آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-07-16, 01:20 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  احببت مجرماً،للكاتبة/ الساجده الى الله،مصرية (مكتملة )
التعديل الأخير تم بواسطة فيتامين سي ; 01-08-16 الساعة 03:06 PM | |||||||||||||||||
|  |
|
22-07-16, 01:23 AM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمه الله  البارت الاول ((غزل الحب خيوطه بين قلب لقاء وجاسر،حتى ذاب كل منهما في حب الاخر)) *** فى ليلة من الليالي القمرية , التي يبعث فيها القمر أمانه للنجوم الصغيرة من حوله ... كما يبعث الحيـاة في قلوب كثير من البشر . ليلة ينتظرها الكثرون , ليسمحوا لخيالهم بالابتعاد وربما هروباً من الواقع ...ليغوصوا فى أعماق عام آخـر , عام يكون القمر سيده ، اختفي جمال القمر حين وقف جاسر في شرفته، (جاسر شاب في منتصف العقد الثانى،وسيم جدا ، طويل القامه ،حنوطى البشره،متدين جدا، لا يعرف شئ في مجال الحب،يتيم الوالدين عاش طيله حياته مع جده وجدته ) *** في صباح يوم جديد ، وفي احد المبانى ذات السيط الواسع في مصر ، يجلس جاسر في مكتبه المقابل للشرفه ، يضرب الهواء وجهه فتطاير خصلات شعره الحريريه ، طرق شخص ما الباب ، كان جاسر يعلم من الطارق جيدا فسمح له بالدخول ،دخل رجل يظهر عليه الوقار، كان يشبهه جاسر جداا ،الرجل: السلام عليكم يابنى ، خلصت الشغل اللي قولتلك ايه رفع جاسر حاجبه قائلاً: الحاج عبدالرحمن مره واحده .. ، الغشل الجديد.. هو مش مع عاصي برضو؟ تنهد عبد الرحمن قائلاً:عاصي!!... مستحيل يكون خلصه ، مش عارف والله ابن عمك ده طالع لمين خايب في العيله قاطعهما صوت اذان الظهر ،فابتسم جاسر قائلاً:طيب ننزل نصلي دلؤتى وانا هشوفه خلص ولا لاء عبدالرحمن بضيق صدر: روح شوف الافندى ده وخليه ينزل يصلي معانا اومأ جاسر برأسه ثم اتجه ناحيه مكتب عاصي وفتح الباب وجد عاصي نائماً علي مكتبه وتحته بعض الاوراق الخاصه بالعمل ، اقترب منه جاسر ، ثم ضرب المكتب بيده ، فانتفض عاصي مفزوعاً من مكانه ونظر الي جاسر نظرات مليئه بالعتاب قائلاً بتأفف: حرام عليك ياخى ، حد يصحي حد بالطريقه ديه جاسر: مسمعتش الاذان ، وبعدين لو بتيجي تنام هنا ، بتروح في البيت تعمل ايه ..تشتغل؟ تنهد عاصي بنفاذ صبر قائلاً:انت عايز ايه دلؤتي جاسر : عايزك تنزل تصلي رسم عاصي ابتسامه بلهاء علي شفتيه ، ثم اومأ رأسه ، نزل جاسر وعاصي الي المسجد وادى كل منهما فرضه ، وبعد الانتهاء، جلس جاسر يقرأ في كتاب الله وظل عاصي جالس في انتظاره، اقترب منهم عبدالرحمن و رمق عاصي بنظرة استحقار قائلاً: انت مش هتبطل اهمالك ده بقي، اهمالك في صلاتك وفي شغلك وفي حياتك كلها عاصي بعدم اهتمام: حاضر ياجدو عبدالرحمن مقلداً لعاصي: حاضر ياجدو..حاضر ياجدو ، ثم اعاد نبرته الطبيعيه قائلاً : حاضر ومفيش تنفيذ، انا همشي اكمل بقيت شغلي ، مش ناقصه حرقه دم انصرف عبدالرحمن ، بينما زفر عاصي ثم وجهه حديثه الي جاسر قائلاً : جدك ده .. اعوذ بالله منه اغلق جاسر مصحفه ، ثم استدار الي عاصي قائلاً: اعوذ بالله منه عشان بينصحك للصح ، بس لو أيدك للي بتعمله ده ، هيكون كويس طبعا لم يجيبه عاصي فربت علي كتفه قائلاً : ربنا يهديك ياعاصي نظر الي عاصي نظرات بلهاء قائلاً بخبث : جاسر جاسر .. عارف مين اللي هتيجي تشتغل معانا جاسر بتساؤل: مين؟ غمز له عاصي قائلاً : ... *** التعديل الأخير تم بواسطة فيتامين سي ; 22-07-16 الساعة 08:21 AM | ||||||||
|
| |
|
22-07-16, 01:24 AM
| #3 | ||||||||
| مراقبة عامة ومشرفة منتدى الروايات المنقولة
| الحلقه الثانيه في مكان اخر ... لقاء : مالك بس يا ماما يا حببتى زعلانه منى ليه؟ لم تجيبها والدتها فأكملت بعتاب مازح: اله بقي يا مديحه بقي ... هتفضلي زعلانه منى كتير كده مديحه بحزن : بلا ميدحه بلا زفت ، شايفه يعنى اللي حضرتك بتقوليه ده عدل ... ضحكت لقاء ثم قالت : ياست الكل افهميني ... انا زهقت من قعدت البيت من بعد مااتخرجت من الكليه وانا مش بخرج.. مش بشوف الشارع ... زهقت يانااااس نظرت لها بنصف عين قائله : لا والله! ، ما ابوكى طول اليوم عمال يتحايل عليكي عشان يخرجك ، ثم ضربتها علي رأسها بخفه قائله : بس انتى اللي بترفضي كل مره ، وبعدين يوم ماتحبي تخرجى من البيت تنزلي تشتغلي؟ ابتسمت لقاء قائلاً : يا ماما هو انا رايحه اشتغل عند حد غريب!، انا رايحه اشتغل عند جدو مديحه بعتاب: ليه حرمينك من حاجه؟ قبلت لقاء راسها قائله : لا طبعا ربنا يخليكوا ليا ، بس انا زهقانه وعايزة اشغل وقتى بحاجه ، ثم تابعت حديثها بلهجه مسرعه مازحه : شوفتى بقي .. انا جايه عشان اتوضي عشان اصلي الضهر ، حضرتك شغلتيني ازاى ؟ ، يرضيكي يعنى؟ ***** غمز له عاصي قائلاً : لقاء ...لقاء بنت عمتنا يامعلم رفع جاسر حاجبه قائلاً بعدم اهتمام : بجد! ، يااهلا وسهلا تعجب عاصي من طريقه حديثه الغير مهتمه فبادره قائلاً: سبحان الله.. شيفك مش مهتم يعني هب جاسر بالوقوف ثم قال : وانا ههتم ليه ... وبعدين عايزنى اعمل ايه .. اقوم افرش لها الارض رمله؟ عاصي: اتريق بقي اتريق.. اقولك حاجه يلا نروح الشركه احسن .. ورانا شغل كتير خرج عاصي بصحبه جاسر من المسجد وانطقوا الي الشركه، وقبل دخول عاصي الي مكتبه اوقفه جاسر قائلاً: انت خلصت الشغل اللي ادتهولك؟ عاصي : ايوة خلصته وسلمته ، وعطونى الكارت بتعهم عشان لو احتجناهم في حاجه ابتسم جاسر ابتسامه جانبيه خفيفه جدا قائلاً: تمام.. هات الكارت عشان لو انا اللي احتجته رفع عاصي كاتفيه قائلاً : زى ماتحب اخرج من جيبه كارتاً صغيراً وناوله اياه ،ثم اضاف : اتفضل قرأ جاسر الكلام المدون علي الكارت ثم نظر الي عاصي وابتسم رافعاً احد حاجبيه قائلاً: محمد العفريت احسن تاجر سلاح في مصر!، ثم قلب الكارت باصابعه قائلاً:اعمل ايه بيه ده؟ خطفه عاصي بسرعه من بين اصابعه ثم اخرج الكارت الصحيح قائلاً: هو ده .. هو ده الكارت بتعهم رمقه جاسر بنظرة استحقار ثم تنهد قائلاً: انتى لسه برضومكمل في الشغلانه ديه مش كفايه اللي حصل اول مرة؟ لم يجبه عاصي بل دخل مسرعاً الي مكتبه هارباً من مواجهته .. ***** وفي المساء وفي فيلة عبد الرحمن ، كانت لقاء تجلس بجانب جدتها نوال و في مقابل جدها عبد الرحمن ، رن جرس الباب ففتح الخادمه ليدخل عاصي بطريقته البلهاء التى اعتداد عليها الجميع ، يتبعه جاسر بأتزان ،ثم اغلق الباب خلفه عاصي بتفاجأ:لقاااااء!، اهلا اهلا.. واخيراً ياشيخه عاش من شافك ، فينك كل ده لقاء ببرود:اهلا ياعاصي لاحظ لهجتها البارده فقال بنفس اللهجه البارده : تصبحوا علي خير هزت نوال راسها قائله: نفس اعرف عاصي طالع اهبل لمين ، ابوة مش كده ولا عمه الله يرحمه كان كده ثم اضافت موجهه حديثها الي جاسر : ايه ياجاسر يابنى احضرلك الغدا جاسر: لا يا تيتا شكراً، انا وعاصي اتغدينا بعد ماطلعنا من الشركه ، عايز حاجه يا جدو ، عايزة حاجه يا تيتا انا طالع انام شعرت لقاء بأن دمائها تغلي ، فهو لم يعطيها اي اهتمام، ولم ينظر حتى ناحيه الاتجاه الذي تجلس به بدأ جاسر في صعود سلالم الدرج التي تتوجه الي الطابق الثانى من الفيلا حيث غرفته ،ولكن كأن شئ قفز في عقله فاجأه فعاد يقول:..... ***** التعديل الأخير تم بواسطة فيتامين سي ; 22-07-16 الساعة 06:13 AM | ||||||||
|
| |
|
22-07-16, 06:14 AM
| #4 | ||||||||
| مراقبة عامة ومشرفة منتدى الروايات المنقولة
| البارت الثالث ولكن كأن شئ قفز في عقله فاجأه فعاد يقول:تيتا لو سمحتى هو انتى بتنامى امتى ؟ نوال: بعد مابصلي الفجر ياحبيبي ابتسم جاسر قائلاً: تمام.. تيتا لو سمحتى صحيني قبل الفجر عشان اصلي قيام ليل ، ثم بدا مجددا في صعود سلالم الدرج ضغطت لقاء بشده علي اسنانها، كانت تعتقد انه واخيرا لاحظ وجودها ، لكنه خالف ظنها ، فنظرت الي عبد الرحمن قائله : جدو لو سمحت انا هبدأ اشتغل من امتى ضحك عبدالرحمن ثم اضاف: انا مشوفتش في حياتى حد مستعجل علي الشغل كده زيك ، من بكره لو موافقه اتسعت ابتسامه لقاء ثم قالت: بجد ياجدو!!، موافقه طبعا ... استأن انا بقي عشان الحق انام عشان اصحي للشغل بدري ، السلام عليكم عبد الرحمن : في امان الله يابنتى **** في اليوم التالي وفي شركه "عبدالرحمن" ، طرقت لقاء باب مكتب عبد الرحمن ،فأذن لها بالدخول لقاء:السلام عليكم يا جدو عبدالرحمن بابتسامه: وعليكم السلام .. تعالي يالقاء اتفضلي ، وانا اقول الشركه نورت ليه ابتسمت لقاء ثم جلست علي احد الكراسي قائله : ايه ياجدو مش هتوريني مكتبي بقي ولا ايه ضرب عبدالرحمن راسه بخفه قائلاً: اه صحيح.. تعالي يلا يا حببتى خرج عبد الرحمن من مكتبه تتبعه لقاء ، ثم اشار الي احد الغرف بجانب غرفه كتب علي بابها "مكتب الاستاذ/جاسر " عبد الرحمن : هو ده المكتب بتاعك يا حببتى احست لقاء بأن قلبها يرقص من السعاده ، ثم قالت بسعاده : بجد يا جدو تفاجأ عبد الرحمن من سعادتها ، فهو كان يعتقد انها سترفض ، لانه بجانب مكتب جاسر الذي لم يعطيها اهتمام طيله حياته عبدالرحمن: ايوة يا حببتى ، عايزانى اغيرهولك ولا حاجه لقاء مسرعه : لالالا يا جدو ، ثم قالت بهدوء: هو حلو كده ابتسم عبدالرحمن قائلاً: طيب انتى عارفه هتشتغلي ايه هزت لقاء راسها بالنفي ، فاكمل : ايه رائيك تكونى مديره مكتب جاسر اتسعت عيناها من الدهشه ، لكنها نظرت الي عبدالرحمن ثم قالت بضيق : بس يا جدو تفتكر هيوافق ربت علي ظهرها قائلاً: متخفيش ... وحتى لو موفقش ، مش هيعرف يقولي لاء ، انا داخل دلؤتى اقوله ، خليكي واقفه هنا دخل عبدالرحمن الي مكتب جاسر ، وكانت لقاء تقف تنظر الي ظلالهم المتحركه من خلف الزجاج *** | ||||||||
|
| |
|
22-07-16, 06:16 AM
| #5 | ||||||||
| مراقبة عامة ومشرفة منتدى الروايات المنقولة
| البارت الرابع خرج عبدالرحمن ، ثم نظر الي لقاء وابتسم قائلاً : مبروك عليكي الوظيفه لقاء بذهول: بـجد!، وافق بجد ياجدو تنهد عبدالرحمن ، ثم قال: بصي يابنتى .. انتى عارفه ابن خالك ، مش بيحب يشغل عنده ستات ، بس انا اقنعته ، وهو وافق في الاخر ، بس هو عنده شرط رفعت حاجبها قائله:شرط..شرط ايه عبدالرحمن: انك متحوليش تتكلمى معاه في اي موضوع برا الشغل اومأت راسها قائله : حاضر ابتسم ثم ربت علي كتفها قائلاً:طيب استأذن انا بقي آنصرف عبدالرحمن ، وبعد قليل أذن اذان العصر ، فخرج جاسر ، انتفضت لقاء وظهر التوتر علي وجهها ، لم ينظر لها ثم قال بعدم اهتمام: الشغل اللي علي المكتب ده ... خلصيه بسرعه عشان محتاجه امسكت بعد وراقات موضوع علي المكتب ثم رفعتها في وجهه قائله بصوت مرتفع : ديــه! رفع حاجبيه قائلاً: حد كان مفهمك ان انا اطرش .. ايوة ديه لقاء بأحراج : طـيب انـ.... ، لم تكمل كلامها فلقد تركها وانصرف، جلست لقاء واضعها يدها علي خدها ، ثم نظرت الي الورقات الموضوعه بجانبه قائله : والمفروض ان انا اسلمك امتى يعنى ، اوووف بقي **** وبعد وقت ليس بالطويل طرقت لقاء الباب فأذن لها جاسر بالدخول ، كانت المسافه بينهم ليست بالبعيده لقاء : انا خلصت الشغل احطلك الورق فين ؟ كان جالساً يعبث بهاتفه ، تنهد ثم قال بسخريه :علي راسي رفعت حاجبها ثم نظرت له بسخريه قائله: بجد! اغلق هاتفه ثم بدأ بالعبث في الاوراق الموضوعه امامه قائلاً بنفاذ صبر : هيكون فين يعنى ، حطيهم علي المكتب وضعتهم علي المكتب وبدأت في الانصرف ، فتحت الباب وعند خروجها اصتدمت بعبدالرحمن ابتسم عبدالرحمن قائلاً: ازيك يالقاء ايه رائيك في الشغل ياحببتى اومأت له رأسها كانها تقول "لابأس" القي نظرة جانبيه سريعه علي جاسر ، ثم اكمل: ضايقك؟ تنهدت ثم قالت بضيق صدر : بيكلمنى يا جدو وبيعاملنى بعدم اهتمام ربت علي كتفها قائلاً: زى ماقولتلك يا حببتى ، هو عشان مش متعود بس هزت له راسها ، فابتسم قائلاً : انتى مروحه البيت ؟ لقاء: ايوة يا جدو عبدالرحمن : طيب خليكي واقفه هنا ثوانى كان جاسر بالداخل حامل هاتفه ومحفظته ووضعهما في الجيب الخلفي من بنطاله وحمل علي ذراعه الجاكيت الخاص بحلته .. واشبك علاقه مفاتيح سيارته بأصبعه واستعد للانصراف ، وقف باحترام عندما راي عبدالرحمن يدخل من الباب عبدالرحمن :انت ماشي ولا ايه يابنى ابتسم جاسر قائلاً: ان شاء الله ياجدو عبدالرحمن : توصل بالسلامه ، ثم قال وهو في طريقه للباب لينصرف : وصل لقاء في طريقك رفع جاسر حاجبه ثم قال ببرود : نعم؟ استدار له عبدالرحمن ثم رمقه بنظرة يفهمها جاسر جيدا ، كأنه يخبره بأن لا يعترض مرة اخري عبدالرحمن : بقولك وصل لقاء في طريقك تنهد جاسر بنفاذ صبر قائلاً: حاضر خرج عبدالرحمن من مكتب جاسر مبتسم الوجه للقاء عبدالرحمن : حضري حجاتك يابنتى .. ابن خالك هيوصلك شعرت لقاء بالارتباك ، ثم قالت : مبلاش يا جدو ، انا هاخد تاكسي وخلاص عبدالرحمن معترضاً: تاكسي في الوقت ده ، ثم نظر الي ساعه معصمه قائلاً: الساعه 10 يابنتى خرج جاسر من مكتبه وعلامات الضيق تظهر علي وجهه ، ثم ذهب الي المصعد، تحركت لقاء مسرعه خلفه ، ضغط باصبعه علي احد الازار ففُتح باب المصعد ، فأشار للقاء بالدخول ،دلفت لقاء مسرعه الي المصعد وتبعها جاسر ، كان يقف صامتاً لا ينظر لها حتى ، كانت لقاء تقف منزعجه لا لانها لا ينظر لها فهي قد اعتادت علي ذلك فهو لا ينظر لاي سيده في العالم ، وليس هي فقط ، بل لانه صامت .. لا يتحدث حتى في إطار العمل ،وفجأه ضرب المصعد هزه عنيفه ، ثم توقف... | ||||||||
|
| |
|
22-07-16, 06:17 AM
| #6 | ||||||||
| مراقبة عامة ومشرفة منتدى الروايات المنقولة
| الحلقه الخامسه وفجأه ضرب المصعد هزه عنيفه ، ثم توقف، كات لقاء تقع لكنها امسكها من ذراعها ، وكانت لاول تلتقي انظارهم ، ساعدها جاسر علي الوقوف ، ثم اشاح بوجهه بعيداً عنها ، كانت تشعر بقلق شديد فهي لا تدري ماسبب تلك الهزه ، طمئنها قليلاً نظراته الواثقه التى لا يلوثها اى خوف ، وهو يخرج هاتفه ، وبعد ثوانى يضعه علي اذنه ويتحدث قائلاً :السلام عليكم..الو يا عاصي .. عاصي اتصل بالشركه بتاعة المصاعد احسن الاسانسير وقف تانى ... لا اكيد مقفلوش ... لاء مش لوحدى ... لقاء موجوده معايا ... بسرعه طيب ، ثم اغلق هاتفه ووضعه في جيبه لقاء بقلق : هو ايه اللي حصل جاسر بضيق صدر : الاسانسير وقف لقاء بفزع : اييييه، وقف ازاى تنهد جاسر بنفاذ صبر قائلاً:يعنى فيه عطل لقاء: طيب والعطل ده هيتصلح امتى انزعج جاسر من اسئلتها المتكررة فقال بغضب : انا وافق زى زيك اهو ، عملت اللي عليا وخليت عاصي يكلمهم ، اعمل ايه اكتر من كده! لمعت الدموع في اعين لقاء فكلماته كانت محرجه جدا ، لقاء بصوت باكى: طيب انت بتتعصب عليا ليه، انا مالي لم يجيبها ، بل وقف يستغفر ربه ، ويردد بصوت تكاد تسمعه " ياودود ياودود، ياذا العرش المجيد، يامبدئ يامعيد، يافعالاّ لما يريد، اسألك بنور وجهك الذي ملأ أركان عرشك، وأسالك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت، يامغيث أغثني." كانت لقاء تنظر الي السقف وتردد بصوت عالي :يارب.. يارب عايزة ارجع البيت سليمه .. يارب مش عايزة اموت ..هنا..دلؤتى ، ثم ردتت قول الله : وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ يُصِيبُ بِهِ مَن يَشَاءُ مِنْ عِبَادِهِ ۚ وَهُوَ الْغَفُورُ الرَّحِيمُ (107) (سورة يونس ) ضحك بخفه ، ثم ابتسم ابتسامه جانبيه ساخره وهو يقول: محدش قال انك هتموتى .. الموضوع مش مستاهل كل ده .. دلؤتى عمال الصيانه يجوا ويطلعونا من هنا وفعلا، ماكاد جاسر ينهى كلامى حتى اهتز المصعد هذة المره هزة خفيفه ، وبدأ المصعد في النزول ، فتح جاسر الباب ليجد عاصي امامه ، فنظر للقاء نظرات عتاب مازحه قائلاً لجاسر : ايه ياعم قلقتنا عليك ابتسم جاسر ابتسامه جانبيه بارده ، قائلاً : جدك عرف؟ عاصي: عرف ايه زفر جاسر ثم قال بنفاذ صبر :عاصي مش ناقصه غبائك ... عرف ان الاساسنير اتعطل واحنا فيه؟ هز عاصي راسه بالنفي ثم اضاف : جدك نايم من بدري اصلا تنهد جاسر بارتياح ثم قال بخبث : بقولك ايه ياعاصي ... خد مفاتيح العربيه بتاعتى ووصل لقاء اتسعت اعين عاصي من الدهشه واندفع ناحيه جاسر واراد تقبيله لكنه ابعده قائلاً: مش هتبطل هبلك ده بقي عاصي : ربنا يخليك ليا يااخويا ياغالي جاسر باستدراك : ولا اقولك ... لاء انا هوصلها عاصي بحزن مصطنع : ليه بس ياجاسر ، انت شكلك تعبان روح نام ياحبيبي رمقه جاسر بنظرة استحقار قائلاً: لا روح نام انت .. معلش قلقناك معانا زفر عاصي ثم تمتم ببعض الكلمات في نفسه ، وكأنه يسب ويلعن جاسر ، ثم انصرف وهو يخطوا كل خطوة بغضب اكثر من التى قبلها ، اشار جاسر للقاء بأن تتبعه الي السيارة ، وبعد وقت ليس بالطويل اوصلها الي المنزل ، نزلت لقاء من السيارة كانت تريد ان تقف وتشكره ، لكنه سرعاان ماانطلق بالسيارة بعيداً عنها .... مضت الايام سريعاً كانت لقاء تحاول التقرب من جاسر ، لكنه دائماً ينفرها بحديثه ، وفي احد الايام وفي فيلة عبدالرحمن، كان يوم الجمعه اليوم الرسمي لعطله جميع الموظفين بالشركه ، كانت لقاء تقف بجانب نوال في المطبخ ، وبعد ثوانى نزل جاسر من غرفته لابساً حله سوداء انيقه ، ويضع عطراً ذو رائحه رائعه ، لطالما احبت لقاء ذلك العطر ، جلس علي احد الارائك ليرتدى حذائه ثم نظر الي المطبخ ، قائلاً لـنوال : تيتا انا نازل.. عايزة حاجه نوال: سلامتك يا حبيبي ، بس رايح فين يابنى ؟ انتهى من لبس حذائه ، فوقف مبتسماً لنوال قائلاً: ..... | ||||||||
|
| |
|
22-07-16, 06:19 AM
| #7 | ||||||||
| مراقبة عامة ومشرفة منتدى الروايات المنقولة
| البارت السادس انتهى من لبس حذائه ، فوقف مبتسماً لنوال قائلاً: انا وجدو رايحين نقابل ناس عشان الشغل يا تيتا لقاء بدهشه:نعـم!! ، اذ كان مفيش شغل النهارده هو مش النهارده الجمعه برضو، يعنى النهارده اجازة صمت وكأنه لم يستمع لحديثها ، ابتسمت نوال قائلاً: صحيح يابنى .. بنت عمتك بتتكلم كلام صح رايحين فين والنهارده اجازة ابتسم جاسر قائلا بهدوء: يا تيتا الشركه بس اللي بتكون اجازة يوم الجمعه ، بس انا وجدو عادى ممكن نقابل اي عميل مهم يوم الجمعه ، ثم اردف بتحدي: ياريت بقي اللي ميعرفش حاجه ، ميدخلش فيها نوال: خلاص يابنى .. وهى مقلتش حاجه غلط لقاء ببلاهه: تيتا .. قوليلي هو انا وشي فيه حاجه غلط .. نوال بهدوء: لا ياحببتى مين بس اللي بيقول كده تنهدت لقاء بخبث قائله : واحد كده مش بيصلي وكأن في وشي حاجه حرام ابتسمت نوال قائله بحنان : ده اكيد اعمى مش بيشوف لقاء باستفزاز وهي تعلق نظراتها بجاسر:لآ يآ تيتا للاسف مش اعمي وبيشوف كويس ونظره 6/6 كمان طأطأ جاسر رأسه ثم ضحك علي كلامها السخيف وآنصرف ، صمتت نوال حتى انصرف ثم التفت الي لقاء قائله : قصدك علي جاسر ابن خالك مش كده؟ لقاء بحزن : ايوة يا تيتا.. ربت نوال علي كتفها قائله : معلش يا بنتى هو ابن خالك كده ، مستحيل يبص لست ، وبعدين انتى عارفه انو بيعتبرك زى اخته ابتسمت لقاء ابتسامه ساخره ثم همست في نفسها :حقاً..لقـد ازداد الوضع سواءً الان *** كانت الايام تمضي بسرعه ، وفي تلك الايام كانت لقاء تحاول لفت انتباه جاسر بأي طريقه ، ولكنه لم يحقق له مرادها ، فهو يأتى قبلهآ آلي شركه وينصرف بعدهآ ، وكأنه عزم عـلي آن لآ يريها ظله حتى ... **** في مكتب عبدالرحمن ، كان جاسر جالس علي احد الكراسي ، في مقابل عبدالرحمن، وكأن الصمت هو ضيفهم .. ، بعد لحظات سمع عبدالرحمن وجاسر صوت طرقات علي الباب فقال عبدالرحمن: ادخـل دخلت لقاء وعلمات التسأؤل والحيره تملأ وجههآ ،طلب منها عبدالرحمن الجلوس ،و.. عبدالرحمن: اكيد طبعا بتسألوا نفسكوا انا طلبتكم ليه .. متقلقوش عايز بس اقولكم حاجه بسيطه ، كان ينظران له بنظرات اهتمام ، فابتسم واكمل : احنا في شغل جلنا في "فرنسا" ومدته اسبوع، وهما طالبين جاسر بنفسه ، وانا مش هينفع ابعت جاسر لوحده عشان لازم يكون حد معاه هناك يساعده في ادارة الشغل ، ثم اشار بيده علي لقاء قائلاً: عشان كده قررت ان لقاء هتروح معاك ..ها.. ايه رائيك؟ ابتسم جاسر بثقه قائلاً : موافق نظرت له لقاء بدهشه ، كانت لا تصدق ، وددت ان يقوم بضربها حتى تتأكد انها لا تحلم عبدالرحمن : تمام.. ربنا يرجعكوا بالسلامه ، جاسر متمشيش عايزك لقاء : طيب استأذن انا بقي عبدالرحمن: اذنك معاكى يابنتى انصرفت لقاء ، فجلس عبدالرحمن بجانب جاسر ثم قال له : انت مش ناوي تكمل نص دينك بقي ، نظر له جاسر بعدم اهتمام ، فابتسم واكمل : شكلك كده عايز جدتك تجبلك واحده من علي ذوقها وتجوزهالك .. تنهد جاسر قائلاً: والمطلوب؟ تعجب عبدالرحمن من سؤاله ، فرفع حاجبه قائلاً: المطلوب انك تشوف بنت الحلال اللي هترتاح معاها بقيه حياتك، ربت عبدالرحمن علي كتفه قائلاً: انا عارف انك ولا مره في حياتك بصيت لست ، بس كده مش هينفع.. جاسر بدهشه : مش هينفع ازاى، وبعدين هو حضرتك نسيت يا جدو قول الله تعالي: ﴿ قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ﴾ [ سورة النور: 30] قاطعه عبدالرحمن : انت هتعملنى ديني ولا ايه ؟، انا فاهم كويس معني كل كلمه في الايه ديه ، وانا كنت بقول كده عشان عايزك تهتم شويه بحياتك ، مش تبقي حياتك كلها شغل شغل شغل جاسر : انا اسف يا جدو ، ثم اكمل بابتسامه : خلاص حقك عليا متزعلش ، اوعدك اني لما ارجع من فرنسا ، هنتكلم في موضوع الجواز ده تانى اومأ له عبدالرحمن رأسه ، فطلب منه جاسر الانصراف ، فسمح له فأنصرف **** مضت علي لقاء وجاسر 6 ايام في فرنسا وكان هذا يومهم الاخير ، كان في طريقهم الي احد المقاهى المشهورة بفرنسا ، وصعدوا الي حافله لتصلهم الي ذلك المقهي ، كانت الحافله تتكون من صفين من الكراسي المتراصه، يفصل بينهم مسافه صغيره من الفراغ، جلس جاسر علي احدي الكراسي في الجانب الايسر ، بينما جلست لقاء علي احد الكراسي في الجانب الايمن ، ثم جلست بجانبها فتاة وسيمه يظهر عليها الملامح الشرقيه ، وظلت تتحدث مع لقاء طويلاً، واتضح انها مصريه الاصول ، لكنها تربت ونشئت في فرنسا ، كانت لهجتها العربيه ليست بالسيئه ، كانت لقاء ترمي نظرات علي جاسر في اوقات متفارقه، كان يجلس يضع ذراعه علي حافه النافذه التي بجانبه ، ويشاهد الامكان الجميله التى يمر بها ، حتى ... ولسوء حظ لقاء ، جاء رجل يظهر عليه الوقار ، ووضع قفص متوسط الطول ، ربما قفص حيوان او طائر في ذلك الفراغ ، ليفصل بين لقاء وجاسر ، فحجب الرؤيه عن لقاء ، نظر له جاسر بتعجب ، لكنه ابتسم ابتسامه ثقه واراد ان ينفذ خطته ، فازاح زراعه من علي النافذه وقام بوضعه علي القفص ، وانحنى قائلاً للقاء،وابتسم لها بثقه قائلاً وهو ينظر لها :....... | ||||||||
|
| |
|
22-07-16, 06:20 AM
| #8 | ||||||||
| مراقبة عامة ومشرفة منتدى الروايات المنقولة
| البارت السابع وانحنى قائلاً للقاء بابتسامته الواثقه، وهو ينظر لها : لقاء..veux-tu m'épouser ? لقاء بصووت خافت : بتقول ايه؟ ، لم تفهم لقاء قصده ، فهى لم تتعلم اللغه الفرنسيه قط في حياتها .. ضحكت الفتاة الجالسه بجانب لقاء ثم قالت لها : بتقول هي عايز يتجوزك .. اندهشت لقاء عند سمعاها لكلمات الفتاة الجالسه بجانبها ، ضحك جاسر من تعبيرات وجهها المندهشه ، ثم اشاح بوجهه بعيدا عنها ليعود لموضعه الاساسي منذ ركوبهم للحافله ... مضي اليوم سريعا ، كان جاسر يتاعمل مع لقاء بطريقته المعتاده ، وكأنه لم يخبرها اي شئ .. **** عاد جاسر ولقاء الي ارض مصر الحبيه ،واصر جاسر علي ان يصل لقاء الي منزلها ليطمئن علي سلامتها ، اوقف جاسر السيارة امام منزل لقاء ، وظل يفترسها بنظراته الجانبيه التى لم تلاحظها ، يريد ان يسمع اي شئ منها ، علي ماعرضه عليها صباحاً ، وفعلا تحقق مراده بقولها بذهول : انت فعلا كنت تقصد اللي قولته في الاتوبيس؟ رفع حاجبه قائلاً بلؤم دون ان ينظر لها: قولت ايه؟ مش فاكر ، اصل انا قولت كتير الصراحه كانت تعلم انه يبالغ في الامر ، لكنها تنهدت ثم قالت بارتباك : انك عاا..عاايز تتـ تتجوزنى؟ اشاح بوجهه بعيداً عنها قائلاً : هو بكره الايه ؟.. بكره الجمعه ! ، طيب خلي عمتو تحضر نفسها عشان هاجى انا وجدو وتيتا نقعد معاها شويه كاد قلبها يطير من الفرحه بعد سمعاها لكلماته تلك ، شعرت بخجل شديد ، ففتحت باب السيارة ثم خرجت منها مسرعه متجهه ، ناحيه باب منزلها ،عاد جاسر الي المنزل وفتح الباب فوجد عبدالرحمن جالس يقرأ في كتب الله ، فجلس بجانبه ثم قبل رأسه ، فاغلق عبدالرحمن المصحف ، ثم استدار له قائلاً: حمدلله علي سلامتك يابنى ... لقاء وصلت بالسلامه؟ اومأ جاسر برأسه ، فابتسم عبدالرحمن قائلاً : فكرت في اللي قولتلك عليه ضحك جاسر قائلاً: ايوة يا جدو .. وانا متأكد انك هتفرح لما تعرف هي مين عبدالرحمن بتسأول : مين يابنى؟ جاسر : لقاء آتسعت ابتسامه عبدالرحمن قائلاً بتفاجأ : بجد ياجاسر؟، ديه احلي حاجه سمعتها في حياتى اومأ جاسر راسه قائلاً: وقولتلها كمان تقول لعمتو ان احنا جاين ليها بكره ربت عبدالرحمن علي ظهره قائلاً: والله يابنى انا لو مت دلؤتى هكون مرتاح انى شوفتك في بيتك قبل جاسر يده ثم اضاف:ياجدو بالله عليك متقولش كده ، ان شاء الله تعيش لحد ماتشوف احفادى واحفاد احفادى كمان **** مضت الايام بسرعه واقامت حفلة خطوبه جاسر من لقاء ، بعد ما طلب منها الجلوس من العمل ، لكنها رفضت ، وبعد تصميم طويل من جاسر ، تركت لقاء العمل واستقرت في المنزل ، كانت لقاء طوال تلك الايام تجري اتصالت لجاسر لكى تٌطمئن عليه ، لكنها لم تكن تعلم ان جاسر يكرهه الاهتمام الزائد ، والاسوء من ذلك ، والذي كان يثير غيظها دائما ، انه لم يعترف بحبه لها حتى الان... **** في احد الايام وفي منزل لقاء ، كانت تجلس علي سريرها ، يدور في عقلها ذلك السؤال ، الذي طالما دار في عقلها منذ ارتباطها بجاسر ، لما لم يقولها حتى الان؟ ، لما لم يصارحها بحبه ؟، هل ارتبط ليرضي جده فقط ، لكنه طردت تلك الفكره من ذهنها ، فجاسر يحب ان يتناقش في اى شئ ، ويسمع رأي هذا وذاك ، ولكن في النهايه لا ينفذ الا ما يراه صواب ، حتى ولوكان الجميع معترض عليه ، تنهد بعدم ارتياح ، ثم التقطت هاتفها ثم فتحت تطبيق "whats app"، ثم القت نظرة علي حالة جاسر فوجدتها " متصل الان" ، فكتبت له : هتقولها امتى؟ جاسر : هي ايه ديه الاول؟ ****** | ||||||||
|
| |
|
22-07-16, 06:22 AM
| #9 | ||||||||
| مراقبة عامة ومشرفة منتدى الروايات المنقولة
| البارت التامن زفرت لقاء بنفاذ صبر بعد قرأتها لتلك الرساله ، فردت عليه : جاسر متعملش فيها عبيط ... هتقولي بحبك امتى جاسر : اولا انا مش عبيط ومش بمثل العبط ، ثانياً هو مش احنا اتكلمنا في الموضوع ده قبل كده ، انتى ليه بتحبي تعيدي وتزيدي في نفس الموضوع لقاء : وانا مش هبطل اتكلم في الموضوع ده ، لحد ماتقولها يا جاسر ، لحد ماتقولي بحبك زى اى واحد وخطبته جاسر : انا مش فاضي لشغل العيال ده لقاء: بقي كده يا جاسر ... يعنى انا شغل عيال بالنسبه ليك ، ماشي يا جاسر شكرا جاسر : بصي يالقاء .. انا عمري في حياتى ماقتنعت ان الحب كلمه ، اللي قال ان الحب بيتعبر عنه بكلمه بحبك ، اصلا انسان عمره ماعرف معنى الحب ، انا متأكد دلؤتى انك قاعده بتقولي ان جدو هو اللي خلانى اخطبك ، بصي انا مش هقولك ان انا مش بحب اعمل حاجه انا مش عاوزها ، بس اسألي جدو ، هو حتى اتفاجأ يوميها ، ان انا قولتله انى عايز اخطبك ، لقاء متنشفيش دماغك علي حاجه انا وانتى متأكدين انى مش هعملها ، وبعدين روحى نامى يلا الوقت اتأخر شعرت لقاء ببعض الارتياح بعد كلماته تلك ، فكتبت له : تصبح علي خير ****** في صباح اليوم التالي طرق جاسر باب غرفه عاصي ، فسمح له بالدخول ، دلف جاسر الي غرفته وجلس علي اتراف فراش عاصي ونظر له قائلاً: يلا يا عاصي ، انت مش عارف ان النهارده في عميل مهم جي الشركه رفع عاصي حاجبه قائلاً بسخريه : يلا بسرعه عشان هو عميل مهم ، ولا عشان جوز اخت لقاء تنهد جاسر بنفاذ صبر قائلاً: شوف انت اكتر واحد عارف ان انا مش بحب اخلط حياتى اللي جوا الشغل ، بحياتى اللي برا الشغل كأن هناك شئ ما قفز في عقل عاصي جعله يقول: محمد الحسيني ..، انا مش عايز اقبله في الشركه ولا حتى اشوف ضله جاسربنصح : عاصي... ، احنا كلنا نسينا الموضوع ده ، انت اللي بتحب تقلب في القديم ، ياريت تتعامل معاه بشكل طبيعي وبلاش تخرب علي اكل عيشك ابتسم عاصي بسخريه قائلاً: ماأكل عيشي اتخرب خلاص بسببه ، ابويا قاطعنى ، وشركتى اللي شقي عمري كلوا راح فيها ، طارت جاسر بنفاذ صبر : بجد ... وحد قالك تستغل الشركه عشان تهرب اسلحه ؟ عاصي بانفعال : وهو كان في حد قاله يبلغ عنى .. اهي اتقفلت .. ارتاح هو كده؟ جاسر بتنهيده :وهو ايه دخله ؟.. كان هو اللي كاتب دستور مصر .. ولا كان هو اللي قال للحكومه تقفلهالك وكويس اوى ان الموضوع وصل لحد كده غيرك كان زمانه مرمي في السجن 25 سنه .. لم يجيبه فربت جاسر علي كتفه قائلا محوراً لزمام الحديث : بس ايه الشياكه ديه.. ايه الطقم الشيك ده عاصي بترفع: حلو بجد؟ ، كان احلي طقم في المحل علي فكرة اومأ جاسر رأسه قائلاً: بس عارف ايه اللي نقصه؟ رفع عاصي حاجبه قائلاً: ايه؟ ابتسم جاسر ابتسامه جانبيه قائلاً: الجزمه نظر عاصي الي قدميه الحافتين ، ثم دخل في نوبه من الضحك الهستيري **** اهلا اهلا يابنى مصر نورت والله قالها عبدالرحمن مرحباً بـ"محمد الحسيني" ، الذي نظر له باهتمام قائلاً: اهلا يا جدو عامل ايه .. منورة بأهلها ، اومال فين جاسر او عاصي .. انا هشتغل مع مين بالظبط عبدالرحمن مبتسماً: اللي تحبه يابنى ، وبعدين ارتاح شويه ، زمانهم جيين ماكاد عبدالرحمن ينهي كلامته حتى سمع صوت جاسر يرحب بـ محمد الحسيني قائلاً: اهلا ياابو حميد عاش من شافك ياعم محمد : ازيك يا جاسر عامل ايه ، بقي كده ياراجل تخطب من غير ماتقول لحد كده ، ده انا لو مكنتش جوز اخت لقاء ياراجل ابتسم جاسر قائلاً بهدوء:يعنى كانت حاجه بسيطه ، المهم انت عامل ايه وعيالك ازيهم؟ محمد:كلنا كويسين الحمدلله ... قولي انت عامل ايه وشركتك اخبارها ايه؟ اومأ جاسر رأسه وكأنه يخبره " كل شئ بخير " التفت محمد الي عاصي قائلاً: ازيك يا عاصي ، ايه واقف ساكت كده ليه ؟ ابتسم عاصي بعدم اهتمام قائلاً باستحقار : كويس الحمدلله عبدالرحمن: طيب يلا اتفضلوا قدامى علي اوضه المؤتمرات عشان نشوف مين اللي هيمسك شغل محمد دار الحوار بينهم علي ما يزيد عن ساعه ونصف ، في النهايه حزم الامر علي ان جاسر هو من سيعمل بجانب محمد ، كان الغضب ينبش بعاصي ، كاد ان ينفجر ، عندما سمع اسم "جاسر" من ثغر محمد ، هو يريد ان يجعل محمد تحت الصفر ، الان يريد جعله لا شئ ، ولن يهمه اذ ضر ذلك جاسر ايضا ام لاء .. حقاً كم نصبح جميعنا كألذئاب المتعطشه للدماء واللحم عندما نري اننا نسقط ... اننا نقع ، ليس في حياتنا العمليه او الماديه ، بل في أعين اقرب الاشخاص لنا .. ***** مرت الايام وانتهي عمل جاسر مع محمد الحسيني ، قرر محمد الحسيني ان يمكث بعده بضع ايام في القاهره ، بسبب زوجته التى تعلقت بأختها ووالدتها ووالدها فاجأه كطفله الصغيره ، وفي اليوم الذي يلي اليوم الذي انتهي به جاسر ومحمد الحسيني من العمل ، دخل رجل يبدو عليه الملامح الجديه ، يرتدي نظارة شمسيه سوداء ، جسمه مفتون بالعضلات ، ظل يبحث بنظره عن مكتب السكرتاريه حتى وجده ، واقترب منه قائلا بجديه: استاذ جاسر موجود؟ السكرتيره بلاباقه : استاذ جاسر كان مسافر "بورسعيد" عشان كان عنده شغل هناك وهيرجع النهارده ، زمانه جي في الطريق الرجل بنفاذ صبر: هيتأخر يعنى ، اتصلي بيه قوليلي ان انا عايزه في موضوع مهم السكرتيره: للاسف يافندم تلفونه مقفول من اول ماسافر لحد اللحظه ديه ، حضرتك ممكن تستناه في الرسبشن لحد ماهو يجي لو حضرتك محتاجه في موضوع مهم ، كاد ان ينصرف في اتجاه الرسبشن لكنها اوقفته قائله: لو سمحت ... ، استدار لها فأكملت: حضرتك كنت اخد معاد معاه ؟ هز رأسه بالنفي قائلاً: لاء.. بس انا محتاجه في موضوع مهم جدا رفعت السكرتريه كتفها قائلاً: اوكى .. اتفضل استناه زى ماقولت لحضرتك جلس الرجل في الرسبشن بانتظاره ، ثم اخرج من جيبه علبة سجائرة و قداحته ، كاد ان يشعل لفافه ، الا ان هناك يد اختطفتها منه مسرعه ، كاد ان يسب صاحبها ، لكنه نظر الي وجه ذلك الشخص ، ليجده جاسر يبتسم له ، ثم يشير الي احد الافتات المعلقه علي الحائط قائلاُ: ممنوع التخدين رمقه ذلك الرجل بنظرة استحقار قائلاً بتقرف : مأخدتش بالي منها تعجب جاسر من لهجته تلك وهو يعلم جيدا بان تلك الافته لفتت انتباهه ، فقال بعدم فهم : السكرتيره قالتلي ان حضرتك عايزني في حاجه مهمه اومأ له رأسه فأكمل جاسر : طيب تحب نتكلم في مكتبي؟ الرجل باستحقار: ياريت دلف جاسر الي مكتبه يتبعه ذلك الرجل ، ثم جلس علي احد الموضوعه امام مكتبه دون أذن حتى من جاسر ثم وضع احد ساقيه فوق الاخري ، تعجب جاسر من تصرفاته ،، يتحدث مع جاسر بطريقه لا يفهم ما سببها ، وهاهو الان يفعل كل شئ بدون اذن منه جاسر : ممكن اعرف حضرتك مين الاول؟ اخرج شئ اشبه بالكتيب الصغير ثم رفعه في وجهه قائلاً: انا وكيل النيابه عزالدين فرج **** | ||||||||
|
| |
|
22-07-16, 06:24 AM
| #10 | ||||||||
| مراقبة عامة ومشرفة منتدى الروايات المنقولة
| البارت التاسع جاسر بتعجب: اهلا وسهلا .. نعم حضرتك عايزنى في ايه اعتدل عز الدين في جلسته ، قائلاً بتنهيده: انت كنت فين يوم الجمعه ؟ ازداد تعجب جاسر ، ثم قال: امبارح!، ممكن اعرف ليه؟ عزالدين بجديه: عايز تعرف ليه .. انا هقولك ليه .. كل الامر ومافيه يا استاذ جاسر ان محمد الحسيني اتقتل بالرصاص امبارح.. بس اتسعت اعين جاسر من الدهشه قائلاً بصدمه: ايه.. حصل امتى ؟ عزالدين بجديه : بليل قبل الساعه 12 بالظبط .. جاسر بتساؤل : وازاى انا اول واحد اجي في تفكير حضرتك؟، وانا هقتله ليه؟ مط عز الدين شفتيه قائلا بنفاذ صبر : موضوع انك قتلته ليه ، ده انا هعرفه منك بعدين ..في القسم ، وليه انا جتلك ، عشان احنا لقينا ادله والادله بتثبت انك انت اللي قتلته .. والادله هي صورتك تحت المسدس .. جاسر بغضب : بس انا بقولك مقتلتهوش .. مقتلتهوش وانا هكدب ليه؟ رفع عز الدين حاجبه قائلاً بسخريه: شوف كانت مصلحتك في قتله ايه ضرب جاسر المكتب بقبضته قائلاً: اناشايف ان لحد كده كفايه ، عايز تصدق صدق ، مش عايز تصدق انت حر، بس انا مش هتحاسب علي حاجه انا معملتهاش نظر له عزالدين بسخريه قائلاُ كأنه لم يستمع الي تعليقه: انا همشي دلؤتى .. وعشان بس شرف عالتك مش هخدك معايا اعملك محضر .. بكره لما اتصل بيك ياريت تكون عندى .. واوعي تفكر تهرب عشان اقسم بالله .. لو هربت ماهسيبك يا جاسر.. انهى كلماته تلك وهو ينصرف تاركاً جاسر غارقاً في بحر الافكار .. *** في بيت عبدالرحمن ، كانت صرخات النساء تهز جميع ارجاء البيت، كان الجميع يعلم ان محمد الحسيني قد قتل ، ولكن من الذي قتله لا احد يدري ، الا عبدالرحمن ولقاء ، فلقد تسربت لهم الاخبار ربما من عزالدين او غيره ، كانت لقاء تبقي علي بكاء شقيقتها ، وعلي تلك الجريمه التي ارتكبها جاسر ، جاسر .. هو الذي علم لقاء كيف تعيش في ظل حبه ، وهاهو الان يسحب منها تلك الحياه ... اما عبدالرحمن فكان يجلس شارداً,حزيناً، مصدوماً، لايصدق ان جاسر يرتكب جريمه مثل تلك ، هو في حياته لم يفكر ان يؤذي مخلوق قط ، كيف يمحو تلك البراءه التى كان يراها عبدالرحمن في عينه ، بقتله لفرد من افراد العائله .... **** وبعد انصراف الحشد الذي جمع في بيت عبدالرحمن ، كانت لقاء تجلس علي فراشها تبكي بجأنبها عبدالرحمن يربت علي ظهرها ويطلب منها الهدوء ، لكنها كانت تردد دائماً " انا بكرهه .. بكرهه يا جده .. مش عايزة اكمل حياتى مع مجرم زيه" اما عبدالرحمن فكان في كل مره يجيبها برد يلبي رغباتها ... دق جرس الباب ، ففتح الخادمه لباب قائله : اتفضل يا استاذ جاسر ماكاد عبدالرحمن يسمع اسمه حتى هب من مكانه خارجاً له تتبعه لقاء ، خرج عبدالرحمن ثم اشار الي الخادمه ان تنصرف الي غرفتها ، ثم اقترب من جاسر وصفعه كفأ مدوياً ، ثم امسكه من قميصه قائلاً بغضب : اه يا ندل يا واطي .. بعد كل التربيه اللي ربتهالك ديه تعمل كده .. ياخسارة تربيتي فيك كان جاسر يقف مستسلاً امام جده ، الذي كان يصفعه تارة ، ويسدي اليه كلمات جعلته يتألم اكثر من الصفعات ، وبعدين وقت طويل قال عبدالرحمن بتنهيده : مش عايز اشوف وشك في الشركه.. و في البيت طول مانا موجود ..ملحمش ظلك حتى ... وغير كده ملكش اي علاقه بلقاء انت فاهم اومأ رأسه باستسلام ، ثم القي نظره علي لقاء ، وجدها تبكي بشده ، كان يريد ان يذهب ليجفف تلك الدموع ، لكنه حاس ان نظرات عبدالرحمن تخترق رأسه فصعد الي غرفته مستسلماً لذلك الواقع .. *** | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
