وين سما عمر االله يخليك صيحلياها °°° محتاجه شي ... اكو شي ديأذيج كلعاده بدون جواب ... فقط دموع منهمره °°° مجنت ادري بيج هيج دلوعه .. هذا كله من وجع بطن ... خليج قويه ***************** بل اللام قلبي هي التي تجبر دموعي على اﻻنهمار .... ﻻ احد يعرف احمد كما اعرفه انا ... لن ياتي اليوم الذي سيامحني به انا واثقه ... ولكن يا ترى لماذا هو بلمستشفى ... علي اﻻتصال به ... ولكن .... هااااتفي ... اين هو هو هاتفي *** عمر عفيه جيبلي تلفوني °°° وين حاطته ؟ *** بجيب البنطرون جان °°° ماكو شي *** شلللللون اخاف احد اخذه ... عفيه عمر لكيلياه °°° هسه تجي سما يمج واطلع ادوره *** ﻻ عفيه هسه °°° شذر ... ما اعوفج وحدج .. خلي يولي ضاع اجيبلج اغاته ياألهي ماذا لو ضاع هاتفي فعلاً .... كيف سأتصل به وانا لم احفظ رقم هاتفه دخلت سما في هذه اﻻثناء *** يله عمر علسريع عفيه °°° كلش عزيز التلفون مدتكدرين على فراكه قالها بنبره غاضبه *** خلص عوفه ما اريده اني حكوم اجيبه --- مخبله شبيج الكانونة بيدج وماخذه مهدء وين رايحه °°°سما خليج ويه هلمخبله ... خلي نشوف شلون راح اتفظ خرج غالقا الباب بقوه ---هذا شبي *** عوفيج منه ....شفتي احمد شبيه ؟ --- كل العرفته بقسم العظام والكسور ... شذر شذررر شبيج جاوووبي ****************** +++ اخويه ... اذا ممكن بس لحضه كنت متوجها نحو اﻻستعلامات محاوﻻ معرفه اذا ما كان ﻻيزال حبيبها جالسا هناك ... لكن هناك صوت قطع افكاري ... استدرت مجيبا °°° نعم +++اخويه جنت شايل بنيه قبل شويه صح .. °°° اي ... ليش +++ وكع التلفون من جيب اختك ﻻ اعرف لماذا ازعجتني كلمه اختك هذه °°° خطيبتي +++ خطيبتك ؟!! °°° العفو .. اكو مشكله +++ ﻻ اخويه ... تفضل التلفون من رخصتك °°° كلي العفو انته احمد ؟؟ +++ ﻻ اخويه سرمد ... تأمرني بشي °°° ﻻ بس شبهت عليك ... اسف +++ وﻻ يهمك ... واي شي تحتاج اني هنا وبلخدمه ... بايت ويه مريض °°° الله يكومه بلسلامه +++ تسلم ... ويشفي خطيبتك سرمد ... ايقعل ان يكون هو من نادت بأسمه شذر ... ولنفرض ... هل ستكون هذه ردت فعله على سماع خبر كخطوبتها .... اثنان ﻻ ثالث لهما اما اني قد ظلمت شذر .... او احمد كان هنا بلفعل ولكني لم اراه ... وعلى فرض انه هنا كان ﻻ بد له ان يطمئن عليها ولو من بعيد ... كنت سألمحه ولو من بعيد ... وبشكله .. ﻻ اخطئ ابدا سمعت صوت بكاء يخرج من غرفه شذر ... فتحت الباب مسرعا °°°شذر ... سما .. شذر شبيها --- ما ادري دا احجي وياها وراسا سكتت على غفله °°° شنووووو ××× عيني بس اهدوا ماكو شي °°° يعني شنو ماكو شي دكتور بس فهمني ××× المهدء النطيناهياه صح خفيف ... بس هيه الظاهر قاومت النوم كلش الى ان متحمل جسمه ونامت على غفله .... ليظل بالكم هذا كله من المهدء ---كول والله ما بيها شي دكتور ××× بتي استهدي بالله ... لو بيها شي شلون ما اكلكم خرجت من الغرفه متجها الى اقرب كرسي .... ياليتني قد بقيت في لندن ... هذا اليوم المشؤوم منذ بدايته متى سينتهي ان تحب هو شئ يحدث دوما ... ولكن حين تعيش مراحل الحب جميعها ... تدللها مثل طفله ... تراقبها كمراهقه ... و تعشقها كشابه .... هذا هو النادر والثمين ... الحب افعال ... ﻻ اقوال وكلمات ...الحب ان تضحي ... تربي... تستنشق تراب اﻻلم ... وتفضله على عطر الفرح ... ﻻ اظن اني في يوم قد اعشق بعدها ... او تجد هي من يحبها بنفس قدر حبي ... اتمنى ان ﻻ تفرط بعشق كهذا ... :::::::::: تعبتك حبيبي ابو خطاب °°° ها سموري شوكت جيت ::::::::: قبل شويه بس جنت دا انتظر ام الحسابات بس ماكو احد °°° اي جتي قبل شويه خلص فضيتها اني وياها ::::::::: لك شفضيت شكد طلع ؟ °°° اكلك بله متسكت .. خالتي وين :::::::: دخلت لشذر ... عموري حبيبي تعبتك ... روح انته للبيت ارتاح ... °°° بله متسكت .... رجلي على رجلكم ::::::::: وك روح والصبح تعال ظهرت سما من باب الغرفه ---يله امشو نرجع للبيت ممنوع نظل كلنه بس مرافق واحد يحقله يظل يمها وحتضل ماما :::::::: وشوكت يطلعوهة ؟ --- باجر ان شاء الله ::::::::::: يله امشوا للبيت لعد اني ميت تعب ***************** وفي مكان اخر من المشفى ### سرمد شنو خطيبها بابا تخبلت اليوم جانت ويايه ودنحجي بلخطوبه +++ هذا الي كاله ...ادري جذاب اني ما اكلك ﻻ ... بس احمد الولد مالي ايده من ديحجي .... ونظراته الي جانت مو طبيعيه شذر ... لن تخذلني .... ولكن ماذا لو فعلتها ... ماذا لو خذلتني ... كيف اعطيتها ثقه كهذه ... فتاه عرفتها من اﻻنترنيت .. كنت اوبخ نفسي في كل مره اقلق بها من طريقه تعارفنا ... شئ ما كان يخبرني ﻻ تتطمئن ... من تحدثت مع غريب بسهوله .. قد تفعل اي شئ بسهوله ايضا ... كخيانه ... كغدر ... كعلاقات متعدده واسرار مختلفه .... ﻻ انسى ذلك اليوم الذي اخبرني به احد اصدقائي انه تحدث معها ذات يوم .... لم تطل الحديث معه ... كان هناك ما استفسرت عنه ببرائة وذهبت ولكني لم استطع النسيان نعم قد غطى حبها على هذا الموضوع ولكنه لم يزيحه ... ولكن موقف اليوم وكلام عمر اتى ليزيح هذا الستار ويعيد شكوكي لمحلها ولكن هذه المره .... بقوه اكبر +++ احمد الولد شكله يحبها بس لتظلم شذر تره اي ولد يحب وحده هيج يكول ### واي وحده تحب واحد وتحترم مشاعره متصير بحضن غيره ... متغلق تلفونها وهيه ويه ثاني +++ وانته شدراك جانت وياه ### لك لوما شفت كل شي بعينك لتخبللللني +++ والله ما ادري شكلك بس اني متاكد اكو شي غلط ### صحيح اكو شي غلط ... ثقتي بيها **************** فتحت عيني ببطئ . . ﻻ اريد ان انهض من فراشي ابدا ... البارحه كان موعد حضور اهل احمد .... الذين لم يحضروا طبعا .... تماما مثله ... اسبوعان مروا على اخر تواجد لأحمد في حياتي ... اسبوعان مروا على كلماته الجارحه ... على سكينه التي قطعت شرايني ... لن انسى كلامه ما حييت طعنني بوجداني ... كرامتي ومشاعري ... ورغم هذا كله ... حاولت كثيرا ان اثبت له العكس ... ان اخبره بظلمه لي ... افترائه على مشاعري التي لم اكن مثلها في يوم لأحد اخر ... كيف له فعل هذا بي .. كيييف --- هم دتبجين ... لج رحمي عيونج شويه كافي *** سما عوفيني بحالي --- كووووومي صارلج اسبوعين بلفراش كافي جنج وحده بيها عاهه مستديمه *** كتلج محكوم طلعوا انتو بس عوفوني بحالي □□□ شذر ماما كومي عاد عيب اليوم جاينه ناس روحي للصالون كومي عدلي نفسج *** الجاين ديخطبون سما مو الي اني شعليه --- زين اقلها متوكفين ويايه بهيج يوم *** انطيج عيوني هم بس صالون ميحتاج اني محطلع لأحد --- والله اذا مجيتي ما اروح للصالون والله *** مخبببببببله انتي مخبله ... اووووف هسه كايمه ارتسمت ابتسامه اﻻنتصار على وجه امي وسما *** بس اني محسوي شي وﻻ اطلع للخطار خلوها ببالكم --- الله كريم بس سبحي وبدلي على السريع ما عدنه وكت اخذتني اﻻفكار وانا تحت هذا الماء الساخن ... كنت ساخذ اليوم ذات الحمام ... وسأذهب لذات المكان ... ولكن لسبب مختلف تمام ... كنت سأستعد كعروس له ... كانو سيتفقون البارحه ... واليوم كنا سنشتري الخواتم .... وبعد يومين سنذهب معا الى عرس صديقتي ... كأول اعلان لخطوبتنا رسميا .... اليس هذا ما خططنا له .... اين خطننا .. كيف هان عليه كل هذا كييييييييييييف --- شذر يللللللله استعجلي *** يله يله خلصت هسه طالعه ساحاول نزع الحزن اليوم من وجهي ... فانا اعلم ان سما بحاجه لمن يساندها ... قرار رجوعها لخطيبها السابق ليس بلقرار الهين ولكن خذﻻن نمير لها وقسوته ... اجبرتها على اخذ قرار كهذا ﻻ اعرف ان قرارها صحيحا ... بلموافقه طبعا وليس بترك نمير ... ولكن اتمنى ان ﻻ تندم --- يلللللللله *** جيت جيت يله طلعي ************ °°° ﻻﻻﻻ مدا اصدك اخيرا طلعتي من البيت *** وانته شنو كاعدلي وره الباب دتنتظر --- هلو عمر شلونك عيني °°° هلو سماوي الف مبررروك وتستاهلين كل الخير --- تسلم خير اليصيبك يوم اﻻلك °°° اميييييييييين يارب *** يله سما اجه المصعد °°° شذر حخابرج فد شويه جاوبي مو مثل اﻻيام الفاتت *** تلفوني عفته بلبيت °°° اوكي ادك على سما ... يله باي كنت على تمام الثقه بان هاتفها معها ... ولكنها تتجنب الحديث معي ومع هذا لن افقد الامل ... ساحاول الى اخر دقيقه معها .... حين اخبرتني مريم بان احمد ليس مجرد علاقة عابره ... بل هو شخص تقدم رسميا لها ... كبرت شذر في عيني اكثر ... حتى حزنها ذبولها رغم وجود بديل يتمناها دليل على وفائها ... ليس ذبنها انها لم تشعر بحبي لها ... فهذا خطيء ... انا الذي لم يبوح من تكتم ... ولن اعيد غلطي هذا .... سأفعل المستحيل ليكون هذا الملاك لي وحدي ****************** بقيت اقلب في تقارير الطبيب ... ﻻ مجال للمناقشه هذا هو الطبيب الرابع الذي يردد ... عمليه في العمود الفقري ... هي الحل الوحيد لحالتك .. عمليه قد تكلفي الكثير معنويا وماديا ... اي غلط قد يؤدي الى شلل تام .... وبقائي بدونها قد يؤدي الى مشاكل في الساق مما ينعكس على طريققتي في المشي .... بكل الحاﻻت انا في خطر قد يكون هذا عقاب من الله لي ... قد تكون شذر بريئه فعلا ورب الكون يحاسبني اﻻن ... اسبوعان من الجحيم ... ضياع عقد العمل الجديد بعد المقابله الفاشله التي مررت بها .. وصحتي التي هي في تدهور دائم .... اعلم باني اخطئت واحتمال ظلمها تسعون في المائه ولكن ... بعدها افضل لي ولها خاصه بعد ما جد على حياتي **************** *** سما انتي فرحانه ؟؟ --- انتي شتعرفين شذر ؟؟ طبعا ﻻ اني فرحتي راحت ويه حلمي ب نمير ... بس خلص ﻻزم احط حد لهذا الحب ومجان عندي غير طريقه ... الشي الوحيد الي حيخلني انسه او بالاحرى اتناسها وفائي ل سيف *** زين ليش موافقتي بهذا احمد الي تقدملج ... --- اولا سيف يحبني ويعرفني كلش زين وحافظ طباعي ... ثانيا اكيد محخليج عمرج كله مكابله واحد اسمه احمد انتي هلت الهله هسه هلنومه كل خمس دقايق يجي اسمه *** الله عليج رافضه واحد طول بعرض بشهاده ... والله اختي عدها ذكريات ويه اسمه ... مخبله انتي --- ﻻ والله انتي الي مخبله الي تتصورين اقبل شي ولو صغير يجرحج لج بابا انتي اختي يعني قطعه مني اعز من روحي مخبببببله انتي دمعت عيوني من كلامها ... اصبحت سريعه التأثر بعد ما مررت به --- هاي عمر سواها صدك ودك عليه هاج احجي وياه *** اووووووف شلون بيه هذا ﻻ حول وﻻ قوه اﻻ بالله --- دجاوبي عيب *** الو هلو عمر °°° هلوو شذوره *** شدراك هاي اني مو سما °°° كلبي كلي ...............*** °°° شلونج شلون صرتي *** الحمدلله احسن °°° اني دا افكر بشغله اليوم *** كول ؟ °°° هو اليوم شنو جاين يخطبون لو شنو *** سيف موضوعه مو جديد حتى تنعاد كل الطقوس هاي .... اليوم جاين النسوان كعده عصريه يتفقون بيها على الموعد مال الحفله والذهب وهاي السوالف °°° كلش زين لعد بهاي المناسبه اني عازم الكل على العشه وره ميطلعون النسوان *** منو الكل °°° سما وسيف و سامر وايه .... واكيد انتي *** اني بلنسبه الي اعفوني من الطلعه ... تعبانه بعدني °°° اذا انتي مجيتي اني حلغي الطلعه ولعلمج اني تره حاجز *** بس اني محجي °°° يله كولي لسما ب 9 نكون طالعين وسيف اني حخابره ... باي *** باي حين اخبرت سما بلدعوه رفضت رفضا قاطعا فكره عدم انضمامي اليهم ... وتعللت بانها ﻻ تريد قضاء وقتها مع سيف ﻻنها لم تعتد الفكره بعد ... مع هذا لم اعطها الموافقه فسامر وايه موجودين مما يبطل حجتها *************** اريد مفاجئتها اليوم ... بشئ تحبه شيء لن تتوقعه ﻻ بد ان اخرجها من جو الكائبه هذا ... تبدو مريضه هزيله ﻻ تمد بصله لشذر تلك الفتاه المليئه بلحياه رن هاتفي :::::::::: ها عموري شخبارك °°° هلا بأبو سمره ::::::::: اكلك اني هسه رايح ححجز ال لندن الي ولشذر اريد اسويلهياه مفاجأة اني اول وتالي ﻻزم اروح وكلت اخذها تغير جو ... والله مدا اعرف شبيها هاي البنيه .... المهم تريد احجزلك ؟ °°° ممممم خليني افكر ... بس قبل متحجز ارجع دكلي :::::::: تمام قد تكون فرصه جيده ... تغير اﻻجواء ... وجودي معها ومع عدد قليل من الناس ... ولكن قد تكون فتره نقاهه منفرده لها بدون اي ضغوط افضل لها ﻻ اعرف ما علي فعله بلضبط .... رن هاتفي مجددا اوووووووف اكره هذا الرقم اكرهه ******************* فعلا كانت عروس جمممميله متألقه .. اختي صاحبه الجمال اﻻخاذ شي واحد كان ينقصها اليوم كعروس ... الفرحه ... تلك السعاده التي تشع من عيون كل فتاه في يوم كهذا . . . تلك السعاده التي كانت تطل من عيونها حين تحدث نمير .... كانت النجوم تتلأء في عيونها الواسعه بمجرد رؤيه رقم هاتفه .... واﻻن ﻻشئ يتلأء سوى دمعه محبوسه تقاوم نزولها بشده ''''""" كلللللللللللللللللللللللل لليش --- حبيبي ايه احتظنتها سما بقوه كأنها تتوسلها باخذها من هنا ... او اخذ عذابها .... ذكرياتها وحبها ﻻ يوجد اصعب من ان تزف الفتاه لغير من تحب ... حيث يتحول القفص الذهبي الي قفص من اﻻشواك... والخواتم الى قيود من حديد .... حتى اللون الابيض يكون باهتا في عيونها ... تماما كمشاعرها .... شيء واحد يجمع العروس المحبه و المقهوره ... دموعها ... ولكن شتان بين دموع البراكين ... وقطرات الندى على زهره متفتحه ''''"''"" حبيبي عفيه عليج سويتي الصح .... ان شاء الله كل السعاده والتوفيق ياربي --- ويتمملج انتي وسامر على خير حبيبتي نعمممم نعمممم اسفه ... نسيت اخباركم ... اسرع خطوبه في العالم .... ذهب سامر لطلب يد ايه من عمتي وبسبب عدم قبول ايه عمل اي حفله للخطوبه حاليا خرجوا اﻻثنان اشتروا الخواتم وتم كل شئ .... وﻻ نزال لهذا اليوم ﻻ نعرف سر الحب المفاجئ هذا ... وﻻ حتى سبب خلافهم الحقيقي قبل مده '''''' شكرا سماوي عمري *** يله أيو شوووكت تسوين الحفله ''''''' من تكومين من فراشج و اشوفج راجعه شذر مال اول ... تصورين اني اكدر افرح وانتي بهاي الحاله ... طز بيه هاي اني وسما كدامج ... فادونه الي يحبونه ... بابا اخذي اليحبج ولتاخذين الي تحبيه .... شبيه عمر مثل الورده وكاتل روحه عليج كوليلي شتردين اكثر بعد *** ما اريد ﻻ اكثر وﻻ اقل ... كل الي رايدته احمد ... صدكيني مرايده شي غيرررره """" احممد راح ووله وهو الي خسر انسان ماعنده ثقه ﻻ بيج ولا بنفسه ... هيج انسان ميستحق تكملين عمرج كله وياه حيضل طول عمره يشك *** بس اني احبه --- الحب مو كل شي شذر ... الزواج ينرادله عقل ... مو قلب *** سما انتي هيج دتحجين --- اي اني ... اني الي حطلع هسه ابوس ام سيف واضحك وياها ... اني الي حطلع بليل ويه سيف واني جنت بهذا الوكت احجي ويه نمير بلتلفون .... اني الي حطلع باجر اختار محبس سويت المستحيل حتى يكون اﻻسم المنقوش عليه اسم نمير .... اني سما ... الي محد حب الحب الحبيته وﻻ ضحى التضحيه الضحيته ... بس بلنهايه ميصح الا الصحيح .... ليش اشتري الباعني .. وابيع الشراني ... مو هاي حجايتج الي جنتي تكوليها دائما شغيرج ... ليش نطيتي فرصه لواحد مثله يقتل بداخلج كل شي حلو تعالي سحبتني بقوه نحو المرأه --- هذا وجهجج ... شوفي الصفار البيه جنج وحده مريضه ... هذا منظرج يوم خطبه اختج ؟؟ هاي انتي شذر ؟؟ جاوبيني لج انتي جنت الروح والضحكه بهذا البيت هسه الكل ميت من خوفه عليج ليييش ... علمود واحد شكاك واحد مريض *** ما اقبل احد يحجي عليه .... احمد يحبني .من غيرته مستوعب المنظر بس احمد حيرجعلي ... وهسه كلكم تشوفون ... احمد ميكدر بدوني اني اعرفه ومحد بكدي يعرفه محد خرجت باكيه من الغرفه ... *** ماما اني هسه اجي رايحه السوبر ماركت اخذت مفاتيحي وهربت من المنزل .... اريد الهروب من عالمي كله ﻻ اريد البقاء هنا ومعهم اريييد احمد يااااااارب ساعدني ... جلست في اقرب مقهى لأرتشف القليل من القهوه علها تريح اعصابي رن هاتفي مره واثنان ... عشره لم ارد عليهم فقط اتصلت به لم يجب كما هو متوقع وضعت هاتفي جانبا محاوله مني للهدوء وبدأت اﻻرتشاف من الفنجان حين رن هاتفي اووووووف يا ايه لحت بالاتصال كثير ... حملت الهاتف لاقفاله ولكن *** الووو ... احمد ؟؟ ### هلو شذر شلونج انهرت باكيه *** كلتلهم اني كتلهم احمد ميعوفني ... وينك احمد دا اموت بدونك ..... ليش عفتني هيج للللليش ### شذر ...... ♡♡♡ ترى ما سر اتصال احمد بشذر ... هل احس اخيرا بمدى ضلمه لها ♡♡♡ ما الذي سيحدث مع عمر لو عادوا شذر واحمد ♡♡♡ اختيار سما .... ما مدى صحته وهل ستستطيع مجاراه واقعها الجديد فنجان اخر ... واجابات واسئله تنتظركم في فنجاني العشرين .... فهل سيكون اﻻخير ؟ التعديل الأخير تم بواسطة لامارا ; 03-04-13 الساعة 02:57 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
