آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-01-14, 09:33 PM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  الفصل الثالث والعشرون سلوى تترقب وصول بو أمجد على أحر من جمر علشان تقوله عاللي سوته فريده ويوصل بوأمجد عالساعه12 بالليل ويلقى مرته ناطرته وقالتله عن فريده والغراميات اللي صارت والطق اللي طقته لنورا......الخ .... ويصير الصبح وفريده من فير الله قبل لا أحد يقعد , خذت كتابها وشغلت سيارتها ووقفتها عند المسافط مالت المدرسه وبدت تراجع دروسها لين ايي وقت الامتحان وتنزل وتمتحن وتخلص وترد البيت... وعلى ييتها بباب البيت الرئيسي للصاله تلقى عمها ناطرها فريده : شلونك عمي بو أمجد : هلا !!.....شلون الامتحان ؟ فريده : الحمد لله ... زين.. بو أمجد : الحمد لله . انزين تعالي وياي بغيتج بكلمة راس... فريده : انشاء الله... ويروحون المكتب ويسكر الباب وراه... طبعا سلوى ونورا ورى الباب يتصوخون .... تمر نور مستغربه.... نور : شقاعدين تسوون ؟ سلوى : شششششششش. لاتفضحينا .. الحين الغبره تسمعج نور :؟؟؟؟؟ داخل غرفة المكتب بو أمجد : فريده ...بغيت أعرف منج سبب الطق اللي طقيتيه بنت عمج أمس ؟ فريده: تتصوخ وتسمعني أسولف مع رفيجتي بشي مايخصها .. انت تشوف انه هالشي صح ؟ بوأمجد : طبعا مو صح... بس مو لي درجة انتج تزنطينها وتعلمين على رقبتها .... فريده :...... بو أمجد : تخافين لا تقولي انج تكلمين واحد ...صح؟؟؟؟ فريده بعدها ساكته .... بو أمجد : ما تتكلمين ؟ فريده :....... بو أمجد : انتي تعرفين رفيج أمجد وتتواعدين وياه! فريده : أنا ما... بو أمجد يعصب ويمسك فريده من قمة راسها : ماعندنا بهالبيت بنات تواعد ريايل يا عديمة التربيه .. فريده : هذا بدر اهو اللي ساعدنا وودى يدتي المستشفى لمن طاحت علينا وما قصر ويانه... بو أمجد: وبعد تخلون ريال غريب يدش بيتكم اللي مافيه الا حريم يا واطيه .. فريده تبجي : كنا ببحاله يرثى لها ومحتاجين مساعده......كانت يدتي بتروح علينا من طيحتها وصدمتها بموت ولدها ... شنو كنت تبيني أسوي .....بدر سمع صراخنا وطلب المساعده ... ووافقنا من غير تردد ..من خوفنا عليها... بو أمجد يهد راس فريده بو أمجد : وليش ليلحين تتواعدين وياه وتكلمينه ؟ فريده : متى تواعدت وياه ؟ بو أمجد : لا تستخفين فيني وبقدراتي .. أنا أقدر أحبسج بالبيت من غير ماتطلعين بالمره ... بس أخليج الحين علشان امتحاناتج ومستقبلج .... لكن ابشري باللي ناطرج بعدين .. فريده : وشنو اللي ناطرني ؟ بو أمجد : راح أخليج تنسين هذا اللي تواعدينه .... وعد مني .. فريده تطالعه وهي تبجي : عمي ... المفروض ماتصدق اللي ينقال عني ... وتثق فيني .. أنا مو بنت هابطه مثل ماتقول ...انا محترمه نفسي وماشيه سيده وما يقص علي أي ريال ويسلبني شرفي ...أنا ما أواعد أحد.. بومجد : فكرة انج تكلمين ريال ... هذا بعينه واعلمه يبرهنلي انج هابطه وتواعدين ... أنا ماعندي بنات تكلم رياييل وحب وخرابيط...... أوكي تكلمين ريال لمن يجي يخطبج مني ونضمنه انه ماشي وياج بالسليم .. انتي الحين ماخليتيلي اي خيار ثاني ويتنهد ويحط ايده على يبهته يحكه يحاول يخفف العوار ... سمعيني زين راح تتزوجين ولد عمج فريده : شنو عمي ؟ بو أمجد : سمعتيني زين فريدوه ...... تتزوجين أمجد سلوى ورى الباب تبتسم وبقلبها تقول : ونضمن ناخد الثروه لنا وماتطلع بره .... فريده : مستحيل ياعمي جذي تسوي ؟ بو أمجد : وليش مستحيل ؟ فريده : أنا ما أحب أمجد وما أبي أتزوجه . بو أمجد : مو بكيفج ...تحبينه ...ما تحبينه ... قلتلج إحنا ماعندنا بنات تحب .... عطيني تلفونج ويمد ايده صوبها ناطر انها تحط التلفون بكفه .... فريده تطالعه و تطلع التلفون وتعطيه .... فريده تعصب : عمي ماراح ينكتب عقد الزواج الا بتوقيعي وموافقتي ... وماراح أوقع على زواج أنا ما أبيه ... بو أمجد : إي بس لا تنسين اني الوصي عليج ... يعني توقيعي عنج اهو بروحه كافي ويوفي ... فريده انصدمت : ما يجوز جذي تسوي عمي ... أنا بنت أخوك ... حرام عليك ..... وتبجي : والله حرام اللي تسويه!! بو أمجد يطالع بنت أخوه وهي تبجي ويرخى وجهه من عصبيته لي ويه متأثر ببجي بنت اخوه ... لكنه يقاوم نفسه ويتذكر كلام مرته ... ( سلوى : لا تنسى انها بعد سنتين راح تكون بالسن القانوني وتطيح الوصايه اللي عليها ... لازم نمسك مسكتنا الحين قبل لا يفوت الفوت ...خلك قوي ولا تضعف على آخر شي ... وكل هذا لمصلحتها .... بنحافظ على قلوسها ونستثمرها ونميها ...وعلي أنا بعاملها مثل بنتي لي صارت مرت ولدي... وحتى أمجد يحبها ....أهو اللي قالي انه راح يعاملها كأميره لي تزوجها.... حبيبي موتضعف ... خل كلمتك اهي الماشيه .. وتوكل على الله ...) ويروح صوب الباب يبي يبطله....متجاهل نداء فريده له.. فريده : عمي ... عمي اسمعني يبي يصد عنها ومايبيها تغير رايه ...ومايخليلها مجال انها تقول اي كلمه ثانيه تخليه يرخي ويضعف أمامها. ويبطل الباب والبنات بسرعه يوخرون عن الباب وينحاشون ....ويروح بو أمجد ويتركها بروحها بغرفة المكتب... فريده : مستحيل هالكلام ؟ شلون يزوجني أمجد ؟ راعي بنات ....وانسان مو سوي ... شلون أعيش مع واحد ما أحبه ؟؟؟يزوجني قصب ليش ؟ شنو مسويتله اللي يعاقبني جذيه؟ يصير الصبح ويودي بو امجد فريده المدرسه وحاقرها لمن تتكلم وتتحلطم عالزواجه اللي بالغصب صايره فريده : عمي الله يخليك لا تزوجني ولدك بالاكراه ... مايصير تسوي جذي ببنت اخوك بو أمجد :كله علشان مصلحتج يا فريده فريده : مصلحتي تزوجني واحد ما أبيه .. بو أمجد : هذا ولد عمج وسترج ومن أهلج ...المفروض تستانسين مو تعارضين ... يالله وصلنا نزلي وبمرج تسع ونص بالظبط تطلعينلي وتنزل فريده وتسكر باب السياره وتروح عند الباب المدرسه ويتأكد عمها انها دخلت لي المدرسه ويحرك سيارته ويروح ... وتشوف دليسا مي وشروق ناطرينها كالعاده في كل بداية دوام جديد... اهني دليسا استغلت الوضع ...عندها الحين ربع ساعه قبل لا تدش قاعة الاختبار .. دليسا : شروق يايبه تلفونج ؟ شروق : لأ مايبته خفت الأبله تاخذه مني لأنهم يهددون باللي تييب التلفونات وياها... مي : بس اليوم آخر يوم ياحظي مايقولون شي ...واحنا بالخش والدس محد يلاحظ .. دليسا تطالع مي وكلها أمل : يعني انتي يايبته ؟ مي تتلوفت متوهقه : ششششش لا تفظحينه ... دليسا : ميومه خلصينا ..... مي وهي تتساسر : اي ... دليسا : وينه ؟ مي : بدلاقي حاطته سايلنت ... دليسا : بسرعه أبيه الحين ... امشي الحمام وعطيني اياه ماعندي وقت.... مي مستغربه: انشاء انشاء الله ويروحون الحمام تكرمون وتاخذ التلفون بسرعه وتدق على بدر: طــــوط ....طـــــوط......طــــوط.... دليسا : عفيه شيله.... طــــوط .....طــــوط......طــــوط دليسا : عليك الله شيله ....: المشترك لايرد , يرجى الاتصال في وقت لاحق .. دليسا تحاول مره ثانيه ....نفس الشي مايشيله والمره الثالثه والرابعه نفس الحاله ... الظاهر نايم أو حاطه سايلنت دليسا تدق على ميسا طــــوط ....طـــــــــوط ميسا توها قاعده من النوم وصوتها مبحوح : ألو دليسا : ميسا بسرعه بكلمج وماعندي وقت لأنه التلفون هذا موتلفوني تلفون رفيجتي بالمدرسه .....بقولج بسرعه انه عمي بيزوجني غصب من ولده بعد جم يوم وماخذ تلفوني وحابسني بالبيت مايخليني أطلع ... أبيج تدقين على بدر تقولينله ضروري ضروري. لأن ماعندي فرصه أقولج الا الحين بالمدرسه وهذا اخر يوم لي ....انا مضطره أروح الحين بدى الامتحان ...معتمده عليج .....باي ميسا: شنو ؟؟؟؟ تدش دليسا قاعة الاختبار وتقعد بطاولتها وتوزع الأبله الأوراق عالبنات وتستلم دليسا ورقتها وتاخذهاوتقرى الاسأله بأعصاب مشدوده وهي تحاتي شنو ناطرها صج عمها بيزوجها ولده ؟؟؟...وليش ؟؟....وشنو اللي طرى على باله فجأه جذي ؟ ....معقوله ياي القرار هذا من نفسه ؟ والا أحد وازه ؟ ترد تنتبه للامتحان وتفكيرها كل شوي يتشتت ومايخليها تركز عدل الابله : يالله يابنات باقي ربع ساعه . اللي بتراجع تراجع الحين آخر فرصه لها . وبسرعه تحاول تركز أكثر بالامتحان وتجاوب عالسريع وتطرد الأفكار اللي كل شوي تييها ..لأنه الحين وقت الجد والوقت مو مسعفها خلصت كل الأسأله وسلمت الأبله ورقتها أخيرا ..بعد ماكانت آخر بنت تسلم ورقتها باللجنه ... الحين الساعة تسع ونص بالضبط وعمها ناطرها .. ودعت زميلاتها لأنها الحين اهي آخر يوم لها بالمدرسه وتركب سيارة عمها بو أمجد :شاللي أخرج ؟ تأخرتي عشر دقايق ! فريده : قعدت أودع زميلاتي ماراح أشوفهم بعد الحين لأن خلصنا الدراسه وراح نتشتت ...اللي بتروح الكليه واللي بتروح المعهد ..... بو أمجد : شسويتي بالامتحان؟ فريده : الحمد لله .... بوأمجد : متى النتايج ؟ فريده :عقب باجر.. بو أمجد : خلاص أقول حق أمجد يوديج عقب باجرعلشان تشوفين النتايج.. فريده تكشر بويهها ..وتمسح آثار دموعها اللي ذرفتها من بعد ماودعت زميلاتها ...لكنها تشوف دموع يديده تنزل وموقادره تتحكم بالدموع اللي تنزل من جديد ! | |||||||||
|  |
|
11-01-14, 09:44 PM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الرابع والعشرون يوصل بو أمجد مع فريده البيت ويلقون أمجد يستقبلهم بو أمجد : هلا أمجد أمجد: هلا يبا بو أمجد : سلم على خطيبتك أمجد : هلا والله بفريده فريده مشمأزه : بروح غرفتي أنام يمسك أمجد ايدها : لحضه بيي وياج فريده مخترعه : شنو بتيي معاي وتوخر ايده أمجد : بكلمج بس فريده : مابينا كلام بو أمجد : يا فريده طاوعي خطيبج فريده وهي تدمع وتصارخ : مو خطيبي موخطيبي ....يا وحوش ...أنا قاعده ببيت غريب مو ببيت أهلي ...طلعوني من هالبيت مابيكم مابيـــــــــــــــــــــ ــــكم وتاخذ الفازه اللي تزين طاوله زاوية الصاله وتكسرها بالقاع وتصارخ : وحووووووووووووش ( ياتها حاله هستيريه ) انتوا مو أهل ...انتوا أعداااااااء وحوووووووش ماوتعت الا يايها طراق سنع يوعيها هالمره من أمجد ويشيلها أمجد على كتفه وهي تقاوم وتصارخ وتطقه ويركب فيها الدري لي غرفتها ويقطها عالسرير وتقوم من سريرها بتكسر شغله بغرفتها لكنه يمسك ايدها وايدها الثانيه تطق فيه أمجد ويمسك ايدها الثانيه ويسدحها عالسرير مره ثانيه وهو ماسك ايدينها الثنتين وهي تصارخ خلاها تصارخ فتره الين تعبت وانبح صوتها وقلب المود من العصبيه الى البجي فريده وهي تبجي : مابيك ...ما أحبك ....مابي أتزوجك ....موريال اذا تزوجتني ....سامعني ... موريال ....أنا أحب رفيجك بدر ...أحبه وأبي اهو اللي يكون زوجي ... ما أتخيل أحد غيره يكون زوجي ... أمجد يطالعها وهو مبتسم : أدري قالولي ... بس اللي انتي ماتدرين عنه انه بدر مايحبج اهني فريده سكتت وطالعته فتره وهدها أمجد وعدلت قعدتها بالسرير فريده : انت شتقول ؟ أمجد : بدر حبيبج هذا مايخش عني شي مثل ما أنا ما أخش عنه شي كان مايدري انج بنت عمي يوم انه عرفج تدرين شلون عرفج ؟ من خالته ناظرتج عايشه كات تبي تفتك منج ومن شطانتج عن طريق تخرجج ...واتفقت معاه انه يخليج تحبينه علشان تجابلين دروسج وتطلعين من مدرستها , وووعدته انها تعطيه ثلاثة الاف اذا نجحتي وتخرجتي فريده : اكل خراك ....انت تجذب ... تقول هالسالفه علشان تبيني اكرهه ... أمجد يقوم ويوصل للباب : والله اذا مو مصدقتني دقي عليه . مستعد اييبلج تلفونج من ابوي علشان تسألينه ....والا أقولج ....شرايج أوديج باجر حق ناظرتج وتسألينها ...لأن بدر أكيد بينكر ... فريده : ودني حق الناظره باجر ...وأبي أسألها وانت يمي علشان تشوف نكرانها للموضوع ... أمجد : صار ...باجر راح تبان عندج الصوره عدل ...وتعرفين منو اللي يلعب عليج ومنو اللي يبي مصلحتج.... ويروح ويسكر الباب وراه فريده : لأ مستحيل .... كل هالمده عايشه بوهم الحب .... ماني مصدقه .....يارب يكون أمجد جذاب وتنكر أبله عايشه الموضوع وفعلا تروح وياه في صباح اليوم التالي وتدش فريده تدرعم غرفة الناظره و أبله عايشه مستغربه قدومها الدفش والمفاجيء!!! عايشه :فريده ؟ خير شكو يايه وداشه بهالطريقه ؟ شعندج ؟ فريده : صج انتي متفقه مع ولد اختج بدر انه يحبني واذا نجح تعطينه ثلاثه الاف ؟ عايشه تدودهت : شنو م م منو قال هالكلام ؟ بدر ؟ فريده : طبعا بدر اكو غيره ؟ تقوم عايشه متصروعه وتتلوفت بره لا أحد يكون سامعهم وتسكر الباب وترد تطالعها وتطالع أمجد ... عايشه : بدر يجذب ... مالج شغل فيه.. أمجد : تنكرين انه كان منخش ورى مكتبج يوم انج تنادين فريده وقعد يتفحصها عشان يكون بدايه اتفاقكم؟ عايشه : شششش قصروا حسكم . انتوا بمكان عمل ... أمجد : خوش! مكان عمل . ناظره تربويه ترضى الغلط على وحده من طالباتها .......هذا خوش عنوان حق أول صفحه بالجريده ... عايشه : شتبون مني انتوا الحين ؟ فريده : ابي أعرف صح هالكلام والا لأ ؟ عايشه : اه اه طبعا مو صج ... انتوا يايين تهينون موظف أثناء تأدية عمله ؟ أمجد : وانتي تبيعين طالباتج وشرفهم ...ترى عقاب هذا أكبر عند القانون ... عايشه تقعد بمكتبها وتبتسم وهي ترجع بالكرسي متسنده عليه بالراحه عايشه : وشنو اثباتكم ؟ فريده : خلاص ...يكفي اللي شفته....تأكدت الحين انكم كنتوا متآمرين علي .. وتطالع أمجد وهي تدمع : ودني البيت الحين ... أمجد : ماتبين نرفع عليها قضية عدم تأدية العمل بأمانه والتآمر على طالبه من طلابها لأمور شخصيه عايشه تطالعه معصبه وميته من الخوف وقلبها يرقع : طلعوا بره امجد : احنا ماشين ...يا ....حضرة الناظره المحترمه.... وتطلع فريده وتركض لي عند سيارة أمجد عايشه : انت مورفيج بدر ؟ ليش تتآمر عليه وتفضحه ؟ أمجد : لأنه خش علي سالفة انه البنت اللي تكلم عنها وايد تكون بنت عمي ... وراح أعلمه شغله الخسيس....اشوفج على خير يا ......حضرة الناظره.... ويروح عند السياره ويشوف فريده ناطرته وهي تمسح دموعها أمجد : شفتي يا حبي اني أبيلج الخير .... أشوه اني فضحتهم علشان ماتطيحين بشباكهم هالناس الخمه فريده : بطل الباب وودني البيت ... وهم بالسياره أمجد : يا بعد عمري لا تسوين بروحج جذي ... هذا ماسيتاهل حبج ولا دمعه من دموعج الغاليه تسواه .... ترى ياما لعب عالبنات وقص عليهم وهدهم ..تراه انسان مو سوي ... فريده : نفسك انت ... علشان جذي مصادقين بعض ... لأنكم نفس الطبجه .... أمجد : لأ لأ لأ .... فريده ليش الغلط هذا....يه ؟ شفيج صبيتي الغضب علي أنا .... أفاعليج بس ...تزعليني يعني؟ فريده :..... ويوصلون البيت وفريده تروح غرفتها وتقفل على روحها وسلوى ناطرتهم يجون وتاخذ أمجد على صوب سلوى : بشر ؟ أمجد : كلشي تمام التمام .... شكلها الحين منصدمه وعلى وشك انها تكرهه.... سلوى : عفيه على ولدي الباخص .....الحين دورك ...فرصتك الحين تكون بالصوره وتعوضها خيانة اللي تحبه ...الحين قلبها مكسور وتبي اللي يمليه لها الحب من جديد .... عاد انت وشطارتك الحين... أمجد : لاتوصين حريص يا أمي ... سلوى : عفيه..... ولد أمه ... ويضحكون | |||||||||
|
| |
|
11-01-14, 10:22 PM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الخامس والعشرون ببيت بو ناصر سلوى تتكلم بالتلفون : مبروك حبيبتي ..ألف ألف مبروك ..تستاهل فتون الغاليه الجانب الاخر من التلفون ام ناصر : الله يبارك فيج حبيبتي والفال لنور ونورا انشاء الله سلوى : متى بتملجون ؟ أم ناصر : بعد اسبوع اشاء الله .. سلوى : والعرس ؟ أم ناصر :بعد شهر ان الله كتب ... سلوى: ووين بتسوون العرس أم ناصر : بفندق ( الفلاني )انشاء الله سلوى : واي اينن هالفندق أم ناصر :...اي وايد حلو ويستمرون بالحديث ......... فتون يم امها بالصاله والفرحه ماليه عينها فتون : فجوره لبسيني السوار هذا فجر تلبسها فجر : وايد مستانسه اليوم؟ اي !!! بيي رائد اليوم عالغدى ....شلون ما تستانسين ؟ فتون : بس ...لبسيني وانتي ساكته... ويوصل رائد ويا امه وريم وتستقبلهم أم ناصر ويتغدون ...وبعد الغدى ووقت التحليه ويقعدون يسولفون ....وتحرص فتون انها تقعد يمه ....وتحاول تسولف وياه وتوانسه ...لكن رائد مايلقيها ويه وكلا مبوز ..ومكشر ...لاحظت فتون المود البايخ ماله .. فتون بقلبها : يعني كل مره جذي يا رائد؟ أم ناصر : تعالي اخذي قطعة الجيز كيك وعطيه خطيبج فتون : انشالله وتاخذ الصحن وتقعد يمه وتقول : حبيبي إخذ هاللقمه مني رائد : ياخذ منها القفشه والصحن ويحطهم عالطاوله , بعد شوي آكل بروحي مابي الحين .. فتون انقص ويهها فتون : على راحتك حبيبي... رائد حاقرها ويدخل بسوالف مع أمه عن مواضيع متنوعه وتسأله أم ناصر ويجاوبها وهو مبتسم ..بس من تدش فتون بالموضوع يرد يكشر ويسكت ولا يجاوب على أسئلتها ومشاركاتها... فتون اهني طفح الكيل عندها وتقوم ... فتون بصوت عالي : رائد.. رائد يطالعها ببرود فتون : ممكن شوي ؟ وتروح شوي بعيد عن أهلها رائد ليلحين ماقام ولا وده يقوم أم رائد : يمه شوف خطيبتك شتبي بعدين تعال كمل سالفتك ... رائد وهو يقوم غصب وهو يتنهد : ...انشاء الله فتون تتكلم بصوت واطي : شفيك علي رائد ؟ ليش جذي تعاملني؟ رائد : مافي شي ... فتون وخانقتها العبره : رائد أنا أحبك , وأنطر الوقت اللي انت بتيي عندنا البيت وأكون طايره من الفرحه... عكسك انت ,من خطبنا وانت كلما تيي بيتنا و نتلاقي ماتلقيني ويه ... رائد : تروالج ...تبين انتي الحين مني شي غير التحلطم هذا .. فتون : تبجي وتحط إيدها على ويهها وتركب غرفتها وهي تصيح أم ناصر : فتونه شفيج أمي ؟ ريم تشوفها وتلحقها لي غرفتها أم رائد تطالع رائد معصبه : شقلت لها ؟ رائد : ماقلت شي ... يالله خن نروح البيت ... دخت بنام . بيت بو أمجد بالليل يرن الجرس تبطله الخدامه وتيي ركض عند سلوى الخدامه : ماما هذا رجال صديق بابا أمجد يجي مع واجد رجال ! سلوى : شنو ؟ وتروح تطل من الدريشه تلقى بدر مع رياييل متهندمين وكاشخين بالدشاديش والرزه والاقتر المنسوفه بحركات فنيه.... سلوى طاح قلبها يوم شافتهم والبست عبايتها وكلمتهم من ورى الباب الرئيسي للصاله و المطله للحوش ... سلوى :هلا والله ؟ بدر : شلونج خالتي ؟ سلوى تحاجيه بثقل : الحمد لله بدر : وين عمي بو أمجد ؟ بغيناه بسالفه ضروريه ؟ سلوى : أهو طالع الحين بس ياي بالطريج ...اه ...اه ....حياكم حياكم بالدوانيه .. بدر : الله يحييج خالتي ... ياليت تدقين عليه وتستعجلينه.. سلوى باستغراب : خير يا ولدي ؟ ماقلتلي شبغيتوا فيه ؟ بدر : لي يه راح تعرفون انشاء الله... وتدش سلوى داخل وبسرعه تدق على ريلها وتقوله عن الرياييل اللي ناطرينه مع بدر... سلوى : هذا لايكون سواها وياي يخطبها رسمي منه ويايب أهله يشهدون وياه ؟ بو أمجد : الظاهر جذي ... والا ليش عيل يايين ؟ سلوى : شلون الحين ؟ بو أمجد : أنا راح أتصرف وتخلص من مكالمتها من بو أمجد وتدق على أمجد .... سلوى : أمجد إلحق!!!!! يوصل بو أمجد البيت ويدش الدوانيه بدر : قوه عمي ؟ بو أمجد : هلا هلا ...حيا الله من يانه والله ويسلمون عليه واحد واحد ويقعدون بدر يعرفه عليهم أثناء ما هو يسلم عليهم بدر : هذا خالي العود سعد ...وهذا ولده محمد .... وهذا خالي عبدالرحمن ...وهذا خالي صالح ... بو أمجد : ياهلا ...حياكم الله ...تفضلوا استريحوا .. بعد مايتعرفون على بعض يتكلم الخال العود و يبدي بالموضوع.. سعد : وطبعا احنا اليوم يايين ولنا الشرف ان احنا تناسب معاكم ونطلب إيد بنتكم فريده حق ولدنا بدر .. بو أمجد يبين لهم انه ضايق خلقه: بس فريده مخطوبه حق ولد عمها والزواج قريب انشاء الله... كان بودي اني أساعدكم ...سامحوني .. سعد : وهل اهي موافقه على ولد عمها ؟ يليتك تسأل البنت الحين اذا هي موافقه عليه ...لأني أنا سامع انها ماتبيه ومايجوز تزوج البنت بالإكراه... أمجد توه واصل أمجد : ومن قال انه احنا بنزوجها بالاكراه لاسمح الله؟؟؟...البنت تبيني وراضيه فيني ...احنا مانغصب بناتنا عالزواج ...شنو شايفنا ؟ .. | |||||||||
|
| |
|
11-01-14, 10:22 PM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| الفصل السادس والعشرون بدر : الا مغصبينها ونص .... ما أصدق كلام يطلع من واحد خاين العشره ونذل نفسك.. أمجد : أنا خاين العشره ؟ مادري منو اللي خاين العشره ؟ اللي يواعد أعراض الناس وشرفهم !!!... ومو أي ناس!! شرف رفيجه !!! بدر :اي شرف انت ؟ لايكون انت اخوها أو ابوها وانا مادري أمجد : أنا ولد عمها... بدر : اذا اهي من عرضك مثل ماتقول ياولد عمها؟ ليش عيل متكلم عنها عندي ذاك اليوم كأنه وحده ماتعرفها يايه من الشارع ؟ ماتخاف على عرضها وشرفها ؟؟؟ أمجد : من باب الميانه ...حاسبك رفيجي ؟؟ بدريبتسم : شفت شلون إنك نذل وخسيس ..مافي واحد يتكلم عن عرضه حتى لو عند أقرب رفيج عنده ,اسمه انه غريب عنه وعنها.. أمجد : يايلي لي بيتي وتهيني بعد ؟ ...يالله , يالله أشوف عرض كتافك ...و تفضل من غير مطرود ... خوال بدر مستغربين من الكلام الكبير اللي قاعد يدور بينهنم !!! سعد :يه ؟ انتوا جذي تعاملون الضيوف عندكم ؟ بو أمجد طاقته البوهه والفشيله مايدري شيقول .. سعد : يالله يالله يارياييل قمنا...مالنا مكان هني.... بو أمجد يساسرولده : مو جذي قصيت ويهي ... ويطلعون الرياييل وهم معصبين وكل واحد فيهم يتحلطم وبدر يمر صوب أمجد بيطلع ...وأمجد يبتسمله : نشوفك على خير يابدير... بدر ياخذه من فانيلته عند سدره ويلوتها له: اسمعني زين ...فريده لي مولحد غيري ... فامهني ؟ مو تصدق انك بتتزوجها ..هالشي ماراح يصير لو على قص رقبتي ... أمجد : يه يه يه !!!!! ويطق ايده ويوخرها عنه ... أمجد : خربت كشختي ....( ويعدل التي شيرت ) ويطالعه :وليش ما أصدق ! كاني خاطبها وهي راضيه وحددنا العرس بعد .. بدر يطلع من طوره ويطقه بوكس : إنت جذااااااااااااااب .. ويردله أمجد البوكس ويتكافخون بالقعاع ويفاككونهم الرياييل ويطلعون بره ويا بدر ... أمجد يصارخ : علشان بس يكون لك علم وقبل لا تفارج وتطلع من بيتنا .... وبحقاره يقول :تراها وصلها خبر الثلاثة آلاف اللي خبرك ...هاه ... الكل يطالع بدر وبوجوهم علامات الاستغراب: آه ه وبدر يبي يوصله مره ثانيه علشان يكمل بيطقه ويكوفنه من جديد..بس يمسكونه ومايخلونه يبرد جبدته فيه ... بدر : يالـــ(......) حسافه اني كنت رفيجك كل هالسنين ...طلعت منت كفو أحد يصادقك ياجلب.. أمجد يطالعه بويه كله إنتصارو انه فش غليله وحقده عليه وردله الطراق اللي طقاه من جم يوم ... ويأشرله حركته المشهوره بينه وبين بدر لي إلعبوا ويا بعض وانتصروا وهوتعبير عن الانتصار: الحركه يرفع صبعينه من الايدين ويحطهم على بعض ويكون علامة الاكس .... بدر شاف الحركه وانقهرمن داخله لكنه يبتسم ويقول حق أهله : خلاص هدوني موكفو عليه الطق الحمار لي طقيته يمشي ...بس اكتيفنا منه ...توكلوا على الله خن نمشي من هالمكان الموبوء.... أمجد مكشر وأسنانه باينه ..: بس بالأخير منو اللي فاااااز ؟؟؟الحماااااااااااااااااا ر... بو أمجد يكفخه على راسه : بس خلصنا يا حمار ... وراحوا خلاص.. أمجد : يبا خلني أفج غليلي قاهرني خو الــــ(....)... فريده الحين داخل غرفتها من وقت ماردت من الناظره اليوم الصبح وهي ليلحين ماطلعت من غرفتها !!!! يرد أمجد البيت وهو مفلع وآثار الطق ماليه ويهه ومزورق من كل صوب !!! وتيي سلوى مخترعه وبيدها ضمادات وإسعافات أوليه ...وتمسح بويهه نور وأنوار ونورا كانوا مراقبين الوضع ويكلمون روحهم : نور:مصيبه عليها الرياييل تتحذف عليها من كل صوب ؟....لا ...ويتناجرون عشانها بعد ! وكل واحد مستعد يضحي بعمره على شان خاطرها !!! علامج يانور حظج نايم ؟؟؟( وتكم على روحها ) هممممم مالت... نورا : الكاوليه!!! بسبتها سوت نجره وفوضه بين الرياييل!! وخسرت هالاثنين صداقتهم اللي كانت من عمر ؟؟؟؟..باااال ؟ أنوار هي مع لوية عيالها : هنيالها فريده عالحب هذا ...ياليت أنا اللي عندي يحبني جذي ويضحي بعمره علشاني !!! وتكلم بنتها : بس ياميومه لا تغنين وتناقزين مو وقتج ....وي!؟؟! جنان موصخه خن أغيرلها... سلمى تكلم أمها أنوار : يمه منو هذيلي الرياييل؟؟ وليش يايين ؟؟؟وليش خالي أمجد طق رفيجه؟؟؟ أنوار : يايين يخطبون فريده ...وأمجد خاطبها بعد ...بس هذا مايرضى أحد ثاني يتزوجها غيره.. فحاشته الغيره... وعصب وطق خالج ..عرفتي الحين ؟ مانبي أسئله ثانيه لو سمحتي .. سلمى : انزين ليش يحبونها اثنين ؟ خل تتزوج الأثنين عيل ؟ أنوار : سلموه موفاضيتلج أنا ...يبي الحفاظ هناك اللي فوق القنفه .. سلمى تروح تييب الحفاظ : الحين خالوه أمجد مو يصير رفيج هذا الريال اللي طقه ؟ انزين ليش يطقه ؟ أهو يعني محاربه ؟ أنوار : أوووووووف منج ومن أسألتج ؟ ياليتج تسألين جذي لمن تدرسين ؟بس شالعة قلبي بسوالف انتي ماتعرفينها...قعدي انتي جنووووون خن ألبسج البنطرون ذبحتيني...متى الله ياخذني وأفتك من هالعذاب ,...آخ ياظهري ...الناس تدلع عمرها بخدامه وهذا ولا يتنزل يجيبلي وحده بدال اللي انحاشت !!!!..قطيعه مادري ليش منحاشه ؟ .. ميونه لا تناططين بالقنفه ما أقدر ألبس إختج... سلمى وايد مستغربه من السالفه وأول مره تشهد خطبة بحياتها وذابحها الفضول ومحد ملقيها ويه ..لامن امها ولا خالتها ولا حتى يدتها ...كل وحده لاهيه بشي اللي تسعف ولدها واللي تساعدها بتضميد أخوها ...وواللي سرحانه باللي صاير وطايحينله حش وقرض ببنت خلق الله ....الخ وقررت سلمى انها تسأل صاحبة الشأن هي ماغيرها ... ...وراحت فوق غرفة فريده بتقولها تبطل سلمى غرفه فريده ..تتفاجأ بالباب يطلع مقفول !!! سلمى : فريده ؟ فريده ؟ فجي الباب.... محد يرد ولا تسمع أي حركه ؟؟؟ سلمى : أكو ناس يوا علشان يخطبونج ويطقون بعض وسووا هوشه تحت! ولا حس ولا خبر !!!! سلمى : ليش ماتفتحين الباب ؟ تنزل سلمى تحت وتشوف خالها أمجد منسدح وتوها يدتها خالصه من اسعافاته .. وتقعد يمه سلمى : خالي خالي ؟؟ بوأمجد : لا تأذينه توه مطقوق مايقدر يسولف وياج يابنتي... سلمى : ليش فريده قافله على روحها الباب وماترد علي لمن أناديها ؟؟؟ سلوى : طقي عليها الباب حيل وتقعدلج من النوم هالمخديه... سلمى : إي طقيت حيل ومده !بس ماتسمعني !!! جنان أم السنه ونص حست إنه هاليوم فيه شي غيروغريب وكلهم ملتمين بالصاله ويتناقشون وبصوت عالي وضايق خلقهم... ومومن عوايدهم انهم يسوون جذي .. وراحت حق يدها بو أمجد تلمه وتاخذ منه حنان !!!! بو أمجد : بس بس خلصنا من هالسالفه خرعتوا الياهل ...أنوار بنتي ... ليش ماتاخذين عيالج الحين وتروحين بيتكم وتيين باجر لين تهدى الأوضاع ؟ أنوار: انشاء الله يبا ... وتلم عيالها ولويتها وتطلع من البيت ... أمجد توه يستوعب كلام سلمى بعد ماراحت ... ويقوم فجأه...ويعوره راسه من قومته الفجائيه : أخ راسي... سلوى : شفيك أمي ؟ أمجد يطالع بالساعه : الساعه جم ؟ يلقاها 11 بالليل ويفز ويروح الدري وهو ماسك راسه اللي يعوره سلوي: لا تجهد روحك ..انت متعور ! يروح غرفة فريده ويفج الباب ....طبعا مقفول ! ..: فريده ....فريده فجي الباب .. صخه............. فريده..... فريده!!!! تسمعيني ؟؟؟ فجي الباااب ... ويطق الباب... ويطق الباب حيل وكلماله ويزيد القوه هم ماكو فايده!! اخترع أمجد ويرجع شوي ويطق الباب حيل بجتفة بيكسره مره... ويرفسه بريله بالمره الثانيه ... والثالثه.... وسط ذهول أهله !!!!!!!!!!!!!!!!! ويجي أبوه يساعده ويطق وياه الباب بيكسره ويشلعه وأخيرا ينشلع الباب ويتمايل من مكانه ويدشون كلهم الغرفه ويلقى أمجد فريده طايحه بالقاع يم السرير وحوالينها الدم ...!!! بو أمجد وعياله ومرته : آآآآه أمجد وهو مذهول من المنظر ومخترع بنفس الوقت .... يشيلها ويحط راسها بحضنه .....ويتفحص من وين ياي الدم؟ ياي من ايدينها!!!!(بالوريد اللي يكون تحت الكفين لفريده ) ويشوف يمها قلاص مكسور بالأرض!!!! يطق أمجد بخدودها بيقعدها ويناديها وفريده مايظهر منها أي إنفعال ويحط أذونه على صدرها بيسمع دقات قلبها!! أمجد يرتاح من صوت الدقات : الحمدلله .... أمجد يصارخ على أهله اللي بس يتفرجون : شناطرين دقوا عالاسعااااااااااااااااااا ااااااااااااااااف | |||||||||
|
| |
|
11-01-14, 10:23 PM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| الفصل السابع والعشرون فريده وهي بغرفة المستشفى نايمه ويمها أمجد وقاعد وياه أبوه الدكتور طمنهم انها مافقدت دم وايد بس لازم يعوضونها بشوية دم وبعد ماخلصوا من العمليه وخياط ايدينها سأل الدكتور بو أمجد اذا هي عندها ميول انتحاريه؟؟؟ ونكر بو أمجد معلل السالفه انه زجاج كاسر ايدينها وهي شايله فازه زجاجيه تعرجبت وايديها ضغطو عالزجاج وهذا اللي سبب الشق والنزيف .....وهو لاحظ بينه وبين نفسه الميول الانتحاريه من شاف القلاص المكسور يمها وهي تنزف ..... بس ماحب يسويها سالفة يتدخلون بهالسبة الشرطه بالموضوع وسين وجيم ولويه ........فسواها كحادث عاادي وعابر ... بو أمجد ضايق خلقه على بنت أخوه وقاعد يفكر انه يعطيها مهله شوي ويتأخر بسالفة الزواجه هاذي إلين تتأقلم فريده عالوضع وبالحياة اليديده عندهم بالبيت ...وبعدين مع الأيام يمكن تتقبل الزواجه هاذي و بصدر رحب ....فقرر انه مايستعيل عليها ويخلي الأمور تمشي برويه وينطر لين تروح من فريده النزعة الانتحاريه ... بو أمجد: خلها ترتاح شوي ....امش وياي البيت .. أمجد :انت روح يبا ... أنا بقعد وياها شوي وأجيك ... بو أمجد : خلاص ...أنا ناطرك بالسياره ... أمجد : أوكي ويروح بو أمجد تاركهم بروحهم ويا بعض أمجد يطالع فيها وهي نايمه :كل هذا علشانه ؟ تحبينه لي هالدرجه ؟ ويمسح على شعرها ..... عيل لازم أتصرف وأنسيج إسمه ...... وتدش السستر تطلب منه انه يغادر لأنه ممنوع يقعد مع المريضه غير أبوها أوزوجها...الخ ( أي أحد محلل عليها ).... رائد يكلمها وهي نايمه ويمسح على خدها بظهر كفه وبكل حنان :راح اييج الصبح قبل لا أمر الكليه ...تصبحين على خير وبمجرد ما يطلع أمجد ويسكر الباب فريده هني..... تبطل عينها !!!!!! وتحاول تتحرك وتطول الجرس بس ماتقدر من الوايرات الموصله عليها إستسلمت ونطرت لين يشيلون هالأشياء المركبه عليها بعدين تسوي اللي ببالها ببيت بدر نبذه عن حياة بدر وأهله.... عرفنا ان بدر عنده ثلاث خوال وخالته عايشه( كلهم متزوجين ) ...لكن اللي موعارفينه انه يتيم وماعنده خوان( ماتت أمه وهي تولده ...ومن قبل سنتين مات أبوه من الضغط ) ومخلي بيته أجار وعايش عند يدته أم أمه تطوعا منه علشان ماتكون يدته بروحها بالبيت ... ويدته مراه عوده كلش مالها حس ....يزورونها عيالها كل يوم ويناوبون عاللي يجيها ويباشرها ...بس اليوم ملتمين لخطبة بدر اللي ترجاهم انه يكون اليوم وبأسرع وقت ...عارضوا بالبدايه لكنهم رضوا بالأخير علشان خاطر ولدهم اللي يحبونه ويعزونه... توهم راجعين من بيت بو أمجد والخوال يتحلطمون عالتصرف الغير لائق من هالعايله اللي يبي بدر يتناسب وياهم ... بدر يمل من حجيهم ويبي يروح حق الطابق اللي فوق اللي مسويه سويت كامل حقه... ويلقى خالته عايشه بتطلع من البيت توها بعد زيارتها لأمها.. عايشه : هلا بدر ؟ شصاير عندكم ؟ ليش هاللويه ؟؟ بدروهوماله خلق يسولف : رحنا نخطب فريده بس رفضونا !!! عايشه كاسر خاطرها :وي !!!انشاء الله تلقالك وحده غيرهاوالله يعوضك بأحسن منها إنشاء الله ( بقلبها : ما أدري شعاجبه فيها ؟؟؟) بدر : ماكو وحده تعوضني عن فريده .... عايشه : إنت علشان منصدم تقول جذي ... بعدين راح تنساها و .. بدر : الله يسامج خالتي عالخطه اللي دبرتيها ...كاهي الحين ضيعت حياتي ... عايشه : هاه!!!! و يمشي بالغصب ويتطوطح من آثار الطق واللكمات اللي محصلهم من شوي وكاشت بخالته اللي تكلمه ومايدري شتقول ولا حوالينها ...الحين فكره مركز عالسرير ويبي يريح جسمه .. يمر على صالته المأثثه بأحلى تصميم ويوصل عند ممر لغرفته المزين باللوحاتوفوها الاضاءه ( حسب تخصصه مهندس ديكور فهو يعرف بالديكور ويتفنن فيه وذوقه عالي من هالناحيه ) وماصدق يوصل غرفته ويبطل الشتر وهو باب ياباني التصميم ..ويوصل غرفته اللي ديكورها ياباني والسرير نازل أشبه بما يكون سرير أرضي ... وعلى سريره يتمدد عليه شوي شوي من العوار.... بدر : كلا مني طعتج يا خالتي ...أستاهل اللي يصير فيني ...أستاهل أستاهل ... وينااام.... في اليوم التالي بوقت الفجر تقعد فريده من نومتها اللي غفت فيها بس ساعه وتلقى السستر تشيل منها المغذي لنقل الدم السسترتبتسم لها : الحمدو لله عالسلامه ياجميل...الدم دلوئتي مستقر.. ... فريده : سستر ممكن أعرف وين التلفون ؟ وتعطيها التلفون اللي موجود يمها عالطاوله : تفضلي يا أموره.. فريده : مشكوره... وتقوم روحها غصب وتدق على ميسا ... ميسا : مينو مينو ؟ أكو آحاد يديق هالحازاه... آمى( عمى ) ....وتسكره من غير ماتخلي مجال حق دليسا انها تقول كلمه!! وتدق مره ثانيه... ميسا : ياعني وباعدين؟؟؟؟ دليسا بصوت تعبان: هذا أنا دلووووس ميسا : دلووووس ! اشفيج ؟ شصايار ؟ دليسا : انا ابالمستشفى ( الفلاني ) الخاص مريني الحين ...عفيه لازم أكلمج ... ميسا تتثاوب : ليش بالمستاشفاه ؟ منو اللي تايح عليكوم ؟ دليسا : أنا ميسا : ليش ؟ شفيج ؟ دليسا : انتي تعالي بس بعدين أقولج كل شي ...لا تنسين ييبي وياج ملفع وعباة .. ميسا :؟؟؟ وصج تروحلها عالساعه خمس ونص اسألت السسترات عن رقم غرفتها باسم فريده الثامل وانها محتاجتها الحين ضروري وانه ماعندها أحد وياها ...وما منعوا... بالعكس اهم يبون رفقه حق مرضاهم ...ووصلوها لي الغرفه... احضنتها دليسا حييييل...وقالتلها عن قصة بدر وخيانته وإنها عرفت من الناظره .....الخ ...... ميسا : بدر يطلاع مناه جذي ؟؟؟ ما أظن ! ليش ما تدقين آلحين عاليه ؟ لازم تاخذين منه اهو الحاجي ؟لازيم ماتاحكمين عليه من طاراف واحاد .....موصاح دلوووووس ....مو انتي اللي كنتي تيقولين جيذيه ؟ دليسا : أدق عليه؟؟؟؟ تهقين ؟؟؟ انزين شقول ؟ ميسا : قوليله اذا صيج الكالام اللي سواه والا يتبلون عاليه ؟ دليسا : أقولج سألت خالته ومن كلامها حسيت انه صج سواه هالشي الفظيع!! ميسا : مممممم ...لحضه ؟انتي ماتدرين شصار أمس ؟ آآآآآآآآه كنتي طايحاه غاشياناه يوم انه إيي بيتكوم!!! دليسا: شنو ؟ يه بيتنا أمس ؟حق ليش ؟ علشان يخطيبيج من عامج .. دليسا : يخطبني ؟ ميسا : اي والله ... دليسا تظل ساكته متفاجأه ..... تالي تسألها : وعمي شقال ؟ ميسا : والله مادري؟ دقي عالا بدر الحين واسأليه لأن الجواب الشافي عينداه..... أنا داقيت عليه بناءا على طلبج يوم كنتي بالمدرسه تذكرين ؟ وكنت حادي خايفاه ...تدرين بأهالي وصاكاتهوم...المهميم ...قلتلاه انه عمج بيزوجج أمجد غاصوب وايناه حابسج وماعنديج تالفون ...عاصاب وقرر بلحضتها انه ايي ويخطبج من عامج مع خوالاه يمكن يقونعوناه ... دليسا : بس هم غلط اللي سواه ...المفروض ما يتآمر علي هو وخالته ويلعبون باحساسي ......بس على قولتج ...لازم أدق عليه ..وآخذ كلامه ...تالي أحكم.. ميسا تحضنها و تمسك إيدها : ودي أساعدج حابيبتي و أخفف عاليج محنتج ...أحداث قاعده تصيريليج وارا باعااض ....باعاد عومري انتي والله .... الله يكون بعونيج حابيبتي... دليسا : تقدرين تساعديني يا ميوووووس .. مسيا :؟؟؟!!!!!!؟؟؟ دليسا :أنا علشان جذي ناديتج وقلتلج تيبين وياج ملفع وعباة ... وتاخذ راس مسيا وتساسرها ميسا تخترع وتحط إيدها على ويها دليسا : تعالي بعد ماخلصت .... ميسا تبحلق عيونها : آمبيييييه .....لااااااء !!! دليسا : مالج شغل إنتي... لا تصيرين خوافه....إنتي بس خلي السالفه على............ بس قبل لاتروحين ساعديني أشيل هالابره اللي بيدي... شوي شوي.... أي عورتيني... شوي شوي قلت لج ميسا : انزين ...منو اللي فينا خواف الحين ؟ دليسا تسكر عيونها بيدها الثانيه : ها طلعت ؟ مسيا : اي ...أوف ...عرقت من الخوف ...وتمش جبهتها .... دليسا : قاعد يطلع الدم مسكيه فتره بكلنكس ..... ميسا : شينو قيلتاي ؟ دااام ...آآآآه وتطيح غشيانه.. دليسا : ميوس يالهبله هاذا وقته ؟ تضغط دليسا على ايدها فتره لين وقف الدم الناتج من إبرة السيلان وتكودالابره بكلنكس وتقطه بسلة المهملات.. وترجع لميوووس وتقعدها بطراقات وتصب على ويهها ماي لين قعدت... ميسا : شصار ؟ دليسا : ماصار شي ... بس نمتي فجأه ...يالله مثل ماتفقنا ...روحي الحين ...يالله بسرعه بسرعه... ميسا متدودهه: انزين انزين... عالساعه سبع يوصل أمجد المستشفى ويمر صوب غرفة فريده لكنه مايلقاها !!! ويسأل السستر عنها تقوله انها شايفتها تروح الكافتيريا ودها كرواسون لأن أكل المستشفى مو عاجبها !!! يروح أمجد الكافتيريا بس هم مايلقاها ويرد عند السستر وهو متصروع... أمجد : مو موجوده هناك ؟ وينها ؟ والسسترات يتخرعون ويدورونها بكل مكان لكنهم لقوا الابره بالزباله تكرمون ويعرفون انها نحاشت... أمجد بقلبه : يعني انحشتي وسويتيها؟؟ وين بتروحين مني بألقتاج يعني بألقاج ... أمجد يدق على أبوه يخبره بهروب فريده ببيت ميسا ميسا : آمبيييييه ....انا خايفاه... دليسا : ليش تخافين؟ ميسا :آهلي مايدرون اني خاشيتيج عاندي ... أخاف يسألونهوم ويفضحوني ؟ دليسا :أبي انطرهم يدورون ببيت خالي ويتأكدون اني مو موجوده هناك وبعدين أروح لهم ... قعديني هني عندج بغرفتج ...وقولي حق أمج اني رحت وكلا بقفل على روحي الباب ومحد راح يدري عني ... ميسا : بس أخاف يقولون للشورتاه ...ويتهموني بإختفاء مواتيناه؟ دليسا تطقها على جتفها : بسج عاد ..مواطنه!!!..قلنالج محد راح إيي ... عمي مايعرف عنج شي ولا حتى يعرف وين بيتكم صاير .. أصلا مايعرف إسمج ... بس خليني أفتك من سالفة الزواجه الغصب هاذي ... ميسا : اوكيه... انشاء الله ماييون عندنا .. الا بغيت آسإيلاج ؟ دليسا : هلا ؟ ميسا : انا شاكاه إنج مخططه حاق كيل هاذا .. آعارفج !!!!!!! خوبز إيدي ... دليسا تتذكر..... بدايتها كانت لمن سمعت أمجد يناديها ويطق الباب كانت مجهزه القلاص المكسور حق الوقت المناسب ,بعدها جرحت ايدينها بالزجاج المكسور وقصت الوريد اللي بيدها وسوت روحها طايحه بين الدم اللي منتشر حوالينها( لكنها فعلا تطيح غشيانيه من شوفتها للدم الكثير!!!!!!) .... دليسا : شتقولين انتي ؟؟؟ موفاهمتج؟!! ميسا تغمزلها : دلوووووسه!!هاه ؟يالله ....تخشين عن ميوسه رفيجتج ؟ دليسا :اي اي ...جرحت عمري علشان قلت يمكن يطلعوني من المحكر بيتهم وأنفذ خطتي بالمستشفى... بس شرايج فيها ؟ مو أحسن من إني أسرق بنك وأخليهم ويسجنوني بسبق الاصرار والترصد ؟ ترى فكرت فيها ...بس قلت أسوي الخطه ب أحسن ... ميسا متفاجأه : صج إناج مو صاحياه ؟ بالله ميتاي ؟؟؟ دليسا : لا ما أموت ... شنو بهالسرعه الواحد يموت ؟ ميسا : لا لا انتي لازم أحد يقرى عليج ...انتي الصراحه إنسانه تخرعين !!! دليسا تنسدح بالسرير : أحسن من إني أتزوج بالغصب إنسان ما أحبه ..... ميسا : خوفي ينقلب عليج كل هالي تسوينه هاذا ؟؟ترى كلشي بالتفاهم دلوس ...المفروض تقعادين مع عاميج تبينينله الأسباب اللي مضايقيتيج من هالزوا........ وتطالع دليسا فجأه وتسكت وتلقاها بنوم عميق!!! ميسا تبتسم : أنا أشهاد إني ماشيفت بحاياتي كيلاها وحداه مثلج بقوتج وجرئتج وتصرفج الغير إعتيادي للأمور.... ( وتهز راسها يمين ويساروهي مسكره عيونها ) وتتنهد .... تلحفها وتروح مكتبها تشتغل عالكمبيوتر وتدش على الفيس بوك وتقضي وقتها إلين تقعد دليسا من نومتها ....( لأنها مايصير تطلع من غرفتها ودلوس موجوده بروحها ).. | |||||||||
|
| |
|
11-01-14, 10:29 PM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الثامن والعشرون في اليوم الثاني ببيت ميسا تحديدا بغرفتها ... ميسا تبطل عينها على صوت دليسا :ميوس ميوس !! ميسا ترفع راسها من طاولة الكمبيوتر اللي غفت عليها وهي مو حاسه .. ميسا : شنو آنا نيمت ! دليسا : إي ...روحي نامي بالسرير كملي نومتج أريحلج هناك.... ميسا تروح سريرها وبثقل ... دليسا بعد تردد: ودي لي قعدتي توديني مشوار.... ميسا تتلحف: وين بتروحين؟؟ دليسا : ودي اشتريلي تلفون ميساتحاول تنام :مو موشكيلاه ...بس شلون أتالعيج؟ باعدين آهالي يشوفونيج ؟ دليسا : قوليلهم توني يايه زايرتج ...وبرد عند أهلي ...بكل بساطه .. ميسا : وشلون اذا بتردين هني مراه ثانياه ....يالله بالغاصوب دخالتيج واستغليت فورصاة عدم وجود آحد بالبيت علشان أييبج!!! ... دليسا : بعدين حزتها نفكر بطريقه ..يالله ميوس بسرعه ! ميسا تقوم راسها من السرير وتقط اللحاف: تايارتي نومتي دلوووس ... دليسا : ههه سوري حياتوه... تقوم ميسا من السرير وتروح تلبس جوتيها : يالله شناتراه ؟؟...لبسي جوتياج خان ناروح الحين!! دليسا تبتسم: ألحين !!!! مشكوره ميوسه ...... ميسا : يالله خالصينا بتاشكرنا وتعاتيلنا عن مشاوريناه... وفعلا يطلعون من البيت وهم يتسحبون لكنهم على حظهم الزين مايلاقون أحد لأن الحزه الحين الظهاري أهلها تغدوا وناموا .... وتودي دليسا تشتريلها تلفون وخط تستخدم فيه الفيزا مالت ميسا ( اللي حولت فيه رصيدها عن طريق النت )...واللي هم إسحبت منه جم فلس تقزر فيه من الايي تي أم اللي بالجمعيه... ويردون البيت قبل المغرب ,دليسا تطلب من ميسا إنها تتأكدلها من فضاوة البيت وتروح داخل ميسا بعدين تطلع لها ميسا : للأسف خواتي وأمي قاعدين دليسا : بروح بيت ايديده ...وديني هناك ميوس...دليسا : لا ميوس ...مابي أحد يعرف بوجودي ركبي بسرعه طلعيني من هني لا أحد يلاحظني ميسا وهي تسوق السياره :شرايج تروحين بيت خالج عند يدتج ؟ دليسا : لا مابي أورطتهم بالشرطه وخاصة اهم بنات بروحهم وما عندهم ريال ... ميسا : انزين شالحال ؟ وين تروحين ؟ ميسا : بس هناك مافي أحد ! انزين عينداج الميفتاح ؟ دليسا : بجنطتي ...وجنطتي بغرفتي اللي ببيت عمي اللي أنا منحاشه منه !!! ميسا : مو صج !عيل شلون بتدشين يا حلوه ؟ دليسا :ندور لنا منفذ..... ميسا ؟؟؟ ويوصلون بيت عارضيه دليسا تتذكر يوم إنها تيي مع عمها آخر مره للبيت هذا علشان تنقل اللي محتاجته من أغراض وعفش و تحرك الحديده من تحت باب السكه ويتبطله وبكل سهالهوتروح عند الباب الرئيسي للبيت وتبطل ميسا الباب ....تلاقيه مقفول!! ميسا : انزين والحل ؟دليسا : أكيد ....مو أنا اللي قافلته بيدي آخر مره .. دليسا : تعالي معاي وتروح وراها صوب الحوش الخلفي اللي فيه دريشه تؤدي الى غرفة الخدامه ....دليسا تجرب حظها وتحاول تبطل الدريشه ... وعلى حظها تتبطل وياها !!!! ميسا: آآآآه ه ه دليسا : هاذي ميريوه وسوالفها ....عمرها ماقفلت دريشتها .. ويدشون من الدريشه ويروحون الصاله الرئيسيه ويقعدون فتره ويشربون شاي مسويته دليسا ويسولفون ويدردشون ميسا : الا ماعاتيتيني راقميج ؟ عتيني اياه خل آحفظه عندي وتعطيها الرقم ميسا : ماشتقتيلاه ؟ دليسا : منو ؟ ميسا : تدرين منو أقصد ؟ دليسا : اللي بغى يبيعني ؟ ميسا : حرام عاليج لا تقولين عاناه جذيه !! الحين الريال ياي عند أهلج ومتعاني وبيخطبج منهم ؟ هذا يزاتاه المسكين ؟ دليسا : خل يولي ... الزواج مو مقياس الحب ...كا أمجد ميت بيتزوجني ...يس هل يحبني ؟ طبعا لأ ... يبي فلوسي ... يعني زواج مصلحه... أووووف .... سكتي يا ميسا ... ماقمت أأمن للرياييل وكرهتهم كلهم.... ميسا : لا لا تقولين جذي ...مافيهم شي الرياييل ...أهم بس يبيلهم فن بالمعامله ...انتي لازم تكلميناه مثل ماقلتلاج وتستفسرين مناه الموقيف ....لاتخلينه هايم جذي .... دليسا تتهرب: تبين بسكوت مع الجاي ؟ عندنا بسكوت لذيذ ..بروح اييبلج من المطبخ ... ميسا مو عاجبها تصرف دليسا وحكمها الخاطيء للموقف ...واستغلت روحة دليسا للمطبخ وبسرعه قعدت تكتب رساله حق بدر : هذا رقم دليسا اليديد .....9733 وهي الحين بتقعد ببيت يدتها بروحها ...قلت لك علشان أبي أريح ضميري والباقي عليك good luck وتيي دليسا من المطبخ وبيدها البسكوت دليسا : ماقلتيلي ميوس ؟ شخبار ولد خالج ؟ متى ناوي يخطبج من أهلج؟ ميسا : يقول بيخطبني لمن يرد الكويت ويخلص هالتيرم انشاء الله دليسا : من عرفتيه وهو كلا يقول جذيه؟ ميسا : معذور ...أهم شي خل يخلص الدراسه ... بعدين لاحقين عالزواج وعيال ولويه ...وتضحك دليسا تطالعها بشفقه : متى آخر مره كلمتيه ؟ ميسا :مو وايد ... توه .... تقريبا من ثلاث أسابيع ونص دليسا :آها !!!!! ميسا تشرب شاي: عبدرالحمن عنده امتحانات ولويه ومو فاضي حق شي ثاني كلش .. دليسا : صح صح .. إمتحانات ...لا تشغلينه فيج ...أهم شي دراسته ومستقبله... ميسا : إي صح ...المسكين دليسا :؟؟؟!!!!؟؟؟ ميسا : حلو هالباسكوت والله لذيذ !!!. قلتي من وين شاريتيه ؟ دليسا بقلبها :والله انتي المسكينه ... وتدافعين عنهم بعد ...؟؟ وتدق أم ميسا تسأل عن سبب تأخيرها دليسا تفكر شوي وتقول: عيل لي يوا بستنجد فيهم ...وأقولهم عن الزواجه الغصب ...يمكن يصيرون معاي ؟ميسا : سوري دلوس ما آقدار آقعاد معاج أكثار من جذي ... أمي جابرتني آريد بسورعاه.. دليسا : لا عادي ميوس ...روحي ...أنا خو وين قاعده ؟؟ببيتي. ميسا : صاح ببيتج ...بس لا تنسين ان آهاليج يدورون عنيج ....والبيت هذا من أوائل المستهدفين ترى .. دليسا بكل ثقه : أدري بهالشي ...بس أنا أعرف شلون أغافلهم وأتهرب منهم لي ياو ... ميسا : شلون دلوس ؟؟ شلون تقدرين عالشورتاه ؟ دليسا : لا تخافين عندي خططي وأساليبي.. ميسا : الله عالخيتات والاساليب !! إي مو انتي جيمس بوند وأنا مادري ؟يبا هذيلي شورتاه!! شووووورتاه..مو بنات المدرسه تلعبين عاليهم ؟ ميسا تلفونها يدق مره ثانيه وترتبك: أمبيه الحين أهلي بيذبحوني ...يالله دلوس لازم أروح الحين ديري بالج على نفسج ومايردج الا تلفونج .أوكيه ؟ يالله باي وتبوس رفيجتها وتطلع من الدريشه على سيارتها ويصير بالليل وفريده تحرص انها ماتبطل اي ليت بالبيت لأنها بتعطي ايحاء انه البيت بعده مهجور... وتروح غرفتها وتقفل على روحها وتحط المكتب يسند الباب ( علشان يصعب فتحه ) تشوف رقم غريب يكون مصدره من تلفون أرضي ويرن تلفونها وماترد عليه تخاف أحد مستهدفها فحطته سايلنت وخلته على صوب في اليوم التالي وفريده مازالت تدور بالبيت اذا فيه مفتاح الاحتياط للباب الرئيسي وتحاول تدوره بغرفة ايديده ..بدروجها ...وكبتاتها ...وتلقى جم مفتاح وتجربهم بس مايطلعون مناسبين للباب!!! دليسا : ايديده وين حاطه المفتاح السبير ؟ أنا أذكر انه فيه ثلاث منهم واحد عندي وواحد عندج وعطيناج اياه ...وواحد انتي خشيتيه والحين اهو مفقود !!! وتستسلم وتروح مره ثانيه الصاله...وتقعد تطالع التلفزيون ... وتاخذ تلفونها تجيك عليه والا تتفاجأ فيه عشرين مس كول!!!!!!! ومن بينهم المحت رقم بدر !!!!؟؟؟!!!! | |||||||||
|
| |
|
11-01-14, 10:29 PM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| الفصل التاسع والعشرون فريده : مسرع ما عرف رقمي اليديد؟ ؟؟؟!!!!! بعدين تعرف القبنده و تعصب : أكيد ميوس ماكو غيرها المفعوصه !! وتلقاه يدق مره ثانيه تتردد بالأول إنها ترد عالمكالمه لكن ماقدرت تقاوم فريده : نعم ؟ بدر : فريده ....أخيرا حصلتج؟ ماتدرين الأيام اللي طافوا شلون كانت صعبه ومريره علي .. دليسا : لوسمحت ...انا مو فريده إسمي دليسا ... بدر : شفيج حياتي ؟ دليسا : مافيني شي ..وبليز لا تدق علي مره ثانيه ... بدر : أفاااا !!!! فريــــ أقصد دليسا شفيج ؟ أنا سويت شي لا سمح الله ؟ دليسا : إلا شخبار خالتك عطتك الثلاثة آلاف وإلا ليلحين ؟؟؟؟إذا ماعطتك ! لزم عليها إنها تعطيك لزوم اتعابك وجهودك المبذوله.. بدر : لاتعذبيني دلوووس أترجاج ....أعترف إني غلطت وغلطتي هاذي خلتني ما أنام الليل وندمان ..سامحيني دلوس.. دليسا : مسامحتك ...بس هم مابي أشوفك ....مع السلامه.. بدر : يصارخ : لأ لأ دليسا ...لا تسكرين عفيه ... دليسا استجابت لطلبه: شبغيت بعد؟ بدر : ممكن تعطيني الفرصه اني أبرر موقفي ؟ دليسا تذكرت موقفها مع عمها بالمدرسه يوم صكها طراق يم الناظره وهانها من غير مايخليها تبرر موقفها...حست إنها إذا ماعطته المجال راح تصير ظالمه مثل عمها ...وهي ماتبي تكون جذي بالمره.. دليسا : تفضل قول .. بدر : ماينفع بالتلفون ...دليسا : عيل وين ؟ بدر : داخل عندج بالصاله مكان ما إنتي قاعده ويمج الجاي ...على فكره لبسج البينك حلو عليج ...ويناسبج وايد ... اخترعت دليسا وتتلوفت يمين ويسار !!! والا تشوفه يأشرلها بدريشة الصاله المطله على حديقة الحوش !!! دليسا تتبلعم : شلون ؟ اشدراك ؟ ومتي؟؟؟؟ لا تقول ...خلاص عرفت.... بقلبها وهي معصبه: ميوس بقتلج ... دليسا فز قلبها يوم شافت طوله وهندامه وشعره بخصل خفيفه طايحه شوي على عيونه اللي واضح عليهم التعب والهالات السود حوالينها!!!!!ولحيته الديرتي اللي مبينه عليه انه ماكان مهتم فيها صارله فتره طويله... لكنها تجذب قلبها وتقاوم شعورها وتدوسه...وكبريائها يطغي عليها فوق كل شي عندهاقلبها دقاته تدق بسرعه ....لي هالدرجه كانت مشتاقه لشوفته ؟ خصوصا انها ماشافته صارلها أسابيع ... بدر : راح تخليني واقف بالشمس مده ؟ دليسا :إيدليسا : تبي تدش البيت عندي وأنا بروحي ؟ بدر : إي ....ممكن؟ دليسا : طاع هذا ؟ شقالولك أنا ؟ بدر : يعني أفهم من كلامج إنج منتي مدخلتني ؟ بدر :شلون ؟ أنا أبي أقعد وياج وكلمج.!!! دليسا :كاني أنا الحين قبالك وقاعد تشوفني ( وتروح تلز بالدريشه ) وصوتي قاعد تسمعه بالتلفون ...شتبي أكثر من جذي ؟ بدر : موكافي ..مابي حاجز بينا ...مشتاقلج وأبي ألمج بيديني دلوس..أبي أتحسسج وأسمع أنفاسج ... دليسا : نعم ؟ بدر يلزق بالدريشه صوبهاويحط ايده وراسه مكان ما راسها حاطته : عفيه تكفين دلوس ...قاعد أتعذب .. دليسا حست بقربه منها لمن لصق بالدريشه ( مثل ماهي لاصقه بعد) حست بحنانه يتغلغل كيانها كأن الحاجز معدوم بيناتهم .. لكنها ابتعدت فجأه عن الدريشه ووخرت شوي بعيد ولفت وعطته ظهرها ماتبيه يشوف دموعها : كنت أحبك .. بس بعد اللي عرفته وخطتك الحقيره ... بدر يحس بصوتها تغير ...قلب من صوت جبار الى صوت ضعيف ومكسور بدر : حياتي ..ادري اني غلطت لمن مااعترفتلج من بداية حبنا ..بس كنت خايف إنج تتركيني ..ماكنت متقبل انا نفترق ... دليسا تبجي وبدربعده واقف عند الدريشه ووراهم إيي أمجد !!!! ويتفاجأ من شوفته لبدر داخل الحوش لبيت عارضيه ؟ أمجد : بدر ؟ بدر يلف عليه ويطالعه وطاقته البوهه: أمجد ؟ شمييبك هني ؟ أمجد معصب : إنت إللي شمييبك هني ؟ فريده تسمع صوت أمجد من تلفون بدر وبدر بعده حاط التلفون بأذانه وتركض بسرعه لي غرفتها وهي تقوله : بدر لايدري إني هني ....ترى منحاشه من بيتهم ...عفيه لا تبين وجودي هني .. وتسكر التلفون .. ووتدش غرفتها وتقفلها بهدوء علشان لا تطلع أي صوت .. وتنطر بشغف شنو اللي راح يصير؟فريده : إنشاء الله ماشافني ... أنا ماشفته والزجاج عاكس مايبين اللي داخل البيت من بعيد ...يمكن مانتبه وشافني ؟؟!!؟؟. وتحط إيدها على قلبها وتدعي إن الله يعدي لقاهم على خير .. | |||||||||
|
| |
|
11-01-14, 10:30 PM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الثلاثون بو أمجد بعد اختفاء فريده من المستشفى قرر انه يبحث عنها بكل مكان يمكن انها تكون متواجده فيه ...وأول شي سواه انه جاه عند بيت عارضيه ودور عليها مع ولده...تالي راح بيت خالها يدورها هناك ....ولمن مالقاها عندهم سوى هيصه وهددهم انهم خاشينها عندهم ...وطلب منهم بالمره اليايه اذا يه يطلعونله اياها والا يستدعي الشرطه عليهم ويحققون وياهم ...وهم يحلفونله انهم ماسمعوا عنها أي شي ولاحتى شافوها من فتره ...وزرع الخوف بقلوبهم عليها ...وبغوا يقولون للشرعه لوما أمجد يه ووهدأ من روعهم ....بس أمجد طلب من أبوه انه مايخلي الشرطه تتدخل ويحققون بسبب اختفائها وسين وجيم ولويه ....فقنع أبوه انه يتريث شوي ويعطيه مهله انه يدور عليها...ومن يومها نلاقي أمجد يمرعالبيت كذا مره باليوم وبعد بيت خالها نفس الشي ...وهو متأكد انها راح تلجأ للبيتين هذويلي لأن ماعندها غيرهم تروحله ....الا اذا دبرت عمرها بمكان يكون غير هالمكانين ؟ علشان جذي نشوفه اليوم ياي وعلى حظه يلقى بدر بويهه !!! أمجد : قولي شعندك ياي هني وتطل من الدريشه؟ بدر : لمن تقولي انت بالأول شعندك هني ؟ أمجد : ياي ممتلكات خاصه وومبطل الباب وداش ؟ هي وكاله من غير بواب ؟ بدر : قول حق نفسك ؟ هني فريده تتذكر الجاي اللي مسويته والتلفزيون المبطل وبسرعه تبطل الباب شوي شوي وتنزل بخفه وتتأكد انه الرياييل ليلحين مع بعضولا هيين بهوشتهم وتسكر التلفزيون وتشيل صينية الجاي وتروح المطبخ تاخذ الغوري مال الجاي اللي سوت فيه الماي الحار عالجوله وتعدل الوصاخه ( وتشيل أدلتها ) وتركب مره ثانيه وتاخذهم وياها غرفتها تقفل .... أمجد يعصب : هذا بيت يدة بنت عمي بدر : وانت ياي تشوفلها البيت وتعتني فيه حقها؟؟؟ أمجد : مو ملزوم أقولك ليش ياي بدر : عيل كلمن يخلي أسبابه لنفسه.. أمجد يطلع من طوره وياخذ فانيلته : ياي هني حق فريده ها؟ ويطق ايده ويوخرها عنه ويعدل فانيلته بدر : وخر عني خربت كشختي ... ويعدل فانيلته ويكمل :وليش ؟ فريده مو ببيتكم قاعده ؟ أمجد : طبعا ببيتنا ؟ شنو انت شايفها بمكان ؟ بدر : لأ ما شفتها ...مو اهي الحين خطيبتك ؟ ليش ماتدق عليها وتسألها وينها اذا قاعد تدور عليها جذي ؟ أمجد : اي بدق حسبالك ناطرك ....يالله اطلع من هني قبل لا أناديلك الشرطه وقولهم انك ياي هني تتلصص عالبيت .. بدر : هي هي ...تهددني انت ..حسبالك خايف منك انا ؟ وليش ما انا أشتكيلهم منك ... أمجد : وتشتكي على شنو بالله ؟؟؟؟ بدر : مالي كلام وياك ...ويهده ويمشي أمجد : ؟؟؟!!!؟؟وأمجد وراه : هي ...ماترد علي ؟ ويمسكه من ايده وبيطقه بوكس ويوخر بدر : لأ لأ!! مو من مصلحتنا نتهاوش بره والنس يشوفونا وينادون الشرطه ...ويطقه على صدره طقتين جنه يطق فيهم الباب ) أنا أقول كل واحد يمشي بطريجه ويادار مادخلت شر ... ويروح بدر ويركب السياره ويمشي فيها وهاد أمجد بروحه بالسكه بس أمجد حاشه الشك!!! وبسرعه يروح عند الباب الرئيسي ويبطله ( بمفتاح فريده اللي ماخذه من جنطتها !!!! ) ويدش داخل هني توها فريده داشه غرفتها وقافله على روحها الباب .... ويمشي أمجد شوي شوي ويدوربالطابق الأرضي غرفه غرفه حمام حمام وبالكبتات وتحت القنفات ويمر المطبخ يبطل الثلاجه ويدور ويتفحص بنظراته حوالين المطبخ أمجد يخترع : آآآآآآه ويطق ايده براسه أمجد :نسيت المفتاح عالباب من بره .... لحد ايي ويقفل علي وأنا داخل ويروح ياخذه ويركب الطاابق الأول ويدور بالغرف لين وصل عند غرفه يبطلها ....مقفوله!!! يستغرب أمجد ؟ ماكان يذكر لمن يه مع أبوه ! هل كانت الغرفه هاذي مقفوله بعد ؟؟؟ ويجرب بشكة المفاتيح اللي عنده وبيجرب مفتاح مفتاح عله يلقى المفتاح اللي يبطل الباب... وفريده داخل ماتطلع ولا حس ولا نفس ... وتسمعه يحاول يبطل بالقفل ... لكنها حاطه مفتاحها على الباب ما شالته ( لأنها متعوده يكون المفتاح على باب غرفتها على طول ) أمجد يمل من المفاتيح ويعصب ويطق الباب ويطقه على كتفه ( يحاول يكسره ) وتسمع فريده صراخه ويوترها أمجد :هااااااااااااه هاااااااااه وفريده تسمع الصوت وهي مرعوبه وقلبها طايح ببطنها ماتدري شتسوي ... ومسكره حلجها بيدينها وتدعي بقلبها انه يروح ويخليها ظل على هالحاله دقيقتين ...لكنه بالنسبه لها ساعات من الرعب توقفت الأصوات المرعبه والدق عالباب ومحاولتة انه يكسره.... فريده تحاول تسمع أي صوت بره لكنها ماتسمع شي.... وتسمع تنهد أمجد الظاهر انه تعب وجتفه عوره اللي فاكر عمره سوبر مان!! وظلت ساكته ومتسمره بمكانها وتقعد بالأرض شوي شوي بزاويه الغرفه يم الدريشه .... ظلت على هالحال يمكن ساعه الين سمعت صوت باب السكه يتسكر !!! قامت من مكانها شوي شوي وتطل من الدريشه أمجد يركب سيارته ومشى فيها فريده : واااااااااااااااااااااااا ااااااااااااااي مابغى !!!! وتتنهد وتتنفس الصعداااء وتبطل غرفتها وتروح على الباب الرئيسي تشوفه إقفله والا لأ؟ تلقاه مقفول... فريده : مي حاله هاذي عايشه بهالرعب ؟ وبعدين حلايه ويها هذا !!! شفيه ياي بروحه من غير شرطه ؟؟؟ الظاهر ليلحين ماقال للشرطه ؟ اي يخافون ...ماعندهم عذر ....بيقولونلهم عن محاولة إنتحاري والا الزواجه الغصب اللي بيزوجوني اياها ....اي مو هذا هو سبب هروبي من عندهم ؟؟؟.أحسن ...السالفه عيل صايره لصالحي.... عيل أكيد راحوا ليدتي وقالولها لأنهم بيدوروني هناك بعد أكيد اهم الحين يحاتوني ؟ وتاخذ تلفونها بتدق على مرت خالها ... لكنها تخاف يسألونها وين مكانها ويجبرونها ترجع حق عمها فأجلت هالسالفه شوي... الحين تلفونها يدق تشوف منو اللي داق عليها ؟ والا رقم بدر دليسا :ألو بدر : حياتي كنت أحاتيج ...أمجد طلع والا دخل عندج البيت ؟ دليسا : اي دخل البيت... بدر : شلون ؟؟؟من وين له المفتاح الخسيس ؟ دليسا : يمكن ماخذه من جنطتي عندهم بالبيت ... أمجد : أيا النذل ؟ ماكنت أدري .. والله لو أدري جان ماخليته ومشيت ...عبالي بيرد لأنه مايقدر يبطل الباب بيشوفه مقفول ويروح...عسما لقاج ؟ دليسا : لأ مالقاني قعدت بغرفتي من غير صوت.. بدر : يعني ماحس بوجودج؟ دليسا : الحمد لله لأ... دليسا تحط ايها على راسها( أجهدت نفسها من الخوف ) : آآآآخ بدر : شفيج عمري ؟ دليسا : مافيني شي بس تعبانه ودي أنام بدر : أوكي أخليج عيل دليسا : باي وتنسدح بسريرها تريح جسمها المرهق وتناااااام على صلاة المغرب تقوم من نومها وتصلي وتبطل الباب اللي مرعبها اليوم الصبح وتنزل بالدري شوي شوي وتتفقد المكان( ماتدري يمكن يايها أمجدوه الإبليس وناطرها تقعد من نومها ويصيدها!! يسويها الجبان ...) لمن تأكدت انه مافي أحد تقعد بالصاله دليسا : المفروض أحبس عمري بغرفتي وآخذ عدة الأكل وفواحة الماي الكربائية وسويلي الجاي هني عندي بالغرفه ...علشان لي يوا ما انفظح من بقايا استعمالاتي للأدوات... وصج تاخذ العده كلها من استكانت وسكر وجاي والاله الكهربائيه وتروح غرفتها تستقر هناك وتتفرغ الحين ودها تزف أحد وتهاوشه وتدق على ميوس وتزفها عاللي سوته ميسا : سويت جذي عالشان ماصلاحتيج حياتوه ...ما أرضى أشوف محبين مفترقين ومحد يعاريف شلون يوصل حاق الثاني ...بتشكريني باعدين...... دليسا مستمره بالزف: أي بس انتي مالج شـــــميسا تتهرب : شينو شينو ؟؟؟؟ ما أسمع ؟؟ وي وي وي أمي تناديني بنروح الشاليه وقاعدين نجاهيز....أدق عاليج باعد شوي دلوس ...يالله باي...وتسكره دليسا : أوف ....مامنج فايده... تسمع صوت جرس الباب تتصروع دليسا تطل من الدريشه تلقى بدر ناطرها بره | |||||||||
|
| |
|
11-01-14, 10:31 PM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الحادي والثلاثون .....وأخيرا نتلاقى وتدق عليه... دليسا : ليش ياي بهالسرعه؟ مو توك رحت ؟ بدر : مو بيدي ولهت عليج.. دليسا تبتسم وتعض على شفتها عالخفيف بدر : شلون يبطلون باب السكه ؟ دليسا : حق ليش؟ بدر : خلاص عرفت ...ويتلوفت وينزل تحت الباب يرفع الحديده ويبطل الباب ...ويعدين يسكره وراه ويروح صوب الدريشه ( دريشه المحبين ) بدر : وينج حبي ما أشوفج ؟ بدر: من صجك دشيت ؟ ماتخاف ايي أمجد ؟ بدر : خل يولي ما أخاف منه... دليسا : اي بس جذي تزرع فيه الشك ويتأكد اني هني اذا شافك مره مره ثانيه ياي البيت وعند الدريشه بعد .. بدر : عيل ماكو الا تدخليني... دليسا : مالك أمل بدر : إشدعوه ! ترى ما أعض ! دليسا : بس مخطور تسوي شي أخطر من العض... بدر : لا لا ترى أنا أليف حدي ... دخليني وتشوفين شلون أنا مؤدب دليسا تضحك : الله يغربل بليسك بدر : تضحكين ؟ انزين ممكن أشوف ضحكتج لايف ؟ دليسا تكلمه وهي تنزل من الدري دليسا : هههه كاني يايتك.. ويشوفها يايته عند الدريشه ويبتسم لها ( أبو ضحكه جونان ) بدر : واو التريننج اللي لابسته اليوم عجيب عليج دلوس طالعه فيه كيكه .. دليسا تنحرج بدر : ما أقدر عاللي يستحون.. ليسا : لأ...ويتفحصها وذابحها نظراته لها دليسا : وااي .. بسك بدر ... بدر : شنو ؟ قاعد أطالع اللي لابسته ...عاجبتني الخامه ...شنونوعها ؟ مخمل ؟ بدر يستعبط : إنزين شلون تقولين مو مخمل ؟ يعني غريبه ؟؟؟ممكن أدش واتحسس الخام؟؟ دليسا ينقلب ويهها حمروتقوله بدلع: وبعدين وياك ... بدر : لا بس قلت أتأكد لأنه الخامه عجيبه الصراحه... دليسا ذابحها الحيا : خلاص بدر ترى بروح غرفتي .. بدر : شلون تروحين بعدين ما أقدر أشوفج ؟ دليسا بتمشي: بااااي (ليلحين يتكلمون بالتلفون) بدر : لحظه لحظه ...بس شوي.. بس شوي دليسا تردله : خير ؟ بدر : اهو في سؤال يدور بخاطري يعني !!.. دليسا : شنو اهوا ؟ بدر : إنتي شلون دشيتي البيت وماعندج المفتاح ؟ دليسا تتخصبق : آه آآآآه ...( متوهقه بالجواب ) تبي تجذب موعارفه !!!... بدر : داشه من مكان ثاني غير الباب مو جذيه ؟ عيل يبيلي أدور وأتفحص كل المداخل ... دليسا بصوت عالي: بدوووور ياويلك... ويهدها ويروح يدور بالدرايش ... وبسرعه دليسا تركض وتروح غرفة ميري بتقفلها... بس الدريشه خربانه ماتنقفل !!! دليسا : لاااااااااااااااأ إيي بدر عند دريشة ميري بدر يشوفها : ليش يايه هني ؟ دليسا: مافي شي ... بدر: عيل ليش ماكسه الدريشه جذيه ؟ دليسا تطالعه جنها ياهل بايقه حلاوه !!:.......... بدر : انزين حبي ممكن توخرين علشان أبطلها؟ دليسا : لأ بدر : عفيه!!! دليسا تهز راسها بعلامة الرفض ومستمره بقبضتها بمسكة الدريشه :إممممم إمممم بدر يبتسم : على راحتج حبي ...مابي أجبرج ... بدر يحاول يهديء من روعها لأنها شكلها فعلا خايفه ...فيبي ياخذ ويعطي وياها بالسياسه! بعدها دليسا ماسكه بالدريشه وتطالعه بويهها البريء بدر : بس ياحبي خلاص والله ماراح أدش حتى شوفيني ...كاني بروح.. ويروح عند الدريشه الأم !!! بدر ليلحين يكلمها بالتلفون: ممكن أودعج بدريشة حبنا قبل لا أروح؟ وتروحله دليسا بدر : يالله قلبي أشوفج بعد ساعه. دليسا : شنو ؟ لا بدر بسك والله ما أقدر ... بدر : إنزين باجر الصبح؟ دليسا : لا تيي هني وايد خلك بس تلفونات ...موضعي خطر ..يالله باي برجع غرفتي.. وتركض بالدري ... بدر: انشاء الله حياتي .. ديري بالج على نفسج .. دليسا : أوكي ..لا تحاتي باي ....وتسكره وتبتسم وتاخذ التلفون وتحضنه يصير باجر الصبح وروميو عند الباب (ياختي شو الحب بيذل !!!!) هالمره بدر يايب وياه السايق ماله يراقبله المكان ...مخليه يسفط عند ثاني بيت ويطالعله ويترقب ... وأول ما يلمح أمجد..(.بدر موريه صورته) .....يدق عليه علطول ويخبره ...علشان يعرف شلون يتصرف بالموقف على راحته ومايقعد على أعصابه يروح عند دريشة ميري ويدش منها ويقعد بالصاله يدق على دليسا ويقعدها ويطلب منها تيي عند دريشة حبهم وتقوله ينطرها شوي علما تصحصح وتروح الحمام ( تكرمون ) وتغسل ويهها و تلبس شي حلو ...واختارت لها هالمره فستان للي الركب يبين سيقانها الناعمين وبحفر عليه صورة رسمه شخصية خاصه للأطفال وخلت شعرها مفلول بقذله طايحه وبكلبس أحمر على جنب وبكل برائه تتهندهم حق حبيب القلب وتعدل روحها تحط لها روج خفيف مع كحله .....وتدق عليه دليسا: ألو ..بدر ...كاني يايه ...سوري عطلتك بدر (العيار): لا عادي حبي إخذي راحتج وهو قاعد يترقبها و ينطر جيتها على أحمر من الجمر.. دليسا : كا ...بس بلبس جوتيي وبييك ...عسما شمس الظهاري حرقتك ...ترى حر ليش ياي هالحزه ؟ بدر يبتسم : عادي حبي ...أحرق عمري عشانج ...بدر ينخش عنها وهو سامع خطواتها فوق بتنزل دليسا تنزل بالدري وعيونها عالدريشه دليسا تستغرب : وينك ؟ ماشوفك ؟؟؟ وتروح عند الدريشه تدور بدر يطلعلها من ورا زاوية الدري الداخليه بدر : غريبه ماتشوفيني !! مع إني هني ؟ وإييها ويغافلها من وراها ويمشي شوي شوي.. ودليسا على ويها بعدها تدور برا الدريشه ؟ ينجح بدر وايي صوبها و يحضنها من ظهرها و بكل حنان دليسا تتصروع وتصارخ ويطيح منها التلفون: آآآآآآآآآآآآآآآآآه وتحط ايدينها على حلجها توقف الصريخ لا يسمعونها المؤجرين بدر يسند راسه على رقبتها : وأخيرا فريده .... يلفها صوبه يطالعها باشتياق ويمسك ويهها بيده وبكل خفه ونعومه ويقرب شفته بشفتها ويبوسها..... !!!!!! | |||||||||
|
| |
|
11-01-14, 10:32 PM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| الفصل الحادي والثلاثون تمر ثانيتين عالوضع هذا !! ودليسا تستوعب وتطقه على كتفه تبعد شفته عنها وتطالعه باستغراب!!! بدر يرفع كفينه ويبينلها بطن الكفين ( علامه الاستسلام ) دليسا تخزه : ................ بدر : شفيج حبي ؟ وتبحلق فيه وهي ورافعه حاجبها لي فوق بدر ناطر منها تعبير !!! أينكان ( سب ...طق ...صراخ ) لأنه يدري انه غلطان ...بس شيسوي ماقدر يقاوم ...هذا الحب وعمايلوه ... ليلحين تطالعه بنظرة عتاب وهي واقفه مكانها ماتحركت بدر : فردوده؟ دليسا أخيرا نطقت وبحده : إسمي دليسا .... بدر يحاجي روحه : إسمها دليسا !!!!!آهاااا ...عدينا خير عيل !!!! بدر : حبي مادري شعاجبج بهالإسم ؟ دليسا تبحلق بعيونها عليه تبين عصبيتها.... بدر : اهو حلو ...حلو ... بس فريده وايد أحلى حبي ... دليسا تهده وبتروح الدري من غير ماتبين أي تعبير ثاني.. بدر يناديها : حبي ! حبي وين رايحه ؟؟ وتستمر تركب الدري وبهدوء وكاشته ببدر... بدر : فريــــ....دليسا ...دليسا حياتي ..وين بتروحين وهادتني ؟ وصلت دليسا غرفتها وهو وراها لفت صوبه وخذت الباب وتطالعه من تحت وهي رافعه راسها لي فوق وتصك الباب بويها بدر : أوف؟ بعدها بفتره يطق الباب شوي شوي بدر : حبيبتي ! ممكن أعرف أنا شنو سويت ؟ فريده وبالجانب الآخر من الباب تبتسم وتحط ابهامها بين ضروسها وتضحك عالخفيف وتهز كتفها وتتذكر البوسه العجيبه < --- هم عياره!!! بس هم ماترد عليه !!!! والريال متعذب فقير!!! بدر : أوكي أوكي غلطت ....المفروض ما أخدعج وأدش داخل البيت وفاجإج ... فريده :...... بدر يمل : وبعدين فريده ؟؟ شلون يعني ؟ شنو تبيني أسوي علشان أكفر عن غلطتي ؟ دليسا تبطل الباب!!! نشوفهم ألحين عند دريشة ميري بدر يطلع بره وفريده تطالعه بدر : هاااا أ هاااا... بعد شتبين ؟ دليسا : إي خلك جذي مطيع , وماشوفك مره ثانيه تدش البيت ...... يالله ...الحين بشوفك بدريشة حبنا جهز تلفونك ويايتك هناك على طول حبي وهي تمسك ضحكتها... بدر : تضحكين بعد ؟ أمرنا لله ...بعد هذا حكم القوي عالضعيف ومايسوي... وتسكر الدريشه وتروحله ركض عند الدريشه الأم وهي فرحانه ويتلاقون بالدريشه فتره ويحطون ايدهم على ايد بعض وراء الحاجز ...ويسولفون بالتلفون .... دليسا حست انه مات من الحر وقالتله يروح ويجيها بوقت مافيه شمس علشان صحته وفعلا يروح بيته ويدش ويلقا خالته بويهه عايشه : شفيك مسمر جذي ؟ شنو رايح الشاليه ؟ بدر : اي عايشه : هذا عيب الشاليه ...يعطيك تان بس النوع الموحلو !!! بدر : صدقتي خالتي ...عن اذنج ... عايشه : اذنك معاك!!!!!!! وعليا ! الا وايد صاير أسود ؟؟؟!!!!!؟؟؟؟ | |||||||||
|
| |
|
| الكلمات الدلالية (Tags) |
| الكاتبة, دليسا, lolwa |
| أدوات الموضوع | |
| انواع عرض الموضوع | |
|
|
.png)
العرض العادي
