26-01-14, 05:39 PM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  نافذة حب / للكاتبة مراجيح الطفوله
التعديل الأخير تم بواسطة لامارا ; 13-02-15 الساعة 10:23 PM | ||||||||||||||
|  |
|
26-01-14, 05:42 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|   بسم الله الرحمن الرحيم السلام عليكم ورحمة الله وبركاته...قلمي احب ان يكتب لكم رواية قد تكون مابين الخيال والواقع واتمنى م الكل تشجيعي والوقوف معي فهذه اول مره لي ف هذا المنتدى ..احببت الكتابة كثيرا لكن لم تكن لي الشجاعه بان اكتب ف منتدى ولكن اشكر من شجعني ع ذلك .. تعاونوا معي وكنوا عوناً لي اختكم.. مراجيح الطفولة سابدا ف تنزيل البارت الاول بعد انتهائي من اختباراتي دعواتكم لي السلام عليكم هذي روايتي الاولى واتمنى بان تنال اعجابكم قد اخلط بين العاميه والفصحى فــ السموحه منكم اخواني مــلاحظه ..لا احلل من ينشرها من غير ذكر اسمي ولا احلل من ينسبها له .. .. .. ..نبدا """ روايتي الاولى..نـــــــــــافذة حــــــــــــــــب البــــــــــــــــــــ(1)� �ــــــــــــــارت اهِ كم اشـتاق واهِ كم اود مقابلتك <امـــــــــــــــي> شوقي لرؤيتك افاق كل شي بداخلي..احضانك الدافئه ورائحة عطرك الازهر. قطع عليه صوت الكابتن يعلن وقت هبوط الطائره لمطار الملك خالد بالرياض حط قلمه داخل مدونته ودخلها في حقيبة اليد تبعه ربط الحزام وبدأ يردد دعاء الرجوع من السفر في مكان ثاني..المعزين ملؤ البيت وهمسهم بمحاسن المتوفين يزيد من حرقة قلبها مسحت دموعها الي غلبتها ونزلت اشاحت بعينها لظل صغير عند الدرج تغرغرت عينيها واجهشت بالبكاء تسارعن المعزيات لمواساتها وتهدئتها كانت تنظر من الدرج على الحريم الي كل مالهم يزيدون وهي تتسأل ليه يبكون وليه لابسين العبايات قطع تفكيرها صوت بكا خالتها حست بالخوف وراحت مسرعه للخارج وفي بالها مكان واحد تروح له وتفضي خوفها فيه جلست ع ارجوحتها المزينه بالورد والشجر الخالي من الشوك حركتها بهدوء لكن عيناها بدت بالبكاء بعد خمس دقايق سكتت وقفت مرجيحتها وسوت تحديها الي دايما تسويه كان تسوي جهدها لجل توصل رجليها الصغيره للارض ولكن محاولتها فشلت فرجعت لوضعيتها وبدت تحركها بهدوء وعيونها بالسماء ...وصل واستنشق هوا ديرته الي فقدها 8 سنين دار بعينه يدور ورا حمد صديقه بس ماشافه دق عليه لكن مارد استغرب:اكيد النذل نايم وناسيني واللحين شلون باروح بيتنا اه ياحمد النذل هين انا اوريك اخذ شنطه وحاجياته وطلع برا مقرر يوقف تاكسي ياخذه شافه واحد شايب وركض عنده: وين وجهتك ياولدي التفت ع الصوت اللي يسأله : وسط الرياض يطولي بعمرك ابتسم الشايب بطيبه : امر ركب معه وصاروا يسولفون وهو متونس لرجعته لديرته وهالشايب سوالفه تجيب العافيه مر من عند مكان وكانه اثر لحادث الزجاج متناثر ع السكه والدم ماليها هز راسه وتمتم بـ انا لله وانا اليه راجعون :كثرت الحوادث والناس راحت ضحايا هالسرعه التفت لشايب والتمس في صوته حزن دفين كان بيساله لكن تراجع طالع لقدامه وشاف برج المملكه واضح م بعيد ابتسم بشوق خلاص بيشوف اهله امه وابوه واخواته واخوانه وخالته الغاليه اللي ماقطعته ابد ماصبره على هم الغربه الا هي لقط الشايب ابتسامته وابتسم معه: جعل هالمبسم دوم ياولدي توسعت ابتسامته : وياك ياعم يدوم طيبك وصف له الحي اللي ساكن فيه ولما وصلوا شاف الاعجاب في عيون الشايب: ماشاء الله ياولدي الله يديم عليك هالنعمه ابتسم له وحبه ع راسه الله يجزاك خير ياعم طلع بوكه بيعطيه مشواره لكن الشايب حلف ماياخذ شي وبعد محاوله اخذ 100 ريال ودعه وراح يدور له مكده ثانيه اخذ شنطه لكن حس بحركه ف البيت مو طبيعيه شاف سيارات واجد حول البيت وداخل الحوش حس قلبه يخفق تعوذ من ابليس ودخل حط شنطه عندغرفة السايق وسمع شخص يناديه رفع راســــــه وزاد استغرابه... توقعاتكم وش بيصير.. التعديل الأخير تم بواسطة لامارا ; 13-02-15 الساعة 10:24 PM | ||||
|
| |
|
26-01-14, 05:43 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــ(2)ــــــــــ� �ـارت رفع راسه وزاد استغرابه :حـــــمد ركض حمد واحتضنه سلم عليه واخذوا اخبار بعض ساله وهو مازال متخوف:حمد وش صاير ليه انت هنا وليه ماجيتني المطار وانت تدري ان ماحد يدري اني بارجع اليوم سكت حمد مايدري وش يقول:السموحه منك انا ماطلعت اللحين الا وانا كنت باجيك.. : ايه هذا وعرفناه طيب وش تسوي هنا ليكون علمتهم ومسوين لي عزيمه :سطااام اسمع وانا اخوك انت تعال اللحين معي وراح تعرف بس اوعدني انك تتماسك سطام وجهه بهت واطرافه بردة:حمد تكلم قول وش صار امي فيها شي ابوي صارله شي عمي اخواني تكلم :سطام التفت وشاف ابوه انسحب من يدين حمد وركض لابوه حضنه وحب راسه ويدينه واكتافه :يبه شلونك عساك طيب يبه انا جيت يابعد راسي وجبت لك الشهادة يالغالي ابوه وهو يرجف:سطام يابوي كبرت يابعدي الله لا جابها من غربه فرقتني عنك تعال يالغالي تعال والله اني بالحيل فاقدك ياولدي مر واحد من المعزين ونادى ع ابو سطام وسلم عليه:عظم الله اجرك يابو سطام واحسن الله عزاكم والله ان اخوك ابراهيم كان عزيز وغالي دنق ابوه وسحب طرف شماغه يمسح دموعه:الله يرحمه حالة هدوء مر بها سطام اطرافه بردت ولانت ملامحه من الفرح الا الهدوء التام عمه مااات عمه الغالي مات طيب الهدايا اللي وصاني بها وضحكه لي ووعده لي بالعزيمه...رفع راسه بقوووه كلمة ابووه زادت عليه الصدمه ابو سطام:الله يرحمهم مكتوب عليه ان هو وزوجته يموتون سوا الله يصبرنا وانا اخوك مالنا الا الصبر ابو محمد المعزي طبطب ع كتف ابو سطام وهو يحثه ع الصبر بعدها ماعاد سمع شي :لا ياربي خالتي راحت اه ياقلبي خالتي راحت قطع ابوه العراك النفسي اللي يعيشه اللحين:سطام يابوي استهدي بالله قول انا لله وانا اليه راجعون :يبه اللي سمعته صدق عمي وخالتي توفوا اغرقت عيون ابوه بدموع يدري ان ولده يحب خالته وعمه ومايعتبرهم الا صحاب له حط يده ع راس ولده وجلس يمسح عليه:سطام يابوي ترحم عليهم ترحم عليهم :متى توفوا :امس بعد صلاة العشاء الصدمه ماخلته يقدر يوقف مشى من غير مايحدد واجهته:ياربي امس وخالتي تكلمني امس وهي تضحك معي اااااه ياربي استوقفه صوت صغير ينكر شي ومصر على انكاره جتها بنت عمها الصغيره تركض وتنادي عليها: عذاري ياعذاري :تعالي يالمى انا هنا على المرجيحه :عذاري قومي معي نروح البقاله :لا ما ابي :ليييه كل ماقلت لك شي قلتي لا :بعدين ماما تجلس تدور وراي وتخاف :ايه صح امك وينها انا سمعت ساره تقول انها ماتت :لا ساره كذابه ماما راحت المستشفى مع بابا :بس انا شفت جدو امس باليل كان يكلم ويبكي حتى شوفي الحريم كووولهم جو هنا عشان ان امك وابوك ماتوا بدت تخاف وتوضح لها الصوره:لا كذابه ماما وبابا ماماتوا انتي كذابه سكتت لمى وخافت من علو صوت عذاري عليها سكتت واخذت تتنفس بصعوبه وشفايفها قوستها دليل على بدء بكاء قد لا ينتهي بكت ب اعلى صوت لها بكت شعور خوف حاربته كثير من بكائها اللي يحرق القلب بكت لمى معاها واقف من بعيد وعينه عليها مافهم من كلامها شي لبعد المسافه ولكن شكلها بالبكاء حرك شي بقلبه كبيير وايقن بان خالته اللي ما اعتبرها الا اخت له راحت دموعه نزلت حط يده ع راسه وكانه يهدي نفسه رفع راسه فوق وهو يقول :لا اله الا الله انا لله وانا اليه راجعون :الله يصبرك ياخوي نزل راسه :الله يرحمهم حمد اذا ماعليك امر جيب لي حاجياتي عند غرفة السواق :هذي هي معي جبتها مسح دموعه بكفه ولف على صديق روحه واحتضنه بخفه واخذ منه اغراضه وراح للجهه الثانيه من البيت عشان يطلع لغرفته لف حمد راسه وشاف هالطفله وصوت شهقات بكائها بدا يخف والثانيه تمسح على شعرها الحرير وكأنها تهديها :الله يصبركم مرت ايام العزاء وجو الحزن مافارقهم ضحكات سهاد وروحها النقيه وسوالف ابراهيم ومقالبه باقي تزور كل واحد منهم وماقدروا يفرحون برجوع سطام اما سطام بعد ماعرف ان اللي كانت تبكي هي بنت عمه وخالته صار يحس بالحزن عليها لكن هي تتجنب الكل وعمها جهز لها غرفة ببيته بس حالياً بتنام مع لمى لين تجهز غرفتها صح بيت اخوه بنفس حوشهم بس هي هاللحين مابقالها الا هو وخالتها ام سطام:ساره ياساره طلت براسها من الدرج :سمي يايمه :يلا نادي اخوانك وابوك الغدا جاهز وشوفي عذاري وينها :ان شاء الله يمه راحت لغرفة عمها ابو زوجها لجل تناديه طقت الباب:عمي :ادخلي يابوك فتحت الباب وسلمت عليه:يلا ياعم الغدا جهز :الله يعطيك العافيه يا ام سطام تعالي ساعديني : الله يعافيك ياعمي هاك انا جايه لجل اساعدك .اخذت بيده وجلست تراكيه لين وصلته جلسته على الكرسي وقربت منه كاس اللبن:سم ياعم هذا كاس اللبن :الله يسلمك الا وينهم وراهم مانزلو :والله مدري ياعم قلت لساره تناديهم باروح اشوفهم واجيك انفتح باب البيت لف بيشوف مين اللي فتحه الا وهو شايف عذاري معها كيس وواضح انه ثقيل عليها:عذاري رفعت راسها وابتسامه تجنن مزينه وجهها وشعرها الحرير المقصوص بترتيب طايح ع اكتافها بحريه وعيونها الوساع الكحيله وبشرتها المتورده من الشمس:هلا جدي ضحك الجد لمجرد انه شاف ابتسامتها:وشو ذا محملتن به نفسك قبل ماترد نزل عمها وبنات عمها وعيال عمها وخالتها ام سطام:عذاري وين كنتي ياحبيبتي ردت بابتسامه احلى:كنت في بيتنا الكل سكت مشى عمها لين عندها وجلس لجل يكون بمستوى طولها:وشنو كانت تسوي الحلوه هناك ضحكت ببراءه على اسلوب عمها الطفولي معاها:انت شايب وش عرفك بعلوم الصغار سو نفسه منصدم:افا وانا ولد عبد العزيز ضحك كل من في الصاله الا شخص ابتسم وعينه عليها مافارقتها ابد بعد 4 اشهر بدت المدرسه وبداأ نكدها والتضجر منها بس فيهم من كان يحس بالوحده وفيهم من كان يتفشخر(مستانس) لانه اول سنه له بالمدرسه كانوا البنات مع امهم جالسين يتابعوا برنامج على t.v جت لمى وهي لابسه مريولها وهذي 10 مره تلبسه ام سطام:لمووو افسخي المريول ميري اللحين كوته زادت من تدلعها بمشيتها ولعب اصبعها بشعرها وتحرك فمها بطريقة مستفزه ساره وهديل انفجروا ضحك على شكلها لانها فرحانه انها بتدرس ساره:افرحي بس والله لاتندمي على هالفرحه ههههههههههههههه لمى:اصلا انتم غيرانين مني هديل:عشتوا على شنو نغار كرف وكرفنا ومريول ولبسنا حطت يديها على خصرها بضجر:مامااا شوفيهم ام سطام:لمى اذا مافسختيه ورجعتيه مكانه بيجيك شي مايسرك ساره:وبعدين تعالي وين عذاري روحي ناديها ام سطام:ايه والله وينها عهدي بها العصر هديل:اكيد تلقينها مع حسام تلعب لمى:باروح اشوفها رجع من عند خوياه وهو نعسان همه اللحين سريره شاف امه وخواته جالسين في الصاله:حيووو وش معاها اليزابث وجميلاتها يتابعون التلفزيون ام سطام:رويكن وينك فيه ادق على جوالك مقفل سحب ساره من قميصها ورماها على هديل وجلس في مكانها لانها بجنب امها تمدد وحط راسه على فخوذ امه وعينه على ساره المعصبه :يممممه شفتيه وش سوا فيني ضربته امه ع راسه بقوه: خلاص اجلسي ضربته راكان:اااااااي يمممه ام سطام:اعققل وخل خواتك عنك وقوولي ليه جوالك مقفل رفع عيونه لوجهه امه:ماكان مقفل الله يطولي بعمرك كان مافي شبكه عند خوياي :يمه وش فيك علامه وجهك مصفر :سلامتك يمه بس فيني النومه :اجل قوم نام بكره وراك مدرسه :لا لا بانام هنا..عدل نفسه صار وجهه مقابل بطن امه اخذ الخداديه وحطها على راسه وناااام :هديل يمه خفضي لصوت خلي اخوك ينام هديل:خليه يصعد غرفته :هديييل روحي فوق وتفرجي على راحتك :ان شاء الله يمه طلعت فوق وماسمعت أي حس للمى وحسام وعذاري مرت على غرفة لمى الا وهي نايمه ومريولها بجنبها ضحكت بينها وبين نفسها عليها دخلت غطتها والتفتت لسرير عذاري شافته فاضي استغربت بس قالت يمكن بغرفة حسام طفت النور وقفلت الباب وراحت على غرفتها دخل ابو سطام البيت وشاف ساره تاكل بطاطس مقلي وزوجته جالسه وراكان نايم على رجولها:السلام عليكم :وعليكم السلام جلس على الكنبه القريبه من زوجته :علامه نايم هنا :جى من برا وحيله مهدود وتمدد على رجولي ونام لكز راكان برجله بقوه لكن لاحياة لمن تنادي رجع ولكزه مره ثانيه بقوه اكبر ماشافوا الا وراكان واقف بنص الصاله ويسمي:بسم الله الرحمن الرحيم :ههههههههههههههههههههههه كح كح ام سطام:سوييير اسكتي واشربي ماي لاتموتين علينا راكان:يببه حرام عليك كنت احلم وانت قطعت علي حلمي ابو سطام:لا والله كسرت رجل امك وتقول ليه اصحيك :اهااا كسرت رجل اليزابث حقتك ابتسمت ام سطام:روح كمل نومك لو جلسنا معك عز الله راحت علينا النومه :احم اشوف الغاليه استحت :رويكن اقضب ارضك وروح نام بكره وراك مدرسه : بكمل نومي ايه بس مدرسه لا بكره اول يوم ماحد يداوم يايبه :بكيفك بس بعده بتداوم وغصباً عنك :حاضر على خشمي بس يبه انا وانت ما اتفقنا :لاحووول على وشو نتفق :شووف ياطويل العمر بما اني اخر سنه وان شاء الله اتخرج بسلامه وش هي هديتي :شف شف الورع اقول قم يلا قم روح ارقد وبتزورك هديتك بمنامك :اخخخ ياوجهي باروح يايبه ...راح وهو يتحلطم وساره وامه يضحكون عليه :هدى ماشفتي لي سطام تنهدت:لا والله عهدي به بعد صلاة العشاء ...نزلت راسها سهاد ياعيسى كانت له كل شي الام والاخت والصديقه واللحين راحت تغير صوتها وبانت الغصة فيه:كل يوم اشوفه يوقف قدام بيتها والله اني قلبي ماعاد يتحمل صار له 4 اشهر على هالحال يقولي يايمه انتم شفتوهم ودعتوهم لكن انا يايمه لي 8سنين منهم وبالاخير اجي ما اشوف احد منهم ساره بكت وقامت جلس بجنب زوجته يهديها ويواسيها لعل الحزن والهم اللي به وبها يزول استاذن من حمد وشكره على العشى وطلع صار يقضي اكثر وقته عنده يمكن ينسى شوي شغل سيارته وجلس يتمشى بالشوارع ويشوف كيف تغيرت الاحياء عن اول رن جواله وشاف رقم البيت رد:الو :هلا يمه وينك حس بان امه باكيه من صوتها:كاني قريب يالغاليه :ترد بالسلامه تبيني اجهز لك عشى :لا الله يسلمك تعشيت عند حمد :اجل يلا مع السلامه يابوي :بحفظ الله...سكر من امه وهو يدعي من كل قلبه بان ربي يحفظها له وصل البيت حوالي الساعه 12:00شاف امه جالسه بصاله والبيت ساكن راح لها وسلم عليها وعاتبها ليه متعبه نفسها ومنتظرته وسولف معها شوي وبعدها صعد لغرفته فتح الباب وراح للحمام على طول خذله شور سريع وطلع فتحه دولبه لبس له برمودا قديمه له وشاف هدايا عمه وخالته على التسريحه غمض عيونه صار يكره غرفته لان كل شي يذكره فيهم :اقوول ياسطام غرفتك رهيبه شكلي باخلي غرفة بنتي مستقبلا مثلها :هههههه والله ياعم احلامك بعيده اللحيين بافهم خالتي سهاد كيف وافقت عليك :ياوورع لاتنطق اسم حرمتي :هييه هييه انت اللي احترم نفسك تجيب سيرة الحب على لسانك ابراهيم عصب وتنرفز منه:حبك دب يالحم..... :هههههههههه عصب العم :لاعاد تقول عم قطع في هالوجه كل اللي بيننا 11 سنه :اقول طس بس بكره وراي مدرسه انت فاضي :نعنبو ذا الوجهه ياشيخ انا عمك :اقووول برا مره يقول لا تقولي عم ومره يقول انا عمك قم بس حرك راسه بيطلع هالذكرى اللي جت بباله طالع لشكله في المرايا وحرك شعره بيده:مو كانه طولان يلا بكره اروح عند الحلاق جذب نظره شي التفت لسريره الا والفراش مغير تقرب منه وهو في اتم استغرابه الا والصدمه الكبرى,,, توقعاتكم............. | ||||
|
| |
|
26-01-14, 05:45 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــــــــــــ هذاء البارت اهداء لكل من رد وشاهد روايتي البـــــــــــــ(3)ـــــــ� �ـارت اشتيااااااق وحنـين..... كنت طــــــفله لاتعي سوى ماحولها .... استقي من الحياة كل ما احب وارى الاشياء بعينيّ والدي فـــــــقط... وانمو وتبدأ الاوان التي عرفتها من حولي تتبدل.. كلما نموت اكثرررر!! كلما اختلفت الحياة.. طلعت فوق على الساعه 1:30 ومن عادتها تتفقد عيالها تقرب وه مستغرب شاف نص شعرطالع من البطانيه قرب يده وهو متردد قبضها اكثر من مره سحب البطانيه بخفيف وشاف الي صدمه اكثر مرت ع غرف عيالها الا سطام لانها عارفه انه لسى صاحي من نور غرفته الواضح وهي في طريقها لغرفتها استوقفها شي رجعت الى حيث ماكانت فتحت غرفة لمى وارتعد قلبها عينه ما انشالت يطالع كل ملامحها واسئله كثيره تدور بباله ..وش جابها غرفتي وليه نايمه هنا لايكون تهاوشت مع لمى وجت هنا انفتح الباب بقوه:سطــــــــــام التفت بسرعه وهو مذعور من صوت امه اللي طلعه من تفكيره ارتخت ملامحها وفكت الباب من يدها وتقدمت وهي تاخذ نفس عميق وعينها على عذاري اللي تحركت من صوتها :وش جابها هنا حرك كتوفه بمعنى ما ادري :والله يا ان ارعبتني رعب الله لايذوقه لك .....رفعت عينها لولدها وشافته ماهو يمها ابد وعينه متعلق بشي واحد وهي عــذاري ضربته بخفيف على كتفه وقالت بضحكه غض بصرك ياولد انحرج من امه اصلا نسي وجودها .. سبحان من خلقها ملاك ماشاء الله :احم اللحين وين انام :ههههههه ع سريرها مانيب شايلتها نومها خفيف اسم الله عليها وماعاد تنام اذا صحت وبكره وراها مدرسه :طيب يمه تعرفين وين ودت فراشي لانها بدلته بفراشها :ههههههه دور وراه انا بشغل التكييف شوف كيف البنت غرقانه من الحر شغلت التكيف وغطتها زين وابعدت خصلات شعرها اللي على جبينها باست جبينها وطلعت :تعال نام ع سريرها فيه مفرشك هههههههه التفت على امه :وشوووووو :ايه والله ماعرفت انها عندك الا وقت ماشفت مفرشك على سريرها وترا هالبطانيه اللي متلحفه فيها تراها هدية ابوها وهي نايمه هنا لان غرفتك تذكرها بغرفتها ببيتهم طلعت وقفلت الباب وراها وهي تبلع غصتها...اه ياسهاد الله يقدرني واحفظ هالامانه وقف وهو مو مستوعب اللي قالته امه يعني هي نايمه هنا لان غرفتي نفس غرفتها ... اه ياربي الله يرحمك ياعم وش بساوي انا اللحين بتعجبها ولا راح تفارقها طلع وهو مهموم وتوجه لغرفة لمى فتح الباب بهدوء وشاف غرفتها كانت روعه وتوحي بانها غرفة اطفال كل شي وردي وموف شاف فراشه على سرير عذاري جته الضحكه بس مسكها كان شكل الفراش وترتيبه يضحكون قفل الباب وتوجه لسرير ونام نفس ماهي مرتباه .... كانت مرتباه بالعرض ونصه طايح لتحت وحاطه المخده من جهة العرض لان الفراش ثقيل وطويل فنام عرض السرير ورجوله لتحت صحى وهو يحس جسمه مكسر من نومته امس شاف الساعه بجواله:اووف 6 ونص راحت علي الفجر راح ع غرفته وشاف الغرفه فاضيه راح الحمام وخذله شور سريع ولبس له ثوب ونزل تحت شاف اهله يفطرون : السلام عليكم الكل:وعليكم السلام :ليه ماصحيتوني اصلي الفجر لمى:انت وشو له نايم في غرفتي اشر لها بيده بـ مع السلامه وطلع للمسجد القريب من بيتهم مايحب يصلي في البيت ابد الا اذا كان فيه طارئ ابو سطام:ايه دقيت الفجر الباب عليه بس ماشفته بغرفته ام سطام غمزتله بعينها يعني بعدين تقوله استغرب وسكت :راكان صل الفجر :ايه صل ورجع نام :الله يهديه عذاري :الحمدلله وقامت راحت عند التلفزيون ببتفرج لين يخلصون من فطورهم :بابا عذور :هلا بابا بانت الفرحه على عيونه لانها قالت له بابا:تعالي بابا ابغاك بشي قامت ومشت لين عنده :ويين بوسة بابا ابتسمة وباسته ع خده بقوه جت لمى وقالت انا باعطيك بعد بوسه مثل عذاري قرب لها خده وباسته الجد:لابوك من دلع التفت لمى على جدها:جدووو وش قصدك الجد:قصدي وانا بعد ابي بوسه ضحكن ساره وهديل وامهم وابتسم ابوهم عشان ماتقب فيه لمى:يلا ياشطار تعالوا بعطيكم مصروفكم عطى لمى 30 وعطى عذاري 30 وهديل 50 رجع من المسجد وسلم على راس ابوه وجده لانه مالحق يسلم عليهم وجلس يفطر هديل:عذاري لمى يلا راجو برا منتظرنا رفع عينه وشاف الثنتين مطقمين بكل شي سأل بشكل لا ارادي:عذاري باي صف جاوبه ابوه وعينه عليهم:ثالث ابتدائي كل لقمته : هدييييل وقفوا انا باوصلكم اليوم...وانتي ساره ماتبين تداومين ساره:خخخ تنكت حضرتك حنا دوامنا بعد اسبوع ضرب جبهته :سوري انسه ساره نسييت انك جامعيه ..ضحك وقام مشى من عندهم ولمى تنط بفرح لان اخوها بيوصلها المدرسه في اول دوام لها تهاوشوا هديل ولمى على مين يركب بالمرتبه الاماميه عصب سطام عليهم وقالهم يركبون كلهم ورا مع عذاري تافأفن وركبن ورا وكل شوي يطالع من المرايا لعذاري وكيف هي هاديه ماغير تبتسم وتجاوب على اسئلة لمى با اجوبه مختصره هدييل:وقف وقف ضرب بريك ووقف :علاممك هديل وهي مخترعه من البريك القوي :وجعوه ياسطام مدرستي هنا :وينها ما اشوفوها :هذي هي وراك رجع بسياره لين وقف عندها شاف اللوحة متوسطة الخامسة والاربعون الاهليه:انزلي :يلا مع السلامه وسوق على مهلك معاك اطفال بريئئين :اقول طسي بس الحقي على كرسيك وطاولتك وراك تمسيح الغبره اسرع بسياره وهديل تخارش وتتوعد في قهره لها وصل مدرستهم وهم لسى يضحكون على هديل وحراكاتها:يا اميرات وصلت مدرستكم يلاا انزلوا لمى بخوف:سطام انزل معي :وشو انزل معك :سطام والله خايفه وبدت تبكي :لا حول لموي حبيبتي طالعيني شوفي عذاري معك وامي بتجيك بعد ساعه انتي اللحين ادخلي وخليك مع عذاري لين تيجي امي التفت لعذاري:صدق عذاري باكون معك عذاري:ايه لين تيجي ماما وبعدين كلنا نرجع البيت معاها اقتنعت لمى ونزلت مع عذاري وهي متمسكه بيد عذاري وما تبي تفكها استناهم لين ما دخلوا من بوابة المدرسه ومشى وتفكيييره كله بــــــــــ... :يممممممه ردت جدتها وهي معصبه من صوتها العالي:ولزز يمسك بلاعيمك وش تبين تصارخين من صباح الله :ههههههههه الله يخليك لي يايمه ليه ماصحيتيني اليوم وراي مدرسه ناظرتها من طرف عينها:خبري بك ما تداومي اول يوم :هههههههه خابزتني بيديك...الا وين ابوي :طلع قبل ساعه هو واخوك يقولون معاهم اجتماع في شركة التركي :اهااا الله يقويهم بس أي واحد من ااخواني نايف ولا جاسم :نايف :اها :ياكافي البلا وش بلاك تأهين عندي اليوم :ههههههههه عجبتني تأهين ترا :اقوووول نديييش طسي افطري بس :ياعمري ليييك يا ماما بتخافي على صحتي :والله ان ماقمتي بالعصا على راسك :ok ok انا بقوم كلش ولا عصاك دخلت المطبخ وجلست تسولف مع الشغالات رن جوالها وشافت اخوها نايف يتصل بها قمزت من الفرحه لانها تحبه وهو حنووون معها:الوووووو ابعد الجوال عن اذنه :ندى وجعه ان شاء الله اذني ابيها :هههههههه والله من فرحتي امس نمت ولا سولف معك ابتسم بحنيه:يابعدي اليوم بتشبعي مني ...المهم نسيتيني وش ابي :خخخخ وش تبي تذكر تذكر تذكر :مرجوجه وش نقول اسمعي اليوم ابيكم تسوون غدا لا صار ولا استوى بيجونا ضيوف واستني شوي وجاسم بيجيكم واكتبوله اللي ناقصكم عشان يجيبه لكم طالعت لساعه المعلقه على جدار المطبخ وشافتها 9ونص :اوووك بس قول لجسوم يعجل ماعاد به وقت :ان شاء الله سلمي على جدتي وقوليلها ويلا اقلبي وجهك...قفل طالعت بالجوال :شف شف النذل قطع الخط بوجهي انا اوريه راحت لجدتها عشان تعلمها بضيوف اخوها وجلست تطقطق على راسها وهي تهاوش فيها وصل امه لمدرسة لمى لان اول يوم دوام ولازم الامهات يحضرن :يمه باخذ لي كم لفه وارجع لك :طيب ربي يحفظك راح وصار يلف بالشوارع ووقف عند اشاره وعينه على لوحه اعلانيه عن الحوادث استغفر ربه :ربي يكفينا شر الحوادث وقفت سياره لومزين بجنبه وهو لا ارادي لف براسه عليها وشاف شخص ماينساه ابد دق بوري والتفت الشايب وتهلل وجهه من الفرحه انارت الاشاره خضرا واشر له بيده يوقف على جنب مشوا ووقفوا على جنب سلموا على بعض وسألوا عن حال بعض:اشلونك ياعم عساك طيب :والله الحمدلله يولدي انت علومك وكيف صحتك :الحمدلله نشكر الله على الصحه :ايه والله له الحمد...الا ياولدي وش اسمك ماعاد سالتك السموحه منك :ابد ياعم معاك سطام التركي :والنعم والله :ماعليك زود ياعم :معاك ابو رائد يحيى السرحي :والنعم فيك ياعم بس كانه مو غريب علي ابتسم الشايب:اييه ماهو بغريب وانا عمك استغرب:ليه :لانــــــــــــــــــــه ...... جالسه تسولف مع جدها وتتابع فيلم على TVوجدها يبيها تغير القناة على قولته قرف ونجاسه نزل وهو مفلل نوم سلم على جده وضرب ساره على راسها:ايييي راكان وكسر بيدك :يكسر راسك الجد:كان ماصحيت احسن :خخخ ودي بس مافي شبعت :الله يعقلك ويبعد المهبله من راسك قل امين وانا جدك :ههههههههههههه برافوا جدو :وانتي كم لي اقولك اقلبي عن هالنجاسه :تكرم عينك دام رديتلي حق من الروك ابشر :ها ها ها مايضحك انسه ساره...الا ليه البيت هادئ وين الناس :هذا علوم ثقل النوم فيك قم بس روح كل لك لقمه :افا الحبيب معصب علي اليوم :قمممم وسو لي معك شاهي غمزله بعينه:وليه ماتبي ميري تسويه لك ليكون زعلتك الحبيبه ماحس الا والخداديه على وجهه ساره:هههههههههههههههههه احسن حك راسه وقام باس راس جده :السموحه منك يالغالي حنا لنا الله وانت خلك مع البنات اهئ اهئ :لاتكثر اكل ورانا عزيمه :مين اللي عازمنا حط عينه بعين راكان:عيال الحمد عقد حواجبه وبانت العصيبه على وجهه كمل طريقه للمطبخ ولا فتح فمه بكلمه تمتم جده بـ انا لله وانا اليه راجعون :عمي غالي ياجدي وهالشي انت ادرى به :يابنتي والله ادري بس العفو والصفح من شيمنا :سطام يدري طالع ببنت ولده اللي تشبه عمها كثير: لا وحذاري يدري اذا رحنا بعدين يصير خير :وتهقى سطام بيسكت :سطام عاقل ويعرف يتحكم بنفسه ولاتنسي ان عمك سامح قبل وفاته وهذا الشي بيرضي سطام اكيد تنهدت بألم وسكتت توقعاتكم.... | ||||
|
| |
|
26-01-14, 05:47 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــــــــ البـــــــــــــ(4)ـــــــ� �ــــــــــارت (( ارجحوتي )) هنا يكمن العطاء... وتصبح العتمه سناء... ونرتشف من كؤوس الحب .. ومازلنا نتمنى الاكثر والاكثر... :والنعم ياعم بس كأنه مو غريب علي ابتسم:اييه ماهو بغريب عليك وانا عمك زاد فضوله وحيرته: ليييه : لاني اصير ولد جدتك ام امك :وشوووو اكد له براسه وحط يده على قلبه بمعنى هذا الصدق :يعني انت تصير اخو امي نزل يده وحطها بجيب ثوبه:هذا هو الصدق جدتك ام امك قبل ماتتزوج جدك كانت متزوجه من اول وعندها ولد وولدها واقف الان امامك :ياعم انت عارف وش تقول .. طيب امي تدري ان عندها اخ :ايه تدري ....تنهد بالم وكمل...كان عمري 12 سنه وقت ماجابة هدى ..رفع نظره لسطام وشافه بعالم ثاني وكانه يستوعب اللي ينقال له ... حط يده على كتف سطام وشد عليه : تعال نروح لهالكوفي القريب واقولك بكل شي حرك راسه بطيب ومشى معه ,, :سوير روحي شوفي حسام وينه فاقده :ان شاء الله عينه على التلفزيون لكن باله ابد مو معاه يحس بفراغ كبير في قلبه فقد الضنى شين واليوم بيروح ياكل عند من ضر ضناه ....يالله توكلت عليك وفوضت امري لك جت ساره وهي تضحك على سوالف حسام التفت لهم وعينه على حسام وهو شافق لحاله :حي الله النشمي ارحب ضحك بوناسه:حي الله جدي قربته ساره من جده وباسه على راسه:يازين ريحتك ياجدي :هههه تسلم يابوي ..وجلس يمسح على راس ولد ولده الاعــــــــمى :جدي :لبيه يابوي :وش رايك نطلع للمزرعه والله ابطينا هالسنه منها نتونس ومنها اونس عذاري تحب الخيل هناك :وانا ولد ابوي ما طلبت شي يانشمي ضحك براحه طفوليه وعين الجد عليه مافارقته جى راكان من المطبخ وحط الشاهي وصب لجده وله وجلس بجنب حسام :الا حسوم اقولك تراني حصلت اللعبه اللي تبيها :قل قسم :والله واسأل سيف اخو جمال بعد :وليه ما اخذتها لي رشف من الشاهي اللي بيده: كانت اخر حبه وخذها سيف مد شفايفه وحاس فيها شوي وبعدين سكت وراكان يراقب تصرفه ويضحك بداخله مايدري ان راكان اخذله بس يلعب عليه ساره والجد عرفو من ملامح راكان انه اخذله وسكتوا ولا هم كان ناوين على هوشه’’’’خخخ جالسين على كراسي في الساحه الداخليه للمدرسه و قلبها ماكلها على ولدها تدق عليه يا اما مشغول او مايرد :ماما سطام تاخر :اللحين يجي :اوووف منه :ماااما نفذت اعصابها :نعم :ماما عذاري وينها :وشو التفت يمين وشمال ما القتها ..قامت من مكانها تدورها الا وجوالها يرن شافت المتصل سطام ردت : سطااااام ويينك فيه شغلت بالي اتصل تعطيني مشغول فرك جبينه بحيره:اسف يممه بس انشغلت شوي كانت بتكمل هوشه بس حست من صوت ولدها ان فيه شي فسكتت: انت وينك اللحين :دقيقتين وانا عندكم :طيب انا بادور لعذاري مدري وين راحت الله يهديها عقد حواجبه : كيف يعني وين راحت : لقيتها خلاص يلا ننتظرك ..وقفلت واقفه عند لوحه كبيره معلقه عند الباب وعينها عليها تقربت منها وهي جاهله وش تسوي عذاري هنا لما صارت قريبه منها عرفت عذاري بايش تتطالع ..... كان في هاللوحه اسماء الطلبه ومقسمينها لكل صف ومكتوب فوق اللوحه يوم مجلس اولياء امور الطلبه ..والام اللي تحضرتكتب اسمها بجنب اسم بنتها وعذاري كانت تطالع لاسمها وبجنبه اسم امها ..سهاد ضاري ...حطت يدها على عيونها وكانها تمنع دموعها من النزول شافقه وهامه لحال بنت اختها نزلت يدها وهي تصبر نفسها : عذاري حبيبتي التفت لخالتها وماقدرت تحبس دموعها اكثر ذكريات هذاك اليوم ماتمحي من ذاكرتها ركضت لخالتها وصوت بكاها يسبقها حضنة خالتها من فخوذها وبكت با اعلى صوت عندها فقدت امها وابوها بوقت واحد شي صعب عليهاااااا طلعوا من عندها وهم يودعونها ورجعوا جثث متقطعه جلست خالتها وضمتها بكل قوتها والدموع اللي حبستها سمحتلها تنزل :اه يا امي انتي ياعذاري خلاص ياحبي خلاص ياحبيبتي عذاري قلبي اهدي ياعمري اهدي كل الطرق فشلت فسكتت وخلتها تبكي يمكن ترجع عذاري الاولى المرحه اللي ضحكتها يسمعها الكل رن جوالها ورن بس ماردت خلوه ينتظر مثل ما انتظرتـــــه ونزلت دموعها بسبب انتظارها له,,, انشغل باله وهو يدق وامه ماترد الح بالاتصال وقلبه يخفق بجنون يحس بان فيه شي انفتح الخط :الو يمه :انا لمى :لموي قولي لا امي انا برا :سطام اهـــــــــــــــئ ,,بكت :لمى لمى وش فيك فجأءه جاه صوت امه:مافينا شي انت برا : هاه :علامك اقلك انت برا صوت امي فيه البكى ليكون صارلهم شي :الو سطام وينك :ايه ايه معك انا برا يلا اطلعوا :طيب حنا طالعين ركبن السياره سلمت امه عليه وجلست بالمرتبه الاماميه ولمى وعذاري بالمرتبه الخلفيه بس عذاري هالمره جلست ورا خالتها يعني مايمديه يطالع لها :ايه يالمى علميني على المرسه كيفها عجبتك :زينه ما عليها :افا ههههه وهذي اللي متحمسه لها ليكون فشلتي با امك يابنت وبكيتي مالقى أي رد من لمى طالعها من المرايا شافها تطالع للجهه الثانيه استغرب وسكت :نــــــــــــــــــــــد� � يا نـــــــــــــــــدى جت تركض من الدرج :هاه هاه وش بلاك هديت البيت بصوتك ..وقفت على اخر درجه وحطت يديها على خصرها ..وش بغيت سيد جسوم :ايه شسمه اكتبي الاغراض اللي تبونها عشان اجيبها :مانبي شي كل شي موجود بس ابي اغراض الحلى اصبر لين اجيب الورقه :عجلي علي ماعاد به وقت طلعت جدته من غرفتها:تستاهلون ليه ماتكلمتوا من بدري :جيتي وجابك الله تعالي باقولك بشي :نعنبو دارك اول سلم وبعدين بخ سواليفك :ههههه تراك حتى انتي ماسلمتي بس باكون احسن منك السلام عليكم يمه ..وباسها على راسها :تراك حتى انتي ماسلمتي ..تقلده خخخ..اقول اجلس بس وش من اخبار معك :الضيوف اللي بيجونا عيال التركي وجهها بهت :وش تقول :ايه والله نايف ماعلمني بس سمعت ابوي يقول :وهم وافقوا ابتسم:ايه وافقوا والله ياجدتي انهم اجاويد وناس راعين نشمه وسمعة زينه :يلا الله يقدم اللي فيه الخير :ترا نايف متحمس لها الزياره والصبح كله باله مشغول ماهو بصوبنا ابد شكله يبي يختم هالصلح بشي :اعوذ بالله منك وش يعني وراه :مدري عطته الورقه ووصته يجيب الاغراض كلها ويشوف تاريخ كل شي يجيبه وهو يعيب بخطها وبلي مكتوب رجع لبيته المتواضع والي عباره عن دور واحد طلع مفتاحه من جيبه وفتح الباب نزل الاغراض اللي بيده: يا ام هدى يا هدى وينكم نزلت اخر العنقود اللي تموت بابوها :هلا هلا يبه ابتسم :هلا ببنيتي تعالي يابوك خذي مني هالاغراض ووديها للمطبخ باست راسه :ان شاء الله يبه..خذت الاغراض ومشت بتروح لكن استوقفها ابوها :شهد وين امك وخواتك مالهم حس :امي تصلي بس خواتي مدري لكن اكيد سهاد بالمطبخ تاكل هههههههه :ههههه لاتسمعك وتقب عليك :مااايحتاج يبه سمعتكم ..رفرفت بعيونها بدلع عويذ الله من شر العذال شهد:لا خفي علينا ياحليمه بولند فتحت عيونها وغصت بقطعة الخبز المحشيه بجبن وفلافل اللي بفمها:كح كح بمييين شبهتيني ..قسم بالله لو تعيدي هالتشبيه اني لا ابرك فوقك واخليك تمشين معكوسه :هههههههههههههههههههههههه� �هه شهد بحره:يـــــــــــبه لا تضحك :لا لا خليه يضحك ..ابتسمت بدلاخه .. خليه يوزع حبه لنا بتساوي :ههههههه اه منك اجل تمشي معكوسه من وين جبتي هالكلمه :هههههه تصدق مدري بس من كتب الرياضيات اكيد ..ومدت لسانها تحر شهد اللي عصبت وراحت المطبخ دخلت الصاله وعينها على زوجها :ياكافي البلا ما تعوفون المناقر سهاد تقز بأمها وفيها الضحكه:اقول يالغاليه سهاد من هالجهه انفرط ابوها بالضحك :ههههههههههههههه اقول سهاد طسي وفضي الجو لشيبان كشرت بمزح:طيب مافيني احضر معكم باشوف رومنسية الشيبان ام هدى :عاد انا باقي صغيره مالشايب الا ابوك :افا يبه امي تنحت عنك :كله بسببك يلا طسي :هههههههه حاضر حاضر ..قامت من عندهم التفتت لزوجها على طول :كيفك يابو هدى طالع لزوجته ماحد يفهمه مثلها نزل عينه وابتسم يطمنها:ابد يا ام هدى حالي يسرك ما غير اني اليوم شفت ولد هدى وقلتله من اكون طالت نظرتها له وماشافت غير الاطمئنان :ووش كان رده :ردة بوسه باليد والثانيه براس ابتسمت:سلم من رباه :ايه والله يا منيره سلم من رباه سمعت كلامهم بس مافهمت شي مشت لغرفتها هي وخواتها وهي تسأل نفسها ابوي مين يقصد ووش السالفه الله يستر واقف عند المراية اللي عند المدخل ويضبط شماغه وكل شوي وعينه تروح لاخوه وهو مستغرب من هالتعقيده اللي فيه :ياروك عسى ماشر تنهد بضجر:الشر مايجيك بس شوي مصدع مامشت عليه الكذبه بس تماشى مع اخوه لان ما يبغى يكثر اسأله عليه سمع صوت ابوه وجده وابتسم:المعاريس وصلوا ضحك راكان بصوت عالي وبعدها ماسلم من جده جت والبخور بيدها وهي تسمي عليهم :سم ياعم :الله يسلمك ..تبخر ومرر البخور لولده راكان:الا يالغاليه وش رايك بابوي ابتسمت:راكان اعقل : هاه استحيتي يمه. ترا شايبك يلاحقونه البنات امسكيه قبل لا يروح منك :رويكن امش قبل لا اجيك اللحين واعلمك الشيبان كيف :والله الغالي ماهو بخالي اليوم حاط عينه علي :ايه لانك مهبوول امش تأخرنا على الناس رجعت تكشيرته وعين جده عليه اما ابوه خايف من ردة سطام اذا درا بالموضوع لانهم ماقد علموه من يكون هالنايف اللي عزمهم هو صح يدري بسالفة عمه لكن ماعلموه مين المتسبب فيها الله يستر ولا يقتله اليوم طلعت من بيتها وهي فرحانه وماسكه بيد بنتها اللي تركض وتبي امها تركض معاها وصلت بيت اختها فتحت بنتها الباب وركضت لداخل تنادي على حسام ولمى صادفت اختها في الصاله وهي تضحك على بناتها وهوشتهم :السلام عليكم نطوا ساره وهديل لعندها : وعليكم السلام ساره:هلا هلا بالمدام اللي لنا اسبوع ما شفناها هديل:هلا هلا بلي سرقت فلوسي وانحاشت :هههههههههههههه الله يغربل بليسكم تعالوا اللحين خلوني اقولكم البشاره وبعدين لكم اللي تبونه سلمت على اختها وجلست بجنبها وساره وهديل جلسوا على الارض مقابل لامهم وخالتهم :احم هديل صبي لي قهوه وانتي ياسوير عطيني قطعة حلى جابوا اللي طلبته وجلسوا ساره:واللحين ست سهاد وشو هي بشارتك ليكون عريس لهديل وافتك منها ضحكت سهاد :ايه عريس لهديل هديل عصبت :والله العريس خليه لبنتك :افا هدوول ماتبين ولد خالتك سكتن يبون يستوعبون اللي نقال وصرخوا كلهم مره وحده لان خالتهم جلست ثمان سنوات ماعاد خلفت وذا الشي تعب نفسيتها مره حضنتها اختها وبكت :لا لا يا هدى حنا ما اتفقنا على كذا ابعدتها عن حضنها وضربتها على راسها بخفيف :فرحت لك والله ابتسمت بفرح وهي تشوف هديل وساره يرقصون لها :هههههه اعقلوا لسى بروح المستشفى واتطمن لاني ماسويت الا تحليل منزلي طبوا عليها ساره وهديل وجلسوا يتضابون معاها لانها فرحتهم وهي باقي ماتأكدت من المستشفى صحت من هالذكرى وهي تترحم على خالتها اللي ما امداها تفرح بحملها الا وهي جثة متقطعه سبحانه كل شي مقدر ومكتوب عنده اسأل الله ان تمر هالسنوات على خير كانت واقفه عند النافذه وجدتها تهاوش فيها :وش عندك على النافذه هاه تكلمت وعينها على اخوها اللي عند المدخل منتظر ضيوفه وشكله متوتر لانه ما استقر بمكان واحد :اناظر لنايف اول مره احسه متوتر كذا ردت وهي تسبح بمسبحتها:خليه يتوتر وهو اللي سواه قليل :بس يمه هو ماكان يعرف المتسبب وماكان حوله الا هالبراهيم :تكلمي بأدب الرجال مات وفوق ذا كله سامح اخوك وكاهم اهله جاين بدرب قبلوا عزمية اخوك براحه وذا اكبر شي يخلي اخوك يتوتر :انا اسفه يمه ماقصدت :روحي تغدي انا بجلس هنا لين يجي ابوك :ما احب اكل لحالي :اجل اجلسي على جوعك ردت الستاره على النافذه وجلست عند جدتها وهي تدعي بداخلها يعدي هاليوم على خير شاف جمس يوكن داخل لبوابة فلتهم على طول عطى اخوه رنه وقفل مشى برزانه وهيبه واخفى كل توتره شاف اللي نزلوا من الجمس حس بخجل بداخله وصل عند الجد وشاف نظراته الحاده والمهيبه رد السلام عليهم:ارحبوا والله ياحي الله من جانا الجد:الله يحيك كمل سلامه على سطام وراكان :حياكم اقلطوا يلا حيه جى ابوه واخوه سالم واستقبلوهم ورحبو فيهم جلس الجد بعمادة المجلس (بوسطه) وجلس عن يمينه ولده عبدالرحمن وسطام وراكان جلسوا بجنب ابوهم جلس سعود ابو نايف بجنب الجد واخذ علومهم ورحب فيهم :والله ياعم ان القصور ماجى الا منا :تسلم يابو نايف مابه قصور من صوبكم ابتسم نايف:هذا من طيب اصلك يابوي :الاصل له معاريف والواحد مايتخلى عن اصوله وانا بوك كانت كلمة الجد دقه قويه لنايف لكن رد باريحيه وهو عارف انه لازم يتحمل غلطه:صادق يابوي اللحين تفضلوا الغدا جاهز الله يحيكم ويبقيكم سطام لكز راكان بجنبه:رويكن فيه شي انتم مخبينه عني :تغدا وبعدها بتعرف قم ابوك وجدك قاموا الله يفظح ابليسك كان نايف واقف عند الباب وهو يحيهم لانه حاس انهم ماهو بحوله قاموا ومروا من عند نايف راكان كانت نظراته حاده اما سطام اللي جذبه فيه هيبته اللي ذكرته بعمه بس حس ان باله مشغول بشي اندق باب غرفتها :ادخل انفتح الباب بخفيف وطل من وراه وجهه عذاري وهي مبتسمه :عذور تعالي دخلت وجلست بجنب ساره:سارونه ممكن طلب صغييير ..واشرت بصبعها الصغير.. قد كذا :ههههه اطلبي بوزت بدلع:ابي اخذلي عبايه وش رايك تنزلين السوق معي ابتسمت :من عيوووني ضحكت بفرحه وباسة ساره بخدها :مشكور سارونه :العفو حبيبتي :اييه سارونه يلا قلك ماما الغدا جهز :يلا شوي وانزل راقبتها لين طلعت ودعت لها بقلبها ان ربي يكتب لها السعاده بكل خطوه تخطيها ...فرحت ان عذاري بدت تختلط فيهم مثل اول وصارت تستشيرها باشياء كثيره وتقولها انتي اختي الكبيره ,,, صب جاسم لهم الشاهي وقدم المعجنات وجلس بجنب نايف ابو نايف:مدري من وين ابدي والله اني مستحي منكم وجيتكم هذي على راسي من فوق الجد:انت محشوم وماجانا منك شي يابو نايف وقدرك يعلم به الخالق :الله يرفع من مقامك ياعم والله انكم شهامه والكل يشهد بهالشي :والشيمه منك وانا بوك والعيبه ماتطلع منك العيبه يتحملها صاحبها حس بيد ولده على فخذه وكانه يهديه لانه انفعل تنهد بألم :الله لايذوقك يابو نايف الفجيعه ولدي انضام (انظلم)وبعدها انفجعت فيه جاني لحم الله وكيلك مات وهو مغبون لكنه سامح وافصح وقف نايف وجلس عند رجول الجد:الشيطان حي مامات وانا اعترفت بذنبي وانا بين يديك ومسموح بكل اللي تسويه رفع الجد راسه يداري دمعه وكلمه ولده باذنه انا سامحت يايبه لعل الله يدخلني بها لشي الجنه ماشافوا الا اللي قابض على نايف وماسكه من ثوبه:هو انت اللي قهرت عمي انت اللي هدمت شي جلس سنوات يبني عشانه وبكل وقاحه تقول السموحه منك قام ابو سطام وحاول يفك نايف من سطام بس ابنه الغضب اعماه شاف جانب من ابنه اول مره يشوفه :سطام بس فك الرجال :وشو افكه وانتوا عامليني مصخره وجايبيني لين بيته وانا اسألكم ولا واحد منكم فتح فمه بكلمه طالع لوجهه نايف وشاف الصرامه بوجهه:الله حسيبك مثل ماقهرت عمي لك يوم ياظالم :ســــــــــطام فكه التفت لجده :بافكه انا ماني دني لجل اتهجم عليه ببيته وهو اكرمنا انا ماتربيت على المظالم ياجدي ابو نايف دنق بهم :افا ياسطام ماهقيتها منك فك نايف بقوه حتى طاح على الكنبه تقدم من ابو نايف :ارفع راسك لك الحشيمه ياعم بس انت تدري وش سوا ولدك :يعرف مايحتاج تعلمه التفت لنايف:خلني اعلمه عشان مااكون ظاااالم قبض على يده بغضب من سطام وكلامه :عمي من زمان وهو يقول بافتح لي فرع من شركة ابوي بس خاص فيني وبعد ماعطاه جدي الاذن فتحه وفرح فيه خسر كل شي عشان يسوي شي حلم فيه من زمان وهو كان في الشؤون الماليه بشركة جدي لما جاكم مشروع وحبيتو تشاركوه مع جدي كان بينكم واحد حرامي ..التفت لنايف.. عرفته صح صديق عمرك طعنك بظهرك واخذ الاستفاده من المشروع وحطها بجيبه ولما اكتشفه عمي كان بيعلمكم لكن صدييييقك خلها لصالحه ولزقها بعمي قمت انت ..اشر على نايف..اشتكيت عليه حتى من غير دليل وشهرت به في السوق وخسر الارباح كلها وصديييقك بجنبك يلعب بفلوسك سجنته شهريين كامله وكل يوم كان تشوه سمعته اكثر وفوق ذا كله هدمة شي بناه بتعبه ولا أتكل على احد لما عرضه للبيع اخذته ببرود ولا سويت فيه شي لجل تقهره بس افرح لانه انقهر وهو ما باعه الا عشان يرجع لك ولشركه ارباحها وهو مظلوم ولما دريت ان صديقك خانك حتى السموحه ماطلبتها منه وهو سامحك من غير شي لانه رفيع باس ويقدر الواحد التفت لابو نايف:وهذي هي كل القصه انا ماقلتها الا وانا ادري انكم ماتدرون من اللي اشترا فرع عمي بس تهنى فيها يانايف لان جزاك عند الله والفرع باسحبه منك باي طريقه لان عمي ترك وراه من ياخذ حقوقه وانا بطلع هالحقوق ومنها الفرع اللي قهرت به عمي طالع لجده وابتسم بإستهزاء:مشكورين لانكم جبتوني معكم انا كنت اعرف اسمه بس ماكنت اعرف شكله مشى لعند نايف وقومه من على الكنبه :عمي سامح وحنا راح نسامح بس الصفحه اللي تتلوث عمرها ماتقنطع رفع يده يلا سلام واكرمك الله ياعم سعود وبيض الله وجهك على هالعزيمه وهذا ان دل على شي فهو من طيبك ياعم مشى بيطلع لكن نايف استوقفه :اقعد انا باقي ماخلصت كلامي التفت وعينه بعين نايف ونظراتهم الحاده لبعض اربكت من بالمجلس جالسه على ارجوحتها وتطالع لبيتهم خالتها ماقد هملته دايم تروح تنظفه وتهويه ماحست الا وحد يدف المرجيحه لكن عرفتها من غير ماتلتفت :لموووي دفي بسرعه كشرت :ماقدرت ..عليك ثقل اف منك :ههههههه احسن منك يالعصلا :عذور تعالي معي وغمضي عيونك وافقت على طول وهالشي فرح لمى غمضت عيونها ومسكتها لمى لين وصلتها المكان اللي تبيه يلا فتحي فتحت عيونها وشافت حسام وهديل جالسين عند مكان كله ورد :الله وش ذا :هههه عجبك هذي حديقة حسام هو سواها :تجنن وناسه وليه ماتجيبيني هنا من اول حطت يدها على خسرها :لا والله وانتي كنتي ترضين اصلا ضحكت على لمى وتعصيبها وركضت لحسام صديق طفولتها وضمته:حسوووم هذي حديقتك :مين عذاري هههههه ايوا وش رايك :تهبببببببل :طيب اوصفيها لي جلست بجنبه وبدت توصفله كل شي وهديل ولمى ساكتين وعيونهم على عذاري اللي ماتضجرت من حسام واسألته وكانت توصفله كل شي بالتفصيل وحسام يرسم الشي بمخيلته ويبدي اعجابه واقفه عند البلكونه الزجاجيه وعينها على عذاري وحماسها بسوالف وعلى حسام وابتسامته الي ماتفارقه ابد :الله يرد لك بصرك يايمه وتفرح بشوفة حديقتك :اسمع يابوعبدالرحمن واسمعوني كلكم ..اشر على سطام.. وخصوصا انت انا غلطت واعترف بغلطي وادري اني سويت شي مايرضيكم بس انا ابي اصلح غلطي واطلب السموحه منكم والفرع اللي سطام يتكلم عنه تراني رجعته لابراهيم لكن كتبته باسم بنته وقف الجد:انت صادفت ابراهيم حرك راسه بـ ايه:صادفته قبل وفاته بخمس ساعات اتصلت عليه وقالي تعال بالمكان الفلاني التقينا هناك وجبت كاتب من المحكمه معي لاني بارجع كل شي لابراهيم بس هو طلب مني اسجله باسم بنته تراخى الجد وجلس على الكنبه :كان حاس الله يرحمك يابوي رفع راسه :وانا طلبته طلب بس هو قالي بعد ست سنوات بيجيك ردي وسألني اذا قدرت استنى ولا لا الكل ساكت وينتظرون وش بيقول نايف :طلبت منه القرب وقالي ردي بيجيك بعد ست سنوات لانها باقي صغيره :وشووووو التفت لسطام:اللي سمعته انفعل اكثر وكره هالشخص ازود:هين ان اخذتها وتراني خطبتها قبلك وهي لي رد ببرود:ماهو انت اللي تقرر راكان:حنا اهلها وحنا اللي نقرر :بــــــــــــس ..وقف الجد وساعده ابنه عبد الرحمن وهو مذهول من كل كلمه سمعها... ماهي بلعبه لجل تلعبون فيها بنتي ماياخذها الا اللي يقدرها ماياخذها واحد همه الصلح ولا ياخذها واحد همه شفقه وان سمعت طاريها مره ثانيه والله ما ارحمكم :ياعـــــــــــم انا ..... ,,, توقعاتكم وش بيصير | ||||
|
| |
|
26-01-14, 05:49 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــ البــــــــــــــ(5)ــــــ� �ــــــــــــــــــــــا رت عتــب,,,,,,,,,, من تكون ومن اكون انا لقلبك .. تملى قلبي بالجروح وتذهب ... سأكون لك عتباً لن يتركك ابداً... فجروحي ستكون لك ذات يوم... طلعت من المطبخ وهي تمشي خفيف وعينها على كوب الحليب اللي بيدها وصلت لصاله حطت الكوب على الطاوله وسحبت الريموت من على الطاوله وجلست تقلب في التلفزيون لين وصلت لقناتها اللي تبيها لان فلمها على وشك انه يبدا سمعت صوت عصا التفتت على طول لانها عارفه من يكون : حسااام تعال هنا انا في الصاله ابتسم :طيب تعالي ساعديني :هههههه لا انت ماناقصك شي عشان اساعدك :هههههه بعدي والله طيب باجيك عينها عليه وعلى خطواته البطيئه والحذره يخاف انه يصدم بشي او يكسر فازه مثل كل مره.. شافته بدا يقرب من الصاله بس خافت لا يطيح لان في بداية الصاله درجه بسيطه ترفع الصاله عن باقي البيت وقفت من مكانها وراحت له وقف ونظراته الحاده تحرق سطام ونايف :يلا يابو سطام مشينا تكرم يابو نايف على الغدا الزين والله يديمها من نعمه مسك ولده من يده لجل يساعده في المشي يحس اطرافه لانت ولاقدر يمشي :ياعـــــــــــــم انا .. التفت بقوه:انت وشو فيه شي باقي ماقلته تنهد وكانه يشجع نفسه كبت توتره وحرك لسانه اللي ثقل :انا اصير نسيبكم سكووووووووووون رفع نظره وشاف وجيه الكل مصدومه واولهم ابوه واخوه اللي ما يدرون عن الموضوع وقف بهيبه :السموحه منك ياعم بس بنت ابراهيم حالياً هي تصير زووجتي من خمسة اشهر الجد رمى بكل ثقله على ولده وعبدالرحمن الصدمه سكتته اما راكان صرخ عليه :كيييييييييييييييييف صارت زوجتك :اكييد ماراح اتزوجها الا بموافقة ولي امرها قبض يده وتنفسه بدا يزيد والغضب ملى عينه :كـــــــــــــــذاب حس بشي بس مايدري وشو هو بس فكرة إنا سطام يبيها تحرقه ورد بصوت اعلى وباين فيه العصبيه:وش هي مصلحتي لجل اكذب ياسيد حط الجد يده على راسه وهمس لولده يجلسه على الكنبه جلسه عبدالرحمن:يبه فيك شي اشر بيده بـ لا :اعطني ماء :ابشر ... صرخ على جاسم ..جب ماء جلس سعود وهو يسند الجد ويعدل له جلسته :تنفس ياعم جاب جاسم الماء واخذه منه عبدالرحمن وشرب به الجد اشر لنايف يجلس بجنبه ...قبل طلبه وجلس بجنبه :فهمني كل شي :ابشر يابوي .... تمشي رايحه جاية اقلقها الصراخ اللي تسمعه :ياندى اجلسي تراك دوختيني :بس يايمه ماسمعتي الصراخ اللي توه :الله يستر وانا امك وقفت وعينها على جدتها اللي حست انها متوتره وخايفه تنهدت بهم ومشت لعند النافذه وهي تدعي بسرها ان ربي ييسرها على نايف كان يتكلم وعينه على سطام اللي كل ماله يزيد غضب :طلبت بنته على سنة الله ورسوله وهو وافق ومابدر منه أي اعتراض وقالي يانايف ماراح القى لبنتي احسن منك الجد:طيب وكيف عقد لك عليها مابعد عينه عن سطام:رحنا بعدها على المحكمه وهناك عقدنا الزواج وانا اللحين اصير زووووجها عصب سطام وصرخ عليه:اســــــــــــــــــ� �ـــــكت عمي مايزوج بنته لشخص مثلك حس بقهر :وانا وش ناقصني ياسيد :طيب خلنا نشوف اثبات كلامك وقف وهو مقهور من سطام يحس بشي بقلبه :المعذره ياعم اجيب الاوراق والعقد واجيك....طلع و نفث النفس اللي حبسه وهو يسب على سطام واتجه على غرفته وكل اللي براسه ان سطام يبيها وهذا اللي زاد قهره جالسين كلهم بصاله وابوهم يقرأ بالجريده وامهم بالمطبخ لكزت هدى على جنبها وهي قمزت من مكانها وصرخت من الالم نزل الجريده وهو مستنكر هالصوت:علامك طالعت بسهاد اللي وضح في وجهها الضحك وهي تتوعدها بعيونها :سلامتك يبه بس حسيت بشوي الم عقد جبينه:وين :هاه لا لا خلاص راح .... وجلست طالع في سهاد :سهاد وش سويتي في اختك سكتت وغيرت ملامحها للبراءة :انـــــــــا وش سويت يبه :ايه ماسويتي شي ..ورجع للجريده تقربت من هدى وساسرتها:هدى انتي متزوجه؟ بانت الصدمه على وجهه هدى رفعت يدها تشوف حرارة سهاد:شكلك مسخنه نزلت يد هدى بضجر:انا ما استهبل :سهاد متأكده انك صاحيه :خلاص انسي استغربت من اختها :لي جلسه معك بعدين ناظرت لهدى وسكتت نزلت وشافت حسام وعذاري نايمين بصاله استغربت تقربت منهم لجل تصحيهم بس استوقفها صوت عذاري وهي تتكلم سمت عليها وتقربت منها وسمعتها تنادي امها :خليها تنام ياساره ناظرت لحسام:فكرتك نايم :لا ماني نايم ابتسمت:كيف عرفت اني ساره ضحك بخفه:انتي الوحيده اللي مشيتك خفيفه ويلا نسمعها مو مثل لمى وهديل المهبل :هههههههه لا يسمعونك ثم يعدمونك :ههههههه :طيب ليه نايمه هنا :جلست تتابع ساندي بل ونامت :الله يعين لكن شوف نومتها على الارض اللحين ماتصحى الا وهي مكسره وان شلتها صحت :لا ما عليك شيليها وحطيها على الكنبه وان صحت حطي يدك على شعرها وهي بترجع تنام ما استغربت ان حسام يعرف كل هالاشياء عن عذاري لانها تدري ان هو وعذاري اكثر وقتهم مع بعض شالتها وفعلاً صحت بس لما حطت يدها على شعرها رجعت نامت ناظرت لحسام اللي تكلم: اقري عليها عشان ماتيجيها الكوابيس حركت راسها بالموافقه وكانه يشوفها رجعت بذاكرتها لوقت الحادث اللي صارله كانوا بايام اجازه الاسبوع راحو على الدمام يتمشون هم وعمهم وخالتهم كان في هذاك الوقت عمر حسام 8 سنوات نزل مع هديل وراكان يلعب بالبحر ونسوا ان حسام معاهم مشى لين وصل لمنطقه عميقه جلس يلعب ومدرا الا والموج ساحبه كان ينادي على راكان وهديل بس ماحصل منهم اي اجابه حاول يقاوم ويسبح بس ماعنده الخبره الكافيه اصتدم راسه بصخور لكن عمه ابراهيم وصل في اخر لحظه واخذه لانه كان يلعب بقارب مطاطي وشاف حسام يستنجد والموج يسحبه بعدها دخل في غيبوبه مدة شهرين ولما استعاد وعيه اكتشف انه اعمى تعبت نفسيته مره ودوه لبريطانيا بس رفضوا يسوله عمليه الا بعد مايتجاوز عمره 22واللي يحزنه مره ويبكيه لما يسمع ان هديل وراكان بيروحون المدرسه وهو لا بس تسجل في مدارس الوحدات الخاصة وصارت شخصيته منطويه الين اللحين... كمل عمره 12 السنه ومازال كتوم الا على شخص واحد وهي عذاري جاب الاوراق وعقد الزواج وحطها قدام سطام:انا ما اكذب بشي ..جلس بجنب الجد .. ياعم انا ماطلب بنته لجل الصلح انا طلبتها لاني ابيها وشاري نسبكم الطيب دقق الجد في ملامحه وحس بان هناك شي مخفي:وليه بنت ابراهيم بالضبط رغم انك تدري انها صغيره لو انت تبي النسب منا كان جيت لبنات عبد الرحمن ابو سطام :يبه وش هالحكي اشر لعبد الرحمن يسكت:هاه يا نايف كلامي مو واقع دنق نايف وماعرف وش يقول نسى انا الجد فطين وراح يدري انه يكذب :طيب يانايف انت تدري كم عمرها رفع راسه:10 سنوات لو ماكنت مخطي :عمرها 9 سنوات وتوها قبل ثلاثة اشهر دخلت التسع التفت لسطام وابتسم باستخفاف :ماشاء الله حافظ عمرها بعد رفع حاجبه اليمين :ايه حافظه ولا عندك اعتراض على هالشي حس بقهره يزيد وده يمسكه ويضربه المهم مايجيب سيرتها :ايه عندي اعتراض ولا ابي حد يحفظ شي يخصني :تخسي اذا كانت :بس ياسطام وانت يانايف خلاص ماعندكم حشيمه للكبار عيب استحوا شوي :السموحه منك ياعم سعود بس نايف لازم يطلق :والله ما اطلق الا لما تكبر وتشاوروها تكلم الجد:نايف انت تدري كم بينك وبينها سكت نايف لان هالكلام ماعجبه كمل الجد كلامه :بينكم 17 سنه على بال ماتكبر وتفهم بتكون موقف بطريقها ورابط اسمك باسمها :ياعم انا العمر ماهو بمشكله عندي بس طلاق السموحه منكم ماني مطلق اذا كبرت وشاورتوها بعدها بيصير خير ان بغت الطلاق لها اللي يسرها رغم ان هالشي انا ما ابيه :وانت بتجلس لين تكبر عزابي ماهقوتي والله اكيد بتتزوج وبتفرح جدتك وابوك ولا بتعصيهم وتبقى معلق املك على بنت مافهمت الدنيا صح :من هالناحيه لاتخاف ياعم انا ماراح اتزوج لين توصلني موافقتها :متى بتوصلك موافقتها :مثل ما تفقدت مع ابوها بعد ست سنوات يعني اذا صارت ب14 او 13 :وبتقدر تعيش مع بنت بهالعمر ولا بتنقص من قدرها لين ماتكبر ازود :افا ياعم ماهو نايف اللي ينقص من قدر زوجته :ماراح تكون زوجتك الا اذا عطتك موافقتها واذا ماعطتك فهي بتكون لولد عمها وهو اولى بها التفت نايف لسطام بغضب وكمل الجد كلامه وهو عارف ان نايف فهمه غلط:ماقصدت سطام قصدت حسام بتتعرف عليه قريب الي في المجلس اتجهت عيونهم على الجد : سطام يومه عصب وقال اللي قاله لانه مايبيها تروح لواحد ضر ابوها ويسمع الكلام من غير ما يتأكد .. بنت عمه ومن حقه يخاف عليها لانها تصير من اهله وصدقني ان كلمني وقالي انه يبيها والله ما ارده لانه كفو وبيحفظها بس بنتي انا ما ابيلها الضر واللي بيحفظها اكثر منك ومنه هو حسام :ياعم بنت ابراهيم باذن الواحد الاحد ماتكون الا لي .. الغلط هو غلط لكن من تاب افصح وعفا عنه وانا ندمت لكن دامني مأمن عليها بـاذن الله ماحد راح يا خذها مني ابتسم الجد بأريحيه :بنشوف بتدوم على الرباط اللي ربطته ولا بتفكه :وعدن وعدته ما افكه ياعم سكت سطام لان حس ان جده راضي على هالشي هو وده فيها ماينكر هالشي بس عمي ليه سوا كذا اكيد ورا هالشي سالفه ابتسم بتشفي من كلمة جده اللي قالها على نايف .. :لكن هذا مو معنى إنا سامحناك على سواتك بـ إبراهيم سكت نايف وبانت الصدمه بوجهه :ايه لاتنصدم وترا لو جى وقت مشورتها باقلها من تكون ...عز الله رفضتني ... :هالسالفه لاتنفتح بين الحريم والكل يتكتم عليها لين ماتكبر البنت وطاريها ما ابي اسمعه مره ثانيه وبذات انت يانايف انسى انك متزوج لين مايجي هذاك الوقت :ابشر طال عمرك سحبت اختها وركضت فيها للغرفه وجلستها على سريرها : يلا قولي وش اللي شاغلك وليه هالاسئله الغريبه اللي تسألينها لي :اوووف منك ماتنسين :ايه ما انسى لانك جالسه تهلوسين اليوم ..وش فيك :اسمعي بعد صلاة الظهر سمعت امي وابوي يسولفون في الصاله بصوت خفيف بس والله ما كان قصدي استرق السمع بس كان سوالف امي وابوي غريب جلست بجنب سهاد وهي مستغربه :عن ايش كانوا يسولفون بالضبط :ما ادري بس عن وحده اسمها هدى وولدها سمعت ابوي يقول لقيت ولد هدى وقلت له من اكون سألته امي وش رد عليك قال ابوي ردة كان بوسه على الراس واليد وقال سلم من رباه بس هقوتك مين هالهدى عرفت عن مين يتكلم ابوها وامها وحركت كتوفها لاختها بدلا لة مدري عرفت قبل سنتين ان عندها عمات من جدتهم ام ابوها بس مافتحت فمها بكلمه ..جو عندهم جيرانهم ووصتها امها تجيب البخور من غرفتها ..دخلت غرفة امها وابوها وجلست تدور على البخور ولما فتحت الكبت لقيت صندوق خشبي صغير قالت اكيد ان البخور فيه بس لما فتحته انصدمت بصورة قديمه لطفلتين جالسين ياكلون ايسكريم وصوره ثانيه لشاب مع هالبنتين ايقنت انه ابوها لان ملامحه ما اختلفت كثير لقت ورقه مطويه فتحتها بتشوف وش فيها وهي عينها على الباب خايفه لاحد يفتح الباب ويشوفها فتحت الورقه وشافت خط وكانه صاحبه بدا يتعلم مكتوب في الورقه سهاد +يحيى ومرسوم قلب ومكتوب فيه احلى اخو وتحت هالخربشه مكتوب بخط اوضح من الاول احبك يحيى الله لايحرمني منك ياسندي ياخوي اختك هدى ..عرفت ان صاحبة هالخط اما تكون كبيره او انها مو في بداية تعليمها سمعت خطوات عند الباب طوت الورقه مثل ماكانت ورجعت الصور وقفلت الصندوق ورجعته مكانه ... ولما قبل خمسة اشهر سمعت ابوها يصيح بحرقه وامها تهديه عرفت ان وحده من عماتها توفت بس ماتدري من منهم ...تنهدت بحيره من هالذكرى ودها تعرف القصه كامله وليه ابوها ما علمهم ركبوا الجمس واستوقفهم راكان اللي نسى جواله نزل ورفع راسه لان الدنيا صارت غيوم وكانه على وشك انه يمطر جذبه خيال على النافذه وكانه شخص واقف وعاطي النافذه ظهره نزل راسه وطنش مشى للمجلس وشاف جاسم هناك :معليش نسيت جوالي ابتسم له :لا عادي حياك دخل واخذ جواله وطلع من غير أي كلمه لانه باقي ماهو راضي عن كل اللي صار ركب وحرك سطام الجمس وهو يحس بشوي قهر تكلم الجد وعينه على الطريق:يابو سطام وش رايك في اللي قاله نايف :والله يايبه احسه شاريها ودام ابراهيم زوجها له الا وهو عارف انه كفو :طيب وسطام التفت لجده للحظه ورجع يناظر لقدام :ما اكذب عليك تراني تمنيتها لواحد من عيالي بس كنت منتظر احد فيهم يقول لكن نحن نريد وهم يريدون والله يفعل ما يريد :والنعم بالله ..الله يرحمك يابوي يا ابراهيم مدري هالشي اللي سويته وش وراه ضغط بيده على الدركسون وهو وده ينزل من السياره ويروح لمكان واحد في باله يفضي اللي بقلبه كله لانه بذات اليوم يحس نفسيته تعبت مره يطالع لاخوه وهو شافق عليه يدري انه يبيها لانه كان دايم يراقب نظراته واسألته عنها بس مانقول الا الله يقدم اللي فيه خير ويرزقه بلي يستاهلها لان نايف داهيه ويقدر باي طريقه يخليها توافق عليه واقفه ومرجعه ظهرها على النافذه ومنتظره نايف وجاسم وابوها لجل تسأل عن اللي صار وتتطمن ....دخل نايف ودخل بعده ابوها وكان شماغه على كتفه وشكله مرهق ركضت له :يبه سلامتك يالغالي ليه شكلك كذا ابتسم لها بحنيه:تسلمي يالغاليه بس شوي مرهق من قومة الصبح وانا اشتغل مسكت يده ومشته لين الكنبه اللي عليها جدتها وجلسته :تبيني اسويلك عصير ليمون يروقك :ايه والله تسوي فيني خير :ابشر يالغالي من عيوني ...التفتت لنايف اللي جالس وعينه على التلفزيون بس باله بعيد عنهم..نيوووف صحى من سرحانه:هلا :تبيني اسويلك عصير ليمون :هاه لا تسلمي ما ابي شي :اوك براحتك ...مشت للمطبخ وهي تدعي انهم مايفتحون أي سالفه لين تجي لكن سؤال جدتها خيب املها :علامك يابو نايف ليه شكلك مرهق كذا :فديتك يايمه والله بس مرهق وودي انام :طيب وش صار بينكم وبين عيال التركي وليه كانت اصواتكم طالعه :لا ابشرك يالغاليه هم ناس اجاويد وراعين نخوه سامحونا وماطلبوا شي غير ان الله يرحم ولدهم :الله يبارك فيهم..ياسعود هالناس ماتلقى فيهم الا الخير بس علامه نايف ماهو بيمنا ابد ناظر لولده وشافه سرحان وباله مو معهم ابد حرك راسه بحسره وهو يفكر باللي صار اليوم وصدمة زواج ولده مكذبها ولا صدقها من الصدمه لان ولده ماوافق على هالزيجه الا لان هناك سبب خلاه يوافق وصلهم للبيت واستاذن من ابوه وحرك السياره لطريق الدمام يبي البحر بهالحظه بذات يبيه دخلوا الصاله وشافها نايمه على الكنبه حس بالغصه عليها حسها انظلمت بس مابيده شي دام ابوها حدد هالشي لها مالها الا يصبر لين تكبر ويشوف رايها بنت اخوه ماراح تنضام دامه عايش التفت لورا لانه بيروح لغرفته يتجهز لصلاة العصر وشاف ابوه واقف وراه وعينه على عذاري :عبدالرحمن انا اللي سويته صح :يابوي اللحين مانقدر نغير شي مالنا الا نصبر ونشوف رايها اذاكبرت وصدقني يايبه اللي كاتبه ربي هو الخير لها حرك راسه بالموافقه ومشى وخل ولده يناظر له ويشوف ضعفه وضيقة حاله اللي ماطلعها لاحد من قبل جلس يتمشى بالحديقه وشاف حسام جالس عند حديقته مشى لجهته وهو يقول بنفسه ليتك ياحسام تدري وش صار اليوم انا بنفسي عجزت والله لو انت مكاني كان حليتها على صغرك الا ان عقلك حكيم وانا اخوك وصل لعنده ورحب فيه بصوت عالي :وصمخه ياراكان هذا وانت بعيد اجل لو انك قريب مدري كيف بيكون حال اذني :ههههههههههههههههههههه :اعوذ بالله حتى الضحكه تجيب الصم :هههههه وش تسوي هنا ابتسم :ابد سمعت وردي يناديني وجيته :حراكات يالرومنسي :ههه احسن منك يالعربجي :مقبوله منك ..تنفس بعمق..ريحة مطر :ايه وهوا بارد :ان شاء الله ربي يسقينا من خيره :امــــــــــــــــــــين ...الا كيف عزيمتكم كشر بقرف:من اروع ماتكون :وعلامك تقولها بقرف فتح عيونه :شلون دريت :ههههه قسم انك اهبل واضح من صوتك :يمه منك حافظني :هههههه ايه حافظك..وين سطام عنك سكت شوي وبعدها كمل:وصلنا وراح يقول معاه شغل :اجل راح للبحر :وش يدريك :سطام واعرفه لو شاف الجو كذا بيمشي لدمام على طول لجل البحر :يمكن كل شي جايز اذن العصر وانقطعت سوالفهم وجلسوا يرددوا مع المؤذن وفي باطن انفسهم يطلبون المغفره انتهى,,,,,توقعاتكم | ||||
|
| |
|
26-01-14, 05:54 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم اخباركم حبايب قلبي انا باكتب اعمارومقتطفات عن ابطال روايتي بس الوصف باخليه للبارتات اوووكيشن كنت باخليكم تفهومونها من باقي البارتات بس دامكم طلبتوا والله ما اردكم ☻☻ياحبني لكم عائلة التركي الجد عبدالعزيز عمره 70 سنه زوجته توفت قبل 13 سنه بسبب فشل كلوي عنده شركه استثمار وله فروع في مناطق كثيره مع كبر عمره سلم الاداره لعياله عبدالرحمن وابراهيم عبدالرحمن رجل حكيم وصبور بس في مواقف يكون عصبي عمره 46 زوجته هدى بنت صديق ابوه الروح بالروح تزوجها وهو معجب فيها من زمان طيبه وحنونه وقلبها رهيف عمرها 40 اولادهم سطام طيب وحنون لكنه غيوور وفي اوقات يكون شرس ومزاجه حاد بعد تخرجه من الثانويه العامه سافر لامريكا ودرس قانون ومحاماه جلس 8 سنوات فيها ورجع بشهادة امتياز عمره 25 ساره هاديه وطيوبه وفيها جراءه مفاجئه تدرس ثاني جامعه تخصص تصميم وديكور وعمرها 21 راكان فلاوي يحب المزح والضحك بس بحدود لكن من يدوس له على طرف ينقلب انسان ثاني شعاره بالحياه خاوي من شراك وارمي بهمك وراك يدرس ثانويه عامه عمره 19 سنه هديل بنت مرجوجه بس حنوونه وقلبها رهيف مثل امها تدرس في اخر سنه بالمتوسطه تحب اهلها فوق كل شي عمرها 15 سنه حسام ذكي ويحب الالغاز صبور وعلى صغر سنه الا انه حكيم مقولته اللي دائما يقولها الحياة اللي مافيها مثل عذاري ماهي حياه وسبق وتعرفنا على قصة عماه عمره 12 سنه لمى بنت دلوعه وعنيده ولسانها طويل تحب عذاري بنت عمها وتتكل عليها بكل شي وشخصيتها قويه بس الخافي ماحد يعلم فيه الا الله عمرها 7سنوات ولده الثاني ابراهيم كان انسان مثالي عاش قصة حب بريئه مع زوجته قبل زواجهم تزوج من اخت زوجه اخوه وبعد شهر من زواجهم حملت وجابت له بنت سموها عذاري بعد تعارض ..يحب اهله وطبعه غيور وطيب ويسامح بسرعه زوجته سهاد كانت للكل مثل الاخت حتى لبنتها بس قدرة ربي فوق كل شي توفوا هي وزوجها مع بعض وبحكي قصة وفاتهم في البارتات الجايه عذاري بنت مرحه وفيها شي يحبب الواحد غصب بس بعد وفاة امها وابوها صارت انطوائيه وغامضه واكثر وقتها مع صديق طفولتها حسام وماترتاح الا له عمرها 9سنوات عائلة الحمد الجده هيا عمرها 66شخصيتها قويه وبنفس الوقت عطوفه توفى زوجها وتركلها ثنتين بنات وولد ربتهم وتعبت عليهم لوحدها البنتين بنعرفهم بعدين الولد سعود عمره 44 تزوج في عمر صغير ورث من ابوه شركه كبيره لها معاريفها وسمعتها وقسمها بالعدل بينه وبين اخواته وامه بس امه اوقفت قسمها وكلفت به ولد ولدها نايف ..تزوج من بنت خاله وجابت له ولدين وبنت وبعدها توفت على طول ولده الكبير نايف عمره 26غامض وهادئ لكن مابعد هدوءه الا عاصفه تحمل المسؤليه مع ابوه وهو في عمر صغير في اوقات الغضب يعميه ويخليه يسوي اشياء يندم عليها غيور لدرجة انه يذبح شخص لجل تطفى غيرته مزاجه حاد ومايمزح الا مع اللي يعرفهم له هيبه تقوم مجالس ..بس القلب وما جراله جاسم انسان هادئ وحبوب يحب جدته كثير عند الغضب يقدر يصيطر على نفسه ويهدا بسرعه عمره23 تخرج من الجامعه تخصص ادارة اعمال وشغله ابوه في الشركه ندى انسانه فلاويه تحب تخارش جدتها وماتعتبرها الا امها متعلقه بنايف اخوها وماترضا له الضرر تكون ببعض المواقف حساسه وحساسيتها تخليها تزيد شقاوه عمرها 17 بثاني ثانوي عائلة يحيى السرحي الاب يحيى المسمى الدائم له ابو رائد هو يصير اخو هدى وسهاد من امهم عمره 51 يحب بناته ومعيشهم باحسن مايكون يشتغل في الليل بـ شركة **** صغيره ناسخ بالكمبيوتر وفي النهار سواق اجره زوجته حنان عمرها 40امها سوريه وابوها سعودي تحب زوجها وبناتها وتحب خوات زوجها من كثر مايحكيلها عنهم طيبه بس شديده احيانا وهذا يدل على خوفها على عيالها بناتهم الكبيره هدى سماها ابوها على اخته هدى عاطفيه بشكل كبير ماسكة المسؤليه مع امها وابوها هي بالنسبه لاخواتها صندوق اسرارهم تخرجت قبل سنه من الجامعه تخصص احياء عمرها 23وتتمنى تحصل على وظيفه لجل تساعد ابوها سهاد سماها ابوها على اخته سهاد وطلعت طبق الاصل من اخته سهاد حتى بصوتها تحب شي اسمه اكل وعلى ذلك جسمها طبيعي وهي فرحة البيت مثل مايقولون تحب تفرح واذا تنكدت تخبي نكدها عن الكل تدرس اولى جامعه تخصص انجليزي بنفس جامعة ساره عمرها 20 شهد اخر العنقود ودلوعة البيت تحب تلعب بشعرها وتغير من شكله وهوايتها الرسم ماتحب تطلب كثير قنوعه بكل شي عمرها 17 سنه ثاني ثانوي ولها صديقه مقربه تحبها واجد وعلى يسر حالهم الا ان ابوهم درسهم باحسن المدارس وحمد صديق سطام بتتعرفون على عائلته بالبارتات الجايه عمره 25 صديق سطام من ايام الابتدائي هو مثل الاخ له ابوه تاجر اعمال معروف فتح شركة **** وسلم ادارتها لولده حمد له طابع خاص وهو الغموض لكن نظرته للحياه حلوه وبكذا تعرفتو على نص الشخصيات والباقي باعرفكم فيهم بعدين ...فديتكم ابتسموا عاد خخخخ البـــــــــــــ(6)ـــــــ� �ــــــــــــــــــــــا رت عنوان فقد,,, فقدك اذاب قلبي .. وروحي باتت تناجي ... تمنيت رؤيتك والذبول بين احضانك....♥♥ الساعه 6المغرب بعد مانزل المسجد وصل المغرب والعصر حرك سيارته واتجه للبحر وقف السياره ونزل منها اخذ نفس عميق وعينه على الموج فتح يديه ووقف على صخره رفع راسه ونظره لظلام اللي بدا يكسوا الدنيا ابتسم بالم وهو يشبه نفسه بهالظلام رن جواله وقطع عليه خلوته طلع جواله من جيبه وشاف صديق عمره رد من غير تردد:وعليكم السلام حمد بود:ويينك رد بضيق:انا في الدمام ضحك حمد بخفوت:وش معاك في الدمام رد سطام بهدوء :حمد تقدر تجيني سكت حمد للحظه:من عيوني ياخوي على 9 الا وانا عندك ونبيت هناك بعد همس سطام بصدق:الله لا يحرمني منك ابتسم حمد وقال بغرور:ايه كثر من هالدعوات لانك منت بلاقي مثلي ضحك بخفه وجزم صدقه:وهو الصدق ماراح القى مثلك سكت وبعدها سمع صوت:حمد وش ذا الصوت حمد:انا توني حركت جايك سطام:بانتظارك ..الله يحفظك :في امان الله :مع السلامه قفل من خوي عمره وهو مبتسم بحب له رجع عينه للبحر وهو يتذكر عمه وكلامه له يبي يعرف السبب الي خلاه يسوي كذا ويزوج بنته بهالطريقه تنهد بضجر وجلس والهواجس تملأ راسه نزلت على الدرج وهي ماسكه بيدها ومو راضيه تفكها شافتها امها وابتسمت لها ام سطام:ههههه علامك ياعذاري مو راضيه تفكين ساره مدت عذاري بوزها بدلع طبيعي:وعدتني توديني السوق وحظرتها نست وكانت تبي تنام ضحكت ساره:والله نسيت شفتك العصر نايمه قلت خلوني اريحها اليوم ام سطام :ههههه خلاص اللحين بتوديك وتاخذين اللي تبين فكت يد ساره ونطت من على اخر درجتين وركضت لخالتها وصلت لعند خالتها وقربت وجهها من وجه خالتها وقالت بفرح بفرح :باخذلي عبايه ابتسمت بحب لفرحها وقالت ام سطام:وليه بتاخذيلك عبايه ضحكت وبعد وجهها عن خالتها وحطت يدها على فمها:خالتو بالله ذا سؤال تسألينه ههههههههههههه ضحكت ساره لضحك عذاري وامها فوق راسها علامة استفهام ماتدري وش الموضوع قربت عذاري من خالتها وباستها على خدها بقوه :لاني خلاص صرت كبيره وماما قالت لي اذا صرت بثالث لازم البس عبايه سكتت وبهت وجهها من ذكرى اختها تداركت نفسها وابتسمت حطت يدها على شعر عذاري وهي تقول:الله يوفقك يايمه ضحكت بفرحه وهي تقول اميـــــــــــن نزلت من الدرج على ضحك عذاري وشافت ساره لابسه عبايتها وواقفة معاهم حطت يديها على خصرها:ويييييين رايحين التفتوا لها وجاوبتها عذاري :لموووي باروح اخذلي عبايه فتحت عيونها على وسعها:وشوووو ضحكت عذاري بطفوله على منظر لمى المفجوع:والله يلا نروح سوا اشرت بيدها :صبر صبر باروح معاكم ابدل ملابسي واجيكم ساره حطت يدها على رأسها :ياليل ونامت ساره ضحكت امها عليها :اصبري وأنا امك :ما لنا الا نصبر دام لمى معانا عز الله بتنا في السوق قفلت من شهد صديقتها وراحت لجدتها لجل تونسها وهي نازله مرت من عند غرفة نايف اخوها سمعته يتكلم بعصبيه وكانه يقول عقود وذكر اسم شخص اول مره تسمعه طنشت ونزلت لان هالشي مو غريب دايما تحصل مشاكل بشغله وصلت لتحت شافت جاسم اخوها جالس يتابع الاخبار على t.v تقربت منه بخفه وهي ناويه تخرعه بس طاحت مخططها لان جدتها خربت عليها :نديييش يامل العافيه علامك تمشين كذا التفت لجدتها وهي مكشره بوجهها وباقي على وضعها يديها لقدام وظهرها محدب وواقفه على اصابيع رجلها التفت على صوت جدته وضحك لانه فهم السالفه :مسكيييينه خخخخخخخخخخخ عدلت وقفتها وقالت بإستياء:يمه انتي دايما تخربين خططي جلست جدتها بجنب جاسم :أي خطط ياحظي لما شفتك قلت شكل البنت جتها الحدبه...>>الشيخوخه ضحك جاسم بصوت عالي لجل يقهر ندى عضت على شفايفها بقهر وتكتفت بيديها :جسوم لا اعلمها عن البنات اللي تكلمهم التفت الجده لجاسم بتقطيبه :جسووووم أي بنات فتح عيونه على كبرها من كذبة ندى اللي شبكته فيها:أي بنات يطولي بعمرك ندى كذابه لا تصدقيها طالعت له جدته من طرف عينها :والله ماحد يدري عنكم ضحكت ندى وقربت من جاسم تحره :طلع نفسك اللحين ..صغرت صوتها وهي تقول.. قووود باي وراحت على المطبخ وجلس جاسم يبرر لجدته ويحلف ان هالشي كذب وجدته مو مقتنعه ابد قفل من مساعده الخاص يوسف وهو يسب على الموظفين اللي اخروا العمل تذكر كلمة مساعده وهو يقول :يا استاذ نايف مانقدر نسوي شي بفلوس الانسه اللي بحساب شركة التركي الا بموافقة المحامي الخاص في الشركه رد نايف بعصبيه :يعني ما اقدر ارتاح الا وانتم مطلعين لي سالفه ..الفلوس اللي مشغلها في شركة التركي ماحد يعرف انها باسم الانسه كيف يعني ماتقدروا تحركوها رد مساعده يوسف بهدوء تام لانه عارف انه نايف راح يثور:لان المحامي الجديد بيبدا شغله من بكره تكلم نايف بضجر:ومين هالمحامي رد يوسف بنفس الهدوء:سطام التركي سكت للحظه وبعدها وجه سبه قويه لسطام وقفل الجوال بوجهه المساعد رمى الجوال على السرير وهو ينفث غضبه ويفكر بطريقه ثانيه لجل ماحد يكشف حسابه الجديد بالشركه لانهم لو اكتشفوا انه شغال باسمها بتكبر السالفه وهالشي امانه برقبته بيسأل عنها يوم القيامه تمدد على سريره وعينه بسقف الغرفه وتفكيره مشغول بكل الاحداث اللي صارت له وصلوا المملكه وراحو جهة محلات العبايات وراكان يستعجلهم :اسمعوا انا بجلس وباشرب لي كوفي على بال ماتخلصون ردت ساره بضحكه:ابد مو لايق عليك هالاسلوب طالع لساره بنظره:سوير لاتخليني ارجعك وقفت قدام راكان اللي اطول منها بكثير رغم صغر سنه الا انه كل من شاف طوله اعطاه عمر اكبر من عمره ..وهي ماده بوزها:ركوووني خلاص امسحها بوجهي نزل عينه لعذاري وحس بحيا منها كونها زوجة لشخص جديد على العيله يحسسه بذنب تكلم بجديه:اووووك لجل عذاري بس خذوا راحتكم واشتروا اللي تبونه طالعت ساره بملامحه وحسته متضايق ..... تكلمت لمى :ركوون باروح محل الالعاب صغر عيونه فيها:لمى حنا وش حكينا الكبار اللي يدرسون خلاص ينسون الالعاب طالعته بنظره حادة:اجل ليه انت هذاك اليوم لعبة وانت كبر البعير سكت ماعرف ايش يرد وضحك ساره وعذاري قهره :احم انا لاني ولد بس البنات عيب كتفت يديها:البنات عيب هاه اجل انا باروح العب بروحي كشر بوجهه:خلاص استني باخذلي كوفي واروح معك حركت حواجبها تقهره :يلا امش قدامي ضحكت ساره:تستاهل ماحد يقدر عليك غيرها همس لساره:والله هي كذا وباقي صغيره مدري شلون بتصير لكبرت اكيد نسخه مصغره من جدي تخيلت لمى تشبه جدها اذا كبرت ضحكت بصوت عالي وعلى طول سكتت لانها لفتت انتباه من في السوق: امش بس انا وعذاري بنروح محل العبايات وبعدين نلتقي هنا حرك راسه بطيب ورفع يده مودع لهم وعينه على لمى اللي تتشرط صبت القهوه لزوجها :سم يابو سطام اخذ الفنجال منها وهو يبتسم:الله يسلمك جلست بجنبه :الا ماقلت لي يابو سطام وش سويتوا اليوم التفت عليها وهو يرشف من قهوته :ماصار الا كل خير تغدينا وجلسنا نسولف وخذتنا السوالف سكتت وهي مطمئنه:بس وينه سطام من وقت ماجيتوا ماشفته ناولها الفنجال :صبي لي لا هنتي ...وصلنا وقال عنده شغل ويمكن يتأخر صبت وناولته :بس غريبه وش هالشغل اللي طلع فجاءه :مالغريب الا الشيطان ياهدى تلقينه عند حمد تعرفين جلس منه ثمان سنين واكيد بيعوض هالسنين اليوم دامه بيباشر بعمله من بكره :قولتك ..الله يحفظهم بس :امين تقربت من امها وعينها على ابوها اللي كل شوي يطالع جواله وساعته:يمه وش فيه ابوي مافك الجوال من العصر التفت على بنتها سهاد :مدري يمكن منتظر عمله خايف يطلبونه حركت سهاد شفايفها وكانها مو مقتنعه :اها الله يعينه ناظرتها امها من طرف عينها :كانك مو مصدقتني ست سهاد ضحكت : افا يمه وانا ما اصدقك : اخ منك ايه العبي علي :ههههههههههه فديتك مامي ناظر لجواله وباله مشغول اعتذر من عمله المسائي ومنتظر اتصال سطام لانه وعده يمهد لـ امه الموضوع وبعدها يتصل عليه بس سطام ماله حس ابد ..ليكون هدى صار لها شي او احد من عيالها لا لا اعوذ بالله منك يابليس التفت لزوجته حنان:تعالي ابيك شوي ياحنان ناظرت لزوجها بتمعن:حاضر طلع من الصاله مع زوجته وهو حده متوتر وزادت شكوك بناته هدى وسهاد فيه قام وهو مستغرب مايدري كيف غفى ناظر لساعة اليد تبعه وشافها 9:30استغفر ربه لانه فوت صلاة العشاء دخل الحمام>>يكرم القارئ...واخذله شور ينشطه وتوضا وطلع يصلي خلص صلاته ودعى ربه يكتبله اللي فيه خير له ..اخذ جواله وشاف 20 مكالمه:الله واكبر من ذا اللي اتصل كل هالاتصالات فتح المكالمات الصادره وشافها كلها من ولد عمته وصديق عمره بدر ضغط الزر الاخضر ومن اول رنه جاه الصوت العالي :هلا هلا بدري كان مااتصلت يا اخ نايف بعد الجوال من اذنه:على قولة جدتي لزز يمسك بلاعيمك ضحك بدر بوناسه:قسم فاقدها هالعجوز ابتسم نايف:لاتسمعك تقول عجوز ثم تكسر ضلوعك بعصاها :اخخخخ تصدق حتى عصاها لها وحشه اللزقه البنيه باقي عليها ولا قتلتها ضحك نايف من قلب:والله يا انها من شافت هالزق وهي تدعي عليك بدر:هههههههههه هالعجوز ربي يحفظها لنا نايف:امين والله انها نوارة البيت ابتسم بدر بمحبه:صادق والله ..الا تعال امي صاجتني من صباح الله وهي تسأال عنك :بعدي والله عمتي تحبني :اققول لايكثر تقولك بكره مرها تبيك :ان شاء الله :نووويف وش رايك نطلع السوق ودي اخذلي ملابس :نوويف شايفني اصغر عيالك ولابزر يحبي عندك ضحك بدر:عاد انت مايلبق عليك الدلع الله يعين زوجتك بس انا اشهد انها بتحفر قبرها وتدفن نفسها حيه ههههه سكت وفكره راح لسالفة اليوم كل مانوى ينسى يجي حد يذكره تكلم بجديه:خلاص انتهى بنتقابل بالمملكه حتى انا ناقصتني شوي اغراض استغرب بدر بس حس ان نايف متضايق :اوووك يلا بشوفك انا تراني قريب منه :ان شاء الله :مع السلامه قفل الخط ورمى الجوال على السرير وكلمة ابراهيم ترن باذنه...بنتي امانه عندك يانايف لا تفرط فيها ..وموقف سطام اليوم قهره قبض يده وتافف :سطام سطام سطام وتاليتها معاه هالسطام بس هين يحلم ان خذاها مني فتح كبته واختار له بنطلون جنز فاتح وبلوزه سبورت بيضا عليها علم البرازيل من قدام وقف عند المرايا واخذ المشط يمشط شعره وكل تفكيره بـ عذاري وده يشوفها ابتسم بتملك من تفكيره فيها:نيالي والله حتى اسمها حلووو طالع لشكله بالمرايا طويييل حيل وشعره كثيير وناعم واسود ويوصل لين اخر رقبته بس هو مايحب يربيه ابد بشرته حنطيه وعيونه وساع وعسليه رموشه طويله حواجبه مرسومه بحده من ربي ومعاه بطرف حاجبه الايمن اثر جرح قديم وخشمه طويل وواقف بشموخ شفايفه مليانه وورديه ومزين حولها بسكسوكه نحيله عطته جاذبيه طالع لجسمه شافه معضل وكتوفه عريضه ابتسم برضى ورجع كشر:انا هنا فرحان بس العلم عند الله اذا بتوافق ولا لا اشر بسبابته على نفسه بالمرايا وجلس يكلم نفسه:انسى يانايف انسى رفع يده لشعره وحركه لورا بطريقه سريعه اخذ محفظته وجواله ومفتاح السياره وطلع وما في باله الا عذاري وموافقتها صادف ندى على الدرج :بتطلع طالعها بمحبه :ايه باروح مع بدر السوق ابتسمت بمكر :اخوي حبيبي ممكن طلب عرف نيتها ومشى وهويشر بيده:حاضر بيجيك اللي تبينه فتحت فمها :هو انا قلت اللي ابيه وقف والتفت لها وهو يقلد صوتها:ابي باسكن روبنز ضحكت على صوته الخشن والحاد اللي مهما حاول يغيره مايتغير كشت بيدها عليه:مالت اللحين انا صوتي كذا ابتسم :ندووو تدرين انك مأخرتني حطت يدها على خدها ورجعت جسمها على دربزينة الدرج:روح ياحظي روح ضحك واشرها بيده : بـــــــاي وصل البحر على الساعه 9ودقيقتين ومع الدواره اخيرا وصل لسطام شافه مسرح في البحر نزل من سيارته الكامري ومشى لعند صاحبه جلس بجنب سطام وهو يسلم:السلام عليكم التفت له بابتسامه:وعليكم السلام لف يده على ظهر سطام :سويطم تراني جايع ضحك:وانت من متى كنت اصلاً شابع من يوم عرفتك وانت لهيطك في ذا الاكل ومايبين فيك كشر بمزح:اعوذ بالله من عينك اذكر الله ياشيخ زاد ضحك سطام:ههههههههههه ماشاء الله تبيني اتفل والله ماله داعي سحب يده من ظهر سطام وحطها قدام وجهه :لا لا واللي يرحم والديك مطرك خله بعيد عني ضحكوا الاثنين :هههههههههههههه ..سكتوا طالعوا للبحر تكلم حمد وعينه على البحر:مو حاس معي ان الهواء بارد سطام:اييه بارد ناظر لسطام وتكلم حمد باسلوب يريح الواحد:انا ماراح اسألك واقول وش فيك لاني ادري ان اللي فيك اكبر من انك توصفه لجل كذا ماراح اسألك بس نصيحتي لك لاتكبت ترا ان كبت بتتعب وانا مو مستعد اخسر اخوي ابتسم من كلام حمد ورجع يديه لورا وصار متكي عليها:اليوم عرفت من ضر عمي فتح عيونه بصدمه:جد وين شفته ضحك باستخفاف:كنت ببيته واكلت من اكله عقد حمد جبينه باستغراب:وضح اكثر مافهمت تنهد بضجر من هالسالفه:عزم ابوي وجدي واسحبوني معهم وانا ما ادري عن شي ما دريت الا وانا عندهم ...سكت شوي ..وازيدك من الشعر بيت تراه يصير نسيبنا حمد استغرب :سطام وش تقول لا يكون ان شاء الله انه خطب عندكم ابتسم بقهر:ياليتها على كذا تراه تزوج وخلص واللي تزوجها بنت عمي ابراهيم ضرب راسه مرتين لجل يستوعب:سطام عن المزح عاد عذاري باقي صغييره تنهد بتعب:باموت من التفكير هو يقول ان عمي اللي زوجه ..عدل جلسته وكمل كلامه..بس انا الى الان ماني مصدق عمي مستحيل يسوي كذا الا لسبب برايك وش هو حمد حرك كتوفه:مدري العلم عند الله بس هو وش قالكم اليوم بضبط التفت لحمد وهو مية من القهر:يقول انه رجع الفرع لعمي قبل وفاته بخمس ساعات وبهالوقت عقد على بنته انا اللي قاهرني لييه عمي يعطيها له .طيب على الاقل كان علم ابوي او جدي ولا عطاها لي بس مو يزوجها على هالعله ..حرك راسه بقهر.. : بس بس حمد خلنا ننسى غمزله:وليه انت منقهر طالع في حمد بقهر وسكت ..ضحك حمد بصوت عالي وحط يده على كتف سطام:الله يقدم اللي فيه الخير ويعطيك على قد نيتك ويلا قوم اللحين خلنا ناكل جوعااااان ابتسم سطام:قوم يلا انت وهالبطن اللي مايشبع قام وهو يضحك على اعتراضات حمد اللي يقوله يذكر الله لايموت من جوعه بسببه كانت جالسه تتفرج على اعادة برنامج التفاح الاخضر رن التليفون وقانت بضجر لان المتصل قطع تفرجتها رفعت السماعه:الووووو :بسم الله الرحمن الرحيم انتبهي لا تنفجرين ضحكت من صوت جدتها المتنرفز:هلا بالغاليه الجده هيا:ايه هلا فيك الا علامك راده وانت نافخه خشمك ضحكت سمر:ابد يالغاليه بس قطعتي علي برنامجي :قطعوك نصين وتنافخين عشان تالف البصر انفرطت من الضحك لان جدتها تسمي التلفزيون تالف البصر:السموحه منك وربي فكرتك وحده من صديقات هنادي تكلمت وهي مو مقتنعه:الا اقول وينها امك ادق عليها ماترد :الله يسلمك امي راحت عند ام سالم جارتنا سمعت انها نفست حركت الجده راسها برضى على بنتها اللي تقوم بالواجب دايما:اجل ان جت قوليلها جدتي اتصلت والله ياسمرمر ان نسيتي الا لا انتف هالشعرتين اللي على راسك :ههههههههههههههه ان شاء الله ماني ناسيه الا اقول يمه اخبارها ندى ردت وهي تطالع لندى اللي جالسه بجنبها:بخير تبينها :ايه والله فاقدتها...سكتت شوي الا وتسمع صوت ندى المرحب فيها ضحكت على جدتها اللي ماعندها صبر ماخلتها تكمل كلمتها الا وهي راميه السماعه على ندى ملاحظه<<<عائلة المنصوري الجد والجده كلهم متوفين وماجابوا الا بنت وولد البنت تزوجها سعود ابو نايف لكنها توفت بعد ولادتها بندى والولد وهو /سلطان /عمره 47رجل محترم والكل يضربله الف حساب شديد وعنده وقت الشغل شغل ووقت المزح مزح يحب خالته هيا اخت امه وام زوجته معاه فروع لبيع السيارات وهو معروف والكل يعرفه وزوجته هي /سعاد/ بنت الجده هيا واخت سعود ابو نايف عمرها42 طيبه وحنونه والكل يحبها وكانت معلمة دين لكنها تقاعدة ومثل ماتقول بترتاح عيالهم بدر/ اكيد عرفتوه..عمره 26صديق ولد خاله نايف من وقت ماهم صغار ..محترم ويحب الفرفشه ومايحب احد كثر اهله وبذات خواته يحبهم ولا يردلهم أي طلب ويكون احيانا مزاجي درجه اولى يشتغل مع ابوه وشغله خاص في المحاسبات ومرات يروح شركة جده ام امه لانه يدير قسم امه سمر/بنت حبوبه وطيبه وعلى نياتها وعمليه درجه اولى عمرها 22تدرس سنه ثالثه بالجامعه تخصص انجليزي ..تحب شخص من صغرها بتعرفوه بعدين سامر/توأم سمر عمره 22 سنه ثالثه بالجامعه تخصص عربي يكره الدراسه عربجي ويحب طلعات البر والتخيم هنادي/بنت دلووعه وكل طلباتها مجابه عمرها 9 سنوات بصف ثالث ابتدائي >>>>>> سووووري لو طولت عليكم بالتعريف ..امممموح فديتكم يلا نرجع لابطالي ☻♥ وصلوا لبرج المملكه نزلوا وهم لسى يضحكون على سوالف جدتهم شافوا مجموعة عوائل بيدخلوا ركضوا ودخلوا معاهم ضحك بدر على شكل نايف البري كشرنايف:يقلع شكلك طيحت هيبتي ضحك بدر زياده:ههههههههه اتخيل شكل موظفيك لو شافوك وانت حاشر نفسك مع عوائل لجل تدخل السوق ههههههه ابتسم نايف ابتسامه عريضه وهو يتخيل وجهه يوسف البارد لو شاف مديره بهالحاله:اسكت وخلنا نخلص قبل مايمسكونا من جد سكت بدر وهو ياخذ نفس اللي انقطع من كثر الضحك مشوا ودخلوا لاول محل قابلهم واخذوا كم جزمه >>يكرم القارئ>>وكم كاب وتيشيرتات طلعوا ناوين يروحون محل ثاني لكن نايف لمح شي بعينه ووقف وقف بدر وهو مستغرب من وقوف نايف المفاجئ ناظر للمكان اللي يناظر له نايف وشااااااف دقت عليها ميري الباب وهي على وشك انها تنام لانها تحس بتعب:مييين ميري:انا ميري افتحي الباب ياهديل>>>>ماعندي علم بلهجة الاندنوسيين ههههههه قامت بضجر وهي تحس نفسها دايخه فتحت الباب :وش تبين كشرت ميري بوجهها:انا خلاص اكوي مريول انتي خووودي رفعت حاجب وقالت بصوت واضح فيه التعب:لا تعالي طقيني احسن ميري:هدييل انتا تعبان حركت راسها بلا:شوي بس دوخه لا تعلمي مامــ ....ماكملت كلمتها الا وهي طايحه مغمى عليها صرخت ميري وركضت تنادي ام سطام سمع صراخ ميري وشي كانه طاح طلع بعجله وهو ناسي عكازه وقلبه ينبض بسرعه من الخوف وكل باله بامه :يمممه وش صار بيمممه وينك تعثرت رجله وطاح على راسه بقوه وهو ينادي على امه :يمه وينك حس بالدنيا تلف فيه وشاف ضباب قدام عينه وكانه بدا يشووف من اول وبعدها اختفى صووته ولاحد درابه انتهــــــــــــــــى توقعاتكم,,,,,, >>المعذره منكم لاني ماطولت في الاحداث وكثرت من التعريف بالشخصيات بس الوعوض بالبارتات الجايه >> | ||||
|
| |
|
30-01-14, 06:48 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــ البــــــــــ)7(ــــــــــ� �ـــــــــارت انتظــــــار,,, كبرت وياليتني ماكبرت,, انتظار حبي رحل,, وعبير شوقي قد انتهى,, طلعوا من المطعم وهم ناوين يرتاحو في فندق لين الفجر ويمشون رن جواله وشاف امه متصله عليه وبخ نفسه لانه نسى لا يعلمها انه بـ يبيت برا البيت رد بنبرة اعتذار وتجمدت ملامحه من صوت امه الباكي وصوت سيارة الاسعاف اللي يذكره بماضي يكرهه:يـــــمه وش فيك ببكا يقطع القلب وهي تشوف عيالها طايحين بين يدين المسعفين وكانهم بلا روح:سطام سطام يايمه الحق علي خوانك راحوا شحب لونه وجلس على الرصيف المقابل للمطعم وعيون حمد المتسائله تلاحقه:يمه لا تخوفيني وعلميني وش صار بشهقة خوف ردت:سطام وينك فيه تعال بسرعه خوانك راحوا تعاااااال قفل الخط وركض لسيارته زي المجنون وهو متجاهل سؤال حمد وكلمة وحده ترن بإذنه <خوانك راحو> بعد ماسمعت صراخ ميري ركضت بتشوف وش فيه وشافت هديل متمدده عند باب غرفتها :يمه هديل ..ركضت لعندها...رفعت راسها وشافت وجهها مزرق وعيونها المغمضه بسلام حركتها وهي ترعد من الخوف :هديل حبيبتي بسم الله عليك قومي يايمه ...ولا لاقت أي رد تقربت منها وماحست باي نفس ..بردت روحها وهي تصرخ على ميري لجل تنادي عبدالرحمن ويديها على وجه هديل الباهت والخالي من أي تعبير دال للحياة ..بدا نفسها يرتفع وينخفض ولسانها يهمس باسم بنتها اللي غافيه في احضانه وزاد فجعة قلبها صراخ عمها باسم حســــــــــام جالس على مكتبه وعينه على الملف اللي بيده الاسم هدى يحيى السرحي العمر 23سنه التقدير الحاصله عليه امتياز وشهادة علميه بتخصص احياء غمض عيونه لثواني وفتحها وحط الملف على المكتب ودار بكرسيه لنافذه اللي خلفه وكل تفكيره ببنت عمه هدى وبس قبض يده بغضب من اللي شافه مد بدر يده وحطها على كتف نايف لجل يهديه:نايف يلا خلنا نمشي ماعليك منه التفت لبدر بغضب وصرخ فيه:وشو اللي ماعلي منه تعرف ان هالشخص حملني بذنب ماراح اسامح نفسي عليه التفت بدر لعيون الناس اللي وقفت تطالعهم:قصر حسك وامش شال يد بدر من كتفه :روح انت خلص امورك لين اعرف افضي اموري مع هالنذل ..رجع نظره وركزه على عادل اللي يشرب قهوه مع حرمه الله العالم من تكون..ابتسم نايف بخبث:والله ولقيتك ياعدول جالسه على كراسي الانتظار ومرجعه راسها على الجدار ودموعها مو راضيه توقف ناظرت لزوجها اللي ما استقر في مكان وباين التوتر عليه غمضت عيونها وهي تدعي ربها انه يحفظ عيالها فتحت عيونها على صوت الدكتور الدكتور:السلام عليكم ابو سطام:وعليكم السلام هابشر يادكتور ابتسم الدكتور بلطف:الحمدلله كل شي تمام ماغير ان الزائده الدوديه عندها زادت عن حجمها وهي جسمها مايتحمل هم وانزاح من قلوبهم..كمل الدكتور:بس كل اللي نبيك تسويه اللحين انك توقع على اوراق عشان نسوي العمليه باقرب وقت لو تاخرنا زياده لاقدر الله يمكن تنفجر وتتأذى منها حرك راسه بالموافقه:طيب يادكتور وينها الاوراق :تعال عندي المكتب وونوقعها هناك استوقفهم سؤال ام سطام:وحسام وش صار عليه يابو سطام الدكتور:ان شاء الله بخير بس حنا منتظرين الدكتور المتخصص بحالته دقايق ويجي وبنشوف رجع لها الخوف وهي تتذكر شكل حسام الباهت:الله يحفظك يطالع في لمى اللي تبكي ولفتت انظار الناس عليها رجع نظره لجواله اللي بيده سمع صوت ساره الهادئ:هلا راكان حط الجوال باذنه:ساره وينك فيه :حنا طالعين من محل العبايات انت وينك فيه ناظر للمى بضجر :سوير بسرعه تلقيني عند محل زهور الريف :ان شاء الله دقايق وحنا عندك :عجلي علي ....قفل وباله مشغول على خوانه صوت جده ماكان يطمن حط جواله بجيبه وناظر للمى اللي بدت تهدأورفع عينه لقدام وشاف اللي ماتوقع ابد انه يشوفه:وش جابه ذا بعد رفعت لمى راسها له:مين :ماحد لف براسه وشاف ساره وعذاري جاين باتجاهه مسك يد لمى واسرع بخطواته عندهم مايدري ليه بس كل اللي جى بباله ان نــــــايف مو لازم يشوف عذاري لكنه مادرى انا نظرات هالنايف تلاحقه رن تليفون مكتبه رفع السماعه وقال بهدوء:الو :السلام عليكم :وعليكم السلام هلا دكتور عبدالله ابتسم لانه عرفه الدكتور عبدالله:هلا فيك الدكتور طلال معليش لو ازعجتك تكلم بنفس الهدوء وهو باقي على جلسته وعينه على السحابه اللي تغطي القمر :ابد مابه ازعاج تفضل :تسلم والله ادري ان اليوم اجازتك بس جاتنا حاله ونبيك اللحين لان شاكين انا الحاله في غيبوبه عقد جبينه:لاحول ولاقوة الا بالله شوي واجيكم انتم عملوا له اللوازم لين ما اجيكم رد عبدالله باريحيه:جزاك الله خير بانتظارك ..مع السلامه :في حفظ الله قفل منه وهو يمسك على راسه مامداه يرتاح الا وحاله جديده تجيه قام من على كرسي مكتبه ومشى لكن عينه غصب عنه جات على ملفها واسمها تنهد بحسره وهو يطلب ربي الصبر والاجر وصل المستشفى وسأل من في الاستقبال ودلوه على الغرف مشى بخطوات سريعه وشاف امه جالسه على كراسي الاستقبال:يمه التفتت :سطام يمه تعال راح لها وجلس بجنبها:يمه وش صار تنهدت بالم:الحمدلله على كل حال هديل طلع عندها زايده واللحين بيدخلوها العمليات وحسام ما ادري عنه شي ابوك راح يشوفه وابطى علي حط يده على كتف امه ونفث هوا براحه المهم انهم بخير:باشوفه واجيك حركت راسها بالموافقه وقلبها ماكلها على حسام جلس بجنب طاوله قريبه من عادل وعينه عليه وهو يحس بالقهر كيف يعيش مبسوط وبسببه انظلم ابراهيم تكتف وهو متحسر انه اعتبره خوي له في يوم لفته صوت بكى التفت وشاف شخص يعرفه زين :هذا مو كانه راكان ياترى مين هذي معاه اخته ولا عـــ انقطع تفكيره من نظرات راكان الحاده له نزل عينه ولا عاد رفعها الا لما سمع صرخت البنت اللي كان معاه:عــــــــذاري رفع راسه وشافها فتح فمه وهو يسمي بداخله عليها ابتسم وهو يشوف البنت اللي مع راكان تقلب في عباية عذاري استغرب منها ومن حركتها بس حس ان راكان يحاول يغطيها عنه كشر بوجهه ولف به للجهه الثانيه بس الاحساس اللي عاشه من ثواني مايقدر يوصفه لاحد ازعجه بكى عذاري ولمى ناظر لساره وشافها شابكه يديها مع بعض وعينها لقدام حس انها خايفه:ياحلوات خلاص لاعاد تبكون ترا توني مكلم امي وتقول انهم بخير بس ماحد تجاوب معاه فسكت وهو مستسلم لبكاهم اللي ازعجه :راكان هديل وحسام وش صار لهم ناظر من المرايا لعذاري اللي وراه:عذور انتي سمعتيني وانا اكلم امي صح حركت راسها بـ ايه كمل كلامه بلطف:طيب ليه انتي خايفه اللحين امي تقول بس تعب بسيط وهم اللحين زينين مسحت دموعها بيديها :استغفر الله فتح فمه من كلمتها وسكت وايقن بنفسه ان عذاري كبرت ماعادها البنت الصغيره ابد رجع نظره لطريق وبنفسه يستغفر معها مايدري ليه استغفرت لكن هو بجد محتاج انه يستغفر اللحين معها وقف سيارته ونزل بكل هدوء دخل المستشفى ورد السلام على اللي في الاستقبال توجهه لمكتبه واخذ البالطو تبعه وباقي مستلزماته وعطى الدكتور عبدالله رنه ومشى لغرفة حسام بعد ماسأل عن رقم الغرفه دخل وشاف ثنتين من الممرضات عنده طلال:السلام عليكم الممرضتين:وعليكم السلام اخذ اوراق تعيين حالته:what do you see in his condithon<<ماذا رأيتم في حالته>> وحده من الممرضات:we expected it at the beginning of that ,because he did not bring us never <<توقعنا في باية الامر انه في غيبوبه لانه لم يجب لنا ابدا ولكن اتضح لنا بانه في حالة اغماء عميقه سببها نفسي>> باترجم على طول اوكيشن .gif) حرك راسه برضى وعينه على الاسم رفع نظره لحسام :هل هو فاقد للبصر الممرضه:نعم دكتور فهو على حسب ماقاله والده بانه فقد بصره بسبب حادثة وقعت له اخذ قلمه وكتب في تقريرالمريض وعطى الممرضه:لاداعي للخوف سوف يفيق فهو الان نائم ولكن عندما يفيق اجري فحص لعينيه فربما رجع بصره :حسنا دكتور دخل قلمه بجيب البالطو وطلع يطمن ابو سطام على ولده ومتشوق لجل يشوف اخو ابراهيم ركب سيارته وهو مرتاح رن جواله ورد براحه غريبه عليه:هــــــلا بولد العمه :تهلهلت ضروسك قول امين ضحك نايف من قلب على دعوات بدر:قسم ان دعواتك تووحفه رد بدر بنرفزه:ولك عين تضحك بهذلتني في السوق وجاي اللحين تضحك :هههههههه سوري مستر قمر بدر طلعت له قرون من تريقة نايف عليه:نووووويف :ههههههههههههه اعصابك والله ماتهون علي ياولد العمه بدر:انقلع نايف:افا وانا مادحك واقول مايهون رفع حاجب:الا وش معاه ولد الخال مستانس ابتسم بوناسه:ابد ولد خالك كسر ضرسين لعويدل فتح بدر فمه بصدمه:وشوووووو :اللي سمعته وباقي حرتي ما انطفت بس المهم اني خلعت له ضرسين :نوييف وش سويت لرجال :بدر اذا بتخرب وناستي فـ انا اقولك باااي..وقطع الخط بوجهه بدر اللي عصب وجلس يتوعد فيه الساعه 5 الفجر فتح عيونه يحس نفسه بحلم شاف الغرفه ظلام الا نور بسيط من انارة الشارع داخل من النافذه دنق شوي وهو يمسك على راسه وشوي شوي بدا يستوعب رمش بعينه اكثر من مره ورفع يده لعينه:ياربي ياربي لك الحمد بس لحظه ليه العين الثانيه فيها ظلام غمض بقوه وفتح عيونه والحال على ماهو ابتسم بالم بس نسى المه وهو يسمع صوت سطام اخوه قريب منه فتح باب الغرفه بخفيف لجل مايزعج حسام :ايه يمه صليت وباجلس شوي وباجي اخذ الفطور منك انتي لاتتعبين نفسك..ان شاء الله..انتبهي لنفسك ..افا يمه حسام بعيوني..يلا سلمي على هديل .. بحفظ الله يالغاليه قفل من امه وحط جواله بجيبه ووقف مكانه بهدوء وهو يشوف حسام اخوه ساجد تجمد خايف صار فيه شي بدا يتقدم منه بخطوات مهتزه لكن وقف حسام خلاه يوقف مكانه... يمشي باتجاهه من دون أي تعثرات:سطام ابتسم بحنيه:استنى اساعدك :تصدق صرت احلى من اول صح اني ماكنت اذكر ملامحك بس اشهد انك مملوح ضحك سطام وفجأءه سكت:حسام وش دراك عن ملامحي :ربي رحمني ياخوي انا رجعت اشووف ماحس بنفسه الا وهو بحضن سطام تشبث فيه وبكى بس هالمره بكاه كانت من فرح لحاله لو سجد من اليوم لين يموت شكر لربي ماراح يوفي شكره ابد فك اخوه وعيونه مليان دموع :استنى لين انادي الدكتور .. ركض برا الغرفه والفرحه واضحه بوجهه مسح دموعه وجلس على السرير وعينه على النافذه اللي عكست بداية الصبح منها رفع يده لعينه اليسرى وهو يحمد ربي لانه عرف انه بيشوف بعين وحده بس هالشي فرحه واجد حمد ربي مية مره وانصاع لكلام الدكتور اللي دخل وتمدد ضربتها هنادي على راسها صحت بانزعاج والتفتت على هنادي:هنادي وجع خليني اكمل نومتي عضت شفليفها بغيض منها:يامال العافيه كل ماشفتي حصه فاضيه حطيتي راسك ونمتي رفعت راسها عن الطاوله وقالت بضجر:اهئ وانتي وش حارك ست هنادي خليني انام ضربتها هنادي على رقبتها لين تحرك راسها بقوه:هههههه طارت النومه لا لسى كشرت بدلع:هنــــــــــادي انقلعي ...صغرت صوتها لجل تحزن هنادي عليها: امس مانمت زين كان معنا ملكة لبنت عمي سوير وخالي يحيى سهرني انا وسهاد معاه الليل كله عقاب لنا ضحكت بوناسه:تشتاهلين وش سويتي فيه ضحكت وهي تتذكر ملامح خالها المعصبه:هههههه قسم خالي رغم انه شايب لكنه رومنسي امس جاب لخالتي حنان بوكيه ورد احسن من اللي جابه خطيب ساره هههههه عاد انا وسهاد اخذنا البوكيه وزينا فيه غرفتي وغرفتها ههههههههه ضحكت هنادي بصوت عالي على هبلنت عذاري اللي ماتخلص قفلت الجوال بضجر منه:اوووف ناظرتها هديل اللي متمدده على بطنها من طرف عينها:يابلانا روح وش بلاك جلست هدى على الكنبه اللي بجنب التلفزيون:وش بلاي بعد بلاي تعرفونه عدلت هديل جلستها وفتحت عيونها على كبرها:هدى لاتقولين باقي تكرهينه ناظرت لهديل للحظه ولفت وجهها للتلفزيون ..ما انكر اني بديت اميل له بس شعور اني مفروضه عليه يعقدني التفتت لكلمة هديل:هدووي لاتنسي تراه زوجك وكل شي محسوب عليك :هديل ولي يعافيك قفلي هالسالفه :لا ماني مقفلتها الرجال ولد عمك وشاريك ليه تكرهينه انا مدري سكتت هدى وتفكيرها كله في زوجها دخلت لمى اللي توها رجعت من المدرسه وهي مكشره ناظرتها هديل:وانتي بعد مكشره عز الله لقينا خير تكلمت لمى بضجر:عذاري رجعت هديل:لا باقي لمى:لو رجعت خليها تجيني فوق ابيها ناظرتها باستغراب وحركت راسها بالموافقه هدى:الا وين ساره ضحكت هديل :تكلم فوق ابتسمت هدى:الله يسعدها ناظروا للتلفزيون وعيونهم على نايف اللي صاروا يعرفونه من كثر الزيارات اللي صارت يجونها اهله انتــــــــــــهى توقعاتكم........... | ||||
|
| |
|
30-01-14, 08:25 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــ البــــــــــــ)8(ــــــــ� �ـــــــــــــــــــــــ ـــارت مقـــــــــيده,, سجنك اصبح زهراً احتضنه بصدق,,, و روحي المقيده بك لاتريد الحريه منك,, لكن اين انت الان عني,, فــ قيدك اذابه صدا بعدك عني,,, مــاضــــــــــي هــادئ... بعد ما اتصل سطام يبشرهم الكل تسارع للمستشفى لجل يكملون فرحة حسام اول ماوصلوا المستشفى الكل ادمعت عيونهم من موقف عذاري مع حسام ركضت له واحتضنته بقوه وشهقاتها تعلوا وهو يطالعهم بخجل ..ناظر الجد لعبدالرحمن بنظره غامضه وكانه يقوله شفت اني صادق مايصونها الا هو اما سطام عينه عليها وابتسامه قهر تزين شفايفه بعد اسبوع... دق باب غرفة ابوه وامه وسمع صوت امه الحنون :ادخل فتح الباب بهدوء ودخل باس راسها ويدها وجلس بجنبها ويده بيدها مافكها:اخبارك يالغاليه ناظرته من طرف عينها:الحمدلله دامك بخير حنا بخير ضحك سطام:عارفتني ابتسمت بود:ايه عارفتك اخلص وش تبي ناظر لعيونها وتكلم بهدوء:يمه بسألك انتي تعرفين عائلة السرحي ناظرته باستغراب وطيف اخوها يمر قدامها:ايه ليه تسأل شد على يدها:يمه مين تعرفي فيهم بالضبط زادت حيرتها وقالت بسرعه:سطام قول وش عندك تقدم وباس راسها:هدي يالغاليه انا لقيت واحد اسمه يحيى السرحي سكتت واسم اخوها اللي انذكر قدامها رجع لها كل ذكريات زمان دورت وراه بس مالقت له أي اثر نزلت عيونها:وين شفته طالت نظرته لامه وعرف انه فتح لها باب من الماضي :حصلت لي معاه مواقف ومنها عرفت انه خااااالي طاحت دموعها بغزاره:ابي اشوفه ودني له سحب امه لحضنه يهديها وهو يوعدها انها بتشوفه قريب حــــــــــاضر حب.... وصلت البيت وهي تودع هنادي اللي تأشر لها بيدها لانهم يروحون المدرسه بسياره وحده فتحت باب الصاله وشافت هدى وهديل:السلام عليكم التفتوا لها:وعليكم السلام رمت شنطتها على هديل اللي ضربت بحضنها:وش معاهم الاخوات جالسين بروحهم رمت هديل الشنطه عليها:وجعه توجعك ياعذاري كسرتي رجولي بشنطتك ضحكت عذاري :لانك عصلا كتفت هديل يديها :لا والله من متنك عاد قامت وسحبت شنطتها وهي تضحك على هديل :يلا باطلع اخذلي شور واريح هديل:عذوور شوفي لمى وش فيها رجعت وهي مبوزه وقالت تبيك عقدت عذاري جبينها:يصير خير...التفتت لتلفزيون... وش تطالعون انتم هدى:ابد مسوين مقابله مع ولد الحمد اخو ندى عذاري:ايه ايه اخو ندى ياحبي لها والله ...ناظرت لتلفزيون وجلست تطالع لنــــــــــايف وهو يتكلم بهدوء :مايشبهها ابد بس ليه ماتزوج لين اللحين هديل:عويذر بعدي خليني اشوف حركت شفايفها بدلع:بابعد اصلا كذا ولا كذا انا رايحه هديل:اجل انقلعي اخذت الخداديه من حضن هدى ورمتها على هديل وانحاشت وضحك هدى العالي زاد من قهر هديل اللي شعرها كش من الضربه تتفرج مع امها وعينها عليه تدرس كل حركه يسويها دخل سامر ونادى بصوت عالي:سممممممممممممممممممر لفت عليه وهي متخرعه:خير وش فيك تصرخ ضحك سامر عليها:لي ساعه اناديك وانتي مو بحولي ابد ..ناظر لتلفزيون وغمض لها .. تناظرين للخطيب هاه انقهرت منه وقامت من مكانها طالعه لغرفتها وهو ينادي عليها يبي الشاحن تبعها ...مسحت دمعتها اللي نزلت غصب عنها وكملت طريقها ولا التفتت له المـــــــــــاضي الهـــــــــامس.. دخل البيت وملامح الطفله اللي انكتب لها تكون زوجته مافارقت باله ابد سمع جدته تناديه غير وجهته لغرفة جدته اللي تحت طل براسه :السلام عليكم حطت عصاها بجنبها وجلست:وعليكم السلام تعال ابيك بموضوع دخل وباس راسها:امريني يالغاليه ناظرت له :مايامر عليك عدو يانايف اسمعني زين انا بافتح الموضوع على طول انت بتصك الثلاثين وباقي ما اعرست متى بتفرحنا يابوي بهتت ملامحه ورد ببرود:يمه الله يسلمك انا قلت هالموضوع قفلوه ولا عاد تفتحوه معي ردت بحزم:لا مانيب مقفلاه لين متى بتماطل فينا لا انت صغير ولاهي صغيره طالع جدته بصدمه:مين هي ردت جدته بنفس الحزم :مين بعد سمر ماغيرها فتح عيونه بصدمه:أي سمر ضربته على فخذه بعصبيه:نوييف سمر بنت عمتك سعاد عقد جبينه:ومين قال اني ابيها عصبت منه:مو انت كنت صاجنا تبيها قام من مكانه :يمه قلت هالكلام يوم كنت صغير بس اللحين غيرت رايي :ووشو اللي غير رايك لف عليها وقال باصرار:لاني ماشفتها الا اخت لي عصبت من عذره:نايف اسمعني زين عذرك ذا مايمشي علي انت فيه شي قالب حالك ومصيري باعرفه بس سمر بنت بنتي وماتنرد وانا تراني كلمت امها وابوها بالموضوع ومابقى الا تروحون وتخطبون رسمي طالع بجدته بصدمه:وليييه كلمتيهم من غير ماتشاوريني :حسبت فيك خير وباقي على كلمتك قلت مافتح السالفه اكيد يبيني انا ابدابها حط يده على راسه:يمه انتي تدرين وش سويتي ..تنهد بضجر.. زواج من سمر ماني متزوج سحبت عصاها وضربت بها الارض :وش فيها سمر لجل ترفضها هاه بتحفظك وتصونك والله ان دورت مثلها ماتلقى ناظر لجدته بهم:طيحتيني بهم يايمه :بتشكرني على هالهم جلس بجنبها:يــــــــــــمه انا متــــــــــــزوج طالع لزوجته اللي تمشط شعرها قدام المرايه:هدى ناظرت له من المرايا:هلا يابو سطام ابو سطام: ماتشوفين ان لازم نبعد حسام عن عذاري البنت كبرت الشهر الجاي بتكمل 10 نزلت المشط على التسريحه ووقفت ومشت لزوجها جلست بجنبه على السرير:وليه نبعدهم عن بعض ناظر فيها باستغراب:اقولك البنت على الولد كلهم كبروا وانتي تقولي ليه ابتسمت بود:وليه ابعد الاخ عن اخته :وشو اخت واخ وش تقصدين ام سطام:افا يابو سطام لا يكون نسيت تذكر لما تعبت سهاد اختي الله يرحمها وخلت عذاري عندي تراني راضعتها وعشر رضعات بعد وكان عمر حسام سنتين وقتها فتح عيونه على كبرها وضرب بيده على راسه:يووووه ياهدى والله نسييت :مثل هالاشياء ياعبدالرحمن المفروض ماتنتسى قام وهو يلبس ثوبه:باروح اعلم ابوي واجيك ناظرت فيه مستغربه ليه يعلم ابوه ليكون كلهم نسو طنشت ورجعت تكمل تسريح شعرها الحـــــــــــــــــــاضر الصاخب.. فتحت باب غرفة لمى من غير استئذان ونطت على سرير لمى اللي نايمه عليه حطت راسها بجنب راس لمى وصار وجهها مقابل لوجه لمى فتحت لمى عيونها بانزعاج وتخرعت من وجهه عذاري القريب منها جلست بسرعه:يممممه بسم الله الرحمن الرحيم عذاري:ههههههههههههههههههه� �ههههههههه لمى ويدها على قلبها:وتضحكين بعد عذاري سكتت بعد نوبة ضحك :ههه قسم شكلك يضحك اجل هالوجه الزين احد يتخرع منه لمى:مالت عليييك عدلت عذاري جلستها وصارت مقابله للمى:وش بغيتي يا انستي قالت لي هديل انك تبيني بوزت لمى:ابد بس فاقدتك امس ماشفتك كل وقتك كنتي مع سهاد ناظرتها عذاري لثواني وحضنتها وهي ساكته حاولت لمى تفك حضنها الفاجئ لها بس ماقدرت فبادلتها الحضن وشدت عليها تدري ان عذاري فاقده امها وهي تقضي اكثر وقتها مع سهاد لانها التمست فيها شخصية امها وفوق كل شي اسمها هو نفس اسم امها حست بدموع عذاري على كتفها شدت بضمتها وكانها تقول لها خذي راحتك لاني باظل بجنبك كل العمر جالسه في المطبخ وتبربر على روس الشغالات وبيدها خيارتين تاكلها انفتح الباب الخلفي للمطبخ ودخل من غير مايشوفها :سونيتا سونيتا ركضت له:نعم ستام كشر بوجهها :سطططططام مو ستام ..يقلدها.. حركت يدها بضجر :قوول وش تبي انا وراي طبخ :مالت اضربيني بعد شهقت وهي تسحب جلالها من تحت الكرسي اللي بالمطبخ ومو راضي ينسحب خرعها بصوته وشكله ما انتبه عليها جلست بالارض وحاولت تسحب طرف جلالها اللي شبك بالكرسي بس ماقدرت شافت جزمه>>اكرم القارئ>>سبورت قدامها رفعت راسها وشهقت رمت الطرف الثاني من الجلال على وجهها وطلع شعرها من ورا ..بلع ريقه من رسمة عيونها اللي تذبح دنق ورفع الكرسي سحبت الجلال وركضت لبرا ...ابتسم عليها تغطي وجهها وشعرها من ورا طالع دخلت الصاله وشافت هديل متمدده على الكنبه بطفش وهدى تقلب بالجوال وعمتها هدى وامهايطالعون التلفزيون جلست والربكه واضحه عليها هديل:سهاد وش فيك سهاد وكانه احد مسكها من جرمها:هاه مافيني شي هديل:ايه واضح ضحكت ام سطام على هديل:وانتي اليوم وش معاك قالبه علينا محقق من شفتي احد فتحتي معه تحقيق انقلبت على جنبها الايمن مواجه لامها:والله من الطفش ام هدى ’’حنان’’:ترا سمعت من عمي ابو عبدالرحمن انه بنروح المزرعه نطت هديل عندها:احللفي ضربتها حنان على راسها:مكذبتني هاه حكت هديل راسها وهي مكشره:لا حشا بس طلعت مني كذا ضحكت حنان عليها:ادري حبيبتي بس امزح معاك غمزت لها هديل :الا اقول خالتو اشوف نفسيتك اليوم عال العال شكل من ليله امس انفجرت سهاد بالضحك وهي تذكر سالفه الورد اللي تقاسموه هي وعذاري ناظرتها امها من طرف عينها:هاه سهادو خلصتي ضحك مسكت ضحكتها وهي تحرك راسها بـ ايه نزلت وبيدها لوحه وصلت عند المدخل وعلقت اللوحه على المسمار اللي ركبته من اول طلت براسها على اهلها في الصاله : تعاااااالو شوفوا رسمتي قاموا كلهم وراحوا لها ذكروا الله على رسمتها اللي مرسومه باتقان<<كانت عباره عن بيت كبير وحوله ورق شجر كثير وبنت تجمع هالورق >> ام سطام:ماشاء الله تبارك الله على رسمك ياشهود ابتسمت بفرح من اعجابهم برسمتها:تسلمي ياخالتي تقربت امها منها وباستها :ماشاء الله عليك يابنتي ضحكت بخفه من الفرحه وهي تشوف فرحة امها برسمتها تلقت كلمات الاعجاب من البقيه وفي سرها تحمد ربي على هالعائله اللي لو باعت الدنيا بمن فيها ولا تبيعهم في يوم المـــــــاضي الصافي.. تشبثت في اخوها اللي من زمان ماشافته ...ياما تمنت سهاد هاللحظه انه تلقاه وتبقى معاه العمر كله حتى لو كان اخ من الام الاخ يبقى اخ وسند للاخت طالعت فيه :اهون عليك ياخوي اختفيت عنا ولا عاد شفتك حط يده على راس اخته الصغيره اللي فقدها حيل :خلينا من العتب وتعالي طمنيني عليك سحبها وجلسها على الكنبه وعينه على ملامح وجهها يبي يحفظها انحرم منها من غير ذنب اخته ياما كانت قدوه له على صغر سنها مسح دموعها وهو يهمس لها :لاتبكي واقف من بعيد ويطالع لحنان خاله مع امه ويتمنى من كل قلبه انهم مايفترقوا ابداً انتــــــــــــــــــــــ ــــهى توقعاتكم ......................... | ||||
|
| |
|
03-02-14, 09:06 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــــــــ الــبـــــــــــــــــ)9(ـ� �ـــــــــــــــــارت كيف هي احوالـــي؟؟؟ من مقعد الى اخر ...◘ احبس سراً في قلبي..◘ حالي في الماضي انتظرك بشده...◘ اما حالي الان لا اعرف كيف هـو..◘ طريق الماضي لازال متيقظاً يا امي..... ناظر لامه اللي تتلمسه بحب وهي تبكي من فرحتها فيه قطع عليهم نطت عذاري على حسام حضنته بقوه وصوت شهقاتها كل مالها تزيد تقطع قلبه واشر لامه اللي مدت يدها لعذاري :خليها جلس الجد على كرسي صغير بجنب السرير وعينه على عذاري اللي تبكي من قلب اخذ طرف شماغه ومسح فيه عيونه ...يالله صبرني هالبنت كاسره قلبي ... سحبت راسها من حضن حسام وهي تبتسم بطفوله تلمست عيونه:حسوووم خلاص انت تشوفني ابتسم لها بابتسامه احلى:ايه اشوفك ناظرت لعيونه وحست ان عينه الثانيه غريبه شوي رفعت كفها الصغير وحطتها عليها : عادي صح المهم انك تشوف بثانيه فتح فمه وناظر لسطام اللي كان متكتف ونزل يديه وهو مصدوم وش دراها انا باقي ماعلمت اهلي ان العين الثانيه مارجع لها البصر رجع حسام نظره لعذاري وقال بتساؤل:كيف عرفتي ردت بصوت فيه البكا:لانها باقي نايمه ماصحت ناظرها بحب صادق ماحد يفهمه كثرهها التفتت ام سطام لسطام:سطام يمه وش فيه سطام:احم اسمعوني الدكتور طمني وقالي مافي أي صعوبه في اللي يمر فيه حسام ام سطام:تراك خوفتني وش فيه :شوفوا ترا حسام حالياً بيشوف بعين وحده بس و فيه امل انه يسترجع نظره الثاني لكن بعمليه نسبة نجاحها 50% تنهدت براحه:المهم انه بخير الكل :الحمدلله سطام:ايه والله المهم انه بخير ناظر لحسام اللي منسجم مع عذاري ولمى بسوالف ابتسم براحه لمجرد انه شاف الفرحه بعيون اخوه اللي فقدها من وقت الحادثه اللي صارت له :وشوووووو متزوج من ورانا ياولد سعود سكت نايف ولاعرف وش يقول زفرت الجده بغضب:ماتقول ماترد شلون تزوجت ومنو الرخيصه اللي اخذتها التفت لجدته بغضب:يمه ترا ماتزوجت من وراكم وابوي عنده خبر :وبعد ابوك عنده علم هييه يانايف هذي اخر تربيتي عليك تنهد بصبر و باس راسها ويدها:جعلني للبلا اذا كنت قاصد يايمه بس ذا هو نصيبي يالغاليه ربي حط هالبنت بنص طريقي وانا راضي عقدت جبينها :من بنته حط عينه بعينها:البنت بتكون كفاره لي يايمه زوجتي تصير بنت ابراهيم يالغاليه بعد سنه .. بعد ماذكرته زوجته ان عذاري تكون اخت عياله من الرضاع راح لابوه مسرع لجل يذكره بهالشي اللي نسوه دق الباب ودخل بعد ماسمع صوت ابوه :السلام عليكم الجد عبدالعزيز:وعليكم السلام حياك يابو سطام جلس بجنبه بعد ماباس راسه:يبه والله ماجيتك بهالوقت الا وانا باذكرك بشي حنا ناسينه عقد جبينه:اللهم اجعله خير علامك مطيور :يبه ترا هدى رضعت عذاري واكثر من خمس رضعات بعد فتح عيونه بصدمه:وشو ومن متى هالحكي حرك عبدالرحمن راسه باسف:من زمان يايبه الجد: هالحريم يسون الشي ومايعلمونا فيه عبدالرحمن:ترا والله كان عندي علم بس نسيت اللحين وش بنسوي شبك الجد يديه بحيره:كل اللي خططنا له راح ..رفع عينه لولده.. مالنا الا انا نستسلم والقرار بيد عذاري هالمره رن جواله ورد من غير مايشوف المتصل:الـو :السلام عليكم رفع الجوال عن اذنه وشاف المتصل عقد جبينه:وعليكم السلام هلا طلال ببروده المعروف:هلا عمي شخبارك عساك طيب واخبار الاهل وعمتي حنان رد يحيى بنرفزه:الحمدلله بخير دامكم بخير ابتسم طلال بخفه من نرفزت عمه الواضحه:ياعم انا اتصلت اليوم باقلك ترا انا واهلي جاين لكم اليوم رجع ظهره على الكنبه وهو عارف وش يبي طلال:يعني مصمم رجع لبروده :ايه مصمم وباذن الله ماياخذها غيري تكلم يحيى بقهر من ولد اخوه :طلال انا ما اقدر اجبر بنتي على شي ماتبيه شد على فكه:بنتك ماراح تنجبر راح توافق بارادتها زفر بضيق:وشلون بالله :لان عائلة السرحي ماتزوج عيالها من برا العيله صح كلامي ولا انا غلطان زاد قهر يحيى ورد بقهر:بس انا اللي اعرفه انها مخطوبه لاخوك كيف انقلب الوضع انا مدري انشد فكه من ذكر اخوه:هي لي وانا قلتلك قبل كذا واليوم جاين انا واهلي تنهد بضجر:انا لله وانا اليه راجعون يصير خير :السموحه ياعم ..في حفظ الله :مع السلامه....قفل من ولد اخوه وكل هم الدنيا براسه جالسه بوسط الصاله وعينها على التلفزيون ومعها مكسرات وبيبسي وتتابع مسلسل سوري سمعت صوت جدتها طالع من مكتب ابوها وصوت نايف معصب عقدت جبينها:الله يستر صار لهم فوق الساعتين في المكتب واللحين اصواتهم عاليه طلع نايف معصب وصفق بالباب وراه وصوت جدتها العالي يلاحقه:تاخذها يعني تاخذها وعذرك بزواجك ماهو عذر وانت رجال بدل الوحده لك اربع تبيع سعادتك لجل شي يمكن مايكون لك وبنت عمتك موجوده مسح على وجهه وهو يستغفر رفع عينه شاف ندى واقفه وبيدها صحن صغير وواضح انها خايفه لف وجهه عنها وطلع من البيت بكبره جالسه وتضرب بعصاها على الارض وهي معصبه وسعود ولدها يهدي فيها لجل مايرتفع ضغطها:يمه واللي يسلمك اهدي ضربت بعصاها بقوه:وشو اهدا هاه ولدك عاصي يبي يكسر كلمتي يفضل الغريبه على بنت عمته حط يده على راسها:طيب هدي يالغاليه خلينا نتفاهم :وشو نتفاهم عليه بعد مالعب لعبته واخذله بزر ولا بيجلس ينتظرها لين ماتكبر وين حنا فيه :طيب هو يبيها وشاريها وش تبيني اسوي يايمه امنعه :ايه تمنعه واهلها ليه ماردوه ولا ماصدقوا الا وهو يجيها حرام عليهم بزر بزر تعرف وش بزر مايخذها الا وقد شاب راسه :يمه ترا تزوجها من غير علمهم مازوجه الا ابوها والله يرحمه العيبه مو منهم العيبه من نايف وانا عارف هالشي بس هو يبيها ما اقدر اوقف بطريقه وقفت :اذا ماتبي توقف انا باوقف يبيع سعادته وينتظر بزر لو هو فلح وتزوج كان عنده بنت قدها ..بـ ينتظرها ينتظرها بس سمر بتدخل هالبيت قبلها مشت متراكيه على عصاها وعين ولدها عليها وهو يدعي ان الامور تنحل بسرعه جالسه تلعب مع لمى في حديقة حسام تعبت ودخلت البيت راحت للمطبخ تبي مويا طلت براسها مييييري لفت ميري عليها:ايش ايبغا ابتسمت بطفوله:ابي عصير برتقال تقدرين تعصريلي رتبت اخر صحن بعد ماجففته:خلاص روحي انتي وشوي وتعالي ضحكت بفرح:طيييب صادفها راكان وقال بضحكه:هلا وغلا بشيخة البنات رفعت راسها بغرور طفولي وقالت من طرف خشمها:هلا ركون ضحك على حركتها:اقوا تراني عاطيك وجهه كشرت بوجهها :حتى انا عطيتك وجهه مشت بسرعه من عنده وهو يضحك على حركاتها يحب يخارشها طلعت فوق وتوجهت لغرفته دقت الباب :ميييين قالت بصوت هادئ:انا عذاري :ادخلي فتحت الباب ودخلت راسها منه:سطام رد وعينه على اوراق ماسكها بيده:همممم ناظرته بتكشيره:متى بتصلح لي المرجيحه رفع نظره عن الورق وطالع لعذاري :اليوم باجيب العمال ويصلحوها لك ابتسمت بفرح وركضت له وباسته بقوه على خده:مشكوور سطامي الله يخليك لي ضحك بحرج منها:يلا اللحين روحي العبي لين اخلص شغلي واجيكم حركت راسها بالموافقه وطلعت ناسيه تقفل الباب مانزل عينه لين ما اختفت :والله يانايف فزت بها بس هي مافازت بك يوم الخميس جالسين في المقلط ويتقهون :يا ام سطام اخبار يحيى اخوك نزلت فنجال القهوه من يدها :بخير جعلك للخير ياعم ناول الجد فنجاله لساره لجل تصب له:وراه ماعاد زارنا ام سطام:والله اتصل يتطمن علينا قلته ليه ابطيت علينا هالمره قالي والله من الشغل وانا اخوك اخذ الفنجال من ساره:هو بوشو يشتغل ام سطام:يشتغل صبح ومسا بالصبح يكد بسياره وبالمسا في شركة **** يقولي حق صديق سطام حرك راسه :اجل كذا قومي اللحين اتصلي عليه وخليه يجينا هو وعياله عشاه عندنا الليله ابتسمت بفرح:ابشر ياعم باقوم ادق عليه قامت من عندهم بسرعه وعين الجد عليها:والله انك تستاهلين كل خير ياهدى هديل:يابو عبدالرحمن ناظر لها الجد من طرف عينه:سمي يا ام لسان ضحكت بسرها عليه قامت وجلست بجنبه:يبه مو انت نفسك بيت عمي ابراهيم الله يرحمه ترجع فيه الحياه انشد الجد لكلامها :ايه وش وراك انقلبت ملامحها للجديه:يبه عندي مشوره لك بس اخاف تردني ناظرها بعمق:مانتي بخاليه .لك اللي تبيه وماني برادك هديل:وش رايك تكلم خالي يحيى يسكن فيه ناظر لها بصدمه من فكرتها:وليه بذات اخترتي خالك علت جلستها وصارت مقابلته:يبه لان خالي انسان طيب وياما تمنى يشوف خالتي سهاد ..سكتت شوي ..صدقني بيحفظ البيت ومنها عذاري تحس ان بيتهم رجع مثل اول ولا تجلس كل يوم تسأل امي عنه حتى امي بتفرح فيه ضربها بجبهتها بخفه:والله انك داهيه ساره:توك تدري ياجدي الجد:بس ياخوفي مايرضى غمزتله هديل:خل هالشي على امي :ومنها افتحله سالفة الشغل بيني وبينكم باوظفه عندي رفعت راسها وضخمت صوتها:لجل تعرفون قيمتي بهالبيت ضحك:والله يابنت اني افكر اذا كبرتي اشغلك في الشركه فتحت عيونها على كبرها:بسم الله علي انا اشتغل في شركتك ضربها على راسها :وش فيها شركتي يابنت عبدالرحمن ابتسمت ببلاهه:ابد يابو عبدالرحمن بس تمرض الواحد ساره:ههههههههههههههه يقالك عدلتيها اللحين ناظرت لساره وطلعت لسانها لها هذي المره العاشره اللي يقرا فيها الورقه :حساب باسم عذاري ومحول من شركة الحمد معقوله عمي مفعل هالحساب لها ناظر لتواريخ وشافها بعد وفاة عمه باشهر كثيره:لايكون نايف لالا ما اعتقد بس هو زوجها واكيد بيدخل سهم باسمها في الشركه لكن وش مصلحته من ذا رمى بالورقه بجنبه وتمدد على ظهره وكل فكره بهالحساب ...لازم اعرف لمن يرجع دامني مسكت مكتب المحاماه فالشركه بتكون مسؤوليتي ... قلب على جنبه اليمين وغمض عيونه لعل وعسى انه يرتاح بعد يوم متعب مر فيه له ساعه يدق على سطام ولا رد دخل لحديقة الفله يمكن يشوف اي احد يدخل يناديه جذبه صوت ناعم حسه قريب منه التفت يدور لمصدر الصوت وهو يذكر الله بسره دخل لمكان يطل على فله ثانيه:هذي فلة ابراهيم الله يرحمه... رفع نفسه على اطراف رجوله وشاف شي خلاه يصنم مكانه وهو يذكر الله بنفسه ميه مره... انتهـــــــــــــــــــــ ــى توقعاتكم.... | ||||
|
| |
 |
| مواقع النشر (المفضلة) |
| الكلمات الدلالية (Tags) |
| للكاتبة, مراجيح, الطفوله, نافذة |
| أدوات الموضوع | |
| انواع عرض الموضوع | |
|
|
العرض العادي
