آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-12-14, 05:22 PM
| #71 | |||||||||
| نجم روايتي ومشرفة سابقة وفراشة متالقة بعالم الازياء  
|  اسعد الله اوقاتكم لكل مايحبه ويرضاه ^ ^ انا التي في عينيهآ عشق قصائد نزار,, أنآ من عاصر الجنون ماضيها وأتيها,, انآ بلاد لـعاشق هجر اوطآنه,, وآنا وطن بلا عآشق...! فتحت عيناها اللوزية ليصطدم نظرها للسقف الأبيض اغمضت عيناها لثواني وفتحتها بتعب تنفست بهدوء فزت مثل المقروصه وعينها تتفحص المكان الغريييب شعرت بخوف وانتفاضة تسري بجسدها اتسع بؤبؤ عينها مع فتحة الباب وبدخول امرأة مسنه متعصبه الرأس ووشم اسفل دقنها تراجعت خطوتين للورى اصطدمت بالجدار ضربات قلبها تتعالى وعينها لازالت معلقه عليها فتح الباب وبعصبيه:كم مره قلـ بلعت ريقها بخوف حطت يدها على قلبها تهدي روعها ماكانت بكابوس ابدا بل حقيقة وواقع مر!! ابتسم بخفه:واخيرا صحيتي عينها تتفحصه وتتفحص المره اللي جنبها :انا وين؟ بتمويه:ريان طفشني باللعب هالولد مايتعب صاحت بخوف على ولدها:ريااااااااااااان لؤي بهدوء اشر بيده:اهدي صرخت بصوت اعلى:ريااااااااااااان "بحمق" وين ولدي؟ لؤي بهدوء اكبر:ليلى هدي هو بخير مستحيل اضر ولدي تقدمت المره صاحت ورفعت سبابتها:لا احد يقرب مني لؤي بحزن:بتساعدك خليها تطهر جرحك ارتعش جسمها وبصيحه:ما احد يقرررررب مني ساااامعين لاتقربيين انا قلت "قربت منها صاحت" لاتقررررربين وقفت مكانها لؤي اشر لها بهدوء:هاتي انا بعقم جرحها ليلى بكره وصرخه:الله ياخذ روحك ما ابغى منك شيء ياناااااااااااااااااس ياعااااااااالم احد يسمعني خطفنني "بكت بخفه" اههىى لؤي وقلبه يتقطع:لاتبكين انهارت على الارض سندت ظهرها للجدار وبخنقه:الله ياخذك وياخذني معك ليش تسوون فيني كذا والله تعبببت "ببحه من البكاء" والله تعبت العجوز بكره:انا مو متحمله هالمهزله رفعت عينها وصرخت بوجهها:وتظنيني جايه هنا برضاي اطلعععي برا ما ابغى اشوفك طالعتها بكره وخرجت زفر لؤي تخصر :ليلى وبعدين يعني تقبلي واقعك ضمت رجولها لصدرها ودفنت راسها وتبكي بقوة وصوت انين يخترق مسامعه وهو واقف بلا حيله معها ***بعد 10 دقـــــائــــق*** جالس على طرف السرير وعينه مثبته عليها وبتساؤل:ماشبعتي بكاء؟ لا اجابه على سؤاله سوى صوت نحيبها المتواصل زفر مسح وجهه وبهدوء:خلاص ياليلى قطعتي قلبي اطلبي اللي تبغينه مني لكن لاتبكين ترا دموعك غاليه لازالت دافنه وجهها بين ركبها وبصوت مبحوح من البكاء :جسار طالعها بتعجب رفعت راسها وبانت على خدها آثار الدموع بغصه:ابغى جسار كور يده بغضب وحمق وقف وبحده:لو عاد جبتي طاري هالكلب ذبحتكك "وبحيره" بعد كل اللي سواه فيك تبينه هااااااااا انطقققي؟ بلعت ريقها وبنظرات حقد:راح يحاسبك على اللي سويته صرخ وغرز يده بشعره شات الدولاب الحديد بغضب وعينها عليه بخوف لف زفر بعمق ويهدي نفسه:راح نفتح صفحه جديده مع بعض انا وانتي وريان ضحكت بأستخفاف:هالصفحه افتحها بأحلامك يامرييض "شددت عليها" : : ليتني عاد الهوى توه فطيم.. انعذلت لعاذلي بس( خــيره) مالقيت من الوفاء يا اول نديم .. كون صدق الحزن وجهه وظهره عقب رمح الشوق في وجه الصميم !! سيف هجرك في قفاه وشف ثره وانت شكلك تحسبني في نعيم.. لأني اخبي صوابي واستره لايغرك حلم رجال حليم.. والله ان احر من دمع اليتيم دمعة رجال من فرقا مره!! "محمد بن فطيس_قد عطيتك_" (بحــــائل) سلمان ويسمع الشعر انسجم معاه:شعره يدخل بالقلب نايف بضحكة:صحيح ما احبه لكن شعره لايعلى عليه سلمان كرر البيت الأخير وهو يتخيلها:والله ان احر من دمع اليتيم دمعة رجال من فرقا مره بالصميم رجع راسه لورى وتنهد بصوت مسموع تنهيدة خارجه من اعماق قلبه :آآآآآآه نايف بهدوء:ليش مارحت معهم؟ سلمان وعينه على قدام بنفس النبرة:ليش انت مارحت معهم؟ نايف بصدق:شفتك متضايق ولاهان علي اتركك سلمان بسخرية:11 ولد من بطون مختلفه كيف صارت قلوبنا على بعض؟ نايف بهدوء:تربية سعود بن عبدالعزيز ابتسم بسخرية ولف وجهه للشباك: تدري انه بيده يقنعها ويحل اموري لكن مستهين فيني يشوفني مو كفؤ لأكون لها دائما هي الصح وانا الغلط كأنها من لحمه ودمه وكأني من الشارع "بقهر" حياتي انقلبت 180 درجه هالسنه قبل كنت اهيت هنا وهناك واسافر بدون لا احد يقيدني واللحين شوف حالتي مرابط بحائل اللي بعمري ماخطر ببالي اجيها عشان من عشان بنت خالد نايف بضحكة:سلمان ترا احنا شيان بحريمنا طالعه بعدم تصديق كمل نايف بصدق:لاتطالعني كذا والله احنا شيان فيهم ندور ورى راحتنا ماهمونا زعلوا فرحوا اهم شيء احنا وبس زواجاتنا وكل يوم مره بحياتنا هي اللي خلتنا مانحس باللي نسويه ونكمل تاريخ اجدادنا ولاكأن الزمن تغير زفر بعمق ويشد شعر راسه بحيره: ياقو قلبك يانايف تعترف انك مخطي بكل برود وتعرف انك مابتغير من اللي بداخلك نايف بنص ابتسامه:لأني ياخوك مالقيت اللي قلبي يبغاها لو لقيت ماشافتني متخبط لكن انت لقيتها وضيعتها طالعه بصدمه كمل:اييه لاتطالعني كذا لو تكذب على نفسك تصرفاتك تفضحك من اول ماخذيتها وانت متغير 180 درجه كنت انطوائي وغامض صرت تبتسم صرت تسولف وتاخذ وتعطي صرت تجلس بالقصر ونشوفك لو ماتحبها ليه لحقتها بموسكو؟ لو ماتحبها ليه مارحت الرياض معهم وقعدت هنا والحيره بتاكلك تبغى الصدق عاد ولاتظن شيء ثاني مرتك غير عن حريمنا اللي اكبر هم الوحده تخلف وتطلع وتخرج تتذكر لما كان ابوي يناقشها بالسياسة واحنا ساكتين مثل الجدار عمرها فتشت على واحد فينا لااا طبعا كنا نشوف اهتمامها فيك وسؤالها عنك كنا نحسدك وكان فواز يقول بالفم المليان "اخوك متبطر على النعمه" طالعه نفث الهواء اللي بصدره وبسخرية واضحه:مررره متبطر على النعمه لو احد غيري كان رمى الثلاث ومشى نايف وعينه قدام:بالنهاية ما احد يعرف اللي بينكم الا الله وحده لكن بنتكم لاتضيع "بتنبيه" لاتضيع ياسلمان : : بجنيف )))) حيث الأجواء تميل للبرودة وانخفاض واضح بدرجة الحرارة خاصة ومابين وقت الفجر لشروق الشمس وبأحدى المباني المهجوره بعيدة عن صخب المدينة جالس على الكنبه دون تقييد ولكن هنا حراسه من كل جهه امامه شخص وجانبه اخر وخلفه 4 على الأقل ابتسم بخبث مع دخول صالح اللي رفع الجوال :مثل ماوعدتك بعدت رجالي عن اهلك وصاروا بأمان عمك سعود ارسل اخوانك يستقبلونهم عنده بالقصر جسار بغيظ يكتمه وبأبتسامة تقهر:ماعهدتك توفي بالعهد ياللئيم ابتسم الأخر بتشفي:وماعهدتك تقول كلمه وما انت قدها يا "بسخرية" الضبع الأسود رجع ظهره بأريحيه على الكنبه الجلديه وفرد رجليه لقدام خلل يده بشعره وغمض عينه :تراك غشيم باللعبه ياصالح احذر النهاية الشينه هذاني حذرتك صالح بأستفزاز من بروده:هاللعبه انا دخلتها وبكسبها مثل ماكسب ابوك انتفض بقوة عدل جلسته ضغط على يده بقهر :احذر لسانك يطري اسيادك ابتسم من غضبه وحتى يزيده:معك حق ابوك كان مثال اعلى لنا بهالطريق "يشحنه بالغضب" احنا مجرد تلاميذ بمدرسته شد على سنونه بقوة وعض لسانه لدرجة شعر بطعم الدماء تخالط لعابه:والله لا اشرب من دمك لو طريته مره ثانيه صالح بلع ريقه يعرف جسار لثار بيروح بخبر كان وبتمويه:مبروك عليك رجوعك للوزارة رجع ظهره مره ثانيه للكنبه وبسخرية:قايل لهم انك دجاجه بس ماصدقوني معطينك اكبر من حجمك صالح كور يده بغضب وبصرخه لفتت انتباه الحراس :ترااااااك بيدي ياجسار بن سلطان لاتنسى طالعه بهدوء وبرود مميت صفر بخفيف غمز:اذا يطلع بيدك "بسخرية" هذا اذااااا لاتقصر همم بيتكلم صالح بدخول احد حراسه ومعه الفطور جسار بسخرية:ماشاء الله ياصالح تعرف بالواجب خدمة ولاخمس نجوم صالح بقهر وعينه عليه:مو لسواد وجهك حتى مايجيك شيء لين احقق اللي ببالي وقتها مابيردني عنك غير عزرائل قدم جلسته انحنى وبضحكة:معناته عندي لك خدمه صالح بضحكة:عليك نووور متى ماخلصت اللي براسي ذبحتك اخذ نفس وببرود يثير ريبة صالح:تصدق ياصالح اللي يعجبني فيك انك اصييل يعني "عينه على الفطور" تعرضت لمحاولات خطف كثيره لكن ماشفت مثل اصالتك تكرم الضيف فور دمه يحس بينفجر بحده:هالفطووور مو لك لي انا رفع حاجب وبتصفيره:يهون عليك ما افطر؟ صرخ بقوة حس حلقه تجرح:جساااااااااااااااااا� �اار ليييه ماتفكر تهرب هاا ليش باقي جالس وش يدور ببالك علمني فهمني؟؟ لف وجهه بعدم اهتمام ويطقطق اصابعه على فخذه مثل حركة البيانو:ابدا سلامتك مرتاح "بلكاعه" مع حسن ضيافتك صد عنه صالح وبدأ يأكل وبدأ الشك يتسلله من هدوء جسار وهالهدوء يمكن يكون ماقبل العاصفه !! شرب الشاهي وبمتعه وياكل الخبز الطازج :معاوض بخير بشهرزادك لف بصدممممه بفجععع بعدم تصديق اتسعت حدقة عينه وقلبه يضرب الف ضربه وصدره يعلو ويهبط بنفس غير منتظم بحقد:وش سويتوا لها يالأنجاس؟ صالح بضحكة:هههههههه تصدق كان عليها رقص اوووف ناااار وهي ناااااااااااار ماحس نفسه الا هجم عليه ويخنقه وبحده :وش سويتوا فيهااااااااااااااااااااا؟ اختنق وجسار محاوط يده على رقبته ويخنقه الحراس تدخلوا ويحاولون يسحبونه منه لكن ماقدروا سود وجهه صالح سحبوه بقوة ومسكوه كح صالح :كحححححح كححححح صدره يطلع وينزل من الغيض وبحده :جاووووبني وش سويتوا فيها ماسك صدره ويتنفس بقوة طالعه بحقد :اخوك رجع اخذ امانته منك "بخبث" صارت معه تحت سقف واحد حس ضغطه هبط وكل خلية بجسمه انتظفت وبعدم تصديق همس بقلة حيله:لؤي!! : : بالجهــــه الأخرى... ندى بأنصات:طيب كيف عرفتي مكاني؟ مضاوي بضحكة:صقر عقدت حواجبها وبأستغراب:صقر!! "مضاوي بهدوء سردت لها كل التفاصيل بأن صقر عرف مكانهم عن طريق ابوه واتصلت عليه وبلغته بجيتها وطلبت منه يتكتم على هالشيء وفضلت تكون بمكان مايخطر ببال سعود ابدا الا وهو بيت اهل ندى " فتحت فمها بعدم تصديق:مستحييل عمي سعود كان رافض ترجعين للسعودية؟ مضاوي بضيق:رافض وبشدة وعلى كلامهم رجعتي بهالوقت راح تجيب المشاكل لكن "بعيون مدمعه" انا تعبت وانا لحالي كل هالسنين من بين سرداب لشقه مثل السجن وما اخترك الا لأني عارفه هذا اخر مكان يفكر سعود اني رحت له رفعت شعرها من على عيونها وبتردد:مضاوي ليه عمي سعود حبسك طول هالسنين بالسرداب؟ طلعت عينها مثل المقروصه وبتأتأه:سالفه قديمه ندى برفعة حاجب:ممكن اعرفها؟ مضاوي بصدق:ماراح تستفيدين شيء غير وجع الراس ابتسمت:ياشيخه انا غاوية شقى علميني مضاوي بهدوء :كان عمري 18 سنه وقتها ابوي انفصل عن امي وطلقها كان يشتغل سواق خاص عند الأمير عبدالعزيز ابو للأمير سعود وقتها رفض ابوي رفض قاطع اني اعيش مع امي وخذاني معه للرياض وسكنا بقصر الامير عبدالعزيز وقتها كان مزوج ولد لأول مره من ام محمد كانت اميرة من السدير ومعروف عنها اخلاقها قبل جمالها المهم جينا بوقت الزواج قبل سنين مضت)))) عينها على القصر بخوف:ليش الناس كثير هنا؟ ضحك:ههه يابنتي هذا زواج الامير سعود ولد الامير عبدالعزيز نزلت بخوف تجر خطواتها من حياة جديدة,من فارق طبقات سيؤذي قلبها هي فتاة اعتادت على البساطه وفجأة ستعيش بأحدى بيوت الحاشيه مؤلم ,مؤذي,مخييف!! بصوته الحاد جعلها تتنافض:مبارك وصلت ابتسم وتقدم بسرعه صافحه وباس كتفه كرهت انحناء والده له ربت على كتفه:تسلم تسلم زين جيت توقعتك مابتحضر زواجي مبارك يثبت عقاله القديم:مانقدر مانشاركم افراحكم طال عمرك ابتسم لف وجات عينه بعين فتاة صغيرة عيناها عانقت الأرض من الخجل :خل الأهل يدخلون وتعال معي اشر لها تدخل خافت وقلبها يضرب طبولا سمت بالله اول ماوضعت رجلها داخل القصر دارت عينها على الجموع المستنفره عجوز تبخر القصر والأخرى تمسح الأرض والثالثه بيدها قطعة اقمشة فاخرة وخلفها صبيتين بعمر 11 عاما شيء غريب عالم غريب جعلها تتوجس بداخلها وتقول ان ماتعيشه هو مجرد حلم رفعت راسها على الصوت:من تكونين يابنتي؟ بلعت ريقها بتوتر:انا بب بنت مبارك ابتسمت:بنت مبارك اخذتها بالأحضان وبهدوء:انا مرت الامير عبدالعزيز وهاذي بنتي مها وبنتي هيا والباقيين بتشوفينهم بالزواج "وبعين متفحصه للبسها" روحي للبنات يعطونك ثوب عشان العرس اؤمات راسها لتمر من جانبها زوجة الامير عبدالعزيز سمعت عنها الكثير سمعت انها لاتضع راسها بالارض من شدة الغرور وانها قبيحه ولكن رأت عكس ذلك الطيبه والحنان تشع من عينيها وايضا فاتنه بجمالها (السديري) بعدها بـ 5 ساعات بدأت مراسيم الزواج وكانت مختلفه عن حياة العامه رددن النسوة الأهازيج ويصفقون لتزف اول نساء الامير سعود ايضا (سيدريه الاصل) وسط احتضان الجميع لها زفرت بهدوء ورجعت للحاضر تحمست للسالفه عدلت جلستها وبحماس:طيب وش صار؟ ابتسمت مضاوي:انتهى الزواج وزفوها لسعود ندى بفضول لتاريخهم:كانت حلوه ام عمي سعود؟ مضاوي بحب لها:جمييله جدا لا اخلاقا ولاخلقا ندى بلهفه لحياتهم:طيب وزوجته السديريه؟ مضاوي بضحكة:نسخة خالتها ندى بصدمه:تقرب لها وش صار لها سمعت انها ماتت لما ولدت؟ مضاوي بأسف:ماتت وهي مثل الزهره لما ولدت بمحمد وقتها الامير سعود حزن عليها مثل ماحزنا عليها ندى بفضول:كان يحبها؟ مضاوي تغيرت ملامحها ضحكت:هههههههههه يعني ماكنتي بحياته هذاك الوقت مضاوي بأبتسامة:الله واعلم ومرت الايام وكان محمد محتاج لمرضعه اول خيار طلع قدام زوجة الامير عبدالعزيز انها تزوج سعود لوحده ترعى محمد وبالوقت نفسه تكون مثل امه واختارت له ندى بكرهه واضح:بنت المزارع عادلوه مضاوي بضحكة لتكشيرتها:هههههههه اييه وقتها سعود ما اعترض عاشت معه 5 سنين او 4 وماحملت منه "حمرت خدودها" وبهذاك الوقت خطبني الامير عبدالعزيز لولده سعود "بتنهيده" طبعا بعد ماتوفى ابوي وفقدت الذاكرة كان زواج اجباري من كل الطرفين وقتها قاطعتها ندى بلهفه:عمي سعود حبك يعني مثل هالأفلام الأكشن؟ فرصعت عينها وبنظرة خلت ندى تضحك بخفه :هههههه خلاص توبه كملي مضاوي رفعت سبابتها بوعيد:اذا قعدتي تقاطعيني كل شوي راح اسكت مسكت يدها وبرجاء:لا واللي يرحم والديك ابغى اعرف حياتهم وتاريخهم هاذيك العايلة "تنهدت من قلب" لغز عجزت احله مضاوي هزت راسها:يابنتي ابفهم شيء واحد ليش انتي عنيدة بهالشكل اعوذ بالله بعدت لورى وبوزت:ماعليه عنيده راسي يابس مامني امل بس كملي "بنبرة استعطاف" رجاءااااا مضاوي بتصريف:بنتك تبكي شافت التأفف بعيونها ابتسمت بداخلها على فضولها واندفاعها اللي بيجيب اجلها بيوم بالصاله الداخليه.. سميه تشرب الشاهي وعينها على امها اللي سرحانه وعينها على الباب ناديه بضحكة:احمم سميه "غمزت لها" شفتي عمة سلمان اللي كان اسمها مها سميه تجاريها:ايه وش فيها؟ ناديه بكذب:مسكتني وقالت بتخطب ماكملت كلمتها الا لفت سميرة وبحده :لو على مووتي سمعتي كفايه وحده ماني متحمله ناديه انفجرت ضحك:ههههههههههههههه سميه بأستغراب:ليش تضحكين؟ ناديه:هههههه لأني سويت هالشيء حتى الفت انتباه المزيونه حقتنا فديتها وفديت حائل معها مطت خدها قرصتها سميره صاحت وتضحك بخروج ندى رافعه يدها مستسلمه:ممكن ارجع حياتي العزوبيه اللي راحت سميه بضحكة:ولافي امل زفرت بتعب واخذت بنتها من حضن امها رفعت صوتها:مضااااااااوي تعالي نتقهوى سميرة رفعة حاجب وبعدم تقبل لوجودها لكن ندى فرضت عليهم الامر الواقع انصدموا بوجودها بعد مارجعوا من التمشيه:ملاحظه اهتمامك زايد فيها ندى بهمس حتى ماتسمع مضاوي:يمه خلاص مو وقته بجية مضاوي اللي كانت خجلانه منهم بقوة وتلاحظ عدم تقبل سميرة جلست وبهمس:بنتك صياحه ضحكت ورفعت حاجب:هذا اول الخير باقي ماشفتي شيء مضاوي وعصفت فيها الذكرى:تشبه سلمان كان مثلها فزت زي المقروصه حتى مايعرفون اهلها :لازم تجربين الشاهي عليه نعناع المدينة سميرة بشك:انتي عندك ولد؟ ابتسمت مضاوي مستغربه من ارتباك ندى :ايه عندي اثنين تؤام ماكان عندها حل تنهي هالسالفه اللي راح تكشف كل شيء الا انها تعمدت تنثر الشاهي الحار على يدها شهقت بتوجع :آآه سميرة بخوف:جاك شيء؟ سميه بخوف:ندى رفعت يدها:لا لا "عبست ملامحها" مو مره يحرق شوي بروح احطها تحت مويه بارده زفرت سميره:ما انتبهتي الله يصلحك عقلك مو معك ناديه بضحكة خبث:طبيعي عند العائلة المالكه سميرة بنهر:ناااااااااااديه ندى بتجاهل لها قامت حطت يدها تحت مويه بارده اخذت العسل ودهنت يدها وبداخلها "غبييه جد غبييه يعني مالقيتي تسكتيهم الا تحرقين نفسك كان صرفتي الموضوع بس هالمره عدت المره الجايه ماراح تعدي لازم اشوف حل لمتى بكذب انها تقرب للامير سعود وماكانت زوجته اخاف مضاوي تزل وسلمان لو عرف يااااااربي لا لا مو وقته اخر شيء ابغى يعرف بهالموضوع سلمان وعمي مأمني " سمعت صوت الجرس تجاهلته خرجت من المطبخ وراحت للصاله جلست على الكنبه وعينها على مضاوي اللي بحضنها فرح وتلاعبها ابتسمت بداخلها على شكلهم عادل وقف ويلهث:نن ندى ابتسمت:ها حبيبي التؤام بشقاوة:سلمان جاء نطقت بأستنكار وتعجب تظنه سافر:وشهووووووووووو!! ناديه صفرت:اموووووووووت انا بالعائلة الملكية هههههههههههههه شوق الأمير السعودي لحبيبته البسيطه ولاقصة سندريلا سميه:ههههههههههههههه مجنونة سميرة برفعة حاجب:انتي ماودك تكرمينا بسكوتك؟ ناديه هزت راسها:نووويه لأن شوي بنسمع اكشن ندى لاتقصرين فيه "بلكاعه" خليك تربية سميرة هاا ضربتها بقوة على ظهرها:وش فيها تربيتي ياقليلة الحياء؟ حكت ظهرها بتوجع:آآآي الشهادة لله مافيها شيء سميرة بضيق واضح:روحي شوفي وش يبغى؟ طيرت عيونها جلست بهدوء كملوا التؤام :ماما يبغاك انتي ندى بأستغراب رفعت كتفها وببرود:شفتي طالبك انتي سميرة بقهر:وليه لايكون زوجته ماني داريه سميه بضحكة على عصبية امها:هههههههههه يمه الله يهديك شفيك هالايام مثل النار روحي شوفي وش يبغى قامت ومبين عليها الزعل واللأمبالاة ناديه بأستغراب:بنات وش فيها امي؟ سميه بحيرة:مدري انتم ملاحظين صايره الفتره الاخيره ماتضيق احد ندى بهدوء:يمكن عندها مشاكل بالدوام ناديه تربعت:بيني وبينكم انا سمعتها تكلم خالي منصور وقالت له ان وضعها زفت هاليومين وطلبت منه فلوس سميه فنجلت عينها:من جدك!! ناديه :أي والله سمعتها تقول بالحرف الواحد انها مزنوقه راعي البيت اللي هو ولد عمها المصون رفع الايجارات وتحجج انها مرتفعه هالايام سكتوا البنات وكل وحده غاصت تفكر بوضعهم بالمجــلس وبعد السؤال عن الحال سلمان بهدوء ويفرك يده بتوتر:انا ياعمه جاي اليوم ومالي بالطويلة سميرة بأستغراب من وجهه المجهم:خير ان شاء الله زفر بعمق:كله خير انا جاي وباخذ زوجتي وبنتي عينه تعلقت بالأرض حتى يتفادى ردها اللي كان مفاجىء له:حقك وما احد يعترض رفع راسه وبأندهاش:بس "بضيق" بنتك راكبه راسها ولاناويه تلعن بليس سميرة بتفهم:اللي مرت فيه ماهو هين واللي سويته فيها بعد ماهو هين انا بعد يحترق قلبي لما اشوفها بهالحاله بس انت ماتركت لنا حل اكثر واحد تعرف انها عنيدة وراكبه راسها صفق يده برجوله بقهر:لكن ماتركب فوق راس الرجال سميرة بأبتسامة ذابله وكأن تاريخ حياتها بدأ يتكرر مع بنتها:لاشدت ارخي ولا ارخت شد ياسلمان لكن اني امنعك من حقك بكون اغضبت ربي ابتسم ابتسامة خفيفه حك ذقنه:بنتك طالبه الخلع ضربت صدرها بقوة لا اراديا واتسعت عيونها وبدهشه:خللع!! سلمان قرب وبهدوء:اللي سمعتيه وقفت بغضب:انتظرني راجعه لك خرجت بسرعه والغضب معميها نادت بصوت عالي:ندددددددى!! : : خرجوا من المحكمة بعد ماسوت عقد بيع لمتعب ركبت السيارة كان مبسوط ويسولف لها عن ذكريات دراسته فجأه دق جواله ومكالمة غيرت حاله 180 درجة ما استرجت انها تسأله قطع حيرتها لما التفت ونزل النظارة الشمسيه:خلينا نفطر ونرجع وراي روحه لقرية السيل بأستغراب:ليش؟ صد عنها وغير السالفه:سمعت من الجازي ان اهل زوجها بيجون يمنا امس ابو الولد كلم ابوي واعتذر منه قال انهم بظروف ماتسمح ليش تحس بالحيرة والأستغراب كل ماتكلمت معه عن قرار روحته للقرية المفاجئه يصرفها صحاها من صوت تفكيره كلمته:انزلي نزلت بدون تفكير لمطعم ودخلوا قسم العوائل نزلت لثمتها بدخوله سكر باب الغرفه المعزوله وجلس سند يده على المركى وعينه عليها :فاطمة ترا صار لي فتره وانا اقول بداخلي انتس بتحسين على نفستس لكن مافيه فائده انفجعت وبلمت من كلامه المفاجى اللي ماتعرف سببه:وش سويت؟ عدل جلسته وبضيق:اذا يرضيتس تطلعين بهالحجاب انا مايرضيني وساكت طول الفتره اللي راحت مراعاة لتس عباية تفصل جسمتس ولثمه وين حنا فيه؟ فاطمة بأستخفاف:انا كذا وتعرف كذا طبعي من قبل لاتاخذني وش تغير متعب بحده يحاول يخففها:هذاك اول اللحين صرتي مرتي ما ابي الناس تحكي عنتس وقبل الناس فيه رب فوقي بيحاسبني على هالمهزله رددت الكلمة بأستنكار:اللي يشوفك يقول ماعلي ولاشيء اطلع عريانه والا العباية بتنشق من كثر ضيقها رفع يده ينهي النقاش وبنبرة امر:اللحين بنمر السوق وبتاخذين لتس عبايه مثل الأوادم وانتهينا كتفت يدها ولفت بضيق وهو خرج جواله ويشيك عليه شوي جاء الفطور اللي وصى عليه "عدس’فول,تميس _الخبز الايراني_" مع الشاهي مد السفره شمر يده وعينه عليها:سمي بالله واتركي منتس الزعل اللي ماله داعي بدون نفس:شبعانه مالي فيه متعب بأستقعاد:ومتى اكلتي من طلعت الشمس واحنا بالمحكمة قولي متى اكلتي ها؟ قلبت عينها وبحده:قللللت لككك مالي نفس غغصب يعني هز راسه:الشرهه مو عليتس على اللي يتعنى لتس فتحت فمها مو مستوعبه ان هذا متعب وش غيره كل هذا بسبب مكالمه صار الشك يلعب فيها لعب خرجوا من المطعم بعد ما انتهوا ووقف عند اقرب مجمع نزلت معاه وشافت مراهقين صفر واحد منهم طار عقلها حمدت ربها ان متعب ماسمعهم لكن مسكة يده اللي حستها بتنعصر خلتها تعرف انه سمعهم بغيض:لو ما انهم بزران كان مسيت بالتوقيف الليله بسببك ادخلي دخلت وهي ملتزمه الصمت حررت يدها من متعب اللي هدت اعصابه شوي وقفوا قدام محل عبايات تمتم بقهر:ولافساتين سهره استغفر الله دخلت المحل وهو وقف برا لان البائعات حريم وحتى تغيظه خذت عباية مطرزه على سنقة عشره وقيمتها ب 300 وببالها ماراح تلبسها المهم تعانده وجكر له خرجت مبتسمه وعينها على كشك كون زون:نفسي بأسكريم بالفراوله ابتسم بهدوء:مالتس لوى اخذ لها وطلعوا حرك السيارة وهي ابتلشت كيف تاكله متعب بتساؤل :ها شريتي لتس عباية ساتره؟ ضحكت بداخلها:اييه بتعجبك متعب بلعانه:طلعيها خلني اشوفها فهت هاللي ماحسبت حسابه:هاا لا اقصد انت مشغول بالسواقه ماراح تركز استقعد لها:لا طلعيها ماعليتس اعرف اركز شدت الكيس بخوف وقلبها يضرب طبول صحيح متعب حنون لكن تكرهه لاعصب بلعت ريقها:متعب خلها لاوصلنا ابتسم ولف وبسخرية:افتحي هالكيسه ووريني العباية حست الدم نشف بعروقها مزاجه قافل مابيعدي حركة استغفالها ابدا فتحت الكيس خرجت العباية رفعتها شوي لف ضحك وضرب بيده الطاره بقوة انفجعت :تستغفليني يافاطمة زين يصير خير فاطمة بندم:متعب والله آسفه كنت معصبه منك متعب:............ فاطمة بكره لحركتها:ماعاد اعيدها توبه خلاص متعب انت نرفزتني "فجرتها" اصلا من بعد ماجاتك ذيك المكالمة وانت متغير علي وكارهني لف بفجعه على كلمتها الاخيرة حس انه ممكن يخسرها شد على يدها بخوف من فقدانها بعد ماطلعت بحياته وبعد ماوقف بوجه الكل عشانها:يخسي قلبي يكرهتس لاعاد تقولينها سمعتيني؟ استغربت من اندفاعه وكلامه لكن ماعلقت المهم يرضى ترك يدها وكمل طريقه شافته متجهه لطريق القرية نامت بدون ماتحس على نفسها صاحيه من 5 الفجر عشان يلحق متعب يخلص اشغال له ثم يتوجهون للمحكمة اليوم باعت له بيت عمتها وعطاها حقه ضعفين التفت عليها شافها غاطة بسبات عميق وهدأت حركة انفاسها مسح وجهه بتعب ويتذكر مكالمة الشايب قبل ساعتين.. الشايب:السلام عليكم متعب :وعليكم السلام والرحمه الشايب:ماعرفتني انا ابو فوز اللي بقرية السيل وجيتك متعب بجديه:تذكرت ياعم آمرني الشايب بعدم رضا لرده:اليوم موعدنا ان قالها الله بعد العصر نطق بأٍستنكار:اليوم!! الشايب بخوف ان يتراجع:ان كانك مشغول فبكره لكن خير البر عاجله وش قلت متعب بضيق من نفسه :اللي تأمر فيه الشايب بفرحه:جماعتي فرحوا بالخبر ويرحبون فيك متعب وده ينهي المكالمة:جعلهم يسلمون انا اللحين عندي اشغال السموحه من الشايب بأنبساط:مابه خلاف انفداك بأمان الله..قفل مسك الخط وعينه على الغبار بالطريق تاره وعليها تاره وجعه قلبه هاللي بيسويه فزعه لكن بعض الفزعات تحدنا نخسر الكثير بدون مانحس.. : : بالرياض.. زفرت بغيض وهي تشوف محاولات لؤي الفاشله بأنها تاكل لفت وجهها وبصيحه:فكنني منك مسح وجهه بضيق بحده:ليلى لازم تاكلين صار لك 3 ايام راح تموتين نطقت بكرهه:احسسن اموت ولا اشوف وجهك مره ثانيه "بغيض" ياخيي وش تبي مني هاا طالع بحياتي وين مارحت اكرهك ورب العباد اكرهك بيتكلم بدخول المره العجوز وعينها عليه :ولدك لاعب بالدنيا مو قادره تتحرك من التعب همست:لؤي جيبه وقف لؤي برضوخ وخرج مع العجوز شافت جواله على السرير بسرعه التقطته ودسته بصدرها بدخوله ومعه ريان قرب منها وحضنته بقوة وبهمس بأذنه:راح نروح لجسار رفع راسه وابتسم لؤي بنص عين:ضحكونا معكم ليلى بكره له:عساك ماتذوق الهنى ولاتضحك لك الدنيا قول آميين لؤي بصبر:عسسسل على قلبي لفت وجهها بقرف وريان يلعب ببلوزتها خافت انه يطلع الجوال وقف ويلف ويدور مثل المقروص كأنه يدور شيء حط يده بجيوبه:غرييبه وينه طلع برا بعد ماسكر الباب وراه ويسأل العجوز عن مكان جواله واجابته بانها ماتهم له لتهتم بجواله طنشها رجع الغرفه فتحها رفع حاجب اشر بيده:هاتي الجوال ليلى بأستعطاف حتى لايكشفها:لؤي انا آٍسفه ممكن اكل والله جوعانه لؤي بضعف:شفتي قلت لك بالنهاية راح تتعبين زين مادختي علينا ثلاث ايام ماطب فمك شيء بخليها تجهز لك اكل وتخلصينه كله فهمتي هزت راسها بالأيجاب خرج ونسى عن الجوال صارت ليلى معميه عيونه قبل قلبه ابتسمت بأنتصار خرجت الجوال بسرعه ومن حسن حظها كان مفتوح كتبت رساله سريعه للرقم وقفلته حطته بين الفراش بعد ربع ساعه دخل ومعه صينية الاكل اللي فيها مكرونه وسلطه وعصير طبيعي ماتدري ليه حامت كبدها بس تحملت رفع عينه اخذ الجوال وبأستغراب:تو حست الدنيا وش جابه هنا "عينه عليها" يلا كلي لك لقمه تسد جوعك ليلى بضعف:مالي نفس زفر بطفش:غصبا عنك بتاكلينه شوفي ولدنا كيف حالته مو راضي ياكل الا معك عينها بريان اللي جالس ومبين عليه الضيق بنبرة استعطاف:لؤي الله يخليك اتركنا اذا صدق تحبنا خلنا نرتاح هز راسه وبسرعه:مجنونة انتي ماصدقت على الله هذاك يذلف ويسافر حابسك مثل السجينه رقرقت الدموع بعينها وبخنقه:وهذا مو سجن جلس بالكرسي وبهدوء حك ذقنه: لاتخافين راح نطلع قريب ونسافر بعد ثلاث ايام طلعت عينها برعب وبعدم تصديق:ثث ثلاث ايام !! وقف:كان ودي اقرب الموعد لكن طلعت لي اشغال انا بطلع برا وبتأخر تبغين شيء همست:الله لايردك بيخر بعد مايأس من سكوتها جرت له وقفت قدامه :ممكن ماتدخل علي لأني "فركت يدها بتوتر" ما اجوز لك حتى شيلتي وعبايتها خذيتها مني ابتسم بسخرية:حاضرين للغالين كرهته اكثر بداخلها وبتمسكن:وممكن ماتسكر باب الغرفه اخاف بالأماكن الضيقه قرب همس بأذنها وانتفضت:ماني غبي لهالدرجه ليلى ضربته على صدره ودفتها بقوة صدم ظهره بحافة الباب المردود توجع تراجعت خطوتين صرخ بتألم:آآآآآآآآه قرب منها رفعت يدها لااراديا تحمي نفسها ونفسها يطلع وينزل وريان يبكي لف عليه شافه سواها بنفسه طار عقله هي تظن انه بيأذيها وريان نفس الشيء خاف منه كل شيء عككككسسسه كل اللي خططه يفلت من يده يبغى حياة طبيعيه مره ثانيه معهم لكن مافي امل بوجود جسار حــــــــــــــــــــــــ ــي !! قرب للؤي اللي يبكي ويغطي وجهه وهي متصنمه مكانها تتنتظر الضربه اللي بتتوجه لها صحت على صوت الباب اللي تقفل بسرعه فتحت عينها مو مستوعبه انه ماضربها او آذاها مثل جسار قبل والا حسن جرت لريان اللي يبكي شافته مسويها بنفسه تهاوت كل حصون القوة اللي حاولت تظهرها بالأيام 3 ايام بدون اكل بدون شرب والنوم ××××××××× حست بعتمة المكان لكن تحاول تتماسك عشان خاطر ولدها اللي محتاج لها مسحت على شعره وباست خده بقوة ودموعها تنزل مثل المطر: ماراح يخلينا بيرجع لاتبكي ثواني ماقدرت تشيل رجولها سندت يدها على حافة السرير الحديد نزلت راسها على الفراش وغاااااااابت عن الوعي تماما وسط بكاء ريان وهزها من كتوفها منادي اسمها بخوف:ليلى ليلى بجنيف.. عينه معلقه على صالح اللي رايح جاي ويكلم ومبين عليه الأنفعال من حركات يده ونبرات صوته اللي ترتفع وتنخفض وانا حين اغضب.. لست انا !! هل شاهدتم السماء يوما حين تتهجم وترسل وعيدها.. يشتد غيمها ويعبس وجهها..قد تبكي وقد تنحبس دموعها..لكنكم بلا شك ستحترقون بنيران غضبها ووعيدها؟ هل رأيتم البحر يوما وهو يزأر ويزمجر ويملأ الكون صخبا وضجيجا..يجر في غضبه مراكب الهاوية..ويلقي بأخرى الى شواطى الخراب.. قد يبتسم اليكم..وقد يخفي ابتسامته ..لكنكم بلا شك ستفقدون ارضا كانت تقف عليها اقدامكم منذ الولادة ؟ انا لست كالسماء حين اغضب... انا لست كالبحر حين اغضب.. لاتستفزوا غضبي..لأنكم لن تجدوا حينها غيمة صافية تأويكم..ولاموجة بحر تعانق ظلال خيبتكم .. ولاهبة ريح تمحو آثار جراح سأوشمها انا .. (بصدوركم) لن تندمل..ولن تطفى نيرانها فحذار من سخطي فأنتم تجهلوني شات الارض وبحده:محمد مالك علاقه باللي اسويه اقوولك مالك شغل "بعصبيه" حالك من حالنا اسوي اللي انا ابيه لاتتدخل بشغلي مو من صالحك ابدا رجعة زوجة عمك وبناتها بلعناها "ابتسم" طبعا حبيبي مارجعتهم على الفاظي بمقابل خدمه بسيطه من ولد عمك الوحش ههه "بجديه" كلنا بالهواء سوا فلا تقعد تهدد احسن لك بالنهاية اذا رقابنا طار اول رقبة بتطير هي رقبتك ياولد سعود "بسخرية" اللي يسمعك يقول خايف عليه لاتخاف بالحفظ والصون ماينخاف عليه ينخاف منه مو احنا مقدمين له خدمة 5 نجوم على كلامه محمد لايكثر انا مو فاظي لك .....قفل بوجهه التفت وعينه على جسار اللي مسترخي استرخاء تام ويبتسم بكل برود حس بنااااار بصدره من بعد ماخنقه واستفزه بزوجته ثار ورجع مثل الجليد قرب منه وبسخرية واضحه:نضيفك قهوة تركيه والا امريكيه؟ حاط رجل على رجل وساكت ويبتسم زاد قهر صالح اللي شب نار من حركاته رفع حاجب:يعني كذا طيب دامنا فاظين وماعندنا شيء شرايك ندخل ونشيك على بطولاتك وحياتك هممم "رفع صوته لمرافقه" ياحمدي حمدي جاء عنده تكلم:في لاب توب بالسيارة جيبه نتسلى انا "بسخرية" الضبع الأسود بعد دقيقه جابه فتحه وشبك النت من جواله للاب فتح قوقل كتب اسمه كامل جسار بن سلطان بن عبدالعزيز ال.... طلع له حساب بتويتر خاص فيه وبعضه منتحل وصور له مع سعود ومقال عن تقلده لرتبة عاليه قرأ سيرته في ويكيبيديا رفع صوته صالح:جسار بن سلطان بن عبدالعزيز ال.. الميلاد 21 يوليو 1978 (العمر 36) المانيا الوالدان:مريم بنت فلاح ال ..,سلطان بن عبدالعزيز ال.. الأشقاء:قمر بنت سلطان..,ريم بنت سلطان.. التعليم:بكالوريوس في القانون بجامعة هارفرد العمل: ضحك بقوة:هههههههههه نشبه لنا زادت ابتسامة جسار اكثر صالح بخبث:الزوجه مجهوله !! سكر اللأب وحط رجل على رجل:ايووه وسيرتك قريناها جسار بخبث:متأكد! صالح بنشوة لتكلمه:الا اذا هي غلط ومرفعينك فوق السماء ومعطينك اكبر من حجمك هذا شيء ثاني رفع حاجب:بهالحاله خلينا نعطيك نبذه بسيطه عن سيرتك قهقه من قلب ورجع راسه:هههههههه يلا عطنا نشوف بثبات وتحدي:صالح بن... زوجتك مجهولة ههههههه زاد غيظ صالح كمل:بنتك العنود بنت صالح متزوجه دليم بن .. وساكنه بالرياض بحي المصيف تعمد يقول اسم الحي حتى يرتعب صالح اللي طلعت عينه وبقسوة:ماعندي بنت جسار:بنتك وغصبا عليك دامها حيه وشايله اسمك فار دمه شد قبضة يده وبتهديد:لو فكرت بس بثواني حتى هجم عليه مسكه من ياقة قميصه وبفحيح سام وقهر:احذر ياصالح انت في وضع ماتقدر تهدد والا راح تخسر روح بنتك قبل روحك طلعت عينه وبصرخه:الا بنتي ياكللب زاد شدته وخنقه نطق وصدره يطلع وينزل :مو احنا اللي نلوي ذراع خصمنا بالحريم ياصالح ما نوصل لمستواكم كم مره حذرتك ونبهتك تخرجون الحريم من هاللعبه لكن راكبين راسكم تحدون الواحد يعاملكم بالمثل فكوهم الحرس بعد صراع طويل مع مقاومة جسار اللي بكل برود نطق:بالعاصمه عندهم خبر 3 ايام اذا مارجعت راح يتصرفون حياة بنتك بين يدك اللحين اختار طالعه بفزع وبعصبيه شات كأسة الموية اللي قدامه وبغضب:راح اشرب من دمك لو تسويها ببرود مميت :قلت لك هالمره كل شيء يعتمد عليك اليوم بيكمل 3 يوم "بنفس نبرته لما كلمه" معاوض بخير ببنتك اشر لحرسه يفكونه وصدره يطلع وينزل بغيظ لف لورى مسح وجهه وجسار عينه على قطع الزجاج المتناثره ميل فمه وابتسم بخبث لحالة صالح اللي انقلبت 180 درجة التفت وبضعف ووهن:وش المطلوب مني؟ رفع صدره ونفخ الهواء طالعه بتحدي قرب بخطوات صدر صداها مايفصلهم الا انشا تبسيطه وبعيون ورثها من رجل سياسي داهيه:لؤي هالمره بطلب روح لؤي صالح بغدر واندفاع:اعتبرها جاتك رفع حاجب وبنظرة عميقه:لا بس دلني على مكانه اما روحه خلها علي وروحك "ابتسم بسخرية" لاتستعجل على رزقك مصير الحي يتلاقى هدأت انفاس صالح المضطربه حس بخوف ممزوج برهبه حس ان اللي واقف قدامه مو بس جسار الملقب بالضبع الأسود بل رجل الداهي سعود نفس النظرة والقوة والحضور تكلم بتردد:وش يضمني صدقك؟ جسار :هه ومن متى وانا العب مع امثالك "بوعيد" صدقني اذا ماطلعت من هالمكان وبرجولي الثنتين راح تتمنى الموت وماتلاقيه لا انت ولاهذولاك الخونه اللي غدروا بتراب ارضهم بعد مسافه وجبينه يتصبب عرق خوف من تهديداته بحياة ابنته ومن وقوفه بهالشكل رفع صوته :اعرفوا لي مكان لؤي و راح نودع ضيفنا جسار بأبتسامة شامته:هه اعذرني على هالزيارة القصيرة بس يازين من زار وخفف تأكد لنا زيارة مره ثانيه ولاتخاف راح اشتري كفنك على حسابي رجع جلس حط رجل على رجل رفع ذراعه اليسار وعينه على الساعه:عندك ساعه ونص تعرف لي وين مكانه والا تعرف اللي بيصير صالح بتوتر ظاهري:بس ساعه ونص صعبه رفع كتوفه بعدم اهتمام:ماتصعب عليك ياصالح لاتطيح من عيني مو شغلي ساعه ونص والا قاطعه بصرخه:خلااص بيجيك العنوان لكن خرج بنتي من هالحسابات زفر جسار وبحقد:تحدون الواحد على اقصاه بزمان كانوا يقولون سعود نسخة ابوه عبدالعزيز بالسياسة وسعود خلف نجل يماثله تماما مو بس يشابهه نجل اعتنى فيه من كان عمره 16 سنه اسسه بفترة حساسه وزرع فيه السياسه ودرسه بأكبر الجامعات وكان حازم عليه وبعد ما انتهى من دراسته اشرف على تدريبه بصحراء بالمغرب جلس فيها 3 شهور بدون وسائل اتصال او ترفيه عوده على مشاق الصحراء وطبيعتها القارسة كان ينام ليالي بدون اكل وشرب حتى يتعود على هالمواقف لاجاء يومها بعدها خذاه بقلب روسيا "موسكو" وتركه يتدرب فترة قصيره على الاسلحه بعدها لواشنطن وخذاه بأكثر من مؤتمرات وكانت اغلبها مناقشة قضية فلسطين بزمن بعيد قبل 10 سنوات.. طلعوا من المؤتمر ووسائل الاعلام تحاوطهم سعود وعينه لقدام:ملخصك لهالمؤتمر ؟ عقد حاجبيه بتردد كرر السؤال بأختبار:ملخصك لهالمؤتمر؟ مشى مهرول معه ومع حرسه:مافهمت شيء وقف سعود وعينه عليه:ولا احنا العرب من 55 سنه مو فاهمين اللي يحاولون يوصلونه هاليهود وامريكا بالنص تحمي ظهر اسرائيل وبنفس الوقت تطبطب على ظهر العرب جسار بضيق للحال اللي وصلت له فلسطين:قاعدين يموهون بوعود زائفه سعود بتألم:فلسطين ماتت على ايدينا احنا السبب لف عطاه ظهره ومبين عليه الضيق وخلفه جسار واعضاء دول مجلس التعاون حقيقه لن نستطيع نكرانها نحن معشر العــــــــــرب من تسبب بحالة عروسنا (فلسطين) سكوتنا وضعنا وتشتنا كلفنا فلسطين,سوريا,الجولان ............... ................ ماذا بعد يا أمة العرب؟؟ أي دول سنصلى عليها ليدفنوها اعدائنا!! أي دول؟ ليحمينا الله ويلطف بنا..... : : بحائل.. بالسوبر ماركت.. سميرة ترفع الورقة وتقرأ:باقي الملح روحي جيبيه انا بروح جهة الأجبان هزت راسها وكمل مشيها وتدور على الملح بالجهه الثانيه من السوبر ماركت.. نايف بطفش:اللحين ليه نازلين؟ سلمان وعينه تدور باكيت الدخان:ابغى دخان زفر نايف بطفش:كان نزلت لحالك لف رفع حاجب:احد قالك تنزل نايف بتأفف:انا باخذ اغراض وبرجع للسيارة سفهه التقط باكيت الدخان بيحاسب لمح وحده شبهها استغرب ترك الباكيت ولحقها وقفت قدام الملح المرصوص في واحد قدامها لكن فيها عناد تاخذ اللي فوق تتحدى نفسها رفعت يدها مافيه فايده رفعت نفسها اكثر واقف بأخر الممر بأستغراب قدر يميزها لكن فيه شك يتسلل له يمكن ماتكون له لكن لما نطقت بتأفف:باخذك يعني باخذك سمعتني ابتسم بداخله على كلامها وعنادها عنييييييييده عنييييييده لأبعد درجة تخصرت وتكلم الملح وكأنه انسان:راح اخذك سمعتني لو تكون بالمريخ بوصل لك قرب منها بدون ماتحس وقف وراها دخل راسه فوق كتفها وهمس بأذنها:بالهداوه تمشي كل امورك ليه انتي بارود كذا؟ جمدت مكانها نشف الدم بعروقها غمضت عيونها بفجع وكره من حركة هالشخص الغريب لفت بسرعه صدمت بصدره تحاشت النظر له ورجعت تاخذ الملح نطت ضحك:هههه لفت بقوة عطته نظره كتم ضحكته كتف يده :اذا مانتي قد الشيء استسلمي لفت بقوة وبغيظ:ماراح استسلم قرب منها وبروقان:مو عيب لا اعترفتي بالخسارة تكلمت بضيق:لا عيييب هذا اسمه ضعف بنفس الروقان:بالعكس لايكلف الله نفسا الا وسعها مو عيب تعترفين بالعجز بالنهاية انتي بشر الخساره وارده مثل الربح قرب اكثر بلعت ريقها رجعت خطوتين صدم ظهرها بالرف ابتسم بخبث التفت للمكان غمضت عينها :لااااا رفع يده اخذ علبة الملح اللي كانت تصارعها فتح يدها وبهمس:تخسى هالعلبه تزعلك لهالدرجه فتحت عينها لامت نفسها على تفكيرها الشاطح وبهدوء رجعتها للرف الثاني:ما احب احد يساعدني راح اجيبها لحالي توقعته يصرخ والا يعصب لكن رسم لها اجمل ابتسامه واشر بيده بمعنى حاولي رفعت راسها بثقه قربت من الرف رفعت يدها ماطالته وقف يراقبها مرت دقيقه وهي تحاول ماتحمل صار وراها رفعها شوي اخذت العلبه وبتنجلط من تصرفه حمدت ربها السوبر ماركت فاظي وهالجهه فاظيه نزلها وعينه المركزه بعينها تلمع وتعبر عن الكثير اللي مدفون داخله ولايقدر يقوله ببحه:الله ماخلق حواء من راسه لترأسه ولامن قدمه لتكون جاريته وخلقها من جانب ضلع آدم للتساوى معه ومن تحت ذراعه ليحميها ومن جنب قلبه ليحبها ولولا هالضلع كانت اخف ضربة على القلب تسبب نزيف لكن خلقه اعوج ليحميه تعلقت عينها بعينه اللي تلمع انجذبت له مثل المغناطيس والسحر تجزم انه يسمع ضربات قلبها ورعشة يدها الأكتفاء بكــ اجمل م صنعه لي القدر فحبكـ يتسلق اجزاء قلبي حتى اصبح الهذيان بكـ دستور ادمنته ولكنني اخاف عليك مني فأنا امرأة موشومة بالجرح.. موشومة بالحزن.. اخاف عليك مني فأنا اعشق (بجنون) واغار بجنون واتخطى مرحلة الهذيان عندما اشعر بأنك هناك من يشاركني بك فأنا لم اعتاد سوى على التملك وحدي ليس عيبا فأن قبلت امرأة بأن تتشارك قلب محبوبها مع اخرى فأنني افضل الموت (وحيدة) على فعل ذلك بأمل:كفايه هالبعد لين متى نتحاسب من بعض؟ علقت الدموع بمحاجرها قلبها ينزف اكثر لما تشوف عيونه بغصه:لين ربي يسمح امري نزل راسه بياس رفعه:بعد عمر طويل بصدق:انا آسف على كل تصرف بدر مني آسف على كلمه رميتها بدون لا احسب لها حساب لكن فيه شيء مو آسف عليه "ببحه" وجودك بحياتي ندى والله العظيم متندم قد شعر راسي على خسارتك صدقيني بجمود ضحكت بأستخفاف:لييه؟ طالعها بأبهام كملت بنفس الجمود:ليه متندم على خسارتي مو انت قلة بعظمة لسانك ان وجودي بحياتك هو اكبر نقمه "بغصه بلعت ريقها" واخترتها علي همم؟ عيونه بعيونها غرز يده بشعره رفع عينه لفوق عض شفته السفليه بقهر ومن بين اسنانه:لأني احبك هممم اييه احبك وراضي فيك بكل عيوبك نزلت عليها وقع الكلمة بطريقة عصفت قلبها احبــــــــك!! نطق الكلمة اللي كانت تنتظرها من زمان قالها مره وبعدها انكر وبين لها عكسها سنة كاملة كانت هالكلمة خاليه من قاموسه بوجودها بحياته لكن كانت مثل مرارة كلمة "عظم الله اجرك" ضحكت بسخرية:هههه انشدت اعصابه رفع يده بالهواء:ما اظن قلت شيء يضحك ضحكت بقوة:هههههه وقفت ضحك رفعت راسها لفوق تمنع دموعها لاتتساقط بللت شفايفها من تحت النقاب وبتحدي لقلبها وله:للأسف جيت انت وقلبك متأخرين حييييل هذا "اشرت لقلبها" دفنته ببلاد غربه ولاعاد فيه حياه بعدت عنه حتى ماتفضح نفسها وتضعف قدامه مشت بسرعه شافت امها واقفه من بعيد وباين عليها الغضب قربت سميرة بحده:وين كنتي ادور عليك مثل المجنونة همست بتعب:خلينا نروح استغربت نبرة صوتها لكن ماعلقت راحوا للكاشير حاسبوا وخرجوا بسرعه وكان سامي زوج سميه بأنتظارهم سميره ركبت وبتعب:تأخرنا عليك ابتسم:ابدا تعبكم راحه خلصت مشواري وتو وصلت كنت بدخل معكم لكن طلعت لي شغله ضروريه سميرة بعذر:ماصار الا كل خير بعدين فيه حريم بعد يتقضون صح ندى؟ عينها على الشوارع وسرحت بعالم بعيييد سلمان بضحكة:هههههههههه غشاشه صاحت بأستنكار رمت ورق البلوت:ماغشيت اصلا انت ماتبغى افوز قرب منها عض شفاته السفليه وبطريقه مسرحيه :تقبلي الخسارة ياعزيزتي فتحت فمها بتتكلم حط يده وكتم فمها حط اصبعه على فمه:اششششش تقبليها يلا اللحين خسرتي والتحدي اللي بيني وبينك يقول لاخسرتي "اشر لخده وغمز" تبوسيني ترا توي محلق ماراح يدغدغك الشعر مثل ماتقولين بعد يده رفع حاجب وبترقب وبنبرة آمر:يلا يابنت اسمعي الكلمه خليك شطوره وعاقله طالعته بنص عين وتخصرت انفجر ضحك على شكلها:ههههههههههههه يلا اشوف اشر لخده قربت منه توسعت ابتسامته عضته بقوه صاح وهي تضحك بتشفي:ههههههههههه بتقوم تجري مد رجوله وعركظها طاحت رفعها من بلوزتها مثل الريشه بالنسبه له وهي تقاوم ثبت يدها بالأرض ونصه عليها وبتهديد:لاتقاومييين لفت راسها يمين يسار وتقاومه سحبها وكتفها صاحت بتوجع قرب شفايفه لأذنها وهمس بعذوبه :يطري عليك توعديني ثم تخلفين؟ فك يدها بشويش تخدرت من همسه وقربه بهالشكل لفت عليه بهدوء ابتسم وكرر الكلمه بطريقة تاخذها عالم ثاني:يطري عليك؟ بلعت ريقها وبانت تفاحة آدم راقب حركتها ورفع عينه على رموشها اللي ترمش بقوة رفع يده بعد تردد مسح على شعرها ونزل لخدها مسح عليه غمضت عينها اختنقت انفاسها صحت على الواقع على صوت امها اللي تناديها رفعت راسها انصدمت بوجودهم عند البيت وسامي ينزل المقاضي سميرة بشك:ندى فيك شيء من اليوم اناديك وماتردين علي؟ هزت راسها بالنفي نزلت بسرعه دخلت البيت وسط استغراب سامي وامها دخلت على البنات شافت سميه واقفه بأستغراب:ليه تأخرتوا؟ صدرها يطلع وينزل طالعت فيهم وحده وحده نزلت دموعها وسط استغرابهم عطفت ملامحها ودخلت نوبة بكاء حاده ارتفع صوت نحيبها فزت ناديه بخوف جرت لها وسميه نزلت بنتها وجرت لها ناديه بخوف ودموع:ندى وش فيك؟ بدخول امها اللي انفجعت رمت شنطتها حضنتها تمسكت بعباية امها وشدتها وتنتحب من قلب دموعها تصب مثل المطر وصوت بكائها يرتفع اكثر سامي سمع صوت البكاء خاف رفع صوته :ياوولد انتم بخير؟ مسحت دموعها سميه راحت انفجع من شكلها :وش صاير؟ سميه انفجرت بكي:بتروح من يدنا سامي بفجع:منهي وش صاااااير انطقي؟ جلست على الكنبه وبكت:حرقوا قلبها اهىى الله يحر قاطعها سامي:لاتدعين على الناس سميه بحزن لأختها:قلبي مقهووور عليها ياسامي من دخلت بين هالناس وهي من اسوء لأسوء سامي زفر:هذا نصيبها روحي طيبي خاطرها قامت مسحت دموعها لفت عليه وبأمتنان :شكرا سامي بضحكة:على وش مواساتك؟ هزت راسها :لأنك مو مثله "تقصد سلمان" مشت وتفكيرها يروح عند اختها دخلت الصاله شافت امها جالسه وبندى بحضنها متمسكه فيها وناديه عينها عليهم بعجز مضاوي نزلت راسها وكأنها حاسه بوجعها بألمها نطقت بصوت مبحوح:فرح بعدت عن صدر امها وقامت مثل المجنونة تدورها وعينها عليهم :وين فرح؟ الكل طالع ببطانيتها المفروشه بالارض لكن فرح مو فيها صرخت بفزع:وين فرح جرت وترفع صوتها:فررررررررررح فرررررح سميه بقهر صاحت:ندى لفت ندى اللي ترجف بقوة وآثار الدموع ملتصقه بخدها تكلمت بغصه من حال اختها اللي شوي وبتنجن:فرح نايمه بغرفتنا اخذت نفس عميييييق وكأن ردت لها الروح مشت بسرعه لغرفتهم فتحت الباب شافتها نايمه على السرير راحت لها انسدحت جنبها وتبوس يدها وتشم ريحتها سميه بقهر:هالحاله ماينسكت عليها يمه ندى تعبانه سميرة بعجز:وش بيدي اسويه؟ سميه بحيره:مدري مدري الحاله اللي جاتها قبل شوي مو طبيعيه شفتي كيف كانت تبكي وترجف شوي قلت بتروح من بين يدينا والا خوفها الزايد على بنتها سميرة حطت يدها على وجهها بحيرة ويأٍس ناديه بضيق:بس سميه لاتزودينها على امي سميه بصرخه استهجان رفعت سبابتها:انتي شفتيها لما بكت شفتي حالتها والا خوفها على بنتها ناديه بهدوء:شفتها لكن مابيدنا شيء سميه بعد تفكير:ليه مانجيب لها شيخ يقرأ عليها وتهدى رفعت راسها سميره كملت ساميه:راح ترتاح ناديه بسرعه:شيخ انتي ماشفتي لما بنتها تعبت ورحت معها المستشفى لما حط زوجها اذاعة القرآن صرخت عليه يطفيه وفتحت الباب بغت ترمي نفسها بالشارع بغيت اموت من الخلعه سميرة بصدمه:متى صار هذا؟ ناديه :لما رحت معها المستشفى التفت مثل المقروصه وبشك من اللي بداخلها صحيح كل اللي تمر فيه ندى وقدام عيونها مرت فيه لما حطوا لها الســــــــحــــر!! سميه بخوف:يمه وش فيك؟ سميرة هزت راسها وبخوف على بنتها:انتي متأكده؟ ناديه بخوف من تعابير امها:اييه وربي خفت رفعت يدها لعيونها وبكت بحرقه على بنتها سميه بدموع قربت:يممه ليشه البكاء راح تصير بخير ازمه وبتعدي ناديه مسحت دموعها:اييه يمه راح نجيب لها شيخ وبعدها بترتاح سميره بقهر ضربت صدرها:آآه بنتي بتضيع من يدي "بحرقه" منهم اللي مايخافون الله وحطوا لها البلاء اهىى اهىى سميه وناديه بصدمه نطقوا سوا:سححححر!! مسحت خشمها اللي سال بكم عبايتها وعينها على بنتها وكأنها غائبه لعالم ثاني قربتها لصدرها وتمسح على شعرها نزلت دموعها تحس بثقل كبير داخلها وكأن حجره طابقه على صدرها وبحزن عميق سولفت لبنتها بتوجع:شفته اليوم شفت ابوك فجأة اعتذر على كل اللي سواه لي لكن "بغصه" مو قادره اسامحه آذاني كثيير وبكاني كثير "عطفت ملامحها" مع ذلك مو قادره اكرهه واليوم قال الكلمة اللي كنت انتظرها من سنه كامله كنت ببكي من فرحتي لكن كل ماتذكرت اللي سواه فيني "غصت بالبكاء" اهىى اهىى وعدتك ما اصعف ولا ابكي والله مو بيدي امكك قاعده تموت شوي شوي اهىى اهىى رفعت عينها للسماء وبمناجاه:آآه ياربي كانت واقفه وتسمعها الباب مردود وصوت بكائها وكلامها خلا دموعها تنزل غصبا عنها بالنهاية قلب ام مسحت دموعها دخلت الغرفه الملظمه ماعدا نور الأبجاورة الخفيف بزاوية الغرفة شافتها عدلت جلستها وتحس راسها ثقيل مسحت وجهها جلست جنبها ابتسمت حطت يدها على فخذها وربتت عليه وبأبتسامة:ماصحت بنتك؟ هزت راسها بالنفي كملت سميرة بحب:كنتي مثلها لما كنتي صغيرة طلعتي عيوني آآه اصعب ولادة واصعب تربيه ابتسمت بخفيف تنهدت من قلب سميرة:آآه يابنتي انتي باقي صغيرة على هالشقى لكن هذا اللي ربي كاتبه لك وانتي صابره وقويه كل ماتسكرت ابواب الدنيا بوجهك اشكي لربك وتوجهي له بيغنيك عن حاجة العباد وبيكون معاك ندى بغصه:يممه خجلانه منه سميرة بأستغراب:خجلانه من ربي ليه ؟ ندى بفتور:ما اصرت اقدر اصلي الفروض كل ماركعت اقطع صلاتي "بدموع" حتى القرآن صرت اكره اسمعه او اقراه اهىى ربي بيعاقبني بس والله مو بيدي مو بيدي اهىىى اهىى كل ماشيدت على نفسي اتعب ربي بيعاقبني احس احد يضرب ظهري بقوة مثل السوط احيانا اصحى من نومي وابكي من الوجع سميرة بخوف لفت ظهرها رفعت بلوزتها انصدمت من الآثار اللي بظهرها مثل السوط معلمة بجسمها بفجعه:هاذي من متى؟ ندى بغصه:كانت تجيني قبل مايتوفى ابوي لكن زادت بالأيام الاخيره حست بخوف فظيييع وقلق على حال بنتها بدون شعور حضنتها بقوة وتمسح على شعرها وبأيمان قوي:قل لن يصيبنا الا ماكتب الله لنا احتسبي الأجر احتسبيه حقك عند الله مابيضيع : : بالرياض.. عادله بغضب:ماعندي هالمبلغ خديجه بعدم تصديق:ماعندك 50 الف هاذي مثل 50 ريال بالنسبه لك عادله بحمق وتمسك كتفها بتوجع:اطللعي برا خديجه برفعة حاجب:مو انتي اللي تطرديني روز بهدوء:لو سمحتي اطلعي برا خديجه:كلامي معها مو معك روز بصيحه:احترمي نفسك واعرفي من تكلمين انا زوجة سلمان بن سعود وام ولده خديجه بأنفعال:لو تسوين ماتسوين ما احد يجي مثل مكانة ندى بنت خالد ما احد ماتطولينها لو جبتي له درزن عيال "وقفت عادله واشرت لروز تطردها سحبتها روز تبعد يدها وترفع صوتها بحمق " صرخت بقوة:ماراح احد يطولها داست كرامتكم خلتكم ولاشيء رقصتكم على اصابعها خلت الامير سلمان يطلق حريمه الوصيفات تنظين ماراح تقدر عليك انتفظت روز وبكره:ماراح ترجع خلااص خديجه وعينها مثبته على عادله:راح ترجع وهالقصر راح يكون لها الامير سعود يقدرها اكثر منك وانتي تعرفين هالشيء الامير سلمان ماراح يتخلى عنها لأنها يده اليمين ماراح يقوى الا بوجودها من دخلتي حياته "وجهت الكلام روز" وحاله من اسوء لأسوء اسأليهم لما ندى دخلت حياته كيف غيرته وصار مثل سعود بن عبدالعزيز سوته من العدم وهم 6 سنين مو قادرين يحتوونه بشهور قدرت تكسبه خديجه بسرعه:خليتوا الامير سلمان يشك فيها مع خطيبها السابق دفعتوا له فلوس حتى تخلونخه يشك فيها عطيتوه ارقامها كل ماغيرت رقم عطيتوه حتى يظن انها تتواصل معه خليتوه يحجز بالشاليه جنب اللي حجزتوه لما سافرتوا للشرقيه غدرتوا فيها وهي مو عارفه اللي يصير لها كانت خطتكم تشككونه فيها حتى يطلقها ولما مالقيتوا امل اخذتوا من اثرها وحطيتوا لها سحر تفرقه بينها وبين الامير سلمان لتكره ولترتبطين فيه اكثر روز بصراخ:كذاااااااااااابه كذاااااابه الا السحر مالي يد فيه "بنفظه" انتم سويتوه لاتتبليني ولاعندي خبر الا بعد فتره خديجه هزت راسها بقوة:مو انا اللي اكذب وتعرفين كيف صار هالسحر ما اكتفيتوا بالصور اللي بألبوم زواجها لا بنجاستها بعد عادتها خليتوا وحده من الخدامات تسويها وتجيب اثرها والسحر مطمور بالتراب اللي بالحديقه ما اكتفيتوا بهالشيء ارسلتوا خدام يأذونها لهالسبب كانت مشاكلهم كثيره وهربت من هالقصر لأنه كان سحر اسود وقوي كثيير خلف الأبواب كان واقف شخص نزل عليه الكلام مثل الصااااااااااااعقه خرجت عيونه انشلت اطرافه من الحركه وانلجم لسانه وكأن من كب موية ثلج عليه عادله بنهر:اطلعي برا لا اشوف وجهك احسن لك رفعت صوتها بغضب:راح اطلع لكن حسابنا ماخلص عادله بكرهه:مابقى الا خدم يرفعون صوتهم علينا فتحت الباب خديجه بقوة بتخرج وقفت من الشخص اللي واقف طلعت عينها لفت روز شهقت وعادله اتسعت عينها بصدمه ؟ ؟ ؟ : : بالقــــرية.. ترتب ملابسهم بالشنطة فرحااانه حيل لأنها واخيرا راح تكون معه بتختلي معاه فقدته كثير بالفترة اللي راحت فترة طوييلة دخل وعينه تراقبها كانت مثل النحله تتحرك وتبتسم كره نفسه حس بمدى نذالته وما ارتبك بحقها لفت بتاخذ عطوراتها استغربت من وجوده رسمت اجمل ابتسامه:توته متى جيت؟ شافته مكشر فسرت انه تضايق من الكلمه قربت منه وماسكه بيده توب باست خده برقه وبأسف واضح:آسفه عقد حواجبه كملت:على هالكلمه ماتحبها لكن احب ادلعك كذا وش اسوي مسك يدها ضمها ليده وعينه عليه وبأسف ممزوج بحزن:انا اللي آسف رفعت حاب استغربت كلامه :جهزت الشنطه واللحين بسكرها باقي فيه اغراض بتحطها بعد عنها هز راسه بالنفي طلع جواله من مخباه وشبكه بالشاحن وقف للحظه وهي رجعت تكمل ترتيب لف نزل راسه بخجل فصل جواله خرج بعدت عن الشنطه استغربت من حالته لكن فرحتها بالسفر كانت اكبر من انها تلتفت لحيرتها.. اما هو حس ضيق خرج برا يشم هواء يحس نفسه مخنوق فيه غصه وحمل ثقييييل صار على كتافه خرج جواله بتردد واخيرا قرر يشارك صديق عمره المشكلة اللي ورط نفسها فيها بدون لايفكر بالعواقب بعدين بعد رنة رنيتن ثلاث رد وبترحيب حار:يالله حي ارحب متعب بجمود:البقى دليم بأستغراب:متعب وش فيك صوتك؟ متعب بضيق:عندك اهلك؟ دليم وعينه على اخته والعنود:اييه ثواني بطلع اللحين لبس ثوبه وطلع الشارع بترقب وخوف:متعب وش صاير فاطمة صاير لها شيء؟ هز راسه وكأنه قدامه ويمشي بأتجاه الغدير :لاتخاف مافيها الا العافيه وبكره ان قالها الله بنسافر دليم فرح:عشان كذا متضايق اكييد هالقزمه نشبت فيك وطفشتك حتى تسفرها متعب بحميه:لاتغلط عليها وبعدين هذا من حقها ابسط شيء اسويه لها دليم بضحكة عاليه:ههههههههههه والله بنت اختي جابت راسك سكت متعب دليم حس فيه شيء مو طبيعي :متعب انطق وش صاير نشفت دمي يااااخي؟ زفر بقوة:اليوم رحت لقرية السيل قريبه منا دليم بأستحثاث:طيب فجرهها:ملكت !! دليم وقف بصدمه ضحك بخفه:ههه هييي بلا مزحك السامج متعب بصرخه:شايفني اصغر عيالك حتى امزح معك دليم بقهر عليها:ليييه يامتعب همم وش قصرت فيه فاطمه هاا ؟ متعب بأنفجار:ماقصرررت ولابدر منها عيب دليم طاح من عينه متعب بحمق:وش المطلوب مني اروح اواسيها والا اقولها ترا من حقه الشرع حلله اربع ارتفعت نبرة صوته:لو يوصل لها علم يادليم ياخوتك ما اشتريها بريال دليم زفر مسح وجهه وبهدوء:وش اللي حادك وش عذرك همم؟ متعب بأنهيار وعينه لقدام :انجبرت يا اخوك دليم بعدم تصديق:انت تنجبر هه متعب لو احد ثاني غيرك كان صدقت لكن انت ماخبرتك تنجبر على شيء متعب بتعب نفسي:طالبوني بالحق وانا اخوك لو ماسويت هالشيء كانت الدميان وصلت للركب وكل شيء بوجهي سودوا وجيهنا عند العرب وانا دفعت الثمن حتى ماتروح رقاب دليم بحيره وخوف من كلامه:متعب وش تقصد؟ متعب بغيظ:نواف الكلب سوا سواتك واعتدى على بنت ال شاهر وشرد للكويت وحطني بموجه المدفع حتى يطيح وجهي دليم نزل راسه من كلمته له "سوا سواتك" يعني اعتدى على عرض غيره بهدوء:وش السواه اللحين؟ متعب بسخرية:هه ابد طاح الفاس بالرأس جاني راعي صاحب حلال بن شاهر وقالي الخبر وكتمنا هالسر بيني وبينه وبين بنت بن شاهر ورحت اليوم وخطبت وملكت والبنت عمرها 17 سنه ومريضه بالسرطان هه "بنبرة متعبه" ياخوك صار الحمل اللي على كتوفي يهد جبال .. دليم بهدوء:صل على النبي واذكر ربك وفاطمه اتركها علي صرخ بحده:الا فاطمه لايوصل لها خبر دليم بهدوء:كذا والا كذا مصيرها تعرف متعب بأنكسار:مو هاللحين هي مستانسه على السفره ما ابي اعكر فرحتها "بغصه" ولاني اتحمل اشوف الحزن بعيونها الموت ارحم لي من انها تعرف اني خذلتها مثل اهلها حس بطعنة بالصميم من هالكلمه ماينكر انهم خذلوها لكن هو كان مسافر ولاعنده خبر فجأة انقطعت عنه فاطمة وكان يظن انها بأمان عند اخوانها لكن كلام متعب خلاه ينزل راسه غصب عنه وبزفير: بتنحل بتنحل متعب بتهجد:الله يسمع منك يلا انا استأذن وراي خط بكره بحرك باكر دليم ودعه:بحفظ الله يا ابو مشاري ولاتشيل هم لنا لقاء قريب وانتبه لفاطمه متعب بأبتسامة ذابله لأسمها:استح على وجهك قل انتبه لروحك وما احد بناسي روحه دليم بحب لصديقه:هالقزمه خذت كل الغلا متعب بهدوء:تبطي تاخذ ربع غلاها دليم:هههههههههههههه لو ما اعرفها كان قلت ساحرتك يلا ودعتك الله متعب :هلا.....قفل ماحس نفسه الا راجع للبيت وسيده لغرفته لأول مره يشوف امه وخواته ويتجاهلهم من كثر مايفكر حس راسه يضرب بخروجها من الحمام "وانتم بكرامه" وشعرها يقطر مويه زفر بغيض :كم مره قايل لتس لاتتروشين هالحزه بيدخلتس برد وتمرضين ثمن ابتلش فيتس؟ عقدت حواجبها عبست استغربت نبرته وبهدوء :متعوده من زمان قرب منها ويحس كل خليه فيه تضرب من القهر مسك كتوفها وبجديه:من اجتمعت فيك تحت سقف واحد وانا مو عادتس بس زوجتي لا بنتي بعععد بنتي الصغيره اخاف على عيونتس لايدخلها شيء ثم تنزل دموعتس اللي تذبحني الف ذبحه "بهذيان" فتره وبتعدي بس لاتبعدين سمعتيني مالي غريتس ومالتس غيري لو كثروا اهلنا واصحابنا ذا "اشر لقلبه" لتس وحدتس ماهو بمفرط فيك سامعتني احبتس اكثر من امتس واخوانتس وربعتس احبتس اكثر من نفسي لأنك بعد عنها بعد ماعجز يعبر عن اللي بداخله شات بيده الاباجورة ورماها بقوة على الارض انفجعت عطاها ظهره عض يده بقهر وده يصرخ بأعلى صوته "هو دائما الضحية لأغلاط عيال عمه الاولى: مناير اجبروه يترك فاطمه اللي كان ناوي تكون اول وحده بحياته حتى مايلحقهم العار.. والثانية:غلطة جسار مع بنت شيخ قرية السيل اللي بعمر المراهقه باغتها دون وجه حق حتى يثأر من ولد عمه ويرد رفضهم له بتزويجهم من الجازي هالمره قبل لأن مابيده شيء اما يحقن الدماء اللي بتصير بين القبيلتين ويخبي هالفضيحه ويتزوج بنت الشيخ اللي ماعنده خبر وتفاجأ بجية متعب لقريتهم وطلبه للقرب منه زاد فخره وفرحته وسط تكتم الشايب اللي جاء اول مره وطلبه يتزوج بنت الشيخ وقتها استغرب ولاعرف السبب لكن بعد مكالمة معه اكتشف كل شيء او يرفض بكل بساطة ولايحمل نفسه آثام غيره وراح تطيح سمعتهم ويدخلون بثأر وحقوق ّ!! حطت يدها على كتفه وبهمس:تعوبي غمض عينه على دلعها اللي مصره تناديه فيه تقدمت وصارت قدامه ومايفصلهم شيء لعبت بأزاير ثوبه ومسحت على صدره وبضحكة:كسرت الأباجورة المفضله عندي لكن "غمزت" لك ولشرواك فدا متعب بأبتسامة بارده:شرواك الطيب بوزت نطت صرخت متحمسه انفجع:واخيرااااا عرفت احتسي مثلكم ضحك بخفه:هههه روعتيني قلدت كلامه بلهجه مكسره:وراه؟ عض شفايفه نفخ الهواء اللي بصدره:تدرين الساعه كم؟ لفت طالعت بالساعه المعلقة على الجدار:1 ونص ليش؟ قرب منها مسح على خدها حاوطت رقبته وبدلع كررت السؤال:لييش؟ متعب بصدق:ودي الزمن وقف لما انزفيتي لي بالفندق كانت الساعه 1 ونص اللي واخيرا استفردت فيتس وخطفتس من العالم ابتسمت وبدلع:ترا ما اقدر على هالرومنسيه اسيح اغدي مرقه على قولة الجازي قهقه بقوة على تشبيهها:ههههههههههههههههه� �هه هههههههههههههههههههههههه آآه يعلتس يالجازي ياللي خربتي الخكريه حقتي | |||||||||
|  |
|
14-12-14, 05:23 PM
| #72 | |||||||||
| نجم روايتي ومشرفة سابقة وفراشة متالقة بعالم الازياء
| بالرياض.. رمى الريموت بتأفف طفش من القعده لحاله غير البرامج الممله قرر يروح للشقه اللي تركها فيها يومين حتى يخليها تخاف لكن ترك جواله الثاني لكن مرت يومين بنت ابوها ولاجابت خبره ما اتصلت استغل سفر ابوه والا لو شافه هنا وعرف حركته كان نحره قام لبس ثوبه الابيض اخذ كبوس اسود التقط مفاتيح سيارته دخل بوكه بمخباته ونزل الدرج دقائق حتى خرج من القصر وتوجه للحي اللي فيه العمارة طلع الدرج ويصفر طلع مفاتيحه فتح الباب استغرب من الظلااااااام ماشاف شيء دخل خطوتين شوي تسكر الباب وطمر بوجهه شيء اسود بأسود وماح سالا الضربه اللي على راسه بقوة حس بدوخه مسك الجدار بسرعه ويده الثانيه ماسكه على راسه طلع جواله وينور للمكان ماشاف احد دب الخوف بقلبه حطه على جهة الكنب لكن مافيه شيء تعوذ من الشيطان وسمى بالله وقرأ آية الكرسي مد يده بخوف يدور افياش الللمبات يفتحها "الليت" ولازال ماسك راسه ويآن بقوة:آآآه ياراسي شوي طارت عيونه لمنظر الشقه اللي مابقى شيء حاد الا ومرمي على الارض بشكل مصفوف سكين طبخ,ساطور,مفك,..... غير الأثاث اللي ملعوب فيه الكنبات بكل جهه حس بخوف وتردد يمكن دخل الشقه الغلط رفع صوته بتردد :يا اووم برقع مندسه ورى الكنبه حطت يدها على ذقنها وبأستنكار:وش ذا الحرامي اللي يعرف اسمي يمااه لايكون من هالسحره يؤؤؤؤه يؤؤؤه يالجيز لاتخافين لاقرب منتس اضربي هالمقلى فوق نخاعه قرب ويلمح عبايتها عقد حواجبه بشك قرب رفع صوته:اوم برقع نقزت من الكنبه وصرخت بصوت عالي:يااااااااااااااااااا� �ااووووه اخذت المقلاة وضربته بقوة على راسه ورمتها بوجهه وشردت وعبايتها تطير وراها حس بدوخه يالله يتوازن لكن لازم هالمره يخرج روحها بيذبحها خلااااااااااااااص وش فيها قصااااااااااااااااص بالطقاق الموت واحد والله يذبحها لحق وراها وهي تجري بعبايتها سحب طرفها تعركظت طاحت على السيراميك رفعت رجولها شاتته تحمل الوجع هجم عليها ويحاول يمسكها لكن مسكت شعره بقوة وعضت اذننه صرخ بتوجع :آآآآآآآآآآه منحني ظهره رفعت يدها وتضربه بقوة وبفحر :والله ماتمس مني شعره يالحرامي تراني الجيز بنت مطلق عن عشرة رجال سامعني قدر يكتف يدها غصبا عنها لوى يدها بقوة صرخت بتوجع:آآآآآآآآآآآآه يممممه وينتس بنتس مرميه لحالها وهاجم عليها حرامي "ببكيه" ترا اليابس ماهو بساكت لك بيكسر يدك استغربت بكت من الوجع:آآآه تراه امير وبيوديك ورى الشمس تركني لحالي بس بيرجع بتشوف مارح يخليني مايعرف ليه كلامها خلاه يتراجع لفت بقوة بترفع يدها شهقت بقوة من وجوده لاحظت الحمار اللي على جبينه "كاااااان هوو فواز تظنه حرامي لكن طلع هو نسى كرهها نسى ضربها له كلامها الأخير خلته يستصغر نفسه كان ينتقد اخوانه وسلمان بالذات على اللي سواه بحريمه لكن طلع مايفرق عنهم أي رجال بيرضى تكون عرضه حتى لو انجبر عليها تكون بشقه مفروشه لحالها يومين كامله بدون مايتطمن عليها او يعطيها خبر اقل شيء لكن كلمتها (ماراح يخليني) خلته يكرهه نفسه : : بقصر الامير سعود... وبداخل احدى الأجنحه.. دخلت المقبره بلبسها الابيض بأبيض والخوف ينعكس على نظراتها المتردده رفعت راسها للسماء التي تحولت من اللون الازرق الفاتح الا حمم ملتهبه عكست لونها الأحمر والبرتقالي بعدسه عينها وتسقط شرارات رفعت يدها تحمي نفسها شافت سلمان واقف بعيد فرحت جرت بقوة وتنادي بأٍسمه لكن كان جامد ويبعد عنها للورى وقفت بأستغراب نزلت عينها على لبسها الابيض اللي تحول للون الأسود واصوات البومة والغراب تشدها قربت وتشوف بنات سعود يبكون دم ويطالعونها بضعف هزت راسها بالنفي مدوا يدهم لها وشخص اخر وام الامير سعود واقفين فوق قبر وسلمان بعيد صرخت لكن صوتها مكتوم حطت يدها على حلقها محاولة اخراج صوتها الذي لاتسمعه وتبكي وتنادي سلمان اللي عطاها ظهره ومشى جرت تلحقه طاحت بالحفره وقفوا فوقها وعينهم عليها حست التراب يتهاوى عليها ثبتت نظرها على ندى اللي تبكي وتبتسم بنفس الوقت وتنثر عليها التراب نزلت على ركبها وبهمس:ظلمتيهم وراح اخذ بحقهم وحقي .. رفعت راسها للسماء اللي بدأت تمطر بقوة بعد دفنها ونزل منها طائر لكن له جناحين عملاقه غطاها التراب واندفنت تحته وهي حيه صارعت وتحفر بيدها لفت راسها يمين يسار والعرق يقطر منها صحت بفزع وصرخت:سلماااااااااااااان تنقلت عينها على غرفتها كان كابوووووس كابوس سيء من كل ليلة تغمض فيها عينها صدرها يرتفع وينزل فركت صدرها بكت بقوة وصوت نحيبها يعكس صداه بالجناح انتحبت سحبت اللحاف واختبئت تحته من روع الحلم بسرعه رفعت نفسها اخذت التلفون ودقت بأصابع مرتجفه لكن لامجيب!! هي قصور ذهبيه تفتن كل من رآها ومن الداخل عالم آخر يغلبه الدسائس والصراعات من يريد ان يثبت قدماه جيدا عليه ان يستعد لمعارك طاحنه ستخسره الكثير "ندى" قصور فارغة جدرانها باردة رغم الفخامة ولكنها قارسة البرودة "مريم ام جسار" حياة جديدة,غريبة,عجيبه تختلف عن حياتنا الطبيعيه وشخصياتنا نحمل اسمها دون ان يسبقه صاحبة السمو ,صاحب السمو ننخدع بالجاه ويمكن بالحب وننسى ان الفارق الكبير بين الحياتين ممكن بيوم يدمرنا "روز" بهذاك اليوم كنت اشفق على ندى اللي ماقدرت تثبت نفسها بحياة سلمان تغلبت عليهم لكن هربت برجولها الثنتين وتركت لهم الساحة فاظية لكن ما احد يقدر يعرف ندى وتصرفاتها مثلي تماما بالوقت اللي كنت اظن انها انسحبت من اللعبه اللي دخلتها كانت تجهز نفسها حتى تتحالف مع خصم كبيير يسمى "الضبع الأسود" نعم جــــــــــســـــــــــــ ــار!! قبل اشهر بموسكو.. التفت وبهدوء:ليش طالبتني؟ بثبات:عندي لك امانه عقد حواجبه مدت الظرف استغرب بياخذه رفعته بسرعه وبجمود:هالظرف راح يكشف لك نص الحقيقة اللي تتمنى تعرفها حقيقة ابوك حك ذقنه وبهدوء ماقبل العاصفه:نصها والنص الثاني ميلت فمها وبخبث:بعد ماتنفذ اللي اطلبه منك راح تسمعه من شخص ماتتوقعه عقد حواجبه وبتساؤل:لييش تسوين هالشيء ؟ طاحت عينها على الفراغ اللي قدامها وببرود :تبغى تعرف الحقيقه اللي الكل مخبينها عنك جسار مسح وجهه وزفر:وش المقابل؟ رسمت ابتسامة خبث:الاميرة هيا طالعها بأبهام كملت:تسعى لموضوع زواجها من الشيخ تبعد من هنا جسار بغيض:هاللي تتكلمين عنها عمتي ندى بنفس الغيض:عمتك بدأت تلف بذيلها صرت احس بغدرها وقرصتها جسار هز راسه بالنفي:مستحيل اطلبي غيره عمتي راح تموت من قهرها كارهه هالزواج بحده:هالزواج بالنهاية افضل للكل والا احلم تشم ريحة حقيقة ابوك اللي مخبينها عليك وما اظنك غبي حتى تفرط بهالعرض بالنهاية عمتك راح تتزوج وتكمل حياتها لكن حياتك راح توقف على نقطة معينه وبتقعد بحسرتك طول العمر وانت تسأل نفسك ابوك بريء اولا عينه مثبته على عينها اللي تعكس حقد مدفون الم وجرح كبير لمسه بصوتها:لاتبكين حاولت تتماسك تجمعت العبره بعيونها شدت على يدها وعضت شفايفها اللي بدأت تهتز مع ذلك كانت رافعه راسها وكتوفها كنت دائما اغبط واحسد ندى على القوة اللي كانت فيها بنفس الوقت اعترف كنت اخاف لما تختفي فتره من الساحه لأني متيقنه ماترجع الا وتخلف زوبعه تفتك فيها قبل المتواجدين حولها..!!! اما جسار لكم تتخيلون التحالف اللي صار بين هالأثنين !! ليلى كانت تحس الوقت يمشي عليها مثل السكين اللي تنحر رقبتها لييش الوقت طوويل تأخر (........) أي صفة تضعونها؟؟ فاطمة والفرحه بأختلائها بمتعوب قلبها "متعب" الانسان اللي وقفت قدامه وقالت بالحرف الواحد "مابقى لي احد في هالدنيا بعد الله غيرك" لو تعرف بالموية العكره اللي تجري تحتها دون خبرها كيف بتكون ردة فعلها لما تنخذل للمرة الألف ومن من متعب!! متعب يطري على بالكم واحد من خوفه على الناس اللي من لحمه ودمه يضحي بأغلى شيء يملكه حياته مع "فاطمه" اللي حارب ووقف بوجه الكل حتى تكون حليلته يطري عليكم يتلقى ضربة الغدر من ولد عمه حتى يرد اعتباره ونسى ان الزواج بالنهاية قصة ونصيب : : بعد يومين (بأشرف البقاع على وجه الأرض _مكه المكرمه_ ) وتحديدا بالحرم المكي وبعد الطواف عدل احرامه ويهرول بين الصفا والمروه ويقرأ دعاء الوقوف بينها "ان الصفا والمروة من شعائر الله..لا اله الا الله وحده,انجز وعده,ونصر عبده,وهزم الأحزاب وحده" بالجهه الثانية.. بعد ما انتهت من السعي بين الصفا والمروه وقفت عند مجموعة من الحريم نست المقص استئذنت منهم وقصت اطراف شعرها رجعته وشكرتهم وعينها تتلفت تبحث عنه وعينها على الرجال والنساء الذين يسعون عقلها لم يدرك خصوصية تلك الشعيره بالرجل من ان الفاعل لها ابتدأ امرأة "هاجر" ام اسماعيل عليه السلام ,فلم لاتكون سنة خاصه بنا بنو النساء؟ وقعت عينها على امرآة تركض بالمسعى كالمجنونة تبحث عن طفلتها التي وجدتها وهي تبكي وحده المنظر جعلها تستشعر قصة "هاجر" وابنها اللي درست عنها منذ زمن وهي تركض وتقطع هذه المسافه 7 مرات خشية الهلاك تبحث عن ماء لتتوهم انه سراب تبحث لتقيم صلبها وصلب ابنها حتى فرج الله عليها ومن بعدها تخلد فعلها واصبحت سنة تذكر بتفريج الهموم وان مهما غلقت ابواب الدنيا فهناك رب يفتح من كلمة _كن فيكون_ اوقفت مخيلتها وعينها على فوج من الرجال يهرولون بين العلمين منظرهم يوحي بالهيبة والبسالة والقوة والنساء خلفهم يسرن بحشمة وحياء لكي لايتكشفون ومن باب اولى سد الذرائع ارتفعت المآذن لتصدح بآذان المغرب معلنة عن نداء الحق "حي على الصلاة" مناديه لعباد الله لكي يعبدوه دق جوالها رفعته:هلا متعب وينك انا ببوابة الملك عبدالعزيز خلاص اوكي بنتظرك في امان الله توجعت للبوابة وحك ظهرها برجل حست جسمها قش الرجل اعتذر الحرم زحمممه فهالشهور باب العمره مفتوح للأجانب مشت بسرعه وهي تستغفر ربها وقفت انتظرته مالقته ابتسمت وبداخلها تدعي ان الله يتقبل عمرتها رفعت عينها على برج الساعه والليزر الاخضر بجية متعب يقطر عرق مد لها كوب بلاستيك فيه موية زمم:اشربي الدنيا حر هالأنسان لو تطلبه عيونها بيعطيها دون تردد يخاف عليها ويحرص كثير احيانا فعلا تحس انه ابوها اخذته منه وشربت من تحب غطاها خذ نفس:والله الدنيا زحمة "ابتسم" يهنيتس الفضل فاطمة بحب:الله يتقبل مني ومنك ردد وراها مأمن:آميين اعتمرتي لنفستس؟ هزت راسها:لا لعمتي استغرب ماعلق لكن كل يوم تكبر بعينه رغم انها طلعت عينها بمعاملتها الا اعتمرت لها وهل لي الا اخاف من فكرة فقدانك؟ سحب يدها مسكها من شدة الزحمه الناس تدف ببعض وتلصق ورجال الأمن مستنفرين ينظمون لكن زحمة مو طبيعيه 3 مليون معتمر خرجوا للساحه حست بأنشراح وراحه عجييبه هالمكان يبعث بالنفس الطمأنيه ,السكون,الوقار الناس يستون الفقير_الغني الأبيض_الاسود الكبير_الصغير المتعلم_الجاهل كلهم سواسية لافرق بينهم لا لون ولامستوى معيشي ولا ثقافي.. عينها على الرجال اللي صفوا بالساحه واستوا صفوف في خلال دقيقه يجهل عظمة هذا المنظر عندما لاينتبه له صفوف متلاحمه يسدون الخلل وكأنهم بنيان مرصوص اشر لها:روحي جهة الحريم بصلي ونحرك على جده هزت راسها ومشت لجهه الحريم بعد ماتطمن عليها وانتظم بالصف وثواني حتى اقيمت الصلاة.. سلم بهدوء استغفر ربه وعاد صلاته مو قادر يركز ابدا بعد روحته لقرية "السيل" : رجوعا للخلف قليلا.. متعب بأستغراب:ياعمي انتم ناس اجاويد وينشرى نسبكم لكن انا رجال متزوج ومرتي ساده كل حياتي الحمدلله الشايب صب القهوة ومد الفنجان له:بتكون قليل خاتمه لو ماسترت على اللي سواه ولد عمك ببنت الشيخ طلعت عينه كمل ويمد الفنجان:اسلم كرم الفنجان وعيونه طايره:والله ماتطب قطرة قهوة بفمي لين تقول لي العلم كامل الشايب نزل الفنجان وعينه عليه:ِشوف وانا ابوك انا مرتي مرضعه بنت الشيخ مع بنتن لي وقبل اسبوعين ولد عمك مر من دربنا وسلم على واحد من ربعه الوكاد انه كان بنص عقله ما اقولك مايحس لا يحس عقله شوي معه وبنت الشيخ الضعيفه مرت طريق المزارع وقطعتها حتى توصلن لنا واعترضها ولد عمك الخسيس والباقي ماعاد يحتاج اقوله لكن شرف البنات ضاع ارتخت عظامه من هول الصدممه والكلام وجهه سود مثل الشيله كمل الشايب:وجاتنا وعلمت المره باللي صار وتكتمنا على هالموضوع لو يدرون اهلها بيذبحونها ثمن تصير مذابحه بين عيالكم وعيالنا وثأر والدم يوصل للركب لكن انا سكت وخليت البنت تسكت تجنبا لهالشيء لكن يحس صدره يطلع وينزل ناااااااااااااااار شابه بصدره ماتوقع نواف بهالخساسه والدنأة عرض الناس لهالسبب ربي مبتليه بعرض اخته استغفر ربه ويتلقى اكبر صفعة بحياته :نروح اليوم انا وياك للشيخ وتطلب نسبه والقرب منه وتاخذها حليله لك على سنة الله ورسوله والا "بتهديد" مجرد ماتطلع من هالباب العلم بيوصل كامل للشيخ وعياله وقتها سد الدم اللي بيصير وش قلت؟ حس الدنيا تلف وتدور فيها للمره الثانيه ينحط بهالموقف تمنى لو ذبح نواف هاذيك المره ولاوقفت فاطمه بينهم حايل بوجه جهوم ضرب صدره:حقها وحق كل واحد فيكم على راسي مالي وجه اطلب العذر والسموحه لكن الدم الله يبعدنا عنه ولك اللي تبي ابتسم الشايب براحه بعدها بساعتين.. بمجلس شعبي كبييير اجتمع فيه رجال القرية وكبارها وسط استغرابهم بجية شيخ قبيلة ".." اللي يسمعون عنه كل طيب ومديح قاموا بواجب الضيافه قرب الصبي اللي يصب قهوة رفع يده بأعتراض: مابشرب قهوتك يا ابن شاهر الا وانت ماترد طلبي ابن شاهر بعاده بدوية ضرب صدره:ولك اللي تبيه متعب بأنكسار:مابتسمع طلبي يمكن مايجوز لك ابن شاهر الكبير بالسن:وش طلبك يالشيخ؟ فجرهها:طامعن بنسبكم والقرب منكم واتمنى ماتردوني سكت ابن شاهر وسط استغراب الرجال رفع يده:عندي ثنتين وحده امس الله يسر امرها والثانيه باقي ماقضت صغيرة عرف انها المعنيه قلبه يتقطع يشوف فاطمه بعيونه كل ماقال هالكلام:وانا طمعان بالقرب منكم وش قلت؟ ابتسم:اشرب قهوتك ولك اللي تبي ابتسموا الرجال تكلم بخنقه:وودي الملكه تكون اليوم ادري جيت بدون حموله لكن القرب منكم مكسب كبير وانا ودي به ابن شاهر بعد سكوت هز راسه:مايحتاج تجي ومعك ربعك فيهم خير وبركه لكن انت مايحتاج المجالس تنهز لامن انذكر اسمك والملكة الليلة عقب صلاة المغرب التزم الصمت اخذ الفنجان وشربه ويحس بندممم قد شعر راسه قدم تضحيه يمكن تخرب بيته اللي توه انبنى !! رجع للواقع صوت عامل النظافه وقف بسرعه راح لها شافها تنتظره طول عليها شبك يده بيدها ومشوا دون تعليق منه : : رجوعا للعاصمــة (الرياض) مريم بخوف:دقي على اخوك قمر بهدوء:يمه جواله مقفل مريم بفزع:اكييد صار له شيء حنان بنت خالة جسار:خالتي هدي مافيه الا كل العافيه مريم بحيره:قلبي مو متطمن ولدي فيه شيء ريم بغصه:يمه لاتفاولين عليه هو دائما كذا يقفل جوالاته لاصار مشغول بالجهه الثانية من اطراف المدينة وبالحارة الشعبية.. حسن بصرخه:شفتي تربيتك شفتي بنتك المصونه والمحترمه وين رااااااحت هاا؟ سكتت امه ونزلت راسها رفع سبابته بتهديد:مالها رجعه لهالبيت واعتبريها ميته والله الذي لا اله الا هو يادمها اسيحه بيدي الثنيتن امها برعب ودموعها:تعوذ من الشيطان اكيد راحت لزوجها حسن بغيض:زوجها مسافر برا لميس بشك:وش عرفك؟ حسن بتأتأه:لأنها قالت ماسمعتيها لميس برفعة حاجب:بس ماحددت وين مسافر صرخ بوجهها:انكتممممي مايطلع لك حس وانا موجود اختك علمك الطبايع الخايسه خرج زفرت لميس:وتقولين حنوا لأخوكم هذا مجرممم خرجت تاركه امها تصارع مشاعرها بين خوفها على فقدان اولادها وتهديد حسن وخسارته مره ثانيه مالها حيله يده متربطه .. بالجهه الأخرى.. فتحت عينها تذكرت المكان اللي فيه رفعت يدها وغطت وجهها وبكت بعجز العجوز وعينها عليها وعلى لؤي وبقسوه :هالبنت ليه تبكي دائما ؟ لؤي بقهر:للمره الالف بقولك لاتدخلين نفسك بشيء مايخصك وانتبهي لشيبتك قلبت عينها بعدم اهتمام وبجفاف:قومي يابنت البسي هالملابس من جيت ماغيرتي ملابسك مسكت يدها انتفظت بعدت يدها وتراجعت اصدمت بحافة السرير وبهستيريا:لا احد يقرب مني جسااااااااااااااااااااااا ار جساااااااااااااااار اهىى اهىى واقف بزواية الغرفه وجنبه ريان اللي متمسك فيه بخوف والمره تطالعه بخوف :ذي البنت فيها بلاء مجنونه لاتبليني فيها عينه تراقبها وهي تصرخ بهستيريا وتنادي اسمه يحس مثل الطعنات بقلبه تنادي اخوه اللي كان دائما ياخذ المراتب الاولى وياخذ منه كل شيء الولد المفضل لأبوه والحفيد المفضل بالعايلة ريان مسكه من بلوزته نزل عينه عليه عبس:ليلى تبكي هدأت قليلا لكن متمسكه باللحاف وشادته على صدرها ودموعها تحفر وديان على خدها راح تموت بين يده ماعنده الا حل واحد حتى ترجع لوضعها الطبيعي تكلم بحمق:اطلعي برا طالعته العجوز قرب منها وبنفخه:صنجااا ماتسمعين برااااااااااا خافت من صراخه ضمت نفسها اكثر خرجت المره صفقت الباب بقوة وريان واقف وراه خائف من بكائها طلع جواله ودق على الرقم حطه سبيكر رنه رنتين وثلاث اربع لامجيب مره ثانيه .. تكلم بسرعه:عطني اللي عندك صالح بهدوء:لؤي وينك؟ لؤي بحمق:قلت عطني اللي عندك مد له الجوال وبهمس:لؤي طارت عيونه لجرآته صوت رجولي بحت:الوو سكت رجع الصوت:الوو من معي رفعت راسها بقوة شهقت وصرخت:جساااااااااااااار وصله الصوت وقف بسرعه وبأنتفاضه:ليلى رجعه لأذنه وبهدوء:لاتخاف هي بحمايتي جسار بغضب ونفسها غير منتظم:لؤي والله لا اخليك تندم على اليوم اللي جابتك فيه امك لو تطول شعره منها ماراح اكتفي بنفيك راح اشرب دمك وارمي لحمك للكلاب اللي مثلك لؤي بسخريه:الكلاب طبعها وفي وانا وفيت بوعدي لما قلت لك راح تكون لي بالنهاية ريان بفرحه يجهل اللي يصير:ليلى سوفي جسار هالصوت البريء يقتله حس راسه يفور من الجمر شوي تقفل الخط صرخ بقوة رمى الجوال بالارض وتحول لقطع قرب من صالح شده بقوة وبفحيح سام:لك ربع ساعه اذا ماطلعت لي مكانه ورب العزه والجلاله مايصبح عليك الصبح والا انت دافن بنتك الظهر صالح بخوف هز راسه بجية واحد من مرافقينه :الاستاذ حازم وصل تركه وصالح انفجع تكلم جسار وعينه على واحد من اللي معه بالمخابرات ومدسوس عند صالح :منير دخله صالح بعدم تصديق هز راسه ضحك جسار بسخرية:تظن الشهور اللي راحت تارك لكم الحبل على الغارب "وبحسم" خلاص جات نهايتك ياصالح انت "بسخرية" وربعك صرخ صالح بقهر رفع سلاحه وبدأ يطلق النار جسار احتمى ورى الكنبه وثواني حتى انقلب المستودع الا تراشق اطلاق ناري من قبل صالح وجماعته على الأمن صالح بغيظ:غدرت فيني يالكلب مختبي ورى الكنبه وبصوت عالي:خلاص سلم نفسك الكل برا ماراح تطلع الا جثه ميته سو حسنه وسلم نفسك صالح بضحكة:هههههه ماعرفتني زين يالضبع الاسود شف كيف الدنيا دواره تو كنت انا الحلقة الضعيفه وانت اللحين مو قادر تحمي نفسك ومتخبي مثل الفار قرب منه وقف جسار ضحك صالح:قلت لك نهايتك على يدي لكن جسار ما انتظر فرصه هجم عليه يحاول يبعد عنه السلاح تشابكوا ببعض وصالح رفعه شوي طلعت طلقة ناريه بالغلط وقف صالح مرعوب وجسار عينه عليه ترك المسدس صالح ويتراجع ببطء ويشهق نزل عينه على صدره اللي كان سليم رجع نظره لجسار اللي اخترقت الرصاصه جهة اليسار من صدره انتفظ ويسمع رجال الامن يتدخلون رجع لورى وهرب اما جسار طاح على ركبه ويحس بالأختناق رفع يده لصدره يحاول يتحامل على نفسه بدخول حازم شافه صرخ بقوة:جساااااااااااااااااا� �ااار جرى له بدخول الامن واستسلام رجال صالح رفعه من الارض وحطه على فخذه :جساار لاتغيب عن الوعي يحس الدنيا بدأت تظلم وعيونه تتقفل صرخ حازم ضرب خده بقوه :لاتقفل عيونك جسار اصحى راح نسعفك جسااار "بخوف" الله يخليك جساار فتح عينك أتعلمين مايخيف المرء !حقا.... ان تحمله كفوف الموت قبل ان تضم توبته جميع الذنوب ان اصفح عمن كان الجفاف سيد لقاؤنا!! ان اغمض عيناي براحة ابديه لايتبعها ندم ولا ألم.. ان ارى طيفك للحظه الاخيرة وانا اتذكر وداعنا الذي لم نحظى فرصه به.. ربما لأنني اقنعت نفسي بأن الحياة قطار..ركابه من ممن كانت الخيبة تستولي على صفحات اقدارهم!! تكلم بتعب :حاا حازم انحنى له قرب اذنه لفمه بغصه وماسك جاكيته بقوه :اهه اهلي آآه امانه برقبـ امم "عض لسانه" امانه برقبتك نزلت دمعه يتيمه:قول لههـ لها تسامحني وتح "صرخ بتوجع" آآآآه تحللني ظلمتها كثير قول آآه لليلى تسامحني حازم بأنهيار صرخ:ماراح اقولهم لأنك راح ترجع لهم بالسلامه ياصاحبي راح نرجع للرياض سوا وراح اكسر راسك بلعب البلوت وراح اطب عليك دائما بنص دوامك وبخليك تطلع غصبا عنك سمعتني ابتسم بخفه وتألم :ادفنوني جنب ابوي انهار حازم نزلت دموعه:بعد عمر طويل بدأت يفقد وعيه:وصيتي امم عنن عند اسماعيل آآه خل عمي سعوو سعود يفتحها لف حازم صرخ برجال الامن:اين الاسعاف احد رجال الامن وعينه على حازم اللي بحضنه جسار وضاغط على نزيفه يد حازم تحولت للون الأحمر :انه بالطريق ضاغط على جرحه بقوة ودمعه نزلت وعينه عليه وبمزحه:ياخي حظك مقفل مثل وجهك ضحك حس بتوجع مسك صدره شد جسمه بقوه وكح ويحس روحه بتطلع حازم بخوف:لاتكح جسار بعين غائره رفع سبابته وسط نظرات حازم وبصوت مثقل وفكه يرجف:اششهد ان لا آآه اله الا الله واشهد اننن ان محمد رسول شهق بقوه وعينه حدقت للسقف واتسع بؤبؤ عينه وسط خوف حازم حس روحه تقرقر بعمر العاشره)))) ببرآة طفوله:اللي يموت وين يروح يبه سلطان بأبتسامة مسك سبابته ورفع عينه للسماء الزرقاء بيوم صافي وبهدوء:يروح فوق عند ربه بجهل طفولي:يروح للجنه سلطان ابتسم:اذا خاف ربه وطاعه واقام صلاته ان شاء الله يدخل جنته بأستغراب:واذا ماصلى؟ سلطان بهدوء:الله واعلم لكن ربي يحاسبه ويمكن يدخل النار بالنهاية ما نقدر نضمن نفسنا بنروح للجنه والا النار بخوف:بروح المسجد معك دائما عشان اروح للجنه النار تحرق بعمر 24 .. ابتسم بحب وبممنونية لوالده اللي فاجأه بسياره هدية تخرجه من الجامعه حضنه بقوة ربت ابوه على ظهره واحتضنه بعده احتضن وجهه بيده العريضه وبفخر:بيضت وجهي ياجسار فرحتي وفخري فيك مو قادر اوصفه لكن اليوم شفت بعيني الثنتين حسد الكل لأن عندي ولد مثلك مسحت دموعها مريم:الله يخليكم لبعض.. اغمض عيناه براحه تامه وارتخى جسد بالكامل ليتهاوى بين يدين حازم : : جالس على الكرسي وبيده العصا بجية عباس وقف وبلهفه:لقيتوه نزل راسه عباس:لقيناه ابتسم رفع راسه:لك الحمد والشكر يارب بأستفسار وعينه عليه:ليه وجهك مقلوب وينه جات عينه بحازم اللي دخل وموطي راسه بأستفسار نطق بخوف ورعب:وين جسار!! ليييه ماتردون علي "بصرخه" وين ولدددي ؟ دفهم وخرج وعين الكل عليه ويسمع عبارة "عظم الله اجرك" تتردد بمسامعه وقف عن الحركه :عظم الله اجرك :آخرة الاحزان ان شاء الله انتفضت عصاته من رعشة يداه تجمعت العبرة بعيونه التي ابى الحزن ان يفارقها وطغى الألم يتجرع بين طياته نيران الفقد كما هو مقيت الم الفراق!! كم هو مميت ذاك الشعور الذي يقتلنا بالثانية الآف المرات... هي حياة نحن راحلون منها هي دنيا فانية وضعنا فيها بمحل اختبار!! الحزن والتألم جزء لايتجزأ من بعض دروسها.. لانستطيع ان نحارب اقدار فرضت علينا ان نوقف اقدار رسمت وخطت بحياتنا.. نحن مجرد زائرون عابرون لنتوقف بمحطاتها لنتزود بوقود تدى (اعمالنا) خلقنا من تراب وعندما نموت سندفن تحته ..وعندما نبعث سنخرج منه بداية خروجنا من بطون امهاتنا اصوات بكاء وعندما تأتي النهاية سنصدر صوت نزاع ورقرقة الروح لتعود الا خالقها وبارئها الكل يبتسم ويفرح عند قدومنا للدنيا لأول مرة وعندما نوادعهم يبكون ويتألمون يحتفلون بالبداية ويقيمون العزاء بالنهاية نلبس اجمل الثياب بالبداية ونتوشح بالكفن عند اجتياز خط النهاية.. ستذر حفنات تراب تغطينا اخر لقاء يجمعنا بمن احببناهم يوما!! وربما بمن لم نستطيع ان نوادعهم فغفلة الموت هي المعتبر.. سيودعوننا لأخرة مرة وسنسمع اصوات مشيهم فوق قبرنا الذي طمر بالتراب لتصدر لنا شهادة وفاة لترافق شهادة الميلاد.. لنقف بين يدي الله محاسبين ماذا فعلنا بدنيانا؟ ماذا قدمنا لأخرتنا؟ الموت هو الفاصل بيننا وبين حياة اخرى دائمه اما جنة.. واما نار.. وتـــلـــــك نهايـــة كل انــســــــــــــــان !!!!... هنا نتوقف لنلتقي ببارت اخر بأذن الله.. تابعوني على الأنستقرام _missmilano "مــــس ميلانو" | |||||||||
|
| |
|
18-12-14, 01:12 AM
| #73 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم ورحمة الله وبركاته.. اسعد الله صباحكم لكل مايحبه ويرضاه.. غالياتي ..عزيزاتي..خواتي انا قبل فتره تكلمت معكم وقلت لكم بنعدي ببارتات بتكون صعبه حيييل خصوصا شارفنا على بداية النهاية.. لكن اوثقــــــــوا فيــــــــــنــــي رجاءا مثل مابديت بنهي الرواية بالشيء اللي يرضيكم ويرضيني بالنهاية لكن بالنهاية انا بشر لاحول ولاقوة لي اسعدتكم اسعدوني لكن بعض البنات الله يصلحهم تجي بالخاص وترمي كلام وتحكم علي بالفشل ليش لأن البارت ماكان مثل ماتتمناه بالنهاية احنا بعالم روايات لازم اشد مثل ما ارخى لازم العب بأعصابكم والا مابيكون للرواية طعم..سوو اللي تبونه لكن ياصبايا تحسايب وخاص ردود جارحه "اعتزلي الكتابه انتي فاشله" "الله لايسامحك ولايحلك" لا والف لا لهنا وبس طبعا هالكلام موجه للبنات اللي يعرفون نفسهم والا البقيه ماشفت منهم الا كل خير لاتجازوني بهالطريقه الله يخليكم طلب صغير... البـارت 33 (ماتغيرنا بس صرنا مانعطي مثل ماناخذ!! ^^مدخــــل ^^ حين تغيبين يبعثرني الشوق حين تغيبين فوق الجبال و تحت البحار و يرسلني في هبوب الرياح و في عاصفات الغبار و يزرعني في السحاب الثقال وراء المدار * * * وا واه لو تبصرين العذاب المكبل في نظراتي و في كلماتي وا واه لو تلمحين الخناجر ترضع من ضحكاتي * * * و أعجب كيف أخوض الجموع بدونك و أرقص فوق الحراب بدونك أمثل في مسرح الزيف ألف رواية و أهذي بألف حكاية و أرجع عند انسدال المساء فأحلم أني رميت شقائي بليل عيونك و نمت.. و نام الشقاء * * * إذا غبت لا شيء.. لا شيء.. لا شيء هذي الحياة بكل شذاها و ألحانها بكل صباها و ألوانها و أقزامها.. و الكبار الطغاه و ما دبجته أكف المنى و ما سطرته دموع الضنى كأن الحياة إذا غبتي عكس الحياة *** غازي القصيبي "ندى" كنت اغير لفرح وبنومها خلاص هلكانه مو مصدقه متى ارمي نفسي بالفراش واروح بسابع نومه اللي صارت مستحيله بهالشهرين بسبب فرح وبكائها وتصحى الساعه 7 الصباح ومن بعدها اضطر اصحى بدخول ناديه اللي قالت ان سلمان جاء فرصعت عيوني بعدم تصديق باقي مارجع للرياض!! صاير مسنتر هنا وكل ماطلب فرح عطيتها امي تدخلها عليه لأني ماصرت اطيق شوفته غريب امري مره احن واشتاق له ومره اتمنى لو بيدي خنجر واغرزه بصدر ولاشفته قدامي كأني شايفه الشياطين تنطط قدامي وكل اللي افكر فيه كيف انه صابر علي لهالوقت؟ لو غيره طق اليمين وهو ماشي لأني صاير الفتره الأخيره ما اتعاشر ابدا.. بعد ماخرجت ناديه تروح تنام طالعت بشكلي بالمراية يآآآآآآآه لو تشوفوني مثل الكهله ويمكن الأخيره احسن مني وجهي انخطف لونه وتغيرت كثير كنت البنت المجنونة اللي تحب الحياة وتغامر واللحين صرت المعقده اللي اخاف واتحفظ من كل شيء لا صرت احب اجلس معهم واقفل على نفسي انا وبنتي حتى مضاوي مقصره بحقها ولاصرت اختلط مع احد الا رغم عني فجأة حسيت الدنيا انصكت بوجهي وكل شيء صار اسود لدرجة من كثر ما اقعد لحالي اتخيل اني بموت والا انتحر وارتاح وبعدها اتعوذ من الشيطان تدرون حتى البسمله صارت صعبه علي الصلاة قطعتها كل ماوضيت وجيت بركع انتفظ بسرعه وابكي واقعد على هالحاله كرهت صوت الآذان كرهت كل شيء شليت فرح ولاني مهتمه بلبسي اللي كان بجامه شتويه بلون البني المحروق وشعري مرفوع عشوائي مشيت للمجلس واحس بنار تاكل صدري ما ابغى ادخل!! ***************** تعلقت عينها بعينه اول مره تشوفه بهالشكل لابس بنطلون اسود وقميص رمادي وفوقه جاكيت جلد اسود وسكارف مموج رمادي واسود رافع شعره لفوق شكله غير 180 درجة بالثوب والغتره صحيح هو رزه فيها لكن هنا احلا واحلا يمكن من زمان عنه.. وقف بدخولها نزلت عينها قربت منه ناولته فرح وبهمس:السلام عليكم اخذ فرح مبتسم:وعليكم السلام فرووحه حبيبة ابوها يابنت محلوه "بتعمد" طالعه على من بهالحلاوه عينه عليها باس خدها بقوة غمض عيونه ويشم عطرها المفضل ملتصق ببنته:طعممه مثل بعض الناس اللي بخاطري بلعت ريقها وتحس بتوتر فظيع عينها معلقة بالأرض حفظت شكل الارضيه ابتسم وبخبث :تشبه ريحتك رفعت راسها بأستفهام بنظرات هزتها ونبرة حانيه خبصتها اشر لفرح:اقول تشبه ريحتك اللي مستحيل انساها حست بتوتر فظيع بلعت ريقها اكثر من مره اشرت له يجلس:انا بروح اسوي قهوه عطته ظهره جلس على الكنبه رفع صوته:لامايحتاج نايف برا بنرجع للرياض وقفت ولازالت معطيته ظهرها غصت لفت كتفت يدها:همم موفقين خير سلمان بنظرة وهمس:الا اذا طلبتي اجلس فهذا شيء ثاني فتحت فمها بفهاوه:هاا لا ما ابغاك "تداركت خطأها" اقصد مايحتاج تأخرت عليهم ماينكر بداخله انه توجع من كلمتها نفورها" منه يخليه زي المجنون مو فاهم وش اللي يصير لها جننته!! " تكلم بين سنونه:اذا مو محتاجتني فيه بنت محتاجتني لاتنسين مثل ماشلتيها بداخلك 8 شهور بتشيل اسمي طول عمرها عقدت حواجبها بأستغراب من اندفاعه :هه ...لفت وجهها عبس:مو عاجبينك ست ندى؟ تخصرت وتهز رجولها بالأرض:ابفهم انت وش مشكلتك معي هااا تترصد الزله وماتصدق فيها ترك فرح على الكنبه قام رفع حاجب وبنبرة جامده:لا والله ادور الزله هاذي سالفه جديده ايوه اتحفينا بذكائك الخورافي شدت على يدها تحاول تمسك اعصابها مافيها تدخل بنقاش عقيم معه عينه على الزاوية بأخر المجلس:مو كأنك تأخرت على اخوك؟ انصدم من طردها له وبنبرة موجعه:تطرديني ياندى؟ قرب خطوات بسيطه وهي ترجع لورى وعينه تتسع:تطرديني بهالسهوله مثل ماخرجتيني من حياتك لهالدرجه كارهه وجودي بحياتكـ صدمت رجولها بطرف الطاولة الزجاجيه انحدت وهو صار قريب منها ومايفصلهم غير انشات نزلت عيونها بالارض ومتعلقه برسومات السجاد وضربات قلبها تتعالى حست بريحة عطره الرجالي القوي بللت شفايفها وترجف وبتوتر:لا قرب منها زياده وبلعانه قرب وجهه من وجهها ومايفصلهم غير انفاسهم وبروقان :وش اللي لا همم؟ غمضت عينها كتمت نفسها تحس ولاذرة اكسجين بالهواء بحركة لعانه زم شفايفه ونفخ هواء بوجهها تطايرت خصل شعرها ارتعبت من حركته ابتسم يعرف نقطة ضعفها قربــه!! تكلمت وهي مغمضه عينها ورافعه يدها تحاول تدف صدره:لا قرب شفايفه لشحمة اذنها وبهمس مخالط حرارة انفاسه:ماعمر احد قالي لا غيرك تدرين؟ تحس بيغمى عليها صدرها يطلع وينزل بعد شحمة اذنها سحب ذقنها بهدوء وعينه تتأملها وهي خايفه ومرعوبه ليه هالمنظر يخليه يعشقها للثماله هو الحقيقه عن شخصيتها اللي تتصنعها قدامه حس بنشوة الأنتصار عليها طبع قبله عميقه على خدها ورجع يهمس بضحكة:طلعتي جبانه يابنت هههه بعد عنها متجه لفرح شالها وباسها بقوة فتحت عيونها حست صدرها يطلع وينزل من القهر لف رفع حاجب وكأنه يكلم بنته:شفتي يابابا فيه ناس قاعدين يمثلون علينا ان مافي احد اقوى منهم مسوين ازمه على الفاظي تخصرت مسحت وجهها بقهر تكلمت بين سنونها :انت مين تقصد بعدين بأي حق تسوي اللي قبل شوي؟ ابتسم وبانت صفة اسنانه:والله هذا سر بيني وبين بنتي رجاء اطلعي منها "بأستغباء" بعدين وش سويت لاتتبليني بشيء ماسويته طلعت عينها رفعت يدها وحركتها بالهواء :ماسويت شيء ماشاء الله عليك بريء دائما انت المظلوم هنا واحنا الجلادين غمز بخبث:طيب ممكن تعلميني وش سويت لأني كل ماشميت ريح عطر وحده ببالي ما اصير واعي لنفسي بلعت ريقها رده الجمها رفع حاجب:يلا علميني هاا شفتي انك تتبليني الله يسامحك بس قرب منها لا ارديا رجعت لورى وقف ضحك بقوه:هههههههههههههه حست انها زودتها بخوفها ليه تتوتر وترجف بهالشكل وتتلبك قدامه راح تكشف نفسها قدامه قرب منها ناولها بنته وابتسم بأنتصار:انتظر اتصالك طالعته بأستغراب كمل:راح تتصلين علي وتطلبين اجيك انتي وفرحي لفت وجهها ضحكت بأستخفاف:هه لاحجت البقره على قرونها وقتها ممكن هاا لاحظ ممكن اتصل عليك سلمان بخبث:شلون تتصلين على رقمي وجوالك معي طالعته بصدمه وبسرعه:كنت اظن ضيعته بالمستشفى طلعه من جيبه رفعه:لا شافت التعليقه بحرف s رفعت حاجب:هاذي وش؟ سلمان ببرود:لا اشتقتي لي تشوفينه كل يوم قبل لاتنامين وتبوسينها طلعت عينها وبقهر من ثقته:واثق بثقه عمياء:مليون بالمئة ايي صح ليش جوالك فاظي مافي ولابرنامح لاتخافين حملت لك التانقو اذا طفشتي وبغيتي تتسلين مع احد واعرف مافي احد غيري اتصلي همم خليني اشوفك صورة رغم اني شبعت منك لكن يلا اكسب فيك اجر طلعت عينها من كلامه ودها تمسك الفازه وتضربها على راسها شدت على سنونها بغيض :ومن سمح لك تفتش بجوالي استغرب من حمقها:مابينا خصوصيات رفعت صوتها بحده:لا بينا عمري فتحت جوالك وفتشت فيه همم انت مافتحته لأن الفضول ذبحك لا لأن الشك لاعب بعقلك قلت بما ان جوالها بيدي يلا فرصه اشوف تخوني مع من ها امو هذا تفكيرك المريض فيني من شهور راحت انا حاطه ربي بعيوني قبل ما اخاف منك وماعاد يعنيني تشك والا لا مانسيت ياسيد سلمان نظراتك ونغزاتك وكأني لاسمح الله نمت بفراش واحد غيرك طلعت عينه من كلامها ماقدر يتحمل كلمتها الاخيره رفع يده غمضت عينها لا اراديا حط يده على فمها وكتمها وبصوت مقهور:مافتحته لأني شاك فيك كنت باخذ صورة فرح اللي بالخلفيه وانقلها على جوالي وقلت اكسب فيك اجر واحمل لك برامج لكن ماخطر ببالي افكارك هالنجسه صدقتي كان بها ماصدقتي عندك اربع جدران اضربي راسك فيها انا طفششششت "صرخ" خلااااااص طفح كيلي منك ومن ابوي ومن روز ومن عماتي ومن الكل بكت بنتها من الخوف هزتها وعينه بعين سلمان اللي تقدح شرار وبنبرة آسف:ليش اخذ واعطي معك وانتي راسمه هالاوهام ببالك ومصدقتها كلامي معك مضيعه للوقت انتبهي للبنت خرج من مخباه البوك طلع بطاقة الصراف ومدها له:خلي هالبطاقه معك واذا احتجتي شيء راح احولك زياده تهز بنتها وتسكتها لفت وجهها:الله يغنينا عن حاجة احد وصلت معاه خلاص اعصابه على شفير الأنهيار :انا ما اطلب شورك بتاخذينها غصبا عليك لفت وطالعته فتحت فمها كمل بنظرة حاده :غصبا عن خشمك وماني منتظر موافقتك هذا من ابسط الحقوق اللي اسويها لبنتي زفرت بقوة وتحس عفاريت الدنيا نطت بوجهها :امي مو مقصره معانا بعدم اهتمام:ماعلي من امك انا اتكلم عن بنتي انتهزت الفرصه وبأختبار:وانا وين موقعي بالظبط؟ سؤالها سكته ابتسمت وميلت فمها بأستهزاء: خلاص لاتتعب نفسك وصل جوابكـ سلمان بقهر:ماضيعنا غير غرورك وشوفة هالنفس لفت بقوة طلعت عينها كمل ويرفع سبابته بتهديد :لاتطالعيني بهالنظرات راسك فوق دائما ما احد قد المقام يلا شوفي نتيجة حصادك وين وصلتنا بيخرج وقف لف وبهدوء:قبل ما انسى لقيت لك وظيفه ببنك تقدرين تباشرين بعد اسبوع ابتسمت بفرحه وبعدم تصديق:من جدك؟ سلمان بضيق من ابتسامتها اللي تلعب فيه: شايفه عندي وقت حتى امزح معك كلامه ماقتل الفرحه اللي بداخلها بيمشي وقفها صوتها الهادي:سلمان لف وبسرعه:عيونه فتحت فمها من كلمته وهو كره نفسه ولامها على الكلمة اللي خرجت بوقت غلط بدون نفس:نعمم!! بنفس الأبتسامة متجاهله النبرة:شكرا نزل راسه قربت منه وبأستعطاف:بتسافر وماراح تودع فروحه همم يطاوعك قلبك؟ نظر لها بحسره وحنين بنفس الوقت باس فرح وبحركة غير متوقعه قرب منها وهي مبتسمه مد يده وبأختبار:ارجعوا معي خلينا نبدأ من جديد نزلت عينها على يده الممدوده وعلى فرح اللي تبكي رجعت ثبتت عينها بعينه :راح يجيك ولد سلمان بصدق وهمس:مو قادر المسك ولا اضمك مو قادر اشبع من ريحتك ممنوع من كل شيء تجمعت العبره بعيونها:سعادتك مو معي قرب اكثر :طيب خليني اضمك لصدري للمره الأخيره نزلت دموعها وترجع لورى:ما اقدر الله يخليك لاتقرب لاتقرب اذا تحبني وقف وقف بعجز وعينه متعلقه بعينها اللي تدمع رفعت يدها لفمها وكتمت شهقاتها وبندم واضح:انا آسفه والله غصبا عني مو بيدي اهىى اهىى مسحها بنظرة انكسار رفع اصابعه لتحت جفنه ويأشر:امسحي دموعك ما اتحمل اشوفها هزت راسها بضيق:مو بيدي قلبي موجوع "ببحه" موجوع حييل ياسلمان اهىى تخصر رفع عينه للسقف يحارب العبره اللي تجمعت بعينه اول مره دموعه يمكن تخونه لكن اللي قاعد يصير كثييييييير كثثير حتى يتحمله قلبه بغصه:لاتبكين رفع يده اشر لفرح ناولته وتمسكت بزاوية المجلس رفع عينه عليها بأنكسار وبخوف:ندى انتي بخير؟ من كثر ماتكرهه صارت تشوفه بأشكال حيوانات غمضت عيونها وتنتفظ خاف عليها نزل فرح وجرى لها فتحت عينها شافته واقف صرخت بأعلى صوتها:لاااااااااااااااااا� �ااااااااا سلمان بخوف مسكها ويهزها:ندى اصحي تعلقت عينها بعينها بكت بشكل هستيري:اترركني اتركككني آآآه بعد عنها رمت نفسها بالزاوية تكورت على نفسها وترجف انحنى لها هجمت عليه وتضرب صدره بقوة وبهستيريا:راح اموووت راح امووت حضنها لصدره غصبا عنها رغم توجعه من ضرباتها شد احتضانه وبخوف:بسم الله عليك تعوذي من الشيطان واذكري الله سدت اذنها وتقاومه:لااااا اتركني ماسك كتوفها بقوة ومثبت يدها تهز راسها وتبكي قرأ بصوت خاشع:الله لا اله الا هو الحي صاحت:لاااااااا جسمي يحرقني لاااااا خاف يكون فيها مس او شيء واصل القرايه وهي بتموت دقته بكوعها بقوة قامت وجرت لبرا وقف بسرعه لحقها بدون ماتحس على نفسها خرجت الحوش فتحت باب الشارع وجرت انفجع نايف بصرخة سلمان اللي تكلم:امسكهااااا نايف بفزع لحقها وهي تجري وعقلها مو معها بنص الليل وماعليها الا لبسها فاتشه تجري وتجري بدون ماتحس تعركظت بحجرة طاحت على يدها وصل لها سلمان المفحوم وهي مثل الأموات رفعها بخوف وحتى مايشوفها احد نايف فسخ غترته ورماها لسلمان اللي خذاها منه وغطاها مايهمه احد قد ماتهمه بهاللحظه بخفه شالها بين ذراعه ومشى راجع للبيت وخلفه نايف المفجوع اللي كان سرحان وفجأه سمع صراخ اخوه بخروج بنت يقدر يقول عنها حسناء بدون غطاها كانت تجري مو بعقلها شات الباب برجوله دخل ونايف سكر الباب من برا وبداخله رحم سلمان اللي مبين بينكسر كثير بيدخل المجلس شاف بوجهه سميره ومعه مره فاتشه لف وجهه استغرب من وجودها دخل المجلس سدحها على الكنبه الطويله ببكاء سميره:سلمان وش صار؟ التفت وحيره ضرب يده ببعض:لاتسأليني فجأة صرت اجري وراها بالشارع مثل المجنون سميره بدموع نزلت لمستواها شافت باطن يدها المتجرح وعينها عليها غائبه عن الوعي بخوف :بنتي بتضيع من بين يدي حسبي على من كان السبب رفع عينه بسرعه وبعدم استيعاب:منهم سميرة وقفت بوجهه:اللي حطوا لها السحر سلمان بصدمه:ٍسحر انتي مستوعبه اللي تقولينه سح رجع طالع ندى بقوه هز راسه بالنفي:مستحييل سميره بثبات:بكره بنجيب لها الشيخ وبنتأكد سلمان ضحك هز راسه:مستحييل اكيد نفسيتها تعبانه من بعد موت ابوها مو قادره تتخطى هالشيء لفت وجهها:مابنخسر شيء الساعه 5 الفجـــر طوى سجادته بعد ماخلص من الصلاة لف عينه عليها نايمه بهدوء ويغطيها بطانيه ثقيله لأنها كانت ترجف وتقول انها بردانه رغم دفى الجو نسبيا لكن اليوم راح يقرأ عليها شيخ راح يجيبه خالها منصور بعد ماكلمته امها افكار تجيبه وتوديه يحس انهم غلطانين واللي فيها مجرد آثار صدمات نفسيه الساعه 9 بغرفتها عينها على سميه اللي تستعجلها:يلا خالي يبغانا بالمجلس بنظرة شك:وليش اتغطى اذا مافيه خالي؟ سميه بتوتر وكذب:لأن سامي بيكون فيه ندى بشك:وسلمان وينه امس وش صار ليش نمت بالمجلس "بعصبيه" ليييش ماصحيتوني هااا ناديه شهقت طالعتها سميه تسكت رفعت حاجب ندى وبقوة:شايفيني مجنونه تاخذوني على قد عقلي ليش ماتردون علي؟ " طالعتها سميه بحزن يتقطع عليها من شكلها اللي تبدل من مشرق الى ذابل والمصفر نحفت بقوة وخسرت وزن صارت انعزاليه وانطوائيه " سميره دخلت وسمعت انفعالها سكتت تعرف بداخلها انه هذا واحد من اعراض السحر يكون الشخص سريع الغضب والأنفعال ومايحس على تصرفاته ابدا :يلا يابنات نروح طبعا سميه وناديه مثلوا قدامها انهم بيدخلون وان سلمان رجع للرياض بالحقيقه كان بالمجلس هو وخالها والقاري لاصار شيء لاسمح الله يكون فيه رجال بالبيت مشت مع امها والبنات وراها سحبتها من يدها وقفوا عند الباب حست بخوف تراجعت لورى :ماراح ادخل ادخلوا انتم سميره بمحاوله تهدئتها:عييب خالك يبغى يسلم عليك ندى بعيون خائفه:ماراح نطول؟ سميره بأنكسار عليها شدت يدها:لا ياروح امك ماراح نطول دخلوا سكرت الباب وراها لفت استغربت رجعت نظرها لخالها الجالس بصدر المجلس وجنبه واحد ملتحي غريب وبالطرف الثاني سلمان يلعب بمسبحته حست بالغصه وكأن احد ماسك من حلقها ويخنقها مشتها امها وهي منطاعه لها وقف الراقي وجلس على الارض وخالها ابتسم سلم على راسها وبحنان:لاتخافين يابوك احنا حولك كلنا امك وزوجك بعد لفت عينها لسلمان اللي عيونه حمراء مبين عليه مانام وذاق طعم النوم وهادىء قلبها يدق بقوة تحس بيخرج من ضلوعها جلست بأنطواعيه بالارض ووجها جهة القبله وهي متوضيه قبل شوي بطلب من امها وضع القارى يده على راسها وهو متوضى ايضا ويقرأ ناحية اذنها اليمين بسم الله الرحمن الرحيم * الحمدلله رب العالمين * الرحمن الرحيم * مالك يوم الدين * إياك نعبده وإياك نستعين * اهدنا الصراط المستقيم * صراط الذين أنعمت عليهم غير المغضوب عليهم ولا الضآلين بسم الله الرحمن الرحيم * (( الم * ذلك الكتاب لاريب فيه هدى للمتقين * الذين يؤمنون بالغيب ويقيمون الصلاة ومما رزقناهم ينفقون * والذين يؤمنون بمآ أنزل إليك ومآ أنزل من قبلك وبالآخرة هم يوقنون * أولئك على هدى من ربهم وأولئك هم المفلحون )) تتحاشى النظر للقارى تحس بضيقة شديدة في صدرها مع خفقان غير طبيعي بقلبها واطرافها بارده وكاره لسماع القرآن تحاول تبعد راسها عن القارى اللي مسك راسها وسلمان ثبت كتفها استمر القارى يتلو بصوت خاشع (اعوذ بالله من الشيطن الرجيم* إنما صنعوا كيد ساحر ولا يفلح الساحر حيث أتى )) [طه: 6] هنا صرخت بقوة :آآآآآآآآآآآآآآآآآآآآآه ثبتها سلمان بقوة وهي تبكي وتنتحب بصورة غير طبيعيه ودموعها تنزل ماقدرت امها تتحمل المنظر بسرعه قامت وخرجت وسط نظرات اخوها اللي هز راسه :حسبي الله ونعم الوكيل قفلت الباب شافت سميه وناديه واقفين ويبكون من صراخ وبكاء ندى اللي تترجاهم يوقفون وتقول تحس جسمها مثل النار مسحت دموعها ماقدرت تتماسك قدام بناتها غصبا عنها راحت للصاله شافت مضاوي بيدها فرح وتحاول تنومها جلست على الكنبه نزلت راسها وانخرطت بموجة بكاء كتمتها من وفاة زوجها والتاريخ يعيد نفسه تذكرت كيف كانت تقولها ليه تغتسل بالسدر وتضمها رغم انها تبعدها رفعت راسها وبترجي :يالله ياربي ياحبيبي تلطف ببنتي وترفع بلاها يالله يارب مضاوي بحزن:ادعي لها هي محتاجه دعائك هزت راسها وعينها على فرح اللي تشبهها انخرطت مره ثانيه بالبكي بجية سميه جلست :يممه مايصير كذا لازم نقوي انفسنا عشانها هي محتاجتنا اللحين روحي لها تلقينها خايفه سميره بغصه:ماني قادره شوفتها بهالحاله وهي طايحه "بغصه" ماني قادره بالجهه الثانيه.. مازال القارى مستمر يقرأ وهي كأنها بعالم ثاني زغلت عينها وضعفت رؤيتها وتشوف مثل الحبال المعقده والملفوفه واطرافها تخدرت تثاوبت وبدأت تستلم للنوم سلمان حسها تتهاوى ضربها على خدها ولازال ماسكها فتحت عينها بشويش وتشوفه بشكل مفجع مثل الكلب انتفظت وتشوف مثل الوميض شهقت بقوة وكأن احد اخذ روحها الراقي مثبت يده ويقرأ بعد نصف ساعه تجرأت سميره ودخلت وقف القارى وعينه بالأرض وهي متهاويه مستسلمه بحضن امها هز راسه بالأٍسف :من متى وهالأعراض عليها؟ سميره بهدوء:من فتره الشيخ هز راسه:وانت زوجها؟ سلمان بسرعه:أي نعم الشيخ بأستفسار:كيف علاقتكم مع بعض؟ سلمان بأستغراب:مافهمت؟ الشيخ بهدوء:بينكم مشاكل سلمان بحيره:بينا بس طبيعيه الشيخ ربت على كتفه:مشاكلكم كثيره سلمان بأستغراب:اييه نختلف كثير الشيخ:صايره عدوانيه بالفتره الاخيره ومتغيره عن قبل وفيه آثار على جسمها؟ سلمان بصدق:بالحييل ياشيخ احيانا ماصدق انها هي اللي واقفه قدامي لدرجة تنفر مني ولاتبغى اقرب منها وكنت الاحظ مثل المخوش والعلامات بجسمها الشيخ بحزن واضح:لاحول ولاقوة الا بالله قل لن يصيبنا الام اكتب الله زوجتك يا اخ سلمان مسحوره طلعت عينه:مسحورة!! الشيخ بتأكيد:ايي نعم مسحوره لكن هالسحر مو مشروب من قرآتي والا كان حاولت انها تستفرغه والله واعلم انه سحر من آثرها سلمان بفزع:شعرها والا وش؟ الشيخ بحيره:للحين مانقدر نحدد يمكن يكون شعرها او احيانا كثيره يلجئون الى النجاسات اكرمك الله من بول ودم المحيض بلع ريقه فتح فمه من الصدمه:ياشيخ وش علاجه؟ الشيخ:بأذن الله راح تكون لي جلسات معها بتكون هالفتره بحاله غير واعيه لتصرفاتها ممكن تخرج من البيت ممكن تحاول تأذي نفسها فلذلك انتبهوا لها وبعطي الاخ منصور موية زمم مقريه وزيت مقري البقرة لازم تتشغل بالبيت وتغتسل بسدر نسأل ان يشافي مريضتكم وان يعافيها منصور ردد ويهز راسه:لاحول ولاقوة الا بالله آميين ياشيخ آمييين الشيخ بهدوء همس لسلمان:ممكن تجي معي سلمان رفع صوته:مايحتاج يا ابو هادي انا برافق الشيخ للباب منصور بممنونيه:تسلم مشى معاه للباب التفت الشيخ وبحرج :انا اجلت اسئلك هالسؤال حتى ماتنحرج قدامهم سلمان بصبر:خير ياشيخ؟ الشيخ ابتسم وبخجل:هل ترفضك بالمعاشره؟ سلمان صدمه السؤال لكن قدر يربط:نعم ياشيخ الشيخ بهدوء:حسبنا الله ونعم الوكيل مبين يا اخ سلمان ان وضع لكم سحر تفرقه سلمان بصدمه اكثر اليوم كابوس بالنسبه له:سحر تفرقه!! الشيخ:لهالسبب كانت بينكم العداوة والبغضاء والنفور ونشازها بالمضجع لكن السحر وضع لها وليس لك والهدف منه تفرقتكم يلا استأذنك...خرج دون يوادعه واقف مكانه مصدوم شد على قبضة يده يحس جمر شاعل بصدره مشى بهدوء يعكس النيران الشاعله بداخله دخل المجلس شاف سميره تحاول ترفعها تقدم بهدوء شالها بين يده كانت مثل الريشه طاحت يدها اليمين بالهواء ومغمضه عينها وجهها شاحب واصفر وكأنها ميته فرق بينها وبين اللي زفت له قبل سنه بغصه وجمود:ماراح اتركها هنا جهزوا اغراضها بترجع معي للرياض سميره ومنصور سكتوا كمل ووجهه محمر من العصبيه يحاول يظبط نفسه:ولاعليكم امر سميره بعصبيه:مستحييل اسمح لك ماتشوف حالتها رفع راسه وبعين غاضبه ناسي عن نفسه:وانا ما اخذت الأذن من احد ممكن تجهزون اغراضها بترجع لبيتها وباخذها لأفضل المشايخه سميره بغضب:وهنا في مشايخ ماشاء الله عليهم بس ماراح تاخذ بنتي وهي بهالحاله اصلا انت واهلك السبب رفع عينه بسرعه :لأنك بمقام امي ماراح ارد سميره بصرخه:لو على جثتي ماراح تاخذها صرخ بقوة:ماطلببببت الأذن منك انا زوجها والعصمه بيدي انا مو بيدك انا اللي اقرر تروح والا ماتروح سميره مو مصدقه ان هذا سلمان كان مثل المجنون منصور:تعوذوا من ابليس ياسلمان ياولدي امها معها حق مرتك تعبانه لامن تشافت الله يسمح امركم عينها مثبته على امها:وانا يا ابو هادي قلت اللي عندي سميره بسخريه:وين بتاخذها عند امك عادله والا زوجتك وعماتك اللي كارهينها سلمان بجمود:باخذها لبيتها رضا من رضا وابى من ابى سميره لفت على اخوها وبصرخه:قول لك كلمه منصور بقلة حيله:ياسميره الرجال ماغلط سميرة بصيحه:اصلا من دخلت بنتي حياتهم وهي ماشافت الخير سلمان بغيظ:للحين حاشمك عشانها "يقصد ندى" وعشان كبر سنك اما اهلي خط احمر سميره بنظره حاده:اترك بنتي؟ سلمان بجنون:والا؟ سميره عضت شفايفها من القهر: اتركها اذا تخاف عليها وتحبها مثل ماتقول اتركها نزلها على الكنبه رمى نفسه للكنبه الثانيه بقوه وصدره يطلع وينزل من القهر قدم جلسته خلل يده بشعره وشده بغيظ:من اللي وصلنا لهالحاله من لو اعرفه بسسسس منصور برحمه لحاله اللي مشدود ومبين عليه القهر ربت على كتفه:احتسب الأجر عند الله سلمان بسخرية واضحه من نفسه:كنت مثل الأعمى مالاحظت عليها ابدا وبدال ما اوقف جنبها "بكره لنفسه" ماقصرت معها "يقصد ضربه وشتمه والمواقف اللي كان يسويها مع روز حتى يغيظها توقع ان كل هذا بسبب الغيره اللي وصلت انها تكره لمسته وقربه وهجرت حقوقه عض اصابع الندم بعد فوات الآوان" دق جواله ماصدق فرصه حتى يخرج وقف:اذا صحت بلغوني ..خرج طلع الشارع شاف المتصل عباس رد بضيق:الو عباس بهدوء:السلام عليكم سلمان:وعليكم السلام والرحمه عباس بحيره:اليوم طيارة الامير سعود على وصول قفل الخط وعبارة (عظم الله اجرك) تترد بداخله حس اطرافه انشلت توقف عن الحركه فتح فمه بغير تصديق للخبر المفجع * * * يا نفس توبي فإنّ الموت قد حان واعصي الهوى فالهوى ما زال فتّاناً أما ترين المنايا كيف تلقطنا لقطاً وتلحق آخرنا بأولانا في كلّ يومٍ لنا ميّت نشيّعه نرى بمصرعه آثار موتانا يا نفس مالي ولأموال أتركها خلفي وأُخرج من دنياي عريانا بعد خمسين قد قضيتها لعباً قد آن أن تقصّري قد آن قد آن (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي) دخل رغم اعتراض الجميع ليغسله بنفسه كان جسده ملقى على طاولة حديديه طويلة وفتحات بالعرض مثل الخطوط ليتسرب الماء عند الغسل .. قرب باس راسه وبغصه ومراره تحرق جوفه :ماودك تقوم من الطاولة فتح عيونك ماشبعت نوم يالغالي هان عليك تروح بدون ماتودعني قوم لاتخليهم يدفنونك وانت بعز شبابك ترا فقدك كسر ظهري ولوى يميني الموت زارك قبلي رغم الشيب اللي براسي سلمان نزل راسه وبتأثر من الموقف:ادع له الرحمه رفع عينه المدمعه وبحزن يكسي ملامحه:هاذي 4 مره الموت يزورهم بدون ما اودعهم لين متى مكتوب ادفن قطع من قلبي لين متى يابوك؟ رفع يده المرتعشه مسح دمعه عالقه بطرف شماغه بحب:ارتاح يالغالي افتكيت من تعب الدنيا وشقاها ارتاح دقائق حتى بدأو يغسلونه بالكافور والسدر صب مويه فوق راسه وقلبه يتقطع اشلاء بهذه اللحظه كفنوه ربطوا جسمه بقي راسه رفع يده بسرعه نزل وهمس بأذنه:لقاي معك بالجنه ان شاء الله يالغالي راح نلتقي باس راسه بقوة تساقطت دمعه حملت من القهر كثيرا ومن الحزن اكثر ..ليغطى راسه بالكفن مربط الجسد محمولا فوق الأكتاف الى اول منازل من منازل الآخرة "القـــــبـــــــر" حيث شيعت جنازته جموع غفيره رفع يده المرتعشه ويدعي: "اللهم اغفر له، وارحمه، وعافه، واعف عنه، واكرم نزله، ووسع مدخله، واغسله بالماء والثلج والبرد، ونقه من الذنوب والخطايا كما ينقى الثوب الأبيض من الدنس، وابدله دارًا خيرًا من داره، وزوجًا خيرًا من زوجه، وأدخله الجنة، وأعذه من عذاب القبر ومن عذاب النار، وافسح له في قبره، ونور له فيه" انتهوا من الصلاة والدفن والكل يعزيه ويحثه على الصبر على الفاجعة وبعد خلو المقبره قليلا انحنى للقبر سلمان بغصه:يبه شتسوي؟ سعود بهدوء:مادفنونه زين فواز لف وجهه يكتم عبرته مسح التراب بقفى يده وبأبتسامه:مرتاح يالغالي ارتاح ارتاح لاتخاف ماراح اتركك تستاحش بزورك كل جمعه وبدعي لك بس انت ارتاح قرب منه سلمان رفعه من يده وعليه النظاره الشمسه اللي تغطي حمار عيونه:ادعي له بالرحمه سعود بتنهيده خارجه من اعماق قلبه:آآآه شلون اروح اتركه يابوك لاغربت الشمس وصارت الدنيا ظلمه من يجلس معاه فواز اهتز فكه من البكاء من حالة ابوه ومن حزنه على اللي راح سعود بحيره:بيستوحش بنام عنده الليله سلمان يالله يمسك نفسه ربت على كتفه :لاتخاف احنا بنام عنده مابنخليه سعود بأبتسامه:ماراح تخلونه؟ سلمان بمسايره لأبوه اللي حالته تقطع القلب:مابنخليه لاتخاف هز راسه رفع يده موادع:ودعتك الله يالغالي بقوم بعزاك تطمن لكن برجع لك الله يرحمك ويغفر لك نزل راسه رفع شماغه وبكى بشكل يخشع لكبر سنه وكتفه يهتز سلمان ربت على كتفه وبمواساه:انما الصبر عند الصدمة الأولى بعد شماغه زفر:لا اله الا الله لاحول ولاقوة الا بالله ان لله وان اليه راجعون.. : : ومثل ماكانت العاصمه حزينه لفراق علم من اعلام الدوله اللي خدمها بكل شرف وبكل اجتهاد كانت القرية نقيضها تماما !! الأولى استخرجت شهادة وفاة والثانية استخرجت شهادة ميلاد (مشهد يختصر كل الحياة) مرت سالم:يازينوووه انا فديت اللي يتثاوبون العنود بحب:الحمدلله على سلامتك يا امي صالحه بتعب:الله يسلمك يمه العنود بعطف:عسى ماتعبتي ؟ صالحه هللت:الحمدلله الاجر عند الله بالطرف الثاني والمؤدي للقرية.. "متعب" من خرجنا من مكه وهي لافه وجهها زعلانه مني لأني قطعت السفره مو بيدي لسببين الاول ان هالجماعه حددوا عرسهم ويبغون المهر ولازم أمنه ثانيا صالحه ولدت وجابت ولدت ولازم اكون جنبها خصوصا بعد ماوقع اليمين عليها لأنه ماراجعها لكن هاللي جنبي بتموتني خط سفر 900 كيلو وساكته ولالها حس وقفنا بالطريق نتغدى رفضت اصلا تفتح فمها يازينها لاروقت وياشينها لاعصب وحتى اقطع هالصمت.. متعب بهدوء:سموه يزن فاطمه بدون نفس:يربى بعزكم ودلالكم متعب بضحكة:مسويه مقاطعه لي واخرتها تردين هالرد؟ لفت وبرفعة حاجب:وش منتظر مني اخذك بالأحضان مستكثر علي 3 ايام بس بجده اربع ايام قضيناها متعب صدمني ردها:هاليومين اللي مو عاجبتس فيه ناس يدورون لها ولايقدرون يجون لبيت الله التزمت الصمت وهي مقره بداخلها انه صادق لكنها معصبه كان نفسها تروح للبحر وللملاهي والمولات والمطاعم دخلوا القريه وقف السياره التفت مسك يدها وبتنبيه:اتمنى مجرد ماتعتب رجولتس لداخل البيت ترسمين احلى ابتسامة لاصرت وياتس بغرفه وحده كشري وطنقري على كيفتس عضت سنانها من القهر وحتى تغيظه نزلت تبغى تسكر الباب بقوه ثم ترجع تفتحه وتسكره بقوه لكن حركه قديمه سوتها الف مره معه خطرت ببالها فكره ابتسمت بخبث نزلت ولاسكرت الباب وراها طلعت عينه من حركتها مطنشته على الأخر ضرب بورن بقوة انتفظت بس مابين له طنشت كملت طريقها لداخل شافت سالم اخوه خارج ومنزل عينه هالأنسان كرهته من كرهها لزوجته صحيح ماله ذنب بس تحس عقليته قفلل متحجره عكس متعب الأنفتاحي بالنسبه لهم دخلت وتسمع اصوات حريم اخوانه وخواته جيش ماشاء الله ماكان عندها خيار الا انها توقف وتنتظر متعب حتى ينزل الشنط وتلف لغرفة الجازي ترتب نفسها على الاقل فسخت غطاها دخل متعب ورفع صوته يتنحنح:احمممم ياووولد درررب درررب تأففت من نحنحته اللحين بيعرفون انها جات سمعت صوت امه تقول:اقلط مابه احد البنات تغطوا دخل وشايل شنطتها اللي كانت ثقيله يحلف يحلف مابقى شيء بالدولاب الا حطته شافها واقفه ومتخصره ولافه وجهها بضيق متعب بسخرية:وش بلاتس طال عمرتس زعلانه ايي صح نسينا مانفرش لتس السجاد الأحمر لتشرفين حضرة جنابتس وتدخلين ماتنكر ان طريقة كلامه ضحكتها ابتسمت لفت وجهها قرب منها وبخبث:لاتحدين الواحد يتهور بثقه رفعت عينها:ماتقدر متعب بكره لثقتها :وراه ما اقدر يابنت ابوتس؟ فاطمة بغنج وتخلل يدها بشعرها بعد وبدلع:لأنك ماتحتال على قولتهم ماسك خط سفر ماظنتي متعب بخفه:لأجل خاطرتس يهون كل شيء عرفت اللي يخطط لها صاحت بشويش حتى مايسمعونها رفعت اصبعها وبتحذير:لا تعوذ من الشيطان متعب بضحكة:اعوذ بالله منه وش فيتس تو ماكنتي واثقه من نفستس وش اللي تغير؟ بلعت ريقها وبسرعه:لأن مايصير غلط ياخي جوك مخيس متعب بلعانه:حلاتها بعد التعب حمر وجهها وخضر تحس بتموت خلاص بيقضي عليها وهي ماتقصر تزبد له عشان يستمر متعب برفعة حاجب:ها انتي قد ثقتس؟ عضت شفايفها بغيظ لو قالت ايه بيسوي اللي براسه ولو قالت لا بتخسر هالمقاطعه اللي مسويتها بصوت حزين:لا ضحك بقوة:هههههههههههههههه يازينتس بس افردي هالوجه السمح وشوفي لي درب فاطمه بلعانه رفعت كتفها:مالي دخل انا بروح اتروش واغير ملابسي مو معقوله ادخل عليهم بهالحاله متعب بغمزه:قمر مايحتاج لو ريحتس مخيسه رفعت حاجب وبعصبيه:الحمدلله ريحتي مو مخيسه متعب:هههههههههههه آآآه يابطني انا اضرب لتس مثل بحلاتس دفته بخفه وبزعل مصطنع:اجل ياشين امثالك دخلت الغرفه بعد ماسحبت الشنطه ومتعب دخل يبغى يسلم على امه انصدم بالجموع الغفيره وهم اهل البيت بس ماطول بارك لصالحه اللي كانت بمجلس النساء فارشين لها فراش بالأرض وجنبها ولدها بسريره اللي على الارض استأذن منهم وخرج على الساعه 12 الكل رجع لبيته كانت العنود وفاطمة عند صالحه سامرين معها ويسولفون لها ويشربون حليب بالزنجبيل يدفيهم رفع صوته:ياوللد العنود بصوت عالي حتى يسمعه:ادخل مابه احد انفداك يلعب بمسبحته دخل وابتسم:السلام عليكم ردوا السلام:وعليكم السلام متعب بفرحه قرب من صالحه وباس راسها مره ثانيه:ماعرفت ابارك لتس وجماعة داعش على قول الجازي حوالينتس شرغت فاطمه بالحليب وخرج من انفها وتضحك:هههههههههههههههه العنود بخوف:اسم الله عليتس متعب ناولها المناديل عانها تحت رجولك متعب اخذف علبة المناديل احذفها عليها وبقرف مصطنع:الله يخستس ماتعرفين تشربين مثل الأوادم "وقعت عينه على الحليب" الله سامرين بين هالدفى والحليب العنود بحب وتشرب الحليب ببياله:فطوم الله يسعدها شافتنا بردانين سوت لنا حليب بالزنجبيل مع قرص وسمن متعب حس بالجوع مسح على بطنه: آآه يايمه وليدتس على لحم بطنه من الصباح العنود بسرعه:وراك ماتعشيت مع الرجال متعب اشر بيده:لحم الحمدلله الله يكثره مالي به بيثقل علي وانا ابي انام بدري العنود بسرعه:فطومه صبي له حليب على ما اسوي له اكل متعب اشر لها تقعد وبسرعه:لا والله ماتقومين وذي وش شغلتها "بضحكه" هالقزمه دافعن مهرن على الفاظي 100 الف كسرت ظهري بها ماتروح هدر عصبت الا احد يتكلم عن طولها عضت لسانها اخذت الثلاجه "الترمس" وحضنتها بقوة وبلعانه :اجل انا قزمه هاا احلم تذوق حليبي متعب بنرفزه وماسك ضحكته اشر لخشمه:غصبا عن ذا شفتي تمسكت بالثلاجه اكثر وبحلف:والله ما اصب لك العنود براعه:وراكم تتهاوشون اذكروا الله صالحه :هههههههههه يمه اتركي عنتس ذولا يمزحون العنود بعدم تصديق:صادزه اللحين يتمازحون شوي يتكافخون فطومه دامتس حلفتي هاتي اصب له انه مسكينه على لحم بطنه متعب بلعانه يستعطف امه:أي والله ماذقت شيء شالت الثلاجه وتمسكت فيها :آسفه ياخاله بس انا حلفت انه مايذوقه متعب بنظرة رفع سبابته:اعقلي احسن لتس مدت لسانها قام صاحت اخذت ثلاجتها وشردت برا وهو يلحقها العنود بأستغراب:قضى عقلهم صالحه:ههههههههههه الله يسعدهم يارب العنود :آميين وعسى يبلغني اشوف عيالهم صالحه بهدوء:آمييين يجري وراها ولاهي عارفه وين تروح خايفه يطب واحد من العيال ولاعليها جلال تتغطى لكن ماراح تعطيه الحليب لو يموت مالقت قدامها الا المطبخ دخلت وهو وراها يلهث:صبي لي حليب فاطمة بعناد وتحضنها اكثر:والله ماتذوقه يا انا يا انت اجل انا قزمه وكسرت ظهرك بـ 100 الف احمد ربك متعب تكى ظهره على الثلاجه:وراه يالله لك الحمد لاطولن مثل العارضات ولاجسمن راوي مثل هاللي يجنون بالتلفزيونات ولاسناعه الحليب باخله علي فيه وش احمد ربي عليه؟ عضت شفايفها بقوة ومن بين اسنانها:لاتتكلم عن طولي متعب بلكاعه:جد فاطمه انا لازم اجيب لتس سلم لامن شافوتس قالوا من هالوغده "الطفله" صاحت بقوة وبأستنكار اشرت لنفسها:انا وغده متعب كاتم ضحكته:والله هم يقولون مع الأسف بيني وبينتس يعني معهم حق يلا يبغالتس تلبسين بهالكعوب لاطلعنا مكان عشان ما افتشل ضربت رجولها بالأرض وبعين مدمعه:والله لو عاد تتكلم على طولي لأنتفك متعب بغيظ:اللحين ورى دموعتس تنزل الأخت عندها تانكي دموع ضحكت بين دموعها وبنظره:دووب متعب بغمزه:ها اسلمي اعطيني علمتس وش سويتوا اليوم؟ فاطمة ببرآة فكت الثلاجه ماصدقت تبربر معه :ابدا حريم اخوانك كانوا فيه وخواتك جلسنا وسولفنا وتعشينا عشاء يهبل سوته خالتي وو ماصحت الا ساحب الثلاجه اخذ بياله وصب له شرب شوي غمض عينه:ياسلااااااام جاء بوقته شهقت بقوة عرفت انه يستغفلها بغيظ :انا حلفت ليه تفجر حلفي متعب بهدوء:صومي 3 ايام ماوراتس شيء بتتكلم الا فتح الثلاجه شاف كريمه اخذها واكلها ووحده ثانيه حست انه جوعان بعطف:ياروحي انا جوعان؟ متعب:حيييل فاطمة بهدوء:انت روح اقعد مع خالتي وصالحه وبجيب عشاك متعب بسرعه حتى مايتعبها:لا لا شبعان عرفت انه يكذب عشان مايتعبها:مو كيفك بحط لك نواشف زيتون وجبنه وبسوي لك خبزه بالصاج اللي تحبها متعب بممنونيه:جعلني ما افقدتس قولي آميين آمنت وراه:آميين ولا افقدك حس بغصه غريبه ابتسم بذبول قرب منها طبع قبله على جبينها استغربت كمل:ترا عيوني ماتبي غيرتس تدرين؟ هزت راسها كمل:وتدرين ان قلبي ماخفق الا لتس؟ هزت راسها قرب منها وبهمس:وتدرين اني مشتاق لتس بعد ما اخلص العشاء ودي اعوض عن الايام اللي راحت حست وجهها تفجر من الخجل بعد:لاتبطين انتظرتس بروح عند امي تعشي معي فطومه اشرت لعيونها ابتسم:جعلني فدا لهالعيون وصاحبتها "خرج وهي تحس قلبها يدق بقوة يرفرف لعالم ثاني عالم كله سعاده معاه تحبه رغم انه ماخذا ذاك الجمال لكن حنيته وعطفه يااااااه قد ايش تخليها مبوسطه وتبتسم للدنيا بعد ماكنت معبسه" : : اليوم :الاحد الموافق 11/12/1436 هــ بسم الله الرحمن الرحيم.. به ابدأ واستعين والصلاة والسلام على اشرف الأنبياء والمرسلين.. سأكتب وصيتي هذه ان لم اعود واليوم ستفتحونها وستقرأونها اكتبها وانا بكامل ارادتي ولست تحت أي ضغوط .. عمي سعود او "ابوي" من وعيت لهالدنيا وانت جنبي بكل خطوة كبرت على يدك وتعلمت الكثير منك كنت افخر لي عم مثلك لكن الحقيقه صعبه ومره بالحيل حتى اتقبلها بيوم وليلة تغيرت حياتي واكشتفت 35 سنه عايشها بكذبه!! وان اللي دفنته وانكسر ظهري من بعد موت يكون عمي ..قلبي يشتعل بنيران مو راضيه تطفى اكشتفت نص الحقيقه اللي الكل محاربني بما فيهم انت حتى اعرفها القدر رمى انسان حتى يوصلني لنص الطريق وللحين بموت وانا جاهل بالحقيقه قلبي مو قادر يسامحك ولايحللك كانت امنية عمري يكون لي اخوان واكتشفت ان لي تؤام ويكون سلمان الوحيد اللي ماكنت اقدر اكرهه او افكر آذيه كان في شيء قوي يردني كنت احب اجلس معه ولأكون الصادق كنت متعلق فيه بطريقه تخليني احتار من نفسي رغم رسميتنا ..للأسف وانا اكتب لهاللحظه قلبي مو قادر يشفع خطأك وخطأ زوجتك مضاوي .. "يمه مريم" 35 سنه وانتي معي بعمرك ماحسستيني اني غريب كنتي دائما تفضليني بعد على التؤام يمه تقرين وصيتي تكفين لاتبكين دموعك يالغاليه لاتنزل تراها تكسرني وتضعفني امسحيها انا مارحت مكان بعيد رحت لرب العالمين تارك شقى هالدنيا وتعبها ورميت همها الثقيل صلي وادعي لي بجنة النعيم .. قمر _ريم يانور عيوني انتم سامحوني لأني رحت وتركتم وانتم بهالعمر سامحوني لأني مابوقف بيوم زواجكم وامسك يديكم وازفكم واوصيكم على نفسكم اليوم ماني موجود معكم انتبهوا لنفسكم هالوقت يخوف اذكروني بالخير وكونوا مع امي ولاتضايقونها الجنه تحتها!! سلمان" قبل شهرين بالظبط كنت كاتب وصيه" وحرقتها وهاللحين اكتب وحده جديده ولا عارف ليه كتبت اسمك سامحني ياصاحبي تشاركنا المشيمه 9 شهور لكنهم فرقونا 35 سنه خذوا عمر مني ومنك حرمونا نكبر سوا ونسند بعضنا ونحامي على بعض ونروح ونجي سوا حرمونا اقولك ياصاحبي ياخوي يايميني حنيت ل 35 سنه ورى هاا اخوك حن لها ووده لو ترجع لكن حتى اللحين الموت حرمنا من بعض ياصاحبي كنت كل ما اشوفك ابتسم واجهل بداخلي السبب يمكن كان قلبي يقول شوف هذا تؤامك..هذا اخوك..هذا عضيدك لكن انكتب القدر اعيش وحيد واموت وحيد!! * * * بعـــــــــد مرور اســـــــبوعين.. فتح باب مكتبه بهدوء مد يده للجدار فتح النور جال نظره على الكرسي خلف المكتب اختنق بدموعه قرب بهدوء جلس على الكرسي مسح بيده الطاولة الم الفراق وآه من الم الفراق لوعة لانهاية لها.. بداية قصة مفتوحه.. مسك صورته التي بجانب المكتب مسكها وتمردت دموع تشعره بالأختناق مسح الصورة وبحنين:الدنيا ظلمت من بعدك لجنة الخلد يالغالي بالطرف الأخر من العالم.. بيديه المرتعشه طوى ورقة (الوصيه) وعذاب الضمير لايتركه بفتحة الباب طل واحد من مرافقينه وبأبتسامة:الله كتب له طولة العمر وصحى استبشر وجهه وبفرحه:جسار صحى؟ بالمستشفى.. راقد على السرير الأبيض والأجهزة موصوله على جسمه عينه مثبته للسقف الأبيض بوهن وضعف حازم بفرحه:واخيرا صحيت مابغيت ياخي انت قط بسبع ارواح هههههه ماشاء الله "بهمس" الحمدلله على سلامتك يا الضبع غمض عينه فتحها وبوهن:عطشان حازم يخاطب الممرضه:انه يشعر بالعطش هزت راسها اخذت منديل بللته بالمويه مسحت على شفايفه وعصرته :من الافضل ان لاياخذ كمية كبيرة من الماء بالبداية هز راسه حازم لسانه بسقف حلقه بتوجع :حازم نزل حازم اذنه لشفايفه نطق بصوت خافت ومتعب :ليلى خذاها لؤي حازم تغير وجهه بعد بلع ريقه وبصدق :لؤي بالرياض واعرف مكانه جسمه مخدر مسك يده:اسندني حازم طارت عيونه:انت مجنون؟ كح بقوة مسك جرحه وتحول الشاش الابيض الى بقعه حمراء مسك كتفه بشويش:انت مجنون جسار بتعب عض لسانه:قلت لك اسندني حازم انجن:لا بالله عقلك طار ترا مسوي عمليه خطيره بفحيح بعد الشرشف عنه:الله يغنيني عن فضلك يحاول يعتدل بجلسته الممرضه تحاول تمنعه وحازم يصيح باستهجان:انت مجنون تو عمليتك ماتسكرت وفقدت دم كثير جسار انا بدوره بجيبه لك بعناد:لازم اروح لها بعد عن طريقي وقف بصعوبه وعليه لبس المستشفى:اطلعوا برا طالعوه بحيره صرخ:اطلعواااااااا حازم رفع يده:بنطلع لاتصيح بس انت ارجع للسرير اشر للمرضه خرجوا يعرفه لو ماطلعوا من الغرفه بيقلب الدنيا عاليها وسافلها سند يده على حافة السرير يحس بدوخه وتعب ينهك جسمه لكن كلمتها تترد بأذنه وكأنها صدى "لاتطول الغيبه..محتاجتك" اخذ لبسه اللي كان مرتب بعناية على الطاولة لبسه كان نظيف وعلامة الطلقة اللي اخترقت صدره موجوده.. لبس جاكيته حس بأنقباض بقلبه عض لسانه بقوة وكمل لبس سود وجهه وهو يكتم الألم فتح الباب بصعوبه سند نفسه على الجدار رفع عينه اللي تطلق شرار:وينه الكللللب وينه؟ حازم بأستهجان:جسااااااار لازم ترجع انت تعبان حالتك الصحيه ماتسمح لك.. "لاتطول الغيبه.. ببحه (محتاجتكـ) " قرب منه والوقوف يتعبه:وينه؟ حازم بحيره:جسار مسكه من سكارفه وبعين متعبه:لاتتعبني وينه؟ حازم برضوخ:بحارة شعبيه بالرياض ساكن عن مره عجوز وهي زوجها بلع ريقه وبوهن:بتروح معي والا لا؟ حازم:جسار لاز قاطعه وبحسم:بتروح معي؟ هز راسه حازم بيأس:معاك ياصاحبي بجية الدكتور يتذمر ويطلب منه يرجع وحازم تدخل وكتب له خروج على مسؤولية جسار خرجوا من المستشفى وتوجهوا للمطار صادفوا رحله للأمارات ومن الامارات للرياض | |||||||||
|
| |
|
18-12-14, 01:15 AM
| #74 | |||||||||
| نجم روايتي ومشرفة سابقة وفراشة متالقة بعالم الازياء
| بالرياض.. متكوره على نفسها بالزاوية وعينها على الأرض محتضنه يدها ودموعها تتساقط على خدها حس بغصه ويراقب حالتها اللي بدأت تسوى الاكل والشرب ممتنعه عنه ويغصبها وتصرخ وتناديه وترجع على هالحاله حتى ريان ماصارت تهتم له سود وجهها من التعب بلع ريقه وبمراره:ليلى لاتسوين في حالك كذا لاتقطعين قلبي ليلى:.................... لف وجهه وبغصه:اطلبي اللي تبينه مني ووعد اسويه عينها لازالت محدقه بالفراغ وكأنها جسد غادرته الروح منذ ايام الضعف والهزال تفوق على جسدها والتفكير بالمجهول سرق عقلها ماتحمل نزل لمستواها مسك كتوفها بيده الثنتين وشدها وبنبرة خائفه:اطلبي اللي تبيه ووعد اسويه لفت وجهها ونطقت شفاتها البيضاء هامسه:جسار!! نزل راسه بأنهزاميه كور يده رفع راسه لفوق زفر بعمق وقف شات صينية الاكل اللي رفضتها اهتزت مع ارتطام الصينيه والصحون بالأرضيه صرخ بقوة:بعد كل اللي سواه تفكرين فيها هاااااااااااااااااااا انتي ماعندك كرامه قلبك ميت والا وش؟ ميلت راسها للجدار وبوهن:انت وعدتني لؤي بعجز:هذا طلبك بلعت ريقها هزت راسها خرج وتركها ضربت الجدار بيدها وانتحبت بقوة بعد دقائق دخل تقدم لها بسرعه باس راسها وبغصه:اشوفك على خير رفعت راسها بعدم تصديق رفع كتفه وضحك بسخرية:انا وعدتك راح ترجعين له طالعته بخوف وتردد من كلامه بدخول ريان شاله ويبوسه وداعه له كان يذبحه نزله وخرج وقفت بتعب سندت يدها للجدار لكن وهن جسدها ماسمح لها طاحت جرى لها ريان غمضت عيونها بعدم تصديق بدخول العجوز طالعتها بنظرات غريبه حضنت ريان زياده بخوف من نظراتها خرجت وسكرت الباب بالمفتاح ضحكت بسخرية على آملها وكلام لؤي : : بالمطــــار.. حازم بعد جواله وطالع جسار بصدممه وذهول رفع جسار حاجب اشر لجواله وبشك:لؤي ترك الرياض وتوجه للقصيم انتفظ من مكانه مثل الملدوغ وبسرعه:وين راحوا؟ حازم فجرهها:طلع لحاله بالرياض.. رمى الجوال تحت رجوله بقهر وعض على يده بضحكة:هاذي مجرد قرصه ياجسار الجيات اكثر ترجع بالسلامه ههههه بالمطار.. حس بضيق بالتنفس ودوخه جلس على الكرسي بسرعه وبأختبار:وهم؟ حازم بشك:لؤي قاعد يخبص ويخطط لشيء فتح علبة الموية الصحه بيد راجفه تحت نظرات حازم الخائفه:جسار خلينا نرجع للمستشفى رمى علبة الموية بقوة وتناثرت على الارض صرخ بقهر:هالكلااااااااب يلوون ذراعي بأهلي وانا هنا عاجز وش سويت له همم قولي "شد على سنونه" هالكلب ليه يغدر فيني رغم اني وقفت وحميت ظهره لما نفيته حتى مايتعرض للأذى هنا كذا يجازيني ؟ فرد رجوله لقدام نزل راسه بيأس وبصوت مخنوق:آآه ياحازم تعبت وربي كثير اللي قاعد يصير لي تعببت ماعاد لي حيله حازم حط يده على كتفه وربت عليه:لاتقول كذا "بضحكه" هذا وينادونك الضبع الأسود ابتسم بسخرية ولازال منزل راسه:بالنهاية انا انسان احس ترا حازم رفع راسه على صوت النداء:هاذي رحلتنا مشتاقين لك ترا ولاعندهم خبر باللي صار لك قلنا للوالده انك بمهمه وماتقدر تكلمهم وقف طالعه بممنونيه ربت على كتفه:تسلم شلون اكافىء جميلك؟ حازم برفعة حاجب سحب يده:بترده لاتخاف بس يلا.. : : الصبــــــــاح.. تخليت عني)) لقد تفننت الدنيا في تعذيبي وشمت الكثيرون على جراحي لقد ماتت كل ذكرياتي وبدأت من جديد حياتي وجدتك فعرفتك فحسدت نفسي اصبحت كل شئ عندي جسمي وروحي ووجداني!! اعطيتك كل ماعندي حبي وشوقي وحناني عرفت انك لي وأني لك بالتراضي,, عشت معك الاحلام في صبحي ومسائي لكنك تخليت عني في اول اختباراتي لم تترك لي مجالا للتنفس او الاعتراض.... فلك البعد كما تشاء وان لم يكن له داعي سأتركك تحيا بعدي وان كان في بعدك مماتي عش دنياك مبتسمآ و انسى ما كان ( الماضي) فالماضي ذكرى وجرح يرسم معاناتك ومعاناتي اخيرا!! اهديك حبيبي على طول أيامي دموعي وعبراتي علها تغفر لك وتساعدني على شفاء جراحاتي نعم سامحتك وسامحك الرب الباري تجمدت من البرد محتضنه ريان بكل قوتها حتى مايحس بالبرد متجاهله نفسها وعينها على الباب اسبوعين تتنظره وتناديه لكن ماسمعها ابدا !! جالت عينها على الغرفه القديمه شافت حشره على السرير انكمشت على نفسها وحضنت ولدها زياده غمضت عينها بوهن وضعف مستسلمه للنوم نزل من السياره بسرعه وحازم وراه ماتحمل دق الباب بقوة وحازم يمنعه صرخ بوجهه رافع سبابته:اطلع من راااااااااسي ياحازم فتحت العجوز وبشرهه:خير وش عندكم تدقون هالدق من الصباح؟ بهدوء يحاول يتمالك نفسه:وينها؟ العجوز بخوف:من؟ جسار بنظرة سخرية:تعرفين عن من اتكلم سدت الباب بوجههم لكن مسك الباب بيده دفه بقوة ودخل وسط صراخ العجوز لف وبصرخه :وينهاااااااااااااااااااا� �ا؟ العجوز رفعت صوتها:ياناااااااااس ياعاااالم تهجم علي غريب قرب منها بغضب رفع يده دفه حازم وبأستغراب:انت صاحي ترفع يدك على عجوز عض لسانه وصرخ بقوة:وينهاااااااااا لاتطلعوني من طوري ابتسم بسخرية:والا اقولك لاتتعبين نفسك انا ادل المكان.. طلع الدرج والعجوز خايفه وعينها بالارض حازم بنظرة:تدرين ان اللي سويته تستر ويعتبر جريمه صرخ بأعلى صوته:ليلـــــى !! ابتسمت وتسمع صوته اذا هو واقعها المر ماتبغى تصحى من حلمها هذا .. لكن صوته خلاها تفتح عينها وعت لنفسها همست بتعب وصوتها يالله يطلع:جسار طلع حازم ومعه العجوز:موجوده بهالغرفه رفعت يدها المرتجفه تفتح الباب بالمفتاح فتحت الباب تراجع حازم لورى احترام لجسار اللي دخل ووقف مصدوم من منظرها كانت النيران شابه بصدره واللحين مثل الجليد محتضنه ريان وتدفيه بيدها شعرها مفتوح وعينها غايره جرى لعندها مسك وجهها بخوف:ليلى اصحي ليلى فتحت نص عينها ابتسمت وبهمس:جسار بلع ريقه ويشوف حالتها شفايفها متقطعه وبيضاء مسح على شعرها :عيونه خلاص لاتخافين جيت ريان صحى على الصوت عبس وابتسم:ليلى سوفي جسار من فرحته خذاه وحضنه بقوه باسه طلع لحازم :انتبه له حازم ابتسم:هلا بالبطل رجع للغرفه سكر الباب قرب منها فصخ جاكيته رفعها من الزاوية لبسها ويمسح على وجهها :ليلى تسمعيني ؟ هزت راسها لا اراديا حضنها لصدره بقوة باس راسها وبحنية:لاتخافين خلاص انا جنبك ماراح اتركك كوني لي بخير وسلامه وكل شيء يهون ياروحي دفنت راسها بصدره رغم توجعه شد على سنونه يتحامل الألم كانت تبكي بقوة وبخوف:خلينا نروح يحس عروق دماغه بتتفجر من التخيلات اللي حاطها براسه شاف مفرش السرير مبعثر وملابسها القديمه مرميه رفعه راسها وبنظرة غاضبه:هالكلب سوا لك شيء؟ هزت راسها بالنفي صرخ:قولي الحقيقه بكت دفت صدره وضربته الوجع اللي يحس فيه اكبر من وجعه من الرصاصه بصوت مبحوح من البكاء:لااااا غمض عينه لام نفسه على غضبه وحمقه عليها وهي بهالحاله لكن الشيطان وسوس له ضمها لصدره وهو يحاول يتجنب ضرباتها صرخ بشويش :خلااااااص ليلى رجععت رجعت تمسكت فيه وهو يتحلف بداخله بصالح ولؤي ومحمد والطرف الرابع اللي يجهله رجب وجماعته خارج مخططاته حاليا لكن (لؤي) نال الاستحقاق الاكبر من الكره.. : : بالمســاء.. غاطه بنوم عميق ورااااحه غريبه تحس فيها وهو يراقبها كانت تعبس وتتحول ملامحها للخوف ثم تبتسم حيرته حتى وهي تحلم من بعد ماعرف مكانها وخرجها من البيت خذاها للقصر بدون مايعطي اهله خبر اكتفى انه ارسل رساله لأمه تطمنه عنه وبكره بيجيبهم لكن هاليوم كان صعب تجي امه وتشوف ليلى اللي بهالحاله لاحظ الشرخ اللي براسها قدم جلسته مرر اصابعه بأستغراب الف فكرة وفكرة جاته ممكن تكذب عليه ولؤي وقف مثل المقروص هز راسه بالنفي "لا لا مستحيل ليلى تكذب ماسوا لها شيء..طيب انت واثق.. واثق منها وش صار لي انا اعوذ بالله من الشيطان" قطع سرحانه دخول ريان المشاغب نط لعنده رفع سبابته واشر:اششش ضحك ريان:اشششش ابتسم لبرآته وجهله بحقيقة ابوه من كان يصدق انه الوحش اللي كان يكره وجودهم قبل سنه صار ينبسط لاشافهم.. شاف ريان يجري ونط للسرير بيهاوشه شافها مفتحه عيونها ابتسمت لريان اللي نط وانسدح على صدرها مايدري ليه غار من هالكره ضحك على نفسه "ابتسمت على شكله وهو سرحان وغارق بالتفكير لكن عيونه مثبته عليها لفت لريان باست راسه وشمت ريحته حاوطته بيدها الثنتين مو مستوعبه ان الكابوس انتهى تحس باقي ببحلم غمضت عينها لدقيقه ورجعت تفتحها" انصدمت من وجوده منسدح جنبها وعينه عليها وبهدوء:الحمدلله على سلامتكم ليلى بدموع:خفت ماتجي هالدموع تكسره نصين رفع يده ومسح دموعها وبمزح:لهالدرجه اشتقتي لي؟ بغير وعيها نطقت ببحه:بالحييييل فتح فمه مو مصدق الكلمه اللي سمعها منها كرر الكلمه:بالحيييل حست على نفسها نزلت عيونها لريان وعضت شفايفها بتهور تفاجأت بصخب ضحكاته :هههههههههههههههههههههههه رفعت عينها بصدمه نقز فرحان وميل جلسته :هههههههههههههههههه "وبهمس" اشتقت لك ياغبيه يا كدش ابتسمت رفعت حاجب وبهدوء:ليش تضحك؟ جسار اشر لريان:خليني اطلع هالنشبه بالاول واعلمك زادت احتضنت ريان بخوف:لااا لمح الخوف منها استغرب وبهدوء:ما اكل شيء من اليوم يهون عليك ينام وبطنه فاظي؟ هزت راسها بالنفي اشر لها:طيب خليني اعطيه ساندي انتي توثقين فيها صح؟ هزت راسها بالايجاب خذاه منها وسط اعتراضاتها رفعه جسار وميله صاحت ليلى:لا جسااااااار ريان يضحك ومبسوط رفع صوته:ماعنده ولد امه مبسوطط لاتخافين نزله تحت ووصى ساندي تعشيه وطلع فوق شافها غطت بنوم عميق ضحك قرب منها وبهدوء:ماشبعتي نوم يابنت من جيتي وانتي نايمه قومي ماشبعت منكك لما شافها نايمه تهور قرب منها باعد الخصل المتمرده على وجهها الدائري وبغصه:خفت الموت ياخذني ولا كتبت وصيتي لك خفته ياخذني ولا آمنت عليك انتي وريان "ابتسم بهدوء" خفته ياخذني قبل لاتسمعين برآتك وتعرفين الحقيقه اللي خبيتها عليك قبضها قلبها من كلمته مغمضه عينها تتظاهر" بالنوم وجسار يرمي اوراقه ويكشفها" كمل وبندم:ليلى انا آسف لأني شككت فيك اكتشفت هالشيء لما كنا بموسكو وقتها تربطت يدي وخفت لما قلتي بالحرف الواحد ان وضعنا مرهون بالحقيقه اللي اعرفها عرفتها وقضيت آسف لأول مره اخاف اخسر شيء "بمراره" لأنه عندي شيء اتمسك فيه بعد 36 سنه اكتشف اني عايشها بكذبه سلطان مو ابوي ومريم مو امي وسعود عمي يكون ابوي ومضاوي هه تكون امي "بحرقه" وعندي اخ تؤام قدام عيني 36 سنه وانا جاهل بهالشيء هه سلمان ولد عمي بيوم وليله قالوا شوف هذا اخوك التؤام خرجتوا من نفس البطن وفرقناكم ويلا تقبل الواقع وشليت ثقل فوق هم امي وخواتي ومن جهه لؤي اللي لاوي ذراعي تعبت وانا اتستر عليه واغطي عشانه ولد الانسان اللي رباني وكان بيوم ابوي واللي مستكثرين يقولون لي الحقيقه هه آآآه بس "مسح وجهه كمل بصدق" لكن طلعتي بوجهي اعترف كرهت بالبداية كرهه كنت اتمنى اسيح دمك لكن لما انفردت فيك بموسكو عرفت معدنك وحقيقتك كنت خايف اطلع غلطان وخايف ان معي الحق بعد ماراح تفهميني اكيد لكن قلبك لايقسى يالحنونه لايقسى ... ختم كلامه طبع قبله على جبينها ونزل لخدها غطاها زين وبأبتسامه:نوم العوافي.. خرج سمعت صوت تسكيرة الباب فتحت عيونها وقلبها يرقع بقوة تحس بصدممه بخييبه كل مشاعر الحزن تجمعت بعيونها برآتها يآآآآآآآآآه كيف كانت تسعى لها حتى تبينها له كيف كانت تحلف وتقسم انها بريئه وخاليه من اتهاماته وهو كان اناني وخبى هالشيء عنها ماراعى شعورها واحساسها لما تحاول تقرب منه وهو ينفر كانت تموت الف مره وتظنه متقرف منها وماخذ فكره سيئه بلعت ريقها فركت صدرها بيدها مره وثنتين وثلاث نيرااااااااان تفتك بقصر احلامها التي بنته معه وبشعورها للود تجاهه وها قد انقتلت فرحتي مرة اخيرة واصبحت اخوض دور المغلوبة على امرها من جديد!! فزت بسرعه خرجت لبرا نادته بصوت عالي:جسااااااااااار جسااااااااااار كان جالس تحت هو وريان ويتابعون مصارعه استغرب من صوته لكن انفجع لما صاحت طلع بسرعه ويتحامل على وجعه اللي يقطعه الف قطعه قرب بخوف منها وبخوف:ليلى وش صاير؟ غاصت بعيونه نطقت ببحه:انا قرب حك ذقنه :انتي وش فيك؟ نطقت بشفايف راجفه:احضني استغرب طلبها مسحت دموعها وبعصبيه لطيفه:قلت لك احضننني ابتسم بخفه حاوطها وحضنها وهي متمسكه فيه وتتذكر كلامه غصت بالعبره:خايفه قلبي يقسى كلمتها خلته يتراجع وبعيون مترقبه:ليه يقسى يالحنونه؟ انفجرت بكي:لاتسوي فيني كذا الله يخليك جسار بتهدئتها:اسم الله عليك خلاص اهدي روحي نامي وريحي هزت راسها بالنفي:طار النوم سحب انفها وشدها:اجل تعالي معنا ولدك مسوي لي فيها يشجع وهو مو داري وين ربي حاطه ضحكت بي دموعها دفته بخفه:الا ولدي خط احمر عض لسانه بقوة لاحظت ملامحه بخوف:جسار فيك شيء ؟ هز راسه بالنفي وببحه:واحد يكون فيه عله ووجع وانتي جنبه.. حمرت خدودها نزلت ظهرها ضحك بخفه مسك يدها ونزلوا سوا ويسولف لها عن ريان واللي قاعد يسويه.. ومثل ماكان الأعتراف هدم احلام ليلى وكسرها كان اعتراف متعب بطريقة غير مباشرة القشه اللي قصمت ظهر البعير .. واقف بالحوش ويكلم جوال وبهدوء:بس انا ظروفي ماتسمح لي شد على سنونه بغضب:المهر ووصلكم الزواج ماراح يكون بعد اسبوعين انا انسان لازم ادور عن شقتين مو بس شقه اهلي مايدرون عن زواجي هذا خلاص انا بكره بمركم وامر اهل البنت واعطيهم الخبر يكون بعد شهرين وبنطلع بعدها لالمانيا عشان تجهز الفيز واقفه وراه وموجة الهواء البارده حركت شعرها وتسمعه كل كلمة كانت تذبحها تحس بأنتصار وفرحه وتراقب هدوئه متعب بتصريف:يصير خير ان مشغول اللحين بحفظ الرحمن..قفل التفت ^ ^ ^ ^ ^ ^ ^ تجمد مكانه من الصدمه نطق لسانه بثقل:مناير!! ابتسمت بخبث:ايه مناير ياولد عمي لف بسرعه عطاها ظهره وبنهر:اقطعي واخسي طالعتن لي بهالشكل انتي ماتستحين وتنتخين ضحكت بغنج:ههههه سوري ياتوته اقول فاطمه تدري لف بقوة ومنزل عينه بالأرض:خافي ربتس تستعرضين بنفستس "بحمق" لو يطري لتس تعلمينها بيكو قاطعته رفعت يدها وبعدم اهتمام:وش بتسوي همم ترا انت حاجتك عندي ماهوب انا بعدين اذا صادز بكلامك وماتبيها تعرف تنفذ اللي اطلبه منك متعب بسخرية:طالت وشمخت وش طلبتس؟ مناير بكل وقاحه:ترجعني لذمتك ضحك بسخريه:هههه روحي زين يهون علي ابلغها اني ماخذ عليها الغريبه على اردتس لذمتي لوت فمها بخبث:اجل السالفه كذا؟ متعب بحمق :استري نفستس يابنت الناس واذلفي من وجهي واقصري الشر نفشت شعرها وقطعت طرف بلوزتها مخشت نفسها وصدرها طلعت عينه بفجع صرخت بأعلى صوتها:لاااااااااااااااااا� �ا يامتعب عمميي يمممممممممممه لاااااااااا الحقوا علي العنود بفزع:وش هالصراخ؟ فزت امها:ذا صوت مناير طاح منها الفنجان لا اراديا وجرت وراهم وقفت عند المدخل وتسمع صراخ متعب وابوه وعمه واخوه سالم يرتفع ام مناير تتحسب بدخول مناير كان شكلها مبهذل وتفتعل البكاء ابوه بصرخه:بنت عمك ناوي الشينه ببنت عمك ياللي ماتستحي؟ صرخ متعب:ماهوب انا اللي تطلع مني الشينه بنت اخوك تستعرض قدامي صاح بأستنكار:خاف ربك تظلم بنت الناس عمه بكره:مالقيت تضر الا بنت عمك ياللي ماتنتخي وصلت معاه كتم وكتم لحد ماطفح كيله صرخ بحده ونيران تشعل بصدره:أي بنت عم تتكلمون عنها اللي غلطت مع الغريب وسترت عليها هاااااااااااااا سكتوا نزلوا راسهم بالأرض رفع سبابته وصدره يطلع وينزل:لا والذي خلقني وخلق العباد ماعاد اسكت لهالمهزله كل ماسووا مصيبه شلتها فوق راسي الله يحرقكم عساكم من هالحاله واردى وبنتك ياعمي تعرف من زمان راميه نفسها علي واللي ترمي نفسها على رجال ماعندها كرامه لكن تتهموني بالباطل حسبي الله عليكم العنود عند الباب عليها غطاها تبكي ومرت سالم تهديها وهي مثل الجدار جامده ولاردة فعل طلعت منها صحت بدخول متعب اللي سحبها بقوة للغرفه وعيونه تقدح شرار وبصرخه:لمي اغراضنا بنطلع من هالبيت لف عليها بحمق:ماسمعتي؟ فاطمة بعدم تصديق:اعتديت عليها؟ فتح فمه وعيونه طارت فيها :صدقتي فيني يافاطمه معقوله تظنين انا توصل فيني هالمواصيل؟ رفعت راسها وبجمود:ليه اوثق فيك مو انت طعنتني بظهري وخنتني وكنت تحلف يمين مايكون بحياتك مره غيري ؟ بلع ريقه وبشك:وش تقصدين؟ هزت راسها:وش اقصد هممم طيب اوريك انا فتحت الدولاب طلعت من بين الملابس ورقة مدتها له وبجمود:هاللي اقصده اخذ منها الورقة فتحها كانت وثيقة عقد النكاح لزواجه الثاني حس عروقه تنبض من العصبيه مسك كتوفها وهزها:لاتظنين فيني الظن الشين دخيلتس بعدت عنه انتظفت بكره وبأحتقار:هه لا اظن فيك ظن شين "بصرخه" اصلا انت واحد كذاب لعاب كل اللي يهمك تقضي حاجتك وتمشي سواء انا والا بنت الناس والا بنت عمك سكتتها حرارة خدها زغلت عينها بعدم تصديق رفع اصبعه ويرجف وصدره يطلع وينزل:احذري وش تفرقين عنهم الله يكتب اجري بس .. اخذ شماغه ومفاتيح سيارته وخرج والعنود تبكي وتتمسك فيه وام مناير تسب وتلعن وتدعي بمتعب والعنود منهاره رفعت يدها وتحسست الكف اللي جاها اول مره متعب يرفع يده عليها غصتها الدموع رفعت راسها بدخول مرت سالم اللي تبتسم بشماته :حليلتس لو انا مكانتس بموت من خجلي ولا اطلع قدام الناس ورجلي مسوي هالسواه ببنت عمه خلاااااااااااااااص وصلت معها صرخت بقوة :اطلعععي براااااااااااااااا ابتسمت زياده:يالله ابكي يالحضريه شفتي قيمتس وقيمة رجلتس ماتحملت دفتها برا وصفقت بالباب بقوة نزلت راسها بأنكسار:وش اللي سويته فيني يامتعب ؟ ركب موتره وشخط بقوة رغم اعتراض اخوانه " خرج من القريه ومايشوف من الغضب والدنيا ظلام سلك للطريق الثاني ويفكر بالمصايب اللي صارت تنرمى فوق راسه والسبب عيال عمه وفاطمة اللي صارت مصدقه وعرفت حقيقة الزواج زفر بقوة شغل أذاعة القرآن وهدى شوي" بهذاك اليوم لأول مره اتراجع واغبط ليلى فاطمة ندى لأن كانت حالة كل وحده منهم اسوء من الثانيه ليلى اللي انقتل حلمها.. فاطمة اللي انخذلت للمره الألف و تعرفون خلينا نروح لها .. تسحبت بأطراف اصابعها خرجت من الغرفه وتشوف امها نايمه بالارض معها هي وبنتها دخلت المطبخ بتاخذ مويه تحس بالضيق والهم نزلت راسها طاحت عينها على حبوب بروفين مشت غير واعيه لنفسها فتحت العلبه وصبتها بيدها غمضت عينها رفعتها بتبلعها لكن يد سبقتها ونفظتها رفعت راسها وعيونها غايره تدقق نظر للي واقف قدامها كانت امها صفقتها كف ووببكيه:بتذبحين نفسك انتي؟ شهقت بقوة وكأنها صحت من عالم ثاني نفظت العلبه من يدها وبحيره:وش صاير؟ حضنتها سميره وبأنكسار:آآآه لاتفجعيني فيك لاتفجعيني قلبي مو متحمل كفايه ابوك اهىى اهىى بعدت وبأستغراب:ليش تبكين كنت باخذ علاجي بس؟ سميره تعرف انها ماكانت بوعيها مسحت دموعها :ثاني مره صحيني انا اعطيك اياه هزت راسها بالموافقه ومشتها للغرفه سدحتها غطتها زين ورجعت لفراشها وظلت صاحيه مو ضامنه اللي بتسويه بنفسها وحسب كلام الشيخ هالسحر كل ماله ينعقد اكثر بنفس البيت لكن بغرفة ثانية.. تقلبت وهي تبتسم وتتذكر الموقف اللي صار ناديه:سلمان جاء.. خرجت ببتروش فتحت الدش مافي مويه زفرت:اووف الدينمو طافي تسحبت بهدوء للحوش وعليها جلال الصلاه اذا طلع سلمان بالغلط رمت الجلال فتحته شافت الباب مردود بتسكره شافت واحد واقف ويتأمل ببيوت الحارة ابتسمت بخبث وتشوف نهايته اما هو فحس بعيونه تراقبه لف بسرعه شهقت بقوة بتسكر الباب من الخرعه فتحته زياده صاحت وسكرت الباب وشردت لداخل وهو ميت ضحك عليها وعلى صيحتها : : بالرياض.. سحر بهدوء:نايف مانمت؟ نايف بتفكير:لا سحر قربت منه:وش تفكر فيه؟ نايف بكذب:ولاشيء يلا تصبحين على خير..لف وعطاها ظهره وسرح باله لبعييييد اما هي تعودت على بروده لفت وغفت عينها بجناح روز.. كانت لابسه لبس نوم احمر طويل وحرير ومتظبطه على الأخر ومجهزه الشموع كانت ليلة حمراء ابتسمت بدخوله سكر الباب وبهدوء:السلام عليكم روز بفرحه:وعليكم السلام اهلين حبيبي..باست خده بأستغراب ويحك ذقنه المهمل اللي غزاه الشعر:ليه كل هذا؟ تمسكت بذراعه وقربت منه مسحت ذقنه وببحه:مفاجأه لك من زمان عنك اشتقت لك مسحت على صدره بلع ريقه رفعت يدها تحاوط رقبته سبقها ومسك يدها وبغير نفس:انا تعبان ابغى انام روز بأبتسامه:كلنا ببنام ما اشتقت لي؟ سلمان لف وجهه وبجمود:طفي هالشموع ابغى انام والا اقولك خليها لك بروح انام روز وقفت قدامه وبدموع:ليش متغير علي همم ماصرت اشوفك يا عند ست الحسن يامشغول سلمان متى اخر مره قعدت معي متى اخر مره عطيتني حقوقي بالفراش كزوجه همم انا اقولك 5 شهور مسح وجهه زفر:اعوذ بالله من الشيطان الرجيم يابنت الناس "بضيق" انا وين وانتي وين ماتشوفين الدنيا مخبوصه ابوي تعبان من وفاة اعز رفيق له وندى روز بحده:الله ياخذها سلمان ضيق عينه:خليك كافيه خيرك وشرك تصبحين على خير اسهري مع هالشموع لحالك...طلع صفق بالباب جلست على طرف السرير تندب حظها وكل يوم سلمان يثبت لها ولائه لندى حتى وان مابين وهي العالقه بالوسط ... فتح باب جناحهم اللي ماخلا احد يدخله غير الخدم رغم قرار عمته هيا اللي اصرت يكون لفواز اذا تزوج وقف بوجهها وصارت بينهم مشادة رمى نفسه على السرير رفع جواله شاف صورة فرح بالخلفية ابتسم كانت طالعه عليها عيونها كل شيء ماعدا انفها طلعت له ..تركه على جنب وقعد يتقلب يدور النوم وهو مجافيه... : : بالصـــــبـــــــــاح ,, زفر صقر بهدوء ويسمع لسعود:ادعي له بالرحمه لمتى بتقعد حابس نفسك بالبيت فهمني؟ صقر وعينه لقدام:خلاص راح الغالي راح سعود ربت على يده:ادع له بالرحمه حزنك مابيرده من قبره كلنا حزنا لكن مانقدر نعترض قدرة ربي صقر بعدم تصديق:مات بفراشه فجأه جيت بصحيه لصلاة الفجر مارد علي ناديته وهزيته مارد تخيل مارد سعود مقدر انه بوضع صدمه :انما الصبر عند الصدمة الاولى راح لربه ياولدي راح للي ارحم مني ومنك صقر بمراره:ماودعته سعود كان اخر شيء ينقصه ان صقر يذر الملح على الجرح:كلنا ماودعناه ماكنا ندري باللي ربي كاتبه دق الباب رفع راسه شاف جسار داخل طارت عيونه صح عرف انه خرج من المستشفى لكن توقعه بالبيت بخوف:جساااار!! صقر رفع عينه ووقف قرب منه جسار صافحه وبحزن:عظم الله اجرك لازال مصافحه:جزاك الله خير بعد عنه لف وبهدوء:عندك وقت لي والا مشغول؟ سعود ماعجبته نبرة صوته:عندي بس ..سكت صقر حس على نفسه:انا استأذن منكم وراي اشغال فوق راسي سعود وجسار:حياك الله.. خر صقر جلس جسار بهدوء اليوم لما صحى نزف جرحه وتحامل على نفسه اخذ مسكنات:لؤي وينه؟ سعود بعين ضيقه:هاللحين هاللي مطلعك من المستشفى بكبره ومشقيك تجي تسأل عن هالهايب جسار سكت عرف انه ماعنده خبر وقف:اذا عرفت مكانه بلغني بيخرج وقفه صوته:جسار!! لف وبهدوء كمل:قريت وصيتك طلعت عينه كمل:اسماعيل عطاني اياها جسار بأبتسامة ساخرة:عسى قريت المديح والثناء بحقك سعود بتألم:بتزين الامور ياولدي هز راسه بالنفي وبصدق:خلها على ماهي عليه اريح لي و للجمييييييييع "شدد عليها" عن اذنك..وخرج : : بالجهه الثانية.. طفشت وهي جالسه لحالها وهو نايم اربع وعشرين ساعه زفرت بضيق:لعنبوا ابليسه مايشبع ذا القرد؟ قامت وناويه نيه شينه فتحت الباب شافته نايم سكرت المكيف وبتخصر:هييي انت يا ابو الشباب وراك ماتشبع من هالنوم هييييي "فواز" حدث ولاحرج اختفيت انا واوم برقع منكم فتره تدرون ليش؟ لأني انا متعمد لاصرت اشوف وجهها ولاتشوفني من بعد حادثة الاسلحه اللي راصتها ومسويه تستعطفني اثاريها طقتها ضحك وقالت بالفم المليان "اعرف خشتك لو بدحس" خلوني اعرف لكم معنى كلمة (دحس) واللي من ضمن مصطلحاتها اللي مادري من وين جايبتها الدحس هو حسب ماعربته لي لاحظوا عربت :مكان صغير يشبه مكان الضب وصللت!! ماعليه بتوصل لأني فهمتها متأخر المهم اختها ولدت وسوت مناحه الا تروح وجكاره فيها رفضت خليتها تكلمها وتعتذر منها وصرت انام واريح راسي منها ومن لسانها طمرت فوقه وبمزح ثقيل:قووووووووم يلااا خلنا نطلع نشم هواء ياليابس وش لنا بهالزهق شفتوا كيف الميانه اللي طاقتها لعنبوا ************ ********************** بنت ************** طبعا بشفره لكم لأن راسكم بيشيب رميتها بقوة طاحت بالأرض حكت شعرها:آآي وراك انهبلت يارجال؟ رفعت حاجب وابتسمت بخبث رفعت حاجب :ليه ماتعصب علي وتصارخ مثل عوايدك هالاسبوع ما انت بعاجبني ابدا "حكت ذقنها" لايكون جني راكبك؟ بعصبيه:جني يركبك ولايخرج استغفر الله نعممممممممم وش تبيين اخلللللصي علي؟ قامت ابتسمت ومثل العاده العبايه عليها والبرقع صرت اشوفه ايام الويكند جد والله لاتضحكون صارت تفصل اومها من راسها رفعت عبايتها وشمرت الأكمام:قوم خلن نهرج مع بعض خاطري ضايق رفع يده للسماء ومن قلب:ياجعله دوووم يارب طيرت عيونها:تفف منك بعدين يستجيب دعائك تأفف:خييير وش تبين؟ جلست جنبه ضربت فخذه :والله ان خاطري بمندي مع شطه وببسي آآآخ ياسعابيلي بتنقط شوف من امس وانا نفسي فيه لدرجه شفت المخده دجاجة مندي وقمت عضيتها وطلعت قماش تخيل؟ شوفوا هو واحد من الأثنين ياتدفني يا ادفنها قال ايش تخيلت المخده دجاجة يااااااااااااااااارب رحمتتتك عضيت لساني:جعلك تعضين ذيل القطاوه طيب انتفظت وكشرت:ووووع الله يقرف كبدك انت ماتخلي الواحد يتهنى بخياله ويسرح الا تدمره فواز زفر:والمطلوب؟ ابتسمت:بوه تحت مطعم يسوي مندي انفدا ذا الوجه السمح ان تفز ولاترد خاطري وتجيب لي دجاجه كامله وانت اذا بغيت ربع مابه خلاف وانا اختك طيرت عيوني ذي تستهبل والا من جدها:ربع ها وانتي كامله حسبنا الله ونعم الوكيل هاللي بقوله كشرت:وراه تتحسب عشان لاتدفع هذا وانت امير تكح يطلع فلوس تعطس تطلع فلوس حتى يمكن لادخلت الحمام تطلع لك فلوس انتفضت:قل اعوذ برب الفلق قولي ماشاء الله الجازي بسرعه:ماشاء الله هاا تففف تففف تففوووه عشان تعرف اني عيني مو حاره "غمضت عيني خلاص اندمرت تفلت بوجهي متعمده ينقالها تتفل عشان ماتعين فتحت عيني الا لقيت فركت احسن لها واحسن لي لأن بذبحها وين بتروح المطبخ كالعاده لكن هالمره المفتاح مو فيه" قام مشى بهدوء وروقان وهي تصيح :يؤؤؤؤؤ وين المفتاح وين راح حسبي عليك هاللحين بيسويني دجاجه مندي ياربي داخله عليك قرب كتف يده وميل جلسته على الباب:المفتاح معي شهقت بقوة:ايا السروق "السارق" قرب وهي ترجع ويقرب وترجع صدمت بحافة الدولاب غمضت عينها لا اراديا:لاتسويني دجاجة مندي عقد حواجبه فتحت عيونها:هاللحين ما انت معصب مني ؟ هز راسه بالأيجاب.. تكلمت بسرعه:وبتكفخني؟ هز راسه بالأيجاب فجرتها:طيب هق مي ؟ فرصع عيونه:وشهو رفعت يدها:هق مي يعني احضني الكريسمس قرب ياييلد وحبتين "سوت حبتين" دنيا فانيه فلها لا لا لا خلاص صحوني من هالكابوس يلللد اجل ذي مصطلحات "الدرباويه" المخيسين منين تعلمتها سحبت فكها:منين تعلمتيها؟ حست بتوجع:آآآي جاني كاست تركها بيخر بيحقرها احسن شيء صاحت :والمندي؟ رجع طل عليها رفع حاجب ضحكت:حلللفت عليم ماتكلف على نفسك وتجيب شيء بسوي لي اندومي مابه خلاف بيسد جوعي عرف يظبطها ابتسم بخفه وخرج رفعت يدها :ياعلك ماعادني بقايله يالقرد يالبايس ياعمود الكهرباء يالثور يالمتعوس ياللئيم جعل مصارنك تتلوى واسهال يقطع بطنك ووو انفجعت لما شافته داخل بياخذ له مويه ابتسمت :ههههه ويرزقك ببنتلي حمراء وذيك الشقراء المزيونه وعيالن يفتحون النفس فواز ببكيه:يختي من داعي علي ابغى اروح اتسامح منه ويحللني منهووو؟ هزت راسها مثل الهنود:ني ماالوم طويل فتح فمه:وشهو؟ ابتسمت ودقت رقبة وبفرحه انه يجهل هالكلمه :معناته ما اعرف بالهندي ماتتابع افلامهم؟ صاحت متحمسه:ابعلمك قصتن عن فلم هندي ياهو ضيق صدري وبكاني تخيل البطله كل ماحبت واحد يخونها وتقتله هاثمـن اكتفى انه اعطاها ظهره ومشى لحقته وترفع صوته:تعال اقولك وش سوت هالبطله تعرضت للأبتزاز وكان عندها خدم وهم يساعدونها تذبح رجالها وو وقفت عند الباب تطاير شعرها لما صفق بالباب برجه:خلني اعلمك النهاية شد شعره:اذلللفي لفت وبعدم اهتمام:وش وراي بعلمك القصه غصبن عليك عشان تاخذ العظه والعبره لا اسدحك يوم من الايام هنيا واطلع الاثيوبي الصغير اللي بداخلي ثمن اذبحك انتفظ بخوف وهي تمزح لكن ماصار يستبعد منها أي شيء : : حــــــــائــــل.. خرجت من الغرفه وبسرعه:لازم اروح للصيدليه ناديه وسميه طالعوا ببعض زفرت بغيض :مو معقوله بتقعدون حارسيني وكأني مجنونة حليب بنتي خلص بروح الصيدليه اللي بنهاية الحارة واجيب لها بسرعه سميه وقفت:وانا بروح معك زفرت تخصرت وبعين ضيقه:ماراح تتركوني ارتاح انا ماني طفله ولامريضه شوفوا صاحيه واخذ واعطي معكم "بانفعال" بنتي لازم لها اغراض انتم من جهه وسلمان من جهه وامي من جهه فكوا عني شوي ريحوووني اوووووف عيشه ماتنطاق.. دخلت صفقت بالباب بقوة ناديه نزلت جوالها وبأندهاش:لازم نروح معها سميه بدون نقاش:انتي خليك انتبهي للبنات وانا بروح معها وبعد باخذ لي اغراض محتاجتها لبست عبايتها وبيدها شنطتها وبأستفزاز :يلا ماما سميه لانتأخر ناديه بضحكة:يابنت ليش كل هالعصبيه احمدي ربك يدلعونك رمت نفسها على الكنبه وبصدق:أي دلع كلن يخنقني من جهه سميه بتطنيش:انتظريني بروح البس عبايتي وارجع لك ندى بسخريه رفعت صوتها:عجلي لأن ما اضمن لك يمكن اصير مجنونة واطلع وارمي نفسي بأي سيارة قدامي.. ناديه بغصه:ندى انتي ماتحسين على نفسك يعني اللي تسوينه امس لقيناك نايمه بالحوش بعز هالبرد ندى بأنكار:مستحيييل انتم تبغون تطيرون عقلي بدخول مضاوي ومعها فرح نقزت مثل المقروصه :عمي سعود نسيت ما اكلمه واعزيه ناديه بخوف:ليه من مات؟ مضاوي زفرت وبحزن:صديقه كان رجال طيب الله يرحمه مات فجأه ناديه بحزن:الله يرحمه اعوذ بالله من موت الفجأة كثر الله يجيرنا ويرحمنا مضاوي وندى:آمييين ندى بهدوء:يكون ولده صقر اللي قلت لك عنه ناديه تشققت من الفرحه عدلت جلستها وبخبث :القنصل البطل مضاوي لاحظت نبرة ناديه اللي كانت ترمي شيء وابتسامة ندى حست بشيء غريب فجرتها :صقر راح يمرني ويعطيني اغراض لفت بقوة تحس وجهها تفجر من الحمره لعبت بكم عبايتها وناديه تضحك بقوة:هههههههههههههههههههه� �هه قامت ندى قربت منها وهمست:اللحين بتظن شيء ثاني ناديه بحالميه:القنصل ماي هيرو شفت صورته رززه ابن اللذينا خصوصا جسمه ايييي استغفر الله فتحت فمها ندى بصدمه انفجرت ضحك ناديه:ههههههههههههههه نسيت انه البطل حقك ندى خنقتها:ولاكلمممه اللحين اللي يسمعك بيظن شيء ثاني ناديه بعدت وبحالميه:الامير سلمان بن سعود والقنصل صقر بن محمد بمواجهة بعض للظفر بقلب المحبوبه ندى آآآخ متى يجي اليوم اللي يتضاربون فيه عشاني مضاوي بسرعه وبغيظ:انتي وش تقصدين؟ ناديه فتحت فمها وندى تلون وجهها عطت ناديه نظره:مرفوع عنها القلم.. شافت سميه جات حمدت ربها طارت لعندها حتى ماتشوف نظرات مضاوي خرجوا من البيت وتوجهوا للصيدليه اللي كانت بأخر الحارة ندى بحيره:سميه أي رقم سميه قربت:خذي 7 صار بنتك عمرها شهرين خذوا اغراضهم ورجعوا على رجولهم لأن المسافه قريبه مو بعيده لكن فيه سيارة جيب لكزس سوداء كانت واقفه عند البيت وقفت لا اراديا وبسرعه:هذا صقر سميه بأستغراب:من يكون؟ مشوا لحد ماقربوا من البيت شافت صقر معطي ظهره للباب ويكلم مضاوي ويناولها ظرف ماتعرف ليه ابتسمت فجأه لأنها تحس مديونه له كثير هو اللي كان واقف معها بالغربه وساعدها وكان انسان محترم ماشافت منه أي غلط لمح ثنتين واقفين بيدخلون بس منحرجين بعد شوي دخلت سميه وهي وقفت وبيدها كيسة الصيدليه وبهدوء:صقر كان منزل راسه بالارض من احترامه لهم لكن مستحيل ينسى هالصوت اللي كان يتغنى فيه ليالي حس روحه رجعت شوي من بعد خسارته لأبوه لازال منزل راسه ويحاول لايبتسم:سمي حست على نفسها واقفه وتكلمه بأي صفه لكن لازم ترد له عزاء بهمس:عظم الله اجرك شد حيلك وادعي لي بالرحمه ابتسم ابتسامة باهته :جزاك الله خير نزلت راسها بتدخل سمعت صوته:لحظه!! لفت ومنزله راسها:آمريني يا اخوي كلمة "اخوي" نسفت كل اللي بناه هز راسه :سلامتك بس ادري جات متأخره مبروك ماجاك تتربى بعزك "بغصه" وبعز ابوها ان شاء الله وعقبال ماتفرحين فيها ابتسمت من ورى الغطى لطيبته وقلبه الكبير :تسلم اللهم آميين عقبالك دخلت وكانت مضاوي واقفه وتطالعها بنظرات غريبه بتدخل مسكتها من يدها وبهدوء :لاتسوين بسلمان كذا طلعت عينها :وش اسوي فيه؟ مضاوي بغيظ:لاتكسرين قلبه ياندى انا حذرتك نظفت يدها وبحمق:ولدك اللي تدافعين عنه وخايفه عليه كسر قلبي اكثر من مره قلوب عيالكم لاتنكسر لكن بنات الناس اكسروا قلوبهم وهينوهم وعادي صح بس حتى اصحح لك شيء واحد كل اللي حولي يقولون هاللي يصير لي بسبب السحر طيب اللي قبلها افعالي كانت جنون والا ردة فعل على اللي شفته منه فلا تقعدين تسوين محامية دفاع على ولدك وتتجاهلين اغلاطه "بحمق" انا كل اللي يهمني بنتي وبس عايشه عشانها وبالنهاية هاذي حياتي ماله أي احد حق انه يتدخل ويقول لي اسوي والا ما اسوي شفتي هالانسان اللي واقف برا وتظنين فيني ظن السوء وقف معي بالغربه وكان احسن من ولدك اللي ماكلف على نفسه يهتم فيني والا ببطني انتي وعمي سعود سبب كل هذا هو خبى الحادث عني وبكل بساطه يقول مالنا نصيب مع بعض وانتي جالسه هنا وتحكمين علي بدون ماتعرفين اللي مريت فيه بهذاك القصر اللي خلاني افقد كل شيء املكه لافادني النسب والجاه وطلعت خسرانه منه وكل ماقلت لعمي سعود لي ماعلمتني بالحادث تهرب مني ولاتكلمت مع سلمان وقلت له حتى ابوه مايطيح من عينه "صقر واقف برا لكن حدة اصواتهم خلته يلتفت لكلامها كانت مبين عليها الأنفعال استغرب ويسمع كلامها اللي خلا الأمل يرجع له من جديد" زفرت بقوة ورافعه سبابتها:ادري اني غلطت كثييير وتماديت بحق سلمان ما انكر وكان الغرور صايبني لأني ماتعودت الا رافعه راسي وهالشيء تعدى عن حده لكن ماخنته ولافكرت بيوم اني اجرح قلبه أي وحده بتمر باللي مريته صدقيني كانت بتسوي مثلي والعن بعد اللحين ارتحتي ؟ مضاوي مصدومه من كلامها ركزت نظرها فجرتها:باقي تحبين سلمان؟ لف صقر بسرعه وقلبه يدق ينتظر الجواب وهي جمدت مكانها ومضاوي تترقب جوابها.. لكن في سيارة وقفت ونزل منها شخص تقدم له بسرعه وعروق دماغه بتتفجر ماعاد يحس لنفسه وبصرخه:صقررر!! لفت بفزع لما سمعت صوته وبخوف:ٍسلــــمان!! قرب منه التفت بكل برود وابتسم على جنب وقف قدامه ومسحه بنظرة :قلت لك ما انت قدي لصق فيه وبهدوء عصف بسلمان:اذا واثق من نفسك لاتخاف شد على قبضة يده وصر على اسنانه بقوة وبفحيح سام قرب زياده و و و و و انتظروني ببارت جديد.. بالنسبة للي يقولون من سمع خديجه وعادله راح نعرف بالبارت الجاي لاتستعجلون ... وتنويه جسار بطلي الجسور محال احرق ورقته وحبكت الأحداث وقدرت العب بأعصابكم بس هذا عالم الروايات لكم قبلاتي ولا احد يتوعد فيني ههههههههههههههههه.. تابعوني على الانستقرام _missmilano دمتـــم بود "مــــس ميلانو" | |||||||||
|
| |
|
25-12-14, 05:22 PM
| #75 | |||||||||
| نجم روايتي ومشرفة سابقة وفراشة متالقة بعالم الازياء
| صبـــــــاح الخـــــزامـــى واليــاسمين صباحكم رضا وطاعة الرحمن... شلونكم ان شاء الله بخير طبعا اعتذر مفروض البارت ينزل امس لكن صارت لي ظروف صحيه منعتني اكمل كتابه بنص الأسبوع ويشهد الله تو صحصت زين من هالتعب تعرفون تقلبات الشتاء لكن اتمنى هالبارت يعجبكم واتمنى الردود اللي تبرد القلب حزب ندى وحزب روز جهزوا نفسكم بهالبارت أي صح ترا باقي ورانا مشوار طويل عينوا من الله خير الجازي وفواز بيكون لهم ادوار ودليم والعنود ما بنساهم لكن حاليا لازم نركز على الاساسيين و احبكككككككككم البارت 34 بســــــــم الله نبـــدأ ليفتح التاريخ مذكراته عن قصة فتاة صغيرة تناهز الثانية عشرة من عمرها ,خُطفت من ديارها بعد وفاة أمها بثلاثة أسابيع فكانت صيداً ثمينا لتجار الرقيق لأنها ذات حسب ونسب وجمال الفتاة الصغيرة التي اختطفت من بلادها بلوشستان وبيعت الى سوق النخاسة ومن ثم لحاكم عمان الذي اهداها بدوره الى نائب الملك بالأحساء ابن جلوي ومن ثم الى احدى الملوك الذي انتزع امارة عانى الجميع من ضمها لتصبح المفضله من بنات اقرانها بذاك القصر واول جارية نالت صك تحرير عبوديتها لتنجب صبي وفتاتين ومن استطاعت ان تظفر بقلب الحاكم وتغير قدرها من جــــــــــاريــــة الى اميــــــــــرة.. **حقيقة اما تصبح امرأة حالها كحال الجواري وان لم يعد هناك رق وعبوديه ولكن جارية لقلب من اقترنت به واوشم حبه لتحمله وتخبئه خلف مكان ينبض خلف اضلعها يدعى "قلبها" وان تألم وبكى هل تدخل مضمار السباق؟ وتراهن على مستقبلها كما راهنت تلك البلوشيه التي حفرت اسمها بالتاريخ ام تكتفي من علقمة هذا العالم؟ حقيقة اننا بأستطاعتنا ان نوشم تاريخنا بأيدينا.. حقيقة ان نسعى لنكون جزء من القصة وجزء من رواية (عابرات فوق ألسنة النيران) بطلتي المتهكمه المتملكه كما رأيتموها هل ستعبر السنة النيران وستكتب تاريخ جديد يضم عهدها؟ : : منسدح على السرير ويده تحت راسه واليد الثانيه على بطنه لما ليس لنا حيلة عندما يتعلق الأمر بذلك المدعو (قلبنا) ؟ ثبتت عينه على السقف ويستذكر احداث الأسبوع لصق فيه وبهدوء عصف بسلمان:اذا واثق من نفسك لاتخاف شد على قبضة يده وصر على اسنانه بقوة وبفحيح سام قرب زياده مسكه من جهة صدره وجره له وبغضب:حذرتكك وقلت لك ما انت قدي تحمل اللي يجيك جات عينه على يده اللي ماسكه ثوبه وبقهر مسموم:شيل يدك دفه بقوة ورفع حاجب:والا وش بتسوي همم يلا ورني رجولتك صقر بأستخفاف:تراك فاهم الرجوله غلط الرجوله ماتنقاس برفعة اليد اووه نسيت لك تاريخ مشرف برفعة يدك على الحريم بيتهجم عليه مسكه نايف وثبته وهو يصرخ طاح قلبها ومضاوي دمعت عينها:كل شيء يصير بسببك ماتحملت تغطت وخرجت بسرعه شافت سلمان ثاير وانفلت من نايف وتهجم على صقر اللي يدفه وقفت بعجز نادته:ٍسلمان اتركه لكن الغيره تولد لنا قسوة غريبه يضرب بصقر اللي بدوره يضربه تحس قلبها طاح بالأرض ونايف ماقدر يفك بينهم حست بيتذابحون صرخت بقهر :سلماااااااااااان لف ونفسه يطلع وينزل وهي واقفه بعيد عنه شوي بوهن:اتركه ضيق عينه من كلمتها ويراقب لمعة عينها اللي تدمع قرب منها متجاهل صقر وبنظرة تطلق شرار:خايفه عليه؟ اكتفت من الشك والغيرة نطقت:مو مثل ماتظن هو جاء عشا قاطعها رافع سبابته ويشير لفمه:اووش انكتمممي طبيعي راخي لك الحبل انتي هنا وانا بالرياض ياغافلين لكم الله صقر بأمتعاض:استح على وجهك لف عليه قرب وصرخ بوجهه:بتذلف من وجهي والا ؟ صقر بتحدي قرب:بتلوي ذراعي ببتر ذراعك قبل لاتوصل لها انا صقر على اسم الصقر حر مايطوقني العجز ولايغلبني سفيه مثلك من البشر "بصدق" جاي لأن ابوك وصاني على امانه اوصلها ووصلتها مسح ثوبه المغبر رفع غترته حطها على كتفه وبأسف واضح:اوزن الأمور وحكم عقلك قبل لاتتهم بشيء غلط يحس بناااااااااار تلسع صدره مو قادر يتحمل ثامر ونهاه من الغيره صقر بيلحقه اللحين حس كيف الغيرة تذبح تعمي العيون قبل ماتموت القلوب نزل راسه صقر بخجل ركب سيارته ومشى لف عليها همست بتوتر:ليش جاي؟ نايف بهدوء:انا بنتظرك بالسيارة..مشى وتركهم اشر للبيت:ادخلي وسكري الباب "رفع سبابته بتهديد" ثاني مره ان شفت هالكلب موطوط عنا بكسر رجله ادخلي اشوف عينها على سبابته اللي رافعها فجرتها:جرب تكتوي بنار الغيرة مثل ما اكتويت فيها .. دخلت سكرت الباب تاركه وراها انسان تجرد من حنيته المعروفه انسان تغير 180 درجة صار مختلف من احسن لأسوء فتكت به للأنهيار فسخت نقابها وابتسمت بأستهزاء لمضاوي: شفتي الحياة الحلوه مع ولدك اخاف الناس يصكونا بعين هه ..مشت تعدتها ومضاوي واقفه تهز رجولها بقلة حيلة خلت الشك يدخل بقلب سلمان وهي السبب زفرت:ياااااارب.. بغرفة البنات.. فتحت الباب شافت ناديه منسدحه:نايمه؟ عدلت جلستها ولازالت بالظلام:لا تعالي بس لاتشغلين النور تسحبت لها بعدت ناديه لها رمت نفسها جنبها على السرير لدقائق التزموا الصمت ناديه بضحكة:كيف تعرفين انك معجبه بواحد؟ ندى بهدوء:اعجاب والا حب؟ ناديه بضحكة:هههههه لا ماوصلت لحب يعني شفتيه مره بس هالشخص مو راضي يطلع من بالك يعني تفكرين فيه ندى بتجاهل للي صار رغم نزف قلبها:سهيل والا من؟ نطت مخترعه:لا والله سهيل هي مره شفته لما فتحت الباب تذكرين؟ ندى:هههههههه لما قال خلوا شغالتكم توطي صوتها ناديه قبصتها صاحت ندى:آآي ناديه رجعت راسها على المخده:تستاهلين لا مو سهيل امم بسألك بس انتي لاتدققين اوكي ندى بهدوء:قولي ناديه بتوتر:تذكرين لما جاء سلمان الاسبوع اللي راح وتعبتي فيه؟ ندى بغصه لذلك اليوم:ايه ناديه بخجل:من اللي جاء معه؟ ندى ببرود وعينها لفوق:نايف اخوه بلمت:هااااه فزت ندى على حيلها مسكت يدها وشدتها :ولايطرالك تفكرين ناديه بفجع:بسم الله وش فيك؟ ندى بخوف عليها:ناديه لا انسيه طلعيه من مخك مدري كيف شفتيه لكن لاتفكرين فيه طلعي هالناس من بالك مو قدنا لاتدورين ورى شقاك ناديه بتوتر من اندفاعها:ندى هدي وش فيك؟ ندى بصرخه:ماينفعون ووووبس شيليه من راسك بعدين هو متزوج وشفتي زوجته اللي اسمه سحر حضرت العزومه ناديه بهدوء:مو عارفه ليش منفعله لهالدرجه بس سألتك سؤال حست انها زودتها اعصابها تالفه من اللي صار ومن كل شيء مسكت يدها وشدتها:كل اللي قلته من خوفي وحرصي عليك حطي هالشيء ببالك حضنتها ضحكت ناديه:هههه ناقصه حنان ندى بتنبيه:لايضعفك قلبك ناديه بكذب:مابيضعف : : بالجهه الأخرى... سرحانه وعينها على الزاوية ريم بأستغراب:روز ليش متضايقه؟ روز بحزن:سلمان نسى حبه ريم بضحكة:لا طبعا لايكون نسيتي ان اول وحده بحياته هي انتي لاتنسين كيف قوم الدنيا وقعدها حتى تكونين له لولا رفض جماعتنا لنظامهم السخيف مايزوجون من عائلته لايكون نسيتي ترك هاذيك وخذاك انتي ؟ روز بغصه وبتألم:سلمان هجرني بكل شيء لا بعقله ولابقلبه ولا حتى "ببحه" الفراش شهقت ريم لفت روز وبعين مدمعه: عقله وتفكيره مع ندى بس انا استاهل قبلت ادخل هالحياة وادخل على ضره قبلي ومو أي ضره انسانه قوية بأس ومسيطرة كنت بظن لما يشوف الفرق بيني وبينها راح يتركها فورا ويكون لي وحدي لكن تمسكه فيها يجنني سلمان قاعد يتحدى نفسه من سنه كامله وانا اللي خسرت بالنهاية ضحيت بعيالي عشانه وهو خذاني حتى يكسر راسها وان خذاني لحب هالحب انطفى وصار رماد اهىى اهىى حضنتها ريم بقوة وتمسح على ظهرها وبهدوء:خلاص اهدي الامور بتتصلح بالجهه الأخرى من القصر.. سعاد بهدوء:صار اللي طلبتيه مني وهذولا واقفين قدامي سكرت سعاد لفت بشويش على ^ ^ ^ ^ ^ ^ ^ ^ البــنــــــــــات الأفغــــــــــانيـــــــ ات.. ابتسمت وعينها لقدام.. بالجناح الأخر.. عادله بخوف :والمطلوب مني؟ :شوي شوي لاتستعجلين على رزقك خلي الأمورة توصل بدخولها رفعت حاجب:شرفت حرم الامير سلمان روز روز بخوف اشرت لها عادله تدخل عادله بتعب:اخلصي وش اللي بتطلبينه حتى اضمن سكوتك؟ ضحكت بصخب:هههههههههههههههههههه مع احترامي لك ياعادله انتي بوضع مايسمح لك تاخذين وتعطين معي همم "تحولت ملامحها للجديه" سمعت كل شيء بأذني الثنتين لما نرجع لورى شوي... خلف الأبواب كان واقف شخص نزل عليه الكلام مثل الصااااااااااااعقه خرجت عيونه انشلت اطرافه من الحركه وانلجم لسانه وكأن من كب موية ثلج عليه عادله بنهر:اطلعي برا لا اشوف وجهك احسن لك رفعت صوتها بغضب:راح اطلع لكن حسابنا ماخلص عادله بكرهه:مابقى الا خدم يرفعون صوتهم علينا فتحت الباب خديجه بقوة بتخرج وقفت من الشخص اللي واقف طلعت عينها لفت روز شهقت وعادله اتسعت عينها بصدمه ضحكت بأستخفاف:لهالدرجة هالندى لاعبه بحسبتكم ماقدرتوا تخرجونها بطوع سلمان حطيتوا لها سحر فعلا انتم ناس مريضه وماتخافون من الله روز قلبها يدق بقوة هزت راسها بالنفي :مو انا مالي دخل هم السبب مو انا ميلت ابتسامتها دخلت سكرت الباب وراها لفت وعينها بروز:حذرتك قلت لك هي مو خصم حي الله راح تتعبين معها لأن بالمختصر كلت عقل سلمان وانتي ياعادله المبجله صرتي مجرمة مع مرتبة الشرف السحر ينضم لبطولاتك اللي كانت بالقتل والتمويل والابتزاز طلعت عين عادله تكلمت بهدوء:ايي اعرف ماضيك الوسخ لو تبغين عطيتك برنت كامل عنه انتي تظنين مجرد ماعطوك الصلاحية حالك كحال الاميرات تعتبرين منه لا فوقي انتي لاتشيلين دمنا ولاتشيلين بداخلك حتى طفل من سلالتنا مين انتي حتى يضربون لك الف حساب هاا؟ عادله بغيظ صرخت:جواااااااهر ابتسمت كتفت يدها:بعد شوي راح يوصل سلمان اكيد ولازم يعرف هالشيء عادله بغيظ:سلمان بحايل ضحكت بقوة:هههههههههههههه عند ندى هممم ههههههههههههه شر البلية مايضحك روز بأنتفاظة ودموع:لااا لا الله يخليك ابوس رجولك لاتقولين له لفت على خديجه اللي منزله راسها:وين السحر؟ عادله عطت خديجه نظره اللي تكلمت بثقه :مدفون بالحديقه تحت شجرة لوت فمها تكلمت بضيق:انا كنت احس مثلكم كنت اكرهها وابغض وجودها واحسد تعلق سلمان فيها كنت اشوفها شيطان لكن ماوصل فيني الكره اني اسوي فيها اللي سويتوه "بصرخه" انتم دمرتوها وفرقتوا بين اب وبنته كنت قبل سنه واقفه مثلكم واخطط حتى ابعدها عن حياتي بهالوقت هي انقذت حياتي ولها دين علي "عادله بصدمه لفت لروز اللي منزله راسها وتبكي وخديجه اللي رفعت راسها بأستغراب من دفاع جواهر اخر شخص يتوقعون يدافع عن ندى بهالشكل هي جواهر " بصرخه:خديييجه وين السحر؟ خديجه بسرعه:تحت بالحديقه عينها مثبته على عادله:تعرفين وين مكانه؟ خديجه هزت راسها عادله بحده:جواااااااهر لاتنسين اللي سوته فيك جواهر بضحكة:عدا انها غلبتني ماسوت شيء ثبتت نفسها مثلك اصلا مو عارفه ليه عمي سعود مخليك بذمته لهاللحظه؟ خرجت ووراها خديجه جلست بسرعه ونفسها غير منتظم فركت صدرها صرخت روز:انتي السبب اهىىى قلت لك حراااااااام ماسمعتيني عادله بسخرية:انتي مشاركه بالشيء اللي سويناه طلعت عينها هزت راسها:كذذذذب عادله بلؤم:سكوتك يكفي روز طاح قلبها بكت بقوة وببحه:خفت اخسره عادله بصدق:اصلا متى كسبتيه حتى تخسرينه ما احد كسبه غير بنت سميرة اصحي لنفسك نزلت بهدوء ووراها خديجه صادفت مها اللي كانت تطالعهم بأستغراب:جواهر شتسوين هنا؟ جواهر بهدوء:عمي سعود موجود مها هزت راسها:بس بمكتبه جواهر نزلت وكملت طريقها لمكتب سعود مها مسكت يد خديجه وبخوف:وش صاير ليه وجيهكم كذا مقلوبه؟ خديجه بخوف:العم سعود لايصير له شيء مها بفزع صرخت:وش صااااااااااير؟ دقت الباب وصلها صوته:تفضل دخلت بهدوء ابتسمت:السلام عليكم سعود بأبتسامه حنونه:وعليكم السلام حي الله بنتي جواهر قربت منه باس راسه وبحب:الله يخليك نزلت راسها لاحظ وجهها المتغير بأستفسار:جواهر وش فيك ليه وجهك مقلوب؟ بدخول مها اللي ترجف ووراها خديجه اللي منزله راسها بخوف:وش صاير؟ جواهر بلعت ريقها وبهدوء:خديجه راح تقول لك عن كل شيء تلفت اعصابه بحده:تكلموا وش صااااير؟ جواهر بهدوء:عمتي مها سكري الباب وراك دخلوا بهدوء وخديجه منزله راسها جواهر بغيض:تكلمي ياخديجه قولي كل شيء رجفت خديجه وتبكي وقالت له كل شيء طلعت عينه بغير تصديق للكلام اللي يسمعه ومها مصدومه وجواهر لافه وجهها وقف بعد صعوبه ويحس نيران تحرق جوفه هم سبب كل شيء يصير سبب نفور البنت التي اعتبرها وحده من بناته خرج بسرعه صرخ:حسبي الله ونعم الوكيل التفتوا بفزع ماقدرت عادله تاخذ نفس من هول المصيبة اللي طاحت عليهم وعينها على سعود ضرب عصاته بالأرض وبحده:وين السحــر؟ خديجه نزلت راسها من الخوف:مدفون تحت شجرة بالحديقه سعود بحزم:وريني مكانه قدامي؟ مشوا تاركين روز اللي بتنجن وعادله اللي جلست على الكنبه وبهدوء:خلاص انتهينا لفت روز وبصرخه:انتي السبب اجبرتيني اساعدك عادله بحمق ونظرات غاضبه:ما احد ضربك على يدك وقالك تسكتين خرجوا للحديقه وبدأت خديجة تحفر وتحفر وتهز راسها بالنفي وتحفر لفت وتهز راسها بالنفي:مستحييييل انا حاطته هنا سعود بحمق:وين السحر!! بجناحها واللي يطل من الجهه الثانيه على الحديقه واقفه بجلابيتها الحمراء الفخمه رفعت ذقنها وبأبتسامة نصر وشامته لسعود اللي لف وعينه عليها ومها رفعت عينها تتمنى تعرف سبب سكوت سعود عن عادله وافعالها احيانا تحس انها ماسكه عليه شيء واحيانا ساحرته عادله بهدوء:مسحي دموع التماسيح هاذي روحي لغرفتك مصير سلمان يطفش ويرجع لك ولارجع استقبليه يلا سويت فيك جميل روز بلعت ريقها وبرجفه:والسحر؟ عادله بضحكة وخبث:لاتخافين ما احد راح يلقاه روز ببكيه:سلمان راح يعرف ويقلب الدنيا لفت عادله وصلت معها منها:احيانا اتمنى لو تاخذين مم هاذيك وتبعدين عنك هالخوف خليهم يقولون وين الدليل حفروا قاعدين يتبلونا :عااااااادله لفوا سوا لسعود خافت سمعها توجه لها رفع سبابته:والذي خلق سبع لو اكتشف لك يد باللي قاعد يصير لندى بتندمين عادله بكره:وكل ماصار لها شيء رميتوا البلاء علي وين السحر هاااا وينننه؟ جواهر بأنفعال:انا سمعتهم بأذني الثنتين يتكلمون عادله بضحكة سخرية:راح تصدقونها هي قاعده تسوي كل هذا عشان سلمان كرشها وتتبلاني ووتبلى روز اما خديجه فما بنشره عليها يمكن بنت سميره راسلتها رفع يده بيصفقها وقف همست بغيظ دون يسمعها غيره:ماضيك عندي تجرأ وسوها ياسعود تراجع وشاد على قبضة يده جواهر بحده:عمممي انا سمعتهم بأذني الثنتين سعود بأنكسار:حفرنا ومالقينا خرج لحقته مسكت يده وبسرعه:احلف لك بالله سمعتهم وخديجه عندك علمتك بكل شيء سعود نزل عينه وبأنهزاميه:وين الدليل؟ هزت راسها بالنفي:لا عمي انت اكثر واحد تعرف علاقة عادله بندى كيف كانت وحسب ماعرفت ندى مريضه ومسحوره سعود بدهشه:مريضه جواهر هزت راسها:اييه وتتعالج عند شيخ اللحين هز راسه ونزل يتمسك بالسلم ويرتعش بيطيح مسكته جواهر وبخوف:عممممي!! رفع يده بالهواء:مافيني شيء تركت يده وتحس بالشفقه والحزن عليه رغم وفاة ابوها الا ماتركها دلاله الزائد لسلمان هو اللي وصله لهالحاله لام نفسه كم وحده انظلمت بس هالدلال ; ; ; ; ; ; بالطرف الأخر من العالم وبأفغانستان تحديدا قرية (( ((شهران الكشح الأفغانية ببيت صغير يميل للخرابه يحتوي على غرفة معيشه ودورة مياه ومطبخ لاتتعدى مساحته 2×2 رفعت يدها مكبره لتركع رفعت يدها وسجدت بخشوع انتهت من الصلاة التفت وسلمت وتسمع صوت بائعين الكعك بالخارج نطقت ابنتها الصغيرة Atzur juaa: "اتضور جوعا" احتضنت تلك الفتاة من بعد ماباعت ابنتيها التؤام لكي يكونون خادمات من اجل ان تسد رمق جوع اخوانهم الصغار فزوجها مشلول وابنها الكبير انضم للقاعدة من كان عمره 11 والآن بعمر 31 ولازالت تنتظره واخوه البالغ من عمر 16 يتاجر بالأفيون لكي لايصبح مختلف عن اقرانه واصبحت تصارع لتسد قوتها وقت صغارها * فتحت عينها ابتسمت بنشوة لفت شافته مو موجود ما استغربت متعوده على نظامه الغريب العجيب ينام متأخر لكن مايجي الفجر الا وهو صاحي يروح يصلي الفجر وعلى هالموال نعمه اذا قيل الظهر وريح مددت يدها بنشاط وتحس السعادة رجعت لها بعد جلستها معاه اللي قضوها سواليف لين اذن الفجر اول مره تشوف جسار يسولف عن حياته وتفاصيلها ويبتسم هالأخيرة خلتها تضرب رجولها بالسرير بحماس وبعدها صلوا وعطاها ظهره ونام عاااااااادي متعوده على اطباعه مره كتاب مفتوح ومره لغز تعجز تحله!! اليوم بيكون وصول ام جسار وريم وقمر اشتاقت للبنات ورجتهم ولحنية امه تمططت بكسل لفت بتقوم لا اراديا دفنت وجهها بمخدته وتشم ريحة عطره الثقيله اللي لصقت فيها غمضت عيونها وغاصت لعالم ثاني.. فتح الباب بهدوء حتى مايزعجها استغرب انقلابها لجهته وهي نومتها معتدله لكن حركاتها تدل انها صاحيه ابتسم بخبث وبصوت عالي حتى تنتبه:سااااندي انفجعت رفعت راسها وشهقت بقوة التفت رفع حاجب ويمثل الجديه فتحت فمها بصدمه وبفشله حطت يدها ورى رقبتها قرب وبأستغراب:وش كنتي تسوين؟ ليلى ببلاهه:نايمه ابتسم بداخله لازال راسم الجديه:همم عجبتك مخدتي مع انها نفس اللي عندك؟ بلعت ريقها لاحظ هالحركه نقزت بسرعه دخلت الحمام "وانتم بكرامه" صفقت بالباب وسندت نفسها عليه وهو ميت ضحك هز راسه وخرج بالعصر.. جسار عطى الخدم ان اهله بيجون بالعصر لو ماسمعت من ساندي ماجهزت نفسها كانت تظن بيجون بعد المغرب قررت تغير من نفسيتها وتظبط شكلها خرجت لها فستان نحاسي حرير قصير لتحت الركبه بكم كت وقصة الصدر دائريه ومعه بوت مخمل بلون الأسود اخذت له شور طويل واسترخت خرجت نشفت شعرها قررت تسيحه وتغير من طبيعته الكيرلي سوت لها مكياج خفيف درجات البرونز لبست الفستان والحلق الناعم اللي كان هدية من ام جسار طالعت بشكلها نظرة اخيره ابتسمت برضا فتح الباب بمستعجل وبسرعه:ليلى شفتـ تجمد مكانه وعينه على ظهرها لفت بهدوء ابتسمت بخجل حرقها بنظراته المتفحصه بلع ريقه وبعدم تصديق:ليلى !! ضحكت بخفه مو مستوعب شكلها المتغير قرب منها ويمسحها من فوق لتحت بنظرات جريئة عض شفايفه حاوط خصرها وقربها لصدره وعيونها متعلقه بالأرض رفع يده مسح على شعرها السايح وببحه عذبه:انتي وش قاعده تسوين فيني همم؟ بلعت ريقها ولازالت بين احضانه بهدوء ممزوج برهبه من قربه:ماسويت شيء ابتسم وبانت صفة اسنانه على كلمتها وكأنها طفله تبرر قرب لشحمة اذنها وهمس:كل هالحلاوة ولا مسويه شيء يابنت ترفقي بحالي باس شحمة اذنها خلاص تحس بيغمى عليها تهاوت مسكها بيده وبضحكة:ترا ما اكل البشر ابتسمت ولازالت مدنقة راسها تحس راسها بينكسر رفع دقنها بيده وبحالميه:لاتحرميني من عيونك ناظريني مغمضه عينها قرب وحتى يجبرها تفتح عينها باس عينها طاحت دمعه تعلقت برمشها مسحها وبرجاء:ليلى افتحي عيونك لازالت مغمضه وبصدق:مقدر قلبي بيموت ضحك بخفه:هههههههههه بحركة سريعه حط يده على قلبها شافه يدق بقوة فتحت عيونها بفزع ابتسم بأنتصار:واخيرا سحب خدها وطبع قبله عميق بثغرها اروت عطأشه وزلزلت كيان رفعت يدها وبعد تردد حاوطت رقبته وكل واحد منهم غاب لعالم الأخر .. بعد عنها بسرعه وصحى لنفسه وصدره يطلع وينزل مسح وجهه وبغيض لف وجهه لناحية الشباك وعينه لقدام بلعت ريقها وبغصه رفعت عينها عليه اللي كان معطيها ظهره وتكلم بقسوة متعمده:لحد هنا وبس خلينا لانتعدى الحدود اريح لي ولك بللت شفايفها وبأستخفاف:أي حدود قصدك برآتي اللي مستكثر تقولها لي؟ لف بسرعه مثل المقروص طلعت عينه كملت وبنبرة موجعه:أي برآتي سمعت اعترافك ياجسار قصدك هاذي الحدود من مفروض يكره القرب من الطرف الثاني انا والا انت هممم؟ لف وجهه وابتسم بسخرية لحاله قرب رفع يده:وهذا انتي تعرفين كل شيء يلا وش منتظره جاك الأفراج مو وضعنا متوقف على هالحقيقه وعرفتيها وش منتظره بععععد ؟! نزلت دموعها تحس بألم بقلبها رفعت سبابتها :كالعاده حتى وانت اخطيت بحقي مستحيل تعترف قرب منها وهي تبلع ريقه بتهديد:لاتقرب مني وقف وبعين ضيقه همس:يلا روووحي بغضب تقدمت له ضربته على صدره بقوه وهو يحاول يثبت يدها قاعده تضرب على مكان جرحه صاح بتوجع:آآآآآه ليلى خلااص لكن مازالت تضربه ماقدر الا انه يلفها ويلصق ظهرها بصدره ويمسك يدها وبتوجع همس بأذنها :لاتوجعيني كل حصون القوة اللي تحاول تبنيها تتدمر مجرد ماتحس بلمسته نزلت راسها وبكت من قلب قرب شفايفه لأذنها:اشششش اهددي تحس بوهن وضعف وقفت بكي وكأنها لعبه بيد ذاك المدعو "الضبع الأسود" يحركها كما يشاء وهل انا سبية من مخلفات حربك ياجساري؟ بعد شعرها وباس نحرها بهدوء لفها بهدوء وطبع قبله عميييييقه على جبينها كنوع من الأحترام بغصه:ايا كان قرارك راح احترمه فكري هالأسبوع وعطيني قرارك وتأكدي من شيء واحد ماراح اتركك لو اخترتي تبعدين بتلقيني جنبك انتي وريان ابتعد عنها وخرج وتركها مجددا رهينة لظله سبية لحصاره ايا قلبي حان ان تختار؟ حس بضيق وتوجع سمع صوت امه وخواته هالمره فيه صوت انوثي يعرفه زين نزل بهدوء انتبه لبقعة الدم اللي بثبه زفر مضطر انه يرجع للغرفه حتى ياخذ له ملابس وهي موجوده طلع فتح الباب حمد ربه انها بالحمام ويسمع صوت المويه اخذ له ثوبه ثاني وبسرعه خرج لغرفة الضيوف بدل ثوبه شاف الشاش تحول للون الأحمر تحامل على نفسه ومجبور يطلب من ساندي تجيب له الشاش والمعقم بيخرج بخروجها رفعت عينها بتعب طنشت وجوده نزلت اول درجة وقفت وتوها تستوعب لفت وشهقت بقوة لما شافت ثوبه عليه بقعة دم رفع سبابته واشر لها بالسكوت واشر لها تلحقه دخل غرفتهم وهي وراه جلس على حافة السرير وبهدوء:جيبي لي شاش ومعقم وياليت ما احد يحس بسرعه نزلت وحمدت ربها انهم بالصاله الداخليه بعيده عن المطبخ سألت ساندي عن الشاش والمعقم طلعته من صيدلية البيت الصغيرة بسرعه جرت لفوق فتحت الباب شافته هالمره متمدد ويون بتوجع:آآه قربت منه وعينها غارت بالدموع وبخوف:جسار انت بخير!! هز راسه وبكذب:همم ساعديني اقوم سندته فصخ ثوبه والفنيله البيضاء حست بالحرج لكن مجرد ماوقعت عينها على اثر الرصاصه شهقت بقوة حطت يدها على فمها فتح عينه بتعب:وشوو؟ اشرت للجرح اللي ينزف ودموعها تلاصقت بخدها غمض عينه وبرجاء:ليلى عقمي الجرح مو قادر رجف فكها وانخرطت بموجة بكاء وخوف:جسار هذا من قريب ليه ماقلت لي وش صار؟ شد اللحاف بقوة وبفحيح:ليلى مو وقته عقميه ليلى بسرعه:لازم تروح المستشفى جسار بطولة بال:ليلى عقميه هزت راسها مسحت دموعها قررت انها تترك ضعفها وخوفها على جنب اخذت الشاش وبللته بالمعقم قربت منه مسحته على الجرح انتفظ بقوة كور يده وضربها بقوة على السرير:آآآآه شهقت بخوف بعدت وتراجعت:جساار والله مو قصدي كرهه غبائها وسذاجتها مالها ذنب همس:كملي ياليلى كملي ارتجفت وانصاعت لأوامره وتحط المعقم وهو يصر على اسنانه ووجهه سود انتهت اخذت الشاش وبهدوء:جسار استند علي الفه على صدرك جسار بهدوء:مايحتا ليلى بحده:لا يحتاج مخليه جرحك مفتوح يتلوث جنيت!! لا اردايا انصاع له جلس نص جلسه اخذت الشاش ولفت على صدره وبعد ما انتهت رفعت يدها بتردد مسحت على صدره العاري من التعب ماحس بحركة غير متوقعه قربت شفايفها لمكان الرصاصه اللي يغطيها الشاش الأبيض باست مكان جرحه رفع عينه اللي كانت قدام بأستغراب ودهشه من اللي سوته دفنت راسها بكتفه بحيث مايشوفها تبكي لكن حس بدموعها تغرق صدره نطقت ببحه:من اللي سوا فيك كذا ؟ اليست هي طفلته تشافي علته واوجاعه ماذا يريد ايضا؟ ببحه:ليش البكي طيب؟ لازالت دافنه وجهها بكتفه ومحتضنه يده تشعر بحرارة صدره وبحضنه الدافى تكلمت بصدق: خايفه تروح وتخلينا جسار بطولة بال:الله وحده اللي بيده الاعمار ليلى بشهقه:الله ياخذ من عمري ويعطيك جسار بأنفعال:من غير شر ليلى خلاص هذا انا قدامك ولاصار لي شيء ليه هالبكاء نفسي افهم؟ بعدت عنه وتشهق من البكاء مسحت وجهها بقفى يدها وبحزن:ماراح اتركك ابتسم ابتسامة باهته:مو على كيفك عندك اسبوع تفكرين فيه ليلى بأندفاع:ماراح اخليك وانت بهالحاله جسار بتألم:ابغاك جنبي دفى وحب ما ابغاك شفقة وحزن يلا غسلي وجهك خلينا ننزل وصلوا من زمان مو حلوه بحقهم بعد عنها اخذ ثوبه بيلبسه تورط بيتوجع اكثر وقفت على حيلها تحس طاقتها انعدمت بعد البكاء اللي بكته اخذت الثوب منه وساعدته يلبسه بيسكر الأزره بعدت يده بنعومه سكرتها وريحة عطره تضرب بخلاياها وتداعبها مسحت على صدره بخفيف وبحنيه:ليتني ليت قدره بعد على شيل الاوجاع كان شليت وجعك ابتسم حنيتها تضرب اراضيه تجبره ان يرفع الراية البيضاء خانعا مستسلما لها بحب:شيلي قلبي بداخلك واكون ممنون لكـ ليلى بنص ابتسامه:قصدك حبك؟ رفع حاجب:نؤؤ قلبي كله من غلا وموده وحب وعشق مو بس حب زمت شفايفها وبغرور:يكفي حبك.. صفق خدها بخفيف:يمدحون التواضع ترا بعد عنها بيخرج لف وبرجاء:اغسلي وجهك الكحل لعب بحسبتك صايره كأنك عيون الباندا فرصعت عيونها ضحك بخفه وكمل طريقه وخرج تنهدت ورجعت تغسل وجهها مره ثانيه من آثار الكحل السائل عدلت نفسها اكتفت هالمره بمسكره وقلوس وبلشر خفيف بلون البني : : بحائل.. احيانا اشعر أنى كالشمس بإصرارها على الشروق في حياتك كل صباح ....هل تتوق إلى شعاعي ..؟! وهل تشعر بشعاعي يخترق أجزاء حياتك بهدوء؟ ولكني استبعد هذه الفكرة عندما أتصور غياب الشمس ..!! حينها ابدأ أفكر بالقمر..ذلك المتربع على عرش السماء كل ليلة والنجوم حوله يقدمون له فروض الولاء والطاعة .... أحيانا اتخيلني ذلك القمر بجمالة وهدوئه .... وأنا أعيش وسط حياتك واظل أتأمل في هذا الكون الفسيح .. .وانظر إلي الفضاء ...واتخيلني مجرد شهاب في فضائك ...فهل ستحتويني ؟؟ هل ستحميني من جنوني عندما اقف قبالتك ...... زفرت بهدء وترتب ملابس فرح بدخولها بهدوء جلست جنبها وبعين متسائلة:تحبينه؟ وقفت تصفط الملابس وعينها بالأرض لفت وابتسمت:اليوم الجو مغيم مضاوي بهدوء:ليش تهربين؟ قامت وتشغل نفسها:اظن بيجي بعد هالكتمه بررد مو طبيعي صح؟ هزت راسها مضاوي عرفت انها تتهرب فجرتها :قررت ارجع للرياض لفت مصدومه وبعين غير مصدقه:بس يعني كملت مضاوي:لمتى راح اهرب لازم اضم عيالي مو قادره ابتعد عنهم اكثر لازم سلمان وجسار يعرفون انهم اخوان ندى جلست وبدهشه:مضاوي خلاص قررتي؟ مضاوي بعين مدمعه:عشان سلمان كاسر قلبي ندى بأستغراب:ليش؟ مضاوي بحمق:بسببك ندى اشرت لنفسها:بسبي!! مضاوي بأنفعال:انا مو فاهمه اللي قاعده تسوينه اذا كارهه وجوده وماتبغينه بحياتك تطلقي منه خليه يرتاح بحياته ندى بسخرية:على اساس انتي اللي ريحتي عمي سعود مضاوي بحده:نددى!! رمت الملابس بالارض وبقهر:لييش الحق صار يزعل تاريخك هو تاريخي بأستثناء شيء واحد ماخذيت اخو زوجي مضاوي بأنكسار:لاتتكلمين عن شيء تجهلينه تخصرت وضحكت بأستخفاف:ندى لاتتكلم لاتوجع قلبكم بس انتم خذوا راحتكم تفننوا واكسروا قلبها بتتحمل ماعليه "بحمق" مايحق لك ابدا تحكمين على وضع ماعشتيه ولدك من كثر ماهو مدلل يبغى كل شيء المهم مايجي شيء بخاطره حتى لو على حساب غيره مضاوي بتألم لسلمان:ماتوقعت قلبك اسود لهالدرجه المسامح كريم ضحكت بأستخفاف رفعت يدها لجبينها وفركتها :هه المسامح كريم همم "رفعت سبابتها واشرت لقلبها" شفتي ذا ولدك ماتفنن بس انه يفتته دفنه ودفن شبابي وراه شوفي حالتي بنت 25 سنه وكأني بعمر 50 اسامحه على وش استغفالي لما راح لحبيبته ويمسح دموعها ويطبطب عليها شفتي هالمنظر مو قادره امحيه لو محيت كل اغلاطه بحقي والا مدة يده قدام اللي يسوى واللي مايسوى والا شكه والا والا ياشيخه خليني ساكته بس ولدك كسرني وتلومين قلبي لاصار اسود يالومه من كثر ماشاف منه تقدرين انتي وولدك تجبرون بقلبي والا ترجعون السنه اللي راحت من عمري وانا اكابر على حزني لين مادفني رقرقت عيونها بالدموع:نصيبنا مو مع بعض يامضاوي طول ما احنا مع بعض ما احد راح يرتاح لا انا ولاهو ليش نكذب على بعض مضاوي بغصه لوضعهم:بس سلمان ماتركك للحين متمسك فيه ماتشوفين جياته كل يوم يقطع طريق 4 ساعات كل 3 ايام بالاسبوع تظنين ليش؟ جلست على السرير فركت يدها وبهدوء:عشان بنته لفت مضاوي بقوة :مو بس عشانها عشانك بعد ماشفتي خوفه عليك لما طحتي علينا كان مثل المجنون ماشفتي الدموع اللي كانت بعينه سلمان طيب ياندى ابتسمت بذبول:ما انكر طيب لكن "بغصه" خلاص احنا انتهينا راح يجيه ولد الله يوفقه مع زوجته مضاوي بأنفعال:بهالسهوله تتخلين عن حبكم ليه ترخصينه؟ طلعت آآه من اعماق جوفها آه تشعر بلذاعتها نزلت راسها وحكمت:مابينا حب مجرد زواج تقليدي مضاوي بصدمه:ماتحبين سلمان؟ نزلت راسها لحضنها فركت يدها تمردت كره بلوريه مالحه احرقت جفن عينها وبغصه:لازم اشوف امي خرجت بسرعه وتحس بهبوط بجسمها من سؤال مضاوي اللي مو قادره تلقى له جواب.. اما مضاوي اكتفت انها تزرع بداخلها القناعه حتى ترجع شملهم لبعض طالعت بفرح اللي مفتحه عيونها ابتسمت شالتها:ياروحي انا تعالي للجده تعالي دخلت غرفة البنات اللي كانوا جالسين على السرير ويسولفون سكرت الباب بالمفتاح استغربوا قربت منهم وبهدوء:وش تسوون؟ سميه بكذب:ولاشيء نسولف صح ناديه ناديه تمشي معها:اييه ترا امي طلعت مع خالي منصور بتردد نطقت:اليوم كم التاريخ؟ ناديه بعدم اهتمام:28 ندى بتأكيد:28/2 ناديه حركت راسها:همم ايوه سميه كملي نزلت عينها بالارض تحس بالخذلان الكل ناسي هاليوم المميز لها اليوم اللي ولدت فيه وخرجت للدنيا سميه بعدم اهتمام:ندى بالله انتبهي لبنتي يمكن انام ندى بهدوء:اليوم 28 ناديه رفعت يدها:صرعتينا بهالتاريخ اللي سمعك يقول مهم ايووه سميه كملي انكتمت من الرد تسحبت بهدوء وخرجت انفجرت ضحك ناديه:ههههههههههههه مشت عليها سميه بأعتراض:قلت لكم ما احب هالاعياد ولا اعترف فيها ياويلك ياست ناديه امي راح تجلدك على هالحفله اللي بتسوينها ناديه بخوف:ادري بدعه بس حرام كسرت خاطري بعدين بنحتفل قبل ماتولد بساعات يعني خالفنا سميه بنص عين:احللفي بس أي منطق هذا يالعثيمين من أي مرجع جبتيه تفتين هالفتوى؟ ناديه زفرت بقوة وبطفش:ياااخي اعتبروه مو عيد ميلاد اعتبروه حفله عاديه كلها قاتوه "تورته" وصل الله وسلم سميه لفت وجهها:استغفر الله بنت حراااام مايجوز ناديه مدت لسانها:انقلعي بس ماتشوفين هالمسكينه كيف حياتها خلينا نفرحها شوي سميه بنصيحه:نفرحها بما يرضي الله ناديه نقزت:ومن فرج كربة مسلم بالدنيا فرج الله عليه كربات يوم القيامه شهقت سميه وبصيحه:استغفر الله بس ناديه بخوف:استغفر الله يختي بنيتنا مو عيد ميلاد بس حفله لها تفرحها يلا تعالي ما اقدر انفخ البالونات لوحدي حلقي بيوجعني سميه بأستنكار:بالونات يعني حفلة عيد ميلاد ناديه عضت لسانها:هاللي بذبحها يعني ما احد ينفخ بالونات الا بأعياد الميلاد سميه رفعت كتفها:اللهم بلغت اللهم فأشهد طنشتها ناديه خرجت للمجلس حتى يجهزون كل شيء وقفت لحظه رفعت راسها وابتسمت بخبث سميه بطفش:خييييير وش عندك ترا نفسي راح وانا انفخ في هالبالونات ناديه بخبث:مايصير نحتفل بدون نسيبنا سميه بقرف:سامي ووع طفشت من وجهه ناديه كشتها:مالت عليك وعلى هالضب حقك لا اقصد سلمانوو "عسبلت بعيونها" شهقت سميه وبتهديد:بنت تترا وضعهم زي الزفت لاتزيدين الطين بله ناديه بصدق:وش يعرفك يمكن اليوم ترجع المويه لمجاريها : : بالقرية.. خلااااااص الخوف اعدمها صار له غايب عن البيت 4 ايام ومقفل جوالاته الاجواء بالبيت متوتره حيل العنود تعبانه وطاحت عليهم وابو متعب عرف بكل شيء وصار بينه وبين اخوه مشاكل الغريب هنا ان مناير اعترفت بكل شيء وانها تبلته جالسه على طرف السرير وتفرك يدها ودموعها ماوقفت وعينها على الجوال رفعته ودقت عليه للمره الألف لكن مقفل خافت رمت الجوال تغطت طلعت لبرا شافت عمها والكل مجتمعين عند العنود اللي ماذاقت الاكل ولاجفا لها النوم ومن له نفس ياكل او ينام بعد اللي صار لامت نفسها الف مره ليش ماصدقته ووقفت جنبه لعب فيها الشيطان وطلع منها الكلام بلحظة غضب بالجهه الثانية.. وببيت شعبي قديم وتحديدا بالحوش الخارجي تكى على المركى اخذ فنجان القهوة من دته :اسلمي جدته ام امه:وش بلا خاطرك ضايق ياوليدي؟ عدل جلسته حط الفنجان وعينه عليها:انتي اكثر وحده تعرفيني يايمه الجده:اييه اعرفك واللي مايعرف الشيخ متعب يجهل من يكون لوى فمه بسخرية:وش جاني من ورى هالشيخه غير العداوه والكرهه بسرعه تكلمت:عسى منهو يعاديك تحرم عينه من الجنه من اللي مكدرك؟ رفع عينه لفوق وزفر استغفر بداخله وبهدوء: واحدن ماهقيت منه يصدق فيني شنايا الهروج اللي قالوها الناس الجده وعينها عليه:بنت الحضر صح؟ لف بسرعه ابتسم بذبول:وش عرفتس؟ الجده مسحت وجهها تحت البرقع اللي يغطي وجهها :من وانت باللفه انا اللي مربيتك واعرف اللي بخاطرك مايضيق صدرك الا من واحدن شليت له معزه كبيره بس ماهو كفؤ لها وش سوت هالمغبره مرتك؟ ضحك على حميتها عليه ماترضى عليه بشيء عينه للشجر اللي حركه موجة الهواء البارده وقعت عينه مره ثانيه على النار اللي شابه قبالهم وجنبها دلة القهوة والمصافي :تظن اني خذلتها وبسوي سوات اهلها فيها واتركها ولا بسأل عنها الجده سكت وتشوفه بدأ يطلع اللي كاتمه من يوم فاجأه بجيته وقت الفجر لمعت عينه وبحب:مادرت ان راسي يفداها ويفدا مواطيها الجده انتفظت:الله يرفع قدرك تقول عن نفسك هالكلام عشان مره بدالها الف مره رفع الفنجان شرب القهوة وبسرحان:لو تدرين وش شايل لها بقلبي من حب وغلا ماشلته لمخلوق وحتى ما اضيمها كتبت حلالي بأسمها شريت منها بيت عمتها ضعف قيمته ورجعت اكتبه مره ثانيه بأسمها حتى ماتحس اني اشفق عليها انا اخطيت لما حقنت الدم يايمه؟ الجده زفرت:ياوليدي مدري وش اقولك اجاوبك ولا انا بعارفه وش السالفه وجهتك بالله ان تقول.. سكت متعب وبعد دقائق حكى لها كل شيء ضربت صدرها وبنخوه:وانا بنت ابوي فوق مافزعت لهم عاملوك بهالطريقه وامك اللي ماتستحي ورى ماتكلمت ومرتك ليش ماوقفت جنبك مايدرون ان الشيخ متعب مايغلط لو يحدون السيف على رقبته؟ متعب حط راسه على حضنها وعينها للنجوم اللي تلمع بكبد السماء :ما احد مصدقني غيرك ليت كل الناس مثلك يايمه الجده بعصبيه وحزن عليه مسحت على شعره :حطهم ورى ظهرك يالشيخ هم اللي خسروا اليد اللي تطبطب عليهم والظهر اللي يسندون عليه ومرتك ذي ودي لو هي حولي تسان نتفتها ابتسم بخفه رفع راسه وبسرعه:وان طلبك الشيخ تردينه؟ الجده بسرعه:مايردك الا الخايب اطلب يايمه متعب بهدوء:ابيك تروحين معي يم العرب صعبه اروح لحالي الجده وفكرت لمعت ببالها:مو بس انا اللي بروح امك وزوجتك قبلي فتح عيونها عدل جلسته وبخوف:لا يايمه الا فاطمه والله ان تموت بحسرتها الجده ضربت فخذه بهدوء:اسمع شوري مابيكوي علتها الا لاشافتك مقبل لابس بشتك على المره رفض رفض قاطع:بكون خسيس لو بنزل دمعتها الجده بضحكة:انتم عيالنا البدو لامن حبيتوا قضى عقلكم ابتسم بمجامله:يعني جدي ماوقف بوجه جماعته حتى يخطبتس وياخذتس حليله له؟ خجلت نزلت راسها ضربت:ياولد اعقل متعب بضحكة قرب وبهدوء:ودتس تسمعين قصيدة مع هالليلة القمرا؟ الجده ارخت باطن يدها اللي فيها حناء:اسلم متعب وعينه على جده تكى: قالوا علامك قلت مهموم مهموم همّ(ن) يهد الحيل هد الجبالي محرمني الراحة ومحرمني النوم أشغلت بالي حيل وأتعبت حالي أعد فالأيام يومٍ بعد يوم وأجلس وحيد أحسب نجوم الليالي ون نمت تدخلني هواجيس وحلوم المر منها مر والحلو حالي وليا بقيت بمثل هالحال؟ ياقوووم لا والله الا أبى أغدي براس مالي لكن مابه شي فالكون بيدوم مادايم الا الله عزيز الجلالي خلوني أنسى الهم والغم والشوم وعلى بحور الشعر أورّد حبالي أنزل لسوق الشعر وأزوّد السوم وأدور الغالي ولو كان غالي واغوص في بحر المحبين واعوم ليا ذكرته كن يرتاح بالي الهم كله كوم والحب في كوم علة تخلّي الكبد كبر الطحالي الحب ذبّح له صناديد وقروم لن عشت وإلا متّ ماني لحالي لكن هذا ظرف بالشمع مختوم كاتب عليه لمن تهمه حوالي عليه صورة قلب بالدمع مرسوم دمعٍ حمر يشبه لدم الغزالي وبداخله عنبر وكادي ويشموم وحبّ وعواطف مالها اول وتالي ومعها السلام اللي على قنّ وسلوم ينصاك ياللي ما تفارق خيالي سكنت في قلبي معزّز ومحشوم عالي عن العربان والقدر عالي صلّحت لك فالقلب حبا والبيت بعد البني صعب الزوالي ملزوم اغني فيك ملزو مملزوم غيرك يبى لكن يا هملالي تتعب بيوت المدح وتطيح وتقوم لجل عيونك يا حسين الدلالي وحبّ البدو مابه عذاريب وثلوم مابيننا كلمة تعال وتعالي الجده مسحت دمعه بطرف ملفعها: صح لسانك زفر:صح بدنتس الجده بحمق: وراك تركض ورى بنت الحضر دامها موجعه قلبك؟ متعب بتنهيده: هالقلب اختارها من بين بنات جنسها وش لي حيله؟ بحــــــــــائـــــل.. بأحد محلات المجوهرات.. وقف محتار ومعه نايف اللي رافقه لسبب غريب سلمان بحيره:عقد والا اسوارة؟ نايف اشر له على عقد ناعم وهادي:هذا حلو رفع عينه تكلم البائع:هذا ذهب ابيض بفصوص الماس توه واصلنا من الرياض اللي وصلهم من سويسرا فهد بأعجاب:عجييب وبنفس الوقت مو مكلف سلمان ابتسم وبصدق:مايغلى عليها شيء نايف غمز واشر:اجل توكل على الله وخذه خذاه وقفه اساور ذهب للبنات الصغار نايف بضحكة:للفرخه سلمان عطاه نظره:تبطي ازوجها لولدك نايف بقصد:على يدك تزوج عمها وش قلت؟ سلمان برفعة حاجب:والله كنت حاس يا ان خوتك هاذي ماهي لله خل اخلص اغراضي والحقك السياره نايف بضحكة:هههههههههه انا بعد بشوف لي كم محل يمكن شيء يعجبني اخذه لنفسي هاا لايروح تفكيرك بعيد سلمان بأبتسامه:يلا طسس اقص ايدي ان كنت خالي لكن مصيري اعرف وش وراك على المغرب خلص اغراضهم خرج وبيده اكياس كثيره فتح الباب اللي ورى وحطه الاكياس لف نايف ركب زفر:اووف يافرفرة الاسواق ياكرهي لها نايف بسخرية:يالاخ بقيت شيء ماشريته؟ سلمان بكذب:اغراض لبنتي نايف بخبث:ايي الله يعينك وبنتك شاري لها بعد من نعومي "محل لانجري" طلعت عينه اخذ الكيس ورماه ورى ونايف فقعها ضحك:ههههههههههههههههههههه هههههههههههههههههههههه سلمان برفعة حاجب:مردك لي يالكلب نايف تسدح ضحك:هههههههههههههههههههه ههههههههههههههههههههههه تنصب على من انت وقفوا عند اشاره لف لنايف اللي انفجر ضحك شافه ضحك:هههههههههههههه وش عندك؟ نايف اعتدل بجلسته وتنحنح:احمم انا نويت اتزوج ومن اهل زوجتك سلمان بضحكة:فكني من سخافتك نايف بجديه:سلمان انا اتكلم معك جد لف بكل جسمه وبرفعة حاجب:تتزوج اخت ندى؟ نايف بتأكيد:اذا ربي قاله سلمان بحمق رفع يده:انت صاحي والا في عقلك شيء هااااا فهمممني نايف يهديه:اهدى ليش معصب ماني فاهم؟ سلمان بأستهجان:وين شفتهااا من وين تعرفها حتى تقول بتتزوجها!! نايف بكذب:ماشفتها لكن بخاطري وحده شماليه سلمان بحده:تعرف ابو ندى مو شمالي نايف برفعة حاجب:بس امها شماليه تحول لون الأشارة من الأحمر للأخضر حرك وبهدوء:انسى نايف بأستفزاز:ماني اعطيك شور اعطيك خبر شد بيده الطاره وبغيض:مايناسبونك نايف بأستخفاف:اشوف انت ناسبتهم على فكرة ماني عارف سبب اعتراضك انت وعمتي هيا لف بصدمه:عطيت عمتي هيا خبر؟ نايف بحسم:اييه عمتي مها ماقالت شيء ومدحتها وقالت يكفي انها اخت ندى وابوي لو عرف ماراح يتردد لحظة وحده لاتنسى انه يعز زوجتك كثير سلمان بحمق :لاتسويهااااا يانايف كفايه كسرت وحده لاتحملنا ذنب الثانيه قلتها بنفسك احنا شيان عند حريمنا نايف لف وجهه للشباك وعينه على قطرات المطر اللي التصقت فيه:الواحد يتغير مايبقى على حاله سلمان بصدق ممزوج بسخرية:الا قلوبنا ماتتغير توسع لمية مره نايف التزم الصمت وسلمان حس بنيران بصدره من قرار نايف يعرف ان عمته مو متقبلته حاليا يحاول يصلح بيته ونايف دخل بالوسط.. | |||||||||
|
| |
|
25-12-14, 05:50 PM
| #76 | |||||||||
| نجم روايتي ومشرفة سابقة وفراشة متالقة بعالم الازياء
| بالعاصــمه "الرياض" شمر عن كمه وعينه على اسماعيل اللي يوريه فيديو عن الخليه الأرهابيه رفع قلمه وحك حاجبه بحيره واسماعيل يناقشه وهي جالسه تعلم ريان الحروف مره تبتسم بفرحه ومره تعصب عليه طلعت للصاله شافته جالس بنبرة حزم:راح نطلع من الشقه الجازي بأستغراب:ليه؟ فواز بهدوء:صديقي راح يرجع الجازي بلعت ريقها:وين بنروح؟ استغرب العقل اللي نزل لها فجأة فجرها:للقصر رفع صوته يناديها:امل امل لفت وتسكر الرساله وبهدوء:هنا دخل عليها اشر لها:عمتك وصلت من امريكا فزت بفرحه وخرجت لها.. الـــيوم هو يوم سعدي اليــوم هو فرحتي بتاريخ 28/2 يا امـــيرتـــي ستصبحين ابنة 25 عامــا منسدحه بهدوء وعينها على فرح وقفت بطفش رفعت كتفها:واذا ماتذكروا المهم انا مانسيت هاليوم الحمدلله اللي وصلت لمرحلة ماصرت ناسيه اليوم اللي جيت فيه لهالدنيا البيت هادى امها قررت تتعشى عن خالها وبترجع متأخر مضاوي من بعد الكلام اللي صار بينهم العصر ماشافاتها سميه نايمه وناديه مشغوله تشوف فيلم فتحت دولابها زمت شفايفها وبضحكة على اللي بتسويه:فروحه راح نلبس انا وياك ونغير من نفسياتنا شوي ..كشرت سكرت الدولاب جلست بطفش وعينها عليها:لاتطالعيني كذا امك استخفت جد قالت ايش تلبس وتغير نفسيتها "بتألم" نسوا هاليوم الكل نساه بالطرف الأخر من مدينة حائل وبأطراف احدى القرى اللي تبعد عنها ساعه واحده.. شال بنته وباس خدها وبحزن:كل عام وانتي بألف صحه وسلامه زوجته بفرحه:مو مصدقه كبرت وصار عمرها سنه ثامر بهمس بأذنها:ماشلتي اسمها حتى تاريخ ميلادها كنتوا سوا كل سنه وحبكم مدفون بقلبي رجوعـــا لحائــل.. زفرت وقفت على حيلها اخذت بنتها خرجت شافت الجو هادي استغربت معقوله ناموا بدري نادتهم بخوف من الظلمه:ناديه سميه عادل وينكم ؟ مشت للصاله خرجت منها شافت باب المجلس مردود تقدمت بخوف فتحته دخلت لنص المجلس شوي انفتحت الأنوار ناديه بصرخه:سبرااااااااااااايز سميه كتمت اذنها:ووجع صميتي اذنها شافت البالونات الحمراء والبيضاء اللي منثوره على الارض وناديه لابس الطاقيه وتصفر بقوة لا اراديا دمعت عينها ضحكت بعدم تصديق قربت منها مضاوي وبحب:كل سنه وانتي بخير لو انه مايجوز لكن الله يطول بعمرك لطاعته ورضاه زفرت ناديه تخصرت :لا والله فكونا قلت لكم احتفال عادي مضاوي اخذت فرح منها سحبت ندى وبعجله :يلا طفي الشموع قبل لا تجي سميرة وتطردنا الشارع وتخلينا ننام مع القطاوه تسويها ترا ضحكت من قلب وتسمع سميه تهاوشها على اللي تسويه وقفت قدام الشمعه اللي كانت تحمل رقم 25 ناديه بهبال فردت يدها لقدام:تمني امنيه طبعا لو مكانك كنت بتمنى امير لكن انتي خلاص فتمني شيء ثاني يلا اشوف سميه بضر:خزعبلات استغفر الله ياربي لفت ناديه عضت لسانها رفعت يدها بقهر:انتي برا سميه لفت وجهها بضيق:صار الحق يزعل ناديه تستعجل ندى:يلا ياحلوه تمني امنيه ترددت كثير رفعت عينها لفرح اللي ماسكتها مضاوي المبتسمه حست بحيرة من انها تطلب هالأمنيه رغم انها عارفه مجرد خزعبلات بس حاجه في نفسها بالخارج.. نزل من السيارة مبتسم اخذ بوكيه الورد وثلاث اكياس متفاوته الأحجام وقف قدام باب البيت نفخت الشمعه وسط تصفيق ناديه وعادل اللي يلعب بالبالونات والتؤام الشقي صفرت ناديه بقوة لفت حضنتها بقوة ما قدرت تكتم بكت ضربتها نادية بقوة على ظهرها ندى بتوجع:آآآي ناديه ولازالت ضامتها:تستاهلين دموعك تذبحني لا عاد تبكين سمعتي ندى بهدوء:ما ابغى يشوفوني؟ ناديه لازالت حاضنتها ومعطيه مضاوي وسميه ظهرهم :خرجي اللي بقلبك ما احد بيشوفك انا مغطيه عليك سميه برفعة حاجب:حشى ولازوج وزوجته بعدوا عن بعض اشوف ناديه طنشتها همست بضحكة لندى:تتذكرين قبل سنه كيف كنا مع بعض مثل توم وجيري مستحيل نتفق احتضنتها زياده وشدت عليها:آسفه على كل شيء سويته ناديه بضحكة:هاذي مو ندى مين انتي؟ ندى بصدق:تغيرت الدنيا خلتني اكبر واوعى لنفسي واتغير عن هاذيك البنت ناديه بضحكة:المستبده ضحكت:هههههه هاذي هي سميه غارت دفتهم:بسس انتي وياها مصختوها ناديه بجكاره فيها حضنتها بقوة وسميه تصارخ تبعد وندى ومضاوي يضحكون دفتها اخذت نفس:حسبي على العدو بغيتي تكسرين ضلوعي ناديه بخبث رفعت حاجب:ناقصك حنان يا اختي قلت لازم اعوضك سميه بأعتراض:سموي مو منقص علي ناديه بسخرية:توك تقولين ماتصدقين تفتكين منه بالعصر وش غير رايك دفتها سميه:بعدي اشوف يلا ندوي قطعي هالكيكه ناديه عبست:اسمه قاتوه او تورته يامتخلفه سميه رفعت يدها بعدم اهتمام:اللي هو المهم انه حلا بالنهاية ويروح للبطن ناديه سحبت شعرها صاحت سميه ولفت تتوعدها وهي نطت لأخر المجلس:ترا ماراح ابقي لزوجك الطعس سميه هدت ابتسمت:خلاص مسامحتك بس بقي له المسكين ماياكل شيء كانت لحظات لاتقاوم بالنسبة لمضاوي اللي شافت الاحتواء بين هالأخوات رغم ان سميرة تبدي انزعاجها منها بس تقر بشهادة منها انها عرفت تخلي قلوبهم على بعض ثواني حتى دق الجرس لفوا مستغربين سميه:يمكن امي؟ ناديه غمزت لسميه:يمكن هاذي امي وخالي ندى تعالي معي نجيب صحون عشان نحط لهم من القاتوه سميه بغباء:روحي لحالك ليه تروح معك عاجزه تجيبين صحون لوحدك مضاوي فهمت تكلمت:لا خليهم يروحون ما ناقشت ندى سحبتها بسرعه للمطبخ وماسك يدها وتجرها وهي مستغربه مضاوي بضحكة:يمكن هذا سلمان سميه بتناحه:هااا مضاوي اشرت لها:خلينا نخرج من المجلس خرجت سميه وعادل راح فتح لسلمان اللي ابتسم وسلم على عادل ودخل وراه اخذ نفس يحس انه داخل مهمه صعبه خصوصا علاقتهم متوتره يمكن ماتتقبل زيارته وترمي هالورد والهدايا بوجهه اشر له عادل دخل شاف المجلس مبين عليهم محتفلين ابتسم حط بوكيه الورد الأحمر على الطاولة وجلس وعينه على الساعه ومره على الباب مضاوي بالصاله ترضع فرح وناديه سحبت ندى :روحي لهم بالمجلس فشله ما احد يستقبل خالي ندى بشك لحركاتهم لكن ماحطت ببالها واحد بالمئة ان ممكن اللي بالمجلس هو سلمان ظنت انهم مخبين لها مفاجأة مشت وهي مبتسمه وسرحانه عينها بالأرض وقفت عند باب المجلس شمت ريحة عطر رجالي قوي تراجعت خطوتين نفظت الافكار اللي براسها ان هالعطر تعرفه حركت كتفها وبصوت مسموع:يتهيأ لي دخلت راسمه اجمل ابتسامه وصوت عالي:واخيرا جيتوا جاء ببالي انكم نسيتوني بهاليوم رفعت نظرها له لتلتقي اعينهما وتتخاطبان بلغة عجزا عن فهمها جمدت مكانها بللت شفايفها وتشعر بدقات قلبها المتناغمه كسمفونية رائعة ، تلفه زوبعة رياح بالقطب الجنوبي المتجمد تأملت ملامحه وغاصت فيها عن بعد وكأنها اول مرة تراه يبدو بالبعيد كآلة الطباعه جامد الحركة فقط يطبع مايوحيه له الطرف الثاني اما هو عينه لازالت مثبته على عينها التي لم يعد يعرفها تبخرت تلك العين اللأمعه كالقطط الشيرازيه بليلة معتمه مع مرور الأيام وبردت وبرد معها المكان من عطرها الذي كان يثير جنونه ويضرب حواسه الخمسه حتى تجمد الحبر في شرايينه، رملّته بغيابها ، لم يعد للمكان شهوة ، أوحميمية، أو دفء ، أو رائحة حلوة قربت بهدوء وتجر خطواتها رغما عنها وبهدوء تتحاشى النظر لعينه نطق ببحه اوقفتها: مستحيل انساك او انسى هاليوم وبعد ربع ساعه راح تدخلين 25 سنه كل عام وعيوني ماتفقدك بللت شفايفها وبتوتر باطني ابتسمت اشرت له :حياك رفع حاجبه:انسي اجلس طفشت شهور مرت علي وانا عاقل وبدون ما احد يحارشني ويستفزني روتين ملل ماكسره غيرك لفت وجهها وذكرى سنة كامله تمر قدام عيونها وبصدق:هاذيك البنت خلاص راحت اخذ بوكيه الورد وقرب منها وبصدق:اول ماشريته مافكرت كيف اقدم لك مثل الافلام فكرت كيف بترمينه بوجهي وقتها وين اودي وجهي لايطيح رفعت يدها وتحس بضيق بغصه:رجاءا تراجع لورى وبتفهم:خلي املك بالله كبير راح تتشافين من هالسحر وراح نرجع لحياتنا الطبيعيه عينها متعلقه على الساعه المعلقة وراه واعلنت عن بداية سنة جديدة لعمرها نزلت راسها للأرض رفعته بهدوء وبجديه:هاليوم راح يكون اخر يوم نجتمع فيه انا قررت سوا هالشيء اللي موصلنا كان سحر او غيره انا راح اشتري راحتي وانت عندك روز اللي حاربت الكل عشانها وبتجيب لك الولد اللي يشيل اسمك روح لهم سلمان هم بحاجتك اكثر مني انا وفرح مكانا هنا بالأرض اللي عاشوا اجدادها وتربت جدتها "اخذت نفس" هنا مكانا الصح سلمان بضيق وبرجاء:عليك الله وش اللي يرضيك دمعتي ابشرك طاحت من بعد هالفرقا يرضيك سؤالي عن حالك؟ ابشرك حتى وانا بين الحياه والموت مافارقتيني لحظه وحده واول واحد دعيته هو انتي يعني ماتشوفين كيف انا من بعد كل اللي صار انتهيت هممم عليك الله يابنت خالد وش يرضيك اطلبي وطلبك مثل حد السيف على رقبتي وبلبيه بلعت ريقها من كلامه بس لازم تقوي قلبها وبسرعه:اللي ابيه؟ سلمان بخوف من خسارتها ونفسه يطلع وينزل:اللي تبينه تحاول تمسك نفسها لاتنهار زفرت زمت شفايفها وعضتها تمنع ان تنخرط بموجة بكاء ببحه :اسمح امري تجهم وجهه رفع عينه لفوق حتى ماتشوف انكساره:هاللي يرضيك؟ هزت راسها بالأيجاب تخصر وغصب تطلع منه الكلمه :ندى روحي انتي غمضت عينها بقوة هز راسه بالنفي:المعذره طلبك مرفوض فتحتها تنفست بصعوبة كانت تحس انها تغرق ببحر والموج يلاطمها من كل جهه نزلت عينها للأرض وبدأت النوبات تأتيها رفعت يدها وبتعب:الله يخليك روح مو قادره اتحمل سلمان بنبرة صادقه:راح تتشافين ياروح سلمان وبتنحل امورنا وبنرجع سوا ونفتح صفحه جديده ندى بصدق:اتركها للوقت ياسلمان اريح لك ولي بلع ريقه وبتردد:اقدر اقرب منك ندى بضيق وتتحاشى النظر له هزت راسها بالنفي سلمان بهمس:مشتاق لك ودي كفوفي تلمس كفوفك بخاطري البسك العقد بيدي الثنتين "بمراره" لكن مبين مالي نصيب وين فرح؟ قامت وتتجاهل نبرة الصدق اللي التمستها بصوته وبكذب:نايمه سلمان زفر:زيين انا مضطر ارجع للرياض وبكون بعد 3 ايام هنا ان شاء الله حست انها سبب بالتعب اللي هو فيه :لاتتعب نفسك سلمان بهدوء معاكس للصراع اللي بداخله:تعبكم راحه يا نداي نزلت راسها تتجاهل حنيته وكلامه وحرصه واهتمامه" اللي فقدته من شهور هذا هو سلمان اللي كان بأول ايام زواجهم هذا هو جنبه ليش ماتكسر قلبها وتروح ترتمي بحضنه ليش ماتقدر كفوفها تلمس كفوفه فيه جرح كبييير وشمه بداخلها ونيران مابتنطفي ليش كل مابدينا ننسحب من حياة اللي فنينا حتى نكسب ودهم وندخل قلوبهم يجون لكن متأخرين حييييل ارفعي راسك ياندى شوفي هذا هو سلمان هذا اللي حبيته حب النضج ياما قالوا لها تحاملي وانسي الوجع وارجعي عشان بنتك لكن رفضت ليش كل الحريم حاطين ببالهم ان الوحده ماتقدر تعيش بدون رجال ياما حريم عاشوا بدون ظل رجل لكن احنا بمجتمع يشوف المرأة ضلع اعوج لايستقيم الا بوجود ذكر ما لايهم كان رجل او لا فالرجوله اسمى من الذي يعرفونها بهذا الوقت" لاحظ سرحانها :طيب على الاقل افتحي هديتك اشر لها على الأكياس ماحبت انها تطول اكثر رفعت الكيسه فتحت العلبة المخمل بلون الأحمر طاحت عينها على عقد ناعم على شكل فراشة بداخلها فصوص تلمع سلمان بعجز:اسمحي لي البسك هزت راسها بالنفي سكرت العلبه بقوة حطتها على الكنبه وبضيق ماتقدر تتحمل اشرت بيدها:رجاءا اطلع برا مو قادره اطلع سلمان خذ اللي جبته ما ابغى منك شيء خلاص انا لفت وجهها وبضيق من نفسها احتد صوتها رفعت يدها بالهواء:انت وش حادك تتعذب مع وحده مريضه مثلي مامنها رجاء هممم ليش مصر لهالدرجة وجودك يتعبني ريحني الله يخليك روح لروز هي بحاجتك اللحين راح تجيب لك الولد انا انساني خرجني من الحسبه وان انفك هالسحر تقدر تنسيني هاذيك الأيام سلمان عض شفايفه وبصبر:بننساها مع بعض ان شاء الله ندى بعناد لفت وجهها:واللي عندي قلته وصلك كلامي كان بها ما وصلك عاد بكيفك خلاااااااااااص وصلت معه كتم وصبر لكن لكل شيء" حدود هو ماكذب لما قال عنها مهره تصعب على كل خيال لكن بتسهل عليه وان كانت مريضه هو الأولى يكون جنبها لو يطاوعها على كلامها ما استفاد شيء تحمل وتحمل لكن وجهها مو وجهه وحده تقدر " مسحها بنظرة من فوق لتحت فرقع اصابعه ببعض وبطفش:ترا وصلت معي منك اسمعي هالكلمتين وحطيها بأذنك ثامر شفتي وش صار له لعبت بحسبته لين ماخليته يتفل العافيه لاتحملين نفسك ذنب غيرك فتحت فمها وعينها عليه مو مستوعبه هالتغير الجذري اللي صار له بدقائق تو كان يشحذها حتى ترجع له واللحين يستخدم اسلوب تهديد :وش تقصد؟ نسف شماغه:اللي عندي جاك بكره نفس هالحزه بتدقين علي بنفسك حتى ترجعين تجمدت من نبرته هذا هو رجع سلمان اللي قبل الحنون تلاشى مع تصدماتهم :ماراح ارجع زفر بطفش:ياكثر هرجك وياقل فعولك مشى بخطوات واسعه معلن عن زوبعة اعصار ستخلف دمارا جديدا خرج من البيت شاف خالها منصور وامها سلم عليهم ومشى ملتزم الصمت وبباله موال بينفذه بالقـــــريـــــة.. حست نفسها مخنوقه تسحبت بهدوء وخرجت للحوش وسط نظراتهم كل اللي يشغل بالها هو غيابه كأنه دهر بالنسبه لها تعلقت عينها على الباب ليش تحسه بيدخل اللحين ويرحب فيها كل ماشافها ويقول "ارحبي يالشيخه" وابتسامته ماتفارقه ولو كان مهموم تجمعت العبره دخلت المجالس يمكن جاء ما لقته شافت فروته مسدحه على المركى اللي مغطى بالفرو تقدمت بهدوء اخذتها رفعتها قربتها لأنفها وشمت ريحته المتعلقه فيها حضنتها لصدرها وبكت بقوة :ياربي على هالتصنع لفت بقوة طاحت عينها بعين مرت سالم اللي قربت حطت يدها فوق بعض:ماقضيتي انتي وهالدموع دموع التماسيح؟ فاطمة بصبر:اذلفي عن وجهي ماني ناقصتك ضحكت وبشماته:نسيت ابارك لتس بالضره الجديده هذا متعب اللي انضرب به المثل بعشقه لتس واللي وقف بوجه قبيلته شوفي عافتس وراح يدور لبنات القبائل بغيظ رفعت سبابتها:اذلفي من وجهي احسن لك رفعت حاجب مرة سالم:هو ياكافي وبعد كلام الحق صار يزعل ترا دموعتس ذي ماراح ترده ترا الشيخه بتصير لسالم فتحت عينها وبصرخه:تبطوون فاطمة ضربت صدرها وبحمق:نبطي احترمي حالتس تتكلمين عن الشيخ سالم صرخت بغضب:اييه تبطون وتخسون مافيه الا شيخ واحد وما تطولون ظفره دخل سالم وابوه على صياحهم:وش بلاكم انهبلتوا "بغضب" بعدين وش جابكم للمجالس الخارجيه افرضوا بوه رجال ياللي ماتستحن نزلت راسها مرته وبكذب:جيت ابقولها تطلع لكن لقيتها جالسه هنيا ومبسوطه بالقعده وتقول انك تبطي تصير شيخ هالقبيله طارت عينه فيها وبحمق:منهو يخسي يابنت الحضر وش عرفتس بعلومنا ؟ حست انه ينتقصها رفعت راسها:كلنا عيال 9 شهور ومردنا بالحفره وقبيلتكم ماتفعكم طلعت عينه وبحده:اقطعي واخسي يابنت الحضر ترفعين عينتس بعين الرجال انتي ماربوتس اهلتس ياللي ما تنتخين جايتن برجيلتس لمجلس الرجال تبين تستعرضين بنفستس؟ طلعت عينها عضت لسانها وبصرخه:لهنا وبس ما اسمح لك تطول بتربيتي متربيه غصبا عن خشمك ولا انا اللي استعرض بنفسي اعرف الحشيمه والحياء قبل ما اشوف وجهك طارت عيونه فصخ عقاله بيمد يده وقفت العنود بوجهه استغرب من وجهها مسكت يدها ونفظته :هذا جزاء معروفك بأخوك تبي تمد يدك على مرته؟ ابتسمت زوجة سالم بشماته وسالم يصرخ:خلي هالكلبه تلم لسانها والا مايردها الا الشارع تلحق رجلها صرخت والعنود تهديها:الشارع لك ولأمثالك والشيخ بيرجع ويكسر راسك "تعمدت تقول الشيخ حتى تستفزه" صدره يطلع ويزل رفع يده بتهديد:يممه شلي هالخايسه من وجهي لا ارتكب فيها جريمه العنود تهدي فاطمه اللي صرخت:يلا وريني شطارتك "بطنازه" يالشيخ اللي فالح بس تمد يدك على الحريم ثار من كلمته دف ابوه اخذ العقال قرب منها رفعت يدها تحمي نفسها جات الضربه بيدها صرخت بتوجع والعنود تحاول تبعده عنها وقف السيارة وبأبتسامة:حي بنت مفلح الجده:الله يحييك ويبقيك نزلت ساعدها اخذ شنطتها بعد ماطلعت له بقرار جديد انها تروح لأهله بباله بيوصلها ويرجع من غير ما يدخل البيت فتح الباب وصله صوت الصراخ عقد حواجبه سمع صوت امه وهي تبكي:فكها يا سالم بتذبحها سالم بهيجان:فكيني اربيها معيوبة المجالس جاء بباله ان سالم يضرب زوجته دخل بسرعه للمجلس الخارجي شاف ابوه يدف سالم والعنود تبكي ووحده طايحه تحت رجول سالم اللي يرفسها وهي تتلوى من الألم جن جنونه لما لمحها هي ماغيرها العنود ببكاء وصراخ:بتذبح البنت طار عقله شد قبضة يده وجهه قلب للون الأسود وبصرخه:سااااااااااااااااا� �ااالم لفت العنود شهقت بقوة ما عطاه فرصه هجم عليه مسكه من ثوبه وصاروا يتضاربون وابوهم يفكهم لكن متعب مثبته ويضرب فيه والعنود تصيح بفزع سحبه ابوه وكتف متعب اللي يحاول يهجم على سالم بصرخه:تتهجم على مرتي يالخسسسسسسيس سالم يمسح الدم من انفه:ربها بالأول معيوبه المجالس عض لسانه صرخ بقوة وما تحمل فك نفسه وهجم عليه ويضرب فيه بقوة العنود ببكاء:بيذبحون بعضهم بيذبحون بعضهم ابوهم حاول يفك بينهم لكن ماقدر واخوانهم دفه بقوه رفع سبابته وبصرخه:هذا وصاتي لك يا ولد امي وابوي هااا تمد يدك على مرتي اطلع برا هالقرية تتعتذرك سالم بحمق يعدل ثوبه اللي تقطع وانفه ينزف دم :لو على جثتي ما طلعت تطرد اخوك عشان وحده خايسه بيتهجم عليه كتفه ابوه وبصوت عالي:اذكروا الله الشيطان دخل بينكم راح لها بسرعه شافها طايحه بالأرض لا حول ولا قوة رفع راسها لحضنه وبخوف:فاطمة تسمعيني؟ مغمضه عيونها من التعب وببحه:متعب متعب بخوف يحس قلبه وقف رفع راسه: تحملي راح اوديتس لغرفتس ترتاحين شالها بين يديه متجاهل نظرات ابوه واخوانه" شاف مرت سالم عطاها نظره وخرج من المجلس يعرفها هي سوسة تحب تسوي شوشرة وتزرع المشاكل بينهم" فتحت له جدته باب الغرفه دخلها سدحها على السرير رجع قفل الباب وجدته ام امه واقفه وعينها عليها اول مره تشوفها ماحضرت زواج متعب لتعبها رفعت يدها الصغيرة ومسكت ثوبه من جهة صدرة وبخوف:لا تروح والله آسفه سامحني سامحني متعب بطولة بال:يابنت الناس انسي فيه شيء يوجعتس "بغيض" هالكلب وين ضربتس؟ فاطمة بكذب حتى لا تكبرها:ما ضربني متعب بحمق:وتتسترين عليهم انا شفته بعيوني الثنتين وهو ماحطتس بالعقال فاطمة بغصه ونبرة صادقه ولازالت متمسكه بثوبه:ماهو مثل الوجع اللي بقلبي من رحت 4 ايام والدنيا اسودت بعيوني عفت كل شيء حسيت اني فقدت شيء كبيييير وماصبرني غير ريحة شماغك اللي رميته قبل لاتخرج ولو ماجيت اليوم كنت بلبس فروتك وبنام فيها حتى احس بوجودك "نزلت دمعتها" قلي انا وش اسوي من دونك والله اضيع على هالضياع اللي انا فيه مو قلت انك ابوي واخوي وصاحبي وعضيدي اجل ليش رحت وخليتني ؟ متعب بغصه بعد الشعر عن عيونها:وانا باقي مثل ما خبرتيني يهون علي اشوف كل هالناس توقف ضدي وتكذبني الا انتي يافاطمه لما قلتي ذاك الكلام تمنيت الله خذا امانته ولا سمعته هزيتي هالقلب اللي شال لتس حب لو يوزنونه مع هالبشرية مابيجي حولهم شيء فاطمة بصدق:خفت تتركني مثلهم الجده انسحبت بهدوء سكرت الباب وراها شافت العنود اللي متفاجأه من جيتها رفعت يدها :خلي القلوب تتصافى العنود مسحت دموعها باست راسها ويدها :الحمدلله على سلامتس يايمه تو ماتنور البيت الجده بهدوء:الله يسلمتس وش بلاكم قضت عقولكم ؟ العنود زفرت:حزة شيطان يمه الجده بغضب:ولدتس ما ينتخي ولابوه ذرة حياء يرفع يده على بنت غريبه عليه ومرت اخوه ماهوب صاحي العنود بفشله:حزة شيطان يمه الجده رفعت يدها بعدم اقتناع:الشيطان ماسوا شيء مير هالسوسه زوجة ولدتس سالم ما يطلع منها الا الدمار والخراب هذاني اقولتس لا اشوفها ولا تسلم علي والا بشيل قشي وبطلع من هالبيت العنود بلمت مشت امها من جنبها ولحقتها لف بضيق ومعطيها ظهره :للحين شاكه اني بخليتس واروح اتركتس مثل اخوانتس الرخمه كل مره قلت لتس اصابعتس ماهيب سوا يالله تحاملت نفسها اعتدلت بجلستها رفعت يدها لظهره قربت منه وحضنته من ورى وبخوف:لاتلومني من تيتمت وانا فيني عقدة اخاف كل ماتعلقت بأحد يروح ويخليني سقطت دموعها على ظهره مسحتها بقفى يدها لف عليها ورجل بالارض ورجل ثانيها على السرير وبرجاء:اوثقي فيني شيلي هالخوف انتي مع الشيخ متعب الغريب وهو الغريب يحتمي به فما بالتس بقلبي بكبره اللي ملكتيه واللي خلقتس ما عاش منهو يضيمتس دامني حولتس يالقزمه ضحكت بخفه مرر يده على شفاها:جعله دوم اشوف هالثغر المبوسم "بجديه رفع يده لقربته" وحقتس برقبتي هاذي اذا ماخذيته لا تسلمين علي واللحين غسلي وجهتس انتي لازم تعرفين كل شيء هزت راسها منطاعه له بعدت عنه دخلت الحمام "وانتم بكرامه" غسلت وجهها رفعت يدها المحمره بغيض:الله يكسر يدك ويد زوجتك اما هو اكتفى بأنه يرمي بكل الاوراق قدامها حتى تكون معاه مو عليه.. الــــــريـــــــاض.. بالوزارة رفع الصوره اللي بيده وبقهر:معناته حسن قدام عيونا ولا احنا عارفين اسماعيل بحسن نية:كان ساكن عند امه متستره عليه لكن مالقينا اثره فقدناه رفع راسه بصدمه قرب وبتشتت:قلت وين كان؟ اسماعيل ردد:متخبي عند امه من شهر "جال نظره بضياع معقوله كانت تعرف وتسترت عليه لا لا مستحيل بس هي كانت عند اهلها لما سافرت يعني شافته تعرف بوجوده لازم يقطع الشك باليمين ويسألها والا بيجن عقله" وقف بسرعه اخذ اغراضه وبنبرة آمره:طلعوه لي لو من سابع ارض ولؤي دوروه الا ما تلقون هالخايس مندس بمكان ما يخطر ببالنا صرت حافظهم اسماعيل وقف احترام له:وصالح؟ ابتسم على جنب بسخرية:هذا خله علي باقي بينا حساب ماصفيناه ومصير الحي يتلاقى لا تخاف خرج بخطوات واثقه وجامده من يراه اول مره يظن انه جلمود يخلو من أي احساس انسان مستقيم الوسطية مبتورة من قاموسه اما ابيض او اسود لا مكان للألوان بعالمه لا يهاب كلمة الحق وان حد السيف على رقبته جدي وملتزم اؤما براسه كتحيه لموظفيه الذي يحترمونه ويضربون له الف حساب يغضب الجميع يغضب سعود بن عبدالعزيز ولكن لا يغضب الضبع الأسود" والا سيوشم ذكرى سيئة بعقولهم" لمدى العمر خرج من الوازرة جاه اتصال وقف ناول الحارس مفتاح السيارة ليقربها له وهو بنص مكالمته حتى يدوي انفجار هشم زجاج مدخل الوزارة بسرعه انبطح سحب سلاحه من خصره ويشوف استنفار رجال الأمن واسماعيل اللي يركض بالدرج يوصل له رفع عينه لسيارته اللي كانت مفخخه خصيصا له الى متى سيكتبون سيناريوهات موته وتنتهي بالفشل لولا المكالمه كان اصبح بدال حارس الأمن اسماعيل وصل له وقف قدام حتى يحمي ظهره :سموك لازم تدخل داخل "جسار بعد يده وقف اسماعيل فهو عبد مامؤر يحمي حياته لسببين الأول لمنصبه الحساس ثانيا لأنه حفيد للعائلة المالكة" جسار دف يده وتقدم من السيارة المشتعله اسماعيل لحقه وبترجي:سموك يمكن موجودين بأي مكان رفع عينه لألسنة النيران التي عكست على عدسة عينه لتلمع راقب حوله وبهدوء:حسن هنا اسماعيل طار عقله ويشوف سيارة من نوع كارسيدا بيضاء قديمه فرت من قدام المبنى "اخذ هواء شبع رئتيه بالدخان المختلط مع النيران بمجيء قوات المهام الخاصه بزيهم الأسود تدخلوا ويحاولون يبعدونه عن مكان الحادثة قدر الأمكان" جسار لف عطاهم ظهره ووراها اسماعيل تكلم :هالحادث ما ابغاه يطول لوسائل الأعلام تكتموا على الخبر ولو انحديتوا قولوا "بسخرية" مناورة تدريبيه يبغون يسون لبلبه لكن حلم ابليس بالجنه اسماعيل مد مفتاحه لجسار:ماراح يصير الا اللي يرضيك روح ارتاح والحمدلله على سلامتك ابتسم بمجاملة لأسماعيل:الله يسلمك بالجهه الأخرى... جالسين سهرانين على فيلم بالصاله اللي تحت تثاوبت ريم تمططت بكسل:آآه بروح انام ما اقدر اتحمل ليلى برجاء:لا تكفيين ماعندي غيرك كلهم نايمين طفشانه ريم بخبث:لا تخافين بيوصل قيسك شوي بعدين انتي وحده عاطله باطله اما احنا ورانا دوامات ليلى برفعة حاجب:راح ادرس الترم الثاني الجامعه ريم بضحكة:اتفلي بوجهي اذا نجحتي وجهك وجه دراسه ليلى اخذت المويه اللي قدامها ونثرت شوي بيدها على وجهها شهقت ريم ضحكت بقوة: هههههههههههههههههههه ..قطع ضحكتها شهقتها بقوة:اهىى ريم تسدحت ضحك :هههههههههههههههههه وحده بوحده..فركت رجولها وشردت اما هي من البرد ماقدرت تتحرك بعد ماريم نثرت الكأسه كلها وكأسة العصير فوقها بغيض :مردوده ياست ريم دخل البيت وباين عليه الضيق كل مالهم يتمادون مو قادر يبتر رجولهم ويلوي ذراعهم ويوقفهم عند حدهم مر بيطلع سمع صوت وحده تتذمر وشوي تبكي اخذت مناديل وتمسح وجهها وبقرف:عصير فراولة بهالبرد ناقصني انا استغفر الله "بعصبيه رفعت صوتها" هييين يالبزر انا اوريك ما انتهينا بينا حساب بتشوفين اوووف اللحين يبغالي اروح اتروش بهالبرد ياللئيمه دخل بدون ما تحس عليه وترفع راسها مسحت صدرها ونحرها اللي التصق فيها العصير لمحت جزمته العسكرية فزت على طولها وقفت ولا اراديا رفعت يدها:مالي دخل انا نثرت شوي ها شوي "صغرت يدها" اما اختك هالبزر روشتني شوف كيف سوت فيني بهالبرد؟ تمعن بعيناها العسليه القريبتان منه ابتعد قليلا خاف أن تسمع ضربات قلبه بريق الذهب لا يدانيه بريق ولا يعلو عليه سوى بريق عينيها اخطر ادوات الأبتزاز ليست السكين او السلاح بل عيناها التي تضطرب رموشها عندما يطيل النظر لها عمدا هذا الجبروت الكامن في عيونها لم تسأله ماذا تعني له ولكنها تنتظر الأجابه حتما !! هل هي تمثل قانون آنشتاين المروع:الطاقة تساوي الكتله في مربع سرعة الضوء الصادر من عينا انثى فاتنه لما تقف النساء ورى تاريخ كل رجل عظيم؟ لما يهزمنه شر هزيمة؟ قرب منها وهي حائره من وجهه الخالي من أي تعبير مزاجيته المضطربه تجعلها تلف السكون حول قلبها انشات بسيطه تفصل بينهم مد يده اخذ المنديل اللي بيدها رفعه لجبينها ومسح اثر العصير نزل المنديل لنحرها ومسحه هالحركه كانت مثل الألتماس الكهربائي بالنسبة لها لكن لاتقدر على الحراك بوجوده وقف رفع يده الثانيه يتحقق من عينها هل هي حقيقه او وهم يخيله له عقله بعطف باس جبينها وبروقان مفاجىء :ليه مارديتي اعتبارك ياجبانه؟ رفعت راسها عبست وزمت شفايفها مثل الأطفال تشككه احيانا بعمرها وبحمق:وهي عطتني فرصه على طول فركت رجولها "رفعت سبابتها واشرت للباب" اوريها حركاتها تجذبه تجبره يرمي قناع اتخذه من قساوة بيئة وظروف عمل تحكمه على ذلك بهدوء:تستاهل بس كيف سوت ؟ ليلى ببلاهه اخذت الكاس اللي كان فيه شوي مويه رفعته لراسها نثرته:كذا سو جمدت مكانها من غبائها نثرت على نفسها المويه عطفت ملامحها ضربت رجولها بالأرض وببكيه:بررررد رفع يده لوجهه يحاول يكتم ضحكته ضرب راسها بخفه:قايل لك ريان اكبر منك بس ماسمعتي الله لا يبلانا احد ينثر على نفسه مويه احمم يلا تأخر الوقت ليه مانمتي انسدت نفسها بوزت:كنا نتابع فيلم بس اختك خربت جوي جسار مد يده وبهمس:ما عاش من يخرب جوك يلا نوم مو زين السهر بيتعبك وقفت وبأستغراب لحاله احيانا يحسسها ان مافي اهم منها بهالدنيا واحيانا جلافه غير طبيعيه شافها مطوله مسك يدها وسحبها وراه وهي يالله تتوازن بسبب فارق البنيه بينهم طلعوا الدرج ومن ثم لجناحهم فتح باب الحمام "وانتم بكرامه" دفها وبتحذير:تروشي بموية دافيه انصرعت وببكيه:لا برد جسار برفعة حاجب:ليلى تكتفت وتهز راسها:ماراح اتروش بهالبرد برررد جسار بطولة بال:وبتنامين بهالحاله؟ هزت راسها قرب منها وهي ترجع لورى سحبها من ذراعها تحت الدش وفتح الموية الحارة شهقت بقوة لما طاحت الموية على شعرها وتغرقت ابتسم:يلا اشوف تنافظت مسكت يده وبرجفه:بررد استغرب قرب اصبعه تحسس المويه لقاها بارده غمضت عينها والمويه تطيح عليها شهقت بقوة سكرها بسرعه وهي ترجف وتتنافظ خر بسرعه اخذت منشفه ورجع لها خرجها من الحمام وهي ترجف ومحتضنه يدها وفكها يهتز واسنانه تتصاكك ببعضها:برررد قرب منها المنشفه رفعها لشعرها فك البنس ونشفه نزل المنشفه لكتوفها تمكسه اصابعها بالمنشفه حس بالذنب حاوطها وحضنها وبأسف:آسف شكل الصخان ما اشتغل وفيه احلى من فرصه لليلى حتى تحضن هالرجال الكائن العجيب الغريب اللي عجزت تفهمه حطت يدها على خصره وضمته وراسها على صدره استغرب من حركتها بعين ضيق نزل ذقنه:انتي وش تسوين؟ كانت بعالم ثاني وريحة عطره تعانق حواسها مغمضه عينها نست البرد بدفى حضنه جسار بضحكة:غرقتيني معاك لازالت مغمضه عينها وحاضنته بقهر:تستاهل عشان اللي سويته قبل شوي انفجر ضحك:هههههههههه والله مو بقصدي آسفين ست ليلى ها ارضينا غرورك؟ رفعت راسها وعينها بعينه:لااااا جسار بطولة بال:طيب وش اللي يرضيك؟ تحمست رسمت ابتسامه هبله:لاتنام سولف معي بعد عنها فصخ ساعته رفع اكمام بدلته الشتويه وبهدوء:من ناحية النوم ماراح انام ابتسمت لكن قتل ابتسامتها لما كمل:اما ناحية السوالف ملحوقين عليها اللحين بروح اصلي الوتر صليتيها؟ ابدا ماكانت متوقعه انه يصلي الوتر هزت راسها طالعها بضيق: الَرَسُولُ صلى الله عليه وسلّم قال: "فَضْلُ صَلاَةِ اللَّيْلِ عَلَى صَلاَةِ النَّهَارِ كَفَضْلِ صَدَقَةِ السِّرِّ عَلَى صَدَقَةِ الْعَلاَنِيَةِ" رددت وراه :عليه الف الصلاة والسلام اشر بيده:يلا اللحين بدلي ملابسك واللي يرضى عليك وتوضي وتعالي نصلي سوا ابتسمت لكمة "سوا" تعشقها منه كأنه يرميها بوابل من كلمات العشق طارت اخذت لها ملابس توضت وخرجت لقته فارش السجادة بالعرض وينتظرها لابس ثوب استغربت لكن ماعلقت اخذت الجلال وقفت جنبه وكل واحد صلى بالسر بعد ماسلم سلمت لفت عليه:بتروح مكان؟ جسار بتعب:لا ليه؟ اشرت عليه:لابس الثوب ومتعطر جسار بهدوء:اللحين لو جوك ضيوف ماراح تطلعين لهم الا بأحلى شكل ليلى بتأكيد:الا؟ جسار وكأنه يعلمها لدرس:ولا صليتي بتوقفين بين يد ربك؟ ليلى:ايه جسار:مثل ما توقفين قدام ضيوفك بأحلى شكل اوقفي بين رب العباد بشكل مقبول طلعت آآه عميقه منها استغرب قربت منه حطت راسها على فخذه وببحه:امسح على راسي ياجسار رفع يده ومسح على شعرها بقفى يده وهي عينها مثبته على اطراف السجادة ويده العريضه والدافئة تمرر على شعرها وكأنها تعطيها تعويذة من الهدوء والراحة قعد على هالحاله ربع ساعه وهو غارق بالتفكير امواج الحيرة تلطمه من جميع الجهات حقيقة ابوه..تؤامه اللي يحن له صالح لؤي محمد الخائن للعائله ولوطنه .. معرفة ليلى للحقيقه المره اللي كان يتعذب وينازع ضميره اللي يعذبه والقرار المرهون بكره بالليل راح ياخذ منها الجواب لوضعهم حس بثقل راسها شاف انفاسها منتظمه بهدوء:ليلى ليلى:............. نزل عينه بعد خصلات شعرها شافها غاطه بنوم عميق وكفوفها ضامتها لقدام مرر يده على ملامحها من كان متوقع جسار الوحش الكاسر القاهر يرفع الراية البيضاء لطفلة بجسد امرأة نزل شفايفه لشحمة اذنها:نوم العافيه شالها بخفه سدحها على السرير غطاها زين رمى نفسه جنبها حط يد تحت راسه ويد على صدره وحادث اليوم يخليه يراجع حساباته الف مره صار مو بس هو المستهدف لا حتى اهله غريب عجيب اخطر واحد من التنظيم واللي يحاربه ويحاول يمسكه بأي طريقه يكون اخ للأنسانة اللي جنبه يجري دمهم ببعض وكان الكره والحب وسيط هالمعادله كره:حسن حب:ليلى النتيجة :خاوية !! يوم جديد "العصر" الأجواء بدأت تدفى نسبيا وموجات الهواء المتقلبه بهالأشهر كانت لمدينة حائل النصيب الأكبر ملتمين بالصاله يتقهون واللي تطقطق على الجوال سميه بتلذذ:همم لذيذه اقول ناديه كيف سويتي السينبون احس عجينتها غير عن اللي اسويها ناديه وعينها على الجوال:.............. سميه:ناديه وصمخ ناديه:................. اخذت فنجانها الفاظي وضربتها جاء الفنجان بركبتها صاحت بتوجع رفعت راسها وبصرخه :جعل يدك الكسر خيييييييير ؟ سميره بطفش:ريحونا انتي وياها سميه برفعة حاجب وتاكل السينبون ومحشور بفمها متجاهله صرختها:كيف العجينه اللي سويتيها مره عجبتني ناديه مسحت مكان الضربه وبقهر:والله سميه بسرعه:لاااااا لاتحلفين تكفين اكلمك وسافهتني ماسكه هالجوال سميره هزت راسها:استغفرك يارب ودي اعرف انتم ماتقدرون تصيرون زي بنات ام سهيل؟ ناديه تركت الجوال ابتسمت بخبث:بنات من ؟ سميره بهدوء وتشرب القهوة:بنات جارتنا ام سهيل ماشاء الله على ولدها مدرس انجليزي تو جاي نقله المسكين اول ماتعين رموه بالدوادمي وماله الا شهور من نقل "بغيظ" بناتهم الوحده ياله يطلع لسانها ناديه نزلت من الكنبه جلست بالارض جنب امها وتربعت وبخبث:خلينا نروح نزورهم والا يزورونا سميرة بحسن نية:والله فكرت فيها ناديه بضحكة:ايي الرسول وصى على سابع جار سميه برفعة حاجب وبنغزه:أي بسم الله عليك تعرفين الواجب عسبلت بعيونها بجية مضاوي ومعها فرح سميره حست انها زودتها معاه ابتسمت:هلا بمضاوي عاش من شافك مضاوي بهدوء:تعيش ايامك يا ام عادل ناديه بأستغراب:اين ندوش؟ سميه بقرف:وش ذا الدلع استحضار جن؟ ناديه عضت لسانها:يختي انتي اخرجي منها بعدين تعالي متى بتذلفين ترا طفشت منك سميره بحده:بنننننت!! سميه تمثل الحزن:جرحتي مشاعري اقول على قلبك سامي منتدب بشرورة وانا بقعد هنا 4 شهور شهقت ناديه:بلاك يابو عقاب طيح الله حظك دام ذا علمك سميره بضحكة:يابنت منين تعلمتي هالكلام؟ ناديه رقصت حواجبها:الله يسلمك يايمه من الطفش صرت اتابع مسلسلات بدويه سميه وتاكل:يابنت اخلصي علي كيف الطريقه؟ ناديه بطفش: 3 اكواب دقيق ونص كوب زبدة ـ نص كوب سكر ـ فانيليا حليب بودرة او سائل ـ ملعقة كبيرة خميرة الحشوة:زبدة ـ نستله "حليب مكثف" سكر مطحون وقرفه ..اعجني المقادير واتركيها مدة ساعه لتخمر بعد ساعة من العجن قسمي العجينة الى 6 او 5 اقسام وافردي كل قسم وادهنيه بالزبدة السائله ثم رشي الحشوة وصلى الله وسلم سميه بتلذذ:امم لازم اشوفك تسوينها بعد العـــــشـــــاء.. طلعت لهم سميه ووجهها محمر ومبين عليها تبكي كانت ماره بالصدفه تسوي لبنتها حليب سميره بفجع:سميه كنتي تبكين؟ رمت جوالها بالأرض وانتحبت بقوة فجعتهم رفعت وجهها المحمر ودموعها تنزل:هذا اللي بستفيده من سامي الله ياخذه ناديه بضجر:هيي اهدي وش السالفه سميه بقهر مسكت طرف قميصها وتصيح:متهمينه بأختلاس البنك شهقت سميرة وبفزع:من علمك مو قلتي مسافر شرورة سميه تبكي بقوة:كذب علي الله ياخذه تو اخته تعلمني هذا دمرنا مافكر ببنته ماخاف ربه يسرق شيء مو حلاله كانت تسمع كلامها بتروح لها شافت رساله من مغرب فتحتها حست الدنيا تلف وتدور فيها من محتواها (وكم واحد بتحملين ذنبه؟ ) "حست بأنتفاضة غضب تمرد عصيان تخرج منها رمت رضاعة بنتها وخرجت بسرعه وسط استغرابهم خرجت للحوش رغم برودة الجو الا تبغى شيء يهدي النيران اللي تحرق جسدها قبل جوفها دقت على رقمه بغيظ وتهز رجولها بتوتر وتمشي رايحه جايه على بلاط الحوش وهي حافيه للحظة فقدت تحس بكل شيء سلمان يظن انه بيكسره بهالطريقه ويخليها تقدم له الخضوع هيهات رغم مرضها وشدتها الا بأسها شديد " وصلها صوته الرايق:حيا الله بنت الشمال شدت على سنونها :الله لا يحيك ولا يبقيك سلمان :نؤؤؤؤ عيب عيييب يابابا ماعلموك اهلك ان الرجال له احترامه؟ رمت الضعف على جنب وبصوت يملأه غيض:وما علموك اهلك ياولد ابوك ما تستغل اسمك وتكسر به ناس مساكين لهم جود الله سلمان بنرفزه يحاول يتمالك نفسه:والله قلتها مليون مره وبرجع اقولها تحدين الواحد على اقصاه يا بنت خالد بيدك كل الأمور ثامر وتدمر وعليه السلام واللحين الدور على زوج اختك وكل من تعرفينه لا من خوال ولا من اعمام وهذاني اقولك اياها بالحرف الواحد كل ما شمختي ورفعتي راسك انكسر راس واحد من ربعك وعزوتك نفسها يطلع وينزل وسط سمعه رفعت عينها للسماء التي يتوسط القمر كبدها برجفه : والله ما تكسر ربعي وعزوتي وانا باقي لي نفس يابن سعود ان كانك تدور ورى شقاك يا مرحبا بك قلتها من قبل وبرجع اعيدها بيدك اكون جنتك ونارك ودامك رميت الحطب ابشر بالنار اللي بتشعل بحياتك.. بأصابع تنتفظ من الغيظ والقهر قفلت بوجهه مالها حيله ترجع توقف من جديد وتحارب هي انسحبت هنا واكتفت من حرب خرجت منها بنتيجة سحقتها وسحقت كبريائها لكن هالمره الحب اختلفت نفس اللاعبين لكن هالمره هي بتسير هاللعبه خسرت من قبل ولا عندها استعداد تخسر مره ثانيه رجولها ما قدرت تشيلها رفعت يدها للجدار تمسكت وتهاوت على ركبها ودها تصيح بأعلى صوتها ليه كل ما دورت الراحه الا ما يسلبونها منها؟ ليه تستنزف طاقتها وراحتها؟ رفعت عيونها للسماء بوشاحها الأسود الذي استولى عليها مرغمه النجوم الأختفاء شدت على يدها تممت:حسبي الله لا اله الا هو عليه توكلت وهو رب العرش العظيم .. رددتها 7 مرات وقلبها ينتحب لمجاراة الماضي سأعدك انني اصبح اغرب واعجب امرأة عرفتها اعدك بأنكـ لن تجد لي مثيله.. اعدك بأن 39 الأخريات من النساء لايشبهنني.. سأصبح ناقوس خطر يدق بابك دون انتباه واعدك ايضا كل صفعة تلقيتها سترد اليك وسترى من تدعها (اطهر ذنوبـكـ).. الســــاعه 3 اللــــــيل .. رفعت جوالها تكلم بدون نفس:انا برا عجلي علي قفل!! دارت عينها بالمكان اللي لجأت له بعد هروب الى بلاد الغربة لتبحث عن اوطانها عن هوية قلبها!! ورجعت وختم على جبينها (شابة مهزومة) (امرأة مطعونة) (كهلة مخذوله) اقسمت ان تنساه وان تهزمه كما يهزمن بني النساء الم المخاض!! اقسمت بأن تعيش وحيدة البال .. ولكن الزمن لايزال يزج بها بلعبة يرغمها ان تكون بدور المدافعة لتستقبل هجمات من شطرت روحها نصفين لتنحت اسمه بداخلهما اخذت شنطة صغيرة حطت فيها ملابس لها ولفرح واغراضها الأساسيه ماراح تطول راح ترجع لهالبيت وبترجع وهي حره ياطلاقها يالخلع تسحبت بهدوء شايله فرح النايمه بهدوء خرت للحوش شافت اغراضها اللي مجهزتها فتحت الباب شافته واقف ورافع حاجب مشت وتركت الباب مفتوح بمعنى "ِشيل الشنطه" اخذ الشنطة مستغرب من صغرها التفت وعينه تدور باقي الأغراض استغرب لف لقاها راكبه ورى اخذ الشنطة سكر الباب بهدوء فتح جهتها وبنبرة امر:انزلي واركبي قدام لافه وجهها بضيق:مرتاحه لاتخاف سلمان بأمتعاض:ماسألت عن راحتك انزلي لفت وبنبرة سخرية:سبحانه قبل 4 ايام كنت تدور رضاي بأي طريقه واللحين اشوف حالك انتكس وش في قلبك عسى ماشر؟ يحاول يكتم مشاعره رفع حاجبه الأيسر بلل شفايفه لمعت عينه وبهدوء:قلبي اعوج مثل لسانك ضحكت بدون نفس لفت وجهها:الله والقلب انت تعرف اني ما اطيق اقعد معاك بمكان واحد وتعرف ان قاطعها رافع يده:بتتعالجين وتتشافين وانا بجيب لك الشيوخ قعدتك هنا مالها داعي اظن انا زوجك ومكلف فيك ندى بضيق دمعت عينها:ٍسلمان والله ما اطيقك كلامها مثل حد الخنجر تطعنه بالصميم وبهدوء :تحملي مشوارنا مو بعيد كلها ساعتين لفت وجهها وبخنقه:طيب مقدر اجلس جنبك خلني هنا مرتاحه سكر الباب بدون ماينطق بحرف ركب قدام ثبت المراية عليها وهي عينها على البيت تكلم بثقه:ودعيه يمكن هاذي اخر مره تشوفينه طول ما انا حي حست بحشرجه غصت فيها ولازالت عينها على باب البيت:ما انت باقوى من الموت يمكن ادخله ويغسلوني فيه حس بضيق ويتذكر حالها لما تكون معاه كيف" تنهار مثل الورقة تنطوي بسهوله لكن حوافها حاده ممكن تجرح تذكر الأيام الصعبه اللي مروا فيها ...وكلها قهر...لكن كلامها وتصرفاتها تنطبق على تشخيص الدكتوره النفسيه اللي راح لها وشرح حالتها مو بس سحر هي بحاله نفسيه عنيفه تصارع نفسها قبل محيطها من الصدمات اللي مرت عليها موت ابوها خلاها انسانه ثانيه ومن هالمنطق قرر مايترك حالتها للزمن والا بتضيع من بين يده تكفل يحميها وهاللحين قاعد يسوي واجباته ولو انه صحي متأخر حرك السيارة وعينها على الشوارع ساعتين ماسمع منها صوت كل شوي يسترق لها النظر وهي على حالها عينها لبرا ورافعه كتفها بقمة ضعفها ما انحنى راسها" بعـــد ســـاعتين ... وقف قدام بوابة حديدية كبيرة ضرب بورن سرعان ما انفتحت دخل وسط نظرات استغرابها المشتته وقف بهدوء:هالمكان علم بقلوبنا شرخ كبير ومن هنا راح يتصلح كل شيء دارت عينها بغير تصديق مصر الا يذبحها من الوريد الوريد جايبها للمزرعه حتى تتذكر خيانته و سأظل أمشي في حقول ألغامك و أنا أحمل بيدي عكازي الأبيض كالعميان......لأرى غموضك بوضوح لماذا تذكّرني حكايتنا، بأول أرجوحة ارتعش جسد طفولتي لهبوبها، وفرح بتحليقها وسقوطها؟ ولك أن تختار، بين أن تظل هكذا، نجماً بعيداً يضيء حياتي بهدوء وبين أن تهوي مرتطماً بأيامي كشهاب مجنون لنحترق معاً... لك أن تختار، بين مباهج البعد والشفافية والأبحدية فتح الباب جهتها شال فرح بدون مايطالعها ويغطي راسها بالبطانيه حتى ماتبرد بهدوء:كل ماتقبلتي هالوضع كل ماريحتي راسك مشى تاركها حزينة ومذهوله لفراق ماتوهمته حقيقه كيف قدر يلبس قناع الحب والأهتمام بالأيام اللي راحت حطت رجلها اليمين على الأرض ومستنده بيدها اليسار الباب تحس رجولها ماتقدر تشيلها من ثقلها تمسكت بحافة الباب وتوزع نظراتها على المكان اللي شهد اول موته صغرى لقلبها بللت شفايفها رفعت راسها بعدت يدها عن الباب ونزلت بدون ماتسكر الباب مشت بخطوات غير واعيه وغمامة سوداء تغطي عينها تحجب رؤيتها تدريجيا للمكان كان واقف بعيد منزل راسه لكن شده منظرها كانت مثل الميته يشوفها تمشي وبدأت خطواتها ترنح تقدم خطوة بخوف ويشوفها وقفت رافعه راسها للسماء حالكة السواد رجعت نزلتها عليه لفت بدون اهتمام لتمشي بالسيب اللي يزينه من جهة اليسار واليمين الورد بألوان مختلفة يخالف الشتاء القارس الذي شبه تعدم الحياة فيه... فتحت الباب المردود بطرف اصابعها المتردده وصلها صوت غريب عقدت حواجبها دخلت بهدوء وصوت خطوات صندلها تتردد بالممر الطويل فسخت غطاها ومسكته بيدها اليمين نزل بنته على الكنبه وبصوت غاضب:انتي وش اللي جابك هنا؟ روز بغيض:هذا اللي بحائل ويتطمن على بنته هممم جاي انت وست الحسن هنا وروز هااااا بحريقه مسح وجهه عض لسانه :استغفرك يارب واتوب اليك روز بدموع وتمسح انفها السايل:ليش تبعدني عنك همم ماتهتم لي ولا اللي ببطني ماتخاف علينا؟ (ماتخاف علينا؟) السؤال ينعاد مره ثانيه لتوصل اجابه سلمان بغضب صرخ:روز اخرجي من راسي روز ببكاء وصرخه:ليش تلحق وراها مو هي عافتك وتركتك مو كنت تشكي منها وتتذمر لما يكون دوري وتقولي رافعه خشمها على الفاظي ماتوصل جمالط ياروز ولا ادبك واخلاقك ولاحتى ربع ظفرك ...تعلقت عينها لوراه لف بشويش لقاها واقفه وراه نسي منها زفر بقوة رفع يده لعيونه وضغطها بقوة لتكن الزلزال الذي يضرب مدينتي ويقلبها عاليا سافلا.. لتكون المطر الحمضي الذي ينتزع الطهارة من جذور ازهاري..!! لن اشعر بشيء صدقني ..!! فأنت اودعتني قتيلة مغدورة منذ زمن.. عندما تفننت بممارسة طقوس لتكسرني فعلتها الآن لست سوى انعكاس لظل طيف اسم صبية ضجت جنونا تدعى (انــا) روز ببكيه وصراخ:انتي لين متى راح تنغصين حياتنا هااااااا "رفعت سبابتها" هاذي المريضه همم ماعندك كرامة جايه برجولك وتعرفين انه فضلني واختارني عليك ؟ صرخ سلمان بقوة تنافظت روز:روززز تشجعت تكلمت وسط بكائها:مو هاذي الحقيقه مو انت بلسانك فضلتني عليها كذب همم؟ تقدمت خطوات متجاهله وجودهم وعين سلمان عليها وقفت قدامها روز وبدموع:لييش رجعتي؟ راسها منزل بالأرض صرخت روز:ماتسمعيني!! تعدتها انحنت رفعت بنتها من الكنبه وسط نظرات سلمان وهو يشوفها بهالمنظر وكأن من سلب روحها مشت متجاهله وجودهم لأقرب غرفه لقتها مفتوحه دخلت حطت فرح على السرير حست بدوخه مسكت طرف السرير سندت نفسها عليه ومغمضه عينها بوقوفه على الباب وبهدوء :ندى معطيته ظهرها وصوت بكاء روز يتردد بالمكان ماقدر يتصرف خرج بسرعه لروز اللي تصيح وتتهمه بالأهمال سكرت الباب بهدوء وعينها على الباركيه هبت موجه هواء بارده حركت شيفون الستاره بسرعه تحركت سكرت الشباك والستاره راحت لبنتها انسدحت جنبها جمعت يدها وحطتها تحت خدها صقر: ندى عقلك يوزن جبل وتعرفين اللي لك وعليك انقذي نفسك من هالمهزله عالمهم غير عن عالمنا ادري مالي حق اتدخل بس اللي اشوفه هالزواج لو يستمر راح تختنقين زيادة وبيضيع عمرك لأن سلمان مثل غيره من هالطبقه همهم الوحيد يتملكون وبس سميرة: انا علمتك من البداية وكنت صريحة معك قلت لك حياتهم متعبه بدرجه ماتتصور وراح تنصدمين من عالمهم المغلف بالمخمل ثامر بحده يحاول يخففها:مو انتي اللي اخترتي هالطريق هاا عساه ولد العز الامير ريحك بحياتك وبسطك؟ رمشت بضعف وقلة حيلة باست يد بنتها الصغيره مسحت على شعرها وبهدوء:ماراح نطول بنرجع لفت بفزع لما سمعت صراخ سلمان وبكاء روز وصوت التحف اللي تكسرت جلست على حيلها بالخارج.. واقفه وتبكي بخوف من شكله وهو ثائر كسر التحف اللي على الطاولة وقلب الدنيا فتح ازارير ثوبه ووجهه اسود رمى نفسه على الكنبه رجع راسه لورى ومغمض عينه روز بغصه:سلمان انت بخير؟ سلمان:............ روز بخوف:سلمان ليه ماترد علي؟ سلمان:.......... بكت بقوة:سلمان الله يخليك لاتسوي كذا مشت له بخطوات متردده هزته من كتفه وبحشرجه :سس سلمان؟ مسكت كتفه وتهزه بقوه:ٍسلمان سلماااااااان سلمااااااااااان فزت على صوت صراخها طاحت عند ركبه وماسكه يده وتشدها وببكيه:سلماااااااان اهىى اههى قوووم "تهزه بقوه تمايل للجهه الثانيه شهقت بقوة وصرخت" سلماااااااااااااااااااااا ن لف عباس بسرعه من صوت الصياح اللي داخل مشت بسرعه فتحت الباب شافتها منهاره وتهزه لكن مايرد بصوت يالله يطلع:ٍسلمان! جسار:خلاص هالمهزله لازم تنهتي لين متى راح نقعد نكتم بهالشيء عشان خاطر سعود بن عبدالعزيز سلمان راح يعرف كل شيء انا نازل له اللحين ضرب بورن فتحت البوابه استغربوا من وجوده لكن دخلوه استغرب من اللي يشوفه عباس يركض لداخل نزل بسرعه تارك بابه مفتوح مشى بخطوات سريعه وواسعه عاقد حواجبه ستووب نوقف هنا ونكتفي بهالجزء ههههه تحملوا شوي البارت الجاي بيكون حماسي حبتين وبتتغير فيه اشياء كثيره بداية من نية جسار لقول الحقيقة لأخوه وقرار مضاوي للرجوع لكن سؤالي لكم هل ممكن نشهد اصطدامات بين جسار و ندى!! ؟ تابعوني على الانستقرام _missmilano كونوا بالموعد "مس ميلانو" | |||||||||
|
| |
|
02-01-15, 12:09 AM
| #77 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم ورحمة الله وبركاته.. طبعا انا قدمت البارت بوقت حتى مايشغلني شيء واتخلف عن موعدي معاكم ثانيا : فيه خبر تناقلته وسائل الأتصال المختلفة مفادها بأن الملك عبدالله بن عبدالعزيز مريض وسووا له اخلاء جوي مانعرف صحة الخبر وعدمه لكن مابيدنا غير ندعي لأبونا,ذخرنا,عزوتنا اللهم رب الناس اذهب البأس اشف خادم الحرمين الشرفين الملك عبدالله بن عبدالعزيز انت الشافي لاشفاء الا شفاؤك شفاء لايغادر سقما .. الله يحفظه ويمده بطولة العمر آمنوا.. البــــارت 35 ابتدأتَ آلغيومَ تتجمعَ حولَ جسديَ الذيْ بقيَ بلا روحَ هآهيَ العوآصفَ تضربْ السمآءَ والبرقَ يشطِبُهآ نصفينَ وصوتْ الرعدَ الذيْ يفزع لهُ القلبَ ،... ومآزلتَ اقفَ لكنْ لآ آشعرَ بشيْ سوى احدآثَ تمر آمآمَ نآظريَ وكأن الاحسآسَ اصبح شبهه معدومَ دآخليَ اصبحتُ لآ آشعر بـ الدم فيَ جسديْ لا اشعرَ بشيْء سوى منآظرَ موحِشه ، اقفَ امآمهآ مجبُورهَ ولآ آشعر بشيْء ! ومآزآلتْ العوآصفَ تظربَ السمآءَ والاصوآت مستمرهَ . . .. ! لف عباس بسرعه من صوت الصياح اللي داخل مشت بسرعه فتحت الباب شافتها منهاره وتهزه لكن مايرد بصوت يالله يطلع:ٍسلمان! جسار:خلاص هالمهزله لازم تنهتي لين متى راح نقعد نكتم بهالشيء عشان خاطر سعود بن عبدالعزيز سلمان راح يعرف كل شيء انا نازل له اللحين ضرب بورن فتحت البوابه استغربوا من وجوده لكن دخلوه استغرب من اللي يشوفه عباس يركض لداخل نزل بسرعه تارك بابه مفتوح مشى بخطوات سريعه وواسعه عاقد حواجبه وقف عند المدخل ويشوف عباس واقف متوتر سمع روز تناديه:سلمااااااااان حس الدم تجمد بعروقه رفع صوته:طرييق ياااااولد لكن روز كانت تبكي ومو حاسه بنفسها اعصابه تلفت ماقدر يتحمل دخل ومنزل عيونه كانت ماسكه يده وتهزه رمى شماغه عليها وبنبرة امر:روحي تستري داخل روز رفعت عينها وصرخت:انتي السبب الله لايوفقككك رفع عينه للمكان اللي تصرخ عليه شافها واقفه مثل الميته وعينها عليه حس بشيء غريب نظراتها ماكانت مثل قبل فيه شيء كأنها مذبوحه نزل عيونه ويتعوذ من الشيطان اللي زينها للحظه بباله صرخ بروز:ادخلي دااااااخل روز من الخرعه قامت وتسحبت لداخل جلس جلسة القرفصاء مسك يده وشدها وبتوتر ظاهر :سلماان عباس بخوف:فاقد الوعي تكلم بسرعه:جيب لي عطر بسررعه عباس بحيره:من وين؟ جسار بصرخه:دبره خلصصصني !! بلع ريقه من صرخته خرج لسيارته يدور عليه رجع :مالقيت جسار عض لسانه وبقهر:بسيارتي تلقى عطري بالدرج اخللص علينا راح عباس وامتثل لأمره ورجع اخذ عطره الرجالي بخه بقفى يده وقربه لأنف سلمان وبخوف:اصحى ياسلمان اصحى تحس بثقل رجولها دموعها مانزلت وعدسة عينها تتنقل يمين يسار تراقب بهدوء تراجعت خطوتين سكرت الباب سندت ظهرها عليه وبهمس:مات !! عبست ملامحه ولازال مغمض نطق:ندى جسار بقهر عرف انها ورى تعبه وكلام روز اكد له:سلمان في شيء يوجعك؟ فتح عينه ويحس راسه ثقيل فرك عينه وبأستغراب:جسار جسار بأنفعال:قوووم خلنا نروح للمستشفى سلمان بأبتسامة ذابله:مايحتاج اللي يسمعك يقول ميت جسار بخوف:من غير شر لاتفاول على نفسك فتح عينه بشويش وباستغراب:لايكون اليوم العيد ياولد العم وماعندي خبر؟ ابتسم جسار يعرف قصده مايشوفونه الا بالأعياد ونادرا بالأيام العاديه:لا ماهو عيد "بكذب" من زمان عنك قلت امرك واشوف اخبارك سلمان زم شفايفه وبسخرية:اخباري هه اخباري لاتسر لاعدو ولاصديق عاجز ياولد عمي عباس فضل ينسحب بعد ماتأكد من سلامته وبهدوء:تأمرني بشيء ياطويل العمر رفع راسه جسار:ايه عباس خلهم يجهزون القهوة بالمجلس الله لايهينك عباس:ابشر جسار:تسلم تركهم عباس عدل جلسته جسار جلس جنب سلمان وبهدوء:وش صار؟ رفع عينه على الغرفه شافها متسكره بأستهتار :ماكلفت على نفسها تشوف وش صاير فيني لو اموت قدام عيونها ما اهتمت ابو القلب اللي معها جسار بهدوء:خافوا عليك سلمان بسخرية:يمكن روز بس هي ماظنتي جسار بغيض:ما انت بحاجتها الف وحده تتمناك سلمان بخضوع :وش حيلة الواحد على قلبه؟ جسار بجدية رفع مسبحته لفوق:يدوس عليه ويمشي فوقه لأبوه قلب يكسر ظهر الرجال خلل اصابعه بشعره ومرجع راسه لورى وبضحكة:تقول هالكلام لأنك ماجربت اللي جربته جسار انتفظ:والله لايقوله الحرمه اللي ترفع راسها علي اكسره مابقى الا حريم اخر زمن سلمان بنظره:وين كلامك لما كنا بموسكو الواحد لاصارت عنده جوهره لايفرط فيها جسار بجديه:سلمان انت تعرف اجدادها زين بآسهم قوي وتعرف زين كيف خرجوا عيون اجدادنا لينهزمون هذولا دمهم يجري للحين فقعها ضحك رغم تعبه:ههههههههههههههههههه جسار بجديه:يارجال انا اقولك الصدق وش مضحكك التاريخ يقول هالكلام مو انا سلمان بنص عين:ومن انتصر بالنهاية؟ جسار بفخر وغرور:طبعا احنا سلمان وعينه للباب اعتدل بجلسته:وانا اللي بنتصر بالنهاية جسار بأبتسامة:تقولها كأنك داخل بمعركة؟ مشت بهدوء على اصابع رجلها جلست على السرير ضمت رجولها لصدرها رددت بوهن:مات مات مات مات مات سلمان بتعب واضح:راح الحقك للمجلس جسار حس على نفسه قام وبهدوء:لاتتأخر ابغاك بعلم سلمان بأستغراب:خير ان شاء الله؟ خذا نفس:خير خير لاخلصت الحقني خرج تارك سلمان يصارع تعبه والوضع الحالي خرجت روز جرت له حضنته وبخوف:انت بخير؟ خفت تروح من بين يدي اخر شيء يبغى يشوفه هو روز صحيح رحمها لكن ماكان بباله تطلع كان بيروح للجلمود اللي برا ابتسم بمجامله مسح على دقنها:لاتخافين انا بخير روز بكذب:ماكلفت على نفسها تطلع سامعه الأصوات ولاهمها شيء سلمان بحقد لف وجهه:الله يغنيني عن حاجتك وحاجتها...تعداها وخرج لجسار 5 الفجــــــر.. لازالت على وضعها ضامه رجولها لصدرها وعينها مثبته على نقطة بالزاوية تقلبت روز وحضنته عيونه معلقه بالسقف بعد يدها وتسحب بهدوء ولازال لابس الثوب السكري فتح الباب ليتسلل نور خفيف من شباك المزرعه ساقط على الصاله اصدر الباب صرير قفله بهدوء حتى مايزعجها مشى خطوات رفع يده تحسس الأفياش فتح النور رمى نفسه على الكنبه مسح على وجهه مرتين زفر:استغفرك واتوب اليك عقد حواجبه لما سمع صوت بنته تبكي استغرب لكن بكائها ارتفع بسرعه وقف توجه للغرفه فتحها بهدوء المكان مظلم وموحش كرهها نايمه بالعسل وتاركه بنتها تصيح أي نوع من البشر هي لهالدرجة قلبها صخر؟ تعاقب بنتها لأنها بنته؟ فتح النور توجه لها بسرعه شافها جالسه وراسها بحضنها طارت شياطينه تسمعها تبكي ومخليتها شال بنته من السرير ويحاول يهديها وبحمق:ياقو قلبك وش ذنبها هالصغيره هاا اكلمك انا؟ ندى:.............. سلمان بصرخه:تتصانجين ماتسمعيني انتي همم؟ خلاااااااص الدم صار يفور بدماغه نزل بنته اللي تبكي سحبها من يدها بقوة يالله توازنت مسكها من عبايتها وشدها له وبصرخه:انتي ماتسمعييين؟ منزلها راسها بالأرض بضعف مالها أي حيله فقدت تحس بالمحيط اللي حولها عقلها مستسلم لفم الموت اللي خذا منها ابوها سندها بهالدنيا وخذاه بعد شافته ميت قدامها ايييه هو مات رفع دقنها بقوة وبعين متوعده:احذري غضبي ياندى مانتي بقده بتكرهين اليوم اللي ربطتي نفسك فيه بدخول روز مفجوعه ومبين عليها النوم وفرح تبكي بقوة :وش صاير؟ صرخ سلمان ولازال ماسك دقنها:شيلي فرح واطلعي روز بقهر:ماني مكلفه ببنتها لف وصرخ حتى تنافظت:ِشيليها لا باليمين اللحين فزت من كلامها تسحبت بهدوء شالت فرح اللي تبكي وخرجت صحت وحده من الخدامات وعطتها رجعت لغرفتها سكرت الباب بقوة وصل صداه لسلمان اللي القهر اعمى عيونه صرخ :تبغن تشترين راحتك هاااا طيب بتشترينها سحبها بقوة لبرا اختل توازنها تعركظت طاحت بالأرض شدها بقوة وهو ثاير:تحرككي دخل المطبخ وخرج من الباب الخارجي سحبها لنص المزرعه وهي لاحول ولاقوة جسدها بغيبوبة الحركة وقف ويحس بيرتكب فيها جريمه ماقاومته وهاديه وصدره يطلع وينزل:تبغين خلاصك هاا شفتي ذاك "اشر لباب المزرعه دفها" اطلعي منه وبنتك احلمي بشوفتها طول ماني حي لاصرت تحت التراب ذيك اللحظه تقدرين تشوفينها ما انتي كفو تهتمين ببنت رضيعه الله مكثر الشغالات اصطدمت بالأرض وضربت ركبتها حجرة حاده الحواف وحك جسمها بالعشب وشعرها تناثر على وجهها بحيث مايشوفها يصارع مشاعره الثائرة بليلة شتاء باردة حيث هبوب الرياح المختلطه برائحة التراب المبلل من رش المطر البسيط ونور القمر الباهت متوسطا كبد السحاب والسماء الحمراء المختلطة بالعتمة منذرة عن شتاء لايرحم يشابهه قلبه الذي بدأ يضيق صبرا !! ماتحركت من مكانها بنظرة نارية:ادخلي الجو بارد بكره لنا تفاهم ندى:.............. سلمان بنبرة سخرية:لانسينا نكلم بنت سميرة وبنت خالد اللي مستحيل ينحني كبريائها لأحد خصوصا لنا "بعدم مبالاة" خلي هالغرور وشوفة النفس تنفعك في هالبرد مشى تاركها وراه ظنا بأنها تصارع غرورها وكبريائها وهي مغمى عليها لاحول ولاقوة هبت موجه هواء باردة حركت عبايتها السوداء كسواد هذه الليلة التي تحولت لكرات من النار انتشرت بعمق السحاب مشى بخطوات واسعه وضيق من تصرفه الهمجي لكن منظر بنته وهي تنتحب وعدم اهتمامها خلاه يثور ويخرج عن طوره دخل وترك باب المطبخ مفتوح متيقن بأنها ماراح تتحمل البرد وبتدخل سمع صوت بنته فتحت باب الغرفه روز تخصرت :مو مكلفه ببنتك عقد حواجبه وبغضب يحاول يجمحه:وين البنت؟ اشرت للغرفه:عندها الخدامه وين امها ست الحسن خلفت على الفاظي سلمان بنبرة لاذعه:هه شوف من يتكلم انتي اخر وحده شفنا وش سويتي بعيالك مشى تاركها بصدمممه وعينها تراقبه بذهول فتحت فمها غاصت عينها بالدموع زاد حقدها وكرهها لندى ماتعرف ليش وجهته لها لكن هي سبب كل اللي قاعد يصير دخلت رمت نفسها على الفراش وصورة عيالها ماتفارق ببالها معقوله اخطأت لما عطت قلبها فرصه يحيا من اول وجديد؟ معقوله نسلم قلوبنا وعقولنا للناس اللي نحبهم ونننصدم بعدها بأنهم مو كفؤ؟ رغم اننا نحبهم ونبيهم لكن بهالوقت اصدقوا بقاعدة وحده (الحب مو كل شيء بهالزمن) لاراح الأحترام انمسحت الكرامة!! لاراح الود انعدمت الألفه.. لاراح الرضى حلت نقمة الرفض... بس منو يفهم ان الحب مو كل شيء بالحياة وانه جزء من مشاعر خلقت لآدم كي يأنس حواء ؟ منهو يفهم ان اللي يحبك ماراح يغلط عليك بيصونك بيحطك تاج على رأسه بيوقف قدام هالخلق كلهم وبيقول فلان ان اعترضتوه اعترضتوني .. ما احد يقدر يمنعنا نحب لأن مشاعرنا مو بيدنا ولانقدر نعارض قلبنا لكن من الشخص اللي يستحق نوجه له هالحب؟ وهل بيشترينا والا نكون مجرد تكملة عدد بحياته من شراكم اشتروه بموية عيونكم وخبوه داخل ضلوعكم ومن اعطاكم مقفاه رددوا مع السلامة.. : : ((بـــالقـــــريـــة )) بعدت عنه بهدوء وسط نظراته المستغربه وقفت على حيلها تعدل روبها المخمل فكت شعرها مسكت الشباصه بفمها لوت شعرها اخذت الشباصه وثبتت شعرها وتلهي نفسها ترتب اغراض بالتسريحة عينه تراقبها وهي ترتب العطوات وتضربها بقوة والمراية عاكسه دموعها اللي تنزل بصمت وترفع يدها الصغيرة وتمسحها وترجع ترتب تحاول تشغل نفسها حتى ماتثور عليه وتتمرد مشاعرها متعب بضيق:لاتكتمين خرجي اللي بقلبك رفعت عينها للسقف وتحارب دموعها:مابقلبي شيء متعب بضيق من نفسه وصلها لهالحاله :وماجاك من عندي الا الصدق وهذا كل اللي صار لف بقوة وبحده وترفع يدها بالهواء:وانا وش علي حتى تبرر لي احد طلبكك هممم؟ استغرب من نبرتها وبهدوء يحاول يمتص غضبها:امسحي دموعتس رفعت يدها لوجهها ومسحت دموعها بعنف :هه وهاذي مسحت دموعي الله ياخذني ياشيخ اصلا انا الغلطانه اللي وافقت عليك ليتني انرميت بالشارع ولا انربطت فيك عقد حواجبه بضيق من كلامه وقف مشى بخطوات متزنه وقف قبالها ضيق عيونه :ادري بتس مقهوره بس خلاص وقفي مابقت كلمه تطعن الا ورميتيها علي عضت شفايفها قربت وعيونها حمراء :ليتك رجعت لي ملفوف بكفنك ولا مسوي فيني كذا تجمد مكانه بعدم تصديق زغلت عينه اشر لصدره:ودتس بموتي يافاطمة لعنبوا حيتس وصلت مواصيلك تتمنيني قدامتس بالكفن ان كانتس مستغنيه عني فأنا عندي ام عجوز تبغى من يرعاها وشايب يبغى من يسنده على كبر وخوات يحتمون فيني واخوان انا لهم اليد اليمين "بحزن" تدعين علي خير ان شاء الله تحرك لأخر الغرفه سحب شماغه والطاقيه عطاها نظرة حسف على عتاب خرج وسكر الباب توجهت للسرير جلست على السرير طلع منها الكلام بلحظة غضب للمره الثانيه لكن هي مجروووحه أي مره مستحيل تتقبل تكون وحده ثانيه بحياة الأنسان اللي تحبه ويكون زوجها رغم انه شرح لها ظروفه واسبابه الا قلبها ما اقتنع وشم جرح كبير بتحمله بصدرها طول عمرها بتكبر ويكبر هالجرح ويذكرها باللي ارتكبه بحقها للحظة باعها مثل ماباعوها فكر بقبيلته ولافكر فيها يعني هي الطرف السالب من هالمعادلة !! مسحت دموعها بعنف لكن الألم اللي ينهش بداخلها اكبر بكثيير انها تكتم شهقاتها ارتفع صوت نحيبها ماتدري كم مر عليها دق الباب فتحت وعيونها منتفخه من البكاء ظنت انه رجع تفاجأت بجدته "سالمه" ام امه واقفه ووجهها يقطر مويه كانت تتوضا الجده سالمه :وين متعب؟ نزلت راسها حتى ماتكشف بكائها ببحه:خرج للصلاة بنظرة تفحص:وش بلا عيونتس ورامه تبكين؟ مسحت خشمها اللي سال وبكذب:يمكن من الزكمه هزت راسها بعدم اقتناع:جهزي القهوة للشيخ لايجي من المسجد الا وانتي مجهزتها وش له متزوجتس تحفه على الفاظي امه ماعاد هي مسؤوله عنه جهزيها وحطيها بالمقلط ادفى من الصاله وقهوي رجلتس "عطتها ظهرها ومشت وفاطمة فاتحه فمها مبلمه بعمرها ماسوت لمتعب القهوة بعد مايرجع من صلاة الفجر هي تصلي وترجع تحط راسها وتنام ويقعد يسوي له قهوة بالمشب "الديوانيه" ويتقهوى لحاله بعدها يطلع لأشغاله " سكرت الباب دخلت الحمام "وانتم بكرامة" غسلت وجهها المحمر خرجت اخذت المناديل من على التسريحه مسحت وجهها وتسمعهم يسلمون ماعليها صلاة من يومين طلعت لها روب مشجر بخت لها عطر خفيف لمت شعرها من جديد رتبت شكلها اخذت جلال الصلاة تحسبا لأحد وخرجت شافت جدته جالسه على سجادتها تهلل وتسبح مشت بهدوء وتحس بنظراتها تخترقها من جات وهي مناشبه لها وتحب متعب ولاترضى فيه الصغيره دخلت المطبخ سمت بالله اخذت نفس طلعت الدلة وقررت تسوي القهوة فيها لها طعم خاص فورت موية وبدأت تخلي القهوة تطبخ على النار لفت فتحت الدرج السحاب خرجت التمر الجديد سكري فتحته وحطت بصحنين اخذت الصينيه رصت 4 فناجين وبعد نص ساعه جهزت خرجت شايله الصينيه وقفت عند باب المقلط وتسمع صوت متعب :كيف اصبحتي يابنت علي؟ الجده هزت راسها:الحمدلله يايمه مير الجو بارد يقرص العظم متعب:هههههه خلاص بدأ الشتاء عاد شوفي لاجات المربعانيه ماعاد الواحد بيتحمل نفسه واقفه عند الباب تشجعت سمت بالله بتدخل بجيته رافع حاجب وبنبرة اول مره تسمعها:وش عندتس؟ طالعته بحيره تأتأت:آآ انقذتها جدته:خليتها تسوي لنا القهوة لف وجهه وبضيق:خل تتقهواها بنفسها تعالي يايمه نطلع للمشب شبيت نار وبسوي القهوة اللي يحبها قلبتس بلعت ريقها مو مصدقه ان هذا متعب تنقلت عيونها بين وجهه اللي مبين عليه الأنزعاج منها ويطالع جدته اللي قامت وتذكر الله:يالله ياكريم بدون مايلف عليها:امشي بهالقهوة وراي يمكن احد يجي ويتسمم منها بلمت رمشت بضيق وحيره اول مره يكلمها بهالجفاء تعداها والجده بنبرة:امشي قهوي رجلتس بلعت ريقها وعينها فيها:ماسمعتي كيف يكلمني ماهو طايقني زفرت:لاحول ولاقوة الا بالله اتركي منتس الخبال والحقيه على ايامنا الوحده يضرب براسها وماتجادله انتم يابنات هالوقت لاقال كلمه شلتوا بخاطركم وشبيتوا نار بدال ماتلعنون ابليس طلعت عينها وبقهر:ماعاد الا هي يرفع يده علي الجده بطفش:عووذه بسم الله اقول ماتنعطين وجه الحقيني بهالصينيه لاتترقص فوق راستس مشت ببطء من الكبر وذكر الله لايفارق لسانها يكبروننا عمرا وخبره قاسوا مرارة الحياة ولم يشتكوا ونحن نقاسي الشوكة فنبكي ايهم اضعف زمانهم الذي لم يواكب الحضارة ام زماننا الذي شلت حركته من الحضارة؟!! جلست بالأرض تهدي نفسها حست لو قعدت 5 دقائق زياده بيقلب شخص ثاني لفت وجهها اخذت الصينيه وخرجت للحوش موجة هواء باردة اصطدمت بوجهها الدافي انكمش جسمها مشت بخطوات مدروسه وعينها على السماء الذي بدأ نورها يتسلل يطرد السواد المعتم واصوات العصافير يتردد كمقطوعة تطرب الآذان عانقت عينها الحصى الذي تمشى فوقه وتسحقه تمنت لو تشوف زوجته الثانيه ويكون لها نصيب مثل الحصى ابتسمت على افكارها المجرمه هالصباح بعمرها ما أذت احد لكن فتيل الغيرة اشتعل ومن سيطفي نيران الغضب ويروي فجوة (الخذلان) التي تكبر اكثر واكثر صحت من سرحانها على صوت الحطب وهو يحركه والجده تسولف معه:اييه الله يسقي ايام مضت كنا من نصلي مانحط رؤوسنا وننام مثل حريم هالوقت نجهز القهوة والعلوم السنعه ثم لاخلصنا وحمدنا الله سرحنا للجبال ابتسم متعب ويحرك الحطب ويثبت الدلة على جنب ومسرع ماجلس جنبها تعنز على المركى اللي يفصلهم ومغطى بالفرو الأبيض وبأبتسامة:الله يسقي تذكرين يايمه يوم كنا نطلع سوا للجبل نرعى الجده بضحكة:يوم ان اهلك يجيبونك وقت العطل عندي مابنساها ومابنسى لما كنت تبكي وتقول ماراح تتزوج الا مناير بنت عمك كشر ولف وجهه بضيق باغتته بالسؤال: يوم سمعت انك طلقتها ماصدقت كنت تحبها وتبيها حليلتن لك لف وبصدق:قلتيها بلسانتس يوم كنت وغد وشعرفني يايمه كانوا يقولون متعب لمناير ومناير لمتعب لكن كبرت وفهمت الدنيا ما احد يجبر قلبين على بعض لازالت واقفه الفضول خلاها تسترق السمع " وكلام جدته ماعجبها ابدا اجل الست منايرووه كان يحبها وهو صغير وعوووووه وش لقى فيها قال ماينجبر قلبين على بعض ويسوي فيها انه يحب طلعت علومك يامتعب" صحاها من سرحانها صوت الجده:هوو مطوله وانتي واقفه؟ فزت برعب متى دخلت هنا ماحست على نفسها واقفه قدامهم مثل المهبوله وعين متعب عليها رافع حاجب نزلت الصينيه بربكه تصافقت الفناجين وطلع صوتها وطاح التمر رفعت يدها الجده وبخوف:بسم الله عليتس وراتس مانتي بعقلتس؟ فاطمة بهدوء وضيق من صده:ولاشيء ياجده اشرت لها:صبي لرجلتس خافت تصب ويردها ويطيح وجهها طالعته بحيره ارتخت ملامحه صبت بهدوء ناولته:سم اشر بضيق:عطيي امي بالأول الجده سالمه بحلف:لاوالله ان تشربه انت ابتسم ياكثر حلفاتها اخذه بدون مايقول "اسلمي" استغربت صبت الفنجان الثاني وناولته لجدته:جعلتس تسلمين بهمس:الله يسلمك جلست قدام الصينيه والصمت عم المكان فجأة واصوات الرياح الباردة تردد على مسامعهم قاطع الصمت سؤالها:متى بنروح للعرب؟ رفع عينه من نقوش الفنجان وعينه عليها:بكره ان قالها الله حست من يخنقها ويكتمها قلبها يتفتت نار تحرقه نزلت راسها لحضنها وشبكت يدها ببعض بدخول العنود مبتسمه:صبحكم الله بالخير الكل :صبحك بالرضا والسرور جلست مبتسمه:حي هالشوف من زمان ماجلست هالجلسه الجده سالمه:وين ام رجلتس؟ العنود رفعت يدها واشرت بالهواء:راحت الرياض عند اختها العنود بأبتسامة:وشلون اصبحتي يافطومه؟ فاطمة ابتسمت رغم الصرخات اللي تترد بداخلها:الحمدلله هزت راسها ومردده:الحمدلله ها يمه شوفي ذي مو بس زوجة ولدي عادتها بنتي واكثر تنحط على الجرح يبرى شيخة البنات مامنها ثنتين "تحس بخنقه مو قادره تتحمل هالحياة ليش تقتل فرحتها وين بتلقى احن من قلب العنود اللي ماكانت عمه الا ام ودائما واقفه معاها ضد متعب وان اخطأت ماحسستها بالنقص ابدا والا خواته صحيح علاقتها رسميه بالباقين الا صالحه والجازي ينحطون على الجرح عمها صحيح ماتقبلها بالبداية لكن يحترمها ومتعب يحط لها القمر بالكف لو تطلبه لكن كل هذا تلاشى وراح يتلاشى مجرد ماتدخل العروس الجديده " نزلت راسها وتلعب بطرف الصينيه تتهرب من هالمواجهه والنظرات الموجهه لها الجده بأقتناع:بذي ماكذبتي يالعنود لكن متعب يبغاله ولد يشيل اسمه ومرته عاجزه تجيب له رفعت راسها بقوة وطالعتها بصدمه ومتعب نزل فنجانه وملامحه جامده والعنود ترقع:عادهم يايمه الله بيرزقهم "بضيق" اما زواج متعب ماني براضيتن فيه وهو عنده علم بهالشيء زفر بقوة تسند زين على المركى والجده بحميه :وراه حاله حال الرجاجيل اللي اعرسوا والشرع حلله اربع انتي اكبر من ربي؟ انتفظت وبخوف:ماني بأكبر منه بس مرته ماهي مقصره معاه الجده وعينها على فاطمة وبنظرة:بس مرته عاذرته العنود رفعت عينها وبدهشه:صدز هالكلام يافاطمة؟ حست بغصه بتذبحها مو قادره تبلع ريقها قامت بسرعه وخرجت وسط نظرات متعب اللي تأفف بأنزعاج العنود بغصه:ها ارتحت خربت بيتك بيدك يمه وش له تقولين البنت راضيه ماشفتيها كيف قامت مثل المقروصه الجده رفعت يدها وبعدم اهتمام:مصيرها بترضى رضينا من قبل باتسر بتروحين معنا ولا اسمع كلمه والا والله ليحرم وجهي من وجهتس ليوم الدين طارت عيونها العنود وبخرعه:يمه صلي على النبي وش بلاتس انا حلفت ما اطبه الجده بحمق رفعت الفنجان وكرمت:وانا عند كلمتي والله يحرم وجهي من وجهتس استحي على نفستس الولد يروح للعربان بكره لحاله ولاسألوه وين اهله وش يقول حلفوا مايحضرون ما انتم بصاحيين متعب ساكت وماتدخل وتفكيره عندها طلعت وهي متضايقه لكن خلها تحس شوي العنود وعينها على متعب:قول كلمه وراك ساكت؟ مد الفنجان كرم قام بدون ماينطق حرف واحد وسط نظرات العنود وقهر جدته من تصرفات بنتها خرج رفع يده يحمي عينه من اشعة الشمس اللي بدأت تظهر لتمد قليلا من الدفى دخل البيت بخطوات واسعه ومبين عليه الضجر فرك عيونه بتعب مواصل من امس ووراه اشغال لازم يخلصها دخل الغرفه مالقاها كل مازعلت شلت عمرها وراحت غرفة الجازي سكرت على نفسها دخل تروش على السريع طرف له ثوب بني شتوي وشماغ ابيض واقف قدام المراية ويسكر الزرار العلوي بدخولها وعليها الجلال استغرب سمع صوت سالم انزعج من وجوده مانسي اللي سواه بمرته لكن ابوه طلبه وقاله انه اخوه بالنهاية لكن الحساب ما انتهى هو وعدها ومابيخلف رمت الجلال بطفش على الارض رمت نفسها على السرير سحبت اللحاف وغطت نفسها بالكامل حتى ماتشوفه وقف وبيده الكبك وماسك طرف كم ثوبه قدم خطوه قلبها مايطاوعه تكون متضايقه وان اخطت عليه وقف متراجع لكن هالمره لازم تعرف انها غلطانه ومابيعدي اغلاطها بالساهل مابيتكلم ولايناقشها بيسفهها راح تحترق متأكد من هالشيء اخذ عطره الرجالي القوي بخ على صدره وخرج تاركها تستنشق جزيئاته المنتشره بالغرفه لتصارع نفسها تحت اللحاف شدت على سنونها وبكت دفنت نفسها بالمخده ضربتها بقهر وصوت يتردد بمسامعها "يشبههم خذلني مثلهم" بالجهه الأخرى من العاصمة.. جالسه تهز رجولها وتبتسم بمجامله لبنت خالته اللي طلعت بوقت غلط كان تخطيطها شيء ثاني دخل بهدوء رفع راسه وقفت وصرخت:لا كان تأخرت يادوب توسعت ابتسامته ويلعب بالمسبحه:حيا الله القاطعه قربت منه سلمت عليه خد وبضحكة:انا القاطعه والا اللي عايش بالعسل همم اطلق صخب ضحكاته:هههههههههههههههه انصعقت من طريقة سلامها له طلعت عينها وفاتحه فمها بذهول وتشوفها ماسكه يده وتسحبه وبغنج:تعال ياني مشتاقه لك جلست جنبها وتدفها تبعدها بعدت وهي مو مستوعبه وقاحتها كورت يدها بغضب وتشوفه طالعها بعدم اهتمام ورجع يشبك يده بيدها ويسألها عن حالها لفت وجهها للجهه الثانيه بضيق جاء ريان ومد لها العصير تفتحه له بهدوء:ماني ناقصتك ماما لكن اصر اخذته بقوة وصرخت:اووووف ما احد يرتاح بهالبيت تمايل وعينه عليها ويلعب بالمسبحه يلويها على اصبعه وريان بكى انزعجت ليش تحس اعصابها صارت معدومه من جات هالحنان ليلى بترقيع:حيا الله حنان حنان بدلع:اسمي سوسن ويدلعوني سوسو ليلى برفعة حاجب وتأكيد:حيا الله حنان انا بقوم اعشي ريان حتى ينام بدري تعال ماما مسكت يده وهو باقي يبكي طفشت من بكائه انحنت سحبت مناديل نزلت لمستواه مسحت وجهه وانفه وسط معارضته خلاص ماتتحمل صرخت بوجهه:خلني امسح وجهك لكن في يد سحبته منها وقف وبنظرة:الحقيني شال ريان ومشى ومريم تحاول تلطف الأجواء :يتعبها هالولد الله يصلحها ريم بهمس:شفتي اللي شفته؟ قمر بضحكة:تغار هههه لو درت انها تصير اخته من الرضاعه وش بتسوي؟ لحقته عند المدخل وقف لف وعاقد حواجبه اشر لعقله:فيك شيء انتي؟ بتوتر وعينها بالأرض بدون نفس:لا نزل ريان باس خده:روح لريم تعطيك حلاوه ابتسم بشقاوة وجرى رفعت حاجب:ايوه ليلى تعدل وانت تخرب فتح عينه على وسعها من اسلوبها معاه وبعدم فهم:بنت فيك شيء صاير شيء؟ تأففت بقوة لفت وجهها بضيق رفعت يدها بعدم اهتمام:فكني ماني ناقصتك طالعها بأستخفاف:لا والله عسى ماشر وش اللي قالب مزاجك ست ليلى بتتكلم بصوتها المتمغنج:جساري يلا تعال طولت علينا ماعاد تتحمل لفت بقوة رفعت يدها:انتي ماتشوفينه يتكلم معي من دخل وانتي مستلمته احضان ومافكيتي يده راح يجيك لاتخافين ياحلوه كأن من صفقها كف طاح وجهها من ردها بللت شفايفها:آسفه اذا ضايقتكم لفت ومشت عنهم وهي جامده مكانها حتى مايعطيها كلمتين لفت بهدوء استغربت ابتسامته وبنبره هاديه:ليش معصبه؟ تحاول تتمالك اعصابها:ماني معصبه ابتسم وبانت صفة اسنانه:تغارين!! فتحت فمها وبسرعه:لااا قرب منها حاوط كتفها وبنبرة دافيه همس بأذنها:طمني قلبك عيوني ماتشوف غيرك وحنان تراها اختي من الرضاعه وعلاقتنا قويه من قبل لا اعرفك "ماتنكر كلامه الأول ارضى غرورها لكن كلامه الثاني كان يوصلها لها رساله بطريقته الخاصه" بعد عنها وبتأكيد:طريقتك مع البنت ماحبيتها مو الضيف اللي ينهان ببيتي ياليلى فما بالك اختي من الرضاعه واللي كبرنا سوا فالله يرضى عليك روحي اعتذري منها واقصري الشر بهتت وبعدم تصديق:اعتذر هه!! رفع يده والمسبحه لافه اصابعه:بتروحين تعتذرين لأنك ماترضين بالغلط صح والا لا؟ بعدين الاعتذار ماينقص من قيمة الواحد بالعكس يرفع من قدره ما احد معصوم من الغلط لكن اللي يستمر بالغلط عليه العتب والملامه فاللحين بتروحين الله يرضى عليك وتعتذرين حست الشياطين تنطط قدامها لما سمعت صوتها :مايحتاج جسار ههه الحلوه شكل اعصابها ثايره من اليوم ماتقدر تتحمل اعصابها على شفير الأنهيار من اليوم يالله تمسك نفسها وهم مسوين فيها المحترمين لفت صرخت بوجهها:انتي مالك علاااااااقه فيني اعصابي ثايره والا مو ثايره مين انتي هااا تعرفين وش فيني هااا لااا اجل كرمينا بسكوتك تعدتها صدمت كتفها بقوة وطلعت بخطوات سريعه لفوق عينه على ظلها مو مصدق لحقها بخطوات اسرع والغضب معميه ماعاد يتحمل تصرفاتها يكرم اهلها ويحترمهم وهي مو قادره تجامل على الأقل سبقها سحب يدها وصار قدامها ويسحب يدها وهي تتكلم بوهن:اتركني طنشها وصل لجناحهم فتح الباب دفها قبله بخفه سكر الباب بقوة لف متخصر وبعصبيه:مستكثره علي تقومين بواجب ضيوفي همم امك واختك شلتهم فوق راسي ولابتكلم لأنهم اهلك وضيوفك لكـ قاطعته بغصه:ابوي طلع من السجن عقد حواجبه رفعت كتفها بعدم اهتمام:اليوم طلع قالوا فيه واحد سدد ديونه تخيل طلع هه ولا امي داقه علي اجي اشوفه على اساس قطعنا من اهتمامه والا كان لنا بيوم اب مثل الناس الصاحيين ههه وتطلب قلبي يحن واروح اخذه بالأحضان التزم الصمت فضل يخليها تتكلم ولاتكتم نزلت دموعها مسحتها بضيق وعجز طالعت فيه وبخنقه:رجع لنا قرب منها باس راسها وبهدوء:قرت عينكم بشوفته رفعت راسها له ودموعها ملتصقه بخدها وبغصه:ليش رجع بعد ماتعودنا على غيابه ؟ كم هي نقطة تحول كبيره في حيآة كل انسان رحل وآلده حيث تنتهي مرحلة رآئعه من حياتنا فيها من الطمأنينه والسكينه والوقار لتبدأ مرحلة الضياع والغربه يوم او شهر ..عام او اعوام تساوت الازمنه لمن فقد والده وعلى ايقاع الم مشترك وهو الحنين للاب .. تتقطر القلوب بقطرات من الالم وتتلون كل فصول الحياة بلون الحزن ... لا شيء غيره عندما يموت الاب , يولد اليتم في اعماقنا ونشعر بمرارته وكلما توالت صفحات الايام كلما احاطت الغربه حياتنا يطوقنا العجز من حيث لانعلم ...!! بنبرة يجاهد نفسه فيها حتى لايفتح قلبه فصل من الم الفقد:الله رجعه لكم حتى يكون ذخر وسند لك ولأختك وامك فيه احد يكرهه رجعة ابوه "بصدق" ياشيخه لو قالوا لي ابوك بيرجع لك لأسجد شكر لله ما اتضايق مثلك مهما سوى و فعل هذا ابوك غصبا عليك له احترامه وتقدير وبره مافيه احد يحبك ويخاف عليك بهالدنيا كثره ومهما كبرتي يشوفك بنته الصغيره وبيخاف عليك ابوك ياليلى ابتلى بالسم ولعب بعقله وبحياته لكن اللحين حافظ القرآن كله وندمان على الايام اللي انسرقت منه بسبب السم اللي كان يشربه ليه مارحتي له؟ ماخبرتك كذا يالحنونه ليلى بدموع وخنقه:بس هو رفع يده ينهي الكلام:لو يتوطى رقبتك الا ابوك ناره ولاجنة غيره من بكره الصباح تاخذين اغراض لك ولولدك تروحين تسلمين عليه وتتحمدين له بالسلامه وتجلسين عنده كم يوم سمعتيني؟ هزت راسها بالنفي عرف انها بدأت تعاند مسك وجهها وبأبتسامة:لو يطلبك جسار بن سلطان تردينه ؟ هزت راسها عبس وضحك:افااا والله انك قليلة خاتمه يابنت لفت وجهها للجهه الثانيه وبكره:ما ابغى اروح لاتجبرني على اساس بيرجع الايام اللي فقدناه فيها جسار بعصبيه يحاول يكتمها:الله غفور رحيم ما احد معصوم عن الغلط بهالدنيا بعدين تلومين واحد عقله ماكان معه انتي من جدك؟ هزت راسها وبتصميم لرأيها:ماراح اروح زفر:الطيب ماينفع معك بتروحين طرق عن هالخشم شفتي ولامبتسمه وبتحبين راس ابوك وتطيحين عند رجوله "بصيحه" ترا الموت يتغدى ويتعشى ما احد ضامن عمره تلاحقيه لا ياخذه منك الموت وقتها لو تعضين اصابع الندم مابيرجع لين متى الواحد بيقعد يشيل بقلبه اعوذ بالله اسمعي الكلام الله يصلحك اغسلي وجهك وانزلي معنا للعشاء وولدك ماله ذنب حتى تصيحين بوجهه المسكين بدال ماتحتوينه تحطين الحره فيه اصححيي لنفسك ...خرج لفت وجهها اخذت نفس تشبع رئتها وعينها تتنقل بالغرفة غابوا سنين وسنين ورجعوا ينتظرون منا ناخذهم بالأحضان بدون مانعاتبهم لأنهم خذولنا..لأنهم كسرونا..لأنهم عيشونا بدوامة الفقد ولما مشت حياتنا وتعودنا على فرقاهم يرجعون ينتظرون نكون مثل اول القلوب لاتكسرت من يجبرها..!!! : : ^^بالــــمـــــزرعــــــه^^ حرك رجوله بتوتر وعينه على المطبخ مادخلت للحين الف فكرة وفكرة قام بسرعة ويحس اعصابه مشدودة مشى بخطوات مسرعه طلع من الباب رفع عينه لمكانها ماتحركت الخوف لعب فيه ماحس بنفسه الا يجري لها وصل انحنى جلس على ركبه رفع راسها وحطه بحضنها وبخوف:ندى !! لكن ماتحركت مسك يدها كانت ثلج طار عقله شالها بخفه ويمشي بخطوات واسعه وقلبه بيوقف من الخوف وعقله بيشل من كثرة التفكير الشمس اشرقت وهي ماتتحرك مثل الجثه الهامده دخلها للغرفه بسرعه سدحها على السرير وعينه محدقه بلون بشرتها المائل للأبيض وشفاتها الزرقاء حس بعجز بلع ريقه انحنى لها فسخ شيلتها وعبايتها ويهزها:ندى اصحي تسمعيني؟ ندى:........... بلع ريقه بسرعه شالها للحمام "وانتم بكرامة" فتح الموية الحارة حطها تحت الدش وهي بملابسها والموية تصطدم وجهها وهو ماسكه راسها على صدره تغرق شعره رفع وجهها ليوصله المويه حتى تعتدل حرارة جسمها المنخفضه لكن ماتتحرك لأول مره دموعه تخونه نزلت على خده خالطت قطرات المويه اللي تطيح فوقه حضن راسها لصدرها وببعثره :كوني لي بخير بس وراح يصير اللي تطلبينه يلا قومي بنتك بحاجتك بدخول وحده من الخدامات شافتها بحضنه ماتتحرك وهو يبكي شهقت بقوة وبرعب ما اهتم لها قدم جسمها للتطايح عليه الموية الدافيه لتحارب انخفاض حرارة جسمها كحت بقوة والموية المتساقطة بقوة خنقتها تتنفس :كححح ابتسم بفرحه وبنشوة:لاتخافين لاتخافين انتي بخير اطلق آآه خارجه من اعماقه وحضن راسها لصدره وهو غرقان على الأخر وحالها ليس بأحسن منه شعرها الغرق لاصق بنحرها وبنص وجهها ترجف بقوة واسنانها تصاكك:برررد بب برد آآه سكر الموية مسح وجهه من الموية اللي احجبت عنه الرؤية ولازالت راسها على صدره ونص جسمها على فخذه الممده بهدوء رغم اعصابه المنهاره خوف:راح تدفين اللحين رفع عينه للخدامه:جيبي بطانيه وحطي الدفايه بالغرفه بسرعه شافها واقفه بغضب:بسررعه امتثلت لأوامره خرجت بسرعه سحبت البطانيه اللي على السرير دخلت الحمام"وانتم بكرامة" رفعتها حتى ماتتغرق اشر لها بيده:مو اللحين همس بأذنها:تقدرين توقفين؟ هزت راسها بالايجاب حط يده على خصرها وساعدها توقف ويسندها لاتطيح خرج من الحمام اخذ البطانيه الصغيره لفها على كتفها وصلت لنص ساقها وهي تنتفظ وترجف بقوة حاوط كتوفها مشاها للسرير جلسها بدخول الخدامه ومعها الدفاية شبكتها وقف سكر الشباك والستارة لف شافها تنتفظ كره نفسه الف مره لين متى راح يوصلها للموت ؟ كان راح يفقدها بلمحة بصر ..؟ اخذ شنطتها وبهدوء للخدامه:فرح صحيت؟ هزت راسها بالأيجاب اشر لها تطلع وبحرص :انتبهوا لها لين اجي خرجت قرب منها فتح الشنطه الصغيرة خرج فوزن وبلوزة صوف كم طويل بلون الزيتي ومنشفة بنتها الصغيرة رفعها جلس جنبها وهي متمسكه بالبطانية بأطراف اصابعها وعينها بحضنها وشعرها يقطر مويه رفع المنشفه مسك طرف شعرها وبدأ ينشفه وهي مستسلمه له اغتال كبريائها ثم قواها الجسدية والنفسية ينشف شعرها وعينه تتنقل لملامح وجهها الخاليه من أي تعابير ولازالت عيناها تدور بفلك حضنها وكأنها تهرب عنه..تبحث عن بر الأمان ولكنه يقف بمنتصف الطريق دائما يرغمها ان ترجع لنقطة البداية... وكأن الحياة معاه اشبه بالدائرة لازوايا لها ولاحدود ... اخذت نفس تشبع رئتها بصوت عالي وكأن هواء الغرفه يطبق على صدرها كأنه سم تنتشر جزيئاته بحضوره.. عينه تراقب حركاتها لف كتفها بهدوء حتى اعطته ظهرها باعد شعرها لتصطدم عينه بالوحمة خلف اذنها اقرب لمنابت شعرها قرب منها وبحركة شلتها من الحركة باس مكانها برقه احتضنها من ظهرها نزل يده لخصرها وذقنه مثبته على كتفها غمض عينه وبصدق:من دخلتي حياتي وهي فوضى حتى انا ماعرف نفسي لاوقفت قدام المراية حديتني اكون من صنف اشباه الرجال بعمري ماكان قلبي صخر ابدا لكن انتي مابقيتي فيني عقل تحدين الواحد يقتمص دور مو دوره شوفي النهاية اللي وصلنا لها ترضيك؟ عينها المحمره مركزه على الباركيه بلون البني الغامق وبوهن:اتركني اروح ماعاد لي طاقة اتحمل اتركني زاد احتضانها وبصوت متهجد من خوف فقدانها همس:كل شيء بيتصلح صدقيني كررت الكلمه :اتركني اروح هز راسه بالنفي رفع يده وحضن راسها وشعرها الغرق لامس طرف خده بشتات:الا الفرقى لاتطلبينها مني داخل على الله ثم على قلبك لاتطلبينها تهون عليك العشره؟ غمضت عينها بأنهزاميه وبنبرة وجع :قلبك ماصان الحب اللي شلته لك ليه اخلي قلبي يصون العشره اللي بعتها لفها له مسك وجهها وعيونه تلمع بصدق:ما احد معصوم من الغلط ماني انسان كامل ادري فيني عيوب الدنيا ادري لكن لاتروحين بتركك على راحتك فكري شهر شهرين ثلاثه لو سنه بتحمل والله بتحمل "مسك يدها بترجي" بس لاتطلبين البعد وتحللين قربي يابنت خالد يقولون الأب السند اللي ينشد به الظهر والأم القلب الوسيع اللي مايضيق والأخو العضيد اليمين والأخت النور لامن فقدته انعمت عيونك ضغط على يدها وشدها بقوة لدرجة عصرت اصابعها: انتي السند وانتي ام قلب الوسيع وعضيدي اليمين والنور اللي اخاف افقده وتظلم الدنيا من بعدك مرينا بأيام تكسر وتذبح لكن اعطيني فرصه ثانيه "رفع يدها وباسها برقة" بني آدم خطاؤن وخير الخطأئين التوابين بس فرصه ثانيه اذا ماشفتي مني رجاء خذيها عهد مني لا اتركك تشوفين حياتك "بغصه" لو تكملين حياتك وتلقين اللي بيصونك مابوقف بوجهك ولا بحرمك من بنتك نذر علي والملائكة تدون اللي قلته ان ماكنت رجال وكفؤ اكون لك الزوج والصاحب والحبيب اتفلي بهالشنب وش قلتي يالغاليه؟ شعور صعب ماينوصف لما يجرحونا ويذرون الملح فوقه ويتفننون بهالجرح.. ولما نكتفي من التوجع ونحاول نوقف على رجولنا ونلم بقايا مشاعرنا اللي ضاعت واغتالوها بأسم (الحب).. ونقول بنخرجهم من حياتنا وبننساهم مايستحقون دموعنا..مايستحقون يحتلون جزء من تفكيرنا ليل ونهار..!! لانهم سلبونا طعم الراحة..سلبونا الهناء بنومنا سرقوا ضحكتنا حتى ظل ابتسامتنا سرقوها.. خلونا نصير اشباه احياء بجسد خانته الصحه والعافيه وكساه الضعف والوهن.. نقدر نسامحهم؟ نقدر ننسى اخطائهم بحقنا؟ يقدرون يعوضونا على اللي فات؟ السؤال الأهم نقدر نعطيهم فرصه ثانيه؟!! رفعت عينها عليه وتتحرك عدستها بضياع لتلتقي بعينه المتوسله ,المنتظره,المترقبه اخذت شهيق زفرت بعمق ابتعدت عنه انسدحت ضامه رجولها لصدرها ومعطيته ظهرها بللت شفايفها وبكتمه:ابغى انام نزل عينه بحضنه هز راسه بالأيجاب وقف مد ملابسها:لاتنامين وملابسك غرقانه لاتاخذين هواء غيريها بعدين حطي راسك وارتاحي لاتخافين على فرح بنتبه لها زفر بقوة خرج سكر الباب وصوته يتردد على مسامعها لفت عليه ثبتت ظهرها على السرير وعينها على السقف ثواني والتعب تسلل لعينها اللي تحس بحرقتها طالبه النوم غفت وهي على حالتها.. : : بالجهه الثانية.. لبست عبايتها والنوم ذابحها سهرانه امس وهي تفكر باللقاء اللي راح يجمعها بشخص حطته بقائمة (النسيان) .. ولاخطر ببالها انها راح ترجع تشوفه من جديد رجع بعد سنين طويله ماتتذكر فيها ايام حلوه قضتها معاه طفوله سحق برآتها.. مراهقه بصم فيها الضياع.. بأي شكل راح تستقبله اول ماتطيح عينها بعينه راح تاخذه بالأحضان والا بتلومه على الهجران!! دخل الغرفه يستعجلها تارك ريان يفطر بالصاله لقاها واقفه ماسكه نقابها بيدها اليسار مثل الجليد ثابته وعينها على الشمس اللي تسلل نورها للغرفه وانتشر ليعكس لون الأثاث بهدوء:ليلى ليلى:..... قرب منها وبنبرة حانيه:ليلى رفعت راسها تلقائيا :همم؟ حرك شماغه وترك طرفه ورى كتفه:يلا مشينا لانتأخر لفت الشيله حول راسها لبست النقاب اخذت شنطتها الصغيرة وكيس فيه ملابس تكفي ليومين ماراح تطول هاللي حاطته ببالها مشت معاه خرجت من الغرفه سكرت الباب شافت حنان جالسه تلاعب ريان افتشلت من نفسها بعد اللي صار امس نزلت على العشاء واعتذرت منها واستأذنت منهم طلعت هي وريان اللي نومته غصب بدري تبغى تنفرد بنفسها وجسار ماشافته طول امس اللهم لما دخل اخذ له ثوب عشان يلحق لصلاة الفجر نطقت بهدوء:صباح الخير حنان رفعت راسها وبأبتسامة:صباح النور رايحين مكان؟ جسار بتاكيد حتى يدخل الكلام براسها:ليلى ابوها رجع من السفر وبتروح تقعد عنده كم يوم مشتاقه له حنان رفعت حاجب:اهاا حسافه تمنيت اجلس معك جسار متجاهل نظرات ليلى المسلطه عليها وكأنها تقوله مستعيب بحقيقة ابوي :لاحقين على بعض يلا يابطل من يسبقني للسيارة نقز ريان اشرت بهدوء:مالبس جاكيته مدت يدها اخذ الجاكيت لبس ريان وبغمزه :راح اسبقك ابتسم ريان بشقاوة وشبعان نوم شرد ونزل الدرج بخطوات سريعه جسار انجن لحقه رفع صوته:ياولدد لاتطيح اعوذ بالله لحقه بخطوات سريعه وحنان مبتسمه كتفت يدها:لو اقولك شيء بتصدقيني؟ ليلى بهدوء:قولي حنان بأستغراب:هذا مو جسار اللي اعرفه حتى لما كان مرتبط بجيسيكا بعمري ماشفت حنيته لكن مع ولدك ويمكن معك كان شخص ثاني تحاملت على غيظها من هالأنسانه اللي تنبش بالماضي وتثير اسئله هي مالقت لها اجابه مع رج التناقضات:قلتيها كان فعل ماضي وهاللي ذكرتي اسمها ماعرفت تحتويه والا صدقيني جسار مو مثل ماتشوفونه عن اذنك مشت تعدتها عبست بوجهها وتقلد كلامها نزلت الدرج خرجت شافت ريان جالس ورى وجسار عينه بالمراية يظبط شماغه ركبت بهدوء جنبه:السلام عليكم ابتسم والنظارة الشمسيه السوداء مغطيه عيونه:وعليكم السلام والرحمه هاا نمشي؟ هزت راسها بهدوء لفت وجهها حرك السيارة وتسمعه يسولف مع ريان اللي يضحك لكن بالها مشغول حييل وقف عند اشارة لف شافها سرحانه نزل نظارته ومسكها بطرف اصبعه :لاتكبرينها وهي صغيرة هذا ابوك ياليلى رضاه من رضى رب العالمين انسي الايام اللي راحت احنا عيال اليوم ترا اللي تسوينه ماراح يرجع اللي راح صدقيني لما تشوفينه راح يطيح كل اللي بقلبك دام عندك باب من الجنه ماتسكر تلاحقيه وانتي عندك بابين امك وابوك الله يرضى عليك لفت وعينها عليه هزت راسها بالأيجاب توسعت ابتسامته شد على يدها وحتى يغير جو:امس ارتحت من شوفة شعرك هالمكدش ابتسمت خلف نقابها غمز:بس ماطب عيني النوم بدون ما اشم ريحته حست بخجل نطقت بهدوء:ليش مانمت بالغرفه؟ جسار بصدق حرك السيارة وعينه لقدام :ماحبيت ازعجك وقلت اخليك براحتك هالمواقف الواحد مفروض يختلي بنفسه ومايزيدونه اللي حوله هم بنبرة صادقه:بكل حالاتي ابغاك جنبي لاتتركني التفت وابتسم نص ابتسامة :وانا لك ان خانك زمانك ها بالله مو شاعر ضحكت:هههههههههه مد يده بحركه سريعه قرص خدها رجع وباس يده وعينه على ريان اللي رافع حاجب :ها بدينا بالغيره اقول انت وامك تفاهموا مالي دخل انا بوقف اخذ فطور تبغين شيء؟ ليلى بهدوء:سلامتك رفع راسه:يالمكدش 2 يلا ننزل نجيب فطور نزل فتح الباب وفتح جهته نزل ريان وعينه على المحلات رجع سند يده ومدخل راسه من الشباك:بخاطرك شيء؟ ليلى بهدوء:سلامتك بعد عن الشباك دخل ينسف شماغه ووراه ريان هالمنظر خلاها تعيد حساباتها من اول وجديد جسار يحتويها ويحتوي ولدها ومو مقصر عليهم لكن راح تأذيه لما تقوله بقرارها اللي ماسأل عنه للحين يمكن خوف من الأجابة؟ ويمكن عدم اهتمام من قبله.. هو رجل التناقضات..رجل الصراعات رجل الحيرة والأبهام..!! دخل بحياتها بوقت كانت اقرب للضياع والدمار انتشلها من عالم يملأه الوسخ والنجاسة رغم انها مادخلته بطوعها ..خرج واظهر لها التحدي وقبلته يمكن صدفه!! يمكن قدر..ويمكن ويمكن لكن تعرف حقيقة واحدة هو تميز عن اقرانه من الرجال وانفرد عنهم بوقت انعدمت فيه الرجولة!! جسارها اللي اختار ثلاث ادوار ولعبها معاها بالماضي (الجلاد,السجان,القاضي) واللحين يفرض عليها دور جديد (الزوج) لكن فيه اشياء كثيييره تمنعهم وتبعدهم يحققون هالأمنيه اولها حقيقة وجود اخوها حسن هي كذبت عليه واخفت الحقيقة بس مو ذنبها بالنهاية اخوها مهما سوا لها دمهم يجري ببعض رغم انه سبب اذى والدمار لكن قلبها مايطاوعها هي عرفت بالحقيقة اللي كانت تعيش بدوامة الصراع وتناضل حتى تثبتها له وهو بقمة ضعفه اعترف بالحقيقة الغائبة..الحقيقة المنسيه لو استخدمت هالحقيقه وخبت معرفتها كان ممكن تكون مقايضة للي تخبيه عنها كان بتوقف قدامه وتقول استكثرت علي برآتي وانا خبيت معرفتي بوجود اخوي الأرهابي اكبر رجل مطلوب للأمن..لكن الزمن الا مايكسرها مايضعفها يجبرها تقدم التضحيات والتنازلات راح تخسره مجرد مايعرف وبيتركها تصارع نفسها للبقاء حيه ..تقر بداخلها انه كان الأب والاخ والصاحب تحول بيوم وليلة من الوحش الكاسر الى العطوف الرحوم متى ستحل معادلتنا ياجساري؟ متى يظهر الجواب وتنتهي عقدة س و ص متى..!! هزت راسها بالنفي تعوذت بصوت عالي:اعوذ بالله من الشيطان انا وش فيني انهبلت.. : : قفل الخط بعد ماطلعوا بقرار اعادة تعينه قنصل هالمره مو بروسيا بأفغانستان.. الا ينفونه لأبعد منطقة عارف هالقرار طلع من وين من الأعلى منه اللي يلبون طلبات العائله الحاكمة وتحديدا الحفيد المبجل "سلمان بن سعود" بالقـــــاعـــدة... "لما امريكا والعالم يرون ان الأسلام دين يحث على القتل وسفك الدماء.. عندما تحدث أي كارثة تشير سبابة الأتهام (للمسلمين) .. امن المعقول ان يرمى هذا الأتهام الباطل وهذا التمييز العنصري بسبب مجموعة متطرفة لم تعي ان الأسلام دين سلام..جهاده قول لا اله الا الله محمد رسول الله.. جهادة الأجتهاد لنيل الجنة.. انا هندوسي اشعر بما يشعره مليارات المسلمين حول العالم .. لما لايخاطبون النصارى الذين يؤمنون بمعتقد ثالث ثلاثة وتفسيرها بسم الأب والأبن والروح القدس.. وان الله واحد ذو اقانيم ثلاث هذا التفسيران فقط اثنين من حقيقة قول النصارى في عقيدة التثليث.. اما اليهود: لايقبلون المعتقد المسيحي بوجود الخطيئه الأصليه "الايمان بأن الجميع ورثوا خطية آدم وحواء عندما عصوا امر الله في جنة عدن" ومع ذلك يظنون انهم افضل الشعوب وانهم شعب المختار وبالحقيقة انتهوا عندما ابتليوا "بفتنة النساء" اما النصارى: فهم يعتقدون ان البابا معصوم في حالة نادرة لا احد يحاسب اليهودي عندما يسخر من المسلم.. لا احد يحاسب النصراني عندما يحاسب المسلم.. ولكن عندما يكون الموضوع سخرية المسلم ولو مازحا من اليهودي او النصراني مصيره (الفناء) امريكا انتي بلاد الحرية مع ذلك لم تتوقف عنصرية السود الآن باتت عنصريه اخرى "المسلمين" المسلمين لديهم معتقد واحد فقط من بين معتقدات النصارى واليهود الغريبة والعجيبة "اشهد ان لا اله الا الله محمد رسول الله" لا معبود بحق الا الله اله واحد..رب واحد..خالق واحد.. محي واحد..مميت واحد من المنتصر بالنهاية ؟ من الواضح؟ قفل الجريدة بعد ماقرأ المقال عينه تراقب مجموعة من المراهقين ينقادون لمصير اشبه بالأعدام..لطريق يملأه الشوك لطريق ظلام يكاد ينعدم فيه النور "رؤوف احسان علي خان" رفع يده لصدره يتحسس ضربة السكين مرت اعوام واعوام من بعد الحادثة الجميع يظن انه مات ولكن التحق بالتنظيم واصبح من اكبر زعمائها وقد غسل دماغه تماما عن الحق .. اغترب عن وطنه رغم انه بأطرافه افتقد والدته ووالده واخوته الصغار.. ارتفع صوت مناديا:رؤوف اشر بيده يلحقه ليضعون خطة جديدة لعملية ارهابية مستهدفه لرمز سياسي كبير بالسياسة دخل الخيمة وعينه على الصورة رفعها التقطت بمؤتمر سوريا وهو غاضب ((سعود بن عبدالعزيز)) : : بالـــريــــاض.. دليم ويشرب الشاهي:بكره بتروحين معي للقرية العنود بأستغراب:ليش؟ دليم بصدق:متعب بكره زواجه ضربت صدرها اخته:تزوج على فاطمة العنود بأستغراب:اومبسيبل دليم بقرف:مابتفكيني من لسانك الأعوج لفت وجهها بعدم اهتمام وعينها على برنامج ببداية عن الحجاب رفع يده:شوفي يمكن تتعظين والا اللي مثلك مامنهم رجاء قامت متأففه فضلت تدخل الغرفه اللي تجمعهم وصاروا مثل الناس الطبيعيين طبعا بأكراه منها وعلى كلامه "حقوقه" كرهت نفسها تمنت لو تكون هاللحين بأمريكا ترجع لحياتها الأولى دون قيود العاصمه وبيئتها المنغلقه ماناسبت بيئتها المتفتحه كله بسبب غلطة اللي جالس برا ويتكلم تتعظ تتعظ وهو ارتكب اكبر جريمة مايشم ريحة الجنة لما سوا سواته؟ ليش المجتمع يحاسب البنت على ذنب مالها علاقة ويحملونها الغلط وكأنها هي اللي سمحت تكون زانيه انتفظت من وقع الكلمة رغم انها مقصره لكن جيتها هنا خلتها تشوف الدنيا من منظور ثاني خسرت شرفها,خسرت روحها,خسرت ابوها اللي ماصدقها ورماها عليه واحد يشوفها بنظرة دنيوية ومنتقص فيها الكثير قاطع سرحانها دخوله وبعدم اهتمام:جهزي اغراضي بتروش وبنمشي لفت وجهها بعدم اهتمام لف وبرفعة حاجب :تسمعين زفرت تأففت بقوة:اييه سمعت وماراح اجهزها ماني عبده عندك ولاشغاله تحت كفالتك تبغى اغراضك "اشرت للدولاب" جهزها بنفسك انا مالي علاقه بتخرج سحبها من يدها دفها للجدار ثبتها تألمت عبست ودفته بعجز:فكني الله ياخذك دليم بقهر:شوفي اللي فيني مكفيني لاتزودينها علي ترا متحملك لأن ابوك باعك ماقدر يتحمل يكون عنده بنت مثلك رخصت نفسها فتحت عينها وبفحيح:من السبب باللي صار لي مو انت ياشيخ حسبي الله ونعم الوكيل فيك انت اللي وصلتني لهالحاله تعديت على عرضي شوف ربي كيف مجازيك مو متوفق بحياتك طردوك من شغلك وشف كيف الله ينتقم منك بأغلى الناس حولك هاذي بنت اختك اللي تغليها شوف كيف سوا فيها زوجها وكسرها وش باقي تنتظر همم تموت موته شينه بعد عنها انتفظ من كلامها اللي ضربه وهزه من داخل تكلمت بحرقه واشرت بسبابتها:فأما اليتيم فلا تقهر ياللي ايمانك كامل تعرف وش معناها انت مو بس نهيت حياة بنت غريبه لا قهرت يتيمه انحرمت من امها وهي صغيره وابوها ضايع بالسفر هنا وهناك تلومني لاصرت وحده على قولتك بنت سفور "بحده" ماكان احد عندي يوجهني هذا صح والا غلط تربيت بمجتمع كل شيء فرري بمكان الدين فيه ضعيف وثقت فيك لكن انت وش سويت ؟ مشيت ورى نزواتك وسويت اللي براسك انت اللي خذيت مني شرفي تشوفني ناقصه بنظرك لكن خلااص طفح الكيل راح ارجع للمكان اللي جيت منه ارحم من العيشه معك بمكان واحد يراقب شفايفها وهي تتكلم التزم الصمت عدلت بلوزتها بضيق وتعدته دخلت الحمام "وانتم بكرامه" سكرت الباب عليها فتحت الموية وتنتظر تصير دافيه حضنت وجهها بيدها تناثر شعرها بطوله على كتوفها بلع ريقه وكلامها خلاه مثل المفجوع تقدم خطوات دق الباب رفعت راسها وعينه على مسكة الباب تكلم بصوت عالي:لاتتأخرين ورانا خط احيانا الحياة تجبرنا نكون بأدوار جانبية مثل دليم & العنود .. كانوا ابطال شرف بظهورهم بروايتي رغم ان قصتهم كانت تدمي القلب وتهز الأبدان العنود طاحت بفم المجتمع اللي يردد مقولة يفتخرون فيها (الرجال شايل عيبه) مهما سوا مايحاسبونه ويصفقون له لأنه رجال ويلتمسون له الف عذر وعذر اكيد البنت فتنته ..!! اكيد الشيطان اعماه..!! لكن البنت وان وقعت بغلط مالها ذنب فيه وحطوا تحتها خطين يصيرون القصاصيين يعدمونها من غير تقدم افادة او تشهد باليمين هي بنت مايتحملون يشيلون عيبها حتى مايتأثرون من سوط المجتمع المتخلف ,,الجاهل,, كم فتاة تعرضت لقضية ((الأغــــتـــــصــــــاب)) وادينت بجرم ما ارتكبته ونفيت لمقبرة وحيدة تبعث وهي مظلومة .. نحن للأسف نعيش بمجتمع اكبر هم قال فلان وهم قالوا.. هه يا امة ضحكت من جهلها نحن دول عربية الأسلام يتسيد اطرافها نزل القرآن بلغتنا وبه تشاريع رب العالمين لم نطبقها وطبقنا انظمة مجتمع تدعى "عادات وتقاليد" تجبر ملايين الفتيات ان يخرسوا ويتكتموا لما يحدث لهم كي لايقعوا بيد مجتمعهم الذي لن يرحمهم وسيلاحقهم ويوصم بصمة العار على جبينهم نحن امة عربية نتناسى آية صريحة ذكرت "ولاتعتدوا ولاتظلموا" الى كل فتيات كانوا ضحية لغلط ليسوا لهم ذنب ربما تقرأون هذه السطور استعينوا بأكبر حليفا لكم لن يخذلكم "ربكم" رددوا "يارب" اغتسلوا آخر الليل عندما يغفون العباد ويبقى ربهم وارموا همومكم واتعاب الحياة بالسجود فأنتم بيد منهو اقوى من الألم الذي تشعرون به من الذين اذنبوا بحياتكم... اقوى من مجتمعكم وكونوا ثقة وانتم تقرأون "وتلك الأيام نداولها بين الناس" لاتخجلوا من انفسكم فقط تحلوا بالأيمان وذلك الأنكسار سينجبر يوما ما.. لايهم من سيعارضني ويقول تعديت الخطوط لا والف لا سأكتب عن الحقيقة مهما كلفني الأمر مهما طالتني موجات الأنتقاد... من لم يحترق بالنار لايشعر بحرارتها من لايغرق بالبحر لايشعر بالأختناق.. هم بحاجتنا ان خذلهم مجتمع بكبره فربما اعداد بسيطه كفيله بأن تخرجهم من قوقعة الألم..!! | |||||||||
|
| |
|
02-01-15, 12:10 AM
| #78 | |||||||||
| نجم روايتي ومشرفة سابقة وفراشة متالقة بعالم الازياء
| بالـــــريـــــاض.. دخل يستعجلها:يلاااا لازم نخرج من .. وقف متنح من المنظر اللي قدامه غمض عيونه ورجع يفتحها مره ثانيه مو مصدق اللي واقفه قدامه معطيته ظهرها بفستانها المخمل بلون العودي طويل الأكمام نطق بفزع:اووم برقع لفت بهدوء وبغيض عضت لسانها:لاتقول اوم برقع فتح فمه بعدم تصديق تراجع خطوتين رفع يده ضرب راسه وبتناحه ممزوج بخوف:ميين انتي وين اوم برقع "تلفت" لايكون غلطان بالشقه تخصرت وبنص عين:لاماضيعت وراك تبحلق فيني تقول شايف لك جني رفع سبابته مثل الأطفال بفرحه:أي والله انه انتي اووم برقع "قالها بصيحه" اووخص تعرفين تلبسين مثل الناس؟ "ودها تتوطاه يحسسها انها جايه من اخر الدنيا لكن الذنب عليها لما اختارت تكون المتخلفه بعيونه حتى يطفش منها لكن هالشيء انعكس سلبا حطت يدها على خصرها والفستان مفصل جسمها تفصيل وشعرها الطويل سايح جزء على كتفها وجزء ورى وقذلتها على جنب مسويه رسمة كات وحاطه مسكره مكثفه وروج عودي وبلشر بني فاتح ومناكير عوديه لكن طالع شكلها مختلف 180 درجة فاتنه بملامحها البدوية" فواز"" من طلعنا شقة خويي اللي رجع من سفره وطول ابن اللذينا قررت اروح اسكن عند اهلي لكن الوالد مسافر وقررت اجلها لين يرجع خذينا اجنحة فندقيه لكن تدرون وش العجيب اووم برقع عاقله انتم متصورين من بعد ماكلمتها امها اللي وصلني صياحها ووعيدها وحلفانها صارت مثل القطو هههههههههههههه وربي مامنها صوت وقبل كانت مثل الراديو ولسان اعوذ بالله المهم قرر الوالد يسوي عشاء لنا عطيتها خبر ما اعترضت وقالت بالمختصر "ان شاء الله" شفتوا حتى انتم مو مصدقين تلوموني هههههههه بس فقدت هاللسان الا اعوذ بالله منه غيرت رأيي كانت بتجيب اجلي وعقلي بيطير خلاص ومابيردني غير مستشفى شهار المهم طلعت قضيت كم شغله ويوم خلصت رجعت اناديها ماترد دخلت الغرفه الا اشوف ذاك الجسم اللي معطيتني صاحبته ظهرها يا انه مرسوم رسم من ورى كيف قدام انحرفت لاتلوموني شفت الشقر لكن اجسامهم تقول مساويك لكن هاذي جسم فتننه لفت بشويش طار عقلي لا والله مو هي اللي تفجع من ذي لحظه العيون الوسيعه والمرسومه واللي ترمش كل شوي والا الشفايف بلعت ريقي اكيد يتهيأ لي والا مضيع بالشقق اللي على نظام اجنحه فندقيه الا يوم تكلمت مو مصدق احد يجي يصفقني كففف ويلللي على هالعيون اروح وطي ويل حالك يافواز ذا الزين قدام عيونك طوال الوقت وانت غافل عنه الملامح ملامح البدو اللي تذبح والا الشعر الطويل يلامس خصرها كنت اشوفه قصير دائما تلفه الخصر انا لازم افوق لنفسي فجعت بنت الناس بتعوذ من الشيطان وبروح للعشاء تأخرنا " رفعت حاجب:وراك مسبه اكلمك اشر بسبابته لصدره:انا !! الجازي بأستخفاف:لا اللي وراك مابتفكني من لسانها لكن اللي براسي والله لا اطيحه لو ما احضر العشاء ويلعن ثواي سعود بن عبدالعزيز ذي حلالي قرب بخطوات وهي تبعد بخوف حشرها بالزاوية عيونها عانقت الأرض بلعت ريقها رفع يده وبجرأة صار يمسح على مكان تفاحة آدم ويحس ببلعها لريقها وعيونه تتفحصها مرر اصابعه على وجهها وهي ترمش بقوة تحاول تستجمع قوتها وهو حاشرها بالزاوية بتشرد رفع يده الثانيه تلقائيا ابتسم بخبث:ويين بدري خلاص الأكسجين صار بحح انعدم من الغرفه صدرها يطلع وينزل وهو حاشرها ويسوي حركات ماخطرت ببالها ابتسم بخبث حط باطن يده ويسمع صوت دقات قلبها اللي بيوقف من الخوف قرب زياده رفعت نفسها ولصقت بالجدار تمنت تغوص فيه ولايكون قريب منها بهالشكل عض شفايفه وبقهر:وش حادني اروح للحرام والحلال قدامي ماقدرت رجولها تشيلها تهاوت عند رجله بسرعه انحنى ورفعها بخوف:بسم الله عليك غمضت عينها تبغى تتخلص من لمسته وهو جريء بزياده من الخوف والخجل ثقل لسانها وهو يهزها بخفيف:انتي بخير؟ هزت راسها مسك يدها وساعدها تقوم بعد عنها ووجهها لونه منخطف كره نفسه كان بلحظة ضعف لو ماطاحت كان سوا اللي براسه لف اعطاها ظهره وبهدوء:اسبقيني للصاله بتروش ونخرج تأخرنا ما انتظرت يكمل كلامه شالت عبايتها وطيران طارت لبرا خرجت للصاله جلست على الكنبه الطويلة المنقشه وتحس انها غريبه عنها قربه بهذاك الشكل اعترى شخصيتها اللي رسمتها له جرآته خلتها تفقد التوازن وتخر طايحه عند رجوله كرهت نفسها بينت ضعفها وخوفها بس جريء جررريء وكلامه كوم ثاني وحشرته بالزاوية ولمسته حست شعرها وقف انكمش جسمها بحركة تلقائية وبعد دقائق بدأت تهدي نفسها وتتذكر مكاملة امها اللي مابقت وعيد الا وتوعدتها فيه وقالت تكسبه وتكسب نسبه والا بتخسر هي ماهمها قد ماطفشت من اللي سوته مابان ابدا ولاحقق اللي ببالها تبعد عنه لكن راح تلجأ لطرق ثانيه وبما انهم بيعيشون عند اهله راح تطلع عيونهم وهو ماراح يرضى عليهم وبيطلقها وترجع لأهلها ولفاطمة اشتاقت لهم خصوصا فاطمة مادرت كيف حالتها وبكره زواج متعب اللي حقدت عليه ليه يسويه الشيء وفاطمة ماتستاهل والاشاعه اللي طلعت بالقرية عشانها عقيم ماتجيب عيال وهي مالها سنه ناس متخلفين جاهلين ولما سألت امها قالت لاجيتي فهمتي كل شيء وقفلت بوجهها متضايقه من تصرفاتها رفعت عينها للشنطتين المطرفه على جنب راح تشوف اهله هم كبييييييير شايلته من اليوم لكن قررت تبين لهم انهم مو افضل منها وان كانت بنت قرية بياخذونها مسخرة اللحين لكن مابتحقق هالمنوه " : : بقــــصــــر الامير سعـــــود الكل مجتمع منتظرين وصول سلمان سعود بغيض:اخوك ذا وش عنده هاليومين غاط؟ نايف بكذب:مدري عنه هز راسه ابتسم مره ثانيه وعينه على الجازي:حيا الله بنتي الجازي حست بخجل وتوتر:الله يسلمك ياعمي سعود بضحكة:وراتس مستحيه ههههه ترا اعرف احتسي مثلكم فواز رفع حاجب بأستغراب ابتسمت الجازي:ايه بالله كأنك تحتسي مثلنا نايف غمز لفواز اللي بيقوم ويكفخه فوزية بأبتسامة:يوم قالي عمي انكم جايين وربي فرحت من كل قلبي فواز بهدوء:جعلك تسلمين يا ام خالد الا صدق هالكلب وش اخباره من سافر قطع فينا؟ محمد يشرب القهوة:ماعليه خلاف عطلته بعد اسبوع بيجي يقعد شهر سعود بأستغراب وعينه بفواز:ماكأنك طولت بالقعده؟ بلع ريقه حك راسه وبأبتسامة هبلا:لأنهم فصولني سعود طير عيونه:لعنبوا من انت منه ويقولها بكل قواة وجه الجازي ابتسمت تحت غطاها وتشوف سعود يهزأ فواز اللي قمط العافيه رفع يده وبتبرير :صل على النبي خلني افهمك سعود بغضب:وش تعلمني عن سواد وجهك انت متى بتصير رجال فهمني نايف قرح ضحك نسى نفسه لف سعود :ولعنننه طيييب نايف بلع ريقه وبخوف:طيب الجازي ميته ضحك من اشكالهم لف على فواز :وش مسوي ياملعون الجدف 7 سنين وانت مغرز بهالشهادة ولا اخرتها مفصول بالله روح بشر امك لاابوك لا ابو من خلفك نايف صفر بخفيف والجازي خلاص متشققه من الفرحه فواز قاعد يتمسخر قدامها فواز بحرج من الجالسين:يبه احمم اسمعني شهادة بكالوريا تكفي ليه الماجستر بعدين شسمه آآ يعني كنت ادافع عن ديني اييه دكتور ملعون الخير قام يسب بديننا وانا ماتحملت وثرت عليه وبس طقيته وسحبونا للعميد وبغت تصير علوم لكن سلمان قدر يدبرها وسكتهم وصل الله وسلم صاح بغضب:بسس هاللي سويته وملعون الخير هو اللي مساعدك ذراعك اليمين وانا ياغافلين لكم الله لعنبوكم مايفيد فيكم متى بتصيرون رجال؟ محمد امتعض وعدل جلسته ونايف بهدوء تمتم:لا بالله كلينا هواء ماعاد تقدر تسكت انفجرت ضحك :ههههههههههههههههههههه وااااهههههههههههههههههههه هه ماسكه بطنها بيدها وعينها عليها وميته ضحك طالعوها بأستغراب وفواز وده ينزل بهالعقال ويليخ ظهرها ماقدرت مسحت دموعها ولا اردايا نطقت:يامسخره هههههههههههههه ههههههههههههههههههههه فوزية ضربت خدها وسعود عينه عليها هدأت تنحنحت وتزيد سعود:أي والله انك صادق ياعمي اصلا الواحد بدون شهادة خرطي بهالزمن مايسوى له ريال مهمه بس من يقدرها سعود شعلت النار بصدره اشر لها:شفت مرتك هذا الكلام الزين مو علومك طيح الله حظك الجازي رفعت يدها:وراه ياعمي تصيح وتذبح عمرك خطت شنباتهم ان كان مابهم عقل ما انت مكلف تعقلهم المهم صحتك انفدا هالوجه الطيب والردي بيقعد طول عمره ردي مابيتسنع لين تحج البقره على قرونها نايف فرصع عينه والبنات مبلمين وفواز عض لسانه بقهر ورفع اصبع التهديد ابتسم سعود كلام هالبنت خلاه يبتسم غصبا عنه بدخوله:السلام عليكم ردوا السلام:وعليكم السلام والرحمه لاحظ وجيهم المقلوبه ووراه روز اللي معصبه منه استغرب وجود وحده متغطيه نزل راسه وقرب باس راسه ابوه وبهدوء:مساك الله بالخير سعود وعينه عليها ويكتم غضبه:هلا هلا استغرب من رده جلست روز المتحجبه ابتسم بدون نفس لفواز:حيا الله العريس فواز بأبتسامة:الله يسلمك نزل راسه وبخجل:حيا الله مرت اخوي تو ماتنور البيت الجازي بهمس:الله يسلمك روز بأستغراب:برقع !! ليه لابسه برقع نزليه مافيه احد غريب ضيقت عيونها حطت يدها على خدها ارتبك فواز عرف انها بتمد لسانها:ليه وش قالوا لتس ذولي يصيرون محارمي حتى افتش عليهم غبرره وش بلاتس انتي عقلتس ماهوب بمعتس تبيني افصخ غطاي قدامهم مثلتس روز فتحت فمها ونايف ضحك كتم ضحكه بيده والبنات مثل اللي صافقهم وفواز بغيظ دقها :اسكتتي رفعت يدها:لا بالله مابسكت الا الحق مايزعل روز بغيظ:هه نسينا انك بدويه متخلفففه سلمان بسرعه:رووز!! فتحت فمها:بلاك يا ابو عقاب انتي تحتسين عني مالتس عليتس انتي وهالوجه تقول مقفى عنز انا متخلفه ياجعلتس مانيب قايله اقبل اكون بدويه ولا مثلتس رزاتن هالخشه اللي تسد النفس قدام الكل يعننتس مزيونه وانتي من جنبها اصلن من دخلتي ومبين على وجهتس الشر مير الله يكفينا منتس عووذه بسم الله هه "كشتها" سعود عقد حواجبه بأستغراب وروز بهتت بفجعه ونايف مايل على جنب من الضحك وفواز يبتسم بمجامله ويرقع:متى عشاكم والله ميت من الجوع فوزية قامت:بروح اشوفهم يحضرونه فواز بترقيع لف لأبوه:شفت مباراة ريال مدريد وبرشلونه امس ياهو طقطق عليهم الملكي سعود بهدوء:الله يخلف بس نايف:هههههههههههههههههههه� � لفوا عليه رفع يده بالهواء ورجع يبتسم ويغمز لفواز اللي بيتوطاه على العشاء.. فوزية:يلا حبيبتي العشاء الجازي قامت:زين دليني على المغاسل قسم لا اضيع بذا البيت من كبره تبارك الرحمن فوزية ابتسمت:تعالي معي.. مشت معها دلتها على المغاسل وقفت لفت وبتساؤل:اللحين انتن تصيرون حريم اخوان هاليابس؟ فوزية بلمت:هاا لفت وجهها بضيق:اقصد فواز فوزية بمجامله:اييه الجازي بحمق:وذيك اللي قالت عني بدوية متخلفه وش تصير؟ فوزية ببلاهه:مثلنا تكون زوجة سلمان الثانيه الجازي برفعة حاجب:هو متزوج ثنتين؟ فوزية بضيق:حبيبتي كل واحد من اللي شفتيهم متزوج وطاق يالثنتين يالثلاث بنات عمهم وغيرهم الجازي فرصعت عينها ضربت صدرها:طيح الله حظتس والعلم لاتقولين هاليابس بيسوي سواتهم؟ فوزية:ههههههه والله انك توحفه شوفي حبيبتي ما ابغاك تنصدمين لكن بعالمهم توقعي أي شيء يعني امير بالنهاية عادي عنده الوضع الجازي رفعت يدها بحلف ووعيد:والله لو يسويها لأخليه يفقد اللي انتي خابرته فوزية ماتت ضحك ومتعجبه منها :هههههههه استحي على وجهك لا احد يسمعك بس امشي نتعشى غسلت يدها ولازال برقعها عليها:اقول يالأجوديه ترا اختنقت من هالبرقع بنتعشى لحالنا؟ فوزيه هزت راسها:لا طبعا تعودي الفطور براحتك الغداء والعشاء ملزومه تحضرين الجازي تمسح يدها بالمناديل وترميها بالزباله :وراه ياكافي وش ذا المهزله يعني الواحد ماياخذ راحته هو شوفي حريم اخواني جعلهم بالتكسر ماعدا فطيم يقعدون احيانا جميع بس لابسين غطاهم بس مستحيل يتعشون على سفره وحده وش ذا النظام؟ فوزية تأشر لها تسكت بس ماسكه خط :اصلا من شفتكم فاتشات وتسولفن عادي غسلت يدي منكم ماني بمتعشيه الا لحالي والا مابذوقه بصوت رجولي ثخين:هالعشاء لك بتردين من تعنى لك؟ لفت بفجعه لما شافت سعود يتسند بعصاته ومقرب منهم وفوزية منزله راسها احترام له بلعت ريقها وبترقيع:لاتفهمني غلط انفداك مير ماقدرت اخذ راحتي واتقهوى وماظنتي باخذ راحتي بالعشاء ابتسم بحب ماتوقعها كذا :طيب واللي يقولك ببتعشين على راحتك ولا انا معاك وش بتقولين بترديني؟ الجازي بخجل ردت بسرعه:مايردك الا الخايب سعود بأعجاب لكلامها اللي ارضاه:فوزيه الله يرضا عليك خليهم يجهزون العشاء لنا بالمجلس منها اشوف كيف فواز مع بنت الناس فوزية بأستغراب:بس لاسألوني سعود رفع يدها مقاطعها:قولي لهم انا طلبت هالشيء يلا الله يرضا عليك بهدوء:امرك مشت تاركته هو والجازي غسل يده ومنحني ظهره من الكبر رحمته الجازي رفع راسه بعد ماسمح يده بالمناديل لمعت عينه وبأفتقاد واضح:هاذي اول مره اتعشى مع احد بالعاده انا وبنتي ندى نتعشى سوا ونسمر الجازي ماغابت عنها لمعة عينه بتساؤل :بنتك متزوجه؟ عرف انها مافهمت قصده:ندى تكون مرت ولدي سلمان الجازي بأستغراب:ماشفتها داخل تنهد سعود:الله يهدي سرهم فواز بلم:كيف يعني ماراح يتعشون معنا؟ محمد بهدوء:وتنعاد قصة ندى بنت خالد سلمان برفعة حاجب:محمد اوزن كلامك رفع كتفه بعدم اهتمام:وانا الصادق مرتك المبجله خذت كل الأهتمام هنا واللحين جاء دور هالفرخ فواز بغيض:محمد احترم نفسك ماني بأصغر عيالك نايف بطفش:صلوا على النبي انت وياه لاحول حتى الواحد مايتهنى بأكله سحر همست لمنى:ياحبيبي هاذي اولها عمي سعود ماسوا هالحركه الا بشيء براسه منى بهمس:عادي يمكن البنت ماتقبلت طريقتنا انت شفتي بالزور جلست معنا ومبين عليها متضايقه فواز قام وانسدت نفسه:دايمه نايف بضجر:ماكليت شيء اجلس بس عينه على محمد:الحمدلله ...مشى تاركهم سلمان وقف وبسرعه:الله يغنيكم نايف بطفش:وانت بعد تعشى لاحول الله سلمان بعدم اهتمام:مالي نفس كثرت بالقهوة بتقوم روز اشر لها:خليك انا بطلع برا.. خرج من عندهم همست فوزية:زين الاميره هيا ومها ماجوا سحر لوت فمها:اصلا لهم وجه يجون بعد الطردة المحترمه خصوصا هيا فوزية بضيق:الصراحه حركتها مالها داعي نبشت اغراض البنت ورمتها بالزباله وفرشت الغرفه من جديد عشان فواز لكن عمي سعود مايرضى بالغلط فما بالك بشيء يمس ندى بس الاميره مها مالها ذنب سحر رفعت كتفها:الخير يخص والشر يعم بالمجـــلـــس.. الجازي بصدق:يوم اني شفتك ياعمي قمطت العافيه وقلبي يترقص من الخوف مانيب بمصدقه اني واقفه قدامك بالعاده اشوفك بالتلفزيون وتبي الصدق انت تخرع ضحك بقوة على كلامها:ههههههههههههه اخرع الله يسامحك رفعت يدها صفقت جبهتها ببلاهه:لا ماقصدي تسذا اقصد انك هيبه الله يحفظك سعود ابتسم:ومن يقوله خرج برا شافه واقف ويدخن قرب منه وصار جنبه ابتسم على جنب:تبي الصراحه والا المجامله؟ فواز عينه لقدام وبضيق:الصراحه ربت على كتفه:خير ما اخترت لف عقد حواجبه وبانت تقوسات جبينه كمل سلمان:شوف رغم انها جلدت زوجتي بالكلام ههه بس مبين عليها بنت رجال :حمشه اؤي لفوا سوا زفر فواز بتأفف:جاك الثاني نايف قرب رفع حاجب ضربه على كتفه بقوه اختل توازنه وسرعان ماحاوطه وصارت رقبته بيده كأنه يصارعه وفواز مسكه من ثوبه وسلمان يضحك بصوت عالي نايف تركه ويقلد صوت عجايز البدو :وراك قالبن هالخشه؟ سلمان:ههههههههههه ترا شوي وينفجر نايف ماشي على التقليد:وش بلاك احدن ضايقك؟ فواز ابتسم بخفه لوى فمه :انقللع من وجهي نايف مسك يده ويمثل الدلع وحركات البنات :حبيبي لاتصد عني ناظرني عيوني مشتاقه لعيونك انفجر سلمان ضحك رغم ضيقه:هههههههههههه فواز :ههههههههه استغفر الله ما انت بصاحي نايف رفع حاجب:شوف وانا اخوك بعد الجلد اللي شفته داخل ماظنتي بيسنع حريمنا غير مرتك اوم لسان طارت عيون فواز رقع سلمان:قصده انها تعطي بالوجه نايف كشر وعينه على سلمان:اووف كيف نتفت جبهة زوجتك داخل كأنها بريعصي ناتفينه سلمان رفع صوته:يلا انقللع بس تتكلم عن مرتي ترا نايف حك حاجبه:وش فيك محتمي لا بالله انها كفو عجبتني سنعتهم يالله ياكريم تسنع اللي عندي فواز بقهر:بدخل اقطع لسانها بيمشي مسكه سلمان رفع يده ضرب راسه :هييي انت صاحي وش سوت لك البنت اللي عندي غلطت وجاها ماتستحق واترك عنك ذا الخبل عقله مو معه نايف زفر:تعرف عند من لف وجهه سلمان طلع باكيت الدخان من جيبه اخذ الولاعه من يد فواز وشعلها اخذ رشفه وبهدوء مفاجىء:ولاتفكر نايف بقهر:سلمان ترا انا ما اشحذك احطك بالصورة لا اقل ولا اكثر لف سلمان وبعين ضيقه:سوها وقتها بتخسر خوتي نايف زفر بقهر:يعني انت قاعد تساومني؟ سلمان ببرود مميت:افهمها مثل ماتبي فواز بلم وعينه تتنقل عليهم:وش السالفه؟ نايف بقهر:طيب خل اخوك يحكم ياخي انا ابغى اخطب اخت زوجته ورافض فواز بعدم تصديق:اخت ندى!! سلمان بغيره:ممكن ماتنطق اسمها فواز بضحكة :طيب اخت زوجة سلمان ها عجبك المشوار؟ سلمان بعدم اهتمام:والله ياحبيبي اخوك طاب وسط ما انا قاعد احاول اصلح بيتي اللي خربته ينقز لي بالوسط لييه بعدين ماتصلح له لأنه مع احترامي لعاااااااااااب نايف تكتف رفع حاجب:ِشوف سلمان ماكان خطيت خطوة ووضعك كذا همم حط هالشيء ببالك بعدين ان كنت انا لعاب انت وش تكون كلنا نفس الطقه فواز حس الجو تكهرب مازحهم:والله انا اللي شذيت القاعده وخذيت لي بدوية تنشد لي هالشيلات وسط ليلتن قمرا نايف بنرفزه:ابك ابك لف فواز بقوة نايف ابتسم بشر وتراجع لورى لحقه فواز وهو يشرد سلمان باس قفى يده ورفعه لجبينه:الحمدلله والشكر "رفع صوته" استحوا على وجيهكم لايشوفونكم حريمكم "تمتم" الطول طول نخله والعقل صخله مشى بهدوء وموجات الهواء البارده تصادمه وتفكيره عندها بعد ماصارت حرب عالميه بالمزرعه وسحب روز غصبا عنها هنا بعد ما اكتشف انها جات مع عباس اللي عطاه موشح تركها بعد ماتطمن عليها كانت نايمه بياخذ له اغراض وبيرجع لهم بعد العشاء هذا تخطيطه لكن لازم يجلس مع ابوه ويحطه بالصوره رغم تحفظاته يسمع نغزات تصير عن امه عادله اللي مانزلت على العشاء واستغرب من حركتها لكن فيه شيء قاعد يصير هنا الكل يحاول يكتمه يخص ندى دق جواله رفعه شاف عمته هيا تتصل عطاها احمر ماينسى حركتها رمت اغراض زوجته بالزباله ودخلت جناحها بدون احم ودستور مشى بهدوء شاف البوابة انفتحت دخلت سيارة مغيمه ووراها سيارة يعرفها زين صقـــر!! حس الشياطين تنطط قدامه رمى سيجارته تحت رجولها وداسها مشى وصدره يطلع وينزل من الغضب وقف سيارته شافه زفر عرف ان هاليوم مابيعدي على خير خصوصا قرار مضاوي المفاجىء نزل ونزلت مضاوي لفت له قرب منه وقف قدامه رافع حاجب وبهدوء رغم البراكين المتأججه بصدره:ماراح تريح نفسك وتريحنا معاك صقر ضحك بخفه وعينه عليه:معناته مثل ماتوقعت لك يد بنقلي مسحه بنظرة من فوق لتحت:كم مره راح اقولك ما انت بكفؤ تتحدى سلمان بن سعود امير ومن عائله حاكمه اذا نسيت اذكرك صقر بغيض:كلنا عيال 9 شهور ابتسم على جنب وثبت عينه عليه:ايه بس حلو الواحد يعرف من يكون بالنهاية ليش جاي؟ كانت واقفه وراه معطيها ظهره الشوق له ولجسار اعدمها,انهاها,قتلها دمعت عينه وبغصه:سلمان لف بهدوء عقد حواجبه هالمره شافها من قبل بس وين مايتذكر بلعت ريقها وبغصه:سلمان يمه انا امك مضاوي امك اللي قالوا لك انها ودعت هالدنيا ابتسم بأستخفاف:هه مع احترامي لك امي ماتت وشبعت موت مين انتي؟ مضاوي بحزن:انا امك مضاوي ضحك بأستخفاف:ههههههه شوف "رفع سبابته اشر لها" انتي من كل عقلك اقولك امي ماتت وشبعت موت ماتفهميين؟ مضاوي بمراره هزت راسها عطته ظهرها ومشت لداخل رفع يده بالهواء:هييي انتي وين رايحه؟ تجاهلته دخلت البيت وقفت بوسطه صرخت :سعوووود بن عبدالعزيز سلمان بفجع:هيي انتي وش تسوين؟ بكت وصرخت:سعووووود سمعوا صوت صراخ خرجوا البنات والعيال وهو خرج من مكتبه ومستند عصاته يعرف هالصوت وقف وهي قدامه انتحبت بقوة:اهىى اهىى وصلتني لحاله عيالي يتنكروني ولايعرفوني الله لايسامحك اهىى سلمان بأنفعال:الزمي حدودك يامره واخرجي برا البيت قبل لا اخليهم يسحبونك لفت له مسكت ثوبه من جهة صدره وشدته :انا ماني مره غريبه انا امككك امك اللي اوهموك انها ميته انت واخوك جسار طالعها بفجع بكت بقوة:فرقوني عنكم وفرقوكم عن بعض فوزية شهقت وعينهم على سعود اللي منزل راسه زفر محمد اتصل عليه وبعد رنتين كان جالس مع اهله شاف رقمه حس بغيظ رد :ولك وجه تتصل محمد بسخرية:تعال لحق على اخوك مضاوي هنا ..قفل بوجهه مبتسم لهاللحظه عينه على الجوال مو مستوعب ماكانت عنده الجرآه يقوله بالحقيقه واللحين كل شيء قاعد ينكشف حس الدم متجمد بعروقه ماحس نفسه الا خارج من البيت وسط استغراب امه وخواته شخط بموتره بقوه قاطع كل الأشارات همه يوصل لأخوه وبس بالجهه الثانيه.. ضحك بأستخفاف:هه انتي جنيتي "رفع عينه لأبوه اللي منزل راسه بغصه" يببه انت تشوف هاللي قاعده تقوله المره هاا؟ صرخ بحده:انت تسمعهاااااااااااااااا سعود منكس راسه وبضيق:ماقالت الا الصدق بوس راسك امك ياسلمان ضرب يده ببعض وضحك:لا بالله انتم مو صاحيين والا انا اللي عقلي طار شلوووووون هااا ههه شلون الأموات يرجعون من قبرهم بتهبلون فيني؟ مضاوي ببكاء مسكت يده وترجف:هم السبب حرموني منكم ورموني بسرداب خلوني مثل المجنونة اهىى اهىى حس نفسه بحلم هالمره تمسك يده وتبكي وابوه مارفع عينه دارت عينه على الكل اللي مصدقين هاللي يصير هز راسه بالنفي نفظ يدها بعد خطوة رفع سبابته وبحده:اقسسم بالله ما انتم صاااااااااحين "بضعف اشر لها" شلـ شلون هاذي تصير امي اللي ماتت هه يانااااس خافوا الله مستحييل سعود رفع عينه قرب منه وبحنيه:سامحني يابوك ماكان عندي حل بس الله الا مايكشف الحقيقه بالنهاية لف على صوت شخطة موتر شاف نازل بسرعه جسار جات عينه بعين صقر شاف الباب مفتوح والكل متجمع طلعت درجتين وقف شاف سلمان عينه عليه :شوف وش قاعدين يقولون انا وانت اخوان مو صاحيين؟ جسار تجمد عن الحركة هز راسه بالنفي :انا وياك بنفس العمر لكن انا ولدت هنا وانت بألمانيا انا ولد سعود وانت ولد سلطان زفر جسار وبحمق لسعود:عسى ارتحت بس!! سلمان قرب منه وصدره يطلع وينزل وبغصه :هاللي يقولونه كذب صحح انت مو بأخوي وكل هذا لعبه منهم صح ؟ دمعت عينه اول مره يحس بالضعف يجتاحه هذا هو اخوه تؤامه واقف قدامه ويسأله اذا دمهم يجري ببعض بعجز نطق:اخوك ياسلمان رفع يده حطها فوق راسه ويهزه بالنفي صرخ:ما انتم بصااااااااااااحين ابداا صدره يطلع وينزل توجه لأبوه وعيونه حمراء وبحده:انت وش سوووووويت فينااا دمرتنا الله لايسامحك الله لايسامحك رفع عينه سعود بعجز ويشوف سلمان اختفى من قدامهم لحقه جسار يناديه:ٍسلماااااان وقف سلمااااان لف بقوة ودفه من صدره رفع يده جسار :معك حق بكل اللي تسويه انا لما دريت كنت اخس منك اهدى اهدى سلمان بحده:انقللع من وجههي لاتصدق نفسك وتلعب دورهم انك اخوي انت ولد عمي حتى ما اتشرف فيك 35 سنه جايين تقولون لي ان امي مو ميته وان لي اخ تؤام وش متوقعين مني اخذكم بالأحضااااااااااااان جسار اول مره يشوف سلمان ثائر لهالدرجه عض لسانه حط يده على خصره :لا لاتاخذني بالأحضان ماطلبت منك لكن "رفع سبابته" ماتقدر تغير حقيقة اني اخوك لو صارخت على هالناس كلهم "اشر للقصر" خدعونا 35 سنه خلونا قدام بعض كعيال عم وبيوم وليله جوا قالوا يلا انتم اخوان سهله؟ لا ماهي سهله تذببح من عرفت وعيوني ماذاقت طعم النوم ولما جيتك المزرعه وناوي اعترف لك بكل شيء ماقدرت خاني لساني مابنقدر نعوض 35 سنه راحت من عمرنا لكن بيدنا نكون احسن منهم ماعلينا منهم بنحط يدينا ببعض بنكون سند لبعض لاطاح واحد فينا سنده الثاني لابكى واحد منا مسح دمعه الثاني لافرح واحد فينا ضحك له الثاني لاتاخذني بالأحضان بس عجبك والا ماعجبك دمنا يجري ببعض مالنا دخل فيهم خلهم يتحاسبون ويتذابحون بكيفهم لكن لاتعطيهم فرصه يشوفون حصاد اللي زرعوه ارتجف فكه بأنهيار وبضياع حقيقي:لاتطلب مني اكون لك اخ لأنك "بجديه" ما انت بأخوي ولاراح يربطني فيك من يوم ورايح أي صفه لاولد عم ولابطيخ ولاهم يحزنون عطاه ظهره ومشى ركب سيارته حركها تاركه واقف يصارع اغلاط مالهم ذنب لف جات عينه بعين الأنسان اللي مفروض يكون ابوه لف وجهه بقهر وحمق قرب منه رفع يده :شفتت هاا عسى ارتاح قلبك ؟ حسبي الله ونعم الوكيل انتم اغلطوا واحنا ندفع الثمن تركها ركب سيارته شخط بقوة ومضاوي تبكي بصمت وصقر منزل عينه كل هالأحداث صارت تحت نظره مثــل ماكانت العاصمة تشهد علاقات على شفير الأنهيار وحقائق مره.. كانت القرية تتجهز لتزف عروس جديده.. ^ ^ ^ ^ ^ ^ ^ ^ كتت نوقف هنا لنلتقي بأذن الله الأسبوع القادم ادري بارت دسم حييل توقعاتكم بتكون مفتوحه لكن فيه سؤالين بسألكم اياها.. تتوقعون ندى راح تعطي سلمان فرصه ثانيه والا بتكتفي بالأضرار اللي خلفتها من قربه؟ ليلى ورجوع والدها تتقبله بحياته وياترى شنو قرارها تجاه جسار؟ عابـــرات فـــوق السنـــة النيران زوبعة لاتنتهي..!! كونوا بالموعد للبارت القادم بحفظ الله ووداعه .. اللهــــم ياكـــريـــم نستودعـــك خادم الحرمين الشرفيــن اللهـــم احفظه بحفظك اللهــــم اشفه انت الشافي وامده بالصحة "مـــس ميــلانو" | |||||||||
|
| |
|
07-01-15, 08:46 PM
| #79 | |||||||||
| نجم روايتي ومشرفة سابقة وفراشة متالقة بعالم الازياء
| مســـاء الجوري والخزامي.. مســاء الحب شفتوا عاد صرت رومنسيه هاليوم العاطفه هاجت بزياده هههههههههههههه طبعا قبل لا ابتدي اعطيكم بارت حابه احيي من كل قلبي jood33 لأنها خمنت وتوقعت توقع حلوو بعضكم ما التفت له وهو شيء بيرتبط بالبارت الجاي Najoudh رغم انها من انصار روز هههه بس تعجبني تحليلاتها حياديه ومنطقيه وتكلمت عن فاطمة ومتعب وعن سلمان بالمختصر مشت على روتين الحياديه ورمت بالعاطفه واخيرا وليس اخرا "وردة شقى" خمنت ان رؤوف المنضم للقاعده له علاقه بالبنات الافغانيات اللي بالقصر وووبس والباقين على عيني وراسي وهالبارت اتمنى يسعدكم ولاتحرموووني من طلتكم وتمنيت فعلا اقدمه ليكون امس بطلب من بعض الصبايا لكن قدر الله وماشاء الله فعل وبنمشي على نفس هالنظام كل اربعاء البــارت _36_ معكـ ياجساري تنعدم لغة الأجساد لتعانق رحايا الأحلام لغة صامته تدعى (العيـون).. شخط موتره ويحس الأدرينالين وصل لذروته من الخوف والقلق ضرب الطاره بقوة عض لسانه وبقهر:مو وقته هاللي يصييير مو وقته !! بالقصــر.. واقفين والف علامة تعجب ترتسم يترقبون مبرر والا على الاقل ردة فعل من ابوهم اللي تكلم بصوت مهزوز وعينه بمضاوي:وش اللي رجعك؟ مضاوي بخنقه:رجعت لعيالي تعبت 35 سنه وانا بعيده عنهم سعود بنظرة انكسار:وشفتي ردة فعلهم مسحت دموعها وبمراره:حرمتني من عيالي الله يحرمك من عافيتك صرخ فواز بأستنكار:هييي انتي اوزني كلامك داخله علينا ومخربه جمعتنا وتدعين سعود وعينه عليها بحسم:فوااااز دامني موجود مالأحد كلمه وانتي دامك رجعتي ماراح اطردك من بيتك لكن لساني لايطب لسانك لين مايرجعون عيالي وقتها لنا تفاهم ثاني ...مشى تاركهم بحيرتهم وتساؤلاتهم نايف زفر:وش السالفه احد يفهمني؟ فواز بنظرة حقد لمضاوي رفع يده:اسألها طبت علينا وتصرخ طلعت ام سلمان مضاوي سكتت متوقعه ردة فعلهم لكن ردة فعل سلمان شرخت قلبها وادمته كانت افظع من ردة فعل جسار كسرها خايفه عليها لايصير فيه شيء نزلت راسها على طريق المرزعــه.. يسوق وعينه ترتمي يمين ويسار على الظلمه بطريق المزارع والهدوء اللي يخيم على هالمنطقه وكبس نوره اللي ينير الطريق شيء بسيط مايعرف كيف طلع؟ كيف عدا هالأشارات كلها ووصل لهالمكان؟ كل شيء صار بلمحة البصر وكأنه كابوس سيء اطبق على صدره كيف الأموات يرجعون من قبورهم؟ كيف يقولونه ان امه اللي ولدته باقي حيه!! وهو كبر على ترتيلة اليتم واصبح يرتلها لين ماتعود عليها واصبح يعزفها ... له اخ تؤام!! فاجعه ,صاعقه, مدمره لذاته ولد عمه اللي كان قدام عيونه طول هالسنين يكون اخوه وتؤامه أي منطق غريب يستوعب هاللي يصير له..!! خدعة ابريل انطلت عليه مع بداية هالسنة الجديدة سابقوا شهر ابريل بكذبته وحيلته.. ماحس نفسه الا داخل بسيارته الجيب لكزس بلون الأسود يعكس مابداخله من حقد ,ضغينه لهم ولوجودهم بحياته تمنى لو بيده بنزين وولع فيهم وحرقهم حتى يحسون بالنار الشاعله بجسده قبل صدره.. صدمه تلتها صدمه!! اصبح على حافة الأنهيار يصارع نزاعات جدران قلبه المتصدعه وهاهي ضربة جديدة تستقر بجوفه لتثقل خطواته وتجعله عاجز عن الحراك..!! طفى السيارة نزل راسه على الطاره ونظراته متشتته غمض عينه الضعف استوطن اعماقه واستحل جسده رفع راسه فتح الباب بيد ثقيله نزل سكره ويجر خطواته المبعثره طلع المفتاح فتح الباب دخل ليصطدم بصره بالظلام المنتشر بالصاله ونور خفيف يتسللها بشكل عمودي من غرفتها المردوده سكر الباب بهدوء عانقت خطواته الصاله الوسيعه بكنبها الجلدي رمى نفسه عليها رجع راسه لورى رفع يده فرك الصدغ اللي ينبض بنهاية جبينه الصداع يمزقه لنصفين مسح وجهه وزفر بقوة سمع صوت بنته تبكي لازال مغمض عينه مو قادر يتحرك العجز طوق مدينته واصبح الشلل حليفها اخذت رضاعة بنتها وعينها بالأرض خرجت لتغلي لها موية فتحت الباب المردود لينتشر نور الغرفه بمنتصف الصاله استغربت من هدوء المكان وكأن مافيه احد مشت بعدم اهتمام مو منتبه للشخص الجالس ويصارع نفسه دخلت المطبخ فتحت النور اخذت الكافتيره صبت مويه من الفلاتر وحطتها على النار جلست على الكرسي بالطاولة المستطيله متوسطة المطبخ "اكييد امها اللحين ماراح تتقبل اللي سوته ويمكن ماعاد تكلمها وتطالع بوجهها حاطه ببالها انها استغفلتهم لكن هي سوت هالشيء مجبوره لو ساومها على بنته بتعطيه ظهرها لكن هاذي ارزاق قلبه الأسود والقاسي خلته يقطع ارزاق غيره حتى ترضخ له ثامر وانتهى بعد ماعندته وكان الدور بيجي على زوج اختها اللي على قدهم وحالتهم مو ذاك الزود لكن مستحيل تغامر وتتحداه مره ثانيه وهو قالها بالعربي الفصيح لو عندت بيطول خوالها,اعمامها ولاهو بعاجز اللي مثله يوصلون للي يبونه من غير احد يحاسبهم او يتجرأ ويوقف بوجيهم" صحت على صوت الكفتيره تحس بكسل وخمول مو طبيعي راسها ثقيل من بعد مانامت بملابسها الغرقانه وصحت المغرب لتتفاجأ بعدم وجوده اخذ حبيبة القلب روز وتاركها حبيسة للخضوع هنا وكأنها اسيرة .. اخذت الثلاجه "الترمس" حطت الموية الدافئه فيها تثاوبت رغم انها شبعانه نوم بس جسمها هاااااابط عينها عانقت خطوات شبشبها السكري رفعت عينها بتدخل الغرفه تفاجأت من وجود شخص غريب طار عقلها تراجعت خطوتين وبتنجن من الغريب اللي قاعد يون بالصاله ومايبان غير لو ثوبه الأبيض حست رجولها ثقلت عليها وتسمع بكاء بنتها شوي قام وتوجه للغرفه طار عقلها لا اراديا جرت وراه دخلت بقوة وصدرها يطلع وينزل من الخوف بتصيح بأعلى صوتها شافت نص وجهه شايله بين يده هدأت ضربات قلبها الواصله للمليون استغربت جيته ووجوده بهالوقت ماحست فيه ولا انتبهت له وقفت قدامه رفع عينه بغير اهتمام ومسرع مانزلها لبنته جلس على طرف السرير وهي متعجبه من حاله وجهه اسود مخطوف لونه مايبشر بالخير وعاقد جبينه والتعطفات بانت عليه لفت للكمودينه سحبت علبة حليب بنتها فتحت غطى الرضاعه حطت ملعقتين حليب صبت الموية الدافيه غطتها وحركتها من فوق لتحت مدت يدها وناولته الرضاعه اخذها منها لامست خشونة يدة العريضه يدها الناعمه انتفظت بقوة وتراجعت خطوة عينه بالأرض وقف يده بالهواء وكأن حركتها اخر شيء يحتاجه بهاللحظه لف وجهه بضيق عطى بنتها الرضاعه شبكت يدها بتوتر كرهت حركتها ليه كل ماكان واقف قدامها ترتعب وتسوي حركات هبله بللت شفايفها وبهمس:ٍسلمان ارفع راسها لاتختنق امتثل لكلامها بدون مايطالعها لوت فمها على جنب بحيره من وضعه بالعاده يعطيها موشح عن الأهتمام ببنتهم لكن هالمره ساكن مثل سكون هالليلة الباردة حست نفسها مثل المهبوله واقفه جلست بعيد عنه بمسافه من شيء بداخلها ماتقدر تمنعه شيء يصدها عنه قعدوا على هالحاله لين شرغت بنتها انتفظت بخوف وبسرعه:ارفعها واضرب ظهرها بشويش مدها لها وخرج استغربت منه بس ضربت ظهر بنتهت بخفيف وبنبرة حنونه:صحه ياماما ها ماراح تنامين اليوم ترا سهرتي؟ شافت ملامح بنتها العابسه ومقفله نص عينها ابتسمت اخذتها وقفت وتهزها رايحه وجايه وتختلس النظر له مرات مقدم جلسته شابك اصابعه ومعطيها ظهره مرت ربع ساعه نامت بنتها حطتها بوسط السرير اخذت المخدتين وحطتها من الجهيتن حتى ماتطيح مشت بأطراف اصابعها للباب بتسكره لكن وقفت ويدها اليمين متسنده على حافته وتراقبه وسط نظراته المشتته بالظلام مدت اطراف اصابعها سكرت الباب بعدم اهتمام لكن يدها الثانيه منعتها لييش تروح له وهو خلاها مثل الطير المذبوح؟ لييش تروح له وهو كسرها الف مره ومره ولادارى علتها ولافكر يطيب خاطرها؟!! لكن يبقى هناك بداخلها حس انساني يضرب سوطه "الضمير" بالنهاية راح تعتبره مثل الغريب اللي بحاجة المساعده اييه غريب بلعت ريقها تقدمت خطوات قلبها يقولها تروح له وعقلها يقول وقفي وصارت تحارب الأثنين تشجعت رفعت راسها وكتفها ماراح تخليه يلمح انكسارها وضعفها لازم ماينسى انها ماتتروض لو يطول به الزمان ويقصر وقفت قدامه حجبت النور المتسلل قاطع ترددها صوته الساخر :عسى قلبك مرتاح هذا الزمن خذا بثارك وابشرك كسر ظهري نصين صرت عاجز بعد ماكنت طير ماترده حدود السماء لفت وجهها بضيق حتى وهو مكسور فيه شوفة النفس ويتهمها بالغرور بلعت ريقها ولازالت واقفه ببجامتها الساتان الفوشيه وفوقها جاكيت اسود يحميها من هالبرد ابتسم على جنب رفع راسه ورمى نفسه لورى:تدرين عاد اول من خطر ببالي هو انتي تخيلتك لو كنتي موجوده كانت عيونك بتملع شماته لكن الله يعطي كل واحد على قدر نواياه حست الدم تفجر بعروقها وضغطها ارتفع الشرهه عليها اللي فكرت تسأله عن حاله وتاخذ بخاطره لفت بضيق ومشت من جنبه لكن فاجأها يده اللي رفعها وعينه لقدام وبغصه:لاتروحين محتاجكـ من لي غيرك؟ محتاجـــك !! ياكبرها هالكلمة اللحين صار يعرف مرارة الحاجة وجحيمها .. وينه لما مات ابوها وانكسر ظهرها؟ وينه لما تركها تختار الهروب لبلاد الغربه وتصبح بحكم المنفيه..!! وينه لما صارعت تعب حمل روح بأحشائها وهو بعيد عنها؟ وينكــ ياسلمان.. صرت تعتازني بعد كل هذا؟ شد على مفصل يدها بقوة وكأنه يجبرها تستلم لرغبته بالبقاء رفعت عينها لقدام واصوات حشرات الليل يتردد على مسامعهم بلعت ريقها مره,ثنتين,ثلاث رفعت يدها الثانيه حطتها على يده وسحبت يدها بهدوء وتدوس على قلبها بهالكلام بهمس يخالف ضجة مشاعرها الملتهبه:لك الله رفع عينه عليها بعدم تصديق اخر شخص توقع انه يخذله هي ما انصدم ولا استغرب وش متوقع من وحده تفنن وهو يكسرها ..تفنن وهو ينازع بروحها ..!! لكن فاجأته لما جلست جنبه وشابكه اصابعها ببعض وتهز رجولها بتوتر وبهدوء:مو عشانك عشان بينا بنت بالوسط وش صار؟ ابتسم من نزف قلبه لييش تسوي كل هذا مايستحقها ولايستحق هاللي تسويه حطت بنتها حجه حتى ماتبين له اهتمامها فيه حس نفسه رخيييص ماله أي قيمه وهالأنسانة اللي دفنها بعز شبابها جالسه جنبه ومستعده تشاطره احزانه وتمشي معاه على الحلوه والمره رفع عينه لفوق اخذ شهيق حتى امتلأت رئته زفر بقوة قدم جلسته وبسخرية:تخبرين الأموات يخرجون من قبورهم ويرجعون للحياة؟ عقدت حواجبها بأستغراب كمل بضحكة شامته :اليوم مضاوي بنت مبارك اللي تكون امي خرجت من قبرها ورجعت حيه "بسخرية" تخيلي شفتها بعيوني الثنتين واقفه وتقولي انها رجعت بعد 35 سنه ولا فوقها ولد عمي يكون اخوي التؤام ههه استغفر الله بس لوى فمه على جنبه عض على لسانه ويحس كأن احد يطبق على صدره وبأنكسار واضح نزل راسه مسح شعره وبعدم تصديق:وش قاعد يصير لي ياندى همم مو فاهم شيء يلعبون علينا هاذي كذبه ؟ وش قاعد يصير رفع صوته وصرخ بحده:وش قااااااااااااااعد يصيييير؟ انفجعت من صراخه كتم وكتم لحد ماطفح كيله مسك ثوبه من جهة صدره وشده:راح يذبحووني راااح يذبحوني قولي هاللي يصير كذذب قولي امي مضاوي ميته وشبعت موت وجسار ولد عم لا اقل ولا اكثر انفجعت لما شافته واقف وشات الطاولة الزجاجيه برجله لتصطدم بالرخام وتنكسر محدثه صوت ضجه ويتطاير القزاز اخذ الشمعدانات الذهبيه ورماها بطريقه لف على الكنبه سحب مخادها ويرميها تراجعت خطوتين بخوف شهقت وكتمت شهقاتها بيدها وقف ويتنفس بسرعه ماقدر يكبح دموعه اكثر نزلت على خده وبعجز:ندى وش قاعد يصير؟ بسرعه راحت لجهة الأفياش مدت يدها تدورها فتحت النور انصعقت من منظر الصاله اللي كان مرتب وفجأة تغير حالها وكأن اعصار بعثرها وهو واقف بعجز يبلع ريقه وعينه على قطع القزاز سمعت صوت بنتها تبكي والخدم صحيوا وواقفين عند باب المطبخ بفضول اشرت لوحده منهم:تعالي لفرح مشت بخوف الخدامه وعينها تراقب سلمان الثائر اللي ممكن يذبح احد بهاللحظه زفرت بقوة مسحت وجهها وتتعوذ من الشيطان كيف تقدر تتدارك هالموقف وهي ماتقدر تقرب منه شبر واحد بصوت حاني افتقده:ٍسلمان رفع عينه عليها ولازال واقف اشرت له على الكنبه:انت اجلس وانا بروح اجيب لك مويه لاتسوي بنفسك كذا مافيه شيء يستاهل وربك قرب منها وهي تتحامل على نفسها بغصه رفعت يدها تمنعه:سلمان الله يخليك سلمان بمرارة:محتاجك جنبي ياندى هزت راسها بالتأكيد:وانا بكون جنبك بس بععد "بصوت مهزوز" بعععد الله يخليك مركز نظره عليها:يعني موافقه تعطيني فرصه ثانيه؟؟ رمشت اكثر من مره وتحاول تتماسك قدامه وماتنهار وبعد صمت دام دقيقه اخذت نفس تشجعت: نترك ندى شوي ونروح للقرية ولأنسانه الدنيا كانت مصره الا ماتخليها تذوق طعم الخذلان من اقرب الناس لها وصارت تخاف تتعلق بأحد ويتركها بنص الطريق ويمشي.. ومثل ماكانت العاصمة تشهد علاقات على شفير الأنهيار كانت القرية تتجهز لتستقبل عروس جديدة.. منسدحه على ظهرها وعينها للسقف تدور دون هدف محدد انسدحت على جنب اصطدم خدها الرطب بدموعها اللي بللت مخدتها اليوم يكون زواجه اليوم لبس البشت وحط اغلى دهن العود عنده الكل مستنفرين من الصباح يجهزون لهاليوم خواته الباقين اللي جابوا كوافيرات وتحنوا متجاهلينها متجاهلين الأنسانه اللي داخل من امس ولافقدوها ولافكروا ياخذون بخاطرها مابتشره عليهم علاقتها معهم مو قويه لكن معقوله وصلنا بوقت الواحد يتجرد من انسانيته وعطفه؟؟ اعتدلت بجلستها وتحس راسها بينفجر من كثر التفكير والبكاء مسحت وجهها اخذت جوالها من الكومدينه فتشت بالأسماء لتشوف رقم اخوها ليش تحس انها مكسوره وبحاجتهم رغم انهم تركوها ولاسألوا عنها من زواجها بس تبغى تسمع صوتهم حتى تحس ان وراها ظهر وعزوه وراها اخوان ولو كانوا بالأسم بأصابع راجفه دقت عليه حتى يوصلها رنينه ثواني فتح الخط قام من المقلط للمجلس سكر الباب عليه وبفرحه :فطومه حست بخنقه لما سمعت صوته كمل بفرحه:فطومه هذا انتي مو مصدق حطت يدها على فمها تكتم شهقاتها وبصوت راجف:عدنان عدنان بخوف:فاطمه وش في صوتك؟ انخرطت بموجة بكاء :عدنااان اهىى اهىى عدنان عبس وبخوف:فطومه ليش تبكين؟ شهقت بقوة وصدرها يطلع وينزل من البكاء :محتاجتك ياخوي تعال لي اختك انكسرت شد على يده بقوة بدخولها رفعت صوتها :يلا تعال الغداء جاهز ارتبك قربت منه رفعت حاجب:من تكلم ؟ عدنان بقهر:مالك دخل سحبت الجوال بقوة شافت الأسم رفعت السماعه وبشماته:هذا انتي ياست الحسن يا اوم الشرف وش عندك داقه قوية وجه وعين بعد اللي سويتيه فيني ارتجف فكها وبضجر:عطيني اخوي رفعت صوتها:اللحين سألتي عنه اخوك هاا اخوك اعتبريه مااااات سمعتي عدنان بغضب:دلال اتركي الجوال دلال بضحكة:سمعنا باللي صار لك هج الرجال منك يالومه من يقدر يتحملك هاذي حوبتي فيك يلا روحي لمي نفسك قريب بيطردك من البيت بكبره ومصيرك ترجعين زي الكلبه لكن احلمي تدوسين بيتي طول ما انا حيه سكرت الخط رمت الجوال بقوة حتى خرجت البطارية سحبت الشريحة ومشت وهو يلحقها يكره تسلطها واستقوائها عليه دخلت المطبخ اخذت الولاعه وحرقت الشريحه رمتها بالمجلى وبغيظ :خلينا نشوف كيف راح تكلمها من وراي هالعقرب عدنان بضعف وحمق:بس هاذي اختي قالت محتاجتني صاحت:لا والله ما اشوفها ماتذكرتك الا يوم كسر راسها الشيخ وخذا بنت 17 هه..مشت متجاهلته وعينه على الشريحه اللي تحولت للون الأسود وماعت من الحرارة لازال الجوال على اذنها ابتسمت بسخرية على نفسها وش تتوقع من ضعف اخوها قدام دلال رمته بالسرير قامت مشت للتسريحه بتاخذ مناديل طالعت بشكلها كان رايح فيها وجهها محمر من كثر البكاء وعيونها غارت رفعت يدها تتحسس عينها اللي تحرقها مسرع مانزلتها لما حست بالهدوء بالبيت تحس نفسها مخنوقه تبغى تطلع الحوش وتشم هواء فتحت الباب ولأنها ضامنه مافيه احد ماخذت الجلال طلعت بروبها الوردي الفاتح مشت بهدوء للصاله سمعت صوت ولد صالحه الرضيع يبكي نست ان صالحه ماخرجت من النفسه واكيد قعدت بالبيت بخروج صالحه ابتسمت بمجامله وعينها على فاطمه اللي وجهها رايح فيها:صح النوم فاطمة بدون نفس:وين الواحد يقدر يذوق طعم النوم والراحه "بغصه" راحوا؟ صالحه بحزن عليها:ايه راحوا من ساعه فيه غداء مطرف لك رفعت عيونها للسقف تحارب دموعها تعدتها وخرجت للحوش مشت لأخره جلست على الدكه بعز الشمس ماحست بشيء الألم اللي بداخلها اكبر من انها تحس بأشعتها المسلطه على راسها العصــــر.. طلت صالحه من باب المدخل على حالها ماقامت من الظهر حاولت فيها اكثر من مره لكن جالسه حاطه يدها على راسها وتحرك جسمها لقدام وكأنها بصدمه انفتح الباب بدخول نمشه زوجة سالم ومعها مناير زفرت بقوة من جيتهم مقبلين بالشر واضح مناير وعينها عليها رفعت صوتها:انتي تشوفين اللي اشوفه؟ نمشه بشماته:هذا مصير اللي مايعرف يقدر نفسه بنات الحضر يحسبون بيطولونا مناير بحقد وعينها عليها:يخسون يطولون ظفرنا مشت لهم صالحه وبغيض:خير اللهم اجعله خير وش جابكم على اساس عندكم مسيار ياست مناير؟ نمشه بطيبه تتصنعها رفعت يدها بالهواء :خالتي الله يخليها لنا طلبت مني اجهز غرفة المعاريس وفزعت لها وماحضرت الزواج لأجهزها رحت انا ومناير لأم خلف وخذينا منها مفرش ليلة الدخله مناير بشماته رفعت الكيسه الكبيره:ِشوفيه ان شاء الله يعجبهم صالحه بغيض:ترا اسمعكم مايحتاج ترفعون اصواتكم نمشه لفت شافتها حطت يدها على فمها:هوو وش بلا البنت لايكون عقلها قضى يوم عرفت ان الشيخ راح تزوج عليها بس لاتلومينه يابنت الحضر يبي بحضنه ضنى وانتي عاجزتن تجيبين له صالحه بحده:نمششه "رفعت اصبعها بتهديد" لسانتس مايطب لسانها انتي واللي واقفه حولتس حركات الحريم الشماته والنغزات ماهيب عندنا وانتي "عينها بمناير" كثر خيرتس وصلتس مساعدتس ما احنا بحاجتس الغرفه تجهزت وترتبت من قبل ما احنا بحاجتك توكلي لبيتكم مناير شدت على عبايتها وبغيض:زين تطرديني ياصالحه عشان بنت الحضر تطردين بنت عمتس عشان ذي "رفعت يدها بأنتقاص" زفرت بطفش صالحه وتنهي الموضوع:اللي بيدخل هالبيت يدخل بشيمته وقيمته ويحترم اهله وذي اللي تقولين عنها مرت الشيخ متعب والبيت بكبره لها نمشه بسرعه:عوذ الله منتس تخسى يكون لها صالحه بضحكة:وراه ماتعرفين هالبيت لمين؟ نمشه برفعة حاجب:للشيخ متعب صالحه بضحكة اشرت لوراها:هذاك اول هالبيت صار بأسم مرته رضوه لها شهقوا سوا ضربوا صدورهم نمشه بقهر:تكذبين صالحه بكذب:وليش اكذب وش مصلحتي؟ مناير بقهر صاحت:سحرته بنت الحضر سحرته هالبيت شلون يصير بأسمها صالحه ترفع ضغطهم:والله عاد قلتها رضوتن لها غير الذهب اللي جابه لها نمشه بفجع:الذهب اللي جابه مو للعروس صالحه بفرحه نشفت اعصابهم:لا لفطومه نمشه بحسد:جبتوا لها ذهب رضوه ماجبتوه لي بزواجي صالحه بفجعه:اذكري الله مناير ماقدرت تتحمل لفت عطتهم ظهرها وخرجت من البيت تكتفت صالحه وبرفعة حاجب:عيالتس داخل روحي غديهم بدال ماتلهين مع ست الحسن مناير نمشه ببكيه:اخوتس ماقدرني مثل ما متعب اللي مقدر بنت الحضر وانا بنت الأصل والفصل كذا تسوون بي؟ صالحه بطفش رفعت يدها:روحي غدي عيالتس وانتبهي لبيتس ترا ماورا مناير الا خراب البيوت واتركي بنت الناس بلحالها كلنا مصيرنا يدفنونا تحت ذيك الحفره لا اصلتس وفصلتس ينفعتس عند رب العباد دخلت داخل وهي تغلي صالحه طالعت بالكيسه مستغربه امها ماعطتها خبر هم جهزوا غرفة الجازي وخلصوا لكن هالثنتين مثل الxxxxب ياحبهم للشماته ومو بعيده عنهم هم مطلعين اشاعه ان فاطمة عقيم وماتجيب احد تعوذت من الشيطان مشت بخطوات هادئه لفاطمه الجالسه على الدكه ولاكأنها سمعت هاللي انقال قبل شوي ماتدري انها تنكسر وتنزف جروحها بسكات جلست جنبها الكلام يخونها بهاللحظه حطت يدها على يدها اللي فوق ركبتها وبحزن :فطومه ماخبرتس كذا لاتضيق الدنيا عليتس عشان رجال هو اخوي ماعلي منه بقول الحق مامنتس قصور وهو الخسران بالنهاية ماطب بطنتس لقمه من ايام غير المويه ارحمي حالتس فاطمة:............. صالحه بهدوء:شوفيني هذاني قدامتس معي 7 عيال رماني ولا اهتم لي ولا لعياله لكن صابره ومحتسبه ما احد ماخذن بهالدنيا الا المكتوب له ومتعب مصيره يعرف غلطه وبيرجع لتس ندمان انتي لو شفتي قبل مايطلع كيف وصى عليتس "بأبتسامه" تصدقين انه هو اللي طرف لتس الغداء بنفسه ووصاني عليتس وقال ما اقولتس انتي تعرفين اللي حده على هالزواج قالي يافاطمه وما احد غيري وغيرتس وجدتي ورب العباد يدري سوا هالشيء حتى يحقن الدم مالت فمها بسخرية:جايه تواسيني والا تبررين اللي سواه؟ صالحه نزلت راسها فكت يدها وبهدوء: تعرفين انه وقف بوجه اهله وجماعته عشان تكونين حليلتن له متعب شاريتس قامت من عندها متجاهله وجودها الكل يبرر اللي سواه وينتظرون منها تعذره ما اهتموا بالنار اللي شاعله بداخلها والصرخات اللي تتردد بجوفها ولاهي قادره تطلعها دخلت غرفتها سكرت على نفسها الباب مشت للدولاب فتحته طلعت صندوق خشب جلست على الارض رفعت صورة الأنسان اللي تحس انها محتاجته بهاللحظه "ابوها" بثوبه البني وغترته البيضاء وباينه عليه التجاعيد ويبتسم قربت الصورة لشفايفها وباسته وعيونها مغمضه ودموعها تنزل على خدها لتصطدم بحضنها اخذت نفس بقوة شمت صورته وكأنه قدامها بجسمه النحيل ولونه القمحي وابتسامته اللي ماتفارقها نزلت الصورة لصدرها وحضنتها بقوة وبصوت مسموع:آآه يبه ليه رحت وتركتني كلهم اكسروا ظهر بنتك واوجعوها اخواني اللي وصيتهم علي خانوا وصاتك ورموني للناس واللي اخترته وقلت بيصوني حرق قلبي اهىى اهىى كللهم احرقوا قلبي الله يحرق قلوبهم الله يحرق قلبوهم اهىى اهىى بنتك موجوعه يبه "ببحه هدات من البكاء" موجوعه حيييل كانت صالحه واقفه ورى الباب سمعت كلامها وبكائها نزلت دموعها فتحت الباب بهدوء قربت منها بدون مافاطمة ترفع راسها جلست جنبها حضنت راسها وبهدوء:اذكري ربتس يافطومه احنا اهلتس هزت راسها بالنفي ولازال راسها على كتف صالحه وبمراره:مالي احد بهالدنيا كللهم خذلوني صالحه بهدوء مسحت على ظهرها:لتس اللي اقوى من هالعباد لتس الله قومي غسلي وجهتس وصلي لتس ركعتين وادعي ربتس بعدت عنها مسحت وجهها وبهدوء:ماعلي صلاه صالحه ابتسمت:زين تعالي تقهوي معي زفرت:اتركيني لحالي ياصالحه تفهمت وضعها قامت :بسوي لتس نعناع يهديتس خرجت سكرت الباب وراها رفعت الصورة باستها مره ثانيه وبهدوء اجتاحها:يبه ليه دموعي وقفت احس صدري ماعاد يحس بالوجع يمكن خيره؟ قامت حطت صورته على طرف المراية وثبتتها دخلت الحمام "وانتم بكرامة" غسلت وجهها رفعت عينها للمراية والموية تتقطر من وجهها وبهدوء:خلاص ماشبعتي بكاء ما احد يستاهل هاللي تسوينه بنفسك اصحي لنفسك يافاطمه كانت تقول هالكلام تشجع نفسها لفت خرجت من الحمام "وانتم بكرامه" دون ماتنشف وجهها تحس جسمها يحرقها شهقت بقوة من بكائها تضايقت من اللي قاعده تسويه بنفسها دنيا ماترحم وناس مايرحمون خالها اللي محسوب عليه خال حضر زواج خويه ومعه امه ومرته اللي كلمتها واعتذرت منها على اللي يسويه دليم وش ترجي منه وهو قالها بالعربي الفصيح "الشرع حلله اربع" كرهته وكرهت شوفته بعد ذيك المكالمه تبغاه يواسيها وياخذ بخاطرها وهو يبرر له والكل يربت عليه وهي بحريييقه كانت نيتها تروح له لكن هو رفض وطردها بطريقة محترمه وتعذر بالسفر وتحجج انه مايبغاها تخرب بيتها واخوانها هه من زواجها ماشافتهم ولافكروا يسألون عنها هي حيه والا ميته مالها الا تقعد هنا وتحترق بنار القهر وين ترووح هي مو برا تخرج على كيفها بدون حسيب ورقيب وكلام امها "تحملي واصبري مالك غيره" هه وكأن الدنيا وقفت على رجال وكأن هالحياه راح تنهدم اذا ماكان فيه رجال فتحت دولابها وعينها على الملابس اخذت بنطلون اسود قطيف وبلوزه شتويه كم طويل بلون الفيروزي لبستها مشطت شعرها ورفعته بطوق بلون الفيروزي اخذت عطرها الخفيف بالفانيليا تبغى تغير من نفسيتها شوي انقرفت من نفسها جات عينها على الكحل طنشته هو يرقص بزواجه وهي تتمكيج لاحول اللي بيشوفها بيقول فرحانه وينبسطون لااا خليهم يشوفون ذنبهم فيها راح تكون انسانه ثانيه يكسوها البرود راح تكون اشد من الصقيع خرجت لصالحه اللي جالسه بالمقلط وتشوف التلفزيون ابتسمت اشرت للترمس:سويت لتس نعناع يحبه قلبتس عاد نعناع المدينه ماعليه كلام ببرود:تسلمين استغربت برودها:الله يسلمك صبت لها فنجال وعينها على الأخبار صالحه بحزن:يقولون الملك عبدالله مريض لكن طلعوا خبر انه بخير ومجرد التهاب رئوي رددت بصدق:الله يطول بعمره ويخليه لنا صالحه آمنت:آمييين بدخول نمشه اللي لابسه دراعه حمراء ولابسه ذهبها وراسمه عيونها ماطه الكحل فهت صالحه جلست وعطرها دهن العود يضرب براسهم صالحه براعه:نمشه وراتس لابسه تسذا؟ نمشه بغرور:هوو مابتجي العروس وبيسوون لها استقبال هنا تبين اكون حي الله لا نفرح للشيخ اقول فطومه حتى انتي لبستي لبسكم يالحضر؟ ضربت الفنجال بقوة وبعين قوية:لو ما عيالك كان خليتك تلبسين كفنك هالليله يزفون من جهه ومن الصباح يعزون فيك لأني بالعربي المختصر بايعتها بتبن همم نمشه طار عقلها اول مره فاطمه تكلمها بهالطريقه لفت وجهها اخذت الترمس وصبت لها قهوة وعيون فاطمه تخزها ضحكت بخفيف وعينها على ذهبها هالمره نكته جبانه وما عندها غير لسانها وصالحه متعجبه من حال فاطمة.. بدار زايـــد دار الخير.. وتحديدا بمهرجان الظفره واقف بثوبه الأماراتي الأبيض والغتره اللي خذت شكل الحمدانيه "العصبه" والنظارة الشمسيه الرماديه مغطيه عينه تحميها من اشعة الشمس بيوم اقرب للدفىء وعينه تتنقل على الابل المجاهيم والهجن (تسمى الاصايل أو الجيش) ابل السباق في مهرجان يجمع دول الخليج الشقيقه للتنافس لجمال الأبل جاه من وراه خاله ربت على كتفه وبأستغراب:يابوي شو بلاك سرحان ازقرك من اليوم؟ ابتسم بمجامله وبهدوء:مافيني شيء ياخالي اشوف هالمزايين خاله بعمر 50 شد صدره وبفخر:هييه شوفتها ترد الروح "بحزن" الله يرحم مثوى ابوك كان مشتهي يحضر هالسباق انتفخ صدره بضيق وفقد له:الله يرحمه خاله بتغير للموضوع:لاخلص السباق ابيك تسير وياي البيت ابغاك برمسه هز راسه وبهدوء:ابشر ربت على كتفه وبعتب:لاتسوي بنفسك جذيه ابوك محتاج لدعائك مو ضيقك شبع رئته بالهواء وبأستسلام:ان شاء الله تركه خاله ومشى والهواء يحرك ثوبه الابيض من تحت وشعره اللي بارز من ورى الحمدانيه وعينه لازالت مثبته على النياق والرجال اللي يمسكونها حس الدنيا تقفلت بوجهه من بعد مافقد ابوه وقرار نقله بيده يكسر راس سلمان ومايرضخ للي سواه نسى سلمان ان خواله شيوخ لهم اسمهم بالأمارات وامه شيخه بنت شيخ رفع راسه بعبث وعيونه تصغر بضيق لكن راح يبعد افضل له يبعد ويتركها بحال سبيلها هو وش كان يفكر فيه معقوله قلبه مال لوحده حليلة غيره. معقوله قلبه تجرأ ودق نواقيس الأعجاب لزوجة امير من عائلة حاكمه لهم قوانين تحكمهم الوحده مجرد ماتجيب البنت والا الولد ماتتزوج الا لاماتوا هالبنت او الولد!! حتى مايختلط نسلهم رجعت فيه الذاكرة لمدينة الصقيع مدينة ملحمة العشاق الأولى (موسكو).. طالعها بعجز :انا آسف استغربت اسفه بسرعه سحب حجابها ومسكه بيده شهقت بفجع من حركته طالعته بنظرات حاقده نزل لورى ظهره تقدم وخلاها وراه بحيث يحجب الرؤيه عنها تلفت الرجال بعدم رضا وخرج زفر بقوة ضربته بالشنطة على ظهره لف بفجع حطت حرتها وقهرها فيه نطت بوجهه ورصت على اسنانها:من سمح لك تتعدى حدودك معي يامحترم شايفني من هالشقر والا خويتك تسحب حجابي لاتطق الميانه "رفعت سبابتها" احذرك لو اصبعك هذا يطولني مره ثانيه لأقطعه وتندم ماعرفتني زين فلا تختبر صبري وعطني حجابي موقف ثاني.. نزلت من الدرج بسرعه بطلوعه بتصطدم فيه عانقت عينها الأرض وبهدوء:آسفه نزلت لف وعينه عليها نزلها بسرعه بيطلع نزل بسرعه وصار يمشي وراها دون علمها خوف عليها خارجه برا والجو بارد شاده الجاكي عليها وعينها تتنقل على الشجر اللي ضايقه الصقيع وقفت رفعت راسها للسماء المغيمه زفرت بطفش نزلت عينه لتطيح بعينه انتفظت برعب بلعت ريقها لفت اعطته ظهرها عقدت حواجبها بأستغراب من نظراته وهو كره نفسه وتعوذ من الشيطان ماكان نيته يأذيها بس خايفه عليها تطلع والأجواء متوتره رفع صوته:لازم تدخلين داخل استغرب طاعتها مشت بأتجاهه غاصت رجولها بالثلج صاحت بخرعه:آآ تقدم بسرعه منها وقف ويحس اللي يسويه غلط هو وش دخله عطاها ظهره رفعت عينها وغرقت عينها بالدموع:رجولي غاصت مايدري ليه ضحك مو قادر يلف ويوريها ابتسامته تمالك نفسه وبهدوء:خرجيها تعلمي كيف تعتمدين على نفسك مو كل الأيام راح تلقين الكل جنبك فهت من كلامها مالها حل الا تسحب رجولها من البوت وتصير حافيه انحنت فكت السحاب وطلعت رجلها حاولت تسحب البوت ماقدرت طفشت تركته مشت رجل حافيه ورجل لابسه البوت وتحس الثلج يخترقها ببرودته تعدته بدون ماتطالعه وهو عينه عليها اندهش تمشي حافيه لف ورى شاف فردتها الثانيه ضحك من تصرفها هالبنت فيها قوية ماينكر لكن لا استصعب عليها الشيء صارت انهزاميه .. صحى من ذكرياته صوت جموع الرجال وهم واقفين عند ناقه اللي فازت قرب خاله وبغضب:بتسير وياي والا لا؟ استغرب غضبه قلد لهجتهم:هيه بسير وياك مشى خاله متعديه معصب فهم اللحين عصبيته خسرت ناقتهم للمره الثانيه حرك راسه وضحك اللحين كيف بيفك نفسه من تحقيقات خاله مشى وعينه على الأرض اللي عاش معظم طفولته فيها الأرض اللي تحمل ريحة امه اللي فقدها بعمر صغير ماينكر ان خواله هنا اهله وعزوته لكن حن لأرضه الأولى حن لتراب السعوديه وهواها ودعها لأخر مره وبيروح لواجبه من هنا : : بالريــاض.. انتهت من صلاة المغرب سلمت ولازال الجلال عليها قعدت تستغفر وتقرأ الأذكار سمعت صوت ريان قامت فصلت جوالها من الشاحن وعينها على الخلفيه مافيه ولا مكالمه ولارساله من نزلها لأهلها بعد اتصال جاه وقلب حالته مرت يومين وهو لاحس ولاخبر العجز يطوق مدينة احلامها من حيث لاتعلم يحاصر "امنياتها" العالقه بدهاليز الظلمه كل شيء من بعده يصبح بحكم السراب قبـــل يوميـــن وقف قدام بيتهم عينها طاحت على بابهم لف عليها شافها متردده بيتكلم دق جواله زفر بيحطه صامت شاف رقم دولي بسرعه رفعه وهي باقي مانزلت جسار بهدوء:الو صالح بضحكة:صباح الخير ياضبعنا الأسود لف الجوال لأذنه اليسار قدم جلسته انحنى لحضنها فتح بابها واشر لها تنزل استغربت حركته وكأنه يصرفها نزلت بهدوء فتحت الباب اللي ورى ونزل ريان طمر بقوة زفرت:لا ياماما توي ملبستك سحبت الكيسه اخذت شنطتها بتسكر بابها اشر لها باكيأس الفطور سحبتها سكرت الباب رجع الجوال لأذنه وبغيظ:صالح انت ناوي على خلاصك "طالع بالشاشه" بأمريكا؟ صالح بضحكة ويحرك فنجان القهوة السوداء :ببلد الحريه جسار بسخرية لاذعه:تهنى يالخسيس لاطحت بيدي بتفقد طعم الحرية اللي عايشها عض لسانه بقوه الا ماينرفزهم:مالخسيس غيرك انا مو داق حتى اخذ واعطي معك رفع حاجب وكأنه قدامها:اجل وش داق له ماعمري شفت اوقح منك وربي صالح بتسليكه:بنعديها لك يالضبع الأسود اكيد توك صاحي من النوم ومزاجك قافل جسار بخبث:عساك تطيح بيدي بأخس مزاجياتي قل آميين صالح بحقد:هذا اذا طحت جسار بثقه:بتطيح على وجهك انت وجماعتك وقريييييب حييل وابشرك على يدي اذا ماخليتكم عبره لمن لايعتبر لاتسلمون علي صالح بغيظ شد قبضة يده وقف وسند يده الثانيه على السور وعينه على البحيرة اللي يملأها البط واصواته لها وقع خاص بجو مغيم تقريبا :كم مره راح تفلت من فم الموت همم جسار بطولة بال واستفزاز واضح:وكم مره بتصير فاشلين بمحاولاتكم بالأخص انت يبغالك دروس خصوصية بمسكة السلاح انا واقف لكم بالبلعوم وكاشف كل مخططاتكم سلم لي على محمد بن سعود وعلى لؤي اللي قربت اوصل له عقبالكم اتسع بؤبؤ عينه ويسمع جسار يعرف بتحالفهم مع بعض كمل بهدوء:وسلموا لي على رؤوف علي خان وقولوا له ان مس شعره وحده بس من عمي راح احرق الأخضر واليابس وطيارة وحده راح اوصل لكم وانفظكم نفظ حتى حصانتكم اللي فرحانين فيها عليها السلام "بتحدي" لعبتوا مع الشخص الغلط تحملوا العواقب سكوتي لكم لهاللحظه الا لشيء بخاطري ...قفل بوجهه ويحس بضيق من عجزه يوصل لهم ماله الا اسلوب التهديد هو وصله خبر تهديد اغتيال عمه من مصادر موثوقه بالقاعده متعاونين معاهم منضمين كمجاهدين حتى يكشفون الأغطيه للأمن فك زرار ثوبه العلوي زفر بقوة مسح وجهه:استغفر الله دق الشباك فتح عينه استغرب من وقوفها فتح الشباك وبتعجب:انتي باقي واقفه مادخلتي؟ طنشت سؤاله وبخوف من ملامحه اللي تغيرت :جسار فيك شيء وجهك مقلوب؟ جسار بكذب هز راسه:ابدا انتي ليه مادخلتي؟ تكلمت بنبرة صادقه :ما ابغى ادخل ما ابغى اشوفه طفى سيارته نزل مشى لها وقف قدامها دق الجرس لفت له وبترجي:خلنا نروح طنشها دق مره ثانيه فتحت عمته فرحانه طمر لها ريان باسته وهي ورى الباب اشر لها تدخل وقف سلم على عمته باس راسها وبهدوء:صبحك الله بالخير امها بفرحه من جيتهم:صبحك الله بالنور والسرور حيا الله من جانا تو حطيت الفطور من نصيبكم باست راس امها وحضنتها بقوة تكلمت بهدوء ولازالت حاضنتها:وينه؟ بعدت امها احتضنت وجهها بكفوفها المحنيه:داخل سأل عنك ليلى بضيق:خاطري ماش امها بحزن شدت على يدها:يمه ليلى انتي الكبيره والعاقل هذا ابوك مهما كان من امس وماغير على لسانه غير سيرتك ضحكت بسخرية:هه على اساس يتذكرنا ماحب يتدخل بينهم لفت امها وبتأسف:اعذرني ياولدي نسيت عنك حياك الله ادخل عمك بالمجلس مشى وعطى ليلى بمعنى افرديها زفرت امها وعينها على الاكياس:ليه تعبتوا نفسكم توي مسويه خبز بالتنور مع سمن وحليب ليلى بضيق:عادي يمه كلها واحد بروح افسخ عبايتي واحط الفطور لميس نايمه؟ هزت راسها:تو حطت راسها ونامت لو تشوفينها يوم شافت ابوك بغت تموت من الفرحه كل شوي وهي تحضنه وتسولف معاه ههه لوت فمها تعدتها:سبحانه تجاهلتها امها دخلت لهم بالمجلس وتدعي لها بالهداية بعد 5 دقائق.. شايله الصينيه وفيها الفول والعدس ومربى وزيتون وقفت عند باب المجلس وتسمع اصواتهم لكن كان صوته له وقع خاص بنفسها هالصوت اللي فقدته من سنين رجع صداه بهالبيت رجفت يدها تحاول تتماسك قدامهم دخلت بهدوء:السلام عليكم الكل:وعليكم السلام ابوها نقز على طوله وبعيون تلمع شوق لبكره :هاذي ليلى !! طاحت عينها بعينه الشيب غزا شعره ولحيته والزمن اسرف باخذ عافية جسده بلعت ريقها هذا هو قدامها ليش ماتروح ترتمي بحضنه وتطيح عند رجوله وتبوسها لكن مافي شيء يتحرك بداخلها غير مشاعر العتب والضيق نزلت الصينيه توجهت له باست راسه ببرود تام وبهدوء بدون ماتطالعه:الحمدلله على سلامتك بعدت عنه بسرعه وتتجنب تشوفه وهو متوقع استقبالها البارد اكثر وحده خذلها هي كان بيزوجها لصديقه السكير حتى يوفر له فلوس للشراب منظرها وهي تحاول توصل له لما مسكوه الأمن وصراخها بأسمه مايفارق باله لحظه وحده هاذي بنته اللي تركها بعمر الزهور تصارع الأيام ومرارتها وتشاركت حمل ثقيل مع امها حتى يلقون لقمة عيشهم تركت الدراسة وتفظت تشتغل مع امها بالتطريز والخياطة واقفه قدامها بعيونها اللي ورثتها منه احلوت كثيير وصارت صبيه تفتن امها تهدي الجور المتوتر:راح يبرد الفطور يلا سموا جسار ابدا ماعجبه طريقة سلامها انكسر من نظرات ابوها المخذوله قرب من السفره:بسم الله قامت بسرعه:انا بشوف لميس خرجت من دون ماتزيد حرف نزل ابوها راسه رفع يده بأمتناع:مالي نفس جسار بأستغراب:ماكلت لقمه بعيون حزينه:الحمدلله تقهويت رجوعـــا للواقـــع)))) انفتح الباب بقوة ابتسم ريان بشقاوه وملابسه متوسخه على الأخر من الشكولاته تخصرت بغيظ :ياسلااااام انت بس العب وليلى اللي تتعب طلت من وراه ريم ووجهها مقلوب:تقول امي انزلي تحت انفجعت من ملامحها:وش فيه؟ لفت ريم وجهها وبضيق:انزلي وبس تحس قلبها طاح ببطنها ما اهتمت لريان مشت تعدتها نزلت درجتين حتى تسمع صوت نقاش ابوها الحاد مع امها بلعت ريقها بطبعها خوافه ماتحب المشاكل طلعت امها بتناديها شافتها واقفه بنص الدرجه اشرت بيدها:شوفها ذي عندك انزلي "استغربت حمق امها نزلت وتفرك يدها بتوتر الجو متكهرب بينها وبين ابوها اول مادخلت وشافته كانت تظن كل شيء بيطيح وبتحضنه لكن لقت نفسها عاجزه تخطي خطوة تجاهه مستحيل تنسى الأيام اللي عيشهم فيها بخوف واحيانا كانت تمر عليهم ايام مايلقون اللقمه بسببه يحط فلوسه بالسم اللي يشربه" دخلت برؤوس اصابعها رفعت عينها ليصطدم نظرها بجسار اللي جالس بصدر المجلس ويده ملفوفه بشاش انفجعت معناته كان صاير له شيء عشان كذا مارد عليها طيب ليه يطالعها بهالجمود وكأنها مسويه مصيبه؟ ابوها اشر بيده:اجلسي اشوف اخذت نفس جلست والافكار ترميها هنا وهناك تكلمت امها بعدم رضا:ماني راضيه باللي يصير حست بالحيره من كلامهم صغرت عيونها :وش صاير؟ ابوها لاف وجهه باغتها بالسؤال:وين غاده ياليلى؟ لا اراديا حست صدرها يطلع وينزل من الغيض وبصدق:بجهنم الحمراء وانا وش علي منها لف بقوة وبنظرات تقدح شرار:من جيتي وانا متحمل اسلوبك بس تغلطين على اختي اقص لسانك واوطي رقبتك ضحكت بأستخفاف:بالله قاطعها صرخة جسار:ليـــلى!! لفت وجهها بضيق:وانا ماقلت الا الصدق وش عرفني عن مكان اختك فجرها بوجهها:بدار الفتيات اليوم رحت وطلعتها لفت وجهها بذهول ابتسمت بسخرية:وخذيتها بالأحضان؟ امها بنرفزه:جابها هنا رمشت بعدم تصديق بلمت جابها هنا!! متى وكيف؟ كيف بتعرف وهي معتكفه بالغرفه يومين كامله لكن ما احد جاب لها خبر ابوها زفر:هاذي اختي من لحمي ودمي اتركها بالشارع ليلى بغضب:وانتي عرفت وش سوت اختك حتى تدخل دار الفتيات ؟ ابوها نزل راسه من جسار اللي شوي ويقوم يذبح ليلى ماعجبته ابدا اسلوبها مع ابوها وكلامها تكلم بثقه ينهي الوضع:قومي حبي راس ابوك واعتذري منه ملت وهي تنصاغ لأوامره وتردد سمعا وطاعه رفعت يدها بعدم اهتمام:رجاءا لاتتدخل بيني وبين ابوي بنحلها امها بشهقه:بنتت!! لوت فمها على جنب وتهز رجولها بتوتر رفع حاجب ماحب نبرة صوتها اللي بدأت تعلى :حاسبي على نبرة صوتك اخذت نفس وزفرته بقوة قامت بطفش :انا بروح اشوف ريان وانتم "بعد صمت" سووا اللي تبغونه جات والا ماجات مالي علاقه بأحد ماعاد يهمني غير ولدي وبسسسس رمت هالكلام وخرجت من المجلس تحس بغلياااان ودها تذبح احد اجل رجعت ست الحسن كيف ابوها رجعها وعرف باللي سوته بدال ماينحرها لأنها وطت راسه يستقبلها أي منطق هذا!! بتطلع الدرج سمعت صوت بالمقلط عقدت حواجبها مشت تجاه الصوت اللي تحسه مثل الضرب مدت يدها لمسكة الباب فتحته بهدوء انفجعت من اللي تشوفه وحده يكسيها السواد من راسها لرجولها معطيتها ظهرها وتضرب راسها بالجدار بقوة خافت شهقت بقوة لفت عليها انتفظت برعب تبغى تشرد لكن رجولها ثقلت عليها خانتها بهاللحظه بلعت ريقها ويدها على صدرها نطقت:اعوذ بالله من الشيطان الرجيم تقدمت منها بقوة مندفعه مسكتها من شعرها ودفتها لداخل طاحت على الأرض شوي هجمت عليها وصارت فوقها وتخنقها بقوة تحاول تبعدها بس ماقدرت مستمره تخنقها حست نفسها انقطع ووجهها كساه اللون الأسود ضربتها لكن ثقل هاللي فوقها خلاها لاحول ولاقوة شوي حست من يرفع هالمره عنها ويرميها على الزاوية لتضرب نفسها وتصيح بصوت عالي انفزعت انكمشت على نفسها وعينها تدور على شكلها بعدم تصديق ماتشوف شيء من الظلمه بالغرفه شوي انفتح النور شافته ماسك يدها وعينه عليها بخوف:اسم الله عليك انتي بخير؟ هزت راسها وهي تحس قلبها بيخرج من بين ضلوعها والدنيا تدور فيها كانت بتموت هنا مخنوقه بدون ما احد يسمعها لكن هو جاء وانقذها للمره الألف شاف رجفتها وصدمتها خاف سحب راسها لصدره وشاد على ذراعها وقفها معاه خرجوا من المقلط تارك عمته وعمه اللي يحاول بأخته انها تهدى لكن عقلها طاااااار وخلص وقفها عند السيب الصغير وتحت اللمبه البيضاء اللي عكست لون شعرها البني مد كفوفه العريضه وحضن وجهها بدفى وببحه تعيد رسم مواعيد فرح الربيع بفصل شتاء يخفي ملامح السعادة :ليلى انتي بخير؟ رفعت عينها اللوزيه بعيونه ذات النظرات الحاده لتصطدم بمركبه وتغرق لحد نزاع الموت من نظراته الحنونه,العطوفه,الرحومه سمعت صوت صراخ غاده بسرعه دخلت المقلط ومسرع ماصرخت :هاذي مو مريضضه هذاي شيطانه متلبسه بهيئة انس جسار دخل وصار يسحبها وابوها يطردها رفعت صوتها وبحده:كذاااااااااابه هاذي مو مريضه اصحى مني ومنكم جسار عض لسانه وبقهر:ليلى لكن سحبت يدها وهي تقرب من غاده مسكت كتفها بقوة وتهزها:مسويه نفسك مرييضه هاا ترا اذا ضحكتي عليهم وصدقوك ماني مصدقه حطيتيها حجه حتى ما احد يحاسبك ياحيوااانه "ماتحمل اللي يصير المشكله ان غاده تكشفت ولاهو قادر يسحب ليلى اللي بدأت تهستر وتهزها وغاده هجمت عليها ومسكت شعرها وابوها واقف بالنص لكن ليلى كانت تضرب فيها تطلع قهر وحرة سنيييين غدرت فيها وخلت لؤي يعترض طريقها وقتل البنت مايفارق بالها لحظه وحده 6 سنين كانوا يبتزونها بجرم ما ارتكبته لولا تعاونها مع المباحث كانت راحت في خبر كان واللحين راجعه بصورة المريضه حتى ما احد يسوي لها شيء ابوها يفكهم لكن ماقدر ماكان عند جسار حل الا مد يده وسحبها بقوة من ذراعها اختل توازنها" صدمت بحافة الباب خرجها وسكر باب المقلط تحاول تفك يده بوهن:فكنني لكن مستمر سحبها للمجلس دفها لداخل وبعين تضوي غضب:انا جايبك هنا حتى تنكدين على خلق الله هااا؟ ارتجف فكها بعصبيه رفعت يدها الثانيه تتحسس نحرها اللي تحسه مثل النار زمت شفايفها وبأستخفاف:انت اللي غصبتني على هالجيه تحمل نتيجة قرارك رفع حاجب ويشوف شكلها المعتفس وبلوزتها اللي انشقت من النص ونص صدرها طالع اللي يكسوه الحمار من المخوش رفع اصبعه بتهديد:ليلى قسما وعظما لو ماتتعدلين وتصيرين آدميه لأعرف شغلي معاك رفعت راسها بقوة انفجرت بكي:لييش هاا جايبني غصبا عني لواحد تخلى عنا بعز حاجتنا له ولابعمره كان ابو مثل الناس الصاحيين وفوقها جايب الواطيه اللي دمرت حياتي ونهتني وسلمتني بيدها الثنتين لأخوك الحيواان ماقدر يتحمل الكلام اللي بيطلع منها قرب بسرعه كتم فمها بقفى يده ورافع سبابته قدام عيونها وبوعيد:انكتمممي انسي الماضي خلااص انسييه "بحرقه" لييش مصره الا تذكريني باللي سواه فيك الكلب همم تظنينه سهل وش بيدنا نسوي انا اقولك نعطي ظهرنا للماضي وننساه بخيره وشره انا لك ولولدك يمينك اللي ماتعصاك "بوعيد" لاتطرين الماضي ياليلى لاتحملين هالقلب وجع فوق ماهو متوجع سمعتيني؟ طاحت دموعها على يده السمراء شهقت وصدرها يطلع وينزل ولازال كاتم فمها قرب منها اكثر وبحشرجه:انتي مو بس محسوبه علي زوجه انتي بنتي عيوني تشوفك كذا يوجعك هذا "اشر لقلبها وبحده" هاتي وجعك ارميه عليه وبشيله بين ضلوعي بس انسسسي انسي ياليلى بعد يده بسرعه لف معطيها ظهره يحس انه لو قعد ثانيه وحده راح يفضح نفسه بيخرج كانت اقرب له حضنته من ورى ويدها محاوطه صدره وراسها على ظهره وبغصه:لاتروح لا تتركني خذني معك مو تقول اني بنتك فيه احد يترك بنته ويروح ابتسم رغم ضيقه لف بعدها مسافه عنه وبملامح جامده حتى تعرف انها غلطت كثير :ليلى اعقلي مسحت انفها السايل بطرف بلوزتها وبضيق :ماسويت شيء كلكم مصدقين ان هاذيك مريضه ورب البيت اعرفها هاذي خبييثه تكذب جسار سوت هالشيء لأنها عرفت مالها احد ولو رجعت بيذبحونها ابوي يدافع عنها ولادرى باللي سوته فيني زفر بضيق تخصر:احنا وش قلنا؟ نزلت عيونها بالأرض لوت فمها على جنب وصدرها يطلع وينزل:كلكم واقفين ضدي ابتسم بدون ماتلمحه مشى لنهاية المجلس انحنى للطاولة الخشب سحب كومة مناديل وقف قدامها مد المناديل وبهدوء:امسحي انفك قرفتيني طالعته بطرف عينه ابتسم صرخت بقوة متناسيه اللي صار قبل شوي نطت وبهباله :قسسم بالله ضحكت والله ضحكت رفع حاجب وعض طرف شفايفه:شايفتني جدار ما احس ؟ ضحكت على كلامه بللت شفايفها وبفرحه مدت يدها لقدام ورافعه حاجب:لا محشوم بس ابتسامتك نادره مثل المطر عندنا بالسعوديه نادرا بأستخفاف:بالله!! مدت يدها للمخش وبتوجع:آآي الله يكسر يدها سحبها من يدها له تنحت لكن ماعطاها فرصه بعد شعرها المبعثر وعينه على المخش الكبير بنحرها وبصدرها عبس بضيق رفع راسه وبحده:وانتي هبله والا براسك بلاء رايحه تناشبينها يالله لاتبلانا الواحد يدور ورى شقاه ولامن طاح الفأس بالراس قال ليش؟ زفرت بطفش منه واقف ضدها بدال مايواسيها مسك ذقنها قربه لوجهه وبنظرة خلتها ترتعب :اووف من من بالظبط؟ تحدته رفعت حاجب وبثقه عمياء:منك صاير الناصح وليلى اللي بس تسوي الهباله جسار بطفش:لأن ماعندك مخ لمتى بقعد اعقل وافهم فيك هاا شاب الراس ولافيه فايده ولدك احسن منك شهقت بقوة فتحت فمها وبعين ضيقه :كثر خيرك تعرف تجبر بالخاطر والله بدون مقدمات سحبها لصدره وبهمس افقدها وعينها:بالكلام انسي مااعرف لكن قرب شفايفه وباس برقه طرف نحرها اللي فيه المخش وهي تنتفض بلعت ريقها رفع عينه عليها لتلتقي اعينهم وكان الصمت يتسيد الموقف وبداخل كل واحد منهم مشاعر ثارت وتمردت مشاعر احلام تبنى ومشاعر اخرى اعلنت العصيان والرضوخ من جديد لدوامة الحب...!! بتتكلم حط اصبعه على فمها:هصصص آسف على اللي سويته ادري غلطت اصلا مو عارف وش قرارك للحين انتظرك طول الايام اللي راحت لكن برجع اسألك من جديد هالزواج متوقف على حقيقه انكشفت لك واذكر بالحرف الواحد لما قلتي هالكلام لما كنا بموسكو وش قرارك؟ اتعلم ياجساري ما الذي يعذب الجريح ليست رصاصة اطلقت بلحظة طيش.. بل علقمة انتظار المصير..!! انا وانت زجت بنا الحياة بلعبه لم تقيدها قوانين ولم يراقبها حكام.. ابتدأنا بالمبارزة واسقطت سيفي لتترك بداخلي اثرا احمله مع ندبات الماضي .. مررنا بالكثير وقاسينا الكثير لم ارى رجلا بجلمودك تحتضنه مشاعرمخفيه.. لم ارى رجلا يناقض نفسه بنفسه .. وكأنه رهينة ما اختطفه القدر..!! بعد صمت:بس عندي شروط حك عوارضه وبهدوء:يعني موافقه نكون مع بعض؟ رفعت عينها عليه:بشروطي استبشر خير بكلامها اشر لها:اشرطي اللي تبينه اخذت نفس وبعد تردد:ما ابغى احس معاك بالخوف جسار بعدم فهم:مافهمت نزلت راسها وخوف من ردة فعله فركت يدها:آآ ماتلمسني ولاتطالبني بحقوقك ابدا صاح بأستنكار:لا بالله "صفق يده ببعض" انتي مو صاااااااحيه عقلك قضى انتي واعيه لكلامك خبت خوفها اللي تحس بيفضحها قدامه: بس انا ابغى فتره حتى اتقبل هالشيء قرب منها وبعين ضيقه:ليييش؟ تحس قلبها طاح ببطنها من قربه اولا ومن سؤاله كمل ويحس بنار تشب بين ضلوعه:لأنك خايفه خايفه من هالشيء الماضي مأثر عليك صح حتى ذاك اليوم كنتي تقاوميني وانهرتي رغم انه شيء طبيعي كل بنت بتمر بهالشيء لاتزوجت لؤي دمرك زيين يصير خير اللي بعده رفعت عينها لوجهه المتجهم خافت يسوي فيها شيء لكن ردة فعله كانت غير :ريان ماتحرمني منه "بخوف" ما اقدر انام وهو بعيد عني جسار بضيق:بس الولد صار كبير لين متى بينام بحضنك؟ ليلى بعدم اهتمام:مايهمني بنظري صغير ومحتاجني الله يخليك جسار عيوني مايطبها النوم بدون ما احضنه لصدري ابتسم اشر لعيونه فرحت كملت:وقبل كل شيء يكون بينا احترام شغلك افصله عن البيت مو لاضايقوك هناك جيت وحطيت الحره فيني "بوزت" ترا والله اتعب من مزاجيتك لاجيت من شغلك ضحك بخفه:هاذي بالذات ما اقدر اوعدك فيها لو تشوفين اللي اشوفه مابيبقى فيك عقل لكن هالشيء معتمد عليك والأحسن تتجنبيني اول ما اجي كلها نص ساعه واروق تخصرت وبعين ضيقه:ياسلام بنقعد على هالحاله لمتى؟ جسار بصدق:لين اتقاعد او الموت ياخذني انتفضت وبسرعه:من غير اعوذ بالله منك تفاول بالشينه اشر لها تكمل:كملي مع ان شروطك ماخلصت حطت يدها على جبينها فركتها وتفكر:اممم الاحترام ياجسار ما ابغاك تقولين كلام معسول ليل نهار ابغاك تحترمني وبالمقابل مالك الا اللي يرضيك بحترمك واحطك على راسي كلامها الأخير خلاها تكبر بعيونه اشر لعيونه الثنتين ابتسمت برضا اخذت نفس براحه جسار بغموض:بس انا عندي شروط انفجعت فرصعت عينها كمل متجاهل ردة فعلها :ابغاك تصونيني بحضوري وغيابي وتعذريني لاصرت واحد ثاني ما اوعدك الايام كلها بتكون سمن على عسل بتمر ايام تكرهيني فيها ياليلى صدقيني لكن احتويني وبتشوفين مايرضيك واهم شيء عندي الصدق واكره اللف والدوران والكذب صدقيني وقتها اعدم وجود ايا كان من حياتي ولا اسأل عليه ولاعلى فرقاه حسوفه حست برجفه غريبه تسري بأطرافها من كلامه الغامض المبطن بتهديد واضح معقوله يعرف انها متستره على اخوها وكاذبه عليه فتحت فمها وعينه على نظراته الحاده كان يوصل لها رساله؟ والا يتهيأ لها بس ماقال هالكلام عبث بعمره جسار مارمى طعم على الفاظي حتى يلقط صيدته ارخى حواجبه وبهدوء:معي؟ تكلمت بسرحان:همم طالع ساعته صفر:اوووف الساعه 10 تأخرت عليهم منتظريني للعشاء من عرفت بيروح واكيد حنان هناك مرتزه طمرت بوجهه:بروح معاك جسار بحده:انثبري واقعدي مع ابوك رفعت كتفها:قعدت يومين تكفي جسار رفع يده بوجهها غمضت عيونها لازالت يدها بالهواء ضرب راسها بخفه:الا ماتطلعيني من طوري فكي عنك الهباله يومين ماتكفي ليلى بصدق:بس انا متعوده على عدم وجوده ماتفرق اللحين صدقني اصلا اشتقت لخالتي والبنات الله يخليك "مسكت يدها وبترجي" الله يعافيك تكفى طلبتك ترا تكفى تهز رجال خلني ارجع معاك حتى ريان طفش هنا ما اخليه يخرج للشارع اخاف عليه هناك يلعب بالحديقه العصر ويرفع ضغط ريم فهى وهي تدعي له ومصره الا تروح بجمود:لا عطاها ظهره بيخرج سبقته وقفت سندت ظهرها على الباب وفارده يدها على عرض الباب وبأحتجاج:ماراح تروح لحالك بنروح معاك عطاها نظره توترها رفعت يدها وبعدم اهتمام:ترا نظراتك ماصارت تخوفني "بهمس" نروح معاك؟ خرج مسبحته طيح حبه وطيح الثانيه والثالثه وعينها على الحبات اكيد اللحين بيلعن ثواها اشر براسه تبعد عن الباب بدون لايتكلم هزت راسها بالنفي :ماراح ابعد لين ماتاخذنا معاك اكفخني توطاني سو اللي تبيه بس برجع معاك بعدين هذاك بيتي قرب منها صاحب بفجعه وطمرت للناحية الثانيه برعب فتح الباب لف ويحسم الأمر:بكره العصر تجهزي بنطلع السوق منها تاخذين اغراضك مثل أي وحده متزوجه ومنها ريان يغير جو بلمت فتحت فمها قال هالكلام حتى يوصلها فكره ان اول شرط ضربه بعرض الحائط هزت راسها بالنفي اكثر من مره: بس انت وافقت على شروطي جسار بخبث:من قال انا وافقت على الباقيه اما هذا الشرط بليه واشربي مويته مابقى الا هي حريم يتشرطون انفعلت ضربت رجولها بالأرض:ليش الحريم مالهم رب؟ مصره الا تجننه:الا لهم رب لكن مافي وحده صاحيه تغضب ربها وتمنع زوجها من حقوقه الطبيعيه حست بمغص ببطنها من قال هالكلام :ماني موافقه جسار بسرعه:احسسن معناته خليك ببيت ابوك اريح لك ولي ..بيخرج طارت لعنده نزلت راسها بخضوع:موافقه هالبنت مصرره الا تجننه سحبها باس راسها وبهدوء:الله يكتب اللي فيه خير "بتنبيه" ماتحتكين بهاذيك ابدا ولاتسوين مشاكل الله يرضى عليك ابوك وامك ماهم ناقصين وغيري ملابسك لايشوفك ابوك بهالشكل "رفع طرف بلوزتها المقطوع" زين؟ همست:زين جسار بهدوء:وين ابوك بشوفه قبل لا اخرج نطت بتروح تناديه سحبها :ويين وين؟ ليلى بحسن نيه:بناديه لك رفع حاجب واشر لصدرها المتكشف:بهالشكل اقول يلا اذلفي من وجهي قالت تطلعه بهالشكل مافي وجهك سحى بلمت من اندفاعه كمل ويحس الغيره تحرقه حتى من ابوها بس ولو ماتطلع بهالشكل :اسمع صوته روحي من قدامي اشوف مشت بسرعه طلعت الدرج بدون ماتطالعه كشرت:اعوذ بالله وش سويت انا ابتسم بجية ابوها:اعذرنا يابوك قصرت بحقك وانشغلت لكن تونا هديناها جسار بأحترام:مامنك قصور ياعم والله يهدي البال "بتأكيد" بكره باخذ ليلى والولد افضل للكل سكت ابوها يعرف انه يقصده اصلا ليلى من جات كانت مثل الجدار ماقعدت معاه غير ربع ساعه يادوب هز راسه:الله يكتب اللي فيه خير اللحين يجهزون العشاء رفع يده وبأمتناع:خيرك سابق والله مواعد ناس الجيات اكثر ابوها بأصرار:ياولدي ماقمنا بواجبك جسار بهدوء:ماتقصر لكن والله مربوط بناس وصعبه اعتذر ابوها اشر بيده:دام كذا الله يسمح امرك | |||||||||
|
| |
|
07-01-15, 09:08 PM
| #80 | |||||||||
| نجم روايتي ومشرفة سابقة وفراشة متالقة بعالم الازياء
| ودعه وخرج وفيه شيء يخليه يتراجع الف خطوة راح تكون حياتهم طبيعيه ابتداءا من بكره ركب سيارته سكر الباب سادت الظلمه قطعها نور جواله اللي مرمي بأهمال رفعه شاف رساله فتحها رفع حاجب من محتواها "لؤي بالرياض وبمكانه المعتاد" حرك سيارته بغضب وكل باله يمسك لؤي مشى بدون وعيه والغضب معميه وصل للمكان المحدد فلته القديمه تجرأ يجيه برجوله الثنتين نزل بسره صفق باب السياره ومشى بخطوات سريعه طلع الدرج شاف الباب مردود دفه ودخل وقف من ظلمة المكان نصبوا له فخ!! دارت عينه يراقب الوضع ماسمع صوت لأحد دخل بهدوء فتح النور شاف المجلس مفتوح نوره ومردود الباب استغرب دخل وبباله شيء واحد يخلص على لؤي وينهيه من الوجود فتح الباب بأصابعه دخل انصعق من المنظر اللي قدامه وقف مذهول لؤي متمدد بالأرض ووجهه لافه للجهه الثانيه بسرعه مشى له رفعه طارت عيونه من منظره فمه مفتوح ومثل الزبد الأبيض خارج منه بسرعه حط اصابعه على مكان النبض نبضه خفيفه هزه بقوه :لؤؤي اصحى اصحى لكن كان مثل الجثه ماتحرك حس بالعجز مهما كان هذا محسوب عليه اخ رفع عينه للسقف وبقهر:يااااااااااربي خرج جواله وبسرعه دق على اسماعيل وبحده:وينكك؟ اسماعيل بخوف:بالبيت جسار بغضب وصرخه:تفظي نفسك اللحين وتجي للفله قفل وقلبه بيشل من الخوف هزه بقوه مسك وجهه بيده وبقهر وفحيح:هاذي هي نهاية طريقك شففت ياما نصحتك ونبهتك وسحبتك من بينهم مابقت طريقه الا سويتها لكن وش سويت عطيتني ظهرك وحطيت بينا عدواه طلتني وطلت عرضي لو غيري كان تركك تموت "بتأكيد" لكن مابتموت بهالسهوله وبهالطريقه سمعتني شلون بتقابل ربك يالؤي شلون؟ حط راسه على فخذه الممده رفع عينه بقهر واتصال صالح كان له مغزى معناته له يد باللي صار دق جواله رفعه صالح بضحكة:عسى مفاجأتي عجبتك ولو انها مو قد المقام صرخ بحده :صااااااالح واللي خلق سبع وطواها اكون ابن كلب ان تركتك غدرتوا فيه يالكلااااااب صالح بضحكة انتصار:ههه تعرف شيء هاللي عندك "يقصد لؤي" قبل يومين كان واقف قدامي ويهدد ومسوي فيها الرجال شوفه بالنهاية يلا عظم الله اجرك فيه...قفل مبتسم بنشوة وانتصار غمض عينه ونزل جواله لمتى بيقعدون يسلبونه الراحه؟ وينشرون ريحة الموت من حوله لين متى بيختبر فقد الناس اللي بحياته؟ سمع اصوات خطوات رفع صوته:هنا يا اسماعيل دخل اسماعيل وقف مذعور من اللي يشوفه اشر له:تعال ساعدني فيه غدروا فيه الكلاب تعال قرب منه شاله بمساعدته خرجوه لسيارته سدحوه بالمرتبة اللي ورى اشر له جسار بوهن:سوق انت ماني قادر ركب جهة السايق وعينه على الشباك ركب اسماعيل وحرك بسرعه وعين جسار لازالت معلقه على المباني والشجر والسيارات لين متى بيقعد يحمل هموم فوق همومه؟ لين متى بيقعد يفكر بعلان وفلان وناسي نفسه؟ اسماعيل ويتلفت له بخوف:سمموه؟ جسار بغموض وعينه قدام:جرعه زايدة مخدرات اسماعيل التزم الصمت ويشوف ملامح الخيبه على جسار بهدوء:بس مانقدر نروح لمستشفى حكومي بيتسرب الخبر لوى فمه وبعدم اهتمام:ارميه باي مكان اصلا لو ماسووا فيه كذا كنت رايح اذبحه اسماعيل سكت وعينه لقدام وقف عند مستشفى خاص نزل بسرع يظبط الأمور استدعى المدير وشرح له الحاله ووعده بكم فلس عشان يتسترون على الحادثه شالوه واسعفوه وهو على حاله مانزل من السياره بخروج اسماعيل من بوابة المستشفى والهواء يحرك شعره يمين يسار تسند على الشباك وبهدوء:يقولون ماعليه خطر يلعب بالجوال يقلبه فوق ومره تحت نزل مر من عنده والهواء البارد حرك شماغه المايل ركب جهة السايق فصخ شماغه والطاقيه رماها ببعثره وبعدم اهتمام:لاتبلغني الا بموته غيره لا اشوف لك اتصال...حرك متجاهل اسماعيل اللي متعجب من حاله : : بالقــــصــــر.. سمعت صوت الباب ينفتح جرت للسرير سحبت اللحاف وتخبت تحته تمثل انها نايمه بعد حرب الداحس والغبراء اللي صارت امس عشان لسانها والفاظها "فواز" بعد الأحداث التاريخيه اللي صارت امس واللي ما احد مستوعبها قدرت واخيرا انفرد با اوم لسانين حشرتها ولعن خيرها وحلفت لو اشوف لسانها اللي مادته مترين بقلة حياء لا اتصل على امها صاحت بفجعه وقالت "توبه" ما احد يسنعها غير امها ماشفتها امس بعد الأجواء المتوتره سمرت مع نايف والباقين لين الفجر وغفيت بدون ما احس على نفسي بالمجلس لكن هاذي ولاكلفت على عمرها تتفقدني ما اقول الله يكتب اجري دخلت الغرفه بتروش واغير ملابسي وبخرج لكن لقيتها نايمه معقوووله هه تنام بوقت عصر رفع اللحاف بقوة شهقت بفزع:جعلك السلال خرعتني رفع حاجب وبتهديد:عيدي عيدي لا ماسمعت انا جات عينه على بلوزة بجامته الرماديه شهق بقوة وبفجع مسكها من جهة الصدر وسحبها له وبغضب عض لسانه:منبشه اغراااضي؟ الجازي بطفش وتحاول تبعد عنه:لا مانبشت شفتها وعجبتني ولبستها وراك مشتب كذا؟ سحبها زياده بغت تطيح يالله تتوازن انفزعت :بطيح والله بطيح ما اهتم سحبها بقوة تمايلت رجولها بتطيح سحبته معاه بقوة اختل توازنه وطاح عليها غمضت عينها وبصيحه:ووجع كوعك وخره اما هو خانه لسانه ويشوف شعرها متناثر على وجهها ونحرها ومغمضه عينها ونص جسمه عليها فتحت عينها وبصيحه:اقولك كوعك بيفقع بطني فواز عينه عليها ولاتحرك جات عينه بعينها بلعت ريقها رمشت اكثر من مره بتوتر ما اهتم لثقله عليها اول مره يشوفها بهالقرب كانت غيييييير يمكن كان عقله يشوفها بصورة ثانيه صدرها يطلع وينزل من الخوف وعينه لازالت معلقه عليها لفت وجهها للناحيه الثانيه تتهرب من نظراته وبهدوء استغربه:قوم عني حس بقهر رفع يده وضرب راسها بقوة صاحت لفت وجهها عليه وبصيحه:وراااك تضرب راسي "ببكيه" وش سويت لك؟ عض لسانه بقهر ضربها مره ثانيه وشد شعرها وهي تصيح ماقدرت الا تشد شعرها عشان يفكها الجازي بعصبيه:فكني وافكك كل ماتذكر حركاتها وانها تطلع قدامه بأبشع الأشكال مخبيه جمالها وطبيعتها يشد شعرها مو مهتم رفع يدها وعضها صاحت وتدفه قام منها وحالته حاله ثوبه معفوس وشعره رايح فيها وهي باقي بالأرض وحالتها مو احسن من حالتها لكن تفاجأ من موجة الضحك اللي دخلت فيها:هههههههههههههههههههه ههههههههههههههههههههههههه هه ابتسم غصبا عنه يبغى يعرف ليه تضحك وهو توه كافخها طالعت فيه وعيونها امتلأت دموع من الضحك اشرت عليه:هههههههههه ههههههه بطني آآه لا اردايا ضحك معها:ههههههه قومي بنت "رفسها بخفيف" قومي ليش تضحكين الجازي ماسكه بطنها وتضحك بهستيريه ودموعها تصب من الضحك:فكني وافكك كأنا وغدان "صغار" هههه هز راسه غسل يده انها تعقل قرب منها مد يده ويخفي ضحكته:قومي يلا مسحت دموعها اخذت نفس مدت يدها وحطتها بيده ساعدها تقوم وصارت واقفه قدامه وتمسح آثار دموعها وعينه عليها ابتسمت بنقاوة:وراك تطالعتي تسذا؟ فواز بصدق:مروا علي اصناف حريم لكن مثلك ماشفت انتي من وين جايه؟ مدت لسانها وبهباله:من المريخ يعني من وين من قرية ... شمال شرق الرياض فواز بهدوء:عليك بالعافيه دامها عاجبتك خذيها نزلت عينها لبلوزة البجامه اللي لابستها على بنطلون جنز فاتح:لا بس طقت براسي اجرب ملابسك والله انك ذويق يارجال مير مقاساتنا ماهي مثل بعض كان ودي نتبادل فواز بهدوء:قالوا مانزلتي على الغداء ليه وهذا ثاني يوم وانتي هنا؟ لوت فمها :تبيني اجلس مع رجال اجانب غريبين عني فواز بأستغراب:أي رجال مافيه احد غير العايله اخواني وحريمهم زفرت وبضيق مدت يدها:مو هذا البلا بالله اجلس مع اخوانك بصفتي وش اقعد اكل واشرب مايجووز فواز بحيره:بس تعودنا الجازي رفعت كتفها:ماهوب زين التعود والتطبع يمكن ذي عوايدكم بس ماهي من عوايدنا ولاني بماشيه عليها والنبي قال "الحمو موت" استغرب كلامها ماعمره اهتم لهالشيء او التفت له عطاها ظهره اخذ اغراضه ودخل "الحمام" وانتم بكرامه يتروش وهي كشته:عطاني ظهره هاليابس مالت اوووف وش هالطفش "لمعت ببالها فكرة" وراه ما اتمشى واشوف هالبيت الكبير ماشاء الله غيرت ملابسها لبست دراعه هاديه بلون البيج لبست عبايتها طالعت بالنقاب اللي داسته من جات معاه قررت تلبسه لكن لازم تظبط نفسها قبل لاتنزل وقفت قدام المراية حطت لها كحل اسود داخلي وروج بني غامق عكس لون بشرتها رفعت قذلتها وشعرها باست نفسها بالمراية وطبعت اثر الروج اخذت عبايتها تغطت ونزلت تحت شافت خدامه تنظف رفعت كتفها:لبى انتي يالجيز صرتي ببيت كله خدم وحشم وين نمشه كان دقيت وجهها وخليتها تموت بغيظها اكرفوني على وجهي هناك واللحين صرت اميرة شدت عمرها لما نطقت هالكلمه نزلت وتحس المكان هادي استغربت بسم الله على كبره الا الصمت يحيط فيه وكأنه بيت اشباح بطلعة روز رفعت حاجب الجازي:مساتس الله بالخير روز بهدوء:اهليين لوت فمها وبصوت واطي:ماتعرف ترد امحق روز ضيقت عينها:عفوا الجازي بهباله اشرت:ولاشيء وين الكل ورى البيت تقول مسكون روز بأبتسامة رغم اللي صار بينهم :تعودي هاذي حياتهم الجازي بصدق:شوفي مع انتس مانزلتي لي من زور ولازلتي بس مبين عليتس فيتس خير وش رايتس نتقهوى؟ روز بضحكة:وين برقعك؟ حست بغيظ :انتي قاعده تتريقين فيني يالعصلا؟ روز بغيض:شرهة من ياخذ ويعطي معك انا بطلع احسن لي ..تعدتها وطلعت لفت الجازي كشتها:هه مالت سويتي خير فكيتيني من شوفة وجهتس ..لفت نزلت كل ماشافاتني سألت عن هالبرق : : ليلى..ندى..فاطمة كل وحده منهم كانت تغرق ببحر ماله قاع لكن فاطمة بعد ماكان التيار هادي بحياتها طمرتها الأمواج بالقـــرية.. سمعت صوت سيارات والمواكب بالبورن فزت نمشه وبفرحه وغيض:وصلوا العرسان صالحه التفت لفاطمه اللي تغير لون وجهها قامت بهدوء حتى تستقبل امها وجدتها نمشه بضحكه:خلني احط البخور للعرسان وقف سيارته اللي كان يسوقها اخوه اللي اصغر منه رغم رفضه للموكب لكن اصروا عليه وبجنبه وحده ثانيه غير اللي اختارها قلبه اجبرته الظروف وخانته وهو ماله حيله نزلوا وصوت الرشاش اندفع على مسامعهم سلم عليهم وودعهم فتح الباب لتدخل امه وجدته ومعهم العروس الجديده ضحك بسخرية دخل وراهم واستقبلتهم زغردة نمشه تمنى لو يقطع لسانها وصالحه مبتسمه دخلوا البيت والجده تصلي وتهلي بخروجها من المقلط وقفت بنص الصاله رفع عينه عليه تجمد مكانه لما شافها واقفه قدامه توقع انها بغرفتها لكن نظراتها كانت تذبحه تكسره نصين الجده:هو افتشي يايمه مافي احد غير رجلتس العنود عينها على فاطمه اللي وجهها بدأ يحمر رفعت غطاها كانت تضج نضج رغم صغرها حست بتشنج ارتجف جسمها وتسمع نمشه:صلاة محمد اخترت الزين يالشيخ تصاككت اسنانها ببعض وتحس ببرودة تلفها رفع عينه عليها بأستغراب من رجفتها غير الطبيعيه رفعت يدها لقلبها وتحس بزي الوخزات عضت لسانها جرى لها وبخوف مسك يدها :فاطمه انتي بخير؟ تحس ببرودة مو طبيعيه وفكها يهتز بصورة غريبه وعينها عليه دمعت عينها وبغصه :ليش تسوي فيني كذا؟ الخوف بيشله تكلم بسرعه:انتي بخير ترا ماني متحمل انطقققي؟ البنت تنقلت عينها برعب لصراخه على اللي ماسكها وترجف نزلت راسها بتعب على كتفه لتعانق انفها ريحة العوده الممزوجه مع عطره الثقيل الجده بسرعه مشت لهم مسكتها وعينها لمتعب خزته:مافيها الا العافيه خذ مرتك وروح لغرفتكم متعب بتردد:بس الجده تنهي النقاش:لاتخاف بمسي عندها هالليله يلا خذ مرتك ياولدي العنود زفرت قربت منهم وبعدم رضا له:روح ياولد بننتبه له ما احنا بعجزانين رفع عينه لزينب "زوجته الجديده" وعينه على فاطمة ايهم هي بحاجته العروس او بنت المدينة مثل مايسميها بهدوء:يمه لاتعبت عطوني خبر مشى لزينب وبهدوء:الحقيني عطاها ظهره وعينه فاطمة متعلقه فيه تحاول تروح له وبصوت واهن:لاتسويها لا متعب يمشي ويسمعها تناديه بأسمه وتقول لاتسويها يعني قلبك لايخون قلبي لاتلمس وحده غيري فهم هالرساله قلبه يتفتت مليون مره لاشافها ضايقه اجل كيف لاشافت عيونه دمعتها دخل الغرفه وهي وراه قفل الباب بدون مايلتفت وهي انهارت على ركبها والجده ماسكه يدها فركت صدرها تحس بجمره مشتبه بين ضلوعها نادته للمره الثانيه ليسمعها:متععب لااا لاتسويها صالحه حزنت عليها انحنت لمستواها بترفعها :فطومه خلينا نروح للغرفه هزت راسها بعدم تصديق وبوهن:مايسويها فيني مستحيل لا قلبه مايخوني مابينام بعيد عني لاااا العنود زفرت:لاحول ولاقوة الا بالله قومي يايمي ما احد غيرك بيحترق قلبه الجده بطفش:العنود وراتس تقولين هالكلام بدال ماتعقلين هالمهبوله مرته قامت مع صالحه مو مهتمه لأحد عينها متعلقه بالباب اللي تسكر عليهم مشت معاها وترجع راسها لورى على امل يخرج لكن الباب باقي متسكر !! دخلت صالحه غرفتها جلستها على السرير وبهدوء:بروح اجيب لك مويه عينها على نقوشات السجاد:ابغى انام وبس صالحه:زيين تصبحين على خير ماردت عليها خرجت صالحه رفعت عينها للمراية وتشوف صورة ابوها والجهه الثانيه صورة زواجهم انسدحت على السرير ضامه رولها لصدرها وتلوي شعرها بطرف اصبعها ليش مو قادره تبكي؟ ليش مو قادره تصيح بأعلى صوتها؟ رفعت عينها للشباك اللي بدأت قطرات المطر تعانق الزجاج وشوي شوي بدأ يهطل بغزاره واصوات الرعد تبعث بالنفس الخوف حضنتها نفسها وتشد اللحاف بطرف يدها اللحين الغدير بيمتلىء بعد ساعه لبست عبايتها رمت الشيله على وجهها بعدم اهتمام فتحت الباب الظلمه تتسيد المكان الكل حاط راسه وغاط بنوم مريح عكسها فتحت باب الحوش الداخلي طلع صرير تركته مردود وخرجت للحوش فتحت الباب الخارجي وسكرته بهدوء وتمشي دون وجهه محدده والمطر يصب ويطيح عليها وصوت الرياح القوية يخيف قلبها اللي بدأت ضرباته تعلا مشت ومشت لحد ماوصلت الغدير هنا فقد اخوه وشال ذنب موت وضميره ماتركه مرتاح راح يشيل ذنبها بعد مشت بخوف لامست رجلها الأرض الطينيه اللزجه بتغوص خافت رجعت رجولها وعبايتها تتحرك بقوة من الهواء عينه على زينب اللي نايمه بهدوء باله عندها انتظر لين تنام خرج بهدوء استغرب من غرفتها المفتوحه دورها بالمطبخ مالقاها سمع صوت الهواء القوي اللي يضرب باب الحوش الداخلي استغرب من اللي تركه مفتوح مشى بخطوات بطيئه حتى يسكره لف وقف فجأه دخل داخل يدورها مالقاها حس عقله بيطير وين ممكن تكون راحت؟ اكييد بيت عمتها بس مامعها مفتاح بسرعه لبس ثوبه وخرج برا والريح تعيقه عم الحركه تمتم:يارب رحمتك اللهم اني اسألك خيرها وخير ما ارسلت به و اعوذ بك من شرها ومن شر ما ارسلت به طلع والمطر يصب فوقه تغرق ثوبه الأبيض ولصق بجسمه طلع لبيت عمتها مافي احد نزل بصعوبه والخوف بدأ يلعب فيه زفر بقوة تخصر بحيره وين ممكن تروح؟ رفعت صوتها وكأنها تكلم الغدير اللي بدأ مستواه يرتفع وتغرقت عبايتها من المطر:خذيت اخوه ليش ماتاخذني معاه؟ التفت بفزع للصوت اللي بدأ يصرخ يناديها :فاااااااااااااااطمه لفت بخوف دخلت عبايتها بين رجولها بتطيح تماسكت بالصخرة الكبيره اللي على يمينها جرى لها بفزع سحب يدها بقوة بعدها عن الغدير مسافه وبخوف:انتي وش تبغين تسوين فيني هااا؟ اشر ليده اللي ترجف:شووفي قلبي سقط الله يسامحك وش موديك يمه بهالمطر كنتي بتغرقين انتي وش ناويه تسوين فيني يافاطمه؟ بهدوء:اختنقت طلعت اشم هواء متعب بخوف ويتجنب النظر للغدير اللي خذا منه اغلى اصحابه واخوه:خلينا نرجع للبيت الله يصلحك هالجو مو حق شم هواء مشت قدامه وهو عينه على زولها يحس النفظه والخوف باقي فيه من تفكيره اللي خذاه بعيد فكر انها ممكن ترمي نفسها بهالغدير اللي مايرحم دخل الحوش سكر الباب وراه وهي قبله دخلت البيت وعبايتها تقطر مويه وسيده لغرفتها تقدم لها قفلت الباب بوجهه ومسكت بيدها مسكة الباب وهو واقف برا هز راسه بعدم الرضا ورجع لغرفته : : ^^بالـــمــــرزعـــــه^^ لوت فمها بتملل من الجلسه داخل الغرفه حابسه نفسها بعد اخر موقف جمعهم وهو ما اهتم يتفقدها.. بعد اخر حوار دار بينهم وكان قرارها للفرصه الثانيه (لا) ثار فيها:الله واكبر عليك مستخسره تعطيني فرصه ثانيه!! تكلمت بدفاع رافعه يدها:سلمان الله يخليك خلاص كفايه انا وياك مستحيل نتفق ونتفاهم مع بعض عمرنا بيروح بهواشات ومهزله مالها نهايه عقد حواجبه وبسخرية:هه مهزله من متى حياتي كانت معاك مو مهزله ضاقت من سخريته وانتقاصه لها وكأنها المذنبه هنا رفعت اصبعها بتأكيد:شفت شفت هذا اول الخير لا شكرا انا وحده بشتري راحتي روح لروز اللي اخترتها وفضلتها وش لك بحاجتي؟ بتمشي سحبها من ذراعها وبفحيح:ماتعطيني ظهرك وانا اتكلم معاك نزلت يدها بطفش:خلاص حقك علي انا غلطانه وآسفه ياسلمان هاا كذا يرضيك "بأنزعاج تسحب يدها الثانيه من قبضة يده" فككني واللي يرحم والديك سلمان بعجز:الدنيا ضايقه فيني ياندى عقلي مو مستوعب اللي قاعد يصير عقلي شوي بيطير "بصدق" مالي غيرك بعد الله كنتي تعطيني قوتك وينهاا؟ التقت عينها بعينه وببعثره:نهيتها بيدك اغتلتها وخليتني انسانه باااااارده ماعاد يهمها شيء حضنها بقوة ومتمسك فيها تحس بيكسر ضلوعها من حضنه وبضياع:احتويني ياندى احتويني غمضت عينها تصارع مشاعر قربه مو قادره تكلمت بخنقه:سلمان مو قادره راح اموت بعد تمسك فيها وبرفض قاطع:ماراح ابعد كفايه الشهور اللي راحت ماعاد تقدر تتحمل صرخت بقوة بعد عنها بخوف مسك كتوفها صرخت:اترككني اكرههكك ماتفهم اكرهكك بمووووووت بمووت نسى عن السحر شد شعره بقوة وخوف من انتكاستها بعد عنها شوي لتهدأ رفع يده :اهددي شوفيني بعدت بس اهدي تشاهق بقوة حس بالعجز مو قادر يقرب منها وبتنتكس رفع صوت آذان الفجر انتفظ جسمها برعشه رفعت يدها لأذنها وكتمت الصوت وتهز راسها بالنفي طاحت على الأرض وبصوت عالي:راح اموووووووت راح امووت آآآآآآآآآآ بيقرب انتفظت وبعدت لورى وهو واقف بيموت من خوفه عليها نسى همه اشر بيده:اهدي والله ما اقرب منك بس اهدي تركها على حالتها نص ساعه مرت اقاموا الصلاة وهي تمايلت بخفه وتسمع صوت الأمام يقرأ تثاوبت احتضنت رجولها لصدرها ونامت على الرخام بدون ماتحس على نفسها منظرها قطع قلبه مو قادر يخطي خطوه هاذي هي تصيح وتصييح وفجأة تبدأ تتكاسل وتغفى قرب منها نزل لمستواها رفعها من الأرض وحالتها المنتكسه ماتزيده غير جروح غائره فتح باب الغرفه المردود برجوله دخل شاف الخدامه فزت واقفه اشر له بالهدوء نزلها للسرير ثبت راسها على المخده ودفاها زين وعينه على بنته النايمه بالطرف الثاني ابتسم بخفه يمكن هالثنتين يخففون من وجعه شوي خرج سكر الباب وراه الخدامه راح توضى ويسمع امام المسجد انتهى من الصلاة خرج فرش السجادة بالصاله ورمى ثقله وهمومه وهو يقف متضرع بين رب العالمين.. صحت من سرحانها على وقوف الخدامه وبهدوء:بابا سعود جاء فزت بسرعه لما سمعت عمها سعود جاء فرحت وبأبتسامه:وينه؟ الخدامه:برا مجلس ضحكت بفرحه لبست عبايتها وتغطت عشان العمال اللي بالمزرعه اشرت لها:انتبهي لفرح بتخرج وقفت لفت:والا اقولك خليها تشوف جدها خرجت والفرحه مو سايعتها بجية عمها اشتاقت له من زمااااان عنه بس لييش جاي بهالوقت والأجواء متوتره خرجت لتصطدم بروز اللي فسخت شيلتها وعينها عليها تعدتها متجاهله وجودها ووجود الشنط اللي معها خرجت من البيت مشت مسافه للمجلس الخارجي سمعت صوت سلمان المحتد مع عمها بلعت العافيه وقفت وفضلت تنسحب رجعت بخطوات مبعثره وفرح تناغي ابتسمت لها مالها خلق تدخل وتصطدم بروز فضلت تتمشى بالمزرعه مشت وعينها تتنقل للأشجار الخضراء وقفت عند البحيرة يالله هالمكان بالذات شهد لها ذكريااااااات مريره عينها على البط انحنت ومقدمه فرح وبفرحه:ِشوفي وق وق رفعت يدها فرح بالهواء وسعبلت عبست ندى:لا شوفي هالبطات ما احلاهم شافت واحد يكلم من بعيد استغربت وقفت بفضول مع لفته شهقت بقوة جسار بهدوء:بمركم بعد المغرب اللحين مو فاظي صوت حنان المتذمر وصله:لاااا طيب لاتتأخر جسار وينك جسااار الووو؟ تجاهلها سكر الجوال وعينه عليها متغطيه ومو باين غير عيونها من ورى النقاب ويدها اللي شايله فرح هي ماغيرها اكييد هي جاء للمزرعه بعد ماكلمه عمه سعود وقرر يتفاهمون بالموضوع وما ابدى أي ردة فعل بالعكس تقبل الفكرة يطيح الحطب شوي واكيد سلمان هدأ ولؤي اللي طلع منها سليمه وبالمستشفى واللحين ندى وش هالحظوظ اللي تكسر الصخر!! نزلت عينها بسرعه ومشت تتجنب أي مواجهه معاه وكلامها مازال يرن بأذنها "حسابنا ما انتهى" ليش هالأنسان من يوقف قدامها تحس النفظه تشلها وتحطها وقفها صوته الغليض:لحظظه!! وقفت لا ارادايا وكأن رجولها تتمثل لنبرته لازال بعيد عنها مسافه تكلم بغموض:قلت لك راح يكون لنا لقاء ثاني طفح كيلها من تهكم هالعائله وحبهم للسيطرة ونفخ انفسهم اذا هم كذا ماعرفوا من تكون مو معناته هدأت الشهور اللي راحت انتهت وانكسرت لا لكن مالها خلق ابدا لكن اللحين خلاص زمن الضعف ولى خلهم يعرفون حتى وهي بقمة ضعفها قادره تكسرهم اذا خطوا خطوة لها لفت بقوة ولازالت شايله فرح ورافعه كتفها وعينها اللي تطلق تحدي طاحت بعينه الحاده وبنبرة طفش:آمرني جسار برفعة حاجب ماحب نبرتها:مايأمر عليك عدو وش رايك باللي يصير؟ ضحكت بسخرية:وش علي منكم لو تتذابحون قدامي ماهميتوني جسار بحقد:قاله سلمان قلب صخر يالله لاتبلانا كرهت تنمره:اخلص علي وش تبي؟ جسار متجاهل نبرتها:عطيتيني نص الحقيقه وجاك المقابل ابغى النص الثاني شعت عينها بالخبث وبنبرة لؤم:متشفق عليها!! يكره شيء اسمه استقواء الحريم لو له صفه كان كفخها وعلمها ان الله حق نفخ هواء حار :سمي اللي تسمينه ابغى اعرفها ندى بضحكة ميلت راسها:وش المقابل؟ عض لسانه:ايا الخبيثه كنت اعرف حضنت بنتها وبنظرة:اوزن كلامك معي ان كان اللي حولك يرضخون لك انا ما ارضخ الا للي خلقني بعدين وراك مشتب كذا همم اللي تبيه عندي فأشوف انه من الأفضل لك تحترم نفسك معي طارت عيونه بيتكلم رفعت يدها تنهي النقاش: والا الله معك ...لفت معطيته ظهرها بتمشي ضرب الأرض وبكره لرضوخه لها:وقففي وقفت وبكره:لك اللي تبين لمعت عينها بالأنتصار لفت:اللي ابي مو تعرف وش هو بالأول؟ جسار بهدوء عكس البراكين الثايره :قولي تشجعت:......... شد يد ويحاول يخفف من غضبه وبفحيح :لييش؟ رفعت كتفها:لحاجه بنفسي مو صعبه جسار بوعيد:احذري ياندى ما انتي بقدي ترا انا مو سلمان ابتسمت بسخرية وبتحدي:وانت احذر باقي ماعرفتني زين بعز ضعفي اكون المارد بكبره هذا وانا بعز ضعفي تبي نص الحقيقة ماطلبت شيء وبتسمعها من واحد بأذنك الثنتين لكن بعد ما اضمن موفقتك جسار بذهول:فيه وحده صاحيه بتخرب بيتها بنفسها ندى بتحدي:انا انت الوحيد اللي تقدر تساعدني وتقدر تفكني من سلمان اللي يمسكني مع اليد اللي توجعني يا يطولني يايطول الأذى اهلي جسار بعد تفكير:مستحيل اسمح لك تأذينه بهالشيء لأن سلمان مشتريك يحبك ياندى انا مو عارف ليش قاعد اقولك هالكلام احس الوضع مصخره نزلت راسها وبهدوء:الحب مو كل شيء "بصدق" انا اكتفيت خلاص مالي حيله ابغى حياتي البسيطه الله يخليك ساعدني جسار برفض قاطع:مستحيل كذا بتكسرينه وانا ماراح يكون لي يد بضيقه عانقت عينها الارض كانت حاطه املها بالله ثم فيه لكن حتى هو واقف معاه اخوه بالنهاية وش متوقعه بهدوء لفت ومشت زفر وعينه لقدام هذا هو يضيع فرصة ان يعرف باقي الحقيقة الغائبه لكن طلبها هالبنت مجنونة,مرفوع عنها القلم تطلبه بكل قواة عين يساعدها حتى تخرج من حياة سلمان وهو اكثر واحد يعرف ان اخوه متمسك بهالبنت تمسك غررريب عجيب مافهموه للحين زفر وماله نفس يدخل المجلس بعد النغزات اللي يرميها سلمان وهو هادي لكن نظراته كانت تحسسه بأنه ارتكب ذنب وشاركهم لكن هدوئه يخوفهم توقعه يثور لكن تجري الرياح بما لاتشتهيه السفن.. خذت هواء تشبع رئتها حتى هو يدور ورى راحة سلمان متجاهلين انه يطوقها ومثل الأسيرة عنده دخلت البيت وراحت سيده لغرفتها نزلت فرحت اللي تلعب يدها بالهواء تركتها على السرير وخرجت للمطبخ بتسوي لها كابتشينو راسها مصدع والأخلاق قفلت لازم تكون بهالقفص حتى يرضى سلمان للحين ماكلمت امها خوف من مواجهتها حتى لو دقت عليها بيطلع لها مقفل بعد ما السيد سلمان غطس جوالها بالمويه جكاره فيها يبغاها تصيح وتوقف بوجهه لكن اكتفت بأبتسامة باردة وعطته ظهرها بغى يموت عينها على شبشبها النحاسي المشبك رفعت عينها لتشوف روز اللي جالسه تشرب مويه وسرحانه فزت اول ماشافتها طنشتها من يصدق ان هالأنسانه بتصير ماتعني لها وسط نظرات روز المستغربه فورت لها مويه وتضحك بداخلها على رضوخها لهالواقع لكن صاحت من قبل وش استفادت راحت صحتها وعافيتها فورت المويه وصوت الكفتيره السائد بالمكان قاطع صوتها المتردد:ليش رجعتي؟ لازالت معطيتها ظهرها بسخرية:ماقدرت على بعده روز بغصه:انتي لوين بتوصلين؟ زفرت بتملل لفت لها جلست بالكرسي المقابل لها:انا لوين بوصل والا هاللي مسوي لنا كل هالحصار "رفعت يدها بالهواء" انا مو فاهمه شيء واحد ليييش بعتي راحتك وحياتك اللي قبل وتخليتي عن زوجك وعيالك عشانه بذمتتكك يستحق؟!! روز بأستغراب بلعت ريقها وتمسح بأطراف اصابعها كاسة الموية:مالك دخل فيني زفرت بطفش رفعت يدها بالهواء:شوفي انا ما اكرهك وبنفس الوقت ما احبك مثل الغريبه مريتي بمرحله بحياتي خذيتي مني زوجي واخذت بثاري منك لين شبعت واللحين ماعاد تهميني بشيء لو تسكرين عليك انت وياه باب واحد "ببرود" طزز لكن بدال ماكل وحده تنتظر قرار حضرة جنابه "بسخرية" وعدله سي السيد حتى يخرجنا من هالسجن ليش مانحط يدنا ببعض ونبين له ان اللي قاعد يسوي فينا مافاد فينا خلينا نخلي عقله يطير من مكانه روز بلعت ريقها بطبعها مسالمه هزت راسها :لا لا انتي تبغين تبعديني عنه وتخربين حياتنا عبست بوجهها قامت فتحت الثلاجه وبطفش :اجل خليك تركضين وراه وهو معطيك ظهره حبيبتي نوعية سلمان معروفه "لفت لها" شفتي قلبه فندق يوسعني ويوسعك ويوسع الثالثه والرابع مثل الطفل المدلل اللي لاخذوا منه لعبته جاك ركض وقالك "قلدت صوته بسخرية" احتويني يالغاليه انتي عضيدي اليمين انتي ظهري اللي استند عليه انتي عيوني اللي تشوف النور روز فرصعت عينها وكل كلامها صح كملت ندى بصوتها:ويخليك تعيشين ليله ولا احلى يطيرك للنجوم ومجرد ماتعطينه ظهرك سوى حركات الملعنه راح للثانيه وقعد يجاكر الاولى فيها راحت تصب لها الموية اللي فارت بالكوب اللي حطت فيه ظرف الكابتشينو رجعت جلست نفس مكانها وحركت الكابتشينو بهدوء رفعت راسها ابتسمت:مانطقتي بحرف واحد معناته كلامي كله صح سلمان قاعد يتفنن بحركات اللعانه فينا واحنا الغبيات حطينا قهرنا وغيرتنا ببعض بدال مانوجه ضربتنا له شوفي خذيها قاعده سلمان يحترق لاتجاهلتيه يصير كبريييييت اوووف يغلي بداخله يدور حرش حتى يكون له حجه حتى يفرض وجوده عليك انا وياك مو معروف متى بنخرج من هالمكان لكن خلينا نحط يدنا ببعض رغم تحفظاتي ناحيتك وبرجع اكررها مره ثانيه وثالثه ترا مشاعري تجاهك مثل ماهي لكن عدو عدوي صديقي وش قلتي؟ روز بتردد:انا مستحيل اوثق فيك بتخربين بيتي طفشت من غبائها رفعت يدها بعدم اهتمام :بكيفك ان شاء الله يبكيك دم مصيرك بتفهمين كلامي...قامت تاركتها تصارع نفسها بتدخل للغرفه شافت عمها داخل ووراه سلمان ابتسمت ابتسامه واسعه وبفرحه:عمممي نزلت كوبها وجرت له باست راسه ويده وبفرحه:شلونك عمي عاش من شافك؟ دخل سلمان وجهه مايبشر بالخير سكر الباب وراه تجاهلته وتشوف ابتسامة عمها ويهز راسه:انا بخير جعلك بخير انتي طمنيني عنك ولو اني زعلان عليك "بضيق" شليتي عمرك ونسيتي ابوك؟ خذت نفس شدت يد وتمشي معاه:ينساك الموت يايبه لكن ظروف جلس على الكنبه بعد ماساعدته وتشوفه ضعفه ووهنه وعينه اللي مبين عليها الأنكسار تكلم بدون مايطالعه:اخوك راح؟ سلمان بتأكيد ومرجع ظهره لورى وفارد رجله براحه بثوبه الأسود:قصدك ولد عمي ايه راح غمض عينه بعدم رضا لكن باغتته شدت يده وبفرحه واضحه:يوم قالوا لي انك جيت ماصدقتهم وربي فرحت كثيير رفع يده اللي يغزاها التجاعيد مسح على وجهها وبحب:بيتي ظلم من بعدك سلمان بحمق واستفزاز واضح:الله واكبر من كثر الأيام السعيده اللي شفناها منها عضت شفاتها طالعته بطرف عين لفت وجهها وهو طارت شياطينه من برودها وجمودها سعود بتطنيش:وين حفيدتي؟ نطت:اللحين اجيبها لك دخلت الغرفه خرجت شايله بنتها مدتها له مسكها:بسم الله ماشاء الله كبرت البنت " طالع بندى ويدقق بملامحها:خذت منك الكثير ندى بصدق وتلعب بساعتها:بس خشمها طلع لأبوها سعود بتأكييد:اييه طالع حاد مثله هو الوحيد من عيالي اللي طلع خشمه زين ضحكت بخفه:هههههههههههه سعود وعينه لسلمان اللي جاء عشانه ماقدر ينام وهو بهالحاله:معناته انك مزيون ياولد سلمان بمجامله هز راسه بخروج روز اللي جات مع سعود جلست جنب سلمان وبهدوء :اجيب القهوة سعود بدون مايطالعها وشايل فرح:لايابنتي بيأذن المغرب اللحين خليها بعد الصلاة روز بهدوء وتشوف تغير معاملة عمها لها :اللي تشوفه قضوا يوم كان بااااااااااارد حييل من ناحية سلمان اللي مطنشهم وفرحة ندى بجية عمها سعود اللي تحس مكسور من وفاة اقرب صديق له ومن عياله حتى لو ماوضح اما روز فكانت جالسه معهم وعقلها يروح بعيد تفكر بكلام ندى رفعت عينها لسلمان اللي يطالع ساعته بطفش هل ستكون تلك اليد الحنون التي تحتضني وقت ضعفي ؟؟ هل ستكون تلك الابتسامة التي عند رؤيتها يزول كل ألمي ؟؟ هل ستكون الإنسان الذي يستحق حبي و تضحيتي ؟؟ هل ستكون الإنسان الذي سينغلق عليه قلبي حتى قبري ؟؟ هل ستكون من سأتحمل الجراح من أجله ؟؟ هل ستكون الإنسان الذي يستحق أن أتحدى العالم من أجله؟ هل ستكون اليد التي لن تترك يدي حتى ينتهي طريق الحياة؟ هل ستكون ذلك الإنسان الذي سيتحد معه كياني لنصبح كياناً واحداً لا ينفصل ؟؟ هل تستحق اكبر تضحياتي؟ تولين ببكيه:ماما لاتروحين بعبوس:انتي ماتحبيني؟ بضحكة شقيه حضنتها باست خدها وبفرحه من جيتها:ماما شوفي صرت بنتك كبيرة رفعت يدها لحلقها تحس الغصه وقفت بنص حلقها بلعت ريقها وعينها على ندى اللي تبوس بنتها وتلعب بأصابعها تجري بفستانها الوردي وبفرحه :ماما لاصرت كبيره بتخليني انام على صدرك مثل دائما؟ بلعت غصتها بهدوء:ممكن اشيلها؟ استغربوا طلبها طالعوها بأستغراب وحيره شالتها ندى وناولتها وبهدوء:توها شاربه حليبها لاترجع عليك بكت بنتها حضنتها ودموعها اللي حابستها نزلت وبغصه:لاتخافين سعود يتقهوى ومو منتبه لها وسلمان بعالم ثاني لكن هي لمحت دموعها وفيه الم اكبر من فقد الضنا كانت تحضن فرح وتبوسها وكأنها تتمنى بنتها وولدها بحضنها هاللحظه ندى بهدوء:خليني انومها روز بأندفاع:عادي انومها؟ سعود طالعها بحيره وندى ماتنكر ترددها وخوفها على بنتها شالتها منها:تعالي معي لحقتها روز وسلمان بعالم ثاني وتفكيره عند المره اللي كانت ماسكه يده وتبكي وسعود ملتزم الصمت دخلوا الغرفه وندى تحس قلبها يقبضها من الخوف من تغيرها جلست على طرف السرير وهي معها بهدوء:متى ولادتك؟ روز بأستغراب للوضع:بعد شهر ونص بدون ماتطالعها:الله ييسر لك روز:آمييين...مسرع ماوقفت وخرجت بسرعه وندى متعجبه من اللي قاعد يصير ما اهتمت حطت بنتها على السرير مسكت يدها وباستها دفنت وجهها برقبتها وتشم ريحتها وبصدق :لو الله ثم لولاك كان مت من الضيق اخر اللــــيـــل .. ليلة الأربعاء ابتداء من اليوم نجم نوء الشولة البارز مسلط ضوئه مترامي الأطراف بالسماء المتوشحه لينازع مكانته 13 يوما الجو بارد جداا والضباب يلف المكان ويحجب الرؤية واصوات حشرات الليل هي الأنيسه من وحشة الظلمه المعتمه واقفه خلف الشباك ويغطي كتوفها الشال الصوف المخرم بلون الأحمر القاني وعينها لبرا تدور دون هدف محدد عقدت حواجبها بأستغراب لما شافته واقف بعيد وماسك رسن الخيل ويمسح عليه رفع ثوبه لخصره وربطه وبحركة سريعه محترفه نقز وركبه وثواني حتى ركض فيه لأبعد منطقه وهي تراقبه طالع بهالبرد اللي يذبح وبدون ملابس دافيه وراكب الخيل ايا طقوس اجهلها تمارس ياسلمان؟ قلبها يصرخ بشيء وعقلها يهمس بشيء ثاني تصارع الأثنان رفعت اصبعها اليمين وبدأت تكتب على الشباك اللي غطته البروده لاتخاف قلبك اللي عاجز يحتويني برميه وبمشي وان (بكت) عيوني يوم بتكون بخير سنه..!! وهو بالجهه الثانيه يركض بالخيل لأبعد مسافه وصوت حفر الخيل على العشب والتراب المبلل يتردد على مسامعه عينه ثابته لقدام وسنه كفيلة بأن تقلب حياته راسا على عقب لتنضم الى 7 سنين تغرب حاله واصبح يشاطر الوحده والأفتقاد اصبح المجموع 8 سنوات تقضي من عمره يناضل من اجل التنفس وهل للأموات عودة من جديد؟ وهل يستطيع للعودة الى نقطة زمنيه كي لا يخسر من مده بالقوة وصارعته رأس برأس لتثبت نفسها وبجدارة بعقله الباطني؟ وهل يستطيع ان يمحي 7 سنوات انتحب فيها قلبه من اسى الهجران والنكران..!! يــــــــوم جــــديد لأبطالي.. عمها سعود استقبل عمال المزرعه بالمجلس وجلس معاهم وهي جالسه عينها على التلفزيون تراقبه بملل وهم جالسين بالحديقه الخلفيه.. نطقت بصعوبه وتحس روحها تخرج مع كل حرف:سلمان ليش خذيتني؟ لف عقد حواجبه وبسخرية:ماتعرفين ليش؟ رفعت عينها للشمس اللي قاربت الغروب :عشان تكسر اهلك ؟ لف وبحقد دفين:وعشان اكسرك بالدرجة الأولى اتسع بؤبؤ عينها نطقت برجفه:تكسرني!! تخصر عض على شفايفه بقوة لدرجة حس بطعم الدم وبحقد:اييه مو انتي اللي رحتي وعطيتيني ظهرك 7 سنين وتاركه بس ورقة "بسخرية" وتطلبين ادعي لك انتي وش نوعك هااا كنتي معي بالليل تضحكين وتسولفين وبالنهار هجيتي ولا اهتميتي بالأنسان اللي كان مستعد يبيع الغالي والرخيص حتى تكونين قدام عيونه ولاتغيبين "بتألم" وش سويتي ياروز تركتيه وخذلتيه نزلت دموعها وبصوت يالله يطلع:كنت مجبوره والله مجبوره ياسلمان اهلك من جهه وجماعتي من جهه ضرب يده بقوة على الطاولة لتهتز فناجين القهوة وبحده:اهلي هاا عندك خبر اني وقفت بوجيهم واحد واحد وتنازلت عن الجاه والمال عشانك لييش ماجيتي لي ليش خبيتي علي؟ روز بصدق:مابغيت تخسر اهلك بسببي ضحك بسخرية رجع ظهره لورى وعينه على الشفق الأحمر:ماخسرتهم بس خسرت نفسي ضعت فقدت الضحكة وطعم الفرحه حتى ماعاد شفت الوان الدنيا عيوني ماشافت غير السواد وحتى اتناسى الجرح اللي سببتيه صرت اسافر من مكان لمكان واقول بنسى لكن كل ارض توطى رجولي فيها تذكرني باللي سويتيه دفنتي قلب مادق لغيرك وهو توه بصباه "لف عليها ابتسم بخذلان" وقت ماكنت قاعد اتخبط من ديره لديره وضايع رحتي وكملتي حياتك سلمتي نفسك لواحد ثاني وجبتي له البنت والولد خنتي العهد ياروز تذكرينه !! قبل 7 سنـــوات.. بليلة ممطرة باردة..!! جالسين بالكوفي هي تكتب بحث ومشغوله وهو يشرب كوفي وعينه على وحده رفعت عينها :سلمان شو سكتت وعينها على المكان اللي يطالع فيه حست بنار تحرق صدرها دقت يده بقوة لف ابتسم بجاذبيه:سمي روز بأنفعال:اكلمك وانت مو فاظي ماشاء الله عينك عليها كليتها بعيونك ضحك بخفه:ههههههههههه لفت وجهها بضيق مسكت القلم وتكتب وبعصبيه :اصلا الشرهه علي انا اللي جبتك لهنا قدم جلسته وبخبث:بالله مو حلوه؟ رفعت راسها وبغيظ:الله ياخذ عمرها طيب انفجر ضحك:ههههههههه ليش معصبه بس مشبهه عليها بممثله امريكيه ماتشبه جينفير انستون؟ روز رفعت عينها بلمت وبدهشه:أي والله تشبهها لف وجهه ويمثل الضيق:ثاني مره احسني الظن وصفي النوايا ضربت رجولها بالأرض بعصبيه نزل عينه لرجولها رفع حاجب وبأبتسامة تذبحها:عسى ماشر؟ روز بتكشيره:سلمان لاتستفزني قرب منها ويفصلهم بخار الكوفي بالهواء :تدرين وش يفرح الرجال؟ ابتسمت:لا سلمان بذايبيه:غيرة المره عليه روز بسرعه:امحق سالفه ضحك:هههههه ..ضرب راسها بخفه وبعد وعينه على دفترها:ترا ماصارت من جينا وانتي تكتبين يا آنشتاين اعوذ بالله لايطلعون عيالنا مثلك خجلت من كلامه ورد خدها:الا يابختهم سلمان بخبث:انشهد .. نزلت عينها ابتسامته تذبحها وكلامه يبعثرها وحضوره القوي يربكها باغتها بسؤال:لو ماربي كتب لنا نصيب مع بعض بتسلمين قلبك لواحد غيري؟ رفعت راسها وبأندفاع:الموت ارحم لي سلمان بغموض:وبتخونين العهد ياروز؟ روز بغصه:العهد اني ما اتركك واروح سلمان بتأكيد:وماتكونين لواحد ثاني بارادتك روز بضحكة:ياطماع طيب ابغى اكمل حياتي مد يده كمصافحه:وخذيها عهد مني تحرم علي مره من بعدك طول ما انتي وافيه للعهد روز بخوف:واذا خنته؟ بنبرة ماعرفت تفسرها:شفتي ذا "اشر لقلبه" وعهد الله لأدوس عليه وامشي واخرجك من الحسبه انتفظت وبقوة:اييه عندك استعداد تروح تدور وحده ثانيه اخذت كتبها ودفترها قامت مسك يدها وبضحكة :يابنت الحلال قلت لا رخصني قلبك بسوي هالشيء وانا واثق ثقه عمياء ان قلبك مابيرخصني ولابيخون اللي بينا روز "ببحه" احبك يامهبوله وعزة الله احبك احبك احبك تلفتت حولها شافت الكل يطالع فيه رفعت يدها حطتها على فمه وكتمته وبنظرات متوعده :اووش الكل عينه فينا سلمان بروقان غمز:لا ابوهم لا ابو من خلفهم ماعلي منهم ضحكت بخفه اشرت براسها :يلا نرجع تأخر الوقت اخذ جاكيته من على الكرسي لبسه وعينه عليه يمتلك وسامه بطوله الفارع وعرض منكبيه وغمازته بخده الأيسر لاضحك كانت تشوف كيف عيون البنات عليه وتغار لكن ماكان يهتم الا لها ولعيونها كانوا يسمونهم بالجامعه الثنائي "الجميل" والكل يحط نهاية لقصتهم لكن ماكانت ابد فراق ونسوا الزمن بيده يغير كل الموازيين بلحظه وحده وربما استجابه دعوة!! عوده للواقع.. عينه مثبته على عينها اللي لمعت بالدموع كرر السؤال بنبرة تملأها الم وحزن:تذكرين العهد!! هبت موجه هواء بارده حركت شعرها وهي واقفه من بعيد وعينها عليهم حركت خصلات شعره المتمرده لقدام كرر السؤال وكأنه مصر الا تدفع ثمن نكثها للعهد :تتذكرينه والا حطيتيه ورى ظهرك مثل ماسويتي فيني؟ نزلت راسها وتعلقت عينها بحضنها ودموعها تشاطرها وجع غائر بأعماقها لحب قديم اجهض قبل ولادته وبهدوء:مانسيته حتى تذكرني فيه وقف على طوله مد يده وصفق بقوة رفع صوته:براااافو والله يطلع منك زين مانسيتيه عبست ملامحه للضيق نزل مستواه لأذنها وصدره يطلع وينزل من استنزاف الذكرى المريره :تخبرين تاريخ 3/4 همم تاريخ زواجك صح زواجك اللي حضرته وكنت بأول الصفوف وبيدي الثنتين قدمت معونه لزوجك وباركت له وقلت منك المال ومنها العيال وقلبي يصرخ من الوجع لكن انا ماني مثلك تتذكرين لما قلنا نكون سوا بالحزن والفرح كنت قد الوعد وشاركتك فرحتك اللي ذبحتني وخلتني بحكم الميت "بصرخه" بتاريخ 3/4 لبست اجمل ثيابي وفوقها الدقله ودهن العود اللي اهديتيني اياه وقلت تستاهل اتعنى لها هاذي "بغصه" روز وردتي اللي كبرت وكبر حبها بقلبي الكل بذاك اليوم كانت نظراتهم علي يقولون هذا مريض لابس الدقله ولاهو من اهل العرس ما اهتميت لهم وقفت بزواجك جنب اللي فضلتيه واخترتيه حتى لو مو بطوعك وقمت بزواجك ولما ولدتي ببنتك ونقصت فلوس تكاليف عملية ولادتك كنت بالسيب واقف واعطيهم الناقص واشوف شهادة ميلاد بنتك اللي سميتيها بالأسم اللي كنت اتمناه كنت واقف ورى الحضانه بأخر الليل حتى مايشوفني احد وعيني عليها واسأل نفسي وش خذت من ملامحك؟ ولما قدمتي على الوظيفه وسكروا بوجهك الباب من ثاني يوم جاك اتصال وقالوا لك حياك الله تتذكرين هاللحين من صان هالعهد حتى بعد الفرقى ياروز من؟ بعد عنها بنرفزه شات طرف الطاولة لتهتز من جديد ويتناثر فنجان القهوة لينزل من حواف الطاولة ويصطدم بالأرض وتطبع القهوة بقع مختلفه عض لسانه وبحمق :وبكل قواة عين جايه تسأليني ليش قلبي ماصار لك ياشيخه عظم الله اجرك بقلبي اللي دفنتيه من 7 سنين بيدك الثنتين تشتت نظراتها غمضت عينها بعدم تصديق ماتركها 7 سنين ماتركها كان مثل الطيف لها وهي اللي ظنت انه نساها وبيكمل حياته مثل ماكملت حياتها اللي حاولت تبنيها مع شخص ثاني لكن قلبها مارضخ الا لسلمان ولحبه حبها اليتيم اللي تشاطرته هو وياه بالغربه ونمى بهدوء:وهاللحين قلبك لمن؟ ابتسم بتشفي :يهمك!! رفعت عينها وبنظرة حقد:أي يهمني سلمان بصدق:ولا احد عقدت حواجبها بأستغراب :وندى؟ سلمان بأبتسامة:مهرتي ماملكت قلبي ملكت عقلي اما قلبي فعليه السلام مثل ماقلت دفنتيه "ضرب يده ببعض وبسخرية" بححح رفع عينه لقدام تفاجأ منها واقفه فزت برعب على طول حطت يدها ورى رقبتها بتوتر عقد حواجبه باستغراب لوت فمها وابتسمت ببلاهه رفعت يدها بالهواء تلوح له ماتدري ليش لكن احيانا تطلع منا افعال لا اراديه نستغرب منها ابتسم حك ذقنه رفع يده يبادلها التحيه لفت وجهها للناحيه الثانيه وكأنها ماتشوفهم لكن تفاجأت بخطواته المسموعه تردد على اذانها وعينها لازالت على الجهه الثانيه وعلى العصفور الصغير بلون البيج مستقر على الشجرة وصوته معلن عن غياب الشمس ووداعها ليوم اشبه بالهدوء بحياتها التي تملأها الفوضه والخراب وقف جنبها ويده بجيوبه وبتساؤل:ليش طالعه ؟ بدون ماتلتفت له هزت كتفها:اشم هواء لف وعينه تتفحصها:هدوئك يخوفني ابتسمت على جنب لوت فمها اخذت هواء تشبع رئتها:هذا انت ياسلمان بن سعود مايعجبك شيء لاصرت مجنونة مو عاجبتك ولاصرت هادئه اخوفك بالله انت وش يرضيك؟ قرح ضحك على كلامها:هههههههه تدرين انتي انسانه متناقضه عينها على العصفور اللي يتحرك للجهه الثانيه من الشجرة:ادري سلمان حك ذقنه:وتدرين انك عجيبه وغريبه ماشفت وحده مثلك بعدم مبالاة:ادري وادري اني فريدة تميزت عن صنف الحريم "لفت له وبثقه" صحيح كلامي؟ ثقتها وهي بقمة انكسارها تجذبه غصبا عنه عانقت عيونه عيونها اللي تشع تحدي وقوة رغم ذبولها ببحه:من تواضع لله رفعه كررت السؤال وعينها بعين وكأنها تطلق شرارة التحدي ليخضع لها:تميزت عن صنف الحريم صحيح؟ عض شفاته بحركة اربكتها لكن مانزلت عينها وبصوت مفحوم:تعوذي من الشيطان احسن لك لأني بالعربي المختصر مافيني صبر واخاف اخربها ونخسر كل اللي نحاول نبنيه ماتنكر ان كلامها خلاها ترتعب لكن هالسؤال الا مايجاوب عليه:صحيح كلامي قرب منها بخبث وهي لا اراديا تراجعت لورى وتكرر السؤال:صحيح سلمان بقهر منها عض شفاته:انتي لوين راح توصلين قلت تعوذي من الشيطان يابنت الناس وفكينا من حركاتك ابتسمت بشقاوة وترجع لورى صدم ظهرها بجذع الشجرة وكان فيه غصن بارز جرح ظهرها لا اردايا غمضت عينها وعطفت ملامحها بللت شفايفها واطلقت :آآه لف وجهه قرب منها صار محاصرها صدرها لاصق بصدره بقهر ممزوج لؤم:خافي الله فيني تجاهلت قربه بسبب الألم عبست:آآي ظهري يوجعني عصب منها سحبها من يدها وبحركة سريعه لفها له صار ظهرها ملاصق لصدره وعينه على بقعة الدم الصغيرة اللي طبعت على بلوزتها البيضاء وهي متجمده مكانها مرعوبه دخل يده من تحت البلوزه انكمش جسمها تحس بلسعات مثل الكهرباء وصل للجرح ضغط عليه بقوة صاحت:آآآ غمضت عينها مسح عليه برقه خلاااااااااااص تحس بالأختناق وراح تطيح من طولها وهو مازال مستمر على حركته قرب شفايفه المبلله لشحمة اذنها وبروقان:يوجعك!! مغمضه عينها بلعت ريقها وبكذب:لا ابتسم الا ماتعاند وتكذب عليه مسح بيده على الجرح صاحت وقدمت نفسها سحب يدها لفها له رفع اصابعه اللي كان على اطرافه دمها شهقت بخوف وتأشر بأصبعها مرر اصابعه على نحرها حتى طبع الدم على نحرها ونزل لصدرها بسرعه مسكت يده بقوة و شدتها بغيظ:احذررر!! ابتسم بخبث وبلعانه اشر لها من فوق لتحت :من راسك لحد ماطاك حلالي انقرفت من حركته لما وسخها بالدم لفت وجهها وبغيظ رفعت صوتها:حتى انت حلالي انفجر ضحك:ههههههههههههه "بلعانه" سوي اللي تبين فيني قلتيها حلالك كورت يدها وشدتها بغضب عضت لسانها بعدت عنه ماشيه وتمتمت:استغفر الله لف وراقبها لين دخلت داخل ابتسم على عصبيتها يحب ينرفزها لأنها بالعربي المختصر تعطيه على جوه رفع عينه لروز اللي واقفه ومبين كانت تراقبهم وكأن الأدوار انعكست قبل ندى واللحين هي لف وعطاها ظهره بعدم اهتمام توجه لمغاسل المجلس الخارجي حتى يغسل يده ويتوضى اما هي دخلت بقرف وانزعاج من حركته بقهر:قسسم بزر وربي حركات بزراان اووف حست بوجع بظهرها دخلت الغرفه شافت فرح نايمه كانت نيتها تصحيها حتى ماتسهرها بالليل لكن فضلت تاخذ لها شور بعدين تصحيها حتى ماتبكي وتزعجها طرفت لها بجامتها اللي جات فيها ماجابت غير لبسين وبجامه وحده حطت ببالها ماراح ترجع لكن السجان خالف امنيتها وتوقعاتها وشدد على الحراسه و اصبحت المنفيه بحكم المنسيه!! لن اكون مثلما كنت احدى نزواتك يكفينى عذابا وغرورا سوف انسحب بعيدا لن اكون رقم فى مفكرتك او احدى نسائك فأنا يا سيدى امرأة متمردة لا اقبل انصاف الحلول اما اكون او لا اكون.. تغيرت كثيرا فلم اعد تلك المراهقة الحالمة.. نعم تغيرت كثيرا حينما وجدتك تستبيح دموعي وتتراقص على انقاض خيبتي .. نعم تغيرت كثيرا حينما استنشقت على ثيابك عطر انثى غيري.. حينمت لمحت على كتفك بقايا انثى لاتشبهني!! حينما بات قلبك مأوى لكل (عابره) تغيرت كثيرا حين رأيتك تراهن الزمان على انكساري!! نعم تغيرت كثيرا تغيرت حين وجدتك تتلاعب بجموح كبريائي وتلقمني علقم اهمالك بجرعات مميته وتوشم على صدري طعنات غيابك واحدة تلو الأخرى ولم تبالي.. معطيه الباب ظهرها فسخت البلوزة وبقت بالبدي حركت رقبتها وتحس بكسل مو طبيعي بتلف شهقت بقوة من وجوده سحبها من خصرها وحاوطها انكتم نفسها من الخوف انتفظت وبسرعه:لا شد على خصرها تحس بيسكر ضلوعها وبنبرة اول مره تسمعها مائله للتهكم :جننتيني ماعمر احد رفض لي طلب والا قال لا "همس بأذنها" لاصار عندك ثأر خذيه مني مو تروحين تحرضين غيري وتخربين بيته ما احد بخاسر بالنهاية غيرك ياحلوه ضيقت عينها بقهر رصت على اسنانها ^ ^ ^ ^ ^ ^ ^ ستووووووب نوقف هنا لنلتقي ببارت قادم اتحفوني بتوقعاتكم الجميله والحياديه وان شاء الله عرفت اتقن لهجة اهلنا اهل الأمارات هههه لكن قبل لا انهي بسألكم سؤال واحد من يستحق نضحي لأجله وندفع اغلى الأثمان؟ همسه** كونوا واقعيين بعطائكم اعطوا قدر ماتقدرون لكن لاتخسرون نفسكم بالعطاء وتنسون انفسكم مهما كان حجمهم بحياتكم..!! بحفظ الله ووداعه تابعوني على الانستقرام missmilano_ | |||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
