آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-09-14, 04:13 AM
| #73 | |||||||||
| نجم روايتي ومشرفة سابقة وفراشة متالقة بعالم الازياء  
|  بسم الله الرحمن الرحيم.. السلام عليكم و رحمة الله وبركاتة.. بداية صارت لي ضجة ع الآسك و هنا ع البارت.. الله يصلحكم.. انا حددت لكم الموعد و ما اخلفت بوعدي.. السبت ما بعد انتهى.. لكنكم من الخميس تنشدون عن البارت.. و عشان اقولكم البارت الجاي بيكون بالويك آند ان شاء الله.. يعني يالجمعة او السبت.. هالشيء يوترني و الله تحسسوني اني متأخرة عليكم.. انا مره خاطري انزل لكم بارتين بالأسبوع بس للحين ما قدرت البارتات صارت اصعب من قبل و تحتاج وقت و احداث و ترتيب.. الأفكار ماهي بيدي و اكتبها.. براسها على ما انسقها على كلام و حوار تحتاج وقت.. غير كذا مرات تطري علي اشياء تخليني ما اقدر اكتب مخي يوقف.. فاصبروا الصبر زين.. اذا فيه تشتت بالبارت او اخطاء املائية العذر و السموحة.. و البارت طووووووووويل تعويض عن الاسبوع كله.. الشيء اللي ابي منكم دعواتكم.. بليـــز محتاجة دعواتكم.. ادعوا لي ربي يكتب لي من الخير و يرضيني.. و ييسر لي التقديم بالوظايف الجديدة.. اتركم مع البارت و الناس اللي ما رديت عليها برد عليكم كلكم.. قراءة ممتعة.. البارت التاسع و الثلاثون.. حتى عطرك مر بالذكرى وشمّيته حنين مدري أشهق عبرة عيوني أو أشهق ريحته !! لـ حمد العيد.. ام عامر : المكان مكانكم يا ام عبدالرحمن لا تختشون من شيء.. ام عبدالرحمن : ما تقصرون يا ام عامر.. لولا ان عماد ماهو ولدنا و انتم مو من عربنا ما كان جينا يمكن انتم ناس معروفين بالطيب يا ام عامر.. ام عامر : ما عليكم زود.. انتم والله منبع الطيب.. ريما جنب جود : متى بيخلص مسلسل التبجيل..؟! جود : أساليهن ما ادري متى لهن ما شافن بعضهن.. من جينا وكل وحدة تفقش على الثانية.. ريما : الحريم الكبار سلاقات.. جود ماسكة ضحكتها : تبيني اتكلم بصوت عالي..؟! ريما : عشان يصلون عليك الظهر باذن الله.. بعدين ما جبت شيء من راسي بالله اسمعي الحكي.. انا جدتي عمرها ما مدحت فيني و يوم شافت وليفتها طلع المدح..؟!! جود : بلاه من رداك ما تمدحك.. ريما التفت لها : ليش انت جدتك تمدحك..؟! جود : لا.. ريما : اجل انطمي.. و الله بس هم كذا الحريم ما يعجبهم شيء.. معقدين انفسهم.. جود : على اساس انتِ مو حرمة..؟! ريما : انا بنت.. فرق.. بين الحرمة الكبيرة و البنت.. جود : اختك شووق وينها..؟! ريما ابتسمت : ليش ويش تبين فيها..؟! جود رفعت حواجبها : بس اسأل..!! ريما : عندك مراسيل هدايا مواعيد ارتبها معاك ترى.. جود : من مين مواعيد مراسيل من سعيدان..؟! عزة الله ما عرفتية.. ريما : ما عليك بس يشوف اخيتي يرسل مراسيل و مواعيد.. جود : طيب نشوف .. ما بقي غير تعلميني بأخي.. المهم اختك وينها صدق..؟! ريما : مستحية هههههههههههه.. جود : ههههههههههههه من جدك..؟! ريما : و الله ويوم درت انكم بتجون قفلت على نفسها الغرفة هههههههههههه مهبولة البنت.. جود : غبية و الله.. على أساس ما نعرفها.. يالله عشان امسكها عليها و بكره اذكرها فيها.. ريما : بالله علمي سعيدان خلينا نطقطق عليه.. جود : اعلمة ويش اقولة..؟! ريما : أي شيء.. لو تألفين من عندك شيء ما صار المهم شيء يكون فيه شوق.. بنشوف تعابير وجة.. جود : و الله جبتيها عاد انا ابي شيء انفس فيه عن نفسي.. ضايق خلقي يا خية.. ام عبدالله : اختاروا الغرف اللي تبون كلها تحت امركم.. كل الغرف اللي بهالدور فاضية الا وحدة لعمتي .. و فوق فيه ثنتين فاضية.. ام عامر : ايه حول الخمس غرف شوفوا شلون توازعونها.. ام عبدالرحمن : ما تقصرون يا ام عامر.. انا مير مالي شدة اطلع فوق.. بنات ابراهيم يأخذن لهن وحدة.. و حريمة وحدة.. و انا و ام مشاري و بناتنا مع بعض.. وحده لام عساف وبناتها.. و وحده لام عمر و بنيتها.. جود بصوت واطي : يقطع ابو التقسيم.. ريما : ما عليك تفقشين و تجين تنامين عندنا.. جود : هذا اللي بسوية.. اهم شيء ابوك ما يتهور و يدخل.. ريما : هههههههههههه لا تخافين اما يدخل.. : ماما انا نزف كل عرفة فوق باقي واحد.. بابا ئماد.. ام ناصر : ليش ما نظفتيها..؟! : بابا مقفل ما يفتح.. عهود : من جدك خالتي من متى عماد يخلي جناحة مفتوح..؟! هنادي : خلاص روحي سالي انا اكلم عماد اشوف اذا يبغانا نظف جناحة.. ام عبدالرحمن : ولدكم ليش شاري هالمزرعة ..؟! ام عامر : شراها عشان يقعد فيها.. له كم سنة مرات ينام هنيا.. و يجلس يومين و يرجع للبيت.. ام عبدالرحمن : ليش ويش عنده هنيا لا جليس و لا ونيس..؟! ام عامر : قلبة غاوي الشقا.. اخذ له فترة لفة بلى من كم سنة ما يداني الناس و لا يبي يشوفهم.. و صار يجي هنا اخذ له كم شهر.. ما غير ابيه و اخوانة يترددون عليه.. ناظرت لجدتها تسمع باهتمام.. قلبها يقولها ان البلى اللي تتكلم عنه جدتها يتعلق بالأدمية اللي جالسة قدامها.. ام عبدالرحمن : و غبني.. وشغلة و أهله.. ام عامر : شغلة قدم اجازة و لا حتى انتظر لين تجيه الموافقة شل شلايلة و جاء هنيا.. و عمه مشى له الموضوع.. تنذكر و لا تنعاد.. ام سعود : يمكن جاتة عين الواحد ما يدري سبحان الله.. ام عامر : لا والله يا بنيتي انه ماهيب عين.. مير قليبة شقيان.. هونوها عليها يا ناس.. هونوها.. جرح .. جرح .. جرح .. جرح .. الى متى بتسمع و تسكت.. ما انكتبت هي باسمة.. و انكتب هو باسمها.. ليش للحين يربطون قلبة بوحدة غيرها.. حتى لو كان هذا الشيء فعلاً ما يحق لهم يحكون دامها صارت على ذمتة.. ناظرت الأرض مقهورة من الموضوع.. لكن ما راح تبين.. انهار و عهود قدامها.. قليبة شقيان عشان انهار..!! ام عبدالرحمن : الحمدلله مير اللي الله سلمة.. ام عامر : الحمدلله.. نهى : وعد قومي نجلس بغرفة ابي انام.. وعد ناظرتها : يمه احنا بناخذ غرفة تحت.. ام ناصر : يمه خلني اجيب لك مفتاح جناح عماد فيه غرفتين و صالة تقعدون فيها.. وعد الجناح اللي انحبست فيه : لا خالة ماله داعي.. بنقعد بأي غرفة ماهيب مشكلة.. وقفت وعد ومعاها نهى تبعنهن خواتهم كلهن عدا جود اللي مبسطة مع ريما.. ام سعود : مير وين بنيتنا شوق ما شفناها.. ابتسمت اميرة : والله جالسة بالغرفة فوق عندها شغلة بتقضيها.. .. بالمجلس مشعل جالس وماد رجولة.. غازي جالس جنبة و يكلمة بهدوء.. عدا ان اخوانة فقط الموجودين مع عماد و عساف.. غازي : ادري انك معصب و وليد اخوك ويحق لك تزعل.. بس ما يحق لك تحمل أي احد الذنب.. انت واحد من اللي يدرون وليد ويش اقدم عليه و ليش.. و عصبت على شيء للحين مو مؤكد.. ما ندري اذا الجثة له و الا لا.. نبي نتأكد.. مشعل : تبي تقنعني ان وليد عايش للحين صح..؟! انا ماني مغفل مثلة اللي سمع كلامك وشوف نهايتة ويش هي.. غازي يصر على اسنانة يكون بمعلومك ما فيه رجل امن يقحم مدني بأي مهمة.. لكن وليد هو اللي عرض نفسة و هو اللي اختار و انا قلت له اذا بتشتغل لازم تكون ضابط سري معنا.. انا ما قلت له شيء يخليه يتهور عديتة مثل ولدي.. ولو عندي ولد ما عزيتة مثل ما عزيت وليد.. لكن مع ذلك انا ما اتبع مشاعري.. عماد : لا تحكم على الموضوع قبل ما نتأكد.. احنا بنأخذ عينة من عمي و من امه.. و نتأكد.. ياسر : شلون بنجيبها من امي.. صعبة.. عماد : هاذي مهمتكم.. حاتم : قولها يا احمد بتسوي تحاليل تطمن عليها.. احمد : اكذب..؟!! دخل ابو سعود : السلام عليكم.. : وعليكم السلام.. ناظر مشعل ساكت : هديت..؟! مشعل هز راسة من غير لا يرفعة و يناظر ابوة.. ابو سعود جلس قريب من غازي : متى بتتأكدون..؟! غازي : بس نأخذ الدم منكم.. ابو سعود : احمد يسحب الحين.. المهم ما تطول علينا.. غازي : بس يسحب الدم منك ومن امه و بيدخلون الشرطيات يحققون مع البنات.. ابو سعود : مو مشكلة.. ياسر كلم ندى و حكها الموضوع وفهمها.. حاتم : يبه بيخافن.. ابو سعود : لا ما يحتاج الموضوع ما يخوف.. .. أسيل اول ما سمعت كلام ندى انفجرت ضحك : ههههههههههههههههههههههههه ههههه.. ههههههههههههههههههههههه ياااربي ههههههههههههههه.. (حطت يدها على بطنها و تلف اصباعها بحركها دائرية) عيدي عيدي تكفين.. ندى : ماني جالسة اضحك .. اقولك بيحقوون معانا كلنا.. وحده وحده.. أسيل فزت واقفة : انا اول وحده تكفون.. وعد : الله يخلف مخك مودع.. أثير : من زمان مودع.. جود : انا مع سوسو و الله الموضوع اكشن.. يعني جايبينا هنا و حاشرينا و حابسينا و الحين تحقيق.. يالله.. أسيل : وينهم الشرطيات انا بكلمهم.. ندى : اريحك جالسين مع جدتي ينشدونها بادين فيها بيمشون على الكل بس ارتاحي.. أسيل : يوووه مطولة على ما يجي دوري بس اسمعن (تأشر على بنات اخوانها) انا عمتكم وحتى لو اني اصغر منكم انا اتقدم عليكم احم.. سهاد : طيب عن ايش بيسألونا..؟! ندى : ما ادري اللي قاله ياسر كلكم حتى حريم عماني و البنات.. صبا برعب : احنا..؟!! أسيل : صباح الخير توك تستوعبين.. صبا : لا و الله مستحيل.. و الله اخاف.. أسيل : خلاص انا ادخل عنك مره أسيل و مره صبا.. ام ندى دخلت : ندى يبونك.. مشت ندى بهدوء.. و الكل يناظر بنوال.. نقلت نظراتها بينهم.. : ايش فيكم..؟! الموضوع ما يخوف.. بس كم سؤال وين كنتم ويش سويتوا بس.. صبا حطت يدها على فمها و انطلقت في صياح .. ام ندى : بسم الله عليك صبا و الله ما فيه شيء بس بيسألون عشان البيت.. عبير : عاد ما لقيتوا الا ام دميعة الجبانة تقولون لها تحقيق..؟!! و الله قوية صراحة زين ان قلبها ما وقف للحين.. ام ندى جلست جنب صبا : استهدي بالله.. ليش تبكين.. شوفي البنات ما احد فيهن بكا.. ندى دخلت : نهى.. و بعدها وعد.. نهى قامت ببرود و خمول.. دخلت الغرفة.. الشرطيتين موجودات.. معاهم ملف يكتبون فيه.. : اسمك.. و عمرك.. نهى جلست : نهى ابراهيم مساعد الـ ـ ـ ـ عمري 25 سنة.. : متخرجة..؟! نهى : ايه.. : وين كنتِ البارح..؟! نهى : باي وقت بالضبط..؟! : الساعة 10 بالليل.. نهى : بالسيارة راجعة من السوق.. : مين كان معاك..؟! نهى : ندى و اللي جابنا اخوي احمد.. هزت رأسها الشرطية بتفهم : طيب بعد ما رجعتي وين رحتي..؟! نهى : بيت جدي.. و الكل كان هناك بدون استثناء.. : طيب وقعي هنا يا نهى.. اخذت الدفتر و نزلتة ع الطاولة الصغيرة و وقعت أي كلام و طلعت قبل لا تنتظر الشرطية تحكي.. و دخلت بعدها وعد.. اللي انصدمت لما شافتهم : هيفاء.. و رانيه.. ابتسمن لما شافنها.. تقدمت و سلمت عليهن.. رانيه : ما توقعنا نشوفك هنا..؟! وعد : ليش حاذفيني من العيلة..؟! رانيه : لا مو قصدي .. بس بعد اللي صار لك بالمشفى على اننا سألنا سيادة العميد عماد وقال انك بخير.. بس ما توقعنا نشوفك مره ثانية.. وعد ضغطى على شفايفها : أنا آسفة ع اللي صار لكم بسببي.. هيفاء : لا تقولين كذا هذا واجب عملنا و كنا نأديه.. الحمدلله ما صار شيء كايد.. و رجعنا نمارس حياتنا طبيعي.. وعد : الحمدلله.. .. نايف : سيدي.. رانيه تقول فيه بنت اخر وحده ماهي راضية تدخل.. الفريق غازي عقد حواجبة : ليش..؟! نايف : ما ادري ماهي راضية انهم يحققون معاها.. ياسر وقف معاهم : ما قالوا لك اسمها..؟! نايف : الا يقولون اسمها .. صبا.. ياسر لوى فمه بقهر : طيب انا اتصرف.. اتجه للباب و طقة بقوة.. : نــــــــــدى.. في الصالة جالسين بنات عامر مع باقي الحريم و الجدات و مريم.. تعدت ندى باتجاة الباب : ايش فيك.. ياسر بحدة : نادي صبا.. ندى اتسعت عيونها : نعم..؟!! ياسر : تبيني اعيد حكيي مرتين.. ام عمر : ويش تبي فيها يا ولدي..؟! ياسر ميز انه صوت مره غريبة يمكن تكون من حريم عمانة و الأرجح مره عمة سعد : يا عمه مأخرة الضباط.. ماهي معقولة بينتظرونها لليل.. كلها كلمتين وتقضي.. سكت يوم سمع صياحها.. : و الله ما سويت شيء انا مالي.. دخل.. ابي بابا.. ابي فيصل.. ام عمر : يمه ويش هالحكي.. ياسر برا و معصب.. اتسعت عيونها و زاد رعبها رعب انطلقت شهقة خوف من قلبها و ترجع تصيح من جديد.. ندى : يا بنت الحلال الموضوع ماهو كبير شوفينا كلنا حققوا معانا ما وحده فينا حتى بكت.. انتِ مكبرة الموضوع.. صبا و صوتها يرجف : ندى و الله ما سويت شيء.. انا مالي .. دخل.. ياسر يمحاولة لضبط اعصابة : يا بنت العم.. التفت للباب و الرعب يزيد ما ينقص.. الأمان يختفي ما يبان.. و الرجفة تزيد ما تنقص.. كمل ياسر وهو يأخذ نفس ما يبي يدخل و يمردغها بينهم : كلها سؤالين و ينتهي الموضوع مثلك مثل غيرك .. معاك خمس دقايق بعدها بيشكون فيك ا نلك علاقة بالجريمة و يأخذونك للمركز << بدا يألف عليها قصص ترعبها ازود و ازود.. مو عشان يقنعها قد ما كان يبيها تخاف اكثر و تصيح.. ندى بقهر : يـــاسر... ياسر وهو يلعب برجلة على رسومات الرخام : تحسبيني اتريق معاك.. كلهم حققوا معاهم و رفضك للتحقيق يبوديك بداهية.. الله العالم شلون يخلونك تحكين بالمركز.. و مين يحقق معاك..؟!! صبا صرخت فيه: بــــس بــــس.. صرخت فيه بس صرخة مبحوخة من البكاء.. صرخة من قلب مذعور بيصير له القلب القاسي الأمان المستقبلي.. قلب صبا و حجر ياسر.. ياسر اللي كان فاتح بالباب شوي عشان يوصلهم صوتة و معطيهم ظهره.. سحب الباب و سكره.. و رجع للرجال و لا كأنه سوا شيء.. صبا تعلقت بأمها : ما تخليني.. تكونين معاي.. ام عمر : بكون معاك ما يخالف.. ام في غرفة تجمع جود و ريما.. سواليفهن كانت مسموعة لأطراف اخرى بدون لا ينتبهن.. ريما : ملل .. متى اتزوج.. جود : هههههههه بكره تزوجين و تجين تشكين من الملل الزواجي.. ريما : خسارة لو ابوك ماهو متزوج اربعة كنت قلت لك تزوجيني اياه.. جود بصدمة تمثيلية : سوري ماني عايفة ابوي.. ريما قرصتها من فخذها : كلبـــة.. جود تفرك مكان قرصتها : انتِ الكلبة.. اما ازوجك ابوي.. ليش فاقدة عقلي و الا فاقدة عقلي.. لو ما بقي بالحريم الا انتِ ما زوجتك اياه.. ريما : اصلاً مين قال ابيه شايب.. بس زوجيني واحد من اخوانك.. جود : نعم!! عندي خمسة و بصراحة بعد ماني عايفتهم.. يعني سعود طار و ياسر طار.. بقي لك احمد و خالد و حاتم ومشعل و وليد.. ريما : اممممم خليني اشوف مين اوسم واحد فيهم و اختاره.. جود : اقول انقلعي.. بس.. ما عاد الا تأخذين واحد من اخواني.. بكره يستقبل القبلة و يدعي علي.. : مين بيدعي عليك..؟! ريما بمرح ولا كن جود تهزء فيها : يا هلا بحرم العميد عماد بن عامر اللي زعلانة منه و كارشتة ههههههههههههههههه.. بصراحة عماد يحزن من غيرك.. وعد تجلس معاهم : يحزن..؟!! ريما : و الله صدق يحزن.. وعد : ما علينا .. ليش ما انتن جالسات مع الحريم..؟! ريما : من جدك انتِ .. ما غير جدتي تهاوش يا عمتي مريم.. يا انهار و تندمها على طلاقها.. وعد الصدمة الجمتها لحظات و نطقت بعدها : انهار تطلقت..؟!! ريما : اوووه من زمان..؟!! وعد : متى زمان..؟! ريما عفست وجهها : اظن من اسبوع كذا.. وعد يعني صارت حره و قدامة عينة : اهاا.. الله يعين.. صليتن و الا للحين..؟! ريما : ما اصليش.. جود : و لا انا.. وعد : ماشاء الله مريحات.. ريما : بالحيل.. شوق : من زمان مريحة بعض الناس لدرجة قلة الأدب.. ريما تناظر شوق دخلت : لا تكذبين لي يومين.. شوق : حكيهم ويش قلتِ لبابا ذاك امس.. ريما انفرطت ضحك وهي تصفق بحماس : هههههههههههههههههه.. جود بحماس : ويش سويتي.. ريما : صحاني لصلاة الفجر امس.. رجعت تلحفت و أقولة غازي اطلع برا ما علي صلاة.. وعد و جود : اووووف.. شوق : قلة الأدب.. بس ابوي ما خلاها.. جود تتمسخر عليها : هاه بشري كم طراق اكلتي..؟! ريما : اما يضربني على ذي.. لا بس شال اللحاف و فتح الشباك و سكر المكيف قال قومي ما فيه نومة عشان المره الثانية تأدبين و انتِ تكلميني.. جود : ههههههههههههههههه و الله انك تجنين ياختي.. ريما : عادي ما قلت شيء غلط .. الموضوع عادي.. شوق مكتفة يديها و تكلم جود و وعد : لا الفالحة قامت تحلطم تقولة انت ما تحترم خصوصيتي.. وعد تناظر ريما : ههههههههههههه شكلك فاصلة.. ريما : ياختي ما نمت بدري يعني عادي ما شلت هم الصلاة.. يجي بابا و يصحيني و من النوم و العجز عشان ما اقوم امثل عليه و اروح اتوضا قلت له ابيه يطلع.. اخر شيء خلاني اقوم غصب و ما رضى اني انام لين راح الدوام.. جود : و الله مأدبك.. شوق تجلس معاهم : ياليته نافع عاد.. ريما : تراك من اليوم تسفلين فيني .. لا تخليني اجيب طاري الفارس المغوار و اخلي وجهك الآن يقلب بحر دم.. شوق اللي بدا وجهها يحمر : انقلعي.. جود : من جدك تستحين منا عشان سعود.. اولا لا على كذا ما راح تجلسين معانا.. بتحبسين نفسك.. ريما تكلم وعد بحماس : طافك اول يوم تسلم على خالتك ام سعود و وجهها كيف كان.. وعد ابتسمت : و الله خسارة ما كنت فيه.. و الا كنا سجلنا هاللحظات التاريخية.. ما عشناها نشوفها بغيرنا.. شوق : و الله لا ازعل اذا بتجلسون تكلموني كذا.. الجهة اللي كانوا يسمعون حكي البنات.. كانوا ساكتين لان مالهم خلق يحكون.. لكن ريما و جود جابن العيد و لا خلن شيء.. سعود و مشعل مع غازي و عماد.. غازي ابتسم وهو يناظر عماد : كان المفروض يا تقفل هالغرفة يالغرفة اللي جوا ما بقي شيء ما سمعناه.. عماد : و الله بنتك الفضيحة.. ما تستحي.. غازي : سوالف بنات.. اقولها لا تحكين.. عماد : المفروض اصلاً بنتك هاذي بالذات.. تقفل لسانها و تعرف ويش بتحكي فيها قبل لا تحكيه دايم وهي جايبة العيد.. سكت عماد وهو يسمعها تسأل وعد عن الحمل.. ريما : انتِ بأي شهر.. وعد : بداية الثالث.. ريما بحماااس : وااااو متحمسة اشوف نجل العميد عماد.. رغم انه ما يستاهل.. بس عشانك و الا هو من زينه اذا طلع الولد عليه فا أكيد بيكون قرد خليهم يشبهون لك.. انفجروا الشباب ضحك على ان نفوسهم قلقة .. الا ان حكي ريما ونسهم.. مع تعابير وجه عماد و ابتسامة غازي المستهزأة فيه.. عماد : قايل لك بنتك يبي لها قص لسان اصلاً.. ليش تبتسم..؟! .. عادي بنتك تحكي و الشباب يسمعونها..؟! غازي : تبيني اقوم امردغها يعني.. مو بس هي.. كلهم يحكون جات على بنتي و الا بس الحقد.. عماد : بنتك منطلق لسانها بقي شوي و تسفل فيك بس.. سكت الاثنين على حكي جود : على الأقل احمدي ربك عندكم سواق.. ريما : من جدك انتِ احنا عندنا سواق بالاسم بس.. بابا حاطة عشان يقولنا انا جبت لكم سواق.. تقولين لهم انا ارجع من دوامي الساعة الفلانية يقول لا ما ترجعين مع السواق لحالك.. مرات اشارك بدورة او شيء بالمدرسة فا نروح لوزارة التعليم احتفالية او مسابقة و نطول و احيان يكون المكان بعيد عن بيتنا تتوقعين بابا يوافق السواق يرجعني يقول لا انتظري لين ما اجيك..أقولة طيب وينك..!؟ بقي شغلة بيدي اخلصها و اجيك.. جود : اخخخ قهههر.. ويش فايدتة اجل..؟! ريما : قلت لك بس اسم عشان لا قلنا له أي شيء نطلبة مثلاً نبي السوق يقول روحو مع السواق مع امكم انتن لحالكن لا.. او يخلي واحد من عيال عم عامر يودينا و كأنهم مسؤولين عنا.. وعد : غريب.. تصرف ابوك.. شوق : لا مو غريب من خوفة علينا و هذا شيء طبيعي.. يعني احنا لحد فترة مو بعيدة كنا ساكنين ببيت عم عامر.. على انه كان عندنا بيت بس تقريباً استقرارنا هناك.. لين كبرنا و اصرينا على بابا ينقلنا لبيتنا.. بالبداية مره كان رافض بس مع الوقت اقتنع يمكن لانه خلاص كبرنا و عيال عمي كبار.. ريما : من جد.. اقناع بابا بشيء تبينه جداً صعب.. حتى لو ابي شيء.. زي مره اتصلت عليه ابي شغلة وهو حضرتة مو فاضي لي كالعادة قال كلمي عمك عامر اذا وافق اوكيه.. قلت ليش من ابوي انت و الا هو.. قال هو.. و سكر بوجهي.. جود : يعني هو قاسي..!؟ ريما : لا.. تعودنا ندوره ما نلقاة.. تعودنا ما يذكر ان عنده بنات الا بالوقت اللي يفضى فيه.. وعد : انتم بناتة و لكم حق فيه و شيء ما يختلف عليه اثنين.. لكن ابوك وظيفتة صعبة الشيء اللي يسوية يسوية عشان بلده و دينة و عشانكم.. انتم افراد من الشعب.. ريما : و انا اكره وظيفة بابا.. اتمنى يشتغل أي شيء أي شيء ما يهمني ويش يكون بس يكون معانا.. ما تخيلون قد ايش يضيق خلقي اذا مره صحيت بالليل زعلانة او متضايقة او خايفة من حلم أي شيء اروح له ادوره بغرفتة تقول لي ماما ما جاء بالدوام..! مره يحز بخاطري.. انقهر على هالشيء.. و انقهر اكثر اذا البنات حكوا ان ابائهم.. ما اكذب اذا قلت اخذ يومين ثلاث ما اشوفة.. و احيان تزيد.. يصادف نومتي وقتة رجعتة للبيت و يا دوب يرتاح و يطلع من جديد حتى قبل لا اصحى.. جود : الحمدلله ان اشوف ابوي كل يوم.. راضية بقوانينة.. ابتسمت شوق : كل انسان يدور على اللي ناقصة.. احيان تكونين مره متضايقة من شيء يصير لك بس حدك تسمعين لشخص يصير له شيء اشد منك ترضين بحالتك و تقولين الحمدلله.. وعد : و انتِ متضايقة من ابوك..؟! شوق : لا.. بالعكس.. صحيح انه احيان اشتاق له بس يجي اجلس معاه.. ما قد طلبتة شيء و قال لي لا.. و قصة انه السواق و كذا هالشيء مو مضايقني لأني ادري ما قال كذا غير من خوفة علينا.. حتى انتقالنا لبيتنا.. ما خلانا ننقل عشان ما يبينا نقعد لحالنا.. خصوصا انه كلنا بنات.. يعني لو احتجنا شيء بأخر الليل وهو مو فيه صعبة عليه يجينا.. يعني الانسان ما يضمن ويش يصير له.. جود : طيب و لينا اختكم.. احسها عادي يعني ما تعترض.. ريما لوت فمها : لينا ما كانت كذا.. انا و هي توأم.. كنا تقريباً في كل شيء مثل بعض.. حتى بالنوم و الصحية كل شيء.. بس مره صار تتش بينها و بين بابا.. بعدها انقلبت لينا 360 درجة.. صارت مثل ما تشوفينها الحين.. أي شيء تقولينه لها تقول عادي ما تعترض ما تسوي أي شيء بالحياة.. و اغلب وقتها بغرفتها.. جود : غريبة..!! و ابوك و هي ما تصالحوا..؟! ريما : هي اعتذرت له و هو قبل اعتذارها.. بس وين لينا..؟! ما ادري.. و للأسف ان بابا للحين ما حس بإن لينا تغيرت.. شوق : لا تقولين كذا.. ايش اللي ما حس..؟! ريما : هذا الصدق ماله داعي تغطين عليه.. صار لها سنتين السالفة.. قد شفتي لينا جالسة مع بابا و تكلمة بأي شيء..؟! طلبتة شيء..؟! صارت جداً سلبية بابا يعطيها الشيء تأخذة.. ما تطلبة أي شيء حتى لو محتاجتة.. ما تكلمة بأي شيء.. شوق : انتِ مكبرة الموضوع مو مستاهل.. يعني بتفهميني ان بابا للحين زعلان..؟! ريما : ما قلت كذا.. قلت ماهو حاس بأنها تغيرت بعد المشكلة.. دخلت ندى : وعد تعالي ابيك.. وعد : طيب.. وقفت و طلعت و استمر النقاش بين بنات غازي على نفس المشكلة.. شوق : انتِ تبالغين.. ريما رفعت حواجبها : انا ابالغ.. بذمتك لينا كانت كذا..؟! شوق : ما ادري.. انا احسها طبيعية.. يمكن عشانها توأمك تحسين فيه شيء غلط.. مو معقول بابا ما راح يلاحظ و لا ماما و لا احنا..؟! ريما : طبيعية..؟! اسألك لالله لينا كانت تنام بدري.. او بالأصح هي تمثل علينا انها تنام كله عشان ما تجلس معانا .. ولاحظي هالشيء اذا كان بابا جالس.. ما تبي تجلس لأنه فيه.. و كأنها ما نست اللي صار.. جود حكت شعرها : ادري لقافة بس تحمست اعرف الخلاف اللي صار لدرجة انه تمر عليه فترة ما ينسي بين بنت و ابوها و خصوصاً ان البنت اعتذرت و الأب قبل اعتذارها.. اما في غرفة جمعت ندى المعصبة بـ وعد.. ندى : للحين صح..؟! تهاوشتي معاه و لا احترمتيني.. نسيتي انه خطبني و ترك.. قلتِ انك ما تبينه.. كان علمتيني بس ان لك خاطر فيه عشان اتركه لك.. ترى ماني ميتة ع العرس عشان اخذ واحد قلبة متيم فيك.. وعد اللي كانت واقفة على الباب من غير لا تلتفت مدت رجلها على وراء و صكت الباب.. : انا ما احترمتك..؟! ايش له داعي كل هالحكي ابي افهم..؟! ندى : تهاوشتي معاه صح..؟! حن قلبك للأيام الخوالي.. وعد هزت رأسها بأسى : كل مره تثبتين لي ان عقلك صغير.. اصحي ركزي على كلامك شوفي ويش تحكين فيه.. عسا فاخر اهتمامي.. و اللي تحكين عنه ما حرك فيني ساكن.. ولو بيتكلم علي ما راح اسكت حتى لو كنتِ على ذمتة مو بس كلمة خطوبة بينكم.. انا ما اسكت عن من يغلط علي.. تقومين انتِ تناديني الحين عشان طالعة حضرتك مفسرة كل شيء على هواك و مزاجك..؟! ندى : لا يا شيخة..؟! بتفهميني تهاوشتي معاه من الباب للدريشة..!؟ صح..!؟ ما بينكم تاريخ يمجد افعالكم المستخبية اللي بالخش و الدس عن العيون.. وعد : ندى ترى من جد مزودتها.. افهمي كل شيء مثل ما تبين.. مو بس عساف حتى فيصل تهاوشت معاه عادي و بابا كان فيه.. ما سويت شيء يخلي مخك التنك هذا يشتغل بالأشياء السوداء..(كانت واقفة قدام ندى وجة لوجة ما يفصل بينهم شيء مدت سبابتها تضغط فيها على كتف ندى) خلي عنك التخلف اللي انتِ فيه.. كبري عقلك قلتها لك و بعيدها عساف ما يعني لي شيء.. ندى : صح.. تبيني اذكرك بالقصيدة اللي تحكي ألمة على فرقاك..؟! عساف ما خطبني الا عارف ان فرقاكم ما وراه رجعة.. قالها.. قالها علميني ليه انا اسأل عليك.. وأنا عارف رجعتي صعبة معاك.. وعد بملل : استغفر الله العظيم.. ويش تبيني اسوي يعني..؟! ندى : بنادي بابا و بقولة ما ابي عساف و ما احد غيرك بيقنعة.. وعد عقدت حواجبها بحدة : خيـــر..!! ندى : أصلاً انا كلمتة يجي.. و قلت له انه هنا.. شوي وبيجي.. ما خلصت كلمتها الا الباب ينطق و ينفتح.. استغرب ان ندى مناديتة و تبيه ضروري.. اما وعد انصدمت!! انحطت بموقف ما تعرف كيف بتصرف فيه.. | |||||||||
|  |
|
24-09-14, 04:14 AM
| #74 | |||||||||
| نجم روايتي ومشرفة سابقة وفراشة متالقة بعالم الازياء
| ابو سعود : السلام عليكم.. : وعليكم السلام.. سكر الباب و تقدم لهن : ايش فيكم..؟! ندى ناظرت وعد : قولي له.. ابو سعود بتعب : لا تكونون متهاوشات.. ترى مشكلة البارح ما بعد انحلت عشان تهاوشن.. ندى تناظر ابوها : البارح وعد تهاوشت مع عساف..؟!! ابو سعود : طيب المشكلة انتهت بأرضها.. ندى : ما يعني لك اللي صار شيء..؟! ابو سعود يناظر وعد اللي صادة بوجهها تنتظر قنابل ندى تتفجر فيها : يعني لي شيء ايش غير قلة الأدب و طوالة اللسان.. ندى تمد لسانها لزاوية فمها وهي تمسك دموعها لا تنزل : من زمان قلة الأدب.. انا من قبل قلت لك.. اني ما ابي عساف.. عساف يبي .. .. وعد.. ابو سعود بملل : استغفر الله العظيم .. ما قضينا من هالسالفة.. ندى : اسمعني طيب.. اسألها.. اسألها عن اللي كان بينهم.. اسألها عن الشعر اللي كتبة بأسمها.. قولها .. خلها تعلمك.. انا ما اتوهم و لا الشيطان يوسوس لي مثل ما تقول.. هذا هي عندك خلها تعلمك عشان تعرف اني انا ما اتوهم.. ابو سعود نقل نظرتة من ندى لوعد الي صادة بوجهها عنهم وما نطقت حرف .. و كأن حركتها تأيد كل شيء.. : شعر!!.. ندى : قولي له.. ما انتِ حافظتها.. بلعت غصتها و جرحت روحها.. علميني ليه أنا أسأل عليك.. وأنا عارف رجعتي صعبة معاك.. بعد فرقانا بقى قلبي يبيك.. عيا نبضة يستقل لحظة بلاك.. كل ما أبعد أحن أكثر إليك.. أمشي قدامك و أحسب اني وراك.. إعذريني كان ما أقدر أجيك.. يبقى طيفي لو تخيلتي معاك.. لو سألتي الورد وهو ما بين إيديك.. أقطعك.؟! بيقول لك: عمري فداك.. لو رجع عمري أبرجع و أبتديك.. إنت أجمل شيء عشتة يا... (شهقت شهقة ألمت قلبها) وعد.. كلمات : سمو الأمير فهد بن خالد بن مشاري آل سعود كان يناظر ندى وجسمها يرجف و تقول الأبيات بآلم.. ألم وصل لروحة و طعنها.. و دموعها اللي نزلت وهي تنطق اسمها اختها.. حس انه الشيء جرحة هو .. بس مو قبل لا يجرح بنتة.. بنتة عرفت قبل و اجبرها و اوهمها انها كلها افكار.. ناظر وعد اللي ما تحركت ما عبرت ما تكلمت.. عكس ندى اللي تتألم.. ناظرت ندى ابوها : ما ابيه.. انت قلت لي اتوهم.. بنتك اسالها.. قولي له.. علميه ويش اللي بينكم.. وعد غمضت عيونها و ناظرت ندى بقوة : انتِ تكذبين الكذبة و تصدقينها.. هالشيء راجع لكر لا تبلشيني بمشاكلك و تفكيرك.. ماني مجبورة اجلس اقنع فيك و اساحلك.. ما تبينه انا ما جبرتك تتزوجينة.. بس ماهو على الطالعة و النازلة ناشبة لي .. تحملي مسؤولية قراراتك.. ما تبينه لا تحطينها براسي.. ارفضي من نفسك.. لا تحمليني السبب.. ماني ناقصتك.. ندى : الله اكبر.. الحين انا صرت اكذب..؟! انا شفتكم بعيوني.. شفتك معاه تكلمين.. شفتك ببيتهم.. لا تحكين علي و كأني مجنونة.. انا اعقل منك.. وعد بحدة و كأنها نست ان فيه طرف ثالث دخل عندهم : لا مجنونة و ستين مجنونة.. ابو سعود احتد صوتة : وعـــد.. سكتت وهي تحاول تكبت بنفسها.. ابو سعود : رجعتي لحركاتك.. قلة ادبك ما تتركينها.. صادقة ندى من زمان قليلة ادب و انا اللي متوقعك كبرتي و عقلتي.. لفت بوجهها له و هي تناظر مقهورة و مستغربة بس ما ردت.. كبرتي..!! عقلتي..!! من زمان قليلة أدب..!! أبو سعود : ويش اللي بينك و بين عساف..؟! وعد وهي تناظر الأرض : ما بيننا شيء.. ما بيننا شيء.. بنتك ماهي راضية تصدق.. ماهي مسؤوليتي.. (ناظرت ابوها في محاولة لإقناعة) لو بيننا شيء ما تركني.. وجدي محيرني له.. أبو سعود : و الشعر اللي قالتة ندى..؟! تنكرينة..؟! وعد ناظرت ندى و سكتت.. تنكره!!! تكذب!!! ظلت فترة مترددة ويش تقول ويش تحكي : كان زمان.. زمان لما ما كنت اعرف انه مجرد انسان ما يقدر ويش يعني مره.. زمان لما كنت بزر.. وهو يبي يتحكم فيني.. ندى : صح بزر.. وأنتِ ثالث ثانوي.. حرام مره صغيرة وين رضاعتك.. وعد انقهرت من ندى كانت تبي تصرخ فيها تهاوش تهزئ توعي.. بس هي تعرف ابوها.. هوشة فيها ندى و وعد.. ندى هي الكسبانة.. رجعوا لهوشات زمان ندى و وعد.. نطقت بهدوء : ماني مجبورة اقنعك.. ابو سعود : بس مجبورة تقنعيني.. وعد : قلت لك كان زمان.. كنت بزر .. ما كنت اعرف انه ما يصلح لي.. و بيأخذني عشان يدفني بالحياة.. أبو سعود : الظاهر صدق اني ما ربيتك عدل.. وعد وهي تشد على بلوزتها و كأنها تبي تشقها نصين من القهر : انا ما غلطت.. ما حست غير بكف.. كف خلاها تراجع خطوة.. ثاني مره.. ثاني مره يضربها عشان بناتة.. ثاني مره يحملها الخطأ و يدافع عنهن.. مره نهى و مره ندى.. ما رفعت عيونها و هي تسمع كلامة.. ابو سعود بحدة : قليتي ادبك حيــــل يا وعد.. ما عدتي تستحين على وجهك و تقدرين احد و لا تحترمين.. توقعتك تكونين تأدبتي بعد اللي صار لك.. لكن ذيل الكلب أعوج عمره ما يتعدل.. الحين خاطرك بيطيب لما خربتي على اختك..؟! .. كان لازم تخلينها تعرف..؟! ماهو انتِ تزوجتي خلاص ليش تسوين كل هذا.. انا ربيتك على الأنانية و الحسد..؟! ويش اللي ربيتك عليه علميني..؟! لأول مره من لقوها تتمنى انها ما رجعت لهم.. لأول مره تتمنى انها ترجع تنخطف من جديد.. بس هالمره ما ترجع.. ما ترجع.. ولا يكون عندها اب يوجع.. و زوج يشك.. و خوات و اخوان ما يتفهمون.. و طفل ينمو.. رفعت عيونها المغرقة : لا ربيتني اني اخذ احقي من كل شخص يغلط علي لكنك ما تشوفيني غير قليلة أدب و ما تربيت.. اللي صار بيننا انا و عساف ماهو شيء ينذكر حتى.. بدليل ما احد درى عنه اصلاً.. ان هي (آشرت على ندى) قرت ورقة فيها كم حرف منه ما يعني تحملني انا الذنب.. هو اللي خطبها و هي اللي وافقت.. و الخطأ طاح علي انا.. دايم ما تعرف تحمل اخطأ بناتك الا انا.. دايم انا اللي قليلة ادب و اللي متمردة و لا احترم و لا تربيت.. (شهقت و هي تحاول تلقط انفاسها وما تبكي قدامهم تداري عبرتها ) عمرك ما فكرت تدافع عني.. حتى لو بالغلط.. ما قد اخذت لي حقي و لا مره وحدة.. حتى عماد يوم اخطأ علي ما سويت لي شيء.. شوف وين جبتني الحين.. جبتني بمكانة وهو طعني بشرفي مو بعيدة انت بعد تكون شاك فيني.. و لا مره حسيت انك اخطيت بحقي.. حتى بزواجي بالرغم من كل شيء ما عاتبتك اعطيتيني مبراراتك تبي تقنعني عشان ما ازعل.. هذا اذا كان يهمك زعلي اصلاً.. ولا مره بحياتك راضيتني.. تبيني أذكرك بكل شيء.. اذكرك ويش سويت.. اذكرك كم مره زعلت و رضيت من حالي.. كم مره تهاوشت مع ندى و وقفت معاها.. تبيني اقولك انك ضربتني قبل هالمره عشان نهى.. وهالمره ندى.. بكره سها وبعده دانه و بعده و بعده..و أنا..!! وعد!!!!! وين موقعها من الاحترام اللي تطالبني فيه..؟! انا مالي دخل فيهم فوق هذا انا فهمتها مره و اثنين و ثلاثة.. ما يعنيني انها وافقت عليه و انت اقنعتها فيه.. طيب صح .. انا كنت كنت كنت احب عساف.. مخي كان تنك و حبيتة و قضينا .. صرت انانية و حسودة وما ابي الخير لها..؟! ليش انا اللي قايلة لها ترفضة..!.؟ هاذي اخرة نظرتك فيني..؟! حكت حكت حكت وهو سمع.. سمع فيض من العتاب حملتة له بكلمتها اشياء كثير تكلمت عنها و عاتبتة عليها.. و بكت.. بكت و طلعت قبل حتى لا يرد عليها.. ناظر الباب اللي تسكر وراها.. غمض عيونة و نزل شماغة و رماها على الكنب.. و جلس.. بناتة.. وليد.. كان يبي يمسكهن و يكلمهن بس سالفة وليد اشغلتة.. تجي ندى و تكلمة و يزيد الموضوع سوء.. ندى : بابا.. ما ابيه.. الله يخليك لا تغصبني عليه.. ابو سعود أخذ نفس : استخيري.. وعد تزوجت يا بابا.. فكري بعقلك.. انتِ اللي بتكونين قدام عساف و بتنسينة كل لعب البزارين اللي كان بينهم.. ندى جلست جنبة : ما ابغاه الله يخليك.. تكفى بابا لا تجبرني.. و الله اني مخنوقة وماني مرتاحة.. ما ابي اتزوج خلاص ما ابي العرس عفتة.. بس تكفى لا تجبرني عليه.. ابو سعود : اسمعيني.. عساف رجال ما عليه كلام.. و مثل ما قالت وعد كانوا صغار.. و الا من جدك وعد بتصلح لعساف..؟! بيتهاوشون الاثنين.. عساف اختارك انتِ عليها.. خطبك حتى قبل لا هي تنخطب.. لو كيد انخطبت بقول عشانها راحت عليه.. لكنه فضلك انتِ.. لا تخلين الشيطان يلعب براسك.. ندى مسكت كفة و باستها : انا استخرت وما ابيه.. لا توقف ضدي.. ابو سعود تنهد بضيقة : ماني واقف ضدك.. بكلمة و اكلم عمك عشان ما يزعل لازم يعرف.. .. وعد تكلم الشغالة بحدة : الآن تجيبينة لي.. : حاضر ماما انا يروح الآن يشوف بابا ئماد.. نهى : ويش فيك طالبة مفتاح الجناح..؟! وعد وهي تداري نفسها لا تبكي قدام خواتها : بس ابيه.. نهى : بيعطيك اياه..؟! وعد : ما ادري.. دخلت ندى الغرفة.. الغرفة اصلاً كئيبة.. نهى وعد سها دانه و ميار.. كلهن كئيبات و لحقتهم ندى عشان تزيد جرعة الكأبة اللي تشع من الغرفة.. و كل وحده صادة عن الثانية.. ندى : بابا يبينا كلنا.. ناظرنها كلهن عدا نهى اللي منسدحة و متغطية باللحاف و وعد اللي جالسة على طرف السرير.. سها : ليش..؟! ندى : يبينا كلنا.. وقفن سها ميار و دانه.. ندى ظلت تناظرهن : و انتن..؟! وعد من غير لا تناظرها : كلمة وحدة معاي ما ابيك تحكين.. (رفعت نظرها) فاهمة.. ما ردت ندى و طلعت قبل خواتها.. اللي ناظرن وعد.. دخلت الشغالة مدت المفتاح لوعد : خدي بابا ئماد يقول ما يمسك سيء بالزناح عسان هو ما يخرب.. وعد : طيب روحي.. نهى : تأخذيني معاك و الا وشو..؟! وعد ناظرت نهى : تعالي.. قامت نهى و طلعت معاها.. في الصالة .. عهود تكلم البنات : ماخذات راحتهن بالمزرعة كنها بيتهم.. شوفن رايحات جايات.. أنهار : من جد.. و لا كأنه مكان جديد عليهن قلة أدب.. عهود : و اختهم هاذيك من اول ما غير صوت ضحكها واصل عندنا.. استغفر الله بس كأنهم اول مره يشوفون مزرعة.. لينا مبتسمة على حلطمة انهار و عهود بدون أي تعليق.. حياة : ويش فيكم خلوهن ينبسطون.. هنادي : اذا بتروحون معاهم ترى عادي ماهن قايلات لكن لا تجن.. أنهار : هه ما بقي الا هي.. أمال (أم شوق) : لينا وين همس..؟! لينا : ما ادري ماما.. أمال : ريمــــــــــــا.. ريمـــــــــــــا.. طلعت ريما من الغرفة : هلا.. أمال : همس عندك.؟! ريما : لا ما شفتها من لما جينا.. أمال : ماشاء الله يا الاهتمام.. البسي عبايتك وشوفيها برا عند أبوك و الا لا.. ريما بحماس السالفة فيها طلعة : ان شاء الله.. رجعت دخلت الغرفة : يالله بنات مين تروح معاي.. أسيل : وين..؟! ريما : يعننا بنشوف وين همس بس بنفتر بالمزرعة.. كلب عماد ما قد عزمنا هنا.. جود : سفلتي بالرجال يا بنت.. ريما : يستاااهل.. ما تعرفونة اقشررر.. أسيل : انا بروح معاك.. جود : طبعا انا بعد بطلق رجيلاتي.. أسيل : انتبهي بس لا تزعل منك لا طلقتيها و ما ترجع لك بعدين.. جود : هههههههههههههه حلوه عمة سماجتك.. بدقايق لبسن ثلاثتهن و طلعن.. سهاد : كيف بنات عمي..؟! أثير : مره الوضع انقلب 180 درجة.. كانن ويش زينهن.. عبير : الله يصلح.. بس هن مره زودنها.. بالأخير طلعت نهى اللي شعلتها تهلوس.. سهاد : وانت صبوي ويش فيك مكتمة..؟! صبا : مرعوبة.. (فكت شعرها) ياسر.. يبيني اوافق.. و انا خايفة منه.. عبير : لا تقولين يبيك توافقين.. انتِ ويش تبين.. مو هو ويش يبي.. الزواج ماهو بالغصب.. صبا : لو حجر علي..؟! تخيلي ارفضة و يحجر علي و حزتها بيأخذني بالغصب و يهاوشني عشاني رفضت.. أثير : حلوه يحجر عليك بأي عصر عايشين هذا كان زمان.. صبا : ما استغرب عليه أي شيء.. و الله يسوي اللي يبيه.. سهاد : طيب انتِ ويش رايك..!؟ صبا : ما اعرف بس خايفة خايفة بشكل ما تخيلونة.. أثير : استخيري.. و قرري.. بتجلسين كذا لا افتكيتي و لا وافقتي.. ما ينفع.. لازم تعزمين.. صبا : بستخير و بقول لماما رائي.. .. ابو سعود : وين جود و نهى و وعد.؟! نجى : جود ما قابلتها مع ريما ما شفتها من جينا.. و وعد و نهى ما ظنتي لهن نية يجن.. ابو سعود يمسح على المركى جنبة : خيــر ان شاء الله.. بس انا ابيكم كلكم.. ما ينفع كل واحد لحاله ابيكم مع بعض.. اما كل وحده بكلمها لحالها ما راح تصالحن.. ميار : ما احنا متهاوشات عشان نتصالح.. بس الارهاق عامل فينا عمايل انا عني مو زعلانة من احد وما غلطت على أحد عشان يزعلون مني.. يعني انا برا المعادلة.. ابو سعود ابتسم : الله يرضى لي عليك.. بس ولو ابيك موجودة.. ميار : طيب متى بتسوي هالاجتماع..؟! ابو سعود : على أساس ابيكم الحين.. بس وعد زعلت و نهى.. كيفها الحين.؟! ولا وحدة ردت!! يقولون له ما ادري..؟!! ابو سعود ناظرهن : ايش فيكن.. كيف نهى..؟! ميار : ان شاء الله انها طيبة.. ابو سعود : كيف يعني ..؟! ما شفتوا حراراتها كيف..؟! ميار : كنا مع بعض.. و كانت منسدحة يعني.. ما ادري و الله.. ابو سعود قلب عيونة : و بعدين.. ويش اللي صار لكن..؟! (وقف) بس تروقن لنا حكي مع بعض.. طلع ابو سعود و بقن هن.. ندى شدت شعرها بقهر : فركشت خطبتي.. انصدمن بكلمتها.. اعتدلن بجلستهن يناظرنها باهتمام .. سها : ليــش..؟! ندى : ما اقدر اعيش مع شخص يبي اختي.. دانه وميار اول مره يسمعن الحكي.. انصدمن بكلام ندى.. دانه همست تردد الكلام : يبي اختك..!؟ ندى : عساف يبي وعد.. البارح تهاوشت معاه قدام الكل.. يسترجعون الماضي بينهم.. ميار : يمكن انتِ فاهمة غلط ندى.. شلون يبي وعد و يخطبك.. .. برا نست ان امها طلبتها تشوف همس عند ابوها و الا لا.. ولهت مع البنات.. ريما : يقهر كلب عماد كلب حارمنا نمتع عيونا بهالجمال.. جود : يا خسارة ليته متزوج اختي من زمان كان جينا هنا.. ماشاء الله احلى من مزرعتنا بكثير.. أسيل وهي تهز الورد و يتمايل : ماشاء الله اللي مسويها تعبان فيها لو منه ما فكرت ابيعها و يأخذها غيري و يتمتع بتعبي و شقاي.. ريما : يمكن فلس و قرر يبيع مزرعتة يسدد ديونة ما يندرى.. أسيل : متأثرة بالمسلسلات انتِ .. صح ما احد يدري ويش اللي حدة يبيع شقاة.. جود : كانه فيه رجال غريبين.. ريما : اكيد تقصدين عيال عم عامر.. جود : شوفوا هذاك الرزة.. شكلة واقف مع ابوك.. ريما : الرزة ابوي و الثاني ما ادري مين.. جود : وجع ابوك اعرفة الرزة اللي معاه .. ابوك مو رزة ابوك رعب.. أسيل رفعت عيونها تناظرهم : ايهم ابوك..؟! جود : الجدار.. أسيل دفتها و لا همها ان الرجال قريب و جود صرخت .. جود تحاول تثبت نفسها لا تطيح : ياااكلبة لو طحت الحين.. ريما : تستاهلين اجل تقولين عن بابا جدار.. جود : مين زينه اصلاً.. أسيل همست : نايف.. ريما : مين نايف..؟! أسيل بلعت ريقها و يدها رجفت.. جود قربت من اسيل : مين نايف..؟! أسيل : نايف.. اللي.. خطبني.. ريما صفقت بحماااس : الله الله .. جود : لقاءات المحبين.. طنشتهم و اتجهت للفيلا بتدخل بسرعة.. ما تحتمل يكون قدامها.. ما حست الا باللي مسكها و شهقت من خوفها : هـــي.. راكان مبتسم : بسم الله عليك.. ويش بلاك مستعجلة.. أسيل بحدة : ماني مستعجلة.. ويش تبي..!؟ راكان : شفتي من عندنا.. سأل عن أمانتة.. أسيل : الله يأخذ امانتك انت و اياه يا كلب.. : استغفر الله العظيم تدعين عليه بالموت.. التفت و شافت بندر ماهي ناقصة راكان و سخريتة يكمل معاها بندر.. أسيل : احسن لكم انقلعوا عني.. و الله لا أصرخ فيهم و اسوي لكم سالفة هنا.. بندر : جربي اصرخي.. ويش بتقولين اخواني يحكون معاي..؟! أسيل متوترة.. قلبها بينفجر من الدم اللي يضخة بقوة.. : انقلعوا عني.. راكان : كل ذا عشانك امانة نويف.. تبيني انادية الحين.. بندر التفت لراكان : أي امانة..؟! راكان مبتسم : اختك المصون خطيبة ذاك اللوح اللي هناك.. بندر : اهاااا و الدعاوي ذي كلها علينا و عليه.. يا عوينتي عليه الله يعينة.. أسيل تضرب رجلها بالأرض : ما يخصك تفهم.. و بعدين انا ما وافقت.. راكان رفع حواجبة : ومين قال ناطرين موافقتك.. يا حبيبتي تدرين انه مملك عليك من زمان ما يحكي فيها اثنين.. يعني لو بيأخذك الحين ما احد بيقولة عينك براسك.. أسيل : تخسى انت و إياه.. : مين اللي يخسى.. اخوانها الاثنين هم اللي يشوفون عيونها اتسعت بصدمة من نبرة صوتة.. تصلب جسدها ما قدرت تخطي خطوة وحده للأمام عشان تقصر المسافة بينها و بين الفيلا.. و لا قدرت تلتفت له و تشوفة.. حتى يوم ملكتهم ما شافتة.. يوم ملكتهم كانت ثاني متووسط لما ارتبط اسمها باسمة.. بعد سلسلة هوشات هو اللي كان منتصر فيها.. و لما خطبها بالأول رفضت لكنها وافقت تفكيرها الصغير خلاها توافق عليه عشان تنتقم منه.. لكن كان في قلبها شيء ثاني بزاوية بعيدة كل يوم يأخذ خلية من قلبها و يكبر و يكبر.. حست فيه وقف جنبها.. و حست من نبرتة انه مبتسم : مساء الخير.. راكان و بندر : انفجروا ضحك على عيونها اللي تتسع و تضيع مع كل نفس تأخذة و تزفرة.. نايف التفت لها : طالت الغيبة.. أسيل رمت كل احاسيس قلبها اللي تتحكم فيها و كل رعشة جسدها تجاهلتها و ناظرت فيه.. ما طاحت عينها الا على بقايا جرح بجبنة بصمة للي سوتة فيه.. ابتسمت من وراء النقاب بانتصار و كأنهم وصلوا اخر المعركة و اخذت لقب الفوز : وين الغنايم..؟! نايف : قريب بتوصلك ان شاء الله يا زوجتي العزيزة.. أسيل عفست وجهها على الكلمة : اهم شيء تسوى.. نايف مسكها من معصمها و سحبها قدامهم.. و ابعدها فيها عنهم.. و راكان و بندر انقهروا.. بندر : كلب ما خلانا نشوف ويش بتسوي اختك كني اتابع فيلم.. راكان : افلام.. شفت الخياط اللي بجبهتة من اختك.. بندر : اوفف شلون..؟! راكان مره هاوشها مسكت حجره وفقشتة من جبهتة.. ما مر اسبوع الا خطبها هههههههههههههههههه.. بندر : ههههههههههههههههههههه ياااربي ويش التفكير ههههههههههههههه.. تقدم عساف : نايف مين مأخذ..؟! بندر : لا تترع أسيل زوجتة.. عساف : نعــــم..!!!! عند الرجال كان يدور نفس الحديث تقريباً.. مشاري : و صار لهم مملكين كم سنة ينتظرها لين تتخرج.. ابو عبدالرحمن : وراى ما قلت لنا من بدري.. مشاري : ما صارت فرصة.. و خفت تشوفونة يكلمها و الا شيء و تفهمون غلط.. بس هي زوجتة على سنة الله و رسولة.. ابو عساف : الله يوفقهم.. بس خطبتهم طالت.. بس تخرج من الثانوي يتزوجون ماله داعي ينتظرون.. مشاري : لا خلها لين تخرج من الكلية.. ابو عبدالرحمن : ويش تخرج من الكلية.. الحين يجي نحاكية وشولة يخطب البنت و يخليها عندنا.. خلاص كبرت مالازم تدرس.. ابو عمر : يبه ماهو قصة كبرت.. بس المسؤلية اكبر ولازم تأخذ الشهادة اول و تضمنها.. فيصل : فعلاً يبه اهم شيء الشهادة.. اذا عنده استعداد يتحمل انه تدرس و بيتحمل لين تخرج عادي.. وهي بعد لازم نشوف رايها.. ما ينفع كذا نحملهم شيء فوق طاقتهم.. ابراهيم : يبه.. التفت خالد لولدة : نعم..؟! ابراهيم : بروح اتمشى بالمزرعة.. خالد : شوف فارس و مؤيد و رند يلعبون هناك روح معاهم.. ابراهيم : ماني بزر العب معاهم.. ابي اشوف المزرعة ويش فيها.. عماد : كفووو.. انا بسوي جولة بأخذة معاي.. خالد يناظر ولدة : تسمع كلام عم عماد.. و لا تراددة في شيء.. ابراهيم وقف : ان شاء الله.. عماد : تعال بيسمع الكلام ما عليك بس.. ابو سعود يكلم اخوه عبدالرحمن : ابيك بسالفة.. عبدالرحمن : خير يا اخوي كنك ما انت على بعضك.. وقف ابو سعود .. و وقف معاه ابو عساف.. و ابعدوا عن المكان بعد ما اشر ابراهيم لعساف عشان يلحقهم.. عبدالرحمن : خير ان شاء الله ويش بلاك..؟! ابو سعود : و الله يا اخوي ما ادري ويش اقولك.. انت تدري ان العرس قسمة و نصيب.. (ناظر عساف) و عساف ما ينعاب.. لكن قلبة ماهو خالي.. و ندى عرفت و ما تبي تكمل بهالزواج.. عبدالرحمن : كيف قلبة ماهو خالي..؟! عساف ما تكلم.. ما عنده شيء يقولة.. ابو سعود : قلبة متعلق بمره.. والله لو جات علي لا اعطيه اياه بس ندى ماهي راضية ومالي حيلة اغصبها لان هالمره اختها.. لو هي مره ثانية كنت اقنعتها.. بس كل مره تقول لي اختي ما ادري ويش ارد عليها.. ابو عساف : يا اخوي ويش تحكي..؟! ويش اللي قلبة متعلق باختها..؟! عساف تكلم..؟! ويش هالحكي..؟! عساف : ما عندي شيء اقولة.. كان زمان هالشيء .. وماهي راضية تتأقلم معاه.. اللي يريحها تضل بنت عم عزيزة و غالية.. مشى قبل لا ينتظر تعليق ابوة او عمة.. ابو عساف يناظر اخوه : ويش السالفة يا اخوي ماني فاهم شلون عساف يبي وحده من بناتك غير ندى.. ما غصبة يخطبها هو اختارها من نفسة.. ابو سعود : ما ادري يا اخوي شكلهم تهاوشوا و احنا ما درينا عن شيء من الأساس.. و عساف بعدها بكم سنة خطب ندى.. لا تزعل يا اخوي.. لو هو بكيفي ما كنت عطيتها الا لعساف.. ابو عساف : معذور يا اخوي.. لو كنت مكانك سويت نفس ما سويت.. ماهي هينة تجبر بنتك على رجال يبي اختها.. لو يبي مره ثانية عادي.. لكن اختها.. ما عليه.. عند غازي و عساف اما سعود جالس مع اخوانة و لا تدخل بامور الأمن ابداً من وقت ما جوا بالمزرعة و لا راح يتدخل دام الفريق غازي ابعده لفترة.. و عماد راح يسوي جولة و اخذ معاه ابراهيم.. و نايف سحب اسيل و ما رجع.. غازي : خذها و ودها للمركز.. و النتيجة جيبها مع راشد.. ابي الاجتماع بالليل هنا.. عساف اخذ عينة الدم المسحوبة من ابو سعود و ام احمد : تأمر.. الفريق غازي : لا تأخرون عساف.. و جيب لي معاك عزام و راشد.. عساف : ان شاء الله.. الفريق غازي : و انتبة لنفسك سلاحك لا يبعد عن عينك.. عساف : ان شاء الله ما علي خوف.. اما أسيل و نايف.. أسيل معصبة و نايف ما كأنه في مهمة أمنية و جاي عشان تحقيق.. أسيل : تأكل تبن تفهم.. نايف : ان شاء الله بوكلك اياه قريب.. تأدبي لا تخليني اعصب عليك.. أسيل جلست على الأرض : اسمع.. انا و انت ما نصلح لبعض.. خلاص انت روح تزوج و انا اتزوج لي واحد يحبني.. نايف جلس جنبها و شد على كفها بقوة و كأنه بيفتتها بيدة : انتِ لي.. وما خطبتك صغيرة و ملكت عليك عشان الحين تقولين تتزوجين واحد يحبك.. أسيل وهي تتحمل الألم على كفها ما تبي تقولة انه يعورها .. لانها تعرف انه متعمد يألمها : ما اشوفك علقت على انك تتزوج..؟! نايف نزل نظارتة الشمسية على عيونة و برزت ابتسامتة اكثر : يحق لي اتزوج وحده و ثنتين و ثلاث عليك.. اسيل مدت كفها الثانية تضرب كفة اللي تضغط عليها : و الله اذبحك.. تفهم.. اصلا انا فقشت وانا بالمتوسط يعني خلاص وصلت لمرحلة اجرامية اعلى.. بغرس السكين وسط صدرك لو تفكر بوحدة غيري.. بانت صفة اسنانة و اطلق ضحكة تزيد قهرها وهي تحاول تفلت نفسها منه خبلة ما تغيرت أي شيء بتسحبة منه تقدر بكل سهولة اذا عصبت فيها و ضغطت عليها بطرق ما يعرفها الا اللي معاشر أسيل و يعرف شلون يسحب منها الحكي اثار غيرتها عليه بكل سهولة خلاها تفضح شيء بقلبها مخبى له.. وقف عن الضحك لكن ابتسامتة ما زالت : تحبيني..؟! أسيل رجف جسمها لدرجة توقعتة حس فيها لانه شد على كفها اكثر : ما عاد الا هي.. نايف : ليش غرتي طيب لما قلت لك بتزوج عليك.. أسيل : هذا اللي ناقص تاخذ علي مره.. انا ما اجتمع مع غيري.. تبي تزوج روح شوف البنات ماليات المكان و خذ اربع منهن بعد.. لا انا غير.. نايف : اكيد غير و الا فيه بنت عاقلة هادية حليلة تطلع بنص الليل بتسير على جيرانهم و تفقش خطيبها من راسها.. أسيل : كل تبن ماهو نص الليل الساعة عشرة.. لا تلفق و تخرب سمعتي.. ومين قال انك كنت خطيبي.. كنت ولد جيرانا واحد مليق و قليل ادب و عصبي و ينرفز و الدم اللي نزل من راسك قليل عليك.. مد يده اليمين للجرح بجبينة : صح قليل ثلاث غرز بس.. أسيل : ليش خطبتني بعدها.. ما مر عليها اسبوع و خطبتني.. نايف : تتوقعين ليش..؟! أسيل : عشان تفقشيني.. و الله لا اضربك و اذبحك بعد.. نايف : استغفر الله انا شكلي بحطك بالسجن ويش ذا ما عندك غير الذبح.. تراك تهددين رجل امن.. بكلمة الحين انومك بالمركز.. أسيل تأخذ الموضوع ببساطة عشان تقهرة مثل ما جلس يلعب فيها من اليوم : على شرط بمكتبك.. عشان يقولون جايب زوجتة معاه.. نايف ابتسم بخبث : بيقولون ما يقدر يستغني عنها رومانسي و يحبها و يخاف عليها بيداوم و هي معاه.. أسيل ترجع تضربة من جديد على كفة عشان يفلتها : ان شاء الله رئيسك يفصلك يااارب.. اتركني .. اتركني ترى بذبحك.. .. محمد و يوسف واقفين و يتفرجون على البزارين يلعبون.. يوسف : يا اخوي ويش القصة عيالهم قاعدين بالغرفة ما احد منهم يحكي و كن عندهم عزاء استغفر الله.. و الا جالسين مع الرجال و لا واحد فيهم تحس عنده طاقة يسوي شيء.. شكلهم كبار تتوقع كم أعمارهم..؟! محمد : تسألني انا.. امش خلنا نلعب كورة بس جيب عيالهم الاثنين ذولك و نلعب معاهم.. يوسف : انا بجلالة قدري و قيمتي يوسف ولد ام يوسف العب مع بزارين..؟! محمد يضرب كفوفة بأسى : غرورك هذا بيخليك تلعب مع صراصير مو بزارين.. يوسف بقرف : كل تبن.. قلو المخلوقات قول مع دلافين مع اسماك أي شيء.. محمد : عشان ما ترفع خشمك.. بس هات الكورة.. وقفهم صوت ابوهم : على وين.. التفت محمد : بنلعب كورة الجوو زين.. ناصر : احسبوني معاكم.. عامر : خلوا كورتكم تجي بنص قهوتنا عشان اشقها و ابلعكم اياها.. يوسف وهو يشيل الكورة من الأرض : هههههههههههه مسلسل رعب.. مؤيد : انا بعد بلعب معاكم.. فارس : انا بعد.. بنجيب عشرة صفر عليكم انا و مؤيد.. يوسف بسخرية : كم..؟! شكلك ما تعرف مين تكلم يا روح الماما.. محمد لا يجيب يوسف اخوه العيد ويقول قدامهم يوسف ولد ام يوسف : عارفين مع مين بس يالله .. انت معاي (آِشر على فارس) و انت مؤيد مع يوسف.. ناصر وقف معاهم : طلعتوني من الحسبة..؟! محمد : ويش رايك تصير الحكم..؟! ناصر : مالك لوى.. ماجد وقف : انا معاكم.. فيصل : معاكم.. عماد وقف : معاكم.. يوسف : يارب زيدهم.. هاه مين بيجي معانا.. ابو عبدالله مالك خاطر..؟! عامر : خلني اشوف لعبكم اول اذا جاز لي قمت معاكم.. يوسف : لو انك مدرب عاد و تفهم اللعب.. يالله عمي.. غازي وقف : ماني رادك.. حاتم وقف : اجل انا معاكم.. محمد : حلوو كذا متفقين.. يوسف : عمي غازي معانا.. محمد : طيب انت و عمي و مؤيد و حاتم و ماجد.. و انا وعماد و فيصل و ناصر و فارس.. عامر : يوسف العب زي العالم و الناس لا تغش.. يوسف : يبه لا تفشلني رجاءاً.. .. اما عند الحريم ما كانت الحالة تفرق كثير.. يحاولون ينسون انهم هنا عشان الأمن.. و يقضون الوقت بالسوالف و القهوة و الشاي و الأكل.. ام يوسف : و الله يا ختي رحنا عرسهم.. ما كان ذاك الزود.. منيره : عاد وحده من صحباتي راحت تقول مره فشخرة.. ام يوسف : من ناحية تقديمات و كل شيء متكلفين لحد الإسراف لكن اهل العرايس و اهل العرسان كأن بينهم مشكلة.. تحسينهم متحفزين ضد بعضهم ما قاموا مع بعضهم و لا كأن العرس بينهم.. ام عساف : يا شينها لا جات العروس كذا.. ما تدرين الفرحة وين راحت.. الله يصلح بس.. ام ناصر : يطري علي مره رحت لزواج قامن ثنتين من المعازيم على بعضهن.. و وحده كبت القهوة على الثانية.. و الله يا ان اهل النوب انقلبت وجيهن.. اعوذ بالله.. ام عامر : بلاه من قلة العقل.. الشيطان راكب رووسهن اللهم يا كافي.. أمال تناظر ساعتها : هالبنت ما ادري وين اختفت ارسلتها تشوف اختها.. رجعت همس وهي ما رجعت.. ام عامر : مين هي..؟! أمال : ريما.. من قريب العصر مرسلتها وصارت الساعة خمس و لا رجعت.. ام عامر : تلقينها تمشى بالمزرعة ما شاء الله ويش زينها... ام احمد : راحن معاها اسيل و جود.. أسيل رجعت وقالت انهن يتمشن.. ما بهن خلاف ان شاء الله.. أمال : ما بقي شيء ع المغرب.. شوي و الدنيا بتليل.. ام سعود : ما عليهن خوف ان شاء الله الرجال برا.. تلاقينهم يشوفنهم.. أمال تناظر همس اللي تجري بحماس من مكان للثاني مع رند : همـــس .. تعالي.. جات لها تجري و معاها رند وكأنها حتى هي مناديتها حماس و لقافة طفولية : نعم.. أمال : روحي قولي لبابا شوف ريما وينها..؟! همس : ماما هي اول راحت تمشيء مع جود.. رند : ايه انا سفتها مسوا بعيد مع بعد.. أمال : ما عليه روحي قولي لبابا يشوفها.. همس بدلع ما تبي تروح : ماما.. أمال حمرت عيونها : رووحي.. همس : طيب.. مشت و لحقتها رند مثل ظلها.. من جات عند عمانها ما شافت بنت صغيرة كلهم كبار عليها.. شذى مرت ناصر : هاذي بنت مين..؟! ام احمد : بنت ولدي خالد.. شذى : ماشاء الله.. بس ما تشبة لكم.. ام عبدالرحمن : ايه وليدنا الله يصلحة اخذ له مره من هالكفار و جاب عيالة و طلقها.. حياة : يا حرام بس صغيرة البنت تحتاج امها.. ام عبدالرحمن : اللي مثل اميتها مالها حاجة فيها.. لا انعدوا الأمهات انعدت معاهم.. ندى : مساء الخير.. : مساء النور.. ندى باست راس جدتها و ام عامر من باب التقدير.. و خالاتها ابتداء من ام مشاري و حريم ابوها و جلست.. ام عبدالرحمن : وينكن انتِ و خواتك ما شفناكن اليوم.. ندى : خواتي نايمات.. الكل سهران.. بس جود ما شفتها بالغرفة.. ام ندى : تمشى مع ريما.. تبين تأكلين.؟! ندى : لا ماني مشتهية.. بابا ما قال متى بنرجع بيتنا..؟! ام عبدالرحمن : لا يا عوينتي.. ما احد حكى لنا شيء.. جابونا هنيا و هم برا .. ام عامر : وليدي يقول يمكن يطول الموضوع ما يندرى .. ماهم مخلينا نعود بيوتنا و هم خايفين.. ندى : الله يعين.. مريم : شكلك تعبانة يا بنتي.. ندى : لا بس ارهاق.. عهود : ويش اللي حادك ما تنامين.. ندى ببساطة : المكان جديد علي.. ما قدرت انام براحة.. ام عامر : و الله حتى انا ما ادري شلون قيلت الظهر.. مع ان المكان يا زينة و الله شرح و ينشرح له الصدر.. بس الواحد ما تهنى له النومة بغير مكانة.. ندى : بس صعبة كذا نبقى هنا فترة.. يعني اللي ما يدرس عادي مثلي.. لكن اللي يدرسون و يشتغلون ما يقدرون يتركون كل شيء و يجلسون هنا.. ام عامر : غازي منبه ما احد يعتب الباب و الا بيحش رجولة.. و الله يا انه مسك العيال و كلمهم و هدد البنيات يقول الموضوع ماهو سهل و حتى دراسة هالفترة ما فيه.. مير بنات عامر بصرة ما يدرسن صح ان هنادي متوظفة مير تدبر لها اجازة لكن يوسف و محمد و بناتة.. و الله ما ادري ويش بيسوي معاهم.. ام عبدالله : مير ابو شوق موسوس الله يهدية.. الموضوع ان شاء الله بسيط.. مير ما يخلونهم يدرسون طيب الا متى..؟ ماهو معقول بيخليهم شهورة ما يدرسون.. اذا جات على محمد منى عينة ما يدرس.. أمال : و الله غازي منبه ما احد حتى يجيب له سيرة الدوام.. يقول متى ما تيسرت تداومون.. ما ادري الى متى.. ام سعود : هونوها ان شاء الله الموضوع ماهو مطول.. كلها يومين و كل شيء يرجع مثل قبل ان شاء الله.. منيره : و الله زين ما ابي اداوم.. من زمان فكرت اخذ اجازة.. مريم : ليش وين تشتغلين..؟! منيره : بالاشراف التربوي.. مريم : ماشاء الله.. والله طارية علي فكرة الوظيفة هالفترة اشغل نفسي فيها.. انهار : و الله جبتيها يا عمة.. بدل جلسة البيت.. نشوف العالم.. بس بنتظر فترة طويلة على التقديم و كذا.. مريم : ماله داعي تنتظرين اعطي ملفك عامر يدبرها لك بيومين ان بغى.. عهود : ماهو من جدك عمة .. بعد كل هالسنين تبين تتوظفين احس تعودتي على جلسة البيت ما راح تتأقلمين مع الدوام صعبة.. مريم : ليش ويش قاصرني..؟! معاي شهادة جامعية و معاي لغتين انقليزي و فرنسي بأيش اقل من غيري..؟! عهود : مو مسألة أقل.. مسألة تعودتي على جلسة البيت يعني الدوام بعد ماهو شيء سهل.. هنادي : و جلسة البيت بعد ماهي شيء سهل.. هي اساس كل الأمراض النفسية.. اغلب اللي يعانون من وسواس قهري او اكتئاب لان ما عندهم شيء يشغلون انفسهم فيه.. بس تشغلينهم بشيء يخف الوسواس تدريجياً لين يختفي.. عهود : تكلمت د.هنادي.. هنادي : ليش مستهينة فيني..؟! عهود : تراك توك طبيبة عامة.. و اول سنة لك بعد.. هنادي : و هذا اللي قاهرني ان عم غازي ماهو مخليني اداوم و انا احس توني جديدة ع الوظيفة.. عهود : ما عمري شفت وحده باغية الشقى كثرك.. يا زين جلسة البيت و النوم.. هنادي : طيب نمت اليوم و بكره و بعده و شهر و بعدين..؟! عمري كله يروح بالنوم..؟! عهود : ويش ازين من النوم..؟! و الله يا زينة احلى شيء بالحياة النوم.. دخلن ريما و جود : السلام عليكم.. : وعليكم السلام.. أمال : وين كنتِ..؟! ريما : و الله ما طلعت برا هنا.. بس لو ناظرتي مع الشباك بتشوفينا جالسات برا.. ما ابعدنا.. أمال : كل ذا جلسة برا.. جود : خالة الجو برا حلوو.. و البراد كذا يهب مو هنا كتمة و الله.. ام عبدالرحمن : و الله ان عظامي تصلبت من البرد.. تقولين كتمة.. اللهم يا كافي مير الدم اللي فيكن بارد ما تحسن.. ام عامر : ايه و الله ما يحسن.. و الا وحدتهن بهالجو تشغل لك المكيف و تنزلة عليها.. و تصحى لك من النوم ملوزة مسخنة بها مية علة.. ام مشاري : ايه و الله جننتني اسيل على ذا الحركة.. ما يرحمون انفسهم.. و حدهم يشوفون التعب و الألم يعيفون المكيفات.. ام عامر تمد عصاتها ناحية عهود : اريها هالغبرة هاذي ما تفهم.. لا صحت تشكوت ظهري رجلي حلقي بطني.. ام عبدالرحمن : و الله عندنا و عندك خير .. ناس ما تعرف مصلحة نفسها.. جود تهمس لريما : السالفة كانت جلسة برا فجأة انقلبت مكيفات.. ريما : حريم.. لو تجيبين لهن سالفة عن المستشفيات ممكن فجأة تنقلب عن المجموعة الشمسية.. أمال ناظرت ريما : برا لا تطلعين.. اعتقد كلام ابوك ما مر عليه يوم.. ريما : بابا يشوفنا قدامة احنا ما ابعدنا ما قال لنا شيء مخلينا على راحتنا.. برا احسن و الله ما نبي نجلس هنا.. أمال : عاد مين افهم.. ريما لا تخليني اكلم ابوك.. ريما : ماماتي بليـــز.. و الله هنا ناظري مع الشباك بتلقينا جالسين هنا حتى اخذنا قهوة من عند الرجال و فرشة.. ما احد قالنا ادخلوا.. ام عامر : يا قلة الحيا اللي فيكن.. ما تختشن برا ماهم محارمكم.. ريما بملل : يمه ماني جالسة مفسخة انا.. لابسة عباتي.. و اصلا سيارة بابا فيه بينا و بينهم.. يعني عادي الوضع.. ام عامر : قضبوني اياها هالبنية ما عادت تختشيء.. ريما بعدت : خلاص خلاص.. بختشي.. اصلاً بنام بدل ما انكبت.. ام عامر : مير ازين نوم الظالم عبادة.. ريما : الله يسامحك يا ام عامر.. لو ما انتِ غالية على قلبي بس.. ام عامر وهي تمسك عصاتها بقوة : ايه ويش بتسوين يعني.. ريما انحاشت قبل لا يجيها شيء : هههههههههههههههه.. جود تناظر ريما اللي طلعت من الصالة و ام عامر.. دايم الجدات على خلاف دايم مع الحفيدات.. ندى تناظر جود : كل هذا تمشين..؟! جود : ايه.. .. لحقت ريما اللي رجعت للغرفة اللي كانن فيها قبل لا يتمشن.. .. بغرفة تجمع أثير و أسيل و صبا و سهاد و عبير.. أسيل : كلب قهرني.. صبا بنعومتها : كلنا مقهورات.. ولا وحده فينا تعرف تصرف صح.. أسيل : ليش ويش سويتي انتِ..؟! صبا : قلت لماما اني موافقة وهي بلغت بابا.. أسيل وهي تجلس ثانية رجولها تحتها على السرير : عشان انتِم دمغة ما ربطك شيء بياسر .. وافقتِ و انتِ مو مقتنعة.. و انا بعد مدمغة بس كنت بزر.. و الله ثاني متوسط.. ثاني متوسط يعني عمري 14 سنة و ملكة.. متخيلين الموضوع..؟! حاسين بحجم الشيء هذا يعتبر زواج قاصرات.. أثير : مشاري ما ضربك على يدك قالك فكري مره و اثنين و ثلاثة و انتِ ما غيرتي رايك.. أسيل بحدة : و الحين غيرتة (حطت اصباعها على راسها) كيفي الحين غيرتة.. أثير ببرود : اطلبي الطلاق.. أسيل بلعت ريقها : اتطلق.. عبير : من جد ما تبينه تطلقي.. أسيل : اتطلق.. أثير : مسوية علينا فيلم من اليوم ما تبينه حدنا جبنا طاري الانفصال مسكتك كهرب.. أسيل : لا تلفقين من عندك: .. بس مو متخيلة اني اكون مطلقة بهالعمر.. سهاد : ويش فيكن على البنية.. أسولة حبيبتي لا يغرك كلامهم.. انتِ الآن زوجتة وله سنين خاطبك و مملكين حرام ما تتممون عرسكم.. يعني كل هالسنين و انتِ له و هو لك الحين تنفصلون.. طيب ويش السبب..؟! أسيل : يقهرني و الله.. يقول بيتزوج علي.. سهاد : يطقطق عليك يالخبلة.. معقولة واحد بيفكر يتزوج على وحده وهم بينهم مجرد ملكة.. بيشوف ردة فعلك بس.. أثير : من جد عقلك صغير يا أسيل.. نايف من سنين خاطبم و رضى انه يصبر عشانك سنين الحين بيفكر يطق عليك الثانية لما صرتي بسن زواج.. يأخذك و يريح راسة اما بهالعمر و يدوش راسة بحنة كم حرمة.. أسيل تربعت : تهقون يتريق علي.. هو اصلاً جلس يختبرني.. يقولي تغارين علي.. عبير : مدمغة جاوبتي على نفسك بنفسك ليش مسوية سالفة.. أسيل : يقهر ان ما فقشتة مره ثانية بس هالمره مع فمة عشان اهده له ولا يحكي علي مره ثانية.. صبا مبتسمة : الله يعينة شكل امه داعية عليه.. أثير : لا و الله ماشاء الله بار فيها ما يقصر عليها بشيء.. صبا : ماشاء الله .. احس هذا اهم شيء بالرجال محافظتة على صلاتة و برة بأهلة اذا ما بر بأهلة ما راح يبر بزوجتة.. أسيل : يا عيني على الدلع تقول اذا ما بر بأهلة ما راح يبر بزوجتة.. ما اقول غير الله يعينك على ياسر.. شكل انتِ صدق اللي امك داعية عليك.. .. في غرفة تجمع ثلاث اشخاص.. ام عامر و عامر و غازي.. مصدوم وهو يسمع كلام امه بالرغم انه ماهو جديد عليه ابد.. ماهي اول مره تحاكية بالموضوع.. لكن الوقت اللي مختارة فيه الحكي ماهو مناسب.. غازي : يمه الله يرضى لي عليك ويش هالحكي..؟! ام عامر : الحكي اللي المفروض تسوية من زمان.. زينة الحين بناتك ما عندهن اخ يحميهن لا غبت عن البيت.. كان المفروض تجيب لهن اخ من سنين ماهو الحين.. غازي : يمه حكينا بذا الموضوع ربي ماهو كاتب لي اجيب ولد من اميره ويش اسوي..؟! ام عامر : تزوج عليها.. قلتها لك من قبل لكن انت ما تسمع الحكي.. غازي : يمه ماهو وقت هالحكي.. و بناتي اصلاً ما راح يرضن.. اذا قبل لا تجيب اميره همس كانن صغار و اقدر اقنعهن كبرن الحين يمه ما عادن صغار.. عامر : شورك بيدك ماهو بيد بناتك.. امي معاها حق.. و انت كل مره تأخر الموضوع وماهو بصالحك.. غازي : ما اقدر يمه.. بناتي و أمال.. ام عامر : زوجتك يوم حاكيتها تيك المره اللي نويت فيها بالغصيبة ما رفضت لك قالت لك روح و الله ييسر لك.. بنت اجواد.. وماهو عيب انك تدور لك على ولد يشيل اسمك.. البنت عيالها بيشيلون اسماء ابهاتهم.. و انت خلفتك للحين بنات.. يا ابوي ماهو قاصرن فيك شيء عشان ما يكون عندك ولد.. البنات ويش كثرهن ببيوت اهاليهن يرضن يكونن الثانية و الثالثة و الرابعة.. عامر : بناتك حسبة بناتي و تدري بهالشيء يا غازي.. و من عيوني احوفهن لك .. لكن فكر بالموضوع بعد عمر طويل ويش بيصير لهن من وراك .. اذا انا موجود هن بأمان بس انا بعد يمكن اموت قبلك.. يا اخوي الولد عزوة و سند.. غازي : ما قلت لا.. و انا مالي اعتراض على حكم ربي.. دام ربي ما كتب لي اجيب عيال ما راح اجيب لا من أمال و لا غيرها.. ام عامر : الله قال خذوا بالأسباب.. ما يمنع تزوج مره ثانية ما سويت شيء ماهو من الشرع.. غازي : يمه الله يخليك.. انا اصلاً هالفترة ماني فاضي و الله مشغول ما عندي وقت احك شعري.. تبيني افكر بعرس و خطبة و اقنع بناتي.. ما عندي كل هالوقت.. ام عامر : العروس موجودة وما ابيها تطير عليك.. و بكره تخطبها.. غازي اتسعت عيونة : ومين هالعروس اللي خايفين لا تطير علي و مخليتكم ما تنامون و تحاكوني بهالموضوع.. عامر بهدوء وهو يلعب بسبحتة بين اصابعة : ندى بنت ابراهيم الكبيرة.. غازي انصدم تعدل بجلستة : بنتة الكبيرة مخطوبة لعساف.. عامر : تفركشت خطبتهم.. ما عاد بينهم شيء.. و امي تبيها لك البنية عاجبتها.. غازي : أي اللي تفركشت خطبتهم.. الرجال يجهز لعرسة.. ام عامر : انا سمعت امها تحكي لجدتها ان خطبتهم تفركشت البنية ما عادت تبيه.. و ابوها ما ردها.. و انا من يوم شفت البنية انشرح لها صدري.. و الله انها متربية و متعلمة و ماشاء الله عليها ادب و اخلاق.. غازي وقف : يمه انســـي .. ما راح اتزوج وحده كانت لواحد من رجالي.. موضوع العرس بالقوة راضي فيه عشانك بس.. لكن تجيبين لي وحده ما تناسبني لا يمه.. مو تقولين البنات ماليات بيوت اهاليهن.. دوري وحده فيهن.. اما خطيبة عساف لا.. .. في جناح عماد.. ظهرها يصرعها من الألم.. تئــن .. نهى : وعد ويش فيك.. وعد انسدحت على ظهرها : ظهري و بطني مره تألمني.. نهى : تبيني اجيب لك مسكن.. وعد حست ببلل جلست بحدة و ابتعدت عن المكان اللي كانت منسدحة فيه و انصدمت بالدم يعلم بالمكان و لا حست فيه.. .. لا إله الا انت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر..   | |||||||||
|
| |
|
01-10-14, 12:41 AM
| #78 | |||||||||
| نجم روايتي ومشرفة سابقة وفراشة متالقة بعالم الازياء
| بسم الله الرحمن الرحيم.. السلام عليكم و رحمة الله وبركاتة.. مساء الخير على اللي ممسين و صباح الخير على اللي مصبحين.. بداية خلوني اتكلم عن نقطة ما اخفيكم بدت تضايقني و الله.. كثير يظنون ان انا وعد بالرواية.. صرتوا تفهمون غلط.. انا مستحيل اكتب حياتي و اخليها كتاب مفتوح للجميع .. وعد شخصية من ضرب الخيال و الأحداث اللي صارت لها صارت بالمجتمع للناس مختلفين يعني وحده انخطفت و حده حبت و لا تزوجت و غيره و غيره.. لكن صرتوا تحسبون اني وعد.. لا يا حبايبي انا مو وعد.. اثنين وحده ارسلت لي ع الآسك انه نلتزم بواقعنا و تحريم العلاقات.. انا ما دعيت لعلاقات محرمة و لا يمكن اسوي هالشيء.. حتى علاقة عساف بوعد سابقاً وضحت انها غلطت من خلال الرواية .. اللي يُبنى على باطل فهو باطل.. و ربي ما يتممة و لا يكتب لهم الخير.. اما باقي الرواية و الأحداث من الواقع .. يمكن تنقد على ان البنت تشوف ولد عمها و كذا .. احنا كا عيلة هالشيء مو عندنا الحمدلله.. لكن عاشرنا ناس بالمجتمع يتكلمون عن انفسهم و هذا الشيء عندهم.. وممكن يقابلون عيال عمهم بدون عباة..!!!! .. وبعضهم يجلسون مع بعض بمكان لكن بعبايات و احتشام و ما يجلسون جنب بعض يعني مكان كبير يجمعهم .. يعني انا ما جبت شيء من راسي كله من الواقع اللي نعيشة بالمجتمع و اذا احد فينا ما يعيشة ما يعني ان الباقي ما يعيشة صحيح ان احنا مجتمع واحد.. بس لكل ناس عادات و ان تشاركنا بعادات تميزنا كا مجتمع واحد سعودي خليجي شرقي.. ثالثاً نتكلم عن البارت.. انا قلت لكم ان البارت بالويك اند الجمعة او السبت.. تجيني تعليقات من يوم الأربعاء بالليل تطلب البارت.!.! طيب انا حددت الموعد الجمعة او السبت ولو اني انهيتة قبل و الله تبشرون فيه.. بس ما انهيتة.. رابعاً احداث البارت هذا من اولها لين اخرها هواش.. ما بين تمشي عادي و ما بين هوشة قوية في البداية.. حطيت لكم جزء منها بالتويتر.. و جاتني توقعات.. اقدر اقول انهم جابوا لي اسم الشخص صح.. برافوا عليكم.. خامساً اشكر بنت الفوزان ع التويتر نبهتني بالبارت السابق على لخبطة سويتها باسم مرت غازي مره سميتها اميرة و مره امال.. لذلك نعتمد امال و نكمل فيه.. قرقرت عليكم واجد بس أشياء بخاطري حبيت اقولها لكم.. البارت هذا ابي ردود تشعلل في كل مكان مخصص للرواية.. ابي ردود تفلج ما قد قريتها من قبل ابي اقرأ توقعات كثير للرواية من كل شخص فيكم .. لو بتنامون بعاقبكم و أنزل البارت الجاي بعد اسبوعين.. البارت الجاي بالويك أند الجمعة او السبت ان شاء الله عشان ما تكثر الأسئلة.. لا تنسوني من دعواتكم بهالأيام الفضيلة.. و لا تضيعون فضل الصيام الله يجزاكم بالفردوس الأعلى.. بسم الله نبدأ.. البارت الأربعون ما وحشتك يابعد كل الخطايا ! يا أعزّ إنسان واقسى من عرفت شفت نفسي فيك وأنكرت المرايا ليتني ما قلت أحبّك وأعترفت !! لـ رجف.. في جناح عماد.. ظهرها يصرعها من الألم.. تئــن .. نهى : وعد ويش فيك.. وعد انسدحت على ظهرها : ظهري و بطني مره تألمني.. نهى : تبيني اجيب لك مسكن.. وعد حست ببلل جلست بحدة و ابتعدت عن المكان اللي كانت منسدحة فيه و انصدمت بالدم يعلم بالمكان و لا حست فيه.. شهقت وهي تحط يدها على بطنها : لااااا.. نهى وقفت على ركبها بعد ما كانت منسدحة على السرير : وعـــد..!!! وعد وجهها لنخطف لونة من الرعب : دقي على عماد.. بسرعة نهى.. نهى بلهت : مين..؟!! وعد انطلقت في صياح الم وخوف على فقد طفل : جوالي رقمه بجوالي.. بسرعة هاتي جوالي.. نطت نهى للتسريحة و سحبت جوال وعد اللي كان على الشاحن و اعطتة اياه بعد ما فتحت على اسم عماد مدت الجوال .. وسحبتة وعد وهي ترجف.. تنتظر رده ما راح تحتمل تفقد ضناها بعد كل شيء صار اول ما سمعت صوتة : البيبي بيروح عماد تكفى جاني نزيف.. اما عند عماد كان برا يشيك على كل شيء و يتأكد ما راح يخاطر بانه يعرض هالعيلة للخطر.. ما هنى له النوم بامكانة ينام لا صحوا على الأقل يكونون فاطنين للي يصير اما الكل ينام وهو ينام حتى لو كان فيه حراسة ما راح يرتاح.. في هالوقت جاه اتصال منها.. و انصدم لما طرت النزيف : أيـــش.. انتِ وين بأي غرفة.. طيب سكري سكري.. انا بتصرف.. قفل قبل لا يسمعها قفلت الخط و الا لا.. و دق على هنادي.. ظل يدور بالمكان لين سمع صوتها : بسرعة تعالي شوفي لي الدرب لين جناحي.. بســـرعة و لا تأخرين ثانية وحده انا عند الباب بعد لحظة بدخل.. اتجه للباب و ظل ماسك الجوال و هنادي ع الخط دقيقة بالضبط و وقفت قدامة النوم بعيونها استغربت باتصال عماد و بطلبة اكثر فتحت له الباب : ايش فيك..؟! عماد وهو يجري متجه لجناحة : وعد جاها نزيف.. اما هنادي ظلت مثل الهبلة واقفة و تناظرة يجري ع الدرج : نــزيف.. نهى حاطة يدها على كتف وعد : اهدي تكفين كذا بتوترين زيادة.. وعد : بيروح .. ما احد يبيه فيهم بس انا ابيه.. انا ابيه.. سمعت نهى صوت الباب و طارت جري للحمام.. دخل عماد و لا فكر انه ممكن يكون فيه احد عندها : وعـــد.. وعد تبكي : بسرعة الله يخليك بيروح و الله ولدك لا تخلى عنه تكفى يالذيب.. عماد ظل واقف فترة ما يدري ويش يسوي وقفت وراه هنادي : بسم الله عليك.. اتجهت لوعد : عماد لازم ننقلها المستشفى بســرعة خطر عليها و ع البيبي.. عماد سحب عباية كانت على الباب و ما انتظرها تلبسها و تسكرها حطتها عليها و شالها.. و طلع يجري فيها و هنادي تنبه : لا تطيح يالخبـــل. ماهي ناقصة.. عماد مطنش هنادي و يمشي بسرعة.. اما وعد كانت مستسلمة للألم الجسدي و النفسي.. فتح باب سيارتة و حطها.. سكر الباب و اتجه لباب السايق و ركب شغل السيارة.. و فتح البوابة الكتروني و طلع منها.. نزل القزاز وكلم الحارس : خذ الريمون خله معاك لين يأذن الفجر و اعطة الفريق غازي.. الحارس : ان شاء الله.. و تحرك عماد بصوت احتكاك الكفر بالاسفلت.. وعد : عماد و الله ولدك.. ما احد لمسني.. عماد متوتر و يشد على الطارة بقوة وماهو وقت مواضيع تنرفزة : اهم شيء صحتك و قومتك بالسلامة.. وعد لفت نفسها له : اقولك ولدك..؟! عماد : ايش السبب...!؟ اللي خلاك تنزفين..؟! وعد وهي تضغط على اسفل بطنها : ما اعرف.. ما ابيه يروح.. تكفى الا طفلي.. ابيه.. و الله ابيه حتى لو انت ما تبيه انا بتحمل مسؤوليتة.. عماد وعيونة مركزة على الطريق رد عليها بحدة : ليش شايفتني بلا ضمير.؟!اجيب عيال و ارمي .. ماني عايز عن ولدي.. سكتت ماهو وقت نقاش و لا وقت تهدر فيها اخر الطاقة اللي فيها.. بتختزنها عشان اللي بين احشائها.. كانت تتمنى حياة افضل من هاذي بكثير.. تتمنى تتزوج رجال متفهم.. تحمل بطفل منه و برغبتها.. يفرح فيه ابوه لا سمع خبر حملها.. يكون معاها بتعبها قبل راحتها.. ينتظر معاها مولودها و يعد الأيام لين يشرف.. ولا شيء من هاذي صارت لها.. و لا شيء.. الصباح الساعة ثمانية.. جلسة برا في الهواء البارد.. احمد : الجو ماشاء الله حلوو بس ينخاف على البزارين من البرد.. خالد يناظر ولدة : من اليوم اقولة قوم البس شيء ثقيل يقول لا ماهو برد.. إبراهيم : عم احمد قال البزارين يعني ماهو انا.. ابتسم عامر : هو صادق.. خله على راحتة.. أحمد يهمس باذن سعود : ويش بلاك ما انت طبيعي..؟! سعود : ولا شيء.. وقف : عن اذنكم.. عامر يناظر بعيالة يوسف و محمد شبة نايمين بالمكان.. : وين عماد..؟! محمد : ما شفتة.. غازي : اعطى الحارس المفتاح و طلع.. دقيت عليه و ما رد.. عامر : وين بيكون راح..؟! تهقى راح المركز..؟! غازي : يمكن.. رغم اني ما وصيتة بشيء النتيجة بيجيبونها الشباب بعد شوي.. ما خلص كلمتة الا يجية اتصال من الحرس بان رجالة برا.. فتح البوابة غازي و وقف لازم يقابلهم اول و يعرف النتيجة قبل الكل.. اما ابو سعود و عيالة ظلت قلوبهم معلقة.. نزلوا من السيارة عساف و راشد و عزام.. اقتربوا من غازي : السلام عليكم.. الفريق غازي : وعليكم السلام.. ويش الأخبار..؟! مد له عساف التقرير : جبنا لك التقرير تطلع عليه بنفسك.. اخذه غازي و فتح الملف و خرج الأوراق القى نظرة سريعة و طاحت عيونة على النتيجة.. : كويس الحمدلله.. راشد : كنا راح نداهم شقتة و نسويها.. بس الحمدلله.. الفريق غازي : زين ما تهورتوا.. عزام : مو بس كذا.. راقبناه.. و طلع من شقتة ع المطار.. الفريق غازي عقد حواجبة : ليش..؟! عساف : حاجز تذكرة على روما.. الفريق غازي : أحد معاه..؟! عساف : لا.. هو لحاله.. الفريق غازي وعيونة تدور على رجالة : معقولة موكلينه بمهمة برا..؟! عزام : تجي عليهم.. ماهي غريبة.. الفريق غازي : لازم نتواصل معاه.. ما ينفع الانقطاع هذا.. لازم نعرف ويش عنده.. و نعرف الجثة الثالثة لمين..؟! راشد : فعلاً ما ينفع كذا لازم نشوف طريقة نقدر نتواصل معاه بطريقة دائمة.. بعد اللي صار للمراقبين لازم نأخذ حذرنا.. : ايش الأخباار..؟! التفت غازي لأبو سعود : تـــ (قطع كلامة يرد على جوالة) : نعــم.. ميـــن..؟!!!! (تغيرت نظرتة للاستغراب) خله يدخل.. (لحظات وهو يناظر البوابة مستغرب.. من الاسم اللي قالة الحارس انه بيدخل.. فعلاً دخلت سيارتة و ضج المكان بصوت البوري اللي علق عليه اول ما انفتحت البوابة و دخل و ازعج الكل.. خرج راسة من القزاز وهو يضغط على البوري و يوقف وراء بعض و يضحك.. الشباب عزام وراشد و عساف ما كانوا اقل صدمة من غازي.. لانه في مهمة وهو يعرف انه المفروض ما يجي.. لكن ابوه شقت الابتسامة وجهة).. نزل من السيارة و وقف عند الباب ما ابتعد و يمثل البراءة : صبحهم بالخيـــر.. اخوانة كانوا ورى وقفوا يناظرونة..؟!! وليد قرب من ابوه وباس راسة.. ابو سعود وهو يحضنة و يربت على ظهرة : حي الله هالطلة.. وليد مبتسم و يناظر غازي : الله يحييك و يبقيك.. (ابتعد عن ابوه وهو يناظر بغازي) لا تبدأ بالتهزيء خلنا نتفاهم.. لا تسرع بالحكم.. غازي وهو يكبت انفعالة : طيب يا وليد.. ماشي.. مشعل حضن وليد : يا كلب خوفتنا.. وليد يشد عليه : بالعكس مسوي لكم اكشن الله يعافيني بس و يخليني لكم.. مشعل ابتعد عنه : جرب و كرر ذا الحركة.. وليد : ما انتم مضيفيني..؟! غازي يحك لحيتة القصيرة بقوة : ويش دراك اننا هنا..؟! وليد : ما احنا بالمكتب و انا باجازة يومين لا تكلمني بالشغل رجاءاً.. غازي : ومين معطيك اجازة..؟! وليد بحط يدة على صدرة بفخر : انا الله يطول بعمرك عطيت نفسي.. رايح روما يا اخي كيفي.. ابو سعود مبتسم : شكلك ما عرفت مين تختار يا ابو شوق.. غازي : مو شكلي الا انصكيت براسي.. انا ما ادري ويش شايف فيك.. وليد : ذكائي و طيبتي و فطنتي و دهائي و سرعة بديهتي و ايش بعد وتصرفاتي الحكيمة.. راشد يستهزء : ماشاء الله كل هاذي فيك..؟! عزة الله ما عرفناك.. وليد : هاه شفت حتى رجالك بيغلطون علي.. ترى كذا كذا.. اللي تبونة معاي.. غازي : تراني معطيك وجه.. لا افقع لك وجهك الحين.. و انسيك اسمك.. وليد : اكيد تقصد الاسم اللي عطيتني.. لا نتهاوش انا و انت و الله ماهي حلوة بحقك و حقي.. بيقولون الفريق غازي يتهاوش مع وليد الخقة غيران من جمالة.. بعيد عنهم بمسافة وقبل هالوقت بدقيقتين .. سعود و بندر.. بندر : بتفهمني ان ما فيك شيء ابد ابد.؟! سعود : صدقني ما فيه شيء لو فيه كنت تكلمت.. بندر : سعود ادري انك تعاني من ضغوط عشانك الكبير.. بس عندك اخوان وماشاء الله كلهم كبار و ينشد فيهم الظهر.. مع شغلك بتنضغط زيادة.. خذ لك فترة تريح و غير جو اخطب رسمي و ملك على البنية.. و الا انت (رفع حاجبة) متهاوش مع غازي..؟! سعود عقد حواجبة : ايـــش..؟! بندر : تصرفك ماهو طبيعي.. ما تكلمة خير شر.. و حتى لا صار شيء دايم رجالة معاه و انت ما تكلمة حتى و لا تسألة ان كان يبي منك شيء..؟! سعود حط يدية بجيوب بنطلونة الأسود : مأخذ اجازة.. بندر : اجازة..؟! حتى لو هذا ما يمنع تشوفة اذا قصر عليه شيء.. تراني اعرفك و اعرف طبوعك.. هاذي ماهي عوايدك.. انت و إياه بينكم شيء.. و بصراحة ماهو بس انا اللي لاحظت.. حتى ابوك و اخوانك.. لا يكون بخصوص خطبتك من بنتة..؟! سعود : انتم توهمون.. و خطبتي من بنتة لا تدخلونها بكل شيء.. ماهو عشانة رئيسي حطيتوا بنتة بالنص بيننا.. علاقتي فيه كا رئيس غير عن انه يكون اب للي بتصير زوجتي اذا ربي كتب.. بندر : يعني بتفهمني ان كل الموضوع اجازة و بس..؟! سعود وهو يناظر السيارة اللي دخلت و ازعجت العالم و يصرف الموضوع : شوف بس مين جاينا و مزعجنا.. (لكن عيونة اتسعت لما شاف وليد) : وليد و الا يتهيأ لي.. بندر يضيق عيونة : الا هو.. الكلب جاء و لا قال لنا نجيه بالمطار.. يالله ريح عشان ما نطق مشوار.. سعود يمشي عن بندر : بشــوفة.. بندر يمشي بخطوات توازي سعود : لا تصرف تراني ماني بأهبل.. سعود وهو يسرع بخطواتة عشان يتأكد ان اللي شافة وليد : ما اصرفك يا عم.. لو فيه شيء صدقني كان قلت لكم.. اما وليد جالس و مبسط مع الجماعة و لا كأنه جالس يرفع ضغط احد فيهم.. ما كان غازي بس اللي معصب لكنه كان اشدهم حتى رجالة معصبين.. : السلام عليكم.. ما كانوا سعود و بندر لحالهم اللي القوا السلام كان معاهم نايف اللي صحى من النوم توه شمسة عالية.. لكن انتبه اول ما شاف سعود يحضن وليد : وليــــد.!!!!! فيصل : ويش بلاكم انتم كنكم اول مره تشوفونة..؟! نايف نقل نظراتة للفريق غازي اللي العصبية تشع من عيونة حاط رجلة اليمين على اليسار بس رافعها يعني مثل المتربع ع الكرسي بس رجلة وحده بالأرض .. و عزام و عساف و راشد ساكتين.. بندر يشد على وليد : زين اللي ما قلت تعالوا لي المطار.. ريحتنا.. وليد : مالت عليك من عم.. ما سمعت عمي مشاري ويش قال شوي ويذبح لي ذبيحة.. بندر يجلس جنب مشاري : ليش كلنا نقولك نفس الحكي خل يكون عندك تنويعة ما أنت اول واحد تسافر هذا و انت مسافر اسبوع يعني اننا نجيبك من المطار تخب عليك و بقوة.. مشاري : مسفل بالرجال ليش..؟! عاد ياليتك قلت له الحمدلله على السلامة.. بندر : ماشاء الله لقطتها انا ما انتبهت قلت له و الا ما قلت.. شغل رجال القانون.. راكان : اذكر الله لا تصك اخوي بعين.. بندر : على امرك عمي.. لا اله الا الله.. ارتحت.. وقف يوسف : عن اذنكم.. عامر : على وين..؟! يوسف : بتمشى شوي.. عامر : بتمشى و الا بتخمد..؟! يوسف : يعني تعرف يبه ليش تسألني.. وقبل لا تحلف نعسااان.. و العالم(آشر عليهم) راعين مكان ما يحتاج نباشر عليهم.. عبدالله : كفوو.. ليش السالفة مباشرة وبس.. ليش اصلاص تنام..!؟ ناصر : قاعد لين قبل الفجر يلعب اون لاين.. و الصلاة الله العالم فيها.. غازي بحدة وهو يناظر بطرف عينة ليوسف : انطق مكانك و الله ما تنام لين يأذن العشا.. يوسف اتسعت عيونة : ويـــش..؟! غازي : خلني اشوفك مغمض عيونك و تحمل ما يجيك.. يوسف جلس بقهر : ما انت مداوم..؟! غازي : لا قاعد على قلبك.. و بعد شوي بروح اسوي رياضة و بتجي معاي.. يوسف : لا عاد.. حيلي مهدود اصلاً.. عمي رجاءاً ما احب ذا الإسلوب.. عامر ببرود : تستاهل تحمل ما يجيك.. لا ترحمة يا غازي.. غازي : الحمدلله جات من ابوك.. و الله لأوريك شلون تترك استهتارك انت وبعض الناس.. كان يدري وليد انه يقصدة.. لكنه ما علق و مسوي نفسة غبي ما فهم.. يوسف : أي استهتار .. استهدي بالله.. اذا احد مكدر خاطرك نعاونك عليه.. بس لا تحطها فيني.. غازي : عاد بتجي براسك انت و غيرك..(ناظر محمد) تراك معاه.. محمد فزع : ويش اللي معاه.. لا تكفى جربت رياضتك مره ربع ساعة ونمت بعدها اسبوع من التعب.. غازي : ماني منتظر موافقتك ماهو بكيفك بتجي و غصباً عنك انت و اياه.. و لا تحسبون اذا طلعنا من هنا يعني الموضوع انتهى.. بتجوني تدربون بالمركز كل يوم.. يوسف و وليد عيونهم بتطلع من مكانها من الكلام اللي يسمعونة يعرفون عمهم ما يرحم.. اما ناصر و عبدالله و أبوهم اول من ابتدأ بالضحك على اشكالهم مع الباقين.. محمد يلف بنظرة عليهم : ضحكتهم علينا..؟! خلنا نتفاهم يا ابو شوق.. و الله ان الموضوع ماهو سهل.. احنا ما لنا بالعسكرية و لا ذا الأشياء.. رياضة حدنا هه هه مشي.. غازي يلف بسبابتة على المركى من غير لا يناظرهم : لا اجل بتكسر عظامك معاي ان شاء الله.. ابو عمر : بالهون عليهم يا غازي.. توهم صغار على سهرة بتسوي كل ذا.. غازي : لا راكمتها بقلبي وحدة على وحدة.. و الحمدلله ابوهم موافق.. يوم كنت اقولة عيالك هذولي تدلعوا يقول خلهم يعيشون حياتهم هالفترة.. يوسف : ما انتهت الفترة طيب.. غازي : انت بالذات ما راح ارحمك.. كم لك مخالفة بالمرور..!؟! يوسف بله في وجه عمه : هاه.. غازي : هواااه.. تحسب اني ما دريت انك محجوز يومين..؟! عامر عدل جلستة يناظر يوسف اللي جالس بنفس الجهة اللي هو جالس فيها : أي حجز..؟! غازي : كاذب على الكل يقولهم طالع استراحة يومين مع اخوياي.. يوسف عرف انه طاح وما احد سمى عليه.. دام عمه عرف بالمخالفات بيأكلة التبن.. عبدالله : أي حجز اللي يوم صدمت بالرصيف وما عندك فلوس تدفع الغرامة.. عامر ببساطة مأخذ الموضوع : ماشاء الله..؟! و نمت بالحجز.. و الله كفوو ما قلت لي عشان ما احبسك سنة.. غازي : اخوه الفالح طلعة.. اقصد اللي تهاوشت مع الشباب و طلبوا ولي امرك طبعاً ما احد درى عنها.. لانك اصلاً ما دقيت على ابوك.. و ما فكرت مين طلعك صح..؟! يوسف يحك جبهتة و هو مستغرب من عصبية عمة.. صح ماهو اول مره يهاوشة بس هالمره اسلوبة غير بالرغم من كذا ما تكلم.. عامر : أي هوشة..؟! غازي لا تكلم بالألغاز..؟! غازي : السيد متهاوش هو والقش اللي معاه مع شباب و انحجزوا كلهم.. (ناظر يوسف) لما سألك المحقق عمك غازي بن حمدان قلت له لا ليش..؟! يوسف : عشان ذا اللحظة يوم تدري.. و الله يا عم ما ترحم احد.. غازي : طيب انا اوريك كيف ما ارحمك.. انت و اخوك.. محمد : انا ويش دخلني بكل السالفة..؟! حطيتوني فيها غصب..؟! غازي : و الله انا ابي ادبكم الإثنين على طريقتي.. و اولها راح اسحب منكم السيارات و الرخص و الجواز.. وخل واحد فيكم يعتب لمكان من غير لا يأخذ اذني.. محمد منقهر من اسلوب عمة : لا عمي ويش هالحكي.. ليش بنات احنا..؟! غازي : جعفر يوديكم وين ما تبون.. غير هالحكي ما عندي.. متى ما شفتكم استرجلتوا حزتها افكر.. ما كان غبي عشان يعرف ان كل التهديدات له جزء منها.. و استغرب ان غازي ما دمجة معاهم.. بس يمكن عشان ما يتهاوشون قدام الكل.. لأن عيال اخوة ما ردوا عليه.. بالعكس محترمينة و ساكتين عنه.. لكن راح كل استغرابة لما ناظرة غازي و نطق : طبعاً انت قبلهم.. وليد رفع رجولة و تربع على الكرسي : اذا تدريب انا اتدرب ما تفرق معاي الحمدلله.. و اذا على سيارتي اعتقد تعرف انك ما تقدر تأخذها.. و رخصتي اصلاً من زمان عندك.. و اذا على سالفة السفر ما عاد الا هي.. ما انت والي علي عشان اخذ شورك.. غازي : لا تحسب انها صعبة علي منعك ما تعتب الحدود.. ان بغيت منك شيء لو ما سويتة برضاك بجبرك عليه.. وليد : ماني واحد من عيال اخوك عشان اسمع كلامك و انطم.. انا غيــر استوعب هالشيء انا غيـــر عن كل اللي تعرفهم.. غازي بهدوء : بنشوف مين فينا كلمتة بتمشي.. ولو ماهي بالطيب بالقوة.. وليد : و الله اذا بتستخدم صلاحياتك اكيد بتكسب انت.. لا تستقوي علي بمنصبك.. ترى تعلمت منك انت و رجالك اشياء فوق ما تتخيل.. عدا عنهم (يقصد العصابة) باسبوع بس عرفت اشياء حفيتوا وراها سنين ما دليتوا دربها.. غازي و فنجان قهوة بيد يضغط عليه.. ولما قال هالكلام وليد رش القهوة عليه و كانت دافية مو حارة و لا باردة.. ما كان وليد الوحيد اللي انصدم من الحركة اللي سواها غازي.. الكل..!! لكن الأغلبية ما يعرفون ان وليد موظف عند غازي.. و غازي كملها لما رمى الفنجان على الأرض وانكسر ثم سحب وليد من كتوفة و وقفة و بحدة : لا تختبر صبري عليك.. طولت بالي عليك واجد.. وليد مد يدة بيعطي غازي بوكس على بطنة.. لكن غازي اسرع منه و سحب يده ولفها ورى ظهرة وضغط عليه و صار ظهر وليد على صدر غازص و مثل ما سوا مع مشعل سوا مع وليد شده له و يده اليمين شادة على يد وليد ورى ظهرة بقوة و ذراعة اليسار تشد على رقبة وليد.. نطق من بين أسنانة : شكلك نسيت مين دربك.. وليد انقهـــر وجهة حمر من العصبية : شكلك نسيت انا مين يا ولد حمدان.. تحسب كل الناس يخافون منك و يرضخون لكلمتك.. مهما سويت فيني اللي ما اقتنع فيه ما اسوية.. ماني واحد من رجالك ما يناقشك باللي تقولة و لاني واحد من عيال اخوانك ينطم و يمشي على اوامرك.. ( شدة رجلة على قدام ورفس ركبة غازي بقوة و فلتة غازي.. وهو قدم بخطواتة و وقف فيس تو فيس لغازي) وتكلمة بحدة : انا وليد بن ابراهيم.. سعود وقف يبي يهدي الموضوع : وليـــــد.. لكن غازي عصـــب وما هو وقت يحسب حساب شيء صبر على وليد كثير و منقهر من استهتارة اللي جايبة هنا.. تقدم ضربة بقبضة يدة على وجة وليد .. وليد ضل فتر يبي يستوعب لكن غازي كمل ما انتظرة لين يستوعب و اعطاة بوكس تحت صدرة.. وقتها وليد انفجر.. بدنياً غازي اقوى من وليد بكثير.. غازي جسم رياضي من سنين مو من كم شهر مثل وليد.. يعني القوى غير متكافئة ابداً بالرغم من ذلك وليد حط كل قوتة ومثل ما غازي يعلم عليه هو يبي يعلم عليه.. لكن في اغلب ضرباتة تصداها غازي بفطنة و سرعة بديهة على عكس وليد اللي تلقى كل ضربات غازي على جسدة.. وقف بندر قريب منهم يبيهم يهدون : استهدي بالله يا غازي.. ويش الهبال اللي انتم فيه..؟! ياسر و مشعل وقفوا بيفزعون مع اخوهم.. لكن حدة صوت ابوهم وقفت : على وين..؟! مشعل باستغراب من هدوء ابوه : يبه ما تشوفهم يتهاشون.. ابو سعود : مالكم دخل.. خلوهم يتذابحون.. ياسر : يبه ما تأثر هو .. و وليد تكفخ.. ابو سعود : ماهو ذابحة.. خله يتحمل مسؤولية اخطائة.. مشاري : أي مسؤولية اخطائة.. ليش شايفهم كيف يتذابحون عادي عندك هذا تحمل المسؤولية..؟! ابو سعود : قلت لكم ماهو ذابحة.. خله يأخذ له كفين ويش وراه.. راكان وهو يناظر الهوشة بهدوء و مكتف يدينة : اشك انك ابوه.. و الا جابك عرق تخلى عن عيالك.. طنشة ابراهيم و لا رد عليه وهو يراقب بندر يهديهم لكن و لا احد في الاثنين معطيه وجه لا غازي و لا وليد.. ابو عساف : ابراهيم تصرف يا اخوي قاعد و تفرج عليهم..؟! ابراهيم : غازي معتبر وليد مثل ولده.. خل الأب يربي ولده ما علينا منهم.. عامر مبتسم : هو صادق لو يكفخ ذا الاثنين معاه بكون شاكر له.. يوسف و محمد اللي كانوا يتابعون الهوشة بصدمة اول مره يتهاوش عمهم مع احد بهالشكل قدامهم يعني العادة هوشات حكي و صراخ ما توصل لحد التكفيخ .. اتسعت عيونهم من حكي ابوهم.. يوسف يناظر ابوه : عايفنا الا و الله عايفنا.. اذا ما تبيني امي تبيني ترى.. عامر : اعقـــب خلك عشان تربى من جديد .. اجل متهاوش مع الدشيــر.. يوسف : يعني كل واحد يتهاوش داشر هذا اخوك يتهاوش يعني داشر.. عبدالله بصوت حازم : يوووسف الزم حدودك.. يوسف : ياخي لا تظلموني قبل لا تعرفون .. يمكن ان معاي حق.. ناصر : صح بدليل انك ما علمت احد.. لكن ربي وقعك بشر اعمالك و درى عمي غازي.. و احنا اللي دايم نستر عليه.. و كل مره مخالفة جديدة.. وليد جالس على ركبة و يدة اليمين تضغط على كتفة اليسار و يصر على أسنانة من الألم وصدرة يرتفع و ينخفض : الله يكسر عظامي كان سكت لك.. غازي وهو يضرب كفوفة ببعض و ما كأن جاه شيء : كان فيك حيل ترى عادي نكمل.. بندر جلس جنب وليد : ما هقيتها منك يا غازي.. ويش اللي تكفخة ما صار شيء يسوى.. هذا و احنا كلنا فيه.. غازي : شيء ما تدري عنه يا بندر لا تفتي فيه.. اسألة سوى شيء يسوى و الا ما سوى.. وليد وهو ما زال يضغط على كتفة بقوة و يتحمل الألم : راح اوريك اللي يسوى بجد.. و الله ما عرفت من هو وليد.. غازي : لا تهدد بالحكي.. قوم وريني اللي عندك.. وليد اشتدت عصبيتة من القهر و وقف و رفس غازي على بطنة بقوة .. غازي كان يدري انه يستفزة.. و وصلها مع وليد للأخير.. ولازم يمتص غضبة لان الهوشة صارت قدام الكل و وليد خسر.. عشان كذا مثل انه ما انتبة لوليد وخلاة يرفسة لكنها كانت أقوى مما توقع و تراجع ورى منثني على قدام و يضغط على بطنة غمض عين و فتح عين : لا بالله فيك حيل للحين.. وليد ما انتظر رجع بيرفس غازي من جديد لكن غازي رفع ركبتة عشان تضرب رجل وليد فيها و سحبة بقوة و كرر نفس مسكتة اول و صار هو المتحكم بولــيد ويشد على رقبة وليد بذراعة.. وليد يناظر قدام و عيونة تنطق حقد وعصبية على غازي وهو وراه وهمس بأذنة : تراني راحمك.. يدك ما انت قادر تحركها .. يكفي.. وليد ترك كتفة اليسار اللي كان يضغط علية بيدة و ضرب غازي بوكس بكوع يدة لكن غازي مسك يد وليد و ثبتها على بطن وليد : اهجــد.. لا تصير بزر.. وليد : الا بزر.. و الله لأعلمك شلون البزرنة صدق..(يصارخ) اتركني.. غازي عكس وليد تماماً كان هادي : ماني تاركك.. لين تهجد.. انت اللي نرفزتني و لازم تحمل ما يجيك.. وليد يتحرك يبي غازي يفلتة و كتفة توجعة : اتركني ماني رايق لك.. كاسر كتفي و تبيني اهدأ.. غازي : بوديك المستشفى الحين يسون لك اشعة بس اضمن انك هادي.. وليد يصارخ : تقتل القتيل و تمسي بجنازتة .. خلااااص هديـــت اتركـــني.. غازي ببرود : لا ماهي هاذي الهدواة اللي ابيها.. وليد : شوف و الله العظيم اني ممكن اطلع سلاحي و افرغة بنص راسك.. احسن لك اتركني.. غازي ما زال مثبت وليد : لا تحاول اذا بتصارخ و تضل معصب ماني تاركك.. وليد : حركتك هاذي تنرفزني اكثر.. اتركني.. بندر : غازي اتركة.. خلاص.. غازي يهز راسة بنفي هو خير من يعرف وليد بفترة قصيرة و يدري ان تركة بيرجع عليه يبي يضمن ان اللي بصدرة طفى : لا.. خله لين يهدأ.. يوسف وهو يتفرج على المشهد : يارب لا تولي عمي علي.. و الله انه هاه تصلون علي الظهر.. محمد : الظهر بعيد مره.. ندفنك ما يحتاج نصلي عليك.. يوسف يناظر محمد : ترى انت معاي بعد ناوي علينا نية قشراء.. ماجد مبتسم و يناظرهم : عاد صدق شكل عمكم ما يرحم. يوسف : شكله .. الا اكيد ما شفت ويش سوا.. و عادي ما هزتة شعرة.. يحسبنا مثلة.. و الله غير يذبحني بدم بارد.. عامر رمى فنجالة الفاضي على رجل يوسف اللي يتحلطم : اذكر الله لا تنضلة.. يوسف : يبه من جدك جات علي..؟! يا كثر اعدائة يتكلمون عليه يعني بينضر مني.. ناصر : و الله ما ندري.. العين حق.. يوسف : بذكر الله بس اوعدني تحميني منه.. و الله غير يذبحني و لا يسأل علي.. عامر : تعقب.. خله يأدبك انت و اخوك.. محمد منقهر : ليش حاطيني بالنص.. ولدكم يغلط تحملوني الخطأ معاه ليش.. عبدالله : على أساس ما تغلط.. ترى كلنا عارفين المستخبي.. بس ساكتين عنك.. و شكله عمي درى و الا ما نوى عليك من الباب للدريشة.. محمد بحدة : ماعندي شيء مخبية.. كل شيء معلمكم فيه.. ناصر : خلاص بنشوف عمي ليش ضمك معاه.. اذا هو (يقصد يوسف)عنده سجل مخالفات ما احد درى عنه.. بكره نعرف انت ويش عندك..؟! سعد : ابراهيم تصرف .. بتخليهم كذا ولدك منقهر و غازي ماسكة و يقولة اهدأ شلون بيهدأ..؟! ابراهيم : قلت لكم ماني متدخل.. خله يضمة مع عيال اخوة و مشعل معاهم هدية.. مشعل فزع : ويـــش..؟!؟ ابراهيم : ولو بندر بعمرك كنت حطيتة معاكم.. و بعض الناس ناوي عليهم بحول الله.(يناظر راكان).. راكان يضيق عيونة : جربوني وشوفوا ويش بسوي.. تراني بايعها ولاني عاد حساب لأحد.. ابراهيم بحدة : غصباً عنك تعد حسابات.. راكان : لا ماني عاد لأحد و خله يقرب مني و الله اقسم بالله و انا ولد موضي ما احلف بربي عبث اني لأندمكم على اللي يسوية.. مشاري بحزم صارم لأن الوضع ما أعجبة : لا يا ابراهيم.. احنا اصلاً مو عاجبنا اللي يسوية بولدك .. تبي تضم راكان.. رجاءاً الا هالشيء.. ما راح اسمح لأحد فيكم يتدخل بـ راكان.. ابراهيم : يصير خير نتفاهم على راكان بعدين.. يبي لها جلسة.. راكان : لا تحسب اني جالس معاكم هنا يعني راضي عنكم.. لا بس ما ابي اسوي شوشرة و احنا ينقال اننا عيلة و عند ناس غرب.. ابو عمر : خلاص راكان .. ما احد مسوي لك شيء انت بحماية مشار يمين يقدر يسوي لك شيء..؟! عامر يناظر عيالة الاثنين و مشعل : والله خوش عاد غازي يتفضى لكم الله يعينه ساعة باليوم يريبيكم من جديد.. مشعل بحدة يرد على عامر : ما احنا ناقصين تربية.. اذا ما ربيت عيالك شيء راجع لكـ.. ابراهيم : مشــــعل.. مشعل : الحين ما يكفي كل اللي صار لنا بسببهم.. من يوم عرفناهم و احنا من مصيبة لمصيبة.. و الحين يتكلم على تربيتنا.. ابو سعود : انا اللي قلت اضمك معاهم.. هو ماله دخل يتكلم عن عيالة.. مشعل يهز رجولة بقوة .. و يبلع الحكي عشان ابوه : طيب.. السموحة.. مشاري : على أساس غازي ماهو مخطي باللي يسوية.. ما يجي التفاهم بهالشكل.. ليش ناوين تحطون بعيالكم عقد نفسية..؟! عامر : و الدلع ما نفع معاهم.. هاه كم مخالفة عن السيد ما فكر يتكلم عنها.. و متهاوش بعد.. مشاري وهو مكتف يدينة : هذا خطأك.. تعطون عيالكم كل شيء و من غير أي مراقبة و لا توجية.. وما تبونهم يخطون.. تهاوشونهم على اخطاء مراهقة.. ليش مين منا ما اخطى بمراهقتة.. فيصل : عمي معاه حق.. ما ينفع هالاسلوب تسلمونهم غازي و اذا بيعاملهم بهالشكل بتجيهم عقد نفسية.. يوسف يناظر مشاري و فيصل : و الله انكم حليلين هذا العلم الزين.. انا حبيتكم خلاص.. عامر : غازي ماهو جاهل .. ما يعاقب الا ع الغلط.. و لا يبخس بحق احد.. خلهم يمشون تحت شورة كود يسترجلون.. مشعل بقوة وهو يناظر عامر : و الله ان تدخل فيني لا اشتكي عليه.. و اسفل فيه و اتهمة بعد.. مشاري ابتسم وحط يده على كتف مشعل : ما هو متدخل فيك..(يناظر ابراهيم) مشعل عندي.. ما احد له دخل فيه.. ابراهيم يلف فنجان بحركة دائرية و هادي و لا كأن ولده يتهاوش وراه مع غازي : خلاص دامك توليتة خطاه عندك.. مشاري يفرد يده على صدرة : بوجهي ما احد يكلمة.. يوسف يمثل البراءة : ما تبي لك واحد ثاني.. تولى امره.. تراني طيب و حنون و مطيع.. عامر : لا .. لا .. انت مع غازي.. يوسف يضرب كفوفة ببعض : قلت انا اصلاً انت عايفني.. ترى امي تبيني و الله انا ولدها الوحيد.. .. اما غازي و وليد ما زالوا على حالهم غازي مبرد اعصابة و لا كأنه من دقايق معصب على وليد لكنه شخص قادر على انه يتحكم في اعصابة اكثر من أي شخص .. و هذا اللي جالس يسوية بوليد يبي يدربة على كيفة : قلت لك خلني احس انك هديت عشان اترك.. وليد يغمض عيونة بقوة : اشك انك تحس اصلاً .. ويش تبيني اسوي عشان تحس اني هديت.. غازي : أي شيء يخليني اقتنع انك هديت.. وليد لف رقبتة وباس كتف غازي.. ابتسم غازي و حس انه انتصر.. و فلت وليد.. لكن وليد كان اذكي بهاللحظة و عض غازي بقوووة و اعطاة بوكس بيدة السليمة و ابتعد عنه .. و نطق و هو يلقط انفاسة بقوة : عشان تعرف شلون اهدأ.. غازي تفاجأ من حركة وليد.. حط يده على مكان عضة وليد وشاف الدم : ماشي يا وليد.. انتهى الدرس الأول.. بنشوف ويش بتسوي بالدرس الثاني.. وليد يشهر يده بتهديد على بوجة غازي : خل لسانك يجي على لساني لين اسبوع قدام .. و الله لا اتهاوش معاك من جديد.. غازي ابتسم : كانت يومين ويش اللي خلاها اسبوع..!؟ وليد بعناد : صارت اسبوعين كيفي انا حر.. غازي احتدت ملامحة : لا تدخل الشغل بالوسط..؟! وليد : وانا ويش يربطني فيك غير الشغل.. غازي : امش معاي نروح المستشفى.. وليد : قلت لك لا تكلمني.. ماني بعازتك.. بندر مسك وليد من ذراعة السليمة: انا بأخذة تعال.. غازي وهو يتجه للجلسة : اللي يريحك.. جلس معاهم و يوسف سكت ممثل انه هادي و راضي و لا كأنه من اول يحش بعمة.. مشاري : الله يهديك يا غازي ماهو اسلوب ذا.. غازي : انا و وليد لا احد يتدخل بيننا اللي بيني و بينه ما احد يعرفة.. (ناظر سعود) رافقهم بيروحون المستشفى.. سعود يناظر وليد اللي يركب سيارة عمه بندر و وقف : ان شاء الله.. ابراهيم : شكلك كسرتة.. غازي مبتسم : اغلب الظن.. عقبال اللي في بالي.. يوسف : لا الكيمياء اللي بينك و بين وليد ماهي بيني و بينك .. ما راح نتفاعل مع بعض.. صح ابوي ما يبيني مثل ابو سعود ما يبي ولده.. لكن امي تبيني و خواتي يبوني و جدتي تبيني.. غازي : و انا ابيك.. بربيك على مزاجي.. انت و اخوك و وليد.. محمد بهدوء : عمي ويش اللي تربينا على مزاجك خلاص كبرنا على ذا الأشياء.. بنجلس نتهاوش يعني..؟! غازي : جرب و راددني و شوف ويش بسوي فيك.. كلامي تسمعة و انت ما تشوف الدرب.. يوسف : طيب .. بس هواش و تكفيخ لا.. عظامي ابيها.. ما انت قايم فيني لا كسرتني.. يمدحون اسلوب النقاش اسلوب حضاري و راقي.. غازي : ينفع مع الناس اللي تفهم بالحكي.. لكن اللي ما يفهم بالحكي مثلك ما ينفع الا بالهبد.. يوسف : انا ويش مسوي بحياتي.. عشان كم مخالفة مرورية..؟! ماني اول واحد يقطع اشارات و لا يصدم احد.. بدل ما تسوي لي سلامة اني طالع من الموت.. غازي : لا طلعت من الموت اللي برسلك له حزتها اسوي لك سلامة.. يوسف يرفع يدينة : يا جماعة اللي غلطت عليه يحللني.. ان بودع الحياة.. وما ادري اذا ربي بيكتب لي عمر جديد اشوف الحياة و الا بندفن.. اللي كان مو غريب عليهم اسلوب غازي و يتوقعون منه أي شيء.. هم رجالة.. جالسين و الوضع عادي.. ياما دربهم على أشياء بطريقتة هو.. وسوا مثل اللي يسوية بوليد الحين و اكثر.. بالعكس معتبرينة معطي وليد وجه بزيادة.. و مأخذ راحتة.. الراحة اللي ما قدروا يذوقونها ايام التدريب معاه.. لانهم كانوا تحت امرتة يمشون حتى لو رفضوا يضلون متدربين عنده.. وحتى توظيفهم تم غير عن الطريقة اللي توظف فيها وليد.. نايف مبتسم يسولف مع عزام : كنت انتظر هاللحظة من زمان و مستغرب من الفريق ما سواها.. راشد : ما توقعتة يسويها .. توقعت وليد عنده غير.. عزام : لا يا حبيبي الفريق غازي ما عنده بالشغل يمه ارحميني.. و جية وليد هنا نرفزتة.. و ياما ح تشوف مثل ذا الموقف لين يدرب وليد على اللي يبيه.. و يحترم القوانين و يلتزم فيها.. راشد : اجل مطووولين.. نايف : بالحيــل مطولين اذا وليد بيضل معاند للفريق.. الفريق غازي يناظر نايف : شمسك عالية ما شاء الله..؟! نايف ابتسم : كنت سهران البارح.. الفريق غازي : ويش مسهرك..؟! نايف : عماد طلع و خلى المراقبة لي.. دق علي و قال لي انه طالع ضروري.. عامر : ما تدري وين راح..؟! نايف : لا.. ما قال لي.. بس شكلة كان مستعجل.. غازي يطلع جوالة : عاد ليته يرد على جوالة حضرتة.. يوسف وهو يناظر الأرض : شكلك ناوي ع الكل اليوم.. غازي يناظر يوسف بحدة : نيتي عليك غير ماهي معاهم.. قم البس لك شيء رياضي بتروح معاي لغرفة عماد الرياضية.. يوسف وقف : استودعتك يارب روحي.. مشى و خلاهم.. غازي يناظر محمد : قم ورى اخوك يالله.. محمد : ان شاء الله.. وقف ولحق يوسف.. مشاري : غازي اللي تسويه غلط.. غازي : لا ماهو غلط.. اصبر انت و بتشوف النتيجة.. مشاري : هم ماهم من رجالك عشان تقسى عليهم بهالشكل.. انت عمهم وما هو مطلوب منك اكثر من التوجية.. غازي : لما تشوف واحد منهم له سجل مخالفات تشيب الراس من كثرها وهو مالها الا كم سنة يسوق.. و السيارة عادمها عدام و ابوه مدلعة و كل سنة يشري له سنة جديدة.. و هاذي حتى بوليد نفس الحركة و لا يهمهم شيء.. كل شيء يجيهم بالساهل وين يتربون.. لكن اكرفهم و ربيهم من جديد علمهم ان الحياة ما فيها كل شيء بالساهل عشان يتربون ماهو عشانه موفر لهم كل شيء يطقون الكل بالجدار و لا كن وراهم حد.. خالد : يعني اللي سويتة مع وليد كان هذا سببة..؟! غازي : انا و وليد اللي بيننا شيء ثاني.. ما احد فيكم يعرفة.. ولا تحطونة بالنص.. عيال عامر شيء و وليد شيء ثاني.. لكن كلهم بربيهم بطريقتي.. يزيد : بس كبروا خلاص.. يعني اللي بيربي يربي صغير مو واحد طول بعرض.. غازي : و أنا ما عندي هالشيء.. دامهم حدوني اربيهم كبار بربيهم.. ماني عايز عنهم.. مشاري : بس طريقتك يا غازي.. ما تنفع و الله.. تراهم مراهقين هالأسلوب ما ينفع معاهم ماهم اطفال عشان يخافون منك بالضرب و الهواش.. غازي : ومين قالك بضربهم..؟! فيه الف طريقة للتربية تخليهم يشوفون من الحياة الوجة اللي ما شافوة.. اذا ظلوا كذا و الله ان كل واحد يجيب مصيبة كبر راسة ما احد يغطيها.. راكان : طيب ابوهم عندهم يربيهم.. غازي : عامر..! (ناظر اخوة) ما شد غير على عبدالله و ناصر و عماد و عماد انا كملت عليه.. و يوسف و محمد كل ما قلت له عيالك سوو يقول خلهم يعيشون حياتهم.. بدري على الشقا.. و كل شيء يبونه تحت امرهم من غير أي تعب و لا شقا.. حتى عند الخطأ ما يعاقبهم.. مدلعهم كنهم بنات.. حتى البنات ما عاملهم كذا.. عامر : كبرنا على اننا عاقبهم وهم كبروا على التربية.. غازي : ما احد يكبر على التربية.. انت بس لا تدخل بيني و بينهم.. و لا قالوا لك أي شيء رده علي.. لا توافق من راسك.. عامر ابتسم عاجبة الوضع : كيفك و الله تريحني.. غازي : انا اوريهم ثلاثتهم.. و الله لأخليهم يمشون على الصراط المستقيم.. مشاري : كيفك انا نصحتك.. بكره بتراكض وراء الأطباء النفسيين تعالجهم.. عبدالله : ياما تكفخنا ما راكضوا فينا وراء النفسيين.. لا يا ابوي الدلع معاهم ما ينفع.. مشاري : و الضرب و الهواش و التهميش ما ينفع.. هذولي مراهقين هذا ماهو اسلوب يتعامل الواحد فيه معاهم.. غازي : اللي يسمعك يقول اني بذبحهم بالحياة.. شايف هذولي.. اللي قدامك (آشر على رجالة) انا اللي دربتهم .. ما رحمتهم و اسألهم ويش سويت فيهم.. ما تعقدوا و لا غيره .. الوحيد شفت الوحيد من بين رجالي كلهم ما تعبني.. و بالرغم انه ما تعبني كان هالشيء يستفزني و اكلفة بشيء فوق طاقتة و لا قد ردها عليه هو (آشر عليه) عساف.. و أكثر واحد تعبني فيهم (ضرب على فخذ نايف اللي جالس يسارة) هالشيخ.. نايف ابتسم : و الله بصراحة انت ما قصرت.. عادي تنومني بالمركز ثلاث ايام.. و انقهر اذا طلعت انت و اجبرتني اقعد و تكلفني بشغل ويش كثرة اللي يقهرني اكثر ان رجعت وانا ما خلصت الشغل و اعطيتني تهزيئة.. عزام : ههههههههههههه و الله كانت الحركة توووولع بالكبد.. تخليك تحس انك ما سويت شيء.. عساف : بالعكس تحسسك انك مقصر و تشجعك تتصرف بشكل افضل بالمره الجاية و تقسم الوقت و الشغل بطريقة ممتازة و تنجزة بوقت قياسي و بالشكل المطلوب.. الفريق غازي : ما قلت لكم ما تعبني.. فاهم علي.. راشد : كلنا تعبانك و الله و انت ما قصرت معنا.. غازي : الحمدلله .. (يناظر بجوالة) حضرتة ما طرا له يرد.. (بعدها غير الرقم اتصل على شخص ثاني) السلام عليكم.. سلمان ما شفت عماد البارح اخر الليل او اليوم..!؟.. ما جاء للمكتب..!؟ دق لي على احد من رجالة بالمركز وشوفا ذا جاء لمركزة من البارح للحين.. ماشي.. و سكر الخط.. .. اما الحريم.. فالوضع كان غير بعض النفوس بها شيء حتى لو ما حصل تصادم.. لكن كلهم مجتمعين.. بنات و حريم.. ام عامر : و الله يا خية انها زينة.. نطلع نتقهوى برا.. عماد قال اذا تبون روحوا وراء اجلسوا زي ما تبون بس لا تبعدون.. ام مشاري : اجل الجو ويش زينة لو نطلع ازين.. مريم تناظر بنتها : نهى فيك شيء..؟! من صحيت الفجر و انتِ هاذي حالتك ما غيرتي مكانك و تهزين رجولك.. نهى بحدة : بدري بالحيل كان ما نشدتي..!؟ مريم عقدت حواجبها : خيــر..؟! طنشت نهى و صدت بوجهها من غير لا ترد على امها.. ام عبدالرحمن : انتِ ويش بلاك كن ابليس راكبك..؟! تدخلت هنادي اللي كانت واقفة قريب بس ما يشوفونها : نهــى!! نهى التفت لها و فزت : رد..؟! هنادي كانت تبيها تجي عشان ما احد يدري و يتوتر : تعالي.. نهى بحدة : رد و الا لا..؟! هنادي قربت منها و همست : لا تخلينهم يحسون شوي وبيرد عماد ان شاء الله.. نهى بحدة قوية و صوت الكل سمعة : متى حضرتة من البارح الساعة اثنين و حضرتة ما يرد علينا.. ام ندى : ايش مين اللي ما يرد عليكم..؟! نهى : الزفت عماد مأخذ وعد و للحين ما طمنا عليها.. ام ناصر : ليش مأخذها..؟! هنادي : ان شاء الله مو شيء يخوف.. ننتظرة يطمنا.. مريم قدمت بجلستها : ليش مأخذها طيب..؟! نهى : جاها نزيف.. و حضرتك ما تدرين عن بنتك.. عادي يصير فيها أي شيء .. اهم حاجة راحتك و حياتك ما يقلقها شيء.. ام عبدالرحمن طنشت كل كلام نهى : ويش اللي جاها نزيف ليش..؟! أثير : لا تكون شايلة شيء ثقيل او طاحت..؟! نهى : لا.. لكن ماشاء الله الناس ما قصرت فيها.. الله لا يسـ ــ ـ ـ (قطعت كلمتها وهي تضغط على خصرها بقوة) استغفر الله.. ام سعود : ليش ما حكيتوا من اول.. هنادي : ما نبي نقلقكم.. و عماد ما يرد علينا حتى نتطمن.. كنا نبي نشوف الوضع و نقولكم.. جود : يعني ايش..؟! البيبي طاح..؟! و الله وعد يزر عقلها.. ندى : فاولينا خير بعيد الشر عنهم.. نهى ناظرت ندى و ما علقت.. ما راح تهاوش مع خواتها قدام الكل.. اما امها عادي.. وجودها و عدمها واحد.. مريم : هنادي جربي دقي عليه من جديد.. هنادي : و الله دقيت يا عمه.. معلقة عليه بس اتصل ولا يرد.. مريم : كلمي ابوك و الا عمك يشوفون وينه.. خليه يطمنا.. نهى تكت ع الجدار بظهرها : مره خايفة على بنتك.. بسم الله عليك.. مريم : نهــى..؟! نهى : هذا الصدق.. ليش يعني تبيني اكذب.. على فكرة ترى وعد للحين ما تعرف ملامحك.. ولو تشوفك برا مع ناس ما تعرف انتِ أي وحده فيهم.. ياللي تتسمين امها.. ام عبدالرحمن : ادحري الشيطان يا نهى.. نهى : الشيطان ما دحرتة يوم طلبت الطلاق من ابوي.. و لا دحرتة يوم تركتنا.. صار الشيطان الحين فيني.. عهود : الله من الفراغة اذا بتتكلمين عن مواضيع اندفنت من سنين.. نهى وقفت عدل و آشرت على عهود بتهديد : انتِ ما كلمتك لا تدخلين نفسك بالنص.. ماني ناقصتك و الا اقسم بالله العظيم لا احط حرتي كلها فيك.. عهود عقدت حواجبها : تصدقين عاد خفت منك بالحيــل.. ام عبدالله : عهوود.. خلااااص.. ام ندى : نهى اجلسي .. توترك ماهو نافعك و لا نافع اختك.. ما انهت كلمتها نوال الا وعد داخلة بتعب و نحيب.. و صوت عماد وراها : هنــــادي.. نهى جرت لها.. و ارتمت وعد بحضن الشقيقة الوحيدة.. و انطلقت في صياح و تشد على نهى بقوة.. وهمست بصوت مبحوح من البكي : راح.. انتظرتة و راح.. هنادي وقفت على الباب وعيونة تناظر وعد .. وعماد برا : ايش فيه.. عماد : انتبهوا لها لازم ترتاح اعطيها المسكنات و المهدئ عشان تنام.. هنادي : و البيبي ..؟! عماد بثبات وصوت خالي من أي تعبير : عليه العوض.. هنادي شهقت كان لازم تفهم من صياح وعد انها فقدت البيبي ناظرت بعماد : حبيبي لا تزعل الله بيعوضكم توكم ببداية حياتكم.. عماد : ادخلي.. و انتبهي لها.. انتِ دكتورة و تفهمين بذا المواضيع.. هنادي : لا تشيل هم.. بحطها بعيوني.. ام عبدالرحمن : ويش بلاك تصيحين.. وعيـــد.. ام ندى و مريم وقفوا جنبهم.. وحده ممكن يتقبلونها و يتقبلون منها أي شيء ربطها فيهم تربية و امومة .. وثانية ربطها فيهم دم ولحم.. تسع شهور في البطن.. لكن ما يتقبلون منها شيء.. ام ندى : بسم الله عليك وعد ويش صار لك..؟! هنادي واقفة قريب منهم : طاح البيبي.. سكتوا للحظة يستوعبون الكلمة.. لكنها مو شيء غريب.. أي مرأة بالدنيا حامل معرضة لأنها تسقط حملها اذا ربي ما تممة لها.. مدت يدها مريم عشان تهدي بنتها : لا تزعلين ربي بيعوضكم.. وعد شدت على نهى و رجعت نهى خطوة ورى عشان راس وعد اللي على كتفها يبعد عن لمسة المفروض تحس فيها وعد من سنين.. مو يوم صار عمرها 23 سنة و تواسيها على فقد ضنا.. ومين يواسيها انسانة ما قدرت ايش يعني ضنا و طفل.. انسانة ربي عطاها و تخلت عنهم.. كيف بتحس ببنتها اللي طاح بيبي في حشاها صار لها شهرين و شوي و تعودت عليه.. و انتظرتة و تعد الأيام عشان تشوفة و تشيلة بين يديها و تحطة بحضنها.. شهقت وعد بألم نفسي و جسدي.. تخطى طاقتها ما حست بالانتماء الا لها.. لـ نهى.. يمكن خلافها مع ابوها خلاها تحس بالبعد من كل اخواتها.. و امها ما كانت قريبة منها في يوم عشان تحس الحين بوجودها.. ام عامر : اذكري الله يا بنيتي.. الله بيرزقك بغيرة.. ما انتِ بأول مره يطيح اللي في بطنها.. ام عبدالرحمن : استهدي بالله.. الصياح ماهو نافعك و لا راد اللي ببطنك.. الحريم يفقدن لهن عيال عاشوا معاهم عمر.. الله اخذة منك الحين قبل لا تعودين عليه و تحطينه بحضنك.. ويش تقول المره اللي عاشت مع ولدها و فقدتة..؟! نهى همست : وعــد تكفين لا تبكين.. خلاص.. ربي ما تممة لك هو اللي يدبر لك امورك باللي فيه خير لك.. ام ناصر : الحمدلله على كل حال.. اكيد ان عماد متضايق.. ام عامر : ما به شيء يضايق.. مير النفوس تبي الضنا.. و ربي ما كتبة .. يتعوذون من ابليس هو اللي مضايقهم.. الله بيرزقهم ان شاء الله بالضنا الصالح.. ام ندى مدت يدها لكتفة وعد تضغط عليها و تواسيها : بس يا امي.. قولي الحمدلله.. شوفي مصيبة غيرك تهون عليك مصيبتك.. شفتي اللي صار لي.. فقدت كم ضنا و ظل قلبي معلق بواحدن قالوا لي انه مات.. 28 سنة ما اعرف ارضة من سماة و يحسبون ان فيني بلى.. لو اني ادري بس انه تحت الأرض على الأقل ربي ارحم فيه مني.. لكن قلبي كان يحس فيه.. قولي الحمدلله.. و ربي بيعوضك بضنا غيره.. تملين حضنك فيه.. رفعت وعد راسها عشان تقابل امها.. امها اللي ربتها و فتحت لها حضنها.. وجهها احمر : بس انا كنت انتظرة.. ابيه.. حسبت الأيام عشان اشوفة.. نوال يدينها على كتف وعد : انك تفقدينة و ما نفخت فيه الروح للحين.. ارحم من انك تفقدينة وهو عاش بحضنك لو هو يوم.. والا ساعة.. ربي لطف فيك.. و رحم ضعفك.. احتوت نوال وعد.. و وعد اظهرت ضعف من زمان كان داخلها.. ضعف راكمتة موقف على موقف.. لين انفجر بأخر مواقفها و ما وقفت صياح.. وعد ما كانت تبكي قدام احد.. الآن ما عاد يهمها.. ويش جاب لها الكبت و التعب النفسي غير فقد الضنا.. ويش جاب لها غير انها سكتت عن حق هو لها.. ارتحت بحضن نوال و هي تشهق بنحيب ليس فقد طفل فقط.. لكن فقد كل شيء كان له من زمن قيمة.. او كانت هي بالنسبة له شيء و صارت ولا شيء.. بكت شرف ما قصر عماد بطعنة.. بكت حبيب راح من سنين وهي السبب في روحتة حتى لو هي مقتنعة ما يمنع ان قلبها يعذبها بين حين و حين.. بكت اب ما وقف معاها ضد بنتة و كانها هي افضل منها.. بكت ام مهمتها بحياتها انتهت لما ولدتها.. بكت و هي تذكر كل موقف مر عليها و ضايقها.. هنادي : عماد يقول اعطوها المسكنات و المهدئ.. افضل نعطيها الحين عشان تنام و ترتاح.. .. برا اول ما نزل وعد جلس على الدرج.. كان يشوفهم جالسين و كأن بينهم نقاش حاد.. لكنه ماله خلق يكلمهم.. جالس ومطلع جوالة و حاط يده عليه و كأنه يطقطق عشان يحسبون عنده شيء.. وماهو جالس كذا.. لكن صوت قاطعة .. : جالس تمثل عليهم تراك مكشوف.. التفت ليوسف : انقلع عني ترى و الله واصلة معي لا تخليها تجي فيك.. يوسف : ما ادري مين داعي علي.. انت و عمك ناوين تحطون حرتكم فيني.. هذاك معصب من وليدوة و يبيها فيني و انت شكل المدام مزعلتك.. كل كلام يوسف مر على عماد و لا كأنه سمعة حتى اسم وليد ما انتبه له.. يوسف جلس جنب عماد و حط يده على فخذ عماد : اسمع يا اخوي.. أنا اخوك الصغير.. و الواجب على الأخ الكبير انه يحمي اخوه الصغير.. عماد نزل نظارتة الشمسية على عينة وهو يناظر بيوسف اللي يتكلم و لا هامة شيء : اللي بعده.. يوسف هادي : شوف عمك ناوي علي.. و انا اخوك الصغير اخر العنقود.. خلك شقردي مع اخوك.. عماد : ان ما قلت له يكسر لك ظهرك.. بس اصبر.. : يووووسف.. يوسف ناظر عمه و بلع ريقة : يالله انك تسلمني بس هذا اللي ابيه.. هلا.. تقدم غازي لهم .. و يوسف وقف .. غازي : بسرعة الحق اخوك على غرفة الرياضة.. يوسف : ما ينفع اخذ اجازة اليوم.. غازي يحك حاجبة بسبابتة : الا ينفع.. روح ارتاح شكلك تعبان.. يوسف يدري ان عمه يستهبل.. بقي ثانيتين ويتكفخ.. انحاش اول ما حس ان عمه بيتحرك و يمسكة التفت وهو يشوف عمة ماد يده للمكان اللي كان موجود فيه قبل لحظة و اطلق ضحكتة : ههههههههههه يسموني الفار من سرعتي.. غازي : نشوف كيف سرعتك بالتدريب.. و الله لأصير لك قطو.. يوسف : لا انا اسرع بالأشياء اللي ابيها.. غازي بحدة : يوووسف.. يوسف عرف ان عمه عصب : خلاص ريلاكس. بس لا تطول عشان ما امل.. غازي : انقلع بســـرعة عن وجهي.. يوسف مشى بس مو لغرفة التدريب لأبوه رجع للجلسة.. اما غازي التفت على عماد : وين كنت..؟! عماد : مشوار.. غازي : و المشوار ماله اسم.. عماد : الا.. بس ماني رايق احكي فيه.. غازي : لا تستفزني.. مأخذ زوجتك و طالع وين.. احنا نجيبهم عشان نأمن عليهم و أنت حضرتك مطلعها و لا كن وراكم احد.. تردون عليه الشور.. عماد و عيونة تنطق غضب لكن نظارتة حاجز ما تخلي غازي يشوف تعبير عيون عماد : و الله هذا شيء راجع لي.. زوجتي انا وليها ما احد له دخل فيني.. غازي رفع حاجبة : لا يا شيخ..؟! مو على اساس متزاعلين..؟! عماد : عمي ماني فايق .. صاحي من امس الفجر.. وما عندي استعداد اناقشك في شيء.. غازي : مأخذها عشان تهاوش معاها و تكمل اللي ما قلتة لها صح..؟! ياخي انت ما تحس.. خلها لين تولد و سو اللي تبيه ان طلع ماهو ولدك.. عماد يصر على أسنانة : سقطت.. غازي بله في وجه عماد : هاه.. عماد : باليوم اللي تقبلت فيه حملها.. و حسبت لها لما قالت لها ثلاث شهور.. قلت هانت ان شاء الله ست شهور و بيكون عندي ولد.. لما شفت ولد خالد اخوها فز قلبي.. اول مره احس اني زوجتي حامل .. البارح بس اللي تقبلت الموضوع.. البارح اللي بغيتة و ما كنت مفكر حتى اتأكد من أي شيء.. كنت ابيه يكون ولدي حتى لو مو ولدي.. لكن حضرتها سقطت.. غازي حط رجلة جنب رجل عماد على الدرج و الثانية ع الأرض.. استند بذراعة على فخذة وهو مدنق على عماد : يعني تقصد انها متعمدة تنزلة.؟! عماد : الدكتورة تقول نفسيتها سيئة و جسمها ضعيف.. و الحامل بالشهور الأولى تحتاج رعاية.. و تهتم بنفسيتها وما تخلي شيء يكدرها.. و هذا السبب النزيف اللي جاها.. غازي : يعني انت احد الأسباب في انها سقطت.. عماد بحدة : لا ماني احدها.. لو هي واثقة من نفسها ما تعبت نفسيتها.. غازي : واثقة من نفسها..؟! تدري لو الرجال اللي جالسين هناك سمعوا كلامك عن اختهم ما راح يسكتون لك.. ابراهيم مر عليه الموضوع بمزاجة.. و مشاها لك.. قالك كان خليتها بقلبك و لا جرحتها فيها.. لا تغلط الغلط مرتين يا عماد.. البنت حلفت لك ان ما احد لمسها.. عدا ان فيه شيء ثاني يثبت ان الطفل انت ابوه.. عماد : شلون..؟! غازي : كم صار لها حامل..؟! عماد : كانت بادية بالثالث من اسبوع تقريباً.. غازي : يعني يوم حملت بداية رمضان اول حملها.. وين كانت..؟! عماد : عندي.. غازي : اذاً قضى الموضوع.. ماله داعي تشكك بشرف البنية.. عماد : متأكد..!؟ غازي : ما افهم بسوالف الحريم.. لكن انت فكر فيها.. لانها يوم انخطفت كان بنص رمضان.. عماد : يعني ظلمتها..؟! غازي صلب نفسة : قولبها براسك.. و تعرف ان الولد كان ولدك.. عماد : لما انت تعرف ذا السوالف ليش ما علمتني..؟! ماهي كانت عندك اسبوع..؟! غازي : قلت امال وهي نبهتني على ذا الشيء.. الحريم سواليفهن ويش كبرها تبيني اعرفها هذا اللي ناقصني.. انا بروح التدريب.. و انت علم ابوها و بعدها ارتاح.. احتمال يكون عندنا شغل العصر.. مع رجعة السيد وليد..< قال جملتة الأخيرة و اعطى عماد ظهرة بيمشي.. عماد وقف و سـأل عمه : مين رجع..؟! الفريق غازي : وليد.. ولا تسأل شلون عندك الشباب يعلمونك.. اتجه غازي لغرفة عماد الرياضية و عماد اتجه لجلسة الرجال : السلام عليكم.. : وعليكم السلام.. عماد جلس بعد ما حب رووس الكبار منهم و صافح الشباب.. عامر : وين كنت..؟! عماد : اقضي لي مشوار.. وين الشباب..؟! خالد : ما احنا عاجبينك..!؟ عماد : مو القصد.. بس اقصد نايف و راشد و عزام و عساف و سعود.. يعني الأمن.. ناصر : سعود راح مع عمه و أخوه اما الباقين كلهم راحوا غرفة التدريب قبل عمي.. ناوي على يوسف و محمد.. عماد : احسن.. يستاهلون.. عبدالله : ويش بلاك نفسك براس خشمك .. لا يكون بتحطها فيهم عمي ماهو مقصر فيهم.. يكفيهم هو لا تزيدها عليهم.. عماد : لو اني فايق ما قصرتي .. لكني بروح انام لي شوي.. ابو عبدالرحمن : تنام هالحين... يوم صارت الشمس بوسط السماء.. عماد لا شعورياً رفع عيونة يدور الشمس وين مكانها بعدها ناظر ابو عبدالرحمن : ما نمت من امس.. ابو عبدالرحمن : ويش مسهرك.؟! ابليــس..؟! عماد وقف : لا .. كنت بالمستشفى.. (ناظر ابراهيم) وعد جاها نزيف و سقطت.. اعتدل ابو سعود بجلستة من صدمتة بالخبر حط كفة على المركى يستند عليها و كأنه بيقوم : ويــش..؟! عامر : متى صار هالحكي..؟! عماد : أخر الليل.. أحمد : كيفها طيب..؟! عماد : إن شاء الله بخير.. بس تأخذ المهدئ بتنام.. ابو عبدالرحمن : الله يرزقكم بغيره.. عماد : امين.. ابراهيم : طيب ايش السبب.. مو معقول جاها نزيف من الباب للدريشة..؟! عماد : الدكتورة قالت نفسيتها سيئة.. و اول شهور الحمل لازم تكون مرتاحة عشان يثبت الحمل.. احمد : كان متوقع ان حملها ما يتم.. كان يبي لها رعاية على الأقل لين يثبت.. لأن اللي عاشتة اول حملها ماهو شوي.. مشاري : الحمل يتعوض اهم شيء سلامتها هي.. عماد : الحمدلله.. (ناظر جوالة هنادي يتصل بك) ناصر قبل اذان الظهر بعشر دقايق دق علي صحيني.. ناصر : ان شاء الله بس لا تخليه صامت.. عماد يعطيهم ظهرة : عن اذنكم.. (رد على هنادي) الو.. وعليكم السلام.. شلون يعني ماهي راضية..؟! .. طيب شوفي لي الدرب.. انا اتفاهم معاها بس خليهم يطلعون من الغرفة.. اتجه للباب وهو واقف بتعب.. لما شاف ولد خالد امس تمنى يكون عنده ولد.. امس بس اول مره يفرح بحمل وعد و يحس ان روحة تنتظر مولود.. ما كملت فرحتة 24 ساعة الا تتصل عليه و تقوله انها تنزف و راحت فرحتة مع الطفل اللي ما تقبلة بأول الموضوع.. فتحت عهود الباب : حياك.. زوجتك مدللللعة.. كنها اول مره تسقط.. عماد دخل و طنش عهود و لا رد عليها.. عيونة كانت بالأرض.. لمح حريم متلبسين اسود جالسين على يسارة بالصالة لكنه تخطاهم.. و وقف لما تعدا و ما عاد يشوفهم بس ما يدري وعد بأي غرفة : وين..؟! ما جاه من بد الأصوات الا صوتها.. صوتها اللي اخترق جدار قلبة مثل قنبلة فجرت حصونة رفع عيونة .. شافها لابسة عبايتها و واقفة عند باب الغرفة.. ليش هي من بينهم كلهم اللي علمتة عن مكان زوجتة.. ليش واقفة اصلاً هنا..؟! عشان ايش..؟! لكن مو عماد يا انهار.. مو عماد.. تجاهل قلبة و كل جيوش الحنين و مد يده يفتح الباب المردود اللي واقفة عنده .. دخل.. و شاف هنادي و جدتة ام عامر و ام عبدالرحمن و امه.. : السلام عليكم.. : وعليكم السلام.. ام ناصر قربت من ولدها وحطت يدها على كتفة : معوض خير يا ابوي.. عماد صوتة مبحوح جرح يصحى كل ما شافها.. و مشاعر محبوسة ما ماتت و لا انعتق منها.. واقفة وراه.. يحس بوجودها.. قدامة مره على ذمتة و وراة مرة بوسط قلبة : الحمدلله.. ام عبدالرحمن : يا وليدي هديناها مير ماهي راضية تهدأ.. هنادي : حاولت فيها تأخذ المهدئ و رفضت.. ماهي راضية بس تبكي.. عماد يأخذ نفس لازم يتصرف ع اللي قدامة و اللي على ذمتة .. اما اللي طعنت صدرة وهي ساكنة فيه ما راح يلقي لطعونها بال : طيب انا بشوفها.. بس خلونا لحالنا.. كان يبيهم يطلعون كلهم.. عشان يرتاح من شوفة اللي وراه.. يتحاشى وجودها دايم.. مره وحده جلس معاها من تزوجت يوم جاب وعد لبيتهم و انتهت بهوشة كبيرة.. طلعوا كلهم عدا هنادي : عارف كيف العلاج.. عماد : من كل واحد حبة الا المهدئ ثنتين.. هنادي : كويس.. اخليكم.. عماد : اذا اذن الظهر و ما صحيت دقي علي الباب.. هنادي بصدمة : تبي تنام هنا.؟! عماد : ايه ليش..؟! هنادي : بس هاذي غرفة خواتها.. عماد : لين الظهر بس.. يالله فكينا.. هنادي : على راحتك.. طلعت و سكرت الباب.. اما هو اتجه للسرير من الجهة الثانية.. رمى جوالة و مفاتيحة و سلاحة على الكومدينة و انسدح جنبها.. كانت معطيتة وجهها وتصيح .. عماد : الله عطانا و الله اخذ.. (مد يده يمسح على شعرها بهدوء و كل احاسيس قلبة تلعب على وتر هو ما عايفة "انهار") : ربي ما كتب لنا نشيلة و نضمة.. بس ان شاء الله يكتب لنا غيره.. اذا بتجلسين تصيحين وهو عمره 3 شهور كيف تسوي اللي تفقد ولدها كبير.. وعد مدت يدها و بعدت يده عن شعرها بقوة : على اساس انك حاس بفقدة.. انت ما حسيت بوجودة عشان تفقدة.. انت اخر واحد ممكن يطبطب علي.. عماد : اللي فقدتية انا فقدتة.. جلست وعد بقوة : لا ما فقدتة.. انت اصلاً ما حسيت فيه عشان تفقدة.. لا تقرنن نفسك فيني.. انت انسان عديم احساس.. عماد انسدح على ظهرة : الا احس.. بغيتة ولدي.. مير ما جاتني على الكيف.. لا تحسبينها هينة علي.. مثل ماهي صعبة عليك صعبة علي.. لكني ما نسيت ربي وهو رحمنا ولطف فينا.. اخذة منا و احنا ما شفناة ارحم بمليون مره من انه يكون تربينا بينا.. وعد تصيح : الله يأخذك يا كلب.. انت اصلاً ما تبيه.. شكيت بشرفي.. الحين طاب خاطرك.. الحين ارتحت.. يا حمار اكرهك اكرهك.. جلس عماد ساند ظهرة على ظهر السرير و رجولة ممدة : ادري انك شريفة.. من مدة حملك يدل ان الطفل ولدي.. عماد جلست جنبة و صارت تضربة بقهـــر : يا حقيــر يا حثالة.. بعد ما طعنت بشرفي جاي تقولها باردة مبردة.. الله لا يسامحك الله لا يسامحك طعنتني طعنتني.. عماد مسك يدينها و شدها عليه بقوة : اششش.. نفسيتك المدمرة هي السبب بان الطفل طاح.. ويش اللي دمرك اذا على كلامي و انتِ واثقة من نفسك كان حافظتي عليه لين تولدين ما تخلينه يروح كذا بالساهل.. انصدمت من كلامة.. كان ما يبيه.. و الحين يحملها الخطأ.. حط الذنب عليها .. عيونها متسعة تناظر بعيونة خالية من أي تعبير حنون او طيب.. و عيونة الكحيلة زادت نظرتة حدة لها.. اما هي دموعها تنزل و هي تناظر بعيونة : تحملني الذنب..؟! اخليه يروح بالساهل..؟! توك تكلم عن الله اللي يسمعك يقول تعرف ربك.. و انت تظلمني مره ورى مره.. ظلمتني يوم طعنتني.. ظلمتني من قبل يوم كنت محبوسة عندك و شككتني حتى بأهلي.. و طحت بالمستشفى بسبتك.. و انخطفت و انت ما قدرت تسوي لي شيء.. ثم طعنتني.. و اليحن تحملني مسؤولية ان البيبي طاح.. و تقول انا ما حافظت عليه.. انا اصلاً ويش يربطني فيك الا هو.. هو اللي كان مصبرني عليك و اللي كنت ابي اضحي بكل شيء عشانة.. حتى روحي.. انت ويش سويت له..؟! ويش سويت غير انك تنكرت له و عدمت نفسيتي.. انت السبب بكل شيء.. انت السبب انا ما راح اسامحك ما راح اسامحك كل حياتي.. عماد فلت يدها بحدة : لا تسامحيني ما طلبتك تسامحيني.. اقسم بايات الله يا وعد.. هي كلمة وحدة و لا أثنيها .. دلعك و مصاختك هاذي ما ابي اشوفها مره ثانية.. و اللي رفع سبع و بسط سبع.. لو كلمة وحدة تطلع باللي يصير بيني و بينك لأفتري فيك وأسوي فيك شيء عمرك ما راح تتخلينة و لا يخطر على بالك.. بعدت عنها بظهرها ظلت تناظر مصدومة خايفة.. ايه خايفة لأن هوشتها مع ابوها امس حسستها انها بدون سند.. وجودها الحين بمكانه هو بعد اللي قالة فيها خلاها تحس انها ولا شيء هي شيء ما ينعد له حساب.. يهددها و يرمي كل شيء عليها و هو ما كأنه مسوي شيء..؟! هذا اللي نادوه عشان يهديها عشانهم بنفس المركب و فقدوا طفل : تتوقع انك بتقدر علي بالذيب.. عماد رفع حاجبة الأيسر : العبي بكل الأوراق مثل ما تبين.. الا ورقة الطلاق لا تحطينها بوجهي عشان وقتها ما اتصرف معاك بتصرف ثاني.. ونشوف مين ينتصر فينا بالأخير انا و الا انتِ..؟! وعد تصر على أسنانها : تتوقع بقولك لا..؟! انا حياتي ضاعت اصلاً من اليوم اللي ارتبطت فيك.. لكن و الله يا عماد لا اندمك على كل شيء سويتة فيني... و الله لأخليك تعض اصابعك ندم و قهر.. و قول وعد ما قالت.. عماد ابتسم و كأنه منتصر عرف يطلعها من حزنها بتحدي بينه و بينها ماهو خسران شيء.. اهم شيء تتغير نفسيتها و ابعد الطلاق من طريقهم : نشوف .. و الحين تأخذين ادويتك و تنامين لاني بنام و ماني رايق اتحايل عليك.. وعد انسدحت وتلحفت : مالك دخل فيني انا اسوي اللي يريحني.. عماد انسدح على ظهره : كيفك و الله المهم اني انا سويت اللي علي و قلت لم خذي ادويتك ماهي مسؤوليتي لا تعبتي.. وعد اعطتة ظهرها و الدموع ما زالت بعيونها : انطم و نام.. .. | |||||||||
|
| |
|
01-10-14, 12:42 AM
| #79 | |||||||||
| نجم روايتي ومشرفة سابقة وفراشة متالقة بعالم الازياء
| ام عامر : و الله ان ما خطبتها الليلة لا أنت ولدي و لا اعرفك.. غازي اتسعت عيونة مسكها قبل لا تطلع من الغرفة : انتِ تدرين اني ما اسوى شيء بلا رضاك.. و ربي ما وفقني بحياتي و لا بشغلي الا من رضاك.. اذا بتغضبين علي ربي بيغضب علي.. تكفين يا يمه اجلي الموضوع فترة بس.. لين اتفضى له.. ام عامر سحبت يدها من يدة : و الله يا غازي تعرفني ما ارد كلمتي مرتين.. انت بتأجل الموضوع عشان بناتك.. غازي : مو بس بناتي.. عساف يمه.. زينة اروح اخطب خطيبتة..؟! خليني على الأقل اعرف انها ماهي بخاطرة.. زينة اخذ منه مرتة.. تشوفينها زينة بحقي..؟! غازي يأشر لأخوة عامر عشان يتدخل .. عامر وقف جنب امه : اعطية يومين يمه.. لا تحطينة بموقف صعب.. اذا عساف له خاطر ببنت عمه هو اولى فيها.. وقتها ندور لغازي على مره ثانية.. غازي مقهور يحس انهم يلعبون فيه بس انه ساكت عشان رضى امه.. ما يتخيل انها تغضب عليه.. يتوقع ان كل شيء بيصعب عليه و لا راح يسوي أي شيء صح لو غضبت عليه : يومين يمه.. اقنع فيها بناتي و اشوف عساف.. ام عامر : هذاك قلتها يا غازي بعظمة لسانك.. ان ما سمعت وراها خبر خطبتك و الله يا غازي اني لا ازعل عليك و لا يطب لساني على لسانك.. غازي باس راسها : لا الا زعلك و الله لو ما انتِ غالية عندي ما سويتها.. بس عشان خاطرك.. ام عامر : و أنا لو ما أبي لك الزين ما طلبت منك تزوج.. مريتك ما عليها قصور.. مير ابي لك ولد يشيل اسمك.. و يسندك و يسند بناتك.. غازي : الله يقدم اللي فيه الخير.. طلعت ام عامر و غازي التفت على اخوة : بالله تشوفها زينة بحقي.. اخطب خطيبة واحد من رجالي..؟! عامر : اذا الخطبة تفركشت عادي لا هو عيب و لا حرام .. و اذا على ابراهيم انا بكلمة.. غازي : اصبر .. اول شيء بشوف عساف.. عامر : و بناتك..؟! غازي : لو بكيفي ما تزوجت عشان زعلهن.. لكن امي مصرة.. و امي الزم علي.. بكلمهن و اقنعهن.. ما راح اخلي الموضوع كذا.. عامر : تحرك بسرعة معاك يومين.. غازي يصر على اسنانة بقهر : كني ابو 16 سنة عشان انجبر على زواج.. عامر : لا تأخذها من ذا الزاوية.. انت اصلاً ما عندك مانع تتزوج و زوجتك ما عندها مانع.. و اللي رادك بناتك.. غازي : ماني فاضي ازعلهم و اراضيهن الحين..ما راح يتقبلن الموضوع بسهولة.. عامر : شوق و لينا ما ينخاف منهم.. ريما هي اللي ما راح تسكت.. غازي : ومو معقول بخليها زعلانة.. و انا اصلاً ماني فاضي.. يعني خطبة بوقت انا ماني فاضي يعني بالله هذا وضع الواحد يفكر فيه بخطبة..؟! عامر : عاد امي لا نوت شيء تسوية.. لا تحاول تخاذل بتأكلها على راسك.. برا الرجال كلهم مجتمعين.. حتى عماد و وليد.. وليد من رجع المستشفى ما شاف غازي.. عماد : اهم شيء انها ماهي قوية.. وليد بقهر : كسر ويش تبي اقوى من كذا..؟! ناصر يناظر محمد و يوسف.. محمد جالس و مبين عليه التعب.. اما يوسف باقي شبر و راسة يوصل الأرض من التعب و النوم : يوسف ترى بعلم عمي.. يوسف فز يتلفت.. كلهم ضححكوا على شكلة.. ناظرهم منقهر : علمه.. ماشاء الله فيه شدة للحين يهاوش بعد الكرف اللي وكلنا اياه.. محمد : اكلنا طن من التبن.. وهو عادي.. و لا كأنه يسوي رياضة كنه جالس يتقهوى.. يوسف لف على محمد : من جد.. قهرني .. (يفخم صوتة مثل عمة) يوسف ارفع رجلك اكثر.. محمد اسرع ابغاك تجري صاروخ مو سلحفاة.. (رجع لصوتة الطبيعي) عمرك شفت صاروخ يجري..؟! اول مره اسمع فيها منه..؟!! محمد ضرب كفة بكف يوسف و افلتوها ضحك على عمهم.. عبدالله : ماشاء الله فقتوا السالفة فيها حش بخلق الله.. يوسف : ما احد قاله يتعرض لنا.. ابو عمر : بيأخذ من حسناتكم ما انتم مستفيدين شيء.. و بعدين عمكم يبي مصلحتكم.. يوسف : أي مصلحة و الله بس يبي يحط حرتة فينا.. اما رجالة.. (لف على الشباب اللي جالسين جنب بعض) عادي متعودين.. الا بعض الناس اكلوا لهم كم تهزيئة.. نايف : ههههههههههههههههه لا تدقق ترى بنقفك.. يوسف : ههههههههههههه شلون عمي تنازل و خلاك عميد.. اتوقع يتمنذل عليك وما يعطيك ترقية عشان ما وصلت لدرجة الإتقان اللي هو يبيها.. نايف : اسكت اللي شفتة ذا ولا شيء.. لا دخلت تدريب معاه.. مره دربني على ذا الحركة بالسلاح.. عماد ابتسم : اكيد الحركة اللي تتصدى الرميات اللي ع الراس بميلة بسيطة.. نايف : ايه هي.. اكلتها مرات و مرات منه.. بس عادي تعودت.. يوسف : ما فقع لك وجهك مره..؟! نايف : لا عاد.. شوف يذبحني تجي عليه.. لكن يشوه جمالي لا.. يوسف : ههههههههههههههههه الحين انت جميل..؟! اجل انا ويش اقول..؟! نايف : انت تيــس.. يوسف : تعــقب.. بين كل الأصوات الثقيلة و الخشنة طغى صوتها الناعم عليهم.. تعلقت برقبة ابوها من ورى : بـــابـــا.. خالد مسك ذراعها الصغيرة : ايش فيك.. رند تأشر ع البزارن يلعبون : ابراهيم الدب يدولي لوحي العب مع همس بنت متلت انا ابي العب معاهم.. خالد : وهو صادق.. روحي العبي مع البنية ليش تروحين مع العيال.. بعدت عن ابوها بقهر.. و اتجهت لجدها.. هو اللي بينصرها و بيخلي كلمتها تمشي : جدوو.. ابو سعود ابتسم : وصلتِ و الله غير تلعبين وهم يتفرجون.. يا ابرهيــــم.. فـــــارس.. غازي و عامر : السلام عليكم.. : وعليكم السلام.. جلسوا بأماكنهم.. غازي تجاهل وليد و وليد عادي طنشة.. يكفي هوشتهم الصباح و اللي صار من وراها.. ابراهيم : هلا يبه.. ابو سعود : تنزلون من اللعبة و تخلي اختك تلعب.. فارس جاء ووقف بعد ابراهيم : لا يبه ويش اللي ننزل و هي تلعب.. ابو سعود : عشان المره الثانية ما تزعلونها.. يالله.. فارس : طيب تلعب معانا.. ابراهيم بحدة طفولية تلبست بالرجولة : لا ما تلعب.. كلهم عيال ليش تلعب معاهم.. تروح مع البنات.. ابو سعود : خلاص خلو اللعبة لها.. لا تلعبون فيها.. رند : لا .. انا تلعب معاهم.. ما تلعب لحالي.. ابو سعود يناظرها : عاد مالنا فيك حيلة انتِ و اخوك.. ابراهيم اتجه لأبوه : انا ما ابي العب و لا ابيها تلعب.. أحمد : عمي لا تحجر على اختك كذا.. توها صغيرة حرام.. خلها تلعب.. كلهم صغار.. ابراهيم جلس جنب ابوه و ناظرة : انت ويش رايك عادي..؟! خالد ببساطة : صغيرة.. كلهم صغار صغار مثل ما قال عمك احمد.. ابراهيم : بس كلهم عيال ليش ما تلعب مع همس..؟! رند : همس راحت مع البنات.. انا ما ابيهم.. ابو سعود : خلاص روحي مع فارس خلي ابراهيم يجلس.. رند نقزت على رجلة و باست خدة : احبـــــــــــــــت.. ابو سعود ابتسم : و انا احبك.. راكان : ماشاء الله عارفة وين تروح لا بغت شيء.. ابو عساف : ايه ماشاء الله عارفة تطلب مين.. عامر : هم زينة البيت.. الأب يشد و الجد يرخي.. ابو سعود : لو بخليها على خالد كان ولاها ولدة .. لا خلها عندي ماني عايز اربي بنت جديدة.. ابو عمر : الله يعطيك العافية يا اخوي.. و ان شاء الله تفرح بعيالهم جميع.. ابو سعود : ان شاء الله .. الله كريم.. ابو عبدالرحمن : و الله على ذا الجلسة ما احد من عيالنا بيتزوج.. عامر يناظر غازي و عماد : ان شاء الله يعتقونا.. غازي : عيشوا حياتكم مثل ما تبون بس بذا الحدود.. و شغلكم موظفينكم ويش كثرهم ماشاء الله خلوهم يجيبونة لين هنا.. ابو سعود : لا عاد الا هاذي بس اني ساكت هاليومين.. لكن ان شاء الله من بكره بداوم.. سعود : يبه لا تكفى.. ابو سعود : تكفى انت.. انا اعرف مصلحتي.. عامر : و لا بالعقل بنجلس هنا وننتظر حلالنا يروح.. غازي : حياتكم اهم من الشغل.. وراكم عيال.. بلا عناد تراني ما اقدر على اثنينكم.. يكفي عيالكم.. أبو سعود : عيالي ماهم طالعين.. كاد بعض الناس صاروا عندك و انت تحكمهم مالنا دخل فيهم.. اما الباقين ما احد بيطلع.. أحمد : يبه ما اقدر يكفي مأخذ اجازة يومين.. حاتم : و انا بعد عندي سلسلة عمليات هالإسبوع.. ما اقدر اتركها.. خالد : و انا عندي رحلة لـروما.. من اول وظيفتي ما صار لي سنة اقدم اجازة ولا بالعقل.. مشعل : و انا دراستي ما قدمت قانون عشان اغيب عن محاضراتي.. ياسر : و انا عندي حجوزات لليل اخر ايام الويك اند.. مستحيل ما اروح انجزها.. ابو سعود : انت عندك موظفينك ينجزون الشغل بدالك.. (آشر على مشعل) و انت دراستك عندك عمك يشرح لك ما تبي.. ( أشر على خالد) و انت انا اجيب لك اجازتك من غير شوشرة خلك مع عيالك.. و انتم احمد و حاتم قدموا اجازة فيه مين ينوب عنكم.. احمد : يبه و الله عندي ثلاث عمليات هالاسبوع.. ابو سعود : فيه مين ينوب عنك.. احمد : الله يرضى لي عليك اللي ربي كاتبة ما احد بيردة.. ناس من زمان اتابع حالاتهم اتخلى عنهم يوم عملياتهم.. غازي : لو ما عندك ظروف كان كملت معاهم.. بس روحتك فيها خطر عليك.. و ما عندنا استعداد نخاطر فيكم.. حاتم : رأيكم على عيني و راسي.. بس ما راح اسمع كلامكم.. انا متعود اخذ قراراتي بنفسي.. و دام ماني شايف بداومي أي شيء ما راح اجلس و احط يدي على خدي و اشوف ايامي تعدي و انا متكي هنا.. سعود : حاتم كذا بتعرض حياتك للخطر.. حاتم : انا ماني حاس بالخطر اللي تكلمون عنه.. اصلاً ما احد يعرف اني ولدكم.. وليد بهدوء : عشانك غبي.. كان المفروض تحس بان اللي يتكلمون عنه و اللي مهددنا بالخطر شخص مو سهل ابداً .. و عنده برنت كامل عن كل شخص جالس هنا.. و انت اولهم.. سعود : وليـــد ويش هالحكي.. وليد : و انا صادق.. انت قلبها بمخك حبتين.. اذا انت انسان ما عندك ذمة و وضمير امثالهم و ناوي تضعف عدوك ويش تسوي..؟! تتجه لقرايبة طبعاً و تلوي ذراعة فيهم و تأخذ اللي تبيه.. انا ماني جالس اخوفك و لا احكي لك حكي من ضرب الخيال.. هذا الصدق اللي ما احد مستوعبة.. احنا كلنا بخطر عشان هذولي (آشر على رجال الأمن ابتدأ من غازي من غير لا يناظرهم كانت عيونة على حاتم) هم مهمتهم يحمون البلد.. و اعداء البلد يبون يضعفونهم يروحون يأخذون أهل هالشباب عشان يلهونهم و يقدرون يسوون مخططاتهم.. انت ترضى انك تلهيهم عن حماية الوطن.. عشان تروح لشغلك.. لازم تنازل شوي دام فيه مين ينوب عنك.. و الموضوع ان شاء الله ما يطول.. حاتم : اقولك ما يعرفوني يعني ما تفرق.. وليد : لا ابشرك يعرفونك.. و يعرفون كل صغيرة و كبيرة عنك.. ما يطوفهم شيء يتعلق بأعدائهم.. عساف : خلاص انت عاد.. بقي شوي و تكب العشاء.. وليد : ما قلت شيء.. انا ابسط الموضوع عشان يستوعبون الواحد يبي يحميهم يروحون يعرضون حياتهم للخطر.. انتم حزتها ويش بتسوون تدورن عليهم عشان تلحقون عليهم و لا يصير لهم شيء و الا بتحمون البلد.. نايف ابتسم : يا مقلب القلوب ثبت قلبي على دينك.. مين يسمع حكيك الحين.. ما يقول انت اللي من شهرين بمكتب الفريق غازي.. عزام ضرب على فخذ نايف : هههههههههههه تذكر حركاتة.. حتى تدريب السواقة متدلع فيه.. وليد : كبرت خلاص.. اعوذ بالله ما تنسون.. راشد : الحمدلله يعني ما راح تتعبنا.. وليد : و الله على حسب اللي قدامي منكم.. يعني فيه ناس ما تستاهل و فيه ناس تستاهل.. < ما يقصد الفريق غازي اللي مطنشة و لا هو معطية وجه و لا تحمد له بالسلامة على كتفة.. عماد : طيب علمنا مين اللي ما يستاهل عشان يجلسون معاك .. بدل ما تستنذل علينا.. وليد : لا ما ابيكم كلكم تجلسون معاي.. انا جاي من دورة و تعبان و عندي اجازة اسبوعين ما ابي اشوف اشكالكم حتى بس الشكوى لله.. عماد طارت عيونة : اسبـــوعين..؟!!! وليد : و ممكن تزيد.. يعني على حسب و الله يوم رئيسكم كسر كتفي شكلي بزيدها يمكن اخليها شهر.. الغبي بيفهم ان فيه شي سري بين وليد و غازي و رجالة.. لكن للأن ما جاء ببال أحد فيهم انه يكون ضابط امن سري.. و مشترك معاهم بنفس المهمة.. لكن اكثرهم معرض للخطر.. راكان : عاد شكلك ما يقول تطلع منك حكم.. وليد عقد حواجبة : ليش لهدرجة طايح من عينك..؟! راكان : حاشاك.. بس الشكل ما يأهل.. وليد ناظر شكلة لبسة عادي بنطلون جينز و تيشيرت بدون اكمام و عضلاتة بدت تبرز : ليش ويش فيه شكلي..؟! يزيد : صاير كأنك واحد من هالدشير.. ويش ذا اللبس لا تشوفك امي فاطمة و الا غير تدبغك.. وليد : و الله ما شريت ثياب و اللي بالبيت انحرق.. مشاري استغرب : ويش دراك ان البيت انحرق..؟! وليد استغرب السؤال : مريت على بيتنا و بيتكم لقيت بيتنا محروق و مودع و بيتكم ما احد فيه.. راكان : انت وين كنت مسافر..؟! وليد : امريكا.. راكان : امريكا و اسبوع..؟!! وليد : قلت لكم مأخذ اجازة من الدورة.. فيصل : على أساس انك رايح دورة للفريق غازي (آشر على غازي).. وليد رفع رجولة اليمين على الكرسي و ثناها و اليسار تلامس الأرض : ايش قصدكم اكذب يعني..؟! هذا هو قدامكم اسألوه رايح دورة ارسلني مع مجموعة بس ذكائي و فطنتي و دهائي خلتني اسوي علاقات مع المدرب و اخذ اجازة.. فيصل : ما قلنا انك تكذب.. بس الموضوع ما يخش الراس.. وليد : بشر عساه الحين خش راسك..؟! فيصل : يعني تقدر تقول.. بس ليش تأخذ اجازة على الأقل تفتك من التدريب و تخلص مدة عقوبتك.. وليد : لا عاجبتني العقوبة رايقة لي.. ويش وراي هذا انا مأخذ راحتي.. بذكائي اقدر انهيها و بدهائي اقدر اخلص المدة بطريقتي الخاصة.. كان يدري غازي ان كل الحكي نغز له.. بالرغم من هذا كله ما علق على ولا شيء.. راكان : الله يعينك على نفسك.. مأخذ بنفسك مقلب.. وليد : رجاءاً ما تعرفني لا تحكي عني.. يزيد يناظر عمه بندر : خير عمنا الصغير الكبير ما سمعنا صوتك..؟! راكان : طبعاً انت ما تفرق معاك لانك عاطل.. اول مره اسمع بواحد معاه شهادة من برا و دكتوارة و ما دور له وظيفة.. ما ابغى اقول مو متوظف لكن ما دور له حتى.. بندر : اول شيء بتزوج بعدين اتوظف.. فيصل : الناس تقول اتوظف بعدين اتزوج..؟! بندر : انا عكس الناس.. عشان اكون على الحديدة و اعرف بنت الاوادم اخاف تكون متزوجتني عشان فلوسي بس.. عساف : الله و اكبر يالفلوس اللي عندك.. ابو عبدالرحمن يشرب فنجالة و ينزلة على الأرض .. نطق بصوت حاد و ثابت و كأنه ما يبي احد يقولة لا فيهم .. : يومك ناوي العرس هذا احنا فيها الحين.. نضرب عصفورين بحجر واحد.. ابو عساف : ويش تقصد يبه.. ابو عبدالرحمن : ادري ان هذا ماهو بمكانة و قدركم يا ابو عبدالله و يابو شوق اعلى .. و مقداركم نجيكم بكبار قبيلتنا و جاهتنا معانا.. ابو عبدالله لقطها و هي طايرة خطبة سعود لشوق رسمي .. : افاا يا عمي ما بيننا هالحكي و الله لو يجينا براسة صارت من حقة و لا لنا كلمة من بعدك.. ابو عبدالرحمن : ما تقصر يا ابو عبدالله .. مير انا قلت نغير هالجو و نبسط الأرواح.. و نتمم خطبة ولدنا سعود على بنيتكم.. سعود انصدم.. ما توقع ان الموضوع يخصة.. اعتدل بجلستة.. و عيونة على ابوه.. لكن ابو سعود ما علق على الموضوع.. ابو عبدالله : و احنا عطيناكم اياها.. حليلة لولدكم على سنة الله و رسولة.. ابو عبدالرحمن : الله يرفع مقدارك يا ابو عبدالله.. مير مهرها حددوه و احنا جاهزين من الريال للمليون.. ابو عبدالله : افاا و انا ولد ابوي.. و الله ما نحكي فيه.. انتم عطوها مثل ما ترضون لبناتكم.. ما انتم مبخسين حقها.. ابو سعود : ان كان لها شروط سعود يسمعها.. غازي : شرطها هو شرطي.. دراستها.. ما ابيك تمنعها يا سعود عنها.. سعود حس ان صوتة انبح من الاحراج لكنه طلع ثابت : لك ما تبي.. غازي : اما اذا الوظيفة بعدين هم يتفاهمون عليها ما احد يدري ويش تكون ظروفة.. ابو عبدالله : عين العقل.. ابو عبدالرحمن : بكره يسون تحاليلهم و الخميس الجاي الملكة على خير الله.. ابو سعود : يبه التحاليل.. شلون يروحون بهالظروف.. ابو عبدالله : محلولة.. اخوه يسحب منه دم.. و بنيتنا بنتي تأخذ منها و يوديها سعود لبنك الدم و النتايج ان شاء الله انها بكره بالكثير طالعة.. سعود حس ان وجهة تلون و يحس الكل يشوفة منحرج.. تنحنح عشان يخفي الاحراج.. وليد : مبروووك عقبال ما يخطبون لي.. سعود ابتسم : الله يبارك فيك.. ابو عبدالله : مبروك عليكم ان شاء الله.. ابو سعود : الله يبارك فيك.. ابو عبدالرحمن : مير بقي عصفورنا الثاني ما صدناه.. خطبة سعود لكم علم بها.. وهالمره نبي نخطب بنتك الكبيرة لولدي بندر.. بندر انصدم.. لحظة بالهون.. انا ما وافقت ما عرفت البنية ما عرفت مواصفاتها.. اصبر يبه لا تقحمني يمكن ما تعجبني.. ابو عبدالله ابتسم : له باذن الله .. و يسون تحاليلهم مع سعود و شوق.. بندر بلع ريقة حس انه انحط بموقف لا يحسد عليه.. مو هذا الزواج اللي كان يبيه.. يبي يتعرف عليها اول.. يعني مو يكلمها.. بس يعرف مواصفاتها يسمع من بنات اخوانة عنها.. يخطبها عن قناعة.. هو حتى اسمها ما يذكرة قالت وعد اساميهم بس ما يفتكر .. ويش بتطلع.. غازي بهدوء : بس ترى بنتنا دكتورة.. و وظيفتها مهمة عندها و عندنا.. ابو عبدالرحمن ما علق.. دكتورة..؟!!!! بندر ما كان ازين حالة من سعود .. سعود منحرج.. وهو مصدوم انحط بوسط الموضوع من غير لا يخوض اولة : ما عندي مانع بشغلها.. ابو عبدالله : انا واعدها افتح لها عيادة خاصة اول ما تخلص ماجستير.. لانها ناوية تقدم ان شاء الله.. السنة الجاية.. بندر انقهر مو عشانها دكتورة.. ما يدري ليش حس ان ابوها يقوله مالك دخل في وظيفتها : عيادتها و الله ما يفتحها غيري اذا صارت على ذمتي.. عماد : لا تخاف بتخصص بدكتورة نساء يعني بعيد عن الاختلاط ان شاء الله و العيادة بتكون نسائية بحتة و ممنوع دخول الرجال.. بندر : قلت لكم ما عندي مانع حتى لو بتداوم بالمستشفى.. دامها متربية و هذا اللي نطمح له بنت عالم و ناس و متربية على الدين و الأصول.. ابو عبدالله : على بركة الله باذن الله ملكتكم وحدة مع ولد اخوك.. بندر ولازالت الصدمة عليه : الله يكتب اللي فيه الخير.. ابو عمر : ما عليش بس يا ابو عبدالله بنتك لازم تأخذ شورها.. ابو عبدالله : بأخذ شورها ان شاء الله مانيب جابر بنتي .. بس انا اعرفها ما راح تردني.. ابو عبدالرحمن : الله يرفع مقداركم.. ابو عبدالله : الله يجزاك بالخير.. مير يومك فتحت الموضوع .. احنا بعد لنا عندكم طلب.. .. لا إله إلا أنت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد لا تنسوني من دعواتكم.. ضحكة قهر.. | |||||||||
|
| |
|
| أدوات الموضوع | |
| انواع عرض الموضوع | |
|
|
224Likes
.png)
.png)
العرض العادي
