04-12-13, 01:35 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #السهم الســـابع.. <<<ثمن الإبتزاز..(...) الخوف الذي يلازمني في حياتي يكاد يقتلني..فشلت تمثيلياتي في تصنع السعاده.. يؤرقني تهديد"خالد"..فمع كل رنة جرس أفزع وأنا أظنه هو..! خائفه جداً من خطوة الزواج...ولكني أستخرت ربي وأرتحت جداً لهذه الخطوه..فأقدمت عليها.. طلبت ان يكون عقد القران والزواج في ليله واحده..فأنا أريد أن احمي نفسي من عائلتي..! كل ما بذهني أنا عائلتي هم كومة وحوش بشريه ..صورهم في مخيلتي "خالد"..!! اعيش مع سحاب لحظات لا تنسى فهي أنقى من عرفت.. وذات يومِ طلبتني ان نزور "ديــم" ..وبعد تردد وافقت.. / في منزل متوسط الحال..يسكن رجل في الثمانين من العمر..ويعتريه المرض والخرف وبنته العشرينيه! بعد سنين من كبر أولاده ...ووفاة زوجته..تزوج بمراهقه"سوريه" وهو بأواخر الستينات أنجبت له "ديــم" وطلقها وتزوجت بغيره وسكنت بمنطقه اخرى!! جميع اخوتهاكبار في السن..ولديهم عائلات..ومهملينها..!! سحاب وهي متأثره/ديوومه شفييك نحفانه وذبلانه ديم صبت لهم قهوه وجلست ببتسامه/مسويه دايت سهام تخزها وشاايله بقلبها عليها/.. سحاب/لا صدق يا بنت وش فيك..أنتي من فتره مو طبيعيه...وفاقدينك بسهراتنا.. ديم لمعة دمعتها/حتى أنا فقدتكم والله..ماقمتوا تسألون مثل قبل..والغريب ان سهام بعد ما طرى عليها تسأل عن احوالي.. سهام مالقت رد/... سحاب/ديومه وش فيييك انطقي..أنا حلللفت لـتقولين وش صاير معك ديم/لا تستحلفيني..راح اقولكم شصار لي أنا تزوجت بالسر "مسيار" من رجل اعمال من عايله كبيره... سحاب وسهام انصدموا/تزوووجتي مسيـــاااررر!!! ديم بألم مخلوط بدمع/ ايهه مسيار..لأنه كان متزوج ومايبي زوجته تعرف..وأنا كنت ابي اعيش مثل العالم اللي عايشه..خبركم بيتنا متهالك وراتب التقاعد حق ابوي يدووب يكفينا والمويه صارت غاليه وأنا مع وجهي مالقيت وظيفه..كنت انتظر منه يعيشني السعاده اللي مفتقدتها في حياتي..لكني اكتشفت انه متزوجني كعشيقه..ومعتبرني عبده وأسعى في رضاه وسعادته ومالي أي حقوووق..وكان بين فتره والثانيه يرمي علي فلوس إذا كان مبسوط وعجبته..ويحسسني اني بنت ليل..ومع ذلك كنت ساكته.. سهام انقهرت/وبعدين وش صار يا بنت؟!! ديم بألم/حملت..وعصصب علي وغصبني أنزله وإلا بينسفني...وطبعاً رضخت للأمر الواقع ونزلته..وبعدها طلقني وانتهينا... سهام قامت وجلست جنبها تواسيها/ي حيااااتي ديوومه..كل هذا يصير لك وحنا ماندري.. سحاب بغضب/وش اسمه هالكلب؟! ديم/خالد فهد العبّاد سهام وقفت على حيلها من الخوف/خـــااالد!!!!!! سحاب تعرف باللي سواه لسهام/الله لا يوفقه... سهام توترت اكثر/ ديم استغربت/تعرفونه؟!!!!! سحاب/ديوومه بلا غبااء...هذي اسمها سهام العبّاد وهذا خالد العبّاد...حركي مخك شووي.. سهام تخفي خوفها/انا متبريه منه ومن افعاله... ديم/يعني انتي عرفتي عايلتك... سهام/عرفت منهم خالد ومدري شلوون عرفني....لكن البقيه ما أدري إذا يعرفوني او لا... ديم/تخيلي لو كلهم نفس خالد... سحاب/ماعليها منهم...سهام قررت تتزوج وتريح راسها منهم وابن أمه يمس شعره من راسها بعد الزواج ديم فررحت/صددق سهوومه بتتزوجين.مبروووك سهام/الله يبارك فيك ديومه واسسسفه لأني شكيت فيك...الفتره الماضيه... ديم/معذوره لو تشكين فيني..تصرفاتي كانت مشبوهه والسبب زواج المسيار.. سحاب بنص عين/اخاف تكررينها بس ديم/توووووووبه...اقعد طووول عمري بدون زواج ولا اتزوج مسيار سحاب ببتسامه/اجل بهالمناسبه أنا عازمتك عندي بالمشغل..اكشخك واضبطك..وعلى حسابي ديم/ياحياااتي مابي اثقل عليك.. سحاب/وش تثقلين علي انتي الثانيه..يلا بس قوومي .. سهام/أصلن كذا كذا بنروح المشغل تخبرين وراي خطوبه وزواج وكيذا ديم/شعليييك يالعروسه.. سهام حركت شعرها بدلع/طبعاً.. سحاب/اقوول قووموا بس عن هالهذره. ديم/يلا اقوم اخذ عباتي واشوف أبوي واجيكم.. / / / / في منطقه تبدو نائه قيلاً عن المدينه... سور يحوي الكثير من قطع السيارات القديمه والمعدومه بسبب الحوادث..ويطلق عليه باللهجه العاميه"تشليح" عماله متخلفه وبؤر إجراميه ... ورجل بنغالي الجنسيه يقف ويتحدث العربيه المكسره/ابشر ان شاء الله الليله هازي رجال انتا مايبي يمووت.. خالد وهو متلثم و لابس نظارات سوداء/إذا سويت العمليه وذبحت زيد لك فوق الثلاثين ألف ولا اعرفك ولا تعرفني مفهووم..وهذا العربون عشرين الف البنغالي/أوكي مافي خوف..اللهييين ازززبح خالد تطمن وابتسم بخبث ومشى/يلا سلااام البنغالي/سلااام بابا... / / / / / الساعه 4 تقريبا العصر في المشغل,, جالسه سهام ع الكرسي وثنتين فلبينيات يسوون بدي كير ومنكير بيدينها ورجلينها/سحااب وش باقي.. سحاب وهي تستشور شعر ديم/باقي لك جلستين حمام مغربي ...وحمام زيت لشعرك..ونشوف إذا نقصه.. سهام تذكرت أمها وحبها لشعرها/لا يا سحاب..المقص ماراح يقرب من شعري... ديم/ليه..شعرك ما شاء الله طويل حييل سهام ابتسمت بدمعه/أمي الله يرحمها كانت تحبه طويل.. الكل/الله يرحمها سحاب/اجل خلاص ماراح نقصه..يكفي حمام زيت..والسواد لايق على شعرك ماراح نصبغ لون ثاني... صوت جوال سهام يرن .. سهام للفلبينيه/ممكن جوالي.. الفلبينيه جابته لها/... سهام ردت مباشرتاً/ألوه... خالد/السلام عليكم يا بنت العم.. سهام بلعت ريقها/أنت!!! خالد/لاتسكرين الخط..أحذررك سهام/أنت وش تبي..أنا ما أعترضت طريقك وماأذيتك خالد بغضب/وش شكل علاقتك بـ زيد ولد جيرانكم؟! سهام/احترررم نفسسك يا وقح خالد/اقوول لا تنفخين علي..وإلا عاارفه وش بيصير لك سهام بقوه/وش بتسووي يعني..بتذبحني؟.ماهميتني خالد/حركااات يا المستقويه..وش عندك منين تجيك هالقوه هذي كلها..هااه سهام/ماعندي غير ربي اللي بيحميني منك.. خالد/ههههههه يعني مسويه لي شريفه!!!وماتخاوين..ومالك حبايب هااه ههه سهام انقهرت من تهمته/اطهر و اششرررف منك ياللي تستغل حاجة الناس لمصلحتك يا أناني.. خالد/ارركدي يا ..###..دام حياتك ماتهمك..أكيد تهمك حياة حبيبك "زيـد" صح؟! سهام بلعة ريقها من الخووف وتناست شتايمه وأنكررت معرفتها في"زيد" علشان ما يأذيه/انا ماعرف احد بهالإسم.. خالد/هههه لا تنكرين يالـ###..انا جيت بيتك يوم الخميس وانتظرت تفتحين لي الباب لكن هو تلقف واعتدى علي وطردني من عند باب بيتك..!!...وش يدل عليه يالـ##### سهام صارت دموعها تنزل بدون توقف/انت انساان مررريض مريضضض خالد ضحك ببرووود/ع العموووم انا اتصلت علشان بس اقولك انك بتسمعين خبر حلو عن حبيبك "زيد"...انتظري الخبر هااه لا تنسين سهام/خااالد انت وش تقوول لحظه خالد تككفى... خالد سكر الخط بوجهها..... سحاب وديم واقفات عندها والكل مستغرب/سهام وش فيك؟!! سهام دموعها اعمت عيونها من غزارتها وتحاول تتصل على زيد/لااا زيد لااا... سحاب هزتها/يا بنت اصحي انتي ..وش كان يقولك هالخاايس سهام انقهرت وهي تشوف جوالها مافيه رصيد/مووو وقتتك..سحاب هاتي جوالك..بتصل في زيد سحاب/يوووه نسسيت جوااالي بالبيت..!! ديم مقهوره من خالد/خذوا جووااالي واتصلي بسررعه..الله لا يوفق خويلد سهام تمسح دموعها وتحاول تتصل ... / / / بيت زيــــــد جالس ومحتار والأفكار توديه وتجيبه...ويتسأل ليه ماعاد يشوفها..ليه ماعاد صارت تطلبه زي قبل(آآخ يا زيد خرّبت على نفسك وخوفتها منك..ماكان لازم تخطبها,حبها من بعيد..وخلها قريبه من عينك).. [سيل من الأفكار والهواجس تجول بخاطر "زيد"] اقبلت أم زيد/زيوود يا ولدي زيد/سمي يمه ام زيد/قم خذ الأسطوانات وعبها غاز..مخلصه زيد فز واقف/ابشررري..اصلن كنت متوقع انها تخلص هاليومين.. ام زيد/معك فلووس زيد ببتسامه/افى يا ذالعلم ايه معي...يلا عن اذنك.. طلع... جلست ام زيد/الله يرضى عليك ويحفظك من مواذي خلقه. رن جوال زيد وكان على الطاوله.. ام زيد/يووووه نسسى جووااله...يا زيووود.. طلعت وشافته يسكر الباب وطالع ماسمعهااا... , , ##في بيت سحــاب... عزوز يطالع بالتلفزيون ومجود يلعب بالسيكل في الصاله... رن جوال سحاب اللي نسته بالبيت!! عزوز استغرب واتجه للطاوله واخذه/يووه سحاب نست جوالها!!!...من هو "القنّــاص" هذا!!!<<<<هذا اسم طلال مسجلته عندها كذا قرر عزوز يرد/ألوه طلال استغررب/السلام عليكم.. عزوز/وعليكم السلام طلال/شلونك حبيبي عزوز/طيب..انت مين؟ طلال/انا طلال صديق اخوك صقر..وينه؟ عزوز مستغرب/صقر مات طلال انصددم/وشوو عزوز/اقوولك مااات الله يرحمه.. طلال تأثر/طيب حبيبي من عندك اللحين عزوز/محد..بس انا ومجودي طلال/طيب عزوز انتم وين ساكنين يعني بأي حاره بدأ عزوز يقووله.. / / / / [عيون تتلصصه وتراقبه وتحمل في يدها أداة القتل... حاول ان يأخذه على حين غرّه ولكن لم يستطع في زحمة الحاره... قرر اللحاق به... حاول عدة مرات أن يقتنصه ولم يستطع... زيد تذكر ان جواله ليس معه..لكن لا بأس..سيعود حالاً للبيت.. جال بخاطره أن يذهب لـ"سهام" ويعتذر منها وأن يعيد المياه لمجاريها..لأن حُبه لها وعشرتهم الطيبه والطويله أسمى من كل خلاف] ... نزل زيد مستعجل عند محل تبديل اسطوانات الغاز و ينادي العامل اللي يعرفه ومن سنييين يتعامل معه في الحاره/ياا كبير..كبيير.تعاال اقبل كبير وكان يتقن العربيه بحكم السنين الطويله التي عاشها هنا/جااي ياولد جاي.. البنغالي وقف سيارته بعيد شوي وكان مسدسه مصوب تجاه الضحيه"زيد"..وبدون تردد ضغط على الزناد وصوبه... تعالت صرخاته.................... عامل المحل حاول يلمح المجرم ..وركض ورا سيارته..لكن للأسف.. رجع كبير يركض ويحاول يسعفه/ززيد...ياولد قووم ..انت طيب وااجد يا زيد..قوووم.. زيد يتألم ووهوينزف بغزاره/كبيررر كلم الاسعاف يا كبير..أمي واختي مالهم احد غيري بسررعه كبير شاله واتجه به للسياره/انا يعرف كل شيء...انا بوديك انت بالسياره يلا..اسعااف مو كوويس بيتأخر وااجد انت نزلت دم كثير شغل السياره ومشووا.. زيد من الزحمه وتأخر الاشارات فقد وعيه.. كبير صار يبكي وهو يسوق/يارب يشفيه يارب يارب...أنا لازم كلم "علي" / / / / / بالطريق ومتأثر حيل/لاحول ولا قوه إلا بالله.. راكان/هدي يا طلال.. طلال/هالناس مساكين محد لهم غير صقر..اكيد محتاجين مساعده.. راكان/شدراك انت طلال/من صقر..هذاك اليوم في البر.. راكان/الله يكون بعون اهله...وين مودينا انت طلال/هم ساكنين هالمنطقه راكان وهو يطالع بنظره بانوراميه للحاره/بالله عليك ساكنين هنا!!! طلال صار يدور ويتلفت ويمشي بشويش/وين هي فيه هذي راكان مستغرب/من هي طلال/الولد يقول ان بيتهم جنب بقالة الأبتسامه ومقابل مشغل"حسناء الشرق" راكان صار يدور/ناظر مناك طلال ماصدق خبر واتجه له.. . بهاللحظات كانوا البنات تووهم واصلات البيت مشي طبعاً.. وقف طلال بسيارته ونزل..ونزل معه راكان/ راكان وقف مستحي/خايف ندرعم على ناس مانعرفهم طلال/يا ابن الحلال حاله انسانيه.. , سهام جلست تسترخي ومعها ديم سحاب اتجهت لجوالها وفتشته/عزووز اعترف من فتح جواالي عزوز/والله مافتحته بس اتصل واحد وانا رديت عليه..غبي يسأل عن اخوي صقر مايدري انه ميت من سنين سحاب تفاجأت وهي تشوف المكالمات المستلمه في اسم"القنّـاص" وطلعت الشريحه من الجهاز وحطتها بشنطتها(أنا لازم اغيّر رقمي باسررع وقت) ديم/شقاعده تسوين؟!! رن جرس الباب.. عزوز نط/بروح افتح سحاب/انت روح غير ملابسك وتسبح بسررعه ماغيرتها من جيت من المدرسه..انا بروح افتح اكيد وحده من الجارات عزوز وهو محبط/طييييب طلعت سحاب تفتح وهي ترفع الطرحه وتتلثم بها/طييب فتحت الباب/ياهلا من عند الباب طلال بربكه/السلام عليكم اختي سحاب ماصدقت واندفن صوتها/وعليكم السلام حياكم الله طلال/الله يبقيك..أنا طلال صديق لـصقر ومعي ولد عمي راكان..وآسفين على اللي صار لكم.. سحاب طرأ ببالها شيء ومافكرت العواقب/ماصار إلا كل خير..تفضلوا اقلطوا بالمجلس طلال انحرج يدري ان البيت مافيه رجال/بس حنا مستعجلين ومانبي نكلف عليكم. سحاب فتحت الباب على مصراعيه/لا والله وأنا اخت صقر ماتمشوون من هنا قبل تشربون قهوتكم....المجلس هذا هو قريب اقلطوا راكان دخل وهو منزل راسه بحياء/امرنا لله بس هااه ترى قهوه بسس سحاب لاحظتهم مايلتفتون ابد ابتسمت(فوق الادب والسنع ذوق وذرابه خلني اجيب القهوه ..الحمدلله انه باقي حلى من اللي سويته لديوم في الثلاجه).. طلال تذكر سؤال مهم والتفت لها وشافها مقفيه ..ولفت انتباهه شعرها البني اللي يتعدى الطرحه بكثيييير..بلع ريقه وصد بسرعه وكأنه ما شاف شيء ونسى وش كان يبي يسألها.. جلسوا في المجلس ينتظرون... راكان وهو مبسوط/يااخي تحس برااحه في هالمجلس مع انه قددديم وحالته حاله طلال ماكان معه...سرحااان بوادي ثاااني,سحره شعرها زود على ذرابتها.. [مع روعة شعرها اكتمل كامل الطيب .....................الا واويل من شافها وهي تنثر شعرها] / / / / / بيت زيد.. القلق بدأ يزيد..مع تأخر عودة زيد.. منال/يمااه وراك رايحه جايه..ارتااحي ام زيد/قلللبي ماكلني على اخووك..ماني مرتااحه ابد منال/عيني خير..ماصاير الا كل خير انتي بس وحدي الله ام زيد وهي قلقانه/لا إله إلا الله.... لحظات ودق الجرس.. ام زيد خاافت/يمه يا منااال زيود معه مفتاح البيت..ليش يدق الجرس منال/يا يمه هدي اعصاابك يمكن من الجيران ..ارتااحي بروح اشوف من.. ام زيد جلست وهي تحاااتي/يااارب سترررك وعفوووك لحظات وسمعت صرخة "منال... ......./زيييييييييدد لااااا ام زيد ما استوعبت طلعت زي المجنونه:.......... / / / / "بيت سحاب" في مجلس الرجال... سحاب لابسه عبايتها ونقابها وتضيفهم/تقهووا يا رجال طلال انحرج/خليها عنك حنا بنصبها ..ارتاحي سحاب راحت وجلست بعيييد عنهم/حياكم الله..يا مرحبا راكان/المرحب باقي الله يحييك يابنت الاجواد.. طلال/اسفين يا اخت .. سحاب تستغل عدم نظرهم لها وتطالع طلال شوي وتصد/..اسمي سحاب طلال/ونعم والله.. سحاب/ماعليك زود طلال/الا وش صار على اخوك صقر..انا كلمت اخوك الصغير سحاب/ادري قالي..بس كان يستهبل الله يصلحه..وهاوشته.. طلال وراكان ناظروا بعض مو مصدقين/اجل وين صقر سحاب توووهقت/صقر راح في مهمة عمل ونسى جواله عندنا..ولا ادري متى بيجي اسبوع او اسبوعين...ماحدد.. طلال/الله يسامح صقر خلاك لحالك ولا حتى وصاني عليك وعلى اخوانك..تراني حسبت اخ سحاب بثقه/الصقر ماراح إلا وهو تارك وراه شيهانه طلال اعجججببته/كفووو راكان لاحظ حماس طلال/اجل حنا نستأذن يا اخت سحاب..عن اذنك.. سحاب/تعشوا يا جماعه طلال/كرمكم الله..ماقصرتي يا بنت الرجال بهاللحظات طلعت سهام مثل المجنونه وبعبايتها ووديم تحاول تهديها/فكيني برووح له ..الله لا يوفق خاالد الله لا يوفقه سحاب خافت/بنات وش فيه؟!! سهام بدوون شعور تبكي قدام سحاب وتندب حظها/ززيد يا سحااب تعبان حيل حييل..ابي اشووفه تكفين ابي اشوفه سحاب تغمز لها علشان تنتبه لنفسها.. راكان عرفها وتقطع قلبه من بكاها وطلع مايبي ينقهر اكثر... طلال يطالع/يا جماعه محتاجين مساعده؟؟والا شيء ترى محسوبكم تحت الخدمه.. سحاب التفتت عليه/مشكور يا طلال..الموضوع بسيط بس هي تكبره شوي.. طلال/طيب عن اذنكم.. طلع وركب سيارته ومشى.. سهام تعبت نفسيتها/يلا يا سحاب وش تنتظرين نبي نروح للمستشفى.. سحاب/شووي واكون جاهزه.. ديم/يلا بنات انا بروح لأبوي ..اللحين جالس ينتظرني.سلام سحاب/الله معك دخلت سحاب تبدل.. وجلست سهام في الحوش تبكي ومسنده ظهرها على الجدار تنتظر سحاب (ماراح سامح نفسي ابدا يا زيد..الله يخليك يااارب..والله ينتقم من الظالم) صوت مسج على جوالها فتحته وزاد قهرها لانها من خالد وكاتب فيها[شرايك بالخبر ههههههههههههههه] [من سهام الأيام تلقيت "ألفين" ............أتلاها.سهم اخطاني,وراح"زيد" الضحيه) / / / / / في طريقهم للبيت.. وهم بالسياره بعد صمت دام لدقايق.. راكان/فيه حاجه غرريبه يااخي انك تلتقي بشخص كذا مره في كذا مكان وتكون صددفه امر عجييب طلال وهو يداعب سبحته/ابد..الوضع عادي راكان/ياخي اول مره تصير معي..بديت اشك ههه طلال/والله انا اللي حاس فيه شيء غرريب وغاامض في صقر.. راكان/ياخي ماشاء الله عليه ..عنده اخت..قليييل مثلها في حريم اليوم.. طلال/وهذا اللي مشغلني.. راكان/هههه اجل تقول اشغلتك هااه.. طلال/فكككني بس..لا تحاول..مانيب افكر بالعرس..لين تعرس انت يمكن عاد افكر.. راكان مازحاً/قسم بالله انك نششبه مسكتني بيدي اللي توجعني طلال/هههههههههههه راكان/خلني اتصل على العيال يتجمعون في الاستراحه..اليوم عبدالعزيز بيوصل ونبي نفلهااا طلال/اتصل من منعك.. / / / / المستشفى: الكل كان ينتظر امام غرفة العمليات.. ام زيد ومنال وسهام وسحاب ومعها عزوز.. وعلي واقف هماك ومتلطم ومخنووق.. حالة ترررقب .. مرت 6 ساعات وزيد بغرفة العمليات..والتوتر يزيد كلما زاد الوقت... سهام اتجهت لعلي/علي فهمني وش فيه زيد علي وهو يتنهد ويحبس بكيته/طلق ناري اصابه ..واعتقد انه اصاب جزء من الرئه..ونززف كثيير’بصراحه الأطباء ماطمنوني..حالته صعبه سهام التهب قولونها من زعلها عليه..وحست بحراره وعدم توازن وتركيز,تركت غلي واتجهت لسحاب ونادتها بصوت مخنوق/سحااب..سحـ... طاحت مغمي عليها.... / / / يتبع | ||||
|  |
|
04-12-13, 01:36 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الثـــامن. <<< ورطة سحاب بغرفة الطوارئ: دكتورين وممرضه..وبينهم سهام مغمي عليها.. سحاب عند سهام وتشوفهم يسعفونها وهي تحاول ماتبكي/دكتوور لو سمحت.. الدكتور محتار في حالة سهام/طلعوها هالمرافقه برراا سحاب بنظرة ترجي/لحظظه بقول شيء يمكن يفيدكم..سهام عندها القولون العصبي..واحيان ينخفض ضغطها الدكتور ناظر بخويه وهز رأسه ورجع يطالع سحاب/اوكي مشكوره ع المعلومه...تفضلي لو سمحتي سحاب طلعت وظلت خلف الجدار الزجاجي... تذكرت اخوانها وطلعت جوالها وتدق عليهم ,وتطمن... بعد ربع ساعه طلعت الممرضه تنادي سحاب/لو سمحتي سحاب فززت واقفه/بشري..عساها صحت الممرضه/الدكتور عاوزك سحاب دخلت بدون تردد/دكتور وش فيها الدكتور/يبدو لي ان القولون العصبي عندها من فتره لذلك أي تعصيب أول زعل يثيره ويفقدها تركيزها..بالإضافه لإنخفاض الضغط.. سحاب/الززبده..سهام ليش للحين ناايمه الدكتور/انا اعطيتها مهدئ..وراح اعطيه لها اول في الصباح بعد..لمدة يومين..علشان توترها وزعلها هذا يخف شوي سحاب/والله ماظنتي اللي بحالتها وحالتي بيهدأ توتره...حياتنا كلها توتر.. الدكتور/لا يا اختي ابعديها قد ماتقدري عن التوتر والزعل.. سحاب/ايهه يصير خير.. الدكتور/الان راح تظل في الملاحظه للصبح وعندها الممرضه هنادي..انتي تقدرين تروحين.. سحاب/مشكور دكتور.. الدكتور/العفو.... طلع وضلت سحاب جالسه عند سهام شوي وراحت تمسح على راسها وتهمس لها/استودعتك الله الذي لا تضيع ودائعه يا اغلى اخت..انا مضطره اطلع علشان اخواني الصغار.. طلعت وتركتها في غرفة الملاحظه... / / \ / / قرابة اليومين ..مكثت ابكي على صديق الطفوله الذي كان بالنسة لي كأخ لم تلده أمي..ليس لي ذكريات لم يكن فيها "زيد". لم اعد اهتم لأمري.كل ما يشغلني هو صحة زيد..وخلال هاليومين اتصلت بي الخطابه"ام سالم" تأكد موعد الخطوبه و طلبت تأجلها..بعدما اتطمن على زيد.. :: .كنت جالسه انتظر سحاب لأني اليوم بطلع من المستشفى..وودي اني ازور زيد قبل أطلع.. لحظات وانطق باب الجناح واستغرربت من بيجيني غير سحاب ومنال وديوم/يمكن هيونه ..بس ليش تطق الباب...مين؟ ....بصوت فخم/خطيبك سليمان الفواز سهام توهقت وارتبكت وهي تدور طرحتها وتخمها وتلفها/هااه!!..لحظه شويات و دخل شاب لا قصير ولا طويل..اسمراني وباين بملامحه الغموض/السلام عليكم.. سهام قلبها قرصها منه وارتبكت/وعليكم السلام سليمان وعينه تتفحصها بدون ادب/سلامات ي الخطيبه سهام بلعة ريقها من حياها/الله يسلمك.. دخلت ممرضه و نظراتها ماكانت سليمه وواضح عليها "مدسوسه"..واشغلت نفسها بالمحاليل والادويه اللي على الطاوله البعيده. سليمان قرب من سرير سهام وييمد عليها باقة الورد/تفضلي هالوردات لعيونك..وماتشوفين شر سهام توووهقت من جد ومدت يدها تاخذها منه وطاح الغطا من وجهها لأنه مو مثبت..وبسرعه اخذته ولفته وتلثمت وهي خايفه.. سليمان انبهر فيها وفتح فمه/أنا اسف لأني ماحطيت عندك خبر عن زيارتي هذي.. سهام/فعلاً أنا ماتوقعت بتجي..شلون عرفت؟!! سليمان/من الخطابه ام سالم.. سهام/طيب يا استاذ سليمان.لو سمحت تطلع..لأن وجودك هنا غلط الله يجزاك خير سليمان مسووي طيييب/اكيد..وجودي غلط ..بس هذا واجب..لأنك بتصيرين زوجتي ان شاء الله.. سهام/من هنا ليوم الزواج..أرجووك يا سليمان لاتحرجني وتزورني لأني ماراح استقبلك سليمان/اووكي تاامرين امر..هذا حقك..يلا يا زوجة المستقبل اشوفك يوم الزواج..سلام سهام /سلام.. الممرضه تناظر سهام ومرتبكه.. سهام لاحظتها مو طبيعيه/في شيء الممرضه/نو سهام/طيب ليش جايه أنا ماطلبتك.. الممرضه وهي طالعه بشكل مُريب/مافي مشكله مافي مشكله..انا رووح بوسط هالتفكير بالممرضه وحركاتها المريبه(هالممرضه أول مره أشوفها من جيت!!)... بهاللحظات.تلقيت,اتصال فررحني من منال..(زيد استعاد وعيه وطيب وبخير..) تركت كل ما بيديني ولبست عباتي وطلعت وبأقرب ليموزين..و ما انتظرت سحاب... ,, / \ / / / #في مواقف السيارات تبع المستشفى,, الممرضه ركبت معه السياره/جبتها لك حبيبي خالد وهو مستعجل/طييب صوورتي الصور اللي ابيها البنت اللي مسويه نفسها ممرضه/ييس خالد بسخريه/اقوول يا "حور" اتركي حركات الممرضات لا يكون صدقتي انك ممرضه حور بدلع/اوكي حبيبي..ماراح تاخذ مني الصور إلا لما توعدني بسفرره مرررتبه..او ع الاقل سهره حلوه خالد/شووفي سفر..ماظنتي هالأيام فيه سفر..لكن سهره مقدور عليها..بس هااتي اللي معك بسررعه حور مدت عليها الكام الرقميه الصغيره/اووكي تفضل..كحل عيوونك خالد/أيهه كذااا الشغل الزين.. حور/ماقلت لي وش بتسوي في الصور؟!! خالد/بعدين اقولك...هالصور راح اخليها سلاح.. حور/خلوودي ماقلتلي من هالبنت؟..ووشلون عرفتها خالد ناظرها بنص عين/اقووول لا تفلينها معي..مو علشاني عطيتك شوية وقتك تقروشيني.. حور استغربت تغيره عند هالسؤال/سوووري قلبي..ماقصدت اضايقك.. خالد حررك السياره ومشى.... / / / / / / في المستشفى ...بصوت خانقته العبره/الحمدلله على سلامتك يا زيد.<<بكت زيد ببتسامه/الله يسلمك وانا اخوك..لا تبكين سهام وهي تدمع/ما اقدر يا زيد..ما اقدر ..انت ماتدري بمكانتك بقلبي ... منال ربتت على كتف سهام/يا لبى قلبك يا سهام ام زيد/الحمدلله اللي سلمك لنا يا ولدي...بغى يوقف قلبي... منال/اللي قاهرني من هذا اللي حاول يقتلك...وليش يقتلك..حسبي الله ونعم الوكيل زيد/والله مادري وانا اخوك سهام كأنها مصفوقه بكف,مفتشله من موقفها اللي حطها فيه ولد عمها..وما قدرت تقولهم... أم زيد/الله لا يوفق من حاول يحرمني منك سهام/أمين يارب... منال/امين يارب زيد/وين علي؟ منال/علي..طلع عنده دوام.. زيد/وانتم ماعندكم دوامات منال/افاا ملييت منا هههه الكل/هههههه سهام/انا عندي دوام وطالعه ..لكن وصيتك روحك يا زيد..أنتبه على نفسك تكفى زيد/ماعليك..انتي اللي حطي بالك على نفسك سهام/يلا فمان الله يا جماعه.. ام زيد/فمان الكريم سهام وهي طالعه... ام زيد تذكرت سؤال/إلا ســهـــااام سهام التفتت عليهh/سمّي يا خاله أم زيد/ما قلتي لنا متى خطوبتك.. زيد تفاجأ وانعقد لسانه/.. سهام/زين اللي ذكرتيني خالتي..خطوبتي يوم الخميس.وترى ماتتم فرحتي بدونكم.. زيد ببتسامه/مبروك وانا اخوك سهام فررحت من مباركته لها/الله يبارك فيك وعقبالك زيد/ليه ماتأجلينها لين اقدر امشي.. سهام/ودي بس خطيبي مستعجل..لكن بتعوضني بحفلة زواجي صح؟ زيد/اكيد.. سهام/يلا سلام منال/اخذيني معك / / / / / شطحة من واقعنا المُعـاش.. [ان تكون محظوظاً يا صديقي ,مثلاً لديك سند بمعنى"واسطه" فهذا يعني ان لا عراقيل ولا شيء سيمنعك من تحقيق ماتريد .. و ان لم تكن محظوظاً..صدقني لن تتقدم في حياتك شبراً واحداً .. حتى الأشياء التي لا تبدو منغصه ..فإنها ستصبح في نظرك كذلك!!!.. ولن تكون موفقاً..حتى لو امطرت السماء ذهباً.. كما قالت العرب قديماً أعطني حظاً واقذفني بحراً..] ** / / #نعود للأحداث السرديه:: في طريقها للمستشفى معه أخوانها"عزوز" و"مجود"..متنكره بزيها الرجالي...ومبحره ببحر افكارها(الحمدلله طلعت رقم جوال جديد بدال الرقم اللي يعرفه طلال,,وببتعد عنه,هالادمي يضعفني,وينسيني نفسي,بتررركه..,هذا ولد عز ومن كبار الحمايل.. وأنا ما افرق عنه أنا بنت اصل وفصل وساسِ عرريب..لكن زماننا هذا حط فروق "المال" فــووق فروق النسب والحسب و الدين....) [ضحكة على نفسها وهي تفكر برجال ما يفكر فيها ابداً].. عزوز/سحااب..ترااي زهقت من السياره ابي اروح البييت بنااام سحاب/هههه يعني شايفني أنا مستمتعه وانا اخذك معي لكل مشاويوي وسط زحمة الرياض مجود/سحااب ابي ايسكريييم سحاب تطالع فيه بالمرايه العاكسه/يا حلوو الكيوووت اللي جالس وراااء ولاهو داري بالعالم..ههههه ابشر يا عمري..بس خلنا نطلع من هالزحمه. عزوز شهق/سحاااب...نااظري هنااك..في نقطة تفتيش سحاب التفتت تشوف/يــاللــه...قسسم بالله مو وووقته.. عزوز/بيمسكووناا يا سحااب سحاب/انت اسسكت وبس ..كالعااده..محد راح يكشفنا..أوكي حبيبي عزوز/طييب..بس هالمره في النهاار بيشوفوونك وااضحه.. سحاب/لا ماراح ينتبهون بس اسسكت.. عزوز/والكحله اللي بعيونك سحاب حاولت تمسحها وهي تحلطم/وشش خلاني اتلققف واحطها بسسس... عزوز/اخذي النظاره والبسيها بسررعه.. مجود/وين الشرطه ابي اشووفها سحاب بتوتر/الظاهر بتشوفها اليوم وانا اختك عزوز/سحاب خلي وجهك قدام ولا تلتفتين للعسكري سحاب/ززين ززين بس اسسكت ... جاء دور سحاب ووقفوها/ سحاب جست انها النهاااايه.. الشرطي وهو يأشر لها تنزل القزازه/... سحاب نزلتها/ العسكري/الرخصه والإستماره لو سمحت.. سحاب بلعة ريقهااا وتسوي نفسها تدور... / / / / / / واقفه في الريسبشن ومعها منال ويسولفون.. اقبلت عليهم "ندى" اخت راكان وكانت متنقبه/السلام عليكم سهام/وعليكم السلام..هلا اختي اي خدمه ندى/حابه أسألك عن الدكتوره سحر يوسف موجوده..والا لا لأني اتصلت ومغلق. سهام/اوكي لحظه اختي اشوف..ايوه موجود.. دخل موظف اللقسم وهو ينادي/سهام العباد.. سهام/نعم الموظف/المدير يبيك سهام/اوكي لحظه بس.. ندى مو مستوعبه الإسم دققت بعيون سهام..وبالكرت المعلق على صدها ولاحظت مكتوب[سهام محمد العباد] سهام/لو سمحتي يا اخت...ممكن اسمك علشان اسجله في الكشف ندى ترددت/معليه آسفه..تذكرت موعد مهم..سلام..راح اجي بكره...باي سهام استغرربت تصرفاتها الغريبه!!! منال/سهام بتروحين للمدير.. سهام/إيه..وش اسوي منال/لحالك؟!! سهام رفعت جوالها وطلعت من الكفر حقه سكين صغيره حاده وتلمع/هذي راح تكون مرافقتي..وحماية ربي معي في كل حين.. منال/الله يحفظك.. سهام/امييين ويااك / / / / / / عند نقطة التفتيش.. العسكري بعصبيه/عجل علينااا ياااخي أخرت الناس وسببت ززحمه ورااك سحاب/ااسسف اسمحلي.. عزوز بلع ريقه وهو يشوف ظابط النقطه متجه عليهم/سحااب جانا الظابط حقهم.. سحاب رفعت راسها وقلبها يدق بسرعه وتقول بخاطرها(بعتررف خلاااص بعترررف).. تفاجأت بأن الظابط هو نفسه طلال!!!!! (هذا اللي كان نااقصني والله...يا حياة الشقى..عز الله كملت..انا كلما أفكر فيه..يطلع لي!!) طلال بصوت فخم/يا عسسكرري...اترك هالسياره لي وروح للي بعدها.. العسكري/امرررك طلال أشر لسحاب تصفط السياره على جنب... سحاب سمعت كلامه وراحت تسفط على جنب/.. طلال فتح باب السياره بابتسامه/الله حي الصقر سحاب كانت مرررسمه حيل ومخفيه ملامح وجهها بالشماغ اضطررت تنزل وهي تحااول تستررجل/الله يبقيييك اررحب طلال مد يده وسلم وقرب خده وسلم من الجهتين والثالثه من اليمين/سلامة الأسفار, سحاب بعااالم ثاااني وهو يسلم عليها[كرررهت نفسسسهااا بعدما بوسها ولو انها من وراء الشماغ]/الله يسلمك من النار.. طلال/متى رجعت؟ سحاب/لي يومين كذا.. طلال/يا رجال مقلبني اخووك..هذاك اليوم..قالولك الأهل.. سحاب/ايه قالوا لي..الله يصلحه هالولد...بس انت ماقصرت على فزعتك..لكن مهووب حق..تدخلون بيتي بدون عزيمه لازم تواعدنا طلال/والله ماتسوي لا عزايم ولا شيء..مابينا رسميات..لكن انا طلبببتك..قل تم سحاب نست نفسها/تم. طلال/الليله سهرة الشباب في الاستراحه..وودي تكون معنا.. سحاب"كأن مكبوب عليها ماء بـارد"/........... / / / / / / راجعه للبيت وتتصل على راكان/ليه ماتررد.. دخل بجاد وهو يدورها/نــــــــــدى ندى سكرت جوالها وراحت تستقبله/هلا حبيبي بجاد يحب أول شيء يشوف أول ما يرجع للبيت "وجهها"و"ابتسامتها"و"كلمة هلا حبيبي"/السلام عليكم ندى طبعت بوسه على خده/وعليكم السلام بجاد/رحتي للمستشفى؟ ندى ترددت في انها تقووله/أجلت الموعد لبكره.. بجاد/ليش..اجل الدكتوره مو موجوده!! ندى/لا موجود.. بجاد/اجل ليش ترجعين بدون تدخلين عندها ندى مدت يدها ليده وضمت كفها بكفها وعيونها بعيونه/خفت يعطوني ابره وانت منت معي... بجاد يعشق دلعها/بذمتك؟ ندى هزت راسها بدلع/اها بجاد/اجل تعالي ذوقيني قهوتك..وبكره ذكريني اروح معك ندى ماصدقت/صددق بتروح معاي؟!! بجاد/ايهه صددق..شفيك؟...اجل منتي مصدقه؟!! ندى ضمته والعبره خانقتها/لا والله ماني مصدقه.. بجاد وهو يتذكر كلام ابوه في زواجه(الرجال لازم يكسر خشم مرته من اول لييل...لا يوريها الا العين الحمراء..ولا يعطيها ريق حلو..ترى المره ماتنعطى وجه ان اررخيت لها الحبل..ركبت على ظهرك وخلتك حمار..انتبه وانا ابوك لا تصير حمار)..بجاد فك يدينها عنه وابعد عنها/ابعدي عني..<<<<سحقاً لهكذا تحجّر وافكار باليه. ندى انجرحت جرح مايعلمه غير ربها/بجاد شفييك؟ بجاد رفع حاجب ونزل الثاني/مانيب رايح معك..وانقلعي جيبي لي القهوه بسررعه ندى حاولت تبلع عبرتها وخنقتها ماقدرت تنزل بسرعه..حست بتجمد.. بجاد جلس ورمى شماغه واخذ الريموت وشخط فيها/بسرررعه يا بنت جيبي القهوه ماتسمعيين ندى تركته وراحت للمطبخ وهي موجوعه منه وجلست تبكي داخل/... ...... .. . . . . . سحاب واقفه عند المرايه وتكشخ لأنها اليوم مضطره تفك اللثام وترز مع الشباب..وبما أنها كوافيره أبدعت في نفسها ,واهم شيء لون بشرتها خلته اسمر شووي.. سهام واقفه عندها وتتفررج/بذذمتك انتي من صدقك بتطاوعين هالطلال هذا!! سحاب/ايهه..اليوم انقذني من مووقف لا أُحسد عليه...وما كان لازم ارفض طلبه..لذلك قلت تم.. سهام/يعني متأكده انك بتعرفين تتصرفين مثل الرجال عندهم.. سحاب رفعت حاجب ونزلت الثاني/ايه وأخت صقر.. سهام/ههه أنا من شفت ترمين بالشوزن هاللي تخلع الكتف وانا مطمنه عليك هههه سحاب/ههههه بسم الله علي..بلاك ماشفتيني قبل اتعود عليها..انخلع كتفي خللع سهام/الله يرحمك يا صقر سوى منك رجاال..ههههه سحاب باست الشماغ/الله يرحم راعيك.. رن جوال سحاب وطلعت ترد/هذا هو.. سهام/اخسس ماخذه جوال اسود وبدون اكسسوارات بعد وش عندهاا سحاب/تبيني اماشي الرجال وجوالي جوال بنت .. سهام/ههه اقوول ردي على الرجاال.. سحاب طلعت وهي ترد/اررحب طلال..ايه جاهز......انت هنا...اووكي انا طالع لك اللحين... سحاب سكرت الجوال/.. سهام تلحق سحاب للباب/اسممعي..لا تنسين نفسك وتتأخرين سحاب/ابشري..سلام وانتبهي على اخواني.. طلعت وسكرت الباب.. / / / عند الباب.. مفلح راعي الوايت كان مار من بيت سحاب بوسط الحاره وشاف الرجال يطلع من بيت سحاب واستغررب/افا يا ذالعلم..الله يسترنا دنيا وآخرره..اعوذ بالله من الشيطان الرجيم..ايييش هذا..سحاب بدأت تستقبل شباب لبيتها.حسبنا الله ونعم الوكيل.. رن جواله وفتحه يرد/هلا أبو مشبب....اي خير بيجينا يا ابو مشبب....انت تعرف بيت جارنا بو صقر اللي توفي بالحاره.....ايووه ..بنته صارت تستقبل شباب في بيتها!!!...اللـــه يـخـــارجنااا<<<<لهجته جنوبيه طبعاً... [وهكذا تتناول الاشاعه من شخص لشخص..لتكبر وتكبر].. / / / ""(انتهى الجزء الثامن)""" ماذا يمكن ان يحدث في الأجزاء القادمه؟.. يتبع | ||||
|
| |
|
04-12-13, 01:38 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم التــــــــــــاسع......., <<<<لحظات دقيقه.. [لا تنتظرون أن تعطي الحياة لحياتكم معنى..,بل أنتم الملزومون بذلك.... *"رومان غاري"] #في السياره ومتجهين للإستراحه,سحاب مرتبكه وهي تسمع سوالف طلال وتحاكيه بأسلوبه وتعطيه جوه..وتسترجل قد مافيها... رن جوال طلال/عن اذنك هذول الاهل..برد عليهم سحاب/اخذ راحتك طلال فتح الجوال/مررحباا.. اخته ريم بالجوال/مساء الخير حبيبي طلال/مساء النور..هلابك ريم/طلوول وينك..أمي راحت لجيراننا وابوي معزوم وانت طلعت طلال/خير حبيبتي تبين شيء؟ ريم/ززهققت.... طلال/ماراح اتأخر عليك...... **سحاب التفتت عليه بعدما قال للي تكلمه"حبيبتي"..مو مصدقه,عنده حبيبه...ماكنت اصدق انك راعي مغازل يا طلال,انت تطلع عندك حبيبه!!<< [تغلي من جواها من غيّرتها عليه!!...مزيج من الحب الذي لا تعترف بوجوده..والتوق لـرجل يملأ حياتها ويحمل عنها أعباء لم تعد تتحملها في مجتمع ذكوري!!.. ومع ذلك هي في قرارة نفسها تكرره تسلط الرجال..وتكره ان تكون تحت رحمة رجل مهما كان ذلك الرجل,فهي ربُيت في عائلتها وعُملت على انها رَجُل وليس فتااه] طلال خلص مكالمته ولاحظ سرحانها/يالأخو..وين رحت صقر.. سحاب ما انتبهت له/.... طلال ابتسم ومد يده ليدها بينبهها/صقررر سحاب قشعر جسمها من لمسته وسحبت يدها/هـ هلا طلال استغرب طريقة سحب اليد/علااامك يا رجال..سااعه اناديك ومسرررح سحاب/هااه..لا والله ..معك طلال طلال وهو يتأمل وجهها لأنه اول مرّه يشوف كاامل وجهها وصد عنها وهو مبهوور لأن هالصقر اللي دايم متلثم بشماغه طلع بملامح نااعمه..!!! سحاب لاحظت سكووته بعدما حطت عينها بعينه(الله يستر).. / / / / / / انتظرك "حُلماً "صعب المنال وأنت مُرادي ..!! ولست أُحبذ من بين الرجال سواك.. وان حـال بيننا القدر..تظل اانت المُنتظر..! نتصنع الصُدف علّها تخفف من وطأت الأشواق علينا!! ونعلم في قرارة أنفسنا أن لا لقاء سيكون بيننا..!! ولكننا محمومون بكليّنا... تتلاقا أرواحنا دائماً..ولربما ألتقت أعيننا أحيـانا خفيه..مغطاة برداء تلك المدعوة (صدفه)!! ,, الأحداث السرديه| ريم واقفه قدام مرايتها وتتأنق..خبر وصول"تركي" للسعوديه بحد ذاته يدعيها للإحتفال.. رن جوالها وفتحته/هلا وغلا سمووحتي.. سماح بالتلفون/هههه شعندهااا على هالروقاان.. ريم طلعت من غرفتها وهي تكلم/ههه اخووي طلال..يقول تررركي بيوصل السعوديه اليوم سماح/شخباره طـلال؟ ريم/بخير .. سماح بفضول/كيف صار بعد الكليه ريم/ممم صار اسمراني شوي.ونحححف ,لبى اخوي سماح تنهدت بسكات تبي تغيّر الموضوع عن طلال/المهم انتي شخبارك؟ ريم/أنا بخير ابشرك. سماح/حددوا زواجك من راكان؟ ريم عبست من هالسؤال/ممم لااا..سماااح لا عااد تجيبين طاري هالموضوع. سماح/عكرت مزاجك؟ ريم/ايهه ولو سمحتي انقلعي لا اسكر الخط بوجهك سماح/ههههه..عززتي لك تحبين وااحد وانتي عااارفه انك مستحيل تتزوجينه ريم تنرفزت/سماااااح انكتممي سماح/اووكي ع العموم هذا حال اغلللب البنات عندنا..مسسااكين..ليه مافيه وحده منكم جريئه تعلن حُبها..ورفضها للعادات..أو عالأقل تقول لولد عمها "مابيك" ريم انكررت تفكيرها/ان شاء الله انك متخيله انه في بنت عااقله بمجتمعنا بتروح للي تحبه وبتعلن له حبها..؟!!!والله ياشيخه غير يعلقونها ويشنقونها ويخلونها عبره لخواتها..انتي شكلك انهبلتي؟الله لا يقوله بس سماح/ههههههه انا اقووله مااازززحه ريم/زين زين...فهمتك شراايك تمريني ونقعد في الحوش و نسولف فيس تو فيس احسن لأن جوالي بيطفي والشاحن في قسم الرجال حاطه طلال يعني مشواار سماح/تدرين شلوون..شوورك وهداية الله..جهزي القهوه..ترى ثواني وانا طابّه عندك.. ريم/انتظرررك..وبروح اجهز الجلسه واشحن جهازي باي / / / بقلبي المشتاق والمعذب..أتيت لأطلالها بلهفةِ ارنو إلى لقاء بها يجمعني... صدفة مني وصدفة منها ...وكلانا يعلم انها ليست"صُدف" على كف الثرى تتسارع خطواتي نحو "الحبيبة" وتقف بي الأقدام عند بابها؟؟؟ ......متجه بسيارته لبيت ابو طلال..مع علمه ان محد من الشباب بالبيت!!! كعادته إذا فاض به حنينه..يلاقي نفسه عند باب أهلها ... ولحسن الحظ البوابه فاتحه ودخل سيارته وطفاها..وانتظر لحظه ولحظتين وهو متردد.. ..إلين سمع صوت خطوات من جهة الحديقه وكأن أحد جاي... تركي تردد يروح أو يمشي....وبعد تفكير قرر ما يدخل وتعوذ من بليسه... رجع بيدخل وبينادي ع الأقل يسأل عن اخوانها علشان يسمع صوتها (العوض ولا الحريمه..صار لي شهوور عنها). واثناء ما هو متجه للمجلس حقهم.تفاجأ فيها قدامه وتدور الشاحن,ماصدق نفسه/ريـم؟!! ريم كانت معطيته قفاها وألتفتت لصوته بلا شعور وبنبرة وله/لبيه تركي انعقد لسانه!!! ريم غطت وجهها بيدينها و عطته قفاها/تركي!!!!...ابعد عن الباب ابي اطلع تكفى تركي ماقدر يتحرك/ريم..أنا اسف ما دريت انك هنا.. ريم بإلحااح/ابعد عن الباب..الله يخليك تركي/اطلعي انا ابعدت عن الباب... وصديت بعد حتى شوفي.. ريم ارتاحت والتفتت عليه وشافته معطيها قفاه عند الباب اتجهت له بهدوء وهي تراقبه بحب ومرت من جنبه وقفت وتطري عليها فكرره,تبي تختبره اذا يحبها مثلما تحبه والا لا... نزعت السلسال اللي برقبتها ويحمل تعليقه كبيره بأسمها ورمتها وهي تمر من جنبه وكأنها طايحه منها ماتدري...!!ودخلت.. تركي لاحظ الشيء اللي طاح منها وأخذه وهو مبسووط وباسه وشم ريحته وحطه بجيبه و طلع مستعجل.. / / / / / وصلوا للمكان المطلوب... استراحة شباب,, عااالم أول مرّه تدخله..شافت انواع الشباب...فيهم الوسيم والمملوح والعادي والشين والزين.. طلال استغرب نظراتها/يا صقر علامك سحاب ببتسامه/ولا شيء...بس عاجبتني الاستراحه,كبيره واجد ماتخيلتها كذا.. طلال عجبته الابتسامه الناعمه(سبحان الله نفسس عيون سحاب اختك)/تعاال سلم على الشباب واعرفك عليهم يا صقر سحاب في خاطره(مو لازم يا طلال..كفايه انت تككفى).. طلال دخل عليهم ومعه سحاب/السلام عليكم الكل مبهورين بهالرجال النااعم اللي داخل مع طلال/وعليكم السلام طلال/يا شبااب.اعرفكم على خوينا الجديد صقر الكل قام بيسلم على الضيف اللي هي"سحاب" اقبل عليها راكان ومد يده يسلم ولف للخد يسلم/هلا صقر.. سحاب اكتفت بالمصافحه وثبتت يده بقوه علشان ما يقرب خده لخدها/هلابك اخوي راكان استغرب الحركه وماعلق وراح.. الكل سلم على صقر مصافحه /.............. طلال/ياصقر تعال اقلط.. سحاب راحت وجلست عند طلال ولاحظت العيون عليها/شلونكم يا جماعه... الكل/بخير طلال/عيال هاتوا القهوه ..وين بجاد راكان/بجاد رايح للدمام اليوم وبيجي متأخر وبيروح لأهله.. سحاب حاولت تتصدد عنهم وهي تمتم بداخلها(يـارب عدي هالليله على خير) , . , . :::::::::::: في غرفتها....... جالسه تحاول تتصل في راكان..و تلفونه مقفل..!!! دخل بجاد وشافها ماسكه تلفونها/ انتي وش فيك كل ما دخلت لقيتك ماسكه هالتلفون بيدك؟!! ندى/بسم الله...يا اخي تحنحن ..قول السلام عليكم.. بجاد فصخ شماغه ورماه ع الصوفا/لا والله...ناقص تقولين استـأذن قبل لا أدخل بيتي..! ندى/اصلن من السّنه انك تستأذن..مايصلح..رعبتني بجاد جلس جنبها وأخذ جوالها/وريني ندى/بجااد مو من حقك تتفرج بجوالي بدون اذني بجاد بابتسامة سخريه/لا والله ندى/اي نعم.. بجاد/اقول بس عن خرابيطك واسكتي ندى/طيب وين اخوي راكان؟ بجاد/ليش؟ ندى/كل ما اتصل عليه مايرد او مغلق بجاد/وانتي وش تبين به ندى/ابيه بموضوع بجاد/وش موضوعه ندى قامت وابعدت عنه/مو شغلك بجاد عصب من هالكلمه وقام واتجه لها ومسكها بذراعها/من هو اللي ماله شغل هاااه؟!!! ندى/آآآه فكني بجاد جلّسها غصب/يلا انططقي وش موضوعك المهم اللي بتقولينه لأخوك ندى/ما تلاحظ انك تحب تدخل بكل شيء؟!! بجاد/ندوووش تكلمي حبيبتي وش عندك ندى فتحت فمها من كلمة "حبيبتي" عيونها بعينه/وش قلت؟!! بجاد رفع حاجب ونزّل الثاني/قلت انطقي وش عندك ندى/طيّب ابشر بقولك بس بشررط. بجاد/اقول تككلمي بس بلا شروط ندى/ماراح اقولك بجاد/ترى طوّلتيها ومصختيها.. ندى وهي تترجاه بعينها/وش بتخسر لو عاملتني كزوج...و.. بجاد يضعف من نظراتها/وإيش.. ندى بلعة ريقها ولفت بوجهها عنه بيأس وانكسار/ولا شيء.. بجاد قرّب منها ومسح دمعتها/طيب ليش هالدمعه. ندى ماتثق في رومانسياته المفاجأه ..لأنه سرعاان ما يقلب عليها,أبعدت عنه/لحظه خلني اتصل على راكان اخوي.. بجاد/راكان في الإستراحه..وما راح يرد عليك...انتي ماتقولين لي وش موضوعك المهم هذا ندى قررت تقوله/اوكي بقولك...تتذكر زوجة عمي محمد؟ بجاد وهو مستغرب/ايه..وش فيها؟ ندى/جدتي ماتت قهر لأن زوجة عمي بعد وفاته هربت ومعها سهام بنت عمي محمد الوحيده.. بجاد/طيب..وش خلاك تنبشين وتتذكرين الماضي ندى/لأن الماضي صار حـاضر بجاد/كيف؟ ما فهمت وش تقصدين؟ ندى/أنا شفت سهام بجاد/وشووو؟!!! ندى/ايه شفت سهام و اعتقد انها هي فعلاً سهام بنت عمي لأن الأسم نفس الأسم..وبنت عمي لو عايشه راح تكون بعمرها.. بجاد قام يحسب في راسه مواضيع ثاانيه/ووين لقيتيها ندى/موظفة استقبال في مستشفى بجاد فز واقف ومعصب/وشوووو ..بنت عمي أنـــااااا تشتغل موظفة ريسبشن!!! ندى/أنا للحين ماني متأكده..يمكن تطلع غيرها بجاد اخذ جواله وبدأ يدق على راكان وما يرد عليه/يالـــلــــه...ليش يا راكان مقفل جوالك ندى/وش ناوي عليه انت بجاد ودمّه يغلي/نغسل عـــارنا.. ندى خافت/أي عــار...استغفر ربك بجاد/أجل وحده من آل عباااد موظفة رريسسسبشششن!!عررضه للي يسشوى واللي مايسوى!!! وملطشه للرجال!! ندى/يا ابن الحلال..البنت محترمه ومحتشمه..انت ليش تحكم على موظفات الريسبشن بهالطريقه؟؟!! بجاد/مو أنا اللي احكم..مجتمعنا يا ماما يحكم.. ندى حز بخاطرها/ياليتني ماقلت لك.. بجاد جلس يحاول يهدي نفسه/... / / / / / الإستراحه: مضت الساعات والشباب جالسين يلعبون بلوت ... وسحاب تتفرج عليهم وتناظر ساعة جوالها بتملل..وألتفتت على يمينها وتبسمت لا شعورياً وهي تشوف طلال (يا ويل قلبك يا سحاب) طلال هناك متكي ويسولف مع واحد جنبه واحد من الشباب/يا صقر تعال خذلك صكة بلوت معنا سحاب/ والله مالي فيها يا جماعه ماطيقها طلال/بيض الله وجهك حتى أنا ماطيقها الشباب/هههههه عبدالعزيز/اخيراً يا طلال لقيت لك خوي مايداني البلوت هههه طلال/هههه سحاب ابتسمت و تفاجأت بواحد يقوم/ راكان/يا حسين ووين طالع حسين/المُزه الجديده حقتي تتصل بطلع اكلمها طلال/حسييين متى بتعقل؟؟ عييب عليك ياخي وحراام ترى عندك اخوات حسين حرك يده بلا مبالاة وهو طالع/فااااضيلك انت ونصايحك طلال/الله يهديك يا حسين سحاب مو مصدقه ان طلال يطلع منه هالكلام وهو قبل شوي تكلمه وحده ويقو لها حبيبتي!!! راكان/يعني الواحد لو ينصح حسين سنه ما يسمع.. رن جوال سحاب وقامت/عن اذنكم شوي.. راكان/خذ راحتك.. عبدالعزيز وهو يهمس لطلال/ياخي رفيقك صقر هذا انسان غاامض..ومو طبيعي!! طلال كان عنده شك/ليش؟ عبدالعزيز/ياخي نااعم بزوود..وطوول ما جاء وهو ساااكت..ويتصدد عنّا...مدري وش عنده؟!!! طلال زاد شكه وسكت وهو يفكر (يعني مو أنا بس اللي ملاحظ أنه مو طبيعي)... / / طلعت سحاب وراحت ترد على جوالها/هلا سهام.. سهام بالجوال وبدون مقدمات/وووينك مصختيهااا سحاب وهي تقصر صوتها/شسووي..تووررطت.. سهام/ترى الساعه وحده ونص متى بتجين؟!!..وبعدين لا تنسين بكرا خطوبتي سحاب/ناموا اخواني سهام/ايهه ناموا..وجاتني ديوم وهيونه وراحوا بعد سحاب/لا يكون قلتي لهم انس معزومه مع شباب سهام/هههه لا ..قلت الليله المشغل مزحووم عندها وتأخرت...سحااب شفييك ناسيه ان ديوم وهيونه يعرفون عنك كل شيء سحاب/بس سالفة عزيمتي عند الشباب مابي احد يعرف عنها شيء.. سهام/اقووول بس صقر متى بتجي هههههه سحاب حست انه في احد جاي وراها/سهام يلا سلام اكلمك بعدين طلال وراها/صقر شفيك؟..الاهل فيهم شيء؟!! سحاب/اختي تقول لي ان اخوي مسخن وحرارته مرتفعه. طلال/افا...يلا مشينا اوديك البيت سحاب/لا لا ما يحتاج..أنا برجع بليموزين طلال/أنا اللي جايبك هنا و والله ما يرجعك غيري.. سحاب توررطت اكثر/............ / / / / / / عند بيت سحاب.. سهام جالسه في الحوش وتنتظر/تأخررت هالبنت..الله يهديها.. بعد لحظات انفتح الباب ودخلت سحاب وسكرت الباب بقوه وفصخت الشماغ وفكت شعرها البني الطويل وتكت ظهرها على الباب وهي تلتقط انفاسها بتعب/ سهام فزت واقفه وهي خايفه عليها/سحااب ..وش فييك؟ّ!!! سحاب تنهدت/فيني ضيقه سهام/وش صااير لك..أنتي طلعتي وانتي مبسوطه.. سحاب باندفاع مكبوته/ياختي مابي اقابل هالطلال هذا..ابلشني..ضييق صدرري..مابي اشووفه سهام استغربت فضفضة سحاب لأنها عمرها ما شافتها تبكي بعد وفاة أهلها إلا الليله!!..قربت منها وربتت على كتفيها/سحاب حبيبتي ناظري فيني سحاب ماقدرت ترفع راسها وهي تبكي سهام مسكتها ورفعت راسها وهزتها/سحااب ليه هالدموع كلها لييه؟!! وش صااير معك سحاب ماقدرت تعترف لها/ما صار شيء.. سهام/اعترفي وش صاار معك..كشفك طلال؟عرفت انك بنت؟ سحاب/يالييت عرفني وريحني من هاللعبه البايخه سهام/انتي غبيه تبينه يكشفك؟!! سحاب تركتها ودخلت/ايهه سهام لحقتها وهي عاقده حواجبها/سحاب اعترفي لي بكل شيء. سحاب اتجهت لغرفتها ومتجاهلتها/وش اعترف لك فيه؟!!! سهام/انك حبيتي هاللي اسمه طلال هذا سحاب وقفت وما قدرت تلتفت عليها من الصدمه/.. سهام/ششفتي..أنتي حبيتيه من جد.. سحاب لفت عليها ومعصبه/أنا أحبه!!!..ليـــه..ماعندي ذووق والا ناقصني مرجله!!والا.. سهام بإصرار/تحبينه ونص بعد...وخلي عني كلامك الفاضي..لا تحسبين اني غبيه ما افهم..انتي عمرك مابكيتي من بعد وفات أهلك إلا بعدما عرفتي طلال لا وتدخلينه رجاال ماتعرفينه لبيتك وتضيفينه...وعلى اساس انك اخت رفيقه!!..ومن الجهه الثانيه كل ما قال لك مشينا رحتي معه بدوون تردد!! سحاب غرقت عيونها دموع وصدت عنها/أنتي غلطانه.. سهام/لا ماني غلطانه..لكن تذكرري يا سحاب أنتي بنت وصقر مااات..ومصير الضابط طلال يكشفك بيوم من الأيام.. سحاب ماعلقت/.. رن جوال سحاب وما ردت/... سهام/هو صح؟!!! سحاب/ايهه وما راح أرد عليه..أرتحتي؟ سهام/أدري ماراح تردين عليه لأنك تبينه يجي بنفسه يسأل عنك سحاب خزّتها وفتحت جوالها و وتحنحنت و ردت/هلا طلال.. طلال استغرب الصوت/الوه السلام عليكم اختي سحاب تذكرت انها ردت عليه بصوتها الطبيعي/وعليكم السلام..هلا طلال طلال/شلونك سحاب؟ سحاب/بخير ..الحمدلله طلال/وين صقر؟..يقول ان اخوك الصغير تعبان سحاب/ايهه بخير..أخذه ووداه المستشفى..والحمدلله يقول بخير طلال/أيهه..مايشوف شر ان شاء الله..يلا سلام اختي.. سحاب/سلام.. / / / / / طلال عند راس الشارع ويراقب البيت وسكر الجوال من سحاب وهو مستغرررب!!! (شلوون ترد على جوال اخوها بكل بساااطه..!!..ووشلوون تقول ان صقر اخذ اخوها الصغير للمستشفى..وما شفت صقر يطلع ولا شيء!!!..وش سرّك يا صقر!!؟؟ ياترى تصدق ظنونك يا عبدالعزيز) / / / يتبع....... | ||||
|
| |
|
04-12-13, 01:39 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نام الكل ....والليله كانت طويله... ناس قضت الليل بعينِ سهيره... وناسِ نامت نومت عين قريره... ..وآآه ياليل الشقى وأحلام العاشقين... /////////////// اليوم التالي: صحت ندى من نومها وشافت بجاد جنبها وصاحي/حبيبي قمت؟! بجاد/هو أنا نمت علشان أصحى.. ندى/انت جالس تفكر بالموضوع بجاد/تحسبين اللي قلتيه هيّن!!..أنتي ماتعرفين عاداتنا وتقاليدنا ..ولا تعرفين عايلتنا المتحجره!! ندى/بجااد لا تخوفني..وش قاعد تفكر فيه؟؟ بجاد/قووومي سويلي فطوور..ابي اطلع للدوام ندى ناظرت ساعتها/باااقي وقت على دواامك بجاد/اقوول قوومي لا أقوم عليك ندى وهي تتسحب من السرير وتتجهز للهرب/وش بتسووي يعني؟؟!! بجاد كاتم ضحكته ورفع صوته/بــنــــت... ندى طلعت تركض/يمااه منــه بجاد استلقى مكانه وهو يتبسم على حركات ندى(أحببك)..... / / / / / صاحيه من بدرري وتجهز اغراضها وكل اشيائها..،وتبي تروح لبيتها.. سحاب رجعت بعدما وصلت اخوانها للمدرسه/سهاااام سهام طلعت وشنطتها معها/هلااا سحاب/على وين النيه.. سهام/على بيتي سحاب/هههه شفيييك مستعجله على الفكه منّي سهام بمزح/ماعااد ابيك..ززهقت منكم ومن حارتكم المعفنه سحاب جلست وهي تضحك/اي طيب يا بنت العز.. سهام تذكرت عايلتها وخافت/سحاب سحاب/سمّي سهام/تهقين.. يطلع لي واحد منهم بعد الزواج سحاب/من مين قصدك؟ سهام/آل عباد سحاب/ والله ما اعتقد..بس انتي انسيهم وعيشي حياتك مع زوجك.. سهام/الله كريم سحاب/تعتقدين انك بتحبين سليمان الفواز سهام/مولازم احبه. سحاب/ليش ؟ سهام/قلبي مو حمل حُب ولا اشواق.. سحاب/يقولون بعد الزواج تبدأ الزوجه تتعلق بزوحها سهام نست نفسها/ودي اتعلق فيه وانسى غيره سحاب تستدرجها/اجل بقلبك غيره؟!! سهام/ايهه..اقصد لا..أقصد يعني ماعاد احب غيره وكيذا يعني سحاب جلست تناظر فيها ومو مصدقتها/ودي اصدقك سهام تبي تغير السالفه/طيب قوومي ساعديني ووصليني بيتي وخلينا نجهز للخطووبه ..ونجيب الحجوزات وهالخرابيط سحاب/بتطلعين عنده؟!! سهام/ليه هي خطوبه..مو ملكه؟؟لمن تكون ملكه هذاك الوقت..حلال عليه كلّي مو بس اكشف عنده.. سحاب/من بيجي طيّب؟ سهام/على حسب أم سالم تقول ان أمه وأخته بيجون. سحاب/ماني مرتاحه لهالموضوع بصراحه سهام/سحاابوووه قووومي. سحاب/هههههههههههه / / / / / / / في المؤسسه.. سليمان وهو يكلم السكرتير/تأكدت من ارسال بطاقات الدعوه..؟ السكرتير/ايه استاز سليمان/اجل روح وأكد لي على الطلبيات حقت الليله. السكرتير/امرك استاز...بتأمر بشي تاني؟ سليمان/حالياً لا...رح لشغلك... طلع السكرتير؛ جلس سليمان مسترخي ومبسووط/ بنت عمك وضمنتها ...بنشووف انكساارك يا راكان الليله ههههههه / / / / / في مقر المشاريع.., واقف راكان ويشرف على العمال ويكلم المهندسين .. رن جواله وطلعه يرد/هلا بجاد بجاد بالجوال/راكان..وينك؟!! راكان/في مقر المشروع الجديد..اللي تونا استلمناه بجاد/طيب راكان ابيك بموضوع راكان/بعدين يا بجاد بجاد/لا مو بعدين...هالموضوع ما ينتأجل ابد راكان/بجاد الله يخليك مانيب رايق لسوالفك..ورانا اشغاال.. بجاد/اخاف بعدين تهاوشني وتقول ليش ماقلت لي.. راكان/بجاد..انا في الليل فاضي ...تقدر تجي وتسولف لي برااحتك بجاد/ماهيب سواليف راكان/طيب طيب..أنا اللحين طالع المكتب عندي شغل مهم اللحين..سلام بجاد بإحباط/سلام.. / / / / / / الليل: بيت سهام جالسه سحاب وترحب بالضيوف/هلا بأم سليمان واخت سليمان.. ام سليمان/هلا بكم.. هند"اخت سليمان"/ماشاء الله..أنتي اخت العروسه سحاب ما حبتهم حطت رجل على رجل/تقدرين تقولين كذا ام سليمان/تبااارك الرحمن..حلوه.. هند/مخطوبه؟ سحاب ببتسامه/ليه؟..عندكم عريس ثاني؟!! ام سليمان اعجبتها/والله ياليت..شكلكم بنات متربيات.. سحاب بفلسفه/المظاهر أحيانا ماتدل على الدواخل هند/إلا وين العروسه؟ سحاب بنص عين/اللحين تجي أقبلت سهام وسلّمت/السلام عليكم ام سليمان وهند وقفوا وهم مبهورين/وعليكم السلام. سهام سلمت وراحت تجلس جنب سحاب.. سحاب همست لها/حسستيني كأني أمك سهام/سحااب انكتمي مابي اضحك ويخرب برستيجي ام سليمان تناظر بسهام وبحسره/الله يكون بعونك على ولدي هند همست لأمها/يمه هالبنت من وين طاح عليها سليمان ام سليمان/هذي قصتها قصه بس بعدين اقولك...اسكتي لا تفضحينا.. / / / / / / #في ملحق الفيلا: راكان يسمع باهتمام/انت وش تقول يا بجااد؟!!! بجاد/اللي سمعته.. راكان مو مصدق/مو صحيح هالكلام..مو صحيح.. بجاد/بلا صحيح ونص..أنا رحت اليوم وسألت عنها بنفس عملها وعرفت..بس ماشفتها..يقولون ماخذه اجازه اليوم اعتقد عندها مناسبه خطوبه او شيء زي كذا.. لحظات وجاء السايق/سير راكان... راكان ألتفت عليه معصب/نعععم السايق مد عليه كارت الدعوه/اليوم في يجي نفر ويعطي هذي دعوه..قول حق سير راكان راكان اخذها منه وحطها ع الطاوله/يلا روح طلع السايق.. بجاد اخذ الدعوه/من اللي من خوياك بيتزوج؟ راكان استرخى في جلسته يفكر/وش دراااني..انت راايق بجاد فتح الدعوه وقرأها/مو معقوول.. راكان/شفيييك بعد؟ بجاد/هذا كرت زواج الثانيه لـسليمان الفواز.. راكان بلا اهتمام/والكوبه.. بجاد/تدري من خاطب؟؟؟ راكان/بالملعنه وش دخلني فيه؟ بجاد مد عليه الكرت /اقراه بنفسه راكان اخذ الكرت وقرأ وفز واقف/وانا اقووول ليه مرسل لي بطاقة دعووه!!الكلب بجاد/يعني عالاسبوع الجاي يكونون تزوجوا راكان طلع وجن الدنيا تنطط قدام وجهه بجاد لحقه/راكاان...وين رايح ؟..وقف راكان ركب سيارته وطلع مسرع............ بجاد حاول يلحقه وماقدر...قرر يركب سيارته ويلحقه. / / / / / / #بيت سهام: سحاب تهمس لسهام/ماكنهم مصخوها سهام نغزتها/اسسكتي هند/شبغيت اقول سهام.. سهام/تفضلي هند/اخوي طالب يشوفك ويجلس معك..إذا ماعندك مانع.. سهام ترددت/هااه!! سحاب/آسفين..ماراح تقابله إلا بعد الملكه.. هند/أنا راح اكون موجوده..هو وده يتكلم معاها ويتفاهمون. سهام/اوكي دامك بتكونين معنا مو مشكله... هند فررحت/اجل يلا..مشينا. / / / / / راكان يسوق سيارته وهو ما يدري وين رايح,تذكر شيء واتصل على بجاد/ألووه...بجاد...وين المستشفى اللي تشتغل فيه بنت عمي؟.....طيب. سكر جواله واتجه للمستشفى اللي تداوم فيه...... افكاره توديه وتجيبه. (اقسم بالله ما اخليك تتهنى يا سليمان..اجل تبي تنتقم مني في بنت عمي..هااه) / / / :/ في بنت بو راكان: بجاد/هذا اللي صار يا خالتي ام راكان ام راكان بقرف/ومن وين صار للعنود ومحمد بنت..أنتم انهبلتوا..هذي اكيد وحده نصّابه ندى/يمّه شلوون نصابه..هي اصلن ما جاتك ببيتك...أخوي رايح يدورها.. بجاد/لا تنسين يا خاله هذي بنت عمنا "عرضنا ومنّا وفينا:.. ام راكان/انت اسكت مانكبنا غيرك.. بجاد/الله يسامحك يا خاله ام راكان/حسبي الله ونعم الوكيل..منين طلعت لنا هالمصيبه.. بجاد/ندى يلا مشينا البيت ام راكان/وين رايحين وتاركيني اهوجس بولدي اللي يهيم بهالشوارع ولا ادري وينه؟!! ندى/يمه راكان مو بزر...ترى بالثلاثينات ام راكان/انتي وزوجك مامنكم فايده..روحوا بس.. بجاد وهو يحاول يتحكم باعصابه/يلا ندى مشيناااا طــــلعـــــــوا ام راكان جلست وهي تفكر/من وين طلعت لنا هالسوسه بنت العنود...بعد هالسنين هذي كلها !!! / / / / / "في مجلس سهام" سليمان وعينه عليها/مبروك يا سهام سهام جالسه بطرف المجلس ومتلثمه ومستحيه/الله يبارك فيك سليمان/كان بودي تكون جلستنا مع بعض اكثر بساطه وماتغطين مني..أنا صرت زوجك سهام/بس مابينا عقد قران يا سليمان.. سليمان/ان شاء الله بيكون فيه..صح؟ سهام بصوت منخفض/ان شاء الله سليمان غمز لأخته تطلع وفهمت عليه... هند قامت تبي تطلع/عن اذنكم. سهام وقفت على كول/اخذيني معك سليمان/توونا ما حكينا سهام/ماعليه..اتمنى تتفهم وضعي..عن اذنك طلعوا سليمان جلس وهو يغلي(صـعــبه لكن بجيييبك يا سهام..اسلوبك هذا ماراح يفيد معي) / / / / / / الساعه 12 الليل طلال بجهته..في مكتبه ويفكر. قرر قرار مهم واخذ سماعة المكتب/يا عسكري تعاال فوراً لحظات ودخل العسكري/امررك طلال/بعطيك اسم شخص..وابيك تسويلي عنه بحث في ملفات الأحوال وكل شيء..وابي بكره التقرير يكوون على مكتبي مفهوم العسكري/امرك..لكن وش اسم هالشخص.. طلال/سجل عندك"صقر عبدالعزيز عبدالرحمن الفزاع / / يتبع قراءه ممتعه لكم... واعتذر عن التأخير.. | ||||
|
| |
|
04-12-13, 01:41 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الـعــاشــر <<<< لخبطة أوراق طلعوا الجماعه من عندهم ..وجلست سحاب وهي لاويه بوزها/.. سهام/سحاااب شفيك بس تعلقين عليهم سحاب وهي تتنسخر/بالله بتتزوجين من هذول الناس..استغفر الله سهام/وش فيهم يعني سحاب/ماني مرتااحه لكلامهم ولا لنظرات اخت العريس اللي اسمها هند.. سهام/وانا وش علي منهم..انا بتزوج ولدهم مو هم سحاب/حبيييبتي..بتتزوجين الولد..ترى تتزوجين اهله معه..أنتي بتعيشين بوسطهم.. سهام/بشرط عليه يسكنني لحالي.. سحاب/أنتي تسلّكين لعمرك والا وش وضعك بالضبط سهام/سحااب ..وضعي ما يسمح لي اتخيّر بالعرسان....رجاءاً احتفظي بتعليقاتك سحاب/آسفه اذا ازعجتك سهام سكتت وبدوون تعليق... سحاب قامت/أنا رايحه البيت...تروحين معي؟ سهام/لا ماقدر..عندي اشغال بالبيت ابي ارتبه قبل الزواج وكيذا سحاب/بتداومين بكرا سهام/ايهه...بقدم استقالتي.واخلص وبعدها بروح ازور "زيود" سحاب/بالتوفيق حبيبتي ..يلا...أنا رايحه....عزووووز..مجوووود..تع ااالوا سهام/تعاليني بكرا.. سحاب/ان قدرت بجيك / / / / / / في بيت زيد: (المــعــانــاة) يا ليل خبرني عن أمر المعاناة هي من صميم الذات ولا أجنبية هي هاجس يسهر عيـونـي و لا بات أو خفقة تجمح في قلبي عصـية هي صرخة تـمردت فوق الأصـــوات أو ونة وسـط الضمايـر خفـية أو عبرة تعـلـقت بـيــن نظرات أو الدموع اللي تسابق هميـة أعاني الساعة و أعاني مسافـات و أعاني رياح الزمان العتية و أصور معاناتي حـروف وأبيـات يلقى بها راعي الولع جاذبية و لاني بندمان على كـل ما فـات أخذت من حلو الزمان و رديـه هذي حياتي عشتها كيف مـا جـات آخذ من أيامي و أرد العطيـة شبه جالس على سريره ويناظر ف جواله..ويسبح في افكاره..وهو يتذكر كل لحظه جمعته بـ "سهام" تنهد وهو يسمع بأذنه صدى ضحكاتها ومواقفها معه.., رن جواله..استغررب من داق هالوقت عليه؟!! أخذ جهازه وابتسم وهو يشوف "أسمها.. رد وهو مرتااح/يــا هلا سهام/مساء الخير زيد ناظر بالساعه وتبسم/قولي صباح الخير.. سهام/ههه اووكي صباح الخير.. زيد/صباحك نور وسرور سهام/شخبارك زيد؟.. زيد/بخير.. سهام/آسفه اني دقيت عليك بهالوقت..بس طريت ببالي وقلت اتصل واسمع صوتك واقولك اني بزورك بكرا زيد انبسسط/تشرفين بأي وقت... سهام/آسفه اني قطعت فيك.. زيد/حتى أمي تسأل عنك.. سهام/أيه اتصلت عليها وعزمتها كنت ابيها معي بالخطوبه بس تعذرت وقالت انها معزومه عند أم علي..هي مع منال زيد/اي والله اليوم قعدت لحالي بالبيت سهام/فددديتك زيد/فداك الردي و اللاش ..المهم ها بشرري كيف العريس؟ سهام/ممم عاادي.. زيد بألم/ما اعتقد ان سهام بتتزوج واحد عادي.. سهام استحت بس ماتبين/ههههه ليش وش يعني سهام" زيد استرخى وتكى ظهره/مشكلة بعض الناس أنه ما يقدّر قيمة نفسه.. سهام تبي تغّر الموضوع/زيوود انت تعبان وأنا سهّرتك...شرايك تنام.. زيد/هههه اوووكي فهمت..بنام..يلا تصبحين على خير...اشوفك بكرا سهام/بااي.. انتظرها زيد تسكر الخط ..وبعدها سكره هو... نوم العوافي.. / / \ / / **اليوم الثاني" عيون مترقبه...وأمال معقوده...وأحلام معلّقه.. و الكل إلى عمله ...... بيت خالد. طالعه ساره من المطبخ وتشوف جوال خالد يأشر على الطاوله هنااك..وكأنه يرن بس على الصامت..تذكرت ان خالد بالحمام.. اتجهت للجوال وتشوف اسم المتصل "دلوعتي"....!! جلست ساره وهي مصدوومه حدّها ارتعشت يدها وطاح الجوال من يدها..ولكن اخذته ورجعته مكانه... [لحظه صعبه توقف فيها عقلها وتعب فيها قلبها..كانت تسمع نبض قلبها يضج في أذنها] أقبل خالد وهو يمسح يدينه وجلس واخذ تلفونه/سارونه حبيبتي وين القهوه؟ ساره وهي تناظره بقهر مكبوت/اللحين اجيبها حبيبي اتجهت للمطبخ وهي تحاول قد ما تقدر تكون طبيعيه..اخذت القهوه اللي كانت مجهزتها من قبل.. ورجعت لـ خالد وجلست جنبه وتصب له فنجان قهوه وتمدّه له/سمّ خالد/سمّ الله عدوك ساره/أمييييين خالد تبسم وهي تمد كلمة امين/شفيك؟.. ساره بابتسامه مصطنعه/وش بيكون فيني يعيني خالد/مادري عنك.. ساره وهي تحط عينها بعينه وتخزّه/خالد..ممكن اسألك سؤال خالد قرّب لها بروقان وباس خدها/تفضلي ساره ابعدته عنها بهدوء "غااضبه"وهي من داخلها قرفااانه منه/لو بيوم من الأيام اكتشفت أني اخونك ومصاحبه رجال..وش راح يكون موقفك؟!! خالد ابتسم لها/ما تسوينها يا قلبي ساره بإصرار/أنا قلت افرررض اني سويتها وانتهى الموضوع وانت كشفتني...وش بتسوي لحظتها فيني؟!!ابي جواب خالد لاحظ بريق في عينها وحس بجديتها/راح اذبحك بأرضك بدوون تردد..وأرمي جثتك للكلاب ساره/طيب والحب؟ خالد/الحب مع الخيانه متضادين مايمشون سوى ساره بلعة عبرتها/يعني انت بنظرك اللي يحب لا يمكن يخون؟!! خالد بثقه/أبداً... ساره سكتت وعينها تغزو عينه بـ"غبينه" وألم..ونظرات "عاشقه مصدوومه"/.. خالد ارتبك من نظراتها و قرّب منها ومسكت خدها بنعومه/وش فيك حياتي؟..اليوم الصباح كنتي مروقه وعسل!! ساره كانت ترجف لأنها تكبت بكيتها,حاولت تتفكك من يده وفشلت/أنا بروح اشوف بنتي خالد ضمها لصدره/بنتنا نايمه توني جيت من عندها.. ساره/خالد فكني ماني رايقه خالد فكها بعدما ضمّها حييل/.. ساره قامت واتجهت للدرج تبي تصعد/... خالد/سارونه حبيبتي ساره ما ألتفتت لأن دموعها غرّقت وجهها/نعم خالد/ترى الليله بيجي صديقي وأهله...عازمهم..لا تنسين تجهزين العشاء السنع والحلا وحركاتك ساره بدون نفس/طيّب طلعت ساره مستعجله لغرفتها........... خالد طلّع جواله وكتب في الواتساب لـ "حور" [حبيبتي حققت لك طلبك والليله عازمك على عشاء في بيت "ساره"..علشان تشوفينها مثلما طلبتي] لحظات ورد من "حور" [مشكوور خلّودي...أحبــــــــككك] *ملاحظه: {أحببت أن أذكر لكم شيئاً...المشهد السابق مشهد حقيقي من قصه حقيقيه وبعيده عن الخيال..قصه عاشتها جارتي التي تقوم بدورها في الروايه ساره.وزوجها دور خالد.ربما ستستغربون من احداثها..لكن هذا ما حدث على أرض الواقع وهو أشبه بخيال} / / / / على دروب الأحلام والأمنيات أسير.. أحمل على عاتقي أمل..بأن تكون حياتي القادمه أفضل مما كانت السابقه.. إحساس بأن شيء جميل سيحدث لي...لكن لا أعلم ماهو!!! شعور بالسعاده ينتابني...!! تُرى...هل هذا الشعور سببه أنني سوف أترك العمل!! "ربما" لكن مايهمني أنني مرتاحه نفسياً.. وهذا ينعكس إيجاباً على خطوتي للزواج... ... *الأحداث السرديه: متجهه لـدوامها كالعاده..لكن هالمرّه تبي تودع العمل وتسلم العهده وتقدم استقالتها.. ركبت ليموزين بدون تذمر وأوصلها لمقر عملها...هذه المرّه مزاجها جيد لذلك لم تجادله في السعر ودفعت 20 ريالاً.. دخلت سهام واتجهت للريسبشن/صباااحو سلمى سلمى ببتسامه/صبااحو سهام سهام بسعاده/اليوم فنشنق سلمى/هنيااالك سهام/ههههههه عقبااالك سلمى/اميييييين سهام/عن اذنك مشغووله شووي سلمى/شعلييك بتستقيلين سهام/ومن شر حااسد اذا حسد ههههه سلمى/ههههههه وبضحكتها "سهام"دخلت تحط شنطتها علبال ما تضبط اوراقها.. ... بهاللحظات دخل راكان وهو ينسف شماغه فوق واتجه للريسبشن/السلام عليكم سلمى/وعليكم السلام راكان/اختي ممكن اسألك عن موظفه عندكم أسمها "سهام محمد العباد" هي موجوده؟ سلمى/قصدك زميلتي سهام؟..راحت للمدير تقدم استقالتها..ليش تسأل؟ راكان بتصريف/فيه اوراق نسيتها هنا في وقت الشفت حقها وهي اتصلت فيني تبي تسلمها لي سلمى/المدير مكتبه بهذاك الاتجاه تقدر تروح لها راكان بسرعة البرق اتجه لمكتب المدير..وشاف بنت تطلع منه وهذي عيونها "نفس" عيون اللي دائماً يصادفها!!! حاول انها ماتشوفه و طنشها وكمل طريقه للمكتب,, وتفاجأ بالمدير يطلع ويناديها ومعه ورقه/يا سهام العباد سهام وقفت والتفتت عليه/نعم المدير مد عليها الورقه/نسيتي هالورقه .. سهام اخذت الورقه/مشكور.. مشت .. راكان وقف بذهووول العالم مووو مصددق أبداً.. هالبنت اللي يشوفها من شهوور..تطلع..هي نفسها "بنت عمه محمد"!!!! قرر يلحقها بسكات لين خلصت أوراقها واتجهت للبوابه ومنها لمواقف السيارات تدور رقم الليموزين بجوالها تبي تتصل به... واثناء ماهي مشغوله بجوالها ..تفاجأت بسياره"بنتلي" توقف عندها.. نزل راكان وبنظاراته السوداء ومتلثم ووقف عندها وهمس لها/اللحين بهدووء وبدوون صراخ تركبين السياره سهام حاولت تتهرب ولكن الكل بعمله وهي طالعه الساعه 9 ونص محد فاضي لها/شوف الله يخليك..عييب اللي انت تسويه..انت اكيد عندك اخت وماترضى انك.. راكان قاطعها/أيهه ما أررضى أحد يمس محارمي بسوء..علشان كذا ارركبي بسكااات..خلي يومك يعدي على خير.. سهام بإصرار وخوف/ماني راكبه معك.. لو تذبحني مكاني هنا...أنت من؟ وقف ليموزين وركبت معه.بسرعه.... راكان ركب ومشى وراها مسرررع.... سهام طول الطريق تدعي ربي يمشي أمورها بسهالات..وان الله يكتب لها الخير...ويكفيها شر أهلها... وصلت البيت ونزلت واتجهت لباب بيتها وفتحته ودخلت... حاولت تسكره بسررعه لكن عبايتها علقت واضطرت انها تتأخر ... بهاللحظات دخل راكان عليها وطلع عباتها وقفل الباب... سهام بلعت ريقها وهي تحس انها النهايه/اقسم انك اذا ما طلعت لأصررخ بأعلى صصوتي واجمع عليك الناس راكان حاول يهديها/اسسسكتي يا بنت ماراح أضرّك.. سهام وعينها تلمع/كذااااب..كذااب..اترركني الله يخليك استرني انا وراي زواج هالأسبوع..حرام عليك راكان/وانا ما جابني هنا غير قصّة زواجك.. سهام وهي تبكي/انت من... ووشلون تعرفني..ووش رماك علي راكان وهو يفك لثامه وينزل النظاره التفت عليها/أنا راكان العباد...ولد عمك.. سهام بلعة ريقها من الخوف وماقدرت ترد/..... راكان كمل كلامه/أنا سترك وغطاك..أنا ولد عمك وانتي شرفي وعرضي ومستحيل اضرّك سهام ماصدقت..ضلت سااكته...لأن عقلها يقولها انه مثله مثل خالد.."نذل".. راكان/سهام تكلمي...قوولي شيء سهام حاولت تكون واثقه/وش تبيني اقوول يعني راكان استغررب ردها!!/معقوله تعرفين اني ولد عمك بعد كل هالسنوات...وتكون ردة فعلك بااارده كذا!!! سهام بنبرة ألم/وش تبيني أقول عن من يرى ذبحي حلال؟!!....والخطأ بعينه أنا وأنا هي المشكله راكان/ذبحك حلال لو ما اخذتي اغراضك اللحين ورجعتي معي لحضن اهلك سهام عطته نظره واثقه/أنا مالي أهل... راكان/مو بكيفك.. سهام/ورب الكعبه مـ.... راكان قاطعها/وررب الكعبه ما اخليك...لووو تموتين سهام من توترها حست كبدها تلوع/اطلع برا ماني ناقصه مشاكلكم بعد...أنا ماني محتاجتكم راكان/مو على كيفك..الدعوه غصصب عنك ..واسم العايله ماراح تشرشحينه بوظيفتك بالاستقبال أو زواجك من سليمان الفواز سهام عصصبت زياده وحست بأعراض الألم/انت مالك دخل مفهووم راكان بإصرار وعناد/لي دخل ونص..يلا خلصيني ..تبين اغراضك...والا اتركيها اجيبها بعدين سهام حست ان حالة القولون العصبي بتجي قدامه وهربت منه واتجهت لدورة المياه تستفرغ.. راكان خاف لا تكون بتسوي بنفسها شيء/سهاام سهاااام <<<سمع صوتها تستفرغ ورحمها حيييل / / / / / #مركز الشرطه... توه داخل مكتبه بعد مهمه صباحيه..اخذ مسدسه وحطه على المكتب و استرخى عالكرسي شوي ..تذكر الموضوع اللي البارح.. واستقعد واتصل بالعسكري/يا عسسكري وين التقرير اللي طلبته منك البارحه؟ العسكري/امرك طال عمر...ثوواني واكون عندك بالتقرير.. .. لحظات ودخل العسكري ومد عليه الملف/سمّ طال عمرك.. طلال بحماس/هااه وش عرفت عن صقر الفزاع؟ العسكري/طال عمرك..صقر الفزاع شاب متوفي مع أمه وأبوه في حادث مروري من تقريباً ثلاث سنوات وعنده اخت وحده اسمها سحاب في العشرينات من العمر..واخوين صغار اسماءهم ماجد وعبدالعزيز... طلال مو مصدددق/وشووو..متووفي من ثلاث سنوااات!!! السكري/اي طال عمرك..وباقي المعلومات التفصيليه عندك بالتقرير طلال يقرأ التقرير وهو مذهول ويكلم نفسه(أجل من صقر اللي أعرفه ويعرفني!!!!) / / / / بصالة البيت: جالسه وهي تلتقط انفاسها/انت وشتبي مني راكان/ابي أردك لبيت أهلك سهام/مابي بيت أهلي ولا ابيهم اصلن.... راكان/اجل ناويه تكملين حياتك وحيده!! سهام/ماني وحيده...بتزوج هالـأاسبوع ان شاء الله..مايحتاج تسوي نفسك خايف علي...ترى من جد مايليق عليكم يالعباد راكان يحاول يضبط اعصابه/اللحين وش تبين تتزوجين واحد متزوج؟!!...قلوا الرجال يا بنت عمي سهام/هههه انت كذااااب ومن عايله كلها كذابييين ومستحيل اصدق واحد منكم .. راكان طلع ورقه ومدها عليها/طيب منتي مصدقتني هذا عقد الزواج حقه..لا ومتزوج وحده من قريباته... سهام انصددمت/ممستحيييل راكان/يعني هالحرامي سليمان الفواز ..مو ناويلك على خير دامه ما اعطاك خبر انه متزوج سهام بعصبيه/برررراااا راكان بصبر/بدوونك ماراح اطلع يا بنت عمي سهام/انتم وحوش على هيئة بشر..ومستحيل اعيش مع ناس قهروا أمي وشرّدوها راكان/قلت لك كفايه اتهامات وانتي ماتعرفينا..\ سهام/إلا اعرفكم ونص بعد يا خوونه راكان اعطاها كف مدوووووي,,وانصدم من نفسه شلووون تجرأ وضربها!!!! سهام لأول مرّه تنضرب بحياتها,ظلت واقفه شوي..وانكسرت نظرتها ونزلت عيونها بالأرض ونزلت دمعتها بإنكسار/... راكان/حديتيني على شيء ما ابيه..وعمري ماسويته...يلا قوومي جيبي اغراضك..قبل لا ارتكب فيك جريمه.. سهام رفعت ناظرها له وكانت تدمع/جريمة قتل..بحجة الشرف..صح؟!! راكان تفاجأ من ردها/وش دراك؟!! سهام/ههه لا بس أنقالت لي من فتره.. راكان:/هااااه بتخلصين والا ترى أخرتيني . سهام برضووخ تااام/شووي واخلص .. راكان/مضطر امشي معك لغرفتك سهام/حتى أنت؟!! راكان/آسف تعديت حدودي...بس بسرعه لا تتأخرين سهام استغرربت اعتذاره!!! راحت وتخلص اغراضها ونست جوالها على الطاوله.. راكان جلس ينتظرها... رن جوال سهام ..واخذه راكان وناظر بأسم المتصل"زيد"..بعصبيه قفل الجوال وحطه بمخباته...!! / / / / / / طالعه سحاب وراكبه السياره ومتجه لمدارس اخوانها.. وتسمع محمد عبده" انت معاي ... وإلا انت ناوي تبتعد عن خط سيري انت هواي .... وإلا انت عندك بالهوي محبوب غيري وضح امورك يالحبيب .... شايف انا امرك عجيب وين طاير بالهوي قلي ياطيري كل الظروف تشهد عليك . اني معك وافي مادام امرك بين ايديك .. لاتخلي شئ خافي شايف انا اسرار تخفيها نظراتك حتي صدي الاعذار حاير على اشفافك ... قطع عليها اتصال من طلال..وردت بعدما حاولت تخشن صوتها/مرحبا طلال.. طلال بالجوال/مرااحب والله..بالصقر سحاب بلعة ريقها من الخوف/هلابك.. طلال/وينك يا رجل؟..الشباب ينشدون عنك؟ سحاب/انشغلت شوي طلال/الله يعين... سحاب/الله كريم..انت شلونك؟ طلال/بخير الحمدلله...بس حبيت ابلغك عزيمة عبدالعزيز في الاستراحه الليله..جاله ولد ..عقبالك سحاب/ماشاء الله... طلال/ها عااد لازم تجي..ترى الرجال ملززززم علي علشان تجي سحاب ترددت/بشوف ظروفي.. طلال/يا رجال تعااال بس خل عنك الأعذار سحاب/اجل بجي علشان أوجب بس..لأن والله مشغول يا طلال طلال/اهم شيء حضوورك..حتى لو خمس دقايق ...يلا سلام سحاب/سلام.. / / / / / ,,,,,,,,,,, بيت بوراكان~ دخل راكان ومعه سهام/يمااااااه يمااااااه سهام واقفه وتناظر المكان بنظره بانوراميه،فعلا بيت عز،بس تحسه كئيب لان ماله صووت.. اقبلت سيده انيقه في اواخر الخمسينات من العمر عليها جلابيه ناعمه/هلا ولدي راكان شفيك تنادي يمه راكان باس راسها و أشر على وراه/معي ساكنه جديده راح تسكن معنا بالبيت ام راكان التفتت على البنت اللي واقفه عند الباب،طول ببياض مايخفيه سواد العبايه وعيون كبار/راكااان لا يكون متزوج من ورانا سهام ناظرت راكان باحتقار(يخسى) راكان/ههههه لا يمه هذي سهااام بنت عمي محمد ام راكان انصدمت وتروعت/وشوووو بنت محمد والعنود!!!! راكان مبسوووط/ايه يمه شبلاك كم عندي عم اسمه محمد هههه ام راكان قربت منها وتتفحصها/انتي نصّابه استحاله تكونين سهام سهام عصبت/لولا انكِ اكبر من أمي واحترامك تفرضه علي تربيتي والا كان رديت على بذاءة لسانك ام راكان خزتها/شوفوا اللي ماتستحي ترد علي راكان/يمه هدي شووي ام راكان/جااايه ببيتي وتراددني سهام طفح الكيل عندها/لووسمحتي انا ماجيت برضااي انا جيت تحت ضغط و تهديد من ولدك المحترم والا عندي بيت وساكنه ومريحه راسي من الناس..لا تظنيني جايه من الشارع وماصدقت على الله ألقى بيت اسكنه راكان فتح فمه وهي تكلم صوتها موووت وكله ثقه!!! ام راكان عطتها كف مدوووي... سهام حطت يدها على خدها مكان الكف وهي مقهوره ومغبوونه وخنقتها العبره وماقدرت تكلم من القهر.(كفين بيوم واحد).واغمي عليها من شدة الارهاق والمرض.. ام راكان/اقووول بلا دلع وقووومي يلاااا راكان تذكر استفراغها ببيتها وراح لها ركض وهزها/سهااام ي سهااام ردي..يماه البنت فاقده الوعي ام راكان خاافت/يوووه ياويلي والله ماسويتلها شيء راكان شالها واتجها بها لغرفة اخته” ندى” اللي قد تزوجت/يمااه اتصلي على دكتور ابوي بسررعه ام راكان وهي مرتبكه وخايفه/طيب طيب بس انتبه على البنت لا تطيح منك ونبتلش فيها / / / انتهى الجزء العاشر *خالد وخياناته..و زيارة "حور" لـ "ساره"!! *سهام ومواجهة العائله...!! *سحاب والمجهوووول... *وش ناوي عليه طلال؟!!! وبقية الأحداث...... هل من توقعات؟ ...... قراءه ممتعه | ||||
|
| |
|
06-12-13, 08:13 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  السهم الحادي عشر... <<كشف الاوراق واقفه عند الممرضه وهي تحط لها المغذي...وتتأمل ملامحها..نسخة أمها "العنود"..وكأنها مطبوعه بالكربون.فعلاجمالك يالعنود ورثته بنتك..مصيبه صابتها منين طلعت لي هالجنيه؟!! ماصدقت اني افتك من العنود تطلعلي بنتها!!..وش هالحظ.. لاحظت تاتوه نااعم منقوش على ظهر كفها من اسفل الابهام للمعصم/استغفر الله حاطه وشم بعد!!! الممرضه التفتت عليها/نعم؟!! ام راكان/اقول خلصتي؟!! الممرضه/ييس مدام ام راكان/مشكورا طلعت الممرضه مع الدكتور.. راكان شافهم طلعوا من الغرفه واتجه لهم/بشر يا دكتور.. الدكتور/صدمة موقف خفيفه..واشك باشياء ثانيه..متى ما فضيتوا جيبوها نعمل فها تحاليل وكشف كامل راكان/يعني حاليا هي بخير الدكتور/ايوه،بس اعطيتها مهدئ يخليها تنام وترتاح من ضغوطها شوي راكان/مشكور يادكتور ماقصررت طلع الدكتور ووصله راكان للباب ورجع لأمه/يمااه ام راكان/نعم شعندك بعد راكان باس راسها/يمه يا حبيبتي شفيييك ام راكان/انت بالله ماتقولي وشوله جايب هالعله ببيتي هنا.. راكان/يمه سهام امها متوفيه من فتره يعني يتيمه مالها احد..وسعي صدرك لها،خابرك طيبه.. ام راكان/انت ضامن هالبنت اللحين؟..عارف شلون تربيتها؟..اخاف ملفقه لها مصيبه بعد راكان/وش مصيبته يعني يمه ام راكان/اخاف تكون راعية سوالف بطاله و حامل واحنا ياغافلين لكم الله جايبينها نداري عليها،استفراغها ودوختها مو طبيعي راكان/استغفر الله العظيــــم...يمااه وش هالتفكير اذا كانت سهام عايشه مع امها لحالهم مو معناته انها تنحرف،لا تنسين خالتي العنود كانت تخاف ربها وانا اذكرها وانا بزر.. ام راكان ما اقتنعت بكلامه جلست وحك رجل على رجل/استغفررر الله بس...يا زيتااا هاتيلي القهوه راكان/يمااه انا طالع اشوف اشغالي...ويمكن ما ارجع الا بالليل متأخر..تكفيين انتبهي على سهام ام راكان/بسلامتها مالي شغل فيها راكان باس يدها/يماااه طلبتك انتبهي لها وراعيها علشاني يالغاليه ام راكان/علشااانك بحاول راكان ابتسم وطلع... ركب سيارته وهو يتذكر عمته نوره(يـــآ ليتك ما كنتي مسافره..والله هذا وقتك..نفسي اشوف ردة فعلك لامن شفتي سهام بنت عمي محمد)... / / / / / / *وقت العصر~ طلال واقف بسيارته على بعد مسافه من بيتها ويراقب/من صبح لا احد يطلع ولا يدخل..هالصقر هذا ما يدج بالشوارع وهالسياره ماتتحرك الا للضروره فقط يا يودي اخوانه للمدرسه او يجيبهم او يعبي غاز او بنزين...غير كذا لا!!!!!....غررررريب!!!! لحظات وشاف باب بيت سحاب ينفتح وتطلع بنتهي نفسها "سحاب" متغطيه وكأنها متجهه للمشغل اللي مقابل بيتها...!! بهاللحظات قرر طلال يتصل على رقم صقر ويقطع الشك باليقين...دق الرقم وانتظر الإجابه..وتفاجأ بأن رقم صقر يرن بجوال البنت اللي تمشي!!!!!! / سحاب وقفت قدام باب المشغل وترد على الجوال بما انه طلال تحنحنت شوي وخشنة الصوت/هلا طلال... طلال بالجوال مو مصدق تلعثم ومتفاجأ/هـ هلا صقر..شخبارك سحاب/تمام شلونك انت طلال/بخير...والله كنت مار من حارتكم وقلت أمر عليك واشرب فنجان قهوه سحاب بلعة ريقها وقامت تلفت/صددق....حياك الله اقلط طلال/الله يبقيك.. سحاب عكست طريقها ورجعت للبيت مستعجله/القهوه جاهزه طلال وهو يطالعها وهي تدخل البيت/اوكي دقايق واكون عندك. / / / / مؤسسة الفواز بمكتبه جالس يتابع شغله كعادته ويحاول يتصل على سهام بالرقم اللي اخذه من أم سالم الخطابه/شفيها مقفله جوالها هذي؟!! طلع رقم ام سالم واتصل عليها/الوووه يازفت ياللي اسمك ام سالم......الرقم اللي عطيتيني شكله غلط...من امس الصباح اتصل على سهام ومقفله جوالها مادري خارج الخدمه... دخل بهاللحظات راكان/لا يا روح أمك ،سهام ماقفلت جوالها..جوالها معي وأنا مقفله بنفسي بعد سليمان وقف معصب/انت شلون تتجرأ راكان طلع جوال سهام من مخباته/منت مصدق هذا هو هههه سليمان/انا ماسمحلك تقرب من خطيبتي يا ... راكان/ههههههه مرحبا خطيبتك...اقوول انسسى انسسسى...انا عارف انك تبي تنتقم فيني ببنت عمي..وماكان ببالك زواج ولا شيء ،انت بس تبي تلعب بسمعتنا سليمان بنظرات خبث حب يقهره/صحيح يجوز ماكنت ابي اتزوجها قبل لا اشوفها،،،بس بعدما شفتها،"أححح" طيررت النوم من عيني. راكان حاول يكبت غضبه/سليمااان سليمان/والله يا عليها شفاايف يا راكان تووت الله وكيلك،من لا ذاقها ماذاق الحلى بحياته. راكان ماقدر يمسك نفسه عطاه كف سليمان جلس يضحك/مردوووده يا راكان راكان/...اذا فيك خيير لا تقصر. طلع وصفق الباب بقوه.. سليمان صار يغلي/معليه يا راكان الايام بيننا.. / / / / / عند الباب ويرن الجرس... لحظات وفتحت سحاب الباب وبصوت مخشنته/حيالله طلال طلال عينه بعينها/الله يحييك سحاب رابطه الشماغ نفس اللفه الاماراتيه/تفضل اقلط طلال دخل وهو يحوس براسه افكار عن هالشخصيه اللي حيرته/ سحاب/خذ راحتك..اا رايح اجيب القهوه طلال جلس يتلفت بالمجلس وهو يفكر/.. سحاب،جابت القهوه والحلى وصبت له فنجان/تفضل طلال وعينه بعينها/زاد فضل سحاب مدت عليه صحن الحلى/ذووق هذا لا يفوتك بس طلال/شغل بيتكم سحاب/لا شغل اختي هههه طلال ابتسم على ضحكتها،وذاق الحلى/رووعه سحاب سكتت وهي فرحانه بوجوده..، رن جوالها وكان داخل وسوت نفسها ماسمعته/... طلال/صقر كأني اسمع صوت جوال يرن/.. سحاب/اكيد من جوالات الاهل طلال تردد بعدين قرر يتكلم/صقر انا في الحقيقه..ناوي اتزوج سحاب خافت من طاري زواجه/هاه..بتتزوج؟...الف مبروك طلال/ماسألتني ليش قلتلك انت بالذات اني ودي اتزوج؟! سحاب/ليش؟! طلال/انا بصراحه ودي اجيب اهلي واخطب اختك سحاب للزواج على سنة الله ورسوله سحاب كأن مكبوب عليها ماء بارد!!! طلال/وش قلت يا صقر؟!! سحاب/بصراحه مدري وش اقولك...لكن ياخوي طلال،،على حد علمي سحاب رفضت كل العرسان اللي تقدموا لها بحجة انها رافضه فكرة الزواج،الارتباط..وناويه تقعد تربي اخوانها طلال/انت اسألها ويمكن هالمره تغير رأيها سحاب رفعت عيونها وحطتها بعيونه(وحق اللي خلق هالخلق انت رجال ماتنرد يا طلال بس...تظل رجال وبتقيد حريتي اللي تعودت عليها،وانا مستحيل اتزوجك،لأن اللحظه اللي بتزوجك فيها بتنكشف شخصية صقر وبنكشف يا حبيبي).. طلال/صقر....وين سرحت....ها وش رايك تفكر وترد علي بعدين سحاب/يصير خير...يصير خير طلال وقف/يلا اجل انا استاذن سحاب قامت معه/ووين..توك جاي طلال/ماعليه انتواجه بالليل اوكي سحاب/اووكي طلال/يـلآ سلام سحاب/سلام طلع طلال وسكرت سحاب الباب وهي مو مصدقه ... بهالسرعه يخطب!!!..كبر بعينها لأنه ما سوى مثلما كانت تظنه بباقي الرجال،لكن بقرارة نفسها رافضه فكرة الزواج من أصل،... / / / / / بيت زيد... جالس ينتظر على نار متى تجي والساعه والشمس غاابت وهي ما زارته مثلما وعدته..قام ويده على جرحه واتجه لمنال في المطبخ/منال اتصلتي بسهام منال/شفييك...ايهه اتصلت فيها وفي ديومه وتقول ما شافتها وسحاب جوالها مقفل!! أعتقد طافي شحنه...يمكن تكون عند سحاب او سحاب عندها... زيد/اففف.. منال بنص ابتسامه/شفيييك يا حظظي،تراها بتتزوج بعد،لا يكون ناوي تسويلنا مناحه عليها بعد زيد اخذ الكوب من على الطاوله ورماه على الارض بعصبيه/اصص ولا كلمه منال انصدمت من ردة فعله/زيوود شفيك تراي ماكنت اظنك تحبها لهالدرجه عاد زيد اضطرب تنفسه ونزف جرحه اللي بصدره وبلل تيشرته/وين أمي ووينهاا منال خافت واتجهت له/زيود جرحك ينزف خلني اوديك المستشفى زيد/مابي مستشفى ...قلتلك وين أمي منال/أمي عند الجيران زيد/اتصلي عليها بسرعه ابيها منال/زيوود لا تعااند زيد تركها بالمطبخ واتجه للصاله... منال اخذت جوالها وتتصل على ”علي”/الووه علي تعاال بسررعه ..زيد جرحه ينزف ومعصب ومايبي احد يكلمه....تكفى تعال اقنعه ووده المستشفى.....يلا سلام / / / / / الساعه 8_ متأنقه كعادتها ...ومرتبه بيتها ومبخرته ومجهزه كل شيء لإستقبال ضيوف زوجها ”المزعومين” نومت بنتها..وتطمنت عليها واتجهت لمجلس استقبالها واشرفت على الخادمه وهي ترتب سفرة القهوه والحلى وهالاشياء..، وباقي بس وصول الضيوف... رن جوالها وكان خالد/الوه...وصلوا؟!!..اوكي برسل الخادمه تفتح لهم..سلام سكرت الخط والتفتت على الخادمه/سونيا روحي افتحي الباب الضيفه وصلت.. الخادمه/اوكي مدام دخلت حور وهي مبهوره بالبيت الكبير..والاثاث الانيق والفخامه! وتفاجأت بسيده عشرينيه جميله وانيقه تستقبلها بابتسامه عذبه/السلام عليكم ساره/ياهلا وعليكم السلام حيــآك...تفضلي.. حور كان معها طفل صغير عمره٣سنوات/حبيبي تعال ساره/ماشاء الله اش اسم البطل الولد استحى وتخبى وراء حور... حور وهي تبلع ريقها وتبسم/ثامر ساره/عاشت الأسامي ...تفضلي يا أم ثامر هذا المجلس جلسوا وصبت لها فنجان/يا هلا بضيوف أبو ديمه.. حور بابتسامه صفراء/هلابك.. ساره/فرصه سعيده اللي تعرفنا بك،لان بصراحه اعرف كل زوجات اصدقاء خالد بس انتي اول مره اشوفك حور/ايوه صحيح كنا ساكنين في جده وتووي سكنت الرياض.. ساره/ماشاء الله ..اجل الاخت حجازيه؟ حور/ايوه حجازيه ساره/حياك الله بينا،لهجتك صايره نجديه حور/زوجي نجدي..وبعد سكنت هنا من سنوات اكيد بتكلم لهجتكم ساره/يالله كسبناك،،يا هلابك بينا....اخذي راحتك يا أم ثامر بروح اشوف الشغاله واجيك حور/اخذي راحتك.. راحت ساره.... جلست حور وهي تناظر المكان حولها بنظره بانوراميه(يحق لك يا خالد تخبي زواجنا عن ساره،ماتبي تخسر هالملاك اللي وااضح انها قطه مغمضه عيونها،ماتدري عن بلاويك ..وإلا ساره مو مجبوره تعيش مع خااين وهي غنيه ومو ناقصه عز ونعمه نفس الشيء ببيت أهلها..مالت على حظي أنا اللي عارفه كل شيء وساكته،لكن ماراح يطول بك هالوضع يا خالد...راح اخليك غصب تساويني بها..مو مخليني حق الاجازات والويك انك..!! / / / / / / خلصت عشاء اخوانها وودتهم لغرفتهم ونومتهم...، سحاب وهي تغطي عزوز/حبيبي عزوز انا طالعه مشوار صغير وراجعه على طول مابيكم تخافون عزوز استقعد/وين؟ سحاب استغربت سؤاله وابتسمت/والله وكبر اخوي الصغير وصار يسأل اخته وين رايحه ووين جايه عزوز/مو قلتي ابيك تكبر بسرعه وتصير رجال سحاب مسحت على راسه/ابيك تصير رجال بس مو تسترجل علي أنا ههههه عزوز/طيب ماقلتي..بتطولين عند طلال والا لا؟! سحاب استغررربت طريقة سؤاله/شدرااك اني رايحه لطلال اصلن؟!! عزوز وهت رافع حاب ومنزل الثاني/مايبيلها ذكاء ،انتي ماتطلعين برا البيت بدوني إلا اذا كان المشوار يخص طلال. سحاب استحت من اخوها/حبيبي انت عارف ان طلال يظن اني صقر..يعني مايعرف اني بنت عزوز/طيب انتي وش تبين به؟ليش تطلعين معه وتقبلين عزايمه. سحاب مالقت جواب/حبيبي مضطره اجاريه حاليا،وبعدها بيحلها ربي عزوز/يعني بتعترفين له انك سحاب وان صقر ميت من ثلاث سنوات سحاب/لا طبعا"...لكن بتصرف حبيبي عزوز/طيب متى بترجعين علشان اتطمن عليك بس سحاب/كلها ساعتين بالكثير واكون عندك حبيبي عزوز/ساعتين واجد تعالي بدري سحاب/اوووكي حبيبي،يلا نام اوعدك تصحى وتلاقيني بالبيت عزوز/طيب،لا تطفين نور الصاله اللي بين الغرف سحاب/ان شااء الله...يلا نااام عزوز غطا نفسه بالبطانيه ونام/... / / / / / بالاستراحه الكل متواجد ماعدا خالد.. طلال كان جالس ويترقب وصول ”سحاب” بهاللحظات راكان وقف سيارته..وكان متوتر حاول يضبط اعصابه ونزل من السياره وشاف سياره توقف جنب سيارته وابتسم/هلا صقر سحاب نزلت واتجهت له و لاحظته متغير وتخشن صوتها/هلا راكان..شلونك راكان/الحمدلله سحاب/فيك شيء؟! راكان/لا لا ولا شيء،.بس ضغوط العمل هالايام زايده شوي سحاب/الله يعينك راكان/تعال اليوم نهائي دوري ابطال اوروبا بين البايرن ميونخ وبروسيا دورتموند.. سحاب ماتدري ولغ تطيق من الكوره غير الهلال/صدق والله راكان/مشينا ندخل متأكد ان العيال ماسكتوا الا ان المباراة بدأت..الا ماقلت لي وش تشجع؟ سحاب/الهلال راكان/هههههه اقصد الليله سحاب/الليله انا مع الفايز هههههه راكان/هههههههههه راكان وسحاب دخلوا وهم يضحكون/السلام عليكم.. الكل التفت/وعليكم السلام طلال عينه على سحاب من اول ما دخلت/... سحاب كانت تدوره بعيونها وشافته ولقته يطالع فيها وصدت عنه بسرعه/مبروك ماجاك يا عبدالعزيز عبدالعزيز/الله يبارك فيك...صقر وانا اخوك المكان مكانك...خ راحتك وتقهوى..ترى ماعدت غريب.. راكان/ترى الكل هنا مدمنين كوره وبينشغلون بالمباراه سحاب/خذوا راحتكم ماعليكم مني دقايق صمت مايسمع فيها غير صوت المعلق وتفاعل الشباب مع احداث المباراه.،،، سحاب ملت من هالسكوت(وش جووهم هذول...صددق ززهق اجل بيقعدون كذا لين تخلص المباراة..خلني اقوم اصب لي قهوه) فزت سحاب واتجهت للطاوله اللي عليها القهوه/شباب احد يبي قهوه؟! محد رد.... طلال التفت عليها/صب لي فنجال سحاب اتجهت له وصبت فنجان ومدته عليه/سم طلال وعينه بعينها ويدقق في يدينها الناعمه واصابعها المعمول فيها منيكير وواضحه نعومتها/سم الله عدوك.. سحاب بلعة ريقها من نظراته لأنها تختلف عن نظراته السابقه لها، تركت الدله و جلست تتابع المباراة معهم/ طلال شافها وهي تقفي لمكانها انتثر شعرها البني وتعدا الشماغ خاف لا احد يكشفها غيره...وبنفس الوقت مو لاقي طرثقها يطلعها عنهم ويخليها تلف هالشعر... رن جوال سحاب وشافت رقم ”ديم” فرحت من قلبها علشان تعذر بها قامت بتطلع.. طلال فرح انه محد لاحظها وطلع وراها بسررعه علشان يغطي.. سحاب شافت التلفون قطع وقررت تروح لدورة المياه تضيع وقت وعقبها بتتعذر من الشباب وبتمشي.. وقفت عند المغسله وتغسل يدينها... شوي ويدخل طلال ويوقف بالمغسله اللي جنبها ويفتح المويه ويهمس لها/لمي شعرك سحاب بلعة ريقها من الخوف وماقدرت حتى تلتفت عليه/.. طلال بالحاح وبصوت همس/لمي شعرك والا تبيني ألمه لك سحاب لمته بسرعه ويدينها ترجف/... طلال طلع...وشاف خالد توه واصل وسكر على سيارة سحاب،رجع لها/شوفي خالد جاء وسكر عليك بروح اقوله يبعد سيارته علشان ترجعين البيت فاهمه سحاب ماكانت تناظر بوجهه من هالموقف اللي ماحسبت له حساب..ضربت يدها على الجدار من الحره،وهي ساكته.. ~عند خالد~ طلال /خالد ابعد سيارتك عن صقر،ترى يبي يطلع بعد شوي خالد/وكي بس نبهه على كفرات سيارته الخلفيه تعبانه ووحده اظن مبنشره طلال ناظر/اي والله صادق خالد/نبهه بس لا تنسى طلال/لا مانيب ناسي.. ~ رجع طلال لها/صقر اقصد سحاب انا ابعدت سيارة خالد عنك بس ترى سيارتك فيها... سحاب قاطعته وراحت ركض لسيارتها وركبتها ومشت مسرعه وهي تبكي من احراجها/ طلال خاف وركب سيارته ولحقها/يابنت لا تسرعين وقفي محد بيلحقك.... سحاب شافته يلحقها وجن جنونها وضغطت على البنزين وزادت سرعتها،لها كم سنه متنكره ومحد كشفها غير طلال،حبت تبعد عنه/.... طلال اشر لها بالنور وما خففت سرعتها/يا بنت انتي بايعه روحك طلع جواله واتصل على رقمها/ردي علي ردي سحاب شافت جوالها يرن وتشوفه طلال وتقفله و ترميه على الطبلون... [الطريق فرعيه وفاضيه] سحاب حست بعدم توازن السياره وماقدرت تسيطر عليها ...، طلال حس بالرعب في هاللحظات/ هذا اللي انا خايف منه،يارب سترك يـــآ رب....سحاب تكفيين لا تهورين تكفين سحاب ماقدرت تتحكم بالسياره وانفجروا الكفرين الخلفيات وانحرفت بقووه عن الطريق ودخلت في الرمل واحدث فووضى بقطع التواير اللي غطت المكان... المكان الآن اشبه بعاصفه رمليه وماينشاف شيء.. طلال صوت نبضات قلبه صار يسمعها بأذنه ويبلع ريقه بصعوبه وهو يتلفت يبي يشوف سيارتها ومو قادر يشوف شيء...وألف سيناريو حزين جاء بباله..شكلها انقلبت او دخلت في الكثبان الرمليه اللي بجوانب الخط او..او.... لحظات وهدأ الغبار ولاحظ فلشر سيارتها يأشر من بعيييد عن الطريق مسافه بعيده.. اتجه مسرع لها ونزل وراح ركض يدورها وينادي باعلى صوت/سحاااب..سحاااب لقى باب سيارتها مفتوح لقى شماغها بس هي مو موجوده„تلفت/سسحااااب صار يدور ويدور حوالين السياره،........ / / / انتهى الجزء الحادي عشررر... / | ||||
|
| |
|
06-12-13, 08:24 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الثاني عشر~ <<< يتبع ولقاها جالسه على ركبها وشعرها كله منثور ومو مستوعبه اللي صار لها وماتدري شلون نجت من حادث محقق„وتتذكر اخوانها مالهم احد غيرها ..غير عم جشع !! طلال جلس قبالها وحط يدينه على كتفيها وهزها/سحااب انتي بخير؟! إذا انتي بخير ناظريني؟ سحاب من خوفها ماقدرت ترفع راسها وتناظره/ طلال مد يده لدقنها ورفع راسها لين صارت عينها بعينه/سحاب سحاب تحركت شفايفها بتبكي وبنبرتها الانثويه الطبيعيه/طلال ماراح تأذيني صح يا طلال؟! طلال بيهديها/لا ماراح أأذيك سحاب/وعد يا طلال طلال مو مصدق انها بهالنعومه كلها/وعد... سحاب ارتاحت لأنها اصلن تعرف اخلاق طلال "إنسان نبيل"/ ابي اروح البيت تكفى طلال نزل شماغه وحطها عليها/لا تقولين تكفى،اكيد بوديك لبيتك اجل وين متوقعتني بوديك،يلا اخذي شماغي وغطي به شعرك سحاب اخذت شماغه وسوت مثلما قال وركبت معه السياره وعم الهدوء للحظات وكل واحد يفكر وش راح يسوي بعد اللي صار/ [كانت ليله طــويله بالنسبه لـ سحاب] / / / / / صباح اليوم الثاني على الفطور... بيت بو راكان ....صحى بدري وبدل ونزل مستعجل يبي يفطر ويلحق الاعمال الميدانيه اليوميه قبل لا يروح المؤسسه...وبنفس الوقت يفكر شلوون يتعامل مع سهام ويخليها تتأقلم مع وضعها الجديد ويخلي العايله تتقبلها... ع السفره~ راكان/يمااه شفتي سهام ام راكان بدون نفس/ايه مابعد تصحي راكان طول الليل يفكر بخطه ذكيه تخلي امه تحب سهام/يمه ترى جارتهم قالتلي ان سهام المسكينه تعبانه ام راكان بدون اهتمام/انا هالبنت مالي شغل فيها راكان/يماااه ام راكان وهي تتذكر العنود وتنقهر منها لان العنود كانت محبوبه من الكل/شووف هالبنت لا تتعرض لي ولا اتعرض لها فااهم راكان حس باحباط/ موب مشكله اتركيها ازين ام راكان/والله بنت ماندري شلون تربت ومن عرفت بحياتها وندخلها بيتنا ببساطه راكان/يمااااه على شان خااطري تجملي ام راكان/علشان خاطرك بحااول اتجمل راكان/يعني اروح دوامي وانا مطمن ام راكان/ايه يا وليدي اقبل بوراكان وجلس بصوته الكبير/السلام عليكم الكل/وعليكم السلام بوراكان/وراها سوالفكم مع هالصباح حاميه ام راكان تبي تفاتحه بالموضوع/بوراكان قول لا اله الا الله بوراكان/لا اله الا الله سبحانه..وش براسك يا ام راكان راكان ببتسامه/باختصار يبه وبدون كثر بربره مالها داعي...ابي ابشرك اني لقيت بنت عمي محمد وجبتها للبيت بوراكان ماصدق/وشووو ام راكان/العنود توفت وتركت سهام وحيده بهالدنيا..وراكان فديته راح يدور بنت عمه و عرضه ويوم سمع عن بنت عمه راح وجابها لبيت اهلها وولي أمرها اللي هو انت عسى عمرك طويل راكان فرح من كلام أمه/... بوراكان لمعة دمعته بعينه/بنت محمد اخووي راكان اوول مره يشوف دمعة ابوه اللي طوول عمره ماشاف الا قسوته وصرامته في العمل/يبه انت تبكي!! بوراكان/اي والله ابكي ودمعتي تجرح الموق....على الذي رآآح واعلن غيــآبه.... و ابكي من فرحتي يوم عرفت ان بنت اخوي محمد عايشه وعلى قيد الحياة.. راكان فرح من ردة فعله وابتسم/... بوراكان يكمل/انا واخوي محمد عشرة عمر وكان هو اللي تعلمت منه ويوم من الايام اختلفنا وتزاعلنا وغلط عليه فهد ومع ذلك غلطنا بحق العنود اللي هددها فهد انه ياخذ البنت منها لو ماتزوجته بعد وفاة اخوي وما قدرنا نمنعه وهربت وماكلفنا اعمارنا ندورها... راكان انصصصدم وعذر تصرفات سهام/واللحين يبه وش ناوي عليه بوراكان/اكيد وانا ابوك بعتذر من البنت واعطيها حقوقها راكان/وبعدها بوراكان/تجلس ببيت اهلها لين يجيها نصيبها وتتزوج ام راكان في خاطرها(جاءت اللي بتفرق العايله) /راكان انت تأخرت على شركتك يلا قوم راكان/يلا عن اذنكم طلع وهو يفكر بالبنت اللي وراه بالبيت...، / / / *بوسط غرفه يطغي فيها اللون الابيض والسماوي الفاتح و جوها بـأرده و كبيـــره و سريرها بالنص ومه هناك صوفا بيضاء طويله والشبابيك من جهه ومقفله ومستره بالستائر.. قامت سهام وهي تمغط وحاسه بخمووول بجسمها وانتبهت للمكان الراااقي اللي هي فيه ولاحظت حاملة المغذي م ومكان ابر في ظهر كفها وذراعها!!!„ فزت وجلست/بسم الله وش هالنومه هذي اعووذ بالله طافتني الصلوات شافت شناطها عندها قامت واتجهت لها تبي تاخذ فوطه وملابس علشان تاخذ شاور وتتنشط ولقتها فااضيه وراحت للدولاب ولقت ملابسها معلقه فيه/اشوووا مارموهم في الزباله اخذت ملابس وفوطه وراحت للحمام ،كانت مبهوره بكل شيء... *لحظات ودخلت ام راكان تطمن عليها علشان ولدها موصيها وما لقتها خاافت ودخلت وسمعت صوت الماء وارتاحت/اشووى *طلعت وقررت تجيب فطورها للغرفه...، * طلعت سهام ووقفت عند المرايه نشفت شعرها واتجهت للدولاب اخذت سجادتها وشرشف الصلاة حقها وطلت من نافذتها علشان تعرف القبله وعرفتها وسكرت النافذه وبدأت تصلي صلواتها اللي طافتها...، دخلت أم راكان ولقتها تصلي و"تبسمت" بدون ماتحس وجلست تنتظرها وخلت الشغاله تحط الفطور عالطاوله~ * خلصت سهام وقامت وتفاجأت بوجود ام راكان وجايبه الفطور بنفسها لغرفتي(الله يستر) ام راكان بغرور/من امس ما اكلتي شيء الدكتور يقول ناقصك فيتامينات اكلي وبتطيبين سهام جاءت وجلست/صباح الخير ام راكان من طرف خشمها/والله ماظنتي فيه خير من بعدما جيتينا سهام انصدمت،وقررت ترد/انا ماجيتكم ..انتم اللي جبتوني غصب ام راكان/الله يهدي راكان اللي جابك لي عللله سهام تكبت اعصابها/ماتلاحظين انك من يوم جيت تسبيني وتغسلين شراعي وانتي مابعد عرفتي خيري من شري ام راكان وهي تطالع في ملامح سهام”فعلا جميله”/اقوول بس لا تفرحين ترى منتي بمزيونه وراكان حامض على بوزك تاخذينه،راكان خاطب بنت عمه ريم وبيتزوجها ان شاء الله سهام/ومن قااااالك اني ابي اتزوج راكان اصلن من زين ولدك اللحين...انا مخطوبه بعد لولد جيرانا ام راكان ارتاحت/كفووتس سهام/ع الاقل يستاهلني وأمه وطيــــبه مهيب لئيمه مثلك ام راكان عصبت وقامت بتطلع/ام لسانين محد يقدر عليك،لكن هيين يا سهامووه طلعت وسكرت الباب... سهام شربة جرعة ماء من الكأس وهي تنفس بعمق/اففف الله يعيني على ذالعجوز النكديه هذي...خلني افطر علشان اعرف اواجهها ...شكلها بتتعبني وااجد. جلست تفطر، وهي تفكر شلون بتعيش حياتها الجديده بين عايلتها الحقيقيه..وتتذكر كلام أمها لها عن اهلها وجبروتهم(أنتي ماقدرتي عليهم يمه وهربتي بي علشان ماتخسريني،لكن أنا ماعندي شيء اخسره ورااح اواجههم كلهم بقسوه،وقلبي راح اتناساه يا يمه) طرأ عليها ”راكان” وغمضت عينها وتستجمع قواها/يخسى لا هو ولا عشره من امثاله بيكسرني.... / / / / / / قامت سحاب من النوم بدري ...مع انه ماعندها دوام صباحي...وماذاقت النوم طول الليل وهي تتخيل الموقف اللي جمعها في طلال وكيف طلال كشف حقيقة تقمصها لشخصية "صقر".. عبت البانو ماء بــآرد واسترخت فيه وغمضت عيونها وهي تحاول تتناسى طلال وانهيارها ودموعها اللي ماقد شافها احد غير سهام فقط.... هلوسات تعيشها بهاللحظه سحاب ووكأنها في معمة عاصفه قويه ..!!! صوت طرقات باب الغرفه،و مجود ينادي/سحاااب في وحده بالتلفون تبي تكلمك سحاب/قوول بعديين بتكلمك...انا مشغوله حبيبي مجود/طييييب ... / / / / / وازهرت من عقب البطى ارض الصحاري.. وانبتت من كل الزهر شكل ولون.. وامتلت الفياض الممحله عقب جفافها... والضمى وين الضمى.. مابه غير ارض خضراء وحبيبين وسما وقلب من بين الحنايا ارتوى.. وصوت الهوى من الطرب غنى هو حبيبي وكفى،،، هو حبيبي وكفى.. ~~~ صباح يوم جديد وجميل بالنسبه له...، بدأ طلال يومه غير عن كل الأيام..نشاط وحيويه .. الكل لاحظ عليه هالسعاده من ابتساماته اللي ما تغير..وتقبله لأي مشكله وحلها بسرعه..، دخل يده في جيبه وطلع جوالها وهو يتبسم/حظك يوم تضمك كل شوي بين اياديها.. تذكر شيء وطلع جواله واتصل عليها يبي يشوف وش مسميته عندها... وتفاجأ أنها مسميته”القنـاص” .. ((قناص مرّه وحده هههههه؟!)) / / / / / / صاحيه سـآره من النوم بدري... وبيدينها بنتها وترضعها/وين ابوك من البارح ماشفته؟!!!...شفيه كل ويك اند مشغول لدرجة ينام براا!!!! اتصلت عليه ومايرد...... الله يستر على حبيبي<<<<هذا اللي قالته ساره / / / / / في فرع اكبر البنوك...، يمشي بين المكاتب ومعه اخوه يكلمه/يا بجاد صعب اللي انت تقوله.. بجاد/عزام حنا شركه كبيره ولها اسمها اللامع في السوق وتمويلنا في ضمانه عزام بجديه ورسميه/ع العموم قدموا دراسة جدوى لادارة البنك وهي بتسوي دراستها و بتقرر بجاد/اووكي بس تكفى نبي مساعدتك عزام/انا مجرد موظف بسيط هنا لا اكثر،وماعندي صلاحيات بجاد/ماعليه حاول عزام/انت قدم الدراسه اللي قلتلك عليها وتبشر بجاد/اووكي..تعال متى بتزور اعمامك، ترى الكل يسأل عليك عزام/مو مشكله ماني فاضي حاليا...لكن اوعدك يشوفوني قريب بجاد/متى يعني عزام/قلتلك قررريب ويلا توكل على الله لانك ضيعت وقتي بجاد/ههههه طيييب نشرب هالطرده سلااام عزام ابتسم له بهدوء وسرعان ما اختفت الابتسامه(ماراح تشوفوني لين تشرف السنيوره خطيبتي العتيده ”خريجة بريطانيا”..وبعدها راح تعرفون انا مين ووش اشتغل ووين وصلت له) [عزام له قصة انتقام اخرى ..سنعرفها في سياق الاحداث] / / / / في بيت سحاب.. منال ومعها ديم دخلوا بعدما فتح لهم عزوز /عزو وين اختك عزوز/اختي سحاب في غرفتها من البارح ومانزلت ديم خافت/يمااه لا يكون صاير لسهام شيء منال/تفاولي بخير...تعالي نروح ونشوف شعندها.. عزوز/حاولنا ونادينها وماتعطينا وجه ديم دخلت مستعجله/الله يستر... منال لحقتها/سسسحاااااب...يا سسحاااب ديم وتطق على الباب/سحاااب افتحي يا سحاااب منال/بلييييز سحااب افتحي فتحت باب الغرفه وكانت لابسه روب الاستحمام الزهري وشعرها مبلول ومنثور ومستغربه/خيرر يا جماعه وش هالمظاهره اللي عند باب غرفتي من الصبح...؟!!!!! منال/اي صبح يا ماما الساعه١١ونص ديم/سحاب ووجع ليش ماتردين على اتصالاتي سحاب تركتهم وراحت تاخذ مرطب الرجلين وتدهن رجلينها وساقها/يالله الواحد مايقدر ياخذ لنفسه فترة نقاهه..يختلي بها عن العالم منال/اي نقاهه بهالوقت سحاب بلا مبالاة/نقاهتي انا...والله مادريت ان النقاهه لها وقت محدد وطقوس معينه منال/ اللي اقصده اننا من امس وحنا فاقدين سهام،وماندري وينها،حتى انها قالت بتزورنا ولا زارتنا...!! سحاب تفاجأت ووقفت على حيلها/سهـآم!!! منال/امي بتنهبل عليها،تقول مو من عوايدها تقطعنا ديم/انا خايفه عليها كثير.. خصوصا" بعدما سمعت من هالغثيث مفلح وهو يزور ابوي وسألني يقول ان سهام دخل عليها ولد من الكباريه سيارته اعتقد قال مدري شسمها بس ماقد سمعت بها،واخذها معاه بشناطها..ويسأل من هاللي اخذها سحاب ماصدقت/مو صحيح انتم تتوهمون..ومفلح هذا كذاب منال بإحباط/لا مو كذاب..لان زيد سأل راعي البقاله وقاله ان هالكلام صحيح. سحاب جلست منهاره ومو قادره تستوعب/سهام ماتروح وتخليني..ماتروح وتخليني...انا بدور عليها لازم ادور عليها.. ديم جلست جنبها تواسيها... منال/الله يحفظ سهام وين ما راحت / / / / / وقت بعد الظهر~ بوراكان/يا ام راكاان وينك ام راكان جاءت ووراها الخادمه جايبه القهوه/هلا سعد انا جيت بوراكان/وين سهام شدعوه مابعد قامت للحين!! أم راكان/بلى قامت من بدري..وبتجي اللحين بوراكان/ليش ماتغدت معنا ام راكان وهي لاويه بوزها/تقول مالها نفسس بوراكان/شكلك انتي رحتي وسديتي نفسها بكلامك ام راكان/اناااا لاااا حشششى صوت طقطقة كعب واحد نازل من الدرج.. ام راكان/هذي هي جااات ست الحسن (يمال الوجع على صوت كعبها جعله ينكسر) بوراكان شافها اقبلت واختلطت مشاعره وقف لها وهو مو مصدق ان بنت اخوه الوحيده كبرت وصارت عروس/هلا ببنت محمد اخوي هلا اررحبي سهام كانت حاطه على راسها طرحه تحسبا لراكان ولابسه جلابيه مخصره تهبل عليها لابسه صندل كعب لزوم الرزه، قربت و كانت خايفه بس بشاشته ولمعة عينه خلتها ترتاح حبت على راسه وقبلة يده/السلام عليكم عمي بوراكان/ياهلا وعليكم السلام تفضلي يابنت محمد هلابك والله سهام تفاجأت بطيبته(الله يستر من تاليتها بس)!!! بوراكان/الليله عزيمه كبيره على شرف قدومك مره ثانيه لاهلك سهام/تسلم ياعم مولازم بوراكان/الا لازم ونص انتي بنت محمد بن راشد العباد وبعد لا تنسين علشان عمانك وخوالك يجون يسلمون عليك وتتعرفين عليهم سهام تورطت وخايفه تقابل كل هذول الناس/.... **صوت باب الفيلا انفتح وتحنحن ودخل/ سهام اسستحت ما تعودت تجالس رجال من دون عبايه ومنحرجه تقوم من عند عمها... راكان اقبل/السلام عليكم الكل/وعليكم السلام ام راكان/شلونك حبيبي راكان انتبه لسهام/بخير يمه......شلونك اليوم سهام؟ سهام متلثمه بطرف الشيله و بدون تطالع فيه/تمام ام راكان أنقهرت وغاارت منها وسااكته(انآ اللي انشدك وتروح تنشد عن الغريبه هيين) راكان جلس/ان شاء الله مرتاحه عندنا يا سهام ام راكان تلقفت/اكيييد بترتااح،اجل يحصل لها هالعز وماترتاااح بوراكان بصوت حازم/هيااااء ان ماسكتتي ياويلك انتي..نص هالثروه تراها لها...يعني انتي عايشه بعز ابوها واهلها ام راكان زعلت/انا تهيني علشان هالحشره راكان/هدوا ياجماعه بو راكان/هيااء ترى سهام علشان عمها اللي فاجأها بطيبته بتهدي الوضع قاطعتهم/انا اسفه اذا الوضع بيخرب حياتكم مع بعض انا اطلع احسن راكان خز سهام بنظرات ناريه/امان البنت بيت اهلها ام راكان/اصلن هي مخطوبه لولد جيرانهم وقريب بنفتك منها ان شاء الله بوراكان عطاها نظره ناريه ام راكان خاافت وقامت بسكات ومششت... هدوء عم الجلسه.... راكان للحين يفكر بكلام امه(سهام مخطوبه من ولد جيرانهم!!..شلوون وسليمان) سهام/عمي تبي قهوه اصبلك بوراكان قام /لا وانا ابوك بروح ارتاح شوي ولاتنسين تجهزين الليله للعزيمه حقتك سهام/ان شاء الله عمو راح بو راكان~ راكان يطالع طولها وجسمها الخخخقه من دون عبايه..،وشكلها وهي حاطه لثام قدامه مغررري سهام حست ان جلوسها ماله داعي وفزت واقفه/عن اذنك راكان/لحظه يابنت سهام سفهته و ماردت لانه ماقال اسمها... راكان ماتعود احد يسفهه/سهاام سهام وقفت والتفتت/يا نعم راكان وهو عاقد حواجبه/انتي بعد مخطوبه صدق مثلما قالت أمي سهام بنظرات خققته/ايه راكان/ومن هالعريس ان شاء الله غير سليمان الفواز سهام بلعانه تبي تبرد حرت امه فيه/وااحد اررجل منك وااوسم منك راكان وقف على حيله/افاااا وليه الغلط عااااد سهام ببرود/ككيييفي. راكان يحاول يتحكم في عصبيته/طيب من هو وش اسمه لازم يتقدم والاصول نسأل عليه سهام ببتسامة نصر/زيد ولد جيراننا راكان/اهااا... سهام/يلا عاد لاعة كبدي منك ومن امك بروح مشت وتركته...، راكان جلس يفكر/ارجل مني هاااه...هين انا بوريك الرجوله.. قام واتجه لغرفته.. / / / في بيت سالم راشد_ الاخ الثاني لبو راكان ريم لابسه ترينق ابيض وجالسه على طرف سريرها وتكلم بتلفونها من سااعه/اي سموحه...اوووكي بحاول اطلع اليوم.. سماح بالجوال/لا تقولين ان حبيبك توتو تزوج.وانتي جالسه تبكين عليه ريم خنقتها العبره/آآه مابعد تزوج،بس اكيد بيتزوج،اصلن كلما جاء طاري زواج حطيت يدي على قلبي لا يكون هو سماح/ياقلبي عليك،طيب اطلعي تمشي وغيري جوك ريم/مالي نفس. ام راشد دخلت/انتي هنا ولي سااعه ادورك ريم/يلا سموحه باي اكلمك بعدين امي تبيني بااي ام راشد/وينك اناديك من ربع ساعه ريم بتأفف/شفيييك يماااه يعني وين برووح بذمتك ام راشد/قومي تجهزي ترى الليله عند عمك بوراكان عزيمه كبيره ريم لوت بوزها بلامبالاه/واذا يعني وش الجديد ام راشد/الجديد ان بنت عمك محمد طلعت عااايشه وزووجك المستقبلي هو اللي راح يدورها و يجيبها والليله العشاء على شرفها ريم دبت الغيره في قلبها/وشوو رااكان جايبها بنفسه ام راشد/ايه ياحظي....وتاركك هنا ولا يسأل عنك ..وعمره ماقال ياعرب بتزوجها.. عمرك وصل27 وللحين جالسه بدون زواج.. ريم/يمااااه انتي تعايريني...ترى ماوقف سوق الخطاب،ولولا راكان خاطبني والا كان متزوجه من سبع سنوات ام راشد/حسبي على راكان اللي علقك ريم بزعل طلعت من الغرفه متضااايقه/انا بروح اقعد مع راشد قبل لا يرجع لامريكا احسن لي دخلت خلود زوجة راشد/خاالتي شبلاك على ريم حراام عليك ام راشد/شسوي ياخلود من حرتي عليها ~~~٪~~ / / / في ملحق البيت~ درعمت تدور راشد وقلبها يبي يشوف الحبيب قبل يسافر/رشووود رشوود تركي بلع ريقه وهو يشوفها مدرعمه ماتدري عنه وهو بالجهه اللي على يسارها وماشافته،جالس يتفرج ع الحبيبه ويشرب شاهي.. ريم ماشافت احد ولقت التلفزيون شغال وجلست تتفرج/هنا ابرك لي من داخل تركي وهو يدقق في تفاصيلها/افا من مزعلك؟! ريم ألتفتت بخوف/تررركي..!! تركي/اخوك طلع مشوار وبيجي اللحين ريم قامت بسرعه وهي تغطي وجهها بيديها مستحيه... تركي طالع شكلها وهي تهرب ونظراته تقول(آآآه ياقلبي بس..لو منتي محجوزه لراكان والا انتي زوجتي من سنين) / / / / / دخلت ريم وهي ترجف وقلبها يدق بسرعه/ عاد تركي عااااد يووووه ام راشد/وش بلاتس تكلمين نفستس ريم جلست وتاخذ نفسها/رحت للملحق ابي راشد ولقيت تركي خويه ام راشد/الله يقطع ابليستس ريم/يماااه شدراني انه هناااك ام راشد راحت/مامنك فاايده. ريم اخذت نفس طويل واسترخت على الكنبه وصورة ”تركي” ببالها وتكلم نفسها وتتبسم (آآآه ياقلبي) ريم تذكرت تويتر وفتحته تشوف حساب تركي ووش مغرد!! تفاجأت باللي شافته مغرده عنها [لمحتها اللحين من لامن ضحك سنها / اخذت من ضحكته للشوق تصبيره / عود علي جعل من جابوك في الجنه/ مقاطعك ذنب ومواصلك تكفيره>>لبيه ياr] ريم تنهدت ونزلت دمعتها(لبيه يا انت) / / / / #وقت العصر راكان/هلا وغلا بعمتي نوره اسفرت وانورت نوره/منور بوجودك يالبى قلبك انت،محد ذرب في عيال خواني الا انت ههههه راكان عدل شماغه/تربيتك هههه نوره/قل امين راكان/امين نوره/جعلي ارقص في عرسك على ريم عن قريب راكان ابتسم/كيف كانت لبنان نوره/زينه ومطر واستانست مع ام حمد راكان/ززين انك رحتي وغيرتي جو نوره تلفتت/اي والله .....الا وين أمك وابوك راكان/امي اكيد مع الشغالات في المطبخ تخبرين عزيمه كبيره وكذا نوره/اي صح وش المناسبه راكان،ببتسامه/جمدي قلبك للمفاجأه ترى ماتتخيلينها نوره/انططق قووول وقفت قلبي راكان/اووكي بقولك اجلسي نوره جلست تسمع....، / / / في غرفتها واقفه ”سهام” عند المرايه وتقايس ملابسها تبي ااحسن لبس لهالليله.. هي عارفه انهم كلهم هاي كلاس/مشكله والله ماعندي شيء عليه القيمه....ومحتاجه سحااب بهاللحظه،هي اللي تعرف تتصرف لبى روحها...حتى جوالي مدري وينه شكله اخذوه مني يوم اغمي علي.. طق باب الغرفه~ سهام اخذت نفس عميق/ياليييل مطووولك...رجعت لي مره ثانيه راحت تفتح/هلا نوره واقفه ودموعها تصب،وتكلم بصعوبه/سهام بنت محمد والعنود؟!! ماصدق سهام خنقتها العبره من شكلها المنهار، ومسكتها تهديها/ايه انا سهام.. شفيك تبكين من انتي؟! نوره ضمتها بقوه/أنا عمتك نوره صديقة أمك الله يرحمها واخت ابوك.. سهام تذكرت كلام أمها عن طيبة عمتها نوره وبكت،وهي تضمها.. / / تحت~ ام راكان/عمتك راحت لسهام راكان/ايه وكانت تبكي ام راكان/والله عااد من زين سهام..طقاق فيها راكان/يمااه ام راكان/ياليتها تاخذها معها في جناحها وراء الفيلا ابرك من شوفتها كل ساعه هنا راكان ارتفع ضغطه منها ومشى....، ام راكان/راكان وقف راكان وقف والتفت عليها/وشو بعد يمه ام راكان/لاتنسى التورته اللي حاجزينها اتصل عليهم وذكرهم راكان/تووني متصل عليهم وراح يوصلونهابالوقت المطلوب... ام راكان/حلو....اجل شيك على العوده اللي بمجلس الرجال اخاف خلصت وانا مادري ونتفشل ترى خوال سهام جايين ومن زمان مادخلوا بيتنا.. راكان يحب اهتمام أمه بكل تفاصيل عزايمها وتنظيمها المميز واهتمامها ببرستيجها وضيوفها حتى لو هي ماتحبهم/ابشري يمه طلع راكان..، ام راكان تذكرت شغله مهمه ودخلت تسويها/ الله يهديك يا ندوش بالله هذا وقت تسافرين فيه افف.. / / / / عند سهام وعمتها نوره„ نوره،ببتسامه وهي تتأمل ملامح سهام/باقي سوالفنا خلينا بكره نكملها اللحين قوليلي وش بتلبسين الليله،ترى هاااه لازم تطلعين اكشخ وحده.هههه انتي بنت محمد اخووي الغالي سهام بابتسامه/شرايك باللي انا لابسته ترى احسن شيء عندي نوره استغربت/لا لا مايصير ياسهام مايصلح.. سهام مدت بوزها/ماعندي غيره واصلن قليل اتسوق للمناسبات نوره تذكرت/أنا شاريه فستان هديه لـ سديم ودامها ماجاءت بإجازة الكرسمس هالسنه ألبسيه انتي سهام/لا مايصير نوره/هههههه اجل يقعد الفستان محد يلبسه لاتخافين بشتري لها غيره،يلا يابنت شووي واجيبه لك... سهام وهي خجلانه/اووكي طلعت نوره وشوويااات والا جايبه معها كيستين كبار وحطتهم على السرير/تعالي اوريك سهام/عمتي وش ذا كله نوره/انا جايبه اغراض من السفر وهذي هي..وبالنسبه للميك آب انا اللي بسويه بنفسي وثانيا ترى انتي بتنتقلين تعيشين معي في ملحقي بطرف الفيلا بنفس الحوش سهام/هههه هذاك البيت تسمينه ملحق نوره/ايه لانه تابع للفيلا الكبيره وبنفس الحوش يعني ابيك تسكنين معي علشان تاخذين راحتك وراكان بعد ياخذ راحته سهام/بهذي صدقتي احس اني محبوسه بالغرفه هذي نوره/ياقلبي لا تضيعين الوقت وألبسي خلني احط ميك سهام ببتسامه مستغربه/انتي تعرفيت تحطين ميك اب؟؟! نوره نغزتها/ايييه محسووبتك خبيرة تجميل وصاحبة مركز تجميل نسائي كبيــر سهام استانست/حلوو نوره/يلاااا عااد البسي الفستان سهام شافت الفستان وشهقت/عمتي الفستان قصيررر نوره/اقول ألبسيه هذا من تصميم زهير مراد وبعدين موقصير مرره بس للركبه..يلا بسررعه البسيه سهام استسلمت/اووكي / / / / ”بيت سحاب” كل البنات متجمعات ومعاهم سلاف هالمره..وهي الوحيده بينهم اللي متزوجه...وعرفت ان سهام اختفت ومايدرون وين!!!. ديم/بنات اشربوا القهوه ترى بردت سحاب ساااكته وموجوعه من غياب سهام وتسمع سوالفهم بدون تعليق ..، منال/تصدقون عاد انا ما ارتحت لخطبتها من سليمان هذا سلاف/الامور مشت بسرعه...مسرع انخطبت ومسرع انخطفت ديم/صارت سالفة اهل الحاره والسبب الشايب العايب مفلح سحاب من بين اسنانها/قص لسان من تكلم بالشينه عن سهام سلاف وهي خايفه من ردة فعل سحاب/سحاب حتى انتي من فتره والناس تحكي فيك..حتى زوجي مانعني لا أجي بيتك ولا اشوفك..بس استغليت سفرته للدمام وجيتك سحاب مستغربه/انا!!! منال عارفه وساكته لانها ببساطه ماتصدق الحكي/.. سلاف/ايه انتي ..يقولون رجال داخلين طالعين عليك!!! سحاب تذكرت طلال وغمضت عيونها وكأنها تبي تنساه/ ديم ببتسامه/قصدهم انتي وانتي تلبسين لبس رجالي وتطلعين وتدخلين علبالهم رفيقك ههههه سلاف/بس حكيهم في سحاب زاد عن حده بصراحه-. سحاب بنبرة واثقه/ماعلى السحــآب من نبح الكـلآب ...اهم شيء انا واثقه اني ماغلطت وشرفي اطهر من اللي حكوا فيه. سلاف/فديتك...ليتني بنص شجاعتك بس..ماكان زوجي يتحكم فيني ومايحترمني سحاب بنص ابتسامه/ههه قلتلك لا تتزوجين وش لك بالرجااال منال/هههه لو البنات بنفس تفكيرك كان البيوت مليانه عوانس سحاب/عانس وحره وبكرامتي اررحم مليون مره من اني اكون تحت رحمة رجل متسلط..لا وسبحان الله داايم المتسلطين شينين وحريمهم حلوات...على قولت المثل شين وقوي عين منال/مو لذي الدرجه عااد سحاب/اقرررب مثال سلاف المسكينه اهلها معها بالرياض ولا يوديها لهم غير بالاعياد..لا وساعات بعد وماخذها...يا شيخه ريحينا بس سلاف/بهذي صدقتي اشتقت لامي والله ديم وهي تطقطق بجوالها/سحاب شوفي جوالك يمكن اتصلت فيك سهام سحاب شهقت وتذكرته/جوااالي....سيارتي منال/ايه صح ماشفناها وينها؟!! عزوز جاي برا وينادي/سسحاااب سحاب التفتت عليه/نعم حبيبي عزوز/طلال بالمجلس يبيك وجايب سيارتنا معه بعد.. الكل التفت على سحاب وناظروها بابتسامه ونص عين/هااااه سحاب قامت بجديه/لا تناظروني بهالنظرات مابيني وبينه شيء..فزع لي بالخط وصلح سيارتي.... الكل/هههههههه سحاب وهي تلف طرحتها وتلثم/وش تضحكون عليه ديم/مشكلتك اننا من فتره نشوف طلالوووه يتردد على بيتكم على اساس انك صقر...يا صقر ههههههه سلاف/احم احم...وتفلسف وما اطييق الرجال سحاب/افهمي انا صقرررر هذا اللي يعرفه هو سلاف/طيب ليش طالعه كذا سحاب غمزت بابتسامه/اخت صقر ههه الكل/هههههههههه سحاب/خلني ارووح بس.. طلعت.... سلاف/شقصة طلال يا بنات ديم بابتسامه وقصرة صوتها/يهبلللللللل ي بنااات يخققق منال وسلاف تحمسوا/قووولي قسسسم.. ديم اعجبتها ردة فعلهم/هههه وصخااااااات.ههههههه.يعني وحده متملكه والثانيه متزوجه ومع ذلك تحبوون طاري الرجال سلاف ومنال/هههههههه / / / / / في المجلس~ طلال بنص المجلس وجنبه عزوز/شلونك اليوم يا سحاب سحاب جالسه بعيد شوي وجنبها مجود/بخير الحمدلله.. طلال التفت عليها ماقدر يمسك نفسه/البارح خوفتيني عليك،بس اشوفك اليوم حالك احسن سحاب التفتت عليه والتقت عينها بعينه/ماقصرت..كله بفضلك يا الشهم طلال سرح في عينها وماقدر يتكلم/.... سحاب سحرتها نظراته وحاولت تصد وتغير الجو/عزوز روح جيب القهوه عزوز قام/طيب طلال بيمازحها/اعتقد عقب اللي صار والمعرفه بيننا معاد له داعي تغطين مني، سحاب رجعت تناظر فيه بهدوء واثقه/لو كان واحد غيرك قايل لي هالكلام كان ثورت فيه.. طلال/هههههه امززح والله امززح سحاب/بالمناسبه مشكور على تصليحك للسياره، طلال/العفو...واجبنا سحاب/ماقلتلي وين الفاتوره؟ طلال/خلاص دفعتها..مايحتاج سحاب بحزم/مو بكيفك تقول مايحتاج، هاتها بسرعه طلال تعجبه شخصيتها/اوكي بعطيك الفاتوره بس بشرط سحاب استغربت/وش هالشرط طلال/اجيب اهلي يزورونك سحاب فاهمه قصده/طلال قلتلك رأيي بهالموضوع طلال/حاولي تغيرينه حاولي تفكرين شوي وخذي وقتك...بس لا تطولين علي عزوز جاب القهوه وبدأ يصب/... سحاب بواقعيه/طلال انا مابي اعلقك في حبال الهوى الذايبه...انا مالي بقصص الزواج وماني متخيله اني اكون زوجه لأحد...انا انخلقت اربي اخواني وبس طلال/وانا بساعدك وبنربيهم سوى اوعدك سحاب وقفت تبي تنهي النقاش/انتهى الموضوع...ومشكور على تصليح السياره..وبليييز ارسل لي ورقة الفاتوره ورقم حسابك علشان احول لك المبلغ طلال شافها طالعه ووقف/سحااب سحاب وقفت والتفتت عليه/في شيء ثاني طلال وعينه لها بريق/جوالك كان بالسياره..و جبته لكةهذا هو بالكيس سحاب/مشكور طلال وعينه بعينها/امنتك الله.....سلام.. طلع وتركها... سحاب فكت لثامها وهي تشوفه وهو مقفي وتنهد(الله معك يا طلال)... انتهى الجزء الثاني عشر. ماهي التنبؤات في الآيام القادمه على عائلة سهام من جهه وصديقاتها من جهه اخرى... وهل هي نهاية قصة سحاب وطلال؟!! ام هناك اشياء يخبئها القدر...؟! وسهام ووضعها الجديد ونيران ام راكان.؟؟!!! للاحدااث بقيه ... | ||||
|
| |
|
06-12-13, 08:32 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الثــــالث عشر; <<<< فصل جديد في القصه..وعالم جديد ^عزومة أهل سهام على شرفها^ بالليل~ الحريم على اليمين والبنات مقابلاتهم من الجهه الثانيه~ ريم جالسه موب مهتمه/ اختها عروبه/ريم انتي شفتي سهام قبل ريم بلا مبالاة/مابعد حصل لها الشرف اشوفها عروبه/ههههههه ريم/عروبه ليش ماجبتي حمودي معك مالك داااعي والله عروبه/مع جدته.هههه لاتغيرين السالفه،انتي غيرانه من سهام لانها بتعيش مع راكان ببيت وااحد وبيشوفهااا ريم اول مره تفكر بهالشيء عقدت حواجبها/واذا....راكان خطيبي مهما شاف غيري مصيره لي أنااا عروبه/هههه طيب لا تعصبين ريم بدأت تفكر بالموضوع بجديه(وربي يا راكان لو بعد هالانتظار لك والسنوات، تناظر بغيري لأوريك) . . ام تركي حست الاجواء مريحه وتطمنت على ”سهام” ساره جنب أمها/خاااطري اشوف سهام يمه ام تركي/اي والله....الا يا ام راكان وين سهام ونوره مو مبينين ام راكان/اللحين بيجون ام خالد لاويه بوزها (من زينها عاااد نقعد ننتظرها شينة الحلايا) ~ ام راكان سمعت صوت فتحت باب الجناح تبع نوره/ايووه هذي نوره وسهام وصلوا... اقبلت نوره وجنبها سهام بجاذبيتها وطولها وطول رقبتها لابسه فستان دانتيلا ضيق لؤلؤي للركبه اكمامه طويله وفتحت الصدر وااااسعه ومفتوح نص الظهر بس فاكه شعرها سترت اسود ولها غره ،وميك أب ناعم ووروج احمر صارخ.. وعقد ألماس من عند نوره.<<<عمرها ماكانت بهالشياكه الكل وقف لهم ويطالعون في الوافده الجديده!!! سهام وهي تناظرهم بخجل/السلام عليكم الكل/وعليكم السلام نوره ماسكه يدها بفخر/تعالي اعرفك على اهلك سلمت سهام عليهم كلهم وجلست جنب نوره، البنات ببتسامه/هلابك في بنات العايله سهام ردت بابتسامه/تسلمون ريم ببتسامه ارتااحت لها/سهام حلو اسمك سهام/كلك ذوق بعد اسمك حلو ريم/اسمي لو هو حلو الكل يعرفه ومنتشرر بس انتي كشخه مميز سهام ابتسمت لها... ام تركي/والله وكبرتي يا سهام كنت اذكرك نونو هالقد الله يرحم الوالده سهام تذكرت امها وخنقتها العبره بس بلعتها..، اقبلت أم راكان وومعها الشغالات شايلات تورته كبيرره ممكتوب عليها بالانجليزيWelcome Seham ام راكان/هذي هدية مني ومن راكان وخوانه لـ سهام الكل صفق ريم غاارت من هالتصرف بس مابينت..، نوره/هههه تستاهل سهام...سهام تعاالي قطعي تورتتك سهام اسستحت وحمروا خدودها... عروبه/يلا سهام قوووومي قطعي التورته والا قمت اقطعها انا سهام قامت بابتسامه وجات بتقطعها نوره/لححظظهةلححظه الكل التفت لنوره/وش فيه نوره نادت ريم/ريم تعالي صوريني مع سهام وهي تقطع التورته بسرعه ريم قامت وهي حاقده على راكان/اوووكي عمتي نوره مدت على ريم الجوال ووبتسامه/يلا صورينا سهام زاد احراجها... ريم لقطت لهم صوره حلوووه وعطتها الجوال وقطعوا التورته واستمتعوا بسوالفهم وسهرتهم اللي كانت طويله وسولفوا وحكوا مع بعض فيها لآخر الليل... **بعد نهاية الحفله الكل راااح ومعاد فيه غير سهام ونوره وام راكان.... سهام حست بتعب من السهره لانها لابسه كعب اتعبها قررت تروح ترتاح/خالتي ام راكان ام راكان/لاتقولين خالتي سهام استغربت ردها!!! نوره/ام راكان وش فيك عليها انتي ام راكان/اقوول بس مالك شغل يانوره كيفي مابيها تناديني خاله سهام خزتها وقامت تبي تمشي/المهم يا ام راكان مشكوره على التورته وكل شيء ام راكان باحتقار/لا تشكريني هذا راكان اللي مهديها لك والا انا والله مالك غير الترااب سهام تركتها ومشت وهي تكبت غضبها/... نوره/سهاااام طلعيلي اغراضك خلي الخدم يوصلونها لجناحي ام راكان/قططيييعه تقطعها من بنت سهام سمعتها وهي طالعه بس ما ردت/... نوره عصبت عليها/هياااء بسسسك على البنت خفي عليها ترى هي موب ضرتك اعتبريها وحده من بناتك ام راكان/تخخسسي معاد الا هي نوره/اقوول بس ياصبر الارض يا هياء / / في نص الدرج وقفت سهام والعبره خانقتها تنهدت ونزلت دمعاتها وحاولت تمسحهم ومشت وحست مو قادره تصبر اكثر مع ذالكعب العالي، فصخت الصندل العالي ومسكته بيديها واتجهت لغرفتها وهي محبطه وتمشي بهدووءها..، بهاللحظات طلع راكان الدرج وشاف مقفاها من اقدامها لسيقانها لخصرها وشعرها المنثور وهي ماسكه صندلها،شكلها وهي مقفيه مع جسمها الرويان يفتن،..<<فتح فمه دخلت سهام غرفتها وسكرتها بهدووء„ راكان اخذ نفس عميق وراح لغرفته مستعجل... ” في غرفتها~ بدلت ملابسها وجهزت اغراضها سهام وتركتها بشناطها علشان يودونها الشغالات لجناح نوره..،تذكرت شيء ودورته بأغراضها وما لقته!!/وين جوالي؟!!! من جيت هنا وانا ادوره.ابي سحاااب / / في غرفته راكان ومحتااار شلون يكلمها!! قرر يطلع ويواجهها واخذ الجوال ... فتح باب غرفته واتجه لها .... بنفس اللحظه سهام فتحت باب غرفتها وطالعت وهي تعدل لثامها... ألتقوا في النص ووقفوا متفاجئين...!!! سهام/انت؟! راكان/انتي؟! سهام/انا كنت.. راكان بنفس اللحظه/انا كنت... سهام سكتت وهو سكت راكان استحى/يلا قولي سهام استحت/حبيت اسألك عن جوالي اذا سمحت ممكن ترجع لي راكان رفع يده ببتسامه وهو ماسك كرتون جوال جديد/تفضلي انا جاي ابي اعطيك جوالك سهام اسستغرربت/هذا اي فون5.....هذا مو جوالي يا راكان لاتلعب باعصابي راكان يصرف الكذبه/اسف بس جوالك طاح وانكسر واستحيت اقولك وهذا بدال اللي انكسر سهام انحرجت/بس هذا غالي راكان/يرخصلك سهام انحرجت/لا بجد كم سعره راكان/مااشي خليها ع الحساب سهام مدت الجوال عليه/راكان آسفه ماراح اقبله راكان/اوكي اوكي معك10000 سهام/كييييف راكان ببتسامه/2000 بسس سهام فتحت الجوال/عطني رقم حسابك راكان/ليش؟!! سهام/بحولك قيمة الجوال راكان/شوفي يابنت عمي لا تنسين انك صاحبة ذالعز هذا كله،يعني الجوال هذا من حلالك صدقيني انه ماكلفني شيء واعتبريه هديه مني سهام سمعت عمتها تناديها/اوكي بس ترى لازم اردلك الهديه راكان ببتسامه/مو مشكله سهام/عن اذنك راكان/باي نزلت سهام وراكان يتابعها بعيونه.....، / / / / جناح نوره~ نوره ببتسامه/شوووفي يابنتي هالغرفه هذي بتكون غرفتك سهام استغربت/بس عمتي هذي غرفتين وكبيره نوره/ههههه هذا مكانك تجلسين فيه وترتاحين وتقدرين تعزمين صديقاتك هنا وهذي غرفتك تنامين فيها يعني هذا عالمك الخااص.. سهام ناظرتها ببتسامه ودمعه/مشكوره عمتي نوره بابتسامتها/شدعوووه انتي بنتي، سهام نزلت دمعتها/كانت امي توصيني قبل لا تموت وتقول اذا ضاقت بك الدنيا والا احتجتيني روحي ودوري عمتك نوره،فعلا ياعمه ماتغيرتي انتي مثل خبر امي ،حنونه وطيبة قلب نوره بكت ومسحت دموعها/الله يرحمك يالعنود كنت انا وياها مثل الاخوات ،الله يرحمها.. سهام/اميين نوره تبسمت ومسحت دموع سهام/يلا يا بنتي ارتاحي ونامي بكره ورانا شغل سهام استغربت/شغل!! نوره/اي شغل راح اخذك المركز اوريك مكان عملي ويمكن يعجبك الوضع و تشتغلين معي سهام/حلو نوره/يلا تصبحين على خيرر سهام/وانتي من هله اخذت جوالها الجديد وهي تتخيل نظرات راكان وتتبسم/خلني اتصل على سحاب واتطمن عليها...لا مو اللحين الوقت تأخر حييل،خليها لبكرا ان شاء الله... / / / / #الساعه 2 بعد نص الليل~ بيت ”بو طلال” طلال جالس بالصاله والافكار الشارده توديه وتجيبه...محتار في أمره.. طلعت ريم من غرفتها وبيدها جيك المويه ونزلت تحت تبي تروح للمطبخ و شافته وفررحت/طـلآل طلال التفت لها/هلا ريم اتجهت له وجلست عنده وهي شاقه ابتسامتها/... طلال استغرب تصرفها/شفيك تبسمين ببلاهه ههههه ريم/ههههه بلاي من زماااااان ما شفتك كذا بالبيت مستريح ومنت مستعجل طلال سكت ببتسامه/... ريم/طلال فيك شيء؟ طلال هز راسه بالنفي/لا...ليش تسألين ريم/شكل في موضوع شاغلك ومو مخليك تنام.صح؟ طلال/لا مو بالضبط ريم/معناته في شيء طلال/هههه ريم/اوكي فضفض لي ..احكي وش مسهرك طلال فكر يقولها ومتردد/.. بهاللحظات نزلت ام راشد وشافت ريم جالسه مع طلال وعقدة حواجبها/ماشاااء الله يا ريم وش مسهرك لهالوقت ريم/جالسه مع طلال..تعالي يمه اسهري معنا..بروح اجيب لنا قهوه ام راشد/لا مابي اسهر ويلا قومي لغرفتك بسرعه ريم/يماه شفيك انا كبرت..ترى عمري 27 مو سبع سنوات ليش تعامليني كذا طلال ببتسامه/يمه خليها شوي ام راشد/انت تسكت وولا كلمه أنا اتكلم مع بنتي لا تحشر نفسك طلال قام رغم جرحه وبأدب/آسف يمه ماقصدت ام راشد بعصبيه غير مبرره/أمك في عينك،قال امي قال طلال ببتسامه/ تصبحين على خير يالغاليه بروح لغرفتي علشان ماتضايقين مني طال عمرك.. ريم/طلال وقف اقعد شوي طلال مر من جنبها وباسها على خدها/تصبحين على خير حبيبتي ريم حزنت عليه/وانت من هله حبيبي طلع طلال لغرفته وتركهم...، ريم/يماااه ليش سويتي كذا مع اخوي طلال حرام عليك ام راشد وماشيه وتركتها/حرمت عليك عيشتك انتي واخوك طلال. ريم/يمااه انتي ليش ماتحبين طلال؟ ام راشد وهي رايحه وسافهتها/حبك برص ريم اخذت جيك المويه وراحتك للمطبخ وهي تفكر بنفسية طلال حاليآ/فديته اللحين متضايق... / / / بغرفته .....، بدل ملابسه واستلقى على سريره وتوسد يدينه الثنتين وهو يناظر بالسقف...صورتها والمواقف والمغامرات اللي جمعته معها كلها تنعرض قدام عينه...اخذ جواله من على الكمدينه وكتب لها رسالة sms....وسكر جواله وحطه على الكومدينه وعينه عليه ينتظر الرد........ / / / / / بنفس اللحظه ولكن ببيت ”سحاب” كانت جالسه بنص سريرها،تنتظر اي خبر عن سهام وبالها مشغول عليها... سمعت صوت مسج على جوالها..فررحت وفتحته بسرعه وتفاجأت انه من طلال ومرسل لها مسج مضمونه بيتين شعر.. [ مقدر ٱجنب عنك ولا أقدر أخليك وأرتاح لامن صرت حولك وجنبك يعني على ما قيل حول? حواليك ما?وب ذنبي .. يابنت الأجواد "ذنبك"] سحاب تأملت الابيات شوي وسكرت جوالها بدون ترد عليه.وفتحت درج الكمدينه وحطته فيه وسكرته ورجعت تستلقي وتحاول تغمض عينها وتنام. / / / #صباح يوم جديد...، في مكتبه~ جالس راكان ويكلم الموظف/يا بتال انت لازم تروح لجده وتضبط وضع ****اتنا هناك وتراجع الدواير الحكوميه وتضبط امورنا القانونيه بتال محامي/ابشر طال عمرك راكان وهو يطالع الساعه/يلا علشان تلحق ترتاح،طيارتك بالليل بتال/ان شاء الله،،،عن اذنك راكان/مع السلامه. رن جواله رقم ابوه/هلا يبه سهام في الجوال/السلام عليكم راكان راح وطي وخاف /من انتي سهام اسستحت بس مضطره/انا سهام يا راكان، راكان استغررب/خير يا سهام صاير شيء بالبيت والا الاهل سهام/لا الحمدلله كل شيء تمام،بس راكان خاف/شصاير سهام بصوت دافنه الحياء/عمي طلب مني اذكرك، لاتنسى تروح المحكمه اليوم راكان/اااي صح تذكررت...طيب وينه ماكلمني هو سهام/يقول راسه يوجعه مافيه حيل يتكلم بالجوال راكان/ايه..طيب تامرين شيء ثاني سهام/سلامتك. راكان/طيب..مع السلامه / / / / / الساعه 9 دخل عزوز رركض وشهادته معه/سسحاااااب سسحاااب سحاب نزلت تركض وهي خايف/عزووز شلون جيت..ومتى ومع من وليش؟ عزوز/الله كل هالاسئله...جيت مع عبود ولد الخياطه اللي عندكم بالمشغل على سيكله..المهم سحاااب ابي تنفذين ووعدك وتمشينا اليوم مولات العاب تسوق والاهم..سيكل سحاب ابتسمت/بشرني ...ترى اذا اقل من المرتبه الثالثه اسسفه مالك عندي تمشيه عزوز/ههههه لا لا وش المرتبه الثالثه ..وانا اخووك الاوول اموت واحيابه.... سحاب نطت من فرحتها وراحت تضمها/ككفووو ولد اخوي عزوز انبسسسط وهو يوريها النتيجه/هااه استاهل والا لا سحاب/تستااهل ونص..فددديتك / / / / #في بيت بو راكان~ سهام وعمها جالسين يسولفون وهي مستمتعه مع حكاوي عمها..وتكلم بخاطرها(عمي سعد وولده راكان فعلا" رجال وطيبين،ماتوقعت عمي بيستقبلني هالاستقبال،وألح على راكان يسوي اوراق ورثي بسرعه وعلى حياته وقبل الكل،علشان يوفي حق ابوي على العايله..فديتك يا عمي سعد..اهم شيء اني ماشوف عمي فهد..هذا الوحيد اللي ذكرته أمي بالسوء، وقالتلي عن سواياه عمتي نوره..) بو راكان بابتسامه/سهام وانا ابوك سهام انتبهت له/هلا عمي بو راكان/اشوفك سرحانه ومنتي معي سهام/فديتك يا عمي وفديت جلساتك وسوالفك انا اصلن مبسووطه بجلستي معك وهذا شعور بحد ذاته مميز بالنسبه لي،لأنك من ريحة الوالد الله يرحمه بو راكان/الله يرحمه...ومع كذا احس بالك مشغول..قوولي وانا عمك وش عندك سهام بعد تردد/عمي انت تدري انا كنت عايشه بحاره ولي جيران مثل الاهل ونعرف بعض من يومني صغيره...وبصراحه بالي مشغول عليهم وهم بعد اكيد فقدوني،لأني متواصله معهم وانقطعت فجأه بو راكان فهمها/هههه وبس هذا اللي مضيق صدرك وانا ابوك!! سياراتك تحت امرك يا سهام وعندك سايق متى مابغيتي مشوار ارفعي سماعة هالتلفون وقولي شغل السياره انا بطلع،وبس سهام ماصدقت/من جد يا عمي..عاادي ازور جيراني بو راكان/افا عليك ..اكيد هذولي حسبت اهلك دامهم من صغرك عايشين جيران بعض.. سهام قامت وحب راسه/لبى قلبك،الله لا يحرمني منك يا تاج راسي بو راكان ابتسم وهو سعييد انه ادخل بقلبها السعاده/يلا روحي كلميهم وبشريهم انك بتزورينهم،وش تنتظرين سهام/طيب عن اذنك عمي بو راكان جلس مسترخي ويقرأ جريدته وهو يتبسم/... جلست ام راكان وهي تناظر سهام مقفيه من عندهم/شعننندك تتبسم لحالك بو راكان ارتاع منها وعدل جلسته/بسم الله الرحمن الرحيم.. ام راكان رفعت صوتها/ليش؟..شايف جني بو راكان عفس وجهه/شفييك اللهم ياكافي..ليش رافعه صوتك تراي اسمع أنا.. ام راكان/اشوف سهام عندم وش تبي مع هالصباح؟ بو راكان/يا حبك للفضول..بنتي وجايه تصبح علي وتنشد عن علومي وصحتي.. فيها شيء ذي ام راكان بنبرة تريقه/اي شغل تمسيح جوخ بو راكان نزل الجريده وخزها/اقول ياهياء..شغل تمسيح الجوخ مايليق لبنت تملك ملايين..لا أنتي ولا اهلك يحلمون بربعها..فاحسن لك انتي تمصلحي معها وحسني معاملتك معها من اليوم ورايح،ازين لك،لأن اللي مايحب سهام محمد ال عباد مايجلس ببيتها..مفهوووم ام راكان شهقت/تبي تطردني من بيتي علشان هالـ... بو راكان رفع صوته الفخم،وقاطعها/كلمه ثااانيه وبتلقين نفسك مطلقه يا هياء ام راكان غرقت عيونها دموع وقامت منهاره وراحت لغرفتها /....بو راكان هدأ أعصابه/ نوره اقبلت بعدما سمعت اللي صار بس ماحبت تدخل/سعد حبيبي فيك شيء بو راكان/لا وانا اخوك مافيني شيء...بس رفعت ضغطي هالمره نوره ببتسامه/يووه ياخوي هذي هياء من عرفناها لسانها طويل بو راكان/كلما قلت بتكبر وتعقل ..يزيد شرها ونكدها..والله لولا راكان وسلمان وخواتهم والا طلقتها من زمان نوره تبي تغير جوه/اي والله شرايك نتصل على سلمان وسديم في لندن ونشوف علومهم...اشتقت لهم بو راكان/اي والله اتصلي لي منهم اسبوعين نوره انبسطت لانه ابتسم/يلا.. \ / / / / في غرفتها~ اخذت سهام جوالها ،وبعدها ترددت،(خليني اتصل من التلفون الثابت علشان افاجأها) واتصلت بسرعه على سحاب/ سحاب في الجوال/الوه سهام تحاول تغير صوتها وتخلي نبرتها جديه/الوه السلام عليكم سحاب وكأنها شبهة ع الصوت/وعليكم السلام سهام كاتمه ضحكتها/الاخت سحاب الفزاع سحاب عرفتها و خنقتها العبره ماقدرت تتكلم من فرحتها/.. سهام/الوه.. سحاب انفجرت بالبكاء وحاولت تتكلم وبصعوبه نادتها/سهاااام..وينك ياعمري ووينك،......<<جلست تبكي سهام بكت وصارت تمسح دموعها/سحاب احبك قسم بالله احبك..مو بيدي اترك بيتي والحاره..غصب عني والله غصصب سحاب وهي تحاول تهدئ نفسها/من اخذك؟..ووينك فيه قوولي بجيلك لو انك بآخر الدنيا سهام/أنا ببيت اهلي سحاب فرحت/اللي بالحاره؟!!.متى رجعتي انا شوي وجايتك سهام قاطعتها/لا لا...انا ببيت عايلتي واهلي. اقصد قصرهم.. سحاب بلعة ريقها بخوف ووقفت على حيلها/سهاام وأنا يا سهام انا عايلتك واهلك انا اختك يا سهام ليش هنت عليك سهام بكت/ماهنتي علي بس غصصب عني،اخذوني سحاب بدون تفكير/بجيك واخذك،وياويل احد يتكلم..انتي وين ساكنه سهام/لا يا سحاب لا.. سحاب/ماعاد تبيني؟!!!!! سهام/غبيه...الا ابيك بس خليني اتكلم...وافهمي انا الليله جايتك وبالمره بزور ”زيد” فشيله وعدته اني بزوره ومازرته سحاب مسحت دموعها وهي تبسم/من جدك متى بتجين؟ سهام/العصر بكون عندك وبالليل لبيت خالتي ام زيد سحاب/اوكي انتظرررك..احححبببك سهام/هههه وانا بعد باي سحاب/باي .. / / / / طلال طالع من شغله ويمشي بسيارته سرحان ويفكر فيها ،ويكلم نفسه(أشغلتني..جننتني..ليه ماتبي تتزوج؟!..كنت اعتقد ان الناس اللي يضحون بسعادتهم وحياتهم علشان اخوانهم انقرضوا...بس لا.للحين موجودين.والدليل ”سحاب”..„تقمصت دور اخوها وحياته،تربيتها واخلاقها ..وفوق هذا وذاك قوية شخصيه ولها رأي مسموع وعارفه هي وش تسوي...وهذا قليل بالبنات هالايام<<<<صادق 'ـ' [واللي اسعد طلال وخلاه يتعلق فيها اكثر طريقة تعاملها معه قبل لا يكشفها..غير عن باقي الرجال..تسمح له يسلم عليها بالخدين ويمازحها مزح ثقيل وتتقبله منه.. وبعد هذا كله يتذكر دموعها ليلة كشفها ووقت الحادث وهي تترجاه بنظراتها وتطلبه مايأذيها.....] قطع عليه حبل افكاره جرس جوال،وابتسم وهو يرد/هلا حبيبتي ريم في الجوال/هلا باخوي الرومانسي طلال وهو يتبسم/هلا باختي اللي مدري متى بتعرس وبتفكنا ريم/ههههه ابشررك، بقعد على قلبك..خويك مو ناوي يخلص طلال/ههههه..المهم وش عندك متصله اخلصي ريم/احبك طلال/ههههههه ايوه وغيره ريم باندفاع/طفشانه وزهقانه من جلسة البيت وابيك تجي و تطلعني وتمشيني لين الفجر،. طلال/اني دااري كمية الحب هذي كلها مو بلاش هههههه ريم مدت بوزها/طلال الله يخليك تعال طلعني ززهقت طلال/اووكي انا توني طالع من دوامي.بجيك واخذ لي دش وابدل ملابسي وبنطلع سوى اوكي.. ريم بسعاده/اوووكيييي...بااي انتظرررك سكر طلال الجوال وهو يتبسم/فديت قلبك ياريم..والله لو ما راكان رفيقي والا كان تصرفي معه ثاني...صعبه اقوله اتركها علشان ازوجها باللي تتمناه هي..”لان راكان واضح انه كاره نظام المحجوزه”..بس مستحي يقول لابوه واعمامه... / / / / / / يتبع | ||||
|
| |
|
06-12-13, 08:35 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| / / في حارة سهام القديمه... وقفت سيارة لكزس ... سهام/عمتي انزلي معي نوره ببتسامه/فديتك اخذي راحتك مابي احرج الناس سهام/تراهم طيبين وحبوبين بعد انزلي نوره/ادري دامهم جيرانك ويعزون عليك،،بس اخذي راحتك ومتى ما انتهت سهرتك اتصلي بالسايق يجي يرجعك سهام وهي نازله/طيب..سلام نوره/سلام ..الله يحفظك... / / #بيت سحاب... دخلت سهام وهي تنادي/عزوووز...مجووود سسحااب مجود كان جالس ويتفرج على قناة "mbc3" التفت على الصوت وشق الابتسامه وانطلق لها يركض/سهاااام. سهام ضمته/مجوووود هههههههه مجود/سهام وين رحتي سهام/مارحت مكان كنت عند اهلي وهذاني عندك سيد مجود..وين سحاب وعزوز مجود/فووق سهام/اجل تعااال نروح لهم ونفاجأهم شرااايك مجود تحمس/يللااا .،.،.، / / / جالسات ام زيد ومنال ويطالعون سهام ومستغربات ستايلها الجديد باللبس والميك اب و تصفيفة الشعر!! سهام ملاحظه نظراتهم،ابتسمت/جماااعه انا بنت جيرانكم ماغيرها ام زيد/ماشاء الله،مورده... منال/غريبه،اللي سمعته انك كنتي موب راضيه تروحين وسمعوا صوتك الجيران سهام ببتسامه/صحيح ماكنت راضيه بس شسوي مضطره،انا بنت وحدانيه ولازم لي ولي،بس ابشركم،وضعي هناك ممتاز،واحسهم ناس عاديين مثلنا..يعني مو مثلنا بالضبط هههه،يعني احس براحه،خصوصا ان عمتي نوره معتبرتني مثل بنتها.. منال/الحمدلله،حلو الله يسعدك يارب سهام/امين ام زيد/قومي يامنال سويلنا كنافه اللي تحبها سهام سهام/اي والله ترااني مشتهيتها تكفين منال/هههه من عيوني تامروون أمر انتم. سهام/الا وين زيود...مشتاقتله ام زيد/راح مشوار مع واحد من خوياه وبيجي اكيد سهام/اها / / / / / / / في المشغل~ سحاب تستعد للخروج علشان تتمشى مع اخوانها،وتكلم المديره/اوكي انا طالعه منيره المديره/اوكي الله معك بس في وحده عروس تبيك...ودها تستشثرك انتي سحاب بمزاج عالي بعدما تطمنت على سهام/اوكي ليش لا..انا رايحه عشان ما اتأخر ع اخواني مواعدتهم اطلعهم الليله المديره/بالتوفيق... طلعت سحاب من المكتب ومتجهه لغرفة الميك اب.. في وحده منظرها مرريب لابسه برمودا جينز وبدي احمر، جالسه وحاطه رجل ع رجل وتناظر في سحاب بنظرات مشبوهه!! سحاب وهي تكلم العروس/هلا عروستنا سمعت انك طالبتني العروس بابتسامه/هلا بك......سحااب ماعرفتيني انا فاتن سحاب شهقت اول ماتذكرتها/لاااا راعية البيض هههههههه فاتن/يب هههههههههه للحين تتذكرين هههه سحاب/هههههه اصص قسم كل ما اشوف البيض اتذكرك فاتن/امحق ذكررى هههههههههههه سحاب/بالعكس،ههههه من يخطر بباله يجيب بيض ويحطه على كراسي المعلمات في غرفتهم يا مجرمه ههههه والا يرجمهم به ..انتي كنتي فضيعه.. *البنت المشبوهه تناظر في سحاب وتتفصل ملامحها وجسمها،وتسمع سوالفهم بسكاات/... سحاب/ هو صحيح يا بنت؟؟..يقال انك عروس وتبين رايي هههه فاتن بحماس/ييس واخيرآ ابتسم الحظ بوجهي وبعرس هههه عقبالك سحاب/ههههههه جاتني عقده من هالكلمه..من كثر ماتنقال لي.. فاتن/هههه اجل مستعجله والا قد تزوجتي وخلصتي ههه سحاب بغروور/انااا اتزووج....هزززلت فاتن/انتي للحين ماغيرتي رايك..علبالي تصدقين انك تزوجتي اذكر ان ولد عمك يبيك ومبهذل الدنيا عشانك سحاب/يبيني بس مابيه...ولا ابي الزواج اصلن فاتن/اها...خبله وش عليك سحاب شدت شعرها بمزح/اقوول بس لا يكثر ووريني وش ناويه تسوين بعمرك ههههه فاتن/شوفي بكره عرسي ومحتاره اقص شعري واصبغه والا لا شراايك سحاب/هو ..اقصد العريس قد شاف شعرك الطبيعي؟؟ فاتن/نو سحاب/اجل لا تسوين به شي..خليه كذا واذا حابه تغيرين تعاليني بعد زواجك بستة اشهر اغيره لك..هذا رأيي فاتن بعد تفكير بسيط/هذا رايك سحاب/يب..اي سؤال ثاني...تراني مشغوله فاتن/لا مشكووره سحاب سحاب/اوكي باي طلعت سحاب وهي تاخذ شنطتها وعبايتها وتفاجأت بالبنت المشبوهه/ البنت/هاي انا بدور سحاب بحسن نيه/هلا بدور..تبين شيء؟ بدور وهي تتمقل عيون سحاب وجسمها/لا ..بس سمعت عنك وحبيت اشوفك، مسمينك كارهه الرجال سحاب ابتسمت من الكلمه/صدق؟!! بدور/البنات وسوالفهم..تعرفين يعني سحاب باستغراب/اها..مجرد سوالف لا اكثر مافي كره ولا شيء هههههه بدور ونظراتها مشبوهه/اها اتمنى تلاقين اللي يريحك ويسعدك..انا واثقه انه حولك وقريب منك بس انتي فتحي عيونك وبتحصلينه سحاب بحسن نيه/مشكوره على هالامنيات يلا سلام مشغوله.. طلعت سحاب وظلت البنت تراقبها لين طلعت وهي تعض الطرف الايسر لشفتها السفليه.. / / / / / في السياره وطالع يتمشى مع اخته وآخر وناسه/ها من وين تبينا نبدأ؟ ريم/شووف بالاول نبي نروح الملاهي طلال استغررب/ملاهي؟!!!!!!...انهبلتي انتي ريم/ههههههه طــــلآل بلا ثقل زااايد ...ترى البنات يحبون الرجال الحيوي الكوول مو جااامد وماخذ الحياه مثل وظيفته العسكريه..كلها نظام وجديه ومادري وشو..خلك فري طلال بشخصيته الواثقه/ومن قال اني ادور بنات ريم نغزته/كل الشباب يحبون البنات،يلا بس لا تسويلي فيها مثالي طلال/شوفي انا بقولك حاجه،صحيح مافي شاب الا ووده انه على قولتهم مطيح بنات وكذا بس...مافيه شاااب يحترم اي وحده تكلمه من وراء اهلها حتى لو بين لها عكس هالشيء..وشي ثاني احب اقوله،يمكن انا اتمنى اني اكون علاقات واجد وكذا بس في شيء يمنعني وهالشيء اقدسه ريم تحب كلامه/وش هو هالشيء يا فيلسوف طلال/الله..ورغبتي في الجنه..واحترامي للدين اللي شرعه الله لنا سبيل للجنه..وسن القوانين لكبح جماح رغباتنا وكرمنا بها عن الحيوانات... ريم صفقت له/اعترف اني فخووره فيك ..و احبك طلال ابتسم وهو يسوق/شرايك بعصير فرش،،وتمشيه على مزاجي وشررط اوديك للملاهي عقبها ريم/اووكي ليش لا.. / / / / / ~بيت خالد~ واقف عند المرايه ويتعطر ويستعد للخروج.. ساره جالسه على طرف السرير،وتخزه/على وين هالاسبوع خالد بنبرة حب/مشغول ياعمري.. ساره وقفت وبنبرة زعل/خالد مو كل ويك اند برا ولا اشوفك حتى بالنوم خالد قرب منها وحضنها/حبيبتي ليش متضايقه انتي...والله ملزووم اطلع..علشان الشغل ساره تذوب من كلمتين ساحرات منه/بس بشتاق لك، خالد قرب خده منها/يلا عطيني بوسه علشان اطلع وانا مبسوط ساره باسته وطولت شوي وتعمدت تخلي باقي من روجها تحت اذنه وسوت نفسها تنظفه/لحظه انظف الروج حبيبي خالد/اي تكفين امسحيه زين ساره حطت عينها بعينه وهي شاكه/احبك خالد/وانا بعد...يلا سلام ساره/سلام طلع خالد.... جطلعت ساره تشوف اشغالها بالبيت وتفاجأت بجوالها يرن وابتسمت وهي ترد/هلا حور.... حور بالجوال/اهلين فيك ساره..شخبارك؟! ساره/تمام انتي شلونك ووشلون الكتكوت حور كانت متردده تسألها/تمام ...انتي كيف ووش مسويه هالاسبوع..طالعه مع زوجك؟ ساره استغربت سؤالها/لا...ليش حور/يعني حابه اعرف اذا تقدرين تجيني وكذا ساره/لا ماقدر والله وبروح لامي حور بفضول/من بيوديك ؟..زوجك؟ ساره استغربت هالسؤال/لا السايق..بغيتي شيء حور/لا مجرد دردشه...تعرفين زوجي طالع من بدرري ولسى مارجع وفااضيه...الا ماقلتيلي متى طلع من عندك زوجك ساره بحسن نيه/من تقريبا ربع ساعه حور وهي تسمع صوت الباب وعرفت ان خالد وصل/مجرد دردشه..... يلا سارونه باي زوجي وصل.. ساره/باي.. / / / #بيت حور~ استقبلته بالاحضان/هلا بك نووورت خالد بابتسامه باسها/كيفك حور/مشتاقه لك.. خالد جلس وطلع سيجاره/تبين نطلع والا نجلس حور جلست بحضنه وسحبت منه السيجاره وطفتها/الليله انت لي..لاتنسى انت تغيب اسبوع عني علشان الهانم...وبكره خلينا نطلع خالد/اوووكي مثلما تبين حور لاحظت الروج على رقبته وولعت غيره وقامت من حضنه/قوم حبيبي غسل ..محضرتك عشاء يحبه قلبك خالد قام/ادري فديتك... راح خالد يغسل حور صارت تغلي من داخلها..(طييب يا سـآره...أن ماقهررتك ماكون حور ) / / / #في غرناطه مول~ سحاب/عزوز شرايك بهالتيشرت عزوز بتردد/حلو...بس سحاب حطته بالعربه/وش بسه؟.. عزوز/العيال في الحاره يقولون عني بنت وتلبسني اختي البدل على كيفها سحاب كتمت ضحكتها/وانت متفشل مني يعني هااه؟! عزوز/لا ما اقصد كذا..سحاب انا احبك بس تراني كبرت..خلصت 10سنوات وبدخل11 وللحين تلبسيني شورت وكات والوان مدري كيف..!! سحاب/اللحين وش عليك من كلام هالقراوه عيال حارتنا..غيرانين منك لانك اكشخ منهم عزوز ما اقتنع/سحاب تكفين افهمي سحاب/ههههه اووكي بنغير ستايلك وبنخليك كوول ماان شرايك عزوز ابتسم/يييسس مجود واقف بينهم/سحااب متى بنروح الملاهي زهقت من السووق سحاب/اوكي حبيبي بس شويات ونطلع. / / / / / جالسين على عشاهم كلهم راكان مستغرب عدم وجود سهام بس ماسأل..! بوراكان/اقول نوره وانا خوتس نوره/سم بوراكان/شلون بنتك مشاعل وبزرانها معاد شفناها نوره/ههه ياحليلها ماتفضي ياخوي مع هالبزران وبعد احمد صار يدرس ومشغلها راكان/حمود يدرس هههههه ياحليله توه مولود ذا ههه ام راكان/الناس كلها تزوجت وعيالهم يدرسون الا انت ياحظي راكان باحباط/انا لله بوراكان/نوره متى بترجع سهام نوره/كلمتني قبل شوي وقالت ان ام زيد أصررت الا تسهر معهم واستأذنت يجيبونها لا خلصت وقلت خذي راحتك راكان عصب لانها قالتله ان زيد خطيبها بس مابين..، ام راكان بسخريه/رايحه تسهر مع الخطيب وتتعذر بأهله هااه بوراكان عصصب منها/هيااء ما اسمحلك تتكلمين بهالطريقه عن بنت اخوي نوره/عيييب عليك يا هياء ام راكان/خلاص سكتنا راكان قام معصب وطلع/عن اذنكم.. نوره خاافت(الله يستر„شكله زعل). / / / / / في مدنية الملاهي...، سحاب جالسه وتناظر خوانها يلعبون من لعبه للعبه ومبسوطه بشوفتهم مبسوطين،وتناظر بالسماء وتشوف البرق/يا رب تمطر الليله..والله اشتقت للمطر لفت نظرها شخص تعرفه عز المعرفه،فز قلبها له وهي تشوفه يمر من قدام كرسيها وما انتبه لها..كان معه وحده،بلعة ريقها بصعوبه،ونطقت اسمه بألم بصوت مبحوح وماينسمع اصلن/طلال شافته ماسك البنت بيده وكأنه خايف لا تضيع منه،ركبو لعبه وكانوا جنب بعض ومايفترقون،والبسمه ماتفارق وجهه!!/... استفاقت على همزات مجود على كتفها/سحاب خلصنامن هالالعاب نبي نروح غيرها سحاب مسحت دمعتها/يلا نروح نلعب حبايبي.. كانت طول الليل تتابعه بنظراتها له(طلعت مثلك مثل غيرك..كنت تبي تخطبني للمتعه !!مثلك مثل خالد ..انتم كذا يا عيال العز..كثرة المال خلتكم تشوفون الناس ادوات لتلبية رغباتكم).. / / / / كشك لعبة تصويب الهدف ريم بتحدي/طلال ابي تجيب لي هالدب الكبير هذاك طلال فهم قصدها/نطلع ونشتريلك واحد..مالي خلق العب.. ريم/ايه تعذر مابيك تشتري ابيك تكسبها لي سحاب وقفت عند الكشك وكانت لحالها وتدري ان طلال ما عرفها مدت التذكره/لو سمحت بلعب هاللعبه.. العامل"مصري"/اوكي حضرتك تفضلي البندقيه اهيه ريم/طلال شوف البنت احسن منك سحاب تنرفزها هالجمله ثبتت البندقيه وسمت بالله وبدأت وهي تتخيل طلال في كل شاره رمتها...وصوبت كل الاهداف/.. الكل حولها انبهر وصفق بقوه خصوصا انها بنت/كفووو طلال وكأن حركات هالبنت ذكرته بـ سحاب بس مو متأكد/.. ريم/روووعه سحاب اتجهة لريم ومدت واحد من الدببه عليها/هذي مني لك هديه ريم تحمست/مشكووره يا بطله سحاب/ولو طلال عرفها من الصوت وبريق عيونها،نبض قلبه بسرعه/.. سحاب التفتت على طلال وعينها بعينه وكأنها تستفسر عن شيء/عن اذنك ريم وهي مبهوره/حررريفه ،ماشاء الله عليها، طلال اكتفى بانه يناظرها مقفيه بشموخ بعدما فهم نظراتها،وتأكد انها هنا مع اخوانها...، [وبدأت تمطر السماء بشكل خفيييف] ولسان حال "طلال" [[ أدريَ وحشـتك لـو تكإبـر بصـدك و ٱدري خيآلي مآ يفآرق خيآلك وآدري ( حنينك ) صوبَ قلبيّ يحدّك حتى فَ بعآديَ مَ تركتـك لـ حآلك]] / / / / / #فلسفه**** عندما يكون من غير المسموح ان ترتبط بمن تحب..، فإن ذلك يزيدك ولعآ وعشقآ وتعلقآ به!!!! فتبآ لتلك العادات السقيمه التي جعلتنا ادوات تنفيذ لرغبات الاكبر سنآ..ليحددوا لنا من سنتزوج ومع من سنعيش بقية حياتنا.!!!!**** الساعه12~ طالعه سهام ومعها منال واخوها زيد بيوديها.. سهام/اسفه زيد خليتك تسهر وتوديني ترى كله من خالتي ومنال هههه زيد ببتسامه/هههه عادي احب ما على قلبي يا سهام،بنت جيراننا انتي منال/قضوها مجاملات ترى بردت بالشارع وبرق واصوات رعد والمطر يرش خفيف،بعد شوي بنتغررق وانتم هذرره زيد وسهام/هههههه بهالاثناء وقفت سياره بنتلي2013 زيد استغرب/بسم الله منال بانبهار/واااو وش ذالسياره الكشخه سهام خافت من حركات راكان لا يحرجها قدامهم/هذا راكان ولد عمي زيد عقد حواجبه.. منال مو مصدقه/بذمتتكك راكان نزل قزازة السياره وهو بقمة عصبيته وتكلم بنبرة إستعلاء وأمر/يا بنت..تعالي اركبي منال/كذا من الباب للطاقه مافيه سلام ولا شيء شدعوه مايعتبرنا بشر زيد/منال اصص سهام ماتبي تسوي مشاكل/اوكي زيد ومنال انا بروح مع ابن عمي مايبيني اعطلكم.. زيد شك في الوضع وهمس لها وهي ماشيه جنبه/سهام اذا فيه مشكله انتي تعرفين رقمي اوكي سهام التفتت عليه/تطمن مافي مشاكل. راكان رفع صوته/يللاااا وش تنتظرين انتي سهام جات وركبت وراء وسكرت الباب بقوه بدون سلام..، زيد حس بحرقه في صدره عليها/.... منال/والله صدق عيال عز...زيد وش نوع هالسياره. زيد تركها ومشى وهو معصب/.... منال رحمته/يا عززتي لك يا خوي... / / بالسياره~ راكان يسوق وهو معصصب/زعلانه انك ماركبتي مع زيد هاااه... سهام ماردت عليه/.... راكان ضرب بيده الدركسيون/حنيتي له،هااه منتي قادره تصبرين سهام ماتررد/... راكان انقهر من سكوتها/ليش ماتكلمين انتي هاااه!!! سهام رن جوالها وردت/هلا منال حبيبتي،كل شيء تمام لا تخافين تطمني وطمني زيد....باي اكلمك بعدين راكان وقف ونزل معصب ولف على وراء وفتح الباب عليها/انتي ليش سافهتني هاااه سهام خافت منه هالمره وابعدت عنه/انت شتبي مني بالضبط؟..ليش تصرخ علي؟! راكان وهو يقرب/وش بينك وبين زيد ولد جيرانكم هااه سهام/هذاك قلتها ولد جيراننا من وانا صغيره عشنا سوى وتربينا سوا وعارفين بعض وخاطبني بعد،بس انا رفضته، راكان جلس جنبها وبينهم مسافه كبيره وكأنه ارتاح/وليه رفضتيه؟! سهام لاحظته هدأ/احسه مثل اخوي،ماحسيت تجاهه غير احاسيس اخوه ، راكان بنص عين/اهااه يعني ببالك واحد ثاني سهام سكتت وصدت عنه.وش ترد عليه????، [بيني وبينكم صصعبه تقوله ”انت اللي كنت ومازلت ببالي”وهي توها تعرفهم] راكان استحى من حركته البايخه وطلع/سهام انا اسف،ضايقتك وجرحتك وانتي ماراددتيني بكلمه سهام بلعة ريقها ودمعتها تلمع/مشكور على الندم راكان ركب السياره ومشى بهدوء ووقف عند محل عصيرات ونزل/ثواني بس سهام تناظر فيه وهو نازل من السياره وتبسم”كله هيبه” زادت حبات المطر وصار غزيرر،، سهام خافت/الله يسترر شلون بنرجع البيت وهي تمطر بهالشكل..! رجع راكان ومعه كوبين عصير فرش/اححح بررررد من جد سهام/احسن راكان ببتسامه على صوتها/افاا بدت الشماته سهام/تستاهل حريتني ههههههههه راكان اوول مره يسمع صوت ضحكتها الساحره!!/اضحكي وش عليه سهام/هههه راكان نشف شعرك لا يصيبك برد راكان حب اسمه من فمها لف عليها ومد عليها كوب العصير/سمي يابنت عمي،هذا ستروبري فرش عربون اعتذار ولد عمك الدفش سهام اخذته منه وتمازحه/يعني ترشيني علشان ما افتن عليك هاه!! راكان/وش نسوي صاحبة الحلال،مانبي نخسرك طال عمرك سهام/ههههههههههههه راكان هبلته من صوت ضحكتها الساحره، اكتفى بسماعها.. / / / / بعدما تأكدت انها نومت اخوانها راحت سحاب لغرفتها وهي تحس باحباط العالم!! جلست على طرف سريرها وهي تحس باحاسيس مختلطه وحاسه نفسها مشتته..، حاولت تستلقي وتنام ..،ماقدرت وهي تحس قد ايش هي غبيه لأن طلال قدر يعرف شخصية صقر/يــآ الله.. / / يتبع | ||||
|
| |
|
06-12-13, 08:36 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #السهم الرابع عشر.... <<<صدمة...أو..دمعة سحاب أميركا~ جالس راشد يذاكر وينادي/خلووووود جيبيلنا قهوه خلود/طييييب تركي مندمج ويطالع جواله،وشايف البنت اللي لقبها”الريم” ممنشنته[ اقعد معه في الناس مااقدر احاكيه اخشي لساني يختلف في مقوله . يغلي الحكي في خاطري ماقدر احكيه يصرخ بصدري قد طال طوله ] استغرب هالمنشن منها لانها كاتبه في البايو(كل ما اكتب لحبيبي فقط وممنوع الخاص) رد عليها بالمنشن[عديت الايام في فرقاك واشقني~~ وعنيت الاقدام من غره ليا غره~~ في كل يوم وانا فالدرب متعني ~~ واشوف بيتك ولا اقدر أمره~~ عن لذة الشوف ليت الصوت ياصلني~~ المشكله ماش لا عين ولا جره~] راشد شاف تركي سرحاان/ألوووه يا ولد وين روووحت تركي ابتسم له وسكر الجوال/ابد هنيا راشد/ههههه ياكذبك تركي/هههههه خلود جات ومعها القهوه/ضحكوني معكم وش عندكم راشد/هههه اخوتس بديره وحنا بديره وكششفته تركي/هههههه خلود تكفين فكيني من شر زوجك خلود/ههههه والله انكم مبزره اقول تقهووا وبسرعه ترى ابيكم تمشوني ترى حدي طفششانه،كلكم تطلعون وتروحون وانا مغير جالسه في ذا راشد ببتسامه/من عيوني افا عليك بس تركي نقز حواجبه/تامرين أمر خلود/عز الله ماطلعتوني راشد وتركي/هههههههه خلود/تركي يا بعد قلب أمي وابوي شرايك تتزوج وتجيب زوجتك علشان اتونس انا وياها تركي تلعثم/... راشد/اي والله،ليه ماتعرس يا ولد. تركي قام/انا عندي شغله مهمه في الجامعه عن اذنكم طلع وسكر الباب~ خلود/جامعه هالوقت!!! راشد/يصررفنا يابنت الحلال خلود باحباط/يوووه،شكل اخوي متعقد من الزواج راشد/والا يحب له وحده خلود/ياعمري ياخوووي، راشد/حبيب الاخ بس بعرف من يحب ومجننته / / / / / / السعوديه; ندى في زياره لاهلها بعد سفره قصيره... ام راكان وهي لاويه بوزها/ووين المحروس زوجك ماجاء يسلم،والا شايف نفسه ولد منيره ندى انحرجت خصوصا ان سهام موجوده/مشغول يمه ام راكان/اي هين مشغول سهام تبي تغير هالجو/حيالله ندوووش شتشربين؟؟ ندى ببتسامه/اي شيء فديتك سهام قامت/اجل اسويلك فرش جوس ام راكان بنص عين/مسويه فيها ذربه هاااه سهام ببتسامه/ولك كاس عصير بعد انتي يا خالتي ام راكان رفعت صوتها/انا مابي منك شيء ولا تناديني خالتي ثاني مره ترى رفعتي ضغطي ندى/يمااااه وش هالكلام سهام ببتسامه/عاادي يا ندوش تعودت،يلا انا رايحه المطبخ ام راكان عصبت/شقصدك هااه..قصدك اني ماعلي شرهه هاااه ندى/يمه اذكري الله سهام/اروح المطبخ ازين لي.. راحت سهام... ام راكان/روحه بلا رجعه ياقليلة الادب ندى/يمااه ترى ما قالت فيك شيء غلط،علامك على البنت ام راكان/انتم مخدوعين بهالبنت..لكن بيجي اليوم اللي تنكشف فيه قدامكم ندى قامت وراحت/طول عمرك عكس الناس وتبين كل شيء يصير مثلما تبينه ام راكان/اقوول اصص يالخبله عالاقل زوجي يقدرني ورازني عند اهلي والناس موب حاقرني ندى ألتفتت على امها مقهوره والدمعه بعينها ومشت لانها تقصدها...، / / / / بالمطبخ ~ واقفه سهام وتقطع الفواكه و تسوي العصير..متناسيه كل كلام أم راكان..! ندى دخلت وجلست على كرسي وتكت بيديها على الطاوله وتحاول تتناسى كلام امها/شكلك وانتي تشتغلين بالمطبخ يقول ماهره في الطبخ سهام تقطع بمهاره/والله تقدرين تقولين كذا،او يمكن لاني اطبخ من وانا صغيره..تعودت يعني ندى استغربت/من وانتي صغيره!! سهام ببتسامه/ايوه من وانا صغيره كنت ادخل مع أمي الله يرحمها المطبخ واطلبها تعلمني وهي ماقصرت ..يعني مثلك عارفه عشنا انا وياها لوحدنا سنوات وكانت تعلمني كل شيء بالمطبخ والبيت وبعدها بشوي صرت ما اخليها تطبخ وصرت انا اطبخ بدالها وكانت مبسوطه الله يرحمها ندى ابتسمت/الله يرحمها،مبين كانت طيبه من تربيتك سهام ابتسمت بعيون لامعه وهي تجهز الاكواب وتصب العصير/شرايك كل وحده تاخذ كاس العصير حقها ونطلع نتمشى بالحوش نسولف زي بنات العم ونتعرف على بعض اكثر ندى/ههههه يلا موافقه سهام/هههه وناسه يلا / / / / / / بالليل~ راكان مع خوياه بالاستراحه حقتهم..وطقت ورق ولعب واللي ماسك لاب توبه واللي بلايستيشن واللي يتابع قنوات الرياضه...جوهم وناسه..، راكان مد الورقه/صكينا عليكم هههههههاااي احمد خوي راكان باللعبه/كفك يابو سعد ههههههههه عبد العزيز خويهم/العبره في النهايه راكان/اي هين ههههههههه عبدالعزيز/العب العب بس راكان/هههه اللحين بخليك تتوب ماتلعب ورقه.هههه احمد رن جواله وشافه وكلم/..ومايدري وش يلعب وخسرهم.. راكان عصصب/احمممممددد علامك عبدالعزيز قام يرقص مع خويه سالم/غلبناااهم غلبناااهم ههههههه راكان/قطع الله ذالوجه...كذا فرحتهم عبدالعزيز/هههههههههههههااااااي اجل تبي تخليني اكره الورقه هااه اقوول اعتزززلوووا بس اعتزلوا هههههه احمد وهو يهدي راكان/اسف..بس زوجتي كانت تكلمني واحد من الصغار فيه حراره وارتبكت وماركزت..عن أذنكم يا عيال راكان/الله معك وطمنا .. احمد وهو طالع/طيب....يلا تصبحون على خير شباب. قاموا الشباب اغلبيتهم متزوجين وطلعوا لبيوتهم..! راكان شاف عبدالعزيز جالس/غريبه مارحت للبيت هههه عبدالعزيز/ههههه ناسي اني تووني جايني مولود يعني زوجتي تعبانه و عند اهلها يالذكي راكان/اييييه صح تذكرت.. عبدالعزيز ببتسامه/الحمدلله انك تذكرت... راكان/ههههههه عبدالعزيز/متى زواجك راكان تردد/مادري....ماحددته عبدالعزيز/متى ناوي تحدده راكان/والله يابوسعود مالي بهالزواج... عبدالعزيز/افاا ليه!! راكان سكت...،وده يفضفض بس صعبه..مع أن عبدالعزيز صديقه المقررب!! عبدالعزيز ببتسامه/دامك منت متحمس لهالزواج على قولتك...ببالك وحده ثانيه صحح؟ راكان تلعثم/هااه..من قال؟..لـ.. عبدالعزيز فااهم راكان عددل،قاطعه/من هي بس؟؟ راكان بلع ريقه ووقف على حيله بيمشي،حس بدوخه/انا نعست وبنام عن اذنك عبدالعزيز،مسك يده/اذا كنت تبي وحده غير اللي خطبوها لك تكلم، راكان اللي انت خاطبها بنت عمك يعني صععبه تفصخ الخطبه.الوضع حساس..راح يتفرقون عايلتكم وانت السبب.. راكان،عطاه نظره ناريه ومشى وتركه.... طلع راكان وركب سيارته ومشى مسرع لبيته... عبدالعزيز طلع وركب سيارته وباله مشغول على راكان/ياخوفي لا يكون تولع ببنت عمه الجديده اللي جابها البيت!!. / / / سهام وصلت ندى للباب وودعتها وهي رايحه لبيتها...ارتااحوا لبعض وكأنهم يعرفون بعض من زمان..، سهام شافت الملحق شكله يفتح النفس وتصميمه خيالي..وراحت تستكشفه..فرصتها محد صاحي غيرها.. ودخلت وقامت تفرج ومبهووره بالملحق تصميم مجلس شبابي مودرن ازرق ملكي على ابيض ناصع..وشاشة عرض بلازما كبيره! انبهررت وشغلت التلفزيون وراحت تشوف رفوف السيديات وتتفرج عليه/شكله ثري دي. سمعت صوت سياره وخافت/من جاي هالوقت....!! الكل موجود ونايم!! خلني اشوف من الشباك بعدما طلت خاافت/راكاان.هذي سياره غير البنتلي وانا علبالي انه نايم يوووه..خلني اطفي النور لا ينتبه لي. نزل راكان واتجه للمجلس بعدما حس بالشك..، دخل راكان الملحق وأضاء الانوار وتلفت/غريبه...كأني شفت زول احد هنا.....شكلي اتخيل.. جاء بيطلع..وانتبه لصوت حركه وراء الدولاب..واتجه له بسكات/من هنااا؟؟؟!!!! سهام رفعت طرحتها وتلثمت وطلعت قبل لا يجيها/أناا راكان تفاجأ/سهام!! سهام/ايه سهام وش فيك راكان ببتسامه/وليش طفيتي النور اول ما شفتيني جيت سهام ببراءه وهي منحررجه/مادري..مابيك تدخل وتشوفني،،بس كشفتني.. راكان/اهاا وش كنتي تسوين هنا؟!. سهام تتنرفز من اسلوب اسئلته/انت تحقق معي؟!!!...عاادي فااضيه وجايه اتفرج بالملحق..فيها شيء!! راكان/لا مافيها شيء..خذي راحتك.. قرر راكان يطلع...مع ان قلبه معها/يلا تصبحين ع خير سهام/وانت من هله.. راكان كان يحس بدوخه وعدم تركيز..!! سهام/راكان فيك شيء!! راكان أأشر بيده/لا لا سهام/بس شكلك فيك دوخه راكان/لاا..مافيني الا العافيه..بس ابي انام عن اذنك..، سهام شكت بوضعه/اخذ لك حبتين تمر قبل تنام شكل عندك انخفاض سكر.. راكان وقف والتفت عليها/شدراك؟ سهام/عليك الاعراض الاوليه لانخفاض السكر... راكان/ووش عرفك باعراضه سهام/قريت عنه...يا حضرة المحقق راكان ابتسم/اووكي لاتطولين برا ترى برد... راح راكان وتركها...، سهام وقفت تناظر فيه وهو مقفي،وتبسم وساكته وتأشر على راسها(شيليه من هنا يا سهام لا تفكرين حتى مجرد التفكير بزوج بنت عمك) / / / / / / في الحاره... عزوز يلعب كوره مع عيال الحي.. ومجود جالس عند الباب ويتفرج... جاءت سياره ددسن 2009 متهووره وانتم تعرفون راعيها..ايووه هو”أبو حبتين” حاس لعبهم وكان بيدعسهم.. العيال صرخوا عليه/ عبود صديق عزوز/ياكلب ماتشوف بغيت تدعسنا بو حبتين وهو يكلم خويه/اححللى الورعان يعرفون يتكلمون هههههه عزوز عصصب/ماورع الا انت يالكمخه بو حبتين مسوي نفسه ماسمع/منهو الكمخه عزوز بثقه/انت...وش في راسك؟ بو حبتين نزل من السياره واتجه له/انت تكلمني يا ورع عزوز/اقول انقلع ازين لك بوحبتين/يا عيااال..اللي اخته تطلع مع الرجال ويخلي الرجال يدخلون على اخته..وش رايكم فيه؟ رخمه الكل/هههههههههه عزوز غلي دمه واخذ اقرب حجر ورماه على جبهته، وهرب بوحبتين لحقه ، مجود دخل ينادي سحاب بسرعه...وجاءت ومعها ذيك العصى الضخمه وطلعت..وتفاجأت بعزوز جاي ركض/سحااب ادخلي سحاب دخلت اخوها وطلعت وشافت بوحبتين واقف/اطلع يالرخمه سحاب ناظرته بقرف/نعم نعم وش هالزباله اللي عند بابنا.. بوحبتين/اقووول يالواطيه خلي اخوك يطلع لي سحاب عصبت/انا بنت ابوي...هالكلام هذا لي أنا؟!! بو حبتين بتحدي/ايه لك انتي...وش في راسك يا حلوه؟! سحاب وهي تتحين الفرصه المناسبه/أنا مافي راسي شيء بس انت اللي في راسك حبتين للحين ما انطحنوا زين...وانا اللي بطحنهم لك..... وقربت منه وبدأت بضربه/اجل انا واطيه...ياحثالة المجتمع..يا عاله على اهلك... العيال يضحكون عليه... بوحبتين حاول يهرب وقدر/هييين انا مارديت لانك حرمه سحاب وهي تضحك/لا والله فيك مروه..اقول انقلع بس،و لا عاد تحط مراجلك على بزران...يلا انتوا وياه انقلعوا......واللي يقرب من اخوان سحاب بيشوف الويل دخلت وسكرت الباب.. / عزوز جالس بغرفته ومقهور من كلام عيال الحاره بحق اخته/.. سحاب دخلت وهي عاقده حواجبها وجلست قباله/شصار يا عزوز...ماقلتلك لا تسوي مشاكل بالحاره عزوز ما طالع فيها وما رد/... سحاب/عزوز شفيك صاد بوجهك عني؟! عزوز مارد عليها/..... سحاب مسحت على راسه وباسته- وقامت تبي تطلع..ووصلت للباب.. عزوز والعبره تخنقه/معاد لي وجه اطلع و اواجه اصدقاي..اهل الحاره يقولون عنك واطيه وتطلعين مع رجال....فشلتيني سحاب كانت مقفيه،ووقفت وحست رجلينها تنشل وما عاد تشيلها..،بلحظه انعقد لسانها وفقدت القدره على الكلام وامتلت عيونها بالدموع...، عزوز قام وطلع من الغرفه وتركها وهو معصب/...... سحاب طاحت مكانها وهي محبطه وتبكي بدون صوت..، مجود جاء وشافها تبكي واتجه لها وضمها وهي جالسه على الارض/سحاب انا احبك لا تبكين انتي كبيره... سحاب ضمته بقوه وبكت اكثر/... مجود بكى معها......، / / / / / / / وبأحدى الليالي.. رجع بجاد من العمل لقى كل شيء رااايق ومررتب..كالعاده..طاولة عشاء من اللي يحب ..جاء وجلس ومد يده واكل.. ندى اقبلت من المطبخ وبيدها صحن الحلى/مساء الحب حبيبي بجاد وهو ياكل/هلا .. ندى انقهررت من اسلوبه،على كثر ماتسويله وتعلمه وش تحب ولا يهتممم،ولابسه فستان وحاطه ميك اب... وشموع وكيكه ..عليها شموع!! جلست وهي مقهوره،حاولت تلمح/حبيبي بجاد/ايوه ندى،تغلي من داخلها(مايهون عليه يقول كلمه حلووه على كثر ما علمته ودلعته!!)/حبيبي كم التاريخ اليوم!! بجاد وهو ياكل/9 ليش وش عندك ندى،انقهررت،هذا وهي مبلغته بموعد عيد ميلادها!!/عيد ميلادي اليوم بجاد/صدق والله..وانا اقول وش هالهدايا اللي في الصاله اول مادخلت.. ندى/صديقاتي وبنات عمي كانوا عندي العصر واحتفلوا معي...علبالهم انك بتعزمني بالليل..!! بجاد بلا مبالاة/هههههه حركات كفااار، ندى بحرقه/حركات كفار!!!!!! وليش ما رفضت هديتي لك بعيدميلادك،ليش تقبل دعوتي بفندق الفور سيزون يومين احتفال بك..!!..والا انت مايهمك الا نفسك! بجاد/هههههه يابنت الحلال لا تتابعين مسلسلات واجد بس.. ندى/اللحين احاول ادلعك واعبرلك عن حبي باهتمامي فيك..وانت تضحك بلا مبالاة...حتى كلمة شكر مافيه..ياخي حتى ابتسامة رضا مافيه،زياراتك لأهلي معدوومه..وتطالبني ما اقاطع أهلك مع ان امك وابوك اللي انا ملزومه فيهم متوفين ولا ني ملزومه في غيرهم بس اروح لخالاتك علشانك. ولا القى أي تقدير.. بجاد،شبع من الاكل واكل حلى وقام/الحمدلله.. قام وراح لغرفته ينام..، ندى جلست تبكي بقهرها ونادت الشغاله تلم العشاء...، اتجه بجاد لجناحهم وبدل ملابسه و ولقى روب الاستحمام حقه جاهز..والحمام وكل شيء والغرفه تفتح النفس كالعاده وهالمره مغيره المفرش وحاطه عليه باقه كبيرره ورد جوري احمر طبيعي..متعود على حركات ندى! تروش وطلع يتنشف وشاف ندى داخله بلانجري حلو وجديييد ومغري،.. ندى مقهووره منه بس ماتقدر تهمله ولا تجرحه لأنها ببساطه تحبه،جلست على طرف السرير تنتظر منه كلمة اطراء والا شكر،لكن مافيه..رمت نفسها ع السرير وقررت تنام، بجاد استاانس عليها..وقررب منها.......،،،، / / // / / / / / اليوم الثاني بالمركز~ سهام جالسه ع المكتب/ايوه ياندوش اسمعك،ايش صايرلك..... ندى بالجوال/سهاام حبيبتي ابيك ضروري انا متضايقه حيل سهام/طيب تعالي البيت انا بطلع بعد نص ساعه ندى/لا لا أبيك حالا في اي مكان ثاني.. سهام/اوكي حددي المكان واجيك ندى/بمرك مع سايق اهلي اتصلت عليه سهام/ززين انتظرك باي جلست سهام(غريبه شعندها ندى؟!!) دخلت نوره وشافتها مسررحه/سهااام وين وصلتي سهام/هنا ياعمه.. نوره/من كان يكلمك..كنتي متحمسه شوي سهام/هذي ندوش بنت عمو تبيني ضروري،وقالت بتمرني ونروح كافيه وكذا اذا ما عندك مانع يا عمتي نوره ببتسامه/لا طبعا ماعندي ماانع سهام باسة عمتها على راسها/تسلمين نوره/حبيبتي انتي..سلمي على ندوش سهام وهي طالعه/يوصل فمان الله نوره/فمان الكريم / / / / في المؤسسه~ مكتب راكان خالد وهو متردد/راكان راكان وهو مشغول بالكمبيوتر/نعم خالد/انت شقايل لبتال راكان وهو مشغول بالكمبيوتر/يعني ماتعرف؟! خالد/شالسالفه..لا ماعرف راكان التفت عليه/بالله ماتعرف ان بنت عمك محمد ظهرت خالد بلع ريقه/وشوو راكان/اي نعم لقيتها ورجعتها للبيت..معززه مكرمه،وبما ان نص هالثروه ملك لابوها فهي تعود لها لأنها الوريثه الوحيده له... خالد/شلون لقيتها وليه تاخذ كل شيء بكل برود راكان استغرب رده/شقى ابوها اللي انت اللحين عايش بنعيمه..لا تنسى لو ان الدعوه موقفه على ابوك كان انت مفلس من زمان خالد عصب/راكان انت تهيني راكان/حشى...انا بس اذكرك...خلك رجال وخل عنك هالخرابيط خالد مسوي هادي وقبل بالوضع/طيب..طيب تامر على شيء راكان/لا ..روح لشغلك. خالد طلع وهو معصب (اللي خفت منه صار يا خالد...اورريك يا سهام) / / / [[أنتهى الجزء الأول من (سهام الأيام)]] مرت الايام وكل من هالابطال عايش حياته.... همومه وطموحه وتفكيره....وامنياته... سهام وحياتها الجديده.... سحاب ...وترددها الدايم وتعصبها لافكارها ...! ندى الزوجه المهتمه بزوجها وبجاد الزوج البارد...؟!!! طلال الملتزم جدآ يبدو لي فقد الامل وعاش روتين حياته..بعد اختفاء شخصية صقر ورفض سحاب له !! ريم وتركي<<<الحب المقتول قبل ولادته راكان الشاب البار بوالديه واللي يسمع كلامهم..وينفذ باحترام..رغم ميلانه للوافده الجديده في منزل العايله"سهام"<لكن لا يفصح عن مشاعره ابد ساره البريــئه...وخبث زوجها ”خالد” ...وتلك الدخيله”حور” وماسيحدث.. عزام وسديم والحرب المنتظره؟!!!!!!!! كلها احداث ستعرفونها بالجزء الثاااني من الـــروايه...... /////////////////////////// | ||||
|
| |
 |
| الكلمات الدلالية (Tags) |
| الأيام, خيالية, شخصية, سهام |
| أدوات الموضوع | |
| انواع عرض الموضوع | |
|
|
158Likes
العرض العادي
