آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-05-16, 10:02 AM
| #11 | ||||||||
| مراقبة عامة ومشرفة منتدى الروايات المنقولة  
|  الحلقة التاسعه ............................ رغم ان كلام يارا القاسي جعل مريم تشعر بالضلم و الالم الا ان رد ادهم عليها ودفاعه عنها كان صدمة كبيره لمريم،، منذ ان بدأت العمل و هو يعاملها ببرود و بعض الغرور و لم تكن تتوقع ان هناك وجه اخر لأدهم اللذي يعاملها بسوء،، نعم لديه تلك الانسانيه و الرحمة في قلبه اللتي جعلته يدافع عن مريم بقوة رغم عدم علمه بوجودها وكعادتها قصت ماحدث لأختها اماني اماني،، دي واحدة قليلة الادب ،، اوعي تاخدي على كلامهه يا ميرو مش دي اللي تخليكي تعيطي مريم،، ببكاء،، هو انا ذنبي ايه دي خلقة ربنا يعني اعمل ايه فنفسي بس اماني بحزن،، ربنا اداكي جمال و انت سترتي نفسك من عيون الناس يبقى مين اللي المفروض تبقى زعلانة انت و له هي مريم،، انت اصلك مشفتيش طريقتها معايا مع اني والله حاولت ابقى ذوق معاها بس احرجتني اوي .... ثم ازداد بكائها اماني،، عشان خاطري بطلي عياط انا مش قادره اشوفك كده ، طب والله لو مبطلتي عياط انا حروحلها بكره و اجيبها من شعرها بقى ايه رأيك مريم،، ضحكت من بين دموعها،، انا عارفاكي تعمليهه اماني،، ده انا اللي يزعل ميرو حبيبتي انسفو مريم،، هههههه هو ادهم نسفهه فعلا اماني،، بصراحة انا تفاجئت باللي عمله الواد طلع جدع و احنا اللي كنة ضالمينو باين مريم،، انا كمان استغربت اوي كنت فاكره ان هو بيكرهني اماني ،، لا طبعا يكرهك ازاي و انت خليتي بتنو مبسوطه طول الوقت بعد مكانت بتعيط و مكتئبة مريم ،، انا كمان مش عارفة حعمل ايه فموضوع رندا اماني،، مش عارفة انا خايفة تدخلي فالموضوع و بعدين يزعلو انك عرفتي دي برضو بنتهم مريم،، يا اماني البنت صغيره و مراهقة و اكيد اتضحك عليهه اماني،، اكيد طبعا الواد عمل انه بيحبها و الكلام ده و هي صدقته مريم،، انا حتكلم معاها الاول و بعد كده افكر فحل اماني،، دي مصيبة سوده و مش حتقدر تداري الموضوع كتير مريم ،، ايوا طبعا بس ربنا يقدرني و اقدر اساعدهه ............…………………..…… في صباح اليوم التالي و قبل ان توقظ نادين التقت بأدهم على السلم ،،،، كان يبدو جذاباً جدا يرتدي بنطال رياضي اسود و تيشرت رصاصي اللون و شعره مبعثر على جبينه برقة،،، سرحت مريم فيه شعرت ان قلبها يدق سريعا حين تقترب منه او تتكلم معه شعور غريب ،،، عندما تراه تشعر بفقدان تركيزها حتى انها تنسى بعض الكلمات من توترها الشديد و حين تنظر في عيناه الرمادية تزدات دقات قلبها و تضيع منها الكلمات ،،، قربه منها يجعلها في عالم اخر و كأن العالم توقف ليحتضنهم بسعاده بمفردهم بدون وجود اي عوائق كما هي موجوده في الواقع اللذي تعيشه مريم ادهم،،، مررررريم رحتي فين مريم،، بأحراج،، لالا انا معاك ادهم،، سيبي نادين نايمة شوية امبارح صحيت فنص الليل مريم،، ليه ايه اللي حصل ادهم ،، معرفش جات من اوضتهه و نامت في اوضتي مريم،،اكيد خافت لوحدهه ادهم بنعاس،، طب تعالي نشرب قهوة لحد ما تصحى مريم،، ماشي جلسو في احدى زوايه الصالة و هم يشربون القهوة كان ادهم مشغول على اللاب توب و يتصفح احدى الملفات الخاصة بالعمل ،،، اما مريم فكانت مستمتعه بالنظر اليه و هو يعمل ادهم،،، هو انت خريجة ايه يا مريم مريم،، كليه تجاره انت سالتني اول اليوم السؤال ده ادهم بأنشغال ،، نسيت،، المهم تعرفي تعلمي نادين الكتابة مريم،، اكيد طبعا انا ابتديت معاها من اسبوعين بالارقام و دلوقتي بتعرف تعد م واحد لعشرة و بالعربي ترك ادهم الورق من يده و نظر الى مريم بأعجاب ادهم بفرحة،، انت بتتكلمي بجد مريم،بحماس،، ايوا طبعا ادهم ،، برافو عليكي هذه كانت اول عبارة تقدير يقولها ادهم لمريم بعد كل جهودها و كانت في غاية الفرح لانه اخيرا اعجب بشئ فعلته !!!! جاء حسام و هو يقطع جلستهم بدون قصد حسام ،، صباح الخير ادهم،، صباح النور ايه النوم ده كلو حسام،، بعوض ايام الدراسه ادهم،، علية انا برضو حسام،، يا اخي انت مبيتبلش في بقك فولة ادهم ،، كده عايزني اسيح يعني حسام،، خلاص يا عم فيه ايه ده حتى مريم قاعدة مريم بأحراج،، ههه عن اذنكو حسام،، لا استني بس مش قصدي كده ، انت فطرتي و له تفطري معايا مريم،، انا فطرت من خمس ساعات حسام،، فيه ايه يا جماعة ليه الاحراج ده خلاص انا حصحي رندا تفطر معايا بسمة،، لا بلاش قصدي يعني انها اكيد تعبانة و عايزه تنام حسام ،، خلاص عشان خاطرك انت بس و رغم ان جلستهم كانت ممتعة و مسليه الا ان الهاتف رن ليقطع حديثهم ،، كان هاتف المنزل يرن ادهم،، قوم رد يا بني قاعد كده ليه حسام،، و انا مالي سيبو دلوقتي يسكت لوحدو ادهم ،، رد على التلفون احتمال يكون ياسر ، حسام،، يوووه مااشي رد حسام على الهاتف بملل و لكن فجأه تحولت ملامحه الى شعلة من التوتر و كأنه لا يعرف ماذا يرد او كيف يتصرف ادهم،، مين اللي بيتصل حسام،،،،،،،،،،،،،،،،،،، ادهم،، رد مالك بتكلم مين حسام بتوتر،، التلفون عشانك تناول ادهم السماعه بسرعة من يد حسام ووضعها على اذنه،، في هذه الاثناء كانت مريم تراقبهم بهدوء و لا تدري سبب توتر حسام اللذي جلس على الكرسي القريب من الهاتف و نظره معلق بادهم ،، ثم انتبهت ان ادهم تجمد مكانه لا ينطق بحرف واحد و الحزن الشديد يملأ وجهه ثم قال ادهم بحزن ،، ياااه هو انا لعبة فايدك للدرجه دي ،، انت تعملي فيه كل ده و عايزاني انسى ،، انت اكتر حد اذاني في حياتي و مش مسامحك لا انت و لا هو اغلق الخط بسرعه و حمل اوراقه و اللاب توب و خرج من المنزل بدون ان يقول اي شئ و اثناء خروجه لمحت مريم دمعه في عينيه ابت ان تنزل كي لا تفضح المه و جرحه،،،،، كانت مريم مستغربه من ما يحصل كلام ادهم ثم خروجه بهذا الشكل و حسام اللذي وضع راسه بين كفيه بحزن مريم،، هو فيه حاجه حسام بعصبيه ،، كل ما يبتدي ينسى بتخلي يرجع لنقطة البدايه انا مش عارف حيستحمل لأمته كل ده مريم بعدم فهم،، هي مين دي حسام،بصوت مخنوق،، دي اكتر واحده كسرت ادهم ،،،،،،،،،،،،،،،،،،،،،،،،، مريم لم تعلق و شعرت ان حسام لا يريد الكلام عن الموضوع ولكنها فجأه شعرت بحزن يغمر قلبها على حال ادهم ،،، لأول مره تشعر انه حزين و مجروح ،، تساؤلات كثيره دارت في رأسها عن سر تلك المكالمه و لماذا كان ادهم بهذا الحزن لم تعد قادره على التركيز فقررت ان تتكلم مع رندا قبل ان توقظ نادين رندا،، انا تعبانة لو سمحتي سيبيني لوحدي مريم،، لا احنا لازم نتكلم رندا،، انت حتمشيني على مزاجك بقولك اخرجي و سيبيني لوحدي مريم،، مهما هربتي من الموضوع برضو حيتكشف رندا بتوتر،، انت بتقولي ايه مريم بعصبيه،، مين سيف ده ؟؟ رندا بتوتر و رعب ،، س س سيف مين معرفش مريم،، متخافيش مني انا حساعدك ،، انا سمعت مكالمتك المره الفاتت و عارفة انك ،،،، حامل صعقت رندا من ما قالته مريم و انفجرت بالبكاء و هي تتوسل اليها رندا،، ببكاء،، ارجوكي متقوليش لاهلي و الله لو عرفو حيموتوني ساعدتها مريم على الوقوف و اعتطها الماء مريم،، اهدي انا مش حقول لحد والله الموضوع بيني و بينك بس انت لازم تبقي صريحة معايا رندا ازدادت فالبكاء،، انا مكنش قصدي كنت فاكره انه بيحبني مريم ،، احكيلي كل حاجه من الاول رندا،، سيف معايا في المدرسه و كان بيجري ورايا و بيقولي انه بيحبني و حييجي يخطبني قريب و انا كمان حبيته و افتكرت انه فعلا حييجي يخطبني ،، انا حبيتو اوي يا مريم و كنت بستناه كل يوم لحد ما فيوم قلي انه عايز اننا نتجوز عرفي عشان اهله حيجوزو واحده تانيه بعد ما نتخرج مريم ،، لا الله الا الله ازاي تسمعي كلام زي ده و اتصدقي فيه واحده محترمه تتجوز من وره اهلهه رندا ،، والله انا مكنتش عاوزه اعمل كده بس خفت لما قلي انه لو موافقتش على الجواز حيسبني و يعتبر اني مش بحبو بس بعد ما اتجوزنا اتغير و بقه يسبني و ميكلمنيش و كمان يعرف بنات تانيين و لما عرفت اني حامل قلي انه ملوش دعوه و اللي فبطني ده مش ابنه مريم،، معقوله فيه حد واطي للدرجه دي ،، انت ورقة الجواز معاكي رندا ،، ايوا معايا بس هو قال انه حينكرهه و حيقول ان دي مش امضتو مريم ،، الحكايه مش بمزاجو في طفل دلوقتي و كمان سمعتك اللي حتبقى في الارض لو حد عرف رندا ببكاء،، انا مش عارفة حعمل ايه مريم،، انا اللي حعمل متقلقيش ان شاء الله حقدر اقنعه يخطبك رندا احتضنت مريم،، متشكره اوي انا مش عارفه من غيرك كنت حعمل ايه مريم،، انت زي اختي الصغيرة متخافيش و اهدي كده و عايزاكي تتصرفي طبيعي رندا ،، حاضر ،،،،،،،،،،،،،،،،،،،،،،،،، ،،،،،،،،،،،،،،،، اكملت مريم نهارها كالعاده مع نادين و بعد الضهر قررت ان تعمل شئ مختلف معها مريم،، احنا حنزرع شجرة ورد في الجنينة النهارده نادين،بفرررحة،، بجد يا مريم يعني حتكبر و تبقى طويله مريم،، ايوا احنا حنسقيهه كل يوم لحد ما تبقى كبيره كده زي ندوشه حبيبتي نادين ،، بحبك اوووي يا مريم بدأو مريم و نادين بزراعة تلك الشجره بحماس و فرح و تلوثت ثيابهم بالطين و هم يزرعون ،، كان منظرهم مضحك و لكنهم استمتعو كثيرا و فجأه عاد ادهم من عمله و رأى نادين و الطين يلوث ثيابها و هي تزرع كان وجهه يملأه الغضب و الحزن و الحيره من مكالمة الصباح مريم بحماس ،، ازيك يا باشمهندس ادهم،، ايه اللي انت عملاه ده ازاي تسيبيهه و هدومهه كده ،، شغل الحواري بتاعك ده متعملهوش في البيت ده انت فاهمه !!!!!!!!! ،،،،،،،،،،،،،،،،،،،،،،،،، ،،،،،،،،، ياريت يكون عجبكو تفتكرو ايه اللي رجع ادهم لطبيعتو بعد ما كان بدأ يعامل مريم كويس ؟؟؟؟؟ | ||||||||
|  |
|
06-05-16, 10:04 AM
| #12 | ||||||||
| مراقبة عامة ومشرفة منتدى الروايات المنقولة
| الحلقة العاشره ،،،،،،،،،،،،،،،،،،،،،، ادهم ،، ايه اللي انت عاملاه ده و ازاي تسيبيهه و هدومهه كده،، شغل الحواري بتاعك ده ميتعملش هنا انت فاهمة !!!!!! لم تستوعب مريم ما قاله كانت مندهشة من قلة تهذيبه و العصبية المفرطه اللتي تكسو وجهه ، ثم رد عليه حسام اللذي كان في الحديقة معهم حسام،، فيه ايه اهدى يا ادهم دول بيزرعو من الصبح يعني عادي جدا تتوسخ هدومهم الحكايه متستاهلش ادهم،، بغضب،، ايه رايك تطلعني مجنون و مش عارف مصلحة بنتي كمان حسام بتوتر ،، انا مش مش قصدي ،،،،، قاطعه ادهم و سحب نادين بعيدا عنهم و اختفى من المكان في ثواني حسام ،، انا اسف يا مريم حقك عليه مريم لم تحتمل و نزلت دمعة من عيناها ،، انا كنت عايزة نادين تتسلى و تتعلم مكنش قصدي حسام،، انا عارف بس انت لازم تعذري ادهم والله اللي بيمر بيه محدش يقدر يستحملو مريم،، ببكاء،، و انا معنديش كرامة يعني ،، من ساعة ما اشتغلت هنا و هو بيهزأني على اي حاجه ،، انا خلاص مش حقدر اكمل كده حسام،، لا يا مريم ارجوكي متسيبيش نادين دلوقتي هي محتجالك مريم،، انا اسفة مش حقدر اعصابي مبقتش مستحملة الغرور بتاعو حسام ،، طب انت عارفة ان ادهم ابعد ما يكون عن الغرور مريم،، انا عارفة انه اخوك و لازم تدافع عنه بس انا خلاص جبت اخري بجد و مش حسمح انه يهني مرة تانية حسام ،، انا حخلي يعتذرلك مريم،، لاء،،،، لازم يتعلم ازاي يعامل الناس بذوق الاول و بعد كده يبقى يعتذر و انا مش حقبل اعتذارو حسام بحزن،، بس يا مريم صدقيني اللي بيعملو ده مش بسببك انتي ،،، مريم،، خلاص مش فارقة معايا بيعمل كده ليه انا لازم امشي عن اذنك ،،،،،،،،،،،،،،،،،،،،،،،،، ،،،،،،،،،،،،،،،،،،،،، في ذالك اليوم كان ادهم ثائر جدا و عصبي على الجميع و لم يجرؤ احد ان يسأله عن السبب حتى حسام فضل السكوت لانه يعلم سبب حزنه و عصبيته و لكن والده قرر ان يحدثه تلك الليلة مصطفى،، بتعمل في نفسك كده ليه يا ادهم ، عايز توصل لايه من كل ده ادهم ،، بصوت مبحوح،، مش عارف و مش قادر مصطفى،، على فكره حسام حكالي على اللي حصل في لندن يابني انت بتتعذب بسببها و انا كنت حاسس بكده ادهم،، انا تعبت اوي يا بابا مش قادر استحمل اكتر من كده خلاص حاسس اني بتخنق مش قادر انسى اللي عملو فيه مصطفى،، انا عارف ان اللي حصل ده صعععب اووي و مش حتنساه بسهولة بس اللي انت بتعملو ده حيدمرك مرة تانية ادهم،، و الدموع في عينيه ،، عارف يا بابا لما زياد ضربني بالسكينة وقفت تتفرج علية و انا دمي بيتصفى قدامهه ،، للدرجه دي كانت بتكرهني و زياد اللي متربي معايا ازاي قدر يخونني و يسرقني ،، انا مش قادر اصدق حاسس اني فكابوس مصطفى،، انت فعلا في كابوس و لازم تطلع نفسك منو شيرين و زياد اذوك و انت من غير متحس بتأذي غيرك ادهم بأستغراب ،، بأذي غيري ؟؟ مصطفى،، تقدر تقولي استفدت ايه لما جرحت مريم و هي الوحيده اللي وقفت جنب بنتك ادهم بأنفعال،، انا مكانش قصدي، انا كنت مش عارف مش عارف !!!! مصطفى،، انت طول عمرك هادي و طيب و عمرك مكنت كده ارجوك متخليش زعلك يخبي شخصيتك ،، انا عارف اد ايه انت مجروح بس لازم تكمل حياتك على الاقل عشان بنتك اللي مبطلتش عياط من الصبح ادهم بخوف ،، هي بتعيط ليه ؟؟؟ مصطفى ،، عشان مريم ادهم ،، خلاص انا حعتذرلهه بكرا مصطفى،، مريم سابت الشغل خلاص ادهم بصدمة،، ليه انا مكنش قصدي ازعلهه مصطفى ،، راجع نفسك يابني و متغلطش في حق حد حتى لو كانو الناس غلطو فحقك شعر ادهم بغصه في قلبه عندما علم انها تركت العمل ،، مجرد فكرة عدم رؤيتها كل يوم جعلته يمشي في الغرفة كالمجنون و يشعر بالذنب الفضيع تجاهها ، لأول مرة يشعر انه يفتقدها ، تذكر كيف كانت تشرب القهوة معه في الصباح تذكر خجلها ، حنانها، و طيبة قلبها شعر بالاشمئزاز من نفسه عندما تذكر ما قاله لها ........... و قرر ان يعتذر لكنه اتصل على هاتفها عدة مرات و لم ترد فقلق عليها جدا و حاول الاتصال بها من هاتف اخر و لم ترد ايضا فقرر انه سيذهب الى منزلها ،، نعم كان يشعر بالذنب جدا و بالقلق اللذي لا يعلم سببه حتى ،،، اخذ عنوانها من السيفي و انطلق بسيارته بسرعه حتى وصل الى منزلها طرق الباب عدة مرات و لكن لم يفتح له احد ثم ناداه رجل عجوز و هو يقول ،،، مش موجودين حضرتك ادهم،، طب تعرف حيرجعو امته العجوز ،، لا يا بني معرفش اصل الست ام مريم تعبت اوي و خدوها على المستشفى من ساعة تقريبا ادهم،، ايه ،، طب هي فين المستشفى دي كتب العجوز لادهم العنوان و شكره ثم ذهب مسرعاً الى المشفى،، تأكد ادهم هذه المره ان ما يشعر به تجاه مريم ليش شعور بالذنب فقط بل قلق شديد و كأنها جزء من عائلته ،،،،،،،،،،،،،،،،،،،،،،،،، ،،،،،،،، في المستشفى بحث كثيرا عنهم حتى وجد مريم و اماني في احدى الممرات يجلسون على كراسي صغيره و علامات الحزن تغطي وجوههم و دموعهم كالسيل ادهم ،، اقترب منهم بتوتر و احراج ،، مريم بأندهاش ،، انت بتعمل ايه هنا ،، نادين فيهه حاجه ادهم ،، لا انا جاي عشانك ،، قصدي يعني عشان مامتك الف سلامة عليها مريم، بأستغراب و حزن،، شكرا ادهم ،، هو الدكتور طمنكو اماني ،ببكاء، هو حد راضي يتكلم معانا من ساعة ما وصلنا و هم معاها في الاوضه مريم،، دي اختي اماني ادهم ، اهلا وسهلا انا ادهم ابتعدت مريم عنهم قليلا و وضعت يديها على وجهها ثم دخلت في نوبة بكاء على والدتها، بكاء مرير و حزين كذالك اماني اللتي كانت تجلس بقلق و صوت مريم فجر دموعها هي الاخرى ادهم ،، يا جماعة اهدو مش كده ان شاء الله حتبقى كويسه خرج الطبيب في هذه الاثناء و اسرعو اليه ليطمئنو الطبيب،، لازم ندخلها العمليات الحاله متأخرة اوي مريم بصدمة،، ليه ماما عندهه ايه ؟؟؟ الطبيب،، عندها تصلب شرايين و لازم نعملهه العمليه فأسرع وقت لم تستطيع مريم الوقوف اكثر و فقدت توازنها لكن ادهم التقطها بسرعه و احضرت اماني الماء فارتشفت منه القليل ثم احتضنت اماني بحزن و هم يبكون بمرارة الطبيب تكلم مع ادهم لانه كان يضن انه من العائله الطبيب، العمليه حتكلف كتير اوي انا قلت اقلكو عشان تعملو حسابكو ادهم ،، الفلوش مش مشكله انا حدفع المبلغ كلو بس اعملولهه العمليه الطبيب ،، ان شاء الله تخف و تبقى كويسة دخلت والدة مريم العمليات وسط بكائهم و حزنهم عليها كان الموقف مؤثر جدا و اخبرهم الطبيب ان العمليه ستكون طويله بعد بكاء و تعب طويل استسلمت اماني للنوم على احدى الكراسي اما مريم لم تستطيع ان تنام للحضة واحده ادهم،، حاولي تنامي شويه يا مريم مريم،، انام ازاي و انا عارفه ان امي ممكن تروح مني فأي لحضة ادهم ،، متقوليش كده الدكتور طمني و قال ان العمليات دي بتتعمل كل يوم و نسبه نجاحها كبيره مريم،، انت مش عارف ماما دي ايه بالنسبالي ،، بابا مات و انا صغيرة و هي كانت بالنسبالنة الام و الاب ،، بقت خياطة عشان تقدر تصرف علينة انا و اماني و عمرهه ما اشتكت حتى لما كنت عايزه اشتغل قالتلي متتعبيش نفسك انا موجوده ادهم ،، انا اسف بجد على اللي قلته انهاردة مريم،،انت لازم تعرف اني جيت اشتغلت عندك و استحملت كل كلامك عشان امي ،، كان نفسي اساعدها و اريحها ادهم،، انا مكنش قصدي ازعلك و مش عارف قلت كده ازاي في هذه اللحضه فجرت فيه مريم كل غضبها و حزنها على والدتها و لم تتذكر له سوى عصبيته معها مريم،، والله مكنتش تقصد و كرامتي فين و احساسي حرام عليك ،، استغليت حاجتي للشغل و عاملتني و كأني خدامة عندك و دلوقتي جاي تعتذر مش عشاني عشان ارجع لبنتك و انت تريح نفسك مش كده ادهم بتوتر،، انا عمري مفكرت استغل حاجتك للشغل ،، يا مريم و انت عارفة اني عصبي بس مقصدتش اي حاجه وحشه صدقيني مريم بأنفعال،، انت مش عصبي انت قليل الذوق و انا مش عارفه الناس بتستحملك ازاي و اصلا مراتك استحملتك المده دي كلهه ازاي عندهه حق تسيبك عشان انت واحد اناني و مبتفكرش غير فنفسك لم تكن مريم واعية لما تقوله ،، كانت تحاول ان تفرغ عصبيتها و خوفها على والدتها على ادهم و لم تعلم انت كلماتها عصفت بكيانه و جرحته بكل ما اوتيت من قوة لم يرد عليها ادهم ،، ليس لانه مجروح من كلامها فقط بل انه شعر انها تخفي خوفها وراء عصبيتها و لم يعلق على ما قالته ،، و لم يكن ايضا قادر على سماع اي كلمة اخرى فأبتعد عن كرسيها بخطوات قليلة و جلس على كرسي في زاويه اخرى ،،، كلماتها كانت قاسية جدا عليه و لم تستطيع مريم ان تعتذر و لكنها شعرت بحزنه عندما اسند رأسه الى الحائط و كأنه في عالم اخر نظرت اليه بعصبية و القليل من الشعور بالذنب و لكنه لم يكن محور اهتمامها لان قلقها على والدتها جعلها تنسى ما قالته لادهم لم تتوقف دموعها حتى استسلمت للنوم رغماً عنها و عندما انتبه ادهم غطاها بجاكيت كان يرتديه لان الجو كان بارد جدا !!! لم ينم ادهم لدقيقه واحده لانه كان يفكر في كلام مريم ، شك في نفسه و حاول ان يعطي الاعذار لشيرين و لكنه لم يستطيع فهو لم يكن هكذا معها بل كان زوج و اب مثالي ،، قاطع شروده خروج الطبيب ادهم،، طمني يا دكتور الطبيب،، الحمد الله العمليه نجحت بس محتاجة تفضل في العنايه المركزه كم يوم ادهم،، متشكر اوي يا دكتور ،،،،،،،،،،،،،،،،،،،،،،،،، ،،،،،،،،،، اراد ان يخبرهم ولكنهم كانو يغطون في نوم عميق فقرر ان ينتضرهم ليصحو ثم يخبرهم و بعد ساعات فتحت عينيها مريم ببطئ فوجدته امامها مريم،، ماما اخبارها ايه هي حتخرج امته ادهم،، اطمني خرجت من كم ساعة و العمليه نجحت مريم،، بجد يعني ماما كويسه و انت ازاي مصحتنيش اماني بنعاس ،، فيه ايه يا مريم مريم ،، ماما خرجت من العمليه و بقت كويسه اماني احتضنت اختها بفرحة ،، الحمد الله مريم،، تعالي نشوفها بسرعه ادهم ،، الدكتور قال انها لازم تفضل في العنايه المركزه كام يوم مريم و اماني بقلق،، يعني ايه ادهم ،،ده اجراء روتيني متخافوش مريم،، بعصبية،، انت ازاي مصحتنيش لما كلمك الدكتور و لا دي كمان فيهه قلة ذوق نظر اليها ادهم بعصبية و ضيق،، محبيتش اصحيكي كنتي تعبانة مريم،، انت مالك تعبانه و لا مش تعبانة ،، اااه صحيح انا نسيت ان ده شغل حواري و حضرتك اهم من كده بكتير اماني ،، ايه اللي انت بتقولي ده اهدي يا مريم مريم،، مش عايزه اهدى و اتفضل حضرتك من هنا انا سبت الشغل عندك عايز مني ايه تاني ادهم،، احتقر نفسه و هي تعامله على انه انسان بارد و خالي من المشاعر ،، نظر اليها بنظرة غير مفهومة جعلتها تتوتر و لم تفهم قصده ادهم ،، عن اذنكو انا نازل الكفتيريا اجيب قهوة مريم،، ارجوك روح من هنا احنا مش محتاجين حاجه منك ادهم،، بحزن واضح ،،، حاضر انا حروح بس لما اتطمن على مامتك الاول و ذهب من امامها ليحضر القهوة و هو في غاية الحزن ،،،،،،،،،،،،،،،،،،،،،،،،، ،،،،،،،،،،، ايه رأيكو فتصرف مريم صح و له غلط و تفتكرو ادهم ليه مردش عليهه كالعاده ؟؟؟؟؟؟ و ايه رأيكو فالبارت ؟؟؟ | ||||||||
|
| |
|
06-05-16, 10:05 AM
| #13 | ||||||||
| مراقبة عامة ومشرفة منتدى الروايات المنقولة
| الحلقة 11 .......…………………… مر يومان على العمليه و حالة والدة مريم في تحسن مستمر و نقلوها في غرفة عادية ،،، في هذه الفترة كان ادهم يتردد عليهم بأستمرار رغم معاملة مريم القاسية رن هاتف ادهم حسام،،، ها طمني والدتها عاملة ايه ادهم ،، بقت احسن ،، و انا احتمال اتاخر في المستشفى معاهم حسام،، بدهشه،، و من امته الحنيه دي ادهم بعصبيه،، انتو ايه شايفين اني مبحسش و ماعنديش مشاعر للدرجه دي حسام ،، خلاص خلاص حقك عليه يا سيدي بس انا مستغرب يعني تزعلها و تخليها تسيب الشغل و بعدين تروح لمامتها المستشفى مش غريبة دي ادهم،،لا مش غريبة بنات لوحدهم و مفيش معاهم راجل و حبيت اساعدهم حسام،، المهم ابعتلي عنوان المستشفى في رسالة عشان ازورها ادهم ،، يعني انت جاي حسام ،، اكيد ده واجب و البنت كويسه اوي معانا ادهم،، بما انك جاي انا حروح اصلها مش طيقاني حسام ،، ههههههه بصراحة عندها حق انت اللي عملته مش شويه ادهم،، لا متقلقش خدت حقها و زيادة حسام ،، انت الضاهر اتنفخت ادهم،، مش مهم دلوقتي المهم تعالى بسرعة حسام ،، ماشي ،،،،،،،،،،،،،،،،،،،،،،،،، ،،،،،،،، طرق الباب ادهم و دخل الى غرفة والدة مريم اماني ،، اتفضل يا باش مهندس ادهم،، حمد الله على السلامة يا طنط الام،بضعف ،، الله يسلمك يا بني اماني،، ده الاستاذ ادهم اللي مريم بتشتغل معاه ردت مريم بسرعه و غيظ ،، اللي كنت بشتغل معاه اماني ،، تخيلي يا ماما مسبناش خالص و بيتطمن علينه كل يوم الام ،، ربنا يخليك يا بني متشكره اوي ادهم،، على ايه انا معملتش حاجه المهم حضرتك تكوني بخير الام ،، الحمد الله ،،،،،،،،،،،،،،،،،،،،،،،،، ،،،،،،،،،،،،،،،،،، خرجو خارج الغرفة ليتركوها ترتاح ادهم وجه حديثه لاماني،، اخويه كان عايز يزور طنط لو مفيهاش ازعاج اماني ،، يا خبر طبعا يتفضل في اي وقت مريم بعصبية،، عارفة يا اماني الاستاذ حسام ده انسان طيب و ذوق جدا مش زي غيرو خالص اماني بأحراج و صوت خافت،، مريم انت مالك بلاش تلقيح الكلام ده ادهم ،، فعلا يا انسه اماني اخويه ما بيرميش الكلام زي الدبش من غير ما يفهم مريم،، و كمان يا اماني مبيقللش ذوق مع حد خالص و لا شايف نفسه ادهم،، و لما حد بيعتذرلو مبيتعصبش و يقلل من احترام اللي قدامو كانت مشاجره خفية مضحكه بين الاثنين و اماني جالسه في الوسط تضحك بصوت خافت لكن مريم لم تكتفي بهذا القدر بل بدأت تحدثه بشكل مباشر مريم بعصبية،، انا قللت من احترامك ؟؟؟ ادهم بحده،، امال تسمي اللي عملتي ده ايه مريم ،، انا قولتلك الحقيقة اللي انت مش عايز تسمعهه ادهم،، قصدك الفكره اللي انت بس شايفاها مريم،، بالعكس بقه انت قليل الذوق مع كل الناس و الكلام اللي انا قلته كنت قصداه ادهم بعصبية مفرطة ،، قاصداه يعني ايه ،، كلامك عن مراتي هو ده اللي قصدتي ،، انت عارفه احنا سبنا بعض ازاي ، عارفة كنت بعاملها ازاي، طب عارفة حصلي ايه لما سبتهه ،، لا طبعا مش عارفة غير اللي انت فاكره انه صح ..... مريم بأرتباك من كلامه ،، مش عايزه اعرف كفايه انك هنتني عشان كنت بعلم بنتك حاجه مفيده ادهم ،، انا اعتذرتلك ميت مره و لو مش عايزة تقبلي اعتذاري براحتك بس بلاش تجريح لو سمحتي مريم،، انت اللي بتجرحني بكلامك كل مره و انا بعديهه بس خلاص حضرتك تقدر تروح و مش حتشوفني تاني ادهم بعصبيه ،، براحتك يا مريم براااااحتك !!!!!! واستدار ليذهب فأصطدم بحسام و رندا و عرف انهم سمعو محادثتهم حسام ،، استنى يا ادهم لكن ادهم لم يستمع لندائه و تركهم و ذهب ،،،،،،،،،،،،،،،،،،،،،،،،، ،،،،،،،،،،،،،،،،، مريم،، انا اسفة يا استاذ حسام اتفضلو ذهبت رندا بسرعه و احتضنت مريم مما اثار استغراب حسام كان حسام يحمل باقة من الورد قدمها لمريم و هو يتمنى الشفاء لوالدتها و اثناء حديثهم خرجت اماني من غرفة والدتها مريم،، اعرفكو اماني اختي الصغيرة حسام،، اهلا وسهلا يا انسه اماني اماني بخجل ،، اتفضلو رندا،، حمد الله على سلامة مامتك يا مريومة مريم،، مرسي ربنا يخليكي ليه يا قمر اما حسام كان في عالم اخر لم يستطيع ان يزيح نظره عن اماني حتى انها كانت في غاية الخجل حسام بهيام،، انت لسه بتدرسي مش كده اماني بخجل ،، انا بدرس فكلية الحقوق حسام، بدهشه،،، انت بتتكلمي بجد و انا كمان بس انا عمري مشفتك هناك انت سنة اولى اماني ،، لا سنة تانيه حسام ،، انا بقه حتخرج السنة دي ،، يا خساره كان نفسي اقعد فيهه اكتر اماني،، ليه ده انا نفسي اتخرج النهاردة قبل بكره حسام،، اصلي لسه ملاحظ ان فيه ناس كان لازم اعرفهم من زمان بس ملحقتش اماني،،،،،،،،،،،،،،،،،،، اصبح وجه اماني احمممر من الاحراج و الخجل و حتى ان حسام انتبه حسام بأبتسامة و بصوت خافت انا مكنتش اعرف ان لسه فيه بنات بتتكسف اوي كده لم تعلق اماني بل ازداد خجلها و قررت ان تتحرك بسرعه من امامه و جلست بجانب مريم و هو يضحك على خجلها و توترها تحدثو لفتره طويله و كانت جلستهم ممتعه جدا ثم استأذنو ليخرجو و قبل خروجهم مريم،، استني يا رندا رندا،، عايزة حاجه يا مريم مريم،، انا عايزاكي تعرفي اني منسيتش موضوعك بس اتلخملت زي مانتي شايفة بس ان شاء لله انا اوعدك اني ححاول اقنعه رندا،، احتضنت مريم،، انا مش عارفة ازاي كنت بعاملك وحش انا دلوقتي بحبك زي اختي والله مريم ،، و انا بعتبرك كمان زي اماني و ربنا يساعدني و اخلصك من الورطه دي رندا ،، ان شاء الله ،،،،،،،،،،،،،،،،،،،،،،،،، ،،،،،،،،،،،،،،، اقترب حسام منهم و طلب ان يتحدث مع مريم حسام،، انا سمعت كلامكو انتي و ادهم مريم بأحراج،، هو اللي بيستفزني حسام،، انا عارف انه عصبي و بيستفزك بس ممكن اطلب منك طلب مريم،، اكيد اتفضل حسام،، بلاش تجيبي سيرة شيرين مهما كنتي زعلانه منه ارجوكي مريم بأستغراب،، شيرين مين حسام،، مراته او يعني طليقته ام نادين مريم،، هي مش دي اللي اتكلمت في التلفون حسام،، بصي يا مريم انا عارف انك انسانة واعيه و طيبه و ان ادهم زعلك و احرجك كتير بس بلاش سيرتها عشان خاطري مريم،، بأحراج،، انا مكنش قصدي و بعدين انا معرفهاش اساساً بس هو اللي عصبني ،، بس هو يعني انا ليه مش لازم اجيب سيرتهه حسام،، بضيق،، عشان حتجرحي اوي اكتر بكتير من اللي انت عايزاه مريم، بعدم فهم،، حاضر يا حسام مع اني مش فاهمه منك حاجه بس متقلقش انا مش حشوفو تاني اصلا حسام،، سيبي الموضوع ده للضروف ثم استدار ليكلم اماني بابتسامة ،، على فكره لو فيه حاجه مش فاهماها في الماده انا ممكن اشرحهالك اماني بخجل ،، اه شكرا عن اذنك ،،،،،،،،،،،،،،،،،،،،،،،،، ،،،،،،،،،،،،،،،،،، استأذنو حسام و رندا و غادرو المستشفى وتركو اماني و مريم يحدثون انفسهم اماني،، هو كان بيبصلي كده ليه و طريقتو في الكلام كده كأنه عاشق ولهان،، انا ايه اللي بيحصلي ده،، اثبتي يا اماني ده انت ياما جريو وراكي اشمعنه ده اللي بتفكري فيه ،، استغفر الله العضيم يارب ،، خلاص انت حتنسي ايوا عادي زيو زي غيرو حتنسي لازم تنسي !!!! مريم،، هو انا كنت رخمة اوي معاه ،، لا بس هو يستاهل عشان ميفتكرش اني لعبه فأيدو بس يعني انا ايه اللي خلاني اجيب سيرة مراتو و انا مالي بيهه ،، بس معقول اكون جرحتو اوي زي ما حسام بيقول،، موضوع مراتو ده اكيد وراه سر ،،، و انا مالي يزعل و له لا انا شاغله نفسي بيه ليه انا مش حشوفو تاني بس برضو هو وقف معانا بقالو يومين مسابناش،،، لالالا متقنعيش نفسك يا مريم ده واجب عليه بعد اللي عملو معاكي خلاص متفكريش فيه انسسسي !!!!!! قطع شرود اماني و مريم صوت صوت موضف الحسابات الموضف،، اتفضلو دي فاطورة الدفع مريم،، دفع ؟؟؟ احنا لسه مدفعناش اكيد حضرتك غلطان الموضف،، لا يا انسه المبلغ اتدفع كامل قبل العمليه مريم بدهشه ،، ازااي مين اللي دفعه ؟؟؟ الموضف و هو يقلب في الاوراق ،، اللي دفع المبلغ اسمه ادهم مصطفى !!!!!!!!!!!!!!!!!!!!!!!!!!! ،،،،،،،،،،،،،،،،،،،،،،،،، ،،،،،،،،،،،،، ادوني بقه رأيكو تفتكرو مريم حتعمل اييييه لما تعرف ان هو اللي دفع الفلوس و ايه رايكو فموقف ادهم النهارده ؟؟؟؟؟ و حسام و اماني ❤❤❤❤ | ||||||||
|
| |
|
06-05-16, 10:07 AM
| #14 | ||||||||
| مراقبة عامة ومشرفة منتدى الروايات المنقولة
| الحلقة 12 ............................. هز الخبر مريم من داخلها فسقطت على الكرسي بصدمة،، ادهم اللي دفع الفلوس !!!!! اماني،، الحقي يا مريم ده المبلغ كبير اوي ،، ازاي مفكرناش في موضوع الفلوس ده مريم،، اغمضت عينيها بأحراج،، بس هو دفعهه امته و ازاي ،، اماني بدهشه،، انت كنتي بتهزأي و هو دفع الفلوس عننا ده انا لو مكانه كنت خدتك قلمين بعد الكلام اللي قلتي مريم،، و انا شعرفني انه دفع الفلوس بس هو كان يستاهل كل كلمه اماني ،، انت مفيش فايده فيكي ،، كفايه وقفتو جمبنه و مستحمل كلامك من غير ما يعايرنا و له حتى يقول انه هو اللي دفع الفلوس مريم،، الفلوس دي لازم ترجع بأي شكل انا مش عايزاه يكون صاحب فضل عليه فأي حاجه اماني،، طبعا لازم نرجع الفلوس بس ازاي ده حتى ماما خلاص مش حينفع تشتغل تاني مريم،، مش عارفة اعمل ايه يعني من وسط الناس كلهه يطلع ادهم عامل فيه جميل اماني،، هو انت لاحظتي انه كان زعلان او متضايق من حاجه مريم،، و انا الاحظ ليه تلاقي كان زعلان عشان مش قادر يبعد عن الست يارا اماني ،، يارا؟؟ ليه هو بينه و بينهه حاجه مريم،، مش عارفه بس اهي بتحاول معاه اماني ،، بس اخواتو طيبين اوي مريم،، فكرتيني ،، انت ازاي كنتي قاعده بتتسايري عادي كده مع حسام اماني ،، لا والله يا مريم هو سألني عن دراستي و انا جاوبته و بعدين انت عارفاني مريم،، ايوا طبعا انا واثقة فيكي بس متنسيش انه حرام تضحكي او تهزري معاه و هو مش محرم بالنسبالك اماني،، اكيد طبعا عارفة و الله انا متجاوبتش معاه خالص انا بس جاوبتو على سؤاله مريم،، المهم دلوقتي انت اقعدي مع ماما و انا حروح لادهم عشان اشوف موضوع الفلوس اماني بحده،، لالالا انت تقعدي كده و تستهدي بالله اصلك مشفتيش نفسك و انت متعصبه و عيب لما تديلو كلمتين من بتوعك و هو لسه عامل معانا جميله ده لولا كان زمان ماما .... مريم،،بفزع،، بعد الشر عليهه ،، خلاص احنة نستنى لحد ما تخرج ماما بالسلامة و نشوف الموضوع ده ،،،،،،،،،،،،،،،،،،،،،،،،، ،،،،،،،،،،،،،،،،،،،، مر شهر و لم ترى بسمة فيه ادهم لكنها كانت تفكر فيه كل ليلة ،، مشاعرها متضاربه تشعر بالندم ثم الانتصار و بعدها تشعر بالانكسار حين تتذكر انها مدينة له بالمال ،،، ولكن شعور الذنب هو اللذي كان الغالب على حالتها ،، حين تتذكر طريقة كلامها معه تشعر كأنها انسانه ثانيه فهي لم تكلم احد بهذه الحده و العصبيه من قبل ........ و رغم ان بعد مريم عن نادين جعل نادين مكتئبه الا ان مريم كانت حريصه على ان تكلمها عدة مرات في اليوم و تقص عليها قصص ما قبل النوم ولكن ما هون بعد مريم عنها هو تقرب رندا اليها اللذي ادهش الجميع اصبحت رندا حبيسة غرفتها لا تخرج و لا تجلس معهم و لا تأكل الى القليل و كل ما تفعله في يومها هو الاهتمام بنادين لانها بدأت تشعر ان نادين وحيده مثلها ...... حسام،، ايه الحنيه دي كلهه يا ست رندا دا انت تتحسدي رندا،، عايز ايه يا حسام حسام،، انا جاي اتطمن عليكي رندا ،، انا كويسة الحمد الله ثم دخل ادهم و احتضن نادين نادين بفرحة،، بص يا بابي طنط رندا عملتلي شعري ادهم ،، يجنن يا حبيبتي ثم وجه كلامه لرندا،، بس ايه التغيير الجامد ده قاعده في البيت مبتخرجيش و من غير اغاني عاليه و كمان بتهتمي بنادين حسام،، اهو شفتي لسه كنت بقولهه الكلام ده رندا،، يعني ارجع زي ما كنت و لا اعمل ايه ادهم و هو يمسح على شعرها،، لا انا مبسوط بيكي اوي خليكي كده انت دلوقتي ماشيه صح و انا فخور بيكي حسام بسخرية ،، فخور بيكي بتجيب الكلام الكبير ده منين ادهم ،، اشفهمك انت يا بني دي ثقافة حسام،، انت حتقولي ما انت غاوي كتب و بتطبقهم علينا ادهم،، تصدق انك عيل سيس و اللي زيي مينفعش يقعد مع امثالك يابني انا من العضماء حسام بضحكه عالية،، يا واد يا جامد ايوا كده ارجع لطبيعتك و هزارك الرخم ادهم بأبتسامة ،، والله مافي ارخم منك انت قاعد هنا ليه حسام و هو يحتضن رندا ،، جاي اتطمن على اختي ليك شوق في حاجة ادهم،،و هو يجذب رندا اليه ،، ماهي اختي انا كمان نادين،بصوت طفولي، و انا مش بتحبوني حسام،، ايه يا ناس العسل ده كلو انا لازم اكلك دلوقتي و انقض عليها بحركه بلهاء وسط ضحكات من القلب من الجميع الا رندا اللتي ارتمت في حضن ادهم و هي تبكي بحراره ادهم بفزع ،، وهو يرفع وجهها اليه و وجد عينيها مليئه بالدموع ،، مالك يا حبيبتي مالك بتعيطي ليه اقترب منها حسام بشفقة ،، رندا بصيلي فيه ايه انت لسه كنتي بتضحكي كانت تبكي بصوت خافت ،، رؤية اخوتها بجانبها و مزاحهم معها بحب جعلها تندم و تندم و تندم على كل ما فعلت خصوصاً عندما قال لها ادهم انه فخور بها شعرت بمحبتهم و خوفهم عليها و تخيلت كيف سيكون موقفهم ان علمو انها جلبت لهم العار !!!!! حاولت رندا ان تتمالك نفسها و مسحت دموعها بسرعة رندا،، مفيش حاجه ادهم ،، يعني ايه مفيش حاجه امال الدموع اللي فعنيكي دي ليه فهميني بس رندا،، انا بس زعلانة ان ماما و بابا حيسافرو و مش حشوفهم اسبوعين بحالهم حسام،، يا شيخي خضيتيني كنت فاكر ان فيه مصيبة دول كلهم اسبوعين و بعدين انت اللي مش عايزه تروحي معاهم ادهم بشك و عطف بالغ ،، انت متأكده يا رندا ان ده بس السبب رندا ،،ايوا طبعا اصلهم حيوحشوني اوي حسام،، و لا يهمك انا انهارده بعد ما يسافرو حخرجك احلى خروجة و حعزمك على فول و طعميه ايه رايك ادهم،،، ههههههه احنا حنخرج بس انا اللي عازمكو عشان لو اعتمدنا عليك مش حناكل و حنقضيهه عصير و شيبسي حسام،، والله انا لسه طالب جامعي غلبان عايش على المصروف و انت مدير شركه يعني اقل واجب انك تعزمنا ادهم،، من عنيا اللي اتنين و انا ليه مين غيركو يعني حسام ،، اموت انا في طقم الحنيه ده ادهم ،،تصدق خساره فيك الكلمتين يارب ارحمني من غلاسة اخويه رندا،، بضحك،،،و الله الدعوه دي مش بتتحقق خالص حسام بتصنع ،، كده طب يا رب يفرمني اتوبيس عشان تخلصو مني رندا و ادهم بفزع بالغ ،، بعد الشررر حسام،، ربنا يخليكو ليه ايوا كده لازم الواحد يفول على نفسه عشان تبينولو الحنيه دي كلهه ادهم،، اوعى تدعي على نفسك تاني حتى لو بهزار رندا،، هو انت لو مش معانا مين اللي حيقرفنا بهزارو التقيل و الرخم غيرك حسام،،و هو يلقي بنفسه على سرير رندا،، يا بنتي انا البيت ده من غيري ولا حاجه انا اهم من النت في البيت ده اطلقو ضحكات عاليه جدا على طريقة كلام حسام ،، كانت جلسه مليئه بالحب و العطف الاسري حتى انضم اليهم نهلة و مصطفى مصطفى،، ربنا يهديكو على بعض كده على طول نهلة،، ياااه يا ادهم من زمان مشفتش ضحتك يا حبيبي ايوا كده خليك متفائل ادهم،، هو اللي عندو اخ زي حسام يتفائل ازاي نهله ،، ربنا يخليكو لبعض انا قلبي مش مطاوعني اسيبكو و اروح اسكندرية ادهم،، يا ماما يا حبيبتي روحي و اتبسطو هناك و احنا مش صغيرين يعني حنقدر نخلي بالنا من بعض نهله،، و انت يا رندا لسه مش عايزه تيجي معانا رنداو هي تغمز لوالدتها،، لا يا مامي ده عيد جوازكو و انا مش عايزه ابقة عازول نهلة، بأحراج،، اتلمي يا بت و بعدين انا عايزاكي تغيري جو بقالك كتير لا بتخرجي مع صحابك زي زمان و لا بتشتري حجات جديده و على طول نايمة و حابسه نفسك في الاوضة ،، تعالي معانا غيري جو شويه جايز نفسيتك تتحسن رندا،، لا يا مامي ماليش نفس والله و بعدين ما تخافيش عليه انا حكلمك كل يوم نهلة ،، طب اوعديني انك تخلي بالك من نفسك و عايزاكي تبقي مفرفشه على طول مش عايزاكي تزعلي من حاجة ابداً رندا و هي تحتضن والدتها بحزن ،، بحبك يا مامي اوووي حتوحشيني نهلة ،، و انت كمان يا حبيبتي خلي بالك من نفسك اما مصطفى فسحب ادهم على جنب،، انا عايزاك تخلي بالك من اخواتك في غيابي دول امانة في رقابتك ادهم بدهشه،، دول كلهم اسبوعين يا بابا و اخواتي في عنيه متقلقش بقة مصطفى،، و عايزك تخلي بالك من نفسك حاول تنسى و تعيش حياتك مش عايز اشوف الحزن فعنيك تاني ابدا احتضنه ادهم و هو يشعر في غصة بقلبه حسام ،، ايه يا جماعه دي كلهه كام يوم انتو حتعملو مناحه نهله،، ضربته على رأسه بضحك،، و انت يا واد خلي بالك من نفسك و اخوك كمان انت عارف انه مهما عمل حيفضل مخبي انه زعلان عشان ميداقناش حسام ،، احتضنها ،، حاضر يا ست الكل متقلقيش وصايا كثيره و كلمات وداع اكثر حتى غادرو نهلة و مصطفى الى الاسكندرية ،،،،،،،،،،،،،،،،،،،،،،،،، ،،،،،،،،،،،،،،،،،،،،،، خلال هذا الشهر كانت مريم تحاول البحث عن عمل جديد و مع هذا كانت على اتصال برندا و اصبحو قريبين جدا من بعضهم و تقابلو عدة مرات خارج المنزل و كانت مريم قد بدأت فعلا بمساعدة رندا لم تحاول مريم ان تتكلم مع سيف لأنها علمت من رندا انه لا يقبل الحديث عن الموضوع لانه بلا ضمير فقررت ان تتحدث مع والده و هو رجل كبير في السن يبدو عليه الصرامة يمتلك مكتب استيراد و تصدير ذهبت اليه و قررت ان تقص عليه كل ما حصل فوزي،، انت بتقولي ايه ابني سيف متجوز عرفي مريم،، ايوا و حضرتك دي ورقة الجواز و ماضي عليهه ابنك فوزي ،، انا مش مصدق ابني انا يعمل كده مريم،، ارجوك البنت حامل و حتتفضح لو معملناش حاجه فوزي،، بس ازاي وحده متربية تقبل على نفسها وضع زي ده مريم،، والله هي بنت ناس بس صغيره و هو ضحك عليهه فهمهه انه حيتقدملها و لما عرف بموضوع الحمل سابها فوزي،،مع احترامي ليكي بس ايه اللي يأكدلي ان كلامك ده صح مريم و قد علمت ما يدور في رأسه انا عامله حسابي و اكيد حضرتك لازم تتأكد بنفسك ،، دي ورقة الجواز و ده تلفون رندا و الرسايل دي ابنك اللي باعتهالها و بيقنعهه بالجواز العرفي و كمان سجلت المكالمات اللي بينهم صعق الرجل عندما علم بما فعله ابنه المستهتر و شعر بالحرج من مريم و بالاسف على تربيته لسيف فوزي،، خلاص يا بنتي انا حتصرف و لو هو اللي عمل كده يبقى حييجي يتقدملها غصباً عنه و اكيد انا مش حقول لاهلهه متقلقيش مريم،، انا مش عارفة اقولك ايه بجد متشكرة و حضرتك ثوابك عند ربنا كبير عشان حتستر على بنت فوزي،، انا كمان عندي بنات و كنت فاكر اني بربي راجل بس للاسف خيب ضني فيه و انا مش عايز اللي بيعملو فبنات الناس يتعمل فأخواتو البنات مريم،، متشكره مره تانيه و ياريت حضرتك تتصل بيه و تقولي على اللي حيحصل فوزي بحزن،، حاضر مع السلامة يا بنتي ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ، خرجت من مكتب والد سيف وهي سعيده جدا و اتصلت برندا و خبرتها بما حدث رندا،، انت بتقولي ايه يا عني حيتقدملي بجد يا مريم مريم،، ايوا انا لسه كنت بتكلم مع بباه و وعدني انه حيتقدملك بسرعة قبل ما يبان عليكي الحمل رندا،، انا مش عارفة اقولك ايه بجد فرحانه انت انقذتيني من الفضيحة مريم،، ادعي انت بس ان كل حاجه تعدي على خير و اهلك يوافقو رندا،، يارب يارب يارب انا بدعي ليل نهار مريم،، يعني بتصلي زي ما اتفقنا و له لسه بتنسي رندا،، والله بصلي و بدعي ربنا يوفقني و ميفضحنيش قدام اهلي مريم،، طول ما انت قريبة من ربنا ما تخافيش من حاجه خالص رندا،، ياريتني كنت عرفتك من زمان يا مريم يمكن مكونتش وصلت لكل ده مريم،، كل شئ بأوان و ده قدر ربنا و اكيد ليه حكمة فكل ده و انا مبسوطه انك اتغيرتي و قربتي من ربنا اكتر رندا،، انا لما صليت اول مرة حسيت ان كل حاجه كنت خايفة منهه اختفت كأن ربنا هداني و شال الرعب من قلبي مريم،،انت طيبه و قلبك ابيض و كنتي بس محتاجه شويه تشجيع رندا،، الفضل ليكي في التشجيع مريم،، بقولك ايه احنا نكمل كلامنه لما اجيلكو البيت رندا بأندهاش،، انت جايه ؟؟؟ مريم،، ايوا عايزه اتكلم فموضوع مع الاستاذ ادهم هو موجود رندا ،، ايوا موجود، احنا كنا بنفكر نخرج فكلنا موجودين ،، تعالي بسرعه قبل ما نخرج حستناكي مريم،، اوكي انا مش حأخركو على الخروج و حاجي بسرعه ،،،،،،،،،،،،،،،،،،،،،،،،، ،،،،،،،،،،،،،،،، ادهم،، ايه انتو لسه مش جاهزين يلا بقه انا جعت رندا،، لا احنا لازم نستنى مريم ادهم بأستغراب،، مريم ؟؟؟ رندا،، ايوا كلمتني و قالت انها عايزاك فموضوع ادهم ،، بأندهاش،، موضوع ايه رندا،، مش عارفة بس قالت انها حتيجي بسرعه و لما تخلصو موضوعكو نبقى نخرج حسام ،، هي جايه لوحدها ادهم بخبث،، لا طبعا اكيد حتجيب معاها اماني حسام،، بفرحة،، انت بتتكلم جد رندا و ادهم انفجرو بالضحك لانهم يعلمون انه معجب بها فقد سألهم عنها طوال الشهر الماضي و ايضا حاول ان يجدها في الجامعه و لم يفلح في ذالك رندا،، لا انت حالتك كده محتاجه دكتور امراض عقليه حسام،، يا سلام ليه شايفاني مجنون ادهم،، بسخريه و ضحك ،، مجنون امااااني رندا،، ما تحاولش يا حسام دي بنت محترمة و مش حتعبرك حسام ،، و انا يعني اللي مش محترم ،، انا كنت عايز اتكلم معاها عادي يعني ادهم،بأستهزاء ، عاااادي قلتلي ، رندا،، انت مشتلتش عينك من عليهه فالمستشفى ادهم،، يا عيني عليهه حطهه بختها الاسود حسام،، اااه طبعا اتريقو براحتكو بس بكرا ييجي اليوم اللي تحتاجوني فيه و مش حعبركو جلسو الثلاثه في الصاله في نوبه ضحك مستمر و هم يلعبون مع نادين بأنتضار حضور مريم حتى رندا شعرت بالارتياح بعد مكالمتها مع مريم ولكن يا ليت تلك الليله لم تأتي و يا ليتنا نستطيع ان نمحي من ذكرياتنا ايام غيرت مجرى حياتنا في وسط ضحكاتهم العاليه و مزاحهم رن هاتف المنزل و اجاب ادهم شخص،، ده بيت مصطفى احمد و نهلة عبد السلام ادهم،، ايوا بس هم مش موجودين دلوقتي الشخص،، انا الدكتور وليد من مستشفى ال ..... و الاستاذ مصطفى و مدام نهلة عملو حادثه بالعربية ،،،،،،،،،،،،،،،،،،،،،،،،، ،،،،،،،،،،، رأيكو ايه فالبارت و تفتكرو ايه اللي حيحصل ؟؟؟؟؟ | ||||||||
|
| |
|
06-05-16, 10:09 AM
| #15 | ||||||||
| مراقبة عامة ومشرفة منتدى الروايات المنقولة
| الحلقة 13 .................. خرجو من المنزل بسرعة البرق و الخوف و القلق تمك منهم تماماً ،،، رندا تبكي بصوت عالي و حسام يحاول ان يتمالك نفسه و يخفف عنها و ادهم يسوق السياره بسرعة جنونيه و توتر و كاد ان يصطدم بالسيارات المجاوره له و نادين تجلس في السياره خائفة لا تعلم ما بهم وصلو الى المستشفى و كانو يركضون في الممرات بتشتت و خوف ليجدو الغرفة المطلوبة ادهم،، بصراخ ،، فين الدكتور محدش عايز يرد علينا ليه الممرضه ،، حنادي عليه حالاً حسام اقترب من ادهم ببطئ،، تفتكر ان هم كويسين ادهم،بتوتر،،، ان شاء الله ميحصلش حاجه وحشه لحد فيهم خرج الطبيب من الغرفة الطبيب،، انتو تقربولهم ايه ادهم،، احنا ولادهم طمني بس ايه اللي حصل هم كويسين صح،، ممكن اشوفهم ..... حسام،، فيه ايه انت مبتردش ليه اتكلم ارجوك طمنا بس عليهم رندا ببكاء،،، هم حالتهم وحشه اوي كده يا دكتور لم يعد ادهم قادر على الانتضار فأمسك بالطبيب من ثيابه و هو يصرخ عليه بتوتر اتكلم امي و ابويه مالهم ؟؟؟؟ الطبيب بأشفاق،، البقيه فحياتكو التنين توفو في الحادثة ولكم ان تتخيلو كيف كان وقع الكلمات على ادهم و حسام و رندا،،، صرخة عاليه حزينة اطلقتها رندا وسط دموع حسام اللذي جلس على الارض محتضن رأسه بن كفيه و يبكي بحرارة على اب و ام رحلو قبل ان يودعهم ، قبل ان يحضرو تخرجه او زفافه ، قبل ان يسلمو رندا الى زوجها بفخر ، و قبل ان يطمئنو عى ادهم، نعم ادهم اللذي وقف في مكانه لا يستطيع الحراك من هول الصدمة ....... لم تنزل دموعه ، لم يصرخ و لم يقل ولا كلمة واحده ،، صدمته جمدت الدموع في عينيه ،، شعر بأن قلبه ينزف و يتمزق و رأسه يكاد ينفجر من صدمة ذالك الخبر المشؤوم قاطع جموده و صدمته حسام اللذي كان يهزه بقوة و هو يصرخ حسام بدموع و صراخ،، ادهم فوق ااااادهم رندا مش عارف مالهه نادي على الدكتور التفت ادهم الى الوراء ووجد رندا مغشياً عليها على الارض و نادين تجلس بجانبها بخوف لم ينادي ادهم على الطبيب بل حملها بسرعة و اتجه الى قسم الطوارئ ليسعفوها بسرعه حسام و هو ينظر الى ادهم بصدمة ،، بابا و ماما خلاص ماتو ،، ماتو يا ادهم مش حيصحوني الصبح بدري و انا ازعقلهم و لا حنقعد مع بعض على السفره تاني و مش هيسمعوني و انا بهزر و ماما تقولي امته حتعقل ،، و بابا مش حيقلي امته تيجي معانا الشغل، مش حشوفهم تاني خلاص ........... و انهار في نوبه بكاء اخرى في حضن ادهم كلمات حسام مزقت قلب ادهم كان يستمع له و يحتضنه بقوه دون ان يستطيع الرد ،، ادهم الوحيد اللذي لم يعبر عن صدمته لم يبكي او يصرخ او يغضب حتى لانه كان يعلم جيدا ان عليه ان يتماسك من اجل اخوته و الا سينهار امامهم بشده لان حزنه على والديه يفوق كل مراحل الالم و البكاء ،، فقلبه تحمل من الصدمات ما لا يحتمل و الآن عليه ان يصمد لأن انهياره معناه انهيار هذه العائله بأكملها او على الاقل ما تبقى منها نادين،، بابي هو انكل حسام زعلان ليه ادهم نطق بصعوبه،، متخافيش روحي اقعدي على الكرسي ده نادين،بصوت طفولي،، طب احنا مث حنجيب جدو و تيتة معانا ،، طنط رندا قلتلي ان احنا جايين نثوفهم احتضنها ادهم بحزن و زادت كلماتها من بكاء حسام اللذي كان منهار تماماً في وسط بكائهم و صدمتهم خرجت طبيبة في مقتبل العمر لتتحدث معهم ادهم،، رندا كويسه ؟؟ الطبيبة،، هي عندها انهيار عصبي و ان شاء الله فتره و حتعدي البقيه في حياتكو ادهم ،، وحياتك الباقيه، يعني نقدر ناخدهه معانا الطبيبة ،، لا في حاجه كمان لازم تعرفوها ،، احنا حاولنا اننا ننقذ الجنين بس معرفناش ،، ربنا يعوض عليها ادهم بصدمة،، لا حضرتك غلطانه انا بتكلم عن رندا مصطفى اختي دي مش متجوزه حسام ،، ايوا يا دكتوره البنت الصغيره عندها 17 سنه مش اللي انت بتتكلمي عنهه الطبيبة،، لا انا بتكلم عن اختكو مفيش هنا رند تانية ادهم،، بتلعثم ،، يعني ايه ،، مش فاهم يعني ايه الطبيبة ،، هي كانت حامل و حصلهه اجهاظ بسبب الصدمة حسام،، هههههههههههه اختي انا كانت حامل الطبيبة بأحراج،، عن اذنكو حسام اتجه الى ادهم بلا وعي،، سامع انت سمعت زيي صح ادهم تمسك برأسه بعنف و جلس على اقرب كرسي ،، لالا اللي بيحصل ده كابوس ،، مش ممكن يكون حقيقي ده كابوس اكيد ايوا رندا مش ممكن تعمل كده،، مش ممكن حسام،، لا عملت من غير ما تفكر فسمعتنا و لا كرامتهه و انا حقتلهه بأيدي انطلق حسام كالمجنون لغرفة رندا و انهال عليها بالضرب الا انها كانت نائمة لا تشعر به و هو مستمر يضربها ثم ينهار بالبكاء بجانبها ثم يلومها كان منظر قاسي جدا و مؤلم ،، ابعده ادهم عنها و هو يصرخ عليه امام الممرضات سيبهه يا حسام بقولك سيبهه مش شايف انها مش حاسه بيك حرام عليكو انا مش ناقص كفايه اللي احنا فيه حسام،، يعني ايه اسيبها انت فرحان باللي عملتو ،، احنا مش حنعرف نحط عنينا فعيون الناس بعد كده و لا انت خلاص معندكش لا نخوة و لا رجولة لم يستطيع ادهم ان يتحمل كلامه و لم يشعر بنفسه الا و هو يصفع حسام على وجهه بقوة اندهش حسام من ما فعله اخيه و خرج من الغرفة بسرعه كالمجنون و هو في حالة غضب هستيري وقف ادهم مندهش و مصدوم من ما فعل و لا يعلم كيف صفعه و هم في هذه الضروف ،، ثم وجد نادين تنظر اليه بخوف و رعب حقيقي نادى على الممرضة و طلب منها ان تهتم بنادين لفتره قصيره ، و في هذه الاثناء كان ادهم جالس في غرفة رندا واضعا يده على جبينه شارد في ما يحصل و هول الصدمات المتتاليه فتحت رندا عينيها ببطئ ،، انا فين ادهم، نظر اليها بأشمئزاز،، انت هنا في المستشفى رندا ببكاء،، ماما و بابا ماتو يا ادهم و لا انا كنت بحلم ادهم،، ربنا ريحهم عشان ميستحملوش اللي انا مستحملو دلوقتي رندا مستمرة بالبكاء........ ادهم،، بصراخ،،مسكها من ذراعها بقوة،، عملتي كده ازاي قدرتي تعملي كده فينا ازاي،، رندا بدهشه،، انا .... انا ادهم،، بصراخ ،، انطقي مين ده ،، ازاي حصل كده اتكلمي انطقي مين اللي كنتي ماشيه معاه رندا،، بصرخة ،،، سييييف !!!!! ادهم بصدمة ،، سيف مين ؟؟؟ رندا ببكاء،، ابن انكل فوزي ادهم،، بدهشه اكبر ،، ابن عم زيااااد رندا،، والله انا اتجوزتو عرفي معملتش معاه حاجه حرام ادهم صفعها على وجهها هي الاخرى ،، و هو العرفي حلال انت ازاي قدرتي ترخصي نفسك و ترخصينا معاكي ازاي !!! ليه ناقصك ايه ،، قصرنا معاكي فأيه فهميني !!! رندا،، هو قلي انه حيتقدملي و انه اهلو عايزين يجوزو واحده تانيه ادهم بصوت مخنوق،، و انت صدقتي انه ممكن يتجوز واحده غلط معاها رندا،، بكت و بكت وكان يتمزق قلب ادهم عند سماع بكائها فهي دائما كانت مدللته الصغيره و لكنها اليوم من جلبت العار و الفضيحة لهم و لا يستطيع ان يسامحها ادهم،، بحزن،، و سي زفت ده طبعا هرب بعد ما انت غلطتي معاه رندا،ببكاء،، حيتقدملي والله مريم اقنعت بباه و حيييجو يطلبوني والله يا ادهم ادهم،، مريم !!! و مريم تعرف الموضوع ده ازاي انت ازاي تخليهه تروحلو انت اتجننتي خلاص بتفضحي نفسك رندا،، لا والله هي اللي ساعدتني لما سمعتني بتكلم معاه في التلفون بالصدفة و مش ممكن تفضحني ده هي اللي خلتني احس بغلطي ،، ثم قالت ببكاء، سامحني يا ادهم ادهم،،سقط على الكرسي بجانبها،، اسامحك ؟؟؟ انت حرمتينا اننا نبقى رافعين راسنا بأختنا خليتي اللي يسوه و اللي ميسواش يلعب بشرفنا ،، مش عايز اسمع منك ولا كلمه يا رندا كفايه اوي اللي حصل بسببك دخلت رندا بنوبه بكاء على حالها ووفاة والديها و خيبة امل اخوانها و ضياع مستقبلها بلكامل ،،،،،،،،،،،،،،،،،،،،،،،،، ،،،،،،،،،،،،،،، تركها ادهم وخرج ليبحث عن حسام ،،، بحث عنه في كل مكان حتى اخبرته الممرضه انه طلب من الطبيب ان يسمح له برؤيه والديه دخل ادهم الغرفة بتردد و حزن ،، جثث والديه ووجهم المغطى كاد يجعله ينهار و لكنه نظر الى الزاويه الاخرى للغرفة عندما سمع صوت حسام حسام جلس على الارض في احدى زوايا تلك الغرفة مخبئ رأسه بين ذراعيه و يبكي بصوت خافت،، كم كان الحزن يملأ وجهه و قلبه ،، نظر اليه ادهم و هو يتذكر اخر عبارات والده ،، اخواتك امانه في رقبتك فذهب اليه مسرعاً و احتضنه بشده و هو يعتذر منه ادهم،، متزعلش مني ،، مكنتش عايز امد ايدي عليك حسام تحدث من بين دموعه،، انا اللي اسف اني قلتلك الكلام ده بس مكنتش اتخيل ان اختي ممكن تعمل كده ادهم،، بحزن،، و لا انا يا حسام انت فاكرني مش زعلان ،، بس انت لازم تهدى و سيب موضوع رندا عليه انا حسام،، مين الحيوان اللي عمل كده ادهم،، قلتلك ملكش دعوه ،، لو ورطت نفسك معاه حتضيع مستقبلك حسام،، انا لو شفتو حموتو بأديه دول و اشرب من دمو ادهم،، و بعد ما تموتو ،، اختك حيرجعلها شرفها و له سمعتها انطق ،، لازم تعرف اني انا كمان نفسي اقطعه بأديه بس لازم نفكر فأختك دي و نخلي يتجوزها عشان نلم الفضيحة حسام،، و ماما و بابا حنرجعهم ازاي ،،، حدفنهم ازاي وانساهم ازاي ادهم،، بحزن،، ربنا يصبرنا ،،، يلا قوم معايا اغسل وشك و تعالى عشان نكمل الاجرائات حسام،، بحزن،، قصدك اجرائات الدفن ادهم بصوت اقرب للبكاء ،، ايوا ، اكرام الميت دفنو القو على والديهم نظرة الوداع و خرجو من تلك الغرفة و هم موقنين انهم منذ هذا اليوم ستتغير حياتهم تماماً ،،،،،،،،،،،،،،،،،،،،،،،،، ،،،،،،،، اما مريم فقد ذهبت الى بيت ادهم لتتحدث معه و لكنها لم تجد احد في المنزل و اتصلت برندا كثيرا و لم ترد عليها مريم،، انا مش فاهمه ايه اللي بيحصل اماني ،، جايز خرجو مريم،، بس رندا اكدتلي ان هم حيستنوني اماني،، مش عارفة بس يمكن نسيو مريم،، او يكون ادهم مش عايز يكلمني و رندا اتكسفت تقولي اماني،، يا دي ادهم اللي انت شايلاه فوق دماغك يا بنتي انت مشكلتك معاه ايه مريم،، انا معنديش مشكله معاه بس مش عايزة افضل مديوناله اماني،، خلاص كلمي بكره و افهمي منه جايز فيه حاجه حصلت خلتهم يتأخرو مريم،، ان شاء الله ،، ربنا يسهل و قاطع حديثهم اتصال رندا مريم،، انت فينك مش قلتي حتستنيني رندا ببكاء،، الحقيني يا مريم مريم ،،بفزع،، مالك بتعيطي ليه رندا ببكاء اكثر،، ماما و بابا ماتو يا مريم و سابوني لوحدي لم تعرف مريم ماذا تقول ووجدت الدموع تسيل من عينيها لا ارادياً ،، رغم انها لم تعرفهم جيدا و لكنها تأثرت بخبر وفاتهم و خصوصا عندما علمت من رندا بوفاتهم هم الاثنين في نفس الوقت مريم،، بدموع،، انت فين دلوقتي رندا،، في مستشفى ال .... مريم،، طب انا جيالك يا رندا اقفلت سماعة الهاتف و خرجت من المنزل مسرعة لتذهب الى رندا اللتي ذكرتها بنفسها عندما مات والدها ....... ،،،،،،،،،،،،،،،،،،،،،،،،، ،،،،،،،،، قولولي رأيكو فالبارت و بصراحة ،،، و تفتكرو ادهم حيفضل متماسك ؟؟؟ و حيعمل ايه مع رندا ؟؟؟ و مريم حيكون موقفها ايه ؟؟؟ | ||||||||
|
| |
|
06-05-16, 10:10 AM
| #16 | ||||||||
| مراقبة عامة ومشرفة منتدى الروايات المنقولة
| الحلقة 14 ......................... وصلت مريم الى المستشفى و هرولت الى غرفة رندا بأقصى سرعة ..... و عندما رأتها رندا انهارت بين احضانها بالبكاء فهي الآن ملاذها الوحيد مريم،، معلش يا حبيبتي اهدي بس بلاش تعيطي انت كده بتعذبيهم رندا ،، انا مش قادره اصدق ان هم راحو خلاص و مش حشوفهم تاني ابدا ،، التنين مره واحده يامريم التنين مريم،، انا عارفه انه الصدمة مش سهله عليكي بس مينفعش نعترض على قضاء ربنا و قدره ،،، ان شاء الله ربنا حيجمعك بيهم فالجنة رندا،،، مستمره بالبكاء،،،،،، مريم،، هم اخواتك عرفو صح رندا ،، ايوا عرفو كل حاجه ،، تخيلي ان فوق صدمتهم انا خيبت املهم و صدمتهم تاني مريم،، طب هم اتكلمو معاكي و له لسه رندا،، ببكاء،،ادهم اتكلم معايا ،، متتخيليش النظره اللي كان بيبصلي بيهه ،، ادهم بالذات مكنتش عايزه اشوف الحزن في عنيه بعد كل اللي حصلو، انا كملتهه عليه كمان استغربت مريم من كلام رندا عن ادهم و لكنه لم يكن الوقت المناسب لتسألها مريم،، ان شاء الله حييجي يتقدملك و كل حاجه تتحل ،، على الاقل انت خلصتي من البيبي يعني مفيش حاجه حتربطك بيه بعد كده رندا بصراخ وبكاء،، انا بكررررهو ربنا ينتقم منك يا سيف هو السبب ،، لالا انا السبب انا اللي خليت اخواتي مش عارفين يبصو في عيون الناس ،، ياريتني رحت مع ماما وبابا و متت معاهم يارررب موتني انا مش عايزه اعيش !!!!! انفجرت رندا بنوبه بكاء و صراخ حتى نادت مريم الطبيب ليعطيها مهدئ و نامت بعده بهدوء شعرت مريم بالحزن الشديد على حال رندا و لكنها ايضا كانت تفكر في ادهم كيف لانسان ان يتحمل صدمات متتاليه كهذه دون ان ينهار و قاطع تفكيرها دخوله الغرفة و معه نادين مريم بحزن و ارتباك،، البقيه فحياتك يا باشمهندس ادهم ،، و فحياتك الباقيه ،، هي رندا مصحيتش مريم،، لا كانت صاحيه بس منهاره و الدكتور اداها مهدئ عشان تنام ادهم صمت قليلا و هو ينظر اليها ،، كان شارد الذهن و لم يعرف ماذا يقول مما زاد ارتباك مريم ثم جلس على الاريكة و هو يقول ادهم،، انت كنتي عارفة كل حاجه ،، ليه مقلتيليش ازاي خبيتي حاجه زي دي مريم،، ده سر و انا مش من حقي اقولو لحد انا اسفة بس والله انا حاولت اساعدها ادهم،، رندا قالتلي انك اتكلمتي مع والدو مريم،، ايوا و هو وعدني انه حييجي و يتقدملهه ادهم،، غصباً عنه حييجي مش بمزاجه ،، برضو كان لازم اعرف عشان اقدر اتصرف مريم...................... وضع ادهم يده على رأسه بتعب و اغمض عينيه قليلا مريم ،، بقلق ،، انت كويس تحب اجيبلك حاجه تشربهه اصل شكلك تعبان ادهم ،، لا انا كويس بس هلكان ،، و تصريح الدفن مش حيطلع غير بكرا الصبح مريم،، طب روح استريح شويه للصبح و انا حفضل بايته عند رندا ادهم بتعب،، مقدرش اسيبهه و هي فالحاله دي ،، ممكن تخلي بالك من نادين اصلهه نامت و انا عايز اشوف حسام مريم،، بشفقه على حاله ،، ايوا طبعا انا حفضل هنا مع رندا و نادين كمان معانا متقلقش ادهم نظر اليها بأمتنان،، شكرا غادر الغرفه بخطوات بطيئه تدل على حزنه ،، تغيرت حتى ملامح وجهه اللتي اثقلتها الهموم ووجد حسام نائم على احدى الكراسي خارج غرفة رندا ،، مع كل غضبهم من ما فعلته الا انهم متعلقون بها جدا و لم يستطيعو تركها فالمستشفى بمفردها حتى مع وجود مريم .................................................. ................. مرت ايام العزاء بصعوبه على ادهم و حسام اما رندا فكانت في المستشفى و لم تتركها مريم سوى ساعات قليله لتتطمئن على والدتها و اختها مريم كانت الوحيده اللتي تعلم بأمر رندا و لذالك لم يأتي اي احد ثاني من خالاتها و اقاربها لزيارتها ،، كي لا يفضح امرها اليوم هو موعد خروج رندا من المستشفى ساعدتها مريم في حزم بعض احتياجاتها و اغراضها و اتى ادهم ليأخذها الى المنزل و لكنه اراد التحدث مع مريم ادهم ،، انا عارف انك مش عايزه ترجعي الشغل بس ارجوكي تنسي المشاكل اللي كانت بيننا و ترجعي معانا ولو فتره بسيطه مريم،، بس انا مقدرش عشان ،،، ادهم مقاطعاً،، رندا و نادين محتاجين حد يفضل معاهم و انت الوحيده اللي بيستريحو معاكي و انا لازم اتفرغ للشغل و حل مشكله رندا ،،، ارجوكي لم تستطيع مريم ان تفاتحه في موضوع دفع حساب المستشفى و شعرت ايضا انهم بالفعل بحاجتها فقررت انها ستعود للعمل معهم على الاقل لمده قصيرة مريم،، خلاص انا حرجع بس ،،، ادهم،، عارف ،، متخافيش انا مش حضايقك في حاجه مريم ....................... دخل ادهم الغرفة فركضت عليه رندا و ارتمت في احضانه بقوه و هي تبكي سامحني يا ادهم و الله مكنش قصدي يحصلكو كل ده انا اسفه و لو يريحك انك تقتلني انا موافقة ادهم كان يصارع عقله الغاضب منها و قلبه اللذي يتمزق لرؤيتها بهذا الشكل و لكن عندما ارتمت في احضانه شعر انها تبحث فيه عن حنان والديها اللذي افتقدته فهي كانت المدللة الصغيره اللتي يحبها كل من في المنزل و وجد نفسه يحتضنها بقوة و يمسح دموعها ادهم،و الدموع في عينيه، اقسم بالله اني حخلي ييجي لحد عندك زي مانزل دموعك دي حندمو على اليوم اللي اتولد فيه رندا بكت بقوة عندما شعرت بحنان ادهم اما مريم كانت تقف خلفهم و اعجبت جدا بموقف ادهم ،، لانه فهم ندم رندا و شعر بحزنها و احتضنها بحنان رغم غضبه منها ،،،،،،،،،،،،،،،،،،،،،،،،، ،،،،،،، عادو الى المنزل و كان حسام جالس على احدى الكراسي و فور دخولهم تركهم بسرعه و دخل الى غرفته فامتلئت عيون رندا بالدموع و شعرت بمدى بشاعة فعلتها و كره حسام لها اخذتها مريم الى غرفتها و جلست معها حتى نامت ثم ذهبت الى نادين و بدأت باللعب معها ثم نزلو الى الطابق الاسفل ،،، اعدت مريم وجبه خفيفة لنادين و لكنها تذكرت ان ادهم لم يأكل منذ ايام و ترددت في اعداد الطعام له و لكنها شعرت بالشفقة عليه فأعدت وجبه بسيطه لتقدمها له امينة،، ربنا يخليكي يا بنتي ياريت يرضى ياكل ده من ساعة اللي حصل لا بياكل و لا بيشرب مريم،،ربنا يكون في عونهم اللي حصل ده صعب اوي ربنا يرحمهم يارب بس تفتكري حيرضى ياكل و مش حيهزأني امينة،، ليه بتقولي كده هو فيه حد فطيبة قلب الاستاذ ادهم مريم،، انا مش عارفة ليه هو مستقصدني ،، اصلي مشفتش حاجه من الطيبه دي امينة،، هو من ساعة ما رجع من لندن و هو على طول متعصب و زعلان ،، متخافيش هو طيب اوي و بكرا تشوفي بنفسك مريم،، خلاص علشان خاطرك انت بس حجرب معاه بس لو زعل و اتعصب تبقى دي مسؤليتك ههههههه ،،،،،،،،،،،،،،،،،، خرجت من المطبخ لتبحث عنه و وجدته نائم في الصاله على الكنبه ،، كان ينام بعمق و يبدو عليه التعب فهو لم ينم منذ ثلاثه ايام،، لم تود مريم ازعاجه فوضعت الطعام على الطاوله و قررت ان تعود الى نادين لكنها انتبهت انه كان يصدر صوتا غريبا في نومه و كأنه يرى كابوس فأقتربت منه لترى اذا كان بخير و فجأه فتح هو عينيه في نفس اللحضه فألتقت اعينهم لأول مره شعرت مريم بقشعريره تسري في كل جزء من جسدها فأرتبكت و ازاحت واجهها للجهه الاخرى و حمرة الخجل تغطي ملامحها مريم بأرتباك،، انا... انا كنت عايزه اصحيك شكلك كنت بتحلم ادهم لا يزال تحت تأثير تلك النضره شعر بشئ غريب جدا يشده الى النظر اليها و لكنه تمالك نفسه ادهم،، ده كان كابوس فضيع مريم،، طب اتفضل ،، قدمت له الماء و ارتشف منه ادهم بسرعه و هو يزيل قطرات العرق عن جبينه مريم بخجل،، انا عملت اكل لنادين و عملت حسابك اتفضل ادهم،، لا انا مليش نفس ،،، هي رندا كلت حاجه مريم،، ايوا و خدت الدوا كمان و نايمة دلوقتي ادهم ،، طب انا حطلع اشوف حسام اكيد مكلش حاجه من امبارح مريم،، و انت كمان مكلتش حاجه لازم تاكل على الاقل عشان تقدر تقاوم كده جسمك حيتعب ادهم،، بقلق ،، لا انا حشوف حسام الاول ،،،،،،،،،،،،،،،،،،،،،،،،، ،،،،،،، في غرفة حسام ادهم،، انت حتفضل كده كتير لازم تاكل حسام،، مش عايز حاجه يا ادهم سيبني فحالي ادهم،، لا مش حسيبك انت اجمد من كده بكتير مينفعش اللي انت عاملو ده ارجوك عشان خاطري انا محتاجلك معايا حسام،، انا حاسس ان الدنيا وقفت بجد ماليش نفس اعمل اي حاجه ادهم،، لا متقولش كده لو ماما و بابا كانو موجودين كانو زعلو منك ،، بابا كان عايزك تبقى محامي شاطر و الناس كلهه تتكلم عنك يلا بقى شد حيلك عشان تحققله اللي كان عايزو حسام بدموع ،، كان نفسي يبقو معانا بس الحمد الله ده قضاء ربنا ادهم بصوت مخنوق،، الحمد الله على كل حال ،، ايوا كده انا عايزك ترجع حسام اللي انا اعرفو حسام،، ربنا يخليك ليه يا ادهم ادهم،، مش عايزك تبقى ضعيف انت تقدر تعمل اي حاجه و ربنا ان شاء الله حيعوضنا عن غيابهم احتضنه حسام بشده ثم بدأ يأكل و ادهم يتكلم معه حتى لا يشعر بالوحده حتى رن الجرس ،،،،،،،،،،،،،،،،،،،،،،،،، ،،،،،،، في الطابق الاسفل فتحت امينه الباب لتجد يارا امامها ترتدي فستان اسود انيق متصنعه البكاء ،، سلمت على ادهم بحراره و هي تحاول ان تعبر عن حزنها يارا،، انا مش عارفة اقولك ايه انت عارف انا كنت بحبهم اد ايه ادهم،، بحزن ،، ربنا يرحمهم،، متشكر يا يارا يارا،، بدلع،، لو احتاجت اي حاجه اوعى تتردد تتصل بيه انت عارف انت غالي عندي اد ايه ادهم،، انت كمان عارفة معزتك عندي يارا،، ايه رايك تغير جو ،،، تيجي نخرج النهاردة بالليل فيه بارتي تجنن على البحر النهارده حتغيرلك المود تماماً ادهم بصدمة،، بارتي ايه يا يارا انا امي و ابويه توفو من كام يوم و اخواتي مش عارف اخرجهم من الصدمة و عايزاني اروح حفلة يارا بأرتباك،، سوري يا ادهم انا مقصدتش كده كنت عايزاك تغير جو بس في هذه الاثناء دخلت مريم الى الصاله مع نادين يارا بأنفعال ،، انت ايه اللي جابك هنا مش سبتي الشغل خلاص و له دي حجج عشان يرضو يرجعوكي مريم ،، انا مسمحلكيش تكلميني بالاسلوب ده يارا،، و انت مين اصلا عشان تسمحي ولا متسمحيش اوعي تفتكري عشان مدام نهله الله يرحمهه مش هنا تقدري تستفردي بيهم لوحدك و تعملي اللي انت عايزاه مريم ،، ايه اللي انت بتقولي ده ،، هو انت فاكراني زيك يارا ،، انت تطولي تبقي زيي ده في احلامك ،، بصي لنفسك في المرايا عشان تعرفي انا مين و انت مين مريم بضيق،، انت وحده مش محترمه و انا مش حرد عليكي وفي هذه الاثناء دخلت اماني اللتي جائت لتزور رندا وتعزيها و اندهشت يارا لرؤيتها يارا،، برافو كمان جايبه باقي عيلتك انتو فاكرين انهم فاتحينهه سبيل ادهم،، بتعب ،،يارا اسكتي خالص مش عايز اسمع ولا كلمه انت حتهيني ضيوفي كمان يارا،، و هم دول ضيوف دول ناس جايه تشحت اماني ،، اخرسي انت فاكره نفسك ايه و ازاي تتكلمي معانا كده يارا،، انت اللي تخرسي خالص مش مكسوفة من نفسك و انت جايه تشحتي ادهم بعصبية ،،، امشي من هنا يا يارا برااااا انصدمت يارا من اسلوب ادهم معها و خرجت بسرعه و هي تتوعد لمريم و اماني كان ادهم يحاول ان يهدئ الموقف بينهم و لكنه شعر بدوار مفاجئ و لم يستطيع الحديث معهم و تلاشت الرؤيه امامه شيئاً فشيئاً حتى سمع صوت بعيد يناديه اددددهم !!!!!!!! ،،،،،،،،،،،،،،،،،،،،،،،،، ،،،،،،،،،،،،،،،، يارب يكون البارت حلووو و عجبكو ،، ايه توقعاتكو عن اللي حيحصل ؟؟؟ | ||||||||
|
| |
|
06-05-16, 10:11 AM
| #17 | ||||||||
| مراقبة عامة ومشرفة منتدى الروايات المنقولة
| الحلقة 15 ...................... حاول ادهم ان يهدئ الخلاف بينهم و لكنه شعر بدوار مفاجئ ، تلاشت الرؤيه امامه شيئا فشيئا حتى سمع صوت بعيد يناديه ادددهم !!! سقط ادهم مغشياً عليه وسط تعجب و خوف اماني و مريم مريم بخوف ،، ادددهم فوق استاذ ادهم انت سامعني اماني،، هو ايه اللي حصلو هو عيان مريم،، بتوتر ،، مش عارفة نادين،، ببكاء بابي انت ليه مش بترد عليه انت زعلان مني مريم،، لا يا حبيبتي بابا تعبان شويه انا عايزاكي تروحي بسرعه لانكل حسام و تقوليلو ان بابي تعبان بسرعه يا نادين بسرررعه ذهبت نادين بأقصى سرعة مريم ،، معاكي اي برفيوم يا اماني اماني ،، لا مش معايا ،، ده لونه مخطوف اوي انا خايفة يكون حصلو حاجه مريم بخوف،، بعد الشر متقوليش كده ،، هزته عدة مرات و لكنه لم يتحرك او يفتح عيناه بعد دقائق جاء حسام و خلفه رندا اللتي سمعت نادين و هي تخبر حسام حسام وقف مندهش لا يعلم ماذا يفعل عندما وجد ادهم على الارض حسام بفزع ،، ادهم رد عليه مالك نزلت دموع رندا ،، ادهم متخوفنيش عليك اصحى عشا خاطري حسام ،، بخوف،، ايديه ثلج هو ايه اللي حصل مريم،، ممكن تتصل بالدكتور و بعدين نتكلم حسام،، بأرتباك ،، ايوا صحيح انا حكلمو رندا ،، اقتربت منه وهي تمسح على شعره،، اوعى تسيبني يا ادهم انا مليش غيرك انت اماني،، اهدي يا حبيبتي حيبقى كويس ان شاء الله خوف حسام على ادهم جعله يتذكر عندما ركله في بطنه و كان ينزف و توتره جعله يضن انه قد يكون هذا السبب لاغمائه حسام ،، ابعدو شويه عايز اشوف حاجه اقترب من ادهم و بدأ يرفع قميصه ليرى اذا كان مكان الجرح ينزف ام لا وسط ذهول الجميع عندما وجدو ذالك الجرح الكبير على بطن ادهم حسام ،، الحمد الله مفيش نزيف رندا بفزع،، اي ده حسام رد عليه ادهم عامل عمليه ايه حسام ،، مش وقتو الكلام ده مش عايز اسمع صوتك دلوقتي مريم،، هو عيان يعني ليه مش بيصحى حسام هزه بعنف و لكن لا جدوى ،، ادهم بلاش تخوفني مش انت قلتلي المره الي فاتت انك مش حتخوفني عليك تاني قوم ارجوك ادددهم مريم، بشفقة،، خلاص خلينا نستنى الدكتور و نشوف حيقول ايه وصل الطبيب بعد مده قصيرة و فحص ادهم الطبيب،، الاغماء اللي حصله ده من قلة النوم و الاكل و كمان الضغط النفسي مكانش ينفع تسيبو كده ده بيأذي نفسه حسام ،، يعني هو حيبقى كويس الطبيب،، ان شاء الله بس هو عنده حمة شديدة اوي حتاخد كم يوم على الاقل و انا كتبتلو على دوه و لازم تعملولو كمدات بارده لانه حرارته عاليه اوي و انا حبقى اجي اتطمن عليه تاني لا تعلم مريم لمذا شعرت ان العالم حولها اهتز عندما حست ان ادهم قد يكون في خطر ،،، شعرت بالضيق و الخوف عليه و حزنت جدا على حاله لانها انتبهت منذ البدايه انه كان يكتم حزنه و يهتم بأخوته فقط اما اماني فكانت تشعر بالشفقة على حسام اللذي كان يلوم نفسه كل دقيقة حسام،، انا السبب كل اللي بيحصلو ده بسببي مريم،، متقولش كده انت مش السبب حسام،، من اول يوم و انا منهار تماماً و سبتو يشيل كل حاجه لوحدو العزه و الاجرائات و كمان موضوع رندا ده غير اني مسئلتوش حتى انت عامل ايه ،، مع انه هو كمان زعلان زيي و اكتر،، ده لسه كان جاي و جايبلي الاكل و انا بغباوتي مفكرتش حتى اذا كان بياكل و له لا اماني،، بأرتباك،، انت مكنتش قاصد انك تسيبو و اللي حصل حصل مينفعش تلوم نفسك على كل حاجه حسام ،، كان لازم افتكر ان اللي حصل كتير عليه ده لسه مفاقش من الصدمة الاولى و انا سايب كل حاجه عليه و كأنه هو اللي حيقدر يستحمل اماني،، ايه رأيك تدخل تشوفو بدل الكلام ده حسسو ان فيه حد جانبو و معاه حسام،، معاكي حق انا حدخل اشوفو ،،،،،،،،،،،،،،،،،،،،،،،،، ،،،،،،،،،،،،،،،،،،،،، دخلو الجميع الى غرفته و قد بدأ يفتح عينيه حسام،، ادهم انت صحيت ادهم ،، فيه ايه انتو واقفين كده ليه ركضت نادين عليه و احتضنته ،، بابي انت مش حتنام تاني صح ادهم كان لا يزال غير واعي تماماً ،، انام هو انا نمت حسام ،، انت اغمه عليك مش شويه و الدكتور كان عندك ادهم،،بتعب ،، ليه انا عندي ايه حسام،، بقالك كام يوم من غير اكل ولا شرب و كمان ضغط نفسي، يعني انت كنت بتجبرنا ناكل و تيجي تطمن علينا من غير ما تفكر فنفسك ادهم،، ملش نفس يا حسام ،، انا بردان اوي و قبل ان يكمل جملته جائت مريم بغطاء اخر و احكمته عليه ادهم و هو يرتجف ،،، شكرا ارجوكي يا مريم خلي بالك من نادين ورندا مريم،، بحزن،، حاضر متقلقش مرت الساعات ببطئ و عادت اماني الى المنزل اما مريم فطلب منها حسام ان تقضي الليله معهم فهم بحاجتها الان اكثر من اي وقت مضى اطمئنت مريم على نادين ثم على رندا اللتي نامت و هي تبكي على اخيها و لكنها لم تستطيع النوم ادت صلاتها و دعت لادهم بالشفاء كثيرا و لم تستطيع ان تبعده عن مخيلتها في تلك الليله ،، كانت قلقة عليه بطريقة غير مفهومة حتى بالنسبه لها مشت بخطوات بطيئه ووجدت باب غرفته مفتوح ،، حسام كان معه بالغرفة و لكنه يغط في نوم عميق اما ادهم فكان يهذي بكلمات غير مفهومة دخلت الغرفة بأرتباك و وضعت يديها على جبينه فوجدت حرارته مرتفعة جدا ،،، فوضعت له الكمادات البارده بسرعة و هي تنضر اليه بحنان بالغ قال كلمات غير مفهومه بعضها كانت عن والديه مما جعل دمعه تسقط من عين مريم ،، شعرت بالشفقة عليه لانه لا يضهر اشتياقه لهم في العاده و بعض الكلمات كانت عن شخص يدعى زياد لا تعرف مريم من يكون ولكن شد انتباهها كلامه عنه ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، في الصباح فتح ادهم عيناه ببطئ ووجد حسام نائم بجانبه على السرير و مريم نائمة على كرسي في الغرفة استغرب ادهم وجودها و شعر بالشفقة عليها ادهم،، مريم ،،مريم مريم بفزع،، فتحت عيناها ،،اي ده انت ايه اللي جابك هنا ادهم بضحك،، انت اللي فأوضتي على فكره مريم بأحراج نظرت حولها و تذكرت ليلة الامس،، انا اسفة اصلك انت كنت امبارح تعبان و انا.... ادهم،، انت سهرتي هنا طول الليل مريم شعرت بالاحراج اكثر،، اصل حرارتك كانت عاليه و حسام نايم فأنا عملتلك كمدات ادهم،، بأعجاب بموقفها،، انا متشكر اوي تعبتك معايا مريم،، لا ولا يهمك بس انت قمت من السرير ليه؟ ادهم ،، زهئت عايز انزل تحت شويه مريم،، بس الدكتور قال لازم ترتاح في السرير كام يوم ادهم ،، انا لو تعبت حرجع بس دلوقتي تعالي ننزل تحت هي الساعه كام دلوقتي مريم نظرت في ساعتها،، تمانيه و نص ادهم ،، لسه بدري خليهم نايمين ثم نظر الى حسام ،، شفتي يا ستي اهو نام و سابني و دبسك انت فيه مريم، بأحراج،، لا عادي مفيش مشكله ادهم ،بسخريه،، انا قلتلو ينام فأوضتو بس هو مرضيش كنت عارف انه نومه تقيل و مش حيصحى اساساً مريم،، كانو قالقانين عليك اوي ادهم،، عارف و عشان كده عايز انزل عشان ميفضلوش قلقانين مريم،،انت متأكد انك تقدر تنزل عادي ادهم بأبتسامة،، ايوا متأكد ،،،،،،،،،،،،،،،،،،،،،،،،، ،،،،،،،،،،،،،،،،،،، نزل ادهم الى الطابق الاسفل ببطئ و معه مريم اللتي كانت قلقة عليه و سعيده بوجوده بجانبها لسبب لا تعلمه ادهم،، امينه ........ انا نسيت انها اجازه النهارده مريم،، لو عايز حاجه انا ممكن اجيبهالك ادهم،، لا متتعبيش نفسك انا كنت عايزها تعملي قهوة بس مريم بحده،، لا طبعا قهوه ازاي انت لازم تاكل ادهم،، انا مش بفطر اصلا مريم،، ده في الحالات العاديه انما النهارده انت تعبان و لو مكلتش حيغمى عليك تاني و انا مش حقدر اشيلك ادهم،، هههههههههه خلاص انا حاكل بس عشان انت مش حتقدري تشيليني مريم،، بأبتسامة،، ماشي انا حعمل فطار بسرعة ادهم ،، لا استني انا جاي معاكي،، اما نشوف مين بيعمل اكل احسن من التاني مريم،، هو انت بتعرف تطبخ ادهم،، يعني نص نص مش اوي بس الفطار ده لعبتي مريم ،، اطلقت ضحكه من قلبها سحرت ادهم بالفعل،،،، عشان ده اسهل وجبه مش كده ادهم بأرتباك،، انت ...انت عارفة ان ضحكتك حلوه اوي مريم وجهها تلون بحمرة الخجل و قلبها بدأ يدق بسرعه ،، انا... انا مش ،، يلا نروح المطبخ ابتسم ادهم عندما شعر بخجلها و لكنه كان مستمتع برفقتها جدا ،،،،،،،،،،،،،،،،،،،،،،،،، ،،،،،،،،،،، في المطبخ اعدت مريم بعض الوجبات الخفيفة اما ادهم فأعد طبق واحد بيض و وضع عليه خلطه من الخضروات و الاطعمه الكثيره ادهم،، يلا بقة نقعد عشان انا دخت شوية مريم بقلق ،، انا مش عارفة انت اصريت تعمل الفطار ليه مع انك لسه تعبان ادهم،، لما تدوقي الاكل حتعرفي ليه مريم ،، ماشي مع انه شكلو يعني غير صالح للاستعمال البشري ادهم بأبتسامة،، يخرب بيت لسانك انت مبتبطليش هزار مريم،، هههه و مين قال ان انا بهزر ،، استغفر الله العضيم يا رب بس الشكل لا يطاق ادهم،، انا حعتبر ان دي مجرد غيرة عشان اكلي احسن من اكلك مريم،، اصلا مفيش مقارنة بص اكلي يفتح النفس ازاي و الاكله بتاعتك دي ههههههههههههههه ادهم،، خلاص خلاص بس انا متأكد انك بعد متجربي حتندمي على الكلام ده مريم،، مفتكرش بس متقدرش تنكر ان شكل الاكبتلعي احلى ادهم ،، بخبث،، شكل اكلك احلى بس الطعم هو المهم مريم،، قصدك ايه ؟؟؟؟ ادهم ،، قصدي اني مش قادر اقف اكتر من كده يلا بقه عشان ناكل مريم،، بأحراج،، انا نسيت انك لسه تعبان يلا استريح و انا ححط الاطباق على السفرة ادهم،، بضحك،، بس اوعي تطنشي الطبق بتاعي مريم،، متخافش انا حغمض عينية و اجيبهولك ادهم ،، ماشي ماشي بكرا تتذللي عشان اعلمك ازاي تعملي ،،،،،،،،،،،،،،،،،،،،،،،،، ،،،،،،،،،،،،،، وضعت مريم الاطباق على الطاوله و معها العصير الطازج و جلست مع ادهم على الطاوله بخجل ادهم اجبرها على ان تتذوق الطبق اللذي اعده ادهم ،، هااااا ايه رأيك مريم، بسخرية متصنعة الملل،، مش بطال ادهم،، ده انت مفتريه بجد ،، بقه ده مش بطال ده انا كنت مشهور بيه فلندن مريم،، ههههههههه خلاص خلاص انا حعترف بصراحة الاكل حلو اوي انا مكنتش متخيله ان طعمو كده اصل الشكل يعني مش مشجع خالص ادهم،، عشان تعرفي بس اني بعمل اكل احلى بكتير من اكلك مريم،، لا انا مفيش حد ينافسني في الاكل الطبيخ هو هوايتي ادهم،، ممكن اسألك سؤال مريم،، اتفضل ادهم،، انت لسه زعلانة من كلام يارا معاكي مريم بأرتباك،، انا بصراحة مش بهتم لكلامهه بس انا خايفة اني اكون احرجتك معاها او سببتلك مشاكل ادهم،، اولا بطلي كلمة حضرتك و استاذ دي ،، مينفعش بعد التهزيق اللي حصل في المطبخ مريم،، هههههههه حاضر ادهم،، ثانياً بقه انا طردت يارا عشان طريقتهه مكانتش محترمة و متخافيش بكرا ترجع عادي و لا كأن فيه حاجه حصلت انا عارفهه مريم،، انتو تعرفو بعض من زمان ادهم،، من ايام المدرسه بس هي تغيرت اوي لما سبتهه مكانتش كده مريم،، انا مش عارفة مشكلتهه معايا ايه ادهم،، متاخديش فبالك مشكلتهه معايا انا مش معاكي مريم،، طب ممكن انا اسألك سؤال ادهم،، اكيد مريم،، مين زياد ده ،، انت طول الليل كنت بتقول اسمه ،، معلش اصل انا فضوليه شويه هههههههه ادهم بصوت مخنوق،، انا كنت بتكلم عن زياد ؟؟ مريم، ايوا طول الليل كنت بتقول ليه يا زياد و مش انت يا زياد و حجات كده تغيرت ملامح ادهم و شرد لفترة قصيرة ثم قال زياد ده صاحبي من لما كنت فأعدادي مريم،، بجد ،، طب هو فين ادهم بحزن ،، في لندن مريم،، اكيد واحشك اوي و نفسك تشوفو عشان كده كنت بتتكلم عنه اطلق ادهم ضحكة ساخرة عاليه،،، نفسي اشوفو ايوا ثم قطع كلامهم حسام و نادين حسام، انت صحيت امته يا ادهم ادهم،، صح النوم انا صاحي من ساعتين بقة انت جاي فأوضتي عشان تنام هههههههه حسام بقلق،، هو حصل حاجه ادهم،، لا اصل حرارتي كانت عاليه و مريم اتدبست فيه طول الليل حسام،، هو انت كنتي فالاوضه اصلا مريم،، بضحك،، لا ده انت كنت فعالم تاني حسام بأحراج ،، معلش يا مريم تعبناكي معانا ،، انا مش عارف نمت ازاي كده مريم،، ولا يهمك يا سيدي ادهم،، تعالى لازم تاكل حسام،، لا انت عملت الاكله دي مش مصدق ادهم،، يارب يطمر يلا تعالى بسرعه نادين كانت محتضنة مريم و ادهم ينظر اليها بحنان ادهم،، هو الحب كلو لمريم و لا ايه مفيش حاجه لبابي خالص نادين،، ركضت اليه و احتضنته،، بابي انت خفيت ادهم، ايوا يا حبيبتي انا كويس نادين،، انا قلت لربنا انه يخففك عشان انا بحبك اوي استغرب ادهم كثيرا من ما قالته نادين ادهم،، انت عملتي ايه ؟؟؟ نادين،، مريم قالتلي ان ربنا بيحبني و لما اطلب منه انه يخففك حتبقى كويس ادهم بابتسامة،، ايوا ربنا بيحبنا كلنا و لازم تدعي بأي حاجه انت عاوزاها حسام،، ده انت عسل يا نودي بجد يعني انت دعيتي لبابا بس و انا نسيتيني ادهم،، يا ساتر حتى دي حتنطلي فيهه حسام ،، ده لولا مريم مكنتش حتاخد ولا دعوة ادهم،،بأبتسامة ،، برافو يا مريم و متشكر مريم بارتباك ،، انا حنادي على رندا حسام بعصبية ،، انا طالع اوضتي ،،،،،،،،،،،،،،،،،،،،،،،،، ،،،،،،،،،،،،،،،،،،،،، اتمنى ان البارت يكون عجبكو و عايزاكو تدوني رأيكو فاللي حصل بين ادهم و مريم !!!!! | ||||||||
|
| |
|
08-05-16, 04:12 AM
| #18 | ||||||||
| مراقبة عامة ومشرفة منتدى الروايات المنقولة
| الحلقة 16 ....................... حالة ادهم تحسنت قليلا ،، و لم يتركوه رندا و حسام للحظة حتى مريم حاولت ان تكون معه قدر المستطاع و لكنهم جميعا انتبهو على الحزن اللذي يكسو وجهه لم يكن بسبب المرض و لكن بسبب كل ما يمرون به و هو المسؤول ان يصلح كل شئ مريم ،، انا كنت عايزة اتكلم معاك في موضوع بس لو لسه تعبان ممكن نتكلم وقت تاني ادهم،، لا انا بقيت احسن قولي يا ستي ايه الموضوع مريم،، هو انت ليه مقلتليش انك دفعت حساب المستشفى ادهم،، حساب ايه ؟؟ مريم،، ارجوك يا استاذ ادهم انت عارف انا بتكلم عن ايه ادهم،، مبدئيا احنا قلنا بلاش استاذ دي ،، و بعدين الموضوع ده اتقفل خلاص من قبل ما يبتدي مريم،، لا طبعا مش ممكن انا لازم ارجعلك الفلوس ادهم ،، انا ساعدتك لما مامتك كانت تعبانة و انت ساعدتي اختي فأصعب وقت فحياتهه و مسبتيش نادين من ساعة الحادثة ما حصلت و واقفة جانبنة فكل حاجه يبقى خلاص واحده بوحده مريم،، بس انا مصرة ارجعلك الفلوس لو سمحت ادهم،، خلاص اعتبريهم اعتذار مني على طريقة كلامي معاكي مريم،، ممكن اعرف انت كنت بتعاملني وحش ليه ،، يعني شفت مني حاجه خلتك تعاملني كده ادهم بأحراج،، انا اسف و معترف اني كنت قليل الذوق معاكي بس مش انتي السبب ،، ثم نظر لعينيها ،، مريم في حجات كتير حصلتلي فحياتي و كلهه وره بعض و انا بشر و مقدرش استحمل كل حاجه من غير ما اتعصب بس انت ملكيش ذنب مريم،، مش جايز انت اللي مش عارف تتعامل مع مشكلتك صح و عشان كده مش قادر تحلهه ادهم،، في مشاكل ملهاش حل هي بتيجي كده لوحدهه و مفيش اي حل ممكن يصلح اللي تكسر مريم،،بس انا شايفة ان مهما كانت المشكلة كبيرة ربنا بيدينة الطاقة عشان نستحملهه ادهم،، عارفة يا مريم انك واعية اوي اكتر من البنات اللي فسنك مريم ،، بأبتسامة ممزوجة بالاحراج ،، شكرا بس موضوع الفلوس ... ادهم مقاطعاً،، اعتبريهم سلفة او دين ووقت ما تحبي تسدديهم حلو كده مريم بأبتسامة،، خلاص اتفقنا ادهم،، بضيق،، انا رايح لسيف النهاردة مريم،، انا مش مصدقة ان فيه واحد ممكن يعمل كده فبنات الناس ادهم،، هي اللي رخصت نفسهه و رخصتنا معاها بقة انا اروح لعيل زي ده عشان يتجوز اختي و انا كان مستحيل اوافق في العادي مريم ،، انت معاك حق بس اللي حصل حصل و مفيش فأدينة حاجة نعملهه غير اننا نطلعهه من المصيبة دي ادهم ،، خليكي جانبهه و انا حكلمكو لما اتفق معاهم على حاجه مريم،، ربنا يسهل و تخلص الحكاية دي على خير ادهم ،، يارب ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، انهت اماني محاضراتها في الجامعه و خرجت لتجد ميكروباص ليوصلها للمنزل و لكنه تأخر جدا فقررت ان تمشي قليلا لعلها تجد تاكسي و فجأه ضهر امامها هاني بسيارته الفاخرة ،، انه احد زملائها و قد حاول لفت انتباهها بكل الطرق اماني،، بخوف ،، ابعد عني انت عايز مني ايه هاني،، ايه يا قمر مالك متعصب علينا كده،، ده انا حتى بحترم المزز اماني بعصبية و خوف ،، سيبني و اوعى من سكتي يا حيوان هاني،، لا احنا كده دخلنا فسكة الغلط و انا بموت فيه متيجي اعزمك على حاجة عندي فالبيت اماني و هي تحاول الهروب منه ،، انت بني ادم مش محترم ابعد عني حاولت ان تهرب منه فأمسكها من ذراعها بقوة و جرها بأتجاه سيارته ،، فتجمعت الدموع في عينيها و هي تحاول ان تقتلع يديها من قبضته و فجأة وجدت هاني يسقط ارضاً و انهال عليه حسام بالضرب المبرح حتى فر هارباً حسام،، انت كويسة جرالك حاجه اماني بصدمة،، انت ... ازاي انت جيت ازاي حسام ،، انا بعدي من هنا كل يوم ،، انا معاكي فنفس الكليه انت نسيتي اماني،، بدموع،، متشكره اوي حسام بشفقة،، طب متعيطيش ارجوكي انت ايه اللي جابك هنا بس و بعدين مين ده ازداد بكاء اماني و هي تمسك بذراعها بقوة حسام ،، بقلق ،،، هو عملك حاجه وريني ايدك اقترب حسام من يدها فوجد اثآر قبضة يد هاني عليها و متورمة جدا حسام بخوف ،، ايه ده ايديك انت ايديك واجعاكي صح اماني اشارت له برأسها بالايجاب و هي تبكي حسام ،، تعالي انا حوديكي المستشفى اماني و هي تمسح دموعها،، مفيش داعي انا حرجع البيت حسام،، حترجعي لوحدك ،،ممكن ييجي حد تاني و يعاكسك لا مستحيل اسيبك ترجعي لوحدك انا حوصلك اماني ،، لا مقدرش مش حينفع حسام ،، مليش دعوة انا قلت حوصلك يعني حوصلك اطلعي العربية لو سمحتي اماني انصاعت لاوامره لانها كانت خائفة ان يتعرض لها احد في الطريق و لكنها جلست في المقعد الخلفي حسام ،، كده حيفتكروني السواق بتاعك ممكن تقعدي جانبي هنا اماني ،، لا يا تسيبني قاعدة ورا يا تسيبني اروح لوحدي حسام ،، خلاص متزعليش المهم اوصلك انطلق حسام على المستشفى رغم اعتراض اماني و اخبره الطبيب انه مجرد التواء بسيط و تحتاج للراحة فقط اما اماني فكانت تبكي طول الطريق و هي تتذكر ان لولا وصول حسام في الوقت المناسب، كان هاني سيسحبها الى سيارته و يفعل بها ما شاء حسام،، ارجوكي بلاش عياط اماني ،، انا اسفة حسام ،، بتتاسفي على ايه انا بس مش عايزك تعيطي على حد ميستاهلش اماني ،، انا بعيط عشان كنت خايفة منه مش عشانه لولا انك وقفتو كان حياخدني عربيتو حسام،، متقلقيش انا حعلمو درس عمرو مينساه في حياتو الواطي ده اماني،، انا مش عارفة اشكرك ازاي حسام بأبتسامة،، لو عايزة تشكريني يبقى بطلي عياطو خليني اشوف ابتسامتك ابتسمت اماني بأحراج و كان حسام ينظر اليها و كأنها هي الانثى الوحيده على الارض ،، اعجب بموقفها و اخلاقها و برائتها اللتي كانت ضاهرة كالشمس ،، رغم انه يعرف الكثير من الفتيات الا ان اماني سحرت قلبه و جعلته ينسى كل ما يزعجه و لا يشغل تفكيره سواها لاحظت اماني نظرات الاعجاب في عينيه فأزاحت وجهها بأحراج اماني ،، ايوا هو ده البيت حسام،، يا خسارة وصلنا بسرعه اماني بأحراج،، متشكره على كل حاجه بجد مش عارفة من غيرك كان حصلي ايه حسام بأبتسامة،، متخافيش طول ما انا معاكي اماني و الخجل يكسو ملامحها،، شكرا عن اذنك حسام يقول في نفسه ،، يخرب بيت عنيكي حيجننوني ازاي لسه في بنات كده !!!!! ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،، عاد ادهم الى المنزل و هم ينتضروه في غاية القلق ادهم ،، السلام عليكم الجميع ،، و عليكم السلام حسام،، انت ازاي تخرج و انت تعبان ادهم،، انا بقيت كويس و بعدين مين اللي حيحل مشكلة اختك دي حسام بأنفعال ،، انت روحتلو هو مين انت ليه مخدتنيش معاك ادهم ،، عشان عارفك متهور و ممكن تضيع مستقبلك بسبب واحد زي ده حسام،، عملت ايه معاهم ادهم،، كلمت ابوه و كلمتو هو كمان و خلاص رندا،، بدموع،، خلاص يعني ايه ادهم ،، بصي يا رندا ده واحد قليل الادب و انا مسكت نفي عنه بالعافية و لولا ابو غصبو مكانش وافق حسام،، بقلق،، هو مد ايدو عليك الواطي ده ادهم،، لو كان مد ايدو كنت قطعتهاله و انت عارفني بس خلاص ابو وعدني انهم حييجو بكرا عشان نكتب الكتاب رندا،بصدمة،،، بكرا حسام ،، ايوا بكره مش عاجبك عايزه تجهزي لعريس الغفلة بتاعك رندا تبكي ،،،،،،،،،، مريم،، استهدو بالله يا جماعه مش كده اتجهت رندا لادهم،، و هي تبكي ، انا مش عايزاه ،، مش عايزة اعيش معاه ادهم بأنفعال،، متخافيش انت مش حتعيشي معاه و لا حيطول شعرة منك ،، بكرا حيكتب كتابه عليكي و بعد شهر بالضبط حيطلقك عشان تبقي متجوزة قدام الناس و ترجعي تكملي حياتك من تاني رندا بفرحة،، الحمد الله انا كنت خايفة اعيش معاه ، كنت خايفة يضربني تاني ادهم و مريم و حسام بصدمة،، يضربك تاني !!! ازداد بكاء رندا وسط ذهولهم و اسئلتهم حسام اقترب منها بحنان فقد رق قلبه لها و شعر بنار في قلبه عندما علم ان سيف كان يضربها و تذكر اماني و كيف كانت ستكون ضحية كأخته اليوم حسام،، ردي علية هو كان بيضربك رندا ببكاء،، ايوا انا .... انا لما قلتلو اني حامل ضربني كتير اوي عشان كان عاوز يموت البيبي اللي فبطني و قلي لو منزلتيش اللي فبطنك حقتلك ادهم ،، الواطي السافل انا بقه حعلمه ازاي يمد ايدو عليكي حسام اقترب منها ووجد نفسه يحتضنها و هي و قفت مذهوله حسام،، انت ليه عملتي فينه و فنفسك كده رندا احتضنته بقوة اكثر ،، والله مكنتش اعرف انه ندل و حيسبني كنت فاكره انه بيحبني سامحني يا حسام ارجوك انا محتجالك و عارفة اني غلطت كتير اوي بس حصلح غلطتي حسام،، سالت دمعه من عينيه و هو يحتضنها شعر بالاسف على ما وصلو اليه ،، ام و اب رحلو فجأه و اخت تلاعب بها شخص لا يحمل اي انسانيه في قلبه و اخ مجروح من الخيانة و ها هو الان لا يعرف ماذا يفعل ادهم نظر اليهم بحزن لم يكن هذا ما يتمناه لاخوته ،، انه العكس تماماً وجد نفسه يتركهم في انهيارهم و يدخل غرفة والديه بعد ان هدأ حسام قليلا تكلمت معه مريم و رندا مريم،، انا عارفة انها غلطت بس انت اخوهه الكبير يا حسام و متأكده انك مش حتسيبها حسام اخفض رأسه بحزن،، انت كسرتينا كلنا يا رندا رندا ببكاء،، اقتلني يا حسام لو موتي يريحكو اقتلوني انا اصلا مش عايزة اعيش فالدنيا دي بعد ماما و بابا حسام امسكها من ذراعها و هو يقول،، اوعي تقولي كده انت حتعيشي حياتك و هو اللي حيشيل ذنبك طول عمرو رندا ،، انا السبب فكل ده ،، مش قادره اشوفك و انت زعلان مني ،، فاكر يا حسام لما كنا بنعمل مقالب فأدهم و ماما تزعقلنا ،، طب فاكر لما كنا صغيرين و رحنا اسكندرية و انا كنت حغرق و انت طلعتني فاكر بابا قلك ايه يومها حسام بدموع،، قلي ... لما تكبر لازم تفضل واخد بالك من اختك زي انهاردة رندا دفنت رأسها في صدره و هي تبكي،، سامحني عشان خاطر ماما و بابا انا مليش حد غيركو دلوقتي متسيبنيش يا حسام سامحني ... سامحني لم يستطيع حسام مقاومة دموعها فأحتضنها بقوة و دموعه تفيض عندما تذكر توصيات والديه له و رأى حزنها اللذي لم يراه من قبل حسام،، مسامحك يا رندا اهدي يا حبيبتي مبحبش اشوف دموعك رندا،، ربنا يخليك ليه مريم،، ربنا يخليكو لبعض و ان شاء الله كل حاجه تتحل مسحو دموعهم و هم يبحثون بأعينهم عن ادهم حسام،، ادهم فين ؟؟؟ رندا ،، ده لسه كان واقف هنا مريم ،، هو طلع فوق بس مش عارفة راح فين ،،،،،،،،،،،،،،،،،،،،،،،،، ،،،،،،،،،،،،،،،،،،،،،، اتمنى ان البارت يكون عجبكو و البارتات الجايه حتبقى احلى و فيهه احداث كتيرة و اتمنى تعجبكو | ||||||||
|
| |
|
08-05-16, 04:14 AM
| #19 | ||||||||
| مراقبة عامة ومشرفة منتدى الروايات المنقولة
| الحلقة 17 ..................... بحثو عن ادهم في كل غرفة في المنزل و لم يجدوه ثم شعر حسام انه قد يكون في غرفة والديه ، فتوجهو الى هناك حسام،، الباب مقفول ،، بدأ بطرقه بقوة رندا،، افتح يا ادهم انت كويس مريم بتوتر،، ليكون اغمة عليه تاني حسام،، ادهم بجد متقلقناش عليك افتح الباب عايز اتطمن ارجوك ثم سمعو صوت خطوات تقترب من الباب و فتح ادهم ببطئ كان يبدو في حالة مزريه جعلتهم ينظرون اليه يخوف ،، عيناه حمراء و متورمة من البكاء و يبدو في حاله يرثى لها حسام ،، فيه ايه انت مالك يا ادهم ادهم بحزن،، مفيش حاجه سيبوني دلوقتي لو سمحتو حسام،، انا مش حسيبك لوحدك لم يرد عليه ادهم و تركه و دخل الغرفة ،، لكن حسام اتبعه فوجد البومات كثيرررره من الصور ،، صور رحلاتهم و طفولتهم و صور لوالديهم حسام،، انت من ساعة الحادثة معملتش اي حاجه ،، عيط يا ادهم،، اصرخ بس متفضلش ساكت كده ادهم،، انا حاسس اني مخنوق اوي ،، مش قادر اتخيل ان كل ده حصل في يوم واحد ،، انا حياتي كانت ماشية زي ما انا عاوز ،، معنديش مشاكل ،، مفيش حاجه تعصبني و فجأه كل الموازين اتقلبت بقيت اصحى من النوم مستني صدمة جديدة حسام،، مينفعش اللي انت عاملو فنفسك ده ،، محدش يستاهل انك تبقى كده ادهم،، انا مش حمل صدمات تاني ،، بجد خلاص تعبت اوي اوي حاسس اني كبرت عشرين سنة فالكام يوم اللي فاتو حسام بحزن ،، انت ايه اللي خلاك تطلع الصور دي بس ادهم،، وحشوني نفسي اشوفهم انا كنت عايش بعيد عنهم و لما رجعت هم راحو ،، ملحقتش اشبع منهم ، مش قادر استحمل كل ده يا حسام والله مش قادر و اخيرا و بعد كل كبريائه و محاولاته ان يكون قوي انهار ادهم اشد الانهيار في احضان حسام ، كل ما كان يحاول اخفائه تبخر في الهواء ،، بكى بقوة من كل قلبه اشتياقاً لوالديه و ندماً على فراقهم و بكى على زوجة خانته و صديق غدر به و اخت اصبحت ضحية لانسان يلعب بها و بشرفها،، اجهش بالبكاء بأنهيار لاول مرة مريم كانت تقف خارج الغرفة استمعت لكل كلمة قالها ادهم شعرت بالشفقة عليه و حزنت كل الحزن على ما توصل اليه،، رغم انها كانت تنزعج منه عندما يحدثها بطريقة غير لائقه الا انها في تلك اللحظة تمنت لو انه يعود لشخصيته العصبية لان انهياره مزق قلبها ،، استمعت اليهم و هي تبكي من كل قلبها ، فهي تعلم مرارة اليتم و لكن موت الابوين في نفس اليوم بالفعل من اقسى الصدمات اللتي قد يتعرض اليها الانسان لم تستطيع مريم سماع المزيد فتركتهم و ذهبت الى رندا حسام،، اهدى يا ادهم اهدى انا عمري مشفتك كده انت اللي دايماً بتقوينا ادهم و قد هدأ قليلاً و مسح بعض دموعه انا كويس متخافش عليه انا بس كنت حاسس اني حنفجر من كتر اللي بيحصلنا حسام،، معلش بكرا تفرج ،، خلاص بقة انت لازم تنسى ادهم،، انسى ابويه و امي ازاي حسام،، لا احنا عمرنا محننساهم الله يرحمهم،، انا قصدي على زياد و شيرين ليه بتتفرج على صورهم ادهم،، انا لقيت الصور دي عند ماما ، طب حتى لو هي طلعت خاينة هو ازاي عمل فيه كده احنا متربيين سوة عمري مخبيت حاجه عنه يقوم يسرقني و يغدر بيه ليه بس ليه حسام ،، عشان هو واحد واطي و هي كمان زيه ،، انت تستاهل وحده احسن منهه بكتير ادهم ،، هو انا بعد كل اللي تعمل فيه ممكن اقدر اتجوز و احب تاني حسام،، لازم تقدر ،، بنتك محتاجه ام و انت محتاج لزوجه مينفعش تسيب حياتك كلهه تضيع عشان واحده خانتك و سرقتك انت كده بتعمللهه اللي هي عايزاه ادهم ،، مش وقتو الكلام ده يا حسام ،، دلوقتي لازم نحل مشكلة رندا و كمان لازم ترجع الكليه كفايه بقة دي اخر سنه ليك في الجامعه انا عايزك تتخرج بأمتياز زي كل سنة حسام،، فكرتني انا كنت عايز اروح الجامعه انهارده بس في حاجه حصلت و ملحقتش ادهم،، حاجة ايه حسام،، قابلتهه ،، احلى عيون في الدنيا ادهم،، هي مين دي يا حسام احنه فأيه و لا فأيه حسام،، و هو الحب فيه وقت برضو ادهم،، بقة حسام مصطفى اللي كل البنات بتترمي عليه يتكلم في الحب ،، لا دي معجزه و مين اللي امهه داعيه عليهه حسام،، مش حقولك انت اصلا حسارة فيك الكلام ، بقة انا اللي بحبهه تبقى امهه داعيه عليهه ادهم،، اقعد يا عم انت حتعمل الشويتين بتوعك عشان تتوه الموضوع انطق مين سعيدة الحظ حسام،، بأبتسامة،، ايوا كده،،، هي تبقى اماني ادهم،، اماني مين ؟؟ حسام،، و هي دي تتنسي ،، اماني اخت مريم ادهم،، اه يا صايع و انت شفتهه فين حسام،، معايا في الكليه و كمان شفتهه لما جتلنا البيت ادهم،، خلي بالك يا حسام البنت دي شكلهه محترمة و بعدين اخت مريم انا مش عايز مشاكل و اخر حاجه ممكن اسمحلك بيهه انك تلعب في بنات الناس حسام،، لا يا ادهم انت بتقول ايه ،، انا متأكد ان البنت محترمة و بعدين انا لو بالعب كانو البنات قدامي فكل حتة و انا مش بعبرهم بس دي مختلفة ، وشها برئ و تحس انها على نياتها مش من بنات اليومين دول ادهم ،، لا ده انت واقع اوي و لشوشتك كمان حسام،، و فيهه ايه يعني ما البنت محترمة و مؤدبة جدا و بعدين دي زي مريم و انت شفت بعنيك اد ايه هي طيبة و جدعة ادهم،، معاك حق البنت دي انا بجد مشفتش حد فطيبة قلبهه حسام،، احم احم انا شايف ان مش انا بس اللي واقع ادهم بأرتباك،، ايه انت فكرك راح لبعيد خالص انا بتكلم عن شخصيتهه مالك حسام ،، بخبث،، بكرا نشوف ادهم،، المهم انا عايز اعرف انت جد فموضوع اماني حسام ،، مبدئياً جد الجد كمان ادهم،، خلاص يبقى كلهه كام شهر و حتتخرج و تشتغل بس دلوقتي ركز في المذاكره عشان تعوض اللي فاتك حسام ،، ماشي و انا موافق ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،، الساعة العاشرة صباحاً ،، اتى سيف و والده على الموعد المحدد و معهم المأذون ،، يجلس سيف بجانب والده متجهم الوجه اما حسام و ادهم يجلسون مقابيله يحاولون تمالك انفسهم كي لا ينقضو عليه خصوصاً بعد ان علمو انه كان يضرب رندا و في الزاويه البعيدة تجلس رندا و معها مريم ،، تبكي بحرارة مريم،، بتعيطي ليه بس انت لازم تكوني فرحانة على الاقل مشكلتك اتحلت رندا ،، بعد ايه،، انا حبقى مطلقة و انا مكملتش عشرين سنة ده غير ان اليوم ده بيبقى احلى يوم فحياة اي بنت و انا ضيعتو على نفسي بيتكتب كتابي و انا عارفة اني حتطلق بعد شهر و كنت متجوزة عرفي مريم،، انت صحيح غلطتي بس لو انت لسة حامل كنتي حتعيشي معاه غصباً عنك بس دلوقتي كلهه شهر و تتطلقي و تبقى تجربة و عدت و تكملي حياتك عادي و ربنا ان شاء الله يرزقك بشخص بيحبك و ينسيكي كل ده رندا،، كان نفسي اتزف للشخص اللي هو جوزي في الحلال و يبقو معاية اهلي و يفرحو بيه بس الحمد الله على كل حال مريم،، اهو انت كده رندا اللي انا اعرفهه ،، دايماً قولي الحمد الله عشان ربنا يرضى عنك و يعوضك عن كل حاجة،، فأن شكرتم لأزيدنكم ،، رندا ،، ربنا يخليكي ليا يا مريم انا لو كان لية اخت مكانتش عملت معايا اللي انت بتعمليه ده مريم،، ايه الكلام ده بقة ،، انت اختي بجد و بحبك زي اماني بالظبط ،،،،،،،،،،،،،،،،،،،،،،،،، ،،،،،،،،،،،،، بعد كتب الكتاب شعرو الجميع بالراحة ، اخيرا اصبحت متزوجة شرعاً و بعد ان ذهب المأذون قرر سيف و والده ان يذهبو و لكن حسام انقض على سيف كالصقر حسام،، بقة انت يا واطي تضحك على اختي و تتجوزهه من ورانه سيف بسخرية،، و انا مالي انتو اللي معرفتوش تربو بنتكم ،، عايزني اعمل ايه لما اشوف واحدة صايعة برة بيتها فنصاص الليالي ادهم،، مسكه بعنف ،، انا بقة حعرفك تلعب في بنات الناس ازاي و كمان بتمد ايدك عليهه انهالو حسام و ادهم عليه بالضرب المبرح و هو يحاول ان يفر من بين ايديهم ،، لم يقل والده كلمة واحده فهو يعلم مدى قلة ادب ابنه رندا،، كفايه حسام سيبو يا ادهم ،، ده واحد ميستاهلش فوزي ،، خلاص بقة كفايه اهو اتعلم الدرس كويس تركوه ادهم و حسام بصعوبه بعد ان ضربوه بقوة و عنف سيف ،، على فكره حتى بعد ما ضربتوني برضو بنتكو حتفضل واحدة سافلة و بنت شوارع كادو يضربوه مره اخرى الا ان والده وقف بينهم و سحبه من يده و خرجو خارج الفيلا رندا ببكاء،، انا اسفة و الله اسفة ادهم،بعصبية،، اطلعي على اوضتك و بلاش عياط جائت نادين اللتي كانت مع امينة في المطبخ على صوت بكاء رندا نادين،، هي طنط رندا بتعيط ليه مريم،، عشان تعبانة شوية متخافيش يا حبيبتي نادين،، بس انا مش بعيط لما بتعب ادهم ،، نادين انت مش كنتي مع امينة ايه اللي جابك هنا نادين ،، بأبتسامة،، طنط امينة بتحكيلي حكايات مش فهماها ،،وانا عايزة مريم مريم،، حاضر يا حبيبتي انا جايه معاكي ايه رأيك نروح نلعب في الجنينة ادهم،، انا عندي فكرة احلى ،، ايه رأيكو نروح نتغدى كلنا فالنادي نادين،، هييييييييه انا عايزه العب هناك حسام،، روحو انتو انا مش فايق ادهم،، لا كلنا حنروح مع بعض ،، الجو متوتر و احنا كلنا محتاجين نغير جو حسام،، حاضر لو انتو عايزين تخرجو يبقى مفيش مانع ادهم ،، خلاص غيرو هدومكو عشان نخرج كلنا و مش عايز جو النكد ده انهاردة ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، يا ترى حيحصل ايه فالنادي و مين اللي مستنيهم هناك احنا دخلنا فمنعطف جديد و حيحصل حجات كتير اتمنى يكون البارت عجبكو و تكونو كرهتو سيف زي م انا كرهتو هههههههههه | ||||||||
|
| |
|
08-05-16, 04:15 AM
| #20 | ||||||||
| مراقبة عامة ومشرفة منتدى الروايات المنقولة
| الحلقة 18 ،،،،،،،،،،،،،،،،،، انطلقو الجميع الى النادي،، في سيارة ادهم كانت تجلس مريم بالخلف مع نادين و رنداو ادهم و حسام في الامام شعرت مريم بشعور لا يوصف ، احساس يسيطر على كيانها عندما تكون قريبة من ادهم ،، هل هو عطره المميز ام شخصيته الغامضة ام حنانه اللذي لم تكن تضن انه يمتلكه ،، ادهم بالنسبة لها يمتلك سحر خاص من نوعه يجذبها لعالم اخر ،، شعرت بالانزعاج لانها اصبحت كالمغناطيس يجذبها ادهم اليه بكلمة او نظرة واحده ،، تتسلل كلماته الى اعماق قلبها بكل سهولة لتستقر في قلبها قبل عقلها ..... سألت نفسها كثيرا عن ما يحصل هل هذا هو الحب ؟؟؟؟؟ فقالت يارب لو كان هذا حباً فأبعدني عنه فهو ليس بالشخص اللذي يتمنى ان يتزوج بفتاة مثلي .......... اما ادهم فكان يتسلل الى قلبه شعور مماثل لمريم ،، اخذ يختلس النظر اليها ،، انها فعلا الفتاة اللتي تمتلك قلب لا يكره احد،،، فرغم كل ما حصل بينهم جائت بكل سهولة لتقف بجانبهم في كل خطوة،،، كل ما تلاقت اعينهم يشعر بشئ غريب يشده اليها اكثر و لكنه اصبح يخاف من هذا الاحساس جدا فهو بالنسبة لادهم بداية الوقوع في الهاوية وصلو الى النادي و اخذت مريم نادين الى مكان العاب الاطفال و لكنها نسيت جاكيت نادين فأخذه ادهم لها اثناء اللعب اصطدمت بمريم امرأه ،،، و عندما التفتت مريم لترى من هي كانت دهشتها تفوق الوصف ،، انها هي تلك اللتي قضت اربع سنوات في الجامعه مع مريم،، في كل يوم كانت تنتقص منها بعبارات خبيثة و احتقار لا يوصف ،، قللت من شأنها بسبب جمالها المتواضع و فقر اهلها و الكثير من الاشياء الاخرى ،، غيرتها من مريم كانت فوق الوصف لان مريم لم تعطي اي مجال للتجاوزات او الاختلاط الغير شرعي اما هي فكانت تهوى العلاقات و اللبس الفاضح و مع ذالك لم تحضى بالاحترام من زملائها كما كانت مريم تحضى به ....... صاحت بصوت عالي مرررررريم مش معقول مريم بأنزعاج،، اهلا يا لمار ازيك لمار،، انت فينك بعد ما تخرجتي اختفيتي معدتش بشوفك مريم،، معلش والله اتشغلت لماربدهشة،، ايييه ده البنت الاموره دي بنتك ، اشارت على نادين مريم ،، لا مش بنتي لمار بحركه سريعة التقطت يد مريم،،،، وريني كده،، انت لسه متجوزتيش و الله كنت حاسه شعرت مريم بالاحراج من كلامها فحاولت تغيير الموضوع - ما شاء الله ولادك دول لمار بأبتسامة فخر اشارت عليهم،، ايوه طبعا رائد و ريتاج مريم،، ما شاء الله ربنا يخليهوملك لمار بخبث،، عقبالك و لو اني مضنش يا بنتي اي اللي انت لابساه ده الرجاله مش بتحب الواحده المقفله و المعقدة ،، انا بقول كده عشانك فاكره ايام الكليه كنتي مبترضيش تكلمي و لا شب و عشان تعرفي انك كنتي غلطانه انا اتجوزت وليد اللي كان معانا في الجامعه مريم ،، انا مش بلبس عشان اوري الرجاله لبسي و جسمي و بعدين الحجات دي نصيب يا لمار و مش معنى انك اتجوزتي وليد يبقى كل واحده تعمل زيك و تمشي مع واحد على امل انه يتجوزها اطلقت لمار ضحكه عالية ساخرة،،، ههههههه اديكي انت اللي فضلتي معنسة و انا اللي اتجوزت يا بنتي ده انت المكياج ميعرفش طريقه لوشك خليكي كده لو فاكره ان في حد ممكن يبصل و انت بالمنظر ده تبقي بتحلمي و قبل ان ترد عليها مريم قال ادهم ،، مش تعرفينا يا مريم انتبهت لمار لذالك الشاب قرب مريم و دهشت لوسامته و شخصيته الجذابه مريم بأستغراب من وجوده ،، دي لمار زميلتي من ايام الجامعة ، ثم اكملت و ده ادهم ..... قاطعها ادهم و مد يده للمار بأبتسامة ،، انا ابقى ادهم خطيب مريم !!!!! مريم اتسعت عيناها و خفق قلبها لتلك الكلمة فشعرت كأن احد ضربها على رأسها وقفت مرتبكه لا تعلم لماذا قال ادهم تلك الكلمة و لا تستطيع ان تحرج نفسها و تكذبه امام لمار ..... لمار بغيظ و دهشة،، مش تقولي يا مريم انك اتخطبتي و له انت مش ناويه تعزمينا على الفرح مريم،، لا انا .... ادهم بخبث ،، معلش اكيد نسيت اصلنا بنجهز ترتيبات شعر العسل لمار بغيظ اكبر ،، و انتو حتروحو فين فشهر العسل انا ووليد رحنا تركيا ادهم ،، لا تركيا ايه احنا حنلف العالم و انا عندي اغلى من مريومة ازدادت نبضات قلب مريم و هي تستمع له و كأنها في حلم جميل فهي لم تستمع لكلمات كهذه من اي رجل حتى و ان كانت كذباً كادت لمار ان تنفجر من غيظها فسحبت اطفالها و قالت بخبث،، مبروك مره تانيه انا لازم امشي دلوقتي عن اذنكو وابتعدت عنهم و هي تتمتم بغيظ ،، بقة القمر ده يتجوز مريم،، طول عمرك حضك في رجليكي تلاقيكي لفيتي عليه و خليتي يخطبك،، انا عارفة ايه اللي عاجبو فيكي بعد ان ابتعدت عنهم انفجر ادهم بالضحك المتواصل و مريم تنظر له غير مصدقة مريم ،، انت ازاي تعمل كده ادهم،، اي خدمة هههههههههههههه مريم بحده،، انت ازاي تقول انك خطيبي ازاي تسمح لنفسك انك تنسبني ليك وتتكلم عن لساني ادهم ،، و انت ازاي تسمحي لوحده زي دي تكلمك بالشكل ده و انت مترديش عليهه مريم بتوتر،، طريقة ايه الست بتتكلم عادي ادهم،، على فكره انا كنت واقف هنا و سامع كل حاجه بنفسي مريم بتوتر ،، و ايه يعني انت برضو مش يحقلك انك تقول ان انت خطيبي ادهم،، انت شفتي ازاي اتغاظت منك و خرجت تجري ده انت المفروض تشكريني مريم،، اشكرك يعني ايه حتى لو كنت عايز تطلعني من الموقف اللي كنت فيه مينفعش تقول ان انت خطيبي ادهم بضحك،، هو انت تطولي واحد قمر زيي يقول انه خطيبك و بعدين انا بكره النوعيه دي من الناس و بحب اغيظهم قال ادهم جملته بأستهزاء و لكن مريم شعرت ببركان من الغضب يشتعل داخلها فهذا بالنسبه لها ليس مزاح بل انه ما تفكر به بأستمرار مريم،، اسمع يا استاذ ادهم اوعى تفتكر انك لما تقول اني خطيبتك دي حاجه تفرحني بالعكس انت بتحرجني ادام الناس ادهم بأندهاش ،، ايه يا مريم مالك اتعصبتي كده ليه انا بهزر بس اتضايقت من طريقة كلام الست دي معاكي و حبيت اوقفها عند حدها مريم،، على فكره هي اكيد حست انك بتكدب ادهم،، يا سلام ليه بقة مريم بحده ،، عشان هي عارفة اني عمري مكنت عايزه ارتبط بواحد زيك ادهم ،، بعصبية،، واحد زيي يعني ايه هو انا مش عاجب سيادتك مريم،، انا قصدي ان اللي عايزة ارتبط بيه لازم يبقى صفاته مختلفة ادهم ،، نظر اليها بعصبية ،، انا اللي غلطان اصلا و تركها في حيرة من امرها ،، شعرت ان كلماتها كانت قاسيه بعض الشئ لانه فالنهايه اراد مساعدتها و لولاه لما كانت تخلصت من لمار الحقوده،، فقررت ان تعتذر اليه مريم،، نادين ،، نادين ،، يلا تعالي معايا نادين،، حنروح فين مريم،، حنروح لبابا يلا بسرعة نادين ،، ماشي بس انا عايزة العب تاني مريم،، حاضر حجيبك تلعبي هنا تاني ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ذهبت الى المطعم اللذي يجلس فيه ادهم و رندا و حسام فأزدادت دهشتها عندما رأت يارا تجلس معهم و تبتسم لادهم ،، شعرت بنار الغيرة تأكلها و لا تعرف كيف تطفئها حاولت التضاهر انها لا تهتم و اقتربت من الطاوله لتجلس معهم يارا ،، هاااي يا مريم ازيك مريم بدهشة،، الحمد الله يارا بخبث،، شكلك لسه زعلانة مني ،، انا اسفة بجد انت عارفة الجو كان متوتر اوي و انا اسفة لو اتضايقتي مريم بأنزعاج،، محصلش حاجه بس ياريت تاني مره تحترمي الناس اللي بتتكلمي معاهم و عيب لما تقولي اني جايه اشحت يارا بغيظ مكتوم،، ده انت قلبك اسود اوي صدقيني انا مكنتش اقصد حتى اسألي ادهم انا طول عمري لما بتعصب بقول اي كلام ادهم ،، مش انت بس يا يارا رمقته مريم بنظرة غظب فبادلها هو نفس النظرات حسام ،، خلاص يا جماعه انسو الموضوع ايه رأيكو نتغدى رندا ،، ايوا انا كمان جعت اوي ادهم ،، تحبو تاكلو ايه مريم،، انا مش جعانه ادهم بتوتر ،، احنا حناكل كلنه مع بعض و مش عايز مناقشه بدأو بالاكل جميعا و هم يتحدثون الا يارا فكانت تشعر بالنظرات النارية بين ادهم و مريم و قد ازعجها اهتمام ادهم بها و لكنها ابتسمت اخيراً و هي تقول في نفسها بكرا تندمي يا بنت الخياطة مش يارا اللي يتقالهه الكلام ده ،، انا حقلبلك القعده اللطيفة دي لمفاجأه ،،،، ادهم ،، ايه يا يارا سرحانة في ايه يارا،، لا انا باكل اهو ادهم،، لا بجد فيه حاجه انت شكلك مش طبيعي يارا بخبث،، لا ابدا مفيش حاجه بس كان فيه حاجه كنت عايزاك تعرفهه بس مش عارفة ابتدي ازاي نظرو الجميع الى يارا بأهتمام و بدا القلق على وجه ادهم ادهم،، اتكلمي يا يارا مستنيه ايه اخرجت يارا هاتفها و قربته من ادهم متصنعه الحزن يارا،، الخبر ده اتنشر امبارح في النت و انا مش عايزاك تعرفو من حد تاني اقترب ادهم منها بتوتر و اخذ منها الهاتف ، فأتسعت عيناه و شعر و كأنه يختنق في مكانه،، حدق بالصوره لمده طويله و هو مصدوم لا يرى امامه لا يستمع لهم وهم يسألوه حسام،، فيه ايه يا ادهم رندا ،، ايه الخبر ده يا يارا مريم لم تكن مهتمة بالخبر او بما حصل ، كل ما كانت تراه هو ملامح الصدمة و الحزن على وجه ادهم و هو متمسك بهاتف يارا و ينظر اليه و كأنه يرى جهنم امامه لم تشعر بنفسها و هي تقول له بخوف ،، انت كويس؟؟؟ حسام،، حد يرد علينا انتو ساكتين ليه يارا ، اصل ..... اوقفها ادهم و هو يعيد لها الهاتف و قال بسرعه ادهم ،، يلا نمشي حسام،، ادهم فيه ايه فهمني بس ادهم ،، بعصبيه ،، بقولك يلا يا حسام رندا،، خلاص حاضر متعصبش نفسك مريم ،، اعادت سؤالها ،، انت كويس ادهم ،، بشرود ،، الحمد لله يارا ،، طب يا ادهم انا حشوفك بكرا ، بليس متزعلش نفسك ادهم بأقتضاب ،، عن اذنك ،،،،،،،،،،،،،،،،،،،،،،،،، ،،،،،،،،،،،،،،،،،،،، دخلو الى السياره و علامات التعجب و الحيره تملأ وجوههم و لكن لم يجرؤ اي احد على سؤاله عن السبب لانهم يعلمون انه يصبح عصبي و حاد الطبع عندما يكون حزين او منزعج من شئ،، قاد ادهم السياره بسرعه جنونيه حسام،، هدي السرعه يا ادهم شويه رندا ،، ادهم نادين خايفة هدي السرعه شويه مريم،، متخافيش يا حبيبتي نادين،، بابي انا خايفة لم يكن يسمع ادهم كلماتهم و لا خوفهم كان في عالم اخر يشعر انه في اسوء و اقسى مرحله من حياته و لم يفيق حتى سمع صوت حسام يصرخ حااااااااسب !!!!!!!!!!!!! ،،،،،،،،،،،،،،،،،،،،،،،،، ،،،،،،،،،،،،،، يلا بسرررررعه عايزه رأيكو فكل تفصيله حصلت ايووون كل تفصيله بحبكوووو اوي و بجد اتمنى ان القصة تكون عجباكو !!! | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
17Likes
.png)
العرض العادي
