عناد قلبي للكاتبة/ $شمرية مرجوجة$

[فيتامين سي]

تكملت البارت الخامس




ناظرت أبوها وقالت بفرحه وهي ترمي النقاب والعبات ):يبه من جد هذي الغرفه لي..
(فرح لفرحها):أجل لمن..أكيد لك صعدت عسرير وصارت تناقز عليه وشعرها يطير..وتصفق ..ماكنها إلي قبل شوي تبكي.
ناداها وهو ماوده يقطع عليها فرحتها بس يبي يفرحها بعد):وفي بعد مفاجأه ثالثة.
(لفت بصدمه بحياتها مافرحت كثر ما فرحت هالمره):فيه بعد ثالثة (وسكتت تحاول تستوعب )يبه ماني مصدقه.
(راح لعندها ومسك يدها وسحبها للغرفه إلي قدام غرفتها فتحها ..وأتسعت عيونها تبي كف قوي عشان تصحى ..،،لف لها ابوها وأبتسم):هذي غرفه لك بعد عشان تدرسين فيها.. وهذا كمبيوتر.
(صفقت بفرحه ):يبه تعرف للكمبيوتر؟.
(هز راسه بأيه ):أيه أعرفه موجود بالمستشفى الدكاتره والموظفين ..(تنهد وقال بحزن)والممرضين ..يسجلون فيه ملاحظاتهم ومواعيد المرضى وتقاريرهم المهمه والفواتير ..فقلت يمكن تحتاجينه بما أنك بتصيرين بالجامعه (وأبتسم بفخر) فأكيد راح يطلبون منك أبحاث وتقارير وكل هالقصص ..بس ترى مدري كيف يشغلونه..
(ضحكت بغصه وقالت):يبه ..مشكور ..مشكور ....أحبك ياشمعة الجلاس..
(كان أمنية من امانيها أن يكون عندها كمبيوتر ..تعرف تستخدمه لأن صديقتها نورة علمتها عليه كانو ساكنين جنبهم بس باعو بيتهم و أنتقلو قبل سنة هي وأهلها على المدينة ياكثر مابكت لما راحو كانت حتى في نفس صفها وكاتمت اسرارها وكل شي بنسبه لها ...عسى الله يجمعها فيها قريب ).(مسك وجهها وباس جبينها وقال ):العفو يعمري لاتشكريني هذا حقك ..بس أكيد أنا أحبك أكثر من حبك لي ..والحين أبيك تروحين تنامين لأنك تعبتي بطريق..
(قالتله وهي تلعب بخصله من شعرها ..وتبتسم له):بس برتب الأغراض أول ..
(هز راسه بأعتراض):لاا نامي بعدين من تقعدين رتبي..
(قالت بعناد):لايبه كذا ماراح أرتاح وبعدين أصلن .نمت بسيارة ..
(تنهد وقال):أجل أنا بروح أنام بس أذا خلصتي نامي ..وأغراضي خليها أنا برتبها..
(قالت وهي ترجاه ..ورده ماعجبها):لاا يبه..أصلن أنا ببلش بأغراضك تكفى لاتردني (وأبتسمت أبتسامتها إلي مستحيل أبوها يشوفها ويردها).
(أبتسم أبتسامة ورها قصص ):طيب حبيبتي ..بس قعديني على صلاة المغرب.
(أشرت على عيونها وقالت):من عيوني.
دخل غرفته إلي لونها بني وفيها نقوش هندسية ..رمه عقاله وسفط شماغه هو وطاقيه ودخلهم داخل العقال ..وحطهم عتسريحة ..ونام وباله مشغول بمستقبل أنين وهو يدعي أن الله يحفظها له ،،بينما أنين شطفت الشقه بس بمي لأن مافي أغراض حقت التنظيف بس لقت ورى الباب حق حمام(أعزكم الله)غرفتها ..مساحه ومكنسه ..بعد ماخلصت من الشقة راحت وسحبت شنطت أبوها ..ودخلت..شوي..شوي (على روس أصابع رجلينها)عشان مايصحى..غرفته رايقه فتحت الدولاب (الخزانة حقت الملابس)وصارت ترتب ملابس أبوها وتعلقهم وترتب أوراقه المهمهة..لما خلصت طلعت على غرفتها وهي تسحب شناطها معها ..وبعد صارت ترتب أغراضها وملابسها ..كلهم قديمات وماعندها شي حلو وراقي ..غير(سحابة)تعتبرها أهم أغراضها ..أبتسمت أبتسامة أمل عسى إلي جاي أفضل من إلي راح ..ضمت سحابة ومشت فيها لين السرير ..حطتها علمخدة عشان تظل معها دايم ..ناظرت الغرفة وقالت بنفسها ..
(أول مرة أكون في بيت مو بيتي ...وغرفة غير غرفتي.وو..(سكتت وقالت)وبسرير ماهو بسريري(ماتبي تقارن بس )تذكرت أنها لازم تقعد أبوها على صلاة المغرب ..مشت بسرعه على غرفة أبوها وصحته بشويش(فتح عيونه وصار يغمضهم بنُعاس..قال بصوت واضح فيه النوم ):أذن المغرب؟؟.
(همست بهدوء):أيه يبه أذن ..
(قالها بعد ماصحصح):طيب أصلي وبروح أجيب لوازم البيت وبجيب معي عشى.
(قالتله بسرعه):أيه وجيب معك منظفات..
(هز راسه ببتسامة وقام عشان يتمسح ويصلي ..بعد ماخلص صلاة وقف عند باب الصاله وقال بتحذير):أنين ديري بالك تفتحين لأي شخص ..أنا معي مفتاح بس تعالي سكري الباب وراي (سكرت الباب وقفلته ،،المطبخ كان نظامه أمريكي يعني مفتوح عصاله وثلث غرف نوم وحمامين (أعزكم الله)واحد بغرفتها وواحد جنب الديوانية حقت الرجال،،راحت عصاله وشغلت التلفزيون،،وصارت تقلب بالقنوات ..وتكبس بأزرار الريموت وتكتشف كيف تتطلع قنوات وكيف تشفر وكذا ،،حطت على قناة .أم بي سي ون..دايم صديقاتها يسولفون لها عن مسلسلات كان طالع مسلسل"شارع السلام "شكله جديد وتركي لأن كانت تسمع بمسلسل زهرة القصر أنه بعد تركي مدبلج للعربي بالهجة السورية ..استانست وصارت تتابع ولو أنها ماتابعته من بدايته بس عادي بعدين بتعرف وش القصه ..بس إلي جلطها الأعلانات يكثرها وطويله أطول من الحلقه نفسها بعد ماخلص طلع مسلسل "بين الكناين"أستانست حيل كويتي ..على نص المسلسل سمعت دق علباب ،خفق قلبها بخوف..وصارت تدعي أن الله يحفظها ،،لازم تدور على شي يحميها تفك نفسها فيه ،،دخلت المطبخ ودورت بسرعه بدروج ...كباتت المطبخ ..تحت..فوق.وكل ماله يزيد طق الباب ..وتزيد دقات قلبها..لقت عود مكنسة خذته ..وش تسوي ماعندها وقت لتفكير أو أنها تدور ..ركضت بسرعه بتجاه الباب وقالت وهي تشجع نفسها..لازم تشجع نفسها ..لازم تكون شجاعة وماتخاف مسكت العود وصارت تنقل العود من يدها المين لليسار بتوتر..واستعداداً للهجوم ..وتاخذ شهيق وزفير سمت بالله ومسكت يدة الباب قبل لاتحركها تذكرت أنها مو ببيتهم وتعرف منو إلي راح يجي ومنو إلي يدق ..بس خوفتها ضربة قوية على الباب وكأن أحد طاح ..نست كل خوفها ونست هي وين ...أحساسها خلاها تفتح الباب بدون لا تسأل منو إلي يدق الباب ..شهقت بصدمة وطاح العصى منها وطاحت على ركبها وهي تشوف ......



وهذا البارت لعيون


..maysan..

[فيتامين سي]

(عناد قلبي)





البارت السادس








ليته تعذر كان ماهو بملام...
بعد ماشاف الدرب يصير دربين،،
أشوا عليه شوي من عض الأبهام~
وأشوا علي شوي من دمعت العين*










…………………………………………� �……
(كانت بغرفتها منسدحه عسرير وتلعب بشعرها):مدري للحين راح يبدأ التسجيل بعد أربع أيام وقلت لرعد يدورلي على جامعة حلوة وتناسبني وقالي أشوف.
(تنهدت سارة وقالت بأبتسامة):واخيراً مابغيتي لوني مكانك من السنة الماضية مسجلة بس أنتي مهبولة،بس تصدقين أحسن والحين راح أسجل معك(وصرخت بفرحة)يسلام.
(شوق برجة وشماته):أيه ولله الحمدلله أنك سقطتي السنة الماضية ، أحمد ربي وأشكره.
(سارة بصراخ وهي مقهورة):يحقيره تتشمتين فيني يقول"لاتعيب أخيك ..لايعافيه الله ويبتليك"
(ضحكت شوي وقالت):ههههههههه أعوذ بالله لاولله ما أتشمت أنتي ذكيه بس ماكنتي تدرسين بس هذا طلعت نسبتك(84)لما حطيتي عقلك براسك.
(سارة بمزح):ليه وش قايليلك كان يركض عقلي هههههه امزح امزح ،(وقالت براحة)أيه ولله رسوبي خيره هههه تدرين لما ابوي عرف بنسبتي قال طسي بلا كذب ،قعدت أحلفله وأوريه الشهادة وهو يقول أني مزورتها هههههه مارضي يصدقني لما أمي حلفتله صدق بس للحينه بحالة صدمة هع هع.
(شوق فطست ضحك ):هههههههههه يحزينة،ههههههههههه (بعد ماهدت قالت)إلا ما قلتلك شفتي فيصل.
(صرخت سارة بحماس):المزيون؟.
(بعدت الجوال عن اذنها وقالت):وجع أذني يملا العمى الله ياخذ بليسك، أيه المزيون، بعدين أستحي تقولينها بوجهي (وقلدت صوتها وقالت) المزيون،،لعنكي الله أيُها الساقطة تباً لكي يمرأة أبو لهب .
(سارة وهي تلعنها):يوجعك يالخاينة مالت عليك عويذا الله من شرك .أخلصي شصار؟.
(تنحنحت بدايه على سالفة طويله وراها مصايب):
حصلت 30 ألف هاهاها.
(سارة وهي مستغربة):وش جاب هذا لهذا .
(شوق بقهر):يالخبله أفهميها ،هددت فيصل "بجيكراته".
(سارة بجدية):شوق ترى حرام إلي يسويه ولد أختك ،يعني يكلم بنات وهو مو محرم لهن هشي مايجوز ، أنصحيه.
(شوق بنفس جديتها):ومنهو قال أني مانصحته ولله نصحته، بس ترى هو محترم يعني صح يكلم بس بدال لايطلب صورهن او انه يشوفهن هن يطلبن ويرسلن صورهن وهو يسمحهن بدون لا يطالع لصوره حتى مرات أسمعه لما يكلمهن يقول ...:لا تأملين بشي مني أنا بس كذا استهبل..
يعني مايكذب عليهن وهو عنده هدف أنه يصلحهن.
(سارة وهي مو مقتنعه):شوق اي يصلحهن أي خرابيط يصلحهن وهو يتغزل فيهن ..وبعدين حتى ولو يعلمهن بالحقيقة في منهن راح يتعلقن فيه حرام يشوق.
(شوق تهز راسها بالموافقه على كلام سارة):صح كلامك بس أنا مو طالع بأيدي شي ومقدر أقول لرعد راح يعصب ، وبعدين لنفرض قلتله فيصل راح يزعل علي ،فيصل يغليني ويحبني كثير من لما كان صغير كان كاتم اسراري والعكس صحيح اعزه كثير يسارة كان قبل لا يسكن برياض يجينا هو واختي مها ورعد أتونس معه أحسه أخوي مو ولد أختي هو أكثر شخص وقف معي بعد موت أبوي وساندني كان كلمن لاهي بهمة إلا هو ماتخلا عني رفع معنوياتي ،فيصل لو يذبحني حلال عليه يمون (وتنهدت وقالت)ما اخون اخوته ومعروفه مو شوق إلي تخون.
(سارة وهي تهديها لأن تعرف أن شوق تموت فأبوها وتعرف شكثر عانت لما مات ):شوق أهدي ماصار شي(وقالت وهي تبي تغير السالفة)وش أخبار سوسو الوحش هههههه .
(شوق بأبتسامة حزينة):يشيخة أسكتي، سوسو يبي يروح بكره لأن أمه راح تجي تاخذه وضايق صدري ولله أنه مونسني.
(بدال لاتكحل العين عمتها):خخخخ يويسي،،ليه رجعت من السفر.
(شوق وهي تبي تضحك وتطلع من حالتها):ههههههههه أيه هي وقيس حقها بس اليوم قلتلها تخليه ولله نفسي أتبناه من هو صغير وهو عندي وأنا قعد أربيه.
(سارة بمزح):عشان كذا فيه أنوثه بس تعالي أذا أنتي رجة وما فيكي أنوثة وشلون سيف صار فيه أنوثه شكله تبادلتو أنتي وياه الجينات ههههه
(شوق بغرور):يخسي ياخذ شخصيتي أصلن منو هو ولله حلوه سوسو ياخذ شخصيتي، أنا أصليه ما اتغير .
(سارة بوناسة لأن قدرت أنها تنسيها حزنها):أيه بلش الغرور ، هههههه أصلن مافي مثلك ولله عسل.
بس عسل منتهيه مدة صلاحيته هههههه.
(ضحكت بتحشيش وقالت):ههههههههههه يهكيره (يحقيرة)أدب سيز أخلاق يوك أنطمي مالت بس ،ماتد...(دخل بهلحضة سيف وهو ماسك جوال جدته وقال)شوق هند تبيك علجوال(أبتسمت شوق وقالت لسارة)سارة بعدين اكلمك يالهويا وسكرت الجوال وردت على هند وقالت):هلا وغلا والقلب مايطبه بلا هلا بالمزيونة هند هلا بهنودتي وشلونتس اخبارتس هلا بحبيبة عمتها.
(هند وهي تضحك):هلابك زود حبي وين يعميمه لاتسألين ولا تنشافين وين مختفية .
(شوق بضحكة):تعرفين كنت بالقمر اسوي أبحاث هههههههههه.
(فطست ضحك هند ):هههههههه أيه هين أنتي وجهك وجه برفيسوره ولله فراشه ويخب عليك.
(شوق بقهر):اش اش بس حمدلله والشكر يشين السرج عبقرة صحيح ماتنعطين وجه اخلصي شتبين.
(هند بترجي):شوقي امزح معك تكفين لاتزعلين.
(شوق بتعالي):أعتذارك مرفوض يا تيسة.
(هند بمسايس):تمونين تمونين ياعمتي الشريره اوه اقصد العزيزة بس تعالي اليوم علينا جدتي تسأل عنك.
(شوق بحنيه):ياقلبي يا أمي ،شوفي انا بجي بس مو لخاطرك عشان خاطر حلوة اللبن اماه بوسيلي راسها قوليلها هذي من شوق تصبيره لما اجيها هههههه.
(هند بفرحة):أبشري بس يالله تراني انتظرك.
(شوق بأبتسامة مشرقة):Ok ساعه بالكثير واكون عندكم (وسكرت بدون لاتقول مع السلامه ولا تلقى سيف نايم جنبها)ياقلبي يسيوف (وباست جبينه وغطته عدل(وقامت عشان تتجهز )





…………………………………………� �………………





نروح عند بيت أبو فهد




(كانت معصبة لأن شوق صارلها اسبوع مو جايتها):هالقاطعه إلا أتصل عليها يالله تجي ماكني أمها .
(هند وهي تبي تهديها):جدة ترى حرام شوق مشغولة وماتفضا ولا تصدقين كل شوي تدق تسأل عنك بس ياتكونين نايمة ياتصلين اوأني انا أكون طالعة.
(أم عبدالرحمن وهي مهي مصدقه):لاتسذبين أصلن شوق للحيم ماسجلت بالجامعة وبعدين وش قالولك أصلي تراويح كلها ياوكعتين ياثلاث يا أربع.
(قالت هند بسرعة تبي ترقع):لا سجلت منذُ مبطي.
(أم عبدالرحمن صدقت):صحيح الله يبشرتس بالخير تعالي أحبتس (وجتها هند وباستها)الحمدلله يرب مابغت ،، طيب أتصلي عليها شوفي وينها.
(أبتلشت وقالت):هاه جده، ايه توي قلتلها قالت انها بطريق.
(نزلت مرام وهي تزحلق عدرج ونطت ):سلام جميعن وشلونكم ماذا تفعلون؟.
(أم عبدالرحمن بقهر):يملا الوجع ،،ماتستحين عمرتس (17)وتزحلقين مثل البزارين اركدي الثقل زين.
(مرام بضحكه):يابعد راسي ياجدتي بدري مو هالحين أعقل باقي لي كثير (وألتفتت على هند وقالت)وين امي وبوي ؟
(هند بطفش):أمي طالعه عند خالتي مشاعل وأبوي بشركه ناسية.
(مرام بتساؤل):طيب نواف وينه.
(هند بسخرية):وأخوك وين بعد أكيد داشر .
(أم عبدالرحمن قالت بسرعه):اقول هند بلا هذره وروحي قولي لجميله تسوي الحلا والشاهي قبل لا تجي شوق.
(فطست ضحك مرام وقالت):شوق بتجي ههههه طيب يجده إلي يسمعك يقول بتجي أنجلينا جولي مو شوق .
(أم عبدالرحمن بعصبية):وجعن يوجعتس هذي حشاشة جوفي بس أعرفتس تغارين منها ،، أنقلعي يالله يعل هالوجه إلي مثل رقعة بليس يخفا .





…………………………………………� �………………



نروح عند أنين




(طاحت على ركبها وهي تشوف أبوها طايح علأرض والأكياس حوله صرخت بغبنة):يبه لا (وركضت عليه وحاولت تشيله كان ماسك قلبه وهو متألم )قلتلك قلتلك أرتاح قلتلك أشري علاج ليه يبه ( ساندته لما دخلته الصاله وجلسته علكنبه وسدحته وحطت تحت راسه مخده ،كان مو قادر يتكلم )راح اروح اشتري دواء تكفى لاتحرك (ونزلت دموعها ،مسكها قبل لا تقوم ورفع حواجبه معترض على روحتها)يبه لاتخاف أوعدك ماراح أتأخر (وركضت على غرفتها ولبست عباتها وشيلتها ونقابها وطلعت تركض وحتى ماشالت الأغراض وخلت الباب مفتوح ،دموعها كانت تنزل بخوف ولله لو يصير له شي تموت ماتقدر تعيش بدونه نزلت من الدرج بسرعه تعثرت وطاحت لاكن ماهمها ورجعت قامت لما طلعت من البنايه شافت مره وجنبها رجال والرجال شايل طفل عمره تقريباً ست شهور قالت بشهقه ونفسها رايح )أخوي تكفى وين الصيدلية ؟.
(ردلها بأستغراب من حالتها):عسى ماشر أختي .
(بكت بقهر وقالت):ماعندي وقت أبوي طايح لوسمحت قولي وين الصيدليه.
(سمعت المره تقول ،محمد دلها حرام عليك ردلها):طيب أختي تمشين من هذا الشارع أخره تلقين صيدليه .
(قالت بسرعه):مشكور (وركضت بسرعه بتجاه هشارع إلي دلها عليه وفعلاً لقت الصيدلية صيدلية{الشفاء}دخلت وقالت بسرعة):أخوي لو سمحت ممكن تجي معي (وشهقت ومسحت دموعها من تحت النقاب لأن صار شوفها مضبضب من دموعها)أبوي عنده قلب والحين طايح ودواه مخلص لو سمحت تعال معي .
(تنح بصوتها وبعيونها الدامعه إلي صارو حمر وأنتبه لنفسه ونزل راسه وقال):أحم أختي مقدر أنا مو تكتور .
(أنين بترجي ):تكفى ماعندك أبو ترى انا مالي غير أبوي لو صار فيه شي وربي أموت أستحلفك بالله تجي ولله ماعندي وقت (وشهقت وقالت)أن صارله شي وربي ماراح اسامحك.
(عورته نبرت صوتها وخصوصن أن مالها أحد غيره خاف من تأنيب الضمير وقال):طيب يالله راح أخذ أدوية القلب لأن ما أعرف وش نوع الحب حقه .
(قالت بسرعة):أنا اعرفها(هي حافظة أسماء علاجاته كلهم حتى حافظة أسم الشركة إلي تصنعها من كثر مو منتبهه له تخاف ياكل علاج غلط او يأثر عليه ).
(أبتسم علخفيف وقال):وش أسمها .
(قالت بسرعة): ال..... و ال..... وال......
(أنذهل شكلها شاطره بلانجليزي خذا الادوية وخذا بعد جهاز فحص السكري والضغط والاشياء إلي تلزمه ،وطلعت هي تمشي وراه وتدله عطريق لين وصلت البنايه دلته على بيتهم ودخل لأن الباب كان مفتوح ،،شاف رجال جالس علكنبه كان شكله حلو ومبين صغير بالعمر بس أنتبه أنه ماسك قلبه ركض بسرعة عليه وعرف أنه من قلبه طلب من أنين تجيب مي ،،تذكرت الاغراض الي جابهم أبوها أكيد جاب مي راحت بسرعه وفعلن لقت قناني مي خذت قنينة وتركت الباقي بره ركضت علمطبخ وخذت كاسة وعبتها مي وودتها للصيدلاني فتح الحبوب وعطاه ياهم وشربه المي وطلع جهاز السكري وفحصة كان السكري نازل
طلب منها تجيب شي حالي طلعت علاغراض واخيراً دخلتهم وفتشت بالاغراض ولقت مربه فراوله وتمر خذتهم ثنينهم وودتهم له وكله تمرتين وخلاه بعد ياكل مربه وشوي شوي رجع طبيعي ،صرخت أنين بفرحة وقالت):يبه حبيبي
(وحظنته وبكت بفرح )حرام عليك يبه خوفتني عليك لاتسويها مره ثانية أنا ما أقدر أعيش بدونك
(طالعها الممرض شكل علاقتها بأبوها قوية كثير ،،شاف أبوها يحظنها ويقول):أسف ياروح أبوك غصبن علي مو بأيدي بس مايصير تطلعين كذا لحالك هزمن يخوف يبنتي .
(ردت عليه بعناد):وش تبيني أسوي أتفرج عليك وأنت تتألم لاولله مقدر وبعدين الصيدلاني ماقصر يبه .
(ألتفت أبو أنين على الصيدلاني وكأنه توه ينتبهله):الله يجزاك خير والله يكثر من أمثالك يولدي.
(أبتسم وقال):أجمعين نشاءلله ماسويت غير الواجب .
(قالت أنين بنفسها عشتو ماكني ظليت أترجى فيه لما هلكني وجأ قال واجب قال).
(أبتسم أبو أنين وقال):ماتقصر إلا وش أسمك؟.
(قال بأحراج):عبدلله .
(ردله ):عاشت الاسامي يعبدلله .
(عبدلله بأبتسامه ):عاشت أيامك (وقام عشان يروح)عن أذنك لازم أرجع الحين .
(أبو أنين وهو ماسكه ):ولله ماتمشي غير لما تقهوى (قال لأنين)روحي حضري القهوة وحطي تمر .
(قالت بقهر ):أبشر يبه (وراحت تجهز القهوة والتمر ).






…………………………………………� �……………………









يتبع...

[فيتامين سي]

تكملت البارت السادس.



ودي على شوفك وقربك ولقياك.

مابيك تتركني عقب مالقيتك.

ياصاحبي في ذمتي ماتعداك.

لوتطلب عيوني تراني عطيتك.


…………………………………………� �………*


(نزلت من الدرج بسرعة وهي تلبس عباتها إلي مطرزة بدانتيل كل عبيها محتشمة ،،تأخرت كثير الحين أمها تقلب الدنيا على راسها) :يربي الله يستر بس الحين تولع فيني.
(قاطعها صوت رعد):وين على خير؟.
(شهقت بخوف وقالت):الله يقطع بليسك خوفتني.
(أطلق ضحكته الجذابة وقال):غريبة شوق تخاف؟
ولله انتي تخوفين ماتخافين ههههههههه.
(قالت بسرعة):ماعندي وقت اهاوشك ابعد ابعد بس.
(مسكها من ايدها وقال بجدية):لحظة لحظة اظن أني سألتك وين بتروحين.
(تنهدت بطفش ):بروح عند أمي الحين خليني اروح ترى ولله تأخرت وامي أكيد معصبة حتى ماتكشخت.
(ابتسم رعد وقال):أمشي بوصلك بسيارتي.
(استانست لأن سواقهم غثيث ):هههه Ok يالله أجل .
(مشو بتجاه الكراج حق السيارات هالمره بياخذها بسيارته الجيب ):تفضلي.
(ردتله):زاد فضلك .(شغل السيارة وحرك وفتحوله الحرس البوابه الكبيرة ،،ألتفت رعد لشوق وقال ):وش تحبين تسمعين؟.
(تذكرت ابوها وقالت):شيلة "ودي أموت اليوم وأعيش باكر ".
(كشر رعد لأختيارها وعرف اختارتها عشان ابوها بس حط عشان مايذكرها شيلة ،،خلك بجنبي لاتخليني):هذي أحسن.
(أبتسمت لأن هشيله بعد تحبها):أخيار موناسب.
(بعد صمت دام خمس دقايق قال رعد):لقيتلك جامعة تناسبك (وشق الأبتسامة).
(ألتفتت عليه بسرعة وقالت بفرحة):من جد وش هي؟؟.
(ماتوقع انها تحمس لهدرجة):احم احمم،،جامعة الأمير سلطان ها شرايك فيها جامعة ماعليها كلام.
(سمعت فيها ومدحوها لها ،،هزت راسها بوافقة ):لا لا حلوة عجبتني خلاص اعتمدت (وطلعت جوالها لازم ترسل لسارة اسم الجامعة عشان تسجل معها بعد مارسلتلها علواتس أب سكرت وزفرت بتعب وقالت):رعد؟.
(ردلها وهو حاس ان في استفسارات ورى نبرتها هذي):متى ناوي تتزوج لاتقول مافكرت ترى منت صغير .
(تعكر مزاجه من هسيره):شوق مامليتي انتي وأمي من هالأسألة خلاص ترى طفشتوني ماني متزوج هالحين طيب(وضرب الستيرن بعصبية).
(قالت بهدوء):منو هي؟.
(وقف قلبه):شتقصدين؟ (والتفت عليها ).
(رفعت حاجب وعدلت نقابها ):إلي تحبها وأنتظرت كل هسنين عشانها وش إلي صبرك ؟؟.
(عصب وصرخ ):كلامك أوهام ويويلك لو سمعته مره ثانية .(وكان توه واصل عند بيت عمه عبدالرحمن وقف بسرعة وقالها تنزل).
(نزلت وهي تضرب رجلها بالأرض مستحيل أحد يقدر يتناقش معه ،،ومحد يقدر ياخذ منه لا حق ولا باطل):طيب طيب لاتعصب مع السلامة (وسكرت الباب بقوة،،وفاتت داخل بيت أخوها ،،ضغطت علجرس خمس رنات ورى بعض فتحتلها هند بسرعة وصرخت بفرحة وحظنتها حيل ).
(هند بوناسة):تو مانور البيت هلا بعمتي الغالية ولله فديتك أرمي عباتك ونقابك مافي أحد.
(شوق وهي تفصخ النقاب والعبات):عسى أمي مو معصبة.
(هند كتمت ضحكتها ):ولله يعني مو كثير.
(عضت أصبعها بتوتر):هذا إلي كنت خايفة منه أسمعي تدرين شلون بسوي نفسي تعبانة وانتي ناديها الحين عساس أرتفع عندي الضغط.
(ضحكت هند وقالت):Ok ولله نفسي نسوي أكشن يالله طيحي ،،بس أن صار خطأ ولا خلل مالي دخل .
(شوق هزت راسها وقالت):طيب طيب بس روحي ناديها.
(وفعلاً طيحت نفسها ونثرت شعرها وكتمت ضحكتها ومثلت انها مغما عليها ،،كلها كم دقيقة وجت أمها تركض وتقول):يمه بنتي وش فيها ،،شوق حبيبتي وش فيتس (وجت عندها وشوق شوي وتضحك ،،هند كانت حاطة راس شوق بحضنها،،خذت أم عبدالرحمن كاسة مي وكبتها كلها فوش شوق ،،،وطبعن شوق شهقت لأن المي فيه ثلج ولأن أمها كبته كلها عليها وأبتلشت قامت تبكي بس طبعن كله تمثيل):أهيي أهيي يما(وطالعت هند يعني ساعديني):جدة موكذا تصحينها .
(قالت ام عبدالرحمن بعصبية وشوق بحضنها):الله ياخذ هالوجه وجهتس نحس عليها ،،،روحي جيبي لها حليب.
(انقهرت هند وقالت):أنشاءلله افف ،،قصدي أبشري.
(صرخت شوق بفجعة لأنها تكره الحليب):وشهو قصدي ،،أهييي أهيي حليب ما أحبه أبي عصير.
(هنا هزت راسها أم عبدالرحمن نافية هشي):لا لا ماتشربين غير حليب ولله .



{عائلة أبو فهد }


أبو فهد(عبدالرحمن):رجل أعمال مشهور عنده شركات بكل دول العالم له هيبته وكلمته مسموعة
بس حنون وطيب ويحب يساعد المحتاجين
عمره(65).

أم فهد(سعاد):أنسانه طماعه وتحب القيل والقال والفلوس أمها وأبوها تموت فطلعات ومدشره عيالها لو البيت يحترق ماتدري عنه همها نفسها ووناستها وغيرها بطقاق.

فهد:حبوب وطيب وماعليه كلام يموت فرهف ومايرفضلها طلب وأذا عصب مايهديه غير رهف ويغار عليها يشتغل مع أبوه ،،طويل حنطي عيونه عاديه لونهم بني غامق شعره عادي عمره (34)سنة.




نواف:هذا السوسه مغازلجي خطير ماعنده حيا يموت فشي أسمه بنات زير النساء شابك مع نص بنات الرياض ومو ناوي يعقل طبعن أبوه مايعرف عن بلاويه طويل ومعضل شعره كثيف يرجعه لورا عيونه واسعات لونهم عسلي ابتسامته أحد اسباب جذب البنات له عمره (25)سنة.


هند:هذا داهية العيلة وأن خططت أستحالة تفشل خطتها ذكيه وتلقطها عطاير وسياسية محد يقدر يقنع أبوها غيرها وهي الغاليه عليه ،، شعرها اشقر وعيونها لونهم أخضر على خوالها وشفايفها عاديات طولها حلو نوعاً ما ،وابتسامتها عادية بختصار جمالها عادي يعني عمرها(18).



مرام:هذي تقصف جبهات بطريقة بارعة ومرجوجة تحب المغامرات وأفلام الأكشن إلي براسها تسويه مثل ماتقول لوتجتمع أمة محمد كلها ماردوني ،شعرها مموج لنص ضهرها تشبه شيلاء سبت بس الفرق شعرها أسود ولها شامه فوق شفايفها عمرها (17).


…………………………………………� �………………*



(نروح عند أنين)



(كانت تحضر القهوة بقهر وتقول داخل نفسها،،ولله شي يقهر الحين هذا نقدره وأنا متت علما جأ معي ولله حالة ،،وبعد ماحطت الفناجيل وخلصت وحطت التمر ،،ودته بحكم أن أبوها مريض مايقدر يجي ياخذ القهوة):تفضل يبه .
(خذا الدفاية عبدلله وصار يصب ،وهي مشت لغرفتها كلها ربع ساعة وسمعت أبوها يناديها،،راحت له بسرعة لأنه أكيد راح ):سم يبه.
(أبتسملها وقال):سم الله عدوك ، تعالي أجلسي جنبي.
(جلست جنبه وهي مشتاقتله ،،هو أصلن لو يغيب عنها ثانية تشتاق له):يبه بكره شراح نسوي.
(تنهد وقال):ببدأ دوام بشركه لأن المفروض أروح اليوم بس أعتذرت ،،، وبعد بودي أوراقك للجامعة.
(ردت أنين وكلامه مو عاجبها):يبه وشهو تروح أنت تعبان مولازم .
(قام وهو يمشي بتعب):لا أنا قلت كلمة لازم أكون عند كلمتي ،، ويالله بروح أنا لأني متكسر وأنتي بعد نامي لاتضلين صاحيه.
(هزت راسها بالموافقة):طيب يبه تصبح على خير.
(دخلت غرفتها وراحت عسريرها وشالت سحابة وحظنتها وبدت تشكيلها ):أخخ يسحابة اليوم طاح علي أبوي للحظه فكرت أني راح أخسره ،، ماظلي أحد غيره وربي لو يصير شي له أموت ماتتصورين شكثر أحبه ،، بس إلي مضايقني يسحابة أنه يبي يروح الشركة بكره تخيلي وهو تعبان مايصير يروح ،،ولله خايفه عليه (وتنهدت بتعب) احس أني مخنوقه ولله مو قادره أعيش هنا مو قادره...هالمدينه مو حقي ..


.....

[فيتامين سي]

البارت السابع



أذكرك وأقول ذي دنيا وذا طبع الأبن آدم
ياحلو صبح الطمأنينة بعد لليل المخافة

ودي أندم بس ماني على فرقاك نادم
وودي أتحسف بس ماعلى مثلك حسافة


الشاعر/محمد جار الله


…………………………………………� �…………………*



(عند بيت أبو عبدالرحمن)



(قاعده تشرب الحليب وهي مغصوبة):يمه ولله ما احبه تكفين ترى معد أجيكم .
(ضربتها بالعصى حقها وقالت):أش يملا الوجع إلي يوجع عدوتس يملعونت أبو جدف ،، هالحليب(وأشرت على كاسة الحليب إلي بأيد شوق)بتشربينه وأنتي خوش بنت تفهمين .
(ضحكت هند بشماته ):ههه خممخخخخمممخ(وحاولت تكتمها)أحم ههههخخخخممم ،، أحم أستغفرلله .
(طالعتها أم عبدالرحمن بنظره صاروخيه وقالت):وأنتي يعلتس بلي ماني بقايله ،،وجهتس يقطع الرزق ،، ولله كنه مفطح .
(هنا ضحكت مرام إلي كانت داخله ولابسه برمودا جيشي وبلوزه سودا مرسوم عليها ميكي ماوس):هههههههههه ولله يجده أنك جبتيها.
(ضربتها أم عبدالرحمن بنعلها …ونتم بكرامة…وقالت):لاهلا ولا مرحبا..ماني بجدتس يقليلة الحيا ،،لابارك الله فيتس ولا بمن جابتس.
(شهقت مرام وقالت):نعم نعم نعم(وتخوصرت وصارت تهز رجلها)جده لو سمحتي تشتميني عادي ،، أما تشتمين أمي فلا وألف لا.
(عصبت أم عبدالرحمن وقالت):وجتن توجعتس
ولله بشتمها وبشتمها أم الخلاقين ،،ولله سرسرية وماتستحي وتيسة ،،ويالله روحي قوليلها ،،بس ماقول غير حسافة أمتس هدايحة خذت ولدي شيخ الرجاجيل .
(فطست ضحك شوق وقالت):مرام يرحم والديك لاتعصبين أمي أسكتي أحسلك وبعدين ليه ماتسلمين علي ماني عمتك .
(جتها مرام وحظنتها وهي مقهورة من جدتها ):أنا أصلن كنت جاية أسلم عليك قومي نطلع فلحوش
أحسن .
(أبتسمت شوق وقامت بسرعة لأنها تبي تنحاش وأذا ظلت قاعدة بتكمل الحليب):يالله اليوم بنام عندكم هههههه.
(وفعلن طلعن بعد مناوشات مع أم عبدالرحمن وكملن سهرتهن ).



…………………………………………� �………………*





(نروح عند رعد)



(كان قاعد علمرجوحة بحوش فلتهم
ويطالع لسماء قطع عليه سرحانه عبدالعزيز لما جلس جنبه وقال):تفكر بوشو؟؟.
(جاوبه رعد بدون لايدري):فيها.
(ألتفت عليه عبدالعزيز وضحك):الله يرعد صاير تحب وأنا أخر من يعلم.
(ردله بسرعة ):وش بلاك أنا أقصد أفكر بشوق لأنها صايرة حساسة بزيادة صايرة تسرح وكئيبة مهي مثل أول.
(رفع راسه عبدالعزيز لنجوم وقال):أنت ماتعرف أن بهشهر توفا جدي :'( .
(أنصدم رعد شلون نسي صح هي كل مايمر هشهر تصير حزينة):صح شلون راحت عن بالي ،،الله يرحمك يجدي .
(عبدالعزيز بحزن):آمين يرب،، إلا صحيح وش أخبار فيصل؟؟.
(أبتسم رعد وقال):أبد ماعليه يسلم.
(ضحك عبدالعزيز وقال):الله يسلمه ولله له وحشه (وسكتو شوي وقال)دري مشتاق لبيتنا إلي بالحفر ومشتاق ل....
(ألتفت عليه رعد بسرعة وهو خايف من الأسم إلي بيقوله ).
(كمل عبدالعزيز بتنهيده):ولأنين .
(حس ببراكين تغلي داخله ):ماعلينا الحين لازم أروح أنام عندي أشغال بكره .
(أستغرب من أنفعاله بس فسره أنه متضايق عشان شوق وقام هو بعد ينام لأنه متكسر ).



…………………………………………� �……………………*

ياغايب عن عيوني...خاطري يطريك~
في كل لحظة عيونك كيف بنساها$





(عند بيت أبو أنين)



(صحت أنين وهي تحس بنشاط قامت وتوضت وصلت الفجر وقرت الأذكار ... قامت عشان تشوف أبوها لقته يقرأ قرآن ..راحت تحضر الفطور ولما خلصت لقت أبوها مخلص نادته وجلسو يفطرون عطاوله بالمطبخ ..سألته أنين):متى بتروح يبه؟؟.
(قالها وهو يغسل أدينه):هالحين اروح تبين شي.
(أبتسمت وقالت):لا أبد سالامتك مو ناقصني شي .
(خبرها عشان تتجهز):ترى اليوم باخذك السوق تجهزي عساعة 7 بنمشي.
(أستانست ):طيب يالغالي .
(وصارت تعزل البيت.. وأبوها طلع عشركة ،،وقف عند بوابة الشركة وطالع الشركة ضخمة وعالية وتصميمها راقي وفخم راح يتعب وهو ينظف فيها ،،دخل البوابة ومع كل خطوه يدق قلبه ،،دخل ولقى عمال يشتغلون وموظفين ماينعدون من كثرهم ،،سأل واحد من الموظفين):لوسمحت أخوي وين ألقى مكتب الأستاذ فيصل (ال......)
(ردله الموظف بسرعة):بالدور الخامس .
(تنهد ومسح وجهه بيده وقال ):هذي البلشة دخل المصعد وكبس رقم 5،،شوي وفتح المصعد مشى بتجاه المكتب لقى سكرتير سأله ،، ):لوسمحت أبي أقابل الأستاذ فيصل.
(طالعه السكرتير وقال):حجزت موعد ولا لا.
(مايدري وش يقوله ):صراحه ما اعرف بس أنا الفراش الجديد.
(هز راسه ،، فيصل وصاه انه يدخله بدون موعد):هلا فيك تفضل.
(وأشرله علغرفه بابها بني منقوش بذهبي ،،طق الباب ودخل ):السلام عليكم
(رفع راسه فيصل وأبتسم عرفه لأنه ينتضره أصلن وقف ومد يده وصافحه):وعليكم السلام هلا ومرحبا ،، شلونك أخبارك .
(أبو أنين بأبتسامة على ترحيبه):بخير الله يسلمك أنت شلونك؟.
(فيصل بهدوء):طيب طاب حالك ،، خل ندخل بالموضوع متى حاب تداوم.
(أبو أنين وهو متوتر مايدري شلون بيبدأ مايدري شغله نفس المستشفى ولا غير):صراحة اليوم حاب أشوف شلون الشغل وكذا وبكره أنشاءلله أبدأ دوام.
(هز راسه بالموافقه فيصل):طيب على راحتك الحين بخلي عبدالوهاب يعلمك عشغل،بنسبة للبيت حاب أشتريه منك.
(أبو أنين بوناسه):وأنا موافق.
(فصيل براحة ):خلاص اليوم بشتريه منك
(أبو أنين):على خير.
(وأتصل على عبد الوهاب وثواني وعبدالوهاب عنده علمه عشغل ،، ارتاح لأن الشغل بشركه بآلات حديثه مثل السياره )



(عائلة فيصل)


أبو فيصل (حسان):دكتور له مستشفى كبير
طيب وحنون ومايرفض لعياله طلب عمره 65 .

أم فيصل(منيرة):حنونه كثير على عيالها وتحبهم كثير ومالها دخل بالمشاكل ربت منزل عمرها(46).

فيصل:طويل حنطاوي عيونة عسلية ومدورات شعره اسود عادي معضل جماله بدوي أصيل انفه سلة سيف طيب وذكي ياقف معك بوقت الشده يحب الخير لناس ومايحب المشاكل عمره (28)صديق رعد الروح بروح من لما كانو بصف ثالث ثنوي.

ختام:مافي أطيب من قلبها تنحب بسرعه وتحب تساعد الناس مالها دخل بالمشاكل فيها خفه دم ورجة وفيها هدوء بيضة وشعرها اسود لنص ضهرها وناعم عيونها زرق واسعات شفايفها منفوخة بس حلوة تدويرة وجهها تجنن جسمها مليان ويخرفن ومتوسطة الطول عمرها (20)
أدب أنجليزي.

نوف:شخصيتها قوية وتنحب ودمها خفيف حنطية ولون عيونها اسود وناعسة ووسيعة قصيرة شعرها اسود وطويل وجهها مدور عمرها (17).


…………………………………………� �……………*

هيهات لو تدري.... عن الحال هيهات...قلب (ن)
جريح وضحكت(ن )مستعاره ...


(عند رعد)

(كان قاعد يعدل شماغه بخ من عطره …البدور …يعشق هالعطر حيل ،،جاه أتصال من فيصل رد بسرعه ):هلا فيصل .
(ضحك فيصل):هلابك زود ،،أبشرك جأ أبو أنين وقال أنه اليوم بيشوف شلون الشغل ،وبنسبة للبيت اليوم بشتريه منه.


………………………*

[فيتامين سي]

(عناد قلبي)


البارت الثامن

لاصرت بايعني أشوفك على خير..

مع السلامة دام مابه سلامة..

قلت أنتهينا قلت لك خير ياطير..

ماني بأول شخص يخسر غرامه..




الشاعر/محمد جار الله




(ضحك فيصل ):هلابك،،أبشرك جأ أبو أنين وقال أنه بيشوف الشغل شلون،،وبنسبة للبيت اليوم بشتريه منه .
(ولع رعد وقال):أنا كم مره قلتلك لاتقول أبو أنين قول عبدلله بس .
(لحد الأن فيصل مستغرب عصبية رعد):أوف أوف لهدرجه حريص عليه ،،يبن الحلال هدي خلاص ولا يهمك عبدلله .
(قال بعد ماهدء):أااه ،،أستغفر الله،،طيب ترى حولتلك حق البيت مليونين ونص.
(فيص بتنهيده):أبشر ،،يالله مع السلامة.
(قال وهو ينسف شماغه):مع السلامة
(سكر من فيصل وهو يفكر وش هي خطوته الثانية وشلون ينفذها ،،مشى لدرج حق التسريحة وخذا مفتاح سيارته {المرسيدس}وطلع وهو يمشي برزه،،نزل من الدرج وشاف أمه وعبدالعزيز قاعدين يفطرون أبتسم لهم):صباح الخير.
(أم رعد +عبدالعزيز):هلا صباح النور.
(سحب الكرسي وجلس على راس الطاوله ):أممم منو مسوي الفطور أكيد الغالية.
(أبتسمت أم رعد وقالت بحب):يابعد عيني ،،أيه أنا إلي مسويته جعله هني وعافيه .
(عبدالعزيز وهو مسوي نفسه زعلان):الله لنا بس (وتكتف وهو يناظر السقف).
(ضحك رعد وقال):يدلوع ترى مافي شي بسقف هههههه
(أم رعد وهي مستانسة على لمة عيالها):أصلن عزوزي مكانته بالقلب محفوظه .
(ضحك بسرعه وقام باس راسها):فديت القلب وراعيته.
(رعد وهو يبوس يده وجه وقفى):الحمدلله والشكر يعني ماتفداها غير بس أذا مدحتك (ورفع حاجب وقال)أبوك يالمصلحة.
(عبدالعزيز وهو يمثل الغرور):أعوذ بالله أنا ما اعرف للمصلحة طريق أنا عبدالعزيز ..عبدالعزيز .
(بهلحظة نزل سيف يبكي وصراخه واصل للظالين):وااااااااع شوق وينك.
(قامت أم رعد وشالته):يابعد قلبي الحين تجي شوق لاتبكي.
(ألتفت رعد لأمه):لايمه شوق عند بيت عمي عبدالرحمن امس وصلتها .
(قالت بقهر):أووف من شوق تطلع بدون لاتخبر أحد.
(قال سيف ببكى):ولله أنها صرصورة خلتني هنا وااااااع.
(فطس ضحك عزيز وقال):هههههه أيه بالله أنها صرصورة وبريعصي بعد ولاتزعل الحين تفطر وأخذك عليها.
(قال سيف بعدم تصديق وهو يمسح دموعه):من جدك.
(عبدالعزيز بستهبال):لامن جدتي ههههه.
(رعد بتحذير):دير،بالك تسرع.
(باس عزيز راس رعد وقال):أبشر من عيوني.
(قعد ياكل سيف بسرعه ، وقام وركض عدرج لما وصل غرفته إلي مخصصينها له وطلع له بنطرون أبيض وبلوزة زرقا مكتوب عليها بلانجليزي وكاب وجوتي(ونتم بكرامه)رياضي ونزل بسرعة ،،كان عزيز واقف عند باب البيت ولابس بنطرون جينز وقميص أبيض مبرز عضلاته ،،مسك يد سيف وطل وفتح باب سيارته وركب سيف ورى وربطله حزام الأمان وركب وشغل السيارة ،،وحط شيلة (واتسبدي)وصلو بسرعة لأن عزيز ماقصر بسرعة نزل وفتح الباب حق سيف ):يالله أنزل.
(نزل سيف وهو يتمايل من السرعه):خالي ليه الأرض تدور .
(كتم ضحكته عبدالعزيز):لا يتهيألك تعال خلني أشيلك (وفعلاً شاله لين ماوصل الباب ونزله ،،رن الجرس 6 رنات وبعدها فتحتله الشغاله (نانا) ).
(نانا بعصبية):وشو إينتي مافي صبري شويا كلو رين رين ،،أينتا نفر مره أيزئاج(أزعاج).
(سيف بضحكة):خالي نانا تقول أنت مزعج هههه ههههه ليش ماتطقها.
(نانا بفرحة):سيوفي هبيبا(حبيبي)أينتي يجي هينا،،تألي تألي(تعال) .
(وجت تبي تشيله بس سيف تخبى ورى عبد العزيز ):ويع ما أحبك أنتي ريحتك خايسة.
(ضحك عبدالعزيز لأن سيف أخذ حقه من دون لايتدخل):خليه عندي،،يالله سويلي طريق عشان بمر .
(نانل وهي زعلانة):أنا مافي معلوم أينتي سوي(وراحت وهي تمشي بقهر).
(ألتفت عزيز لسيف وقال):أقول وأنا خالك وش رايك تسويلي طريق بدال هسودا .
(ضحك سيف بطفولية):طيب الحين أشوف(وفات داخل مالقى أحد بصاله جأ يبي ينادي عزيز ولا مرام نازله،، كانت لابسة بجامة لونها سماوي مرسوم عليها ،،همتارو،،وشعرها تاركته وطالعه كيوت ،طالع فيها سيف وقال):عمه لاتطلعين لأن خالي عزيز برى يالله أصعدي فوق عشان أناديه.
(قالت بعدم مبالاة):أيه طيب (وبعد ما استوعبت شقال صرخت وقالت)ااااااء تمزح عزوزي برى (وصفقت)يافرحتك يامرام.
(ناظرها بستغراب):أنتي تحبين خالي(قالها بصدمه).
(بعد ما أنتبهت شقالت)لااا(وضربت جبينها)أنا وش خبصت ،،أحم أقصد ،ليه جأ كان ظل بالبيت أحسن ياكرهي له (يقال أنها ترقع).
(مشت كذبتها على سيف):أيه خلاص وهو بعد مايحبك بس بسرعه أطلعي فوق(قالها بطفش وهو يتكتف ويمد بوزه ).
(ناظرته بنص عين):عشتوا يالخكري من متى صاير عندك غيره على محارمك هههههاي (قالتها بسخريه وصعدت الدرج على غرفتها).
(ركض سيف وكأنه ماصدق أنها راحت ،،وقال ببراءة):خالو خلاص مافي أحد ،،طردت مرام ههها شفت صح انا بطل :-) .
(مات من الضحك):يابعد خالك انت بطل الابطال(وشال الكاب ولعب بشعر سيف ورجعه،،
دخل وهو يتنحنح عالي أحتياط يمكن يكون فيه أحد ،وجلس بصاله ):شكله الكل نايم بس أبي أعرف وين هدايح نواف.
(قال سيف وهو مستانس أنه فيه احد يناقشه):ما أدري بس ولله يخالي انه فار،،يكلم بنات صح عيب يكلم بنات غير هند ومرام؟؟ .
(بلع ريقه عبدالعزيز وقال):هاا هههههه أيه مبلا عيب(وقال بصوت ناصي)والله منت هين يالبزر.
(سيف بفهاوة):قلت شي خالي.
(عزيز ببتستامة):لا لا ماقلت شي .(ماحس ولا أم عبدالرحمن نازله من الدرج وبيدها اليمين عصاها تتكي عليها ،،ناظرت فيصل وصارت تهلي فيه بفرحة):هلاا ولله بالغالي ولد الغالية هلا بالي مايسأل عن جدته .
(قام بسرعه وباس راسها وسندها لما وصلها الكنبه وجلسها وجلس جنبها):المهلي مايولي ياجده،السموحة منك يالغاليه بس أنشغلت شوي ولا ماعاش إلي مايسأل عنك.
(أبتسمت أم عبدالرحمن لأن عزيز حيل غالي عليها ):الله يعزك ،،شلونك أخبارك وشلون أمك ورعد.
(عزيز بهدوء):ولله كلهم بخير ماعليهم يسلمون عليك .
(ردت عليه بتنهيده):الله يسلمهم متريق(فاطر) ولا أقول لمنا تسويلك .
(عزيز بستغراب):وش منته هذي بعد!!.
(قالت بقهر):الشغاله من بعد،،الله ياخذها تسان ماهي غاثتني.
(كتم ضحكته):ههخمممهخخخهمممهههه أحم قصدك نانا أيه عرفتها (قال بعد ماتذكر وش قالتله)أيه ولله يجده ولله أنها غثه ونشبه بس ماعلينا منها أنا متريق من زمان ،بس أبي أسألك نواف وينه .
(قالت بعصبيه وكأنها توها تتذكر):هداشر مدري وين يذلف مع سرابيته بس الشرهه موعليه على أمه ذي الخبله إلي ماتعرف تربي(24)ساعه برى البيت أكيد طالع على على أمه خبل مثلها.
(ماقدر أنه يحبس ضحكته أطلقها وهو يقهقه):هههههههههههههه جده هههههههههه وربي أنك فله ههههههه ااه يبطني هههههه يربااه.
(ضحكت ام عبدالرحمن ):يابعد تسبدي هضحكه عسا دوم مو يوم .
(قال بعد ماسيطر على ضحكته):يدوم نبضك ،أجل أنا بمشي.
(قالت بسرعه):ولله ماتروح لما تغدى.
(كانت مرام واقفه عند الدرج تسمع نطت بفرحه لما سمعت جدتها حلفت عليه مايروح ).
(عبدالعزيز وهو ماوده يظل):لايجده ليه حلفتي.
(أم عبدالرحمن):وليه ان شاءلله ، توك جيت وبسرعه تبي تروح .
(عبدالعزيز بقهر):خلاص أبشري بظل هنا.




(عند شوق كان بحضنها سيف):يابعد قلبي امس وين نمت؟؟ .
(سيف وهو زعلان ويعاتبها):نمت بسريرك وأنتي ماخذيتيني معك ليه هاا.
(حضنته حيل):فديت الغالي أسفه ولله كنت باخذك بس أنت نمت.
(قال بسرعة):طيب المره الجايه ماراح أنام وتاخذيني قولي أيه.
(ضحكت شوق بفرحة):أيه ههههه من عيوني كم سيوف عندي أنا.
(سيف بغرور):واحد وحلو ورجال وبطل ههههه.
(هند بصراخ وهي تبعد البطانيه عنها ):ااوف ماتخلون أحد ينام وش هلأزعاج من الصبح.
(شوق برجة):نامي نامي بس ،ياغيوره وربي أن جيتك لأكوفنك وأخليك عبره لمن يعتبر.
(سيف بحماس):أيه أيه شوق قومي أضربيها مثل ماسوا جون سينا بشيمس ههه.
(قالت وهي ترتب شعرها):وأنت ماعندك تفاهم كله ضرب، وبعدين منهو جون سينا وشيمسمس هذا .
(سيف بصراخ):أسمه شيمس مو شيمسمس هذولا مصارعين أقوياء لهم عضلات كثيره وأنا بصير مثلهم عشان الناس تخاف مني (قالها بحالمية).
(ضربت راسه علخفيف):عزلله ماتخذت القدوه الحسنه ،حلمك بعيد قوم قوم بس.
…………………………………………� �……*




دافنين أحزاننا تحت الوسايد

مانبي هناس تعرف من جرحنا

ويوم صرنا نكتب أبيات وقصايد

بان حس الشوق فينا ونفضحنا...

(للأمانه منقول)


(نروح عند أنين)









(كانت مجهزه الغدا بس تنتظر أبوها وفعلاً عساعه (4)العصر طق الباب ،فتحت بسرعه وباست راسه):هلا يبه .
(أبو أنين):هلابك أكثر ،الغدا جاهز؟؟.
(ردت وهي تاخذ عقاله وشماغه):أيه جاهز ثواني واحطه ،(علقت شماغه وعقاله بتعلاقه إلي بغرفت أبوها وراحت تحط الغدا ، كانت فرحانه المواعين جديده وحلوه حطت كاستين عصير منجا ونادت أبوها جلسو عطاوله ،، طبعاً أول مرة ياكلون عطاوله):ما شاء الله مقلوبه.
(كانت متقصده تسوي مقلوبه لأن أبوها يحبها):أيه سويتها عشانك.
(قال بحب لوحيدته):على شانك يابعد ابوك،(وسمو بالله وبلشوا ياكلون بعد ماخلصو قام أبو أنين وقال):رحت علجامعه وماشاءلله كبيره وحلوه وراقيه.
(أنين وهي تشيل الصحون):بس يمكن مايقبلوني يعن..
(قاطعها وهو متفائل):لا راح يقبلونك أن شاء الله لأن معدلك (98)يالله أروح أخذلي غفوه وبعدها نروح السوق.
(ردتله بأبتسامة):حاضر يالغالي (راح ينام وهي جلست تنظف المطبخ ولما خلصت كنست الصاله وبعدها راحت لغرفتها ،،ماتدر شلون أسواق الرياض بس على حسب علمها أنها حلوه وكبيره ..لازم تشتري لبس للجامعة الأن لبسها يفشل أن شاء الله أشياء كثيره لازم تشتريها عساعه (5)قعد أبوها كان جالس بصاله):صح النوم.
(أبتسم لها):صح بدنك ،باقي ساعتين ونروح.
(قالت بحماس):أيه وأنا جاهز(وسكتت شوي)صح شلون الشغل يبه.
(قالت بسعادة):حيل عجبني ومريح يعني مافي تعب مثل المستشفى وفيه عمال كثير وأنا بحكم سني عطوني أسهل شغل.
(قالت براحه لأنها كانت خايفة عليه):الحمدلله أهم شي راحتك ،بس يبه لو مأجلين روحتنا لسوق لأنك ما أستلمت المعاش.
(قال وهو مو منتبه ):لا اليوم بعت البيت لصاحب الشركه بقيمة مليونين ونص مبلغ كبير توقعته يشتريه بنص مليون مو بمليونين ونص.
(عورها قلبها بس سوت نفسها فرحانة):ماشاءالله الحمدلله مبلغ بيكفينا وزياده(وأبتسمت مواساة لنفسها عشان لاتخرب فرحة أبوها يمكن خيره وان شاء الله الله يعوضها تنهدت وقامت تسوي شي أو كيكه تسليهم أو بالأحرى تنسيها وجعهاسوت كيكة الشوكولاه خذت الوصفه من صديقتها (غرام)لما كانت بثاني ثنوي كانت شاطره بالحلا وكانت كل يوم تسوي صنف وتجي تضوقهم وتعلمت كثير أصناف منها قعدت تخبط فيها ودخلتها الفرن إلي كان جنب الثلاجة حطته على درجة حرارة (180)وخلته وطلعت برتقال عشان تسوي عصير والحلو انه فيه خلاط كانت دايم تستعير خلاط جارتهم أم طلال ، أشتاقتلها كثير الله كريم مصير الحي يشوف الحي لما خلصت العصير حطت مكعبين ثلج، وخلصت الكيكه قطعتها وحطتها بصحنين وحطت شوكه وعصيرين وخذتهم لصاله مكان ماكان جالس أبوها حطت طاوله صغيره قدامه وحطت صحن كيك وعصير طبيعي):تفضل قلت نتسلا شوي.
(مسك الشوكة بس تذكر أنه عنده سكري مايقدر ياكل شي حالي):عاشت أيدك.
(عرفت أنه مايقدر ياكل شي حالي):عاشت أيامك يالغالي ،ترى ماحطيت سكر يعني مهي حاليه الكيكه.
(عصر يده بوجع صارت تحرم نفسها من أشياء تحبها عشانه ،،كله وهو مو حاس بطعم الأكل إلي ياكله مو لأن مافيه سكر لا لأن وحيدته موحاسه من هي صغيره وهي حارمه نفسها اشياء كثيره كانو الصغار يلعبون وهي تنظف كانو اذا نجحو بمعدل(65)يسوولهم حفله ماصارت وهي تجي بمعدل (99)حفلتها كانت بوسة فخر على جبينها من أبوها هذي حياتها تنهد وقال ):المفروض تحطين سكر لأن أنا ما أكل حلا كثير.
(قالت برضى):لايبه عادي بعدين أنا حطيت بالعصير سكر يكفي ،وكذا أحسن لازم أحافظ على صحتي.
(ماقدر يبتسم يعرفها تقول كذا بس عشان تقنعه):على راحتك يعمري يالله خلصي بسرعه الساعه قربت تصير (7)(صارت تاكل بسرعة لما خلصت خذت الصحون وحطتهم بالمطبخ وغسلتهم وركضت على غرفتها ولبست عباتها والجوتي حقها وراحت لأبوها كان لابس غتره ودشداشه وطالع كشخه قال بمزح):حرام عليك يبه الحين البنات بيموتن ويصيرن يرقمنك هههه.
(ضحك معها وقال):هههههه يرقمن شايب.
(قالت أنين بمرح):لاولله إلا شيخ الشباب يابعد عيني.
(مسك يدها من هي صغيره وهو يمسك يدها بعينه راح تظل طفله ماتكبر):يالله مشينا(طلعو ومشو لشارع الرئيسي ووقفو تكسي وركبو قال أبو أنين لسايق ياخذهم لأحسن سوق برياض وفعلاً خذاهم بس (لمول)مو سوق لما نزلو دخلو المول أندهشت أنين ماكانت متخيله أن أسواقهم حلوه كذا سحبها أبوها لأول محل شافوه كان كبير وحلو ومزدحم شوي تركها أبوها وقال):أنا راح انتظرك هنا لما تخلصين عشان تاخذين راحتك.
(هذا إلي كانت تبيه):طيب (وراحت تشوف الملابس أحتارت ماتدري وش تلبس كل شي احلا من الثاني راحت علبلايز والقمصان خذت مقاسها كم بلوزه عجبتها وكم قميص بس المشكله وش راح تلبس للجامعة مدت يدها بتاخذ قميص أبيض بس في يد غيرها أنمدت بتاخذه بعد،التفتت ولا بنت منقبه تركت القميص):أحم أسافة خوذيه.
(قالتلها البنت):لاخلاص أنتي خوذيه.
(أعترضت أنين):لا أنا كنت باخذ للجامعه بس مدري وش البس..
(قالت البنت وهو مبتسمة):وش رايك أساعدك لأن أنا بعد بشتري للجامعة.
(مارفضت ،لأن جتها من الله):ايه ولله ياريت يا....
(ضحكت وقالت):ختام .
(قالت بوناسة):عاشت الأسامي (ومدت يدها)وأنا أنين.
(صافحتها ختام):عاشت أيامك يالله أجل خل نبدأ.
(خذت لها قميص ولأنين قميص):طبعن اللبس عباره عن قميص أبيض وتنوره سودا وناخذ بعد كالون شفاف(هيلا هوب) تحت التنوره.
(سألتها أنين ):بس عيب ألبس قصير مايصر البس طويلة.
(ضحكت ختام على عفويتها):لا بعدين القصير أكشخ .
(هزت راسها ):أمم طيب ،صح أنتي بأي جامعة.
(ختام وهي مندمجة تدور تنورة مقاسها):جامعة الأمير سلطان.
(لفت عليها أنين بصدمه):تمزحين ،،أنا بعد قدمت اوراقي هناك .
(وقفت ختام وإلتفتت لها):مستحيل،،يعني أنتي بنفس جامعتي يسلام(وحظنتها)يزين هصدفه ،وربي كنت ماكله هم لأني ما أعرف أحد هناك.
(أنين بتأييد):وأنا بعد يالله بنصير صديقات ههه.
(ختام بسعادة):أيه ولله خلينا نكمل (لما خلصو كل شي)تعالي نحاسب.
(قالت بسرعة):لحظة بنادي أبوي (راحت تناديه ولا هو واقف يسولف مع مع رجال غريب أحتارت تناديه ولا عيب تقاطعهم استغربت هذا مبين عمره بالعشرين واضح من شكله انه غني ماعندها وقت ماعندها وقت لازم تناديه تأخرت على ختام راحت عنده وقالت):يبه خلصت.
(ألتفت عليها أبوها وقال):عن أذنك.
(الرجال وعيونه على انين):أذنك معك.
(دخل عشان يحاسب وختام كانت مخلصه قالت ختام):أنين لاتقولين أن هذا أبوك.
(أنين بأستغراب):أيه ليه؟؟ .
(قالت وهي تمثل الهيام):وااه بس يخقق أنا توقعت شايب مكسرات سنونه.
(ضحكت أنين):ههههههه هي تراه أبوي.
(ختام بنص عين):أدري بعدين أنا بس حبيت أبدي رأيي لا أكثر ولا أقل .
(أنين ببتسامة):أمزح معك تدرين اتمنى لو يكون عندي أخت .
(ختام بستغراب):ليش ماعندك خوات ولا خوان.
(أنين بغصه ):لأ امي توفت وعمر خمس سنين.
(أنقهرت وتمنت لو ما سألتها):الله يرحمها كلنا ماشين على هطريق وأعتبريني أختك من هالحضة.
(أنين بفرح) :وأنتي أختي ولله بس شلون بعرفك بالجامعة.
(ختام ):عطيني رقمك.
(قالت بخيبة):ماعندي.
(قالت وفكره خطرتلها):طيب تقدرين تخلين أبوك يوافق أنك تجين معي نفتل بالمحلات.
(ترددت اول شي بس بعدين قالت):طيب لحظة(كان أبوها توه مخلص محاسبة لأنه في زحمة بالمحل):يبه عادي أروح مع صديقتي.
(ما أستوعب أي صديقه إلي طلعت فجأة ):لاطبعاً اي صديقة توك جيتي شلون صارت صديقتك.
(قالت بترجي):يبه عفيه هي بنفس الجامعة إلي بكون فيها .
(للحين ما أقتنع):طيب ناديها (راحت بسرعه وقالت لختام أول شي رفضت وبعدين وافقت راحت وهي مستحية وقالت):هلا عمي أنا ختام.
(طالعها وارتاح خصوصاً أنها محتشمة ومبينة خوش بنت):هلابك زود قالتلي أنين بتروحون ممكن أعرف وين.
(ردت ختام):بنلفلف بعض المحلات وبنرجع تقدر تقعد مع أخوي بكوفي شوب لأن أخوي برا.
(لما سمعها ارتاح نسبة(95)%):طيب بس لا تتأخرون .
(قالت بسرعه ختام):لا لا ماراح نتأخر بس لو سمحت تعال معي عشان تقعد مع اخوي وتتعرفون على بعض.
(راح معها هو وأنين وأنصدم لما شافها توقف جنب ....وتقول):فيصل بنروح انا وصديقتي بنشتري أغراض ممكن تجلس وتتعرف على أبوها.
(ناظر فيصل أبو أنين وأنصدم بعد يعني أخته تعرف أنين):هاا لحظة منوين تعرفينها.
(قالت بعجلة):بعدين أقولك مو وقته الحين أقعدو بكوفي وبس نخلص نجيكم .
(مشى فيصل بتجاه أبو أنين وهو يحاول أنه مايطالع فأنين بس عيونها فتنه ):هلا ولله بأبو أنين غريبة قبل شوي كنت أسولف معك مايمدي صارو صديقات .
(ضحك أبوأنين ):ولله أنا بعد قلت مثلك.
(أنين دق قلبها ما رتاحت لنظراته بس شكل أبوها يعرفة حتى ختام قالت انه يمكن يعرفون بعض):يبه حنا رايحات.
(وقفت لما قال):تعالي لحظة(ومد يده بجيبه وطلع بوكه وسحب (10)آلاف ومهم لها):أبيك تصرفينهن كلهن.
(كانت محتاجة فلوس بس أستحت تطلبه قدامهم والحمدلله هو عطاها)تسلم يالغالي (وخذتهم).
(ختام وهي تناظر فيصل أستغربت مو من عوايده يطالع بنات بهشكل يخلي الواحد غصب يشك فيه):فيصل وين بتجلسون؟؟.
(طالعها فيصل وخاف انها شكت ):هاا بنقعد هنا (وأشر على كوفي هادي وفيه شوية ناس جالسين).
(مسكت ختام يد أنين وقالت):طيب ،يالله أنين (ومشن بتجاه الدرج المتحرك ).
(سألت ختام أنين):كم صارلكم ساكنين برياض.
(أنين كانت خايفة من الدرج ومتوتره بقوة):هاا،،ايه امس جينا كنا ساكنين بالحفر.
(هزت راسها ختام):اهاا احسب لكم كم سنة هنا ،يالله أن شاء الله مع مرور الوقت بفتلك بكل الرياض وأضملك أنك بتحبينها.
(قالت بنفسها ماظنتي ولله ):أن شاء الله.
(شافت ختام محل جوالات ):أنين أبي أشتري جوال وكفر جوالي صارلي سنه ماغيرته وحابه أغيره.
(ضحكت أنين داخل نفسها ،،يحليلها كل سنة تغيره وانا ما أعرف أستخدمه أصلن):طيب يالله.
(دخلن المحل وقعدن يشوفن الجوالات قالت ختام لصاحب المحل):لو سمحت أخوي أبي جوال أيفون(6)إلي نزل جديد.
(خمنت أنين أن الشي إلي سألت عنه ختام هو نوع من الجوالات).
(طلعلها ايفون (6) وطلع له ألوان وكفرات ألتفتت ختام على انين):أنين أبيكِ أنتي تختارينه لي.
(بحياتها ما أختارت لأحد شي):بس ذوقي خايس مو.....
(قاطعتها ختام ):لا بالعكس حاسه أن ذوقك خطير ،،يالله بالله أختاريلي.
(طالع الجوالات عجبها إلي لونه فضي):أمم هذا.
(مثل ماتوقعت ذوقها حلو ):صراحة وبدوم مجامله ذوقك مو حلو،،إلا يجنن عجبني كثير.
(أنين ببتسامة):تسلمين عيونك إلي تجنن.
(قالت لصاحب المحل يركب فيه شريحة وشرت بعد واحد نفسه ،،طبعن أنين أستغربت ماتوقعتها مبذره هالكثر ،أنصدمت لما شافت ختام تمدلها كيس فيه الجوال إلي ختارته).
(قالت بصدمه):هذا لي(وأشرت على نفسها بصدمه).
(ختام ببتسامة):أجل لأبوي أكيد لك خوذيه يالله.
(أنين بعتراض):ماراح أخذه وأصلن ما أعرف أستخدمه.
(فتحت يدها ومسكتها الكيس):حلفت عليك تاخذينه وبعدين هذي هدية مني لك ،وانا راح ألمك عليه لاتتحججين وداخله خط راح اسجلك رقمي عليه وفي كفر بعد.
(ماقدرت تردها حلفت خلاص):طيب بس ذي أخر مره .
(ضحكت ختام):انشوف .











…………………………………………� �……………*








لو الكلام يفيد ...يمكن تكلمت

لاكن عزاي أني على حسن ضني

فهمت متأخر خطاي وتعلمت

كثر أهتمامي فيك ضيعك مني..


(للأمانه منقول)


(نروح عند رعد في الشركة)










(كان جالس بالمكتب يوقع بعض الأوراق والصفقات ،،جته رساله ،،فتح الجوال لقاها من فيصل دخل علواتس ولا فيص كاتبله)
سلام رعد(وفيس مبتسم )
لوتدري مع منو جالس(وفيس مبتسم نص أبتسامه).
(جاه فضول يعرف ارسله):منو.
دقيقتين وفيصل(متصل الأن)
كتب:جالس مع أبو أنين.
(أرسله رعد وهو يحس داخله بركان):لاتكذب.
(شوي ولا فيصل مرسله صورة أبو أنين).
(بغا ينجن لليحنه يذكر أبو أنين ماتغير بس لحيته شابت شوي أرسله على طول ):لحاله؟؟.
(ارسله فيصل):لامع بنته ههههه.
(فقد كل أعصابه طلع من مكتبه وهو ماسك الجوال ولا السكرتير يناديه،صرخ بعصبيه):وش تبي؟؟.
(السكرتيل بخوف لانه يخوف لاعصب):أحم ..عندك أجتماع بعد ربع ساعه والأجتماع مهم طال عمرك .
(ضغط علجوال بقهر وقال):ألغي الأجتماع وأذا ضبط خله بكره (وطلع وسط أستغراب السكرتير لأن رعد أول مره يكلمه بهالأسلوب ،،نزل من الدرج ماعنده ينتظر المصعد ورسل لفيصل أنه يبي مكانهم وين شغل السيارة وأنطلق بأقسى سرعه ،ماتوقع فيصل يقابل أبو أنين من وراه أذا شاف فيصل بيذبحة قعد يخونه ،،طعنه بضهره زاد سرعته يبي يخفف من عصبيته ضرب الستيرن وصار يقول ):أااخخخ مقهور...مقهور..مقهور ،،ليش يصير معي كذا شلون يخونني فيصل ،،صرخ وهو يحس بضيقه تكتمه، يااارب رحمتك.
صفط سيارته على جنب الشارع ونزل وفتح أول زرين من دشداشته ورمى عقاله وشماغه بسياره .
وصار ياخذ شهيق وزفير عشان يرتاح بعد ماهدء شوي ركب سيارته ودور الشريط حق ماهر المعيقيلي _وهو يقرأ سورة الرحمن.شغله وعلا الصوت وحط راسه عستيرن .
كلها كم دقيقه وجواله يرن سحبه من ظيبه بسرعه وطالع ولا فيصل رد بغصب ):يالخاااين ،،شلون سمحت لنفسك تسوي كذا هاا شلون.
(عرف فيصل أن رعد واصل حده من العصبية):رعد وش جاك هدي ترى صدفه إلتقينا.
(ما أهتم لكلامه وسأله وهو يصرخ):أنين وين.
(يموت ويعرف وش سر أهتمامه بأنين):مع أختي.
(دق قلبه ):ليه مع أختك على اي اساس جاوبني بسرعه.
(فيصل وهو يتنهد):تعرفو على بعض مدري شلون وراحو يشترون بعض الأغراض وأنا وأبوها قاعدين بكوفي ننتظرهم يخلصون .
(رص على سنونه):نتفاهم بعدين (وسكر منه وراح للمول الي هم فيه ووقف السيارة بحيث أنه يقدر يشوف إلي يطلع وقعد ينتظرهم).









…………………………………………� �………………*








ياويل قلبي منك ياكثر مغليك.

اغلا من الدنيا ثراها وسماها.

ياويل قلبي منك لاحل طاريك.

أمي وهي أمي تشك بغلاها.

أنسى أسامي الناس وأغلط وأناديك.

قلبي معك كل الأسامي نساها.




(للأمانه منقول)






(نروح عند بيت أبو عبدالرحمن)



(كان نواف توه داخل البيت ولابس شورت أسود وبلوزه بيج ومرجع شعره ورى ،شاف عبدالعزيز وجدته وشوق جالسين بصاله دخل وسلم عليهم):السلام للغالين.
(عبدالعزيز وكأنه ماصدق من الصبح وجدته ماسكته وكل شوي تقول توك جيت ):هلا وغلا وعليكم السلام(وقام حضنه وهمس بأذنه):هلا بالمنقذه.
(قال نواف بستغراب):أي منقذ.
(ضربه رعد وقال):لايخبل قلت هلا بالقنفذ بس أنت ماتسمع زين.
(طنشت نواف بمزاجه):اهاا طيب تطلع نفرفر.
(قالت شوق وهي حاطه رجل على رجل ):وحنا ينواف مالنا رب.
(أبتسم نواف لما شاف شوق لما كانت صغيره كان دوم يكفخها (يضربها)):هلا بعمتي الغالية (وسلم عليها وكان سيف جالس بحضنها ضربه كف ،وسيف دلوع ماتحمل وقام يبكي).
(أم عبدالرحمن بعصبية):جعلها للكسر هاليد ،يداشر أن وسرابيتك .
(تأفأف نواف الحين بتبدأ محاضرتها):هلا بجدتي(وباس راسها)هلا بشمعة الجلاس .(ومسك رعد وسحبه وأنحاش برى).
(شوق كتمت ضحكتها أما أم عبدالرحمن ):هالي مايستحي على وجهه شفتي شلون سحب عزيز ونحاش خليه يجي بس ولله لخلي الخيزرانه ترقص على جنوبه.



...



أسعدوني بتوقعاتكم .... :-)

[فيتامين سي]

(عناد قلبي)


(البارت التاسع)


دام قلبك ورد وأحبابك حجر.
مو ...صعب إلا مستحيل.
لوبكيت من الفجر لين الفجر..
مايرجع شخص ..عاجبه الرحيل .. (للأمانة منقول)





…………………………………………� �……………*





(تكملة عند بيت أبو عبدالرحمن)








(ومسك عبدالعزيز وسحبه ونحاش برى).
(شوق كتمت ضحكتها أما أم عبدالرحمن):هالي مايستحي على وجهه شفتي شلون سحب عبدالعزيز ونحاش خليه يجي بس ولله لخلي الخيزرانة ترقص على جنوبه .
(شوق ماتدري تسكت سيف إلي يبكي ولاتهدي أمها عشان لايرتفع عندها الضغط):أششش سيوفي ماعليك من نواف خبل، يمة هدي يالغالية مهي زينة لك العصبية (ونادت نانا) نانا، نانا،،وينك.
(جت نانا وهي تحلطم ):وشوا ، يبي مدام.
(قالت بسرعة):جيبي عصير ليمون بسرعة.
(هزت راسها نانا وهي تتحلطم):أوك ،،مدام.
(سيف وهو يحرش(يفتن)جدته على نواف):جده شفتي نواف ولله أنه يكلم بنات كثيرات ويحبهن (وشهق من أثر البكى،،وبعدها أبتسم لأنه برد قلبه )
(أم عبد الرحمن وودها تذبح نواف):أعرفه هسربوت تعلمني عليه أدريبه يحبهن كلهن موقلبه مثل " حبة الرمان"مو مثل المشمش حبة وحدة ،،خله يجي وأنا أوريه.
(مرام دخلت وهي متنكده وهي بعد كان ودها تخنق نواف هي كانت مستانسة بعبد العزيز بس نواف خرب كل شي بجيته لعنت حظها ولعنت نواف بعد وقالت):وأنا بعد بوريه ولله لطلع عينه .
(طالعتها شوق بنص عين):وأنتي وش دخلك محد داس لك طرف.
(أختبصت مرام بوهقه وصارت تعدل شعرها وترفعه فوق عساس انها تبعد التوتر وتبين انها طبيعية):هههههه لا أنا كنت ..أأأ..أقصد سيف يعني حرام هههه(وبدال لاتكحل العين عمتها).
(قالت شوق وهي كاشفتها من زمان بس تنتظرها تعترف ):أولاً أنتي دايم تكفخين سيف وتستانسين أذا أحد ظربه ..من متى صرتي تدافعين عنه ،، وثانياً وش دراك أن نواف طقه هاا ولا كنتي تسمعين هاا(وغمزت لها يعني كشفتك).
(لعنت مرام شوق هي ناوية تورطها وتكشفها قدام جدتها قالت وهي متنرفزة ):وش تقصدين ماني فاهمه.
(شوق وهي ترفع حواجبها بنذالة):علينا ،، ولله أنك فاهمة أكثر مني بس تستغبين .
(أم عبدالرحمن قاطعتهن):خير أنتي وياها يملا الوجع إلي يوجعكن علامكن تبسبسن .
(كانت بترد شوق على امها بس دخلت نانا أنقذت مرام):هذي منجا مدام.
(طيرت عيونها شوق ):يالحولا قلت لك ليمون تجيبين منجا أنتي تسمعين من خشتك(أنفك).
(نانا بعصبية وهي تبربر):أيس كلام ..أنا مس هولا(شنو هالكلام أنا مو حولا)هذي كلو سوا سوا
(هذا كله مثل بعض).
(كتمت ضحتها مرام بشماته وهي تبي تردها لشوق):ولله مدري منو إلي يبيله عصير ليمون (وميلت شفايفها وتكتفت وحطت رجل فوق رجل ).
(دخلت هند وهي حاطة السماعات بأذنها وتدندن وتغني برومانسية وتحرك أدينها وترجع ورا وقدام مع الكلمات وهي مغمضة عيونها):لوكننن داا حبب يويلي منووا ،،لوكن داا زنبِ متوب عنوو..لوكن داا قرح أعيشش فقرااح أعيشش فقرااح.
(قالت أم عبدالرحمن وهي متنرفزة لأنها ماتحب هالاغاني الجديدة تحب الشيلات ):يعلتس بالجرح إلي يجرحتس،،هذا وأنا أقول هند العاقله .
(هند ما كانت سامعتها ترقص وهايمة وتبتسم وشوق ومرام يتفرجن وهن فاطسات ضحك).















_______________________________________*#

كبر الخطأ ماكل عذرٍ يغطيه..

مثل التعازي ماترد المصيبة!!

أكبر قهر طعنت خوي(ن)تماشيه..

والموت طعنت واحد(ن) تعتزيبه..


(للأمانة منقول)





(نروح عند رعد)


(توهم طلعوا فيصل كان يمشي مع أبو أنين ووراهم بنتين عرفها وشلون مايعرفها يقدر يميزها من بين مليون بنت تنهد ونظراته تلحقها شافها طاحت ، طاح قلبه معها فتح الباب بسرعة يبي يشيلها يبي يقولها "الله الله "ليتني أنا ألي طحت بدالك مو أنتي بس إلي شافه خلاه يجمد مكانه قومها فيصل وأخته وأبوها كان خايف عليها ،،،لا مستحيل مو فيصل إلي لازم يقومها ..هو..هو لازم يقومها ..هي بس له ملكه محد لازم يشاركه فيها. (بس رجع يفكر).. مالازم ينسى انتقامة حبها ماراح يغفر ذنب أمها ..أمها حرمته من أبوه ..بيحرق قلبها مثل ما أمها أحرقت قلبه بياخذ ثار أبوه ...شافها وقفت بألم ركب السيارة بعصبية الدنيا وحركها وهو يفحط ،،هنا رفع عيونه فيصل وهو يبتعد عن أنين وشاف سيارة رعد هو يعرف سيارة فيصل لأنه مخلي لكل سياراته شعار "تاج ملك"من ورى عرقم حق السيارة ).
بس ماتوقعه يجي وهو عنده أجتماع لازم يلحقه ويفهمه مستحيل يخسر صداقة وأخوة رعد مو بنت إلي تفرق بينهم إلتفت عليهم وقال):أنا لازم أروح الحين طلعت عندي شغله ضرورية.
(قالت ختام بسرعة):لحظة وين تروح وتتركني من بياخذني.
(قال وهو ماعنده وقت):أتصلي على شوراي(السواق حقهم)ويجي ياخذكم (وألتفت على أبو أنين وهو متفشل ومو عارف شلون يتعذر منه)أسف يبو أنين بس ولله مستعجل وروحوا مع شوراي هو بيوصلكم.
(قال أبو أنين وهو عاذره ):لاولله لاتعتذر ولا شي أنا وأنين بنروح بتكسي .
(هز راسه معترض وهو يطالع لأنين):لا..لا شوراي بيوصلكم وبعدين أختي ماراح تروح لحالها مع السواق.
(قالت ختام وهي مبتسمة ):أيه ولله يعمي حتى ماشبعت من أنين .
(ضحكت أنين وقالت):حسستيني أني حلاوه.
(أبتسمتلها ختام من تحت النقاب وقالت):ولله أنتي مصنع حلا.
(نزلت راسها بخجل وبعدها لفت لأبوها وقالت):يبه يالله وافق.
(أبتسم وهو يناظرها بحب وهو خلاص وافق مدام أنين طلبته فلازم ينفذ):طيب موافق.
(نقزت أنين بفرحة وحظنت ختام وهي متناسية وجود فيصل):الللله ، بنقعد نسولف بسيارة على راحتنا م..(سكتت لما أنتبهت أن فيصل للحينه موجود وماراح)أأأ...أحم ختام متى يجي السايق.
(ضحكوا كلهم على حركتها وقالت ختام):الحين يجي ولا يهمك هذاني بتصل عليه .
(قال فيصل وهو ماوده يروح):أجل عن أذنكم بمشي أنا .
(أبو أنين+ختام ):أذنك معك (استغرب ليش ماردت أنين بس أصلن شكلها مابلعته ،ضحك ،،بس ولله أنها حلوه ،،يمكن ماردت عشانها مستحية منه،،يووه هو بوش يفكر الحين لازم يفهم رعد..ركب سيارته وحرك بسرعة وطلع جواله وصار يدور أسم رعد كان مسميه (رفيق الدرب) كبس أتصال):توت...توت....توت..(وسكر رعد بوجهه).
(لازم يرد بيفهمه):توت...توو(رد عليه بصوته الجهوري وهو يصرخ ):خير وش تبي هااشتبي خلاص منت خذيتها ...خذيت إلي أبيها ...خذيت إلي أنتظرتها..(ضرب يده على صدره )..خذيت شي يخصني..الحين صارت تحبك أنت...موانا نفس ماكانت ..ذبحتني فيصل ذبحتني..طول عمري أنتظرها وهذا أنت خذيتها بكم يوم بس دخلت قلبها ..(صرخ مره ثانية وهو يسوق السيارة بجنون)أنا أعتمدت عليك لاكنك طعنتني خنت صداقتنا وأخوتنا...من صغري..من صغري(وهمس)أداريها...حتى عبدالعزيز ماكنت أخليه يسولف ويلعب معها تدري ليه؟؟..كنت أبيها بس تسولفلي ما أبي أحد يسمع صوتها غيري ...كنت أراقبها من شباك بيتنا ...جرحتها غصبن علي ..يوم كامل وهي تنتظرني ماتدري أني كنت أنتظر معها ...ماكليت شي ..كنت أطالعها من شباك غرفتي ..ماخليت ولا أحد يطالع من الشباك ...حتى أختي رهف ..بالأخير كنت أبيها تدخل لأن الشمس حرقتها طلعت وقسيت عليها بكلامي (صرخ بندم)ماكنت أكرهها..ولله كنت أكذب على نفسي وأقول..أكرهها..شفتها فاتت وهي تبكي والقزاز جرح رجولها ..تمنيت لو أن القزاز جرح قلبي وقطعه ولا يلمس رجولها ..ما أنكر أن أمها لما ذبحت أبوي حقدت عليها وكرهتها بس كرهي يتحول لحب موكره حقدي يصير عشق..فيصل أعشقها حيل ..أأأأه يفيصل ..تدري لو أقولك أني كنت أزور(الحفر) بدون لحد يدري..كنت أوقف من بعيد أحياناً كنت أظل طول اليوم بس عشان ألمح زولها ...يكفيني أنها بخير..هذي أنيني ..أنين رعد وبس).
(سكت فيصل بصدمه..أستحقر نفسه بهالحضه حيل ..وش قال رعد..مستحيل ..مو صح ..كان شاك أنه يحبها بس الحين تأكد ..مية بالمية ..دايم كان يسرح ..كان دايم يقول أنه عاشق بس رعد كان ينكر..الحين عرف مني معشوقته(أنين) ضرب يده بستيرن..هو شلون سمح لنفسه يطالع لأنين معه حق )...رعد معه حق لما عصب عليه ...ماينكر أنه أعجب بأنين بس خلاص لازم مايفكر فيها مهي له رعد يستاهلها موهو تنهد بوجع الكون كله):رعد..كنت شاك أنك تحبها بس الحين تأكدت..أنك تعشقها مو بس تحبها..ليش خبيت عني هشي ..مو عساس مافي أسرار بيننا ليش ماقلتلي.
(ماقدر يتحمل أكثر وقف السيارة بنص الشارع وبكى مثل الطفل ..معد يقدر يكبت أكثر تعب):فيصللل...أأأخ بس..أغار عليها(وبكى أكثر)أنا بحتفظ بهسر بس لي أنا لأنها لي....بس خلاص ماعاد فيه سر أنكشف كل شي...خذيتها م..
(قاطعه فيصل وهو يصرخ يحس بتأنيب الضمير خلاص بيصلح كل شي):رعد..أسمع ..قعد تتكلم وكأني تزوجتها أصلن مبين أنها تكرهني .
(قال وهو يشهق بس للحينه شاك):شلون يعني طيب ليه خلتك تقومها لما طاحت ليش مادفعتك ...لما قومتها يوم طاحت هاا.
(أبتسم فيصل أول مره يحس أن فيصل طفل قعد يتكلم وكأنه بزر):رعد وش فيك أكيد البنت طاحت ومتألمه ماعندها وقت تقرر أنها ترفض أقومها أو لا .
(قال رعد ورجعتله أبتسامته ):قول ولله.
(ضحك فيصل وقال):ولله ولله ولله هاا صافي يالبن.
(خذا شهيق وزفر براحة وقال):أيه قشطة ياعسل.



يتبع....

[فيتامين سي]

تكمله...


(تنهد فيصل برتياح وقال):الحمدلله ، ولله راحت هيبتك وطي يرعد ، أجل تبكي مثل البزر صراحة صدمتني .
(تعكر مزاجة رعد وقال بحده ):فيصل لو سمحت سكر عالموضوع وكأنك ماسمعت شي أنسى الكلام إلي قلته لك لاتخليني أقلب عليك (وأنتبه أنه موقف بنص الشارع شغل السياره وحرك وابتسم نصف ابتسامة وهو يسمع فيصل يقول):رعد بشوفك وين أنت الحين .
(رد عليه وهو يحس أنه تعبان ماله خلق يشوف أحد يبي يجلس لحاله ويعيد ترتيب حساباته):مو شغلك يالله مع السلامة(وكالعاده سكر بوجهه من دون مايسمع رده ،،وجلس يفكر لازم يبلش من بكره ماعنده وقت لازم مايعتمد على شخص بينفذ هالخطة فيصل ممكن بأي لحظة يخونه مو واثق فيه لسببين عشان القصة إلي صارت قبل كم سنة وثاني شي لانه قعد يعانده أكثر من مره يحذره وقعد يتماده مو ضامنه وصار يلف بذيله بس اذا تمادى اكثر بيقص ذيله ،،أتجه بسيارته لبيتهم وصفطها شكله عبدالعزيز مارجع للحين لأن سيارته مو موجوده ،،مايدري وين يطس هطايش ،،(ضرب جبهته بعد ماتذكر )،يوه نسيت ببيت خالي عبدالرحمن بس مو معقوله للحينه عندهم ،،نزل من السياره بعد مادخلها الكراج وقال للحارس يسكر الباب ،،مشى لداخل الحين أمه لحالها داخل محد عندها فتح الباب بسرعة ودخل الصالة فاضية شلكها بغرفتها نايمة ،،بيتطمن عليها ،،قرب من غرفتها كان مفتوح جزء منه وصوت بكى أمه وهي تنوح خاف يكون صارلها شي جأ يبي يفتح الباب بس سمعها تقو ):ااه يخالد،،تعبانة ليش خليتني ليش،،ليش متت خليتني وتركت عندي ثلث أيتام يبون سندلهم ،،سامحني ماخذيت ثارك أدري بس غصبن علي مو طالع بيدي شي ،،عيالك كبروا رهف تزوجت فهد ولد أخوي عبدالرحمن بس للحينها بحاجتك ولله العظيم تبيك ،،ورعد صار رجال وينشد فيه الضهر عنده شركات وعنده أسهم (وبكت أكثر)واملاك وعبدالعزيز دلوعك ماعقل للحينه طايش بس رعد وراه ،،وقعد يتابعه أدري كنت تتمنى تشوف عزيز بالجامعة وهذي أخر سنة أنا الحين أتمنى لو أنك تحضر حفل تخرجه .....مكانك خالي،،،كلهم لاهين بأشغالهم ،،إلا أنا لاهية بذكراك محتاجة لك(هنا ما قدر رعد يوقف أكثر فتح الباب وشافها حاضنة دشداشة أبوه ...هذي الدشداشة ،،مستحيل يحسب أنها ضاعت او تبخرت اختفت مايدري ..كان ماينام إلا وهو حاضنها ،،أبوه توفى وهو لابس هدشداشة مستحيل ،،يذكر شلون لما صحى وما لقى الدشداشة لما سأل أمه قالت له أنها ماتدري الحين عرف يعني هي خذتها وخبتها عنه ،،رفعت راسها وطالعت فيه وعيونها حمر من كثر مابكت مسحت دموعها بشيلتها وقالت ):هلا يمه جيت.
(قال بهدوء غريب):ليه يمة خبيتي الدشداشة ؟!.
(قالت وهي تنزل راسها وتقول بمرارة):عشانها تذكرني بأبوك ،،كل ماشفتها بحضنك كنت أتعذب ،،كنت كل ماجيت بالليل أغطيك أحس أبوك يعاتبني عشاني ماخذيت بثاره ،، كنت أقدر أخذ بثاره بس كنتم صغار اااه بس أذا صارلي شي اعرفكم راح تتبهدلون تضيعون لحالكم ماقدرت أرميها هذي الي بقى من ريحة ابوك كل ماشتقت ولاضاق صدري طلعت هدشداشة وضميتها بالكي تطفي هنار الي بقلبي هشوق إل..
(قاطعها وهو يضمها بسرعة وباس راسها وقال):وغلاتك ،،وغلاتك يالغالية لأخذ بثاره ،،ما أكون رعد أذا ماخذيت بثارك يالغالي وربي دمك مايروح هدر لاخليهم يبكون دم بدال الدموع ولله لخليهم يتمنون الموت .
(أبعدته بفجعة ومسكت دشداشة وصارت تهزه كان وجهه أحمر من العصبية):رعد!!..وش تقول أنت؟ .
(ردلها وهو يطالع بعيونها بأصرار):إلي سمعتيه يمه .
(نفس عيون أبوه بضبط نفس الحده الشموخ العصبية الهدوء كل شي):أنا ماسمعت شي ،،لأنك ماراح تسوي شي.
(مسك أدينها وباسهم وبعدها نزلهم بحضنها وقام ):تصبحين على خير يالغالية.
(نادته وهي للحينها خايفة تعرف رعد مايرجع بكلمته ):رعد يمة طمني قولي أنك تمزح لاتخوفني.
(لف عليها وأبتسم وهو يطمنها):يمه مو هالحين لسى باقي وقت تطمني (وطلع قبل لايسمع شي بعد ).
(زفرت بضيق يرب عسى أنه بس كلام ،،الله يستر بس،،،وقامت عشان تصلي ركعتين وبعدين تنام).


















_________________________________________$






وذا لعيون متابعيني ولا تزعلون وان شاء الله بكره بينزل بارت فيه اكشنات مو اكشن لعيونكم
وش عندي غير متابعيني فديتكم بس لاتزعلون مني .



دمتم بحفظ الله أحبتي.
:-)

[فيتامين سي]

(عناد قلبي)


(البارت العاشر)





ماتكتمل الرجولة بجرح أنثى..


ولا تكتمل الأثنوثة بمليون رجال ....

(للأمانة منقول)







(نروح عند عبدالعزيز ونواف)





(جالسين بكوفي ومندمجين مع أغنية حسين الجسمي وتبقالي تنهد عبدالعزيزو قال):أخبارك بعد ؟.
(ضحك نواف وهو يشرب كوكتيل فواكة):أممم هذاني قدامك ماعلي ولله بخير ، أنت أخبارك البنات يسألن عنك هههههههه حرام عليك مقاطعهن .
(عقد حواجبه بنرفزه من طاريهن):خلهن يذلفن ماني فاضيلهن (وشرب من الكبتشينو).
(فطس ضحك):ولله أنك ماتعرف أصلن هن يوسعن الصدر أنت لاتضايقت بس كلمهن وبس تروح ضيقتك طنشهن وسو إلي تبي.
(تأفأف عبدالعزيز بقهر من كلام نواف):خلنا منهن طالعين نتونس تكدرني بطاريهن ليه.
(أستغرب نواف شكله فيه شي مضايقة ):وش فيك أحسك متضايق.
(تنهد عبدالعزيز وهو يشتت نظره عن عيون نواف):لا يتهيألك مافيني شي.

(عدل جلسته نواف وقال بجديه):ماتقدر تضحك علي أعرفك أكثر من نفسك قولي لاتكابر وش مضايقك.
(قبل لايتكلم دق جواله كانت شوق المتصله رد عليها وهو يبتسم كأنها قدامه):هلا ؟.
(شوق وهي تسكت سيف):سيوف لحظة، هلابك زود عزوز أسمع أتصلت على رهف تبيني أجيب سيف لأنه ماتقدر تجي تاخذه مشغوله وأبيك توديه .
(أبتسم عبدالعزيز):طيب ليه خليه ينام عندكم وبكره أوديه حبكت الحين تأخر الوقت الساعه (11) .
(قالت شوق وهي متنرفزه):مهو من سمع صوتها صار يبكي وكأنه توه يتذكر أن عنده أم يربي عزيز عشاني الحين وش أسوي مقدر أرسله مع السواق لحاله.
(طالع عبدالعزيز بنواف):طيب الحين يجي نواف و ياخذه.
(طالع نواف بصدمه وقال):هيي عزيز لاتكذب ،ماراح أروح.
(قال عبدالعزيز وهو ينهي المكالمة):يلا الحين الحين ، هذا نواف قام.
(شوق بضحكة لأن تعرف عبدالعزيز راح يغصب نواف):ههههه طيب يالخبل مع السلامة .
(سكر عبدالعزيز وهو يسمع نواف يقول وهو متكتف ويناظر فيه بتحدي):نشوف منو إلي راح يروح.
(ضحك عزيز وقال وهو ماله خلق شي) :بالله نواف قوم وده بعدين أنت عمه وأصلن أنت رايح رايح للبيت يع...
(قاطعة جوال نواف وهو يرن قال نواف بوهقه):عزوز ، أسمع بروح بس تخلصني من هالنشبة تكفى .
(قال بستنكار):أي نشبه .
(مدله الجوال وقال بسرعة):وحده تتصل علي قولها أن نواف مو موجود أومسافر أي شي المهم تخلصني منها .
(خذا الجوال ورد):هلا ؟.
(الطرف الثاني بدلع):فوفي أشتقت لك ليه مترد على أتصالاتي.
(كتم ضحكته وقال برسميه):عفواً أختي منو أنتي؟.
(قالت وهي مصدومة):فوفي وش فيك أنا حبيبتك هدهد ماعرفتني.
(فطس ضحك وقال برسميه):هدهد كان صرتي طاووس مره وحده ههههههه وأنا وش عرفني فيك.
(قالت بنرفزه ):أنت مو فوفي صح وين فوفي؟.

(قال وهو رافع حاجب):ياخي ترى أقرفتيه فوفك هذا وقسم أقرفتيه وش فيك خلي عندك كرامة وأستحي على دمك ولا تتصلين .
(قالت وهي شوي وتبكي):مالك دخل فيني هو شكالك أصلن هو قالي أنه يحبني.
(مسك أعصابه قبل لاتفلت وطالع نواف بلوم):أختي وش أسمك.
(قالت بسرعة):هدى أسمي هدى نواف يعرفني ولله.
(قال بصوت واطي ):ولله منتي والهدى (بعدين قال بصوت واضح)أسمعيني يهدى ترى نواف ولد خالي ويكذب عليك ولله منتي أول ولا أخر وحده يكلمها فالذالك حافظي على نفسك وعلى سمعتك ترى البنت مثل الزجاج أذا أنخدش مايتصلح لاتوثقين بشاب يكلمك ومافي صلة بينكم ولاهو خاطبك ولاشي نصيحة من أخوك حرام عليك تغضبين ربك وتخونين ثقة أهلك .
(قالت بعبره):ومن قال أن عندي أهل ، أهلي ماتوا ماتوا(وسكرت الخط).
(نزل الجوال بصدمه شوي شوي وطالع نواف وقال):نواف هي ماعندها أهل ؟.

(قال نواف بعدم مبالاة وهو يمد يده عشان يعطيه الجوال عزيز:أيه ،عطني الجوال.
(أنجن شلون كذا أي قلب عنده قام بعصبية من الطاولة ومسك نواف من بلوزته وصار يهزه ):يحقير وش ذنبها تبي تعذبها فوق عذابها ماكفوك البنات إلي لعبت عليهن (عطاه بكس قوي وطيحة علأرض ورد قومه وصار يصرخ عليه )لمتى بتظل كذا هااه خاف ربك في بنات الناس.
(قال نواف وهو متألم من البكس إلي جاه على بطنه):ااخخ عزيز وش فيك هدي خليني أفه...
(سكته بكف وهو مولع ):وش تفهم وش تقول هاا خليت فيها تفاهم أذا ماترضاها على خواتك لا ترضاها على بنات الناس(ودفه علأرض).
(قال نواف بألم):عزيز تضربني عشان بنت رخيصة اخخ (وحط يده على فكه وصار يحركه يمين ويسار بوجع).
(تنفس عبدالعزيز وهو معصب راح يرتكب فيه جريمة لازم يعرف قصة هالبنت ):قوم لازم أعرف قصة هالبنت شلون تعرفت عليها ؟.
(ناظره نواف بصدمه وقام ونفض ملابسه ):مو من جدك ؟!.
(عبدالعزيز وهي واصله معه ):وقسمن بالله أن ماقلتلي الحين لأخليك عبره لمن يعتبر.
(تنهد نواف وأشر لطاولة إلي كانوا جالسين عليها عشان يجلس زفر عبدالعزيز بضيق وجلس وقال):أخلص علي يالله تكلم .
(جلس نواف وشرب من الكوكتيل وقال):طيب بتكلم القصة مرة كعادتي كنت زهقان وقعدت أخبص بالارقام وأتصل ، يا يطلعلي شايب ، ياعجوز يامره ، ياورع ،يارجال،وأخر مرة يوم يأست طلعت بنت صوتها يجنن .
(قالت ):الو.
(قلتلها ):هذا رقم سلطان.
(قالت):لا أخوي غلطان.
وسكرت صرت كل شوي أتصل عليها وهي تهاوشني وتسكر وتميت كذا وحلفت أجيب راسها لأن مو نواف إلي يتسكر بوجهه وينرفض ، كانت ماتعطيني وجه ومرات تخلي الجوال يومين مغلق عشان ما أتصل عليها ، فلما طفشت من كثر ما أزعجها بأتصالاتي ردت وقالتلي وش تبي فيني ، هنا وصلت للي أبي .
(قلت لها برومامنسية):أحبك.
طبعن أنجنت البنت وعصبت وقالتلي عيب عليك لاعاد تتصل وبعد رجعت أتصل ومره عمره صارت تكلمني وبعدها تشكيلي وأقعد أخفف عنها وأواسيها ، وأتغزل فيها وهي كانت اول شي تهاوشني بعدين صار عادي عندها وبعدين صارت هي تكلمني وتتغزل فيني ، وكلعاده مليت منها وصارت مثلها مثل غيرها من البنات الباقيات وتركتها وهي تتصل علي وما أرد وأزعجتني وهذي هي قبل شوي أتصلت وأنت كلمتها وبنسبة لأهلها إلي أعرفه أنهم ميتين وين ساكنة وعند منو مدري ولا مرة سألتها بس كانت تشكيلي من عمتها أنها تضربها وتهينها وولد عمتها وبنتها مدري شيسوون فيها وبس.
(ظل ساكت عبدالعزيز وهو يسمع كلام نواف بعدها طالع فيه وقال ):عطني رقمها (وأعطى نواف جواله).
(دور بالارقام ولقاها بأسم "النشبة"وأعطى عبدالعزيز الرقم ):هههههه وربي راح تنشبلك نصيحة لاتكلمها .
(ناظره عبدالعزيز بستحقار وقام عنه وهو يتوجه لسيارته):لاتنسى سيف وديه لرهف .
(تأفأف نواف ودفع أحساب وهو بعد توجه لسيارته وهو منزعج لأن هالخبلة هدى خربت عليه جوه وعكرت مزاجه وانضرب بسببها صعد السيارة وشغلها ودور بالأغاني إلي عنده ولقى أغنية (ذهب ذهب ،،لوليد الشامي) محد يروقه غير هالاغنية ودخانه طلع ولاعة وسيجاره وولعها وصار يدخن )









__________________________________________#
__________________________________________#
(نروح عند أبو أنين )




القى صعب وأحساسك غفير

والضروف تردني خلف وشقى..

وأن بغيت الصدق يالحلم الأخير

هو متى وجه القى يلقى لقى،،،

(للأمانة منقول)






(توهم كانو واصلين البيت قالت أنين وهي مستانسة وشايلة أكياس كثيرة):الله ماني مصدقة يبه كل هالاغراض لي (وحطتهم علأرض بحذر).
(كان مستانس لفرحتها):تستاهلين أكثر ياروحي .
(باست راسه وقالت وهي تطالع فيه ):تستاهل العافية يالغالي ، يالله عن أذنك بروح أرتب أغراضي .
(أبتسم لها ):أذنك معك حبيبتي.
(شالت الأكياس وراحت غرفتها ورمت عبايتها وشيلتها ونقابها وصارت تفتح الأكياس وتطلع الأغراض منه ،ياااه كل هالأشياء لها طلعت فستان نيلي عليه دانتيل أبيض لنص الساق لازم تجربه الحين للحينها مصدومة دخلت الحمام (ونتم بكرامة) ولبسته وطلعت وقفت قدام المرايه وناظرت نفسها وأنهبلت طالع خرافي عليها من فوق ضيق للخصر ومن تحت منفوش صارت تنطز فيه بفرحة فلت شعرها وأنسدل بنعومة دورت بالأكياس وطلعت كعب لونه أبيض لبسته وصارت تمشي بس كل شوي تطيح يوه مو متعوده عليه أهم شي تحقق حلم من أحلامهاوصار عندها كعوب صح ينقصها شوية مسكره وحمره وبلشر اممم ختام شرتلها دورت بعد فالأكياس ولقت علبة المكياج حطت حمره طبيعية ومسكرة شوي وبلشر طبيعي وناظرت نفسها طالعة تخقق هذي هي مو مستوعبه جابت شعرها عجنب وأبتسمت وصارت تفتل مره يمين ومره يسار، أفجعتها رنة الجرس غريبه منو جأ فهلوقت ركضت عصاله مالقت أبوها فصخت الكعب ومسكته بيدها مو قادره تمشي فيه شكله أبوها إلي يدق الجرس فتحت الباب وناظرت بشخص إلي قدامها بصدمة وهو ماكان أقل منها صدمة ).
(قالت بفجعة ):يعلك بالخير (وسكرت الباب وأستندت عليه وهي تتنفس بصعوبة وقالت لنفسها يافضيحتك ياأنين رحتي فيها ).
(أما هو مبلم للحينه أستحالة تكون بشر إلي فتحتله هذي ملاك مو مصدق يبيله كف عشان يصحى قال بعد ما أستوعب الموقف ):أحم، أختي لو سمحتي وين أبو أنين .
(فتحت عيونها بصدمه هذا للحينة برا يويلي بس قالت وهي متوتره ):أبوي أحم يعني أبو أنين إلي هو أنا يووه قصدي أنا بنته أنين (ضربت جبهتها وش خبصت)أبوي مو هنا روح الحين يعني مو روح أقصد بس يجي أبوي أنت تعال.
(كتم ضحكته وهو وش يدريه متى يجي قال بصوت هادي):علعموم أختي قوليله عبدالله يسلم عليك أنا بس حبيت أتطمن عليه وأشوف أذا محتاجين شي .
(قالت وهي مستحية توها تذكرته الصيدلاني عبدلله):أيه أخوي الله يسلمك ومشكور ماتقصر مو محتاجين شي الحمدلله .
(هز راسه وقال ):أجل يالله مع السلامة(وطالع الباب شوي وتمنى لو يشوفها بعدها نزل من الدرج ).
(تنفست أنين براحة بس للحينها مستغربة أبوها وينه راحت تشوفه دخلت غرفته مالقته وينه ها يمكنه يتروش بحمام(ونتم بكرامة)الصالة وفعلاً كان صوت المي مسموع تتطمنت ،بس فشله طردت الرجال وأبوها طلع موجود يالله ماكانت تدري،، بس شكله أبوها ماسمع صوت الجرس من صوت المي رجعت غرفتها وغيرت ملابسها ببجامة لونها أحمر وأسود مريحة وطالعة حلوه عليها ربطت شعرها بربطة حمره بعد ومسحت المكياج والحين لازم تنام عشان تصحى بدري بكره اليوم تأخرت حيل بنوم وبس ترجع بكره راح ترتب الأغراض دخلت فراشها ياي دافي تغطت وحطت لعبتها سحابة بحظنها وقالت ):تخيلي يسحابة ، اليوم تعرفت على بنت مره حبوبة أسمها ختام تجنن ولله وشرينا أغراض كثيره بحياتي كلها ماشريت مثلها (وقالت وهي متحمسة)وبكرة أول يوم بالجامعة وربي وناسة (وطالعت بسحابة وقالت )أممم بس مكذب عليك خايفة ومتوترة وظمتها أكثر وتنهدت وغطت عيونها وأستسلمت لنوم)







دمتم بحفظ الله
:-*
....

[em esoos]

تسلمين مرجوجه شكل الروايه حلوه. ةبيها اكشن. بس. نعرف السبب. الىي يخلي رعد ينتقم من انين وايش عملت امها فيهم. واخلا موقف. اللي هو عبد العزيز من تضارب مع نواف عشان هدهد اقصد طاووس ههههههعه هدى ما رضي بالغلط تسلمين فبتامين. سي الورده عالنقل. والمجهود الراءع

[فيتامين سي]

عناد قلبي


(البارت الحادي عشر)




تدري وش أخر ماكتبته ولا جاك.

ولا ادري بعد يوصلك ولا كذالك.

أنا رغم بعدك وصدك وفرقاك.

ماصرت أدور شخص أحبه بدالك.

(للأمانة منقول)







(عند رعد )





مو قادر ينام قبل لاينفذ إلي براسة سحب جواله وأتصل على شخص راح ينفذ خطته كله كم رنه ورد ):الو
(رعد بصوت جهوري):هلا (.......)شلونك أخبارك معك رعد خالد(ال....).
(الطرف الثاني بترحيب):هلا طال عمرك بخير الحمدلله أنت شلونك.
(رعد وهو بس يبي يخلص):بخير بخير أبي منك خدمه وأن نفذتها ومشى كل شي تمام ومثل ما أبي تطلب المبلغ إلي تبيه ها وش قلت.
(أبتسم بمكر وقال):أبشر بالي تبي بس وش تبيني اسوي.
(رجع شعره ورى وقال):ابيك ت.....................
(فتح عيونه بصدمه):لا لا ما أقدر صعب حيل .
(قال وهو يغريه):شوف جتك فرصه من العمر لاترفسها لك (50)ألف ريال وش قلت.
(فكر بتوتر من جد هذي فرصه من العمر ):اوك متى تبيني أنفذ الخطه .
(هز راسه وهو مستسانس):بكره ،بس أسمع أذا أنمسكت لا اعرفك ولا تعرفني .
(قال وهو خايف):أجل يمكن انمسك وقتها بخسر كل شي.
(قال رعد وهو حاسبها):لا لا تخاف انا بعطيك مبلغ يكفيك طول العمر .
(ضحك بوناسة ):خلاص تم يالله مع السلامة.
(رعد وهو رافع حاجب):مع السلامة.
(تنهد مايدري إلي راح يسويه صح ولا خطأ بس لازم يضحي مايهمه لازم ينتقم ،لبس بجامه مريحة ونزل تحت دخل المطبخ وطلع من الثلاجه لبن وصبه بكوب (قلاص، كاسه)وشربه دفعه وحده حط الكوب على الطاوله ونقل نظره بانحاء المطبخ ،عبدالعزيز للحين ماجأ الساعة1 مو من عوايده يتأخر هالكثر طلع من المطبخ وأتجه لصاله وولع اليت وانصدم لما شاف عبدالعزيز نايم بصاله وحتى مافصخ حذيانه(وانتم بكرامه )أتجه له وحاول يصحيه ):عزيز ،عزيز،يولد أصحى ،.
(تقلب عبدالعزيز وهو منزعج):نعسان نعسان خلوني أنام ماصارت ترى.
(لعب بشعره وقال):ليش نايم هنا ها.
(عصب عبدالعزيز):كيفي كيفي بنام هنا خير فيه شي يعني.
(قام رعد وهو يضحك وجاب لحاف ولحفة وفصخ حذيانه (وأنتم بكرامة) وطلع عشان ينام)













________________________________________#








(في الصباح عند بيت أبو فيصل)






ياعظيمة ماعلى البوح أعتراض.

لاتلوميني على شان الحنين.

تشبهين بروعتك جو الرياض.

كل أبوكم فالمشاعر رايقين.

(للأمانة منقول)








(قعدت ختام بسرعة ودخلت الحمام (وأنتم بكرامة)وتروشت بسرعة وطلعت،فتحت خزانتها وطلعت قميص أبيض وتنوره سودة لركبه وتحتها كالون شفااف لبستهم وشغلت الأستشوار وأستشورت شعرها وبرمته من قدام طلعت مكياجها وحطت كريم أساس وأي لاينر وحمره حمره وبلشر برونزي ومسكره وطلع أكسسوارات لبست حلق على شكل هلال وطوق مكتوب فيه أسمها كان هدية من فيصل بعيد ميلادها لما خلصت خذت عباتها ونقابها وشيلتها وشنطتها ونزلت كانت نوف جالسة عطاولة وتاكل كورن فلكس وجنبها أمها قالت ببتسامة):صباح الخير.
(طالعتها نوف وردت):صباح الجامعة ^_^ .
(كشرت ختام وقالت):أيه خلصت من هم المدرسة وأنتي باقي لك يمسكينه (ورفعت حواجبها بلعانه).
(قالت أم فيصل):أصبحن أصبحن.
(قالت نوف+ختام):أصبحنا وأصبح الملك لله .
(جلست ختام تفطر وقتها ونزل فيصل وهو يضبط شماغه):صباح الورد للغالين .
(أبتسمن كلهن وردن ):صباح النور.
(قعد فيصل ومد يده وخذا توست ودهنها بمربا البرتقال وقال):ها خوخه جاهزه.
(طالعته ختام وقالت بتوتر):هو أنا جاهزه بس خايفة مدري وربي أحس يعني شي صعب.
(ضحك فيصل وقال):لا لا خلك هادية وأصلن الجامعة وناسة وبعدين أنتي لقيتي صديقة صح ولا لا .
(تنهدت ختام وقالت):أممم أيه .
(قالت نوف بستغراب):أي صديقة شسالفة ؟.
(فيصل وهو يقوم):سالفة طويلة بعدين تعرفين ، يالله خوخه مشينا أنين معنا؟ .
(هزت راسها نافيه):لا ماقلتلها.
(تنهد وقال):أتصلي عليها وقولي لها تجي معنا .
(قالت بفرحه):الله ، طيب (وطلعت جوالها من شنطتها إلي من ديور أسم أنين وأتصلت).











_________________________________________#




(نروح عند أنين )




يا عاجلك أنا قتلني أجلك
صبري بحر وأنتي تعديتي مداه

وين الغريب أن قلتلك محتاجلك

وأنتي ضرورة من ضرورات الحياة

(للأمانة منقول)

(كانت جاهزه ومتحمسة عكس ختام وتنتظر أبوها يخلص فطوره عشان يوصلها الجامعة خوفها صوت جوالها إلي يرن طلعته من شنطتها وكان رقم ختام ردت ببتسامة):هلا ختوم.
(ختام بفرحه):هلابك زود ياقلبي ،بتروحين معي يالله أنزلي تحت .
(قالت أنين وهي مصدومة):أ أ أشلون وأبوي.
(قالت ختام ببساطة):عادي قوليله بروح مع ختام مافيها شي.
(قالت بسرعة):لحظة(ودخلت المطبخ وقالت لأبوها)يبه ختام بتمرني عشان نروح علجامعة عادي أروح.
(بالأول كان راح يرفض بس لما شاف أبتسامتها قال):طيب حبيبتي
(ركضت عليه وحظنته وباست راسه):الله لايحرمني منك.
(ضحك وقال):ولا منك يروح أبوك.
(فتحت باب الشقة ونزلت بسرعة وشافت سيارة واقفة قدام باب البناية نزلت ختام شباك السيارة وقالت):أرحبي.
(ضحكت أنين وفتحت باب السيارة وركبت كانت ختام راكبة جنب فيصل ):السلام عليكم.
(ختام +فيصل):وعليكم السلام.
(ختام لفت عليها):شلونك يحلوه.
(أبتسمت من تحت النقاب وقالت بصوت واطي):بخير.
(حرك السيارة فيصل وهو يطالعها من المرات إلي كان مركزها عليها قالت ختام وهي تشوف مطعم ماك):فيصل وقف نبي فطور بالله.
(ضحك فيصل وقال):أبشري ووصفط السيارة عجنب ونزل ودخل المطعم وبعد ربع ساعة طلع وبيده كيسين وعصيرين طبيعي وركب السيارة وناول ختام الأكياس والعصاير وقال لها)خذي .
(خذتهم ختام وحطتهم بحضنها ماراح تعطي أنين غير لما يوصلون لأنها راح تحرجها أذا أعطتها قدام فيصل ،كلها ربع ساعة ووصلوا الجامعة نزلت أنين وهي تطالع الجامعة ماشاءلله كبيره حيل وحلوه مو مصدقه أهها وأخيراً صارت جامعة ماحست غير بيد ختام تمسك يدها وتسحبها لداخل البوابة):يالله مشينا.
(أبتسمت أنين بفرحة ):ختام الحين وين نروح .
(ختام وهي تشوف طاولات وكراسي عند الكفتيريا):أممم الحين ياقلبي بنرمي عباياتنا وبعدها بنجلس نفطر هناك(وأشرت علكفتيريا)ماراح نشتري لأن معنا فطورنا وبعدها نروح على الدكتورات والمشرفات عشان نشوف الجدول ونتعرف عليهن ويعلمننا عالجامعة والمباني ويعطننا كتب عن النظام والمواد وكذا .
(هزت راسها أنين وأتجهن لعند شجره كبيره عشان يرمن عبيهن رمت ختام عباتها وقالت):يالله بسرعة أرمي عباتك.
(طالعتها أنين ماشاءلله جميلة فصخت عباتها وشيلتها ونقابها أشهقت وقالت )ماشاءلله ماشاءلله بسم لله عليك من العين أنين وقسم أنك فتنه أنا البنت خقيت عليك وشلون الرجال.
(ضحكت بخجل وهي ترتب شعرها إلي تاركته مسدول على ضهرها ):لا مو لهدرجة.
(قالت ختام وهي تصرخ):أنطمي يالبنت الحلال أنا لو أني أبوك ما أخليك تطلعين من البيت ولا أمس أشترتلك مكياج أثاريك منت بحاجة .
(سحبتها أنين ):ماعلينا أمشي أمشي جوعانة وما فطرت .
(جلسن عطاوله وطلعت الوجبات والعصاير وحطتهم عطاوله وصارن ياكلن ).
(بنفسالمكان بس عند شوق وسارة):تعالي نطلب أكل ميته جوع .
(شوق تضبط أساورها):أممم يالله وهند هي راح تجينا.
(قعدن على الكراسي بعد ماطلبن أكل قالت ساره بهمس):ناظري البنتين إلي جالسات ماشاءالله شعر هذي إلي معطيتنا ظهرها طويل وقسم يجنن وأسود حيل أظن أنه صبغة.
(لفت ظهرها شوق وناظرت وقالت):ألعب يخرب بيت العدو ودي أشوف شكلها.
(ضحكت سارة):أركدي أقول.
(قامت شوق وأتجهت لطاولت البنتين وهي تسمع سارة تقول تعالي يالمجنونةشوق لاتفضحينا ):السلام عليكم.
(البنتين):وعليكم السلام يهلا؟.
(شوق ببتسامة):ممكن نتعرف ونصير صديقات ؟.
(قالت بنت):أيه ولو عادي أنا ختام وهذي أنين.
(ناظرت أنين وقالت ):ماشاءلله الله يحفظك يخقه وأنا أسمي شوق وهذيك (وأشرت على سارة)صديقتي ساره مستحية تجي تسلم هع هع أعذرنها خبلة ماعليها شرهه.
(ضحكن وقالت أنين):نادنها وتعالن أجلسن معنا.
(شوق ماصدقت خبر راحت بسرعة وسحبت الأكياس حق الفطور وسحبت سارة قالت):سارة هذي ختام وهذي أنين يالله أجلسي .
(قالت سارة بفشلة):مرحبا.
(البنات):هلا ولله.
(قالت ختام):وش تخصصكن.
(شوق+سارة ):أدب أنجليزي .
(ضحكت أنين):الله نفسنا يعني راح نكون مع بعض وناسة


يتبع...