03-04-20, 02:20 PM
| #52 | |||||||
| كاتبة بمنتدى الروايات المنقولة 
|  (البارت 20) (عند أنين ) الطاري الواضح على ملامحك ، لا تحسب انه مر فـ البال وطرى ! . لو العمر يرجع ورى .. بسامحك ، بس العمر بالذات ما يرجع ورى . (مـعلومات عنها كل شي يخصها مسجل هنا مستحيل رعد شلون قدر يعرف هـ المعلومات عنها شلون جابهم خافت انه يجيها هو مثل الجوكر فجأة يطلع ، سكرت الصندوق ورجعته مكانة وسكرت الدولاب وتنفست بـَ عمق متى وش النهاية يا رعد وش؟ تبي تنزل تحت بس خايفة لاتشوف أم رعد وتسمعها كلام مثل السم تـ جلس هنا أحسن لها ، انسدحت عـ السرير وقامت فجأة مثل المقروصة ، هذي غرفة رعد شلون تـ نام فيها تذكرت شوق ليش ماتتصل فيها وتخليها تجي ، دورت عن رقمها بـ جهات الاتصال كانت مسجلتها "شواقه " ظل يرن لين مافصل رجعت تتصل مرة ثانية واخيراً جاها صوت شوق وهي تقول ): هي مرام خلي كيكتي لاتاكلينها كليتي حصتك خلاص . (أبتسمت وقالت ): وينك أنتي ؟. (قالت شوق وهي تاكل من الكيكة إلي سوتها هند ): بـ بيت عبدالرحمن عند هند ومرام ليه ؟. (قالت بـ طفش ): أنا فـ بيتكم رعد جابني . (قالت بفهاوة ): الله يعني أنتي برا عند الباب ؟ . (قالت أنين بزهق ): شوق وش فيك أنا فـ بيت رعد مو عندكم . (ضربت جبهتها وقالت ): هاا أحسب عندنا عـ العموم شوي وأجي روحي على جناحي . (قالت بحيرة ): انا بـ جناح رعد وين جناحك . (قالت بأستهبال ): أنكسر الحين مقدر أطير ككككك سماجة صح شسمة جناحي يا طويلة العمر تـ طلعين من جناح رعد تشوفين ممر طويل اخر الممر على اليمين جناحي يالله طيري . (سكرت منها وحطت الجوال بـ جيبها وفـ تحت باب جناح رعد وهي تطالع لـ صاله والمطبخ التحضيري امممم حلوة ولله سكرت الباب وهي تلفت يمين ويسار تخاف لاتطلع بوجهها أم رعد شافت الممر لونه أحمر على أخضر غامق مشت وفعلاً شافت غرفة شوق والباب وردي تذكرت غرفتها بالبيت إلي أستأجره أبوها مالحقت تتهنى فيها أصلن دخلت الغرفة وكانت حيل ناعمة وحلوة صالون صغير وملموم بكنب وردي غامق ومخدة على شكل كرسي وشكلها مريحة مطبخ صغير مع ثلاجة صغيرة دخلت الباب الثاني شافت سرير كبير بالوسط لونه أبيض ووردي وفيه ألعاب كثيرة طرت ببالها سحابة تندمت أنها ماجابتها ناظت بـ التسريحة والدولاب كلهم زهري والجدار لونه وردي فاتح وردي غامق وفي الزاوية عـ اليمين كمبيوتر مع طاولته وكرسيه المتحرك شكل شوق تحب اللون الوردي هههههه نطت على السرير وكان ناعم حضنت العبة الكبيرة إلي جنيها وغطت في نومة بعد يوم متعب ). _______________________________________ (عند عبدالعزيز ) العام في كل لحظه .. اقدر اشوفك ، واليوم ما اقدر اشوفك بـ العمر مره ! ، (كان جالس مصدوم للحينه معقول ناصر يكون ولد عمة هدى لوبس درى اني على علاقة مع بنت خالة او زوجته كان قطع علاقته معاي او ذبحني ، مستغرب أنه مو متضايق يمكن ماكان يحبها كان يشفق عليها الله عوضها بالي أحسن مني وناصر رجال طيب ويـ ستاهلها الله يوفقها ويسعدها معه دخل البيت وشاف الصاله فاضيه شكل أمه نايمة لأن الساعة 9 تنام بدري بيروح يشوف شوق زمان ما سولف ومزح معها اذا جلسوا مع بعض مايطولون مثل قبل صعد لغرفتها ومشى وفتح باب الغرفة واستغرب أنها نايمة والليت طافي هي تخاف من الظلمة ، خطرت بـ باله فكرة جهنمية ليه مايخرعها أبتسم بشر وقرب منها شوي شوي وهو يشوفها متلحفة صرخ بكل قوته ): أأأأأأأأأأأأأأأأأأأأأأأ . (قامت مرعوبة وحضنته على طول وهي تصرخ من غير ماتشوف شكله ): أأأأأ رعد تكفى لاتخليني . (رجف قلبه هذا مو صوت شوق ومبينه طويلة شوي ألتزم الصمت ، وفجأه ولع الليت وكان رعد قال بصدمة ): أنتم وش تسوون . (بلع ريقه عبدالعزيز بخوف الحين أكيد بيفهم غلط بعد أنين عنه وقال بتلعثم ): أأنـ أنا كـ ـنت. (قاطعة رعد بصراخ هز البيت هز وعيونه يـ شتعلن ): كنت وش هاا جاوبني أنا شفتكم بعيني أنت ويها . (قالت أنين وهي للحينها مصدومة ): أنت مو رعد (ولفت على رعد وقالت ) رعد أنا ماكنت ادري كـ ـنت نايمة هو (وأشرت على عبدالعزيز ) جا وصرخ وانا خفت وحسبتك أنت وحظنته . (ناظر عبدالعزيز وقرب منه وهو يزفر بقهر ): كنت بتعتدي على زوجتي ياعزيز على زوجة أخوك يانذل . (قال عزيز بسرعة وهو بالع العافية ):، لا وربي وقسم بالله كنت احسبها شوق وجيت بخرعها هي اصلن دخلت غرفة شوق . (هدا شوي رعد وألتفت على انين وقال ):، وأنتي ليه داخله غرفة شوق (صرخ) هــــا لــــيه انا مو تركتك بغرفتي؟. (غمضت عيونها وصوته أرعبها ): كنت انتظر شوق لأنـ... (دخلت بـهـ الحظة شوق وقالت وهي مستغربة ): وش فيه شـ صاير ياجماعة الخير (وناظرت أنين ومن ثم عبدالعزيز وقالت وهي تأشر على أنين ) هييي ترى انين مو مغطية شعرها. (إلتفت رعد بسرعة لأنين وراح لها وخلاها ورى ظهرة وهو يقول بغيرة ): أطلع عزيز بسرعة . (كان مفهي عزيز بعد ما أستوعب طلع بسرعة لف رعد لأنين وقال من بين اسنانه): أنين هذي آخر مرة تعيدين هـ الحركة فهمتي ؟. (هزت راسها وهي للحينها تحت تأثير الصدمة طلع وخلاهم ). (قربت شوق ومسكت يد أنين وقالت بحنان ):أنين حبيبتي وش صار ؟. (ارتمت انين بحضنها وكأن توها استوعبت إلي صار قالت بكلام ملخبط ): شوق أ أ أ أنا عـ عـبـ عبدالعزيز أنا خايفة أنـ أنا حظنته (وبكت بخوف). (شوق مافهمت شي من كلام أنين موضروري تعرف الحين بعدين بتعرف من عبدالعزيز نومت أنين وقامت عشان تسبح ) (أما رعد كان يغلي من الغيرة خصوصاً لما شاف أنين حاضنه عبدالعزيز ماعادو صغار عشان تحضنه جر شعره بقهر وقال بصوت غاضب ):أخ يالقهر بمــوت ليش تحظنه ليش (وقام عشان يشوفها لقاها نايمة عـ سرير بـ وجهها الطفولي وشعرها متناثر حولها كلمة ملاك قليله بحقها قرب لعندها عشان يشيلها بس قاطعة صوت شوق ). (قالت وهي تنشف شعرها ): خلها نايمة لاتصحيها . (ناظرها وتكتف وهي يقول ): وانتي وش دخلك زوجتي وكيفي باخذها عندي . (فتحت عيونها على وسعهم وتركت المنشفة وقالت ): هي من جدك تبي تاخذها عندك. (قال بحدة ): لا من عمتي شرايك انتي . (قالت شوق بدهشة): رعد انت خبل للحين ما صار عرسكم اصبر مابقى شي وش تبي الناس تقول عنا بعدين هي بروحها نفسيتها تعبانه خليها ترتاح عندي . (ناظر أنين وزفر بقهر وطلع من الغرفة ، تنهدت شوق وفتحت الشباك وصارت تطالع إلي برى زمان ما أتصلت على سارة من لما نقلت من الجامعة أشتاقت لها كثير طلعت جوالها ودقت عليها جاها صوت سارة ): هـــــلا وغــــلا. (ردت شوق بفرحة ):هــــلابك زود ياكلي أخبارك علومك يالقاطعة من نقلتي ما سألتي عني . (قالت بحنين لها):ولله بخير بس مشتاقه لك كثير ودي لو نرجع الرياض بس خلاص شغل ابوي وعمامي كلهم برفحا ، انتي اخبارك علومك. (ناظرت أنين وطلعت من الغرفه ونزلت وهي تقول):طيبة فديتك ، كيف جامعتك عساك مرتاحة فيها ؟. (تنهدت بتوتر وقالت):لا ماهي حلوة البنات نفسيات تخيلي ماصادقت ولا بنت . (ضحكت شوق وهي تعرف ان سارة ماتحب تصادق البنات النفسيات): الله يعينك ولله ، كيف قدمتي أختباراتك . (قالت بسرعة ): تمام تمام ، اخبار أنين وهند وختام . (قالت شوق بـ حماس):فاتك وربي بعد أسبوع عرس هند على أخو ختام فيصل ، وأنين بعدها بأسبوع عرسها ملك عليها رعد ولد اختي . (صرخت سارة وقالت بقهر ): نذلات وربي ليش لما نقلت كل هذا صار أهئ. (ردت شوق وهي معصبة ): ولله انتي رحتي اصلن بس ظليتي بـ الجامعة أسبوع هاهاها. (سكتت شوي وقالت بهدوء): شوق بقولك شي بس اوعديني ماتزعلين مني . (قالت بخوف): وش فيه سارة خوفتيني ؟. (قالت وهي متوترة ): اول اوعديني ماتزعلين . (قالت شوق وقلبها يدق): اوعدك يالله قولي ؟. (بلعت ريقها وقالت): شوق فيني سرطان بـ نخاع واصلن خلاص المرض أنتشر وماباقي شي وأودع. (ضحكت بعبرة وقالت ): ههههه سارة يادبة وش هالمزح الثقيل . (أبتسمت بألم وقالت ): ياريتني أمزح ياشوق ياريت ماكنت بقولك أصلن أنا طلبت من أبوي ننقل تدرين شعري كله طاح من الكيماوي والجامعة تركتها والحين أنا بالمشفى عشان اخذ جرعة كيماوي بعد . (جلست على الدرج وبكت بحرقة وقالت ): سارة أنتي تكذبين صح أدري فيك تحبين تمقلبيني سارة تكفين قولي الصدق تكفين . (نزلت دموعها بصمت وقالت): شوق ولله ما أكذب (وقالت بحزن) شوق انتي احلا شي حصل بحيات أنتي أغلا صديقة أنتي توأمي شوق أدري مابقى شي بس أوعديني ماتنسيـ ماتنسيني من دعاك وتصدقي على روحي تكفين . (صرخت فيها وهي تبكي بقوة ): ســـــــارة بــــــ ـس أسكتي أنتي ما بتموتــــين . (جت أم رعد وعبدالعزيز يركضون وقال عزيز): شفيه وش صاير . (رمت الجوال على الأرض وقالت بحرقه ): ســــ ـارة ياعزيز بتخليني وبتروح . (قومها عبد العزيز وحضنها وقال ): من سارة يا عمري قوليلي . (شهقت وهي تقول ): صديقتي 13 سنة وحنا مع بعض يا عزيز 13 فيها سرطـ (وشهقت) سـرطــ ـان بنخاع أهئ أهئ . (عض شفته وأم رعد حطت يدها على فمها وشهقت هي تعرف وش كثر شوق متعلقة بـ سارة قالت وهي تواسيها ):حبيبتي وش هـ الكلام لاتفاولين عليها وبعدين انتي قعد تبكين وكأنها خلاص ماتت وقفي معها وهوني عليها . (شهقت بوجع وقالت): بس هي خلاص بتروح فيها ســـــرطان مو افلونزا (وصعدت لغرفتها وهي تاركتهم ، سكرت الباب وبكت بحرقة بكت صديقتها بتروح بكت لأنها أجمل ذكرى بحياتها بكت هذي كاتمة أسرارها مو مجرد صديقة هي أخت ، صحت أنين وهي فاتحة عين ومغمضة عين ). (جتها بسرعة لما شافتها تبكي وهي تقول بخوف): شوق ليش تبكين شصاير . (ضمت أنين وقالت ): سارة يا أنين فيها سرطان بـ نخاع هي بتتركني وتروح أدري فيها . (شهقت أنين وغمضت عيونها بآلم صح ما جلست كثير معها بس هي دخلت قلبها ): من قالك . (قالت وهي تمسح دموعها ): هي قالت هي اهئ. (عضت شفايفها بحزن وقالت ): ياقلبي ان شاءلله بتقوم بسلامه حبيبتي انتي صيري قويه عشانها لاتضعفين شوق انا اعرفك قويه بتضعفين الحين وسارة بحاجتك (وباست راسها وهي تقومها على السرير وتقول )قومي حبيبتي امشط شعرك عشان تنامين والله يفرجها . (طالعت أنين وقالت بترجي): انين هي بـ تطيب صح قولي لي بتصير زينه صح إهئ قولي . (قومتها وهي تربت على ضهرها وتقول ):، ايه حبيبتي وبترجع تدرس معنا وتستهبل (غطتها وظلت تمسح على شعرها حتى نامت ، قامت وفتحت شنطتها وطلعت جاكيت بيج فروا ولبسته لانها بردت ولبست شيلتها بتنزل تحت اكيد الحين الكل نايم ، نزلت على الدرج وهي تلتفت بحذر وخوف شافت عبدالعزيز يطلع وسكر الباب وراه انتظرت شوي بعدين راحت للـ باب وفكته وطلعت راسها ماشافت احد شافت مرجوحة تخرفنت تحب المراجيح حيل ركضت بسرعة وجلست عليها وهي تتمرجح بسعادة بدون ماتلاحظ العيون إلي تراقبها بخبث ، بس بالها مشغول خالتها من يوم الحادثة إلي صارت لها ما اتصلت ولا تعرف عنها شي بعدين قالت ماني متصله هي ما اهتمت لي ولا كأني بنت اختها ماصدقت متى خلصت مني ناظرت للورد إلي قدامها شلون يحركه الهوا أبتسمت نص أبتسامه بألم وغمضت عيونها وهي تتذكر بس قاطعها الشخص إلي يمشي ناحيتها بخبث بلعت ريقها وضمت رجلينها بخوف وهي ترجف يوم شافته قرب ناحيتها و ....... ******************************* (عند رهف ) إلي يحبك لاتخليه لاهنت اوقف معه مافيه انت وضميرك الله عطا غيرك من الزين ولا انت الله عطاك انسان ماحب غيرك (ضمته وهي تبكي كانت بتفقده لولا لطف الله ورحمته قالت وهي تتفقدة وتناظره تبي تتأكد أنه مافيه شي): حبيبي سيوف يوجعك شي تعورت ، إهى . (بعدها وضحك وهو يقول بـ هياط): لايمه أنا مافيني شي أصلن أنا ماخفت هو أبو السيارة خاف مني ههههههههههه كنت بضرب السيارة بكس وأطيرها بس هو وقف . (تنهدت براحة لما تأكدت أنه مافيه شي ولله لو صايرله شي تموت وشلون وهذا وحيدها هذا إلي تعودت على بكاه هذا إلي ماترتاح غير لما تسمع ضحكته هو إلي مالي حياتها تخاف عليه من نسمة هوا تتألم لو يصيبه أدنى وجع ، بكت ماتدري ليه للحينها تبكي هو بخير مافيه شي بس يمكن لأنها شافته بخير ومو مصدقة قامت وسجدت سجدة شكر لربها وهي تحمدة وتشكره أن سيف بخير ). (بكى وركض لها وهو يشوفها ساجدة ): يمه أنتي بتموتين ، أهئ قومي ولله ما بزعلك مرة ثانية . (قامت وهي تمسح دموعها وتبتسم له وتحضنه وتقول): حبيبي أنا مابـ موت بتم جنبك فديت روحك تـ... (دخل فهد وبيدة أكياس خضرة ورماهم بسرعة وقال بخوف): رهف وش فيه ليه تبكون ؟؟. (أبتسمت براحة وقالت ): لا بس عشان خفت على سيف طلع يلعب كورة وكانت بتصدمه السيارة . (فتح عيونه على وسعهم وقال بخوف ): فيه شي تأذى ؟؟. (هزت راسها بنفي وجت بتشيل الأغراض): لا الحمدلله وقف الرجال السيارة قبل لا يصدمه. (تنهد براحة ثم قال بعصبيه ): كله من أهمالك يارهف ولله لو صايرله شي كان ماتميتي بـهـ البيت دقيقة وحدة . (قالت بصدمة أول مرة يقولها هـ الكلام ): فهد أنت من جدك ؟. (قال بأنفعال): لا أمزح معك شرايك أنتي الولد كان بيروح وانتي ولا تدرين شلون تخلينه يطلع برا هاا شلون بس هذا يدل على اهمالك وعدم مسؤليتك أنتي أصلن مو أم . (جرحها يمكن بقصده ويمكن بدون قصد بس ، قالت والدمعه بطرف عينها ، ): مشكور ماتقصر يافهد يجي منك أكثر ، بس حابه أقولك أن هذا ولدي مثل ماهو ولدك وأنا أمه وأخاف عليه أكثر منك أنت أصلن كله بـ شغل تجي لنا الساعة 9 ماتقعد معنا غير يوم الجمعه او السبت ، أنت حتى ماتعرف عمر سيف كم ، تقول ليش خليتيه يطلع تبيني احبسه بالبيت حوش ماعندنا عشان يلعب فيه عمرك ماخذيته يسافر معنا انت حتى ملاهي ماتاخذه تدري هو يحب رعد وعبدالعزيز أكثر منك ، والحين ودني بيت أهلي مالي قعدة عندك بعد اليوم (ورمت الأكياس وراحت غرفتها). (سيف كان ساكت صح هو صغير بس يفهم لف لأبوه وقال ): أنا ما أحبك عشانك زعلت أمي (وركض ورى أمه). (للحين كلامها يرن بأذنه جرحها بس بدون مايقصد هو بس أنفعل شوي ماكان يبي الأمور توصل لـهـ درجة وش يقول الحين مستحيل تسامحة بعد الكلام إلي قاله وهو مايقدر يستغني عنها شلون بتتركه وتروح بيت أهلها أصلن ماكان يخليها تنام عندهم من تزوجها للآ لحقها وهو يبي يشرحلها موقفة بس كانت تحط أغراضها بشنطة بس بدون ماتبكي قال بـ حزن ): رهف أنا ... (قاطعته وهي ترفع يدها بوجهه وتقول): لاتقول ولاشي ودني بيت أهلي وجزاك الله خير .. (حس جوفه يغلي بس خلاص بيوديها مابيهين نفسه هو ماغلط معه حق ، بس بعد هو أنفعل وانفعاله ماله داعي ،، هذا ماكان يدور بـ عقله وهو محتار طلع وهو يقول ): بروح أشغل السيارة(وطلع). ( ناظرته بألم هذي ثاني مرة يجرحها كيف هنت عليه المفروض يعتذر مو يتركني وكأنه فرحان أني بترك البيت أأه ياوجع قلبي ، ماتوقعت أنك ببتخلى عني بـهـ سهوله يافهد للملمت أغراضها بسرعه وهي تتداري دمعتها ). (قال سيف ببرائة وهو حاس فيها ): يمه ماعليك أبوي مايفهم أصلن أنا ما أحبه أحبك أنتي. (دمعت عينها وحضنته بحب وقامت وهي تسحب شنطتها فيها شوية اغراض لها ولسيف وتوجهت لسيارة). ************************************ (بيت أبو فهد) انكساري شوق وغيابك ملام وكل نبضه في خفوقي تشكرك لو يطول الصمت في عيون الكلام انت اخر شخص افكر اكرهك (كانت سرحانه بـ فيصل ماشافته غير يوم الملكة بس المفروض يتصل فيها الحين هو قالها بس إلى الآن ما أتصل ماتدري كيف حبته بهـ الفتره البسيطه بس خلاص دخل قلبها تنهدت بحب وهي تشوف أسمه ينور شاشة جوالها وكانت مسميته "معشوقي" ردت بخجل ): هلا فيصل . (قال ببرود وهو ودة يسكر بسرعة): هلابك أكثر أخبارك ؟. (قالت بحيا ): بخير الحمدلله أنت شلونك . (رد من دون نفس ): بخير تبين شي . (أستغربت ): لا سلامتك . (رد بسرعه ): تمام أجل مع السلامة أكلمك بـ وقت ثاني (وسكر وهو حتى ماكلف نفسه يسمع ردها ). (نزلت الجوال بصدمه من أسلوبه ليه يكلمها من دون نفس هو أصلن سكر بوجهها كأنه مايبي يسمع صوتها أو مغصوب عليها ليه ؟ ، هزت راسها وهي تنفي هـ الافكار ثم قالت أكيد مشغول أو مستعجل ايه كذا السالفه ، وناظرت نفسها بالمراية وهي تشوف عيونها الخضر وشعرها الآشقر الناعم كله ورثته من خوالها لأن أصل جدتها سوري ، هي جميلة تفحصت نفسها وهي تبتسم برضا وتقول مع الأيام بخليك تحبني يافيصل ... (كانت مرام مرتكيه على الباب وكاتمة ضحكتها وهي تشوف أختها تناظر نفسها بالمراية وتتمتم بينها وبين نفسها مرة تبتسم ومرة تعبس قالت وهي تغني بضحكة ): اااه من الحب ههههه وسيرة الحب تيرارارا ههههههههااااي سلامات مدموزيل هند وش فيك ههههههههه ياربي شكلك نكته . (شهقت بخوف لأنه ماكانت منتبهه لـ مرام ثم قالت بربكه لأنها خافت مرام تكون سمعتها لما كلمت فيصل ): خير ليه ماتدقين الباب ولا تعودتي على الهمجية ؟. (قالت وهي ترمي نفسها على السرير ): أوف أرحمينا يا أم الأتكيت أصلن الباب مفتوح كيف أدقه بالله ولا ادقه كني ماشفت شي . (تخصرت بعصبية وقالت ): مرام أحترميني أنا أختك الكبيرة عيب تدخلين غرفتي بدون لاتستأذنين . (قالت بطفش وهي تقلب الأنستا بجوالها):أرحمينا عاد أنا وش قلت ، صح كلمك معشوقك (وغمزت بـ نذاله وهي ترفع حواجبها ). (قالت وهي مرتاحة لأن مبين أن مرام ما سمعتها ):أيه كلمني (وكملت بكذب) ظلينا ساعة كامله وكان مايبي يسكر بس قلت له أني نعسانه وبنام . (قالت بنص عين ): هاهاها يعني أنك بتنامين الحين إلقاك تحت بـ صاله تهذرين لجدتي (وقامت وهي تهمها بيدها )مالت عليك بس غبية . (لحقتها عشان تضربها بس مرام أنحاشت وسكرت وراها الباب ). (صدمت فيه وطاحت وهي تقول ): وجع نوافوه ماتشوف هاا اعمى . (قال وهو توه صاحي من النوم وبلوزته مقلوبه ): وجع يوجعك أنتي جايه تركضين .. (قالت وهي تقوم وضهرها يعورها بس ماهمها أهم شي جوالها ماصار فيه شي): هند كانت تلحقني عشان تضربني . (قال بسخرية ): ولله ما ألومها يبيلك تكسير راس على طولة لسانك . (جت بتهاوشه بس رن جوالها وكانت نوف تتصل عليها ردت وهي تطالع نواف بكره): هلا نوفي. (فز قلبه وهو يسمع مرام تكلم نوف ) (جلست على الدرج وهي تحط يدها على ضهرها ): لا مافيني شي بس من شوي صدمت بنواف وطحت وضهري يألمني . (قرب منها وهي يبي يسمع صوت نوف ووش تبي من مرام لايكون بتخبرها عني ولله لو عرفت أني أتصل بصديقتها غير تعلم أبوي ). (قالت بقلق): أحلفي طيب هـ نذل شلون عرفك وش دراه بشكلك أصلن ..... أماا ماقالك طيب كيف بتكلمينه ؟؟ .... لا يالخبلة لا تكلمينه بعدين بيصير يهددك عشان تطلعين معه ولله ..... علمي فيصل أحسن شي خليه يتصرف معه ...... يووه هذا حاسبها صح اكيد لو علمتي بينشر صورك أجل لاتعلمين بس وش بتسوين ...... ولله من رايي قفلي جوالك أو غيري خطك ......أيه كذا أشوف ....يالله حبيبتي أشوفك بكرة ونتفاهم ...مع السلامة (لفت ولا تشوف عبدالعزيز يتسمع قالت بنرفزة ) خير يا بسيط تبي شي. (قال بربكه ): لا لا بـ بـس كـ كـنت بسألك أذا ضهرك يعورك . (قالت بطنازة ): ماشاءلله خف علينا يالحنون ودي أصدق بس ماش . (قال بعصبية ): عمرك ماصدقتي (ونزل بسرعة وهو يفتح جواله ويدور على رقم نوف أتصل عليها وهو معصب خربت كل شي ضرب رجله بالأرض بقهر وهو يشوفها تسكر بوجهه ، أرسل لها رساله على طول قبل لاتقفل الجوال وصعد غرفته عشان يبدل ملابسه ويطلع ). (نزلت هند بعد ما تعبت من كثر مافكرت ، بتترك كل شي زي مايقولون للقدر ، شافت جدتها بالمطبخ تتعشى جلست على الطاولة وقالت ): مسا الخير . (ردت أم عبدالرحمن وهي تشرب شاهي): مسا النور . (طالعت جدتها وهي مستغربة وش فيها ساكته بالعادة تظل تسولف ميلت فمها وقالت ): امممم جدة ليه ساكته . (ناظرتها بعصبية وقالت ): وش تبيني أقول ماتشوفيني أتعشى . (قالت بنفسها يالليل أبو لمبة الحين بتهاوشني افف خلك ياهند انتي جبتيه لنفسك ): لا بس كل يوم تسولفين وتهاوشين و... (قاطعتها وهي تصارخ وكلام هند ماعجبها ): ايا قليلة الحيا أجل أنا كل يوم أهاوش ياجعلتس بالوجع يامسودة الوجه بس وش أقول تيستن مثل امتس أذا ما تهارفن ماترتاحن مالت عليكن (وقامت وهي تمسي على عصاها ووقفت بنص المطبخ ولفت وهي تشوف نظرات هند المصدومة ) ما أقول غير الله يعينه ذا الفيصل عزلله أنتس بلوه (وطلعت من المطبخ وهي تجلس بصاله ). (هند كانت مصدومه وش فيها جدتها كل ماقالت كلمه هاوشتها وبعدين وش سوت أمها ناظرت الأكل وصارت تاكل بقهر أصلن عادي تعودت ). (ماكان قصدها تصارخ على هند بس وش تسوي من حرتها محد يجلس ياكل معها نادر يجتمعون على سفرة وحدة ولدها ماتشوف وجهه حرمته يالله طالعه يانايمة ماتدري عن البيت البنات وحدة بالجامعة ووحدة بالمدرسة ونواف سربوت ، تنهدت وهي تقول ): الله يرحمك يا ابو عبدالرحمن ولله لونك عايش ماكان هذا حالي . (جتها نانا وهي تقول ): ماما انتا ليس مافي اكل ( ماما انتي ليش ماكليتي ). (قالت وهي مالها خلقها ): وجع وانتي وش عليتس اكل ولا افطس هاا وش عليتس وش حارتس ياملعونة ابو جدف . (قالت نانا وهي معصبة ):انا ما في معلوم انتا بس عصبي عصبي كلو كلام كتير انا تعبانة مايسير كيدا ، انا فيه خوف عليك ماما انتا ماما كبير لازم ياكل كوي عشان يسير كويس (انا ما اعرف انتي ليش بس تعصبين تعصبين يالله تهاوشين انا تعبت مايصير كذا، انا اخاف عليك انتي حرمة كبيرة لازم تاكلين عدل عشان تصيرين زينه ). (تنهدت وقالت بقهر ): اسمعي ياونة(قصدها نانا) لاتبربرين فوق راسي لاولله افصخ هـ نعل (وأشرت لنعالها وانتم بكرامة) واهفه بوجهتس ماتفهمين انتي ماعنتدس عقل اذلفي عني يالله . ( قالت بـ حلطمة ): زين ماما انتا لما يموت لايقول ليس انا موت اوك ماما (وراحت وهي تسب وتلعن بسرلنكي). (طيرت عيونها وقالت بصوت عالي ): ياجعلتس بالموت ياتسلبه تبيني اموت ياعساتس بالموت إلي ياخذ روحتس بعدين لامتت وشلون بقولتس وانا ميته هاا بس انتي تيسة لابارك الله فيتس هو فالتس خان . (جت مرام وهي تدندن ): ويا مطفش أعصابي طفش وريتني نجوم القوايل وأنا ماني معبر طنش يلعن أبو ماني بقايل . (لفت عليها أم عبدالرحمن وقالت ): بدال لاتقرين قرعان تغنين خافي ربك ياتسلبه خافيه. (انفجعت مرام وقالت وهي تجلس على الكنبه ): جدة وانا ما قعد اغني كل شوي توي بس قعد ادندن بعدين اسمه قرآن مو قرعان و انا كل يوم الصبح اقرأ قرآن وقبل لا انام أقرأ. (سكتت وهي ماسكة سبحتها وتستغفر بقهر أما مرام طلعت جوالها من جيب البنطرون وهي تصور بـ سناب وتقول ): هاي فانزاتي اخف عليكم ولا الوضع اوك هههههه وش رايكم بهـ الفلتر خقق صح (وارسلته لصديقاتها على الخاص وهي تضحك ). (ناظرتها ام عبدالرحمن وهي تبوس يدها وجه وقفى وتقول ): الحمدلله والشكر الله لا يبلانا . (طالعتها مرام وقالت بزهق): جدة ليش مانروح المزرعة لما قلت لبوي قالي لما تجي عطلة نص السنة وراحت العطلة وما رحنا . (قالت وهي ودها لو يروحون ): خلاص بعد عرس فيصل ورعد نروح كلنا نظل ثلاث ايام ونرجع . (صفقت بـ حماس وهي تنط وتبوس راس جدتها وتقول ):وناسة ياي لحظة بخبر ابوي اكيد مابيرفض لو قلت له انك قلتي ههههه (وركضت للحوش عشان تتصل فيه وتخبرة وهي تسمع جدتها تناديها بس بتقول ماعليها ) آلو هلا يبه ..... لامافي شي بس نبي نروح المزرعة بعد عرس فيصل ورعد .... يبه ولله جدتي قالت .... هاا لا انا ماقلت هي قالت .... ايه ايه بنروح كلنا تكفى ... يالبييه فديتك يبه طيب قولهم يجهزون الخيول تكفى يابعد خشتي ...ههههههه احبك يا احلا ابو بالعالم يالله مع السلامة (حركت يدينها وقالت ) يـــس (وعطول دخلت السناب وصورت وهي تقول )وناسة بنات بنروح المزرعة هههههه بس بعد عرس اختي هند وعرس ولد عمتي رعيدان خخخخ رجعت ورى وصدمت بشي قوي ثم إلتفتت وشهقت وهي تشوف عبدالعزيز واقف وراها ). (ماكان منتبه كان يفكر وش صار بـ هدى هو جأ عشان يشوف نواف ويسولف له وش صار معه بس انصدم وهو يشوف بنت شعرها اسود لنص ضهرها ومموج طولها متوسط وجسمها حلو كانت ماسكة جوالها وتطقطق عليه بعدها رجعت ورى كان بينبها بس انخرس صدمت فيه وهو مبلم بعدها شهقت وقالت ) أ أ أنت ووش جابك هنا . (أبتسم ببلاهه وقال ):شفتك أقصد جيت بشوف نواف . (أنتبهت أنها بدون شيلة قالت بعصبيه ): وجع لف وجهك ماتشوفني بدون شيله. (طلع نواف وانصدم وهو يشوف مرام تسولف مع عبدالعزيز وهي بدون شيله ركض عليها وهو معصب ومسكها من شعرها وهو يقول ):ياقليلة الحيا طالعة تسولفين مع عزيز لا حيا ولا مستحيا حتى منتي لابسه شيلة ولا عباة وعطاها كف . (مابكت لأنها متعودة دوم هي ونواف هواش بس أحرجها قدام عزيز وبعدين هو فاهم غلط تدخل عبدالعزيز وهو يكتف يدين نواف ويقول ): هـــــــي نواف هدي فاهم الموضوع غلط اختك ماكانت تدري انا فتت فجأه . (ركضت لداخل وهي معصبه أما عزيز ترك نواف بعد ماهدي ، وش هـ اليوم بالأول مكالمة هدى له بعدي موقفه مع أنين والحين مع هند مدري مرام ، أما نواف قال وهو يتنفس بقهر ):وانت ليش ماتصد او تطلع يومنك شفتها . (قال بضيقه ):ولله ما ادري اصلن هـ اليوم من اوله نكد أصلن جيت على شان اسولف لك امش نطلع (طلعوا بسيارة عزيز وراحوا لـ مقهى ). °°°°°°°°°°°°°°°°°°°°°°°°° °°°°°°°°°°°°°°°°° (بيت أبو فيصل) انسان من موقف يطيح من عينه وانسان من كلمه تشيله بعيونك (قرت الرساله بصدمة مو من جده هذا اصلن وش دراه اني بغير خطي ياربي وش هـ المصيبه إلي طاحت على راسك يانوف أن قلت لـ فيصل يمكن ذا الحقير يسوي شي او ينشر صوري طالعت بـ ختام إلي كانت توها داخله لـ صاله ): وش تسوين ؟. (بلعت رقيها بتوتر وخبت الجوال بجيبها بسرعة وقالت وهي تسوي نفسها طبيعية):، ولا شي انتظر الفلم يطلع . ( ختام عـ الكنبة وهي تحط يدها ورى راسها وقالت ): امممم حلو طيب وش نوعة؟. (قالت بعدم اهتمام ): مدري اظن انه كوميدي. (طالعتها بدهشة):بالله تنتظرينه وانتي ماتعرفين وش هو. (غمضت عيونها وهي نعسانة):اوهوو علينا انطمي وخلاص افف وش كثر تسولفين . (رمت عليها المخدة وقالت ):عمى انا اختك الكبيرة احترمي كليتيني بقشوري . راسها (طنشتها وهي تستند عـ الكنبه وتغمض عيونها عشان تنام متجاهله رساله نواف ومتجاهله تهديداته لها ). (ختام كانت شاكه ان نوف فيها شي بـ العادة ماتسكت إلا تردلها بس هـ المرة طنشت بس إلا ماتعرف وش فيها اليوم الخبر بـ فلوس بكره بـ بلاش هه ، شافت فيصل توه داخل البيت ومبين عليه تعبان ومهموم وحول عيونه هالات سوداء بالله ذا شكل واحد عرسه بعد كم يوم ، ناظرها بـ هدوء وصعد لغرفته ياخي ذا ميت حتى انه نحفان كثير وحتى انه مبين مايبي يتزوج ماعمرة شافته يكلم هند عكس رعد إلي 24 ساعه يتصل بأنين حتى انه جابها عندهم بـ البيت الله يصلحك يا فيصل ، دق جوال امها إلي كان على الطاولة كان مكتوب "يعقوب" ضحكت بخفه وردت وهي تقول ): هلا ولله بـ القاطع . (ضحك وهو يقول بأستهبال): شفيج إلي يسمعج يقول سجين (بعدين قال بهدوء) أخبارج يالخبلة وشلون الجامعه . (راحت بتجاه المطبخ وهي تقول ): ولله تمام ، الجامعة ولله متعبتني الله يعدي هـ ترم على خير قول أمين . (ضحك عيها وهوي قول):امين صراحة كسرتي خاطري تصدقين مو لايق عليج الجامعة يعني ويهج مو ويه جامعه أنتي حدج أول ثنوي . (قالت بقهر ): يعقوبو وجع وش فيه وجهي احسن منك هاك هاك هذي أمي معاك أعرف أنك متصل عليها (ومدت الجوال لأمها وهي تقول ) يعقوب يبيك . (خذت الجوال أمها وهي تسمع يعقوب يقول :عطينياها ولهاان ولله عليها وايد ، أبتسمت وقالت ): هلا بالغالي هلا بحبيب خالته . ******************************* (عند هدى وناصر ) خذني على قد الحزن ؛ بس الحزن قده كبير (عيونها حمر ومبين عليها التعب طالعت الباب وقامت بسرعه وقفلته خلاص بتنفذ الفكرة إلي ببالها ماعليها من أحد بتخلص من هـ الحياة ، فتحت درجها طلعت سكين وقربته من يدها وهي ترجف بخوف وجرحت يدها من عند الوريد وكتمت صرختها وكذلك مع اليد الثانية وجلست على الأرض وهي تقول ):سامحوني يايمه ويا يبه غصبن علي أدري أنه حرام بس نار جهنم ارحم من عمتي وناصر . أَسّتقبِل صَرَاحّتكُمّ هُنّـــــا مِستعّجلة مِثل السٍنين مِتأخرة مِثل النَدم | |||||||
|  |
 |
| أدوات الموضوع | |
| انواع عرض الموضوع | |
|
|
العرض العادي
