|
| LinkBack | أدوات الموضوع | انواع عرض الموضوع |
21-02-14, 08:31 PM | #11 | |||||||||
نجم روايتي ومشرفة سابقة وفراشة متالقة بعالم الازياء
| الفصـــــــل الســـادس ..راح ترجعي يا سوريه ياروحي وياعنيه... ~~رســـــل مصدومه من نفسي كيف تكلمت كذا كيف فضحتها وقدام تالين وش بتقول ببطئ لفيت عليها كانت واقفه وتناظر لي بغضب زجرتني :رســل وش هالكلام الي سمعت سكت وانا القي نظره للي اسمها اسيل كان وجهها مختفي الون منه وتحس ان دمها نشف وبتموت باي لحظه همست بحقد:قهرتي يمه انتي ماسمعتيها وش قالت عن رســــن تقدمت خالتي ام ريان زوجة ابوي:وتتكلمين عنها كذا لو احد سامعها من اخوانها وش بيقول عنها قلت بقلبي تستاهل اصلا صدق كل الي قلته بس كتمته :قهرتني وانا ابنتقم لااختي منها هي حقيره وماتحشم احد قلت اخر كلمتين وانا اتحرك واطلع من عندهم تاركه خالتي تناظر لي بغضب رجعت لغرفتي و انسدت نفسي بسببها ارتميت على سريري وانخرطت ببكاء عليه :وينك يارسن تعالي شوفي اختك وحيده تعااالي شوفي اسيل بعدك تولتني كنتي مسكتتها وموقفتها عند حدها رحتي وخليتي لها الجوو سمعت جوالي يدق رفعته وشفت ايثار رديت عليها بسرعه: الوو هلا ايثار صدمني كلامها والخبر صرخت بفاجعه:اييييييشششش مستحييييييييل ركضت وانا اطلع من الغرفه وانزل بسرعه لصاله رحت لتلفزيون وفتحته بسرعه وانا احط الخبار قناة المجد شهقت وحطيت يدي على فمي وانا اشوف الدماااار ضحاايا هنا وهناك اطفااال قتلى شيباان شباب نســاء هزيت راسي وانا اتراجع بفااجعه وعيني على العنوان قصف لحماة وضواحيها :لا لا قربت صوره لطفل مبتووره رجله ويده متمزقه وهي فيه وملامحه واضحه ركزت فيه رغم دموعي عرفته عرفته ولد خالي صـــرخت بدووون شعووور :لااااااااااااااااااااااا� �ااااا لااااااااا امــــــــــي خــــــــالي دقايق والكل مجتمع عندي من صرااخي الي هز البيت وانا اناظر لضحايا الي كل شوي يطلع واحد من اهل امي حسيتني بفقد عقلي وصرت اصرخ بدون شعووور واضرب برجلي ونا اهز راسي :لااااااا لاااااااا ماااتو لاااا ذبحوووهم امي ابي امي لاااااااااااااااا ا ماااااااااااااماااااااااا ااااااا حاولو البنات يمسكوني وانا خلاص بديت افقد عقلي وانا اشوفهم راحو واكيد اختي راحت اصلا انا احسني بموت يمكن ماتت دفيت تالين الي مسكتني مع تالي واسيل بس كنت اقوى منهم من شدت الصدمه مو حااسه بعمري كيف والي اشوفه قدامي مو سهل اهلي امي خوالي اختي جدي جدتي راااحو راااحو بلمح البصر كلهم قضو تحت انقاض بيتهم حسيت اخر شعره من عقلي انقطعت وانا اشوف جثت جدتي بحجابها الابيض متلطخ بالدم تحتظر قدام الكاميره صرخت صرخه حسيت الاخر بيت من جيراننا سمعوني شفت فهد يدخل بسرعه وهو يفصل التلفزيون من الكهرب طفاه مخلاني اشوفهم صرخت فيه :لااااااااا للااااااااااا بشوفهم بشوفهم حرااام عليك هم احياء مااماتو بس مصاابين اتركهم لاااااا تحرمني منهم حرااام عليك ابوي كان واقف بعيد ويناظر ليش بدون حركه.. :ذبحوووهم ذبحو خالي شوفه مييت شوف جدتي متنقعه بدمها شفت فهد قرب لي تراجعت على ورا وانا اصرخ بجنووون جنوون عقلي بيطير من سبب المناظر بدون لتككون لنا صله فيها بنتعب كيف وهم اهلنا مسك يدي واخر شي كنت احس فيه يوم يمسكني ويسيطر على حركتي بعدها تهاويت ماحس بالي حوولي " " " " " " ~~~~~~~~~اسرعت لدكتوورمن طلع من عندها :دكتوور بشر كيفها الدكتور اخذ نفس:الواضح المريضه متعرضه لخبر سيئ او شي مثل هالقبيل لنها متعرضه لنهيـــــار حاااد تنفست بهم كنت متووقع انه انهيار من دخلت البيت وسمعت صراخ طار عقلي بس من قربت شوي عرفت انها رسل ف هي باليام هاذي لا من اختفت اختها وهي كل يوم تعبانه بس الي صدمني صرااخها بس من دخلت وشفت الي شفته زالت صدمتي انهارت من المنظر بدون شعور ركضت وقفلت التفزيون مو معقوله كلهم عندها وكانو يراقبونها بس تناظر وتنهار زياده لااا زااادت جنوونها ركضت لها بس تراججعت وهي تصرخ وتهتف كلمات ماركزت فيها كثر ماركزت كيف اسيطر عليها بس من مسكتها وجمدت حركتها انهارت بين يديني فاقده الوعي ..شفت الدكتور يناظر لي بتفحص استغرب بس من انتبهت للبسي الدكتور:معليش بس ممكن اعرف ياحضرت المقدم هل تقرب لك المريضه ماناقصني الا هااذا بعد:ايه بنت عمي فيه شي ثاني سكت الدكتور ومشاء من عند كنت توو جاي من الدوام دايخ وابي الفراش مكان ناقصني هم وغم الله يعين لمن صحت كيف بتتقبل الخبر عمي لحاله هم وجدي قبله كااان تركي شايل كل شي بس تغيييير من اختفت هالمقرووده ااف الستغفر الله صار مايجلس بالبيت كل شي فيه تغير حتى تصرفاته وبالنسبه لنا نسينا ومايتدخل بشي ابـــدا سمعت صوت وراي شفت اسيل : فهد البنت نايمه خلنا نرجع للبيت حتى بتدل وترتاح ركزت نظري فيها :انا ارجع بس انتي ضلي معها حرام نتركها صدت عني وهي تهمس:نايمه وبعدين انا داايخه نرجع ووحده تروح من بنات عمك سكت عنها اختي واعرفها اصلا ماتواطنها لا هي ولا اختها تحركت طالع وهي تتبعني رجعنا للبيت انا دخلت غرفتي بدلت ملابسي ورميت نفسي على السرير بريح ربع ساعه وارجع اشوفها وقت الجوال ونمت : : : : : : : : : :"""فزيييت بخووف على صوت المنبه والحلم الي كنت احلم فيه خرب غفوتي ناظرت لساعه 3العصر قمت توضيت وطلعت اصلي بالمسجد القريب لنا دخلت المسجد يارب استغفرك الناس مكبرين بالركعه الاولى اسرعت وصفيت مع الصف الثاني بعد الصلاه جلست دقايق اسبح واقرا اذكاري وبعدها وقفت بطلع كنت اخر واحد يطلع مع الامام وكم شايب من شيبان الحاره وقفت على الباب وانا اسمع واحد من الشيبان يسئلني :خير ياولدي اليوم نسمع صيااح عندكم عساى مابكم مكروه يافهد اخذت نفس فضحتنا بس مالومها مفجووعه :مافيه غير احوال اهلنا بسورياء الله يكون لهم يارب وتعرف عيال عمي خوالهم سوريين يارب لتفجعنا بحبيب بنت عمي الصغيره فتهحت الخبار وانفجعت بجثث خوالها قدام التصوير صابتها صدمه ونيهيار الامام قرب وربت على كتفي:شهداء شهداء هونو عليها بالخبر بتفرح انها بتشوفهم شهداء بكرا ان شاء الله هزيت راسي :ان شاء الله شهداء يارب طلعت من عندهم وانا اسمع تعليقهم وكلامهم رجعت للبيت وركبت سيارتي وانا ادق على ريان دقايق ورد علي :ريان قل لاامك كان بتروح لرسل انا برا انتظركم حتى اوصلكم لها رد علي:طيب بروح اقولها . دقايق وطلعت ومعها ريان ركبت ورا وريان ركب بجنبي حركت وانا ساكت بعد دقايق وصلنا للمستشفى نزلت وانا اقفل السياره وتحركت داخل وهي وراي تمشي مع ريان وصلنا لقسم الي فيه رسل شوي والدكاتره دخله طالع بحركه مريبه وقفت ممرضه مرت من عندي وانا اسئلها :خير وش فيه ناظرت فيني :انت قريب رسل هزيت راسي وههي كملت: صحت بس كانت تصرخ بحاله مخييفه وكانها تشوف اشياء قدامها وتنادي على امها هزيت راسي البنت منهاره الله يستر لا يصر لها شي تقدمت للغرفه وانا اقول لاام ريان تنتظرني دخلت عليها بس تراجعت بصدمه هاذي مو رسل وضعها يثير الرعب بحالها كيف بالحظه صارت كذا تصرخ وتسحب شعرها وتنادي اسما غريبه بس يمكن هلها هناك بسورياء رغم الفراق الي طال سنه بينهم بس مانسيتهم بعد سنه تشوفهم بهالوضع لو تنجن وعقلها يطير منها ماتنلام لـ.. توقفت بصدمه معقوله صار لعقلها شي صرخ بالدكتور الي واقف يحاول يمسكها: عطووووها مهدي ليش واقفين كذا وش تنتظرون سكتووووووووها الدكتور :ماتشوفها كيف حالها موقادرين نسييطر عليها جنني رده الغبي وش له مسمى بدكتور تحركت وانا ادفه :بلاكم اغبيااء بعـــد عني انا امسكها حاولت امسكها لااااا قوتها مضااعفه للي اليوم بالقوووه سيطرت عليها وثبت يدينها بكل قووتي والدكتور ضربها ابره ضليت مااسكها حتى ارتخى جسمها تركتها وانا ابتعد عنها بسرعها وطلعت من عندهم رحت لام ريان :ام ريان بتجلسين عندها ولا بترجعين ردت:لا بجلس بس خذ ريان معك هزيت راسي برضى:طيب بس لو صحت خليهم يعطونها مهدى لاتصحي حتى يرد لها عقلها ولا راح يصير لها شي مع النهيارت الي تتكرر .... طلعت من عندها ورجعت للبيت حتى انزل ريان واطلع لشغلي " " " "" "" " " " "" " |~~~~~~~~~~~~~~~~~~~~~~~ركضت بكل قوووتي مو عااارفه وين اروح بس افلت منه قبل يخبر احد كنت اركض بدوون ماعرف وجهتي من الخووف الي احس فيه والي سويته قبل شوي من شفته واقف قدامي مدري من وين طلع ليو انا طالعه مع المخرج السري يمكنن يعرفه وجالس يراقبني صدمت فيه ورفعت راسي ومن شفته يناظر لي بغضب بدون تفكيـــر دفيته عن طريقي بس مسكني ودفني حتى اتراجع اصلا مو بقوته انا لو حاولت هو اقوا مني بكثير :لوين بتفري مني لا ياماما انا فادي مابتقدري تفري مني رفعت رجل وضربته بمن تحت بطنه شوي بمنطقه حساسه صرخ وهو يالتف على نفسه من الوجع انا مانتظرت اشوف وش فيه حطيت رجلي وركضت عنه ..مدري كيف طلعت من القريه بدون لاحد يشوفني بس معجزه واحمد ربي عليها هديت سرعتي ووانا الف من ورا اشجار كثيفه وتخفي الي يطلع وراها جلست وانا اسند ظهري على الشجره بريح شوي قبل اكمل طريقي طلعت علبة الماء وانا اشرب منها شوي ورجعها بمكانها طلعت عباتي ولبستها فوق لبسي الي كان عباره عن بنطلون جيز ولادي مع تشيرت وفوقه جكيت كبير مو مقاسي جكيت القائد حازم عطانياه عن البرد وشماغ كنت متلثمه فيه فكيته وطلعت الطرحه الكبيره شوي تحجبت فيها .. غمضت عيوني وانا اسند نفسي على الشجره واسرخي وانا اتذكر اهلي وش صار عليهم بعدي وكيف اقدر اتصل فيهم والتصالات شبه مقطوعه وامي كيفها هي واهلها ياترى هل نجو من القصف او لا الحين القصف صاير جوي بعد حسبي الله عليهم يارب بعد 5دقايق فتحت عيوني وانا اقف بحزم لازم ارجع لاامي بايطريقه بس وين انا انا مدري وين حسبي الله عليك يافادي يسحبني من مكان لمكان بدون لعرف وشي المنطقه خايف اهرب بس هههه هيهات يلعب على رسن الفهد ..بتخطيط بديت اول اعرف انا وين و باي منطقه وبعدها ابدى رحلة البحث عن اهلي اقصد امي واهلها بس يارب ماكون ابعدت عنهم لنه لو كنت بعيده مستحيل اقدر ارجع تحركت شوي وانا اطلع من بين الشجار وناظر لمكان القريه الي كاون فيها الثوار عطيتها ظهري ومشيت على قدام بدون لاالتفت بس كنت امشي بحذر اااه حسيت بنغزه قووويه بقلبي مسكت عليه وانا اتنفس بعمـــق شوي وكملت مشي بس جسمي كل ماله ويتعب يااربي وش هالحساس الي احس فيه ليش جسسمي بدا يتعب كذا مو معقوله من الركض انا متعوده على الرياضه قطعت مسافه ماهي بسيطه حسيت اني بديت ادخل على مكان رمال مع حجر صرت اتلفت يمين يسار بدت الارض تتسع يعني دخلت على صحرى بس مازلت مستمره لني لو لفيت يمين او يسار برجع لنفس القريه وانا ماعرف الطريق شفت جبل قدامي مو بعيد مره قررت اني امر عليه لعلي القى معبر او منفذ لحماة مهما كان بعدها بس التعب الي احس فيه زاااااد بالمح البصر وبدقايق صرت اشوووف الدنيا ظلااام في ظلام وحسيت اني هويـــــت في بيئر عميــــــــــــق " " " " انتهـــــــــــــــــــــ ـــــى نلتقي قريبا ان شاء الله | |||||||||
21-02-14, 08:34 PM | #12 | |||||||||
نجم روايتي ومشرفة سابقة وفراشة متالقة بعالم الازياء
| الفصــــل الســـابع ........النصـــر قادم ياسوريا ببطال الاسلاام...... ___________________ ~~~~فتحت عيوني بألم من الحراره الي احس فيها عسيت عيوني انفجر من شدت النور الي سطع فيها غمضت عيوني بسرعه وانا اخذ نفس وارمش بشويش فتحت عيوني مره ثانيه وجت عيني بعين الشمس بصدمه كيف دخلت الشمس بالسرداب . بس بالحظه فزيت زي المقروصه انا فريت منهم وانا الحينـ... انا ويـــن ناظرت حولي مكان غريـــب كيف وصلت لهنا مكان ضيق على شكل غرفه بس ضييييقه ومفتوحها من فوق ليش انا هنا وكيف وصلت لهنا حاولت اتذكر ايه وانا هاربه شفت جبل كنت ابمر منه بس ماحسيت نفسي الا غايبه عن الوعي ..اااه ااخر مره مرت فيني الحاله قبل5اشهر كنت كل يوم اصحي بمكان وبوضع مرعب فقدته من عشت عند القائد حازم اااه حسيت بالحظة ندم كيف هربت بس كان لازم اهرب كيف اجلس وانا متقمصه او متشبهه بالرجال وهو حرام ولو كشفت عن هويتي مو عارفه نهايتي انتفضت وانا الف للباب الي انفتح بعنــف ودخل من جندي لاااااااا لاا مو مره ثانيه ياربي لاااا لا مستحيل اتحمل ذلهم مره ثانيه لايرادي صرت ارجف بخووف كيف بنسى الرعب الي عشت فيه معهم مراح اتحمل مستحيل اتحمل سمعت صوت يصرخ لااا مو صوته صوتها ايه بنت جنديه :اوليــك أؤفـــي لفيت عليها بصدمه كانت تصرخ وهي موجهه السلاح علي لايراديا وقفت وانا ارفع يديني لقدام بس بببتسامه ايه رغم السلاح الموجه لي بس الوضع غيير مو الشبيحه لا هاذي وضعها غير :__ اشرت لي وهي تقول:قدأأأأأأمي تحركت وانا ارفع يدين لفوق طلعت من الغرفه الصغيره وطلعت على مساحه مو كبيره مره بس ملايانه بنااات فتحت فمي بصدمه نفس مكان القائد حازم بس اصغر شوي معناها هم نفس شغل حازم وربعه كملت مشي حتى وصلت بنت واقفه وبديه اسلاح كانت تتدرب بس من شافتنا وقفت وهي تناظر لي بقووه ماكنت منتبه على نفسي اني لسى ابتسم حتى سمعت كلامها وجمدت البتسامه بفمي ~~~~~~~~~~~~~~وقفت بصدمه: انت وش تقووووول تراجع فهد وكمل:هي الحين نايمه معطينها مهدي لنها كل ماصحت تنهار وشوي وتفقد عقلها هاذا اذا مافقدته الي شافته مو سهل ..كان يتكلم عن رسل بس انا عقلي كان يفكر بشي واحد كنه توقف عن التفكير الا فيها هي رسن وينها وش صار لها انا مو قادر اتحمل اكثر مستحيل خلاص بديت افقد اعصابي بس كيف اروح راح اموت اعارف وابوي غضبان علي اااه يبه ليش تمنعني من السفر كيف اقدر اسافر وهو مقسم علي ماخطي خطوه احرق قلبي ابوي وهو مايدري ..انتبهت لفهد وهو يقول بحزن :تركي متخيل لها 4ايام وهي على هالحاله كل ماصحت وكانها تو تشوف الحداث تصرخ وتجن جنونها تنهدت بهم الله يعين عمي على حزنه حتى حنا لحقنا الحزن معه كيف هوو ااه الله يعينه تحركت طالع من المكتب جيت اسلم عليه لني مسافر الرياض وصدمني بالخبر رسل مريضه ومن 4ايام ماعرفت الا الحين اعترف اني قصـــرت كثير بحقهم من اختفت رسن اااه صار شغلي الشاغل رسن رسن رسن رسن كل شغلي وتفكيري ونام واصحي على رســــــــــــن وبعدييييييييين معك يارسن متى طلعت جوالي وانا اتصل برافل: دقايق وجاني صوته الثابت القوي: هلا تركي اخذذت نفس وانا اقول :رافل ماقدر اجي اليوم ممكن تاجل الموعد لبكرا بس سكت شوي وبعدها قال:اسف تركي ماقدر انت شايف الوضع كيف صاير وبعدين الجماعه هاذي جديده تو مأسسه نفسها ولازم يوصل لها الدعم اول باول ولو ماقدرت تجي بنحط واحد بدالك صرخت بجزع:لااااااا وش تحط واحد بدالي انت تعرف كيف تعبت حتى احصل على البضاعه خلاص امري لله بجي بجي من الغباء المعشش بمخي كنت اتكلم بمكان الشرطه رفعت راسي ابتحرك وصدمت بشخص واقف قدامي مباشره وعينه بعيني تكلم بقوه:ممكن جوالك رفعت حاجب وانا اخفي خلفه التوتر:عفوووا قال وبقووه:جواالك لو سمحت انا متاكد انه سمعني بس يارب مافهم شي لو اخذ جوالي بيكشف كـــــــل شي مديته له واول مافتح كفه بيمسكه اطلقته وسقط بالارض متناااثر الى قطع ناظر لي بغضب | |||||||||
21-02-14, 08:34 PM | #13 | |||||||||
نجم روايتي ومشرفة سابقة وفراشة متالقة بعالم الازياء
| :وش سويييت رفعت حاجب:انا لسى ماعرف وش تبي ياحضرت الضابط مني واخر شي كسرت جوالي بدون سبب صرخ علي:انا كســــــرت هزيت راسي بثقه:نعــم انت وش السبب هل شفت مني شي وهالحظه طلع فهد من مكتبه:تــركي انت مارحت لفيت عليه وانا اقول:هلا فهد كنت بروح بس طلع بوجيه الضابط هاذا ..واشرت عليه..وطلب ياخذ جوالي بدون سبب بس الني كنت اكلم صديقي وانا امشي فهد تقدم منه وهو معصب:بــدر وش الحكايه بدر برتباك :ياطويل العمر كان يكلم شخص ويسئله عن البضاعه ومدري كيف والحذر واجب فهد بعصبيه:تشك فيه تعرف مين هاذا بدر بتوتر اكبر:بس ياطويل العمر كـ.. قاطعه وهو يصرخ عليه هو بدون شي معصب ومتنرفز يجي هالي اسمه بدر يكمل :بـــس ولا كلمه ويالله على مكتبك تحرك بدر برتباك وخوف من عصبية فهد والي قليل مايعصب وذاا عصب يحرق كل الي حووله فهد لف علي وهو يتكلم بصوت حاول يخفضه : وش سامع انت وش كنت تقول وبعدين ماليقيت الا هنا تكلم اطلع وكلم على كيفك ان شاء الله تكلم ان شاءالله تكلم اولمرت بس مووو عندي هنا رفعت حجب بتعجب من حاله مو فهد متغير اظاهر مو بس انا الي تغيرت الكل :انت ليش معصب الحين هد اعصابك وكاني قلت له عصب زياده صرخ بوجيهي وهو يقول :ياااابردك ياشيخ رووح عن وجيه يالله مو كنت بتسافر يالله توكل الله معك ماعلقت وانا اتحرك طالع من عنده وش هالخبال يعني انا جالس احفر عن مذبحي على قولتهم ليش ماروح قبل ليفكر يسئلني عن الي سمعه الي اسمه بدر التبن وصلت سيارتي وانا افكر اورح للبيت اسلم قبل امشي ولا امشي لرياض وارجع بنفس الوقت اول ماسلم البضاعه لهم ماقدرت فيه شي منعني امرهم خووف غشااني من المواجهه وكان العالم كله يعرف بشغلتي الجديده بالرغم من اني تحديت العالم فيها حتى لو انكشف مراح اكف حتى تتحقق امنياتنا المقتووله... مسكت خط الرياض وين مايكون ساكن رافل وهو رافل بمعنى اسمه لاكن رفل ونذر نفسه لنصرت الحق راح تعرفونه اليوم او بكرا اذا قرر يكشف عن نفسه هو شخص يرفض احد يعرف مين هو ~~~~~تراجعت بتوتر وانا اهمس بشويت تردد: لا لا مقدر الله يخليك دوري احد غيري صرخت علي بغضب:رســــــــــــــن مانكر اني اتنفضت من صرختها بس مابينت الا بتوتر خفيف هاذي فريال هي ومجموعة بنات تسلحو ولجو للمكان هذا حتى يقاتلو ويدافعو عن شرفهم وشرف كثير من البنات : فريـــال الي تطلبينه صعـــب اانا بعم ري مامريت بموقف مثل كذا اروح مع احد اوكيه بس اني اروح انا بالواجهه لا ماقدر لاكن اعتراضاتي مزاتدها الا اصرار :رســن انا اثق فيك من اشان هيك برسلك انتي للمهمه هاذي بقولك شي يارسن الشيخص الي بيسلمك السلحه واحد سعوودي بدون شعور فز قلبي بفرحه لطاري السعوديه اشتقت لهم لابوي وجدي واختي اوخوي وهالي كلهم .سمعتها تكمل:رسن احنا بنروح معهم للقريه القريبه من هنا فيه شبيحه محاصرينها ولازم ندافع عنها عن خواتنا المسلمات انت عارفه لو دخلو فيها لشو بيعملو بيقتلو اولدهن ويغتصبوهن تعرفي مو صح ..وكيف ماعرف وانا شفت بعيوني وعشته ااه حسيت برعــشه قويه من الذكرئ سمعتها تقول :رسن لو صار الي شي انتي بتكوني المسئوله هنا انتي بتاخذي مكاني فتحت فمي بصدمه وش تخربط هاذي تبيني اكون القائده اكيد انهبلت هاذي:فريال انتي وش تقولين انا الصدق احسك يامريضه ياحرارتك مرتفعه سكتت شوي وفجائه انفجرت ضحك:هههههههههههههههههههه لا قولي اني تاثرت بجونك هههههههه .سكتت شوي ورجعت تتكلم بجديه.. رسن انتي كنتي مندفعه ومتهوره ايش الي تغير فيك نزلت راسي كنت متهوره يوم كنت بكنف ابوي وكنت مستناسه ومدلعه بين ابوي وجدي لاكن هنا اعيش حياة المتشردن كتمتها بقلبي وانا ارفع عين لفريال قريبتنا من بعيد والي اعرفه كانت انسانه عاديه لاكن جبانه صدمه صح بس هي تغيرت:غيرني الي غيرك يافريال انتي وش غيرك وقفت وهي تفض طرحتها الكبيره وترميها على كتفها: انت لو عشتي الي عشته لا لو بس شفتيه ماعشتيه كان ماسئلتيني ..سحبت الطرحه وهي تسكت فجائه وكانه اندمت انها تكلمت لفتها على راسها وتلثمت فيها وماطلع الا عيونها ويالله باينه التفت فيها بشكل غريب حتى صارت كلها اسووود باسووود وطلعت من عندي وهي تودعني وتوصيني اروح للموعد ولا اتاخر ولا افرك اسئل عنهم لو مارجعو بعرف انهم استشهدو سندت راسي على الفراش وراي وانا اغمض عيوني بكرا بتجي مجموعه كبيره من الأسلحه مرسلينها مجموعه متعاونه معهم فريال الي صدمني انها متعاونه معهم باسم أيــــــــــهم يبدو ان ايمه شماااعه لكل شخص بيتخفى لاكن الصدمه اني انا الي بروح باسمه انتهــــــــــى نلتقي قريبا ان شاءالله | |||||||||
21-02-14, 08:38 PM | #14 | |||||||||
نجم روايتي ومشرفة سابقة وفراشة متالقة بعالم الازياء
| الجـــزء 8 الاخير راح ترجعي سوريا ياروحي وياعينيا ...نوقف على ارضك وترابك ونعانق الحريه هالغربه شو صعبي على البك والبي ....راح ترجعي ياشام وسقيكي من حبي مهما العدو تجبر وتباها وتكبر ...لجلك لبيع الرووح بهواكي تعطر ____________________ دخلت البيت هذا اليوم 7على رسل وهي طريحت الفراش كل ماصحت ترجع تنهار صدمه اليوم كلمني الدكتور يقول لازم تراجع دكتور نفسي ولو ماتلاحقتو عليها راح تفقد عقلها لنه مو مستوعب الصدمه صدمني جنني بكلامه بس شو بيدينا نسوي هي جت على سوريا صبرا يارســل القادم اعظم قبلها فلسطين والعرــاق وقبلها الحوااز المنسيه اااه ياحواز وبورما المنسيه اااه يابروما ااه عليكم كل ماتذكرت المشهد الي امس بالخبار تهل دمووعي وكانه بين عيوني كيف احرقوو بيوتهم ومحلاتهم التجاريه ومن فكر واحد منه يدافع عن اهله اقبضو عليه بتهمت العتدا والعظم بعد القبض عليه احتجو البوذيين عند السجن مطالبين بالفراج عنه وتسليمه لهم حتى يقصتو منه هم بذنب ماقترفه بلدااافع عن حقه وحق اخوانه سلطا الله عليييكم يارب دخلت على جدي وعمامي بالمجلس وابوي سلمت عليهم وجلست كانو يتابعون الخبار جلست معهم وانا متــعب بس من فتره ماجلست قلت ابجلس دقايق واقوم اريح كانو حاطين العربيه فكنت اتابع بصمت الوضاع هادي بسوريا ضحكت بسخرياء اي هاديه الوالله مصديقنهم معلوم كاااذبين من يومهم مايجيبون الصدق لعبو علينا بكذبهم حتى ضاااعت رسن من يدينا حسبي الله عليهم لكن الله معنا هو ناصرنا الله يخلي المجد بس هي الصادقه لفيت لخالدوانا اقوله :خالد حط المجد وش تبون بهالقناة الكاذبه دارها على المجد وكانت الخبار موجوده لاكن على نهايتها المذيع:خبر عاجل تحرير شمال حماة 12 قريه تم تحريها على يد القايد ايــهم الفهد ورجاله البواسل وايليكم القطات على الهوى مباشرة.. شهقت بصدمه مغموووره فرحــه وانا اسمع الخبر القائد أيــهم الفهد هو قائد المجمووووعه الي ارسلنا الدعم لهم الاخيــر يالله يالله فرح قلووبنا بنصرهم يارب لاكـــن تجمدت بصدمه وانا اشوف مجمووعة بنات يركضون معهم اسلحه الاعمى يشووف كيف يقول رجال بنات متوشحين بالسود لاكن فوقها كان حزام السلاح رابطاته ويركضون فجائه صارت تصرخ بالتكبييير البنت المتقدمه ووقفت تحت الطائره كانت تحلق عليهم معها سلاح ار بي جي وتصوب على الطائره والبنات الي حولها يكبروون باصواات عاليها وفجها سقطت الطائره وفقت بصدمه مو مستووعب كيف يقول رجل طيب وهاذا الي اشوف بعد دقايق ركض المراسل وهو يوقفها وهو ياخذ معها لقاء ماني مستوعب شي كيف بنات يقاتلون كيف القناة وصلت لهم كيف و كيف و كيف لاكن الصدمه الأعظم صوت البنت وكلام المذيع الكل تيبس منه وهي تهتف بصوت عاااللي وفرحه :الله اكبــر نهاااية الظالم على ايدينا ان شاء الله المذيع:اخت رسن كيف الواضع عندكم ردت بفررحه لاكن صوتها اخخختنق :الوضاع الحمدالله على كل حال قدرنا ننقذ من امرنا الله بنقاذه والكثيرر راحوووشهداااء عند ربنا يارب يقبلهم وبكت بقووه لاكن صوتها فيه فرحه سعااده :امي خالي جدي اهلي امي كلهم راحوووو لاااكن انا فرااحنه وحزينه فرحانه لهم لنهم راحو لربهم شهداء وحزينه على فرقاهم لني لم الحق بهم اتمـــنى اتمنى الشهاده ياااارب المذيع:وأين القائد ايهم نريد اخذ لقاءمعه دقت على صدرها:انا ايهم انا اسد الأسلااام انا رسن الفهد الحرييييه انا انا الحريه حرية هتفت تناااشد العرب المسلمييين فهل من مجيييب ركضت طالع من عندهم وانا اهتف بقلبي .نعـــم ياحريه لقد اجبــنا الندااااااااء ياحريه روح السلاااام قااادمه الاسلاااام لاكن العرب روحها تحتضــــر النـهــــــــــــــايه رســـن كــانت ((الحريــــه)) تبحث عن مخرج لها وفرج ان الفرج قريــــــــــب جــــدآ من عند الله سبحانه وتعالى لاكن رسل من تكووون ربما الروح ممم نعم الروح العربيه تقااوم على البقاء ياترى هل ساتستطيع الصموود ام سوفا تزهق روحها من صدمتها في اهلها تشتت وضياع وتفرقه بالكلمه ولمبادئ والأخلاق والدين الي هو كان اهم شي تركووه اضااااعووه اضاااعوه فضاااعو .... تركــي رووووح المسلميــن سوفا تبقى تنااظل حتى حتى النصر ولن تستسلم وتوحد كلمتهم على الحق ودين الاسلام هي قصه قصيره كتبتها وحاولة قدر استطاعتي اكتب عن حالنا في هالوقت عن العرب وقبلها السلام الذل ولعار الي يطولهم من بعضهم البعض بسبب تركهم لدينهم وجهلهم له اسئل الله التوووفيق والنصر والسداااد لنا يااارب وان يوحد كلمتنا على الحق استودعكم الله لتنسوني من دعااكم | |||||||||
01-05-14, 06:16 AM | #15 | |||||||||||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
01-05-14, 11:08 PM | #16 | ||||||
فراشة الروايات المنقولة
| تسلم الايادى يا اسطوره على النقل قصه معبره جدا على حالنا ويارب النصر لسوريا وكل المتهضين فى العالم وانصر امه الاسلام شـكــ وبارك الله فيك ـــرا لك ... لك مني أجمل تحية . | ||||||
الكلمات الدلالية (Tags) |
ماضي, الكاتبه, اتمنى, دعني, غربتي, واضمها, وجــــدد |
أدوات الموضوع | |
انواع عرض الموضوع | |
|
|