آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-05-16, 06:22 AM
| #11 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية 
|  | ||||||||
|  |
|
08-05-16, 08:24 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| بسم الله البارت السادس 6.1 ردت فاطمه السلام : السلام عليكم فارس وهو يهدي نفسه : وعليكم السلام وناظر شوق للي تعدل باللثمه : ما في داعي لابسيتها على الفاضي ونص وجهك برا قدام ابن خالك انت ما تستحين على وجهك ؟؟ وناظر سامي وخالد : وانتم رجال على الفاضي اختكم كاشفه نص وجهها قدام رجال غريب سامي باستغراب : وين المشكله اصلا شوق تكشف وجهها قدام نواف عادي ناظرته فاطمه بلوم وبتوعد على لسانه الطويل ناظر سامي امه وهي تتوعد فيه بنظراتها وهو مو فاهم ليه تناظره كذا ما قال شيء غلط لانها شوق تكشف قدام عيال اخوالها وخالاتها فارس بعصبية : وش تقول ؟؟؟؟ فاطمه بتلعثم وخاصه انه ناصر ما يدري عن هذا الموضوع : ءءءء شوق وهي تعدل اللثام وبحده : انت ما لك دخل ألبس قدام للي ابغى واكشف قدام للي ابغى فارس بعصبية فوق غلطها ترادد ؛ ولا كلمه شوق بعصبية : تخسى تسكتني يا فقد اعصابه ورفع يده يعطيها كف يسنعها ويبرد حرته بس في يد وقفته ناظر وهو رافع حاجب من ملامح للي مسك يده وليد والشرار يطلع من عيونه : جرب مد يدك عليها واقسم بالله لاكسرها فاهم ونفض يد فارس بقوه ناظره فارس بدهشه واشر على نفسه : وليد انت تكلمني ؟؟؟ وليد وللحين متضايق من تصرف فارس : ايه اكلمك انت اخوي الكبير على عيني وراسي بس تمد يدك على شوق اكسرها لك فاهم واعطاه نظره قويه فارس يناظره وهو فاتح عيونه مو مصدق وليد اخوه الصغير للي دوم يحترمه وما يرد الكلمه له الحين يتمادى معه بالكلام ولا بعد يبغى يمد يده عليه وبدون وعي ضرب وليد كف وبحده : ثمن كلامك قبل ما تتكلم يالبزر انا تبغى تمد يدك علي وعلشان مين ؟؟؟ وليد حس الدم احتقن بوجهه ما عاد صغير يمد يده عليه ويضربه قدام الموجودين ما رح يسكت له وبعصبيه مسك فارس من ياقه ثوبه وكان الطول بينهم متقارب بالرغم من الفارق بالسن : لا تمد يدك فاهم اكسرها لك وقسم بالل قاطعه صرخه من ناصر : بس لما شاف وليد ابوه ترك فارس وتنهد بقهر ناظرهم ناصر وسلط نظره بحده على وليد وهز راسه مو عاجبه تصرفه : ما شاء الله تمد يدك على اخوك الكبير ؟!! وليد بتبرير للموقف : فارس قاطعه ناصر بعصبية : ولا كلمه انت ما تستحي على وجهك وليد بقهر : طيب اسمع السالفه قبل ما تحكم ناصر وللحين صوره وليد وهو ماسك فارس من ياقته ما راحت عن باله مهما كان السبب ما يسوغ له يمسك اخوه الكبير بذي الطريقه الاخ الكبير له معزه ومنزله واحترام بين الاخوه اما انه يهين اخوه بذي الطريقه مستحيل يقبل كذا وما يبغى تبريرات للموقف شافه بعيونه وهو يتهجم على اخوه وبنبره صارمه متوعده : حسابك بالداخل وناظر فاطمه وعيالها واقفين بالحديقه ويناظروهم بسكوت ناصر تكلم بدون نفس : وانتم وش تناظروا ؟؟؟؟!!! يلا ادخلوا داخل وانت يا وليد تعال معي دخلت فاطمه وعيالها للداخل بدون نقاش فارس ناظر وليد وحس قلبه يعتصر على اخوه مهما غلط يبقى اخوه الصغير تكلم بهدوء : ترى انا للي غلطت على وليد قاطعه ناصر : ما ابغى اسمع السبب ما في شيء يسوغ له انه يتهجم عليك بذي الطريقه فلا تدافع عنه وناظر وليد الحقني وليد والقهر بعيونه مشى خلف ابوه بدون نقاش مو فارقه معه او يمكن لانه يعرف ابوه اذا قال شيء ما يتراجع عنه توقف ناصر لما وقفه فارس وبنبره راجيه : اذا لي خاطر عندك اترك وليد قاطعه وليد حس وكأنه ذليل وتحت رحمه فارس يتصدق عليه بالعفو ليه بس هو كلمته مسموعه عند ابوه ما يبغى عطف احد لو يموت ما يبغى يكون تحت رحمه بشر صرخ من القهر للي بداخله : مو محتاج عطفك فاهم وكل شيء بسببك فلا تقعد تتدخل وتعمل نفسك قاطعه كف من ابوه : ولا كلمه يا قليل الادب تكلم اخوك كذا قدامي ؟!! فارس ما هان عليه وليد : خلاص اتركه وليد ناظره من فوق لتحت ودخل للداخل ناصر بعصبية : انقلع لا بارك الله فيك قاطعه فارس : لا تقول كذا تعوذ من الشيطان ناصر بضيق : اعوذ بالله من الشيطان الرجيم ودخل للداخل وهو يتوعد بوليد ** ** ** ** ** ** ** جالسه على السرير ومتربعه وتقضم اظافرها بتوتر ما تدري ليه خايفه على وليد ابوها ما رح يعدي السالفه على خير وخاصه انها السالفه فيها فارس ما تدري ليه يعاملهم بكفه وفارس بكفه لوحده وطبعا فارس كفته الراجحه ما توقعت من وليد هذا التصرف دافع عنها ووقف بوجه فارس عكس اخوانها من امها كانوا يناظرون بصمت غمضت عيونها وهي تحس بالخجل من نفسها وهي تتذكر هالموقف بينها وبين وليد قبل شهر #سمعت طرق على الباب ولما فتحته كان وليد عفست ملامحها وتكلمت من رؤوس خشومها : نعم ؟؟ وليد بمرحه المعتاد : الله ينعم عليك لوت بوزها : وش تبغى ؟؟ وليد بابتسامة : كذا الناس تتعامل ؟!! قولي تفضل اشرب فنجان قهوة قاطعته : جعلك بالسم صفر باستغراب _: حشى ماخذ حلالك وانا ما ادري !!! شوق بدون نفس : الحين اقفل الباب وش تبغى؟؟ حك حواجبه وابتسم بعد ما دفعها ودخل : جاي اشرب فنجان قهوة من تحت يدين أختي الحلوه شوق بقهر واثق من نفسه : جعل يديني للكسر اذا عملت لك اقول انقلع من هنا ضربها على جبهتها بخفه باصبعه وضحك بخفه :ههه صدقتي حالك قالوا لك ناوي اتنوم بالمستشفى وين خالد وعبود ؟؟؟ ناظرته باحتقار : اقول انقلع من بيتنا احسن لك واخواني اذا شفتك تقرب منهم رح تندم فاهم ورفعت اصبعها بتهديد مسك اصبعها بروقان : حاضر عمتي اوامر ثانيه سحبت يدها بقرف وصارت تمسح اصبعها وكأنه لامسه شيء مقرف ناظرها باستغراب وبنبره حزينه متقنة : تقرفين من اخوك ؟؟؟ شوق بقرف : ايوه اقرف منكم كلكم ويلاااا انقلع برا بيتنا ناظرها بحزن : اسف ازعجتك يا اختي الحين اطلع ولف وجهه باتجاه الباب وشوق تناظره وهي تحس بالندم بس سرعان ما شهقت وهي تشوفه يدخل باتجاه غرفه اخوانها وضحكاته ترن بإذنها وهو يقول : ههههههه قال انقلع ههههههه متى ما صار البيت بإسمك وقتها اطرديني هذا بيت ابوي يعني بيتي وانتم اخواني وغصب عنك ادخل واطلع ههههههه ناظرته وهو يدخل غرفه اخوانها وعضت على شفتها بغيض تقدمت خطوه علشان تطرده من بيتهم بس لما سمعت صوت ابوها داخل البيت كنسلت الفكره وراحت على غرفتها وهي مقهوره ابتسمت على هذا الموقف وليد للي كانت دوم تطرده من بيتهم دافع عنها ووقف بوجه فارس حتى بدون ما يعرف السالفة ما تدري ابوها وش تصرف مع وليد بس اكيد رح يعاقبه عقاب شديد لانه تعرض للاستاذ فارس ولوت بوزها بقرف كل يوم يزيد كرها لفارس نفسها تنفيه عن وجه الارض تنهدت وهي تكلم نفسها امي متضايقه وخايفه فارس يقول لأبوي اني اكشف عند عيال خالي يمكن تستغربون اني اتغطى قدام عيال عمي واكشف عند عيال اخوالي وخالاتي انا عشت اغلب وقتي مع اهل امي وتعودت عليهم وكأنهم اخواني اذكر لما امي قالت اتغطى عنهم علشان ابوي لو يدري اكيد رح يعصب وقتها رفضت ذول مثل اخواني عشت معهم كيف اتغطى عنهم حسيتها صعبه ولما عرفت جدتي ام عمر عصبت على امي وحلفت يمين اذا تغطيت عن عيالهم لسانها ما يناطق لسان امي وقتها سكتت امي وهي خايفه يوصل خبر لابوي بس انا مو مهتمه خله يعرف وما يطلع له يقارن بين عيال اهل امي وعيال اخوانه وش جاب الثرى للثريا فرق شاسع بينهم مع اني ما اختلط بعيال عمي يكفي اني شفت منهم نسختين وتعاملت مع هالنسختين احقر من كذا ما شفت منهم رسمت ابتسامه على ثغري وانا اتذكر امي اول ما دخلنا اعطت سامي قرصه بكتفه وشدته من اذنه وهي تلوم فيه على لسانه الطويل جيت اتكلم بس ناظرتني نظره بمعنى اني انا السبب لاني رفضت اتغطى ولما شفتها اقتربت مني وبسرعه 360 توجهت لغرفتي خفت احصل قرصه منها امي سلاحها القرص دوم لما نغلط لازم تحط علامه هههههه عكس ابوي ما اذكر انه مد يده علي مع ذلك اهابه عكس امي للي اذا غلطنا تضربنا بس مع ذلك متعودين عليها واقول للي ابغى بدون حساب انا ورفيق دربي طلعنا الشيب براس امي الله يهديه اشتقت له قاطع افكاري دخول امي وعلامات الضيق على وجهها الظاهر اني ما رح انام الا بعد ما احصل طبعه على كتفي الله اعلم وش رح يطلع اللون احمر او ازرق او نهدي هههههه حسب العصبيه كلمتني بقهر : الحين ابوك لو عرف بالموضوع رح يعصب رديت بلامبالاه: خله يعصب وبعدها يروق وينسى ناظرتني الشرار بعيونه : هذا لسانك انا للي رح اقصه انت عقلك ما يحسب للعواقب شوق ببرود : اي عواقب ؟؟ اسوأ رد فعل يطردك على بيت جدي وناظرت امي مو هذا للي كنت تبيه قبل ايام ؟؟ ردت بعصبية : شوق تكلمت بفرح : يا رب يرجعك لبيت جدي واروح معك ونعيش هناك احسن من هنا بكثير عضيت على اصبعي من الوجع : يمه والله يوجع ردت بعد ما سحبت يدها بغل : خله يوجعك مو قلت لكم ما رح انام الا لما احصل طبعه مسحت مكان القرصه حركت شفايفي اتكلم بس قاطعتني بعصبيه : ما ابغى اسمع صوتك وطلعت وهي مفوره من العصبية ما ادري ليه خايفه كذا ؟؟!! وخير يا طير !!! انا الحين رح اتصل بابوي واقول له السالفه كلها وقفت وتوجهت للحمام صدقتم اني اقول لابوي ههههه انا اخاف من ظله تبغون اقول له اني اكشف قدام عيال اخوالي علشان يدفني بمكاني ...... *** *** *** *** *** *** جالس فوق راسه يبغى يعرف كل التفاصيل وليد بعصبية : قلت لك انقلع من وجهي ترى مو ناقصك انت الثاني عبود ضحك : ههههه مين الاول قصدك ابوي وغمز له ما رد عليه وليد عبود يدافع عن اخوه الكبير : ترى فارس كان يدافع عنك قدام ابوي انت مجنون تمد يدك على فارس وليد دفن نفسه تحت اللحاف : واكسر راسه اذا تعد حدوده عبود مو فاهم السالفه : والله ما انا فاهم عليك .شيء بس خلاص اسكت لا يسمعك ابوي وليد بصوت مخنوق من تحت اللحاف : خله يسمع عبود ناظره وهو تحت اللحاف وسكت وهو يفكر كيف يعرف السالفة كلها ** ** ** ** ** جالسه بغرفتها وطلعت مثل المقروصه لما سمعت صوت صراخ ابوها بلعت ريقها وناظرتهم بدون ما يشوفوها وشعرها نازل بإهمال ناصر والشياطين تنطنط فوق راسها :أنا تستغفليني يا فاطمه ؟؟؟ انا للي قاعد ومطمئن انك تنتبهي لها انا وبقهر سكت ما في كلمه تعبر غضبه وقسم بالله لتندمين فاطمه وقلبها يدق بقوه وحاسه بغلطتها : شرحتلك موقف امي قاطعها بعصبية : ما احد خرب عيالي غير امك انا الغبي للي فاطمه ودموعها تنزل : خلاص صار للي صار هدي قاطعها وهو مفور من العصبيه : صار للي صار لكن يصير خير اذا شفت شوق رجلها عتبت بيت امك اكسرها فاهمه تبغين تزورين امك زوريها بس بنتي عندي ما رح اسمح لها تخرب شوق مثل ما خربت ياس قاطعته بعصبيه مهما كان ما ترضى على امها وما رح تسكت له : ما اسمح لك تتكلم على امي يكفي انها اعتنت بعيالي ايام تعبي هذا جزاتها تتكلم عليها كذا ؟؟!! ناصر بتحسف : يا ليتها ما اعتنت فيهم انت بنفسك شوفي الفرق بين سامي وخالد وبين عيالك للي ربتهم واحكمي فاطمه بقهر : ما اسمح لك تتكلم على امي تفهم وعيالي حلالها خلها تعمل للي تبغى فيهم ناظرها بقهر : والله فاطمه وبتحدي : وما يطلع لك تحرمهم من جدتهم وشوق رح تروح على جدتها مثل اول واكثر مو فارس للي يمشي كلمته علينا ما له دخل في شوق تراني للحين ساكته وما ابغى اخرب بيتي من اول ما تزوجت وانا ساكته ساكته لكن توصل فيك تتكلم على امي ما رح اسكت فاهم هذي امي قاطعها بسخريه : أمك للي بغت تخرب بيتك تنهدت بقهر من ناصر ما يحب امها : يا ليتني رديت عليها من ذاك اليوم انقهر منها ندمانه على عيشتها معه : ما فات شيء على ندمك تقدرين الحين تنفذين كلامها ناظرته وقررت تروح على غرفتها لانها ما تضمن نفسها تترك البيت كله تعوذت من الشيطان وتوجهت للمغسله علشان تتوضأ وتهدأ بعد الوضوء ** ** ** ** واقفه تناظر غرفة امها وابوها وهي تفكر معقول امها تروح وتتركهم مستحيل ترضى رجلها على رجلها بس نقزت من الخوف لما شافت ابوها واقف فوق راسها ويناظرها والشرار يطلع من عيونه : مبسوطه على نفسك ها جهزت نفسها ترد وش فيها لو كشفت قدام عيال اخوالها هم مثل اخوانها وما حد له دخل فيها تلبس وتعمل مثل ما تبغى اخذت نفس وناظرت ابوها وشافت الشرار يطلع من عيونه تبخرت كل قوتها والكلام للي جهزته طار خلال ثواني بلعت ريقها وبخوف : جدتي غصبتني اكشف ءءء أنا ما ابغى اكشف بس قاطعها لما ضرب الجدار جنبها بقوه : جدتك جبرتك تطق الميانه معهم ضحك ومزح وتكلميهم بالجوال جدتك غصبتك جاوبيني نزلت عيونها للارض وهي تفرك يدينها بخوف وش عرفه ابوها عضت على شفتها ما تدري وش ترقع كمل بعصبية وتهديد : وقسم بالله لو اشوف رجلك عتبت باب جدتك لاكسرها والجوال لو اشوفه بإيدك لاكسرها فاهمه هزت راسها بخوف وطيران على غرفتها لما ابوها توجه لغرفتهم تنفست براحه وصارت تكلم نفسها مش على كيفهم ما يقدرون يمنعوني من جدتي وعيال اخوالي وخالاتي وغصب عنهم رح ابقى أكلمهم وللي مو عاجبه يبلط البحر انا ادري انه كل هذا بسبب السوسه فارس الله يأخذه بس لحظه فارس وش عرفه اني امزح والوضع فري بيني وبين عيال اهل امي ما يدري عن شيء ابوي وش عرفه غمضت عيونها بتفكير وفتحتهم بوعيد ما في غير سامي ابو لسان طويل وقسم بالله لاخليه يندم هالحيوان وطلعت من غرفتها وهي تتوعد بسامي وسرعان ما رجعت لغرفتها وقفلت الباب لما شافت ابوها طالع من غرفه امها جلست على السرير وهي تمسح رجلينها : يا ويلي صابتني ام الركب يمه يخوف وهو معصب بغيت اعملها على نفسي افففففف من البارحه وحنا بالنكد وياليت حصلنا على شيء يفرح انا قلت تزعل امي ونروح نجلس عند جدتي آآآآ ه يا حبي لها هي الوحيده للي فاهميتني وتدللني وتدافع عني يا ليتها الحين موجوده كان وقفت بوجه ابوي وقالت له حدك شوق ما اسمح لك اخخخ وش الفائده اتخيل على الفاضي ما طالنا الا النكد حسبي الله على العدو اليوم كله ما رح اطلع من الغرفه تحسب لاي هجوم ..... *** *** *** *** *** تكلم وهو جالس على كرسيه قدام مكتبه الخشبي من اللون الاسود : ما ادري ! فهد وهو يحط رجل على رجل : طيب عمي ناصر وش عرفه ؟؟/ فارس عقد حواجبه : للي فهمته انه سأل سامي عن مشكله البارحه وطبعا سامي اكثر من ثرثرته ما فيه من الخوف قال له كل شيء يصير في بيت جدته ام عمر فهد زم شفايفه مو عاجبه : شفت قدامنا ما تتكلم واذا تكلمت تغلط علينا ومع عيال اهل امها مطيحه الميانه مع انه حنا عيال عمها أقرب لها فارس بقرف : للي يسمعك يقول ميتين علشان تكلمنا تراني انقرف لما اسمع صوتها يجيب لي المرض ابتسم فهد : وليد وش صار عليه ؟؟ فارس تنهد : والله انه كاسر خاطري ابوي منعه يطلع من البيت شهر كامل حتى الرحله للي كان مخطط يروحها مع اصدقائه منعه منها حتى المصروف سحبه منه والجوال والبلايستيشن كل شيء ممنوع وفوق هذا ما يكلمه فهد صفر بدهشه : كل هذا علشانك فارس : قل اعوذ برب الفلق كش عليه فهد : مالت عليك شوق وقليلة عليك وبتذكر : معقول تصير مشكلة بين عمي ناصر وزوجته فارس : ان شاء الله ما يصير بينهم شيء والله اني احترمها واقدرها بس للي ابغاه يمسك شوق ويكسرها تكسير ويقص لسانها علشان ما تكلم هالزفته نواف فهد : يا رجال خلاص فكنا من هالسيره تراك اغتبت بما فيه الكفاية فارس ناظره : تراك انت للي فتحت الموضوع وانت تعرف عند شوق ونواف ما أمسك لساني فهد هز راسه : ان شاء الله تتزوج قريب وترتاح منها ابتسم فارس بخبث : إن شاء الله قريب ويتحقق كل للي في بالي فهد عدل جلسته : يا خوفي ينقلب السحر على الساحر فارس ما اهتم لكلامه وهو يفكر بمخططه بدقه حتى ما يصير اي غلطه ويخرب الموضوع يتبع .. | ||||
|
| |
|
08-05-16, 08:26 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| من الملل تذكرت انها قررت تدرس وتبذل جهدها جلست على السرير وتربعت وحطت الكتاب بحضنها وعقدت حواجبها وش هالخرابيط ؟؟؟ مو فاهمه شيء قررت تبدأ بكتاب ثاني يمكن يكون اسهل وقررت تحفظ اااق ق ق ر ر ر أ اقرأ ا ل ف ق ر ا ت البقرات ( الفقرات ) ا ل ا ت ي ه التاليه ( الآتيه) وبدت تكرر الجمله اقرأ البقرات التالية اقرأ البقرات التالية اقرأ البقرات التالية اقرأ البقرات التالية اقرأ البقرات التالية اقرأ البقرات التالية غمضت عيونها وهي تحفظ اقرأ البقرات التالية اقرأ البقرات التالية اقرأ البقرات التالية اقرأ البقرات التالية اقرأ البقرات التالية اقرأ البقرات التالية مضى وقت وهي تردد هاي العباره وتحفظ فيها والحين تبغى تشوف انها حفظت او لا سكرت الكتاب وحاولت تتذكر الجمله اقرأ امممممم ضربت جبهتها ما تذكرت وبقهر ضيعت وقتها على الفاضي وما حفظت رمت الكتاب من يدها لانه مستحيل تفلح بالدراسه استلقت على السرير وزفرت بضيق ما تدري كيف يحفظون الكتاب كامل وش يحطون بعقلهم كمبيوتر اعوذ بالله هي جمله وما قدرت تحفظها وقفت وطلعت من الغرفه وهي تحس بالملل اجواء البيت خانقه امها معصبه وابوها نفس الشيء طلعت للصاله وركضت من الفرحه وضربته على كتفه هلا والله وسرعان ما مسحت على يدها من الالم وبصوت طفولي : حرام عليك والله توجع لازم تتعود على ذي الحركه ما احد يضربك على كتفك الا انا طالعها : تستاهلين وانت المفروض تعودتي على ذي الحركه ههههه تعرفيني ما احب احد يلمس كتفي نسيت شوق ورجعت ضربته على كتفه : امزح معك يا شيخ وصرخت وهي تنفخ على يدها وماده بوزها : شرير انقلع لا تكلمني وجلست على الكنبه اقترب منها : لا يا شيخه اموت علشان تكلميني طالعته بتذكر واستغراب : وش جابك هنا ؟؟ جلس جنبها ومد يده خلفها : كيفي شوق بتذكر ضربته على كتفه : صحيح ما قلت لك ورجعت تنفخ على يدها : شرير ليه تضرب طالعها بنص عين : قلت لك ما احب هذي الحركه يالله وش السالفه ؟؟ شوق مدت بوزها بزعل : ما رح اقول انقلع من وجهي مسكها من رقبتها بمزح : قولي والا اشد حركت راسها بالرفض ما رح اقول انقلع شد شوي وفلتها لما شاف فاطمه ابتسم : هلا والله ناظرته بفوقيه وما عبرته اقترب منها وبروقان : اموت على الزعلان يا ناس فاطمه بنرفزه لما شافت قرب منها : ابعد عني لا اعرفك ولا تعرفني انقلع من وجهي واطلع من البيت احسن لك شوق من خلفه تضحك بخفه وتكرر بصوت ينرفز : عاق عاق عاق عاق عاق طالعها : سدي حلقك وناظر امه وابتسم : اخبارك يا ام ياسر ؟؟ فاطمه مو رايقة له : انا ام خالد ما عندي غير عيال اثنين وبنت وبس ياسر : وانا ؟؟/ فاطمه ناظرته من فوق لتحت : طول ما انت بهذا الشكل انا متبري منك ولا اعرفك ولا تعرفني رد وهو يرجع شعره للخلف : يمه بعدني صغير ابغى اعيش حياتي واتمتع فيها قاطعته بقهر : تضمن عمرك ؟؟ تأففف وهو يجلس : افففففف وبعدين مع ذا النكد وش تبغين فيني ؟؟؟ فاطمه بعصبية من افكاره : كيف وش ابغى فيك كيف ارتاح وانت ركعه وحده ما تركع لله عايش حياتك بالترف واللهو شوف شكلك اخخخخخخ منك ابتسم وبطول امل : لما اتزوج اصلي واهتدي ضربته شوق على كتفه : تضمن عمرك يا حمار ونفخت على يدها من الوجع مكان الضربه وبهمس : شرير ياسر : اول مره اشوف واحد يهدي واحد ويشتمه !! ما تدرين انه ما تصير تشتمين الناس يوم القيامه ربنا بيعطيني من حسناتك مو حافظه حديث المفلس طالعته فاطمه بحسره على حاله يعرف الحلال والحرام مو جاهل تنهدت : الله يهديك حك ذقنه وابتسم : امين وضرب شوق على راسها بخفه : ما قلت لي وش السالفه ؟؟ عفست ملامحها بقهر منه : ما قلت لنا سبب رجوعك ؟؟/ قاطعتها فاطمه وهي مفوله من العصبيه : يعني مو عارفه اكيد خلص مصروفه وجاي يتشحد حط رجل على رجل وابتسم : اولا هذي مو شحده بيت ابوي لو اخذت منه فلوس ما يعتبر شحده ثانيا صدقتي يا امي العزيزه فلوسي خلصوا قاطعته بقهر : وليه ما تنقلع تشتغل ؟؟ مو فالح بدراسه ولا بشغل ولا بشيء حرام لو الحين تدرس بالجامعه مط خد شوق : وهذي ليه ما تعطيها محاضرات بالدراسه تراها حماره مثلي والا بس ياسر للي لازم يدخل جامعه فاطمه تكتفت : الحمد لله انك اعترفت انك حمار بلاه تدرس روح اشتغل واصرف على نفسك قاطعها ببرود : تو تو تو ابغى اعيش حياتي الحين ملحق على الشغل شوق بلقافه : وين كنت طول هالمده ؟؟ طالعها وغمز : بفندق 5 نجوم الله يخليه لنا اكل واشرب وانام ببلاش هههههه فاطمه فتحت عيونها باستنكار : بالله ما انت قاعد عند امي هز راسه بابتسامة : الله يخليها لنا حتى اصحابي تعزمهم وما تقصر قاطعهم دخول ناصر ناظر ياسر من فوق لتحت ومشى وهو مطنش وجوده وقف ياسر وهمس لشوق : اروح اسلم على بابا فاطمه صحيح ما تكلم ناصر بس وضع باسر ما ينسكت عليه لازم يتدخل : قبل ما تروح تنام تعال شوف حل مع ولدك ! بدون ما يطالعها وقف : لما كنت ابغى اربيه وقفت بوجهي وقلتي لا تتدخل يا ناصر انا بطريقتي اتفاهم معه يلا تفاهمي معه وعدلي تربيتها اشوف وتركهم ودخل الغرفه ناظرته فاطمه وهو متوجه للغرفة وانقهرت منه قصده عن امها زفرت بضيق وناظرت ياسر بعجز لتغيير حاله تركته وراحت وقلبها يتقطع ياسر بكرها للي انتظرته سنوات لكن للاسف فشلت بتربيته قررت تطرده لعل وعسى يتغير بس ما في فائده الحين رجع يبغى فلوس مو حب فيهم رجع توجهت للمطبخ وهي مخنوقة ومتضايقه وقف يطلع بعد ما راحت امه مسكته شوق : وين رايح خليك هنا ابعدها عن طريقه وبابتسامة: مكان فيه ابوي ما اجلس فيه اخاف يغير رايه ويقرر يربيني من اول وجديد هههههههه طالعته: مالت عليك دخيلك خذني معك ترى وضع البيت مقرف كله نكد قرص خدها بابتسامة : وين احطك ؟؟ بعدين تبغين نويصر يدفني بمكاني لا حياتي خلك منطقه هنا وخليني اعيش براحه لوت بوزها : هذا ابوك مو نويصر ابتسم : ادلعه هههههه ناظرته ولوت بوزها : سخيف وبلقافه : ما اخذت مصروف تنهد : ما توقعت امي تستقبلني كذا فكرت تأخذني بالاحضان مو تتكلم من رؤوس خشومها ولا كأني ابنها وما اتوقع تعطيني فلس واحد ارجع للفندق احسن لي طلع من الباب وبتذكر حطت يدها على ظهره : انتظر وعفست ملامحها وهي تنفخ على يدها صارت حمراء مكان الضربه : شرير ضحك عليها بصوت عالي : هههههههه تستاهلين كم مره حذرتك بس ما تفهمين باي وارسل لها بوسه بالهواء هزت راسها بفقدان امل منه قفلت الباب ودخلت المطبخ عند امها وبلوم : يمه ليه ما استقبلتيه؟؟/ فاطمه بدون نفس : لو عنده كرامه ما رجع لبيت انطرد منه شوق بضيق مهما كان هذا اخوها لمتى رح يبقى مشرد كذا عايش على هواه للي بعمره بالجامعه تتمنى تشوفه انسان جدي بس حياته كلها مهزله بس الغلط من اهلها المفروض ما يتركونه على حاله هذا وباعتراض : يمه انتم تدمرونه قاطعتها فاطمه بعصبية : شوق انقلعي من وجهي ترى مو فايقه لك انت واخوك طلعتم الشيب براسي ناظرت امها كيف هبت بوجهها : انا وش عملت ؟؟ فاطمه واعصابها تلفانه : شوق اتركيني بحالي طالعت امها بقهر وطلعت ما عملت شيء علشان تعصب عليها كذا دخلت غرفتها وزفرت بضيق وضع البيت لا يطاق ما احد يكلم الثاني واذا تكلم يهب بالوجه وكأنه بركان ما تدري لمتى يستمر الحال **** **** **** **** **** **** دخل البيت بدون ما يستأذن ناظر الصاله فاضيه توجه لغرفتها فتح الباب وناظرها وهي ماسكه كتابها وتحضر اقترب منها بهدوء وغطى على عيونها بيدينه تلمست يدينه وبصوتها الناعم : وليد ؟؟؟ شد بخفه دلاله على انه الاجابه غلط بتفكير : اممم عبود شد بخفه تحسست يدينه مره ثانيه وابتسمت بنعومه : فارس شد بخفه احتارت يد مين هي يد رجال بالرغم من نعومتها بس مين ما تدري : امممم خالد او سامي شد بخفه ما تدري لسانها زل مع انه شيء مستحيل : فهد ترك عيونها وهو يصفق : ما شاء الله فهد !!! تعالي هنا من متى بناتنا يجلسون مع الخطيب طالعته وابتسمت باستغراب لوجوده وقربت وسلمت عليه بنعومه : اخبارك ياسر ؟؟؟ جلس على الكرسي وتنهد بتعب متقن : ما تسرك احوالي تأثرت لحاله يعيش مشرد واهله موجودين بس ما يطلع بيدها شيء : ربك بفرجها ضحك : ههههههه اموت على الحساسين حزنانه على حالي هزت راسها مريم والدموع بعيونها حزن على حاله قرص خدها بخفه وتنهد : وين خالتي و فارس ودانا والمزعجين ؟؟ طالعته وردت بهدوء : دانا عند خالتي فوزيه مع امي وفارس ما رجع للحين والمزعجين نايمين بغرفتهم هز راسه ووقف : اروح اشوفهم زمان عنهم وش اخر اخبارهم ؟؟ مريم ابتسمت : بخير رد لها الابتسامه : باي اشوفك مره ثانية وسلمي على خالتي ودانا ردت بهدوء : يوصل ان شاء الله طلع من الغرفه وهي تناظره لما تشوفه تحزن عليه شاب يبغى يعيش على هواه وهوى ربعه بس امه وابوه ما عجبهم حاله وانتهى فيه الامر انطرد من البيت وامه متبريه منه صحيح انه ياسر كله غلط بس لو عاملوه باسلوب ثاني يمكن يستجيب لهم لانه قلبه طيب وحنون ومرح رفعت يدينها للسماء تدعي له بالهدايه والتوفيق *** *** *** *** فتح الباب بقوه وبصوت عالي : نايمين وهجم على وليد وسحب اللحاف : قوم نايم يالرخمه وليد رفع راسه بفجعه من هذا الهجوم والصراخ وعيونه وحده مفتحه والثانيه مسكره وشعره مفعوس: وش فيه ؟؟؟ جلس ياسر على السرير وحط رجل فوق رجل : ما تدري وش فيه ؟؟ وليد دق قلبه خاف انه صار شيء : وش فيه ؟؟؟ ياسر بثقه : انا جيت ما كمل جملته الا وليد ضاربه بالمخده على راسه : انقلع من هنا انت وخشتك ياسر بروقان : افا ما هقيتها منك ما اشتقت لي غايب عنكم كم شهر وليد وهو يرجع راسه على المخدة: عمرك لا جيت قالوا لك مشفوح على شوفتك انقلع عن وجهي خلني اكمل نومتي ياسر سحب المخده من تحت راسه : نو نو نو ما في نوم بعد اليوم وتوجه لعبود للي نايم وفاتح فمه وابتسم بخبث وضربه على وجهه بالمخده فز على حيله وناظر حوله ياسر ضحك على شكله : ههههههه قوم قوم يا قاطعه صراخ وليد : بعدين مع زناختك الاخ مصنع ساردين تستورد ثقل الدم من وين ؟؟؟ ياسر حك شعره وابتسم : امممم بصراحه ما استورد ليه استورد والزناخه المحليه موجوده واشر على وليد ههههههه وليد وهو عافس ملامحه خرب نومته : يا ثقل طينتك عبود وهو يتثاوب : غريب جاي !! ياسر وهو يناظر الغرفه : جاي اتفقدكم وحشتوني ههههههه وليد جلس وتربع على السرير : يمه عالكذب ليه انت لما تكون عند جدتك ام عمر تذكر احد تبيع اهلك كلهم علشانها ياسر جلس جنبه وابتسم لذكراها : والله ابيع الدنيا كلها علشان جدتي الله يطول بعمرها وبنبره استغراب _ غريب خابركم بهذا الوقت تلعبون بلايستيشن ؟!!! عبود رمى نفسه على سريره بقهر : انسحب منا ضحك ياسر عليهم : هههههههههه عقاب اكيد عقاب من البابا الحمد لله تاركني على هواي ومو عايش عنده والا كان كل حياتي عقابات ههههه وليد باستغراب : ما تشتاق تعيش بين امك وابوك ؟؟ ياسر : جدتي هي امي وابوي عشت اغلب حياتي عندها واجي هنا زياره وكأني ضيف ولما ألزمنا ابوي انا وشوق نعيش هنا ما قدرت أتأقلم هنا عشت عند جدتي حياة مختلفة كليا عن هنا ما قدرت أكمل هنا وبدت المشاكل لين انتهى بي الامر وطردتني امي من البيت ناظرهم متأثرين لحاله ضحك على شكلهم : هههههههه علامكم كذا ؟ ترى انا مبسوط اني انطردت وعايش على مزاجي وعند جدتي عبود : خالتي فاطمة ما تدري انك عند جدتك هز راسه ياسر : ما تدري لانه لما كانت تزور جدتي اطلع من البيت وجدتي طلبت من اخوالي وخالاتي ما حد يخبرها اني عندها بس الحين عرفت ههههههههه وليد ناظره باستغراب يضحك ومبسوط على حياته ما يدري هل هو مبسوط والا يكابر ويخفي بقلبه ضرب ياسر جبهته : اوه نسيت اقول لشوق نواف يسلم عليها وطلب مني لما اشوفها اخليها تكلمه وليد بحده : انت ما عندك دم ؟؟! ياسر ناظره : وش فيك ؟؟ خلك فري شوي وش فيها لو كلمت ابن خالها تراه مثل اخوها وشوق متعلقه فيهم وكأنهم اخوانها وعاشت معهم اكثر ما عاشت مع اخوانها وليد مو عاجبه كلامه : ترى لو يدري ابوي ما رح يسكت اذا على سالفه انها تكشف قدام عيال اخوالها صارت سالفه طويله وعريضه زم ياسر شفايفه مو عاجبه : وش فيها لو كشفت اصلا النقاب مختلف فيه دفعه وليد عنه بقرف : تعرف الحلال والحرام وهذا حالك !!!! ياسر يغيض وليد بكذب : اصلا يا دوب من شهر صارت تلبس عبايه قدامهم والا كانت تكشف شعرها والوضع عادي فرررررررري وليد فور من العصبيه : انا الحين رح افرك على طول يدي من الشباك يا اخي خلي عندك دم تراها اختك !! اذا ترضاها تراني ما ارضى على اختي كذا فاهم ياسر ضحك بصوت عالي على شكل وليد : هههههههههههههه حط يده على بطنه من الضحك بدون ما يدري عن الشخص للي يسمع كلامهم شد على يده من القهر وتركهم وتوجه لغرفته ياسر وهو مستمر بالضحك وبكلام متقطع : ههههه ا هههه ام ههههه امزح هههههه والله امزح معك ههههههه وليد ارتاح شوي : على بالي والله بغيت انحرك ياسر وقف وابتسم : تراك اكبر من عمرك مو مثل الرخمه خالد وسامي وعبود كل الوضع عندهم فري ههههههه خلك مثلهم ولا تكون مثل اخوك الهمجي فروس ههههههه خلك مثلي صدقني الا تنبسط وخلي كل شيء فري صح عبود وليد وقف ومسكه من طرف بلوزته وتوجه فيه باتجاه الباب : عاجبك وضعك مبروك عليك بس تعدي عبود بوقاحتك اسمح لي مع السلامة يلا انقلع ضحك ياسر وابعد يد وليد ورتب بلوزته : ههههههههه خلك فري وطلع والابتسامه شاقه الحلق وسكر باب وليد خلفه وناظر فارس وهو طالع من غرفته ابتسم وهو يرحب فيه : هلا والله بفروس طالعه فارس والشرار يطلع من عيونه بعد الكلام للي سمعه منهم ما عنده دم ما عنده حروريه رد بجفاء : هلا اقترب منه ياسر وسلم عليه : علامك تقولها كذا ابتسم يا رجال دوم معصب وش اخبارك ؟؟ فارس وهو يحاول يتحكم باعصابه : بخير رن جوال ياسر ابتسم بعد ما شاف الاسم : هلا وغلا 100 مرحبا .........هههه وش اعمل احبك ....... لا والله في بيت بابا 2 ههههههه .........والله فوق ما طردتني تبغى تطردني من عندك .........لا ما قال شيء .........ههههههههه والله بنتك رح انتحر بالاخير وهي السبب ......هههههه بعين الله .......يبغى يكلمها قولي له اني طلعت من عندها المره الجايه ههههههه .......طيب الحين جاي مع السلامة يا حياتي ناظره فارس مو عاجبه شيء ونفسه يكسره تكسير انسان ما عنده دم طالعه وتركه لانه لو بقى ما يضمن نفسه وبنفسه مخططات لازم ينفذها ** ** ** ** ** ** جالسين على الغداء من بعد ذاك الموقف الهدوء يعم البيت ولا احد يكلم الثاني خاصه فاطمه وناصر ما يكلمون بعض الا بالقطاره حطت اللقمه بفمها وناظرت سامي ولوت بوزها كل المشكله بسبب لسانه الطويل ناظرت امها توكل بهدوء وابوها نفس الشيء ولا واحد يكلم الثاني اما خالد ساكت وما فتح فمه بكلمه وحده من بدايه الموضوع وضع البيت مو عاجبها مقرف اذا كلمت امها تصرخ بوجهها ومعصبه 24ساعه وابوها من قبل ما تقدر تكلمه كيف الحين الحمد لله اليوم رح يجتمعون في بيت جدتها لطيفه على الاقل تغير جو وتشوف اميره ومنال ناظرت خالد للي يتكلم بهدوء: اليوم رح نروح عند بيت جدي ؟؟؟ ناصر بحده راح باله عند ام عمر : مين جدك ؟؟ خالد بتوتر :، جدتي لطيفه ارتخت ملامحه ورد : ايه رح نروح كلنا ناظرته فاطمه وهي عافسه ملامحها وبعدها صدت عنه وش قصده بسؤاله يبغى يمنعنها عن اهلها ولا كمان عيالها الظاهر ممنوع يروحون طنش نظراتها وكمل أكل كانت تناظر امها وابوها نزلت نظرها للاكل بس سرعان ما رفعت راسها وناظرت امها وهي تتكلم بحده : انا ما رح اروح للي يبغى يروح يعرف الطريق ناظرها ناصر وهو مو مصدق انها فاطمه من فتره متغيره حيل عمرها ما كانت كذا يتذكر لما صارت مشاكل في بدايه زواجهم عمرها ما قطعت اهله وكانت تقول اذا تشاجرت معك اهلك ما لهم دخل علشان اقطعهم بس الحين العكس مو فاطمه هذي فاطمه للي لو صار بيننا سوء تفاهم ما تتركني حتى ارضى بس الحين من الموقف ما تكلمني ابد وصاده عني وكأنها شايفه جني عض على شفته بقهر ووقف وبحزم :بعد صلاه المغرب الكل يكون جاهز واعطاها نظره تحدي وطلع من البيت كله شوق ناظرت امها بعد ما طلع ابوها : بتروحين ؟؟ فاطمه بنرفزه : وش دخلك اروح ما اروح كافي لقافه افففففف وقامت من المكان كله شوق بقهر ناظرت سامي : كله بسببك شوف كيف امي وابوي حالهم سامي وحاس بالذنب : والله مو قصدي قاطعته : اسكت اسكت اقول انقلع من هنا طالعها خالد وما تكلم وطلع وبعده طلع سامي تنهدت بقهر من بعد السالفه امها ما تنظف شيء كل شيء برقبتها تنهدت وبهمس : اذا زعلانه ما تنظف المطبخ كله فوق راسي الله هزت راسها ما تدري على مين تدعي ما في غيره فارس الله يأخذك يا فارس الزفت بسببه الحين أجلي وأنظف لا والمشكله لا جزاء ولا شكورا بدت تنظف وهي تونس نفسها الاجر عند الله كملت تنظيف واخذت نفس ترتاح وبسرعه طلعت من المطبخ لما سمعت حركه بالصالة وبفجعه : يمه وين رايحه ؟؟؟ فاطمه : عند أهلي قاطعتها شوق ومسكت يدها : والله ما تطلعين الا رجلي على رجلك تتركيني هنا لا والله ما لي دخل فكت فاطمه يدها : لا تخافي راجعه انت خليك هنا مو هذا للي يبغاه ابوك ما يبغى تدخلين بيت اهلي مو من مستواه شوق عيونها تلمع بالدموع : والله ما تطلعين بدوني ابقى هنا بدونك مستحيل فاطمه بتعب : لا تزيديها علي يا شوق ترى للي فيني مكفيني شوق ؛ طيب ابوي يدري انك طالعه فاطمه تنرفزت من ذكر ناصر : ابعدي عن طريقي شوق مسكت يد امها : الحرمه للي تطلع بدون اذن زوجها تلعنها الملائكه من لما تطلع حتى ترجع ناظرتها فاطمه اول مره تسمع شوق تقول شيء مفيد تنهدت وكلام شوق ينعاد بعقلها كيف نسيت هذي النقطه تعوذت من الشيطان وعادت ادراجها لغرفتها زفرت شوق بضيق لحال امها وابوها الحين حست بالنعمه للي كانت عايشيتها بين ام واب حياتهم متفاهمه وما في مشاكل بينهم حياه كلها محبه وسعاده الحين حست بقيمة النعمه للي كانت عايشه فيها تمنت من كل قلبها ترجع المياه لمجاريها وينتهي الزعل والنكد وترجع امها وابوها مثل قبل واحسن ** ** ** **** ** ** ** بعد المغرب جالسه مع بنات عمها وتحس انها وحيده تحس شيء ناقص بدون امها الجلسه ما تكمل غمضت عيونها لثواني وهي تتذكر قبل ما يطلعوا تهاوش ابوها مع امها لانها رفضت تيجي دخلت عمتها ام مهند وسلمت على الجميع .وناظرت باستغراب : وين فاطمه ؟؟ شوق بهدوء اعادت نفس الاجابه لكل واحد يسأل : تعبانه شوي ام مهند هزت راسها بتفهم : سلامتها ردت شوق بنفس النبره : الله يسلمك حطت يدها تحت خدها تسمع لسوالف بنات عمها وعمتها ومريم ودانا مندمجات قلبها مثل النار قلقانه على امها ما كانت تبغى تيجي بس من عصبيه ابوها اضطرت تيجي زفرت بضيق متى تخلص هالسهره وترجع للبيت بس ناظرت باستغراب لا سمعت كلمة سافر ناظرت جدتها : مين للي سافر ؟؟ ردت الجده : ابوك سافر الحين عنده شغل ضروري وناظرت الحريم قلت له خليها هالسفره للصباح بس قال شغل ضروري الله يهديه شريفة : ان شاء الله يروح ويرجع بالسلامه فوزيه : اخبار ياسر زمان عنه سمعت جاي قبل يومين ؟؟ الجده بتحسف : الله يسامح للي كان السبب ام مهند لتغيير الموضوع : متى رح تزوجون فهد فوزيه : قريب ان شاء والله استنى اليوم للي اشوف مريم عندي وتكون زوجه ولدي الغالي ناظرتها شوق من فوق لتحت وحست انها قاصديتها تكلمت من رؤوس خشومها : اول مره ارحم مريم فوزيه فتحت عيونها : وش قصدك ؟؟ شوق حطت رجل على رجل : للي على راسه بطحه بيتحسس عليها خلود وقفت بعصبية : حطي لسانك بحلقك وثمني كلامك احسن ما اقصه لك قولي انك غيرانه وميته غيره لانه فهد ما خطبك ترانا عارفين ناظرتها شوق من فوق لتحت وباستهزاء : لا يا شيخه خلي عنك تراني بغيت انتحر علشان اخوك المنغولي ما خطبني خلود بعصبية : قلت لك حطي لسانك بحلقك احسن ما امسح فيك الارض وقفت شوق والشر بعيونها : تعالي اشوف كيف تبغين تمسحين الارض بي تقدمت ام مهند والبنات يبعدونهم عن بعض شوق بصوت مرتفع : اتركيها خليني اشوف كيف تبغى تمسح الارض وبصوت اعلى علشان اخليها تندم على اليوم للي جاءت فيه هنا فوزية : احترمي نفسك الجده بحده : خلاص انت وهي ما في شيء اسمه احترام شريفة بهدوء : صلوا على النبي يا جماعه قاطعتها شوق : انت لا تتدخلين فاهمه وخلك بنفسك احسن لك تراها واصله هنا واشرت على انفها مسكتها الجده من يدها وبحنيه : هدي يا بنتي علامك معصبه جلست جنب جدتها والغصه بحلقها مخنوقه كل شيء بالدنيا يخنقها مسكت الجده بيدها ومسحت عليها بحنان وهمست بإذنها : لا تكدرين خاطرك فوزيه بقهر : انا نفسي افهم شيء واحد ليه تميزين عيال ناصر وابن محمد عن عيالنا سمعتيها بإذنك وش قالت فوق هذا تطبطبين عليها ام مهند : وش فيكم ما في داعي تعملون ذي المشكله الجده بهدوء : كلكم عيالي وما افرق بين احد فلا تجيبين كلام من عندك شوق مو رايقه للمشاكل بس مستحيل تفوت فرصه تقهر فيها فوزيه : يعني تبغين تجبرين جدتي تحب عيالك غصب تراهم ما ينحبون ولا ينبلعون وخاصه المنغولي هذا للي تتفاخرين فيه شدتها الجده لجهتها وبهمس وبحزم: شوق انتهينا ناظرت جدتها : لا ما انتهينا خليها تعرف قاطعهم صوت من خارج الغرفه : صوتكم واصل للمجلس ما في احترام ؟؟ الكل سكت لما سمعوا ابو احمد يتكلم ونبره صوته معصب من صوتهن ناظرت شوق خلود وحركت حواجبها بخفه بدون ما احد ينتبه خلود نسيت وجود عمها وبصوت عالي : وقسم بالله اذا قمت لك الا اكسرك تكسير فاهمه ناس زباله وقفت شوق وبعصبيه : والله ما احد زباله غيرك انت خلود مدت يدها تضربها مسكت شوق يدها : وقسم بالله لو تمدين يدك اني اكسرها تراك تعديتي حدودك خلود تحاول تفلت يدها : اقول لك اتركي يدي فوزيه بحجمها الكبير دفعت شوق عن خلود للحظات فقدت توازنها وصرخت بصوت عالي وخبط راسها بزاويه الجدار بقوه وبعدها فقدت الوعي اجتمعوا الحريم حولها الجده رفعت راسها والدم يتدفق بقوه وبصراخ : ذبحتوا البنت ارتحتوا الحين حسبي الله عليكم وبصوت حزين وهي تشوفها مغرقه بدمها : يمه شوق قومي انا جدتك ردي علي ضربت على وجهها بخفه وبصرخه مو قادره تستوعب : شوق قومي يمه قومي ام مهند بخوف : يمه يمكن فقدت الوعي وبصرخه ناظرت اميره : نادي واحد من اعمامك بسرعه انطلقت اميره واول ما طلعت شافت ابوها ابو احمد للي يسمع صراخهن مو فاهم شيء تكلمت اميره وهي ترجف : يبه شوق ما ادري وش فيها ما ترد دخل ابو احمد بدون ما يسأل عن السبب وشاف الحريم متجمعات حولها اقترب وشافها والدم حولها جن جنونه لو يشوفها ناصر وش رح يصير فيه وبصرخه : بعدوا عنها وحملها بين يدينه بعد ما غطوها بالعبايه وطلع بسرعه من البيت الجده ناظرت فوزيه بقهر : ارتحتي الحين ذبحتي البنت حني يدينك الحين وصارت عيونها تنهمر بالدموع وش اقول لامها بنتك للي سنين انتظرتيها راحت بنتك الوحيده ما عاد تشوفينها بنتك للي كنت تنتظرين تكبر وتزفيها لزوجها خلاص رح تزفيها للقبر قاطعتها ام مهند : خلاص يمه البنت ما فيها الا العافيه ادعي تقوم بالسلامه الجده تمسح دموعها : ناصر ناصر وش رح يقول لنا ؟؟؟!! دوم يقول لي يمه ما اتخيل الحياه بدون شوق شقيه بس احبها يمه حبها تربع هنا واشر على قلبه وش رح يقول لنا الحين فوزيه بتبرير وخوف : والله ما كان قصدي بغيت ابعدهم عن بعض ام احمد تهدي الوضع : خلاص ان شاء الله ما يصير الا خير لا تكبروا الموضوع مجرد وقعه والحين ترجع مثل الحصان واحسن بعد شريفه وهي تفرك يدينها بقلق خايفه ان صار لها شيء وش يخلص فوزيه من هالمشكله طلعت برا تكلم فارس يشوف وش صار ويطمئنها مريم جالسه تبكي منظر شوق مصور بين عيونها غمضت عيونها ودموعها تنزل وتدعي بقلبها تقوم بالسلامه اما دانا ساكته تتابع بصمت بملامح جامده اما اميره ومنال اقرب شيء لها جالسات على اعصابهن خايفات عليها انتهى البارت انتظروني يوم الاثنين بإذن الله ...دمتم بخير | ||||
|
| |
|
08-05-16, 11:04 AM
| #14 | ||||
| نجم روايتي وفراشة الروايات المنقولة 
| شوق صدمها مدافعه وليد عليها وبالفعل تصرف وليد كان روعه ويدل على حبه لشوق وقوفه بوجه فارس مشان يحمي شوق بين انه بيحبها ومستعد يتلقى الضرب مشانها بس ناصر وتميزه لفارس بيغيظ وياخوفي يقدر فارس ينفذ مخططه شوق غلطانه بعدم التغطي امام اولاد خوالها وخاصه انها بتخون ثقه ابوها وسببت بعنادها مشكله بين ابوها وامها \\\\ياسر الولد المستهتر الرافض الخضوع للقوانين بس واضح انه ذكي بس اخذ الحياه لعبه وواضح ان الجده ام فاطمه هي الي خربت تربيه ياسر شوق بدلالها الهم بس علاقته حلوه مع اخوانه من ابوه انا بعتقد ان الجده هي الي زرعت كره شوق لاخوانها وخاصه انها كانت تريد تطليق فاطمه لما عرفت بزواج ناصر عليها \\\\شوق ولسانها الي ماعم تقدر تتحكم فيه والي سببلها الاذى وضربه الراس من زوجه عمها فوزيه شوحيصير وكيف حيتصرف ناصر وفاطمه شكرا لامارا بجد الروايه روعه وشكر للكاتبه | ||||
|
| |
|
09-05-16, 02:34 AM
| #16 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| | ||||||||
|
| |
|
09-05-16, 11:22 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته البارت 7 *** *** *** *** *** *** جالسه بالصالة وهي تشعر بالراحه : ربك ستر جرح بسيط وخيطوه بس جدتك تحب تعمل اكشن وتكبر الموضوع فهد بلوم : يا يمه اتركي البنت بحالها يعني لو سمح الله وصار لها شيء رح تصير مشاكل واحمدي ربك انه امها وابوها مو موجودين والا كانت صارت سالفه فوزيه لوت بوزها : قال عنده شغل ضروري واخذ ست الحسن معه لا وللي يسأل تقول انه امها مريضه فهد تنهد : يمه وش تبغين فيهم ؟!! فوزيه بقهر : ما انقهر الا على حظ اختي المايل ليه ما سافرت هي مكان فاطمه فهد ما يحب سوالف امه دامهم متفقين مع بعض وما في مشاكل ليه الكلام للي ما له معنى : يا يمه دام خالتي شريفه مو معترضه ولا قايله شيء وشهوله تعترضين طالعته والدموع بعيونها: لا تلومني ينحرق قلبي لما اشوفها تراها ذاقت بحياتها واشوف الحزن بعيونها تراها انغصرت بحياتها وتمرمرت وانغصبت على اشياء ما تبغاها غمضت عيونها لثواني ونزلت دمعتها على خدها: الله يسامحك يبه ويرحمك ويجعل مثواك الجنه فهد حتى يغير موضوع مر عليه السنين وما يحب يسمعه: خلاص للي فات مات وحنا عيال اليوم وكل شيء اقدار هزت راسها وقلبها محترق على اختها *** *** *** *** *** *** مجتمعين على الفطور بهدوء ناظرتهم بمحبه : لا تستحون تراكم في بيتكم خالد هز راسه بحياء مو متعود وخاصه امه وابوه مو هنا حتى شوق مو جالسه معهم الجده تنهدت : الله يهديها شوق رفضت تنزل تفطر سامي باستغراب : طيب ما قالوا لنا انهم مسافرين ؟!! الجده بحنيه : والله يا ولدي ما ادري اتصل وقال انه مسافر مع امك وقفت : كملوا فطور اروح اشوف شوق الظاهر انها زعلانه لانه ما احد خبرها عن السفر توجهت لغرفة شوق بعد ما طلعت الجده حط خالد اللقمه مكانها ما له نفس بشيء بس اكل مجامله لجدته : مليت وضعنا هذا شيء يقرف نكد بنكد مو مرتاح بالجلسه هنا ابغى ارجع البيت سامي بنفس الضيق : المشكله ابوي قايل لها نقعد عندها لحتى يرجعوا من السفر وممنوع نطلع من هنا او هنا خالد لوى بوزه : قصدك دار جدي ابو عمر ممنوع ندخلها حتى يرجعوا والله حال سامي : حتى على بيتنا ممنوع نروح خالد اسند ظهره للكرسي : يمكن علشان شوق تعرف لسانها الطويل اكيد رح تتذابح مع خالتي شريفة وبناتها يمكن اختصار المشاكل يعني كل شيء ممنوع والسبب شوق ولا يا ليت معبره احد من البارحة ماده البوز وما ترد على احد ما ادري على شو شايفه نفسها والله مريم احسن منها سامي : اسكت لا تسمعك وش يخلصك من لسانها الطويل عفس خالد ملامحه واشر لسامي : تأخرنا على المدرسه ** ** ** ** ** ** ابتسم بسعاده كل شيء ماشي مثل ما خطط بس ينتظر رجوع ابوه طلع من غرفته وهو يلعب بالسبحه وجلس بالصاله عند امه بالصاله مع امه لوحدها اخوانه بالمدرسه شريفه ابتسمت له رد لها نفس الابتسامه : اخبارك اليوم ؟؟ شريفه : الحمد لله بخير وانت ؟؟ فارس بفرحه : الحمد لله بخير شريفه : اذا انك طالع خذني معك على بيت جدتك اروح اشوف شوق قاطعها بقهر : ليه تزورينها جعلها بالحريقه وحده مثلها ما تستحق تناظريها شريفه بهدوء : بعدها صغيره ما ألومها وبعدين امها عسله علشان امها مو موجوده اروح اطمئن عليها فارس زفر بضيق: يا كرهي لها شريفه : ما ادري وش تبغى فيها خلك بحالك وهي بحالها يكون افضل هز راسه وهو مصمم ينفذ للي في باله مجنونه يتركها بحالها ** ** ** ** طالع امه وضحك بخفه على كلامها : طردتيني من البيت والحين جايه تطرديني من هنا فاطمه بعصبية : ايه اطردك ما ادري امي كيف تستقبل واحد صايع مثلك سكير تنرفز من كلامها : قلت لك والله ما اسكر قاطعته : شفتك بعيوني لما رجعت للبيت وانت سكران ياسر بقهر مو راضية تصدقه : والله بالغلط صار الموضوع ليه مو راضيه تصدقيني ؟؟ ام عمر بنرفزه : علامك على الولد من لما جيتي وانت قاعده له اتركيه على راحته تراك خنقتيه يقول لك ما اسكر واخذ الكأسه بالغلط هي لصديقه فاطمه مخنوقة ومعصبه من كل شيء : هذا انت قلتيها اذا صديقه كذا وش رح يطلع باكر يرجع مدمن مخدرات وقف بنرفزه ومحرق من القهر: انا وش دخلني بصديقي الاهم انه انا ما اسكر اخذت نفس وهي كاتمه عصبيتها : الصاحب ساحب طول ما انت داير مع هالشله التعبانه متبري منك وانت حر الجده زفرت بضيق من فاطمه : يقال جايه تجلسي عندي علشان اني مريضه تراك زدتي مرضي بكلامك خلي الولد يعيش حياته وباكر بنفسه يعرف الصح من الغلط ابتسم على جنب ؛ عاشت جدتي وقام باسها على راسها : الله يخليك يا رب ناظرته فاطمة من فوق لتحت ولوت بوزها مو طايقه احد ومخنوقه ما تطيق كلمه من حولها تذكرت شوق بعدها ما كلمتها اكيد الحين متضايقه لانها جالسه عند جدتها ناصر قال انهم سافروا حتى ما يلفتوا الانتباه وعيالهم ما يحسون بالمشاكل للي بينهم حطت يدها على راسها ذبحها الصداع ناظرت ياسر بحسره نفسها تتفاخر فيه وتقول ولدي دكتور او مهندس او استاذ او ضابط او اي شيء مو داير بالشوارع ما تدري وش الحل معه ياسر جلس جنبها : الجلو سرحان بشو ؟؟ طالعته ولفت وجهها عنه وقفت ام عمر بزعل : وقسم بالله ما تستاهلين هالقمر ربي اعطاك إياه والحين ترفسين هالنعمه وقفت فاطمه والهموم فوق راسها : للي فيني مكفيني دخل ابو نواف عليهك وسلم وناظر فاطمه بزعل ام عمر استغربت من نظراته : وش فيك انت الثاني ؟؟ ابو نواف بنبره زعل وهو يطالع فاطمه ؛ ما في شيء فاطمه تنرفزت من نظراته كل شيء يحطون اللوم عليها تحس نفسها مضغوطه نفسيا : ليه تناظرني كذا تبغى اخذها وازوجها غصب عن ابوها قلت لك مو راضي ورافض الفكره نهائيا وش بيطلع بيدي قول ؟؟ ابو نواف بنبره شك : والله الكل يعرف بقيمتك عند ناصر وكلمتك مسموعه والا الحين ما عاد يسمع منك ؟؟!! قولي انك ما تبغين نواف وخلصنا فاطمه بقهر : ليه مو راضي تصدق ام عمر عقدت حواجبها : كيف ناصر يرفض نواف ؟؟ وبعدين شوق ابنتي وانا للي ربيتها وما له دخل ورح تتزوج نواف غصب عن نصور هذا فاطمه جلست بتعب على الكنبه : يمه يرحم والدينك فكيني من المشاكل ونواف يرزقه البنت للي تستاهله ابو نواف بحده : شفتي قلت لك انك ما تبغين نواف وتحججت بناصر ياسر كتف يدينه : ونواف وش ينقصه علشان يرفضه ابوي والا فهد احسن ؟؟ ام عمر بتوعد : رح يتزوجها غصب عن الكل فاطمه بقهر من كلام امها : يمه تراها شوق مو بنتكم تتحكمون بزواجها لها اهل يوافقون ويرفضون لا تقهروني فوق القهر للي بداخلي ياسر : انا اخوها ورح تأخذ نواف غصب مثل ما قالت جدتي تكلمت فاطمه وهي رح تنفجر بأي لحظه : ياسر لا تقعد مثل البغبغاء تعيد كلام جدتك وكلام ابوك لا انت ولا غيرك بكسره واتركوا البنت بحالها ابو نواف زم شفايفه بقهر : وإلا نسبنا ما يشرف الاستاذ ناصر ليه اخذك دامنا مو من مستواه فاطمه ما لها خلق تجادل : ليه تفسرون الكلام على كيفكم ما يبغى يطلعها من العائله وخلصنا ام عمر بعتب : ليه تكلمين اخوك كذا ؟!! تراك تغيرتي يا فاطمه !! زفرت بضيق وهي تردد الله يطولك يا روح : الشاطر يقول تغيرتي يا فاطمه وانا وش عامل فيكم عملتم سالفه من لا شيء البنت ابوها ما يبغى يزوجها هو غصب عندكم ام عمر عصبت من كلامها وطريقتها : وقسم بالله الا غصب عن لحيته هالناصر شوق تأخذ نواف ونشوف مين للي تمشي كلمته وانت خليك محكومه له حتى على امك واخوانك انقلبتي علينا قاطعتها فاطمه وهي تبكي : بالله عليكم ترحموني وتتركوني بحالي ليتني اموت وارتاح من هالعيشه وتركتهم وطلعت وهي تحس الدنيا مسوده بوجهها مو طايقه احد وحاسه بالضيق يخنقها تشاجرت مع ناصر على سالفه نواف وعصب منها وزعل يمكن زادت العيار بالكلام بس اخوانها طيبين وين عينها منهم لما ترفض ابنهم وما يحق له يرفض على كيفه المفروض شاور شوق هي للي رح تتزوج مو هو عضت على شفتها بقهر مقهوره منه كلما تتذكر موقفه لما تناقشوا بموضوع نواف جرحها بكلامه قبل ما يسافر هو شدد على الرفض لما عرف انه شوق تكشف قدامهم خلاص نفسها عافت البيت وناصر وكل شيء مطعونه منه تتمنى تموت وترتاح من هالدنيا كلها مسحت دموعها وكلامه الاخير مو راضية تنساه ما زال يرن بإذنها ** ** ** ** ** ** مر يومين حاولت خلال سفرتي أغير جو لعلها ترجع المياه لمجاريها انا معصب وهي معصبه واذا شدينا الاثنين ينقطع حبل الموده بيننا وهذا للي ما ابغاه حسيت انه عيالي تعقدوا من وضعنا وخاصه لما رفضت تروح لاهلي وعصبت عليها لانه اهلي ما لهم دخل بالمشكله بس هي متغيره كثير صارت تزعل كثير وتعصب من بعد ما خطبت مريم خطب نواف شوق وانا رفضت بس بدون ما اظهر اسباب الرفض الاساسيه صحيح تضايقت فاطمه بس كان الوضع عادي مر وقت ورجعت فتحت الموضوع مره ثانيه لغايه قبل ما اسافر تشاددنا بالكلام وزعلت وديت العيال عند امي وقررت اوديها عند اهلها لوقت رجوعي يمكن تتحسن نفسيتها وترجع مثل اول وانا سافرت وقلت لامي اني سافرت انا وفاطمه ما ابغى العيال يحسون بشيء ابغى ترجع المياه لمجاريها احس نفسيتي صارت احسن والحين متوجه لبيت اهلها اجيبها معي مع اني رنيت عليها وجوالها مقفل رح اطول بالي واقول يا صبر ايوب وقفت عند باب البيت اخذت نفس ونزلت من السياره والجو حار شوي طقيت الباب وانتظرت دقائق بعدها انفتح الباب واستقبلتني اكره مخلوقه على قلبي حماتي لا تقولون وش سبب الكره من عند الله ما احبها ولا اطيقها وفعايلها بالماضي زادت كرهي لها رديت السلام بهدوء : السلام عليكم حسيتها ردت بدون نفس : وعليكم السلام وتكلمت معها من باب الاحترام : اخبارك خالتي ؟؟ وردت بنفس الطريقة : بخير وبكلمه رخوه : تفضل تقهوى رديت بهدوء : مشكوره بس بغيت فاطمه اتصل فيها جوالها مغلق ردت علي بهدوء واحس بعيونها كلام : الحين اشوفها تنهدت بعد ما راحت صحيح حنونه على عيالي وتدلعهم بس ما احبها ولا احب عيالي يزورونها تراها تلعب بعقل عشيره احس بالحر وسندريلا ما طلعت بعد لحظات طلعت للباب وحسيت نفسي انسدت لما شفتها : فاطمه ما تبغ سكتت لما شافت فاطمه خلفها طالعه ومعها اغراضها لا اخفيكم تنهدت براحه لما شفتها تراها حنونه وانسانه رائعه راقيه بس ما ادري وش قالبها هالفتره سلمت على امها وطلعت لي وردت السلام بهمس وباين انه بدون نفس تعمدت اني ما ارد عليها ورديت بنفسي ماده البوز وكأني ذابح اهلها ركبنا وحركت السياره والصمت يعم بالمكان ناظرتها بطرف عيني صاده جهة الشباك خليها اشوف متى ينزل الحطب من راسها ** ** ** ** ** ** ** فاطمه جالسه جنبه وللحين مقهوره ومتضايقه ما ادري مو قادره انسى كلامه وهو ولا عند باله ما رح ارجع واعتذر لاني ما غلطت كل مره انا ارجع لما اغلط بس هالمره انا ما غلطت هو للي غلط وزادها بكلامه حتى ما كلف نفسه يسأل عني ولا كأني موجوده وقف السياره عند اهله قصدي بيتنا ترى البيت للي ساكنه فيه امه لنا بس ناصر تركه ورحل لمنطقه ثانيه نزل من السياره ولا قال انزلي ولا عبرني كنت ما ابغى انزل بس اشتقت لعيالي كم يوم وما قدرت افارقهم وخاصة خالد وسامي احسهم حساسين ويستحون من للي حولهم بعكس شوق وياسر يأخذون حقهم وزيادة ابتسمت شبح ابتسامه لذكرى شوق ونزلت من السياره وتوجهت خلفه بهدوء اول ما دخلت شفت خالد وسامي يسلمون على ناصر والفرحه باينه بعيونهم بشوفتنا صحيح قلبي مليان هموم ونكد بس ذول بدايه حياتهم وش ذنبهم يتعقدون من حياتهم اتصنعت الابتسامه وسلمت عليهم بحراره ذول قطعه من روحي غلاتهم غير يمكن لاني انا للي ربيتهم بعدها سلمت على خالتي بهدوءوناظرت باستغراب : وين شوق ؟؟؟ ردت خالتي بابتسامة : الحين جايه استغربت ما اشتاقت لنا ولا كلفت نفسها تنزل تستقبلنا شفتها وهي نازله من الدرج بهدوء اقتربت وسلمت على ابوها بهدوء وسكون وجمود وبعدها سلمت علي بنفس البرود والجمود وانا احس عيونها فيها حكايه يمكن زعلانه مني ما حكيت معها سألتها عن احوالها طالعتني وابتسمت شبح ابتسامه اقرب للاستهزاء واعطتني نظره ما فهمت قصدها وهزت راسها ورجعت لاغراضها تحملهم غمضت عيوني للحظات ادري انها زعلانه وما تبغى تكلمني بس اعرفها ما تعرف الزعل لحظات ورح ترجع شوق الثرثاره بعدها قال ناصر نرجع للبيت وطلعنا والصمت يعم السياره ** ** ** ** ** بعد العصر مريم بفرحه : بابا الحين جاي عبود : للي يسمعك صار له غايب سنوات تراه ما سافر الا كم يوم !!! مريم بنعومه : لو سافر ساعه اشتاق له واحب اشوفه حتى لو ما اكلمه بس شوفته تسعدني عبود بسخريه : طلع لها لسان هالمثاليه !! ناظره وليد وابتسم بدون نفس وما رد دخل فارس وجلس معهم وناظر وليد للي يده تحت خده وماد البوز شبرين قاطعهم دخول ناصر رد السلام بصوت عالي وقف فارس وهو يرحب ويهلي فيه وسلم عليه بحراره بادره ناصر نفس السلام : اخباركم؟؟؟ فارس بابتسامة : الحمد لله كلنا بخير وسلم على زوجته وعلى البنات وعلى عبود بابتسامة ولما وصل عند وليد كشر ومد يده بدون نفس سلم وليد وحز بخاطره حتى ما سأله عن حاله جلس وحاس بالغصه بحلقه وش هالذنب للي اقترفه حتى يعمل فيه كذا تعوذ من الشيطان بداخله وهو يحس بداخله نار تشتعل جلس ناصر وقلبه على وليد يدري انه قسى .عليه بس يبغى انه يعلمه درس كيف يحترم اخوه الكبير وما يمد يده عليه مهما كان السبب في الف طريقه للتفاهم بس بدون الضرب للحين متضايق وليد للي بالمدرسه يتمادى ويمد يده على اخوه الكبير للي بينهم سنوات مو قليله المفروض يكون فيه حدود ما يتعداها وليد كثير يتضارب مع عبود وخالد وسامي ولا مره عاقبته بالشكل هذا لانهم تقريبا نفس العمر والمضاربه بهذا السن بينهم شيء رسمي لكن غير المعقول انه يتمادى على اخوه للي يفوقه بسنوات ناظرت شريفه وحسيتها انها متضايقة علشان وليد ادري انها ام وتضايق لضيق ولدها بس طنشت ابغاه يتعلم من اغلاطه بس والله قطع قلبي وانا احسه مخنوق والدموع بعيونه وغصب عني جلست جنبه وضربت على كتفه بخفه : اخبارك يا وليد ؟؟؟ حسيته تفاجئ واستغرب ابتسمت على شكله مسحت على شعره: علامك تناظرني كذا ؟؟ هز راسه بالنفي حسيت دموعه تنزل بأي لحظه همست بإذنه : قوم اشرب مويه وارجع اجلس معنا هز راسه وقام بدون كلمه واحده واحس بعيون الجالسين فرحه لاني تكلمت مع وليد ** ** ** ** ** من لما رجعت لا اكلم ناصر ولا يكلمني الهدوء يعم البيت حتى شوق معتزله بالغرفه وزعلانه ما تكلمني ما تدري انه مشاكلي مع ابوها بسببها واليوم امي متصله علشان نواف والله ما ادري وش اعمل ناصر رافض نهائيا بس رح اكلمه مره ثانيه مع اني متأكدة من الاجابه رفعت راسي وشفته داخل وراسم الكشره على ملامحه تدرون اول مره تصير بيننا مشكله وما نكلم بعض مثل هذي المره لانه ولا واحد مننا تنازل واعتذر رد السلام بهدوء وتوجه للغرفه بس وقفته لازم افتح الموضوع مره ثانية : انتظر شوي لف وناظرني وكأنه مو طايقني انقهرت منه بس طنشت : بالنسبة لشوق ترى اهلي اليوم جايين يخطبونها رسمي حسيته تنرفز وتكلم بحده : فاطمه قلت لك هالموضوع منتهي ولا تفتحينه والا شغل احراج جايين قولي لهم ضيوف حياهم الله خطابين لا تنرفزت منه : ما يحق لك ترفض شاور البنت يمكن تبغى ولد خالها ما يطلع لك تقرر عنها طالعني باستخفاف ولف وجهه : انسي الموضوع قهرني ورفع ضغطي : قول انه فارس مو موافق وخلصنا ناظرني وعقد حواجبه : وش دخله فارس بالموضوع ؟؟؟ ناظرته بقهر : لمتى فارس يتدخل بحياتنا وش دخله فينا ؟؟؟ عصب وبصوت حازم : جيبي سيره فارس على لسانك مره ثانية والله ما يحصل خير وفارس ما له دخل انا للي رفضت والاسباب قلتها لك وتركني ودخل اتصلت بأمي اخبرها عن رفض ناصر النهائي ** ** ** ** ** ام عمر بعد ما قفلت من فاطمه ناظرت ياسر مستلقي على الكنبه وهي تفكر بعدها كلمته بهدوء : ياسر وش تقرب لك شوق ؟؟؟ ناظر جدتها وبعدها اسند نفسه وابتسم : جده الظاهر انك فقدتي الذاكره تكلمت بجديه : اقول لك وش تقرب لشوق ؟؟ ياسر هز كتوفه وهو يبتسم : يقولون اختي ام عمر وصلت لمربط الفرس وبخبث : انت مسؤول عنها ليه ما تزوجها انت لنواف ناظرها بتفكير وبعدها تكلم : ابوي موجود تبغين ألغي وجود ابوي لا لا انسي الموضوع ام عمر : اذا ابوك ما يعرف مصلحه شوق تبقى ساكت وتناظر لا هذي اختك لا تترك فارس يتحكم فيها سحب سيجاره وولعها وسحب نفس بعد ما اشعلها ونفث الدخان : ترى ابوي وليها كيف ازوجها انا ما رح يرضون حسب معلوماتي ام عمر باقناع : اذا اعترضوا نقول لهم انه ابوها ما يعرف مصلحتها ومن هذا الكلام حرك حواجبه بالرفض : انسي الموضوع تنهدت بتفكير وبعدها ابتسمت بمكر : خلاص لقيتها اسمع الخطه عدل جلسته وهو يناظر جدته ويسمع كلامها بدقه ** ** ** ** ** ** ** جالس بالمكتب وهو يسمع لفارس بعد ما كمل فارس ناظره : وش رايك بالموضوع ؟؟؟ ناصر تنهد بحيره : ما ادري اسأل عن الشاب واشوف رأي شوق واعطيك الجواب فارس خاف اذا طال الموضوع ينكشف ويتفركش كل شيء : خلاص اذا مو مرتاح انسى الموضوع واذا تبغى تسأل عن الرجال اسأل مع اني قلت لك رجال وموظف عندي اذا مو واثق بي خلاص انسى الموضوع ناصر ناظره : لا لا مو قصدي شيء بس انت تعرف الزواج مو لعبه وبما انك تعرفه وسألت عنه خلاص اشوف شوق وارد لك خبر فارس باعتراض : وليه تسألها انت تعرف مصلحتها وما في داعي تسألها اذا انت موافق خلينا نتوكل على الله ناصر هز راسه بالرفض : ما رح ازوجها الا بموافقتها فارس انقهر : طيب انت رفضت نواف بدون ما تستشيرها ناصر بهدوء : رفضت نواف لاسباب تعرفها واسباب ما تعرفها ولصالح شوق رفضت نواف لانه مصلحة ابنتي فوق كل شيء وخلاص انا اشوف شوق وارد لك تنهد بقهر وهو خايف كل مخططاته تفشل : بس لا تقول لها انه عن طريقي انت تعرفها يمكن ترفضه لانه بس عن طريقي هز ناصر راسه : خلاص ان شاء الله طلع فارس وظل ناصر يفكر بحيره وما يدري موقف فاطمه اذا عرفت يمكن تعصب علشان نواف رح يكلم شوق عن الرجال للي من جهة فارس مع انه حاليا ما يبغى يزوجها حتى تهدأ الاوضاع بس ما يبغى يقطع نصيبها تنهد بتعب متضايق ومخنوق كيف انقلب حالهم وقف وهو مقرر يطلع من البيت شوي وبعد ايام يكلم شوق *** *** *** *** *** انتهى البارت ....انتظروني يوم الاثنين القادم بإذن الله ....دمتم بخير ^_^ | ||||
|
| |
|
09-05-16, 11:51 PM
| #18 | ||||
| نجم روايتي وفراشة الروايات المنقولة
| صراحه ناصر غايظني كتير يعني كل شى بقله عليه فارس بينفذه وكلامه ثقه والظاهر ان مخطط فارس حينجح وحتوقع شوق وقعه سودا يا الجده ام عمر تنفذ مخططها وتانقذها بس شو سبب رفض ناصر لنواف وهو صيدلاني ومتعلم ومبين مهتم بشوق اما فوزيه بين ليه بتكره شوق من نقمتها على فاطمه ونسيت ان شريفه هي المره الثانيه شوق مستغربه سكوتها بعد ضربه راسها وفاطمه لمتى الجفاء مع ناصر بارت حلو شكرا لامارا ربي يسعدك | ||||
|
| |
|
10-05-16, 12:03 AM
| #19 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| | ||||||||
|
| |
|
10-05-16, 12:04 AM
| #20 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| | ||||||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
