وشلون ما أغليك وانت الذي علمتني حبك / الكاتبة / يتيمة زايد / مكتمله

[اسطورة !]

طالعتها : لا عادي مس ارمسي .. ما ازعل أنا ,,

مس ياسمين : شهد آنا أعزج كثير كثير ,, ونوبات أحس انج بنتي ,,

طالعتها : مشكوره مس من ذوقج ,,

مس ياسمين : ودي أكلمج من زمااان ,, بس ما قدرت والحين يوم سمعت انج بتروحي بيت أبوج قلت أحاجيج أحسن لي ..

قلت : هي هالسبوع آخر أسبوع لي ويااكم بالجامعه ..

مس ياسمين ابتسمت لي : الله يوفقج يا بنتي وين ما تروحين ..

قلت لها : آمييين ..

مس ياسمين : شهد أنا لا حظت عليج كثير أوقااات ما تحتكين مع البنات بس أشوفج مع غايه بس غايه مو معج بالجامعه ,, ليش ما تحاولين تمشين مع اللي بعمرج ..

قلت لها وأنا حزينه : مس البنات يحبون يتدخلون بكل شي بحياتي أسئلتهم وااايد أما الأولاد لأأأ ونادر ما يسألون ليش انتي جذي ليييش انتي فري .. لأنهم يمكن يعرفون عني ,, من برا ومن كلااام الناس ..

مس ياسمين : شهد انا من عرفتج وانتي قويه رايج هو اللي يمشي عند الكل ليش هالخوف انزين ..

طالعتها وقلت : يمكن عشااان مابي أحد يسألني عن أمي وأبوي ..

مس ياسمين : يا بنتي لا تزعلي .. أكثر من بنيه أمها من جنسيه ثانيه وديانتها غير عنا وأبهاتهن ما يسألون عنهم ما تفرق ..

قلت : مس بس هالشي يفرق عندي ..

مس ياسمين : شهد في العين انشالله انتي بتكملين دراستج .. وهم ما عندهم جامعات مكس شباب وبنات .. وبتكونين جديده أكيد أسئلة البنات بتكثر ,,

شهد : أدري مس ,, ولهالسبب ما أبي أطلع من دبي ,, ما يفرق عندي اذا بعيش العين ولا بوظبي ولا أي مكان بس مابي أحد يتكلم عني ويسألني عن أمي وأبوي وحياتي ..

مس ياسمين : شهد انتي طول عمرج قويه وأتمنى انج ما تضعفين لما تروحين العين وما عليج من كلااام الناااس لأني لاحظت وااايد تتحسسين من البنات اللي معج بالكلاااس ..

طالعتها وابتسمت ابتسامه باهته : مس يمكن انتي أول وحده تفهم حياتي وكيف أنا عايشه ,,

مس ياسمين تلطف الجو : مو لأني معج بنفس البنايه هههه

ابتسمت لها : مس انتي وااايد كنتي توقفين معاي ما بنسا وقفاتج معاي ...

طالعت يميني شفت وااااحد ومعاااه حرمه الظاااهر حامل بشهورها الأخيره أو يمكن بمتوسط الحمل ومنتصفه ,, ياربي أكييد هذي أخته يايبنها معاه المول .. قال انه عنده أخت في الشارجه علني افداااه ,,,

طرشت مسج عليه ,,, إلى بلسم جروحي ,,
( حبيبي أنا في صحارى ,, وقاعده أشوفك واشوف أختك وياااك )
×
×
دااار الزين ...

.......... : بعد باااجر شهوود وشييوم بييون عندي ..

خلود : حظج بيكون عندج خوات في البيت هب أنا وحيده بين أربع أطواف ,,

شذى تضحك : عااادي يوم نحن بنيي عندج ويوم انتي تعالي عندنا ,,

خلود : فكره .. بس تعالي انتي ليييش مستانسه هالكثر ,,

شذى : لأنه الفلبينيه الساحره بتظهر من الامارات كلها وما بتاخذ أبوي ..

خلود : حرااام عليج لو شهد وشيما يسمعون بيزعلون تدرين ..

شذى : نفاااد .. أصلا هم يعرفون عن أمهم ,,

خلود بحزن : بس حتى ولو الأم أم يا شذى ,, لو عندج أم شو ما تكون أهون من انج تكونين يتيمة ..

شذى حست بخلود : آسفه خلود ما كان قصدي أجرحج ,,

خلود : لأأ عادي ,, بس تعالي نرتب حجر شييوم وشهد روحنا ..

شذى : معني كسوووله وايد .. بس يلا فكره .. متى بتيين عندي ,,

خلود : بس بستأذن وبيي ,,

شذى : أعوذ بالله انتو في بيتكم حتى يوم تيين بيتنا اللي هو فرة حصا ,, تستأذنين ..

خلود : مدري قوانين القصر الجليدي .. ههههه

............... : ضحكتي بلا ضروس .,,

خلود تخرعت : بسم الله الرحمن الرحيم ,,

شذى : شوفيج ...؟؟

خلود : هذا خلوف ياااه يلا باي ,,

شذى : سلمي عليييه ..

خلود : خليفه شذاوي تسلم عليك ,,

خليفه قعد وهو في ايده الريموت وشغل التلفزيون : الله لا يسلمها ,,

خلود : أووو أووو سوري شذى ,,

شذى : مالت عليه هذا اللي ما يعرف المذهب .. يلا باي ..

خلود : زعلتي ,,

شذى : لا شو أزعل متعوده على كلامه هذا اللي ما يعرف المذهب ,, قولي له شهااب اللي عمره واحد وعشرين سنه وأصغر عنه بسنتين يعرف المذهب بس خلوف المذهب عنه معدووووووم مررررره ..

............ يصارخ : منو المذهب معدوم عنده هاااااااااه ,,

شذى تخرعت وردت السمااعه لأذنها : حشا صمختنا ياخي ,,

خليفه : هههه تستاهلين يالياهل ,, وبسكم رمسه لأنه عشر بليل يلا سيري ارقدي ويا شكلج ..

شذى : لا لا خل خلود تيي عندنا اليوم ,,

خليفه : وراكم مدرسه يالدياي .. يلا باي ,, ( وبنده بويهها )

خلود : فشلتني يدامها زين جذي ,,

خليفه : برايهها .. تعالي انتي ليش مب راقده ,,

خلود تتأفف : حتى الرقاد في هالبيت على كيفكم يعني ,,

خليفه : لو مب عايبنج عندج أربع أطواف دقي راسج

خلود تتقرب عن خليفه : تعال تعال صدق دريت انه عيال عمي مال دبي بييون العين ..

خليفه بدون اهتمام : هي ,,

خلود تقلده : هي ... استح ع ويهك لازم تفرح ..

خليفه : جيييه في وحده منهن خطيبتي عسب أفرح .. يعني واستانس ,,

خلود تحلم . ياريييييييت لو وحده منهن خطيبتك جااان حياتنا يمكن غير ,,

خليفه يوقف : هاللي قاصر ,, سيري ارقدي يالياهل أحسن لج ,,

خلود تتأفف : انزين انزين انتو حتى نحلم بهالبيت ممنوع ..
×
×
غيرت تجدمت عن السرير عسب أرقد ,,, شفت حواليني ... الجو بااارد وايد .. طالعت الفون ع الصامت وقاعد يضوي .. شالسالفه ,, طالعت الرقم ,, بلسم جروحي يتصل بك ,,

رديت وأنا مستانسه هذا حبي قاعد يتصل بي .. ياربي اش كثر مستانسه ...
رديت بفرح : هلا والله ..

زايد وهو مستانس : اش حالج غلايه ..؟؟؟

قلت له وأنا مستانسه : بخير .. ونسنا وياااك ...؟؟؟

زايد يضحك : ههههه حرااام الواحد يستانس يعني ... بس س س أنا مستانس لأني أرمسج هههه

قلت له : هي اخرط علي اخرط انت .. تعاااااااال أختك شفتها وياااك اليوم ..

زايد : جذاااابه ..

حلفت له : والله ما اتـمصخر ...

زايد يضحك : بس كااانت متغشيه ههههههه

قلت له : هي كااانت متغشيه صح .. ليييش ...؟؟

زايد : مدري عنهم خواتي جذااا كله يتغشووون ... بس أنا عن نفسي غشا بدون غشاا أوكي ماشي فرق ..

قلت له وأنا أضحك : صدق انك حركااات ... لو انها مب متغشيه جاااان أشبهها وبشوف اذا تشبهك ولا لأأأأ ..

زايد ضحك ويايه : شهود تجهزتي لروحة العين ..

قلت له وأنا جبدي لايعه من هالطاري : هي وااااع مالي خاااطر أروح ..

زايد : تراني بردج دبي مره ثانيه ..

قلت له : وأنا شاللي مصبرني غير هالشي أصلاا ..

زايد : هونيها وتهون حياتي ..

قلت : انشااالله ... ابشرررررررك ,,,

زايد : بشري فرحينا شوي اليوم ,,,

قلت له : أنا وسلطان تراضينا ...

زايد : شي طيب زين زين ,,, وأخيرااااا الانسه رضت ...

قلت له : احذرك لا تزعلني ولا ترا بيستوي بك شرات سلطان ...

زايد : هههه لا لا شو ناوي أذبح روحي أنا ..

قلت : زين انك تعرف حبيبي ...

زايد : فديتج والله .. يلا حبيبتي أنا بسكر لأني بروح بتعشى ..
قلت له : أوكي حبي .. باي ..

زايد : بايات حبيبي ..

بندت عن زاااايد وأنا مجروحه من داااخلي ومتألمه لأني بفارق أغلى ناسي وبروح عنه لمدينه ثانيه .. والله ان زااايد هو أنوار المدينه اللي أنا فيها ولولاه كانت حياتي بعد ظلااام في ظلااام ,, مو بس مدينتي اللي بتظلم
×
×
قمت على اشراقة الشمس الفجر تحديدا السااااعه سبع ,,, يا حلوها الشمس وضوها خااافت وحلاااااااتها يوم تشرق في دبي .. مدينتي اللي أحبها اللي ربيت فيها وتعلمت فيها وكبرت فيها ...... وعشت أحلااا أيامي في هالمدينه الراااائعه اللي ضمتني وصرت احدى سكانها اللي لهم ماضي فيها ,,, ما تخيلت بيوم في حيااااااااتي اني أفارق هذي المدينه .. ما فكرت مجرد تفكير بعد .. ما توقعت بيوم اني أنتمي لمددينه أخرى ,, واذا أحد يسألني من وين انتي .. أقول من ............ أي شي غير دبي ,, أحس لساني وجوارحي وكل شي فيني تعود يقول بكل صغيره وكبيره أنااا من دبي ,,, أبد ما حطيت ببالي اني بفارقها ,,, يا حبي لمدينتي ....
...
طالعت حجرة أمااايه .. اليوم آخررر يوم لي وياها .. اليوم يوم الخميس ,,,, أمايه بتسااافر وتتركنا .. أمس أبويه كان يفضل بناته من حرمته الأولى علينا واليوم أمايه تفضل عيالها اللي بتيبهم من زوجها اللي بتتزوجه ,, هه ونحن أنا وشييوم من بيفضلنا على من ... ؟؟ منو بيقول لي شهد حبيبتي بنتي ... بنتي ... ما سمعتها بحياتي لا من أمي ولا من أبوي ,, شكلهم خلفوني ونسوني .. حتى بنتي ما فكرو يقولونها .. هذي الدنيا عجيبه ,, كأني أنا اللي أمس قلت لأمي وأبوي تزوجو وييبونا لهالدنيا .. أصلااا لو بيدي جااان قلت لهم لا تعرفون بعض حتى ,, بس شسوي ما باليد حيله ,, مكتوب ومقدر لي أعيش حياتي جذااا ...
.....
تجدمت عن المطبخ حطيت الصحن والقبشه ع الطاوله وطلعت الحليب من الثلاجه ورحت صوب الكبيت طلعت النيسكويك .. وحطيتهم قعدت ع الطاااوله .. وين قعدت .. ع الطاوله هههههههه ... وحطيت كرات الجوكليت المقرمشه في الصحن ,, أقصد الذره ومدهونه بجوكليت هع .. وصبيت عليه الحليب وبديت أأأكل ريوقي المفضل ... ياي ,, صح أحب الكابتشينو واااااااايد بس بعد هالوجبه لها غلااا خاااص بقلبي ,, مدري اليوم يوم بروح العين باكل هالوجبه ولا لأأأأ ... ههههههه شو قالو لي فقر اهناااك ,, لا بس أحسهم ما يسوون شراتي وشرات تصرفاتي .. يعني حلات هالوجبه وأنا قاعده ع الطاوله بس في العين يوم بقعد ع الطاوله بيلعنون بوم خامسي وبيقطعوني وأول شي بيقولونه انيييي .. مب متربيه هع ,,, لاااازم تربية فليبينيه .. ولا شاقول بعد ..
....
الله يعيني على طالبات جااامعاتهم اهنااااك مدري أي جاامعه بدش .. فكرت بجامعة الامارات بس أحسسسسسسها مدري شو ..؟؟ المهم مدري أي جامعه بدخل .. أما شييوم عادي شي مليون ألف مدرسه تدخلها هنااك وهي متعوده يعني مب جامعه ..
..........
............... : شهووود شو موعينج هالحزه ,,

طالعتها وابتسمت : صباااح الخير يا بلادي ,,

شييوم تضحك : صبحج الله بالنور .. خلاااص ترانا اليوم بنودع بلادنا ,,

طالعتها وقلت : شو شعورج ..؟؟

شيما : الصراحه الصراحه .. حزينه وااايد السبب الرئيسي بودع داري اليوم والسبب الثاني بودع هل الدااار بعد ,,

طالعتها وقلت : مي تو .. تدرين ما لي خاااطر أطلع من دبي أبـــــــد ..

شيما : غايه اتصلت فيييج ,,

طالعتها وقلت : لأأأأأ أظن ملجت ونستني حتى ما كلفت روحها تدز مسج ,,,

شيما : هذي الدنيا .. ما علينا المهم ماما نشّت ,,

طالعتها وقلت .. مدري بس طيارتها تسع الصبح ’’

شيما : عاااد أكيد نشّت ,,,

سمعت صوت خطواااات ,, الا وأمي داخله بزينتها قالت : سبااااه الخير ..

ردينا أنا وشييوم : صبااااح النور ,..

ماماتيه : جاهزين بنااات ..

طالعتها وقلت : هي ..

أمايه : يلا بسرعه نروووه المطااار وأبوكم بيجي المطااار ..

شييوم : بس بلبس عباتي ,,

أمايه : فترتي ,,

شييوم بملل : في أحد بيفارق دبي اليوم و يشتهي شي ..

أمايه ابتسمت وقالت : أمس بليل من جاااء ورا أشياءكم ,,

قلت لها : مدري والله كانو عمال شكلهم بس منو اللي دلهم وكاان مسؤؤول عليهم مدري والله ..

أمايه : أبوكي قااال خليفه ولد عمك ,,

قلت : مدري والله ..

أمايه : بناااات نطلع ... خلااااص

قلت لها : هي يلا ماما أنا جاهزه ,,, وشييوم بعد

لبست عباتي ومشينا عسب نطلع من الشقه طلعت آآآآآخر وحده ... صديت وراااي ,,

على صغر هالمكااان الا اني أحمل بهالمكان أحلىىىىىىىىى أيااااام عمري وأشوف بهالمكان كل شي يذكرني بصغري ,, وبكل زاويه فيه أتذكر كل حدث مر بحياتي ,, بس يلا خلااااص .. هذيني اليوم بتركه .. وميبي ماشي رجعه له ,,,,
×
×
داااار الزين ,,,

........... : هي بييون ع الغدا ..

خلود : أوكي ثواني وبيي لج بيتكم ..

شذى : شو غبيه انتي اليوم نحن بنروح المدرسه خميس راقده انتي ..

خلود : أدررري بس بركب الباااص من بيتكم ,,

شذى : أوكي .. برايج .. المهم الغدا انتي عندنا ,,

خلود : أوكي .. يلا بيي لج الحينه ,,

شذى : أتريااااااج ,,

سكرت عنها و لفت شااافت أخوها ,,, ابتسمت له : صباااح الخير ..

خليفه : صباااح النور ...

خلود : ناااش مبجر ..

خليفه : عندي شغل ... وينه خالد ..

خلود : ظهر شكله راااح دبي ,,

خليفه : عسب ييب بنات عمي ولا شغله ثانيه ...

خلود : مدري والله ... بس أعتقد هي لأنه عمي سيف مسااافر وشهاااب امتحاناته في الجامعه و عمي بوشهاب و بابا شغل .. فأكيد خااالد راح ييبهم ,,

خليفه : بس بس انزين خلااااص أعوذ بالله قلتي قصة حياتج ..

خلود : انزين .. سين سؤال ليش ما يحطون دريول ويفتكون ,,

خليفه : والله تظهرين مع ولد عمج أبرج من تظهرين مع الأجنبي ,, وصخي ترا راسي روحه يعورني ..

خلود شلت شنتطها : براااايك ,,, أنا سايره عند شذى ,,

خليفه يروح صوب طاولة الريوق : متشرده من صبااااح الله خير صدق يااااهل ..

خلود رضخت الباب بقوه من الحره جان يقول : أعوووذ بالله مب بنيه ...
........
وقف جدااااااام مطار دبي بهيبه .. تجدم ودخل صوب الانتظااار للمغادرين ,,, لفت بنظره ما طالعهم ,,, ترياا شوي وحاول يشوفهم لمحهم شكلهم هم ,,, تجدم بهيبه ,, وصل عندهم ,,

............ : السلام عليكم ,,

لفيت بهيبه عسب أرد السلام بس هيبتي راااحت ورديت بهدوووء : وعليكم السلام ...

طاالعنا أنا وشييوم وقال : اشحالكن ...؟؟

ردينا مع بعض : تمااام ...

أمايه : يلا بناااات الطياره بتروووح ,,

طالعتها وضميتها بقوه وقلت : ماما أحبج ,,,

طالعتني وبدت تصيح وقاالت : وأنا بعد ,, ديري بالج على عمرك وعلى أوختك ...

قلت لها وأنا أحاول أمسك عبراتي : انشالله ,,

قلت لها : لا تنسينا ماما .. بنتصل فيج دوووم انشالله ..

ابتعدت وشييوم تجدمت .. عاد بدت صياااح : ماما ليييش تروحين تمي عندنا ,,,

أمايه حضنتها : بنتي برجع انشالله وبشوفكم ,,

بديت أمسك شييوم وقلت : ماما الطياره بتقلع خلاااص ..

أمايه طالعت خالد وقالت : دير بالك عليهم .. ووصي أبوهم ,,

خالد ابتسم لها : انشالله .. توصلين بالسلامه ,,

أمي ابتعدت وبدت تبتسم لنا وهي مدمعه ,, وشييوم قاعده تصيح وأنا أهديها ’,,, الين اختفت ماما من نظرنا نهائيااااا .. مدري عاااد متى بنشوفها ,, وكم أخت وأخو بيزيد لنا هنااااك ...

خالد قال : بسرعه بنتاأخر ولا تبون شي من اهني ..

رفعت راسي بشموخ وقلت : لأأأ خلاااص خلصنا ولا انتي تبين شي شييوم ..

شيما : شهوود أبا ماما ,,

مسكت ايدها وقلت لخالد وأنا أنزل نظارتي ع عيوني : لا خلاااص مشينا ...

خالد تجدم وأنا وشييوم وراااا بعده بأميااال يمكن .. بعااااد بعااااد ,, هذا خالد طبعه مغرور يمكن أنا وشييوم مب من مستوااااه عسب يمشي ويانا ..
×
×
بعد مرور يومين لي بالعين ,,, بصراحه كان يوم الخميس أسوأ يوم بحياتي كنا طالعين من دبي وأنا أشوف شوارعها وأقول بخاطري بشتاااق لها ولأهلها أكثرررر ,,, مقدر أستحمل فراااق دااااري ,, أحبها موووووووت ... الخميس فاااارقت وااايد ناااس غاليين على قلبي وأولهم .. أمايه بشتاااااق لها واااااااااايد والله اني أحبها صحيح انها ما كانت مهتمه فينا بس ع الأقل أقدر أقول هذي أمي ويايه أمي سوت وأمي راااحت حتى ولو انها فلبينيه ,, بس المهم الأم موجوده ...

غايه ,,, ما أعرف عنها ولااااا شي حتى يوم طرشت لها مسج اني بروووح العين ما ردت علي بمسج شكله هاالمايد لاعب بعقلها لععععععب عدل ,, بس يلا عسا القلوب تتصافى وترجع المياااه لمجاريها ...

وأعزززز صديقين عندي حسن وسلطااان هذيل شرااات البلسم ينحط ع الجرح يبراااا ... ما أعتقد اني بييوم بشوفهم لأنه ما تربطني بهم أي صلللله لا قرابه ولا شي مجرد صداقه بس بتضل ذكراااهم محفوووره بقلبي وروووحي بعد ...

وزيــــــــــــود هذا اللي ما منه أحد فديت قلبه ,, لو هو بمدينه وأنا بمدينه أو دوله بعد ما يحسسني انه بعيد عني يتصل بي دوووم ويسأل عن أخباري وأحوالي دووووم .. هذا القلب الحنون ... وهذا الانسااان اللي روحي تحبه تحبه بمعنى الكلمه ..
قلبي يحبه هذااا الغالي وأشتاااق له طووول الوقت والعمر بعد ... أحبككككككككككـ زيـــــــــــــــــود ..
×
×
دااااار الحي

حسن : مللللللللللل الجامعه اليوم ..

سلطان يسانده ويوافقه الراي : هي والله .. اليوم ما استقبلت أحد أنااا ..

حسن يضحك : هي شهود حليلها كل مره تدش الكلاااس وياااك ..

سلطان : يلا بس زين رضت علي شهوود .. اشتقت لخبالها تصدق ..

حسن : صدقك .. بس يلا هناااك عند أبوهم يمكن تصرفاتهم بتتحسن ..

سلطان : جااايز كل شي .. يلا شكلها المحاضره بدت ..

حسن : الله يرحم أيااام شهود يوم تنقل لنا المحاضرات ...

سلطان ضحك : بشوف وقت أفضى فيه وبتصل فيها ,,,
×
×
دااار الزين ...

ماسكات بو وليد ويعطونه محاضرات ..

خلود : خاااالد حرااااااام وااافق دخيلك ...

خالد طالع ولده وقااال بسخريه : بوافق بشرط تربي وليدوه أوكي ,,

خلود شوي وتصيح : خاااالد والله أكلمك جد ما أتمصخر ويااااك والله العظيم

خالد يطالع شذى : وأنا أتكلم عن جد وأبو وحفيد بعد ههههههههه

شذى بنفس أسلوب خلود : صدقها خلود .. يا خااالد هالسوالف ما بها مصخره ..

خالد : والله وكبرتو يا شذى وخلود أمس كنتو هالكبر ( ويأشر بيده )

خلود تنافخ : خااااااااالد لا تتمصخر ترا والله بنزعل منك ..

خالد يتأفف : خلود وشذى ان ما صكرتو على هالسالفه بطلع وبخليكن روحكن .. بسني مزحت وياكن وااايد

خلود : حراااااااااااام خالد .. دخيلك وافق الله يخيليك ..

خالد يطالع شذى : أبااا أعرف ليييش مصرين انتو اليوم شو ياينكم ...؟؟ وبعدين شو ورا هالاصرار ..

شذى تطالع خلود وتقول : أصلااا انت لو تعرف منو هي اللي اخترناها بتستانس صدقني ... والله العظيم

خالد يطالع وليد : ماشاالله ومختارين البنيه بعد .. شي طيييب شي طيب

خلود : خااااالد اسمعنا انزين ولو مره لا تتمصخر دخيلك ,,

خالد يطااالع شذى وخلود ويضحك عليهن : انزين واذا بغيت أعرف منو هذي اللي ماخذه عقلكن ..

شذى : والله لو تعرفها بتستانس صدقني والله بتستانس واااايد واااااااااايد يا خالد ..

خالد يضحك : انزيييين أبا أستانس وأبا أعرف منو هذي اللي مسويه لكن غسيل مخ ...

شذى تطالع خلود وتقوووول ... : آآآآآآآآآآآ ........................

خاااالد من بعد ما سمع اسمها .. نقععععععععععععع من الضحك ... ما توقع يختارونها له .. كانت بباله وحده وقال يمكن يختارونها .. بس هذي اللي اختاروها ما توقع أبدددد انه خلود وشذى بيختارونها .. ما يدري شو اللي جلب عقولهم هاليهااال ...

[اسطورة !]

الحلقه السادسه ..

في غيبتك يا لهفتي ليلي معاناة وصراع

شذى تبتسم له : شهووود أختي ...

خالد فرط من الضحك وما قدر يود روحه : ههههههههههههه

شذى وخلود طالعو بعض مستغربين وشذى قااالت : أنا قلت شي غلط ...؟؟

خالد ييود روحه ويأشر بيده : لأأأأ أبد بس دخيلج عيدي منو قلتي ...؟؟؟

شذى مستغربه منه وتقول : شهد أختي والله واااايد طيبه وزينه ..

خالد يطالعهم ويرد يضحك ويقول : عز الله هالدلوعه يودت ولديه وليد عدل ودارته ...

شذى تطالع خلود باستغراب : قلت شي يضحك أنا ....؟؟؟

خلود تهز جتوفها وتقول : خااالد بلااااك ما تباها يعني ..؟؟؟

خالد يأشر بيده لأأأ وقال : دورو لي غيرها ههههه

شذى : بـــــــــــــس ,,,,,,,,,,,,

خالد قاطعها وقبل ما يطلع قااال : دورو غيرها وبنشوووف ... أوكي يا حلوات ...

طلع خالد وخلود شافت شذى : يعني ما عيبته ...؟؟؟

شذى تهز جتوفها : مدري عنه والله ...

خلود : يمكن لأنه قصده شهد مب حرمه سنعه وجذااا لأنها دلوووعه واااايد ...

شذى : يمكن قصده جذي كل شي جااايز ..

خلود : انزين كل البنات الحين جذااا مافي وحده مب دلوعه ..

شذى : صدقج ... ما علينا يلا نحل واجب الرياضيات ...

خلود تفر القلم ع الأرض بقوه وتقول : هذي عاااشر وحده ما تعيبه أووووووف ...

شذى تمسك ايد خلود : ما عليييج حبيبتي باااجر بتعيبه وحده وبياخذها ... وخالد يعرف مصلحته ...

خلود تتأفف : باجر بيشيب ومحد بياخذه صدقيني ...

شذى : توه الا بنص العشرين باجي وااايد عسب يشيب ههههه .. يلا نراجع ...

خلود : يلا .... لو أنا بداله جااان وافقت على شهد الصراحه .. جمال وكل شي فيها ...

شذى : كل واااحد حر بحياته ... يلا نذاااكر تراني بييب صفر في الامتحااان ...

خلود : قمنا نروووح لشهد ... شطوره واااايد

شذى : اغسلي ايدج يا مااما ... أنا قبل ما ايي عندكم رحت لها وقلت لها اشرحي لي بس قااالت انها مصدعه ..

خلود : هذي دوووم جذا أبد ما تخدم غيرها اللهم نفسي نفسي ...

شذى تضحك : لو انها شارحه لي وييين بييي بيتكم أنا .. تشوفيني نايمه في العسل ,,,

خلود : عاااد زين ما شرحت لج عسب تيين وتغيرين جووو بيتنا .. ملل ..

شذى : تعالي أتصل بشييوم وأقول لها تيي صوبكم ...

خلود : زين تشرح لنا شوي ...

شذى بتدق الأرقام وتقول : أوووه نسيت تقول عليها امتحان أحيااا باجر وروحها مصدعه ..

خلود تطالع الكتااب : خواتج هذيل أربع وعشرين ساعه مصدعااات .. ليكون أهل دبي كلهم شراتهم ...

شذى تضحك : جاااايز .... هههههههه
.
.
يداااام بوادي مووول

خليفه : يا أخييييي أبا أرد البيت صااارت أربع العصر وأنا بعدني ... عز الله كلينا هزبه محترمه من الوالد ...

عمر : أووووف انتو بيتكم ملل مدري كيف مستحملين هالقوانين الصارمه ..

خليفه يضحك : الوااالد الله يحفظه ,,,,

عمر : الحمدلله الوالده ما تسأل وااايد ,,,

خليفه يضحك ع ربيعه : قووول ما فيها شده تسأل ولا تشوفها ساالخه جلدك ع التأخير ,,

عمر يسولف : يا ريااااااااال ,,,

خليفه : مو جنه هذي سيارة شهاااب ,,,

عمر : هي هذا متسكع اربع وعشرين ساااعه .. تعاااال كيف هذا ولد عمك وعكس قوانينكم ...

خليفه : مدري عنه والله .. دلوعهم ولدهم الوحيد ,,

عمر : حظهم هاااييل .. اللي ييي لك واااحد من بين عشرين بنيه هههههه

خليفه يضحك : صدقك ,,, مب نحن ...

عمر يطالع ساعته ويضحك ويهدد بنفس الوقت : يلا يلا صاااارت اربع وخمس .. قبل لا يتصل بك الوالد ,,,

خليفه يطااالع ساعته : شكلي بتغدا مره ثانيه ,,,

عمر : محد مسونك بوتمبه غير هالوجبات اللي تاكلها غصب عنك ,,,

خليفه : محد بو تمبه غيرك .. بعدني رشيييق الحمدلله ..

عمر يضحك عليه : الحق الحق يا رياااال .. بعد شوي بتبدا الحرب العالميه الثالثه ,,,

خليفه : الله يراويك بحرمه تنشد عنك حتى ولو انت في الدووااام ,,,ع الأقل أنا أبوي بس انت يعلك بحرمه تأدبك ....

عمر يرفع ايده : آمييييييين ... ع الأقل أحس روحي موجود بهالمجتمع ,,

خليفه يطالع تلفونه : هه الحكومه بدت تطرش مسجااات ..

عمر : الحق ع روحك عااد ... يا ريااال ولا ترا بيي لك حرمااان ..

خلفه يبتسم له ويقول : صدقك مب نااقص بعد ... يلا مع السلامه ...
.
.
داااااار الحي ,,,

غايه : اهلين مهاااري اش حالج ,,,؟؟؟

مهره تبوسها : تمااام حرمة أخويه ومن صوبج ..؟؟؟

غايه : بخير وسهاله ,,,

مهره : حياااااج حيااااج البيت بيتج ,,,

غايه تدش وتسلم ع وصايف ومرة عمها : اش حالكن ... الغاليات ,,,؟؟؟

مرت عمها : بخير وسهاله فديتج ... اش حالج انتي واش حااال أمج ...؟؟

غايه : بخير الحمدلله خالو ...

وصااايف : غوايه تعالي شرحي هالدرس ,,,

مرت عم غايه : خل عنج ... سيري دشي حجرتج ذاكري .. البنيه يايه تزورنا وانتي شرحي لي وشرحي لي ...

وصايف تتأفف وتدخل حجرتها : محد يرتاااح بهالبيت ,,,

غايه تضحك : حرااام عليج عموووه زعلتيها ,,,

مرت عم غايه : ما عليييج منها دلوعوه بترضا عقب دقااايق ...

غايه : مهاري شو الجامعه ...؟؟؟

مهره : تمام ماشي الحااال .. وانتي شو الجامعه بعد ما نقلتي ...

غايه تهز راسها : أوكي ماشي حالها ...

مهره : دوووم انشاالله ...

مرت عم غايه تلبس عباتها : بنااات أنا بودركن عاااد بسير بيت أم ثاني مرت ولدها ربت ,,,

مهره تبتسم لأمها : عقبال ما يزورونج جذااا ,,

غايه نزلت راسها واستحت ... وقالت بهمس : جب لاذبحج ,,,

مرت عم غايه : يلا السموحه بنننات ...

غايه ومهره : مسموحه ...

بعد ما طلعت أم مايد غايه طالعت مهره بنظرات ناريه : مااااااااالت عليج ...

مهره تضحك : لهالدرجه يحرج يعني ,,,

غايه : نشوووف يوم تملجين ويقولون لج جذا شو تسوين ...

مهره تبعد يدها : ابعد عن الشر وغنيلو ... شو أبا بصدعة الراااس انا ...

غايه : عاد صخي أحسن لج ....

مهره : أنااا سايره وبرد لج بعد دقااايق ..

غايه : اذا عصير وكيك وهالسوالف ترا والله توني متغديه ومفوله ع الأخر ..

مهره سوت لها طااااااف وتجدمت صوب المطبخ وهي تقووول : امتني عسب تحلوين زياااده ,,,

غايه تتأفف وتوها بتتجدم صوب حجرة وصايف عسب تدشها سمعت صوت باااب الصاله ينفتخ صدت وراها عسب تشوووف منو ...

فاجئها صوته وهو يقول : السلام عليكم ....

ردت على مااايد بهدوووء : وعليكم السلام والرحمه ...

مايد ابتسم ودخل الصاله : اهلين غوايه اهني .. اش حااالج ..؟؟؟

غايه : بخير ربي يعافيك ومن صوبك ..؟؟

مااايد : تمام .. جيه ما قلتي لي انج بتيين ... جان يبتج روحي ..

غايه : لا عااادي ييت روحي ما بغيت أكلف عليك ...

مااايد : أي كلافه الله يخليج خلاااص الحين أنا ريلج .... ما يبالها هالرسميات ...

غايه تمنت الأرض تنشق وتبلعها قبل لا تسمع هالكلمه ونزلت راسها مستحيه ,,,,, بالفعل قبل كم يوم صااارت ملجتها ومايد ملج عليها ,, حست روحها واااااااايد مستانسه .. حمدت ربها ان كل اللي حولها نصحوها تاااخذ مااايد وسمعت نصيحتهم .. شااافت وااايد أشياا سلبيه كانت تشوفها بمااايد بس الحين خلااااص كل هالأشيا بنظرها صااارت ايجابيه بين يوم وليله تحولت حياتها .. من اليوم اللي صااارت فيه ملك مااايد ,... حست روحها مستانسه .. صح انها فقدت وااايد ناااس بسبته بس حست ان مااااايد يسوى هالناااس كلهم وعوضها بغيابهم ..

بعطيك أنا عمري وروحي هدايا واهديني احساسك ونبض الشرايين ..

.
.
دااااااار الزين ...

يااا ربـــــــــــــي اش كثر اشتقت لزاااايد .. والله ان دنيتي ولا شي بدونه ... أحبه أمووووت بحبه بعد ... أحس روحي بدونك ضاااايعه يا زااااااايد وليلي كله معاناة وصرااااع .. وعايشه بوحده ... أموت ولا أفارقك دقيقه وحده يااا بعد كلي والله ...
رن التلفون وع الرنه ... طااالعت الشاشه .. بلسم جروحي يتصل بك ,,,,

رديت بسرعه وبفرح : هلاااا والله ...

زاااايد : هلا وغلا .. هلا بغناتي هلا بأحلى حبيبه في الدنيا ,,,

قلت : هلا بأحلى همسه ود هلا بأحلى قصة حب هلا بأجمل ورد ,,,

زاااايد يضحك : أوووووب أووووب كل هذا لي أنا وحدي ..

قلت : أكييييد لو مب حقك حق منو بينقال يعني خبرني ...

زايد : في هاااي صدقتي ... ها شو العين ..؟؟؟

قلت : بصراحه بصراحه .. بدونك ملللللل كل مكان ...

زايد : فديتج والله .. يلا هونيها وباااجر تتعودين ,,,

قلت وأنا ملانه : اهني مب مثل حياتي هناااك ومب على كيفي أطلع وأدخل متى ما أبااا ..

زايد : ترا حبيبتي ما في انسااان يتم ع حاله بالدنيا الكل لاازم تتغير حياته ...

قلت وأنا متضايجه : صدقت والله ...

زايد : شو الجامعه ..؟؟

قلت : أمس واليوم بس داومت .. بصراحه ملل ... بس بنااات ..

زايد يضحك : أحسن لأني بصراحه أغااار عليج ,,

قلت : فديتك والله ... الله يرحم أياااام سلطان وحسون ...

زايد يضحك : امس شفتهم والله ,,, في النااادي ,,,

قلت : ياربي زيوووووووود لا تذكرني ..

زايد يضحك : بشووو ..؟؟؟

قلت له : بالنوادي اللي عندنا .. أذكر السبت كنت أروح نادي الفروسيه والثلاثا نروح نلعب تنس والخميس نروووح المسبح ..

زايد يضحك : هي ماشاالله حرمتيه اسبورتيه مررررررره ,,,

قلت وأنا أضحك : زيــــــود صخ ...

زايد ضحك عليه : مره البنيه صااارت دفشه .. صرتي عيناويه هااا ..

قلت له : لا وحياااتك بعدني بنت الفلبينيه ههههه ما بتنازل عن لقبيه بسهوله ...

زااايد . أنا أشهد انج قويه ... ههههههه

قلت له : لا تصير لي غوايه ع كل شي أنا أشهد أنا أِشهد ...

زايد يضحك : ذكرتيني فيها هههه .. تعالي شخبارها ,,

قلت : مدري عنها ... من يوووم قبل ما تملج اتصلت فيني وبس .. وقااالت ما بتعاود اتصالها ..

زايد : مااايد أكييييييد ...

قلت : أكييييد في أحد غيره .. مدري تاارس مخها علي وعليك ,,

زايد .. : ما عليج منها .. تشوفين ماااايد مسوي لها غسيل مخ عدددل ..

قلت : هي أكيييييد ولا أنا متى أصدق الناااس .. أصلا هم لو زينين جااان ما حكو فينا ...

زايد : تحولت لشاعره البنيه ..

قلت له : من يومي وأنا شاااعره ههههههه

زايد : شو ما كتبتي شي يديد .,...

قلت له : موسم امتحانات .. عاد ماشي وقت ..

زايد : عاااد يلا باااي فديتج سيري ذاكري ...

قلت له : بااايات حبيبي ... والله ما ودي تسكر ...

زايد يضحك : يلا ذاااكري .. مب ناااقص تقولين عقب الترم هذا رااااح عليه بسبتك ,,

ضحكت عليه وقلت : أوكي يلا باي حبي ,,,

طالعت الكتاااب هالكتاااب اللي أنا وسلطااان وحسووون دووووم نذاكر فيه .. أتذكر يوم سلطان يشخبط عليه وأنا أحرج وأقول له كتااابي
وكتااابي هههههه الله يا حلوها من أياااام والله اني صرت أحن لها وااااااايد واااااااااايد ,,

سمعت صوت الباب وهو يندق ..... قلت : منوو ..؟؟؟

........... : شييوم ...

قلت وأنا أبتسم : دشي حياتي ...

شييوم دخلت : شخبارها الحلوه ... مزيـــــــونة دااار الحي ...

قلت لها : بخيرررر الحمدلله .. ومن صوبج ..؟؟

شييوم تيي صوبي وتفر روحها .. وتقول : ما تحسيين صرنا رسميااات لأبعد الحدود ..

قلت لها وأنا أتأأفف : صدقج .. من متى نحن نسأل عن حاااال بعض ,,,

شييوم : من يينا العين ,,, ولا يوم فدبي بشقتنا أربع وعشرين ساااعه مجابلين بعض .. تطلعين من الحجره شبر وتدخلين حجرة الثانيه

قلت لها وأنا أأيدها : صدق والله ...

شيما : شو الجامعه ...؟؟

قلت لها : توني قاااعده أتأقلم وياااهم هه أقزر روحي ... وانتي شو المدارس اهني ..؟؟

شيما تهز راسها : أوووكي على كثر أسئلة البنااات الا اني ما أهتم ..

قلت : هي لا تهتمين ترااا كلااام الناااس لا يودي ولا ييب ...

شيما تهز راسها بتأييد وتقول : تدرين اشتقت لماما وااايد ,,

قلت لها : صح على قلة يلساتها معانا الا انها كااانت وااايد أوكي ويانا .. أنا بعد مشتاقه لهااا وايد ...

شيما : يلا عسى الأيام تسرع خطاويها ونعيش حياتنا شرااات الناااس ..

قلت لها : آمييييييين الله يسمع منج .. وأعيييش أنا مع زيــــــــــود ..

شييوم تبتسم وتقول : آمييين وأنا ويا سلطااان ...

قلت لها : بعدج انتي ..؟؟

شييوم : بصراحه هي .. خلاااص ما قمت أكلم ولا حد ع الايميل عسب أكسب سلطاان ويعرف اني مب لعوبه ... حتى ما قمت أكلمه

قلت : أحسسسن لج والله اش تبين بصدعة الراااس ..

شيما : شخباره زيـــــــود النسيب ... اشتقنا له ..

قلت لها : بخيييير الحمدلله .. أحس روحي أشتاااق له وااااااايد .. ع الأقل قبل كنا بدااار وحده ....

شيما : انزيييييين هو لو يااا العين بتحبين العين أكثر عن دبي ,,

قلت لها : حسب ...

شيما : لا الصدق عاااد الحين هو في دبي شو احساسج ,,,؟؟

قلت لها : الحــــــــــب خــــــــــــالد وحبي خـــالد وباقي للي أحبه وأحب دار سكن فيها ..

شييوم تصفق : عاااااااااشت عااااشت بنت دبي دااار الحي .. أنا أشهد انج بنت دبي أبا عن جد ,,,

ضحكت عليها : صخي لأفلعج شيوموه ...

شيما : تعالي تعالي شهووود حرااام خبريني كيييف عرفتي زيــــــــود ,,

قلت لها : ما يخصج يلا فارجي أبا أرتاااح ...

شيما : مااالت عليج ... انزين بس خبريني كيف عرفج وكيف عرفتيه وكيف حبيتو بعض ..؟؟

قلت لها : هاللي ناااقص تبين أقول لج شو نسولف بعد ,,, يلا فارجي ...

شيما تطلع وتقول : مااالت عليج أسير ألعب مع سعودي الصغير وااايد أحسن لي وااااااايد ...

قلت لها وأنا أبتسم : سعووود ولد شيخه اهني ..؟؟

شيما تطلع وترضخ الباب بقوووه وتقول من وراااه : جابلي دروسج أحسن لج عن تعيدين الترم ...

ضحكت على غبااااء هالبنيه .. صدق صدق غبيه .. بس فرحتني وااايد لأنها ذكرتني باليوم اللي تعرفت فيه على زيـــــــود حياتي .. بصراحه كااان من أسوأأأ الأيااام بحياتي بس فجأه من ظهر زيـــود تحول لأحلى يوووم بحياتي كلها .. تحول ليوم أعرف فيييه أغلى وأعز نااااسي بهالكون ...

طااالعت صوب الفوون وهو يرن .. شفته بسرعه يااا رب غااايه ربيعة عمري اشتقت لهاا وايد على كثر رمستها وكلامها الا اني أموووت فيها حتى ولو غيرها مااايد بتضل ربيعة عمري اللي أغليها وأحبهااا موووت ... بس للأسف تفاجئت يوم شفت رقم غريب ..

رديت بدون نفس : ألــــــــــوووو ...

رد عليه : هلا والله ..

قلت بدون نفس : منووو ...؟؟؟

رد عليه : آفـــــــــاااا يومين ونسيتينا عااد لو أسبوع شو بيصير ..

قلت : السموحه شيخي شكلك مغلط ,,,

قال : لأأأ أنا داااق على شموووخ .. هب مغلط

قلت وأنا أضحك وعرفته .. هو الوحيييد اللي دوووم يقول لي جذا : غربلاااات بليسك سلطوووووووون .. اش حالك الدب ...؟؟؟

سلطاااان : بخير دبوووه انتي اش حاااالج .. وشو العين ..؟؟؟

قلت بدووون نفس : مررررررره مب بخير مررررررررره ...

سلطان : له له .. شهووود مب بخير .. خيييير خبريني منو بس اللي مزعلنج ... وشوفي شسوي به ...

قلت له : هل دااار الزين ,,

سلطان : يااااي بشن الحرب عندكم ,,

قلت له : ههههههه تسلم .. سلطووون .. بس بصراحه ملل اهني متعوده أطلع هناااك ...

سلطان : كلها أياااام وتتعودين انشالله .. وبعدين العين شرااات دبي ... بس الناااس عندج يختلفون ..

قلت : انشااالله أتعود عليهم ,,, شو الجامعه ...؟؟؟

سلطان : ملل ملل قهررررررر ..

قلت له : له له .. جييييييه كل هذااا ..؟؟؟

سلطان : لأنج مب ويانا ...

قلت له : ههههه كل هذا عشاااني لو أدري اني غاليه جااان أتغلا زياااده ..

سلطان : بسسسسج أمايه هاااك اليوم طلعتي الشيييب براسي عسب أرضيج ,,

قلت له وأنا أضحك : شخباره حسووون ..؟؟؟

سلطان : متغربل حليله بالمحاضرات .. قبل متعودين ع الدلع ست الحسن شهووود تنقل لنا كل شي .. بس الحين أيااام الدلع ولّت ..

قلت وأنا أضحك : والله اني أنا بعد أحن لذيج الأيااام ,,

سلطاان : لا ترمسين جذااا تحسسيني انج عيييووووز ...

قلت له : والله يا سلطان حسستني منك هههههه

سلطان يضحك : كلمة المسن اليديده هااااااا ...؟؟؟

قلت له : هي مدري عنهم عااااد قبل كله .... برب وتيت ولول ... الحين طاحو لي على ... حسستيني ..

سلطان ضحك ويايه وقااال : ما نعرف لهم عااد ..... صح ...!! اش حال شييوم ...؟؟

قلت له : تااابت البنيه ما قامت تحب المسن هاااك الزود ..

سلطان : زين زين شي طيب .. ديري بااالج عليها عدل ...

قلت له : وانا بلا شو .. ما تقول ديري بااالج ع روحج ..

سلطان ضحك : وانتي بعد ..... بس عاااد تدرين هي غلاتها غييير ..

قلت له : عن كلااام المنافقين سلطااااانوه ههههههه

سلطان : أقول حبوبه ياييني خط ثاني .. يلا فماان الله ..

قلت له : .. الله وياااك سلم ع الكل ,,, والربع مال الجامعه ....

سلطان : السلااام يووووصل .. تامرين بحايه ...؟؟؟

قلت له : سلاااامتك ... يلا فمان الله ..

سلطان : فمااان الكريم ...
.
.
حطيت الفووون ع قلبي .. يا ربـــــــــــي اش كثر قمت أحن لأيام زماااان .. لأايامنا أنا وحسووون وسلطان وهم يتريوني يدااام الكلاااس وأنا أتضااارب وياهم ع الحساااب وأنا أنقل لهم المحاضرات ... وكل كــــــــــــــــل شي ...
×
×
الصبح الساعه ست ونص والكل قاعد يتريق ....

نزلت ومعاااي شنطتي وكااااشخه لروحة الجامعه ... بس قمت أخبي القصه ع قولة حسووون الكشه هههه .. لأنه أبويه ما يحب شعري يكون برا بس يوم أطلع أفلها شرااات قبل وأكثر بعد ... ما صااار له الا يومين ساكنين عنده ويتحكم بنا .. والله حااااله ...

قلت وأنا اتـجدم صوبهم : صبااح الخير ,,,

الكل رد عليه : صباااح النووور ...

قعدت وصبيت لي عصير في القلااص وبديت أشرب بدون نفس مووول هب مشتهيه .... بصراحه ....

مرت أبويه سألتني : شهد حبيبتي شو تاكلين ...

قلت لها : مشكوره خالو مابا مب متعوده أتريق ...

مرت أبويه : تبين أسوي لج سندويشه كليها .. هب أوكي جذا بدون ريـــوق ..

قلت : لا مشكوووره خاالو متعوده ....

طالعت صوب الدري شذى وشييوم نازلين مع بعض ويضحكون .. شييوم بسرعه تتأقلم ماشالله عليها .. تف تف >_< ههه عن الحسد

شذى تجدمت عن الوااالد وحبته ع راسه وقالت : اش حااالك الغالي ..؟؟؟

رد عليها أبويه : بخير غنااااتي .. تعالي تريقي ...

[اسطورة !]

شييوم سوت نفس شذى وباااست راس أبويه : صباااح الخير بابا ..

أبويه ابتسم ابتسامه عاديه وقااال : صباااح النور ...

حسيت هالشي وااايد حز بخااطر شييوم .. بس يلا عادي بنتعود انشالله .. شفت صوب الدري .. شهاااب توه قاااعد ينزل تجدم وحب راااس أبويه .. أعتقد هذا من شروووط هالبيت ,., يلا من باااجر بسوي جذاا .. بس عن يفشلني أبويه ..

شهاااب يلس : صباااح الخير ...

كلنا ردينا : صباااح النور ..

شهاااب : أبويه اليوم مقدر ايي لك الشركه عندي امتحانات ,,

أبويه قال : عااد اليمعه روووح الشركه وسوو الأوراق اللي قلت لك عليها ,,,

شهاااب : انشاالله .. ( طالعني بنظره بمعنى الله يعيني ,, ) (ابتسمت له ابتسامه عاديه .. وأزرته)

أبويه قااام وقال : يلا أنا بروووح تامرون بحايه ...؟؟

مرت أبويه : سلامتك الغالي ( ونشت راااحت توصله للباب ,,, )

,, شذى قااالت : شيووم بنااات صفي كلهم مستغربين انج أختي ,,,

شيما ابتسمت وقااالت : صدق .. ليييش ..؟؟؟

شذى : مدري بس وااايد بناات قالو .. اختج حلوووه ..

شيما ابتسمت لشذى وقااالت : بس مب أحلى عنج ,,,

شهاااب قاال : صخي انتي وياااها لا انتي حلوه ولا هي ...

شيما مدت بوزها : عاااد لا تقووول انك انت الحلو .. ها تراني بنتحر ...

شهاااب يضحك ويطااالع صوبي : لا لا هذي شهوود ملكة جمااال العالم ,,

شذى وشييوم نافخو .. ابتسمت وقلت : عااد لا تبااالغ شهابوه ..

شهاب : والله ما أبالغ ... أنا بظهر أحسن لي ... ( أشر على شيما وشذى وقال ) بركاان شوي وبينقع .. انجو بأنفسكم ,,

ابتسمت له ,, وصديت على شذى وشيما بالفعل بركااان ههههه ,, وقلت : سيرو المدرسه بسرعه .. شكله الباااص ياااه وانتن اهني

شذى تشل جنطتها وتقووول : شييوم يلا بسرعه .. البناااات أكيد يتريونا ,,,

طالعتهن ابتسمت وقلت : الحمدلله ع نعمة العقل ...

تبون تعرفون شعوري الصراحه ... نحن من ييناا العين وأبويه أبد ما فكر يرمسنا .. أبد ما فكر يحن علينا ويعطينا ذره من حنااان الأبوه .. ما راااح أنكر هو بالفعل يسولف ويانا .. بس عن شووو ...؟؟ يسأل عن الحااال وبـــس أبد ما فكر يسأل عن حياااتي كيييف ..؟؟ ما فكر يسألني اذا أنا مرتاحه بحياتي ناااقصني شي غيرررر البيزات ... بقول له هي ناقصني حنانك وعطفك .. نا قصني حناان الأبوه اللي فاقدتنه منك ... بس هذااا حااال الدنيا .. والله حاااله خلفونا ونسووونا ... ما رااح أنكر انه أبويه معطي كل حنااانه لشذى .. صج انها أصغر مني .. بس الوااحد لااازم يتحسس من هالشي .. أحس انه الحيوااان بعد يتحسس بهالحالات مب بس نحن البشر ... والله اني قمت أغااار .. ليييش الكل في هالبيت يتعامل معانا جذي .. صح انهم مكرمينا وحاطينا في عيونهم بسسسس بعد حنااان الأب غير غيير ... وهالشي محسسني اني غريبه بين أهل هالبيت .... أقصد هالقصر ... هه والله أعيييش بشقتي معززه مكرمه ولااا اني أشووف نظرااات الندم بعيون ابويه بسببنا ... أوقاااات ييني تفكير غريب شوي ... مدري ليييش أحس يمكن لو اني بنت أبويه من حرمته الأولى .. جااان الحين حياااتي غييير وأبويه يحبني .. ويمكن كنت الحين ماخذه واااحد من عيااال عمي ... وعايشه حيااااتي بسعاده .. بس أوقااات أقول شو دراني يمكن لو اني كنت بنته من حرمته الأولى يمكن حياااتي بتكون كلها ضياااع بضياااع .. هه ليييش في ضيااااع أكثر عن الضياااع اللي أنا عايشتنه الحين وبهالفتره .. يلا ربي ييسر ويفرجها علي ...
×
×
يدااام معرض السيارات .. نزل من سيارته ومعااااه مجموعة فايلات .. ودخل المعرض توجه للمكتب ... دق الباب ...

بو شهاب : ادخل ....

دخل ابتسم له وراااح تجدم عنه وتخاشمو : اش حالك عمي ... عسااااك بخير ...

بو شهاااب : بخييير الحمدلله ولدي انت اش حالك واش حااال الدوام وياااك ..؟؟

زايد : تمام الحمدلله .. مقزرين رواحنا .. نهاية كل أسبوع أنزل العين ..

بوشهاب يأشر له يقعد : تفضل ولدي ... عااد هالمشكله الأهل بمكان ودوامات شبابنا بمكان ... المهم الله يسهل عليك ,,,

زايد يقعد ويمد الفااايل لبو شهااب : عمي قبل فتره شريت عنكم سياره يديده بس عااد المكاين مالكم مب جنها مستعمله ..

بوشهاااب : ولدي صااارت وااايد خربطه الفتره الأخيره في المعرض والأحوااال عاد تدهورت ... بس انت ييب السياره وانشالله العمال بيشوفون وبيصلحون لك كل شي في السياره ...

زااايد : مشكووور عمي ما تقصر .. أنا وديت السياره في وكاله عندنا في دبي ... بس ييت اليوم أخبرك لأنه في ناااس عاد قبل ما يعرفون شو الخطاا يروحون للمخافر والمحاكم ويسوون من سالفه صغيره قضايا .. بس حبيت أخبرك ...

بوشهااب : فيك الخير ولدي ... ومشكووور ما تقصر ...

زايد : يلا عاااد اسمح لي عمي أنا بروح ..

بو شهاااب : تم ولدي بعدك ما تقهويت ولا شربت شي ...

زايد : ما علي عمي مره ثااانيه .. أنا ظااهر من الدواام وبرد دبي مره ثانيه ...

بوشهاب يوقف ويسلم عليه : الله يوفقك ولدي عااد تعاال النا مره ثانيه هااا ... واذا السياره صااار بها شي عطل لا سمح الله اتصل بي ..
زايد : انشالله عمي ...سيف متى ناااوي يرد ,,,

بو شهاب : ع السبوع الياااي انشااالله ,,,

زايد : اتصلت به جم من مره بس ما يرد عليه ...

بوشهااب يبتسم له : تدري عااد الريال توه معرس يديد ...

زايد ابتسم وقال : يلا عااد عمي ... بروح أنا .. و سلم ع الكل وعلى عمي بو خالد بعد ,,,

بو شهاب : السلام يوصل ولدي ,,,

زايد : يلا فمااان الله عمي ...

بو شهاب : فمااان الكريم .. هالله هالله فالدرب يا ولدي لا تسرع ...
×
×
بعد مرور يوم ... الساعه عشر بليل ....

من ييت العين وحالي مثل ما هو .. ما تغير ولا صااار أي شي يديد بحياتي كل شي مثل ما هو ... الملل طاغي على كل شي ... الحياااااه كلها على بعضها صارت في قمة الملل والكآبه ... أحس روحي بمووت من الملل .. لا طلعات شرات قبل ولا أي شي .. أذكر في دبي يوم كنت أمل كنت أروووح السينما أشووف أيدد فيلم نازل .. بس اهني مستحيييل نو وي أصلا منو بيرضا اني أروح السينما روحي ... كل شي متشددين به في هالبيت... أعوذ بالله سجن .. والله ....

سمعت صوت الباب ينفتح ودخلت شييوم قلت لها : شو ماشي مذهب ما علموج تدقين الباب قبل ما تدشين ...

شيما : لا والله أنا أبوي وأمي متبرين مني ما تعلمت ..

بعد ما خلصت .. من تسريح شعري لفيت طالعت شييوم بنظره حارقه ,, وتجدمت صوب السرير شفت التلفون ع الكوميدينه يضوي ... أوووه صح نسيته ع الصااامت من وأنا في الكلاااس ... شفت الرقم .. حسون يتصل بك ... اللهم اجعل خير يارب استر غريبه داااق الساعه عشر يليل ....

رديت بسرعه : ألو .. حسن ..

حسن بصوت منهك وتعبااان : شهـــد ,,

قلت له بسرعه وأنا خايفه : حسن شو بلااك ارمس بسرعه ,,

حسن : شهد سلطااان عطاااااج عمره ...

طاااح التلفون من ايدي ... طالعت التلفون بديت أصااارخ .. سلطاااااااااااااان وين رحت .. سلطان أنا راضيه عليك خلاااص مسامحتنك بس رد ,, سلطااان رد .. دخيييييلك سلطااان ...

ما حسيت الا بشيما يمبي تهديني وسحبت التلفون : ألو .. هااااه ( حسيت تعابير الحزن على ويه شيما ,,, ارتسمت وقتها ما فكرت بشي ,, حتى ما فكرت اني أسمع باجي الكلام اللي قاعد يدور بين شيما وحسن .. بس اكتفيت بأني أصيح.. )

شيما مسكتني ورقدتني ع السرير بدت تمسح ع راسي ,,

طالعتها وأنا أصيح : شييوم سلطااان راااح ..

شيما : ان لله وان اليه راجعون .. شهود هذا يومه ومكتوب له ,,

قلت لها : شيما بس أنا أحبه ماباه يروح .. شيما سلطان أخويه

شيما بدت تسمح ع شعري وقلت لها وأنا أصيح : شيما سلطان رااح جذي بدون ماا نحس بعد ,,

بالفعل سلطااان تركنا بدون سابق انذاااار بدون ما يلمح لنا بعد .. أصلااا الموت متى قال لأحد أنا بيي لك ؟_؟ هالشي أكييييد ,,

شيما طالعتني وقالت : شهود حبيبي ارقدي الحين ..

طالعتها وأنا أصيح : شيما كيف أرقد وسلطان ما صار له ثواني الا ميت ..

قمت من ع السرير رحت صوب الشماعه ولبست عباتي : قومي نسير ..

شيما سحبتني للسرير : شهد وين تروحين انتي بنيه ولا تنسين خلاااص نحن مب في دبي نحن في العين وأبونا وخوانا وعمامنا ما بيرضون .. وبعدين هذا يوم سلطان ومااات ما يفيد تشوفينه ولا لأأأأ ..

طالعتها وقلت وأنا أصارخ : ما علي منهم هذيييل ,,,,,,, شيماااا سلطااااااااااان كيف ماااات ..؟؟

شيما نزلت دموعها وحضنتني وقالت : شــــــــــــــهـــــــــ ـــد بس خلااااااااااااااااااااااا اااااص مو بس انتي اللي تحبين سلطان .. انتي حبيتيه على أساااس أخو وبس .. ( بدت تصيح من قلب ) شهد أنا أحبه كـ شريك لحياتي .... في غيرج حبه على أساااس حبيب وشريك لحياته ,,, ( علّت صوتها ) فهمتي الحين ولأأأ لأأأأأ ...

طالعتها ما قدرت أقول شي بس حضنتها بقوه وقلت : شيمااااا سلطان ليييش رااااح ,,

شيما قومتني عنها وبدت تصارخ : بــــــــــــس شهد بس تكفين اسكتي خلاااااااص ..

بديت أصيح أكثر وأكثر ... شفت التلفون على طول .. فتحت قايمة الاتصالات وأنا مب مهتمه وشفت رقم حسن وضغطت زر اتصااال ..

رد عليه حسن بصوت تعبااان واااايد : هلا شهد ,,

قلت له وأنا أصيح : حسن تعال ودني ويااااك أبي أشوف سلطااان تكفى يا حسن ..

حسن يخفف عليه : شهد ما يصير .. الولد مااات خلاااص شو تبين تشوفينه أهله كلهم عنده ... وانتي أبوج ما بيرضى

قلت له وأنا أصيح صياااح يقطع القلب : حســــــــــــــن أبا أشوف سلطاااان تكفى حسن دخيلك ..

حسن بان من صوته التعب : شــــــــــهـــــــــــد سلطان بيدفنونه بعد ساعات .. يا شهد افهمي أهله عنده ما يصير ,,

بديت أصيح وما سمعت حس حسن من الطرف الثاني .. رميت التلفون بقوه ع الأرض ...

طالعت شيما وقلت بعصبيه وأنا أصيح : ما قال لج كيف مااات سلطااان ,,,؟؟؟

شيما تصيح : امبلى ...

طالعتها بديت أهزها من جتوفها : ارمسيييييييييي كييييييييييييف ...؟؟؟

شيما تصيح وتشااااهق بنفس الوقت : سووا حادث سياره ...

نزلت دموعي بصمت قمت من مكاني وقلت لشيما : شيما ممكن تتركيني روحي شوي ,,

شيما طلعت وهي تصيح ,,, سمعت أنينها ,, وقدرت أسمع الألم اللي تخفيه بقلبها ,,, آآآآه أصعب شي بالكووون الواحد يفقد حبيب اش كثر هالشي محزززززن محزن للغايه ,,, الواحد ما يعرف هالشي الا يوم يجربه ,,,

تجدمت عن الحمام وتيددت .. فتحت السياده .. ورحت صوب الكوميدينه فتحت الدرج ,, شفت فيه مصحف .. مدري متى آخر مره قريت هالمصحف ,, ما أذكر متى بالضبط ,, اللي أتذكره اني كذا مره سألت سلطان شو تسوي وقت فراغك .. يقول لي أقرا قرآن .. صحيح اني أوقات ما كنت أصدقه ,, لأني اللي أعرفه انه يطلع ويدور .. بس تأكدت من هالشي لما كذا مره شفت بسيارته قرآآآن كان معاااه دااايم ..
فتحت القراآآآن بديت أقرا وأقرا وأنا أصييييح ,, يمكن من فتره ما فتحته .. الحياااه الدنيا لهتني عن أحلى كتااااب بالكون .. لهتني عن كتاااب تطمئن به القلوب يوم تقراااه وترتاااح به النفوووس .. بديت أصيح وأصيح وأنا أدعي بداخلي ..سلطان ليييش تركنا ...؟؟؟
بعد ما حسيت نفسي هدت شوي ..

تجدمت عن السرير ,, وحدطيت راسي ع المخده .. الحين أنا راقده على فراااش ناعم ومريح وثواني ويمكن كم ساعه وسلطااان بينام بقبره,, الله يرحمه آمييين ... ما بيحمل معاااه شي غير أعماله ,,, ما بينفعه الحين شي غير أعماله ... ( بديت أصيح ) سلطان بس رد والله بقول لك شي .. والله اني مسامحتنك من كل قلبي مسامحتنك ليوم الدين .. والله اني ما زعلت منك .. سلطااان بس رد بقول لك هالكلمتين وبس ,, سلطااان مابي منك أي شي .. مابي منك حتى تكلمني الحين بس اني أتطمئن انك عااايش بهالدنيا ,, بس انك تتنفس ,, بس شو تبا بهالدنيا .. نهايتنا كلنا تراب ,, حياتنا . من تراب وعلى تراب ونهايتنا الى تراب .. سلطاااااااان والله اني أتذكر وقفاتك معاي الحين أكثر من أول أتذكر ضحكاتك أتذكر كل شي فيييك ,, أتذكر نصااايحك ,, أتذكر غشمرتك وكل شي يا سلطااان .. أتذكر قبل كم يوم تيي عندي وتقول أنا آسف ,, وأنا أسوي لك أكبر طاااف بس من ورا قلبي ... أتذكرك يوم تيي عندي وتقول لي أسامحك وأنا أذلّك وما ارضى .... أتذكرك وانت تطلب السماااح من بنيه يمكن ما عمرك طلبت السماااح من بنت بس أنا اللي عديتها غاليه أدري هالشي
يا سلطااان بس رد انت .. عشااان أقول لك اني بالفعل سامحتك ,, والله اني ساااااااااااااامحتك يا سلطااان بس رد .. أدري خلااااص ماشي فايده من لو .. وكنت ... وكان ,,, لأنك رحلت اليوم وصرت تحت الترااااب .. أدري انك قاعد تقول خلااااص يا شهد مابي منج تسامحيني ... خلااااص يا شهد أنا رحلت لعالم ثاني مابي منج سووووا الدعاااااااااااااء لي ,,

والله بدعي لك من كل قلبي بدعي لك .. تدخل الجنه .,... ربي يغمد روحك الجنه .... آسفه سلطااااااان لأااازم أنا اللي أتاسف منك على كل زله طلعت مني ,, لو بقصد أو بدون قصد .. مساااامحتنك يا سلطااان ,,, مسامحتنك ...
.
.
هذي حقااارة الدنياااا ,,,,, رحل اليوم ... وخلااااص فارقني وصااار في قبره ...
.
.
فقدتك والزمن مايرحم اوجاع الحزين ولايداريها ..
فقدتك وانكسر قلبي ومدري كيف تاليها ..
فقدتك وانطفى فرحي من الدنيا ومافيها ..
فقدتك آآآهـ لو تدري حياتي كيف اقضيها ..
×
×
فتحت الدفتر وبديت أقرا .. تهت للحظااات ,,, بديت أتذكر كل شي صااار قبل يومين ثلااث بالضبط ... تذكرت يوم اتصل بي حسن قال لي عن خبر وفاااة سلطااان كان يوم في قمة التعاسه كان يوم مؤلم بحياتي ولااازال بذاكرتي يوم مؤلم جدااا يوم فيه لوعه وتعب ..
يوم من اسوء ايام حياتي لأني فقدت بهاليوم انسااان غالي على قلبي وكنت أحب حيييييييييييييل ..
بديت أتذكر الأحداااث اللي صارت بعد وفاااة انساان عزيز وغالي ع قليبي ,,

تذكرت روحي لما هديت اليوم الثاني واتصلت بحسن عشااان اسأل عن حال أهل سلطان وعن حال حسن ,,,, اللي عرفته انه أم سلطان وااايد تعبت وبس ما قدرت أعرف أكثر وحسن بعد بان بصوته الحزن اللي يحمله على فراااق أعز وأغلى ناسه .. تذكرت لما حسن وصف لي كيف كان يوم وفاااة سلطااان .. انه أول ما طلع من النادي ذاااك اليوم كان راد البيت ,, بس كان رايح من درب جبل علي اللي كله شاحنات وسياير عوده وكبيره اللي تشحن الأشيا ,, وبالغلط خطف الاشاره ودشت السياره بالشاحنه .. آآآآآآآآآآه يا كثر هالشي مؤلم .. بشع .. يعور القلب .. ما توقعت للحظه اني أفقد سلطااان ما توقعت اني يوم من الأيام بفارق أغلى انسااان عرفته وعديته أخووو ...
الله يرحمك يا سلطااان ويغمد روحك الجنه .. صح السيدي اللي أهداني اياااه سلطااان فتحته ثاني يوم ,, كان داخله قصيده وحده ,, عن يوم الوداع بصوت فزااااع ,, بالفعل هذا يوم الوداااع يا سلطااان ,, ودعتك في هاليوم ومتاأكده ما في أمل اني بشوفك بهالدنيا مره ثانيه الله يصبر أمك ,, أكيييد حليلها تعبانه وااايد ,,, .. وربي يا سلطااان ما بضيع هالسيدي مهما قصر الزمن أو طااال ....

لا شفتني ضايق وأهلّي الدمع وأبكي باقتناع
لا تحزنك عيني ولا تشره على دمعاتها

( بالفعل يا سلطااان لا تهتم لدموعي لأني بصيح على فراقك اليوم وباااجر وبعده ,, بس مردي أنساااك أكيييد هالشي )

أنا فقط حبيت أدربها على يوم الوداع
أحبابنا قاسين والأيام هي عاداتها
مهما جلسنا نضحك و ناخذ من الحب المتاع
لابد لحظات المفارق نرتشف كاساتها

( لحظاااات االمفااارق آآآآآآآه يا صعبها من لحظااات تموت القلب وتاااخذ الروح وخاصتا اذا الفراق يكون فراااق ناس ما توقعنا نفارقهم بحياتنا أبد )

حتى لوأكذب وأتوهم حبنا وهم وخداع
الدمعه اللي في عيوني تعكس معاناتها
حتى خفوقي لو يقول انه على بعدك شجاع
ساعة فراقك مستحيل أن يحتمل لحظاتها

( اذكر يا سلطان يوم اني قلت اني شجااعه على فراقك بس والله اني ماني بشجاااعه ,, أنا أضعف الخلق اليوم .. أضعفهم لوداعك )

كلما نظرت لرمش عينك جيت لأمرك بانصياع
تقول كن الجاذبيه في هدبك اثباتها
بشبع عيوني من عيونك شوف قدر المستطاع
عل وعساها تكتفي بالشوف من لذاتها
من قبل أعرفك كان شعري من ضياع إلى ضياع
والحين يمشي بس لعيونك على مرضاتها
لو ما ذكرتك في قصيدي صار شعري في صراع
دفاتري تبغيك تتواجد على صفحاتها ,,

( هذا انت يا سلطااان تواجدت بين صفحااااات دفاتري ,, بس متى متى ..؟ يوم الودااااع ,, اليوم تواجدت بين صفحااات دفاتري بس كل شي عنك بهالدفتر أصبح عن انسااان رااااحل خلااااص يا سلطااان ... رحلت ومن بقا وياي يحس بضحكتي وبكاي يا سلطااان ,, رحلت وخذيت معك أحلى أياااام كانت بحياتنا ... رحلت ومن بعدك صابني همممممم يا سلطاااااااان )

نزلت دمعه حاااااااااره حرقت لي خذي من حرارتها ومن كثر الألم اللي تحمله حرقتني وقطعتني ... بللت صفحه من صفحااات هذا الدفتر اللي يضم وسطه أحلى وأتعــــــــس أياااام حياتي ,,, الدفتر اللي ما فارقني لا بسراااء ولا بضراااء ,,
....
وبنفس الوقت كاااان يوم في قمة التعاسه .. لأني اللي عرفته انه حسن بيسااافر خلااااص بيروح بيعيش في السعوديه .. عند أهل أمه .. هذيني بهاليوم فارقت ثاني انسااان غالي ع قلبي .. الله يعين شو بيحل بحااال حسن اللي كااان معانا بعد ...
....
والأصعب يوم اني ودعت انسااانه ربتني وتعبت علي ,, بس اختااارت بعدي مدري ليش معني اغليها وتغليني بس فارقتني خلااااص ,, افترقنا وفرقنا القدر ,,, أمي راااحت للفليبين خلاااص يعني لبلد ثاني .. يمكن ما بعرف عن أخبارها بعد ,, لأنها راااحت تتزوج خلاااص .. تركتني وأنا بأشد أيامي وأصعبها ,,, تركتني خلااااص ...واختارت سعادتها وفضلت نفسها وأهلها علينا نحن .. وعلي أنا ضناها ...
...
غايه هه غايه ما فكرت تتصل فيني من يوم انخطبت خلاااص ,, بس اللي اكتفت به ذاااك اليوم تحذرني من زااايد من زااايد اللي بعده واااقف ويايه ولا يمكن يتركني ... اللي حاااس فيني .. وما سوا مثلها وما تركني بأصعب أوقاتي .. هه أنا اللي قلت غايه مهما تعرفت على نااس جدد بحياتها ومهما عرفت نااااس غيري وتزوجت من منوو ...ما يكون ...؟؟ ما بتنساني بس الظاااهر اني وااايد غلطت باللي أغليتهم غلطت بصداقتي وبكل شي بحياتي غلطت بأشيااا وااايد بحياتي ... وأكبر غلط بحياتي اني موجوده بهالحيااااه ....والله اني ضقت من كل شي حتى من نفسي .. ومن اللي حولي ....

أنا ضايق وبالي ضايق وجوي ضايق ,, ضيق كايد
نفسي ملت وروحي ولت و عيني هلت دمع وايد ,,
×
×
توني بجلب صفحات الدفتر عشااان أحطه بالكبت وأريح شوي أحس روحي هلكت طول هالأيااام وأنا عيني ما تشوووف النوووم ولا حتى تعرف معنى النوووم طول هالأيااام وأنا الضيق والكدره هم اللي ماليين لي حياتي .... حطيت الدفتر سمعت صوت الباب ,,,

قلت بدون ما أسأل : ادخـــــل ,,,

دخلت ومبين بملامحها الحزن والتعب : أهلين شهووود ,,,

طالعتها ابتسمت لها وقلت : هلا شييوم تعالي ...

شيما تقربت مني ومبين ان دمعتها خلااااص بتطيح من مكانها وقالت : شخبااارج شهووود ,,؟؟

قلت لها : أخباااري مثل ما هي ,,, انتي بشري شو الامتحانات ...؟؟

شيما : كله زفت بزفت ,,,

طالعتها وقلت بحزن وحنان : تدرين انه سلطااان الله يرحمه وصاني عليج قبل وفاااته بكم يوم ,,,,

شيما طاحت بحضني وبدت تصيح وقااالت : شهووود أنا أحبه ليييش راااح ,,

رفعت راسها ومسحت دموعها وقلت : شييوم خلاااص ادعي له بالرحمه .. سلطااان توفى وما ينفع الحين كان ولو كنت ...

شيما مسحت دموعها وقااالت : شهد والله الدنيا صغييره ,,,

طالعتها وابتسمت لها وقلت : شييوم عادي أنا بعد بأي لحظه أفاااارق هالدنيا ... كلنا بثواني عاادي حياتنا تنتهي ...

شيما دموعها نزلت : شهووود حرااام عليج لا تقولين جذي ,, والله أحبج أنا .. لا تروحين ... كاافي سلطااان

طالعتها ومسحت ايدي ع شعرها وقلت : أتمصخر وياااج انزين .. بس صدق المووت لا يعرف صغير ولا كبير ...

شيما هزت راسها بالايجاااب وقااالت : حسن خلاااص رااح السعوديه ,,.؟؟؟؟

طالعتها وقلت بحزن : هي خلااااص ...

شيما : محد توقع يصير كل هذا بين يوم وليله ..

قلت لها : وأنا بعد ما كنت أتوقع يصير كل هذا في غضون أيااام .. كنت أتحرا اني أنا روحي بس اللي بفترق عنهم .. بس الظاااهر لأأأ .. حتى غايه تزوجت و حسن ساااافر وسلطااان ما يصير غير ندعي له بالرحمه وانه ربي يغفر له ...

شيما مسحت دموعها وقالت : يلا الله ييسر ع الكل ... ويسهل أمورهم

قلت لها : آمييين ... سيري ذاكري شو عليج باااجر ,,,؟؟؟

شيما : فيزيااا ...

قلت لها : وع ع ع ... الله يعينج عااد سيري ذاااكري ...

شيما : بس في مسااائل عندي ما عرفت أحلها ,,,

قلت لها : والمطلوب ...؟؟؟

شيما : تشرحي لي ,,,

قلت لها وأنا أأشر بيدي : مناااك منااااك يا ماما .,. من متى وأنا فلحت في الفيزيا ,,,

شيما : امف امف عليييييج شهوود والله انج هب خوووش أخت ..

قلت لها : أصلااا انتي احمدي ربج انه عندج أخت شراتي يا ماما ,,

شيما قالت : فديتج والله ,,,

قلت لها : محد سأل عني الصبح ,,,؟؟؟

شيما : اممم الصراحه لأأأأ ,,,

قلت لها : أحسن عسب ما يعرفون .. وبعدين ما حسو بحزنا أنا وانتي بعد ,,

شيما : ع بالهم كنتي تصيحين عشااان ماما ذاااك اليوم ,,

قلت لها : أحسن أصلاا لو درو عشااان شو كانو ذبحوني ههههه

شيما حضنتني بدفاااشه وقااالت : ما بخليهم انتي أختي الوحيده بهالدنيا ,,,

طالعتها وقلت : أع ع ع خنقتيني ..

شيما ابتعدت وبدت تضحك : ههههههه تستاهلين ,,,

شفتها وقلت لها وأنا ابتسم : علني ما خلا منج ....

شيما تجدمت مني وقااالت : لو عندنا أخت ثااالثه جااان غااارت منا هههه ...

قلت لها : هههه صدقج ... بس عندنا شذاوي ...

شيما قالت بحزن : بس شذى عندها اللي يدلعها ويعززها ... مب أنا وانتي ...

قلت لها : شييوم شو هالرمسه وبعدين نحن متعودين مب أول مره ...

شيما دموعها نزلت وقااالت : شهووود ليييييش يعاملونا جيييه ,,,؟؟؟

قلت لها : شييوم بسج عااااد برايهم اش لنا فيهم ,,,,

انفتح البااااب بسرعه ,,,, وسمعنا صوت ضحكه بس فجأه تحولت الضحكه لسكووون وهدوووووء يعم المكااان ...... ماله أي تفسير .. بس له تفسير واااحد وهو التعجب والاستغرااااب من المنظر اللي جدامهم ,,,,

[اسطورة !]

الحلقه السابعه ..

مشتاق لك موت ياللي طول غيابك
ذبحني الشوق وانته عني مو داري
أتذكرك كل يوم وأموت وأحيا بك
وأقول وينك تجي تسأل عن أخباري

شذى دخلت وهي تضحك .. بس تفاجأت لما شافت شيما وهي تصيح .. تجدمت بسرعه : شيمااا شو فيييج ..؟؟

شيما ابتعدت عني وقالت : ها .. لا ولا شي بس أحس روحي مضغوطه وااايد هالأيااام من الامتحانات ...

شذى هزت راسها وقالت : علي هالكلام ,, ولا انتي متى تهمج الدراسه ...

قلت لشذى : شذاوي صدق شييوم يوم امتحان الفيزيا لااازم تصيييح لأنها ميييح ...

شذى حركت راسها وقااالت بعناااد : بعدني مب مصدقه ... ما تقدرون تقنعوني ...

قلت لشذى وشيما : أقول شي ... فارجو أحسن لكم ... لأني ميته رقااااد ... ونودااااااااااانه ...

شذى سحبت شيما وقالت : تعالي انتي يلا قولي لي ليييش تصيحين ..

شييوم حركت راسها بمعنى شقول لها .. أشرت لها بعدم اهتمام أي شي شذى ياااهل وتصدق ... وطلعو ....

طالعت صوب الفووون .. من يومين ما رمست زااايد حتى هو ما اتصل فيني ... يمكن خبر وفاااة سلطااان أثر فيييه لأنهم كانو ربع .. الحين أنا اللي ناادر ما أتشاوف مع سلطااان يمكن صداقتنا كاانت قويه بس بعد هي بين بنيه وولد يعني مو لذاااك الزووود قويه وتأثرت وااايد لخبر وفاااته .. عاد لو حسن وزااايد استوا بهم شي .. ما ينلامون سلطااان ربيعهم المقرب واللي وياهم بكل صغيره وكبيره وبكل خطوه يخطووونها بعد .. يلا الله يستر ع الجميع ...

في معرض السيااارات ...
بو خالد واقف ويطااالع السيارات اليديده اللي توها وصلت المعرض .... وقاال : بو شهاااب مو جنه السيارات عطيناها أكثر من سعرها..

بو شهاب : صدقك يا خوي .. بس شنسوي سيف محد .. وهو ماشالله محد يقدر يحل مكانه ..

بوخالد : يلا انشالله نعوض الخساير يوم يرد ,,

بوشهااب : انشالله ..

بو خالد : ما قال لك اليوم الساعه جم بيوصل المطااار ...

بو شهاااب : قال سبع المسا بيوصل المطااار وعلى ما يخلصون الاجراءات بيردون البيت انشالله ,,,

بو خالد : يلا يوصلون بالسلامه ...

بو شهاب : منو بيروح بييبهم ... أنا قلت حق خليفه وشهااب يروحون بسيارتين .. وعقب يعطون سيارة سيف لسيف وهم يردون بسياره وحده ,,

بو خالد : زين سويت .. تعاال خالد أمسااات يقول خلود طالبه منه يطلعها البر ...

بوشهاااب : شو تبون بالبر العيااال بيمرضون باارد الجو ,,,

بو خالد : مدري والله هذي خلوود اللي طالبه منه وقالت تبا العايله كلها تطلع ...

بو شهاااب : محد بيعطل شغلنا غير هاليهال ...

بو خالد يضحك : يوم وااحد ما يصير شي ,,,

بو شهااب : بشوووف وبرتب حق الطلعه وانشالله بنظهر رباااعه ...

بو خالد : انت شوووف وبنرمس هل حرمة سيف يظهرون ويانا ...

بو شهاااب : لو بنطلع واااايد عاااد نرووح المزرعه أحسن لأنها عوده ,,,

بو خاالد : انت رتب وخبرني .. وبيصير خير ...

بو شهاااب : انشالله .. يلا عاااد أنا بروح البيت ... بريح شوي ...

بو خالد : الله وياااك .. والعصر قول حق الخدامه تخبر خلود عسب تيي عندكم .. عشان البنات يستقبلن عمهن ...

بو شهاااب : انشالله ...
×
×
شو ياينه زااايد .. والله اني مشتاقه له موووت .. حتى ما فكر يسأل عني هالكم من يوووم .. ليييش انزين .. أكيييد مشغووول بسسس مدري والله .. يلا أكييد عنده أعذاره ...
طالعت صوب الساعه ... أوووه ماي قاااد .. بروووح بتلبس .. قالو عمي بيوصل الحين .. لو ما نزلت بيسوون لي هليله .. وعرس لاصاار ولا استوى .. بس شو البس .. يمكن عيااال عمي تحت بروووح بلبس تنوره وقميص لأني اذا لبست بنطلون ولا شي جذاا بياكلوني هاييل ... اممم ما عندي وااايد مخاوير .. بس لو البس مخوره يمكن بيطلع شكلي أحلى .. يلا بشووف وبنزل عقب ...
×
×
الكل قاااعد عقب العشااا يسولف .. ويدامهم دلااال الجاااي .. والحلو ....

سيف يطااالع حرمة أخووه أم شهاااب ويقول : تسلم ايدج حرمة أخويه ع الأكل الطيب اللي مسوتنه ..

حرمة أبويه : الله يسلمك .. هني وعافيه ولدي ....

خليفه يطالع سيف ويقول وهو قاااعد يضحك : شو ولدي بعد ههههههه ...؟؟ الرياااااال عرس وبعدج خالو تقولي له ولدي ...

أم شهاااب : صدق انزين الا هو بعمر خااالد أخووووك ,,,

شهاااب يضحك : يعني شيبه .. هاا عمي سيف شيبت خلاااص ...

بو شهاب : صخ انت وياااه لا ترمسون ع عمكم ....

بو خالد : صح وينه خااالد ما يااااه اليوم ...

أم شهااااب : اتصلت به .. وقاال بيتأخر اليوم ....

بو خالد : فيج الخير ياأم شهاااب ما تقصرين ..

أم شهااب : خليفه وخااالد عيااالي يا بو خالد ,,,

شهاااب : قمت أغااار تراني ...

خليفه : خلكم من الغيره الحين .. نحن نبا نجوووف حرمة عمي ... ما جفناها ...

سيف طالع خليفه بنظرااات : صخ أحسن لك ,,

شهاااب : هي صدق والله نبا نجوفها ... حرمة عمنا يعني تصير عمتنا ,,,

سيف : ايه انت ويااااه حرمتي هب عيوووز عسب تقولون لها عمتي ..

خليفه يتمصخر اونه : من باااب الاحترااام عمي الغالي ,,,

سيف : آآآخر واااحد يرمس عن الاحترام خلوووف ...

خليفه يضحك ويقول : خاالو أم شهااب نبا نجوووف حرمة عمي حرااام ...

شهاااب : هي حرااام أمايه نبا نجوفها ...

سيف : انزين انزين بتجوفونها ... ترييو شوي حشا ...

أم شهاااب : هي والبنات من ييتو ما ظهرن ,,

سيف : حتى شذى اللي هي شذى من ارد من الدوااام تنط لي مب ظاهره اليوم ,,,

أم شهااب : مع خواتهن .. زين يلتهون شوي ...

سيف : شهااب سير ازقر خواتك وبنت عمك ..

شهااب يوقف : انشالله .. وحرمة عمي ما أزقرها ,,,

سيف يطالعه بنظره ويقول : أم شهااب هذا مب ولدكم ,,, طالع ع منو يااهل جذاا ...

شهااب يروح صوب باب الميلس : أمااايه جوفي عمي ...

بوخالد يوقف ويقول : أنا ساااير يا جماعه ,, بروح برتااح ورايه دوام بااجر ,,,

بو شهاااب : تم يا خوي ... بعدك ما قعدت ...

بو خالد : لا مره ثانيه انشالله باجر الفير بروح المعرض ..

سيف : لاحقين ع الشغل يا خوي ...

بو خالد : ههه تراني بدبلك انت بعد ,,

سيف : جااان أتم في بانكوك وااايد أحسن لي من الرده ..

بو خالد ظهر من البيت وهو يضحك ع رمسة أخوه الصغير بو شهااب قااال : أنا بعد بروح برقد ...

أم شهااب : بس البنات يسلمون ع عمهن ويروحن يرقدن بيي لك ...

بو شهااب : هي خل يرقدن مبجر بااجر آخر امتحاان عليهن الله يستر ع النتيجه اللي بييبونها ...

ظهر بو شهاااب شااف بدربه بناته الثلاث وبنت أخووه وحرمة أخوه يايين ... قال : اش حالكن ...؟؟؟

البنات ردو : بخير ...

بو شهاااب : الحمدلله ع السلامه أحلااام ..

أحلام ولأنها صغيره بالسن شوي : الله يسلمك عمي ...

بو شهاااب ابتسم وقاال : بنااات سيرو سلمو ع عمكن متوله عليكن ..

شذى راااااااااحت طيرااان : انشالله ..

بو شهااب دخل صالة البيت و خلود قاالت : أعوووذ بالله من شذاوي .. دوووم جذا ..

شيما : اسكتي عن بابا يسمعج دلوعته هاااي ...

دخلنا الميلس ,,, بصراحه حرمة عمي كااانت متلومه واااااايد .. أكييد شهاب وخليفه قاااعدين ويانا .. دشت سلمت وقعدت يمب حرمة أبويه .. وأنا وشييوم والبنات رحنا سلمنا على عمي سيف ... وقعدنا يمب بعض ...

سيف : هاا اشحالكن بناات ..؟؟

ردينا : بخييير ,,

شذى : زين ييت ملل بيتنا بدونك ,,,

سيف يضحك : لهالدرجه ...

خلود : صدقها والله ما عندنا حد يطلعنا ,,,

سيف : يالعيارات ,,,

خليفه يطالع حرمة عمه ويقول : اش حالج حرمة عمي ..؟؟

أحلام متلومه : بخير ومن صوبك ,,؟؟

خليفه : تمام ...

شهااب دخل الميلس ورااح قعد يمب عمه سيف ... وقال وهو يصاصره : عمي حرمتك حلوه ما عندها خوااات ...

سيف طالعه بنظره وعقب رد يطااالع البنات وقال : هاا شهوود شو الجامعه ويااااج ...؟؟؟

قلت له وأنا ابتسم : بصراحه مب شي ...

سيف : له له اذا مب عايبتنج بننقلج ...

شهد : لا لا بالعكس فيها كل شي بس عااد ربيعاتي اللي اعرفهن ودعتهن خلاااص ..

سيف : عندج حرمة عمج أحلااام تخصص لغه عربيه في نفس جامعتكم ...

طالعت مرت عمي وقلت : زييين خلااص بنترابع أنا وهي ...

ابتسمت لي مرت عمي جااان عمي يقول : وانتي شييوم شو الدراسه ...

شيما قاالت وهي مستحيه : اوكي ..

سيف : سمعت باااجر آخر يوم امتحانات ..

شيما : هي علينا انجليزي ,,

سيف : ذاكرتي خلاااص ,,

شيما : هي الانجليزي سهل ما يباله ...

سيف : علمي هالتنابل اللي عندنا ( وأشر ع شذى وخلود )

شذى تخصرت : عمي والله اني قمت أتشطر بالانجليزي ,,

خلود : هي صدق خلااااص قمنا نرمس عدل صح شهووود ,,

طالعتهن وقلت : ما تتحدوني .. هههه لأني أدرس لغااات ...

شذى : في هاااي صدقتي عاااد .. بس يمكن يوم نكبر بنصير شراتج هههههه ..

ابتسمت لهن وما مرت الا دقايق معدوده والكل راااح حجرته عسب ينخمد بااجر يوم الخميس آآخر يوم في السبووع عقب اجاازه واااو .. بس يوم الأحد بنرد نداااوم واااع والله ما صارت عيشه ... دراسه بدراسه مليت كرهت حياااتي من الدراسه وطاااريها بعد ....
×
×
يوم الجمعه الصبح الساعه عشر ونص بتوقيت مدينة العين ....

بو شهااب : يلا بسرعه يا عيااال تأخرنا ...

شذى يايه طيرااان عند أبوها : بابا حرااام نبااات هناااك ..

بو شهااب : بشوووف بنتي حسب الشغل ...

شذى تترجى : حرااام بابا دخييييلك نبااات ...

بوشهااب : انزين شيلو معاكم ملاابس اسبير يمكن بتنا ...

شذى تصااارخ : فدييييييتك بابا ...

أم شهاااب يايه : لا تباغمين طريتي أذونا بصراخج هذا ...

شذى سوت طاااف وراحت فوووق .. جان أم شهاااب تقول : محد مخربنها هالبنت غيرك ...

بو شهااب يضحك : آخر وحده لااازم ندلعها عااد .. وين شيما وشهد ...؟؟

أم شهاااب : قاعدات يتجهزن ...

بو شهاااب : أم شهااب مضايجينج شهد وشيما ...

أم شهااب : لا بالعكس حليلهن من يوم يونا العين ما يظهرن من حجرهن بعد ...

بو شهاااب : مو بعيده من نصااايح أمهن ...

أم شهااب تغيرت ملامحها .. : وينه سيف وحرمته ..؟؟

بوشهاااب : في بيتهم بعدهم ما يو ..

أم شهاااب : زين يوم ان الأرض كبيره ع الأقل العايله تكون مجتمعه ...

بو شهاااب : هي زين ... تعالي رمسي البنات خل يزقرون خلود تروح معاهن بالسياره نفسها ...

أم شهااب : هي حليلها فقيره ما عندها أحد ...

بو شهااب : عندها بنااات عم اش له خواات بعد .. يلا ازقريهن .. الوقت تأخر ...
..
..
ركبت السياره وأنا معاااي جنطتي العوده من أغلى الماركاااات .. ولابسه صندل يمكن من أفخم الماااركات .. وحاطه عطر ريحته أسبوع كاامل ما بتطير من ع العباااه .. لبست الشيله عدل وعباااه اسلاميه .. مفتوحه من ع اليمب بسسسس عشااان ما تبين اللبس .. أدرس اهني ينازعون لو القذله برع أو العباااه مفتوحه وتحتها بنطلون ...

أبويه قاال : خلاااص نتحرك ....

شذى : هي بابا .. خلااااص ...

شيما : ابويه ممكن تمر محل الورد بااخذ ورد ...

أبويه استغرب بس حسيت شبه ابتسامه ارتسمت ع شفايفه وقااال : حاااضرين ..
.
خلود طالعت شيما : ليييش تبين ورد هااا ...

شيما : ماشي .. بس أباااه ...

خلود طالعتنا وقااالت : صابها شي شييوم ولا كيييف ...

شيما : ياربي .. خلودوووه لا تطفرين بي ...

أبويه : بنااات وطو أصواتكن .. لأنه راسي يعورني ..

خلود وشيما : انشالله

طالعت صوب أبويه .. أوقااات أحسه متعاطف ويانا وأوقااات حتى ما يكلمنا ولا يطاالع رقعة ويهنا ... لييييييش جذي انزين ليييييش ..؟؟ ع الأقل يحسسني اني بنته .. ليش كل هالحواجز اللي بينا ... ليش دوووم يحاول يبني حواجز بينا .. أوقااات يكون فخاطري انه ابوي أول ما يدش البيت أروووح له ركض شرااات اليهااال وأحضنه من بعيييييد وأقول له اشتقت لك بابا ,, وأوقاااااات بخاطري اني أقول له أبويه ما بيك بحياتي ما بي وجودك ولا وجودي بهالحياااه .. أدري اني قاااسيه بس والله الزمن هو اللي فرض علي اني أكون جذي ...

وصلنا هالحزه لصوب مسيد لأنه الرياييل قالو بينزلون المحطه .. قلت أنا بروووح المسيد وبعدين باجي وااايد على الخطبه والاقامه .. دخلت روحي لأنه البنات قالو ما بييون .. ما استأذنت من أبويه بس لو سألني بقول له كنت أبا اروح الحمااام ما بقول له اني بغيت اروح جذي المسيد ,,, دخلت وفسخت نعاالي ,, تجدمت وأنا أشوف النقوش ع اليداار شكلها بصراحه عجيييييب .. طالعت ثلااث حريم يقرون قرآآآن

قلت : السلام عليكم ,,,,

رديت عليه وحده الظاااهر توها بالثلاثين واللي معاها بعد ردو : وعليكم السلام ...

قلت : غريبه خالو يايين هالحزه الاقامه بعدها .. واللي أعرفه نحن الحريم نصلي في البيت أحسن ..

ردت عليه وهي مبتسمه .. : بنتي ييت أقرا قرآن ..

طالعتها وابتسمت : في ميزاان حسناتج ..

وحده أشرت لي أتقرب منها وهي تبتسم وقالت : تعالي أبااج شوي ...

خفت وترددت بس عقب توكلت وقعدت يدامها .. قلت : نعم خالو ..؟؟

قالت لي : بنتي حبيبتي بسألج انتي كم حافظه من القرآن ..

ابتسمت لها استحيت الصراحه أرد بس قلت : شوي .. مو وايد ..

قالت : بنتي انتي مبين بعدج صغيره .. ملتحقه بحلقة تجويد ..؟؟

قلت لها : لأأأ ..

قالت لي : التحقي يا بنتي هالشي بيفيدج وبيشفع لج يوم القيامه ...

قلت لها وأنا ابتسم : انشالله ..

طالعت التلفون وهو يرن قلت : مع السلامه .. الوالد بيرووح الحين ..

ابتسمت لي المره وقالت : يا بنتي احفظي القراآآن هالشي واايد زين ..

طالعتها وقلت : انشالله ...

بعد ساعه وكم من دقيقه وصلنا لمزرعة أبويه اللي تقع في منطقه من المناااطق الوسطى اللي في الاماارات... بصراحه المزرعه وااااااايد حلوه حلوه بمعنى الكلمه .. شكلها عجيب وغريب بنفس الوقت ... دخلنا ورحنا نحن البنااات لصوب الصالات العوده الداخليه ... رحت صوب الدرايش الزجاجيه العوده .. طالعت برع .. الجوووو مسكت الصراحه غيم وبرد ... والورد والزرع والريحاان والياسمين شكله خياااااال وعجيب ... رديت ورا تجدمت عن حرمة عمي

وقلت لها : حلوه المزرعه صح ...

أحلاام ابتسمت لي : هي وااايد حلوه ...

قلت لها : سمعت يقولون أهلج بييون ليش ما يو ..؟؟؟

أحلام : أختي ثانويه عااامه وأدبي ما بتخلص الا يوم الثلااث ,,

قلت لها : هي هذي بلوى الأدبي ما يخلصون الا آخر شي ..

أحلام : هاا شو مسويه في الجاامعه ..

قلت لها : قااعدين نقدم الامتحانات .. خلااص قرب هالترم يخلص ...

أحلاام : زيييين .. أنا طافني الترم هذا بسبب العرس ,,

قلت لها : بس عادي أحسه ترم وااحد ما يفرق ..

أحلااام : صدقج .. وينهن البنات ..

قلت لها : مدري شييوم شرت ورد في الدرب يوم نحن يايين .. والحين مدري وينها وخلود شذى شكلهم راحو صوب المساابح ..

أحلااام : هي شفتها تشتري ورد .. عمج سيف تم يضحك ههههه

قلت لها : صدقه مدري ليييش شرت ورد هالثانيه بعد ,,,

أحلااام : أنا بروح بغير وبساااعد خالو أم شهااب ...

قلت لها : زين وأنا بعد بيي وياااج ...
.
.
لبست مخورتي السوده مع الشيله البيضه رحت مع مرت عمي أحلااام .. للمطابخ عسب نسااااعد حرمة أبويه .. دخلنا المطبخ ..

أحلاام تجدمت عن مرت عمي وقااالت : تبين مساااعده خالو ..

أم شهاااب متخرعه وتقول : توج عروووس ما صار لج الا كم أسبوع ودشيتي المطبخ ..

أحلام تضحك : عااادي انزين خااالو شو فيها ...

أم شهاااب : يلا سيري ازقري ريلج ويلسي ويااااه شو تبين تدشين المطبخ الحين ...

أحلام رااحت صوب حرمة أبويه : لا لا الا أساعدج عناااد ,,

رحت صوب أحلام وسحبتها : خالو تبيني أكفخها وأطلعها ,,,

أم شهااب تضحك وقالت : هي طلعيها هاااي خبله توها معرسه ويايه المطبخ ..عسب تساااعد ..

قلت : أفاا عليج .. خالو الحين بشلها وبفرها صوب ريلها ...

أحلاام : حراام والله بس بعابل في السلطه ..

خالو أم شهااب قالت : الخدامه خلصت بس أنا قااعده أشرف ع الطباااخ ...

قلت وأنا اروح صوب اليدر العود رفعت الغطا وطلع البخااار : الله خااالو شو هالريحه تسلم ايدج ع هيك طبخه .. لك ريحتها بتؤتل

خالو أم شهاب ضحكت وقالت : جلبت البنيه سوري ...

قلت وأنا أطلع : أنا بسير برقد وعوني بعد صلااة اليمعه أوكي ..

خالو أم شهاااب : انشالله ...
×
×
ليتك تجي وتجس شوقي ومعناي .. وتشوف قلبي كيف لابس غرامك ,, كل الأحبه تزعل وانت مرضاي ,, ما همني لو كنت مرمل سهامك ,, أشتاق لك شوق الظوامي الى الماي ,,

تجدمت صوووب التسريحه وبدت تحط جحااال : حبيبي يلا قوم بسك رقاااد ..

يتجلب وهو فييييه رقااد : أوكي حبي ...

غايه تجدمت : يلا ميووود بنتاأخر بيأذن الظهر .. وانت بعدك رااقد ...

مايد يلف ويطالعها وهو مبتسم ويقول : فديت هالويه ولله ..

غايه ابتسمت بحيا : يلا ميووود بسرعه بنتأخر ع الجماااعه ..

مايد يقوم ويقول : اوكي حياااتي ...

غايه تتجدم صوب السرير وتقعد يمب ماايد : ميووود أنا رمست شهد ذاااك اليوم بس مدري هي شو قااامت تهذر ..

مايد يأفأف : غوايه الحين صباحية عرسنا بعد شهود وشهود ...

غايه نزلت راسها : آسفه خلاااص ...

مايد : يلا حبيبتي عسب نسير بيت أبوي ..

غايه طالعت مايد وقااالت : من ساااعه عااد أنا شو قاااعده أقول لك ...

[اسطورة !]

مايد ضحك : السموووحه يا أحلى غوايه ...

غايه قاالت : ماايد دخيلك أنا أبا أبعدها عنه ...

مايد رد طااالع غايه وقال : شهد نحن ما علينا من أحد ... خلج بروحج الحين وكل انسااان حر بحياته ..

غايه : بس زااايد ربيعك ...

مايد : غااايه أعتقد قبل ما نعرس قلت لج رجاءا ما نخلي أي أحد يتدخل بحياتنا وانتي بعدج على شهد وشهد ...

غايه قااامت : اوكي سوري حبي ..

مايد : هي اباااج جذا .. بس عااد انتي لا تزعلين والله كل اللي أسويه من خوفي عليج ...

غايه ابتسمت : أدري حبيبي وانشالله من اليوم ومن هاللحظه ما بخلي أحد يتدخل بحياتنا ...

مايد يشد خدودها : هي أبااااج جذا ... يلا بسير بتسبح عن نتأخر ع الجماااعه ,,,,

طالعته وهي مبتسمه .. بالفعل محد يفيدها بالدنيا الا اللي يبي مصلحتها ... ما بنكر وما بقووول ان مااايد انسااان بعض الوقت يكون متشدد و عصبي شوي .. بس والله معااااي غير غيييير بمعنى الكلمه .. مايد يخاااف علي .. كل اللي يحبوني هم اللي يبعدوني عن الغلط مب اللي يحرضوني ع الغلط ,,, شهود هي شهود تبون تعرفون شهود ليييش ما حضرت عرسي البااارح .. لأني اتصلت فيها كذااا مره وطول الوقت يعطيني خااارج نطاااق الخدمه أو ما ترد عليه .. أشك لأنه ذاااك اليوم تضاربت وياها عشااان تترك زايد بس شهد ما رضت بنصيحتي نصيحتي كأخت وصديقه أخاااف عليها .. شهد متعوده تجذب كل اللي حوالينها بس تصدق اللي تحبهم ولو كانو غلطانين بس بنظرها اللي تحبهم ما بهم أي عيييب ... هذي مشكلتنا يوم نحب اللي حولنا ونأمن عليهم زيااااده ع اللزوم ... بس أنا خلاااص ما عااد يهمني أحد بهالدنيا كثررر مايد .. خلااص أي أحد بهالكون يزعل الا مااايد .. عندي الكل في الكل ..
×
×
.... يتمشى معاها في الحديقه ويقول : شو راااايج حبي ,,,..؟؟؟

أحلااام مبتسمه : شكلهااا وااااااااااااايد حلو تصدق واااااااااايد ...

سيف ماسك ايدها وتجدمو عن الورد وقااال : تشوفين هالورده ...

أحلااام : هي بلاها ...؟؟؟

سيف : هذي قبل كم أسبوع يينا أنا وولد أخويه وزرعناها ..

أحلااام : حلو .. تعرف للورد وهالسوالف ..

سيف : وااايد ...

أحلااام : أنا بعد ... وأحب الورد بعد ..

سيف : أنا أبا أعرف هالبنات جيييه خارطين ع رواحهم ورد ما ورد ..

أحلام : سووووااااف عااد لا تتمصخر عليه ..

سيف يضحك : لا صدق ولا شييوم اليوم شرت ورد والله ضحكتني ... ههههههههه

أحلام : اش دراااك انته يمكن تبا تعطيه حق أحد هديه ,,,

سيف يضحك : حق منو يعني ... ..؟؟؟ ما أحيد شي مناسبه اليوم ...

احلاام : بنااات عاد انت تدري بسوالف البنااات ...

سيف يضحك ويقول : تعالي تعالي براويج ورا المزرعه ,,,

أحلام تقول : انزين امش شوي شوي بطيح تراني وبتكسر ..

سيف : أعوذ بالله سلحفاااه ... شكلي بعلمج المشي كيف بعد ,,

أحلااام : حرااام عليك تباني أركض بالجعب يعني ...

سيف : أخ خ أحلاااموه .. امشي بسرعه من يوم خذيتج وانتي بطيئه ..

أحلام : سوااااف شوي شوي ...
×
×
طلعت من الصاله .. تجدمت عن الياسيمين .. يا ربي اش كثر أحب هالورد أموووت عليه بعد ... طالعت تلفوني .. غايه من أسبوع يوميا تتصل فيني .. بس أنا ما برد خلاااص دامها اختارت مااايد على صداقتي .. ما بنكر وما بقول انه صح مصلحتها مع مااايد مو معاااي بس بعد ع الأقل تخترم مشاعري وصداقتنا لو شوي بعد ... خذيت معاااي من الياسمين .. وبديت أمشي ... الين وصلت ورا .. صوب المسبح ... طالعته تجدمت عنه وقعدت جريب الكراسي ... بديت أطااالع المسبح ... أنا ناادر ما أروح البحر ... أكثر شي أروح النوادي اللي فيها مسااابح .. بس بعد حلوه السباحه في النااادي نحن البنات نبدا نتضارب بالماااي .. يا حلوها من أيااام يوم أنا وغوايه نتضارب بالماااي بس خلاااص هالأيام راااحت وولت ...

سمعت صوووت من وراااي : لأأأأأأ بلوووووووووح مابا داااخل مو حلووو ...

.............. : لا تسير تعااال اهني بشتري لك حلاوه ..

وصوت يااااهل وهو يركض صديت طااالعت وراااي ... شفت وليد قاااعد يركض بسرعه ,,

بس اللي فاجئني صوت واااحد وهو يقووول : يوديــــــــــــــه عن يدش المسبح ..

تخرعت وقفت رحت بسرعه صوب وليد ومسكته وبدا يتضاااارب ويقول : نزليني نزليني ما أحبج ....

قلت لها بصرامه : صخ لا تتحرك ....

طالعني وليد مستغرب ,,, وقااال : منو انتي لييييث ما خليتيني الوووح ماااي ...

طالعته ابتسمت ابتسااامه يمكن ما تبين بعد وقلت : كيفي .. يلا سير داااخل ....

سمعت صوت ريااال تجدم عنا وقااال : وليييد يالهرم جيييه تركض وبعدين جم مره قلت لك هالمسبح مال كباااار مب مال صغاااار ..

وليد : بابا أبا أتثبببببببح ... أنا كبيييييييييل خلاااااااث

ابتسمت لوليد وقلت : هي انت كبيييييييير صح ههه ...

خالد رفع راسه وقااال : مشكوره بنت العم ...

قلت له بنفس النبره : العفو .. ما سوينا شي ...

خالد مسك ايد وليد وحسيت بالحنااان اللي يحمله لولده وقاال : يلا نسير نلعب بليستيشن ..

وليد طالعني وقااال : انتي تعالي ويانا ...

قلت له .. : لأأأ حبيبي أنا ما أعرف .. سير وأنا بيي داخل ..

وليد بدا يصااارخ : ما بلوووووح تعالي ويانا ..

قلت له وأنا ابتسم : اهداا يا رياااال شو صااابك ...

خالد شااال وليد وقال : انزين بنروح نلعب يلا تعااال ويايه ..

وليد : بث تلعب ويايه ما تلوووح عند يدي ذين ..

خالد ابتسم له وقاال : زين ,,, يا شااااطر ...

تميت أراقبهم الين ما دشوو داااخل الصاله ... شي حلو الواحد يحس باحساااس وعطف الأبوه .. الظاااهر خاالد وايد يحب ولده شي حلو انه الواااحد يحب ولده وهالشي أكيييييييد من يكره ولده .. غيييييير طبعا .. خلوني ساكته أحسن لي ...

سمعت صوت التلفون وهو يرن .. تجدمت صوبه ورديت ... : آلو .. هي تعالو عندي أنا عند المسبح .. لا أي حر توها أربع العصر ... وبعدين نحن شتااا يا ماما .. يلا أترياكم .....

لفيت ثواني الا وأشوف شيما وخلود وشذى يتجدمون صوبي .. ابتسمت لهن ويو صوبي وهم مبتسمات ...

قلت : هلا والله هلا ...

شيما تطالع السما : الجو حلو صح ...

قلت لها : هي وااايد ... بس برد بعد ..

شذى : عيبتكم المزرعه ...؟؟

شيما : هي وااايد حلوه المزرعه وشكلها بعد غير ...

خلود : عمي بو شهااب وااايد يهتم فيها ...

شيما : هي الظاااهر جذا لأنها مرتبه واايد

شذى : بس بعد هالمره شكلهم مغيرين بها شوي ..

خلود تقعد ع الكرسي : هي وااايد ...

قلت : كيف يعني ...؟؟

خلود : من ناااحية الأثاث الداخلي والقعدات اللي برع ..

قلت : اهااا .. بس لااازم الوااحد يغير .. الواحد يمل يوم كل شي نفس الشي ..

خلود : صدقج .. حتى النفسيه تتغير ..

شيما : بنااات تدرون اليوم شو ..؟؟؟

طالعتها وقلت : ليش ع بالج اني أنسااا يوم مثل هذا ..

شذى : شووو ..؟؟؟

طالعت خلود وشيما وقلت : عيد ميلاااد شييوم اليوم ...

خلود ابتسمت بفرحه : صدق والله ...

شذى : جيه ما خبرتينا كنا نييب لج هدايا ع الأقل ,,

شيما : لأأأ عادي مب لاازم ما أحب الهدايا أنا ,,,

شذى : عااد مو لهالدرجه .. تريي وبنييب لج هدايا ..

قلت لشيما : وصلج المسج ..

شيما ابتسمت : هي مشكوووره شهود .. بليل الساعه اثنعش بالضبط وصلني ...

قلت لها : عسب تعرفين أختج لا يمكن تنساااج ,,,

شذى طالعتني وقااالت : شكلكم واايد مع بعض ,,,

شيما : هي تووو كلوووز ...

خلود : يلا الله يديم المحبه بينكم ..

قلت : آمييين ,,,

خلود : ممكن أسأل شوي ...؟؟؟

شهد : هي أكيييد ...

شذى : لحظه وأنا بعد عقبها عشااان اطلع كل اللي بقلبي ,,

قلت وانا بتسم : خذو راحتكم ...

خلود : انتو كيف كنتو عايشين في دبي ..؟؟

قلت بدون اهتمام : عادي كل شي ع كيفنا ... وكل اللي نبيه نسويه ..

خلود : كيف يعني ...

قلت لهن : يعني عايشين حياتنا محد يسأل متى نطلع ومتى ندش ,,,

خلود متفاجأه : وامكم ...

قلت : تراها شراتنا .. ع كيفها يعني ,,,

خلود : انزين انتو ما تشتاقون لعمي ,,, اللي هو ابوكم ..

قلت وأنا ابتسم : شو تتحرين يعني ...؟؟

شذى مستغربه وقاالت : بقول شي بس محد يزعل بليييز ...

قلت لها : قولي .. متعودين ع الرمسه اللي تزعل ,,,

شذى : ما أقصد جذي بسسس ... انتو أمكم كيف عرفت بابا ,,

طالعت شيما ورديت طااالعت شذى وقلت : شو قالو لج ...؟؟؟

شذى : مدري بس يقولن سحرته .. هاللي عرفته ,,

طالعتها وقلت : يمكن بس أنا عن نفسي ما أعرف تدرين ...

شذى : غريبه ,,

قلت لها : يقولون انها كاانت خدامتكم وبس ما أعرف شي ثاااني ...

شيما قااامت وقالت : يوم تخلصون من هالسوالف ازقروني ,,,

قلت وأنا أقووم : خلصنا تمي أنا بروووح داااخل لأني بديت أبرد ,,

شيما ردت قعدت وقاالت : ألجووو حلو بالعكس ...

قلت لها : بس عن تمرضين .. حاسبي ترااا اهني ماشي ايفا تحط لج كمادات ...

ابتسمت لي شييوم وقالت : انشالله ,,, ( وشذى وخلود طالعو بعض مستغرباااات وااااااااايد من ردة فعلنا أنا وشييوم )

ما بنكر انه أسئلة البناات حزت بخااطري واايد .. بس خلاااص تعودنا ع الكلاام الجاارح كلما ردينا أو رحنا .. انتي كذا وانتي كذا .. كيف أبوج سوا جذا وأمج ليييش جذي .. أحس خلااص تعودت على هالأسئله وصااارت من روتيني .. اليومي ...

دخلت الصاله ,, طالعت أبويع وعمي بو خالد ابتسمت وقلت : السلام عليكم ..

ردو عليه وقالو : وعليكم السلام ...

رحت تجدمت عن الدري ,, بس أبوي وقفني يوم قااال : شهد تعالي ايلسي ويانا شوي ...

طالعته وقلت وأنا خاايفه بداخلي : انشاالله ..

تجدمت صوبهم وقعدت وأنا متوتره واايد مدري شو يبا فيني ابويه .. بس قال لي : عيبتج المزرعه ,,,

استغربت من سؤاله الصراحه بس اكتفيت اني أقول : هي ....

أبويه : انشالله مستانسين ...

قلت له : هي الحمدلله ...

أبويه : شهد بغيت منج شي ...

قلت : أمر ابويه انت تامر أمر ....

أبويه : شهد انتي حااافظه شي من القرااان ...

طالعته فهمت ليييش سألني هالسؤاال وقلت : لا تخاااف أبويه مهما كااان أنا كنت عااايشه بين مسلمين لاازم أعرف ديني ...

أبويه ما علق ... ع كلامي .. صح اني أقصر بصلاتي أصلي كم من صلاااه وأوقااات لأأأ بس بعد أعرف عن ديني الحمدلله مو لهالدرجه عاااد .. مب مره وحده اني ما أفتح المصحف ,, بالعكس .. أوقااات أحس روحي أقرا عن قلب ... بس بعد الله يهديني وانشالله ما أقصر مره بصلاتي .. لأني الصراحه في شقتنا ما كنت أصلي بس لما ييت العين شفتهم كل أوقااات الصلاه يصلون وكذا مره شفت شذى تقرأ قرأأأن هالشي شجعني وبديت أقرااا ... غير المره اللي كلمتني اليوم .. وااايد شجعتني الصراحه .. أسلوبها جدا جدااا رااااائع في النصح .. عجبني أسلوبها ... بالفعل أنا ما أقرا واايد ولا حتى صلاااتي كنت أهتم لها .. بس الحمدلله هالفتره قمت أهتم بصلاتي .. غير وفاااة سلطاان بيين لي انه الدنيا فااانيه ونهايتنا تراااااب ...

بو خالد قااال : ماشالله شهد تعرف دينها يا بوشهااب هب لاازم تسألها ...

ابتسمت لعمي وقلت : لأأأأ عمي عادي .. بس هالشي واااجب ..

عمي بو خالد ابتسم وقال : شو تدرسين بنتي ..؟؟

قلت له : لغاات ..

قال لي : شي طيب تبين تصيرين مترجمه ..

قلت له : انشالله ..

أبويه قاال : عايبتنج الجامعه اهني ..؟؟

استغربت يمكن من اهتمام أبويه لي وقلت : هي زينه ..

ابويه : اذا نقصج شي خبريني ..

قلت له : انشالله ...

استغربت من أسلوب أبويه ويايه أول مره يكلمني بهالأسلوب من ييت العين ... دوم متعود يكلمني بأسلوب جاارح وقاسي .. بس الحين الحمدلله يكلمني بأسلوب زين وااايد .. اذكر مره بعد ولا يمكن بحياتي بنسى هالموقف بحياتي .. يوم علقو عليه وقالو عني بنت الفليبينيه .. بس خلاااص هاللقب تعودت أسمعه .. وأسمع أكثر عنه .. يعني مثااال بنت الفليبينيه ما تعرف لأنها متعوده عالسوشي .. أو متعوده ع الاسباغيتي .. أحسهم يجرحوني بهالكلاام .. بس بعد قاامت معاملتهم تتحسن يوم عن يوم .. أكيد لأنهم بدو يتعودون علينا ...

قطع علي تفكيري صوت عمي وهو يقول : ماااايد تزوج البارحه ...

حسيت الدم بعروقي وقف غايه تزوجت غاايه .. غايه تزوجت ..؟؟ كيف هنت عليها .. حتى ولو ما تبي تعزمني ع الأقل تخبرني انه عرسها ولو بمسج .. حتى ولو ما تتشرف اني أحضره بس ع ألأقل أكون داريه انه ربيعة روحي بتتزوج .. بس هذا الزمن لااازم القوي يااكل الضعيف .. بس بعد أنا شموخي ما يسمح لي اني أكلمها الحين خلااص دامها اختاارت البعد خلااص كلن بدربه ...

يادمع عيني خف جرحت عيني والعين تبكي خوف تفقد بصرها ,,

حسيت للحظه يتني الجرأأأه وقلت : أبويه ..

رد علي : نعم بنتي ...

هالكلمه خلتني أسكت ويمكن كانت بتخلي دمعه سااااخنه تنزل على خدي .. قلت : خلااص ماشي ...

ابويه طالعني وقااال : ارمسي شهد شو فيييج ...؟؟

طالعت عمي وأبويه وقلت : ابويه انته جيييه فريتنا في دبي ..

أبويه مستغرب وقااال : أنا فريتكم ,,,

قلت له : هي .. انت .. حتى ما سألت عنا ..

ابويه : شهد بنتي أنا دوووم أسأل عنكم ,,

قلت لها : ابويه مب انك تسأل عنا يوم تقول ناقصنا شي .. بالفعل نحن ناقصنا شي تدري شو هو ...

ابويه استغرب وطالعني بنظره عاديه وقاال : شهد فيج شي ,,,...؟؟

طالعتها وقلت : ابويه نحن ناقصنا حنانك تعرف هالشي ,,,

ابويه تجرب عني وضمني له وقااال : شهد خلااص انسي الماااضي انتي اليوم عندي خلااص ... وبتميين عندي انشالله ..

قلت وأنا أطالع ابويه : متى يا بوي يبتني عندك بعد مااا فااات الآوااان ..

ابويه طالعني مستغرب : شهد ارمسي .. صابج شي ..لا سمح الله ..؟؟؟

قلت له وأنا أوقف : لأأ ابويه الحمدلله ما ضابني شي واسمح لي ع الرمسه اللي قلتها لأني كا كنت صاحيه ...

تجدمت عن الدري .. بس في صووت وقفني يوم سمعت صوت .. : هي صااابها شي . .. تعرف هالشي ...

لفيت وأنا منصدمه وقلت : شيما تعالي ...

شيما تجدمت عن ابويه وعمي وقااالت : صابها واايد اشيا .. واول شي الضياااع .. ابويه تعرف نحن كيف كنا عايشين في دبي وكيف كااانت حياتنا ...

عمي مسك شيما وقاال : بنتي اهدي ويصير خير عقب ,,

شيما طالعت ابويه : فكرت بيوم تسأل كيف عايشين أنا وأختي فكرت كيف حياتنا كانت في دبي ... ومتى نرقد ومتى ننش من الرقاااد

تجدمت عن شيما مسكتها وقلت : ابويه شيما صغيره وما تعرف للي تقوله وما تقصده ..

شيما طالعتني وقااالت : لأأأ أنا أقصد يااا شهد ...

طالعتها وقلت : شيما بس خلاااص ..

أبويه قاااعد بمكانه وقال : شهد خليها ترمس ,,,

شيما طالعت ابويه وقاالت : اكييد برمس شو عبالكم بخاااف يعني ,,,

قلت : شيما رجاءا صخي وتعالي ...

ابويه قااال : شذى وخلود سيرو فوووق ..

شذى تجدمت عن ابويه وقاالت : ما بخلي بنت الفلبينيه تسحرك مره ثااانيه ...

طالعت شذى بعصبيه وقلت : بـــــــــــــــس خلاااص .. انتي مالج حق تقولين لنا جييه فاهمه ..

شذى دمعت : بابا من يوم هذييل يو بحياتنا ونحن حياتنا منجلبه ..

قلت لأبويه : فهمها أبويه انه نحن بعد بناااتك مو بس هي ...

أبويه قااال وهو معصب بس ميود روحه : شذى وخلود قلت لكم روحو فوووق ...

شذى صعدت وهي تصيح وخلود معاها .. طالعت أبويه وقلت : تصدق بابا توها تسألني كيف عرفت أمااايه ..

ابويه سوا لي طاااف و طالع شيما وقااال : شيما أنا مقصر بحقج ....

شيما دموعها هلّت وقاالت : وايد يا بوي واايد تدري ...

عمي تجدم عن شيما وقااال : شيما مهما كااان هذا ابوووج ...

شيما صاااحت : ابوي .. لو ابوي جااان ما فكر يتبرا منا .. جان ما فكر يودرنا عند وحده ما يعرف ديانتها بعد شووو .. ما كان أمن علينا ونحن ساكنين على بعد أمييااال عنه ...

ابويه : شيماااا رجاااءا لا تسولفين وانتي مب قد الكلااام اللي تقولينه ..

شيما ردت وهي تصيييح : امبلى قده ابويه قده ...

ابويه : شهد شيلي اختج ووديها فوووق ...

طالعت شيما وقلت لأابويه : انشالله .. بس اعرف ابويه نحن على كثر اللي سويته لنا الا نحن مسامحينك ..

ثواني الا وأجوووف حرمة أبويه نازله ومعاها شذى وقااالت : ليييش شذى تصيييح ..؟؟

ما رديت عليها وطااالعت شيما بس شيما فاجئتني يوم قااالت وهي تبتسم بطنازه : لأنها قااالت لما بنت الفلبينيه والحين عرفت انها غلطت تتأسف بالصياح

حرمة ابويه شافت ابويه وقاالت : بلاها شذى ,,

شيما : دلوعة ماما وبابا على طووول رحتي لأمج وابوج تشتكين ..
.
ابويه وقف من مكانه وتجدم عن شيما وقااال بصرامه : شيـــــــــــمـــــــــاا اا ...

عمي بو خالد تجدم عن ابويه وقااال : استهدا بالله يا بو شهاااب خلهن صغاار بعدهن ما يعرفون ..

شيما قالت باستهزاااء : وأنا يا حسررره دلوعة منو .. لا ماما داريه عني ولا بابا ..

ابويه طالع شيما وقااال : انتي يبالج من يربيج شكلج بعدج ما تربيتي...

ما تمنيت اني أوقف جدام أبويه بس قلت وأنا أدافع عن شيما : أكييييييييد نحتاي من يربينا .. مو بس شيما أنا بعد تدري يا بوي ... ولا من متى الكفااار يربونا ع الأخلاااق .. انت تعرف هالشي ..

ابويه تجدم عني ومسكني من ياقة قميصي وقااال : شهد وشيما ان ما صخيتو لي حساااب ثاني وياااكم ..

قلت وأنا دموعي تهل : اضرب ابويه يمكن من بعد ضربك بحس بحنانك اللي فقدته ..

شيما تجدمت عن ابويه وبدت تسحبني وقااالت وهي تصيح : ابويه انت فحياتك ما فكرت فينا فحياتك ...

ابويه طااالع شيما وقاال : والله العظيييم ان ما سكتتي لي حساااب ثاني وياااج ,,

شيما طالعت ابويه وقااالت : تدري ابويه ليييش طلبت منك تشتري لي ورد ,, تدري ليييش اليوم قلت لك مر محل الورد ابا ورد .. ما فكرت حتى تسألني لييييش ابا الورد بعد ...؟؟؟

ابويه وكلنا سكتنا .. : ........................ ( لا رد )

شيما بدت تصييح : لأنه يوم ميلادي .. تدري بنفس هاليوم يت لك بنيه اسمها شيما و ليتها ما يت بهالدنيا بعد .. تعرف هالشي يا بوي .. اشك انك تعرف يوم ميلادي بعد .. أصلا اشك انك تعرف عمري بعد .. تدري بنفس هاليوم تركتنا بروحنا .. تدري من يوم وأنا صغيره انت ولا مره فكرت تشيلني ولا حتى تبوسني يمكن أو تحضنني شراااات هالعالم والناااس اللي يشيلون عيالهم .. تعرف هالشي يا بوي

طالعت حواليني بغيت أتجدم من شيما وأسكتها من الحاله اللي هي فيها .. بس حسيت بالهدووووء والسكووون اللي عم حواليني ..
طالعت نظرااات أبويه .. حسيته للحظه خلاااص بركااان وبينفجر .. شوي وبيطلع حرته فينا أنا وشيما وبيقووول خلاااص ماباااكم انتو
ساااس هالبلا كله .. حسيته قاااعد يتجدم من شيما .. شوي ويضربها بغيت أتجدم من شيما وأحميها عشااان ما يمد ايده عليها .. شيما بعدها بسن الزهوور لا يمكن تستحمل أي ردة فعل .. وعادي تسوي أي شي بروحها ...

[اسطورة !]

الحلقه الثامنه ..


مالك علينا يالغرام ,, ساااكت ولا تبدي اهتمام ,, حتى اتصالك منقطع مالك سلام ولا كلام ,,
مالي عقبك هنا ميت عذاب ميت عنا مقهور من بعدك أنا سهران ليلي ما أنام ,,

تجدمت بأسرع ما عندي صوب شيما عشااان أحميها من أبويه .. .. بس أبويه فاجئني يوم أبعدني عنها ... والكل تفاجأ ..
أبويه شاااف شيما ومسكها من يدها وبدا يبتعد ...

قلت بصوت عالي وأنا أصيح والحقهم : ابويه لا تسووو بها شي أبويه حرااام عليك ...

ابويه طالعنا وقااال : محد ييي ويانا .... ( وطالع عمي ... )

قلت وأنا أشوف عمي : عمي الحق بيموت شييوم ...

عمي ابتسم لي وقال : اهدي شهد ما بيسوي بها شي بس بيرمسها ...

طالعت عمي ورحت رميت روحي بحضنه : عمي لا تخلي أبويه يسوي فيها شي شييوم صغيره ...

عمي مسك ويهي وقال : خلاااص شهد ما بيسوي بها شي ...

شذى تجدمت عني وطالعتني بغيت أفلعها ضرب .. تتكلم عنا بطريقه غير لائقه ابدا والحين يايه ترمسني ... طالعت عمي وقلت : عمي ابا اسير عندهم ...

عمي بو خالد : شهد ابوج بيرمسها على انفراااد خليهم روحهم .. بيفهمها ..

أم شهااب قالت : شذى سيري تأسفي من أختج ....

شذى طالعت أمها وقالت : مابا ...

طالعت حرمة أبويه وقلت لها : خليها خالو .. بعدها صغيره وباااجر بتكبر وتفهم ..

أم شهاااب يت عندي وقالت : شهد اهدي شوي ... وما يصير الا الخير ...

طالعت مرت أبويه على كثر اللي شافته .. ويوم ابويه تزوج عليها الا انها صااابره حتى يوم ابويه تزوج عليها تمت قويه وما تركته ... تمسكت به أكثر ,,, والحين حتى يوم ابويه يابنا عنده .. ما شفتها بيوم تتأفف .. منا ...

طالعت حرمة ابويه وقلت : وين راااحو ..؟؟؟

عمي بو خالد طالعني ومسك ايدي وقال : تعالي بوديج عندهم ,,,, يالحنانه ,,

قلت له : صدق عمي .. يلا بسرعه أخاااف صااار بشييوم شي ..

مشيت مع عمي وأنا أحاااول أسرع بمشيتي ... عسب أوصل وأنقذ شيما بأسرع ما عندي ..... طلعنا من الفله ... وبدينا نرووح صوب المسااابح .. مدري ليييش وداها أبويه عند المسابح ... ما وداها المكتب أو الصاله اللي برع ...

تفاجئت لما شفت المنظر اللي يدامي طالعت عمي وقلت : شو فيهم ..؟؟

عمي ابتسم وقااال : يلا سيري عندهم وأنا بدش ...

قلت : لاأأأ عمي تم أخاااف يسوي بنا شي بابا ...

عمي طالعني وقااال : شهد خلج قويه يلا سيري واعتذري من ابوج انتي بعد ...

طالعته وقلت : صح لازم أعتذر مهما كااان ومهما سو بيضل أبوي .. عزتي وكرامتي ...

عمي : اباااج جذي عاقله مب عشااان سالفه صغيره تروحين له وتتضاربين وتعايرينه بماضيكم .... وديري بااالج يا شهد ابوج عنده الضغط ترااا ...

طالعته وقلت : انشالله عمي .. وبالفعل مهما كااان ابوي عزتي وكرامتي ولا يمكن أهينه ...

ابتسمت وأنا أتجدم صوب شيما وبابا .. طالعت شيما مبتسمه تطالع ابويه وتصيح بنفس الوقت ...

تجدمت عن ابويه وبسته ع راسه وقلت : بابا أنا آسفه ..

ضمني لذراعه وقاال : شهد انتي عاقله مدري شواللي صابج اليوم ...

قلت له : بابا يمكن مضغوطه من الجامعه .. فعشان جي ما كنت بوعي ...

أبويه حضنني وقال : ماعلي عاادي حبيبتي بس بعد طووول عمرج احسبي للكلمه الف حساااب قبل ما تنطقينها بعد ...

طالعته وقلت : انشالله .. شيما تأسفي من بابا ..

شيما طالعت بابا وبدت تدمع : تأسفت خلاااص ...

ابويه قااال : شييوم صدق ياااهل يبالها من يعلمها بعد ..

شيما ابتسمت وقااالت : عااد مو لهالدرجه بابا ...

ابويه : وينها شذى ...؟؟

شيما :مو جنها هاااي شذى ...

صديت وراااي شفت وحده من بعيد قاعده تتمشى وقلت : هي جنها شذى ...

ابويه بدا يصااارخ : شذى ... ياشذى تعااااالي ؟؟

شذى تمت تتجدم شوي شوي وابويه قااال لي : لا تاخذون بخاطركم شذى بعدها صغيره وما تعرف للكلام اللي تقوله ...

قلت له : هي بعدها صغيره ...

وصلت لنا شذى وقالت : نعم ابويه بغيت شي ...

ابويه ابتسم لها وقااال : يلا تأسفي من خواتج .. اللي أكبر عنج ...

شذى يت عندي وباستني وقاالت : آسفه ...

قلت لها وأنا أضمها : معذوره حبيبتي ...

ابويه ابتسم : ليييش شيما مو أختج يعني ...؟؟

شذى راااحت عند شيما وقالت : آسفه ..

شيما : ما برضى الا يوم تبوسيني شرااات شهود ...

شذى تضحك : احلمي عاااد ...

شيما تعطيها بوكس ع الخفيف : عنلاااتج ...

ابويه طااالع شيما : شيما شو هالرمسه ...

شيما نزلت راااسها : انشالله بغير كل شي حتى تصرفاتي ..

ابويه ابتسم لشيما وشذى وقااال : خلونا بروحنا شوي ...

شيما وشذى ابتعدو وأنا استغربت وااايد ليش ابعدهم .. طالعني ابويه وقااال : شهد اسمحي لي بنتي .. أنا وااايد كنت مقصر بحقكم ..

قلت له : لأأأأ ابويه ترا كلامنا اليوم ما كان بقصد .. جذي بالغلط طلع بس ...

ابويه طالعني وقااال : شهد مب من كلامكم ... كلامكم ما أثر بي .. من زمااان وأنا مقصر ... انا ادري

قلت : لا ابويه مو لهالدرجه ...

ابويه : شهد اعتبري .. انه خالتج أم شهاااب أمج ,,, وقولو لها أمايه بعد لو تبون ..

طالعت ابويه وقلت : ادري انك كنت خااايف علينا من هالشي ...

ابويه طالعني مستغرب : كييف ...؟؟

قلت له : كنت خااايف ناااخذ ديانتها صح .. عشااان جذي ما كنت تيي عندنا واايد ..

ابويه طالع الماااي وقال : بس غلطت أنا ... المفروض كنت أربيكم من صغركم عندي ..

قلت له : ابويه بس بعد هذي أمي ... لا تنسى هالشي ..

ابويه طالعني وقااال : أصيله شهد ...

قلت له : الحمدلله على كل حااال ابويه ... صااار خير ...

ابويه طالع صوب البوابه : شهود دشي الشباب بييون عقب شوي ..

قلت له : انشالله ابويه ...

تجدمت عن الفله عسب أدش ثواني الا وأحس أحد يسجبني سحب .. قلت : آآآآآآع ع ع شو تبون بي ....؟؟؟

شيما وشذى ضحكو وشييوم قاالت : شو كان يبا بج بابا ...؟؟

قلت لها : أول انتي خبريني جييييف راضاج .. وأنا بخبرج ..

شيما : سررر وأنا ما بخبرج ..

شذى تحن : يلاااا شو قااااااااال ...؟؟

قلت لها وأنا ارفع خشمي : سالفه بين بنت وابوها انتي شكووووو ...........

شذى : جلبت البنيه كويتي .. قااالت شكو قااالت ....

قلت لها : يااا معوده رحي منااك زين .. ناقصتج تعورين لي راسي ....

شيما : مااالت .. لا تنسينا يلا قولي بابا شو كااان يبا بج ....؟؟

قلت وأنا أدخل صوب الصاله : بين بنت وأبوها انتو اش لكم .... وبعدين العين بالعين والسن بالسن والباادي أظلم ,,,

سمعت صوت : صدق بين بنت وأبوها انتو اش لكم ..

لفيت طااالعت يميني وقلت : ياااا حييييييييج والله ... قوميهم عني لأن فيوزاتي ضاااربه .. مره خلاااص ...

خلود تضحك : بنااات سمعتو آخر خبر ..

قلت وأنا الف وراي : نووو للأسف كنا عند باباتي ...

خلود : انزين هو اللي قااال هالخبر ترااا ...

قلت : ماشالله هالعايله بسرعه الأخبااار تتنقل عندهم .. يلا قولي اش عندج ..؟؟

خلود : أحم أحم .. سيداتي سادتي الكرااام .. اليوم بنبات اهني ..

شذى صااااااارخت : هيييييييييييييييييييييييي يييييييييييييي ..

قلت وأنا الف وأطالعها : جــــــــــــــب شو من صوت عليييج .. صمختينا ...

شذى بفرح : يا ربي والله ونااااسه المزرعه ...

قلت : شو السبب انزين ,,,؟؟؟

خلود رفعت جتفها : مدري والله بس يقولون بنبات اهني ...

قلت وأنا أهز راسي وأدش الصاله : شي طيب شي طيب ....

سمعت صوت من داااااااخل الصاله : بلااااااااااااها الهنديه تهز راسها ..

طالعته وأنا مغتاضه من دااخلي .. وقلت : هنديه فشكلك ... وحيااااتك بنت فلبينيه ...

شهاااب طالعني وهو يضحك وقااال : قولي حق الوالده تجهز أسيااااخ حق الكباب ...

قلت بفرح : بنشووووي ....

شهاااب : الرياييل وبس .. انتي اش لج اجلبي ويهج ...

قلت : لأأأ حرااااااام ..

شهااب : يصير خير .. أول قولي حق الوالده تجهز الأشيااااء ..

قلت له : أوكي .. الحين بروح بقول الها ...

تجدمت عن المطبخ شفت خالو أم شهااب وقلت لها : أماااايه ...

لفت مستغرررررررربه عن خااااطر وقالت وهي مبتسمه : هلأأأأ بنتي ...

فرحتني بردة فعلها فقلت لها : الرياييل بيشووون .. جهزو الأسياخ والكواره .. عسب الشوي .. وعاااد انتي أدرى بشغل المطبخ ..

قالت وهي تبتسم لي : انشالله ..

قلت لها : تبين مساااعده ...؟؟؟

قالت لي : لأأأأ بخلي الخدامات يساعدوني .. الا هو أسوي الخلطه ..

قلت لها : أوكي أمااايه .. أنا سايره فوق يوم تبيني ازقريني ...

قالت لي : انشالله ...

تجدمت عن الدري ... آآآآه قااالت خلطه .. أذكر يوم كنا نروووح ونطلع كشته مع الجااامعه سلطااان الله يرحمه ومعااه حسن يسوون الخلطه .. يا حلووووها من أياااام والله قمت أحن لهم أكثررر من أي وقت مضااا بحياتي .. بالفعل الواااحد ما يعرف جيمة اللي عنده الا يوووم يفقده .. وهاذيني اليوووم أنا فقدت أعز ناااس بحياتي .. ولقيت حنااان الأبوه .. أبد الوااااحد سعادته ما تكتمل لااازم شي يخربها لااازم ...

فريت روحي ع الكنفه ...أووووه ماي قااااد نسيت زيــــــودي اليوم حتى ما اتصل بي بعد .. آآآه يالخاااين ... مالك علينا يالغرااام ساااكت ولا تبدي اهتمام .. حتى اتصالك منقطع .. ومجرد سلااام ما قاام يسلم هالأيااام .. يمكن بالفعل اللي بعيييد عن العين بعيد عن القلب .. أوقااات الأمثااال تكون صحيحه .. بس لأأأأ زيود غير يحبني مووت وما يصاااااحب ثاااني هههه جلبت الغنيه كلها ؟؟؟ بس ..!! بالفعل اتصاله بعد منقطع زيووود ..

مسكت الفووون أتصل فيه عشااان أكلمه اشتقت .. الظالم ما اشتاااق لي يوم كااامل وأنا مب مرمستنه ... أي لااااااااااف يو زيوووود محفوره بقلبي .... أحبك أحبك ... وأعشق التراااب اللي تمشي علييييييييييه .. هع المفروض العكس .. ترييت لما يرد عليه ...

رد وشكله متضااايق : السلام عليكم ..

قلت وأنا مبتسمه : وعليكم السلاااااام والرررررررررحمه ...

زايد : هلا شهووود اش حالج ...؟؟؟

قلت لها : بخييير الحمدلله ... انت شخبارك ..؟؟ اش فيه صوتك عسى ما شر ...

زايد : ماشي شهووود بس شوي تعبااان ...

قلت له : زااايد شو فيك ارمس ....؟؟

زايد بحده : شهد ما فيني شي قلت خلااااص يعني خلاااااااص

قلت له وأنا فيني الغبنه : آسفه شكلي متصله بوقت غلط ... السمووووحه ...

وصكرت التلفون .. آآآه يا زااااايد حتى انت صرت مثل الكل وبتتركني ليييش يعني لييييييش ...؟؟ شو السبب اللي يخليك تكلمني بهالطريقه .. بس أنا الغلطاااانه متصله فيييك لأني متولهه عليك وهذا جزاااي انك تكلمني بهالطريقه يعني .. بس يلا الله كريم ..
وعاني من خيالي صوووت التلفون وهو يرن .. طالعته .. بلسم جروحي يتصل بك .. على طووول دقيت عالسايلنت .. وقلت بنزل أحسن لي ,, خل زاايد يعرف اني أحبه بس مب اني أنذل لحبه ... لهالدرجه يعني بيذلني على حبي له ...

والله اني أستاهل أشقى وأتعب وأسهر
وأستاهل اني أعاني من بلاويها
غلطان أدري أنا ندمان ما أنكر
والنار ما تحرق الا رجل واطيها
مدري أنا ليش لو حبيت ما أفكر
معقوله يعني المحبه تذل راعيها

نزلت شفت حواليني ما حصلت أحد ... وايجت صوب المطبخ .. امممم غريبه محد في المطبخ .. شفت الخدامه ...

جان اسألها : وين ماما كبير ,,,؟؟؟

الخدامه : في برأأأ ماما روهي ورا مزرأه ...

قلت لها : آهااا أوكي عاااد خلااااص ..

طلعت من المطبخ رحت صوب الصاله ... برووح برع ولا لأأأ يمكن الشباب هناك ..بسسس شييوم وين .. أكيييد برع .. يلا بظهر وبشوووف ... طلعت من الصاله .. رحت ورا الفله .. صح انه بليل بس كله ليتات مول ما يخوف .. طالعت حواليني محد اهني شالسالفه .. !! وينهم هذيل ..؟؟ تميت أتمشى وأنا أدور عليهم .....

سمعت صووووت فزعت منه : شـــــــــــــــهــــــــ ــــد ....

لفيت وأنا متخرعه : بسم الله الرحمن الرحييييم .. خرعتني والله ...

طالعني وهو يضحك : شو تسويين ..؟؟ اهني ..

قلت له : ماشي ..بس يايه أدور عليكم .. ما حصلتكم يقولون قاعدين يشوون ..

عمي سيف طالعني يضحك : بلا عليييج من متى الناااس يشوون ع الزرع ..

طالعت حواليني وقلت وأنا أضحك : همممم هي .. ههههه صدقك .. وينهم انزين ,,

عمي سيف : قاعدين يدااام هنااااك ...

قلت له : آهااااا .. هي حلو جذي ... مسويين يلسه ...

عمي سيف : يلا تعالي ..

قلت : أوكي ...

أحلااام حرمة عمي سيف : لحظه شوي .. شهد تعالي وياي باااخذ ويايه الشااال لأني بردت ...

قلت لعمي : عااد نحن بنروووح دااااخل ونرد لكم أوكي ...

عمي سيف : بسرعه .. تراني ابا حرمتيه .. هااا

طالعته وضحكت : لا تخاااااف ما أكل لحوم بشر أنا ...

عمي ضحك ويايه : أوكي يلا بسرعه ..

مرت عمي طالعتني ونحن قاااعدين ندش داااخل : ما بتلبسين جاااكيت ولا شي ... جذا

قلت لها : لأأأ حرااانه الله يخليج .. أًصلا نحن في بيتنا حتى مخاوير ما نلبس .. كله جنزات وبرموده وهالسوالف ...

أحلااام : ما عندكم خوااان ولا أحد غريب يي عندكم صح ..

قلت لها : هي الله يخليج منو يعني بس كنا نحن الثلاث بهالشقه .. وعاااد ماخذين راحتنا ع الأخر هههههه

أحلام ضحكت : شو رااايج ..؟؟

قلت لها وأنا أطالع الشااال البناتي : روووعهـ .. يخبل شكله ...

احلام : سيف شرا لي اياااه ..

قلت : والله وطلع عمي ذووويق بهالسوالف ..

أحلام : شو تتحرينه بعد .. ههههه

ضحكت وأنا أطالعهم قاااعدين يدااام النااار وتجدمنا منهم قلت : مورين ضووو بعد ماشالله .. ناوين تخيسونا اليوم ..

شييوم حاطه ايدها يدام النااار : ضحكونا وياااكم ...

قلت : ايه شييوم عن يلبق هذا ..

شيما : برايه .. شو سالفتكم تضحكون هااا ...؟؟

قلت : مالج شغل ...

قعدت يدااام النااار مرت عمي أحلااام قااالت : برد شهوود البسي شي ...

قلت لها : مابا ,,, أنا الشيله بعد أبا أطلعها .. بسسس الشباب اهني ...

أحلام : الله يستر .. زين ما تمرضين ...

قلت : لا تحاتين عندي منااااعه هههههههه ...

عمي سيف ياااه صوبنا : أحلااام تعالي أباااج ..

أحلااام قامت .. جان أقووول : خلها تقعد ويانا شوي انزييييين ..

عمي سيف : توني معرس يديد يوم أمل شلوها حقكم بس الحين خلوها ويايه هههه

أحلااام طالعته بنظره جااان أقول : أعوووذ بالله .. أحرجتها زين جيييه ..

سيف : استغفر الله من منكر البنااات مالكن هذا ...

شهاااب تجدم صوبنا : اش حاالج حرمة عمي ..؟؟؟

أحلااام : بخير ومن صوبك ...؟؟

شهااب : بخير الحمدلله .. شهد تعالي أباااج شوي ..

طالعته مستغربه .. رحت صوبه : خييير ..؟؟؟

شهاااب : تعالي أباااج شوي انزين ,,,

قلت له : أوكي .. ( وتجدمت صوبه .. ولا فجأأأأأأه طلع شي يداااااام ويهي .. تخرعت .. وصااااااااااااارخت )

صاااااااارخت بأعلى صووووتي : آآآآآآآآآآآآآآآآآآع ع ع ...

الكل تخرع لف عليه وتم يطالعونا ... قلت وأنا مفزوووعه : شهاااب خرعتني .. شو سويت ..؟؟

شهاااب يضحك : ههههههه شهوود خوافه ..

قلت له : حرااام عليك ولا في أحد يطلع السلحفاااه جذا بويه أحد ..

شهااب : كانت تشمخج زييين ,, هههههه عسب تتشوهين ..

خليفه ولد عمي تجدم وقااال : بنت العم اذا سوا بج شي هالهرم بس خبريني تراني في الخدمه ...

قلت له : انشالله ههههه .. سمعت شهاااب ..

شهاااب : هاللي ناااقص والله ... خلوف يدافع عن شهوووود .. لو تبا ترا هي اللي بتدافع عنك ,,,

خليفه ضحك : شيخة الزينات تراااها بنت عمي ... لااازم تدافع عن ولد عمها .. صح شهد ..

طالعته ابتسمت بحيااا أول مره بحياتي أحد يقول لي شيخة الزينااات ههه حلو الاسم .. قلت وأنا أبتسم : هي أكيييد ...

شهاااب : هاللي قاااصر شهد تكون شيخة الزينات ,,,, هذي شمووخ يابوي ...

طالعني خليفه وقااال : كله واااحد .. بس هذييل العلل أردى ناااس ( أشر على خلود وشذى )

قلت : حرااام عليك .... هههه مب لهالدرجه ,,

خليفه مقهور : ما تشوفين كل وحده أطول عن الثانيه وشيله بعد ما يلبسون ..

قلت : بعدهن صغاار لاحقين ع الشيل ,,,

[اسطورة !]

هذا وهذييل صغااار تقول جذا .. عاد لو تعرف بنت عمك شتسوي جااان شو سويت .. لو تعرف انه بنت عمك أوقااات كااانت تطيح الشيله ع جتفها شو بتسوي .. أكييييييد كان بيحتقرني .. اكزاكتلي هالشي ... ولو كنت تدري عن العبي اللي تلبسها بنت عمك جااان صارت علوم وسوالف .. بس يلا الله ستر ...

قلت وأنا ملانه وطفرانه : ترااانــــــــــي يعت يا جماعه متى يجهز عشاكم ..

شهاب يرمس شييوم ويقول : شيما أختج هذي من وين يايه ... أكييييد من مجاعه ..

طالعت عسب أشوف ردة فعل شييوم .. شكلها كانت لاهيه مع البنات بس يوم زقرها شهاااب انتبهت لنا .. صدت صوبنا وهي مستحيه مبين عليها ... لأنها لاحظت وجود ... خليفه ولد عمي ... بس طالعتنا وهي مستحيه واكتفت بابتسامه هاديه وردت ترمس البنات ,,,

قلت لشهاب وخليفه : سمحو لي .. بروح عند البنات ...

شهاااب يضحك : بقول لهم يجهزون العشااا بسرعه قبل ما شهد تاكل لحومنا ... هههه

قلت وأنا الوي بوزي : مو لهالدرجه عااد .. ما أكل لحوم بشر أنا ...

شهاااب : أدريبج ... انتي حتى بقره ما تكفيج ..

ابتعدت وأنا أقول لخليفه : حاسب عن ياكلك .. ترا كلن يرى الناس بعين طبعه ..

خليفه وشهاب ضحكو تجدمت عن شييوم والبنات وأنا أضحك وبنفس الوقت أشوف تصرفات شييوم مررررره متغيره هالانسانه .. أحس بديت أغااار منها اليوم .. صارت هاديه .. تقربت من أبوي وقدرت تسوي اللي أنا حتى ما فكرت فيييه مجرد تفكير بعد .. بــــس يلا هذي شييوم حبيبة قليبي وتستاااهل كــــــــــــل الخير ..

قلت وأنا أقعد : شو رايكم بالجو بنااات ,,,

شذى تضحك : ونـــــاسه تصدقين من زمااان ما طلعنا جذا ..

قلت وأنا أأشر ع روحي : طبعا الأميره شهووود وياكم اش تبون بعد .. ما أظن في أحد يمل معاااي ,,

شيما : ماماتي تراااج ماخذه بروحج مقلب تدرين ...

قلت وأنا رافعه خشمي : يلا مناااك قالت ماخذه مقلب ,, أصلا انتو تسووني .. ههههه

شيما وخلود لوو بوزهم وخلود قالت : شهوووود اسكتي ولا تراني بقول لج شي بيخليج تموتين ,,

جذبني كلامها بس قلت : عاادي قولي ما فيها شي ,,,

خلود طالعت شذى وقالت : ماشي ,,, بس صخي شهووود

قلت : أخررر زمن بزارين ويقولو لي صخي ,,

شذى : شهووودو ترمسين سعودي عنلاااتج ,,

قلت : ان ما تأدبتو بخبر عليكم بباتي ترا ..

شييوم تحرك ايدها بغرور : عدااال يالدلوعه المدللــه

قلت : هي دلوعه ومدللــه عندج مانع ,,

شييوم تأشر ع مخي : شهود صاااب عقلج شي اليوم ..

قلت وأنا أضحك : مدري عنكم انتو اللي ترمسون جذا صرتو مصريات ههههه

شيما تقوم : بناات أنا سايره .. ثواني وبرد لكم ,,

قلت لها وأنا أنش : أنا بعد سايره حجرتي بييب لي جاكيت شكلها حرمة عمي حسدتني ههههههههههه لاني بردت

خلود وشذى ضحكو جان خلود تقول : عن يسمعج عمي ويسفرج السيلااان هههه

قلت وأنا أروح صوب الفله : مو لهالدرجه عاد ...

دخلت الفله طالعت فوووق .. ياربـــــــــــي اشحلات الهدووووء .. تجدمت عن الدري طالعت وراااي .. شفت البيت بكبره فاااضي .. حلو الجو يوم يكون جذاا .. هدووووء ......... كلهم برع ... تجدمت عن الحجره ودخلت رميت روحي ع السرير .. غمضت عيوني .. ياربي اليوم ابوي حبنا .. اليوم ابوي بين حبه لنااا ياااااي اش كثر أحبه بس ليييش حرمنا من حبه كل هالسنين .. بس لأنه كنا عيااال الفلبينيه يعني .. واذا ..؟؟ نحن عياله بعد مو بس عيااال الفلبينيه ..بس يلا هذا اللي كان مكتوووب لنا ومقدر لنا .. فتحت عيوني عسب أطااالع يمبي .. تذكرت شي .. غمضت عيوني بألم .. سلطااان آآآه يا سلطاان ربي يرحمك ويغفر لك يااارب .. اش كثر اشتقت لك .. انت أخوي اللي ما يابته أمي .. انت كنت لي عووون بكل شي بكل صغيره وكبيره بحياتي .. رحلت اليوم .. خلاااص رحت لعاالم ثاني .. عالم محد يعرف عنك غير رب العباااد ... ربي يرحمك ويغفر لك جميع ذنوبك ...
طالعت الفون .. بتصل بزيود ولأ .. لأأأأ اهوه اللي كان معصب وغلطاان المفروووض هو اللي يتصل فيني .. وبعدين هذي أول مره زااايد يكلمني جذي لييش ياربي ليييش جذي .. زايد اش صاار فيييه .. ابد ما كان يرمسني بهالأسلوب ليييش ..؟ اليوم رمسني جذي جنه ما يباني بحياته بعد ...
طالعت التلفون .. ينبهني على وصول مسج يديد .. فتحت المسج بسرعه .. من بلسم جروحي ...

شهووود ردي .. أنا آسف بس كنت تعبااان شوي ...

طالعت التلفون .. ماني براده لو أموووت بعد .. شو عبالك لعبه أنا عسب تلعب بي زيود ... هه مابرد يعني ما برد .... بـــسسسسس مهما كااان زاايد اعتذر .. ولو ما أغفر لحبيبي بغفر لمنو ... امممم يلا برضااا هذا حبيبي المفروووض أرفع راسي وأسامحه .. مب عشااان سبب تافه أروح أزعل منه ...

طالعت الفون ودقيت على زر اتصااال اترييت لما يرد عليه : هلا يا بعد كل حي والله ...

قلت وأنا أتغلا : هي قص عليه انت قص ,,,

زايد : وربي حبيبتي كنت متضايج ...

قلت : هي كلما تتضايج تعاال فر بلاويك عليه انزين ,,

زايد يترجاني : بس الحرمه لااازم تتحمل ريلها حبيبتي ,,

قلت وأنا أستحي : بعدني مب حرمتك فااهم ,,

زايد يضحك : جريب انشالله ,,

ابتسمت وغيرت الموضوع : خبرني شاللي مضايجنك ,,,؟؟

زايد : تدرين الدوام عاااد .. غير المشاااغل اللي بالحيااه الواحد ما يتفيج يحج شعر راسه بعد ..

قلت : صدقك .. بس بعد زااايد لا تعصب ع كل شي .. مب زين لك ..

زايد يضحك : تخافين علي ..

قلت وأنا مستحيه : هي أكيييد لو ما أخاف عليك أخاف ع منو ..

زايد : عاد لو مت شو بتسوين ..

قلت وأنا متخرعه : الله لا يقووول .. يعل يومي قبل يومك حبيبي ..

زايد : بس الموووت مكتوب لنا كلنا حبيبتي .. كلنا بنموت ,,

قلت : يارب أنا قبلك ,,

زايد : هي بروووح بحب لي وحده ثانيه ,,

قلت : زااايد غير السالفه بديت أخاااف والله .

زايد : سمعت انكم فالمزرعه ,,, في الذيد ..

قلت له وأنا ابتسم : هي .. يينا اليوم .. زيود والله خبااال المزرعه مررره طر ,,

زايد يضحك : لييش ما وديتيني وياااج انزين ,,

قلت له : خذني عسب تقدر تييي ..

زايد بدا يضحك أكثر : شو ما تستحين شهووود ..

قلت : نص ونص حسب المزاج ,,

زايد : عااد أكيد انتي مرتبشه ...

قلت له : مو ذاااك الزود ,,,

زايد : خبريني شو سويتي اليوم انزين مستانسه ولأأ شو شعورج وانتي بين أهلج بهالدقيقه ,,؟؟

قلت : شو قالو لك داخله من سيربح المليون وأنا ما ادري ,,,

زايد : هههه جااان زين .. كنا بنربح ونتزوج بهالبيزات بداال الخساير ,,

قلت : أهووون عليك يعني ..

زايد : أتمصخر انزين ههههه .. بلاااج شبيتي ضو ...

قلت : ماشي .. سولف لي عن دوامك ...؟؟
.....
ورا الحديقه ...
شيما واقفه تطالع السما ..
ياربيييه اشتقت لك سلطاان .. طالعت تلفوني نزلت دمعه حااااااااااااره حرقت لي خدي من حرارتها .. رديت طالعت التلفون ظميته لي .. هذا حبيبي .. بديت أصيح وأنا أطالع الشاشه اللي خلفيتها صورة حبيبي .. صورة فااارس أحلامي اللي راااح وتركني روووحي بهالزمان أعاني .. وينك يا سلطان تيي تشوف حبيبتك كيييف عايشه كيييييييف قاعده .. تعيش يومها .. كله حسره ع الكلااان الي قلته لك ذاااك اليوم .. كله حسره على حب راااح وتركني وحيده ضعيفه ,, بس خلاااص ما باليد حيله ..

فزعت وأنا أسمع صوت واااحد : ليييش انته وين الحين ...؟؟؟

طالعت وراي وأنا متخرعه ومفزوعه : بسم الله الرحمن الرحيم ...

طالعني وقال وهو مستغرب : برمسك عقب شوي ... ( ورد يطالعني )

نزلت راسي عسب ما يشوف ملامح ويهي الحزينه .. بس وقفني يوم قال : شيما ..

حاولت ما ارفع راسي وقلت : نعم ...

خليفه مستغرب : بلاااج ...؟؟

قلت وأنا مستغربه : ما بلاني شي ..

خليفه : هي زين .. خلاااص روحي عند البنات لا تتمشين روحج ورا ...

قلت له : انشالله ..

ابتعدت عنه بخطوات صغيره بس وقفني مره ثانيه يوم قاال : انتي شيما صح ...؟؟

استغربت منه وقلت : هي أنا شيما ...

خليفه ابتسم : اها اوكي .. سيري ازقري شهود اختج وقولي لها العشاا جاهز خلاااص ...

شيما : انشالله ...

ابتعدت عنه وأنا مستغربه منه ومن تصرفاته كلها ع بعضها .. تجدمت عن الفله عسب أزقر شهود بس الحمدلله روحها فتحت الباب ..

شهد تطالع شيما مبتسمه : هلأأأ والله هلأأأ ,,

شيما : توج كنتي عندي بلاااج ..؟؟؟

قلت لها وأنا مستانسه : ماشي بس كنت قاااعده ارمس نبض قلبي ...

شيما تضحك : خووووش خوووش تصافت القلوب خلاااص

قلت لها : اش دراااج انه تزاعلنا ...

شيما : أختج شييوم أول من يعلم يا ستي هاااع ..

قلت لها : عداال عن تطيح النجوووم علينا ... يلا يلا لأني ميته يووووع ..

شيما : هي تراهم سوو الـعشا خلاااص ,,

قلت : الخقي عالتكه يلا ههههه ...

شيما : الحمدلله ماما جايفه خير أنا هب شراتج ..

قلت لها وأنا أدزها : طوفي لااااه مب متفيجه ميته يوع أنا ..

شيما تضحك : أنا أقووول اختي يايبينها من مجاعه محد مصدقني ..

قلت : يا ربييييييه شييوم أنا سايره تمي روحج .. أوووف ..

تجدمت عن الحريم وأنا مبتسمه .. رحت صوب الناار وقعدت حطيت ايدي يدااام الناار عسب اتدفى وقلت : بررد واااايد صح ..

حرمة ابويه ابتسمت لي وقالت : هي امايه برد .. ليييش مب لابسه كوووت ..

قلت لها وأنا مستانسه من اسلوبها : ههه ما احب ..

شذى : هي قبل شوي تقول بروح بييب الكوت ويت بدونه شكلها نست جيييه راحت ..

شيما تضحك : هي صااار شي نساها ..

شذى باستفسار : شو ...؟؟؟

شيما تطالعني بخيانه : مدري اسأليها ..

قلت وأنا مغتاضه : شيوم صخي لافلعج الحين ..

أم شهاب : استهدو بالله بنااات ..

شيما تضحك : أمايه هي اللي بدت والله ..

قلت : هي مبين انا اللي بديت الخرييييط ببلاش عندج ..

شيما تتأفف : أمايه شوفيها هالعله .. يايه تعلل علي ..

قلت وأنا مغتاضه وواصله حدي : يا ربييييييييه اجلبي ويهج شييوم ..

شيما : أمايه قولي الحين منو اللي بدا فنظرج ..

أم شهااب تضحك : بلاااج شيمووه حاطه ع اختج ....

شيما : لا لااازم ترمسين .. الاااا ترمسين .,,

سمعنا صوووت خلانا نسكت : خلووود تعالي ...

بلعت ريحي وأنا مستحيه حتى شييوووم .. خلود قالت : انشالله ...

نشت حلود .. طالعت شيما وقلت : زين جذا فضحتينا ..

شيما : عادي لااااه ما صااار شي ..

خلود رجعت وهي مبتسمه جااان أم شهااب تقول : خلود خير خالد بشو بغااج ...

خلود : قال لي اشل وليد عنه لأنه بدا يلعب بالرمل ..

أم شهااب تاشر بيدها : تعال حبيبي تعااال برقدك ...

وليد حاضن ريول خلود : مابي .. ابا العب ....

قلت وأن أطالع وليد : تعاااال فديتك عندي حلاااوه ..

وليد ابتسم ياااه جريب : وينها ..

قلت : أول عطني بوووسه عقب ...

وليد طالعني وقااال : بابا قاال لا تاخد هاواوه من ناااس ...

قلت له وأنا أضمه : بس أنا مب ناااس أنا شهووود ما عرفتني .,,,

هز راسه بمعني هي وأشر على شيما : ثيييوم ما هبها ..

ضحكت وقلت : جيييه انزين ,,

وليد : ضربت كولود ...

قلت أوني معصبه : شييوم ليييش تضربين خلود هااا ..

شيما تضحك : سيري مناااك انتي ويا اليااااهل مالج هذا ..

ضميت وليد وقلت : خلاااص رضيت .. .نازعتها أنا ..

وليد هز راسه بمعني هي .. قلت له : تعشيت ...

وليد : هي عتوني عيث ولووووب ..

قلت وأنا أضحك : انزين هاا أكلك يعني تبا تاكل كباب من الحين ...حلجك بيحترق هههه

أم شهااب : شهد ودري وليد وكلي ..

قلت : انشالله أمااايه .. يلا وليد ... سير عند يدوووه ..

أم شهااب : تعال حبيبي تعال ..

وليد : أباااا شهووود ..

قلت له وأنا أطالعه وأضحك : شهووود هااا تبا شهووود ...

أم شهااب تضحك وتقول : حبيبي قول عمو شهوود ...

وليد يطالع أمايه ويقول : بث شهد ثغيره ( يطالعني ) صح شهد ..

طالعته وقلت : قوول لي حياتو أوكي بيبي ..

وليد يضحك ويحط صبعه فحلجه عساس استحه : هياااتــــــــو ...

طالعته وضميته بأقوى ما عندي : فدييييييييتك أنا ..

أم شهاااب : شهووود بتخربين الولد هههههه

قلت لها : عادي عسب يطلع تربيتي هههههه ..

أم شهاااب : الله يهديج .. كلي زين الأكل تثلج ..

طعمت التكه وقلت : همممممممممم لذييييييييييذ .. ( صارخت ) تسلم الأيادي باباتيه ..

أبويه طالعني وضحك : الله يسلمج ...

شذى : ما تستحين على ويهج انتي ...

قلت لها وأنا أكل : ليييش أستحي يعني ع شو ...؟؟

شذى : كبيره انتي وتباغمين ..

قلت : عادي مافي حد غريب كلهم من الأهل هههه ..

شذى طالعتني وقالت : غريبه انتي اليوم ..

قلت : مب غريب الا انتي وشييوم وخلود اش سالفتكم اليوم ..

شذى ترفع خشمها : ماشي أسرار عائليه ..

قلت وأنا مبوزه : شو يعني أنا بنت الييران ..

شذى ضحكت : هههههه حرااام بس اسرار اسرار ..

قلت : برايكن ..

خلود يت قعدت يمبي : خلاااص أنا بنسحب من جماعتكن ...

شذى : لا لا لا .. جيه انشاالله ..

خلود : انتو حنانات وااااااايد ..

شييوم : هي من بعد ما كلت ويانا وعاااشت آخر شي تودرنا ..

قلت وأنا أَضحك : شييوم دخيلج انتي مالج خص بالأشعااار سكتي الله يخليج ..

شييوم تضحك : لا صدق خوخه ناويه تفضحينا ...

خلود : لا تخاااافون بس برابع شهووود وبودركن ...

شييوم : عن تفضحينا يالخايسه بعد ما أمننا عليج سمعتي ..

خلود طالعتني بنظره ما عرفت أفسرها : لا تخافون ما بفضحكم .. ما بيني وبينكم عداوه ..

طالعت شييوم وشذى : اش سالفتكم انتو هااا خبروني ....

خلود تضحك : ماشي سالفه ولا شي ... بس يغايضون بج ..

قلت : هيييييه جان جي زييييين ..

بعد العشااا قمنا نتمشى .. بس اللي استغربت منه خلود لاصقه فيني طووول الوقت وسحبتني عسب نسير نتمشى روحنا ... طالعتها بنظره استغراااب بس ما ردت علي مدري ليييييش .. حاولت اسألها بس هي تمت تبربر واااااايد ..

خلود : شهوود لا تزعلين من شييوم وشذاوي ترا السالفه كلها نحن مسجلين فمنتدى نور الامارات ...

قلت : زييين زييين .. طلعتو مسجلين فمنتدى نور الامارات ...

خلود : وبعد اشتركنا فقروب تحدونا البشر اللي مسوتنه يتيمة زايد ... وربيعاتها غزووول وصحووووب ومسوووه والدلع ولا عنوان ..

قلت : زين زين .. وشخبااار المنتدى الحين من زماااااان عنه ... صار لي شهووور مب حادره يمكن ...

خلود : ماشي يوم عن يوم يحلا ويحلا ...

قلت : زين ,,, بدش باااجر انشاالله ..

خلود : ما بنقول لج نكاتنا ...

قلت : مااالت شو ابا فيكن ...

خلود : بنتوسط لج عند يتوم ههه عسب تنزل لج بارتات الروايه قبل يومين هع ..

قلت : مابي مابي شكرا .. ما أحب أقرا روايات ..

خلود : ما علي منج .. المهم شهووود بسألج سؤااال وجاوبيني بصراحه ..

قلت لها وأنا مهتمه : اسألي ..؟؟؟

خلود : تخيلي تقدم لج واااحد أرمل وعنده ولد صغير ..

قلت : قصدج .......؟؟؟

خلود : ما اقصد شي بس كمثااال ...

فهمت على خلوود السالفه فيها خااالد .. ابعد عن الشر وغنيلووه : طبعااا برفض ...

خلود طالعتني بنظره كسرت خاااطري صدق صدق وقالت : ليش انزين ..؟؟

قلت : لأني بعدني صغيره ..

خلود طالعتني بنظره بريئه .. قلت لها : خبريني لييش سألتي ...؟؟؟

خلود قاعده تروح بعيد : انسي السالفه خلااااص ...

قلت لها وأنا اركض ارووح صوبها : خلوود تعالي ..

خلود صوتها تغير : شهد انسي السالفه خلاااص ..

غمضتني حسيت انها بتصييح قلت بأعلى صوتي : خلووود كنت أمزح والله ..

خلود لفت بفرح وقالت : صدق ...

ضحكت لها وقلت : هي صدق ..

خلود يت صوبي ومسكت ايدي وقااالت : تعالي نرووح صوب عمو أم شهااب ..

قلت لها وأنا ابتسم لها : اوكي يلا ...

خلود : شهووود انتي حلوووه ..

قلت وانا أتمخطر : طبعا من بهالكون يقدر يوصل حلااا شهووود العسل يا ماما ...

خلود : مب زين الغرووور ..

قلت لها : خوخه اش فييييج اليوم كل شوي تاخذين المزح بجد شالسالفه ...

خلود : ههه شكلي شفرت ما دريت انج متواضعه هههههه

قلت لها : بعض الأوقاااات أغتر لج ذاااك الغرووور اللي يذبح مرررره وأوقااات أكووون متواضعه أخلي الكل يحبني ههههه

خلود : غريبه انتي بصراحه ...

وأنا قاااعده أقعد ع اليسلسه قلت : شفتي كييف ههههههه

....... : لا ما شفت كييييف ....

قلت : بسم الله الرحمن الرحيم ...

عمي سيف : هههههه بلاااج تروعتي ..

قلت : تراك روعتنا ..

عمي سيف يقعد يمب حرمته : ياااي أقعد عند حرمتي ...

قلت : زين زين ,,, جنك سوبر اجلو .. ابد ما تودرها أعوذ بالله ..

عمي سيف : بنشوووف انتي وريلج كيف تكونون ...

استحيييييت تمنيت الأرض تنشق وتبلعني .. شو هالكلام اللي قاله عمي صدق ما يستحي هع والله فشلني ,, قلت : عمي شو هالرمسه ..؟
عمي ضحك : بس بس خلااااص انزين ما صاارت رمسه وقطيناها بالغلط ههههه

طالعت خلود وقلت : شو تسوووين ..؟؟؟؟

خلود : أحفر حرفين ....

قلت لها : وشو هالحرفين ...؟؟؟ ولييييش ...؟؟

خلود : احفرهم ع الخشب هذا ... حرف الاس وحرف الكي ...

قلت لها : حرفي وحرفج يعني ...
خلود : ما ادري يمكن ...

استغربت من كلامها صديت عسب أطاالع عمي .. ولا التلفون في ايده .. تخرعت .. قلت وأنا متردده : عمي شو تبا به ...؟؟

عمي : ليييش تسألين ..؟؟

قلت له : فيه صور ربيعاتي تراا .. عمي لا تدش ..

عمي : لا بس عايبني شكله .. بقرا المسجااات عادي .. واذا شي صوره ما بدش ..

بدا قلبي يتنافض .. أكثر المسجااات من بلسم جروحي ... آآآآه شسوي الحين .. وكله موضح .. حبي حياتي قلبي .. حبيبي وينك آآآه يارب بروووح فيها شسوي الحين .. سمعت التلفون وهو يرن .. نجييييييت وأخيرااا .. الحمدلله .. رن التلفون بشل عنه التلفون ..

عمي طالعني وقااال : رقم غريب أنا برد ...

ما تريا حتى اشوووف الرقم .. أكيييييييد هذا زااايد .. يا ربيه شو بيسوي .. بيفتش المسجااات وبروووح فيها ... والحل الحين يارب ساعدني .. أكييييييد بروووح فيها واللي قااعد يتصل اكيييد زايد دايما يتصل من أرقام غريبه ....

[اسطورة !]

الحلقه التاسعه ..

بلغه بالحال ياريف سرا ,,
مخطر حالي ولي ساير يسير ,,
كلما رديت بالذكرى ورا ,,
ما دريت الا على خدي غدير ..

طالعت عمي وأنا اتنافض من داااخلي .. خلااااص هذي ساااعة اعدامي عمي اش بيسوي وشو بيكووون عقابي .... ياربي اش بسوي الحين .. ساعدني يااارب .. لو مت أحسن لي ... آآآه شسوي شسوي الحين ...

عمي رد وأنا ميته خوووف ليكون يطلع زايد بمووت خلاااص .. : السلام عليكم ....

عمي يكمل وأنا أتنافض بداخلي : هي لحظه شوي ..

حسيت قلبي رجع لمكانه .. يلا الحمدلله أكيييد ربيعتي ... مسكت التلفون وأنا بعدني أحس روحي ميته خوف وااايد وقفت وقلت : عن اذنكم ..

مشيييت وأنا قاعده أمشي بعيد قلت : السلام عليكم ...

سمعت حس وحده بس ما أعرفها ... : وعليكم السلام .. دبوووه عطيتي التلفون لمنو يرد هااا فضحتيني ,,,

قلت باستغراب وأنا أتذكر انه في وحده اعرفها دايم تتكلم بهالأسلوب : منو انتي ,,..؟؟

.......... : افا افا ما عرفتيني ,,,

رديت : ان ما قلتي لي منو انتي .. تراني بسكره فويهح ..

........ : لاالاا دخيلج .. أنا أماني ربيعتج ... ما صدقت على الله عرفت رقمج

قلت وأنامستغربه : أموووووووووووون ..

أماني : هي أموووووون ..

قلت لها : وينج من تخرجنا من الثانويه وانتي ناستني ...

أماني : أنا ولاانتي دبوووه ...

قلت : شخبااارج وشومسويه .. أمووون وربي اشتقت لج مووووووت ..

أماني : امبين قطعتينا ..

قلت : وييين الله يخليج .. بس ضروووف عاد انتي أدرى ,,

أماني : وربي اشتقت لج واشتقت لهل دبي بعد وااايد

قلت لها أتنهد : وأنا بعد اشتقت لهم وااايد يا أماني

أماني مستغربه : شهووود لييييش انتي وييين ...؟؟ مب فدبي

قلت لها : لا خلااااص صار لنا مده يينا العين ...

أماني مب مصدقه : والله شهووود وأنا آخر من يعلم ...

قلت لها بحزن : هي .. أمووون أنا حياتي وااايد تغيرت ما عدت هذيييج الشهد الأولانيه ..

أماني : شهد لييييش استوا بج شي لا سمح الله ..

قلت لها : لا ما صااار بي شي الحمدلله بس شوية ضغوطات علي بس انشالله تعدي ...وانتي وين ..؟ وشخبااارج .. شو سويتي خلاال هالسنتين ..

أماني تضحك : شهووود أنا شراااتج في العين ..

قلت وأنا أضحك : صدق أمووون انتي فالعين ...

أماني : هي والله خذت واااحد من العين ..

قلت لها وأنا أضحك : زين زين ,, ههههه صرنا فنفس المدينه الحينه ..

أماني : هي صدق .. الدنيا صغيره ...

قلت لها : صدقج .. وما تسوى ..

أماني مستغربه : ويت ويت .. هالرمسه تطلع من شهووود كيييييييف ..

قلت : هي تطلع من شهووود هههه أقصد شموووخ ..

أماني : بعدج ع شموووخ انتي ,,, هههه والله انج سوااالف شهوود ...

قلت : يلا اباااج الحينه تقولين كل شي عنج من يوم ما خلصنا الثانويه ..

أماني : بل بل .. ههههه رصيدي بيخلص ..

قلت : عادي عادي .. يلا رمسي دبوووه شو صااار وشو استوا الحينه الحينه يلااا ..

أماني : الله يسلمج من يوووم خلصنا قعدت فالبيت ما كملت ..

قلت : لييييش انزين .. أمووون نحن كنا متفقين نكمل لغااات

أماني : بغيت أكمل والله بس تقدم لي واااحد نعرفه وزين وااايد وأنا اقتنعت فيييه لأنه ريااال ما ينرد وعرست عقب شهووور معدوده من الخطوبه ..

قلت : زين زين ... من العين هو ...

أماني : هي .. بس والله ياااشهووود عايشه وياااه جني وسط أهلي وناسي ..

ابتسمت : الله يديم المحبه بينكم .. عقبالنا ههه

أماني مستغربه : بعدج انتي .. ؟؟ ما حيروووج بعد ..

قلت : لا وييييييين ما عندنا نحن يحيرون ما يحيرون .. اللي يبا ايي يخطب ويملج ويعرس ., ماشي يحيرونها من صغيره ..
أماني : أحسن جيييه ..

قلت لها : أمووون انزين صاار سنتين متزوجه ... ما يبتي لي ولد أخت هااا هههههه..؟؟

أماني : لأأت وني الشهر السادس ..

قلت لها : احسن لج .. عيشي حياتج ياماما ..

أماني : بصراحه كنت أبا من أول بس ماااصار وتعالجت والحين الحمدلله حااامل ..

قلت لها : الحمدلله .. امون ماشالله ماشالله حياتج صااارت حلوه ..

اماني : الحمدلله .. ادعي لي شهووود ما صدقت اني حملت ..

قلت لها : انشالله تيبين ولد صاالح يطلع ع ابوووه ..

أماني تضحك : انشالله ..

قلت لها : ها شو رااايج نتلاقى ..

أماني : هي والله فخاطري أشوفج .. بس تعالي قبل قولي لي كل شي عنج ...

قلت لها : الله يسلمج أنا قصتي قصه .. مايصير أقول لج فالتلفون ..

أماني : مابا التفاصيل .. بس اباااج تقولين لي عن حيااتج عقب الثانويه والباجي عقب يوووم نتشاااوف انشالله ..

قلت لها وأنا أضحك : انزين انزين بقولج ..

أماني : يلا ... كلي آذان صاغيه لج .. يا ربيعة الطفوووله ..

قلت وأنا أضحك وأبتعد عسب لا يسمعوني : انزين الله يسلمج ياربيعة الطفوله .. من تخرجنا ييت العين وصاارت سالفه .. وهاي السالفه بقول لج اياها يوم نتشاوف .. بس دشيت الجامعه الأمريكيه ..

أماني : يا حييج والله وبعدين ..

قلت وأنا أضحك : دشييت وعيبتني الجامعه وااايد .. ورابعت اثنين .. حسن وسلطان الله يرحمه ووحده تعرفت عليها من برع اسمها غايه ...

أماني : الله يرحمه اللي اسمه سلطااان .. وبعدين ..

قلت وأنا كلي حزن أتذكر خل .. تركني .. خل عيشني بوحده . خل حسبته أكثر من أخو بس اليوم تركني .. وصااار في قبره .. يلا الله يغفر له ذنوبه

انا .. : انزييين عشت السنه الأولى بأحلى ما فيها .. وصرت أعزف بعد هههه ونحجت فكل الموووااااد وراااحت سنه جذا .. كنت عااايشه حياتي بهالسنه شرااات اللي كنت عايشتنهم شرااات قبل ,, وعقب السنه الثانيه .. الفصل الأول كااان جذا عادي وحلو .. بس بعد ما عمي سيف تزوج .. ابويه قااال لي بنيي نسكن فالعين عنده .. استغربت .. بس السالفه طلعت انه أمي بتتزوج وبتروح الفليبين .. حزنت وااايد فالبدايه .. بس عقب قلت عااادي خلاااص .. داام اهيه اختااارت بعدنا .. ويينا عند ابويه .. ابويه يعاملنا زين ما بجذب علييج .. بس اللي غمضني .. انه نحن لااازم نفقد حنااان شخص .. أبد حنااان أمنا وابونا ما اجتمع .. بس اللي خلاني أتحسر أكثر انه ربيعتي غااايه تزوجت ونستني خلاااص التهت بحياتها .. وحسن راااح السعوديه من بعد ما توفى سلطااان قبل فتره .. وتميت رووحي لا خل ولا أحد يشاااركني بحياتي بأي شي غير الحب ..

أماني حزينه : الله يعينج .. ( ضحكت ) منووه الحب هااا ..؟؟

قلت لها : ما يصير لما نتشاوف انشالله ...

أماني : انشالله بس حددي وين ومتى ...؟؟

أماني : بوادي مول ..

قلت لها : لالاااا .. العين مول أحسن شو رااايج ..

أماني : أوكي عااد أحسن لأنه جريب عن بيتنا أكثر ..

قلت : أوكي عااد برتب أي يوم وبخبرج ..

أماني : أوكي حبوبه فانتظااارج ..

قلت لها : يلا عااد أنا برووح عند الأهل .. بيذبحوني وااايد طولت ههه

أماني : شموووخ اللي كااانت ترمس فالتلفون بالساعات,, قامت تخاااف يوم ترمس خمس تعش دقيقه ..

قلت : شفتي كيييف عاااد ... هالزمن .. هههههه

أماني تضحك : يلا الله كريم ,,, دبوووه منو رد عليه ..

قلت لها : هذا أصغر عمامي .. سيف ما عرفتيه ..

أماني تتذكر : هي هذااا الغاوي اللي يااااه خذاااج من المدرسه يوم كنا ثاني ثانوي ...

قلت لها : هي هو هههه تراااه تزوج عيب هالكلام ..

أماني تضحك : أنا بعد متزوجه وبصير أم انشالله ..

قلت وأنا أضحك : انشاااااالله ... يارب تربين بالسلامه ..

أماني : آمييييييين يااارب .. يلا تامريني بحايه ..

قلت لها : سلامتج هالله هالله بروحج ..

أماني : انشااااالله وانتي بعد .. يلا حبوبه .. فمان الله ..

قلت لها : فمااان الكريم ..

مشيت شوي شوي وأنا أطااالع التلفون وأبتسم .. هذي ربيعتي أمااااني ... كنا ربيعااات روح بالروووح من أيااام المدااارس .. أحبها واايد كأخت و كصديقه وكزميله ... بكل صفاااات الكون أعتبرها انسااانه غاااليه ع روحي .. صح تضاااربنا وتناقشنا بس بعد غلاااها بقلبي مثل ما هو .. من عقب الثااانويه تفارقنا خلاااص وكلن راااح بدربه ... يمكن من الضغط اللي صااار لي عقب الثااانويه ما قدرنا نتاوصل لأني بالفعل ذيييج الفتره كنت وااايد مضغوطه لدرجه فكرت أموت روحي .. بس الحمدلله مااااصااار لأني عرفت بغلا وااايد ناااس وأولهم أبويه بس عقب الثااانويه .. يمكن اليوووم أقدر أقووول أنا أسعد انساانه بالكووون لأني عرفت بغلا ثلاااث أشخاااص وقت واااحد وبيوم واااحد .. أولهم أبويه و زايد حبيبي وأمووون ربيعة رووحي .. آآآه محلاها من مواااقف ..

رفعت راااسي أطااالع السما فووووق ابتسمت .. لو اني نجمه بهالسما .. شو بيكون موقفي .. أتمنى اني أكوون شرااات النجمه أبرق فالسما .. طااالعت القمر ... مظلم معتم شرااات حياتي قبل .. بس الحين الحمدلله خلاااص رد لي النور .. ولا أقوول خلاااص بات يشع مني وفيني الحمدلله على كل حااال ..

سمعت صوووت : عن تتكسرين بس .. وبعدين مو زين تشوفين واايد فووق .. عقب تتخققين علينا ..

صديت وطالعت مصدر الصوت .. قلت : شهااابوووه مالت شو هالرمسه ..

شهاااب يضحك : خلاااص انزين لا تعصبين ..

قلت وأنا رااايحه صووب مرت أبويه : الرمس امرررررره ما منها فااايده وياااك أرمس ويا أمايه واايد أحسن لي ..

شهاااب يضحك : ارمسي ويا أمااايه بتصدع لج رااسج .. وهي تقووول (يقلدها ) يا بنتي السهررر مب زين .. يا بنتي ارقدي مبجر ..

أم شهااب تصااارخ : شهااابوووه شو هالرمسه يالهرم ولا جني أمك ,,

شهااب : هههه السموحه .. العيووز عصبت .. حقج علينا بس لا تعصبين ..

ضحكت وقلت لأمايه : ما عليج منه سوااالف هذا ..

يت خلود وهي تضحك قعدت يمبي : شهووود ..

ابتسمت وأنا مستغربه البنيه جيييه لاصقه فيني اليوم قلت : عيووون شهووود ..

خلود : تسلم لي عيونج ..

قلت لها : الله يسلمج حبوبه ..

خلود : تعالي قعدي ويانا .. ( أشرت ع المكاان ) هنااك .,.

قلت لها وأنا أطااالع صوب ما تأشر وقلت : بس ................

علق الكلاااااااام كله ووقف ... يوم طااااحت عيني بعينه .. نزل عينه بسرعه ونزلت عيني .. وأنا مفتشله ....

خلود : بس شووو ...؟؟

قلت : ماشي .. بس الشباب هنااك ...

خلود : محد غير خواني وخواني مب غرب ..

قلت وأنا أشوف صوب أمايه : حرااام عقب أمايه تتم وحدها اهني ..

أمايه : لا يا بنتي .. أنا بسير برقد انتي بتمين روحج ..

قلت : وأنا بعد برووح برقد فيني رقاااد ..

خلود : حرااام شهووود حراااااااام ..

قلت لها وأنا أوقف عسب أروووح داااخل : خوخه .. بس ..............

سمعت صوت أبويه قبل ما أكمل : شهد ..

طالعت صوبه وقلت بنفس علو الصوت : هلأ أبويه ..

أبويه : تعالي ايلسي ويانا ماماتي ...

قلت له وأنا أطااالع خلود وابتسم : انشالله ,,

خلود : وأخيرااا اقتنعتي يلا بسرعه ...

تجدمنا أنا وخلود عنهم .. يلست يمب شذاوي .. وطالعت أبويه وأنا مبتسمه ... بس ما رمست .. اكتفيت بأني أنحط ع السايلنت

سمعت صوت خالد يوقف وهو يقول : تصبحون على خير ...

الكل رد : وانت من أهله ...

خلود الوحيده ما ردت : خااااااالد اقعد ويانا ...

خالد ابتعد وقاال : برقد باااجر برد العين بدري ...

طالعت خلود .. وهي تتأفف .. هالبنيه وراها سااالفه أكيد .. ولا مب جذا خلوود ابد مب حنانه ...

شفت عمي سيف يطالعني ابتسمت له .. قال لي : كل هذا ترمسين ربيعتج ماشالله ..

قلت له : هي تراني من الثانويه مب مرمستنها ..

عمي ابتسم : زين الله يديم المحبه بينكم ..

قلت له : أمييين يارب ..

قلت وأنا أوقف : تصبحون على خير ..

ابويه : تو النااس بنتي ..

قلت : تراني راااقده متأخر .. ونشيت الفير اليوم ..

ابويه : عااد سيري ريحي بااجر ورانا خط ..

ابتسمت وأنا ابتعد وأطااالع نظرااات خليفه اللي ما تترك شييوم .. كل شوي يناظرها .. حسيت شييوم تبي تنتحر خلاااص تبي تقووم وتيي ترقد .. بس شكله شهااب مدبلنها .. مخليها تصمم منتداااه هع أحسن ولا من يقول لها قولي أنا أعرف أصمم .. عن نفسي ما أخبر أحد .. وترا كااان عندي منتدى بس خلاااص صكرته .. ومحد يدري انه كاان منتداااي .. يلا أحسن .. الله يعين شييوم على ذوووق شهااابوه . شكلهم ما بيرقدون الا ع أذااان الفير ..

تجدمت عن الصااااله ,, فتحت الباااب بقوه .. ودخلت وتوني ببنده بنفس الطريقه لأنه فيني رقااد ..

سمعت صوت واااحد : بندييييه شوي شوي .. الولد راااقد ..

صديت طالعت صوب خااالد وليد رااقد وخالد بيشيله توه يوديه الحجره قلت : السموحه ما كنت أدري انكم اهني ..

ما ترييت رده وصعدت ع الدري وتجدمت صوووب الحجره .. على طووول فكرت فخاالد ... الله يعينه فحياااته مدري كييف عااايش .. وحيد بدنيته شكله .. يلا الله يرزقه ببنت الحلااال اللي تنسيه وترعا ولده .. طااالعت صوووب الفووون أوووه توني تذكرت .. بمسح مسجااات زيود فديته ما يهون عليه بس أخاااف أنكشف .. وبغير اسمه بسميه .. أماني 2 أحسن لي عسب محد يشك .. وبعدين أي لحظه عمي سيف بيقرا المسجااات ..الحمدلله قمت من عندهم قبل ما يطلب التلفون عني .. أكييد بيشوفه .. والحمدلله أماني نجتني اليوم .. والله اتصلت بوقت منااااسب جدااا .. ولا كنت برووح فيها وما باااخذك يا زااايد ...تميت أمسح بعض المسجااات وغيرت الاسم ...

تذكرت أول كيييف كانت حياتي معاااك يا زااايد حتى لو أطلع معااك عادي ... بس آآآآه كلما أرد بالذكرى ورااا أتعب ...قبل ما أيي العين كنت الأكسجين لزاايد بس الحين قااامت تلفوناته تقل .. وما قاام شررراااات أول اللي يتصل بي كل شوي يتطمن .. بلغه بالحااال ياريف سرااا مخطر حالي ولي ساير يسير .. بالفعل يااا زااايد .. أنا حااالي خطيرررر .. تعالي وانقذني .. أبيك انت ولا ابي أحد سواااك .... نزلت دمعه حاااره على خدي وأنا أتذكر زااايد .. أحبه حييييييييل بس لييييش هالفتره مقصر بحقي .. حتى اتصاااله صحيح انه ما انقطع بس قل .. مو شرااات أول .. زااايد تغير وااايد واااايد تغير .. هب زااايد الأولي ..

رقدت وأنا أسيره لذكرياتي مع زااايد .... وعلى خدي غدير ... ألم على حالي .. لييييش ييت اهني كنت فدبي أحسن .. زايد ما كان بينساني .. بس شنسوي مكتوووب لي .. بس لااازم أخلي زااايد يرجع لي شرااات أول زااايد حبيبي وحياتي اللي مقدر أعيش من دونه ..
.
.
اليوم الثاني الساعه 4 العصر .. جدااام مغاسل السيارات ...

خليفه : يارياااال والله مليت أبا أرد البيت ...

عمر : عااد جيييه ياي ..

خليفه : جيه بعد ... أكيييد عسب أغسل سيارتي .. وبرد البيت عقب شوي ..

عمر يأشر بيده : شو يايينك يا ريااال صار لك أسبوع وكله طااايح فالبيت يقولون حرمه ...

خليفه يضحك ويضرب عمر ع ايده بالخفيف : يا رياااال اش هالرمسه .. بس تصدق عااد ناوي أتزوج ...

عمر مبطل عيونه .. : تتزوج ............؟؟

خليفه يأشر ع روحه : هي شو ناقصني جيييه ...

عمر مستغرب : انت خلووووف راعي السوالف نويت تتزوج ...

خليفه : هيه شو قالو لك عني .. ما بصخ يعني .. بتم طول عمري ألعب ...

عمر مستغرب : لأأأأ بس ... مب جنك مستعيل .. توك الا ثلاث وعشرين سنه ...

خليفه : انزين وشو فيها بعد كم شهر بدش اربع وعشرين .. خلاااص يعني سني مناااسب ..

عمر : أحس لأأأ.... تخطب برااايك بس عرس لأأ انت بعدك حتى دراااسه ما خلصت ...

خليفه : هاااي آخر سنه يا ريااال ...

عمر : سو اللي تباااه بس قولي منو هذي اللي ناوي تاخذها ...

خليفه : بنت عمي ...

عمر مستغررب : بنت عمك .. منو هالياااهل .. حراام عليك بعدها صغيره هاااي اش دراااها بالمسؤوليه ...

خليفه : لأأأأ بنت عمي من حرمته الفلبينيه ...

عمر يهز راااسه : هييييييييه .. أي وحده الصغيره ولا الكبيره ...

خليفه : اللي عمرها سبعتش مادري ثمنتعش ...

عمر : ما أعتقد عمك بيوافق ...

خليفه : وليييش انشالله ...

عمر : أحس عمك ما يحب بناته يتزوجن وهم صغااار ... وبعدين العوده بعدها مب معرسه تبي الصغيره تتزوج ..

خليفه : بس أنا غيررر ولد أخوووه ما أظن بيرفض ..

عمر : حط فبااالك اذا هو ما رفض يمكن البنيه ترفض ..

خليفه : ما ادري والله بشوووف ... برمس الوااالد ..

عمر : لا تستعيل خليفه ..

خليفه يضحك : لهالدرجه بتفتقدني يوم بتزووووج ..

عمر : ههههه سير اغسل ويهك ..

خليفه : بنشوووف عقب .. منو اللي بيغااار من حرمتيه ,,

عمر يضحك : جيييه يعني ...؟؟

خليفه : عقب تعاال قول لي ... خلوووف وينك نسيتنا شو الحرمه نستك ربيعك هههههه

عمر : انت تزوج وتراني بلحقك هههه ..

خليفه : جاان زين .. بس تبا رايي ,,,نسو العرس يوم واااحد هههه

عمر : هههه .. بس والله حاااسب خليفه لا تتسرع ولو تسأل البنيه قبل وااايد أحسن ...

خليفه : جيييه شو قالو لك أجااانب نحن .. لا ابويه مسلمين نحن ...

عمر : أدررررري .. بس هي بنت عمك يعني عاادي تسألها لو بنت غريب قلنا هي بس بنت عمك مافيها شي .. وبعدين تضمن ما يصير مشاااكل بين العايلتين ...

خليفه : فهاااي صدقت يا ريااال ,,

عمر : بس انت سو اللي تشوفه صح .. لكن فنظري ها الصح ...

خليفه .. : يصير خير .. يلا أنا برد البيت تامرني بحااايه ..

عمر يضحك : سلم لي ع الحب ... هههههه

خليفه : اسكت يالهرم .. ولا تراني بفلعك اهني ههه

عمر : انزين خلاااص ما قلنا شي هههه فمااان الله ولا تسرع فالدرب ...

خليفه : انصح روحك قبل ...

عمر : هههه انشالله باباتي ...

خليفه يركب سيارته : شو نظيفه ,,؟؟؟

عمر : أكييييييد من شهر معفنه ... الحمدلله نظفتها .. شكلك ما كنت تبا تنظفها هههههه

خليفه : ياريااال وين أتفيج أنا ....

عمر يلبس نظارته الشمسيه ويتجدم صووب سيارته : يلا أنا بعد بروووح ..

خليفه : سلم لي ع الوالده ...

عمر : يوووصل ,,, يلا فمان الله ,,

خليفه : فمااان الكريم ...
.
.
في فله من بين ثلاااث فلل في العين .. يحوطهم سور واااحد وحديقه وحده ...

دخل وهو ميت تعب من الصبح في المعرض .. من ردو من المزرعه ما ريح ... تجدم عن الدري بس وقفه صوت أبوووه وهو يقول ..

بو خاالد : خـــالد ..

لف خالد بتعب : السموووحه الغااالي ما شفتك ....

بو خالد : تعبااان ولدي ...

خالد يتجدم عن ابوووه ويحبه ع راسه : لا بس من البااارحه مب رااقد عدل ..

بو خالد : سير ريح انزين ولدي مب زين جذي .. لنفسك حق عليك ..

خالد : انشالله أبويه .. يلا أنا برووح بريح ...

بو خااالد يبتسم له : ولدي مر ع ولدك من الصبح ينشد عنك .. وين ابويه ووين ابويه ..

خالد يبتسم : انشالله .. وينه ...؟؟

بو خالد : عند خلود فالحجره ..

خالد : حرااام ما يخليها تذااكر ...

بو خالد : اجزو .. تراهم .. خلصو الفصل الأول ..

خالد : هي صح .. نسيت ...... يلا عااد ابويه برووح بشوووف وليد وبريح ..

بو خالد : الله يحفضك من كل شر ولدي ...
.
.
رفعت رااسي على صوووت المنبه .. شفت الساعه ... اوووه صااارت خمس .. كل هذا أنا رااقده من ردينا من المزرعه الصبح وأنا رااقده .. نزلت من ع السرير وتغسلت .. رفعت شعري وغيرت ملااابسي ,, جمعت صلااة الظهر ولعصر ,, أعوذ بالله من الشيطاان الرجيم .. الرقاااد غلبني وما صليت الظهر .. طاالعت صوب التلفون وأنا أتذكر زاايد اللي ما اتصل فيني ولا طرش لي مسج من أمس .. آآآه يااا زااايد لو تدري اش كثر أعاني ببعدك .. انت وليف الهم انت الروووح انت كل شي بدنيتي ... تجدمت صوووب الدريشه .. قبل لما كنت أوقف عند الدريشه .. وقت ما أكلم زاايد بس الحين لأأ أوقف حسره وأتذكر ان زااايد نساااني .. صحيح اني طلعت من دبي .. بس ما اعتقدت اني بطلع من قلوووب هلها أبد .. لكن خااابت ظنوني .. واتمنى ان ظنوني تخيب الحين وأنا أظن انهم نسوووني ..

فزعت ع صوت رنة التلفون .. تجدمت صوووبه بسرعه وأنا ع أمل انه زااايد بس خااابت ظنوني ...

رديت وأنا تعبانه : هلأأأأ أمووون ..

أماني : هلأ شهوود اش حالج ..

رديت عليها وأنا ابتسم : بخيير بعدني عاايشه ..

[اسطورة !]

أماني : خير شهوود فيج شي ..

قلت لها : لأأأ أبد بس جذي .. توني ناااشه من الرقاااد ..
.
قالت لي : هيييييه .. انزين شو راااايج عقب بااجر نتلاقى في العين مووول ..

قلت لها : أوكي بقووول حق أخويه يوصلني ونتلاقى ..

أماني : وأنا بقوول حق ريلي ..

قلت لها وأنا مستانسه وأطاالع المكالمه اللي فالانتظااار : هههه انزين يلا باااي حبوبه لأنه يايني خط ثاااني .. وضرووووووري ..

أماني : باااي حبوبه ...

ردييييييييت وأنا مستااااااانسه عن خااااااااطر ...: هلا والله ..

زايد : هلأ بحياتي وعمري وروحي ..

قلت : خفف الجرعه تراني بمووت ..

زااايد : يعل يومي قبل يوومج حياااتي..

قلت : زيووود تبا الصراااحه عاااد أنا زعلااانه منك ...

زايد : له له .. جيه عسااا ما شر ,,, شو فيييييييج ..؟؟

قلت : حبيبي ناسيني .. له يومين ولا سائل عني ..

زااايد : افا علييج بروح له وبجتله الحين ..

قلت وأنا مفزووعه : فااال الله ولا فالك ..

زايد يضحك : تراااج انتي تقولين مزعلنج وأنا ما ارضا عااد على حبيبتي ..

قلت له : علني افداااااااك والله وبعد شخبااارك ..

زايد : بخيييييييير دام حياتي بخييير ...

قلت : دوووم انشالله ...

زايد : يدووم عزج حبيبتي ...

قلت : دامت أيااامك .... مب ناااوي تيي العين ...

زايد : بشوووف والله ما ادري حسب الدواام ..

قلت : الله يسهل عليييك يااارب ..

زايد : حياتي أنا بودرج الحين لأني وااايد مشغووووول .. ضغط الشغل كله عليه ..

قلت : الله يسهل عليييك ويحفظك ويفكك من هالشغل اللي قاطينه عليك هههههه

زايد : وانتي بعد ربي يعقلج وتفتحين لو مااده وحده وتراجعين ...

قلت له : ترا أنا بعد مأجزه .. عقب أسبوع ببدا ..

زايد : هي مال المدااارس عقب ثلاااث أسابيع ,,

قلت له : شفت كيييف ظالمينا نحن .. حرااام عليهم ..

زايد : يالمسولفجيه أدري ما تبين تبندين .. ترا والله وراااي شغل ,,

قلت وأنا أضحك : يلا حياتي دير بالك ع روحك ..

زايد : انشالله وانتي بعد ..

قلت له : انشالله يلا مع السلامه ..

زايد : مع السلامه حبي ..

.. بعد ما صكرت عن الحب .. تجدمت عن الباااب عسب أطلع وأنزل .. بس قلت أمر على شييوم أحسن لي .. فخااااطري ارمسها .. صااار لنا فتره ما شكينا همومنا لبعض ...

تجدمت عن باب حجرتها ودقيته ... شييوم : منو ..؟؟

قلت : يدتج ...

شييوم فتحت البااب : هلأأأ يدوووه اش حااالج .. ( وباستني ع راسي .. )

دزيتها وقلت : وخري زين أرف انشالله شو قالو لج عيووز

شييوم تضحك : مادري عنج انتي تقولين يدتج ..

قلت لها وأنا أأشر ع الباب وأقعد عالسرير : صكري الباااب زين وتعااالي ايلسي ..

شيما تصكر الباااب وتيي صوبي : خير .. مس شهد ...

قلت لها : شخبااارج ..؟؟

شيما تتخصر : لا والله .. من متى مب شايفتني ..

قلت لها : العااطفيه يا ماما هب .. أخبااارج .. شو ابا في اخبااارج انتي ..

شيما : القلب مغلق للصيانه ...

قلت لها : اها .. يعني في مشرووع يديد ..

شيما .. تجدمت عني وبحزن قااالت : ما اظن القلب يهوا غيره يا شهد ..

قلت لها : شييوم .. ما يصير اللي تقولينه .. ادعي له بالرحمه .. خلاااص ..

شيما تمسح دموعها : الله يرحمه ..

ضربتها ع جتفها وقلت وأنا أضحك : شخبااار خلوووف وياااج ..

شيما مستغربه : خلووووووف ..؟؟؟

قلت لها : العبيها ع غيري .. قال لج شي ..

شيما : تبين الصراحه لأأ ... بس قطعني .. كل شوي يطالعني فشله حسيت شهاااب بعد درا انه معجب ههه

قلت لها : وانتي شو رااايج فيه ..

شيما : ما ادري .. ما حسيت بشي ..

قلت بنص عين : علي هالكلااام يلا رمسي ..

شيما : ما ادري بس أحس اني ملت صوبه .. معني ما كلمته ولا مره ..

قلت : غريبه كلمني جيييه ما كلمج ..؟؟؟

شيما : ما اعطيه سااالفه أنا اممممممممرررررررررره ..

قلت : أحسن .. خلييييه هو اللي ييج روحه .. وشييوم نصيحه مني .. خليه ايي لج من البااب هب من الدريشه فاهمه علي ..

شيما مستغربه : بس انتي كلمتي زاايد قبل .. ليش ما تبيني أكلم خليفه ..

قلت لها : زااايد غير .. وكان وضعنا غير وقتها وطريقه حبنا هم غييييير .. وانتي وخليفه غير ..

شيما : انشالله .. تامرين امر انتي .. وبعد ...؟؟

قلت : ماشي .. بس حبيت أقول لج اني أنا بعد لاحظت على خليفه انه ناااوي على نييه وبس ..

شيما : تعتقدين انه بيتقدم لي ..

قلت : اذا زااايد تقدم لي هالفتره ... اكيييييد بيتقدم لج ..

شيما : بس أنا مابا أعرس الحين ابا أكمل درااسه ..

قلت لها : أكييييد .. ماشي تتزوجين قبل ما تخلصين الثانويه ..

شيما : لأأأأأأأ أبا أخلص الجاامعه عقب .. يتزوج ما يتزوج برااايه ..

قلت : شو يصبره خمس سنين .. شكله مستعيل ( وغمزت لها ) هههههه

شيما : مالي خص.. عرس مابعرس الحين قلت لج ..

قلت وأنا أتجدم صوووب الباااب : خلييييه يتقدم لج أول .. عقب .. تعالي ارمسي ..

شيما تضحك : صدقج ...

رديت حجرتي وفرفرت في المنتدياات .. آخر شي تذكرت .. نور الامارات .. من زمااان ما حدرته ... بحدر اليوووم وبشووف شخبااارهم والله اشتقت لهم وااايد .. يقولون شي روايه يديده ليتومه .. بسمه من شفاتك تموتني وتحييني بقراها و بالمره بقرا آه ياقرب المسافه بين عقلي والهباال .. الله يعلم متى بخلص .. بس يلا عاادي عندنا اجاازه .. بقضيها في قراءة الروااايااات .. معني ما أحب واايد أقرا بس يلا أحسن من لا شيء ...

بديت أرد وأشاارك وأحط أشياااء .. ودشيت البووكس رمست البنااات .. وعقب على أذاان المغرب ظهرت .. ونزلت أكل لي شي لأني من نشيت من الرقاااد وأنا مب ماكله شي .. ما شفت أحد أكيييد خالو أم شهاااب وشذاوي راااحو عند أهل شواااخ .. لأنها سألتني نرووح وياها بس قلت لأأ لأني بالفعل تعبااانه وكنت أبا اريح ... دشيت المطبخ .. شفت باااجي من الغدااا .. كليت ع السريع .. تجدمت عن البراااد عسب أصب لي ماي .. ما حسيتا لا بأحد يمسكني ويقرقطني ..

فزعت والكوب طاااح من يدي .. لفيت وأنا متخرعه وأتنفس بسرعه ,,,, شوي وأصييييح لأني بالفعل عن جد تخرعت عدددل ..

......... : لهالدرجه خفتي ..؟؟

قلت وأنا أتنفس بسرعه : يغربل العدو خرعتيني ..

خلود تضحك : هههههههه حلو شكلج يوم تخرعتي..

قلت : عيبتج السالفه أشووووف .. مالت .. والله خرعتيني ..

خلود تضحك : صااار خير انزين ..

قلت : هي صااار خير زين القلاااص ما طااااح على ريلي .. كنت بتعور ..

خلود تضحك : خلاااص آسفين ما بنعيدها ..

قلت : انزين خلاااص بعديها لج هالمره ..

خلود سندت ع الطاوله : وينهم هل البيت ..؟؟

قلت : محد ..

خلود : بعدها خالو ما ردت ..؟؟

قلت : لأأ أظني بيتعشوون منااك ..

خلود : هييييي .. انزين انتي وشييوم تعالو تعشو عندي ..

قلت : لا الله يخليج تسلمين ..

خلود : لا صدق والله ما أتمصخر ..

قلت : متفيحه انتي صدق ...

خلود : شهووووود حراااااااااام ..

قلت : خوانج هنااااك كيف تبيني ايي .. وأنا بيتكم ما جد يوم طبيته ..

خلود : عااااااااادي شو فيها انزين ..؟؟

قلت : الا فيها خوااااانج فالبيت ..

خلود : بس هو بيت عمج ...

قلت : حتى ولو بيت عمي ما يصيير يا ماما ...

خلود : انزين والله الشبااب ردو العصر ورقووود ما ادري يمكن بينشووون الساااعه عشر ,, ونحن نتعشااا تسع .. يلا حراااااام ..

قلت : لأأ يعني لأأأأ ..

سمعت صووت خطوااات قريبه من المطبخ .. لفينا اثنينا ,,, دخل وقاااااال : اهلين ..

ردينا : اهلين ...

شهاااب : شهد .. ابويه اتصل ويقووول انتي وشييوم .. وأنا بعد بنروووج العشااا بيت عمي .. لأنه هم بيتأخرون بيتعشون بيت أهل شيخه شكلهم ...

خلود : هيه هيه ..

قلت : مابا .. بتعشا فالبيت أنا عاادي ولا الخداامه تسوي لي شي ..

شهااب : الوالد رمس عمي خلاااص .. وترا عمي بيزعل .. لو ما بنسير ..

قلت : امممممممممف انزين خلااااص ,,,, حوباتج هاااي ..

خلود مبتسمه وشاقه الحلج .: يلا يلا تعالي بيتنا ..

قلت : تريي برووح بلبس ..

خلود : ما يباله بيتنا لاااصق .. وحوينا وااحد ..

قلت : انزين تبيني ايي بالبجااامه .. جييييه ...... بروح بلبس مخوره ..

خلود : انزين .. عاد أنا برووح بقول حق شيما ..

قلت : أوكي .. يلا أنا سايره البس ..

شهاااب : شهد انتي وشيما سيرو الحين أنا بطلع .. بيي لكم ع العشا ..

قلت : أوكي .. بنترياااك ...
×
الكل قااعد في بيت جاابر في احدى منااطق العين ..

أم شهااب : والحين اش حالج بنتي ...؟؟

شيخه : تمام الحمدلله امايه .. بس خلاااص احس روحي بربي ..

أم شهااب : تو الناااس يبالج شوي ..

شيخه : هالأيااام بتمر بسررررعه .. وبعدين مب باجي لي شي وأدش التاااسع ..

أم شهااب : الله يعينج على سعووود صاااير فوضوي .. بس عوديه عشااان ما يغااار من الياااهل ...

شيخه : هي ذابحني .. وايد فوضوي ..

أم شهاااب : وليد بعد مستوي وااايد شيطااان هالفتره ..

شيخه : صح اش حااال خواتي ..؟؟

أم شهاااب : بخير وسهاله ... يسلمون عليييج ..

شيخه : جيييه ما يبتوهم وياكم ...؟؟

أم شهاااب : شهد حليلها من البارحه مب راااقده وشيما طايحه لج يدااام هاللاب توب شرااات شهاااب ..

شيخه : ههههه صار عندج اثنين فالبيت مال قوووم لاب توب وهالسوالف ..

أم شهااب : بقول لأبووج يشله عن شيما عيونها بتتعمي البنيه .. من كثر ما تقعد ...

شيخه : ههه لا حرااااام امايه خليها تتسلا ..

أم شهاب : بس مو زين حقها .. وحق عيونها يا أمايه ,,,

شيخه : انزين أمايه جيييه خااالد ما ياااخذ شهد أختي ...؟؟ ماشالله عليها كامله والكامل الله ..

أم شهاااب : والله ابووج وعمج رمسووه بس هو الله يهديه ما يبااا مووول .. ولا يبا يسمع طاااري العرس بعد ..

شيخه : حاولو وياااه بعد .. ترا مو زين .. وليد لااازم يبا له وحده ترعاااه وتعلمه ..

أم شهاااب : يصير خير انشالله ... برمس ابووج بعد ..

شيخه : شذاوي حبيبتي عطيني سعوود ..

شذى : مابا .. خليه عندي ..

شيخه : بس شوي انزين ههههه

سعود يطلع لسااانه شيخه : شفتي أمااايه أقول لج الولد مستوي شيطووون وفوضوي ..

أم شهاااب : بيكبر ويعقل انشالله ههههههه ..
×
×
دخلنا الفله .. وأنا أول مره أدخلها .. وخلود ماسكه ايدي وتبتسم لي .. ابتسمت لها عاادي .. شيما وقفت ورايه .. عشب تتفادى نظرااات خليفه .. لأني متأكده انه موجود ومب راااقد هالحزه ,, دخلنا الصاااله ... تجدمت عن عمي

بسته ع راسه وقلت : اش حااالك عمي ..؟؟

عمي : بخير وسهاله بنتي .. انتي اش حااالج ..؟؟

قلت له : بخير بشوفتك الغاالي ...

عمي : حياكم بناتي حياااكم تعالن ايلسن البيت بيتكن ..

شيوم يت سلمت عمي وقعدت .. قلت وأنا ايلس : تسلم عمي ...

عمي وقف : عاااد أنا بسير المعرض شوي بعد أذاان العشااا برد انشالله ..

خلود : بابا بس شييوم وشهوود اول مره ييون بيتنا ..

عمي : سمحو لي عاد بناتي بس توهم اتصلو بي ضروري ..

قلت : مسمووح عمي لا تحاتي ..

عمي : خلود عندكم اذا احتجتو شي .. يلا عااد فماان الله ..

قلت وأنا ابتسم : فماان الكريم ...

اختفا عمي عن عيني .. قلت وأنا اطالع خلود : بيتكم حلو تصدقين ..

سمعت صوووت من بااب الصاله : من ذوووقج ...

ابتسمت قاااال قبل ما يدش : هووود هووود ..

قلت : هدا هدا ...

دخل خليفه وهو يبتسم لنا : اش حالكن بناات عمي ...؟؟؟

رديت : تمام ومن صووبك ..؟؟

خليفه : بخييير بشوفتكم ... ( طالع شيما وقااال ) اش حالج بنت العم ..؟؟

شيما بصووت يالله يالله ينسمع : بخييير الحمدلله ...

خليفه : منورين بيتنا والله ..

طالعت خليفه وقلت : منور باهله ..

خليفه راااح صوب الدري .. : البيت بيتكم خذو رااحتكم ..

قلت : تسلم ولد العم ما تقصر ...

خليفه ابتسم وصعد .. طالعت خلود وقلت : بينزلون خواانج الحين ..

خلود : لأأأأ وين الله يحليج .. خالد رااقد ما بيقوووم الا يوم نقومه .. وخليفه بيطيح لج يدااام هاللاب ..

قلت : كيييف تقضين وقتج خلووود ..؟؟

خلود : ماشي .. تلفزيون نت وتلفون ...

قلت : زين .. بس سوي شي يفيدج ترا أحسن ...

شيما تضحك : طاااعو من ينصح .. ماما انتي أول سوي شي زين عقب انصحي شييوم ..

ضحكت وقلت : صدقج ... بس صدق خلووود سوي شي ينفعج ..

خلود : أحب الرسم بس يوووم ارسم راااسي يعورني ...

قلت : لأأأأ انتي مارسي هالشي خلاااص بتتعودين .. الحين عندي ربيعتي تكتب روايات .. بالساعات تقعد ع اللاب .. تقول لج قبل بس تشغل اللاب تقعد يداامه دقايق راسها يعورها وعيونها تدمع .. بس يوم تعودت خلاااص . قااامت تقعد تكتب .. يعني شي مفيد أحسه .. أحسن من لااا شي ...

خلود : هي صدقج .. بحااول والله مادري ,,

قلت : هي حاولي .. يمكن بيكووون لج مستقبل ..

خلود تضحك : الله يسمع منج ..

وليد ياااه صوبنا وهو يركض ,,, وحضني وقااال : حبيبي شهوووووووود ..

ضحكت وقلت : انت اللي حبيبي ...

خلود : زين ياااه .. شييوم شهووود تعالو شوفو حجرتي ... ..

قلت وأنا حاضنه وليد : سيرو انتو بلحقكم انا عقب شوي ...

طالعت خلود و شيما يصعدون .. يودت وليد من خدوده وقلت : تلعب ويايه وليد والذيب ..( غيرت المسمى نظرا لاسم الطفل )

وليد : هي بلعب وياااج وبغلبج أنا ..

قلت له : انزين هههههههههه

تجدمت عن وليد وأنا أقوووووول : باكلك الحين باكلك ... أنا الذيب

وليد بدا يضحك بصوووت عااالي أشبه بصيااااح طفل .. : لاأأ بخبر بابا عليج .. لا تاكليني .. مابا .. بخبر باااباا وبقول له انج تضربيني

سمعت صوت عااالي وقف الدم بعروقي : منووووووووو يضرب وليييييييييييد ...؟؟؟

صديت مستغربه .. حسيته بيي يضربني يذبحني .. أكييد فاااهم السالفه غلط .. ياااارب ما يرمس ولا يقط رمسه عليه قبل لا يفهم السالفه لأني بتحسس ويمكن برد علييه لأني من النوووع اللي ما يسكت .. طالعته .. معصب مبين علييه ..

[اسطورة !]

الحلقه العاشره ..

أحبك ..!
حب خلاااني أبيع الدنيا من أجلك

رجعت بخطواتي لورا .. بغيت أرمس .. شفت ملامحه جااامده ومبين عليه معصب .. تجدم عن وليد وقااال .. : منو يضربك وليد ...؟؟

وليد سوا روحه يصيح .. خلاااااااااااص موتي .. وأشر عليه .. بغيت أرد على خااالد .. بس سكتت لما قال ...

خالد : يالذيب لييييييييش تاكل ولدي ...؟؟

ملامحي تغيرت من خوووف وارتباااك .. بغيييييييت أفطس من الضحك بس يودت روحي .. وارتسمت شبه ابتسامه على ويهي .. ما رديت .. اكتفيت بأني أتجدم من وليد وأمسك يده ... عسب نروووح فووق ..

خالد قااال : اش حاالج بنت العم ..؟؟

رديت عليه بهدوووء : تمام .. ومن صوبك ..؟؟

خالد يضحك : بخييير .. شكلج زغتي مني هااا ...

تفشلت عن خاااااااطر باان عليه اني خفت ,, قلت بارتباااك: هااا .... لا .... يلا وليد نسير عند خلود وشيما ...

وليد ضحك ومسك ايدي وصعدنا .. وأنا مفتشله خااالد من البدايه شااافني مع وليد .. أوووه ماي قاااد ليكون تمخطرت بمشيتي ولا رقصت هع .. خلني أتذكر فشلللله ... لا الحمدلله كنت عاااقله ...

وصلنا حجرة خلود وأنا مفتشله من اللي صااار قبل دقااايق ... وأفكر فاللي صااار .. ويهي احترق صدق ..

................: شهوووووووود ..

فزعت من مكاني .. : شوووووووووه .. حشا مب صوووت ..

خلود تضحك : ههههه بلاااااج شو صااار ,,..؟؟

قلت لها : ماشي ,, يلان دش حجرتج ...ماشالله أنا كله افزع فبيتكم

خلود يايه من صوب الدري : ههههه ... يلا دشي ..

طالعتها .. البنيه تضحك .. هاذي وراها ساااالفه .. خلود مب هي خلود اللي أعرفها حتى تصرفاتها مستويه غييير وغريبه ...
×
×
الساعه 11 بليل في بيت بو خااالد ...

بو خالد : ولدي شفتها رووحك اليوم .. اش رااايك فيها ..؟؟؟

خالد : الواااالد دخيلك ,, أنا من زمااان قلت لكم عرس ما بعرس .. هاي رمستي وما بغيرها ...

بو خااالد : خالد ولدي أبا أشوووف عيالك ... قبل لايي يومي .. اباهم يترسون بيتي .. بحشرتهم ..

خالد : ابويه شو هالرمسه .. عسى عمرك طوووويل .. وعندك وليد شو تبا بغيره ...

بو خالد : بس وليد روحه يباله خوااان وخوات يسلونه ...

خالد : هكووو .. باجر خلوف انشالله بيتزوج وبييب عياااال ووليد يبتسلى وياهم ...

بو خاالد : طووول عمرك عنيد .. مدري طااالع ع منو ...

خالد : هههه عليك يالغاالي ...

بو خالد : انزين ابا أعرف بنت عمك شو ناقصها عسب ما تاخذها ..

خالد : مب ناقصها شي كامله والكااامل الله .. بس أنا مابا أعرس ..

بو خالد : بس هذي بنت عمك اذا خذيتها انشالله بتنسى همومك وشهد بتربي وليد وبتداريه ..

خاالد : ابويه قلت لكم مليووون مره عرس ماني معرس .. واذا تبا شهد انت .. خذها حق خلوووف ...

......... : بس أنا ماباها ...

خالد يضحك : وانت منو رمسك ...؟؟

بو خالد : أنا اباها لك يا خااالد ... ماباها لأخوك ...

خالد يضحك : ابويه انا شرااات خلوووف ماباها ..

بو خالد : الله يهديك ... يا ولدي ..

خالد : أميييييين ... ها خلوف حاط عينك ع وحده ...

خليفه يطااالع صووب ابووه ويقول : الصراحه هي ....

بو خالد : كملت .. ليكووون يايب لي وحده من هالبنات اللي برا ولا متعرف لي ع وحده من هالنت ...

خليفه : اوووه اوووه الوالد قااام يعرف انه الموضه الشباااب يتزوجون عن طريييق النت هالأيااام ..

بو خالد : اذا سويتها بكسر راااسك تراني ..

خليفه : هههه مو لهالدرجه غبي أنا ... أرمس وحده وآخر شي أخذها ...

بو خالد : والنعم فييييييك .. ولدي وعرفت اربيك ..

خالد : يلا ارمس منو اللي تباها ..؟؟؟

خليفه يطااالع صوب ابووه : أبا شيما بنت عمي ...

بو خالد مستغرب : شيمااا .....؟؟

خليفه : هي شيما ..

بو خالد : بس شيما بعدها يا ولدي صغيييره ووراها دراسه ..

خليفه : عادي أخذها .. وأخليها تكمل ...

بو خالد : ما أظن عمك يرضى ,,

خليفه يرووح صوب ابووه ويبوس راسه : فديتك ابووويه بس حيروها لي ..

بوخالد يضحك : لهالدرجه .. انزين عمك يشاورني قبل لا يتقدم لها أي أحد وبياخذ رايي لا تخاااف ..

خليفه : وأنا شاللي بيصبرني يا بوي .. ما قدر ... دخيييييلك ..

بو خالد : انزين برمس عمك يرمسها بس مب الحين ...

خليفه متملل : عاااد متى .. عقب مايي لها واحد وتوافق ..

بو خالد : لأأأ .. خل أخوك يوافق ياااخذ العوده ...

خالد يضحك وهو قاااعد يعابل فتلفونه : عاااد خلوووف تحلم انك تاااخذ شيما ...

خليفه : انزين تعااال صدقه الوالد جيييه ما تاخذ شهد ..

خالد : شهد بعدها ياااهل ومب قد المسؤوليه .. ما تعرف تتصرف ...

بو خالد : انزين انت علمها .. وشهد كااانت عااايشه بدون ابو لاازم ما تعرف تتصرف..

خالد : مادري والله مادري .. بس فكرة عرسي شيلوها من راااسكم ... يلا أنا ساااير أرقد وراي دوااام باااجر ...

بعد ما صعد خاالد خليفه قااال : خلك منه ابويه وزوجني أنا ...

بو خالد يضحك : أعوووذ بالله .. أنا شاااك انه بدلوك بقيس ...

خليفه : هههه مب لهالدرجه .. بس صدق ابويه لو ما تبا تتزوج البنيه الحين برايها بس حيروها لي ...

بو خالد : يصير خير انشالله .. انت أول ييب الشهاده واشتغل .. وعقب يصير خير ...

خليفه يتأفف : انشالله ..
.
.
قاعده ألعب فتلفوني فالصاااله .. ملانه .. طالعت الساعه صااارت 11 وشي وبعدهم مايو .. شالسالفه وااايد تأخرو .. طالعت شييوم

قلت لها : شفتي خليفه كيييف حركاته ....

شيما تطالع تلفزيون مب مهتمه : عااااادي ..

قلت لها : لأأأأ مب عاادي ..

شيما : براااايه .. مالي خص فيه ..

قلت لها : لأأ لج دخل .. امايه الولد مبين عليه بيموت علشاانج ..

شيما تضحك وتطالعني : ما أصدق .. أول مره وااحد يعجب فيني ..

قلت لها : تراااج ويه فقر .. أنا كل هل دبي كااان متخبلين عليه .. بس لولاااااااااا......... عاد انتي أدرى ...

شيما تطالعني : شهووود تصدقين لو انه تصرفاااتج كانت محترمه في دبي كانو كل شباااب دبي تقدمو لج .. بس ما ادري لييش انتي
كانت حركاتج جيييييه ..

قلت لها : اختي وتسألني لييش كنت أسوي جيييه عااادالغريب ما ينلام ..

شيما : مب قصدي بس كمثاااااااال يعني ...

قلت الها : أدري .. يلا أنا سايره أرقد ..

شيما : حدرتي نور الامارات اليوم .....؟؟

قلت لها : هي .. بعدهم الأعضاااء هم .. بس زااادو وااايد .. كشخه مستوي ..

شيما : هي .. تعرفتي على أحد ..

قلت لها : هههه تبين سمعتي تحترب زياااده ..

شيما : لأأأ خلج مثل ما أنتي ... ترااا بتروحين مللللللللللح عقب هههه

قلت : يلا أنا سايره أرقد ..

قبل ما ارووح صوب الدري سمعت الباااب يتبطل .. صديت وراااا ..شفت مرت ابويه وابويه ,, : السلااام عليكم ..

ردينا أنا وشييوم : وعليكم السلااام ...

مرت ابويه : اش حالكم بنااات ..؟؟

قلت وأنا ارووح ابوس راس ابويه وامايه : بخير وسهاله ...

ابويه : سرتو بيت عمكم ..؟؟؟

قلت : هي .. وتعشينا عندهم ..

ابويه : زين .. انشالله عيبكم بيتهم ..

قلت : هي حليلها خلود ما قصرت ويانا ولا عمي ..

ابويه : زين زين ... يلا أنا ساااير ارقد تصبحون على خير ,,

قلنا : وانت من أهله ...

قلت : أماايه وين شذاوي ..؟؟

أم شهااب : عند شيخه ... سعود صاااح قااال الا ابا شذى ترقد عندنا ..

قلت : هههه فديته .. اشتقنا له واايد ..

أم شهاااب : بييون عندنا هالسبوع انشالله ..

قلت : انشالله .. شواخ بتربي هالشهر صح ..

أم شهاااب : هي .. دعو لها تربي بالسلامه ...

قلت : انشالله .,,,

أم شهااب : صح شواااخ سلمت عليكن وااايد وقااالت قولي لشهد وشيما أنا زعلانه منكن ..

قلت : له له .. خير عسا ما ضايقناها بشي بس ..

أم شهااب : قالت أول مره تييون صوبي وما ييون وياكم ..

ضحكت : ههه عاد خلاااص بيي المره اليايه عسب ما تزعل ..

شيما : أنا مابيي ما يصير ارووح بيت خطيبي ...

أم شهاااب وأنا مبطلين عيونا .. : منو خطيبج ..؟؟

شيما : سعودي منو غيره يعني هههههه ..

أم شهاااب : حسبي االله عليج من بنت هههه .. يلا أنا سايره أرقد بااجر دوام ولازم أوعي ابوكم ..

قلت : أحلااام سعيده هههه

أم شهااب : وانتي شييوم ان ما ودرتي اللااب توب ووهالسوااالف ماالج تراني بقول لابوج ياخذه عنج ..

بطلت عيوني .. ليكون أمايه تدري عن سوااالف الايميلات اللي كانت تسويها شييوم .. طالعت شييوم ...

شيوم : والله ما اقعد عليه واايد الا هم ساعات ..

أم شهااب : مب زين حق عيونج ...

ارتحت هالحزه .. السالفه فيها نظر ما نظر الحمدلله ما درت عن شييوم .. خخ ولا كانت البنيه بترووح فيها ..

صعدت حجرتي .. رميت روحي ع السرير وأنا أفكر بالسالفه اللي صاارت اليوم وخاالد .. شو سوا والله انه ممثل بااارع خخخ .. بصرااحه زيغني وأنا زغت عن خاااااااااطر ... كان يطالعنا من البدايه أنا ووليد .. وخلود ليييش كانت تضحك .. يمكن اهيه اللي سوت الخطه وزقرت خالد .. لا لا يمكن كانت ماره وشااافت اللي صااار ... طالعت صوب الفون وهو يضوي .. أماني 2 ..

نقزت من الفرح ورديت ... : هلا والله بزيودي فدييييييييت قلبه وروحه ....

زايد : علني أفدااااااج هههه شو الصحه ...؟؟

قلت : ماشي كحه .. هههه وانت ...؟؟

زاايد : حلجي يعورني ومتزجم .. و أذوني تعورني وكل علللللللل الدنيا فيني ...

قلت : سلامااات حبيبي سرت الطبيب ..

زايد : هي .. وعطوني مغذي وابر وسحبو دم وحالتي كاانت حاله ..

قلت : سلامات يعله فيني ولا فييييييك ...

زايد : لا فديتج .. انزين خبريني انتي شخبااارج ..؟؟

قلت له : اليووم بصراحه تفشلت عن خااااااطر ..

زايد : جيه شو صااار ..؟؟

قلت له : كنت ألعب وليد ولد خالد ولد عمي .. وجااان يدخل ولد عمي عباله اني أضربه وأنا زغت وطلع هو اللي يمثل علينا ههههه

زايد : لا رد ....

قلت . الووو زيووووووووود ويايه ..

زايد بحده : يعني عايبنج الوضع ...؟؟؟

قلت له : زيود بلااك ..

زايد : لو انج فدبي احسن ..

قلت له : زايد حبيبي بلاااك ..

زايد : انتي تطلعين يدااام عيااال عمج ..؟؟؟

قلت : هي بس لابسه شيلتي وكل شي ...

زايد : ترمسينهم ..؟؟؟

قلت : لأأ بس سؤااال عن الحاال شي ثااني لأأأ .. بس زيوود جييه مستوي جذا انت ...؟؟؟

زايد : حياتي لا تزعلين بس ما أحب انج ترمسين غيري ..

قلت : هههه يعني تغااار هااا ..؟؟

زايد : لو ما أغار عليج أغار ع منو يعني هااا خبريني .. ؟؟؟

قلت : فديتك والله ,,,

زايد : شو الجو فالعين ..

قلت له : باارد بس ماشي أمطاار ..

زايد : حتى دبي ..

قلت : اشتقت لدبي ولاهلها أكثرررررر ..

زايد : وأنا أشتقت لشهوووووود حبيبتي وبسسسس ..

قلت : هههههه أنا ما اشتقت لزيوووود .. الا تولهت عليييه وبمووت لو ما شفته ...

زايد : حياتي انتي .. حبيبي يلا أنا بسكر ..

قلت : تو الناااس ...

زايد : ربعي بييون عقب شوي ..

سألته : ماايد ..

زايد : هي ..

قلت له : تعرف أخباار غايه ..؟؟

زايد : شو تبين بها خلاااص الحرمه تزوجت .. برااايها تسو اللي تبا ..

قلت : صدق .. اللي ما يبانا مانباااه ...

زايد : صح لسااانج هههه يلا حياتي مع السلامه ..

قلت : مع السلامه .. برقد أنا ...

زايد : احلمي فيني أوكي هههه

قلت : ههه أوكي .. يلا حبيبي باااي ..

زايد : باااي ..
×
×
........... : شو انتي هبله ...؟؟

خلود عيونها تدمع : لييييييش . .. ؟؟ أنا مب هبله ..

خالد : لييش تصيحين انزين ..

خلود : انت تقول لي هبله ..

خالد : صدق انزين يوم سألتج في حد غريب فالصاله .. قلتي لي لأ ..

خلود : شو دراااني يمكن هي نزلت ..

خالد : خلود مب علي هالحركاات وهالفكره شيليها من بااالج فاهمه ..

خلود : خاااالد انته ليش جيييه ..؟؟

خالد : استغفر الله .. اقول لج شي خلود .. سيري ارقدي أحسن لج ..

خلود تطلع من الحجره : أنا آسفه .. كنت أدري انها فالصاله بس روحي ما رمست ..

خالد .. يروح صوب اللاب : لا تعيدينها مره ثاانيه سمعتي ..

خلود : انشالله ...

خالد : خلوود تعالي ..

خلود تدخل .. خالد يلوي عليها : خلاااص حبيبتي .. أنا بعد آآسف .. لا تزعلين انزين ..

خلود تصيح أكثر .. : بس انت تقول لي هبله ..

خالد االلهم طولج يااا روووح شو بلاني بالياااهل ما يكفيني وليد يتني خلوود : لأأ انتي مب هبله حيااتي ..

خلود : خاالد لا تنازعني مره ثااانيه ..

خالد يرفع رااسها ويمسح ع شعرها : انشالله .. بس انتي لا تصيحين ..

خلود تمسح دموعها : انزين .. يلا أنا سايره أرقد ..

خالد : مري ع وليد شوفيه رااقد .. وعقب سيري ارقدي ..

خلود ابتسمت وهي تطلع : انشالله ,,
×
طالعت السااعه .. صااارت اربع .. يلا بروح بقوول لشهااب يوديني بشووف أمووون ... وأخيرا من بعد سنتين بنشوووف بعض مره ثاانيه .. ياربيييييه هالانسااانه اش كثر أحبها ..

نزلت بسرعه وشفت شهاااب ..

شهاب : ها جااهزه ..؟؟

قلت له وأنا البس شيلتي : هي ..

شهاااب : تغشي ....

قلت : بسسسسسس أنا ما أحب أتغشى ...

شهاااب : شهوود العين موول كله شباااب تغشي ..

قلت وأنا أطلع وراااه .. : انشاالله ..

حلو انه أحد يغااار عليه ... ههه شهابوه ما يدري اني كنت ارووح دبي مول والقصه برع .. يباني اروح العين مول أتغشى .. بس يلا الحمدلله بديت أهتدي شوي شوي ههه .. المهم اليووم اشووووووف أمووون مب المهم غشا نقاااب برقع برااايه .. أمووون وبس هع
ركبت السياره وتحركنا .. شهااب : الساعه كم برد باااخذج ..

قلت : برااايك ...بس بتصل بك تعرف ..

شهااب : لا تسيرون صوب الكوفي وهالسواالف ...

قلت له : ههه لا تخاااف بنرووح صوب الألعاب ههههه

شهاب يضحك : يالذكيه جان رمستيني من قبل وكنت حجرت لج في مطعم .. كبينه ..

قلت له : ما ادري رااحت عن باالي وأنا ما أحب الكباين هااك الزووود ..

شهاااب : يلا وصلنا .. المره اليايه يوم تبين تتلاقين خبريني قبل أياام أوكي ..

قلت وأنا أنزل : أوكي . يلا مع السلامه ..

شهاب : مع السلامه .. اتصلي بي يوم تخلصين أوكي ..

قلت له : اوكي ...

نزلت ودخلت الموول وأنا متغشيه ,, ركبت الدري المتحرك .. الحمدلله ما طحت هع .. ما اشووف شي .. تجدمت صووب الألعاااب ...

اتصلت بأموون ردت عليه : هلأأأأ ..

قلت : وينج ..؟؟

أماني : عقب خمس دقااايق بالضبط بكون عندج .. فالألعاب انتي ..

قلت لها : لا صوب باسكن روبنز أول طااوله يلا بسرعه ...

أماني : زين لا تروحين الكوفي ريلي ما يخليني رووحي .. لازم هو ويايه ههه ..

قلت لها : ههه يلا اترياااج ..

أماني : يلا باااي ..

ابتسمت .. شي حلو انه الأهل يكونون حريصين على أبنائهم .. يمكن قبل ما كنت أحصل على الاهتمام والحرص .. محد كاان يسألني اذا بطلع أو لأأ .. ومتى أرد البيت .. عيبني شي يوم يينا العين .. أبويه وااثق فينا . يعني ما عااارض اني أتلاقى مع ربيعتي وقااال لأأأ .. بالعكس خلا شهاااب يوصلني .. حبيت ابويه واايد حصلت عنده الحنااان اللي كنت فاقدتنه كل هالسنين ..

وأنا قااعده أعابل فتلفوني ... حسيت بوحده تسألني : شهد ...؟؟؟

رفعت راااسي وطالعتها .. ابتسمت .. : أمووون ...

ابتسمت أماني .. : شهود متغشيه ما أصدق ..

نزلت الغشوه وسلمت عليها : هههه عاااش من شااافج ..

أماني : عااشت أياااامج .. اش حااالج شمسويه .. ؟؟

قلت : بخييير دامني شفت حبيبة قلبي أمووون هههه ..

اماني : متغيره شهووود ..

قلت لها : للأسوء ولا الأحسن ..

أماني : بدووون مجامله والله للأحسن تصدقين ..

قلت : زين زين .. وانتي بعد متغيره .. ويا دبتج هاااي ههههه

أماني : قالو لي ولد ...

قلت : يالله انشالله تربين بالسلامه يارب ..

أماني : أمييييين : يااارب .. الله يسمع منج ...

قلت " ايلسي جييه واقفه ..

أماني : نتريا ست شهووود تيلس هههه

قلت : فديتج والله .. شو تشربين ...؟؟

أماني : لا لا انتي شو تشربين .. أنا جديمه .. فالعين انتي يديده بعدج ..

قلت : يلا أمووون والله أنا اللي بطلب ..

اماني : دااامج حلفتي .. أي شي انتي تبينه ..