آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-06-13, 06:32 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت العاشر,, /////////////////////////////////////////////////////////////// رجعت لقوقعتها وقفلت الباب بعد ماشالت عبايتها وبدلت ثيابها ولبست بيجامة وغسلت وراحت قعدت على سريرها....وغمضت عيونها.. صارت تتذكر ملامح وجهه وقسوته اللي باينة بعيونه......هيبته..طوله...صوته القاسي...ماتدري ليش كل ملامح وجهه فيها قسوة وغلظة مع انه اللي يركز بعيونه يشوف فيها الحنان مو القسوة؟؟؟ فهد...ابو سارة ولمى وفيصل...لمى البنت النعومة اللي شفتها..وفيصل خفيف الدم...بس سارة مابعد التقيت فيها.... اووووووووف يانجود...وش له تفكرين بها الفهد اللي مايستاهل!!!! شيليه من بالك ونامي وراك بكرة دوام....ها الفهد علة لا ويقولون لي هادى...وينه ووين الهدوء!!!!! مسكت جوالها وصارت تقلب بالمسارات والمقاطع اللي عندها لين استقرت يدها على اغنية وضغطت عليها ..وطفت الانوار وفتحت شعرها وصارت تلعب فيه وهي تردد الاغنية مع الجوال.... (صدفة ومن بين كل الناس علقني... من يوم شفته وعيني جت في عينه.. حسيت بشي بعيونه حيل يجذبني.. ولمى ابتسم بانت بوجهي تلاوينه.... غمضت عيونها بقوة بعد ها الكلمة وهي تتخيل شكل فهد وهو يبتسم لها ياترى كيف بيكون وهو يبتسم.....اكيد انه بيكون مميز لان ابتسامته نادرة...... ////////////////////////////////////////////////// اليوم الثاني كان روتين متكرر لكل الابطال ..اللي بمدرسته واللي بوظيفته واللي بعمله... فيصل/ماما... نجلاء/نعم ياماما.. فيصل/ابي اروح البقالة. نجلاء/بعدين...اللحين مافي احد يوديك .. فيصل/وابوي ليش حاط لنا سايق اذا بتقولون لي بعدين..... نجلاء/ياماما يافيصل مايصير تروح مع السايق بروحك للبقالة ابوك مايرضى؟ فيصل/لاتقولين له اني رحت معه بروحي؟ نجلاء/ياسلاااام تبيني اكذب يعني!!! فيصل/لا ماراح تكذبين..هو مابيدري اني رحت وانتي لاتجيبين سيرة بالموضوع..... نجلاء/اقول فصيل انت كم عمرك؟؟ فيصل/العقل مو بالعمر ياماما؟؟؟ نجلاء/أي والله العمر مو بالعقل...... فيصل/ها اقول للسايق يوصلني البقالة؟ نجلاء/لا ياماما... فيصل فتح اذاعته بالبكي وصار يضرب راسه بالارض.....كنوع من الاحتجاج والاعتراض... نجلاء بهدوء/حبيبي لاتاْذي نفسك.. فيصل ببكي/ابي اروح البقالة اللحين.... نجلاء/قوم وامري لله.....بس ياويلك البقالة وبس سامعني؟ فيصل/طيب..... مسكت التلفون ودقت على السايق/توديه البقالة اللي هنا قريبة وترده بسرعة طيب ماتتاْخر؟؟ فيصل/يالله باقي الفلوس ياماماتي الحلوة.... نجلاء قامت وعطته خمسين ريال/ياويلك يافصيل ان تاْخرت سامعني؟ فيصل اخذ الفلوس وطيران على السيارة... ////////////////////////////////////////////// بغرفة المعلمات.... كانت نجود قاعدة وهي شبه سرحانة...ممل ها الجو بها الغرفة تكرهه حييل ..منال عندها حصة وهاجر بعد وحتى نوير اللي صارت تاخذ وتعطي معها عندها حصة ومافي غير ها العجايز يحشون ببعض ومها اللي مو طايقتها وانقلبت عليها من ثاني يوم.... ابلة نجود.... رفعت راسها وكانت ملاك واقفة قبالها.. نجود بقوة/خير في شي... ملاك ببرأة/ابلة ممكن اتكلم معك شوي... نجود /نعم... ملاك/لا مو هنا... نجود ناظرت بالدفاتر اللي على طاولتها وفتحت واحد فيهم.../ماعندك حصة ياملاك؟؟ليش طالعة من درسك؟؟ ملاك/مو شي مهم اللي قاعدين ندرسه لاتشغلين بالك؟ نجود باحتقار/لا...توني ادري ان في مواد مهمة وفي مواد مالها أي اهمية ؟؟؟ ملاك/شوي بس ماراح اضيع وقتك كثير.... نجود/طيب طلعي وبلحقك.. ملاك/شكرا... طلعت ملاك والباقيين يناظرون بنجود .... نجود بقوة/خير في شي؟ مها بنفس القوة/وش عندها ملاك..... نجود وقفت/غلطان اللي سماها ملاك كان المفروض يسميها هلاك!!!! قالتها وطلعت وعيون مها بتطلع من كثر ماهي فاتحتها ...... /////////////////////////////////////////////// بالمدرسة الثانوية الرابعة بالدمام كان الوضع مختلف تماما.... جواهر كانت بقمة الزعل بها الاسبوع ومالها خلق شي ابدا.. طول الوقت طالعة وتمشي وحصصها قالبتهم فراغ من كثر الضيق... سارة(طالبة معجبة)/ابلة جواهر.. جواهر بحزن/نعم.. سارة/وش فيك...جعل اللي مضايقك يضايقني!!! جواهر/روحي فصلك ياسارة ... سارة اشرت بيدها/هذا هو الفصل وانتي علينا...بس ليش قاعدة برى الفصل ومتضايقة...منو مزعلك؟ جواهر/سارة...روحي مدام النفس عليك راضية لاتخليني اطلع كل همي فيك يابنتي!!! سارة/الله..ياليتني صدق بنتك وعايشة معك بنفس البيت كان وناسة!!! جواهر بقوة/سارة خلاص روحي الفصل؟؟؟ سارة جمدت مكانها وراحت الفصل وهي دموعها سابقتها... اما جواهر كانت تتنهد من الهم اللي فيها....شفيك يابندر مطنشني...مو كفاية هم وزعل نجود تقوم انت تكمل علي بعد!!!هاذي وعودك لي ان احنا لازم نكون مع بعض بكل وقت وبكل ضيق وهم وفرح وسعادة!!!! انا افتقدك بقوة......صار لك يومين ماتكلمني ولاتدري عن احوالي..عسى بس مو صاير لك شي يالغالي...... وبدى فكرها يشغلها من جديد من خوفها انه يكون بندر صاير له شي بجدة ومتضرر...ياربي سترك يارب... يارب احميه واحفظه وابعد عنه كل شر واذية..ورده لنا سالم غانم يارب,,,, يارب هد سرنجود علي وخلها تسمعني وبعدها تقرر اللي تبي تسويه بس تعطيني فرصة اعتذر منها وابين لها موقفي........ سالم/وينك انت... فهد/راد البيت بغيت شي..... سالم/عسى ماشر راد بدري؟ فهد/والله حسيت اني تعبان مانمت البارح زين وقلت ارد البيت ارتاح شوي......والمكتب للعصر ماراح يطير..... سالم/وش اللي شاغلك ها البنت!!!ماهقيت ان فهد الثقيل تشغله بنت كذا!!!! فهد بضيق/سالم انت من صدقك عاد!!!!بشغل نفسي بها التافهة؟؟؟؟؟ سالم/هههههه وش فيك انت بس قلت الطف لك الجو المكتم...اذا قعدت من النوم دق لي طيب... فهد/يالله..... سكر من سالم وتنهد بقوة..كلام سالم حرق له دمه زيادة..هو فعلا كان يفكر فيها وكانت شاغلة افكاره بس ليش مو قاوي يقول لسالم اعز انسان عنده انه قاعد يفكر في بنت مدت له لسان وش طوله من شافته!!!!!!!! /////////////////////////////////////////////// ناصر/الو.... هنوف بصوت ضعيف/نويصر شلونك... ناصر/الو..منو معي!!! هنوف/ووجع يانويصر ماتسمعني!!!!! ناصر/منو.. هنوف/انا ..انا هنوف... ناصر/هنيف؟؟من وين تكلمين؟؟ هنوف/من المدرسة... ناصر/من وين؟؟؟ هنوف/وش فيك هربانين من الحصة وحابسين نفسنا بالحمام انا وصديقتي وزين انها جايبة معها جوالها نتسلى؟ ناصر/ههههههههههه صدق مجنونة.. هنوف/من عقلاتك انت؟؟؟؟ ناصر/وش له قاعدة هنا ياحظي!!!! هنوف/انا مليت من الدراسة ومفكرة اطلع من المدرسة؟ ناصر/بلا تهور يابنت العم....عقلي ها..توك باول ثانوي...باقي لكم سنتين وبعدها قرري تكملين لو توقفين؟ هنوف/اوووف حرام كل يوم يعذبونه ويقعدونه بدري من صبح الله!!! ناصر/ههههه بس هذا اللي مضيق خلقك القعدة بدري؟ هنوف/ماراح تحس بشعوري... ناصر/طبعا مابحس فيه لاني كنت طالب مجتهد احب دروسي ومدرستي لين تخرجت وربي وفقني... هنوف/على مين ها الككذب بالسنة لك اربع الى خمس مرات فصل لو مايروح عمي مسكين ومن هنا ومن هنا ويردونك؟؟؟اسكت بس ترى كل فضايحك عارفتها!!! ناصر/افا ..يعني مايمديني اخذ راحتي!! هنوف/هههه لاطبعا... ناصر/تبين كبدة.... هنوف/عساك ماتربح وين طالع من دوامك ورايح تاْكل كبدة؟ ناصر/مسكين انا..عندي شغلة ببلدية القطيف وجاي اخلصها...عاد واحد من الربع يقولي في مطعم اسمه التنور يووون خوش كبدة قلت اجربها.... هنوف/وانت هذا اللي فيك مايهمك غير بطنك وبس!!!! ناصر/ان شاءالله وش تبيني اشغل بالي فيه؟؟؟ هنوف/تعال خذني من المدرسة خلني اطلع معك؟؟ ناصر/لو يعطوني مليون ماطلعتك خلك متعذبة احسن؟؟ هنوف/شو ف النذالة وماتسوي؟ ناصر/ههههههههههههههه /////////////////////////////////////////////////////// نجود تسندت على الجدار وكتفت يدينها/خير وش بغيتي؟ ملاك بهدوء/وش نحمل معنا بكرة...نحو ولاادب؟ نجود بهدوء ونظراتها على نجود/هذا السؤال اللي شاغلك؟؟؟ ملاك بضحكة/انتي قلتي اذا طلعت وماقلت لكم وش تحملون تجيني وحدة تسالني؟ نجود/أي بس يافالحة باقي لي حصتين معكم الخامسة والسادسة ولاانتي ناسية؟ ملاك/لامو ناسية.... نجود بنفاذ صبر/طيب..ويعني؟ ملاك/ممكن اسالك وش اللي مضيق خلقك اليوم؟؟؟منتي على بعضك منو مزعلك؟ مها طلعت بها اللحظة.... نجود/مو من خصوصايتك ياملاك فلا تسالين لو سمحتي وخلي بيني وبينك خط لاتتجاوزينه؟؟؟ مها/ملاك منوعليكم اللحين؟ ملاك/ابلة نوير....اي...مو قصدي اتطفل بس حسيتك مو على بعضك...يعني اللي مزعلك من المدرسة.. نجود/............. ملاك/طيب من الفصل؟ نجود/ملاك... ملاك بترجي/بس ابي اعرف.. نجود/وليش تبين تعرفين؟ ملاك/علشان اشكره انه زعلك!!!!ماتدرين شقد تجننين وانتي زعلانة ...تطيرين العقل والله!!!! /////////////////////////////////////////////////// نجلاء كانت تكلم بالتلفون.... وانفتح الباب حق الصالة... نجلاء/ها فيصل رجعت؟ وقف قلبها يوم شافت فهد واقف قدامها واعتذرت بسرعة وانهت الاتصال... فهد/وش فيك؟ نجلاء بارتباك/ها..ولاشي.. فهد/ليش وين رايح فيصل تسالينه اذا رجع؟ نجلاء/ها....فهد انت ليش راد بدري اليوم؟ فهد/حست بشوية تعب وقلت ارد اريح؟ نجلاء /وليش مااتصلت خبرتني؟ فهد بصرامة/ولازم اعطيك خبر اني برد بيتي اريح!!!! نجلاء/لا مو كذا السالفة....... فهد قعد على الكنبة وشال شماغه من عليه وفتح ازرار ثوبه.../وين فيصل؟ نجلاء/................. فهد طلع له سيجارة وشغلها/وين فيصل؟ نجلاء/فيصل راح..... فهد/في بيت عمه.... نجلاء/ها..... اندق الباب بها اللحظة.....فهد/فتحيه يمكن انه مرة اخوي جايبته.... نجلاء راحت وهي مو قادرة تمشي وتدري لو فيصل تكلم بكلمة وحدة بيوديها في سالفة مع فهد... فتحت الباب وكانت المفاجاْة...؟؟؟ ///////////////////////////////////////////////////// هنوف/ها ماغيرت رايك وبتمرني؟الله يخليك ياعمي ناصر؟ ناصر/لاتحاولين...ماكو...ماراح امرك لوتموتين يالله اشوفك متعذبة تبيني اخلصك بيدي مو مجنون يابعد عمري.... هنوف/نويصر ممكن اسالك سؤال؟ ناصر/تفضلي... هنوف/انت تحب؟؟؟عايش الحب.. ناصر/احم احم ليش تسالين؟ هنوف/مو اللي يشوف نذالتك مايقول انك تحب ولا بتدل طريق الحب بعد!!!! ناصر/حرام عليك...انا ابو الحب..الحب مغرقني من فوقي لتحتي لو ماتدرين؟ هنوف بجدية/احلف!!! ناصرمسوي روحه ثقل/لالالالا هذي خصوصيات شباب مالازم تعرفين عنها شي...يالله روحي فصلك لااتصل اللحين بمدرستكم واقولهم انك متخبية بالحمام انتي وصاحبتك ام كشة!!!! ///////////////////////////////////////////////////////// مشت ملاك للفصل بعد ماقالت لها نجود تروح... مها/نجود انتي وش بينك وبين بنت الفايز؟؟ نجود بلامبالاة/طالبة ومدرستها يعني وش بيربطنا ببعض غير الفصل؟؟ مها/لالالا انا اتكلم عن برى الفصل....ملاك صايرة منتظمة ومن داومتي للحين ماغابت ولايوم وهذا مو من عوايدها حتى امها متعجبة منهامن قبل تجي يوم كل اسبوع لو كل اسبوعين اللحين بتكمل ثلاثة اسابيع ماغابت ولايوم؟؟؟ نجود/طيب ليش ماتسالينها عن اسباب عدم غيابها بدل ماتساليني انا!!!!قلت لك انا مالي علاقة بالموضوع؟ مها/طيب لنشوف نهايتكم شنو..... نجود مشت عنها وماكانها تسمعها...مو ناقصتها بعد وناقصة وجع راس كفاية الهمين اللي عندها!!!! /////////////////////////////////////////////////////// فتحت نجلاء الباب وكان السايق واقف..... نجلاء بخوف وصوت واطي/وين فيصل؟ السايق/ماما هذا... فهد/وش صاير؟؟؟؟ روحي انتي داخل من متى تكلمين السايق من على الباب؟؟؟وش عندك؟؟ السايق/بابا فهد...هذا فيصل يدخل بقالة بعدين انا يسمع صوت واحد يصدم سيارة حق انت انا يروح يشوف سيارة وش صار فيها ويسوي تفاهم بين هذا صديق بس مايرضى يوقف يمشي يقول انته في غلطان مو هو نفر...و.. فهد بقوة وقفت قلب السايق/وفيصل وينه؟؟؟؟ الاسيق بارتباك/انا بعدين روح داخل بقالة مايشوف فيصل في..... فهد بصراخ زلزل البيت/فيصل وينه!!!!!!!!!!!! السايق/انا مايشوف فيصل في بقالة؟؟ نجلاء شهقت شهقة عالية/يمه ولدي!!!!! //////////////////////////////////////////////////////////الجازي/فاعل مرفوع..... نجود/وين فاعل مرفوع؟؟وين مروحة انتي!!!شوفي وش قبلها... الجازي/....... نجود/قبلها فعل مبني للمجهول ولاللمعلوم؟؟؟كم مرة بظل اعيد وازيد اذا قبلها فعل مبني للمجهول يصير اللي وراها نائب فاعل....اذا انتي يالجازي يالممتازة تغلطين وش اقول انا عن ملاك لو غلطت؟؟؟؟ ملاك رفعت راسها وهي متضايقة وتفشلت بس ابتسمت بوجه نجود اللي كانت تناظرها وتضحك ملاك/صرت مضرب المثل بالفصل عشاني كسلانة!!! ضحكت نجود وضحكوا البنات وراها... نجود/قعدي يالجازي.....اذا انبى الفعل للمجهول يعرب مابعده نائب فاعل واذا انبنى للمعلوم يعرب مابعده للمجهول.....فهمتوا.... أي.... نجود/قومي ملاك جيبي لنا مثل للفعل المبني للمعلوم وفعل مبني للمجهول واعربي مابعدهما..علشان لاتصيرين مضرب مثل .... ملاك بثقة/ماعندي أي مشكلة ... نجود/اوه ه ه مشاءالله..تفضلي اجل اكتبيهم على السبورة واشرحي لنا وانتي تعربين..... /////////////////////////////////////////////////////////هيا/ممكن اسالك سؤال؟ جواهر بهدوء/خير... هيا/وش عندك مع نجود؟ جواهر اكتفت بانها تنهدت .. هيا/هي بصراحة قالت لي.. جواهر قاطعتها/انا اعرف نجود اكثر منك لو شيصير بها العالم ماتتكلم مع غيري..حتى لو كان عني انا!!! هيا/تقصدين اني اكذب؟؟؟؟ جواهر/افهمي اللي تبين تفهميه؟؟ هيا قامت وهي مقهورة وتركت جواهر قاعدة بروحها.... تنهدت وكتبت مسج لنجود......اللي كانت بذيك اللحظة قاعدة على سريرها تفكر بفهد.....وصلها المسج وفتحته وتنهدت(الكون في غيبتك فاقد له انسان!!!!وانا في غيبتك فاقد الكون كله!!!!)هذا اللي ناقصني ياجواهر وجودك معي بها الظروف....ابي اقولك عن اللي بخاطري وعن شعوري اللي حاسته من صادفت ها الفهد!!!!جواهر يابعد عمري ليش سويتي فيني وفيك كذا بس!!!! مسكت جوالها ودقت على السايق/جهز السيارة شوي وبنزل لك.... ///////////////////////////////////////////////////////////ام مشاري/اذكري الله بس ياام فيصل اللحين بيلاقونه؟؟ نجلاء كانت ذابحة نفسها من البكي خوف على فيصل واللي ممكن يكون صار له وخوف من فهد اللي للحين ماحط لسانه بلسانها؟؟؟ نجلاء /ياربي شسوي انا شسوي....ياربي احفظه وين ماكان وسخر له عيال الحلال وابعد عنه عيال الحرام....... محمد/السلام... فهد بعصبية/ها ماشفته؟؟ محمد/لا ياعمي ماشفته....سالت عنه راعي البقالة وقال لي نفس الكلام اللي قالك عنه انه شاف اليوم طفل صغير داخل بس طلع ومااشترى شي ومايدري اذا كان راح مع احد ولالا.... فهد/استغفر الله العظيم.... ابو مشاري/خلنا نكلم الشرطة ياخوك من اللحين احسن علشان يسوون شي؟ مشاري/كلمتهم ياخالي كلمتهم... فهد رفع راسه/وش قالوا؟؟ مشاري/قالوا لازم تمر اربع وعشرين ساعة على غيابه وبعدين نبلغ... منال بهمس/طيب كيف طلع انا ابي افهم؟؟ لمياء بنفس الهمس/نجلاء خلته يطلع مع السايق منال/أي بس عمي مايرضى عياله يطلعون مع السايق بروحهم!!!كلنا نعرف ها الشي؟؟ لمياء/تقول انه كان مصر الا يروح.... منال/كان راحت معه بدل ماتخليه بروحه!!!!! لمياء/صار وانتهى وش بيدنا نسوي عاد يامنال غير ندعي الله يحرسه ويحفظه.. منال بالم/ياحبيبي يافيصل...عسى ربي يردك سالم..... لمى/بابا متى بتشوفون فيصل؟ فهد بعصبية/بابا لمى فارقي عن وجهي مو طايق اسمع أي صوت!!!! لمى تبكي/بس انا ابي اشوف فيصل واتطمن عليه؟؟ فهد بعصبية وصراخ وصلت للحريم/هذا اصلا كل من تحت راس امك!!!لوهي سنعة ماخلته يطلع بروحه مع السايق وانا اللي منبه عليها ماتترككم تطلعون بروحكم!!!تتفضل تشوف النتيجة حضرتها؟؟ولدها صار له اكثر من ساعتين برى البيت والله يعلم كم بيبقى برى البيت ولا متى بيرد ولا وينه فيه!!!!! ابو مشاري/روحي يابنتي داخل عند بنات عمك روحي....فهد ياخوي هد نفسك شوي..حتى امه خايفة عليه؟ فهد بنفس العصبية/لاماهي خايفة !!!لو كانت خايفة ماكانت طلعته من الاساس !!!واحد ثاني بعمره المفروض يكون بروضته يتعلم مو طالع لي مع السايق وكاهو مامنه خبر!!!انا الغلطان الحريم ماوراهم غير الهم ووجع الراس مايعتمد عليهم في شي؟؟؟؟ ////////////////////////////////////////////////////// بندر كتن يمشي على البحر والوقت وقت غروب وتفكيره يوديه ويجيبه... جواهر الحب الغالي اللي عشته يابندر...واللحظات اللي كنتوا تسرقونها سرقة علشان تلتقون انت وياها...هي اللي علمتك الحب والعشق وحروف الهوى,,,,, جواهر حبك اللي ماتساوم فيه بشر...كيف لك قلب تتركها ثلاثة ايام لاتكلمها ولاترد على اتصالاتها ولا مسجاتها!!!!! دلع..ها البنت الطايشة صاحبة المشاكل اللي قاعدة تلاحقني من مكان لمكان وتورطني معها وين ماراحت!!!! من عرفت مكان شغلي وانا مبتلش فيها؟؟؟؟ اوووف ياربي شسوي.....لاقاوي ارد ولجواهر واشوفها وهذا الاسبوع الثاني اللي بخذلها فيه وبحطمها .... ولا قادر اقول لدلع اتركيني اروح اشوف اهلي وحبايبي بالشرقية .... وليش ماتقولها يابندر!!!دلع ماهي ولية امرك علشان اذا قالت لك لا تقول لها حاضر؟؟؟ انتبه على صوتها اللي جنبه ويدها في يده... دلع/اقول بندر..وش رايك نروح نتعشى الليلة بمطعم حلو على ضوء شموع!!! بندر بشماتة/منو انا وانتي!!!حتى مكدونالدز مايناسبنا!!! دلع بعصبية/وليش ياعيوني؟؟؟ بندر/وش تبين مني يادلع!!!! دلع/ولا شي...بس قلت لك قبل انت دخلت مزاجي ولازم تكون لي!!!! بندر تنهد/دلع انا عندي هناك بالشرقية وحدة ثانية احبها وتحبني ومتفقين على الزواج؟؟؟ دلع/هههههه كل الشباب اذا مايبون يدخلون بعلاقة ولايبون ينهونها يقولون نفس الحكي!!!!انتوا ليش ماتتطورون وتدورون على كذبات جدد بدل ماتعيدون وتزيدون بنفس السالفة!!!! بندر بضيق/انا مااكذب يابنت الناس؟؟؟؟ دلع/أي معليش مصدقتك!!! دق جواله بها اللحظة وكانت جواهر اللي متصلة... دلع/لاترد ماابيك ترد على احد وانت بقربي!!! بندر/ماهو بكيفك سامعتني!!! دلع/طيب جرب رد وبرفع صوتي علشان اذا هي حبيبتك تعرف انك مع وحدة ثانية يانظيف!!!! رد عليها وهو وده يدفنها بالبحر اللي جنبه..... بندر بضيق/هلا... جواهر بلهفة وخوف/حبيبي...وش فيك؟ بندر بنفس الضيق/ولاشي.... جواهر/شلون مافيك شي؟؟صار لك ثلاثة ايام لاتتصل ولاترد على اتصالاتي ولا.. قاطعها بندر/انا مشغول اللحين؟ جواهر/بندر انت فيك شي!!!ليش تتكلم معي كذا!!! بندر /قلت لك مشغول..اذا فضيت اتصلت فيك.. باي..... سكرها وعلت ضحكة انتصار من شفايف دلع وظل بندر يطالع بالبحر وهو مشتت بين اللي كان يكلمها واللي واقفة جنبه.. اما جواهر من سمعت صوته وتغيره قامت تبكي ...بكت بكل حرقة قلب فيها!!! بكت بعد الاخت والصديقة عنها...وبكت فراق الحبيب وتغيره عليها!!! الاثنين مرة وحدة...ليش عاد ياقدري والله مافيني اتحمل!!!!! ///////////////////////////////////////////////////// كانت تجر عربتها في التميمي....وهي جاية بدون أي هدف غير انها تاخذ لها كم غرض للشقة... وكانت جنبها وحدة تتكلم بالتلفون عن طفل شافته ومبين عليه انه ضايع عن اهله بس شكله ولد عز من لبسه ,,,, وناظرت بجوالها بحسرة... تعودت لاراحت مكان مو مع جواهر تكون مرافقتها بالصوت وماتفارقها!!!! لاهيا ولانورة ولابنات عمي ولاامي ولااي احد بها الدنيا بيغنيني عنك ياجواهر؟؟ تاْكدي ياغلاي اني قاعدة اتعذب من فراقنا مثلك واكثر بعد!!! وصارت تفكر في جواهر وبندر ومدى علاقتهم وكيف انها مالاحظت أي شي عليهم وهم ماكانوا يغلطون ويبينون قدام احد بشي,,,,, عمرها ماتوقعت ان جواهر بتحب بندر,,,وش فيه بندر ماكان ينقصه شي...كامل والكامل الله بس يمكن لانها ماعرفت عن الموضوع شي صاير بخاطرها ومتضايقة وحاستهم مو مناسبين لبعض!!!! راح فكرها للصورة الثانية اللي قاعدة تشغل افكارها حييل ها اليومين صورة فهد....القاسي!!!! ///////////////////////////////////////////////////////////هنوف/الله وش ها الريحة الحلوة يالبنى؟ لبنى/عجبتك... هنوف/بلا شك... لبنى/انا سويت المكرونة باقي عليك الفيمتو تسوينه انتي!!!! هنوف/من عيوني.... فتحت الدولاب وقامت تحوس/لبنوا ماكو فيتمتوا خلصوه ه ه مالحقنا عليه!!! لبنى/دبري حالك لاماراح تاكلين معي...ومجهزة لنا مسرحية نقعد عليها.. هنوف/مااحب المسرحيات كثير....استبدليها بفلم لو سمحتي!! لبنى/لاعيوني مو مصرية مسرحية خيطان مدري وش اسمها اللي فيها حياة الفهد وعبدالحسن عبد الرضا.... هنوف/لا..حلو...خل اروح ادور فيمتوا من بيت عمي.... لبنى/بيت عمي مو هني طالعين يتراوالي ماكو غير ناصر.... هنوف/نروح مو خسرانين شي كله بكله بنستعير الفيمتو وبس!!!(وفي بالها تقول ونكحل عيونا بشوفته) /////////////////////////////////////////////////// كانوا كلهم متجمعين بالحديقة صارت الليل ومارجع ومافي غير مشاري ومحمد كل واحد يدور بجهة وسالم بعد من عرف طلع يدور معهم ويرجع يوقف شوي مع فهد اللي كان متوتر لحده.... سالم/طيب وين يروح هو بالعادة؟ ابو مشاري/هو مايطلع من البيت بروحه يايكون عندنا ولاطالع مع احد؟؟؟ مشاري/سالتوا الجيران يمكن انهم شافوه؟ محمد/سالهتهم كلهم..ماحد منهم قال انه شافه اليوم؟؟؟ولاحتى سمع صوته... سالم/فهد...فهد هدي نفسك ياخوي ارحم حالك...شيل ها السم من فمك من الظهر وانت تشيل وحدة وتحط وحدة يعني اذا تلفت اعصابك بيرد؟؟؟ فهد بضعف/وش تبيني اسوي!!!طلعت ادوره بالشوارع ومالقيته عطيت المستشفيات عنه خبر وماجابولي أي خبر,,,حتى الضابط عماد اللي اعرفه كلفته وقال لي انه بيشوف وللحين مارد لي خبر؟؟انا خايف عليه ياسالم ... سالم/لاتخاف عليه انت بتحرق دمك هنا وهو بيجيك بعدين يتمختر ولاهامه شي..هدي بس هدي... ابو مشاري/رحمتك يارب....وبس بنظل مقابلين بعض كذا طول الوقت؟؟؟ سالم/طيب وش نسوي يابو مشاري..طلعنا ولفينا الشوارع ومالقيناه...نقعد بالشارع طول الوقت... ابو مشاري بانكسار/بعد مايصير نقعد هنا خل نروح نسال اللي بالشارع يمكن انهم شافوه لو سمعوا عنه شي.. مشاري/انا برد اطلع ادور وبعدين برد.... دق جوال منال وكانت نجود المتصلة وعطتها بيزي.....وبعد دقايق رجعت اتصلت وعطتها بعد بيزي ...وبعد فترة اتصلت لها هاجر وعطتها بيزي... نجلاء بعصبية/منال واللي يعافيك ترانا مو فاضين لجوالك اللي بيدق لنا كل شوي؟؟؟قفليه احسن لنا ولك ترانا مو ناقصين شي ابدا!!! منال قفلت جوالها وهي معصبة حييل بس محترمة وجود سالم معهم ولاكان ردت على منال..... ومافي غير بكي مي وسارة ولمى واحمد عليه ومريم بنت مشاري تطالعهم وهي خايفة..... ////////////////////////////////////////////////// هنوف/احم احم احم...نبي فيمتوا.. ناصر وهو لابس البيجاما/دخلي شوفي وخلصيني بقفل الباب وبنام.... هنوف/ههه تخاف على نفسك؟؟بتقفل عليك الباب؟؟ ناصر/يالله هنوفوا بلانذالة واللي يسلمك ...النوم في عيوني.. هنوف/اخاف هذا كله من الكبدة اللي كليتها اليوم!!!جابت لك النعس؟ ناصر/هههه أي كبدة واي خرابيط الساعة عشر الاربع خلاص مافيني حييل للسهر.. هنوف بنعومة/روح اسهر مع حبيبتك؟ ناصر/أي حبيبة؟؟ هنوف/اللي قلت لي عنها اليوم؟ ناصر/حبيبتي مو هنا حبيبتي راحت عليها نومة اللحين وراها دوام مو عطالية بطالية مثلك بها الحزة تبي فيمتو؟ وقف قلب هنوف من صدقه هذا وهي تفكره يسخر عليها اثاريه صدق يحب وحدة.. قالت له بتسرع وبلا تفكير/منهي حبيبتك؟؟نعرفها ؟؟قد شفناها من قبل؟؟ ناصر/توقعت تسالين تدرين ليش لان اللقافة تسري بدمك من صغرك,,,,!!!بس بقولك لاني لو مااقول بتظلين رايحة جاية لين تعرفين صح ولالا....حبيبتي اسمها نجود السبيعي..اختي الغالية..عرفتيها... رفعت راسها وعلى وجهها ابتسامة رضى وارتياح احتار ناصر بشنو يفسر ها الابتسامة وليش!!! /////////////////////////////////////////////////جواهر كان رد بندر شبه خلص عليها... كانت قاعدة بالزاوية اللي بغرفتها واللي يامه وقفت تناظر بندر من النافذة من ها المكان.. قعدت وهي متكورة على حالها..وشعرها كله طايح بااهمال ولامبالاة على وجهها....ومشغلة لها اغنية قديمة لحاتم العراقي.. ومافي غير اضاءة الابجورة الضعيفة مونستها ودموعها اللي حارقين خدودها من كثر مانزلوا... وجا صوت حاتم بقوة عليها وهو يغني ها المقطع,,, (ماكو يافلان امر من الهجر...امر من الهجر.. يللي ضاع وياك كل تعب العمر...اه يالعمر. انا وجروحي...نصبر بروحي... يشهد الله بغيبتك شقد بكيت....) فجرتها ها الكلمات على الاخر وصارت تبكي وتبكي وتبكي وهي مو حاسة لشي للي حوالينها...بلحظة من اللحظات القدر سلبها سعادتها من اعز اثنين بحياتها...وكاهي تعاني ومالها احد يسالها وش فيك ياجواهر,,,,,, ///////////////////////////////////////////////////////////الخدامة/ماما منال في وحدة تبي انتي عند الباب... منال رفعت راسها وقالت بضيق/قولي لها منال طلعت موهنا.....لمياء/شلون طلعت وهي قايلة لها انك هنا!!! منال/هذا وقت زيارة من جد مالي خلق اشوف أي احد؟ ام مشاري/قولي لها نامت.... راحت الشغالة ومانسمع غير صوت تسبيح بو مشاري وبكي لمى اللي كل مايجيه يزيد مع احمد.... والتوتر اللي كان بوجه الكل..... بعد دقايق بس التفتوا كلهم للصوت اللي جاي من ناحية الباب ومو كل اللي قاعدين قدروا يميزوه بس اللي كانوا عارفينها. نجود وهي داخلة ومابعد قربت منهم بس صوتها كان عالي/شلون نايمة؟؟ماهي نايمة ادري فيها قاعدة..قولي لها تبيك ضروري.... منال وقفت وهي متفشلة ماتوقعت ان نجود تبيها وانها هي اللي جاية ولا شبيجيبها ها الوقت.. قربت منهم....وكانت حاملة فيصل عندها.. نجود يوم شافت الكل قاعد وخصوصا نظرات فهد لها رفعت شيلتها وتلثمت فيها.. منال/نجود.. نجود/بالذمة منتوا مفتقدينه؟؟؟ ناظرت منال بللي حاملته نجود وتمعنت هذا فيصل..... منال بفزع/فيصل!!!!كيف شفتيه؟؟؟ كلهم وقفوا يوم نطقت منال.. واول وحدة راحت لها نجلاء شاللته بخوف وهو قعد لانه ماكان نايم صح...... نجلاء/حبيبي يمه وينك وش صار فيك؟؟؟ ام مشاري/نجود انتي وين شفتيه؟ نجود/بالتميمي كنت رايحة اتسوق ولقيته واقف برى عند مواقف السيارات وشكيت بسالفته ودقيت لك وماعطيتيني خبر بالنهاية قررت اني اخذه معي واجيبه هنا ..عسى بس مايكون رايح مع احد وتدورونه ..لانه صار له فترة طويلة هناك....سارة تهمس لمروة/هاذي نجود ابلتكم؟؟؟؟ مروة /أي.. سارة/يعني هذي اللي قالت لي مزنة انها غسلت شراع ملاك؟؟طيب والله لااعلمك... قامت بسرعة ووقفت قبال نجود وهي تسولف مع نجلاء وام مشاري ومنال ولمياء اللي كانوا حوالينها.... وفيصل راح لحضن ابوه اللي حضنه بقوة وخوف بدون مايقوله ولا شي.... سارة بصوت عالي/ان شاءالله تبين نصدق انكلقيتيه؟؟؟وش ها المعجزة بالله!!! نجود/نعم..لي ها الكلام!! رحاب/سارة روحي داخل.. سارة/ماني رايحة..ليش ماتكون هي اللي اخذته وخبته عندها من الصباح واللحين توها ترده... فهد بصرخة زلزلت البيت/سارة ووجع!!!! ام مشاري/نجود ترى سارة.. اخذتها العصبية وكانت بترد بس نظرات فهد لها شلت لسانها ...وماقدرت غير تاخذ نفسها وتطلع.... اول من لحقها فهد وكانت بعده منال بس فهد سبقها بكثير لانه كان واقف عند الباب.. فهد/اوقفي..... نجود كانت تمشي وهي تغلي...ومالفت عليه.. فهد برقة معصبة/نجود..... لفت له وهي بركان ثاير ولثامها من زمان طاح وبان الشر بعيونها.../مو غريبة عليها ها الحكي بنتك صح!!!طالعة لاابوها!!لسانها سابقها بكل شي؟؟؟هذا من زود التربية ياعيني!!!! قالتها وركبت السيارة ومشت... منال/عمي وين نجود؟ فهد وهو يناظر بسيارة نجود/مشت... منال فتحت جوالها اللي كانت مقفلته ودقت على نجود بس ماردت عليها وظلت تدق تدق تدق لين بالنهاية قفلت نجود جوالها.. منال باسى/اوووف وش ها الفشلة؟فهد/في النهاية بذبحها وبذبح امها معها؟؟؟؟ فيصل جاء يركض وهو ماسك يد لمى..../وينها نجود وين راحت؟ فهد اكتفى بانه يناظره/وش تبي فيها.... فيصل/ابي اغراضي......هي شرت لي اغراض من التميمي..... بدوا يتجمعون عند فهد ومنال بعد ماجاء فيصل وسالم استاْذن بعد ماتطمن على فيصل... مشاري/هي وين شافتك يافيصل؟؟يعني انت كنت هناك؟طيب وش وداك التميمي السايق يقول ماوداك... فيصل بزعل/اول اغراضي وينهم.. الشغالة/فيصل هذا حق انت اول يدخل مدام نجود يعطي انا هذا كيس.. فيصل اخذ اغراضه وهو فرحان... محمد/هذا اللي ذبحنا حالنا عليه واحنا ندوره؟؟؟كاْنه مو طايقنه... فيصل/شوفي ...كتبت الارقام واحد واثنين وثلاثة..وكتبت حرف الفاء اللي هو حرفي.. وطلع الورقة وعطاها لنجلاء.. فيصل/نجود علمتني اكتب واحنا نتعشى..وقالت لي تعال كل يوم وبعلمك باقي الحروف كلهم .... فهد ناظر بالارض وهو مو عارف وش يسوي بها الضيق.. ابو مشاري/خلاص يوم وصل بالسلامة يالله كل واحد على فراشه...تصبحون على خير.. راحوا كلهم وظل فهد ماسك يد فيصل واحترموا الباقيين وقفته معه وظلت منال واقفة معه.... وظلت نجلاء واقفة بعيد وهي عارفة انها ماراح تعدي.. فهد ماحط لسانه بلسانها طول اليوم.... منال بهدوء/فيصل حبيبي انت وين رحت؟ فيصل ببراْة/رحت البقالة... فهد/وبعدين..السايق دخل وقال ماشافك.... فيصل/شافني واحد وقال لي شتسوي هنا قلت له انا ابي اروح التميمي علشان البطاطس الشيبس اللي انا احبه مو موجود هنا..قال لي طيب انا اوصلك اللحين ورحت معه بس قال لي لازم تدفع فلوس المشوار وانا ماكان عندي غير الخمسين واخذهم كلهم..وقعدت هناك من الضهر انتظر احد يعطيني فلوس وماحد عطاني علشان اشتري...لين جت نجود بالليل وشافتني واقف عند السيارة اتكلم مع الهندي,,,ودخلت معي وشرت لي الاغراض اللي ابيها وبعدين انا قلت لها جوعان ابي بوب كورن من كنتاكي وشرت لي وتعشينا وعلمتني الارقام واتصلت على منال ومنال ماردت عليها وسالتني اذا كنت ادل البيت وقلت لها نص ونص وصرنا ندور البيت من زمان ونمشي ونسال لين وصلنا... منال صارت تناظر بوجه فهد اللي كان مو معهم ابدا.. منال/بس اللي سويته غلط يافيصل؟؟؟مالازم تطلع بروحك مع السايق؟؟كم مرة يقولك ابوك ها الحكي.. فيصل/أي بس الماما رضت اني اطلع!!! وقف قلب نجلاء بها اللحظة وتمنت انها تكون مو موجودة... فهد/بابا فيصل...احد لمسك..احد ضايقك؟ فيصل بعد تفكير/لا.. فهد بنفاذ صبر/متاْكد؟؟ فيص صار يفكر/امممممم ....اممممم أي تذكرت في احد... وقف قلب منال وفهد ونجلاء بها اللحظة.... فهد بخوف/منو؟؟؟ فيصل/نجود....سوت لي كذا...ومسك خده بقوة وهو يقلدها.... منال/عمي تصبح على خير.. فهد بترجي/وين رايحة يامنال؟ منال/بفكر بالمصيبة اللي سوتها بنتك وشلون بعتذر منها....المشكلة بكرة الاربعاء وهي متفقة مع المديرة تقدم حصصها وتطلع بعد الفسحة علشان ترجع ترتب اغراضها طائرتها الساعة وحدة.... فهد/اوووف من ها البنت....وينها اللحين؟ منال /زعلانة؟؟؟زعلانة من امي ليش انها صارخت عليها؟؟شفت بعد!!! فهد/والله يامنال ماني قادر افكر بشي..ماصدقتك انه رجع والله... منال/بس لازم تفهمه ان اللي سواه غلط!!ومايعيدها.. فهد/اذا هو غلط فالغلطة من اسباب امه مو منه؟؟؟ منال راحت ومسك فيصل يد ابوه..ومشوا لداخل وكانت نجلاء تمشي وراهم.... دخل وقفل الابواب وطفى الانوار وركب فوق يشوف فيصل اللي دخلته امه ينام.... قعد عند سريره وهو يسمع فيصل يسولف لاامه عن مغامرته طول اليوم ونظرات نجلاء كانت تسرق شوفة فهد اللي كانت عيونه على فيصل...لين نام.... نجلاء بهدوء/قوم ريح انت بعد!!!! قام فهد من غرفة فيصل ونزل لمكتبه...ولحقته نجلاء..... قعد على مكتبه وسط الظلام وشغل له سيجارة.... نجلاء/فهد....قوم فوق..فهد/روحي نامي وحسابك بعدين مو اللحين!!!! قالها بصرامة خلته نجلاء تقوم بدون أي نقاش وهي ساكتة.... /////////////////////////////////////////////////////////// اليوم الثاني.... منال/نجود ممكن اكلمك؟ نجود اخذت دفاترها وقامت/عندي ثلاث حصص.. منال/معليش عطيني دقايق بس.. راحت نجود بدون ماترد على منال... هاجر/وش فيكم...منتوا على بعضكم...صحيح حمد الله على سلامة فيصل؟ منل لفت لها/انتي وش عرفك... هاجر/دقت لي نجود البارحة تبي تعرف وصف بيتكم وتبيني ادق لك لانك مارديتي عليها وعطيتها وصف البيت على اللي اذكره..... منال باسى/انا متفشلة من نجود حيييل مو قادرة كيف اتفاهم واعتذر منها.... /////////////////////////////////////////////////// ام مصعب في بيت فهد.. ام مصعب/وبعدين!!!كيف لقيتوه؟؟ نجلاء/جابته المدرسة اللي مع منال كانت رايحة التميمي وشافته وكل ماتتصل على منال ماترد عليها...وبالنهاية شلته معها وجابته.. ام مصعب/وفهد ماقال شي؟ نجلاء باسى/اسكتي...طول الامس وهو مايكلمني!!!الله يستر منه...تعرفين اخوك ودقاته... فيصل/ووينه اللحين فيصل.. نجلاء/وينه بعد اكيد مع رحاب من يقعد لين ينام وهو معهم!!! ام مصعب/وسارة ابوها ماهاوشوها؟ نجلاء/لا...يكفي بعد غسلة شراع ام مشاري لها؟ ام مصعب/تستاهل بنتك ملسونة؟؟ نجلاء/حرام عليك ياام مصعب كانت خايفة على اخوها!! ام مصعب/ماقلنا شي..زين منها جابته علطول كذا تسوي روحها فوق وتقعد تتهم وتعطي نفسها اكبر من حجمها!! نجلاء/لاتصيرين انتي بعد ضدها... ام مصعب/يعني فهد ماتكلم.. نجلاء/مو هذا اللي يخوف فيه!!انه يسكت وبعدين يفجرها لنا!!! ام مصعب/على كلا حمد الله على سلامته... نجلاء/وين رايحة؟ ام مصعب/بروح هناك اطل على رحاب واشوفها وبالمرة بشوف فيصل هناك..... /////////////////////////////////////////////////////// بعد الفسحة.. منال/هاجر وين نجود؟ هاجر/توها طالعة قبل ربع ساعة..... منال/اوووووووووف مالحقت عليها....ياربي وش ها الحظ.... هاجر/معليش اتركيها لين تروق وبعدين كلميها؟ منال/مايصير ياهاجر بتفكرني مو مهتمة لها... ودق جوالها.. منال/هلا عمي...لاوالله وقفت معها الصباح ومارضت ترد علي وتوها طالعة قبل شوي المطار ومالحقت عليها وماترد على اتصالاتي ولاعلى رسايلي اللي دزيتهم لها...طيب يالله.... هاجر/عمك فهد.. منال/أي..موصيني اعتذر منها ... //////////////////////////////////////////////// جواهر/بتنزل اليوم؟ بندر/ها..لا مااتوقع... جواهر/......... بندر/حبيبي وش فيك.. جواهر بالم/بندر انت منت بندر حبيبي..انت واحد ثاني ..متغير حييل... بندر/ليش تقول كذا ياكل الحب؟ جواهر بالم/لاني حاسة بتغيرك الواضح علي؟ بندر/قلت لك مشغول.. جواهر/اصلا صارت شوفتنا ماتهمك؟؟؟منت مفكر تنزل وتورينا وجهك وتطمنا عليك!!! بندر/جواهر...انتي وش فيك... جواهر/بندر انت تناسيت وعودك لي.. بندر/يعني انتي بس اللي شاغلك اني اخطبك؟؟ولايهمك اتصل في امي واقولها روحي خطبيلي جواهر...ها ارتحتي؟ جواهر صوتها على بالبكي/بندر انت وش اللي غيرك؟ بندر/ياعمري ماني متغير انتي بس يتهيا لك؟ جواهر/............ بندر/انتي شاكة بحبي لك ياقلبي!!! جواهر كانت تبكي بصمت وصوت شهقاتها يرتفع بين كل شوي.... بندر بعصبية/يعني شاكة بحبي؟ جواهر/............ بندر/شكرا...شكرا على الثقة والتقدير ياجواهر..... طو ط طوط طوط طوط .....وماكان في غير صوت بكي جواهر ..... ///////////////////////////////////////////////////////// بالمطار.. كانت قاعدة وهي تلعب بجوالها وافكار كثيرة شاغلة لها بالها..وانتبهت اخيرا على الصوت اللي جنبها يناديها... نجود...لو سمحتي ممكن نتكلم مع بعض؟ لفت وفتحت عيونها على وسعها.... نجود/انت!!!!!وش تبي!!! فهد/ابي اتكلم معك اذا سمحتي؟ نجود ناظرت بالكرسي الفاضي اللي قدامها.../اكيد جاي تعتذر ...بس عن شنو بالضبط؟ فهد/ممكن ماتتكلمين معي بها الاسلوب لاني مااحبه!!! نجود بعصبية/ياسلااام وليش جايني بالله!!!علشان تقولي تكلمي كذا ولاتتكلمين كذا!!!! فهد/خلينا نتكلم بهدوء لو سمحتي.... نجود/قول اللي عندك.... فهد/طائرتك الساعة وحدة..لسه بدري توها عشر ونص.... نجود/وانت وش عرفك ان طائرتي وحدة؟؟ فهد/مو صعبة اعرف..... نجود/اخلص وش تبي... فهد/انا فعلا مدين لك باعتذار عن اللي صار امس من سارة... نجود/...ربي بنتك عدل...لو سمحت؟ فهد/ممكن ماتتكلمين بها الاسلوب...يعني هي بعد كانت منفعلة ومتضايقة علشان اخوها...وتعرفين ردات فعل المراهقين مانتصورها بمعظم الاحيان؟ نجود/والزبدة!!! فهد/اتمنى انك ماتشيلين بخاطرك عليها...وبعدين منال مالها ذنب..يعني علاقتكم في بعض مالازم تتاْثر؟ نجود/بالله شو؟؟؟انت ناسي اني انهنت بوسط بيتها؟؟؟وماقالت شي؟ فهد/هذا انا جاي اعتذر لك بنفسي مو كفاية؟؟ قالها وهو يطالع في عيونها مباشرة بنظرات وقفت قلبها بجد... وظلت تبادله نفس النظرات وناسين الجو اللي هم فيه.... وعيون فهد كانت تاْكلها ..كل نظرة من نظراته كانت بمثابة السم اللي يتغلغل فيها ويذبحها بهدوء وصمت........ غمضت عيونها بقوة علشان تهرب من عيونه القاسي والذباحة بنفس الوقت...وتنهدت بصوت واطي بس ماخفي على فهد اللي كان قريب منها وحرقه تنهدها قبل يحرقها..... فهد برقة غريبة عليه هو نفسه/اتمنى انك تكونين سامحتيها ورضيتي؟ فتحت عيونها بشويش....ولفت للجهة الثانية تبعد عن نظراته.... نجود بنعومة/شلونه اللحين.. فهد/منو.. نجود/القمر... فهد/أي قمر؟قالا وهو نظراته تتوزع عليها... نجود/فيصل... فهد/أي...بخير...تعودنا عليه يذبحنا ويطلع بالنهاية يضحك... نجود/انت .........قد تربي هاللي عندك؟ فهد/ممكن ماتتدخلين بخصوصايتي؟ نجود/يعني اذا موقده ليش جبته؟؟حرام...والله انه يهبل بس يبيله واحد ياخذه بالسياسة....يعني كيف تاْمن عليه يطلع بروحه مع السايق وهو توه صغير مايفهم؟؟انت ماتسمع بالسوالف الي تصير ياولد الناس!!! فهد/........انا ماارضى بس امه تعبت منه ووافقت يروح مع السايق... نجود/طيب يوم انها وافقت كان راحت معه..وش فيها لو راحت مع ولدها البقالة..على الاقل بيكون تحت نظرها ومابيغيب عنها..ولا ينشغل بالها وبال غيرها بعدين؟؟ زادت نظرات فهد لها بقوة .....وحست نفسها مخنوقة حييل منه ومن نظراته... فهد/ صحيح كم صار حسابك يقول ماخذة له كم غرض ومعشيته؟ نجود/مالها داعي كلها كم ريال اعتبرتها صدقة؟ فهد/أي بس انا مصر... نجود/وانا ماابي شي...واذا مصر جيبله لي مرة ثانية وعدته اكمل له باقي الحروف وماابي اطلع بعيونه مو قد كلامي.... فهد/نجود... وقف قلبها.....واكتفت بانها تلف للجهة الثانية علشان لاتشوف نظراته من جديد..... ظلوا ساكتين فترة طويلة لين قال فهد..../طالعة الشرقية بدري وحشوك اهلك؟ نجود/ومين مايوحشوه اهله؟؟؟؟يعني تبيني اقعد هنا وانهان في بيتك وبيت غيرك بعيدة عن اهلي واكون مبسوطة؟ فهد/شكلك ماراح تنسينها بسرعة يانجود؟ نجود/.......بتاْخذ لها وقت... طلع من جيبه كرت وعطاها اياه ولامست اصابعه اصابعها وصاروا يناظرون بعض... فهد بهدوء/هذا كرتي..زلو ردتي وحبيتي نتكلم بالموضوع بكون منتظرك...اللحين مضطر امشي عندي مقابلة.....تروحين وترجعين بالسلامة... /////////////////////////////////////////////////////////سارة/منال منال/انتي مو ملاحظة اني مااكلمك من امس؟؟ سارة/........ منال/اذا فكرتي تتصرفين بادب مع الناس واحترام ساعتها تعالي كلميني؟ سارة/أي بس الماما قالت لي انتي مو غلطانة كنتي خايفة على اخوك؟ منال/امك قالت لك ها الحكي؟ سارة/أي.. منال/عزات الله رحنا فيها اذا امك قالت لك ها الكلام؟؟؟؟وش تبين؟ سارة/ابي اعتذر لنجود...بابا من امس ماكلمني وخليت لمى تروح تساله ليش قال مابيكلمني لين اعتذر منها.. منال/معناته انتظري لين السبت اذا رجعتظ سارة/اوووف يعني اقعد ثلاثة ايام والباب مايكلمني لين تشرف حضرة جنابها؟؟ منال/والله عاد هذا مو ذنبي ذنبك انتي؟ ///////////////////////////////////////////////////////// كانت قاعدة بغرفتها وهي تفكر كل شوي بالبا اللي بيندق وبتجي جواهر تكلمها.. خلاص بعد نظرات فهد وكلامه معها لازم تكلم جواهر وتنسى زعلها!!! في قلبها نار ماتقدر تطفيها وتقول لااي احد عنها غير لجواهر حبيبة قلبها... بس معقولة جواهر مادرت اني هنا صارت الدنيا ليل وانا جاية من الضهر..... يالله بنتظر واشوف اخرتها.... /////////////////////////////////////////////// الليل بغرفة فهد.. كان قاعد على فراشه وسيجارته بفمه وهو يتاْمل بااصابع يده اللي لامست اصابعها... ويتذكر عيونها الذايبة بالكحل وها اللون الرمادي اللي بعيونها....كان عاطيها حدة وقوة بشخصيتها.... فيها شي مميز مايدري شنو.... قطع عليه حبل افكاره صون نجلاء.. فهد انا ادري انك زعلان مني؟ فهد لف لها..... نجلاء/........... فهد/زين انك عارفة؟؟ نجلاء/........... فهد بعصبية/انا ابي افهم وش يصير من وراي بالبيت؟ نجلاء/فهد..فهد/انا مو منبه عليك من قبل مايطلعون بروحهم مع السايق؟؟؟ليش كسرتي كلامي حضرتك؟ نجلاء/تكون ماتعرف فيصل اذا اصر على كلامه!!! فهد وهو يذكر كلام نجود/كان رحتي معه!!!وش كان بيضرك لو رحتي معه البقالة بدل ماتشغلين بالي وبال غيري عليه؟؟ نجلاء/معليش ياولد الناس سامحني... فهد/ماني مسامحك...نجلاء انتي بيجيك يوم وبتضيعين لي العيال... نجلاء/فهد لاتقول ها الحكي عاد ماصارت؟ فهد/لازم تفهمين ان في شي اسمه تربية وان الام والاب هم المحاسبين..... نجلاء/فهد انت طول الوقت غايب عن البيت وماتدري شقد انا تعبانة من عيالك؟؟لاتجي وتحط المسؤلية كلها فوق راسي؟؟؟ فهد/ش منه تعبانة؟؟؟؟طباخة وعندك...شغالة وعندك...سايق وعندك؟؟؟يعني ماعندك غير عيالك تديين بالك عليهم ..كثير يانجلاء كثير!!!! ////////////////////////////////////////////////////// مروا الخميس والجمعة ثقال على نجود خصوصا ان ماكانوا موجودين طول الوقت علشن جدها تعبان وكانوا يزورنوه بالمستشفى.... وجواهر مابينت.....وها الشي اللي تعبها اكثر... كانت تبي تسولف عن فهد لها بسرعة..وتقولها عن شعورها واللي هي حاسته بس ماهي قادرة..... رجعت الرياض وهي حاسة بشي جديد بحياتها.. شي متلهفة تشوفه بقوة,,وتشوف نظراته وتسمع صوته وتطرب منه...... بس ياترى بتقدر تشوفه من جديد ولالا.... قطع عليها افكارها جوالها اللي دق وكانت امها متصلة......نجود/هلا يمه... ام ناصر/هلا وغلا..وصلتي؟ نجود/أي يمه..صار لي نص ساعة من دخلت الشقة... ام ناصر/وشلونك عسى ماتعبتي؟ نجود/الحمد الله ..ابوك شلونه؟ ام ناصر/بخير الحمد الله..نجود ترى جواهر ارخصوها قبل شوي؟ نجود بفزع/رخصوها؟؟؟؟ليش هي بالمستشفى؟ ام ناصر/ليش ماكنتي عارفة انها بالمستشفى؟؟؟ليش انتي ماكلمتيها؟؟شفيكم؟ نجود/شفيها تعبانة؟؟ ام ناصر/صار لها يومين تعبانة...وانا نسيت اقولك فكرتك تدرين وزرتيها..بس شبينكم غريبة ماتدرين عنها؟ نجود وقف قلبها/لا بس كن بينا شوية زعل ومادقينا لبعض ها الاسبوع.... ام ناصر/طيب بخليك اللحين... سكرت من عند امها وبالها انشغل بجواهر حبيبتها..وهي تقول ليش مادقت لها ولامرتها خميس وجمعة!!! شفيك ياقلب نجود شفيك؟؟ رفعت جوالها وهي متناسية زعلها وانصدمت يوم شافت جوالها مقفل.... دقت لبيتهم وكان مشغول... ///////////////////////////////////////////////////////////////////// | ||||
|  |
|
16-06-13, 06:34 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت الحادي عشر--- ام ناصر/طيب بخليك اللحين... سكرت من عند امها وبالها انشغل بجواهر حبيبتها..وهي تقول ليش مادقت لها ولامرتها خميس وجمعة!!! شفيك ياقلب نجود شفيك؟؟ رفعت جوالها وهي متناسية زعلها وانصدمت يوم شافت جوالها مقفل.... دقت لبيتهم وكان مشغول... انشغل بالها ها اللحظات بجواهر ونست كل شي حوالينها.... شفيك ياقلبي شفيك...عسى ربي يحفظك ويحميك.... ماحست الا ودموعها مالية وجهها من خوفها على جواهر ..صارت تدق بدون فايدة... كان لازم ها الكبرياء يانجود على جواهر؟؟؟كان المفروض انك تسمعيها قبل لات..استغفر الله...ياربي.....افتحي جوالك ياجواهر وطمنيني عليك..... رجعت اتصلت فيها ثلاث مرات بدون فايدة ودقت على هيا.. هيا/هلا وغلا بكل الحلا.. نجود رغم دموعها كانت تتكلم بصوت ثابت/هلا..وينك فيه.... هيا/بالبيت... نجود/رحتي طليتي على جواهر شفتي شلونها بعد مارخصوها.. هيا/تعرفيني مااحب اني اقعد معها كثير وم.. نجود/هيا.. هيا/اووف طيب بمرها بعد شوي... نجود/اللحين تروحين لها وتطمنيني عليها وساليها ليش مقفلة جوالها ابي اكلمها... هيا/طيب... نجود/يالله لاتتاْخرين علي تراني احاتيها؟ ///////////////////////////////////////////////////// سالم/هذا احنا صرنا بروحنا.... فهد/وش فيها اذا صرنا بروحنا؟ سالم/فيها انك من الاربعاء وانت متغير يافهد؟شفيك... فهد تنهد ورمى سيجارته بعيد عنه..... سالم/شفت ان فيك شي.... فهد/نجود.... سالم/أي نجود؟ فهد/اللي قلت لك عنها؟ سالم/اسمها نجود.....هي نفسها اللي لقت فيصل؟؟ فهد/أي... سالم/......... فهد/رحت لها المطار يوم الاربعاء علشان اعتذر منها ومدري اذا كانت قبلت اعتذراي ولالا؟ سالم/الاكيد ان الاعتذار مو هو اللي شاغل بالك؟؟؟في شي ثاني... فهد/نظراتها كانت........مدري كيف افسرها بس في شي بعيونها جذبني لها ول.... سالم/لايكون تولعت فيها يافهد؟ فهد تنهد تنهيدة حارة وطويلة وكانها مكبوتة من سنين بصدره/اول مرة تشغل افكاري بنت بها الطريقة يافهد؟؟؟؟ سالم/عدل عدل....تدري هذا شيسمونه؟؟؟ فهد/ماابي اعرف ياسالم ماابي ابي اشوفها وبس!!! سالم/انت عارف هي وين ساكنة؟ فهد/لا..بس ابو عبدالله اكيد يدري هو اللي يوديها كل يوم....ليش تسال؟ سالم/مو تبي تشوفها!!يااخي ضبط حالك قوم خذ لك بوكيه ورد محترم مع شوية شوكلاته وهدية بسيطة واكتب كلمتين اعتذار ووصله لها يافالح وبكذا بتشوفها؟ فهد/اروح لعند سكنها؟؟جنيت انت؟؟يعني ماتعرف منو انا؟؟لو احد شافني شبيقول؟؟ سالم/اذا ظليت كذا يافهد ماراح تشوفها... ////////////////////////////////////////////////////// في جمعة بيت الفارس.. رحاب/ياربي مو قادرة من دخلت الثامن وانا حالتي لله؟ لمياء/ههههه هونيها وتهون يابنت الناس هذا وانتي مجربة قبل لاتسدين نفس الباقيين عن الفكرة؟ رحاب/ها المرة غير...وقسم بربي حملي بااحمد مو كذا ابدا!!كان اهون حييل...احس ساعات اني فيل مااقدر اتحرك.. لمياء غمزت بعينها/بنت مو؟ رحاب/قلبي وجهك انتي بعد.. فوزية/مدام قالت قلبي وجهك معناته بنت... لمياء/اصلا لازم تجيب بنت علشان تخاوي مريم الا طول الوقت قاعدة لي مع احمد وفيصل... ام مصعب/شفيهم البنات يسولفون؟ رحاب/اشكيهم حالي مع الحمل ياعمتي.. ام مصعب/هانت يابنت الناس راح التعب كله ماباقي غير شهر وترتاحين.. لمياء/باقي شهر وتبداْ المعاناة الحقيقية والسهر والبكي اللي ماتعرفين اسبابه وهلم جرا... ام مصعب باحتقار /وليش عاد ها التشاؤم والتنرفيز...ماشكلك ناوية تجيبين على مريم شي بعد!!! لمياء/مو اللحين...ماصدقت على الله انسى تعبها .. ام مصعب/ولمتى عاد!!لين تدخل المدرسة ياحافظ؟؟؟ نجلاء/منال.. منال/نعم.. نجلاء/كلمتي نجود.. ام مصعب/ليش تكلمها؟ نجلاء/علشان تعتذر وتشكرها بالمرة؟ منال/ماردت علي؟؟ نجلاء/وش عليه ها الثقل عاد!!بزر وقالت كلمة ما المفروض تاخذ على خاطرها؟ ام مصعب/انا لو منها ماارضى ولااوطي ها البيت مرة ثانية!!!بنتك لاهي بزر ولاهم يحزنون وبعدين لمتى بتتعلم الادب ان شاءالله وبتقعد تفشلنا!!! نجلاء/شسوي فيها..مو كفاية ابوها مايكلمها وقال لها اذا رضت عليك انا برضى واذا مارضت ماني راضي عليك..... منال/طيب وانا شذنبي صار لي ثلاثة ايام ادق لها وارسل لها مسجات وهي مطنشتني ماترد علي؟؟؟ ام مصعب/اللحين انتي تنتظرين منال تكلمها؟؟؟مو هذي الاصول يانجلاء!!! نجلاء/............ ام مصعب/المفروض انتي تاخذين بنتك وتاخذين لها شوية حلاوة وتروحين لها لبيتها وتعتذرين منها وتخلين بنتك تعتذر ..هاذي الاصول يانجلاء مو تعتمدين على منال وبنتك انتي الغلطانة!!! نجلاء/انتي رايك كذا!!!! ///////////////////////////////////في المطبخ.. محمد/يمه تكفين... ام مشاري/يايمه خلني بحالي واللي يسلمك... محمد/يمه تكفين طلبتك..زوجيني!! ام مشاري/يايمه ياحبيبي انت مو وجه زواج!!! محمد/ليش ان شاءالله مو رجال اللي واقف قدامك!!! ام مشاري/رجال وسيد الرجال بعد....بس اعقل على سوالفك هاذي ما وحدة تبيك يمه ولابترضى تعيش معك؟ محمد/يمكن اذا زوجتوني اعقل!!! ام مشاري/ويمكن ماتعقل وتفشلنا قدام الناس اللي بناسبهم!!! محمد/اووووف يمه فهمي انا ابي وحدة تكمل معي حياتي مايصير كذا!!! ام مشاري/يايمه اعقل وخل عنك سوالف الطيش والمغازل وانا من عيوني بروح اخطب لك زينة البنات!! محمد/موت يامحمد لاني لابعقل ولابترك سوالفي ولابتزوجوني بعد!!!!! //////////////////////////////////////////////// نجود/ها.. هيا/رحت لها قالت لي امها انها نايمة .. نجود/يعني ماشفتيها؟ هيا/رحت لها غرفتها وكانت نايمة فعلا.... نجود/طيب كان قلتي لخالتي تخليها تفتح جوالها؟ هيا/قلت لها قالت لي اصلا الجوال عندها هي من طفى بالمستشفى ومارجعت عطتها اياه.... نجود/طيب بس تسمعين شي خبريني.... سكرت من هيا وهي متضايقة حييل...جواهر تعبانة وهي مو عارفة تسوي شي..المشكلة ماصار لها ساعتين من جت من الشرقية ليتها بس عرفت قبل لاتجي كان مرتها وتطمنت عليها واخذت بخاطرها وبعدها جت الرياض على مهلها بس شتسوي...... تبي أي احد يسمعها ..دقت على هاجر وماردت عليها...المشكلة هنا ماعرفت الاهاجر ومنال ونوير..ونوير علاقتها فيها ماتتعدى المدرسة لانها حستها منافقة وماحبت تاخذ وتعطي معها... وجت في بالها لمياء..لو اخذت رقمها منها ذاك اليوم كان....بس شتفيد لو..... دق جوالها وكان المتصل بواب العمارة يبيها تنزل... لبست عبايتها وشيلتها وكانت متضايقة حييل ونزلت بعد ماقفلت غرفتها...... نزلت وكانت المفاجاْة اللي ماتوقعتها..... فهد,,,قالت اسمه بصدمة كبيرة.... فهد كان مرتبك ومتردد/شلونك.... تلفتت حوالينها عند مدخل العمارة.... فهد/انا اسف اني جيتك لهنا...بس كان لازم اني اكلمك واشكرك واعتذر منك بنفس الوقت وماحبيت تفكريني مو مهتم ... تنهدت نجود وجوده ضايقها حييل تبي أي احد تتكلم معه الا فهد.....!!! فهد بارتباك واضح/اتمنى مااكون ازعجتك.... نجود ناظرت بالورد اللي بيده وكيس الشوكلاته/طيب وش المطلوب مني..... فهد/رضاك...قالها بترجي... خلت نجود تناظر بعيونه وتردد كلمته/رضاي!!! فهد تنهد وهو مرتبك/ممكن نتكلم مع بعض لو مايضايقك يعني انا مااحب ها الوقفات....تحبين نروح مطعم ... نجود/.................. فهد/ماابيك تفهميني غلط بس في امور حبيت اوضحها لك لانك ظلمتيني فيها..... نجود/طيب....بقول للسايق يجهز وبلحقك.... مشت عنه وهي ماودها تروح معه بس في شي داخلها قال على لسانها انه بتجي وراه..وقفت يوم ناداها مرة ثانية ولفت له... لقته ماد يده بالورد والشوكلاته.. نجود/وش لزمته؟ فهد/معليش..شي بسيط ..اعتبريه عربون شكر .. نجود/وصل... فهد/طيب خذيه.. نجود/لامعليش وصل.. فهد/ليش العناد عاد!!! نجود/مقدر اخذه.....شكرا.... مشت وراحت لداخل ورجع سيارته بعد ماعطى سايقها اللي طلع يجهز السيارة الورد والكيس علشان يعطيهم لنجود وانتظر بالسيارة لين شافها ركبت وحرك سيارته وهو متردد ماكان يبي يقولها خلينا نتكلم لانه موعارف شبيكلمها عنه بس جت الكلمة عفوية منه وتمنى فعلا لو انها رفضت صحيح بيتضايق بس مابيكون مرتبك كذا.. وصلوا لين مطعم الضوء الخافت وكان فعلا بقمة الرومنسية والفخامة..نزلت وراه وخلت سايقها ينتظر ...مشت لين وصلت للمكان اللي هو واقف فيه وكانت تقدم رجل وتاْخر رجل ثانية وهي حاسة انها تبي تتراجع بس في شي مضيق صدرها انها تبي تتراجع بس في شي مضيق صدرها ومكدرها... دخل ودخلت معه بهدوء لين قعدوا بكبينتهم...وكان فعلا الضوء خافت والقعدة مرة رومنسية... ظلوا فترة ساكتين لين جاب الجرسون لهم المنيو يختارون ..... كانت تتلفت بعيونها هنا وهناك علشان تبعد عن عيونه.... قالت بهدوء علشان تبعد الارتباك عنه وعنها/يابختها نجلاء اذا تجي للحين معها ها الاماكن!!يقولون الزواج يموت الحب بس شكلكم بعد العيال عايشين حب اكبر!!! انتظرت منه اجابة ومالقت شي غير سكوته وشروده وسيجارته اللي طلعها بيشغلها.. قالت له بحدة/ممكن ماتشغلها!!! رفع عيونه لها /ليش؟؟ نجود/لاني مااحب ريحة السجاير...وبعدين حرام تخرب الجو اللي هنا بها السيجارة حضرتك!!!! فهد رماها وهو متضايق /اخترتي شي.... نجود بضيق/لا..اختار لك انت انا ماابي شي.... ناظرها بعيونه وكانت زعلانة وحس ان فيها شي..... فهد برقة وهدوء وصوت واطي/نجود فيك شي؟ رفعت راسها له وعيونها غرقانة دموع وقالت بصوت مبحوح ومخنوق من كثر الضيق/متضايقة حييل..بموت من الضيق...انا مو طايقة نفسي!! فهد بخوف/وش فيك... نزلت راسها وقامت تبكي من الاحراج اللي فيها....بالها كان مشغول بجواهر وبتعبها وكيف انها كابرت ومااهتمت وهاذي النتيجة الخوف بيذبحها على صديقة عمرها...ودها تشتكي وتتكلم لااي احد بس مو لفهد عاد!!! هذا اللي خلاها تتالم بصمت توها شايفته وماتعرفه وتبكي قدامه!!!!حست بالاحراج فعلا..... عطاها منديل وقال لها بهدوء /مسحي دموعك مااظن ان في شي يستاهل تدمعين علشانه.. رفعت راسها وبانت دموعها وقالت بقوة ضعيفة/انا ضايعة بدونها...هاذي اول مرة نفترق عن بعض وحاسة بجزء كبير ضايع مني وخسرته..بس لحظتها صدقني ماكنت عارفة شسوي انا فعلا انصدمت بالعلاقة اللي بينها وبين بندر!!! مو معقولة يكونون يحبون بعض وانا توني اعرف!!!طيب ليش ماقالت لي!!!مااحنا طول عمرنا اسرارنا وحدة وهمومنا وحدة ليش ها المرة لا!!!! فهد بهدوء/عادي تمر علينا مواقف كثيرة بحياتنا وننصدم فيها من اقرب الناس وبعدين نكتشف ان احنا ماحكمنا ضميرنا من البداية وكان المفروض نتصرف بعقل وحكمة بس يكون الاوان فات.....صديقتك هاذي اللي تتكلمي عنها؟ ناظرت بعيون مباشرة وتكلمت معه طبيعي وكانها نست منو هو/اكثر من صديقتي انسانة عشت معها ثمنتعشر سنة....من صغرنا واحنا مع بعض ..ساكنين جنب بعض ..طالعين وداخلين ودارسين ومسافرين جنب بعض.....بس مدري ليش ماقالت لي عن سالفة بندر...وشكلهم مو توهم يعني من زمان..... فهد/مين هذا بندر؟ نجود/بندروا ولد عمي.... فهد بتشكيك/وانتي تحبينه!!! نجود/احبه!!!وليش احبه!!!بندر مو من النوع اللي يروق لي ابدا!!! فهد/غلطانة يانجود ساعة اللي بتحبين ماراح تقررين منو تختارين...الحب يجي بدون مقدمات وبدون خيارات للشخص؟ سكتوا فترة يوم ان الجرسون يدخل لهم طلبهم اللي طلبه فهد..... وظلوا ساكتين حتى بعد ماطلع..... نجود وكانها تحولت مرة ثانية قالت بقوة/انا اسفة يافهد ...قالت اسمه وناظرت في عيونه ولقته يناظر فيها... كملت كلامها وكان نظرته مو عاطيته أي اهمية/ماكان المفروض اني اتكلم بس حسيت بالضيق ولقيتك قدامي...تراني بالعادة مااقول لااي احد عن اسراري بس يمكن الغربة اللي انا عايشتها وبعدها عني ماْثرين فيني كثير...اسفة مرة ثانية... اعتدل بقعدته وتقرب قدام شوي وقال بشماتة/مو على اساس اني جاي اعتذر لك!!! رفعت راسها بقوة وهي تشوفه يبتسكم بشماتة لها وقالت باصرار/ومازلت انتظر اعتذارتك الاثنين!!!!! //////////////////////////////////////////////////////////قعدت من النوم وهي حاسة بخمول عجيب... يومين كاملين قضتهم بالمستشفى بعيدة عن نجود وعن بندر,,,, وصلها سوال نجود عنها من امها وبكت ..بكت كثير لانها كانت حاسة ان علاقتها مع نجود ماراح تنتهي بها السهولة مهما كان غلطها وارتاحت...بس بندر بها اليومين مااتصل ولاارسل....وتنهدت ورجع الضيق بصدرها من جديد وقررت تكتب له مسج وبعدها خلاص بيعتمد عليه الموضوع اذا اتصل او ارسل اما اذا طنش فهي بعد بتطنش ويصير اللي يصير لانها تعبت من تغيره ها الفترة ناحيتها..هي صحيح ماتدري وشهي ظروفه بس مو معقولة تطنيشه كذا...... كتبت له المسج وارسلته وطفت الجوال مرة ثانية وفي بالها شي يدور وقررت تسويه..... //////////////////////////////////////////////////////////ام مصعب/شكله اخوي مطول وماراح نشوفه الليلة؟ ام مشاري/مع ان بو فيصل مو من عوايده يطلع وخصوصا ليلة السبت بس اكيد موجب طرى له وماقدر يعتذر...... ام مصعب/حسافة كان ودي اشوفه صار لي اسبوع ماشفته....يالله فرصة ثانية نجي نسير عليه سلموا عليه.... نجلاء/الله يسلمك... فيصل/نامي معنا.. الجازي/والمدرسة؟ فيصل/لاتروحين... الجازي/انت تبي كل ا لناس مثلك عطالية بطالية مالهم شغلة ولامشغلة؟؟؟ فيصل/بكيفك ..لاتقولين ماقلنا لك نامي معنا!!! الجازي/ههههه فيصل/صحيح وين الحلاوة اللي وعدتيني فيه؟ الجازي/يو ..بالله اني نسيت!!!بس تدري بكرة بعطيه مروة تجيبه لك طيب.. مروة/الله يعيني!!!معناته ماراح يفارقني اللحين!!! الجازي/ههههههههه باي فيصل تصبح على خير.... ///////////////////////////////////////////////////////////// شالت عبايتها وغسلت وراحت سريرها رغم ان النوم مجافيها.... !!!!!شلي خلاها توافق على طلبه وتطلع معه من الاساس ماتدري!!!!! كيف اخذت وعطت معه بالحكي بسرعة .....؟؟ صارت تتذكر رقته وكلامه صحيح كان قاسي بكلامه ونبرته بس بداخلها حنان كبير وهذا اللي حسته من نظراته...... ها النظرات اللي ذبحتها من كثر ماصارت تناظرها... اسلوبه..نرفزته..تعجرفه..حنان ه...فيه خليط عجيب غريب شدها له بدون ماتحس..... لفت وناظرت بوكيه الورد اللي عطاه السايق بدون ماتدري وكانت مابتشيله من السيارة بس في النهاية قررت تاخذه.... وعلبة الشوكلاته الفخمة بعد..... وكانت كلته بالمطار للحين ترن باذنها...(مو كفاية اني بنفسي جاي اعتذر لك) اه....اه..اه...اه...شلي قاعد يصير يانجود....شسالفتك يافهد شسالفتك...ثقيل على حنون على..مدري كيف اوصفك بصراحة... حتى بالمطعم ...ماطلب منها ترفع نقابها من عليها ولاانها تشرب ماي حتى...والاكل اللي طلبوه طلعوا عنه وتركوه مثل ماجاهم مالمسوا منه أي شي... فتحت الدرج اللي جنبها وشالت كرته وشافت ارقامها وذكرت كلمته قبل لايمشون(فهد/ممكن اكلمك اتطمن عليك حاسك تعبانة وماابي اظل افكر فيك) نجود/ليش انت بالعادة كذا حنون مع الكل..ماحد قال لي) فهد/........ نجود/انا مضطرة اقوم....وبالنسبة للاعتذار انسى سالفته انا نسيت الموضوع وياليت ماحد يدري ان احنا كنا مع بعض اليوم...ماهي حلوة بحقي وبحقك...ودير بالك على فيصل وسلم لي عليه وعلى النعومة لمى) تمنت انها تقعد معه وقت اطول وتسمعه يتكلم ويتكلم ويتكلم...بس المشكلة انه ماكان يتكلم معه بشي..كان كل كلامه عنها هي ولانها شكت له عن جواهر وهو قام يواسيها بس ماتكلم عن نفسه ابدا.... غمضت عيونها بالقوة وهي تبي تشيل صورة فهد وصوته من بالها نهائيا!!!!!!بس هل بتقدر؟؟؟؟ //////////////////////////////////////////////////////////وصله مسج جواهر وهو قاعد على سريره يفكر .....ويوم قراه حس انه وده يبكي ....فعلا كان محتاج يبكي..... دخل كلامها لقلب بندر اللي حبها وحس بالضيق لانه طنشها ولانه عاملها ها المعاملة طول ها الفترة... كانت كاتبة له.. (ماهي ها الليلة وبس...وانت متغير علي... صار لك كم ليلة وانت ..وانت بالك ماهو لي... حاضر بقلبك وغايب...وانا قلبي فيك ذايب.. ليه يااغلى الحبايب....انت سامع عني شي..!!! الله يسامحك يابندر...تركتني للالم والاه وانت اكثر انسان عارف بعدك عني يمنعني حتى من اني اتنفس الهوا؟؟؟ حبيبي انا صار لي يومين تعبانة منك ومن صدك وطايحة بالمستشفى كان بودي الاقي منك اتصال او على الاقل مسج يتطمن علي او يسال عني بس مالقيت!!!!انا اسفة يابندر اسفة على كل شي) جواهر تعبانة...طاح قلبه من ها التفكير..وهو سبب تعبها والمها... اتصل فيها بسرعة وهو يغالب دموعه ولقى جهازها مقفل!!!! حس بضيق ماحسه من قبل....وتندم على كل لحظة ابتعد فيها عن حبيبة قلبه بس هل بيفيده ندمه اللحين!!!! رفع جواله من جديد واتصل بعلي علشان يعرف وش فيها...ولقاه مقفل ...اوووف هذا وقتك بعد ياعلي تقفل جوالك؟؟؟؟ /////////////////////////////////////////////////// دخل البيت بعد مالف شوارع الرياض كلها من التوتر اللي فيه.... راح لمكتبه وقعد فيه وكانت الانوار كلها مطفية.... طلع له سيجارة وشغلها وهاذي خامس سيجارة يشغلها من بعد ماطلعوا من المطعم..... قعد وهو بقمة توتره...خطوته الاولى بروحته لعندها كانت غلط من اساسها!!!بس ليش سمعت كلامك ياسالم ليش!!! روحتهم المطعم بعد كانت غلط؟؟؟طلبه منها انه يتطمن عليها بعد غلط؟؟ظوش فيك يافهد انت صاحب الغلطات الليلة مو هي؟؟وين ثقلك وين هيبتك وين وين وين...وش صار لك يارجال..وش صار لعقلك؟؟؟كان يتذكر شكلها وهي قاعدة تبكي ودموعها كلها باينة من فوق نقابها..... عليها عيون تجنن بس لو تشيل ها العدسات بتبان ..صحيح انها مرسومة رسم ومكحلة رباني....وابتسم يوم تذكر دموعها وضيقها على صديقتها وقال في بالها يابختها ثمنتعشر سنة وهم مع بعض...مدة طويلة وحلوة..يالله ان شاءالله تتفهمها ويرجعون وماتقعد تقاسي بروحها هنا وماجنبها احد...ياترى اخذت الورد ولا رمته بالزبالة!!تسويها...انا منها كل شي اتوقعها...... وظل في باله صوتها بالمزرعة يوم كانت تغني للبنات (تحبني ولاتحب الدراهم..اختار لك وحدة علشان مااضيع....علاقة ماتنبني بالتفاهم...حتى تحت نور القمر يمكن تميع) كان حاس بضيق وخنقة مو طبيعية هو عارف انه اليوم ارتكب اكبر غلط بحياته بطلعته مع نجود...بس بنفس الوقت ها الصوت البايح القوي مو قادر يفارق باله لحظة وحدة!!! /////////////////////////////////////////////////////// اليوم الثاني .... شمة/غريبة بالعادة ابلة نجود السبيعي تجي الفصل قبل لاتدق الحصة صار لها اربع دقايق من دقت وماجت للحين؟ مزنة/يمكن انها غايبة؟ ملاك/لاتقولون.. مروة/لاانا شفتها بالطابور.. ملاك بتشكيك/وش كانت لابسة؟ مروة بتحدي/قمص احمر وفوقه ايشارب اسود.. الجازي بهمس/سكتي عنهم بس... دخلت نجود وهي بكامل اناقتها وشخصيتها اللي رجعت مثل قبل و اقوى بعد... وكانت فعلا لابسة قميص احمر ورابطة فوقه ايشارب اسود ولفت مروة لملاك علشان تبين لها انها ماتكذب وابتسمت ملاك.... نجود/السلام عليكم... وعليكم السلام ورحمة الله وبركاته.... نجود/تفضلوا ارتاحوا.... لفت على السبورة وكتبت نحو وصارت الهمهمات.. لفت لهم/خير ان شاءالله.. ملاك والجازي بصوت واحد/ابلة قلتي ادب اليوم؟ نجود/قلت لكم ادب!!اي بس انا جبت نحو.....طيب مو مشكلة ادب ادب..معناته بكرة جيبوا معكم نحو علشان المديرة بتحضر لكم الدرس ماشي..... صارت تقلب باغراضها وكانها تدور شي..وراحت لعند اول جهة اللي قاعدين فيها الجازي ومروة... نجود/الجازي عطيني كتابك.... عطتها ايه... نجود/وش معنى اسم الجازي!!!! الجازي اسكتت وناظرت بالارض والبنات يطالعون فيها وملاك متضايقة... نجود/حلو اسم الجازي..انا احب الاسماء البدوية الاصيلة..بس مدري وش معناه..معقولة ماتعرفين معنى اسمك؟؟ولامستحية؟؟؟؟ الجازي/.............. نجود/طيب.........اخذنا بالحصة الماضية فن النقائض.....ماهو فن النقائض يا شمة.. شمة/........ نجود/مزنة.. مزنة/.......... نجود/مو على اساس جايبين ادب؟ نجود/مروة.. مروة/فن شعري يقوم على هدم بناء شعري ببناء شعري اخر...كاْن يقوم شاعر بنظم قصيدة في الفخر وياْتي شاعر اخر ويهدم قوله بقصيدة اخرى... نجود/تفضلي ارتاحي....ملاك...من هم اشهر من كتبوا في فن النقائض منالشعراء؟ ملاك/احم احم....جرير والفرزدق..... نجود/تفضلي.. ملاك بقهر/ماتبين تعرفين وش معنى اسم ملاك؟ قالتها وناظروها البنات واستشفت نجود من كلامها انها غيرانه,, نجود بشماتة وهي تناظرها/اعرف وش معناه مايلزمني!!!!!! اليوم بناخذ...بنات فصلكم مكتم وش ماكلين؟ ....................... نجود/ريحة سجاير ولا شي كذا!!!احد فيكم يدخن هنا!!!! البنات/لا.. نجود/طيب وش ريحة فصلكم..... ملاك/ماريحته شي؟ نجود/بلى فيه ريحة...الجازي فتحي الباب شوي يتهوى الفصل....(للحين ريحة السجاير فيها علاقانة ههههههه) مرت هاجر ودقت لها وابتسمت نجود وهاذي بالعادة نادرة لانها ماتبتسم قدام الطالبات.. نجود من عند الباب اللي كان مفتوح شوي../هلا... هاجر/ نزل التغير اليوم مناوبتي وانتي بكرة ومنال الاربعاء.... نجود/كان خلونا سوا ليش التعذيب بعد!! هاجر/فيك حييل كلمي مها؟ نجود/واللي يعطيك العافية مالقيتي غيرها اكلمها!!!خلنا خلنا كذا احسن بس عليه هو بيروح وبيرجع.... هاجر/قهوتك بنصادرها ترى نازلين غرفة التدبير نجود/ليش..شعندكم.. هاجر/والله سعدى عازمتنا على حلى مسويته ونزلنا تحت المهم قهوتك صادرناها.. نجود/لاتخلصوها عني ترى ماشربت شي بعد.... مشت هاجر ودخلت نجود الفصل اللي انقلب همسات وهمهمات.... نجود/خير بالله يعني ماطلعت منكم واقفة عند الباب ليش بعد ها الصوت ذا كله!!! //////////////////////////////////////////////////// اخر اليوم بالسيارة كانوا منال ونجود بس.. منال/نجود.. نجود بابتسامة/هلا.. منال/...... نجود/انسي الموضوع يابنت الناس تراني نسيته والله لاتشيلين هم وصدقيني صارت عندي شوية مشاكل وماقدرت ارد على اتصالاتك خميس وجمعة.. منال باسى/انشغل بالي وخفت لاتكونين زعلانة ...انا من جد اسفة. نجود/قلت لك انسي الموضوع؟ منال/وش عندك اليوم؟ نجود/ولاشي.. منال/في وحدة تبي تزورك اليوم اذا ماعندك مانع... نجود/هلا وغلا باي وقت..... ////////////////////////////////////////////////////// في غرفة هنوف.. كانت معها مشاعل صديقتها ونورة بنت عمها.. نورة/هنوفوا روحي جيبي لنا اكل يابخيلة؟ هنوف/روحي انتي ...بيتنا امان مافيه احد عكس بيتكم.... نورة/طيب امك وينها؟ هنوف/في بيت جيرانا راحت تشوف جواهر.... طلعت نورة وظلوا بروحهم .. مشاعل بهمس/صار شي.. هنوف/لا مشاعل/قلتيله عن شي؟ هنوف/طبعا لا... مشاعل/ليش لا...لمتى ياغبية؟ هنوف/وش تبيني اسوي... مشاعل/طيب نورة تعرف انك تحبين اخوها؟ هنوف/مو مجنونة اقولها... مشاعل/ومتى بيعرف حضرته انك تحبينه.. هنوف/مو لازم يعرف.. سكري السيرة لاتسمعنا نورة نتكلم بعدين يصير خير..... ////////////////////////////////////////////////////////////////في شقة نجود.... نجود/هلا وغلا .... نجلاء/شلونك.. نجود/بخير....معليش المكان متواضع جدا... لمياء/اهلين.. نجود/هلا ..زين انك جيتي كنت باخذ رقمك من منال.. منال/تعالي سارة ادخلي.. سارة مدت يدها/شلونك ابلة نجود.. نجود/..زبخير تفضلي.. وقفت سارة شوي وبعد تردد قالت /اسفة.... نجود/دخلي......مفاجاْة بصراحة ماتوقعتها؟ منال/ليش منهي اللي مرت على بالك؟ نجود/مدري بس اللي جا في بالي فوزية.... منال/قالت اجلوها لغير وقت ابي اروح لها ونكمل هبال ذاك اليوم بس ان نجلاء اصرت تجيك وتعتذر لك بنفسها.. نجود/يامكبرها عند الله والله اني نسيت السالفة.... نجلاء/والله اني منحرجة منك كثير.... نجود/وينه فيصل ورى ماجبتوه معكم,,,, لمياء/مع مشاري..يوم وصلنا تذكر انه يبي يشتري لك شي مايصير يجيك ويده فاضية ومسوي مشاري عنده مثل السايق ودني وجيبني... نجود بضحكة/اسمع بعد الغيرة.... لمياء/طبعا غيرة... نجود/هههههههه ماتغيرتي لميوا بعدك... نجلاء/مشاء الله مكانك مرتب يانجود لو انا اقعد بغرفة تصير حوستي حوسة.... نجود/أي مرتب...ولاهو مرتب ولاشي....ليش ماجبتوا معكم ام مشاري.. منال/قلت لك ان نجلاء تبي تجي تعتذر لك وبس.. نجود/عدت السالفة خلاص.. نجلاء/فهد اصر تجي سارة بنفسها وتعتذر منك وقال لي اخذيها معك.....ترى للحين ابوها مايكلمها.. نجود/لا عادي انا نسيت السالفة اصلا... ودق قلبها من جابوا طاري فهد وانه اصر يجونها يعتذرون منها..... //////////////////////////////////////////////////// ام محمد(ام جواهر)/ولازم يعني.. جواهر/معليش يمه والله كذا برتاح.. ام محمد/بس انتي بعدك يايمه ماصحيتي... جواهر/يمه معليش....علشان خاطري... ام محمد/امري لله بعد شبقول.... جواهر/يابعد عمري يالغالية..ابوي وينه.. ام محمدج/بالديوانية.. جواهر/معاه احد... ام محمد/لا... ///////////////////////////////////////////////// عبدالعزيز/اللي سمعتيه.. لبنى بصدمة/كذا ..بدون مقدمات.. عبدالعزيز/وش مقدماته بعد؟ لبنى/........ عبدالعزيز/قلت لك بكرة باجي اخطبك من ابوك...لبنى شفيك ساكتة انتي مو موافقة؟ لبنى بذهول/بلى.... عبدالعزيز بعد تنهيدة/بس عارفة ان اهلك مابيوافقون.... لبنى/........... عبدالعزيز/........ لبنى/اترك لي الموضوع وخليني اكلم ..عبدالعزيز باصرار/لا...انا بكلمه بنفسي.....انا ماابيك تزينني لاابوك...خل يشوفني مثل ماانا ويتقبلني اذا كان بيتقبلني مثل ماانا.... لبنى حست بالضيق وان الفرصة ضعيفة مووت لانها عارفة ابوها وتفكيرها...وتمنت بها اللحظة ان عمها بوعلي هو ابوها!!!! لبنى/عبدالعزيز...... عبدالعزيز/شفيك يلبنى... لبنى بهمس/صار ماصار بنظل نحب بعض صح ولالا؟ عبدالعزيز/................ ///////////////////////////////////////////// مروة/اوووف يلليتني رحت معكم..... فيصل/انا بكرة بروح لها هي قالت لي.. نجلاء/حلوة ذي وكل من قال لك تعالي بكرة بتروح .. فيصل/هي بتعلمني الحروف... منال/حجة ها الحروف والله؟؟ نجلاء/من زمان تعرف لمياء زوجة مشاري..اشوفهم سوالف مع بعض... منال/درست معها سنتين بنفس الكلية....وبعدين ثنتينهم من نفس المنطقة اكيد يعرفون بعض....وبتكون بينهم سوالف... نجلاء/بس ذوق....عاجبتني كثير.... ////////////////////////////////////////////سارة/بابا.. رفع فهد راسه لها ... سارة/رحت لنجود واعتذرت منها..... فهد شال نظارته /وش قالت لك.. سارة/قالت انها نست الموضوع... فهد/مرة ثانية قبل لاتنطقين الكلمة ثمنيها بميزانك ياسارة وفكري هي شقد بتاْثر بغيرك اذا قلتيها طيب بابا.. سارة/طيب... فيصل/بابا... بعدت سارة وتقرب فيصل اللي كان حامل كيس فهد متاْكد انه يعرفه.. فهد/وشعندك... فيصل/هذا شوكلاته عاطيتني اياه نجود علشانها تحبني!! فهد/.............. فيصل/بس انا تحبني مريم ماتحبها ماعطتها منه عطتها واحد ثاني..... مايدري لوين تفكيره وداه بذيك اللحظة....هي قالت ماتبيه بس ماتوقعه انه بيرجع اوبترجعه بذي الطريقة!!!!!! ////////////////////////////////////////////// نجود كانت بغرفتها اللي قبل ساعة بس كانوا فيها جماعة ومونسينها بسوالفهم وضحكهم واللحين رجعت للهدوء من جديد..... دق الباب ورفعت راسها نجود/منو.... ماسمعت أي رد,,,ممكن انها تكون وحدة من البنات اللي معها.. قامت وفتحت الباب اللي ماكان مقفل بس مسكر ووقفت مصدومة...... نجود/جواهر!!!!!!!!!!!! ///////////////////////////////////////////////////////////////////////// | ||||
|
| |
|
16-06-13, 06:46 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ///////////////////////////////////////////////////////////////////////// البارت الثاني عشر.... ///////////////////////////////////////////////////////////////////////// قامت وفتحت الباب اللي ماكان مقفل بس مسكر ووقفت مصدومة...... نجود/جواهر!!!!!!!!!!!! كانت واقفة بهدوء شديد ودموعها تسابقها بالكلام...قالت بعد تردد/ممكن ادخل!!! نجود للحين مو مصدقة ان اللي واقفة قدامها جواهر..صديقة عمرها اللي بالها مشغول بتعبها.... ماتدري شلي خلاها توقف جامدة كذا وماتتحرك...يمكن تفكيرها بجية جواهر لعندها خلاها تنحرج حتى من نفسها وماتتكلم!!! مسكت يد جواهر وسحبتها لداخل الغرفة وسكرت الباب وحضنتها جواهر بقوة وقعدوا يبكون مع بعض بدون مايحسون على نفسهم وكل وحدة تشكي فراق الثانية في بكيها..... ///////////////////////////////////////////////////// كانت قاعدة بمكتبهم اللي بشقتها... وفاتحة جهازها وتقراْ في رسايل احمد اللي حبته بعد ما انصدمت في علي الزوج واللي المفروض يكون الحبيب!!!! صار لها اكثر من شهرين وهي تاركة احمد في حاله وقاطعة علاقتها فيه..كانت عارفة ان كلامها معه حرام بس كانت تبي دفعة قوية لقدام علشان تنتبه وتوقف اللي هي تسويه..والحمد الله انها قدرت توقف ها الشي...صحيح ان كل اللي بينهم كان كلام بالجوال او على الشات بس هي ماكانت راضية ابدا عن حياتها... كانت معظم الوقت قاعدة بروحها حتى صاحبات الدراسة تركتهم بعد ماتزوجت وماصارت تتواصل معهم كثير واكتفت بعلاقاتها مع خواتها وبنات عمها..... علي....ولد عمي اللي كنت حاسة بعدم رضاها عني من قبل الزواج وماكنت انا بعد ابيه وتزوجنا....يكرهني ومايحبني بس لمجرد انه يحب وحدة ثانية وتركته!!!!! عايشة ومانتي عايشة ياعبير!!! طول وقتك تفكير وهم ودموع وماحد حاس فيك لو شقالوا ولو شسوا!!! بتظل النار حارقتك بروحك وهم مايحسون....والقهر يبوني اجيب عيال واتبهدل انا معهم بها الدنيا.... اكرهك ياعلي اكرهك...واكره الساعة اللي تزوجنا فيها.....غمضت عيونها بقوة وهي تتذكر بعض اللحظات الخاصة بينها وبينه واللي كان يناديها باسم وحدة ثانية...طاحت دموعها بقوة بعد مامرت فيها الذكرى وحست بالاحتقار حتى لنفسها وتمنت انها تكون نكرة ومو موجودة؟؟ قامت تبكي بحرقة ورمت راسها على الكمبيوتر وبكت بكل مافيها....ليش ياعلي ليش!!!حتى لو ماكنت تحبني ماكان المفروض انها ماتفارق خيالك حتى وانت معي!!!!كرهتك وكرهت نفسي واستصغرتها وكرهت كل شي حوالينا وعايش فينا!!! ودي انفجر ..اموت..اتكلم مع أي شخص بللي قاعد يصير فيني وبها الضيق اللي عايشته بس مو قادرة...ساعدني ياربي ساعدني....احس اني بموت.... /////////////////////////////////////////////////// سالم/ماشفتها البارحة وكحلت عينك فيها بعد ليش ها التفكير من جديد؟ فهد بضيق/مدري شصاير فيني ياسالم....صورتها مو مفارقتني؟ سالم /كشفت وجهها البارحة لك؟ فهد/لا... سالم/أي صورة هاذي اللي مو مفارقتك؟ فهد/صورة شكلها يوم كانت بالمزرعة...صوتها...شكلها البارح بالمطعم ودموعها.. سالم/أي عدل انت شايفها بالمزرعة وانا على نياتي اقول أي صورة؟؟؟ فهد/يمكن انها ماتكون من ملكات الجمال اللي الكل يتكلم عن جمالهم بس في شي جذبني لها بقوة...عنادها..كبريائها..شخص� �تها...صوتها...ثقتها بنفسها... سالم/باختصار اشياء تفتقدها بنجلاء؟ فهد تنهد بقوة كتاْكيد على كلام سالم وصحته... سالم/طيب انت استشفيت شي امس منها... فهد/كانت صاحبتها شاغلة افكارها وماعندها غير سوالفها عنها؟ سالم/طيب هاذي فرصتك...بين لها ان بالك مشغول فيها وخايف عليها.. فهد بهدوء/انا فعلا بالي مشغول وابي اتطمن عليها.... سالم/وش تنتظر كلمها؟ فهد باحراج/ماعطتني رقمها؟سالم/اها..يعني مسوية ثقل ... فهد بضيق/سالم انا محرج من نفسي ومن تصرفاتي!!!!هاذي صاحبة منال بنت اخوي وتدرس معها بنفس المدرسة...يعني موقفي بايخ جدا!!! سالم/اهم شي هي ماتكون متضايقة؟ فهد بثقة كبيرة/ماحسيت انها كانت متضايقة بالعكس كانت تتكلم معي بوضوح وشفافية.... سالم/طب والحل كيف.. فهد/مدري...... سالم/تركها علي وانا ادبرها اذا قدرت بمعرفتي؟ فهد/وش بتسوي ياسالم؟ سالم/اعطيني الاشارة وانا بشوفها لك.... ////////////////////////////////////////////////////////// ناصر/وش فيك داقة بوز؟ هيا/.......... ناصر/حشى لله.....وين قاعدة؟ هيا/لاتنرفزني مالي خلقك ابدا!!! ناصر/ليش!!نجود ومو هنا بعد ليش داقة البوز ؟؟بالعادة تتضايقين اذا احد عكر مزاج الحلوة نجود... هيا/مو رادة عليك.. ناصر/بس انا مصر اعرف علشان امد يد المساعدة... هيا/اقلب وجهك... ناصر/انتي مو ملاحظة انك ماتحترميني ابدا!!! ام علي/وش فيكم صوتكم واصل اخر الدنيا؟؟؟ ناصر/انا ادري عن بنتك ياخالتيز.ماتحترمني ابدا ماكاْني اخوها الكبير!!! ام علي/الحمد الله رب العالمين مدري وش سويتي بدنيتي ابتلشت بعلي وفيها!!! ناصر/أي والله ياخالتي الله يكون بعونك ماصاروا عيالك الا علي وهيا...يالله بتدخلين الجنة بسبايبهم!! رمت عليه هيا المخدة ونزل راسه علشان ماتصدمه.. ام علي/ووجع ان شاءالله!!!صدق ماعندك احترام لااحد؟؟ ناصر/وشفيها اخلاقها تجارية كذا!!! ام علي/بعد يصير جواهر تروح الرياض عند نجود وهي قاعدة؟؟مايصير؟؟ ناصر/وانا اقول هذي ماتدق البوز الا والسالفة فيها نجود ونجود مو هنا!!!عدل..كذا وضحت الصورة.. هيا/مالك شغل فيني... ناصر/جواهر وعندها اجازة انتي تغيبين من الكلية علشان تروحين ماتسوى بعد يومين هي هنا.. هيا/ومن طلب رايك؟ ناصر/كذا..طيب وهذا اللي توني بقول ولايهمك بكرة اخذك لعندها ونروح نزورها ونخرب على جواهر روحتها بس طلعتي مو شي؟؟ هيا/احلف!!!قول قسم؟؟ ناصر طلع من المكان بسرعة لايتورط معها ولحقتها.. ام علي/الحمد الله رب العالمين عيال مثل الناس ماعندنا!!!كلهم مجانين!!!! //////////////////////////////////////////////////// وقفوا عن البكي وقاموا يضحكون على اشكالهم وهم يبكون وبعدها دموعهم واقفة بعيونهم.. جواهر بضعف/وحشتيني يانذلة...نجودوا سامحيني ..وربي مو قادرة على فراقك؟؟ نجود بنفس الضعف ودمعتها بعينها بعد/وانتي واحشتني اكثر..صدقيني ماعرفت عن تعبك غير البارح وتعبت من كثر مااتصل فيك علشان اتطمن بس بدون نتيجة جوالك مقفل؟ جواهر/شفت اتصالاتك وحسيت ان في امل انك تسامحيني... نجود ضربت جواهر على كتفها/شوف النذلة بعد حاطة لك خدمة موجود وماقلتيلي عنها!!! جواهر/ههههههه ضحكت لين رجعت تبكي .. نجود/ماراح تقولين لي عن علاقاتك ببندر؟ جواهر/.........قامت تبكي... نجود بالم/شفيك؟ جواهر/مدري يانجود مدري....احس نفسي ضايعة..انتي وهو بعدتوا مع بعض.... نجود/اقعدي وخلنا نسولف عدل كذا ماينفع.... قعدت جواهر بعد ماشالت عبايتها وقالت لنجود سالفتها مع بندر من اول ماتعرفت عليه.. نجود/يعني هو اللي قال لك لاتقولين لنجود.. جواهر بانحراج/أي...فهمني انه يمكن تتعرضون لموقف علي وعبير وتنجبرون بعد على الزواج من بعض ساعتها انا ماراح اقدر اقولك الحقيقة وبخليك تاخذينه وبلملم جروحي بنفسي.. نجود/وانتي بزر يقص عليك بندر وتسمعين كلامه وتقتنعين فيه!!! جواهر/اه...الحب يانجود يخليك مو بس بزر...ينسيك كل شي وتطيعينه بكل اللي يقوله... نجود بخبث/شلون يعني بكل اللي يقوله!!! جواهر ارفعت راسها لها وابتسمت بس دموعها نزلت وغطت ابتسامتها/..... نجود/لاتفكرين فيه خله يولي..... جواهر بدموع وصوت باكي/مقدر يانجود مقدر....مو فاهمة ليش مطنشني كذا!!!! نجود/اذا يحبك بيجيك بدون ماتلاحقينه ياجواهر...اتركيه على راحته وشوفي وش ناوي عليه ولا شبيسوي...انتي مو دارية شعنده هناك ولا شلي متعرض له؟ جواهر/انا فعلا خايفة لايكون صار له شي...... نجود/يعني تحبين بندر؟؟تصدقين ولالحظة جت في بالي ان بينكم شي؟؟؟؟؟ جواهر/هذا اللي صار...انتي شخبارك وشعلومك...وحشتيني مووت يانذلة؟؟خلك تسويها فيني مرة ثانية وتزعلين مني وتمويني؟؟ نجود/حرام عليك انا كنت اتقطع ولاتنسين اني بروحي هنا...اكلم نفسي طول الوقت.....ماعلينا.... جواهر/قولي... نجود/شنو؟ جواهر/اللي تبين تقولينه؟؟عيونك فيها حكي كثير احكي اسمعك...اصلا انا متفرغة لك وماْخذة اجازة ثلاث ايام وبظل معك هنا؟؟ نجود بفرح/احلفي!!!!ياسلالااااام... وقامت وحضنت جواهر بقوة..... جواهر/قومي بس خل نطلع طلعة محترمة وتسولفين لي عن كل شي بالطريق خوب مابتقعديني بالغرفة هاذي طول الوقت... نجود مسكت جوالها/على راسي ياعمتي جواهر ادق على السايق ووين ماتبين بوديك..... //////////////////////////////////////////////////////////ام مصعب/لابس وكاشخ على وين والله؟ مصعب/هلا وغلا فيك....والله ملان قلت اطلع اتمشى مع الربع ونتعشى ونرد.. ام مصعب/ووين بتتعشى؟ مصعب/سؤال ذكي من ام ذكية مثلك!!!والله ماقررنا قلنا بنتجمع اول بمحل من محلات الجوالات واحد من الربع بياخذ له وبعدها بنمشي...يمكن الفيصلية ليش تسالين؟ ام مصعب/بس اشوف بتلاقي صاحبتك هناك ولا تخربطها على امك؟ مصعب/ههههه اللحين انا يبين علي عندي صاحبة يمه!!!مااظن..شايفتني ولد اخوك؟ ام مصعب/ذاك عاد مفشلنا الله ياخذ ابليسه على سواد ها الوجه.. مصعب/هههه حرام يمه لاتدعين عليه تراه طيب حييل.. ام مصعب/ واحنا وش نبي بطيبته يمه يامصعب..اهم شي السمعة..الناس اذا سالت عنه بتسال عن سمعته مو عن طيبته!!!! مصعب/في هاذي غلبتيني بعد مااقدر ارد.... ام مصعب/مو تتاْخر يمه.. مصعب/يمه تراني كبرت ماني بزر.... ام مصعب/يعني الام مالها حق تخاف على عيالها الا اذا كانوا صغار!!!اذا كبروا خلاص ما لازم تخاف عليهم؟؟ ابتسم لها ومشت عنه بعد ماهزت راسها.... مصعب/عسى الله يخليك لنا ياامي الغالية..... /////////////////////////////////////////// كانوا يتمشون هي مع جواهر بالفيصلية.... نجود/وهاذي سالفتي معه من بدايتها لنهايتها؟ جواهر/........ نجود/ماقلتي شي ولاعلقتي؟ جواهر/مدري انتي شرايك؟ نجود/مدري ياجواهر مدري.. بس شاغل لي افكاري بقوة.... جواهر/أي بس مو تقولين انه متزوج وعنده ثلاث عيال؟؟ نجود بضعف/أي.. جواهر/هاذي بحد ذاتها مصيبة يانجود...لاتكثر افكارك عنده وشيليه من بالك.....البعد عنه اريح من القرب يانجود هذا مرتبط؟ نجود/ياليت قلبي يفهم ها الشي ويطرد صورته وخياله من فكري ويريحني ..... جواهر/شقلتيلي اسمه؟ نجود برومنسية/فهد... لفت عليها جواهر ولقتها سرحانة وعورها قلبها عليها وماتمنت الشي اللي يدور في بالها يكون صحيح لانه اذا طلع صحيح ساعتها بتتعذب نجود لامحالة مع ها الفهد...يارب...يارب نجود ماتحب فهد ولاتتورط معه يارب!!!! //////////////////////////////////////////////////////// كانت واقفة بغرفتها وقدام نافذتها وماسكة نفسها لانها عارفة باي لحظة بيجيها خبر يصدمها... عارفة ان عبدالعزيز اذا قال الشي ماراح يتنازل عنه واذا قال بجي اخطبك يعني بيجي يخطبها..... بس للحين ماجاها خبر..اصلا هي اليوم مرتبكة على الاخر ..حدها تغذت وقفلت على نفسها غرفتها وظلت فيها... اندق الباب وكانت هنوف اللي جاية.. هنوف/اخبار..اخبار... دق قلب لبنى/أي اخباره بعد!!! هنوف مدت يدها/كم تعطيني! لبنى/وش له اعطيك ياحظي؟ هنوف/علشان اقولك الخبر؟ لبنى مسوية انها مو مهتمة/أي خبر؟ هنوف/في واحد جاي يخطبك؟ لبنى وقف قلبها..... هنوف/ها شكلك مش ولابد؟؟؟ماسالتي منو؟ لبنى/منو؟ هنوف/مدري اسمه عبدالعزيز الحمود.... لبنى/............. هنوف/بس ولايهمك شكله عارف انه ابوي بيرفضه فماتعب نفسه وجاب اهله معه جا بروحه.... لبنى بتردد/ليش ابوي شقاله؟ هنوف تقلد صوت ابوها/قاله ياولدي بعدك على العرس روح كون حالك وبعدها فكر بالزواج ....والبنت بعدها تدرس.... لبنى/........... هنوف/تعرفين اسلوب ابوي اذا ماحب يفشل واحد ويقوله انت مرفوض في وجهه يدخل ويطلع.....المهم اخر الاخبار تقول ان العريس طلع وهو زعلان ومافي عرس ولاوناسة..انتهت نشرتنا الجوية اروح اشوف ابوي شبيقول لعمي اللحين..يالله سي يو... طلعت هنوف وطاحت لبنى على سريرها كانها تمثال ودموعها واقفة بعيونها...... ليش ها الاهل يوقفون بوجه سعادتنا ليش!!! ابيه ويبيني...راضية فيه وراضي فيني!!!ليش يحرمونا من بعض ليش!!! انا راضية اعيش معه وراضية بمستواه ووضعه...وعارفة انه مابيعيشني مثل ماانا عايشة هنا بس ابيه..قلبي متعلق فيه وماابي غيره؟؟؟ كاهي عبير اخذت علي..وعايشة هم وغم وكدر وماحد حاس فيها؟؟ليش يبى ليش؟؟؟انا ماابي فلوس ولا ابي أي شي من الدنيا..ابي اظل قرب الانسان اللي حبيته ..ابيه بفقره وبوضعه وبمعيشته...ابيه بكل عيوبه..اتركوني اقرر حياتي بروحي!!! كانت صرخاتها تنفجر داخلها الف مرة وماتقوى تطلعها بوجه ابوها!!!!! ////////////////////////////////////////////////////// ام مشاري/قومي روحي معي يالله؟ منال/والله مالي خلق اروح بيت العالي يمه.. ام مشاري بصرامة/منال...قومي يالله عن الكسل..دايم يسالوني عنك؟ منال*/اووووف عن جد مالي خلق.. ام مشاري/ليش بالله...يمه بصراحة بصراحة..انا من فكيت من احمد ولد خالهم وانا مااحب اروح بيتهم!!! ام مشاري/فكيتي من ولد خالهم مافكيتي من اخوهم!!!بعدين هم ناس مؤمنين ان كل شي نصيب وقدر.... منال/ولو..انا مااحس نفسي مرتاحة...معليش خليني على راحتي.. ام مشاري/مايصير يمه..علشان يوجبونا لازم نوجبهم...يعني اذا ولدت رحاب بعد شهر ماراح يجون بيقولون انتوا ماتروحون لهم...والناس اللحين بالمثل بتزورينهم بيزورونك...يالله قومي عندك نص ساعة على ماتجهزين؟ منال/طيب.... //////////////////////////////////////// نجود/خلينا ننزل الدور الاول انا لامحة في مطعم اسمه البرازيلي خل ندخل... جواهر/البرازيلي البرازيلي..والله لو تبين الكوري ماعندي مانع!!! نجود/ههههه لاماابي الكوري تطمني.... نزلوا نجود وجواهر وكان مصعب قبال المصعد اللي نزلوا منه هو وصاحبه....وصاروا قبال بعض جواهر ونجود وقبالهم مصعب بالدرجة الاول اكثر من صاحبه.. مصعب/احم احم...وتنحى على جنب بعد ماناظرهم.. مشوا نجود وجواهر عنه وهم يدورون لوحة المطعم البرازيلي ويبين عليهم ماهم من الرياض من مشيتهم.... حسين صاحب مصعب/يالله وش تناظر فيه المزايين ومشوا؟؟ مصعب/ها.... حسين/يالله اثقل ..هذا ومتنقبين لو كانوا متلثمين لو كاشفين وش سويت فينا!!!صدق انك مو حق بنات يالمسبه؟؟؟ نجود/تصدقين شايفته بمكان؟ جواهر/فهد!!! نجود/لا..هذا اللي مشى عند المصعد؟ جواهر/اكيد هنا..لاني اول مرة اشوفه... نجود/هنا..بس وين وكيف مااذكر بس اكيد اني شفته قبل.... جواهر/يالله خلينا ندخل نتعشى بسرعة علشان ماتتاخرين على المدرسة بكرة بسبتي!! ////////////////////////////////////////////////////// اليوم الثاني..... دخلت نجود غرفة المعلمات ولفتت انتباهها باقة ورد كبيرة على متكتبها وكيس مغلف على كرسيها وثلاجتين قهوة مسويين وجاهزين وعلبة شوكلاته مفتوحة بجنب القهوة...... نجود/صارت السما تمطر مفاجاْت!!! هاجر/هههههه هاذي شكلها وحدة من المعجبات!!!! نوير قربت من نجود اللي كان كرسيها جنبها وقالت بهمس/يقولون انه من ملاك الفايز...ومها من جت وهي عيونه فيه!!شكلك بتروحينها عليها!!! لفت نجود لمها اللي كانت فعلا تناظرها..وبعدت بوكيه الورد وحطت شنطتها وكتبها ... منال/عندك حصة اولى... نجود بلامبالاة/لا......عندي رابعة وخامسة.... منال/الفرحة شاقة الحلق..بشري.. نجود بفرح/ماقلت لك...توقعي منو زارني امس!!! منال بضحكة/انا هههههههه نجود/أي عارفة انتي بس بعد ماطلعتي كانت في زيارة ثانية؟ منال/امممم خليني افكر...لاتقولين جواهر؟ نجود/كيف عرفتي؟؟ منال/والله!!!حلو... نجود/كيف عرفتي؟ منال/من ها الضحكة اللي شاقة الحلق؟ها صافي يالبن؟ نجود/عسل ياسكر.... منال/هاجر لازم نستغلها ياتغذينا ياتعشينا ولا شرايك؟ هاجر/أي اكيد.... نجود/ولايهمكم من عيوني..عندكم اليوم وبكرة واللي بعده..علشان تتعرفون على جواهر قبل لاتروح.. هاجر/مشاءالله ثلاث ايام عزايم يانجود؟؟؟ نجود/ههه تقولون بتستغلوني كاهي جاتكم على اقل من مهلكم... منال/قاعدة معك للاربعاء... نجود/أي...ماخذة اضطراري... منال/حلو حلو..يعني السهرات صباحي وعلى كيف كيفك... نجود/يالله تعالوا سهروا معنا.... هاجر/وين بتحطينا فوق المكتب ولاعلى الارض ولافوق الثلاجة؟؟ نجود/اقول دورولي اماكن حلوة افرجها جواهر بمعنى اخر سووا لي برامج حق ها الثلاث ايام.... ////////////////////////////////////////////////////////////الاخ بندر السبيعي.. رفع بندر راسه... بندر/خير انا بندر.. السكورتي كان حامل بيده كيس وعطاه لبندر/وصلك قبل شوي. بندر/لي انا!!!! السكورتي/أي... بندر/غريبة... السكورتي/وش اللي غريب... بندر/يعني من منو بيكون؟ السكورتي راج للنافذة وفتحها وقال لبندر يجي يشوف..ويوم طل براسه وقف الدم بعروقه لان دلع كانت واقفة جنب سيارتها وكاْنها عارفة انه بيطل من النافذة هاذي واشرت بيدها.... رجع متضايق لمكتبه..... السكورتي/تعرفها؟ بندر بضيق/خذ الكيس لك حلال عليك.... السكورتي بشماتة/وماتخاف اني اقولها؟ رفع بندر راسه يستفسر عن ها الكلمة لقى السكورتي يضحك. السكورتي/ترى هاذي معزبتي وهي اللي وظفتني هنا مقدر اخذ هدية هي جايبتها لك ومحرصة علي اسلمها لك بنفسي!!!!!!!! ///////////////////////////////////////////////////////////ام علي/انت ماتقولي شسالفتك بالله كل يوم والثاني طالع من الدوام وراد البيت!!! علي بملل/ولاشي بس تعبان قلت اريح؟ ام علي/وش اللي متعبك بالله شايل حمل جبال فوق راسك؟؟ علي/يمه خلاص عاد يعني الواحد مايقدر يرتاح شوي هنا... ام علي/ابوك عند بو محمد وباي لحظة بيجي واذا شافك بيسوي لك ولي سالفة ماصارت ولاانتهت.. علي/اوووووووووف وانا بزر تهدديني بزوجك؟ ام علي بصدمة/اهددك بمنو؟؟؟هذا ابوك ياعلي ولانسيت!!! علي/......... ام علي/هاذي اخر تربيتي لك ياولد!!!!!اخس بس اخس... علي قام واخذ شماغه علشان يطلع.. ام علي/ابوك وبيظل ابوك وبتظل شايل اسمه غصبا عنك !!!سمعتني ولالا ياعلي؟؟؟؟ شوف اخوك ناصر كيف قاعد يسترضيه من يشوفه قاعد طاح على راسه وساله اذا يبي شي..واذا انت رجال سو مثله ياعلي واسترضي ابوك؟ علي بعصبية/رجال وغصبا عن اللي مايرضى.. ام علي/أي رجال ومن صلب رجال بعد!!!!!!! مشى عنها وهو متضايق حييييييييييل من ها السيرة....... علاقتها بابوه شبه منقطعة رغم انه الكبير بس ماكانت بينهم أي حوارات مشتركة يتكلمون فيها لاعمل ولا حياة ولااي شي..... وزاد الطين بة يوم عارض كلام ابوه وقال ماابي بنت عمي.....ومن يومها وعلاقتهم شبه منقطعة حتى اذا اجتمعوا على سفرة وحدة.... ////////////////////////////////////////////////// في فصل اولى ثانوي..... نجود /السلام عليكم....... وعليكم السلام ورحمة الله وبركاته.... حطت كتبها على الطاولة وانتبهت للمبخر اللي موجود واللي ريحته كانت مالية الفصل ...... رفعت راسها والتقت عيونها بعيون ملاك..... نجود بصرامة/احلام طلعي كتبي لنا الامثلة على السبورة..... نور/ابلة بتجينا المديرة اليوم الدرس؟ نجود/لا....بتجي وقت ثاني ويكون مفاجىْ...بس مو مشكلة احنا متجهزين باي وقت صح ولالا؟ نور بخوف/صح... مشت بين الطالبات على ماتخلص احلام كتابة الامثلة ووقفت عند طاولة ملاك وقالت لها بصوت واطي وعينها بعينها/تروحين تشيلين اللي حطيتيه بمكتبي بعد الحصة طيب!!! ملاك/......... نجود بتاْكيد/سمعتيني!!! ملاك/ليش؟؟ نجود/انا مااحب ها الحركات ياملاك طيب... ملاك/أي بس هاذي هدية بسيطة تقديرا لجهودك العظيمة.. نجود بشماتة/أي جهود واللي يعافيك!!! ملاك/معليش خليهم.... نجود/ترى انا ماراح اشيلهم معي وانتي تعرفيني اذا قلت شي اسويه؟؟؟شيليه لاينقطون بالزبالة ولاياخذهم غيري!!! ملاك/متى بتكونين فاضية؟ نجود/ماني فاضية اللحين عندكم والخامسة عندي انتظار بثالث جيم والسادسة برجع لكم.. ملاك/بجيك بحصة الانتظار ابي اقولك شي.... نجود/وحصتك؟ ملاك/مو مشكلة..... نجود هزت راسها ومشت عنها...وكملت مشيها بين كراسي البنات اللي رجع لهم الصمت بعد الهمهمات اللي صارت وانتبهت على الجازي اللي كانت حاطة راسها على الطاولة ووقفت عندها.... نجود/سلامات يالجازي وش فيك؟ رفعت الجازي راسها وكان مبين عليها التعب..وقالت بصوت تعبان/تعبانة شوي... نجود/طب نزلي الاستراحة ارتاحي ..... الجازي/لا ماله داعي.. نجود بصرامة/انزلي...اريح لك الفصل ماراح يكون هادى....قومي مروة وصليها...... قامت وقامت معها مروة...... وقبل لاتوصل لعند الباب قالت لها نجود/بنفتقدك يالجازي اليوم وبنفتقد كتابك لاني ماجبت كتابي!!! ملاك بصوت مسموع/اوووووووف... طلعوا مروة والجازي ولفت نجود لملاك/خير ان شاءالله يابنت الفايز سمعيني ماسمعت!!! ملاك بحلطمة/وش فيه كتابه زود عن كتبا بالله!!نفس الطبعة ونفس المحتوى؟؟ نجود بشماتة وهي تكتب على السبورة/ونفس الغيرة!!!! ولفت بسرعة لملاك /عطيني كتابك ياملاك؟؟؟؟ ملاك/ها... نجود/يالله جيبيه.... ملاك بعد تردد عطتها اياه.... وفتحته نجود وطبع الفضول فيها مافتحت على الدرس وبس قامت تقولي يمين وشمال فيه وهي تقراْ وش مكتوب فيه...... نجود/ياسلام ياملاك هذا كتاب ولادفتر مذكرات؟ اندق الباب بها اللحظة ودخلت مروة.. نجود/وصلتيها؟ مروة/أي.. نجود/ليش ماغابت يوم انها تعبانة؟ مروة/امها ماترضى تغيب؟ نجود/حتى وهي تعبانة؟؟؟ مروة/....... نجود/تفضلي مكانك.....اي ملاك...هذا شنو بالضبط لاتضيعين حصتنا باكتشاف كتابكووظيفتها بالضبط؟؟ ملاك/.........متفشلة بس قاعدة تبتسم على انه عادي..... نجود/اقراْ وش مكتوب؟ ملاك بثقة وهي تلعن ساعة نجود/عادي!!! نجود/طيب...هاك اسمع مني ..يللي مجنني..انا المتولع وانت المتهني!!!هذي شنو بالله. نور/هه ابلة هاذي اغنية؟ نجود/مشاءالله....وهذي ....اليك اكتب والقلم حبره دمعي ..اليك اكتب واغمس من الاهات ..كل يوم تمر بي الذكرى محملة برائحة الشيح....وبتكي دموعي كل ليلة وتقول انا في انتظارك؟........ ملاك بشماتة/ان شاءالله بس عجبتك تراها كتابتاتي الخاصة؟ كانت نجود بتكمل تقراْ اللي مكتوب بس مها المراقبة دخلت وبدون حتى ماتدق الباب وقالت بنرفزة/نجود تعالي شوي!!! ////////////////////////////////////////////////////////////قعدت من النوم وهي مرتاحة نسبيا اليوم على الاقل وجودها قرب نجود ورضاهم عن بعض مر بسرعة وماتصورته بيمر كذا بس الحمد الله... غسلت وجهها وصلت وطلعت تتجول بالشقة كانوا الغرف مقفلين ماعدى المطبخ شغلت الفرن لقته شغال...راحت غرفة نجود تستكشف وش فيها من اكل ينطبخ على الغذى وانتقلت للمطبخ هي مع اغراضها وبدت تسلق المكرونة وكان جوالها معها ومالقت أي اتصال من بندر ورجعت تنهدت من جديد وادعت القوة رغم تفكيرها اللي بيذبحها... دخلت على الرسايل وصارت تكتب له رسالة وهي مو عارفة وش تكتب...(اعرف انك الان مستلق على الضفة الثانية للارق..وتبحث عن اكتشاف ينوب عن كلمة احبك!!وانا هنا..على الضفة الاولى ..احاول ان احصي عدد المرات التي امطرتني بهذه الكلمة واتذكر كيف انني في كل مرة اسمعها اذوب شوقا وحبا وهياما.... سكرت جوالها وهي موعارفة تكمل...بعد بندر عنها فاْجاها وماهي عارفة اسبابه...المشكلة انها عارفة بقرارة نفسها انه صادق بحبه لها ويبيها؟؟؟ بس شنهي اسباب تغيرك يابندر؟؟؟الله اعلم!!! ////////////////////////////////////////////////////// مصعب كان قاعد بسيارته وقت البريك ومشغل على اغنية محمد عبده اللي مافارقته من البارح لليوم.... (ماهقيت ان البراقع يفتننيلين شفت قبال عيني مبرقعاتي... الله اكبر ياعيون ناظرني..ساحرات ..فاتنات..ناعسات... طفى المسجل مرة وحدة وهو تفكيره بها العيون اللي شافها البارح بالفيصلية..... شي غريب صابه ومايدري شنو؟؟ هاذي اول مرة يحط عينه بعين بنت غريبة عنه وتشده ها العيون لبعيد..رغم ان البنت ماناظرته ولابادلته نظرته بس هو حس بشي جنوني يجذبه لها!!!! شي ماهو قادر يتحكم فيه...كل اللي يعرفه انه شاف عيون سلبته تفكيره كيف لو شاف الوجه كله وش بيسوي!!!! وياترى هل بيقدر يشوفها بالايام الجاية مرة ثانية ولا كانت مجرد صدفة وعبرت بحياته!! لا لالا ضايقه ها التفكير بانه ماراح يشوفها مرة ثانية ...وتمنى يرجع الفيصلية اللحين ويلاقاها موجودة ورغم ان الشي مستحيل بس تغلغلت فيه الفكرة وقال المجازفة ولااني اقعد مكتف يديني!!!! /////////////////////////////////////////////////////// باقي بس عشر دقايق على انتهاء الحصة واللي مايبي نجود مرتاح واللي يبيها متضايق ... كانت واقفة مع مها برى الفصل والنقاش بينهم محتدم وشكلها ماهي متقبلة الموضوع بس بالنهاية سكتت وساد الهدوء الفصل يوم شافوها داخلة بعد مامشت مها.... وقفت عند الطاولة وصارت تلم باغراضاها.... نجود بقوة/اولى ثالث....هاذي اخر حصة لي معكم....ان شاءالله من بكرة بتمسكم ابلة وداد وانا باخذ اولى اول.... صارت الاعتراضات بالفصل.. ملاك/لا ...ليش كذا احنا نبيك مانبي ابلة وداد؟ نجود /هذا طلب الادارة؟ ملاك/مو على كيفهم؟؟طيب ليش؟؟؟ نجود شالت اغراضها ومشت وطلعت من الفصل وقامت الاعتراضات بالفصل ومروة واحلام ونور وملاك طلعوا ورى نجود.. مروة/ابلة نجود.. لفت لهم... نور/ابلة احنا تعودنا عليك مايصير تتركينا؟ نجود/انا مالي شغل ..توها ابلة مها قالت لي عن القرار بالتبديل اللي صاير بالمدرسة وفاجئتني مثل مافاْجئتكم!!!معليش ابلة وداد حلوة وبتحبونها... احلام/لا نبيك انتي ابلة... ملاك/اذا بتدرسين اولى اول انا بنقل لهم فصلهم ماابي اقعد بفصل ماتدرسينه؟ نجود بشماتة /وخير ان شاءالله.... نور/ابلة احنا نحبك وماودنا تتركينا!!! مشت عنهم وراحت لغرفة المعلمات وقام البكي برى مها/ملاك وش فيك؟؟من مبكيك؟ ملاك/......... مها/خير ان شاءالله ليش التجمع هنا كل وحدة على فصلها؟ راحوا البنات فصلهم بس ملاك ظلت.. مها تقربت منها/ملاك حبيبتي وش فيك؟ ملاك/ممكن تنادين ابلة نجود..... مها بملل/هي اللي زعلتك؟؟؟وش قالت لك ها المرة بعد!!!قلت لك خليني اتصرف قلتيلي لا... ملاك بحدة/ممكن تنادينها وبس!!! مها/طيب... دخلت غرفة المعلمات ونادت نجود.. مها/نجود تعالي شوي... كانت نجود ماسكة فنجان القهوة بيدها وطلعت ولقت ملاك واقفة وجنبها مها.. نجود/خير.. مها/انتي وش مسوية لملاك...... نجود/............... ملاك/ممكن تتركينا بروحنا!!! نجود/خير.. مشت مها وظلت ملاك واقفة وهي تمسح دموعها.... نجود/ملاك في شي..... ملاك/أي.... نجود وهي تشرب قهوتها/شنو؟ ملاك/ممكن امشي معك شوي ..... نجود/ليش؟ ملاك/ابي اتكلم معك؟ نجود/دقت الحصة ولامادقت؟ ملاك/دقت.. نجود/واستاْذنتي من ابلتك؟ ملاك/مو لازم.. نجود/هذا يسمونه قلة ذوق انك تطلعين من الفصل بدون استئذان!!!!انا لو كانت حصتي ماكنت برضاها ؟؟ ملاك/وش تفرق ماهي بالنهاية بتخليني اطلع.. نجود/معليش روحي استاْذني من ابلتك وارجعي مرة ثاني على مااشرب لي فندان قهوة ثاني طيب.. ملاك/اشربي من القهوة اللي جبتها لك؟ نجود/روحي بس روحي يالمجنونة؟ ///////////////////////////////////////////لبنى/يمه منو كنتي تكلمين؟ ام بندر اللي توها طارحة سماعة التلفون/هذا بندر يسلم عليكم؟ لبنى/ماهو نازل ها الاسبوع بعد؟ ام بندر/والله ماقال..يقول بيشوف ظروفها اذا سمحت بيرتب وضعها؟ لبنى/اممم.. ام بندر/انتي ليش مارحتي الكلية اليوم؟ لبنى بتهرب/ماعندي غير محاضرة وحدة والمحاضرة اعتذرت واْجلتها؟ ام بندر/........ لبنى/........ ام بندر/البارح تقدم لك واحد يالبنى؟ لبنى بارتباك/انا... ام بندر/أي....واحد من عيال الحمود...بس ابوك صرفه؟ طاح قلبها بين ضلوعها وتمنت تبكي بكل مافيها خصوصا انها كل ماتدق على عبدالعزيز من البارحة تلاقيه مغلق وكانه مايبي يكلمها.... ام بندر/واحد على قد حاله فقير...ماهو قد العرس يمه..بس وش اللي حاده يروح يخطب له وحدة فوق مستواه؟ لبنى باصرار/وش هاذي بعد اللي فوق مستواه يمه؟؟؟كلنا بشر مثل بعض مافي أي فرق؟؟ ام بندر/أي بس الناس مقامات يايمه...وكلا عايش عيشة غير عن الثانية.... لبنى تنهدت/........... ام بندر/بكرة بيجيك ولد الحلال اللي يعيشك اميرة ولايخليك تحتاجين لشي وهو جنبك؟؟؟ احترق قلبها بها اللحظة ومرت في بالها عبير وتذكرت انها ماقدرت تعترض على اهلها وكاهي اللحين تعيد نفس الموقف ونفس الغلطة....ماهي قادرة تقول لهم لا...خلوني اعيش حياتي مثل ماابي....بس بالنهاية اسكتت.... ///////////////////////////////////////////////////////// رحاب/يمه معليش بخلي احمد عندك .. ام مشاري/متى موعدك؟ رحاب/اربع ونص.. ام مشاري/كلمتي محمد يجي على الوقت؟ رحاب/كلمته وقلت له موعدي الساعة ثلاث وربع لاني عارفة مواعيد ولدك؟ ام مشاري/الله يسهل عليك يايمه وتقومين بالسلامة.. رحاب/كثري منها يايمه ترى بجد انا محتاجتها..... فيصل/وين احمد.. ام مشاري/انا ابي افهم انت متى بتسلم اذا دخلت لمكان؟؟ولاتبيني اقول لفهد عنك؟ فيصل/اذا كبرت بسلم بعدني صغير؟ رحاب/احمد فوق يلعب ..دير بالك عليه يافيصل علشاني بروح المستشفى طيب.. فيصل/اللحين بتجيبن البيبي؟؟؟ماجبتي سريره؟؟؟ رحاب/فالك ماقبلته يافصيل؟؟حرام عليك باقي لي شهر؟ فيصل/انتي تقولين بتروحين المستشفى؟ رحاب/واذا بروح المستشفى معناته بيطلع البيبي؟ فصيل/وانا شعرفني؟ /////////////////////////////////////////////// ماخذت ثواني الا ورجعت غرفة المعلمات ووقفت عند الباب وهي تناظر بنجود بدون ماتتكلم... ونجود اصلا كانت تسولف مع نوير بهمس وكانهم يحشون في احد... سعدى/ملاك وش بغيتي!! ملاك/ابلة نجود...قالتها بهدوء.. سعدى/يانجود.. لفت لها نجود/خير... سعدى ناظرت عند الباب/ملاك تبيك.... لفت لها نجود وهي تناظر بساعتها...ووقفت.. نوير/يعني مابتدخلين لهم السادسة؟ نجود بقوة/والله ماادخل وهذا انا حلفت؟؟خلها تدبر حالها ماحد قال لها تغير بكيفها؟؟ طلعت ملاك وطلعت وراها نجود.. نجود/ها..وش بغيتي؟ ملاك/ابيك تمشين معي!!! نجود مشت وهي رايحة لصوب الاستراحة....وجنبها ملاك.. نجود/وش عندك... ملاك بضيق/زعلانة.. نجود/وانا المشرفة الاجتماعية؟؟؟؟؟انا مجرد ابلة بالفصل؟ ملاك بضيق/بس انتي اللي مزعلتني!!! دخلت الاستراحة وكانت الجازي منبطحة على السرير ويوم شافت نجود اعتدلت بقعدتها.. نجود/خليك مرتاحة انا جاية اشوفك كيف صرتي؟ الجازي /بخير.. نجود/اذا حسيتي انك مو قادرة لاتجين بكرة ماعليك من سالفة الاعذار؟يعني اك مو معقولة ماتصدق انك تعبانة؟؟ الجازي بتفشل وهي عارفة ان مروة اكيد فضحتها/لا هي مو قصدها بس ماتحب ان احنا نغيب...... نجود/تبين شي دافي تشربينه؟ الجازي/لا شكرا...بروح الفصل اللحين اخذت لي بندول... نجود/امحق بندول ....ذي ملاك جاية تسال عنك؟ولفت لملاك اللي استغربت وتفشلت بس تداركت الموقف بعد ثواني طويلة.. ملاك بتردد/شلونك اللحين؟ الجازي بعد كانت متفاجئة/بخير..شكرا لسؤالك.. ملاك/اذا بغيتي شي ناديني؟؟وناظرت في نجود كانها تقول لها ها..تمام وابتسمت نجود..... نجود/بنخليك ترتاحين...وماتشوفين شر.....وعلى فكرة الدرس ماطافك ترى!!!! طلعوا من غرفة الاستراحة واول ماعدوها بشوي صاحت ملاك بضيق/شفتي انك تدورين ضيقي وبس!!! نجود باستفسار/ليش؟؟ ملاك/ليش حطيتني بها الموقف؟؟ نجود/أي موقف.... ملاك/انا ماكنت جاية لها.. نجود/وش فيها لو جيتي تشوفين زميلتك اللي معك بالفصل وسالتي عنها وقت تعبها؟؟؟تضرك؟ ملاك/.............. نجود/وبعدين.....انتي ليش متحبينها البنت ممتازة ومؤدبة وماعليها كلام؟ ملاك/انتي ليش تحبينها وتكرهيني!! نجود/هههههه كاْنك تغارين منها ياملاك؟ ملاك بقهر/أي...انتي اصلا مايملي عينك بالفصل غيرها؟ نجود رفعت اصابعها وقامت تعدد عليهم بحركة/الجازي اذكى منك وانبه منك واشطر منك واحلى منك بعد!!!يالله موتي قهر؟؟؟ ملاك انفجرت بالبكي/ليش تعامليني كذا وانا احبك؟؟؟ نجود وقفت مستغربة من ردة فعل ملاك...اصلا هي ماهي متاْكدة من حب ملاك لها كل اللي تعرفه انها ماْثرة عليها..وحتى اذا كانت تحبها ليش بتبكي يعني؟؟؟ نجود/عقلي انتي كبيرة مو كل شي يبكيك؟ ملاك كملت بكيها/انا مااصدق انك ماتحسين؟ نجود/ش احس فيه؟؟؟ ملاك/فيني وفي مشاعري؟؟ نجود/لاتتكلمين بالالغاز...قلتيلي ابي اسولف معك وبعدك ماسولفتي؟؟قولي شعندك.... ملاك وقفت شوي تمسح دموعها وبعدها قالت/انا متضايقة.. نجود/من شنو؟ ملاك/من كل شي حواليني!!! نجود/مثل شنو؟ //////////////////////////////////////// | ||||
|
| |
|
16-06-13, 06:51 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت الثالث عشر --- نجود/لاتتكلمين بالالغاز ياملاك قولي شفيك؟\ ملاك وقفت وظلت دموعها بعينها وبعدها مشت عن نجود وخلتها تناظرها بذهول وهي تبكي.... ///////////////////////////////////////////// كانت تبكي بغرفتها بحرارة وكل ماتتصل عليه مغلق... ياربي وش ها السالفة اللي تضيق الخلق... تعبت والله تعبت....ليش حظنا كذا...ليش مايتركونا نقرر حياتنا مثل مانبي ونختار...ليش يتحكمون بمصيرنا وحياتنا..وكانهم هم اللي بيعيشون الحياة مو احنا... سمعت دق الباب ورفعت راسها ومسحت دموعها... لبنى ببحة في صوتها/منو؟ عبير/انا... لبنى/تفضلي.... عبير دخلت وقعدت جنب لبنى.... عبير/شفيك؟ لبنى/ولاشي... عبير/,....... لبنى/............... عبير/سمعتي عن اللي تقدم لك؟ لبنى/امممم قالتها بشرود عبير/وانتي وشرايك؟ لبنى ناظرت بعبير وكانها تقول لها وكاْنك ماتعرفين ابوك وسيطرته علينا وتحكمه فينا بس اكتفت بانها تنهدت.... عبير/يعني انتي فكرتي فيه؟ لبنى/وليش اتعب نفسي وافكر وفي النهاية القرار مو لي!!!قالتها بمرارة وكانها تبي تنهي الموضوع... ///////////////////////////////////////////////////// نجود دخلت الغرفة/الله وش ها الريحة اللي ذكرتني بالشرقية فديتها وفديت اهلها؟ جواهر اللي كانت واقفة عند الثلاجة/هلا وغلا بك ياقلبي يعطيك ربي الف الف عافية... نجود/الله يعافيك ويقويك؟ جواهر/صلي على مااجهز لك الاكل... نجود/وش مسوية ... جواهر/مكرونة حمرة حارة يحبها قلبك وسلطة الروشن والاخطر منهم فيمتو,,, نجود/يابعد قلبي والله فديتك انا وفديت الفيمتو ..هذا اهم مافي الموضوع اكيد اخذ منك وقت كثير... جواهر/يالله عاد عن الشماتة وخلصيني ترى ميتة جوع؟ نجود/طيب بس لااكلم علي وابدل... جواهر/انا ابي افهم...علي وناصر..علي مايدق لك خبر ولاحتى يسال عنك وناصر ذابح حاله عليك موعارف شيسوي علشان يرضيك...وانتي ماتكلمين نويصر كثر ها العلي!!! نجود/ماسمعتي ان في ناس تحبك وتشتري سعادتك وانتي هاملتها وان في ناس هاملتك وانتي تدورين رضاها وودها... جواهر/............ نجود/.................... جواهر/أي صحيح الله يحسن لك عزاك بكمبيوترك ماشفته الا وعطاني عمره اليوم؟ نجود باعتراض/شسويتي فيه يانذلة!!!!! /////////////////////////////////////////////////// كان يناظر بالكيس اللي قباله واللي مو قادر يفتحه .. شتبي منه ها الدلع وشلي رماها بطريقه بس يارب!!! لاحقته بكل مكان حتى بعمله!!!والمشكلة ان باسها قوي وراسها يابس وانها ماتهاب شي وانها صاحبة مشاكل...... انتبه على الكرت اللي كان موجود على الكيس واللي توه يشوفه... فتحه وقراه...(حبيبي بندر اتمنى تعجبك ها الهدية البسيطة وان شاءالله نلتقي ليلة الجمعة بفندق الراديسون ساس انا عازمتك علشان عيد ميلادي مو تتأخر العشاء بيكون الساعة ثمان ونص وبدون أي اعذار وماراح اقبل أي اعذار منك ياقلبي وخلي حبيبة القلب جواهر على جنب) تنهد من قلب ...هاذي لاحقته بكل مكان وعارفة كل شي حتى اسم جواهر وصلت له؟؟؟؟ اوووف ياربي شسوي ...يعني حتى ها الاسبوع ماراح انزل لهم...والله اني اشتقت لاامي وخواتي ..........ولحبيبتي جواهر....رفع جواله واللي كان يكابر يبي يكلمها بس حاس انه منحرج منها ومو عارف شيقول ولا شيعتذر فيه!!!! تنهد من قلب وهو يكابر يبي يسمع صوتها بس هل ياترى راح تسامحه ولالا؟؟ //////////////////////////////////////////////////// العصر بجرير,,,,, نجود وجواهر كانوا رايحين لجرير علشان لاب توب نجود اللي خربته جواهر بدون قصد طبعا(هههه حلوة بدون قصد) وفي نفس الوقت كان مصعب مع عمه فهد وفيصل هناك علشان يزبط له كم برنامج.... كانوا قريبين من بعض حييل بس ماحد منهم لف على الثاني.... دق جوال نجود وكانت منال المتصلة... نجود بقوة/هلا وغلا ببنت الفارس وينك انتي؟؟ لفوا اثنيهم فهد ومصعب لها وفهد دق قلبه لانه عارف ها الصوت.... نجود/ليش؟..........احمد ولد رحاب....طيب جيبيه معك مافي مشكلة....ماراح يسوي شي مؤدب عيوني عليه باردة عساه مو فصيل اللي جنني ذاك اليوم؟....طيب مو مشكلة قريبة انتي من جرير...انا جايبة لاب توبي.....طيب انتظرك معناته بكون عند الكتب طيب...باي.. جواهر/منال هاذي... نجود/تقول عندها احمد ولد رحاب امه طالعة موعد وامها طالعة وتقول انه بيجننه قلت لها تجيبه عادي.... كان وراها واحد يجر بعبايتها ولفت له لقته فيصل.. فيصل/ان شاءالله انا اللي جننتك ذاك اليوم؟ نجود بدهشة/فيصل!!!!انت كيف وصلت هنا....؟ فيصل/جاي مع ابوي..... رفعت عيونها والتقت بعيونه اللي كانت تناظرها بس انتبهت لمصعب اللي جنبه واللي كان يناظر فيهم بعد..... نجود بضحكة وهي مرتبكة من وجود فهد بس مسوية ثقل/أي انت اللي جننتي ليش عندك شك فيها!!! فيصل/انا مو مجنون؟انا عاقل ولاترى بقول لاابوي علشان يطقك!!!! التقت عيونهم في بعض وكل واحد فيهم حكى اللي عنده.... مصعب بعد كانت عيونه معلقة فيها...معقولة نفس البنت اللي صادفتها امس بالفيصلية وشدتني لها اشوفها اليوم هنا بجرير وانا اللي مانمت من كثر تفكيري فيها!!!!!! معقولة القدر كتب لي اصادفها مرة ثانية!!!!!! انتبه على صوت فهد يكلمه وكانه يبي يبعد عن عيون نجود ونظراتها.. فهد/نرجع بوقت ثاني!!قالها وهو متمني ان مصعب يقول لا.. مصعب ماصدق انه لقاها طبعا اعترض على الموضوع... جواهر/شفيك كنك محتاسة لايكون بس هذا ولد اللي مايتسمى!!! نجود بنفس الهمس/أي..هذا فهد اللي واقف...شفتيه؟ جواهر قامت تناظر بفهد ولاحظت ان عيون مصعب عليها.... نجود/انا بركب فوق عند الكتب مو قادرة اوقف هنا؟ جواهر وهي تناظر بمصعب/انا بظل واقفة واذا جتك منال مروني ولااذا خلصت بجيك فوق... نجود وهي تناظر بفهد اللي كان عاطيها ظهره/طيب..... ///////////////////////////////////////////////////////// عبير/طالع.... علي/لا بغيتي شي حضرتك... عبير/............ علي/وش بغيتي؟ عبير/بخلي السايق يوصلني المستشفى حاسة بشوية تعب.... علي بلا مبالاة/روحي... ناظرته فترة طويل وهو قاعد على كمبيوتره بدون مايفكر يسالها ليش ولا حتى يناظر فيها وهي واقفة تكلمه!!! تنهدت من قلب ومشت علي قلبه حجر وبيظل قلبه حجر وماراح يرتاح الا اذا مت وطلعت من ها الدنيا!!!!!! ///////////////////////////////////////////// كانت واقفة فوق عند الكتب وهي ميتة رعب ....ها الصورة كل ماجت تشيلها من بالها وخيالها تطلع لها من جديد؟؟؟؟ شسوي فيك يافهد بس!!!!! قامت تقلب بين الكتب وصورة فهد فوق كل كتاب تشيله .... نجود...نجود.. ماتدري هي فعلا كانت تسمع صوته يناديها ولا تتخيل رفعت راسها ولقته يناظر فيها وواقف قبالها.. تلفتت حوالينها وكان المكان شبه فاضي يعني الناس مفرقين وماجنبهم ناس كثيرة..... نجود بهلع وخوف/فهد!!!وش تبي؟ فهد كان منزل شماغه على عيونه كثير,,ومسك له كتاب سوا روحه يقرا فيه.. فهد/كنت بتطمن عليك؟ نجود بارتبك/انا بخير...شكرا فهد/فكرتي بموضوع جواهر....يعني ما المفروض تروحين لها! نجود/ليش؟ فهد/لاني حسيت من كلامك انك تبين تتكلمين معها!! نجو/اللي كانت معي تحت هاذي جواهر؟ فهد/معقولة؟؟؟متى مداها جت!!! نجود/امس جاتني وتصالحنا.... فهد/تمام.... نجود/فهد ممكن اطلب منك طلب... فهد/خير.. نجود/ممكن اتاْجر منك المزرعة بكرة؟ فهد توه بيتكلم الا وفيصل كان يدور عليه.... نجود/ممكن تفتح بلوتوثك ونتفاهم على الموضوع؟ فتح بلوتوثه وفتحت بلوتوثها علشان ياخذ رقمها... وجاه فيصل وهو يحوس بجواله.... والتقت عيونه بعيونها يوم شاف اسم جوالها....كان يناظرها بنظرات غريبة..ها البنت فيها ثقة عجيبة ومو طبيعية...حتى اسم بلوتوثها واثقة منه...كانت كاتبة اسم جهازها(يانيوتن انا سر الجاذبية) ناظرته شوي لين استقبل رقمها ومشت بعدين عنه...... اما تحت وعند كاونترالكمبيوترات كانت جواهر واقفة ومصعب جنبها وعيونه عليها من كانوا واقفين بس ماتجراْ يكلمها!!! ظل يناظر فيها طول الوقت بدون مايتكلم وهي تنرفزت من ها الحركة,,,, قالت اذا لفت له وهو بعده يناظرها بتغسل شراعه..لفت وهو بعده يناظرها.. ارتفع الدم عندها وتقربت منه وهي معصبة ... وتكلمت معه بعصبية وبصوت شوي واطي او يقال له واطي/خير ان شاءالله عسى ماشر مشبه علي الاخ !!!! ارتبك وماعرف وش يقول.... جواهر/تعرف بس تناظر بس ماتعرف تتكلم!!!!! ظل ساكت وهو متفشل من نفسه.... جواهر/صحيح ناس متخلفة!!!!!! قالتها ومشت عنه........ ////////////////////////////////////////////////////// ناصر/وش فيها الغالية زعلانة؟ ام علي تنهدت.... ناصر/خالتي وش فيك؟ ام علي/بيجنني ها الولد ياناصر...والله بيجنني!!! ناصر/ليش عاد ياخالتي تقولين كذا!! ام علي/لا هو منتظم بدوام ولاهو داير باله على زوجته ولاهو اللي يكلم ابوه مثل العالم والناس!!!!انت على بالك ابوك راضي عن ها الوضع؟؟لايمه ابوك مو راضي بس ساكت... ناصر/وش تبين نسوي ياخالتي!!! ام علي/كلمه يمه انت اخوه وبيسمع منك.. ناصر/انتي عارفة ياخالتي انه مايكلمني ومايطيق يحط لسانه بلساني ومايعتبرني اخوه بالعكس يعتبرني عدو اذا جيت اكلمه وانصحه!!! ام علي حطت يدينها على عيونها وقامت تبكي وقالت من بين شهقاتها/والله يايمه ياناصر اني تعبانة ومتعبني ها الولد.... ناصر تقرب منها وشال يدينها وباسها ومسح دموعها بيدينه وقال لها بكل حنان/افا بس يالغالية افا....ليش تقولين كذا عاد!!!!!احنا معك وجنبك ومابيرضيننا الوضع كذا وان شاءالله كل شي بيتغير ياخالتي.. ام علي اخذته بحضنها وقالت له وهي تبكي/عسى الله مايحرمني منك يالغالي ويبلغني فيك معرس واشوفك واشوف عيالك حوالينك....قول امين... ///////////////////////////////////////////////////// في سيارة نجود... منال/مابغينا نشوفك ياجواهر.. جواهر/الله يسلمك يالغالية... منال/ترى نجود ماعندها سالفة غيرك..طول الوقت تحش فيك.... جواهر/فتني فتني عليها...بخير ولابشر؟ كانت نجود سرحانة ومو معهم,,, فيصل اللي لحقهم يوم شاف احمد معهم,,,,جرها من عبايتها.. فيصل/يتكلمون عنك؟ نجود انتبهت/ها.. جواهر/وين كنتي انا وجنبك بعد في شنو سرحانة؟ منال/هههههههه نجود بارتباك/لا بس كذا....وين بنروح؟ منال/وين تبون؟ جواهر/مدري ابي مكان حلو.... منال/نروح غرناطة مول... جواهر/ليش لا.... فيصل/انتي ليش ساكتة اليوم وماتتكلمين مثل ذاك اليوم؟ نجود ابتسمت وانحرجت بنفس الوقت.. فيصل/شفيك؟ نجود/ولاشي...انت تكلم.. فيصل/وش تبيني اقول؟ نجود/أي شي..قولي نكتة مثلا؟ فيصل/ اممممم...في واحد جابوا له سبعة اولاد قام غير اسمه وقال سموني سفن اب.... نجود/ياشينك على ها البياخة!!!!!!!!!بايخة مررة جواهر ومنال/هههههههههه جواهر/حرام عليك حطمتيه شوفي شلون يتكلم؟متفاعل ..... ////////////////////////////////////////////////////// مصعب قعد بسيارته وماقدر ينزل ... كلامها كان مثل السم اللي وصل لقلبه... هو ماكان قاصد أي شي من نظراته ...ولو يحلف لها انها اول مرة اللي يناظر في بنت ماراح تصدقه!!!!! هو صحيح ماشال عيونه من عليها بس هذا مايعطيها أي حق انها تكلمه بذي الطريقة!!! هو عارف انه غلطان لانها كانت واقفة باحترام ولبستها بعد كانت محترمة...يمكن هو زودها شوي بنظراته لها ...بس ها الشي كان غصبا عنه...في شي اخله كان يجذبه علشان يناظر فيها بس مو داري شنهو...... تنهد بقوة وضرب بيدينه بقوة على السكان حق السيارة وهو معصب حييل من كلامها,,,ومن حظه الردي اللي رماه عليها!!!طول وقته مايناظر في البنات وماشي بالظل ويوم ناظر ناظر في وحدة غسلت شراعه غسال وكانه ذابحها!!!!! بس وين بتروح...اهم شي عرف انها تعرف منال بنت خاله وانهم طالعين مع بعض وان معهم احمد وفيصل...يعني يمديه يطلع وبعدها يروح يوقف عند باب بيت خاله لين يردو.. خاله لين يردون وبعدين يشوف وين ساكنة ويشوف منهي ومن بنته!!!! //////////////////////////////////////////////// سالم/ها وش صار!!! فهد بارتباك/شفتها بجرير قبل شوي؟ سالم /ها وش صار بينكم؟ فهد قام يردد/يانيوتن انا سر الجاذبية!!!! سالم/يانيوتن انا سر الجاذبية!!!!شنو يعني!!!!! فهد تنهد بقوة وغمض عيونه.. سالم/قول شصار!!!تراني مو فاهم شي!!! فهد بضعف/بموت ياسالم بموت!!! سالم/فهد شفيك؟؟ فهد/مو قادر ياخوك مو قادر؟ سالم /طيب قولي شصار؟ فهد/تبي المزرعة ياسالم,,, فهد/المزرعة!!!ليش!! فهد/مدري...بس اخذت رقمها علشان نتفاهم مع بعض برواقة.. سالم/يعني اخذتوا ارقام بعض اخيرا!!! فهد وهو يتنهد/انا خايف ياخوك ياسالم!!!مدري وش قاعد اسوي...احس نفسي قاعد العب بالنار؟؟؟ سالم/اذا ماتقربت من النار ماراح تحرقك !!! فهد/ماني صغير ياسالم علشان ...... سالم/علشان شنو!!!!!انت ماراح تقول لها شي لين هي تتكلم وتقول شعندها!!! فهد بضعف وخوف/واذا هي ماقالت أي شي!!!! ////////////////////////////////////////////////////////// بالليل رجعوا بيت الفارس ووصلوا منال بعد ماتعرفوا على بعض(جواهر ومنال )واتفقوا انهم بكرة بعد يطلعون اذا كانت ظروفهم حلوة.. وكان احمد نايم نجود وفيصل نايم على جواهر وبالنزلة اصروا انهم هم اللي ينزلزنهم لها.. وطبعا كان مصعب قاعد على الكراسي اللي قبال الباب مع محمد وهو ينتظرهم من زمان وفهد بعد يوم رجع البيت ومالقى فيصل رجع قعد معهم وهو يشوف اذا كانت بتدخل ولالا؟ واول مافتحت منال الباب صارت نظراتهم ثلاثتهم لعند الباب.... منال/والله تدخلون تشربون شي وتسلمون على ام مشاري؟ جواهر/لامو حلوة وقت ثاني ان شاءالله!! دق قلب مصعب يوم سمع كلامها....وماعرف يرفع راسه استحى منها..... منال/لامايصير اصلا امي اذا عرفت انكم وصلتوا لعند الباب ومادخلتوا بتزعل؟ نجود/معليش منال الوقت تاْخر وماهي حلوة ندخل وقت ثاني ان شاءالله بنمرها....كذا على الماشي ماينفع بنجي نتغذى لو نتعشى؟ جواهر/ههههه شفتي النصب طالعة على نويصر مايهمهم غير بطنهم هههه منال/عليها بالف عافية حبيبة قلبي... جواهر/ها ترى انا وحدة مااعرف اغار ابداّ!!واحتمال افجر بحي الغدير كله!!!! نجود ومنال/ههههههه منال/محمد تعال شيل ولد اختك عاد ... محمد/طيران.....وانا ابيها من الله اصلا!!!!وراح لهم وتقرب مههم وسكتوا.. محمد/احم احم ...اهلا وسهلا...انا محمد اذا بغيتوا أي شي او احتجتوا لااي شي تراني موجود.. جواهر ناظرته من فوقه لتحته..... نجود/وصلت المساعدة شكرا ماقصرت..... محمد/لا تراني اتكلم من جدي!!!! منال/من جدك لو من عمك!!اقول لايكثر بس واخذ ولد اختك دخله داخله..... محمد/والله الثنتين حلوين عادي اشيل احمد وفيصل بوقت واحد!!!! نجود بقوة/ماكذبت منال يوم للت عليك تبي تزوجك!!!!!لااله الا الله عليك!!! رفع فهد عيونه لها ولقاها تناظره..... احذ محمد احمد من نجو وهو عينه شوي عليها وشوي على جواهر ومنال شالت فيصل وقبل لايطلعون استاْذن مصعب وطلع.... ////////////////////////////////////////////////// في شقة نجود... جواهر.../منهو هذا اللي كان مع فهد؟ نجود/اللحين انتي بالاول قولي لي شرايك فيه؟ جواهر/فهيدان!!!زوين.. نجود فتحت عيونها على وسعها/فهيدان بعيونك!!!!ماهو باصغر عيالك تقولين عنه فهيدان!!!حبيبتي هذا بو فيصل خليه على بالك زين...وبعدين شنو بعد زوين هاذي؟ جواهر ماتت ضحك...... نجود تنهدت/ابي اكلمه؟ جواهر بجدية/نجود الرجال متزوج وعنده عيال!!وش تبين فيه وحوالينك الف والف يبون قربك!!! نجود تنهدت /شسوي بها القلب اللي مصر انه يسمع صوته ياجواهر!!! جواهر/بس انتي عارفة ان ها الشي بيعذبك وبيعذبه لو صار وانكتبت بينكم علاقة يانجود!!!لاتدخلين بشي منتي واثقة من نهايته!!! نجود/........................يمكن ان مافي شي من اللي انا قاعدة افكر فيه بيصير بس مجرد اوهام!!! جواهر/ان شاءالله... نجود/طيب شقوله لو كلمته اللحين؟ جواهر/انتي وش تبين منه!!! نجود/ابي اتاجرالمزرعة منه!!! جواهر/....... نجود/طيب شلون اكلمه اخا ف اني احرجه!! جواهر/اعطيه مسج....اذا كان قاعد كلميه واذا مشغول هو بيرد عليك.... /////////////////////////////////////////////////// في بيت الفارس..... محمد/وان بغيت المزايين روح صوب الشرقية!!! ام مشاري من وراه بصرامة/قلت لك صديقات خواتك لاتقرب منهم يامحمد!!! محم مسوي انه متخرع/بسم الله الرحمان...انتي من وين تطلعين ام مشاري!!! ام مشاري/سمعتني على مااعتقد.... محمدموانا شسويت عاد!!! ام مشاري/لا تحط اختك بموقف بايخ وسخيف علشان تفاهتاتك وطيشك!!!!سمعتني!!! محمد/؟؟؟؟؟؟؟؟؟؟؟؟؟؟؟؟؟؟؟؟ ام مشاري/واذا تبي تخطب وتبيني ادور لك بنت حلال اعقل وخلني اشوفك عاقل وبعدها يصير خير..اما اذا ظليت كذا ماتصدق تشوف وحدة الا وتطير عيونك عليها وكانك مو شايف خير بحياتك!!! محمد /لاتعليق على كلامك يالغالية؟؟ ام مشاري/وان شاءالله وش تبي تعلق بعد وتقول؟ //////////////////////////////////////////////////////// كان قاعد بالغرفة بيدخل يرتاح ولو انه عن الراحة بعيد... بس بيحاول ينام ويشيلها من افكاره...وتوه بيدخل ينام الا وجايه مسج بجواله فتحه وكان من نجود(وش صار على المزرعة!!!اسفة اذا كنت ازعجتك) هو متاكد انها هي ...صحيح هي ماكتبت اسمها بس مافي غيرها سال عن المزرعة,,,, نجلاء/وش فيك يافهد؟ فهد/ها..ولاشي..بس عندي شغلة بخلصها وبرد...نامي انتي وانا بنزل المكتب شوي... نجلاء حطت راسها على المخدة/ تصبح على خير... نزل المكتب وهو يتمنى انها تنزل وراه علشان يمتنع عن اللي بيسويه ومايكلم نجود بس لاهي نزلت ولاقلبه طاوعه مايكلمها وهو كان ينتظر منها أي خبر.... دق عليها وردت عليها بعد فترة ومسوية فيها ثقل.. نجود،/هلا... فهد/هلا.. نجود/اسفة علىالازعاج شكلك نايم!! فهد/لا مابعد نمت للحين!! نجود/وش صار على موضوعنا!! فهد/وش ها الثقة الكبيرة بنفسك!!!انتي سر الجاذبية!!! نجود بثقة/ومنو عنده شك فيهاّ!!! فهد/ياسلاااام!!! نجود/........... فهد/كثير واثقة من نفسك يا...يانجود؟ نجود/اهم شي الثقة بالنفس يافهد لانها هي اللي بتعطيني الثقة بللي حواليني!! فهد/مشاءاللهٍ...وش بعد!! نجود/شنو اللي شنو بعد!! فهد/غير الثقة شنو فيه يانيوتن!!! نجود ضحكت ضحكة وقفت قلب فهد ونشفت الم اللي بعروقه,,,,, نجود/فيصل قطعا مو طالع عليك بشي...احس كل شي فيه مختلف.... فهد/مرده لي...على مين بيطلع يعني!!! نجود/لاحرام ليش تبي تخرب مستقبل الطفل خله كذا بدون صفات مشتركة بينكم افضل....المهم وش صار علينا بتاجرني اياها؟؟ فهد/انتي عارفة اني ما ااْجرها ليش تحرجيني وتحرجين نفسك!! نجود بدلع ذوب فهد/بليز فهد...بكرة بس..ابي اوريها جواهر كلمتها عنها ووصفتها لها ولازم اوريها لها... فهد بثقل/وليش لازم؟؟؟ نجود/علشان مايصير بخاطرها... فهد بنعومة/واذا صار بخاطرها وش بيصير!!! نجود بدلع/بزعل عليك!!!! فهد غمض عيونه بقوة وصورة عياله في مخيلته وماهي مفارقته وماعلق بشي... نجود بهمس/وين رحت يافهد.... فهد بقوة وصرامة وكانه تحول لشخص ثاني/انا بوفيصل يابنت ماني اصغر عيالك!!! كان متوقع انها تعتذر له وتقول انها مو قاصدة بس تفاجاْ يوم قالت له بكل همس/ومن كبرك عاد علشان تقول بو فيصل ياشينها والله من لسانك!!!فهد احلى ..تكفى صدقني فهد احلى بكثيير من بو فيصل!!! فهد/...................... نجود...................... فهد بعد ترد/انتي وش تبين يانجود؟ نجود/قلت لك ابي المزرعة؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟ | ||||
|
| |
|
16-06-13, 06:53 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عشر //////////////////////////////////////////////////////// اخذتها رجلها لعند المستشفى وهي طول الطريق شاردة وسرحانة ومترددة من الشي اللي تسويه ... دخلت المستشفى وهي خطواتها شبه ترجعها للمكان اللي جت منه..... حست بترد كبيروبعدم القدرة على مواصلة الشي اللي.هي ناوية تسويه.... وقفت عند مكتب الاستقبال وعيونها على لوحة اسماء الاطباء وتخصاصتهم... وبدون أي مقدمات طلعت بسرعة من المستشفى ورجعت السيارة.. رجعت وهي تغالب دموعها اللي انزلت منها... كانت عارفة انها مو بالشجاعة اللي ممكن تقدم على خطوة كذا رغم انها بحاجة كبيرة لها الشي...بس شتسوي... راح تظل دايم مترددة وخايفة من كل خطوة تخطيها بحياتها .... تنهدت بقوة يوم وصلت البيت ونزلت من السيارة علشان ترجع للسجن اللي مابتتحرر منه ابدا!!!! //////////////////////////////////////////////////////////كان قاعد بغرفته وهو يفكر بحال اخوه علي واللي دايم يعتبر نفسه غريب عنه.... كل ماحاول يتقرب منه ويفهمه ويعرف هو شيبي يلاقيه بعد عنه الف خطوة وخطوة!!!! ثلاث سنين الفارقة بينهم بس ناصر كان يحسها اكثر من كذا بكثير... من صغره وعلي منعزل على نفسه ومايحب الاختلاط معهم كثير رغم انه الاول والكبير والمدلل!!!بس الظاهر ان نتيجة الدلال طلعت عكسية عليه واعتزال الكل وصار يعتبر كل نصيحة تتوجه له من باب الخوف عليه والنصح كانها عداوة اوحقد!!! حتى ابوه المسكين اللي توسط له من تخرج للحين باكثر من اربع وظايف مايكلمه من اجبره على بنت عمه وهو مايبيها.... ومن ها الموقف ابتعد ابوه عنه بعد ... كان كل ماطلع من وظيفة بحجة او بدون حجة دور له على وظيفة غيرها وذل نفسه لفلان وعلان وعلي مو مهتم ولاهو حاس بالمسؤلية لين صار مايكلم ابوه مرة وحدة من اخذ عبير وابوه بعد قطعه..وماصارت بينهم أي نقطة التقاء... تنهد ناصر بقوة وهو محتار كيف بيجمعهم من جديد وهو تعب من كثر ماحاول في علي يجي يعتذر من ابوه ويطيح الحطب بس بدون نتيجة!!! الله يهداك بس ياعلي ويردك لعقلك وللناس اللي تحبك!!!!ا1ا كنت مفكر ان احنا مو شايلين همك فا نت غلطان!!! ///////////////////////////////////////////////////////// جواهر بذهول/وش ذا يانجود؟؟؟ نجود ماقوت ترفع راسه واكتفت بانها تنهدت... جواهر/انا اول مرة اشوفك كذا!!! منتي ملاحظة انك شوي تطلعين من التلفون وتحضنينه!!! نجود بضعف/مدري وش صاير فيني ياجواهر كل ماسمعت صوته حسيت بقلبي يدق بسرعة ومااركز بالشي اللي اقوله!!! جواهر/اللي يسمعك تكلمينه يقول كانك تعرفينه من سنين!!! نجود/جواهر انا ماابي اعترف بها الشي بس انا مضطرة انا فعلا احس اني منجذبة له وان في شي يدفعني بقوة لفهد!!! جواهر/لايانجود لا؟؟؟هاذي اكبر غلطة بترتكبينها بحياتك!!!قاومي نفسك وحطي في بالك انه متزوج وعنده عيال!!!وانكم حتى لو حبيتوا بعض ارتباطكم بيكون مستحيل؟؟؟ نجود/.......................... جواهر/طيب هو كيف كلمك يانجود؟ //////////////////////////////////////// هو بعد كان محتار من نفسه كان قاعد بمكتبه بالظلام وماغير ريحة السجاير اللي فاضة المكان....كيف تجراْ وكلمها وهو اللي طول عمره ثقل وهيبة حتى مع اقرب الناس له!!!! شي غريب قاعد يجذبه لها..لنجود بدون مايحس...قوتها,,,هيبتها,,والاك بر ثقتها بنفسها,,,,أي ها الثقة اللي ناوي يحطمها فيها!!!لازم يحطمها فيها!!منهي هي علشان تجي وتحاكيه كذا بدون حواجز وتناديه فهد!!!فهد حاف بدون بو فيصل!!!لاوتقوله لاتكبر نفسك بعدك صغير!!! راح خياله لبعيد للبنت اللي بالمزرعة وتكلمه باحتقار وهي مفكرته بواب المزرعة!!!وثارت شياطينه ... وفتح جهازه وراح لاخر الاجهزة اللي ارسل لها..وهو يقرا اسمها ويردده بينه وبين نفسه(يانيوتن انا سر الجاذبية)وصورتها وهي تغني اغنية الدراهم ملاحقته ولاهي راحمته ....وبنفس الوقت كان صوتها الدلوع بعد يلاحقه وهي تترجاه يعطيها المزرعة وشكل دموعها اللي بالمطعم هدت شوي من ثورته وحرارته...وخفف عنه.... صحى صوت ضميره وهو يانبه ...انت السبب يافهد انت!!!انت اللي عطيتها مجال وخليتها تدخل افكارك!!! /////////////////////////////////////////////// كان واقف بحديقة البيت ورغم برودة الجو الا انه كان طبيعي جدا بوقفته ونظراته رايحة لبعيد....رايحة لعند ذيك البنت اللي خطفت قلبه بكلمتين تهزيء!!! فوزية من وراه/وش اللي مسهرك ياخوي!!! لف لها مصعب بهدوء من وراها/بس كذا...مافي شي محرز,,, فوزية/ وش تفكر فيه...مو من عوايدك تسهر لها الحزة,,,,, مصعب تنهد/لا ولاشي.....افكر فيكم,,في امي,,في خواتي انتي والجازي,,,,,,,,,,, فوزية/وش فينا احنا!!! مصعب/ولاشي....اليوم رحت جرير مع خالي فهد علشان لاب توبه ولاقينا منال هناك مع صاحبته الجديدة؟ فوزية/صاحبتها الجديدة ؟؟؟أي صاحبة؟؟؟ مصعب/مدري اللي ساكنة هناك وصلنا منال لها مرة بالفصول الاربعة. فوزية/اها تقصد...نجود... مصعب في باله يعني اسمها نجود... مصعب/ماهي من الرياض؟؟؟ فوزية/لا من الشرقية من عيال السبيعي....بنت ذوق بالمرة شفتها مرة وحدة بس اعجبتني حييل....بكرة عازمتني على الغذى عندها ويمكن مااقدر اروح امر عليهم الليل.... مصعب/ليش؟ فوزية/مدري يمكن مايمديني الضهر استاذن من الدوام واطلع معهم بخلي طلعتي مرة وحدة... مصعب في باله يعني اسمها نجود السبيعي من الشرقية عاشوا بنات الشرقية والله خوش بنات!!!! /////////////////////////////////////////////////// اليوم الثاني بالمدرسة,,,,, بغرفة المراقبة مها... مها/اللحين انتي وش تبين ياملاك؟ ملاك/ابي ابلة نجود؟ مها بقهر/وش تبين فيها عاد..انا متعمدة انقلها للفصل الثاني ... ملاك بعصبية/وانتي باي حق تنقلينها عاد!!!منو امرك؟؟؟انا عاجبني وضعي ووضعها انتي منو دخلك بالموضوع؟؟؟ سكتت مها وهي مقهورة,,,,, ملاك/ترجعين تنقليها لفصلنا ولا بقلب المدرسة فوق تحت على راسك!!!! مها/ملاك مايصير ياحبيبتي انا توني ناقلتها امس ومغيرة الجدول كيف اليوم اغير مايصير!!! ملاك حطت رجل على رجل/دبري حالك مايدخلني.....انا ابوي اليوم بيكلم المدرسة يسال عني وماابي اقوله اني متضايقة ومو عاجبني الوضع!!! مها بتردد/طيب وش رايك انقلك انتي للفصل اللي نقلتها له؟ ملاك بتحدي/لا هنا احلى بها الفصل...في ناس ابي تكون بينا اكشنات انا وهم!!! مها بقهر/خلاص لك اللي تبينه ياملاك بروح اعطيها خبر انها ترد لفصلكم ولايصير خاطرك الا طيب ولاتزعلين علينا ياملاك!!! ابتسمت ملاك ابتسامة نصر وقامت من مكانها رايحة لفصلها بعد ماحققت اللي في بالها... /////////////////////////////////////////////////////////////////////////////////// | ||||
|
| |
|
16-06-13, 06:54 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت الخامس عشر--- هاجر كانت تتمشى مع نجود بممرات المدرسة الواسعة .... هاجر/وماناوية تدخلين عليهم؟ نجود بلا مبالاة/شوفي هي مية بالمية نقلتنتي الفصل الثاني علشان ملاك وبس!!!! وانا علشان اكسر كلمتها اليوم الفصل الجديد مو داخلة عليهم واذا تبين الصراحة باخذ اليوم اجازة ومني داخلة ولا حصة وبنشوف اخرتها يامها شبتكون!!!! هاجر /والله انك قوية يانجود وماتهابين شي!!! نجود بقهر وبقوة/قلعتها ان شاءالله!!!مفكرة وحدة مثل هاذي بتهمني ولا بتاْثر فيني!!!مصيرها هي بنفسها بتجي تكلمني وانا بنت السبيعي؟ هاجر/شخبار جواهر... نجود/بعد عمري والله جاي على بالي اطلع اليوم بدري واعزمها على الغذى بره....راحت عليك الطلعة امس انبسطنا كثير مع منال وكان معها حمود وفيصل ...وشردت شوي من طرت فيصل وهي تتذكر شكله وكيف انه مافي أي تشابه بينه وبين ابوه.... هاجر/الليلة ان شاءالله..... نجود/اممم فوزية بعد قالت لمنال ماراح تقدر تطلع معنا الضهر فاقترحنا ان احنا ناجلها لليل بس عاد ها اذا بتنكبون ترى بتروح عليكم العزيمة ومافي غيرها.... هاجر/لالالالا كل شي ولاتروح العزيمة ونخسرها نهائيا.... (هاجر اليامي....بنت هادئة ومتوسطة الحال وبسيطة في تعاملها ورغم انها مو من النوع اللي يعجب نجود كثير بس مشت معها لان هاجر طيبة وسلسة بالتعامل وكانت تمشي كلمتها عليها ..بس رغم هذا كانوا متفاهمين والجو بينهم صافي... بالنسبة لحياتها الاجتماعية كانت مخطوبة لولد عمها وزواجها بيكون بالاجازة الجاية ) /////////////////////////////////////////////////// سالم يكلم فهد بالتلفون/والى متى ان شاءالله بيظل البال مشغول كذا!!!! فهد تنهد بقوة../والله مدري ياخوك تعبان حدي ومو قادر اوصل لقرار.... سالم/ويعني!!!! فهد/مدري...حاس اني متشتت ياسالم...ساعات ودي اكسر راسها من ها الثقة اللي عاطيتها نفسها...وساعات احس اني ابي بس اسمع صوتها وماافارقه!!!!! سالم/وش اتفقتوا عليه على اليوم؟ فهد/قلت لها اذا بتمر مع صاحبتها تشوفها اهلا وسهلا لكن يقعدون فيها اليوم كله لا اسف مو مجبر اني اعطيها اياها لاني بالاساس مااعطيها احد.... سالم/وبتروح معها؟ فهد/وين؟ سالم بخبث/المزرعة!!! فهد بتردد/وليش اروح معها بعد!!! سالم/فهد وش فيك ياخوي هاذي فرصة وجاتك على ذهب انك تكون معها بمكان واحد يجمعكم سوا وتكون تحت سيطرتك!!!! فهد بتشكيك/وش تقصد ياسالم!!! سالم/مايبيلها فهامة وانت عارف شقصد يافهد!!!فرصة وجايتك ويمكن ماتتكرر استغلها ولاتروحها من يدك؟ ///////////////////////////////////////////////////////////ناصر كان جاي البيت ياخذ اوراق العمل اللي نسيهم وهو طالع الا وعلي داخل.... ناصر/علي؟ علي/نعم... ناصر/خير ان شاءالله وشفيك ياخوك تعبان!!! علي/لامو تعبان!! ناصر/عسى ماشر اشوفك راد البيت مايتراواللي انتهى دوامك...عندكم شي بالشركة ومطلعينكم بدري؟ علي/لا ماعندنا شي انا ملان....وطلعت من الدوام يعني بكيفي وبمزاجي!!! ناصر/أي بس هذا عمل وانا اخوك والواحد يالله يثبت نفسه بشغله ويبين جدارته و... علي بعصبية/وبتعطيني محاضرة بعد!!! ناصر سكت مرة وحدة وهو يناظر بعلي وتفشل من ردة فعله وقال بارتباك/لا مو قصدي كذا ياخوك!!!انا بس كنت ابي اعطيك وجهة نظري بالسالفة و... علي بملل/ماحد طلب منك تعطينا وجهة نظرك يااخي!!! ناصر بعصبية/انت وش فيك ماتتقبل أي كلمة من احد!!! علي بعصبية/انت ماتلاحظ انك تتدخل في حياتي!! ناصر بعصبية/وانا وش قايل لك عاد!!!!بكيفك عمرك ولا استقريت بوظيفة انت اللي بتضيع عمرك وبتضيع معك ها المسكينة؟ علي/اها...يعني انت من السالفة كلها تبي توصل لها المسكينة!!!!!! ناصر/علي شفيك؟؟؟؟انا شقلت اللحين علشان تفسر كلامي كذا!!! علي بقهر/تبيها؟؟؟؟اطلقها علشان تاخذها يالحنون مو انت مسوي روحك الكل بالكل واللي تنقذ كل شي في ها البيت!!!! ظل مصدوم من كلام علي اللي طاح عليه مثل الجبل!!!!معقولة علي يفكر بالطريقة هاذي!!!معقولة مفكر اني ابي مرته!!!!وش جاك ياعلي عاد وخلاك تكره كل اللي حوالينك وتفكر كذا بس!!!! غمض عيونه بقوة وهو يغالب دموع قربت تنزل منه ومن موقف علي معه اللي ججرحه وجرحه بقوة بعد!!!! ///////////////////////////////////////////////////////////جواهر كانت قاعدة بغرفة نجود وتفكيرها مو معها ودموعها تجري على خدها اربع اربع بهدوء وش سويتي فيني يادنيا ... من بعد حبه وهيامه وشوقه صار مايتصل ولايسال ولايدري عن هوى داري بعد!!!! ليش يابعد قلبي يابندر ليه!!! صدقني ماسكن بقلبي غيرك ولاراح يسكن بعد...انت الوحيد اللي حبيته وبظل احبه طول ماانا عايشة على وجه ها الدنيا...ياليتك بس تحس فيني وتقولي ليش انت قاطعني وهاجرني...مدري وش اللي انا سويته وخلاك تكرهني كذا!!!وتقطعني مرة وحدة؟؟ بندر حبيبي طمني عليك...صدقني ماابي شي من ها الدنيا بس ابي اتطمن عليك يابعد طوايف جواهر... مسحت دموعها وقامت غسلت وجهه وهي تحاول تشيل صورة بندر من بالها وتقوم ترتب غرفة نجود وتجهز لهم ثياب علشان طلعتهم بعدين.... *********************بندر بعد كان قاعد بسيارته وقت البريك وهو ملان ومتضايق جيته جدة غيرت له حياته وها الدلع مشيبة راسه ..من وين ماراح طلعت له!!لاحقته بكل مكان ووين مايروح....فتح الراديوا علشان تروح صورة دلع من باله وكانت في اغنية ولعت قلبه وذكرته بحبيبة القلب ... لامست كلامات الاغنية اوتار قلب وتنهد من قلب وهو يذكر ها الحب الجميل اللي علمه العشق والهوى,,,و (مالومه مالومه لوغابت علومه,,, وان ماسال عني من حقه مالومه,, انا اللي زعلته...واصلني واهملته,, والا حبيب القلب طيوب من يومه,,,) ذكرته الكلمات بجواهر وفيه .. كانت سالفتهم ومكتوبة بقصيدة...تعشعشت صورة جواهر في باله وحن انه يسمع صوتها اللي له كم يوم يقاومه ..بس كثر الحنين ها المرة كان اكبر منه رفع سماعة الجوال ودق لها.... /////////////////////////////////////////////// في فصل اولى ثانوي.. دخلت ملاك الفصل وقالت للبنات بصوت واثق/يالله البشارة ابلة نجود ورجعتها لكم!!! نور بفرح/جد!!تسلمين ياملوكة عسانا ماننحرم منك!!!! ملاك ناظرت بالجازي اللي كانت تتهامس مع مروةوقالت لها/ها اشوفك ماقلتي شي يالجازي !!!يعني ماشكلك فرحتي!!! الجازي بعزة نفس/وش تبيني اسوي بالله!!!اتحزم وارقص!!! ملاك،/ياسلاااام!!! الجازي/من الاساس مافي أي سبب لتغير الفصلين بعد ليش كل وجع الراس وضياع حصتين امس علينا وعليهم مدامهم بيردون كل شي !!! ملاك اكتفت بانها تناظرها ورجعت مكانها وهي تتهامس مع شلتها عليها.... ///////////////////////////////////////////////////////// عبير كانت واقفة بالمطبخ وتقطع بالسلطة وحوستها حوسة بتبهير السمك والرز على الفرن ودخل علي بقمة عصبيته,, عبير رفعت راسها ولقته واقف مثل البركان وتوها بتفتح فمها وتتكلم الا وهو فاتح اذاعته على الاخر بقمة عصبيته/ وش ها الفوضى بالله!!!وين قاعدين احنا؟؟ عبير بخوف من شكله وهو معصب/انا قاعدة اطبخ الاكل.... علي/وماتعرفين تطبخين بشوية ترتيب!!!!شوفي المكان صاير زبالة!!!وين الواحد يظل قاعد بالبيت ماتقدرين الا تسدين نفسه وتخلينه يطلع!!!! قالها وطلع بسرعة وهي على وجهها الف علامة تعجب وتعجب!!!! شقاعد يقول هذا!!وليش دايم كذا بركان اذا جا يكلمها؟؟؟؟ اللي هي متاكدة منه ان كل البيت نظيف ومرتب وكل الغرف مسكرة والمطبخ ماهو بذيك الكركبة والفوضى اللي هو يتكلم عنها!!!! يعني الحوسة طبيعية ومافيها شي,,,وبعدين هو ماكلمها وقال لها انه جاي اصلا علشان .............اوووف ياربي...لمتى بتعيشين ها العيشة ياعبير لمتى!!! استغفلا الله العظيم....تركت السلطة اللي بيدها وطفت الرز اللي كان يشتغل وقعدت بالكرسي اللي بالمطبخ وهي في قلبها الف غصة وغصة زمو قادرة تحرك ساكن؟؟؟؟ //////////////////////////////////////////// اول ماشافت اتصال بندر دق قلبها بقوة....بندر متصل عليها!!!ماصدقت حالها وطارت من الفرحة بس شي بداخلها قال لها لاتردي.... تذكرت كلام نجود لها اذا كلمك بعد ها الغيبة ثقلي حالك عليه ولاتردين خله يعرف كيف يعتذر لك ويبرر تصرفه ويبين اسباب هجرانه وبعدها قرري اذا كنتي بتسامحينه ولالا ؟وحتى اذا كنتي بتسامحينه خله يحس اول انه غلط بحقك ياجواهر.... تنهدت من قلب وارسلت له مسج..... *********وصل المسج لبندر وتنهد من قلب يوم قراه... (...توك تجي تسال عني وعن احوالي... وانا عليك اسال يامشغل بالي... عا الموعد اجي ملهوف... لحظاتي تمر سيوف... حبيبي لاحشى مو انت.. تتركني اسير الخوف... اخاف الظن فيك يخيب.. وتعذيبي يزيد تعذيب... حبيبي يابعد روحي.. دواي وبلسم جروحي.. وبالذكرى مع الايام.. واسئل في لياليها... تلقى الضيم والالام,,\ عذابي واضح فيها..) ارسلتها له وقفلت جوالها بعدها وهذا اللي حرق قلب بندر وكان بيبكيه.. كان عارف انها زعلانة ومتضايقة منه وعتبانة عليه بس ...يمكن توقع لوانه كلمها بيقدر ياثر عليها!!! اه منك ياوجع القلب؟؟؟؟؟ ///////////////////////////////////////// شمة/ابلة نجود؟ لفت لها نجود/نعم.... شمة/انتي علينا اللحين مابتدخلين علينا!!! نجود/موجاية لكم,,بتجيكم الابلة الجديدة؟ شمة/أي بس ابلة مها قالت لي اعطيك خبر ترجعين لفصلنا.. نجود باحتقار/روحي قولي للي دزتك لي ...تقولك ابلة نجود ماهي داخلة علينا عطيها اول اسباب لتصرفك السخيف وكان المدرسة مافيها قوانين وانظمة بعها بتفكر تدخل علينا بمزاجها طيب يابابا!!! شمة سكتت ومشت عنها... هاجر/نجود اكسري الشر وروحي لهم... نجود/هاذي مها ماخذة بروحها مقلب ولازم اعلمها منو اللي بقد انه يحط راسه براسي!!!! هاجر/................. نجود/عموما انا طالعة بعد شوي... هاجر/ليش عاد باقي حصتين وينتهي الدوام خلك لين نهاية الدوام!!! نجود بلا مبالاة/فرصة ان جواهر هنا وبيني وبينك جت سالفة مها على الكيف!! لفت الا فصلها ثلاث اربعاه واقف ينتظرها.. ملاك اول من تكلمت/ابلة صحيح مابتدخلين علينا!!! نجود/أي احد عنده مانع!!!! مروة بهدوء/طيب ليش!!! نجود بثقة/والله عاد هاذي انا مدري عنها هذا شغل الاداريات مو شغلي انا!!!! مشت عنهم وبعدها لفت لملاك واشرت عليها تجي عندها وملاك بغتها من الله راحت طيران... نجود/وش فيك امس انتي!!! ملاك بلا مبالاة/مافيني شي؟ نجود/,,,,,,,,بكيفك... ملاك/ماراح تدخلين علينا!!!! نجود بقوة/لا؟؟؟ ملاك/طيب وش اللي بيرضيك واحنا بنسويه؟ نجود مشت عنها واخذت اغراضها وطلعت من المدرسة وكانت جواهر بالسيارة حسب الاتفاق... ////////////////////////////////////////////////// ناصر كانت الدنيا ضايقة فيه من علي ومن فهمه للموضوع بها الطريقة,, تنهد من قلب ورفع جواله ودق على اللي يشكي لها دايم وماتوقف معه!!!! ناصر بحزن/هلا نجودة... نجود/هلا وغلا... ناصر/شلونك.. نجود/بخير... ناصر/وش مسوية مع جواهرك؟ نجود/عايشين الحمد الله...وش فيه صوتك متغير؟ ناصر/اه يانجود... نجود/عسى ماشر ياناصر؟ ناصر/اخوك علي صار بيني وبينه موقف وفهمني غلط كالعادة؟ نجود/وش اللي صار؟ ناصر/والله ماني طايق اتذكر وش اللي صار بيني وبينه!! نجود /اكيد انت ماتفاهمت معه وكبرت السالفة ياناصر!!! ناصر /ابدا يانجود صدقيني...هو كان معصب وفهمني غلط؟ نجود/وش اللي صار....انا اعرف علي ماينرفز الا اذا احد غلط عليه ولامتفاهم معه ...كم مرة بقولك ياناصر علي حساس ولازم تتكلم معه باسلوب ثاني غير عن الا سلوب اللي تتكلم مع الناس الباقين... ناصر/سمعي السالفة واحكمي انتي بنفسك........................................ ..... ..................... ///////////////////////////////////////////////////////// سارة/مزنة وين ملاك؟\ مزنة/والله مدري بس اتوقع انها راحت الفصل اللحين علينا نجود اللي ماتتسمى وتعرفين ملاك رايحة فيها من جت لنا ها النجود وماتتاخر على الحصة لاتوريها الويل؟؟ سارة/تخسي ها النجود تلمس شعرة من ملاك القمر... مزنة/والله هذا اللي صاير.. سارة/طيب ليش مقفلة جوالاتها امس ..كنت ابي اتطمن عليها.. مزنة/ابلغها اللحين اذا رحت الفصل...يالله بخاطرك.. سارة/سلمي عليها وقولي لها قلبي يدعي لها تنتصر على ها الافة نجودوا الزفتة؟؟؟؟ ///////////////////////////////////////////////// في السيارة... جواهر/وش ها المذلة بالله!!ماابي اروح؟ نجود/بلى بنروح... جواهر/نجود وش صاير لك انتي يابنت!!!انتي بالعادة مو كذا بس ها الفهد مغير لك شخصيتك؟؟ نجود كان في شي منرفزها من اسلوب فهد يوم قال لها عن المزرعة وانه بيكون معهم بس توريها صاحبتها وتطلع بس عنادها وشي بداخلها يبي يشوف فهد خلاها توافق رغم انها ناوية على الشر بالنهاية... جواهر بزعل/نجود انا ماابي اشوفها بس شقول عاد!!!والله انها مذلة..وصارت تقلد صوت فهد..تعالوا شوفوها وانا بنتظركم وانا اسف لاني مقر اعططيكم اياها اليوم كله!!!عاد انا بموت اذا مادخلتها ؟؟ومن اللحين اقولك اني مابرتاح ومابتعجبني؟؟ نجود كانت سرحانة مع سيارة فهد اللي قدام سيارتهم تمشي وهي ساكتة ..صحيح ماكان عاجبها موقف فهد بس تبي تشوفها..شي داخلها مصر على انها تشوفه.... وصلوا للمزرعة ودخلوا داخل...................... ////////////////////////////////////////// في غرفة هنوف.... نورة/تعبانة بموت مو قادرة... هنوف/عسى ماشر ان شاءالله؟ نورة/بكرة امتحان كيمياء ومالي خلق بالمرة؟ هنوف/تصدقين رغم اني تغذيت مرتين الا اني جوعانة موت؟ نورة/ههههه كنك نصور مايشبع لو ياكل عشر مرات!!!بس حرام اليوم مااكل شي كان متضايق بس مدري من شنو؟ دق قلب هنوف بقوة متضايق!!وش فيه بعد طوايفي.... هنوف بخوف ماقدرت تخفيه/وش فيه!!! نورة بلامبالاة/مدري مو متعود يقولي اسراره والاشياء اللي متضايق منها!!! وحطت راسها فوق المخدة .../أي صحيح ماقلت لك هنوفوا الليلة بيت خالي وبيت خالتي بيجونا؟ هنوف/لا..ليش؟ نورة/مدري..بس هم متعودين كل فترة يمرون يسلمون على امي ..... هنوف/امممم وخطر في بالها خاطر .... ////////////////////////////////////////////////// في المزرعة, كانوا جواهر ونجود يتمشون وجواهر بقمة قهرها وعصبيتها.... نجود/خلاص عاد ياجواهر ,,,مشيها ياقلبي... جواهر بقهر/اصلا احنا ماعندنا سالفة بجيتنا من الاساس!!!هو مايبينا نجي بس انتي الله يهداك!!! وصلوا لعند الغرفة الزجاجية اللي فيها الطيور والاسماك وابتسمت جواهر لانها كانت تحب ها السوالف... ودق جوال نجود وكان فهد هو المتصل...... نجود ردت بسرع وبلهفة ماقدرت تخفيها/هلا.. فهد/وش حابين تتغذون؟؟ نجود/لاماله داعي اصلا احنا طالعين اللحين؟ فهد/ليش عاد!! نجود بدلع/مو صاحب الكزرعة بخلان فيها ومو راضي يعطينا اياها!!!ومانبي نذل نفسنا اكثر؟؟انا لو ماجواهر مصرة تشوفها وقالت هاذي رضوتها لعلمك ماوطيت مزرعتك مرة ثانية!!! لفت جواهر لنجود وهي مستغربة من كلامها ولقتها تبتسم وتسوي حركات بعينها.... فهد/............... نجود/,.............. فهد/طيب اقعدوا خلاص انا ماشي... نجود بعزة نفس وقوة/لاحبيبي ماحنا قاعدين حنا عندنا كرامة!!! فهد باحتقار/وينها ها الكرامة من البداية!!! نجود بعصبية/تدري فعلا اني كنت غلطانة واني ماكنت ابي اجي بس صدق الشره اولا واخيرا علي انا!!!! قفلت بوجه الخط وقالت لجواهر بعصبية/يالله مشينا!!! جواهر تنهدت ومشت معها/قايلة لك من الباية جيتنا كلها غلط بغلط!!! مشت نجود وهي بقمة قهرها وكانت ساكتة لين وصلوا لبوابة المزرعة واللي كان فهد واقف جنب سيارته .. ركبت جواهرسيارتهم..وفهد نادى نجود... فهد/نجود.. لفت له وهي بقمة عصبيتها وفتحت لثامها/نعم!!في شي؟ فهد ظل يناظرها وهو ساكت... نجود بقوة/في شي ياحضرة المحامي الذوق!!! فهد تقرب منها وقال بهدوء وهو عيونه فيها مذوبتها/لاتقولين زعلتي!!! نجود لفت عنه/تبي تراضيني!!لاتخاف رضوتك ماهي مقبولة ولاتتعب نفسك!!! ظل يناظرها وهو محتار يضمها بقوة ولايكسر راسها!!!!!! فهد/اوقفي خلنا نتكلم!!! نجود مشت عنه/ماني فاضية لك!!!اصلا النفس عليك ماهي راضية!!!عموما الله يهنيك بها المزرعة!!!!! قالتها وركبت السيارة ومشى السايق وسط حيرة فهد وهو يناظر طيفها اللي اختفى .............. في السيارة.. جواهر بعصبية/فتحت الوجه ماكان لها داعي يانجود!!!! نجود/.............. جواهر بنفس العصبية/نجود وش بلاك ليه تتصرفن كذا!!!! نجود بعصبية/ولاشي!!!!! قفلت جوالها وهي ودها تذبح فهد على ها الغرور اللي هو فيه والبرود؟؟؟؟ //////////////////////////////////////////////// العصر في بيت السبيعي... هنوف/يااهل البيت.... ناصر/دخلي هنوف امي بالمطبخ... هنوف/هلا وغلا....وش عندها امك لها الحزة بالمطبخ!!! ناصر/جايينها بيت اخوها وبيت اختها وقاعدة تتفنن بالحلويات والطبخات!! هنوف/قلت لي...يعني مسوية روحها منال العالم!!!! ناصر/لاوين منال العالم ياخلاف!!!! هنوف/المهم انا اكتشفت ان فيني موهبة الشعر وكتبت قصيدة وقلت لازم اسمعك...وش رايك تسمعني!!!ناصر كان مبين عليه الزعل بس محاول انه يخفيه/قولي انا اسمعك.... هنوف/احم احم... أفطر الصبح زيتونه......وأروح المدرسة مزيونه أرجع البيت مهمومة......وشكلي كأني مجنونه أذاكر ليل ونهار......وأصبر عالألم والنار مع هذا أجيب أصفار......وما أطلع من الشطار!! والله إني مظلومة......كله من أبله معصومه الحصة الأولى فاضيين......والثانية علينا دين والثالثه رياضيات......جاتنا أبله عطيات مليت أنا من هالحصص......كل يوم نفس القصص تعبت أضرب وأقسم..أحل معادلة أو أرسم عاد درس الصرف......ما فهمت منه ولا حرف أما قسم الأعراب ......ما بفهمه ولو شاب الغراب ما أعرف أكتب تعبير......وما أفرق بين المفرد والجمع تكسير بوصف لكم معلماتي......ياللي نكدن لي حياتي نبدأ بأبلة العلوم......هذه تخص عمي سلوم وعاد أبلة الفنية...... شكلها مره جنيه أبلة العربي......فالحة بس في ضربي وأبلة الأنجليزي......تاكل رطب خنيزي وأبلة الجغرافيا ......تمشي وهي حافية وأبلة التاريخ......تصنع طايرات وصواريخ وأبلة التربية الأسرية......راعية الفرن والصفرية أما المعلم الخصوصي......ما ادري؟؟يتكلم روسي يوم السبت نسيت فلوسي......والأحد انقلعت ضروسي في الحصة سرحانة......للبيت ولهانة تعب راسي من التفكير......وعقلي شوية وبيطير يا ناااس رحموني......وبالنجاح ادعوا لي لا تدخلوني في متاهة ......ترى القصيدة للفكاهة وسلامتك ياشيخ الشباب... ناصر/هههههه بالله انك مو عاقلة ياهنيف!!! كان يكفيها بها اللحظة شوفته وهو يضحك ومبسوط مستعة تسوي المستحيل بس مايكدر خاطره ها القمر ويزعل لانه اذا زعل معناته البيت كله صار ظلام بظلام!!!!! هنوف/عجبتك!!! ناصر/عليك حركات خطيرة!!!! هنوف/بصراحة انا ماكتبتها ناقلتها من المنتدى وقلت اسمعك اياها... ناصر/أي وانا اقول انتي مايطلع من عقلك شي!!!مصدي الحمد الله والشكر!!! هنوف بجدية اكبر منها/ناصر وش فيك!! ناظرها ناصر بنظرات جدية....وفضل انه يقوم من المكان لانها مابتتركه وبتصر انها تعرف وها الشي هو مايقدر عليه لانه بالنهاية وتحت اصرارها بيتكلم!!!فضل الانسحاب.... ............................................. بالليل تجمعوا البنات بالفيصلية... فوزية وهاجر ومنال وجواهر ونجود... وطبعا مصعب كان عارف انهم بيتجمعون هناك لانه وصل فوزية وقال لها انه بيكون معها | ||||
|
| |
|
16-06-13, 07:01 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت السادس عشر--- /////////////////////////////////// التقوا البنات بالفيصلية مثل مااتفقوا وراحوا المطعم البراازيلي اللي عجب جواهر وبما ان العزيمة علشانها هي اختارت المكان وظلوا مع بعض.... /////////////////////////////////////////////////////////وبنفس الوقت بس بمكان ثاني وتحديدا بمارينا مول.... اخذت قطعة مالها أي حاجة فيها بس المهم انها تشوفه.... وكان هناك.... صارت تدعي ربها ان اللي معه يطلع يفارق يصير فيه أي شي بس تاخذ راحتها...بس لاحياة لمن تنادي... الحظ اذا عاند يعاند.... تاففت من قلب بذيك اللحظة وانتبه لها عبدالعزيز,,,وكانه عرف بللي يدور في بالها... تقرب منها بهدو ءوقال بكبرياء مايناسبه وهو متقطع.. عبدالعزيز/بغيتي شي اختي؟ كانت عاطيته ضهرها وعطته البلوزة على اساس انها تبي مقاس لو لون ثاني وهو سوى روحه يدور,, لبنى بهمس/ليش ماترد على مكالماتي ياعبد العزيز؟ تنهد وبس... لبنى/حرام عليك انا قاعدة اموت كل لحظة والثانية...عبدالعزيز انا قلت لك لاتجي وانت ماسمعت كلامي....حبيبي انا ابيك وماابي غيرك صدقني!!!لاتعذبني حرام عليك... عبدالعزيز لف لها/شوفي هاذي كويسة؟ التقت عيونها بعيونه وحست فيه الانكسار والضعف وهو ماشاف غير الدموع والزعل بعيونها... عبدالعزيز /تبينها؟ لبنى/أي... عبدالعزيز بهمس/بكلمك الليلة طيب... هزت راسها بفرح..... ////////////////////////////////////////////// مصعب كان قاعد وهو حايس بعمره وجوده هنا بها المكان غلط!!! بس الله يسامح قلبه اللي جابه علشان يشوف عيونها... كان قاعد بالكافي ومداها القهوة اللي طلبها تبرد من كثر ماهو شارد في العيون اللي جاي يدور عليها ومتنمي يشوفها.... طيب يامصعب لو شفتها هل انت ناوي تكلمها!!وليش لا انا ناوي اعتذر منها عن نظراتي لها ذاك اليوم وافتح صفحة جديدة ومااخليها تاخذ عني فكرة غلط !! وبعدين يامصعب وش ناوي تسوي ولاتقول لها؟ولاشي...بس ابي اعتذر منها وامشي,,,,,,ووالبقية بتجي مع الايام ان شاءالله!!!! /////////////////////////////////////////////////////// فيصل/بابا... فهد وهو يشتغل على جهازه/نعم يابابا... فيصل/ودني الفيصلية... فهد/من اللحين تبي تروح الفيصلية؟ اجل اذا كبرت وين بتروح!!! فيصل بثقة/باريس!!! فهد/.................... فيصل/بابا انا ملان بيت عمي مافيه احد كلهم طلعوا حتى رحاب راحت عند بيت جد احمد... فهد/واذا ماطلعت وش بيصير يعني!!! فيصل/انا زعلان من منال قلت لها تاخذني معاها الفيصلية مارضت.. فهد/وليش تاخذك معها عاد!!! فيصل/لانها طالعة مع فوزية وهاجر ونجود بيتعشون وانا طالع معهم امس وصرت عاقل ..ليش مااخذتني معها اليوم بعد!!! فهد/فيصل بابا عيب مايفرضون نفسهم على الاخرين!! فيصل/كيف يعني!! فهد بنفاذ صبر وهو من سمع اسم نجود تغيرت احواله/يعني هي طالعة تتمشى مع نجود(وركز على اسم نجود)ليش تاخذك معها!!! فيصل/هم بس بيتعشون هناك نجود عازمتهم وبيردون..... سرح بافكاره بعيد مع ها النجود وموقفه معها وموقفها هي معه... كيف الوصل لها بس كيف؟؟؟ وسرح بعيد ونسى فيصل اللي قاعد يناديه.... //////////////////////////////////////////////////////// دخل غرفته باخر الليل بعد يوم طويل وممل وكئيب من بدايته .. كانت هوشته مع علي اخوه هي البداية اللي خربت عليه اليوم... حتى وهو مع خواله وعيالهم وعيال خالاته كان يبتسم ويسولف بدون نفس.... شال ثوبه وشماغه وجا بيرمي نفسه على السرير وانتبه لوردة حمرة على سريره ملفوفة بشريط ستاني ابيض مكتوب عليه كلمة احبك........... استغرب من وجودها بغرفته !!!ومن الشخص اللي ممكن يكون حطها في غرفته!!! هاذي مشكلتك يابو نويصر الغرفة تقل بوابة البحرين كل من يبي يدخل مفتوحة للجميع!!! بس مين ياترى حطها لي هنا !!!حيرة..فعلا حيرة!!!اليوم البيت ملايان بنات واكيد كلهم يحبوني بس مني فيهم بتكون حطتها ياترى!!! تبسم لنفسه ولتفكيره وحطها جنبه وحط راسه على المخدة وغمض عيونه وراح بسابع نومة,,,, ////////////////////////////////////////////////////// بعد ماخلصوا عشاهم وتمشوا براحتهم وتعرفوا على بعض وضحكوا وسولفوا وحشوا في فلان وعلان وكل من صادفهم انتهت سهرتهم وتودعوا وجواهر ونجود راحوا واخذوا معاهم هاجر على طريقهم ومنال بعد سايقها كان ينتظر برى وراحت رغم ان فوزية قالت لها بتوصلها بس مارضت ,,واخيرا دقت على مصعب تساله وينه هو فيه,,,,وقال لها انه عند الكافي ماغير مكانه .. سكرت منه وجته,, مصعب/في شي؟,,, فوزية/يالله بنرجع البيت .. مصعب/وين اللي معك!! فوزية/كلا راح بيته ومابقيت الا انا!! طاح قلبه بين ضلوعه,,انتظاره من المغرب للحين ماكان متوفق فيه وضاع عليه هباء منثورا!!! ليش كان قاعد اجل ؟؟؟وحس لحظتها انه فعلا غبي !!يعني هو كان يبي يشوفها كيف بالله بيشوفها وهي بمكان وهو بمكان!!! على الاقل قعد قريب منها ولاحظها وين رايحة ووين قايمة وشاف له فرصة يكلمها!!مو قاعد بالكافي وينتظرها تمر عليه!!!! فوزية/مصعب شفيك انا اكلمك!! مصعب بحسرة/ها...يالله قايم... قام معها وهو ساكت وشارد ومو منتبه لسوالفها عن البنات..... لين ركبوا السيارة وشغل اغنية البراقع من جيد وكانه يتنفس فيها.. فوزية بتشكيك/مصعب وش سالفتك مع ها الاغنية بكل وقت حاطها لنا وبكل مكان!!!! مصعب تنفس بقوة خلت فوزية تلتفت له.. فوزية/عسى ماشر شكل الاخبار ماتطمن وانا اختك!! مصعب اكتفى بانه يبتسم عليها وبس!!!! ///////////////////////////////////////////////// لبنة بشوق/عارفة انك تعبان وان ذي فرصتك تريح بس والله مشتاقة لك يابعد عمري,,,,, قالتها وجتها غصة وهي تتكلم,,, عبدالعزيز بحزن/ابوك ماوافق تكونين من نصيبي يالبنى؟ لبنى/عزيز ليش تبي تحرمني قربك!!!قلت لك ماابي غيرك صدقني... عبدالعزيز بقهر/بس ماراح تكونين لي يالبنى ماراح تكونين!!!كذا احنا نتعب حالنا بدون فايدة.... لبنى/حبيبي لاتفكر باي شي وخلنا نعيش حبنا وماتدري وش اللي بيصير مع الايام!! تنهد عبدالعزيز بقوة وقال لها بضعف/ماراح يتغير شي يالبنى صدقيني.؟احنا قاعدين نتعب نفسنا والنتجية معروفة,,,,كلا بيكون بطريق!!! ////////////////////////////////////////////////////// كان الجو هادى بين نجود وجواهر بعد مارجعوا وبدلوا وكل وحدة حطت راسها براس الثانية,,, وكل وحدة تفكيرها في شي معين صار لها اليوم!! جواهر تفكيرها اخذها بعيد....لجدة وللي رايح جدة ومبتعد عنها...واللي دق عليها اليوم وزين انها قدرت تمسك نفسها وماتكلمه وترد عليها رغم انها كانت مشتاقة له موووت.... ونجود كان كل تفكيرها بفهد..ها اللي داخل بالها وتفكيرها بكل حركة يسويها!!!!! لفوا لبعض بنفس الوقت وكانهم كانوا محتاجين يتكلمون كل وحدة عن اللي شاغلها وشاغل تفكيرها...... ///////////////////////////////////////////// فتحت عبير عيونها بثقل على صوت علي يصارخ.. علي بعصبية/ماتسمعين!!!قومي سويلي شي اكله جوعان!!! فتحت عيونها بثقل وناظرت بالساعة لقتها ثنتين ونص!!!من جده هذا يبي ياكل اللحين!! علي انتبه لها وهي فاتحة عيونها وقال لها بقوة/يوم انك صحيتي من نومك قومي ليش العناد بعد!!!! عبير /تعبانة ومافيني اتحرك... علي /شلون يعني؟ عبير/:انت مو توك راد من برى....كان اكلت لك شي بالطريق هذا مو فندق وقت اللي تبي تاكل تجي ووقت اللي تبي تنام تجي؟ علي بعصبية وصوت عالي لزق عبير بمكانها/ياسلاااااااااام على بنت الاصول؟؟؟هذا ردك على زوجك!!!كذا رباك عمي ياعبير!!! عبير تجمعت الدموع بعيونها وكانت بتقول شي بس كان علي اسبق بالكلام.. علي/انا زوجك...سامعة شنو يعني زوجك!!!يعني وش ما بغيت اسوي واطلب ...كيفي بيتي وبكيفي!! عبير/لامو بكيفك...واذا مفكر انك زوجي انت غلطان!!احنا مجر اثنين عايشين مع بعض وبس!! علي شال اللجاف اللي كانت متغطية فيهوقال بعصبية/هذا كلام جديد بعد!!!سمعيني يابنت العم سمعيني!!!! عبير اكتفت بدموعها..... علي/طيب..انا اعلمك شلون ياعبير طوالة اللسان هاذي؟ ///////////////////////////////////////////////////// اليوم الثاني بفصل اولى ثانوي.... دخلت نجود الفصل وسلمت,, ملاك/تو مانور الفصل ابلة نجود... نور/وحشتينا ابلة نجود.... نجود ناظرت بالبنات وبوجيهم وقالت بحدة/فينا نبدي الدرسّّّ!! ساد الصمت طول الحصة وكانت تشرح وماهي ملتفتة لااحد وتشرح بروحها ومطنشة الفصل بللي فيه لين خلص الدرس... نجود/احد عنده أي سؤال؟ ساد الصمت وكل الوجوه تقول انها فاهمة رغم ان نصها مايبين عليها بس ساكتين .... سحبت الكرسي وقعدت...... نجود/اللي دفترها من زمان ماتصحح تجيبه... ملاك/ابلة نجود.... نجود/نعم.... ملاك/ممكن اكلمك شوي!! نجود بحدة/لا...كملي كتابة الدرس وجيبي دفترك اصححه.... مرت ثواني وقربت الجازي من نجود تصحح دفترها.... مسكت الدفتر بدون ماتناظر بوجه اللي جابته وكانت تقرا في بعض الاجابات وفتحت الدفتر من البداية تقرا الاسم ولقته الجازي ورفعت راسها للجازي,,, نجود/شلونك اللحين؟ الجازي/بخير...شكرا.... ملاك بهمس لمزنة/مالت...وش فيها ان شاءالله احسن مني بنت العطا الله!!!! مزنة/لاتشغلين بالك فيها حشرة وبتظل حشرة ياملاك.. ملاك/زين يانجود زين.... كانت نجود عارفة ان ملاك تناظرها وتعمدت تسولف مع الجازي وتضحك معها علشان تغايضها.... اخذت الجازي دفترها ورجعت مكانها وعيون ملاك مافارقتها.... نجود بحدة/ملاك ماخلصتي من الكتابة ابي دفترك اصححه اليوم!!! ملاك/.................. نجود/أي صح قبل لاانسى يوم السبت تجيبون معكم مطالعة عندنا درس بالامثال الشعبية....متى انا عليكم السبت؟ شمة/الرابعة.. نجود/الرابعة لو الثالثة؟ نور/لا الرابعة.. نجود/معتمدين الجدول القديم ولا الجديد؟روحي مروة بسرعة طلي على الجدول شوفي انا متى عليكم السبت....... راحت مروة وردت/الثالثة.. نجود/منو عليكم الثانية؟روحي مروة شوفي معليش بتعبك شوي.. مروة قامت/لاعادي..... رجعت من جدي وقالت/علينا ابلة سعدى.. نجود/بيكون درسكم مع الابلة طويل ولاقصير؟ الجازي/مراجعة....ووبتصحح دفاترنا. نجود/حلو,,,,انا يوم السبت ابيكم تتقسمون...انتوا كم عددكم؟ ريم/ثلاثين.... نجود/حلو,,,ابيك تتقسمون ست اقسام او مجموعات,,كل مجموعة فيها خمس طالبات....كل وحدة منكم تكون معدة مسبقا مثل شعبي قديم...راح نترك اللغة الفصحى بحصتنا الجاية وابي كل وحدة تجيب لنا مثل من الامثال القديمة لااجدادنا وتقول لنا عن شنو المثل يتكلم او في شنو يضرب.... نور/طيب واذا جبنا مثل مثل .. نجود/مو انا ليش بكون مقسمتكم علشان لو في تشابه يكون عند كل مجموعة بديل..وتكونون مطلعين على امثلة بعض لاني بقوم أي وحدة تنوب عن المجموعة طيب... ملاك/واي خمس يبون يكونون مع بعض يصيرون؟ نجود/لا ياعيوني انا بقسمكم اللحين بكيفي؟ الفرقة الاولى فيها.....شمة...مروة,,,مزنة,,ريم. .وضحى.. الفرقة الثانية فيها نور وسعاد ورنا واحلام وموضي..الفرقة الثالثة فيها الجازي...وملاك طبعال (وشددت على ملاك وابتسمت لها ملاك) ولينا وسحر وسارة وماابي غياب لو سمحتوا اللي بتغيب لظروف خارجة عن ارادتها ماشي اما الغياب عيارة بس كذا لا وستين الف لا انا بنفسي بشوف اعذراكم لو غبتوا سامعين؟ ملاك/ان شاءالله... ////////////////////////////////////// في بيت السبيعي قسم بو بندر..... كانت ام بندر قاعدة بالمطبخ تشرف على الاكل اذا خلص لو بعد وفجاءة مسك شخص يدها واخترعت بس تجمعت الدموع والابتسامة بوجهها بنفس الوقت وصوت بندر يشدي بقوة/ امي وانا بوصف لها زود حبها... وان ماحكيت لها قصيدي حكى لها... امي لها بالجوف والقلب منزلة.. مكانة ماكل محبوب نالها... اقرب من ظلالي وانا وسط غربتي... وانا تراني اقرب من ظلالها... ماشافت عيوني من الناس غير... ولاخلق رب الخلايق مثالها... اغلى بشرفي جملة الناس كلهم....واكرم من يدين المزون وهمالها... اقولها وانا على الله متكل ...والله عليم بقدرتي واحتمالها... ياكلمة اغلى من الناس كلهم.. ياشمس بقلبي بعيد منالها.... يافرحة تملي علي الكون باكمله... ياشجرة تكبر وتكبر معها ظلالها... تضحك لي الدنيا اذا شفت زولها... ارض تدوس امي بالاقدام رمالها...اموت فيها واندفن برمالها....ز شلونك يالغالية عساك بخير وحشتيني موت؟ قالها واخذ يدينها وباسهم.. ام بندر بحب ووله/هلا يمه هلا,,,,هلا بالغالي...ورى ماقلت لي يالغالي انك جاي .. بندر/قلت اسويها لك مفاجاة وتشوفيني واقف عندك.... ام بندر/يابعد عمري يايمه//تعال قولي شلونك وشلون العمل؟ياالله يايمه ارجع مافيني اتحمل فراقك اكثر من كذا بعد!!! تنهد بندر بحرقة وقال لها /قريب ان شاءالله يالغالية قريب... //////////////////////////////////////////// هيا/واخيرا اليوم الاربعاء ونجود بتونر البيت ؟ نورة/أي والله وحشتنا اختي الغالية؟ هيا بخبث/واحلى مافي الموضوع ان جواهر بتتركها لنا بما انها كانت معها ها الثلاثة ايام اللي راحوا!! ام علي/ياشين تفكيرك بس!!!وش فيها جواهر...زينة البنات والله؟ هيا بدون نفس/زينة البنات عندك مو عندي!!!انا مااتحملها ابدا!!!!! //////////////////////////////////////////////////// رجعت جواهر بيتهم بعد مااخذهم ناصر من المطار وهو طول الوقت سوالف.....وبعد مانزلت جواهر ودخلت بيتهم غير الطريق.. نجود/حير ان شاءالله وين ماخذني؟ ناصر/نجود...اقول وش رايك اتزوج؟ نجود/هاذي الساعة المباركة ومنهي بنت الحلال اللي بتنعل فيك ان شاءالله!! ناصر/افا بس وانا اخو نجود!!!اللي بتاخذني بتنعل فيني!!! نجود بشماتة/ههههه أي عندك شك؟ ناصر/عارفها مو من قلبك عشان كذا بعديها....شوفي يابنت الحلال انا قلت اتكلم انا وانتي وننتناقش واشوف رايك بعدين نعرض الموضوع على كبار الدولة؟ نجود/مشاءالله.... ناصر/انتي من تختارين؟ نجود/ليش انت مو حاط في بالك شي؟ ناصر/بصراحة لا,,وانا معتمد عليك بها الموضوع؟ نجود/امممم يعني انا اختار لك؟ ناصر/أي وحدة من ها البنات اللي تعرفينهم وتكون عاقلة ورزينة وبنت حلال.....شرايك بجواهر صاحبتك نعرفهم من ومان!! نجود بحدة/شيلها من بالك.. ناصر/بسم الله علي وعلى عمري!!!انتي ماتتكلمين معي بهدوء ابدا!!! نجود/في غيرك يبيها ياناصر فلا تحطها في بالك واذا انت حاطها شيلها.... ناصر/انا قلت بس وش رايك لااقل ولااكثر!!!! /////////////////////////////////////////////////// سالم/يا انها شاطرة ها النجود اللي حارمتك الرقاد يافهد!!! فهد كان ينفث دخان سيجارته وهو شارد وهم بالديوانية... سالم/قلت لك طيعني وخلني بضبطك بس انت الله يهداك ماتسمع الحكي!! فهد/وش تبيني اسوي ياسالم!!!نجود مسويتني مراهق !!!!مافي تفكيري غيرها!!! سالم/هذا حب يافهد حب!!! فهد/واللي يسلم عمرك ياسالم أي حب وانا بالاربعين!!! سالم/حب متاخر..وش فيها انت ماحبيت بمراهقتك وطيشك وشبابك جاك الحب اللحين يالله تحمله!!!! فهد رجع لسيجارته يدخنها بعصبية وهو يطرد ها الفكرة من باله... سالم/خلصت مووضوعي وتطلقنا امس.....وانا اللحين متحرر وادور لي بنت حلال واذا ماتبي نجود عطني اياها انا ابيها!!!قالها وهو يبي يشوف ردة فعل فهد اللي طاحت السيجارة من فمه على ثوبه وزين انها ماحرقته وسالم ضحك عليه بقوة..... سالم/وتقول مو حب!!!انت وش يفهمك اصلا!!!! //////////////////////////////////////////////////// بالمغرب راحت جواهر عند خالتها ام ناصر تسلم عليها وترجع اغراض نجود اللي كانوا عندها بس نجود ماكانت هناك كانت بالمجلس مع ابوها فطلعت بسرعة..وهي طالعة من بيت السبيعي كان بندر داخل من نفس الباب واول ماشافها عرفها وشال نظارته.... وقال بهمس مصحوب بشوق وحب/جواهر!! ظلت تناظره وهي حابسة دموعها بعيونها ...شكثر وحشتني يابعد طوايفي!!!وخافت لاتفضحها دموعها ومشت بسرعة وهو يناديها... واول مادخلت غرفتها قامت تبكي بحرقة...بندر هنا!!!من متى!!!!وليش ماقال انه بينزل!!!اه يابندر اه!!!ليش تعذبني كذا بس ليش!!!!لو تعرف شقد اشتقت لك وشقد انا ولهانة عليك....كان ماتركت دموعي تنزل دقيقة وحدة!!!! بندر بعد من شافها حس انه فاقدها من زمان وانه مشتاق لها موووت.....يابعد عمري ياجواهر...بس ابتسم وهو متطمن ان زعلها مابيطول وانه بيراضيها بنفسه..... ////////////////////////////////////////////////// في بيت الفارس.... سارة/انا هاذي نجود ودي لو اذبحها؟ مروة/بس انتي ماشفتيها؟ سارة/هذا اللي قاصر بعد اني اشوفها؟؟؟انا من السوالف اللي تجيني عنها كرهتها؟ مروة/تقصدين علشان ملاك؟ سارة/,............. مروة:لعلمك سارة ترى ملاك تحب نجود وكل الفصل يعرف ها الشي!! سارة /مو صحيح ملاك بس ناوية لها على نية!!!ملاك ماتواطنها!!!! مروة/يمكن بس انا اشوفها تغيرت حييل يعني تشوفينها بحصة نجود ماتشوفينها طول اليوم!!! رحاب/شتسولفون فيه!!! مروة/سوالف مدرسة عادية..... لمياء/تخصنا ولالا... مروة/عادي نتكلم عن ابلة نجو دالسبيعي صاحبتك؟ لمياء/وش فيها نجودة!! سارة/لمياء تكفين لاتدلعينها!!واجد ماخذة بنفسها مقلب؟ لمياء/ترى هي كذا شخصيتها نجود,,,يعني من كنا بالجامعة وهي كذا مو تتصنع؟ مروة/بس خطيرة!!ههههه لمياء/لا هههههههابلغها؟ مروة/لاتكفين واللي يسلمك .. سارة/اوووف سوالف بايخة..وقامت عنهم... رحاب/ياشينها بس!!!انا ما اوطنها بعيشة الله!!! لمياء/أي بس انتي ماتعرفينه يارحاب!!!رحاب/انا اقصد سارة بنت عمي فهد؟ مروة ولمياء/هههههه لمياء بهمس/تناسب تصر بنت ام مصعب ؟ رحاب/هههههههه ///////////////////////////////////////////////// باخر الليل كانت نجود قاعدة مع جواهر بغرفتها وهي توزع ابتسامات .. جواهر/شسالفتك انتي!!! نجود/ولاشي...سمعانة خبر فرحني؟ جواهر/نجلاء وفهد تطلفوا!!!بان الضيق على وجه نجود وتغيرت ملامحها وقالت برجا/لاتذكريني فيه ياجواهر الله يخليك؟ جواهر/وش ها الخبر اللي بيخليك فرحانة كذا غير شي يخص فهيدان!!!! نجود بعصبية/لاتقولين فهيدان واللي يسلم عمرك!!! اندق الباب ودخلت ام محمد(ام جواهر) ام محم/اوه ه ه نجود عندنا يعني انا مالي لزمة حلاص!!! نجود ابتسمت/افا بس ياخالتي ليش عاد انتي الخير والبركة.. ام محمد قعدت وغمزت لها/مدام انك هنا معناته خلصتوا السالفة!!! نجود/افا بس ياخالتي افا!!!!يعني معقولة اني باخذ دورك بها اللحظة!!!والله ماقلت شي وقاعدة انتظرك وخفت تروح علي شوفة ملامحها وردة فعلها.... جواهر/لحظة انتي معها!!!ليش تتكلمون بالالغاز؟ ام محمد بحنان/يمه جواهر اليوم جاك عريس!!! جواهر بذهول/عريس!!!ليي انا!! ام محمد/أي يمه لك انتي ولدنا ومنا وفينا..اليوم بندر السبيعي جا مع عمه وابوه وخطبوك رسمي وهو مصر يعرف رايك بكرة ويقول مالها داعي التطويل احنا عارفين بعض من سنين!!وابوك مايده ياجواهر وقال خلها تفكر الليلة وبكرة برد على بندر؟ لفت جواهرلنجود وهي بعدها مصدومة من الخبر ولقتها تضحك سكتت وماعرفت شتقول.... ام محم وقفت/احنا مالنا سالفة نسال عن بندر واحنا اللي مربينه!!وانتي عندك نجود حطي راسك براسها واعرفي وش ت اللي تبين تعرفينه؟؟؟ طلعت وتركتهم بروحهم واول ماقفلت الباب وراها لفت جواهر لنجود/اه يالنذلة ليش ماقلتيلي؟؟ نجود/هههههه والله اني ماعرفت غير قبل شوي من ابوي؟ ناظروا في بعض والدموع بعين جواهر مبينة ولفت لها نجود واخذتها بحضنها وقامت تبكي .....بس ها المرة دموع فرح.. جواهر من بين دموعها/وفى بوعده يانجود وانا اللي كنت ظالمته!!!! ////////////////////////////////////////////// هنوف/الف الصلاة والسلام عليك ياحبيب الله يامحمد كلللللويش.... كان بو بندر وام بندر قاعدين وحواليهم بناتهم بمافيهم عبير.... عبير/عسى الله يبارك له ويتمم عليه بخير يارب... مضاوي بهدوء/يمه متى قالت بترد؟ ام بندر/بكرة ان شاءالله بيعطونا رايها لانهم موافقين وماعندهم مانع.... هنوف/ياي...مرة فرحانة بتصير عندنا وناسة وطقطقة ورقص واستهبال وتفحيط وحركات!!! لبنى/انتي متى بتعقلين ان شاءالله؟ هنوف/وانتي وش عليك مني بالله!!!!يوم مافرحنا فيك اتركينا نفرح في اخوي الغالي..... لبنى تضايقت وكانت بترد ولابتقوم بس دخلت بندر عليهم وهو يضحك ومبسوط قعدتها وهداْتها.... بندر بفرح/متجمعين عند النبي.. ابو بندر/ان شاءالله كلنا مع بعض نزوره ونسلم عليه.... يندر/اسمع صوت صلوات وتصفيق واغاني من سوق الحب!!! ام بندر/الف الصلاة والسلام عليك ياحبيب الله يامحمد.. هنوف/كللويش.... كلللللللللللللللويش... كان بنر واقف وقامت هنوف وراه تغني وتصفق ,, هنوف/دش الميدان المعرس دش الميدان...يوم كل العذارى يلفحني... وقاموا خواتها وامها وراها يغنون حوالين بندر وهو مبسوط على الاخر.... طوله فتان المعرس طوله فتان وبالعيون الوسيعة صوبني.... نبع ريحان المعرس نبع ريحان...يوم اقبل وصوفة ابهرني.. ام بندر/الف الصلاة والسلام عليك ياحبيب الله يامحمد....كلللللويش.. بندر/هنوفوا تكفين غيري الاغنية بموت منها تلوع الكبد!!!! هنوف/ولايهمك.....يالله كل سامع يقول.... عبير ولبنى ومضاوي/لااله الا الله هنوف/الف الصلاة على الرسول.. لبنى وعبير ومضاوي/لااله الا الله.... هنوف/اقبلت بنت الجزيرة بليلة الزفة اميرة....يالله يالسمرة يالبيضة تعالي...... بندر/أي هاذي الاغاني الزينة مو ذيك.. ابو بندر/قعدوا بس قعدوا بلا ها المسخرة؟؟ وقفوا البنات بعد كلمة ابوهم.. بندر/يبى!!!!الله يهداك كم مرة بندر بيخطب عاد؟ وراح للتلفزيون شغله وهو يدور بين قنوات الاغاني وطلعت اغنية راشد الفارس حقت المنتخب 0عاشت عاشت بلادي....وقام الرقص وبندر شال عقاله ومعهم يرقص ويتمايل.... /////////////////////////////////////// | ||||
|
| |
|
16-06-13, 07:02 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت السابع عشر--- //////////////////////////////////////////////////////// قام يرقص ويرقص امه وخواته معه وابوه يهز راسه اسف على حركاتهم...وكانه يقول ذي موحركات رجال !!! كانت شخصية بو بندر تختلف نهائيا عن شخصية اخوه بوعلي اللي كان هادى وعياله مسيرينه وممشين كلامهم عليه بعد مايقنعونه من هنا وهنا ..بس بو بندر كان اشد واقسى من بو علي ومايقتنع بشي هو مايبيه علشان كذا بناته كانوا يخافونه منه,,, //////////////////////////////////////////////////////// نجود كانت تمسح بيدها على شعر جواهر اللي وقفت بكيها... جواهر وهي شاردة/تصدقين يوم شفته المغرب عند بيتكم بغت تطلع روحي!!! نجود بهدوء وهي بعد سرحانة بصورة فهد/كذا يسوي الحب ياجواهر!!!يتعب ويعذب ويذل!!! جواهر/لا يانجود الحب حلو بس لازم تتخلله شوية هبات من هنا وهناك علشان تعرفين اذا كنتي بتستمرين بها الحب ولا توقفين!! نجود بشرود/امممم جواهر بفرح/بكرة يبي الرد...يعني على ثقتك يابندر! نجود باحتقار/حطمي ثقته وارفضي!!!! رمت جواهر المخدة على نجود وقالت لها/اقول نجود قوم روحي بيتكم خلني احلم بكيفي!!!انتي تضيقين الخلق بصراحة!!! نجود غمزت بعيونها للنافذة/ولا علشان تبتدي سهرتكم!!!! جواهر فتحت عيونها وهي مسوية روحها مو متقبلة/انتي الواحد مايقولك على اسراره تصيرين تعايرينه بعدين!!!!! نجود/ههههههههه ///////////////////////////////////////////// علي وبندر كانوا قاعدين مع بعض..... بندر/بكرة بشوفها الشوفة الشرعية.. علي باحتقار/وتكون ماشفتها للحين؟ بندر/بلى بس بكرة خلاص بتكون لي ... علي/ومتى ان شاءالله ناوي تدخل ها الهم؟ بندر/ماهو هم هذا احلى شي انك تكون مع حبيبتك اللي اخترتها بنفسك وتعيشيون مع بعض حياتكم و...قطع كلامه يوم علي رفع راسه وناظره بحزن... علي بزعل/معك حق بها ذي... بندر تنهد/علي...تظل عبير اختي وماارضى على مذلتها منك ... علي/لاتخاف اختك بعد ماتبيني ولاهي متقبلتني!!!مو انا بروحي اللي عايش بهم وعذاب حتى هي.. بندر/لمتى ان شاءالله بتظلون كذا!!! علي/والله مدري.... بندر/الله يهديكم بس...... ///////////////////////////////////////////////// في سيارة مصعب..... الجازي/فرق بين زيارتنا ليلة الخميس لبيت خالي وبين روحتنا بكرة لبيت عمي؟ فوزية/عيب يظل عمك والكلام هذا مايصح؟ ام مصعب /محق عم عاد!!!وش ماخذين منه!!!انا مايشرفني بصراحة يكون عمكم ها القروي... فوزية بتانيب/يمه!!!تراه اخو ابوي.... ام مصعب/ومن قال لك ان ابوك زين عاد!!!ابو ك انا اخذته وغيرته ولبسته مثل ماابي وسويته رجال يناسب اسمي وعيلتي ولا لو هو كذا مثل اخوه ماقعدت معه دقيقة وحدة!!! فوزية/قول كلمة يابو البراقع!!!! مصعب تنهد وابتسم.... ام مصعب/وش تبينا يقول يعني!!!!! فوزية/يغني لنا البراقع اللي محنا عارفين وش سالفتها.... مصعب/اقول يمه انتي ماتبيني اخطب؟ ام مصعب/هذا انا قاعدة ادور لك وحدة تناسبك يمه.. وقف قلب مصعب مرة وحدة من ها الفكرة..... مصعب بابتسامة شاحبة/لاتتعبين نفسك يالغالية نخلي بنتك تشوف لنا وحدة انتي ارتاحي ي الغالية.. ام مصعب/لاياعيوني انا ماوثق بذوق احد غير ذوقي!!!ولا ان شاءالله بتسوي لي مثل مشاريوه ماخذ لي وحدة الحمد الله والشكر..... فوزية/يمه شفيها لمياء شزينها..... ام مصعب باحتقار/واللي يعافيك اسكتي!!قالت شزينها قالت؟؟؟ انتهى النقاش عند ها الحد ومصعب طاح قلبه بين رجله لانه عارف امه وعارف كيف اذا اصرت على شي تسويه تسويه!!! وقرر انه يتنازل عن ها العيون اللي سحرته ويوكل امره لربه ويخلي امه تخطب له,,,,,,,, بس في شي كبير كان يرجعه يفكر فيها!!! ///////////////////////////////////////////////// يوم الخميس كانت نجود مع جواهر من الصباح لان جواهر وافقت وبندر قال بيمر يشوفها اليوم,,,, جواهر/اوووف والله ماني عارفة شسوي... نجود/ممكن افهم ليش نص ثيابك مرمية كذا!!!! جواهر/نجود ساعديني وش البس له!!!! نجو د انسدحت على السرير وقالت بلامبالاة/لو هي شوفتي انا كنت بلبس له العباية وانزل له واخلي وجهي مفتوح....هو جاي يشوف وجهي مو جاي يشوف لبسي!!!! جواهر وقفت مترددة.../أي بس هاذي شوفة شرعية.. نجود/وتكون.....لايفكر اني برمي نفسي عليه من اول ليلة ؟خله يشوفني بثقلي من اول مرة!!!1 جواهر بتردد/رايك كذا.... نجود/راي انا بس مدري اذا كان رايك انتي يوافقني ولا لا؟ /////////////////////////////////////////////////////////////فهد/وريني اشوف..... لمى/شفت صدقتني.... فهد/شطورة يالمى...خلاص انتي تختارين المكان اللي تبين تروحينه؟ فيصل /ياسلام مايصير؟ سارة/أي يابابا انت دايم تخلي لمى تختار؟ فهد/عشانها ورتني واجباتها وكانت ممتازة !!!انتي وريني واجابتك....صايرة ماتوريني شي.. سارة بلا مبالاة/منت واثق ان واجباتي كاملة؟ فهد/وش فيها اذا وريتيني يعني!! نجلاء قعدت/علشان لاتشغل بالك بواجباتهم ..انت عندك شغلك يكفيك واجباتهم علي انا اتابعها.. فهد كان بيقول شي بس سكت يوم لمى قالت بفرح/أي بس انا احب اوري واجباتي للبابا علشان يطلعني المكان اللي ابيه!! سارة/اصلا انتي دلوعة؟ لمى/بابا انا دلوعة... فهد مسك خدها وقال لها بحب/اكيد انتي دلوعتي!!! قعدت بحضنه.. نجلاء/لمى قومي من البابا انتي كبرتي بلاش ها الحركات!!! فهد/خليها قاعدة مابعد كبرت..... فيصل/وانا!!!! فهد/انت مابيني وبينك أي كلام!!!! فيصل/ليش؟؟ فهد/متى ناوي تروح الروضة وتتعلم مثل باقي اللي بعمرك يافيصل؟؟؟ولا بتظل مزعلني!!! نجلاء/خليه على راحته يافهد!!! فهد وللمرة الثانية يسكت وهو كاتمها بقلبه.... فيصل/فت الماما قالت خلني على راحتي!!! فهدبشدة/يالله قوموا لبسوا وتجهزوا..... ركبوا العيال على الدرج وهم مابعد صعدوا.. نجلاء بتانيب/انت مو ملاحظ انك مدلع لمى كثير وتارك سارة!!!! فهد بعصبية/انا احب عيالي كلهم بنفس المقدار وبلاش تدخلين ها الفكرة براسهم وتخلينهم يكرهون بعض!!!! نجلاء باصرار/بلى انت ماصاير تاخذ وتعطي مع سارة مثل اول رغم انها الكبيرة والمفروض تحبها اكثر من لمى!! فهد شغل له سيجارة وقال بعصبية/وش ها النظرة الجديدة بعد!!!!الكبيرة يعني لازم احبها اكثر من اخوانها!!!!!نجلاء لو سمحتي اذا شفتيني قاعد مع العيال خلينا ناخذ راحتنا ولا ... نجلاء/يالله قوم لاتاخرنا العيال بيقعدون ينتظرونك مثل كل اسبوع اذا بتقعد تتكلم معناته ماراح ننتهي؟؟؟ طفى سيجارته بعصبية وهو عارف ان النقاش معها بيكون عقيم مثل كل مرة !!!!!! /////////////////////////////////////////////////////////بعد صلاة المغرب كان بندر قاعد في بيت جواهر بالمجلس وعيونه على الباب وهو ينتظرها تدخل واول ماانفتح الباب دق قلبه بقوة....ولقاها داخلة بعبايتها وشيلتها وكاشفة وجهها... واول ماشافها ابتسم ووقف ومد يده لها وسلمت عليه بدون كلام وقعدت قباله.... بندر/احم احم... محمد اخو جواهر وكان بالمتوسط/شكلها لي هاذي؟ بندر/شدعوة فهمت!!! محمد/أي بس مايصير تقعدون بروحكم!!!! بندر مسوي انه معصب/وش اللي مايصير؟؟؟ملكتنا وحفلتنا بتكون ليلة الجمعة الجاية!!!!يعني مو كفاية اختك بالعباية(ووطى صوته بهاذي الكلمة وسمعها هي بس) محمد وقف/خمس دقايق بس وبرجع!!! اول ماسكر محمد الباب تقرب بندر من جواهر اللي كانت عيونها بالارض وركع عندها ومسك كفوفها.... بندر بحب/عارف انك زعلانة...وعتابنة,,ومتضايقة مني!!بس اللي ابيك تفهمينه اني كنت منحرج منك وانا اللي عطيتك وعد اني اجي اخطبك وماجيت!!!كنت ارتب وضعي ورايح جاي...لين هذا احنا بنكون لبعض ان شاءالله!! رفعت راسها باستفسار وماتدري شلون طلع صوتها وقالت بتردد/بندر...يعني انت كنت تاركني وماترد علي بس علشان ترتب موضوع الخطبة!!!! بندر ماكان يبي يكذب ها الكذبة عليها بس كان مضطر يبين سبب تركه لها وبعدين حس ان ها الشي راح يفرحها وقال بتاكيد وهو شابك يدينه بيدينها/وانتي عندك شك ياقلبي!!!من زمان وانا ابي ها اللحظة بس الظروف ؟ جواهر حست ان دموعها بتنزل بس صوت محمد اخوها من ورى بندر وقفها.. محمد/كنك قلبت فلم هندي يابندر واللي يعافيك!!! بندر بقهر وضيق/محمد شكلك ماتعرف الحساب!!!قلت بترككم خمس دقايق مو خمس ثواني!!! محمد باصرار/واللي يعافيك يالنسيب قوم توكل خليتكم سبع دقايق مو خمس وهاذي علشان الجيرة اللي بينا!!!! //////////////////////////////////////////////// اتفقوا ان الاسبوع الجاي ليلة الجمعة تكون الحفلة بقاعة الاندلس وصاروا رايحين جايين بها اليوم مع نجود اللي قررت هي تاخذ ثوب جواهر من الرايض على راحتها بطول الاسبوع لانها ماتعرف تتسوق بنص يوم وبوقت ضيق.... ورجعت علاقة بندر وجواهر بحب اكبر ولهفة وشوق اكثر من قبل خصوصا ان جواهر حطت في بالها انه تركها علشان يتقدم لها رسمي وكبر بعينها اكثر واكثر..... /////////////////////////////////////////////////////////////فهد بها اليويمن كان يحاول يشيل نجود من باله رغم انه ماكان يقدر بكل الاوقات بس كل مامرت في باله شغل حاله من هنا وهنا لين عدى عليه الخميس والجمعة السبت.... بيوم الاحد كانت مناوبتها ومنال وهاجر راحوا من زمان وظلت هي ووداد ونوير اللي مشوا وقالوا لها مابقت غير طالبة وحدة وسايقها جاي بالطريق...وهي كلمت بوعبدالله وقالت له لايرجع بتكلم سايقها يمرها.... وظلت تنتظر ها البنت يجيها سايقها وماجا....وظلت مقهورة ورايحة وجاية عليها بدون ماتتكلم لين نفذ صبرها راحت عندها وقالت بعصبية نجود/مطولة؟ البنت/................. نجود/كلمتيه انتي؟ البنت/................. نجود بعصبية/اكلمك انا ماتسمعين؟؟؟ البنت ردت بعد تردد كبير/كلمته من جوال الحارس ومارد كان مقفل جهازه؟ نجود/ولساتك قاعدة كذا!!!طيب كان كلمتي البيت؟ البنت/دقيت ماحد يرد...بس امي اذا شافتني تاخرت بتطرش سايقنا اكيد.. نجود بشماتة/متى!!بكرة الصباح!!! البنت/.............. نجود انتبهت على مريول البنت اللي كان طالع من تحت وقال لها/انتي من بنته!!!انتي مو من ثانوي صح؟؟من المتوسط؟ سارة بعد تردد/ها..اي انا من متوسط.. نجود بعصبية/وش مقعدك مع بنات الثانوي بالله وانتي من زمان طلعتي!!!! ركزت بالصوت وكانها انتبهت له ..سامعته من قبل بموقف مو حلو.... نجود/انتي من بنته؟ سارة/بنت الفارس.. ماصار عندها أي شك ....هاذي سارة بنت فهد..... عطتها جوالها وهي ماهي متمنية يجي طاري فهد لها ابدا/دبري حالك كلمي امك ولاابوك... اخذت جوالها بعد ترد وخوف لان ماكان في غير نجود وهي والحارس بغرفته... دقت بيتهم كان مشغول واجوال امها ماترد واتصلت اخيرا على جوال ابوها اللي من شاف الرقم شاله بسرعة وكانه ينتظر اتصالها بس ماتكلم لين تكلمت هي... سارة/بابا.. فهد بصدمة/منو معي!!!وناظر بشاشة الجوال وهو متاكد ان الرقم رقم نجود اللي كلمته عليه من قبل؟ سارة/بابا انت راجع اللحين البيت انا عند المدرسة والسايق ماجاني ومي غايبة اليوم؟ فهد بخوف/معك احد... ولالا؟ سارة/أي في هنا ابلة؟ فهد/خلاص خلك معها وهذا انا جايك.... سارة عطت الجوال لنجود بدون كلمة شكر....... نجود/ها بيجي؟ سارة/أي.. ق قلبها من ها الطاري ...بتشوفه حتى لو من بعيد اليوم عيونها بتشوفه...ماتدري ليش حست ودها تبكي من شوفتها له..... ومسكت جوالها تدق على السايق يجيها ومارد.... ////////////////////////////////////////////////// بندر/وشلونك ياقلبي... جواهر بنعس/مشتاقة لك ياقلبي.. بندر/ها تجهزتي لليلة الجمعة؟ جواهر/اسكت لاتذكرني ماسويت شي ابدا!!! بندر/وش فيك صايرة كسلانة وسوداني وشغلتك بس تبين تنامين وماسويتي شي؟ جواهر بنعس/انت بعد ماتدور سوالفك الا اذا توني رادة من الدوام!!! بندر/ههههه هذا شغل اللعانة ياقلبي!!! جواهر/حبيبي....متى بتنزل ها الاسبوع؟ بندر بخبث/خايفة على شبكتك؟لاتخافين بتاخذ لك... جواهر/اقلب وجهك عني قال خايفة على شبكتي!!!! بندر/ههههههههه //////////////////////////////////////////////// نجلاء/اقول ام مشاري مروة ماجت مع مي؟ ام مشاري/مي اليوم غايبة بس مروة جت وصلت ونامت ليش تسالين!!! نجلاء/سارة طافت حزتها ومابينت للحين؟؟ ام مشاري بخوف/يو...متاكدة ماجت ونامت وانتي ماانتبهتي؟ نجلاء/انا كنت بالصالة اكلم وماشفتها دخلت!! ام مشاري/خل اروح اسال مروة اذا شافتها لو قالت لها شي؟ ///////////////////////////////////////////////// وصل فهد باللحظة اللي كانت نجود تكلم سايقها ونزل من سيارته وتقرب منهم.. نجود/شلون يعني؟؟؟وانت شلون سويت الحادث ياعيوني!!!ياسلام يعني من سواقين اثنين مافي احد وارد بلموزين؟؟؟؟طيب انت وينك اللحين؟عشت انا معك ......يالله بقوم ادبر حالي... سكرت وانتبهت على فهد اللي كان واقف يناظرها وعلى سارة اللي قامت وراحت عند ابوها...... فهد/السلام عليكم.. نجود بلامبالاة/وعليكم السلام.... فهد/شكرا... نجود بعصبية/عفوا بس ياليت مرة ثانية ماتقعد بعد ماينتهي دوامها لان احنا بعد ناس ورانا مشاغل!!!مو قاعدين لها؟ فهد/انا اسف بالنيابة.....وشكلك متورطة؟ نجود/اوووف..بو عبدالله راح وانا قلت له لايرجع لي وكل ماادق له مقفل والسايق حقي مسوي حادث وكاهو بالشرطة ... فهد/لا انا مصر اوصلك مو كافي قاعدة مع سارة.... نجود/لاماله داعي باخذ لي تاكسي وبروح.. فهد باصرار/والله ماتطلبين التاكسي؟؟؟بعدين منال شبتقول لو قلت لها اني تركتك تروحين بتاكسي؟؟اصلا انا قريب من مكان سكنك عندي اجتماع هناك ..تفضلي.... ماشافت بد من انها تقوم معهم لان الوقت تاخر وهي تعبت من الانتظار وكانت فرصة انها تقعد بمكان يجمعها هي فهد...... /////////////////////////////////////// في بيت الفارس... ام مشاري بتانيب/انتي وينك من زمان واحنا ننتظرك؟ سارة دخلت بلامبالاة وقالت/موجودة... نجلاء/منو جابك؟ سارة/البابا.. نجلاء/فهد!!!!ليش؟؟ سارة/لان السايق هذا غبي فكرني اقوله لاترجع لي وانا قايلة له تاخر شوي عندي كم واجب بنقله ومارجع لي وظليت انتظر ودقيت على البيت مشغول وانتي ماتردين .. نجلاء/أي جوالي فوق مانزلته.. سارة/طيب قولي لنفسك بعد ليش تلوميني بعد!! ام مشاري بحدة/تكلمي عدل يابنت!!هاذي امك وخايفة عليك؟\ سارة /وانا وش ذنبي اذا التلفون مشغول وجوالها ماترد عليه... نجلاء/طيب ماعلينا كيف ابوك جابك.. سارة/دقيت عليه وقلت له يجيني وقال انه جاي بالطريق .. نجلاء/طيب ووينه اللحين. سارة:/كلمك اكثر من مرة ماتردين لاعلى البيت ولاعلى الجوال وقال لي اقولك انه بيتغذى مع عمي سالم ومابيرد....صحيح راح يوصل نجود اول... نجلاء/أي نجود؟ سارة/هاذي البقرة اللي مدري على شنو شايفة حالها؟ ام مشاري/تادبي وانتي تتلفظين ياسارة عيب!!! سارة/طول ماهي قاعدة معي وهي متنرفزة ومعصبة !!حشى لله ا1ا منتي بقد تاخذين مناوبة لاتقعدين!! ام مشاري/أي بس نجود تناوب بالثانوي وانتي من المتوسط يعني بتتضايق من وجودك لاسيما انكم تطلعون قبلهم بساعة وشوي!!!وش كنتي تسوين فيها؟؟هذا كله واجب تنقلينه؟؟طيب من منو كنتي تنقلينهوينها اللي معك ؟؟ سارة سكتت ونجلاء ماعجبها يكلمون بنتها كذا.. نجلاء/يالله الجمد الله ان مافيك شي قومي صلي وبدلي ونزلي نتغذى مدام ابوك ماهو جاي... سارة/منتي مكلمته!!! نجلاء/مو تقولين بيروح يتغذى مع عمك سالم خلاص بعد شكلم فيه؟ /////////////////////////////////////////// في السيارة نجود بعنف/مو هذا طريق سكني!!! فهد/انا عازمك على الغذى.. نجود/وانا مو قابلة عزيمتك!!!وردني البيت بصلي وببدل وبحط راسي وبنام بنتك ماسوت فيني خير اليوم قعدتني بالشمس لين انفجر راسي!!! فهد وقف سيارته عند سكتنها وقال بلهجة امر/جيبيلي اوراق السايق اللي عندك؟ نجود بذهول/ليش!!! فهد بهدوء/مو تقولين انه مسوي حادث وموجود بالشرطة؟؟كيف بيطلع بالله!!بروح اكفله؟؟ نجود:/,,,,,,,,,,,,,,,, فهد بلهجة امر/يالله بسرعة وصلي بسرعة وبدلي كلها نص ساعة وانا راجع اخذك نتغذى والسالفة مالها أي نقاش؟؟؟ /////////////////////////////////////////////////////////نورة/يعني وين تبين نروح بالله!!! هنوف/أي مجمع ياحظي .... نورة بلامبالاة:/لسه باقي وقت بعد باقي اسبوع تونا اليوم السبت والحفلة يوم الخميس!!! هنوف/لاحبيبتي انا ابي اخذ راحتي بالتسوق ولاانتي ناسية اني اخت العريس ولازم اكشخ.. نورة/مقر عليك يااخت العريس!!! هنوف/اقول نوير بلا زفاتة وكثرة حكي وقولي لناصر يودينا الجمعة سنتر ؟ نورة/دقي عليه انتي مو انتي اللي تبين تروحين انا مو فارقة عندي باخذ لي شي بسيط جدا,,,, هنوف تبيها من الله/ماعندي رقمه!!! نورة/وش ها العذر بس!!!!كاهو رقمه بجوالي!!!! ////////////////////////////////////////////////////// كانت قاعدة بشقتها وهي مترددة ..مابين تطلع مع فهد ولالا؟ عطته اوراق السايق وراح يخلص لها الموضوع... حست باحراج لو انها رفضت طلبه!!!اي احراج يانجود عادي مافيها شي هو اللي طلب منك الاوراق مو انتي قلتيله يروح!!!! بس غريب ها الفهد كلامهم عنه شي وتصرفاته نص تنصفه والنص الثاني توقف ضده!!! انتبهت على صوت الجوال وعلى رقمه اللي كانت حافظته بمجرد تشوفه.... ردت بثقل بعد ثالث دقة رغم انها كانت تقاوم نفسها وتبي تسمع صوته.. فهد/الو... نجود/نعم... فهد/انابو فيصل!!... نجود باحتقار/يعني بكون ماعرفتك؟؟عارفة انك فهد وش بغيت؟ فهد بعصبية/قلت لك اسمي بوفيصل مو فهد!!! نجود بعناد وتحدي ماتدري وش اللي طراهم على بالها :/بتظل عندي فهد وبظل اشوفك فهد وبس!!!! فهد/ليش العناد!!! نجود/وش صار؟ فهد/انتي عندك شك فيني!!! نجود باحتقار/والله ماجربتك علشان اوثق فيك!!! فهد/انزلي بسرعة كاهو سايقك تحت ينتظرك؟ نجود/ليش؟؟؟ فهد/لك خمس دقايق لو مانزلتي... نجود بتحدي/وش بيصير؟؟ فهد/................. نجود/.............. فهد/............. نجود ماتدري ليش سكوته فجاة كذا خوفها وحست انه ممكن يعصب قالت بعد تنازل/انا نازلة..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,وصلوا لمطعم ميراج وكانت القعدة كلها احواض اسماك وتجنن قال لها تدخل هي قبل ويوم دخل ماظل قريب منها وها الشي ضايقها وماخلتها بقلبها اول ماقعدوا وقبل لاتمسك المنيو قالت بعصبية/انت ليش جاي معي يوم انك خايف احد يجي يشوفك معي!!!! اكتفى بانه يناظرها وبس ويطلع باكيت سجايره بس كانت يد نجود اسرع وسحبته منه بالقوة وعيونها كلها شررر,,,,, ولمست كفها كفه يوم سحبت منه الباكيت وظلوا يناظروا بعض ثواني طويلة لين قال فهد بعصبية/عن الجنان الزايد ورديه؟ نجود:/انت مو عازمني حضرة جنابك!!!ليش مستحي مني ؟ فهد/انا لي سمعة بين الناس شبيقولون لو شافوني داخل معك بالله!!!! نجود بروحها كبريت ومالحقت سمعت ها الكلمة منه الا ومسكت شنطتها ووقفت بتطلع,,,,,,, ////////////////////////////////////////////////// لبنى بفرح/خطوبة بندر بتكون ليلة الجمعة ماتدري شقد انا فرحانة له ياعبدالعزيز... عبدالعزيز/الله يوفقه ويسهل عليه.... لبنى/ولاجا في بالي انه يفكر فيها ابدا!!!رغم ان احنا من سنين طويلة مع بعض؟ عبدالعزيز/مو شرط تكونين انتي انتبهتي للي بينهم يالبنى.....يمكن يكون الشي من زمان بس ماحسيتي وهم ماحسسوا احد من اللي حواليهم فيه؟ لبنى/يمكن بس الحمد الله احس امي بتطير من الوناسة...يمكن فرحتنا ببندر تنسينا شوي ضيق عبير؟ عبدالعزيز/للحين تعاني المسكينة؟ لبنى بتنهيدة/وبتظل تعاني ياقلبي...مشكلة عبير ماتتكلم لااحد عن مشاكلها مع علي!!!على بالها ان احنا مو عارفين وضعها معه كيف صاير؟ عبدالعزيز/طيب وابوك ليش مايتدخل؟ لبنى/ابوي!!!!!ابوي كانت الفكرة فكرته هو وعمي واللي عليهم انهم زوجوا علي وعبير وبس!!! عبدالعزيز/شنو يعني مايهمهم سعادة علي وعبير؟ لبنى باسى/للاسف ابوي يتجاهل ها الشي ويعتبرها غباء من عبير نفسها انها مو قادرة تسعد علي علشان كذا امي ماتفتح معه السيرة كثير.... عبدالعزيز/ياسلاااام؟؟طيب وعمك؟ لبنى/عمي طيب ودايم يكون واقف مع عبير لو شافها زعلانة بس ابوي غير ساعات كثيرة اتمنى ابوي يكون عمي بوعلي بس ماحد يقدر يغير حياته واهله ياعمري... قالتها وسكتت وساد الصمت بينهم وكانهم يفكرون بمصيرهم اللي متوقف على كلمة من بوبندر !!!! /////////////////////////////////////////////////////// مروة ومي بالحديقة مع سارة... مروة/امي قالت انك اليوم رديتي متاخرة؟وانا ماشفتك طلعتي وين كنتي؟ سارة/يعني وين بكون ؟؟بالمدرسة.... مروة/أي بس وحدة من البنات شافتك مع ملاك وش كنتوا تسسون لنهاية الدوام!! سارة بلا مبالاة/عادي نتمشى ونسولف... مروة/بس كل الناس طلعت ماظل غيرك بالمدرسة انتي ماتخافين!!! سارة/وليش اخاف بالله!!!! وقامت عنهم وراحت لقسمهم.. مروة/يوم عن يوم تثبت لي قلة ادبها؟ رحاب من وراها/منهي؟ مروة بضيق/بنت عمك في غيرها؟ رحاب قعدت/علشان سالفتها اليوم؟\ مي/انتي بعد دريتي؟؟؟امي ماخلت احد ماقالت له؟؟؟ رحاب/عمي اكيد مشغول لو هو فاضي كان وراها بس خله يرد ماراح يفوتها لها .. مروة/المشكلة ان نجلاء عادي ولااهتمت تقول شنو اهم شي انها مافيها شي ولاصاير لها شي؟ رحاب/هي كل يوم كذا يامي؟ مي بخوف/لا بس لاني اليوم غايبة واخذت راحتها ولا كل يوم تخاف افتن عند امي وتهاوشها وهي ماتحب امي لانها تصارخ عليها على قولتها.. مروة/حبها فار قولوا امين!! رحاب بنرفزة/فار عاد!!!مالقيتي غيره؟ مروة/ههههه هذا اللي طلع معي ....متاثرة بحصة الامثال الشعبية اليوم. رحاب/ماقلتي صحيح شسويتوا اليوم ..متحمسين نعرف بليتينا يوم الخميس انتي وامثالك القديمة؟ مروة بفرح/.وناسة ...مالها حدود!!تصدقون اول مرة اشوف ضحكة نجود السبيعي من قلب ...ضحكت على امثالنا ضحك مو طبيعي ..وكانت الحصة روعة وماتمنيناها تنتهي ..قسمت الفصل بطريقة حلوة وخلتنا نشيل الطاولات والكراسي ونقعد بالارض على شكل حلقات ..كان الجو حلو والحصة كلها مرح ووناسة ياليت لو كل يوم كذا بس دوام الحال من المحال عند ابلة نجود لانها بنهاية الدوام انقلبت بركان علشان مناوبتها!! رحاب/هههههههه ////////////////////////////////////////////////////////// بعد مامسكت شنطتها وهي بقمة عصبيتها وكانت فعلا واقفة وبتمشي وقف فهد ومسك يدها وقال لها بعصبية/انتي مجنونة رسمي!!!وين رايحة؟ نجود والنيران تطلع من عيونها/مو قاعدة معك دقيقة وحدة؟؟؟واعتبر عزيمتك مردودة!!!انا؟؟؟؟انا نجود السبيعي تقولي ها الحكي؟؟؟لكن الغلط مو عليك الغلط على اللي وافقت من الاساس تجي معك !!! فهد/قصري صوتك ولاتصارخين كذا احنا بمكان عام عيب!!! نجود وصوتها ارتفع زيادة كنوع من التحدي وهي فعلا غضبانة/عيب!!!!ويوم انه عيب ليش طلعت معي من الاساس!!!!! فهد/قعدي خلنا نتفاهم؟ نجود/موقاعدة؟ زاد من مسكته ليدها بقوة وتالمت وهو يقول لها باصرار وبقوة/قلت لك اقعدي!!!!! نجود/انا مو عيالك علشان اسمع كلامك!!!ولااني نجلاء اللي تقولك حاضر وعلى امرك ياسي السيد؟؟انا نجود ..نجود يافهد وخلني على بالك زين!!!!اللي يفكر يذلني يتعب كثير..كثير..... فهد حس انها بتطول/خلاص حقك علي...قعدي؟ نجود بشماتة/ليش يابابا هي بالبساطة هاذي!!!انت ذليتني واهنتي وانا لايمكن اقعد معك ياحضرة المحامي المحترم!!!! سادت لحظات صمت بينهم وهو بعده واقف قبالها وماتفصلهم غير الطاولة ويده ماسكة كتفها بقوة...... فهد بتردد/طيب وش تبين اللحين؟ نجود باصرار/ابي اطلع مو قاعدة معك دقيقة؟ فهد بخبث مايدري من وين طلع منه/بس عيونك تقول تبي تقعد؟ ماتدري ليش ارتبكت لحظتها وحست انها مو قد كلامها لهدرجة يبين عليها ومعيونها فاضحتها.... هي صدق زعلت من كلامها بس بنفس الوقت تبي تظل جنبه ليش ماتدري.... فهد حس بتاثيره عليها وان كلمته اخذت مجراها ظل يتاملها وهي واقفة قباله ومتمني لو تشيل نقابها..... بعد ماهدات شوي وتراخت لمسته عليها ثارت شياطينها مرة ثانية وابتعدت عن الطاولة .. فهد/وين؟ نجود/قلت لك مو قاعدة معك انت عندك سمعة وكرامة بين الناس!!!وانا بعد عندي فوق سمعتك وكرامتك مرتين ومايشرفني اقعد مع واحد مثلك!!!! قالتها وطلعت بسرعة قبل لاتمسكها يده وتجبرها عيونه على القعدة.... ركبت سيارتها ورجعت شقتها ويوم دخلت حست بالضيق وانها ماكانت تبي تسوي ها الشي....وتمنت لو انها معه اللحين تاكل من نفس الاكل اللي ياكله وتسولف معه وتعرف وش يبي وليش عزمها!!بس لا كل شي له حدود وكرامتك يانجود فوق كل رجال الدنيا!!!! //////////////////////////////////////////////////////////// العصر... لمياء/حبيبي اليوم انا باخذ اجازة من مريومة وبتكون معك طيب ياقلبي؟ مشاري/حبيبي وقلبي مو مني لله !!!الا تبين ترمين البنت علي!!وين على الله؟ لمياء/هههههه زين انك فاهمني....طالعة مع منال ونجود السوق...نجود بتاخذ ثوب لحفلة جواهر وتعرفني انا ام ها السوالف ... مشاري/ومتى بتروحون والله؟ لمياء/بعد نص ساعة؟ مشاري/ياحبيبي..وليش توني ادري؟ لمياء تقربت منه وباسته بخده/علشانك دريت بدري ولامتاخر مارح ترفض ومالك الا الموافقة ياعيوني!!! مشاري تحسس مكان البوسة/أي مو لاني بزر عندك تقصين علي بكلامك!!!اه منكم يابنات الشرقية!!!!قومي بس مريومة نروح بيت جدك ونقلب المخدة وننام هناك؟ //////////////////////////////////////////////////////// دلع/أي وش عرفت بعد؟ السكورتي/ليلة الجمعة بتكون حفلته... دلع/ومادريت لي وين بتكون حفلته؟ السكورتي/بلى بصالة الاندلس بالدمام.... دلع/حلو حلو....طيب يابندر ظل على حقرانك لي والوعد ليلة الجمعة؟؟؟؟؟؟ ///////////////////////////////////////////////////// كانوا بالسوق واللي قايمة بعملية التسوق لمياء بحكم انها عارفة جسم جواهر واللي يناسبها ونجود كانت شبه سرحانة طول الوقت بفهد.. منال اخذتها على جنب/نجود علامك؟فيك شي؟ نجود/ها لاولاشي... منال/شلون ولاشي....شوفي شلون طول الوقت سرحانة وماكانك نجود اللي اعرفها ؟لهدرجة خطبة جواهر ماثرة عليك!! نجود ابتسمت وهي تخفي اللي فيها/لامو كذا بس قاعدة افكر شنو اسوي لها وهيك شغلات.... منال دزتها بكتفها/دوريلك عريس ترى بتنشغل هي عنك وبتحسين بالوحدة ومالك الا تنخطبين انتي بعد!!!ههههههه ها المرة نجود ضحكت بس كانت تضحك وهي ودها تبكي من القهر اللي لقته اليوم على يد فهد!!!! لمياء/بس لقيته؟؟هذا بيطلع يجنن عليها.....تعالوا تعالوا... /////////////////////////////////////////////// سالم/انت مو صاحي!!!بجد ممنت صاحي...كيف تقولها ها الحكي يافهد كيف؟ فهد بشرود/مدري طلع معي وقلته؟ سالم/وارتحت اللحين؟ فهد/وللي يسلم لي عمرك ياسالم بروحي متضايق لاتزيدني انت بعد!!!! سالم/تبيها وتبي تتكلم معها وتشوفها وتملي عينك منها تقوم تقولها انا اخاف الناس تشوفني معك علشان عندي كرامة!!!!لاتلومني بس انت صدق متخلف...؟ فهد تنهد بقوة...... سالم/طيب والحل؟ فهد/مدري....... سالم/.................. فهد........................ سالم/.................. فهد بعد تردد قال/المشكلة اني حسيت بالفرق معها عن نجلاء؟نجلاء تسمع وتسكت واذا جت تناقشني ماتحاججني؟هاذي غير ياسالم اول ماجذبني لها شخصيتها القوية واللي مايهزها أي شي...وصار يتردد في بالها صوتها وهي تقوله بالمطعم(انا نجود..نجود يافهد واللي يفكر يذلني يتعب كثير كثير)أي والله يانجود شكلي بتعب بتعب كثير معك وعلشان ارضيك.... كان مشاري منسدح على الكنبة ومغطي وجهه بالمخدات واحمد مريم وفيصل يلعبون برجله وهم ميتين ضحك عليه.. مروة/اقول مشاري.... مشاري/................. مي/لاتقولين رايح فيها .... مروة/اخوي الغالي مشاري!! مشاري/................. جت وقعدت عند راسه وهي ماسكة الطاولة تطق عليها وقالت بقوة/وانا نايم دق التلفون..فزيت كنتي مجنون...قالت ياعمري صح النوم,,يامشاري متى بتقوم....قلت ياعيوني مفهوم...الو الو..بابا فين؟ رمى عليها المخدة وهو يضحك.. مروة/اشوف هاذي بس قومتك؟؟على بالك الحبيبة دقت .... مشاري/ههههه انتوا هيه وخروا خلاص غربلتوني الله ياخذكم ماتنعطون وجه؟؟بعد بنتي واصبراه الباقي وش لهم عندي!!! //////////////////////////////////////////////////////// مضى الاسبوع كله بدون أي احداث تذكر بين فهد ونجود اللي كان دمه محروق يبي يكلمها ويعتذر بس ماهو عارف ومتردد وعارف انها بترده وعرف انها مشغولة بحفلة صديقتها فقرر انه ياجل الموضوع للاسبوع الجاي... وجواهر وبندر كل يوم كانوا يتطمنون على اخبار بعض وبندر عاطي دلع اكبر طاف وهو مو داري عنها وانها عارفة انه خطب.... وقبال الحفلة بيوم يعني يوم الاربعاء بالليل.. علي كان طالع من البيت وبنفس الوقت كانت وحدة طالعة من بيتهم ومبين انها جاية لوحدة من خواته وكانت معاها طفلة صغيرة تمشي وراها ووقفت الطفلة قريبة من علي وشالت ورقة شجر كانت مرمية جنبه.. لمياء وهي ماانتبهت لوجود علي بعد/مريومة تعالي بسرعة لااذبحك يالله تاخرنا على بيت جدك!!! ها الصوت وقف علي ووقف قلبه لانه عارفه زين,,,,,,,,,,او بالاحرى ذاكره زين,,,,كيف وهو كان يسمعه كل يوم من فترة طويلة مرت!!!! لفت لمياء وشافت علي واقف وتجمدت مكانها...... كانوا اثنينهم مترددين وهي اللي قطعت الترد وقالت بصوت واطي/علي!!!!! علي ماكان مصدق نفسه ولا اللي واقفة معهقال بسرعة/لمياء!!!!مستحيل؟؟؟وينك انتي قطعتيني فجاءة وماعدت عرفت عنك شي؟ ظلت تناظره وهي مكانها ماتغير...كل شي فيه مثل ماهو ..علي اللي حبته بايام الكلية وكانت تشوفه بعض الايام مع نجود وهي مو عارفة اذا كان اخوها لو ولد عمها...... علي اللي حبته قبل لاتتزوج مشاري ويوم خطبها مشاري واقتنعت فيه تركت علي بالمرة وغيرت ارقامها وراحت مع زوجها الرياض وابتدت حياة جديدة!!!! بس وش ها الصدفة اللي مو محسوبة من عمرها ابدا!!!!علي وبعد ها الغيبة اللي بتقارب ثلاث سنين شافته!!!!!!!!!!!!!!!!!!!! علي/لمياء.....حبيبتي..انا..قاطعته لمياء وهي تتلفت حوالينها وخايفة لايشوفها احد/علي لو سمحت لاتقولي ها الكلام !!انا متزوجة وعندي بنت!!! علي بصدمة/تزوجتي!!!!!!!!!! بعدها قال بخيبة امل/توقعت ها الشي.....ونزل لمستوى مريم وهو يتاملها ودموعها بعينه/مريم...اسمها مريم...... مريمببراة/أي اسمي مريم....حلو مو..عشانه مثل جدتي!!!! علي بحزن قطع لها قلبها وهي حاسة دموعه بعينه/هاذي كانت المفروض تكون بنتي يالمياء؟؟؟ لمياء/لا..لا ياعلي لاتقول ها الحكي.....امشي يامريم امشي!!! علي/لا ماراح تمشين؟؟ابي افهم منك كل شي واعرف ليش تركتيني؟؟؟؟ /////////////////////////////////////////////////////////////بيوم الحفلة كانت جواهر ملكة الحفلة بحق وحقيق وكانت لابسة ثوب ذهبي في عاجي من العهود الاندلسية القديمة(عاجبتني وقلت لازم اكتبها مالكم شغل فيني هههه)مسكر لفوق الرقبة وتجي حوالين الرقبة وبالبداية كانت فيه عقيقة كبيرة والاكمام فرنسية طويلة شيفون تنزمعند المعصم وتتكركش,,,ويتخصر من الصدر لين ينزل لتحت وعلى جنب فيه شيفوانات متداخلة باللون العاجي والذهبي ويكونون عكس بعض وشعرها كان مرفوع بشكل غجري وعلى جنب اكسسوار كبير وملفت باللون العاجي ومكياجها كان هادى.... وماننسى وصيفتهانجود واللي كانت الاميرة الثانية للحفل بعد مضاوي اللي ماكان احد يقارن بجمالها وكانها طفلة.. كانت نجود لابسة ثوب طويل طبقات احمر وبالنص فيه حزام عريض باللون الاسود وبيدها مجموعات اسوار حمرة وبالنص سودة وجايبة شعرها كله على جنب وحاطة لها وردة حمرة ومكياجها كان قوي حييل واللي بارز روجها الاحمر الصارخ.. ماتدري ليش كانت متمنية تشوف فهد بها اللحظات؟؟ولاشلي خلاه يجي في بالها وهي باعدته عن تفكيرها طول الاسبوع!!!تمنت انه يكون موجود وانها تكون معه بها اللحظة وت.. هيا/نجودة وينك ماسمعتي الاهداء ؟ نجود/ها أي اهداء؟ هيا/اهداء مني لك على ها الاغنية..يالله تعالي نرقص قبل لاتنتهي!! كانت الحفلة حلوة ومميزة رغم ان الحضور مو كثيرين بس غلاوة بندر وجواهر كانت اكبر من كل شي عند المعازيم..... ودخل بندر ودخل معه ابوها واخوها محمد اللي رقص لين شبع وبعدها لبسها الشبكة فوق والتعليقات من كل جهة وكان فرحان حيل فيها اللحين يرقصها واللحين يبوس كفوفها واللحين يرفع ثوبها واللحين يشربها ويدلعها..كان فعلا طاير فيها والكل لاحظ ها الشي وتمنى لهم السعادة مع بعض.... ومسك يدها ومشوا على الجسر بيطلعون مع بعض للغرفة اللي هناك ومامداهم مشوا شوي الا سمعوا صوت بالمايك يناديه!.... جواهر..بندر...لحظة..!!! لفوا ثنينهم يشوفون اللي يناديهم,,,,,,,,,,,, ///////////////////////////////////////////// | ||||
|
| |
|
16-06-13, 07:04 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت الثامن عشر--- /////////////////////////////////////////////////////////////////////////////////////////// ناداهم صوت من وراهم ولفوا له اثنينهم وشافوا نجود واقفة وبيدها المايك وهي تناظرهم نجود/اهداء خاص لااحلى عروسين شافتهم عيوني...عسى ربي يحميهم يوحفظهم من كل شر والسامع يقول امين.... البنات كانوا كلهم واقفين جنب بعضوكلهم قالوا بصوت واحد/امين....وتعالت اصوات الهلاهل.. نجود وبصوتها الحلو قامت تغني وعيونها على جواهر اللي كانت ماسكة يدين بندر وهي تناظرها وتبتسم لها... ...ابتدي ياحب واكتب... ...في سما ها الليلة قلبين.. ...اكتب لي جواهر بالاول.. ..واكتب الثاني لبندر... ..او يجيلك طاري وقف.. ..ماله داعي تكتب اثنين.. ..اكتب الاسمين لكن... ..حبهم بقلب واحد... ..يااله الكون سلم.. ..حبهم من شر كل عين.. واحفظ لي جواهر وبندر واعمي عنهم كل حاسد.. دام هذا اليوم تاجه.. عرس اهل الذوق والزين.. اكتب لي جواهر بالاول..واكتب لي نسل العز بندر... وياغلاوة روح بندر..... يوم ابتدت الموسيقى تدق على صوت نجود وهي تغني بندر مسك يد جواهر وقام يرقص ويتمايل معها واول مانتهت الاغنية سوى الحركة المسرحية وهو شبه راكع قبال نجود وقام التصفيق والتصفير من البنات ونجود تقربت من جواهر اللي من شافتها الثانية جاية قبالها راحت عندها وحضنوا بعض بقوة.. جواهر بهمس/احلى هدية ياقلبي.... نجود بنفس الهمس/ثقلي سمعتي مو ترمين حالك علي!! جواهر/هههه يابعد عمري يانجود .. نجود/من راي تروحون البيت اللحين لاتطلعون.... جواهر ابتسمت/طيب... نجود بفرح وصدق/جواهر...مبروك جواهر اخذتها بحضنها وقالت لها/عقبالك ياقلبي.. بندر ومن حواليه خواته/شكلها راحت علي!!! هنوف/اسمع هذا الاهداء مني لك..... بندر/وينه.... هنوف/هههه يالثور الاغنية هاذي...وقامت ترقص قدامه... بندر/واللي يعافيك ياهنوف سيارة مصدومة!!!!حشى مو رقص هذا!!!اذا ماتعرفين ترقصين عراقي لاتقلدين واللي يسلم عمرك ضحكتيني؟ هنوف/بذبحك ياللي ماتستحي... كانت في عيون تناظر بندر وهو مو منتبه لها وهي واقفة عند الباب وتنتظره يقرب..... ////////////////////////////////////////////// رحاب/بموت من التعب والله اني مو قادرة... منال/ها قربتي.... رحاب/اوووف يامنال وقسم بالله مو قادرة...لاويقولي بو احمد لاتولدين اللحين بعد اسبوع انا بنزل بعدين اولدي؟ منال/ههههه مو بكيفك السالفة!! لمى/مرحبا... رحاب/ها لموشه الحلوة.... منال/ماطلعتوا؟ لمى/لا.... رحاب/وليش تقولينها بزعل؟ لمى/عشان احنا ننتظر الخميس والجمعة علشان نطلع مع البابا ؟ منال/وهو ليش ماطلعكم!!!اكيد عنده شغل؟ لمى/لا جايينه رجال.. رحاب/طيب بكرة بيعوض عليكم....ليش الزعل يابابا؟ لمى/عشان سارة طردتني من الغرفة وقالت انها ماتبي تكون اختي!!! منال/لاحول...هاذي اختك اصلا يييلها تكسيرة راس!!!!لكن شنقول..عمي يبني بجهة ,و...... لمى/وامي تهدم بجهة ثانية!! رحاب/عيب يالمى مايقولون ها الكلام؟ لمى/هو دايم يقولها ها الكلام!!انا اسمعهم.. منال/ولو,,,بعدين ماتسمعين شي بين البابا والماما وتقولينه لااي احد مهما كان قريب منك سمعتي؟ لمى/امم طيب.... منال/تصدقين تمنيت احضر حفلة جواهر... رحاب/قالت لك لمياء روحي معي ونامي عندها في بيت اهلها وبكرة بترجعين معهم انتي ماطعتي!!! منال/اصلا لمياء ماراحت!! رحاب/ليش؟؟ منال/دقيت عليها المغرب اشوفها متى بتروح وكان صوتها تعبان وقالت لي انها حاسة بتعب علشان كذا مابتروح!!! ///////////////////////////////////////////////// واخيرا جت عيونه بعيونها وانتبه لوجودها لانها كاشفة وجهها !!! شد بيده بقوة على يد جواهر وقال لها بعصبية/حبيبي بقرب السيارة لبسي وطلعي ماشي... جواهر بحب/طيب ياقلبي.... مشى لعند الباب وفتح الباب وقالت له بهمس... دلع/انتظرك عند الباركينج ببارك لك ولو اني شرهانة عليك ماعزمتني واذا مو حاب تجي ابارك لكم انت وجواهر مرة وحدة!!!! //////////////////////////////////////////////////////////////هنوف طلعت وعيونها تدور ناصر..وشافته واقف وهو متلثم بشماغه لان الجو كان بارد.... صارت تتامل فيه من بعيد لبعيد وهي سرحانة..وماحست عليه يوم يتقرب منها ويغطي وجهها المفتوح.. ناصر بصرامة بس هادئة/كبرتي ياهنوف منتي بزر تطلعين ووجهك مفتوح وانتي حاطة مكياج!!!! هنوف احتاست وماعرفت شتقول../انا..انا.. ناصر/لاعاد تسوينها مرة ثانية!!! هنوف بزعل/ناصر انا مو قصدي والله!!!! ناصر/معليش بس لاتعيدينها....وش اللي مطلعك؟وش تبين؟؟ هنوف/ها..مدري تصدق نسيت!!! ناصر/ههههههه خبلة ؟ هنوف/ها نويصر اشوف ماخذ راحتك حضرة جنابك وناسي اني اخت المعرس!!! ناصر/هههه عدال يااخت المعرس عدال!! هنوف/أي صح ذكرت ليش انا هنا...ناصر عقبالك ان شاءالله!! ناصر/ههههههههه ويلوموني اذا قلت عنك خبلة يالبزر!!!اللحين طالعة علشان تقولين لي عقبالك؟؟مابتشوفيني بالبيت!!!! /////////////////////////////////////////// كانت واقفة جنب سيارته... بندر بارتباك/انتي وش جابك هنا؟ دلع بدلع/اول قولي ليش ماعزمتني على خطوبتك!!!هذا وانا معزبتك وولية نعمتك؟؟؟ بندر/انتي ماتستحين!!! دلع/بصراحة عندك ذوق يابندر حلوة حييل جواهر..يعني تستاهل اني تعنيت وجيتها من جدة لهنا!!!.بس ياترى هل بتدومون مع بعض!!!! فتح بابا سيارته وشغله ومشى لعند الباب لان جواهر تنتظره,,,, كان مرتبك ومتضايق وماله خلق أي شي.. وجود دلع هنا نرفزه على الاخر.... .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , دخلوا المجلس وشالت عبايتها وكان المكان ملايان شموع بكل مكان... نجود ماغيرها هي اللي سوت ها الحركة اكيد.. لفت لبندر اللي حاول انه يكون طبيعي وابتسم لها.. بندر/مين صاحب ها الحركات الحلوة؟ جواهر/اكيد نجود لانها قالت لي رجعي البيت مو تطلعين!!! مسكت يده وتقربوا لعند الطاولة اللي بنص المجلس واللي كانت فيها تورتة كبيرة بثلاثة طوابق ومكتوب عليها مع خالص حبي لااحلى عريسين...نجود... كانت جواهر واقفة وبندر وراها وهمس باذنها/شكلي بغار حييل من نجود بنت عمي!! جواهر بنفس الهمس/ليش توك تعرف علاقتنا!!! بندر/لا بس صايرة على القثيل,,,, كانت في علبتين جنب بعض وحدة زرقة ومكتوب عليها بندر بالاحمر والثانية حمرة ومكتبو عليها جواهر بالازرق.... مدت يدها للعلبة اللي مكتوب عليها اسمها وعطتها لبندر علشان يفتحونها مع بعض... كانت فيه اسوارة ذهب راقية وفوقها كرت مكتوب عليه(لو كنت املك ان اهديك عييناي لوضعتها بين يديك,,, لو كنت املك ان اهديك قلبي لنزعته من صدري وقدمته اليك,,, لو كنت املك ان اهديك عمري لسجلت ايامي باسمك,,لكنني لااملك سوى الكلمات الكثيرة الكثيرة من صادق التعبيرات لااهديها لكي,,,مع تمنياتي لكما بالتوفيق في حياتكما المقبلة) جواهر/يابعد قلبي يانجود اردها لك بالافراح ان شاءالله... مسكت العلبة الثانية حقت بندر وفتحتها معه كانت حاطة بالعلبة عطر درة البحرين من اصغر علي وكانت تعرف انه يحبه من جواهر بالاضافة الى كبك فخم ونفس الشي تاركة له كرت مكتوب عليه (...لم اجد سوى صديقتي الغالية على قلبي هذه الهدية الثمينة اقدمها لك وتذكر دائما بان حبك يجري بدمها فلا تخذلها ابدا ,,تمنياتي لكما بعيشة هنية ابد الدهر,,والف الف مبروك ياولد عمي الغالي) حوط بندر ذراعينه بخصر جواهر وهمس لها/قولي الصدق منو تحبين اكثر انا ولاهي!! جواهر غمضت عيونها وقالت بكل رومنسية وحب/بها اللحظة انت طبعا!!! زاد من قوة يدينه على خصره وهو يوزع بوساته على شعرها وقال لها/ماتعبتي!!!ماتبين نقعد نرتاح!!! جواهر/تصدقني لو قلت لك اني مو حاسة باي تعب وانا جنبك يابندر!!!!!يكفي انك قريب مني ياحبيبي!!! بندر ضمها من ورى بقوة وهو خايف لايفقدها من جديد وكل مالاحت صورة دلع في بالها يزيد القلق عنده ويضمها بقوة اكثر واكثر,,,,, ///////////////////////////////////////////////////////////مشاري/تبين تروحين المستشفى؟ لمياء بشرود/لا ماله داعي!!! مشاري/حبيبي انت من امس مو طبيعي قولي شفيك!! تنهدت لمياء بحرارة وصورة علي في بالها/ولاشي صدقني؟ مشاري مسك كفها/ودي اصدقك بس مو قادر؟ سحبت كفها منه بسرعة وقالت له/خلينا ننام مدام مريومة نايمة بكرة ورانا مشوار؟ حطت راسها على المخدة وهي تحاول تخفي دموعها ومعهم صورة علي اللي ماهي قادرة تشيلها من بالها لحظة وحدة من امس لليوم!!! تنهد مشاري وهو مستغرب منها ومن تصرفاتها من امس للحين واللي مو قادر يشوف لها تفسير بس حط راسه جنبها وراح بسابع نومة,,,, //////////////////////////////////////// علي بعد كان حاله مو اقل من حالها ,, من شافها امس وهو صاير مجنون ومو قادر يركز بشي ابدا!!! وزين انه قدر يروح الملكة ويطلع بسرعة رغم معزة بندر عنده بس شيسوي تفكيره شاغله...لمياء تزوجت وصارت عندها بنت وسمتها مريم!!!! ها البنت المفروض تكون بنتي انا!!!!مو بنت واحد ثاني!!!!!! مسك جواله القديم وهو يقرا رسايلها له واللي كلها حب وغرام ,,, كيف نستني وراحت وتزوجت غيري وهي عارفة بحبي لها كيف!!!! تنهد من قلب ولف على عبير اللي كانت توها جاية قبل شوي من الصالة وبدلت وغسلت ونامت.... تزوج عبير ولاقدر ينسى لمياء؟؟؟ وشاف لمياء اللحين ورجعت له كل امل فيها من جديد!!!! بس لمياء لازم تتطلق من زوجها واخذها انا لازم!!!واذا على بنتها انا مستعد اربيها واكون لها ابو ؟؟؟؟؟ //////////////////////////////////////////////////////////// اليوم الثاني الجمعة وبعد صلاة المغرب,, ويادوب نجود لحقت تخلص شغلها وتقعد شوي مع جواهر وتلحق على طائرتها للرياض,,, وفي صالة بو علي ماكان فيه احد ام علي وام ناصر مع ام بندر وابو علي بالقهوة مع شيابه وهيا رايحة عند بنات عمها وماكو الا نورة وهنوف لابسين ثياب رجال ومشمغين ومتحزمين بشيلاتهم وحاطين لهم اغنية سواها قلبي وهز بوسط الصالة,, ناصر دخل وهو يكلم وقعد ومانتبه لهم وهم بعد عايشين الجو ومانتبهوا له.. خلص مكالمته بسرعة وانتبه على اشكالهم وماعرفهم بالاول بس بعد التدقيق النحوي تبينت عواينهم وعرفهم وهز راسه وهو ميت ضحك عليهم وعلى جنونهم وافكارهم.... وقام بسرعة علشان يطلع وهو عند الباب قال مايصير يطلع قبل لايخرب الجو عليهم راح لعند المسجل وطفاه.. وانتبهوا له ثنتينهم وجمدوا بمكانهم.. ناصر/انتوا منو؟؟؟ماعندنا شباب بالبيت احنا؟؟لايكون حرامية وقبل تسرقون ترقصون؟ هنوف/هههههههههههههههه نورة/يالله عاد اللحين وش يسكتها لنا!!!! ناصر/انتوا من وين جايبين ها الثياب اصلا يامفتريين انتي وياها!!! نورة/هنوف جابتهم وانا مالي شغل انا كل اللي سويته اني لبست ورقصت!! وشالت شماغها ورمته وشالت الثوب ..\وهنوف تفشلت بوقفتها كذا مع ناصر... ناصر/ان شاء الله يدري بندر انك اخذتي ثيابه ويوريك نجوم القايلة!! هنوف مشت لين وصلت للباب وبعدها لفت وقالت لناصر وهي رافعة نص الثوب ومبين بنطلونها الجنز من تحت/اولا بندر مو فاضي لي اللحين ولسوالفي!!!ثانيا هو شيخصه بالموضوع الصراحة هذولا ثيابك ياناصر!!!! قالتها وطلعت بسرعة تركض وناصر راح للثوب اللي شالته نورة من عليها يقولب فيه/أي والله هذا ثوبي!!يعني ذاك بعد ثوبي!!صدق انها نذلة؟من وين جابته؟ نورة/انا مالي شغل ؟؟قالت لي لبسي ولبست!!!! //////////////////////////////////////////////////////////وصلت المطار ودقت على السايق وقال لها انه ينتظرها اخذ اغراضها وحطهم بالسيارة ومشوا................... طول الطريق كانت تكلم ناصر وماانتبهت على الطريق اللي هم ماشيين فيه.. نجود/أي وبعدين.. ناصر/علشان كذا قلتيلي شيلها من بالك!! نجود/أي هم متفاهمين مع بعض من زمان ومقررين ها الشي.... ناصر/الله يوفقهم مع بعض.. نجود/انت شسويت مع علي؟ ناصر/ولاشي حاولت اكلمه وسوى روحه يسايرني .... نجود/................... ناصر/بس هو فيه شي...صاير له شي وقالبه فوق تحت حتى بندر قال ها الشي بليلة الحفلة ماكان طبيعي ابدا!!! نجود بخوف/وش اللي ممكن يكون صار فيه....؟ ناصر/مدري يانجود مدري...بس ممكن جواهر تسال بندر وبطريقتها تعرف!!تعرفين علي اسراره عند بندر... نجود/بكرة بكلمها وبقولها.. ناصر/وليش بكرة كلميها اللحين؟ نجود بحدة/لا بتطلع تتعشى مع بندر ومو ذوق ادق عليها كل شوي!!!انت شيفهمك بالذوق اصلا!!! ناصر بلامبالاة/انا احسها عادي انتوا تبالغون شوي.. وقفت السيارة .... نجود/خلاص ناصر انا وصلت بعدين اكلمك.. نزلت من السيارة وانتبهت انها واقفة قدام توتي كافيه مو قدام سكنها لفت بسرعة للسايق وقالت له بعصبية/انت منو قايل لك تجيبني هنا!!! سكت السايق وماتكلم بس فهد قال بهدوء/انا!!! لفت له وهي ماتوقعت وجوده هنا اصلا ولاانها بتشوفه الليلة.... فهد/انا مدين لك باعت ............ممكن نشرب مع بعض كافي ونتكلم شوي؟ نجود بحدة/لا... فهد تقرب منها وقال بهدوء وعيونه بعيونه/ممكن... ماقدرت تقاوم عيونه الملحة ابدا مشت قدامه ودخلت .. كان المكان كله كرستلات ومتعوب عليه حييل ورغم ان اسعاره غالية الا ان طعامه كان عادي..وانتبهت ان فهد يحب يروح الاماكن الراقية والديكورات الفخمة لان هذا ثالث مكان تشوفه فيه ويكون فخم ..... قعدوا وظلوا ساكتين فترة طويلة,, فهد بهدوء وهو يدخن/مبروك على جواهر.... نجود/ممكن تشيل سيجارتك لاني مااحب ريحتهم!!! فهد بنرفزة/انا اللي ادخن انتي وش يضرك بالله!!! نجود/لسنا كلنا مدخنين ولكننا كلنا نتنفس!!!!!! فهد طفى سيجارته وقال لها بهدوء/ممكن تفتحين نقابك!!! نجود بنفس الهدوء/لا.... التقت عيونهم ونظراتهم بنظرة سريعة وقال لها فهد/انتي ليش عنيدة؟ نجود بنعومة/طالعة لك يافهد؟؟؟ التقت نظراتهم من جديد وهي عارفة ان الكلمة اثرت فيه,,, فهد/كم مرة بظل اقولك اسمي بوفيصل!!! قربت راسها اكثر وقالت له بتحدي/وش اللي يجبرني اناديك بوفيصل وانا شايفتك قدامي فهد!!!! ورجعت راسها لورى وقالت له بنعومة مصحوبة بشماتة/خلي بوفيصل لزوجتك انا ماابي غير فهد!!! التقت نظراتهم مع بعض وفهد ها المرة اللي احتاس وش تقصد بكلمتها؟؟؟؟ ///////////////////////////////////////////// في مطعم فلامنجو بالخبر.. كان الجو رومنسي بين الاثنين وبندر كان ياكلها بنفسه وهم هايمين في بعض.. بندربحب/تصدقين ماتخيلت ابدا بيكون الوضع كذا!!! جواهر/ليش يعني؟؟؟ بندر/مدري بس كنت متوقع انه بيكون غير ..يعني ماراح نكون بها السعادة والانبساط؟ جواهر تقربت منه وقالت بحب/بعدك ماشافت السعادة يابندر...وعد مني لااصبحك وامسيك عليها!!!وش تبي بعد يانور عيوني!!! رفع يدها لشفايفه وطبع عليها بوسة قوية وقال لها بخبث/ماشبعتي خلينا نقوم صار الجو ممل هنا!!! جواهر/لا ماشبعت خلنا نكمل سهرتنا ولاانت ناسي ان بكرة دوام!!! بندر مسوي زعلان/اللحين انا ماخذ اجازة السبت والاحد والاثنين وانتي تروحين بكرة المدرسة كيف تجي ذي بالله!!1 جواهر/جد حبيبي بتقعد معي ها اليومين بعد!!! بندر/الا اذا كنتي ماتبيني؟ جواهر/ليش تقول كذا حرام عليك!!!انا صرت احب الحب من كثر حبي لك..... كان بندر قاعد قباله وبعد كلامها قام وقرب كرسيه جنبها وهمس لها/الا قرب احلى!!!!! جواهر/هههههه مجنون... قربها منه وهو شبه ضامها لصدره وهمس/قولي اللي تبينه !!يكفيني انك قاعدة بحضني وبس!!! جواهر بهمس/متى بتخلص دورتك لجدة ياعمري تراني مليت من بعدك ومااقدر اصبر عنك اكثر!!! ضمها اكثر واكثر له وهو خايف تبتعد باي لحظة وقال لها بهمس/حتى لو باعدتنا الاماكن فترة معينة ياقلبي تاكدي ان بندر مايعيش بدون جواهر وحبها وقلبها,,طيب,,, ///////////////////////////////////////////////// في توتي كافيه كان الجو هادى لانهم مقضينها نظرات في بعض وبس!!!! وكانوا يقطعون السكون بين فترة والثانية بهمهمات بسيطة,,,,, فهد/زمان صار لك تدرسين؟ نجود/وش رايك؟ فهد/مدري ....يمكن ويمكن لا,,, نجود/هاذي السنة الثانية درست قبل بعقود واللحين تثبت رسمي.... فهد/اول مرة تجين الرياض؟ نجود/تقريبا...زمان جيتي للرياض من كنا صغار,,,,تغيرت كثير عن اول..... فهد/شرقيتكم احلى!! نجود بثقة/طبعا شرقيتنا احلى!!دمامنا غير وخبرنا غير وكل شي عندنا غير!!!يمكن انتوا بالعمران سابقينا بعمايركم ومجمعاتكم واسواقكم بس الجو عندنا اروع,,,,يمكن تحيز لمنطقتي اشوف ان هناك المكان احلى واروع!!!! فهد/...................... نجود/شخبار فيصل ولمى!!! فهد بحذر/ليش تسالين عنهم!!! نجود/ليش انت ماتحب احد يسالك عن عيالك!!!تعجبني لمى احسها بريئة مو مثل ذيك البلوى سارة!! فهد بحدة/مااحب احد يتكلم عن بنتي بها الطريقة!! نجود/على فكرة فهد بنتك ماتجي باللين ابدا!!دير بالك عليها احسن ولاتتساهل معها ابدا لاتنسى انها بسن مراهقة وتربيتها لازمة تكون بحكمة شيدة!!! ناظرها باستفهام وهي سكتت.... فهد/تقصدين اني مو عارف اربي بنتي؟؟؟ نجود/ليش فهمت الموضوع بالطريقة هاذي!!! انا بنتك مااعرفها زين بس ومااحتكيت فيها عدل وماجمعني معها الاكم موقف..بس انا يافهد مو محتاجة غير اني اناظر بعيون الواحد علشان افهمه!!!مثلك تماما...عارفة انك تبي تقول شي لي ومتردد.. فهد كان يناظرها وهو فعلا متردد من ثقتها.. كملت وهي تحاول تسحب منه كم كلمة/وبعترف لك انا بعد اعتراف يافهد!!!في شي قوي شدني لك من اول مرة شفتك فيها بالبيت عندكم!!!صورتك ظلت في بالي وماغابت عني لين شفتك بعدها بالمزرعة وكل مااحاول اشيل صورتك من فكري الاقيها تعشعش فيني اكثر واكثر,,, فهد/نجود... نجود بلامبالاة/مايهمني اللي بتقوله!!!ولاابي اسمعه...ابيك تعرف شي واح بس عن نجود....انا ماعمري ضحكت بوجه احد مااحبه!!ولااخذت وعطيت بالكلام مع احد وانا مو مقتنعة !!! فهد/................انا متزوج وعندي عيال.... نجود/............................ فهد/..................... نجود باستفهام/طيب وش تسوي معي هنا يوم انك متزوج وعندك عيال!!!!!!! فهد ناظرها بقوة وهي تناظره بتحدي وقال بتردد مايناسب شخصيته/فيك ثقة بنفسك كنت ادور عليها من زمان!!!!!!! /////////////////////////////////////////////////////////////اليوم الثاني,,,, بالمدرسة,,,, ملاك/صباح الورد والفل والياسمين على احلى ابلة نجود بالعالم,, نجود/مشاءالله هذا كله علشاني ورد وفل وياسمين,,,وش عندك بعد!!! ملاك/وش ماتبين؟ نجود كانت تمشي وهي بتروح لغرفة المعلمات وعندها كيس دلة القهوة وكتبها بيدها.. ملاك/عنك جيبيهم,, نجود/شكرا ماله داعي..... ملاك/لو هي الجازي كان ماعرضت خدماتها عليك وانتي ناديتيها صح ولالا؟ نجود/وش سالفتك انتي وغيرتك من البنية!!قلت لك قبل البنت اذكى منك وانبه منك واحلى منك بعد !! ملاك بزعل/ليش تتعمدين تقولينها بعد وانتي عارفة انها تقهرني!!! نجود/وانا مالي ومال قهرك ياقلبي!! ملاك/جد انا قلبك؟؟؟ نجود/لاطبعا!!! ملاك/اليوم رايقة ان شاءالله كل يوم كذا!! نجود صورة فهد معها من البارحة مافارقتها وهي اللي مانامت طول الليل,,,, نجود وهي تبتسم لطيف فهد اللي مر في بالها/ان شاءالله..كثري منها هاذي تراني محتاجتها....يالله روحي على الطابور لاتتاخرين مو ناقصة نظرات انا من هنا وهنا!!! (كانت تقصد مها اللي واقفة تناظرهم) ملاك/ماعليك منها جايبة لها اليوم شي بيلهيها عنا !!! نجود/وش ها الاسلوب ياملاك!!! ملاك/ابي اقعد معك واسولف معك لاتقولين لا ربي يخليك؟؟؟ نجود/لاصار عندي وقت فراغ ناديتك... ملاك/مو لازم ناخذ درس اليوم خلنا نسولف وبس!!! نجود بشماتة/ياسلااااااااام!!! //////////////////////////////////////////////////// نجلاء/فهد انت مو رايح المكتب اليوم؟ فهد/لا..حاس اني مانمت البارح زين ومو قادر اركز..عموما مافي شي ضرور ي بالمكتب يستاهل روحتي اليوم؟ نجلاء/وش فيك.... فهد بشرود/مدري مانمت طول الليل....في شي متغير علي!!! نجلاء/وش اللي متغير ياحسرة!!!الا قول هذا من الكبر ومايسوي فيك!!!!! فهد/........................... نجلاء/المهم انا اليوم معزومة في بيت الراهي ومدامك هنا خل العيال عندك....بطلع اغير جو من مقابلهم طول اليوم؟ فهد/..................... نجلاء./صحيح ماقلت لي سالم وش سوى مع مرته!! فهد بضيق/طلقها!! نجلاءبشماتة/لا..ياحرام ..اجل راحت هيبتها وجبروتها بنت الفالح!!!هاذي اللي كانت شايفة الدنيا من فوق راسها ..زين سوى يوم طلقها خل ترجع لااصلها ولبيت اهلها وتعرف ان عياال الاكابر بس اللي يظلون اما عيال الفقر امثالها مصيرهم يردون لتربتهم!!!!ياحرام شرعك اللهم ولااعتراض بعد شنسوي!!!!!!!!!!! فهد كان يناظرها وهو مو داري كيف كان متحملها طول السنين اللي فاتت!!! يمكن لانه كان يقضي طول يومها بالمكتب ومايرجع الا وقت النوم فقعداتهم كانت مع بعض قليلة!!!ويمكن لانه ماعرف نجود من قبل ولا وحدة تشابهها وبنفس شخصيتها وتتحداه وترد عليه الكلمة بعشر!!!!ويمكن ويمكن ويمكن!!!بس الشي اللي ظل في بالها كلمة نجلاء وهي ترن باذنه(هذا الكبر ومايسوي!!!) لهدرجة انت كبير يافهد؟؟؟؟بتدخل الخمس والاربعين سنة.....اي خمس واربعين مو خمس وستين!!!! حس بضيق ماله حدود واخذ جواله وطلع عند البركة يكلم نجود وهو متمني ترد عليه مثل ماوعدته البارح..... دق عليها مرتين وعطته بيزي وبعدها هي دقت عليه..... ///////////////////////////////////////////////// فتحت عينها وريحة ورد محمدي مالية انفها ..وشوي شوي قدرت تستوعب.. كان بندر جنبها وهو رامي عليها ورد كثير..... جواهر بثقل ونعس/صباح الخير... بندر بحب وهمس/الا قولي ضهر الخير!!الساعة داخلة على الاثنعشر اللحين!!بس تدرين صباح الحب ياحبي!!! تقرب منها وباس جبينها... جواهر بثقل/انت مو طلعت الساعة سبع الصبح مداك نمت وقعدت!! بندر/طبعا...تعرفين اني لازم استغل كل لحظة وانا جنبك وماافوتها علي!! جواهر/يابعد قلبي يابندر...عسى ربي مايحرمني منك ولايغير علينا!!! بندر انسدح جنبها/يالله قومي خلصينا علشان نطلع نتغذى انا عازمك برة!! جواهر/هههه عازمني وجاي رامي حالك بتنام !!!وش ها العزومة حقت البخيلين!!!!! بندر/هههه شسوي فيك مو راضية تقومين؟ جواهر/يالله عطيني ساعة وبكون جاهزة.. بندر حط المخدة فوق راسه وقال لها بنعس/معناته اذا خلصتي صحيني من نومي؟ ///////////////////////////////////////////////// طلعت برى غرفة المعلمات ودقت على فهد... نجود/هلا.. فهد/هلا.. نجود/معليش كنت مشغولة وماقدرت اكلمك... فهد/اممممم... نجود/شكلك متضايق؟ فهد/يعني... نجود/قول شفيك... فهد بثقل/ولاشي... نجود/مايصير ولاشي انت مادقيت الا وانت فيك شي فلا تسوي لي فيها ثقل لو تكرمت!! فهد/قلت لك ولاشي خلاص,,, نجود/طيب انت بالمكتب؟ فهد/لا... نجود/وينك اجل؟ فهد/بالبيت مارحت المكتب اليوم؟ نجود بخبث/معناته نجلاء في السالفة..قول وش قايلة لك؟ فهد بانفعال/انا كبرت يانجود!!!! نجود/طبعا لا.... فهد/وليش تقولي اني كبرت!!! نجود/فهد ياقلبي انت من متى ياثر فيك كلام نجلاء ولا غيرها!!! فهد بتردد/قلبك!!!!منو قلبك؟؟؟؟ //////////////////////////////////////////////// في بيت السبيعي..... ام بندر/قوموا ساعدوني بالمطبخ؟ هنوف/وانا غايبة علشان تخدموني!!!! ام بندر/قوموا يالله بلا كسل انتي وياها.. مضاوي ببرود معتاد/ليش تبين ندخل معك المطبخ؟ ام بندر/الليلة بندر بيجيب جواهر تتعشى معنا... هنوف/حلو حلو..صارت عندنا مرة اخو تزورنا..حركات يعني؟ ام بندر/قومي بلا لغوة يافالحة؟ مضاوي/وينه بندر يمه ماشفته؟ ام بندر/طلع يتغذى مع مرته .. هنوف بحسد/ول غذى وعشى بيوم واحد هذا بينفجرون من زود الاكل!!! ام بندر/صلي على النبي يمه من عيونك!!!! مضاوي/الف صلي وسلم عليك يانبينا يامحمد... هنوف/وش فيكم..انا وش قايلة عاد؟؟؟؟المهم خلوني اخطط اللحين اسوي فيهم كم مقلب وكم حركة لعينة ...ما لازم اخلي الامور تسير على مايرام بينهم!!!! ام بندر/انا لو بس ربي يفكني منك كان انا بخير... مضاوي/أي والله صدقتي يمه... هنوف/شلون يعني؟ ام بندر/يعني لو اشوف واحد يمشي با الشارع بناديه وبزوجك اياها ببلاش وافتك منك ومن لسانك!!! هنوف/ول ول ول !!!! ///////////////////////////////////////// بالفصل كانت الابلة تشرح وملاك تسولف بجوالها وماهي داقة خبر... ملاك/تصدقين عاد يامشاعل اليوم صايرة مو طببيعية رغم اني احبها وهي متضايقة بس اليوم ششكلها مبسوطة ومتونسة على الاخر مدري شعندها؟؟أي....مثل ماقلت لك..... البنات نص يطالعون بالابلة اللي لاحول ولاقوة ونص يسمعون مكالمة ملاك بالتلفون.... وهي عاطية الابلة اكبر طاف وماخذة راحتها...ومداها الحصة تنتهي وتطلع الابلة وتدخل اللي بعدها وهي على سوالفها....وطاولتها ملايانة دونات وشوكلاتات وعصيرات وكانها بمطعم وشلتها معها (مزنة وشمايل)وكانت يد مزنة ممتدة بتاخذ دونات وفجاة وقفت... لفت لها شمايل وناظرت بالمكان اللي تطالع فيه مزنة....ووقفت هي بعد... ملاك وهي تكلم/شفيكم؟أي مشاعل معك...لا اكلم مزنة وشمايل ...ها........... نجود بصراخ/شنو هذا؟؟؟؟ ملاك سكرت جوالها بسرعة وسكتت... نجود/سالتكم شنو هذا؟؟؟؟؟؟؟؟ ساد الفصل كله سكون...... نجود/شيلوا نعمة الله وطلعوا ماابيكم بحصتي!!!!لسه الفسحة منتهية من قبل حصتين بس مداكم جعتوا!!!!! ملاك/اسفة.. نجود باصرار/طلعوا برى؟؟؟؟ ملاك/اخر مرة؟مافكرت ان حصتك بدت فكرت لسه بالحصة اللي قبلها؟؟ نجود/ياسلام يعني الحصة اللي قبلها مالها احترامها ؟؟؟؟ ملاك/؟؟؟؟؟؟؟؟؟؟؟ نجود/لاتاخروني عن الدرس وطلعوا برى بسرعة؟ ومشت عنهم للسبورة وناظروا في بعض وطلعوا.... برى الفصل.. ملاك/اوووف وابي اصير عندها مثل الجازي؟؟الطل بعيني؟؟؟ مزنة/يو اريح منها ومن وجع راسها؟؟ ملاك/سكتي انتي واللي يعافيك بس!!!! شمايل/انا عن نفسي باخذ نقاهة من حصتها.. مزنة/مو المشكلة بكرة اول ناس بتقومون وتسالنا عن درس اليوم... ملاك/اوووووووووووووف //////////////////////////////////////////// مشاري/لمياء.. مريم/ماما نايمة.. مشاري/نايمة لها الحزة عاد!!!! دخل المطبخ وكان مثل ماطلع منه الصباح ومافي الصالة غير شيبسات مرمية هنا وهناك من مريومة.. راح غرفة النوم ولقاها ظلمة فتح الابجورة اللي جنب لمياء وتقرب منها.. مشاري بهمس/لمياء...حبيبتي.. لمياء كانت مغمضة عيونها وهي قاعدة اصلا.. مشاري بنفس الهمس/وش فيك ياقلبي؟؟؟منتي طبيعية؟ لمياء بزعل/تعبانة شوي.. مشاري/عسى التعب فيني ولافيك يابعد طوايفي...قوليلي شلي يالمك ياقلبي!! لمياء لفت وجهها الجهة الثانية/لاتشغل بالك متضايقة شوي...ومصدعة اذا نمت بيروح التعب.... مشاري/صار لك ثلاثة ايام على ها الحال ياعمري..قومي خل نروح المستشفى... لمياء/ماله داعي ماابي اروح.. مشاري انسدح جنبها ومسح على شعرها وقال بمرح/لايكون بس حامل وحاسة انك بتجيبين لي بنت وبسميها شيخة على اسم امي علشان كذا انتي مزعلة عمرك!!!! تفاجاء ا نها لفت عنه للجهة الثانية وقالت بحدة/لا مو حامل!!!! مشاري/لمياء صارحيني وش فيك؟ لمياء بضيق/ولاشي يامشاري خلاص لاتصير حنان!!!بكبري راسي يوجعني؟؟ مريم/ماما انا جوعانة.... لمياء/عطها أي شي تاكله؟ مشاري/لبسي الجزمة يالله يابابا بنروح نجيب لنا غذى...وش حابة تاكلين ياعمري... لمياء بضيق/ولاشي مالي خلق شي.... هذا كان حال لمياء من شافت علي يوم الاربعاء..لا ليلها ليل ولا نهارها نهار..... شوفة الحزن والزعل بعيونه خلوها تراجع حساباتها..علي للحين باقي على حبها مثل ماقال لها!!!وللحين يفكر فيها...... وها الشي تاعبها حيييييل وماهي قادرة حتى تتكلم مع مشاري.... رغم انها شافته دقايق بس عند الباب بس حاسة بشي مو طبيعي قاعد يحرك حياتها ويسيرها وخارج عن سيطرتها..... //////////////////////////////////////////////// في المطعم الهندي بالخبر.... بندر/كلي زين ابيك تتقوين.. جواهر/بزر انا علشان اتقوى؟ بندر/طبعا ؟؟انتي عندك شك!!!بالنسبة لي بتظلين طفلتي المدللة حتى لو جبنا عشر عيال وزوجناهم!!! جواهر/بندر تذكر يوم نسافر الشام واحنا صغار...يوم نروح لبيت العظم وتقعد تخوفني انا ونجود وعبير ولبنى وتقول انهم بيطلعون لكم الليل علشانكم بنات.. بندر بحب/أي اذكر..لاتقولين حبيتيني من ذاك اليوم؟؟هههههبعدنا صغار؟ جواهر/لا وش حبيتك انت بعد!!!الا قول صرت اتراجف من احد يجيب طاري بندر واموت من القهر لو قالوا بندر خل عينك على البنات لايضيعون..ونتافف منك انا ونجود نقول ليش مايجيبون معنا ناصر لو علي ابرك من بندر اللي شاطر بس بتخويفنا..... بندر/شسوي فيكم انعل قلبي منكم قلت مالي الا اخوفكم دايم ناشبيلي ومخليني الحارس الامين عليكم!! جواهر/يالله يالله عن الكذب عاد يابندر!!اصلا انت اللي ماتبي تلعب مع الاولاد ودايم لازق حالك فينا!!! بندر/هو انتي ماتدرين وش السالفة انا كنت ابي ادرس شخصيتك من الصغر وافهمها زين!! جواهر/لاوالله!!! بندر/ههههه المهم ماعلينا ياقلبي انتي للحين خايفة من بيت العظم اللي بالشام؟ جواهر/ليش تسال؟ بندر قام من كرسيه وقعد جنبه واخذها بحضنه وهمس باذنها/علشان اضمك اذا لساتك خايفة منه!!! جواهر بهمس/بندر تعقل وبطل جنون احنا بالمطعم؟؟؟ //////////////////////////////////////////////////////// كان قاعد وهو حايس بعمره مع بنته وشاغلة زوجته تفكيره!!!! ياترى وش اللي فيك يالمياء؟ وش اللي شاغلك ومتعبك ياقلبي!!! هاذي اول مرة تكون نفسيتها كذا من تزوجنا؟؟حتى يوم حملت ماصارت كذا!! معقولة اهلها فيهم شي وماهي حابة تقولي وتضايقني!!بس احنا يوم نزلنا لهم خميس وجمعة كانوا طبيعين ومافيهم شي وهي اللي كانت تعبانة ومتضايقة حتى انهم استغربوا تعبها!!! ياترى وش اللي قاعدة تفكرين فيه يالمياء وشاغل بالك ومتعبك ومتعبني معك ياعمري!!!!! ****************وفي نفس الوقت لمياء كانت افكارها ماخذتها لبعيد... علي يامشاري علي,,,,علي اللي من شفته حسيت بشي يزلزني !!!ليش مدري؟؟؟ صدقني اني مو قاوية افكر بشي ولاحتى بنتي!!! نظراته وكلامه ودموعه مدري وش سوت فيني!! مشاري صقني انا تزوجتك وقطعت كل عرق بعلي وماشفته ولا عرفت عنه أي شي غير قبل يومين بس!!! انا ماخنتك صدقني وعارفة ان تفكيري بعلي هو اكبر خيانة؟؟؟ بس وحياتك صوته وصورته هم اللش معششين براسي ومو تاركيني ارتاح !!!مدري وش صاير فيني ورجع لي ذكرياتي معه من زمان...مكالماتنا وهمساتنا وذكرياتنا,,,,تعاهدنا على الحب وماوفيت له وتركته وتزوجتك ,,,بس هو شلي صار له ياترى وشلون ذكرني بسرعة كذا وماكاني غبت عن باله دقيقة وحدةّّّّ!!!الفضول ذابحني وابي اعرف عنه كل شي وعن حياته كيف عايشها وهل...هل نساني لو بعده ذاكرني!!!!!!!!!!!!! ///////////////////////////////////////////////////////////رجعت من المدرسة وكل تفكيرها كان بفهد!! اللي ماراح اليوم المكتب وقاعد مع نجلاء بالبيت ومضيق خلقه معاها!!!! تبي تواسيه وتهديه بس شلون ماهي قادرة,,,تكلموا مع بعض بالتلفون اكثر من ساعة وحست انه هدى شوي عن اول ماكلمها وخفت عصبيته بس ظل بالها مشغول فيه وكانها مسئول عنه!! الله يسامحك يافهد شاغل لي افكاري ومتعبني!!! انتبهت على باب غرفتها يندق افتحت الباب وكانت المفاجاْة؟؟؟؟؟ ******************************** | ||||
|
| |
|
16-06-13, 07:19 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ---البارت التاسع عشر--- ******************************** فتحت نجود الباب ووقفت متفاجئة من الشخص اللي جاي يزورها,, نجود بذهول/ملاك!!!! ملاك كانت واقفة ووراها شغالتها حاملة صينية فيها صحون مغلفة.. ملاك بتردد/عارفة اني مااخذت اذن منك قبل جيتي,,,بس قلت يمكن انك ماتغذيت والاكيد ان ماعندك وقت تطبخين لك شي وفكرت اني ادز لك اليوم غذاك؟ نجود بصرامة/منو قال لك اني اسكن هنا؟؟وممكن اعرف سبب زيارتك الكريمة المفاجئة؟؟؟؟ ملاك /انا بنت ماجد الفايز ياابلة نجود مايخفي علي شي!! نجود بحدة/يتراواللي اني ابلتك وهذا يعني انه تظل حدود بينا!!! ملاك/............. نجود/طيب..تفضلي...مو من عادتي ماادخل احد مكاني لو وين اكون؟ ملاك/لا انا جايبة لك الغذى وبمشي ...عساه صحة وهنا على قلبك... نجود بحدة/ادخلي... ///////////////////////////////////////////////////////// كانوا قاعدين على سفرة الاكل وماغير فيصل اللي يسولف.... اما فهد كان بمعظم الاحيان شارد.. فيصل/بابا؟؟ فهد انتبه له/نعم يابابا ليش تصارخ كذا!!!انا اسمعك؟ فيصل/لو تسمعني كان رديت علي!!انا من زمان اكلمك؟ فهد/خير وش بغيت؟ فيصل بفتنة/شوف سارة جايبة لها بيبسي تشربه مع الاكل!!!! سارة/ووجعة اللي توجعك ان شاءالله!! فهد بعصبية/قومي ضربيه بعد!!!!! سارة/هو فتان وانت قايل ها الشي عيب يعني المفروض اني اضربه علشان يتادب؟؟ فهد/والله!!واحنا وين رحنا ياسارة!!اذا انتي اللي بتادبينه وبتعلمينه!!! نجلاء/خلاص فكوها عاد كملي اكلك وروحي لدروسك وانت كمل اكلك يالله بسرعة لاتقعد لي بس فلان سوا وفلان سوا؟ فيصل/لاتصارخين علي!! نجلاء/حبيبي انا ماصارخت انا اكلمك بهدوء بس يالله خلصني الكوافيرة بتجي بعد شوي ,, لمى/ماما وين بتروحين؟ نجلاء/انا معزومة الليلة في بيت الراهي.... لمى/خذيني معك.. نجلاء/لا ياماما عندك مدرسة بكرة لو كانت ليلة خميس معليش... سارة/انتوا وش تحبون في ها العزايم!!! لمى/نشوف الناس.... سارة/سكتي واللي يعافيك انتي اصلا متخلفة وماحد طلب رايك؟ فهد بصراخ/ووجع ان شاءالله!!! سارة/............. فهد/كم مرة قايل لك تتعاملين مع اختك باسلوب ثاني غير هذا!!!! نجلاء/فهد؟؟؟؟ فهد بعصبية/اسمي بوفيصل !!!قالها والشرر يتطاير من عيونه وقام من كرسيه وراح لمكتبه... ///////////////////////////////////////////////////////////عبير بهدوء/انت ماخذ اجازة؟ علي بحدة/وانتي ليش تسالين؟ عبير/عشانك بالبيت من اربعة ايام ومارحت الدوام.. علي/يضرك شي لو كنت اجازة ولالا؟ عبير بحسرة/ماهو ضارني بس عمي سالني وماعرفت شقوله؟ علي/...................... عبير/.................... علي/................ عبير/................. علي/............... عبير قطعت الصمت/ممكن الليلة اتعشى في بيت اهلي بندر بيجيب جواهر وبتتعشى معنا واذا ماعندك مانع بروح بعد شوي بساعدهم.. علي بلامبالاة /روحي... قامت من السفرة وهي ترفع الصحون ووقفت يوم قال لها بلا اهتمام وهو قايم وعاطيها ضهره/واذا تبين تنامين هناك نامي ماهي فارقة معي!!!! كانت تداري دموعها لاينزلون..تعودت على جرحه وها الشي مو مضايقها بس ماتبيه يشوف دموعها...لا مستحيل يشوف دموعها ولا انكسارها....ماراح تذل نفسها لعلي اكثر من كذا...بس الضغط اللي قاعدة تحس فيه فاق كل شي؟؟ماهي قادرة حاسة انها بين أي لحظة والثانية بتنفجر!! معقولة سنتين كاملين وهي عايشة على ها المنوال وللحين مامتت من الهم وضيقة الخلق!!!!! /////////////////////////////////////////////////////////////قعدوا قبال بعض.... نجود/أي تفضلي قولي اللي عندك انا اسمعك.... ملاك/.................... نجود/شفيك؟ ملاك/ولا شي حرام اني اناظر فيك؟ نجود/لا مو حرام بس انتي تختمين علشان اصير بكرة رواية الدرسة؟ ملاك/حرام عليك انا مو كذا !!! نجود/امممم منو طابخه ا الاكل انتي؟ ملاك بفرح/امي الحبيبة... نجود/الله يخليها لك انتي وحيدتها؟ ملاك بحزن/ها..لا...عندي رائد..ورياض .. نجود/شفيك؟ بانوا دمعتين بعيون ملاك بس اخفتها بقوة/ولاشي...ابلة نجود انا اسفة على اللي صار اليوم بالمدرسة؟ نجود باهتمام/ملاك وش سالفتك انتي؟؟؟لامبالاتك ولااهتمامك بالاخرين وتعنصرك بابوك دايما وش اسبابه ياترى!! ملاك/ولاشي.. نجود/بلى...مافي انسان طبيعي يحب انه يكون مكروه من قبل الاخرين صح ولالا؟ ملاك بحزن/انتي تكرهيني؟ نجود بثقة/من جيت وانا دايم اسمع لاتقربونها بنت الفايز !!ليش؟؟؟ليش متلحفة ورى اسم ابوك؟؟ليش ماتعيشين مثل باقي الناس بطبيعتك وعلى سجيتك... ملاك/........ نجود/كلنا عندنا اهل نحبهم ونفتخر فيهم ونرفع راسنا بيهم...بس نظل عايشين بطبيعتنا واخلاقنا.... ملاك/.............. نجود/كل فتاة بابيها معجبة وماعلينا فيها خلاف!!بس ليش ياترى...ليش تعيشين والناس حوالينك تهاب من الشي اللي انتي بتسوينه ..ليش مايعرفون ملاك على حقيقتها ملاك بخوف/مستحيل!!! نجود/وش اللي مستحيل ياملاك.....لعلمك انتي داخلك قلب بري وحلو وابيض .. ملاك بشفافية/موصحيح؟ نجود/بلى انا اعرف الناس من عيونهم ياملاك.... ملاك/يعني انتي تعرفيني؟ نجود بثقة/أي وادري انك تموتين على التراب اللي امشي عليه بعد!!!ماتشوفيني دايم احقرك؟ ملاك بحساسية/يعني تعرفين اني احبك ومع ذلك تتعمدين تطنشيني؟ نجود/أي اعرف...لعلمك حتى الجازي تحبني بس هي تحبني بثقل وماتبين ها الشي..انتي تحبيني بخبال وجنون وكل اللي حوالينك يعرفون ها الشي...انا طبيعتي ماارمي نفسي على الناس اللي تبيني ...عندي اخوان اثنين عسى الله يحفظهم ان شاءالله ويحفظ شبابهم... ملاك/ان شاءالله.. نجود/الا ول مايدري عني عايشة لو ميتة!!والثاني مايتركني دقيقة ولايترك يوم يمر بدون مايسال عني!!!! ملاك/واكيد انك تحبين الاول وتركضين وراه رغم انه مطنشك وتاركة الثاني اللي يحبك؟ نجود/بالضبط؟ ملاك/اممم معناته من بكرة بطنشك علشان تدورين علي!! نجود/ههه حلوة ذي والله انها مابتصير... ///////////////////////////////////////////////////////// بندر/الراشد ولا الضهران... جواهر/امممممم بكيفك... بندر/يالله نروح الراشد من زمان مارحناه؟ جواهر/لالالالاغيرت راي الراشد كله بنات برزهم يتمشون نروح الضهران؟ بندر/هههههه صدق مجنونة.. جواهر/مجنونة مجنونة ولاتطير مني ياعمري!!! بندر مسك يدها/اللحين قلبي وساكن بقلبك وروحي ومتعلقة في روحك ويديني وماسكة يدينك !!ماتقوليلي شلون بطير عنك ياعمري!! جواهر/مدري .... وصلوا الضهران ونزلوا يتمشون.. بندر/لازم تنزلين الاكل اللي اكلتيه وتمشين لين تطلع روحك؟ جواهر/حشى وين الرومنسية راحت!! بندر/ههه امي دقت علي وقالت لي اوديك تتعشين هناك كاهي مع خواتي يجهزون لك الاكل...عشان كذا بدور راسك رايحين جايين بها المجمع.. جواهر/ياسلام عليك!! بندر بجنون/اقول جواهر وش رايك مدام المجمع لسه فاضي مو زحمة نسوي سباق انا وانتي!!! جواهر/تدري انك اذا تكلمت كذا احس اني قاعدة مع اختك هنوف!!! بندر/ههههههههه جواهر/اعقل بس اعقل !!قال لي اتسابق معه بالمجمع؟ وقفوا عند كشك يبيع اكسوارات..وقامت تقولب في السلاسل المعروضة.. بندر/ماتعرفون تتمشون بس!!لازم توقفون عند شي؟ جواهر حقرته وقالت للبايع وهي رافعة نوع من السلاسل/في عندك اسم بندر؟ البايع/أي موجود بغيتيه!! جواهر وهي تناظر في بندر بحب/أي... البايع/تبين الفضي ولا الذهبي؟ جواهر/فضي.. بندر/ذهبي.. جواهر/لا الفضي احلى؟ بندر/وانا اقول الذهبي احلى؟ البايع/في شكل بيجي نص ذهبي ونص فضي حابين تشوفونه؟ بندر/كذا احسن لالي ولا لك نص نص... جواهر/أي بس انا ابيها وانا اللي بلبسها؟ بندر/طيب لانشوف... بندر يكلم البايع/عطيني وحدة فيها اسم جواهر.... جواهر بهمس/وش له التقليد بعد!!لاتقول بتلبسها؟ بندر بنفس الهمس/بدورلي مكان احطها فيه واشوف اسمك قبالي دايم,,,, و غمز لها بعيونه ///////////////////////////////////////////////////////////في بيت الفارس.. ام مشاري/هلا وغلا بمريومة قلبي شلونك يمه... مريم/طيبة.. ام مشاري ياجعلك دوم طيبة ومرتاحة ياامي ...وشلون الماما ليش ماجبتيها معك.. مريم/مدري يمكن نايمة.... ام مشاري لفت على مشاري اللي كان ساكت/وش فيك يايمه,,, مشاري بهدوء مايناسبه ومو متعودين يشوفونه فيه/ولا شي يمه سلامتك. ام مشاري بشوية قلق/شلون مافيك شي يمه....طيب وينها لمياء ماجت معك؟ مشاري تنهد/تعبانة شوي وقلت اجيب مريومة هنا لاتزعجها.. ام مشاري/خير يمه فيها شي؟ مشاري ناظرها وهو محتاروقال باسى/والله مدري يمه عن اللي فيها...بس صار لها كم يوم ماهي على طبيعتها ابدا واحس ان في شي مضايقها ومكدر خاطرها... ام مشاري بخوف/شي مثل شنو؟ مشاري بحسرة/بس لو اعرف يمه....كان سويته وريحتها وريحت نفسي بس ساكتة ماهي راضية تتكلم؟؟؟ ////////////////////////////////////////////////// بعد المغرب ركبت هنوف غرفتها تبدل ثيابها علشان تقعد مع بندر وخطيبته اللي جايين بالطريق وفتحت دولابها تطلع لها ثياب وشالت ثوب ناصر اللي كانت ماخذته منه ورقصت فيه ومخبيته بدرج لحاله... اخذت الثوب وراحت لعندر فراشه وقعدت عليه...كانت تتامل الثوب وكانها تتامل ناصر فيه.... وكل ماتراْت لها صورة ناصر ضمت الثوب لصدرها بقوة وكانها خايفة يروح طيفه عن خيالها وبالهاّّ,,,اه ياناصر اه...اه ياولد عمي الغالي...ياليتك بس تحس بها القلب اللي من وعى على الدنيا وهو مايشوف غيرك...ومايتنفس الا حبك وهواك....عسى ربي يحميك من كل شر وبلية,,,, خبت الثوب في مكانه مرة ثانية علشان لاتتاخر ولبست ونزلت تستقبل بندر وجواهر اللي كانت ناوية لها على نية.... /////////////////////////////////////////////////////// طلعت ملاك بعد الصلاة بعد ماظلوا طول العصر يسولفون مع بعض.... واول ماطلعت مسكت جوالها وارسلت لفهد اللي كان بالها مشغول عليه(بعدك متضايق) ماجاها رد لفترة طويلة وحست انه ماراح يرد عليها بس بعد فوق الثلث ساعة عطاها مسج(أي لساتني متضايق) رسلت له بسرعة(ممكن اكلمك) ماتدري ليش قاعدة تقحم نفسها بحياته وتركض وراه؟؟؟شي غريب اللي تحسه ناحية فهد...معقولة حب؟؟؟؟وهل صحيح ان الحب مايعترف بعمر محدد!!!!اذا كان صحيح معناته احساسها وشعورها ناحية فهد مية بالمية هي حب,,كانت خايفة من البداية من ها الفكرة بس كل ماسمعت صوت فهد تعلقت فيه اكثر واكثر وحست ان الشخص المناسب عشان تتعايش معه ويتاقلم مع شخصيتها,,,قطع عليها افكارها صوت اتصال فهد ردت بكل لهفة وماقدرت تخفيها/هلا وش لونك اللحين؟.. فهد بتعب/طيب... نجود باسى/مو مبين!!!! فهد/اه نجود/نمت؟ فهد/ريحت شوي... نجود/تغذيت...اكلت لك شي... فهد/والله قعدنا على السفرة بس سدوا نفسي عن كل شي.. نجود/لامايصير كذا تعب ومافي اكل ماينفع اضغط على نفسك وطنش كل شي وراك..... فهد/............................. نجود/طيب ليش ماتروح المزرعة تغير جو يافهد؟ فهد بتدد/المزرعة!! نجود بتاييد/أي المزرعة,,,,عندك ها المكان الجناوي اللي يرد الروح وانت حاس نفسك متضايق ومهموم وماتروح!!! فهد/تصدقين ماجت على بالي رغم اني دايم اروح هناك...... نجود/فهد روح تكفى.... فهد/ليش؟؟ نجود بارتباك/روح ابيك تروح....وتبتعد عن الجو اللي خانقك بالبيت!!!! //////////////////////////////////////////////////////// مصعب/سلام ياعسل.. فوزية/هلا وغلا.. مصعب/اقول فوزية وش رايك ناخذ لنا فرتين بالسيارة ؟ فوزية/ودي ياقلبي يااخوي بس مااقدر امي مو هنا طلعت وماقدر اترك الجازي بروحها؟ مصعب/اممم بس الجازي مو مشكلة تجي معنا محنا مطولين احنا... فوزية/رايك كذا!! مصعب بحماس/أي يالله انا انتظركم بالسيارة..... //////////////////////////////////////////////////////// علي كان قاعد بروحه وبضيقه بها الشقة اللي يوم ورى الثاني تخنقه اكثر واكثر,,, حياته كلها جايبة له الهم والغم,,,, شي واحد بس قاعد يشغل تفكيره اللحين,,لمياء!!!كيف وصت البيت؟؟؟ولمنو كانت جاية؟؟؟أي هذا اللي لازم يعرفه لمنو هي كانت جاية؟؟؟؟اذا عرف ها الشي بيوديه لااول شعرة توصله لمياء من جديد وبيعرف عنها كل اللي يبي يعرفه؟؟بس كيف ابتدي واسالهم.... حيرة والله حيرة... شيلها من بالك ياعلي تراها وهم وخيال!!قال ها الكلمة وفتح عينه على وسعها وهو يفكر بكلمة وهم وخيال,,معقولة لمياء ماجت البيت!!واللي شفته كان وهم وخيال ولمياء محد!!!معقولة كثر تفكيري خلاني اشوفها بالبيت واكلمها وهي مو موجودة اصلا!! حس لحظتها بالجنون وصار يفتح عينه ويسكره وهو مو داري بشنو يفكر بالوهم ولا الحقيقة؟؟؟؟ /////////////////////////////////////////////////////// ام بندر/حيا الله امل المستقبل.... جواهر/الله يسلمك ياخالتي.. عبير/واخيرا بنفرح في بندر.. لبنى/وانتي الصادقة بنقدر نمسك عليه شي؟؟ جواهر/ها بتقلبون عليه..ترى ماارضى عليه؟ بندر نفخ ريشه على الاخر وحوط ذراعينه عليها وقال/سمعتوا وراي وحدة ماترضى علي!! هنوف/بسم الله ليلتين من خطبتوا وصرتي ماترضين عليه!!!يامشاءالله بسرعة يتطور الزمن!!! بندر ولبنى وجواهر وعبير/ههههههه ام بندر/وانتي وش عليك ...خلك كذا يمه جواهر ماعليك منها لايهمك شي غير ولدي!! جواهر/بعيوني ياخالتي ولايهمك لاتوصيني عليه!! ام بندر/عسى الله يهنيكم ويفتح بينكم ابواب الخير والصلاح.. عبير/امين يارب.... مضاوي/يمه تلفون خالتي ام سعد تبيك ام بندر/يالله جاية.. وقامت ام بندر وقاموا يسولفون مع بعض وراحت الهنوف ورجعت لعند جواهر وهي حاطة لها صندوق قدامها.. جواهر باندهاش/شنو هذا!!! هنوف بخبث/افتحيه!! مسكته جواهر وبندر يردد النظر بينها وبين اخته وهو عارف اخته حق مقالب وشرانية/فتحته وصرخت صرخة ومسكت كتف بندر وتخبت وراه.. جواهر/يمه يمه يمه.. بندر/وش جايبة عساك البلى!! هنوف/هههه هدية بسيطة....اوه ه ه تذكرت اللحين انك تخافين من الصوص!!عاد تصدقين متعنية ورايحة اشتري لك بس يالله مو مشكلة؟؟؟ جواهر بقهر/الا متعمدة لانك عارفة اني اكرههم من صغري!! هنوف/ههههههههه بندر/قومي شيليه لااتوطى في بطنك!! هنوف وقفت وبيدها الصندوق/زين هههههه لبنى/وبطريقك جيبي لها كاس موية.. هنوف بفرح/عز الطلب من عيوني والله.... عبير/يتراواللي عارفتها انتي مو توك؟؟ جواهر بابتسامة/متى بتعقل؟؟ لبنى/لا العقل اللي عندها ترحمنا عليه من زمان!!! هنوف/تفضلي يالغالية..احلى كاسة ماي لعيونك الحلويين ياغالية يازوجة الغالي... جواهر بشك/مو مصدقة كلامك بس بوطي نفسي لك وبشوف وش اخرتها.. اخذت كاس الماي تشرب وماكان الكاس شفاف وتوها بتقربه من فمها الا دفته بعيد وصرخت بعد وهنوف ماتت ضحك.. جواهر/انتي وش سالفتك معي بالله!!! بندر/هنوفوا عقلي لاصدقيني بتشوفين؟؟؟ هنوف/ههههه تصدقين هذا الكاس من زمان شاريته من العاب وعجائب وانتظر اني اسوي مقلب في احد بس مو لاقية وجيتي انتي على الطلب وبعز الطلب!! كان الكاس لعبة وكان فيه موية ومن فوقه اذا تنكس تبان جثة صرصور كبير..... جواهر/مو قاعدة يابندر صدقني مو قاعدة... هنوف/ههههههههههههههههههه لبنى/هنوفوا ووجع ان شاءالله عقلي سديتي نفس البنت عنا !! هنوف/هههههه بندر/حطيها على بالك هاذي عمتك وعمة اللي خلفوك بعد!! هنوف/يعني عمة ابوي بعد!!!طيب اذا هي عمة ابوك كيف تزوجتها بالله!!! بندر/روحي لاادفنك حية روحي!!! //////////////////////////////////////////////////// اخذته رجله على المزرعة مثل ماقالت له نجود...بس كيف سمع كلامها وطاعها مايدري!! حط في باله ان فكرة جيته المزرعة كانت غايبة عن باله واول ماطرت له جا يركض يعني مو لانه تاثر بكلامها وطاعها.... صار يتمشى فيها لين وصل عند البركة وقف بالمكان اللي كانت واقفة فيه اول مرة وتغني,,,, كان يناظر طيفها وهو مغمض عيونه........نجود..ها البنت اللي فيها شي غريب يشدك لها...معقولة مثل ماقال لك سالم انت تحبها!!!! فهد...فهد..فهد... فتح عينه على صوت يناديه وهو متاكد انه جا لحاله لف ولقى طيف نجود واقف..لا هذا مو طيفها بس من كثر ماانت تتخيلها حاس انها موجودة معك.. نجود/فهد شفيك انا هنا ... فهد بتشكيك/نجود.. نجود/أي انا نجود....معقولة ماانتبهت لي وانا دخلت وراك بالمزرعة!! فهد/لا... نجود/يوم كلمتك حسيت انك بتجي سبقتك على هنا وظليت انتظرك تجي ويوم دخلت دخلت وراك..... فهد اكتفى بانه يناظرها بعدين لف لها وقال بتحدي/ماتخافين تجين هنا بروحك وانتي عارفة اني بكون بروحي!!! فاجه صوت نجود القوي والواثق/لا..وليش بخاف بس لانيبنت يافهد!!!لعلمك البنت اذا صانت نفسها ماحد يقدر عليها!!!ووقت اللي تبي تكون عن عشرة رجال فيها تكون عن عشرة رجال ومايمنعها أي شي!! ظل يناظرها وهو يقارن بينها وبين نجلاء في عقله... نجود حطت الاكياس اللي معاها على الطاولة وقالت له/زين سويت يوم انك جيت هنا...بترتاح راحة نفسية وانت بها المكان...تصدق بالله اني حبيته من اول مرة شفته فيها؟؟؟؟ فهد تنهد وعيونه على المزرعة طول بعرض وهي ترتب بالعشى اللي كانت جايبته معهاوقال بحسرة/تصدقين ان ها المزرعة كانت حلم من احلام طفولتي...كان فعلا عندي حلم اني ابنيلي مكان كذا ويوم بنيته اول من حطمني فيه نجلاء!!تتصورين ان الفكرة كلها ماعجبتها وقالت لي استثمر فلوسك بمشروع بدل ماتجمدها لنا بها المكان اللي منت راضي حتى تاجره وتستفيد منه!!!مافهمت ليش انا ابيه ولا.... كان يتكلم بانفعال ونجود تناظره وفجاءة قطع كلامه وناظر فيها وهي تتابعه بعيونها.. نجود/كمل ليش وقفت انا اسمعك!!! فهد/.............. نجود سحبت كرسي وقعدت قبال فهد وحطت رجل ورى الثانية وفتحت لامها وقالت له/هي مافهمت اللي يدور براسك ولا ليش انت تبي ها المكان!!مافهمت ان ها المكان ممكن يكون متنفس لكم وقت اللي تحسون بالضيق!!مافهمت ان ها المكان بيكون له سحر خاص بنفسك وانه بيكون بمثابة ملجا لك بكل وقت....على فكرة اسمح لي اهنيك على ذوقك الراقي كل ركن فيه كان يشع بلمسة فنان حساس ومبدع!!!على ماعرفت انت صممت كل جزء فيه واخترت كل ديكوراته والوانه صح ولالا!!! طنش كلامها النهائي وشدد على كلمة/وانتي كيف فهمتي وعرفتي ونجلاء ماعرفت!!!! تنهدت نجود وسكتتوفهد قال بارصار/كيف...؟ نجود حطت عينها بعينه وقالت له /تعال تعشى انا جايبة لك عشى خفيف ناكله سوا وندردش.. فهد باصرار/مو قبل مااعرف كيف عرفتيّ!!!! نجود بتنهيدة/في ناس تعيش العمر بقربهم سنين وماتحس بش من اللي داخلهم !!وفي ناس تعرفهم بس يومين وتحس بكل اللي يحاولون يخفونه!! فهد بحذر/وش تقصدين؟؟ نجود بتنهيدة/اللي انت حاس فيه يافهد!!! ////////////////////////////////////////////// في شقة مشاري كان بغرفة مريم ينيمها واول مانامت على خير تنفس وكان شال هم عن باله ووقف بيروح غرفتهم ولقى لمياء واقفة.. مشاري ابتسم وقال لها بمرح/لاتخافين قدرت اجتاز اليوم على خير... لمياء بشرود/يعطيك العافية.. مشاري/مسك يدينها وطلعها لبرى الغرفة لايروح تعبه بلاش وتقعد مريم اللي ماصدق انها تنام.. مشاري/اجيب لك شي تاكلينه!!! لمياء/لا... مشاري/بس ماكلتي شي ياحبي اليوم ابدا!! لمياء/معليش مني بجوعانة يامشاري... مشاري/حبيبي ودي اعرف بس اللي مضيق خلقك ومتعبك كذا وصدقيني بريحك وبسوي اللي يريحك!! لمياء/متاكد بتسوي اللي يريحني!!! مشاري تقرب منها/وانتي عندك شك فيها يالقبي!! لمياء بترجي/يعني اذا طلبت منك طلب ماراح تقولي لا وتردني؟ مشاري مسك كتفها/طبعا لا اذا كان ها الشي بيريحك ,,,تعرفين بالدنيا عندي راحتك ياعمري ... لمياء بتردد/مشاري ابي انزل بكرة الشرقية عند اهلي.. مشاري/.......... لمياء/ها شقلت,,, مشاري/لمياء اهلك فيهم شي؟ لمياء/لا..انا ابي اروح هناك واذا جا يوم الاربعاء تعال لنا عادي مثل كل اسبوع.. مشاري/طي بليش؟ليش تبين تتركيني وتروحين؟ لمياء بترجي/مخنوقة من جو الرياض ابي اروح الشرقية وبعدها نرد يوم الجمعة....قول تم يامشاري تكفى...... ////////////////////////////////// نجود صدت بعيونها عن عيونه اللي حست انها تتفرسهاوقالت له وهي تحاول تخفي ارتباكها وتوترها/يالله لايبرد الاكل ترى انا جايبته مخصوص علشانك؟ فهد بنبرة متعالية وفيها شوية احتقار/انا ماطلبت منك تجيبينه؟؟عندي طباخ لو اشتهيت شي بخليه يسويه وعندي سايق بيجيبلي كل اللي اامره فيه؟؟؟ نجود رفعت عيونها وهي مستغربة لهجته بس كل شي ولا احد يتحداها قالت له بقوة/وليش تكلمني بذي الطريقة؟؟؟ فهد/ولاشي..هذا اسلوبي.. نجود/طيب وينها نجلاء عنك ؟؟مو انت تعبان !!ما المفروض انك تكون بين ذراعنها وتحتويك؟؟؟وينها!!!! ظلوا يناظرون بعض ثواني وهو حاس بقهر وبغصة وانها قاعدة تتشمت بس بنفس الوقت حس انه جرح كبرياءها لان نظراته تبدلت مرة وحدة... وقفت وقالت بلهجة امرة /ياليت تاكل العشى وماتنام بجوعك مايصح تنام بجوعك بيسبب لك قرحة بالمعدة بعدين!!اي هذا عصير ليمون بالنعناع اشربه انا مسويته لك بنفسي هذا يهدي الاعصاب بس موتشربه وتنام!!اشربه وامشي شوي.... صار يناظر بطيفها وسرابها اللي مشى وتركه بروحه... كان يبيها تكون موجودة بس كلمة منه هدت كل شي... يوم شافها ارتاح وحس انه قاعد يسولف بطبيعته بس ليش تركها تتضايق وتروح!! معقولة نجود ها الجبل الصامد ينهز!!!بس ابتسم وهو يتذكر كيف كان شكلها بعد مازعلت احلى بكثير من وهي فرحانة ياليت تظل زعلانة على طول كذا !!فيها شي يجنن وهي زعلانة..شي مو طبيعي ابدا!! //////////////////////////////////////////////// كان يلف فيهم الشوارع بحجة يمشيهم وهو متعمد يجي الشارع اللي ساكنة فيه نجود..وقربوا من مكان سكنهم.. مصعب مسوي روحه طبيعي/انا جيت هنا مع محمد من قبل جايبين غذى لو عشى ماني ذاكر بالله بس الاكيد اني جيت؟ فوزية/وين؟ مصعب /هنا بعمارة الفصول الاربعة على مااعتقد؟ فوزية/أي...هنا نجود تسكن. الجازي فزت من وراهم/ابلة نجود السبيعي!! فوزية/أي...تسكن هنا... الجازي/احلفي!! فوزية/وليش احلف.. مصعب/ليش هي من وين علشان تسكن هنا مو من الرياض؟ فوزية/لا من الشرقية..من الدمام....ز مصعب/اممم فوزية/بس ذوق ها البنت .... الجازي/ذوق وبس!!كل صرخة تعطينا اياها بالفصل تنشف عروقنا منها!!بس الحمد الله علاقتي فيها كويسة ومابينا ها الاشياء.. مصعب تبسم من كلمة الجازي(وقال في نفسه هاذي وش سالفتها على اهل الرياض بس تصارخ وتنشف دمنا بعروقنا ههه) ////////////////////////////////////////////// | ||||
|
| |
|
| الكلمات الدلالية (Tags) |
| شرعكك |
| أدوات الموضوع | |
| انواع عرض الموضوع | |
|
|
1Likes
العرض العادي
