25-03-15, 04:12 PM | #1 | ||||||||||
| أنت آمآني / للكاتبة bnooo صباح \ مساء الخييير هذي روايتي الأولى أتمنى القى تفاعل عشان اكملها و محلل الللي ينقلها بدون اسمي رواية أنت أماني ((bnooo)) ، ، أتمنى تعجبكم الشخصيات الجد:عبدالله الجدة:نورة الابن الأكبر سعود : يحب زوجته وعياله كثير وعنده اعماله الخاصه شديد في بعض الأمور ومتزوج بنت عمه عبير عبير : تزوجت سعود وهي اصغر منه ب عشر سنوات بحكم ان قبل بنت العم ماتاخذ الا ولد العم وهي معلمة انقلش وتحب عيالها كثير محمد : 24سنة مهندس في شركة ابوه انسان يحب عمله كثير حنون حيل على خواته والكل يعتمد عليه " طويل وعريض اسمر وشعره اسود كثيف وعيونه لونهم اسود خشمه نحيف وشفايفه صغيرة لورين :20 سنة دلوعة ابوها دلعها رباني حساسه كثير ورومنسية تدرس بالجامعة قسم اعلام " بيضاء طويلة ونحيفة شعرها بني طويل لي نهاية ظهرها عيونها واسعه لونهم رمادي خشمها طويل وشفايفها صغيرة مثل التوت ريمان :17 سنة انسانه دايم فالتها تحب الوناسة والطلعات اخر همها الدراسه تدرس ب ثانوي((ادبي))" بشرتها برونز طولها متوسط وجسمها مليان شعرها قصير اسود لون عيونها بني خشمها عادي الابن الوسط سعد : دايم مسافر وتارك المسؤوليه على زوجته يشتغل اعمال حره ومتزوج بنت عمه دلال ووحدة بالسر اسمها نيرمين دلال:تزوجت غصبن عنها تحب عيالها كثير وتمل من حركات زوجها بس كل مافكرت بالانفصال تفكر ب عيالها وعندها صالون نواف : 23سنة يدرس ادارةاعمال وشايل المسؤولية ومتحمل كثير ويكره ابوه " حنطي طويل وضخم شعره اسود لون عيونه اسود خشمه صغير وشفايفه مليانه ريان:19 سنه أولى جامعه انسان لعاب وهايت بمعنى الكلمة مايتحمل مسؤولية همه وناسته وربعه بس " ابيض طوله عادي نحيف شعره لي رقبته اسود لون عيونه بني فاتح خشمه طويل ليان: 17 سنة صديقة ريمان ونفس افعالها وتصرفاتها بس تحب دراستها تدرس ب ثانوي((ادبي)) سمرا سنفورة شعرها اسود وصابغته بني عيونها واسعه لونهم اسود نيرمين: زوجة ابوهم خبيثه ب شكل موطبيعي تحب نفسها وتحب الفلوس وتزوجت سعد مصلحة الابن الأصغر سعيد : تزوج عن حب يحب ولده وشغله وحيل طيب وماله بالمشاكل متزوج بنت عمه روابي روابي: تحب سعيد كثير فيها شوية خبال ودلع تحب ولدها الوحيد اللي ماقدرت تجيب غيره وهي تشتغل ب شركة نسائيه فهد : 18 سنة الولد المدلع بالعيلة كلها هادي ودايم ف حاله ويكتم اسرار اللي يشتكي له يدرس ثانوي ((علمي)) " حنطي طويل ونحيف وشعره اسود لون عيونه اسود وخشمه نحيف وفيه غمازه ب خده أصدقاء العيلة دحام: شريك اخوه حمد بالشغل انسان متسلط بقوة ومع كذا يحب عياله متزوج سلمى سلمى: حقودة كثير تبي كل شيء لها ول عيالها وتحب السلطة مثل زوجها وانانيه وهي معلمة احياء نايف:25 سنة ثقيل كثير ومايعطي احد وجهه مغرور بس طيب وحنون يشتغل مع ابوة بالشركة " ابيض طويل وجسمه حلو شعره اسود كثيف لي رقبته عيونه حاده لونهم اسود خشمه طويل ونحيف وشفايفه مليانه جوان:20 سنه خبيثه بشكل مثل أمها وتبي كل شيء لها مغرورة كثير وتدرس بالجامعة قسم طب " سمرا وسمينه طويله شعرها اسود طويل عيونها صغار لونهم اسود وفيه غمازه بخدها حمد: عنده شركه له ول اخوانه طيب حيل ومريض بالقلب متزوج ياسمين (ماتجيب عيال) وحنان وهم صديقات ياسمين: تحب زوجها كثير وزوجته كثير وماتجيب عيال وتعتبر بنت حنان بنتها تشتغل ف رياض الأطفال حنان: كانت رافضة تتزوج حمد بس ياسمين أصرت عليها وهم حيل مع بعض وكانهم خوات تشتغل بالجامعة ملاك: 20سنه حيل طيبة وحنونة وماتسلم من خبث بنت عمها تدرس بالجامعة قسم اعلام " بيضاء طويلة ونحيفة بقوة شعرها لي تحت كتفها بني وكيرلي عيونها لونهم اسود خشمها نحيف وشفايفها صغيرة وفيها غمازتين مقتطفات من البارت الأول ....: قلت لك دخل ولد عمي معاك بالشغل ورفضت ....: هي صارت في يدنا من غبائهها تقول كل شيء ....:انا مستحيل اتزوج الحين لا احد يحاول التعديل الأخير تم بواسطة لامارا ; 01-05-15 الساعة 10:25 AM | ||||||||||
26-03-15, 06:21 PM | #2 | ||||||||||
| وجججججججيت بالبارت الأول ابي تفاعل عشان اقدر اكمل (جمعة العيلة) السبت الجدة نورة: قصرو صوت الأغاني حرام الحين بياذن "صارخت: لاحول ولاقوة الابالله ماتسمعون الحكي روابي جات من المطبخ: وش فيك يمة؟ الجدة نورة: روحي شوفي المصايب اللي بالغرفة لا اطلع اكسرهم وحدة وحدة روابي: ان شاء الله بس هدي نفسك لايرتفع ضغطك الجد عبدالله دخل: وش هالصوت؟ روابي قامت وباست راس عبدالله : اخبارك ابوي؟ الجد عبدالله :الحمدلله انتي وش اخبارك وش اخبار فهد؟ روابي: الحمدلله سمعو صوت الأغاني عالي اعلى من اول وصوت البنات يصارخون عبير ودلال اطلعو من المطبخ بسرعه الجد عبدالله: انا صاعد لهم بكسر المسجل على رووسهم "صعد فوق بالغرفة لورين تكلم جوال: طيب حبيبتي عطيني الأسئلة ريمان ترقص: هذا حب تورطت انا متعجب الهسه شلون عايش مامتت ليان ترقص جنبها : عاشوو الجد عبدالله : متعجبهة ليه مامتي الحين اموتك ريمان وليان فزو بخوف وسكرو الاغنية: اسفين لورين سكرت الجوال وضحكت: زين انك جيت من جينا وهم مشغلين أغاني الجد عبدالله : مايخجلون على روحهم والحين بياذن لورين فامت بدلع وباست راس جدها : خلاص ماراح يشغلون اوعدك الجد عبدالله : عشانك بس " عطى البنات نظرة وطلع ليان تنهدت : بغينا نروح فيها لورين بغرور : لو مو انا كان انتو بكرا اسمكم في صفحة الوفيات "جلسو يرمون عليها المخدات وهربت بسرعة وهي تضحك باريس نيرمين: انتي غبية ماتفهمين انا قلت لك مو كذا الخدامه :انا في سوي مثل م انتا قول نيرمين شدت شعرها : انا متى قلت كذا تكذبين علي بعد الخدامه : انا في سوي ثانية نيرمين فكتها : بسرعة يلا سعد دخل :مساء الخير نيرمين بدلع يلوع الكبد: هلا حبيبي اشتقت لك سعد: وانا بعد بس وش اسوي شغل وتعب نيرمين : قلت لك دخل ولد عمي معاك بالشغل رفضت سعد: ان شاء الله اكلمه بكرا نيرمين والدنيا موسايعتها : ان شاء الله تبي عشاء؟ سعد: خلينا نطلع ناكل برا نيرمين: ثواني اجهز نفسي بيت دحام جوان تكلم: ها بشريني؟ ....:هي صارت في يدنا من غبائها تقول كل شيء جوان: بس ي ويلك تدري انك من طرفي ....:ماراح أقول بس كم لي جوان: مافهمت؟ ...:تبيني اسوي هالخطة بدون مقابل؟ جوان ضحكت : بعطيك المبلغ اللي تبينه ...,:5000 جوان شهقت:5000 لا طبعا سلمى اشرت لها : هي قولي ايه جوان: خلاص بعطيك ...:اوك اكلمك بكرا مع الاخبار الطيبه سلام" قفلت سلمى: ها وش قالت؟ جوان: سمعي "قاطعها دخول اخوها نايف:السلام عليكم سلمى نغزت بنتها : وعليكم السلام نايف : وش فيكم اول مادخلت سكتو سلمى : ولاشيء نايف لف ل جوان : مسويه شيء؟ جوان: لا نايف : احس وراكم شيء الله يستر منكم سلمى: وش تقصد ؟ نايف :سلامتك "صعد وتركهم جوان تسحب ملابس أمها :يمكن سمع سلمى : لا ماتوقع ولا كان قوم الدنيا فوق تحت ف بيت الجد جمعهم كلهم بالصاله طبعا البنات لابسين العبايات ومتلثمين وكانو ينتظرون الجد وش بيقول وريمان وليان خايفين يخبرهم عن موضوع الأغاني وقت الاذآن الجد عبدالله : اول شيء بتكلم عن موضوع لورين لورين : امر جدي ؟ الجد عبدالله : انك تسافرين بريطانيا تكملين دراستك لورين انبسطت وقامت حضنت جدها : الله يخليك لنا الجد عبدالله : ويخليكم لي سعود: وابوك طيب؟ لورين ابتسمت وباست راس ابوها: تسلم لي يالغالي سعود: يسلمك "جلست جنب ابوها الجد عبدالله : وجمعتكم ل شي ثاني عشان موضوع الزواج سعود :زواج أي زواج ؟ ريان ضحك: يمكن جدي ناوي الثانية نواف بحدة :ريان تادب وانت تكلم جدك الجد عبدالله : خله ياوليدي لا مو انا اللي بتزوج اخوك الكل : نواف ؟ نواف ب استغراب: انا ليه يعني مو محمد هو اكبر مني ؟ محمد خزه وهمس له :بتوهقني يالخاين الجد عبدالله : انا قلت نواف ولا عندك اعتراض ي دلال؟ دلال : اللي تشوفه ابوي نواف وقف : انا مستحيل اتزوج الحين لاحد يحاول الجد عبدالله : وش السبب طيب؟ نواف : ليه مو محمد قبل؟ الجد عبدالله :لان ابوه م قال بس انت ابوك قال نواف فوق مو لاهي عنا يقرر :طيب انا مابغى الجدة نوره بسرعه : بس احنا لقينا البنت وكلمنا أهلها الجد عبدالله ابتسم: أي صح نواف ماحب يخجلهم : اللي تشوفونه زين سووه " طلع وهو مخنوق محمد : عن اذنكم " طلع وراه الجد عبدالله : وبتكلم عن بناتكم اللي مايستحون سعود عصب : وش مسوووين ؟ ريمان : ولاشيء الجدة نورة : وتكذبين بعد الجد عبدالله : مشغلين أغاني وقت الصلاة سعود عصب وقام ل ريمان: انتي خلاص فصختي الحياء وقت صلاه واغاني ريمان : ماكان صلاه يعني كان بياذن سعود مسك يدها بقوة : وتقولينها بعد تدرين اللي يشغل أغاني وقت الاذآن ماينطق الشهادة الجد عبدالله :اتركها العقاب عندي بالحديقة محمد حاضن نواف : خلاص لاتتضايق نواف : هذا أبو هذا لايدري عني ولاعن اخواني وجاي بكل برود بيزوجني محمد: نواف اسمع انت وافق وبعدها انا بحلها لك نواف : وش ناوي عليه؟. محمد : بعدين بقولك بيت حمد حنان: ايه على خير" قفلت ياسمين : مين؟ حنان :جايين يخطبون ملاك ياسمين ابتسمت : وان شاء الله من عيلة محترمة حنان : هو ولد ملاك دخلت عليهم: وش تسولفون فيه ياسمين : عن دراستك حنان : أي صح كيفها الدراسه معاك ملاك استغربت لان الموضوع تكلمو فيه على العشاء :زينهه ياسمين : يلا انا بقوم ارتب غرفة الضيوف عشان ابوك بيجونه ربعه حنان قامت :أي وانا بروح اسوي الشاي والقهوة " طلعو ملاك ب استغراب : وش فيهم بسم الله؟؟؟؟ توقعاتكم عقاب ريمان وليان ؟ سفر لورين؟ سلمى وبنته شيخططووون له؟ الجدة نورة صدق كلمت اهل البنت ولاكذبة نيرمين ليه استانست لما وافق سعد على شغل ولد عمها معاه ؟ خطة محمد؟ | ||||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|