آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-02-14, 04:37 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  الجزء العاشر وصول مهند وسعد لبيت جدتهم.. كان خبر سعيد بالنسبه لفيصل.. اللي تضايق من الجلسه مع امه وخالته وجدته.. وكل سالفه والثانيه رجعو يطالبونه بانه يعالج نفسه.. مهما كان الانسان ما يحب احد يقيد حريته.. او يفرض عليه اشياء يسويها.. طبعا فيصل ما اغفل وجود يوسف معهم.. لكن يوسف اكبر عنه.. وبعيد تماما عن مستوى تفكيره... او حتى تدخله في مسائله الشخصيه... بعدما طلعو الشباب من الصاله... ما ظل غير يوسف... وطبعا ام خالد بما انها تحبه.. ما فوتت على نفسها مفاتحته في موضوع زواجه.. اللي تتمناه اليوم قبل بكره... ام خالد : يوسف ابوي.. يوسف : سمي.. ام خالد : تعال جنبي.. ابيك بسالفه.. ام يوسف : افا يمه يعني طاح كرتنا..!! ام خالد : لا هالسالفه خاصه.. وما تصلح لكم...!!! يوسف قام وجلس جنب جدته... وهو يضحك على سوالفها.. ام خالد تقرب منه : اها وانا امك... ما بعد قررت تعرس وترتاح...؟؟!!! يوسف : هههههه.... ليش عندك لي بنت مزيونه بتزوجينيها..؟؟!!! ام خالد : ابد.. انت بس قل ايه.. ونخطب لك ازين البنات...!! يوسف راحت به افكاره لخيالها.. كان الود وده بس يعرف اسمها... عشان كل ليله يفرغه بحبها.. ويبث لها اشواقه... ام خالد وهي تبتسم : هاااه.. موافق...؟؟ يوسف ويمسك يد جدته بحب : ميمتي.. انتي تعرفين اني اللي باخذها لازم تكون من ذوقي.. وانا الللي اختارها...!!! ام خالد : يالله الثبات... وين بعد تختارها منه...؟؟ يوسف : ههههه.. لا يا يمه الله يهديك... اقصد لازم تعجبني.. وتكون مواصفاتها رايقه لي.. ام خالد بنص عين : أيــه.. اجل تعجبك..؟؟ يوسف مبتسم لجدته اللي كشفته : أيــه.. ام خالد : وهي زينه..؟؟ يوسف : الا قمر من حلاتها... وفجأه انصدم باللي قاله...!!!! ام خالد : يالله ان تثبتنا...عاد انت يا يوسف ما هقيتها منك..؟؟!!!! يوسف فاتح عيونه : وشّــو اللي ما هقيتيه..؟؟ ام خالد : تغازل بنات الناس.. ترى ما هو بزين وانا امك... انت عندك خوات وتبغى لهن الستر..!! يوسف يلعب باعصاب جدته اللي فهمته غلط : عاد وش نسوي.. القلب وما يهوى..!!! ام خالد : يويسف عن هالكلام الشين... ولا والله يا اني اقول لامك تخطب لك من الحين...!!! يوسف انفجر ضحك على جدته : هههههههههههه.. والله يا يمه اني ما اعرف هالخرابيط... انتي فاهمه غلط..!!!! ام خالد : اجل وش الصح..؟!!! يوسف : الى ما اتأكد من نفسي اقولك.. والله ان تكونين اول وحده... هاه وش قلتي..؟؟!!! ام خالد بحنان : الله يحفظك يا وليدي... والله ان غلاك كل يوم يزيد بقلبي... الله يخليك لي... (وبدت عيونها تدمع..) يوسف ما استغرب من جدته هالدموع.. لانه متعود يجيها دايما ويجلس معها.. وهي تسولف له عن حياتها وعيالها.. وخاصه ولدها خالد.. اللي من تزوج وهي ما عاد صارت تشوفه مثل اول... يوسف لمها من كتوفها : خلاص يا ميمتي... لا تهمين عمرك.. وتصيحين شئ ما يستاهل... واذا تبيني اعرس.. ابد الحين اروح اخطبها.. واحطها عندك.. وش تبين بعد.. ام خالد بابتسامه : لا بالله .. اجل ناوي تاخذ شغاله..؟؟!!!!! يوسف ضحك ما توقع جدته ترد هالرد : ههههههههههه.. ما تسوى علي احطها شغاله...؟؟!!!!! ام خالد ضحكت : الله يوفقك يا وليدي ببنت الحلال اللي تسعدك دنيا وآخره.. يوسف قام واقف : آمــيــن .. حب على راسها وطلع عشان يروح للشباب.. . . . من جهة ثانيه العنود كانت واقفه مع الجوهرة مرة اخوها في المطبخ.. اللي كانت تستعد لاهلها جايينها بزياره الخميس.. الجوهره للعنود : عاد مو ما تجين.. خواتي ودهم يجلسون معك.. العنود : لا استحي... وش جابني في عزيمه عائليه.. الجوهره بظره غير : وليش لا..؟؟ كــلــنــا عائلــه وحــده...!!! العنود ما انتبهت لكلام الجوهره او حتى فكرت وش المغزى منه... كانت مشغوله بالحلى اللي قاعده تسويه.. وما لها نفس للنقاش.. الجوهره : وبعدين اختي الهنوف تبغى تشوفك..!!! العنود بتفكير : الهنوف..؟؟!! الجوهره : أيــه.. من كثر ما اسولف لها عنك.. اشتاقت لشوفتك...!! العنود بطيبه : تشتاق لها العافيه.. الجوهره وتاخذ منها الصينيه : تسلمين يا قلبي.. العنود : خلاص انا الحين باروح البيت الوقت تأخر.. الجوهره : وين تروحين.. البيت بيت اخوك.. مثل بيتكم.. العنود : عيني في عينك...!!! الجوهره بحياء : ايش..؟؟؟!!! العنود : من جدك انتي.. ما تبغين الجو يفضى لك يعني.. الجوهره ضحكت باحراج... وراحت تدخل الصينيه للثلاجه... والعنود ابتسمت وهي بتطلع.. والتفت : الله يتمم لكم يا رب.. وطلعت... بمشوارها.. من بيت اخوها.. لبيت ابوها...كانت تفكر كيف ممكن تكون حياتها بعدين... اهي مو من المؤمنين بان هناك رومنسيه..!!! او حتى حب من طرف الرجل...!! في نظرها ان المرأه هي اللي دايما تحب وتضحي.. وفي الاخير تخسر كل شئ...!!! واكبر مثال اهي اختها مها.. كانت متزوجه من واحد تموت على ترابه... وهو ولا معبرها.. او معطيها اهتمام... وهالشئ في نظرها اعطى اختها رد فعلي معاكس.. خلاها تطلب الخلع منه... وهي ما ودها ابــدا تعيد التجربه... مو ممكن انها بكل بساطه تسلم قلبها لواحد يمكن يجي ويوم يدوس علـــيــه....!!!! ************* بالليل متأخر.. على الساعه 12 تقريبا.. كان سعود توه واصل لبيت جدته... وطبعا الاغلبيه كانو نايمين... الا البنات.. اللي لايمكن يفوتون عليهم هالجمعه بالنوم... نزل من سيارته.. وراح للمجلس.. وشاف الشباب نايمين بدون لا يحسون... ما حب يقومهم.. طلع وراح للمطبخ.. كان عطشان.. وهناك ما حصل احد.. دخل واتجه مباشرة للثلاجه... وطلع المويه واخذ كأس وجلس يشرب.. . . البنات فوق... مستحيل يجلسون كذا بدون لعب او مواقف.. او حتى زياره للمطبخ... ولو خاطفه.. هند : اقووول... مي : قووووووولي .. هند : ما جعتو.. ما ودكم تاكلون وجبه خفيفه... غاده : والله نفسي في شئ... بس ما ادري اخاف تخلوني اسويها لكم.. وبصراحه بذل مجهود وتعب... هند : لا قولي ما عليك.. احنا كلنا بنتعاون... مي : سوووري... انا ما راح انزل...!!! هند : والله مو بمزاجك..!!! غاده : ايييه اذا ما نزلتي راح تشوفين شغلك زين ما زين..!! مي : لا تكفين.. خلاص بانزل..بانزل عفاف : ههههههه.. وعرفت لها..!!! غاده : افا عليكم بس... اعجبكم...!!!! هند : طيب يالله قولي وش نسوي...؟!! غاده : وش رايكم ننزل نسوي اندومي...!! مي صرخت ووقفت واقفه : ياااااي.. يالله تكفون نفسي فيه.. هند : مالت عليك... على بالي عندها سالفه.. الحين قلت بتسوي لنا حاجه معتبره... عفاف : وتقول مجهود وتعب.. في هاللحظه...امل فتحت الباب.. والكشه لوين واصله.. الكل انفجر ضحك على شكلها.... امل تتثاوب : ابي ماء... غاده : لا.. امي ثلج... عفاف : هههههههههههه... ساره : اشتغلت غدو... غاده تلتفت لها : عمتك بعد...!!! ساره : لا والله.. عفاف : خلاص انتي وياها.. مي : يالله قومو ننزل للمطبخ... هند : انتو اسبقونا... وبنلحقكم انا وعفاف بعد شوي... ساره : لا ما نيب رايحه مع هذيلا متوحشات...!!! غاده : عاد اللي متقطعين عليك الا تروحين معنا... ان شاء الله عمرك ما جيتي...!!! مي بالحاح : ياللـــه...!!!!! هند : طيب خذو معكم امل عطوها مويه... غاده : لا ما راح انزلها واتعب.. تعالي ساره خذي لها مويه وارجعي لهم... عشان ما ناكلك...!!!! هههههه.. مي : هههههههههه.. هند : خلاص انتو روحو.. يالله ساره..!! ساره طلعت بدون نفس... ونزلو تحت... وعفاف وهند... ظلو جالسين.. عفاف التفت على هند بنظره استفهام : هااه.. وش فيك..؟؟ هند : موضوع...؟؟ عفاف : اللي هو...؟؟ هند : ماجد...؟؟!!!!! عفاف بابتسامه : لا تقولين...؟؟ هند باحراج : والله...!!!! عفاف : وان شاء الله هالمره بعد ما وافقتي...؟؟!! هند : صعبه يا عفاف... مو بيدي هالشئ... لكن والله صعبه علي...!! عفاف : وش وجه الصعوبه فيها...؟؟ هند : انتي عارفه انه ساكن بجده... وانا صراحه خايفه اترك اهلي... واروح عنهم بعيد... عفاف : بس هو شاريك... يعني ما تقولين لي كم صار له من سنه وهو يخطبك.. وانت ترفضين..؟!! هند نزلت راسها بحياء... كلام عفاف صحيح.. عفاف : هاااه..كم سنه...؟؟ هند : انتي عارفه..؟؟ عفاف : لا ما اعرف انتي علميني...!!! هند : امم.. يمكن.. اربع سنوات.. او خمس...!!!!! عفاف بابتسامه : وتتوقعين شاب في بداية حياته ويطلب وحده للزواج اكثر من مره.. انها رخيصه عنده... لا والله.. بصراحه اذا رفضتي هالمره... اسمحي لي اقولك.. انه ما عندك سالفه.. اجل وحده يحق لها واحد يحبها ويبغاها من كم سنه واهي ترده.. ويرجع ثانيه وثالثه.. بدون يأس.. اكيد شاريك.. يا بنت الحلال استخيري... وخلي كل شئ على ربك.. هند : رايك..؟؟ عفاف تمسك يد هند : اكيييييد... استخيري الليله.. ولا تنسين تبشريني...؟!!! هند : واثقه..؟؟ عفاف : باذن الله.. الله لا يخيب رجاك...!!!! هند بنظرات حب.. ما عرفت وشلون انها تكافئ عفاف على الهم اللي شالته من قلبها...!! اكتفت بابتسامه حلوه... وقامو ثنتينهم.. ينزلون تحت للبنات... . . . اول ما نزلو.. كانت غاده متقدمه عليهم.. وباقي شوي وتدخل للمطبخ... التفتت تكلم مي... وهي ملتفته تكلمها حطت رجلها في المطبخ.. وجت بتكمل دخلتها... ما حست الا بصوت احد يتنحنح.. رجعت بسرعه طلعت وصدمت في مي اللي جايه بتدخل... مي : بسم الله.. شفيك...؟؟ غاده تتنفس بسرعه من الروعه : ما ادري... فيه احد في المطبخ...!! مي بخوف : يمه... مين بيكون.. الساعه داخله على الوحده...!!!!! غاده : يمكن احد من العيال...؟؟ مي : بس من بيكون..؟؟ وليش يدخل داخل...؟؟ كل شئ عندهم...؟؟ غاده : تغطي وادخلي شوفي...!! مي : لا والله وليش انا...؟؟ ليش مو انتي ولا ساره...!! غاده : ايه... ساره تعالي ادخلي..؟؟ ساره بعناد : لو تذبحيني ما دخلت...!! غاده تبي تكذب احساسها اللي واثقه منه... انه اللي داخل حبيبها وما في غيره... بس خساره حتى شوف ما شافته... غاده : يالله مي ... تكفين...!!!! مي : بس خلك وراي...طيب..؟؟ غاده : طيب..طيب.. وطلت مي براسها... وشافته جالس... مي رجعت ورا... وانفجرت ضحك... ساره راحت عنهم... تنادي عفاف وهند... وغاده استغربت من ردة فعل مي... وفي نفس الوقت تأكدت ان احساسها صادق مثل كل مره... مي : المفروض تدخلين انتي... وتسلمين بعد...؟؟ غاده انحرجت من كلامها... وضربتها على كتفها بقوه... مي : وجع... خلي عندك رقه شوي... ولا ترى ما اخليه ياخذك..!!! غاده سكتت وما ردت عليها... لانها شافت عفاف وهند وساره جايين.. فما حبت توضح لهم شئ.. او تنبههم على حبها وحالتها اللي الله اعلم بها... عفاف : وش فيكم...؟؟ هند : مين اللي داخل..؟؟ مي : هذا سعود... باروح اشوفه يبغى شئ... واخليه يطلع.. غاده كان ودها تقولها خليه على راحته.. ما نبي شئ... بس استحت وما قدرت تنطق بحرف... وعفاف تداركت الموقف : لا خليه براحته... اخاف ما تعشى او شئ... كيفه.. مي : طيب انتو خلكم بالصاله... وانا بادخل اشوفه.. مي ما كانت قريبه منه ابدا.. بس حب غاده له.. وتعلقها فيه... خلى مي غصب عنها تتقرب منه.. دخلت عليه مي المطبخ... وكان منزل راسه بين يديه... وكأنه يفكر.. وهو سرحان بطيفها اللي زاره قبل دقايق... ما كان متصور انه بيشوفها بهالسرعه.. مي وتحط يدها قدام عيونه تستهبل عليه : احم.. احم.. سعود رفع نظره لها وفهم مغزاها... وما ترك لها فرصه تكلمه... قام وطلع بدون لا يرد عليها بكلمه...!!!! ومي واقفه ومنصدمه : مالت عليه... وانا متعنيه له.. ومكلفه عمري عشانه.. وفي الاخير يطنشني... ويطلع...!!!!!! رجعت مي للبنات وقالت لهم انه طلع... بس ما وضحت اللي صار بالضبط... وغاده ودها لو تذبحها... بس ما في يدها حيله.....!!!! ************** قفل السماعه بيأس.. وجلس وكتف يديه وهو يتنهد... محمد : عسى ما شر..؟؟ عبدالعزيز : الشر ما يجيك.. بس أهلي ما يردون.. محمد : دق لهم مره ثانيه.. عبدالعزيز : هذي المره الثالثه اللي ادق لهم فيها اليوم.. ونفس النتيجه.. محمد : لا ان شاء الله.. ما فيهم الا العافيه... عبدالعزيز : الله يسمع منك... بس تدري امي ما تطلع كثير من البيت.. صحتها ما تسمح... محمد : يا اخي بدال هالهم اللي انت فيه.. اتصل على سعد.. ولا على اختك.. وارتاح وريح قلبك.. عبدالعزيز : ومن يقولك اني ما اتصلت.. اتصلت عليهم.. اللي ما يرد عليه.. واللي غالقه...!!! محمد : الله يعينك...بس ترى اليوم اربعاء.. واكيد طالعين او شئ... عبدالعزيز : ما علينا... بكره ارجع اتصل لهم.. المهم الحين.... محمد يبتسم على صديقه وطريقته في ابعاد الضيق والتفكير عن نفسه : أيــــه...؟!! عبدالعزيز : ما تقولي وش سالفتك انت وسامر هاليومين...؟؟ محمد تغرت ملامحه بمجرد ذكر اسم سامر على لسان عبدالعزيز... ما كان ابدا متوقع هالسؤال.. فسكت وما رد...!!!!! عبدالعزيز : شفت انه فيه شئ...؟؟!!!! محمد تنهد : آآآآه... وش اقولك بس...؟؟ عبدالعزيز : قل وما عليك... محمد : تعرف انه ما باقي لنا الا شهرين ونرجع باذن الله... عبدالعزيز يقاطعه : اقل من شهرين... لا تنسى..!!! محمد مبتسم : اقل.. اقل...!!! عبدالعزيز : ايه...كمــل..!! محمد : وبصراحه.. اشوف سامر متغير حيييل... عبدالعزيز : متغير..؟؟!!! وشلون..؟؟؟!!!! محمد : ما ادري عنه... لكنه في الفتره الاخيره صاير مثل ظلي... حتى في الجامعه.. اشوفه عندي... وانت عارف ان مجالات التخصص تختلف.. وفي نفس الوقت اول ما اطلع من الشقه.. احس به يتبعني...!! عبدالعزيز فاتح عيونه : يتبعك...؟؟!!!!! محمد : للاسف... ومن كم يوم... يوم تهاوشنا... تذكر..؟؟ عبدالعزيز هز راسها علامة الموافقه.. محمد كمل : قالي انه يبغى فلوس... ومحتاج لها ضروري...!!!!! وصار يهددني ببحوثي وملفاتي انه راح يطلعها وينشرها... وانت تعرف انا وش كثر تعبت عشان اجمع المعلومات الموجوده.. وارتبها في هالملفات... عبدالعزيز : وبعدين...؟؟ محمد : ابد.. عطيته فلوس.. وانتهى الامر... مو لانه هددني.. انا تهديده ما يهمني... لكن بحكم الاخوه اللي بينا عطيته.. واليوم جا وعاد نفس الطلب...!!!!! عبدالعزيز : وعطيته..؟؟؟!!! محمد : لا.. بصراحه انا شكيت في تصرفاته... ورفضت اعطيه.. مع انه الح علي... لكني ما قدرت اعطيه... عبدالعزيز : وما خفت انه ينفذ تهديده لك..؟؟!! محمد : انا قلت لك ما يهمني لا اهو ولا غيره... ما دام اني على ثقه بربي.. وان اللي اسويه ما يعارض مبادئ... عبدالعزيز : طيب ليش سامر يسوي كذا...؟؟ انا اعرف انه نذل وما ينوثق فيه...!!! لكن طول هالسنتين ما شفنا منه شئ....!!! محمد : وهذا اللي يقهر... على اخر اللحظات جاي يهدم كل اللي بنيناه..!! عبدالعزيز : الله يستر... اهو يعرف بموعد رجوعنا...؟؟ محمد : لا... وهذا اللي بغيت انبهك له... انتبه تقوله أي شئ... لانه على باله ان احنا بنطول المده... عبدالعزيز : ابشر افا عليك...!! محمد : كفو والله...!! عبدالعزيز : احــم..!! محمد : ههههههههه.. كانت نايمه براحه ما حست فيها من ايام... زوجها اليوم رجع لها... صار له فتره متغير عليها.. لكن حبها له غصب عنها خلاها تتنازل عن ظلمه لها وتسامحه... صحت ام فارس على صوت ضرب لجرس الباب... والضرب متواصل... التفت للساعه شافتها وحده.. وحده وشوي... ما استوعبت... مين اللي بيجينا الحين...؟!! قامت بهدوء وهي تناظر زوجها اللي نايم بسلاااام.. وما حبت تزعجه...!! راحت للشباك... فتحت الستاره بهدوء... وانصدمت... كان هناك عند بابهم... سياره ليموزين... ونازل منها حرمه... ومعها بنت وولد... وواقفه عند الباب مباشره... وكأنهم ينتظرون احد يفتح لهم... خافت لا يقوم زوجها من صوت الجرس.. وفي نفس الوقت ما تدري وشلون تروح تشوف مين هذا...؟؟ اهي عندها الجرأه انها تنزل.. لكن زوجها مستحيل يرضى... قومته بهدوء... وقالت له عن اللي شافته... نزل زوجها وهي وراه.. كان يقولها ترجع... لكنها كانت خايفه عليه اهو... تخاف تفقده مره ثانيه...!!! راح زوجها للباب... وفتحه... وكانت صدمتها عنيفه.. باللي شافته.. كانت واقفه على الباب... زوجة اخوها.. ام معاذ ما غيرها... ومعها بنتها الصغيره منال... وولدها الصغير تركي... رجع ابو فارس وقفل الباب وطلع للصاله... عشان تعرف ام فارس تتفاهم مع مرت اخوها... ام فارس بصدمه : وش فيكم...؟؟ ام معاذ تبكي : اخوك... ام فارس ما سكه قلبها لايكون صار له شئ.. يكفي واحد راح منها : وش فيه...؟؟؟!!!! ام معاذ : طردني من البيت...؟؟ ام فارس باستغراب : طردك...؟؟ ليش عاد...؟؟ وش اللي صار..؟؟!!! ام معاذ تشهق بالصياح : صارت مشكله... وترادينا بالكلام... وانتي تعرفينه ما يستحمل... بسرعه يعصب..!!! ام فارس كانت مستغربه من كلام مرة اخوها... اخوها عمره ما كان عصبي.. كل الامور عنده تنحل ببساطه... وبدون ادنى ضيقه... لكنها فوتتها لها... ودخلتها لداخل... بدون حتى لا تسألها ليش جت لعندها من دون الكل..؟؟؟ ليش اهي بالذات...؟؟؟!!!!!!! **************** البنات ببيت جدتهم كملو السهره لقريب الفجر... طبعا غاده متعوده على قلب النظام.. بعكس مي اللي كل شوي وقالت خلونا ننام... وعفاف بعد كانت نعاسه... بعد صلاة الفجر.. الكل تقريبا رجع ينام... غاده كانت جالسه في الصاله.. والاضاءه خفيفه من حولها... مرت عليها مي... حاولت فيها يدخلون ينامون... لكنها رفضت... وجلست لوحدها... بعد فتره جتها هند وجلست معها... هند : وش فيك ما بعد مانمتي...؟؟ غاده : ما احس اني نعسانه...!! وانتي..؟؟ هند : ولا انا...!! غاده : وش رايك نطلع برى...؟؟ هند : وين.. بالحوش..؟؟ غاده : لا بالمزرعه... يا حلاة جوها الصبح جنـــااااااان.. هند : تصدقين على كثر جياتي لبيت امي ساره... الا اني ولا مره جربت اغامر واطلع..!! غاده : بالعكس مغامره حلوه...!! ما فيه مثلها...!! هند : وانتي متعوده ان شاء الله..؟؟ غاده : افا عليك... احد يحق له طلعه رووووعه ويفوتها...!!! هند : وكل مره تجين هنا تطلعين...؟؟ غاده : أيــه.. ليش..؟؟ هند : غريبه ان احنا ما ننتبه لك... غاده : وهذا احلى شئ... ( وتغمز بعينها ) خلويــــه... هههههههه.. هند : ايه خلويه مع الهنود...!!!!! غاده : حرام عليك... الصبح ما فيه احد... هند : طيب يالله نطلع شوقتيني... غاده تناظر ساعتها : لا تونا شوي... الى ما تطلع اشعة الشمس... يكون احلى... هند : لا الحين.. وبعدين انعس... وتقعد الطلعه في بالي... غاده : ههههههههههه... يالله.. بس تراها مو حلوه...!!! هند بعناد : بكيفها... معك بتصيرحلوه... غاده : ههههههههههههه.. هند : لا تضحكين... غاده : هههه ليش..؟؟ هند : بس كذا مزاااااااج... وطلعو يتمشون في المزرعه.. اللي كانت تخص جدهم ابو خالد... لكن بعد وفاته ظلت فيها جدتهم.. ما هانت عليها تتركها.. وتترك ذكرياتها الحلوه فيها...!! كانت مزرعه حلوه.. وهاديه ومرتبه ترتيب حلو يفتح النفس.. والاحواض منتشره فيها... والورود بكل مكان.... بعد ما ظلو يمشون فتره.. وكل وحده هايمه في عالمها.. واحاسيسها... هند.. كانت تفكر في موافقتها على ماجد.. اللي للحين ما اعلنتها لكنها بعد الاستخاره.. حست براحه... وطمأنينه في نفسها... ويمكن بعد لانها شاورت عفاف في هالشئ... وهو ريحها شوي...!! اما غاده... فكانت تحاول تطرد الافكار من بالها... افكار تذكرها بحبيبها مع كل خيط من خيوط الشمس... كانت تشوف فيها صورته.. وكل شئ يخصه...!!! وعشان كذا شغلت تفكيرها برسايل جوالها اللي كانت ماخذته معها.. كانت تراسل عهود صديقتها... وعهود ترد عليها بالمثل...!!! جت الساعه ست.. وهم للحين يتمشون بوناسه... وضحك... واصوات العصافير من حولهم... واشعة الشمس تحيط بهم.. وتحفهم اصوات الماء اللي يجري في الاحواض... هند بملل : خلاص... والله تعبت... احس اني نعسااااانه... غاده : بس ولو الطلعه تستاهل التضحيه...!!!! هند : لا واللي يرحم والديك ضحي لحالك... انا بارجع انام... غاده : كيفك..!! انا لازم احلل الطلعه...!!!!! هند : حلليها يا اختي براحتك... يالله.. بااااي... راحت هند... وما ظل غير غاده... اللي كانت تتأمل كل شئ من حولها... الشجر... الورد... الماء... حتى الهواء... كانت تحس انها اول مره تتنفسه بهالروعه... ظلت تمشي مسافه.. وهي راجعه للبيت... حست بان الارض تحتها رطبه... وكأن فيها ماء.. او طين... كانت الارض موحله.... وما حست بنفسها الا وزحلقت... وطاحت... وهي تتلوى من رجلها... ما تدري وش صار لها... نست كل شئ حولها... رفعت راسها عشان تستوعب اللي صار... وما حست الا بعينهــــا طـــاحــت بعـيــــنــه.........!!!!!!! | |||||||||
|  |
|
25-02-14, 04:38 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الحادي عشر كانت نايمه بهدوء.. وتسمع اصوات من حولها.. صحيح هي ما تميز كل صوت عن غيره.. لكن فيه كلمات تخصها هي بالذات...!! بعد لحظات كانت تسمع بوضوح كل كلمه تقال.. كانت تمثل دور النايمه... ما كان عندها القدره انها تفتح عيونها... كانت هند جالسه على طرف السرير.. وعفاف تتكلم معها... عفاف : وينك عنها..؟؟ هند : انا دخلت قبلها.. يوم شفتها بتتأخر رجعت انام... وما حسيت الا بالجوال يدق.. كانت هي متصله... وتقولي تعالي.... كانت هذي اخر كلمه سمعتها.... وبعدها رااااااااحت في ساااااااااابع نومه... . . اول ما صحت مي على اصوات اهلها... ارتاعت من الكلام اللي سمعته عن غاده وطيحتها بالمزرعه... كانت تسمع ومو مصدقه انه ما صار لها شئ... جلست على الكنبه جنب جدتها... تعرفها هي الوحيده الصادقه فيهم... وبتقولها كل اللي صار... بعدما سمعت السالفه.. على طول قامت تروح لها وين ماهي نايمه بالغرفه... . . بعد لحظات كان الهدوء يعم كل ارجاء الغرفه..!! فتحت عيونها ببطء.. كانت تبغى تقوم.. اول ما تحركت بتقوم حست بالم شديد في رجلها.. طاحت على السرير وهي تتحس رجلها باسى.. الحين بس استوعبت انها طاحت.. واسترجعت اللحظه اللي التقت فيها عيونهم...!!! شافته واقف قدامها... ما تفصله عنها الا خطوااات...!!! غمضت عينها بحزن وهي تذكر شكله لما عطاها ظهره وراح... راح بدون لا يلتفت لها.. او حتى يقول لاي احد عنها وعن طيحتها... ما فكر في لحظه ان طيحتها هذي يمكن ما تخليها توقف على رجلها... او توصلها للبيت سالمه... لكن وين يروح عني.. اما خليته ينـــــدم.. ما اكون غاده...!!!! انفتح الباب وانقطع حبل افكارها... وكانت مي واقفه... وهي تطالع غاده بنظرات حب.. وخوف في نفس اللحظه... ما قدرت تخفي خوفها... جت لها وضمتها ودموعها بعيونها.. مي بعبره : الحمد لله على سلامتك غدو... غاده تتحاول تبتسم : الله يسلمك.. مي بعد ما تركتها : والله ما ادري وشلون اعبر لك ع....... وراح صوتها بالبكاء.. غاده رجعت تضمها : مي.. حبيبتي... ترى ما فيني شئ... كلها كسر بسيط.. وفتره نقاهه.. وبارجع لك مثل اول وافضل ان شاء الله.. وش تبين احسن من كذا..؟؟!! مي تبتعد : ما ادري... بس احس بالصدمه... يمكن لان طريقتهم في توصيل الخبر.. روعتني.. وحتى ولو الكسر مو بسرعه ينجبر... غاده : لا يا عمري.. ما صار شئ.. والحمد لله على كل حال...!! مي كانت تناظر غاده بنظرات لها كل معانى الحب... او تطالع رجلها الملفوفه بالجبيره... وغاده تحاول قد ما تقدر انها ما تحط عينها بعين مي... لا تنفضح وتقول كل اللي عندها... بعد ما جلسو شوي يسولفون... كانت غاده تحس بالملل من القعده.. وتبي تطلع من الغرفه... غاده تمد يها : مي ساعديني... مي : وين..؟؟ لا ما فيه طلعه...!! غاده : تكفين مي... والله مليت...!! واخيرا وافقت مي انها تساعدها على المشي... بعدما طلعو... كانت قدامهم جدتهم ام خالد.. وما شاء الله ما قصرت في لوم غاده لانها طلعت.. وهي تعبانه... جلست غاده على الكنبه.. وبعيونها واضح الارهاق والتعب... لكنها كانت تقاوم... ما تبغى تثبت له عجزها وقلة حيلتها... او حتى ضعف قلبها...!!!! . . . هند كانت واقفه بالمطبخ... عند عفاف اللي جالسه تسوي عصير لغاده... وما هي عارفه وشلون تقولها عن الموافقه... اهي مرتاحه من بعد الاستخاره.. لكن تحس ان حياها يمنعها تقوله بسهوله.. عفاف ما كانت منتبهه لهند الا بعد ما قالت لها الخدامه عن سرحانها... عفاف تلتفت لها : يا هووووووووه... نحن هنا...!!! هند انتبهت وابتسمت... عفاف : هههههههه.. هند منحرجه : اممم.. عفاف... استخرت..و.. عفاف تقاطعها : وارتحتي... وبتوافقين... عارفه... الف الف مبروك حبيبتي... هند فتحت عيونها : هههههههه.. ووشلون عرفتي..؟؟ عفاف وشالت صينية العصير : باين في عيونك.... الله يتمم لك على خير... وطلعت.. هند نزلت راسها بحياء وعيونها بالارض... وبابتسامه حاولت تخفيها لكن وين ما تظهر... والفرحه طافحه من عيونها....!!!!!!!! **************** في بيتهم... كانت العنود جالسه مع امها... وهي تشكي لها من الم رجليها.. و تسمع لامها بكل انصات... وحب.. وتحاول ما تفكر في العزيمه اللي عند اخوها... لاهل زوجته... كانت تفكر ما تروح.. لكن كل اللي بالبيت بيروحون.. والله يعينها... جت لهم عبير تركض ومستانسه... ومعها كيس... العنود بابتسامه : عطيني اشوف..؟؟ عبير : لا آبي... ( لا مابي ).. ام فهد : هههههههههه.. وما تبي بعد...؟؟ العنود وتمثل انها تبكي : اهئ اهئ.. ( و تحط يديها على وجهها ) عبير ببلاهه تطالع العنود .. وراحمتهاااا... مصدقه البنيه...!!!!! ولما قربت منها عشان تشوفها ليش تصيح...... مسكتها العنود فجأة.. وعبير تضحك تبغى تفلت منها.... العنود : هههههههههه... ما فيه مفر... عبير : آبي.. آبي... اتيني حوااواا .. العنود ظلت تضحك على عبير : حواوا... اول عطيني الكيس... واعطيك حواوا..!! عبير باستسلام اعطت الكيس لخالتها..... والعنود على طول فتحت الكيس... وهي لازالت تضحك... وفجأة اختفت الابتسامه من على وجهها... يوم شافت اللي بالكيس.... وبسرعه قامت وطلعت لغرفتها........ وعبير طلعت وراها... تبي الحوااواا.. اول ما وصلت لغرفتها.. حصلت درجها معفوس بطريقه فوضويه... وارتاحت يوم شافت علامات البراءه مرسومه على وجه عبير... يعني اكيد هي لوحدها كانت بالغرفه.... عطتها الحواوا.. وقفلت الباب بعدما طلعت عبير من عندها... طلعت منها آهه مكبوته.. وتساؤلات عديده تدور في بالها... الحين لو كان ابوي في الصاله... وشاف الكيس... وفتحه كيف كان بينظر لي...؟؟ او فهد.. لو طاحت بيده هالصور... كيف ممكن يكون تصرفه..؟؟ او حتى مها... اووووووه.. ومسكت راسها... يا ربي..؟؟ حسبي الله ونعم الوكيل فيك يا جميلوه... انتي وهالصور اللي بليتيني فيها.....!!!!!!! ********************* كان مجرد وجود زوجة اخوها ببيتها... وفي يوم اجازتها... شئ مقرف.. ومزعج في نفس الوقت... لكن ما باليد حيله... حاولت انها ما توضح أي شئ على ملامحها الهاديه نسبيا... كان الوقت وقت غدا... وهي بصالة الطعام تجهز لزوجها واولادها السفره.... التفتت على زوجة اخوها.. اللي توها داخله... ام فارس : هـــــلا... ام معاذ : السلام عليكم... صباح الخير... ام فارس : وعليكم السلام ورحمة الله... الا قولي مساء الخير.... بس ما تنلامين... نمتي متأخر... ام معاذ : عاد وش نسوي يا وخيتي... الله يخليلك زوجك وعيالك... ولا يحوجك لاحد من خلقه... ام فارس : آميـــن... ام معاذ : ماشاء الله سويتي الغداء... ام فارس بابتسامه باهته : هههه... اكيد.. اجل بنقعد بلا غداء... ام معاذ : أيــه.. الا ما فيه قهوة جاهزه...؟؟؟!!! ام فارس : الا.. بس الحين بنتغدى.. ولا تبغين تتقهوين قبل... ام معاذ : والله اذا علي... في بيتي ما تحلى القعده بدون قهوة... ولا الحلى... ما شاء الله على هدى... عليها طبخ ماشفت مثله...!!!! ام فارس بتهرب : الله ينفع بها... يالله عن اذنك.. والبيت بيتك... ام معاذ تجلس بالصاله : الله يسلمك... طلعت ام فارس للمطبخ... وام معاذ رفعت سماعة التلفون.. ام معاذ بصوت منخفض : الوو.. هااااه... وشلون اخوانك... كلكم بخير.. زين.. انتبهي للبيت... وابوك ما بعد رجع... هااه.. ايه.. ايه.. اتصلي على رقم عمتك.. لا.. جوالي مقفل.. ايه... يالله يالله.. مع السلامه.... ورجعت السماعه لمكانها..... وهي تتصنع البراءه بكل كلمه... و بكل نظره.......!!!!!! ********************** بعد العصر... في بيت الجده... الكل مجتمع بالغرفه عند غاده.... وسوالف يحاولون يغيرون من نفسيتها... ويفرفشونها شوي... دخل للغرفه حسام اخو غاده الصغير.. ومن وراه راكان ولد خالته... راكان : مي... مي من جنب غاده : نــعــــــم....!! راكان : تعالي ابغاك.. مي : احم.. احم... ان جميع المأمورون مشغولون.. اتصل في وقت لاحق... وشكرااااااااا........ البنات كانو يضحكون على مي.... راكان : والله باقولك... مي : يووووووه.... عندك هند... ( وتلتفت لهند ) هنوده... ينادونك... هند بسخريه : لا والله..؟؟ وينكم... جايه.. جايه...!!!!! عفاف : هههههههه... قومي شوفيه شكله ينرحم..!! مي قامت وهي تتأفف : هااه.. راكان ويقرب لاذنها ويقولها... مي : طيب .. الحين جايه... ( وتلتفت للبنات ) عن اذنكم صبايا... طلعت مي .. وراحت لوين ما قال لها راكان... وهناك حصلته واقف بكل هيبه ويلعب برجله على الارض... مي : هااااي.. سعود : هلا.. مي : مرحبا.. طالبني.. سعود بابتسامه تخفي وراها الاف الاشياء : وش اخبار.. مم.. ( وعض على شفاته وسكت..!! ) مي بابتسامه وتغمز له بعينها وفي داخلها تتحلف لهم : مين..؟؟؟؟؟؟ سعود يمثل العصبيه : مـــــي... بلا سخافه..!!!!! مي : زين... وش تبي فيني مناديني..؟؟ سعود : خلاص ما ابي منك شئ... ( ولف بيرجع ) مي بسرعه لحقت عليه ومسكت يده..: وين...؟؟ هو دخول الحمام زي طلوعه...!!!!! سعود : خلاص... مو انتي ما تبين راحتي ووناستي.. ترى اللي فيني كافيني...!!!!!!! مي : وشو اللي فيك...؟؟؟؟ سعود : اووووووف... اللهم طولك يا روح... مستعده تفهميني... ولا خليني اروح وانسى اني طلبتك اصلا... مي : مستعده اتم الاستعداد.... آمر.. سعود راح لسيارته وطلع منها حاجه حطها ورى ظهره ورجع... مي تناظره ببلاده... سعود ويمد لها بوكيه ورد اوركيدا ابيض جنــــااااااان...!!! مي مو مستوعبه خذت البوكيه وهي فاتحه عيونها على وسعهم : هااه... سعود : وصليه لها و... مي تقاطعه : لهـــــا.....؟؟ من هي...؟؟ سعود : مي... ناقصك انا...؟ على بالك ما تعرفين..؟؟ مي ترجع له البوكيه : لا حبيبي... مراسيل الغرام انا ما اوصلها...!!!!! سعود ما اخذ البوكيه منها.. بس علق على اعلى البوكيه كرت رووعه... عليه صورة دبدوب ماسك قلب... وفي وسطه مكتوب " الحمد لله على السلامه الغاليه " مي كانت تطالع الكرت... وبفكره شرانيه على طول قررتها رجعت لداخل البيت... وبوكيه الورد بيديها..... . . . بعدما جلس بالمجلس... تنفس بعمق.. كان المجلس تقريبا خالي... ما فيه الا فيصل... اما يوسف فطلع يجيب اغراض وهذا سهل مهمته... وطبعا مهند وسعد رجعو من الفجر لربعهم... ولرحلتهم... كان سعود يفكر... يا ترى كيف بتكون ردة فعلها تجاه اللي سويته..؟؟ ويا ترى اللي سويته صح.. ولا غلط ..؟؟؟ لالا.. اكيد هي فاهمه انا ليش رجعت يوم شفتها طاحت... اصلا مو من حقي حتى اكلمها...!!!! ولا أي مخلوق ثاني له هالحق عليها...!! و الورد.. بيعجبها ذوقي فيه... ولا بترفضه...؟؟؟؟؟!!! قطع عليه خيالاته... دخول يوسف ... وبوجود يوسف مستحيل يفكر ادنى تفكير باي شئ ثاني...!!!! . . كانو كل البنات ملتمين حول غاده.. يطالعون البوكيه... وكل وحده تحاول تسحب منه ورده... ومي تطق يديهم عن يلمسونه.. يا زعم بيذبل... امل : اقول مي... مي : هااه.. امل : كل هذا حب لغاده...؟؟ طيب انا يوم تعبت ما جبتي لي....؟؟ مضاوي : ما جابت لخواتها.. عشان تجيب لك..!!!! مي : مو شغلكم... وبعدين غاده مو أي احد.... اذا انا ما جبت لها.. مين راح يجيب..؟؟ عفاف : الله يديم هالمحبه... وينولنا نصيب... هند تكلم عفاف : ان شاء الله....هههههه غاده ما كانت تسمع كلامهم.. كانت ماسكه البوكيه.... وتمسح على الورد... ورده ورده... ما حبت تسأل مين اشتراه لمي... لكن احساسها كان يقولها انه هو... على الاقل... شافه... واختاره... ويمكن لمسه... ومع كل لمسه فيه.. احس بروحه موجوده... لكن ليش مو اهو اللي ارسلي الورد...؟؟ كان اولى فيه هو يرسله... ويعتذر لي بعد...!!!!! اللي صار لي مو شوي...!! كنت باخسر رجلي والسبب!!.....آآآآآه... بس وش اقول... القلب وما يهوى... مكتوب علي اتعذب مــعــه... وفــيــه... ولـــه... وانا الوحيده اللي اعاني...!!!!! مي من جهة ثانيه... كانت تطرد فكرة اللوم اللي انولدت داخلها... كان ممكن انها تقول بكل بساطه ان الورد من سعود لغاده.... لكنها حبت تلقن الاثنين درس... وتنزل من كبرياءهم الواضح... فكان لازم وهي تشوف صراخ البنات اول ما دخلت بالورد انها تقول انه هديه منها بسلامة غاده...وبكذا راح ينجذبون لبعض اكثر وهذا في اعتقادها هي وبس... وهي ما تدري انها بهالتصرف ممكن توسع الفجوه اكــبـــــر... واكــبـــــر مما تتصوووور.....!!!!!!! ************** ابتسم بخيلاء... وغرور للي سواه.... حس انه بس الحين برد حرته فيه... وانتقم منه... ومن تكبره عليه ورفضه لمساعدته... ترك بسام النت.... وقام واقف... كانت نشوة الانتقام طاغيه في اعماقه... ويتصور انه باللي نفذه.. ابعد عنه ألد أعداءه... سمع صوت الماسنجر... تسجيل دخول احد الاعضاء... قرب منه.... وانصدم لما شاف اسمه مكتوب امامه بكل وضوح.....!!!!! بسام من الصدمه... ما كانت عنده القدره انه يرد عليه ومازن قاعد يكتب له... كيف انه فاقده في الفتره الماضيه... ومشتاق للجلسه معه والسوالف مثل قبل...!!! حس انه انخدع... من الهكر اللي قاله انه دمر جهاز مازن.. والغى جميع الحمايات الموجوده... وزرع عنده اكثر من 6 ملفات تجسس... لكن كيف..؟؟ وهذا مازن جالس يكلمه... بسام رجع للكيبورد باصابع مرتجفه... وكتب كلمه وحده " آســـــــــف " مازن من الطرف الثاني.. استغرب من الكلمه.. لكنه قال بيستفسر من بسام عن اللي شافه قبل شوي..فكتب " بسام ما عليش حاب اسألك عن شغله.. ممكن..؟؟ " بسام ما رد عليه.. فكمل مازن " من شوي كنت جالس بالمقهى... وفاتح النت من واحد من الكمبيوترات.. وفجأه حسيت باحد يهكر علي... والغى كل شئ موجود بالجهاز..!!! " بسام الحين بس فهم السالفه... لكن ما حب يعلق... او ما عرف كيف يواجه...!!!!!! مازن شاف الوضع مو طبيعي فعلى طول دق على جواله يتأكد اذا هو اللي جالس يكلمه او لا... بسام اول ما رن الجوال عنده... من الروعه نط واقف... حط يده على راسه... ودخل اصابعه بشعره بتوتر... واخيرا رد.. مازن بصوت خايف : الووو.. بساام... بسام بصوت مبحوح يالله ينسمع : هلا.. مازن : بسااام...؟؟ وش فيك..؟؟ بسام : ما فيني شئ.... ليش...؟؟ مازن : اكلمك قبل شوي بالماسنجر... وما ترد علي... انت عنده.. والا برى...؟؟ بسام بتهرب : لا كنت طالع شوي... والحين بس رجعت... ايه هذا اسمك عندي.. مازن : الحمد لله... اهم شئ ما فيك شئ...!!! بسام بخوف : مازن..؟؟ مازن : ســـــم...!! بسام : انت وين بالضبط....؟؟.... الحين جايك... وقفل الجوال... وقفل اللاب توب وحطه في شنطته.. وشاله وطلع... طلع الى وين ما يمكنه ان يصحح به اكبر غلطه سواها...!!!!! *************** كانت جالسه بتوتر.. بين اخوات الجوهره... وتشوف عيونهم شوي وتاكلها... وكل وحده تسابق الثانيه عشان تسولف معها.... بعد فتره... دخلت الجوهره... الجوهره : العنود تعالي شوي.. ابغاك..!! العنود قامت وهي تحس بعيونهم تلاحقها... وفي نفس الوقت تحس انها ارتاحت من الجلسه الممله معهم... بعدما طلعو من الصاله... كانت الجوهره ترتب السفره... وتبغى العنود تساعدها... كانو منسجمين في الترتيب.... ما ناقص الا العصير... طلعت العنود تجيبه... وفي طريقها للمطبخ.. دق جوالها... كانت عفاف متصله عليها... خافت ترد عليها داخل ويتكلمون عليها... طلعت بالملحق... كانت تضحك وهي تسولف معها.. وتضحك على البنات عند عفاف وهم يعلقون على بعض.. سكرت الجوال... ورجعت بتدخل... وهي داخله... بغت تصدم في واحد... عليه جمـــاااااااااال... ما شاء الله... ملامحه حلوه ووسيم... وريحة العطر ماليه المكان.... طبعا اهو طالعها بنظرة غرور... ومشى ولا كأنه شافها... كانت العنود واقفه في مكانها.. تشوفه وهو يروح عنها... ما كانت في ذيك اللحظه بوعيها... حتى تتغطى او تخاف من اللي صار... جت لها الجوهره تستعجلها... وشافتها واقفه في الممر.. واكيد ان زياد مر من هنا... وشافها.... وهذا اللي كانت تبغاه يصير من زمان... الجوهره تحط يدها على كتف العنود : وين العصير..؟؟ العنود انتبهت : هاااه... هنا... هناك..اووه... اقصد كنت اكلم... ونسيته...!!! الجوهره : لا زين انك ما جيتي للمطبخ..!! العنود : ليش...؟؟ الجوهره وهي تتابع حركات وجه العنود : كان اخوي هناك... وخفت تدخلين ما تدرين... العنود تفكر.. اخوها...يعني اللي مر هنا.. هو... اها..بس أي واحد فيهم..؟؟ العنود : اخوك..؟؟!! الجوهره وهي بتدخل بعدما صار اللي تبيه : ايه زياد... ما تعرفينه... توه راجع من برى... وراحت داخل... والعنود تمشي وراها.. مستغربه... وشلون اخوها... وهو فرق الشمس عن القمر عندها... بس ليش ناظرني ببرود...؟؟ وانا المجنونه.. ليش اطلع بدون جلال او طرحه...؟؟ اووف... يعني حتى في بيت اخوي ما ارتاااااح...!!! | |||||||||
|
| |
|
25-02-14, 04:39 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثاني عشر أكذب علي.. أوهمني.. أن – حتى – ما رأيته.. بأم عيني.. ليس حقيقه.. بل ظنونا...ووهما.. وشكا... وخيالا... أقنعني... أنك رمز الاخلاص... والوفاء.. اجعلني أشك في نفسي.. ولا أشك فيك.. اجعلني.. أتهم سمعي.. فأحكم عليك بالبراءه.. وأحكم على قواي العقليه.. بالاعـــــــدام.. . . كانت واقفه تسمع الهمس الداير في غرفة المكتب... كانت مو مصدقه... هذا صوت زوجها... بس مين اللي يتكلم معه... التفت وشافت الغرفة المؤقته لمرة اخوها مفتوح بابها شوي... والنور منبعث منها... انصدمت وش قاعدين يسوون بالليل... الشيطان شاطر... وبدى يلعب بعقل ام فارس... كان الشرر يتطاير من عيونها.... والالم يعترك في صدرها... مستحيييييييل... مستحييل يخوني ... لا ومع من..؟؟ كانت تنفض عن راسها هالافكار... وما تبغى تثبت لعقلها اللي يصير قدامها... تقدمت خطوات... لكنها في اخر لحظه انسحبت.... وتحس بالالم والحسره في قلبها .. ويتصارع في داخل راسها افكار كان في امكانها انها تغيرها... بمجرد خطوات...!!!!!!! *************** بعد ايام من رجوعهم من بيت الجده.. كانت عفاف واقفه مع العنود امام مكتب شئون الطالبات تقدم عذر لغاده بسبب كسر رجلها... بعد ما انتهو... عفاف : اوووف... بس لانها تعباانه... العنود : ههههههههه.. هذي اختك... عفاف : ايه... ومافيه اخت ببلاش... العنود وهي تجلس على الكرسي : حرام عليك.. تظل اختك مهما صار... ياما تمنيت اختي مها تكلمني مثل ما تكلم أي اخت اختها...!!! عفاف بمواساة : ما عليه.. ان شاء الله كل شئ بيتصلح...!!! العنود باندفاع : يتصلح...؟؟ متى..؟؟ ما تقولين لي متى..؟؟ اذا انا ضعت.. تهت.. !!! والله حرام.. اذا انا ما حصلت الامان والحب في البيت... وين باحصله..؟؟ وين..؟؟ مليت من كثر ما احكي لمرة اخوي... ابغى اختي تحس فيني... ياما ايام تمنيت فيها الحضن الدافئ...؟؟ ياما حلمت بطلعه ولو للسوق... ويدها ماسكه يدي... وتنصحني وتدلني على الصح من الغلط...!! ياما وياما...بس..... ( وغاب صوتها في دموعها.. ) عفاف استغربت اندفاع صديقتها.. لكن في نفس الوقت حست بالشفقه لها... مهما كان مالها أي حق انها تحسسها بنقصها... او عدم وجود احد حولها... قامت عفاف ومدت يدها للعنود وحاولت تهديها... هم في مكان عام... وماهم ناقصين كلام من أي وحده كانت...!!! . . بعد ما هدت العنود... ونست او تناست الكلام اللي قالته... حاولت تعتذر من عفاف على اللي صار... لكن عفاف صدتها.... مو لشئ... بس لان كلام صديقتها معها هو البلسم لجروحها.. فما له داعي الاعتذار... عفاف : خلاص اجل تزورينها...؟؟ العنود : لا حبيبتي... توني عندكم الاسبوع الماضي.. مافيني على الكلام...!!! عفاف خافت ينفتح الباب مره ثانيه.. فغيرت مجرى الحوار.... عفاف : العنود.. تذكرين الموضوع اللي قلت لك عنه... يوم كنتي عندنا..؟؟ العنود بتفكير : موضوووع... ممممم... أيــه.. الخطبه..؟؟ وش صار..!!؟ عفاف : شكلي باوافق... العنود : بكل سهوله...؟؟ عفاف : انتي عارفتني.. ما اقدر ارد امي او ابوي... عشان قلبي... او انسان يمكن يتخلى عني...!!!! العنود بنظره : عبدالعزيز يتخلىىىى...؟؟؟؟ علينا..؟؟؟؟ عفاف باحراج : خلاص العنود.. انا باوافق وامري لله...!!!! وعبدالعزيز بيكون صفحه منتهيه في حياتي.. العنود : اهم شئ انتي استخرتي ربك... استشرتي اهلك واخوانك...؟؟ عفاف : من حيث الاستشاره.. قلت ليوسف... وقالي انه سأل عنه وما عليه.. ومعروف عند الناس... لان ابوه رجل اعمال... وهذا الظاهر للناس... والله يستر من اطباعه...!!! اما الاستخاره... فمن يوم ما قالت لي ليلى عن الموضوع... بعد ما رجعنا من بيت جدتي وانا استخير... والحمد لله احس براحه...!!!!! العنود : الحمد لله..... الله يقدم اللي فيه خير.. عفاف : آمين.. العنود : الا وش اخبار هند والخطوبه...؟؟ يا حليلها.. والله اشتقت لها... عفاف : ايه.... لاهيه مع التجهيزات... بعد اسبوعين الملكه... والزواج بالصيف..!! العنود : الله يوفقها.. عفاف تبتسم : يارب.... وعقبالك....!! العنود وراح تفكيرها لزياد اللي شافته في بيت اخوها... وسرحت لنظرته لها وتطنيشه لجمالها اللي عقدها مع كل اللي يشوفونها : الله المستعان... تونااااااااااا... والزواج مو لعبه... يبغى له تخطيط... عفاف : هههههههههههههههههه.... ******************* بعد اسبوع.. كانت خطوبة عفاف لسامي.... عفاف رفضت انه يشوفها... مع انه حقه الشرعي.. لكنها رفضت بكل اصرار... وغاده اللي كانت تمشي بعكاز... كانت متخوفه من هالزواج... ومن الزوج بالذات ما حست بالراحه له... لكنها ما وضحت لاحد أي شئ... عفاف كان اكثر شئ مخوفها... هو نظرة سعد لها اول ما عرف بالموضوع... كانت تتذكر تفاصيل هذيك الليله... يوم قالو السالفه... كان كأن احد كب عليه ماء بااااارد... لكنه فضل الصمت على انه يتكلم في حضرة عمه... قام وطلع.. وعيون عفاف تراقبه.. مر في بالها ردة فعل أي احد الا عبد العزيز... ما كانت تبي تحس باللوم... غاده كانت جالسه بعيد عن عفاف اللي حركة رجليها توضح توترها... وتحس بالالم لحال اختها... لو كان عبدالعزيز مكان سامي... كان سويتي الشئ اللي ما يصير... لكن حكمة الله.... والحمد لله على ما قدر... . . . ببيتهم.. كانت وفاء تحاول تستوعب الكلام اللي تسمعه من اخوها... وهو يقول لامها ان اليوم خطوبة عفاف الرسميه لواحد غير عبدالعزيز... سعد بعد الكلام اللي قاله... وكان باين بصوته العتب واللوم لعمه.. ولعياله... طلع من البيت كله... اما ام عبدالعزيز فكانت منزله راسها.. ودموعها تطيح بصمت... تبكي حظ ولدها اللي راجع... وبيشوف البنت اللي اختارها... راحت لواحد غيره... راحت من يده... والسبب عمه.. واهي اللي ما رفضت على الاقل تبقى على عهدها لعمها... * كانت ام عبدالعزيز عارفه ان عفاف اعطت لعمها عهد ما تكون الا لعبدالعزيز * وفاء اول شئ طرأ على بالها.. اهو عبدالعزيز... وبكل تهـوور... رفعت السماعه... واتصلت على رقمه... لعل وعسى يجي يحل هالاشكال.... ويرجع عفاف لحضن العايله.... ولحب قلبها... . . . في الغربه... كانت الامووور... مزداده ســــــوء... وسامر النذل... كان يبتز محمد بكل كلمه... عبدالعزيز.. ما كان قدامه الا انه يوقف مع محمد... مستحيل يتخلى عنه... بعد صبر سنوات... يجي واحد نذل ويفسد عليهم.. كانت الفتره المتبقيه لهم قليله.. وما يمكنهم فيها انهم يرجعون أي ورقه من البحوث.. اللي اخذها سامر... على غفله من الصديقين... محمد كان واقف ويطالع البحر.. من شرفة الغرفه... ونظرته كلها تأمل... كان انسان له نظره ثاقبه... له حس رجولي... يعرف يتصرف بهالامور... عبدالعزيز كان واقف داخل... على بعد مسافه من محمد اللي معطيه ظهره... كانت كل معاني الالم مرسومه على وجهه... مزاجه متعكر... والود وده لو يروح ينتقم من سامر اللي اختفى عن انظارهم بعد ما اخذ الملفات... دق التلفون... ولا واحد منهم كان له خلق يرد عليه... عبدالعزيز كان يروح ويجي في الغرفه... ويفكر بتوتر... على العكس من محمد اللي كان آيه ملائكيه من الهدوء والسكينه.... عبدالعزيز ما تحمل التلفون اللي يدق... راح للسلك وفصله بكل قسوة...ومشى لمحمد.. مسكه من كتوفه ولف وجهه له.. وبكل عصبيه قال : ممكن تفهمني هالبرووود من وين جايبه...؟؟؟؟ محمد بابتسامه هاديه : من هنا.... ( وهو يشأر على صدره )...!!! عبدالعزيز تركه واقف وظل يناظره : والله حرام... مجهود سنين يضيع بغمضة عين..!! محمد : ما يضيع شئ... كل شئ بأمر الله... تقدر ترد القدر...؟؟؟؟!!! والله لو ان الله كاتب انه ياخذه وانا اشوفه... لياخذه قدام عيني... وانا ما اقدر اسوي له شئ...!!!! " قل لن يصيبنا الا ما كتب الله لنا " عبد العزيز راح يجلس وفي باله مليون فكره وفكره.... محمد وصله وهمس في اذنه : خذها مني.... ( مرد الكلب......... ) وانت تعرف الباقي...!!! وراح لغرفته وسكر الباب وراه.... عبدالعزيز ظل المثل يتردد بباله.... صحيح.... ( مـرد الكلــب للقصّـــاب......!!!!!) ******************* اول ما وصلت لبيت اهلها... كانت مفتقده وجوده... كان يحب سوالف العرس.. وخرابيطها... يحب يعلق على هذا ويمزح على هذا.. لكن اليوم ماله أي اثر... قامت ليلى بعد ما نومت بنتها من على السرير.. طلعت برى الغرفه... كانت امها متحمسه بزياده.. لانها توقعت من عفاف كل شئ الا الموافقه.. وغاده... كانت مو مرتاحه... الارهاق واضح على ملامحها.. وعيونها مركزه على عفاف... بنظره وحده وما فيه غيرها... الخووووووف من المستقبل... اما ساره فمثل العاده... هدوءها ماكل الجو عليها... ومستحيل تتحرك او تتصرف أي تصرف غير الصمت... امل.. كانت الوحيده المبسوطه بهالخطبه... وكحال كثير من اللي في سنها... تستانس بالطقطه وهالحركات... اول ما وصلت ليلى عند الباب الخارجي... وقبل وصول أي احد غريب... دقت على مهند... وسألته عن سعد... وبدوره قالها انه ما شافه اليوم... ابـــدا..!! رجعت ليلى وجلست جنب غاده... وطلعت منها آهه.. مكبوته... غاده التفت على ليلى وقالت بمرح مصطنع : وش فيك..؟؟ وليش هالاهااات... شوي وتغنين...!!!!! ليلى بنرفزه : مو ناقصتك غاده... غاده بابتسامه : وليش...؟؟ ليلى : بس...كذا...؟؟ غاده : هااا... علينا... يعني ما تبين تقولين هالخبر السعيد وتفرحينا..!! ليلى فتحت عيونها بدهشه : يالساحره.... وشلون عرفتي بس... ابي افهم..؟؟؟ غاده بغرور : سر المهنه يا حبيبتي..!!! ليلى : زين والله... بس احاسيسك هذي وفريها لنفسك...!! غاده : موفرتها من زمان... لــي.. ولغيــري... ليلى : لا من جد غاده... مو الحين تقولين لامي... وتعصب... غاده باستغراب : وليش تعصب... فيه احد ما يبغى عيال...!!! ليلى : لا.. مو هذا اللي اقصده... امي.. شوي حريصه علينا... وفي نفس الوقت تخاف... فما تبي العيال يشغلونا... ويتعبونا... واحنا على قولتها باول عمرنا...!!! غاده : اها.... وجهة نظر...!! ليلى تغير الحوار : ما قلتي لي.. عماني عرفو بالخطوبه...؟؟ غاده : ايه... اتوقع بيت عمي محمد عارفين وبيحضرون... ليلى : وام عبدالعزيز..؟؟ غاده : والله علمي علمك..!! بس اتوقع انهم عرفو.. لان يوسف قال لازم يستقبلون الناس معهم... مو حلوة في حقنا...!!!! ليلى : طيب... سعد وينه ما اشوفه...؟؟!! غاده بتردد : مممم... ليلى : وشو..؟؟ غاده : شكلهم... شكلهم والله اعلم... زعلانين... من هالشئ...!!! ليلى بعصبيه : وليش ان شاء الله...؟؟؟ غاده : نسيتي... وعبد العزيز...؟؟؟ ليلى : اوووه... تصدقين نسيت السالفه.. بس والله من زمان عنها...!! غاده : وهذا اكثر شئ مخوفني... لا يكون ابوي ناسي بعد... ونتوهق بعدين..!! ليلى : وش وهقته انتي بعد..؟؟ اهي الا خطبه... والعرس بعديين...!!! غاده : الله يستر من بعدين ...!! ليلى تنادي : امل.. اموله... امل جت لهم : نعم.. ليلى : حبيبتي جيبي جوالي... بتلقينه في غرفتي.... وبطريقك شوفي شهود ما قامت...!! . . . كان يدور في سيارته بين الشوارع... يحس بعدم ارتياح... وخاصه انه له اكثر من مره يدق على عبدالعزيز... وما يرد... خاف يكون صار له شئ... والمشكله انه ارقام ربعه ما يعرفها... رمى الشماغ اللي كان لابسه... ومرر يده على شعره... كان يفكر بتوتر... قطع عليه تفكيره.. صوت جواله... بسرعه شاله توقعه امه او اخته... سعد : هلا.. ليلى : مرحباااا... هلا باخوي... وشلونك..؟؟ سعد : الحمد لله.. حيا الله ذا الصوت... وشلونكم..؟؟ وشلون احمد؟ وشهوووده وش اخبارها..؟؟ ليلى : كلهم بخير الحمد لله... ساد صمت بينهم... ليلى فجأه : سعد وينك فيه..؟؟ سعد تلعثم : هااه... في السوق... ليش..؟؟ ليلى : سوق في هالوقت..؟؟ الظاهر اني سامعه الاذان من شوي... وما اعتقد المحلات للحين فاتحه...!!! سعد .......!!!!! ماعرف كيف يرد..!! ليلى : يالله تعال... ننتظرك..؟؟ سعد : اجي...؟؟ وين..؟؟ ليلى : وين بعد..؟؟ ببيتنا..؟؟ سعد : لا اعذريني... والله صعبه..؟؟ ليلى : بلا سخافه عاااد... قال صعبه...؟؟ يالله لك عشر دقايق... واشوفك واقف عندي... ولا تجي بتكشيره... ترى ما تلوق لك... افهم يا اخي... افهم..!!! ههههه... سعد بابتسامه : باشوف...!!!! ليلى : لا تشوف... ولا تسمع... الحين تجي... ولا تخليني احلف عليك...!!! سعد : ان شاء الله... باجي وامري لله...!!! وقفل منها.... وهو كاره عمره... ليش وافقت... وشلون باقابل عمي... ولا عريس الغفله اللي ما ادري من وين طلع لنا... وما لقى الا عفاف... عفااااااف عااااد...!!! حرك سيارته في طريقه الى بيت عمه... والامل يحدوه بان العريس يغير رايه.. او ما يوصل يكون احسن...!!!! **************** اول ما جلس على الكنبه بجنب امه.. طلعت منه تنهيده اليمه... ام سعود : سلامتك.. وش فيك..؟؟ سعود وهويتذكر الشركه والهم اللي على راسه.. وكيف راح يواجه ابوه بخيانه اشرف انسان في نظره.. غير افكاره : لا.. بس تعبان من الشغل.. ام سعود : الله يقويك... تبي شئ اقولهم يسوونه لك...؟؟ سعود : لا يمه... تعبان بس.. باروح اخذ لي دش.. وان شاء الله ارتاح.. ام سعود : زين حبيبي.. عن اذنك... باروح اشوف شغلي... اليوم كله من خالتك... محمستني على هالخطبه... كأنها اول بنت عندهم تنخطب..!! سعود حس بقشعريره لا تكون غاده راحت من يده : وش السالفه... ومنهي اللي بتنخطب..؟؟ ام سعود وهي قايمه : عفاف بنت خالتك.. جاي لها عريس.. اليوم الخطوبه رسمي... وغابت عن نظره... كان يحس ببرودة اطرافه... ياترى وش هالشعور اللي احس به..؟؟ وش هالاهتمام الزايد بغاده...؟؟ يمكن لاني شفتها طايحه.. وفي هاللحظه ما يقدر احد يشوفها وما يشفق عليها...!!!! ويمكن... اوووووووووه.... قام يروح لغرفته وهو يطرد سرب الافكااار اللي بدى يغزو افكاره... . . كانت مي تحاول تتصل ببنت خالتها... كانت مشتاقه لها بما انها ما صارت تجي لكليتها... فما حصل لها فرصه للسوالف... كان الجوال يدق... لكن بدون رد... ملت مي من تطنيش غاده لها... ورمت الجوال... ورجعت لمجلتها تتصفحها من اول وجديد...!!! **************** اول ما دخلت من الباب... كانو كلهم محيطين بها... حتى ام يوسف كانت تحبها... كان لها حسن خلق ما فيه احد مثله... ليلى : هلا والله بعمتي... ما بغيتي تجين...؟؟ ام فارس بابتسامه مرحه : لا افا عليك... وانا افوت علي فرحة فوفو... ما تهون والله..!! عفاف نزلت راسها بحيا.. وكانت ريم جالسه جنبها.. بس ما علقت.. ساره بشطانه : وااااااو العرووسه مستحيه...!!! هههههه.. الكل ضحك على شكل عفاف... ام فارس تلتفت لمرة اخوها : اقول يا ام يوسف... وين العيال...؟؟ ولا كلهم يستقبلون...!!! ام يوسف والفرحه بعيونها : وش يستقبلووون.. لو تشوفينهم يا نوف.. تقولين ملكه مو خطوبه...!! ام فارس : هههههههه... يا حليلهم... يوم عرس ليلى ما سوو كذا... غاده : شفتي يا ليلى... لازم تطالبين بتعويض...!! ههههههههه.. ليلى : اكييييد... بعد ما يبي لها... هههه.. ومر اليوم عليهم... وهم فرحانين بشوفة عمتهم... اللي شوفتها ترد الروح... وسوالفها ما شاء الله كلها وناسه... . . . دخل يوسف للبيت... وهو على باله ان احد جاي لهم غير اهل البيت " يبيها من الله.. !!! " يوسف واقف على المدخل : يا ولــــد....!! ام فارس : هذا صوت يوسف.. ولا انا غلطانه... ام يوسف : الا صوت وليدي جعلي ما اخلى منه... غاده : ابغى افهم.. ليش يقول ياولد.. وهو يكلم حريم... !! ليلى : تخيلي يقول " يا بنت "..!! غاده : والله اكشخ.. ام فارس : كان ما يبقى عجوز ما قامت... على بالها ينادونها.. هههههههههههه ليلى : هههههههههههههههههههااي... دخل يوسف بعد ما طلعت ريم مع ساره.. دخل على صوت ضحكهم... يوسف : السلام عليكم... الكل رد السلام.. يوسف : الله الله.. عمتي نوف عندنا... يا مرحبا يا مرحبا.. ام فارس قامت تسلم : ههههه... الله يسلمك... وشلونك يوسف... ؟؟ يوسف : الحمد لله.. وشلونك ياعمه...؟ ووشلون العيال...؟ ام فارس : ما عليهم.. مبروك الخطوبه.. وعقبالك.. وهي تقرصه من يده... يوسف عض شفاته : الله يبارك فيك... ( وعيونه بعيون عفاف ) وعقبالي هذي.. يبغى لها تخطيط... هههههه... ام فارس : هههههههه... اذا على التخطيط.. فخذ راحتك...هههههههه.. عفاف اول ما قال يوسف تخطيط.. على طول تذكرت كلام العنود معها... سبحان الله ردت نفس الرد... ابتسمت... وهي تحس بنظرات يوسف لها... غاده هي الوحيده اللي تحس ان يوسف يقصد شئ... بس ما احد انتبه له... جلسو شوي يسولفون... وشوي شوي... العيال يدخلون... اول شئ مهند... بعدين سعد اللي يالله دخل... واخيرا بسام... اللي بالقوه قعد مع الرجال.. دخل الكل الا ابو يوسف... كان واقف مع واحد من الرجال ما بعد راح.. كان البيت كله سوالف... ونكت على عفاف... كل شئ تكلمو فيه الا المعرس... كان اكثر شئ يهم عفاف... قالو لها عن مؤهلاته... عن اهله.. وكأنها بتتزوج منهم.. مو منه اهو..!! قالو لها على موعد الملكه.. اللي راح تكون بعد شهر بالضبط...!!! قامت عفاف لغرفتها... وهي في داخلها تحاول تتقبل فكرة انها خطيبة واحد اسمه سامي... سااااامي.. مو عبدالعزيز... دخلت غرفتها وسكرت الباب وراها... طلعت كل الالم المكبوت داخلها... بدموع ساخنه... كانت تحس ان روحها بتطلع مع كل دمعه... تمالكت نفسها... فتحت دفترها الخاص.. وسجلت هالكلمات.. " الفراق " كم تمنيت أن تكون معي الآن..لا ليس الآن فقط.. وانما في كل لحظه.. وكل ثانيه.. أتمنى ان تكون بقربي..ولكن الآن بالذات تمنيت لو ان عيناك تلتقي بعيني.. ويداك تعانق يدي.. لم أفكر الا فيك..نسيت من حولي..لم أحس بالانظار التي تراقبني.. لم اشعر بوقع الاقدام التي من حولي.. لم اسمع الاصوات التي ملأت الفضــاء..!! نعم..لم اكن افكر الا بانسان واحد.. هو أنــت.. على الرغم من هذا الجو الذي اعيشه الا اني احس وكأنني في غربة..في وحشة.. وان الفراق والبعاد يعصرني.. أود ان اهدم تلك الحواجز التي تبعدني عنك حتى اراك واسمع صوتك.. لم اكن اعلم ان بعدك عني سيفعل بي كل هذا.. لقد كنت اكابر نفسي واغالطها واوهمها بانك بالنسبة لها ليس الا عابر سبيل...!! ولكن اعراض حبك ظهرت على قسمات وجهي.. شعرت بها في حنين قلبي..احسست بها في مراقبتي للايام والساعات والثواني.. حتى اراك..!! لا ادري ماذا فعلت بي..ولماذا ظهرت في حياتي..حتى غيرت مسار خطتي التي رسمتها لعقلي وقلبي.. اسأل نفسي مئات الاسئله.. هل ستكون أنت فارس احلامي.. والبلسم لجروحي..وأنيس وحدتي.. ومالِك قلبي وسيد عقلي.. أم تراك مجرد سحابة صيف عابرة.. تزيد همومي.. وتجرح قلبي.. وتجمد عقلي.. وتنزف دمي وتهدر دموعي...!! إني اخاف وداعك..أخشى لقاءك.. فهل لديك ما يريحني من هذا العناء والعذاب... هل نكسر كل القيود..ونهدم كل الجواجز لنتقابل..؟؟ هل نحطم العادات والتقاليد لنلتقي..؟؟ أم انه من الافضل لكلينـــا.. أن يكون اللقاء في الدنيا الاخرى..دنيا البقاء والخلود....!!! اول ما انتهت من الكتابه.. مسكت الورقه.. وقطعتها قطع صغيره... ونثرتها على المكتب... وقامت تطلع من غرفتها....!!!!!! ****************** باليوم الثاني.. كانو الشباب مجتمعين بالشركه.. عشان يشوفون حل للمشكلة... وكيف ممكن لسعود انه يحل هالاشكال من عنده.. مهند : هذي ثالث مره ادق له.. ولا يرد... يوسف : قلت لك... يتهرب.. ما صدقتني..!! سعد : لا.. ما هو لهالدرجه...يمكن المشكله للحين قائمه.. وهو قاعد يحلها..! يوسف : والله بكيفكم... انتو اللي قلتو بتحلونها... وورونا شطارتكم.. انا عارف من خلال شغلي الطويل.. ان هالامور ما تتعدى كونها من تخطيط شخص مهم بالشركه... او حتى المسئول الاول عنها... مهند بتفكير : تقصد.. ان سعود يدري وقاعد يلعب علينا..؟؟!!! يوسف : لا.. ابعد من كذا.. ليش ما هو ابوه هو اللي يعرف بكل شئ... مهند : لا مو معقوله ان ابو سعود يلعب العاب قذره مثل هذي...!! يوسف : وليش لا.... الفلوس تغير النفوس... وانت بلسانك قايل ان سعود انصدم اول ما قلتو له اسم الموظف... هذا وش يعني..؟؟ مهند بحيره : ما ادري..؟؟ والله احترت...!!! بسام اللي كان حاضر معهم.. كان ساكت من بداية الحوار... وما حب يتدخل في مشكه في الاساس ما هو فاهمها... يوسف : لا تحتار ولا شئ... ارسل له فاكس على الشركه... وحدد له وقت اذا ما انحلت المشكله.. بانحلها بطريقتنا الخاصه..!! سعد : صعبه يا يوسف... وش هالكلام اللي قاعد تقوله..؟؟ يوسف : والله الكلام ضايع معكم.. واحدكم حقه ينوكل قدامه... وهو ساكت ما نطق بحرف.. ( قام واقف ) : اطلع احسن لي... وهالمشكله انتو المسئولين عنها... واي خطأ... انتو اللي بتتحملونه...!!!! طلع من المكتب.. وبعد شوي طلع وراه بسام... ومهند وسعد يتبادلون النظرات.. شوي وانفجرو ضحك.... سعد : ههههههههههههههههه... سمعت... احنا اللي بنتحمل.. مهند : شر البلية ما يضحك...هههههههههههههه.. . . اول ما وصل مكتبه... اخذ واحد من الملفات... وبدى يراجعه... حس بدخول احد عليه... لكنه ما رفع راسه.. بسام بعد ما جلس : يوسف.. يوسف رفع راسه له : هااه.. وش تبي انت بعد..؟؟ بسام : يا اخوي لا تعصب.. باقولك رايي في الموضوع اذا تسمح.. يوسف : قل اللي عندك... وخلصني.. بسام : طيب لا تعصب... يوسف : خلاص مانيب معصب... قل وش المطلوب.. بسام : ابغى افهم السالفه اول.. بعدين اقولك الحل اللي عندي.. وان شاء الله يرضيك...!! يوسف تملل في كرسيه وتنهد : اااه.. وش اقولك.. السالفه وما فيها.. ان شركة رجل خالتي ابو سعود.. محاولين ابتزاز واحد من موظفينا... وماخذين ملفات.. وعقود لشركات ثانيه.. واللي احنا نبغى نعرفه... هو المسئول عن هالمشكله من شركتهم.. عشان ينال جزاءه.. وبـس..!! بسام بعد تفكير طويل : امممم.. يعني المهم عندكم هو اللي سبب المشكله.. ماهو الاوراق والملفات...؟؟!! يوسف بابتسامه : يا ذكي.. اذا احنا عرفناه... خلاص صار امر الملفات في يدينا... وما له أي داعي بالانكار...!! بسام : طيب سؤال..؟؟ الحين انتو مالكم معهم أي نشاطات.. معاملات.. أي ارتباط..؟؟ يوسف : لازم بيننا ارتباطات بعقود والتزامات... لاتنسى ان لنا نفس النشاط التجاري... وهذا شئ طبيعي في عالم المال والاعمال..!! بسام : طيب كل هالاشياء محفوظه على الحاسبات الموجوده بالشركتين.. صح..؟؟ يوسف : اكييييد... بسام وقف وجا لعند الكرسي اللي جالس عليه يوسف : تسمح تقوم... بعد ما تفتح لي هالكمبيوتر.. يوسف باستنكار : ليش..؟ وش بتسوي..؟؟ بسام : انت قم اول.. وبعدين بتعرف كل شئ...!! يوسف بحزم : لا.. قلي بعدين اخليك تسوي اللي تبي.... بسام اضطر يقول له : باهكر على جهازهم...!! يوسف فاتح عيونه : نـــعــــــم..؟؟ تهكر.. لالا يا حبيبي... ما نقصنا شغل القراصنه هذا... بسام : بكيفك...؟؟ انا عرضت عليك خدماتي وانت رفضت... وخلك على ثقه... مستحيل احد يعترف بهالجريمه... لانها بتضرهم قبل لا تنفعهم..!! يوسف : لا والي يرحم والديك.. تضرهم.. تنفعهم.. مصير الحق يبان... بسام وابتسامه على وجهه وهو متجه للباب بيطلع : على العموم اذا غيرت رايك انا في الخدمه... يوسف ضحك : ههههههههه... اذا غيرته يكون خير.... ههههههه.. ***************** بالجامعه.. كانت عفاف جالسه مع العنود... مرت من جنبهم هند ووفاء... هند سلمت وجلست.. اما وفاء.. فكملت طريقها لوحده من الطاولات البعيده.. حتى من غير لا تلتفت لهم.. عفاف نزلت راسها...تحس بحرقه داخلها.. مو ذنبي اني طعت ابوي ووافقت.. العنود على طول انتبهت لحركه وفاء مع العنود.. فما حبت تلفت نظر هند فقالت : هلا بالعرايس... تصدقون احس شكلي غلط بينكم...!! هند : هههههههه... لا عقبالك ان شاء الله الدور الجاي عليك... العنود : لا توني صغيره.. خلوني اتمتع بشبابي.. هند : ههههههه... اقول عفاف.. وش العنود شاربه اليوم..؟؟ عفاف كانت بعالم ثاني... العنود تهز عفاف : فوفو... عفاف انتبهت : هلا.. هند : اللي ماخذ عقلك.. عفاف : لا بس كنت افكر.. اسفه وش كنتو تقولون..؟؟ هند : ادعي للعنود بالخبر السعيد.. العنود : فال الله ولا فالك... أي سعاده..؟؟ عفاف بمرح : السعاده الزوجيه.. الرومانسيه الحالمه... العنود تقاطع : تكفين يا شيخه الا الرومانسيه... الجنس الخشن ما عنده أي ذرة رومانسيه..!! عفاف : لا تعممين.. العنود : لا والله... الا الرومانسيه لانها ما توجد الا في احلام المراهقات...!! هند : حرام عليك.. حكمك هذا ما ينجزم به... العنود : والله هذي وجه نظري... وقولو العنود ما قالت...!! عفاف : احلىىى يالثقه... هههههه.. هند : هههههههه.. . . . كانت جالسه بعيد عنهم.. لكن عينها ما فارقتهم لحظه... كانت تستشف تعبيرات وجه عفاف من خلال كلامها... التفاتها.. ضحكتها اللي كانت اكثر شئ يقهر وفاء.. بعد ما شافت ان جلوسها ومراقبتها لهم ما له أي داعي.. غيرت نظرها عنهم.. وهي تحاول تتجاهل وجودهم بقربها....!!! . . . بعد سوالفهم وضحكهم... كانت الشله بطريقها لهم... العنود اول ما شافتهم متجهين لها.. سكتت.. خلاص كل خليه بداخلها تعطلت... اول ما وصلو.. بتحيتهم المعتاده الخاليه من أي ملامح الاحترام.. طلبو انهم يجلسون.. او بمعنى ادق جلسو قبل لا ياخذون الاذن... جميله وهي تكلم عفاف وبحقد واضح : مبرووك.. عفاف بتجاهل : على أيش..؟؟ هيفاء : الخبر اللي سمعناه... فاتن : الخطوبه.. ( وانتبهت لنظرة جميله كأنها تقولها " لو سكتي احسن " عفاف : الله يبارك فيكم.. العنود كانت ساكته ومنزله راسها.. "هروب من المواجهه" جميله بقصد الاحراج : عقبالك العنود... ردت عفاف بسرعه وهي تمسك يد العنود : قريب.. قريب باذن الله...!! جميله بنظرات تشفي : كأنك واثقه...؟؟ عفاف : وليش ما اثق.. والعريس جاهز... بس ينتظر اشاره من العروس ( وتطالع العنود بابتسامه.. والعنود مو فاهمه أي شئ ) جميله وهي تغلي : اها... فاتن : ومن سعيد الحظ..؟؟ عفاف ما ردت عليها.. لانها تدري انهم جالسين يستفزونهم... جميله وهي شوي وتنفجر غيظ رمت كلمتها وهي واقفه : الا العنود.. ترى الصور والارقام اللي عطيتيني اياهاما ضاعت مني.. فياليت تجيبينها لي مره ثانيه...!!!!!! العنود رفعت راسها بسرعه... تبغى تستوعب اللي قاعد يصير قدامها... وما شافت حولها الا عيون عفاف تطالعها باستفهام...!!! وكأنها تطلب شرح للي قاعد يصير...!!! العنود في داخلها تغلي من القهر... والود ودها لو تلحق على جميله وتذبحها بيدها.. لكن مو من طبعها الانتقام ولا حتى التفكير فيه.....!!! الجزء الثالث عشر بعدما وصلت البيت.. كان فكرها مشدود.. ياترى عفاف انتبهت لكلام جميلوه..؟؟ طيب وش اللي فهمته منه..؟؟ لالا..مستحيل عفاف حبوبه..وماتفكر مثل تفكيرهم..بس اكيد جميله الزفته ماراح تتركني في حالي..!!! ياربي انا وش سويت حتى اتجازى كذا..؟؟ استغفر الله...استغفر الله ياربي.. وانا وش لي بهالكلام الحين..؟؟ اهي مجرد بشر لا تقدر تحل ولا تعقد..!! وكل شئ بيد ربي.. واللي ربي كاتبه لي لابد القاه مهما كان..... انقطعت افكارها على صوت ابوها : العنود.. وش فيك وانا ابوك...؟؟ العنود ببلاهه : هااه... لا ابد يبه.. بس كنت افكر شوي..!! ام فهد : وش تفكرين فيه بعد.. من اول يقولون.. لين تاهت البنت زوجوها..!!! العنود انفجرت ضحك على مصطلحات امها : ههههههههههههههههه.. الله يهديك يمه وش هالكلام اللي قاعده تقولينه.. الحين شوية افكار.. تخليكم تزوجوني...!! ابو فهد : لا افا عليك.. هذي الغاليه.. هذي درة البيت.. وما يخذها الا اللي يستاهلها..!! العنود بفخر : احم.. شفتي يمه كذا الكلام... ماهو من الباب للطاقه.. زوجوها..!! ام فهد بابتسامة حياء : ههههه.. اجل انتو ادرى باللي يصلح لكم...!! العنود قامت وحبت امها على راسها : ياربي.. جعلني ما اخلا من هالوجه.. كل هالحوار كان يدور على مرأى ومسمع من مها.. اللي دلع العنود وتغليها على اهلها ما كان ابدا رايق لها...!!! . . . في البيت المجوار لبيت ابوفهد.. وبالتحديد ببيت فهد.. اللي للحين ما وصل من الدوام.. كانت الجوهره جالسه تكلم اخوها زياد بالتلفون.. وبنيتها تفاتحه بموضوع العنود.. وباين من صوتها العصبيه.. الجوهره بانفعال : وليش لا..؟؟ زياد : بس كذا مزاجي... يا اختي فكونا.. عرس ماني بمعرس لو تنطبق السما على الارض...!! الجوهره : طيب اعرف من هي وبعدين تكلم..!! زياد : والله لو هي ملاك ما راح اخذها.. عاجبكم هلا وسهلا ما هو عاجبكم أ.... قاطعته الجوهره باندفاع : تكفى لا تكمل.. خلاص لا تعرس... اللي يقول الحين ميتين عليك نبي نفرح فيك.. ان شاء الله عمرك ما تزوجت... وانا متعبه عمري ادور له على البنت المناسبه.. ومكلفه نفسي.. لكن الشرهه ما هي عليك.. الشرهه علي انا اللي ما طعت كلام امي وخليتك تتمرط بين بيوت الناس تدور لك على وحده تناسبك... وقفلت الخط بوجهه حتى قبل لاتسمع رده....!!!! ***************** طلعت من المطبخ وهي تسمع صوت زوجها جاي من برى.. واستلمته بكل انواع الاهانه والسب.. ابو معاذ بابتسامه باهته ممزوجه برعب : السلام عليكم.. ام معاذ بصوت عالي : الله لا يسلمك... الحين ما تقولي انت من متى تخبي علي سوالف اخوانك.. ووش يصير عندهم..؟؟ ابو معاذ وبصوت اقرب للهمس : اعوذ بالله... اللهم سكنهم مساكنهم..!! ام معاذ : هاااه... وش قلت..؟؟ كني سمعتك تقول شئ.. ولا كلامي ما هو عاجبك..؟؟!! ابو معاذ وهو يجلس قال بأسى : الا عاجبني... وليش ما يعجبني... بس ( وهو يتلفت ) ماهو وقته الحين... ام معاذ : لا والله.. اجل متى وقته..؟؟ لا طارت الطيور بارزاقها.. جيت تقولي وش اللي صار... وتاليتها معك..!!! ابو معاذ باستفسار : الحين ما تفهميني وش سبب هالصيحه كلها..؟؟ ام معاذ وهي تجلس : سببها الله يـ... اححح.. بس وش اقول.. انت ليه ما قلت لي عن خطبة عفاف... ولا انا ماني بقد المقام...!!! ابو معاذ : الله يصلحك.. وش المقامات الحين..؟؟!! هذا انتي قلتيها... خطبه.. لا هي بملكه.. ولا عرس... يعني لاحقه يامره... لاحقه...!!! ام معاذ توقف : ماعليه... هالمره وليدي الله لا يخليني منه قالي عن هالخطبه... لكن ان تكرر هالشئ... لا تلوم الا نفسك...!!! وطلعت من الصاله... وبطريقها للمطبخ حصلت بنتها هدى واقفه.. وتتأمل وجه امها.. وبنظرات كلها الم كانت تطالع بلا شعور.. ام معاذ وهي تدزها عن قدامها : الله لا يعيدك ولا ساعتك.. انتي وهالابو النحس... الله ياخذكم وافتك من وجيهكم...!!!! وكملت طريقها للمطبخ...وهدى واقفه منصدمه... لهالدرجه صرنا عاله على امي.. حتى صارت تدعي علينا... مو مكفيها روحتها لعمتي نصف الليل..وكذبها على ابوي يوم تقوله انها عند خالتي... و تدخلاتها في حياة عمتي و تخريبها لاستقرارها... جايه تكمل علينا احنا الحين... طلعت من قلبها تنهيده... هزت سمعها... وخلتها تدخل على ابوها وتحاول تواسيه وتهون عليه مصابه....!!!!! كان جالس بسيارته.. ويبحث في باله على خطه مناسبه عشان يفاتح عمته بخصوص زوجها.. بعد الحقيقه اللي عرفها عنه.. ماكان له وجه حتى انه يشوفها او يتصل عليها.. الكثير من الاحداث اللي مر سعد فيها خلال الايام اللي مضت.. خلته يتلخبط... وافكاره تتشتت... عبدالعزيز اللي ما يرد عليهم.. وعفاف اللي وافقت على الزواج بسامي.. والشركه والمشكله اللي صايره فيها.. واخيرا عمته وبلاوي زوجها... ماعاد صار يعرف يجيبها من وين ولا وين... نزل من سيارته.. دخل البيت.. وهو مقرر انه يرجع يتصل بعبدالعزيز لازم يرد عليه... ان عاجلا او اجلا.. دخل وحصل وفاء جالسه بالصاله.. سعد وهو يجلس : آآه... السلام عليكم.. وفاء ورافعه حاجب : وعليكم السلام... عسى ما شر..؟؟ سعد ويرفع سماعة التلفون : الشر ما يجيك... بس احاول اتصل على عبدالعزيز... ومايرد.. وفاء باستغراب : حتى انا حاولت ادق له... لكن نفس الشئ ما يرد علي..!!! سعد : باحاول ادق عليه وان شاء الله يرد... وفاء : غريبه بصراحه... وانت ما معك رقم احد من زملاءه هناك...؟؟!! سعد : لا.. كان معي رقم واحد منهم.. لكن له فتره من رجع للسعوديه.. وفاء : يالله حاول.. يمكن يرد ويطمنا عليه...!!! سعد : الله كريم...!!! . . . كان التفون في هالوقت يرن ويرن.. بدون لا احد يرد عليه... وهالشئ ازعج عبدالعزيز اللي كان توه نايم ما كمل ساعتين.. قام بتكاسل وببطء شديد وصل للسماعه وهو ما يشوف طريقه من النعاس اللي مالي راسه... عبدالعزيز : yes سعد بفرح ويأشر لوفاء : الو.. عبدالعزيز... عبدالعزيز والنوم يغلبه : هلا.. مين..؟؟ سعد بمفاجأه : عزيز انا سعد وش فيك..؟؟ عبدالعزيز : هلا هلا سعد.. اعذرني حبيبي.. سعد : عزيز فيك شئ..؟؟ ربعك صاير لهم شئ... عبدالعزيز بتفكير تذكر محمد ومشكلته وقال ماله داعي اقوله : لالا.. سلامتك مافينا شئ بس كنت نايم وصحيت على صوت التلفون... سعد : اوووه.. آسف ازعجتك.. بس الله يهديك لك كم يوم ما ترد على اتصالاتنا..!! عبدالعزيز بنعاس : هااه... لا والله بس انت عارف هالمرحله مهمه وتحتاج تركيز ودقه في كل شئ... سعد : الله يقويك يا اخوي.. عبدالعزيز : وشلون امي..؟ ووفاء شخبارها...؟ سلم عليهم كثير السلام... وان شاء الله اول ما احصل فرصه بادق عليكم.. سعد : ان شاء ابشر... وانتبه لنفسك.. عبدالعزيز : لا توصي حريص.. مع السلامه.. سعد : الله يسلمك... قفل سعد السماعه... ووفاء تطالعه بنظرات تعجب ممزوجه بخوف... سعد : يسلم عليكم.. وفاء : الله يسلمك وياه من الشر.. وش اخباره... وليش ما يرد علينا..؟؟ سعد : يقول مشغول لانهم بنهاية السنه..وتعرفين قريب بيخلصون.. وفاء : طيب ليش ما قلت له عن عمي...... وعفاف.. سعد واقف : ماله داعي... الرجال مشغول... وماله أي لزمه اننا نقوله على شئ يسم البدن... ويهد الحيل مثل هذا...!!!!! وطلع وترك وفاء وراه تفكر بكلامه... وبمدى منطقيته... وانه ممكن يكون هو الكلام الصح في مثل هالحالات...!!!!!! *********************** اول ما طلعت من المدرسه.. اخذت لها دش.. وراحت تجلس بالصاله.. ما كان لها نفس أي شئ.. حتى نفسها لايعه منها.. كانت تهز رجلها بتوتر وهي تتابع واحد من البرامج الحواريه على الشاشه... ما حست بالخطوات القريبه جدا منها... والعيون اللي ظلت فتره تتأملها.. انتبهت بس.. اول ما جلس ويده على كتفها لامها من جهه وحده... . كان ودها لو تبعد يده عنها.. احساسها بخيبة الامل مسيطر عليها...لكن من سابع المستحيلات ان ام فارس ترد أي من كان.. فما بالك لو كان زوجها الحبيب... . كان حاس فيها.. وفي برودها... وتطنيشها... وحتى مجاملتها له قدام العيال كانت واضحه وضوح الشمس... الشئ الوحيد اللي قاهره.. انها مو راضيه تقوله أي شئ... أي شئ.. . كان مجرد قربه منها.. يزيد من ألمها... يحسسها بالخيانه.. بالغدر... بالألم.. بالقهر... بكل انواع العذاب... . زاد من قربه لها... مسك يدها البارده الناعمه.. بين اصابعه الرجوليه الضخمه... كان رجل بكل معنى الكلمه.. حتى ضربه كان ضرب رجال...!!! حاول يناظر بعيونها لكنها كانت مسدله نظرها للارض... رفع وجهها من ذقنها... قبل لا ينطق باي كلمه... وبمجرد ما طاحت عينها بعينه.. فرطت منها دمعه وحيده... كان ابو فارس مشدوه وهو يطالع الدمعه منسكبه على خدها الابيض الناعم... كان يحس ببعده عنها... وقبل لاتتكلم باي كلمه.. سحبها بهدوء... وحط راسها على صدره بحنان... وهالشئ خلى ام فارس تشد من قربه لها.. وتتمسك فيه اكثر... كانت تحس به عبدالرحمن الاولي... اول زواجهم... تحس انه رجع لها... اول ما طاحت على صدره.. وشدة قبضتها عليه خلته يبادلها نفس التصرف.. كان يحس بدموعها الساخنه تبلله... يحس بانفاسها الحاره على كل خليه من خلاياه.. وكأن هالدموع كانت سبيل لايقاظ هالخلايا النايمه من سباااااات... كان ممكن انه يطول ويطول ويطول... لكن بما ان الرجل هو اللي امسك بزمام المبادره... كان حق على المرأه ان تبادله الشعور... ولو لمعرفة الحقيقه الغائبه....!!!!!! ******************* ** لقد استيقظت الآن.. وخططت أن ابتعد عنك بجسدي.. ولكن روحي وعقلي سيقبعان بداخلك.. ولن تستطيع الأيام أو السنين أن تخرجها.. أتعرف لماذا فعلت ذلك..؟؟!! ليس حباً بك بالطبع..!! ولكن انتقاماً لقلبي أن يترك في عقلك وفكرك كل ذكرى طيبه وجميله...!! مشكلتك الوحيده انك أخذت اكثر مما تستحق..!! ومشكلتي انني وهبت لمثلك كل هذا الحب الصادق..!!** غاده اتخذت القرار بعد قناعه تامه... كان لازم انها تطلع تغير جو.. وتحس بجو جديد.. وكان قرارها هذا اكبر فجيعه على عفاف بالذات... كانت عفاف تحس بقرب اختها منها... دخلت عفاف الغرفه... وغاده جالسه ترتب آخر اغراضها بشنطتها.. وقفت تطالعها.. تقربت وجلست على السرير... عفاف بالم : خلاص معزمه يعني..؟؟ غاده بدون لا تلتفت هزة راسها بالموافقه.. عفاف قامت و جت لعند اختها ووقفت جنبها... كان ودها لو تغير رايها... اهي الحين محتاجتها اكثر من قبل.. لكن بعد غاده محتاجه تطلع.. مجرد تقييدها بالعكاز في مشيها كان يمثل لها اكبر العراقيل.. سكرت غاده الشنطه وهي للحين منزله راسها.. عفاف : غاده... خلي بالك من نفسك..؟؟ والله العظيم بافقدك...!!! غاده رفعت راسها وعيونها غرقانه دموع : والله حتى انا بافقدكم كلكم.. لكن كلها اسبوع وراجعه لكم.. وبيت امي ساره قريب...!!! نزلو تحت... والخدامه وراهم شايله الشنطه... يوسف اللي كان ينتظر غاده لانها هو اللي تكفل بتوصيلها.. طلع قبلها... وهي سلمت على امها... وطلعت... طلعت من بيتهم... متوجهه لبيت الجده.. كانت طول الطريق تفكر كيف انها انسحبت بهدوء من معركتها مع سعود... مع ان احساسها يقول انه بالعكس.. هي في الاخير اللي راح تكسب المعركه... لكن كل النتايج الحاليه ما تبشر بخير... يوسف اول ما ركب... وبعد سوالف طويله.. كان يشوف ان الوقت مناسب عشان يفتح الموضوع اللي شغل باله وشل فكره... يوسف : غاده.. غاده بدون لا تلتفت له : هلا.. يوسف : بغيت اسألك عن شئ... بس لا تفهميني غلط.. طيب..؟؟ غاده وبابتسامه : ولو.. قل افا عليك ما عاش اللي يفهمك غلط...!! يوسف : هههه.. لا بس ما ادري وشلون اقوله لك... اخاف انك..... غاده تقاطعه : لا تخاف... مهما كانت درجة خوفك... ثق ثقة عمياء اني مستحيل افكر فيك أي تفكير ممكن يغير من صورتك داخلي.. يوسف بتعجب : صورتي داخلك..؟؟ غاده واتسعت ابتسامتها : ايه... معروف ان أي انسان اذا واجهه شخص.. او سمع عنه شئ.. لابد له انه يتكون في ذهنه صوره ولو جزئيه لانطباعه تجاه هالشخص... يوسف بدهشه من كلام غاده : والله... وش هالكلام الزين.. ما تصورت ان عندي اخت فيلسوفه..!! غاده : كلها كلمتين وصارت فلسفه... المهم لا تضيع السالفه.. وقل وش عندك..؟؟ يوسف ضاعت ابتسامته : اها.. الموضوع بادخل فيه على طول.. بصراحه.. انا شفت وحده عندكم من اسبوع تقريبا... وغاده مركز نظرها عليه.. يوسف كمل : لاتطالعيني كذا.. مافيها شئ النظره الاولى لك... غاده : هههههه.. يا حليلك يا اخوي طيحتك اجل..؟؟ يوسف : مو المسأله طيحه.. غاده رافعه حاجب : اجل..؟؟ يوسف : غــاده.. الله يخليك افهميني.. غاده : وش تبغى تعرف بالضبط..؟؟ يوسف : من هي..؟؟ اسمها..؟ من بنته..؟ من العايله ولا من برى..؟؟ وشلون تعرفينها..؟؟ يعني.. والذي منه..؟؟ غاده : هههههههه.. كل هذا من النظره الاولى..؟؟ شف اذا انت ناوي بنيه طيبه.. اخبرك اللي تبي.. لكن اذا مثل كل مره اعذرني.. ما اقدر.... يوسف : وش مثل كل مره..؟؟ غاده انا هالمره من جد عازم.. غاده : زين والله.. خلاص عاد خلني ابشر امي.. يوسف : اول شئ بشريني انا يالضعيف.. وش اسمها..؟؟ اخافه يلوووع واغير رأيي..!! غاده : لا اذا المسأله مسأله الاسم.. فمضموووون..!! يوسف بابتسامة امل : اللي هو... غاده تبغى تحرق اعصابه : لا حرام غيرت رأيي.. انا وحده اخاف ربي.. وما انهتك حرمات الناس..!! يوسف فاتح عيونه : لا والله.... افتت الاخت الله يجزاها خير..!! غاده كاتمه ضحكتها.. يوسف : يالله عاد قبل نوصل.. اعرف امي ساره.. مع احترامي الشديد.. كل شئ تبغى تعرفه..!! غاده : ههههههههه.. ولا يهمك.. اسمها... اممم... العنووووووود.. وهي صديقه عفاف المقربه...... كانت اخر كلمه سمعها من كلام غاده.. وبعدها بدى ينسج مع خياله تركيب الاسم على المسمى... . . . مي اللي للحين ما تدري عن قرار غاده وابتعادها... كانت مشغوله بالكوشه وترتيبات الملكه اللي قايمه على اشدها.. كانت في هالوقت واقفه تنسق بعض الورود وتعدل من اماكنها اللي ما عجبها ذوق المصمم فيها.. دخلت عليها هند.. وواضح الارهاق والتعب على وجهها.. ما انتبهت لها مي اول ما جلست.. مي بعدما انتبهت : يااااه.. انتي هنا...؟؟ هند : ههههه.. ايه.. وش فيه..؟؟ مي بغرور : وش رايك بترتيبي... صح كذا احلى من اول..؟؟ هند بدون اهتمام : عادي كله واحد..!! مي تجلس جنبها : مالت عليك.. بدل لا تقولين اختي حبيبتي.. ربي يسلمها.. تعبت نفسها وما قصرت... تقولين ( وتقلدها ) عاااادي..!! هند : كل هذا عشان كلمه..!! ما عليه ميّونه.. والله حلو بس بالي مشغول هاليومين لا تلوميني..!! مي : احلىىىى من قدك... ( وتفتح يدها ) كلها كم يوم وتصيرين حرم السيد ماجد.... كلوووووووولوووووووووش...هه� �ههههههههه وعلى صوت الزغروده دخلت ام سعود عليهم : هااه وش عنكم يا بنات... الله يديم هالضحكه.. مي وتجي لامها : يمه سؤال مهم يطرح نفسه.. وش شعورك وانتي تحتفلين بزواج اول عيالك...؟؟ ام سعود : اولا هند ما هي اول عيالي.. سعود هو الاول.. ثانيا...... سعود يقاطع امه وهو توه جاي من برى : شعورها شعور أي مواطن..!! هند : هههههههههههه.. مي : يا ثقالة دمك..!! سعود : خففيه...!!! ام سعود تكلم هند : هنوده عفاف كلمتك يوم كنتي نايمه... هند : اها.. ما عليه بكلمها ان شاء الله.. مي توقف بسرعه : يووووه... نسيت... غاده موصيتني ادق لها ضروري... ( ورفعت السماعه ) خلني ادق لها.. ام سعود : لا تكلفين عمرك.. غاده مو ببيبتهم..!!! مي : وين راحت..؟؟ سعود كل علامات التعجب انصبت على وجهه.... وذهنه مشدود كليا مع الكلام.. ام سعود : راحت عند امي بتقعد كم يوم وتغير جو.. مي : يا سلاااااااام الخاينه تروح بدوني.. ما عليه انا اوريها..يعني ماهي حاضره الملكه..؟؟ هند : يا حلوك انتي بعد... وامي ساره.. ولا نسيتي..؟؟ مي تضرب جبهتها : اوووه تصدقون صايره انسى اشياء كثيره هالايام... الله يهديك ياهند انتي وزواجك اشغلتيني معك...!!! هند : ههههههه... والله انتي اليوم اشك انك مي.. وش خفه الدم اللي عليك.. مدري من وين جايبتها...؟؟ مي باستهزاء : ههه.. ما يضحك... حاول مرة اخرى...!!! ( وتكلم امها ) ايه ذكرت.. طيب يمه متى بتجي امي ساره..؟؟ ام سعود : خل نشوف اول من بيجيبها... وبعدين نحدد متى..؟؟؟ سعود بهدوء : انـــــا باجيبها يمه... حددي الوقت وبلغيني..!! . . . طلعت هند من جمعة اهلها... راحت فوق عند فيصل حبيبها... هند وتطل من الباب : نحن هنا...!! ادخل..؟ فيصل بابتسامته المعهوده : هلا حياك... هند بعدما دخلت : اللي ماخذ عقلك يتهنى به..؟؟ فيصل : ما اكذب عليك اذا قلت لك انه اللي كنت افكر فيه هو أنــتي..!!! هند بدهشه : أنـــــــا... اوووه من قدي... فيصل : من جد هند بافتقدك.. احس انك ماليه علي البيت.. ومحسستني بقيمتي... ما ادري وشلون باكون من بعدك...!!! هند : اووووف اوووف اوف...كل هذا وللحين ما صار شئ... اجل اذا تزوجت وش بتسوي...؟؟ فيصل نزل راسه : ما ادري.. ما ادري... هند وجلست جنبه على السرير : فيصل.. انت انسان عاقل.. وكبير... واتوقع من طلعاتك اللي فاتت عرفت ان اللي تسويه خطأ.. ومن الخطأ بعد.. التمادي فيه... صــــح..؟؟ فيصل : وش اسوي... ما قدرت.. حاولت.. وما قدرت.. هند : لا تيأس.. ابحث عن العلاج... حتى لو وين كان.. سافر له.. ما انت انقص من السليمين بأي شئ..!! اوعدني يا فيصل انك تحاول تتعالج.. على الاقل ارجع لمراجعاتك.. مواعيدك.. حياتك.. امك ابوك.. اخوانك... واهم شئ اختك.. اللي تحبك كثير وتبغاك تفرح فيها...!!! فيصل : ان شاء الله ياهند.. باحاول.. واحاول قد ما اقدر.. هند تغمزه له بعينها : اعتبره وعــــد شرف..؟؟!!! فيصل : وعد شرف ولا يهمك...!! هند : ههههههه.. تسلم والله.. والله يقويك.. المهم قبل لا انسى... بصراحه بغيت منك شئ مهم جدا جدا واتمنى ما تردني...!!! فيصل : آمري عيوني لك.. هند : تسلم لي عيونك يارب... بس انا ابغاك كلك.. مو بس عيونك..!! فيصل بتعجب : ما فهمت عليك..!! هند : فستاني حق الملكه بيطلع اليوم... وممم.. وبصراحه ابغى اروح اجيبه.. وابغاك انت بالذات تروح معي...!! فيصل : أنــــا...؟؟!! هند : ايه تكفى فيصل.. تكفى.. انت عارفني ما احب اروح للسوق مع السواق لحالي.. وسعود مشغول بالشركه... وابوي نفس الشئ... يالله لا تردني.. فيصل بعد تفكير : صعبه...!!! هند تمثل الزعل : وانا اقول اخوي حبيبي مو رادني.. بس ما عليه يجي منك اكثر...!!! فيصل وحن قلبه عليها : لا هنوده.. لا تقولين كذا.. خلاص اذا هالشئ يرضيك مستعد اسويه... كم عروسه عندنا... ههههه... هند استحت ونزلت راسها بحياء وهي تكتم ابتسامة الانتصااااار....!!! ********************* ألوم معذبي فألوم نفسي****وأغصبها ويرضيها العذاب ولو أني استطعت لتبت عنه****ولكن كيف عن روحي المتاب "انت صــــادق...؟؟!! متأكد من كلامك...؟؟؟!!!" كان هذا كلام ام فارس وهي مو مصدقه اللي قاعد يقوله لها سعد عن زوجها... سعد بيأس : والله العظيم ياعمه هذا اللي عرفته من كل اللي بحثت معهم.. وسألتهم.. ام فارس وهي تحط يدها على راسها وتداري دمعاتها : سعد انت عارف خطورة هالكلام.. لالا.. مستحيل عبدالرحمن راعي هالحركات...مستحيل يخونني.. مستحييييييل... يشـــرب.. مدمن.. لاااااا ... سعد.. قل انك تكذب علي... تكفى... مستحيل اصدق... وغاب صوتها بدموعها اللي كانت انهار على خدها... سعد يحاول يواسي : عمتي.. انتي تقولين انه تغير... يمكن انصلح حاله... وانا والله لو اعرف انه ترك هالشغلات كنت ما قلت لك اصلا عنها...!! ام فارس كانت تحاول تمسح دموعها : سعد.. الكلام اللي قلته لي الحين ما ابغى احد يعرف عنه أي شئ... حتى لو اخوي ابراهيم... لا يعرف أي شئ بتاتا.. عشان خاطري اترك هالسالفه بيينا... وارجوووك.. لا تخليني انــدم اني قلت لك من البدايه...!!! سعد : ان شاء الله ياعمه... بس وشلون بتعيشين مع شخص اغلب وقته برى.. وعقله دايما غايب.. وشلون تستأمنينه على نفسك وعيالك...؟؟!!! ام فارس : ما عليه... اللي صبرني الفتره اللي راحت يعطيني الدافع اني اصبر واصبر اكثر واستمر بالمحاوله لعل وعسى...!!! سعد : اللي يريحك... لكن فيه سالفه وبصراحه انا مستغرب منها كثييير.. ام فارس : وش هي..؟؟؟!! سعد : مرت عمي... ام معاذ.. ام فارس باستعجال : وش فيها بعد..؟؟ سعد : الظاهر لها علاقه باللي قاعد يصير... او على الاقل تعرف عن هالاشياء... ولها صله بناس من هالنوع...!!! ام فارس بألم ودموعها رجعت تطيح : ياربــي... ليش..؟؟ ليش تسوي فيني كذا..؟؟ تخرب علي حياتي..؟؟ وش ذنبي..؟؟ يعني عشان فتحت لها بيتي.. واستأمنتها على اسراري..؟؟ آآآآه... حسبي الله ونعم الوكيل... حسبي الله ونعم الوكيل...!!! سعد حس انه ما يقدر يتحمل.. ويلوم نفسه على الالم والعذاب اللي سببه لعمته بالحقيقه المرّه اللي قالها عنها... استأذن وطلع.. انسحب قبل لا يشوف اكثر من اللي شافه... وتارك ورااااااه امرأه صبووووره.. امرأه قل ان توجد في زمن الماديات والرومانسيه الحالمه.. والخيال الخصب... امرأة تراعي ربها فيما ترعاه.. تراعي زوجها في غيابه.. في حظوره... في صحته ومرضه... في غناه وفقره... في قربه.. او حتى في ابتعــــــاده.....!!!!! | |||||||||
|
| |
|
25-02-14, 04:47 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الرابع عشر مر اسبوع... ثقييييييل جدا على ام فارس ومحاولاتها المستميته لارجاع زوجها لدائرتها من جديد.. وأثقــل على غاده اللي صارت تحس بشووووق وحنييييين لحبيبها البعيد عنها... واغترابها بعد عن اهلها وبيتهم... اسبوع انقضى.. ومحاولات هند لا زالت مستمره.. وبضغوط من سعود ومهند.. كان الناتج فيها واول الخير.. ان فيصل يرجع للمستشفى.. ويستأنف العلاج من أول وجديد.. بروووح جديده.. روووح عامره بالقران.. وبثقتها بالله عز وجل الذي لا يعجزه شئ في الارض ولا في السماء... . . . اليوم كان الاربعاء.. غاده بعد كلام يوسف معها وسؤاله عن العنود.. حط الفكره براسها.. كانت ناويه تفاتح العنود بالموضوع وتشوف رأيها بدون لا ترجع لعفاف... لكن بالاخير.. عفاف صديقتها ومن حقها انها هي اللي تاخذ رايها.. وتشوف ردة فعلها... فاتصلت فيها وقالت لها على كل شئ.. واتفقو يقولون للعنود بيوم الملكه... . . ها أنت تناصبني الحب.. يا له من حب شبيه بالعداء.. واقف على تخوم الكراهيه.. والعجرفه..وشهية التملك... أين المفر..؟؟ وعيناك أمامي.. وفراقك ورائي.. والعمر مستحيل.. بــكــ..!! أو بــــدونـكــ...!! كان في طريقه لبيت جدته... اليوم بتجي الجده لبيتهم.. وأكيد معها غاده.. كان تفكيره في المشكله اللي بالشركه... ويتذكر كيف كان شكل ابوه اول ما قاله عن الموضوع.. وعلامات المفاجأه اللي ارتسمت على ملامحه.. وطبعا ابوه استلم الموضوع منه..على امل انه راح يحله بمعرفته.. وسعود طول الاسبوع اللي فات يحاول يتصرف بهدوء ويتجنب مهند وسعد.. او مجرد الحديث في نفس السالفه.. وأخيراوصل لبيت جدته.. نزل يستعجلهم..لانه وراه شغل ولازم يرجع بسرعه.. الجده كانت تنتظره داخل بالصاله.. أما غاده.. فكانت واقفه عند الشباك.. وهي تشوفه ينزل بطوله وعرضه ويدخل لداخل البيت.. وفي داخلها شعور عميييييق ما تدري شلون تعبر عنه.. داخل الصاله.. كانت ام خالد تحاول معه انه يتقهوى.. لكنه رافض رفض بات.. بحجه الشغل طبعاً..!!! وبما انه معزم.. طلبت ام خالد من الخدامه تستعجل غاده.. وتطلع الشنط لبرى عشان يركبونها.. سعود طلع قبلهم.. وام خالد انتظرت الخدامه عشان تقفل الابواب والانوار.. ومن هالسوالف.. طلع الكل.. وما بقى الا غاده.. اللي كانت جدا جدا منحرجه.. وشعورها لا يوصف اطلاقا.. طلعت بهدوء وبعكازها اللي للحين ما تقدر تستغني عنه.. وهي تحس انه نظراتهم كلها تجاهها.. لكنه اهو....؟؟!!! اول ما وصلت السياره.. حصلت الخدامه راكبه ورى الجده... معناااااااته انها لازم تلف وتروح الجهه الثانيه وتركب وراااااااه....!!! انقهرت من الخدامه.. كان ودها لو تفتح الباب وتجرها من شعرها وترميها برى.. بس وش تسوي..؟؟!! هذا قدرها..!! . . اول ما حس باستقرارها وراه.. رفع عينه.. وطالع في المرايه العاكسه لصورتها... وشافها تعدل عبايتها لانها تواجه صعوبه في الركوب... نزل نظراته.. و شغل السياره..وبعدها انشغل بالسواقه وسوالف الجده اللي ما تنتهي...!!! . . طوال الطريق وعينها ما نزلت من عليه... تحس بقربه لها.. ولاول مره يكون بهالقرب كله...!! حاولت تنزل عيونها عنه لكن ما فيه مفر.. كانت تقرا في عيونه شئ غريب ما فهمته.. نظراته المشتته.. التايهه.. السرحانه.. في كثير من الاوقات كان ما ينتبه لسوالف جدته.. او حتى يعطيها باله...!!! انشغلت بنفسها وهي تعد الدقايق الفاصله بينهم.. وتركت تعايش اللحظه اللي كان الاولى بها انها تسويه...!!! . . . وصلو بالسلامه.. وطبعا الاسبق بالنزول هو الجده بمساعدة الخدامه... وما بقي بالسياره.. الا غاده.. وسعود... غاده اللي ما كانت تقدر تنزل بسهوله..كانت منحرجه لاقصى حد.. وهي تحاول تنزل بسرعه.. وبدون لا تلفت انتباهه وخاصه انه هو ما نزل من سيارته.. وظل جالس فيها.. نزلت بهدوء... سعود بسرعه ويحاول يستغل الفرصه : غــاده....!!! التفت فجأه لما سمعته يذكر اسمها.. لكن لما استوعبت مين اللي ناداها... بسرعه مشت ودخلت لداخل البيت...!!!! . . التفت لطيفها اللي غاب عن نظره.. وهو يندب حظه.. وتهوره... ما يدري اذا اللي كان ممكن يسويه صح..؟؟ ولا غلط..؟؟ ما يدري اذا هي هربت من مواجهته..؟؟ ولا من احراجها منه..؟؟ ضاع في دوامه كبيره... حط راسه على الدركسون.. وهو يحاول يستوعب الخطوة الي كان ممكن يقدم عليها...!!!!!! ******************* ببيت ابو معاذ كانت ام معاذ ترسم وتخطط.. وتحاول انها ما تضيع عليها أي فرصه في سبيل جمع العايله تحت جناحها هي وبـــس...!!! كانت جالسه بالمجلس... ومعها بناتها هدى اللي تحاول تلهي نفسها بمجله قاعده تقراها.. وندى جالسه كالعاده تطالع التلفزيون.. دخل معاذ جاي من برى.. وجلس بعدما سلم.. ام معاذ : جيت بوقتك.. تصدق توني بأدق عليك..!! معاذ : خير يمه.. عسى ما شر..؟؟!! ام معاذ : الا الخير كله حبيبي.. بغيتك في موضوع مهم بالحيل..!! معاذ : موضوع ايش يمه..؟؟ ام معاذ وبدت الخطه : شف وانا امك.. انت الحين قريب بتتوظف عند عمك..!! معاذ مقاطع : قريــب... اشوفك واثقه..!! ام معاذ : ما عليك انت.. الوظيفه مضمونه.. وليش يردونك ان شاء الله.. ناقص..؟؟ معاذ : الين ما يجي ذاك اليوم يصير خير..!! ام معاذ : المهم... معاذ : بعد..؟؟ ام معاذ : الحين انت بتخليني اكمل والا شلون..؟؟ معاذ : كملي الله يحييك.. كملي.. ام معاذ : شف.. الوظيفه وبتتوظف.. معاذ : ان شاء الله.. ام معاذ بعصبيه : وش قلت الحين أنا....!! خلاص لا تقاطعني...!! معاذ بخجل : حاضر.. ام معاذ : ما عليه... بنت عمك عفاف وانخطبت... وما باقي الا اننا نخطب لك غاده... هاااه وش قلت...؟؟!! وما ظني بيردونك ولد عمها.. ومتوظف وما عليك.. وما شاء الله تبارك الله.. جمال الله لا يخليني...!!! هدى وقفت قرايه.. وعيونها مفتوحه.. وتطالع في ملامح معاذ.. تبحث عن هالجمال...؟؟!!!! معاذ : الله يسلمك يمه.. كل ذا فيني..؟؟ ام معاذ : باسم عليك الرحمن الرحيم... كامل والكامل وجه الله...!!! وهدى شوي وتنفجر ضحك على ملامح اخوها اللي مصدقه كلام امها... وهو كلام خالي من ذره الصحه..!!! معاذ : اجل.. سوي اللي تبين يمه.. وانا وين بالقى احسن من بنات عمي ابراهيم...؟!! ام معاذ : الله يخليك لي ياوليدي ولا يحرمني منك...!!! *************** مي اللي متحمسه اكثر وحده للملكه.. كانت واقفه فوق راس غاده.. وتحاول انها تجر منها أي كلمه عن مشوارهم.. واللي حصل فيه...!! مي : غدووده.. والله ان ما قلتي لاروح اسأل امي ساره... والا ميري..؟؟!! غاده : روحي من ماسكك..!! مي وهي تجلس جنبها : تكفين غدو واللي يسلم حبيبك.. قولي وش صار...؟؟ غاده التفت عليها ببرود : روحي اسأليه..؟؟ مو اخوك..؟؟ مي : اوووف.. اروح له مره وحده... ما صار حب..؟؟ غاده تنرفزت : مي.. حرام عليك.. طفشتيني... مي حست فيها : خلاص عيوني ولا يهمك بأسكت... بس اول ما تروقين لي... بأرجع لك...؟؟ غاده ما ردت عليها وهي تشوف هند جايه لهم وفي يدها صحن.. هند : غدوووو... هذا الحلى خاااااص لك... غاده بدهشه : لي أنا...؟!! هند : ايه والله.. هذا موصى لك خصووصا.. من واااااحد يقولك... يحبك حيييييييل... بس مستحي منك...!!!! غاده طاح قلبها خلاص... لا يكون هو...؟؟!!! لالا مستحيل يتهور..!!! ومي ساكته وتطالع باستغراب المنظر الظريف اللي يصير قدامها...!! هند : وش فيك.. خذي ذوقي..؟؟ غاده : لا... مم..من هو منه اول... ووش السالفه..؟؟ هند : ههههههه.. لا تخافين... هذا ركّون مسوي فيها عاشق... ويجرب عليك...!!! غاده تنهدت بارتياح وبصوت هامس : أشوى.. طبعا مي ما فاتت عليها.. دزتها بخفيف : احم.. والله راكان حركات... ههههههههه غاده ضحكت عشان تغير الجو... وتبعد الكهربه الي صارت : ههههههههههههههه.. ******************* عفاف اللي ما صدقت رسايل الجوال تنقطع عنها... كانت بغرفتها مستغربه سالفة جوال ثاني صار يدق لها... ويقطع اذا ردت عليه.. كان تحس بالقهر على هالحركات الصبيانيه المتهوره... رمت جوالها على السرير.. وطلعت من غرفتها.. كانت عارفه ان اليوم موعد رجعت غاده من عند جدتها.. نزلت تحت وحصلت اهلها تقريبا كلهم جالسين بالصاله.. عفاف : السلام عليكم.. الجميع : وعليكم السلام.. بعد سوالف قالت عفاف لامها : الا غاده من بيجيبها..؟؟ ام يوسف التفتت لمهند اللي كان جالس على الارض يلعب بلاي ستيشن مع حسام.. ومجننه.. كل شوي يهزمه.. والولد ما يبغى ينهزم.. يبغى الفوز وبس..!! ام يوسف : مهند.. خلاص الله يرضى عليك.. اترك اخوك في حاله..!! وقم جب اختك ابرك لك..!! مهند : وما فيه الا انا ..؟؟!! يوسف بنص عين : والمعنى..؟؟ مهند : هههه.. لا تخاف باروح وامري لله... طلع مهند يجيب غاده... يوسف التفت لابوه اللي قاله فجأه : وشو له ما قلت لي عن سالفة عمك وجيته للشركه..؟؟ يوسف بتفكير : وأنا ما قلت لك.. تصدق يبه نسيت.. على أساس انك يمكن ترفض..!!! ابو يوسف : مهما كان.. هذا أخوي وما اقدر ارده بشئ..!! يوسف : على راحتك.. اللي يشوفه نسويه..!! ابو يوسف : الا وش صار على سالفة الملفات... هااه خلصتوها والا توكم..؟؟ يوسف : لا ان شاء الله السالفه خالصه.. شوية امور وتنتهي على خير..!! ابو يوسف : زين.. الحمد لله... كل شئ وانا ابوك الا حقوق الناس... انتبه لا تاكل مال أحد... حقك انت حر فيه... لكن الناس ما ينعرف لها... عط كل حقه.. ولا تظلم أحد مهما كان..!!! يوسف : ابشر يبه... تربيتك.. وان شاء الله ما يصير الا اللي يرضيك..!! ابو يوسف : الله يرضى عليك ياولدي... . . . في طريقه لبيت خالته.. دق على جوال سعد.. حصله مغلق.. دق على بيت عمه.. ردت عليه وفاء.. اول ما سمع صوتها ما عرف وش يقول.. تلعثم.. بس بالاخير تجرأ وسلم.. مهند : السلام عليكم.. وفاء وما عرفت مين : وعليكم السلام.. مهند : كيف الحال.. وش اخباركم..؟؟ وش اخبار الوالده..؟؟!! وفاء بدهشه ردت بصوت هادي ومستغرب في نفس الوقت : الحمد لله... ومرت فتره صمت من الطرفين... مهند لما شافها ما ردت فهم انها ما عرفته... فقال بسرعه : معكم مهند..!!! سعد موجود..؟؟!! وفاء ارتفع عندها النبض لاعلى مستوى.. وشلون ما عرفته..؟؟!! تركت السماعه.. وراحت تنادي سعد... جلست مع امها وهي سرحانه... وتفكر بشكل غير طبيعي.. حتى لما مر سعد وقالهم انه طالع ما شافت أي شئ... ولا سمعت أي حاجه...!!! **************** يوم الملكه... كان من اروع ما يكون.. وخاصة هند اللي كانت قمه في الجمال والهدوء.. كانت لابسه فستان اورنج وعلى حوافه بعض الخيوط الذهبيه.. جالسه بالغرفه لحد ما توقع على الملاك.. طبعا البنات كلهم كانو حولها.. اللي تمدح.. واللي تعلق وتضحك.. واللي تمزح... عفاف استغلت فرصة انشغال الكل عنها.. طلعت وسحبت العنود معها.. طبعا لازم تفاتحها بالموضوع... جلسو بالصاله اللي فوق... وتو عفاف بتتكلم والا غاده طابه عليهم.. غاده : شوفو الخيانه... الحين مو قلت لازم احضر..!! عفاف كانت تأشر لها عشان تسكت.. لكن غاده ما اهتمت.. وبدت تتحرك لجهة العنود.. مسكتها بصعوبه ووقفتها وبدت تمشي معها.. وعفاف ما فيه مفر الا انها تجاري غاده الملقوفه... وصلتهم غاده لغرفة مي بما انها الغرفه الوحيده اللي ممكن يشوفون منها بدون لا ينتبه لهم احد.. عفاف : وين ماخذتنا يالمجنونه..؟؟!! غاده : في مثل هالمواضيع لازم صوت وصوره..!!! والعنود تطالع فيهم ببلاهه... ما تدري وش السالفه...!!! وقفت غاده قدام الشباك.. شوي وصرخت : تعالو.. تعالو.. كلهم واقفين برى...!! عفاف مسكت العنود : تعالي بأوريك شئ..!! العنود تطالع فيها.. لكن ما رفضت.. فضولها كان يدفها لمعرفة هالشئ...!! وقفو قدام الشباك.. وهم يطالعون الشباب من تحت.. وكل وحد طايح في الثاني.. يا تهزيء.. يا مزحه ثقيله.. وفي هالوقت بالذات طلع سعود.. وهو مشخص بالبشت ( المشلح ) ويضحك على اشكالهم... قابله يوسف ولفه على ورا.. وسحب البشت منه.. ولبسه وهو يمشي قدامهم كانه عارض ازياء... وسعد يعلق ما قصر... طبعا البنات في امكانهم يشوفون اللي صاير تحت.. لكنهم ما يسمعون الحوار اللي يدور بينهم..!!! غاده قربت من العنود : هذا اللي لبس البشت شفتيه..؟؟ العنود بتأمل : ايه.. وش فيه..؟؟ تركتها غاده مع تأملها والتفتت لعفاف وهي تغمز لها عشان تقول..!! عفاف : وش رايك فيه..؟؟ العنود تطالعها : أنا..؟؟!! عفاف : ايه انتي..!! العنود : وليش..؟؟ غاده ملت من اسلوبهم ففجرت القنيله على راس العنود : هذا اخوي يووووسف.. وناوي يتقدم لك.. وش قلتي...؟؟!!!! العنود سكتت متفاجأه ورجعت تطالعه وهو يرفض انه يفسخ البشت ويعطيه سعود.. وما تدري ليش على طول جا في بالها... زياد.. طردت هالافكار من راسها... والتفتت للباب اللي انفتح وطلت منه مي... مي بانفعال : يا سلاااااااام.. وش هالاستحلااااااال.. من سمح لكم تدخلون غرفتي..؟؟!! العنود انحرجت وجت بتطلع بعد ما تعتذر.. غاده ناظرت مي بنظرات عتاب.. وقالت : مو قصدها عنوده.. ترى مي كذا مزحها ثقيييييييل..!!! تداركت مي الموقف : مو القصد والله.. كنت امزح.. عادي اصلا انتي مثل بنات خالتي... وحياك في أي وقت...!! والتفتت لغاده : وانتي شغلك بعدين يالدبه..!! غاده : طيب..!! انا دبه.. يالـ.. عفاف تصارخ : خلاص واللي يرحم والديكم.. فكونا.. لو تبدون ما بنتهون الا الفجر... يالله نطلع لهند المسكينه خليناها لحالها..!! وطلعو كلهم... والعنود معهم وبذهنها صوره يوسف اللي لا يمكن تفارق خيالها...!!! . . . تمت الملكه.. وهند ما باقي عليها الا انها تنزل لتحت.. لان ماجد راح يدخل يلبسها الشبكه... نزلت هند على الدرج بمساعدة البنات لها.. ما عدا غاده هي الوحيده اللي نزلت بالمصعد.. نزلت وجلست على الكوشه.. والزغاريد بكل مكان.. ومي ومضاوي مره متحمسين ومندمجين بالرقص... والحريم وسلاماتهم.. لحد ما طلبو من الحريم يتغطون.. لان العريس بيدخل.. دخل ماجد مع سعود اللي وصله للكوشه وبارك لهند وطلع على طول.. وعيون غاده ما فارقته... وهي تشوف كيف وحده من بنات عمه منفجعه.. شوي وتلحقه...!!! اول ما جلس ماجد بدو اهله بالرقص.. وغيرو عليه جو التوتر اللي كان عايشه... ومع ان المعازيم كانو قليلين بالنسبه لربعهم وناسهم... الا ان الاثنين كانو متوترين.. ومنحرجين من هالموقف... قامت ام العريس وفتحت الشبكه لولدها.. وهو بدوره وقف قدام هند وهو يلبسها... وقالها بصوت حنون : الف مبروك.. هند.. هند باحراج : الله يبارك فيك...!! العريس جلس شوي بعد ما لبس عروسه.. وبعدين طلع... على موعد بالزياره... والاتصال..!!! . . من جهه ثانيه كانت عفاف منشغله مع الاتصال اللي ازعجها... وبالاخير لما شافت نظرات امها لها.. قفلت الجوال.. ورجعته في شنطتها... ما دام العنود معها.. خلاص ما تنتظر من احد أي اتصال...!!! ***************** بعد يومين.. في الجامعه كانت العنود تدور على عفاف اللي سبقتها للكافيتريا.. فبالصدفه مرت على شله جميله... وخافت انهم يكلمونها.. وهي مستحيل ما بترد عليهم... او حتى تحاول مجرد محاوله انها تصدهم... فكملت طريقها بدون لا تلتفت لهم... وما كملت خطوتين.. الا وهي تسمع صوت جميله القبيح.. ينادي باسمها... لكنها ولاول مره طنشتهم وكملت طريقها... وتركت من وراها جميله تغلي من قهرها... فاتن : تتوقعين ما سمعتك..؟؟!! جميله بقهر : أي ما سمعتني انتي بعد..؟؟!! الا متعمده...!! والا من متى هالاشكال تردني... بس ما عليه ان ما خليتها تندم ما اكون بنت ابوي..!! هيفاء بابتسامه ماكره : وش بتسوين يعني..؟؟!! جميله بتفكير : بسوي اللي ما يسوّى...!! والله لاوريها شغلها زين ما زين... واخليها تعرف هي واقفه بوجه مين...!!! هيفاء بتشجيع : كفــوووو والله حبيبتي... ايه كذا التخطيط ولا بلاش...!!! جميله بغرووور : اجل شلون..؟؟ تبغيني اخلي وحده حافيه ومنتفه تجي تذلني.. وتستحقرني.. وعلى ايش.. قالولها انك من اجمل ماخلق ربي...!!! والله تحلم اخليها تتهنى..!! بدور : اوووه انتو بعد فكونا من هالسالفه... والله.. حاطينها اكبر همكم..!! جميله بانفعال : لا عيوني... الا هالسالفه... لازم احط لها حد... بس انتظر اللحظه المناسبه... ويا ويلها يا سواد ليلها مني...!!! بعد كلام جميله وتهديداتها.. ما كان قدام الشله الا الصمت... والرضوخ لواقع انسانه متعجرفه.. متسلطه... وفي لحظه انفعالها ما تعرف عدوها من صديقها...!!!!!! ****************** هند كانت جالسه بغرفتها... تكلم ماجد... من اول ليله والاتصالات بينهم ماشيه.. هند بحياء : مممم.. بكيفك..!! ماجد : شلون يعني بكيفي... خلاص انتي زوجتي الحين.. وكلها كم شهر ونصير مع بعض.. ولازم قراراتنا وحده... صح..؟؟!! هند بصوت هامس : صح.. ماجد ما حب يضغط على هند عشان تسولف معه.. لانها مثلها مثل أي بنت بأول تجربه لازم يكون عندها شوية حياء... وهذا احلى شئ في البنت..!!! ماجد : هنوده.. هند : هلا.. ماجد : يعني ما سألتيني عن اصراري عليك.. وعلى خطوبتي لك اكثر من مره...!! هند : بصراحه... خجلانه منك.. ماجد : افاااا... حبيبتي مافيه أي نوع من انواع الاحراج والخجل تكون بين الازواج.. بالعكس.. التفاهم والموده هي المطلوبه... هند بمجرد ما قال حبيبتي.. ذابت.. ما توقعت تجي بهالسرعه... فسكتت وما ردت عليه.. ماجد : هااه.. وش رأيك... اقولك ولا بعديييييين...!!! هههههه... هند : لا قل.. خلني اعرف سبب الاصرار...!! ماجد بعد تنهيده : وش اقولك بس.. اقولك انك أسرتيني من اول مره شفتك فيها.. شهقت هند لمجرد ورود هالفكره... ماجد كمل : اقولك انك عذبتيني بحبك أيام وليالي.. خليتيني مثل التايه.. وهو يبحث عن طوق النجاة.. اربع سنوات وانا اتمنى احصل المواقفه... اربع سنوات وانا انتظر الفرصه المناسبه عشان انزل للرياض... واشوفك... بس للاسف.. هي مره وحده... وثبتت في بالي.. هند كانت تسمع له وهي مو مصدقه انه لهالدرجه عذبت انسان بحبها... هند بأسى : آسفه ماجد.. ماجد يقاطعها : لا تعتذرين ياحياتي.. اهم شئ انك الحين زوجتي... وحبيبتي.. وكل دنيتي..!! هند كان على وجهها طيف ابتسامه من كلامه الحلو.. سمعت دق على الباب... فاضطرت تنهي المكالمه.. هند : ماجد... احد يدق الباب.. ما عليش اقفل..؟!! ماجد : بس توعديني..!! هند : اوعدك بأيش..؟! ماجد : انك ما تبتعدين عني.. يكفي اللي راح.. هند : من عيوني.. ماجد : تسلم لي عيونك.. قفلت هند من ماجد والتفتت للباب.. هند : تفضل.. وانفتح الباب... وكان فيصل جاي لحد عندها... هند من فرحتها فيه بغت تصيح... وهي ترحب فيه : هلا والله.. تو ما نورت غرفتي... لو عارفه ان ملكتي راح تخليك تجي لحد عندي كان من زمااااااااان تزوجت... فيصل وهو يدخل بكرسيه المتحرك : هههههه اووووف... راح الحياء...!! وغمز لها بعينه..!! هند باحراج : لااااا... والله ما قصدت... امزح معك...!! فيصل : ههههههههههههه... ما يحتاج كل هالتبرير.. والله يوفقك بحياتك الجديده.. هند : آميين.. فيصل : وش عندك طولتي علي.. منطول عند الباب.. كني طراااار..!! هند : ههههههههه... حلوه طرااار... تكرم يا اخوي.. بس كنت اكلم.. وما سمعتك..!! فيصل : اهاااااا.. اذا على مكالمه... رحنا ملح...!! هند بحياء : ههههههه... جلسو يسولفون شوي في مواضيع كثيره... لحد ما دخل سعود وشماغه بيده وشكله مستعجل... سعود يكلم فيصل : ما شاء الله عليك انت هنا وانا ادورك..!! فيصل : خير.. عسى ما شر..!! سعود : يالله البس.. عشان يمدينا انت عارف زحمة الرياض.. واشاراتها...!! هند : في هذي صدقت... هههههه.. سعود بنص عين : يعني في الباقي اكذب هاااه..؟؟!! هند : ههههههه.. لا والله مو القصد.. بس وين بتروحون..؟؟!! فيصل : عندي موعد بالمركز التأهيلي... هند : اهاا.. الله يعينك.. ويقويك..!! فيصل : آآآمييين.. **************** عبد العزيز اللي بعيد عن أهله.. جسديا وعقليا.. كان جالس بالشقه لوحده.. ويحاول يشغل وقته بأي شئ بعيد عن محمد ومشكلته مع سامر النذل... بما أنه الوحيد الموجود بالشقه الخاليه... فكان لازم يشغل نفسه عشان يطلع من الافكار المهزومه اللي بداخله..!! قام للكمبيوتر.. وفتح النت.. وما حصل احد اون لاين.. تمنى يشوف وفاء اخته ويسألها عن عفاف.. عن أخبارها... عن انطباعها عنه.. وشعورها اللي لايمكن يتغير بنظره...!!! ترك النت وراح للتلفون.. رفع السماعه واتصل على بيتهم... وطوّل التلفوون وهو يدق ولا احد يرفعه... سكر السماعه.. واليأس بدى يدب في أوصاله... للحظه وحده بس فكر يتصل ببيت عمه... ويكلم عفاف... خلاص شوقه لها بدى يذبحه... بعده يخنقه... يحس بالوحده... بالاغتراااب.. محتاج لاهله وناسه... محتاج لاخوانه... لاحبابه..!! وهو بقمة يأسه فتح مذكرته.. وسجل كلماته.. ما أجمل أن اخلو مع نفسي.. بل ما أشد حاجتي إلى هذه الخلوة خاصة واني احس بعواصف تقلق راحتي.. وافكار تتزاحم في عقلي... أشعر أن البيت مجرد سجن.. وأنا فيه محكوم عليّ بالاعدام..!! واذا لم يكن اعداما فبالاشغال الشاااقة المؤبده.. ان افكاري ، عقلي ، قلبي ، خيالي ، كلها تعصف.. بي.. أحس بانها تدفعني الى هاويه سحيقه..!!! لقد تغيرت جميع المقاييس في نظري..!! ولكن من الغباء أن أظن بأن الانسان يمكن ان يعيش بدون حــب.. كمن ظن ان الارض لا تدور...!!! اني احس وكأنني أدور داخل دوامه.. كورقه شجرة في مهب الريح... لكنها يوماً واذا اشتدت تلك الرياح قد تسقط...!!! ******************* بعد شهر.. وبيوم الخميس يوم ملكة عفاف... كانت جالسه تتأمل وجهها بالمرايه... ما تدري ليش ما ودها ان هالملكه تتم... يمكن لانها تنتظر عوده الحبيب الغايب.. والامل عندها للحين ما انقطع... ويمكن لانها مو مستعده لاي ارتباط بانسان غير عبدالعزيز.. اليوم الملكه وكل شئ جاهز.. واهلها مجتمعين خواتها وخالتها واعمامها كلهم بعيالهم راح يحظرون هاليوم... وما باقي الا وصول العريس واهله.. وهي بناء على نصيحة غاده.. لبست فستان عاااااادي جدا... هي ما تعرف ليش طاعت غاده فهالشئ.. كان لازم تكشخ مثلها مثل أي بنت ثانيه.. وتتهنى بهاليوم... لكن هي مصره انه ما راح يشوفها الا بيوم الزواج...!!! انتبهت من تأملاتها على غادة وهي تفتح الباب وتقولها وكل علامات الخوف على وجهها : اللي خفــت منه.. حـصـــــــل..؟؟!!! | |||||||||
|
| |
|
25-02-14, 04:53 AM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الخامس عشر واقفه بالصاله.. وتحاول تطلع امها من سلبيتها الواضحه جدا... وخاصه ان هالموضوع يخص ولدها الكبير والغالي على قلبها... وفاء بضيقه : يمـــه.. الله يخليك سوي شئ...!! ام عبدالعزيز بهدوءها المعتاد : وش تبيني اسوي.. الملكه اليوم.. واكيد تمت... تبيني اخليها تتطلق عشان واحد ما سأل عنها..!!! وفاء بدفاع : اتصلي بعمي.. كلميه.. حاولي معه يمكن يغير رايه.. وبعدين الغايب حجته معه.. وانا متأكده ان عبدالعزيز ما يدري.. ام عبدالعزيز بقصد انهاء الموضوع : يدري ولا ما يدري.. البنت تزوجت وراحت لنصيبها...!!! . . . نزلت من الدرج وبداخلها خيبــة أمل كبيـــرة على اللي قالته لها غاده... اول ما وصلت لنصف الدرج.. كانو اغلب المعازيم راحو... وكانت تشوف قدامها ابوها جالس بالصاله الداخليه.. وامها جنبه.. ويوسف واقف بوسط الصاله.. ويحاول يتكلم بهدوء.. يوسف : ما هي حاله يبه.. البنت ماهي لعبه بيده.. متى ما بغى اتزوجها..!!!! ابو يوسف : بس هم قالو كلها اربع ايام.. والخميس الجاي نتمم كل حاجه..!!! يوسف بانفعال ويحاول يبعد نظره عن ابوه : وهالحيوان يسافر بمزاجه عشان شوية فلوس.. ويأجل الملكه على كيفه ولا كأن أحد يهمه..!! لا يبه اسمح لي الوضع هذا ما يمشي على أحد..!!! كانت عفاف تسمع هالكلام وهي مو مستوعبه اللي قالوه لانها تحاول تبرمج كلمات يوسف وتطابقها مع كلام غاده... وفي لحظه.. حست ان كل اللي حولها يدوووور.. وبعدها كان كل شئ ظـــــلام...!!!! . . . صحت على أصوات حولها.. واللي فهمته ان احد قاعد يبكي والباقين يحاولون يهدونه..!! فتحت عيونها ببطء شديد.. وكان كل اللي شافته اشياء مبهمه تتحرك قدام عينها.. ماكان فيه شئ مميز.. وبعد ثواني رجعت تغمض عيونها باسترخاء في محاوله جاهده لنسيان الواااقع...!!! . . . طلعت غاده من الغرفه ويالله بالغصب طلعت العنود معها.. اللي رفضت تروح للبيت قبل تتطمن على صديقتها... غاده في محاوله لتهديتها : خلاص عنوده هذا انتي شفتيها مافيها الا العافيه.. والحمد أزمة وعدت.. العنود وهي تبكي بهدوء : أي أزمة.. هذي مصيبه.. والله يعين عفاف عليها..!! غاده في محاولة لتلطيف الجو : طيب امسحي دموعك.. تلوووعيين وانتي تصيحين..!! العنود ابتسمت ابتسامه باهته وهي تحتاول تمنع دمعه من النزول...!!! . . . الشباب برى واقفين ويناقشون اللي صار.. وكل واحد يشارك برأيه.. طبعا سعد اللي كان في داخله شعور غريب.. يمكن يكون فرح.. ليش لأ..؟؟!! لكنه بروحه المرحه عرف وشلون يغطي على الكل.. سعد بمرح : والله حركه.. أروح أحدد موعد.. وأكنسل.. يوسف كان يطالعه لكنه ما علق عليه.. يعرفه راعي مزح..!! مهند : والله يا أبو الشباب أنا أشك انه بيجي هاليوم..!! سعد : أفــــا.. ليش عاد..؟؟ ومنصور أحسن مني..؟؟!! مهند : ههههه.. الا على طاري منصور.. متى عرسه..؟؟ سعد : والله علمي علمك.. بس لاتخاف أنت أول الحاضرين..!! سعود بعد صمت : تصدقون أنكم مثال رائع للشباب الفااااااااضي..!! سعد : ياأخي إذا فاضي.. عشّقه..!! مهند : ههههههههههههه.. سعود هز رأسه وعلى وجهه شبح ابتسامه على رد سعد اللي عرف يقلب الكلام لصالحه..!! بعد سوالف طلعت وحده بعبايتها.. وطبعا من بعيد ما يبان من تكون.. فكل واحد سوى نفسه ما يشوف.. وهو لازم يسترق النظر ولو لثانيه..!! بعد ما قربت منهم.. اتضحت ملامحها.. كانت أم فارس.. وواضح على ملامحها العجله..!! سعد وهو يلحقها : عسى ما شر يا عمه.. أشوفك مستعجله..؟!! ام فارس تلتفت لسعد : أنت عارف أن عبد الرحمن ما حضر اليوم.. وفي أي لحظه بيرجع البيت.. والعيال هناك.. وما أبغاهم ينتبهون لشئ..!! سعد : وهم ليش ما جو معك..؟ ام فارس : الا كانو جايين.. بس راحو للبيت قبلي.. وانا جلست عشان اطمن على عفاف.. سعد : موفقه.. تبيني اجي معك.. ( وبمزح ) تراني أعجبك..!! ام فارس تغطي وجهها : تسلم.. ما تقصر سعد تعبتك معي..!! سعد : لا والله تعبك راحه.. كم عمه عندي..؟!! ام فارس : يالله مع السلامه.. سعد : طمنيني هاه..؟؟ ام فارس وهي طالعه : ان شاء الله.. طلعت ام فارس وسعد واقف يتابعها بنظره.. وهو واقف حس بأن احد واقف وراه.. التفت.. حصل يوسف يناظره.. سعد : أي خدمه يا ابو الشباب..!! يوسف : أقول سعد.. مو كأن الجرعه اليوم زايده نسبيا..؟!! سعد : تصدق عاد.. لي فتره ما رحت المستوصف.. موقع معاهده مع الفيروسات.. ابدا ما تجيني..!! يوسف : هههههه.. تعرف تنكت..!! . . . وهم بالسياره.. راجعين من بيت ابو يوسف.. كانت ام معاذ تبغى تعرف كل التفاصيل.. وما فيه أمل من زوجها لكنها قالت تحاول وما راح تخسر..!! ام معاذ وبدون مقدمات ولا كأنها كانت موجوده هناك : الحين ما تقولين وش اللي صار..؟؟ ابو معاذ كان وده يتجاهلها.. لكن بوجود العيال ما عرف يتصرف : تدرين اني ما سألت اخوي..!! ام معاذ : ولـيــــش..؟؟ ابو معاذ : عشان ما احرجه..!! ام معاذ : خل عنك بس.. الحين تبي تقولي انك ما تعرف شئ ابد..؟؟!! ابو معاذ : كل اللي اعرفه.. ان الرجال كلم اخوي وقاله الملكه تتأجل للاسبوع الجاي لان الولد الظاهر انه مسافر..!! ام معاذ : الـلــه.. يسافر ووراه عرس..؟ ما ينلام ولد نعمه.. كل شئ على كيفه..!! ابو معاذ : لا حوووول ولا قوة الا بالله.. فكينا منهم.. ويالله انزلي ترانا وصلنا.. وانا تعبان بأنوم..!! ام معاذ : اوهووه عليك.. اثر التعب ذبحك.. نزل العيال اللي نايمين ورى.. وبعدها رح للي تبي..!! ابو معاذ : والخدامه وينها..؟؟ ام معاذ : راحت تدخل الاغراض.. وما هي براجعه.. يالله بس خل عنك كثر الكلام اللي ما له داعي..!! ونزلت ودخلت لداخل وتركت زوجها يصارع لوحده امواج الواقع اللي فرضه على نفسه..!!! . . . استأذنت العنود بعد ما تطمنت على حالة عفاف.. وبما أن الوقت متأخر.. كانت مها اللي راجعه من السوق مع سواقها تنتظر العنود تطلع لها.. والعنود المسكينه ما قدرت تنفك من غاده اللي تحاول معها تنزل عبير عشان تشوفها.. العنود : والله ما اقدر أخاف تعصب مها..!! غاده : ما هي بمعصبه.. قولي اني انا ابغاها.. تكفيييين..!! العنود : انتي اللي اطلعي معي.. على راسك ريشه..؟!! غاده : والله عليك مخ..!! وشلون اطلع وكل الوفد العائلي برى..؟ وبعدين نسيتي اللي يسوق..؟!! العنود : تصدقين نسيت..!! غاده : يالله بانتظرك.. العنود : واذا رفضت..؟؟ غاده بأمل : ان شاء الله ما ترفض..!! العنود طلعت بسرعه.. كان جوالها يرن مها تتصل عليها تستعجلها.. وما كانت منتبهه للشباب اللي واقفين برى اللي ما باقي منهم الا سعود ويوسف.. لانهم ما كانو واضحين قوة.. لكنهم انتبهو لمصدر الصوت.. وصلت العنود بسرعه للسياره وقالت لمها.. واستغربت من مها مواقفتها.. ولا كأن توها تستعجلها.. نزلت العنود وعبير بيدها.. وقبل ما توصل للباب..كانت غاده جايه تمشي.. وتأخذ عبير بحضنها.. والعنود تضحك على خبالها.. وما كانو منتبهين للاثنين اللي عيونهم كانت شوي وتأكل البنتين بنظرااااااتهم الحاااالمه...!!! . . . كانت لوحدها بالغرفه.. وتفكر باللي حصل لها.. صحيح هي كانت تتمنى الملكه ما تتم.. لكن شئ بداخلها انكسر.. هي انثى.. وآمالها كانت تسبق أحلامها.. بأن عبدالعزيز يكون هو زوجها.. وشريك حياتها.. لكنها تحت ضغط الواقع.. وباختيارها لرضى ربها بارضاءها لوالدها.. كان لا يمكن تتراجع عن اللي قررته.. لكن انه الرد يجي منه هو..؟؟ شئ ابدا ما تصورته..؟!! عفاف.. مهما كانت خيبة املها بسامي.. الا انها من الحين بدت تعد العده لحياة طويله عليها.. اذا كان من الاول خون بالموعد المصيري لهم.. واللي مترتب عليه أشياء وأشياء.. فكيف راح تكون حياتها المجهوله معه... لكن بنفس الوقت كانت تحس براحه.. ان هالعقد تأجل..!! وأن سبعة أيام جديده.. تبعدها عن شريك جديد راح يقاسمها كل شئ بحياتها...!!!! . . . من وصل لهم سعد الخبر.. ووفاء واقفه فوق راسه وشوي وترقص.. وسعد ميت ضحك عليها.. أما ام عبد العزيز فكالعاده.. كانت جالسه بوقار ومنزله راسها بتفكير... وما أحد يدري وش اللي قاعد يصير في عقلها..!! سعد : هااه.. الوالده سرحانه... وش عندها..؟؟!! ام عبدالعزيز رفعت راسها : يا ابوي.. ابيك تعرف أن الدنيا ما تدوم لأحد.. كائنا من كان.. وولدي الغالي.. ولو كان بعيد.. فان شاء الله ما له الا اللي يرضيه.. ويسعده.. سعد التفت على وفاء اللي جلست وعلى وجهها علامات الحيره.. وهم مو فاهمين الكلام اللي قالته امهم...!! سعد بدون تفكير : والله يايمه اني انتظر هاليوم اللي أشوف فيه أخوي..!! ام عبدالعزيز بأمل كبير : الله يفرحنا بشوفة وجهه.. ويطمني عليه.. ويحفظه من شر الاشرار ومن شر طوارق الليل والنهار.. ويرده لي سالم غانم..!! وفاء : يا ســـــلاااام..!! سعد : كل هذا لعزوووز.. وأحنا وين رحنا..؟؟!! ام عبدالعزيز : كلكم عيالي وغالين علي.. والله لا يحرمني منكم.. والله يعلم اني ما اسجد الا داعية لكم.. الله يحفظم لي.. يا ربي يا كريم..!! سعد ووفاء : آمييييييين.. ويحفظك لنا يا اغلى ام بالكوون..!! . . . بعد رجوعهم المتأخر من بيت الخاله.. مي ما كذبت خبر.. على طول غرفتها.. وشبكت النت.. وبدت في سوالفها اللي ما تنتهي.. وسعود طبعا كان غارق بأفكاره عن غاده.. واذا هي زعلانه ولا راضيه.. ووشلون بيعرف هالشئ..!! وفيصل.. بدى يبتعد عن الكل أكثر.. بسبب البرنامج التأهيلي المكثف.. أما هند.. اللي كانت جالسه بغرفتها.. كانت تفكر بعفاف وحالها.. لو أنا مكانها.. وش كنت بأسوي..؟! وحمدت ربها اللي أنعم عليها بواحد يحبها.. ويمووووت على ترابها مثل مااااجد... وابتسمت لما شافت اسمه ينور شاشة جوالها.. وعرفت أنه داااااايما القلوب عند بعضها...!! . . . وصلت لبيتها.. وهي تشوف ان سيارته مو موجوده.. يعني اكيد ما بعد جى.. طلعت لغرف العيال على طول.. وحصلتهم ناموا.. اول ما سكرت باب غرفة فارس.. تفاجأت باحد يمسكها من كتوفها.. شهقت شهقة قوية.. والتفت بسرعه تشوف مين.. ام فارس تنهدت بارتياح : رووعتني..!! ابو فارس وهو يلمها له : اسم الله على قلبك.. ياحبيبتي.. آسف ما قصدت اروعك.. بس حبيت افاجئك..!! ام فارس : واحلى مفاجأه.. تعشيت..؟! ابو فارس : اذا فيه عشى من هالايدين الحلوه.. ليش لأ..؟!! ام فارس بخجل : دقايق بس على ما تبدل.. اكون مجهزه لك احلى عشى.. وراحت للمطبخ.. وفرحتها تسبقها.. من اليوم لازم هي اللي يكون كل شئ بيدها.. حتى زوجها.. اذا هي ما فتحت له قلبها.. وسمعت منه.. وين يروح.. ومن بيسمعه..!! انهت شغلها.. وهي طالعه بالصينيه لغرفتهم.. كانت تسمع جوالها يرن.. وصلت للغرفه وجلست الصينيه قدامه.. وعلى وجهها احلى ابتسامه.. ابو فارس : انقطع قلبه وهو يدق.. ارحميه وردي عليه.. ام فارس تقوم لجوالها.. وبدون لاتشوف الرقم.. ضغطت زر الاغلاق.. ورجعت الجوال مكانه : خلاص.. قطعناه مره وحده.. ارتحت..؟! ابو فارس وهو يطالعها.. وفي داخله ممتن لها على كل شئ تسويه عشانه.. ابو فارس وبدون وعي مسك يدها : سامحيني نوف..؟! ام فارس : أسامحك..؟؟!! ابو فارس : ادري غلطت بحقك كثير.. وتعديت عليك وضربتك.. واهنتك...و.. ام فارس وهي تحط يدها على فمه تسكته : انسى.. ما فيه انسان معصوم من الغلط.. اهم شئ انه ما يتمادى... صح..؟! ابو فارس ما جاوبها.. لكن الابتسامه المرسومه على شفايفه.. ونظرات عيونه.. كانت تنطق بالصدق..!!! والحــب.. وكل المشاعر المختزنه بداخل قلوبهم... كعاااشقين...!!! ***************** بعد يومين كان الوضع استقر شوي.. وعفاف بدت تتأقلم على أنها للحين على البر.. وتوها ما خاضت التجربة.. وطبعا ما لها الا صديقتها.. والعنود مطنشه الكل.. ومهتمه بعفاف بس..!! جميله اللي ماكان يرضيها هالشئ.. كان الود ودها لو تروووح للعنود وتقطعها بيدها.. كانت تكرهها كره العمى.. وما تطيق لحظه تشوفها فيها.. وعفاف مو أقل منها.. ببساطه.. كانت تحقد عليهم..!! ومن كثر الحقد عليهم.. كانت تخلي هناء تروح تجلس قريب منهم.. وتتسمع وش يحكون فيه.. ووش هي أهم أخبار تحصل بينهم.. كانت تطالع هناء اللي جايه لها.. وشكلها جايبه معها اخبار طااازجه..!! جميله وقبل لا تجلس هناء : هاا.. بشــري..؟!! هناء بعد ما جلست : خليني آخذ نفس أول.. ( وبعد ثواني كملت ) اللي فهمته منهم.. ان عفاف ما تمت ملكتها.. جميله بمقاطعه : حــلــوووو.. هناء : والعنود تهديها وتحاول تساندها.. وتاخذ بخاطرها..!! جميله : الله ياخذهــا.. هي وياها...!! وعلى هالحال.. كانت جميله.. همها الوحيد كيف انها تعذب غيرها.. وتتلذ بتعذيبهم...!!! الاثنين.. والكل جالس ببيت ابو يوسف.. اتفاجأو بدخول شهد عليهم تركض.. وبعدها كانت الخدامه واصله ومعها شنطه كبيره.. وواضح انها لليلى..!! قامت عفاف تشوف وش الموضوع.. وتبعتها غاده.. مهند : هييي.. انتو.. وين ان شاء الله..؟؟ فيه شئ اسمه رجال برى..!! عفاف : ومن قال اننا بنطلع برى.. كله وقفه على المدخل..!! مهند : اقوول.. لايكثر بس.. وارجعو داخل.. وانا باشوف الموضوووع..! وقفو البنات.. بينما مهند يمر من قدامهم ويطلع يشوف وش السالفه.. بعد لحظات.. تدخل ليلى بشوي شوي.. ومهند يسندها.. والتعب واضح من ملامحها.. عفاف راحت تركض لها.. وسندتها من الجهه الثانيه.. اول ما جلسو.. بدت الاسئله تنهال على ليلى.. والمسكينه من التعب مو عارفه من ترد عليه ومن تخلي..!! وغاده اللي عارفه اللي بليلى .. ماحبت تقول شئ بحضورها.. بعد ما ارتاحت شوي.. ام يوسف وبخوف على بنتها الكبيره : هااه يايمه.. وش فيك تعبانه..؟؟!! من يومين وش زينك.. وش صار لك..؟؟!! مهند بهمس : اووف.. مراسلة الجزيره..!! يوسف بنص عين وهو يدزه بخفيف : ههههه.. اعقل..!! مهند طنشه وهو يسمع ليلى.. وش قاعده تقول.. ليلى : تعبانه شوي.. ام يوسف باصرار : وش منه..؟؟ ابو يوسف ماحب يحرج بنته.. توقعها مستحيه من وجوده هو والعيال : يالله اجل انا باطلع الحين.. توصون بشئ..؟!! ام يوسف : سلامتك.. طلع الابو ولحقوه العيال.. ام يوسف : يا بنيتي طمني بالي.. ليلى : يمه كل السالفه.. اني زلقت في الحمام.. غاده شهقت.. وليلى كملت: وهالطيحه.. اثرت على اللي ببطني..!! ام يوسف باستغراب : حـــامل..!! ليلى تهز راسها بموافقه.. عفاف : ورحتي الطبيب..؟!! ليلى : ايه.. وقال لازم النوم بالسرير.. وعلى ظهري لاخر الحمل.. لان فيه خطر على حياة الجنين.. ام يوسف : اهم شئ صحتك يا بنيتي.. باقوم اقول للخدامه ترتب لك الغرفه الي تحت.. اريح لك.. وقامت ام يوسف.. وغاده للحين بصدمتها.. وهي تشوف اخواتها.. ليلى للحين ما تهنت بفرحة الحمل.. وصار فيها كذا.. وعفاف ما تهنت لا بعرس.. ولا غيره..!!! **************** كان واقف ينتظر صديقه يطلع من غرفته.. اليوم وراهم مشوار مهم.. ولازم ينهون فيه كل شئ.. ويحطون حد للي صار.. عبد العزيز وهو سرحان بافكاره.. انتبه على ان فيه احد قاعد يتحرك عند الباب.. وبعدين شاف حاجه اندست من تحت الباب.. وظل الشخص راح... قام للباب يشوف وش هناك.. وشاف فيه ظرف صغير.. وشكله ظرف رساله.. رفعه من الارض.. وهو يتفحصه.. وهو ببلاد غربه ما شئ ينضمن..!! وزال شكه وهو يقلب المظروف ويشوف اسم محمد مكتوب بخط واضح.. وعربي بعد.. مشى لغرفة صديقه.. اول ما وقف قدام الباب.. انفتح.. وطلع منه محمد بكامل اناقته.. محمد : يالله.. جاهز نطلع..؟؟ عبدالعزيز ما رد عليه.. واكتفى بانه مد له الظرف.. وراح وجلس وهو يتابع ملامح محمد بتمعن.. محمد : وش هذا..؟؟ عبد العزيز : ما ادري.. بس فيه احد دسه تحت الباب.. وراح.. محمد : وليش اسمي مكتوب عليه..؟ عبدالعزيز : لانه اكيد لك.. وانت المقصود انه يوصل له.. محمد وهو يجلس : تتوقع من مين..؟؟ عبدالعزيز : وليش اتوقع.. والظرف قدامك.. افتحه وشف وش فيه.. محمد على طول فتحه.. وعلى ملامحه ارتسمت الحيره.. والالم في نفس الوقت.. عبدالعزيز اللي كان يتابع بهدوء.. انتبه لتغير ملامح محمد.. لكنه فضل الصمت..!! محمد رفع راسه : من ســامـر..!! عبدالعزيز بدهشه : وله وجه يرسل لك رسايل.. والله قليل ادب..!! يهددك...؟؟!! محمد : يعتذر على اللي صار.. وبقول انه راجع للمملكه..!! عبدالعزيز : يرجع.. ودراسته..!! محمد بحيره : يقول خسرها.. ما ادري وشلون..!! عبدالعزيز : لا اله الا الله.. يمهل ولا يهمل.. محمد : لا تتسرع بالحكم عليه.. عبدالعزيز وكأنه تذكر شئ : وما قالك عن الملفات.. محمد : وهذا اللي اعتذر عشانه.. يقول انها بتوصلني عن طريق واحد يعرفه.. ويثق فيه..!! عبدالعزيز وهو يوقف : اما يثق فيه.. كثر منها..!! قم بس خل نخلص مشاويرنا.. وراانا رجووووووع للديااار.. محمد يكمل : وللاحباااااااب..!! هههههه.. وطلعو يكملون جولاتهم.. لانه ما باقي على انتهاء بعثتهم الا كم يووووم...!!! ******************* معاذ داخل البيت ويصارخ : يمــــه.. يمـــــــه.. ام معاذ : سم يا وليدي.. نعم يا ابوي وش فيك.. اسم الله عليك.. معاذ : باركي لي يمه.. ام معاذ : اعرست.. معاذ : يمه.. وش هالاستهبال..؟! ام معاذ : يالله قل وش ابارك لك عليه..؟ مانيب فاضية لك..!!! معاذ : توظفت.. ام معاذ باستعجال : عند عمك.. مبرووووووك يا ابوي تستااهل.. واخيرااا..!! معاذ : لا.. وش عمي..؟! لا واحد من الربع توسط لي وتوظفت على بند الاجووور.. ام معاذ : بند الاجوور في عينك.. تخلي شركه طويله عريضه... وتشتغل عند الاغراب.. وعلى بند الاجوور بعد.. معاذ : ووش فيها.. ما دام ان عمي ما رد علي الى الحين.. ام معاذ : الحين اكلم ابوك.. واعلمه وشلون الشغل يصير.. ( وترفع السماعه وتدق الارقام ) وابوك كأنه بزر.. لازم ملاحق.. وتعليم.. اححح..!!!! . . بعد ما انهت المكالمه.. التفتت لولدها : يالله رح الحين للشركه.. ولا ترجع لي.. والا وورقة التعيين بيدك.. وما اكون بنت ابوي ان ما وتوظفت.. وعند عمك..- جعله العمى -.. معاذ : وش بلاك تدعين على عمي.. تراه حسبت ابوي.. ام معاذ : اذلف عن وجهي.. ناقصتك.. تجي تزيدني نااار.. كافيني محترقه منه ومن حرمته وعياله..!! الله لا يهنيه بعيشته..!!!!! وعلى هالمنواال.. كانت ام معاذ كل يوم تزيد الجرعاات.. ونست.. او تناست.. ان الدعاااء يكون على قدر المظالم...!!! ******************** بيوم الخميس.. واللي تقرر انه يكون يوم ملكة عفاف.. بدل اليوم اللي تأجل.. العنود كانت نازله لامها تجلس معها شوي قبل لا تروح للملكه.. وتشوف اذا تبغى شئ.. العنود وهي تحب امها على راسها : مساك الله بالخير يمه.. ام فهد : الله يمسيك بالنور والسروور.. العنود وهي تجلس جنب امها : يمه وش في صوتك.. تعبانه..؟! ام فهد : لا ابد بس احس ان رجيلاتي توجعني شوي.. العنود وتحط يدها على جبين امها تشوف حرارتها : خذتي دواك..؟؟ ام فهد : لأ.. العنود : هذا اللي تعبك.. باقوم اجيب علاجك.. الله يهديك احد ينسى موعد دواه.. قامت العنود تجيب علاج امها.. وهي تأخذ العلبه.. فكرت انها ما راح تروح لملكة عفاف.. مهما كان امها أولى أنها تبقى جنبها وهي بحاجتها..!! . . . انهت المكالمه مع العنود.. والتفتت لغاده.. عفاف : ما هي بجايه..!! غاده : ليش..؟؟ عفاف : امها تعبت شوي.. واضطرت تجلس جنبها.. غاده : سبحان الله هالبنت لو تنحب على شئ.. فهو برها بوالديها.. في حياتي ما شفت احد مثلها.. عفاف : ايه والله.. الله يخليهم لها.. غاده : ويخليها لهم بعد.. عفاف : باختصااااااار... الله يخليهم لبعض.. غاده واقفه : على قولتك.. يالله اجهزي يا عروسه ما باقي شئ على المغرب.. عفاف : والله متردده باللبس.. غاده : ليش..؟ عفاف تتنهد : اخاف يصير زي المره اللي راحت.. غاده : يا بنت الحلال خلك متفاءله.. عفاف : ان شاء الله.. طلعت غاده.. وتركت عفاف اللي لبست فستااان هادي جداا.. وحلو بنفس الوقت.. وتمكيجت على خفيف.. مهما كان من استعدادها.. الا ان شعور الخوف من تكرار اللي صار لازال مسيطر على مشاعرها... . . . " يالله تأخرنا.. ما صدقت أمي تتحرك " كان صوت وفاء واصل لسعد اللي امه واخته ينتظرونه يطلع لهم عشان يتوجهون لبيت ابو يوسف.. سعد : يالله ثواني بس.. رشة عطر واكون جاااااااهز.. وفاء : تسبح بالعطر.. وقل رشه..!! اللي يشوفك يقول انت المعرس..!! سعد : يالله قدامي.. لا والله اشغل وافحط عنك.. وعشان يثبت كلامه.. راح ركض للسياره.. ووفاء وراه تضحك عليه..!! . . . الكل تقريبا وصل.. والبيت كله حركه ووناسه.. الا ان يوسف يحس ان داخله شئ يغلي ما برد حرته.. ما يدري اذا سامي هذا بيجي اليوم بعد.. والا بيلعب لعبة جديده ويرمي بنتهم وراه.. عشان حفنه قروش لا تقدم ولا تأخر..!! ومن احساسه اللي قاعد يحس به.. استأذن من ابوه.. وتوجه لداخل البيت.. كان لازم يتكلم مع عفاف.. ويفهمها ان الحياة كفاح.. وانها راح تواجه عقبات.. ولازم تذلل لها الصعاب..!! مر بالصاله.. واثناء مروره.. صادف وجود ام معاذ بالداخل مع بناتها اللي صافات جنبها.. ماشاء الله كانو من اول الحاضرين..!!! ام معاذ : السلام عليكم.. حيا الله يوسف.. وشلونك عساك بخير..؟! يوسف يلتفت على مصدر الصوت : هلا.. حياك الله.. الحمد لله.. وشلونكم انتو ووشلون العيال..؟؟ ان شاء الله مرتاحين..! ام معاذ بفرحه انه سأل عنهم : الله يسلمك..هههه.. العيال ما عليهم ( وبكل وقاحه ) يسلمون عليك..!!! يوسف : عن اذنكم.. وما عطاها مجال انها تكمل اللي بدت به.. وعلى طول توجه لغرفة عفاف.. يوسف ويطل من الباب : السلام عليكم.. عفاف بابتسامه مصطنعه : وعليكم السلام.. هلا بك.. يوسف : كيف عروووستنا..؟!! عفاف : هذي هي قدامك ما عليها.. يوسف : زين.. الله يتمم على خير.. عفاف بدون نفس : ان شاء الله يوسف غير رأيه وقرر ما يفاتحها الحين بشئ : وين خواتي اجل..؟! عفاف : كل وحده لاهيه بشئ.. وليلى كالعاده نايمه بالغرفه.. امي حالفه عليها ما تطلع.. يوسف : الله يعينها ويقومها بالسلامه.. عفاف : آمين.. يوسف : بالتوفيق.. بانزل اشوف الوالد.. بس حبيت القي نظره على الاوضااع.. عفاف ما ردت عليه.. بس ظلت تتابع طيفه الى ان اختفى عن نظرها... . . . امل : والله اني شايفتهم داخلين.. غاده : يمكن حريم ثانيين.. بس انتي تتخيلين.. امل : وانا ما اعرف مرت عمي.. حتى وفاء تراني اعرفها.. غاده : صدق غبيه.. و أحد قال ما تعرفينهم.. اقول يمكن أحد غيرهم..!! امل : احلف لك وتكذبيني.. بكيفك..!! ورجعت امل للصاله.. غاده التفتت على ساره الهاديه : سمعتي وش قالت.. زين فيه تقدم.. ساره : ايش..؟؟!! غاده قامت : اووووهووو.. وانا وش لي اكلمك.. اطلع اشوف احسن لي..!! . . . وعلى ارض مطار الملك خالد الدولي.. تعلن الطائرة وصولها الى ارض الحرمين.. وعبدالعزيز على متنها.. ويسبقه شوقه لاهله ولارضه الطيبه وترابها الطاهر.. محمد يلتفت لعبدالعزيز : قلت لأحد يستقبلك..؟ عبدالعزيز : لا مخليها مفاجــأة..!! محمد : لا والله انا ما صدقت متى اخلص.. وش الفايده خلهم يحسون فيني.. عبدالعزيز : ههههه. لا ابغى احس بالفرحه بعيون امي وانا داخل عليها.. وبيدي شهادتي.. يااااه والله مشتااق لهم.. محمد : لهم... هاااه..؟؟ ما تنلام..!! عبدالعزيز يجر شنطته : رح زين.. الواحد ما صدق متى يرجع.. وانت بس شاطر تخرب علي الجو..!! محمد : تعال يا ابو الشباب.. كلمت اخوي واكيد ينتظر برى.. يالله عشان نوصلك على طريقنا.. . . وصل البيت.. وبحماس دخل على طول للصاله.. وهو يتفحص كل ركض ببيتهم.. اللي اشتاق له ولكل نسمه هواء فيه.. لكنه استغرب الهدوء اللي يخيم على زواياه.. وبخاصه ان الوقت عشاء.. وين بيروحون الحين.. ماانتظر على طول بدى ينادي يمكن يكونون بغرفهم.. عبدالعزيز : يــمـــه... وفـــــاء.. ســعــــد.. ولكن لا جواب.. استغرب اكثر.. بس ارتاح لما شاف الخدامه تطلع له من غرفتها... وقالت له ان الكل ببيت عمه.. وما صار لهم وقت من طلعو.. عبدالعزيز.. من فرحته برجوعه.. ومن شوقه لاهله.. وبدون تفكير.. ركب سيارته اللي للحين موقفه بالملحق... وتوجه الى بيت عمه.. وما يدري وش اللي هناك ينتظره...!!! | |||||||||
|
| |
|
25-02-14, 04:57 AM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السادس عشر ام فارس.. كانت أكثر وحده فرحانه بحضور ام عبدالعزيز للملكه.. كانت دايما تحب تجمع عايلتهم.. ما تحبهم يتفرقون.. وهي جالسه جنب مرة اخوها.. انتبهت على تقرب ام معاذ الواضح لها.. بطبيعتها الطيبه جدا ما حاولت تبتعد او تصدها.. كملت سوالف مع ام عبدالعزيز.. وهي تحاول انها ما تفكر بتصرف ام معاذ مع زوجها.. ما تحب تشيل بقلبها على احد لو كان اعدى اعداءها.. . . غاده كانت متملله في جلستها.. تحس بضيقه غير طبيعيه.. تتمنى لو تزووول بسرعه..!! خاصة ان خالتها للحين ما وصلو.. فكرت ترووح لعفاف.. لكنها عارفه ان اللي بداخلها راح يزيد اذا شافت ملامح الكآبه مرسومه على وجهها..!! وهي واقفه بتروح لغرفة ليلى.. على الاقل ليلى كبيره وفاهمه.. وسوالفها حلوه.. وقفها صوت بشــــع.. ام معاذ : غاده.. متى وانا خالتــك بتفكين الجبس عن رجلك.. التفتت لها غاده باستغراب وهي تناظر عمتها الهاديه : بعد اسبوعين ان شاء الله.. ام معاذ : الله يشفيك ويعافيك.. عاد وانا خالتك انتبهي لصحتك..!! غاده تتصنع الابتسامه : ان شاء الله.. وما صدقت تسكت عنها.. عشان تشرد لداخل.. وتختفي عن نظرهااااا..!! . . غاده وهي تجلس : اووووف.. يا لطيييف.. ما صدقت افتك من مقابلها..!! ليلى بتعب : ههههه.. ووش فيه وجهك اصفر..؟!! غاده : والله.. وتلتفت على المرايه تشوف وجهها.. غاده : حسبي الله عليها طيرت قلبي.. وضيعت دمي..!! ليلى : من هي..؟ غاده بقهر : من غيرها.. ست الحسن والجمال.. حرم عمنا المصووون..!! ليلى : من..؟ ام معاذ.. غاده بخوووف : اسكتي.. باسم الله تسمع اللي ورى الجداار.. ليلى : هههههههههههه.. والله ان الخوف مليح..!! غاده : شفتي عاد.. غدو اللي ما يهزها ريح.. وما تتنزل ترد على احد.. تقولي ( وتقلدها ) " وانا خالتك " تخلخلت عظامها.. ما استحت قدام الناس.. من بد العالم تقولها لي.. ليلى تغمز لها : خالتك بحسبة امك.. ما فيها شئ..!!! ههههههه غاده : ليلووووه.. اسكتي ولا ترى بارتكب فيك جريمه..!! ليلى : هههههه اكيييد عندها مشرووع.. ولا ما قالتها حب فيك..!! غاده : بعد ما يبغى لها تفكير.. بس تحلم.. لو على جثماني ما خذت ولدها..!! ليلى : ههههههه يقولون جثتي.. غاده : تغيير.. لازم مثلهم.. خالف تعرف..!! ليلى : مشكلتك اذا خالفتي.. اكيد بتطيرين.. فخلك على طبيعتك احسن واسلم..!! غاده : الا وين بنتك الدبه..؟! ليلى : دبه في عينك.. حرام عليك بنتي كتكووته.. غاده : كتكووووته دبه.. ليلى : عناااد فيك.. ما ناديها.. خل عبيييرووه تنفعك.. طايحتلي فيها تحبحب..!! غاده : هههههههه.. غارت ام العيال.. خل غيرتك عند رجلك.. وطلعي هالدبه.. لاجيبها من تحت الارض..!! عبووورتي ما هي بجايه.. وما لنا الا بنتك.. الكتكووووته..خخخ.. صعبه والله..!!!ههههه ليلى : باسم الله على بنتي.. هند فاتحه الباب ومن وراها مي : السلام عليكم.. ليلى : وعليكم السلام.. غاده : وأخيراااااا.. رحمتوووني.. مي وهي تسلم عليها : كله منه.. كاااشخ اليوم كشخه.. تقولين المعرس.. غاده تدزها : دبه..!! مي بتهديد : طيب..؟! ليلى : هند الله يعافيك قلعيهم برى.. ما لي خلقهم...!! غاده : باطلع بكرامتي.. انتهت المهمه.. ليلى تصارخ لها : انتبهي لخالتك.. ههههههههههه... . . . كانت تنتظر اتصال صديقتها فيها.. على الاقل تحس بها قريبه منها.. و استانست وهي تشوف رقمها طالع قدامها.. عفاف : هلا ولله.. العنود : اهلييين.. كيفك فوفو..؟ عفاف : خاااااااااايفه حييييل.. العنود : ليـــش..؟ ما يسوى عليك.. خليها على ربك.. وارتاحي.. وريحييي.. عفاف : هذا اللي تبوونه.. ترتاااحون مني.. ما عليه..؟ العنود : شوفو البنت.. ايه ايه.. نبي نفتك من وجهك.. ملينا منك.. نبغى شئ جديد..!! عفاف : عنييييدووو.. !! العنود : عيونها وقلبها.. يا بعدي والله.. آمري..!! عفاف : تعالي.. والله لك فقده.. العنود : يا حبيبتي.. عاد وش اسوي.. لو مو امي تعبانه.. كنتي شفتيني جايه لك ركض..!! عفاف : والله ودي اصييح.. خلاص مليت.. العنود : فوفو.. لا تسوين بنفسك كذا.. واذا ربك كاتب لك شئ.. فمالك الا هو.. عفاف تتنهد : الحمد لله على كل حال.. العنود : هااه.. تآمرين بشئ العروووس...ههههه.. عفاف : يالشينه.. مردووده لك..!! العنود : يالله باروووح لمامي.. عفاف : سلميني عليها.. مع السلامه.. سكرت من العنود.. على دخلة غاده ومي عليها.. غاده : يالله.. امي تقولك انزلي تحت..!! عفاف : ليـــش..؟؟ غاده : حلوه ليش..!! بس حتى انا مدري ليش..؟ مي : ههههههههه.. خالتي تقول ما فيه احد غريب.. يعني عادي لو نزلتي.. كلها ملكه..!! عفاف : ومن فيه تحت..؟؟ غاده : كل العايله الكريمه.. تصدقين حتى مرت عمي.. ام عزووووز.. جايه هي ووفاء..!! عفاف بدهشه : والله...؟؟؟ غاده : ايه.. انا شايفتهم بعيوني..!! عفاف : وان شاء تبوني انزل وهم فيه.. كنت امووووت.. غاده : ياربي على هالبنت.. ذا عرس ماصارت ملكه..!! مي : عاد بنشوووف بعض الناس اذا جا دورهم.. وش بيسوون..؟؟ غاده : انقلعي عن وجهي.. عفاف : اووه.. فكوني.. وانتو ما تجلسون ساكتات.. لازم طقااق.. غاده : طيب.. بس يالله قومي.. عطلتينا.. عفاف : زين يالله قدامي.. نزلو تحت.. وجلسو الجمييييييع بالصاله.. الحريم بجهه.. والبنات بجهه.. . . . دخل حسااام ركض على الصاله.. وعلى وجهه ابتساامة طفولية انه سبق راكان بايصال الخبر الجديد.. حسام وبصوت عااااالي : عبدالعــــزيــــز جـــــــااااا.. وقفو كل اللي بالصاله.. وفاء اللي وصلت قبل الكل عند حسام : عبدالعزيز.. مين..؟!! حسام ببراءه : عبدالعزيز ولد عمي.. وفاء بفرحه ودهشه بنفس الوقت : أخـــوي..؟؟!! حسام : ايه.. غاده : وينه فيه..؟؟ حسام : برى.. تو دخل على الرجاجيل بالمجلس.. وفاء ركضت تبارك لامها رجوع ولدها الحبيب لهم.. وعفاف من صدمتها كانت واقفه.. وتحس ان الهواااااء اللي بالجو انتهى...!! ما تدري تفرح برجوعه.. ولا تحزن لفراقه..!! . . . دخل المجلس بابتسامه وسيعه.. يوم رجع حصل الكل مجتمع.. واكيد بيفرحون به.. وبمفاجأته...!! عبدالعزيز : السلام عليكم.. التفت الكل على الباب بما فيهم سامي.. اللي استغرب وجود شخص جديد داخل عليهم.. واستغرب اكثر يوم شاف سعد يستقبله ويسلم عليه قبل الكل..!! قامو يسلمون عليه.. ويحسسونه بان الامر عاااااادي جدا...!! لكن عبدالعزيز ما خفى عليه الاندهاش اللي حل مكان البسمه اللي كان متوقعها من الجميع.. واولهم عمه.. اللي حتى عينه ما جت عليه من جلس.. ولا كأنه موجود معه بمجلس واحد.. او متغرب عنهم من فتره...!! وواضح انشغال عمه مع الشخص اللي بجنبه.. والشاب اللي معه.. التفت على يوسف اللي جالس قريب منه : وش السالفه..؟! يوسف بعقلانيه ما حب يقول له اي شئ قدام الكل : تعال معي وانا افهمك..!! عبدالعزيز باستغراب : وين..؟؟!! يوسف : برى...( والتفت على ابوه وهو واقف ) يبه شوي وراجعين..!! ابو يوسف فهم لنظرة يوسف.. فما حب يعلق.!! ابو سامي يكلم ابو يوسف : هااه يا ابو يوسف ما رديت علي تبي المهر كااااش.. ولا بشييك..؟!! عبدالعزيز قبل لا يطلع من الباب انتبه على هالجمله.. والتفت بسرعه وعينه على عمه.. لكن تفاجأ بان عمه اول ما شافه نزل نظره للارض..!!! طلع عبدالعزيز مع يوسف وعلامة الاستفهام للحين فوق راسه.. يبغى يفهم اللي صاير..!! ما حب السالفه تطول لازم يختصر السالفه مع يوسف عشان يرجع يفهم اللي يحصل داخل..! عبدالعزيز : يوسف وش السالفه..؟؟!! يوسف وقف بالحوش : أي سالفه..؟!! عبدالعزيز : منهم اللي جالسين مع عمي..؟ ومهر مين اللي يتفقون عليه داخل...؟؟ فهمني وش اللي قاعد يصير..؟؟ يوسف : يا ابن الحلال اذكر الله.. وما يصير الا كل خير ان شاء الله..!! عبدالعزيز : أي خير..؟ يوسف وش اللي صاير..؟ يوسف : هذا سامي ولد واحد من كبار رجال الاعمال.. من معارف ابوي.. عبدالعزيز : طيب وش جاي يبي..؟! ابغى افهم..؟ يوسف : يخطب..!! عبدالعزيز بدهشه : يخطب..؟؟! ميـــن..؟؟!! يوسف ما قدر ينطق قدام اندفاع عبدالعزيز الغير متوقع..!! بعد صمت.. ابو يوسف من وراهم : يخطب عفاف..!! التفت عبدالعزيز بسرعه لعمه.. وكأنه يتمنى ان اللي سمعه مجرد خيال..!! عبدالعزيز وعينه بعين عمه : عفــاف يا عمي..؟؟ وما لقيت تعطيه الا عفاف.. انت ناسي اني متكلم عليها.. وانها لي من قبل لا اسافر.. وبأي حق جايين هالناس..!! ممكن تفهمني.... ياعــمـــي..؟! ابو يوسف في محاولة للتهرب من مواجهة عبدالعزيز..ولانهاء الموضوع : انا عطيت الرجال كلمه وما راح اتراجع عنها.. وما لأحد حق عندي...!! عبدالعزيز بصوت عالي : بكل سهوله يا عمي.. تبيع ولد اخوك اللي من دمك.. عشان الاغــراب..؟؟!! ابو يوسف : قصر حسّك..!! وهالاغراب اللي تقول عنهم شوي ويصيروون اقراب...!!! عبدالعزيز : وأنـــا..؟؟ ابو يوسف يعطيه ظهره : مالك كلمه علي..!! يوسف بانكار : يــبـــــه..!!! لكن ابوه ما رد عليه..!! عبدالعزيز جرحه كلام عمه.. كان متفاءل انه راح يرجع ويلاقي عروسته تنتظره.. لكن الظاهر ان امله انقطع بعد رد عمه عليه..!! تراجع عبدالعزيز وكل اليأس يتملكه.. و قبل يركب سيارته.. قال : الله يسامحك يا عمي.. واخو ابوي..!!! مشى بسيارته وطلع من بيت عمه.. وما يدري وين يتوجه..!!! . . . بطريقه للمجلس.. وقبل لا يدخله.. جاه صوتها.. " وأنا بعد ما لي كلمه عليك..؟؟!! " ابو يوسف رجع يتكلم مع مرة اخوه.. كان يعزها كثيييير.. وما ينسى فضلها ووقفتها معهم عند حاجتهم.. ابو يوسف : حيا الله ام عبدالعزيز.. ام عبدالعزيز كانت واقفه بهيبتها ووقارها عند المدخل.. ومن وراها واقفه ام فارس.. وشكلهم حضرووو السالفه كلها.. ام عبدالعزيز ما رضت تشوف ولدها بكرها راجع بفرحته.. وبسهوله يضيع منها... ام عبدالعزيز : ما رديت على سؤالي..؟!! ابو يوسف : ماعندي شئ اقوله..!! ام عبدالعزيز : عشانك عارف انك غلطان.. ولا انت ناسي انه ما يحل خطبة المسلم على اخيه المسلم.. ابو يوسف : وش خطبته..؟؟ ام عبدالعزيز : ناسي وعدك لاخوك.. ولا الدنيا اعمتك يا ابراهيم.. هذي آخرتها.. هذي آخرة العشرة والاخوة.. تطعن اخوك.. وتظلم ولده..!! ابو يوسف مستغرب كلامها : اطعن اخوي.. وش هالكلام..؟؟!! ام عبدالعزيز : الظاهر ان الفلوس نستك ان فيه انسان مستأمنك على عياله.. وعلى مستقبل ولده مع بنتك.. نسيت متى كان موعد وفاة اخوك..؟؟ نسيت وش آخر شئ اتفقتو عليه..؟؟ نسيت وش وعدته فيه.. ووش قالك..؟؟ يا حسافه با ابراهيم.. ضيعت وعــدك.. عشان دنيا.. ونسيت عهد بالسماء معلق.. ينتظر منك الوفـــــاء..!! تركت الجميع مشدوه بكلامها ورجعت لداخل...!!! وابو يوسف تذكر تفاصيل صارت مع اخوه كان ناسيها ومستحيل كان بيتذكرها.. لانها كانت آخر كلام لاخوه معه قبل وفاته.. وصدمة وفاة اخوه خلته يحاول يتناسى كل شئ جمعهم مع بعض.. لكنه استغرب وشلون ام عبدالعزيز عرفت اللي صار بينهم.. وخاصه ان اخوه مات بالحادث مباشرة بعد ما طلع من عنده.. كانت الامور كلها تدور براسه.. ما توقع ان هالزواج بيجيب له هم فوق همه.. ووشلون راح يتصرف مع الجماعه الجالسين بالمجلس..؟! صعب يخسرهم..!! وبنفس الوقت صعب عليه يخسر اخوه وهو بقبره..!! ويخسر عياله من بعده..!! . . . بعدما سمعت عفاف الكلام اللي صار برى بين ابوها وعبدالعزيز.. كانت تحس بدموعها شلالات على خدودها.. حتى ما قدرت تشوف شكله.. كان مجرد سماعها لصوته.. يطعنها بقلبها.. كانت متوقعه انها بموافقتها على سامي قدرت تنسى حبها لعبدالعزيز.. لكن يبدو العكس واضح.. وبدل لا تكرهه.. صارت تحبه اكثــر واكثــر..!! شافت امه داخله عليهم.. ما عرفت وشلون تتصرف.. تخاف انها تنفجر فيها هي بعد.. هذي اول مره تشوفها بعد موافقتها على سامي..!! وفي نفس الوقت الود ودها لو تروح لها وتحبها على راسها.. وتبوس رجولها انها تكلمت وقالت لابوها عن شئ يمكن يخلصها من اللي هي فيه.. لكن مستحيل تتجرأ انها ترفع عينها لها..!! تخاف من ردة فعل غير متوقعه.. تحطمها زياده.. وتزيد همها هم فوق هم..!! وعشان ترتاح من تأنيب الضمير.. طلعت لغرفتها.. هرووب من الواقع المر.. والظروف القاسيه الواقفه ضدها..!! . . . بالمجلس.. كان الصمت يعم على الجميع.. بما فيهم سامي وابوه.. اللي تفاجأو من تغير ابو يوسف بعد رجوعه من برى..!! يوسف بعد صمت الكل.. حاول يخفف من حدة التوتر اللي ممكن تصير.. والاحراج اللي بيحصل لابوه.. فقال برباطة جأش : سامحنا يا أبو سامي.. لكن الوضع الحين متأزم.. والملكه بتظل معلقه..!! ابو سامي : وليش تتعلق.. كل شئ ماشي مثل ما أحنا مخططين له.. فليش نأخرها..؟!! يوسف : ظرووف حصلت ولخبطت علينا.. واتمنى انك تعذرنا.. ( وحاول يدق عليه ) مثل ما عذرناك المره اللي راحت..!! ابو سامي بتكبر : بتمن علينا بعد.. والله كيفكم انتم اللي محتاجين.. ولا ولدي بس يأشر على اللي يبيها وهي تركع تحت رجليه..!! سعد وأخذته الحميه : وش القصد.. يا... ( وما كمل كلامه خاف يغلط ).. ابو سامي : أحسن قم طقني.. افا يا ابو يوسف.. صار اللي يسوى واللي ما يسوى يتكلم.. واللي له الشأن ضاعت علومه.. ابو يوسف ما رد عليه.. للحين يحس بكلام اخوه وبأنفاسه.. وآخر لحظاته معه.. قام وطلع من المجلس.. وتركه بكبره لهم...!! ابو سامي يلتفت على ولده : وش في الرجال.. الظاهر انه خرف..!! يوسف : عن الغلط يا ابو سامي.. احنا حاشمينك لانك في بيتنا وضيف علينا.. ابو سامي بتكبر : وانت تقدر تغلط علي.. ترى لا أنت ولا أحد من شرواك يقدر يسويها.. كنت أجيب آخرته..!! عشان وحده ما تسوى صرت ترفع صوتك علينا..!! مهند بانفعال وبحذر في نفس الوقت : هالوحده أشرف من الشرف نفسه.. ابو سامي قام واقف : لااااا... باقي احد بعد بيرد.. والله اللي هذا اوله ينعاف تاليه.. قم يا سامي نطلع احسن لنا.. ناس ما لها خاتمه.. يوسف يحاول يصحح الوضع : ارتاح يا ابو سامي.. الحين احد غلط عليك بكلمه وحده..؟؟!! الله يهديك.. كل الكلام جا من طرفك.. اخز الشيطان وتفضل اجلس.. ابو سامي : مالي جلسه بينكم.. وبيتكم هذا ما لي دخلة له مرة ثانيه.. وبلغ الكلام هذا لابوك.. سعد باندفاع وقهر : قل انك انت تبغى الموضوع ينتهي...!! طلع ابو سامي من البيت من بيتهم.. ولا كأنه سمع كلام سعد.. وكأن اللي سمعه ضرب على الوتر الحساااس عنده...!!! ولامس حقيقة الشئ اللي جو عشانه...!!! . . . بالصاله داخل.. كانت ام عبدالعزيز جالسه وجنبها ام فارس.. وام يوسف بعد قريبه منهم.. كانو ساكتين.. وما عندهم أي شئ يقولونه.. ينتظرون نتيجه تطلع من عند الرجال.. هم اللي لهم الكلمه بالاول والاخير.. البنات كانو بالجهه الثانيه من الصاله.. وكل وحده تحاول تفسر كلام ام عبدالعزيز..؟؟ وتوقعاتهم لردة فعل عبدالعزيز الغريبه..؟؟ ليش انه طلع من البيت بدون لا يتصرف مع ابو سامي بنفسه..؟؟ و عفاف اللي طلعت لغرفتها ولا وحده منهم تجرأت أنها تلحقها وتتطمن عليها.. المسكينه ثاني مره تتفركش ملكتها.. وتضيع آمالها..!! وهم بسوالفهم دق جوال وفاء.. ولما شافت المتصل قامت بسرعه.. وطلعت من الصاله.. ما صدقت يتصل عليها.. وفاء بفرح : هلا والله يا اخوي.. الحمد لله على السلامه.. عبدالعزيز بلا مباله : الله يسلمك.. وفاء في محاوله لجس النبض : ما بغيت ترجع.. بس مفاجأه حلووه.. عبدالعزيز وبصوت كسير : ليش ما قلتو لي..؟؟!! وفاء : والله اتصلنا عليك.. بس ما كنت ترد.. عبدالعزيز وبعصبيه : وليش ما حاولتو كذا مره.. وفاء : حاولنا.. حتى كنت اتصل لك يوميا اكثر من مره.. لكن نفس الشئ.. عبدالعزيز بتردد : وعفاف..؟!! وفاء باستغراب : وش فيها..؟؟ عبدالعزيز : موافقه عاللي يصير..؟؟!! وفاء بصوت هامس : ايه...!! عبدالعزيز بألم : وراضيه.. وفاء : والله ما ادري.. عبدالعزيز بضيقه : ووينها الحين..؟؟ وفاء : ليش..؟؟ عبدالعزيز معصب : اذا عندك عطينيها.. ولا تناقشيني..!! وفاء استغربت من عصبيته.. لكنها ما لامته ابد : هي مو هنا.. فوق بغرفتها..!! عبدالعزيز : عطيني رقمها..!! وفاء بخوف : طيب.. عبدالعزيز ما انتظر ردها.. خذ الرقم وقفل من وفاء.. واتصل على طول بعفاف.. . . . عفاف كانت بغرفتها.. تنتظر نتيجه اجتماعاتهم تحت.. سواء برى او داخل.. تفكيرها كله عند عبدالعزيز.. وين راح..؟؟ ووش بيسوي..؟؟ وكيف بينظر لي..؟؟ جا على بالها تكلم العنود.. لو كانت معها الحين كانت خففت من توترها.. وريحتها شوي.. العنود هي الوحيده اللي بتطلع عفاف من اللي هي فيه.. بتعرف تتفاهم مع أي احد.. قويه في الازمات.. وما فيه شئ يهدها.. بعكس عفاف.. اللي ادنى صدمه يغمى عليها بمجرد سماعها لخبره...!! قامت بتاخذ جوالها.. وتفاجأت به يرن.. مسكته بيد مرتجفه وهي تشوف رقمه يطلع على الشاشه.. رقمه اللي في يوم خزنته في جوالها بالدس..!! وما قدرت تمسحه حتى وهو بعيد عنها..!! وحتى وهي راح تكون على ذمة واحد ثاني..!! سكت جوالها عن الدق.. وبعد ثواني رجع يرن.. وعفاف في حيره.. وش بتقول له..؟؟ وكيف بتتصرف معه..؟؟ سكت جوالها.. بعدين وصلها منه مسج " عفاف ردي علي " وبعد لحظات من وصول الرساله.. رن.. خافت... لكن بالنهايه قررت ترد.. عفاف وبدون لا تتكلم : ......... عبدالعزيز : الو.. عفاف ما تدري وشلوون كان شعورها لما سمعت صوته لكنها ما قدرت تنطق : .......... عبدالعزيز بصوت آسر : عفــاف.. الله يخليك.. اتكلمي.. عفاف بعد جهد وبخوف : ....... نعم..!! عبدالعزيز يتنهد : واخيرا سمعت صوتك.. ليش يا عفاف..؟؟ ليش..؟؟ عفاف وبدت تبكي : غصب عني.. والله غصب.. عبدالعزيز ما اهتم لدموعها.. مهما كان الا ان جرحه اكبر : وهنت عليك.. بعتيني..؟!!! عفاف : انا ابيع الدنيا كلها.. ولا ارخصك..!! عفاف استغربت سكوته.. كل اللي كان يوصلها.. اصوات تصدر عن السيارات لما تسرع.. حست انه قاعد يسوق بسرعه.. عفاف بخوف : انت وين..؟؟ عبدالعزيز : ويهمك انا وين..؟؟ عفاف : لا تقول كذا حرام عليك.. لا تظلمني..!! عبدالعزيز : اظلمك.. واللي قاعده تسوينه معي.. وش اسمه.. عفاف سكتت : ........... عبدالعزيز : ردي ليش سكتي.. عارفه انك ظالمتني.. وهالمره كانت طعنتك لي سكين بقلبي.. عفاف بين دموعها : عبدالعزيز لا تكلمني وانت تسوق.. وقف السياره تكفى... ( وكملت ) عشاني..!! عبدالعزيز بقهــر : وعشانك انتي بالذاات.. بأزيد السرعه.. وخل اللي يصير... يصير...!! عفاف بحرص : عبد العزيـ..... لااااااااااااا وقطعت كلمتها بصرخه على صوت ارتطام السياره... وانقطاااااااااااع الخط...!!! | |||||||||
|
| |
|
25-02-14, 05:02 AM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السابع عشر طايحه بحضن عمتها.. كان كل همها تتطمن على عبدالعزيز.. كانت تتمنى يكون حلم مزعج.. ولا أنه يكون راح منها.. مجرد هالفكره خلتها تنهار أكثر.. وتصيح بصوت مسموع.. ام فارس وشدت من قبضتها عليها : بس حبيبتي.. خلاص.. عفاف وهي تشهق بالبكاء : ..أنـ..ـا .. الـسـ.. بـ..ـب....!! وغابت في نوبه جديده.. وهي تتصور كلامها جد.. ويصير له حاجه.. ام فارس ضمتها لها أكثر.. من بعد اللي صار.. واللي سمعته.. عرفت وش كثر عفاف متعلقه بعبدالعزيز.. وش مشاعرها اللي تكنها له.. وتخبيها عن الكل وتكابر.. مجرد طيحة عفاف هذي تثبت لها انه للحين فيه ضماير حيه.. وقلوب خفاقه.. الصدق هو عنوانها.. والحب هو دليلها.. التفتت للباب اللي انفتح بهدوء.. دخلت غاده بشويش.. وعمتها تأشر لها ما تتكلم.. عشان لا تزعج عفاف.. اللي يالله نامت.. بعد عناء وتعب.. وصياح يقطع القلب.. رخت ام فارس عفاف على المخده.. وغطتها زين.. وطلعت مع غاده لبرى الغرفه.. ام فارس وهي واقفه بالممر : هااه.. وش صار.. للحين ما يدرون بشئ..؟!! غاده تنهدت : والله يا عمه ما أصدق.. كأننا في فيلم.. مو معقوله اللي يصير.. يا بعد قلبي يا عفاف.. المسكينه ما لحقت تتهنى.. لا طايله هذا.. ولا ذاك..!! ام فارس : الحمد لله على كل حال.. بس طمنيني.. وصلهم خبر عن عبدالعزيز..؟؟!! غاده وتهز راسها بأسف : لا.. بس يوسف هو الوحيد اللي عنده أمل..!! ام فارس باستغراب : وشلون..؟؟!! غاده : تخيلي.. له فوق الساعتين.. واقف بالحوش.. وما غير يدق على جواله.. أمله الوحيد ان الجوال يرن.. مو مقفل..!! ام فارس بفرحه ممزوجه بخوف : والله..؟ يعني طول الوقت وجواله مفتوح.. يمكن ما فيه شئ.. واللي سمعته عفاف لاحد ثاني..!! غاده : ياليت.. طيب ليش ما يرد على اتصالاتنا..؟؟!! ام فارس : حجة الغايب معه.. الله يطمنا عليه.. غاده : مسكيين..ما لحق يتهنى برجعته..!! ام فارس : لا تقولين كذا.. ان شاء الله يرجع لنا بالسلامه.. امه وينها..؟؟ للحين تحت ولا راحت..!! غاده : ما أدري وش أقولك..!! الوحيده اللي حيرتني.. هي مرت عمي.. لا صاحت ولا تكلمت.. طول الوقت ساكته.. ولا كأن شئ صاير..!! ام فارس بابتسامه باهته وتذكرت وفاة اخوها.. ووشلون استقبلت الخبر بقلب مؤمن وراضي : طول عمرها انسانه نبيله.. عواطفها ما تحكمها.. دايما تتحلى بالحكمه.. والصبر..!! غاده : بس الكبت مؤلم.. لازم تفضفض اللي بقلبها لاحد.. مستحيل تتحمل الالم لوحدها..!! ام فارس : اصابعك ما هي سوى.. وام عبدالعزيز.. امرأه من طراز ثاني.. غير عن كل النساااء..!! غاده ما فهمت كل كلام عمتها.. لكنها أخذته في حسبانها.. معلومه جديده.. وما خسرت شئ يوم سمعتها..!!! واسترجعت لحظة دخولها مع وفاء على عفاف.. وحالتها اللي كانت عليها.. وما يعلم بها الاالله.. وكل اللي فهموه منها ان عبدالعزيز سوى حادث...!! اتفقو البنات على ان وفاء هي اللي كانت تكلمه..!! وطبعا الكل صدق.. لانها كانت بينهم يوم اتصل فيها.. والموقف كان اكبر من انهم يفكرون بأي شئ ثااااااني..!!! . . . كان واقف بالحوش.. رايح.. جاي.. وجواله أبدا ما وقف.. يا يستقبل اتصال من أحد.. يا يتصل بأحد معارفه.. ويسألهم.. اذا وصلهم خبر.. او لا.. كان هذا حال يوسف من سمع الصراخ بالبيت.. لما كانو واقفين الشباب برى.. بعد الكلام اللي دار بينهم وبين ابو سامي.. كانو يناقشون ردة فعل ابو يوسف.. وتصرفه معهم..وما انتبهوا الا على صوت صراخ من البيت.. وكأن فيه كارثه حصلت.. يوسف كان اول الواصلين للبيت.. ووقف لما شاف أمل جايه تركض وهي تصيح.. وتقوله ان وفاء كان تكلم عبدالعزيز.. وبعدين.. صار الحادث.. طبعا يوسف بالبدايه ما صدق.. او بالاصح عقله الباطن ما هو راضي يصدق فكرة انه ممكن يخسره.. ومين..؟؟ عبدالعزيز..!! صديق طفولته..!! وصباااه..!! وكل لحظات عمره..!! ما تعب من الوقفه وهو يحاول يتمسك بآخر خيط له مع جوال عبدالعزيز.. اللي اكد انحرق من كثر الدق عليه.. مشى للمجلس الداخلي.. لوين ما كان ابوه منعزل.. وواضح عليه العتب واللوم.. كان من الممكن انه يتصرف بحكمه أكثر.. لكن وجود عبدالعزيز قدامه.. شغل باله عن التفكير باي شئ ثاني.. جلس جنب ابوه.. حط يده على كتفه.. ولد الكبير سنده في الحياة.. لازم يكون له عون.. وما يزيد همه.. واذا الله كاتب شئ بيصير..!! يوسف : يبه.. ابو يوسف : ما عرفتو شئ..؟؟ يوسف هز راسه بآسف.. ابو يوسف التفت لولده : تكلم..؟!! لا يكوون....؟؟!! يوسف بعجله : لالالا يبه.. بس للحين معلقين.. وأملنا بالله كبيييير..!! ابو يوسف : الله يحفظه.. ويخليه لعين ترجيه..!! يوسف ابتسم لدعوة ابوه.. او بمعنى احرى.. دعوة جدته.. اللي ياما مرت على سمعه كثييييير.. . . . بهالوقت كانو الاثنين بالسياره يمشون بسرعه.. اول شئ بلغو الشرطه عن عبدالعزيز.. واوصافه.. ورقم السياره.. بعدين اتجهو للمستشفيات بجميع اقسامها.. وبدو رحلة البحث..و التقصي..!! طبعا سعد ما كان ابدا بحالة تسمح له انه يسوق.. عشان كذا..كان مهند اللي ماسك اعصابه.. هو اللي متولي القياده.. السياره كانت غارقه في صمت رهيب.. شدة الموقف نستهم حال اللي بالبيت.. او حتى حالتهم هم.. سعد كان بدون شماغ.. ونفس الشئ مهند.. كل اللي باقي لهم.. الجوال.. متواصلين فيه مع يوسف من جهه.. ومع سعود من جهه ثانيه..!! وصلو المستشفى.. سألو الرسبشن عن الحالات اللي وصلت قريب.. وما حصلو اسمه بينهم.. مهند : ياشين فالنا بعد.. مستشفى...؟؟!! لو قاعدين في البيت ابرك لنا..!!! سعد : ما يحس بالجمره الا واطيها..!! مهند : ما عليه.. ما تنلام الوحيد المعذووور اليوم.. بس لاتنسى أمك.. ( وبعد لحظه ) واختك.. ترى هم في حاجه لك..!! سعد وثار على مهند وطريقة تفكيره : يا اخي حرام عليك.. ارحمني.. انا وين وانت وين.. الحين انا اسأل عن اخوي الوحيييد.. وعقلي كله عنده.. وتقولي امك.. واختك..!!! وامي واختي وينهم فيه..؟! ماهم ببيتكم.. ولا ما انت مستأمنهم هناك.. اخخخ.. انا بوادي.. والاخ بوادي.. لو جاي لحالي كان احسن لي.. طلع سعد من المستشفى معصب.. ومهند لحق به في آخر لحظه لما كان بيركب السياره.. وهو يبغى يسوقها.. مهند وابعده عن الباب : ما نقصناك انت بعد.. كفايه واحد.. ( وكمل ) الله اعلم به..!! ركب السياره.. وسعد يطالعه بذهووووول.. وكأنه خايف يسمع خبر.. ما أحد في هالدنيا يتمنى سماعه..!!! . . . دخل سعود بسرعه.. وملامحه تحمل خبر جديد.. سعود وبجديه : يوسف تعال ابغاك بسالفه..؟؟ ابو يوسف : يا ولدي كان به خبر ما هو بزين قله.. والله يرحمنا برحمته..!! يوسف ويبغى يبعد ابوه عن جو التوتر واللوم اللي معيش نفسه فيه : عن اذنك يبه.. وخل ايمانك بالله قوي.. طلع يوسف مع سعود.. ووده يعرف باسرع وقت.. الحال اللي عليه عبدالعزيز.. لوين وصل...!!! . . . كان جوالها يدق بيد غاده.. ولو ردت مستحيل تكذب عليها.. وحتى العنود نفسها بتعرف من نبرة صوت غاده ان فيه شئ..!! ام فارس وهي بتنزل : مين..؟؟ غاده بحيره : العنود..!! ام فارس : ردي عليها.. وقبل تتكلم غاده انقطع الرنين.. بهاللحظه كانت وفاء طالعه الدرج.. ومن وراها مي.. وفاء : وش اخبارها..؟ ام فارس : نامت.. حبيبتي.. تعبت كثيييير.. ( ودارت دمعتها ) غاده ما قدرت تمسك نفسها.. خوفها من انها تفقد اللي تحبه يخليها تسوي الاكثر من كذا.. ما تصورت نفسها عايشه بدووونــه.. ولو هو بعيييييد.. اهم شئ عندها انه بخيييير..!! مي ما شافت غاده تصيح ما قدرت الا انها تسوي نفس الشئ.. وام فارس تناظر الود اللي بينهم التفتت لهم : الله لا يفرقكم.. رجع الجوال يدق.. ام فارس بحيله : عطينيه.. انا بأتصرف..!! ونزلت بالجوال.. اللي لازال مستمر بالرنين..!! . . . " صااااادق..؟؟ " سعود نزل راسه : وهذا اللي جيتك عشان اتأكد منه..؟؟ يوسف ماسك راسه : لا.. ياربي.. ما اقدر اتصور ان…. لالالا..وين شاف السياره..؟! سعود : على طريق المطار..!! يوسف بعصبيه وبدون تفكير : وش وداه هناك..؟؟ مجنووون..!!! سعود حاول يهديه : اذكر الله.. وحنا للحين ما تأكدنا من اللي قاله..؟!! كلام سعود بث شوي من روح الامل داخل قلب يوسف.. لكنه.. بالحقيقه.. ابدا ما يأس..!! سعود لاحظ صمته : وشلون الحين.. بتقول لابوك.. ولا نروح لحالنا..؟!! يوسف وتوجه لسيارته : اركب.. بنروح من دون لا نقول لاحد.. اهم شئ نتطمن اول..!! بعدين يصير خير.. سعود : ابعد.. انا باسوق.. وبدون تردد ابتعد يوسف وترك سعود يسوق.. يكفي ذهنه منشد.. ما فيه على السواااقه بعد..!! وطلعو لطريق المطار.. المكان اللي قال فيه صديق سعود انه شاف السياره فيه.. . . . سكرت الجوال.. وهي مو مصدقه كلام العمه.. لكن ما فيه مجال الا انها تصدق.. ولا من متى عفاف تنام مبكر..؟! حتى من الاحراج من العمه ما سألت وش صار بالملكه..!! كانت هاديه في جلستها.. وساكته تفكر باللي يصير بالدنيا.. يوم ترفعك لاعلى السماء.. وايااام تخسف بك لسابع أرض..!! صدق الدنيا صغيره.. وما لها آمان.. " هااه.. ما نمتي..؟ ولا تنتظرين الفريند تتصل..؟؟!! وتآخذين آخبارها..؟؟!! " التفتت له العنود.. دايما فهد اخوها حاقد على عايلة عفاف.. ما تعرف سبب حقده الحقيقي.. لكن يكفي من الحقيقه انه حاقد عليهم..!! العنود سكتت ما ردت عليه.. ما لها خلقه بهالليل.. بيتعبها بالكلام.. والاخذ والرد معه يجيب الهم..!! فسكتت اسلم لها..!! فهد : وين أمي..؟؟ العنود بطيبة قلب : دخلت تنام.. ياحبي لها تعبت اليوم من رجولها.. الروماتيزيوم متعبها حيل..!! فهد بنص عين : ترى ما طلبت كل هالنشره المفصله.. يكفيني انها نايمه..!! تركها وطلع لبيته.. لكن العنود الرقيقه.. الطيوووبه.. اللي تغفر وتسامح.. كانت مستحييييل تفكر بان اخوها جرحها.. حتى لو كان صحيح جرحها.. واهانها.. الا انها بتسامحه.. قلبها كبيييير.. وهذا بحد ذاته اللي ذالها وكاسر شوكتها..!! لكن يبقى لها دايمــا ان قوتها في ضعفها..!!! . . . مجرد وصولهم قدام السياره.. خلى سعود ينهار.. ما قدر يلتفت ليوسف ويشوف ردة فعله..!! لكن صدمه شكل يوسف اللي نزل للسياره يتفحص كل جزء فيها.. كانت عباره عن كتلة حديد.. ومستــحــــيل اللي كـــان فيها بينجو بسهوله..!! وقف يطالع بألم.. حس بيد تربت على كتفه.. كان سعود.. وشكله منصدم.. من السياره المعدومه سعود : تتوقــع.....؟! يوسف حط يده قدامه : لا تكمل.. والتفت للسياره يطالعها بأسى.. كانت الدنيا ليل.. والظلام بكل مكان.. ومستحيل احد يتبين شئ وسط هالعتمه..!! جاهم واحد من الطريق الثاني..ما كان واضح شكله تماما.. لكن مجرد ما وقف قدام يوسف.. عرفه على طول.. يوسف : عمر.. الحمد لله على السلامه.. متى رجعت..؟؟!! عمر : قبل ساعه ونص تقريبا.. وتفاجأت بالحادث.. وبعبدالعزيز...!!! وش صار..؟؟!! يوسف تنهد بقهررر : ههه وش صار..؟؟ والله للحين ما ندري..؟؟!! الله العالم وحده.. والله يالوقت يمشئ ببطء.. خيااااالي..!! عمر : هونها.. انا حضرت معهم.. والاسعاف خذته للمستشفى.. يوسف بابتسامه امل : يعني شفته..؟ فيه شئ.. حـي.. ولا........؟؟ ما قدر يكمل... صعبـــه..!! عمر بابتسامه : ما عليه الا العافيه.. وانا بنفسي شفتهم ينقلونه للمستشفى.. وان شاء الله انه بخير..!! يوسف صرخ فيه : كل هذا تعرفه.. وساكت عنا.. والتفت لسعود اللي يطالع ببلاهه : يالله.. بسررررعه..!!! . . . بطريقهم..اتصل يوسف بسعد وقالهم يلحقونهم للمستشفى.. بالمستشفى.. اول ما وصلو.. ركض على الطوارئ.. سألو الموظفين هناك.. وقالو لهم انه بغرفة الفحص.. يتأكدون من سلامته.. بعد وقت.. جاهم الدكتور المناوب.. الدكتور : السلام عليكم.. لعبدالعزيز..؟ يوسف وقف : وعليكم السلام.. ايه.. وش اخباره..؟!! الدكتور : لا الحمد لله.. نجى باعجوووبه.. لكن الشئ الوحيد اللي ما قدرنا نعرفه..... يوسف يقاطعه : شئ..؟؟ وش السالفه..؟؟ صار له شئ..؟ الدكتور : لا.. بس فيه مشكله بسيطه.. ان شاء الله نتأكد منها قريب..!! يوسف : مشكله..؟؟!! ارجوك دكتور قل اذا عبدالعزيز فيه شئ.. الدكتور : كلها يومين.. نتأكد من الاشعه المقطعيه.. لكامل الجسم.. ومن شغله ثانيه تعرفها بوقتها.. انا ما راح اقول لسلامة المريض.. ممم.. وبعد يمكن تكون خطأ.. وتعدي على خير.. يوسف : طيب اقدر اشوفه..؟ الدكتور : ولمصلحته.. ما أحد راح يدخل عنده.. لحد ما نتأكد من ان كل شئ تماااام..!! تركهم الدكتور.. وراح.. بينما سعد واصل.. سعد يلهث بعد الركض : وينه..؟ يوسف : داخل.. ( وكمل) الزياره ممنوعه..!! سعد : ليــــــــش...؟؟ يوسف لا يكون فيه شئ ومخبي علينا..؟!! يوسف طمنه وقاله كلام الدكتور حرفيا.. يمكن يرتاح.. لكن اللي هناك بالبيت وشلون ترتاااااااح..!! . . . " قلت لك ما نيب رايح.. " التفت سعود ليوسف المعصب : خله يقعد.. وحنا بنرجع له بعدين..!! يوسف بعصبيه : وين يجلس.. ماسمعت الدكتور وش قال..؟؟!! سعود : ما عليه خله يقعد يتطمن.. ومصيره بيعرف ان جلسته ما لها داعي..!! يوسف بعد تفكير : على قولتك.. يالله مهند.. ولا بتقول باقعد انت الثاني..!! مهند بابتسامه : كان تاكلني..!! بس اعطي سعد المفتاح والحقكم..!! وطلعوا الثلاثه من المستشفى بعدما تطمنو تقريبا على عبدالعزيز.. وسعد اللي بقى عنده.. يتمسك بخيط مفقود..!! . . . كان جوالها يرن.. وبنتها جت تناديها عشان ترد.. ام فارس : مين..؟؟ ريم : بابا.. ام فارس : وليش ما رديتي..؟!! ريم : منعتني سعاد.. واخذت الجوال مني.. تقولي عيب..!! ام فارس : عـيــب..؟؟!!! مشت لشنطتها.. وهي تفكر ليش ام معاذ منعت بنتها انها ترد على ابوها.. لكن حل مكان التساؤل دهشه.. لما شافت ام معاذ ماسكه الجوال.. وتتكلم فيه بكل اريحيه.. وكأنها متعـــوده على هالشئ..!!! ام فارس وبسرعه تأخذ منها الجوال.. وبنظره معصبه ردت على زوجها : ما عليه.. نتفاهم بعدييين..!! وسكرت بوجهه..!! والتفت بعصبيه لمرت اخوها..!! ام معاذ بتبرير غير منطقي : والله اني ماقلت له شئ..!! سلمت عليه.. وما امداه يرد خطفتي الجوال مني..!! وام فارس ساكته وتطالع فيها..!! ام معاذ تكمل : ما انتي بمصدقتني..؟!! اسأليه..؟!! وبتشوفين اني ما غلطت بكلمه..!! ام فارس تكتم ابتسامتها.. وتتساءل ليش هالاندفاع عند مرت اخوها.. رغم انها ما سألتها أي سؤال..!! ولا كلمتها أصلا..!! تركتها بدون لا ترد عليها.. مثل هالاشخاص بنظر ام فارس.. الكلام معهم.. ضاااااااايع..!! . . . بعد ما أخذ المفتاح من مهند.. وشافهم طلعوا.. راح على طول للدكتور.. وسأله.. وش الموضوع..؟!! سعد : طيب.. على الاقل اعرف وش هي المشكله اللي قلت عنها..؟!! الدكتور : يا أخ.. سعد : سعد.. الدكتور : يااخ سعد.. في مثل هالحالات.. التأني هو المطلوب..!! سعد : لكم فوق الساعتين من دخل عندكم.. وللحين ما تدرون وش عنده..؟ ما تدخل العقل هذي..؟؟ الدكتور : يعني بأكذب عليك.. اووكي.. راح اقولك اي كلام وانت راح تصدقه.. لكن مو تجيني بكره وتقولي امس قلت..؟؟!! سعد وعرف تهوره : آسف دكتوور.. لكن انا نفسي اعرف على الاقل آخر التطورات.. عشان اكون على بينه..!! الدكتور : كل اللي اقدر اقوله.. وعشان اكون صادق معك.. انه.. للحين ما تكلم معنا.. ونخااف عنده مشكله بالكلام…. سعد متفاجئ : وشلوووووووون..؟؟ الدكتور : انا قلت لك.. يمكن.. وان شاء الله الفحوصات تثبت العكس.. كل اللي نبغى نتأكد منه.. ان الرأس سليم.. عشان نضمن سلامة النطق عنده..!! سعد : الله يستر.. الله يستر.. تركه الدكتووور لافكاااره.. وهواجيسه.. ورجع لعمله.. . . . مرت الليله كئيبه على الجميع.. ويوسف اللي كان برى بالحوش.. ما يدري للحين وش صار على عبدالعزيز.. مستحيل يهنى له نووم.. وعزيز للحين الله اعلم بحاله..!! توجه للبيت.. كان ناوي يدخل لغرفته.. لكنه غير رايه.. وجلس على الدرج عند المدخل.. رفع راسه للسما.. ودعا ربه يلطف بهم.. حس بحركه وراه.. التفت.. وشافها نازله تركض.. وتنط بحضنه.. يوسف : هلا قلبي.. وين أمك عنك.. طالعه بالليل..؟!! شهد : امي نايمه.. يوسف : ياقلبي.. وليش مانمتي.. شهد وتتعلق فيه : مابي..!! يوسف : طيب تنومين مع.. خالي..!! شهد بفرحه طفوليه.. تهز راسها.. وهي تندس زياده بحضنه.. وكأنها لاقيه فيه حناااااان.. ما هو بغيره..!!! . . . . مع تباشير الصباح.. وخيوط الشمس تعلن بدء يوم جديد.. بأمل جديد.. وتفاؤل كبير بقلب كل اللي يحب عبدالعزيز.. انه باذن الله راح يكون بأفضل حال.. وأزمه وتعدي..!! الساعه كانت ثمان.. والاغلبيه كانو نايمين بعد جهد وتعب.. نزلت من الدرج.. تبغى تطمن قلبها عليه.. كل اللي عرفته انه بالمستشفى.. وانه بخييير.. لكن هالكلمه ما تشفي غليلها..ابدا.. طلت عالصاله.. وشافت جدتها وأمها جالسين.. عفاف بتعب : السلام عليكم.. ام خالد : وعليكم السلام.. ام يوسف : وشلونك يابنتي اليوم..؟ عفاف : احسن.. ام خالد : الحمد لله يا بيتي.. روعتينا عليك.. فوق روعتنا.. عفاف بابتسامة امتنان : عاد وش اسوي اتدلع عليكم.. وبعد فتره سألت : وينهم ..؟؟ ام يوسف : أبوك ويوسف طلعو للمستشفى يتطمنون على عبدالعزيز.. ومهند راح يوصل ام عبدالعزيز ووفاء للبيت.. عفاف : ليش راحت مرت عمي..؟؟ ام يوسف : مو وقت زياره الحين.. وبتروح تشوف خدامتهم تركوها البارح لحالها بالبيت.. عفاف : كلمتوهم..؟ ام يوسف : ما صار لهم نص ساعه من طلعو.. تونا على الاتصال.. عفاف : لا وش تووونا..؟!! وقامت تتصل في يوسف.. بعد كلامها معه..سكرت السماعه.. ورجعت لامها وجدتها.. ام خالد : هااه.. وش قال..؟ عفاف : يقول تونا داخلين المستشفى.. وما بعد سألو الدكتور عنه..!! ام يوسف : قلت لك.. بس الله يهديك..!! بعد سؤالهم للدكتور..اللي قالهم ان كل شئ سليم.. ومسألة النطق مسألة وقت لا أكثر ولا أقل.. راحو لغرفته.. زياره استثنائيه كان نايم بهدوء.. جلس ابو يوسف على الكرسي القريب منه بعد ما باسه على جبينه.. اما يوسف فظل واقف يطالعه وكأنه مو مصدق اذا هذا حلم ولا علم..!! كانت الضمادات على وجهه.. ويديه ملفوله باحكام..!! ابو يوسف : اجلس وانا ابوك.. يوسف وعينه على عبدالعزيز : خلني املأ عيني بشوفته..!! بعد دقايق.. جاتهم الممرضه وطلبت منهم يطلعون.. لراحة المريض طبعا..!! . . . بعد طلعتهم على طول فتح عينه.. سمع كلامهم.. وكان متعمد ما يفتح عينه..!! رجع يغمض عيونه.. ومن هاللحظه يتجاهل وجود أياً من كان عنده..!!!! ********************* كانت امها تناديها ترد على التلفون.. العنود بسرعه جت ترد على بالها عفاف.. العنود بفرحه : هلا والله.. ….. : اهلين.. كيفك..؟ العنود : مين..؟ ….. : وش اخبارك..؟؟ العنود : تمام.. ممكن اعرف من انتي..؟؟ ……. : معقوله ما عرفتيني..؟ العنود : لأ.. بتقولين.. ولا اسكره..؟؟ وبصووووت مايع ردت….. : لا عنوووده..!! معقووووله ما عرفتيني..؟ العنود بصدمه : جميييييييييييييييله..؟؟!!!!!! الجزء الثامن عشر سكرت السماعه.. وكل ملامح الاستغراب على وجهها.. والافكار تدور براسها.. قالت وبصوت مسموع : غريـبــه..؟؟!!! ام فهد تلتفت لبنتها : وشاللي غريبه..؟؟ العنود انتبهت لنفسها : هاااه... لا هذي وحده من زميلاتي ( وتعمدت تقول هالكلمه ) وتقول انها بتجي تزورني اليوم..!!!! ام فهد : الله يحييها.. قد جاتك قبل..؟؟ العنود ورجعت لسرحانه : لا.. اول مره تسويها..!!! ام فهد بطيبه قلب : اول مره.. ولا عاشره.. حياها الله...!! صحت الصبح.. وشافته نايم.. فما حبت تصحيه.. قامت وهي تتذكر تفاصيل الليله الماضيه.. الليله اللي سهرت فيها معه.. وفتح فيها قلبه.. وقالها عن تغيره.. وعن الوساوس اللي كانت ام معاذ تزرعها براسه... وكيف كانت بالبدايه مجرد لعب من وحده ما يعرفها.. لكن مع الوقت صارت تزيد عليه.. وترتب المواقف.. لحد ما اوقعته بالمخدرات.. والهته بالمسكرات... بدلت ملابسها.. وقفت قدام المرايه.. بتعدل شوي من شكلها.. وبعدها تنزل تجهز الفطور.. شافته يتقلب بالفراش.. التفتت عليه.. وشافته فاتح عيونه.. ويطالعها بنظرات ذات مغزى.. ما عطته بال.. ورجعت تكمل شغلها.. قام جالس.. وهو يبتسم : على الاقل صباح الخير..!! التفتت له بكامل جسمها : صباح النور والسروور.. ابو فارس : الله يسعد هالصباح.. و يسلم هالوجه المنور.. يارب.. ام فارس بخجل : الله يسعد ايامك حبيبي.. ابو فارس بتأمل : نوف.. انسي اللي صار البارح.. ام فارس بخيبه : ليــش..؟؟ انت ما قلت شئ غلط عشان ينّسي...انت قلت الحقيقه.. والحقيقه مهما اختفت.. مصيرها تبان..!! ابو فارس قام : اهم شئ السالفه بانت وانتهت.. ونسيناهااااا.. وهو جنبها همس : صح..؟؟!! تركها.. وراح للحمام.. اما هي فكانت بتطير من الوناسه.. تحس تعبها.. وتحملها.. وتكبيرها لعقلها بحل مشاكلها بنفسها جاب لها نتيجه جدا جدا رائعه.. ما تحلم يوم بتحقيقها.. صبرها ومكابرتها للالم اعطاها دفعه قويه.. عشان تحافظ على بيتها وزوجها وعيالها.. مهما كثر حولها المخذلين.. والمفسدين.. راح تكون مملكتها بقوتها ومجهودها.. وتعبها.. وراح تحافظ عليها بكل ما اوتيت من قوه... وما راح تسمح لاحد يخترق صفها.. مهما كان...!!! ************************* دخلت عليها غاده بغرفتها... وواضح عصبيتها وضيقتها.. غاده : وش فيك..؟ عفاف تجلس على سريرها : الا قولي وش ما فيني..؟! خلاص انتهيت.. تعبت.. والله تعبت...!!! غاده : كلنا نتعب.. ونتحمل.. وما بيدنا شئ غير الصبر.. عفاف تتنهد : شفتي.. يوسف ما رد علي.. وسعد مقفل جواله.. وابوي استحي اكلمه... يا ربي... وعبدالعزيز.. ما أدري وش صار عليه.. غاده : طيب مهند اتصلتي عليه..؟؟ عفاف : توه الحين طالع.. ما امداه يوصل.. غاده : يا بنت الحلال هونيها وتهون.. وبعدين ترى اليوم الجمعه.. فأكيد كلهم بيروحون بعد الصلاة اسأليهم عنه.. و لا تقعدين تعقدين الامور..!! عفاف : رأيك كذا..؟؟ غاده : ايه.. خلاص فكونا شوي.. كافينا هموم..!! عفاف تبتسم لاختها.. شوي وجت رساله لجوال عفاف.. عفاف : اووووف.. ناس ما تمل.. كل يوم رسايل.. والله ناس فاضيه ما عندها ذمه ولا ضمير...!! غاده : وش السالفه..؟؟ عفاف : نفس الجوال اللي يرسل دايما.. ما ملو.. كل يوم يرسل.. ولما اتصل عليه ما يرد..!! غاده : يمكن وحده من زميلاتك تلعب عليك..!! عفاف وتقفـل الجوال وترميه على السرير بضيقه : أما لو وحده من زميلاتي.. كان ملت.. فوق الشهر وهي ترسل.. لالا مستحييييييل...!! غاده قامت بتطلع.. عفاف : وين..؟! غاده : بأنزل.. أمي.. وأمي ساره تحت.. بأنزل أجلس معهم شوي..!! بتنزلين..؟؟ عفاف : لأ.. تو جيت من عندهم.. . . غاده وهي نازله..كانت تشوف اخوها حسام طالع من الصاله يركض لبرى البيت .. ما أهتمت له.. وكملت طريقها.. جلست مع امها وجدتها.. بس بعيد عنهم شوي.. كانت فاتحه شعرها.. وتشوف وشلون طال عن قبل.. لما كانت بالكليه كانت دايما تعتني فيه.. وتهتم بمظهره..لكن بعد اللي صار لها.. فقدت الاهتمام به.. وبنفسها عموما.. غاده وهي تنثر شعرها : يـمـــه..؟ ام يوسف : نعــم.. غاده : بأقص شعري.. ام يوسف : لأ.. ما له داعي.. الطويل أحلى عليك.. غاده : بس شوي.. مليت منه.. ام يوسف : ومن طوله الحين.. اللي يقول واصل لآخر ظهرك.. الا نصه..!! ام خالد : خلها تقصه.. حلاة البنت قبل عرسها.. واذا اعرست خلاص صار امرها مو بيدها..!!! ام يوسف : يمه الله يهديك.. حتى انتي معهم.. وانا اقول وش قوى بناتي..!! جاهم صوت : السلام عليكم.. غاده على طول ميزت الصوت.. ودها تصيح ولا تنحط بهالموقف قدامه.. من وين تطلع.. وهو واقف بطريقها.. كااان سعود داخل يسلم على جدته وخالته وحسام قاله انهم لحالهم وما فيه احد داخل.. فدخل على طول.. غاده ما قدرت تتحمل.. ودها احد يطلعه برى.. ولا تجلس قدامه كذا.. شعرها مفتوح.. ووجهها معفوس... وفوق هذا.. ما تقدر تمشي بسرعه.. رجلها للحين بالجبس... سعود كمل سلامه.. والتفت.. كأنه حس انه في أحد ثالث جالس.. وشافها قدامه.. منزله راسها.. وشعرها كله قدامها.. وكأنه مغطي وجهها.. ما قدر يجلس من شافها استحى.. واستأذن بسرعه.. بحجة ان العيال كلهم برى.. ام خالد : توك واصل.. اجلس شوي.. وتقهو معنا.. وعين خير.. سعود واقف وظهره لها : والله ما أقدر أطول.. ورانا صلاة وروحه للمستشفى.. يالله مع السلامه يا خاله... والتفت بخفه : وسلمي عليهم.. ام يوسف : سلام واصل يا ابوي.. طلــع... وطلعت معه انفاسها... ما قدرت تتحمل صارخت على امها وجدتها.. غاده بعبره : كان جلستوه جنبي احسن..؟؟!! ام يوسف : أهااا عاااد... خلي عنك الخبال..ولد خالتك.. وحنا عندك وين رحنا.. غاده : على الاقل غطوني..؟؟!! ام خالد باستخفاف : ما عليه المره الثانيه.. انا بأغطيك.. غاده فار دمها ما نقصها مزح جدتها قامت بصعوبه.. وهي تندب حظها... هذا وهي معاهده نفسها تنساه.. ما صدقت شافته نست الدنيا باللي فيها... مشت ويتردد ببالها.. " ورب صدفه خير من ألف ميعاد " . . . . بوحده من غرف المستشفى.. جالس على سريره وبيده دفتر.. كان طلبه من سعد الصبح.. يفكر تفكير عميق.. الحين أكيد خلصو صلاة.. وكلهم بيجون يسلمون عليه ويتحمدون له بالسلامه..وهو ماله نيه أصلا يستقبلهم.. بعد اللي سووه فيه جايين لحد عنده... وانقهر أكثر برد عفاف عليه.. " غــصـب عنــي " يعني عمي غصبها...لـيــش..؟؟ وأنا وين رحت... أخ يالقهر.. حرام عليه عمي.. انهى حياتي بهالتصرف...!!! فتح الدفتر.. وسطر على صفحاته كلماته.. اللي عجز لسانه يبوح بها لحبيبته.. اللي بنظره خانته.. خانته بطاعتها.. وذلها.. وعدم معارضتها لهالبيعه الفاشله.. والصفقه الدنيئه.. فتح الدفتر وكتب هالكلمات.. يا امراة أتيتِ.. كالبرق..كالرعد.. كالصواعق..كالزوابع.. كالبراكين..كالزلازل.. بعثرتِ.. دمرتِ.. فجرتِ.. حطمتِ..كل شئ.. حطمتِ..كل شئ....ورحلتِ.. رحلتِ....كأنك ما أتيتِ...!! *** رحلتِ.. كالنسيم.. كالهواء العليل...كرذاذ المطر... كالندى...كهفهفة الحرير... رحلتِ...غادرتِ...هاجرتِ... كأنك لم تهطلي حباً... لم تزمجري شوقاً... لم ترعدي وتبرقي... هياماً..وعشقاً... رحلتِ... كأنك ما أتيتِ...!! *** رحلتِ... بعد أن مسحت.. بثوبك الشفاف... كل آثارك.. كل بصماتك... بعد أن.. تركتِ المكان... بشموخ القمم المكلله بالثلوج البيضاء... ذبت.... تلاشيت... في دهاليز الزمان... لم تهاجمي... لم تحاربي.... لم تدافعي... انسحبت في هدوء... تسللت في عتمة الظلام... رحلتِ... كأنك ما أتيتِ...!! *** وبقيتُ... بقيتُ أنا.. وحيداً...حزيناً... يسحقني.... يلوكني الألم... كيف لم أكن مخلصاً... محباً... مجنوناً... عاشقاً... على مستواكِ... على مستوى هواكِ...!! بقيتُ... رجلاً..مغترباً في نفسه... غريباً عن نفسه... لكنه...لا يشعر...لايذكر.. سوى امرأة واحدة... امرأة أتت بعد موعد غيابها...!! ورحلت قبل موعد حضورها...!! امرأة ودعتني قبل أن تستقبلني..!! امرأة الطيف.. والحلم الجميل... الحلم المستحيـــل....!! سكر الدفتر وهو يشوف الباب انفتح.. ودخل عليه سعد.. وشايل معه اكياس.. وأغراض يمكن يحتاجها.. وهو بباله يقول " كل اللي احتاجه ترجعون لي قلبي المسلوب..!! " سعد : هااه.. كيف الصحه اليوم.. تماام..؟؟ هز راسه عبدالعزيز بابتسامه باهته لاخوه.. عبدالعزيز بعد كلام الدكتور اللي قاله ليوسف وسعد.. حاول مع عبدالعزيز انه يتكلم.. لكنه ما رد عليه.. وهالشئ ادى لتأخير فتره العلاج.. اللي كلها تترتب على المريض ومدى استجابته للعلاج.. سعد وهو يجلس على الكرسي القريب من السرير : عمي ويوسف بالطريق..!! عبدالعزيز نزل عيونه لحضنه.. وكأنه يهرب من المواجهه..!! سعد : ما فيه مفر... عمك وحقه واجب عليك.. كبر عقلك.. أنا قلت لك ان ابو سامي فركش الخطبه... هذا هو هم.. وانزاح عن طريقك.. شافه ساكت وعلى نفس وضعه.. فكمل : يالله عاد.. الخطوه الجايه عليك.. رفع عبدالعزيز راسه... والف فكره وفكره غزته.. معقوووله ارجع اطلبها وهي باعتني..!!! حط عينه على سعد اللي كان يرد على جواله.. سعد يتكلم بالجوال : بس انا الحين عنده.. وما فيني على مشوار ثاني.... ..لا خلاص انا باتصرف.. سكر الجوال.. وناظر اخوه بابتسامه تحمل في طياتها الكثير من المعاني.. ورجع يدق الارقام.. اتصل على مهند وقاله يمر امه واخته ويجيبهم معه.. انفتح الباب.. ودخل ابو يوسف بوقار.. ومن وراه يوسف بابتسامه لعبدالعزيز.. ابو يوسف بعد السلام سأل : كيف حالك يا ولدي..؟؟ عبدالعزيز يناظر سعد عشان يسعفه بالرد.. لكن سعد وبحيلــه سوى نفسه ما يشوفه.. وانه قاعد يسولف مع يوسف.. اللي ميت ضحك على حركاته.. لكن بعدين رجع يطمن عمه ويقوله عن حالته.. مر وقت عليهم وهم جالسين.. استأذن بعدها ابو يوسف.. وظل يوسف جالس مع عزيز.. . . . . بسيارته.. كان جالس ينتظرهم يطلعون له.. طلعت اول شئ ام عبدالعزيز.. وركبت وسلمت.. ومن بعدها ركبت وفاء بحيااااااء.. مهند وبدى الكلام : الحمد لله على سلامة عبدالعزيز.. ام عبدالعزيز : الله يسلمك.. ويخليك لاهلك.. بنكلف عليك.. مهند : لا ولا كلافه ولا شئ... الطريق واحد.. ام عبدالعزيز : الله يحفظك بحفظه.. ويوفقك.. مهند بابتسامه : آمين.. الواحد يكفيه هالدعوات..وش يبي بعد..؟!! ام عبدالعزيز توها بترد.. وحست بلكزه في جنبها.. التفتت.. كانت وفاء تقولها : خلاص.. فليتيها معه..!!! سكتت ام عبدالعزيز.. مو عشان شئ.. بس عشان تبرد قلبها المشتاق لضناها الغالي.. اللي للحين ما كحلت عينها بشوفته...!! . . . بعد وصولهم بدقايق.. كان سعود.. جاي لزيارة عبدالعزيز.. لكن بما أن الحريم داخل.. ويوسف طلع لشغله مهمه وبيرجع.. وما فيه الا هو.. اضطر ينتظر برى.. كان واقف.. ويفكر كيف كانت جلستها..!! وكيف كان شعرها..!! والاهم من هذا كله... العكاز اللي بجنبها.. كان يلوم نفسه.. ليش انه كان السبب.. لو ساعدها.. ما كان صار اللي صار... مرت من جنبه ثنتين.. وحده حرمه كبيره بالسن.. والثانيه واضح ان توها بنت.. كانت الحرمه تصيح والبنت تهديها.. وصلو لغرفه بجنبه.. دخلو وبعد شوي طلعت البنت تركض وكأنها تبحث عن شئ.. وقفت لثواني ورجعت تركض.. شافت دكتور واقف يكلم ممرضه.. على طول راحت له.. كانت تبكي بشده من وراء الغطاء وهي تكلمه.. وكأن أحد مات لها.. وهذا اللي اتضح بعد ما رجع الدكتور وكل الاسف بعيونه.. عزاها بموت هالشخص وراح.. راح وتركها منهاره على الارض.. والدموع ما فارقتها.. سعود في كل هالموقف.. كان دوره دور المتفرج.. اللي ما بيده حيله يعملها الا المشاهده عن بعد.. نزل راسه.. وانتظر.. سعد يطلع ويسمح له بالدخول.. وهو واقف يحاول يتناسى المشهد اللي دار قدامه...!!! ********************* بعد ما صلت العصر نزلت.. وهي تحاول تتصل بعفاف.. تشوف وش اخبارها.. اللي للحين ما تعرف عنها شئ..!!! وتبلغها بالزياره المفاجئه اللي ما توقعتها...!! اتصلت على جوالها.. لكن.. كان يعطيها.. مغلــق..!! انقهرت العنود من عفاف.. الحين هذا وقتها.. دخلت المطبخ.. وهي تشوف كل شئ جاهز تقريبا.. طلعت للصاله.. وفتحت كتابة رساله بجوالها... توها بدت تكتب رساله لعفاف.. جاها صوت امها.. تقولها ضيفتها وصلت.. طلعت تستقبلها والجوال بيدها.. على امل ان عفاف تفتح جوالها.. العنود وهي ترحب بجميله.. وزيارتها المفاجئه. والغير متوقعه لها.. العنود : هلا وسهلا.. حياك جميله تفضلي.. جميله وهي تطالع كل ركن ببيتهم.. وعلى وجهها ملامح الاشمئزاز وكأنها شافت شئ يقرفها.. ما ردت.. لكنها كملت طريقها للمجلس.. جلست وهي تطالع تواضع بيت العنود بنظــرهــا... وفي قلبها تقول " وش عليه كل هالغرووور يا عنييدوو ..؟؟!! " العنود وتركت جوالها على الطاوله : عن اذنك جميله.. البيت بيتك.. جميله وتكتم غيظها : اذنك معك حبيبتـــي..!!! اول ما طلعت العنود.. جميله ما كذبت خبر.. خذت الجوال من على الطاوله.. وعلى طول دقت منه على جوالها رنه.. بس عشان تحفظ الرقم.. سكرته ومسحت المكالمه الصادره.. ورجعت الجوال مكانه.. وبكل براءه جلست تنتظر رجوع العنود... ولا كأنها سوت شئ...!!!! . . . بعد رجوع العنود بالقهوة.. جلست معها شوي... واستفسرت منها عن بعض الاشياء.. جميله بخبث : الا ما قلتي لي العنود شخبارها عفاف..؟ ما قلتي لها تجي..؟ العنود بتهرب : الحمد لله ما عليها.. بس تعرفين امس كان موعد ملكتها.. واكيد بتكون مرهقه ومشغوله..!! جميله : اها.. وان شاء الله ملكت.. العنود تصرفها : الله يوفقها.. جميله تبي تقهرها : ايه العنود... بسألك.. انتي مع مين تطلعين من الكليه..؟؟!! العنود : مع السواق.. جميله : حلووو.. عندك سواق خاااص..!! العنود : لأ... حنا مجموعة بنات نطلع مع سياره خاصه...!! جميله وبنظره ماكره : اهاا.. والعنود بطيبه وعواطف مسالمه.. كانت تسولف وتضحك.. وطبعا جميله ما نست الدفتر القبيح تبعها.. خذته من العنود.. قبل تطلع.. ودعتها العنود.. من باب اكرام الضيف.. ورجعت لداخل البيت..!! ******************** كان بالمركز.. يكمل العلاج.. جاه الدكتور المختص بحالته.. الدكتور : السلام عليكم.. فيصل بابتسامه مشرقه : وعليكم السلام ورحمة الله.. حياك الله دكتور.. الدكتور : كيفك مع العلاج..؟؟ فيصل : للحين الحمد لله.. لكن احس بتعب بسيط.. وخاصه بظهري.. مع الارهاق احيانا.. الدكتور : شئ طبيعي... لا تنسى ان كل العلاج متركز تقريبا على تنشيط الخلايا بالعمود الفقري.. والاعصاب.. وهذا اكيد يتطلب منك مجهود كبير.. وان شاء الله انت قدها.. فيصل : ان شاء الله... الدكتور : اليوم بس حبيت ابلغك انه وبدءا من الاسبوع القادم.. راح نبدأ جلسات العلاج الطبيعي... وهذي تتطلب منك صبر وطولة بال.. فيصل : يعني بأطول.. الدكتور : على حسب استجابتك للعلاج.. واستمرارك... ولا تنسى اهم شئ ارداة المريض.. لازم ارادتك تكون من حديد.. فيصل يبتسم : الله يكون بالعون.. الدكتور : شئ ثاني.. فيصل : وشّــو..؟ الدكتور سكت شوي وبعدين قال : حبيت ابلغك شغله مهمه.. ويمكن تعيقك عن العلاج.. لكن اتمنى تتقبلها بصدر رحب.. وتعرف ان فيه شئ اهون من شئ..!! فيصل كلام الدكتووور خوفه لكن حب يعرف الموضوع كله : قل دكتور.. طمني..! الدكتور قاله عن الموضوع.. وهو يتابع ملامح وجهه.. وما تصور ابدا القبول من فيصل.. والرضا الواضح على قسماته...!!! ********************* باليوم الثاني.. كانت العنود متشوقه تعرف من عفاف وش صار عليها.. وعلى ملكتها.. الليله الماضيه كلها كانت تحاول تتصل عليها وتبلغها بزيارة جميلة لها..وطلبها الغريب انها ما تشيل بخاطرها عليها.. وتتأكد انها ما تحمل في قلبها أي شعور كره تجاهها..!! لكنها شافت عفاف ثانيه.. غير اللي تعرفها.. انسانه ثانيه العبره خانقتها.. والدمعه بعيونها... العنود تتقرب منها : فوفو.. عفاف رفعت راسها لها وبصوت منكسر : هلا.. العنود : شفيك..؟؟ عفاف : وش ما فيني.. كل ما جيت اعدلها خربت.. مدري من وين الاقيها..!! خليها على الله بس..!! وربي يفرجها من عنده..!! العنود : شوي شوي علي.. وفهميني السالفه كلها.. عفاف قالت لها على كل اللي صار.. والعنود انقهرت اكثر من ردة فعل ابوها تجاه الموضوع.. اللي حتى ما كلف عمره يشوف خاطر بنته...!! العنود : الله يعينك.. وانا اقول وش فيها ما ترد على الجوال.. عفاف : لا هذا سالفته غير شكل..!! العنود تحاول تخفف عليها : هههههه..بعد..؟؟ هاتي ما عندكِ...!!! عفاف تناظرها بنظرات بارده : اسكتي لااحط حرتي كلها فيك..!! العنود : ههههههههههه.. مثل العسل على قلبي.. وبحال عفاف هذا.. ما قدرت العنود تزيدها هم فوق همها وتقول لها عن زيارة جميله لها...!! ******************* مر يومين.. وحال عبدالعزيز مثل ما هو.. الدكتور يقول انه بخير وجميع فحوصاته سليمه.. والنطق عنده تمااام.. بس يحتاج وقت.. عشان يسترد عافيته.. ويرجع يتكلم مثل قبل.. وسعد المسكين.. ما يأس منه.. كان معه دايما.. يحاول انه يطلعه من عقدة الندم والالم اللي مقوقع نفسه بداخلها.. لكن لا حياة لمن تنادي..!!! يوسف بعد ما كان مقصر.. طوال اليومين اللي فاتو.. كان يجي ويجلس معه.. ساعه.. ساعتين..!! وبيوم الاثنين.. كان يوسف عند عبدالعزيز اللي نايم.. يوسف خذته الافكار.. الحين هم بآخر السنه.. وما باقي الا القليل على الاجازه الصيفيه.. ليش ما يقرر قراره وينهي عذابه وألمه مع قلبه.. اللي ما وقف عن التفكير دقيقه بالعنـــود.. وطيفها اللي ما غاب عن باله لحظه..!! وخاصه بعد مدح خواته لها..!! كان القرار نابع من اعماق اعماقه.. واليوم بالذات بيفاتح خواته... وبعدين امه بالموضوع.. ولازم كل شئ يتم خلال هالاسبوع بالذات..!! طلع من عند عبدالعزيز.. وهو يشوف مهند وسعد داخلين عليه.. وفي باله فكره وحده وما في غيرها...!!! . . . دخل البيت.. ونادى على خواته.. لكن لا جواب.. انقهر أكثر.. طلع لفوق.. وعلى طول على غرفة عفاف.. حصلها تصلي.. وشكلها مقفله معها.. قال ما لي الا غاده.. اكيد هي اللي بتنهي الموضوع مثل ما بدت به..!! طق الباب.. وطلعت غاده.. وشكلها نعساااانه.. يوسف : باظل واقف كثيير.. غاده : ههههه.. اعذرني والله فيني النوم.. وحالتي حاله...!! يوسف : لو تدرسين قلنا عشان الدوام... لكن عاطله.. لا شغل ولا مشغله..!! غاده تجلس على سريرها : شفت عاد... الفضااوه تصنع الاعاجيب...!! يوسف بابتسامه متفحصه : المهم.. غاده : ايه عطنا المهم.. قايلته... جيتك هذي مو لله...!! يوسف : ايه.. انا انسان ديموقراطي.. لازم اتمم كل شئ بوقته.. غاده : اذا هذا مفهوم الديموقراطيه عندك.. اجل وش مفهوم الديكتاتوريه...؟!! يوسف : اوووهووو علينا.. بتضيعين السالفه.. ووقتي الثمين معها...!! غاده : قل ماذا دهاك يا فتى...؟؟!! يوسف : حلوووه.. بس لاتعيدينها... غاده تتثاوب : ترى انت اللي تضيع السالفه..!! يوسف : لا واللي يرحم والديك.. لا تنومين.. اسمعي اول بعدين نومي براحتك..!! غاده : قل.. اسمعك.. يوسف : وش صار على موضوعي..؟؟!! غاده بتفكير : أي موضوع..؟؟ يوسف : بلا استهبال..! موضوع العنود...؟؟!! غاده تبتسم بخبث : أهااا.. قلت لي العنووووووود.. ( وتمدها ) يوسف : ايه العنود.. ردت عليكم..؟؟ وش قالت..؟!! غاده : والله اللي اعرفه.. انه للحين الفكره تتخمر براسها... على بال ما تستوي.. تكون انت اعرست.. وخلصت..!! يوسف بخوف وصدمه بنفس الوقت : شلون يعني..؟؟ رفضت..؟!! غاده ترفع كتوفها بحيره : الله أعلم..!! يوسف بضيقه : وحارقه اعصابي.. يابنت اللذين.... وانا الضعيف مصدق...!! غاده : يا عمري يا اخوي.. الله يتمم لك.. ( وترفع يديها تدعي ) وتأخد العنووود بنت ام فهد..!! يوسف يضحك على اسلوبها : هههههه.. ( وبفضول سأل ) اسم اخوها فهد.. غاده : بدينا الاستجواب... نعــم حضرة المحقق... يوسف : طيب قولي لعفاف.. او للعنود... ان حنا بنزورهم الخميس...!!! غاده بصدمــه : الخميــــس...؟؟ هذا ما غيــره..؟!! يوسف واقف : أيـه.. وانا باطلع اقول لامي... غاده بخوف : وأبوي...؟؟!!! يوسف : أبوي مقدوووور عليه.... طلع من غرفتها بآآمااااااال عريضه... وأماااااني ورديـــــه كبيــره...!!! . . . بعد ما انهت صلاتها.. رجعت تتصل عليه... بتحاول فيه يوديها.. هو الوحيد اللي ممكن يوديها له... لازم تزوره.. وتبين له كل اللي صار... لازم يتفهم موقفها... ويعذرها عاللي صار... رد عليها سعد بعد وقت : هلا.. عفاف : اهلييين... وين انت..؟؟ سعد : تحت مع مهند.. عفاف : طيب تعال داخل ابغاك بشغله.. تكفىىىىى...!! سعد : خير ان شاء الله.. عفاف : سعد..؟ سعد : نعــم...؟ عفاف : لا تدخل للصاله... انا بأجي عند الملحق..!! سعد : طيب...!! . . . وقف برى ينتظرها.. جت له تلهث... وكأنها راكضه ميل...!! سعد : هااه.. وش بغيتي..؟؟ عفاف : بأقولك بس تكفى الله يخليك.. لا تفهمني غلط.. واهم شئ اوعدني تساعدني.. سعد بابتسامه : وش السالفه..؟؟ اخاف اوعدك بعدين اتورط...ههههه.. عفاف : ثق فيني.. سعد : ما أقدر اوعدك بشئ ما ادري عنه.. عفاف :انت الحين وين بتروح..؟؟!! سعد ويناظر ساعته : موعد الزياره قريب.. ولازم أكون هناك.. تعرفين زوار.. وعبدالعزيز مستحيل يجلس لحاله.. عفاف باستفسار : أحد بيروح معك..؟ سعد : لأ.. الا اذا مهند بيطلع.. ما أدري عنه.. وأمي ووفاء تو كانوا عنده..!! وليش هالاسئله...؟؟!! عفاف بتردد : طيب.. بأروح معك..؟!! سعد بصدمه : أيــــش..؟؟!! عفاف : تكفى سعد واللي يرحم والديك عن النار.. تكفى لا تردني.. والله تعبانه ولازم أحط حد لهاللي قاعد يصير..!! سعد : صاحيه انتي..؟!! واذا جا عمي وش اقوله..؟؟ عفاف : قل وفاء.. ما اتوقع يعرفني.. سعد : يا زيني ساحب بنته معي واكذب عليه واقوله اختي..!! عفاف : حرام عليك سعد.. حتى انت ضدي.. انا عارفه ان عبدالعزيز ساكت ومو راضي يتكلم.. بس اللي أنا متأكده منه أنه بارادته.. ولا هو ما فيه شئ..!! سعد : جايز...!!! عفاف : يعني بتاخذني معك..!! سعد معصب : قال ثور.. قال احلبه..!! يابنت الحلال ما أقدر.. تخيلي شكلك أصلا.. بنت عمــه.. وجايه تزورينه.. عيــب.. والله عــيـــب...!! وانا مستحيييل اوافق على هالمهزله..!! عفاف بترجي : طيب خلني أكلمه...!! سعد : يعني ياهذا ياهذا..!! بصراحه ما تخيلتك كذا يا عفاف.. انتي الوحيده العاقله بين الكل تطلع منك هالتصرفات.. لو وحده غيرك بعد قلنا يمكن تسوي كذا... لكن انتي العاقله... لا مو معقوول..!! عفاف : سعـــد.. لا تقهرني.. قلت لك بأكلمه.. وعبدالعزيز اذا دقيت على جواله ما راح يرد علي على طول.. فأنت الوحييييد اللي ممكن يساعدني.. سعد : وشلون تبغيني اساعدك..؟!! عفاف : دق لي رنه وانت عنده.. وانا بارجع ادق لك.. وعطه التلفون.. وخل الباقي علي..!! سعد بعد تفكير : قلت لا.. يعني لا...!! عفاف : طيب جواله معه..؟!! سعد : حتى لو معه جواله.. ما راح اعطيك رقمه..!! وطلع من البيت.. وهو ما يدري ان رقمه عندها وحافظته عن ظهر قلب..!! طلع وترك عفاف وراه مقهوووره منه ومن ردة فعله.. بس مع هذا ما يأست..!! كان لازم انها تتصرف من نفسها.. وبدون لا ترجع لاي أحد...!! . . . طلعت لغرفتها.. قفلت الباب... وجلست.. طلعت جوالها.. وعلى طول كتبت له رساله.. ولانها واثقه انه مستحيل ما يرد عليها.. على طول ارسلت له مسج.. كتبت فيه " الحمد لله على سلامتك... وآسفه عاللي حصل...!! " وضغطت ارسال.. وهي تحس بداخلها بأحاسيس غريبه...!! . . . كان جالس على سريره.. ويفكر بكلام يوسف معه... يوسف قاله على موضوع الخطوبه.. وأنه يتمنى تكون خطوبتهم مع بعض.. قطع تفكيره صوت مسج.. فتحه.. وانصدم برقم عفاف.. ياااااه.. الحين بس جيت على بالها..!! جا بباله يطنشها.. لكنه حب يذوقها من نفس الكأس..!! كتب رساله.. ورجع يقراها كذا مره.. وهو ينتشي بالالم اللي ممكن تسببه هالرساله لها.. طنش احساسه.. وقبل لا يطغى عليه الندم.. ضغط ارسال..!!! بمجرد ما ظهر تم ارسال الرساله.. انفتح الباب... واضطر يرمي الجوال.. ويتفضى للشخص اللي قدامه..!!! | |||||||||
|
| |
|
25-02-14, 05:29 AM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| الجزء التاسع عشر دخول عمته عليه كان أكبر مفاجأه له... يمكن لأنه مشتاق لها.. ويمكن حس بحنانها اللي فقده.. كانت سعادته غير طبيعيه... وهو يشوفها داخله عليه.. وبيدها بوكيه ورد روووعه.. ومن وراها دخل زوجها.. اللي للحين ما شافه عبدالعزيز... و لاسلم عليه بعد رجوعه من السفر.. أم فارس : سلامات الغالي.. الحمد لله على سلامتك.. ابو فارس : سلامااااااات.. ما تشوف شر أبوو العز...!!!هههه ابتسم عبدالعزيز على ذكر ابو فارس لاسمه بهالطريقه.. كان دايما يغايظه بهاللفظ.. سمع صوت جواله يرن.. وبعد كم رنه وقف دق.. جلس يطالع عمته المنسجمه مع زوجها في وئام تام..!! وصار يتساءل بداخله.. " يا ترى لو عفاف الحين زوجتي.. كنا بنشكل ثنائي رائع مثل ما عمتي وزوجها صايرين..!!! " طرد هالفكره من باله بمجرد ما تذكر اللي صار واللي بنظره انها بيعــه.. وبيعه ربحانه بعد...!! انتبه على صوت عمته تكلمه.. ام فارس : عبدالعزيز... متى ناوي تطلع..؟!! عبدالعزيز ما فهم عليها وصار يطالعها باستغراب... ام فارس التفتت على زوجها.. وكأنها تقوله اطلع... ابو فارس بنذاله : لا تطالعيني... ماني بطالع.. باسمع وش بتقولون من وراي..!! ام فارس بحنق : واحد وعمته... وش جابك بينهم...؟!! ابو فارس : حظي الردي والله.. ولما شاف نظرات الغيظ بعيون زوجته كمل وهو عند الباب : اللي بيطلعني برى... ههههههههه..!! وطلع وسكر الباب وراه.. التفتت ام فارس لعبدالعزيز : هااه.. يعني ما جاوبتني..؟!! عبدالعزيز ساكت وما رد عليها ولو بنظره... طول الوقت وهو منزل عيونه لحضنه... ام فارس : عبدالعزيز.. انت عارف معزتك عندنا كلنا..وبعد عارف انك انت الولد الاول لاخوي الله يرحمه.. وما كان مقصر عليك او على احد من اخوانك بشئ.. رباكم احسن تربيه.. وخلاكم رجال ينشد فيكم الظهر.. وحتى بعد موته.. كلنا وقفنا موقف واحد.. وخلينا الشركه مثل ما هي.. وحده ما قسمناها.. بس عشان نجمع شملكم مع بعض.. ونظل عايله وحده ما يفرقنا أي شئ.. مهما كان... سكتت لحظات.. وكأنها تستجمع أنفاسها..! وعبدالعزيز على نفس وضعه وهدوءه..!! ورجعت تكمل.. بعد هدوء نسبي : حتى أخوي ابراهيم ما كان مقصر حاول يحسسكم انكم ما فقدتوا شئ.. وان حالكم ما تغير بفقد ابوك.. لكن.. لكل انسان ظروفه.. وابراهيم يوم قرر يزوج عفاف ما كان متذكر انك متكلم عليها.. او حتى انه هو اعطى ابوك كلمه.. لحد هذاك اليوم.. اللي انت وصلت فيه.. وصار اللي صار.. وأمك بعد ما طلعت.. ما سكتت ذكرت عمك بكل شئ.. وهو والله متندم كثر شعر راسه.. ولاّ انت متوقع عمك يرخصك بسهوله... مستحيل.. مستحيل يا عبدالعزيز اخوي يسوي كذا وهو متعمد.. اكيد له ظرف او موقف مر فيه وخلاه يسوي اللي سواه.. وانت خل عقلك كبير... وترفع عن هالامور.. ولا تترك للشيطان مجال يخرب علاقتك بأرحامك..!! وسكتت مره ثانيه.. كانت تحس انها تكلم الفراغ... الهدوء والصمت المطبق اللي غطى على جو الغرفه خلاها تنقهر زياده.. فقالت بدون مقدمات : أخوي ابراهيم برى...!! وللحين شاريك... موافق تتزوج عفاف...؟؟!!! عبدالعزيز.. بسرعه رفع راسه.. وركز نظره على عمته.. وكأنه مو مصدق اللي تقوله... وبنفس الوقت مستغرب شلون يتزوجها... وهي كانت بتملك على غيره... ام فارس لما شافت التردد الواضح بعيونه.. ونظرة التساؤل الباديه عليها قالت : عفاف للحين مو مرتبطه... الملكه هذاك اليوم تفركشت...!! عبدالعزيز وبدون وعي منه نطــق : كـــيـــــــف..؟؟!! ام فارس تفاجئت انه تكلم..لكنها حبت تتجاهل.. لانها لو نبهته يمكن ما يقدر يكمل.. ام فارس : ايه.. وهذي مو اول مره بعد.. قبلها باسبوع تأجلت.. وطبعا عريس الغفله ما كذب خبر.. وفر مع ابوه.. وكأنه ما صدق شئ يصير... بغاها من الله. وبعدين يمكن خيــــره..!! يمكن ربي ساقك من آخر الدنيا بس عشان تنقذ عفاف من هالعريس.. وتكون لك انت وحـــــدك...!! عبدالعزيز بعد تنهيده : بــس...!!! ام فارس تقاطعه : لا بس ولا غيره.. عمك برى.. باروح اناديه.. راحت للباب وفتحته بتطلع.. وقبل تطلع التفتت له : يا زين صوتك.. اشتقنا له.. بس تصدق انه مثل ما هو ما تغير..!! طلعت وتركت عبدالعزيز مشدوه.. توه انتبه انه تكلم.. وبسبب من...؟؟ بسببها هي... عفــــاف.. ومحد غيرها...!!! رجع يشيك على جواله.. وحصل رقمها.. اتصالها أكد له انها قرت الرساله.. وفهمت اللي قصده..!!! . . . . عفاف من جهة ثانيه.. كانت تصيح من قلبها.. ليش هي بس اللي يحملونها الغلط..؟؟ ليش دايما الناس يتعاملون بالظاهر..؟؟ واذا واحد صدق معهم كذبوه..!! معقوله عبدالعزيز يطلع منه كذا.. وبكل بساطه يقولها بُعدي راحتك..!! كانت تحاول تتصل فيه.. لكنه ما رد عليها.. رجعت تقرا الرساله يمكن للمره العاشره.. ومو مصدقه انه يقصدها.. كان كاتب لها.. " دام بعدي من حياتك راحتك.. برتحل من دنيتك الى الابد.. مابيدي بس هذي رغبتك.. وبرثي حبك دام ناوي تبتعد.." تنهدت وهي تقراها.. يعني هو بعد يحبني.. وانا مستحيل اتنازل عن حبي مهما صااااار..!!! . . . . وصلت عند باب غرفة اختها..حاولت تطق الباب.. بس ما فيه رد.. انقهرت منها.. مو من عوايدها تقفل الباب عليها كل هالوقت..!! راحت للتلفون.. في بالها.. من زمان عن العنود.. خلني اتصل فيها.. واشوف وش اخبارها.. مع ان غاده حاسه ان عند العنود شئ ومخبيته الا انها.. قالت تحاول وما هي بخسرانه شئ..!! اتصلت وردت عليها مها.. اللي بالبدايه ما عرفتها غاده.. لكنها طلبت العنود.. دقايق وجت العنود ترد.. العنود : هلا.. غاده : السلام عليكم.. العنود : وعليكم السلام.. غاده : كيفك عنووودتي..؟ شخبارك..؟ العنود : الحمد لله.. مين..؟ غدوو..؟ غاده : لا.. وحده بتخطبك..!! ههههه.. العنود : هههههه.. تخيلي عااد شكلك خطاااابه... ههههههه.. نكته بصراحه..! غاده : خخخخ.. لا وبالبرقع احلى واحلى.. ههههه العنود : هههه.. هااه غدووو شخبارك مع جلسة البيت..؟ غاده : مللل.. طفش.. كآبه.. زهق... ضيقة صدر..!! العنود : الله..!! كل هذا.. ههههه.. غاده : واكثر.. بس ماله داعي اضيق خلقك معي..!! العنود : هاه ووش اخبار رجلك.. فكيتي الجبس..؟ غاده : لا للحين.. عندي موعد الاسبوع الجاي.. وشكلي باقدمه.. هاليومين.. زهقت من هالعكاز.. العنود : يا عمري.. الله يعينك.. غاده : ايه ووش اخباركم من دوني.. اكيد لي فقده...خخخ العنود : اللي يقول تنشافين الحين.. بس من جد والله فاقدتك.. غاده : الله يسلمك.. ايه كذا الناس يحسون.. مو هاللي عندي.. تقول فراقك عيد.. العنود : ههههههههه.. منهي.؟ غاده : عفاف ومن غيرها بعد..؟ العنود : الا شخبار عزيز..؟ طلع من المستشفى..؟ غاده : حركاااااات..!! عزيز بعد.. استحي يا بنت استحي..!! العنود : هههه.. والله متأثره من اختك.. والا انا يا حليلي عاقله..!! غاده : اما عاقله.. كثري منها..!! وولد عمي ما طلع للحين.. بس ابوي راح قبل شوي لهم.. واتوقع قريب بيطلع.. هذا اذا ما طلع اليوم..! العنود : الله يقومه بالسلامه.. ويقر اعين ناااااس بشوووفته.. غاده : آميييييين.. والله ملينا من الحزن والكآبه.. نبغى نفرفش شوي.. وننبسط.. العنود : انبسطي من ردك..! غاده وتلمح : لا نبغى عرس.. وطقطقه.. وشئ يعني تعرفين.. العنود : ههههه.. عندك عرس صديقتك.. الا متى عرسها..؟ غاده : حصه..؟؟ خبري انهم يقولون اول الاجازه.. يعني توووونااا.. العنود : وين تونا حرام عليك.. اقل من الشهر.. ونعطل.. غاده : لاني معطله من زمان.. ما صرت احس بالوقت..!! العنود : يمكن..؟ غاده : قولي قولي.. شعندك..؟ العنود : وش اقول..؟ غاده : حاسه انه عندك موضووووع كبير.. وبصراحه تعرفيني يعني.. خدووومه.. ما حب احد محتاج وانا جالسه اتفرج..!! العنود : يمه منك.. وانتي شيعرفك..؟؟ غاده : سر المهنه.. يالله قولي.. العنود اكتفت بتنهيده.. ولا ردت.. غاده بانفعال : شفتي...والله ان ورى هالتنهيده حاجه.. وحاجه كبيره بعد.. العنود بعد تردد.. قالت لغاده عن جميله.. وتصرفاتها.. وزيارتها الاخيره.. غاده : يييه.. وهذي وش تبغى منك..؟ اكيد لها نيه... بس تدرين لاتعطينها وجه.. والله انهم معروفين بكليتهم.. مستهترات.. ولعبات.. ولا عندهم من احد..!! العنود :ما ادري.. هي اللي دايما تتقرب لي.. وتعرفيني انتي ما عرف ارد احد.. غاده : قلبك طيب.... طالعه علي...!! خخخ العنود : واااضح..؟ بس غدوو.. الله يخليك.. لا تقولين لعفاف شئ.. لو تدري اني قلت لك.. وما قلت لها.. تذبحني.. غاده : ما قلت لك اختي واعرفها.. لاتوصين حريص.. ( وكملت باستهبال ) وبعدين من قال اني كلمتك.. او اعرفك اصلا...!! العنود : اشوى.. ريحتيني...!! ههههه . . . . اجتماع ابو يوسف بعبدالعزيز اسفر عنه.. المواافقه على زواج عبدالعزيز من عفاف.. والملكه بتكون خلال يومين.. والزواج خلال شهر.. . . . سعد ومهند ويوسف وسعود كلهم مجتمعين عند عبدالعزيز.. وطايحين فيه تعليقات.. وتهزي.. سعد : ابسط يا عم... من قدك.. من المستشفى على عش الزوجيه..!! مهند ويغمز : عقبالك يوسف..!! يوسف اكتفى بابتسامه.. ورجع مع افكاره.. لامه لما قالها عن الخطبه.. وش كثر انبسطت وفرحت له.. مع انها ما كانت تدري من هي العروس.. كان مجرد فكرة زواجه هاجس لها.. ولما عرفت من هي العروس استانست زياااده.. على الاقل وحده تعرفها.. وتتمناها لواحد من عيالها...!! ولما قال لابوه ما خالف ابدا.. وافق وهو يحس يالندم عاللي صار لعبدالعزيز.. وما حب يتكرر نفس الغلط مع ولده..!! انتبه من سرحانه.. على مهند يهزه.. سعد : وين يا ابو الشباب.. اكيد قاعد تفكر بالعرس.. كم ولد جالك الحين..؟؟ يوسف : هههههههه.. الله يجيب امهم اول..؟؟ سعد : لااااا.. والله فيه تطورات..؟!! وانت ابو السعوود.. بعد ناوي تعرس..؟؟ سعود بابتسامة عناد : ليش لا..؟؟ سعد التفتت لمهند : قم نطلع مالنا مكان بينهم.. وش ذا الحاله..؟؟ عبدالعزيز كان ميت ضحك على اخوه وتعليقاته.. لكن باله مشغول بعفاف.. ووشلون بتتقبله كزوج.. خاصة انه ما وافق الا عنــاااد لها... وزياده على كذا مستحيل يعاملها زي ما تبي.. او يسامحها عاللي صار...!!!!! . . . ام معاذ من عرفت عن عبدالعزيز وانه بياخذ عفاف خلاص.. قومت الدنيا وقعدتها.. لازم تاخذ غاده لولدها.. والولد من زين الطبايع.. مخلي لامه الخيط والمخيط.. ولا له رأي ابدا.. ما كأن هو اللي بيتزوج.. ام معاذ وواقفه على راسه تصارخ : سمعتني... عاد ما هو لين طارت البنت.. جيت تتكلم.. ابو معاذ وهو ينقلب على السرير : ان شاااااء الله.. ام معاذ : ايه.. وبعد خل بالك من ولدك هالثور..!! معذبني اقوله رح للشركه.. ومعاند.. ما يرووح الا السبت.. ابو معاذ : راح راح يا مره.. بس دوامه الرسمي بيبدى السبت.. وش يروح يسوي من الحين..؟!! ام معاذ : اييييه.. على بالي انه ما يبي يرووح..!! ابو معاذ بصوت هامس : وانتي بتتركينه في حاله..!! ام معاذ وتتقرب منه : هاااااه.. وش قلــت..؟؟!! ابو معاذ : اقول طفي النور بنرقد.. ورانا شغل..!! ام معاذ هزت راسها وطلعت من الغرفه.. من دون لا ترد عليه.. او حتى تنفذ طلبه..!! قام المسكين بعد ما طلعت طفى النور وحط راسه ونااام.. يمكن يرتااح شوي من حنتها اللي ما تتوقف ابدااا..!!!! *^*^*^*^*^*^*^*^* يوم الثلاثاء..الصبااح.. طلعت عفاف بسرعه من البيت للجامعه.. ما عندها وقت.. البارح كله.. نوم من بعد صياحها اللي فرغت فيه كل المها ومعاناتها.. وما صحت الا متأخره.. فما كان فيه وقت حتى تفطر مع اهلها.. وطلعت حتى قبل لا تعرف الي صاار على موضوعها.. وان ملكتها بتكون اكيييد الجمعه بعد خطبة يوسف..!! وصلت الجامعه.. ونزلت.. كانت لوحدها.. وفاء غايبه لان اخوها بيطلع... لازم تجلس تستقبله..! وغاده معتذره..!! فما فيه احد جاي معها..! شافت العنود جايه لها.. وتبتسم.. عفاف بداخلها " يا ربي شكثر احب هالمخلوووقه.. يااااارب لا يحرمني منها " العنود : السلام عليكم.. عفاف : وعليكم السلام.. صبااح الخير.. العنود بفرحه : صبااح الفل والورد والياسمين.. عفاف بابتسامه : وش عندك.. مبسووطه اليوم..؟ العنود : قولي ما شاء الله لا تحسديني..! عفاف : هههههه.. ما شاء الله تبارك الله.. العنود وجلست وجابت شعرها وصارت تلعب فيه.. وهي تتأمل عفاف تعدل في مكياجها.. لانها ما تعدلت بالبيت.. فجلست تكمل قبل تبدى المحاضرات.. التفت عفاف وابتسمت : لاااا.. فيه ان..؟ الوجه منور والشعر ملفف.. وش هالزين كله..؟ العنود واستحت على مدحها : حراام عليك.. طنت براسي امس العب بشعري شوي.. فيها شئ..؟؟! عفاف وهي تسكر شنطتها : لا يا حياتي ما فيها شئ.. اصلا الواحد لو ما غير في حياته.. الروتين بيذبحه.. العنود كانت بتقول ان مكالمة غاده ريحتها وغيرت من جوها المشحون.. لكنها فضلت تغير الموضوع.. العنود وتوقف وهي تناظر ساعتها : طيب.. يالله محاضره.. عفاف : ما لي نفس احضر.. العنود : قومي.. ما لي نفس..؟!! وانا من اقابل... وبغت تقول جميلووه... بس مسكت نفسها.. عفاف : يالله معك.. *^*^*^*^*^*^*^*^*^*^* طقت باب غرفته.. ودخلت.. قابلها بابتسامه.. هند : الله يديم هالضحكه يا رب... فيصل : بوجودك.. هند : احم.. السلام عليكم.. فيصل : ههههههه.. وعليكم السلام.. هند وهي : لا تضحك.. فيصل : وليش.. بفلوس..؟ هند : دايما تضحكون علي.. انت و... فيصل : ههههه.. انا ومين..؟؟ هند وانحرجت : هو.. فيصل : الله يتمم لك.. هااه وش اخبار السووق..؟؟ هند : واااو.. لا تسأل.. تعب والله تعب.. رجولي طاحت.. فيصل : هذا العرس.. تحسبين كل شئ بلاش..؟ لازم تعب.. هند : انت شفيك اليوم.. فلوس وبلاش... وين قاعدين ببنك..؟؟ فيصل : ههههههه.. الا انتي اللي خاف دمك اليوم.. هند : لازم.. مو قاعده مع فصّووولي... فيصل : وعععع..!! وش هالتدليع اللي ما غسل وجهه..!! هند : ههههههه... والله انت بعد.. لا تدقق... بنشوف حرمتك وش بتقول لك.. فيصل : واصلا من قال اني باتزوج..!! هند متفاجئه : من جدك انت..؟؟ فيصل بابتسامه باهته : ايه.. ليش..؟؟ هند : لا مستحيل.. ما صدقك.. بعد كل اللي سويناه.. فيصل : وش سوينا... آسف هنوده.. يمكن انتي تعرفين زين انا ليش رجعت اكمل العلاج.. عشانك انتي وبس.. الله يخليك لا يروح فكرك بعيد.. هند : ما عليه.. انت الحين ما شي زين في العلاج.. فيصل : الحمد لله كل شئ تماااام.. والحين ببدا جلسات طبيعي.. هند : زين والله.. يالله عشان ترقص في عرسي.. فيصل : يا زينك ساكته.. !! هند : هههه.. لا اقصد يعني بالعرضه.. يالله جيبو فرقه.. وارقصو.. فيصل : اقول استحي.. رجاجيل وش كبرنا.. ونرقص.. وبعدين من قال اننا بنكبر العرس... ما فيه عرس... " سكييتتي" .. على قولة المصاريه.. هند شوي وتصيح : اصلا خلاص اتفقنا مع الفندق.. و.. فيصل : اتفقتو..؟؟ انتي ومين..؟؟ هند : فيصـــل..!!! فيصل : ههههههههههه... امزح معك.. لا تصيحين..!! هند وسوت نفسها زعلانه.. فيصل : احلىىىى يالزعلاااانين.. والله ما يصلح لك.. هند تطالعه بطرف عينها... سبحان الله تحبه.. تمووووت عليه من بين اخوووانها.. ابتسمت له.. هند : متى بينتهي علاجك..؟ فيصل : خلص.. هند : يووه.. اقصد الطبيعي..؟ فيصل : اهاا.. مدري.. بس قالي الدكتور.. انه يمكن ما اقدر امشي مثل قبل.. هند بصدمه : وشلوووون..؟؟ فيصل : لا.. يعني ما راح امشي طبيعي.. يمكن اصير اعـــــرج شوي.. هند وتحط يدها على قلبها : اشوى روووعتني...!!! فيصل باستهزاء : الله يشفيك...!! هند : ههههههههههه... دخلت عليهم مي.. مي : هاااااي.. فيصل وهند طالعو بعض.. بعدين سكتوو.. مي : باسم الله وش فيكم سكتوو مره وحده..؟؟ فيصل : الحمد لله الحين تسمين باسم الله... والسلام ناسيته.. مي : اووو سوري.. هند : شـــف..!! ههههه.. مي : مم.. السلام عليكم.. اتأذنون لي بالجلوس معكم..؟؟ هند : وش فيها قلبت فصحى..؟؟ فيصل : علمي علمك... اجلسي.. يا اختاه.. مي : هههههه.. حتى انت تكلمت مثلي.. وش اخبارك اخوي..؟! هند : انتي مي..؟؟ اكيد..؟ ما بدلوك بالكليه...؟؟ الا.. ليش طلعتي..؟؟ ولا ما رحتي..؟؟ مي : لازم اجاوب عليها كلها..!! فيصل : ههههههه.. مي : لا طلعت.. وجيت اسلم على اخوي.. اشتقت له.. حرااام..؟؟ فيصل : تشتاق لك العافيه.. *^*^*^*^*^*^*^*^*^*^* بنهاية الدوام.. عفاف سحبت العنود وجلستها جنبها : ايه.. تعالي ما قلت لك.. عندي خبر بمليااااااار.. العنود فاتحه عيونها : وشــووو..؟؟ عفاف : حزري فزري.. من بيزوركم الخميس..؟؟ العنود باهتماام : مين..؟؟ لا يكون بتجين..!! احلـفي..؟ عفاف : لأ.. بس يعني.. قربتي..!! العنود : يالله حرقتي اعصابي.. عفاف : ممم.. كم تعطيني اول..؟ العنود : اووف.. عفاف حرام عليك.. معطلتني.. قولي.. عفاف : هههه.. ممم.. بصراحه مدري شلون اقوله.. العنود سكتت وهي تناظرها.. وودها تقوم وتذبحها.. بس عند الناااس.. فشيييله..!! عفاف : خلاص بأقول بأقول.. اهلي بيجووون لكم..!! العنود فاتحه عيونها.. وتطالع عفاف بصدمه.. اخر شئ استحتت.. ونزلت عيونها بحيااااء.. عفاف : وتقولي بسرعه قولي... ههههههه.. مبروووووك مقدمااا.. العنود ما قدرت ترد عليها.. بس دزتها على كتفها.. عفاف : قومي.. شوفي وحده تناديك.. العنود رفعت راسها : وينها..؟؟ عفاف وتأشر عليها : هناك.. قامت العنود تكلم البنت.. وعفاف مشغوله بترتيب اغراضها.. شوي وبتطلع.. لما رجعت العنود.. كان وجهها متغير.. عفاف : وش فيك..؟! العنود : هذي وحده من اللي يركبون معي بالسياره.. تقول انه السواق مو جاي اليوم..!! وانا توني ادري بالله شلون اقول لابوي ولا لفهد.. مشوااار.. على ما يوصلون.. اكون خست من الحر..!! عفاف : طيب انتي مو راكبه معهم الصبح..؟ العنود : لأ.. اليوم من النحاسه.. جايه مع ابوي.. ولا ادري انه ما هو جاي.. كان ما جيت من الاول.. عفاف : طيب عادي اركبي معي.. ونوصلك..!! العنود : انتي ومين..؟؟ عفاف : السواق.. واكيد معه الخدامه.. لان ما فيه احد اليوم غيري.. العنود : لا صعبه.. بااتصل على البيت واشوف.. عفاف : يا حبك للفلسفه..الحين سياره بسواقها تحت امرك.. وما تبغين تروحين.. صدق دنيا..!! العنود باحراج : عفاف والله ما اقصد.. بس اخاف اكلف عليكم.. عفاف : قلت لك سواق.. يعني لاتهتمين منه.. عادي عنده.. لو يلف الرياض بكبره.. ما مل..ههههههه.. العنود اكتفت بابتسامه مجامله.. وامتناااان...!! . . . . وصلتهم ركض.. وعلى وجهها علامات الوناااسه.. جميله باستهزاء : هاتي شعندك...؟ شكلك هالمره جايبه العيد..!! هناء : الله يسامحك... لو تدرين وش عرفت....!! جميله بغروور : يالله هاتي شعرفتي..؟؟ هناء وقالت لهم على كل اللي دار بين عفاف والعنود.. جميله : خطبه.. والله شئ... وهي من هي عشان تاخذ وااحد مثل هذا.. فاتن : تعرفينه..؟؟؟ جميله التفتت لها بتكبر : وش عرفني فيه...؟؟؟ وش شايفتني اعرف عيال الناس...!!! هناء : طيب على أي اساس تحكمين على الناس.. يمكنه من ربعهم.. جميله : لالالا.. مستحيل.. لازم هالعرس ما يتم.. فاتن بابتسامه خبيثه : وشلووووون..؟؟ جميله بتفكيير : كل شئ مخطط له.. بس بصراااحه ما توقعت يجي بهالسرعه.. ولحد عندي بعد..!! وكملت وهي واقفه : يالله بنات اشوفكم على خير.. بعد ما اضبط الطبخه..!! ههههههههه..!! *^*^*^*^*^*^*^*^*^* ببيت ام عبدالعزيز.. الفرحه مو سايعتها.. اخيرا ولدها بيرجع البيت.. وفاء واقفه بالصاله تبخرها... دخل سعد... ومن بعده عبدالعزيز.. اللي يده للحين ملفوفه.. وراسه عليه لاصق طبي.. ام عبدالعزيز : الحمد لله على سلامتك يا وليدي... تو ما نوور البيت..!! عبدالعزيز ويحب انه على راسها والعبره خانقته : منوور بوجوودك يالغاليه.. سعد : لا تقلبونها فلم هندي.. وفاء : هلا عزيز.. سلاماات.. ما تشوف شر.. عبدالعزيز : الشر ما يجيك.. ام عبدالعزيز تكلم سعد : قلت لاعمامك عن العشاء..؟ سعد : ايه.. وان شاء الله بيجون كلهم.. وفاء : وعمتي..؟ سعد : ايه قلت لها.. يالله انا باطلع مهند بيمرني.. تامرون بشئ..؟؟ ام عبدالعزيز : بسلامتك يا ابوي لبسو عباياتهم.. وطلعو.. وهم يمشون للسياره..العنود كانت تسوولف وتضحك مع عفاف.. مع انها منحرجه.. اول مره تركب مع احد غير اهلها.. عفاف شافت السياره.. ماكانت سيارة البيت... فما حبت تقول للعنود عشان ما ترجع تدخل.. وصلو عند السياره.. العنود استغربت لما فتحت لها عفاف الباب.. وكأنها تقولها انتي اول.. ركبت وتركت الباب.. على اساس تركب عفاف بعدها.. لكنها تفاجأت بعفاف تسكر الباب وتركب قدام.. التفتت تشوف السواق.. وانقهرت.. كان واحد سعودي.. يعني اكيد واحد من اخوانها.. عفاف : هلا يوسف.. وين السواق اجل..؟؟ يوسف وهو يحرك السياره : هلا.. امي مدري وش تبغى فيه.. وقالت لي امرك.. يعني صاار يوسف.. وهم في الطريق.. كانت العنود تحاول ما ترفع نظرها للي جالس قدام.. لكن الشيطان شاطر.. ولازم نظره على الاقل.. رفعت نظرها.. وبالصدفه كان يوسف ملتفت على عفاف.. وشافت وجهه.. ما قدرت تنزل نظرها عنه.. حست باحسااس غرييب يغزووو جسدها.. وبلحظه.. استغفرت ربها.. ونزلت نظرها.... بعد مسافه.. عفاف : يوسف.. ترى معي صديقتي بنوصلها لبيتهم.. يوسف باحراج : حياها الله.. بس وين البيت..؟؟ عفاف التفتت للعنود وتعمدت تقول اسمها : العنود.. يوسف فز قلبه.. حس بشعووور غريب.. اقرب للدفء.. العنود انقهررت اكثر من عفاف واسلوبها السخيف.. وجاوبت بهمس عليها.. وهي تطقها على كتفها.. يوسف انتبه للحركه وابتسم.. " كل مره تعجبني اكثر !!! " . . . . طول الطريق.. ويوسف منتبه انه في سياره وراه.. من طلع من الجامعه.. وهي وراهم.. لكنه ما اهتم الا لما دخلو معهم لنفس الحي.. وكان فيها اثنين.. شاب.. ومعه وحده.. التفت يوسف لعفاف وهي توصف البيت.. ولا اعطى السياره ادنى اهتمام..!! . . . وبالسياره اللي وراهم.. كانت جميله الوقحه.. راكبه مع واااحد من ربعها... شاب من الشباب المستهتر.. ومجاريها باللي تقوله... بمجرد ما اتصلت عليه.. جاها ركض..كأنه ما صدق..!! جميله بعد ما ارسلت الرساله على جوال العنود : يالله بسرعه دق..!! حسن : وش اقول..؟؟ جميله باسلووب حلوو : لعبه.. ومو خسرانيين شئ..؟؟ حسن : بس ليش كل هذا..؟؟ جميله بدلع : حبيبي.. يرضيك وحده تنقص من قيمتي.. وتحتقرني..؟؟ حسن : لا.. ما يرضيني.. جميله : خلاص نفذ اللي قلت لك.. حسن : اوووكي... ودق من جواله على جوال العنود... بواسطة الرقم اللي جميله خزنته بجوالها... تأخر الجوال وهو يدق.. بس بعدين ردت عليه وحده.. باين انها كبيره... حسن : الــو...!! ام فهد : نعــم.. حسن : جوال محمد... ام فهد : لا غلطان.. حسن : طيب اسف.. مع السلامه.. جميله : لييش..؟؟ مو كذاا...!! حسن : صبرك علي... الحين باعرف شلون اكمل اللعبه..!! ورجع يتصل.. حسن : الــو.. ام فهد بطولة بال : نعم.. حسن : جوال مين هذا..؟؟ ام فهد : انت اللي متصل.. من تبي..؟؟ حسن : ابغى العنود... ممكن..؟؟ ام فهد متفاجأه : وشـــــو..؟؟ ما عندنا بنات يكلمون شباب..!! حسن : ايه بس انا غير.. وين عنوده..؟؟ ام فهد بضيقه : انت تبي لك احد يربيك.. ياللي ما تربيت.. وسكرت الخط بوجهه.. رجع يتصل مره ثالثه.. وهالمره رد رجال... وكان هذا اللي تبيه جميله.. حسن : السلام عليكم.. ابو فهد : وعليكم السلام.. حسن بقواة وجه : جوال العنود..؟؟ ابو فهد : من تبي..؟؟ حسن : ابغى العنود..؟؟ وينها اليوم ما جت كليتها..؟ ابو فهد باستغراب : وانت من تكون عشان تسأل عنها اذا هي راحت او لا..؟؟!! حسن : لالا.. العنود حبيبتي وما ارضى لها الغلط..!! ابو فهد : نــعــــــم...؟؟ حسن : ايوه.. واذا مو مصدقني.. اطلع وشف بنتك.. ست الحسن والجمال.. طالعه مع مين اليوم.. وتاركتني لوحدي انتظرها...!! ابو فهد يصارخ : وانت وش لك ببنتي عشان تتكلم عليها..؟؟ حسن باسلوب مستفز : قلت لك.. حبيبتي.. وكنت متفق معها على الزوااج... ما قالت لكم.. لا.. ما لها حق...!! ابو فهد : اخلص.. وش تبي الحين متصل..؟ حسن : اطلع عند الباب... وتشوف انا ليش متصل..!! باااي... يا ابو الغفله...!!!! سكر ابو فهد الجوال.. وكل الشرر يتطاير من عيونه... بنته.. حبيبة قلبه.. تخونه..!! قلبه مو راضي يصدق..!! وعقله يقوله اطلع وشف اذا كلامه صح او لا..؟؟ . . . عفاف : هنا..؟؟ العنود بصوت يالله ينسمع : ايه.. هذاك بيتنا.. خلاص بأروح مشي.. وكان بأول الشارع.. وبيتهم بعد مسافه.. توها بتنزل.. وقفها صوت يوسف : لحظــه...!!! استغربت العنود.. لكن انصاعت لكلامه.. وبعد ما مشوا.. عرفت ليش ما وقف.. كان فيه شلة شباب واقفين... اللي بيده بيبسي.. واللي بيده سيجاره.. واللي ملابسه الله اعلم بها.. فشكرته بقلبها.. ليش انه خاف عليها.. كان مستحيل تقدر تمر من عندهم لوحدها.. وقف قبل باب بيتهم بشوي .. ونزلت العنود ... و يرقبها زوجين من العيون.. يوســف.. يتابعهــا..!! وأبوهــا.. يطالـــع اللي بالسـيــــاره...!!! الجزء العشرون شافت ابوها باستغراب وهو واقف عند الباب.. لاول مره من دخلت الجامعه تحصله واقف وكأنه ينتظرها..!! طنشت الموضوع وكملت لحد ما وصلته.. لكن فاجأها ابوها بانه سبقها لداخل.. حاولت تلحق عليه.. يمكن متضايق او شئ.. العنود بدلعها المعتاد : السلاااام عليكم ورحمة الله.. مساك الله بالخير يبه.. ابو فهد من دون لا يلتفت عليها رد : وعليكم السلام.. العنود وحاولت يكون مشيها قريب منه.. التفتت لتعابير وجهه.. لكن انقهرت منه وكأنه يتهرب منها.. طنشت..!! اكيد تعبان او مرهق.. ابوها دايما يجهد نفسه بشغله.. شافته يدخل قبلها.. بعده بشوي دخلت.. وانصدمت بسماعها لصوت مسج لجوالها.. وأمها واقفه قبال ابوها وتناوله الجوال.. وهو يقرأ الرساله..! بعد لحظات.. حستها دهــر..! شافت كل علامات التعجب على ملامح وجه ابوها.. وهو يروح يجلس على اقرب كرسي بالنسبه له.. التفتت لامها.. كان الموقف اكبر منها.. مستحيييل الموضوع يعدي بسهووله.. اكيد فيه إنّ وراء هالربكه كلها.. والتغيرات المفاجئه لامها ولابوها.. كان وجهها لامها لما اتفاجأت باللي قاعده تسمعه.. وكأنها هي المقصودة.. لا هي المقصودة بالذات..!! كانت تسمع ابوها يتكلم بحسره ويديه على راسه وكلماته خنجر يطعن بقلبها الطاهر : حسبي الله ونعم الوكيل.. حسبي الله ونعم الوكيل فيك من بنت..!! ام فهد وتكلمها : ليش وانا أمك..؟ ليش تسودين وجوهنا.. عمرنا ما قصرنا معك بشئ.. وهذي آخرتها..!! العنود بصدمه ما عرفت تنطق بحرف.. كل اللي استجمعت فيه الشجاعه انها صارت تنادي فيهم وبعبره خانقتها : ممـ.. يـ ـمـ ـه.... وش السالفه..؟؟!! ام فهد ما قدرت ترد عليها وهي تداري دمعاتها.. راحت لجهة زوجها وجلست جنبه وكأنها تواسيه على اللي هو فيه..!! العنود برجــاء : يـ ـبـ ـه.. ابو فهد وبضيقة : اذلفي عن وجهي.. الله لا يـبــ... " وما قدر يكمل دعوته.. لان قلبه اكييد حن عليها.." وعلشان ما يصير هالشئ.. التفت لزوجته وكمل.. ابو فهد : انقلعي بها من قدامي.. لا والله اقوم الحييين اقتلها بيدي الثنتين..!! العنود كتمت شهقاتها..وهي تشوف ابوها معصب عليها.. ويتحسب عليها.. وهي مو قادره حتى ترفع عينها لوجهه.. مهما كان هذا ابوها ومستحيل ترادده او توقف قدامه بقواة عين..!! قامت ام فهد بهدوء ومسكت العنود بيدها وهي تجرها لفوق.. لغرفتها.. وسجنها الابدي..!! ^*^*^*^*^*^*^*^*^ بعد ما تحركو.. كانت منتبهه لسرحانه.. ونظراته الهايمه للعنود.. والمتعطشه لاحلى ايام العمر بالنسبه لكل شاب وفتاة.. عفاف : نحن هنا..؟!! التفت يوسف بهدوء : حياك الله.. عفاف : هانت يا اخوي.. كلها كم يوم..! والله يتمم على خير.. يوسف : آمين.. الله يسمع منك.. عفاف : هههههه.. لا الولد شكله غرقاااان لشووشته..!! يوسف بابتسامه : أشوف فيك يوم يارب.. عفاف اختفت ابتسامتها بمجرد ما ذكر يوسف هالسالفه.. وسكتت.. بس عشان ما يسألها أي سؤال يمكن يتسبب باحراجها..!! ويوسف من جهه ثانيه.. ما استغرب هدوءها.. بالعكس اعتبره نوع من انواع الحياء.. ورجع لافكاره وهو للحين ما يدري ان عفاف ما تعرف أي شئ عن موضوع خطوبتها والاتفاق اللي تم فيه..!! ^*^*^*^*^*^*^*^*^ اول ما دخلت غرفتها ما قدرت تمسك دموعها أكثر من كذا.. استندت على الباب.. وانفجرت بنوبة بكاء تقطع القلب.. مستحيل تصدق اللي صار لها اليوم.. كانت فرحتها خيااااااليه ما توصف.. وتتفاجأ باللي ينتظرها بالبيت من ألم وعذاااب.. وياليتها تعرف شئ عن الي قاعد يصير.. ياليت..! غطت وجهها بيديها.. وهي تكتم شهقاتها.. وتبكي بحرقه.. وكأنها تندب حظها العاثر.. ابوها وامها.. يدعون عليها.. وما يبغون يشوفونها.. " اكبر ألم للانسان انه يحس نفسه غير مرغــوب فيه..!! وخاصة.. من الناس اللي يحبهـم..!!" بعد دقايق هدت فيها نفسها.. راحت للحمام وغسلت وجهها.. و بدلت لبسها وطلعت.. وقفت قدام التسريحه.. ترتب من شكلها.. وتشوف آثار الدموع محفوره على ملامحها.. وعلامات الحزن مرسومه بوسط عيونها..!! وبلحظه تفكير باللي هي فيه.. اتفاجأت باللي فتح عليها الباب ودخل وهو يلهث من الركض.. وكأنه ما صدق يشوفها.. العنود بصدمه : فــهـــــــد....!!! فهد وهو واقف على الباب ويبتسم بسخريه : ليش مستغربه..؟؟ ولا ما توقعتي انك تنفضحين بهالسهوووله..! العنود باستغراب : انفضح..؟؟ انت وش قاعد تقول..؟؟ فهد : علينا يالحيوانه.. كل شئ توقعته منك الا انك راعية شباب..؟؟!!! العنود فتحت عيونها على وسعها.. وبشهقه قالت : أنـــــــا...؟؟!! فهد ويصارخ : .. ايه انتي اجل من بيكون يالحقيييره..!! العنود بقهرر : فهد.. انت ليش تكلمني كذا..؟؟ فهد : لانك وحده سافله.. واطيه.. حطت سمعتها وسمعة اهلها بالارض.. ومسكها من شعرها وجرها لحد عنده : قولي لي منهو..؟؟ العنود وبصدمه : وشـو..؟؟ فهد ويشد على شعرها زياده : يالله عااد.. سكت لك.. قولي مع مين جايه..؟؟ العنود بعبره : آآي.. حرام عليك فهد عورتني..!! فهد : حرمة عليك عيشتك.. انطقي.. ولا عرفت وشلون اخليك تتكلمين.. العنود بألم : جيت مع عفاف.. فهد : كــذاااااابــه..؟؟!! العنود وتتألم : آآي.. والله العظيم.. حتى اذا مو مصدقني.. هات الجوال وانا ادق لك عليها وتأكد منها..! فهد وتركها : لا مو مصدقك.. والجوال له حساب ثاني بعدين..!! بس اول شئ اصفي حسابي معك.. وبعدين اتفضى له.. وتقدم منها خطوات.. وهي تتراجع وكأنها تحاول تبتعد عنه قد ما تقدر..!! فهد وهو واقف قبالها : يعني ما راح تقولين..؟؟ العنود ودموعها مغطيه وجهها : وش اقول..؟؟ فهد : قولي من اللي جايبك...؟ ومن قواة عينك بعد جايبته معك لحد هنا.. لهالدرجه وصلت فيك الجرأة بالحقيرة..!! العنود كانت تطالعه بألم.. ومو قادره ترد عليه.. فهد وفسخ عقاله وبعصبيه كلمها : ردي.. ولا... وما انتظر ردها انهال عليها بالضرب بالعقال.. وكأنها قدامه مو بشر.. من لحم ودم.. كأنها دميه يلعب فيها.. ويرميها شمال ويمين.. والعنود المسكينه اللي عمرها ما انضربت او انجرحت بكلمه.. متقوقعه على نفسها.. وتحاول تتحاشى ضربه لها.. او على الاقل تتفاداه..!! فهد ومسكها من شعرها ووقفها به.. وهي خلاص مو قادره توقف على رجولها او تركز من ألمها.. طلع الجوال قدامها.. وبدى يقرأ الرسايل اللي فيه.. وفهد وبنبره كلها سخريه : حافظتهم.. ولا تبيني اقراهم لك.. وكمل : اقراهم احسن.. " حبيبتي.. هذا احلى يوم بحياتي.. ما تتصورين شقد انا فرحاااان لاني مليت عيني من شوفتك.. أحـــبــــــك.. " فهد ويكمل بسخرية اكبر : وهذي الثانيه " عنودتي عيوني.. ان شاء الله وصلتي وما صار لك شئ.. شفت ابوك واقف عند الباب.. طمنيني....؟؟ أوكي..؟؟ " ورفع عيونه يطالعها.. وكمل : يا حسافة.. هذي صاحبة المبادئ والقيم تغلط هالغلطه.. اجل اللي ما تربوا وش يسوون..؟! العنود وبألم واستغراب : مستحيييييل.. عطني اشوفهم.. انا ممم..مما... فهد وبسخريه يقاطعها : اعطيك اياه.. ههه.. خذيـــه.. وبكل قسوة رمااه على الجدار وهي تطالعه.. لحد ما تكسر لقطع صغيره..!! واتجه للباب وقبل يطلع كلمها : احلمي بعد هاليوم تطلعين من هالبيت.. وجامعه ما فيه.. مفهوووووووم..!! وطلع وتركها وراه.. أشلاااء انثى متبعثره..!! كانت تنشد الحب والاستقرار..!! واصبحت على واقع الالم والمعاناة والحزن..!! لتعيش المــأســاة..وتصارع الشر.. بعنفوان الخير.. وصدق الايمان..!! ^*^*^*^*^*^*^*^*^ وصلو عفاف ويوسف البيت.. والكل كان مجتمع بعد الغدا.. ابو يوسف ويكلم مهند : وش اخبار ولد عمك..؟ مهند : الحمد لله ما عليه.. يوسف : طلع من المستشفى..؟؟ مهند : أيـه طلع الصبح.. وترى العزيمه اليوم عندهم على سلامة عبدالعزيز... ابو يوسف وهو قايم : خير ان شاء الله.. اهم شئ سلامته .. ام يوسف : بتطلع..؟ ابو يوسف : عندي كم شغله بأخلصهم.. وبمركم هناك.. طلع ابو يوسف.. وغاده وعفاف اللي على طرف جالسين يتكلمون.. غاده : من جدك أنتي..؟ عفاف : ايه.. غاده : طيب.. ليش..؟؟ عفاف : كذا من دون سبب.. ما لي خلق للروحه..!! غاده : علينا..؟؟ عفاف : والله عااد مزاجي.. ما بي اروح.. غصب هو؟!! غاده : تكفين يالليدي.. بيجي الحين وفد ملكي وحامل بطاقة الدعوة.. روحي زين.. لك الشرف تروحين هناك.. عفاف : يا اختي تاركه هالشرف لك.. اشبعي فيه..!! غاده : هههههه.. اعوذ بالله.. ما ينمزح معك.. عفاف : هههههه.. غاده : طيب وش بتقولين لامي اذا اصرت تروحين..؟ عفاف : بسيطه.. ليلى اكيد ما راح تجلس لحالها.. غاده تقاطعها : وانتي اللي بتقعدين معها.. اوووف بنت اللذينا.. مخططه لكل شئ..!! عفاف : هههههه.. غاده وتطالع عفاف وهي تحاول تتصل بالعنود : للحين ما ردت..؟؟ عفاف : للحين.. ياشين زعلها..!! غاده وتأخذ منها الجوال : خليني اجرب.. يمكن يضبط معي..!! عفاف : مستحييييل.. العنود واعرفها.. ما راح تفتحه الا اذا رضت.. والله اعلم متى بيكون هالرضى.. غاده : يعطي مغلق.. متعودين على كذا انتو..؟؟ عفاف وهي توقف : يا كثرها.. عدّي واغلطي..!! غاده : الله يعينك على امي.. ويوسف ومهند معها بعد..!! عفاف : ومن قالك اني بأكلمها عندهم.. لا يا ماما.. لازم سياسه خاصه..!! غاده : هههههههههههه... . . . . قالت عفاف لامها بعد ما طلعو اخوانها طبعا.. وما خالفت.. وخاصة ان ليلى ما فيه احد بيبقى معها.. والافضل لعفاف انها تجلس.. وخصوصا بعد الخطبه.. مو حلوه تنط قدامهم من اول يوم..!! ^*^*^*^*^*^*^*^*^ جالسه مع امها.. اللي ما تقدر تطلع معها اليوم تكمل تجهيزات زواجها اللي قريب جدا.. ام سعود : ومن بيروح معك..؟ هند : بأشوف اذا مي بتروح معي.. ام سعود : الله يهديها وترضى.. هند : ما ادري هالبنت متى بتعقل..! ام سعود : بتعلمها دنياها.. مستحيل تظل على هالوضع.. لابد يجيها يوم وتتغير.. هند : وهي وينها الحين..؟؟ ام سعود : يمكن بعدها نايمه..؟ هند : مجنوونه هالبنت تسويها.. لازم تشوفين لك تصرف معها.. ام سعود : ووش تبيني اسوي لها.. بنفسك شايفتها وشلون تتعامل معنا.. الحين وحده طولي..!! تبيني ارجع اربيها من جديد..؟ هند : مو القصد يمه.. لكن فيه اشياء في هالزمن لو الواحد ما ربوه اهله.. هي اللي بتربيه.. ام سعود مستغربه : وشلوون..؟ هند : يمه الحين الوسائل المطوره من مجلات وجرايد الى دش ووولا الى الانترنت.. كفيله بأنها تلغي دور الاب والام بضغطة زر..!! ام سعود : الله يحفظنا.. هند : آمين.. باقوم اشوفها.. يمكن اكسب فيها اجر.. ام سعود مبتسمه : تسوين خير والله.. هههه.. . . فتحت باب غرفتها.. وتفاجأت بها جالسه على الكمبيوتر.. وعيونها شوي وتدخل فيه.. هند : زين صاحيه..!! مي واستغربت من دخول هند المفاجئ عليها : هااه.. هند وتقترب منها : ابدا سلامتك.. بس جيت اشوف وش جالسه تسوين..؟ مي وبدت تقفل بعض الصفحات المفتوحه.. وتحاول تشتت انتباه هند.. لكن هند كانت منتبهه اول ما دخلت عليها.. بس ما علقت..!! مي : ايه.. جالسه..! هند : عارفه انك جالسه.. توقعتك نايمه..! مي : لا للحين ما نمت..! هند : غرييييبه.. تنازلتي عن جدولك اليومي..!! مي : حبيت اغير..؟ هند : أهاا.. وان شاء الله من طلعنا من عند فيصل وانتي جالسه على النت..؟ مي وباسلوب حااالم : تصدقين.. لاول مره انسجم بهالطريقه..! اول مره احس اني ما اقدر استغني عن الانترنت..!! هند بتعجب : وليش..؟؟ مي بارتباك : هااه.. لا.. لاني..مم.. احسه اليوم غير.. هند وهي قايمه : ترانا بعد العشاء بنطلع السوق.. مي : انتي ومين..؟ هند : حضرتك طبعا.. مي : يووووه..!! ما فيني للطلعه.. بنااام.. هند : لا حبيبتي.. عندي بروفه اليوم.. واغراضي للحين ما كملتهم.. وبعدين محد قالك لا تنومين..!! مي وعشان تفتك من حنتها ردت بسرعه : اووكي اووكي.. هند وهي عند الباب : و لا تنسين الصلاة.. ما باقي شئ على الاذان.. وطلعت.. وتركت مي.. تااااايهه ببحر النت.. وراميه كل شئ ورى ظهرها..!! ^*^*^*^*^*^*^*^*^ بوسط غرفتها.. وبجانب سريرها.. والظلام بدى يلف ارجاءها.. جلست العنود ومسنده رجليها لصدرها.. ويديها على راسها وهي ماسكه شعرها كانت تتألم.. تحس كل خليه بجسمها تنطق بالالم..!! ماتوقعت ان اخوها ممكن يضربها او حتى يصرخ عليها..!! والسبب مجهوول بالنسبه لها..!! دموعها هي الوحيده اللي مآزرتها.. وهدوء الغرفه ما يتخلله الا أنينها الخافت.. وعذابها الصامت.. حست بان فيه احد واقف عند راسها.. خافت ترفعه.. وتتفاجأ باخوها جاي يكمل عليها..! اضطرت تبقى على نفس وضعيتها.. لحد ما حست بيد تمتد لها.. وتتعلق فيها.. حست فيها.. ورفعت راسها.. شافتها بكل براء تطالعها.. بنظرات تختصر المسافات الزمانيه والمكانيه..!! العنود ما تمالكت نفسها وهي تجرها لحضنها.. يمكن تكون مصدر الدفء اللي فقدته..! حضنتها.. وبكت بألم.. بكت جرحها النازف.. بكت حزنها المتألم.. بكت طعنة الغدر اللي ظلمتها.. بكت الصدر الحنوون اللي فقدته.. بكت كل معاني الانسانيه اللي توارت خلف ستار الحقد الدفين.. والحسد اللعين..!! بكت.. وبكت وبكت.. وهي حاضنه عبير وشعوور الامان بدى يتسرب لداخلها.. لحد ما حست بيد تمتد وتسحبها منها.. ما قاومت.. شافتها وهي تعطيها الخدامه.. وتطلع بها الاخيره لبرى الغرفه.. وظلت هي مقابلها.. مقابل شخص في عمره ما حسسها بوجوده.. بدت الاسئله تدور بداخلها.. وكأنها تخوّوفها من دخول اختها عليها.. لكن كل تساؤلاتها تبخرت بمجرد ما جلست مها جنبها.. وهي تحاول ترفع شعرها المتناثر حول وجهها البريء.. العنود ما حاولت تقاوم الحناان.. يمكن لانها كانت محتااجه لهالشئ.. لكنها ما سيطرت على مشاعرها.. وفجأة انفجرت بوجهها.. العنود وبألم واضح : مهاا.. الله يخليك قولي لي وش اللي صاير..؟؟ مها وبحنان كبيير مسحت على راسها وناظرتها بنظرات رحمه وهي ترد عليها وتشرح لها كل الموقف.. وبين كلمات مها المتألمه.. ودموع العنود وشهقاتها.. دخلت الفكره لمخيلة العنود.. العنود بعد ما استوعبت.. زاد نحيبها وصراخها : مستحيــــــــل.. مستحـــــيــل الي تقولينه.. ومن اللي وصل هالكلام لابوي.. حراام عليهم.. والله العظيم ما سويت شئ.. ما سويت شئ.. اصلا انا ما عرف لهالحركات.. مها تصدقينهم..؟؟ معقووله فيه نااس بهالوحشيه..؟؟ وليش أنا بالذات..؟؟ وش اللي سويته لهم.. عشان ينتقمون مني بهالطريقه السخيفه..؟؟ مها وما قدرت تتركها تتعذب.. ضمتها لها.. وحاولت تهديها.. لكن العنود كانت تحاول تقوي نفسها.. وهي تدفن راسها بحضن اختها وتشد بيدها عليها.. وكأنها تكذب اللي قاعد يصير.. ^*^*^*^*^*^*^*^*^ بعد ما طلعو اهلها.. رجعت تكرر المحاوله لعل وعسى العنود تفتح جوالها وترد عليها.. ليلى وتطالع حماس عفاف : وش فيك متفاعله مع الجوال.. ارحميه المسكين لك ساعه ماسكته..!! عفاف وبقهر : وش اسوي لها عنيدووو.. للحين مقفله جوالها.. ليلى : يمكن نامت.. عفاف ومعصبه : أي نامت واللي يرحم والديك.. ليلى : ويمكن نسته مقفل.. او انشغلت سبحان الله ترى مشاغل الدنيا ما تنتهي.. عفاف : لا بصراحه سخفتها.. ما توقعت الزعل يوصل لهالدرجه.. ليلى : طيب جربي اتصلي على بيتهم.. يمكن ترد عليك.. عفاف : ما لي الا هالحل.. قامت عفاف تتصل على بيت العنود.. وليلى اللي دق جوالها ردت عليه.. . . . رجعت بعد دقايق.. وهي مستغربه ان ام العنود لما ردت قالت لها ان العنود مشغووله.. كانت بتدخل الغرفه.. وسمعت اختها تتكلم بجوالها.. وشكل اللي متصل زوجها.. ما حبت تخرب عليها الجو.. فاضطرت تطلع للحوش.. كان الجو قريب العشاء.. وكل الدنيا ظلام.. وهي تفكر بالعنود لا يكون صار لها شئ.. او يمكن للحين زعلانه.. بس مو من عوايدها تطوول بالزعل.. دايما قلبها حنوون.. وترضى بسرعه.. ومن جهة ثانيه افكارها تنقلها لبيت عمها.. وتتصور الاحداث اللي ممكن تصير فيه.. وكيف انهم كلهم مبسووطين برجووع عزيز وسلامته.. الا هي اللي فرحتها انقتلت بمهدها.. وكان ممكن تتحول لفرحه غااامره.. وسرور وبهجه.. لكن قدر الله وما شاء فعل.. رجعت لداخل البيت وهي تتمنى هالليله تعدي بسلااام.. ^*^*^*^*^*^*^*^*^ انفتح اللفت وطلع منه فيصل يدف كرسيه المتحرك.. كان ابوه وامه جالسين يتقهوون والسوالف دايره بينهم بهدووء.. ابتسم لابوه ابتسامه وااسعه.. وهو يشوفه يطالعه بنظرات اقرب ما تكون للحب والحنان.. فيصل : السلام عليكم.. ابو سعود : وعليكم السلام.. ام سعود : تعال حبيبي تقهو معنا.. فيصل : لا بس يمه.. مشكووره.. ابو سعود : وشلونك يا ولدي مع العلاج ان شاء الله ماشي تمام.. فيصل : الحمد لله تماام.. ما باقي الا القليل.. ام سعود : الله يقومك بالسلامه.. ويطمنا عليك.. فيصل ويكلم امه : وين هند ؟؟ ما حصلتها بغرفتها..؟ ام سعود : هند في السووق.. بغيت شئ..؟؟ فيصل : لا خلاص.. مو شئ ضرووري.. بس الله يعافيك يمه.. قولي لوحده من الخدامات تفتح المجلس اللي برى.. ابو سعود بفرحه : منتظر احد..؟؟ فيصل بابتسامه : لا مو اللي في بالك.. هذا الله يسلمك عيال الجيران.. باسوي لهم حلقات تحفيظ.. ام سعود قايمه تامر الخدامه : الله يوفقك يا ابوي ويشفيك.. تبغى نحط لكم شئ معين.. فيصل : اللي يجي منك مقبوول..! ابو سعود : هههههههه.. قنووع ما شاء الله عليك.. فيصل : هههههه.. شفت وش حليلي...ههههه.. ابو سعود : ههههههههه.. فرحتهم برجوع فيصل لحياته الطبيعيه كانت ما توصف.. وترجمة مشاعر الصبر والتحمل اللي عاناها الكل بغياب روحه المرحه عنهم..!! ^*^*^*^*^*^*^*^*^ بعد اللمه والجمعه الحلوه.. ام فارس واللي جالسه قريبه من يوسف.. حاولت تبدى بالموضوع اللي ما له داعي تأجيله اكثر من كذا.. ام فارس : ابو يوسف.. ابو يوسف يلتفت لها : سمي..؟ ام فارس : يا اخوي طلبتك لا تردني.. ابو يوسف : ما عاش من يردك.. ام فارس : تسلم يا اخوي.. ابغى في هالاجتماع الحلوو.. اطلب منك يد عفاف لعبدالعزيز.. وان شاء الله ما تردنا.. ابو يوسف ويطالع عبدالعزيز : افا عليك.. كم عبد العزيز عندنا..؟ وانا ما ابغى اكرر غلطتي.. واخلف وعدي لاخوي الله يرحمه.. واحمد ربي انه ما تم شئ لعفاف.. والبنت لك.. ومتى ما بغيت تملك الله يحييك.. سعد بصوت واطي : ابسط يا عم..!! يوسف التفت لعبدالعزيز بابتسامه.. وهو يشوف مزيج من المشاعر يتجمع على ملامحه وكأنه مو مصدق اللي يصير..!! ام فارس : الله يسلمك يا اخوي.. والله الود ودنا لو الملكه اليوم.. بس بما ان عفاف ما جت اليوم.. ( والتفتت لعبدالعزيز ) ما نقدر نقول الا الرأي رأي المعرس.. سعد : وااااااو.. ياااااا كبر هالكلمه عليه..!! الكل انفجر بالضحك على تعليق سعد.. وعبدالعزيز اكتفى بابتسامة امتنان لعمته.. وبعدها بلحظات شاف يوسف وهو يتكلم : اتمنى الملكه تكون بعد خطوبة يوسف.. يوسف : يعني الجمعه..؟ عبدالعزيز بابتسامه : ان شاء الله.. ام فارس : ونعم الرأي.. ومنها نوافق السنه..!! ربي يتمم لكم بخير.. وقفت وكملت : استأذن أنا.. ابو يوسف : جالسين.. ام فارس : يكفيني عااد جلست معكم.. باطلع للحريم.. مو زينه بحقي ما اجلس معهم.. طلعت بتوديع من الكل.. ودعوات محبه من عبدالعزيز اللي مستحيل ينسى هالفضل لها..!! | |||||||||
|
| |
|
25-02-14, 05:33 AM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الحادي والعشرون في لحظة يأس انتهى كل شئ... لكن بمنظار أمل وتفاؤل.. قامت العنود من حضن أختها.. واتجهت للحمام.. غسلت وجهها وعدلت شعرها المبهذل.. لكن تركته مفتوح...! لو بتلمه بتطوول..! مها ومستغربه من أختها : وش بتسوين..؟ العنود : في ايش..؟ مها : مع اهلي..؟؟ العنود باصرار : بتشوفين..!! مها بحذر : بتسكتين..؟ العنود بسخريه : لو اسكت صدقو فيني..! مها : بس ترى الامر مو بالسهوله اللي انتي متخيلتها.. العنود باستغراب : كيف..؟؟ مها وتأشر لها : تعالي اجلسي.. واسمعي كلامي زين.. العنود وجلست بالمكان اللي حددته لها.. مها تكمل كلامها وبهدوء قالت : يمكن هالكلام اللي بأقوله راح تسمعينه مني لاول مره بحياتك.. لكن اللي ما تعرفينه ولا أحد يعرفه من أهلي.. هو سبب طلاقي الحقيقي.. العنود وفاتحه عيونها : وشـو..؟ مها بعد تنهيده : طلاقي كان اكبر غلطة في حياتي.. يمكن يكون تصحيح لمسار خطـأ حطيت نفسي فيه.. لكن مهما كان.. المفروض اني اكبر عقلي واتصرف بهدوء وعقلانيه.. العنود : ماني فاهمة شئ.. مها : الحين افهمك.. يا اختي يا حبيبتي.. فيه مثل يقول.. " اكبر منك بيوم..اعرف منك بسنه " وانا بحياتي الزوجية كنت الاقي من العذاب مالله به عليم.. سب وشتم واهانه.. وفوق هذا غيرة قاتله.. انا ما انكر ان محمد كان معي بتعامله خيالي وحنووون.. لكن امـه الظالمه.. ( وابتسمت للذكرى المؤلمه ) امه كانت المنغص الوحيد لحياتي.. والمقيده لحريتي.. ما تتصورين وش كثر كانت تحقد علي.. وتعاملني باسوأ ما عندها.. تحاسبني على كل صغيره وكبيرة.. وتوقف لي عالطالعه والنازله.. بكل بساطه.. كانت تدور أي سبب عشان تطفشني.. وانا بغبائي.. وبعصبية اخوك العمياء.. اهديت لها زوجي على طابق من ذهب..! العنود وباهتمام : أخوي..؟؟ مها : فهد.. العنود باستغراب : وفهد شدخله بالموضوع..؟ مها : أنــا.. أنا المجنوونه.. كنت اقوله على كل شئ يصير.. وهو بأخوته.. ويمكن حميته.. ما كان يرضى لي المذلة.. لحد ما طاح الفأس بالرأس.. العنود : وشلوون..؟ مها : بيوم كنت راجعه من دوامي.. وما توقعت اني الاقي محمد طلع.. لكن تفاجأت به طالع من الدوام.. وجالس مع امه.. وفي ذاك الوقت كانت عبير صغيره بالمره.. وانا داخله.. سمعت امه تحرضه علي.. وتطلب منه يتزوج.. ليش اني مهمله.. وماني بمهتمه فيه ولا ببيتي.. ولاني ما جبت له الولد..!! العنود : وليش تسوي كذا..؟ مها : يمكن لانها كانت ناويه تزوجه من بنت اختها.. وهو فضلني عليها.. العنود : طيب وش اللي صار بعدين.. ما اتوقع ان محمد وافق.. وطلقك.. مها : لا ما وافق.. لكنه ما رد عليها.. وهذا اللي قهرني.. وخلاني ادخل عليهم بتهور.. واعصب عليهم كلهم.. كنت منعميه.. وما وعيت الا بامه تطردني برى الصاله.. وبرى البيت كله.. وهو واقف ولا كأن الامر يعنيه.. العنود بحماس : وبعدين..؟ مها بالم : ولاشئ.. دقيت على فهد.. اللي حلّف وقسّم.. اني ما ابقى ببيتهم دقيقه وحده.. لو وش ما صار.. الا بشرووط.. اخذت بنتي وطلعت من بيت امه.. الى ما لا رجعه.. وبعد ايام تفاجأت بفهد يقولي انه راح يطلب الطلاق من محمد.. العنود بصدمه : ووافقتي..؟؟ مها تكمل : ما عارضت.. لان شخصيتي في ذاك الوقت كانت ضعيفه.. وما اعرف الصح من الغلط..! العنود : وهو..؟؟ مها : اذا تقصدين محمد.. فأنا تعمدت اجرحه.. العنود : ليش..؟ مها ودموعه بعينه : لانه ما حاول ادنى محاوله انه يكلمني.. او حتى يتفاهم معي.. ويعتذر لي..! حسيت اني بطلبي الطلاق.. باحقق غايتي.. لكن الظاهر ان امه هي الوحيده اللي ربحت.. وكلنا طلعنا خسرانيين..!! العنود : وبعدين وش صار..؟ مها : كل اللي صار اني صرت احمل لقب مطلقه.. والمجتمع ما يرحم.. انطويت على نفسي ايام.. ما اكلم أحد.. ما اروح الدوام.. حتى امي وابوي ما حاولت اشرح لهم الاسباب.. وهالشئ انعكس علي سلبيا.. وصرت انا الخسرانه الوحيده في هالحسبه.. العنود ودموعها تنزل من جديد : وانتي ليش تقولين لي هالكلام الحين..؟؟ مها وتمسك يد العنود وتضغط عليها : لاني عارفه غلاك عند أبوي.. ولو ما وضحتي له انك برئيه.. يمكن يرووح فيها..!! العنود بصدمه : يرووح فيها..؟؟ لالا مستحيل ما اتحمل الحياة من دون ابوي..!! وبعد اكون انا السبب في عذابه.. ووقفت وكملت : بانزل اكلمه.. مستحيييل اترك الوضع كذا.. ما اتحمل انا.. ما اتحمل..!! مها وتمسكها : لحظه.. خليني اقولك حاجه..! العنود وتلتفت لها : وش تبغين تقولين..؟ مها بتردد : فهد.. العنود : شفيه..؟؟ مها : العنود.. ترى فهد في هالمسائل عصبي.. وينعمي على ادنى شئ.. فتجنبيه.. عشان خاطري اذا كلمك لا تردين عليه.. وبنظرة استعطاف.. كانت مها تحاول تحد من انجراف العنود خلف براءاتها.. وخوف الصدام مع طوفاان جاارف من الحميه اللي بفهد..!! العنود هزت راسها بطيف ابتسامه..! قامت مها : ما تنزلين لوحدك.. باروح معك.. العنود : زين.. لكن بعد ما طلعوا.. العنود : مها.. شوي وراجعه.. سكتت مها تطالعها وهي ترجع لداخل الغرفه وثواني وهي راجعه.. مها : وش فيك..؟؟ العنود وتمد يدها لمها : ما فيه احد أأمنه عليها اكثر منك.. مها وتطالع يد العنود : ليش..؟ العنود : على قولتك عصبية فهد عمياء..!! مها بابتسامه : بس ما طلبتي شئ حبيبتي.. خذت مها شريحة جوال العنود من يدها.. ودخلتها بجيب التنورة.. ونزلو لتحت.. ويديهم بيدين بعض..!! ^،^،^،^،^،^،^،^،^،^،^،^،^،^،^ دخلت عفاف للغرفة.. وحصلت ليلى جالسة.. وواضح على ملامحها السعاده.. والفرحه تطل من عيونها... عفاف : ياربي على هالحلاة.. من هالشين اللي كلمك وفرحك بهالشكل..؟! ليلى : لا حدك عااد.. كلش ولا أحمد ما ارضى عليه أنا.. عفاف : أحلىىى يالروومانسية انتي.. وينه يسمعك.. ليلى : لا تخافين عليه.. شعباان.. عفاف : ههههههههههه.. شعبان.. ولا رمضان.. ليلى وتضحك على غلتطتها : هههههه.. عااد لا تمسكين لي على الوحده.. عفاف ودمعت عيونها من الضحك : ههههههه.. ياربي بطني..هههه.. ليلى وتطالعها باستغراب : لهالدرجه النكته تضحك.. عفاف : ههههههه.. ليلى : أجل العنود رضت عليك.. ولا عشان اليوم يحددون ملكتك...و.. عفاف وتقاطعها بصدمه : أيش..؟؟ ليلى وحبت تقهرها : سلامتك ولاشئ.. عفاف وجلست جنبها على السرير : تكفين لووله.. عيدي وش قلتي..! ليلى : تبغين تقولين انك ما تعرفين..؟ عفاف : وش اعرف..؟؟ ليلى : أول جاوبيني.. اليوم ليش ما رحتي لبيت عمي..؟ عفاف وبتوتر : حبيت اجلس معك.. ليلى : هذا السبب المعلن.. ابغى السبب الاساسي..!! عفاف بقهرر : مو لشئ.. ليلى بتعجب : يعني ما تعرفين ان عبدالعزيز رجع خطبك.. ويمكن تتحدد ملكتك قريب.. عفاف بصدمه : لأ.. متى صار كل هذا.. وانا آخر من يعلم.. ليلى : غريبه وين عايشه انتي..! من قبل يطلع عبدالعزيز من المستشفى وهم متفقين.. ومنتهين.. عفاف تتنهد : ياربي شهالورطه..؟ ليلى : وش ورطة انتي بعد..؟ عفاف : اووف ما انتي فاهمه شئ.. واهلي على كيفهم يحددون مصري.. بدون لا يشاوروني ولا يحطون لي.. ليلى : بعد انتي.. وش يشاورونك.. الكل عارف واولهم انتي انكم لبعض ومن زمان..!! عفاف : ووينهم يوم كانو بيزوجوني سامي الزفت..! ما قالو هالحكي.. الحين يوم رجع عزيز.. توهم يتكلمون.. عفاف كانت تتكلم بسرعه.. وبقهر.. وكأنها ما صدقت أحد يفتح لها هالسيره.. كانت مقهووره من قلب.. وما تعرف وشلوون بتواجه عبدالعزيز.. بعد كل اللي صار.. وخاصة انه معتبرها بايعته..!! ليلى : فووفوو.. عفاف بعد ما انتبهت : هااه.. ليلى : أكلمك.. عفاف : وش بغيتي انتي بعد..؟؟ ليلى : لا.. شكل الفيوز عندك ضارب..!! عفاف : وش هالالفاظ اللي تقولينها.. الظاهر هذا تأثير زوجك عليك..! ليلى : عفاف.. هدي اعصابك.. ترى والله ما يسوى عليك.. اللي انتي معصبه ومهتمه علشانه..! عفاف وبعبره وقفت : أي والله ما يسوى.. عن أذنك.. باطلع غرفتي.. تبين شئ..؟ ليلى : سلامتك عيوني..! ^،^،^،^،^،^،^،^،^،^،^،^،^،^،^ لما رجعت أم فارس لداخل البيت قالت لهم عن القرار الجديد.. والكل اكيد استانس.. صار لهم فتره ما فرحو..و انبسطو.. ام فارس وتكلم ام عبدالعزيز : عاد ما اوصيك يا اختي على عفاف.. ولو هي بنت اخوي تراها غاليه.. ام عبدالعزيز : توصيني أنا.. الله يعلم اني ما احب احد كثر عفاف.. دايما احسها قريبه مني.. والله اني تمنيت تكون موجوده اليوم.. ونفرح فيها كلنا.. ام يوسف وتبتسم لام فارس : الله يخليك با ام عبدالعزيز ما تقصرين.. والله يوفقهم لما يحب ويرضى.. ابتسمت ام فارس.. وفكرت تروح تكلم عفاف... وتجس نبضها لكنها اجلت الموضوع الى اجل غير مسمى..!! وعند البنات كانت فرحتهم غير..اخيرا بيصير عندهم زواج بالعايله.. أمل ومتحمسه بالسالفه : انا بفصلي فستانين.. وكل واحد احلى من الثاني.. غاده : وليش ان شاء الله ام المعرس واحنا ما ندري..؟؟ وفاء ودها تضحك.. بس رحمت امل : الا يحق لها.. اخت العروس وبنت عم المعرس.. وكل واحد له فستان.. غاده : الله يعيننا عليها.. كبرتي راسها..! ساره : عادي اصلا.. المفروض نفصل كذا فستان.. غاده باستهبال : يعني كم تقريبا..؟؟ ساره طالعتها بقهر وصدت عنها..!! وفاء : اهم شئ يتوفقون.. ياربي احس اني فرحاانه حيييل.. غاده : آآمييين.. تصدقين ما اتخيل شكل عفاف بالفستان الابيض.. وااااو.. بتطلع جناان.. أمل : غدوو.. خلينا نقول لامي.. تقول لابوي نروح لندن بالصيف.. وناخذ اغراضنا من هناك..! ساره : ياليت..!! غاده : هذي احلامكم.. اجل ما احنا رايحيين..!! وفاء : هههههه.. شفيك عليهم.. خليهم يأملون.. وانتي لاتروحين.. غاده : دا بُعدهم.. أنا اول وحده.. مع اني ما اتوقع اخواني يوافقون.. ولا حتى عفاف... امل بخيبة : ليش..؟ غاده : اقول يمكن...! وفاء : اممم.. ويمكن لان الزواج بعد شهر تقريبا..! غاده : أووفف.. شهر.. وش يمدي عفاف تجهز.. لا حراام.. وفاء : والله ما ادري اذا تغير شئ.. بس اتوقع.. بعد شهر.. هدى داخله عليهم : السلام عليكم.. وفاء بابتسامه : هلاا وغلااا وعليكم السلام.. هدى : تسمحون لي اجلس معكم..؟ غاده : افا عليك تسأذنين من بنات اعمامك.. هدى انحرجت شوي.. لكنها جلست بهدوء بعيده عنهم.. وفاء باستغراب : وش فيك جالسه هناك.. قربي.. بعدما جلست هدى قريب منهم.. كانو يسولفون سوالف بنات.. وتعليقات.. وراح عليهم الوقت وهم يسوولفون.. منى داخله عليهم بغروور : هدى.. يالله بنروح.. وفاء : وينك منى ما جلستي معنا.. منى بدون لا تطالعها : وقت ثاني.. يالله هدى.. باسبقك للسياره.. طلعت منى.. وهدى قامت منحرجه من حركة اختها السخيفه.. ودعتهم وطلعت.. وهي طالعه تفاجأت بأمها واقفه عند مجموعه شباب.. قريب شوي من السياره.. وواضح انهم اولاد عمها.. استحت وما كملت.. ظلت واقفه مكانها.. ام معاذ واللي انتبهت لبنتها : تعالي وانا امك.. تعالي سلمي على عيال عمك.. ما به أحد غريب..!!! هدى بداخلها بدت تغلي : وهذا وقته يمه..؟؟ " تقدمت بهدوء بس علشان تسلم من لسان امها السليط.. وبعد علشان تركب السياره بسرعه... ام معاذ وتكلم هدى : مابه غريب.. هذا مهند وهذا سعد.. سعد بنخوة : حيا الله بنت العم.. شخباركم.. هدى بصوت واطي : تماام.. مهند ما عرف يتكلم وكل اللي طلع معه : ان شاء الله مبسووطين..؟ هدى : الحمد لله.. وعلى طول راحت للسيارة وركبت.. وهي حتى نظرها ما رفعته لهم.. ولا تدري شلون اشكالهم.. كله بس عشان ترضي امها المتجبره..!! . . . "ههههههههههههههه..!!" مهند : يا اخي لا تضحك.. سعد : هههههه.. يا قلبي عليك.. والا مبسووطين.. ههههههه.. مهند : على الاقل احسن منك.. ( ويقلده " حيا الله بنت العم..) سعد : لا ترقعها.. هههه.. يوسف جاي لهم وهو مبتسم : شعندكم مستانسين فرحونا معكم..! سعد : فاااااتك..هههههه.. مهند : ياثقل دمك.. سعد : خففه...ههههه.. يوسف ويناظر مهند : طحت تحت يده اجل.. اكيد ماسك عليك شئ.. مهند : الله لا يطرحك له.. اعوذ بالله غثيث..!! سعد : هههههه.. فااتك بو يعقوب.. ما شفت مرة عمك تناديه يسلم على بنتها.. ووجهه طمامه.. خايسه طبعا.. هههههه.. وجاب العيد.. لو تدري وش قال.. ههههههااي.. يوسف : هااه.. وش قال..؟ سعد : وش خلى بس.. وشلونك..شخبارك.. وعلومكم.. وكيف احوالكم.. والدراسه.. ووين تدرسين وبأي قسم.. وسنه كم.. ههههه.. ولو الهيئه ماره كان خذ فيها اعدااام..!! ههههههه.. يوسف : ضاعت علومه الرجال..؟ مهند : يا نصاب.. الحين كل هذا قلته.. سعد : ههههههههههااي.. مهند : يالزفت.. دايما اسلوبك ماصخ مثلك.. سعد : زده ملح.. ويطلع ولا احلى منه.. ههههه.. ويوسف واقف معهم.. ويضحك على هوااشهم..!! ^،^،^،^،^،^،^،^،^،^،^،^،^،^،^ " إن أصعب ما يواجه الانسان.. أن يجد في داخله بركاناً ثائراً سينفجر.. ولا يجد من يهدئه ويسد فوهته...!!! " بصرخة قال : " لا تحلفين.." العنود وماسكه نفسها لاتصيح : يبه حرام عليك ما تصدقين.. ترى والله ما رحت مع احد.. واذا ما انتو مصدقين كلمو عفاف.. واسألوها.. ترى اخوها هو اللي جابنا من الجامعه..! ام فهد كانت جالسه وساكته.. وتحس بركان يغلي بداخلها.. ابو فهد بهدوء : صديقتك.. اكيد بتغطي عليك..! العنود ووصلت عند ابوها : هذا رايك فيني وفي صديقاتي..!! ابو فهد : واللي شفته بعيني اكذبه..؟ العنود : وشّو اللي شفته..؟؟ ابو فهد : شفته موصلك لحد باب البيت.. تنكرين..؟ العنود : يبه ما انكر.. بس كانت معه اخته.. ويمكن انت ما شفتها ( العنود وحتى وهي تبرر.. حبت تلتمس لابوها العذر ) ابو فهد : مانيب أعمى.. عشان ما أشوف.. العنود : طيب.. ( وبدت دموعها تطيح ) انت يبه اللي وصلتني الجامعه.. وشلون تصدق فيني اني اطلع بدون علمك.. ابو فهد وكأنه انتبه لهالنقطه.. ووشلون غابت عن باله.. سكت ما عرف يرد عليها.. فهد يصفق لها : برااافووو عليك.. شااطره.. نجحتي وبامتياز.. العنود التفتت له.. وكانت تشوف ورى كتفه مها اختها واقفه.. تذكرت كلامها لها.. وما ردت عليه.. صدت ورجعت بتحاول تكلم ابوها.. لكنها تفاجأت بمسكه قويه على عضدها.. شافته.. رجع لوحشيته اللي قبل شوي فوق.. وشافت حركة شفايفه وهو يكلمها بقسوة.. فهد بعصبية وهو شاد على يدها : لما أكلمك.. تردين علي.. ما تسفهيني.. فاهمه..؟؟؟ العنود اكتفت بانها تطالعه.. وكأنها مو مصدقه.. تحس بداخلها قوة كبيره.. تخليها تتحمل كل شئ.. كــل شــئ..!! فهد : لو بريئه.. كنت دافعتي عن نفسك.. مو تستغلين طيبة ابوي ومحبته لك.. عشان تغطين على فضيحتك..!!! العنود كانت عاضة على شفايفها.. ومتحمله.. لو تنفجر فيه مو غريبة عليه يقتلها..!! فهد باستهزاء : هااه.. اشوفك ما رديتي.. لا أكيد عاجبك الوضع.. انتي البطله.. واحنا المتفرجين.. ومتى ناوية تنهين هالمسرحية.. وعشان ينرفزها قال : ولا.. تنتظرينه يجي يكمل الفصل الاخير عنك..!!! العنود ما اتحمل لما قال هالكلام والتفتت له وبقوة مو طبيعيه قالت بعد ما مسحت دموعها : شف يا أخــــوي.. ترى أنا أشرف من الشرف.. ولو بغيت أضيع نفسي ما انتظرت الاذن منك ولا من أشكالك.. تعرف ليش..؟ لان اللي بيضيع ما فيه شئ بيرده.. واللي يخاف ربه.. فالله حاميه.. لو مهما صار اللي قدامه.. لا يمكن ربه يخذله..!! فهد : لااا.. شين وقوي عين.. تردين بعد..؟؟!! العنود بقهر : اجل تبغاني اسكت لك.. يا اخي خاف ربك.. ما سويت شئ.. ولو مسويه وش اللي بيجبرني انكر...؟ فهد يقاطعها : احلى يالقويه.. وتعرفين تردين بعد.. وحاول يمسك شعرها.. لكن كانت يدها اسرع.. ودزته عنها.. وهي تقوله وهي تنتفض بكبرها : سكت لك يافهد.. لكن مو رجولة منك انك تمد يدك على حرمه...!!! ولفت عنه.. لكن ما طولت.. الا وحست بيده تلفها له.. وما انتبهت الا على كف محترم يضربها فيه.. العنود من قوة الضربة طاحت من طولها.. بدون أي حركة.. ومها وأمها ركضو لها.. وأبوها وقف مشدوه يطالعها ممده قدامه.. وفهد قبض يده اللي ضرب العنود فيها.. وبأقوى ما عنده.. ضربها بالجدار اللي جنبه..!!!! ^،^،^،^،^،^،^،^،^،^،^،^،^،^، لما رجعو أهلها للبيت.. ما حست فيهم.. لانها حاولت تنام.. بعد محاولات يائسة علشان تكلم العنود.. وجوالها يعطيها مقفل.. والبيت ما احد يرد.. نامت بدون لا تحس وما قفلت غرفتها.. . . لما رجعو.. على طول طلعت غاده لغرفة عفاف على أساس بتقولها على اللي صار ببيت عمها.. واتفاجأت فيها نايمه.. طلعت وسكرت الباب وراها.. وعلى وجهها علامات الاستغراب.. وتوها قافلة الباب.. شافت يوسف بوجهها.. يوسف بابتسامه : سلام ياقميل.. غاده : اهلييين.. يوسف : وين عفاف بغرفتها..؟؟ غاده بحيرة : نامت.. يوسف : نامت..!! مو من عوايدها.. لا يكون تعبانه ولا شئ..!! غاده : لا ما فيها شئ.. بس شكلها استرخت وما حست بنفسها لما نامت..! يوسف : اهاا.. زين.. راح يوسف لغرفة مكتبه.. وغاده نزلت لتحت.. وتحس نفسها مكتووم.. وكأنها بتستفرغ.. ما تحب هالشعور لما يجيها.. دايما يحسسها بالقلق.. وعدم الراحه..!!! . . . . . باليوم الثاني.. صحت عفاف الفجر.. وتحس راسها ثقيل.. اكيد ناامت كثير مما انعكس سلبا عليها.. نزلت تحت بعدما لبست..وراها محاضرات.. ولازم تشوف العنود وش صار عليها.. عفاف وتحب امها على راسها : صبحك الله بالخير يمه.. ام يوسف : صباح النور والسرور.. عفاف : السواق جهز السياره.. ووين البنات..؟ ام يوسف : مو برايحين..؟ عفاف : ليش..؟؟ ام يوسف : مدري عنهم.. بس يمكن عشان الامتحانات قربت.. ما عاد له داعي يروحون.. عفاف : ايه والله.. انا بعد يمكن اليوم آخر يوم لنا قبل اجازة الاختبارات.. ام يوسف : الله يحفظك يا بنيتي ويوفقك..! طلعت عفاف مع السواق والخدامه.. وبطريقها مرت وفاء بنت عمها.. وراحو ثنتينهم للجامعه..!! . . . . بعد وصولهم.. استغربت عفاف ان العنود ما جت... ووفاء راحت لقاعتها عندها محاضره.. انقهرت عفاف.. وبنفس الوقت خافت.. لا يكون صار لصديقتها شئ.. حضرت محاضرة وحده بس.. وما قدرت تنتظر اكثر.. طلعت للكافيتريا.. وهي جالسه.. بالصدفه مرت البنت اللي نادت العنود امس وقالت لها عن ان السياره ما راح تجيهم.. نادتها عفاف بخجل.. لما وصلت البنت سلمت عليها عفاف وسألتها عن العنود وليش ما جت.. البنت قالت انهم لما مرو بيتهم الصبح.. ما طلعت عليهم العنود.. بس بعدين طلع واحد من البيت اللي جنبهم.. وقال انها ما راح تروح اليوم..!! شكرت عفاف البنت.. ورجعت تجلس.. مستغربة اكثر.. اكيد السالفه كبيره.. بس وشلون تتأكد.. لكن بعد فترة استنتجت ان العنود يمكن انحرجت ليش انها بكره يمكن تكون خطوبتها.. وحبت تغيب..!! بس بقى السؤال المهم.. ليش ما دقت علي او على الاقل قالت لي..؟؟!!! بعد نصف ساعة ما قدرت عفاف تجلس اكثر.. قالت لوفاء انها بتطلع.. بعدين دقت لامها.. ام يوسف : وليش بتطلعين.. خلصتي..؟ عفاف : لا يمه زهقت جالسه لحالي.. باطلع.. ام يوسف : براحتك يا بنتي.. عفاف : طيب يمه ما عليك امر.. ارسلي لي السواق.. ام يوسف : بس تو غاده الحين طلعت معه للمستشفى عفاف : طيب قولي لها تمرني.. ام يوسف : خلاص..بادق لها تمر عليك.. عفاف : طيب.. مع السلامه.. . . . . وبعيد شوي من الطاولة اللي جالسة عليها عفاف.. كانت الشلة جالسة.. وأصوات ضحكهم واصلة لآخر الدنيا..! فاتن : طيب بتطلعين معه مرة ثانية..؟ جميلة : والله حسب... اذا فيه مهمه ثانية.. باطلع.. ليش لأ..؟!! هناء وبتوتر سألت : والعنود وش صار عليها..؟؟ جميله : ههههههههههااي.. وتسأليني.. خلاص انسي وحده بهالاسم.. العنود بـــح.. هههههه.. هناء بخوف : وش سويتي لها..؟؟ جميله : لا عاد تسألين.. ما فيني اعيد هالسالفه اللي تجيب الهم..! هههههه.. فاتن : ههههههههه.. شكلك لايعة نفسك منها.. جميله وباستقذار : واااااو بالـمـــره.. هــم وانزاح من طريقي..!! هيفاء باستهبال : وشلوون..؟؟ جميله : خليها عالايام..!! ههههههههه.. أي على فكرة بنات.. لا تفوووتكم طلعة بكرة.. شئ ما حصلش..!! فاتن : وين..؟؟ جميلة : بالاستراحه اياها.. أصلا ما تحلو الجمعه الا فيها..! هيفاء واقفه : تبغون شئ.. بأروح اجيب حاجه ناكلها..!! جميله : جيبي لي على ذوقك..! فاتن : أنا بأروح معك.. جميله : وانتي هناء..؟؟ هناء : لا بس ما اشتهي..!! فاتن : ما يصير باجيب عصير على الاقل.. راحو البنات.. ولا ظل الا جميلة وهناء لوحدهم..!! وبعد فترة.. هناء بتردد : جميله.. جميله وتلعب بالجوال : همممم.. هناء : ممكن اسألك سؤال.. جميله بدلع : اسألي عيوني.. هناء : انتي ليش سويتي في العنود كذا..؟؟ جميله : ممم.. بصراحه بصراحه.. هناء : ايه.. جميله : بغيت أأدبها..!! هناء بتعجب : تأدبينها..؟؟ جميله : هههههه.. لا بصراحه.. حبيت انتقم منها..!! هناء باستغراب : تنتقمين..؟؟ جميله بفلسفه : ايه.. لان فيه اشياء بالحياة ممكن انك تتغاضين عنها.. وفيه تصرفات لازم لها رد.. والعنود واللي صار لها مجرد رد.. لا اكثر ولا اقل.. هناء : ووشّّـو هالتصرف اللي خلاك تسوين فيها كذا..؟؟ جميله وتطالع البنات جايين لهم.. قالت بارتباك : بعدين.. بعدين اقولك..!! ^،^،^،^،^،^،^،^،^،^،^،^،^،^،^ ترى لمن يركن الانسان ويستريح.. ويشكو ألم الحياة ومعاناتها..؟ لمن يضحـك ويبكـي..؟ لمن يغضب ويثور..؟ لمن يجفف دمعة انحدرت على وجنتيه.. ويضمد له جراحاً تنزف.. ترى من هو الانسان الذي أطلب منه أن يضمني لخوف اعتراني..! ويعانقني لشوق كواني..! كل ما أطلبه.. هو انسان بكل ما تعنيه هذه الكلمة من معانٍ تترجم لكل لغات العالم..!! جلست بمقعدها جنب الشباك.. وهي تودع أرض الوطن.. ودمعتها بعينها.. رضت بحكم أهلها عليها..حتى لو كان هالحكم مؤقت.. ما لها الا ترضى وترضخ لاوامرهم.. انتبهت ليد اختها على يدها.. التفتت لها وعلى وجهها طيف ابتسامه..تعكس الالم اللي يكاد يغرق به قلبها..!! رجعت تطالع أرض الحرمين.. وهي تبتعد عنها بجسدها.. لكن روحها باقية بداخلها.. باقية لاحبابها.. حست بدمعتها حاره على خدها.. لكن ما حاولت تمسح.. يمكن هالدمعه هي المتنفس الوحيد.. بعد الله.. ما لها أمل الا فيه.. وما خاب من كان رجاؤه به..!! التفتت لعبير الصغيرة.. وحست بمعاناتها بفقد الاب.. ولو هو موجود.. ورجعت لتفاصيل الليله الماضية لما طاحت على الارض من كف أخوها.. كانت تحس الدنيا لافه فيها.. والالم بكل خلية بجسمها.. وأختها تحاول تصحيها.. وتراءى لها طيف أمها واقفه جنبها.. لكن امها بسرعه انسحبت لما سمعت ابوها يناديها.. وأخوها طلع بهدوء.. ولا كأنه سوى شئ.. ولا بقى معها إلا أختها.. الا بالاول كانت أبعد وحده عنها.. واللي قومتها بصعوبه.. وطلعتها فوق.. ونومتها بالسرير.. وكمدت لها وجهها بثلج.. وبالاخير نامت معها..!! وبالصبح لما صحت شافتهم يسحبون شنطهم.. ومها تصحيها وتقولها عن قرار ابوها.. وتواطؤ اخوها معه.. انتبهت على احد يهزها.. التفتت.. وكانت مها.. مها وهي تفك الحزام : ما عليش عنوده.. امسكي عبير.. باروح دورة المياه وبأرجع..!! اكتفت العنود بهز راسها بالموافقه.. وكأنها نست اسلوب التخاطب بين البشر.. وخذت عبير لحضنها.. وغمضت عينها ونامت..!! ^،^،^،^،^،^،^،^،^،^،^،^،^،^،^ ركبت السيارة وهي مقهووره من اللي قاعد يصير لها.. وبالطريق قالت عفاف لغاده عن كل شئ.. غاده : غريبه.. لا يكون صار لها شئ.. عفاف : تكفين لا تضيقين صدري زياده.. يكفيني اللي فيني.. غاده : ووش فيك بعد غير هالسالفه..؟ عفاف : سالفه عزيز.. ولا كأني انا اللي بأتزوج.. غاده باستغراب : وانتي ما تدرين..؟؟ عفاف : من وين بأعرف بالله عليك..؟؟ غاده : بهذي معك حق.. بس وش تقولين.. هذا قدرك.. عفاف : الحمد لله على كل حال.. غاده : زين انك جيتي معي.. ما ادري وشلون بيفكون هالجبس.. عفاف وتمزح : عمليه سهله.. مشرط وجراح.. ويقطعون رجلك.. غاده ببلاده : هااه.. عفاف : ههههههه.. امزح معك يالخبله.. شئ سهل والله.. لا تخافين.. بس خسارة ما وقعت عليه..!! غاده : أصلا ما انتي لاقيه مكان.. ما قصرو مهند وبسام.. ما خلو اسم لاعب ولا توقيع الا كتبوه.. ما ادري وش بيقول الدكتور عني..!! عفاف : ههههه.. يا حليلهم..هههه.. دخلت على أمها بالمطبخ بضيقة.. ام سعود : وش فيك..؟ هند تجلس : ما فيني شئ..؟؟ ام سعود : طيب تعالي تعلمي لك شغله تنفعك ببيتك.. هند : وانا ما قهرني الا بيتي هاللي تقولون..!! ام سعود : ليش.. وش الطاري..؟؟ هند : يقول ما جد ان اجازته نزلت.. وتقريبا بعد شهر ونص.. شهرين.. ويبغى يقدم الزواج.. ام سعود : وانتي وش اللي مضيقك..؟؟ هند : تونــااا.. ام سعود : وش تونا عليه.. خلاص انتي الحين تقريبا كل اغراضك جاهزه.. وعادي لو تقدم العرس.. هند بضيقه : لا بس مو الحين..! ام سعود : مصيرك متزوجه الحين ولا بعدين..! هند : حتى ولو.. بعدين ارحم..!! ام سعود : بعدين ارحم.. بنشوف اذا جا بعدين وش بتقولين..؟؟!! هند : يووه.. يمه الحين ابغاك تفزعين معي.. تصيرين ضدي..!! ام سعود : أنا مع الحق.. مدام الرجال عنده إجازه وانتي مجهزه ومنتهيه وشو له الانتظار.. احمدي ربك.. بنت خالتك ما عندها فرصه حتى تجهز.. دراسه وامتحانات وحالتها حاله..!! هند : وش بنت خالتي..؟؟ ام سعود : عفاف بعد احد غيرها..!! الله يعينها هالبنت.. كل شوي سالفه..!! هند : أي والله الحمد الله..!! ام سعود : يالله اجل دقي له.. وقولي له يحدد الموعد مع ابوك.. خلي الرجال يستانس..!! هند بحياء حبت امها وطلعت ركض.. وعلى وجهها ابتسامه واسعه...!!! ^،^،^،^،^،^،^،^،^،^،^،^،^،^،^ بيوم الخميس.. ركب يوسف وأبوه.. وتوجهو لبيت أبو فهد.. وهم بالطريق.. ابو يوسف : لو جايبين أخوانك او احد من اعمامك ماهو احسن..؟ يوسف : ترى ماهي الا خطبة.. وما تحتاج كل هالجيش.. بالملكة ان شاء الله والزواج.. ولا يهمك اعزمهم كلهم..! ابو يوسف : الله يتمم على خير..!! يوسف وعينه على الطريق وبابتسامه : آميييين.. وصلو لبيت ابو فهد.. ويوسف اول ما وقف قدام البيت.. تذكر تفاصيل المشهد اللي قبل يومين.. وعلى وجهه ابتسامه.. لبس نظارته الشمسية.. ونزل مع أبوه.. دق الجرس وما أحد يرد.. استغرب واصل الدق ونفس النتيجه.. ابو يوسف : متأكد أن هذا بيتهم..؟؟ يوسف : ايه.. متأكد.. ابو يوسف : دق ثانية يمكن ما سمعو.. او ما هم فيه..!! يوسف بتوتر رجع يحاول.. لكن لا رد..!! يوسف طلع جواله ودق على عفاف.. عفاف : هلا يوسف بشر.. يوسف : مرحبا.. وش ابشر.. ما امدانا.. المهم.. انتي متأكده انهم موجودين بالبيت اليوم..؟؟ عفاف : هااه.. ليش..؟؟ يوسف : محد يرد على الجرس.. من زمان وانا ادق ومحد فتح الباب.. عفاف : جوالها مقفل والبيت ما يرد من قبل امس.. يوسف : وتوك تقولين.. اففف... عفاف : طيب فيه سيارات عند بيتهم.. يوسف : المشكله انه ما فيه أي سياره..!! عفاف : يوووه.. والحل....... ايه.. تذكرت.. شف البيت اللي جنب بيتهم على طول.. يوسف : أي واحد يمين ولا شمال.. عفاف : يمين اتوقع..!! يوسف : الدبلوكس.. عفاف :ايه.. ابوابها معتقه.. يوسف : ايه شفته.. وش فيه..؟؟ عفاف : هذا بيت أخوها فهد.. يمكن تحصله.. او تلاقي جواب عنده..!! يوسف يتنهد : طيب.. زين زين.. مع السلامه.. ومشى يوسف مع أبوه ودقو باب بيت فهد.. كلها ثواني.. والباب انفتح......... | |||||||||
|
| |
|
25-02-14, 05:36 AM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثاني والعشرون انفتح الباب.. وطلع شاب من هيئته واضح انه مااايع.. ويوسف ابدا ما استلطف شكله.. كان ماسك الجوال يتكلم ومندكج بالسالفه ويضحك.. زياد نزل الجوال : هلا هلا.. ( ورجع يتكلم بالجوال.. بعدين اكلمك حبي..! أوكي؟ ) ورجع يلتفت لهم.. حياكم الله...! ابو يوسف : الله يحيك يا ولدي.. يوسف بلباقة : الاخ فهد..؟؟ زياد بوقاحه : هههههههه.. لا ما نيب فهد..! يوسف بقهرر : طيب هو موجود..؟ زياد بلامبالاة ورافع حاجب : امم.. لا والله فهد بالشركه الحين.. يوسف : أهاا.. طيب اذا ما عليك امر ممكن اعرف ابو فهد وينه..؟؟ زياد بوقاحه : والله علمي علمك.. بس اسأل فهد أكيد يعرف.. وكل هالكلام وهم واقفين بحوش فيلا فهد.. زياد وهو طالع عند الباب : تفضلو..! يوسف بابتسامه ساخره لابوه.. اللي فهم مغزاها.. كأنه يقول " ويـن ندخــل وانـت بــرى..؟! " رجع زياد بعد ثواني.. وكان يوسف منزل راسه ويلعب برجله في الارض.. مــل.. ما ينـــلام..!! زياد ومسوي نفسه متفاجئ : ما دخلتــو..؟؟ تعالو تعالو..؟؟!! ابو يوسف تحرك لداخل.. ويوسف يحس بداخله كهرباء.. زياده على توتره.. يجي واحد مايع يتميلح قدامه... والا حنا بزران يقولنا تعالو..!! وين عايش ذا..؟؟!! دخلوا.. وطبعا تركهم زياد لوحدهم.. وطلع لبرى..!! وبما أن ابو يوسف ويوسف رجال اعمال.. ومعاملين كثير اشخاص.. ما هم تصرفات زياد الصبيانية.. حتى ما سألوه لا عن اسمه.. ولا وش يقرب لفهد..!! . . . . . رجعت تجلس مع اخواتها.. وعلى وجهها علامات الاستغراب.. غاده : وش يبغى يوسف..؟ عفاف بصدمه : يقول محد ببيتهم.. تخيلي..؟؟ غاده : يمكن طالعين زياره لاحد او شئ.. اليوم خميس وما اتوقع احد جالس ببيته الا احنا..!! عفاف : والله انك رايقه.. احر ما عندي ابرد ما عندك..! طيب انا قايله للعنود انهم بيجونهم الخميس.. وما اتوقع تنسى هذي بعد..؟؟ غاده : اهاا.. اجل والله ما ادري عنكم..! عفاف : بس هذا اللي فالحة لي فيه..!! ام يوسف داخله عليهم : عفاف.. ما انتي رايحه السوق..؟ عفاف : ليش..؟؟ ام يوسف : مو بكره ملكتك.. ما انتي شاريه فستان للحفله..؟ عفاف بضيقه : ما له داعـي..!! غاده بصوت واطي : مجنــونــه..!! سفهتها عفاف وما ردت عليها.. ام يوسف ترفع السماعه تدق لامها : براحتك..!! هذا عرسك وانتي ادرى به.. وبعد ما احد بيحضر من الحريم.. ساره وتكلم عفاف : انتي مو اشتريتي فستان لاول مره تحددت فيها ملكتك الاولانيه.. وما لبستيه..؟!! غاده وتبي تقهرهاا : البسيــه انـتــي..!! ساره : والله ما احد كلمك..! غاده بغــرور : لك الشرف تكلميني..!! ساره وما ردت عليها رجعت تكلم عفاف : هااه وش قلتي..؟ بتلبسينه..؟ عفاف قايمه : ما ادري.. بأشوف ليلى.. وراحت لغرفة ليلى بتقولها عن السالفه... وتأخذ رأيها فيها..!! . . . . . " ألـمـــانــيــــــا...!! " كانت الدهشة تعلو وجه يوسف وهو ينطق بهالكلمه.. فهد ويرد عليه ببرود : ايه والله ولما شاف سكوتهم.. كمل : الوالده عندها موعد هناك بالمستشفى.. والوالد خذ الاهل وسافروا.!! ابو يوسف كان ملتفت ليوسف وكأنه يعاتبه.. اما يوسف فما كان مستوعب لأي كلمه سمعها.. غير انهم سافروا لالمانيا.. فهد ويمد يده ليوسف : تقهو.. يوسف ويعطيه الفنجال : متى سافروا..؟ فهد : امس الصبح.. يوسف : ومتى راجعين بالسلامه.. فهد بتفكير : والله حسب فحوصات الوالده.. يمكن شهر يمكن اكثر..!! وتعرف الاجازه مقبله.. يعني معهم وقت..!! يوسف مو قادر يتمالك اعصابه ووده لو يقوم له ويذبحه.. فهد بثقه : الا ما عرفت تبغون الوالد بشغلة ضروريه..؟؟ يمكن اقدر اخدمكم..! يوسف قال قبل يتكلم ابوه : لا..لا.. ان شاء اذا رجع الوالد بالسلامه.. لنا كلام معه.. ابو يوسف قام : يالله اجل يا ولدي نستأذن..؟!! فهد : حياكم الله.. طلعو يوسف وابوه وركبو السياره.. وبهووء فضييع.. ساق يوسف.. وما يتردد بباله الا كلمه وحده.. " ألــمــانــيــا "...!!! . . . . . سمعت رأي أختها.. اللي كان مؤيد وبشده انها تلبس وتكشخ.. هذا ولد عمها هالمره.. مو الغريب..!! طلعت عفاف من غرفة ليلى.. وانصدمت بشكل يوسف داخل للبيت.. وواضح انه متكدر.. ومو على بعضه..!! طاح قبلها.. لا يكون صار للعنود شئ.. قابلته.. لكن لف عنها.. كان بيطلع الدرج.. بس وقفه صوت أمه.. ام يوسف : بشر يا ابوي وش صار..؟؟ يوسف بصوت مبحوح : .........ما صار شئ..!! ام يوسف : وابوك وينه..؟؟ يوسف : راح الشركه..!! عفاف : وشلووون ما صار شئ..؟؟ يوسف : ما شفنا الا فهد..!! عفاف : وابوه..؟؟ يوسف ويمسك شماغه بيده ويفسخه : سافرووو.. عفاف بصدمـــه.. ما قدرت تخفي شهقتها : سافروووا..؟؟ ويـــــن راحووو..؟؟ يوسف وهو يشد على اسنانه : ألمانيــــــا.. تركهم وطلع غرفته بصمت.. اما عفاف فجلست على الكنبه القريبه منها.. وعينها مركزه على غاده.. وكأنها هي اللي قالت لها الخبر مو يوسف..!! أما غاده فهاللحظه بس.. عرفت ان احساسها كان صادق ذيك الليله.. وان الامر يتعلق بالعنود.. وأكيد اللي صار لها شئ مو طبيعي..!! قامت بتكاسل.. ومشت ببطء بحكم انها توها فكت الجبس عن رجلها وما تقدر تمشي بسهوله في الوقت الحالي..! أول ما وصلت عندها وتوها بتجلس.. تفاجأت بعفاف توقف.. وفي عينها دمعه..!! انصدمت غاده.. لهالدرجه عفاف متألمه لصديقتها..!! عفاف وتمسح دمعه طاحت على خدها قالت بصوت متألم : والله بتشوف..!! تسافر ولا تقولي..!! كلــه زعــل.. ما يــســوى عــلي والله..!!!! وراحت تركض لغرفتها ودموعها سيل على خدها..!! وغاده واقفه بمكانها بذهوووول.. ومو مصدقه ان هالكلام يطلع من عفاف..! او انها تفكر هالتفكير الغريب..!!! /:/:/:/:/:/:/:/:/:/:/:/:/:/:/:/:/:/:/:/:/ بعد وصولهم للمطار بالعاصمة الالمانيه.. كانت تنتظرهم سياره بتوصلهم للشقه اللي استأجرها فهد من صديق له يعرفه.. وبيظلون فيها طول فترة اقامتهم..!! وصلو للشقه اللي كانت عبارة عن صاله وغرفتين نوم بحمامين ومطبخ.. شقة صغيره لكن تكفي لاربعه اشخاص.. أبو فهد وأم فهد ومها والعنود اضافة الى عبوره الصغيره.. وأهم شئ تفي بالغرض..! مها بتعب : ياربي حيلي منهد.. بأدخل أخذ لي دش وبأنااااااام.. دخلت بعدما شالت بنتها معها.. ومن بعدها دخل أبوها وأمها للغرفة الثانية.. ولا بقى بالصاله الا العنود.. اللي ظلت عيونها تدور بكل ركن من اركان الشقة الصغيره.. لمحت باب بوسط الصاله.. وشكله مفتوح على بلكونه.. تقدمت منه بهدوء وفتحته.. وفاجأها المـنـظـــر.. كان شئ خيالي.. الخضرة بكل مكان.. ومن بعيد ينشاف شلال مااء.. وجدول يمر عبره الماء وصولا الى الجزء الثاني من المنطقه اللي هم ساكنين فيها.. والاحلى انه كان تحت على طول فيه زي الاسواق أو المحلات التجاريه.. واللي دايما تعج بالناس.. والحركه الدايمه..!! تنهدت العنود بعمق.. والهواء العليل يداعب وجهها.. وهي تتساءل بداخلها.. " وش تكون هالدنيا كلها.. وأنت كأنك مسجون وأنت حر طليق.. غريب بين أهلك.. بعيد عن وطنك وأحبابك.. والامرّ من هذا كله.. أن أحب مخلوفين لقلبك.. زعلانين عليك.. وماخذين بخاطرهم منك..!! " رجعت العنود وقفلت الباب.. ودخلت للغرفة لعل وعسى تقدر تناام.. وتنسى... أو تتناسى همها...!! /:/:/:/:/:/:/:/:/:/:/:/:/:/:/:/:/:/:/:/:/ حست براحة وهي تشوف زوجها يلعب مع عياله.. من زمان ما حست بهالاحساس.. كانت تفتقده.. وتفتقد روحه المرحه.. وجلسته معهم.. ابو فارس وهو جاي لها وهو يلهث من الركض : آآآاههههه.. تعبووني عيالك.. حسبي الله على بليسهم..آآآآهه..آآه.. ام فارس بابتسامه عذبه : اللي يسمعك يقول عيالي لحالي..!! ابو فارس باستهبال : من يسمعني..؟؟ أفا أثرك دبوووس وأنا ما ادري..!!! ام فارس : هههههههههههه.. ابو فارس بتأمل : الله يديم هالضحكه.. ما ادري وشلون كنت بأضيع هالسعاده مني.. بلحظة طيش..!! ام فارس : بس تراك ما ضعت لا ضيعتها.. واللي فــــات مـــات..!! ابو فارس : على قولتك.. الا شخبارك انتي مبسووطه..؟ ام فارس : أنا في قمة السعاده يوم اشوفك انت والعيال فرحانين ومستانسين.. وش ابغى اكثر من كذا..!! ابو فارس : الله يديم السعاده وراحــــة البــال... ام فارس : آميــن.. الله يسمع منك..!! ابو فارس : ووش اخبار الاهل..؟ والاخوان كلهم بخير..؟؟ ام فارس : هههههههه.. وش فيك اليوم..؟؟ شكلك شـــارب شئ..؟؟ وعضت على شفايفها.. وهي تشوف شلون تغير وجه ابو فارس..بمجرد نطقها لهالكلمه..!! ام فارس تبلل شفايفها : عبدالرحمن.. مممم.. والله ما قصدت..؟؟ ابو فارس ما رد عليها.. قام ورجع ينضم لاولاده.. ويحاول يلعب معهم..!! وام فارس جالسه منقهره اول مره تتكلم بدون لا تحاسب على كلامها.. وهي متوقعه انها العاقله.. بلحظه فرح.. نست العقل واستمتعت بالعاطفه..!!! . . . . . غاده بالبيت ضايعه.. ما تدري من وين تجيبها.. من يوسف ولا من عفاف.. وكل واحد منهم مقفل على عمره بغرفته.. ولا تدري عنه.. كانت طالعه الدرج بصعوبه.. وقابلها بسام طالع من غرفته.. بسام : هلاا وغلاااا بغدوووو.. من زمااان عنك..!!! غاده وفاتحه عيونها وتلتفت وراها : تكلمني أنا..؟؟ بسااام : مغبـــره...! أكيد اكلمك.. شخبارك بعد الجبس اللي....(ويغمز لها) ان شاء الله ما جبتيه معك..؟؟ غاده : ييي.. وين اجيبه..؟؟ صاحي أنت..؟؟ الظاهر الامتحانات مخربه عقلك..!! بسام ويضرب جبهته : الامتحانات...!! آآه.. حطيتي يدك على الجرح... غاده : وان شاء الله ما بديت تذاكر..؟ تراكم يالاولاد دواافير.. ما ينخاف عليكم.. بسام : قولي ما شاء الله.. لا انسدح الحين من عينك.. غاده : هههههه.. حلوه تنسدح..!! بس يالله شد حيلك.. ثانوية عامه.. نبيها تبيض الوجه.. واسمك من الاوائل على المملكه..!! بسام : ألــلــــــــه.. الاوائل مره وحده.. خاف أجيب العيد.. وآخذ الاول من ورى..!! غاده : هههههههههه... والله حركه... أما من ورى..ههههههه.. بسام رافع حاجبه : وما دامك فتحتي الموضوع.. ابغاك تساعديني... غاده : اساعدك..؟؟ بسام : ايه.. خابرك دافووره.. وتعرفين تدرّسين..!! غاده : أما دافوره.. كثر منها.. أما اعرف أدرّس.. ففيها نظر..!! بسام : يالله أجل تعالي خذي الكتب.. ولا أقولك انقلي عفشك لغرفتي... ودرسيني.. غاده : الله على الاساليب الجديده للدراسه.. بس أخاف من زود التدريس.. تطلع المعلومات مع أذينك.. ولا ينتفخ راسك.. ويصير وش كبره...!! خخخخ بسام : لايكثر عااد.. كل المسأله.. فيزياء وكيمياء وأحياء ورياضيات وانقلش.. واذا فيه شئ بعد باقوله..!! غاده فاتحه عيونها : حشى كلهن تبين ادرسهن لك... يا حليلي.. حدي أدبي وش جابني لهالمواد..؟ بس تدري... يمكن أفكر.. وأتشاور مع نفسي وأدرسك وطنيه.. تراها أصعب شئ...!! بسام : إي والله نسيتها تصدقين..؟؟ غاده : هههههههههههههههههااي.. بسام : لا تكلفين نفسك ولا عقلك.. الوطنية آخر ما أفكر فيه.. غاده: ليــش..؟؟ بسام : يا حلوة.. لانها بكل بساطه.. ما تدخل بالمعدل.. يعني وجودها وعدمها واحد..!! غاده : أهاا... عااد هذا اللي قدرت عليه.. بسام : والله أني داري أن ما فيكم نفعه..!! غاده وفاتحه عيونها : ولد اللذينا.. ليش تعمم..؟! سمعت غاده صوت أحد يناديها.. وراحت وقفت أعلى الدرج.. وتطالع تحت.. والا امل واقفه.. غاده : هلا.. تناديني.. أمل تصارخ : إي.. تعالي.. أمي تبغاك.. غاده : تراني أسمع.. ما يحتاج هالصراخ كله.. أمل : طيب انزلي.. غاده : طيب.. والتفتت لبسام.. فما حصلته... غريب هالولد.. بلحظه يطلع وبلحظات يختفي...!!! . . . الرد باقتباس اقتباس متعدد لهذه المشاركة الرد السريع على هذه المشاركة {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80 إضافة تقييم لـ روح زايــــد التبليغ عن المشاركة قديم(ـة) 24-03-2011, 11:26 PM صورة روح زايــــد الرمزية روح زايــــد روح زايــــد غير متصل ✿ إدارة الإقسام ✿ روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute روح زايــــد has a reputation beyond repute الافتراضي رد: مأساة بلا دموع / الكاتبة : نور الزمان . . جالسه بغرفتها.. وتحس بألم بقلبها.. ليش كل هذا يصير..؟؟ لما يجي يتحقق اللي أبي..! تضيع مني صديقتي..! تنهدت بعمق.. وهي تمسح دموعها اللي ملت وجهها..!! كان هذا حال عفاف.. وهي تحاول تتصور ليش العنود سافرت مع أهلها بدون لا تقول لها..؟!! وليش بهالسرعه وبشكل مفاجئ..! حاولت تتماسك.. مهما كان مقدار ألمها.. إلا أن حال أخوها راح يكون أشد منها... يوسف صار له شهور وسنين يرفض يرتبط بأي وحده..! ويوم جا هاليوم.. البنت هي اللي تروح من يده..! طلعت من غرفتها.. وتوجهت لغرفة أخوها.. بتحاول على الاقل تعرف منه أي تفاصيل ثانيه.. ممكن أنها تنفعها و تبرر لها موقف العنود المفاجئ..!! طقت الباب.. وما أحد رد عليها.. استغربت.. فتحت الباب بهدوء.. واستغربت أكثر يوم شافت ان الغرفه ما فيها أحد.. توقعت يكون بغرفة المكتب.. ولما دخلتها.. خاب ظنها.. وتأكدت أنه للحين على طبعه الغريب.. لما تواجهه مشكله.. يطلع من البيت.. ويريح أعصابه.. ويرجع أحسن مما كان.. واللي الكل يجهله.. هو مصدر الأمان اللي كان يوسف يحصله.. ويريح عنده أعصابه..!! /:/:/:/:/:/:/:/:/:/:/:/:/:/:/:/:/:/:/:/:/ ببيت أم سعود.. كان أبو سعود جالس مع عياله.. وسوالف وضحك.. وهند تبلغه عن قرار ماجد.. مو جرأة منها.. لكن طبيعه ابو سعود اللينه والمتسامحه.. تعطي انطباع عند اللي حوله بمصارحته بطريقه بسيطه.. وواثقه انه ما راح يفهم غلط..!! ابو سعود : شوفي اللي يصلح لكم وانا ابوك.. وبلغونا.. هند باحراج : باقوله يدق لك.. واتفقوا على كل شئ.. وطلعوني منها.. ام سعود : وتستغنين عن معرفة التفاصيل.. هند توردت خدودها وسكتت.. وقبل لا أحد يتكلم كانت مي داخله.. وجلست لاصقه بأمها.. وكأنها- نفس العاده – تبغى تقول لها شئ وتخاف تردها.. بس ام يعود ما عطت مجال.. بعدها بشوي دخل سعود.. وواضح الارهاق على ملامحه.. سعود يجلس قريب من ابوه : السلام عليكم.. رد الكل السلام.. ام سعود : وش في وجهك متغير..؟؟ تعبان..؟؟ سعود : لا.. شوية ارهاق بس.. مي واللي بدت تتملل : يمــه.. ام سعود بضيقه : خير..؟ مي بتمهيد : بكره ملكة عفاف..! ام سعود : وبعدين..؟؟ مي وتبلع ريقها : بنروح..؟؟ وقبل ترد.. سمعت ابو سعود وهو يقول لولده : ما علينا منهم.. الله يستر على الجميع..!! سعود : أنا اسألك سمعت بهالكلام.. وهو صحيح...؟؟ ابو سعود بتفكير : والله ما أدري.. الله يستر علينا وعليهم.. وقام ابو سعود من مكانه : باطلع عندي موعد.. وانتي هند خلي أخوك يتفق مع ماجد على كل شئ.. ويقولي.. زين..؟ هند بصوت منخفض : ان شاء الله.. مي اللي ما قدرت تتمالك نفسها.. بفضول قالت : وش السالفه سعود..؟؟ سعود تنهد وكلم أمه : بكره ملكة عفاف لعبدالعزيز..؟؟ ام سعود باستغراب : إيه.. سعود بتأمل : الحمد لله.. الله يوفقها.. ام سعود : الحين وش سالفتك..؟ ووش جاب طاري بنت أختي فالموضوع..؟؟ سعود بملل : يقولون.. أن سامي.. اللي كان بياخذ عفاف.. ماسكينه الشرطه..!! ام سعود متفاجئه : ليش..؟ حادث والا وش فيهم...؟ سعود بتهكم : أي حادث يمه الله يهديك..؟؟ لا ماسكينه بقضيه أخلاقيـــــه..!! مي شهقت بصوت غير متوقع..! وهند ظلت متفاجئه.. ام سعود بتأثر : يالله الثبات... الله يستر على المسلمين.. فك الله بنت وخيتي.. الحمد لله.. الحمد لله.. هند : وشلون عرفتو..؟ سعود : علم الشر يبين.. وينتشر مثل النار في الهشيم.. ام سعود : والحين هو بالسجن..؟؟ سعود ابتسم : وهذا اللي قاهرني.. أبوه طلعه بكفاله.. وسفره خارج المملكه.. عشان يغطي على الفضيحه ومركزه الاجتماعي..!!! هند : كنت متوقعه... سبحان الله.. هالواسطات تدخلت في كل شئ بحياتنا..!! مي بملل : يمه.. بأروح السوق اشتري لملكة عفاف..!! ام سعود : ومن عازمك..؟ إذا أنا خالتها مانيب رايحه.. تروحين أنتي..؟؟ مي بتحدي.. وعيونها على سعود : غاده قايله لي تبيني جنبها..؟؟ سعود بعناد : ارتاحي.. ما فيه طلعات لا لسوق ولا لغيره.. والملكة مقتصره على الاهل.. وأنتي غير مرحب فيك..!! مي فاتحه عيونها.. قامت واقفه وشوي وتصيح : أصلا أنتو دايما كذا.. ما تحبوني.. بس تدورون اللي يضيقني.. لو أبوي هنا كان ما سمح لاحد فيكم يتحكم فيني..!! وراحت فوق وهي مقهوره منهم..!! وهند تطالع سعود ومخفيه الضحكه.. وسعود نفس الشئ.. أما ام سعود فظلت تحمد ربها على أنه انقذ بنت اختها من سامي الزفت واشكاله..!!! /:/:/:/:/:/:/:/:/:/:/:/:/:/:/:/:/:/:/:/:/ بغربتها.. كانت تعاني الامريّن.. بعدها عن وطنها.. وزعل والديها..!! التفتت تطالع عبير وهي تلعب على الارض عندها... يمكن هالبنت هي الوحيده اللي تخفف عليها وحدتها وضيقتها.. أما أمها فكانت تحاول ما تظهر اهتمامها قدام اهلها.. عشان ما يجبرونها على العكس.. وهذا بحد ذاته شئ تشكر عليه مها.. كانت تجول بنظرها ارجاء الغرفة.. اليوم المفروض ان يوسف يجي يخطبها..!! دارت تساؤلات وأفكر كثيره برأسها.. وشلون بتعرف عفاف باللي صار.. ووش راح تكون ردت فعلها..!! كانت تتمنى لو فيه كمبيوتر.. كانت دخلت النت وارسلت رساله لعفاف.. وبلغتها باللي صار.. لكن ما بيدها حيله.. واذا ابوها للحين ما ارغمها على شئ.. فهو شئ طيب.. وبوادر صلح جيده.. انتبهت على الباب اللي انفتح.. ودخلت مها وعلى وجهها شبح ابتسامه..!! قالت مها وهي تتابع ملامح وجه العنود : بنطلع..!! العنود ابتلعت غصتها.. ما امداها تتفاءل.. وهذا اول فال لها.. بيطلعون ويتركونها وحيده..! قالت بدون اهتمام : وين..؟؟ مها : قال ابوي ان المستشفى قريب.. ولازم نروح له ونشوف الاجراءات اللازمه.... وسكتت.. العنود فهمت من سكوتها.. أنها انتهت.. لكن لما شافت علامات الحيرة على وجهها استغربت.. العنود سألت : مها.. فيه شئ..؟!! مها بتردد : بصراحه... أبوي يبغانا نطلع... بس.. أنــتــي لأ..!!! العنود منصدمه : يعني....! وما قدرت تكمل.. مها جت وجلست جنبها : العنود.. أنتي عارفه وش كثر غلاك عند أبوي.. ومستحيل ينسى اللي صار بسهوله..! العنود بضيقه : ليش وش اللي صار..؟؟ تقدرين تفهميني..؟؟ إذا اهلي وهم اهلي الي ربّوني ما صدقوني.. تبغين الغرب يصدقون..!! مها : عنوده.. وش الداعي لهالكلام الحين..؟؟ العنود وتحاول تخفي عبرتها : لان هاليوم.. كان بالنسبه لكل بنت حلم.. فما بالك بي أنا.. "حبيبة أبوها " سكتت مها.. ما توقعت العنود بهالصراحه.. سمعو صوت من برى الغرفه.. " يـالـلـه يـامـهـــا تــأخـرنـــا " مها : هذا أبوي.. تتوقعين سمعنا..؟؟ العنود ماقدرت تتحمل.. نزلت رأسها.. وحطت يديها على وجهها.. وبدت تصيح بألم...! مها مسحت على رأسها.. وقامت.. مها : لو شفت بحال أحسن من كذا كنت تركت معك عبير.. أو جلست معك.. لكن أمي تحتاجني معها.. وطلعت من الغرفة.. تاركة العنود وراها.. كتلة من الالم والعذاب البشري..!! /:/:/:/:/:/:/:/:/:/:/:/:/:/:/:/:/:/:/:/:/ كان وصوله لبيت جدته.. هو أمله.. مجرد دخوله لهالبيت يعني نهاية معاناته.. ام خالد بدهشه ممزوجه بفرح : يوسف.. هلااا وغلااا.. ومسهلااا ومقربااا.. يوسف بابتسامه لترحيب جدته : الله يسلمك.. كل ذا لي..؟! ام خالد وتجلس : واذا ما هوب لك.. من هو له أجل..! وبعد ما جلسو وتقهوو.. يوسف : ما أنتي بحاضرة الملكه بكره يمه.. ام خالد : يا وليدي وش لي بالروحه وهي ملكة بس.. لو هو عرس رحت.. ورقصت بعد..!! يوسف : ههههههههههههه.. أفاا.. وبترقصين بعرس غير عرسي..؟! ام خالد : عااد أنت أعرست.. وانا قلت لا..! يوسف : حكمة ربي.. وش اسوي.. ام خالد : الحين انت ما رحت اليوم تخطب..؟؟ يوسف متفاجئ : من قالك..؟ ام خالد بحيا : العصفووورة.. يوسف ما قدر يمسك نفسه : ههههههههههههههه.. وبعد علموك كلامهم..! ام خالد : شفت الدنيا..! يوسف : ايه ياميمتي.. رحت اخطب.. والعروسه طارت.. ام خالد بتعجب : هووّوو... وهي حمامه تطير..؟؟! يوسف مبتسم على الفاظ جدته : لا.. قصدي سافرت.. ام خالد : ياحبني لك يا وليدي.. بدلها غيرها.. يوسف : لا ما بي الا هي..!! ام خالد : الله يثبتنا.. ومن هي ذي اللي ما تبي الا هي..! يوسف بصراحه : وحده من صديقات عفاف.. ام خالد بعد تفكير : عسى ماهيب ذيك المزيونه.. اللي جت بملكة بنت خالتك..! يوسف متفاجئ : وهي جت للملكه..؟؟ ام خالد : والله يا ابوي ما ادري كانها هي.. بس والله انك رجال تعرف تختار..! يوسف بفرحه : حمم.. والله..؟؟ بس سافرت يا يمه.. ام خالد بتقوم : مرد المسافر يرجع... وانا امك.. يوسف قام معها.. وكلامها يتردد بباله.. سلم عليها.. وطلع من عندها بيرجع البيت.. وركب سيارته... وباله مرتاح...!! /:/:/:/:/:/:/:/:/:/:/:/:/:/:/:/:/:/:/:/:/ بيوم الملكه.. ترددت عفاف.. تعدل شعرها.. وتسوي مكياجها بالمشغل.. ولا بالبيت.. فمثل العاده.. راحت تشاور خواتها.. وكل وحده ابدت لها رأي.. فاحتارت أكثر.. والمشكله ان الوقت كان قريب العصر.. وما يمديها تسوي أي شئ.. حتى حجز بالصالون ما عندها.. غاده داخله عليها : هااه وش قررتي..؟؟ عفاف : والله محتاره.. احس اني ضايعه.. غاده : عمتي بتجي الحين.. وشوفي رايها.. عفاف : اذا كذا بدخل اتسبح.. واشوف بعد كذا وش بأقرر.. غاده : اووكي.. انا بانزل تحت.. تبغين شئ قبل انزل.. عفاف : لا مشكووره.. وقبل تطلع غاده سمعت عفاف تسألها : امه ووفاء بيجون..؟؟ غاده ابتسمت : لهالدرجه كلمة " خالتي " ثقيله على لسانك..؟؟ وكملت : ارتاحي ما أحد بيجي الا عمتي.. وطلعت.. وعفاف رجعت تكمل تجهيز نفسها.. . . . . . بطريقهم لبيت اخوها.. كانت ام فارس تفكر انها تعتذر منه على اللي تلفظت فيه بحقه.. لكن اللي هون عليها انه من البارح ما حاول يناقشها بالموضوع.. او حتى بان عليه انه زعلان..!! فعشان كذا.. حبت ان الموضوع ينتهي بسلام.. احسن من المشاده والاخذ والرد على غير فايده..!! وصلوا لبيت ابو يوسف.. ووقف بها عشان تنزل.. ام فارس فاتحه الباب : ما بتنزل معي.. ابو فارس ويطالع قدامه : ما له داعي.. الله يوفقهم.. ام فارس فهمت انه للحين متضايق.. فقالت تلطف الجو : لا تتأخر علي.. اخاف تحلا لي القعده..!! واللي بغته صار.. شافت طيف ابتسامه على وجهه.. وهو يرد عليها بعد ما التفت لها : ما نستغني..! نزلت ام فارس.. وسكرت الباب.. وهو تحرك وعينها تطالعه.. وتدعي ربها يحفظه... . . . . . " لا بالمشغل احسن " كان هذا رأي ام فارس بعد ما عرضت عليها عفاف المشكله.. وبكذا اتصلت بالمشغل وطلبت عامله عشان تجي تعدلها.. . . . وبعد ما انتهت العامله من عفاف.. كانت تبان حلوه.. بملامحها النعومه.. ومكياجها الجنان.. وفستانها الروعه.. جلست مع خواتها وامها وعمتها.. بالصاله بانتظار يتم كل شئ يتم بهدوء.. وتطلع لمصيرها المحتوم.. ومواجهتها المرتقبه مع عبدالعزيز...!!! . . . . بآخر العصر كان الجميع بمجلس الرجال.. والمملك بوسطهم.. وبعد ما تم كل شئ.. كان الوقت تقريبا المغرب.. طلعو للصلاة بالمسجد.. وبعد رجوعهم.. كانت القهوة جاهزه والشباب كل واحد بجهة بسوالفهم.. وابو يوسف منسجم مع اخوه ابو معاذ.. والفرحه مو سايعته.. . . . . . بداخل الصاله.. كان الكل ينتظر واولهم عفاف.. من واحد من العيال يجي يناديها لعبدالعزيز.. عشان يسلم عليها ويبارك لها.. ويجلس معها.. لكن هالشئ ما صار.. قبل العشاء.. دخل يوسف للبيت بسلم على عمته.. لانه للحين ما شافها.. بعد ما جلس يوسف معهم.. ماكان منتبه لعفاف وكشختها.. قالت ام فارس بهدوء : اجل انت جاي تنادي عفاف تسلم على عزيز..!! يوسف باستغراب : انا جاي اسلم عليك.. والتفت يطالع عفاف.. ولما شافها مستعده بزينتها.. قال : بس.. عبدالعزيز رااااااااح.. . . الكل التفت يناظر عفاف.. وعلى وجوههم ارتسمت علامات الحيره.. والالم.. بوقت واحد...!! | |||||||||
|
| |
|
| الكلمات الدلالية (Tags) |
| لمصاب, الزمان, الكاتبة, دموع |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
