آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-05-15, 08:54 AM
| #21 | ||||||||
| مراقبة عامة ومشرفة منتدى الروايات المنقولة  
|  الدكتور: جرى ايه يا حضرت ..ما تسيبني اشوف شغلي امال خالد بعصبيه اكثر: لا تعورها بس .. ركز بشغلك وخلي يدك خفيفه<< حلوة لا تعورها الدكتور حس انه انسان ماهو طبيعي: ماشي يا استاز ريما كانت تعض على شفايفها من الالم ,, دقايق ووصلت مها مها دخلت: السلام علكم خالد عصب: ساااعه مها ارتاعت: بسم الله علي .. وش فيك انتي على بال ما لقيت مويه خالد : خليك جمبها .. وطلع ماهو قادر يسمع حبيبته تتألم ربع ساعه وكل شي خالص الدكتور طلع خالد : طمني يا دكتور ؟ الدكتور: الحمدلله .. احنا عقمنا الجرح وعملنا لها اربع غرز فيه .. قول لها تنتبه على حالها وتراجع المستشفى بعد اسبوع خالد: يعني هي بخير الحين الدكتور: جرى ايه يا استاز .. هههههههههههههه ده كله جرح وكم غرزه خالد بنفسه .. يا ثقل دمك قال كم غرزه قال .. يعلم الله اني تمنيتها بقلبي ولا هي بيدها: الحمدلله على كل حال الدكتور: والروشيته دي فيها اسم مسكن وفيتامينات تعوض الدم اللي هي نزفتو .. خالد: طيب .. مشكور الدكتور: ولوو ده واجبي .. خالد توجه للغرفه اللي كانت ريما فيها وطق الباب .. مها: ادخل خالد دخل: السلام عليكم مها وريما: وعليكم السلام خالد: كيفك الحين يا ريما ؟ ريما:الحمدلله بخير .. خالد : يعني ما تتألمين ؟ ريما تكتم المها : لا الحمدلله ما اتألم خالد حاس فيها: الحمدلله على السلامه .. انتبهي على حالك طلبتك مها تتكتف: ايوة .. ولما نقول لك مره ثانيه خلي الخدم هما اللي يسوون يعني هما اللي يسوون ما يحتاج ترى نعرف سناعتك ريما بخجل لانها تحكي كذا قدام خالد ولا كأنه موجود: انا مو قصدي انتي عارفه .. بس معقوله اكون موجوده وعمتي تقوم بنفسها تلم القزاز ما يصير خالد بنفسه .. لبى روحها مها: الا يصير .. يلله قومي الحين خلينا نررجع المزرعه ابي اكل يختي نشفتي ريقي من الخوف عليك ريما : ههههههه بسم الله عليك .. وقامت وتوجهوا هي ومها للسياره.. يوم وصلوا عند السياره تلفتوا وراهم ومالقوا خالد مها: هوو وينه ذا مو تو كان ورانا ريما: يمكن نسى شي فرجع مها: اففففف منه يعني ننلطع بالشمس ريما: انتي وش فيك اليوم اخلاقك قافله على غير العاده .. وين مها وسيعة الصدر مها بعصبيه: انا مافي اطيب مني .. بس لا صارت شمس الرياض خابطه راسي بزاوية 90 درجه تقفل ام ام اخلاقي ريما: ههههههه طيب .. وسكتت وقعدت تتحس مكان الخياطه بيدها جا خالد بعد كم دقيقه مها عصبت: بدري عمي خالد مارد عليها وفتح باب السياره وركبوا مها: وين كنت ؟ خالد : سوري عالتأخير ,, وناول ريما الادوية حقتها وقال لها متى تاخذها ,, وناولها كوب كوفي وكرواسون خالد: كلي كويس تراك نازفة كثير .. ريما استحت : تسلم يا خالد .. كلفت على عمرك خالد بهدوء: مافيها كلافه يا بنت عمي .. مها : ماشاللللللللللللللللللله انت وياها .. جايب لها اكل وانا لا .. وش تحس فيييييه هذا وانا اقول لك جوعانه وريقي ناشف خالد: الحين نوصل المزرعه وكلي براحتك مها عصبت: ااه يللي ما تستحي على وجهك .. كذا تقول لي.. هذا اهتمامك فيني وانا اختك الصغيره ريما: يا مها الله يهديك .. خذي كرواسون واحد .. في اثنين مها: مابي .. ليش ما جاب لي خالد : انتي وش فيك قلبتي فجأة مها: لانك ما تستحي على وجهك ريما :ههههههه يابنت الناس خذي وحده وطاوعيني .. والكوفي نشرب سوى خالد: لا ياريما هذا لك انتي مها نطت فجأة للمقعد اللي ورى بدون سابقف انذار .. خالد : انجنيتي تناقزين كذا كنك بزر مها تسحب الكيس من يد ريما: جيبي اشوف .. واخذت لها كرواسون وصارت تاكل ريما: هههههههههه بالعافيه .. خالد ضحك على اخته اللي تنقلب بقدرة قادر من انثى لوحش اذا كانت جوعانه او حرانه عند المزرعه وصلوا خالد والبنات مها: شكرا عالتوصيله يا معلم خالد: لا شكر على واجب مها نزلت من السياره خالد بسرعه قبل لا تنزل ريما : ريما ريما : هلا خالد بلهفة وحنان: انتبهي على نفسك ريما خجلت مرره من اهتمامه فيها : لا توصي حريص .. مشكور خالد خالد: لا تشكريني .. مابيننا شكر .. هذا اقل شي اقدر اسويه لك .. لانو معزتك عند فوق الوصف فهت ريما من كلامه ولا عرفت وش تقول : تسلم .. مع السلامه ونزلت بسرعه قبل لا تسمع منه كلمه ثانيه تخليها تستحي .. ولانها حاسه انها على غلط انها قاعده تاخذ وتعطي معه بالحكي لانه حبيب مشاعل << طبعا على حسب ما فهمت هي من شوفتهم سوى امس خالد تنهد وسكت يفكر ... شغل المسجل وقعد يكمل تفكير وهو حاط يده على راسه ,, وقال من قلب: يااااااااارب قرب البعيد بيت شذى .. شذى كانت قاعده تكلم بدر تبيه يصحى دقت اكثر من مره شذى: اففف وينك يا بدر رد بدر بصوت كله نوم: الووو شذى: بدوور ياقلبي بدر: يا عيونه شذى: يلله قوم ترى ما بقى شي ويأذن الظهر بدر: طيب حبيبي الحين اقوم .. وحشتيني شذى: وانت اكثر وربي .. كيف نومتك بدر: ماعليها الحمدلله شذى: يلله طيب قوم الحين عشان تفطر على بال ما يأذن الظهر بدر: طيب حبيبي شذى: يلله يصير انا اكلمك بعدين بدر يتعدل بجلسته: ليييش توني ماشبعت منك شذى: بدر مرره مشغوله انا الحين .. عندي مليون شي لازم اخلص من خياطته .. مابي اتعطل بدر: مو قلنا ما نتعب حالنا شذى: والله ما اتعب حالي.. وبعد الظهر انشالله بتجيني اريج وتساعدني لا تشيل هم بدر: طيب حبيبي .. اجل اخليك انا الحين وزي ما وصيتك مابيك تتعبين حالك شذى: انشاللله ومن عيوني بدر: احبك شذى: وانا كمان احبك .. يلله باي بدر: باي ياروحي .. وقفل تلفت حوله ولا لقى خالد في السرير اللي جمبه ..وينه هذا ؟؟ قام بتكاسل للحمام الله يكرمكم وغسل وغير ملابسه وطلع اول ما طلع شاف خالد منسدح عالسرير بدر قرب منه : خالد خالد:..... بدر: هييييي يالحبيييييب خالد: هلا بدر: وين مسرح فيه خالد: معاك مارحت بعيد بدر بنص عين: اكييييد .. والله انا شاك بوضعك الصراحه خالد بطرف عينه : وش تقصد بدر يقعد جمبه عالسرير: انت عارف انا وش قصدي زين .. سرحانك ، وفهاوتك .. والبنت اللي بالمطعم .. ويغمز له خالد قطب: اي بنت ؟؟ بدر: انت عارف اي بنت .. خالد طالعه : لا من جد .. اي بنت تقصد بدر: البنت اللي اكلتها بعيونك ولحقتها بعد بالمطعم .. خالد تذكر وحس باحساس غريب.. رجع له احساس انه يعرف البنت هذي وزييين بعد .. بس رجع له على شكل اقوى خالد: اهااا بدر: وش اهاا خالد: وانت ماشالله عليك .. افلمت مع نفسك وصدقت الفلم لا وبعد خليتني البطل انا والجميله الملثمه بدر:هههههههههههه انا اقول اللي شافته عيوني خالد: عسى عيونك العمى بدر : وجع قل استغفر الله خالد: لا مانيب ..اقوول بدر: هلا خالد: ترى اختك ريما انجرحت بقزازه اليوم الصبح ووديتها المستشفى مع معا اختي .. وسووا لها خياطه بدر وقف: صار لها شي كبير خالد: لا لا تخاف .. الحمدلله ماهو شي مره كبير .. كم غرزه وكان الجرح عميق حبتين .. بس عشانها نزفت كثير يبي لها تهتم بروحها شوي لانها تدوخ بدر مشى بقلق: بروح اتطمن عليها الحين خالد: تلاقيها الحين نايمه ولا مع الحريم بدر: مااش ما اقدر ما اتطمن عليها.. هذي ريماااا لو تلف الدنيا ما تلقى مثل حساسيتها .. عسى ما بكت بس من الابر خالد وهو قلبه يتقطع: الا بكت بد: ياروحي هي .. وكمل وهو يتوجه للباب .. ريما ما تتحمل غزة شوكه شلون اجل خياطه وغزر .. وسكر الباب خالد : تعلمني فيها .. من يومها ارق من النسمه بغرفة "ريما , مها ,مشاعل" البنات كانوا كلهم متجمعين عن ريما يتطمنون عليها ديما كانت قاعده جمبها وخانقتها العبره : ياحبيبتي يا ريما فيني ولا فيك ريما: بسم الله عليك حبيبتي لا تقولين كذا .. يا دبا ما تعرفين اني اخاف عليك دلال: الحمدلله على السلامه يا رمرومه ما تشوفين شر يا قلبي الهنوف وايان كانوا منسدحين عند رجول ريما الهنوف: الحين انا بسألك سؤال.. بالله وش استفدتي من التسنع وتلقيط للقزاز غير هالغرز والابر اللي على غير سنع ريما:هههههههه اسفه عمتي ايان: تستاهلين ما جاك والله .. عشان المره الجايه تسمعين الكلام اللي احنا نقوله وعشان تفهمين انو اللي نقوله انا وتوأم روحي كلام صحيح مليون بالميه ليان: انتي يابنت .. ما تعرفين تحكين كلام زين ؟ ايان: هذا كلامي عجبكم عجبكم ما عجبكم بيعجبكم مها: ههههههههههههه وربي انكم مخبل يا بنات خوالي رنيم تمسح على راس ريما بحنان: حبيبتي اجيب لك اكل عشان تاخذين دواكي؟ ريما بابتسامه عذبه: لا حبيبتي مشكورة انا اكلت الحمدلله .. رنيم تناولها الدوا: طيب يلله خذي الدوا ريما اخذت الدوا من يد رنيم وشربت اثير: فديت حنانك يا رنيم .. وربي مالك زي رنيم: وش دعوه .. هذا واجبي ياقلبي مشاعل قامت من النوم معصبه : انتو وبعدين معاكم .. الحين اقضبكم الباب وتجيبون لي القبيله كلها " تقصد مها وريما" رنيم: لا صارت غرفتك لحالك تحكين يا مشاعل .. لكنك منتي بالبيت وهذا ماهو مكانك لحالك .. لريما ومها فيه مثل مالك فيه بالضبط مشاعل: اطلعوا بره ابي اكمل نوم ايان بنص عين: خلي لغيرك نوم .. خلصتي النوم اللي بالمزرعه كلها مشاعل: انتي اوووص مالك دخل الهنوف: الا لها دخل .. وما اسمح لاحديتكلم مع ايان كذا غيري انا فاهمه ولا لا مشاعل تنررررفزت منهم .. طلعت من الغرفه ورزعت الباب باقوى ماعندها خلت البنات ينقزون الهنوف بصوت عالي عشان تسمعها: ياليته هاااابد على راسك عشان تتأدبين يالقصيره البنات:ههههههههههههههههه دلال: ااه منك انتي وايان .. لسانكم متبري منكم ايان: اللي يطق الباب يسمع الجواب ,, تستاهل ما يجيها مننا سمعوا صوت طق عالباب الهنوف توجهت للباب: مييييين ؟ بدر: انا بدر الهنوف فتحت الباب شوي وطلعت راسها: هلا والله بدر ابتسم: يا هلا بك .. ابي اشوف ريما واتطمن عليها من بعد اذنك يا حلوة الهنوف وهي تسبل بعيونها: ادري اني حلوة ما يحتاج تقول ولا يحتاج تترجاني بعد بدر طارت عيونه: هنوفوو خلي عنك الغرور وبعدي لي بشوف اختي الهنوف: والله يا عزيزي كل بنات العايله هنا يعني صعب تطلع ..ماهي وحده ولا ثنتين نخبيهم بالحمام وانت بكرامه .. سوو تعال بعدين بدر يتكتف: متى الوقت اللي يناسبك عمتي الهنوف: امممم قاطعتها دلال من ورى الباب: اقول الهنوف اسكتي ولا كلمه .. بدر ثواني الله يخليك بس صد عشان نطلع وتدخل لريما بدر : اي هذي الناس السنعه مو اللي مخلينها تفتح لي الباب الهنوف تدفه: هيي احترم نفسك .. تطووول اصلا الهنوف بنت ابراهيم تفتح لك الباب هذا يوم المنى والسعد بدر دفها: اقول تلايطي بس .. وصد وصرخ .. تراني ماشووووووووووووف شوي وسمع خطوات البنات وهما يمشون بسررررعه وقعد يضحك حسهم قطيع مو بنات .. حس بخبطه على راسه بس ما التفت بدر: عرفتك يالشرانيه .. الحقي البنات يلله اشوف الهنوف خبطته ثاني وانحاشت وهي تقول: هذا عشان تدفني يالشين بدر مات ضحك عليها .. وربي انها مجنوووونه .. ودخل عند ريما يتطمن عليها بيت شذى شذى كانت بغرفتها تخيط فستان بالمكينه .. شوي وسمعت صوت موضي وهي تهلي وترحب قامت شذى وفتحت باب غرفتها بهدوووء وشافته .....: منتي جايه تسلمين علي يا وجه الفقر شذى :....... .......:تعالي لا بارك الله فيك ولا فأمك شذى: لو سمحت يبه ماله داعي هالحكي ومايجوز على الميت غير الدعاء له ابو شذى: اقول لك لا يكثر بس منيره: يا هلا برجلي .. سندي وعزي بهالدنيا ابو شذى: يووووه منك .. انطمي انتي ولا يكثر صجيتينا .. وانتي ارقبي حبي راسي وطت شذى على ابوها اللي كان جالس وباست راسه: شلونك يبه ابو شذى: زفت .. مقابلك يقصف العمر شذى:..... منيره: هوو وراك تقول كذا ياكافي ابو شذى وهو يناظرها بكره: انقلعي عن وجهي حطي لي عشا منيره تفشلت وقامت بدون ولا كلمه ..خايفه يضربها مثل العاده شذى قعدت جمب ابوها: طولت الغيبه هالمره بابا ابو شذى وهو يولع سقارته : خلصت فلوسي شذى وهي ترص على يدها من التوتر خايفه من السؤال اللي بيجيها وهي عارفه ايش هو بالضبط ..لانه كلما جا من سفرته يسألها ابو شذى: كم معك فلوس؟ شذى: ما معي شي ابو شذى: كيف ما معاك ؟. ومن وين عايشه انتي وذا النسره شذى: هي كم ريال تعطيني اياها ام علي لا ساعدتها ابو شذى بطنازة: وكم ريال معك الحين شذى: 5 ريال .. اذا حاب اجيبهم لك ابو شذى عصب لانه حس انها قاعده تستخف فيه وعطاها كف قوي حاااار طبع على خدها الناعم .. ورفسها ابو شذى: انقلعي عن وجهي شذى قامت وعبرتها على خدها .. دخلت غرفتها وصكت الباب عليها توجهت للمرايا تشوف الكف لقته سبب لها قطرات دم على خدها الابيض الناعم .. بكت بحسره .. رجع ابوي ورجع الفقر والذل والجوع من جديد .. يارب ارحمني برحمتك التي وسعت كل شي بيت ابو بندر ام بندر وصلت البيت وهي متأففه .. انا الحماره اصلا اللي رحت لاهله ولا انا من متى وانا احبهم .. الود ودي اذبحهك كلهم وارتاح منهم طلعت غرفتها الواسعه ووقفت على تسريحتها تتأمل حالها .. فوزيه جميله .. بس خربت نفسها بعد ما كبرت بعمليات التجميل والشد والنفخ .. لسه باين جمالها بس طبعا مو مثل اول .. بنتها ديما تشبه لها مرررره وماخذه منها كل شي .. بس الام على احلى .. وهي صارت تخرب حالها بالعمليات لانو ثقتها بنفسها انهزت بقوة خصوصا بسبب بعد سلمان عنها .. فوزية: اووووف يبي لي بوتوكس بروح بكره اعدل مسكت جوالها تاخذ لها موعد بس دق الجوال وكان المتصل ام حمد فوزية ابتسمت بخبث .. ااه بس لو يكون اللي ببالي فوزية بغرور:الووو ام حمد: هلا والله ام بندر فوزية: يا هلا بك .. ام حمد: عسى منتي مشغوله ؟ فوزية تقعد على السوفا بروقان: لا ابد بالعكس فاضيه .. ام حمد : اي زين .. لاني حبيت اكلمك بموضوع .. فوزية وابتسامتها تزيد : آمري,,, ام حمد قالت السالفه لها وقفلت .. فوزية اول ما قفلت من ام حمد حطت الجوال على الطاوله اللي قبالها برواق واطلقت ضحكه قوية من قلبها .. فوزية:انا اللي اعرف لك يا سلمان واعرف كيف انتقم .. وجا الانتقام لغااااية عندي .. ولا احطك هنا يا سلمان هنااا.. وتدعس على الارض بكل قوتها .. المزرعه .. على المغرب كانوا الرجال متجمعين سوا يتقهوون ومعهم الشباب مشعل: افففففف ياكثر حكي ذا الشياب والله ما يخلص بندر: وياليته على سنع بس ,, متعب: انا بفهم وش يقعدني معاهم ولا معكم .. لو اني لسه بالرياض كان الحين انا افرفر بالتحليه مع ريانو واقز بذا البنات وموسع صدري الشباب:هههههههههههههههههه� � محمد: هذا كل اللي هامك انت ووجهك متعب: ياخي خليني امتع نفسي .. ياثقل دم المزرعه .. خالد: بالعكس والله انها مكان زين ..وسيع صدر وشرح سالم: بجد انا اهنيكم عليها ماشالله .. بدر: بيتك ومحلك .. انت وقت ما بغيت عطني الو ونجتمع كلنا هنا .. عاد ياما نجي احنا والشباب لهنا نقلبها عود وبلوت وشي يحبه قلبك سالم: اووووه ماشالله .. بدر: اي واخوك عبدالرحمن ترى دايم الدوم معنا ... سالم بنص عين: اه يالخاين .. عبدالرحمن: وش اسوي فيك ياخي انت مليون ساعه مرابط.. احبك من دوامك يعني عشان تسمع دق عود وبلوت وكورة ؟ سالم: بسم الله علي ترى ماقلت شي .. ومن يدق عود؟ محمد: واحد من الشباب ,, ويغني لنا ماجد سالم :امماااااااااا ماجد يغني متعب: اي فديت اخوي يازين صوته سالم : اووف لا قوية ذي.. وينه خليه يغني بندر تلفت: مدري وينه محمد: يا كثر ما يختفي ذا الماجد .. وين ممكن يروح يعني بره قبال بيت الشعر .. كان واقف ماجد يحاول للمره المليون يتصل على رانيا ..وكالعاده لا رد ماجد عصب موووت .. يارب ترد بس تطمني عليها وانا ذيك الساعه بوريها شغلها << طبعا الحكي مو من قلبه بس يبي يهدي نفسه طلع بندر ولقاه بندر: ماجد .. انت وينك ياخي .. صاير تختفي فجأة ماجد: اففف ياخي .. رانيا بندر بلا مبالاة: وش فيها ماجد بعصبيه: حرقت الجوال عليها .. صار لي فتره ادق عليها يا مقفول يا ما ترد .. انا مدري هي ليش حاقرتني بندر تكتف: بينت على حقيقتها مو حاس؟؟ ماجد عصب بقووووة وصار يصارخ : وش بين على حقيقتها ومدري وشو انا قلت لك باخذها يعني باخذها غصب عن اللي يرضى واللي ما يرضى حتى لو ماترد علي ابد .. مصيري راجع لها جاه صوت من ورى: غصب عن اللي يرضى واللي ما يرضى ياقليل الادب ماجد وبندر انصدموا قرب ابو ماجد والشرر يتطاير من عيونه: انا قلت لك من خي اللي بتاخذها وما يحتاج تكسر كلمتي ماجد وهو شوي ويفقد اعصابه : يبه مابيها .. مابيها افهمني ابو ماجد عطاه كف خلى ماجد وبندر يجمدون مكانهم ابو ماجد : انا اوريك يللي ما تستحي الحين مشى بندر وماجد وراه عشان يهدونه لانه ماكان على بعضه .. وهو مريض بندر: عمي هدي الله يسعدك بشويش ابوماجد وهو يالله يمشي: وخر عن وجهي اقول .. ويكمل مشي لبيت الشعر ماجد كان ورى ابوه : يا يبه خلينا نتفاهم واللي يرحم والديك .. ابو ماجد دخل لبيت الشعر وقعد على اقرب كرسي وهو يالله ياخذ نفسه والكل اجتمع حوله ابو مشعل: وش فيك يا راشد عسى ماشر ابو ماجد وهو يالله ياخذ نفسه : مافيني شي.. حمد ابو رنيم: سم ياخوي ابوماجد: انا طالب يد بنتك رنيم لولدي ماجد .. عم السكوت المكان ماجد انصدم ..ما توقع ابوه يسويها ابدا .. طلع من بيت الشعر يركض وراح بعيييييد بعييييييييييييييييييد انتهى البارت .. انشالله يكون عجبكم وموعدنا انشالله الثلاثاء الجاي كالعاده بلييييز توقعاتكم .. الله لا يخليني منكم والبارت الجاي انشالله كله حمااااااااااس ومفاجآت ,, وشكرا لكل من دعمني فيكم "وكل عاااام وانتم بخير وصحه وسلامه يارب " مع حبي / هاااااجس | ||||||||
|  |
|
26-05-15, 09:00 AM
| #22 | ||||||||
| مراقبة عامة ومشرفة منتدى الروايات المنقولة
| الجزء الثاني عشر عند الحريم .. رن جوال ام ماجد ..وكان المتصل متعب ام ماجد:هلا يمه متعب: هلا بك ..يمه ابوي تعبان شوي ام ماجد ارتاعت: وش فيييييه ؟ متعب: تعب من شوي شكل السكر ارتفع .. ام ماجد: جيبوه لغرفته خلني اشوفه .. ابي اتطم عليه متعب: يمه مو الحين .. شوي بس خلينا نجيب له الدكتور ام ماجد: اقول لكم جيبوه لي لا اجيكم انا الحين متعب: خلاص يمه هدي .. شوي ونجيبه .. وقفل ام عبدالله: وش فيه اخوي يا ساميه خبصتي قلبي ام ماجد وهي تبكي: ارتفع عليه السكر .. يارب سترك ..هو الايام هذي اعصابه تلفانه مدري من وشو .. بسم الله عليك يالغالي يابو عيالي ام مشعل: الله يطمن قلبك وبالك عليه يام ماجد .. ام عبدالله : انا مافيني انتظر بروح له ام ماجد: الحين يجيبونه لنا لا تشيلين هم وبعد كم ساعه استقرت حالة ابو ماجد بفضل الله ثم الادوية ولا احتاجوا انهم ينقلونه للمستشفى بس وصى عليه الدكتور بالراحه بغرفة ام ماجد ام ماجد تبكي عند ابوماجد : وش صار فيك يا كلي ابو ماجد: لا تخافين يام ماجد انا بخير وماعلي ام ماجد وهي تمسح دموعها: وش اللي صار خلى اعصابك تتعب كذا ويرتفع عليك السكر؟ ابو ماجد: اااه يام ماجد وش اقول لك بس ام ماجد: سلامتك من الاه ..وش فيك قول لي ابو ماجد:ماجد زعلني اليوم وكان بيعصاني .. وبدون شعور وانا طايح عليهم طلبت رنيم لماجد من ابوها ام ماجد شهقت: هووو وش تقول يا راشد ابو ماجد: اللي سمعتيه .. ام ماجد: ليش كذا يابو ماجد.. مو اتفقنا بشويش .. ابو ماجد: عاد هذا اللي صار .. استفزني .. حسسني انو مالي كلمه عليه ام ماجد تتنهد: والحين هو وينه .؟ ابو ماجد: مدري .. المهم يام ماجد .. انا برتاح الحين .. ابيك تروحين تكلمين ام رنيم عشان تقول لرنيم .. وابي اسمع موافقتها باذني بس مو الحين بعد كم يوم ام ماجد: وليش بعد كم يوم انشالله .. ولدي ما ينرد ابو ماجد: احد قال لك انه ينرد يا ساميه ؟ بس من حق البنت تفكر وتوافق وترفض كمان .. حتى لو كانت بنت عمه .. هذا زواج ماهو مجامله ام ماجد: وماجد الحين وين راح ؟ ابو ماجد بتعب: مدري عنه .. ما شفته من بعد ماقلت لابو رنيم طلبي ام ماجد تنهدت بضيق: ياويلي عليك ياولدي .. الله يسهل لك ويتمم لك على خير ابو ماجد: اميييين يارب .. يللا عاد الحين انا برتاح شوي .. انزلي ولا عليك امر قولي لام رنيم .. ام ماجد: طيب على امرك .. انت نام وارتاح .. ابو ماجد: انشالله .. ام ماجد غطت زوجها زين .. وسكرت له النور عشان يرتاح .. ونزلت تحت للحريم بعد ما تطمنت عليه عند الحريم ام عبدالله: بشري يام ماجد.. وش اخبار راشد ؟ ام ماجد: الحمدلله ماعليه .. صار احسن بعد الدوا ام مشعل: الحمدلله .. الله يطمن بالكم عليه يا وخيتي ام ماجد: اميييين يارب.. رنيم: يعني يا خالتي عمي مافيه شي ؟ ام ماجد: الحمدلله مافيه الا العافيه يا عيوني تطمني رنيم بارتياح :الحمدلله.. ام ماجد: يا حريم عندي خبر ... ام عبدالله: وشو الخبر؟؟ انشالله خير ام رنيم وهي تبتسم .. صحيح انها مبسوطه لانو ولدها بياخذ رنيم اطيب وانقى قلب بالعايله .. بس بنفس الوقت ضايق صدرها عليه مره .. لانه مايبي رنيم .. وخايفه مررره من مستقبلهم سوى ام ماجد: الحمدلله .. خير وكل الخير انشالله .. الهنوف: وشوووو خالتي حمستييييني ام مشعل: انتي اهجدي بس.. الهنوف زعلت وتكتفت .. ام ماجد: اليوم ولدي ماجد .. خطب رنيم الكل سكت يستوعب الخبر .. البنات يوم استوعبوا فرحوا مررررررره .. اللي صرخت واللي زغرطت واللي واللي .. الجو اشتعل حماس بالمجلس .. الكل ابدى انطباع الا رنيم رنيــــــــــــــــــــــ ــــــــــــــــــمـ كانت بدنيا ثاااااانيه .. اذنها انشلت من الخبر .. ما توقعتها بيوم ابدا .. كان اقصى احلامها .. واليوم صار واقعها .. تقدم لها حبيب القلب .. حب الطفولة .. اول واخر احلامها طلب يدها للزواج .. طلبها تكون اميرة على قلبه وملكة حياته .. فرح مالي قلبها بشكل خيالي بس ماهي قادره تعبرر .. ودها تبكي من فرحتها بس جموعها تحجرت .. ودها تحكي عن سعادتها اللي انكتبت لها من جديد .. بس في شي مانعها .. يا ترى من متى وهو يفكر فيني .. وايش دخل تعب عمي .. فجأة عمي تعب وبعدها بساعتين يطلبوني لماجد .. مشاعر الفرح تحولت لشك .. في شي بالموضوع .. صراع داخلها .. وبراكين تتفجر بكيانها .. افرح ياقلبي ولا ابكي .. ماني فاهمه شي .. كل هذا كان يدور داخل رنيم بلحظات .. بس من بره كلها هدوء وعذوبه ام ماجد كانت تراقب ردة فعل رنيم .. البنت ما عطت انطباع ابد لا هي اللي فرحت ولا هي اللي زعلت .. وش تفكر فيه ؟! معقوله تكون رنيم ما تبي ولدي .. وش ذا وش صاير ماني فاهمه شي ايان قربت من رنيم تحضنها: مبروووووك يا شينه .. واخيرا بتتزوجين وتصيرين زوجة ماجد اخوي رنيم صحت من افكراها مع كلمة زوجة ماجد .. يعني صح اللي سمعته وماجد تقدم لي.. ليان: وخررررري عنها خليني ابي احضنها انا بعد ليان: الف مبرووك حبيبتي انتي .. رنيم ابتسمت بعدم تصديق : على وشو ؟؟ ليان رفعت حاجبها: هوو وش فيك .. على خطبتك الهنوف:هههههههههه فهت البنت ماهي بالدنيا دلال وهي تقرب من رنيم وتبوسها: يا حبيبتي انتي الله يتمم عليكم .. رنيم قامت من قعدتها وراحت لامها اللي كانت تدمع عيونها من الفرح .. ام رنيم تحضن بنتها: يا حبيبتي.. الحمدلله ربي حقق لي مناي وبشوفك عروس قبل لا اموت رنيم وجعها قلبها: يمه انا مابي اروح عنك .. مابي اتزوج وابعد عنك سكت الكل يسمع كلام رنيم .. ام رنيم بدموع: يابنتي وش هالكلام .. رنيم: ماما اخاف عليك .. اخاف تحتاجيني .. مين بيعطيك الدوا وانا بعيده .. من بيأكلك ومن بيسليك .. من بيقابلك وياخذ بيدك ؟ ام رنيم : يا حبيبتي في ابوك ومشاعل الله لا يحرمني منكم كلكم .. ما تسوى توقفين حياتك عشاني رنيم تحضن امها وبدموع: يمه مابي اخليك مابي.. ام رنيم بكت زياده : بس ياقلبي انتي بس .. ام ماجد تأثرت باللي تشوفه والكل كمان .. رنيم من يومها حساسه وتدخل القلب .. ماقد شافوا وحده تخاف على امها كثر خوف رنيم عليها .. ام اثير تمسح دمعتها اللي خانتها:ربي لا يحرمكم من بعض يارب الكل: اميييييييييييييين ام رنيم وهي تمسح دمعة بنتها : اعذرينا يام ماجد .. عروستنا خوافه شوي .. انشالله كلها يومين ونعطيكم ردنا حبيبتي ام ماجد برحابة صدر: انا والله ودي رنيم لولدي .. وابو ماجد اكثر مني .. خليها تاخذ راحتها وانا وابو ماجد شارينها لو لاخر العمر ,, رنيم بقلبها .. يعني صدق .. عمي وخالتي لهم يد .. وانت يا ماجد ؟ ولا شكلك ما تبيني واهلك جابرينك؟ ام رنيم : تعالي رنيم حبيبتي .. نتلكم بره رنيم مشت مع امها بدون ولا حرف .. مها: فديتها يا ناس .. كلها حنان هالرنيم .. ديما: اي والله .. الله يوفقها يارب ويتمم لها على خير .. الكل: امييييين يارب بره بالحديقه الصغيره .. ام رنيم كنت جالسع مع بنتها على احد الكراسي الخشبيه .. ام رنيم : مسحس دموعك حبيبتي.. رنيم:...... ام رنيم :يا رنيم هذا حال الدنيا .. ومصير كل بنت لبيت زوجها .. رنيم وهي تصد بعينها عن امها : بس انا وضعي غير ام رنيم: ليش غير ؟؟ انتي بنت ولا كل البنات ومليون من يتمناك .. كفايه حب عمك ابو ماجد وخالتك ام ماجد لك .. ماعليك خوف معهم لا تخافين الزواج ماهو شي يخوف رنيم: يا ماما انا ماني خايفه من الزواج .. انا خايفه من بعادي عنك .. مابي اروحج واخليك ام رنيم: رنيم .. انتي عارفه اني ما احب ابين مرضي .. ولا احب احد يتعامل معي لى اني مريضه .. رنيم: بس انا مو قصدي قاطعتها امها: انتي تعاملني على اني بموت بكره مو بس مريضه رنيم بسرعه: بسم الله عليك .. جعل يومي قبل يومك ام رنيم ابتسمت: بسم الله عليك .. انتي العمر قدامك .. بتتزوجين وتجيبين اولاد وتكملين دراستك .. وانا ربي اذا كاتب لي عمر بعيش وصدقيني فرحتي بجد لما اشوفك ببيت زوجك .. مو مقابلتني طول الوقت رنيم ضحكت بهدوء: ههههههه شكرا على الطرده ام رنيم: ايوة كذا حبيبتي .. ابيك تضحكين وتبتسمين .. مابي اشوف دموعك ابد .. ابيك تفكرين بمستقبلك بعقل .. زي ما طول عمرك تسوين .. ابي اشوف بنتي العاقله الرزينه .. كيف بتفكر .. وكيف بتحافظ على بيتها وزوجها رنيم:....... ام رنيم: وبعدين هذا ماهو حلمك ولا يتهيأ لي ؟ رنيم ارتبكت: وشو ؟؟ ام رنيم تغمز لها: علينا؟؟ حلمك انك تتزوجين ولد عمك رنيم شب وجهها من الحيا ما توقعت امها تكشفها ابد .. وش بتقول عني الحين .. سكتت ولا علقت ام رنيم صدقت توقعاتها.. حست انو بنتها تميل لولد عمها .. من يومهم صغير وهو القريب لها .. ام رنيم ضحكت : حبيبتي انتي .. الله لايحرمني منك يارب .. والف مبرووووك ..وباست راس بنتها رنيم حضنت امها : ولا يحرمني منك يا روحي .. بالسياره .. طلع ماجد من المزرعه وهو هموم الدنيا على راسه .. فك ازارير ثوبه بضيق كنه ماهو قادر يتنفس .. ضرب على الدركسون بقهر .. انا وعدتها .. وعدتها اكون لها واخلص لها .. وعدتها ما يملك قلبي غيرها .. بيش يبه تحرمني قربها لييييييييييش .. يارب الهمني وساعدني .. يارب ابيها .. حتى لو كان قربها مني شر ابيها .. ابيها بخيرها وشرها .. باستراليا .. رانيا كانت قاعده لوحدها بالكافيتيريا .. تشرب قهوتها على رواق .. صنمت وهي شايفه نفس الشخص اللي شافته من كم يوم وخبطها يقرب من طاولتها وعلى شفايفه ابتسامه جذابه نواف : صباح الخير رانيا تلعثمت: صب صباح النور نواف : تسمحين لي اجلس ؟ رانيا : اكيد تفضل نواف جلس وطلع محاضرته وقعد يراجعها وعيون رانيا ما فارقته ولا لحظه .. صار يراجع ويكتب بحماس .. وكنه ناسي الدنيا كلها من حوله رانيا .. يا عذااااابي وش ذا الزين كله .. اكو احد بالجمال والجاذبيه بالدنيا .. ياليته يعطيني لو نظرة وحده .. ابي اكلمه وش اقوووول ؟؟ نواف رفع عينه لها: عفوا اختي .. لا اكون ازعجتك .. رانيا بسرعه : لالالالا ابدا ما ازعجتني ولا شي .. نواف ابتسم وسكر كتابه وصار يرتب اوراقه: انتي وش تخصصك ؟ رانيا: طب نواف باعجاب: ماشالله .. شاده حيلك ؟ رانيا: اي نواف تخدد: غريبه بنت حلوة و دلوعه مثلك تتحمل الامور هذي رانيا خقت: امم اي امور ؟ نواف: يعني امور الطب ومدري ايش .. رانيا: اي انا تعودت .. اول كنت مخترعه وايد بس بعدين توعدت وصار الوضع عندي حلو نواف: انتي مو سعوديه ؟ رانيا: لا .. انا من الكويت نواف: حي الللللللللللله اهل الكويت والله .. فديتهم ما توقعت بناتهم كذا رانيا خلااااااص دوروها: تسلم هذا من ذوقك .. نواف ناظر ساعته : اوكي يا قمر .. تشرفت بمعرفتك .. انا نواف.. رانيا: وانا رانيا نواف: اسم حلو مثل راعيته .. وقف واخذ كتبه ودنيته .. اوكي يا عسل اجل انشالله اشوفك قريب .. هذا اذا ما كان عندك مانع طلعا رانيا بسرعه: لا ابدا لا مانع ولا شي .. نواف: اممم طيب ممكن البن حقك عشان اضيفك بالبلاك بيري ونتواصل ؟ رانيا وهي تطلع جوالها بسرعه : اكيد اكيد تفضل اخذ منها البن واضافها: يللا يا حلو .. عن اذنك الحين رانيا: اذنك معك .. يوم راح صارت تفكر فيه .. وه يا زينه ويازين حكيه بس .. وش ذا الجمال كله .. يعنبو طير عقلي .. فاقت من تفكيرها على صوت رنة البلاك بيري حقها تعلن عن طلب اضافة نواف .. | ||||||||
|
| |
|
26-05-15, 09:03 AM
| #23 | ||||||||
| مراقبة عامة ومشرفة منتدى الروايات المنقولة
| رانيا قبلت بسرعه .. وطلع اسم نواف بجهات الاتصال حقتها .. نطت على طول وشافته حاط له صووره جنااااان وهو لابس نظارة شمسيه وواقف عند البحر.. رانيا صرخت: وااااااااااااااااااااااي منه ياخذ العقل وش الجمال كله .. ولا اهتمت ابد بنظرات المارين من حولها اللي تناظرها باستغراب .. بدون ما تنتظر ثانيه وحده صارت تحكي معاه على البيبي بيت شذى .. ابو شذى كان جالس بالصاله .. يتفرج على التلفزيون ويشرب شاهي .. طلعت شذى من غرفتها ومعها كيس وكانت لابسه عبايتها ومتحجبه ابو شذى: وين وين انشالله ؟ شذى: بروح لاريج بابا ابو شذى": من اذن لك ؟؟ شذى: يبه انا متعوده دايم اني اروح لها بالوقت هذا ياهي تجيني .. ابوشذى: ماشالله ومن مين اخذتي الاذن ؟ مافي روحه ولا في انها تجيك شذى:يبه لو سمحت .. مارح اطول كلها ساعتين وانا عندك بالبيت ابو شذى وهو يطالع الكيس اللي معها: وش فيه ذا الكيس؟ شذى بتوتر: هذي اقمشه ابو شذى حس بتوترها وقرب منها وسحب الكيس على امل انه يلاقي فلوس شذى: يبه مافي شي غير الاقمشه صدقني ابو شذى عصب: ياكثر ماتقرقين على راسي انتي .. تشب ولا كلمه وصار يحوس بالكيس وبين الاقمشه يمكن يلاقي له فلوس من هنا ولا من هنا .. ولقى له مية ريال ملفوفه بمنديل ابو شذى عطاها كف جامد: وهذي ماخي فلوس... باخله على ابوك يا قليلة الحيا شذى تكتم دمعتها: يبه اسفه وحقك علي .. خلي الفلوس عندك بس تكفى خلني اروح لاريج ابو شذى بلعانه: مافي روحه لا تعضين الارض .. انقلعي لغرفتك الحين لا امسح بباقي كرامتك الارض .. جت منيره وصارت تطالع شذى بتشفي ... شذى كرهت كل شوي من حولها .. عطت منيره نظره اما ابوها ولا حتى عبرته .. توجهت لغرفتها وسكرت الباب بالمفتاح عليها منيره وهي تصب شاهي من جديد لزوجها: احسن تستاهل ما يجيها .. عسى ربي يفكنا منها اليوم قبل بكره ابو شذى: امييين .. منيره حست انو ابو شذى كاره شذى اليومين هذي .. لانه حاس انو عندها فلوس بس هي مخبيتها عنه .. عشان كذا قررت تبتدي تملي راس زوجها بفكرة زواج شذى من احمد عشان تفتك منها وتضمن انه يزوجها غصب عن فرق خشم شذى شذى شالت عبايتها من عليها .. ودخلت تاخذ لها شاور يهدي اعصابها ويروقها ويمحي اثر الدموع من عيونها .. محى الدموع من عيونها لكن جروح قلبها وش يمحيها ويداويها غير قرب حبيب قلبها اللي تحبه ويموت فيها .. تمنت بدر يكون معها الحين وحولها .. يوقف بوجه ابوها كلما حاول ابوها يقرب منها .. ياخذها لحضنه لا ضاقت الدنيا فيها واستعسرت مثل الحين .. وينك يا بدر .. وينك .. محتاجة لك وربي يا بدر .. محتـــــــــــــاج اضمـــــــــــــــــــــك واترك الدمع ينساب ويكتب على خدي بلاوي سنيني بالحيل ميت من زمن مابه اصحاااااب والكل منهم بالمصايب يجيني الا انت .. ووينــــــكـ ؟؟ لا تعذر بالاسباب .. ابيك تترك كل شي و تجينـــــــــــــــــــــ ــي ** منقوول ** كانت الكلمات هذي تتردد ببال شذى طول الوقت .. تفكر ببدر.. يا ترى بيقدر يوفي بوعده ويجي ياخذها من احزانها ... بيقدر يقول للعالم والكون . هذي هي البنت اللي قلبي قبل عقلي اختارها بنتظر لاخر نفس فيني يابدر ... مارح ايأس سمعت صوت طق على شباك غرفتها .. توجهت له وهي عارفه من اللي يطق عليها اريج بهمس: شذااااااااااااااااااوي ووجع انشالله ..وينك ماجيتي شذى: اسفه اريج .. بس ابوي رجع امس وحاكرني بقوووة لاني قادره اطلع ولا ادخل اريج طارت عيونها:وللللللل اما رجع .. وش جابه هذا يوم بدينا نزدهر باعمالنا شذى ابتسمت غضب عنها: حكم القوي اريج عصبت: اففف طيب وش العمل الحين .. كيف بيمديني انشالله اخلص الشغل لوحدي ؟ شذى: سوري اريج .. انتي عارفه انو ما اقدر اشتغل وبابا في .. والله لو درى اني اشتغل لا يهلك دين والديني عشان الفلوس وانا بصراحه ماني ناقصه اريج بقل صبر: انا لللللللللللللله وبعدين يعني .. اقول لك .. افتحي الباب انا جايه شذى طارت عيونها: وين جايه يا مجنونه ؟ اريج : وين بعد .. بجي اكوفن ذا الرجال قليل النخوه .. اللي يوم بدينا نشتغل زين ونلم لنا كم قرش طب علينا زي القضى المستعجل شذى كتمت ضحكتها: هههه انتي مجنونه .. تحسبينه منيره ولا موضي ولا من شلة المدبوغين حقونك اريج بفخر: وليش ما اخليه المدبوغ رقم مليون يعني .. وش حيثه عن الباقي؟ شذى: ههههههههههههههه اقول روحي عني الحين ..ترى لو دخل علي بيذبحني ويذبحك اريج : طيب طيب .. بروح ولا يهمك .. بس اول قولي لي ليش كنتي تبكين ؟ شذى انصدمت: من قال لك انتي كنت ابكي ؟ اريج: اقول شذاوي .. تراني اريج مو حي الله .. مو مكتوب على جبهتي هندي شذى ابتسمت: ابد بس مد يده علي كالعاده اريج بقهر ترفع يدها للسما: ياجعل يده للكسر قولي امين شذى بسرعه وخوف: لااااااااا لا تقولين كذا استغفري اريج: ماني مستغفره .. شوفي خدودك شلون وارمه كنك مضربتهم ابر بوتوكس .. شذى خلاص ما قدرت تتحمل: هههههههههههههههههه اقول بس .. روحي يللا وانا انشالله الصبح بعدي عليك والكل نايم واعطيك الاقمشه عشان تصلحينها .. والفلوس اللي بتجيك منها كلها حلال عليك حبيبتي اريج : وليش انشالله حلال علي لحالي؟ شذى:لانك انتي اللي بتشتغلين اوحدك على هالدفعه من الملابس ومو من حقي اخذ قرش واحد اريج بحنيه: شذى حبيبتي انا وانتي خوات واكثر.. ومن يومنا صغار تعاهدنا نكون انا وانتي على الحلوة والمرة وكل وحده فينا توقف مع الثانيه لما تحتاجها .. مابيننا ذا الكلام .. النص بالنص حتى لو ما اشتغلتي ياقلبي .. كلنا سوى بهذا كله .. شذى بعذوبه: الله لا يحرمني منك اريج : ولا منك ياقلبي.. يللا يا قمر الحين روحي حطي لك ثلج على ذا الصفقه اللي جتك ونامي زين.. وانشالله انا انتظرك من صباح ربي اوكي شذى: اوكي حبيبتي اريج: يللا .. باااااي ونزلت نقابها على وجهها شذى: الله معاك يارب رجعت شذى لسريرها .. او بالاحرى لفرشتها .. لانها تنام على الارض .. تغطت بلحافها .. بس ماجاها نوم .. تذكرت اللي قالته لها اريج .. راحت المطبخ وجابت لها ثلجح ولفتها بفوطه صغيره وصارت تحط على خدودها مكان الالم شذى: ااااااه حسبي الله على شيطانك يا بابا .. الله يسامحك بس وانسدحت .. تخيلت بدر جمبها الحين .. هو اللي يعتني فيها ويعقم لها جرحها ويسمي عليها .. حست باحساس يهز كيانها كله من تفكيرها فيه .. فتحت الصندوق حقها اللي تحط فيه الاشياء المهمه .. واخذت الجوال وشافت انه دق عليها مره .. بس هي ما انتبهت لانو الجوال دايم على الصامت .. فكرت تدق عليه بس انتبهت للرساله اللي جتها .. فتحتها وهي واثقه مليون بالميه انها من بدر لانو محد يعرف ذا ابرقم الا بدر ..شافت المسج .. حبيبتي شذى .. وحشتيني اتصلت اسمع صوتك لاني ولهان عليه موووت ..انشالله تكونين بخير انتبهي على حالك وانا انشالله بتصل عليك بكره لانو عندي ظروف اليوم نامي زين حياتي .. احبــــــــــــــــك باست شذى الجوال وحطته على قلبها وقالت بحب: الله لا يحرمني منه وهي ترجع الجوال بالصندوق طاحت عينها على صورة بدر .. حست بالكهربا تسري بجسمها بمجرد شافتها بس .. اجل شلون لو كان قدامها سندت ظهرها وهي حاضنه صورته بكل مافيها .. غمضت عيونها برقه وحلم وهي تتذكر اولى اللحظات اللي جمعتهم سوى .. اللحظة اللي انولد منها حبهم .. كانت شذى وقتها مع امها بالصاله .. تتفرج على التلفزيون وامها تقطع الخضار عشان الاكله اللي ناوية تسويها شذى: واااه ماما بالله شوفي هالفستان اللي لابسته ذا الممثله ام شذى ابتسمت بتعب: اخيط لك مثله شذى بضحكه: وش تخيطين لي مثله يمه الله يهديك .. هذا شي مستحيييييل ام شذى: مافي شي مستحيل على ام شذى .. مو اخيط لك مثله .. الا اخيط لك احسن منه بعد شذى قامت وهي تبوس امها: الله لا يحرمني منك يارب ام شذى: ولا منك .. يللا خلينا نعجل الحين نسوي الاكل لا يجي ابوك الحين ويفضحنا بالعرب وياكلنا بدال ذا الصواني شذى: هههههههه طيب هاتي عنك اقطع الخضار ام شذى: لا انتي نقي الرز .. وانا بقطع شذى: اووووكي .. بعد ربع ساعه .. حست شذى انو امها ماهي على بعضها ..كنها تتألم شذى عقدت حواجبها: ماما وش فيك؟ ام شذى تتصنع القوة: مافيني شي شذى: كيف مافيك شي ومبين عليم الالم ؟ ام شذى: ابد تعب بسيط .. شذى وهي تحط صحن الرز وتقعد جمب امها: يمه كيف تعب بسيط وانتي صار لك فتره منتي على بعضك وانا ساكته .. قومي خلينا نروح المستشفى ام شذى بعناد: لا يابنتي مافيني شي .. وخري عني خليني اقوم اركب الطبخه على النار قبل لا يجي ابوك .. وقامت وخلتها شذى تنهدت : الله يحفظها لي يارب .. جا ابوها وتغدوا كلهم ورمى بوجيههم الخبر بدون نقاش ولا مقدمات ابو شذى: انا مسافر مصر ام شذى انصدمت: وشووو .. تسافر ؟ وش له تسافر ابو شذى: مزاج ام شذى: اي مزاج يا رجال .. حرام عليك .. تروح وتخليني انا وبنتي لمين .. وبعدين من وين لك فلوس ابو شذى: انتي وبنتك محد جايكم ولا ماكلكم الذيب .. اما من وين لي فلوس مالك خص ام شذى وهي تقاوم دموعها: يعني انت عندك فلوس ومخليني ناخذ من اللي يسوى واللي ما يسوى .. بدال ما تسافر اصرف على بيتك وبنتك انا مابي شي منك .. اصلا انا مفوضة امري لربي ابو شذى قام وقلب صينية الشاهي : الله ياخذك انتي وبنتك .. القعده معكم تجيب المرض وتقصر العمر .. ام شذى وهي تبكي بحرقه : ما يقصر العمر الا سواياك .. قعدتك اللي بالبيت ومخليني اصرف عليك .. اروح اطق بيبان خلق الله اشتغل عندهم عشان تجيب لك فلوس .. وبالنهايه تاخذها وتروح تسكر فيها مع ربعك اللي ما ينرجى منهم خير ابو شذى عصب وفقد اعصابه .. قام عليها وصار يضربها باقوى ما عنده .. وهو يسب ويلعن اليوم اللي اخذها فيه .. طلعت شذى من غرفتها على صوت امها وضرب ابوها لها .. وبغت تموت يوم شافت امها بين رجلين ابوها وهو يرفس ويضرب فيها شذى صرخت وقربت حاولت توخر ابوها عن امها بس ما قدرت .. بس بثواني استجمعت قوتها ودفته باقوى ماعندها .. لينه طايح بالارض ابو شذى بعصبيه: اه يابنت الكلب تمدين يدك على ابوك شذى وهي ميته من البكى: وش ابو .. اي ابو انت تحكي عنه .. انا اعرف انو الاب يكون حنون .. انت مافيك ولا ذرة حنان .. معذبني انا وامي مذوقنا الموت .. حرام عليك ياخي خاف ربك .. حضنت امها وصارت تبكي ابو شذى قام وضرب شذى شوي وعطاها كم كف .. ابو شذى: حسبي الله عليك من مرة ..ما عرفتي تربين .. جايبة لي ذا البنت اللي شكلها بتطيح بكبدي.. حتى الولد ما جبتيه لي .. لو انها ذي ولد " وهو يأشر على شذى " كان الحين يشتغل ويصرف علينا .. مو مثل قلتها تاكل وتشرب وتنام على حسابي ..لاا وتاليها بعد يقولون ما تقدر تجيب عيال من جديد .. الله ياخذك ويفكني منك ام شذى بتعب وضعف: اي حساب .. ياويلك من ربك ياخي ياويلك منه .. وليش تبي عيال ؟ عشان تعذبهم .. ربي رزقك ببنت ولا كل البنات ..وانتي تجحد النعمه .. وانت السبب اللي خلاني ما اجيب لك غيرها .. من الضرب اللي اخذه منك والترفيس .. ما خليت شي الا وسويته فيني .. وبعد تبيني اجيب عيال .. ما اقول الا حسبي الله عليك .. حسبي الله عليك يا ظالم الله يوريني فيك عجايب قدرته .. ابو شذى طالعهم بكره وحقد وطلع وصقع الباب وراه .. شذى راحت لحضن امها وهي تبكي وتمسح دموع امها: معليش يمه معليش يالغاليه .. معليش .. لا تبكين وربي تقطعين قلبي ام شذى باست راس امها وهي تدعي من قلبها انو ربي يستر عليها وينجيها من يدين ابوها الظالم .. بالليل .. ام شذى كانت نايمه بغرفتها .. وشذى اخذت لها حمام دافي بعد ما هدت .. ووقت قدام المرايه .. شافت كدمات بوجهها من ضرب ابوها لها .. وابتسمت بقهر .. كلما راحت اثار يرسم لها اثار جديده .. كنه حالف انه يذكرها فيه كل مره تناظر نفسها بالمرايه .. مسحت على وجهها بكريم الكدمات .. ولبست جلابيه قطنيه خفيفه .. اهترت من كثر ما لبستها .. فردت شعرها الاسود الطويل .. ونشفته بالمنشفه .. قالت بتروح تشوف امها قبل لا تنام .. دخلت عليها الغرفه وسمعت امها تأن وتبكي .. انهبلت شذى توجهت لها شذى: بسم الله عليك .. ماما وش فيك ؟ ام شذى ماهي قادره تحكي من الالم: مدري وش فيني يابنتي .. شذى: بسم الله عليك .. ماما تماسكي .. والله خايفه عليك .. شذى احتارت .. ماهي عارفه تروح فيم ولا لمين .. ولا حتى كيف تنجد امها .. مسكت التلفون وكلمت الاسعاف .. ووصفتلهم البيت .. شوي وجو .. كانت شذى لابسه عبايتها وملبسه امها كمان .. شالوها الاسعاف وراحوا .. من جهة ثانيه قريب من المستشفى .. كان في بدر وواحد من اصحابه عند باب المستشفى بدر: الحمدلله على السلامه سعد: الله يسلمك .. بدر: ياخي ممكن تنتبه المره الجايه .. هذي ماهي اول مره تسوي حادث المره هذي ربي رحمك وانكسرت يدك .. واللي قبلها انكسرت رجلك .. واللي قبلها اصابعك تكسرت ..المره الجايه رقبتك .. دامك ما تعرف تسوق خلاص ياخي رجع السياره للوالد وصلى الله وبارك سعد ارتاع :بسم الله علي .. وش ذا الفال .. هذا بدال ما تتحمد لي بالسلامه بدر: ههههههههههه ياخي تحمدت لك مليون مره ب 7 شهور بس .. سعد : مالت عليك .. يللا بس وصلني البيت تعبان حدي ابي انام .. وعسى ما اقابل احد من اهلي بس ويسوي لي سالفه .. بدر : هههههههه يللا مشينا .. بوقت ما كانوا بيتوجهون للسياره كان الاسعاف واصل .. وكان ينزل ام شذى .. بدر وسعد دعوا ربهم يشفي المريض اللي بسيارة الاسعاف وقفت السياره ونزلوا ام شذى منها والممرضين ونزلت شذى الممرض وهو يسحب السرير اللي منومه عليه ام شذى: اختي روحي ادخلي من الباب الرئيسي ما سنفع تدخلين من هنا شذى وهي تبكي: وين ارووح ما اعرف شي الممرض: با اختي لا تضيعين الوقت ادخلي من الباب الرئيسي شوفيه هناك .. شذى التفتت على الباب اللي اشر عليه الممرض وراحت تركض .. صارت تركض تبي تلحق على امها .. ماتدري ليش حاسه انها بتروح منها .. ركضت وصارت ترقى درج المدخل بسرعه وصدمت بكتف بدر وطاحت بدر ارتاع قرب: اختي صار لك شي شذى ما ردت عليه .. عدلت غطاها وقامت تركض من جديد لجوة بدر حن عليها .. شكلها صغيره ومنهاره .. ماهي مستوعبه اللي عي فيه سعد:لا حول ولا قوة الا بالله .. بدر يللا مشينا بدر وهو يطالع المكان اللي كانت فيهه شذى : هاا سعد: وش هاا .. يللا مشينا البيت .. بدر: طيب طيب .. وركبوا السياره .. وصل بدر سعد لبيته .. وكانوا يسولفون بالسياره وضحك وهبال بدر:هههههههههههه الله يرجك انشالله .. يللا انقلع بيتكم اشوف تراك مصختها سعد: طيييييب هذا جزاي اني مسليك .. بدر: لا والله ..جزاي انا اني معطيك وجه .. يللا انزل سعد فتح الباب: هههههههه يجي لك يوم .. وسكره بدر ضحك وجا يحرك سعد: يووووووه بدر بدر: وشوو سعد: نسيت الادوية حقتي بدر: اي ادوية سعد: اي ادوية بعد .. اللي كتبها لي الدكتور .. تكفى رح جيبها بدر بنص عين: يا خوي تراني ماني ابوك .. وانت تراك نشبت لي هنا " ويأشر على حلقه" سعد: معليش معليش حق الصداقه وانا اخووك بدر: ما كانت من صدفه جمعتني فيك عقب المدرسه .. يللا اخلص هات الروشيته عشان اجيب لك الدوا سعد ابتسم بهباله : ماهو انا نسيت الروشته عنده .. بدر خبط راسه بخفه: يعني لازم ارجع المستشفى هاا سعد : يب لازم ترجع المستشفى .. وتجيب لي الدوا وتشتري لي اياه بدر طير عيونه: بعد منت معطيني فلوس .. يللا انقلع لا بارك الله بذا الخشه .. بروح اجيبه وارجع لك سعد:ههههههه فدييييته انا بدر : بسم الله علي منك .. وحرك راجع للمستشفى بالمستشفى شذى مسكينه كانت تبكي ومنهاره .. دخلوا امها غرفة العمليات من اول ما جابوها هنا .. المسكينه مالها احد .. ابوها طلع ولا رجع .. شكله سافر .. واريج صديقتها بنت زيها زيها ما تقدر تساعدها ابد .. مالها احد .. مالها احد .. يارب وش اسوي بحالي .. يارب فرج همي واشفي لي امي ، مالي غيرها ياااارب .. احفظها لي .. دخل بدر المستشفى ومشى لمكتب الدكتور اللي حافظه زين .. لفت نظره البنت اللي تبكي .. ووقف شوي يناظرها وهو راحمها هذي البنت اللي صدمت فيني اول ماجت .. مسكينه .. شكلها يكسر الخاطر ..معقوله مالها احد .. كان وده يقوم يسألها بس حس انه ماله داعي لقافته الحين وخصوصا على بنات الناس .. كان بيمشي .. لكن حس شهقات البنت تزيد .. رحمها بقوووووة .. شوي وطلع الدكتور من غرفة العمليات شذى نطت مره وحده : دكتور طمني الدكتور : انتي مين ؟ شذى من بين شهقاتها: انا بنتها .. وش صار على امي احكي الدكتور : تفضلي معي المكتب .. ابيك تكونين رايقه شوي شذى بصراخ وهي منهاره: ماني رايحه مكان احكي الحين .. امي وينها وش صار لها الدكتور حس انها فعلا منهاره ولا هي رايحه ولا مكان سكت شوي وقال .. الدكتور: امك معها فشل كلوي .. شذى بصدمه: فشل كلوي ؟ الدكتور: اي .. وخلاص معد يفيد معها غير التبرع بكليه .. وبأسرع وقت ممكن .. شذى تبكي بحرقه: انا بتبرع لها .. الدكتور: وكمان تعرضت لكسر ضلعين .. ايش صار لها ؟ شذى صنمت: كسر؟؟ قالت بنفسها " اكيد هذا من ضرب ابوي حسبي الله بس" الدكتور: اختي .. وش صار لها .. هي متعرضه لكدمات باجزاء متفرقه من جسمها من اللي ضربها بالشكل الموحش هذا .. لازم ابلغ الشرطه عن الاعتداء الوحشي هذا شذى بسرعه: لا لا امي زلقت بالحمام الدكتور: والزلقه يعني هي اللي خلت ضلوعها تتكسر ؟ شذى سكتت الدكتور: انا بخليك الحين بس ابيك تفكرين زين بالكلام هذا .. انا واجبي كطبيب اني ابلغ عن الحالات اللي كذا ..وهذا بصراحه اعتداء صعب اني اسكت عنه شذى تغير الموضوع وقالت من بين دموعها: دكتور انا ابي اتبرع لامي بكليتي الدكتور سكت: ............ تفضلي معي راحت معه شذى . بدر كان يسمع كل كلمه دارت بين شذى والدكتور ..وش صار لها يارب .. من اللي تعرض لها كذا .. مسكينه البنت شكلها صغيره مره وما تتحمل .. ودي اوقف معها .. بس كيف ؟! صار يفكر وهو رايح لدكتور سعد عشان ياخذ منه الادوية .. ووداها البيت وشذى ما غابت عن باله .. راحمها بشكل ماهو طبيعي سوت شذى التحاليل وطلعت ماهي متطابقه .. يعني ما تقدر تتبرع لامها .. حزنات شذى وكانت شوي وتنجن .. ماهي عارفه وش تسوي بالضبط .. وخايفه انو امها تتركها لوحدها .. بعد يومين .. | ||||||||
|
| |
|
26-05-15, 09:05 AM
| #24 | ||||||||
| مراقبة عامة ومشرفة منتدى الروايات المنقولة
| في احساس خلى بدر يروح للمستشفى من جديد .. يمكن عشانه كان يبي يعرف وش صار على البنت وامها .. ما يدري ليش هو قلقان عليها .. دخل المستشفى وراح المكان اللي شاف البنت قاعده فيه اخر مره .. ولا لقى احد .. صار يفكر كيف ممكن يوصل لها .. قعد حوالي نص ساعه يفكر ولا طرت على باله ولا فكره .. اوووم الوهقه .. شوي ويمر الدكتور المسؤول عن حالة ام البنت.. ابتسم بدر وتوجه له بدر: صباح الخير دكتور الدكتور: صباح الورد بدر: امم عفوا .. بي حبيت اسأل .. البنت اللي كانت هنا من يومين واللي قلت لها ناو امها لحاجه عندها فشل كلوي وانها محتاجه للتبرع .. تذكرها ؟ الدكتور سكت شوي: اي متذكرها .. ليش انت تقرب لها ؟ بدر بسرعه: اي اقرب لها من بعيد .. حاب اتطمن عليها الدكتور: والله شوف ياخوي .. المريضه حالتها تقريبا مستقره الحين .. بس هي بالعنايه المكرزه .. بدر : لا حول ولا قوة الا بالله الدكتور: ان ما لقينا لها متبرع باقرب وقت بتصير بجد مشكله .. وبيتفاقم الموضوع .. ومن جد بتصير حالتها صعبه جدا بدر: طيب بنتها قالت انها تبي تتبرع لها .. الدكتور: اي بس للاسف طلعت غير مطابقه .. بدر انصدم: مع انها بنتها .. كيف ما تطابق الدكتور: سبحان الله .. مو شرط تكون بنتها عشان تتطابق .. بدر: من جد سبحان الله .. طيب ممكن تقول لي وين العنايه اللي هي فيها الدكتور قال له مكانها وراح بعد ما شكره بدر راح بدر .. وشاف شذى تطالع امها من ورى القزاز وهي تبكي بصمت .. وماكان يسمع غير صوت شهقاتها .. تنحنح بدر عشان ما يخوفها .. ووقفت شذى عن البكي بس عيونها مازالت معلقة بامها .. بدر: سلامة الوالده ما تشوف شر شذى بدون ما تطالع: الله يسلمك .. بدر: اختي .. ترى انا بالخدمه لو احتجتي مساعده او شي شذى: مشكور ما تقصر بدر: اختي من جد انا حاضر لو بغيتي اي شي .. وربي يقدرني واساعد التفتت عليه شذى بقوة وهي مستغربه منه وقالت بقسوة: قلت لك مشكور وما تقصر وماني بحاجة شي .. ياليت لو سمحت تبعد عن هنا عشان لو احد جا وشافني واقفه معك مارح تكون حلوة بحقي ابد بدر حس انه احرجها مرره : عفوا اختي بالاذن .. صار يمشي بشويش .. ما وده يبعد ما يدري ليش .. وكلما مشى خطوتين التفت على شذى .. بعد ما مشى كم خطوة والتفت حس بشذى تفقد توازنها شوي شوي وطاحت عالارض مغمى عليها .. بدر ركض لها بسرعه ..وحاول يمسكها قبل ما تطيح وطاحت بيدينه .. انصدم بدر من خفتها .. رفعها بسهووووله .. حس بالغطى بدى ينزل عن وجهها قام غطاه لها من جديد بدون ما يلمح شي من وجهها .. شالها وصار يمشي فيها بالاسياب لين قابلته ممرضة .. بدر: ساعديني لو سمحتي .. طاحت ومدري وش فيها الممرضه: اوكي .. وقربت سرير وقالت له يحطها هنا ودفت السرير لين وصلوا لغرفه فاضيه .. وراحت الممرضه تنادي الدكتور بدر رحم البنت بشكل ماهو طبيعي .. تمنى يعرف قصتها ايش .. حاس انها عانت كثير بحياتها .. شكلها فقيره وعلى قد حالها .. من عبايتها اللي حالتها حاله .. وطرف جلابيتها المبينه من تحت العبايه .. وخر عيونه عنها لانها ما تحل له ومايصير يقعد يتأملها كذا حتى لو كانت متغطيه .. دخل الدكتور وكشف عليها .. الدكتور: انت اخوها ؟ بدر ارتبك: اي اخوها وش فيها ؟؟ الدكتور: عفوا وش اسم المريضه عشان نفتح ملفها بدر توهق ما يدري وش اسمها وسوى حاله معصب: الحين بتطمني على اختي ولا شلون .. طمني ياخي بعدين اسأل عن اسمها الدكتور: مافيها شي .. بس فيها فقر دم وسوء تغذيه ولازم تراعي حالها كويس .. والحين بنحط لها مغذي .. انتبهوا عليها واكلوها .. بدر تطمن اشوة ماهي مريضه مثل امها: انشالله الدكتور : الحين وش اسمها .. بدر من جد حس بورطه بتصير سالفه لو درى انها ماهي اخته .. قال بسرعه : ديما الدكتور: ديما ال ...؟؟ بدر: ديما سلمان ال .... الدكتور:" اوكي .. وطلع الدكتور بمجرد ما طلع الدكتور .. القى بدر نظره على شذى بسرعه ..وطلع من الغرفه قبل لا يجي الدكتور ويقول له مافي بنت بهالاسم هنا عندنا .. حفظ رقم الغرفه عشان يرجع بعدين .. ورجع بدر العصر للمستشفى .. غير ملابسه عشان ما ينتبه له الدكتور او الممرضه .. كان لابس ثوب وشماغ ونظارة شمسيه .. اخذ معاه بوكيه ورد ابيض .. وجاب وجبه من بره عشان تاكل منها شذى.. يحس بشي يشده للبنت المسكينه هذي .. ووده يهتم ويتكفل فيها وبكل شي يخصها .. طق الباب بس ما سمع رد .. دخل بشويش عشان ما يخوف شذى .. لقاها متغطيه ولسه منسدحه .. ابتسم بدر لانو دامها تغطت يعني اكيد سمعت صوت الباب ينطق بس ما بغت ترد عليه .. بدر : السلام عليكم شذى:........ بدر حط الورد : طيب مساء الخير شذى: ممكن اعرف انت مين وايش تبي مني بالضبط ؟ بدر ضحك بخفه .. هو من جد ما يعرف هو وش يبي منها بالضبط .. واستغرب جرأته مع البنت حبتين .. بس فيها شي ما قدر يقاومه شذى: عفوا انا قلت شي يضحك ؟؟ بدر ابتسم: لا ابدا سلامتك شذى : طيب؟؟ بدر: ولاشي شذى بجرأة على غير عادتها: طيب اخوي ممكن تفضل بره الحين .. وربي شكلنا ماهو حلو .. قاعدين واحنا مو عارفين بعض حتى بدر حس انه احرجها مرره ووقف: طيب اختي عن اذنك الحين .. اتمنى تقبلين مني الورد هذا عشان قومتك بالسلامه .. وهذي وجبه يا ليتها تاكلينها لو عشان خاطر الوالده .. شذى ضاق صدرها: ماما .. ليش هي تدري عني اصلا بدر: حتى وان ماكانت تدري عنك .. ربي يدري عنك وعنها وهو اعلم بحالكم .. ادعي لها ربي يشفيها وانتبهي على نفسك عشان تقدرين توقفين معاها وتقومين فيها .. شذى حست انو كلام هالانسان الغريب صح ... وابتسمت من تحت غطاها .. بدر: يللا بالاذن ,, شذى: مشكور بدر فديت ذا الصوت انا : العفو .. طلع وسكر الباب .. من بعدها صار بدر يجي كل يوم ويعدي على شذى ويتطمن عليها ويهديها عشان ما تضعف او تنهار .. وشذى صارت بالمستشفى مرافقه مع امها .. مع انو امها ما تحتاج ولاهي داريه اصلا عن الاوضاع بس بدر بواسطته اقنع مدير المستشفى ووافق صار كل يوم يعدي ,, عليهم وشذى تعودت عليه مره وعلى مجيته لهم .. كان يهتم فيها .. ويهتم بوضع امها ودايم يتابعه .. لغاية بيوم .. صحت امها من الغيبوبه اللي كانت فيها .. بس للحين كانت تعبانه من الفشل الكلوي .. قعدت كم يوم بعد ما صحت .. وطلعت من المستشفى لبيتها على مسؤوليتها .. هي تعرفت على بدر .. وقال لها انه كان يجي كل يوم يتطمن على صاحبه المريض بالغرفه اللي جمبها وصار يعدي بالمره يدعي لها يوم كانت بغيبوبتها .. حست ام شذى بارتياح غريب لهالولد ماتدري ليش ... ابتسمت وهي تتذكر امور كانت حلوة بالنسبه لها .. بس سرعان ما رجعت لواقعها المرير .. صار بدر ما يقدر يوصل لشذى .. حس انه فاقدها مره ومتعود عليها .. صار زي المجنون بس يبي قربها .. ياحلوها وحلو ضحكتها وسوالفها .. حس انها سحرته بادبها واخلاقها .. مع انه ما شافها ولا مره .. ماغير شاف تعاملها وسمع صوتها ,, وياحلوه من صوت .. صار بين كل فتره وفتره يعدي على بيتهم .. اللي عرفه من بعد ما وصل شذى وامها البيت يوم طلعت من المستشفى .. صار كل اسبوع يروح يقضي للبيت من جميع نواحيه .. لانو شذى بنت ولا تدبر والام مريضه وكلهم الاثنين لازمهم تغذيه ,, صار على ذا الحال 3 شهور .. ما يحكي مع شذى ابد .. بس يوصل الاغراض لبيتهم ويحطها عند الباب ويروح بيته حتى قبل لا يسمع صوتها ..وام شذى المسكينه كل يوم تدعي له . ومع مرور الايام زاد تعب ام شذى عليها لانهم للحين ما لقوا متبرع بكليه لها .. وزادت عليها المرض لغاية ما جا يوم .. كان جايب فيه بدر المقاضي لبيت شذى .. ولما كان بينزل من سيارته .. سمع اصوات بكى وصراخ جايه من بيت شذى .. قرب من البيت كان ناوي يدخل يشوف وش الموضوع .. بس فجأة انفتح الباب وشاف بنت طالعه وهي متغطيه .. بدر بخوف بادي على وجهه: وش السالفه .. ليش الصراخ هذا كله ؟ البنت كانت اريج اللي قالت من بين دموعه : خالتي توفت .. بدر انصدم بقوووة .. توفت المره الطيبه اللي كانت تعامله مثل امه اللي انحرم منها طول عمره مع انها باقي حيه .. توفت سند شذى وعزها وكل اللي باقي لها بالدنيا .. توفت القلب الطاهر الابيض .. ما قدر يمنع دمعه نزلت من عينه ومسحها بسرعه ..دعا لها بالرحمه .. وقف بعزاها وقام فيه .. وتكفل بامور دفنها وكل شي .. سوى كل الامور كنه واحد من هالبيت والعايله.. لانو ابو شذى غايب من زمان مسافر ولا همه شي .. بيوم من الايام وبعد ايام العزا ..جاب بدر جوال لشذى وبشريحه .. طق الباب .. لين جاه صوت شذى الحزين المرعوب من ورى الباب ..لانها الحين لوحدها بالبيت .. ااااه يا شذى .. وربك وحشني صوتك .. مدري وش اللي فيني ,, معقول اكون حبيتك ؟؟ انا احبــــــــــــــــــــــ ــها؟؟ وليش لا وهي اللي سحرتني باخلاقها وادبها .. رقتها مالها حدود وحبها لامها شي ثاني .. رجع للواقع من بعد ما سمع صوت شذى من جديد شذى: مين عند الباب؟؟ بدر: هذا انا شذى بصدمه: بدر ؟؟ بدر: اي بدر شذى: وش تسوي هنا ؟ بدر: افتحي الباب شذى بصدمه اكبر: نععععععععم ؟؟ كيف افتح الباب وانا لوحدي بالبيت ؟ بدر: لا تفهميني غلط .. شذى افتحي الباب شي بسيط .. بعطيك حاجه وبمشي على طول حتى ماني مكلمك هنا .. شذى كانت خايفه وقتها .. بس هي واثقه تمام الثقه ببدر كيف ما تثق فيه وهو اللي كان احن عليها من الدنيا كلها بعد امها .. وهو اللي سندها وطمنها .. وخاف عليها واهتم فيها .. شذى فتحت الباب.. وبدر ناولها الكيس بسرعه ومشى بدون ما يقول لها كلمه وحده .. فتحت شذى الكيس ولقت جوال .. اول ما مسكته بيدها رن .. توهقت ماهي عارفه كيف ترد.. بس شافت تحت زر مكتوب " رد " ضغطت عليه وردت: الوو بدر غمض عيونه يا بعد كل من قال الوووو: هلا شذى شذى: هلا بدر .. بدر ليش تعبت عمرك ؟ بدر: تعبك راحه يا شذى .. انا اتعب واشقى بس اشوفك مبسوطه وتضحكين من جديد شذى: ....... بدر: شذى انا طول وقتي خايف عليك من جد .. وافكر فيك .. انتي ما تعرفين بجد وش صرتي تعنين لي .. جمعتني فيك الصدفه .. بس وربي هالصدفه غيرت كلها .. قلبتني فوووق تحت .. من تفكيري فيك لا ليلي ليل ولا نهاري نهار .. شذى انصدمت من كلامه.. انعقد لسانها ولا عرفت ترد او حتى توقف بدر كمل: انا ادري انك الحين تقولين بحالك اكيد هذا مو طبيعي او انه مجنون .. بس انا بقول لك تراني صرت مجنون فيك .. عاشقك للجنووون .. ما شفتك ولا لمحتك بس حبيت طيبتك ، رقتك وحنانك .. انا ياشذى بقول لك كلمه وحده .. احبــــــــــــــــــــــ ــــــــــــك شذى بغى قلبها يوقف من كلامه .. معقول انسان مثل بدر بمركزه ورجولته يلتفت لبنت فقر مثلي .. معقوله انا احرك فقلبه شي؟؟ بدر: شذى .. شذى لا اراديا: ســــــــــــم بدر: سم الله عدوك.. انا مابي منك شي.. غير انك تنتبهين على نفسك .. وانا اوعدك على قد ما انتبه لحالي بنتبه عليك وزياده كمان .. مابيك تخافين طول ما انا معاك وجمبك .. واوعدك يابنت الناس انك بتكونين لي وحلالي قريب .. بس ربي يفرجها وابوي يرجع لي بالسلامه واتوظف بشركته واطلبك من ابوك .. انا ماني راعي لعب ابد .. انا عندي خوات واخاف عليهم وفوق كذا اخاف من ربي شذى دمعت عيونها من اهتمامه وحبه اللي اظهره لها: الله لا يحرمني منك بدر بدر: ولا يحرمني منك يارووح بدر .. بس ابي طلبك طلب شذى : امرر بدر: مايامر عليك عدو .. مابيك تبكين ابد ياشذى .. ابيك تمحسين دمعتك .. وكلما فكرت جموعك تخونك وتطيح امسحيها على طول .. ترى دمعتك بحياتي .. لين ماربي يسهل لنا وامسح لك دموعك انا بيدني .. ولا خالي الجرح والعذاب يعرف لك طريق .. شذى غضمت عيونها وابتسمت بحب كان بدر قدامها ويشوف ابتسامتها شذى : انت تامر على روحي *والباقي حبايبي انتو تعرفونه .. تطورت العلاقه بينهم لين صار حب طاهر بين طرفين .. وبعدها بكم شهر جا ابو شذى من مصر ودرى بوفاة زوجته بس ما اهتم وبعدها باسبوعين بالضبط من رجعته تزوج منيره وجابها عله على قلب شذى المسكينه .. اللي لولا الله ثم بدر كان خسرت حياتها وعقلها .. فاقت شذى من ذكرياتها وعلى شفايفها احلى ابتسامه .. مسحت دمعه خانتها بسرعه .. مابي ابكي انا واعده بدر ما ابكي ولا تنزل لي دمعه ..حضنت صورته باحضانها ونامت بهدوووووووء انتهى البارت .. انشالله يكون عجبكم .. والحمدلله كذا نقدر نقول انو الغموض اللي كان بالروايه بان .. من ناحية شذى وبدر .. وسبب كره ابو بندر لزوجته .. تتوقعون في مفاجاءات ثانيه ؟؟ والله يمكن *_^ مع حبي / هااااجس | ||||||||
|
| |
|
26-05-15, 09:06 AM
| #25 | ||||||||
| مراقبة عامة ومشرفة منتدى الروايات المنقولة
| الجزء الثالث عشر اليوم الثاني اعلنوا خطبة رنيم لماجد رسميا .. الكل فرح لهم مررة .. بس للحين رنيم حاسه بحاجه غلط بالموضوع .. وماجد من امس مارجع المزرعه ولا يدرون وش صار له .. بندر ما نام طول الليل كان قلقان على ولد عمه وصديق عمره .. حاول يدق اكثر من مره بس الجوال كان مقفول .. ولا علم احد انه ما يدري عن مكانه .. الا قال لهم انو ماجد راح عند واحد من اصحابهم وبيرجع ان شاء الله .. بندر كان جالس على نار على الثيل .. يفكر بالمصيبه اللي حلت على راس ولد عمه .. صحيح انو رنيم بنت عمهم ماعليها كلام والكل يتمناها بس ماجد غير .. ماجد ذابحه حبه لرانيا .. اللي كان متأكد انو ماجد بالنسبه لها مجرد مصلحه وبتنتهي قريب ..وشوي ولا حس الا بخالد جلس جمبه خالد: وش فيك بندر؟ بندر": ابد سلامتك خالد: انت متأكد انو ماجد عند واحد من اصحابكم ؟ بندر من النوع اللي ما يحب يكذب واذا كذب تبان كذبته بعيونه .. نزل عينه عشان ما يفضحه خالد وقال بصوت واطي : اي متأكد خالد: انا حاس انو في حاجه ماهي مضبوطه .. بندر: من اي ناحيه ؟ خالد: مدري .. تعب خالي فجاة .. وماجد اختفى اول ماطاح .. لا يكون هو السبب بس بتعب خالي امس ؟ بندر : لا طبعا .. ماهو السبب وبعدين انت تعرف ماجد وش قد يحب ابوه مستحيل يزعله بيوم او يرفض له طلب خالد سكت مع انه ماهو مقتنع بندر يغير الموضوع: اقوول ترى الجو يجنن اليوم ماهو حر .. وش رايك نقوم نسبح ؟ خالد ابتسم: يللا .. مجلس الرجال .. كان بدر قاعد يفكر .. ابوه وعنده .. وهو يحس انو سالفته مع شذى طولت .. خايف عليها مووت من رجعة ابوها .. ويتمناها تكون معاه وبحضنه اليوم قبل بكره .. ليش ما يفاتحه بالموضوع عشان يرتاح .. ويريح قلب ياما تعذب بسبب بعجهم عن بعض .. قرر انو اليوم بعد العصر يفاتح ابوه ابوه بالموضوع .. دخل عليه مشعل: انت هنا بدر بهبال: لا هناك مشعل: ها ها ها .. يللا قم بس بدر: وين ؟ مشعل: الشباب بيسبحون قوم معنا .. بدر: يللا بدال ذا القعده اللي لا تقدم ولا تأخر .. اما البنات .. بما ان الجو حلو اليوم قرروا انهم يطلعون فرشه وكيك وعصير ويقعدون بالجو الحلو بره .. الهنوف: ياااااااااااااااااي الجو يجنننننن اليوم دلال وهي تهز راسها بدلع: ياخذ العقل .. بس لو افك ذا اللي على راسي ودي استمتع بنسمات الهوى الهنوف: هههههههه بشويش بس لا تطيرين بكبرك من ذا الهز دلال: يختي وش عليك فيني انتي ريما: بس انتو ما تقعدون سوى الا وتتناقرون ؟ خلونا لو 10 دقايق بس نقعد على رواق بدون هواشاتكم الهنوف: قولي لبنت عمك ذي النشبه " وتأشر على دلال " دلال ماردت عليها اصلا وصارت تشرب من عصيرها مها وهي راجعه ومعها صينية حلا: بنات شيلوا غطاكم ترى محد حولكم ..العيال يسبحون ايان: وش دراك ؟ مها: توني جايه وشفتهم ماخذين فوطهم وحوستهم .. يعني بناخذ راحتنا .. دلال فكت غطاها: افففف اشوة مها بحماس: يلله ابيكم الحين تذوقون من حلاي اللي انا مسويته .. ليان : اشوف عاد انتي حلاك لا يفوووووت مها تشققت: اللله يسللللمك .. خذي ذوقي .. وحطت لها بصحن ديما كانت قاعده بالزاوية جمب رنيم اللي كانت ترسم برواق بالفحم ديما بنعومه: رنيييم انتي فنااااانه ورسمك روووعه رنيم ابتسمت: تسلميييين لي ياقلبي .. ديما : ابيك ترسمين نفسك رنيم ضحكت: وش معنى انا ؟ قولي ارسمك انتي .. انتي احلى ديما انحرجت: والله ماني احلى منك .. رنيم: طيب صعبه علي ارسم شي ماهو قدامي ديما: انتي حاولي مارح تخسرين شي .. رنيم : اممم وانتي قلتيها ماني خسرانه .. وبدت ترسم رنيم نفسها .. غدير تبطحت عالفرشه .. اثير: هههههه خير عمتي غدير: يختي فيني النوم .. اثير: وليش مانمتي؟ غدير: مهبوله انتي .. اقعد هنا بذا الجو الزين وتبيني انام بعد .. صحيح نعسانه لكن فيني حماس لدرجة ودي افجر فيكم قنبله نوويه الكل:هههههههههههههههههههه� �هههه الهنوف: اييي كفو توأم روحي الجديده .. كذا ابيك ايان: والله ما غلطنا يوم ضميناك للعصابه يا غدور غدير بغمزة: اعجبكم انا .. ريما: ههههههههههه عصابه مره وحده .. قولوا شله ، مجموعه ، فرقه شي .. مو عصابه ايان: لا حبيبتي احنا عصابه .. شي كشخه كذا وله هيبه اثير: الله يستر علينا منكم .. ورجعت تلعب مع سلطان بحنان اللي كان متحمس بالقيم بوي حقته .. والاتبسامه شاقه وجهه لانه قاعد بحضن اثير الحلوة على قولته .. ريما دق جوالها .. واكن المتصل ابوها ابتسمت وردت بسرعه : الووووو ابو بندر: صباح الخير يا غاليه ريما: صباح الورد والكادي ابو بندر: وينك حبيبتي ؟ ريما: انا مع البنات بره .. امر ابو بندر: حاب انك تجين شوي عند الحديقه.. ابي اكلمك .. ريما:من عيووووني .. استأذنت من البنات وراحت لابوها .. عند الشباب .. بندر طلع من المسبح عشان يجرب يدق على ماجد لاخر مره .. واذا مارد كان بيقول لعمانه يتصرفون .. رن ورن ورن .. لين جاه الرد من صوت تعبان ماجد: الووو بندر عصب: بدررررري وينك انت كسرت جوالك ولا كنت ترد ؟ ماجد: بندر وش تبي تراني زهقان وتافل العافيه .. بندر: وينك ما بينت من امس .. ماجد: بالسياره نايم .. بندر: انهبلت انت تنام بالسياره .. وش لعب البزران هذا ماجد بقهر: يعني اهلي عزوتي وسندي يبون يزوجوني لوحده مابيها ولا اعرف عنها شي غير اسمها .. واذكر اني كنت العب معها يومنا صغار بس .. لا وبعد اترك حب عمري .. وتبيني انبسط يعني .. بندر بعد عن الشباب شوي عشان ما يسمعونه : انت ارجع لعقلك ممكن .. رانيا ماهي لك .. لمتى بنحكي يعني ماجد: احكي لين تمل وتشبع .. رانيا لي وماهي لغيري .. احبها وابيها وباخذها بندر عصب : و رنيم ماجد: ماااااااااا ابيييييييييييييييهااااااا اا ما تفهمووووون يا عالم .. مابيها ولا ابي اخذها .. بندر: انت حمار اصلا ولا تعرف مصلحة نفسك والله رنيم الف من يتمناها ماجد: ترى فلقتوا راسي بذا الرنيم .. دامك متحسف مره عليها ورى ما تاخذها انت بندر صدمه رده واضطر يسكت لماجد الحين .. عشان لو جا احد وسمعه يتكلم بالشكل هذا عن رنيم بيصير شكله مو حلو ابد بندر: اقول عن الخراط .. وارجع المزرعه ماجد تنهد بتعب: كيف ابوي الحين ؟. بندر : الحمدلله ماعليه .. انت ارجع بس .. وحاول تحل السالفه معاه على رواق ماجد بتريقه: اي نحل السالفه بالله عليك .. وهو خلاص الامر طلع من يدي .. وطلبها ابوي من عمي .. وتلقى الحين كل العايله درت .. وبمن فيهم رنيم نفسها بندر سكت .. صحيح تضايق عشان صديق عمره لانه بياخذ وحده ما يبيها .. وتضايق اكثر على رنيم لانو ماجد ماهو متقبلها .. بس مستاااانس من جوة لانو خلاص رانيا بتطلع من حياة ولد عمه للابد .. لانها باختصار طمااااعه وماهي من مواخيذهم ماجد: طيب انا الحين بقفل .. بندر: متى بترجع ؟ ماجد: مارح اتأخر عطني ساعتين واكون عندكم .. بندر:طيب .. لا تتأخر ماجد: طيب.. باي بندر: هلا .. تأفف بندر وقرر انه يرجع للشباب يسبح معهم ..ويحاول ينسى سالفة ماجد .. بالحديقه .. ريما: سم بابا ابو بندر: سم الله عدوك .. كيفك الحين ؟ ريما وهي تناظر يدها:الحمدلله بخير احسن من قبل ابوبندر: الحمدلله.. الا حبيبتي كنت بقول لك شغله .. ريما: امر ابو بندر: ما يامر عليك عدو .. انا من شوي جاني اتصال من لندن .. يقولون انو في شوية مشاكل بالشركه وهالمشاكل صعب احد يحلها غيري ريما ما فهمت وش دخلها هي : طيب ؟ ابو بندر سكت شوي ريما استوعبت: لااا بابا تكفى لا تروح ابو بندر: على عيني يابنتي ارفض لك طلب .. لكن لازم اكون هناك بالكثير بكره الصبح ولا بتصير المصايب ريما دمعت عيونها: ما امداني اشبع منك ولا شي ابو بندر بحزن: انا عارف ومتأكد من هالشي حبيبتي وانا ما امداني اقعد معكم زين ولا حتى اشبع منكم .. ريما سكتت ونزلت عيونها عن ابوها تداري دموعها .. ابو بندر يمسح دموعها: خلاص يالغاليه .. لا تبكين انا مضطر اروح .. لازم ادير بالي على حلالكم .. هو بالاول والاخر لكم ريما: مانبي من الدنيا شي بابا .. اهم ما لنا انت فلوس مانبي ابوبندر حضن بنته : معليش حبيبتي .. انا طول عمري كنت اكد بالشركات وابني مستقبلكم ..مايصير اجي باخر عمري اهدم كل اللي بنيته لعيونكم .. ريما:........ ابو بندر: خلاص حبيبتي اتفقنا ؟ ريما: ومتى بترجع ؟ اخاف تطول وتقعد سنين وسنين ابو بندر: لا يالغاليه .. كلها كم اسبوع واجي ان شاء الله وان كثرت بتكون شهرين .. وارجع لكم على طول ان شاء الله ريما هزت راسها: ان شاء الله .. ابو بندر: انا قلت بقول لك انتي عشان تبلغين ديما ..لا قلت لها بتسوي مناحه .. وانا مقدر على دموعها وربي ولا دموع وحده فيكم ريما هزت راسها بتفهم : خلاص بابا ولا يهمك انا ببلغها بنفسي وبهدوء .. ابو بندر: وسلطان كمان .. انا ما صدقت يتعود علي اقوم ارجع اغيب عنه ريما: لا تشيل هم سلطان .. انا معاه .. ابو بندر: الله لا يحرمنا من حنانك يابنتي .. ولا اوصيك على نفسك .. وامك حاولوا تتجنبوها .. طيعوها وقوموا بواجبها بس لا تنكد عليكم ابد ريما حزنت .. الام اللي المفروض تكون الامان والحنان لنا .. صارت اكبر مصادر الخطر بالنسبه لنا : ان شاء الله ابوبندر: وبندر ان شاء الله بيكون عندكم وبدر مارح يقصر ابد .. ريما: ان شاء الله بابا .. حضنت ابوها وبكت بحضنه شوي لين هدت ابوبندر اخذ ورده حمرا حلووة من اللي كانت بالحديقه وحطها بشعر ريما الاسود وطلع شكلها خيااااال ابوبندر: انتبهي على حالك .. وانا بكلمكم كل يوم .. ولا تنسين ادويتك .. ومراجعتك للمستشفى بعد اسبوع ريما: ان شاء الله حبيبي .. ودعت ابوها بهدوء ورجعت لجلسة البنات وقررت تقول لديما بعدين لانو شكلها الحين مستانسه وما تبي تنكد عليها .. مها: اخسسس وش ذا الورد والحركات هذي وين كنتي ؟ " وتغمز لها ريما تخبطها : لا يروح بالك يمين ولا يسار .. كنت مع بابا .. يعني بالله عليك وين بكون ولا مع مين وبيقعد يدلعني ويهديني ورد مها تهز كتفها ببراءة: مدري .. الللله اعلم ريما بنص عين: انتي وراك سالفه مها ضحكت عليها: لا وراي ولا قدامي .. وتدخل ملعقة فيها حلا بفم ريما.. كلي وانتي ساكته يرحم لي والديك .. ريما:هههههه طيب .. ديما صرخت: ياااااااااااااااااااااااا اااااااااااي الكل انفجع ريما: انهبلتي ديما: شوفي رنيم وش رسمت رنيم بابتسامه رفعت صورتها فوق والكل شافها وانبهر غدير: ياخذ شكل شيطانك من بنت .. فنااااانه اثير: ماشالله تبارك الرحمن رنيم كانت راسمه نفسها بالضبببببط .. كانت رسمه ولا احلى خصوصا انها بالفحم .. وماخذه جووووووو دلال: ماشالله عليك رنوووم .. يا بخت بعض ناس فيك .. فنانه وكلك احساس رنيم انتفضت من رجعت تذكرت انها بتكون زوجة ماجد وقريب تذكــــــــــرت؟!!! ليش هي اساسا نست ولا سهى عن بالها ذا الطاري .. بس كلما حست انو الموضوع جد تحس بزلزال احاسيس فيها يقلب كيانها فووووووق تحت .. لمعة عيونها شي ما تقدر تخفيه لا انذكر قدامها .. وابتسامه حلوة تنرسم على شفايفها غصب عنها .. ووجهها يحمر وتصير حالتها حاله ايان: ههههههههههههههههههه شوفي بالله شلون صار وجهها | ||||||||
|
| |
|
26-05-15, 09:08 AM
| #26 | ||||||||
| مراقبة عامة ومشرفة منتدى الروايات المنقولة
| رنيم ترمي عليها علبة المنديل: اسكتي ليان: هههههه غربل الله شيطانك .. هبلتي بمرة اخوي رنيم استحت ورمت الرسمة عالارض وقامت بسرعه الكل:وييييييييييييين ؟؟؟؟ رنيم تبي تصرف الموضوع : بروح لماما ما شفتها زين .. وراحت بسرعه قبل لا يقعدونها غصب اثير: ههههههه ياحبي لها دلال :عقبالك يارب اثير استحت وبان عليها الهنوف: ههههههههههههههههههههههههه هههههه حالتكم حاله يا زوجات المستقبل .. وربي تضحكون .. مشاعل كانت بعالم ثاني غير عن اللي هي فيه .. كانت تكلم واحد من اللي تعودت تكلمهم عادة تبي تقضي وقت مشاعل: ههههههههههههههه اقول لك مايصير وين نتقابل وانا بقلعة وادرين .. راكان يغني لها: لوووو مية بحرررر لا اجيك سبااااح مشاعل: هههههههه وين بتسبح ان شاء الله .. بالصحاري اللي احنا فيها راكان : اااه يا فديت ذا الضحكه اللي تذوب القلب مشاعل : ترى ما امشي بذا الكلام انا راكان: انتي خلينا نتقابل بس .. وربي لا اخلي ذا الكلام وابووه بعد يمشي عليك مشاعل تقلبها براسها: والله مدري .. راكان يستدرجها : يللا عاد انا ميت على شوفتك .. نص ساعه بس مارح تضر .. اكحل عيني بشوفتك واتوكل على الله .. مشاعل تفكر شوي .. المزرعه صحيح كبيره .. ويمديها تدخله هنا بالراحه ومحد داري عنها .. بس المشكله بالعمال اللي بكل مكان .. وبعدين حتى كلاب الحراسه - اكرمكم الله - لو شموا ريحة غريب بتقلب الدنيا هنا وبينهشون راكان بالحيا .. خطرت على بالها فكره .. بما انو الكل بيسوي باربكيو اليوم ولاحد بيكون لمها مشاعل: اقوول راكان راكان : يا عيون راكان انتي مشاعل: خلاص موافقه ,, اليوم الساعه 8 بالليل .. تعال الاستراحه وانا بطلع لك عند الباب .. ناخذ فره ونرجع ..بس زي ما قلت .. نص ساعه بس .. راكان تشقق: عيووووني انتي .. خلاص ولا يهمك .. نص ساعه الا دقيقه بعد واكون مرجعك مكان ما جبتك .. مشاعل بدلع: وه يسلم لي .. راكان : فديتك كلك انا .. عند الحريم كانوا مها وليان جالسين معهم كانوا الحريم مبسوطين مرة وموسعين صدورهم عالاخير .. سوالف وضحك وذكريات .. وكانوا البنات معهم .. مها تطالع ليان: ليوون وش فيك متحرقصه .. اصبتي بالقعده هوو ليان: يختي محمد كلمني ويبي يجي .. واانا من الخقه قلت له تعال .. واخاف امي تهاوشني لانه كان هنا قبل يومين مها: ههههههههههههههههه ليان: تضحكين اجل .. ضحكتي بدون اسنان ان شاء الله مها: هههههههههه بسم الله علي .. يللا جربي حظك طيب ليان برعب: اخاف تحوسني .. صايره ذا الايام ما تتحاكى مها وهي تناظر ام ماجد : لا شوفيها مروقه ماشالله .. قولي لها .. وبعدين عادي وش فيها لا جا تراه زوجك ليان: وانتي قلتيها .. وقامت جلست جمب امها ليان: ماما ام ماجد: لبيه ليان "اشوة مروقة": ماما محمد يبي يجي اذا ماكان عندك مانع ام ماجد: الله يحييه على قل الكلافه تشققت ليان: شكرااااا وقامت بسرعه غرفتها تتزين ام عبدالرحمن: هههههههه يا حلوها .. الله يخليها يارب ويوفقها الكل: اميييييين ام مشعل: وعقبال اثير .. ام عبدالرحمن: الله يسمع منك يارب ... والله لو اثير هنا وتسمع ذا الحكي لا تنهبل هههههههههه ام عبدالله : ياحبي لها .. الا وينها ؟ مها: مع دلال بالمبطخ يسوون كيكه .. ام عبدالله تناظر مها: وانتي وراك منتي معهم يا حظي ؟ مها وهي تطالع اظافرها اللي بردتها قبل شوي: ماما ما احب الطبخ وانتي عارفه زين ام عبدالله: الله يعين ولد الناس بكره مها ناظرت امها : يتحمل .. بالمطبخ اثير: ااهااااااااااااا الحين عرفت ليش انا ما تنتفخ العجينه اللي اسويها دلال تقلدها وهي قاعده تعجن : ايييييييييييييييييه عشان كذا اثير: هههههههههههه يا حلوك .. اجل ان شاء الله اول ما ارجع الرياض بسويها لسالم فديته يحب الكيك دلال: صدق ؟ اثير: مررررره ادمان كيك وحلا .. دلال: مو مبين عليه اثير: ليش؟ دلال: مدري والله احسه جدي اخوك يعني بحكم شغله وكذا اثير : صحيح انو شغله جدي .. بس سالم ابداااا ماهو كذا .. بالعكس حنان الدنيا كلها فيه .. دلال ابتسمت: الله يخليكم لبعض ياااارب اثير: اميييييييييييين عند الرجال وصل محمد المزرعه .. ودور الشباب بالاماكن المعتاده ولا لقى احد .. محمد: وينهم ؟؟ طلع جواله وكان مررره مصفر من الشاحن وعلى وشك يقفل .. شاف اقرب رقم اللي كان رقم مشعل مشعل: هلااا محمد: هلا بك .. وينكم ؟. مشعل بغباء: بالمزرعه محمد : ادري انكم بالمرزعه الحمدلله والشكر وين بالمزرعه بالضبط ؟ مشعل: ههههههههه قول كذا من اول .. بالمسبح .. محمد: طيب انا جايكم .. وانقطع الخط .. اشوة اني امداني على الاقل اعرف مكانهم وين .. راح لهم محمد وسلم عليهم كانوا كلهم يسبحون الا مشعل قاعد محمد: وراك ما تطب؟ مشعل: سبحت وشبعت .. انا والسباحه مش اصحاب محمد: ماعندك سالفه اجل .. نادى ..متععععععععععععععب متعب: هلاااا محمد: قم قول لليان اني هنا ابيها متعب : دق عليها محمد : جوالي طافي متعب مسوي رجال: ماني منادي احد .. وتراك مصختها كل يوم والثاني ناقز لنا ياخي اركد محمد طلع عيونه: وش مصختها .. هييي ناسي انها زوجتي .. متعب: لا مو ناسي .. واصلا امزح معك .. وماني طالع من المسبح عشان اناديها محمد: طيب دق عليها متعب يقلده: جوال طافي محمد: ول عليك يعنس سكرتها بوجهي من كل ناحيه متعب: ايووووووه .. بالضبط يعني من اخرها رح بيتكم محمد : يازين من نزل لك الحين وحاسك .. عشان تعرف ان الله حق مشعل: ههههههههههههههههههه ولا يهمك ياخي الحين ادق وتطلع لك محمد شوي وينهبل: يللي ما تستحي تكلم زوجتي وانا موجود مشعل: ههههههههههههه لا يالمجنون .. بكلم اختي تقول لها تطلع .. محمد هدى: اي بعد احسب مشعل: لا تنسى انها بنت عمي انت وذا الخشه محمد: ولا تنسى انها زوجتي انت وذا الوجه مشعل ضحك عليها بس ماقدر يرد عشان وصله الرد من الجهة الثانيه مشعل: هلااااااااااااا حبي ( اللي ردت اثير .. لانو دلال كانت يدها مليانه عجين ولا قدرت ترد على جوالها .. واثير ماكانت تدري انو هذا مشعل اللي دق لانو دلال كانت مسميته " دنيتي كلها" فحسبته وحده .. ولا كانت ماردت اصلا ) اثير تصنمت من الكلمه ومن الصوت قبل مشعل: دلووووول اثير طالعت بدلال مصدومه .. مين ممكن يكون هذا ؟ دلال ماكانت اصلا حول اثير كانت مره متحمسه باللي بيدها اثير بجرأة : مييين؟ مشعل بدى يستوعب الصوت : انتي اللي مين ؟ دلال طالعت اثير اللي كانت شوي وتنط من السماعه للطرف الثاني واستغربت اثير: انت المتصل مشعل: وين دلال؟ اثير : من يبيها ؟ مشعل: يالييييييييييل انا مشعل اخوها اثير انحرجت مووووت .. ياربي وش ذا المواقف اللي تجمعني فيه اللي كلها زي وجهي .. اثير بصوت واطي: عفوا اخوي .. دقيقه بس .. مشعل يازين صوتها : اووكي اثير تحط السماعه على اذن دلال بسرعه دلال: الووو مشعل: دلوول .. دلال تناظر اثير اللي انعفس حالها: هلاا مشعل: قولي لايان تطلع لمحمد بره ينتظرها دلال: اوووكي .. قفلت وصارت تناظر باثير اثير منحرجه ووجهها احمر: يوووووه دلال لا تناظريني كذا .. دلال وهي تغسل يدها من باقي العجين : ههههههههه خلاص طيب ولا يهمك .. دقت على ليان وقالت لها تنزل لمحمد نزلت ليان وهي متحمسه تقابل محمد مووووت .. كانت كاشخه وطالعه تجنن ... ليان: الحين دلال الحماره قالت لي انه تحت .. بس تحت وين مدري .. اففف انا بعد من الرباشه نسيت اسألها .. شوي واحد غطى عيونها من ورى .. من لمسته عرفته على طووووول .. قربه لها .. ولمسته الناعمه .. حنانه .. حبه .. تمووووووووووووت فيه كله على بعضه .. ابتسمت : فديتك محمد لفها لجهته وباس جبينها: وحشتيني ليان: وانت اكثر .. سكتوا شوي وعيووونهم تحكي كلام وكلام .. جمعهم القدر ... بس فعلا كأنهم مخلوقين عشان بعض .. كل واحد فيهم يكمل الثاني .. تأملها من فستانها الزهر الناعم .. لشعرها البني اللي رافعته شنيون ناعم وكحلها الازرق الرايق .. ملااااااك على هيئة بشررررر محمد برومانسيه : لبببببببببببببببى ليان نزلت عيونها : وش فيك محمد كمل بشوق: لببببببببى العيون اللي لا ناظرتني قلـــــت يالله دخيلك ثبــــــت العقــــــــل فينـــــــــي ولعت ليان من الحيا وابتسم محمد لحياها منه .. مسك يدها وصاروا يمشون بالمزرعه الواسعه وكأن محد بالدنيا غيرهم .. عند الشباب .. طلع بدر من المسبح بسررعه ولبس فوطه خالد: على وين ؟ بدر: بروح اكلم ابوي .. خالد: خالي .. خالي رجع بدر انصدم : رجع وين ؟ خالد :رجع عشان عنده سفره بالليل بدر : من قال لك ؟ خالد: وش من قال لي.. مسلم عليه انا بنفسي .. بدر ما صدق مسك جواله ودق على ريما: الوو ريووم خالد نطل اذنه عند بدر ريما: هلا بدر :ابوي صدق سافر؟ ريما ضاق صدرها : اي بدر تحطم : وليش ما ودعنا ريما: انت مدري وين كنت وهو كان مستعجل .. ودعني وراح من غير شر بدر واحلامه انهارت : طيب ما قال لك متى بيرجع ؟ ريما:الا يقول شهرين بالكثير وانا هنا .. زين ذكرتني عشان اقول لديما الخبر لانها ماتدري للحين .. بدر بهدوء: ان شاء الله .. يللا باي ريما:باي .. وراحت ريما تقول لديما انو ابوها سافر .. بكت شوي ديما وضاق صدرها بس هدت بسرعه .. لانو ابوها ان وعد ما يخلف .. وهو وعدهم يكون هنا قريب .. بدر تحطم .. يعني كلما قلت الحظ بيبتسم لي ارجع اننحس من جديد .. وش السواة الحين يارب .. السواة سواة ربي .. استنينا سنين مانستنى شهرين ..الله يعين بس.. شال فوطته ورجع نط بالمسبح .. خالد: اممم اقول بدر بدر وهو يسبح : هلاا خالد " شلون ريما الحين ؟ بدر: تمام الحمدلله ماعليها خالد: يعني صارت احسن ؟ بدر:اي الحمدلله .. تقول انها طابت خالد ارتاح: الحمدلله .. ( اااخ بس من حظك يابدر .. يا ترى وش كاتبة لكم الايام انتي وشذى ؟) باستراليا كانت رانيا تسولف مع نواف وبحمااااس .. اتفقوا انهم يطلعون كوفي شوب ويقعدون برواق بعيد عن زحمة الجامعه والدنيا نواف: اي يا حلوة وش بعد رانيا وهي ذايبه عليه: امممم كلمني عن نفسك نواف نواف وهو يلعب بالنسكافيه حقه بالملعقة الصغيره: اممم ابد يا ستي .. انا وحيد امي وابوي .. عندي اخت اكبر مني ومتزوجة .. وعايشه مع زوجها بامريكا لانه دبلوماسي كبير رانيا باعجاب: اوووه والله مو هينه اختك نواف: هههههههههه ابد .. وبابا عنده شركات وxxxxات .. يشتغل فيهم ويتمنى ارجع امسكها له رانيا خقت: طيب ليش ما تمسكهم له ؟ نواف بملل: ماهو مودي الامور هذي ابد .. انا احب الطب ومرتاح فيه مرره .. وامنيتي من يومي صغير اكون طبيب او طيار وصار لي اني ادرس طب رانيا : انزين ليش ما درست طيران يعني ؟ نواف: امي من قلت لها سوت مناحه .. رفضت تقول مقدر ابعد عنك .. والشغله ذي بتبعدني عنها كثيييير وهي متعلقه فيني مره رانيا والله ما الومها: انزين شوف الحين تدرس بعيد عنها وهي موافقه نواف: اي موافقه .. بس عندها ابعد كم سنه ولا اني ابعد العمر كله .. وبعدين هي كل شهرين تجيني تقعد عندي اسبوعين وترجع ثاني مره الرياض رانيا دامها تروح وتجي اكيد عندها فلوس كثير: اهااا الله يخليها لك يارب نواف: امين ويخليك لاحبابك .. وانتي كلميني عنك رانيا تتهرب : ابد مافي شي يستاهل الذكر .. نواف يناظر بعيونها بشكل سحرها: وش دعوه .. انا مهتم اعرف كل شي عنك .. وبقوة بعد رانيا مسكت تنهيدتها من نظرته اللي جننتها.. بس تخاف تقول له انها مو نفس المستوى المادي حقه ويسحب عليها نواف: اي قلبي .. احكي رانيا انهبلت عالكلمه منه .. وقررت تقول له : انا بنت من بين 6 بنات نواف: ماشالله .. وحرك راسه يستحثها تكمل رانيا : عشت مع ابوي اللي شوي على قد حاله .. ومع الايام بدى يكبر ويكبر .. وجمع له كم بيزه وفتح فيعا مشروع .. يصرف علينا منه نواف: ايوة ؟ رانيا : امي تحب تروح وتيي .. تشتغل مدرسه .. نواف: طيب شلون جيتي تدرسين هنا ؟ رانيا بتردد : ابوي باع اللي وراه ودونه عشان اجي ادرس هني .. وصار يجمع عشان مصروفي .. وبما انو نسبتي عاليه وايد قدرت ادرس على حساب الدوله .. طبعا ولقى له شغل بوزارة حكوميه زينه نواف : وخواتك ؟؟ | ||||||||
|
| |
|
26-05-15, 09:09 AM
| #27 | ||||||||
| مراقبة عامة ومشرفة منتدى الروايات المنقولة
| رانيا بقرف: خواتي ماعندهم سالفه .. اكبر همهم الزواج والستر .. نواف: ما يدرسون ؟ رانيا : امبلا يدرسون .. بس ولا وحده منهم كانت طموحه عشان تجيب معدل وتدرس زين .. نواف: طيب وتزوجوا؟ رانيا : اي 3 تزوجوا وبقى انا واختين ..ونزلت عيونها على كاس النسكافيه حقها تداري فشيلتها انها بنت على قد حالها تقريبا نواف مسك يدها: رنوو رانيا رفعت عيوونها له نواف: انا مايهمني انتي وش تكوني ولا بنت مين .. اهم شي انك انتي رانيا البنت اللي... وسكت رانيا : البنت اللي شنو ؟؟! نواف ابتسم بجاذبيه: ولا يهمك .. رانيا انبسطت منه مرررررره .. ومن مسكته ليدها ..شوي ويدق جوالها ويقطع اللحظة الحلوة اللي هي عايشتها .. كشرت يوم شافت الرقم واستأذنت من نواف انها تقول ترد عشان ان ما ردت الحين بيهريها اتصالات كالعاده رانيا: هلا ماجد ماجد بضعف: حبي وينك عني رانيا بملل: هني يعني وين بكون ؟ ماجد: اجل ليش ماتردين علي ؟ منتي مشتاقة لي مثل ما انا ميت من شوقي ؟ رانيا : امبلا .. ماجد غنى باحساس: يزيــــــد الشووق بعيوني ويقتلني عليك الشووق اذا انت اشتقت لي مرره انا كلي غراام وشووووق احبـــك حب فووق الحب وبيتك ياغلاي القلب انا حبك مجننـــــي وبعدك عن حياتي صعــــب رانيا :......... ماجد: صعب يارانيا وربي صعب .. تعبت بجد محتاج اشوفك رانيا: ماجد انت وش فيك علي .. بزياده شوقك لي هالايام ماجد: احبك وابيك جمبي رانيا بنفاذ صبر: لا ربي كتب لي اكون جمبك .. كافي شي بيمنعني .. ماجد: يعني ؟ رانيا: يعني هدي احساسك الهايج هذا شوي .. واركد .. والحين انا اترخص وراي محاضره .. ماجد:..... رانيا طفشت: باااي ماجد ..وقفلت حتى قبل ما تسمع رده .. ورجعت ثاني لنواف والابتسامه من الى .. بيت شذى .. منيره كانت قاعده مع زوجها : اقول ابو شذى ابو شذى: خير منيره : امممم وش رايك باحمد ولد اختي ؟ ابو شذى: من هو ولد اختك ان شاء الله ؟ منيره: ولد اختي .. هذا احمد الطويل المزيون ابو شذى : ما اذكره .. وش يبي ؟ منيره :الله يسلمك متقدم لشذى ابو شذى نقز: ووين شافها عشان يتقدم لها ؟ منيره ارتاعت من ملامح زوجها اللي تبدلت بلمح البصر: ما شافها ولا شي .. اسمعني امدح شذى لوخيتي وهو كان معنا .. قام قال لي ابيها << اي هين تمدحها .. ابو شذى هدى شوي: طيب ؟؟ منيره : وش طيب؟ ابو شذى يحرك يده بالهوا دليل على عدم الاهتمام: قولي ماعندنا بنات للزواج منيره انقهرت: هوو ليش ؟ ابو شذى بطمع: انا ابي ازوج بنتي لواحد هاموور .. فلوسه ما تاكلها النيران .. منيره بخبث: واحمد تراه ولد مقرش وماعليه قصور ابو شذى بنص عين: تحسبيني مولود امس؟ منيره خافت يكشفها: تراني احكي الصدق .. علامك يا رجال منت راضي تصدقني .. وقالت بسرعه .. وعنده استعداد يدفع لها مهر 100 الف ابوشذى طمر من مكانه : 100 الف مرة وحده منيره وهي تغمز: اي مره وحده .. ابو شذى وهو ماسك لحيته : صار انا موافق منيره شوي وترقص من الوناسه لسببين .. الاول انو شذى بتفكها وتطلع من البيت .. والثاني انو احمد واعدها بمبلغ وقدره لو انها تمكنت من اقناع شذى بانها تتزوجه .. بس هي جت للطريقه السهله اللي هي ابو شذى .. اللي بيبيعها لو ب 5 الاف .. وبدون تفاهم .. حتى انه ممكن يذبحها من الضرب عشان توافق .. معقول بتطيح شذى بيدين اللي ما يخاف ربه ؟؟؟ بالليل بالمزعه .. كانوا العايله كلها مجتمعين عند ركن الشوي .. فضلوا انهم يقعدون عالارض .. فرشوا فرشتين .. وحده للحريم والبنات والثانيه للرجال والشباب .. وكل فرشه بعيده شوي عن الثانيه عشان ياخذ الكل راحته .. واللي كان مستلم الشوي الرجال ام ماجد: يابو ماجد ارتاح الله يسعد لي قلبك .. انت تعبان ابوماجد: هههههههه وش بلاك يا مره .. تراني للحين شباب .. مير لا تخليني الحين اقعد اخواني واانا اللي اشوي بلحالي ام ماجد انهبلت: لالالا خلاص سو اللي تبي .. بس مو تشوي لحالك ابو ماجد : من عيوني ام ماجد: تسلم ذا العيون يارب ايان: احححححححححم .. ام ماجد: خير وش تبين ؟ ايان تستهبل: ولا شي .. غدير: هههههههههههه طيب دامك مو قد الحكي ليش تفتحين فمك ؟ ايان: يختي مدري فيني لقافه ميب فاحد وياما اكلها غدير: ههههههههههههههههه رنيم كانت قاعده جمب امها وحست انو امها تعبانه شوي: ماما ام رنيم: سمي رنيم : تعبانه صح ؟ ام رنيم تقاوم: شوووووووي بس .. رنيم:طيب يللا ندخل جوة .. ام رنيم: لا وانا امك .. خلينا هنا .. احب الجمعه .. تريح نفسيتي مره وتخليني انسى الالم رنيم قلبها يتقطع على امها : ياحبيبتي انتي .. شوي الا بدخلة ماجد عليهم : السلام عليكم الكل:وعليكم السلام ابو ماجد ماطالع فيه اصلا بس رد السلام ماجد توجه لابوه وباس راسه : الحمدلله على سلامتك يبه ابوماجد بدون نفس: الله يسلمك .. ماجد سحب رجله وراح قعد جمب بندر .. بندر: وينك انت .. هذا كله ساعتين وراجع ؟ ماجد اخلاقه قافله: يرحم والديك فكني يا بندر لا اشب فيك بندر مارد عليه .. وكمل سوالف مع الشباب .. وماجد رجع لافكاره برانيا .. ابو ماجد بصوت عالي : يبه رنيم رنيم : ســــــــم .. ابو ماجد : سم الله عدوك يابوك .. يقولون صوتك حلوو رنيم انحرجت ولا ردت .. بس طالعت ايان بنظرة قوية ايان:ههههههههههههههههه وش بلاك انا ما اخبي عن ابوي شي ابو ماجد: ههههههههه يللا يا بنيتي سمعينا شي .. على ذا الجو الحلو اللي احنا فيه رنيم انحرجت ماودها ترد عمها بس بنفس الوقت منحرجه مووت لانو الكل هنا وبمن فيهم الشباب واولهم ماجــــــــــــــــــــــ ـــــــــــــــــــــــــ د شيخ الشباب بنظرها .. حبيبها قدامها .. وش تغني ؟ وش تقول تخاف احساسها يبان ويفضها بينهم رجعت لواقعها بصوت الهنوف: اقووووووووووول لا تتغلين يللا وعطينا اغنيه حلوة رنيم توهقت وشو وتبكي : ياعمي وش اغني ؟ ابو ماجد: اي اغنيه على بالك .. رنيم : بس ابو ماجد يقاطعها : لا بس ولا شي .. محد يسمعنا .. عمانك والحريم والبنات اكيد سامعينك قبل.. ولا لا بابا ايان ؟ ايان بابتسامه عريضه : صحححححححح .. يللا عاد مرت اخوي لا تسوين فيها ابو ماجد ابتسم رنيم حست بطنها مغصها .. خصوصا انو ماجد سمع ذا الكلمه من ايان لان صوتها كان عالي ..وعرف انها تكلم رنيم .. وجه نظره جامده لايان خلتها تبلع لسانها .. رنيم : طيب عمي بغني .. قالت بكل وله .. غبت عني والشووووق جااابك عمري الغااايب هلا بك .. يا مسا الاشواق يا روحي الهوا يسأل جروووحي غبت وين الناس قل لي انت وينك ؟ قل لي وينك ؟ الهوا مشتااااااااق في المحبه .. ابتدي من ويييين يا غرامي .. يا حبيبي شوقي لك بعثر كلامي ياحبيب رووووحي .. قل لي يا خلي من اللي ياخذك مني وانا اللي توقف ايامي في بابك في غيابك .. يا حبيب روحي في درووووبك الف كلمة شوووووووووق تبتدي بك .. تنتهي بك تضحك بنظرة حبيبك .. ياحبيب روووووووحي صفقوا لها الحريم .. وعمها ابتسم ابو ماجد: ماشالله عليك .. وش ذا الصوت الزين .. اقول ايان .. وراك ماخذتي ذا الصوت من بنت عمك ها ؟ ايان تكتفت بزعل : وش قصدك بابا ما يعجبك صوتي ؟ ابوماجد:ههههههههههههههههه الا يابنتي امازحك بس.. ام ماجد تبوس رنيم اللي كانت قاعده بينها وبين ام رنيم : يسلم لي ذا الصوت يارب رنيم انحرجت وحنضت خالتها .. شوي وتطيح نظرتها على ماجد اللي قاعد قبال رنيم على فرشة الرجال .. وحست قلبها طاح منه .. عيونه كانت عليها .. كانت نظرته معبره مررره وش ذا يارب .. ليش هالنظره ؟ وش قصده منها ؟ اكيد يتهيأ لي اكيد .. ماجد حاس انه بغض رنيم بقوة من جوة .. حاس انها بتكون السبب الرئيسي اللي بيبعد حبيبته رانيا عنه .. صد بنظرته عنها بكل قوته وحس انه بينفجر موت من العصبيه اللي كان فيها .. كان شاد على يده بقوة من القهر .. وهو يفكر كيف يطلع من ذا الورطة اللي ابوه لزقه فيها .. ( مسكينه رنيم ما تستاهل ) .. اكيد تتسائلون عن مشاعل .. اللي كانت فوق تحط مكياجها وتغير ملابسها استعداد لجية الاخ .. ما تكلفت كعادتها بالمكياج لانو جمالها يذبببببح .. رن جوالها وكان المتصل صديقتها الروح بالروح واللي تاخذ من اطباع مشاعل الكثير مشاعل : الووو العنود: هلا مييييييييييش مشاعل: هلا بك .. وينك قاطعه فيني انتي العنود:هههههه سوري يا حلوة .. بس توني ارجع اليوم الصبح من سويسرا عشان كذا .. مشاعل بقهر: انتي بسويسرا وانا هنا بين الخرفان والاشجار العنود: خرفااان ؟ وينتك فيه انتي ؟ مشاعل: بالمزرعه العنود شهقت وقالت بقرف: يعععععع وش تسوين هناك انتي مشاعل بقهر: حكم القوي .. ماما وبابا غصبوني عشان اجي .. العنود: يا حبيبتي انتي .. وش ثاعده تسوين الحين ؟ مشاعل: البس عشان بطلع العنود: مو تقولين انتي بالمزعه ؟ مشاعل: اي بالمزرعه وبطلع من المزرعه مع راكان وبيرجعني العنود: ههههههههههه بيجيك المزرعه صدق؟ اللي اعرفه انو مزرعتكم مره بعيده مشاعل بغرور: الحب ومايسوي بعيد عنك .. العنود: الصراحه ما الوووومه مشاعل: ههههههههههه تسلمين لي العنود: طيب وش صار على خويلد حبيب القلب؟ مشاعل تنهدت: اااااااااه بس فديته .. يجنن ياخذ العقل العنود: صار شي بينكم ؟ مشاعل: اي صار بس ما عطاني وجه العنود: ليييييييييييش مشاعل قالت لها وش صار يوم قابلته ذاك اليوم وجحدها العنود: صددددق .. انهبل هذا يجحدك مشاعل وهي تقعد على الكنبه: زي مانا قاعده اقول لك .. العنود: لازم نسوي شي ميشو ... مايصير يظل بعيد عنك .. وبعدين لا تلومينه هو ما شاف جمالك .. ولا كان لقيتيه عند رجولك الحين مشاعل بغرور: ادري .. بس المشكله كنت قدامه ولا عطاني وجه .. سمعت صوت رنه خفيفه تعلن انو في اتصال معها عالخط الثاني مشاعل: اقوول نودي .. الحين بقفل وصل راكان .. اكلمك لما ارجع العنود: اووووووكي .. اقول ميشو عذبييييه .. مشاعل : لا توصين حريص .. يللا باي العنود: بايات .. مشاعل اخذت عبايتها وشنطتها بيدها ونزلت لين تحت بكل امان .. وطبعا محد من الحراس يتجرأ يسألها على وين او يفتح فمه عليها بكلمه .. طلعت وربي رحمها انو اهلها يشوون وماهم فاضين لها .. يحسبونها نايمه كعادتها لما تجي المزرعه معاهم ركبت السياره بسرعه وقالت له امشي يللا من هنا راكان : سمعا وطاعه .. وحرك فيها .. بعد 5 دقايق قدهم بعدوا شوي عن المزرعه راكان كانت سيارته مظلله كتممممم من قدام ومن ورا .. يعني مستحيل احد يشوف وش جوه .. شغل النور السياره .. وقال لها يللا حبيبي شيلي الغطى مافي احد بيشوفك مشاعل شالت غطاها بشويش وبدون تردد ولا رمشت لها عين .. وحطت عينها بعين راكان بعد | ||||||||
|
| |
|
26-05-15, 09:11 AM
| #28 | ||||||||
| مراقبة عامة ومشرفة منتدى الروايات المنقولة
| راكان فهههههى .. خق .. ذاب .. كل الكلمات بقاموس الاعجاب جيبوها وحطوها هنا .. راكان : ياوييييييل حاااااااااالي .. وش ذا الوجه اللي يطيح الطير من السما مشاعل ضحكت بغرور ولا بان عليها اصلا اثار الحيا راكان يمسك يدها: انتي انسانه من جد ولا ملاك ؟ مشاعل وهي تحط يدها على يده : اللي انت تبيه .. انا اكووونه راكان ماهو قادر يرمش .. يخاف شي من جمالها يفوته .. من العيون الواسعه للشفايف الصغيره والخشم المسلول.. شعرها القصير الاسود الفااااحم اللي فيه خصله فوشي على جمب بلون جريء .. ملامحها اللي تتفجر انوثه .. دلعها .. كلامها باخصتار كلما فيها طير عقله مشاعل بابتسامه جريئه بانت غمازاتها منها : وش فيك راكان يصد بعيونه: لا تكفيييييييين لا تبتسمين .. ترى تطيح حصوني اللي محتمي فيها منك مشاعل ضحكت : ههههههههههههههههههههههههه هههه راكان حس بدقات قلبه طبوووول .. مالت علي .. انا الحين مخقق البنات تسوي فيني بنت هذا كله .. هذا وانا ما حبيتها طيرت لي اووووم عقلي .. ما الووم حالي والله ذا البنت تلحس العقل .. قعدوا شوي يسولفون لين عدت نص ساعه وحرك راكان .. مشاعل: على وين ؟ راكان بجرأة : برجعك المزرعه .. انا لو اظل معك زياده ترى ما امسك نفسي مشاعل ابتسمت له ابتسامه مغريه راكان : لا تكفين .. الا ذا الابتسامه .. ترى ننقلب الحين مشاعل : هههههههههههههه راكان يبوس يدها برقه : ووه فديتك .. ووقفوا عند باب المزرعه .. راكان قرب منها : مافي شي حلو من هنا او من هنا ؟ مشاعل فهمت قصده بس تغابت .. قربت منه وحضنته بجرأة وبدون ما ترمش لها عين .. راكان من خقته كان وده يحرك بالسياره ولا يرجعها .. بس لازم هو وعدها .. وبعدين هو صحيح من الصايعين حقون البنات .. ويتعدى الحدود معهم احيانا .. بس مو مرره .. لانه ابوه من اهم الرجال ويخاف انه يوصل الوضع لسمعته هو وابوه .. اللي لو عرف ذيك الساعه عن عمايله مارح يرحمه ابد .. راكان : بس انا كان قصدي مشاعل حطت اصبعها على فمه عشان تقاطعه وكملت برقه : قول اللي تبيه بعدين ياحلوو الحين انا لازم انزل قبل ما يفقدوني راكان تنهد : اللي تشوفينه .. مشاعل حطت طرحتها على راسها وجت بتنزل بس مسكها راكان : متى بشوفك ثاني ؟ مشاعل بابتسامه: انشاالله قريب .. يللا باي راكان بوله : الله معك .. ودخلت مشاعل من البوابه الكبيره وصارت تمشي بهدوووء شوي ويجي صوت رجالي : من انتي ومن وين جايه ؟! مشاعل وقفت مكانها وهي حاسه الدم بيوقف بعروقها من الروعه والصدمه ميــــــــــــــــــن هذا ؟؟ نشوف بالبارت الجاي .. مع حبي / هاجس | ||||||||
|
| |
|
26-05-15, 09:12 AM
| #29 | ||||||||
| مراقبة عامة ومشرفة منتدى الروايات المنقولة
| البارت الرابع عشر عند الحريم والرجال .. بدوا الاكل وسط السوالف والضحك والوناسه .. كان جو عائلي ولا احلى .. ويوم خلصوا .. وجا دور الشاهي .. وقف ابو ماجد وقال بصوت عالي يسمعه الكل .. ابو ماجد: بما انو اعلننا امس خطبة ولدي ماجد لبنتي رنيم .. احب من الحين احدد موعد الملكه والزواج .. رح يكون كل شي بعد ثلاث اسابيع ..يملك ماجد عليها واذا رجع متخرج سوينا الزواج ان شاء الله .. يعني قبل زواج مشعل واثير.. الحريم صاروا يزغرطون والبنات مستانين والعيال يباركون لماجد .. اللي كان هو ومشعل اعصابهم فاااااايره .. مايبون يتزوجون بس اهاليهم فارضين عليهم هالشي فرض مشعل .. غصبته امه عشان ياخذ اثير وهو رافض ماخذ المسألة عناد . ماجد .. غصبه ابووه عشان ينسيه حب بنت ماهي من ثوبهم ولا من مواخيذهم ,, ناااار عايشين فيها ماجد ومشعل .. واثير ورنيم السعاده لا توصف ومبينه من عيونهم.. موقفهم صعب مره .. مبسوطين ولاهم حاسبين حساب اللي بينتظرهم .. انكتب مصيرهم بمصير ازواج مايبونهم .. كيف بيكون الوضع بينهم .. وايش راح يصير .. مع الايام رح نعرف ان شاء الله .. ابوماجد كمل: طبعا هذا كله من بعد اذن اخوي ابو رنيم ابو رنيم: هههههههههههههه توك تذكر تاخذ رايي ابو ماجد:هههههههههه السموحه وانا اخوك .. وبعدين انا وانت واحد .. وانا اخوك الكبير يعني بتوافق ابو رنيم : ما شاء الله .. اجل كذا النظام هاا ؟ مير ماعندنا بنات للزواج ابو ماجد:هههههههههههه تردني قدام كل احد يابو رنيم ابو رنيم: ما عاش من ردك يابو ماجد .. البنت بنتك ,, تقدر تاخذها الحين باللي عليها ابو ماجد: تسلم والله .. ماجد حس بغبنه .. ابوه وعمه يقررون مصيره قدامه ومو عاملين له حساب .. انا صاحب الشأن .. انا اللي المفروض اقرر .. مو يحطوني قدام الامر الواقع وبالشكل هذا قدام كل احد .. التفت لقى بندر يخزه ويأشر له عشان يفكها ويبتسم شوي .. ماجد فك شوي من عقدته وحاول يتناسى الموضوع لين ما يلقى حل للي مسميها مصيــــــــــــــــــبة .. عند بوابة المزرعه .. المكان اللي مشاعل فيه تواجه مصيرها مع المجهوول .. يايكون عرف من تكون بالضبط وراحت فيها .. او تقدر تضبط الموضوع بمعرفتها .. الله يســـــــــــتر << رددتها بداخلها .. شوي ويجي صوت رجالي : من انتي ومن وين جايه ؟! مشاعل وقفت مكانها وهي حاسه الدم بيوقف بعروقها من الروعه والصدمه .. مشاعل ما التفتت .. حاولت تتماسك وتقضب ارضها .. مصيبه لو انه شاف السياره اللي نزلتني .. .........: انا اسأل مييييين ؟؟ مشاعل تجرأت ورفعت عينها وانصدمت .. كان البواب اللي يسألها .. فصخت الحيا مره وحده وقالت من تحت لثمتها : خييييييييير انشالله وليش قاعد تحقق معي .. البواب: من انتي .. مشاعل بغرور واحتقار للي قدامها: انا عمتك مشاعل .. بنت عمك حمد .. كيف تتجرأ اصلا انك توقفني كذا وبالشكل هذا البواب: اسف عمتي حقك علي بس تعرفين انو مسؤولية المزرعه علي انا .. وما يصير ادخل اي احد .. مشاعل: وين اصرفها اسف هذي الحين ؟ لو سمحت الزم حدودك انا مو اي احد ..واعرف انت قاعد تكلم مين البواب حس بالفشيله لانها قاعده تهزأه ولا احترمت كبر عمره: معليش امسحيها بوجهي عمتي .. مشاعل وهي تمشي بدلع بدون ما ترد عليه : لا يكثر ولعد اشوف وجهك قبالي ولا قلت لبابا يقضبك الباب .. البواب سكت .. وش ذا الاخلاق الشينه .. سبحان الله ما اصدق انو هذي بنت العم حمد .. بنته رنيم اطيب من مشاعل بكثيييير .. فرق السما عن الارض.. سبحان الله بس.. الله يهديهم ويستر عليهم يااااارب .. جوه الفيلا رنيم كانت تبي تروح تجيب دوا امها عشان تعطيها اياه .. وهي بطريقها قررت تروح تعدي على مشاعل لانها ماشافتها اليوم ابد .. وكانت مشاعل تكلم بغرفتها ... رنيم طقت الباب ودخلت .. رنيم : مشاعل ليش ما ... وسكتت لانها شافت مشاعل لابسه عبايتها وقاعده تكلم .. وكان شكلها كأنها بتطلع " مادرت انها طلعت وخلصت " رنيم : مشاعل وين رايحه ؟ مشاعل ارتبكت : ولا مكان وين بروح يعني ؟ رنيم: طيب ليش متزينه ولابسه عبايتك ؟ مشاعل : اوووه منك .. انتي تعرفيني اتزين واكشخ حتى وانا بالبيت .. اما العبايه قلت البسها لاني بنزل تحت واخاف احد من العيال او العمال يشوفوني .. رنيم سكتت لانه عذر مقنع .. بس مع كذا ماهي مرتاحه : طيب .. انتي ليش ما تنزلين الحين تقعدين معانا تحت مشاعل بعدم اهتمام: ما تجذبني جلساتكم الصراحه رنيم ابتسمت بسخريه: تبين عشا ؟ مشاعل: مابي شي .. ابي انام وبس رنيم وهي تسكر الباب: براحتك .. مشاعل رجعت لراكان اللي كان يكلمها على التفلون .. ورنيم توجهت لغرفة امها عشان تجيب الدوا .. صارت تفكر بمشاعل .. صحيح انها كشفت حركات اختها .. بس ما فكرت انو ممكن جرأتها توصل انها تسوي مصايبها هنا بالمزرعه وقدام العايله كلها .. انا لازم اوقفها عند حدها .. بس خليني اتطمن على ماما اول وذيك الساعه نتفاهم انا ومشاعل عدت باقي ايام المزرعه بشكل حلو على بعض وتعيس على ماجد .. وقرروا الكل انهم يرجعون من بكره الصباح لبيوتهم وخصوصا انو الدوامات بتكون بعد بكره .. الصبح .. الهنوف كانت تسحب رجولها تسحيب من النوم .. ام مشعل: يللا يا الهنوف خفي رجولك شوي .. الهنوف: ماما الله يهديك وش اخفها اكثر من كذا وربي ميته نووم ام مشعل: انشالله نوصل بالسلامه وتنامين على راحتك ماني قايلة لك شي الهنوف وهي تسحب شنطتها وتصارخ على العمال عشان يشيلونها ام مشعل عصبت: اقصري حسك يابنت عيب عليك تصارخين عليهم .. اكبر منك ذولي كانوا يلاعبونك وانتي صغيره الهنوف: ماما اعذريني والله تعبانه ام مشعل: يللا قومي انقلعي عن وجهي خليني اكمل شغلي .. ورجعت تشرف على الخدم اللي يرتبون الاغراض ايان كانت جايه من بعيد مع غدير ايان: ياحبي لك والله يا غدير .. اخيرااااا لقيت وحده مثلي انا والهنوف بكل شي غدير وهي تلبس نظارتها الشمسيه : والله انا اللي فرحانه فيكم وبمعرفتي لكم .. ما تصدقون قد ايش انا لحالي بالبيت واحزن ايان: واثير وين راحت ؟ غدير: اثير اختي وحبيبتي .. بس تعرفين يختي هاديه ورقيقه ومدري وشو من خرابيط ذا البنات .. انا ابي احد مهبول مخترش مثلي .. اقلب البيت انا وياه على اللي فيه ايان وهي تحط يدها بيد غدير: لا تخافين حبيبي الحين انا وانتي والهنوف سوى .. ووقت ما تبين الله يحييك عندنا .. واحنا ترى بننط لك بين كل فتره وفتره غدير انبسطت: ياحبي لك .. الله يحييكم وكل يوم بعد بوحده من غرف البنات .. ريما كانت قاعده تسكر شنطة ملابسها .. الا ويرن جوالها .. ريما استغربت الرقم .. هذي مــــامـــــا اول مره تسويها وتتصل علي .. ردت ريما: الوو ام بندر بهدوء على غير العاده: هلا ريوومه ريما سكتت ناظرت الرقم يمكنها غلطانه بس لا فعلا هذا رقم امها ام بندر:الووو ريما: ماما ؟؟؟ ام بندر: اي ماما .. شلونك حبيبتي ؟ ريما وكل ملها تنصدم اكثر واكثر: انا بخير الحمدلله ام بندر: متى بترجعون لي بالسلامه ؟ ريما: انشالله كمان شوي .. هذانا قاعدين نتجهز عشان نمشي ام بندر: الله يوصكم بالسلامه يارب.. انا دقيت عشان كنت حابه اتطمن عليكم .. انتظركم اجل ... ريما كانت مصعوووووقه من اللي تسمعه : تنتظرينا ؟؟ ام بندر: اي حبيبتي انتظركم .. يللا عاد لا تتأخرون علي عشان نتغدى سوى .. ريما في حالة فهاوة عجيبه: غدا ؟؟ ام بندر: اي غدا .. يللا حبيبتي .. اجل اخليك تكملين اغراضك ريما: اوكي .. ام بندر: انتهبي على حالك .. وعلى اخوانك .. ريما: ان شاء الله .. ام بندر: مع السلامه ريما: مع السلامه.. هي قفلت من هنا وانرمت على الكنبه من هنا .. كانت في قمة الصدمه والدهشه .. امها عمرها ما كلمتها بالاسلوب هذا لا هي ولا واحد من اخوانها .. حتى اخوها بندر القريب من امها اللي تهاوشه اقل واحد فيهم ما تحاكيه بالشكل هذا .. وش صار؟؟ وش السالفه ؟؟ معقوله تكون هذي بداية تغيير بطريقة ماما بالتعامل معانا ؟؟ الا دخلت ديما عليها وهي ترفع نظارتها الشمسيه على شعرها البني ديما: وينك ريما ليش التأخير؟؟ ريما ماردت بس ناظرت ديما وفي بالها الف سؤال .. ديما قربت منها: ريما وش فيك ؟ يدك تألمك ؟ ريما هزت راسها يعني لا ديما: اجل ؟؟ ريما: ماما .. ديما باستغراب: ماما ؟؟ وش فيها ماما ؟؟ ريما: دقت علي تو تتطمن وتقول انتظركم عشان نتغدا سوى ديما سكتت شوي وصارت تناظر اختها بنظرات جامده .. وفجأة اطلقت ضحكه عاليه :هههههههههههههههههههههههه� �هههههههههههههههههههههههه ههههههههههههههههههههههههه ههههههه ريما: وش فيك ؟؟ ديما وهي تضحك: انتي من جدك ؟؟ ماما ؟؟ مدام فوزية تتكرم وتتصل عليك تتطمن لااا وتبي تتغدى معنا بعد ههههههههههههههههه وصارت تغني .. " لا والله هذي جديييييده " ... ريما تناظرها وهي معصبه: وش فيك انتي .. منتي مصدقتني شوفي الرقم .. شافت ديما الرقم ورمشت بعينها اكثر من مره : ماني مصدقه يختي لو اشوف بعيوني .. من جدك انتي .. دخل سلطان عليهم : ريما .. ديما.. يللا بدر يقول يلاا .. ديما راحت وباسته من خده: واااااااااه فديته ابتسم لها سلطان ومشو سوا ,, ريما ظلت تفكر وهي تلبس عبايتها .. وماغاب عنها صوت امها وهي تكلمها بحنان .. يااا مقلب القلووووب .. بعد شوي الكل كان بسيارته ومتوجهين لبيوتهم بعد ما قضوا ايام حلوة بالمزرعه .,. بيت ابو شذى .. شذى قامت من النوم وقامت تسوي الفطور لابوها واستوقفها .. ابو شذى: شذى شذى وقفت : هلا ابو شذى كان بيقول لها انه موافق على احمد .. بس خاف انو لو قال لها تتمرد عليه وتصير مشكله من جد .. فقال خليني اسكت لين ما القى لها حل زين .. ابو شذى تراجع: خلاص ولا شي .. شذى رجعت غرفتها بدون ادنى اهتمام منيره: وراك ما قلت لها ؟ | ||||||||
|
| |
|
26-05-15, 09:14 AM
| #30 | ||||||||
| مراقبة عامة ومشرفة منتدى الروايات المنقولة
| ابوشذى: مالك شغل .. انتي قلتي لي السالفه وانا اللي ادبرها واشوف متى افاتحها بالموضوع لا تحنين على راسي .. ويللا قومي جيبي لي الشاي منيره وهي تتحلطم : ان شاء الله .. ابو شذى يخزها وهي تقوم : وجع .. صدق من قال يامن شرى له من حلاله عله .. غرفة شذى .. كانت شذى تحووس بالغرفه تفكر كيف ممكن تقنع ابوها انها تروح لاريج.. المسكينه صار لها كم يوم تشتغل لوحدها وكل هذا عشان ابوها ما خلاها تروح .. وفوق هذا وذاك ما عدت عليها من زمان .. بالعاده اريج ما تغيب عنها يومين كاملين .. خافت عليها يكون صاير معها شي قررت تروح لابوها وتقول له واللي فيها فيها .. شذى: يبه ابوشذى: خير شذى: تسمح لي اروح لاريج .. من زمان مارحت لها ابوشذى: وشو له شذى: قلت لك يبه صار لي زمان ما شفتها ابي اتطمن عليها ابوشذى وهو يكمل فطوره ويأشر لها بيده : روحي ... شذى حمدت ربها انه وافق بدون ما يطلع روحها .. غيرت ولبست عبايتها وراحت بسرعه لبيت اريج بيت اريج .. رنت شذى الباب لين فتحت لها موضي موضي تتخصر: يا قاعدين يكفيكم شر الجايين شذى بلطف: شلونك خالتي موضي بعصبيه: تخلخلت عظامك بلا .. شذى ياصبر ايوووب: خالتي وين اريج موضي: بغرفتها نايمه جعلها ماتقوم شذى استغفرت ربها : ليش وش فيها نايمه للحين موضي: تعبانه .. عساها من هالحال واردى .. وراحت عن الباب شذى خافت على صديقة عمرها .. وراحت بسرعه لغرفتها .. لقت اريج وجهها احمررر وعيونها مورمه .. حتى الورم باين وهي مغمضتها .. شذى قربت منها وقومتها بهدوء: اريج حبيبتي .. وش فيك .. اريج فتحت بشويش .. ويوم استوعبت انها شذى حاولت تتعدل بجلستها شذى : خليك خليك زي ما انتي قاعده .. وش فيك حبيبتي تقول لي موضي انك مريضه اريج ابتسمت : لا ابد .. شذى بنظره : اقول لك وش فيك تكلمي وربي قلقتيني .. اريج ببساطه : ابوي توفى شذى انصدمت: ايييييييييييييش اريج: اللي سمعتيه ... شذى: متى .. ووينه الحين وكيف عرفتي اصلا؟ اريج: ابد يا ستي .. من 5 ايام جاني اتصال من واحد من اصحاب ابوي اللي كان مسافر معاه .. وقال لي انو ابوي بالغ بالشرب ذاك اليوم وسوى حادث وهو يسوق السياره .. شذى ضمت اريج وقالت بعيون مدمعه: عظم الله اجرك اريج بهدوء: اجرنا واجرك شذى: طيب ليش ما قلتي لي .. ووين العزا وليش ما فتحتوا له .. اريج : انتي تعرفين ابوي ماله احد يحبه .. فتحتنا له عزا بس محد جا .. وكمان انا مرضت يوم دريت .. ولا قدرت اتحرك من فرشتي .. شذى حزنت على صديقتها .. صار لها ايام تعاني لحالها وهي ماتدري عنها .. شذى وهي حاسه بالذنب: انا اسفه لاني قصرت معك هالايام ارووج .. بس انتي عارفه انو ابوي هنا ولا اقدر اطلع .. مقيد حريتي مره اريج : لا حبيبتي لا تقولين كذا انا اصلا عارفه انك اختي واول من بيوقف معي .. وقفه حتى ما توقفها ذا النسره اللي بره بعزا رجلها شذى : اي صح .. ما اشوفها حزنانه ولا شي اريج: كان ودها تقلبها دي جي مو عزا من الوناسه .. تقول ترك لي 10 الاف ريال .. مطيره عقلها الفلوس .. حتى دمعه وحده ما ذرفتها .. ما الومها ما شافت معاه لو يوم واحد حلو شذى نقدت عليها: في وحده تقول كذا عن زوجها .. اريج: موضي .. شذى وهي تطالعها : حبيبتي اريج .. انتي الحين المسؤؤوله عن حالك .. شدي حيلك عاد وابيك ترجعين توقفين من جديد على رجولك .. وتشتغلين عشان تسندين حالك .. شكلها مرت ابوك بتاخذ الفلوس وتهج وبتخليك بروحك اريج:اكيد مايبي لها كلام .. هي بتطلع بتطلع بس توصلها الفلوس .. شذى: عالعموم انتي مو بحاجتها .. وربي يعجل بنصيبك وتتزوجين واحد يعيشك معززه مكرمه .. اريج : ....... شذى: يللا حبيبتي قومي خليني اسوي لك فطور .. وجهك متغيره الوانه .. من متى ما اكلتي الله اعلم .. وبعدين انتي مريضه يبي لك تغذيه اريج : ان شاء الله .. وقامت مع شذى بصعوبه عشان تفطر .. ( صدق لا قالوا .. الصديق وقت الضيق ) بيت ابو بندر .. وصلوا بندر وبدر والبنات البيت بالسلامه .. استقبلتهم امهم من عند بوابه الفيلا بالتراحيب .. ام بندر: هلا والللللللله بنور بيتي .. اللي غاب عني .. الكل كان في حالة ذهووووول من كلام امهم ..ولا احد فيهم نطق حرف واحد .. ام بندر: حبايبي انتووو .. يللا روحوا غيروا ملابسكم على بال ما يجهز الغدا .. الكل:..................... ام بندر : هوو وش فيكم ؟ بدر بهبال: يمه .. مين مات ؟ ام بندر: هووو بسم الله علينا .. محد مات .. بدر: اجل؟؟ ام بندر: وش اللي اجل ؟ بدر حس انه عيب لو يقول لامه وش ذا الحنان والاهتمام اللي نزل علي فجأة فاضطر يقول: ولا شي .. ديما تناظر ريما بعدم تصديق وريما تبتسم لها وتعطيها نظرة معناها " قلت لك " .. ام بندر نادت الخدم عشان يشيلون اغراض عيالها .. وقالت لهم يروحون يتحممون ويجهزون عشان يتغدون سوى .. وفعلا صار .. الكل انصدم من تحول امهم المفاجيء ولا عرفوا كيف يتصرفون .. وقت الغدا ام بندر بخوف: بسم الله عليك ريما حبيبتي وش فيها يدك ؟ ريما : لا ابد بس انجرحت بقزازه ام بندر: بسم الله عليك وعلى قلبك .. ما تشوفين شر حبيبتي ريما : الشر ما يجيك بدر يهمس لديما: ودي اسألها من هي ؟؟ ووش سوت بأمنا الصدقيه ديما تضحك بشويش وقالت بنفس الهمس: وربي ماني مصدقه انو هذي امنا .. ودي اعرف وش سبب هالتغير المفاجيء.. بندر ماكان ياكل .. كان يلعب بالشوكه بصحنه ام بندر: بندر وش فيك يالغالي ما تاكل ؟ بندر: لا ابد سلامتك .. افكر .. ام بندر: بايش؟ بندر رفع حاجبه باستغراب .. وش اقول لها اقول اني افكر وش تبي هي من ورى التصرفات هذي ولا انطم ؟؟ بندر: افكر بدراستي اللي برجع لها .. ام بندر: انشالله تروح وترجع لي بالسلامه واشوفك اكبر دكتور بالدنيا بندر وهو يطالع صحنه : امين .. وظلت امهم تعاملهم بحنان .. لمدة اياااام .. بشكل خلاهم ينرعبون منه لانه ماقد صار .. بيت ابو ماجد .. ماجد كان حابس نفسه بغرفته ما يطلع منها .. حاول يفكر بحل لمصيبته بس ما لقى .. ابووه .. وتاج راسه عزه وسنده بالدنيا يبي يحرمه من حب عمره .. مدري كيف هنت عليك يبه .. توجه لغرفته وهو براسه موال يبي يغنيه .. طق الباب .. وجاه الصوت ابوماجد: ادخللللللللللل ماجد: مساك الله بالخير يبه ابو ماجد وهو يرجع يقرا الجريده اللي بين يدينه : هلا ماجد وهو يقعد : يبه حبيت اكلمك بمضوع ابو ماجد يلتفت عليه بعد ما حط جريدته على جمب والنظاره عليها : خير ماجد: كل الخير انشالله .. يبه ممكن بس تأجل موضوع الزواج كم شهر ابو ماجد قطب: وليش انشالله .. ماجد: يبه انا ماني مستعد نفسيا الحين للزواج .. ياليت تأجل موضوع زواجي كم شهر بس على بال ما اتخرج واستقر بشغلي ذيك الساعه اللي يريحك .. ابو ماجد : وانا ماني موافق .. املك على رنيم وسوي اللي تبي ماجد فار دمه: ليش يبه وش مستعجل عليه .. ابو ماجد: انت اللي ليش ماتبي تستعجل .. انت منت صغيره واللي قدك عندهم عيال .. ورنيم مابيها تطير لغيرك .. ماجد : يبه افهمني .. مقدر اعيش مع انسانه ماني مقتنع فيها .. ابوماجد: تراك صجيتني ولجيتني .. ما على لسانك غير يبه افهمني وافهمني .. ماجد: لانك منت راضي تفهمني ابو ماجد: وليش ماني راضي افهمك ؟؟ حمار انا ولا بزر ماجد: محشوم يبه .. بس انا كان قصدي .. قاطعه ابوه : لا قصدك ولا قصدي .. مابي اسمع ولا كلمه .. وجهز نفسك ترى كلها اسبوع وتملك .. ماجد: يبه انت عارف اني برجع استراليا بعد الملكه بيوم .. ابو ماجد: اي عشان كذا انا تقصدت اخليك تملك على رنيم قبل السفر .. عشان لما تكون هناك عند بنت ابليس تذكر بنت عمك اللي على ذمتك وما تتهور ابد .. وتذكر بعد انو سمعتها من سمعتك وسمعتنا وسمعة العايله كلها .. يعني لا تتهور وتسوي شي ندفع ثمنه احنا كلنا وعلى حسه تتفرق العايله .. فهم ماجد قصد ابوه .. اللي هو انه ما يتهور ويحط اهله قدام الامر الواقع ويتزوج رانيا هناك .. ماجد وقف بعصبيه : يعني مافي امل عشان اثنيك عن رايك ؟ ابو ماجد: ولا ربع امل .. ماجد بقهر : عن اذنك .. وطلع من الغرفه والقهر ماليه وكرهه وحقده لرنيم يزداد كل يوم .. بيت ابورنيم .. رنيم كانت مجهزة فستانها الاحمر اللي بتلبسه لملكتها .. كانت على اعصابها .. ماهي مصدقه انها بعد حوالي اسبوع بتكون لحبيبها .. ماجد بيكون زوجها .. راحت لبلكونتها .. وصارت تطل على الحديقه الخضرا من فوق والهوا يلاعب شعرها الطويل اللي كانت فاكته .. وقفت عصفورة صغيره على السور .. ابتسمت رنيم لرقة العصفورة .. راحت جابت لها موية بصحن صغير وحطتها جمبها عشان تشرب .. بدت العصفورة تشرب ورنيم تتأملها .. وصارت تغني اغنية فيروز انا لحبيبي انا لحبيبي وحبيبي الي ياعصفورة بيضا لا بقى تسألي لا يعتب حدا ولا يزعل حدا انا لحبيبي وحبيبي الي حبيبي ندهلي قلي الشتي راح رجعت اليمامه زهر التفاح وانا على بابي الندي والصباح وبعيونك ربيعي نور وحلي وانا لحبيبي وحبيبي الي .. ضحكت على حالها .. يالله وش الحب ممكن يسوي بالانسان .. شوي وصوت باب غرفتها يصدح بالارجاء من قوة الضربه اللي تعرضت لها نقزت رنيم بقوة وطار العصفور .. توجهت بعيونها للباب عشان تشوف مين سوى كذا وكانت مشاعل .. رنيم: خير مشاعل وش فيه ؟ مشاعل: الحين انا طالبه فستان من بره ولا وصل للحين .. ممكن تقولين لي وش ممكن اسوي رنيم رفعت حاجبها: وش اسوي طيب.. وبعدين ليش مستعجله فيه وقت مشاعل بعصبيه: اي وقت يابنتي مابقى حاجه .. وبعدين المصمم اللي انا متفقه معاه قال لي بالكثير بيكون عندك بعد يومين .. وفات ذا اليومين ودخلنا بالثالث وش اسوي ؟؟ رنيم سكتت يا كبر تفاهة اختها بس وش تسوي: طيب مافي مشكله انزلي السوق وجيبي لك الفستان اللي انتي تبينه مشاعل طلعت عيونها: نعم ؟؟ انا اجيب فستان من هنا .. ومن سوق كمان .. خيييييييييير وش شايفتني رنيم تتكتف: شايفتك سطحيه اكثر من اللازم .. مشاعل ش فيك .. انا العروسه ما سويت هذا كله .. البسي لك اي فستان حلو وخلاص .. وبعدين دولابك مليان فساتين جديده وكلها من بره ولا قد لبستيها بعد مشاعل: الفساتين هذيك راحت عليها .. ابي جديد .. بروح اكلم ذا المصمم واوريه الشغل لانه انسان ما يحترم المواعيد رنيم: يا مشاعل لا تسوينها سالفه خلاص .. اشتري لك فستان جديد او اطلبي جديد .. وهذا المصمم لا تتعاملين معاه مره ثانيه .. مشاعل عصبت:افففف احر ما عندي ابرد ما عندك .. اصلا انا ما عندي احد بذا البيت يحس فيني .. طلعت ورزعت الباب بنفس طريقة دخلتها رنيم: يااااارب اهديها بس واصلحها وفكها من ذا الغرور اللي هي فيه .. "اليــــــــــــــــوم الموعــــــــــــــود" يوم ملكة رنـــــــــــــيم وماجـــــــــد فتحت عيونها الحلوة من الصباح الباكر .. وابتسمت احلى ابتسامه ممكن يشوفها انسان .. اليوم انا لك .. وانت لي .. قامت بنشاط مع انها نامت متأخر .. مافي وقت للنوم اصلا .. صلت لها ركعتين عشان ربي يبارك لها بيومها .. دخلت عليها الخدامه روز: مس رنيم تبغي شي؟ رنيم بمرح وتواضع : ومن له نفس ياكل يا روز ، ابي بس نساكفيه بليز روز بباتسامه: اوكي مس .. وطلعت صارت رنيم تدور محتاسه ماهي عارفه وش تسوي بالضبط .. قررت تروح تصبح على امها .. بغرفة ام رنيم .. | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
