06-03-14, 03:06 PM
| #11 | |||||||||
| مراقبة عامة ومشرفة منتدى الروايات المنقولة  
|  اقتباس:
ياهلا الروايه جديده قيد الكتابه وأنا نقلت كل الأجزاء اللي نزلتها الكاتبه وإن شاء الله راح أتابع الكاتبه وأنقل بقية الأجزاء لكم أول بأول ولا ننسى دور الردود المشجعه للكاتبه على الإستمرار في الكتابه والناقله في النقل في هذه الروايه وغيرها من الروايات المنقوله فعدم تواجد الكاتبه لايعني عدم اطلاعها على ردود المتابعين لروايتها في المنتديات المنقوله لها | |||||||||
|
|
07-03-14, 03:50 AM
| #12 | ||||||||
| مراقبة عامة ومشرفة منتدى الروايات المنقولة
| البارت السابع ميثه بلعت ريجها...تقربت شوي.....تمت اتطالع فهد...خاطرها تدخل اصابعها فشعره وتمسح على راسه..شكله هادي وبرئ وايد..حست بأحساس انها تعرف فهد قبل هالمره بس ما قدرت تتذكر..حست بأحساس يجذبها لفهد..نزلت راسها شوي .وتقربت منه تشوفه زين.....فجأه عقد حواجبه وهوه نايم...ميثه عقدت حواجبها مستغربه!...فتح عيونه ابسرعه ميثه تروعت وشهقت وردت خطوتين ورا وطاحت يالسه على الطاوله اللي بنص الصاله:بسم الله الرحمن الرحيم فهد انقلب واحد ثاني نقز ابسرعه وشكل عيونه حمر ومسكها من يدها بقوه وبصوت مرعب:من انتي؟؟؟؟؟؟؟؟؟؟ ميثه شافت جاسم رد للدنيا وصرخت أأاييي:أي ايدي جاسم..اخخ يدي افتحت يدي فهد اختفن ملامح العصبيه سكر عيونه وفتحهن وكأنه استوعب انها ميثه..ا:ا,,ا ااسف...بس كـ.. كــ ـنت احلم,,,شكلي كنت احلم,, ميثه متألمه من قبضته:انزين افتح يدي عورتني فهد انتبه انه ماسكها وفتح يده وثغر شوي بثمه..ولاحظ انها ترتجف ميثه مسكت يدها من وين ما كان قابضها وعيونها تعلقت بفهد..لفت بنظرها تشوف وين جاسم.؟.بس ردت تشوف فهد حست بعمرها متخبرطه جاسم والا فهد اللي جدامها..(الله يسامحك ويرحمك يا جاسم) وقفت شوي وكانوا الاثنين متقابلين ومتقربين من بعض فهد نسى الدنيا وسرح بعيون ميثه..... ميثه عقدت حواجبها لان الموقف ذكرها بجاسم اللي ما ارتاحت وياه لو يوم واحد...وبصوت جامد وبدون تعابير تبان في ويها:الساعه ثلاث ونص(مشت للغرفه وسكرت الباب وراها.. فهد علامة تعجب فوق راسه(!)حط يده على صدره..مسح شوي وطلع هواء متقطع متسارع وطالع الثريا المعلقه بنص الصاله..يمكن يهدي دقات قلبه اللي ما توقع انهن بيوم من الايام يمكن يدق قلبه لوحده غير نوره وبهالسرعه..تردد يدخل الغرفه او لا..بس يبي يتسبح ويبدل ..تقرب بعد ما تردد كمن خطوه..اخذ نفس وطلعه وفتح الباب ودخل بجمود وصلابه....لف فالغرفه ولا شاف ميثه فيها..:وينها؟ مشى صوب غرفة الملابس وكانت غرفة الملابس مفتوحه على غرفة النوم واللي يفصلهن ستاره شيفون بيج... تقرب ودخل غرفة الملابس.ما كانت فيها...تقرب ويلس بالكرسي الكبير اللي بالنص...(يمكن فالحمام(اكرمكم الله)بترياها لين تطلع) ميثه تشوف نفسها فالمرايه اللي بالمغسله الكبيره اللي تكون قبل الحمام..معصبه من نفسها..ليش تتذكر جاسم الحين..تلم كفوفها تحت الماي وترش ويها..مره ومرتين وثلاث..تغسل ويها زين...واختلطت دموعها بالماي تحاول تقوي نفسها...(انتي الحين حرمه متزوجه...ومب ياهل تتروعين..خلاص..جاسم سار وما بيرد...انتبهي لعمرج..حتى لو ان فهد ما يباج زوجه...لازم ما تبينين له ضعفج...واهله ناس ما بلقى احسن منهم اعيش وياهم وحاطيني فوق روسهم..انتبهي لتصرفاتج...)رفعت اصبعها جدام المرايه:فاهمه؟!...خلاص....ماش� � حزن بعد اليوم...( تهز راسها..اخذت نفس تهدي نفسها..مسكت الفوطه ومسحت على ويها... فهد من ورا الباب:ميثه انتي داخل؟ ميثه عقدت حواجبها..مسحت ويها زين وشافت نفسها فالمرايه ابتسمت ابتسامه خفيفه ما تبي تبين انها ضعفت وخافت منه.. فتحت الباب وفهد كان بويها..وتقابلن عيونهم مع بعض.. ميثه لفت برسها بسرعه ومشت من جدامه...فهد لاحظ ان عيونها حمر كان توه بيتكلم بس ميثه كانت اسرعه منه طلعت ابسرعه من غرفة الملابس.. فهد رفع كتوفه ودخل للحمام (عزكم الله)يتروش ع قولة احبابنا السعوديين *ـ^ ................ حطت لها مكياج خفيف وبسيط على السريع قبل ما يطلع فهد لانها ما تبي تحتك معه..ونزلت تحت... بعد 20 دقيقه فهد طلع من غرفة الملابس لابس ومتكشخ..وهوه يمشي لف براسه وما شافها..وكمل للصاله وما لقاها ونزل تحت...شافها تحت شكلها تتكلم مع امه بموضوع ويضحكن..وقفت ميثه بعد ما شافت فهد يتقرب من الصاله:بسير المطبخ شوي ام فهد:وين تبين يلسي..عروس وبتدشين المطبخ؟ ميثه تبتسم:ما بسوي شي بس بشوف المطبخ شوي وبتعرف ع خداماتكم ام فهد:يلسي يلسي شو تبينهن الحين بروحهن بتشوفينهن كل مره وحده تنقز لج من مكان فهد:السلام عليكم ام فهد وميثه:وعليكم السلام ام فهد:يلسي هذا ريلج يا يلسي ميثه تيلس باستسلام وما عاطيه فهد ويه فهد شافها تتفادا تشوفه..(شوفيها هاي؟؟والله شايفه نفسها..من كلمها والا يا صوبها؟؟خلها اتزول..انزين انا شو اباها؟؟لا يكون يدها تعورها؟اهـااا اكيد يدها عورتها وزعلت..انزين يالغبي شو يخصك فيها؟خلها تولي..اووففف انا شو حارجني؟؟) ام فهد:فهد ابويه؟؟ فهد انتبه:هلا ام فهد:بسم الله عليك ..من الصبح اكلمك ولا ترد فهد:خير امايه؟ ام فهد:كم الساعه بتسيرون باجر؟ فهد :جيه ع الساعه اممم ثمان ام فهد:قايله.الساعه ثمان قايله..سيروا من وقت فهد:خير انشالله متى ما نشينا بنسير ميثه سرحانه وفعالم ثاني............... ام فهد تشوف ميثه وترد اتشوف فهد اللي طلع تلفونه وألتهى به. ام فهد(هذيلا شو فيهم؟؟ما كملوا يومين وشكلهم متزاعلين..لا يكون فهد قالها شي والا زعلها بشي؟ولديه واعرفه هبابه يرضي نوره وبس..يعلج يا نوره اللي من دشيتي هالبيت وولديه ما ادري شو فيه معتفس فوق تحت علينا) فهد قام:يالله انا بسير شوي ام فهد:وين تبا؟ايلس فهد:بغيتي شي امايه؟ ام فهد :هيه..اباك توديني عند خالتك فهد:زين ما عليه..يالله عيل ام فهد توقف:ميثه قومي تلبسي ميثه:انا؟؟ليش؟ فهد:شو تبين بميثه؟؟ ام فهد:وصلوني وسيروا تحوطوا شوي فهد:لا لا لا انا مشغول مواعد ريال ميثه:لا عموه ما ابا اسير.. ام فهد:بتغيرون جو من البيت فهد:ترانا بنسير باجر فرقت يوم يعني؟..يالله جان تبيني اوصلج ام فهد تيلس:خلاص ما بسير..سر بروحك ميثه:عموه سيري لا تيلسين علشاني.. ام فهد:اباج تطلعين مب زين اخليج بروحج ميثه:انا ما عليه البيت بيتي تقدرين تسيرين وسلمي عليها ام فهد توقف:ما بتسيرين ويايه؟ ميثه:ههه لا عموه برايج..ما بسير..مره ثانيه إن شاء الله ام فهد طالعت فهد بنص عين ومشت لغرفتها تيب عباتها.. فهد استغرب نظرة امه ورد تلفونه بمخباه وميثه قامت وراحت للمطبخ بدون ما تكلمه وفهد صدق ما عرف شو فيها بس قال احسن ما اريد احتك بها...وفجأه رجفت يد فهد وكأنه استغرب وانصدم بنفس الوقت:لا حوووول.. طلع من الصاله بسرعه ويدينه بدت ترتجف اكثر ومشى خلال الحديقه ودخل الفله الثانيه وهو في هدوء بس لمحة حزن اتشوفها فعيونه وكأنه خايف او مرتبك.... نوره كانت يالسه فالصاله وحاطه ريل ع ريل ومبتسمه على جانب.. فهد دخل بعد ما سكر الباب وراه... فهد :نوره نوره وكأنها كانت متوقعه وصوله:عيونها فهد يتقرب ويمد يده:ردت الرجفه مره هاتي لي من الدواء اللي يايبتنه امج نوره تقوم:شكله نفعك دواء امايه! فهد:هيه من اشربه ارتاح.هاتيلي ابسرعه مواعد ريال ابا اسير نوره:من عيوني..تعالي وياي مشت لعنده ومسكته من ذراعه ومشت به لغرفه من الغرف اللي فالطابق الارضي ... شواخ فتحوا عنها اللفه...وتوها ياي من المستشفى العصر.. ....شواخ وامها يدخلن من باب الصاله ويمشن صوب الصاله وشواخ ورا امها تفصخ شيلتها شافن فاطمه يالسه بالصاله وسلمن:السلام عليكم فاطمه:وعليكم السلام ام عبيد تيلس:اخخخخ يا ريولي اووه تعبت من اليلسه شواخ بعد ما يلست جنب امها تمد يدينها تمسح على ريول امها:سلامات سلامات ام شواخي عبيد من وراهم:قصدج ام عبيد. شواخ:خخخخخ عادي ما فيها شي كله ام عبيد!؟خل نغير شوي مره ام عبيد ومره ام شواخ ومره عمة فاطمه ومره ياقميل جيه تشكيله شوي عبيد بعد ما يلس جنب امه:لا والله حلفي انتي بس! ام عبيد:هههه بعد كيف تي عمة فاطمه.؟من وين يبتيها هاي؟ فاطمه:خخخ اما انتي غريبه يا شواخ شواخ:وييي ما غريب الا الشيطان وانا صادقه (تحب راس امها:تعبتها اليوم ويايه يعلني افداج يالغاليه فاطمه:اووه صدق مبروك مبروك واخيرن افتكيتي شواخ كاشخه:هيه والله الله يبارك بعمرج عبيد:مبروك شواخ عيل عليج عزيمه شواخ وسعت عيونها:خيبه.ذاك اليوم مسويه امايه عزيمه مو كل يوم العزايم ام عبيد:تستاهلين شواخ شافت نفسها:ثرني غاليه عندكم وانا ما ادري عبيد بغشمره:يعني مو ذاك الزود شواخ تدلع ع امها:ماماااااتي شوفي ولج عبيدوه عبيد يفرها بالمخده الصغيره:عبيدوووه؟! اصغر عيالج انا فاطمه:خخخخخ شواخ بنص عين بعد ما طارت قصتها من المخده اللي يت بويها:.. ام عبيد تمسح ع شعرها تنزله:هههه الله يخليكم ويحفظكم من الشر صاح تلفون عبيد:الو.. سيف:هلا يالطيب عبيد طالع شيخه ورد وقف وطلع برا الصاله وهو يتكلم مع سيف.. شواخ انتبهت :بسم الله..شو فيه طالعني؟ فاطمه بمكر:يمكن حد خطبج شواخ صدقت:والله.؟ صدق؟ فاطمه:ههههههههههههههه ام عبيد تقوم عنهن:بروح اشوف هالبشكاره(الخدامه)تعبت من كثر ما اقولها سنعي المستودع وهيه حاقرتني تمشي ام عبيد صوب المطبخ بعد ما حطت عباتها على الكرسي اللي كانت يالسه عليه.. وشواخ مصدق كلام فاطمه:فطوم..الحين صدق ؟ فاطمه:هههههه اسولف وياج بلاج صدقتي!!!! شواخ:هه هههه ههه ما ينعرف صدقج من غشمرتج انتي ............. ام فهد يت من عند اختها ام فاطمه بعد صلاة العشى.دخلت البيت وما لقت ميثه لانها كانت بقسمها فوق...يلست فالصاله وحطت عباتها جنبها..دخل بو فهد وسلم وام فهد ردت السلام ويلس بو فهد جنبها:توج يايه؟ ام فهد:هيه توني بو فهد:عيل من يابج؟سيارة فهد مب خاري(برا) ام فهد:دريول اختيه يايبني فهد عقني عندها وسار.وينك انت اليوم من سرت للعزبه ما رديت بو فهد:سرت صوب بو سالم غانم يارنا ام فهد:هييه هيه عرفته بو فهد:بيسفرونه باجر عياله وسرت اسلم عليه ام فهد:ويدي شو فيه؟(ويدي= مثل كلمه تنقال يوم تتفاجاء تقريبا *ـ* بو فهد :تعبان اوين دوم ظهره يعوره شي عنده فالفقرات سوات الظهر ام فهد:الله يشفيه ان شاء الله بو فهد يتلفت:عيل وين ميثه؟ ام فهد:يمكن فوق انا توني يايه ما شفتها بو فهد يوقف:حطوا العشى يوعان ام فهد:ان شاء الله الحين بنزهب لك العشى يمشي بو فهد صوب الغرفه/ولا تنسين تحطين زيتون اخضر ام فهد ابتسمت/ههه انشالله انروم ما نحطه نحن!!بطوشبننا من ورا اليدار(بتفرنا ورا يدار البيت يعني بتروغنا) بو فهد يلف براسه:انا؟؟؟اثوّر بعمري قبل ما اسويها ام فهد:هههه ميثه ع الدري ومبتسمه:السلام عليكم ام فهد:وعليج السلام بو فهد وقف يوم شافها ":وعليج السلام ميثه:احط لك العشى عمي؟ بو فهد:انتي بتحطينه لي؟ ميثه وصلت تحت ومبتسمه:اكييييييد.ما يبالها حجي..والا انتا شاك اني ما اعرف اسوي لك عشى؟ بو فهد:لا والله عيل عشايه اليوم عليج ميثه:فــــــالك طيب ام فهد:بو فهد!!يالله بالستر..عروس وبتخليها اتسوي لك عشى؟ ميثه:هه عموه عادي وانتي توج يايه يلسي واستريحي وانا بسوي لكم عشى من ايديه ام فهد :بس ميثه:لالالا لا بس ولا شي انا بعدله وانتي يلسي ويا عمي وتمشي ميثه للمطبخ وام فهد وبو فهد مبتسمين بو فهد:الله يحفظها ويسلمها من الشر اسميها حرمه والنعم فيها ام فهد مسكت عباتها ومشت صوب بو فهد:امين ان شاء الله ودخلوا الغرفه بو فهد دخل الحمام(اكرمكم الله)وام فهد حطت عباتها وطلعت تساعد ميثه اللي غصب وافقت ان ام فهد اتساعدها..وسون عشى خفايف بس ماشالله كل شي حاطت ميثه وما نسوا الزيتون الاخضر طبعا..وحطوا العشى فالصاله على الارض وكلوا وسولفوا لين الساعه عشر بالليل سوالف وضحك.. .. نوره:وينك؟ فهد:ياي الحين نوره:خازت الرجفه من يدينك؟ فهد:هيه..اما انا دواء امج هذا عجيب..وين مسويتنه؟ نوره:مجرد اعشاب اتسويهن بروحا فهد:يازين عمتيه ماشاءالله عليها تعرف فهالامور وايد نوره:طبعا..اقول..بغيت شوي فلوس فهد:حاظر ومن عيوني نوره:تسلم عيونك حبيبي. فهد:يالله واصل انا الحين بيج نوره:اوك حبيبي توصل بالسلامه فهد:الله يسلمج .. نوره بعد ما سكر عنها فهد وبابتسامه خبيثه تشوف دبة الماي اللي جدامها وتمسكها.:خل اجربه اليوم...وبشوف سوايا امايه اذا بتفيد..ههههه..قالوا شوه؟..يبون عيال..همم بالمشمش.اذا هالعيال مو مني مستحيل يكونون من غيري..وحتى وانا ما ايب عيال.(تطالع دبة الماي:وهذا اللي بيخلي فهد ما يلمس ميثه صدق مثل ما انا ابي.. تسرح نوره بافكارها الشيطانيه...وما انتبهت لفهد اللي دخل البيت ويلس جنبها.... فهد:!!!!!نوره!!! نوره انتبهت:بسم الله..متى يت؟ فهد:ههههههههه توني بلاج سرحانه وماسكه هالدبه؟؟ نوره:هههه ..هذا...هذا دواء مطرشتنه امايه للرجفه فهد يتناول الدبه من يدينها:غير عن القبلي؟؟؟مو مثله؟ نوره:لا...هذاك كانت حرمه اتسويه..س هذا امايه مسويتنه فهد:اهاا..يوم ترد لي الرجفه فيديني بشرب منه نوره تقوم تيلس جنبه:اممم لا ..هذا غير شوي.. فهد:كيف يعني غير نوره:اشرب منه شوي الحين فهد:الحين.ّ.ّّ.ّ؟ّبس ما فيني رجفه نوره:علشان ما ترد لك..اشرب شوي(تفتح الدبه وتخليه يشرب شوي وفهد موسع عيونه ويرفع براسه ما يبي يكمل ونوره تنزل الدبه وتغطيها وتحطها على الطاوله:فهودي فهد:هممم(يمسح على ثمه نوره:اقول فهد فهد:قولي نوره:اممم انا فكرت..ووو ممم قلت يعني..اممممم فهد:ّّ!شوه..؟ نوره:امممم يعني مشان موضوع ميثه فهد:اي موضوع؟ نوره:اقصد ..اني تنازلت عن الشرط فهد:اي شرط؟ نوره:شرط انك ما تلمسها..حرام,.,..يعني انا متنازله..خلاص حاسه بالذنب من هالشرط.. فهد وسع عيونه:يعني تتنازلين عنه؟ نوره:هيه هيه متنازله..وعشان اثبت لك اني احبك..روح حبيبي نام عندها ما عندي مشكله يالله قوم نوره توقف تمسكه من ذراعه تقومه وفهد مستغرب من تصرفها فهد:نوره انتي تتكلمين جد؟؟ نوره:هيه حبيبي ويالله سر لها والله حاسه بالذنب دخيلك روح شوف الساعه كم الحين .؟يالله روووح فهد يمشي ونوره ماسكه بذراعه توصله للباب فهد:لحظه لحظه انزين بقولج شي نوره توقف:امر فهد:باجر ..باجر بنسير الامارات الشماليه نوره قطعته:روح حبيبي وغيروا جو وانبسطوا فهد موسع عيونه ويحط كفه على يبهتها:نوره انتي مريضه؟ نوره تشيل يده:لا مو مريضه اقولك حاسه بالذنب وميثه عروس بعد حرام تيلس المسكينه فالبيت لازم تحوطهاشوي وتغير جو..(تمشي للدبه وتعطيها فهد:قبل ما تنام اشرب شوي..وباجر شوي..لا تخلصهاا كلها اليوم..خلها تكفيك لين ترجعون..وانا بكون مزهبه لك غيرها فهد:انزين ليش عاد؟؟الرجفه ما يتني نوره:هاي عشان ما ترد مره ثايه ابد فهد يمسك الدبه:امري لله هاتي نوره مبسمه:تفضل. فهد:يالله شي فخاطرج؟ نوره:سلامت عمرك يا ربي فهد:يالله تصبحين على خير نوره:وانت من اهله فهد:قفلي الباب زين نوره:ان شاء الله ويطلع فهد ونوره تقفل الباب وراه وبابتسامه خبيثه:هههه مبرووك يا عروسسس..مبروك يا ميثوووه هههههههههههه ... ميثه نايمه على السرير وتفكر ليش فهد لين الحين ما يا:يمكن سار ويا ربيعه مكان؟او يمكن عند نوره!يمكن..اممم قطع حبل افكارها دخول فهد الغرفه...يلست ميثه على السرير وفهد مشى لغرفة الملابس..ميثه استغرب لانه لمحها ودخل ولا سلم... بعد شوي نزلت من السرير وكانت لابسه بيجامه عادي لونها رمادي وعليه خطوط ورسمات لون اصفر. بنطلون وقميص كم طويل(من بعد اول ليله والفشله ) وسافه شعرها كامل(مجدول) مشت صوب غرفة الملابس وشافت فهد حاط كندورته وغترته على الكرسي وفانيلته رامنها على الارض..وشكله يتسبح من صوت الدوش اللي ينسمع...مسكت الملابس وعلقتن بالشماعه طلع فهد لاف الفوطه على خصره والماي ينزل من شعره ويقطر على كتفه العريض.ميثه احمرت خدودها وطلعت ابسرعه ما توقعت انه بيطلع بهالسرعه...فهد لبس بجامته ومشى للغرفه وكانت ميثه يالسه على السرير وملحفه ريولها وتسوي نفسها مشغوله بتلفونها .. فهد مرتبك..ما يدري يتقرب منها وايلس عندها لو يروح الصاله وبلا احراج..انا قايل لها كلام ما اباج وما ابا اتزوجج وكل واحد فصوب والحين انا اللي ارد بكلامي..! ما عارف شو يسوي..ميثه لاحظت وقوف فهد جنب التسريحه واستغربت ليش لين الحين ما طلع... ميثه:ايب لك لحافك؟ فهد ما كان عارف كيف يبداء بالموضوع فيوم تكلمت ارتاح:لا ما اريد..امممم ظهري يعورني من الكنبه ميثه:!!!!!! فهد بجراءه منه راح لعندها ويلس جنبها وميثه استغربت وارتبكت ما عرفت شو اتسوي..تقرب فهد اكثر وميثه لصقت بظهرها على ورا تبتعد عنه وفهد تقرب وباسها على خدها ميثه جمدت مكانها .. ورجع فهد باسها على شفتها وميثه غمضت عيونها بقو. ... بعد ثواني بسيطه>>......*ـ* فهد نقز من السرير وركض للحمام ابسرعه.. ميثه قامت ابسرعه ومستغربه:شو فيه؟؟ نزلت من السرير وراحت لغرفة الملابس وتقربت من الحمام :فهد!..شي يعورك؟؟فيك شي؟؟ صوت فهد من داخل الحمام شكله يستفرغ... ميثه:فهد....فهد رد عليه شي يعورك؟ فهد:....................... ميثه:بسير ازجر عموه فهد:لا...لا تزجرينها..ما فيه شي ميثه:عيل شو فيك؟ فهد سحب السيفون وغطى التواليت ويلس عليه ماسك راسه بيدينه الثنتين..وحط يده وحده على صدره:ليش جبدي لايعه؟؟اوفف ما كلت شي على العشى..اوووهه وقف وطلع ولقى ميثه واقفه جدامه:فهد شو يعورك؟ فهد فتح عيونه وسكرهن..ورجع فتحهن:لا ماشي..ما فيني شي.. تقرب منها ومسك يدها ومشوا للغرفه..مسكها ويلسها على السرير ويلس جنبها ووبعده ماسك يدها... ميثه:شي يعورك؟ فهد:لا لا ماشي قرب فهد راسه منها وباسها على خدها.. ميثه استحت بس حاسه ان فهد فيه شي.. فهد تقرب اكثر وتوه بيبوسها مره ثانيه حس بلوعه ورجع راسه ميثه:فهد فيك شي؟؟مريض؟ فهد فتح يدها.ووقف عطاها ظهره. ميثه وقفت .. فهد لف عليها وشكل عيونه حمر... ميثه اقشعر شعر جسمها.. فهد مسكها من يدها بقو:سمعي.. ميثه:بسم الله الرحمن الرحيم فهد شو فيك؟تباني اقرا عليك شوي؟ فهد حط يدينه على اذونه بسرعه:لا.. شكل فهد نجلب واحد ثاني وميثه بدت تخاف يتقرب منها وعيونه بدت تحمر وميثه طاح قلبها فبطنها من الخوف.تقرب وتقرب ...مسك المخده اللي وراها وطلع من الغرفه مخلي وراه ميثه اللي شكلها متصنمه من الخوف حطت يدينها الثنتين على صدرها تحس بقلبها اللي بيطلع من مكانه ... يلست على السرير وتحاول تفكر ليش تغير فجأه!؟...... ..... فالصاله فهد منسدح على القنفه وشكله عرقان ...يلس مكانه وكأنه كان بيقوم بس غير رايه...رجع انسدح مره ثانيه...ورجع يلس ومسح على شعره..مسك علبة الكلينكس واخذ منها شوي ورجعها ومسح على يبهته و ويهه (جبهته و وجهه)دقيقه تتبع دقيقه..وساعه تتبع ساعه....وفهد مره يالس ومره منسدح...ما قادر ينام...شاف دبة الماي اللي عاطتنه نوره موجوده على الطاوله الجانبيه...قام من مكانه وسار عندها وفتحها..وتردد يشرب شوي لو لا!؟ بعدين سكرها بدون ما يشرب...وتوه بيرجع للقنفه مره ثانيه فكر يشوف ميثه..تقرب وفتح باب الغرفه بشوي شوي..وتقرب من السرير ..شاف ميثه منكمشه على نفسها ونايمه مثل البيبي...ارتسمت ابتسامه خفيفه على شفايفه مسك اللحاف ووصله لين كتفها...تقرب وباسها على راسها..يا نظره على ايدين ميثه الي وكأنها لامه شي او مخبيه شي...مد ايدينه شوي..بحركه خفيفه وبطيئه عشان ما تحس به ميثه..بس ميثه تحركت شوي وطلع ألبوم صغير وشكله قديم..مسكه فهد وطلع للصاله..يلس ع القنفه ويطالع شكل الالبوم الخارجي..وتردد يفتحه لو لا..هذا شي خاص المفروض ما اتدخل..انزين بخذ لمحه بسيطه.. فتح اول صفحه..وشاف صوره لميثه ايام الطفوله..بيبي عمرها سنتين ودبدووووبه ويالسه على الارض وماسكه عروسه بلاستيكيه صغغيره.. فهد:ههههه من هاي؟؟هههه شكلها كيوت وشاف الصوره المقابله ..ولد عمره 5 سنين ونفس البنوته وماسكها من يدها والبنوته مستحيه.. وكل مره يقلب صفحات الالبوم وكل مره تبين ملامح البنت كان فكل صوره شكل البنت اكبر من اللي قبلها...وتتكرر صورة الولد وياها.. :فهد:يمكن هذا اخوها علي؟..لا لا لا علي صغيرون وهذا كبير...بس شكله يشبها...يمكن اخوها؟..وقبل اخر صفحتين فصوره ميثه يالسه على الكرسي ومن وراها خالها سلطان ماسكها من كتوفها ومنزل راسه جنب راسها..وميثه مبتسمه.. فهد حس بغيره من الصوره...مع انه ما يعرف هذا منوه وليش لازق فيها! وليش اصلا حاس بالغيره من صوره..بس الصوره هذي شكلها قريب مصورينها فهد عقد حواجبه:لايكون هذا ريلها القبلي؟؟؟؟؟؟؟؟؟؟ بداء الشيطان يلعب بعقل فهد:ليش محتفظه بصورته؟ليش ما حرقتها؟كانت تحبه؟اكيد كانت تحبه ومب قادره تنساه...ولا بعد نايمه وحاطه صوره بحضنها..سكر الالبوم بعصبيه...وحطه ع الطاوله...ومسح على راسه.:ليش ما تخلصت من صوره؟ شاف الساعه بيده..(4:46)رد مسك الالبوم وقام بيرجعه..بس طاحت صوره صغيره وقديمه..مسكها ومركز فيها...بدت شوي شوي الذاكره ترجع له.........ووسع بعيونه.منصدم............... ................... نرجع شوي 15 سنه ورا.............. ... قبل 15 سنه بو فهد قبل ما يبني الفله اللي ساكنينها الحين كان عندهم بيت شعبي..وكانوا يبون يصينون بيتهم فتحولوا من بيتهم وسكنوا بحارة **** وجاوروا بو ميثه 3 شهور لين تخلص فلتهم...فهد كان ثانويه عامه..الصبح ماسك كتبه وكان يمشي صوب المدرسه اللي كانت باخر الشارع مو بعيده...وميثه كانت صف الرابع الابتدائي..توها طالعه من البيت الصبح بأول يوم بالمدرسه..ميثه تركض مبتسمه ودروازة البيت مفتوحه كامل(باب البيت الكبير)فهد شافها وابتسم ميثه وقفت مكانها:منوه انته؟ فهد:انا؟؟ ميثه:هيه انته؟ليش واقف عدال بيتنا؟ فهد:هذا بيتكم؟ ميثه:هيه بيتنا..بخبر الشرطه تراني فهد:هههههههه الشرطه مره وحده؟؟؟ ميثه ابتسمت:هيه. فهد ياشر بيده:هذا بيتنا ميثه تشوف بيتهم:هيه شفناكم امس فهد:انتي شو اسمج؟ ميثه:عيب.. فهد وسع عيونه وضحك:هههههههههههههههههههه� �هه ميثه تتكركر وياه:خخخخخخخ فهد:باي يا شطوره ميثه:باي باي ...مشى فهد وهوه يضحك على اسلوب ميثه الطفولي والبريء بو ميثه:من تكلمين؟ ميثه لفت ورا:ولد يرانا كان ساير المدرسه بو ميثه يتقرب ويحط يده على كتفها:يالله امايه بوصلج لا تتأخرين يمشي بو فهد وميثه وياه للسياره .................. ........ يرجع فهد للواقع..يهز راسه وكأنه مو مصدق...ويرجع على الكرسي ويلس يتفحص الصوره مره ثانيه....بشكل سريع فهذ:هذي .....,هذي.......هذيلا كلهن...معقوله.؟....بس...كيف؟. معقوله هيه نفسها ميثاني؟(كان يدلعها ميثاني)معقوله تكون ميثاني؟... ... يرجع يشوف نفس الصوره ميثه واقفه وجنبها فهد يالس على ركبته وعلي عمره 3 سنوات وماسك يد ميثه وميثه شكلها زعلانه ومبوزه.. رجع بذاكرته يتذكر هالصوره...فحديقة بيت بو فهد.. ميثه:ماابا ما ابا.. فهد شايل علي اخو ميثه :تعالي بنصور كلنا مع بعض ميثه:ما ارييييييييييييد..نزله ما اريده يصور ويايه فهد:ميثاني حبيبتي هذا اخوج.. ميثه:ما احبه هالدوب..نزله فهد:ههههههه حرام عليج ..ههههه تعالي تعالي ميثه زعلانه:ما اريد...نزله..ابا اصور وياك بروحنا..كل الصور خربها علاوي فهد:بس هذي اخر مره نزل شوي فهد ووقف علي ومسكها من يدها وقربها:تعالي ميثاني تراني بزعل عليج ميثه تتقرب وبزعل... فهد:هههه اخر صوره بس.. ميثه:وحده بس فهد:هيه وحده. يتقربون من بعض وعلي مسك يد ميثه وميثه معصبه وزعلانه فهد:مستعدين؟ ميثه:.............. ركض فهد للكاميرا ضغط على الفص ورجع يركض ويلس وراهم ولام عليهم وميثه بعدها بزعلها من علي... ............رجع فهد للواقع ومبتسم:ايام...هههههه يحليلج يا ميثاني..والله كبرتي وصرتي قمر.. .وقف فهد وحاس انه بيطير من الفرحه...ميثاني بذاك الزمن كانت البسمه اللي دشت قلب فهد.....عاش احلى 3 شهور جنب بيتهم...مع ان فارق السن الكبير امبينهم بس فهد كان من يشوفها يسمع دقات قلبه بوضوح...وميثه من كثر ما تعلقت فيهم كانت دايم تروح عندهم وتاكل البثيثه اللي اتسويها ام فهد..يا سبحان الله...ما كان متصور انه بيلتقي بميثه بعد ما انتقولوا من الحاره.... .رجع فهد الصوره مكانها:فديتج يا ميثاني بعدج محافظه ع الصور؟ (حس بنفسه يوم قال فديتج!!!!!! فهد:هههه اخخخ يا ميثاني ..ياربي هيه عرفتني؟..ليش ما قالت لي؟..يمكن ما عرفتني...لا لا لا انعرف من صوريه ما تغيرت وايد..اكيد تعرف بس ما قالت.. مسك الالبوم وراح للغرفه وما لقى ميثه على السرير..يارب ما تلاحظ اني شليت الالبوم...رجعه بسرعه على السرير وحط اللحاف عليه وطلع من الغرفه لان صوت بابب الحمام انفتح... ميثه لبست حجاب الصلاه وصلت ركعتين قبل أذان الفجر..وطلعت من الغرفه وشافت فهد نايم على القنفه...خافت تتقرب منه وتوعيه..رجعت للغرفه..يلست على سيادتها(سجادة الصلاه)مسكت مصحفها وبدت تقراء شوي.. فهد ما كان نايم...يلس مكانه....قام لغرشة الماي اللي عطته نوره.حاس انه عطشان..فتحها,,توه بيحطها بثمه باب الغرفه انفتح ... نهاية البارت السابع....انتظروني^ـ^ | ||||||||
|
|
|
09-03-14, 04:01 PM
| #15 | ||||
| نجم روايتي وفراشة الروايات المنقولة 
| السلام عليكم ورحمة الله وبركاته تسلمين يالغلا وين التكمله. تراني انشديت للروايه ابي اشوف شنو راح يصير بنوره. النسره ههههههههههه لاتطولين علينا. تقبلي مروري يالغلا ام السوس | ||||
|
|
|
10-03-14, 02:15 AM
| #18 | |||||||||
| مراقبة عامة ومشرفة منتدى الروايات المنقولة
| اقتباس:
وعليكم السلام ورحمة الله وبركاته والله يسلمك أم السوس منوره يالغاليه إن شاء الله ما تطول الكاتبه على حسب كلامها غدا فيه بارت جديد ولا يهمك أول ماتنزل الكاتبه البارت راح إنقله لكم إن شاء الله شكرا على المشاركه يعطيك العافيه | |||||||||
|
|
|
10-03-14, 10:04 PM
| #19 | ||||||||
| مراقبة عامة ومشرفة منتدى الروايات المنقولة
| البـــــــــــارت الثامـــــــــــــن..... ميثه لبست حجاب الصلاه وصلت ركعتين قبل أذان الفجر..وطلعت من الغرفه وشافت فهد نايم على القنفه...خافت تتقرب منه وتوعيه..رجعت للغرفه..يلست على سيادتها(سجادة الصلاه)مسكت مصحفها وبدت تقراء شوي.. فهد ما كان نايم...يلس مكانه....قام لغرشة الماي اللي عطته نوره.حاس انه عطشان..فتحها,,توه بيحطها بثمه باب الغرفه انفتح ... غطى فهد الدبه بدون ما يشرب..وكأنه في حلم ان ميثاني جدامه.. حست بقلبها وجسمها يرتجف..خافت منه...كانت تحسبه نايم..رجعت ابسرعه للغرفه... فهد حس انها خايفه بس ما يعرف السبب!!:"شو فيها؟ حط الدبه على الطاوله ودق على باب الغرفه ودخل:ميثه ميثه كانت بغرفة الملابس... مشى فهد لغرفة الملابس وشافها قاعده بالكرسي الكبير.. فهد:ميثه ميثه رفعت راسها وماسكه اصابعها بتوتر:نعم فهد:شو موعيج الحين؟شي يعورج؟ ميثه:لا..ما يعورني شي..امبوني متعوده انش قبل الصلاه فهد يلس جنبها..ميثه توترت اكثر... فهد مسك يدها:اقول ميثه ميثه سحبت يدها من يده:قول فهد رجع مسك يدها:شو..امم...شو صار البارحه؟ ميثه:!!!!!!!!!!!!!!!!!!!!!شو؟؟؟!! فهد:اممم...بصراحه...مو قادر اتذكر..شو صار البارح؟ ميثه:انت تشرب؟ فهد وسع عيونه:لا..ههههه ليش؟شو هالسؤال الغريب ؟هههه ميثه:عيل كيف ما تتذكر شو صار؟ فهد:ما ادري..امممم اقصد..يعني.....صار شي بيني وبينج؟ ميثه:شي مثل شوه؟ فهد:يعني...اقصد انا كنت ناوي انام وياج بس ما دريت بعمري غير وانا فالصاله..شو السالفه؟ ميثه:!!؟..وتسألني انا ش والسالفه؟شو دراني. فهد:انزين انتي ليش معصبه؟ ميثه:انا مو معصبه فهد:لا معصبه ونص ميثه:غصب؟ فهد:تنعرفين من شكلج وكلامج انج معصبه ميثه توقف:يا اخي مو معصبه فهد وقف:الا معصبه ميثه:يا ربي شو هااااااا فهد:انتي ليش تتكلمين ويايه جيه؟ ميثه:بس انا ما قلت شي ليش تبا تسوي مشاكل انته؟ فهد:انا اللي اسوي مشاكل والا انتي اللي ماغطه البوز شبرين؟ ميثه:فهد شو فيك؟شو تقول انته؟ فهد:ما اقول شي..تزهبي الحين بنسير ميثه:اصبحنا واصبح الملك لله...الحين؟؟؟ فهد:هيه الحين ميثه:ياخوك حتى صلاه الفجر بعدها شو عايلنك؟؟؟حد يركض وراك؟ (صار اسلوبهم اوبن ما كأنهم معاريس وكأنهم من سنين ومنين عايشين مع بعض) فهد:هيه حد يركض وورايه.والا اقولج ماشي سيره ميثه بتكبر:يكون احسن فهد:والا عناد...الحين بنسير... ميثه:تعاند من؟؟انا؟؟؟اموري طيبه وشنطتي اكيه جاهزه.. فهد حاس بقهر لذيذ منها يبي يخليها تتنرفز مثل قبل بس ميثه تغيرت صارت اهدى من قبل . فهد بعصبيه:ميثوه!!.!. ميثه شهقت وضرب بيدها على صدرها :ميثوووهه!!!اصغر عيالك انا؟ فهد يته على الجرح..العيال...العيال اللي من خذ نوره يترياهم والله ما كتب له...ما يبي يجرح نوره او بالاحرا في شي ينمعه انه يخلي نوره متضايقه... فهد تغيرت ملامح ويهه:خلاص زين...انا بتسبح الحين وبنزل تحت...من تجهزين انحدري ميثه حست بتغيره:زين تسبح فهد وبدل ملابسه ونزل وميثه تسبحت من بعده وتكشخت لبست موديل ضيق من فوق لين تحت الصدر ويتوسع لين تحت ولونه ابيض وعليه ورد احمر وورق اخضر كبار على طول الموديل وعليه حزام احمر وحطت روج احمر وتكحلت وحطت شيلتها الشيفون على راسها وتعطرت شكلها جنان وتهبل.. الساعه الحين 6 الصبح ......... نزلت ما لقت حد بالصاله..وراحت للمطبخ وما لقت حد...ورجعت ويلست بالصاله... فهد فتح باب الصاله وشافها:تعالي بنفطر خاري(برا)ميثه وقفت وابتسمت ومشت صوب فهد اللي ابتسم يوم شافها فهد:/وليش مبتسمه ست ميثه؟ ميثه طارت الابتسامه:ليش؟حاسدني؟ فهد رافع حواجبه:لا طبعا وليش احسدج(يرفع ايدينه و يبعد نفسه عن دربها:تفظلي طال عمرج ميثه مستغربه تصرفات فهد..مره حليو وطيب ومره ينقلب ويهه.بمكن مب صاحي هالريال ميثه تمشي قدامه وفهد يمسكها من كتفها قبل ما تطلع من باب الصاله..ولفت ميثه عليه وباسها على خدها وانصبغت ميثه من المستحى ووقفت مكانها وفهد ضحك وطلع قدامها.. ميثه حطت يدها على خدها وابتسمت ابتسامه خفيفه وطلعت وراه...........وشافت بو فهد وام فهد مجهزين الفطور وفارشين الحصيره ويالسن تحت الشجره الكبيره..والجو خيااااااااااااال بو فهد:حي الله بالميث حي الله بالزين ميثه استحت:صبحكم الله بالخير ام فهد وبو فهد مبتسمين: صباح النور. تقربت ميثه وباست راس عمها وعمتها.. فهد يلس وعلى باله ان ميثه بتيلس جنبه بس ميثه بعد ما حبيت راس عمها يلست عداله. فهد انقهر شوي توني ابوسها والحين يلست بعيد عني..انزين بعدج يلسي عدالي دام البارح ما صار شي ..هني عليه بو فهد:ماشالله ماشالله ميثه استحت ومسكت كوب الجاهي وصبت لعمها من المدلاه:تفضل عمي بو فهد:يزيد فضلج يا حلاة اليوم دام بنصبح بهالويوه الطيبه فديتج ام فهد عطيني الزيتون من جدامج ام فهد مبتسمه وتتناول صحن الزيتون وتعطيه ميثه ام فهد:ماشالله لسانك عسل اليوم بو فهد بو فهد يتناول الصحن عن ميثه:امبوني ومن يوم يومي لساني عسل وسكر وقشطه ميثه:هههه ماشاءالله عليك عمي فهد يطالع ميثه اللي مسويه له طاف..... ام فهد:فهد ابويه بلاك؟ فهد:ماشي..بس اتريا ست الحسن والجمال اتصب لي شاهي ميثه استحت من القفطه... بو فهد:صب لك بروحك اكيه المدلاه عدالك ميثه.....تمسك المدلاه واتصب كوب لفهد:تفضل فهد غمز لها:يزيد فضلج ميثه انصبغت.. ام فهد:متى بتسيرون؟ فهد:الحين بعد ما نتريق بو فهد:بتبطون؟ فهد:يومين بو فهد يقص خبزه ويحط فيها بيض ويناولها ام فهد:سمي يالغاليه ام فهد تتناول الخبزه عنه:يعلني ما اعدمك يالغالي .. ميثه استحت من عمها وعمتها يتغزلون ببعض جدامها وهيه يالسه امبينهم ..قامت من مكانها بو فهد:افا..وين تبين؟ ميثه تقوم وتيلس جنب فهد:بخليكم على راحتكم بو فهد:راحتنا بكم يالغاليه..اخر مره تقومين من عدالي ميثه:انشالله عمي فهد اصلا كشخ يوم يلست جنبه.. فهد يقلد حركة ابوه ويقص لها خبزه ويحط فيها جبن:تفضلي بو فهد:لا تقلد.. الكل ما عدا فهد :ههههههههههههه فهد:ابويه ما اقلدك..خاطريه أللقم حرمتيه بو فهد بنص عين:عقب شوه؟الحين؟خلاص يعتبر تقليد ميثه ما حبت تحرج فهد ومسكت الخبزه من يده بتاكلها بس فهد مسكها وحطها بثمها وميثه انحرجت وكلتها وبوفهد طالعه بنص عين:....... وفهد رد يطالع ابوه بنص عين:... (بو فهد قلبه ارتاح من زمان ما شاف فهد يتصرف بهالطريقه..كان دوم معصب ويعلي صوته احيانا عليهم..بس نغير وايد مع انه توه ماخذ ميثه بس تغير شي ف فهد) ام فهد:ويدي بلاكم..تريقوا تريقوا وراكم درب فهد يبتسم لميثه ويتريقون وبو فهد مره سوالف ومره يتريق..نص ساعه وطلعوا فهد وميثه يتزهبون بيسيرون كشته(رحله) فبيت بو عبيد عبيد وفاطمه وام عبيد وشواخ بيسيرون البر يومين..وام عبيد واقفه بين الاغراض اللي بيشلونهن وتشيك عليهن بالصاله...يتها فاطمه وحطت طاسه مغطايه(مكبه) ام عبيد:وهاي شو فيها؟ فاطمه:هذي فيها الريوق ام عبيد:زين..امممم عيل شو باقي؟ فاطمه:ماشي باقي عموه كله موجود ام عبيد:ان شاء الله ما يكون نسينا شي فاطمه تشيك على الاغراض:خل اشوف شوي.. ام عبيد:عيل وينها شواخ؟ شواخ تنزل وماسكه شنطتها عبيد يفتح باب الصاله:هاه زاهبين؟ شواخ بصوت عالي من الدري:تعال شل شنطتيه عني عبيد وسع عيونه:خيـــــــــــــــــ� �بــــــــــــــــــه ام عبيد تلف اتشوف شواخ:بسم الله..ليش هالكبر؟؟ فاطمه:شواخ؟؟حد قالج بنسافر؟؟كلها يومين!! شواخ وصلت تحت ونزلت شنطتها اللي تقول بتسافر شهر من كبرها شواخ:والله ما اسير بلا غريضاتي كل شي حاطتنه عبيد:ياخوج شنطتج بروحها بتزاحم الاغراض..ما يحتاي هالكبر شواخ:ياخي وانت شلك؟ لو ما معتازتنه ما بشله ام عبيد:امشوا امشوا ما نبا نوصل القايله فاطمه:عموه البشكاره وينها؟ عبيد:البشكاره وصلتها عند خالوه يالله مشينا يشيل شنطه ويطلع بها برا وتتبعه فاطمه شواخ:وانا من بيشل شنطتيه؟!! ام عبيد تمسك شنطتها الصغيره :وحد قالج يايبه هالكبر؟؟محد بيشلها غيرج يالله تحركي وطلعت ام عبيد شواخ تسحب شنطتها وشكلها متلعوزه ............ في الطريق الى الشارقه..... ميثه ماسكه تلفونها وترسل لشواخ مسج ميثه(يا حاظكم) شواخ(خخخ محد قالج..لو تون عندنا احسن) ميثه(مره ثانيه ان شاء الله) شواخ(وين واصلين؟) ميثه(بعدنا شوي) فهد يطالعها بنص عين..ما تكلمه ولا شي وهوه استمل..وفوق هذا لاهيه بتلفونها..من تكلم طول هالوقت..:ميثه ميثه ويدينها على تلفونها:همم فهد:قولي نعم مب هممممم ميثه:نعم شبغيت؟ فهد:ماشي..صبي لي قهوه راسي عورني ميثه تمسك المدلاه واتصب له فنجان:تفضل فهد يمسكه :مشكوره بس شو ها؟ليش صابه فالقاع؟زيدي شوي ميثه بنص عين:انت اتسوق تباه ينجب عليك؟ فهد:عادي متعود صبي صبي بعج ميثه:تراك بتحرق عمرك فهد:اقولج صبي ما اداني الحرمه يوم ترغي وايد(تحجي وايد) ميثه وسعت عيونها امبونها بترد بس سكتت وصبت له الفنجان متروس فهد:بس بس بس بس ..انتي يا دحق يا محق!!(مثل شعبي) ميثه سكرت المدلاه زين وردتها جدامها ومسكت تلفونها تراسل شواخ ولا كلمته. وفهد يشرب شوي ويطالعها شوي..وعينه على الدرب.>>ما ادري كيف يسوقون وهم بهالحاله!!!لا واحيانا يتكلم بالتلفون بعد..كله جميع!! فهد:اقول ميثه ميثه:همممم. فهد:قلنالج قولي نعم ميثه:نعم نعم فهد:اممم..عندي سؤال ميثه :اسأل شو بغيت؟ فهد:والا اقول..لا خلاص انسي ميثه:زين فهد(يبردها..انا لو حد قالي جذيه بموت ان ما عرفت..):ما تبين تعرفين؟ ميثه:اعرف شوه؟ فهد:اللي بقوله لج ميثه:اذا تبا تقول شي قول واذا ما تبا برايك. فهد(صدق هالانسانه بارده):خلاص عيل ما بقول ميثه(شوفيه هالريال؟؟ما فهمت منه شي..مره بقول ومره لا..انزين شو يبا..بموت ان ما عرفت..بس مب قايله..اموت ولا اقوله خبرني) وببرود قالت له:ع راحتك فهد:لا بقول>>ما قدر يتحمل ميثه:زين ..تفضل فهد(بخليها بروحها تقول خبرني):نسيت اتصدقين! ميثه(!!! بلاه؟!!!)زين يوم تتذكر وبغيت تقول..قولي فهد ما قدر يتحمل:تراج ترفعين الضغط ميثه: بس انا ما قلت شي فهد:عيل ليش من الصبح مسويتلي طاف وما تكلميني؟ ميثه(اهاااااا الحين فهمت,.....يبا حد يرمسه..ههههه ):بس انت ما فتحت موضوع علشان اتكلم وياك فيه فهد:عيل من الصبح من تراسلين؟كملتي ساعه وانتي وماسكه هالتلفون. ميثه:اكلم بنت خالتيه.ليش؟في مانع؟ فهد:لا بس..على الاقل عبريني شوي ميثه حطت تلفونها فالشنطه:وها التلفون ورديته..تفضل عن شوه بغيت تتكلم؟ فهد:كلميني عنج شوي ميثه استغربت:عني؟ فهد:هيه..اقصد..يعني شو تشتغلين مثلا؟ ميثه:اشتغل فالبلديه. فهد:اوه..ماشالله..وشو بعد؟ ميثه:ماشي! شو بيكون يعني..اداوم من الساعه 7 الصبح لين 2 الظهر فهد:مب وايد؟ ميثه:لا عادي تعودت على الدوام..وانت؟ فهد:انا اشتغل فشركة البترول.. ميثه:مهندس؟ فهد:لا مو مهندس..اداري ميثه:هيه. فهد:عيل يوم تنتهي الاجازه من بيوصلج؟انا دوامي يبدا الساعه 7 بعد؟جان بس نجدم شوي ميثه:لا عادي ما يحتاي انا بروحي اسوق فهد وسع بعيونه :شوه؟؟؟؟؟؟؟؟؟؟ اتسوقين؟؟؟؟؟؟؟؟ ميثه:!!!هيه! شو فيها!! فهد:اه؟ لا بس...ما توقعت..محد قالي.. ميثه:وها انت دريت. فهد:وعندج سياره بعد؟ ميثه:هيه عندي.. فهد موسعه عيونه مب مصدق انها اتسوق:لااا اكيد تمزحين ويايه ميثه:بسم الله..وليش امزح؟صدق والله..اسوق وعندي سياره..واداوم بسيارتي وارجع بها!!! فهد:تتكلمين جد انتي؟ ميثه:هيه طبعا اذا مب مصدق اسأل عمتيه وهيه بتقول لك فهد رجع بذاكرته لورا........................... العصر...وعند العرقوب(الرمله) ..فهد موقف الكروزر على العرقوب...وفاتح باب الكروزر ويالس على النقى(الرمله اللي فيها شوية ماي من اثر المطر)ويلعب باصابعه على النقى..والسماء ملبده بالغيوم....ومبتسم ابتسامه خفيفه....ما انتبه لميثاني اللي تربع صوبه..الكل يوم ينزل المطر يطلعون للعزب ويروحون للرمله ويستانسون فالاجواء الجميله..... ميثاني عرفت كروزر فهد وربعت عنده..وكانت المسافه طويله وتعبت..وقفت شوي تاخذ نفس...وكانت لابسه بنجابي..يعني كندوره لين الركب ومن تحت سروال نفس الكندوره وعليه نقشه مثل الكندوره..وفارقه شعرها نصين وسافه كل جانب.(متعقصه).وقصتها كانت ناعمه ونازله لين حدود عيونها....ركضت لين وصلت تحت العرقوب..وبعدين ما قدرت تصعد فوق لانها تعبت من كثر ما ربعت.. ميثه بنفس تعبان:فـــــهـــد...فهههههد دد فهد انتبه ان حد يناديه..لف براسه وما شاف حد:بسم الله الرحمن الرحيم...منو زجرني؟؟؟ ميثه:فهههههد..انا هنيه فههد فهد لف الجانب الثاني وشاف ميثه ووقف وهوه يمسح التراب اللي على كندوره..وسع بعيونه وابتسم:ميثاني؟شو يابج هنيه؟؟ ميثه حاطه يدها على صدرها تعبانه وتاشر له ينزل:تعال تعال..تعبت من كثر ما ربعت فهد ينزل وفكل خطوه يمشيها كان الرمل ينزل وياه..وصل تحت:ههههههه انزين ليش يايه تربعين شوفي وين عزبتكم.؟بعيد ميثه:شفت سيارتك وعرفت انك هنيه فهد يمسكها من يدها:تعالي ميثه:ما اروم تعبت فهد نزل شوي ولف ع ورا:ركبي بوصلج للسياره ميثه ابتسمت بس استحت:ما ابا فهد لف يشوفها:افا!! ليش؟كل يوم اشلج وما تقولين لا ليش اليوم لا؟ ميثه:ماماه نازعتني قالت لي عيب فهد وقف ومبتسم:صدقها..انا بنزل السياره وبوصلج عزبتكم ميثه تتنفس عدل امبونها تعبانه.. ورد فهد يصعد العرقوب بس ميثه مسكت يده ابسرعه:بطلع وياك فهد ابتسم ومسكها بقوه من يدها وصعدو فوق وفهد يساعدها يسحبها بقو يسهل عليها الصعود.. وصلوا فوق.. ميثه:فهد. فهد:هلا ميثه:علمني اسوق فهد وسع عيونه:ههههههههههههههههههه� �هههههههههه ميثه:والله ابا اتعلم ليش تضحك؟ فهد:لانج بعدج صغيره..يوم تكبرين بعلمج ميثه:وعد؟ فهد:وعد. ميثه:بس ماماه قالت انكم بتتحولون الاسبوع الياي..صدق؟ فهد:هيه..بس بيكم كل يوم وبعلمج كيف اتسوقين ميثه:صدق بتي كل يوم؟صدق؟ فهد:افا عليج..كل يوم بيكم حتى لو سكنا مكان بعيد فتح لها فهد الباب وركبت ميثه وسكر فهد الباب ورد ركب مكانه ميثه:فهد اتروع لا تنزل بقو فهد:ههههه دامج تتروعين ليش رقيتي فوق؟جن تميتي تحت لين انزل السياره ميثه:دخيلك نزل بشوي شوي فهد مسك حزام الامان وركبه لها:لا تتروعين دام انا وياج..ما بخلي شي يأذيج ولا يعورج ميثه ابتسمت..وفهد بعد ابتسم وحرك الكروزر وشهقت ميثه:بسم الله.. فهد:ههه تقبضي عدل ميثه مدت يدها لكُم يد فهد ومسكتها وفهد لف بأصابعها ليدها الصغيره ومسكها عدل... ميثه تصارخ:ااااااااااااااااااا� �ااااا شوي شوي لا تسرعععععععععععععععع فهد يضحك:ههههه زين زين.. وينزل السياره بشوي شوي... ... رجع فهد للواقع...وشاف ميثه شكلها سرحانه. ميثه فخاطرها(ياترا انت وين الحين يافهد؟عرست ؟عندك عيال؟ من يوم ما تحولتوا من حارتنا ما شفتك..الله يسامحك كذبت عليه وما عت اشوفك..حتى العزبه ما تيها مثل قبل...استغفر الله العظيم شو هالتفكير يا ميثه..استحي على ويهج انتي حرمه متزوجه..وحتى لو شفته ما ظنتي اعرفه)قطع عليها حبل افكارها وعتابها لنفسها يد فهد اللي مدها ومسك بها يد ميثه وابتسم ابتسامه خفيفه لها.. ميثه بدون ردت فعل منها (ياربي لو كان انت فهد اللي عرفته بحبك مثل ما حبيته؟لا حول ولا قوة الا بالله..استغفر الله العظيم استغفر الله العظيم) فهد:شوفيج سرحانه؟ ميثه:ماشي..بس افكر باهلي شوي فهد:انزين ليش ما تتصلين عليهم؟ ميثه:مكلمتهم بس الحجي غير الشوف فهد:انشاءالله يوم نرجع بنروح لهم ميثه:انشاءالله. ................................ على الساعه 9 الصبح...نوره قامت من النوم..وشافت ساعتها...يلست على السرير ومسكت تلفونها وطرشت مسج وقامت من سريرها تلف شعرها عل ورا متجهه للحمام (اكرمكم الله)0 ... فهد وميثه كانوا واصلين الفندق ..فهد حط الشنطه بنص الصاله:بروح تحت وبرد..انتي تزهبي بننزل نتحوط شوي ميثه تفصخ نقابها:انشالله.. فهد بعد ما حط الشنطه طلع من مخباة الشنطه الجانبيه دبة الماي اللي من عند نوره..وحطها على الطاوله ونزل تحت وميثه بعد ما فصخت نقابها وشيلتها وكانت متجهه للحمام (اكرمكم الله)انتبهت لدبة الماي..مسكتها وقالت بتشرب شوي منها..وشربت شوي وانتبهت ان الماي مو نظيف وانه عكر..ربعت للحمام ونفرته من ثمها وتمضمضت :اخخ..شو هالماي؟؟؟ كبته فالمغسله..ورمت الدبه بالزباله(الله يعزكم)وطلعت من الحمام..وفتحت ثلاجة الغرفه وطلعت دبة ماي وبالصدفه كانت نفس نوعيه الدبه اللي من عند نوره..شربت شوي منها وحطتها على الطاوله وشافت نفسها فالمرايه ورتبت نفسها شوي ورجعت لبست نقابها وحطت الشنطه على طرف الغرفه فهد متوجهه للفت(الاصنصير)..طلع تلفونه توه بيتصل بامه لقى مسج من عند نوره.. نوره(صباح الخير حبيبي لا تنسى تشرب من الدبه كل شوي..بس لا تخلصها كلها خلها تكفيك يومين) فهد:اوووه نسيت اشرب منها اليوم. واتصل على ام فهد:الو امايه ام فهد:مرحبا يالغالي وصلتوا؟ فهد:هيه امايه وصلنا.حجزنا غرفه والحين بنطلع شوي ام فهد:الله يحفظكم يا ربي انبسطوا ابوي ولا تستعيلون فالييه متى ما بغيتوا تون تعالو فهد مبتسم:ان شاء الله امايه سلمي على ابويه ام فهد:يوصل حبيبي سلم على ميثه فهد:يوصل.يالله امايه مع السلامه ام فهد:مع السلامه يالغالي وسكر فهد عن امه وركب اللفت وسكر باب اللفت عليه بعد ما ضغط فهد على الفص,, دخل الغرفه ولقى ميثه متجهزه..سار صوب الدبه وشرب منها شوي وما لاحظ ان الماي ما له طعم مثل القبلي..غطاها وحطها على جنب:يالله ميثه؟ ميثه:يالله فهد:يالله مشينا.. وطلعوا....يتحوطون شوي ويغيرون جو.مره فالمول ومره على البحر..كل مره فهد يتقرب شوي من ميثه... ........................... اما فالبر............................. ...... شواخ لابسه نظاره كبيره مختفيات ملامح ويها من كبرها. ولابسه كبوس مع ان الجو حلو والغيم مالي السماء..ما يحتاي لا نظاره ولا كبوس..بس شواخ وسوالفها....وفاطمه يالسه جنبها وتتضحك على شكلها.. شواخ:فطيموه؟شو يضحكج؟ فاطمه:بتخبرج..اتشوفين شمس انتي؟؟والا الجو حار؟ليش مسويه بعمرج جذيه؟الجو وايد حلو ..وبراد(الجو بارد) شواخ:اخاف تتضرر بشرتيه ام عبيد:شواخ وثول..من متى ازجرج ليش ما تين؟ شواخ:خير اميه شو بغيتي؟ ام عبيد:قومي ساعديني فاطمه قامت:انا بساعدج عموه ام عبيد:لا لا ل الالااااا يلسي مكانج ما اباج تشتغلين فهالرحله..انتي حامل لازم ترتاحين..نحن طلعنا نغير جو ادريبه هالوحام متعبنج..ما اباج اتصكين شي فاطمه:ما بتعب عمري بسوي اشياء بسيطه عبيد من عند تانكي الماي ينادي على شواخ:شووووووووووووووووووو� �وووووووووووووووووووووووو ووووووووووواااااااااااااا ااااااااااااااااااااااااا خخ تعالي شواخ تقوم:انا لو ادري انكم بتكرفوني جان ما وافقت على الرحله..ليش خليتوا البشكاره فبيت خالوه؟ليش ما يبتوها وياكم؟ ام عبيد:عشان انشوفج هبت ريح لو لا؟(يعني حرمه سنعه لو لا) شواخ:والله اني سنعه ام عبيد:عيل شمري عن ازنودج(سواعدج او ايدينج)ووريني شطارتج شواخ اتروح لعبيد:من عيوني ام شواخي عبيد رافع كندورته ورابطها على خصره ولابس وزار مخطط>>لا تعليق..تعرفونا فالامارات والا ما سموه بو وزار وفانيله المهم...عبيد مثل ما قلت كان واقف عند درام الماي(خزان الماي)وماسك اللحم يغسله.. شواخ:نعم عبيد شبغيت؟ عبيد:ناوليني الجدر العود بحط اللحم فيه.وانتي؟؟؟؟؟؟وراج ما تساعدين؟ شواخ:توني سامعه محاظره من امايه.وييت اساعدك بتعيد الشريط بخليك ابروحك عبيد:قربي الجدر لا افرج براس التيس الحين شواخ تقرب الجدر:ياخي ليش تحبون العنف؟ عبيد بعد ما غسل الراس يناوله شيخه:مسكي شواخ:يععععععععععععععععععع� �عععععععععععععععععع عبيد:يعع؟واااابويه عليج مسكي يالله شواخ:لا لاللا ما ابا وع ما اقدر شو هذا؟ عبيد:عدال يا ام الرقه.مسكيه الحين لا احطه على راسج شواخ:عبيد بليز لزه عني شكله مقرف استغفر الله عبيد:نعمة ربج يا حماره بتمسكينه لو لا؟ ام عبيد وصلت عندهم:بلاكم؟ عبيد:امايه بنتج هاي ما تنفع ابد..مسكي امايه شوي تمسك ام عبيد الراس وشواخ متنرفزه وام عبيد اتشوفها بنص عين وشكل شواخ اتشوف عيون التيس ومتقززه وخايفه بنفس الوقت..ام عبيد بحركه رفعت الراس بتخوف شواخ وسوت صوت:هوووووووووووووووو شواخ صرخت من قمة راسها وربعت بسرعه عنهم عبيد وام عبيد:هههههههههههههههههههه� �هههههههههه عبيد:هههه اسميها ديايه ام عبيد:ههههههههههه ............................... الساعه 2 الظهر بعد ما تغدوا المعاريس رجعوا على الفندق بيقيلون شوي وبيرجعون يتحوطون العصر... فتح فهد الباب ودخلت ميثه وتبعها فهد... ميثه فصخت عباتها ونقابها وشيلتها..وفهد فصخ غترته وعقاله وحطهن على الطاوله..دخلت ميثه تتروش شوي..وفهد يلس على السرير وفتح تلفونه وهز راسه نوره(فهد حبيبي وينك؟) (فهد اتصل عليه ) (ليش ما ترد؟) (شربت من الدبه؟..لا تنسى تشرب منها..باي وقت اشرب..بس لازم تكفيك يومين..باجر امايه بتيب لي غرشه يديده) فهد فخاطره(ليش لهالدرجه تسأل عن الماي؟!) فهد(مرحبا نوره..شحالج حبيبتي..سمحيلي ما كلمتج نسيت تلفوني صامت..والماي ما نسيت اشرب منه..وشكري امج بالنيابه عني..واذا بغيتي شي او قصرتي من شي خبري امايه او ابويه..والحين ابا اقيل شوي..وبتصل عليج فالليل ان شاء الله) حط التلفون على السرير واتجه صوب الغرشه وشرب منها شوي ..وهوه يطالعها ويهزها شوي.. ميثه طلعت من الحمام)اكرمكم الله)تمسح على ويها بالفوطه..ولابسه الروب.. فهد (ماشالله عليها حلوه حتى بدون مكياج):نعيما ميثه ابتسمت:الله ينعم عليك يلست على كرسي التسريحه الصغير ..تقرب فهد منها وميثه تسوي نفسها مشغوله .. فهد وقف وراها ويشوفها من المرايه وميثه تحاول ما تحط عينها بعيونه وتفتح الفوطه من شعرها وتمسح عليه ..فهد ابتسم عرف انها تتفادا اتشوفه,,مسك الفوطه :انا بنشفه لج ميثه:لا ما ايوز فهد:هههه شو ما ايوز.؟مب ريلج انا.؟ ميثه(ياغبائي):اقصد يعني..لا تعب نفسك فهد يمسح بشوي شوي على شعر ميثه الطويل,, ميثه منحرجه منه.. وبحركه مفاجأه منه لمها من وراى وباسها على رقبتها..اقشعر جسم ميثه واحمرت اخدودها ابسرعه ورد باسها على خدها.. ...........وو.....و.....................>>*ـ^ ..اما في البر..................... شواخ توها مخلصه غسيل المواعين.تنشف يدينها بالكلينكس وشكلها متنرفزه وتتحرطم بصوت شبه مسموع:شو بيستوي عليهم لو يابوها هالبشكاره؟ هلكوني.مره قصي بصل..مره هاتي الثوم..ومره غرفي الغداء..والحين غسيل المواعين. تحط يدينها على ظهرها وترفع نفسها:اخخخخ يا ظهري..ايي ام عبيد من وراها:شو فيج تتحرطمين؟ شواخ تلف ع ورا:مافيني شي بس هلكتوني ام عبيد:نبا انشوف نفعج شواخ:امايه تدرين اني انسانه خدومه وما اقول شي وحبوبه ام عبيد:هيه هين.. شواخ:عيل وين عبيد وفطوم؟ ام عبيد:ساروا خيمتهم..شكلها فاطمه تعبت شوي من الطريق شواخ بنص عين:تعبانه؟الشغل كله فوق راسي وهيه التعبانه؟ ام عبيد:شواخ؟!حرمت اخوج هاي .وحليلها حويمل ما عنثرها عالشغل شواخ:امايه بسير اتمشى شوي ام عبيد:لا تبعدين ..بس هنيه دون شواخ تاشر بيدها:بسير ارقى ذاك العرقوب ام عبيد:بعيد شواخ:لا امايه مب بعيد عورني ايديني من هالمواعين بسير اتمشى شوي..بتسيرين ويايه؟ ام عبيد:لا ما فيه بسوي قهوه وجاهي شواخ:زين ما ببطي ام عبيد:ان شفتي سياره والا شي ردي بسرعه شواخ:زين تحط شيلتها على راسها وتطلع برا المخيم اللي مسونه عبيد... ....................................... العصر.................. تفتح عيونها بشوي شوي..وحست بايد هل خصرها..رفعت اللحاف واتشوف ايد فهد عليها لامنها من ورا...ابتسمت ابتسامه خفيفه وقامت من السرير بهدوء..راحت واتسبحت وبدلت ملابسها..لبست كندوره زرقا غامقه ومسحت على ويها بشويه باودر وحطت قلوس خفيف..كحلت عيونها .. فهد مد يدها على السرير ولا حس بوجودها وقام يالس يفرك عيونه..شافها يالسه على الكرسي وتتعطر:مساء الفل ميثه مستحيه وما لفت عليه وبصوت شبه مسموع:مساء النور قام من السرير متوجه للحمام(الله يعزكم)ومر من جنبها وباسها على راسها وكمل دربه .... ..................... شواخ يالسه على العرقوب......ترفع راسها شوي واتشوف السماء.. شواخ:اححح...يا محلا السحاب..(تتنشق الهواء:امممحححح يامحلات ريحة السيل.. لفت براسها شوي يمين وشمال..وردت وشافت وراها وما شافت حد..فتحت شيلتها وشباصتها اللي ماسكه شعرها وطاح شعرها بثقله على الرمله..ماشاء الله شعرها وايد طويل ...بدا النسيم الخفيف يحرك شعر شواخ وهيه ترسم على العرقوب والنسيم يمحيه بشوي شوي..مبتسمه واطالع تحت.... ................... موسع عيونه وثاغر بثمه...فرك عيونه شوي..يمكن اللي يشوفه جدامه جنيه مب انسيه...الشمس ما غطت بعدها بس السحاب المتكثف مخلي الجو شبه المغرب...لا مو جنيه..خل اتقرب شوي .....:انتي ينيه؟؟؟؟؟؟ نــهـــاية البــــــــــارت الثـــــــــــامــــــــن ... دمتم بود | ||||||||
|
|
|
15-03-14, 01:21 AM
| #20 | ||||||||
| مراقبة عامة ومشرفة منتدى الروايات المنقولة
| البــــــــارت التاســــــــــــع.. شواخ يالسه على العرقوب......ترفع راسها شوي واتشوف السماء.. شواخ:اححح...يا محلا السحاب..(تتنشق الهواء:امممحححح يامحلات ريحة السيل.. لفت براسها شوي يمين وشمال..وردت وشافت وراها وما شافت حد..فتحت شيلتها وشباصتها اللي ماسكه شعرها وطاح شعرها بثقله على الرمله..ماشاء الله شعرها وايد طويل ...بدا النسيم الخفيف يحرك شعر شواخ وهيه ترسم على العرقوب والنسيم يمحيه بشوي شوي..مبتسمه واطالع تحت.... ................... موسع عيونه وثاغر بثمه...فرك عيونه شوي..يمكن اللي يشوفه جدامه جنيه مب انسيه...الشمس ما غطت بعدها بس السحاب المتكثف مخلي الجو شبه المغرب...لا مو جنيه..خل اتقرب شوي سيف:انتي ينيه؟؟؟؟؟؟ شواخ وهيه اتطالع تحت وسعت بعيونها(بسم الله الرحمن الرحيم بسم الله الرحمن الرحيم) وقلبها وصل فحلجها... سيف يشوفها من جانبها اليمين وشعر شواخ مغطي على ويها شوي ما تبين ملامحها... سيف يرفع راسه:انتي ينيه لو انسيه؟! شواخ تنتفض رفعت الشيله وحطتها على راسها ووقفت ابسرعه شواخ غطت نص ويها مثل الخمار ولفت عليه معقده حواجبها:منوه انته؟؟شو يايبنك هنيه؟ سيف تخبل عليها من حلاتها:اه؟ شواخ:ويعاه ان شاء الله.. وبدت تنزل شوي شوي من العرقوب..وتحس بان ريولها تغوص فالرمل وتشيلهن بالغصب وتمشي وتحاول تسرع. سيف وصل مكانها لانه كان ياي من الطرف الثاني...ووقف مكان ما كانت يالسه...شواخ حاطه شيلتها على راسها وشعرها واصل لركبها ما واحت تغطيه او نسته من الخوف ما عرفت شو اتسوي وتنزل بشوي شوي..وسيف رفع نظره عنها وشاف مخيم عبيد ووسع عيونه..:لا لا مو معقوله تكون اخته..خس الله ابليسك يا سيفوه.. شواخ دخلت المخيم......... سيف ضرب على يبهته:لا حول ولا قوة الا بالله ..الحين بتقول لهم وبيغسل شراعي عبيد..والله اني ما استحي على ويهي اخت ربيعي...بس ما عرفتا..ما عرفت اذا هيه انسيه لو ينيه..ان شاء الله ما تقول لهم شي... ......... شواخ تفضخ الشيله من راسها وسته وستين عفريت فوق راسها..وصادفت عبيد توه بيطلع عبيد:انتي من وين يايه؟ شواخ:سرت اتمشى شوي عبيد:لا اتسيرين تمشين مره ثانيه هالبقعه كلها مخيمات ما تعرفين من يطلع لج فجأه فاهمه شواخ(الحين تقول؟):هيه فاهمه اتصل عبيد,,,,, سيف بلع ريجه:الله يستر.. عبيد:الو..هاه سواف وينك؟ سيف:اه؟امم..انا...وين انا؟؟؟ عبيد:شدراني بك..وينك الحين؟ سيف:هيه هيه تذكرت..انا هنيه على العرقوب ..شمالي مخيمكم عبيد:هيه يالله الحين ياي عبيد سكر عنه وطالع شواخ وابتسم:شو ريلج شواخ؟ شواخ استغربت :ريلي؟ابخير ما فيها شي عبيد:ههه زين...يالله برايج وطلع.. شواخ وسعت بعيونها:ليش يتخبر عن ريلي؟؟ومنوه هاللي اتصل عليه ؟لا يكون هالحمار اللي روعني؟! ...عبيد وصل لسيف وسيف شكله مرتبك يمكن هالبنت خبرته ..ياربي مغباني ..اعوذ بالله من الشيطان الرجيم...بس صدق ماشاء الله عليها وايد حلوه فديت شعرها محلاته...سواف!عيب عليك.اخت ربيعك هاي مب وحده **** استح ع ويهك. عبيد:حووووووووووووووووووو� �وووووووووو سيف انتبه:بسم الله الرحمن الرحيم روعتني يا خي عبيد:هههههههههههه اشوفك من وانا تحت ارمسك وانت مسوي لي طاف.. سيف:ما انتبهت لك عبيد:ليش ما طعت تقرب داخل بتاخذ لك فنيان قهوه سيف:لا ما بظايق الاهل خلنا هنيه شوي عبيد:زين وعلومك؟ سيف:تمام الحمد لله عبيد:بتشارك هالمره فالشاره؟ (يتولفون(يتجمعون) الشباب وكبير الحاره يحط شاره.واللي يبي يشارك مهمها كان عمره يشارك..وهيه عباره على هدف يحطونه ويستخدمون السلاح (صكتون=نوع من البنادق)والفايز تروح له الشاره.. سيف:اكيد ما يبالها حجي بعد وانت؟ عبيد:لا السنه ما بشارك ان شاء الله السنه اليايه.. سيف:احسن بعد..كل سنه تكون المنافسه بيني وبينك عبيد:هههههه متروع لا اخذها عنك السنه؟ سيف:لا طبعا انا واثق من عمري ما ماخذها مرتين؟(يقصد نفسه) عبيد:بس العام انا ماخذنها وكانت الشاره اكبر من العاميه سيف:بطني عورني يا ريال يوم دريت انها خمسين الف عبيد:هههههههههههههههه سيف:ان شاء الله تكون السنه من نصيبي عبيد:ان شاء الله وانا بكون موجود وبنشجعك..بس لا تعفسنا يوم تعرف كم شارة السنه سيف/هههههههههههههههههههههه ................................................. اما في الشارقه...ميثه وفهد طلعوا يتحوطون شوي وتعشوا..وباتوا فالشارقه والصبح تحركوا لدبي...فهد ما عرف ان ميثه كبت الماي اللي من عند نوره وان الماي اللي يشربه هوه ماي عادي..وشكل خطة نوره بان فهد تلوع كبده كل ما تقرب من ميثه شكلها فشلت هنيه..وفهد صار قريب من ميثه وايد..وميثه ارتاحت لفهد.ولين الحين ما عرفته مع ان فهد كان كل مره يبي يسألها بس يبي هيه بنفسها تقول له..يبي يتأكد انها عرفته لو لا... ساروا دبي وفهد مدد بدل اليومين بيتمون اسبوع.....طبعا ام فهد وبو فهد ما عندهم مشكله بالعكس احب لقلوبهم انهم يكونون مبسوطين..بس من اللي مستغرب ليش فهد ما رد ؟؟المفروض يرجع ابسرعه... اكيد عرفتوها ... نوره قاعده على سريرها...مسكت تلفونها واتصلت................. فهد ماسك يد ميثه ويتمشون فمول دبي....وشكله فهد مبسوط على الاخر..وميثه مثله بالضبط....ترفع اصبعها تراويه القميص اللي على الملاكانه بالمحل,,وفهد وكأنه يسألها عجبج؟ وميثه تهز راسها/هيه فهد:يالله ندخل.. ودخلوا المحل... فهد طلع التلفون:ميثه لا تطلعين تمي هنيه برد ع التلفون وبرجع لج(تمي=استنيني) ميثه:ان شاء الله طلع فهد من المحل ومخلي ميثه فالمحل وتختار لها تنوره وقميص....(مخلي مب يعني مخلل!!!!لا يعني تارك..>>يوعانه فهد:هلا نوره هلا نوره:فهد..ليش ما ييت لين الحين المفروض تكونون واصلين فهد:ان شاء الله بني هاليومين.. نوره:يومين بعدكم؟؟؟ فهد:هيه يومين ..وان شاء الله يوم نرجع بشلج اي مكان تبينه وبنتم بعد يومين(يحاول يعدل الريال) نوره:فهد انت تشرب من الماي اللي عطيتك اياه؟؟بعدين بيخلص..لا لا ارجع الحين.الماي ما بيكفيك(خايفه فهد يتقرب من ميثه ذا خلص الماي ما تعرف ان فهد تقرب و....*ـ^) فهد:لا الماي ما خلص اشرب شوي قبل ما ارقد نوره بصوت واطي:الله يستر ما.. فهد:شوه؟ نوره:لا ماشي بس ارجع يمكن الماي ما يكفيك فهد:لا تحاتين الماي موجود..شو اخبارهم امايه وابويه سرتي عندهم؟ نوره طبعا ما طبت بيتهم :هيه سرت لهم ابخير فهد:تمام عيل شي فخاطري حبيبتي نوره:سلامة عمرك..بس لا تنسى اشرب من الماي قبل ما ترقد.او قبل ما .. فهد:قبل شوه؟ نوره:اه؟؟؟؟لا لا ههه اقصد قبل ما ترجد هيه ..قبل ما ترقد. فهد:ان شاءالله يالله نوراي حياج نوره:مع السلامه فهد بند عنها وسار لميثه اللي شكلها اختارت قميص وتنوره . ............ نوره ماسكه تلفونها بتوتر:يارب...ياربي ...اخاف يخلص الماي وبعدين شو بيمنعه انه يتقرب منها؟...يا ربي...شو اسوي؟ تتصل على امها:الو...هلا امايه...امايه شوفي لي حل..هالماي ان تميت اشربه منه كل ما بيبات عندها ما بينجح..ابي شي اسقيه منه مره وحده وما يقرب منها..دبة الماي هاي ما بتفيد يوم هوه بعيد عني....خليها اتسويه انتي وانا بعطيها اللي تبيه...خليها اتجهزه..بس خبريها ابيه يشرب منه مره وحده بس اهم شي ما يتاذى فهد..اللي ابيه يتأذي هوه ميثه.. ........................................... عبيد واهله باتوا يومين فالبر ورجعوا للعين... شواخ طول الوقت كانت سرحانه..تفكر باللي شغل بالها ..مع انها ما شافته غير دقيقه وحده بس...بس هالدقيقه كانت كافيه بانها تحرك مشاعرها...وسيف من جهه ثانيه يفكر بشواخ طول الوقت..وكيف كان شكلها يالسه على العرقوب وكيف شعرها الطايح على الرمله وتحركه المهب(النسيم الخفيف) بس مستحي من ربيعه عبيد ومتلوم فيه..اللي سواه غلط المفروض يوم يشوفها يرجع او يسوي صوت او شي عشان تنتبه البنت وترد المخيم بدل حركته البايخه اوين شوه؟اوين جنيه!! ...... .................................................. .............اليوم المنافسه.. تجمعوا شباب وشياب الحاره ..واتجهوا لمكانهم المعتاد للمسابقه..وكبارية الحاره كل مره واحد يجدم ولده وسلاحه وان ولده هوه اللي بياخذ الشاره...اما عند سيف..فكان يالس على الارض ويشيك على سلاحه وعبيد يالس وياه يرتب له الزانه.. (على فكره المنافسه هذي عاده قديمه وحبيت اجددها فروايتي بس في بعض العايلات يسونها بين بعض وغير قانونيه) عبيد"اقول سيف.. سيف رافع سلاحه ويشوف من عين البندقيه:هاه عبيد:"تعرف كم شارة السنه؟ سيف ينزل سلاحه بسرعه"لالالالالالالالالال� � دخيلك لا تقول. عبيد:هههههههههههههههههههه� �ه لا بقول سيف يحط يدينه على اذونه :الالالالاللالالالال ما اريد اعرف عبيد":هههههههههههههههههههه خلاص خلاص ما بقول سيف:ياخي لا تغثني خلني بحالي سر عني عبيد:بس انا ياي اشجعك سيف:محد يبالك تشجيع لا اطفرني عبيد:زين زين كلتني خلاص ما بقول شي سيف شاف واحد كان منافسه العام ويا عبيد:شف..اكوه حمدان عبيد:اخخخ بس ..لو امايه ما حلفتني اني ما اشارك جان شاركت وكسرت راسه سيف:ياخي ما اداني هالانسان بعيشة الله عبيد:عيل انا اللي ميت عليه..!؟ سيف:مادري فهد كيف مصاحبنه! عبيد:متعارف وياه فالغربه مب هنيه.لو شايفنه هنيه قبل كل يوم بيصنه بكس ع راسه(بيصنه=بيضربه او بيعطيه) حمدان تقرب رافع خشمه:جنك(كأنك) يا عبيد السنه ما مشارك عبيد وقف:السنه الياي ان شاء الله حمدان:عيل شو اتسوي هنيه؟ عبيد:والله ياي ويا ربيعي سيف..ليش في مشكله؟ حمدان:عاد ما لقيت غير سيف؟! سيف وقف:احترم نفسك واذلف من جدامي لا ألعن والدا والديك حمدان:تخسي سيف توه بيهجم عليه مسكه عبيد:هد سيف..يبا ينرفزك..لا تكلمه..وانت حمدان..ممكن تتركنا بروحنا وتتوكل فدربك؟ حمدان رفع حاجب:ان ما كسرت راسك يا سيفوه ما اكون حمدان ولد منصور سيف:رح رح يالله اجلب ويهك لا اغسل شراعك يالله حمدان مشى من جدامهم وسيف شرار يطلع من عيونه:ان ما كسرت راسه ما اكون سيف عبيد:هد بالك. سيف يبغي يفاتح عبيد بموضوع بس مستحي ومفتشل منه .......................:اقول عبيد عبيد يعد الزانه :هاه.. سيف:امم..اممممم عبيد لاحظ ارتباك سيف وحط يده على كتفه:خير يا خوي؟عسى ما شر؟ سيف:لا بس..اقصد يعني. عبيد:قول..شو فخاطرك؟ سيف بأندفاع:طلبتك عبيد ما عرف شو يقول اول مره سيف يكلمه بهالطريقه:ان شاء الله اني عطيتك سيف:بغيت....اممم بغيت.... عبيد:ايه ...شو بغيت؟ سيف:عقب...عقب المسابقه بقولك عبيد:على راحتك..بس اهم شي..انك تفوز على حمدان سيف:ولا يهمك.هات اشوف الزانه.... ....وعبيد يعطي سيف الزانه.............................. .................... نوره تقصر على صوت التلفزيون اللي بالصاله بعد ما سمعت تلفونها يرن:ألو....ايه هلا امايه...ولا مكان يالسه بروحي...شوه؟؟؟ ليش اسبوع؟؟...متى سافرت؟...ياربي هذا وقته؟؟قولي لها ترجع باسرع وقت..يا امايه الماي بيخلص هذا اذا ما خلص صدق...الحين متفيجه هيه ما رامت تصبر لها يومين؟؟؟وحتى ولو يدتها ماتت.شو بتسوي لها يعني هيه؟اووففففف خلاص خلاص سكتي انتي بعد..اول ما تتصل عليج اعطيها خبر ابا شي قوي.مو مثل هالماي السخيف..لا حوووووووووووول قلت لج لا تحاتين الفلوس خلاص..اوووف يالله باي لحين باي ......... واتسكر التلفون بعصبيه....وترجع بذاكرتها لأول مره تشوف فهد فيها............ العين مول.......من حوال 6 سنين و3 شهور........ كان وقتها العصر..نوره كانت لابسه سكيني وبلوزه بيضاء ولابسه عباه مفتوحه و واقفه عند كشك للعطور..وواقفه جنبها صديقتها صديقتها كانت من جنسيه مختلفه من شكلها اللي ينعرف..اما نوره ليش ان ابوها مواطن ما كان يبين ان امها بعد جنسيتها مو خليجيه..... المهم.... رفعت نوره رسغها لخشمها تروح ريحة العطر بعد ما رشتها البائعه عليه شوي..وسكرت عيونها شوي تحاول تشمه عدل..وفتحت عيونها وابتسمت دليل ان العطر عجبها..بس طاحت عينها على فهد اللي كانن عيونه على تلفونه ويمشي بشوي شوي وكأنه مشغول..بدى قلبها يدق..وشافت ان المول فاضي ما به حد غيرها هيه وفهد..ومشت بخطوات بطيئه بناحيته ..وناسيه صديقتها اللي نادتها مرتين وبعدها طنشتها تكلم البايعه تستفسر عن قيمة العطر... ..فهد كان مندمج بتلفونه ويمشي بشوي شوي ونوره وقفت قبله بكمن خطوه واتشوفه... وصدمها فهد ونوره حتى ما فكرت تبتعد عن طريقه مع انها تشوفه قاعد يتقدم صوبها.. طاح تلفون فهد وانفتحت بطاريته وسع عيونه نزل ابسرعه لتلفونه:اسف ما شفتج نوره مسويه عمرها بريئه وحطت يدها على كتفها من وين ما صدمها فهد|:لا عادي انا اسفه ما انتبهت فهد وقف يركب بطاريته وطنشها يكمل دربه.. ..........نوره كانت تتبعه من بعيد لبعيد..جلس فهد فالكوفي وعيونه على تلفونه قاعد يتعبث فيه...تقرب الويتر منه وحط قدامه قهوه.. فهد:انا ما طلبت الويتر:هيدا هديه من الصبيه الحلوه اللي آاعده هونيك وياشر له الويتر وفهد يشوف نوره وعرف من شكلها انها لعابه وما تستحي.استحقرها فهد حاس بوزه على جانب مع ابتسامه سخريه ووقف وطلع من الكوفي.. نوره وقفت وتبعته.. تلاقى فهد مع واحد من صحبه كان متوجه للكوفي بس فهد سار به لكوفي ثاني ..ويلسوا يسولفون شوي..ونوره قعدت باخر الكوفي مقابله فهد..فهد يتكلم ويا ربيعه وانتبه لنوره.(هذي ليش تتبعني؟شكلها تبي تتسلى..) ربيع فهد استرخص منه وطلع للمحل المقابل للكوفي وفهد يطالع نوره ونوره بكل قوة عين وعدم حيى قامت من مكانها ويلست مكان ربيع فهد فهد:انتي ليش اتبعيني؟ نوره:بصراحه..دخلت مزاجي فهد:مزاجج؟ نوره:ايه مزاجي..ابي رقمك فهدحاس بوز مستحقرنها:انتي ما عندج اهل؟عادي عندج يعني!؟ نوره:في حد ما عنده اهل؟بس ماحد يهمني..بتعطيني رقمك لو شوه؟ فهد:لا طبعا وقومي انجلعي من هنيه نوره حست بتكبر من فهد :انت ليش خقاق جيه؟ترا وايد شايف نفسك فهد:والله وبكيفي..وقومي يالله ذلفي.صدق بنات هالوقت ما يتسحن..قومي يالله قومي نوره وقفت:تراك بتندم فهد:اوهووو علينا..والا يسمعج يقول امره عاد ميت عليج لا دخيلج ابا رقمج دخيلج..يالله اقول يالله انجلعي لا حيى ولا مستحى نوره عطته نظره فيها شي من التكبر والثقه..وطلعت برا الكوفي.. ربيع فهد تقرب لانه وقف يوم شاف نوره عند فهد.. حمدان:هاه فهد..غيب يا قط ألعب يا فار؟! ما وحت توني طالع عنك فهد:ياخي خلها على الله بنات هالوقت يروّعن يا خوك..الله يستر على اهلنا. حمدان:هيه والله..بس شو تبا منك؟ فهد حاس بوزه:اوين شوه؟ابا رقمك حمدان :ههههههههههه وعطيتها؟ فهد:تخسي الا هيه تحيدني ما احب هالحركات. حمدان:هههه عشان جذيه انا استغربت يوم شفتها يلست وياك فهد:خلنا منها الحين وخبرني شو سويت في الشاره؟ .......نخلي فهد وحمدان اللي هوه نفس الشخص اللي ربيعه سيف وعبيد ما يكهلونه(ما يحبونه) ..... نوره كانت تيي المول يوميا لعل وعسى اتشوف فهد ...بس فهد كان مسافر عشان حفل التخرج..لان من بعد ما انتقلوا فهد سافر لندن يكمل دراسته..وكان عنده اسبوع قبل حفل التخرج ورجع فيها للبلاد عشان يخلص اوراقه للوظيفه.مع ان ابو فهد كان مجهز له كل اوراقه ومستلزماته بس كان لا بد من حظور فهد.... فهد تخرج..ورجع بعد اسبوعين من سفرته الاخير وهالمره ما بيرد يسافر..واول شي فكر ان يسويه بعد ما خلص اوراقه وكل شي..انه يروح للعزبه وبالاخص عزبه بو ميثه..يبي يشوف ميثه الحين هيه اكيد فالثانويه..واكيد كبرت واحلوت..يبي يلمحها بس لو من بعيد..بس كل مره ايروح ما يلقى غير العامل فالعزبه.. ...مر اسبوع وفهد على هالحال..يوميا فالعزب..بس لا ابو ميثه ولا ميثه موجوده... .فكر يروح لهم البيت بس شو بيقول لبو ميثه؟والله ياي اشوف ميثاني؟؟لا والله ما اسويها..بس كيف..كيف اشوف ميثاني كيف...فكر الصبح يشوفها يوم تركب باص المدرسه.. وبالفعل الصبح نشر ووقف بعيد عن بيتهم..بس وسع عيونه يوم شاف سيارة ابو ميثه تطلع من البيت..:انا صدق غبي..نسيت ان ابوها يشلها يوميا.. حرك فهد سيارته ..وما انتبه لميثاني اللي طلعت بعد ما تحرك وكان امبين عليها انها صدق قمر ولابسه ملابس المدرسه ومتحجبه وماسكه حزام شنطتها اللي على كتفها ووقف الباص وركبت ميثاني............. ..اما بالنسيبه لنوره.يالسه بالكوفي وجدامها فنجان قهوه مسكت الكوب وشربت شوي منه..تفكر وين بتلقى فهد وتوها تنزل الكوب انصدمت يوم شافت فهد دخل محل للعطور..وقفت نوره ومسكت شنطتها..وكانت شبه متردده ومندفعه بنفس الوقت.بس مشت ابسرعه وهالمره صدق بالصدفه تصادموا الاثنين..نوره بتدخل وفهد بيطلع..طاحت شنطة نوره من يدها..فهد مسك الشنطه وعطالها: تفضلي اسف ما انتبهت نوره تمسك الشنطه:حصل خير فهد مب عارف وين شايفها قبل هالمره..وتحرك من جدامها بس نوره وقفته:لو سمحت فهد لف يشوفها:نعم نوره:ممكن اتكلم وياك اشوي فهد:نعم؟ نوره:ابغي اتكلم وياك بموضوع فهد:انتي تعرفيني؟ نوره:تقريبا. فهد:خير ان شاء الله شو بغيتي؟ نوره:ممكن انروح الكوفي ونتكلم؟ فهد:لا اسف.مب زين شو بيقولون الناس عنا؟ نوره:بندخل كابينه فهد وكأنه عرفها:مب انتي؟؟ نوره:هيه انا.. فهد حاس بوز:خير ان شاء الله؟؟؟تبين الرقم؟ نوره مسويه عمرها مظلومه وبريئه:لا تظلمني.اريد اتكلم وياك بهالموضوع فهد شاف حزن بعيونها:خير ان شاء الله؟ نوره:انزين ممكن ندخل الحين؟ فهد:يالله زين امري لله تفضلي ومشت نوره وفهد للكوفي ودخلوا كابينه فهد:رمسي اسمعج نوره:انا ما كنت بسوي ذيج الحركه..بس... فهد:همم بس شوه؟ نوره:ربيعتيه هيه اللي تبي رقمك وحلفتني ايبه لها..مع اني قلت لها ما اريد وانا ما لي خص فيها.بس قالت بتخبر امايه اني ما رحت للحامعه واني سرت المول بداله فهد:وليش حضرتج تخبريني بهالكلام كله...؟انا شو يخصني فيج؟ نوره:لان اكيد انطبعت فكرة اني مو زينه فبالك فهد:وانتي شو يخصج باللي فبالي وبشو افكر؟ نوره:انا بنت وصورتي تهمني فهد:خلاص زين اهم شي انج ما اتضرين سمعت اهلج وقف فهد وقفت نوره ابسرعه:وين؟ فهد:مشغول..والا عيبتج اليلسه؟ نوره:لا بس.انا عازمتنك على كوفي فهد:لا لا لا مشكوره ما ابي نوره:عشان خاطري دخيلك ايلس فهد ما عرف شو بيسوي ويلس بهدوء قامت نوره:انا بروح اطلب العزيمه عليّه فهد وقف:بس نوره:انا قلت العزيمه عليّه وطلعت نوره وفهد حاس انه غلطان بيلسته فكابينه مع بنت ما يعرفها..وبروحهم بعد نوره شاله كوبين كوفي وقبل ما ادش الكابينه حطت الكوبين على طاوله جانبيه وفتحت شنطتها وطلعت غرشه ماي صغيره وصبت نصها فالكوفي الايمن وسكرته زين ودخلت وناولته فهد.. نوره:تفضل فهد وقف ومسكه:انا بمشي نوره:على الاقل اشرب شوي توني يايبته فهد شرب شوي منه وحطه على الطاوله وطلع:مع السلامه نوره يلست مبتسمه ..تشرب شوي من كوبها على مهل.. .... فهد بطنه عوره بعد ما طلع من الكوفي بدقايق..وراح للحمام (اكرمكم الله)..وطلع منه وهوه في حاله غريبه...ما انتبه الا وهوه واقف جدام الكوفي اللي طلع منه فهد:انا شو يابني هنيه؟ لف بيروح من المكان اللي واقف فيه وشاف نوره توها طالعه من الكوفي...وحس بقلبه يدق...تقدم منها:مرحبا نوره مبتسمه:هلا والله. فهد مبتسم:اهلين. نوره:خير؟ فهد:اه؟اممم..شو اسمج نوره:نوره..وانت؟ فهد:فهد نوره:زين..اممم يالله باي فهد لحقها:لحظه نوره:همم؟ فهد:ابغي رقمج نوره ابتسمت على يانب:احلف فهد منحرج بس يبي رقمها حس انه يعشقها:انزين تاخذين رقمي؟ نوره ابتسمت مشت من جدامه وفهد يلحقها..... ......................وهذي هيه حال فهد...من يومها..نوره مسرعها كانت مجهزه الماي اللي بيب لها راس فهد..مع انها صدق حبت فهد ومن اول نظره..بس موقفها الاولي وياه كان غلط..تبيه يحبها بس قالت بالتدريج.. بتشوف اذا مع الايام بيحبها...بس فهد كان كل ما يخف تأثير الماي يبدأن يدينه ترتجف..بعد اسبوع من زواجهم وفي شهر العسل اللي كان بسنغافوره.فهد يوم انتبه لزواجه بوحده مثل نوره وتاثير الماي خف عنه ضرب نوره بس نوره كانت مجهزه ماي احتياط وصبته فكوب فهد ورد فهد يعشقها مره ثانيه وهذا حالهم من يومها...بس الماي الاخير كان يتعلق بقرب ميثه من فهد... في وقتنا الحاليـ.... فالفندق ميثه يالسه على القنفه البيج وفاتحه شعرها ومخليه خصلات على اكتافها يمين ويسار ولابسه بلوزه كم طويل ورديه وتنوره جيينز:ليش؟ فهد كان واقف ويلس جنبها ولابس بجامته:بس..خلينا انتم هنيه اليوم.. ميثه:بس توه مغرب.. لف بيده من وراها وحطها على كتفها يلمها:بنطلب لنا عشى هنيه خلينا انتم هنيه اليوم وباجر بحوطج فدبي كلها ميثه اوني زعلانه:مابا ما اريد.. فهد يشوف ميثاني الصغير ويبتسم:ميثاني .. ميثه تجمدت ملامح ويها:.... فهد:يالله عاد (يقرصها فخدها ومسكر ع ضروسه:خخخخخخخخ محلاتج والله انج تغيرتي ميثه:!!!!!!!!!!!!!!!!!!!!!!!!!!!!!!!!!!!!!!!!! !!!! !!!!!!!!!!!!!!!!!! فهد:ميثاني؟! ميثه لفت عليه وفي حاله ذهول:!!!!!(مافي احد فوجهه الارض بكبرها يناديني ميثاني غير فهد....!!!!) فهد ابتسم وحضنها:ما توقعت بيوم من الايام اني بشوفج مره ثانيه...انا اسف ميثاني..سافرت ادرس ويوم رجعت ما لقيتج. ميثه منصدمه وفتحت ثمها وحطت يدها عثمها:!!!!!!!!!!!!! فهد مسكها من كتوفها وبعدها شوي:ميثاني ..شو فيج":؟ما عرفتيني؟انا فهد....فهد..!! ما عرفتي فهد؟ ميثه وبعدها على نفس الحاله ولا نطقت بحرف واحد ومصدومه.. ام فهد.....فهد,...كيف ما استنتجدت؟!كيف اعرف ام فهد ولا عرفت فهد.!!كيف ؟؟ليش ما تذكرت فهد من البدايه؟وين كان مخي؟يمكن لان حياتي كانت فهد وبس؟!ما ادري...والحين؟...هذا اللي جدامي هوه فهد؟؟.نفس الشخص اللي تعلقت به؟هوه نفسه فهد؟!قلبي حس اني اعرفه..ودق له او ما شافه...بس ليش ما تذكرته؟؟ليش؟ليش؟ليش؟ نزلت دمعه حاره من عين ميثه وفهد موسعه بعيونه ويطالع عيونها ومب عارف شو فيها..وليش ما تتكلم... ميثه شالت يدها بشوي شوي..وقلبها يدق بقو.....حست ان الهواء اللي بالغرفه خلص...تحاول تسحب هواء بصعوبه..فهد مرتبك ميثه بدت تتغير ملامحها..وتتنفس بصعوبه.. فهد متروع:بسم الله..ميثه شو فيج؟؟ميثه بلاج؟؟؟ ميثه !...ميثه؟! ميثه حطت يدها على صدرها:فهد....فـــ ..ـهـ...ـد فهد ركض وياب لها قلاس ماي:شربي شربي.. ميثه شربت شوي..وفهد صب فيده ماي ورشه على ويها..وركض للغرفه وياب منها عطر ورش حولين ميثه.. ميثه دموعها بدت تنزل..وشوي شوي يرجع لها الهواء احسن من قبل...فهد يلس جنبها وقلبه واصل حلجه من الخوف عليها:ميثاني..ميثاني بلاج حبيبتي شو يعورج؟؟قومي قومي بوديج المستشفى ميثه مسكته من يده بقو وصاحت... فهد نقز من مكانه ويلس على ركبه على الارض مجابلنها:ميثاني...فديتج ليش اتصيحين؟؟والله اني احبج... ميثاني رفعت عيونها بعيونه فهد:اقسم بالله العظيم اني احبج..(بصوت عالي:احــــــبـــــــج ميثاني زات صياحها ورمت نفسها فحضنه ولمت عليه بقو وهيه اتصيح..لمت عشق الطفوله..رمت نفسها عليه وهوه يستقبلها بواسع الصدر يستقبل حبه ميثاني ..نور قلبه ميثاني..ابتسم فهد وهوه يحس ان اللي بحضنه ميثاني الصغيره الشيطانه..يمسح على راسها ويهديها..وميثاني حست انها رجعت بعمرها لذاك الوقت ..لامه عليه واتصيح...مو مصدقه ان فهد ...... .............................فهد خلاها على راحتها يمسح على راسها وهيه يخف صياحها شوي شوي ...وظلوا قرايب العشر دقايق على حالهم .....ميثه مع انها مو مصدقه ابد..بس فتحت شوي فهد وفهد مسكها من كتوفها وبعدين مد اصابعه الطويله يمسح على خدودها ومبتسم ذيج الابتسامه وبصوت هادي:اشتقت لج ميثه نزلت دمعتها مره ثانيه وهيه تشوف عيون فهد:انت ما تعرف شوي سويت فيني؟ فهد ما فهم عليه:..آسف ميثاني..والله سافرت ادرس برا ميثه بصياح:ما تعرف شو استوى عليه؟؟(تضربه على صدره:انت ما تحس..ما تحس؟؟ فهد مسك يدينها وهيه تحاول تعاتبه وهيه تضربه على صدره :ميثاني..اهدي شوي..انا اعرف اني غلطان.,.اهدي شوي دخيلج ميثه:تعبت وانا كل يوم اترياك..ليش اختفيت ليش؟ما احبك ما احبك مع انه يعرف ان مو من قلبها بس عوره قلبه يوم سمع كلمة ما احبك:ميثه دخيلج فهميني ميثه: ما ابيك ما ابيك ميثه تعبت وهيه تقاوم فهد واسترخت:........... فهد:ميثاني ..حبيبتي والله.والــــــــــــــــ� �ه العظيم اني سافرت ادرس..ويوم رديت كنت كل يوم اسير عزبتكم بس ما لقيتكم والــله والــــــــــــــــــــــ ــله العظيم ميثه منزله راسها و ودموعها وادي ينزلن من عيونها..ويتساقطن قطرات دموعها علي ايدين فهد ..فهد يمد يدينه وتوه بيمسح على خدها صدمتة ميثه ومدت يدها بسرعه قبل ما يلمس فهد خدها.. فهد:ميثاني!!!! ميثه بعدها على حالها ومنزله راسها:.....بسّبّتك ترَمّلت فهد وسع عيونهo0o نهاية البارت التــــــــــــــــــــــ ـــــــــــــــاسـع | ||||||||
|
|
 |
| مواقع النشر (المفضلة) |
| الكلمات الدلالية (Tags) |
| أرملة, بقلم/, mryo0om25, صغيرة, ولكن |
| أدوات الموضوع | |
| انواع عرض الموضوع | |
|
|
.png)
العرض العادي
