آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-04-16, 09:47 PM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  الجزء السادس عشر >>>> وصل وقت زفة راكان تجهز عشان يدخل قام طلال وابتسامه خبيثه على وجهه واخيرا بينفذ اللي في باله لحق راكان وطلعوا للشارع عشان يدخلون قاعة الحريم بس ينتظرون ليان تدق وتقول له يدخل كان واقف راكان وابو راكان وفيصل بس فيصل للحين يراقب طلال شافه يروح خلف احد السيارات ويحوس في شي في يده نغزه قلبه "والله ان وراه بلا " توسعت عيونه بصدمه وهو يشوف طلال يرفع السلاح وهو مختفي خلف السياره ومايظهر الا راسه شاف طلال يفتح زر الامان وجاهز للتصويب تجمد من الصدمه ويحس لسانه انشل بغمضة عين كان واقف قدام راكان والرصاصه اللي كانت بتجي بصدر راكان جات بكتفه توسعت عيون طلال وهو يشوف فيصل على الارض ويتألم ضرب السياره برجله بغضب " الله يلعن هالحظ " ركب سيارته ومشى بسرعه لمحه راكان بس ماقدر يلحقه عقد حواجبه باستغراب وفكره مشتت ويشوف فيصل يتألم قدامه فيصل ماسك كتفه بقوه ويتألم وصل ابو عبد الكريم وهو يركض : وش صاير فيصل وش فيك فيصل يقاوم الالم : مافيني شي راكان تكفى ادخل اختي تنتظرك راكان بغضب: شلون ادخل وانت كذا فيصل بغضب اكثر منه : راكان قلت لك ادخل لاتخرب هاليله وانا بروح المستشفى وبطمنك شفني مافيني شي ابو عبد الكريم بسرعه : راكان ادخل ولا احد يحس بشي وانا باخذ فيصل للمستشفى واطمنكم ام راكان : وانا بروح معاهم انت ادخل والحريم لايحسون بشي فيصل : راكان امل اهم شي امل لاتعرف شي دق جوال راكان وكانت ليان رد عليها بتوتر : هلا ليان : هلا راكان يلا ادخل راكان : طيب سكر الخط ولف عليهم وهم يركبون السياره : طمنوني ابو عبد الكريم: ولا يهمك اوعدك ندق ونطمنك انت ادخل لحرمتك طبعا المعازيم ماسمعوا شي بسبب صوت الاغاني العالي وقف لحظات مستغرب ويفكر طلال ليش سوا هالشي ؟ معقوله بدون قصد طيب ليش هرب تنهد وحاول يظبط اعصابه ويبعد عنه التوتر سمى بالله ودخل وهو عاقد حواجبه ماابتسم حتى للمصوره اللي تطلب منه يبتسم مها تهمس لمرام : والله اقول لامول زوجك يخوف ماتصدقني بس وربي رزه وجنتل مرام : ههههههههههههههههه اسكتي بس الحين امول بتنزف وصل راكان للكوشه وجاته امه : راكان يمه وش فيك راكان : مافيني شي بس تعرفيني ماحب تجمعات الحريم وكذا ام راكان : طيب يمه الحين بتدخل امل ابتسم لاتشوفك البنت مكشر وتهج تصنع الابتسامه عشان ماحد يحس بشي دخلت امل ولكن هالمره توترها كان اكثر لان راكان كان واقف ينتظرها مشت لين وصلت لنص الجسر تقدم راكان منها وفتح طرحتها وباس جبينها وسط تشجيع وتصفيق الحريم مسك يدها ومشوا مع بعض للكوشه وقعدوا راكان حس بتوترها من رجفت يدها قرب منها وهمس : مبروك ياأحلى عروس امل ببتسامه: الله يبارك فيك رغم توتره وخوفه على فيصل ماينكر انه انبهر بجمالها وعيونه كل ماأبعدها بدون شعور ترجع تناظرها انحرجت امل من نظراته لكن غصب عنه يتأملها كل جزء منها ينطق بالجمال >>> فَ المستشفى طلع فيصل بالسلامه والحمد لله الاصابه كانت سطحيه وخفيفه ابو عبد الكريم : يادكتور مايحتاج شرطه وتحقيق تكفى ورانا زواج خلنا نروح فيصل : دكتور قلت لك الرصاصه جات بالغلط بسبب طلق النار في الزواج ابو راكان بمحاوله لاقناع الدكتور : الله يهديهم قلنا لهم مايحتاج رشاشات وطلق نار بس مايطيعون الدكتور بتفكير: طيب بس على مسؤؤليتك فيصل : طيب عطني اوقع على مسؤليتي وقع على الاوراق وطلع تنفس براحه انه قدر يقنع الدكتور اول ماركبوا السياره قال ابو عبد الكريم : لابارك الله فيه من ولد هذي سواه يسويها فيصل بقهر : الحشيمه لعمي موب له الخسيس ماتوقعته كذا يبي يقتل راكان وفي يوم عرسه مدري شلون يفكر بزر والله بزر ابو راكان بامتنان : والله مدري وشلون اشكرك يافيصل لولا الله ثم انت كان راكان الحين يسبح بدمه فيصل : ماسويت الا واجبي ياعمي راكان اخوي وهذي ليلته وانا من اول ماجينا وانا ملاحظ على طلال تصرفات غريبه وكنت حاس ان وراه بلا اهم شي راكان لايدري ياعمي طلبتك ابو راكان : ان شاء الله ابو عبد الكريم : حسبي الله عليه والله لو يدري ابو فهد ان يروح فيها فيصل : ماحد بيدري ان شاء الله والحمد لله جات على كذا بس انا لازم اوقفه عند حده اخاف يسوي مصيبه لراكان هذا مجنون وكل شي يطلع منه آخر شي توقعته ان توصل المواصيل فيه لكذا دق جوال ابو راكان : هلا راكان راكان : طمني على فيصل يبه ابو راكان : هو بخير وخذ كلمه عشان تتأكد مد الجوال لفيصل اللي قال بمزح : هلا بالعريس اللي تارك اختي وماسك الجوال راكان بسرعه : فيصل انت بخير فيصل : بخير ولله الحمد يابو نسب لاتخاف وطلبتك امل لاتحس بشي راكان: الحمد لله على سلامتك ولا يهمك اصلا شوي وباخذها وبنروح الفندق كانت تسأل عنك قبل شوي ومستغربه ليش مادخلت فيصل : ووش قلت لها راكان: قلت انك منحرج تدخل بين الحريم وكذا المهم علمني وش اللي صار فيصل : ماصار شي طلال الله يهديه مصر الا يطلق نار قلت له ينخاف من هالامور بس هو متعود في كل زواجات العايله يحتفل بهالطريقه راكان بعد تصديق : فيصل انت متأكد من هالكلام فيصل يضحك عشان يبعد عنه الشك : ههههههههههههههه شفيك يابن الحلال هذا اللي صار والحمد لله انا بخير راكان بتفكير : طيب ليش هرب فيصل : ماهرب يتخيل لك هو راح معانا للمستشفى راكان : بس انـا شفته يهرب فيصل في ان في الموضوع علمني الحقيقه انا اصلا مو مرتاح لَـ هالطلال فيصل يقاطعه : يارجال خلاص لاتوسوس وش فيك بكذب عليك انا يعني راكان للحين مو مصدق : طيب اهم شي انك بخير فيصل : الحمد لله يلا فمان الله راكان : فمان الكريم سكر الجوال وهو يحلف ان مو هذي السالفه مو بزر هو يصدق هالكلام بس بيمشيها اهم شي ان فيصل بخير وصل ابو عبد الكريم فيصل للبيت ورجع هو وابو راكان للقاعه دخلوا عند المعازيم اللي كانوا يسألون عنهم راكان : زين انك جيت ياعمي الله يستر لاتحس امل ابو عبد الكريم : لاتخاف ماهي حاسه بشي انا ادبرها وباذن الله ماتحس بشي دخلوا المعازيم يتعشون وبعد العشاء الكل بدأ يطلع طلعوا الناس كلهم مابقى الا العايله تقريبا لبست امل عبايتها بمساعدة البنات وودعتهم بحب وطلعت وهي قلبها ناغزها فيصل وجدها ليش مادخلوا استقبلها جدها وضمها بحنان : الف مبروك ياحبيبة قلبي عسى الله يسعدك وييسر امرك امل تضمه بحب وش كثر تحب هالحضن الحنون : الله يخليك لي يالغالي ابو عبد الكريم : توكلي على الله يابنتي وروحي مع زوجك - همس لها - وهديتك بكرا بتوصلك واي شي تحتاجينه لايردك الا لسانك امل تبوس راسه : ماتقصر الله يطول لنا بعمرك - لفت تدور فيصل - وين فيصل ابو عبد الكريم : انشغل شوي مع المعازيم ولا يهمك شوي واخليه يكلمك امل بعدم راحه : وينه يبه بس دقيقه شدعوه ابو عبد الكريم : افا مااكفي انا يعني امل تبوس يده: تكفي وتوفي ياجعلني افداك مسك ابو عبد الكريم يد راكان : لااوصيك عليها ياراكان تراها قطعه من روحي راكان : فَ عيوني ياعمي افا عليك بس ابو عبد الكريم : يالله توكلوا على الله يبه حافظكم الله ركبت امل السياره بمساعدة راكان ودعوا ابو عبد الكريم بيدهم ومشوا تنفس راكان براحه ان امل ماحست بشي بعد وقت قصير وصلوا للفندق نزل راكان وفتح الباب لأمل وساعدها تنزل خلص الاجراءات مع الرسبشن وتوجهوا لجناحهم فتح الباب وقال لأمل : سمي بالله دخلت ودخل وراها وسكر الباب حست بطنها يمغصها هي طول فتره الملكه ماشافت راكان دخلت امل للغرفه وقعد هو فَ الصاله وخلاها تاخذ راحتها ورفع السماعه يطلب اكل بدلت الفستان ولبست بجامه حرير مريحه فكت شعرها ومسحت الميك اب دخل راكان : حبيبتي يلا الاكل وصل ولا تقولين ماابي انا متأكد انك من الصبح على لحم بطنك ابتسمت له بتوتر قرب منها وقال : حبي شفيك امل باحراج : مدري قلبي ناغزني على فيصل رفع جواله : ولا يهمك الحين اخليك تكلمينه دق على فيصل اللي رد بسرعه : هلا راكان راكان ينآظر امل: هلا فيصل امل تبي تكلمك مد الجوال وامل قالت بسرعه : الو فيصل فيصل : هلا وغلا باحلا عروس بالدينا آسف حبيبتي ادري انك زعلانه لاني مادخلت امل والعبره خانقتها ماتدري ليش: فيصل انت فيك شي فيصل : لا ياعمري وش فيني هذا انا اكلمك ومافيني الا العافيه الف مبروووك ياقلبي الله يوفقك ويهنيك امل تحس انها ارتاحت شوي بس للحين قلبها ناغزها : الله يبارك فيك حبيبي فيصل حس انها بتبكي : امول مافيني شي وبكره بتشوفيني بنفسك وتتأكدين امل : طيب فيصل : يلا تصبحين على خير ولا تنسين اللي وصيتك امل: ان شاء الله فيصل : مع السلامه عطيني راكان امل: مع السلامه مدت الجوال لراكان : هلا فيصل : لاوصيك عليها ياراكان راكان: تطمن بعيوني والله فيصل : يلا فمان الله سكرراكان وقال : هاه تطمنتي عليه هزت راسها وهي حابسه دموعها ماتدري ليه ودها تبكي طول هالاسبوع وهي هاديه ومروقه ماتدري وش صار لها الحين وبطنها يمغصها وودها تبكي راكان حس فيها مسك يدها وضغط عليها : شفيك حبيبتي رفعت كتوفها بمعنى ماادري ودموعها اللي حابستها من الصبح بدت تنزل راكان بضيق : افااا وش فيك الحين حبيبي هذا فيصل وتطمنتي عليه ضمها لصدره وزاد بكاها مسح على شعرها بحنان : خلاص قلبي والله مااتحمل دموعك قولي لي طيب شفيك شهقت بالبكي وهي تقول : ابي امي مثل ماتوقع فاقده امها بهاليوم ضمها لحظنه اكثر وباس راسها : اشش حبيبي خلاص اهدي اذكري الله مشى معها لين السرير وقعدها طلع ورجع بيده قارورة مويه مدها لها : سمي بالله واشربي غلاي مسكت المويه وشربت مسح دموعها بيده وقال وهو يبعد خصلات شعرها عن وجهها : تدرين حبيبتي كنتي مثل القمر اليوم وانتي دايم مثل القمر باس جبينها ووقفها معاه وقال وهو يناظر عيونها : حرام هالعيون تبكي انحرجت ونزلت راسها طلعوا للصاله وامل اكلت شوي بعد محاولات راكان ناظر راكان الساعه وقال كأنه يكلم طفله : يلا ننام رفعت راسها بخوف وهو قال يطمنها : انا وش وعدتك تنهدت براحه وهو ابتسم ومد يده لها مدت يدها وقامت معاه هو عارف انها بتفقد اهلها بهاليوم واللي زاد الطين بله انها ماشافت فيصل بالزواج عشان كذا حاول يطمنها ويحسسها بحنانه قد مايقدر في غضون ثواني نامت واضح انها تعبت اليوم اما راكان كان يناظرها مو مصدق انها معاه يحس انه يحلم مسح على شعرها هي امانه عنده الحين ولازم يصون هالامانه مسك يدها الصغيره وباسها بحب قرر ينام بسرعه قبل لايتهور ^-* ,,, دخلت ريم البيت ومشت بسرعه للغرفه دخلت وفسخت عبايتها وخذت اغراضها بتدخل تاخذ شور تهرب من مواجهة سعود قبل لاتدخل وقفها صوته القوي : ريم جمدت بمكانها وهو قرب ومسك يدها بقوه : وش الكلام اللي قلتيه اليوم قالت بخوف : انا انـــ هزها بقوه: انتي ايش هاا انتي ايش اجل انا مو رجال ريم ودموعها بدت تنزل : سعود اترك يدي عورتني قرب من وجهها وانفاسه اختلطت بانفاسها : انتي اللي جنيتي على نفسك بهالكلمه سحبها ورماها على السرير وهي تصارخ وتترجاه صرخ وهو يهزها : انا مو رجال صح شفيك خايفه مد يده بخفه وفتح سحاب فستانها اللي على طول ظهرها مسكت المفرش بقوه ولمت نفسها فيه : سعود لا الله يخليك والله ماكنت اقصدها والله فسخ ثوبه ورماه على الكنب ولا كأنه يسمعها قرب منها ومسك وجهها بقوه وصار يبوسها بكل مكان تعبت وهي تصارخ وتقاومه صرخت بقوه : يعني عشان ماعندي ابو ولا ظهر تسوي فيني كذا هزته كلمتها بعد عنها وناظرها ووجهه قريب من وجهها : انا ماني قليل اصل ياريم بس انتي اللي حديتيني كانت تبكي وتشاهق بقوه لدرجة انها مو قادره تتنفس ضمها بقوه لصدره العاري وضميره يأنبه " انا وش كنت بسوي " : سامحيني تعلقت فيه وهي تشهق بالبكي يوم حس انها هدت شوي بعدها عنه ومسك وجهها بين يدينه : ريم انتي زوجتي وبس مافي غيرك بحياتي ماانكر ان مشاعري كلها لها بس انتي اللي بتساعديني انساها هزت راسها : ماقدر اعيش مع شخص مشاعره لغيري سعود يناظر عيونها : بتكون لك صدقيني هي الحين على ذمة رجال وانا مستحيل افكر بوحده على ذمة غيري مو سعود اللي يسويها ريم بدون لاتناظره : سعود الله يخليك طلقني ابي اروح عند اخوي سعود بحده وغضب : ريم قلت لك لاتعيدين هالكلمه لاتستفزيني طلاق مااطلق سامعه بعد عنها وقال : من بكرا بنعيش حياة طبيعية مثل اي زوجين وانا ماراح اقصر عليك بشي اوعدك انسدح وعطاها ظهره وقفت وطفت النور ودخلت للحمام تاخذ شور طلعت وجففت شعرها وانسدحت وهي تحس انها مرتاحه نسبيا بعد كلامه ,,, توسعت عيونها بصدمه والدمع متعلق فيها : انت وش قاعد تقول مسك يدينها : حبيبتي والله مـ قاطعته بأستهزاء : حبيبتك ؟ انا اللي طلعت روحي لين اقنعت اهلي يوافقون فَ النهايه تحط لي ضره ضمها وهي قاومته وبعدته عنها بقوه : ابعد ابعد لاتقرب مني فاهم مسك يدها ويحاول يهديها : رشا افهمي امي تبيني اطلقك رشا بصراخ : تطلقني اهون ولا اشوفك مع غيري ضم وجهها بين يدينه : شلون اطلقك وانتي حياتي كلها مافكرتي فيني مافكرتي بتميم رشا بصراخ اكثر: انت اللي مافكرت فيني ولا بولدك بدر : رشا قصري حسك لايسمعنا احد وتميم نايم لاتخوفينه رشا تأشر باصبعها : من بكرا تطلقني وتوديني انا وولدي لبيت اهلي سامع بدر بحده : لا فاهمه لا طلاق لو على قص رقبتي ماطلقك انا ماتزوجتك من ورى اهلي وتحديت الكل عشان اجي الحين واطلقك رشا تبكي بحرقه: ماقدر اشوفك معاها والله ماقدر ضمها لصدره : حبيبتي والله ماتهون علي دموعك والله ماسويت هالشي الا عشان رضى امي وعشان مااخسرك تكفين افهميني رشا بقهر : ياليتني مت وانا نايمه ارحم لي من اقوم واسمع هالخبر بدر بعتب : اسم الله عليك حبيبتي وش هالكلام الله يهديك بس بعدت عنه وقعدت على السرير وهي تحس بحرقة بقلبها اول مره تحس فيها قرب ومسح على ظهرها : صدقيني بتبقين انتي الغاليه - تنهد - قومي غسلي وجهك وخلينا نفطر كانت بتعترض بس لااا مو هي اللي تستلم بتحارب لجل حبها وماراح تسلمه لها بارده مبرده طلع بدر من الغرفه وماحست فيه وفي غمرة افكارها سمعت تميم يبكي رفعته من سريره وهي تهزه : بس ماما قعدت على السرير ودموعها تنزل مع ولدها "آآه قلبي محروق يايمه ماقدر اشوفه مع غيري ماقدر" مانتبهت لنفسها الا لما دخلت ربى وقالت باستغراب : رشا لفت عليها بتشتت : نعم ربى : تميم ميت صياح سكتيه وقفت وهي تمده لربى : امسكي بسوي له رضعه سوت له رضعه وسدحته ربى باستغراب اكثر : رشا وش فيك رشا بحزن وضيق: تميم من صحى وهو يبكي تعبت معاه ربى ترفع حاجب بعدم تصديق: عشان كذا تبكين ؟؟ اجل وش كنتي مسويه معاه في الغربه وبعدين هو جوعان شوفيه سكت رشا تمسح دموعها : عن اذنك بروح اجهز الفطور ربى تمسكها : رشا فيك شي رشا وصوتها يرجف: بدر بيتزوج يا ربى توسعت عيونها وقال بصدمه : بيتزوج ؟ من قالك رشا : هو قال لي امك خيرته بين يطلقني او يتزوج بنت خالتك حطت يدها على فمها بصدمه : يالله معقوله رشا تهز راسها : هذا اللي صار ربى بتكشيره وقرف : نجلاء الزفت مافي غيرها رشا بسؤال طفولي : هي شينه ولا حلوه ربى : يعني عاديه بس شايفه نفسها مررره بس لاتخافين حبيبتي صدقيني بدر يموت فيك ولا ماكان سوا اللي سواه رشا : وش تفرق يموت فيني ولا لا وهي بتشاركني فيه ربى بحكمه : اكسبيه صدقيني نجلاء غبيه ومغروره ولا توصل لربع جمالك رشا ارتاحت شوي من كلام ربى : الله يكتب اللي فيه الخير يلا بروح اجهز الفطور بدر شوي ويجي ربى تضمها : طيب حبيبتي ولا تضيقين خلقك # انتهى سبحآن الله وبحمده سبحآن الله العظيم توقعآتكم | |||||||||
|  |
|
23-04-16, 09:49 PM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السابع عشر >>>> رجع من الصلاه وشافها واقفه عند التسريحه بفستان رمادي فخم ماسك على جسمها ويوصل لنص الساق بدون اكمام وشعرها منسدل على طول ظهرها بتموجات خفيفه دق قلبه بقوه قرب منها وحط يدينه على كتوفها شافته فَ المرايه وابتسمت لفها له وهو يتأمل وجهها الملائكي ركز نظره على شفايفها قالت باحراج: راكان يلا لانتأخر قال وهو يلعب بخصله من شعرها : انتي كذا بتخليني اكنسل الطلعه مو بس اتأخر قالت بدلعها الطبيعي : يلا راكان والله بالي مشغول على فيصل ابي اتطمن عليه راكان : طيب حبيبتي - ناظر فستانها - امم مو برد عليك كذا امل : لا مو برد لسى مادخلنا الشتاء راكان : طيب غيريه يمكن تبردين امل وهي عارفه قصده : هههههههههههه اذا بردت تدفيت لاتخاف راكان : طيب ماتحسينه قصير امل : راكان واصل لنص ساقي وين قصير هههههههه راكان ابتسم : لاتضحكين وتجننيني بغمازاتك المهم والله ماسك على جسمك ومبين تفاصيله امل: طيب بس كلنا بنات عادي يعني راكان حط يدينه على خصرها : لا مو عادي ولع وجهها وبعدت عنه : راكان يلا تأخرنا كتم ضحكته وقال : يلا حبيبتي البسي عباتك والحقيني ولاتنسين تغطين عيونك امل : ان شاء الله ركبوا السياره متوجهين لبيت ابو عبد الكريم ابتسمت امل وهي تتذكر اول ماقعدت الصبح شافت مجموعة هدايا اول هديه كانت من جدها عبارة عن طقمين فخمين ذهب ابيض بما انها ماتحب الذهب الاصفر وظرف فيه مبلغ وقدره وثاني هديه من فيصل كانت عبارة عن بوكس كبير مره فيه عدت هدايا متنوعه مابين ميك اب و عطورات واكسسورات لكن المكياج كان له النصيب الاكبر بما ان فيصل يعرف ان امل تحب المكياج وثالث هديه كانت من راكان طقم الماس عباره عن سلسال بأسمها واسواره وخاتم وحلق وساعة فخمه وبوكيه ورد كبير ومجموعة فساتين اختارها بمساعدة خواته صحاها صوت راكان : امول التفتت عليه : هلا راكان : وش تفكرين فيه امل : ماافكر في شي - سكتت شوي وقالت - راكان مادري شلون اشكرك الهديه مرا ذوق راكان : تستاهلين اكثر حبيبتي وقليله بحقك والله ابتسمت ومدت يدها بتردد ومسكت يده راكان يبوس يدها : ترا كذا ماقدر اسوق امل ببراءه تركت يده : ماتعرف تسوق بيد وحده راكان مسك يدها بسرعه وضحك : ههههههههههههههههه اقصد تدوخني لمست يدك وماقدر اسوق انحرجت وضحكت على تفكيرها تأملت وجه راكان من الجنب وهو يسوق مملوح بقوه خصوصا وهو مرسم بالشماغ ولابس نظاره شمسيه لف عليها : هههههههههههه امول اعتقيني خليني اعرف اسوق امل : هههههههههه وش سويت انا الحين راكان : ماسويتي شي بس تنآظريني والله اضيع الطريق كذا كملوا سوالف وضحك وماحسوا بالطريق وصلوا ودخلوا للمجلس الكبير شافوا ابو عبد الكريم جالس يتقهوى وينتظرهم رحب فيهم بفرح : هلا هلا وغلا تو مانور البيت سلمت عليه امل وبعدها راكان وقعدوا يسولفون وامل كل شوي تناظر الباب تنتظر فيصل ماقدرت تصبر : يبا وين فيصل ابو عبد الكريم : الحين يجي يابوك وفعلا بعد دقائق قليله دخل فيصل وكان شايل التعليقه اللي على يده ومخلي اللفه اللي على كتفه تحت الثوب ماتبين اول ماشافته امل تهلل وجهها وركضت له تضمه ضمها بحب وهو يضحك على نظرات راكان باس جبينها : آسف لاني ماقدرت اشوفك امس قرب راكان يسلم على فيصل : قدامي بعد احضان وبوس فيصل : هههههههههههههههه تراها اختي قبل لاتصير زوجتك راكان وهو يناظر امل متعمد يحرجها : ولو هالاحضان لي انا وبس انحرجت امل وكانت بتطلع لكن فيصل مسكها وضمها عناد في راكان : وتراها بنتي مو بس اختي راكان يبتسم : فصيل ابعد عن حرمتي احسن لك - لف على ابو عبد الكريم - قل شي ياعمي ابو عبد الكريم : فيصل ياللي ماتستحي خلاص هي حرمه متزوجه مو مثل قبل راكان يناظر امل: انتي عاجبك الوضع امل : هههههههههه وانا وش دخلني قرب راكان لانه حس بالغيره صدق وبعد امل عن فيصل وهو يقول : يلا روحي للبنات اكيد ينتظرونك قبل لاتطلع امل قالت : تسلم يبا على الهديه انت وفيصل ماقصرتوا ابو عبد الكريم : تستاهلين اكثر يالغاليه فيصل : ان شاء الله عجبتك امل: اكيد عجبتني يعطيكم العافيه طلعت امل وفيصل فطس من الضحك : هههههههههههههههههه والله وطلعت تغار يابو نسب راكان : هههههههههههههه شرايك يعني زوجتي اكيد بغار عليها - ناظر يد فيصل - الا وش اخبارك الحين فيصل : الحمد لله بس تعورني شوي لاني شلت التعليقه مابي امل تشوفها راكان بجديه : فيصل لاتحسب اني مصدق الكلام اللي قلته لي امس بس بعديه لانك بخير ابو عبد الكريم : يابوك لاتشيل هم ماصار الا كل خير انت معرس جديد لاتعكر مزاجك فيصل يبتسم : سعمت وش قال ابوي راكان يلعب بسبحته : الله يكتب اللي فيه الخير دخلت امل للبنات اللي استقبلوها بفرح مر الوقت سوالف وضحك لين دق راكان يبلغها تطلع سلمت على البنات ونزلت لمستوى سديم اللي زعلانه لانها بتروح : سدومه لاتخليني ازعل انا وعدتك كل يوم بكلمك - باستها - يلا حبيبتي انتبهي لنفسك ملاحظه ** لو تلاحظون احيانا اسميها ديم واحيانا سديم هي اسمها الحقيقي سديم بس بعض الاحيان يختصرونه ديم طلعت بسرعه لراكان اللي ينتظرها توجهوا لبيت ابو راكان لانهم ينتظرونهم على الغداء ام راكان حالفهم غداهم عندها اليوم اول مادخلت ركضت لها ليان اللي كانت تنتظرهم راكان بمزح : ابعدي خنقتي البنت ضحكت ليان وسلمت عليه : يلا ادخلوا جوعتونا سلموا على ام راكان وابو راكان ورنيم وقعدوا يتغدون بعد الغداء ابو راكان طلع عنده كم شغله بيخلصها وام راكان توجهت للمطبخ لان بعد المغرب بيجونها ضيوف امل وراكان كانوا بيمشون بس ليان ورنيم اصروا عليهم يجلسون شوي راكان : خلونا نمشي ترا كلها كم يوم وراجعين رنيم : لا اقعدوا شوي تو الناس راكان يناظر الساعه : يلا عشر دقايق بس ليان تهمس لأمل : وش سويتوا امس ابتسم راكان لانه سمعها وناظر وجه امل اللي صارالوان وشافها وهي تضرب ليان بكوعها ماقدر يمسك ضحكته : ههههههههههههههههههههههههه هه لفوا عليه امل وليان مستغربين قالت ليان : شفيك تضحك رنيم باحراج كاتمه ضحكتها همست لها : الله يفشلك صوتك فضيحه وقفت رنيم باحراج : انا بروح اساعد امي ناظرتها ليان يعني لاتروحين لكنها سفهتها وركضت للمطبخ توهقت ليان وحست نفسها في موقف لاتحسد عليه امل تناظر ليان بحقد همست لها : لسانك يبي له قص ليان بهمس مثلها : وانا شدراني انه بيسمع راكان: مطولين تتهامسون كذا ليان توقف : لا خلاص توكلوا على الله تأخرتوا ضحكوا راكان وامل عليها وسلموا وطلعوا متوجهين للشاليه بعد وقت مو قصير وصلوا للشاليه كان راكان حاجز قسم كامل نزل راكان وطلب من امل تنتظر لين ينزل الشنط وقف عند بابها وفتحه ومسك يدها نزلت معاه ومشوا لين وصلوا للمدخل قبل لايدخلون طلب منها تغمض عيونها غمضت ومسكها وفتح الباب ودخلوا راكان : فتحي عيونك فتحت عيونها وانصدمت من روعة المكان كانت واقفه على ممر من الورد الاحمر المنثور وعلى جوانبه شموع مشوا على الممر لين وصلوا لباب زجاجي مطل على البحر فتحه راكان كان فيه طاوله فوقها كيكه وكاسات عصير مرتبه بذوق وكان فيه بوكيه ورد كبير طلعت امل وهي مبهوره بالمكان والجو اللي كان يجنن راكان : شرايك حبيبتي امل بفرحه : انت جهزت كل هذا راكان : ايه ياقلبي - غمز لها - ترا زوجك ذوق قرب منها وشال النقاب : شيلي عباتك قلبي مافيه احد هذا القسم خاص فينا شالت عباتها وراكان قال : تعال اوريك باقي الشاليه علقت عبايتها على الشماعه الموجود في الصاله الكبيره ومشت مع راكان دخل معاها لمطبخ كبير : هذا المطبخ حبيبتي كان واسع وديكوراته ذوق وفيه قسم خاص بالقهوه والكوفي وفيه باب زجاجي مطل على البحر ويطلعك للبحر على طول رجعوا للصاله كان الكنب بلون كحلي مخملي وفيه بلازما كبيره وضوء الشمس معبي المكان وعلى اليمين فيه الباب الزجاجي والطاوله اللي كانوا فيها اول ماوصلوا وفيه طاولة بلياردو على اليسار مشوا للجهه الاخرى من الصاله كان فيه باب زجاجي وفوقه ستاره كحليه فتحه راكان ودخلوا كان فيه مسبح كبير وجاكوزي وعلى الجنب اجهزة رياضيه خلصوا الدور السفلي وتوجهوا للعلوي كان فيه عدت غرف توجه راكان لاكبر باب موجود وفتحه ودخلوا كان جناحهم وكان فخم بكل ماتعنيه الكلمه من معنى واسع جدا ويتوسطه سرير وعلى اليسار فيه مجموعة كنبات وشاشة بلازما وخزانة ملابس وعلى الجهه الاخرى فيه بلكونه تطل على البحر من فوق الشاليه ككل كان قمة في الذوق والفخامه كانت تتأمل البحر من فوق ضمها راكان من ورى : شرايك بالمكان قلبي امل باحراج من قربه : حلو تعال نشوف الباقي باس خدها : بس مابقى شي غير كم غرفه عاديه امل بتوتر : طيب تعال ننزل لفها له وباس جبينها : انا ودي نقعد هنا بلعت ريقها وقالت : بس انت مجهز الطاوله تحت راكان يقرب منها وبهمس : لاحقين ارتبكت وبعدت عيونها عن عيونه لف وجهها ورجع يناظر عيونها : لاتحرميني من عيونك لم خصرها بذراعه ومرر عيونه على كل وجهها نزلت وجهها وتحس ان الجو صار حار رجع رفع وجهها وهو يتأمله باس كل جزء في وجهها قرب من شفايفها لكنها لفت وجهها بسرعه وقلبها يدق بجنون شالها بخفه وقعد على السرير وهي بحضنه لكنها وقفت وبعدت قالت بارتباك واضح : انا بروح ارتب ملابسي ابتسم وعض شفايفه ووقف قرب ومسك يدها : اهربي الحين بس الوعد الليله تعالي ننزل باس يدها ونزل معاها ,,, عبير بهمس : اقص يدي ان ماطلع ورا طارق بلا شوق بوجه مخطوف : الله يستر من كلامه امس وانا قلبي ناغزني والحين عمي وفيصل جايين الله يستر سمعوا الاصوات تعلى في المجلس قربوا عشان يعرفون وش السالفه ابو عبد الكريم : قسم بالله انك رخمه ومنت رجال حسافة تربيتك فيه ياخوي ابو فهد بحسره : لا يالخسيس فشلتني وقصيت وجهي عند الناس طارق ببرود : ماسويت شي يقص الوجه يبا ابو فهد بقهر : كل هذا وماسويت شي حسبي الله عليك من ولد قم قم اطلع من بيتي لانـي ابـــــ ابو عبد الكريم يقاطعه : لا يابو فهد والله ماتقولها انا حلفت ابو فهد يهز راسه بضيق : فشلني فشلني يابو عبد الكريم فيصل بعد سكوت طويل : انت مالك دخل ياعمي انت تربيتك واخلاقك الكل يشهد فيها - وجه نظره لطارق - رجال بشنبات وش كبره ماهوب جاهل نعلمه الصح من الغلط طارق بقهر : اللي صار كله بسببكم كلكم تدرون اني ابي البنت وكنتوا متعذرين بسعود ويوم تزوج سعود عطيتوها لاول واحد دق الباب ابو عبد الكريم : البنت ماتبيك ولا تنغصب على شي وراسي يشم الهواء طارق : ماتبيني ليش وش احسن مني فيه هاللي خذته ابو عبد الكريم : مو احسن منك بشي بس النصيب والبنت راحت في نصيبها بس ماتوصل لانك تبي تقتل الرجال طارق بحسره وقهر : اهون علي اقتله واروح اعدام ولا اشوفها معه فهد كان جالس ومنقهر من اخوه وتصرفاته فيصل بحده : شف طارق عديتها المره الاولى عشان عمي بس ورب العزه والجلال ان تعرضت لأختي وزوجها مره ثانيه لاكون ذابحك وشارب من دمك اختي خط احمر فاهم طارق ناظره باستهزاء ولف وجهه ابو فهد : قم عن وجهي سود الله وجهك مابي اشوفك قام طارق ببرود وطلع قابل شوق وعبير اللي خايفيين ووجيههم مقلوبه شوق بخوف : طارق وش صاير طارق : مو صاير شي انقلعوا داخل انتي وياها عبير بصدمه : شالسالفه انت جد حاولت تقتل زوج امل صرخ فيهم : وبعيدن معاكم قلت انقلعوا داخل دخلوا بسرعه وهم مستغربين من اللي سمعوه ومو فاهمين شي بعد وقت طويل دخل فهد وهو متضايق شاف التساؤل بعيون خواته : لاحد يسألني عن شي طلع غرفته وسط استغراب كبير من البنات ,,, اسيل واللي خذت على البنات كثير مدت الكاس : بسرعه وحده منكم تقوم تجيب لي عصير وعد : تحركي وصبي لنفسك اسيل تكشر : جاملي طيب مع هالوجه قآمت وتوجهت للمطبخ فتحت الثلاجه وصبت لها عصيرها المفضل فراوله سكرت الثلاجة وشهقت بقوه وطاح الكاس من يدها وهي تشوف ياسر واقف وفي يده صينية القهوه والشاهي همست بصدمه : ياسر كان توه داخل واخترع من شهقتها ومن الكاس اللي انكسر عرف انها اسيل من صوتها جمدت مكانها ماتدري وين تروح خصوصا ان القزاز انتثر في كل مكان مشت بسرعه تبي تطلع وهي حافيه ودعست على القزاز وصرخت : آآآآآآآه ياسر كان صاد عنها بس يوم سمعها تتألم خاف ورفع نظره لها بسرعه : اسيل شفيك اسيل تبكي : رجلي ناظر الارض وانفجع من الدم كانت داخله برجلها قطعه كبيره حط اللي في يده على الطاوله قرب منها بسرعه وخوف : تقدرين تمشين حبيبتي اسيل تظغط على نفسها لكن الالم قوي هزت راسها وهي تشهق : لا احتار ياسر وش يسوي وقلبه معوره عليها وهي تتألم طلع وتأكد ان مافي احد بالحديقه رجع لها وقرب عشان يشيلها لكن بعدت باحراج ياسر بحنان : اسيل شوفي الدم لاتعاندين بس بوصلك للسياره شالها بخفه وقلبه يدق وهو يشوف حبيبته تتألم اما هي كانت ميته من الاحراج والألم همس لها : فيني ولا فيك فجر كانت نازله من الدرج وسمعت الكاس يوم انكسر دخلت ولا حسوا فيها وهي مصدومه من اللي تشوفه وصل للسياره ونزلها مد لها جواله : كلمي اختك دقت بيد مرتجفه رقم اختها اللي ردت وهي مستغربه من الرقم الغريب : الو اسيل تبكي : ندى البسي عبايتك واطلعي للحديقه وجيبي عبايتي قبل لاتتكلم ندى قالت اسيل بسرعه : ندى تعالي بسرعه وبعدين اقول لك وش السالفه ثواني وطلعت ندى بخوف وهي لابسه عبايتها وفي يدها عباية اسيل التفتت يمين يسار ماشافتها انتبهت لها في السياره وياسر واقف معطيها ظهره مشت بسرعه وفتحت الباب وانفجعت من شكل اختها : شصاير اسيل اسيل تاخذ العبايه : امشي معاي بنروح المستشفى بعدين اقول لك ندى : طيب امي ماعندها خبر اسيل بألم : تعالي بعدين نقول لها ركبت ندى وهي خايفه وماتدري وش السالفه ركب ياسر وحركوا للمستشفى اما فجر طلعت للغرفه بسرعه ماتبي احد يشوف دموعها ,,, سكرت السماعه وقالت بفرح : الملكه والزواج بعد اسبوعين طلعت عيون بدر : شلون بعد اسبوعين وش فيكم مستعجلين ام ناصر بلا مبالاه : اختي كلمت بنتها والبنت ماعندها مانع يكون الزواج بعد اسبوعين بدر سكت وكل ضيق الكون على وجهه ام ناصر : صدقني ماتلقى مثل نجلاء بدر : لو تكون اللي تكون ماراح تجيب ظفر رشا ام ناصر بحده : قسم بالله يابدر لو تظلمها ولا تضايقها بشي لـــ قاطعها بضيق : ارتاحي يمه ماراح اظلمها انا واحد اخاف الله تنهدت براحه وقالت لربى : لازم من اليوم نطلع للسوق عشان نجهز ربى بدون نفس : وش نجهز كلها حفله بسيطه بتصير بالبيت ام ناصر : ولو هذا زواج اخوك لازم نفرح فيه ربى بملل : طيب اللي تشوفينه ام ناصر : يلا البسي بقول للسواق يجهز السياره كلمت السواق وبعد دقايق طلعوا متوجهين للسوق نزل ناصر وشاف بدر اللي يطقطق على الجوال : انت للحين مالبست بدر يضرب جبهته : اوووه نسيت والله ناصر : قم البس بسرعه مافي وقت مابي اتأخر وقف بدر وراح يلبس بسرعه رشا تناظره : بتطول بدر : والله مادري تعرفين شباب وجمعه وصاير لي فتره طويله مو شايفهم رشا : طيب بدر ارسل لها بوسه فَ الهواء : يلا حبيبتي مع السلامه طلع ورشا مسكت مجله وهي تقلب فيها بملل تذكرت ان هديل موجوده اخذت تميم وتوجهت لجناح هديل دقت الباب وبعد ثواني افتحت هديل وهي تبتسم : هلا رشا رشا : هلا حبيبتي اممم شفت مافي احد بالبيت قلت اجي جنبك شوي هديل تفتح الباب : حياك حتى انا طفشانه ولو ماجيتي كنت انا بجيك دخلت رشا وخذتهم السوالف هديل وهي تلاعب تميم اللي بحضنها : مستعجله اجرب شعور الامومه رشا تتنهد : الله يقومك بالسلامه شعور لايوصف انا اول ماشفت تميم نسيت كل التعب هديل تبتسم : الله يخليهم لنا ويحفظهم من كل شر خلاص انا حاجزه ولدك لبنتي هههههههههههه رشا : هههههههه اقول شيليه من حضنك ماينعطى وجه بيعفس بنتك قبل ماتطلع هديل: خليه مسكين مستغرب من هالكوره ههههههههههههههههههههه ,,,, عبد العزيز: حبيبتي قومي بسك نوم مرام تفتح عيونها : كم الساعه عبد العزيز : الساعه 5 مرام تعدل قعدتها : ليش ماصحيتني عزوز انا قلت لك بس ساعه عبد العزيز يقرص خدها : وانا خليتك ساعتين حبيت اخليك ترتاحين شوي وقفت وهو مسك يدها: وين وين انا ماصحيتك الا لانك واحشتني مرام بخجل : حبيبي بروح اخذ شور وبنزل للبنات عبد العزيز يحاوط خصرها : لاحقه على البنات غمزت بمزح : وانت لاحق علي عبد العزيز : تغمزين وتجننيني وتبين اتركك باس خدها برقه : كل يوم يزيد حلاك في هاللحظه اندق الباب وعبد العزيز كشر : مين ضحكت مرام عليه ووقفت تفتح الباب جود ووعد واقفين ومتخصرين وعد: لا والله صح النوم جود: تعالي يلا بيبدأ الفلم مرام : خلاص انزلوا لاحقتكم وعد: لا قدامي يلا اشوف عبد العزيز يقرب : ماتقولون لي شتبون ياجوج ومأجوج وعد تسحب مرام : تعالي اخلصي مرام : اصبروا طيب ببدل واعـ وعد: لاتبدلين ولاشي مافيه احد امشي عبد العزيز يمسك مرام : استحوا على وجيهكم انتي وياها ويلا توكلوا وهي بتلحقكم وعد تغمز : شفيكم انت وهي هااا عبد العزيز : صدق انك قليلة ادب انقلعي قبل لا اوريك الشغل جود: الا اقول مروم نبي نصير عمات عجلي عبد العزيز : عمت عين ابليس يلا انتي وهي حركو مرام : انا ماافكر اجيب الحين ابي اقعد سنه بعدين افكر يلا انزلوا والله دقايق واجيكم سكرت الباب وركضت للحمام تاخذ شور قبل لايمسكها عبد العزيز دقايق وطلعت وهي لابسه المنشفه الكامله على جسمها ولافه المنشفه الصغيره على راسها حمدت ربها ان عبد العزيز مو هنا لبست بسرعه وجففت شعرها ولمته وحطت ميك اب خفيف وسريع وتعطرت ونزلت لقت البنات جالسين وقبالهم شبسات وعفسه ويتابعون باندماج مرام : يوووه بدأ جود : لا ينتظرك مرام : وين عز اجل جود: فَ المطبخ مع امي مرام توقف : الفلم فايتني فايتني اروح اساعد خالتي احسن وعد: تساعدين امي ولا تشوفين الحب مرام : ههههههههههههههه كلبه دايم كاشفتني قربت وهي تسمع سوالفهم دخلت : السلام عليكم ام عبد العزيز : وعليكم السلام والرحمه -لفت لعبد العزيز - ايه وش كنت تقول يمه عبد العزيز مفهي يناظر مرام : هاا نسيت ام عبد العزيز : ههههههههههههههههههههه الله يخلف عليك شاف البنت وضاعت علومه انحرجت مرام وقالت : تبين اساعدك خاله ام عبد العزيز : لا يمه بس كنت اجهز الشاي والقهوه لان ام خالد بتسير علينا اليوم بس زوجك اشغلني تكفين خذيه مرام : هههههههههههه صدق انك قلق عبد العزيز : يعني اتفقتوا علي طيب اصلا انا طالع للمسجد باقي شوي ويأذن قبل لايطلع لف على مرام : مرومه يمكن اتأخر لاتحاتيني مرام : طيب انتبه لنفسك عبد العزيز : ان شاء الله يلا فمان الله مرام وام عبد العزيز : فمان الكريم # انتهى سبحآن الله وبحمده سبحآن الله العظيم | |||||||||
|
| |
|
23-04-16, 09:52 PM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثامن عشر >>>> بعد شــــهـــــــر ترف تزوجت سلطان وسافروا لشهر العسل بدر تزوج نجلاء بحفله بسيطه في البيت وبوجود الاهل فقط ريم صارت تعامل سعود كزوج وتعطيه حقوقه لكن علاقتهم رسميه وتسوأ يوم بعد يوم امل مبسوطه مع راكان وماتوقعت ان قلبها بيدق له بهالسرعه عبير زواجها قرب وكل ماقرب كل مازاد خوف شوق رغم ان مشاري طفش وصار مايدق عليها فجر من بعد ذاك اليوم ماحتكت في ياسر ولا اسيل اسيل وندى مرتاحين ومبسوطين مع البنات واسيل مستغربه من نظرات الكره والحقد من فجر هديل ولادتها قربت وثقلت حركتها ومنتظره مولودتها بفارغ الصبر وعد صارت تتجنب وليد كثيير وتفكر في كلامه طلال للحين قلبه محترق وصاير هادي ودايم برا البيت او في غرفته ونحف كثير ,,,, نجلاء : بدوري بدر بدون نفس : نعم نجلاء : ابيك اليوم تنام عندي بدر وهو يدور اوراق في الدرج: اليوم يوم رشا نجلاء: ادري بس انا عروس جديـــ بدر: بلا عروس بلا هم انا قلت لك من قبل ووضحت لك كل شي يوم لك يوم لها نجلاء بدموع تماسيح : انت ليش تكرهني بدر بدر يتنهد: انا مااكرهك بس انا واحد اخاف الله ولازم اعدل قربت منه وقالت وهي تمسح دموعها : طيب الله يخليك طلعني بكرا والله طفشت من قعدت البيت وانا عروس حتى شهر عسل مارحت بدر: بكرا يصير خير قربت اكثر وقالت وهي تسكر ازارير بلوزته : طيب حبيبي انتظرك بكرا وابيك تعرف اني بكون مشتاقه لك طلع بدون لايرد وهي عضت شفايفها بقهر ركضت ونزلت لخالتها وهي ماده البوز ام ناصر : شفيك يمه نجلاء نجلاء: مافيني شي خالتي ام ناصر : قولي لي يمه بدر مضايقك بشي نجلاء: ايه ياخالتي والله مو حاسه اني عروس عقله وقلبه مع رشا ام ناصر تقرب منها قالت بهمس : حاولي تكسبينه اعرفك ذكيه نجلاء تتنهد: وين اكسبه ياخالتي ساحرته هذي ام ناصر تحط يدها على كتفها : اصبري حبيبتي صدقيني بيصير مثل خاتم باصبعك ويترك السحليه هذي نجلاء بخبث: طيب تكفين خالتي قومي قولي له يطلعني طفشانه ام ناصر توقف: ان شاء الله الحين اروح له نجلاء تمسك يدها: لاتقولين له اني قلت لك هزت راسها وراحت ابتسمت نجلاء بسعاده لانها بتخرب ليلتهم دقت الباب ثواني وطلع بدر : هلا يمه ام ناصر: هلا يمه بدر بدر: بغيتي شي ام ناصر تمسك يده : يمه تكفى بطلب منك طلب لاتردني بدر بسرعه : تامرين امر ام ناصر: يمه واللي يسلمك اخذ نجلاء وطلعها شوي حرام البنت عروس بدر بقوه : هي قالت لك شي ام بدر تهز راسها : لا بس انا شفتها وواضح انها طفشانه كسرت خاطري مادخلت مخ بدر بس عداها :ماعليه يمه بكرا اطلعها الليله ليلة رشا ام ناصر: لا واللي يعافيك يمه اطلع تعشى معاها في مطعم وخلها تتسوق بدر: يمــ ام ناصر تقاطعه بزعل : خلاص ارجع لمرتك مابي منك شي تنهد بدر بضيق: خلاص بطلعها قولي لها تلبس عبايتها ابتسمت ام بدر: الله يرضى عليك بروح اقول لها تجهز نزلت ام ناصر وقالت : قومي البسي بسرعه وافق يطلعك نجلاء بفرح تبوس راسها : الله يخليك لي يالغاليه دخل بدر لرشا وهو متضايق رشا : خير حبيبي شفيها خالتي بدر بضيق : حبيبتي اناا بطلع مع نجلاء رشا بصدمه: نعم انت ناسي انها ليلتي بدر: لا بس امي كلمتني وطلبتني اطلعها ماعليه بعوضك حبيبتي بــ رشا : لاتعوضني ولا شي قم بدر توكل على الله حس انها بتزعل قال بسرعه : طيب حبيبتي قومي اطلعي معانا ننبسط ونلعب تميم رشا : ونجلاء وخالتي وش بتقول لهم بدر بثقه : مايقدرون يقولون شي لانها ليلتك قامت رشا تلبس ولبست ولدها ونزلت مع بدر انصدمت نجلاء اللي تنتظره وناظرته باستفهام وناظرت خالتها عشان تتكلم ام ناصر : رشا وين رايحه رشا بثقه : بطلع مع زوجي وولدي نجلاء بقهر : بس هو بيطلعني بدر: بطلعك انتي وهي عاجبك تعالي مو عاجبك اقعدي واحنا نطلع طرطعت نجلاء من القهر وطلعت معاهم مجبوره وياليتها ماطلعت انقهرت اكثر وهي تشوف دلع بدر لرشا وهي حاقرها ,,,, كان الكل مجتمع في بيت ابو عبد الكريم رجعت ريم لشقتها بتاخذ غرض وبترجع للبنات لكنها شافت سعود جالس وسرحان ومانتبه لدخولها حالتهم صارت سيئه لابعد الحدود كل يوم مشاكل وبرود من الطرفين ريم عرفت وايقنت ان سعود مو بس يحب امل الا يعشقها ومستحيل ينساها كثيييييير يغلط باسمها وكثييير يسرح وهي تحترق من القهر ريم : الا متى وانت على هالحال سعود انتبه لها : اي حال ريم : فاهم زين عن ايش اتكلم سعود: لين تتركين هالتفكير اللي عندك ريم باستهزاء: قصدك لين انت تترك سرحانك وتفكيرك وتترك لسانك يتعود على اسمي وقف سعود: انا بنزل للشباب ينتظروني ريم : كالعاده تتهرب ماعندك شي تقوله غمض عيونه: وش تبين ريم ريم بقهر : قل انك تحبها ومو قادر تنساها سعود بهدوء : اكذب ان قلت غير هالكلام توسعت عيونها بصدمه من تصريحه هي تدري انه يحبها بس عمره ماصرح بهالشي صرخت : وتقولها بوجهي بعد سعود : شسوي ريم تعبت تعبت من شكك فيني في كل لحظه ريم وصوتها يرجف: شكي ! سعود انت مو حاس بعمرك انت اسمي مانطقته صح الا كم مرا تنعد على الاصابع طول وقتك سرحان وبالك بعيد حتى في وقت الـــ قاطعها بغضب: انكتمي انا واحد اخاف ربي ريم تهز راسها : تخاف ربك وانت تحب وحده متزوجه تحب وحده على ذمة رجال - قالت متعمده تقهره - تاكل معاه تضحك معاه وتنام معاه بسرير واحد شد على قبضته وهي لاحضت هالشي قالت باستهزاء : يقهر الموضوع صح تخيل كل يوم يبوسها ويضمها وهي مبسوطه ومادرت عنك رح شفها شلون تتكلم عنه صرخ: ريم اسكتي ريم : تغار ! عادي عشان تحس فيني شوي وانا احترق وانت تغلط وتناديني باسمها تذكر يوم تقول " انا مستحيل افكر بوحده على ذمة غيري" قربت منه وقالت : لكن للاسف انت مو بس تفكر فيها انت تهذي فيها وانت نايم وكل ماشفت شي تنسى نفسك وتقول امل تحب هالشي و امل تكره هالشي ابتسمت بعدم تصديق : انت كنت تكره عصير البرتقال الحين ماتشرب غيره كنت تحب افلام الرعب الحين تتابع الهندي والاكشن - قالت بتفكير - كنت تموت في اللون الاصفر صرت تحب الاحمر انصدم سعود كلام ريم كله صح شلون مانتبه ولا حس انه صار يحب اللي امل تحبه ويكره اللي امل تكرهه ريم : اكمل ولا يكفي سعود انربط لسانه ومايدري وش يقول ريم : شكلك تبيني اكمل سعود يتنهد : بس ريم بس اسكتي ريم بصراخ : ماراح اسكت سعود سكت مره وثنتين وثلاث ولا تغير شي حبك لها كل يوم يزيد سعود يقعد على الكنب بضيق دخل يده في شعره : ريم مو بيدي والله ريم قربت وقالت بهمس : مو قادر تنساها لانك مو رجال وتحب وحده متزوجه ثار فيها سعود ورفع يده لاقصى حد وعطاها كف وكانت هذي اول مره في حياته يمد يده على حرمه صرخت ريم : اضربني سعود اضرب اذبحني لو تبي بس انا ماقلت الا كلمة الحق انت مو رجال ولا عمرك بتصير رجال مسكها وهزها بقوه : انكتمي ريم لاتخليني اسوي شي اندم عليه ريم ودموعها مغطيه وجهها : سو اللي تبي ماعاد يهمني قرب منها وهمس : انتي طالق بعدها عنه بقوه وطلع بسرعه عشان لايذبحها وهي انرمت على الكنب تبكي بحرقة وقهر ركضت لغرفتها وخذت اكبر شنطه رمت كل ملابسها واغراضها فيها ولبست عبايتها ودقت على اخوها يجي ياخذها نزلت بسرعه وشافوها البنات اللي قاعدين في الحديقه استغربوا من شكلها وخافوا قربت منال منها : شفيك ريم مشت ريم وتعدت الكل ووقفت قدام امل قالت بصراخ : سعود طلقني وانتي السبب طلقني لانه يحبك ومو قادر ينساك انصدمت امل والبنات كلهم قالت مها تدافع عن امل المصدومه : شفيك ريم امل شدخلها مشت ريم وسحبت شنطتها وطلعت تنتظر اخوها وسط اندهاش البنات شافها سعود ولحقها بسرعه : وين رايحه ريم بقهر : شدخلك طلقتني صح مالك دخل فيني رح شف حبيبة القلب قبل لايرد عليهم سمع صراخ البنات ركض لهم وصد عنهم وهو يقول : وش صاير مشاعل بخوف: سعود امل طاحت علينا وقف قلبه : شفيها مشاعل : مدري مدري رح ناد راكان او فيصل كان متجمد مكانه ورجوله مو شايلته صرخت مشاعل: سعود شفيك انتبه لنفسه ومسك جواله بيد مرتجفه دق على فيصل وبعد رنه رد : هلا سعود وينك مانزلت سعود: فيصل تعال بسرعه امل طايحه ومايدرون وشفيها ,,, عبير : واااااااااو يجنن الفستان بطلع ملكه فيه شوق تبتسم : الله يوفقك ياقلبي عبير : امين يارب وعقبالك - ناظرت شوق - للحين ماتبين تعلميني شفيك شوق بتوتر : وش فيني مافيني شي عبير تتنهد: بكيفك انا زواجي بعد يومين وبعدها ماراح تلقين احد تفضفضين له فَ اذا عندك شي قوليه شوق : مافيني شي بس انتي توسوسين عبير تلوي بوزها : ترا مو بس انا الكل ملاحظ شوق بكذب: مدري صار لي مده احاتي طلال خصوصا بعد اخر موضوع صار وهو متغير مره ماهو طلال اللي قبل وانا خايفه عبير : لاتخافين عليه هو رجال ويدبر اموره المهم تذكري معي مانسيت شي شوق تتنهد: وش نسيتي الله يهديك وانتي قاشه السوق كله عبير : خليني انبسط كم مره بتزوج انا الا شخبار بنت عمك من تزوجت وهي مالها حس عرفت شوق انها تقصد امل : الله يهنيها عبير تحط يدها على قلبها : زوجها آآآه يازوجها ياهو رزه وكله رجوله والله خساره فيها شوق بضيق : عبير ووبعدين عبير تحط يدها على فمها : ها سكتنا بس بذمتك مايهبل يابختها فيه شوق : الله يسعدهم وهي تستاهل كل خير وهو اللي يابخته فيه عبير تكشر: فكينا بس قال يابخته فيها قال على وشو شوق : عبير خلاص هذا وانتي عرسك بعد يومين خافي الله عبير : خلاص بسكت الله لايبلانا شوق : المهم تذكري لاتنسين احد ماتعزمينه عبير تتذكر: لا متأكده عزمت الكل بس ان شاء الله يطلع الزواج مثل ماخططت له شوق : ان شاء الله كل شي بيمشي تمام عبير بضيق : اف اهل مشاري كثير وياكثر بزرانهم كان ودي امنع الاطفال بس ماارضى يقول بيزعلون خواته ويطقون براسهم شدخلني انا شوق : ماعليك من احد اهم شي تكون زفتك مثل ماخططتي لها وخلاص الا على الطاري ابوي وطلال وفهد بيدخلون عبير : ايه طبعا اول شي مشاري ماكان راضي يبي يدخل هو لحاله بس انا اقنعته شوق تلوي بوزها : وليش مو راضي مصدق نفسه زوجك هذا عبير : حرام عليك شوق ليش تكرهينه والله هو دايم يسأل عنك ويجيب طاريك توسعت عيون شوق : يسأل عني عبير : ايه وشفيك تراك مثل اخته شوق : يسأل عني زي ايش مثلا عبير : يعني يقول لي كيفها شوق شمسويه في الدراسه ومن هالكلام - سكتت تتذكر - ومره قال لي مين احلى انتي ولا شوق قلت له كلنا حلوات قال كذابه هههههههههههه يمزح طبعا شوق بضيق : وهو شدخله فيني اصلا لو يستحي على وجهه ماسأل هالسؤال عبير باستغراب : شوق شفيك انتي شايفه عليه شي انتبهت لنفسها : لا مو شايفه شي بس مدري ليش ماابلعه مدري شلون متحملته عبير : بالعععكس والله انه كيوت ورومانسي ويدلعني كثير شوق بخوف : عبير لايكون لمسك يعني آآ عبير : بصراحه مااكذب عليك هو حاول بس رفضت طبعا كل شي بوقته حلو شوق براحه : ايه الحمد لله عبير: بعدين حتى لو صار هالشي هو زوجي وانا واثقه فيه شوق : كل شي بوقته حلو مثل ماقلتي بعدين على اي اساس واثقه فيه اللي يسمعك يقول سنين معه عبير ملل : يووووه شوق انتي حاقده عليه مدري ليش اطلعي بس خليني اجرب الفستان طلعت شوق بسرعه قبل لاتبكي قدام اختها وتخرب فرحتها ,,, قالت رشا بصوت عالي متعمده: وربي الجو وااااو يهبل وتميم انبسط على الالعاب هديل كتمت ضحكتها على شكل نجلاء اللي شوي وتنفجر ربى متعمده : حركااات وجايب لها بوكيه ورد وطقم وش عنده بدر انصدمت رشا من الكذبه اللي اطلقتها ربى وكانت بتنفجر من الضحك بس مسكت نفسها رمت نجلاء المجله بقهر وقالت بدلع مصطنع : تدرون بدوري وش قال لي اليوم لفت على نفسها : قال انه ماتوقعني اكون بهالجمال والرشاقه رشا : اي جمال يرحم والديك روحي شوفي وجهك فَ المرايه بس ربى : لا رشا حرام لاتحطمينها - ناظرت نجلاء - شوفي انتي مملوحه شوي بس سوري قدام رشا تصيرين صفر على الشمال ههههههههه نجلاء: مملوحه ! جد ماعندك نظر اصلا بدر ميت في جمالي لانه طفش من هالعجوز كانت رشا بتتكلم بس ربى اشرت لها بيدها وقالت : تدرين ان ظفرها يسواك عند بدر نجلاء: حبيبتي هذاك قبل بس الحين لاجبت ولي العهد اتحداك اذا ناظر في وجهها ناظروا بعض بصدمه حامل !! نجلاء: وش فيكم انخطفت الوانكم ايه حامل ربى بكره : وش هالكذب امداك تحملين نجلاء: والله حبيبتي هذا اللي صار صدقتي ولا بكيفك يالعانس ربى بصراخ: عانس في عينك تراني اصغر منك نجلاء تناظرها من فوق لتحت: اصغر مني بس لين الحين قاعده تحت الماما ربى ضحكت بدون نفس: حبيبتي انا لو ابي تزوجت من زمان بس ابي اخلص دراستي قبل واهم شي انا ماصرت سراقة رجاجيل وخرابة بيوت نجلاء بصراخ: انا مو خرابة بيوت هو جاء بنفسه وخطبني ماحد ضربه على يده وبعدين انتي بنت خالتي ليش واقفه مع بنت الشوارع هذي اللي مدري من وين جايبها كف صدح صوته في المكان وخلا اذنها ترن تجمعت الدموع بعيونها وقالت بقهر : تمدين يدك علي رشا : واكسر راسك بعد وان غلطتي علي مره ثانيه ماتلومين الا نفسك فاهمه نجلاء بصراخ: طيب ياحيوانه والله ماكون نجلاء ان ماوريتك شغلك نزلت ام ناصر : خير وش هالصراخ نجلاء تركض لها : خالتي هالزفته مدت يدها علي ام ناصر بصدمه : وصلت فيك المواصيل تمدين يدك ربى : يمه هــــ ام ناصر : انتي مالك دخل رشا بصوت يرجف: ايه مديت يدي عليها لانها غلطت علي نجلاء: ماغلطت قلت بنت شوارع تزوجك بدون علم اهله وجابك ماغلطت في شي ام ناصر بصراخ : وهي صادقه ماقالت شي غلط هديل: خالتي هالكلام عيب رشا بنت ناس ومتربيه ام ناصر بدون نفس: انتي خليك في نفسك ولا تتدخلين فاهمه لفت على رشا : وانتي تعالي اعتذري بسرعه رشا : تخسي هذا اللي ناقص بعد ام ناصر : لاتعانديني صدقيني اخلي بدر يطلعك من البيت ماعندك الا ملابسك اللي عليك رشا : خالتي الحشيمه لك بس هذي تخسي اعتذر منها هي اللي مفروض تعتذر وقفت ام ناصر عند الدرج ونادت: بدررر يابدر لبست هديل جلالها وثواني الا بدر نازل بخوف : شفيك يمه تصارخين ام ناصر : تعال شف حرمتك ماده يدها على نجلاء ناظر نجلاء اللي تبكي وناظر رشا : صحيح هالكلام رشا : ايه صحيح غلطت علي وقالت عني بنت شوارع قرب بدر من نجلاء والشرر يتطاير من عيونه: جد قلتي هالكلام ام ناصر: وش فيك انت هذا بدل ماتربي هالحيوانه جاي تصارخ على بنت خالتك بدر بحده: يمه رشا مو بنت شوارع بنت اصل وفصل واهلها الكل يتكلم عن نسبهم فَ الديره نجلاء : انا اهلي عمرهم ماضربوني عشان تجي وحده مثل هذي تضربني بدر: لو اني موجود وانتي تقولين هالكلام خليتها كسرت راسك سحب رشا من يدها : امشي رشا انقهرت ام ناصر وضمت نجلاء: معليه يمه مرده يجيك يعتذر #انتهى سبحان الله وبحمده سبحان الله العظيم | |||||||||
|
| |
|
23-04-16, 09:54 PM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| الجزء التاسع عشر >>>> دخلت لبيت اخوها وعيونها منتفخه من البكي قربت مرت اخوها وسلمت بدون نفس: حياك ريم ريم بصوت مبحوح: الله يحييك هادي باحراج : ريم اعذريني تدرين ان مافي الا ثلاث غرف غرفتي وغرفة العيال وغرفة الشغاله يـــ ريم تقاطعه: ولا يهمك ياخوي عادي انام بأي مكان غاده زوجة هادي: مافيه الا الملحق هزت راسها: طيب ممكن تدلوني وينه هادي شال شنطها : تعالي لحقته لين وصلوا لعند باب فتحه كانت غرفه صغيره مفروشه وفيها نافذه وخاليه من الاثاث تماما وفيه كم مفرش مرتبين في زاوية الغرفه وفيه حمام صغير-اكرمكم الله - دخل الشنط وقال : العيال عندهم تلفزيون صغير بجيبه احطه هنا عشان ماتطفشين ريم: لا مايحتاج خله لهم هادي: لا مايحتاجونه فيه تلفزيون فَ الصاله اذا يبون يتفرجون طلع هادي وهي وقفت تتأمل الغرفه دقايق الا رجع وهو شايل التلفزيون حطه على الارض وانحنى يشبك الاسلاك خلص وجاب طاوله صغيره وحط التلفزيون فوقها مد الريموت لريم : خذي واذا احتجتي اي شي قولي لي والشغاله بعد شوي بتجيب لك العشاء طلع وهي فتحت شنطه وطلعت لها لبس ودخلت تاخذ شور سريع بعد دقايق طلعت واخذت استشوارها من الشنطه وجففت شعرها ورفعته اخذت المفارش وفرشت لها على الارض وانسدحت حست بخوف لانها مو متعوده على المكان غمضت وعيونها تحرقها وتغالب دموعها مسكت جوالها وحاولت تلهي نفسها فيه شوي واندق الباب توقعت الشغاله جايبه العشاء فتحت وشافت عيال اخوها محمد واحمد واقفين ابتسمت لهم : هلا حبايبي محمد شايل البلايستيشن قال بحماس : عمه ريم تلعبين معنا ريم : لا يَ قلبي روحوا ناموا بكره نلعب احمد بهمس : العبي معنا تكفين لاتخافين امي وابوي ناموا ابتسمت بدون نفس وقالت : تعالوا دخلوا بحماس وشبكوا البلايستيشن على التلفزيون وشغلوا شريط مصارعه بعد دقايق دخلت الشغاله وشايله صينية العشاء قعدت ريم تاكل بدون نفس وتناظر عيال اخوها اللي يلعبون بحماس محمد واللي عمره 10 يفتح علبة البيبسي : عمه لاتقولين لابوي اني شربت بيبسي والله بيضربني ريم : لاتشرب حبيبي مو زين لك محمد برجاء : بس هالمره والله بشرب نص علبه بس تكفين لاتعلمين احمد واللي عمره 8 بملل : بس يبينا نشرب حليب ولبن كل شي ممنوع ريم : عيب هو ابوكم ويعرف مصلحتكم لازم تسمعون كلامه احمد: عمه انتي بتسكنين عندنا كم يوم محمد بعصبيه : عيب ياحيوان مايقولون كذا احمد بطفوله : لا انا ابيها تقعد عندنا كثيييير لانه طفش وماعندنا شي نسويه محمد: اسكت بس -رفع يد البلايستيشن - تعالي العبي ريم : مااحب المصارعه محمد بسرعه : طيب وشو تبين فيه كوره وفيه حرامي سيارات - قال بهمس - ابوي مايدري عن حرامي السيارات ولا كان كسره ابتسمت غصب عنها وتمنت ترجع طفله مثلهم وكل همها تشرب بيبسي وتلعب حرامي سيارات ,,,, رفع راسها : اهدي اهدي حبيبتي وكلميني لكنها كانت ضامه وجهها بين يدينها وتبكي قرب المويه منها : سمي بالله واشربي شربت شوي وركان قال : علميني وش صار وش فيك شهقت وهي تحط يدها على فمها : ريم تقول انا السبب مافهم شي ومسح دموعها بيده : امول بابا اهدي وتكلمي عشان افهم رجعت دموعها تنزل : سعود طلق ريم راكان باستغراب: طلقها طيب وانتــ قاطعته وهي ترجع شعرها الطويل لورى : وريم تقول اني انا السبب في طلاقها انشد فَ رقبته عرق معقوله سعود طلق زوجته عشان امل عد للعشره عشان يهدأ وقال : وليش يطلقها عشانك امل لاحظت تغير وجه راكان ورفعت كتوفها : مدري امل كانت مجبوره تقول له لانه لو ماعرف منها بيعرف من غيرها وده ينفجر بس مسك نفسه قدام امل اندق الباب وكان فيصل : تفضل دخل فيصل وقال بخوف : شخبارك الحين امل تمسح دموعها : الحمد لله بخير قرب فيصل وقال : قومي اوديك المستشفى امل تهز راسها : لا مايحتاج والله مافيني شي فيصل ناظر وجه راكان : شفيك راكان شفها بخير الحمد لله مافيها شي راكان بهدوء : مافيني شي وقف وطلع من الغرفه بسرعه امل مسكت يد فيصل : الحقه بسرعه بيروح لسعود لاتصير بينهم مشكله فيصل مافهم شي لكنه ركض ولحق راكان وهو يناديه راكان وصل للحديقه : فيصل واللي يرحم والديك اتركني بس بتفاهم معاه فيصل يوقف بوجهه : لا راكان انت معصب الحين ومو حاس بعمرك اهدأ بعدين تفاهموا راكان يتنهد : فيصل ابعد واللي يسلمك انا هادي فيصل بحده: قلت لك لا اذا تركتك بتتضاربون طيب علمني وش صاير راكان من بين اسنانه : تدري ان هالحقير مطلق زوجته عشان امل وصلهم صوت من وراهم يقول: مالحقير الا انت والحشيمه حق فيصل مو لك فيصل : صحيح الكلام اللي سمعته ياسعود سعود يبي يقهر راكان هز راسه ببرود : ايه صحيح وانتوا كلكم تدرون بهالشي قبل لاتتزوج هذا راكان والشر يتطاير من عيونه : سمعت فيصل وبكل وقاحه يقولها فيصل يمسك كتوف راكان : راكان اهدأ انا بتفاهم معه تكفى مابي ابوي يحس بشي بعدين فكر في امل حرام اللي فيها مكفيها صل على النبي راكان يمسح وجهه : اللهم صل وسلم عليه - ناظر سعود بحده وحقد - انا بمشي قبل لاارتكب فيه جريمه سعود باستهزاء : لا خوفتني تصدق سحب فيصل راكان لداخل : تعال ادخل انا بنادي امل قعد راكان فَ الصاله وبمجرد ماشاف فيصل طلع الدرج ركض لبرا لان النار اللي فَ قلبه للحين ماطفت وصل لعند سعود وبدون مقدمات وجه له لكمه قويه تلمس سعود انفه وفمه وشاف الدم اللي طلع رص على اسنانه وشد قبضة يده عشان يرد له اللكمه لكن ياسر وصل في الوقت المناسب ومسك سعود وهو يقول : شصاير شفيكم !! سعود صرخ : ياسر ابعد ياسر ماسكه : ماراح اتركك وانت كذا قل لي وش صاير وصل فيصل يركض ومسك راكان : انا مو قايل لك لاتطلع شفيكم انتوا انهبلتوا ياسر : فيصل شصاير فيصل : مو صاير شي اخذ اخوك قبل لاحد يشوفه - سحب راكان - وانت امش مشى راكان وركب سيارته ويحس انه يغلي من القهر ثواني وركبت امل حرك السياره بدون لايتكلم وكان يسرع سرعة جنونيه امل بخوف : راكان شفيك خفف ماسمع لها وكمل طريقه وامل قلبها بيوقف من الخوف ترجته : واللي يرحم والديك راكان خفف خفف وهو يهز رجله بتوتر : الخسيس الواطي ويقولها بوجهي بعد امل تمسك يده : حبيبي اهدأ الله يخليك مايصير تسوق وانت كذا ذكر الله وحاول يهدي من نفسه بس كل مايتذكر كلام سعود وانه للحين يفكر في امل يحس انه بيموت من القهر وصلوا البيت ونزلوا استقبلتهم ليان وسلمت عليهم ناظرت عيون امل المنتفخه من البكي وقالت بحده : راكان مضايقك بشي طلع لجناحهم ماله خلق شي وعلى طول دخل ياخذ شور ليان سحبت امل : تعالي قولي لي شفيك طلعوا لغرفة ليان وشالت امل النقاب والعبايه وتنهدت بضيق وهي تقعد على السرير ليان باستفسار : انتي متهاوشه مع راكان امل تهز راسها : لا ليان : اجل علميني شفيك امل مسكت راسها لانه مصدع : تخيلي سعود طلق ريم عشاني ليان باستغراب: عشانك !!! شلون يعني عشانك امل بصوت مبحوح : مادري وش صار كنا قاعدين فَ الحديقه وجات تصارخ وتقول ان سعود طلقها عشاني وبعدها انا طحت وماحسيت بشي ليان بزعل : سلامتك ياقلبي امل : الله يسلمك المهم ان راكان تضارب مع سعود ولولا الله ثم فيصل كان شبو في بعض ليان : لاحول ولا قوة الا بالله امل : ليان انا حاسة بالذنب ليان : انتي مالك ذنب حبيبتي يمكن ريم من القهر قالت هالكلام امل تهز راسها : لا سعود قال هالكلام في وجه راكان ليان بصدمه : قال يحبك امل : الظاهر كذا لان راكان شاب نار ومولع انتي ماشفتيه شلون يسوق ليان : الله يعين المهم انتي لاتحطين في بالك انك انتي السبب ترا مالك دخل حتى لو كان للحين يحبك انتي مالك ذنب - مسحت على كتفها - قومي ارتاحي حبيبتي امل توقف : اوك تصبحين على خير ليان : وانتي من اهله دخلت امل لقت راكان توه طالع من الشور ويجفف شعره بالفوطه اخذت لها بجامه مريحه لبستها وانسدحت بتنام ماتبي تكلمه وهو معصب حست بَ راكان ينسدح جنبها وهي معطيته ظهرها ضمها وهو يهمس : آسف بس ماأتحمل اشوف احد يفكر فيك لو مجرد تفكير فما بالك يجي ويقول يحبك لفت عليه وقالت بعتب : طيب بس انت تدري اني مستحيل افكر بأحد غيرك باس راسها : والله ادري ياحبيبتي بس لاتلوميني مسك يدها وباسها : آسف حبيبتي - مسح على شعرها - شخبارك الحين امل : الحمد لله بس راسي مصدع شوي راكان : تبين بندول امل : لا الحين انام واصير احسن ان شاء الله باس خدها : يلا نامي ماراح انام لين تنامين ,,,, بدر بصدمه : حامل رشا بقهر : ايه هي قالت بدر هز راسه : مستحيل انا متأكد طلع بسرعه وتوجه لغرفة نجلاء شافها تتابع مسلسل ومندمجه معاه قرب منها وصرخ : انتي تركتي المانع نجلاء : آآآآي يدي اتركني بدر : جاوبيني نجلاء بتكشيره : لا ماتركته بدر بحده : اجل شلون حامل نجلاء بصراخ : ارتاح مو حامل اكيد حبيبة القلب قالت لك بدر تنفس براحه : اجل ليش قلتي انك حامل نجلاء بحقد : بس بقهرها بدر تنهد : حصل خير شوفي انا ماراح امنعك تكونين ام هالشي من حقك بس مو الحين نجلاء باستهزاء : لين توافق الآنسه رشا بدر: لا لين اشوف ان الوقت مناسب نجلاء : والله اذا ربي كتب ماتقدر تعترض بدر : اكيد اللهم لااعتراض بس اقسم بالله العلي العظيم لو عرفت انك تركتي المانع مايصير لك طيب نجلاء بخبث : اجل خلاص لاتقرب مني ابد بدر قرب وقال بهمس : والله هذا حقي ومتى مابغيت باخذه نجلاء بقهر : عندك حبيبة القلب اخذ منها اللي تبي ولا مو مكفيك بدر ببرود : والله ثنتينكم حلالي ولها يوم وولك يوم وربي بيغضب علي لو ماعدلت بينكم مدت بوزها : واضح العدل وقبل لايطلع قال : وحركات الاطفال اتركيها عنك ضربت رجلها بقهر : هين انا اوريك فَ الجهه الثانيه من البيت هديل: ياقلبي والله الم خفيف ماله داعي مستشفى ناصر : لا بتروحين يعني بتروحين انتي فَ التاسع الحين والدكتوره قالت اي الم تحسين فيه لازم تراجعين المستشفى هديل : حبي اوعدك لو زاد الالم والله اروح ناصر : قلت لا يعني لا قومي يلا البسي هزت راسها : الله يهديك بس لبست عبايتها وطلعت معاه للمستشفى وهي طفشانه وفيها النوم دخلت عند الدكتوره وفحصتها وقالت : ولاده هديل بسرعه ناظرت ناصر بخوف : شلون ولاده دكتوره انا مو حاسة الا بانقباضات خفيفه الدكتور تهز راسها : طبيعي لانك بكر كويس انك جيتي هديل بتبكي : صدقيني دكتوره مو ولاده والله مو حاسه بشي الدكتوره تبتسم : لاتخافين انا عارفه شغلي والرحم عندك مفتوح 4 سانتي يلا ارتاحي شوي دقايق وبجي آخذك لغرفة الولاده ناصر يمسك يدها : شفتي حبيبتي كنت حاس هديل: ناصر مابي اولد الحين ناصر : حبيبتي انا اعرفك قويه توكلي على الله وكل شي سهالات باذن الله هديل: طيب كلم امي خلها تجي ناصر يهز راسه : ان شاء الله انتي ارتاحي دقايق ودخلوا الممرضات يسحبون السرير وناصر يمشي وماسك يد هديل همس لها : قلبي ابيك تذكرين الله كثير وصدقيني اذا شفتي البنوته بين يدينك بيروح كل التعب بس خليك قويه هزت راسها ودخلوها لغرفة الولاده وناصر متوتر بس مابين قدامها بعد دقايق وصلت امها واختها ام هديل: ها يمه ناصر ماخلصت ناصر : لا عمتي ماخذت نص ساعه من دخلوها ام هديل بخوف : الله يقومك بالسلامه يايمه قعدوا بالممر والهدوء يعم المكان والسنتهم تلهج بالدعاء لين طلعت الدكتوره وقالت بفرح : مبروك ولدت بالسلامه وجابت بنوته مثل القمر تهللت وجيههم وناصر باس راس ام هديل وهي تقول : الف الف مبروك يمه الله يجعلها من مواليد السعاده سجى اخت هديل: الف مبروك ناصر ناصر : الله يبارك فيكم يارب مسح على وجهه بفرح : اللهم لك الحمد اللهم لك الحمد مسك جواله ودق على ربى بعد ثلاث رنات ردت : هلا ناصر ناصر : ربى هديل ولدت ربى بفرح: جد مبروووك الف الف مبرووووك تتربى بعزكم يارب ناصر: الله يبارك فيك حبيبتي يلا بس حبيت ابلغك سكرت ربى وامها قالت : شفيك متشققه ربى : يمه هديل ولدت الحمد لله ام ناصر : لاهي اول ولا آخر وحده تولد ربى تهز راسها : هذا بدل ماتقولين الحمد لله على سلامتها وتدعين ان الله يحفظ البنوته وتتربى بعزهم ام ناصر : الله يحفظها وتتربى بعز ابوها هزت ربى راسها بيأس ورمشت تبشر رشا ,,, كان يشيك على كفرات سيارته سمع صوت استغرب ومشى لمصدر الصوت ابتسم على شكلها : الحمد لله والشكر فيه احد يسولف مع نفسه فز قلبها ودق بقوه من بعد ذاك اليوم ماقابلته ولا احتكت معاه حاولت تكون طبيعيه وقالت : قاعده اصور سناب قرب وقال باستهزاء : صوريني معاك طيب وعد : انت ماتستحي على وجهك مو شايفني بدون عبايه وليد يرفع كتوفه : والله ماحد قال لك تطلعين بدون عبايه وانتي عارفه ان البيت كله شباب وعد باستهزاء : وانت عاد نفسك من الشباب !! اصلا انت عادي مااتغطى قدامك وليد بابتسامه : يكون احسن بعد لاتتغطين عشان آخذ راحتي انحرجت وعد وقالت بتوتر : ادخل احسن لي مشت ولقت قبالها كلب جمدت بمكانها : هذا وش جابه هنا وليد بلا مبالاه : هذا حق خويي مخليه عندي كم يوم لانه مسافر وعد بخوف : ومالقى يخليه الا عندك وليد يقرب ويلمس الكلب : تعالي المسيه مايسوي شي وعد : لا بعده عن طريقي ابي ادخل وليد : واذا مابعدته وعد تقوي نفسه : عمرك مابعدته مشت للطريق الثاني لكن الكلب تحرك وقفت وقالت بملل : وليد بلا نذاله وليد عاجبه الوضع : تدرين الحين لو اطلب منه يعضك عضك وعد ابتسمت بتوتر : ادري ماتسويها وليد يحك راسه : اذا تطلب الامر اسويها وعد : وليد خلاص خلني اروح لاتستقوي علي بهالكلب - ناظرت الكلب بخوف - وبعدين قل له لايناظرني وليد: هههههههههههههههههه حلوه قل له لايناظرني - كلم الكلب باستهبال - هييي لاتناظرها ترا اغار وعد: مو وقت استهبالك وليد ابي اروح وليد : روحي وعد: احلف ماتخليه يلحقني وليد بصدق : اللي ماتعرفينه انه لو يأذيك ذبحته هنا مشت بسرعه وتحس ان الجو من حوها صار حار دخلت وقعدت مع البنات بدون ماتبين شي لكنها لاحظت النظرات بين فجر واسيل همست لجود: وش السالفه جود وهي تتابع التي في : مدري عنهم بعد دقايق وقفت اسيل وقالت : فجر ممكن اكلمك شوي قامت فجر بدون نفس ودخلوا للمقلط قالت اسيل بدون مقدمات : ممكن اعرف انا شمسوية لك فجر : تعرفين شمسويه اسيل : لا مااعرف علميني فجر باستهزاء : لا تعرفين وتعرفين زين بعد ياخطافة الرجاجيل اسيل بصدمه : نــــعــــم فجر: اللي سمعتيه ولا تسوين فيها البريئه اللي مو داريه عن شي وانتي لاعبتها صح اسيل : شوفي انا مااحب الألغاز تكلمي عدل عشان افهم فجر وعيونها بعيون اسيل : ياسر رمشت اسيل تبعد عنها التوتر : شفيه ياسر فجر ترفع حاجب : وش اللي بينك وبينه اسيل : الحين كل هالنظرات والحقد عشان هالسبب فجر: جاوبيني وش اللي بينك وبينه اسيل بصراحه : انا وياسر نحب بعض من سنه ونص او اكثر فجر تناظرها من فوق لتحت : وش لاقي فيك يحبك اسيل : احترمي نفسك فجر انا محترمتك فجر : محترمتني !! وانتي سارقه حبيبي مني اسيل تعقد حواجبها : حبيبك فجر بقهر : ايييييييه ياسر كان يحبني بس لعبتي بعقله يالسوسه وخليتيه يحبك ويتعلق فيك اسيل بصدمه : انتي من جدك ! ياسر ولا عمره قال لي هالشي فجر باستهزاء : وش تبينه يقول لك انا كنت احب فجر وانت سرقتيني منها اسيل بثقه : لا مايحبك ياسر يحبني انا فجر : لاتاخذين مقلب بنفسك اسيل بعقلانيه : لو يحبك صدق ماحبني بعدك فجر : قلت لك مايحبك صدقيني كلها كم يوم ويمل منك ويرميك مثل الكلــــ ماكملت كلمتها لان جاها كف قوي ماتوقعته اسيل : سكتت لك كثير بس لين هنا وبس فجر وعيونها مغرقة : انتي تضربيني انا جعل يدك للكسر ان شاء الله قربت ومسك شعر اسيل بسرعه : انتي يالحيوانه تضربيني من تحسبين نفسك اسيل : آآآآآي اتركي شعري يازفته فجر تشد اكثر : قسم بالله لاوريك قدرك يالوقحه مو كفايه انكم قاعدين في بيتنا وعاله علينا اسيل مسكت شعر فجر وشدته بقوه صرخت فجر : اتركيني وجع اسيل : اتركيني واتركك فجر : ماني تاركتك فكيني اول اسيل : طيب انا اوريك دقت على ياسر وبعد ثواني رد : هلا حبيبتي ردت وهي تبكي : ياسر الحقني وقف بخوف : شفيك اسيل اسيل : تعال للمقلط اللي داخل دقايق الا وياسر داخل من الباب الخلفي وشافهم ماسكين بشعر بعض قرب بسرعه وقال : خير خير وش صاير اسيل تبكي : قل لها تتركني فجر : قل لها تتركني هي قبل ياسر يفك يدينهم : اتركوا بعض اشوف وش صاير اليوم في هالبيت اعوذ بالله تركوا بعض وفجر قالت : هي اللي بدت ومدت يدها اسيل : هي غلطت علي وتبيني اسكت ياسر : ممكن تفهموني وش صاير انتوا الثنتين اسيل : هي حاقده علي وتقول اني خطفتك منها ومدري ايش ياسر عقد حواجبه : خطفتيني منها ! صحيح هالكلام يافجر فجر بحقد : اييييه صح انا ادري انك تحبني بس هالحيوانه خرابة بيوت ياسر بهدوء : فجر انا طول عمري مااشوفك الا مثل مرام ومشاعل توسعت عيونها وقالت : كذاااااب نظراتك كانت كلها حب ولا لعبت بعقلك هذي لفت على اسيل وقالت بكره : اسمعي انتي اطلعي من بيتنا بكرامتك فاهمه ياسر بحده : فجر وش هالكلام هذا مثل ماهو بيتنا بيتهم فجر : لا مو بيتهم ينقلعون لأي ملجأ بيتنا مو فندق قرب بسرعه ومسك كتفها : ان عدتي هالكلام قطعت لسانك فجر: انا تقول لي هالكلام انا بنت عمك وعشان مين عشان هذي ياسر بهمس : هذي حبيبتي وبتكون زوجتي اذا الله اراد فجر بتكشيره : تصدق عاد كفوك نفضت يدها وطلعت بسرعه وهي تتوعد تنهد ياسر وقال لأسيل : ماعليك من كلامها اسيل : ماقالت شي غلط احنا قاعدين في بيتكم ياسر يحط يده على فمها : اشششش - مد يده وظبط شعرها - صار لك شي اسيل هزت راسها : لا بس قطعت شعري الله يقطع يدها كتم ضحكته وقال : طيب يلا ادخلي ولا يدري احد بالي صار هزت راسها ودخلت بسرعه #انتهى سبحان الله وبحمده سبحان الله العظيم | |||||||||
|
| |
|
23-04-16, 09:55 PM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| الجزء العشرون >>>> قالت وهي تظبط فستانها : شفيك كذا احسك مو مبسوطه لي شوق : والله مبسوطه بس بفقدك عبير : شدعوه ياقلبي وين بروح انا شوق : الله يوفقك حبيبتي عبير : اللهم امين المهم مكياجي ماخترب شوق تناظرها : اشوف لا مااخترب بس وين الروج بزيد لك عليه عبير : امممم ماعندي نفس اللون اللي فَ المشغل شوق : طيب انا بروح استقبل المعازيم مع امي طلعت شوق وهي تبتسم بدون نفس وتسلم انبسطت يوم شافت بنات عمها يدخلون راحت لهم وهي تقول ببتسآمه : والله لو ماجيتوا كنت بزعل مها : واحنا نقدر على زعل شوق هههههههههههههه شوق وهي تسلم : ههههههههههههههههه تتطنزين انتي وهالوجه مرام : ههههههههه ماعليك منها ماعندها سالفه ذي امشي ابي ارقص انا مها : اعوذ بالله ماتتعبين انتي طول الوقت تبي ترقص ياخي اردحي قدام زوجك مو هنا انحرجت مرام وضربت كتف مها : وجعه شوق وهي تسلم على امل : ههههههههههههههههههههه والله فديتك امول انتي اعقلهم امل ترمش بعيونها : شفتوا تعلموا مها تشهق : ذي عاقله قسم بالله ماشفتي منها شي ههههههههههههههه شوق تبتسم : وين الباقي اجل مرام : امهاتنا هناك يسلمون شوق بهمس : تعالوا اوريكم خوات المعرس شايفين نفسهم ويتكلمون من طرف خشومهم دق جوالها : عن اذنكم ارتاحوا شوي واجيكم بعدت عن الازعاج وردت : هلا طلال طلال : شوق امل جات؟ شوق بتأفف: شتبي طلال طلال : جاوبيني شوق : لا ماجات طلال : بس انا احساسي مايخيب وبالذات اتجاه امل شوق : طلال لو سمحت مانبي مصايب طلال :لاتخافين ماراح اسوي شي المهم انتبهي لها وقولي لها تقرأ على نفسها من عيون هالحريم هزت راسها بضيق وسكرت الجوال وصل وقت زفت عبير دخلت بكل جراءة وتوزع ابتسامات ولا كأنها عروس بعد دقايق دخل مشاري وابوه ناظرته شوق بحقد وهو يناظر البنات بعين زايغه وحست انها يدورها لانه كان يتلفت وفعلا ماخاب احساسها يوم طاحت عينه عليها ابتسم وناظرها نظره لها معنى خافت وبعدت عيونها عنه هذا وش عرفه فيني وانا متغطيه بسم الله ! بعدها طلع ابو مشاري ودخل طلال وفهد طلال ماشال عيونه لحظه وحده عن طاولتهم وهو عارف امل وحافظها تأففت شوق وش فيهم هالرجال انهبلوا ! حست امل بنظرات طلال وتضايقت مسكت الغطاء ونزلته على عيونها مو ناقصه مشاكل خلص الزواج على خير ودعوا البنات شوق ومشوا ركبت امل السياره : السلام عليكم راكان :وعليكم السلام والرحمه ان شاء الله انبسطتي حبيبتي امل : ايه الحمد لله حلو زواجهم بس اهل المعرس الله يهديهم مشتطين ورافعين خشومهم راكان : لاتلومينهم هذا ولدهم يلا عقبالي لفت عليه بسرعه : نعم راكان : ههههههههههههههههههههههههه امزح والله امزح يابنت الحلال عندي القمر وش ابي بالنجوم امل : حسبالي بعد راكان : هههههههههههههه تدرين وش تذكرت يوم السوبر ماركت ضحكت امل : الله لايعيده راكان : والله ياخسرتوني ذاك اليوم الله يسامحكم ههههههههههههههه امل باحراج : يوووه عاد وش نسوي لك انت حلفت انك تحاسب راكان : حلفت اني احاسب اللي فَ السله مو المحل كله بس لجل عين تكرم مدينه بعد فتره قصيره وصلوا نزلوا البيت دخل راكان يبدل وقفت امل قدام المرايه وظبطت المكياج وزادت العطر طلع راكان ووقف مسبه وكأنه اول مره يشوفها ضحكت بخجل : راكان شفيك اسم الله عليك قرب وحاوط خصرها وقال بهمس : والله مااتحمل كل هالجمال امل بدلع : ركووني استحي ترا راكان : ياويل حال ركوني - باس رقبتها - ناويه تذبحيني انتي امل : وانا شسويت راكان دايخ : كل هذا وماسويتي شي نتركهم ونروح لعبير وصلوا للفندق اللي حاجزه مشاري دخلوا جناحهم بدلت فستانها بفستان قصير وناعم طلعت شافت مشاري طالب عشا وجالس يأكل استغربت ليه ماناداها قعدت وشربت العصير بس خلص مشاري وقام يغسل رجع وقعد جنبها : ماودك ننام ارتاحت وقالت : ياريت تعبانه والله غسلت يدها وانسدحت حست بمشاري يقرب ويهمس : عبوره فتحت عيونها : نعم مشاري غمز لها : تراك زوجتي وحلالي فهمت قصده : طيب بس لازم ننام الحين تعبنا اليوم قرب وبعد المفرش عنها : لا انا مو تعبان عبير بخوف : مشاري الله يخليك نــــ قاطعها ببوسه ارتجف قلبها بخوف وقالت : حبيبي انت قلت لي اول يوم ماراح يصير شي مشاري : واذا صار انتي زوجتي وحلالي عبير : بــــــ مشاري : اشششش ,,,, تقلب وتقلب عجز ينام وتأنيب الضمير ذابحه "انا ليش سويت كذا غبي غبي " رفع راسه للسقف انتي اللي حديتيني ياريم والله ماكان ودي اطلقك صحيح اني مو قادر انسى امل ولا اشيلها من بالي بس لو ساعدتيني بهالشي وتحملتي كنت بنساها ومااشوف غيرك بحياتي ياربي وش مسويه في بيت اخوها الحين اللي اعرفه زوجة اخوها تكرهها مسك جواله بتردد وده يدق عليها بس عارف انها ماراح ترد عليه حط المخده على وجهه : آآآه الله يسامحك يَ امل شسويتي فيني وقف وتوجه لمكتبه فتح درج وطلع منه صندوق صغير فتحه ومسك الصور اللي فيه اول صوره كانت لأمل وهي بعمر الـ 12 كانت مصوره فَ البر وكانت زعلانه فَ الصوره لان فيصل مارضى لها تركب دباب وشعرها طاير مع الهواء ورغم زعلها الا ان الصوره روعه الصوره الثانيه كان عمرها برضو 12 وكانت لابسه فستان احمر نافش وحاطه طوق ورد على شعرها بنفس اللون وعيونها العسليه واضحه مع الشمس وكانت تبتسم بسعاده هالصوره كانت احب صوره لقلب سعود الصوره الثالثه كان عمرها 13 فيصل مصورها اول مارجعت من المدرسه كانت لابسه لبس المدرسه ووجهها احمر من الشمس وواضح انها طفشانه الصوره الرابعه كانت صغيره مره يمكن 9 سنين وكانت جالسه على مرجيحه وفيصل واقف وراها يدفها وكانت هالصوره فَ الاردن وآخر صوره كان عمرها 15 كانت كبرت شوي وجمالها برز اكثر كانت رابطه شعرها الطويل ذيل حصان وتضحك على شي ورا الكاميرا ابتسم سعود بألم ورجع الصور للصندوق وحطه مكانه ورجع لسريره يحاول ينام ,,,, بيت ابو هديل هديل: حبيبي يلا اطلع والله احراج الحين الوقت عصر والحريم بيجون يزوروني ناصر يلاعب بنته النايمه : حرمتي وكيفي مو كفايه بتقعدين هنا 40 يوم هديل تتنهد بتعب : طيب حطها لاتصحيها اندق الباب ودخل راشد سلم وقال بمزح : انت وش تبي راز وجهك عند اختي ناصر : ههههههههه كيفي الله يعين بس مدري شلون بتحمل كل هالفتره انحرجت هديل وراشد ابتسم : وش سميتوا البنوته هديل: جوان راشد: حلو تتربى بعزكم يارب ناصر يوقف : يلا انا ماشي عن اذنكم قرب من هديل وباس خدها : اذا بغيتي شي كلميني راشد يغطي عيونه : احترمني طيب ناصر : هههههههههههههههه قم بس خلنا نطلع عشان الحريم ياخذون راحتهم هديل: وين منال راشد: جنب امي وسجى الحين بخليها تجي لك طلعوا ودقايق الا منال داخله سلمت على هديل: الحمد لله على السلامه هديل: الله يسلمك طلعت منال سلسال ذهب صغنون : هذي هديه الحلوه مني ومن راشد هديل: يعطيكم العافيه كلفتوا على نفسكم منال : لا كلافه ولا شي فارس : ماما ابيها منال : لا ماما صغيره تتعور هديل: حرام عليك عطيه اياها مسكتها منال وباستها : بسم الله ماشاء الله - حطتها بحضن فارس وهي ماسكتها - شفتها نونو فارس: ناخذها معانا البيت هديل: هههههههههههههههههههه حرام عليك جيبي له بنوته منال : لا ناقصه انا لحاله مشيب راسي خليه يدخل المدرسه قبل بعدين افكر اجيب هديل: اجل وين الوالده والبنات منال: شوي وجايين هديل: مارحتي زواج عبير امس منال: لا فارس كان مسخن شوي فَ الليل وانا اصلا ماكان لي خلق اروح هديل: يلا الله يوفقها دخلت سجى : السلام عليكم هديل ومنال : وعليكم السلام سجى: ها فروس عجبتك شكلها نحجزها لك ههههههههههههه منال: ههههههههههه نشب فَ البنت مو راضي يتركها سجى تاخذها منه باستهبال : اترك بنتنا يلا خل ماما تجيب لك وحده كان بيبكي بس رجعتها بسرعه : امسك امسك على طول جهز البوز ياعمي تفداك خذها معاك لو تبي ازعجتنا امس طول الليل صياح ماعرفنا ننام هذي وهي توها يوم واحد الله يعين على الباقي هديل: ههههههههههههههههههههههههه اشوف فيك يوم ياسجوي قولي آمين ياجعلك تجيبين توأم وتجين هنا تنسدحين وعيالك يصايحون سجى: لا اسم الله علي انا عاجبني وضعي كذا وش لي بالزواج والشقى منال: ههههههههههه هذي سنة الحياه بعدين العيال على شقاهم الا انهم احلا شي بالدنيا الله يحفظهم من كل شر سجى بهمس : انتي صدقتي لو يجي واحد يدق الباب رحت معاه على طول بس امي الله يهديها صغيره وصغيره هديل: خلصي دراسه ويصير خير سجى: اف العمر يخلص وهالدراسه ماتخلص كملوا سوالف لين وصلوا رشا وربى وبعدهم البنات وكانت قعده حلوه انبسطت فيها هديل ,,, صحت عبير متأخر وعيونها منتفخه من البكي قرب مشاري وباس خدها : مساء الخير وش هالنوم عبير بزعل : بعد عني مشاري : ليش زعلانه ياحلوه ترا ماأخذت الا حقي عبير : حقك تاخذه بهالطريقه مشاري بلا مبالاه : وش اسوي لك طيب حاولت معاك بالطيب مانفع المهم قومي اجهزي بعد شوي بنروح بيت امي دخلت اخذت شور سريع وطلعت استشورت شعرها وحطت ميك اب ثقيل شوي ولبست فستان طويل ماسك على جسمها تعطرت واخذت عبايتها وطلعت لمشاري : يلا خلصت طلعوا وبعد دقايق قليله وصلوا لبيت اهله بما انه قريب نزل ونزلت عبير استقبلتهم ام مشاري وسلمت عليهم ثم جاو خواته التؤام داليا و دانا سلموا وقعدوا بدون نفس وكل وحده على الجوال مشاري : عبير خليك مع امي وخواتي انا بطلع للشباب فَ الاستراحه بعدين بجي اخذك رفعت راسها مصدومه من تصرفه شلون يتركها لكنه طلع وماعطاها مجال تتكلم انقهرت بس سكتت وحاولت تسولف مع خواته : ذكروني بأسمائكم داليا : انا داليا واختي دانا عبير : ماشاء الله شلون يفرقون بينكم داليا : اللي يعرفونا زين يفرقون بيننا عبير : انتوا تدرسون داليا : ايوه بثاني ثانوي دانا : وانتي تدرسين عبير : لا تخرجت من الكليه من زمان وعندي دبلوم ام مشاري تقهويها : انا طالعه خذي راحتك مع البنات واعتبريه بيتك دانا : لاتستغربين ترا دايم مافي الا انا وداليا فَ البيت عبير: ليش وين الباقي دانا : امي دايم عندها زوارات مع الجيران او صديقاتها وابوي فَ الديوانيه مع ربعه وحنان متزوجه وماتجي الا نهاية الاسبوع ومشاري ومعاذ طول وقتهم برا حتى ماينامون فَ البيت عبير : اها الله يعينكم داليا : ماشاء الله اختك شوق طالعه حلوه امس دانا بحماس: ايه ومعاها وحده لابسه كحلي تاااااخذ العقل اظنها بنت عمك والله كل الحريم فَ الزواج يتكلمون عنها لا ومتزوجه راكان الـــ ماشاء الله عبير بقهر : وين الحلا فيها عصلا وتلوع الكبد داليا : حراااام عليك وربي تهبل الله لايضرها والله لو مو متزوجه كلمت امي تخطبها لمعاذ عبير : وليه كل الحريم يتكلمون عنها ترا انا العروس مو هي داليا : هي تلفت الانظار ماشاء الله وعيونها خياااااال اتحدى اي رجال يشوفها مايروح وطي دانا باستفسار : كأني سمعت ان اخوك يحبها عبير : اي مادري وش لاقي فيها - قالت تغير الموضوع - وين الحمام - يكرمكم الله - داليا تأشر : هناك على يسارك قامت عبير وداليا همست : ماتحسينها مقهوره من بنت عمها دانا : اي والله واضح بس مالومها صراحه الناس نست العرس وصارت تتكلم فيها داليا: ياهي عليها جسم تبارك الرحمن دانا : ومو بس جمالها الخارجي حتى اخلاقها الكل يمدح فيها داليا : ايه الله يوفقها ,,, دخلت لقت امها قاعده وضايق خلقها قربت وباست راسها : شفيك يالغاليه ام رياض : يعني مو شايفه حالنا يايمه ندى: وش فيه حالنا الحمد لله على كل حال ام رياض : الحمد لله على كل حال اكيد بس الا متى بنقعد هنا واخوك حتى ولا فكر يدق ولا يسأل ندى: يمه حبيبتي انتي عارفه زوجته اكيد هي مانعته ام رياض: لو هو رجال مامشت حرمه كلمتها عليه ندى: انتي تدرين وش كثر يحبها واللي تقوله بيسويه ام رياض تتنهد : الله يصلحه والله اني منحرجه من هالناس الطيبه وابو عبد الكريم مصر يطلعنا في بيت لحالنا بس انا حلفت عليه يكفي اللي سواه مانبي نكلف عليه اكثر ندى: يمه ترا احنا مرتاحين هنا ومبسوطين مره مع البنات لاتشيلين هم ام رياض : الله يكتب اللي فيه الخير دخلت اسيل وفي يدها سديم اللي ركضت لندى : وين رحتي عني ندى تبتسم : مارحت مكان حبيبتي هذا انا موجوده سديم : طيب متى بنسوي الكيكه اللي قلتي لي ندى تمسك يدها : يلا تعالي سديم : لاااا نبي المطبخ الكبير اسيل : سدوم تسمحين لي اسوي الكيكه معكم سديم تفكر : اممم ايه تعالي اسيل تمثل انها فرحانه وتنط : هيااااااا ندى: يمه قومي اطلعي للحريم لاتقعدين لحالك ام رياض : ان شاء الله يمه # انتهى سبحان الله وبحمده سبحان الله العظيم | |||||||||
|
| |
|
23-04-16, 09:56 PM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الواحد والعشرون >>>> ناظرت الساعه بغضب الساعه 10 ولا رجع ولا يرد عليها حتى داليا : عبير نصيحه لاتنتظرينه ترا مايرجع الا بعد صلاة الفجر لفت عليها بعصبيه : شفيه اخوك ذا ترا تزوج مو مثل قبل يروح ويجي بكيفه داليا بلا مبالاه : كلميه طيب عبير بقهر : من الساعه 6 وانا ادق وجواله مقفل دانا : عادي قلنا لك احنا متعودين على هالوضع كل يوم لحالنا المهم شرايكم نطلب لنا عشا خاطري ببيتزا داليا : اي والله اطلبي وانتي عبير فليها وماعليك منه لاتنتظرينه الحين نطلب عشا وعندي لكم فلم جديد يموت ضحك عبير ترمي الجوال : على قولتك ليش احرق اعصابي دانا : يلا طيب وش تبون عبير : اطلبي لي ببروني داليا : وانا ابي مارجريتا واطلبي لنا واحد فوتشيني بالدجاج عبير : ولاتنسين البيبسي دانا : اشوف يوم سمعتي طاري الاكل نسيتي مشاري عبير بلا مبالاه : هو يطلع وانا احرق اعصابي ليش بالطقاق دانا : كفوووو والله الرجال مايجي وراهم الا المصايب دق جوال عبير فكرته مشاري لكنها كانت شوق اخذت جوالها وبعدت عن البنات وردت : هلا شواقه شوق : هلا عبير كيفك طمنيني عنك عبير بزعل : مو بخير شوق نغزها قلبها : ليش سوا لك شي اللي مايتسمى عبير : لا بس تخيلي من العصر لاطعني في بيت اهله ومقفل جواله ماستحى على وجهه وهذا واحنا تونا امس متزوجين شوق تتنهد : الله ياخذه هالغبي طيب وش بتسوين عبير : ماراح اسوي شي بقعد مع خواته لين يجي تونا طالبين عشا وبنتابع فلم شوق : يابرد قلبك ياشيخه عبير : وش تبيني اسوي احط يدي على خدي وانتظره لا حبيبتي بسلامته شوق : هههههههههههههه المهم شلون تعامله معاك بشكل عام عبير : والله مدري احيان احسه حنون ورايق واحيان ماله خلق ومنفس تخيلي امس اخذ اللي يبي غصب شهقت شوق : من جده ذا وماوقفتيه عند حده عبير : شسوي يعني شوق : والله لو اني منك لااخذ اقرب شي واهبده على راسه لين يسيح دمه هذا اللي ناقص بعد عبير : ههههههههههههههههههههههههه هههههه اتحداك كله كلام ترا هذا حقه شوق: حقه بس ماياخذه غصب عني يخسي والله عبير : هههههههههههههه الله يعين زوجك عليك شوق : ههههههههههه حاصل له داعيه له امه اللي بياخذني والله المهم يلا اخليك بس حبيت اتطمن عليك عبير : اوك حبيبتي سلمي على امي وابوي والعيال شوق: ان شاء الله وانتي انتبهي لنفسك مع السلامه عبير : مع السلامه سكرت عبير ورجعت للبنات داليا : وينك ننتظرك يلا بدأ الفلم ,,, 6 صباحا باست خده برقه : راكان يلا لاتتأخر على الدوام فتح عيونه وضمها بقوه : يازين هالصبح اللي اصبح فيه عليك ضحكت وقالت : يلا حبيبي مجهزه لك فطور يحبه قلبك راكان باس يدها ووقف : يلا قلبي دقايق واجيك جهزت الطاوله ورتبت كل شي سمعت صوت راكان من وراها : الله الله وش هالحركات وش هالريحه الحلوه ابتسمت : تعال يلا لايبرد قعد وهي قعدت قدامه شرب شوي من الشاي : امممم احلا شاي اذوقه فَ حياتي امل : ههههههههههههههههه شدعوه كله شاي غمز لها : كله شاي بس من يدك حلاه زايد بعد الفطور لبس راكان عشان يرجع للدوام بعد ما خلصت اجازته وقف قدام المرايه يظبط الشماغ : والله ودي امدد الاجازه امل : ههههههههههههه خلاص ماشبعت راكان: تدرين اني مستحيل اشبع منك جهزت امل البخور وقربت تبخره : توكل على الله وابدأ بنشاط وهمه الله يوفقك باس راسها : اللهم امين يلا حبيبتي تبين شي امل : لا قلبي سلامتك راكان : يلا فمان الله انتبهي لنفسك امل : فمان الكريم حافظك الله طلع من الغرفه ورجع بسرعه : احبك ابتسمت له : وانا احبك بعد دقايق اندق الباب : تفضل ليان : صبااااح الخييير امل : صباح النور وش مصحيك ليان : متعوده اصحى هالوقت حتى لو نمت متأخر المهم تعالي نقعد فَ الحديقه امل : اوك اسبقيني وانا بشيل الصحون وبجيك نزلت ليان للحديقه وطلبت من الشغاله تجهز لهم كوفي نزلت امل وخصلات شعرها تطير مع الهواء امل : واااو الجو خيال ماشاء الله ليان تناظر السماء : ايه ماشاء الله يارب يجي مطر امل: صحي رنيم تجلس معانا ليان : من جدك هذي خيشة نوم الساعه 12 ويالله تقوم امل : هههههههههههههههههههههه ليان : تعالي اوريك وش زرعت وقفوا وتوجهوا لجهه كلها ورد وزع اشرت ليان على شجره صغيره فيها ورد صغير باللون الاصفر : هذي حقتي زرعتها من شهرين بس مو راضيه تكبر مدري ليش اشرت على وحده ثانيه : شوفي هذي حقت راكان وش كبرها ماشاء الله وهو زارعها مع حقتي امل : حقت ركوني غير ليان : ههههههههههههه لا ياشيخه بس جد مادري وش السبب لازم اسأل ابوي الموضوع فيه غش قربت امل وقطعت ورده صغيره : وحقت راكان احلا بعد لان الورد احمر ليان : حقتي احلا بس خليها تكبر وتشوفين - واشرت - وهذي حقت رنيم اكبر وحده لانها زارعتها من زماااان وتهتم فيها امل : ماشاء الله حلوه ليان : وهذول زرعات امي وماترضى احد يقرب منهم تحب كل شي تسويه بنفسها امل : حلو طيب ليش ماتزرعون فواكه او خضار ترا يعطون منضر حلو وزراعتهم سهله ليان : لا الفواكه والخضار زرعهم ابوي فَ المزرعه وفيه عمال يهتمون فيهم لان يبي لهم اهتمام ومكان اكبر من هنا وفيه حيوانات بعد امل : حيوانات مثل ايش ليان : فيه خيول وطيور وفيه كلاب مخصصين للحراسه امل بحماس : يعني مثل مزرعة جدي بس تدرين اموووت فَ الخيول ليان : وانا بعد بس اخاف ومستحيييل اركب - سحبت يدها - تعالي نقعد عند المسبح قعدوا عند المسبح ودخلوا رجولهم فيه سكتت امل وتفكيرها راح لبعيد لشي يشبه هالموقف بالظبط بس في مكان غير ومع ناس غير صحاها صوت ليان : امووول امل : نعم ليان : وين وصلتي اكلمك انا امل : آسفه مانتبهت ليان : قومي ندخل ,,,, شهقت وشالت الجوال من يده بقوه : ياحيوان خربت جوالي ناظرها بخوف صرخت بوجهه : انقلع لأمك بكا بقوه وحطت ايدها على اذنها : بس وجع فتح الماصوره ركضت رشا تشوف ولدها شفيه شالته وضمته : شفيك ماما اسم الله عليك نجلاء: لو سمحتي امسكي ولدك مو تجيبون عيال وترمونهم بكل مكان رشا: تركته دقيقه بس ورحت المطبخ بجهز له اكله وش سويتي له ياحيوانه نجلاء :ماسويت له شي صرخت عليه ماسك جوالي يلعب فيه وعباه سعابيل الله يقرفك انتي وولدك رشا : شفيك انتي مجنونه هذا طفل شلون تصرخين في وجهه خرعتيه نجلاء: طفل وهو خرب جوالي هذا غول مو طفل رشا : اذكري الله وجع في عينك اسم الله على ولدي من عيونك نجلاء : فارقي بس فارقي انتي وبزرك لاااا وبعد شهر بتجيني الثانيه مع بنتها يافرحتي رشا : مو عاجبك انقلعي نجلاء: انتي عارفه كويس مين اللي مفروض ينقلع انا بنت خالته وراعية هالبيت الا ذكريني شلون تزوجتوا قالت رشا ببرود تقهرها : عادي تزوجنا على سنة الله ورسوله رحنا لشيخ وملكنا وكان بدر طاير من الفرح اما فَ يوم زواجكم كان شوي ويصيح مسكين انقهرت نجلاء وقالت : المهم حطني على راسك موتي قهر جات ام ناصر وهي تقول : خير وش هالصراخ شفيكم انتوا ماتتنتركون دقيقه رشا بهدوء : خالتي نجلاء صرخت في وجه تميم وخاف ام ناصر : نجلاء تميم طفل وماله ذنب بأي شي يصير بينكم ولا تنسين انه ولد ولدي نجلا: ادري خالتي بس انقهرت لانه لعب بجوالي وخربه ام ناصر : يلا كل وحده على غرفتها اشوف مابي ازعاج ولا اقول روحوا ساعدوا الشغاله بتجهيز الغداء نجلاء : خالتي انا تعبانه رشا : وانا ولدي تعبان ومسخن ام ناصر صرخت : انقلعوا عن وجهي طلعت رشا لغرفتها وهي تحاول تهدي ولدها اللي للحين خايف قابلتها ربى على الدرج : وش فيك رشا رشا : مافيني شي ربى : نجلاء سوت لك شي رشا بهمس : تخيلي الزفته صرخت على تميم وشوفيه مسكين خايف هو بدون شي مسخن ربى تاخذه : ياعمري اسم الله عليك حبيبي شفيها ذي هبله ولا تستهبل والله لو درى بدر كسر راسها رشا تتنهد : حسبي الله عليها هاتيه بحاول انومه بعد ماخرعته هالجنيه ربى : ههههههههههههههههههه ,,, انسدحت بعد الغداء تحاول ترتاح شوي لانها تحس بصداع فضيع غفت عينها لكن الباب انفتح بقوه ودخلوا عيال اخوها ومعاهم 3 اطفال بنت وولدين دخلتهم الشغاله وسكرت الباب : مافي يطلع بعدين ماما سوي جنجال فتحت عيونها بتعب قال محمد ولد اخوها : عمه هذول مهند وفهد ونوره عيال خالتي هي منومه فَ المستشفى وبتخليهم عندنا لين تطلع ريم : طيب حبيبي اقعدوا تفرجوا على التلفزيون بدون ازعاج ابي انام شوي هز راسه وقال لهم بأمر : اقعدوا يلا قعدوا وشغل لهم التلفزيون وحطه على فلم كرتون احمد : غير غير مو حلو هذا نوره : لا خلوه احبه انا احمد : مانبيه حق بنات تبين اطلعي شوفيه برا نوره : خالتي عندها حرمه وقالت لاحد يطلع ولا نسيت احمد : اووووه المهم كيفك احنا مانبيه كلنا اولاد ريم : حبيبي احمد تابعوا هذا بعدين تابعوا شي ثاني احمد: طيب عشان عمه ريم بس تابعوا الفلم كرتون وريم راحت في نوم عميق بعد فتره طويله طفشوا البزران من القعده فَ الغرفه وقرروا يطلعون للحديقه طلعوا بدون ماتنتبه غاده اللي كانت مشغوله مع ضيفتها محمد: شوفوا بنلعب كوره انا واحمد فريق و مهند وفهد فريق نوره : وانا محمد : اممممم انتي الحكم نوره بحماس : طيب بدو يلعبون ونوره كل شوي تخرب عليهم ومصدقه انها حكم احمد : ترا طفشتينا مو كذا الحكم ياغبيه نوره : الا كذا انتوا تلعبون خطأ محمد : يلا بنكمل لعب وانتي نوره لاتخربين خليك بعيده رجعوا يلعبون شات احمد الكوره بقوه وبالغلط جات في وجه نوره بكت بقوه وخشمها صار ينزل منه دم مهند دف احمد : ياحيوان ضربت اختي احمد بخوف : مادري والله هي جات فَ وجهي مانتبهت لها طلعت غاده على صراخهم وشافت نوره تبكي ووجهها كله دم قالت بخوف : وش صار محمد : احمد بدون قصد ضربها بالكوره غاده بصراخ : انا مو قايله لكم لاتطلعون امشوا قدامي اشوف غسلت وجه نوره وسكتتها ورجعتهم لغرفة ريم فتحت الباب بقوه وصرخت : انتي نايمه ومخليتهم يطلعون فتحت ريم عيونها وهي مو مستوعبه غاده : انثبروا هنا ياويلكم اشوف واحد طالع فشلتوني مع الحرمه - لفت على ريم - وانتي انتبهي لهم مو خامده وماتدرين وين ربي قاطك فيه طلعت وصفقت الباب بقوه وريم هزت راسها بضيق وقالت : خلاص اقعدوا لاتروحون مكان ناقصتكم انا رجعت تنام وبعد فتره ناموا كلهم على الارض ,,, صرخت بغضب : مجنون انت احد يخلي عروسته كل هالفتره في بيت اهله قرب وقال بحده : صوتك لايرتفع ويلا لمي اغراضك بنروح بيتنا عبير : نروح بيتنا !! ليش مابعد ناخذ حتى يومين فَ الفندق مشاري بلا مبالاه : لاني بتأخر كل يوم وبدال ماتقعدين لحالك اقعدي مع خواتي احسن عبير بصدمه : شفيك انت ماعندك احساس تونا متزوجين المفروض تقعد معاي تقابلني مشاري : والله انا متعود على حياتي كذا انتي حقوقك كلها بتاخذينها وماراح اقصر معاك بشي بس لاتتدخلين في حياتي عبير : طيب ابي اروح بيت اهلي اليوم بقعد مع امي واخواني لين ترجع مشاري : طيب يلا البسي بسرعه ماعندي وقت الشباب ينتظروني ناظرته بقهر وابتسمت بخبث " هين انا اوريك " دخلت تاخذ شور وطولت مره وهو كل شوي يدق الباب طلعت ولبست وقعدت تستشور شعرها وتعمدت تطول خلصت شعرها والتفتت للميك اب وهو كل شوي يروح ويجي يشوف خلصت ولا لا مشاري : وبعدين ! عبير ببرآئه : يلا خلصت يووووه صح عبايتي يبي لها كوي مشاري عصب : انطقي هنا ودقي على سواق اهلك يجي ياخذك طلع بسرعه وصفق الباب وهي ضحكت بشماته احسن تستاهل دقت على شوق وطلبت منها تجي مع السوق قررت تطلع شوي مع شوق لانها طفشانه واصلا امها طالعه ركبت السياره : السلام عليكم شوق : وعليكم السلام وين تبين نروح عبير : مدري كيفك اي مكان المهم ننبسط لو تدرين وش سويت في زوج الغفله ههههههههههههههههه شوق بحماس : وش سويتي عبير : حرقت اعصابه وهو متأخر على ربعه الخمه وتعمدت اتأخر في كل شي لين عصب وطلع وقال دقي على سواق اهلك يجيك هههههههههههههه شوق : زين تسوين فيه والله انك كفو عبير : افااا عليك اعجبك ابي افلها اليوم اصلا هو مايرجع الا بعد الصلاه كل يوم بالطقاق اللي يطقه شوق : وامس وش سويتي ومتى جاء اخذك عبير : جاء الفجر ورحنا الفندق نام على طول ولا كلمني حتى ويوم صحى العصر كلمته لا وبكل وقاحه يقول خلاص بنطلع من الفندق بدال ماتقدين طول اليوم لحالك اقعدي مع خواتي شوق بتكشيره : جد قليل حياء فكينا من سيرته وش رايك نتسوق شوي وبعدين نروح لنا مطعم مرتب نتعشى فيه عبير : طيب وكل شي على حسابي بعد شوق : تسلمين لي ياحلا اخت عبير : يامصلحجيه ههههههههههههههههههههه شوق : ههههههههههههههه تحمليني عاد # انتهى سبحان الله وبحمده سبحان الله العظيم | |||||||||
|
| |
|
23-04-16, 09:57 PM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثاني والعشرون <<<< الكل مجتمع في بيت ابو عبد الكريم اللي مسوي عزومه على سلامة فيصل بس قايل للكل انها عزومه بمناسبة عودة سلطان وترف من شهر العسل كانت الصاله قمه فَ الازعاج والاصوات متداخله فَ بعض همست مها : خوات زوج عبير مع فجر فَ الفصل ويقولون كل يوم تاركها ومايرجع الا الفجر وكل يوم يسمعون صراخهم ومشاكلهم امل : الله يهديهم ويسخرهم لبعض كشرت مها : تستاهل اللي يجيها نسيتي وش سوت فيك مرام : مها الشماته مو زينه لايبتليك ربي استغفري مها : استغفر الله بس تقهر ياخي المهم ماعلينا ليش هديل ماجات امل : تقول منال انها توها مخلصه الاربعين ومحتاسه مع بنتها بس زين رشا جات طلعت عسل هالبنت مها : من جد بس ياليت هذي اللي اسمها نجلاء ماجات احس مو عاجبها الوضع وتنافخ امل : كيفها قربت مشاعل : بنات عندي لكم خبر بمليون ريال البنات : وشوو مشاعل بصوت واطي : ياسر اخوي واسيل يحبون بعض مرام : وش دراك مشاعل عقدت حواجبها : سمعته يكلمها بس فيه شي مافهمته مها : ايش مشاعل : مدري كان يتكلم عن فجر ويقول انها تحبه مدري ايش مها هزت راسها : بيني وبينكم فجر اختي واعرفها وحاسه ان فيها شي واكدت لي النظرات اللي بينها وبين اسيل سمعوا صوت صراخ لفوا بسرعه نجلاء متخصره : احلفي بس الليله ليلتي مالي دخل فيك رشا انحرجت وخصوصا ان كل النظرات عليهم : اسكتي فضحتينا ابوي تعبان ولازم ازوره فَ المستشفى واتطمن عليه نجلاء : انتي مو قلتي انه بيطلع خلاص انتظري يطلع وزوريه فَ البيت يعني من زين علاقتك مع اهلك رشا بقهر : اهلي قلبهم طيب وأول مارتميت بحضنهم سامحوني وانتي تعرفين هالشي زين وغصب عنك بروح لابوي بدر قال بيوديني اليوم نجلاء بصراخ : والله ماتروحين قلت اليله ليلتي ابوك روحي له بكرا ربى قربت وقالت بهمس : شفيكم انتوا بتفضحونا قدام الناس حتى هنا مشاكل نجلاء : شوفيها الليله ليلتي وبتروح لابوها ربى : بدر قال بيوديها اليوم تفاهمي معه هي مالها دخل لانه امس كان مشغول ووعدها يوديها بعد ماتخلص العزومه سحبت يد رشا : تعالي رشا قعدت رشا وهي تبتسم باحراج همست لربى: حسبي الله عليها فشلتنا ربى : وش بيقولون عنا الناس الحين قعدت نجلاء بعيد عنهم وهي تغلي من القهر وتناظرهم بحقد وتتوعد دق جوال امل وكانت ليان : هلا ليان وصلتوا ليان : ايه عند الباب امل : يلا انتظركم دقايق دخلت ليان ووراها ام راكان ورنيم قربت امل وسلمت عليهم وباست راس ام راكان : شخبارك يمه ام راكان : بخير يمه الحمد لله ليان بهمس : حصني نفسك ازعجنا زوجك الف مره موصيني امل : هههههههههههههه وقبل مااجي موصيني خمسين الف مره ليان : هههههههههه الله يعينك عليه المهم ابي مرايه بعدل كشتي امل : طيب بس ادخل خالتي ورنيم وارجع لك دخلتهم ورجعت لليان : يلا امشي مها بمزح : عاد الحين امول شافت ليان وسحبت علينا رنيم : يووووه لو تشوفينهم فَ البيت حتى راكان طفش منهم وصار يغار على امل من ليان من كثر ماهم لازقين ببعض هههههههههههههههههه مرام : هههههههههههههههههههههههه مالومه صراحه رنيم : حتى قبل فتره يقول شكلي بطلع في بيت لحالي ههههههههههههه مها شافتهم قربوا قالت باستهبال وصوت عالي متعمده : وصلوا اسكتوا لايسمعون امل : تحشون يالخايسات مها : ههههههههههههههه تستاهلون اجل شفتوا بعض وسحبتوا علينا سلموا البنات على ليان اللي قالت : والله ماسحبنا بس رحت اظبط شعري مرام : ايه هذي تعتبر سحبه هههههههههههههه ,,,, ناظرت الدكتوره بصدمه : حامل !!!!!!!!!! الدكتوره : ايه حبيبتي حامل بسبع اسابيع الف مبروك طلعت الدكتور وخلتها فَ دوامتها حامل انا حاااامل بشهرين الأ اسبوع كل هالتعب والصداع اللي كان يجيني طول هالفتره حمل سمعت صوت اخوها وانتبهت على نفسها : كلمتني هادي: ايه اقول وش قالت الدكتوره ريم بتوتر: هاا ماقالت شي ارهاق عادي هادي: طيب سلامتك يلا قومي مشت معاه وهي تحس انها مخدره ماتدري المفروض تزعل ولا تفرح وصلوا للبيت ركضت لغرفتها وسكرت الباب وتسندت عليه اذا جاء اللي فَ بطني وش اقول له انا وابوك منفصلين ولا ابوك طلقني لانه يحب وحده ثانيه بس والله لاحرق قلبك ياسعود مستحيل اقول لك مستحييل قعدت وهي تفكر شلون ماجاء على بالها للحظه وحده انها حامل رغم انها كانت تحس بتعب وصداع وغثيان الا انها كانت مستبعده الحمل اندق الباب ودخلت الشغاله وفي يدها صينية الاكل : بابا قول يلا آكل ابتسمت لها : طيب ظغطت على نفسها تاكل اللي فَ الصحن كله هي الحين لازم تكون قويه عشانها وعشان ولدها او بنتها اللي جاي فَ الطريق خلصت اكل وقعدت على مفرشها وانهالت عليها الذكريات كـَ المطر وانهالت دموعها معها مابي اللي فَ بطني يعيش اللي عشته مابيه يحس بالمعاناه اللي حسيتها أم وأب منفصلين ثم وفاة أم ثوم وفاة أب ثم الزواج من رجل يحب أمرأه اخرى ثم السكن مع زوجة أخ بغيضه لا لا بس اللي فَ بطني وضعه غير ماراح اخليه يعيش عند ابوه لو ايش مايصير مستحيل اتركه واتنازل عنه يارب تكون بنوته وتطلع مثلي بكل شي الأ حظي والبسها واسوي شعرها والعب معاها العاب طبخ لا يارب يكون ولد عشان يكبر ويكون لي سند فَ هالدنيا عشان ياخذ لي حقي من ابوه ولا اممممم يارب يكونون تؤأم ولا مابي مااااااااااااااااابي اكون حامل من هالشخص يارب ارحمني برحمتك ياااااارب غفت وهي غرقانه في افكارها ودموعها صحت على صوت غاده تناديها : ريم ريم فتحت عيونها ببطئ: نعم غاده : قومي عماتك بيجون يتعشون عندنا قومي ساعديني ريم : بس انا تعبانه غاده : قومي بلا دلع مافيك الا العافيه وبعدين هذول عماتك انا مو ملزومه فيهم ريم : اي عمات اللي فَ حياتي كلهم ماشفتهم الا خمس مرات يمكن غاده : المهم قومي يلا غسلي وجهك والحقيني يادوب نخلص وقفت وغسلت وجهها بتعب وراحت تساعد غاده فتحت الثلاجه وقالت : وش اسوي غاده : طلعي اغراض السلطه وسوي فتوش وانا بسوي تبوله وقفت ريم وحاولت تتناسا حملها وتسلي نفسها بشي هي تحب الطبخ وسوالف المطبخ طلعت الخضار وبدت تغسلهم بمساعدت الشغاله بعدين قعدت على الكرسي وقطتعم بسرعه ومهاره بعد دقايق قليله كان الفتوش جاهز انبهرت غاده من سرعتها بس حاولت ماتبين قالت : دامك خلصتي ابدي فَ التشيز كيك بدت ريم تسوي التشيز كيك باستمتاع تحت نظرات الغيره من غاد اللي لين الحين ماخلصت التبوله شافت ريم قربت تخلص وبدت تسرع فَ التقطيع ورغم ذلك ريم خلصت قبلها وحطت التشيز كيك فَ الثلاجه قالت بحقد : شكلك تحبين شغل المطبخ ياريم ريم : اي والله تقدرين تقولين اكثر شي يسليني الطبخ وشغل المطبخ غاده بكره : زين اجل بتريحيني تعالي لفي ورق العنب قعدت ريم تلف وابتسمت لانها حاسه بغيرة وحقد غاده ,,, قاعده فَ الصاله تلاعب بنتها وناصر يسولف مع امه انفتح الباب بقوه ودخلت نجلاء معصبه ووراها ربى ام ناصر : خير شصاير كسرتي الباب نجلاء بدموع : يرضيك ياخالتي اليله ليلتي وهو طالع مع العقربه ربى : يمه ابو رشا تعبان وبدر امس وعدها يوديها تزوره اليوم نجلاء: لا انا اعرفها هذي سوسه وحيه من تحت لتحت انحرج ناصر من الوضع ووقف وطلع وهديل هزت راسها بضيق على قلة ادب نجلاء حتى ماحترمت وجود ناصر ام ناصر : خلاص اهدي واذا جاو انا اتفاهم معاهم قعدت نجلاء بقهر : يكفي انها فشلتنا هناك ام ناصر : ليش وش سوت نجلاء : قعدت تصارخ وفضحتنا ربى بصدمه : نجلاء بلا كذب انتي اللي صوتك ارتفع وانتي اللي فشلتينا عند الناس نجلاء: تنقلع حتى بسببها مشينا بدري قبل لانتعشى ربى : وانتي هذا اللي هامك بطنك ترا وزنك بدأ يزيد ناظرت نجلاء جسمها بسرعه وقالت : جد خالتي وزني زايد ام ناصر : لا شحلاته جسمك ماعليك منها ربى : يمه لاتكذبين عليها لين تنفجر لازم تنتبه لنفسها ترا بدر مايحب الحرمه السمينه انقهرت نجلاء والدموع تجمعت بعيونها : والله اني نحيفه وزني ماتعدى الـ 60 ربى: يتخيل لك حتى شوفي طلعت لك زوآئد وامممم كأن طالع لك حبوب هاليومين ووجهك شاحب ركضت نجلاء للمرايه اللي فَ الصاله تناظر وجهها : لا مافي وجهي شي ربى : الا وحتى شعرك صاير خفيف وباهت انهبلت نجلاء وصرخت : خالتي شوفيها كتمت هديل ضحكتها وام ناصر قالت : ماعليك منها يايمه تبي تغيضك بس ركضت نجلاء لغرفتها قبل لاتذبح ربى واول ماطلعت انفجرت ربى من الضحك : تستاهل اللي يجيها ام ناصر بحده : ربى ان ماسكتي عن بنت خالتك والله لااوريك شغلك ربى : هههههههههههههههههههههه خليها يمه لازم اجننها شوي واطلع لها قرون ضحكت هديل لانها ماقدرت تمسك ضحكتها اكثر ام ناصر : ضحكتي بليا ضروس قومي انقلعي غرفتك جاهزه للشماته انتي وهالوجه وقفت هديل وهي مو قادره تمسك نفسها عن الضحك طلعت لغرفتها بسرعه قبل لاتذبحها خالتها ,,,, عبير : يلا مشاري العشاء جاهز مشاري : تسلم يدك عبير : الله يسلمك زين تنازلت وبتقعد تتعشى معاي اليوم مشاري غمز لها : عشانك بس عبير لوت بوزها : قصدك عشان بطنك هذا انت بتطلع بعد العشاء اموت واعرف وش تسوي طول الوقت مشاري : طول وقتي مع الربع اما فَ الديوانيه او نطلع للبحر نشوي او نصيد عبير: ماتطفش كل يوم مشاري : لا ليش اطفش بالعكس فله وسعة صدر وبعيد عن مشاكل الحريم خزته عبير وقالت : المهم بكره لاتنسى تجيب الاغراض اللي وصيتك عليها هز راسه : كم الساعه قلتي لي بتجي اختك عبير : على المغرب كذا مشاري : طيب خلص عشا ووقف : يلا انا ماشي تبين شي عبير تنهدت : لا مابي شي توكل قرب وباس خدها : يلا عمري باي ناظرته ببرود طلع وهي لمت الصحون وغسلتهم ونزلت تقعد جنب داليا ودانا احسن من القعده لحالها اما مشاري ركب السياره وهو مبسوط "اجل شوق بتجي بكره حلو حلو " شغل المسجل وعلى الصوت وعلى وجهه ابتسامه خبيثه # انتهى سبحان الله وبحمده سبحان الله العظيم | |||||||||
|
| |
|
23-04-16, 09:59 PM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثالث والعشرون <<<< خلصت كل شي وراحت غرفتها لازم تبدل وتستقبلهم مجبوره مو بكيفها ولا لو عليها هم ميتين من زمان بالنسبه لها اللي حتى في عزا ابوها حضروا يوم واحد بس بحجه انهم ساكنين في ابها ومسافرين ولازم يرجعون بدلت وحطت ميك اب خفيف وطلعت ماشافت احد جلست بالصاله تنتظر وغاده راحت تلبس عيالها كلها دقايق ودخلوا عماتها حرمتين جسمهم ممتلئ شوي سمر ولابسين ذهب مبالغ فيه ووراهم هادي يرحب فيهم ابتسمت بدون نفس ووقفت تسلم نزلت غاده وسلمت هي الثانيه بدون نفس وقالت بكذب: وينكم تأخرتوا من زمان ننتظركم ثريا "العمه الكبيره " : تعرفين الزحمه هنا شلون وولدي سالم الله يحفظه مايحب يسرع غاده: اجل وين البنات ليش ماجبيتوهم معاكم يغيرون جو ويتسلون اصلا من زمان ماشفناهم حتى بعزاء عمي الله يرحمه ماجاو ثريا : بناتي طول وقتهم مع بنات خالهم يطلعون ويوسعون صدورهم ومايحبون المشاوير الطويله وبعدين ليش يجون خليهم يستانسون هناك احسن لهم سعاد "العمه الاصغر " الا وش مسويه ياريم بعد ماتطلقتي يقولون زوجك صار له فتره يحاول فيك ترجعين وانتي رافضه لوت ريم بوزها بممل "مسرع وصلتكم الاخبار " الحمد لله على كل حال انا راضيه باللي ربي كاتبه لي ثريا بهمس : شلون ترجع له وهو يحب وحده غيرها الله لايبلانا الا اذا ماعندها كرامه عاد هذا شي ثاني توسعت عيونها وناظرتهم بصدمه وقلب وجهها احمر قالت عمتها بسرعه : شفيك شفيك لاتنفجرين بعد هذي الحقيقه والكل يتكلم فيها وبعدين بصراحه وبدون زعل ياريم البنات يقولون بعد ان هاللي يحبها رجلك تجنن ارتجف صوتها وقالت بقهر: ياحبكم للقيل والقال بس جعل كل من يتكلم فيني تلف عليه الدنيا ويصير له اكثر من اللي صار لي الله يمهل ولا يهمل سبحانه شهقت ثريا : بسم الله على بناتي حسبي الله عليك تدعين على بناتي هم وش دخلهم هذا الكلام اللي الكل يقوله وهم سمعوه حالهم حال غيرهم وعلموني ريم : واذا سمعوه مو معناته ينشرونه ومايظل احد فَ الممكله مايعرفه الله يحب الستر والله يستر بعد وش الاشاعات اللي طلعت غير هالكلام قامت عنهم بسرعه لاتنفجر فيهم ناظروها بكره وهزت سعاد راسها : ماعرف اخوي يربيها والله ان ودي اسحبها معي لأبها واربيها عدل هناك بس مو فاضيه لها ابتسمت غاده بتوتر : حصل خير ماعليكم منها توها صغيره المهم تفضلوا على العشاء جهزت الشغاله العشاء وغاده قالت بكذب : يلا سموا حياكم هذا كله انا مسويته ثريا : ماشاء الله اخبرك يوم اخذك هادي ماتعرفين تسوين شي غاده : يووووووه خبرك قديم شدعوه خلاص صار عندي عيال وتعلمت كل شي وصرت فنانه حتى ذوقي وأحكمي كانت الشغاله شايله صينية العشاء بتوديها لريم نادتها ثريا : تعالي تعالي انتي ياللي ماادري وش اسمك قربت الشغاله بخوف : وين موديه هالاكل كله الشغاله : ماما ريم ثريا : اللي يبي يأكل يقعد معنا ليش ماتاكل معانا شايفتنا قطاوه تقرف منا روحي ودي الاكل للمطبخ الشغاله : بس ماما حرام والله ريم تعبان روح مستشفى اليوم ثريا بتكشيره : حتى شغالتكم طويلة لسان قولي لها توديه لااذبحها الحين غاده : خلاص انقلعي وديه المطبخ ريم اذا تبي تجي تآكل هنا الشغاله تتحلطم : ماما ريم سوي كل هذا اكل بعدين مايآكل عقدوا ثريا وسعاد حواجبهم وهم يناظرون غاده اللي قالت بتوتر : بقره ذي ماتدري شالسالفه ريم من جات من المستشفى وهي بغرفتها ولا طلعت ابد كملوا اكل وثريا وسعاد يناظرونها بشك وهي تدعي على الشغاله وتتوعد فيها اما ريم انسدحت وهي حابسه دموعها بالقوه عماتها اللي المفروض يكونون اقرب الناس لها هذا كلامهم شلون الغُرب اكيد طلعوا عليها كلام اكثر واكثر وبهروا السالفه مو كفايه اللي صار امس كانت قاعده فّ غرفتها وسمعت اخوها وزوجته يتناقشون وصراخهم عالي طلعت تشوف وش فيهم وياليها ماطلعت كان غاده تتشكى من ريم وانها مضيقه عليهم فَ البيت وانها تحتاج الملحق ومن هالكلام رجعت بسرعه لغرفتها قبل لاحد يشوفها ودمعتها على خدها تعوذت من ابليس وغمضت عيونها وكانت فعلا محتاجه للنوم لانها هلكانه من التعب ,,, ليان وهي تجلس : وربي الجمعه اليوم تجنن انبسطنا كثيييير بس امول وش سالفة ذي اللي اسمها نجلاء مطنقره حستها شوي وتقوم تحرق المكان باللي فيه ههههههههههههه امل : هذي ماخذه زوج رشا وربى تقول انها نسرررره ومطينة عيشة رشا المسكينه الله يهديها ام ناصر هي السبب ليان : زوج رشا !! اها وعشان كذا مو طايقين بعض امل : ههههههههههههههههه وانتي وش تحسبين يالفاهيه الله يخلف على عقلك ليان: بقول لك بس والله ان ضحكتي بالجزمه على راسك شوفي صراحه صراحه كنت احسبها اختها تدرين ليش لانهم مثلي انا ورنيم لما نتهاوش امل : ههههههههههههههههههههههه قسم بالله ماتوقعتك غبيه كذا يعني من زود الشبهه عشان يصيرون خوات وبعدين الخوات يتهاوشون بينهم وبين نفسهم مو قدام الناس ليان : وش درى امي انا عنهم وبعدين انا وش قلت ان ضحكتي على راسك بالجزمه شكلك من زمان مانضربتي امل ترفع حواجبها : ماتقدرين ليان تمسك الجزمه - اكرمكم الله - : مااقدر ها امل تنحاش : لا لا تقدرين امزح ليان تركض وراها : لا مااقدر امل : ههههههههههههههههههه انتظري افسخ الكعب طيب ليان بنذاله : خليك اركضي لين تتكسر رجولك تستاهلين ههههههههههههههههههههههههه هههه امل : ههههههههههههههههههههه ليان تكفين والله ماقدر اركض كذا ليان : وقفي طيب خليني اضربك وارتاحي وريحيني امل توقف ورى الكنب وترفع يدها : والله ماأوقف عشان تضربيني غش غش خليني افسخ ليان : والله مااخليك هههههههههههههههههههههههه شكلك تحفه وانتي تركضين كذا امل بتعب : لووووووووووووين تعبت ياحيوانه مو انصاف تلحقيني وانتي حافي وانا بالكعب دخل راكان : ماشاء الله وش عندهم صف اولى ابتدآئي ليان : ههههههههههههههههههههههههه هههههههههههه قل لها توقف اضربها شوفي وقفي برضاك وبضربك بشويش امل تتخبى ورى راكان : راكان شفها بتضربني راكان : تضربك عشان اكسر راسها ليان : بعد خلني اضربها والله بس ضربه وحده عن خاطري امل : خليني افسخ الكعب اول والحقيني واذا مسكتيني اضربيني ليان : لا لا ابي اضربك كذا وانتي بالكعب راكان : ههههههههههههههههههه شفيكم انتوا - سحب يد امل - امشي اقعدي امل بخوف : بعدها عني راكان : امشي بس والله ماتلمسك ليان كاتمه ضحكتها : وخر لاضربك وياها ههههههههههه راكان : يالمجرمه مخليه زوجتي تركض بالكعب طيب افرضي انها حامل ليان : حامل وهي قاعده تردح هناك ومابقى اغنية ماارقصت عليها هههههههههههههههههههه امل : وانتي بعد حتى الأغنية اللي شغلوها للبزران رقصتي عليها كأنك طفل كبير هههههههههههههههههههههه انفجر راكان من الضحك : هههههههههههههههههههه طفل كبير !! والله انك مو صاحيه ياحبيبتي وش اكتلوا هناك ليان : هههههههههههههههه والله جد امول وش اكلنا ترا وضعنا مو طبيعي من يوم رحنا امل : يعني سامحتيني ليان ترمي الكعب : سامحتك مؤقتا لاني مااقدر اضربك والدب هذا موجود راكان : اقول اهجدي لااقوم اعلقك فَ الحديقه واخليها تضربك لين تعضين الارض امل : يسلم لي بو فيصل والله ليان : لاتستقوين فيه مرده بيطلع او ينام والله لاوريك راكان : الحين انا قاعد كل هالمده ولا عرفت شالسالفه فهموني امل : الحين حبيبي لو شفت ثنين يتخانقون ومو طايقين بعض بذمتك وش بتقول اعداء صح عاد هذي الذكيه تحسبهم اخوان لا وكل واحد في وادي مايشبهون بعض ليان : ههههههههههههههههههههههههه ه امول خلاص كلي تبن عادي تصير خوات مو طايقين بعض ومو شرط يشبهون بعض راكان : مثلكم الحين يعني ليان : لا ياحبيبي احنا نموت في بعض بس ضاربتك ضاربتك هههههههههههههههههههه راكان وقف : يلا احنا رايحيين ننام تصبحين على خير ليان: اقعدي معاي امول متفقين نسهر ولا نسيتي امل : لا حبيبتي خلاص غيرت رأيي جاني النوم اصلا هههههههههههههههههههه ليان : ههههههههههههههههههههههههه الزفته خايفه من الضرب تعالي والله خلاص ماراح اضربك امل : هههههههههههههههههههه طيب خلاص كسرتي خاطري راكان غمز : مو بكيفكم انتي وهي ليان : يوووووووه نسينا زوجك هذا وش يفكنا منه ههههههههههههههه امل : ههههههههههههههههههههه خلاص بس ينام وانزل لك ليان : هذا وجهي اذا مانزلتي الفجر روحي بس روحي ,,,, رحبت فيها بحب : حياك اخيرااا مابغيتي تجين ماتدرين وش كثر فرحانه بجيتك شوق : هههههههههههههههههه شوي شوي كلتيني بقشوري حتى ماسلمت على البنات سلمت على دانا وداليا بااتسامه وجلست وهي تتأمل البيت اول مره تزور اختها ناظرت فَ عبير نحفانه مره وتحت عيونها اسود ووجهها شاحب من بعد ماكانت تهتم في بشرتها عبير : انا بروح شوي خذي راحتك شوق داليا : حي الله شوق مابغيتي تجين ازعجتنا عبير فيك الله يخليكم لبعض شوق : تسلمين حبيبتي ويخليكم لبعض ماشاء الله نسخه ربي يحفظكم تصدقون انا احب التؤام ودايم اتمنى اذا تزوجت ربى يرزقني تؤام دانا : تبين بنتين مثلنا ولا ولدين ولا ولد وبنت شوق : اللي يجي من الله حياه الله المهم تؤام بكامل صحتهم وعافيتهم صحيح تربيتهم متعبه بس حلوين دانا : تربيتهم متعبه وبس الا تطلع العين اسألي امي واحنا صغار وش كنا نسوي وسبحان الله يوم كبرنا صرنا هاديين مره داليا : تدرين اني مره رميت دانا فَ المسبح وغرقت وامي كفختني لين قلت بس شوق : ههههههههههههههههههه كم كان عمركم وقتها داليا : كنا 6 سنوات وكنا قاعدين فَ الحديقه مع عيال خالتي وتهاوشنا مادري وش عليه وسحبتها لين المسبح ورميتها وانقذها الحب ههههههههههه دانا: ومره مسكنا بنت خالتي الصغيره ولصقنا العلك فَ شعرها كله عدمناه وامها يوم شافته انهبلت وجلسنا متخبيين طول اليوم خايفين من امي وفَ الاخير استسلمنا وطلعنا شوق : هههههههههههههههههههههه ووش سوت لكم امكم دانا : ماسوت شي وقتها توسط لنا ابوي حبيبي بس هزئتنا وحذرتنا نكررها وخلتنا نعتذر من خالتي شوق بحماس : بعد علموني وش مصايبكم بعد داليا : يووووووه كثيييير انتي علمينا ماسويتي مصيبه بحياتك شوق بتفكير: سويت بس اشياء بسيطه انا بطبيعتي مسالمه من يوم اني صغيره دانا : اجل خليني اعلمك سالفه هذي اكبر مصيبه سويناها بحياتنا وانجلدنا عليها جلد مو طبيعي من امي وابوي اسمعي الله يسلمك مره كنا طالعين للبر العايله كلها يعني وكان الجو برررررد الزبده بعد ماالكل نام انا ماقدرت انام من البرد قمت قلت لداليا كان وقتها عمرنا 9 وقمنا نفكر وش نسوي لين قررنا نشغل نار ونتدفى طلعنا شفنا الجمر للحين باقي ماطفى من بعد الرجال قررنا نزيد عليه ومن سؤء حظنا شفنا ولد خالتي عمره 12 صاحي وطلبنا منه يساعدنا قمنا اخذنا دبة البنزين اللي في سيارة جدي وزدنا حطب وصبينا بانزين وولعنا والله لايوريك الدنيا قبت وبغينا نحترق وقمنا نصارخ وصحينا الكل والله ذاك اليوم ماانساه ههههههههههههههه ولا انسى الطق اللي اكلناه خصوصا ولد خالتي مسكين لانه كان اكبرنا شوق : هههههههههههههههههه والله انتوا شكلكم بتغيرون رأيي خلاص ماابي تؤام ههههههههههههه رجعت عبير وفي يدها العصير : الله يسامحك ياشوق هذا اللي بتجين العصر شوفي كم الساعه الحين شوق : وش اسوي امي وابوي كانوا طالعين وماخذين السواق معاهم عبير : وطلال وفهد وينهم شوق : مدري عنهم والله صرت مااشوفهم كثير عبير : وليش ماجات امي معاك شوق : قلت لها تقول مره ثانيه ان شاء الله توها راجعه من بيت عمي هي وابوي كان يسمع اصواتهم ابتسم بخبث " تو مانور البيت هههههههههههه " مشاري : يلا روحي سوي اللي قلت لك الشغاله بخوف : انا خوف بابا مايبي سوي كدا مشاري: قلت لك لاتخافين اهم شي لاحد يشوفك اخلصي واذا شافوك وجبتي طاري اسمي والله لااقطع رقبتك الشغاله تهز راسها : مايبغى بابا انا واجد خوف ماما عبير يذبح انا مشاري : ماراح تذبح ولا تسوي لك شي روحي بسرعه ومثل ماقلت لك لاحد يدري هالشي بيني وبينك وانا بزيد راتبك 500 ريال الشغاله : واذا شوف انا شنو قول مشاري : انتي وشطارتك لاتخلين احد ينتبه لك واذا شافوك صرفي نفسك قولي اي شي يلا روحي ولا تتأخرين بنتظرك طلعت الشغاله بخوف وتردد وهو ابتسم بانتصار "انا اوريك ياشوق " ,,,, تكتفت بقهر : سمعت اختك وش تقول عني بدر : وش تقول عنك بعد نجلاء : تقول اني صرت دبه ووجهي شاحب وكله حبوب ومدري وش تخربط بدر: طيب هي وش غلطت فيه نجلاء بقهر : شلون وش غلطت فيه يعني انا دبه وكلامها كله صح بدر يناظرها :لا بس خلي عندك ثقه بنفسك مو كل من قال لك كلمتين صدقتيه الحين انتي تشوفين نفسك دبه نجلاء : هاا لا صحيح انا احب الاكل بس محافظه على جسمي واحاول قد مااقدر مايزيد وزني بدر: شفتي خلاص اجل لاتزعجيني نجلاء : شخبار ابوها البرنسيسه مامات بدر بحده :الله يشفيه و يطول بعمره ويخليه لاهله ويخليهم له خلي عندك انسانيه شوي نجلاء ببرود : وش سويت بس أسأل بدر بتعب : روحي حطي غداي ميت جوع نجلاء : ماطبخت بدر: نعم وليش ان شاء الله مو انا قايل لك اطبخي اليوم نجلاء: ليش الخساير والتعب الحين انادي لك الشغاله تحط لك من غدا خالتي بدر: مابي شي انسدت نفسي الله يسد نفسك نجلاء: اصلا انت من تجي عندي تنسد نفسك كأني ماكله حلال اهلك بدر: زين انك عارفه وبعدين تعالي تبكبكي عندي وقولي ليش تعامل رشا احسن مني نجلاء : اها انت قول كذا من قبل الا ابي اسألك سؤال هي وش مسويه لك فَ الغربه والله جد وش اللي مخليك خروف لهالدرجه مسك شعرها وشده بغضب وصرخ : وش قلتي ماسمعت نجلاء: آآآآآآآه شعري اتركني ماقلت شي هذي الحقيقه اندق الباب ودخلت رشا بسرعه وهي تقول : وش فيكم وش صاير بدر : رشا اطلعي وسكري الباب نجلاء : انقلعي وش تبين يالسوسه انتي هذا اللي تبينه اصلا رشا تمسك يد بدر : اتركها بدر انت معصب الحين تركها بقوه وقرف وطلع مع رشا وسكر الباب بقوه دخلت رشا لجناحها وهو وراها جلس عَ الكنب وهو يهز رجله بعصبيه جابت له كاي ماي : اشرب حبيبي واهدأ بدر: والله خايف يجي يوم اسوي شي اندم عليه هذي بزر وتحاول تستفزني وانا صبري له حدود نجلاء: خلاص ياقلبي هدي حالك ماعليك منها لاتقهر نفسك عشانها هز راسه وهو يهدي نفسه ويذكر الله هدأ شوي ووقف : انا طالع شوي تميم كان يلعب في سريره شاف ابوه بيطلع صار ينطط ويبكي ابتسم: ياحبك للدوراه فَ الشوارع قرب وشاله : انا باخذه معاي ماراح اتأخر تبين شي رشا : سلامتك ياعمري بدر: الله يسلمك حبيبتي يلا مع السلامه ,,, دخلت الشغاله وهي تتسحب وتتلف خايفه يشوفها احد رفعت الجوال بدون لاينتبه لها احد وبدت تاخذ صور كثيره لشوق خلصت ورجعت بسرعه لمشاري اللي قاعد على اعصابه مدت له الجوال مسكه بسرعه وناظر الصور بفرح : والله انك كفو خلاص روحي لشغلك لاتحس عبير وراتبك بيزيد مثل ماوعدتك هزت راسها وطلعت بسرعه وهو تأمل الصور بوقاحه والله طحتي ياشوق وماحد سمى عليك اختار صوره عشوائيه وارسلها على جوالها وهو متطمن وعارف انها مستحيل تقول لأحد كانت تسولف وتضحك ليت وصلها مسج فتحته وتمنت تموت قبل ماتفتحه كانت صورتها وهي تضحك لفت تلقآئي تدور عليه "ويييينه الكلب الحقييير وصلت في المواصيل يصورني ويرسل لي صورتي وش اسوي الحين هذا وش يبي يوصل له " عبير : شوق فيك شي شوق بتشتت : ها لا مافيني شي الا امممم زوجك وينه عبير تعقد حواجيها : زوجي !! طالع من زمان ليش شوق : لا بس حبيت أسأل عبير تلوي بوزها : هو مايقعد في البيت اصلا كل يوم ماشوف وجهه الا الفجر كملوا قعده وهي بالها مشتت وبعيد ومحتاره وش تسوي مع هالمصيبه داليا : شوق شكلك طفشتي من سوالفنا البايخه هههههههههههههههههههههههه شوق تبتسم مجامله : ههه لا بالعكس سوالفكم حلوه بس شكلي جاني النوم أستأذن عبير بروح عبير : وين بدري شوق : مره ثانيه ان شاء الله اجيك واجلس وقت اطول بس الحين بروح احس اني نعست عبير : اوك حبيبتي اللي يريحك لبست عبايتها وكلمت السواق يجي بسرعه سلمت عليهم وطلعت ,,, مرت الايام سريعه وبطنها بدأ يكبر وكالعاده سمعت صراخ اخوها وزوجته غاده : خلاص الى متى بتحمل قل لي الى متى هادي: يابنت الناس انتي بس تبين المشاكل تدري ان مالها غيري بعد الله غاده : مااحد قال لها تترك زوجها وتبلشني فيها شقتنا يادوب تكفينا احنا وعيالنا والشغاله كلم زوجها وقل له موافقه ترجع له هادي: مستتتحيل ارمي اختي وهي ماتبيه سألتها وحاولت فيها كثيييير بس هي ماتبيه وش اسوي غاده : سو اللي تسويه تصرف ولا ياانا ياهي في هالبيت شهقت بصدمه مستحيل تكون السبب في تدمير حياة اخوها وتشتيت عيال اخوها ركضت لغرفتها ولمت اغراضها بسرعه ولبست عبايتها مسكت جوالها وكتبت مسج سريع وحطته فَ الشنطه طلعت ودقت باب غرفة اخوها طلع وقال بصدمه :ريم وين بتروحين ريم : انا برجع لسعود جيت اسلم عليك هادي بخجل :ريم انا آسف ادري انك سمعـــ ريم : لاتعتذر انا فكرت زين وقررت ارجع لزوجي باس راسها : الله يكملك بعقلك ياريم وسامحيني الله يخليك ريم : مسموح يااخوي محمد : لاتروحين عمه ريم الله يخليك احمد : ايه تكفين والله نبيك ريم تبوسهم : ماعليه حبايبي خلوا بابا يجيبكم لي كل فتره دق جوالها وطلعت بسرعه ساعدها هادي بالشنط وحطهم في شنطة سيارة سعود وسلم عليه ركبت ريم بدون لاتتكلم مشى سعود : اخيرا ياريم اخيرا والله ماكنت مصدق يوم قريت الرساله ريم : مو عشانك لاتفرح بس حسيت اني ثقلت على اخوي وهو رجال متزوج وعنده عيال ومو ناقصني وصلوا البيت بدون لايتكلمون فسخت ريم عبايتها ورمتها فوق السرير وجلست بتعت ناظرها سعود بشك : فيك شي تعبانه ناظرته وقالت ببرود : انا حامل انصدم قرب وقال بسرعه : حامل من متى ريم : صار لي ثلاث شهور الحين سعود: وليش ماقلتي لي من حقي اعرف حتى لو كنتي في بيت اخوك ريم تتنهد : خفت انك تاخذني بالقوه او تاخذ ولدي او بنتي اللي جاي فَ الطريق سعود: انا مو بدون قلب ياريم عشان احرم طفل من امه جلس وهو يحس بفرحه مكتومه كان وده تقول له من البدايه # انتهى سبحان الله وبحمده سبحان الله العظيم | |||||||||
|
| |
|
23-04-16, 10:01 PM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الرابع والعشرون <<<< تروح وتجي فَ الغرفه وهي حاطه الجوال على طرف شفايفها وتفكر صار له كم شهر وهو يرسل صورها ويهددها فيهم مامل ماتعب وهي ماتدري وش تسوي قررت تتصرف بسرعه ووتغدا فيه قبل لايتعشى فيها مسكت الجوال ودقت رقم اختها بسرعه وحطت السماعه على اذنها ثواني ووصلها صوت عبير : هلا شواقه شوق : هلا عبير اسمعي اذا ماعندك شي بجيك الحين عبير : ماعندي شي تعالي بس وش فيك فيك شي ؟ شوق : لا بس زوجك موجود عبير : خامد نومة اهل الكهف ان شاء الله يلا تعالي انتظرك كويس انك بتجين انا طفشانه اصلا شوق: يلا شويات واكون عندك سكرت الجوال ولبست على السريع وراحت لأختها استقبلتها عبير وسلمت عليها وقعدوا في المجلس الخارجي للبيت عشان ياخذون راحتهم شوق : شخبارك ؟ عبير : كيف بكون يعني وانا عايشه مع هاللي مايتسمى الله ياخذه تخيلي وصلت فيه الوقاحه صار يكلم بنات الحرام قدامي ولا يهتم بعد ماكشفته كم مره صار مايهتم شوق بقهر : هذا زوجك وش طينته يااخي يقهر حسبي الله عليه المهم انا جايه اكلمك بموضوع مهم ولازم تسمعيني كويس عبير : تكلمي خوفتيني امي فيها شي شوق هزت راسها : ماحد فيه شي بس شوفي - طلعت جوالها وفتحت صوره ومدته لها - عبير باستغراب : هذي صورتك شفيها ! مو كأنها عندي فَ البيت شوق : ايه عندك تخيلي ان زوجك الواطي مصورني وجالس كل يوم يرسل لي الصور ويهددني توسعت عيون عبير : من جدك انتي ؟ ومن متى هالكلام وليش ماعلمتيني شوق : من آخر مره زرتك فيها وماعلمتك لاني كنت خايفه من ردت فعلك بس لين هنا وبس قلت لازم اعلمك بكل شي زوجك هذا لازم احد يوقفه عند حده عبير تحط يدها على راسها : يالله وش اسوي معاه انا تعبت والله تعبت انصدمت ياشوق كنت احسبه الزوج المثالي اللي احلم فيه بس طلع حيوان وحتى الحيوان يكرم عنه شوق: ماعليك حبيبتي لاتزعلين عمرك عشانه هو الخسران المهم وش بتسوين الحين عبير بتفكير : شوفي انتظريني هنا شوي وبجيك لاتتحركين والسواق وينه شوق : برا عبير : خلاص اجل بس انزل ونمشي طلعت بسرعه وتوجهت لغرفتها دخلت بهدوء واخذت اكبر شنطه عندها ولمت كل اغراضها واخذت اوراقها وذهبها واشيائها المهمه وطلبت من الخدامه تنزل الشنطه لبست عبايتها وقبل لاتطلع مسكت جواله ومسحت كل الصور وسوت له فورمات وكان فيه كاس مويه مليان حطت الجوال فيه وطلعت وعلى وجهها ابتسامة انتصار وبما انه نومه ثقيل ماحس بشي نزلت وطلعت شنطتها بمساعدة شوق وركبوا السياره بسرعه سكرت عبير الباب بقوه : خليه والله لو يموت مارجعت له الواطي شوق : وش سويتي عبير ببرود: ماسويت شي فرمت جواله وغرقته فَ المويه هههههههههههههه شوق: ههههههههههههههههههه والله انك كفووو ياعبير تعجبيني اخذتي حقك وحقي منه هالسخيف وصلوا البيت وتوجهت عبير لغرفتها عشان ترتب اغراضها ومعاها شوق تساعدها عبير تناظر الغرفه : والله وحشتني غرفتي واشتقت حق ايام العزوبيه دق جوالها شافت المتصل داليا ردت وهي متأكده انه مشاري : الوو مشاري بغضب: انتي وين ذلفتي ومن اللي مسوي كذا بجوالي عبير ببرود : انا فَ بيت اهلي واعلا مافي خيلك اركبه وجوالك انا سويت فيه كذا عشان تعرف تهدد بنات الناس مره ثانيه يامتخلف مشاري بقهر : طيب يابنت الــ..... والله لاوريك واخليك تجين تترجيني مثل الكلبه عبير : اسمع اسمع لاتقعد تهدد بكره توصلني ورقتي فاهم ولا تحسب ماوراي اهل ولا تنسى مصايبك انت واخوياك والله لاابلغ عليك وتروح فيها وتخيس فَ السجن قفلت في وجهه وهي تضحك : متأكده انه بيموت من القهر الحين هههههههههههههههه وادري انه منقهر على جواله اكثر من قهره من طلعتي من البيت شوق : عبير انا خايفه من هالمجنون يسوي شي عبير : ماعليك منه لاتخافين انا عاشرته وعرفته زين هذا مايعرف الا الخرطي يهدد ويصارخ ولا يسوي شي خلينا نكمل الترتيب بس ونحتفل بهالمناسبه هههههههههههههه شوق : على قولتك ههههههههه بس امي لازم تعرف عبير : لين تجي واعلمها وان شاء الله ابوي واخوانك يتفهمون ومايوقفون معاه شوق: ان شاء الله ,,,, ناظرت الساعه هذا وقت جيته ركضت للمرايه وضبطت شكلها للمره الالف وفيها حماس مو طبيعي فتح الباب ودخل وهو يناظر المكان باستغراب كان ظلام وبارد وفَ النص طاوله عليها شموع منوره المكان وكيكه صغيره تقدمت وسط الظلام وقالت بصوتها العذب : هابي بيرث دي تو يو هابي بيرث دي تو يو هابي بيرث دي حبيبي هابي بيرث دي تو يو ابتسم وضمها بحب : تصدقين من ظغط العمل نسيت تماما ان اليوم عيد ميلادي امل بحب : بس انا مستحيل انساه كل عام وانت بخير ركوني وعقبال مية سنة يارب راكان : وانتي بألف خير ياروح ركونك سحبت يده : تعال قعدت على الكنبه الصغيره وقعد معاها شال الشماغ وحطه على جنب : ياسلام وش هالحركات مااقدر على كل هالدلع انا امل : اذا مادلعتك ادلع مين يلا اقطع الكيكه ترا من يوم جبتها وانا اقاوم نفسي لا آكل منها واخربها ههههههههههههههههه راكان : يعني انتي حلا وتآكلين حلا وش تصيرين بعدين اصبري خليني اتمنى واطفي الشموع امل : يلا بس امنيه حلوه مو تتمنى تتزوج الثانيه اعرف حركاتكم يَ الرجال راكان : ههههههههههههههههههههههههه ههههههه والله اللي انتي عنده اتحداه يتمنى مثل هالامنيه طفى الشموع وقطع الكيكه : انا بأكلك بيدي كلتها امل وقالت : مو بس انت انا بأكلك بعد مدته له قطعه صغيره اكلها بسرعه وعض يدها متعمد : اممممممم احلا والذ من الكيكه ههههههههههههههههه امل: عورتني يالدب ههههههههه راكان :وش اسوي يدك احلا من الكيكه بس تدرين وش ذكرتيني فيه بيوم الملكه هههههههههههههه امل : هههههههههههههههه المهم ماتبي تشوف هداياك راكان باس يدها : والله ياحبيبتي انك احلا هديه من رب العالمين ماتعرفين شكثر فرحتيني من بعد هاليوم المتعب امل : تستاهل عيوني باس عيونها بحب : فديت عيونك انا وقفت واختفت للحظات ورجعت وفي يدها علبتين مغلفتين وحده كبيره ووحده صغيره : تفضل وقل لي رآيك مسك العلب وفتح الكبيره كانت عباره عن ساعه فخمه جدا انبهر راكان من ذوق امل المطابق لذوقه في الساعات : فديت الذوق انا وربي جنان امل : على يدك بتطلع احلا لبسها وناظرها في يده : يابعد روحي انتي كل شي تسوينه ذوق امل بحماس : يلا شف الهديه الصغيره تراها احلا مسك العلبه الصغيره وفتحها كانت عباره عن جزمة طفل -اكرمكم الله -طلعها ومسكها تنح للحظات وهو مو مستوعب : ايش هذا همست بفرح : انا حامل ناظرها وناظر العلبه ورجع يناظرها : حامل امل : هههههههههه ايه والله حامل شفيك ضحك بعدم تصديق ووقف بسرعه وضمها ورفعها وصار يدور فيها وهو يضحك امل : هههههههههههه بس راكان دوختني راكان يمسك يدها ويبوسها اكثر من مره : مو مصدق حبيبتي ركض للباب وامل قالت : هههههههههه وين رايح راكان : ببشر امي بتطير من الفرح امل: انتظرني بجي معاك نزلت معاه وهو ماسك يدها والدنيا مو سايعته شاف امه وخواته قاعدين باس راسها : عندي لك بشارة يالغاليه امول حامل تهلل وجهها : الله يبشرك بالخير يمه الف الف مبروك راكان : الله يبارك فيك امل تبوس راسها : الله يبارك فيك يالغاليه ليان تضمها : واااااااااي وناسه بصير عمه رنيم تدفها : وخري بس عشان اللي فَ بطنها يطلع يشبهني راكان يدفهم : بعدوا انتي وهي ومن يوم ورايح الدفاشه اتركوها عنكم سامعين ليان : عاد بدينا بالتوجيهات ههههههههههههههههههههههه امل : ههههههههههه تحملي 9 شهور بس راكان بهمس : والله انه احلا يوم بحياتي ياحلا واغلا زوجه بالدنيا كلها مسك يدها وغمز : تعالي بس نكمل حفلتنا انحرجت امل مره خصوصا من عمتها وراكان والبنات ضحكوا عليها ,,, دخلت المطبخ واخذت لها كأس ماء وقالت بخبث : والله وكبرتي ياربى وبتصيرين عروس ربى وهي تخلط الكيك : وش عروسه نجلاء ببرود : امي خطبتك لاخوي زياد وخالتي وافقت طاحت الملعقه من يدها ولفت بصدمه : نعم وش قلتي ماسمعت نجلاء: هذا اللي صار واذا مو مصدقه روحي اسألي خالتي ركضت ربى والشياطين تتنطط قدامها ونجلاء وراها وتضحك بغباء ربى : صح الكلام اللي سمعته ام ناصر : وش سمعتي ربى : ناصر خطبني وانتي وافقتي ام ناصر بلا مبالاه : ايه ماراح تلقين احسن من ولد اختي وبعدين انا كنت متفقه معاها اخذ نجلاء لبدر وهي تاخذك لزياد ربى بقهر : وعلى اي أساس تقررين عني ام ناصر : على أساس اني امك وشورك بيدي وزياد مافيه شي الف وحده تتمناه ربى : الا انا يكفي انه اخو هذي نجلاء : خالتي شوفيها ام ناصر : خلاص ياربى بدون نقاش زايد وطوالت لسان اتفقنا انا واختي وانتهينا ربى بدموع : والله ماآخذه هذا اللي ناقص تغصبوني بعد مابيه مابييييييه ام ناصر : قصري حسك ولسانك لاتطولينه لااقصه لك سامعه ربى : يمه حرام عليك ليش تسوين فيني كذا خلاص بتزوج اللي تختارين بس هذا مابيه ام ناصر : وليش عطيني سبب مقنع ربى : بس يمه معفن اكرهه دخل ناصر وتنحنح طلعت نجلاء بسرعه وهو دخل وقال : خير خير شصاير ربى : ناصر الحقني امي تبي تزوجني زياد وانا مابيه ناصر : صح هالكلام يمه ام ناصر : ايه صح عندك مانع انت بعد ناصر بعصبيه : والله ماياخذها لو يموت يمه انتي ماتعرفين بلاوي ولد اختك ام ناصر بعصبيه : وش فيه رجال ماينعاب ناصر : يمه هذا اللي تشوفينه رجال لعاب وعنده بلاوي شكثرها وانا مستحيل اعطيه اختي ام ناصر : ليش وش فيه ناصر بحزم : وش اللي مافيه يمه الله يستر علينا وعليه بس اختي يخسي ياخذها والحين تكلمين خالتي وترفضين ارتاحت ربى شوي وناصر قال : انا بريح شوي المغرب قوموني تنهدت ربى ومسحت دموعها ورجعت المطبخ تكمل كيكتها وهي مبسوطه من ردت فعل ناصر نجلاء سمعت كل شي وانقهرت من كلامه عن اخوها طلعت وقالت : خلاص ياخالتي اخوي مو ميت على بنتك ام ناصر بنص عين : والله شوفي اخوك وش مهبب ناصر مستحيل يتبلى عليه المهم انا بكلم امك ببلغها بالرفض ,,, ضحكت بشماته : هههههههههههههههههههه تخيلي صار له شهرين متمرمط ويحاول يكلمني بس والله يخسي ارجع له شوق تبرد اظافرها : خليه يحترق بستين داهيه المهم وش بتلبسين بكره عبير بتفكير : والله مدري بس لازم اقهرهم مابي احد يتشمت فيني شوق تتنهد : والله انك ظالمتهم ياعبير عبير : ماعلينا المهم اروح وانبسط واغير جو من زمان مارحنا المزرعه والله هالعزيمه جات بوقتها شوق: اي والله وانا بعد من زمان ماشفت البنات ولا قعدت معاهم عبير : تصدقين وحشوني داليا ودانا بس يلا اذا شفت فرصه بعدين عزمتهم عندنا فَ البيت شوق : وتتوقعين مشاري بيخليهم يجون عبير : مو لازم يدري انهم جايين عندي اصلا هو هايت طول الوقت برا البيت دخل طلال وسلم وردوا البنات السلام طلال : عبير تعالي ابيك بموضوع قامت معاه ودخلوا للمجلس قعدت عبير : خير ان شاء الله وش تبي ؟ طلال يقعد جنبها : ابي اطلب منك طلب واتمنى ماترديني عبير باستغراب : اذا اقدر من عيوني طلال يهز راسه : تقدرين عبير تتنهد : وشو طلال : مثل ماتعرفين عمي بكرا مسوي عزيمه عبير : ايوه طلال بدون مقدمات : ابيك تطيحين اللي في بطن امل توسعت عيونها وقالت بصدمه : نعـــم طلال ببرود : اللي سمعتيه عبير : شلون اطيح اللي في بطنها صاحي انت طلال : والله عاد انا اعرفك ذكيه ولا ماكان جيت وقلت لك وبعدين هي توها في بداية حملها يعني الموضوع سهل عبير بتفكير : والمقابل طلال : اساعدك في طلاقك من مشاري عبير بفرح : احلف طلال : والله بس انتي سوي اللي قلت لك عبير تهز راسها : خلاص خل الموضوع علي طلال بتحذير : بس انتبهي مابي يجيها شي بس يطيح اللي في بطنها عبير : والله عاد اذا طاح اللي في بطنها هي لازم بتتضرر طلال : ايه بس حاولي مايجيها شي عبير توقف : طيب طلال : اسمعي مابي احد يعرف بالموضوع فاهمه عبير تهز راسها : تطمن طلعت بفرح وكلها حماس لانها تبي تفتك من مشاري وتتطلق باسرع وقت واخوانها كانوا يبونها ترجع له بس الحين طلال بيساعدها شوق : شفيك توزعين ابتسامات عبير تاكل فشار : مافيني شي خليك باظافرك # انتهى سبحآن الله وبحمده سبحآن الله العظيم | |||||||||
|
| |
|
23-04-16, 10:03 PM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الخامس والعشرون <<<< صرخت وهي ورا : كم باقي ونوصل ماصارت طولنا راكان : وجع شفيك تصارخين يلا عشر دقايق ونكون هناك ليان : ادعس شوي شوف ابوي سابقك وانت تمشي على بيض راكان : والله مادري وش يطلع لي فَ الطريق من مطبات وحفر وماني عايف زوجتي واللي فَ بطنها ليان تكلم امل : كله منك كان رحتي مع ابوي وامي راكان : اقول انثبري واسكتي خلاص قربنا نوصل استغفري لين نوصل احسن لك وصحي اختك هاللي خامده من يوم طلعنا ياحبها للنوم امل : ههههههههههههههههههههههههه هههههه اذكر الله لاتصك البنت بعين خلها تنام مسكينه جالسين من فجر الله بعد دقايق بسيطه وصلوا نزلوا كلهم والشغالات ينزلون الشنط ويجهزون للفطور امل : شفتي هذا احنا اول الواصلين ومافيه الا جدي وفيصل بس انتي ياحبك للحنه تأخرنا وتأخرنا مدري وش مستعجله عليه ليان : يكون احسن عشان يمديني اضبط خشتي واخذ جوله فَ المكان وآخذ راحتي قبل لايجون امل : اقول روحي ضبطي خشتك على قولتك لاني مكلمه مها من شوي وتقول قربوا يعني بينطون عليك بأي وقت وانا بروح اسلم على جدي وفيصل قبل لايجي احد حطت عبايتها على الكنب وقربت من المرايه ضبطت لبسها وطلعت ناظرت المزرعه بعد التعديلات من بعد يوم الحريق ماشافتها عقدت حواجبها بضيق من هالذكرى وتوجهت للمقلط الخارجي دقت الباب ودخلت قربت من جدها وسلمت عليه وباست راسه وقربت من فيصل وسلمت عليه وماسلمت من تعليقاته اللي تحرجها وراكان يضحك عليها وجدها يهزأ فيصل سمعوا صوت سياره ودخلت بسرعه لان شكلهم وصلوا وفعلا اول مادخلت دخلوا وراها البنات بصجتهم وازعاجهم وسديم اول ماشافت امل ركضت لها وامل ضمتها وشالتها بحب وهي مشتاقه لها وعد بدفاشه : هيييي انتي نسيتي انك حامل والله لاروح اعلم زوجك المزيون نزلت امل سديم وهي تضحك على هبال وعد سلمت على الكل وقعدوا وبعد دقايق جهز الفطور والكل جلس يفطر والجلسه حلوه وتفتح النفس اما عند الرجال كانت النظرات حاده بين طلال وراكان اما سعود كان مروق وهادي ولا احتك براكان بعد الفطور جلسوا البنات يسولفون برا والجو حلو وغيم وقفت ريم وتحركت بثقل لان بطنها كبر قربت من امل وهمست: امل ممكن اكلمك شوي على انفراد استغربت امل وقامت معاها وهي تفكر وش تبي فيها جلسوا فَ الصاله الداخليه لاحظت امل تردد ريم : خير ريم فيه شي ؟ ريم بتردد واحراج : لا بس حابه اعتذر منك على اللي قلته ذاك اليوم والله ماكنت اقصد بس كنت معصبه ومقهوره ومو حاسه بنفسي ومالقيت فرصه اعتذر منك الا الحين امل : صدقيني حاسه فيك وانا مازعلت منك بالعكس والله انك بحسبة اختي واكثر وماله داعي تعتذرين اصلا ابتسمت ريم وارتاحت من كلام امل : والله اني منحرجه منك ومن الكلام اللي قلته واعتذر مره ثانيه امل : حصل خير حبيبتي لاتشيلين هم الا وش مسويه مع الحمل ريم تناظر بطنها : شوفت عينك ثقلانه حبتين ومتعبني صاير يرفس هاليومين الله يسهل علي وعليك وتعدي هالشهور على خير امل : اللهم امين - وقفت ومدت يدها لريم - قومي نطلع للبنات لانتأخر عليهم وقفت ريم وقربت من امل وضمتها انصدمت امل وبادلتها الحضن وطلعوا وهم يبتسمون همست امل : الحمد لله مافي احد جنبنا ولا على هالازعاج بيطردونا من المكان كله ضحكت ريم وكالعاده نطت وعد وقالت بلقافه : وش تحشون فيه انتي وهي اعترفوا انا من شفتكم اخذتوا بعض ودخلتوا وانا عارفه وراكم بلا اعترفوا وش مهببين جود غمزت : حوامل واجتعموا اكيد عندهم سوالف خاصه افهميها وهي طايره يعني ههههههههههههههههههههههههه ههههههه ضحكوا البنات عليهم وكملوا قعدتهم لين اذن الظهر وتوزعوا اللي صلى ونام واللي طلع يتمشى شوي واللي يساعد فَ الغداء عبير طول الوقت وهي تراقب امل وتنتظر الفرصه اللي تنفذ فيها مخططها وشوق ملاحظه هالشي بس سكتت بتشوف آخرتها مع اختها بعد الغداء راكان دق على امل وطلب منها تطلع بيتمشى معاها شوي بالمزرعه طلعوا وصاروا يتمشون راحوا للاسطبل وشافوا الخيل وامل اشتاقت لفرسها لان صار لها فتره طويله ماشافته كانت بتركب بس راكان رفض نهائيا سمعوا صوت دبابات لفوا شافوا البنات راكبين مشاعل بحماس : اموووول روحي خذي لك دباب جابهم عمي راكان تحمست امل وناظرت راكان برجاء وهو هز راسه : يعني الحين ماوافقت عَ الخيل بوافق عَ الدباب لا حبيبتي ممنوووووع امل شوي وتبكي : الله يخليك ركوني والله خاطري اركب وانا اللي طالبه من ريان يجيبهم طيب انت تسوق وانا اركب وراك الله يخليييك راكان يمسك خدها : مااقدر عليك انا طيب يالله انا بسوق خذوا لهم دباب وركب راكان وامل وراه وصار يسوق ويتمشى بشويش وامل تطلب منه يسرع شوي وهو رافض ومنقهره وهي تشوف البنات كل وحده عندها دباب وتسرع وتفحط فيه خلصوا البنات ونزلوا كلهم وجلسوا وعَ المغرب جهزوا الحلا والقهوه وجلسوا يتقهوون فَ الجلسه الخارجيه وعبير كل شوي تناظر الساعه دورت امل بعيونها مالقتها قامت بشويش وراحت تدورها قربت من الصاله الداخليه وسمعت البنات يتكلمون قربت اكثر وسمعت ترف تقول : امووول وين حلاك اللي سويتيه وزاعجتنا عليه قومي جيبيه خلينا نطلع برا معاهم امل : حطيته فَ الثلاجه لازم يبرد شوي بخليه خمس دقايق بعد وبطلعه بس مالي دخل اذا خلصوه عليكم الرجال واولهم راكان وفيصل يموتون فيه ودايم يطلبون مني اسويه ههههههههههههههههه ابتسمت عبير بخبث وركضت للمطبخ تأكدت ان مافيه احد ومسكت علبة الزيت وكبت شوي عند مدخل المطبخ ووزعته كويس سكرت علبة الزيت ورجعتها مكانها وطلعت بسرعه جنب اختها ولا كأنها سوت شي بعد فتره قامت امل عشان تطلع الحلا واول ماوطت رجلها المطبخ تزحلقت وطاحت : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآه ركضوا البنات بخوف وهم يسمعون صراخها قربت مها بسرعه وقالت بخوف : شفيك امل اسم الله عليك امل كانت تبكي وتون بصوت مكتوم وتتألم ومو قادره تتحرك صرخت ليان اللي كانت متجمده من الخوف : اطلعوا بسرعه بكلم راكان مسكت جوالها ومو عارفه تدق على راكان من كثر رجفة يدها دورت رقمه بسرعه ودقت وبعد لحظات وصلها صوته صرخت بسرعه وصوتها يرجف : راكان تعال المطبخ بسرعه امل طاحت ثواني وكان راكان عندهم فَ المطبخ وصل ركض وقرب من امل بسرعه ورفعها : حبيبتي تسمعيني - صرخ - شفيها شصار ليان تبكي بخوف : مدري كانت داخله المطبخ وماسمعنا الا صراخها رفعها بسرعه بين يدينه : جيبي عبايتها بسرعه جابت عبايتها ولبستها بسرعه وهي تبكي : راكان تكفى طمني عليها راكان بسرعه : طيب ومابي احد يدري طلع بسرعه وليان جلست على الكنب منهاره طلعوا البنات وجلسوا يهدون فيها ويدعون لأمل ليان وهي تمسح دموعها : راكان يقول لااحد يدري قوموا اطلعوا عشان مايحسون مها : انا ابي اعرف هالشغالات الله ياخذهم ليش ماينتبهون أرضيت المطبخ كلها زيت حسبي الله عليهم ترف : قدر الله وماشاء فعل قوموا نطلع لايحسون بشي وبأذن الله مافيها الا الخير وانتي ليان اذا دق راكان وطمنك تكفين طمنينا هزت ليان راسها وطلعوا البنات وقعدوا ويحاولون مايبينون شي وعبير كانت تناظرهم بتفحص وعرفت ان خطتها نجحت لان عيون مها منتفخه وواضح كانت تبكي دق جوالها ابتعدت عنهم وردت طلال : ها عبير سويتي اللي قلت لك لان راكان كان قاعد وجاله اتصال وقام بسرعه كأن لادغه عقرب وللحين مارجع عبير بهمس : ايييه سويت اللي قلت لي بس سكر الحين لاتفضحنا ولا تخليهم يحسوون بشي طلال بخوف : عبير اهم شي هي ماجاها شي عبير : وانا وش دراني ماتفهم انت انا مثلك حالي حالك اصبر يجي زوجها ونعرف كل شي بس اهجد لاتفضحنا سكرت ورجعت للبنات اللي مكتئبين همست لاختها بلعانه : شفيهم منفسين هذول الله لايبلانا شوق ترفع كتوفها : مدري اسكي بس مو ناقصين مشاكل ليان كانت قاعده داخل والجوال بيدها وتروح وتجي فَ الصاله وكل شوي تناظر الساعه تأخر راكان صار له ساعتين ونص من طلع ومادق عليها ولا طمنها وهي تدق عليه مايرد بعد انتظار طويل دق ردت بسرعه : الو راكان طمني راكان تنهد : تطمني مافيها شي الطيحه كانت خفيفه وجات سليمه الحمد لله وهذا هي معاي واحنا جايين بالطريق بس ابيك تنتظرينا عشان تاخذينها لغرفتها ترتاح ليان بفرح : اللهم لك الحمد طيب اقدر اكلمها راكان : مايحتاج خلاص قربنا وهي تعبانه الحين تجي وتشوفينها ليان : طيب يلا انتظركم سكرت منه وطمنت البنات اللي جلسوا ينتظرونهم يوصلون بعد وقت قصير وصل راكان ودق على ليان وطلب منها تسوي له طريق دخلوا البنات للمجلس دخل راكان وهو ماسك امل وساندها اول ماشافتها ليان ركضت تضمها وعيونها مليانه دموع : حبيبتي الحمد لله على السلامه خوفتيني عليك امل بتعب : الله يسلمك ياقلبي ساعدها راكان تطلع الدرج ووصلها لغرفتها شال عبايتها وساعدها تبدل وسدحها على السرير وغطاها زين : ارتاحي حبيبتي وبخلي ليان تسوي لك شوربه وابيك تشربينها كلها سمعتي وش قالت الدكتوره هزت امل راسها وغمضت عيونها بتعب وتحس انها تبي تنام حطت يدها على بطنها وهي تحمد الله : الحمد لله تدري لو صاير له شي كنت بموت راكان يبوس يدها : اسم الله عليك وعليه ومن يوم ورايح مافيه حركه سامعه اقل شي لاسمح الله بيضرك لازم تنتبهين طيب قلبي باس راسها : انا بطلع الحين لان البنات يبون يتطمنون عليك خلي جوالك جنبك واذا احتجتي اي شي كلميني واذا دقيت ردي على طول لاتخوفيني عليك وياويلك لو مآاكلتي امل ابتسمت : خلاص حبيبي مافيني شي الحمد لله وانتبه مابي فيصل او جدي يدرون بشي راكان : ان شاء الله طلع راكان ودخلوا البنات وتطمنوا عليها وتحمدوا لها بالسلامه وجهزت ليان لها الشوربه وخلتها تشربها كلها مثل ماطلب راكان عبير دخلت تتسحب لان البنات اختفوا فجاءه سمعت اصواتهم طالعه من الغرفه ضحك وسوالف عقدت حواجبها بقهر اكيد ماصار لها شي دق جوالها بعدت شوي وردت : الو طلال : تعالي للمقلط الخارجي بسرعه طلعت وتوجهت للمقلط الخارجي وصلت واول مادخلت سحبها طلال من كتفها بقوه ودخلها وسكر الباب : وش صار راكان رجع ووضعه طبيعي ولا كأنه شي صار عبير بقهر: مدري بس شكلها ماطاح اللي فَ بطنها لانها موجوده في غرفتها وسمعتها تسولف وتضحك مع البنات طلال باستغراب: شلون مو انتي تقولين سويتي اللي طلبت منك عبير بتفكير : سويته والله سويته بس هذي قطوه بسبع ارواح ماصار لها شي طلال بهمس وقهر : انتي غبيه ماتعرفين تسوين شي وطلاق من مشاري ماراح تتطلقين خلك خيسي وانتي معلقه كذا عبير بقهر : انت قلت بتساعدني وش اللي غير رايك الحين طلال وهو طالع : قلت بساعدك اذا طيحتي اللي ببطنها وانتي ماسويتي شي الشرهه على اللي يعتمد على وحده غبيه مثلك ضربت رجلها بَ الارض بقهر : الله ياخذك كذبت علي ياحيوان انا جد غبيه يوم صدقتك افففف بس وش هالحظ الخايس طلعت ورجعت جنب شوق اللي قالت لها : شفيك قبل شوي مو عاجبينك لانهم منفسين والحين انتي اللي منفسه عبير: كلي تبن انتي الثانيه مالك دخل فيني انقلعي مع بنات عمك ناظرتها شوق باستغراب وراحت عنها وهي تهز راسها وقت العشاء طلعوا البنات كلهم وخلوا امل ترتاح وقالوا ان امل تعبانه شوي ونامت مر اليوم بسلام ومشوا الناس وبقت العايله بس يعني مشت عايلة ابو راكان ماعدا راكان ومشت عايلة ابو طلال ومشت عايلة ابو ناصر والبنات حسوا انهم ماتهنوا اليوم فَ طلبوا من ابو عبد الكريم يمددون قعدتهم فَ المزرعه ووافق نام ابو عبد الكريم والرجال والحريم وبقى بس الشباب والبنات قعدوا برا والبنات متغطيات بس ندى واسيل وامهم دخلوا ينامون ريان وسديم بحضنه : الحين انا ابي افهم الشيبان ناموا والحريم وكل الناس الا انتي متى بتنامين سديم : مابي مابي بقعد معاكم وعد : خلها شعليك منها خلها تسهر معانا وتوسع صدرها ريان : مابي اعودها على السهر وراها روضه وفَ الليل تجنن نتالي مسكينه ماترضى تنام وعد كشرت : ماعليك منها نتالي هالطويله الهبيله بس تتشكى ضحكوا كلهم عليها وكملوا سهرتهم راكان كان يتقلب ماقدر ينام عدل قعدته : فيصل فيصل اللي كان يلعب بلايستيشن : سم راكان : سم الله عدوك سو لي طريق ولا عليك امر بروح اشوف امل ومابي ادق عليها اخاف نايمه فيصل يغمز : وانا اشوفك تتقلب ومو قادر تنام اثرك تبي تنام فَ حضن المدام راكان ابتسم وحك خده باحراج : في هذي صدقت صراحه تعودت على هالوضع فيصل : ههههههههههههههههههههههههه هههههه قم يلا قام وسوا له فيصل طريق طلع راكان لغرفة امل فتحها شافها نايمه ومافي الا ضوء الابجوره اللي جنب السرير دخل وسكر الباب فسخ بلوزته ورماها انسدح جنبها ودخل يده تحت راسها بحيث يصير راسها على صدره تحركت بانزعاج ابتسم وباس راسها وضمها ونام مها تناظر الساعه : يلا بنات خلونا نصلي وننام عشان نقعد بكرا بدري قاموا البنات وقرروا ينامون كلهم مع بعض بالجناح الكبير مها : انا بروح جنب امل مابي اخليها لحالها يمكن تحتاج شي يلا تصبحون على خير توجهت مها لغرفة امل وفتحتها بهدوء دخلت وسكرت الباب قربت وانتبهت لراكان نايم جنب امل وضامها وصدره عاري شهقت وطلعت بسرعه ووجها احمرررر من الاحررراج ركضت ودخلت عند البنات اللي ناظروها باستغراب فجر : بسم الله وش فيه وجهك كذا مها قعدت على السرير وتنهدت وقالت باحراج : تخيلوا دخلت عند امل وطلع زوجها نايم عندها جود: ههههههههههههههههههههههههه هههههه ليكون شفتيهم بوضع مخل مها باستهبال : شبه مخل ههههههههههههههههههههههههه هههههه وعد: ههههههههههههههههههههههههه ههههههههههه ههههههههه وانتي ماتطيحين الا بهالمواقف مها : شفتي حظي شلون مشاعل تكش على وجهها : كل وحده نايمه بحضن زوجها الا احنا مالت علينا -رفعت يدها - اوعدنا يارب رمت عليها مها المخده : استحي على وجهك لاحقه على الزواج كملوا هواش ولعب وسوالف لين طلعت الشمس وناموا كلهم من التعب # انتهى سبحآن الله وبحمده سبحآن الله العظيم | |||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
