نسيانك شيء مو بإيدي / للكاتبة اوب قايله شيء، مكتملة

[لامارا]

فـي المستشفى ..
رن جوال فهد / عمي هذي اسيل متصله
ترف واهي تصيح / بتقولها ان طلال مات
بو عبد الله / لا فهد لا تقولها شـيء خلهم يجـون الدمام احسن
فهد / بس اهم ماعندهم احد غير طلال اللـ الله يرحمه
بو محمد / قولهم ان صار له حادث بس لا تقوله ان مات تعور قلبهم عليه
رد الجوال فهد بصوت حزين / هلا اسيل
اسيل / اهلين وش فيك ..؟
فهد / مافي شـيء بس انتي وش بغيتي ..؟
اسيل / ول ول تبي الفكه اولا عندي لك خبر بتفرح فيه
فهد / شنو
اسيل بفرحه / أنــا حامل
وقــف فهد من الصدمه / حـــــــــــــــامل ..؟
اسيل / اييه وش فيك مو مصدق .؟
فهد / اسيل انتو لازم تجون الدمام
اسيل بخوف / ليه وش فيه
فهد ماحب يقولها طلال فـ قال / سلطان صار له حادث
اسيل / شنووو سلطان صار له حادث طـلال معاااااه صح
فهد / ايوه بس الحين اهم بخير بس انتو لازم تجون
سكرت اسيل
فهد حق عمامه / اسيل حامل
الكل التفت عليه وقال / ان الله وان اليه راجعون
ترف / شنوو فهد اسيل حامل ..؟
فهد منزل راسه / اي
ترف واهي تصيح / يااويلي عليك يااختي ولدك بكون يتيم قبـل لا يطلع من بطنك
صبا واهي تضمها / خلاص ترف مو وقته هالكلام الله يرحمه أدعي له
طلع الدكتور الثالث اللي متخصص حق محمد
الكل راح له
الدكتور / هو من فيكم يقرب لـ محمد ..؟
بو محمد / انا انا أبووه فيه شـيء ..؟
الدكتور / الحمد الله ع سلامتك ولدك الوحيد اللي ماجاء له حروق كثيـره بس بإيدو والحين تقدرو تشوفو
بو محمد / الحمد الله يارب
صبا / ابرااااااهيم الكل طلع بس بااقي دكتور سلطان اكيد صاار فيه شـيء
بو محمد / لا ان شاء الله بيطلع بـسلامه بس قومي ندخل عند محمد ولا ماتبين تطمنين عليه ..؟
صبا واهي تمسح دموعها ودخلت عند محمد اللي منزل راسه رفع راسه بفرحه بعد ماشاف أبوه واهله
صبا على طول راحت في حضنه واهي تصيح / محممممممد
محمد وهو يمسح على راسها / لا تخافين صبا كلنا بخير .. لف عليهم وهو يقول / طلال أخبــاره صار فيه شـيء ..؟
الكــل سكت ماقدر يتكلم وماحد عنده جراءه يقوله
محمد نـزل راسه / كنت عارف ان اهو الوحيد اللي ماراح ينجا لانه الحريق كلها عليه
سند راسه بتعب وهو يصيح / ياااااليتك ياسلطان مابعدت عن الشاحنه ودخلنا فيها قبـل لا يصير الحريق
صبا بخوف / سلطان اهو اللي يسوق
محمد / إيوه
بو عبد الله / كل واحد يموت بيــومه
محمد / وعبد الله وش صار فيه ..؟
معاذ / الدكتور يقول الحين اهو بغيبــوبه
نزل محمد راسه وهو يصيح / طلال قال لي انا وعبد الله لا نجـي بس احنا اللي اصرينا
سيف / خلاص محمد صار اللي صار الحين انت ارتاح
صبا / عبد الرحمن اكيد الدكتور طلع قوم نروح له نشوف سلطان وش صار فيه
طلعو بو عبد الله وصبا وشافو الدكتور طلع
الدكتور عرف انهم اقرباء سلطان وقال / الحمد الله سلطان ماجاء له شـيء الحريق كله برجـوله
صبا واهي تصيح / يعني سلطان احتـرق ..؟
ماعطاها وجهه وقال حق بو عبد الرحمن / سلطان يمكن مايقدر يمشي بس احنا راح نحاول ان شاء الله واللي كابته ربك بصـير
صبا / شنووووووووو يعني سلطان مااااراح يمششي لاااا لاااااااا انا قلت له من قبـل لا تروح لا ترووووووووووووح ليش ماسمع كلامي ليش
بو عبد الله يهديها / خلاص ياصبا الحمد الله طلع منها بسـلامه
صبا / اي سلامه يقوولك سلطان مايمشي مااااايمشي وتقولي سـلامه
وصــل الخبـر عند العايله كلها
في بيت العود الكــل حـزين وينتظرون أي خبـر عنهم
دق الجرس وراحت الخدامه تفتح الباب
دخلت اسيل ومن بعدها وجدان وام طلال
اسيل / وش صاار علمووني
ترف راحت عند اختها واهي تضمها وتصيح
خلود شاافت امها وراحت لها واهي تضمها وتصيح / اثنييين اثنين ياايمه فقدنااااهم ابوي وطلال
لفت اسيل عليها / طلال مــات
وجدان واهي تصاارخ / شنووووو طلال ماااااااات لا انتو كذااااااابين كذااااااابين
اسيل حق وجدان / لا لا مامات اهم يكذبون صح ترف طلال مامات ترف قولي لها ان طلال الحين بيجي وبياخذنا للـ رياض ترف قولي لها
يــوم ماشافت تـرف ردت راحت عند عمتها نجلااء / عمتي عمتي قولي لهم ان طلال مامات عمتي انا حاامل وانا وعدت طلال ان بجيب له اكثر من ولد
علشان ينفذ وصيـة ابووه عمممممممممممتي تكلللمي قوولي شــيء قوولي لهم ان طلال ماااااامااااات قوولي لهم
نجلاء واهي تضم بنت اخوها / أهدي يا اسيل كل انسان يموت بيــومه
اسيل واهي تصاارخ / يعنـــــــــــي طلال ماااااااااات يعني صصح كلالالام خلود طلال ماااااامات لييييييه ليييييه ياطلال تمووت وتخليني لييييييييييه
قامت وجدان واهي تروح عند خلود / خـ خلود انـ انتي ليش ساكته اهم يفاولون على طلال واحنا ساكتين صرخي عليهم قولي شـيء
ماقدرت تتحمل ام طلال وطااحت ع الأرض
وجدان جلست عند امها / يممممه يممممه قوومي يمممه وش فيك يممه لا تروحين مع ابوي وطلال يممه قوومي
قامت ام ميثم مع ام خالد نجلاء يشولون ام طلال واتصلو على ميثم ياخذها ووديها المستشفى
خلود / لا يممممه لا يااخذونها جبوووووها
وجدان / خلوود طلال ليه كذا ماات هو وعـدني يدخلني احسن الجامعااات قولي له لا يموت والله خلاص الغرفه اللي كان يبيها انا مابيها بس قولي له يرجع
قووولي له خلود قومي سووي حق طلال ورق عنب اهو يمووت علييه انتي نسيتي ان قالك بيجي الدمام وياخذه منك لييش
ماااااسويتي الورق عنب اللي موتيه اهو كااااان يقوولك سووي سووي
قامو البنات كلهم ومسكو وجدان اللي تصاارخ
فـي المستشفى طلع محمد اللي كــان يتمنى ان مايطلع ويمووت مع طـلال
دخـل غرفة عبد الله اللي كان الأجهــزه كلها عليه ودخل من بعده دكتور ...
محمد / دكتور بشرني عنه ..؟
الدكتور / والله مدري وش اقولك في البدايه كان احواله تسر والحين حالته كل يوم تزيد اسوء عن اللي قبل
محمد / الله يكوون بالعون وسلطان ..؟
الدكتور / سلطان اهو بخير وتعدى مرحلة الخطوره في البدايه قلنا يمكن مايقد يمشي بس الحين الحمد الله بخير بس يبي له ترمين
محمد / الحمد الله على كـل حال
فـي بيت العـود كان البيت هـدوء نوعـا ما بس بكـي اسيل و وجدان و خلود ..
اسيل واهي بين احضان ترف / مو مصدقه ياترف ان طلال مات وتركني هو وعـدني ان مايتركني لحظه مات ياترف وهو ماتهنى بحملـي مات وهو ماشاف ولده
وحــرم ولـده من شــوفته ولدي راح يعيش يتيم
وجدان / اسيل بس خـلاص قطعتي قلبي ارحميناااا اشوووي
صبا / خليها ياوجدان تطلع اللي بقلبها
اسيل ودموعها يتجدد / اللي بقلبي ماااات ياصبا ماات
ترف وهي تمسح على راس اختها / ادعي له بالرحمه يا اسيل
خلود واهي تصارخ / اناااا ليه حيااااااتي كذا لييه الحــزن والفرااق يجي مره وحـده ...لفت عند نجلاء ام خالد / ابي اروح المستشفى عند امي الله يخليك خليهم يودوني
راحت خلود و وجدان مع نواف اخوهم المشتشفى حـق أمهم
الدكتور / المريـضه فيها جلطه بالقلب
خلود / يـ يـعني شلــون ..؟
الدكتور / أدعــو لها
وجدان واهي تضم اختها / خلووود أمي بتروووووح قوولي لها لا تروح ان مااالي أحــد والله مالي أحد انا من بعد ابوي وطلال يتيمه مالي غير امي اذا راحت وين بروح قولي لي
جــلس نواف ع الكرســي وهو حاس ان كبــر كثـير من بعد وفااة أخــوه طلال ماعندهم أحد غير الله ثـم نواف
فــي المستشفى ..
صحى سلطان على صراخ من ألام رجوله
راحت الممرضـه تنادي الدكتور .. الدكتور / الف الحمد لله ع السلامه
سلطان وهو ماسك ركبه يحاول يخفف الألام / دكتــور رجـلي تحترق سو لـي شــيء آآهـ
الدكتور / مافي حـل عندي بس انت تحمـل لمـا العمليه
سلطان / يعنــي شلــون مااااااااعندك حـل والعمليه متى آآهـ اقولك انا احتـرق أحترق
الدكتور / طيب انا راح احط لك شـيء في البدايه راح يـألمك كثـير بس في النهايه راح يخفف عنك الألام
سلطان / لا لا قبـل لا تحط لي أبي منوم كفااايه اللي شـفته مابي احترق أكثـر
بــره في المستشفى ..
صبـا واهي تصارخ / خلووني أدخـل عليه ماتحمل اسمع صراخه
بو عبد الله / اصبـري ياصبا لما يهدي ودخلـي عليه
صبا / عبد الرحمن تكفى طلبتك لا تردني ابي اشوفه يمكن محتاج شـيء انا اسمعه يصاارخ تكفى عبد الرحمن انا مالي غيرك خلني ادخـل عليه قـبل لا يلحق طلال
بو عبد الله يحاول يهديها وهو ماسك إيدها / ياصبا صدقيني ماراح تتحملين تشــوفينه
صبا واهي تصيح جلست ع الأرض / انا تحملت أسمع صراخه أكيد راح اتحمل أشـوفه اوجاعه طلبتك ياخوي لا تردني خلني اشـوفه سلطان ماله أحد غيري اكيد هو محتاجني الحين
ماقدر بو عبد لله يســوي لها شـيء وخلاها على راحتها
دخـلت عليه صبا واهي تركـض / سلطان فيك شـيء تتألم تتوجع
سلطان / صبا اطلعي بره
صبا / لا ماني طالعه أبي اتوجع معااك
سلطان وهو ماسك ركبته أكثـر / دكتور تكفى طلعها طلعهاا
مسوكها الممرضـين وسحبوها بــره ..

فـي غرفه قريبه من غـرفة سلطان ..غــرفة عبد الله ..
كان الأجهــزه كلها بأيده وهو منبطح على بطنه لانه الحرق أغلـب شـيء بظهـره يشمـئز الواحد يشـوفه
ميثا جالسه ع الكرسـي جنبه واهـي تصيح ..
/ جنا انا أنـا خلاص أحب عبد الله قولي له يصحى والله ماطرده من الغرفه
جنا / الدكتور طمنا عليه وان شاء الله راح يصحى
ميثا / خايفه ياجنا خايفه يموت وهو زعـلان علي
جنا / لا ميثا لا تقولين كذا ان شاء الله بيصحى وبتكحلين عيـونك فـيه
ميثا واهي ترفع إيدها / آمين
دخلت عليهم بشـاير بهدوء / يلا بنروح البيت قومو
فـي بيت بو محمد ..
محمد جــالس يقولهم أسبــاب الحـادث
محمد ودموعه بعيونه / كنا نسـولف كلنا وسلطان مانتبه على الشاحنه اللي جنبه وطـ طلال قام يصارخ ينبه سلطان على الشاحنه وبعد عنها سلطان بس صار احتكاك كبير بين السياره والشاحنه
وكان هالأحتكاك كله على طلال وعبد الله مـدري بعدين وش صار ماشفت نفسي الا بالسياره وإيدي تحترق واسمع صرخات وكلام مو فاهمه نزلت من السياره وطفيت النار اللي بأيدي
ورحت عند السياره بـ بـس ماشفت احد صاحي وماحد حولي صارخت وتجمعو الناس وجات المطافي وصار اللي صار
سيف ويده على كتف اخوه / لا تضايق نفسك ياخوي الحمد الله انك طلعت منها بسـلامه
نادر / طيب وطلال ماسمعت صراخه
محمد / اقولك اسمع اصراخهم كلهم وكلام أبد مافهمته بعدين فجــأه كلهم سكتـو اما طلال يوم طلعو كان أسـود جثه جامده مايبين منه ملامحه
ريان / ان الله وان اليه راجعـون خلاص يامحمد انسى اللي صار واشكر ربك ان نجيت منها
محمد / انسى ..؟! تقولي انسى يمكن انسى الحادث بس مستحيل انسى طلال وفرحـته بحمل زوجته ومستحيل انسى فرحته يوم كنا بيرجع علشان اسيل بشوفها
شلــون انسى ياريان علمني شلــون انسى
مــرت أسبــوع ع الحــادث .. ومستحيل راح أقـدر اوصف لكم حــال ابطالنا
عبد الله مازال في غيبـوبه .. وسلطان تــم اجراء له العمليه التجميل فـي رجله لكـن التشوهات مازالت فـيه
وطبعــاً لما الحين مايدرون عن وفـــــاة طلال
سلطان وهو قايم من السرير ومنزل راسه ويتــذكر الحـادث ....{
بـوسط السيــاره النيران كل مالها وتزداد
طـلال وهو يصارخ من الألام / سلطاااااان عبد الله محمد أنا اتوجع الحريق راح يقتلني
سلطان وهو ماسك إيده / تحمـل ياطلال مو قادر اتحـرك رجـلي داخل ومو قادر اطلعها
طلال وهو يصارخ أكثر / كييييييييف اتحمل الناااااااااار كله بجسمي تكفى ياسلطان نخيتك ساااعدني سـو اي شـيء أنا اموووت
عبد الله / طــلال تحمـل جاي لك جـاي
طلع عبد الله وعلى طول قـط ظهـره كله على جسم طلال ..أمــا سلطان أغشــي عليه ولا يدري بعدها شصار ..}
صحــى من ذكراته وشــاف صبا قدامه لف عليها وجهه غرقــان بالدموع / صبا محمد وينه ليه ماشفته ليه ناديته ومارد علي هـو مات صح ..؟
صبا واهي تضم اخوها / لا محمد مامات اهو طلع من المستشفى تطمـن عليه
بعد سلطان عنها بفرحه / جـد محمد طلع منها تكفين صبا ناديه لي أبي اكلمه بقوله شـيء
توهـا صبا بتطلع جوالها وقطع عليها سلطان / طلال وعبد الله ماتو صح ..؟
تجاهلت صبا اسم طلال وقالت / لا عبد الله مامات هو بالغرفه اللي جنبـك
سلطان بفرحه / متــأكـده صبا عبد الله حـي مامات ..؟
صبا بفرحه حـق اخوها / إيي هناك بالغرفه اللي جنبك بس فاقد الوعـي
سلطان / الحمد الله يارب الحمد الله ...نزل راسه وهو يقـول / وطلال ؟
صبا بترباك / آآ طـ طـلا طـلآل مـ مـدري عنه ماسألت
سلطان وهو يسند راسه ع الجدار ودموعه تتجدد/ عارف ياصبا إن مات كان يطلب من اساعده بس رجلـي ماساعدتني لو اني قمت وساعدته كان ماصار اللي صار وش اقول حق اسيل الحين
صبا واهي تهديه / لا تحط اللوم عليك هذا يــومه وهذا حكمـة الله
سلطان / كان يحتـرق يحترق قدامي وانا مو عارف اسـوي شـيء نخاني ياصبا وهذا اللي موجع قلبي راح اتحمـل موته لما ربي ياخذ روحي
قامت صبا عنده وجلست جنبه بالسرير / لاتحمل روحك هذا يومه وانت ماقدرت تساعده لانك رجلك تألمك واكيد طلال عاذرك
سلطان وهو يصارخ / وليه عبد الله المحترق قدر يسااعده وانا لا علميييني ليه عبد الله حـرق نفسه وانا لا
صبا مو قادره تتحمل كلام سلطان اللي يحط اللوم على نفسه وطلعت واهي تتصل على اخوها
بالغرفه سلطان رافع إيده / ياارب أرحم طلال وسكنه فسيح جنــاتك يارب أقـه من نار عذابك
دخـل محمد وركـض عند سلطان وهو يضـمه ويصيح على كتفه / سلطاااااان
سلطان وهو يضم محمد اكثـر / وينك يامحمد وين رحت
بعد محمد عنه وجلس جنب سلطان بالكرسي / الف الحمد الله على سلامتك
سلطان / ربي يسلمك محمد قولي انت وينك وين رحـت ليه تركت طلال يمووت ليه كان ينادي باسمنا واحد واحد انا ماقدرت اطلع له عبد الله هو اللي راح وقط نفسه على جسم طلال بس انت وينك
محمد / سلطان انا ماسمعت احد ينادي الا سمعت صراخ وكلام بس مافهمته طلعت من السياره وطفيت النار اللي بأيدي قربت من السياره ماشفت الا ناار تطلع وماسمع اصوات
سلطان وهو يصيح / محمد طـلال نخااني كان يطلب مني اساعده ليه خليته يموت ليه ماقمت مثـل عبد الله طلال مااااات مااااات يامحمد وهو ينادينا كلنا ونخاني انا بالذات
نزل محمد راسه ورفعه ومسح دموع سلطان / لاتحط عليك اللوم اللي فيك مكفيك
سلطان وهو يصيح أكثـر / لا بــحط اللوم علي أقــولك طلال يصاارخ يتوجع قالي نخيتك ياسلطان ساعدني ليه مااقمت ليه موتــه

انتظروني

[لامارا]

الفصل الأخــير الحــادي عشـر / الجزء الأول

مر أسبوعين على الحـادثه بعض ابطالنا نسو او تجاهلو كل شـيء وبعض أبطالنا لما الحين الحـادث يمر عليهم وكأن بنفس اليـوم صاير
أم طــــــــلال بعد الجلــطه توفـت ..
في بيت المرحوم بو فيصل اللي الحين فهد ســاكن فيه مع زوجته خلود وبنته نرمين
وجــدان و نواف مع أختهم خلــود
دخـل فهد بعد ماركضت له نرمين وضمته وهو جايب معاه غدا من المطعم ..
ودخـل على طول المطبخ ورتب كـل شـيء وحـطه في الطـاوله
فـي الصـاله قبـل لا يدخـل فهد ..
نواف وهو منـزل راسه / مدري ليه المصايب جات لنا في سنه وحده من أبوي الى طلال الى امي سـنه كـئيبه
خلود ويدها على كتف اخوها نواف / أجـل وش تقول عن حالتي من سحر اختـي الى ابوي الى طلال الى امـي
ماقدرت وجدان تتحمل وطاحت دموعها / بس حرام عليكم انتو ماترحموني كل ماحاولت انسى تذكروني
تحمحم فهـد ولبست وجدان الشيله ودخل وهو يقول / قومو غـرفة الطعام شريت غدا من المطعم
خلود / يلا وجدان نواف قومو
وقـف نواف / يلا وجدان قـومي
وجدان / مالي نفـس
فهد / افا ياوجدان ترديني ..؟
وقـفت وجدان ومشت قبـلهم على غـرفة الطعام
فـي بيت بو محمد ..
محمد بغرفـته يقــره قـرأن وهذا ثـاني مره يختم فيه القرأن سكر القرأن وحـطه في الدرج وقام وهو يجلس ع الكرسي الملكي
جــاء فـي باله الحـادث ومــا مداه يكمـل الا أحد يطق الباب .. / تفضـل
دخلت عبير واهي شايله صحـن الغدا / الخدامه تقول انك مو مشتهي تتغدا بس انا جبت لك بنفسـي ابيك تذوق طباخي
محمد وهو يعاملها مثـل مايعامل بشاير / الله الله صرنـا نطبخ الحين
عبير / هذا من فـضل عمتي نجـلاء حنـت فوق راسي الا أتعلم الطبخ لما تعلمت
محمد / علشانك بـاكل وبقول رايي فيه بس ها تحمليني اذا انتقدتك ..
عبير / هههههههه انتقدني بس عاد اشوي أشـوي
حسـت عبير ان محمد محتــاج يجلس الحــاله وطلعت على طول
جـلس ع الأرض وشـرب المـاي أخذ المعلقه وحطها فـي الأكل
حــس نفســه من جـد مو مشتهي بـس حاول يــاكل علشان عبير
امــا فـي بيت العــود بعد مـاطلع سـلطان ..
تـرف حق صبا / بعدي عني انا قلت قبـل بـوكله
صبا / لا والله انا اسوي الباستا وانتي اللي توكلينه مو بـ كيفك
تـرف / بس منو قال قبـل اللي بـوكل سلطان
قاطعهم فيصل / الله الله ياسلطان من قــدك صارو يتهاوشون علشانك
ضحك سلطان بدون نفس وسحب الشوكه من الصينيه وأكـل الحاله
في بيت بـو عبد الله ..
الكــل ماله نـفس ع الأكل وحتى ماطبخو شـيء
يارا / يممه اليوم بنزور عبد الله ..؟
ام عبد الله / اييي بنزروه أدعي ربك ان يقوم بالسلامه صار له اسبوعين من صار الحادث وهو ماصحى وماله خبـر
ساره / الله يقـومه بسـلامه يارب
.
.
في المستشفى
صحى عبد الله وميثا كانت جنبه بس نايمه ع الكرسـي وماحس فيها رفع نفسه وهو يشوف التشوهات اللي فيه وصرخ بـ ألام
لما جاو الدكاتره وسيطرو على حـالته
/ الف الحمد ع السلامه
عبد الله / دكتور ابي انبطح على ظهري تعباان آه
/ لا مايصحيش
عبد الله / طيب متى بعيش انا طول حياتي كذا
/ اصبـر اشوي ان شاء الله بكره تتحسن حالتك
صحت ميثا على سوالفهم وعرفت ان عبد الله صحى وقالت / يالله وش هالأحراج اكيد شافني وفشلتااه عرف اني حبيته
طلع الدكتور بعض ماضحك على ميثا اللي تكلم نفسها بصوت صغير ماينفهم لف عبد الله جهه الثانيه بعد جهد وجهيد وشاف ميثا
عبد الله / انتي هنا ..؟
ميثا / لا هناك
عبد الله / ايش...؟
ميثا / لا ولا شـيء يلا انا بقوم
عبد الله / وين ..؟
ميثا / ها لا بـ بس بمشي
عبد الله / من متى انتي هنا
ميثا / من امس لا اقصد توني جايه
عبد الله / اها
بعد ماطلعت ميثا غـمض عيــونه وهو يتـذكر كـل شـيء صار له .. {
طلال وهو يصارخ / عبد لله قووم لا تحرق نفسـك انا خلاص راح امووت
عبد الله وهو يتــألم من الحريق اللي بظهره / آآهـ ماني قايم الا لما تطفـي النار من عندك
طـلال وهو يصارخ اكثـر / عبد الله قـلت لك قوووم عني
بعد ماطفت النار اللي بـ طلال وبعد ماطفاها عبد الله قام عبدالله بصعوبه وهو يقول / طلال انت بخير
طلال / عبد الله انا النار كلها بجسمي عارف انـ اني مستحيل اعيش وصيتي لك ياعبد الله اسيل حطها بعيـونك اهـ اهي مع ولدي
ان جابت ولـد سمـوه طـلال على اسمي وان جابت بنت سموها سحـر علشان خـ خلود أختـ اختي عبـ عبد الله أهلـ اهلي في الريـ الرياض
مالهم أحد غيـركم من بعدي وصيـتي لك فيهم حطهـم بعيونك وسكنهم الدمام عبـ عبد اللـ الله لا تنسـ لآتنسوني من دعـ دعـ دعواتكم لآ تنسـ
قاطعه عبد الله وهو يصيح وناسي حروقه / لا تقول كذا ياطلال ان شاء الله بتعيش وانت اللي بتسمي ولدك
طلال / سـ سلم على عـ ...... وراحت روحه إلى البــــــــــاري
عبد الله وهو يصاارخ / طلال طلالال قووم طلال تكفى لا ترووح
لـكن لا حياه لمن تنادي
جلس راسه على جسم طلال/ في اماان الله ياطلال في امان الله روح واهلك برقبتي الى يوم الدين روح أنت شهيد والشهيد احياء عند ربهم يرزقـون ...}
دخلت عليه اختـه يارا واهي تركض وتضمه / الف الحمد الله ع السلامه
عبد الله / ربي يسلمك
ساره واهي تضمه / حمد الله ع السلامه
عبد الله / ربي يسلمك وين امـي ..؟
يارا / الحين بتجي
دخلت ام عبد الله وبيدها باقة ورد وراحت عند ولدها وضمته واهي تصيح / الحمد الله ع السلامه
عبد الله وهو يضمها / ربي يسلمك
دخـل الكل وسلم على عبد الله وجلسو جنبه يسـالفون ..
وبعد يومين طـلع عبد الله من المستشفى ..
في بيت العـود ..
ترف / يالهبله اسيل الحين في العـده وانتي بتسوين حفله على سلامتهم خبله انتي
صبا / انتي الخبله وبعدين اسيل نسيتي انها راحت الرياض مع وجدان ونواف يعني ماراح تدري
ترف واهي تجلس ع الكنب / حبيبتي اسيـل راحت الرياض واهي ناويه تكمل حياتها هناك
صبا / الله يعوضها ان شاء الله بولدها
ترف / تتوقعين تتزوج من بعد طلال
صبا / لا مـا توقع بس انا ماحد كاسر خاطري الا وجدان مسكينه مالها أحـد
ترف / ان شاء الله نصيبها يجي بس ترى اهي مو الحالها كأن قالت عندها خاله وعندها بنت اسمها ريما
صبا / المهم ماعلينا يلا قومي نشتري كيك وحلويات وبيبسي وكل شـيء
ترف / انتي نسيتي خلود اخوها طلال يكون
صبا / لاحووول عادي من متى طلال مات الحين صار له اسبوعين ويومين
ترف / بس خلود مانسته
صبا / مو يالهبله كذا احسن علشان نطلعها من الجو الكئيب
ترف / اممم طيب طيب يلا قومي
صبا / يلا من غير ماحد يحـس
ترف / تعاالي قولي لي متى الحفله بتصير ..؟
صبا / مدرري بس نشتري احنا بعدين نقرر


محمد & عبد الله & سلطان ..

رايحين المزرعه الحـالهم ويمشوون ..عبد الله بما ان تـوه طالع من المستشفى مايقدر يمشي علشان صحته جالسه
بالعربانه ومحمد يدفــه اما سلطان يمشي بالعكازات ..
محمد / أنـا والله مـدري وش صار صحيت ماشفت الا يدي تحترق وطلعت من السياره على طول سمعت صراخ وسمعت كلام بس ابد مافهمته
سلطان / إيي الله يرحمك يـا طلال وأتمنى إنك عـاذرني اني ماقدرت اساعدك
عبد الله وهو يمسح دمـوعه / أجلسو بقولكم الوصيـه اللي وصاني
جلسو سلطان ومحمد في الكرسي قبال عبد الله
عبد الله وهو يصيح / وصـاني على اسيل قالي حطها بعيـونك اهي مع ولدي وإن كان ولد سموه طـ طلال والبنت سموها سحـر
محمد / لحظه عبد الله ليكون قصده إنك تتزوج اسيل ..؟
عبد الله / لا لا ماتوقع هو عارف اني متزوج
سلطان / كمل عبد الله ..؟
عبد الله / و وصاني على أهلـه قـالي ان مالهم أحـد من بعده ... نزلت دموعه من جديد ومسحها وهو يقول / مايدري إن حتى امه ماتت و وجدان ونواف صارو الحالهم
سلطان / إن شـاء الله قريب راح أخطب وجدان ونواف أخوها بعيش معانا
محمد بفرحـه / جد سلطان خلاص قررت ..؟
سلطان ببتسامه / إيــوه بس لمـا ينسون اللي صار
عبد الله / أكمل ولا اسكت
/ كمل كمل ..؟
عبد الله / وقـالي لا تنسوني من الدعـاء وبعدين قالي سلم على وقبـل لا يمكل مات
سلطان وهو منزل راسه / ان الله وان اليه راجعون الله يرحمه ويغمد روحه الجنـه
محمد / أتزوج اسيل ..؟؟
لفو على بعض وهم مستغربين هذا من جــده ..؟؟!
محمد / وش فيكم تطالعون بعض ؟
سلطان / من جدك بتتزوج اسيل ..؟
محمد / مـ مدري مابي اتسرع بس ابي رايكم
عبد الله / ان تزوجتها فيك الخير والبركـه
سلطان / لا محمد لا تتسرع فـكر في الموضوع عـدل ترى هذا مو شـيء سهـل يعني اذا بتتزوجها راح يكون معاها ولد ولا بنت فـكر عدل وانا متأكد انك مو قد المسؤليه
محمد انقهر من كلمة مو قد المسؤليه وقال / سلطــان عن الغلط
سلطان / انا ماغلطت قلت الصراحه انت واحد مو قد المسؤليه واذا عصبت تقول كلام مو حاس فيه وانا خايف تجرح في اسيل بـ شيء
عبد الله / لا دام السالفه كذا انا اقول لا تتزوجها أحسـن
محمد / خلاص خلاص ماني متزوج أحـد زين
سلطان / ماقلت لك لا تتزوج بس قلت لك اسيل ماتصلح لك لا تنسى انها حـامل
محمد بتردد/ طـيب و و و
عبد الله وسلطان / و و شنو ..؟
محمد / و تـ تـ تر تـر
سلطان يكمل عنه / ترف..؟
محمد / اي
عبد الله / اذا بتتزوجها انا اشهد ان ماحد يصلح لك الا اهـي
سلطان / وأنـا مع عبد الله
محمد / بـ بس اخاف ماتبيني
عبد الله / ليه ماتبيك
محمد / لا تنسى ان بنات عمي كلهم يدرون اني أكلم بنات أ أقصـ اقصد كنت اكلم
سلطان / مااعليك أنــا ان شاء الله راح اوضح لها كل شـيء بس أنت عــزم عـاد
محمد ببتسامه / عزمت
سلطان / كلللووش
عبد الله وهو يضربه / هههههه عيب البنات اهم اللي يسـون كذا مو انت
محمد / ههههههه كيفه بعد فرحـان لـي ..

فـي بيت بو محمد .. بـ غرفة ريـان
ريان / سيف بقولك شـيء حاول تنسى مشاعل
سيف / شـ شنـ شنو ..؟!!!
ريان وهو يلف الجهه الثانيه ويعطيه ظهره / اللي سمعته امس فاتحته بالموضوع قبـل لـ أقوله انك تحبها والصراحه قالي كلام تأكدت ان جـد يحبها
سيف ودموعه تجمعت بعيـونه / وش قالك ..؟
ريان / كان يقولي وش راح يسوي فـي يوم الزواج مع مشاغل ومـدري جلس يحلم ومدري شـنو
سيف / يعني نادر يحبها صح ..؟
ريان وهو يلف عليه يهديه / إيي ياسيف نادر يحبها وانت الله يوفقك مع وحـده غيره
دخـل نـادر بعد ماسمع كـل شـيء وقال بـ ثقه حق ريـان / وانت على كيفك تحكـم إنـي أحب مشاعل
ريـان / بـ بس انت اللي قلت لي
نادر / صحيح قلت لك إني لو اتزوج مشاعل بسوي كذا وكذا بس ماذكر اني قلت لك اني احبها
سكت ريان مو عارف يقـول شـيء على إن متــأكد مــئه بـآلمئـه إن نـادر يحب سـيف ..
يــوم ماشاف إجاابه من ريان راح عند سيف وهو يحط إيده على كتف سيف / الله يووفقك ياخوي مع مشاعل ولا تحاتي انا ماحبها بس عادي أحب اجننها
سيف / لـ لا خـ خلاص أنـا مـ
نادر والدموع تجمعت بعيـونه / ألف مبرووك وانا الحين بكلم أبـوي يخطبها لـك
طــلع على طول علشان سيف مايحس بـ دموعه
سيف / ناادر
تــوه ريان بيطلع ونـاده سيف / ريان انت أجلـس هذي غرفتك انا بطلع
بـ شقة ميثم & بشــاير ..
ميثم / خـلاص عاد بشـاير تراك زودتيها ماصارت هـذي زعـل
بشاير / اصلا احمد ربك اني ماطلبت طـلاق بعد
ميثم / بعــد طــلاق ..!
بشاير / لـيه انت شايف اللي انا شفته شـيء سسهل ..؟
ميثم / بشـاير ممكن تجلسين وتسمعيني ..؟
بشاير / شنو بتقووولي يعني بتقول انتي فاهمه الموضوع غلط
ميثم يقاطعها بعصبيه / قلت لك اسسمعي وخلاص
جلست بشاير بتوتر واهي تحرك رجلها / يلا ..؟ تكلم ؟؟
ميثم بجراءه / انا وسااره قبل لـ أتزوجك كان بينا عـلاقه هالعلاقه كانت خمـس سنوات
بشاير تقاطعه واهي تصيح / دام بينكم علاقه ليه تتزوجني ليه ماتزوجتها
ميثم / خلييني اكمل
اسكتت بشاير بـ معنى كمل ..
ميثم / بعد مافقدت الذاكره حاولت سااره بـكل ماتقدر انها تذكرني فيها بس انا ماذكرتها وتزوجتك وصار اللي صاار
بشاير / يـ يعـ يعني تحبها للحين
سكت ميثم مايبي يكذب عليها ولا يبي يقولها إن اهو لما الحين يحبها ..
بشاير واهي تمسح دموعها / طلقني ياميثم وارجع حق سـاره
ميثم / لا لا بشـاير مستحيل اطلقك
بشاير / لا بتطلقني واذا مو بالطيب بالغصب
ميثم / بشـاير اسمعيني انا وساره خلاص نسينا بعض
بشاير / نسيتو بعض بالكلام بس في قلبـك انت لما الحين تحبها
ميثم / بشـاير خلاص أوعـدك اني افتح صفحه جديده معاك
بشاير / بس انا مابي اهــدم حبكم وخصـوصـاً إن حبكم من زمـان خلاص ياميثم الله حقق منااكم وبترجعون لـ بعض
ميثم / بشاير اسمعيني انا مسستحيل اتركك تروحين كذا
بشاير / خلاص ميثم انا اللي عندي قلته واذا ماطلقتني بالطيب راح تطلقنـي بالغصب

فـي بيت عزام ..
عزام / انتي مجنونه ليش تتركون اسيل تروح الرياض وبعدين هناك ماعندهم احد
ترف / وانا وش اسـوي أخذت وجدان ونواف ومدري طلعو وراحو الريـاض
عزام / ان الله وان اليه راجعون الله يعوضهم
ترف / المهم عزام ماعلينا انا قررت اخطب لك
عزام / من جدك ..؟
ترف / ويه ليه أكذب ايي قررت اخطب لك
عزام / ومنو هذي اللي قررتي تخطبينها لـي ..؟
ترف / وانت شكو بعدين راح اقولك منو هذي بس بعد ماتشوفها
عزام / وبعد بتخليني اشوفها ..؟
ترف /إيووه بس واهي ماتدري يعني تقدر تقول نظره شرعيه
عزام / اهم شـيء حلوه
ترف / تهبل تجنن وربي انكم لايقين على بعض كثـير
عزام / آمممم طيب وصفيها لي
ترف / اهي ناعمه نااعمه كثير على انها كبـري بس ناعمه بيضه وشعرها أسـود وناعم
عزام تحمس / طويل ..؟
ترف / للأسف مو طويل
عزام / لا حراام اجل ماني خاطبها الا لما يطول شعرها
ترف / لا بس شعرها حلو يوصل لـ كتفها
عزام / اممم طيب موافق بعد وصفيها لي
ترف / بس وش اقول
عزام / خشمها عيونها شفايفها ابي كل شـيء
ترف / ماعرف اوصف لك انت بتشوفها خـلاص وبعدين انت فكر في الأخلاق قبـل
عزام / إيووه صح قولي لي وش اخلاقها
ترف / طيبه وحبوبه خوافه بس جريئـه
عزام / كيف تجي ذي .؟
ترف / يعني خوافه بس ماتبي تصير خوافه مثلا اهي تخاف من القطوه تروح تمسكها بس علشان ماتصير خوافه لانها ماتحب احد يناديها ياخوافه
عزام / ههههههههههههههه خوش
ترف / و بعد حنــونه كثـير وبسرعه تصيح بس تمسك دموعها ورجــه وطفــوليه
عزام / ههههههه ياحبني لها
ترف/ اووه من الحين ياحبني لها
عزام / هههههه كيفي بعد خطيبتي بس قولي لي كم عمرها ..؟
ترف / كبـري 19
عزام / آمممم حلو حلو متى بشوفها
ترف / مو الحين يعنـي
<<<<<<<<<~~ ســأل عن كل شــيء الا اسمها *_^
فـي بيت بو محمد بعد بشـاير ماطلبت الطـلاق من ميثم راحت بيت أهلها ..
سيف / بشااير من جدك تبين الطلاق من ميثم
بشاير / إيــوه من جدي
محمد / بشــُور فكـري عـدل بنتك راح تضيع
بشاير / وليه تضيع هي ماراح تبعد عـن أبووها ميثم ولد عمي وأي وقت يبي يشوفها هذا اهي
سيف / والله مدري وش اقولك بس فكري عـدل
محمد / واهـله عرفــو
بشاير / مـدري عنهم وين الخدامه ..؟
سيف / الخدامه مساافره من زمان
بشاير / طيب عبير هنا ..؟
محمد / إيوه بغرفتها بس ليه ..؟
بشاير / بخليها تساعدني احط ملابسي وملابس ليان
سيف / لحظـه على طول يعني ؟
بشاير / شنو على طول
محمد / ههههه أخوانك ريان ونادر استغلو غـرفتك
بشاير / يعنـي كيف ..؟
سيف/ يعني أخذو غرفــتك وخـلوه غـرفة اللعب مـدري عن خرابيطهم
بشـاير / لا والله يعني ليه تزوجت شايفيني ماني راجعه والله لـ أشيل كـل شـيء وبحطه عند الباب
محمد / كيفك لا جـاو تفاهمي معاهم

فـي الرياض ..
الكـل بغرفته والبيت فاضي .. جات خالتهم إم ريـما ودخلت غـرفة وجدان وشافتها تصيح
ام ريما بحنـان / خلاص يابنتي بس تعبتي وانتي تصيحين
وجدان واهي تشاهق / لا تلوميني ياخالتي تعببت من الدينا ياليت مت معاهم وماعشت كذا
ام ريما / يابنتي هذا أمـر الله
وجدان / ونعـم بـالله
ام ريما / قومـي الحين وروحي هـدي اسيل المسكينه قطعت روحها بكـي اهي محتاجه أحد يهون عليها وانتي تزيدين عليها
وجدان / طـيب الحيـن بقوم
ام ريما / يلا بنتي مسحي دموعك وغسلي وجهك وروحي عند زوجـة أخـوك هديها وانا بروح اطبخ لكم
وجدان / لا تعبين نفسك ياخالتي ماحد راح يـاكل
ام ريما / لا كلكم راح تاكلون وأولهم أنتـي ..
في غـرفة اسيل ماسكه صورة طلال فـي يوم زواجها اهي معااه وتصيح
اسيل واهي تكلم الصـوره / ليه ياطلال سويت فيني كذا ليه رحت وخليتني طـلال أرجع لي يـوم واحد نسيت انك قلت بتعوضني فـي شهر العسل تعال لي يـا طلال واسهر معاي ليله وحده بس
أضضضمك فيها لمـا اشبع مع اني ماتوقع بشبع منك ...... طاحت دموعها ع الصوره ومسحت الدموع ع الصوره كلها وضمتها في صدرها / أحححبك ياطلال والله أححبك
دخلت عليها وجدان ببتسامه هـادئه / اسيل
التفت عليها اسيل بدون ماترد
وجدان / شدعووه عاد جامليني ببـ تسامه
تـوها اسيل بتـرد بس سمعو صـوت الجرس
وجدان / تتوقعين منو جاي لنا هالحزه
اسيل / مـدري الحين خالتي تفتح الباب
جنب البـاب ..
**** / موجوده اسيل ..؟
ام ريما / إيــوه موجوده بس منو اقولها ..؟
****/ قولي لها ولد عمهــآإ ..
فـي بيت بو ميثم ..
ام ميثم / وش فيك معاها مايصير تطلب الطـلاق بدون سبب
ميثم / يممه وش فيك علي قلت لك مافيني شـيء معاها بس سـوء تفااهم وبـ تزعل وراح ترضى
بندر / طيب شنو هذا السوء تفااهم علشان تبي الطـلاق مره وحده
ميثم / شـيء بيني وبينهـا خـلاص عاد بس تحقيقات
بو ميثم / يعني جاي تقول لنا بشاير تبي الطـلاق وتبينا نسسكت هاا
ميثم / ماقلت سكـتو بس عاد مو كذا اشوي اشوي علي
نجود / صح كـلامه خلــوه يرتاح اليوم وبعدين ســألو اللي تبونه
ميثم حق نجود / يابعد قلبي ياختي والله ماحد فاهمني غيرك
بو ميثم / بلا بعد قلبك ولا شـيء من بكره تروح بيت عمك وتراضي بشـاير
ميثم / اهي تطلع وانا أخذها
بو ميثم بحده / ميثم
ميثم / طيب طيب بكرره يصير خـير ..
اما في بيت بو محمد ..
بو محمد / انتي جنيتي طـلاق مره وحــده ؟؟!
بشاير بحترام / يبــه افهمني خلاص انا تعبت مابي اعيش معاه
بو محمد / وميثم وش رايه
بشاير / مـدري بس يبه تكفى صير معاي ولا تصير ضـدي خلاص انا مابي ميثم ماابيه
بو محمد / مو لازم نعـرف الأسباب
بشاير / لا مو لازم الأسباب اهم شيء انا وهـو نعرف الأسبــاب وهذا الأهــم
عــــــند خـلود & وفهد
فهد / خلـُود خلاص انسـي اللي صار
خلود / انسى بـ سهوله
فهد / مو بـ سهوله بس حبيبتي مايصير تسوين بعمرك كذا صار لك اكثـر من اسبوعين ماطلعتي
خلود / من بعد طـلال وامي الدنيــا ابد مو حلوه لـيه أطلع وش ابـي فيها
فهد / ياحيااتي طيب شرايك نسافر
خلود / مابي اسـافر
فهد / لا بـ نساافر
خلود / لا ماراح اسافر وش اقول حق وجدان أختـي طلال وامي تـوهم متوفين واسافر
فهد / خلود حبيبتي مايصير كذا الله أخـذ أمــانتـه وكـل واحد له يـومه وطلال وأمك هذا يــُومهم
خلود / خـلاص يافهد تعبت أبـي اموت والحقهم
فهد / لا بسم الله عليك خلود لا تقولين كذا إذا رحتـي أنـا وين اروح
خلود واهي تضمه / فهد توعدني ماتتركني
فهد وهو يمسح على ظهرها / أوعـدك يـا أغلى مافي الكـون
صاحت خلود على حضـنه ونـامت
فـي الرياض ..
عبد الله / اسيل انتي لازم تكملين عـدتك في الدمام
اسيل / وانا قلت ماراح أكمل عدتي في الدمام
عبد الله / طيب وللي يقولك ان طـلال اهو اللي وصاني على كذا
الفتت اسيل وطاحت دمـوعها يوم ذكـر اسمه / جد عبد الله طلال هو وصاك كذا قولي عبد الله لا تكذذب علي اكيد انت تقول كذا علشان ارجع
عبد لله / وربـي مو علشان ترجعين
اسيل / قـولي بعد وش قاالك ؟
عبد الله / قالي ان اذا جبتي ولد اسميه طلال واذا بنت اسمها سحر علشان خلـود اخته
وجدان / يابعد عمري ياخوي حتى وانت في موتـك تذكرنا
اسيل / اللـي يبيه رااح اسويه
وجدان / انت أخـر واحد كنت معاه صح قولي وش قالك كل شـيء بتفصيل وكيف قالك تكفى لا تخبـي شـيء
عبد الله / وصاني عليكم كلكم قالي احطكم بعيـوني واخليكم تعيشون بالدمام لانه ماعندكم أحـد
اسيل واهي تمسح دموعها / واخر كلمه وش قال
عبد الله / قال سلم على اهلي كلهم
وجدان واسيل واهم يصحيون / ربـي يسلمه
عبد الله ببتسامه / الحين بتنفذون وصيــة المرحوم و لا
اسيل على طول / لا بنفذها أكيد
وجدان / كلنا كلنا بـ نروح ماحد بـ يجلس هنا
ام ريمـا / وانا راح تتركوني
وجدان واهي تضم خالتها / انتبهي على نفسك ياخالتي وعلى بنتك وان شاء الله اكيد ماراح نقاطعك
نواف / وهالبيت ياخالتي ملك لك انتي وبنتك
ام ريما واهي تضم وجدان ونواف / جعـل عيني ماتبكيكم والله يعطيني طـول العمر واشوف اولادكم ..
نواف / أميين
اسيل / طيب وين راح نسكن ؟
عبد الله / حاليـاً بيت العـود لما يخلـص بناية البيت
وجدان / أي بيت
عبد الله / بيتكم
وجدان / بيتنــا ...؟
عبد الله / إيــوه بس لا تســألين من وين
طبعــا هالفلوس هـذي كلها من سلطان أخذ من أخوانه كلهم فلــوس وحـط اللي عنــده وبنى البيت لهم
وجدان / كيف يعني مانسـأل نسكن البيت وبس
عبد الله / لا تحاتين البيت ملك لك انتي واسيل ونواف ومسجل باساميكم كلكم
وجدان / بس احنا ماعندنا شـيء
اسيل / بـاسمنا كلنا من وين ..؟
عبد الله / لاحوول بتقلبونها تحقيق يلا جهــزو كـل شـيء علشان الحين بـ نمشي
نواف / بذي السرعه ..؟
عبد الله / إيــوه ..,
فـي بيت العــود اليــوم كان موعـد ترف وخالها عزام إن يشــوف صبـا بدون إهي ماتدري ..’
عزام / هيي انتي شنو اصغر عيالك تسحبيين
ترف / علشان ماتشووفك
عزام / إيـوه طيب قولي لي وين اروح وانا اروح بس عاد لا تسحبين
ترف / يااربي منـك طيب أسمع الحين أنت روح الحين هناك وتشوف الدريشه وهذي الدريشه تطل ع المجلس اللي انا واهي موجودين
عزام / شنو يعني دريشه قصدك شبـاك ..؟
ترف / اقول بس ياملقك مسووي نفسه مايعرف دريشه
عزام / هههههه طيب قولي لي اي شباك الأول ولا الثاني
ترف بعناد / لا الدريشه الأولى
عزام وهو يروح / طيب يلا ذلفي
راح عزام مثـل ماقالت له تـرف فــجأه شـاف نفسه
عزام / يممه كيف كذا اشـوف نفسـي ، إيوووه ليكون هذي الدريشه على قولتها تعكـس ههههه الحين كيف بشـوفها الله يهديك ياترف
في المجلـس
ترف تعـدل شعر صبا
صبا واهي تشوف التلفزيون/ اووف أذتيني انتي شتبين جالسه تحوسين بشـعري
ترف / بـس اشووي صايره كشه بـعدلك
صبا / طيب بعدي عني وش حاارك انتي إيي ولله
ترف يوم حست ان خـلاص شافها وشـبع طلعت له شافت جالس ع الأرض ويـدخن
ترف / ويه لـيكون طول الوقت جالس لـي كذا
عزام / مو يالخبله تقولين لي شوف من الشباك وبالأخير الشباك يعكــس علي ويخليني اشوف نفسي
ترف / يــؤؤ صح نسـيت طيـب خـلاص بوديك الدريشـه الثانيه اللي اهي غـرفتي طـيب
عزام / كيف بتخلينها تروح غـرفتك
ترف / ماعليك مني
عزام / طيب وين غرفتك
ودتــه المكان وراحت على طول عنـد صبا ..
ترف طفت التلفزيــون
صبا / ترفوو ياملقــُوفه لـيه تسوين كذا
ترف / صبوو قومي معاي غرفـتي بسرعه عندي لك شـيء خطير
صبا / مو وقـته جعلك اللي مانيب قايله بعدي عني ابي اشوف المسلسل
ترف / لا ماراح أبعد وبتقومين غصصب عنك فاهمه
صبا واهي تقوم / اووفف اووفف اوفف
ترف / وجع اللي يوجعك لا تتأففين
صبا بعناد / كيفي كييفي كيفيي وطول الوقت بقول اووفف اوفف اوفف
وصلت صبا واهي لما الحين تتأفف وعزام يشوفها
صبا / هاا وش بغيتي
ترف / بـس كنت مشتاقه لك فيها شـيء
صبا بدلع واهي ترمش عيونها / عاد انا الناس كلهم يشتـاقون لـي مو انتي اول وحـده ولا أخـر وحـده
ترف بداخلها ( ايووه يا صبا انتي كذا تدلعي أكثر أعرف خالي يمووت بالدلع )
صبا / وش فيك سكتي قولي وش تبين ..؟
بنفس الوقت عزام وهو يدخـن / ياالبيه بس وش حـلآتها لا شكلي بعـزم واخذها
بالغرفه ... ترف تبي خالها يشوف صبا عدل / تعالي اجلسي جنبي
صبا واهي تمشي ماحست بـالواير اللي تحتها وطاحت بالأرض بـ قووه
ضربت ترف راسها / لا بالله البنت عنست
من بـره عزام / ههههههههههههههههههههههه ياحلاتها الرجـه
طلعت له تـرف بخيبة أمل
عزام / ههههههههه
ترف / وجعاه لا تضحك لا تقولي هونت
عزام / احلى مافيها شعرها يوم طاحت كله بوجهها ههههههه
ترف / عزامو لا تتشمت مو زين
عزام/ اقول ترف من تخلص اسيل من عدتها وانا خاطبها فديتها الرجـــه
ترف بفرحه / جد خـــالو ياااي ونااااااسه
عزام / إيــوه جـد يـلا الحين أنـا بطلع تبين شـيء
تـرف / لا سـلامتك
طلع عزام ودخلو بعده نواف واسيل و وجدان وعبد الله ...
لبست ترف الشيله على طول وقالت / ياهلا والله من جانا حيااكم
دخلـو البيت وجلســو بالمجلس
عبد الله / ابيك تجهزين حـق وجدان ونواف غـرفتين واسيل غرفتها القديمه
ترف بفرح / جـــــــد والله بيــسكنون معانا ..؟
عبد الله / إيــوه مــُؤقت بس لما يخلص البيت اللي راح يبنــُونه
ترف / لاحسافه لـيه مؤقـت
طـلعت صبا واهي تحك راسها من الطيحه وشافت اسيل و وجدان وركضت لهم / هلا والله ياهلا بالزين كله اسفرت وانورت واستهلت وامطرت
وجدان واسيل / اهلين
صبا / بـس على هالترحيب بس هذا اللي يطلع منكم
اسيل / لا تلـُومينا ياصبا يلا انا الحين بروح غرفـتي
ترف / صبا اسيل و وجدان واخوها بيسكنون هنا مؤقت
صبا بفرحه / وااااااااي وناااسوو يلا تعالي اليوم انتي وجدان راح تنامين بـ غرفتي ونواف ينـام بغرفة فهـد
طلع عبد الله وهو يتصل على سلطان
/ سلطان ترى الحـلووه في بيتكم
سلطان / أي حلوه ..؟
عبد الله / وجدان وش فيك
سلطان / قــل قســم ياااقلبي والله فدييتك يبي لـك أكبـر جائزهـ
عبد الله / تامر امر يالغالي بس ترى سوت لي تحقيق
سلطان / على وشو
عبد الله / على البيت اللي انت بنيته تقولي من وين لنا احنا الفلوس علشان نبني البيت قلت لها لا تسـألين
سلطان / فديتها والله قوول يارب
عبد الله / يارب
سلطان / يارب ان البيت اللي جالسين يبنــونه كل ماخلص يطيح
عبد الله / هههههه تخسر عليه بعدين
سلطان / يفداااااها فلــوس الكون كله
عبد الله / يااعيني ع الحب اللي هـــيك
في بيت المرحوم بو فيصل
نرمين / of what Claude sad (لما خلود حزينه )
خلود ببتسامه / مو حزينه ولا شـيء
نرمين / You are not sad ( اذن انت لست حزينه )
خلود / يس
نرمين / Let's play ( دعينا نلعب )
خلود / What game ( ماهي اللعبه )
نرمين تفكر وعيونها فوق / آمممم
خلود / wat ?
نرمين / Fishing
خلود / صيد السمك كيف تجي ذي ؟
نرمين / انتي القرش وانا السمك
خلود / إيــوه فهمت يلا اركضي
قامت نرمين واهي تركض وخلـود تلحق وراها
دخـل فهد / بسسم الله وش فيكم تلحقون بعـض
خلود واهي تجلس / آآهـ بنتك تعبتني
فهد وهو يضم بنتـه / ههههه وش سويتي لها
نرمين /Dade play with us ( دادي العب معنا )
فهد / العب ..؟
نرمين / يـس
فهد / ههههههههه نو I'm great
نرمين بدلع / داااااادي
خلود / العب وش وراك لا تكسر بخاطرها
فهد / من جدك اركض وراكم
خلود بضحكه / إيي عادي
فهد / آممم علشان هالضحكه اللي من زمان ماشفتها راح العب ..
نرمين / دادي راح تلعب ؟
فهد / يـس علشان خلود
نرمين / وأنـا..؟
فهد / وعلشانك انتي بعد
نرمين / Dade I love you
فهد / وهـ بس فديتك يلا قومي نلعـب
فـي بيت بو محمد ..
ريان / بشور فـكري عـدل
بشاير / خـلاص وش فيكم كم مره قلت فــكرت عــدل
نادر / متى فكرتي توك امس جايه لنا
بشاير / قبـل لا أجي فـكرت
سمعو صوت الجرس وراح ريان يفتح الباب وشاف ميثم عند الباب
ريان / هلا والله حيا الله من جانا
ميثم / ربي يحيك بتخليني واقف كذا .؟.؟
ريان / لا حياك تفضـل
شافته بشاير توها بتروح فـوق بس وقفها ميثم / بشـاير أوقفي ابي اتفاهم معاك
طلعو نادر وريان فـوق على طول ..
نادر / تتوقع يتطلقــُون ..؟
ريان / ان شاء الله مايتطلقـون بس قـولي
نادر / على شنو اقولك
ريان / كيف ضحيت بحبك حق مشاعل
نادر من سمع اسمها تجمعت الدموع بعيونه / ماضحيت ولا شـيء سيف أخـوي يحبها واهي تناسب له اكثر مني
ريان / اهو مو على تنسااب على الحب سيف قال اذا انت تبيها اهو خلاص مايبيها
نادر / بس انا خلاص قلت لك مابيها اهو غصب بتخليني احبها وعلى فكره انا كلمت ابوي يخطب مشاعل حق سيف
ريان / من جـــدك
نادر / إيي من جـدي وبـ نفس الوقت جااء محمد و كلم ابوي على ان يبي يخطب ترف
ريان / بسم الله الرحمن امداكم كلهم بتزوجون
نادر ببتسامه / الله يوفقهم
فـي بيت العـود ..
فيصل يشـوف تلفزيون وسلطان واقف يروح ويجي
فيصل / ياخي ازعجتنا اجلس مكانك
سلطان / ماني قاادر وجدان بالغرفه انت مو حاس فيني
فيصل وهو يجلس رجل على رجل / بـأي غرفه
سلطان / غرفة صبا يااليت تطـلع
فيصل / حمد الله والشكر جنيت انت وش هالحب
سلطان وهو يغني / مجنون انا في حبها مفتون انا من شفتها اهي حياتي والنظر واهي دموعي والسهر
طلعت وجدان وترف من الغرفه وسلطان لما الحين يغنـي
/ والقلب من الفرحه يطير احبها حب كبير غارق انا في بحرها واذوب انا ان شفتها فيني سكن حبها
تــوه بكمل بس وجدان وترف انفجرو ضحك / ههههههههههه
لف عليهم واهو مستغرب انحرجت وجدان ودخلت داخل على طول
سلطان / واااافشلتااااااااه من متى انتو هنا
ترف / ههههههه من والقلب من الفرحه يطير
سلطان / واهي كانت هنا
ترف / هههههههه هاا سلطانو بديت اشك ان اهي صاحبة الحب الكبير
سلطان / ومن غيرها اهي .. لف على فيصل وهو يقول / صوتي كان حلو
فيصل / ههههههههههه خقق
ترف / هههههههههه ياعيني هالحب كله حق جــدون تستاهل والله
سلطان وهو يغني مره ثانيه / تستاهل الحب يابو رمش قتالي تقتل عيونك بنظره ياكحيل العيون

وللتكمله بقــيه ^_^

[لامارا]

الفصل الأخيـر الحادي عشر / الثــــــــــــاني ..

فـي الريـــاض ..
الجوهره / شنــو بترجعون سحر حق امها
ام نصار / مابي ولا كـلـمه سحـر من بكرره ترجع حق امها
العنود / بس انا سمعت ان خلود تزوجت واحد من الدمام
ام نصار / بنتها توصلها لـ الدمام
نصار / يممه انتي وش تقولين بعد مالبنت تعودت علينا تقولين ارجعها لـ مها والله ماترجع
الهنوف / الطفـل بســرعه ينسى يعني تعودت علينا بثواني راح ترجع تتعود على امها
نصار / انا ماعندي مانع ترجع لـ مها بس مو انا نصاار اللي يوديها الدمام تبيها تجي لها لـ هنا
ام نصار / انت ماتخاف ربـك ابوها توفى واخوها توفى وامها توفـت ماتقولي منو راح يوديها الرياض علشان تاخذ بنتها
نصار / زوجها اللي اخــذته اذا هو يحبها يجــي الرياض وياخذ بنت زوجتــه
الجوهره / انتو من جدكــم بترجعونها لا ماترجع واذا انتو مستغنين عنها عند بنت الفقر انا ماستغنى عنها
العنود / ايي والله يمه صح كلام الجوهره هـذي بنت فـقر والله يستر منها شوفي شلون تطلقت من نصار وتزوجت واحد من الدمام
الجوهره / شفتي يممه واتحداك اذا ماكانت متعرفه عليه ولا هذا اللي خطبها من الدمام كيف عرفها اكيد سحرته
الهنوف / بس انتي وياها خلاص لا تحطوون على ذمتكم انتو تعلموون عن البنت يمكن رايحه عرس والأم انعجبت فيها وخطبتها
ام نصار / والله عاد شوفو غازلت تعرفت مالكم شغل فيها البنت ترجع حق امها يعني ترجع
الهنوف / انا بتصل في وجدان الحين وببلغها
.
.
في بيت المرحوم بو فيصل ..
فهد / خلود ماتبين تطلعين قبـل لا أمشي
خلود / لا روح الله معاك اذا بطلع بتصل فيك
نرمين / دادي انا بروح مع ماما خلود
فهد ببتسامه وهو يمسح على راسها / روحي وانتبهي على نفسك
بعد ماطلع جلست نرمين جنب خلـود / ممكن تقولي حق انا قصة سحر انا سمعت دادي وهو يقـولك إن شاء الله راح تجبين سحر
خلود / تتجسسين ها
نرمين / شنو يعني تتجسسين
خلود / يعني جاسوسه
نرمين / وشنو يعني جاسوسه
خلود / امممم ماعلينا الحين من هذا تبين اقولك قصـة بنتي سحر
نرمين / انتي عندك بنت
خلود / ايوه
نرمين / اممم وينها ..؟
خلود / عند أبوها
نرمين / دادي ..؟
خلود / لا دادها اهي
نرمين / مافهمت ؟
خلود / انا قبـل لا أتزوج أبوك كنت متزوجه وعندي بنت اسمها سحر
نرمين /فهمـت لكن وينها وليه ما تجي ؟
خلود / ابوها الله يسامحها حارمني منها
نرمين / وات .؟
خلود / نصار زوجي اخذ بنته سحر وسافر
نرمين / سافر مع بنتك سحر طيب متى راح يجي.؟
خلود بحزن / ماراح يجي
نرمين /
خلود / طيب حبيبتي قومي لبسي علشان نروح بيت العود
نرمين / قصدك صبا ؟
خلود / عمتك صبا
نرمين / عمتي صبا وع
خلود / ههههههههههه
وفـي بيت العــُود ..
وجدان / هنوف قولي لي الصج لا تكذبين علي يعني سحر راح تجي
الهنوف / ايي وربـي
وجدان بفرحه / طيب يلا هنوف بروح اكلم خلود افرحها ماتدرين وش كثـر مشتاقه لها
الهنوف / بـ بـس يقول نصار
وجدان / شنو ..؟
الهنوف / يقول لازم زوجها يجي ياخذ سحـر
وجدان / إيي عااادي لو انا اروح اجيبها اهم شـيء سحر ترجع يلا هنوف باي
تـوها بتتصل على اختها إلا خلود دخلت واهي ماسكه نرمين
على طول نرمين ركضـت حـق ترف و وجدان راحت عند خلود وضمتها
خلود / انتي هنا ليه ماقلتي كنت احسبك في الرياض
وجدان / تونا امس جايين وراح نسكن في الدمام بس لما يخلص البيت
خلود / بيت اي بيت
وجدان / ماعليك من أي بيت بس عندي لك خبـر يسووى ملآين الكــون
خلود / قولي فرحيني من زمان ماسمعت اخبار تفرح
وجدان / سحـر بنتك
خلود حطت ايدها على قلبها بخوف / وش فيهااا ..؟
وجدان / هنوف اتصلت علي تقول تعالو الرياض اخذو سحر
خلود بدموع الفرح / وجدان لا تكذبين علي قولي الصج يعني سحر راح ترجع بترجع لي
وجدان / إيي وربي مااكذب عليك خلاص سحر بتعيش معانا على طول
خلود / ياااليتك موجود يا طلال تفــرح معاي ..
فـي بيت بو ميثم ..
ميثم حق أبــوه / انا رحت لها واهي مارضت مصممه على الطلاق وانا اليــوم رحت المحكمه وطلقتها
بو ميثم / شنـــو طلقتها تطـلق بنت عمك ياللي ماتستحي على وجهك شقول حق عمك الحين علمني وش اقول
ميثم ولـ أول يرفع صوته على ابوه/ انا الحين صرت ماستحي على وجهـي ليش ماكلمتو بشاير واقنعتوها واهي اللي تبي الطلاق مو انا
اما على عمـي قوله هذي بنتك اللي طلبت الطلاق و ولدي نفذ طلبها
ام ميثم / اجلس يا بو ميثم لا تعب نفسـك انت تعبان ومايحتاج تصرخ عليه وخلاص صار اللي صار
جلس بو ميثم ع الكرسـي وراح ميثم فـوق ..
أمـا في بيت بو محمد .. وصل لهم طـلاق بشـاير
سيف / ارتحتي الحين يوم طلقــك يلا استااانسي بكره كلنا راح نتزوج وانتي تظلين هنا لحالك حتى بنتك بكره بتتزوج
محمد بحـده / سيف خـلاص
سيف / لا مــو خلاص مو اهي اللي تبي هالشـيء خلها تعرف وش راح يكــون مصيرها في النهاايه
نادر / يعني وشو راح يكون مصيرها بشاير صغيره واكيد راح يجي نصيبها
ريـان / أكيد وهذا خلود زوجة فهد كانت متزوجه وتطلقت والحين تزوجت فهد
عبير / وبشاير مو احسن منهم كلهم
سيف / انتو الحين على بالكم انكم تهدونها تراكم تشجعونها
محمد / وش نشجعها علييه اهي خلاصص تطلقت
كلهــم كانو يتناقشون في طلاق ميثم وبشاير جنب بشـاير ..
أمـا بشـاير تسمع كلامهم وماسكه دموعها علشان ماحد يقولها إنها ندمــانه على طلاقها من ميثم ...!
وميــثم صحيح نــادم على كل شـيء بـس بعد ماطلقها حــاس ان هم وانزاح من قلــبه ..
وقــــرر يــرجع حـق ساااره بعد ماساره تخلص دراستها إللي بـ ثالث ثـانوي
.
.
في الرياض في السياره نـزل فهد بيت ام نصار وأخذ اغراض سحر أمـا سحر لما الحين ماجات
ركب فهد السياره بعد ماحط الأغراض في شـنطة أو حقيبة السياره..
خلود / فهد وينها سحر ماشوفها
فهد / الحين بتجي يمكن يلبسونها و لا شـيء
طلعت سحـر بكل براءه واهي تمشي وماسكه صبع الخدامه وتبتسم من الشمس اللي يضـرب بوجهها
ماقدرت خـلود تتحمل وعلى طول نـزلت واهي تـركض حـق بنتها
أمـا سحـر خافت منها وعلى ضـمت الخدامه
خلود / سحر انا ماما
سحر ساكته بس تهـز راسها بـ لا ..
خذت خلود سحر وضمتها بـ صدرها وش كثـر مشتاقه لها
نـزل فهد وأخذهم وركبهم السياره .. أمـا سحر كانت خايفه ويـوم فهد مشى قــامت تصيح
خلود واهي تصيح / فهد سحر ماتبيني
فهد بحنـان / بتتعود علـيك بعدين صدقيني مثـل ماتعودت عليهم راح تتعود عليك اكثـر وبتحبك أكثـر
خلود / وقـف البقااله بشـتري لها حلويــات
مـا أجمـل لقــاء الأم لـ أبنتها .. ومـا أصعب البنت لا رفضـت أمها ...!
في بيت بو عبد الله .. الساعه 10 مســـاء
بـ غرفة سـاره قامت من سريرهـا واهي تروح عند الشبــاك وتنــاظر السمــاء ببـ تسامه ..
وأخــــــــيـــرآ’ يــا قلبـي اقتنعــت إن ميثم مــو لـي ميثم حـق بشـاير ..
تنهدت براحـــه وجلست ع الكرســي الملكي .. نسيتك يـــا ميثم نسيتك أحمـدك يــارب
وقـفت وأهــي تدُور / وش حـــــــــــلو أيــامي بدونك
مــاكلمت فرحتها الا جوالها يـرن يعلــن عن وصول مسـج .. اخذت جوالها وفتحت الرســاله اللي كانت من ميثم
عـقدت حواجبها واهي تقــره
تــم طـــلآقـي مــن بشــاير
وبعد ماتكملين دراستك وتخلصـين راح اخطبك انتظريني *_^
وبـ نفس الـبيت فـي شـقـه من شقق هذا البيت ..
عبد الله & ميثــا
جـالس عبد الله ع الكنب وهو لابـس شورت ويشــوف الحرق اللي بـرجله
حـط إيده على رجــله و مسكها بـقوه بـس ماشاف ألام أبتسم ومسكها أقـوى وحـس بألام خفيفه
/ الحمد الله الحرق بدا يروح اشوي اشـوي بس باقي ظهـري
دخلت ميثـا واهي ماسكه شـيء في علبــه و شـاشه
عبد الله / شنو هذا..؟
ميثا / أمك عطتني أيـاه وقالت لي احطه لك برجلك وظهرك
عبد الله / تركي اللي بأيدك وتعالي جنبي
ابتسمت بـفرحه وجلسـت جنـبه ، و عبد الله فسـخ البـلوزه اللي كـان لابسها
أنحـرجت ميثـا وعلى طـول قـامت
عبد الله / تعالي وين رايحه ..؟
ميثا بترباك / لـ لآ بـ بـس بـ بس هذا بشـ بشغله
عبد الله / تشغلين وشو..؟
ميثا / المكيف
عبد الله / انهبلتي مشـغل تعالي اشوي جنبـي
لفت ع المكيف وشافته جـد مشغل اللعنت نفسها من داخل
عبد الله / وش فيك واقفه تعالي اشوي
جلست جنبه واهي منزله راسها بـ خجـل
لف عبد الله وعطاها ظهره
لفت ميثا عليه واهي مستغربه جـد قليل الأدب يقولي جلسي جنبي ويعطيني ظهره بس يممه يخــوف محترق كثـير
عبد الله / أبيك تمسكين ظهري وتضغطين عليه بشـوف يألمني ولا
شهقت ميثا / اضغط عليه
عبد الله / إيــوه اضغطي عليه عادي
ميثا / لا لا مابي اخاف يـألمك
عبد الله / هو بألمني ولا بـألمك
اسكتت ميثا واهي مو داعيها قلبـها تضغط على ظهره اللي نـصه محتـرق
عبد الله / يلا وش فيك
غمضت عيونها بـقوه واهي تحط إيدها على ظهره بس بدون ماتضغط علـيه
وبـ مجرد ما ميثا حطت إيدها على ظهره غمض عيـونه وهو يتنفس براحه / أضغطي عليه
شالت ميثا يدها على طول واهي تقول / لا وربـي اخاف
عبد الله / طيب لا تضغطين عليه بس حطي إيدك على ظهري
مـدت يدها على ظهره وحطـته في مكان مافي حرق
لرف عبد الله عليها وهو يمسك يدها و وقف / قومـي
ميثا / وين أقــوم ..؟
عبد الله / قومـي وسمعي الكلام بلا عناد
قـامت معاه وأهي خـايفه دخـل الغرفه وهو يضغط على يدها كــأن خايف تضـيع منه وقفـل الباب ..
.
,
وفــي اليـــُوم الثــاني فـي الصبــاح الســاعه 8 ..
فـي بيت العـــُود بغرفة سلطان ..}
تـوه صـاحي من النــوم ودخـل الحمام ( وانتو بكرامه ) وتـروش ع السريع ولـبس الثـوب والشماغ وعـدل السكسوكه ..
تــوه بيطلع بـس ضرب راسه بأيده وهو يقـول / نسي ان اليــوم الجمعه ومافي دوام يااربي وش هالحاله بعد ماكشخ والبـس
يــلا أطلع اتمشى بـره وش وراي .... طلع من الغرفه وسمع صـوت جنبه كـله نوم / ياربي وش هالحاله كلو منك ياتـرف فوق راسي تهذرين ومانمت
لـف على صاحبة الصوت وشـافها وجدان ابتسم وهو يقول بـ قلبه ( مدري ترف قالت لها اني احبها ولا )
شافها دخـلت المبطخ ودخـل وراها ..
اخترعت وجدان يــوم شافته وقطت الكاس بــالأرض وانكسر
وجدان واهي منزله راسها / سـوري بس اخترعت
سلطان / لا عادي فـدوه لك
وجدان / أيش ..؟
سلطان / لا اقصد فدوه يعني لنا كلنا خلاص انتي روحي والخدامه تشيله
طلعت بـهدوء وراحت غرفة صبـا واهي تقول / ياربي متى راح ننقل وربـي فشله
كـان سلطان ماسك بأيده كاس يوم سمع هالكلام طاح بـالأرض وانكسـر / وناسه انا وهي كسرنا كاس هههه
مشـى ومانتبه حق طريـقه دخـل زجاج الكـاس بـرجله جلس بـالأرض وهو يصارخ من الألام ..
في غـرفة صبا .. وجدان تصحي صبا / صبا قومي قومي
صبا واهي كلها نوم / شتبين
وجدان / يصرخ اخوك
صبا / ماعليك منه يستهبل
وجدان / لا مايتسهبل قومي بــسرعه شوفي شنو فيه
صبا /............ ( ماترد ..
ماتحملت وجدان صراخه وراحت المطبخ وشافت دم شهقت بـقوه وراحت له / صاار فيك شـيء
سلطان بألامه / شفتك وراح ... كان صــوته مو واضح
وجدان بـ فشله/ سامحني والله ادري انا السبب
مسك سلطان رجـله وطلع الزجاج اللي برجله
وجدان / سلامات ماتشوف شر
سلطان وهو فرحان / الشر مايجيك
وجدان / وين الصيدليه حقكم
سلطان / أنـا الصيدليه
وجدان / كيف يعني
سلطان / آآآ أقصد هذا هناك تشوفينه
راحت وجدان وجابت شاشة جروح ولزاقه أو لازقه أو لزقه <<~~ خخ
مدت الشاشه له / تفضل
سلطان يستهبل / شنو هذا وش اسوي فيه
وجدان / هذا علشان جرحـك
أخذ سلطان الشاشه منها ولمس صبعها بعدت يدها بسـرعه وطلعت
سلطان يبي يطـول السالفه / تعالي علميني وش اسوي فيه
وجدان بدون ماتناظره / بنادي ترف تسويه لك
يوم تأكد انها دخلت الغرفه تنهد وهو يقـول / أحبهااااااااااااااااااااا ا
نـاظر رجـله وهو يقول / ماحد خلاني أشـُوف وجدان واكلمها إلا انت
أخذ من دمــه وكتـب بـالأرض اللي كلها سراميك I Love you
وقام ولا كــان صـار شـيء بـالأرض ..
يوم سمعت وجــدان باب الخارجي ينطبق طلعت وراحت المطبخ تشيل الزجاج
واهي تشيله لفت نظرها اللي مكتوب بالدم ضحكت وقالت / شكله طايح في الحـب
شافت الشاشه بالارض / هذا من جـده ماخذهم ياربي عسى مايصير فـيه شـيء ليـكون المسكين ماعرف لهم وانا تركته يااربي
انا سويت اللي علي وهو كيفه ... وقفت واهي تتأمل المكتوب فـي الأرض وجات على بالها تصوره جابت الكاميرا بسريع وصورته
وقالت / يابخت من تحبها بـاين عليه يمــوت فيها ...
دخـلت الغـرفه ونــامت ... صار الساعه أربــع والكـل نايم

يتــبع........

[لامارا]

فـي بيت بو محمد ..
بو محمد / على فكره انا كلمت عمامك وفيصل وفهد وخطبت لك تـرف بس بعد أسبـوع راح ياخذون موافقة ترف
محمد ببتسامه / لــيش اسبوع
بو محمد / بعد تدري عن اسيل اختاه لما الحين في العـده
نادر / طيب ومشاعل
بو محمد / هـم مشاعل بس ليش انت اللي تتكلم مو سيف
سيف برتباك /آآ أنـا قـ قلت له
بو محمد وهو يقوم / الله يوفقكم ياعيالي وعقباالكم كلكم
بعد ماطلع ..
سيف / نادر انت من جدك كلمت ابوي
نادر ببتسامه كلها اوجاع اليــوم ضـحـه بحــبه حـق أخـوه سيف / إيي من جدي
سيف / يعني انت ماتبيها ..؟
نادر وهو منـزل راسه / لا مابيها الله يوقك معاها
طلع فــوق ولحــقه سيف
محمد / شفيهم ..؟
ريـان / مــدري
في الغرفه دخل نادر وقفـل على نفسه الباب ..
سيف وهو يطق الباب / نادر نادر افتح الباب
نادر جـالس ع السرير وهو يصيح ولا رد على سـيف
سيف / نادر اذا انت تبيها والله اقول لـ بوي لا تسوي في نفسك كذا انا كنت حاس انك تحبها تكفى نادر افتح الباب
نادر /..........
سيف / نــادر انا ماحب مشااعل بس كنت حاط عيني عليها يعني لو تتزوجها ماراح يصير فيني شـيء نادر الله يخليك افتح الباب لا تسوي فيني كذا
نادر من وراء الباب / خلاص سيف روح اهم شـيء عندي فرحتـك
سيف / فرحتـي يوم أشــوفك تتزوج مشــاعل
فـي بيت العــود ..
سلطان بضيقه / يلا تجهزو علشان غرفة النـوم
وجدان / لحظه مو كذا على طول انا مستحيل اعيش في بيت مدرري منو بيته احنا اصلا ماعندنا شـيء
سلطان بداخله ( ايي بعد قلبي خليك على رفضك وعيشي معنا في البيت )
اسيل / إيــوه صح سلطان كـيف هالبيت جــاء
سلطان / بعدين راح تعرفون خلوها مفـاجأه بس الحين قومو البســو راح اوديكم تشترون غـرفة نـوم وتجهزون البيت
صبا / أبـــــــي اروح معاكم
ترف / وأنــا بعد بروح
سلطان / طيب يلا تتأخرون
البسو كلهم وطلعــو وجات صبـا بتركب قدام
سلطان / وين وين بتركبين
صبا / بركب قدام
سلطان / هو على كيفك قدام
صبا واهي تحط إيدها على خصرها / لا والله اجل منو بـيركب
سلطان / وجـ ترف
صبا / شفيها ترف
سلطان / اهي تركب قدام
صبا / كـأنك قلت شـيء قبـل
سلطان / ماقلت شـيء ويلا تقلعي وراء
راحت وراء وأهي تتــأفف
بعد ماوصلو نــزلو ..
وكـل وحــده راحت مكان
وسلطان ضايع بينهم / أروح عند وجدان اشوف ذوقها احسن
كانت وجدان مع تـرف ..
ترف / عمي سلطان يمووت باللون الأحمر
وجدان / وش اسوي له
سلطان / احم احم خلصتو
ترف واهي حاسه في عمها / لا بس تعال وجدان حايره باللون الأحمر ولا للون الأخضر
وجدان بشهقه / كذاابه متى قلت انا احترت اصلا انا ماشفت شـيء
ترف / مو من اشوي قلتي شوفي هالغرفه لونها اخضر
وجدان / إيي انا اقولك شوفي لونها اخضر يعني اقولك غريبه اول مره اشوف لون اخضر
ترف / طيب بس كلتيني بـ قشوري
وجدان / علشان المره الثانيه ماتكذبين
اما اسـيل قالت لهم ياخذون لها غرفة نوم منذوقهم لانه بالعده
راح سلطان عند صبا / بوووه
شهقت صبا بقوه وكحت
سلطان / ههههههههه بسم الله عليك وش فيك
صبا / خرعتني يااادوب
سلطان / أســف ماكنت ادري
صبا واهي تضربه بخفه / كم مره قلت لك لا تقول أسف اصلا احنا مابينا أسف
سلطان / يــابعد تسبدي والله وش عندك هنا واقفه
صبا بدلع / سلتان عجبتني هذا
سلطان يقلد عليها / سلتان عجبتني هذا ، اصلا انا من قالك جاي علشانك مع ذي الخشه
وجــدان كانت تراقبهم من بعيد أول مره تحسد وحــده على أخوها مسحت دموعها واهي تقول / الله يرحمك ياطلال
ترف / جدون حبيبتي وش فيك تصيحين
وجدان / ولا شـيء بس تذكرت أخـوي طلال
ترف / ياحياتي وش ذكرك فيه ادعي له بالرحمه
وجدان / شفت سلطان مع صبا يتناجرون وتذكرته كنا دايم نتناجر
ترف / خلاص وجدان أدعـي له بالرحمه الله يرحمه
وجدان / ترف اختاري انتي اي غرفه من ذوقك انا بركب السياره
ترف يوم حست ان وجدان من جد مالها خـلق اتركتها على راحتها
قبـل لا تمشي وجدان شافت سلطان يسوي حركه حق صبا بغرور ومشى عنها وصبا ضربت الأرض من القهر
وتذكرت يوم اهي معاه بالمول ، ماقدرت تتحمل وركضت على طول في السياره
لف عليها سلطان وهو مستغرب وراح عند ترف / وش فيها
ترف / شافتك انت وصبا تتناجرون وتذكرت أخوها وقامت تصيح وراحت السياره
نـزل راسه بوجع وحــط اللوم عليه مره ثانيه ( لو اني انقذتك كــان مامت و وجدان ماصاحت انا السبب في حـزنك ياوجدان )
ترف / سلطان وش فيك
سلطان / مافيني شـيء وين نواف خلص ..؟
ترف / مـدري روح شوفه هناك
راح له سلطان واختار نواف غـرفه له وراح السياره ..
سلطان حق صبا / روحي السياره خلاص خلصنا
صبا بطاعه / طيب
ترف / سلطان انا بركب السياره وانت اختار غـرفة نــوم من ذوقك حق وجدان
سلطان ببتسامه / ان شاء الله
راح سلطان عنـد الهندي / أبــي اضخم وأغلى غــرفه موجوده هنــا وحـق بنااتي
بعد مـاختــارو كـل شـيء رجعـو بيت العــود وغـرف النوم راح تـوصل لهم طبعا سلطان قالهم أخذو راحتكم ع الأخـر ..
مـر أسبــوع وصــار يــوم الخمـيس اليــوم اللي يتجمعــون فـيه كل الأهل حق الغداء والعشاء ..
وجدان في الغرفه ماتبي تطلع
ترف / وجدان يلا عاد بلا دلع
وجدان / ترووف وربي فشله انتو كلكم أهـل وانا قاطه فيسي
ترف /عادي وش فيها انتي وحده منا وفينا هذا خلود اختك هناك يلا عااد قوومي تعبت وانا اترجااك علشاني طيب
وجدان وهي ماده بوزها / طيب علشانك
ترف / فدييتك قايله انا وجدان ماترد لي طـلب ..
قامت معاهم وترف تسحبها من إيدها ..
نواف وهشام فـي الحديقه يسالفون
هشام / يعني راح تسكنون هنا
نواف / إيــوه
هشام / الحمد الله أجـل لقيت لي صديق ماتدري وش كثـر انا زهقان كل يوم يدي على خدي
نواف / ههههههه يلا جيت لك وبوسع لك صدرك
هشام / وين راح تسكنون
نواف / الحين احنا راح نسكن هنا بس ان شاء الله يخلص البيت ونروح نسكن فيه
هشام / اجل فرصه سعيده كل مره بشوفك
وفي مجلس الخارجي
بو محمد بو خالد بصوت صغير / مارديت علي بنتك وافقت
بو خالد / نسيت والله اخذ رايها بس الحين اتصل على نجلاء اختك واقولها تاخذ رايها
بو محمد / لا مو الحين تحـرج البنت لما ترجعون البيت
ميثم حق سيف / سيف مو انت تقول هونت ماتبي مشاعل لانه نادر اخوك يحبها
سيف / إيــوه
ميثم / ابوك يسوولف مع بو خالد شكله يكلمه عن الخطبه
سيف / من جـدك انا وعدت نادر اكلم ابوي
ميثم / انا مدري وش يقولون بس شكلهم عن الخطبه روح تأكد
سيف / شلـون اتأكد اخاف كلمه
ميثم / تدري شلون بعد ماترجع البيت احسن كلمه
سيف / شايف كذا ..؟
ميثم / إيــوه
كـان كل واحد ملتهي بســالفته ..
عند نادر وريان ويوسف ..
نادر / خلاص انا قررت اكمل دراستي بالخارج صراحه من جد مليت
يوسف / خلاص روح وانا اروح معك
ريان / لا والله تتركوني كذا ..؟
نادر / تعال معانا وربي فلله ثلاثه
ريان / نسيتو اني مسجل في جامعه
يوسف / الغي وسافر معانا
ريان / لا ماتوقع ابـوي راح يوافق بس لا تتركوني عاد
نادر / والله مدري وش اقولك بس تدري ياريان ولا جامعه قبـلت فيني ومايصير اترك دراستي كذا
يوسف / وانا ابـوي يبيني اكمل دراستي لقيتها فـرصه اروح معاه
ريان / لا والله ماخليكم تروحون لازم اروح معاكم بســوي المستحيل
نادر / لا رياانو لا تضيع جامعتك الجامعه اللي انت فيها الكل يتمنى يدخل فيها
ريان / بس انا مابيها بدونكم
يوسف / طيب شرايك بعد خمس شهور او اي يوم تاخذ اجازه وتجي لنا
نادر / ايي والله فكره حــلوه
ريان / مــدري وربي ضيقتو خلقــي
وعــند خالد وبندر ومعاذ ..
خالد / يابختك ياامعيذ تزوجت وفتكيت
معاذ / تبون الصراحه ندمت يوم تزوجت
خالد وبندر / افا افا ليه ..؟
معاذ / مـدري في البدايه كان وناسه وكذا يعني بس بعدين احس سوالفنا انا وجنا كلها خلصت و وراي مسؤليه كبيره
بندر / طيب ساافرو وغيــرو جــو
معاذ / وين اساافر و راي شغـل ومستحيل عمامي راح يعطوني اجازه
خالد / عاد مو كذا لا تقول انك نادم احسها كبيره بحـق جنــا
معاذ / انا مو قصدي نادم بس اقصد اني لو منتظر أشــوي سوري بندر عارف ان جنا اختـك بس الصراحه انا اعتبرك صديق مو ولد عم ولا نسيب
بندر / شدعــوه عااد تدري أنا ماعلي من أحــد
خالد / طيب انا عندي لك فــكره تغير جـو انت وجنا
معاذ / وش هي ..؟
خالد / يعني تروحون المــول وتاخذون ملابس حق البيبي وصدقني ان الولد ولا البنت اللي راح يجي لك بغير حياتكم كلها
معاذ / ان شــاء الله يجي بسرعه والله اني مشتاق له قبـل لـ أشوفه
بندر / الله يولدها بســلامه ..
اما عند سلطان وعبد الله ومحمد ..
محمد / ايي خلاص كلمت ابوي وان شاء الله راح يخطبها لما تخلص اسيل من عدتها
سلطان / اجــل باقي أنـا
عبد الله / عاد انت حاله غــير
محمد / بقــوه هذا حاله غيـر يعني يحبها ومتعذب وأشــوي ويصير مجنون منها ولا يخطبها
سلطان / ياخي انتو وش حاركم انا في بالي شـيء قبـل لـ اخطبها
عبد الله / لا عاد تقولي بتعرف عليها
سلطان / نو نو مو هيك
محمد / اجل اي هيك .؟
سلطان / بقــول حق زوجــة محمد مستقبــلآ تاخذ رايها قبـل لـ أخطبها
عبد الله / وش تنتظر قولها
سلطان / مدري ماشفت الفرصه اللي المناسه الحين خلك انت مني قولي اخبارك مع ميثا
عبد الله / بخير
محمد / نمت جنبها ولا لما الحين هههههه
عبد الله / تقلع عن وجهي
سلطان / هههههههههه لا تتنحش قول
عبد الله /أي نحشه بعد أنت وش تبون اقولكم
محمد وهو يعدل جلسته / بتفصيل
سلطان وهو يضربه على راسه / اسستح على وجهك ماتبت انت
محمد / لا مو قصدي يعني انت راح فكرك بعيد ايي والله
عبد الله / والله انت اللي مخك بعيد بس الشرهه علي جالس مع مراهقين
محمد / تعال بعد انت لا تسوي نفسـك زعلان اهم شـيء خلاص تصالحتو
عبد الله / تقدر تقــول
سلطان / كيف يعني ..؟
قالهم عبد الله الســالفه كلها ..
عند الرجــال ..
بو ميثم / يلا عاد فيصل جهـز نفسك والحق اخوك فهد
فيصل / الحقه في شنو
بو ميثم / تزوج انت الحين عمرك 31 وماتزوجت الشيب بيطلع من راسك
فيصل / والله ياعمي لما الحين ماشفت بنت الحلال
بو عبد الله / بنات الناس كثار قول حق وحده من خواتك تختار لك البنت اللي انت تبيها
فيصل / مدرري بعدين افكر
بو محمد / لا تفكر ولا شـيء خلاص من بكره انا بكلم ترف تختار لك
فيصل / لا عمي لا تحرجني والله مابي اتزوج الحين مرتاح انا كذا
بو عبد الله / خلوه الحين على راحته بس بعد شهر اذا ماتزوج نقول حق حريمنا يدورون له بنت ..
في المجلس الداخلي ..
ساره واهي تحاول تكلم بشاير / بيشو
بشاير بهدوء / هلا
ساره ببتسامه / اهلين اخبارك
بشاير / بخير الحمد الله
ساره / آآمم تدرين عاد بكره علي اختبار نحو وانا اعرفك تموتين ع النحو
بشاير / والمطلووب
ساره / ابيك تدرسيني اشـوي
بشاير / سووري ماقدر مشغوله دوري غيري
قربت ساره من بشاير بحنان / انتي لما الحين زعلانه علي
احتقرتها بشاير ولفت الجهه الثانيه
ساره / بشـاير لا تسوين لي كذا والله مو انا اهـ
توها بتكمل قاطعتها بشاير وهي تقول / بتقولين اهو للي مسك كتفك صح ، ادري عن هالشـي
ساره / طيب رجعي مثـل اول
بشاير / للأسف ياساره ماقدر
ساره / ليه ماتقدرين
بشاير / انا اشووف فيك شـيء ماحد يشـوفه فيك
ساره / شنو تشوفين
بشاير / الخيااانه تمشي بدمك
ساره شهقت واهي تصيح / بشاير انا خاينه حرام عليك
الكل التفت عليهم واهم مستغربين من ساره
ماقدرت ساره تتحمل و ركضت واهي تـدخل الغرفه
مشاعل / وش فيها ؟.
بشاير / مافيها شـيء روحو سألوها لا تسألوني انا
راحت صبا الغرفه عند ساره
صبا / سااره وش فيك ..؟
ساره / صبا بشاير تقول عني خاينه ليه ماحد فااهمني والله اني مو خاينه صبا تكفين فهميها قولي لها كل شـيء
يمكن ميثم ماوضح لها شـيء انتي وضحي لها
صبا / معليه ساره تحملي كلام بشـاير تدرين ان توها متطلقه حتى العده ماطلعت منها
ساره / بس انا مابي تكون نظرتها لي خاينه روحي كلميها
صبا وهي تضم ساره وتمسح على راسها / عيـوني سااره لا تضيقين نفسك ولا تصيحين
ساره بحضن صبا / تعبت ياصبا عمري ماتهنيت بالفرحه حتى يوم اني نسيت ميثم طلقها ويقولي برجع لك
صبا / شنووو بيرجع لك
ساره / يقول بعد ماتخلص دراستي يعني بعد سنه بس انا مابي مابي ارجع له انا خلاص نسيته
عـند البنــات ..
جنا / معاذ يقول يبي اسم فـارس ولد والبنت انا على كيفي بس محتاره
مشاعل / تحتارين وانا موجوده
جنا / يلا عطيني أسم حلو
مشاعل / سميها مشاعل الطف واحلى واظرف اسم
ميثا وترف / وووووووووووووووع
مشاعل / الوع اللي ياكلكم قولو آمين
وجدان واهي رافعه يدها / آآمين
ميثا / وياكلك معاها قولو امين
ترف / اميين
عبير / ويه وش فيكم كل وحده تدعي ع الثــانيه مايجوز
وجدان / احنا ندعـي بـ مزح عــاد مو جد
جنـا / ولو حتى مزح يمكن يصير جـد بتقدرون تتحملون المسؤليه
ميثا / يــؤؤ وش فيكم قلبتوهــا جد حمد الله والشكر عليكم
ترف / ماعلينـا الحين شرايكم نلعب
مشاعل / يااااااحبك للـعب يااترف
ترف / بعيش طــُوفلتي بعد
ميثا / إيي خليها تعيش طفولتها قبـل لا تتزوج
ترف / إيي واهي الصادقه
جنا / أموووت ع الثــقه بالي بيتزوجون
ترف / ويه يااحافظ وش فيني علشان ماتزوج كامله والكامل الله
دخلت عليهم صبا / ومنو هـذي اللي قالت انك مو كامله
ترف واهي ماده بوزها بدلع / هذي جنـا
صبا / احمدي ربك ياجنا إنك حامل ولا كان رحتي في خبــر كان
ترف / ايي ايي احمدي ربــك جاات أم الفزعات
جنا واهي ترفع يدها / الحمد الله الحمد الله يااارب
ترف / المهم يلا قومو نلعب
صبا / وشو نلعب
ترف / يعني اهي صج ان هذي اللعبه حق جهال مثل يارا ونجود بس معليه خلونا نلعبها
الكل / ههههههههههههههههههههههههه هه
مشاعل / حلوووه يارا ونجود
يارا / وش فيناا بعد
نجود / يااحبكم لنا
ترف / روحو بس شوفو شغلكم
ميثا / يلا ترفوو قولي وش اللعبه تراي تحمست من جد
نرف / نلعب باربي
صبا / هههههههههههههههههه من جدك
مشاعل / هههههههههههه قايله لكم من قبل ترف نصغــه
ميثا / إيي وش فيها عادي بس من وين لنا باربي
ترف واهي تحرك حواجبها فوق وتحت / سحر وليــان الله يخليهم لنا
وجدان / إيي يــلآ انا سحـر بنتي
ترف / وانا ليان
ميثا / لا والله انا ليان بعد كيفي بنت اخوي
ترف / انا قلت قبـل مابي مابي
بشاير / لا والله مصدقين يعني بعطيكم بنتي
ميثا وترف / ليه بس اشوي نبي نلعب
وبعد الترجي والرجووه وافقت بشاير تعطيهم ليان علشان يلعبون
مــر هذا اليــوم بـ سلآم ، وبعد ماطلعت اسيل و بشاير من العـده .. و وجدان واسيل ونواف راحو البيت اللي بنى لهم سلطان

يتبع.......

[لامارا]

فـي بيت العـود


ترف / عندي شـرط
فيصل / شنو عندك شـرط بعد
ترف / من حقـي اشرط صح ولا لا
سلطان / إيوه من حقك قولي وش شرطك
ترف / أبي اجلس معاه
فيصل / شنــو ؟
سلطان / من جدك ترف محمد ولد عمك وانتي تعرفينه ليه تجلسين معاه
ترف / انا قبـل لـ أوافق بجلس معاه بكلمه في مووضوع انتو وش يخصكم
فيصل / وشنو هالموضوع ...؟
ترف / لا كلمت محمد فيه قلت لكم
فيصل / اسمعي عاد بتوافقين غصب عنك وبلا شروط وبلا بطيخ ولا تتكلمين بكلمه
فهد / فيصل الله يهداك وش فيك عصبت البنت طلبت حقها
فيصل / أي حــق تقول تبي تشوف محمد
سلطان / لاحوول انتو وش فيكم مكبرينها خلاص نجيب محمد الحين واهي تكلمه
ترف / اكلمه جنبكم
فيصل / لا بعد قوولي بجلس معاه الحالي
توها ترف بتتكلم وقاطعها سلطان / فيصل وش فيك انت اليووم اصبر خلها تكمل كلامها
ترف / ماعندي شـيء اقوله
سلطان / طيب انا وانتي ومحمد نجلس مع بعض صار ...؟
ترف / اي صار
سلطان / ها خلاص خلصنا بس تسوي الأمور بـ فوضى
فيصل / طيب وش اقول حق عمي ابراهيم الحين اختي تقول تبي تشوف محمد
فهد / وليه تقوووله احنا ننادي محمد الحاله وخلاص
صبـا / واااااااااااي ونااااااااسه ترف بتتزوج
سلطان / ههههههه من جد هبله مابعد
فـي حديقة بيت العود الجو كان حلو لبست ترف العبااه ع الكتف اللي كلها زخارف حق الأعراس طبعـاً
وجلست هناك وجاء لها محمد وسلطان ..
اجلسو ع الطاوله اللي موجوده
محمد / تفضلي ترف شنو الموضوع اللي بتقولينه
اسكتت ترف ماتوقعت انها راح تستحي كـذا ..
محمد / وش فيك ترف
سلطان / وين الجراءه كلها تبخرت يوم شفتي محمد
ترف بهدوء حق سلطان / خلاص بطلت مابي افتح الموضوع
سلطان / هههههههههههه تقول خلاص هونت
محمد عقد حواجبه / ليه
سلطان / مدري شكلها استحت
محمد / طيب ممكن انا افتح معاك الموضوع ..؟
ترف هزت راسها بـ ايه
محمد / انتي تبين تكلميني عن البنات اللي اكلمهم صح
هزت راسها بـ ايه مره ثانيه
سلطان / ماشاء الله عليك عندك الحاسه السادسه
محمد / افا عليك انا افهم ترف واهي طايره
نزلت راسها أكثـر بـ خجل
محمد / بس انا اقولك اني والله من صار الحادث لي وانا تركت هاللعب كله
ترف حق سلطان بصـُوت صغير / ابي اسماء البنات كلهم اللي يكلمهم
سلطان / وال وال من وين يجيبهم
محمد / شنو
سلطان / تقول تبي اسماء البنات كلهم
محمد / هههههههههههه عادي اجيبهم لك انا كاتبهم في دفتر ان شاء الله بكره اجيبه لك
سلطان / خلاص خلصتي
هزت راسها بـ ايه وقامت
محمد / سالفه وسالفه اخر شـيء هذا اللي تبيه مني
سلطان / هههههههههههه بعد من حقها
محمد / تتوقع وش تبي في اسماء البنات اللي اكلمهم
سلطان / مدري بس انت وعدتها تعطيها الدفتـر وتعطيها جد مو كذب
محمد / أكيدات
فــي بيت بو خالد ..
يوسف / سيف خطب مشااعل ..!
ام خالد / ايي وش فيك مستغرب
يوسف / ولا شـيء بس مشاعل وافقت
ام خالد / ان شااء الله بتوافق قالت لي بكره بترد لي الخبـر
راح يووسف غرفة خالد وهو مستغرب ..
يوسف / خــالد سيف خطب مشاعل اختي
خالد / من جدك
يوسف / اي وربي
خالد / وناادر مو هو يحبها
يوسف / والله مــدري شكلهم غلطانين
خالد / اي غلطانين مع وجهك تذكر يوم اقولك ان سيف ينقهر من نادر لا تحرش في مشاعل
يوسف / اي اذكر تتوقع وش موقف ناادر ...! ؟
في بيت بو محمد ..
سيف / لييش يبه خطبتها لي
بو محمد / مو انت الحين تبيها
لف سيف راسه وصعد فـوق حق نادر
سيف / نادر والله مدري ان ابوي راح يتسرع كذا ويخطب لي مشاعل
نادر / ابوي خطب مشاعل لك
سيف / ناادر والله الحين لو تبي اكلم ابوي اقوله ان تبيها عادي
ابتسم ببتسامه مجامله وقال / الله يوفقك معاها
سيف / بـ
نادر / سيف اطلع برتاح اشـوي
طلع وهو مو عارف شـيء قلبه فرحان ع الخطبــه بس عقــله يقوله اخوك يحبها ...!
فـي الشاليه
صبا و عبير وساره يتمشون
ساره / ماشاء الله الله يكثرهــم عقبالكم كلكم
صبا / احس اني مو مستوعبه ذيك السنه ولا وحده فينا متزوجه والحين ميثا وجنا متزوجين وبشاير عندها بنت وترف ومشاعل بالطريق
عبير / عاد قولي ماشاء الله
صبا وساره / ماشاء الله ..
عند سلطان وترف يتمشون
سلطان / ليه ماقلتي حق وجدان تجي
ترف / وربي قلت لهاا قالت لي لا مابي اروح انتو كلكم أهـل وليش انط وجهي حتى نواف المسكين قالت له لا تروح
سلطان / شكلها عنيده
ترف / بقــوه
سلطان / بس هم احبها
ترف / ههههههه واحد قالك شـيء
سلطان / طيب ترف تكفين تكفين بكره قولي لها اني انا احبها وبخطبها
ترف / من جدك اقولها خلاص اخطبها مو لازم تعرف انك تحبها
سلطان / لا مابي مابي ابيها تعرف اني احبها يلا عاد ترفووه
ترف / طيب ان شاء الله
سلطان / ولا اقولك قومي الحين نمر عليها
ترف / من جدك
سلطان / اي من جدي يلا قومي معاي السياره نمر عليها وتجي مو على كيفها تغصبينها انها تجي
ترف واهي تمشي بعيد عنه / لا سوري ماني رايحه معاك
أخذ ترف وشالها على كتفه وترف تصارخ / نــــــزلني
سلطان / نو مافيه تجين يعني تجين
ترف / خلاص بجــي بس نزلني بطيح
ركبها السياره ومشى فيها على طـول ..
في مكان بعيد بعيد بعيد مره مستحيل احد يشــوفه أو يفـكر فيه ..
مــيـثم وسااره ..
ميثم / فـكري عـدل ياساره خلينا نرجع لـ بعض ونعوض اللي فات
ساره / اللي فات مايتعوض
ميثم / خلينا نفتح صفحه جديده انتي ماتدرين وش كثـر مشتاق لك وانتي جنبي انا مشتاق لك تكفين ساره لا تعذبيني
ساره / انا ماعذبتك انت اللي جبت حق نفسك العذاب
ميثم / كنت فاقد الذاكره
ساره / خلاص ميثم انساني وارجع حق بشاير
ميثم / مستحيل ارجع لها لا تسوين فيني كذا تدرين
ساره / شنو ..؟
ميثم / ودي اضمك والمك بصدري من زمان ماضميتك ودي اشــياء كثيره اسويها لك
ساره / للأسف احــلامك هذي مستحيل تتحقق
ميثم / لا بتتحقق صديقيني بتحقق
ساره / مــاظن
ميثم / خلينا ننسى كل شـيء اللي صار لنا ننسى العذاب حتى الحب خلينا ننساه ونجدده مره ثانيه وكأن اول مره نعشق بعض
ساره / ...........
ميثم / وش فيك ساكته خليني اسمع صوتك وربي مشتـاق له
رفعت راسها وحطت عينها بـ عينه حاولت تـدور فـي عيـُونه الحب ولأمـان
لــكـن للأســف ماشافت لا حـب و لآ أمـان بعيـــونه ، على إن كل كلمه قالها ميثم صـادق فيها
بـس بما انها نستــه مستحيل تفهمه ..
عند وجدان وتـرف ..
وجدان / ياربي والله فشــله
ترف / يووه ارجعت وقالت فشـله اقولك سلطان اهو بكبره جابني قالي امر عليك
وجدان / طيب خليني أفـكر
ترف / شنو تفكرين قــومي يلا .... نادت نواف يجيب عبــاة وجدان
ركب نواف و وجدان وراء بعد ماسلمو
سلطان حق نواف / شدعووه يانواف لهذي الدرجه احنا غربين
نواف / ما لغريب الا شيطان بـس تـدري يعني انتو أهـل مايصير نجـي معاكم
سلطان / انتــو أهلنا مانتو غربين بعدين هشام نشب فيني الا اجيبك قلت يلا مره وحده نمر عليك ونمر على اختك
بعد ماوصلو نــزلو كلهم سحب سلطان ترف ..
/ اليــوم تكلمينها بالموضوع فهمتي بس بدون صبا ماتحس
ترف / طيب بس الحين اهي توها جايه
سلطان / وأسمعي علميني اي مكان بتجلسون فيه علشان بجلس وراكم واسمع فهمتي
ترف / طيب طيب
عـنـد جنـا ومعـاذ ..
جنا / معاذ ممكن طـلب..؟
معاذ / شنــو ..؟
جنا / ابي اركب البحر
معاذ / كيف يعني تركبين البحـر
جنا / آآمم يعني ابي اركب السفينه
معاذ / لا لا مو زين عليك انتي حامل
جنا / لا والله عادي معاذ أبـي اركب
معاذ / لاحوول طيب انا عندي فكره احلى
جنا / وشو..؟
معاذ / شرايك انا وانتي نسبح مع بعض
جنا / والله ..؟
معاذ / إيــوه
جنا / بس انا ماعرف اسبح
معاذ / بس انا اعرف اسبح
جنا / اخاف اغرق
معاذ / انا انقذك ولا تدرين بشيلك بعد
جنا / هههههه يلا
معاذ / بس الحين لبسي عباه ع الكتف احسن
جنا / وانا شنو لابسه يعني
معاذ / بس هذي وسيعه مرره
جنا / يعني تبيني البس مخصر
معاذ / لا مو كذا بس وسيعه مرره مرره
جنا / عاادي
معاذ / طيب كيفيك
شالها على طــول بأدينه وهو يقول / بدور فيك بالبحر وبصاارخ
جنا / لآ لا يمممه لا تدور بتصاارخ كيفك بس عاد لا تـدور
معاذ / ماني رايح بعيد بس هنا
جنا / بس اخاف اطيح وانت تدري اني حــامل
معاذ / لا تخافين ماراح يصير لك شـيء
دخـل البحر بس ماراح بعيد كثير بـالوسط ودار فيها وجنا تصارخ وهو يقول أحـــبــــك
الكــل التفت يبي يشـوف شنو هالصراخ
محمد / هذا من جده
سلطان / وربي هالولد خرف
عبد الله / لو يسمع احد من عمامي هالصراخ راح فيها
بنفس الوقت
ساره بخوف / جنا جنا تصاارخ
ميثم وهو يشوفهم ابتسم / شوفيهم هناك تبين اسوي لك زيهم
ساره / لا لا يلا انا بمشي
فــي البحر
وقـف معاذ وهو يضحك على نفسه داخ من كثــر مادار وطاح بالأرض وطــاحت جنا
محمد / طــاح معااذ الحــق
لف عبد الله تــوه بيمشي ومسكه سيف وهو يقول / لا لا انت محترق لا تنسى انا الحين بروح
محمد وهو يصارخ / لا سيف لا تروووووووح انت ماتعرف تسبح
ركضــت ميثــا واهي تصارخ / جنــا جنـــا اختــي لحقووها
كــان كل ماحد بروح لهم وقفهــم الثاني أمــا مايعرف يسبح ووسلطان وعبد الله ومحمد محترقين
لمــا جاء ميثم وسبــح لهم اهو مع فـيصل ..
بـوسط البحر ..
فيصل شـال معاذ
معاذ وهو دايخ / جنـا
فيصـل / تطمن
ميثم / جنا أختـي ماشووفها وينهاا وينهااا
غطـس (دخل ) بالبحر وشافها وطلع
تجمعو الكــل عليهم وقام معاذ بـسلامه
أمــا جنا انزفت دم وراحت مع امها و ميثم للـ مستشفى
ميثا واهي تصيح / اكيد الجنين صاار فيه شـيء ولا ليه نزفـت
عبد الله / ياحبيبتي اهم شـيء صـحة جنا الجنين بتعــوض إن شااء الله
ميثا / بس جــنا كانت فرحــانه فيه
الكــل كان حزين على جنا بعد ماوصلهم خبـر انها فقدت الجنــين...!
معاذ / كنت انا السبب
خالد /لاحوول لا تسويها عاد الحين قـصـة
بندر / الجنين يتعــوض والحمد الله ع السلآمه جنا
معاذ / ربـي يسلمك بس تتوقعون جنا زعلانه مني ..؟
خالد / لا ان شاء الله ، الله مايقرب منكم الزعـل
بندر / صدقني يامعاذ ان للي صار لكم اصـلاح وعلمه عند رب العالمين أضحك وافرح بدل هالجنين الله راحي يعوضكم عشـره غيره
معاذ / هههههه عشره عاد مره وحــده
عـند وجدان وترف ..
بعد ماتفقت مع عمها سلطــان إن يســمع كل شـيء من وراء بدون وجدان ماتحس ..
نزلت وجدان راسها واهي تصيح
ترف / جدون حبيبتي وش فيك اذا كان حب سلطان بخليك تصيحين خلاص ماعاد افتح لك الموضوع مره ثانيه
وجدان / تـرف انا مابي عمك سلطـان يعطف علـي كنت هذا اللي خايفه منه
ترف / خايفه من وشو..؟
وجدان / كنت خايفه اتزوج واحد متعاطف معاي انا لو بـتزوج ابي واحد يحبني مو يعطف علي شافني وحيده قال بـ يتزوجني
ترف / لا وجدان وربي عمي سلطان كان يحبك قبـل مايصير كل هذا صدقيني ان يحبك يموت فيك
وجدان / تـرف قولي لـ عمك يرجع حق البنت اللي كان يحبها
ترف / أي بنت ..؟
وجدان / لا تخشين عني شـيء انا ادري ان هو يحب وحده ويموت فيها حتى بالدم كتب احبك وانا شفته
ترف / وهذا انتي قلتيها يحب وحده ويموت فيها واهي انتي
وجدان / تقولين كذا علشانه عمـك بس اسفه ترف والله ماقدر اخذ واحج متعاطف معاي
ترف / صدقيني سلطان مو متعاطف معاك
ماقدر سلطان يتحمل وراح لها / وجدان وربـي اني احبـك من أول نـظره انتي بكــلآمك تعذبيني روحي اســألي اولاد عمي كلهم من متى وانا احبك
لا تعــذبيتي كفــايه حـبك اللي معذبني وكفايه قلـبي اللي يحـط للوم علـي اني سبب وحـدتك لا تزيدين علي
وجدان / كـ كيف يعـ يعني انت السـ السبب ؟
سلطان / إيي انا السبب اللي مانقذك أخــوك طـلال ... جلس ع الأرض وهو يضرب رجله في مكان الحـرق / هذي السبب اللي ماخلتني انقذه
كـان ينادي باسم واحد واحد علشان يجي ويساعده وماكان موجود غيري بس رجلي امنعتني اقوم حـق طلال
قـرب من وجدان وهو يصيح ويصارخ / أخـــوك طـلال نخــاني قالي نخيتك ساعدني وانا ماقمت يااليت قطعت رجـلي وقمت له
ترف / سلطان لا تقول كذا طلال كان هذا يومه مو انت السبب هذا عبد الله قام وساعده بس هذا اهو نهايته مات لانه كان هذا يومه
وجدان واهي تصيح وحاطه إيدها على وجهها / لا تذكروني فـيه خـلاص والله قلـبي ماعاد يتحمـل شـيء
سلطان / وجدان أنا والله احبك والله مو متعاطف ولا شـيء .... قرب منها اكثـر وهو يقول / تتزوجيني ..؟
يوم شافها ساكته ومازالت على وضعيتها تصيح مسك إيدها ونزلهم تحت وهو يقـول / حطي عينك بعيني وجاوبيني تتزوجيني ؟
لحظــات وعيون سلطــان بـ عيون وجـدان ، ماتحمل يشـوف دموعها وضمها على طول وهو يقول / صديقيني راح اعوضك عن كل شـيء بس قبلـي فيني
بعدت عنه وقامت واهي تمسح دموعها / بـفكر
سلطان ببتسامه كلها حب / أخذي راحتك
فـي اليــوم الثـاني ..
يــوسق ونـادر قدمـو أوراقهم وبعد اسبـوع سفرهم إلى أمريكا ..
في بيت بو محمد ..
ريان / خلاص يعني يانادر بتروح وبتتركني
نادر / هذا الدنيــا يا خوي الشغل اقوى مني ومنك وتدري لو ماسافر مستقبلي ضاع
ريان / عاد خمس سنوات مره وحده والله ماقدر على فراقك
محمد / خمس سنوات ..؟
نادر / يـس بس اكيد راج اجي لكم في العطله
ريان / وانا بعد بجـي لكم
محمد / الله يووفقك
سيف وهو يجلس جنب نادر / مابيك تروح وانت زعلان مني
نادر / مو انا اللي ازعـل من اخوي علشان وحــده لا تفكر فيني والله يووفقك معاها
ريـان / كفوو ونعم الرجـال ويلمووني ليه أحبـك
نادر / هههههه ماعليك منهم عذال
محمد / يعني الحني انا صرت عذال
نادر / اللي في بطحه
ريان / يتحسسها
محمد وهو ياخذ المخده ويقطه عليهم / كلو تبن انا بس قلت شدعووه شنو هالحب صرت الحين من العذال
ريان / ياخي احد طرا اسمك الحين
نادر / هههههه مدرري عنه
محمد / لا بس قصدكم
أمـا في بيت نجـلاء
مشاعل واهي تضم يوسف / يعني ماراح تجي زواجي
يوسف / وهـذي أكبـر حسافه والله بس لا تنسون تصورون فيديو
مشاعل / يوسف تذكر وانا صغيره كنت دايم تقولي انا اللي بزفك على زوجك
يوسف / بس الله ماكتب لي وان شاء الله خالد اهو اللي يزفك
خالد / إيي مو انا مرره وحده نستني
مشاعل / لا مانسيتك بس تدري يوسف راح يسـافر بعد اسبــوع
خالد / الله يرجعــه بـالسلآمه




انتظروني فـي الجزء الأخـير
بحـاول أخلصه قـبل العيد
وكل عام وانتو بألف خير

[لامارا]

فـي بيت العــود ..



فيـصل / سلطان وربي حالتك ابد مو عاجبتني
سلطان / وجدان
فيصل / وش فيها بعد
سلطان / لما الحين ماردت
فيصل / أصـبر اشــوي تبيها بثــواني ترد عليك
سلطان / مدري تعبت من الوسواس تتوقع بتقبـل فيني ولا
فيصل / ان شااء الله راح تقبـل فيك واذا ماقبلت في مليــون غيرها
سلطان / لا فيصل تكفى لا تقولي في مليــون غيرها انا بين هالمليون والملآين ماخترت الا وجدان ساعات احس بستخف من حبها
فيصل / ههههههههههه يقولك من جـن بالحب فـ هو عاقل ومن جن بغيره فـ هو مجنون
سلطان / وانا بالحب بالحــب
ركضــت عند عمها واهي تصاارخ / سلطاااااااااااااااااان
التفت سلطان عليها بخرعه / وش فيك
ترف واهي تتنفس بقـوه من التعب / عندي لك خبر بـ مليون
سلطان / ملاين الكون كلها لك بس بشريني ..؟
ترف / وجداااان وافقت
وقـف سلطان وراح عند ترف وجلس على ركبته علشان يصير طـولها ومسك كتفها / ترف من جدك قولي الصج لا تجننيني
ترف / ورب البـيت توني مكلمتها وقالت لي مستحيل اشوف احسن من سلطان
قــام وهو يصااارخ / يااااااااانااااااااس من قـــــــــــدي اليووووووم
فيصل / وجع اللي ياخذك اذني انفجررت
قامت صبا من النوم وشعرها كله على وجهها / وش فيكم وش صاير
سلطان وهو يمسك يدها ويمشيها / اليــــــــوم ياصبا ماحد قد فرحــتي اليــوم غيير غير
شالت صبا يدها من يده واهي تحك شعرها / شنو وش فيه
سلطان / وجدان واافقت تعرفين شلـون وافقت البنت اللي انا احبها البنت اللي بغيييت اجن علشانها وافقت
صبا فتحت عيونها / انت خطبتها
سلطان / بخطبها قـريب
صبا / وانا سلطان ..؟
سلطان / انتي عزام خطبك
صبا / منو عزام
سلطان / خال ترف
صبا / لحظه اشوي اشوي علي صدمتين وراء بعــض فهمووني
ترف / هههههههههههه روحي غسلي وجهك وتعالي
غســلت وجهها ورجعـت ..
صبا / إيـوه ..؟
ترف / اليوم عزام راح يخطبك من سلطان
صبا / يعني لما الحين ماخطبني
ترف / بس اهو كلمني
صبا / قال يبيني انا بالذات ولا وشــو بعدين اهو مايعرفني
ترف / انا قـلت له عندي لك بنت مثـل القمر قال ابي اشوفها وخليته يشـوفك
سلطان / والله مو هينه كيف شافها
ترف / افا عليك اعجبك
صبا / شنووووووو شاافني متى وشـلون
ترف /ههههه وشافك وانتي تطيحين بعد
صبا / لا مسستحيل ماابي مابي
فيصل / هههههههه شنو ماتبين بترفضين خالي يعني
صبا / اكيد برفضه وماراح اوافق بعد شنو يعني تبون بعدين يعايرني يقولي شفتك تطيحين
سلطان بجديه / صبا انا قررت اخطـب وجدان يعني انا ماراح ابقى لك وافقي احسن
صبا / بتخطب وجدان ؟
سلطان / اي
صبا / وبتتركني
سلطان / ايي بتركك عند عزام والله يوفقنا كلنا
التفتو على ترف يوم شافوها تصيح
فيصل / ترف وش فيك تصيحين
ترف / احس كبـرنا بجد كلنا بنتزوج كذا فجــأه
الكل / هههههههههههههه
ترف / والله اتكلم من جـدي عمري ماتوقعت ان بتــكون حياتي كلها ذكريات
سلطان / وليه حيــاتك ذكريات
ترف / ايي حتى وانا اكلمكم بصـير هاليــوم ذكرى
صبـا / إيي والله بعدين اذا تزوجت بذكر هاليوم
فيصل /يعني موافقه على عزام نقول مبروووك
ترف / كلللللووووش
استحت صبـا ونزلت راسها
سلطان / اووووه صارو يستحــون
خذت المخده وقطتها عليه وراحت غرفتها
الكل / ههههههههههههههه
فـي العصـر .. تجمعــو العمـام علشان خطبة صبـا ..
عزام وهو يلبـس / يلا فصيلووه دخلني
فيصل /هههههه طيب
فهد / انت الحين على هالكشخه ليكون على بالك العروس بتشوفك
عزام / هههههههههه لا بس لازم اكون جنب عمامها كشخه
فيصل وفهد مع بعض / أي عمام ...؟
عزام / عمام العرووسه
فيصل / هههههههه العروسه ماعندها عمام
فهد / هههههه هذولا اخوانها
عزام / اللي اهم بس تعالو قولي لي شسووي انا
فيصل / انت تسكت وانا فهد راح نتكلم
فهد / لا شنو انا و انت لا تنسى اني متزوج يعني انا اللي اتكلم
فيصل / لا والله
فهد / يوم بخطب خـلود انت اللي تكلمت خلني مره احس اني رجال
عزام / ههههههه تحس انك رجال على حسابي طيب وانا ابي احس اني رجال
فيصل / تحس انك رجال بخطبتي
عزام / اجل اذا حجـة البقر على قروونه
/ ههههههه
دخلـو المجلس ..بعد ماسلمو واشربو القهوه والحلويــات ..
فهد / عمي انت تدري ان عزام وحيد ماعنده لا ابو ولا اخو ولا عم ولا خال
فيصل / واحنا اليــوم جايين نخطب صبـا حق عزام
بو عبد الله / نتشـرف أحنــا فيه
خلــوني أقــول لكم موقف عزام يوم عـرف ان اللي بتكــون زوجتــه صبا اللي يكلمها ..
لـف على فـيصل وهو مستغرب وهو يقـول بـ قلبه يعني اللي انا بتزوجها نفسها اهي صبـا لا مستحيل انا مابي اتزوج صبا
يــا الله كيف كذا ماســألت ترف عن اسمها من جــد مشكــله كبيره لازم افســخ الخطبه بـ سلام ..
و تــمت الخطبه بـ سلام على الأخوان وبـ أمان على سلطان لانه هــو عارف ان عزام بيـحط اخته بعيـونه
وتمت بـ رفــص على عزام .. رافض إن وحــده مثـل صبا تكلم رجــال يتزوجها مايدري إن صبـا عمرها ماكلمت غـيره
وحتــى يوم كلمته نيــتها تشــوف صورته بس ماتدري ان حتى البنات والنساء لازم يغضضن ابصارهم
بعد أســبوع فــي المطار ..
ريان وهو يضم يوسف / انتبه على نـادر اذا كان متضايق لا تســأله بس حاول تهون عليه حاول تضحكه تسـوي اي شـيء علشان يضحك
يوسف / نادر بعيــوني بس انا منو راي توصيه علي
ريان / ههههه نفسه نادر
كان نادر يسلم على سـيف لف على ريان وراح له وهو يسلم عليه / ريــان من جد بشتاااق لك
ريان / وربي انا أكثــر مثـل ماوعدتك راح أجــي لكم وانت خلك على وعدك وتجي لنـا في العطله
يوسف / يلا ناادر الطياره بتطـير
بعد عن ريان وهو يــودعه بعيــونه .. تــوهم بـ يمشون
بس ركض ريان وهو يغني بهبال/ تعال قبل لا تروح عني ضمني
ضمــه نادر وهو يضحك على هبال اخوه لما طاحت دموعه / وربي بفقــدك
ريان / وانا أكثــر
مشى نادر و معاه يـوسف وعيــون ريان مافارقتــه .. من جــد حاس ان راح يفقــده
من اول يــوم عـرف ان نادر أخــوه ارتااح لــه كثـير صار لهم سنــه مع بعض وكــأنها سنــوات طويله
أخـــوان من أب .. بس عمرهم مااحسو بذه الشــيء كان أم نادر اهي ام ريان رغـم ان ريان ماشافها ولا يعرفها بس يعتبرها أمه
وأم ريــان أهي نفسها ام نــادر حتـى يوم توفت كــان حـزن نادر على ام ريان مثـل حزنــه على أمــه
الله لا يفــرق بــين كـل أخــوين ..
و بــــــــعـد مرُور ســـــنــــه على ـآ أبطــآلنــا قـضـوها مثــل كـل ســنه ..
فـي بيت العــود ..
سلطان يكلم وجدان بـالجوال بـ غرفته ..
سلطان / جــدون حبيبتي خلــيني اشوفك
وجدان / سلطان والله مايصير باقي شهرين على زواجنا و على فكره في هذي الشهرين ماراح اكلمك فيهم
سلطان / ول ول شهرين ماكلمك فـيهم تــدرين إني أســتخف والله أصـير مجنــون
وجدان بخجل / بسم الله عليك من الجنـون لا تقول كذا
سلطان / اذا من جـد تخافين علي من الجنــون خليني بـس اشوفك نـظره وحــده بس
وجدان / آآممممم
سلطان / ها وش قلتـي
وجدان / لحظه بـ فكر
سلطان / ههههه طيب يلا فـكري
ظلت خمس دقايق ساكته
سلطان / شنو يلا
وجدان / خلاص بطلع معاك بس بـشرط
سلطان / آمــري تدللي شــروطك كلها أوآمر
وجدان ماتعرف تـرد على كلام سلطان كل ماتقــول شـيء حولها إلى غـزل وكلام حب
سلطان / يلا قولي شروطك
وجدان / ماتمسك إيدي ولا شيء
سلطان / ترى انا اعتبر زوجك لا تنسين انا مالكين
وجدان / أدري بس انا مابي
سلطان / ايي ان شاء الله
وجدان / مو بعدين تمسك إيدي
سلطان / ايي خلاص قلت لك ان شاء الله
وجدان ببتسامه / يلا اخليك الحين بروح اساعد اسـول ..
سكـر منها وهو فرحــان واي وناااسه بشووفها
طلع من غرفته وشاف صبـا وترف ..
ترف واهي تضرب صبا / تقلعي عن وجهي شوفي وش سويتي في يـدي صارت أحمر
صبا / حتى انتي شوفي وش سويتي في رجلي طلع دم انا أكثـر منك والله لـ اقول حق عزام يشمخك
ترف / و أنـا بقول حق محمد يضربك في يدك وتصير أحمر مثل ماسويتي لـي
جـلس جنبهم وهو يضحك عليهم / مدري متى تتزوجون ونفتك منكم جالسين على قلـبي عله حتى يوم انخطبتو قلت يلا راح نفتك منهم
وبــالأخير يقـولون زواجكم بعد سنتين
ترف / هههههههه خلاص الحين صارت سنه باقي سنــه ثانيه
سلطان / انا اللي مستغرب منه شلــون سيف يتزوج ومحمد لما الحين ماتزوج
صبا / انا قولك شـيء حظرتها ترف قالت حق محمد مانبي نتزوج الحين الا لما صبا تتزوج خالي عزام علشان احنا نصير جدد واهم قدمين
سلطان / ههههههههههه حمد الله والشكر اجل تدرون ماراح اتزوج الا لما تتزوجون علشان وجـدان تصير جـديده ههههه ..
رن جـواله وكــان رسـاله من وجدان ..
..{ سلطان أسـفه ماقدر اليـوم اطلع معاك اسيل تبيني اروح معاها السـوق ...}
دخـل غرفته وهو منقهر وسكر الباب بـأقوى ماعنده
تـرف / وش فيه
صبا / مدري عــنه
قامت ترف و شغلت التلفزيـُون ..
اخذت صبـا الريموت و حطت على قنـاه ثانيه
ترف واهي تسحب الريموت / بلا قلة ادب انا اشغله واهي اللي تاخذه
صبا / مابي انا اتابع مسلسل
ترف / والله مو كيفك ابي اشوف مسلسل تركي
صبا / بس انا ماحب الا مسلسل خليجي
ترف / بس انا شغلتــه قـبل علشان المسلسل
صبا / انتي شغلتيه من زهق مو علشان مسلسل تركـي مثل ماتقولين
فـي غرفة سلطان ..
يتصل على وجدان بـس وجدان ماترد لانها نسـت الجوال يتـصل و يـتصل لمــا قفـل الجوال
قـط جواله بـالأرض وهو معصب منها ماتهنى بـ فرحته إن بيطلع معاها وبـالأخير تتعذر
وصراخ صبا وترف كـله بـ غرفته ..
طلع من غـرفته بعصبيه وهو ينتظرهم لما يخلصــون لـكن هيهات دام ترف وصبا يتهاوشون منو يقدر يفاككهم
صبا واهي تمسك إيد ترف و تسحب الريموت منها / بـعدي عني يا نخله قطعتي شعـري
ترف واهي تصاارخ / آآآهـ يدي تركيها يا هبـله شمختيني
صبا / ماحد قالك تقطعين شعـري
تنرفزت ترف من الشموخ بيدها وخذت علبة منديل وقطتها على وجهها
صبا تعورت / انا اعلمك يا خبــله عورتي وجهـي
ترف / انتي اللي بديتي ويلا جيبي الريموت
صبا / والله ماجيبه اطفـيه ولا اعطيك اياه
سلطان وهو يصارخ عليهم / بـــــس خــلاص خــلاص انتو ماكبرتو ماعقلتوو لما متى يعني وانتو كله تتهاوشون لمـا متى علموووني انخطبتو قلنا بتعقلوون بس اشوفكم زدتــو
رحمـــوني أشــوي ويـــــــــنك ياافيصل تزوجت وتركتني مع هالعلتين وينك
ترف حق صبا / شفتي كله منك خلتيه يعصب
صبا واهي تحط إيدها على خصرها / وهو صار بس مني
ترف / انتي اللي سحبتي مني الريموت
سلطان وهو ماسك راسه منهم ويصاارخ / بـــــس بــــــس رحمـــوني بموووت منكم متى اتزوج وأفــتـك يــا الله مدري شلــون انا صابر عليكم كل هذي المـده ماترحمون انتو مو أوادم
تـــوم وجيري والله توم وجيري مايســون اللي تسونه خلوو عندكم احساس خلو عندكــم مشااعر ترى الثــقل زين
نزلو وجههم وراحو له / أسفين
سلطان وهو يقلد صوتهم / اسفين
دخـل غرفــته وسكر الباب في وجههم ..
فـي شـقـة معـاذ و جنـا ..
معاذ وهو يشـيل جنـا اللي بـ شهر الخـامس / يـا بعدي انـتـي خلاص تبين نروح فرنســا نروح كم جنــو أنـا عندي وحده ربي يخليها لي و لا يرحمني منها
جنا واهي ماسكه بطنها / معاذ تكفى نزلني
معاذ / ماني منـزلك الا لما تقولين لي أحبــك
جنا / طيب نزلني وانا اقــول لك
معاذ / ولو الحين ماتقولين احـبك بدور فيك
جنـا / لا لا إلا إنك تدور تبي تمــوت ولدي مثـل اللي في شاليه ترى لما الحين مانسيت وحزينه بعد عليه
معاذ / هههههه ياحياتي هذا الله عوضنا بغيره
جنا / إيي ادري بس الأم ماتنسى ولدها
معاذ / هههههه أم صرتـي مره وحــده طيب يلا لا تغيرين السالفه وقولي أحبـك
جنا بخجـل / أحبك
معاذ وهو ينزلها / آآآآه ماتدرين وش كثـر أذوب في هالكلمه الله لا يرحمني منها ولا يحرمني من لسانك اللي ينطقها
رغــم مرور سـنه وشهور على زواجهم إلا إن لما الحين جنا تستحي تقول له أحبـك
وهــذا إهـي نهـاية معـاذ وجنـا بالروايه
معاذ الشخـص العاشق بالعايله ما كـان أحد ينافسه في حـبه بس الحين جاء سلطـان وغلـب حبه ^_^
ميثــا و عبد الله ..
عبد الله / ميثا خلاص والله تعبت منك
ميثا واهي تصيح / عبد الله ارحمنـي والله ماقدر أقـرب منك
عبد الله / طـيب قـولي لي لــيه ريحتي خـايسه فيني شـيء والله شككتيني فـي عمري
دخـلت ميثا على طـول دورة الميــاه تطرش ( ترجع )
عبد الله ماتحمل ونــزل تحت وهو ينادي أمــه
ام عبد الله / شنو فيه ياولدي خرعتــني
عبد الله / يمــه ميثا جننتني تقـول تبي تروح بيت اهلها تكفين يمه كلميها قنعيها
شهقت ام عبد لله / شنو ترجع لـ بيت اهلها لـيش انت مضايقها بـ شيء
عبد الله / والله ماسويت لها شـيء قومـي معاي وشوفيها
صعـدت ام عبد الله فـوق شـقة ولدها وشافت ميثا جالسه ع الكنـب واهي لابسه كمامات
ام عبد الله / سلامات يابنيتي وش فيك
ميثا / مافيني شـيء خالتي كلمي عبد الله قولي له لا يقـرب مني
ام عبد الله / لـيش يابنتي اهو مسوي لك شـيء مزعلك
ميثا / لا والله مو مزعلني ولا مقصر معاي بـ شيء
ام عبد الله / تعال عبد الله وتعذر من زوجتـك وبوس راسها
ميثا / لا مايحتاج اهو مو مزعلني علشان يعتذر
عبد الله قـرب من ميثا ، وميثا على طول ركـضت حق دورة المياه
عبد الله / شفتي يممه وكل كذا حالتي معاها
ام عبد الله بـفرحه حق ولدها / مبرووووووووك الف الف مبرووك ياولدي
عبد الله / الحين اقولك حلي لي مشكلتي تقولين مبروك
ام عبد الله / مبرووك علشان ميثـا حامل
عبد الله بفرحه / حــــــــامل ..!
ميثا واهي بعيده عنهم / أنـا حامل
عبد الله / طيب هذا جنا حامل ولا مره قالت مابي اقرب جنب معاذ ليه انا بالذات
ام عبد الله / النســاة تختلف ياولدي يلا ع البـركه اخليكم الحـين
طـلعت تحـت على طـول
عبد الله / الف مبروك ميـوث وأخيرآ بصيـر عندنا بيبي يغير حياتنا
ميثا بخجل / الله يبارك فـيك
قـرب عبد الله منها بـرومنسيه تـوه بـ يمسكها ركضت حـق دورة المياه على طول
عبد الله بقهر / ياااربي منها
وهــذا هــي نهــاية عبد الله و ميثـا ..
من بعد رفضــهم لـ بعض إلآ إن قـلب هالرفـض إلى حُـب
فـي بيت المرحــوم بو فيصـل
نرمين تلـعب مع سحـر
نرمين حق خلـود / ماما خـلود مابصير ألعب مع عزوز
خلود / لا حبيبتي مايصير
نرمين / واي..؟
خلود / علشان عزوز صغنون مايعرف يلعـب
نرمين / انا أعرف لـكن بـس بدي امسكو
خلود واهي تشيـل ولدها عزوز اللي عمره شهرين وتحـطه عند نرمين / تفضـلي
نرمين وهي تبـوس جبـينه / جمـيل
خلود / دام نرمين اختـه اكيد يطلع جميل
مافهمت نرمين لها بس عرفت انها تمدحها وابتسمت لها
جـات سحر واهي غيرانه من نرمين وجلسـت على الأرض وفرشت رجلها بـ معنى تبي تمسكه
عطتها ترمين واهي تتأفف من سحر اللي كل ماسوت نرمين شـيء قالت بسـويه
دخـل فهد وهو تعبان ..
خلود / سلاماتك حبيبي وش فيك
فهد / تعبت اليـوم المعرض كله على راسي
خلود / ماتشوف شـر بس فيصل وينه عنك
فهد / تدرين منشــغل مع زوجتــه
خلود / هههههه الله يوفقهم ماتبي شـيء اجيب لك
فهد / إلا أبي عــزوز القمر
تـوها سحر بتقـوم تعطـي أبوها بس نرمين سحبته منها ودتـه
خلود / أشـوي أشـوي عليه
فهد / ههههههه ماقول الا الله يعينه للعبه المسكين صـاير بدينهم ..
وهذا هـي نهايـــة خلود و فهد ..
ذاقــو أنواع العذاب في حياتهم خـلود ذاقت فراق بنتها سحر وأبوها وامها وطلال اللي مره وحده بعدو عنها
ولآن سحـر رجعـت لها والله عوضها بدل نصـار فهد .. اللي الكـل يشهد عليه رجـال إبن رجـال عمره ماقصر معاها بـ شيء
أمــا فهد تعذب بـ فراق أهـله وبلآده عشرين ســنه ولآن هـو بين احضانهم وبين وأبنــاءه ..
صامو صامو وفطــرو على عسل *_^

عـند فـيصل و الهنـوف ( أخـت نصـار )
فيصل / يابعد قلـبي والله فديتك أنا اشهد ان خلود ذوقها راقـي يوم اختارت لـي الزين كله
الهنوف بخجل / تسلـم
فيصل / طيب جامليني عارف اني شين بس قولي لي اني اهبـل وخقق
ضحكت بنعومه وقالت / لو إنك ماتهبل وماتخقق مثـل ماتقول كـان ماتحديت أهلـي كلهم وتزوجتك
فيصل / على طـاري أهلك وش راح تسوين معاهم بتظلين كذا ماتكلمينهم
الهنوف / اذا اهم مايبوني حتى انا مابيهم
فيصل / لا عاد مو كذا هنـوف أنا بصراحه مارضاها عليك
الهنوف / امممم انا علشان خاطرك ذاك اليوم رحت لهم وشفتهم كيف طردوني وبيني وبينك انا فرحـانه معك ماتدري وش كثـر اعاني منهم دايم يسمـوني معقده
علشان اني انصحهم
فيصل / ياحياتي هذولا مهما يكـنون أهلـي
الهنوف / انت اهلي وناسي وماعندي غيرك
فيصل وهو يضمها / يابعد حياتي وياطوايف أهلي انتي ربي لا يحرمني منك ماتوقعت كذا تحبيني
وهذا هـي نهاية الهنــوف عـاشت مع ظلم أهلها إهـي الوحيده اللي طلعت بينهم شجـره مثمره من بـين الأشـواك
والله عوضها بـ فيصل شيخ الرجـاجيل

أمـا عـنـد العــآإشـق المجنــون سلطـان ..
بـ شاليه الحـالهم يمشـون
تعبت وجدان وجلست ع الأرض وجلس جنبها سلطان ..
وجدان / الحين ملابســي بتتوسخ
سلطان / يفداك مليــون مـلآبس غيرها
نزلت راسها بـ حجل منه وبعدت اشـوي عنه
أمـا سلطان قـرب منها أكثـر وهو يتأملها ويمسح على شعرهـا / متى راح نتزوج
جاوبت بحجل / باقي شهـر وأشـوي
سلطان / متى يخلص هالشهـر
وجدان ببتسامه حلوه /مستعجـل
سلطان / في أحـد عنده هـالملآك ومايستعجل
وجدان / تحبنـي ..؟
سلطان / بجاوبك بصراحه أنـا مو بس احبك انا مو بس اعشقك أنـا مجنــون فيك تدرين لو بيدي اشيلك وسط العيـون وابني لك بيت من الحنـان والضلـوع تدرين اني احسك اللي معك يجلسون
وأحسـد المـلآبس اللي تضمك واحسد الضحكه اللي تنرسم فوق فمك حتى بوقت الحـزن أحسد دمعك لطاحت على خدك
نـزلت راسها بـ خجل أكثـر عمرها ماعرفت تـرد على كـلامه العسـل
سلطان وهو عاض على شفته / أحبك
وجدان / وانا بعد
ضـمهـا بــقوه وشالها على طـول وهو يصـارخ / أحـــــــــــبـــــــــــ ـــــــــــــــك
وجدان واهي تلف يمين ييسار تشوف في أحد سمع ولا / بس في ناس هنا
سلطان / لازم كل الناس يدرون من تكونين ومن اكون لازم يدرون انك أجمـل مافي الكون أنتي قمر انتي ملاك انتي الوحيده اللي على قلبي تمون اطلبي مني القلب والروح والعيون كلي فداك
كل شـيء لـ أجلك يهـون وجدان أنــا انسان مايعشق بعقـل أنا انسان يعشق بــجــــنـــــون انا انسان احبك حـب الأطفال شفتي الأطفال لا حبـو وش يسـون لآفـارقو اللي يحبونهم يبــكون ولآ شافو اللي يحبونهم يفرحون
ولا تـــولعو بـ شـــيء مايتنازلون
وجــدان واهي تبي تجننه / طيب انا وش بالنسبه لــك ..؟
سلطان / انتي بالنسه لي نظـر العيـون وأنــا من دونـك ويــش أكـون بس بطلبك طلب من انسان فيك مفتون
وجدان بهمس / آمر
سلطان / لا تسـأليني مره ثانيه ســؤال يزيدني فوق جنــوني جنـون
وهـــذآإ هيــا نهـاية حـُب سلطــان أكتســب البنت اللي حبها بـ جنون وحبهـا من كـل قلبها
أكتسبهـا والله وفقــهـُم لآنهــُم مــآإمشــو في حبهم طـريق مايغضبه الله

عـــزآ’م و صبـا ..
عزام / صبا اني ابي اقولك شـيء وهذا اللي مخوفني منك
صبا / شـيء موخفـك مني شنو ..؟
عزام واهو يحط عينه بـ عين صبـا / ابيك تصارحيني بـ كل شـيء
صبا بخـوف / شنـو
عزام / عن ماضيك
صبا / مافهمت
عزام / لا تتغشمين
صبا / عزام شنــو قـولي كـلام عدل علشان افهمه
عزام بنفاذ الصبر / عزام اللي كنتي تكلمينـه
خـافت صبا ان كشفها واسكتت
عزام / جاوبي ولا تسكتين
صبا / بس انت ماسـألتني عنه شـيء
عزام / ابيك تعترفين عن عزام اللي كنتي تكلمينه ومره كلمتي غيره أو لا
صبا وعيونها بدت تطيح بخوف / والله اعترف لك بـكل شـيء بس تكفى سلطان اخوي لا يدري عن شـيء
عزام / ودامك خايفه ليه مشيتي بذه الطريق
صبا / والله والله اني كنت اقزر بس واستهبل والله من الزهق
عزام / والزهق يخليك تسوين كذا
صبا / اصلا انا عمري ماكلمت غير عزام والله العظيم واسـأل ترف اهي كانت معاي بس بعدين عزام مارضى يورينا صورته
وترف زهقت منه قالت لي سوي له بلوك
عزام وهو يختبرها / سويتي له بلوك مثل ماقالت لك ترف ولا
صبا بخوف منه واهي تبعد / لا ماسويت له بلوك
ارتاح عزام انها ماكذبت عليه في شـيء بس حب يختبرها أكثـر / طيب اهو وراك صـورته ولا
صبا / لا
عزام / طيب لما الحين تكلمينه ؟
صبا / لا اصلا احنا حذفنا بعض
عزام / طيب ليه حذفتو بعض
صبا / أهــو قالي
عزام / يعني لو اهو ماقالك ماحذفتيه
صبا / انا والله بس كنت بشـوف صورته مابيني وبينه شـــيء
عزام / أحـب اقولك شـيء ترى يوم اخطبك كنت أدري عنك بـ
قاطعته صبا واهي تصيح / اجل ليه خطبتني وانت وتدري اني كلمت واحد من قبـل
عزام / أسمعي خليني اكمـل
اسكتت وكمل كلامه / ترف قالت بخطب لك وحده وانا ماسألتها عن اسمك وماعرف الا بيوم الخطبه
صبا / طيب انت كيف عرفت
عزام ببتاسمه واثقه / لاني انا عزام
رفعت راسها بـ صدمه / أ أنت كـ نت عـ عزام
عزام / إيــوه انا اللي بغيت العب عليك وانشر اميلك بس انتي نبهتيني ان اخوك سلطان وتركتك من هالسبب علشان اخووك
نزلت راسها وقامت تصيح ضمها بحنان وهو يقـول / لا تخافين انا واثق فيك وابيك ماراح اتركك راح اتعبرها مرحـلة مراهقه وعـدت مابيك ترجعين حـق هالشـيء
صبا / وربـي اوعدك ياعزام ماراح اسوي كذا المره الثانيه
شالها من حضنه وباسها مع خدها
وهـكذا النصـيب دار على عزآ’م وصبـا ..

فـي المــُستشفى ..
بندر / يعني شلــون انا عقيم ماراح أقـدر اجيب عيــال ...!
الدكتور / الأوراق كلها تثبت انك عقـيم ومافي أي عـلاج بس ودي اسـألك ممكن ..؟
بندر / إيـوه ممكن
الدكتـور / انت تسوي علاقات مع أولاد ..؟
بندر / كيف يعني
الدكتور / انا اعتذر على هالسـؤال بس لانه هذا السبب في عقمك
بندر / دكتور فهمني أي سـؤال ..؟
الدكتور / انت سبـق وسويت شـيء مع شباب من نفس جنسيتك
غـمــض عيــونه وهو يذكــر حقــارة تركـــي
الدكتور / بندر
بندر وهو يصيح / بس كان هذا الشـيء غصب عني
الدكتور / ماحاولت تبلغ عنــه
بندر / الا بلغت وعـدموه يعني الحين اهـو ميت وشكلي بمـوت وراه وانا حي
الدكتور / ماتقول كذا يابندر الله بسهلها عليك ان شاء الله
طلع من المـُستشفى وهو شـــايـل همــُومه ..
زواجـــــــــــــه .. كـان حلمه يتــزوج ويجــٍيب أولاد ويربيهم ويعلمهم الصح من الغلــط
لــكـن منو هذي البـنت اللي راح ترضـى تعـيش مع واحــد عقــيم
ركـب السـياره وسند راسه ع السكــان ونزلت دمـوعه بحرارهـ وهـو يتذكـر يوم إن كـان عمره ست سنوات ..
{ ميثم / انا قلت قبـل بـاسمي ولدي على اسم ابوي عمـر
بندر / ياارب انا اتزوج قبـلك واجيب ولد واسمي ولـدي عمـر
ميثم / ههههه ماراح تقدر تتزوج وانت صغير بعدين مافي بنت تحبك
بندر / انا ماقلت الحين لمـا أكبـر يتزوج
ميثم / بس مافي بنت تحبك انا ساره تحبني والكل يقـول انها بتكـون زوجتـي أنت منو راح تتزوج
بندر / عادي حتى انا اذا كبرت وصار عمري تسع بحـب لي وحـده وبتزوجها هههااي
...}
بـوسط هالدموع ضحك على نفــسه صــار عمره تسع وكبــر لـ 23 وهو للحــين ماحب وحـده
حـرك السيــاره وهو يدعــي ربه ويحمدهـ وراح للـ سجن عند زيـــاد ..
زياد وهو يصـيح / انا السبب عارف إنـي السبب سامحني يابندر
بندر وهو يحاول يقـوي نفسه / ماحد السبب يازيـاد هذا ابتلاء واختبار من رب العـالمين وانا راضـي بقدري يمكن يكـون في حكمــه انت ماتدري ..
وهـذا هــو بندر من بداية عمره وهو وحــيد وشكــله بظل طـول عمــره وحيد

فـي مكــان بـره السعـوديه كلهــا عند نـادر ويـوسف
يـوسف / يعني انت جربت الحـب
نادر / تقدر تقــول
يوسف / آممم طيب ممكن أحـزر اسم البنت اللي كنت تحبها
نادر ببتسامه / ممـــكن
يوسف وهو خـايف يقــول اسم أختــه ويطلع غلطـان / مـ مشـ مشـ مشــاعـ مشاعل
نادر وهو يدوس على قلبه / هههه واخيرآ’ نطقتها
يوسف / اهي ولا ؟
نزل راسه وهو يقول / الله يوفقها
يوسف / اهي ولا ..؟
أستعد لـ دموعه اللي بتنــزل وغمــض عيــونه
قـرب منه يـوسف وقال ببتسامه / كل إنسـان يـاخذ نصـيبه
نادر وهو يصيح أكثـر وكان يتمنى ريــان اخوه يكون جنبه / وانا راضي بنصـيبـي
تـوه بـيتكلم يـوسف الا دخـل ريــان وهو مبتسم
قام يوسف على طـول وركض عـند ريان وضمــه بـقوه / اشتقنــا لكـــُم
ريان / واحنا أكثـر
بعد عن يوسف وراح عند نادر اللي يشوفهم ودمــوعه ابد ماوقفت ومـا أصعب دمــوعك ياانادر
ضــم أخـوه بــأقوى ماعنده مشــاق له سنــــه مـاشــافه وكــأنهم مــلآيين السنــين
أجلســو مع بعـض وبتدت السـوالف بفـرحة نادر الله حـقق منــاه بــثواني كان فعــلا مشتاق حق ريان ..
وهــذا نهــاية أخــوه نادر وريــان كـانت أخــوه وصداقه بنفس الوقت الله يخلي كل أخــو لـ أخووه

فـي بيت جنب بيت العــود تسكن فـيه اسيل و ولدها طـلال ونواف و وجــدان
اسيل واهي لابسه الحجاب اللي اربعه وعشرين ساعه لابسته علشان نواف اللي كبـر ولازم تتحجب منه / نواف طلال ولـدي وينه ..؟
نواف / في الحديقه
اسيل / تكفى نــواف جيــبه لا يصـير فيه شـيء
طلع نواف وهو شاايل طلال من بطنــه اللي يصرخ ويرافس
قـربت اسيل من ولدها الوحيد اللي بـيظل وحـيدها طـول حياتها وضمــته / طـلال حبيبي لآ تطلع ناوي علـي أنت يكفـي أبوك راح وخــلاني لا تتركني فـي دنيــا ماتعرف الرحمــه
طـلع نواف وترك اسيل تاخذ راحتها
أسـيل .. الحمد الله الله مانساها ورزقها بـولد طـلال اهو الوحيد اللي ملىء حيـاة والدته بالتفـاؤول


يتبع.......

[لامارا]

تــرف و محمـد ..
محمد / لا مابي بوسيني ولا ترى ها الحين اقـوم
ترف واهي ماده بوزها وتقول بدلع عفـوي / محمد لا تســوي كذا والله استحي
محمد وهو يقـوم / طيب خليك على استحيــاك وأنـا بقـوم عند هذي البنت
اسكتت واهي تنـاظره
محمد ببتسامه من نظراتها له / ها بتبوسيني .؟
ترف بتحدي / لا
محمد / طيب لا تبوسيني بس راقبيني شنو بـسوي
مشى وهو يتوجــه عند بنت ..
محمد / السلام عليكم
البنت / وعليكم السـلام
محمد / ممكن أشــوي ؟
البنت مافهمت / كيف ممكن اشـوي يعني ..؟
تـوه بيتكلم محمد بس جـات ترف واهي معصبه / انتي يااخبله أي واحد يكلمك وقفتـي وتاخذين معه حمد الله والشكر روحي بس الله يستر عليك
مشت البنت واهي تتحمد على ترف
محمد / ههههههههههههههههههههههههه يلا تبوسيني
ترف / لا لا ماني بايستك
محمد / يووه شكلك عنــيده الله يعيني عليك
ترف / والله يعيني عليك انا بعد
محمد / هههههههه
ترف / لا تضحك
محمد يعاند / ههههههههههه
عضت على لسانها وركبت السيـاره وركـب وراها محمد
محمد / يالبى قلب اللي يزعلـون
ترف /........
محمد / ترفــوه عن الزعـل
ترف /.....
يوم شاف مافي فايده
حرك السياره وراح بيتهـم
محمد / يلا يادلوعه وزعـوله انزلي
ترف واخيرآ’ تكلمت / ليه بيتكم
محمد / علشان بيتنا مافي أحد
ترف / وبتخليني انـزل وهو مافي أحـد
مسك إيدها ونزلهــا
دخـلت البيت شـافته فـاضي / وينهم
محمد / ريـان بالمطار بروح عند نادر ويوسف صار لهم سنه ماشافهم قرر يروح لهم بشـاير وعبير بـ بيت العـود ومافي أحد هــون
ترف / وليش جايبني هنا أجـل
محمد / علشان نروح غرفتنا
رجعت على وراء بخــوف منه
محمد ببتسامه / وش فيك
ترف / مابي مابي رجعنـي البيت
محمد / هههههههه وش فيك انا زوجك
ترف / لا بس مالكين
محمد / دامنا مالكين يعني زوجـك
ترف / لاء لاء لاء لاء لاء
محمد / اي اي اي اي اي
ترف / مابي مابي مابي مابي مابي
محمد / ابي ابي ابي ابي ابي
ترف / محمد رجعني البيت
محمد / ماني مرجعك تقومين فوق يعني تقومين وترى هـا حرام تمنعيني من اسوي شـيء الله راح يغضب منك وبعدين انا ماراح أسـوي شـيء بس ببوسك
ترف / لا مابي
يوم شــاف بدون فــايده شالها بأدينه وصعدها فــوق وأهي تصـارخ
دخل سـيف و دخلت وراه مشاعل وهم مستغربين من الصراخ
سيف / بسم الله هذا محمد ؟
مشاعل بضحكه / هههههه إي محمد شكله شايل ترف واهي تصرخ
سيف / الله يرجـــه
مسك إيد مشاعل وصعدو فـوق
سيف يتميع حـق محمد / هااي
محمد لف بستغراب / سيفــوه انت هنا
سيف / هههههه ايي يرحم أمك ارحم البنت دامك مستعجل تـزوج وفكنـا
أنحـرج محمد وقال / مالك شغـل بعدين اهي زوجتـي
انحرجت ترف وعلى طول دخلت غرفــة محمد
سيف / هههههههههه شكلها اهي مستعجله أكثـر منك
بالغرفه ترف تضرب خدها / وااي ياربي فشــله كلو منك ياامحمد
دخل محمد الغرفه وحصل تهزئــه من ترف
سـيف ومشاعل ..
سيف / ها شرايك تدخلين غرفتــي
مشاعل / ههههه لا
سيف / أفــا ليه ..؟
مشاعل / علشان غرفتك مو غرفتي
سيف / من قـال غرفتي اهي غرفتك
مشاعل / لا احنا غرفتنا فــوق واللي تحت هذي غرفتك واللي بـ بيتنا غرفتي انا
سـيف / بس انا ودي أجـرب بغرفتي
مشاعل / شنو تجـرب بعد انت
سيف / مع ان سريري يصلح نفر واحد بس عادي مافي مشكــله
مشاعل بعصبيه / سيفــوه عيب
سيف / ليه عيب يعني لازم بالغرفه فـوق نغــير عادي
مشاعل بعصبيه / ســيف
سيف / ياعيــون سـيف أنتي
وهــذا هـي نهـاية كل(ن) من محمد & ترف .. سيف & مشاعل ..
.
.
الحـــــب والبقــاء والفراق و السعـادة نهـاية الحــزن كــل هذا شفتــوه فـي أبطــالنـا ..
الأغلب في روايتي عــاش الحــب والبعض أنتهى الحـب بـ فراق والبعـض بـالبقاء
بـ الفراق حــُب نـادر لـ مشاعل و بشـاير حبها لـ ميثم نهــايتــهم فراق
والبقــاء معــاذ و جنــا وسـلطان حـبه لـ وجدان نهـايتهم البقــاء
والبــعض كـان فـي قمــة الحـزن وانتهـو بـالسعـاده فـ مثــلا ..
ميثـــا & عبد الله
حــزنهم كـان بـ سبب الزمن الذي جمعهم و فـي نهاية سعـادتهم بـ سبب الزمن الذي جمعهم ورزقهم بمـولود
والـبعض بــاليـــأس من الحيــاه أغلبــاً ونــادرآ بـالتفــاؤل
أســـيل .. بنــدر فـ اسيل يــأست من الحيــاه بعد ماتوفى طـلال وتفــألت بـ أبنها طـلال
وبندر .. يــأس من الأطبــاء وتفــأل بـرب العبــاد
والبعــض بــالسعــاده اللذي لم يراهــا وهــي
وجــدان وخلــود وفـهد
فـ خلود تلــقت في حياتها العذاب بـ فراق ابنتها سحـر واتهـام طليقها نصـار بالخيانه
و وجدان تلقت في حيـاتها كثـير الأهنـات من ابنـاء عمومهـا إهانتهم بـالفقــر
والأثنـــان يجمعهما فــراق الأب والأم و ألاخ
والسعاده هي يوم الله عوضهم بـالأزواج الصـالحين
أمــا فهد .. فـ هو تلقى الفراق عشـرون سنه ..! والأن بـين احضـان اهـله وأولاده
والبــعض بـالفرح والضحك ونهـايتهم الثــقل
صبـا وتـــرف من بعـد مـاتزوجو والثــقل ستــرهم
وأثنـــــــــــــــــان أبطـــال روايتـــي الأوائـــل فـ هم رئســاء الروايه والروايه تأسست من أجلهم وسميت من أجلهم
مــيثــم & ســـاره
بـالمطعم جـالسين مع بعض و الصمت يحتـويهم
رفعت راسها بعد مالاحظت ميثم مارفع راسه منها
ابتسم لهـا وردت الأبتسامه لـــه
ميثم وأخيـرآ’ نطق / سـاره
ساره / هلا
ميثم / صار لك سنـه ماتردين علي وعـذرك إنك بتفكرين نـرجع لـ حبنا و أتــوقع سنـه كامله من التفكير يكفـي و ممكن الحين تجـاوبيني نـرجع ولا أبيك ترجعين السعـاده لي من جديد بعد مانتهت بـ فراقــك
قـوت قلبها واهي تستعد حق كـلامها اللي جـهزتــه بالسياره قبل لا توصل هالمكان / ميثم
ميثم / يـاعيون ميــثم
فتحت فمهـا بتتكلم بس تفـاجأت يوم الكـلام اللي جهـزته تبخـر كله
ميثم / وش فيك
نـزلت راسها تحاول تتذكر حـرف واحد بس ماقدرت الكلام والقــوه والجراءه كله تبخر
مـد يده في الطاوله وقـرب من إيدها وعلى طول بعدتها
رفع راسه وقلـبه تزايد ضربــاته / ساره وش فيك انتي تحبيني ..؟
غمضت عيونها واهي تقـول / لا
زاد ضربــات قلـبه أكثر وأكثر / ساره مو وقت مـزح
ساره / عـارفه
ميثم / دامك عارفه قولي الصج تحبيني ولا ..؟
ساره / كـ كنت أ أح أحبك
ميثم و دمعه نزلت من عيـونه / والحين
ساره بحـزن / حاولت ارجع الحـب اللي بقلبي لك وماقدرت
ميثم / يعني كيف ..؟
ساره / انساني
ميثم / انا احبك
ساره / وانا ماقدر أظل معاك
ميثم / ساره أنـا اسف على كـل اللي صار لك مني أنا خلينا ننسى كل شـيء انا حتى بنتي ليان نسيتها وصرتي انتي ذاكرتي الوحيده خلينا نرجع ياساره تكفين
غطت وجهها بأيدها واهي تصيح
ميثم / لا تصيحين بس خلينا نرجع
ساره / والله نسيانــك شـيء مو بأيدي
.
.
وفعــلا نسيــان ساره مو بــأيدها بـأيد قلبها اللي تحمـل الكثـير من فراق ميثم والأن أعلــن قلبها بـ فراق ميثم للأبــد
عقلهــا كان محتاج حق ميثم لـكن قلبها أبد مو محتاج حــب والكــل عارف القـلب أقوى من العقــل

النهـــــــــــــــايه

أتمنى ـآ إن تنـال اعجـابكم ^_^

ترقبــو روايتي الثاتيه " بنــات فـي الأنترنت "
فـ هـي تختلف عن هـذي الروايه بـ 180 درجــــه

تحيــاتي ../

أوب قـايله شـيء