آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-11-14, 11:36 AM
| #1 | ||||||||
| مراقبة عامة ومشرفة منتدى الروايات المنقولة  
|  شكيت من حظي وخيبتني ظنوني للكاتبة / بحر الغلا (مكتملة )  بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعضاءروايتي الغالين يسعدني أن أنقل لكم رواية شكيت من حظي وخيبتني ظنوني للكاتبة / بحر الغلا  قراءه ممتعه للجميع ... | ||||||||
|  |
|
01-11-14, 11:40 AM
| #2 | ||||||||
| مراقبة عامة ومشرفة منتدى الروايات المنقولة
|   رابط لتحميل الرواية https://www.rewity.com/forum/t310261.html#post9638457 رواية شكيت من حظي وخيبتني ظنوني كاملة رواية شكيت من حظي وخيبتني ظنوني كاملة للكاتبة بحر الغلا شكيت من حظي،،، وخيبتني ظنوني % الجزء الأول % اخيرا رجعت لأرض الوطن بعد غيبه سنين يآآآه ياني مشتاق لديرتي وهلي واحبابي ... رحت وان كسير.. مجروح ,, ضعيف .. واللحين غير أنا صقر سالم الـ.... وقف في المطار وعينه فيها لمعه غريبه .. مدري هي شوق .. ألم.ولا شي ثاني وتذكر شلون كان وشلون غيرته السنين وحولته من مراهق الى رجل شرس يدمر كل اللي حوله اذا ضاع له حق... وديع مع احبابه (صقر) بس هذا المره اخر مره مستحيل اترك ديرتي راح استقر هنا وابدا بخطتي اللي انتظرتها سنين ... ماجد : هلا والله يامرحبا يامرحبا نورت الديره واهلها ياشيخ . صقر بابتسامته المايله واللي يشوفها يقول ان فيها سخريه: هلا بك زود بوجودك ياماجد ماجد : وش اخبارك وش مسوي اظن شبعت بما فيه الكفايه غربه ؟ صقر مسح على شعره الأسود اللي كان طويل شوي : الحمدلله وتوني اقول بخاطري توبه اهاجر دراسه وخلصتها واخذت الخبره الكافيه وش اخبارك انت وش اخبار خالي وهلي كلهم اشتقت لكم وربي ماجد : بخير الحمدلله في خير ونعمه ومثل ماوصيت ترى مايدرون مسك شنطته وماجد اخذ الشنطه الثانيه يساعده صقر : هههه اكيد ماراح يصدقون لما يشوفوني قدامهم وهو يتخيل شكل امه اللي يحس انه كل ماكبر احتاج لحنانها اكثر واكثر ,, ناظر في ماجد وابتسامته مازالت راسمه على فمه : الا وش اخبارك مع كورتك المتحركه ؟ ماجد رفع عينه وهي يدخل الشناط السياره : هههه أذا بايع عمرك تكلم عندها وقول اللي قلته ترى صايره كبريت ماقول كلمه الا وتمد بوزها .. ياخي الحريم غريبين بكل شي صقر : لا ياخوي تراك ناسي اللي تتكلم عنها ... اصحى يالحبيب هذي العنود اختي مو أي وحده ماجد : وانا اشهد هذي العنود حبيبه قلبي وتدري اني لو ماخذتها كان صابني شي ؟ ماجد اغلى اصدقاء صقر تؤمه هو صديق بمعنى الكلمه وغير كذا ولد خاله... وزوج اخته العنود .. هم نفس العمر 30 سنه واكبر عيال خاله ( صالح )وله معزه لانه كان صاين هله وقت غيبته ماقصر عليهم بأي شي نروح لبيت ابو صقر ( سالم ) ابو صقر متوفي من زمان .. ام صقر (غاليه) مره عاقله وحنونه وبكرها صقر بالرغم من معالم وجهها اللي غطتها تجاعيد تعب الفراق اولها زوجها وتاليها ولدها الا ان الجمال مازال يظهر فيها ( صقر ) 30 سنه .. رجل عصامي .. ذكي.. غامض.. وغير هذا كله درس برا وحصل على شهادات عاليه واشتغل فتره في شركه اجنبيه واخذ خبرات من دراسته وتجربته في الشركه كان لها فوائد بالنسبه له. كان من الصعب التنازل عن صقر لدرجه ان راعي الشركه حاول معه كذا مره انه يستقر ويزيد راتبه بس صقر تعب غربه واخذ اللي يبيه من خبرات وقرر يرجع .. راح تبان باقي شخصيته مع الاحداث الجايه ^_^ ( العنود ) 25 سنه . مدرسه انجليزي ، انسانه حبوبه وطيبه حيل تملك من الجمال الكثير وهي زوجة ماجد وعندها ولد اسمه ( طارق ) وهي حامل في الشهر الخامس ( الجازي ) 20 سنه تدرس في الجامعه وتخصصها احياء ...تعشق تخصصها اختارته عن قناعه .. مايظهر هذا الحب الا وقت الامتحانات .. جمالها بدوي مره .. مرحه .. تعيش يومها وماتفكر في بكره .. يعني باختصار ماخذه الدنيا بسهوله وبايعتها الجازي : يمه تعالي فديتك شاعر المليون جا ام صقر : من متى ؟ لايكون راحت علي ترى مايصير لك طيب انا قلتلك اتركي عنك الاغاني والكلام الفاضي الجازي : بسم الله عليك يمه اقولك تو مبتدي هذا هو شوفي توه يرحب المذيع والله قمت اشك انك ترسلين وتصوتين لهم ههه العنود : يالجازي ممكن تسكتين قبل اشيل الصينيه فوق راسك .. ماني ناقصتك ترى طارق غصب نام وريحني الجازي : ياساتر كل ذا عشان ولد العم مشارك فيه ؟؟ ام صقر عطتها نظره حاده سكتتها , الجازي :هه سكت وحطت يدها على فمها وناظرت التلفزيون بصمت وابدت الحلقه ودخل اللي كانوا ينتظرونه جراح ناصر الـ.... الجازي هذا جراح ماصدق عندي ولد عم جرح على اسمه ههه صدق ياويل حالي من البنات اللي متسدحين عليه اثره كذا وانا مادري ؟؟؟ ام صقر : ماشاء الله عليه والله انه يذكرني بخوكم فديته نفس رزته ومسحت دمعه شوق نزلت على خدها صقر : من هذا اللي يشبهني ؟؟؟؟؟ ألتفت امه على الصوت ماهي مصدقه .. والجازي بسرعه وقفت العنود ظلت جالسه منصدمه وتفرك عيونها !! ام صقر : صقــــــــر ؟؟ وجلست تصيح وتضمه بقوووه العنود قامت بصعوبه ومسكت امها وباست اخوها وضمته وهي تبكي وتمسح على كتفه الجازي بعبره وبروحها المرحه : خلاص لو سمحتوا مانتهى المسلسل حقكم والكل ضحك عليها ، وهي اركضت على اخوها وضمته وسلمت عليه بشوق أي هذا اخوها الكبير مو بس اخو بالنسبه للجازي هو ابوها اللي راح كان هذا كله يدور في بالها وماحست الا بيد صقر يمسح خدها بحنان صقر بابتسامه: من اللي سوى فلم هندي الحين؟ العنود : والله لعيونك نسوي اكشن لو تبي ام صقر جلست ولدها : ها ياولدي وش حالك؟ وش هذي المفاجأه ؟ من اللي جابك؟ صقر ضرب راسه : يوووه نسيت الرجال برا !! يالجازي روحي ألبسي جلالك ترى ماجد مسكين لطعته بالحديقه الجازي : ان شاء الله وراحت غرفتها تلبس العنود بغيض: انا اوريه النذل اجل هو عارف وساكت سويتوها علينا ياثنين!!؟؟ صقر: ههههه طيب شوفي شغلك اليوم وريني وش بتسوين ؟ العنود بحياء : طيب بروح اناديه صقر : لا اجلسي انتي يالله تقومين اروح اناديه انا / / / / الريم : يالله على اخوي يهبل ياربي خله لنا ام جراح : بسم الله على اخوك الله يحميه من عين الحاسدين ماكأنهم اخروه ياليته الاول الريم : يمه الله يهداك وش الفرق هو الثالث دوره بعد العماني شوي وبيجي يلقى درر شعره ههه ام جراح : انتي سجلتي الحلقه ترى ابوك يبي يشوفها؟ الريم : أي أي يمه وراكان قالي بعد لانه في النادي مايقدر يشوفها ام جراح : سبحان الله كان جراح وصقر تؤم باشكالهم بس ماندري وش صار على صقر وش سوت به غربته والله من يوم توفى عمك وهو ماينعرف له تصدقين يابيتي كاسره خاطري امه اكثر من تسع السنين متغرب ويالله يجيهم بالقطاره مدري وش لقى في بلاد الكفار ؟ الريم : الله يرجعه لهم سالم عاد يمه نفسي اعرف ليه مانزورهم كثير ؟ مادري ليه القطيعه؟ ام جراح : يابنتي ماقطعنا بس مشاكل وان شاء الله قدوم صقر خير لنا الريم : يمه الله يهداك مابعد شفت الجازي الا قبل ثلاث السنين والعنود لولا انها معلمه في مدرستنا ماكان عرفتها اما ولد عمي اللي يقاله صقر لو يمر من جنبي ماعرفته نتكلم عن عائله ( ناصر ) ابو لافي ام لافي (مزنه) :توفت بعد ماخلفت لافي , وضحى بعدين وصت قبل لا تموت انه يتزوج اختها ( سعاد ) لافي اكبر واحد بكر ناصر: عمره40 سنه متزوج من بنت خاله هاجر وعنده شوق:19 سنه جميله وهاديه حيييل وفي حالها وتدرس ثالث ثانوي وفيصل :15 سنه , يحب يتهندس في اي شي خربان ويصلحه فهد : 12 سنه ملقوف لاخر درجه ومأذي غلا الدلوعه واخر العنقود والدلع كله غلا 7 سنين وضحى : 32 سنه متعذبه مع ام زوجها بسبه العيال لانها صارلها تسع سنين ماحملت وزوجها يحبها ميت عليها وماخلت مستشفى عشان تتعالج فيه بس يقولون ان كل شي سليم وهذا شي راجع لرب العالمين وهي متزوجه اخو ام ماجد ام جراح ( سعاد ) مره طيبه حيل وحنونه وعلاقتها بام صقر حلوه ولولا ابو ماجد اللي حاشر نفسه ويمنعهم ويتمشكل بروحتهم لعند عمهم ابو جراح ولا كان علاقاتهم احسن اكبر عيالها جراح : بنفس عمر صقر 30 سنه طيوب وحبوب حيل وانسان مرح يحب الجمعه والفله شاعر له احساسه ومشاعره اللي ماحد يعرف عنها شي، رجال بمعنى الكلمه وقت الشدايد ينقلب ويصير شخص ثاني راكان : 25 سنه حياته الرياضه والكونغ فو محامي وماشاء الله عليه فاتح مكتب محاماه وغير كذا المحامي الخاص لشركة العائله الريم : اخر العنقود لان سعاد ماقدرت تجيب عيال بسبة العمليات القيصريه اللي اثرت على صحتها الريم 19 سنه واخر سنه لها بالثانويه ملامحها مخططه جمالها طاغي ونعومه لدرجه جذابه واكثر بنات المدرسه معجبات فيها وغير كذا خلوقه مره ومتفوقه وصديقاتها شوق بنت اخوها وليان بنت جيرانهم بنفس المرحله / / / تغيرت ملامحه واصبحت اكثر حده . انتبه له ماجد اللي مد ايده ماجد : الأخ سرحان وين فين ؟ الا ياخالتي وش رايك نزوجه عشان يركد وتضمنين جلسته ام صقر : وه هذي الساعه المباركه والله كثر البنات بس يأشر صقر بملامح بارده : هذا جراح ولد عمي مشارك في شاعر المليون من متى؟ كل واحد يطالع في الثاني هم يعرفون وش كثر صقر حساس من عمه واي احد من طرفه العنود : ماجد تعال ابيك شوي وراح معها وفكره مشغول بصديقه مدري وش يفكر فيه وين بيوصل؟ ام صقر : ياولدي هذا عمك مهما صارلك معاه مفروض ماتقصر بحقه وتقطعه ياولدي والله ماهو مقصر معنا وناظرت في الجازي على اساس تقوم وتخليهم الجازي : يمه انا بروح استعجل العشا عن اذنكم ( نفسي اعرف وش السالفه وش هذا الخلاف اللي محرم علينا مانشوف عمي وعياله مثل الخلق ؟ ليه ياربي وش هذي القطيعه ؟ رغم اني احس بالارتياح والامان يوم شفتهم اخر مره ؟ ) صقر وملامح القسوه اظهرت في وجهه : يمه مابي اتكلم بالموضوع وعلى فكره انا ماني سفيه تراني كبير وكل شي بتشوفينه مع الايام ( اذا ماعلمتهم من صقر ولد سالم .. اذا ماعلمتهم مراره السنين والقهر ماكون ولد ابوي ) حب راس امه وتحولت ملامحه للحنان : يمه خلاص غربه مافيه عزمت استقر هنا واشوف اوضاعنا ام صقر بفرحه : الحمدلله ياربي اخيرا ياولدي اخيرا العنود مع ماجد جالسين بالحديقه عشاق بالرغم انهم صارلهم اربع سنين من تزوجوا العنود بحيا: ماااجد وانت بتجلس تناظرني كذا ؟ ماجد : وش اسوي احبك يالعنود ماشبع من شوفتك لولا ذا اللي مخرب علي وشاغلك عني كاني مبسوط وهو يأشر على بطنها العنود : ههههه الله يرج عدوك عاد هذي بنتي مافيه مثلها ماجد : الله لنا وين ولدي بس ؟ العنود : نايم فديت ابوه ؟ ماجد : أأأخ منك تبي تموتني هذي العنود : ماجد صدق خلاص صقر بيستقر هنا ؟ ماجد : ايه ياقلبي بس ماودك نمشي تراني مشتاقلك صارلك عند اهلك يومين ارحميني يابنت العنود : ماجد ابي بعد اليوم تسمح لي انام هنا عشان اخوي فديتك والله مشتاقه له ماجد بزعل مصطنع : وانا يالفقير ماحد يشتاقلي مافيه لا روحي جهزي اغراضك العنود بترجي: حبيبي تكفى والله اليوم وبس مسكت يده ماجد ذاب عليها : لالا ماقدر اذا فيها حبيبي طيب بشرط ؟ العنود وهي عارفه حركاته تعودت عليه تحبه وتحب كل شي فيه طيب حنون زوج وحبيب ومخلص لها وصارله اخ بعد غياب صقر : لو تبي عيوني لك بس انام اليوم؟ ماجد قرب منها واشر على خده العنود : يوووه ماجد لو احد يجي ويشوفنا فشله ماجد : ماعلي منك اذا تبين تنامين هنا سوي شرطي؟ العنود مسكت خده بحنان ومسحت عليه وباسته ....: ياسلام والله وش هذي الحركات كأنكم مراهقين.. هذا وانتي متوعدته لانه ماعلمك بجيتي استحت العنود وحمر وجهها وناظرت في ماجد اللي متشقق من كثر ماهو مبسوط قامت بس مسك يدها وجلسها : ياخي وش علينا منك زوجتي وحر فيها صقر بعصبيه وفي داخله فرحان ان اخته مرتاحه مع ماجد : لا ياشيخ طالما هي في بيتنا ماله داعي الحركات هذي ماجد : اقول مالومك ماعند وحده مثل العنود ماجربت الحب ولا ماكان قلت هذا الكلام ياصديقي العزيز صقر : ههههه خليته لكم العنود امزح وجهك صاير احمر هههه العنود : طيب وين امي ؟ صقر : يجهزون العشا العنود : عن اذنكم بروح اساعدهم وقامت وقبل ماتدخل قالها صقر تجيب ولدها طارق ماجد : زين ارتحت خربت علينا الجو اف منك صقر : اركد انت وجهك بتطير هي يعني / / / الريم : ياااااي يجنن جراح صح ليان ليان وهي تكلمها تلفون وتبعد السماعه عنها : طيب ترى صوتك سمخ اذوني يامال اللي ماني بقايله الريم : ههههه حشى عجوز مو بنت ليان : لو سمحتي بهذي المناسبه وتصويت الجمهور لاتجين بكره ويدك فاضيه الريم : اكييييييد بس انتي وش تجيبين ؟؟ ليان : ماعليك بجيب لك شي يحبه قلبك بس كلمي المفهيه شوق وعلميها تلقينها نايمه الحين ولا على النت الريم : طيب ياللا اجل باي قلبي ليان : مع السلامه وخلي قلبك لك الريم : ههه مافيه رومنسيه الله يعين اللي بياخذك ....: بوووووووووو الريم وهي تصارخ : يييييييمه وجع اللي ياخذ العدو ماحد بموتني غيرك راكان : بسم الله عليها الرومنسيه هع هع الريم : وانت ماكلم ليان الا وتجسس علي هاه؟ راكان : صدفه انتي وصديقتك العربجيه نفسي اعرف وش اللي مخليك تصادقينها وهي شخصيتها ماتركب على شخصيتك كيف صرتوا صديقات واندمجتوا مادري؟!! الريم : والله بلاك ماعرفتها ولا ماقلت هذا الكلام عالعموم لو سمحت لاتكلم على حبيبة قلبي فاهم ؟ راكان : اعصابك ياختي ترى ذاك اليوم اللعنة خيري تفكرني انتي ماخلت سبه الا وقالتها لي حشى عجوز بالعه راديوا الريم : ههههههههههههه متى يامال العافيه ياركين ؟ راكان : اصغر عيالك انا ؟ روحي ماراح اقولك ؟ الريم : لالا تكفى قول النذله ماقالت لي اثرها تخبي عني اوريها الدبه راكان وهو يأشر بيده : وين امي ؟ الريم : راحت تهمز ابوي عاد قول وش صار مع ليان ؟ راكان : اول جيبي لي عشا الريم بغرور : انا الريم ناصر الـ.. ادخل المطبخ واجيب لك عشا راكان : عن الغرور ربي لايعاقبك وتاخذين واحد يخليك تقشرين بصل ليل نهار الريم بخوف : ماعاش من يشغلني عنده يالله بروح اجيب لك عشان تقولي وش سوت لك ليان راكان ضحك على اخته .. يحسها طفله مهما كبرت .. حنونه عليهم .. خوافه .. مدري كيف تواجه مشكالها مع زوجها بعدين .. حساسه لبعد الحدود عكس ليان اللي احس شخصيتها قويه .. وانا وش دخلني اقارنها بليان ياربي من ذي الليان اللي افكر فيها من بعد الموقف وضحك يوم تذكر اخر موقف لها / / / شوق صوته فيه النوم: زين ان شاء الله ليان تامرين امر انتي ليان : والله ادري ان عمتك ماعليها ركنه قالت لي بتكلمك بس اعرف حركاتها البايخه شوفي ياويلك اذا جيتي ويدك فاضيه اكسرها لك > مستقويه عليهم شوق : ياليان خليني انام قبل تخرب علي امي نومتي ليان : نومة اهل الكهف الحين احد ينام هذي الحزه قومي ولاتبين طول الليل عالنت يابنت ترى الامتحانات قربت وانتي عارفه انها اخر سنه لنا شوق : استريحي امي اخذت الاب توب عشان سالفه اخر سنه والله اني مقهوره منها ليان : احسن شي سوته خالتي فيك انتبهي للامتحانات ولاحقه على النت وسوالفه شوق : طار النوم من عيني وش اسوي الحين الله يهديك؟ ليان : روحي شوفي حلقه شاعر المليون الاعاده الساعه 1 ترى عمك جراح طلع والقى شعر لانه في مرحله ماقبل الاخيره شوق: يووووو نسيت الحلقه وانا ودي اشوفها مباشر ياربي خساره ليان تبي تقهرها : والله طالع يجنن خقاق واكيد بنات المدرسه بكره بيسون عرس عشانه دخل مرحله ماقبل الاخير بس كأن عيون زايغه شوي وهو يناظر المذيعه جعلها الفتاق شوق: لاحول حتى المذيعه ماسلمت من اللسانك ليان : هههه طيب يالله سلطان ينادي مدري وش يبي شوق ارتبكت : زين باي ( ليان ) انسانه روعه بمعنى الكلمه مهستره حركاتها عربجه بس طيبه مره وعقلها يسبق سنها وتتصرف في الامور بحكمه وعشان كذا يحبونها شوق والريم هي عندها اختين متزوجات وكل وحده في مكان بحكم شغل ازواجهم وعندها اخوها سلطان تحبه حيل لانه مهتم فيها والوحده في هذا السن محتاجه لحنان الاخ ابوها رجل اعمال ملتهي باعماله وامها حرمه كبيره واخوها الكبير ابراهيم متزوج من بنت عمها العقربه وصاير خاتم بصبعها لدرجه انه مايزور هله الا بالشهر مره ومن كثر ماهي تتكلم عن سلطان بدت شوق تميل له شوق : ياربي ماصدقت انساه شوي تجيني تذكرني فيه والله غصب عني احس براحه اذا شفته وهو جايب اخته المدرسه حنانه واهتمامه باخته يخليني اتعلق فيه اكثر انزعت منها الافكار وتعوذت من ابليس ونزلت تتعشى وتشوف الاعاده لحلقه شاعر المليون / / سلطان : ساعه من تكلمين انتي ؟ ليان : اكلم المفهيه شوق ؟ سلطان :طيب توني جاي من النادي انا وراكان العله وجوعاااااااااان ليان تسمع اسمع راكان وتعصب مدري ليه : ليه ماعشاك حضرته وش ذا البخيل؟ سلطان : من اللعانه اللي فيه ؟ احسه عدو مو صديق ههههه ليان بداخلها : مالت عليه ويا وجهه البايخ سلطان : ماقلتي لي وش اخبار الريم ؟ شكلي كذا بخطبها ليان : وه ياسلام بس منى عيني تتزوجها تصلح لك ياخوي عاد الريم مو أي وحده سلطان : ماجنني فيها غيرك / / / الريم : هههههههههههههه آآ ه يابطني وانا اقول وش فيها البنت من تسمع طاريك الا تعصب اثر كل ذا صار معها راكان : هههه خليها تستاهل على بالها انتي ساكنه بلحالك خليها تتوب لو تشوفين شكلها حسيت انها انحرجت بس تبين الصدق؟ والله مؤدبه مارفعت عينها ولا ناقرتني تذكر تفاصيل الموقف يوم طقت الباب وراحت الشغاله تفتح ليان : افتحي الباب ياريم احمصتني الشمس جعل النار تحمص عدوك كان راكان طالع ومستعجل وخلى الشغاله تدخل وهو اللي بيفتح لانه في طريقه وسمع كل الكلام وضحك من قلب بس في داخله .يبي يشوف وش نهايتها فتح الباب وانفتح شوي ومن دفاشتها وحرتها فتحت الباب كله برجلها راكان لو انه مامسك الباب كان صك راسه وتعور ليان بعصبيه : مالت علي انا اللي نزلت نفسي لك وجيتك لو ادري على ..... وقفت من الفشله هذا اخوها مو الريم راكان يبي ينرفزها : وانتي داخله علينا بشرك بغيت اروح فيها منك ليان نزلت راسها وسكتت : الريم موجوده ؟ راكان بيموت ضحك : ايش ؟ وين اختفى صوتك ماكنه انتي اللي تسبين وصوتك واصل للاخر الحاره ؟ تفضلي اكيد انتي اخت سليطين الريم داخل ومشت بسرعه ويسمعها تتكلم بصوت واطي شكلها تسب وضحك لين قال بس / / / طول الاسبوع اللي مر عليه كان يخطط وفكره مشغول ومن يوم لقى خاله اللي يشوفه اب ثاني له بالرغم من الكل يسب اخلاقه كأن عيونه فيها غشاوه مايشوف عيوبه ابو ماجد انسان طماع يحب الفلوس بس مهما كان خاله ومستحيل يشك فيه مهما كانت درجه شجعه يظل خالي ويبي مصلحتي عائله صالح ابو ماجد ام ماجد:انسانه مغروره ماهمها الا مكانتها في المجتمع وبس وتشيش امها على وضحى المسكينه بدال ماتكون يد تصلح فهي عكس خالد : 25 سنه ومخلص جامعه البترول والمعادن ويشتغل في ارامكو وحاط عينه على الجازي يبيها بس للحين ماكون نفسه رهف : بنفس عمر الجازي ولكنها مغروره لاخر درجه طالعه على امها وهمها المظاهر ,, صحيح انها حلوه وشياكه بس سطحيه في افكارها وعلاقاتها مع الجازي والعنود عاديه لانها تشوفهم ولا شي عندها ابو ماجد : والله يام ماجد لو ياخذ بنتك بعد ماياخذ ورثه من ابو لافي بنعيش بنعيم بس تهقين يخطبها ام ماجد : ماعليك انت رهف بنتي وتربيتي واي احد يشوفها تجذبه وانا فهمتها ان صقر بيكون لها وهي بالعكس متحمسه احد يحصله مثل صقر ويسكت ابو ماجد : طيب احنا لازم نروح لهم نسلم عليهم ونتحمد له بالسلامه ومن مره تفهمين بنتك باللي قلته لك ام ماجد : ابشر ولايهمك / / / دخلت باب الجناح الخاص له بعد ماستأذنت صقر : هلا يمه امري ام صقر : ياولدي خالك بيجي يسلم عليك هو اهله وحبيت اعطيك خبر صقر : طيب جهزو القهوه في المجلس ام صقر : الجازي ماقصرت فديتها صقر : الله يرزقها بولد الحلال اللي مثل ماجد اووه يمه الا العنود بتجي ترا اسبوع ماجات وش سالفتها؟ ام صقر : تعرف الحمال ومايسوي وهذا غير دوام المدرسه تخيل ياصقر انها درست بنت عمك الريم تمدح فيها وفي اخلاقها البنت جميله والكل يمدحها وامها تقول الخطاب ياكثرهم بس توها صغيره صقر بضيق وفي نفس الوقت شي بداخله تحرك غير الموضوع: طارق ولد العنود داخل مزاجي يمه ودي اكله ام صقر : ههههه الله يرزقك بالذريه الصالحه شد حيلك واكل عيالك صقر بضيق : الله كريم نزلت ام صقر وتركته لحاله يفكر في خطط ماندري وش نهاية تفكيرك ياصقر ؟؟؟ / / / التعديل الأخير تم بواسطة فيتامين سي ; 01-11-14 الساعة 01:02 PM | ||||||||
|
| |
|
01-11-14, 11:41 AM
| #3 | ||||||||
| مراقبة عامة ومشرفة منتدى الروايات المنقولة
| الريم تركض تبي تفتح الباب خايفه لاتسوي ليان فضيحه لها ومادرت ان سلطان اللي كان عندهم خارج من مجلس وهي مستعجله وهو مستعجل يبي اغراض من السياره تصادموا الريم ماحست نفسها الا راسها عند صدر واحد رفعت عينها تفكر انه راكان آخر ماتوقعت انه هو !!رمشت بسرعه وعيونها امتلت دموع وهربت سلطان يحس انه في حلم ملاك شوي عليها مسح على وجهه وكأنه يبي يصحى من حلم وفتح الباب شاف اخته ليان : سليطين وجع ليه ماقلتلي انك هنا كان دخلنا سوا سلطان : وش عندك جايه ومخليها امي ليان : استأنت منها لاني ابي افهم مسأله ماراح اتأخر ان شاء الله سلطان : ليان تعذري من الريم تكفين ماكان قصدي ليان فتحت عيونها : وش صاير؟ سلطان : خليها تفهمك مستعجل يالله راكان ينظرني بالمجلس / / وضحى : عبدالله تكفى الله يخليك اذا انا راضيه انت وش عليك؟ عبدالله : انتي مقتنعه ياللي تقولينه وضحى وهي منزله راسها : أيه عبدالله : ناظريني عشان اتأكد؟ وضحى ودموعها خانتها ونزلت : .... عبدالله : حياتي تكفين السيره هذي مابي اسمعها وزواج عليك ماراح اتزوج امي واختي مايقدرون يجبروني على شي ومهما حاولوا ماراح يأثرون علي وضحى : بس .. عبدالله مسح دموعها وخذها وضمها : اذا ربي كتب لنا عمر راح يرزقنا وضحى : متى ؟ متى ؟ عبدالله : متى ماقال كن فيكون بعدين لاتقنطين من رحمه الله ترى انتي مؤمنه وانسانه عاقله وضحى ناظرت فيه بكل حب : عبدالله احبك ربي لايخليني منك بس تعبت من كلام اهلك تعبت من المستشفيات عبدالله : انا اموت فيك بس ابيك قويه مثل اول تحملي عشاني ياقلبي وضحى ماتدري وش شعورها بس يجي يشيل كل الالم والقهر اللي تحس فيه من اللي حولها عبدالله حياتها تاج راسها ضمته بقوه ونست كل السموم اللي يرمونها بها / / صقر وهو كاتم الغيض اللي بقلبه : هلا فيك ياخالي ابو ماجد : هلا فيك ياصقر صقر التفت لخالته : وش اخبار يام ماجد ؟ ام ماجد : بخير الله يسلمك الحمدلله على سلامتك رهف قطت وجهها : اخبار صقر ؟ وكيف برا اكيد روعه مو هني حر وزهق اكبر الماراكات هناك خاطري اتسوق من هناك الجازي سكتت وهي محتره من تصرف وجراة بنت خالها لانها شافت وش سوت صقر وهو يجامل : بخير الله يسلمك كان قلتي لي اللي تبين وجبته لك بابنت الغالي ام صقر : يالجازي قدمي الحلا لخالك علامك؟ قدمت الحلا للكل ابو ماجد في خاطره : ورا ماناخذ الجازي لخالد ونضمن حقوقهم لنا شوف تفكيره وطمعه وين وصله يفكر في بنت اخته على اساس الماده صقر وهو منزل راسه :معقوله اخت ماجد بهذي الوقاحه قلت ادب صحيح والجازي : تناظر رهف اللي تميع بكلامها مع امها حست الجازي بضيق اخوها منها : رهف تعالي هناك ناخذ راحتنا في الغرفه وهي تمشي مشيه كلها غنج واغراء وصوت الكعب يضغط على راسه بقوه صقر في نفسه : يحز بخاطري انك اخت الغالي كان صقر العروبه في دمه مهما غاب سنين ماتأثر فكره بيظل رجل شرقي بدوي وبتظل البنت الخجوله في نظره هي اللي تفتنه وتقربه وهو اللي شافه من رهف جرائه وقاحه وبدال ماتقربه منه بعدته عنه اميال كان في غرفته ونزل يشوف خاله بس تفاجأ برهف اللي كانت لابسه قصير وعاري ماينكر انها حلوه غض البصر وتنحنح بس ماتحركت وكأنها قاصده انه يشوفها الجازي : رهف ماتسمعين اخوي يبي ينزل اللبسي عباتك وتستري رهف : اوووه اسفه كنت سرحانه يووه فشله صقر عصب من داخله اخلاقه وغيرته على عررضه ماتسمح له حتى ولو هي بنت خاله | ||||||||
|
| |
|
01-11-14, 11:43 AM
| #4 | ||||||||
| مراقبة عامة ومشرفة منتدى الروايات المنقولة
| الجزء الثاني مدري تحس نفسها متفشله بعد موقفها معه ماله وجهه تقابل حتى اخته ليان : لو سمحتي انا جايه اذاكر مو اسرح معك ياقلبك الريم : ابد معك بس .. ليان : وش السالفه ترى سلطان لقاني قالي اعتذر منك وماهو قاصد بعدين معكم هو يقول خليها تعلمك وانتي ساكته الريم تضايقة ليه يشوفها بهذا الشكل وش بيقول عنها متفشله بقوه وماتدري وش تسوي ليان : الريــــــــم ؟؟؟ الريم : يمه وش فيك؟ ليان : وصمه ياخذك اقولك الحين تقولين وش السالفه بسرعه؟ قالت لها الموقف وضحكت ليان لين قالت بس الريم بعصبيه : مافيه شي ياهانم ولاتنسين اخوي راكان وموقفه معك ولاتفكرين ماعندي علم ليان تغير وجهها : وش موقف انت وخشتك؟ الريم : موقف راكان اخوي ماغيره ليان سكتت وهذي المره اضحكت عليها الريم بعد شهر من التعب والسهر انتهت الامتحانات والكل مبسوووط الريم : يالله احاتي ليان : طالع هذي تحاتي النتيجه توها مخلصه اقول امشي ياشيخه بس عندي لك سالفه يحبها قلبك شوق: طيب قولي ليان : اخوي سلطان .. شوق فز قلبها ولاحظت الريم لانها عندها علم بالموضوع بس دايم تنصحها تنساه وتتناسى مشاعرها الريم برود : وش فيه اخوك المصون ؟ ليان :شوق انتي دريتي عن موقفه مع الانسه الريم : ليــان !! ماله داعي خلاص شوق: ليه ياعمه ماني بصديقتكم يعني من متى تخبون علي ؟ الريم : ياشوق الموقف مايستاهل ليان : اذا مايستاهل ماكان صار الشي اللي حلمت فيه ؟ شوق: وش صار اول علموني ؟ ليان حكت كل شي والريم منزله راسها شوق حست بغيره بس سكتت ليان : الحين ياغبياء مادريتوا ليه حطيت هذي المقدمه عن الموقف شوق بضيق : لا ليان بفرحه : لأن سلطان قرر يخطب عمتك يالخبله هنا ثنتين انصدموا الريم انصدمت لانها كسرت قلب بنت اخوها من غير قصد وشوق حبها لسلطان اللي ماتدري شلون نما في قلبها وماهو راضي يمتحي / / / ابو لافي : وصارله شهر وشوي ولا احد داري تخيلي ان صارله اسم في السوق وهيبه ذكي الصبي هذا بنا نفسه ودخل دخله قويه ام جراح : انت الله يهداك مفروض تعزمه وتصفي قلبك معه لمتى بتظلون كذا علمني؟ ابو لافي : وانتي ماتدررين وش سوى يعني ؟ ماقدر انسى وش صار بعد وفاة ابوه تغير ومايفكر الا بالورث ويقول كلام واتهامات باطله ماهو صقر اللي ربيانه هذا شخص ثاني والله اعلم من اللي غيره ام جراح : يابو جراح مهما كان هذا ولد اخوك ؟ ابو لافي : وانا ماقصرت مع اهله وهم اللي اقطعوا ولكن مصروفهم وكل شي لهم ياخذونه حتى دراسته برا كنت اتكفل بمصاريفه من غير مايحس / / / صقر اسس شركه صغيره وجالس بالمكتب يفكر الحين ياصقر لازم تبدى باول خطوه تسويها اظن الخطه ورسمتها بقا التنفيذ ماجد : سلام عليكم صقر باشا صقر ضحك من هبال صديقه : عليكم السلام ماجد : شلونك ياصقر ؟ وانت ماترتاح ليل نهار تشتغل صقر : اذكر الله تعرفني ماحب الكسل ويرفع حاجبه مثل بعض الناس ماجد بثقه: شوف انا وانت مثل بعض والكسل ماهو من طبعنا صقر : انا اشهد ان الكسل انت اللي مخترعه ماجد :ههههههه الله يرجك ياشيخ كأنك تدري انهم عطوني انذار على التأخير صقر: اقول ماجد تمسك بشغلك وخل عنك الرباده انت الحين مسئول عن عائله ماجد : ان شاء الله مسك قلم وجلس يطقطق فيه على المكتب ماجد : خير صقر تفكر في شي؟ صقر : ودي اروح لعمي اسلم عليه ماجد فرح من داخل : كفوا والله صقر : اللي قاهرني انه عارف اني هنا ولاكلف على نفسه يرفع سماعه ولا يعزمني ماجد : صقر انت تدري ان اللي سويته ماهو هين صقر بعصبيه وألم: واللي سواه لي هين ياماجد . انه يطردني من مكتبه قدام الله وخلقه . هان كرامتي . وخلاني ماسوى ريال مسك القلم بقوه لدرجه انه انكسر من قوه المسكه ماجد : بس انت ماتدري وش صار لانك سافرت على طول و.. قطع عليه صقر بصوته الجهوري: ولا ابي اعرف شي ، بس هذا انت تشهد ان حقنا ماراح يضيع ، وكرامتي برجعها بطريقتي / / / لافي : مبروك ياشوق وعقبال النتيجه شوق بحزن : الله يبارك فيك يارب ام فيصل: وش فيك مو فرحانه ؟ ماشتقتي للاب توب حقك؟ شوق : الا بس ودي اروح انام للحين ماشبعت نوم لافي : افا الحين من يوم جيتي من المدرسه وانتي نايمه وتقولين ماشبعت مايصير كذا وش اللي مكدر خاطرك يابنتي؟ فيصل ويسوي نفسه زعلان : ايه دلعها واحنا لنا الله غلا وهي تحط ايدها على خصرها بدلع : وش عليكم منا احنا يالبنات زينه الحياه نط فهد اول ماتكلمت غلا: اسكتي انتي يالبزر غلا: ماكلمتك انت فهد : صوتك ينرفزني مابيك تتكلمين رجاء لافي ابو فيصل : خلاص لاتبتدون موالكم شوق: عن اذنكم شبعت ام فيصل : يمه ماكلتي عشاك شوق : والله شبعت اتركت امها وابوها في حيره وش فيها شوق متضايقه ؟؟؟ / / وضحى : خلاص يالريم ترى مهما كنتوا زعلانين من بعض راح تتراضون الريم : ماظن ياوضحى ماشفتيها شلون تكلمني من غير نفس وضحى : طيب ماتبين تعرفين وش اخر تطورات ام ماجد اخت زوجي ههههه الريم ضحكت لانها تحب وضحى ودايم يشتكون لبعض هي قالت ان شوق زعلانه منها بس ماذكرت السبب : لا وش سوت بعد؟ وضحى : ههههههه ماني قادره كل ماتذكرت اضحك الريم : اها يالله قولي ؟ وضحى : مسويه عمليه في شفايفها وطالعه استغفر الله العظيم الريم : ههههههههههههه ياويلي للحين تشوف نفسها صبيه وراعيه هذي الحركات يازين نعمه ربي وضحى : عندي لك مفاجأه حلوووه بتفرحك الريم بفرح : وش هي؟؟ وضحى : انزلي وراح تشوفينها اللبست الريم بعد ماتعدلت نفسيتها شوي ونزلت تشوف وهي متلهفه وش المفاجأه / / / ام ماجد : يمه مايصير من اول مره تحكمين رهف : يمه احسه بارد حتى ماتحركت فيه شعره مايعجبني الرجال اللي كذا اف منه زهقني ام ماجد : لاتيأسين لو تدرين بالملايين اللي وراه اللي بتغرقك وتخليك تلبسين وتكشخين وتسافرين وين ماتبين رهف اللي اندمجت لانها تحب هذي السوالف : بحاول يمه الله يعين بس يعطيني وجه شوي / / / سلطان : يمه وش اسوي بالخبله بنتك؟ ام ابراهيم : ماعليك منها هذي اللسانها متبري منها؟ ليان : الحين هذا جزاي اني مهدت لك الموضوع عند البنت صدق ماتنعطى وجهه سلطان : الحين مفروض اشاور ابوي واعطيه خبر وغير كذا توها مخلصه امتحانات وتنطين تكلمينها بهذا الموضوع ليان مدت البوز : طيب اسفين بروح اكلمها اشوف وش اخبارها ام ابراهيم : يابنتي العجله من الشيطان لاتتسرعين مره ثانيه ليان : ان شاء الله بس والله من كثر ماني فرحانه بهذا الخبر / / / الجازي : وه بس يازين تعب قسمي زيناه العنود طالعت امها وهي تتحمد ربها : اقول شوفي ماحلاك وانتي مرتاحه الجازي : الحمدلله صارلي ثلاث ايام مخلصه ونايمه والنتيجه بتطلع في النت بعد يومين ان شاء الله ام صقر : الله يوفقك يارب طارق : ديده وينه حالي العنود : والله سحرك ذا الخال ام صقر : فديت ولدي بيجي بعد شوي ياروح ديده العنود : متى يتزوج ونشوف ذريته يايمه يمه ولدك سك الثلاثين وللحين ماتحرك متى ناوي يتزوج حضرته؟ ام صقر : قريب ان شاء الله الجازي : اشتغلتوا عليه ماقول الا الله يعينك ياخوي العنود : انفعينا بدال الهذره فوق روسنا الجازي : امري وش تبين ؟ العنود : اذا عندك صديقه منا ولامناك واخلاقها عاليه ندبسها باخوي الجازي : ماني مستعده اخسر صديقاتي عشان طبع اخوي ام صقر : الله يوجع عدوك وش شايفه اخوك انتي؟ الجازي : يمه يعني ماتدرين انه صعب ماحد يقدر يخترق تفكيره ومزاجه والله قمت ارحم زوجته وانا ماعرفها العنود : بيتغير مع الزواج والشاطره اللي بتكسبه يالجازي ام صقر : ايه يالعنود تذكرت وش رايك برهف ؟ الجازي والعنود بصوت واحد : لااااااااااااااااااا ام صقر ارتعبت : هاو ليه ؟ الجازي : صدقيني ماتناسبه يمه العنود : يمه رهف ماتصلح لصقر تفكيرها ماهو من النوع العميق عكس صقر ام صقر : طيب من برايك ؟ العنود : بصراحه من غير عصبيه ؟ ام صقر والجازي تحمسوا : من قولي ؟ العنود : يمه علاقتنا مع عمي وعياله لازم تتعدل وانا اظن لو نقنع صقر ياخد ياشوق بنت ولد عمي لافي يالريم ترى كلهم اخلاق وجمال ودلال الجازي : والله الريم طيوبه وحبيتها حيل بس تهقين عمي وهي يوافقون ام صقر : والله البنات ماعليهم كلام والله يكتب اللي فيه خير / / / جراح : سبرااااااااااااايز احم احم مساكم الله بالخير جميع احب اشكر كل من صوتي لي واقولهم بيض الله وجيهكم >> يفكر انه للحين في برنامج شاعر المليون الكل : ههههههههههههههههههههههه الريم وهي تنطط وفرحانه لخوها لانه رجع من الامارات : واااااااو جراح اخوي انتبه لها جراح : اختي ياحبيبتي > مثل مايسوي فؤاد بطاش ماطاش الريم تكمل استهبال : اخويا ياحبيبي واحشني مره الكل : ههههههههههههه ابو لافي : ياحيا الله ولدي الله يبض وجهك خذت المركز الثاني والله شرفتنا بشعرك جراح : الله يحيك وجهك ابيض يبه ام جراح : وش حالك ياولدي ؟ لو تشوف وش سوينا يوم فزت ماتصدق كان ودنا بالمركز الاول لكن الحمدلله صوتك وشعرك وصل جراح : اهم شي ولا الشهره ماهمتني همني شعري واحساسي يوصل للجميع وضحى : احم احم نحن هنا ياشاعرنا جراح : هلا وغلا يالحامل والمحمول لانها كانت حامله حلا بيدها سلم عليها كانت وضحى غاليه عليهم ويحبونها حيل لعقلها الكبير وصبرها وتحملها لكل المشاكل اللي تمر فيها وضحى : وش اخبارك الف مبروك ؟ جراح : الله يسلمك بخير الله يبارك فيك الا وين عبدالله وغمز لها حبيب قلبك وضحى وحمر وجهها : بيجي بس عنده مشوار وراجع وظلوا سوالف وضحك خصوصا يوم انظم لهم عبدالله لانهم يحبونه ويعدونه واحد من العايله لاخلاقه الطيبه / / / ابو ماجد : ياولدي تحرك اذا تبي البنت. مابيها تروح من يدك خالد : ان شاء الله ماتروح يبه بقا اسس بيت ماني مستعد للحين ابو ماجد : تسلف منا مناك لاتجلس كذا خالد : الله يهداك يبه مابي ابدا حياتي بديون واحمل همها كل شي بوقته حلو ابو ماجد : كيفك !! / / / شوق : عمتي سكري الموضوع تكفين انا نسيت السالفه بس ماكنت اظن انك تخونيني كذا الريم : والله العظيم ماخنتك اصلا ماكنت ادري وانت تدرين ماعندي مشاعر اتجاهه اقسم بالله ان معزته مثل الاخو وارتاحي ماراح اوافق شوق وحست انها زودتها : لا ماله داعي سلطان ماينرفض الله يوفقك معه الريم : ياشوق صدقني ماله مشاعر بقلبي مو بس عشانك انا مستحيل اخذه وهذا قراري بعدين ماهو هو اللي يفرقنا عن بعض شوق ضمت عمتها وبكت يمكن يخفف اللي بقلبها من ألم سلطان جرحها من غير مايدري وهذا مشكلة الحب من طرف واحد / / / ام صقر : الله يكملك بعقلك ياولدي صقر : دعواتك يمه ام صقر : روح الله يفتحها بوجهك دام نيتك انك تصفون القلوب صقر وكأن دعوت امه ضايقته مايدري ليه ؟ قلبه الطيب قساه وغلفه بالانتقام .. حقده اعماها ان اللي بيسويه بعمه ماراح يحطمه بالحاله راح بيكون فيه ضحايا مالهم ذنب ارتبك حاول يخفي خوفه ويتراجع وتذكر كلام خاله ابو ماجد ابو ماجد بقناع مزيف : حرام يضيع حقكم لو حقك بس ماعليه بس اليتامى الجازي والعنود . مو حرام انك تسكت وهم يتمتعون بحلالكم .. تذكر كيف طردك وهانك لانك تكلمت بالحق لاتنازل ياصقر لاتنازل لاتنازل هذا صوت الشيطان اللي يسمعه وخلاه يتقدم لبيت عمه / / / شوق وهي تتناسى حب سلطان: وينه عمي جراح ؟ الريم : ماتعرفين انه صار مهم الحين راح عنده مقابله وراكان بالنادي اكيد هو على وصول شوق : امك وامي اكيد انهم راحوا يسيرون اهم يجلسون بالبيت في العصر؟؟؟ الريم : هههه مستحيل يجلسون هذا من النوادر شوق : غلا وينها ياويلي امي وصتني عليها قبل لاتروح الريم : قومي ندورها شوق والريم وهو يدورونها شافت فيصل يتهندس في تلفون خربان سألته : فيصل ركز شوي معي ؟ فيصل : الواحد مايعرف يشتغل على راحته يعني؟ شوق : شفت غلوو ؟ فيصل : لا ورجع يكمل شغله سمعت صوت بالحديقه الخلفيه لقت الريم تلعب مع فهد وغلا شوق : وانتوا هنا ؟ الحمدلله بغيت اموت منك يادوبه غلا : بسم الله عليك ان شاء الله اللي يكرهون البنات الريم ضحكت عليها ملسونه هذي البنت ولاتقط نغزات فهد : استغفر الله انا وش مجلسني مع حريم اقوم احسن الريم شافت المسبح وجات في بالها فكره : الا غلا تحبين تسبحين غلا : مالي مزاج ابي االلعب بعروستي فله حركت حواجبها بخبث وفهمت عليها غلا وضحكت ومسكت شوق ورمتها بالمسبح / / فهد : هلا اخوي امر صقر :عمي ابو لافي موجود ؟ فهد : ايه من اقوله ؟ صقر يرفع النظارات من عيونه بغرور : قله ولد اخوه صقر سالم الـ... فهد استغرب ماكان يدري او بمعني اصح مايعرف : والنعم تفضل طالما انك من العايله صقر اعجبه تصرف وادب فهد : الا ماقلتلي من انت؟ فهد بفخر: انا فهد لافي ناصر الـ... صقر : ماشاء الله عليك والنعم فيك دخله المجلس واستأذنه عشان ينادي ابو لافي اللي كان نايم وماخذله قيلوله شوق: ليه ؟ وش سويتي فيني ؟ الريم بدلع وهي تحط صبعها على شعرها الاسود الطويل : كذا مزاج وعشان ماتسرحين مره ثانيه شوق وهي تناظر اختها: وانتي متفقه معها هاه؟؟؟؟؟؟ غلا: هزت راسها وهي ميته ضحك على شكل اختها شوق : طيب اوريكم وركضت الريم وغلا يركضون ويضحكون ودخلو القصر ولانها كانت مغرقه بالمويه والارض رخام وهي تركض شوق طاحت الريم وغلا مايقدرون من كثر ماضحكوا / / ماجد : اخوك هذا خاين شلون يقول تعال واخر شي ماحصله بالبيت العنود : ههه ماتعرف صقر تلقى عنده مشوار وبيرجع بعد شوي ولا مليت مني ماجد : امل من الدنيا ولا امل منك العنود : اسكت امي جات ام صقر : حياكم الله ياعيالي ماجد والعنود : الله يحيك ويبقيك العنود : يمه طارق وينه ماهو كان معك قبل شوي ؟ ام صقر : مع خالته يلعبون فوق ماجد : لاتخرب ولدي مابيه بناتي ابيه رجال العنود : هههه عاد لاتخاف الجازي ماتقصر فيه كله مطاققه معه ماجد : افا تضرب ولدي ام صقر : ههههه يمزحون ماعليك منهم ماجد:الا يايمه وين صقر النصاب ؟ ام صقر : والله راح لعمه ربي يريح قلبه مثل ماريحني مانبي القطيعه وهذا هو راح ماندري وش بيصير ماجد : الله يكتب الخير يارب الحمدلله والله خبر حلو العنود انبسطت مره : الله يبشرك يمه الله يبشرك / / / | ||||||||
|
| |
|
01-11-14, 11:44 AM
| #5 | ||||||||
| مراقبة عامة ومشرفة منتدى الروايات المنقولة
| / ( صقــر ) وانا جالس اتأمل القصر دخلت المجلس وجلست على الكنبه واتأمل الاثاث الراقي كان كل شي انيق ومرتب وريحه العود ماليه المكان دليل على ان الحرمه سنعه سمعت صوت ضحك بس مادري ليه تمنيت اشوف صاحبه الضحكه هذي ، ضحكه حلوه من قلب ، بس مو ضحكه بزر هذي ضحكه كلها انوثه وفجأه انفتح باب المجلس وكان الله استجاب دعاي وادخلت بنت لا اعذروني اذا ماقدرت اوصف مو بنت ملاك بصوره بنت كانت خصل الشعر طايحه على وجهها بشكل عشوائي زاد حلاوتها اكثر ومعها بنت صغيره سكرت الباب بقوه وكأنهم هاربين من احد الريم : آآه تعبت وانا اجري ياويلنا من شوق وش بتسوي فينا غلا : انا مالي دخل انتي اللي رميتيها في المسبح يالريم بس قالت الريم انشرح صدري اسم على مسمى اول مره احس اني ماقدر اغض البصر واللي شفته يخلي الواحد مايعرف يغمض تابعوا حديثهم ولانتبهوا لي الريم : عمتك عمى بعيون عدوك اصغر عيالك انا تناديني ريم حاف غلا بلامياله : ضبطي شعرك بتطيح الربطه الريم كانت رابطه شعرها ذيل الحصان بس من الجري والحركه ارتخت من نعومته كان اسود ليل نااااعم لدرجه مايتجدل من نعومته طويل يوصل لاخر خصرها صقر شفتها شالت الربطه برقه وانتثر ليل سرمدي على وجهه البدر بخفه وغطا ملامح تمنيت اشيل الستاره عشان مانحرم من شوفتها وهي للحين متوتره خايفه ينفتح الباب ويدخل اللي هاربه منه ماقدر اوصف اكثر لان الصغيره تكلمت وشهقت غلا : عمتي شوفي من اللي جالس هناك هنا شفت وجهه قلب احمر وعينها علي بس فيه لمعه خوف وكأنها بتصيح لفت بسرعه تبي تطلع وافتحت الباب وطلعت بس خذت قلبي معها ماحسيت الا بيد البنيه الصغيره غلا : عيب عليك شلون تطالع عمتي الحين شلون نسكتها اف يارجال عيونكم زايغه؟ صقر اعجبتني هذي البنت ملسونه وترص كلام بالرغم من صغر سنها صقر : ومن انتي ياشطوره غلا بعصبيه : الا انت اللي منو ؟ صقر : انا صقر ولد اخو ابو لافي غلا حطت يدها على فمها : يعني تصير لنا ؟ وانا اقول تشبه عمي جراح صقر : ايه طال عمرك / / فهد : ياجدي الرجال يقول انه اسمه صقر سالم وهو بالمجلس ابو لافي : توك تقول اسمه وراح يبدل بسرعه فرحان مشتاق لولد اخوه وفي نفس الوقت خايف يكون جاي بمصيبه فهد نزل قبل ابو لافي وعطى خبر مثل ماوصى جده يسون القهوه ودخل شاف غلا اخته فهد : غلا عيب تجلسين مع الرجال روحي هناك يلا غلا وهي تتكلم بدلع : والله هذا قريبي مو أي رجال ضحك صقر من قلب وحس براحه بس تذكر ليه هو جاي وتغيرت ملامحه لكن قلبه خانه ورجع يفكر غلا طلعت وهي زعلانه لانها فشلها فهد فهد : بنات اخر زمن بعدين ابتسم لصقر اللي كان سارح بالريم وماهو بحوله / / | ||||||||
|
| |
|
01-11-14, 11:45 AM
| #6 | ||||||||
| مراقبة عامة ومشرفة منتدى الروايات المنقولة
| الجزء الثالث الجازي : دقيقه ريناد اسكت طروق المزعج طارق حبيبي ؟ اسكت عشان اعطيك حلاوه طارق : ابي هواوه ؟ الجازي : ان شاء الله بس روح جب الشنطه ذيك وتأشر عليها لانها كانت على سريرها وعطته حلاوه وسكت ريناد : والله ولا الحضانه الجازي : عاد هذا طارق مو أي واحد ريناد: ياحبك للبزارين ياختي الجازي : بنشوف وش بتسوين لتزوجتي وصرتي ام ريناد : لايكثر بس وش ناويه عليه تجيني ولاجيك ؟ الجازي : العنود عندنا الحين خليها وقت ثاني ريناد : طيب ياقلبوو يالله اجل اخليك ولي مكالمه ثانيه معك الجازي : سي يو ريناد افضل صديقه للجازي تحبها حيل وهي انسانه محترمه ، تتعامل مع الناس بكل ادب وتواضع عكس اختها المغروره راح نعرف من هي اختها المغروره بعدين ^_^ / / دخل ابو لافي المجلس وتفاجأ بولد اخوه كأنه يشوف اخوه سالم ايام شبابه نفس طوله وعرض اكتافه ، ذقنه المتقدم شوي واللي يزيد من وسامته ، ملامحه الحاده ، والغموض اللي يكسي وجهه ، سمار بشرته ، ونظراته القاتله اللي تحوي الى عمق التفكير ( صقر ) دخل علي عمي وكانت الفرح تغطي ملامحه ، يالله تغير حيل وكبر صارت لحيته كلها بيضا ، والوقار والزهد يبين من شكله ابو لافي : حيا الله صقر يامرحبا مليون صقر : الله يحيك ويخليك ياعمي ابد ماتوقع عمه يضمه اهتز من داخله بقوه ، خلته يحس انه ولد صغير محتاج لحنان ابوه ابو لافي : القهوه وينها ؟ ناظر فهد اللي كان مبتسم : عمي الحين بتجهز ابو لافي : فهد ياولدي روح للريم ابي قهوتها اللي تبيض الوجه فهد : ان شاء الله صقر داخله : اللي مثلها ونعومتها يشك انها تعرف تسوي شي !! ابو لافي وعيونه تلمع : كيفك ياولدي وكيف الدنيا معك ؟ صقر : بخير ياعمي ماينقصني غير مسامحتك وراضاك عني ابو لافي : ياولدي انسى اللي فات ، احنا عيال اليوم وانت كنت مراهق وماتعرف مصلحتك صقر بداخله : أي هين انسى ياعمي كمل ابو لافي : مانبي القطاعه ياولدي وهلك كانوا فوق راسي وماقصرت معهم بس ماندري هم ليه مايزرون ولايسألون ؟ صقر : مافيه قطاعه بعد اليوم طالما انا موجود ابو لافي : مبروك للشركه الجديده وجعلها مفتاح فرج لك ماشاء الله عليك رفعت اسمنا فوق وخليتني افتخر فيك بشهادتك وشركتك صقر بغرور :تسلم هذي تربيتكم ياعمي / / / شوق : لاحول وانتي من يوم جيتي وانتي تبكين ؟ الريم : لاتلوميني فشله وش بيقولون علي كل شوي طالعه عند رجال شوق : طيب ماكنتي تدرين يعني تقصدين ؟ ولا علينا ذي الحركات عشان مانتقم منك ؟هههه الريم بضحكه : لا والله ماشفتيه انتي شلون كان يطالع فيني شوق وهي تتربع : اكيد اخذتي عقله ؟ الا حلو ؟ يعني كذا جنتل مان الريم : بايخه وانا فاضيه اتمقل فيه شوق : تتوقعين من هو؟ الريم وهي تمسح بقايا دموع على خذها : مادري بس اظن انه شخص مو عادي لان شكله يوحي بمكانته الراقيه واحس فيه ملامح من جراح بس يمكن يتهيأ لي مادري؟ شوق وهي تغمز : ياعيني وقالت ماتمقلت فيه الريم وهي تلف بجهه باب غرفتها لانه انطق : نعم فهد : عمتي يقول جدي سوي القهوه اللي تبيض الوجهه شوق وهي تمسح شعرها بعد مابدلت ملابسه : الا فهد حبيبي من ذا اللي عندنا ؟ فهد ويبي ينرفزها : وانت ليه تسألين عن اللقافه بس راح وخلها ضحكت عليها الريم مع دخلت غلا اللي سمعتهم غلا بحيره : يقول ان اسمه صقر سالم ماصدق انه يقرب لنا مابعد شفته في حياتي كلها شوق والريم ناظروا بعض باندهاش الريم وهي تضرب وجهه: يافشلتي هذا صقر ولد عمي شوق : وش عنده جاي من زمان عنه واصلا اخبره برا الريم بتوتر وقلبها يدق : مادري ؟؟؟امشي تحت معي عشان اسوي القهوه لايفضحنا غلا : بروح لفيصل اعلمه يمكن يقولي شي وطلعني من حيرتي شوق : ههه الحمدلله البنت انهبلت عليه الريم وهي ترجع : غلا حبيبتي انتي بنوته شاطره صح؟ غلا : اكيد الريم : طيب لاتقولين انه شافني وتصرين نمامه غلا : لا لا ماعلم احد بس علمي شوق بعد مو بس انا ؟ شوق : ههههه هذي ملسونه لو اجلس اردادها ماخلصت ياللا قبل يعطينا جدي كلمتين الريم : يالله / / / رهف : وااااي يمه شكلك مره حلو بلوك الجديد شفايفك طالعه تجنن كأنك نانسي عجرم ام ماجد بغرور : فديت بنتي الذوق رهف : مامي ابي اطلع زهقانه ام ماجد : اطلعي احد ماسكك رهف : خالد وماجد مايخلوني براحتي كله يدققون على ملابسي وعبايتي ام ماجد : ماعليك منهم خذي السواق واطلعي مع وحده من صديقاتك رهف وقفت وهي تبوس امها : مشكوره مامي ودقت على وحده من صديقاتها الفري وراحوا المجمع / / / راكان بفرحه : هلا بولد عمي هلا ماني مصدق يوم قالي فهد كذبته ارحب يالله ان تحيه صقر ماتوقع كل ذا الحب يلقاه في بيت عمه : الله يحيك هلا بك سلم عليه وعلى فيصل اللي كان معه واندق الباب وراح راكان يشوف من هو راكان: توكم تجيبون القهوه والرجال صارله ثلث ساعه الريم : امسك اصلا تفاجأنا مادرينا انه جاي راكان : عن الهذره بس روحي جيبي القدوع ترى هذا صقر يعني نفرش له الارض ورد لو يبي الريم : اعصابك هذي شوق جايه وراي وجايبتلك الورد اقصد القدوع راكان : ماتوبين عن التعاليق اوريك وقدم لهم القهوه وظلو سوالف لين جا جراح اللي اخر ماتوقع انه يشوف تؤمه (جراح صقر ماجد) كانوا متعلقين ببعض لدرجه كبيره لكان الشيطان اللي انزرع في صقر فرقهم وراحت اخوته مع جراح وبقت مع ماجد وكان ماجد يحاول يرضي الاثنين بس مافيه فايده وظل متمسك بهم كلهم ، كان ماجد يجيب اخبار صقر ويوصلها لجراح والعكس يعني المحبه باقيه لولا سموم شياطين الانس واللي يزعل لما يكون الشيطان قريبك ومنك وفيك / / / في المجمع مشاعل : شوفي هذا خقاق وربي رهف : من تقصدين ؟ مشاعل : هذاك اللي يناظرك ماشال عيونه عنك رهف : ماعليك منه ؟ شكله حافي منتف مشاعل : هههههه لا اجل طالعي اللي جنبه يجنن شوفيه وشكله يلعب رياضه ناظري عضلاته شلون رهف وهي متملله وتعدل لثمتها : وينه هذا ؟ مشاعل : على يمين المنتف على قولتك هههه رهف : وااااااو بصراحه خقاق ؟ مشاعل وهي تغمز : واحلى من صقر ؟ رهف : بصراحه صقر ماعليه كلام بس نظراته حاده يامامي تخوف بس هذا شكله حبوب وينقص عليه بكلمتين حلوين مشاعل : وش دراك؟ رهف : ناظري عيونه واحكمي ياميشوو مشاعل : امشي نرز واجيهنا عندهم يمكن يرقمونا رهف : لا ياقلبي مو انا اللي اسوي كذا وارخص نفسي هم اللي يجون لي وافكر اذا اعطيهم وجهه ولا لا واستمر الحديث والنظرات الشيطانيه ...... / / / (جراح) دخلت المجلس بس كأن كل شي وقف يوم شفته اخيرا بعد دهور مرت وعلاقتي معه مقطوعه ، اشوفه بعد الود اللي تحول ونقلب كرهه بينا ابو لافي : جراح علامك واقف هذا صقر ولد عمك رجع لنا تعال سلم (صقر) حسيت ان حيلي مهدود اول مادخل خالطتني مشاعر من زمان ماعشتها ، قمت وعرفت ان جراح يفكر نفس تفكيري وماهي غريبه علينا مو كنا بيوم اصدقاء ههه اصدقاء يازينها هذي الكلمه في هذا الوقت ابو لافي : بتظلون واقفين انت وياه جراح انتبه لابوه وتقدم ومد يده لصقر صقر سلم عليه وتعانقت اليدين وكل واحد يشد الثاني وكأنهم يعاتبون بعض بنظراتهم وبيديهم ولحظه .. ضموا بعض ابو لافي فرح حيل لانه يدري ان جراح تعذب بعد فراق صديقه وكان بدوامه بين ابوه وولد عمه وصديق طفولته جراح : هلا بك ياولد عمي صقر / هلا بك زود وراح الوقت سوالف ووضحك وجا لافي وكتملت العقده صقر ماهو قادر يحدد مشاعره من زمان ماحس بلمة الاهل والترابط وجلس في صراع حاد بين الحب اللي مازال ينبض فيه وبين حقده وانتقامه للماضي / / / ام عبدالله : وانتي لو فيك خير ماحرمتيه من العيال كان لفيتي قشك ورحتي بيت هلك مامنك الا الخساير وضحى بألم : يايمه هذا حكم ربي مالي ذنب انت شفتي تقاريري وكل شي سليم ام عبدالله : قصي علينا بهذي الارواق بس ام عبدالله مره عقله قديم مره وهي عليها مزاج غريب مره تكون طيبه ومره تقلب نكديه وضحى : الله يعين يايمه ادعي لنا بدل هالكلام ام عبدالله : وين ولدي اتفاهم معه ؟ وضحى : الحين بينزل راح يبدل وكملت بخاطرها ( ياربي ارحمني من هالعذاب والكلام اللي اسمعه ، ياربي عطني الذريه الصالحه من عبدالله وريح قلبي ) / / / استأذن صقر بعد ماوعد عمه بكره يجي مع هله كلهم مر على الشركه واخذ اوراق عشان يراجعهم وراح البيت ماجد : لا كان جلست مو توعدني وتروح صقر : هههه وانت للحين جالس هنا ماجد : صارلي ساعتين احتريك لولا ان العنود تهديني ولا كان جيتك بالعقال امحطك صقر وابتسامته الساخره : لا .. قد هذا الكلام ماجد ويسوي نفسه خايف : لالا اسفين طال عمرك صقر : ههههه ماجد : بشر وش سويت في بيت عمك ؟ صقر : كل شي ماشي مثل مابي لكن وتذكر موقف الريم وحاول يشيلها من باله ماهو ناقص يخرب خطته عشانها ماجد : لكن ايش ؟؟؟؟؟؟؟ صقر : حسيت بلمتهم وتمنيت لو ماصار اللي صار ماجد : اهم شي ترجع القلوب مثل اول صقر : مادري بس للحين احس بالحقد اذا تذكرت اللي صار ماهو بكيفي ياماجد ماجد : الله يهديك بس دخلت العنود ومعها طارق : اخوي هوني ماجد : ايه جا اللحين ماتعرفيني العنود : مااااااجد ماجد ويسوي نفسه هيمان : عيونه صقر طقه في راسه : استح على وجهك وهذا وانا قدامك تسوي هذي الحركات اخذ طارق وجلس يلاعبه دخلت ام صقر وشافته ياحليله ولدي مثل الطفل وبراه في وجهه اذا هو مرتاح ومايفكر يالله انك تهديه وتطهر قلبه من كل حقد انتبه لامه اللي واقفه وابتسم لها بعد ماقبل جبينها ام صقر : بشر ياولدي صقر وحب يطمن امه : كل شي تمام واستقبلوني احسن استقبال ام صقر : الحمدلله صقر : بكره عزمنا على العشا ياليت تخبرين الجازي وانت يالعنود لازم بكره تكونين موجوده ماجد : احم احم ترى فيه زوج هنا ماتعصيه وتحت شوره ام صقر بحنيتها : بعد أذنك ياوليدي طبعا صقر : ماعليك منه ؟ يستهبل عليك يمه العنود : الله لايحرمنا من استهباله ادري فيه مايقول لا في الواجب ماجد : لا كذا ماقدر كبرتوا راسي صقر :هههه والله انك مخفه كلمتين تجيب راسك ، اصلا جراح بيكلمك وبيعزمك لانه قالي تحضر ماجد بضحكه استهبال : هع هع ترى هو صديقي مثل ماهو قريبك وصديقك لاتنسى كلنا واحد وتوه مسكر مني قبل لاتجي ام صقر : الله يديم محبتكم يارب العنود : يارب صقر : يمه وين الجازي ماشفتها؟ ام صقر : في الغرفه توها يو م رقت ماجد : اجل يالله يالعنود اللبسي ورانا مشوار صقر : وين بدري تعشوا ؟ ام صقر : ياولدي وش عجلك اجلسوا تعشوا ماجدوهو يوقف : نتعشى عندكم العافيه والله مكلم هلي بنتعشى عندهم وامي زعلانه قالت ليه قاطعها ام صقر : اذا كذا الله معكم الله الله في امك ماجد : ابشري يااحلى خاله بالدنيا وباس جبينها العنود وهي تلبس : يالله سلمي عالجازي ماني بقادره ارقى فوق صقر وهو يشيل طارق اللي كان مدوخ يبي ينام: لاتاكل امي لو سمحت بسك بوس ماجد : هههه فديتها والله شرايك تسلفني امك ؟ صقر بعصبيه مصطنعه : اقول امش لارويك شغلك ضحكت ام صقر والعنود وبداخلهم مبسوطين مهما كبروا الا ان حبهم لبعض واضح كانت ام صقر تحب ماجد حيل لانه مربيته وماجد نفس الشي امه ماهي فاضيه لهم ولاعطتهم الحنان لانها مشغوله بجمالها المزيف ومكانتها بالمجمتع وهذا الشي اثر عليهم كثير خصوصا خالدورهف لان ماجد كانت ام صقر معطيته الحنان وغير كذا العنود اللي كانت له الاخت والام والزوجه الصالحه وللمعلوميه كان حبه للعنود جنون من يومها صغيره وهو يحبها ويتمناها وماتوقف هذا الحب بل زاد اكثر يوم كبرت تزوجت العنود وهي باخر جامعه وقف معاها وساندها تخرجت وتوظفت ومازال واقف معها كانوا مضرب مثال زوجين متفاهمين في كل شي بالنسبه لخالد ورهف كلا يشبع فراغ عاطفته بطريقته رهف في السوق ونظرات الاعجاب من الشباب اللي تشبع غرورها وعاطفتها وخالد بالنت ومكالمات البنات وكأنهم نسوا القيود اللي تمنعنا من هذي الافعال وان فيه نهايه لكل فعل مشين وخارج عن حدود الشرع / / / الريم وهي تتقلب على سريرها : اف خلاص اعوذ بالله ابي رتاح روح من بالي كان الموقف تارك اثر في نفسها ماتدري ليه ؟ اذا سلطان صارلها نفس الموقف واقوى لانها اصدمت فيه نست بعد ساعات وش معنى صقر اللي صورته المشوشه ماراحت من بالها ، ماتذكر ملامحه لانه كان جالس باول المجلس وغير كذا دموعها شكلت غشاء والتوتر اثناء الموقف كل هذا منعها من شوفته / / / بجهه ثانيه منسدح على سريره بعد ماحاول يقرا الاوراق لكن فشل ماهو قادر يركز صورتها في باله مامتحت حط يده على راسه وجلس يفكر : الريم من وين طلعتي لي انتي ؟ سكت شوي ليه ماتكون من ضمن خطتي اصلا أي شاب يشوف هذا الجمال اكيد بيتأثر يعني طبيعي اني افكر فيها ليه ياصقر ماتقدر تقول انه بدايه حب ليه انت سلبي ؟؟ بعدين قرر يمر على الجازي ويسولف معها شوي / / / جراح : ياخي ازعجتني كأنك اول واحد معه زوجه ولد ماجد وهو يحط يده على كتف جراح: اجل شد حيلك انت وتزوج وبتشوف اذا ماصرت مثلي واخس جراح : فال الله وفالك اصير بيتوتي مثلك لا ياشيخ اصلا مقررين انا وصقر مانتزوج نبقى عزاب يازين الحريه ماجد : انتوا الخسرانين يالله القا بكره زوجتي بالسياره تحتريني اكيد بخاطرها تقول علامه تأخر هو راح يجيب كيك ولا يغازل هع هع جراح : الحمدلله اني ماني متزوج ناقص هم انا كفايه المعجبين اللي مأذيني ماجد : مافيه فايده منك بروح احسن جراح : الله معك تلاقوا بالصدفه عند محل وهم راجعين من بيت ابو ماجد وكانت صدفه حلوه اجمعت روحهم الاحلى علاقة ام ماجد بالعنود عاديه يعني مجامله فقط والحين في بالها خطه لازم تتقرب منها شوي سألت عن رهف اللي كانت هايته للحين وقالت لها انها نايمه عشان تتجنب المشاكل مع ماجد العنود طبعا استغربت بس سكتت / / / فتح باب جناحه كان جالس مع امه وحبتهم ياخذون راحتهم بس تفاجأ بانوار الجناح كلها مسكره ونور خفي يخرج من غرفته ، خاف لايكون وضحى تعبانه , مشى خطوات سريعه وهي ينادي بأسمها عبدالله : وضحى وضحى راح لغرفه النوم وشاف الظلام مغطيها بس الشموع مشتعله في كل ارجا الغرفه بشكل رايق ويبهر حط يده على قلبه وابتسم : ماتجوزين عن حركاتك ورمنسيتك اللي تسحرني اكثر واكثر وضحى وينك ياقلبي ترى بطريقتك هذي توحشيني حيل لاتجنيني وينك؟؟؟ للاسف مافيه جواب اتجه للتسريحه لقا كرت احمر مغلف بطريقه فنانه مكتوب عليه احبك .. احبك التفت لي تلقاني ظلك لو بغيت تلقاني حزنك لو بكيت تلقاني فرحك لو ضحكت احبك زوجتك ومحبتك / وضحى ابتسم والتفت وراه لقى الانسانه اللي اسرته بحنانها بعفويتها وطيبتها بصبرها لقاها وهي مسنتده على الباب يدها على خصرها وميله راسها وكل شعرها مال معها شعرها اللي يسحره بلونه الكستائي وراسمه ابتسامه ذوبته كانت لابسه فستان قصير ولونه اسود وحيل ناعم وماسك على جسمها الرشيق عبدالله قرب منها وهو يهمس : حبيبتي فاجأتيني ربي لايحرمني منك وضحى : تستاهل يانظر عيني عبدالله : احبك ربي يسعدك مثل ماتسعديني وضحى : وانا اكثر تعال تعشى لاني شفتك ماتعشيت وهو فعلا من كثر ماتكلمت امه انسدت نفسه ولاتعشى زين مسكت يده اليمين واخذ يده اليسار وحطها على كتفها عبدالله : وين رايحه ؟ وضحى : تعال مسويه لك اكل خفيف افتحت غرفه الطعام وكانت الطاوله فيها شموع مصففه بطريقه روعه على شكل قلب ومن داخلها الاكل اللي مسويته اصناف كثيره وكلها يحبها تعرف من عشرتها معه شنو يحب وشنو يكرهه وشغلت موسيقى كلاسيكيه ضمها لصدره وهو يحمد ربه ان الله رزقه بوحده مثلها / / / الجازي :تفضل صقر دخل غرفه الجازي اللي كانت عالنت تكلم صديقتها والتفت شافت صقر واستغربت من شكله كذا مهبذل وحالته توحي انه يفكر في شي صقر : وش تسوين ؟ الجازي : اكلم ريناد صديقتي عالماسنجر لحظه استأذن منها الله يرجها مع سوالفها اللي ماتنتهي صقر ابتسم وبادلته الابتسامه الجازي سكرت الاب توب وجلست جنبه وفي راسها علامه استفهام : خير صقر تعبان ؟ صقر : لا بس بغيت اقولك بكره فيه عشا عند عمي الجازي : ايه قالت لي امي قبل لاتنام صقر : بغيت اسألك ؟ الجازي : اسأل وانا اختك ؟ صقر :كيف علاقتكم مع عمي ؟ الجازي سكتت بعدين قالت ماعلي منه بخورها دامه سأل : بصراحه طيبه وعمي كان يزور ومايقصر بس احنا اللي قطعنا صقر وهو رافع حواجبه مستغرب : ليش؟ الجازي : لان خالي ابو ماجد كان يهاوش امي ويقول كلام مادري شلون فهم صقر وحب يغير الموضوع : طيب بكره ابيكم تحاولون تتقربون منهم وان شاء الله ترجع الامور مثل اول واحسن الجازي بفرحه : ان شاء الله عاد تصدق انا متلهفه على الريم حيل طيوبه والعنود اختي كله تمدحها ومفتخره فيها في المدرسه لانها من الاوائل صقر وهو يجاريها : بالله ؟؟ الجازي بعفويه : والله واللي مونسني انها هذي السنه اخر سنه وبتجي معي في الجامعه يعني بتكون علاقتي معها قويه باذن الله صقر : ماشاء الله حسبتها يوم شفتها انها توها باول ثانوي الجازي وفتحت عيونها : شفتها؟ صقر ارتبك : لا ههه شكلي اخرف وش شفتها ؟ لالا عن اذنك يالله بروح انام وراي دوام الجازي باستغراب : نوم العوافي يوم طلع ضرب راسه : وش بلاني خربتها ؟ الجازي : اقص يدي اذا ماشافها وخبلته اكيد انها حلوت اكثر بعد ذي الغيبه ..... / / / شوق وهي عالنت وتقدم مشاركات في المنتدى وكانت فاتحه الماسنجر و مافيه احد متصل بعد دقايق تم تسجيل الدخول من دنيتي على كيفي امشيها : فرحت حيل لانها متعرفه عليها قبل شهر من الامتحانات عن طريق المنتدى علمتني كيف احب علمني كيف انسى: هلا بك وش اخبارك ؟ بشري وش سويتي بالامتحانات ؟ دنيتي على كيفي امشيها : اهلين شوق انا تمام دامني خلصت الثانويه الا انتي وش مسويه؟ علمتني كيف احب علمني كيف انسى : تمام الحمدلله والله احاتي النتيجه مدري كيف النسبه !! دنيتي على كيفي امشيها : ههههههههه >> اخر همها علمتني كيف احب علمني كيف انسى : ليش ؟ ماتبين تخشين جامعه ؟ دنيتي على كيفي امشيها : عادي والله.. الا انتي وين مختفيه ماتشبكين ولاتعطينا وجهه ومقاطعه المنتدى والماسنجر حشى كل هذا عشان الثانويه العامه علمتني كيف احب علمني كيف انسى : كانت مستغربه من اسيل هذا اسمها طبعا ايه وامي خذته عشان انتبه لدروسي دنيتي على كيفي امشيها : الله يعينك ، بزر انتي تعاملك كذا علمتني كيف احب علمني كيف انسى : لا عادي بس حريصه علي واستمرت المحادثه لين اذن الفجر وراحت تصلي وتنام وهكذا حياتها ايام العطله / / / ليان :لايكون زعلانه للحين ؟ الريم : لا الله يهداك بس عمي وهله بيجون الحين ومختبصه شوي ليان وهي بخاطره تعرف وش ردها : طيب اخليك وان شاء الله اكلمك وقت ثاني طبعا كان الكل معزوم وضحى وزوجها ولافي وهله باستثاء ابو ماجد اللي كان متضايق بس فهمه صقر ان كل شي بيعجبه بس يصبر شوي وصقر شاف انه ماله داعي يجي اصلا وهو مانعزم يعني بتكون العزيمه عائليه / / الجازي : خلاص يمه هذاني خلصت ام صقر : الله يهداك تأخرنا صقر معصب الجازي : الله يستر بس خلني اضبط الاخلاق عنده شوي نزلوا تحت وكان صقر معصب فعلا ومحتاس مايدري ليه : بدري حضرتك كان جلستي اكثر؟ الجازي وهي تبلع ريقها : الله وش ذي الكشخه ياصقر ناظرت امها ماصدق معرس ام صقر : اذكري الله لايجي اخوك شي من عيونك؟ الجازي : لا اله الا الله وقف صقر وهو مبتسم ابتسامته المعهوده لانه عرف انها تبي تروقه شوي : يالله مشينا الجازي في نفسها : اشوى هتلر ماعطاني كلمتين تخرب مزاجي | ||||||||
|
| |
|
01-11-14, 11:47 AM
| #7 | ||||||||
| مراقبة عامة ومشرفة منتدى الروايات المنقولة
| الجزء الرابع ماجد وهو يوطي صوت المسجل لانه كان بالسياره متجهين لبيت العم ابو لافي : لاحول اخوك هذا نشبه يالعنود؟ العنود: حدك عاد الا صقر ماتتكلم عليه ؟ ماجد وهو يرفع جواله لاذنه : لنا الله من يوم جا صقر وانا انسب وانهان العنود ضحكت : ياحبي لك بس ماجد : نعم ؟ صقر : وينكم لاتتأخرون ؟ احنا مشينا ترى ؟ ماجد : اقول صقر وراى ماتجي تضربني احسن ياخي قلنا لك احنا بالطريق ؟ مزعج صدق صقر : انا الغلطان اكلم واحد مثلك ادري بك ماتقدر الوقت وتثمنه عشان كذا انبهك ياللا بس ضف وجهك ماجد : ههههه مشكله رجال الاعمال اللي مثلك يالله ان شاء الله شوي واصلين صقر : مع السلامه ماجد : الله معك العنود: يالله ..مشتهيه كآبتشينو ( من قهوه الطريق ) تصدق؟ ماجد وهو فرحان وهذي عادته يحب يفرفر ويطلع الضغط قبل يروح لاي احد : ابشري ولايهمك اشتريلك العنود تحسفت انها تكلمت : لا مو الحين لي رجعنا ماجد : لاياقلبي الحين وش ورانا العنود : بنتأخر مااااااجد ؟ ماجد : نتأخر عشان عيونك عادي اجلس ياولد تعبت امك > يكلم طارق اللي كل شوي يتحرك طارق : ابي عصير ؟ العنود : ياكثر طلباتك ياطارق اجلس حبيبي طارق : وهو يمسك ذراع ابوه : ابي عصير بابا ؟ ماجد : شفتي شلون ؟ لازم اوقف لاجلكم ياحبي لكم بس ويبوس طارق وانتي وهو يغمز لها بوستك بعدين العنود وهي تضحك : انتبه لطريق بس لاتجيب العيد ماجد : هههههههه / / / ام جراح : يالريم بسرعه شيلي البخور وديه المجلس الريم : ان شاء الله يمه وتكمل حسبي الله عليك ياشوق ماترد الله ياخذ بليسها وهقتني .. ام جراح : قولي لجراح و راكان ينزلون بسرعه قبل لايجون الضيوف الريم : ان شاء الله يمه لقت راكان في الدرج : الله جابك تكفى ياخوي قول لجراح بسرعه ينزل قبل يجون لانهم يجلسون بالصاله الرئيسيه راكان صفر وهو يشوف اخته شايله المبخره وكاشخه كانت لابسه بلوزه حمرا جبانيز مكتوب عليها كتابات ذهبيه من ورا وماسكه شوي بحيث مبين خصرها وتنوره بيج انيقه لنص الساق ، شعرها كانت رافعته لفوق بشكل عشوائي ومدخله فيه اعواد مثل الصينين ، وخصل على الجوانب منسدله بحريه على وجهه البيضاوي ، حاطه روج احمر على شفايفها الصغيره وكحل من داخل وماسكرا زادت طول رموشها الكثيفه الريم استحت : شكرا هذا من ذوقك راكان وهو يضبط شماغه عند المرايه اللي مقابل درج القصر : عطيني بس ابخر نفسي خبرك اخوك حلو اخاف احد يسكني بعين الريم : مشكله اذا الواحد شايف نفسه راكان : هههه يعني تشوفين كذا ؟؟ الريم : ماني فاضيتلك بروح ابخر المجلس راكان طلع فوق ينادي جراح وهي راحت المجلس اللي كان على زاويه البيت ومعزول شوي بخرته وتذكرت موقفها مع صقر ضربت راسها لعلها بهذي الحركه تنسى : وقتك يعني ؟؟؟؟؟؟؟ دق جوالها اللي كانت حاطته باحد جيوب تنورتها الريم : هلا شوق وينك حرام عليك وربي حايسه ليش ماجيتو بدري؟ شوق : احنا بالطريق سوري عمتي والله غصب صحيت من النوم وغير كذا ابوي توه جاي من الدوام الريم : حتى وضحى للحين ماجت مستحيه استقبلهم لحالي شوق : ان شاء الله نوصل قبلهم الريم : ان شاء الله يالله باي شوق : باي / / / وضحى : خالتي ليه ماتروحين معنا غيري جو ؟ ام عبدالله : ماله داعي وشو له اروح عند ناس مابيني وبينهم شي عبدالله : طيب يالغاليه وش ر ايك اوديك عند بنتك ام ماجد ؟ ام عبدالله : ايه احسن اروح لبنتي عساها تكون بالبيت بس عبدالله وهو ملتفت لوضحى اللي كانت كاشخه يشوفها حلوه دايم، هذا دليل على طيبتها اللي تعكس على وجهه البرئ : هاتي عباية امي وضحى : ان شاء الله قلبي جابت عبايتها وعلاج ام عبدالله عبدالله يناظرها بمتنان : اشوى مانسيناه يمكن تبات ولاشي ام عبدالله بنص عين : مابات في غير بيتك امش يالله عبدالله ابتسم ومشوا .... / / / ابو لافي : حيا الله صقر ادخل وانا عمك قدامك راكان بس ادخل امك واختك من الجهه الثانيه راح صقر لانه يدل المجلس وعلى اساس ان راكان ولا جراح يستقبلونه دخل وهو مطمن ابو لافي : شلونك يام صقر عساك بخير ؟ ام صقر : بخير الله يعافيك ويطول عمرك الجازي وهي ماسكتها العبره تذكرت ابوها سلمت على عمها وباست جبينه ابو لافي : هلا بنتي الغاليه وشلونك وش اخبارك؟ الجازي : بخير ياعمي انت وش اخبارك ؟ ابو لافي : طيب لله الحمد ودخلهم من باب اللي يودي لصاله على طول / / / مرت على اركان المجلس وهي عند المدخل انفتح الباب ماهتمت تفكره ابوها ولانها ماسكه المبخره بيدها اليمين واليد الثانيه فيها الجوال تبي تكلم وضحى مشت على اساس ترجع لامها وتشوف اذا جراح نزل بس انصدمت لما دخل رجال طويل كتوفه عريضه لونه الاسمر زاده جمال ارتبكت ومن الربكه ماعرفت تتحرك . صقر هو داخل رايح اتجاه المجلس تفاجأ بوجودها وهي ماسكه المبخره وهذي المره جمالها زاد بروجها الاحمر ولبسها الانيق وقف مابينهم الا كم خطوه وهي نفس الحكايه من الصدمه طاح الجوال من يدها من غير ماتحس الريم في نفسها وعيونها بدت تلمع : نفسه هو هو!!! ياربي وش ذا الحظ معي؟؟؟؟؟ رمشت كذا مره لعل اللي يصير كابوس ينتهي بس مافيه فايده حس صقر بتوترها وصدمتها ولف بوجهه عشان يخليها تمشي وتروح من قدامه حست بنفسها وكأن التنبيه توه وصلها دخلت من الجهه الثانيه ، صقر ابتسم ابتسامه عاشقه بعد ماراحت : شكل البنت بتجنني قريب !! انتبه لجوالها خذه بعد ماعدله لانه انفك من طيحته على الرخام ودخله جيبه بعد ماحطه عالصامت عشان ماحد يحس ويسون لها سالفه / / / راكان : اللي يشوفك يقول راح يسون لك مقابله امش يالله شكلهم وصلوا جراح : ياخي روح انت وش حارق دمك بنزل بعد شوي نزل راكان بعد ماعصب من برود جراح ولقا ام صقر والجازي سلم عليهم وراح هو وابوه اللي عطاه نظره ليه ماهو في المجلس يستقبل ولد عمه / / الريم وهي بالمطبخ وجهه احمر من الموقف شربت مويه وحاولت تهدي نفسها وسمعت صوت ابوها وامها وهم يرحبون في ام صقر والجازي وصوت راكان اللي كان يهلي بفرح واضح من صوته تنفست بقوه وابتسمت عشان يخفي احراجها ودخلت الصاله الريم بحيا : هلا والله وغلا ام صقر والجازي اللي كانوا جالسين وقفوا منبهرين من القمر اللي يسلم ام صقر باستغراب : الريم ؟ بسم الله عليك كبرتي وتغيرتي يابنتي والله اني ماعرفتها يام جراح الريم ابتسمت بخجل وباست جبينها باحترام ام جراح : الصغير يكبر وانا اختك ، حتى الجازي صلاتي على النبي حلوة وللحين مغطيه على البنات بطولها الجازي اطول وحده من يومها صغيره وهي طولها مغطي على البنات مع جسمها اللي كأنها عارضه ازياء انحرجت الجازي وابتسمت لاام جراح بنعومه : هلا فيك يالريم الريم سلمت عليها بحراره وانبسطت الجازي بهذا الاستقبال واللي اكد لها ان الريم فعلا مثل مالكل يتكلم عن اخلاقها العاليه ام جراح : يمه يالريم خلي بنت عمك تفسخ عبايتها وتاخذ راحتها الريم وهي مبتسمه : ان شاء الله يالغلا وناظرت بالجازي : تبين تتعدلين بغرفتي ؟ الجازي : اذا مافيه احراج طبعا؟ الريم :" تفضلي البيت بيتك يابنت عمي طلعوا فوق لغرفة الريم عشان تتعدل براحتها / / / دخل العم ابو لافي ومعه راكان ورحبوا بصقر اللي كانت الابتسامه ماغابت عن شفايفه يحس نفسه مبسوط مدري هل هو فرحه جمعتهم ولا عشانه شاف الريم ؟؟؟؟؟؟؟ / / / غلا : وخر خلني انزل زهقتني وخربت كشختي فهد : لاحول الله صوتك مزعجني لاتتكلمين من يوم حركنا وانتي تتكلمين ماكن احد كاشخ غيرك ؟ ام فيصل : وانتوا لازم تتهاوشون علي أي شي خلاص وصلنا مابي ازعاج فيصل وهو لابس الشماغ ومرتز يشوف نفسه كبير : خلك رجال وخل منك البنات يافهد ضحك عليهم ابو فيصل وطفا السياره ونزلوا ،،،، / / / الجازي وهي بغرفه الريم تعدل بلوزتها : بشري وش سويتي بالثانويه الريم ونظرة الاعجاب في عيونها : اممم تمام اهم شي النسبه عندي تكون اعلى من 97 الجازي : هههه ماشاء الله عليك والله اذكر تخرجت ونسبتي 95 وفرحانه فيها بعد الجازي كانت لابسه بلوزه طويله توصل لاحد الركب بالوان مداخله مابين الاصفر والاسود والابيض وحزام ماسك خصرها وبنطلون اسود ضبطت شعرها الناعم الشوكلاتي اللي يوصل لنص الظهر وناظرت نفسها بالمرايه الريم : قمر ماشاء الله عليك الجازي وهي مبتسمه : عيونك الحلوه يالريم الريم : عندي قلوس يناسب لون بشرتك حطيه الجازي بمرح : فديت بنت عمي يانااااااااااااس الريم : ههههه فديتك انا جابت القلوس من علبة المكياج وعطته الجازي الجازي : مشكووره حطت على شفايفها المليانه كان لونه مناسب بشرتها البرونزيه هاه حلو ؟؟ الريم : مره لايق على بشرتك الجازي: بقى شي نحبه يالبنات ولانقدر نستغني عنه الريم : هههههههههه اكيد العطر عاد ان مجنونة عطور الجازي : نفسي تصدقين رشت من عطرها deep in الريم : نعومي عطرك مره الجازي : تسلمين مايغلا عليك الريم : الله يسلمك الجازي : يالله ننزل ؟ الريم : ياللا .... / / / عبدالله نزل امه بعد ماغيرت مزاجه بكلامها اللي يضايق ان مرته ساحرته وتجره وين ماتبي والخ ... طبعا كل ذا وضحى ساكته احترام لها لانها مره كبيره وام زوجها وضحى : مسكت ايده بحب ماعليه عادي مهما كان كلام امك جارح لزوم نتحملها عبدالله ناظر فيها وهو يحاول يبتسم : الله يهديها مدري ليه تتكلم كذا ؟ ليه ماتبي راحتي ؟ وضحى : لا بايعد قلبي كل ام تتنمى تشوف ولدها عايش احسن عيشه عبدالله وهو ينتهد بألم: الا امي ياوضحى !!! انا اتضايق لي شفتها تعاملك كذا وتتكلم بكلام جارح بس مادري وش اسوي هي امي ماقدر ارد عليها وضحى : حبيبي امك طيبه صدقني ، بس ساعات من العصبيه تتكلم كذا عبدالله بحب : الله لايحرمني منك دايم كلامك يرحني ، الله يكملك بعقلك وضحى : ولامنك ياغلى الناس / / / نزل جراح بعد مارش نص العطر وطالع نفسه نظره غرور بعد ماعدل شماغه : مالوم البنات اذا ماخقوا علي هههه سلم على ام صقر كان مبسوط حيل لانه يحبها ويسأل عنها دايم ، مع دخول ام فيصل وشوق وغلا اللي يموت عليها جراح جراح : هلا يام فيصل شلونك ؟ ام فيصل : الله يسلمك تمام شوق وهي تبوس خالها : ياحركات لالا ماشاء الله معرس جراح بغرور يبي يقهرها: عارف اني اجنن شوق وهي ميله فمها : الحمدلله والشكر ام جراح وهي تضرب كتفه : عن الغرور الزايد غلا وكانت تهز رجولها لانه ماعطاها وجهه مثل العاده انتبه لها جراح وشافها كذا استانس لانه يبي ينرفزها جراح : يالله عن اذنكم غلا : لا والله ولا كأن عندك حبيبه اسمها غلا تسلم عليها طيب ياعمي جراح : ههههههه تعالي وربي امزح غلا وهي تبكي هربت فوق وهو دخل للرجال وقرر يراضيها اذا راحوا لانه تأخر / / الريم : الحمدلله لابسه كعب ولا كان صرت نمله عندك الجازي : ههههههه استكي بس ممنوع اللبس كعب احس الفت الانتباه شفي نعالاتي الله يكرمك ماااااااسحه الريم : لحظه الجازي صوت جراح مع جية غلا ... الريم : خير؟ وش فيك ؟ غلا وفي عيونها دموع: عمي جراح بايخ فشلني عند الناس وانتبهت للجازي اللي مستغربه امممم معك غلا لافي الجازي : اهلين كل هذي دموع مسحتها بنعومه وباست خدها غلا فرحت : انتي مين ؟ الريم : هذي بنت عمي الجازي غلا بنبهار : تهبلين الجازي بابتسامه : انتي اللي تهبلين غلا: ايه بس زعلانه على عمي الجازي : خلاص من اليوم انتي صديقتي ماعليك من احد الريم بمرح : لنا الله الجازي : ههههههه / / / وضحى : يالله حبيبي انتبه على نفسك مع دخلتها كانت العنود توها واصله وماسكه طارق اللي مو راضي يدخل وضحى : هلا العنود ؟؟ العنود بانفاس متقطعه : اهلين ؟ وضحى بحنان : هاتي عنك اشيله شكله ماهوراضي يدخل خذته ودخلوا داخل سلموا على بعض وبكذا اجتمعت العايله / / عند الرجال راكان : تقول معرس وهو على المرايه ياما حط كريم وياما مدري شنو؟؟ صقر : هههه للحين على عادته هذا موسوس نظافه عبدالله : ياخي وش فيكم عليه جراح وهو يسوي نفسه مسكين : أي تكفى دافع عني وانا اخوك ماجد : هههههههه الا صقر تذكر يوم كنا بالمتوسط وحنا بالسياره انتبه جراح ان فيه نقطه صغيره يالله نشوفها بالعين المجرده ههههههه صقر تذكر وجلس يضحك : أي وحلف انه يرجع البيت ويغير ثوبه جراح وهو يسوي نفسه متضايق: بسكم ضحك علي مالكم داعي عبدالله : هههه اجل حالتك مش طبيعيه ماجد وهو يضحك : المشكله ماهمه الامتحان وانه متأخر همه لايدخل وهو فيه هالنقطه لافي : وانا اقول فيصل من طالع عليه جراح : والنعم يافيصل فهد : يبه عطنا وجه وانا من طالع عليه ضحكوا الجميع كلهم وكانت لمه حلوه اكتفى ابو لافي بالاستماع واتمتع بحديث عايلته والفرحه تبين بعيونه / / / شوق : ماشاء الله عليك ماتوقعتك كذا الجازي : والله حتى انتي تغيرتي حيل بس مازالت غمازاتك تبهرني شوق : مشكوره الريم : وهي تقدم لهم الشاي : هذا انا اقول لها تسفلني ماهي راضيه شوق : ههه اجل سلفيني حبه الخال اللي بخدك واسلفك غمازاتي الجازي : هههههههه انتبهت لوضحى اللي تسولف مع العنود مدمجين مع بعض وكانت حاطه بحضنها طارق وغلا تلاعبه لانها على يمينها كانت وضحى كل شوي تبوسه وترجع تسولف مع العنود وعرفت من البنات ان للحين ماجابت اولاد وحزنت حيل عليها / / خالد : يمه لاتحنين علي متى مانويت اتزوج بتزوج ؟ ام عبدالله : ياولدي نبي نفرح فيه وتلفت قولي لك كلمه يانجاح ( تقصد ام ماجد ) ام ماجد : والله بكيفه ؟وكملت لانها كانت تبرد اظفارها خالد في نفسه : ياليتك تهتمين فينا مثل ماتهتمين بنفسك رهف وهي توها صاحيه من النوم لانها كانت مع مشاعل بالسوق وكملت سهره عالشات : هااااااي خالد وعيونه على اخته اللي كانت لبسها عاري شوي : صح النوم ام عبدالله : داخله على كفار انتي؟ سلمي يامال الطحال رهف : اف توني صاحيه لاتعكرون مزاجي خالد خاف يترفز اكثر ويقوم يسطرها : عن اذنكم لاحد يناديني للعشا مابي شي ام عبدالله : نجاح وش في عيالك ياحافظ ام ماجد : مافيهم الا العافيه يمه ..الا علميني وش سويتي مع عبدالله عسى وافق يتزوج ام عبدالله : مادري تقولين مرته ساحرته مايرضى يتكلم واذا هذرت عليه قالي ماراح تشوفين الا الخير ويتركني رهف : وانتوا وش دخلكم بين خالي ومرته ؟ ام ماجد : عن اللقافه انقلعي اذا بتدافعين رهف : مو ادافع بس طالما هو راضي بها انتوا ليه محترين ام عبدالله : نبي الظنا ، نبي ولد يشيل اسمه رهف بسطحيتها المعتاده: يمكن تبي تحافظ على رشاقتها عشان كذا ماتبي تحمل ام ماجد : رهف اسكتي خلاص رهف وهي مترفزه : بروح اسوي كابتشينو ابرك / / / خالد وهو يكلم : هلا حياتي ريهام : اهلين وش اخبارك ياقلبي اليوم ؟ خالد : بخير دامني سمعت هالصوت ؟ ريهام بضحكه دلع :تسلم حبيبي الا عيوني متى تجي تخطبني ؟ خالد وهو يميل فمه : مابقا الا هي ريهام : وش تقول حبيبي لان عندي ازعاج خالد : لا بس اقول احنا متفقين من البدايه تكون علاقتنا صداقه ولا ؟؟ ريهام بيأس : يعني مافيه امل تتحول الصداقه الي حب وزواج ؟ خالد : انا كنت واضح معك عيوني ريهام : طيب اجل راح اوافق على ولد عمي لاني كنت على امل انك تحبني وتتزوجني صارلي سنه معك معقوله يعني ماحبتني ؟ خالد : الله يوفقك معه ريهام بخيبه : اجل خلاص رجا لاتدق علي لاني ابي اقطع علاقتي معك واشوف نفسي خالد بعصبيه : مع السلامه ريهام بعصبيه : باي خالد : القى غيرك ملايين , قالت اخطبها قالت هههههههههه / / / انتهت السهره اللي كانت من اجمل السهرات بالنسبه للعايله مالومهم مافيه احسن من لمه الاهل والاحباب جراح وهو يودع اخوه لافي دخل راسه في السياره : فيه ناس حلوين هنا زعلانين علي غلا : خير ؟ شوق : عيب هذا عمك غلا : ايه عمي على عيني وراسي بس صديقي وحبيبي لا ابو فيصل : هههه وش مسوي لهذي النتفه فهد : ماعليك من حركات الدلع حقت البنات ام فيصل : بس ماسلم عليها الا اخر وحده جراح يبي يراضيها: امزح ياغلووو ياعيوني اصلا مافيه احد بقلبي غيرك غلا وهو ترمش بعيونها : ادري بس الحين بالنسبه لي عادي دام الجازي معي هي قالت لي انتي صديقتي من الحين ماعليك من احد جراح وهو يمد بوزه : يعني خلاص ماتبيني غلا بحب وهي تضم جراح : ماستغني عنك اكيد انت عمي الشاعر جراح : والجازي على قولتك ؟؟؟ غلا : كلكم اصدقائي واحبكم وقربت من اذنه وهمست : تخيلتها زوجتك جراح ضرب خدها بشويش : يالله هناك توك صغيره على هذا الكلام ههههه الكل بصوت واحد : وش قالت ؟ جراح وهو يضحك : سر بينا هههههههههههه / / الجازي وهو بالسياره كانت اكثر سواليفها عن الريم وشوق صقر طبعا كان مستمع بكل كلمه تقولها الريم استناست حيل وحاولت تاناسى الموقف بس كل ماجا بالها تحس بالفشيله ومغص وشي بقلبها يتحرك ماتدري وش سببه بدلة ملابسها ونزلت تحت تبي تسولف شوي مع امها لقت جراح وراكان وامها الريم : الا وين ابوي ؟ راكان : اوووه اول مارحوا دخل كهفه المعهود هههه جراح وهو يطق راسه : ابوك ترى وش كهفه انت وجهك ؟ الريم : يمه وين رحتي ؟ ام جراح كانت سرحانه : هاه معكم جراح : اللي ماخذ عقلك ... ام جراح : والله افكر فيك ؟. جراح يسوي نفسه خايف : خيــر؟ راكان : مايصلح عليك هذا الدور دور غيره ههههه الريم : ههههههه الله يقطه ابليسك راكان : وش عليك من ابليسي انتي الريم : ههههههه بايخ ام جراح بعصبيه : ابي اتكلم وانتوا جالسين تستهبلون جراح بجديه : هلا يمه امري. ام جراح : والله ودي اخطبلك المزيونه اللي شفتها اليوم تناسبك حيل جراح وهو يحك راسه : لاحول وانتي كل ماعزمتي حد وشفتي لك بنت قلتي اخطبلك راكان : أي ياخوي ترى مسختها لاتنسى انك مخرب علي وصاك الطريق بوجهي جراح : تزوج احد قالك لاتعرس؟ راكان : ابوي قال مافيه زواج لين يتزوج اخوك بعدين ناظر في ريم اللي سرحت شوي وقال : وبصراحه فيه وحده في بالي ام جراح فرحت : الله يبشرك انت وضمناك؟ راح اجلس معك بعدين بس بقى جراح وش رايك يالريم في الجازي ؟ الريم : سبحان الله يمه توني افكر فيها اقول في بالي تصلح له جراح : يمه ماعليه البنت على راسي من فوق بس انا مافكر اتزوج الحين ام جراح : وانت وش ناقصك يعني شايف نفسك صغير؟ جراح وحب ينهي السالفه : ان شاء الله يمه بس مو الحين يالله فيني نوم وتركهم وراح .... / / / صقر دخل الغرفه وبدل ملابسه ولبس بجامه نوم يحس نفسه هلكان نوم حط راسه على المخده وتذكر لمتهم وسوالفهم وابتسم لما تذكر الريم وشكلها وهي مصدومه صقر :اووووه نسيت قام من السرير وتحسس ثوبه ومسك الجوال صقر : اللحين بالله كيف اوصل لها.... وشاف اتصال من احساس الريم عقد حواجبه : من هذا اللي اكثر من خمس مكالمات متصل وناظر الساعه 1 الليل يمكن صاحبتها ولا شي.. وانا وش علي ليه ماقفله احسن وهو يضغط على الازره عشان يفقله وحايس لان جوالها سامسونج انفتحت رساله توها واصله فتح عيونه ورفع حواجبه ، وجلس عالسرير وهو يشد على الجوال ويقرا الرساله اكثر من مره | ||||||||
|
| |
|
01-11-14, 11:49 AM
| #8 | ||||||||
| مراقبة عامة ومشرفة منتدى الروايات المنقولة
| الجزء الخامس الريم ناسيه من الجوال من شغل اليوم راحت غرفتها ونامت ليان : وهذي يعني ماترد بس يالله الرساله بتخليها غصب ترد علي هههههه وابتسمت بخبث / / / مسك راسه مدري ليه حس بالغيره ؟ في باله فكره وفكره بس كل المشاعر اللي تحتويه الحين انه يملكها ،،هي له من يوم شافها ، له مو لاحد ثاني ، لازم اتصرف بسرعه، بس يمكن تحبه ؟؟؟هههه وليش ماتحبه دامها متعلقه باخته كذا ،، راسه عوره من هذي الفكره قفل الجوال ، والله يالريم اقتل كل مايقرب حولك ، انسدح في السرير لكن يحس النوم مجافيه ولاراح يرتاح لين ينفذ اللي باله ( وهذي من صفات صقر ، اذا في باله شي مايهدى ولايرتاح لين ياخذه ويحصل اللي يبي ) / / / بعد يومين ليان : وجعووووه ليش مقفل جوالك الريم : تصدقين مادري وينه مو محصلته دورت في غرفتي كلها مو لقايته ليان : بس قبل امس يدق ويوم كلمت اليوم مقفل الريم : اكيد خلص من الشحن وين القاه الحين اف ليان : ماعلينا الحين وش سويتي مع العزيمه الرجاء وانتي تتكلمين تقولين بالتفصيل الممل الريم : ههههههه انا ادري فيك حشى سي ان ان ليان : وافتخر يالله الريم قالت لها كل شي وعن الجازي والعنود ووووو بس طبعا ماذكرت لها موقف صقر عشان ماتمسك عليها شي / / / شوق وتطورت علاقتها باسيل وصارت تكلمها جوال شوق : اسيل لا مانروح بالحالنا في المجمعات ؟ اسيل : طيب ليش مادخلتي ماسنجر استنيتك لين الفجر شوق : مالي خلق كان فيني نوم حيييل رغم اني نايمه طول امس اسيل : ابي اشوفك احس متحمسه شوق : وانا اكثر اسوله اسيل جاها خط ثاني : شوق عندي خط مهم يالله قلبي باي شوق : باي اسيل بعد مانعمت صوتها : هلا وغلا فارس : اهلين هلا بالصوت وراعيته ، هلا بكلي وناسي اسيل : هههههه فارس حبيبي لاتحرجني فارس : وش اسوي ياقلبي غصب عني من اسمع صوتك انجن وتكلم لاشعوريا اسيل : كل هذا عشان سمعت صوتي لو شفتني وش بتسوي ؟ فارس وهو يغمز للي جنبه ومايبي يحسسها انه يلعب عليها : آآآه ياقلبي اخاف يغمى علي عشان كذا مافتحت معك الموضوع اسيل : بسم الله عليك يالله فارس اشوف اختي وش تبي وادق عليك فارس : راح توحشيني انتبهي على نفسك اسيل : مع السلامه ان شاء الله فارس : قلبي معك سكر الجوال واطلق ضحكه شيطانيه : هههههههههههههههه .... : اعصابك فارس : خلني ياخالد اضحك والله هذولا البنات بكلمتين تجيب راسهم خالد : ههههه مو مونسنا بهالدنيا غيرهم على طاري ريهام افترقنا انا وهي فارس : افاااااا ، بس اللي اعرفه مابعد صار بينكم مواعيد وحركات خالد : ماهو لازم بعدين ماعجبتني من يوم شفتها في السوق بس اتسلى معها بالكلام فارس : رقبتي سداده اذا تبي بنت اعطيك رقم أي وحده خالد : هههههه مشكور بس الحين خلني اخذ فتره متى ماشتقت لخرابيطنا بحصل مليون وحده طبعا اسيل تعرفت على فارس بالشات وهذا حال اكثر البنات للاسف تبتدي بالشات ، ماسنجر ، توصل للمكالمات واكيد نهايه معهوده اذا ماتاب الواحد وانتبه لنفسه / / / ليان : اوووووووووه حمستني اشوفها الريم : متأكده بتحبينها تجنن ماكنت اعتقد ان الجازي كذا شكلها مغرور بس سبحان الله طلعت عكس ليان بغيره : طيب لاتموتين عليها الريم : ههههه فديت اللي يغارون ليان : ان شاء الله نشوفها لي سجلنا الجامعه الريم : يارب اووه ذكرتني اليوم بتطلع النتايج في النت ليان : والله ؟ شوفي نتيجتي ترى انا ماعندي الاب توب مع سلطان وهو مادري وينه ؟ الريم حست بشي نغز قلبها : خلاص انا اشوفها لك يالله باي ليان : باي قفلت وتوها بتلف الا دق التلفون .... : ألو هذا بيت العم ابو لافي ؟ الريم : هلا الجازي وش اخبارك ؟ وش عندك ماعرفتني الجازي : مرحبا ماعرفتك خفت اكون غلطانه تعرفين اول مره ادق عليكم الريم : وش اخبارك وش مسويه ؟ الجازي : تمام وانتي شلونك؟ الريم : الحمدلله الجازي بدون صبر : بصراحه دقيت على جوالك مقفل قلت ادق على البيت مابي احد يبشرك غيري؟ الريم بحماس : خير؟ الجازي : مبروووووووووووك ماشاء الله عليك 99 بالميه الريم وهي تصرخ بالتلفون : احلفي وااااااااااااااااو الحمدلله وشوق يالجازي بشري الجازي : أي شوق: توقعي ؟ الريم : بسرعه مافيني صبر ؟. الجازي: 95 % الريم طارت من الفرحه : مشكور مشكوره يالجازي يالله اروح ابشرهم الجازي بعتب : افا وانا ماسألتيني ؟ الريم : اوووه اسفه من امس انتوا طالعه صح؟ الجازي : أي الحمدلله ابشرك ناجحه الريم : الف الف مبروووك يابعد قلبي وبشارتك عندي ؟ الجازي : يالله سلمي على الاهل روحي بشريهم الريم : ان شاء الله يبلغ باي / / / ليان : اف يمه بتجي وتنكد علينا يومنا ام ابراهيم : اهم شي اخوك ولاهي غاسلين يدينا منها ليان : الله يعينا على اليوم اللي بتجي فيه دق جوال ليان شافته ريناد بنت عمها واخت عبير مرة ابراهيم اخوها ليان : خير وش تبي هذي ؟ ام ابراهيم : من هي؟ ليان : ريناد ام ابرهيم : عيب عليك هذي بنت عمك ريناد طيبه عكس اختها ردي عليها يالله ليان : ادري يمه بس كرهتها من اختها ام ابراهيم : ردي هذي ثاني مره تتصل يمكن خير لك ليان بملل : امري لله الو هلا ريناد ، بخير الحمدلله وانتي ؟ : أي امي بخير ؟ هاه ؟ كذابه ؟ في ذمتك ، بفرح :لاتقصين علي ترى ماعندي نت الحين ، الله يبشرك بالجنه لولولولوش ماصدق كم بالله عيدي 95، الحمدلله مشكوره والله مانسالك هذي البشاره ، ان شاء الله يبلغ ، مع السلامه ليان وهي تبوس امها : يمه نجحت يمه ام ابراهيم بفرحه : الله يبارك فيك ؟ شفتي قلتلك مايجي منها الا الخير اصابعك مو سوى يابيتي الريم ركضت لاهلها اللي كانوا مجتمعين في الصاله وهذي عادتهم وقت المغرب : يمه يمه يبه ياقووووووووم الكل انفزع : خير وش السالفه ؟ راكان : عن البزاره وجع روعتنيا جراح : هههههههه وش مهببه قولي ابو لافي : خير يالريم الريم وهي تتنفس بسرعه لانها كانت تجري : نجحت ابشركم ونسبتي 99 وشوق 95 % ام جراح : الف مبروك يابنتي وحبتها بسم الله عليك ربي يحميك جراح وراكان : يصفرون اوووووووووه من قدنا اختنا جايبه نسبه تبيض الوجهه وشوق ماهو مبين عليها المفهيه ابو لافي ابتسم ابتسامه رضا : الف مبروك يالريم جات الريم وضمت ابوها هو يحبها حيل ، ودلعوته واخر العنقود يعني مكانتها غير وباسها : الله يبيض وجهك واخونها باسوها وراكان بحركاته المهبوله : شالها ودار فيها لين دوخت ام جراح : الله يرجك ، بنتي لي يصير فيها شي الريم : وهي مدوخه خبل انت ؟ راكان : من اللي بشرك ؟ الريم : الجازي راكان ناظر في جراح : ايوا لاحد يفكر بالحبايب ههههههههه جراح : بايخ ماتضحك الريم : وين الاب توب حقك ياركان بقى ليان لان ماعندها كمبيوتر راكان توتر : افا صاحبتك للحين ماعرفت تنيجتها وين الخبل اخوها دق عليه وهزئه وسكر راكان: تأكدي قبل تحرجينا الريم : ليه ؟ راكان: يقول كلمها وبشرها ولقاها عارفه الخبر من بنت عمها جراح وهو يتصل بشوق : نسيتوا منها البشاره لي الريم :اووه راحت علي راكان : ماهي مشكله اذا دخلتوا الجامعه عندكم اربع سنوات خذي البشاره الريم : هههههههههههه كلمها وطارت من الفرحه لانها كانت نايمه ونزلت لاهلها وبشرتهم كل وحده باركت لثانيه ومتشققين على النسب الحلوه / / / صقر : مبروك يالجازي وهذي هديه بسيطه لك ؟ الجازي وهي مبسوطه : الله يبارك فيك ياصقر باست راسه وراحت توري امها هديتها ام صقر : ماشاء الله تسلم ياولدي صقر : تستاهل اختي ولا نسيت ست الحبايب كان جايب لامه خاتم ذهب فيه فص مبين عليه انه من الاحجار الثمينه ام صقر : مشكور ياولدي ماكان له لزمه صقر والجازي باسوا امهم وحضنتهم بحنان ام صقر : عسى ربي يبلغني واشوفكم معاريس صقر : ان شاء الله يمه قريب الجازي : يمه تسلم عليكم الريم صقر فز قلبه : عسى نجحت ؟ الجازي : ماشاء الله عليها توني مبشرتها جايبه 99% شوق 95% ام صقر : ماشاء الله عليها وناظرت بصقر صقر : مبروك عليهم / / / خالد : عادي يمه وهذي من متى مهتمه بدروسها رهف : ماهي مشكله كلها مادتين بدرسها وانجح ان شاء الله ام ماجد : اترك اختك وعن اللقافه خالد : يمه بدال الهياته بالاسواق ايام الامتحانات كان نصحتيها ليش ماتصير مثل الجازي ماعندها غيره؟ رهف وهي معصبه لانها ماتحب احد يقارنها بأي احد: ولاتسوى اللبس اللي البسه كل ماقلت قلت الجازي خالد عطها كف : حدك لاتغلطين على بنت تسوى عشره منك وطلع وسمع امه ام ماجد: ليش تمد يدك ياقليل الادب انا اوريك اذا ماعلمت ابوك رهف : شفتي ولدك ماله دخل فيني والجازي من تكون يضربني عشانها ام ماجد : اوريه صايره حركاته ماتتحتمل هو اخوه الثاني / / / العنود: مبروك الف مبروك طيب ان شاء الله قريب ازوركم ؟ أي طيب انا امس كلمتك ابي ابارك لك بس انشغلت مع الموعد حقي وارسلت لك رساله ياقلبي , ان شاء الله ، سلمي على امي ماجد وهو يناظرها : من ؟ العنود: الجازي تبشرني تقول انجحوا الريم وشوق ماجد : مبروك عليهم ماينخاف عليهم البنات العنود: حبيبي وش تبي اسوي لك عشا امرني ماجد وهو يمسك يدها : لا خليك بطلب من برا انتي تعبانه العنود وهي تضمه : كأنك داري بس من اشوفك يختفي التعب ماجد: ارحميني بابنت الناس ماني قد هذا الكلام العنود : ههههههه خرب عليهم طارق اللي كان يلعب طارق : بابا هدي ماما انا وجلس يضرب ابوه عشان يترك العنود ماجد بنرفزه : احس ولدي عدو من يشوفني مبسوط معك خرب علي العنود وهي تشيل طارق : فديته وفديت ابوه ماجد بغيره: أي ضميه اكثر وش عليك؟ انا اللي اكلها العنود: ههههههههه / / / عبير : وش اخبارك ياليان ؟ ليان : بخير عبيروهو تتمصلح : وشلونك ياخاله ؟ ام ابراهيم بطيبتها : بخير الله يسلمك في أي شهر انتي عبير: والله ياخالتي تعبني الحمل مره هذا وانا بالشهر الرابع ام ابراهيم : الله يسهل عليك يابنتي شي طبيعي البكر كذا عبير : مبروك النسبه عقبال الزواج ليان بعصبيه : وتفكريني مثلك كل همي الزواج عبير : ليه ياماما يعني ماتدرين انك اخوي فارس متكلم فيك من مده ؟ ليان متفاجأه : وانا ماني موافقه روحي طمنيه ام ابراهيم : خلاص ابراهيم دخل بس جا ابراهيم وسلم على امه واخته وناظر في زوجته بهيام : شولنكم وش اخباركم؟ ام ابراهيم : بخير نسأل عنك ابراهيم باحراج : تراكم بالقلب بس تعرفين عبير حامل وثقيله ليان : من بعد البيت يعني ؟ ابراهيم وحب يغير السالفه : مبروك اجل بتدخلين أي تخصص؟ ليان بملل: مادري للحين مافكرت عبير وهي تسوي نفسها : تصور ياحياتي تقول ماتبي اخوي فارس اابراهيم بعصبيه : ماحد طلب رايها ولد عمها وبياخذها ورجلها فوق راسها ام ابراهيم : اقصروا الشر ومالكم حق تتكلمون في بنتي وانا وابوها عايشين ليان راحت غرفتها وهي منقهره / / الريم : يالله مالقيته قلبنا البيت انا وشغالات مو محصلته ام جراح : تلقينا بزوايه ولاشي الريم وهي تتذكر : اخر مره كلمت يوم كنت بالمجلس ابخر وتذكرت الاحداث وتغير وجهه ( معقوله مع صقر ، لا ليه ياخذه ، ياربي لالا مو معه يمكن خذه وحطه بالمجلس ) ام جراح : وين رايحه؟ الريم : بروح ادور يالمجلس ام جراح : بسرعه ترى بيجون ضيوف لابوك الريم باستغراب : من يمه ؟ ام جراح : ماقالي ابوك شي بس قال كلمي عيالك وجهزي القهوه بيجون ضيوف الريم : اجل مو لازم بعدين ادوره وجلست تتفرج في التلفزيون / / / ماجد : وينك انت ماتسأل ؟ صقر : والله مشغول تعرف الشغل وهذا غير عمي قال لازم نطلع المزرعه عالاسبوع الجاي عشان الناجحين مسوي حفله وانا قاعد اضغط على نفسي عشان ماداوم الاربعاء والخميس ماجد: وجراح وشلونك معه ؟ صقر بثقه : كل شي زين توه مكلمني قال امرهم ماجد : يعني مافيه امل تتعشى ؟ العنود وهي داخله : مو على كيفك ؟ وش هذي الطله ماجد : أي قولي له ماكأنه يعرفنا صقر وهو مبتسم : قول خيرا ولا اسكت العنود : ياخوي ماشبعت منك للحين صقر : مره ثانيه باس طارق اللي كان بحضنه يلعب بهدوء وعطاه ماجد واستأذن لبيت عمه ،،،،، / / / وضحى : يمه قومي على فراشك ام عبدالله : لا خليني هنا احسن ؟ وين ولدي ؟ عبدالله : هذا انا يالغاليه قبل جبينها وجلس جنبها وضحى : قطعت حلا لعبدالله عبدالله: واو لذيذ تسلم يدك ام عبدالله وهو ميله فمها : هات اذوقه يمكن صحنك احسن وضحى عبدالله ضحكوا وضحى : يمه كلها صينيه وحده ام عبدالله : لا طعم صحنه احلى وش حاطه فيه عبدالله : لا يمه بعدي عشان كذا تقولين حلو ام عبدالله بعصاها : هههه تضحك علي وانا امك وضحى ابتسمت تحب ام زوجها اذا كانت مروقه بس مدري ليه ساعات تقلب عليها / / / نزلوا راكان وجراح وابو لافي المجلس عشان يستقبلون الضيوف كان راكان عارف ان سلطان هو ابوه بيجون بس ماحط باله ليش يفكر انه زياره عاديه ابو لافي : حيا الله من جا هلا فيكم ابو ابراهيم وهو يناظر ساعته : الله يحيك ويبقيك ابو لافي : شلونك ياسلطان ؟ سلطان : الله يسلمك راكان وهو يهمس لسلطان : اكشخ اول مره اشوفك نظيف ابتسم سلطان : وش قصد يعني اني طول عمري وسخ راكان : ههههه وش دراني كله بنادي حالتك حاله سلطان : اوريك بس مو اللحين جراح : بس انت وياه كأنكم حريم، وقام بسرعه بعد مادق جواله راكان : على وين يالحبيب ؟ جراح : صقر عند الباب بروح استقبله دخل صقر وانبسط ابو لافي بجية ولد اخوه وسلم عليهم راكان : هلا صقر اعرفك على سلطان صديقي ولد جيرنا البيت اللي مقابلنا على طول صقر وجهه تغير : ( اجل هذا خصمي ؟؟) هلا سلطان وشلونك ؟ سلطان : الحمدلله بخير ؟ اخيرا شفناك كان ودي اشوفك من زمان ،من كثر مايتكلمون عنك تحمست اشوفك جراح: هذولا جيرانا من ست السنين يعني ماحصلت الفرصه تلتقون صقر اكتفا بهز راسه ابو ابراهيم والبهجه في وجهه لانه يعرف ان صقر سمعته بالسوق طيبه : تشرفنا فيك ياولدي صقر بغرور : تسلم ابو ابراهيم سلطان وهو يهمس لراكان : وش فيه ولد عمك رافع خشمه راكان وهو يبتسم: لا عادي بس هو كذا شكله بس لو تحتك فيه اكثر بتحبه سكتوا يوم سمعوا ابو ابراهيم بدا يتكلم صقر وكأنه حس ان الموضوع كبير وقلبه قبضه ابو ابراهيم : والله يابو لافي من غير مقدمات ، احنا جايين نطلب القرب منك ونخطب لولدنا سلطان بنتكم المصون تغير وجهه صقر ومسك فنجال الشاي بقوه ، طالع عمه ابو لافي اللي كان مستغرب حس العم ابو لافي بعيون صقر الحاده ان فيه شي راكان: احلى وانا اقول وش هذي الرزه اثر الموضوع جدي جراح انتبه لصقر وهو يهمس : مانت بغريب عشان كذا ناديتك صقر بقلبه ( تناديني على موتي؟؟ اسمع خبر مثل هذا يثير غيرتي ويجرحني بس لا والله ماتكون له ولالغيره دامني حي ) سلطان كان متوتر شوي من الموضوع ونظرة صقر اللي تخوف ابو ابراهيم : هاه يابو لافي وش قلت ؟؟؟ ابو لافي تو بيتكلم الا صوت صقر الجهوري لفتهم : والله يابو ابراهيم سمعتكم طيبه ونتشرف فيكم لكن بعد اذن عمي البنت ابيها وانا ولد عمها واحق فيها وحاط عيني عليها ولاجات الفرصه اني اكلمك ياعمي انت تدري بظروفي ياليت تعذرني على جرائتي ومداخلتي بالموضوع لكن بنت عمي ابيها وشاريها واظن انت عمي وبحسبة الوالد الله يرحمه واكيد ابخص الناس فيني جراح وابو لافي انبسطوا من داخل وانحرجوا من سلطان في نفس الوقت لانه رجال وسمعته طيبه وراكان تفشل لانه شاف وجهه صاحبه تغير صقر بعد مارمى هذي الكلمات ناظر عمه وكأنه يقول تكفى لاتكسر كلمتي ابو لافي : والله يابو ابراهيم جيتك غاليه عندي بس مثل ماسمعت ولد عمها اولى فيها سلطان في نفسه : وش جابك من وين طلعتي لي ؟؟ صقر وعلامات النصر بعيونه واللي زادت عيونه حده : تسلم ياعمي راكان تدارك الوضع وحط يده على سلطان : ماعليه والله لو عندي اخت ثانيه ماتغلى عليك بس قاطعه سلطان : مايحتاج ياخوي الزواج قسمه ونصيب مبروك ياصقر *ــــــــــــ* | ||||||||
|
| |
|
01-11-14, 11:50 AM
| #9 | ||||||||
| مراقبة عامة ومشرفة منتدى الروايات المنقولة
| الجزء السادس شوق : يبه بكره لازم نروح عند جدي لافي ( ابو فيصل ) : ابشري ياشوق على خشمي وهو يأشر على خشمه ام فيصل : عمتك الريم ماشاء الله عليه جايبه نسبه حلوه شوق وهي تمد بوزه : يعني انا ماهي زينه ؟ ابو فيصل : بالعكس حلوه نسبتك من قال ؟ ام فيصل : لاتناظرين فيني ماقصدت شي بس فعلا نسبه 99 %ترفع الراس عاد ماندري أي تخصص بتدخل ابو فيصل وهو يكلم بنته بحنان : الا وش حطيتي في بالك أي تخصص تبين ؟ شوق : هذا انا اقول بكره لازم اروح لجدي منها نبارك لعمتي ومنها اشوف أي تخصص عشان ندخل سوا ام فيصل وهي تمسح على كتف بنتها : والله يابنتي كبرتي ودخلتي الجامعه عقبال ماشوفك عروس انحرجت شوق :.... ابو فيصل جاه اتصال من ابوه وطلع برا يكلمه / / / دخل جراح وراكان الصاله والريم كانت تتابع برنامج كلام نواعم ، وداخله جو معه جراح : الريم وين امي ؟ الريم من غير ماتلتفت : في المطبخ راكان واقف يناظر اخته ويفكر : يعني الريم خلاص بتزوج صقر؟؟ ، سبحان الله والله كبرتي يالريم وبتتزوجين ،شاف الريم وهي تحاول تركز في البرنامج بس شكل النوم بدا يسيطر عليها وتحاول تفتح عيونها النجلا بس ترجع وتتسكر ، ضحك في نفسه راكان مدري كيف صقر الجدي ياخذ الريم اللي للحين تصرفاتها مثل الاطفال / / جراح : يالغاليه ابوي يبيك في المجلس ام جراح : خير ان شاء الله الحين اروح له رجع جراح يشوف اخوه لقاها نفس وقفته ويتأمل الريم جراح بهمس : بنفقدها صح ؟ راكان : بصراحه ماتخيل البيت من غيرها ، غير كذا مدري شلون تعيش مع صقر جراح : ضرب كتفه : وش قصدك ترى صقر ولدي عمي رجال ويستاهلها راكان بدل الضربه باقوى : وانا قلت شي الريم : بسم الله وش فيكم تتضاربون ؟ ناظروا في بعض ، الريم شكت في نفسها وناظرت في بجامتها ومسحت على شعرها راكان وهو مبتسم : سلامتك مافيه شي الريم وهو تطلع اللسانها : فكرت كشتي مخوفتكم جراح وهو يجلس جنبها : ههههههههه الله اذا الريم تقول عن شعرها كشه اجل راكان وش يقول عن نفسه راكان : خل راكان وشعره بحاله احسن لك الريم : ههههههههههههه / / / ابو لافي وهو يكلم ولده الكبير ، مع دخله ام جراح : أي الموضوع تفاجأت منه بصراحه لو ادري كان كلمتك تجي ، أي والله فرحان هذا ولد اخوي وافتخر فيه ، ماعليه ربي يعوضه بخير ، اكيد اولى من الغريب ام جراح وهي ماهي فاهمه شي بس تحس فيه سالفه مهمه يكمل ابو لافي : خير ان شاء الله ، اجل بكره على خير نلتقي مع السلامه قفل جواله وطالع في ام جراح المستغربه ابو لافي : وين الريم ؟ ام جراح : في الصاله خير يابو لافي ؟؟ يقول جراح تبيني؟؟ ابو لافي : خير باذن الله بس تدرين من اللي كان هنا ؟ ام جراح : لا والله مادري ابو لافي :خطاب لبنتك الريم ام جراح بفرحه : من هم ؟ ابو لافي : ابو ابراهيم جارنا يبيها لسلطان ام جراح : والله والنعم فيهم وفي نسبهم ابو لافي : لكن !! ام جراح باستعجال : لكن وشو ؟ ابو لافي : صقر طلبني وعطيته ام جراح اختفت ابتسامتها واستقر التعجب في وجهه ابو لافي : انا فهمك كل شي / / / لافي وهو يرجع لاهله بعد ماكلم ابوه كان مبسوط والابتسامه ماليه وجهه ام فيصل : خير عساها دوم لافي : الخير بوجهك وناظر شوق شوق بدالة نظرته نظره استغراب لافي : تجهزوا بكره نروح لاهلي الظهر شوق : اوووه يبه خلوها بالليل احسن ام فيصل وهي تضحك : عشان تنامين طول النهار هاه ؟ لافي : لا خلونا نروح الظهر نتغدى وعشان نتفق بطلعه المزرعه يوم الاربعا شوق بفرحه : ياهوووووو لافي : وعشان موضوع ثاني توقعوه ؟ شوق : شنو يبه؟؟ ام فيصل : قول بابو فيصل قدام يجون العيال ابو فيصل : الا وينهم ؟ شوق : يلعبون في المقلط بلاستيشن ابو فيصل وهو مبتسم : الريم اختي انخطبت شوق متفاجأه: عمتي الريم ماغيرها ؟ ام فيصل : مبروك والله تستاهل من اللي خطبها ابو فيصل : ولد عمي صقر شوق : ...؟؟؟؟؟؟؟؟؟؟؟؟..... / / / ....: لولولولولولوش صقر وهو يضحك : كل هذي فرحه يومه لدرجه هذي كنت مسبب لك عقده ام صقر : والله يازين ماخترت ياولدي فرحتني جعل ربي يسعدك دنيا واخره الجازي وهي تنزل من الدرج : خير وش السالفه ؟؟ العنود ولدت ؟ ام صقر : ياويلي فال الله وفالك تولدين اختك توها بالشهر السادس صقر البسمه ماغابت عن شفايفه : تعالي اجلسي نقولك الجازي جلست : هذاني جلست قولوا ؟ ام صقر : اخوك خطب يالجازي اخير يابنيتي فرحنا الجازي بعفويه : صقر خطب؟؟ من هي المسكينه اللي خطبتوها صقر وهو رافع حاجب : ايش؟ ام صقر وهي تضرب كفها : وجع ياخد عدوك وش هالكلام انتبهت الجازي لغلطتهاوخافت من صقر: هههه امزح وش فيكم اقصد من هي سعيده الحظ ؟؟ صقر بغرور : الريم بنت عمي الجازي في نفسها : الله يعينك يالريم على جديه وبرود صقر : مبرووووك ياخوي الف مبروك ومتى ؟ وليه ماقلتوا ؟ يعني تشتغلون انتي والعنود من تحت لي تحت يمه صقر : ليه ؟ كانوا يخططون ؟؟ ام صقر وهي تضحك : بصراحه تمنينا تكون لك وسبحان الله جات من نصيبك يعني مامدانا نخطط هههه الجازي : عاد الريم بنت ولا كل البنات وين حظك تاخذها صقر برود عكس اللي بداخله : ليه وش فيها زود ؟ ام صقر : كامله والكامل وجه الله جمال ودلال واخلاق الجازي بتدخل : وانا اشهد صقر بفرحه داخليه : خير ان شاء الله وصعد غرفته الجازي : ااااخ يالقهر بس ام صقر : وش فيك ؟ الجازي : يمه بارد ولدك ؟ شوفيه ماكانه خاطب ام صقر : اقول جيبي التلفون ابشر اختك بس / / / ليان بعد ماهدت : افا مفروض ماترك امي لحالها مع العقربه نزلت وشافتهم كلهم بالصاله انتبهت لوجهه سلطان اللي كان مخطوف ليان : سلام عليكم ردوا السلام كلهم وكملوا مناقشاهم ابراهيم : ولو يبه مفروض تعطوني خبر ولا ماني بولدكم ؟ ابو ابراهيم : خلاص ماصار نصيب ان شاء الله المره الجايه ابراهيم : لايبه ملاحظ ملغين وجودي ولاتعبروني بشي عبير من داخل مبسوطه لان سلطان ماتمت خطبته ولان ابراهيم شايش عليهم ام ابراهيم : خلاص يابراهيم سلطان بعصبيه : الحين احنا وين وانت وين صدق فاضي ابراهيم : لاتنسى اني اخوك الكبير لاترفع صوتك علي وتحط حرتك فيني سلطان وهو يصعد غرفته: تدري انا اللي مفروض ماجلس معك ليان خايفه اول مره تشوف مشحانات وصوت سلطان يرتفع وشكله متغير ابو ابراهيم : خلاص حشمونا على الاقل ماكأن احد موجود قدامكم ابراهيم : اسف يبه يالله عبير تأخرنا عبير بخباثه : ان شاء الله حبيبي ليان ناظرت امها يمكن تعلمها وتقول وش السالفه بس لحقت ابوها اللي راح غرفه نومه ولاعبرتها ليان : وش السالفه ؟؟؟ / / / رهف : اف زهقانه وش اسوي يامشاعل ومقهوره من اخوي النذل مشاعل : تقصدين اخوك خالد المزيون؟ رهف بحقد : ايه هو مشاعل : هههه اجل تكفين سلفيني ياه يجنن رهف : بلاك ماعرفتيه ولاما قلتي كذا ربي فكني من ماجد يوم تزوج عقبال يتزوج ويولي يخليني براحتي مشاعل باستهبال : زوجيني ياه رهف : هههههه عاد انتي وشطارتك قصي عليه مثل ماتسوين بالشباب الثانين مشاعل : هههههههه لاتتحديني ترى اسويها / / / ام جراح : والله ونعم فيه بس ماهو مفروض تاخذ رايك بنتك ابو لافي : بنتي ماتعصالي شور واكيد بتوافق على ولد عمها ام جراح :طيب شلون نفاتحها وهي الحين كل همها التسجيل بالجامعه ابو لافي : روحي ناديها لي ؟ ام جراح : ان شاء الله / / الريم : ههههههههههههههههههههههههه ههههههههه بس شكلي على الضحك هذا ببكي الله يرجكم جراح : عاد ماتوقعت المذيعه تعطيني وجهه وانا قاعد اتميلح عندها في اللقا راكان: افا يارجال ماخبرتك راعي هذي الحركات جراح : اقول شوف من يتكلم ؟ راكان : الحمدلله انا ماحب هذي الحركات من شغلي لنادي للبيت بس اذا مره يعني اقز الريم : يعني القز عادي ههههههه الحمدلله بس خلاص طيرتوا النوم من عيني ام جراح وهي جايه وتسمع ضحكم : الريم بسك ضحك روحي لبوك ؟ الريم : ان شاء الله يالغاليه / / / وضحى : عبدالله وش فيك تتحرك كثير ماجاك نوم ؟ عبدالله : أي والله افكر وضحى : خير حبيبي عبدالله : بس عندي بعثه برا اربع شهور متردد اوافق ولا لا وضحى بخوف : اربع شهور ؟؟ عبدالله وهو يمسك يدها : لاتخافين ياقلبي للحين ماوافقت وضحى باهتمام وهي مخبيه خوفها : اذا مهمه وتعلي مركزك لاتردد حبيبي عبدالله: وامي ؟ وضحى : بتكون في عيوني ؟ لاتخاف عليها ؟ عبدالله : الله لايحرمني منك وضحى بحب : ولامنك / / / خالد : فارس قفل الجوال من يوم جيتك وانت كل شوي ماسكه فارس وهو يأشر له يسكت : طيب قلبي اكلمك بعدين خالد : كم عندك قلب حشى سويت مو قلب فارس : ههههههه عاد هذي اسوله لازم اخليها تحبني وتثق فيني توه تتكلم عن وحده من صديقاتها متعرفه عليها تقول مفهيه ماتدري بشي عن الحياه خالد : يعني المحافظ بالنسبه لها مفهيه ؟ فارس : هههه ناس تفكيرها اعوج خالد : طيب تعرفني عليها يمكن تسوي نفسها قدامها فارس : ابشر ماطلبت شي بس خلني اسايرها واخليها تعرفك عليها خالد : وانا انتظر لاني مليت من البنات المايعات أبي اكشن شي فيه صعب وفيه تحدي فارس : تعجبني والله وبنت الخاله ؟ خالد : في قلبي اكيد بس اتسلى لين تخلص دراستها فارس : هههههههههههه امحق حب يالخاين خالد : طالعوا من اللي يتكلم ؟ وبنت عمك اللي متكلم فيها فارس : عادي بس اضمن زوجه للمستقبل ولا اصلا ماعرفها / / طلت براسها من على الباب بابتسامتها المعهوده : سلام ياحلى اب في العالم ابو لافي : هلا بريم الفلا الريم وهي تحب راسه : هلا فيك امرني يبه ابو لافي : ابيك تسمعني يابنتي ولاتقاطعيني ؟ الريم : ابشر يايبه ابو لافي : انتي يالريم عيني اللي اشوف فيها ودره صنتها 19 سنه ، ربيتك على طاعه الله ورسوله وطاعتنا وتربيتي ماهي برايحه عبث ان شاء الله ، جا الوقت اللي اخليك تششوفين حياتك مع نصفك الثاني وصدقيني انه الرجال المناسب لك الريم دار راسها من هالكلام : يبه وش تقصد ؟ ابو لافي كمل : يابنتي ان ماراح ابقا لك طول عمري واخوانك كل واحد بيشوف سعادته ويتزوج وامك اكيد بتفرح لما تشوفك في بيتك مستوره ومبسوطه مع زوجك فهمت الريم انها انخطبت : ( ياربي لايكون سلطان خطبني ، وش اسوي ، شوق بتكرهني واذا رفضت ليان بتأثر صداقتي معها ) كل هذا في بالها ابو لافي : فهمتي علي يابنتي ؟ الريم هزت راسها ابو لافي : واظن صقر ولد عمك يستاهلك يالريم رجال قول وفعل وماعليك من الماضي هو كان مراهق وغربته صحته الريم بشهقه وعيونها تلمع : صقر ؟ وش دخله ؟ ابو لافي ويمسك يدها : صقر ولد عمك هو اللي خطبك وانا ماراح ارده لاني عارف انه يستاهلك وتستاهلينه الريم صدمه قويه ، خوف هز كل جسمها من نطق باسمه / / / ليان افتحت باب غرفته ولقته حاط راسه على الطاوله : سلطان سلطان من غير مايرفع راسه : خير ؟ ليان سكرت الباب وجلست جنبه : اخوي سلطان ناظرني انا ليان ؟ سلطان رفع راسه وكانت عيونه حمرا وجهه مصفر : امري ليان بغيتي شي؟ ليان : وش فيك سلطان فهمني ؟ سلطان : راحت من يدي ياليان ليان بتعجب : من هي ؟ سلطان : الريم بتكون لغيري ياليان وضرب يده الطاوله بقوه ليان : معقوله ؟ وش تقول انت هي مش مخطوبه ؟ سلطان : ولد عمها طلبها قدامي ياليان ماقدرت هو اولى فيها ليان : صقر ؟ سلطان: أي هي تحبه ليان ؟ ليان : وش قاعد تقول ماعمرها تكلمت في هذي المواضيع ابدا ، بعدين هذا نصيب وعسى ان تحبوا شي وهو شر لكم يمكن لو اخذتها ماتفقتوا سلطان بألم: بس تعرفين وش كثر احبها ليان بعقاله : واللي يحب يتمنى الخير له خلاص هذا مكتوب ماتقدر تغير شي مو من نصيبك ، تبي تعارض المكتوب؟ سلطان : استغفر الله ماقلت كذا ليان : تصرفاتك تدل كذا ، اللي خلقها خلق غيرها هي صديقتي بس انت اخوي مارضى لك الزعل سلطان : كيف انساها وانا احس انها روحي ليان : سلطان احكم عقلك البنت ماهي لك لاتفكر فيها من اليوم ورايح سلطان : مو كيفي ياليان / / / شوق وهي بغرفتها من يوم سمعت بخطوبة عمتها فرحانه في نفس الوقت تحس بشعور الحزن على سلطان اللي راح يتفاجأ بالخبر ماتدري انه انحط بالموقف وجها لوجه شوق يمكن يكون من نصيبي وعمتي الريم وش شعورها من الخبر نفسي اعرف تذكرت الموقف اللي قالته لها الريم يوم شافها صقر شوق : شكل الرجال شبع منك الريم : والله بغى قلبي يطيح يمه ياشوق نظراته حاده قاتله تحسين ودك تموتين منها شوق : ههههههههههه كأنك تغازلينه عينك عين الريم بخوف : لاوالله مو غزل الا خوف منه نظراته مو أي نظره تحسين لها الف معني ومعنى شوق : لايكون بدايه حب ؟ الريم : لا ياشوق مو حب بس خايفه منه وسمعتي الجازي شلون تتكلم عنه انه جدي وغامض رجعت شوق للواقع : الله يعينك ياعمتي كان قلبك خايف والحين مدري وش بتسوين طالعت الساعه بكره اشوفها واجلس معها واشوف وش رايها ؟ / / / ابو لافي بطوله بال : ليه تبكين الحين ؟ الريم وعيونها ماتوقف :....... ابو لافي : تكلمي وش له تبكين ؟ الريم وهي منزله راسها : يبه ابي اكمل دراستي ابو لافي : ماراح يمنعك كملي واذا تبيني اكلمه مو مشكله اكلمه لك الريم : مابي اتزوج الحين الله يخليك ؟ ابو لافي بدا يفقد اعصابه : انتي رافضه الزواج ولارافضه صقر شخصيا ؟ الريم ( وش اقوله اني اخاف منه واني ماحس بالامان من يوم شفته ، ولا انه صعب ماراح اقدر اتعامل معه ) :...... ابو لافي بعصبيه : جاوبي دخل جراح وراكان : خير يبه ؟ ابو لافي : مدري عنها تقول ماتبي تتزوج صقر ؟ جراح : يالريم الرجال طلبك قدام سلطان وابوه وشاريك وابوي مارده وعطاه كلمه صعبه موقفنا يالريم الريم صدمه جديده : ( يعني سلطان خطبني وهو عارضه ) :... راكان بحنانه : يالريم يمكن انتي متفاجأه او مصدومه بس صدقيني ترى صقر رجال والنعم فيه ابو لافي بحزم : انا قلت كلمتي وصقر الحين بحكم خطيبك ونشوف متى ناوي الزواج واذا على الدراسه ماراح يمانع لاني بطلب منه يخليك تكملين الريم وهي مازالت تبكي : بس ابو لافي : هذا اللي عندي ، وانا ادرى بمصلحتك وراح تشكريني بعدين جراح : عين الصواب يبه راكان : الله يوفقك يالريم مبروك دخلت ام جراح وراحت ريم تركض تحضنها وهي تبكي ام جراح : خير يمه ليه الدموع ؟ هذي سنه الحياه وحمدي ربك ان صقر مو بالخارج ولا بديره ثانيه الريم خلاص حست نفسها متضايقه هي متخوفه من شي ماتدري وشو هل هو الزواج وانها بتفقد جو هلها ولا صقر واطباعه الحاده مشت بسرعه غرفتها يمكن تلقى نفس فيها ام جراح : ماعليك يابو لافي لاتضايق نفسك ابو لافي : علامها كأنها مذبوحه هذي الريم ماتهون علي دموعها بس لزوم ادلها على مصلحتها جراح : وهو يخفف على ابوه : يبه دلع بنات شوي وتهدا راكان : يمكن لانها حاطه في بالها تكمل من غير مسئوليه ابو لافي : الله يكتب اللي فيه خير ام جراح : اذا هدت كلمتها لاتحاتي يابو لافي هذي تربيتك ماراح تزعلك / / / الريم شلون انا اخذ صقر !! هزت راسها كأنها تمنع نفسها انها تتخيل يكون زوجها ، ياربي طلعت لي وتبي تدخل حياتي بكل جبروت وقوه ، شلون بتكون حياتي مع شخص جاد معظم وقته وتسع سنين متغرب مادري وش تفكيره ، تذكرت شكله ونظره عيونه وانتفض جسمها كله وسالت دموع حاره على وجهها ، من يومه صغير وهو شخصيته كذا كانت تذكره وهي صغيره كان معظم وقته ساكت مايحتك مع أي احد الا ماجد واخوها جراح ( الريم من الاساس متخوفه من فكره الزواج وانها تبتعد عن مملكتها والملوك اللي يعيشون داخله تقصد ابوها وامها واخوانها ، وكان كل همها دراستها على كثر مانخطبت ماحد طرى لها الزواج وش معنى الحين ؟؟؟ يعني خلاص كبرت ولازم انتقل لعش الزوجيه مع شخص اختاره ابوي !!! واستمر التفكير والدموع حتى صدع راسها ونامت ) / / / ابو لافي ماجاه النوم ويحس ماهو مرتاح ويفكر بالتصرف اللي تصرفه ، هو وافق على صقر بس خايف لايكون تسرع ، نفض الفكره من باله لالا ولد عمها احسن من الغريب ، ام جراح تقلبت على سريرها فتحت عينها وشافته واقف عند البلكونه وهي تعرفه اذا مانام معناه انه متضايق ويفكر خافت عليه لايرتفع السكر عليه : ابو لافي بسم الله عليك وش فيك ؟ ابو لافي وهو يدخل ويسكر باب البلكونه : افكر يام جراح في الريم ام جراح : الله يهداك خف الدلع عنها واقسى لو شوي عليها لمتى بتظل ترفض الخطاب اللي يجونها والحين اللي تقدم لها ماهو باي واحد هذا ولد اخوك اللي سمعته فوق والكل يمدحه ابو لافي : طيب وش فيها ماتبيه ؟ ام جراح : يابو لافي هي متفاجأه تعرف من يومها صغيره وهي ماتحتك غير باخوانها وماتعرفه زين وتغرب سنين ونست منه، والحين رجع وبعد كم اسبوع يجي يخطبها بدون مقدمات صدمه بالله عليك انت مانصدمت ؟ ابو لافي : أي والله اني ماتوقعت ابد ام جراح : لاتخاف بنتا الريم ماترفض لك طلب ابو لافي : ماني مطمن لين انفذ اللي بالي ام جراح بتفكير : وش اللي في بالك؟ ابو لافي : كل خير ياسعاد / / / رهف وهي بالغرفه تشوف فلم اجنبي دق جوالها ناظرته رقم غريب ماهتمت كملت تشرب البيبسي وتحاول تعيد اندماجها بعد ماعكر صوفها صوت جوالها شوي ورجع يتصل رهف : الو .......: اخيرا تكرمت ياقمر ورديت رهف : خير من تبي ولا من الفاضين اللي يلعبون على بنات خلق الله ......: ليش معصبه الحين ؟ رهف : خلصني من تبي ؟ ......: ابيك انتي رهف : صدق فاضي طراااخ لاتفكرونها من عقالتها بس لانها مالها مزاج وتبي تتابع الفلم دق مره ثانيه حطته صامت وسفهته ،،،، / / / تقلبت على سريرها وحركت راسها على الجهه الثانيه شمت ريحة بخور عرفت ان امها صحت من ريحه البخور والقهوه ،، عقدت حواجبه لانها حست بثقل في راسها وتذكرت وش صار ، رجعت الدموع تغزو محاجرها ماني مصدقه اني خلاص برتبط بشخص واترك هذي الاجواء وتوها بتبدا افكارها لكن دخلت عليها امها بهدوء جلست جنب السرير بابتسامتها الحنونه : صحيتي يمه ؟ الريم وهي مازالت منسدحه : ايه يمه مسحت على شعرها بحنان وتطالع عيونها المورمه مبين عليها رقدت وهي تبكي : طيب يالله قومي افطري اخوك لافي وهله بيجون يتغدون عندنا ابيك تساعديني الريم وهي تناظر الساعه لقتها 10 ونص : ان شاء الله يمه اخذلي شور وانزل راحت ام جراح اللي تدعي بقلبها ان الله يهدي بنتها ويسعدها بهذي الزواج المفاجأ طالعت نفسها لقت للحين بلبس امس ، قامت من السرير وتحس بخمول في جسمها خذت الفوطه ودخلت الحمام تبي تاخذ شور يمكن يهديها شوي / / / صقر بعصبيه : لو سمحت مره ثانيه لاتتصرف من عندك والمواعيد تبلغني اول باول فيها مفهوم ؟ السكرتير : حاضر ياباشا صقر : تفضل تقدر تكمل شغلك سند جسمه على كرسي المكتب ورفع اطراف اصابيعه ومررها على راسه عكروا مزاجه باهمالهم الشغل هو دقيق مره عشان كذا يشوف انهم مهملين ابتسم يوم مر طيف الريم في باله : ان شاء الله قريب اوصل لك ، فتح درج المكتب وحصل جوالها النعومي الذهبي واللي يدل على نعومه صاحبته ابتسم اكثر يوم تذكر الموقف كان شكلها وهو خايفه روعه ، سكت واختفت ابتسامته معقوله نستني انتقامي من عمي لالا اصلا مجرد مشاعر تافهه وباخذها عشان احرق قلب ابوها عليها ماهي هي الريم اللي اغلى شي على قلب عمي بس عمي طيب معي للحين رغم اني سمعته كلام جارح ولافكرت بيوم انه راح يسامحني وش يسامح فيه وهو ماقصر معك وهانك ههههه تعوذ من ابليس وزال عنه فكره الانتقام مؤقت مايدري ليه راحت من باله بعد ماتعوذ وخذله بندول وكمل شغله / / / جراح : ماجد يادب معقوله للحين مادامت ماجد وهو تحت البطانيه : وش تبي ياخي خلني انوم كفايه العنود من الساعه 8 تصحيني ارحموني مانمت الا متأخر جراح : وحد قالك تسهر ماجد وهو يتثاوب: غصب عني جراح : طيب تأخرت على دوامك ماجد : كلمت واحد من الشباب يتستر علي لين اجيهم بعد شوي جراح : ماقول الا مالت عليك لو انا منهم ماعطيتك وجهه ماجد اللي سكر عيونه ولاهو مهتم مع جيه العنود اللي تعبت وهي تقومه وراحت تجهز الفطور وتنتظره من ساعه : مووووووووووووويجد للحين ماصحيت حضرتك جراح وهو يضحك لانه سمعها: كفوا يابنت عمي ماجد بفزع : بسم الله الرحمن بعدين كمل جراح متفقين انت وبنت عمك علي خلاص طار النوم منكم العنود قربت وهي معصبه عليه مسك يدها وجلسها جنبه على السرير جراح : المهم ترى متفقين انا وصقر العصر نمر على واحد من الربع المستشفى تروح معنا ؟ ماجد : مايبيلها اكيد بروح معكم جراح : اجل على خير نلتقي في امان الله ماجد : مع السلامه العنود وهي تهز رجولها وحواجبها معقوده : مو حرام عليك مصحيني من 8 كأني انا اللي بداوم ماجد وهو يبتسم : انتي للحين متعوده على نظام المدرسه يعني ماراح يضرك العنود بعصبيه: ألا بيضرني تعرف ولدك امس بعد الموت نام ماجد : عيوني انتي ليه العصبيه لاتخربين مزاجي بعد سهرة امس العنود ابتسمت : طيب يالله جهزت لك حمام دافي تروش وتعال الفطور جاهز ماجد وهي يتنهد : آآآآه ياناس شفتوا وش كثر طيبه لاتلوموني اذا حبيتها العنود: فديتك بس ترى انت متأخر واذا على كلامك بتتأخر زياده ماجد ولاهو مهتم :يولي ، من زود الاهتمام زين اني بداوم ساعتين يحمدون ربهم العنود وهي تبي تفاتحه عن اهماله بشغله بس حست انه مو وقته راحت تفقد ولدها طارق اللي كان نايم وماجد دخل الحمام / / / العصريه بعد ماجا ابو لافي وهله وتغدوا وامتلا البيت بالرجه والضحك والسوالف وكانوا مجتمعين سوا والريم ماهي معهم تسرح كل شوي وماتناظر ابوها لانها تحس انه يذكرها باللي صار امس ، شوق ماحبت تفتح معها الموضوع يوم شافتها متكدره فضلت انها تسكت تكلم ابو فيصل بفرح : الف مبروك ياالريم على الخطبه بصراحه فرحت لك من قلبي مامداها يتكلم الا ام فيصل لانها فضلت ماتتكلم الا اذا تكلم زوجها : أي والله مبروك ياعمي خطبه الريم مبروك ياخاله التفت لريم اللي كان وجهه متغير : الف مبروك يالريم تستاهلين الخير الريم وهي تحس بحراره في جسمها : هزت راسها الكل فسرها انها مستحيه الا اللي يعرف السالفه راكان وهو يضحك لابو فيصل المستغرب من الريم : تعرف الينات يستحون يابو فيصل غلا بلقافتها : يعني عمتي الريم بتتزوج الله يتلبس ثوب ابيض وحراكات فهد : هذا اللي هامك باركي لها اول بعدين ابتسم وبارك لها فيصل : مبروك ياعمتي غلا : طيب من اللي بتزوجها عشان ابارك لها جراح وهو يجرها يجلسها جنبها باسها وقال : ههههههههه طيب يمكن مابعد شفتيه فهد : هذي ماخلت احد ماشافته ضحكوا عليه الكل ماعاد الريم اللي ماهي معهم غلا بعصبيه : وانت وش دخلك ؟ يبه شفه ابو فيصل : ماتجوز عن حركاتك يعني جراح : تعرفين ولد عمي صقر ؟ غلا وهي تمسك ذقنه : اللي يشبهك شويه بس انت احلى جراح يجاريها: ليه احلى ؟ غلا برائه : لانك ابيض منه وذاك يامعطيني وجه مثلك وغير كذا انت عمي وسبلت بعيونها جراح : ههههههههههههههههههه وعلى هذي السيره تعكر مزاج الريم اكثر وقامت لغرفتها من غير ماحد يحس / / / ليان : سلطان انت هنا فكرتك رحت للنادي سلطان ابتسم مجامله : لا اليوم ماراح اروح احس نفسي مكسر ليان : اممممم وبعدين يعني ؟؟ سلطان : اوف ماراح اخلص منك ياليان خلاص مالي نفس ليان تو بتتكلم الا ويدق جوالها ناظرت الاسم وابتسمت بعدين طالعت في خوها اللي حس في شي سلطان : ليه ماتردين ؟ ليان: هذي بيت الريم مادري وش تبي ؟ احس متفشله منها مفروض انا اكلمها مو هي سلطان بهتمام : ردي ليان وهي تبي تطلع : طيب سلطان : تكفين تعالي خليني اسمع صوتها لاخر مره ليان : لا سلطان سوري سلطان : ليان قلتلك اخر مره وربي بحاول اشيلها من بالي بس ابي اعرف وش ردة فعلها ليان : اوف راحت علي المكامله الا يدق مره ثانيه ارفعت وحطت على السبيكر الريم بصوت مخنوق : الوو ليان وهي تناظر اخوها اللي عقد حواجبه : الو هلا ريمووو الريم : وش اخبارك ؟ وش مسويه ليان : تمام انتي وش اخبارك ومبروك يالريم تستاهلين الخير ياقلب امك الريم وهي تداري دموعها : ...... سلطان قام من مكانه وقرب من ليان اللي استغربت وش فيها ماتتكلم ليان : الو ريمو معي ؟ الريم : معك ....؟ ليان ليان : وش فيك ؟ ريمو كلميني وش اللي مضايقك ؟ الريم وهي تبكي : آسفه والله ماكان قصدي احط اخوك بهذا الموقف وربي ماكنت ادري ان ولد عمي بيخطبني ليان : ياربي يالبايخه يام دمعه قريبه هذا اللي يبكيك بس مالت عليك لو انتي عندي ماتسلمين من عضتي سلطان اللي تضايق يوم سمعها تصيح جلس يفرك يدينه ببعض ليان: الريم خلينا نتكلم بعقل الريم : ..... ليان : الحين اللي صارلك ربي كاتبه لك وهذا قسمه ونصيب مالك يد فيه بعدين اخوي فاهم هالشي ولا زعل بالعكس فرحلك من قلبه والله يوفقك ويوفقه ياصديقتي العزيزه هههه وش فيني قلبت الريم وهي تحاول تضحك : هه ناويه تدخلين لغه عربيه انتساب ليان: وجع كل هذي النسبه وادخل لغه عربيه وش دخلني يابو الشباب تراني علمي وش فيك مضيعه هههه الريم : هههه بعدين اسكتت ليان: ايوه يانذله ماقلتي لي عن صقر سلطان وكأنه انطعن من ذكر اسمه وهي تعمدت ليان تذكره عشان خلاص يشوف نفسه ويصحى الريم : تبين الصراحه ؟ ليان: اكيد لاتخبين وهي تضغط تبي تشيل السبيكر بس رفض سلطان ونزل راسه وكأنه جاهز لاي كلمه جارحه الريم وبصوت خايف : مابيه ياليان انا اصلا ماتصور حياتي معه ولااعرفه زين ولا عجبتني طريقته بخطبتي خاش عرض وكأنه واثق اني بوافق عليه وبكل بساطه يبوني اوافق والسبب انه ولد عمي وماينرد طيب وانا مالي راي ماني مصدقه اني خلاص مخطوبه له وصاحت ليان : هدي ريمو ياقلبي خلاص الريم : وش اسوي الحين مافيه حد بالي بس ابي اكمل دراستي ماني مستعده اتزوج الحين وربي حتى اني ماعرف عنه الا انه ولد عمي صقر الجاد بكل شي والصعب التعامل من كلام اخته والشرس بالسوق من كلام ابوي انا خايفه ياليان مادري وش اسوي ليان : الريم خلاص لاتصحين عشان خاطري سلطان ماتحمل وفتح الباب وخرج ليان وهي تناظر المكان اللي خرج منه اخوها ومتوتره : الريم اسمعيني شوي ؟ الريم : تفضلي ليان : وش راي اهلك كلهم ؟ الريم : كلهم فرحانين ويمدحون فيه ويقولون مالك عذر حتى ابوي اول مره يوقف ضدي ليان: طيب ليش حكمتي عليه من كلام الناس انتي ماعاشرتيه كيف تتاثرين من كلام الناس حرام عليك يمكن يطلع العكس الريم : بس انا شفته مادري حسيت اني اول ماشفته ارتجفت خايفه منه ناظراته وكل شي فيه يخوف وباينه من شخصيته العشره معه ليان : ماهو كلام وحده عاقله كيف تحكمين بالشكل ومن كلام الناس حتى انك ماعطيتي نفسك تعرفينه انتي يالريم اسمحي لي بقولك شي انتي صديقتي ومثل اختي روحي استخيري وان شاء الله ترتاحين وصدقيني اهلك وخصوصا ابوك ماوافقوا عليه الا انه يستاهلك الريم ارتاحت شوي يوم فضفضت لصديقتها : الله يكتب اللي فيه الخير ليان : امين ياعروسه ههههه الريم : مشكوره انك سمعتيني ياغلى صديقه بروح اصلي وانزل تحت لان العايله الكريمه مجتمعه ليان : طيب اقلبي وجهك جالسه تبكبك عندي واهلها تحت مالت عليك من بنت الريم : ههههههههه طيب اوريك ليان : روحي بس باي قفلت جوالها : الله يوفقك يالريم خلني اشوف وين راح سلطان طلع متضايق الله يتسر / / نشر - | ||||||||
|
| |
|
01-11-14, 11:52 AM
| #10 | ||||||||
| مراقبة عامة ومشرفة منتدى الروايات المنقولة
| الجزء السابع وضحى : سلاااااااااااااااااااام كلكم مجتمعين يالخونه ولاحد قال عندي اخت اكلمها تجينا ابو لافي : هلا يابوي مرحبا وضحى وهي تبوس ابوها وتسوي نفسها زعلانه : لو انك تحبني مو تجمع عيالك وانا لا ماكني بنتك لافي وهي يضحك : يابنت الحلا انا اللي عزمت نفسي وطبيت عليهم الا وين عبدالله ؟ وضحى : راح يعطي اوراق لرجال وبيجي بعد شوي وسلمت على الباقين وجلست تسولف وانتبهت للريم ماهي موجوده وضحى وهي قاعده تبوس غلا وحاضنتها : الا شوق وش اخبارك ومبروك النسبه ياقدعه ؟ شوق : بخير تمام الله يبارك فيك وضحى : اشوف تؤمك ماهي هنا ؟ شوق : ههههههههه راحت فوق شوي وتنزل غلا: عمتي أي مستحيه لانها بتتزوج وضحى وهي تفتح عيونها : ايش؟ ابو لافي : وش فيك ياوضحى ؟ وضحى : لا يبه بس الخبله غلا (طقت راسها بخفه) تقول ان الريم بتتزوج ههههههه راكان : اووووووه الحبيبه ماتدرين ؟ بصراحه اليوم ناسينك مدري وش فينا جراح يبي يتكلم : مادريــ.... راكان : لااااااااا انا اللي بقول ام صقر : حشى بزارين الكل ضحك وضحى : وش السالفه ؟؟؟؟؟؟؟ غلا اسبقتهم : بتتزوج صقر هيييييييييييييييييا وجلست تنطط وضحى على طول طالعت ابوها اللي كان مبتسم ابو لافي : أي صقر خطب الريم البارحه وضحى بعصبيه : لا لا كذا زعلتوني وانا اخر من يعلم ليه يمه ماقلتي لي ام صقر : والله تو السالفه طازجه بعدين يابنيتي ماجاني وقت ارفع السماعه وضحى : الف مبروك وربي لازعل مره ثانيه لو صارت راكان : ابشري اذا خطبت انتي اول وحده تدرين هذا اذا ماخليتك بعد انتي اللي تروحين تخطبينها لي جراح : وش عنده اللي يجبر الخاطر وضحى : ههههه أي عادي اخطبلها واخطبلك بعد جراح : لا تكفون انا خلوني كذا عزابي مرتاح ابو لافي اللي زاد اصراره على الفكره اكثر وناوي يكملها وضحى : اجل عن اذنكم ماني قادره اصبر بروح اشوف الريم جراح : اشتغل فضول الحريم راكان: خخخخخخ استأذن جراح لانه مواعد صقر وماجد يلتقون / / / ماجد يكلم خالد يالجوال... ماجد : هلا خالد أي انا مو في البيت بس تلقى العنود قدامك أي بروح مشوار على المغرب برجع ...يارجال البيت بيتك وش فيك ؟ طيب وش رايك امرك بروح مشوار مع صقر ولد عمه طيب يالا تجهز شوي وتلقاني عند الباب / / / رهف : وهي ترفع جوالها وتشوف 15 مكالمه وخمس رسايل : وش السالفه ناس قاطه وجهه قرف صدق نفس الرقم متكرر وفيه رسايل غزليه مره مسحت الرسايل كلها من غير ماتكمل قرايتها : اف زهقانه ابي اطلع جا في بالها صقر وووووع ثقيل بزياده يالله يمكن اقدر الين راسه واتسلى معه بعدين راعي فلوس شلون افوته رهف بدلع : مامي ام ماجد : وهي تتجهز تبي تروح حفله استقبال لوحده من ربعها : نعم رهف رهف : زهقانه ابي اروح للجازي اغير جو ام ماجد : من متى المحبه ؟ رهف : اوووه يمه مو تقولين اتقرب منهم عشان صقر ام ماجد : أي صح خلاص تجهزي عشان اوصلك بطريقي رهف : اوك / / / سلطان على الكورنيش زهقان ومتضايق بعد ماسمع الريم وهي تبكي حس انه ضعيف مو بيده يسوي شي عشانها ( ياربي ليش ياصقر ؟ وش اللي دخله ؟ وش معنى هذا اليوم يجي بالذات وكأنك حاس.... أأأأخ يالقهر ، ياقلبي عليك يالريم ؟ربي يوفقك ويسعدك وين ماكنتي ... لازم اقول ليان توقف معها وتنصحها ترفض قد ماتقدر وقطع عليه صوت جواله يدق راكان يتصل بك ابتسم سلطان من غير نفس : مالي خلق ارد عليه بس مايطاوعني قلبي الووو راكان : هلا وغلا يالسلطان وينك ؟ سلطان : موجود راكان سكت شوي مايدري شلون يحس نفسه منحرج منه بس هذا نصيب ماله يد فيه : وش رايك امر عليك نطلع للنادي سوا سلطان : انا مش موجود في البيت قريب من النادي راكان : بالاقصاد تتكلم انت وخشتك سلطان : هههه الله يقطع شرك راكان : تكلم وينك لاتوطا بطنك الحين سلطان : في كورنيش الخبر راكان عرف انه متضايق : خلك مكانك راح اجيك عشان ندخل النادي سوا يالحبيب سلطان : حياك / / ضبط شماغه ولبس ساعته ورش من عطره الفواح اللي يدل على جبروت راعيه صقر : يمه ام صقر وهي في غرفتها : تعال يمه صقر دخل الغرفه : وش تسوين يالغاليه ؟ ام صقر : توني يوم خلصت صلاه العصر صقر : تقبل الله ام صقر بحنان : منا ومنك الا وين رايح ياعيون امك ؟ صقر ابتسم وباس يدها : بروح انا وجراح وماجد نزور واحد من الربع ونغير جو شوي ام صقر : أي يمه انت كارف نفسك الايام الفاتت ربي يهديك صقر : والجميع يارب وين الجازي ؟ ام صقر : اكيد بغرفتها صقر : طيب يمه تامرين على شي ؟ ام صقر : ربي يحفظك يايمه ويسهل دربك صقر : مع السلامه / / / ليان : يمه وينه فين ؟ ام ابراهيم : مادري شكله راح لركان ليان استانست شوي لان راكان غالي عليه ماراح يتركه متضايق ام ابراهيم : الا اقول يمه ليان : هلا ام ابراهيم : وش رايك بريناد نخطبها لسلطان ليان : يمه مادري بس خليه يهدا شوي بعد سالفه الريم لاتكلمينه الحين ريناد طيبه بس اخاف تقلب مثل اختها ام ابراهيم : لالا الله خلق وفرق ماكنهم بخوات حتى امها تشكي من تسلط عبير وتمدح في ريناد ليان : يمكن بس عبير اللي تسويه ماهو هين قاعده تخطط وتلعب بخوي على كيفها ام ابراهيم : والله اخوك اللي سمح لها ليان : تعرفين ابراهيم طيب ويحبها حيل مايبي يزعلها بشي ام ابراهيم : الله يعين ليان: يــ..مه ام ابراهيم : خير يابنتي ليان : وش سالفه فارس ؟ يمه تعرفين فارس وسيرته ام ابراهيم : ماعليك منها دامني عايشه يحلم يوصلك صدق امه احترمها ومابي اردها بس مارضى عليك ليان ارتاحت شوي : ربي يحفظك يااغلى ام بالدنيا / / / وضحى وهي تدخل مع شوق لغرفته الريم : مبروووك ياعروسه ابتسمت الريم ابتسامه صغيره : هلا وضحى دريتي ؟ وضحى : أي والله خبر حلووووو مره شوق : مبروك ياعمه الريم : كم مره قلتلك لاتقولين ياعمه تكبريني واحس نفسي عجوز وضحى : هههههه نحن هنا تراني مو كبيره وتقولي ياعمه شوق : مالت وانا ماقولها الا احترام لك وضحى : الحين خلاص بتتزوجين يعني لازم تحترمك اكثر الريم بضيقه : اذا تزوجت يصير خير وضحى بستغراب :ليش مانتي مقتنعه ؟ الريم بتوتر : مادري لاتسأليني ماني مرتاحه بس اكيد بوافق عشان ابوي شوق : ريمو والله صقر يجنن اتركي عنك كلام الناس وشوفيه بعينك وضحى : أي صحيح انه جدي شوي بس كل الرجال مع حريمهم غير يعني عبدالله وش رايك فيه؟ الريم : يعني احسه رزين حيل وضحى : بس ماتتصورين وش قد هو رومانسي معي وكل رزته وثقله تختفي عندي شوق : صدقيني انه ماخطبك الا بعد ماخق عليك وسهرتيه الليل وضحى وهي تغمز بعينها : لايكون ... الريم تذكرت الموقف معه وحمر وجهه شوق : أي تخيلي شافها مرتين وبعدها شكله طاح ماحد سما عليه ههههههه وضحى : والله مالومه احد يشوف هذا الملاك ومايخق الريم وهي مستحيه : طيب خلاااااااص / / / صقر بعد ماودعت الوالده ومريت على الجازي طلعت من البيت دق ماجد وعلمني انه بيمر خالد ونلتقي عند الاستقبال بس قطع علي منظر وحده تدخل بيتنا بعبايه مخصره وتمشي بغنج عرفت وحسيت ان ضغطي ارتفع واستحقرتها صقر : اوكي ماجد نلتقي على خير رهف تقدمت بابتسامه يوم شافت صقر طبعا كانت متغطيه بشليه شفافه يعني تعبت نفسها انها تغطت رهف بدلع : مساء الخير صقر صقر وهو يحاول مايناظر فيها : هلا ببنت االخال شلونك ؟ رهف : طيبه دامنا نشوفكم صقر رفع حاجب وخقت عليه رهف من هذي الحركه : تفضلي البيت بيتك رهف : مشكور صقر : الا اقول يابنت الخال ؟ رهف : يس صقر باستحقار : اخوانك سامحين لك تطليعن كذا ؟ رهف مافهمت : أي استأذنت من مامي صقر لف بجهه سيارته : اقصد لبسك رهف تفشلت وعصبت : انا حره ماحد له دخل فيني صقر برود وهو يركب سيارته : الله يهديك بس سكر باب السياره وهو يهز راسه رهف بدت تسبه : متخلف ، يعني كل ذا الزين مو عاجبه يبني اللبس عبايه حقت العجز مالت عليك يالهمجي خساره دراستك وعيشتك برا فكرتك متطور شوي ودخلت وهي معصبه حدهاااااااا / / / خالد : بغيت امرك لاني مشتاق لطروق ماجد : البيت بيتك في أي وقت ياخوي بعدين العنود زي اختك يعني مافيه شي لو رحت وانا ماني موجود خالد : تسلم ياخوي ماجد : وش اخبار امي وابوي خالد : ماعليهم بس ماجد : بس ايش ؟ خالد : ماهي عاجبتني حركات رهف كله من الوالده اللي يهديها مخليتها على راحتها ماجد بعصبيه : وش اسوي اذا ابوك وامك مانعينا ندخل انا كم مره اهاوشها واطقها في الاخير هي الربحانه ماكأن احنا اخوانها وخايفين عليها خالد : الله يعين ياخوي البنت مدلعه بزياده وخايف عليها ماجد : انا لازم اجلس معها وتفاهم معها بهداوه / / / / رهف : هاااااااااااي ام صقر : ياهلا رهف حياك وسلمت عليها رهف : الجازي هنا ام صقر : هو اكيد وين بتروح هذي الحزه ياسري سري : يس ماما ام صقر: نادي الجازي قولي لها بنت خالك تحت سري : ان ساء الله ماما ام صقر: وشلونك واخبار امك وابوك وخالد رهف وهي تحط رجل على رجل : الحمدلله بخير نزلت الجازي وهي مستغربه من هذ الزياره الجازي : هلا رهف وش اخبارك ؟ رهف : طيبه مبروك النجاح الجازي : الله يبارك فيك وانتي بشري رهف ( وجع مالت عليك مصره تحرجني تسوي نفسها ماتدري ) لا انا حملت ماديتين الجازي بطيبه : ياربي ماعليه عاد شدي حيلك وان شاء الله تقدمينها زين رهف : اف زهقانه قلت اجي اتسلى عندك الجازي : وش رايك نطلع فوق بغرفتي رهف : يكون احسن ام صقر : خذوا راحتكم بكلم العنود ابشرها ماردت البارح علي رهف ماهتمت وطلعت فوق من غير ماتدري وش البشاره / ماجد : هلا والله وغلا شلونكم جراح وصقر : بخير الله يعافيك جراح : شلونك ياخالد ماتنشاف وينك مختفي ؟ خالد : موجود بس خبرك دوامي شفتاتات ويالله الواحد يطلع يتسلى صقر : الله يعين والله الشغل مايخلص ماجد : تكلم رجل الاعمال الاجنبي صقر وابتسامته المايله : انا عربي بدوي ابا عن جد يالخكري ماجد : افاااااااا انا خكري ياجماعه جراح : ماحد قالك تتكلم على النسيب ماجد فتح عيونه : ايش ايش ، اشم ريحه خيانه صقر : هههههههه لا يابو الشباب بس خطبت بنت عمي ابشرك ماجد : افااا ولاكأني بصديقكم تعلموني عالعموم مبروووك الف مبروك بتدخل احلى قفص صقر: عاد احلى قفص عندك عشان العنود فيه هههه جراح : وش تقصد ترى حتى انت وين حظك تاخذ اختي وتدخل معها القفص خالد : مبروك ياصقر ربي يسعدك صقر : الله يبارك فيكم وعقبالك ياخالد خالد : آآآمين جراح : من قلب يقولها ههههههههه خالد : أي والله ان شاء الله تتسهل الامور ونلحقه ياجراح جراح : لاتكفى ابعدوني عن القفص ابي حريتي للحين مو مستغني عنها ماجد وهو يتحمد ربه: حاله مستعصيه صقر : هههههه اقول ورا ماندخل غرفه الرجال تأخرنا الكل : يالله / / / وصل راكان للكورنيش ولقى سلطان وباين عليه متضايق راكان : اخص داخل جو تسوي نفسك رومنسي سلطان : الله ياخذ عدوك خوفتني راكان : وش عندك سرحان وانا اخوك ؟ سلطان : ربك يعين راكان وهو يحط يده على كتف خويه : سلطان انت اخوي وماستغني عنك مابي اللي صار يأثر على علاقتنا بعض سلطان : افا عليك وش هذا الكلام يابو سلطان راكان وهو يتلفت : من ابو سلطان سلطان : هههه انت راكان : سلامات لو وش يصير ماسميت ولدي سلطان سلطان: هههههههههههههه ليه تحمد ربك بعدين كفايه انه على اسم سلطان الخير ربي يحفظه راكان : والله بهذي معك حق سلطان : روح بس ياشيخ جاي تسب وتتهزء ولاتسليني راكان: وش رايك نسحب على النادي دام الجو حلو سلطان : أي والله مالي خلق اروح.. سلطان بتردد : راكان راكان : سم سلطان : اقدر اقول مبروك لاختك ؟ راكان : وش تقصد ؟ سلطان : وافقت على صقر؟ راكان : والله ولد عمها مافيه مثله ماظن بترفضه بس تعرف دلع البنات بكت شوي وقالت دراستي بس متأكد انه موافقه سلطان: الله يسعدها راكان: ويسعدنا معها ويعوضك بالاحسن من اختي سلطان ماحب يبين اكثر انه متضايق وبدا يحاول يأقلم نفسه بنسيانها : الله كريم / / / العنود تكلم تلفون امها العنود : هاه من صدقك يمه؟ ام صقر : أي يمه الحمدلله العنود بزعل : وتوكم تقولون لي والله كلفتوا على انفسكم!! ام صقر : دقيت عليك اول مابشرني انه طلبها بس ماحد يشيله تذكرت العنود ان طارق كان يلعب فيه وشكله فصله العنود مبروك يمه والله خبر يهببببببببببببببببببببل والريم طيبه يمه يعني بتكون مثل بنتك ام صقر : أي ياحليلها ادب واخلاق وكل رجال يتمناها والحمدلله انها من حظ ولدي العنود " طيب والجازي وش سوت يوم درت ؟ ام صقر : هههههه فرحانه بس تقول مسكينه ماهي متحمله صقر تحمد ربها ان صقر كان رايق شوي العنود : ههههههههههه بجد يمه ولدك ثقيل اكثر من الازم ام صقر : لي جات الريم ودلعته بيتغير وانا امك خبرك الرجال تعامله مع امرته غير واستمرت المكالمه والتخطيطات للملكه ووووو / / / الجازي بعفويه : مادريييييييييتي خبر طازج توه امس جاي رهف وهي تضغط بجوالها : وش صاير اكيد من صديقاتك البايخين انخطبت وفرحانه الجازي تضايقت شوي : لا مو كذا ؟ رهف : اجل الجازي : صقر خطب بنت عمي الريم ووووووووووووووواي فرحانه اخيراااا رهف واللي فزت وتركت الجوال من يدها : شنووو الجازي : اخوي خطب امس رهف عصبت : ومن هي بنت عمك مابعد شفتها ؟ الجازي : يوه مدري اذا تذكرينها من زمان الريم بنت عمي رهف : يعني شلون هي حلوه الجازي : حلوووه قولي قمر تجنننننننن ياحظ اخوي فيها رهف وهي تهز رجوله وحست ان ماعاد فيه امل تملك صقر : طيب لاتطيرين يالله انا بروح بيتنا الجازي باستغراب : بدري حتى عصيرك ماشربتيه رهف : بروح زهقت اكثر معك الجازي : وش فيها هذي اف الله يعيني لمتى بسكت وتحملها : مشكوره عالزياره واعذرينا ماسليناك رهف دقت على السواق وطلعت والجازي مالحقتها توصلها لانه تضايقت من اسلوبها لقت ام صقر : بدري يارهف وين رايحه رهف : لا بروح ومبروك خطبت ولدك اكيد انه نفس طينتكم ام صقر : وش فينا ماحنا مالين عينك رهف : ماقلت شي بس انتوا مادري شلون أي حد تتقبلونه حتى لو ماكان يملك الجمال ام صقر : احترمي نفسك ولاتنسين اني عمتك وفي بيتنا بعدين اللي خطبها بنت عمه ابو لافي ولا مابعد سمعتي عنهم وعن سمعتهم ها.. ولا مالومك مابعد شفتيها عشان كذا حكمتي ولدي وعرف يختار واذا على الجمال الجمال ماهو بالشكل الجمال جمال الروح رهف : اوووف وخرجت من بيتهم تنتظر السواق ... / / / رهف : مشاعل تخيلي خطب بنت عمه ؟ مشاعل وهي تشرب الكابتشينو : يالله الله يعوضك ياشيخه مو تقولين ثقيله طينه!! رهف : لهذي الدرجه ماجذبته بس تدرين ماهو من مستواي ولا بتفكيري اجل انا رهف يقول اخوانك راضين على لبسك مادري هو يبيني مثل العجر ولاشلون مشاعل : هدي نفسك انتي مو رايحين مجمع الراشد الا ننبسط رهف : اوف نرفزني هو وامه مشاعل تغير الموضوع : اقول يالحبيبه شوفي اربع وراك توهم داخلين وربي خقاق رهف من غير نفس : اووووف فاضيه صدق مشاعل : رهف وربي شايفته هذا مو كأنه اللي بشاعر المليون رهف : ومن متى تتابعينيه ماخبري فيك قرويه هههه مشاعل : شفت صورته بالمجالات انتي ناظريه هو واللي جنبه شكله يقرب له لانه فيه ملامح منه رهف ناظرت وراها : يماااااااااااااامي مشاعل : وجع وش فيك ؟ رهف : هذا صقر ومعه اخوي ماجد مشاعل : أي والله هذا اللي على جنب ماعرفته تغير يادوبه يجنن رهف : ياويلي وربي لو يشوفوني يفشلوني قدام الناس مشاعل : يؤيؤ وخالد تصدقين هذا هو قام يكلم رهف : رحت فيها مشاعل : ماعليك قومي بسرعه نروح من الجهه الثانيه رهف : اخاف ينتبهون لي مشاعل : ماجد ماراح ينتبه مندمج بالسوالف وخالد قام... بسرعه قبل يرجع ونبتلش قامت رهف ومعها مشاعل بسرعه انتبه لهم صقر لانه بالجهه المقابله , عرفها وهو ماصارله ساعه من يوم شاف شكلها صقر استغفر الله هذي شكلها مفتلته ماحد مربيها ، ناويه تخرب سمعتنا ، ماجد وخالد وينهم عنها ، لالا هذا الشي ماينسكت عنه جراح وهو يهمس : لا والله هين عند الريم وش له تقز بالبنات هاه صقر : ههههه لا ماعليك منهم بس متعجب وشلون اهلهم يسمحون لهم يخرجون كذا جراح : ماهم متربين مخلينهم هايتين بالاسواق والمجمعات ماجد : اقول انا اتكلم بروحي جراح : لا ههههههههه بس الفتوا انتبهنا بنات رايحين فيها بلبس العباه تقول فستان سهره ماجد وهو يتلفت: وينهم؟؟ صقر : ماعليك منهم راحوا خلاص في نفسه : زين ماشفتها والله لاتنصدم ويطيح وجهك قدام الناس واولهم احنا لاحول ولاقوه الا بالله / / / بعد اسبوع من الاحداث ـــــــــ####ـــــــــ طبعا لا جديد في ابطال قصتنا الا صقر نظم الطلعه اللي قرر تكون اليوم في مزرعته الجديده، وعزم اهله كلهم ، سلطان بدا ينسى ويتناسى الريم لان ليان وراكان معه واشغلوه عن التفكير فيها ، وعرف انه خلاص موافقه وقطع الامل بالارتباط بها كليا /// الجازي مبسوطه لان علاقتها بالريم تعمقت اكثر الريم للحين فاقده جوالها وتستخدم جوال امها لانها ماهي محتاجته حاليا ، وكل ماتذكرت انها خلاص بتتزوج تخاف اكثر وبكت حيل يوم تحددت الملكه بعد اسبوع لان صقر جاهز ماديا ومستعجل والعم ابو لافي مايرفض له طلب ومارضت تتجهز الا بعد صياح وقهر /// شوق تعلقت باسيل حيل لدرجه كبيره ، وفارس بدأ يستخدم معها خططه الخبيثه عشان يكسب ثقتها اكثر خالد متحمس بالبنت اللي عرف عنها عن طريق اسيل وينتظرالوقت المناسب عشان يتعرف عليها /// وضحى تحاتي سفر عبدالله اللي قربت لانه أجل سفرته بعد ملكه الريم واللي تحددت بعد اسبوعين من الخطبه /// ابو ماجد تضايق حيل من خطبه صقر ، وتهاوش معه لكن صقر قاله يخليه على راحته ولايتدخل باي شي يخصه ، حقد عليه حيل وقرر يدمر حياته وبدأ يرسم خططه الحقوده /// رهف والاتصالات والازعاج اللي تجيها من نفس الرقم قررت ترد وتجاريه تبي تعرف من هو ؟؟؟؟ ومن وين جاب رقمها لانه يعرف معلومات عنها واستغربت /// العنود وماجد اكثر ابطال القصه استقرار بس ياترى وش تخبي لهم الايام وش وراء حياتهم الهاديه يمكن يكون وراء هدوء حياتهم عاصفه تدمرهم ؟!!!! / / / يوم الاربعاء/// الريم : يمه الله يهداك توني جايه من الجامعه تعبانه؟ ام جراح : تبين تجلسين في البيت بالحالك؟ هذا اللي ناقص الريم : مايصير يمه مابقا على ملكتي شي يعني لازم اطلع ام جراح وهي تغلف الحلا اللي مسويته وتحطه بالثلاجه: روحي صلي ونامي عشان تروحين مصحصحه الريم تضايقت وراحت ولقت ابوها تو بيروح المسجد عشان صلاه الظهر :وش في الريم ماده بوزك الريم : توني جايه من الجامعه انا وليان وشوق وتعبانه ابو لافي : خلاص مقتنعه بالتخصص اللي اخترتيه الريم : أي اكيد تعرف اني من يوم انا صغيره اتمنى اصير دكتوره اطفال ابو لافي : وشوق وليان؟ الريم : ادخلو كيمياء وخلوني بروحي يقولون انه حلو ويلقون نفسهم فيه ابو لافي : الله يوفقكم يالله ياعين ابوك انا بروح المسجد ولايجي الساعه اربع الا وانتوا جاهزين الريم بضيق : يبه ؟!! ابو لافي وهو يفتح الباب : هلا الريم : لازم نروح كلنا ؟؟ ابو لافي : هذي العزيمه مأجله من اسبوع لان صقر مارضى نسويها بمزرعتنا يبيها بمزرعته الجديده وغير كذا المناسبه لكم ياناجحين وماتبين تروحين !!! الريم : بس تعبانه يبه غير كذا ( ونزلت راسها ) مابقى الا اسبوع على الملكه ابو لافي : هههههه ماعليك يمديك تكملين وتتجهزين الريم بيأس : طيب وطلعت غرفتها وهي دمعتها في عينها ماتبي تتذكر أي شي يخص صقر الريم الحين كلهم موجودين و خالتي ام صقر تحرجني بنظراتها وكلامها ، ياربي حتى الجازي اذا جتمعت مع شوق يتعمدون يطرونه ، طيب ليش ماني متقبلته كزوج ، ليش ماحس اني ابيه ، وفتحت باب غرفتها ودارت بنظرها فيه ، شلون اترك هذي الغرفه بشتاق لها وبشتاق هبالي مع اخواني وتذكرت راكان وجراح وبدت عيونها تلمع من جديد ، صقر ياترى كيف بتكون حياتي معك ، دخلتها فجأه واقتحمتها من غير سابق انذار وهذانا يوم عن يوم اكتشف ان الكل ضدي وبصفك مهما سويت وضايقني ،عمري ماكنت اتخيل بيصير معي كذا ، بدلت ملابسها وصلت ونامت / / / ام ماجد : وانت من صدقك تبينا نروح كلنا ابو ماجد : ايه كلكم واولكم رهف ام ماجد : اذا على رهف بنتي بيجيها اللي احسن منه واغنى منه ابو ماجد : ماعليه روحوا نبي نشوف المزرعه اللي شاريها بملايين رهف وهي توها صاحيه : صباح الخير ابو ماجد وهو يشرب الشاي متعود بعد الغدا : قولي مساء الخير رهف ابتسمت : كله واحد ام صقر : جهزي نفسك ترى بنروح بعد المغرب للعزيمه رهف : ايه اكيد يمه ابي اشوفها هذي اللي طايرين فيها ابو ماجد: مو احلى منك وانا ابوك رهف ابتسمت بثقه : ادري وانا مو زعلانه لاني استاهل احسن منه ام ماجد : ايه هذي رهفوه اللي ابيها دايم واثقه من نفسها / / / طبعا ماجد راح المزرعه بدري عشان يساعد صقر اللي من ظهر هناك ، ماجد: ماشاء الله بصراحه روعه من متى شاريها ؟ صقر: من اسبوعين تقريبا بس ماعلمت احد لاني جبت ناس يشتغلون فيها ، وغير كذا جلست فتره ادور على خيول ماجد وهو يمسك خيل ابيض : اما هذا لي اكيد صقر: ههههه مايغلى عليك تعال شف الخيل حقي هذا كلفني واجد, وابشرك بالموت روضته ماجد: وينه ماهم مع هذولا صقر : لا هذا له عنايه خاصه فتح باب على جنب كانت اسطبل مساحته كبيره ومنظم وفيها خيل صقر ماجد : اقول يابو الشباب ماكأنه يخوف شكله صقر: هههههههه لا بالعكس هذا من اجود الخيول الاصيله ماجد: اسود في اسود انا اشهد انه من شوفته صعب الترويض صقر : أي اسمه الادهم مو بالسهوله حصلته ماجد: مبروك ياصقر ماشاء الله عليك اختيارك دقيق في كل شي مادري عن العروس بعد اخترته كذا ولا بعد اختبارات ؟ صقر وصورة ريم غزت فكره وابتسم : اكيد مو أي وحده تدخل هنا ( يأشر على راسه ) مو ملاحظين ان صقر واثق من نفسه ولاسأل حتى عن راي الريم فيه ؟؟؟؟ ياترى وش نهايه هذي الثقه والغرور اللي فيك ياصقر ؟؟ / / | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
