آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-01-17, 09:55 PM
| #261 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته كيف حالكم إن شاء الله دائما بخير ؟ شكراً فيتامين ع النقل والكاتبة على البارت بالنسبة للجازي بيئتها خلتها كذا صعبة بس لو تشوفون هي ما رضت تنساق وراء غلط أهلها المتفتحين حرام ما لها ذنب تتطلق فهد صراحة بنات الناس مو لعبة ما جازت لك تروح تطلقها كذا بكل سهولة أحس إن عمتها الطيبة راح تتدخل وتسنعها وديلها على السنع يمكن تكون حامل بس صراحة لو تتطلق بسبب غلطة مو غلطتها ظلم هي تغار من صيته مثلها مثل أي مرة بس هي شفافة وضحت غيرتها إذا سارة بنت خالها غارت من صيته أكيد الزوجة بتغار على زوجها إلا وش صار على حرامي بطاقة السحب أحس ابوها بشك بفهد إنه ماخذ فلوس الجازي أو الجازي من غباءها تتبلا على فهد إنه ماخذ فلوسها بس صج كاسرة خاطري في الأول الأم بعدتها عن ابوها وخيره ومن تالي تزوجت عشان تتطلق وهلا يجيها نصيبها مو من قلة الرجاجيل بس كل واحد ما ياخذ إلا نصيبة أما مصعب وش راح يسوي مع أنوار هل راح يحبها ولا يحاسبها بذنب اختها ؟؟ وأنس وش لون راح يكسب قلب مناير ؟؟ أشياء واجد يبغى لها فن وتكتيك ننتظرك لا تطولي علينا | ||||
|  |
|
10-01-17, 09:58 PM
| #262 | ||||||||
| مراقبة عامة ومشرفة منتدى الروايات المنقولة  
| يوم جديد وصباح رايق انس قام من النوم على الساعه تسعه الصباح تذكر كيف كانت نفسية مناير مرتاحه لمى صحاها لصلاة الفجر اليوم فكر يقوم يسوي لهم فطور لولا انه تذكر كلامها لمى قالت انه خادم عندها دخل الحمام غسل وراح يشوف مناير لقاها نايمه ومغطيه جسمها كله بلبطانيه قرب منها وكان راح يناديها من بعيد بس مايدري شلون ارجوله اخذته لفراشها جلس جنبها وجسمه لاصق في ظهرها سحب البطانيه عن وجهها وشاف كيف كشرت لمى حست فيه : بتقومين معي والا انا انسدح معك مناير الي صحت من اول مافتح انس الباب وكانت متضايقه من جلسته جنبها والي كانت مقرره انها تستمر في تمثيل النوم لعل وعسى يطلع من عندها بمجرد ماسمعت الكلمتين الي قالها انس فزت جالسه بفجعه انس ماقدر يستحمل منظرها وضحك ههههههههههههه : افا كل ذا علشان مانسدح جنبك حسستيني اني وحش مناير لاول مره تنتبه ان انس الكريه جذاب وجع ضحكته تجيب البرد وبعصبيه : خلاص قمت بعد اختفت ابتسامت انس وقام واقف : قومي خلصيني امشي قدامي للمطبخ نصلح لنا فطور مناير : ومين ان شاء الله الي راح يسوي الفطور انا ماعرف والاعمري دخلت مطبخ انس حب يغيظها : بلاه من قل السنع الظاهر لا امك والا ابوك يدلون درب التربيه مناير انقهرت من كلام انس كل شي ممكن تتغاضى عنه الا انه يتكلم في ابوها وامها فزت واقفه : ما اسمحلك تكلم عن امي وابوي واذا تربيتهم ماهي عاجبتك ودني بيت جدي الحين وصدقني راح اكون اسعد وحده في العالم اذا تخلصت منك انس حس انه خرب الدنيا بزلة السانه الغبيه حب يقطع املها في جدها علشان يضمن انها ماتشكيله لانه يعرف ابو مطلق زين دام حفيدته ادخلت بيته غصب ماراح يتردد ابدا انه يسحبها من عنده من اول شكوى وبسخريه : ومن قال ان جدك راح يستقبلك بعد مارماك ابوك رمية كلب والله اعلم وش امسويه لاتظنين الكلمتين الي قالها ابوك علشان يغطي فضايحك ادخلت راس احد واستدار من عندها علشان يطلع مناير انقهرت واشتعل في جوفها حريقه من القهر والكره لانس اصرخت بقهر : ياكلب ياحقير ماهو انا الي يكون عندها فضايح وابوي لو يسمع الكلام الزباله الي انت قلته تاكد انه اول واحد ياخذني من عندك اما ابومطلق تعرفه زين اسد مايتطاولون على عرضه الكلاب الي مثلك واذا فيك خير قل هالكلام قدامه وشف جدي وش يسوي علشاني انس يدري ان كل الكلام الي قالته صحيح باستثنى كلامها عن شرفها لانه مازال شاك فيها انقهر من سبها واستحقارها له استدار لها ووصل عندها في لحضه وحده مسكها من حلق القميص وصار ينفضها الا ياقليلة الادب يالي ماتستحين انا تكلمين معي كذا انا ينقالي كلب ياكلبه ياحيوانه توقع انها بتنهار وتقعد تبكي لاكنه تفاجى ان مناير حطت عينها في عينه بثقه وعدم اهتمام بنفضه لها : ومن انت علشان ماينقالك هالكلام وبقوه وثبات كملت :قدامك خيار من اثنين مافيه غيرهم ياتحترم نفسك وتعتذر عن الكلام الي قذفتني فيه ياتاخذني الحين لجدي وتقول الكلام الي قلته لي قدامه واهو يعرف وشلون ياخذ حقي منك انس استغرب البنت الي قدامه غير عن البنت الي قبل امس جابها له علي هاذيك بنت علي الخايفه الضايعه المنهاره بس هذي غير النبره هذي يعرفها زين نبرة ال مطلق الشيوخ الي يهزون المجالس هز .......................... سلمى مافيه غيرها الجبل الشامخ الي كان طول عمره ينظر لها كحلم مستحيل تحقيقه لدرجة انه مافي يوم تجرى وتخيل مجرد تخيل انه يخطبها هذي هي نبرتها هذي روحها ازرعتها في بنت اخوها وراحت مناير استغربت كيف انس تجمد قدامها وسرح بعيد وكانها ماهي موجوده قدامه انس صحى من افكاره حط عينه في عين مناير بتركيز كأنه اول مره يشوفها وبهدو : اسف ماكان قصدي اقذفك وبنضرة حزن ونبره اكثر حزن : افهميني مناير ابوك ماتركلي مجال غير الشك وانتي تقدرين تنهين هذا الشك وتريحين قلبي مناير كانت منزله راسها وتسمعه نزل راسه لحضه واخذ نفس طويل ثم ازفره رفع راسه وركز انضره على وجهها لاحظ انها تناضر في الارض رفع ذقنها بيده لحد مالتقت اعيونها بعيونه اشر لها على الفراش ماراح اخذ من وقتك كثير وننتهي من السالفه ذي مناير تذكرت كلام عمتها الي يعز نفسه ويعطيها قيمه حقيقيه نابعه من روحه يجبر الناس على احترامه الثقه دائما مصدرها الداخل اذا انتي في داخلك واثقه من نفسك وتعتقدين انك تمتلكين قيمه تستحق تقدير الااخرين واحترامهم لك ثم ثقتهم فيك راح توصل هذي الثقه للي حولك وتجبرهم على احترامك مناير ابقت نظراتها ثابته واثقه مباشره لعين انس : اسفه ماني عينة اختبار طول مأنت شاك فيني فانت ماتستحقني انس توسعت اعيونه بدهشه كان متوقع انها راح تقبل فورا علشان تثبت برائتها اما انها ترفض والثقه تشع من عيونها هذا شي ماحد يقدر يسويه غيرها سلمى ................معقوله يكون في ال مطلق سلمى ثانيه انتبه من افكاره على حركة مناير لمى مشت واتركته مناير راحت للحمام كانت مقهوره وتحس بأهانه تذبح من قذف انس لها وشكه فيها نزلت دموعها على خدها حاره كنها حمم بركان حست فيها تحرق خدهاوكأن هالحراره نبهتها لشي انتفضت من هاوية الذل تحركت بسرعه للمغسله الموجوده في الحمام غسلت وجهها بعنف بس كافي ماراح ابكي ابد انا قويه وانا شريفه وانا ماراح اسمح لانس انه يهزمني حلفت لأخليه يشوف الكلبه الي انرمت على بابه شيخه من شيخات ال مطلق الي ماكان يقدر يحلم حلم انه يخطب منهم انس اخذ نفس طويل وازفره ثم طلع من الغرفه راح للمطبخ بيسوي فطور لهم واول مابدى يطلع المواعين الي راح يستخدمها من خزانة المطبخ سمع الجرس يضرب راح فتح الباب وكان صبي ابو مطلق جايب لهم فطور واقهوه اخذ الفطور والقهوه حظرهن في الصاله كان بيجلس ياكل لاكنه تذكر مناير اكيد هي جوعانه ماهي حلوه في حقي اقعد اكل واخليها راح ينادي مناير لقاها تمشط شعرها : بيت جدك ارسلو فطور تعالي افطري مناير ماكان لها نفس تاكل وماهي طايقه انس اساسا خاصه انها باقي مقهوره من كلامه الي يسم البدن لاكن هي اقطعت على نفسها وعد وراح تثبت لنفسها انها قد الوعد وهين ياانس ماراح اطلع قدامك بمظهر الضعيفه المقهوره يكفي انهياري اليومين الي راحن نزلت الفرشاه من يدها ومشت مع انس لصاله انس جلس جنب المركى في وسط الجلسه واهي اجلست مقابله له وبدو يفطرون بصمت كان يفكر ياترى الثقه الي شفتها حقيقيه واهي شريفه ومادنست نفسها بشي بس حتى لو كانت حقيقه العذريه ماهي كل الشرف والخيانه متعدده كشفها لوجهها خيانه سوالفها مع ولد خالها خيانه ضحكها معه خيانه لمستها له اكبر خيانه اه يالقهر معقوله يكون لمسها والمسته كان ياكل بهدو فجأه رمى الخبز الي في يده بعصبيه وناظرها بعيون يتطاير منها الشرر وصرخ بحقد : وش كنتي تسوين مع ولد خالك في السوق ومن متى تطلعين معه وش نوع علاقتك فيه وبصرخه هستيريه مجنونه ماقدر يبقى معها جالس وفز واقف وجسمه كله ينتفض من الغضب واعروق وجهه بتتفجر من الاحتقان وش اعطيتيه من نفسك وجسمك وبصراخ اعلى انطقي مناير كانت تمثل الهدوء وتغصب نفسها بالاكل وتفكر الله يالدنيا كنت احلم اني اتزوج وليد ولد عمه سلمى ولمى امي تغيرت وتمسكت بالدين اكثر خفت اخذه ويجبرني هو على الالتزام بالحجاب والحكره في البيت حولت احلامي لبسام الي كان كل ماشافني يغرقني بكلام الغزل والحب وكنت مبسوطه واظن اني معه اسعد انسانه ورغم انه كم مره يطلب مني اطلع معه الحالي الا اني كنت اجبره ياخذ اخته معنا ياترى لو كنت مره من المرات طلعت معه الحالي ياترى وش كان ممكن يسوي معي معقوله يضيع اشرفي زي ماانس قاعد يتهمني طيب يوم ابوي مسكنا في السوق ليه ماحاول يتسمك فيني ليش ماقال لابوي انا ابيها زوجنياها معقوله كان يلعب علي عند هالنقطه انتبهت لملامح انس الي بدت تتحول في انفعال مجنون وانفجعت من قو صرخته عليها فزت هي الثانيه واقفه وصرخت بقهر : ولد خالي مالك دخل فيه والاتجيب سيرته على السانك انس قفز من مكانه وتجاوز السفره كلها مسكها بعضدها وجرها يمه ثم مسك فكها بيده الثانيه ورفع وجهها وقربه من وجهه واهو ضاغط على فكها الفحت انفاسه وجهها واهو يتكلم من بين اسنانه : وليه مالي دخل سواياك معه تسود الوجه وماتقدرين تعترفين فيها والاطاريه يجرح قلبك الرهيف لايكون مشتاقه له وتتمنين تشوفينه مكاني مناير امسكت يده الي تضغط على فكها بيدينها الثنتين وصارت تحاول تبعدها عنها انس سحب يده من فكها ومسك نحر قميصها علشان تقدر تتكلم مناير ارفعت راسها له عيونها حمر ووجهها متنفخ من الغضب صرخت بصوت متهدج : ياحقير ياتافه ولد خالي مابيني وبينه شي وكان ماخذنا انا واخته من الجامعه علشان يردوني للبيت واخته هي الي طلبت منه يوديها للقهوه انس رجع يصرخ عليها واهو ينفضها بنحر قميصها : واذا اخته قالت له يوديها للقهوه انتي ترمين غطاك ونقابك وتقعدين تسولفين معه وش شايفتني اهبل قدامك والا ايش تكلمي من متى تطلعين معه مناير حست انها في دوامه مالها نهايه وماتدري كيف تقنع انس انها برئه حاولت تجمع كل الطاقه الداعمه الي امدتها فيها عمتها اخذت نفس عميق وازفرته ثم كست نفسها بملامح جليديه يصعب فهم مايدور داخلها وردت ببرود متقن وبصوت صلب واضح : قلتلك ماطلعت معه وماصدقتني تدري ليش لانك عارف اني كثيره عليك علشان كذا تضن ان وحده مثلي ماتنعطى لواحد مثلك الااذا كان عندها مشكله هنا غضب انس وصل منتهاه سطرها كف طيحها في الارض ثم سحبها وقفها قدامه وعطاها الكف الثاني مناير فكت نفسها منه بصعوبه واركضت لغرفته لانها تعرف انها الوحيده الي مفتاحها على الباب انس راح يركض وراها لاكنها اسبقته وادخلت غرفته صكتها عليها واقفلتها بالمفتاح انس صار يطق الباب عليها بجنون لحد ماتعب من الطق وراح وتركها مناير راحت لابعد زاويه عن الباب علشان انس مايسمعها انكبت على نفسها واقعدت تبكي في بيت ابو مطلق ابو مطلق وبنته سلمى جالسين يتقهوون الحالهم ابو مطلق : حمود عم اعيالك عنده بنات غير البنيه الي سلمت علي يوم اجيهم سلمى : لايبه ماعنده الا هي الله يخليها لهم ليه تسئل ابومطلق : امين واسئل باشوف اذا عنده بنت ثانيه ياخذها ولد حمدان بس دام ماعنده بناتي اولا سلمى : يبه تكفى لاتعرض عليه بنات اخواني انا سبق وقلتله ياخذ انوار وعيا وبنات اخواني ماني مرخصتهن له كل اشوي اعرض عليه وحده خله يروح وراه هو الخسران ابو مطلق ابتسم : ماهو هاين علي اتركه ياخذ غريبه دامه رجال وعوده صلب بنات خاله كفون له واولى من غيرهن سلمى : وانا ماني عايفتن بنيات اخواني ماكنهن الابناتي بس بناخيك ماينقدر ورايه من راسه انا ماعور قلبي مثل يوم اقوله باخطبلك انوار واهو بنفسه سبق وقالي انه يبيها وعلشان سوات علي يقول انا من ال حمدان خلي اعيال عمها يشيلون اخبال عمهم ابو مطلق ضحك :هههههههههه هالولد يعجبني مايعرف لانس وعلي الاهو وفجأه تحولت ملامحه لجديه اسمعي راكان عروسته عندي وانا لاقلت افعل سلمى : بكيفك معه يبه بس ابو السان ذا لاتبلشني فيه ابتسم ابومطلق : خليه علي انا اعرف اتصرف معه انتي ماتعدين ولدك ابوقذيله سلمى : حرام عليك يبه وليد رجال وعن عشره من ولد حمدان الي جايزن لك ابتسم ابو مطلق : كلهم رياجيل اعيال محمد مافيهم قاصر بس انتي تحسبين وليد الطيب الي مافيه زيه تراه اعبر من اخوه بس رحمك ربي ان هواه وافق هواتس واجتمعتو انتي وياه على بنت عمه سلمى عورها قلبها على طاري وليد وتذكرت كيف مشقي عمره في الشغل ليل نهار علشان يجمع المهر : الله يفتحله ابواب رزقه ويتممله زواجه من بنت عمه على خير السلام عليكم كان هذا صوت راكان الي دخل المجلس وردو عليه امه وجده جاء جلس جنب امه وسحب منها القهوه يصبها عنها وبلكاعه : هاتي القهوه عنك يابنت مطلق لاتثقلين على عمرك وتصبين لعيال حمدان وانتي زعلانه عليهم سلمى بسخريه : الله واكبر عليك وينهم اعيال حمدان تراك واحد بس راكان ابتسم قدر يستفز امه : يمه انا واحد عن قبيله علشان كذا اقولك اعيال حمدان ابومطلق ابتسم : والنعم بعيال حمدان راكان نزل فنجاله وقرب من جده باس راسه : ماعليكم زود يال مطلق ابومطلق : وش اخبار انس يوم جيته ابتسم راكان : مابه الاالعافيه ويتحلف في ولدك يقول بيطلع حق امرته من عيونه ابومطلق ابتسم علي مايدري مع من ورط نفسه : الله يقويه سلمى : انس مافيه مثله الوكاد ان مناير اكسبت رجال ينشدبه الظهر ولونهم بيتعبون لين يتقبلون بعض ابومطلق : عسى ربي يوفق بينهم ويعدي ايامهم هذي على خير راكان : يمه اجهزي العصر على خير بنمشي لرياض ابومطلق : مافيه ممشى اليوم بكره خميس وبنجتمع العصر اليوم ونمشي لمزرعة ابومصعب سلمى : دام فيه مزرعه خلنا نقعد راكان : ابشري يام وليد من قدك ابو وليد معطيك تصريح مفتوح بس عاد يوم الجمعه الفجر لازم نمشي وراي جامعه ال مطلق قررو يروحون للمزرعه بعد صلاة العصر مباشره اما بيت ابو مصعب مشو بعد صلاة الظهر علشان يمديهم يجهزون المزرعه لاستقبال باقي افراد العائله ومابقى في البيت الا سلمى الحالها والي اجلست في البيت تنتظر عبير بنت اخوها مطلق تطلع من المدرسه الثانويه واهي تدرس اولى ثانوي سلمى سوت غدا لها هي وعبير وراكان وارسلت لمناير وانس من غداها بعد ماتغدت هي وعبير وطبعا راكان تغدى الحاله في المجلس جهزن قهوه وشاهي واخذنها معهن اجمعن باقي الاغراض الي مامدى ام مصعب تاخذها معها وحملها راكان في السياره ملاحظه مزرعة ابو مصعب غير عن مزرعة ابو مطلق القريبه من البيوت ويبيلها تقريبا ساعه من السير بالسياره سلمى وراكان اخذو اماكنهم في السياره وينتظرون عبير تخلص من تقفيل بيبان بيتهم علشان يمشون خلصت عبير وجت اركبت ورى عمتها سلمى بسكات راكان المتعود على بنات عائلته الي من اهم صفاتهم القوه والجرئه والصوت الجهوري عصب لان عبير ماسلمت لمى اركبت السياره واعتبرها اهانه متعمده له : المسلمين يسلمون مايسفهون العالم كانهم داخلين على بهايم عبير وحده تستحي حيل وماهي متعوده تتكلم مع شباب العائله حتى السلام ماترده عليهم من الحياء واعيال عمها الي يعرفون طبعها عادي عندهم علشان كذا استغربت هجوم راكان عليها وانحرجت منه ومن عمتها واحقدت عليه نزلت راسها واسكتت سلمى الي عارفه طبع كل واحد من الاثنين الي راكبين معها حاولت تهدي الوضع لمى شافت غضب ولدها ولانها مانست كلامه عن انوار وان اعيال عمها اولى بخبال عمهم حبت تحشر عايلته في السالفه مكايد : بنات ال مطلق حياويات وصوتهن مايطلع موب مثل بنات ال حمدان كل وحده السانها وش طوله راكان عصب ازياده من كلام امه لوكان هو وياها الحالهم كان ماهتم لان بنات ال حمدان اساسا بناتها وماغير بناتها الا صيته الي بتكون زوجت ولدها لاكن الي يقهر انها طلعت هالبنت المتعجرفه الي ماتدل السنع وتدخل على الناس من غير ماتسلم احسن من بناتهم : بنات ال حمدان ماناقصهن حياء ويعرفن السنع زين وكيف يحترمن الناس الي يدخلن عليهم مانهن بزران وجهل مايعرفن حق الناس سلمى اندمت انها تحرشت فيه حشى ناره شابه هالولد ماينتحارش : سق الله يصلحك وانت ساكت البنت ماهي متعوده تتكلم مع الشباب ومستحيه منك هذي كل السالفه فكنا عاد راكان مازال معصب بس سكت علشان امه التفت على عبير التفاته خاطفه وعطاها نظره غاظبه ورجع يسوق واهو ساكت عبير ورى تفرك يدينها من الحياء والاحراج وجع وش هالدفش المتكبر ال حمدان وال حمدان ياشيخ تقلع انت وال حمدان كلهم شايف نفسه من جد ولابعد كانو يبونه ياخذ انوار بنت عمي وع قلو العيال علشان نزوج ذا عند انس ومناير انس راح يشتغل في مزرعته لعل وعسى تهدى اعصابه وينسى الزفت ولد خال مناير الي ناشب في مخه مثل ابليس مناير بعد ماراح انس من عند الباب توجهت لزاويه البعيده وتكومت على نفسها وبكت وبكت واندمت على كل لحظه قابلت فيها ولد خالها اوتكلمت معه فيها هذا هي تتعذب الحالها وبسام مستانس في حياته والاطق لها خبر مناير حست انها اغلطت غلطه كبيره في حق نفسها وقررت انها تتوب عن كل تقصيرها السابق في حجابها وفي جلوسها مع اعيال خوالها وسوالفها معهم اه ياانس لو تدري اني كنت اجلس في بيت خوالي واعيالهم وبناتهم اخليطي مايتحجبون والاغيره وش بتسوي اذا واحد وجننتني على جلستي معه عشر دقايق اخذت نفس طويل وازفرته قامت من مكانها بعد ماحست ان طاقة البكاء عندها خلصت صارت تتفرج على غرفة انس كان اثاثها من الخشب البني المحروق وهو عباره عن سرير نفر وتسريحه ودولاب كانت الغرفه نظيفه ومرتبه واهو شي لاحظته في بيت انس كله مما يعني انه انسان منظم وعملي افتحت دولابه القت نظره على ملابسه وسكرت الدولاب فتشت ادروج التسريحه الي كان فيها اوراق واقلام وبعض الادوات الهندسيه ماكان في غرفته شي ملفت ابتعدة عن التسريحه في اتجاه السرير انسدحت على سرير انس وابتسمت لريحة عطره الي ملت انفاسها اممممممممممم يجنن عطره المتكبر المغرور انس رجع للبيت على اذان الظهر واهو يحس اعصابه هدت ونفسيته تحسنت كثير دخل البيت وشاف سفرة الفطور على حالها تركها وراح لغرفة الجلوس مالقى مناير معناته باقي في غرفته راح لها طق الباب محد رد طق مره ثانيه : مناير افتحي بابدل ملابسي وروح اصلي مناير الي غفت من غير ماتحس فزت من نومها وانزلت من السرير وراحت تفتح الباب اول مافتحت دخل انس واتجه لدولابه من غير مايتكلم معها ناظرت فيه واهو يمر من جنبها حاولت تشوف وجهه اذا باقي معصب اولا بس حركته السريعه امنعتها من انها تشوفه اطلعت من عنده وراحت لغرفة الجلوس ماكان عندها شي اتسويه افتحت التلفزيون واجلست على المركى تتفرج انس اخذ شور سريع وطلع لبس ملابسه وراح يصلي واهو راجع من الصلاه قابله صبي ابومطلق عند باب بيته جايب لهم الغداء وبلغه ان ابو مطلق يعزمهم في مزرعة ابو مصعب انس اخذ حافظة الغداء وبلغ الصبي انه يعتذر لابو مطلق عن عزيمة المزرعه دخل البيت وحط الحافظه في المطبخ راح يشوف مناير لقاها تتفرج على التلفزيون : صليتي /ايه :بيت جدك ارسلو غدا شوفيه في المطبخ اذا تبين /مبي شي انس وقف يتأملها كان عاقل راكان يوم رفض اختك ياليتني رفضتك والا وصلت للحاله الي انا فيها الحين شك وقهر وحرمان وخوف من الله لاكون ظلمتك انتبه من سرحانه وراح لصاله لم السفره الي فيها وغسل المواعين وراح للمقلط الي كان حاط فيه مكتبه فيها مجموعه من الكتب الكثير منها في المجال الزراعي وفي ركن المقلط طاوله بسيطه وكرسي جلد سحب احد الكتب من ارفف المكتبه واتجه للكرسي جلس عليه وحط الكتاب قدامه على الطاوله وبدى يقراء في طريق المزرعه وقف راكان يعبي بنزين السياره التفت على امه : تبغين شي من البقاله سلمى : ماء راكان التفت على عبير وسئل ببساطه :تبغين شي من البقاله عبير من اول مالف على امه توترت لانها صارت تشوف وجهه بوضوح وصوته وترها زياده لفت راسها على شباك السياره ولمى سئلها اسكتت وماردت من سؤ حظ عبير ان فيه سياره واقفه جنب سيارة راكان وشباك الرجال الي يسوق مقابل لشباك عبير بضبط الرجال شاف البنت الي في السياره الي جنبه تناظره طير عيونه فيها في الواقع عبير ماكانت تناظره ومانتبهت اصلا لوجوده راكان الي شاف بنت خاله كيف قاعده تطالع لرجال الوسيم الي جنبهم بكل وقاحه مما يعني انها مستحقرته وماهي ضاربه له احساب لدرجة تقز الرياجيل قدامه وفي سيارته اشتعلة اعصاب راكان من الغضب وصرخ عليها : انتي وش الوقاحه الي فيك قاعده تقزين الرجال عيني عينك والانتي معبره احد سلمى الي التفتت مع راكان جهة عبير من البدايه شافت الي شافه ولدها وتفشلت مع ان عبير حياويه وماهي راعية سوالف وشلون تطلع منها زله زي كذا وهالمره ماقدرت تدافع عبير انصعقت من الكلام الي اسمعته وش قاعد يقول الواطي ذا انا اقز رياجيل طيرت عيونها من الصدمه وارفعت نظرها بسرعه لسياره الي جنبهم وطاحت عينها في عين الرجال الي اعطاها ابتسامه واسعه وغمز لها هنا راكان نقز من السياره بيتظارب مع الرجال وهذاك شغل سيارته ومشى قبل يوصله راكان كان وده يمسك الرجال ويبرد حرته فيه بس نفذ بعمره رجع راكان لسياره واهو باقي يطبخ من الغضب الا يالوقحه ياقليلة الادب يالي ماتربيتي اسحبي طرحتك على عيونك لاافقعها لك وبعدي عن الباب سلمى فاض فيها : بس خلاص لاسمع حسك وانتي الثانيه بعدي عن الباب عبير حست بذل واهانه اول مره في حياتها تتعرض لها كان ودها تصرخ عليه وتبرر لنفسها لاكنها ماتعودت تواجه احد طول عمرها في حمايت مصعب وابوها وجدها الي كانو مدللينها ومايخلون احد يدوس لها على طرف انقهرت ونزلت راسها وبدت تفرك ايدينها في بعض وتبكي بصمت هي صدق ماتعرف تتهاوش مع احد اي هوشه كانت تتعرض لها واهي صغيره كان مصعب ينهيها قبل تبتدي ويكسر الدنيا على راس الي فكر يتهاوش معها في المدرسه كانت تحت حماية بنات عمها الي يعرفون انها ماتقدر تدافع عن نفسها في المجتمع محد يتجرى يقرب من حفيدة ابومطلق وبنت مطلق واخت مصعب ثلاثي فلاذي يحيط فيها ويخلي مجرد فكرة الاقتراب منها خطر ماطولو بعد الهوشه واوصلو للمزرعه كان ابو مطلق واعياله الكبار في قسم الحريم مجتمعين مع حريم وبنات العائله علي واثنين من اخوانه من ابوه واعيال ال مطلق مجتمعين في المجلس الي موزعين فيه مناقل جمر والقهوه تدور بين الحاضرين وسوالف ووناسه كان فيه اثنين من احفاد ابومطلق حاقدين على راكان لانهم يشوفون جدهم كيف يحبه ويفتخر فيه ويقربه منه دخل راكان عليهم وسلم وكان واضح عليه العصبيه قبل يجلس جت يمه بنت صغيرونه يدوبها مشت كانت قبل يدخل راكان جالسه في حظن اخوها ولمى قربت من راكان اختل توازنها راكان خمها قبل تطيح وشالها على كتفه وباس خدها البنت صارت تضحك وتخبط وجه راكان بيدها راكان بدى يهدى اشوي اتجه لاخو البنت وجلس جنبه وصارو الاثنين يلاعبونها اخو البنت بمزح : خلاص ياراكان دلوعتي اختارتك لازم تنتظرها لين تكبر ونزوجكيها الشابين الي يكرهون راكان لقوها فرصه ينرفزون راكان قبل يجي جدهم حسن بسخريه : راكان مرهون لبنت عمه الحين يمكن ترسي عليه الجائزه ويتزوجها عبد المحسن بشماته وتعمد لاهانت راكان تكلم وهو يضحك : ياخي بنت عمهم ذي كأنها جائزة مسابقه هههههههههههههه راكان الي من الاساس معصب بعد وقاحت بنتهم في السياره زاد عليها انهم يتمسخرون ببنت عمه فز واقف وصرخ بكل صوته جائزة المسابقه يتقدم لها الاف المتسابقين وفي النهايه مايخذها الاواحد الي يستحقها اما الباقين يرجعون خايبين ومايطولون منها شعره بنت عمي نحامي من دونها كأنها ملكه الدور والباقي على الي يرمون بناتهم في بيوت الرياجيل كنهم زباله طعنه طعنه اخترقت قلب علي معقوله بنته ينقال عنها كذا لا وهذا ولد عمتها اجل الي من برى وش يقولون في لحضه اشتعل المجلس اصراخ وشتايم وضرب شباب العايله اجتمعو على راكان يضربونه ضرب وانضرب وقدر يخلص نفسه منهم وركض لسيارته شغلها وشخط سيده لرياض حسن وعبد المحسن الي باقي في روسهم شر اركضو ورى راكان ولانهم مالحقو عليه اركبو سيارتهم ودزو وراه الي في المجلس ماهتمو بطلعت راكان لانهم اقلبو على السبب الحقيقي للي هم فيه علي الي لطخ اسم العائله بسواته بعد ماحافضو عليه اسنين طويله نضيف ومحد يقدر يفتح فمه عليهم بكلمه بدى السب والشتم ينصب على راس علي الي حاول يدافع عن نفسه وبنته لاكنه ماقدر العيال الصغار اركضو لروس العائله الي كانو مجتمعين في الفلا الخاصه بالحريم واهي بعيده عن مجالس الرياجيل واستراحتهم فما درو عن شي والصغار جو علموهم سلمى كانت اكثر المتضررين من هالهوشه فكل العائلتين عائلتها انقهرت واهي تسمع كيف صارو بنات ال مطلق الشابات الي خلاهم الغضب يصبون على ال حمدان شتايم الدنيا كانت مرات ترد ومرات تسكت وانحرق دمها واهي تسمع البنات كيف صارو يدعون على ولدها خاصه عبير الي تطمنت انها في حماية اهلها وفي وجودهم محد يقدر يوصل لها مما خلى السانها يطلع على غير العاده بدافع الحقد على راكان وبدت تدعي عليه بالحادث الي يقطعه ويموته وماخلت دعوه بشعه الى دعت فيها عليه ابومطلق واعياله الكبار راحو للمجلس وبدو يهدون الوضع وبعد ماهجد كل شي اكتشفو ان الاثنين الي تسببو في المشكله ماهم فيه والايدرون وين راحو علي نادى النايفه ومشى لبيته وكان يحس بقهر وذل لايوصف نزل النايفه في البيت وامرها تلم اغراضها علشان يمشون لرياض واول مانزلت من السياره شخط متجه لبيت انس جوزاء شافت اختها كيف تأزمت من الي تسمعه من دعاوي على ولدها ومن شتايم في حق اهل زوجها واهم كلهم يعرفون ان هالشتايم مالها وجه من الصحه وانها محض افترا لتضميد جرحهم الي هم افتحوه بانفسهم في جسم العائله راحت لمفلح واطلبت منه يرجعها لبيتها وقالت له انها بتاخذ سلمى معها وصار الي اطلبته مصعب حس انه موعود بشوط طويل من الاهانات دامه بيتزوج اخت الي انرمت على انس نفس الزباله حس بقهر كان يحلم انه ياخذ من بنات الشيوخ الي سمعتهم تهز المجالس وبنات عمه فعلا من هذا الوزن لحد ماسوى عمه سواته الشينه وشوه سمعة بناته وسمعة العائله كلها في الشرقيه بيت ابونمر شيخه ومضاوي يجهزون القهوه والشاهي في المطبخ نمر اندعس عندهم متعمد ومضاوي اول ماشافته دخل اندعست ورى الثلاج نمر دخل داخل المطبخ لحد ماتجاوز الثلاجه وبينت قدامه مضاوي الي كانت ملقيه وجهها يم الجدار ومخبيته بين ايديها وماشاف منها الاظهرها وشعرها ضحك على شكلها : بشويش حفرتي الجدار الي وراك نبي جدارنا حنا مضاوي انقهرت والاقدرت ترد وفي نفسها تقول ياسمجك مسوي ظريف الحين شيخه انقهرت من تصرف نمر عيب عليه يطلع في وجه مضاوي في كل مكان واهو باقي ماعرس عليها وتصرفه ذا ماهو من السلوم : انت بتطلع من المطبخ والاانادي ابوي الحين نمر ترك مضاوي وحب يتسلى باخته هالمره : طلبتك روحي نادي ابوي عماد مبلشني يبي يشوفك باليهوبه مضاوي اشهقت من الخرعه الاياقليل الادب يبي الرجال يشوف اخته طبعا الكلام بينها وبين نفسها اما الشهقه سمعها نمر نمر :بشويش لاينشق حلقك ست مضاوي مضاوي احقدت عليه وماتقدر تسوي شي شيخه الي تعرف غيرت نمر المجنونه وتعرف زين انه مايمزح في السوالف ذي اقدرت تستنتج قصد نمر واستحت لفت بسرعه يم مغسلة المواعين وسوت نفسها مشغوله نمر ابتسم لانه فهم من حركت اخته انها افهمت الموضوع اخذ طوفرية القهوه المجهزه على الطاوله وطلع وهنا البنات الثنتين اركضن لغرفة شيخه قبل يرجع لهن نمر مره ثانيه كلها دقايق وجت ام نمر تشاور شيخه في ولد عمها عماد الي كان في المجلس هو وابوه يخطبون شيخه وافقت على ولد عمها بدون تردد لانها تسمع عنه في وسط العائله انه رجال يعتمد عليه جابو المملك واملكو لعماد وشيخه في خطبه وملكه تقليديه بدون لاشوفه والاعزايم والا شي في الرياض في بيت حمود البنات مجتمعات في الحديقه الخلفيه ويلعبن مطارده صيته وهلا فريق وحلا وساره فريق لهن زمان مالعبن بالطريقه ذي خاصه ان ساره اخذت فتره متغيره عليهم استمرن يركضن في الحديقه ويتاطردن لحد ماأذن المغرب وقفن لعب وادخلن توضن وصلن وجهزن القهوه والحلا والشاهي والمعجنات وبسطن فرشه في نفس الحديق ونادن اغزيل وقمرا وجلسن يتقهون ويسولفن وكان يوم من اجمل ايامهن مع بعض | ||||||||
|
| |
|
11-01-17, 07:23 AM
| #263 | ||||||||
  
| السلام عليكم،صبحكم الله بالخير شكرا فيتامين&نبض بارتات طويلة وممتعة بدا الصراع بين انس ومناير اول شيء ماكنت اتوقع ان انس كان حاط عينه على سلمى ثانيا كلام راكان عن ظلمه لانوار اقنعني بصراحة طلع عنده بعد نظر ثالثا مناير لو تبعد شوفة النفس ممكن تعيش عيشة سعيدة مع انس لاني اشوف انس رجل عنده اخلاق ومحترم وممكن يحتويها ويكون الحامي لها من كلام الناس سارة والجازي وصيتة بالفعل كلام سلمى لراكان بنات الحمدان جريئات والمفروض صيته تفهم ان في حرمة تغار على زوجها صحيح تصرف الجازي غلط بس من حقها تحس بقيمتها وتغار على زوجها سارة زين شالت الكبر والحسد ورجعت لبنات عمها فهد ما استغرب من موقفها صراحه الجازي ماخلت له مجال عشان يتمسك فيه وفهد متعود على عيشه معينه وماتناسبه الا وحده من بنات عمه راكان الله يستر عليه ويستاهل ماجاه على الاقل هم ماعلطوا في شرف بنت عمك وانت غلطت في بناتهم وماتمنى صراحه يسويها جده ويعطيه عبير حرام بيجرم في حقها تقبلن مروري لكن مني كل التقدير والاحترام | ||||||||
|
| |
|
11-01-17, 07:33 AM
| #264 | ||||
| نجم روايتي وفراشة الروايات المنقولة 
| اللي سواه علي جاب مصايب ومشاكل كثيرة على روس الجميع خرّب على بنته ، وجر المشاكل بين العيلتين ، رجال وحريم ، وشباب وبنات ، حتى انه تصرفه غير مبرر ابدا ، صحيح مناير غلطت لكن تصحيح الغلط كان بغلط اكبر منه الله يستر من الجاي ، يا خوفي على راكان رجع الرياض ووراه عيال خاله الحاقدين عليه ، نبض طلبتك كله ولا يصير شي لراكان ، ، سلمى تصرفت بحكمة مع مناير ، يا ريت مناير تلتزم نصايح عمتها حتى تقدر تعيش براحة ويرتاح معها انس ، الجازي مع الوقت تزيد حدة وغباء بتصرفاتها وردات فعلها ، اجل السروال والفانيلة رمز الرجولة ، وفهد متعني يلبس السبور لجلها طلع خكري ، هي ما تنلام على اللي تسويه ، جات من بيئة مختلفة وعاشت تشتت بعيد عن اهل ابوها ، وما عندها اللي ينصحها ويعلمها، ما يناسبها واحد زي فهد ، اذا ماغيرت من نفسها ، انسب شي ياخذها واحد من عيال خوالها وتعيش حياة اللي تعودتعليها ، لا تظلم ولا تنظلم وليد وصيتة، وصراع ومجهود كبير ليثبت نفسه ويربح التحدي اللي يبرهن للجميع انه هو رجال وقدها محمد وحلا ، وثنائي جديد نبض ، الله يعطيك الف عافية على الابداع اللي تقدمينه وفيتامين سي ، الله يبارك بكل جهودك وتعبك معنا ودي | ||||
|
| |
|
12-01-17, 06:12 PM
| #266 | ||||||||
| مراقبة عامة ومشرفة منتدى الروايات المنقولة
| في بيت حمود البنات مجتمعات على الفرشه ومعهن قمراء وغزيل وكانو مابين اقهوه وسوالف فجأه طلت عليهم وحده من الشغالات وقالت ان التلفون يرن قامت صيته ترد صيته : الونعم راكان من الطرف الاخر للخط /اسمعي انا في الطريق جايكم لو كلمتكم امي طمنوها هنا صيته خافت : راكان وش فيك وش صاير وليش عمتي ماجت معك / انا اكلم من محطه لاوصلت علمتكم صيته بعصبيه : من جدك انت بنقعد على اعصابنا لين توصل قل وش صاير معك وبالطقاق بالمحطه وكل الي فيها خلهم يسمعون وش عاد لاسمعو / تهاوشت مع اعيال خوالي ومشيت وخليتها عندهم صيته اشهقت :ياخي انت شالمخ الي في راسك وشلون تهاوش معهم وتخلي عمتي عندهم تبيهم يحرون كبدها واهم يسبونك ويشتمونك عندها / وش اسوي ماعطوني مجال اناديها الهوشه كبيره وفيها مضارب هالحين وش السوات ارجع لها والاشلون صيته : لا لاترجع تعال انت وعمتي يجيبها عمي والاوليد عطني الرقم الي اقدر اكلم عمتي عليه علشان اطمنها عليك /هم في المزرعه الحين وماعرف رقم المزرعه بس مفلح ماهقيت يقعد بعد الهوشه باعطيك رقم بيته كلمي خالتي جوزاء وانشديها عن امي واعطاها الرقم : طيب خلاص موضوع عمتي صار عندي لاتشيل هم وانتبه لطريق / ان شاء الله مع السلامه : مع السلامه صيته مباشره دقت على الرقم ومن حسن الحض جوزاء وسلمى توهم داخلين ارفعت جوزاء الخط الو صيته من الطرف الثاني / السلام عليكم : وعليكم السلام / انا صيته بنت حمود ال حمدان بغيت اسئلك عن عمه سلمى : عمتك سلمى عندي صيته فرحت /عطينياها الله يخليك سلمى اخذت السماعه : هلا صيته / هلابك زود عمه راكان توه كلمني قاطعتها سلمى : وينه فيه عسى ماجاه شي / راكان طيب ومابه الاالعافيه واهو جاينا في الطريق وكلمنا من محطه واهو الي عطاني رقم خاله جوزا علشان اطمنك عليه : الله يطمن قلبك وقلبه البنات وشلونهم / البنات بخير ويسلمون عليك عمه طلبتك خليك عند خاله جوزا لحد مايجيك عمي او وليد يجيبك : لاتخافين علي انا عند اهلي ومابي الاالعافيه واليله ببات عند جوزاء سكرت صيته من عند سلمى وراحت للفرشه لقتهم زي ماتركتهم سوالف وضحك اول ماجلست صيته الكل لاحظ ان وجهها متغير وحسو انه صاير شي غزيل كانت اول من تكلم : وش فيك يابنت وجهك متغير من الي كلمك صيته : راكان متهاوش مع اعيال خواله هوشه كبيره فيها ضرب وضريب هلا وحلا اشهقو مع بعض هلا بروعه : راكان فيه شي صيته : لامافيه شي هو الي كلمني ويقول جاي في الطريق بس ماقدر يجيب عمتي معه قمراء : وليه ماقدر يجيبها لايكون جده معيي عليها صيته : لا ماعيا بس راكان يوم تهاوش مع الشباب ركب سيارته ومشى وماقدر ينادي عمتي لانهم يبون مسكته حلا : وامي وين صيته : عمتي عند خالتك جوزاء يوم صارت الهوشه كانو كلهم في المزرعه وخالتك اخذتها معها لبيتها راكان عطاني رقم خالتك وكلمتها ولقيت عمتي عندها واهي طيبه وبخير وبتبات عند جوزا الكل عرف بسالفت الهوشه بس محد يعرف شي عن التفاصيل وينتظرون راكان يوصل ويعلمهم ابو وليد : دق على سلمى وسئلها ومالقى عندها توضيح للي صار كل الي تعرفه ان راكان واعيال خواله تشاتمو وتضاربو بس ماتدري وش السبب واهي في الواقع تدري بس ماحبت تزيد النار حطب غموض الهوشه واسبابها خلى ال حمدان في حالت ترقب وغضب مكبوت وافكار تودي وتجيب والجميع في انتظار راكان وليد هو الوحيد الي كان غائب عن الحدث لأنه راح للعيينه علشان يدور عن الارض والبيت الي انطلبت من مكتب عمه وكلفه محمد بتنفيذها عند راكان بعد مامشى من مزرعة خواله كان يسوق بسرعته كلها والغضب ياكل صدره بعد مده ماهي قصيره بدى يخفف من السرعه مما خلاه ينتبه لسياره الي صار لها مده تلاحقه في سيارة ال مطلق حسن : قربنا منه الكلب حده حده عبد المحسن : اخاف يقلب حسن : ابرك الساعات وعساه مايقوم لاقلب عبد المحسن صار يحد سيارة راكان ويضيق عليها الطريق مما خلا راكان يحاول يتجاوز سيارتهم لاكن سيارتهم اضربت في مؤخرة سيارته وابرمت سيارة راكان كم مره وكادت تنقلب لولا حفظ الله لها ثم تمكن راكان من السيطره على سيارته في اخر لحظه سيارة الشباب تاثرت هي الثانيه من الاحتكاك الي صار بين السيارتين وطلعت من الطريق واقدرو يوقفونها في الوقت المناسب راكان عرف ان الي ايطارده اعيال خواله وقف سيارته ونزل لهم وهم بعد انزلو وبدت مضاربه حاميه بين الثلاثه راكان كان اقوى منهم بس هم اثنين واهو واحد استمرت المضاربه يجي ربع ساعه والكل بدى يتعب هنا راكان استغل تعبهم واستجمع كل قوته واعطى عبد المحسن بقس على وجهه طيحه في الارض وفمه ينزف حسن شبك اصابع ايدينه الثنتين في بعض وكان راح يعطي راكان ضربه قويه على فكه لولا ان راكان اسبقه بضربه سريعه من رجله على بطن حسن وفي نفس الوقت جمع ايديه واعطاه ظربه اقوى على ظهره مما خلاه يطيح جنب خويه عبد المحسن كان يستجمع قوته وكان بيقوم لاكن راكان ارفسه برجله مماخلاه يطيح مره ثانيه ركض لسيارته قبل يقومون ركبها وشخط باسرع ماعنده عند حسن وعبد المحسن شافو راكان راح عنهم استجمعو قوتهم وقامو من مكانهم بصعوبه اركبو سيارتهم وارجعو لاهلهم حسن : هالحين وش نقول لجدك لادرى انا لاحقين راكان سود عيشتنا عبد المحسن : ومن بيقوله حسن : نسيت انا صادمين سيارة راكان وسيارتنا فيها طعج واضح عبد المحسن : هذا انت قلتها كنا نمشي في امان الله اطلعت قدامنا سياره فجأه وصدمناها نزلنا من السياره وتهاوشنا مع الي فيها ولانهم اكثر منا ماقدرنا عليهم حسن : واذا راكان علمهم عبد المحسن : ههههههههههههههههه الضاهر انك ماتعرف انت حفيد من راكان بيعلم اهله اكيد بس هو واهله بيسكرون على السالفه وكانها ماصارت لان جدك محد يقدر يغامر بخسارته وعمتك سلمى مستحيل تسمح لعيالها انهم يخربون علاقتها في اهلها علشان هوشه ماتسوى حسن : ههههههههههههههههه ياخي انت مخ مافيه زيه عند انس ومناير مناير بعد فتره حست بلجوع راحت للمطبخ وشافت حافظة الاكل اخذتها وكانت بتجلس تاكل الحالها لاكنها تذكرت ان انس دائما يناديها على الاكل تعوذت من ابليس وطلعت صحن اغرفت فيه الغدا وحظرته في الصاله وراحت تنادي انس لقته في المقلط مندمج في القراءه تكلمت واهي باقي واقفه عند الباب : انس تعال تغد انس انتبه على صوتها واستغرب انها تناديه للغدا بعد الي صار بينهم مناير لاحظت استغرابه وعلشان تفهمه انها باقي زعلانه من ظربه لها بررت : الاكل ماله دخل في الزعل وموب معناته اني سامحتك على الي سويته معي انس ابتسم : شي حلو يكون فيه اشيا نقدر نفصلها عن الزعل وقام معها يتغدون وهالمره كل واحد فيهم بذل جهده انه يسيطر على افكاره حتى ماتبتدي بينهم هوشه جديده ومن حسن حظهم محاولتهم انجحت وقدرو يخلصون اكلهم من غير مشاكل انس بعد ماغسل راح للمطبخ يسويله شاهي لقى مناير تغسل مواعين الغداء لاحظ انها متقرفه من غسيل المواعين ومبعده نفسها عن المغسله لدرجة ايديها يادوب توصل تحت صنبور المويه ابتسم ابتسامه واسعه وبدى يتكلم وهو يسوي الشاهي من غير مايناظر فيها : اول مابديت اتعلم الطبخ رميت يجي نصف المواعين في الزباله في اسبوع واحد كنت كل ماسويت شي يحترق وبعدها اتورط في القدر وماعرف انظفه فماكان عندي حل غير اني ارميه في الزباله بعد هالاسبوع المحبط رحت لطباخين عمي ابو مطلق الي في المزرعه وطلبت منهم يعلموني الطبخ وتنظيف المواعين واهم ماقصرو اكرفوني كرف كنت اعرف انهم يستغلوني علشان اسوي اي شغله هم مايبغون يسوونها مثل تقطيع البصل وعند المسؤلين عن النظافه غسيل القدور بس ماكنت افرط في حقي واي شغله اسويها وانا ماحبها اشترط عليهم يعلموني شي انا اختاره مناير قاطعته : وينفذون شرطك انس انبسط انها اندمجت معه في السالفه : ايه ينفذون هم اصلا يعرفون اني لو اقول لأبومطلق وشلون يتعاملون معي كان اجبرهم يعلموني الي ابي ومن غير ماقدم لهم شي مناير : وليش ماعلمت جدي انس : ماحب افرد عظلاتي على الي اضعف مني انا ادري اني اقدر عليهم ومخليهم على راحتهم واهم بعد يدرون اني اقدر عليهم ومايقدرون علي ومع ذالك كانو مستقوين علي وحاطين حيلهم فيني بالكرف لانهم يعرفون اني ماراح اضرهم وهذا يكفيني في هالوقت خلص من الشاهي واخذ كاستين وجلس على طاولت المطبخ وقال لمناير تجلس معه واهي قيدها خلصت غسيل المواعين اقبلت دعوته واسحبت الكرسي القريب منها واجلست على يمينه صب انس الشاي في الكاسات واخذ وحده مدها لها مناير اخذت الكاسه بتلقائيه وحطتها قدامها كمل انس : استمريت معهم شهر كامل لحد ماصرت خبير في الطبخ بعدها اذا شفتهم سوو شي جديد وعجبني رحتلهم يعلموني عملي بعد فتره تطورت وصرت اكتفي اني اخذ مقادير اي شي جديد وطريقته شفاهيه واسويه بنفسي واظبطه اكثر منهم مناير استحت ونزلت راسها بخجل : انا ماعرف اطبخ والاعمري دخلت مطبخ حتى الشاي ماعرف اسويه انس ابتسم على صراحتها : موب مشكله انا اعلمك كل شي في المطبخ ................ مناير الحين انا مانع عنك الزياره بس كلها شهرين وتلقين البيت مليان اضيوف احد داخل واحد طالع علشان كذا لازم تشدين حيلك معي وتتعلمين كل شي قبل تحطين نفسك في مواقف محرجه قدام الناس مناير هزت راسها بتفهم وموافقه على كلامه عند علي بعد مانزل النايفه في البيت توجه لانس الي كان توه دخل بيته بعد ماصلى المغرب كان علي حده معصب ومقهور وحاس بذنب فضيع تجاه بنته وقف قدام بيت انس ونزل يطق الباب بقوه انس الي كان قريب من الباب فتح بسرعه وتفاجاء بعلي يدفه عن طريقه بيدخل بالقوه لاكن انس دفه برى بيته وسكر الباب علي وهو يصرخ : انس طلع بنتي بالطيب قبل اطلعها غصب انس بغضب : بنتك زوجتي وماراح تطلع من بيتي واعلى مافي خيلك اركبه علي : افتح الباب خلني اشوف البنت انس : ماراح تشوفها علي : لايكون صدقت اني بصبر عنها شهرين انس : ومن قال اني بخليك تشوفها بعد شهرين حريمتك شوفتها سنه كامله علي :مهوب على كيفك بشوفها غصبن عنك وباخذها معي انس : على كيفي ونص وحلفت لاخليك تشفق شوفتها لاعرفت وش معنى انه يكون عندك بنت وعرفت قيمتها عدل بذاك الوقت يصير خير والشوف قبل تتم السنه ابعدلك من نجوم السماء علي ماقدر يستحمل اكثر من كذا هجم على انس يضربه يبي يدخل لمناير غصب واشتبكو اثنينهم في مضاربه حاميه انس كان يدافع عن نفسه ومايبادر بالضرب كان يشوف علي اشكثر معصب ومقهور وسمحله ينفس اغضبه فيه ورغم انه تلقى ضربات موجعه من علي الا انه تحمل واكتفى بصد الضربات الموجهه لوجه او لاماكن حساسه من جسمه المضاربه طالت وعلي مازال هايج مثل الثور وانس تعب من قو الضرب الي اكله وصار جسمه كله كدمات ماعدا وجهه الي ماسمح لعلي انه يلمسه انس خلاص فاض فيه وماعاد يتحمل اكثر قام يدف علي اتجاه سيارته لحد ماوصل عندها فتح باب السياره واجبر علي انه يركبها سكر الباب عليه وصرخ في وجهه : امش تحرك من قدام بيتي قبل لااجيب الرشاش وافرغه في راسك قاله وترك علي واتجه لباب بيته فتح الباب ودخل واقفله وراه علي يدري انه ماراح يجيب الرشاش لاكن صرخته اقطعت اخر امل له في انه يشوف مناير ضرب مقود السياره بيدينه الثنتين من القهر ونزل جبينه عليه وقعد يبكي بحرقه معقوله ضيعت سمعة بنتي بيدي معقوله اكون تسببت في مذلة بنتي واهانتها وبصوت كله قهر : اه اه يالقهر اه يامناير تكفين سامحيني تكفين سامحي ابوك ياعيون ابوك انتي شهق بقوه ورفع راسه عن المقود مسح ادموعه بعنف وتلطم بشماغه وشغل سيارته ومشى وين مايدري نسى كل شي حوله يحس مخه فضى وصار صفحه بيضا مافيها الا الفراغ مسك خط مايدري وش هالخط والا وين يودي لاكنه مشى ممشى الي فقد وعيه بكل مايحيط فيه وصار مجرد قطعة جماد جافه قاسيه تتحرك باليه رتيبه محدده انس دخل داخل البيت وحالته مزريه ثوبه مخباه العلوي مشقوق وازرته مقطعه شعره منكوش وواضح عليه الانهاك والتعب بشكل مايوصف مناير كانت جالسه على مركاها المعهود في غرفة الجلوس وتتفرج على التلفزيون وفي الحظه الي دخل عليها انس فزت من مكانها بخرعه انا صحيح اكرهه وصحيح انه اليوم ضربني وانا لايمكن اسامحه بس من باب الانسانيه مقدر اشوفه مبهذل كذا واجلس اتفرج عليه وكأنه ماصار شي تقدمت اتجاه انس واهي معقده حواجبها : وش فيك من مسوي فيك كذا انس اه لو تدرين من مسوي فيني كذا ياخوفي تكملين الي خلاه : عادي ماصار شي اثنين كان بيني وبينهم خلاف قديم وشفتهم بعد الصلاة وابلشوني بانفسهم ومن كلمه لكلمه لحد ماتضاربنا مناير صدقته وحست من كلامه العام عن الهوشه انه مايبي يقولها عن التفاصيل اسكتت وفي نفس الوقت احتارت وش المفروض تسوي معه الحين واهي زعلانه منه وتكرهه ومغصوبه عليه ومضروب مسكين شكلهم شادين حيلهم عليه انس حده تعبان وكل عضله في جسمه تعوره تعدى مناير في اتجاه افراشها فصخ ثوبه واهو يمشي ورماه في الارض انسدح على الفراش بتعب ولاحظت مناير ان اسفل ارقبته فيها مخش قوي وطالع منه دم تذكرت ان شنطتها دايما فيها مسحه طبيه ولصق اجروح تحركت لزاوية الغرفه الي فيها اغراضها اخذت شنطة يدها طلعت منها المسحه الطبيه ولصق الجروح وراحت لانس اجلست جنبه على الفراش زي مايسوي لمى يجي يصحيها من النوم انس كان منسدح على ظهره وماد ايديه جنبه في محاولة استرخاء استغرب ان مناير بدت تعقم الجرح الي في ارقبته ولصقة عليه لصقه مناير ماتدري ليه جاء ابوها في بالها يمكن علشانه خوي انس حست بطعنه في قلبها على طاريه بس ماقدرت تمنع نفسها من انها تسئل عنه : اليوم ماشفت ابوي انس انفجع من السؤال لاتكون حست بالهوشه حاول يكون طبيعي على قد مايقدر وبهدو : ليه تسئلين عنه مناير بكت وتكلمت من بين شهقاتها وادموعها : من يوم جابني عندك ماجاء يشوفني اخاف يكون يشك فيني انا مايهمني الناس كلهم لو شكو فيني لاني واثقه من نفسي الا ابوي اهون علي اموت والايشك فيني لحظه وهنا اجمعت ارجولها لصدرها وادفت راسها بينها وبكت بحرقه انس عوره قلبه عليها لو تدري ان ابوها كان يقاتل علشان يشوفها وش بتسوي مايهمها شك الناس فيها قصدها انا ماهميتها شكيت فيها اولا بس ابوها هو الوحيد المهم عندها حتى بعد مارماها للحين تفكر فيه وهامها رايه فيها انتبه من افكاره على شهقات مناير الي تعالت فز جالس وضمها لصدره وصار يمسح على شعرها : بس خلاص لاتبكين ابوك طيب وبخير وكل يوم يسئلني عنك وكم مره طلب يشوفك بس انا رفضت هنا مناير بعدت عنه بكره وقامت تضرب صدره بايدينها الثنتين واهي تتكلم بجنون : وانت من علشان ترفض هذا ابوي تعرف وش يعني ابوي يعني يجي في الوقت الي يبي ويقعد زي مايبي انت مالك دخل فيه تفهم انس : كان لازم ارفض علشان يحس بالغلط الي سواه في حقك مناير : حس والاماحس موب شغلك يرميني يذبحني يسوي الي يبي كيفه لاتدخل بيني وبينه انس بقوه وثبات : لا ماهو بكيفه انتي الحين زوجتي والي يهينك يهيني ثم ابوك لازم يتحاسب على تصرفه والا بيسوي في انوار زي ماسوى فيك انتي يرضيك يصير لانوار نفس الي صار معك عرف انس يضغط على الجرح الي خرم قلبها خرم الا انوار حرام يصير فيها نفس الي صار فيني وبصوت متهدج : لا الى انوار حرام توها صغيرونه انس : علشان كذا ابوك لازم ينحرم من شوفتك مده طويله علشان يعرف انه لو فكر يسوي في انوار زي ماسوى معك راح ينحرم منها زي مانحرم منك مناير بدت تقتنع بكلام انس وكانت تضن ان المده الطويله شهر او بالكثير شهرين لانها بالفعل بالنسبه لها طويله جدا كوقت تنحرم فيه من شوفت ابوها رغم كل الي سواه فيها وماكانت تعرف ان المده الي حكم فيها انس على علي سنه كامله عند النايفه اجهزت واقعدت تنتظر علي وطول ماجاء رغم انه اكد عليها تخلص بسرعه وهذا الي خلاها تلم شنطة علي الي جابها معه وشنطه لها تكفي يمكن لشهر كانت بتجمع الاكل الي في الثلاجه علشان مايعفن بس قالت ماراح يكفيها الوقت فقررت تخلي المفتاح لجوزاء هي تسنع البيت بعد مايمشون دق التلفون وراحت ترد : الو جوزا من الطرف الاخر / علي وشلونه هالحين : مدري حطني في البيت وقال اجهزي بنمشي لرياض ومشى والشر يقدح من عيونه ولهالحين ماجاء / ان شاء الله مافيه الا الخير هالحين بقول لمفلح يدوره : تكفين لاعرفتي اي شي علميني / زين مع السلامه ال مطلق انتشر بينهم خبر اختفاء علي وانتشرو ينشدون عنه طبعن الي رجع بعد الهوشه مفلح وعلي فقط الي في المزرعه في لحظة وصول خبر اختفاء علي كانو جاهزين لرجعه لانهم افقدو الرغبه في الجلسه بالمزرعه بعد الي صار فانطلقو فورا في اتجاه ابيوتهم والشباب الي مامعهم احد من العوائل انطلقو للبحث عن علي عند ال حمدان في بيت حمود الكل ينتظرون راكان بفارغ الصبر خايفين يكون متعور من الهوشه والاقال لهم او تكون الهوشه سالفتها كبيره وتدخل العائلتين في خلاف ماينتهي كان متوقع ان راكان يوصل قبل صلاة الفجر بساعه حولها وبكذا ابو وليد وحمود نامو في احد المجالس واكدو على الشباب يصحونهم اول مايووصل راكان محمد وسالم وحتى تركي بقو سهرانين في ملحقهم البنات بقن سهرانات في واحد من المجالس الداخليه بعد طول انتضار وصل راكان وقومو حمود وابو وليد واجتمعو كلهم في المجلس الي كانو ابوانهم نايمين فيها بعد ماسلمو على راكان وتطمنو عليه قالهم راكان كل الي صار بينه وبين اعيال خواله بالتفصيل وكان اول تعليق على القصه صادر من صيته بمجرد ماسمعت الكلام الي قاله راكان عن مناير : حرام عليك مناير وش ذنبها يكفي المصيبه الي حطها ابوها فيها ليه تحشرها في سالفه مالها فيها دخل راكان : والله زي ماعيال عمها احشروك في سالفه مالك فيها دخل صيته : كنت تقدر ترد عليهم من غير ماتحشر المسكينه في السالفه ثم وصية جدي ماهي شي يفشل لذي الدرجه ولوهم لاقين فيني سبه ماتشعبطو في الوصيه في الواقع صيته كانت متضايقه من الكلام الي انقال عنها لاكن الكلام الي انقال عن مناير ضايقها اكثر سالم باندفاع المراهقين : الا يستاهلون والي بيته من قزاز لايحذف الناس بالحصى محمد ولد حمود : لاتنسى انهم خواله والي يمسهم يمسه معهم هلا : صدق مناير مسكينه الحين كل من بغى يشتم ال مطلق قال مناير فيها مايخطيها واهي اضعيفه مالها دخل حلا : ياحرام عليك خالي يحبك راكان : عاد الي صار صار وانتهى ابووليد بغضب : لا مانتهى واول ماتشوف خالك تسامح منه وتطلب ارضاه وخلني اسمع السالفه هذي على السانك مره ثانيه راكان حس ابوه زعل عليه من قلب خاصه ان علي صديقه وعزيز عليه قام لابوه وقبل راسه : السموحه يالغالي غلطه وماعاد تنعاد سامحني هالمره يكفي اني بغيت اموت وبنت مطلق زعلانه علي ابو وليد كش جسمه من طاري الموت مايتخيل انه يفقد احد من اعياله ابتسم لولده واهو يسمي عليه : هالمره مسموح بس انتبه للسانك مره ثانيه راكان : ابشر طال عمرك حمود : ياعيال مايجوز تهاونون في اعراض الناس كذا البنت في مصيبه مايعلم فيها غير الله وحنا عندنا بنات والشماته شينه وتجيب المصايب البنات كانو اكثر المتاثرين بشتيمة مناير لانهم بنات زيها وحاسين فيها محمد ولد حمود : المهم هالحين هالسلق الي الحقوقك بيذبحونك لازم نربيهم حمود : ابو مطلق رجال قدره كبير وراعي خير ومافيها شي لو تغاضينا عن اعياله اكراما له خاصه ان راكان اخذ حقه منهم بيده ابو وليد : لوهي واقفتن على الهوشه امرها سهل اما انهم يحدونه بسيارتهم وبغو يتسببون له بحادث يخسون اعديها الهم حمود : وش بتسوي اجل ابو وليد : هالحين باصلي الفجر وامشي للجنوب منها اجيب سلمى ومنها اقابل ابو مطلق واعلمه بسوالف جهاهيله واهو الي بيربيهم بنفسه حمود : اذا هذي نيتك اجل انا خويك وزي ماعياله اخطو ولدنا بعد اخطى ولازم ناخذ الي في خاطر ابو مطلق ونتعذر منه اتفقو حمود وابو وليد انهم يمشون للجنوب بعد صلاة الفجر عند انس ومناير بعد نوبة البكاء الي دخلت فيها مناير قامت غسلت وجهها وارجعت ارفعت ثوب انس عن الارض وحطته على المركى القريب من الفراش انس رجع تمدد على الفراش وتلحف بالبطانيه مناير شافته تلحف سكرت التلفزيون وطفت المبات واطلعت تجلس في الصاله بعد مالفت جسمها بشال صوف طويل يدفيها بعد شوي من جلستها حست بطفش تذكرت مكتبة انس راحت تدور لها مجلات مالقت عنده مجلات ابد ازفرت بضيق :ياثقل دمه حتى مكتبته تسد النفس زيه الكلام طاح في اذن الي واقف عند الباب يتأملها بعد ماحس فيها تطلع من عنده وخاف انها راحت تبكي في مكان ثاني وبسخريه : افا انا اسد النفس علشان كذا طلعتي من عندي وماجيتي تنامين في حضني مناير تنرفزت وع هذا الناقص بعد انام في حضنه وبقرف : انا شايله هم وشلون راح انام على الفراش بعد ماحضرتك نمت عليه وانت تبيني انام في حضنك انس عصب : ومن قال ان حضني يستقبل وحده مثلك انا اذا بغيت احط في حضني مره انقيها نقوه ماقشها من عند الباب هنا مناير وصلت حدها من القهر وبعد ماكانت تفتش في الكتب التفتت عليه بانفعال وغضب : انت واحد حقير وواطي وانا الي ماتشرف اكون زوجة واحد تافه مثلك انس نقز عندها في لحظه ومسكها بعضدها وضغط عليها بقوه : انتي ماراح تتوبين لين اقص السانك المعفن وارميه في الزباله مناير بصراخ : وانت محتاج مين يرميك كلك في الزباله انس بسخريه : مشكله الي تعودو على الرمي حسبالهم كل الناس مثلهم انا محد يقدر يحركني من مكاني خل عاد الرمي مناير حست بقهر وحسره على نفسها حطت عينها في عينه وبصوت قوي : انا متاكده ان ابوي راح يندم على ثقته فيك وصداقته لك عدد شعر راسه قالته واطلعت تركض لغرفة الجلوس سكرت الباب عليها واجلست قريب من اغراضها بحزن انس اجرحه كلام مناير عن علي ياخوفي انه قيده ندم وخلص تذكر حال علي يوم تهاوش معه وقرر يروحله البيت يتطمن عليه راح لغرفته لبس ثوب نضيف ثم راح لغرفة الجلوس اخذ اغراضه من ثوبه الي هناك وطلع من غير مايناظر فيها او يكلمها انس راح لبيت علي ومالقاه والنايفه قالت له من ورى الباب انه من يوم جابها للبيت ماعاد رجع انس خاف على علي وراح سيده لبيت ابومطلق واهناك عرف كل الي صار في المزرعه وعلمهم بالهوشه الي صارت عند بيته وهنا الخوف على علي وصل اقصاه مفلح اخذ سلمى وجوزاء ووداهن عند النايفه خوف لايصير لها شي وماعندها احد وبدة المرحله الثانيه من البحث عن علي وهالمره بدو يسئلون في المستشفيات والمخافر وكل مكان سلمى اوكلت لها مهمة انها تتصل بام ابراهيم وتسئلها عن علي لوكان كلمهم ولازم تنفذ المهمه ذي من غير ماتحس ام ابراهيم بشي موب ناقصين يقلقون على حال حريم في البيت الحالهم سلمى ابذلت مجهود علشان تبين عند ام ابراهيم طبيعيه كلمتها وسولفت معها عادي ومن بين السوالف اسئلت عن علي وام ابراهيم قالت لها انه ماكلمهم وزاد القلق على علي وصار شغل ال مطلق الشاغل لدرجة انهم نسو الهوشه وحسن وعبد المحسن الي استانسو ان الناس مانهم يمهم وقفو سيارة عبد المحسن الي اصدمو راكان عليها واخذو سيارة حسن وراحو يدورون مع باقي العائله عن عمهم علي | ||||||||
|
| |
|
15-01-17, 12:20 PM
| #267 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته كيف حالكم إن شاء الله دائما بخير ؟ راكان غلطان ولسانه متبري منه مصخها كثير خلاص سالفة وصارت يتكلم عن بنت خاله ليش ؟؟ يا ترا راح يزوجونه عبير ؟؟ ننتظر البارت القادم بكل حب وشوق بالتوفيق لك دمت بود شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
17-01-17, 06:27 PM
| #268 | ||||||||
| مراقبة عامة ومشرفة منتدى الروايات المنقولة
| انس طلع مع ال مطلق يدور علي ماخلو مستشفى ماسئلو فيه ماخلو مركز شرطه مامرو عليه اسئلو معارفهم والناس الي حولهم ولاحد يدري عنه كل الي اسئلوهم كان اخر مره شافو علي فيها قبل يتهاوش مع انس وبكذا انس اخر شخص شافه حس بالذنب ليتني ماتركته يروح الحاله الحين وش اقول لمناير انا سبب اختفاء ابوك تذكر مناير من طلع من عندها قبل صلاة العشاء ماعاد جاها ياالله كيف نساها كذا الهبله ذي ماتعرف تدبر شي ناظر في ساعته الوقت متاخر حيل رجع للبيت واتجه لغرفتها مباشره شافها نايمه حمد ربه انها بخير راح لغرفته فصخ ثوبه وعلقه في الشماعه سحب مخدته وبطانيته من السرير ورجع لغرفت مناير دخل عندها ورمى مخدته على الفرشه قريب من افراشها وانسدح وتلحف مناير الي كانت نايمه ازعجها صوت غريب طالع من الجهه القريبه منها تحركت في افراشها يمكن يروح الصوت لاكنه اصبح اكثر وضوح هذا صوت انين بس انا الحالي الفكره قفزت في راس مناير لتستيقظ كل حواسها دفعه وحده فزت جالسه واهي ميته خوف التفتت جهة الصوت وشافت شي متكوم وصوت انين انسان متوجع معقوله يكون انس قامت بسرعه وافتحت النور وشافت كيف غطى وجهه وهو متظايق ء راحت عنده اجلست جنبه وبعدت البطانيه عن راسه انقلب على جنبه واهو يفتح عيونه بصعوبه بسب النور كان يتنفس من فمه وشكله مره تعبان حست بحرارت جسمه تخترق ملابسها حطت يدها على جبينه وكانت حرارته مره مرتفعه : انس وش فيك ومتى جيت وش يعورك انس تكلم اهو يكح : جيت متاخر ولقيتك نايمه ومافيني شي شوية تعب عادي مناير خافت عليه حرارته نار واهو يقول عادي والمشكله ماتدري وش تسوي ياربي وش الدبره الحين ايه دايم الناس يحطون منشفه فيها مويه على جبهة الي عنده حراره علشان تخف راحت جابت طاسه فيها مويه واخذة منشفة وجهها الصغيره طبقتها وبدت تكمده كان يئن ويشد البطانيه عليه وهويرجف من الحمى مناير لاحظت انه نايم على الفرشه : انس قم نام على فراشي ليش نايم بدون فراش كان وده يقول اخاف الوث افراشك لانمت عليه بس الحاله الصعبه الي كان فيها ماسمحت له زحف على ايديه واركبه لحد ماصار على فراشها ورمى نفسه عليه بتعب مناير قامت لحفته بلحافها واجلست جنبه تكمده بعد فتره حس نفسه بدي يتحسن : روحي لغرفتي افتحي الدرج الي جنب السرير بتلقين علبت حبوب خافض حراره جيبيها راحت مناير جابت الحبوب وجابت معها كاس ماء جلس انس اخذ الحبه وشرب وراها المويه ورجع ينسدح ناظرت مناير الساعه مابقى شي على صلاة الفجر كلها نصف ساعه ويأذن تحس نفسها تعبت من الجلسه قامت سكرت النور وارجعت تجلس جنب انس قاست حرارته بيدها وحست انها انخفضت احمدت ربها واسحبت طرف البطانيه على ارجولها انس حس فيها : انسدحي جنبي لمتى بتجلسين وبسخريه رغم المرض : لاتخافين تراي كل يوم اتروش مناير انقهرت منه حتى واهو مريض السانه طويل بعدت عنه وانسدحت واسحبت بطانيته الي كان متلحف فيها قبل وتلحفت انس شافها تنسدح على حافة الفراش وتلحف ببطانيته شلع بطانيتها من فوقه واندعس معها في بطانيته لزق اظهره في ظهرها وانسدح مناير تنرفزت : هي بعد ارجع مكانك انس : معرف انام الى على ريحتي الي ناشبه في بطانيتي مناير : وع من زين ذا الريحه عاد اخذ بطانيتك وتقلع لغرفتك انس : افتعل كحه مكتومه وتكلم باختناق مفتعل تعبان اش خليني ارتاح اشوي قبل الاذان مناير حست انها سخيفه واهي قاعده تتهاوش معه واهو مريض وحتى النفس قاعد ياخذه بصعوبه استسلمت وبقت زي ماهي وانس ملزق ظهره في ظهرها اف من جده ذا جسمي احس امسكت فيه كهرباء وذا والاعلى باله يارب يأذن الفجر بسرعه وافتك انس توتر واحاسيس كثيره بدت تهاجمه كان يتمنى يلف لجهتها ويحظنها اقوى شي بس يدري انها ماهي متقبلته ولازم يعودها على قربه شوي شوي بعد مارجع انس من صلاة الفجر دخل المطبخ طلع برطمان العسل واخذ منه ملعقه كبيره وشرب وراها شوي ماء بعدها اخذ ليمونتين عصرهن في كاس وشرب العصير من غير مايضيف له شي ماكان حاس باعراض زكام لاكنه اخذها من باب الاحتياط يالله شكل الحراره الي جتني بسب الضرب الي اكلته الله يهداه علي شاد حيله فيني جسمي كله يعورني وبعض الاماكن مورمه من الضرب نفض الافكار من راسه وراح لغرفة الجلوس شاف مناير نايمه اخذ مخدته والحافه وراح ينام على سريره هالمره لازم انام زين علشان اقوم بدري واروح ادور علي عند النايفه من جاها انس ينشد عن علي وقلبها قاطعه الخوف كانت تمتر الصاله رايحه جايه واهي في هم وحزن علي هالمره متغير طول وقته سرحان وحزين وماهو معها ابد مدري ليه احس بنته وراها سالفه غير الي قالها لي انا سمعت العيال الصغار الي شافو هوشة راكان والعيال يقولون ان راكان قايلهم انتم رامين بينتكم في بيت الرجال وش قصده من هالكلام وكيف رامينها على الرجال اذا هو بنفسه خاطبها يمكن قصده انه جابها لحد بيته ومانتظر لين يجيه انس يخطب جايز كل شي جايز بس هو وين راح وين اسمعت الجرس يضرب وراحت تفتح اسئلت من عند الباب وجاها صوت جوزاء افتحي افتحت الباب وادخلت جوزاء وبعدها سلمى وخافت النايفه اكثر : علي صارله شي سلمى : فال الله والافالك علي مافيه الا العافيه ومفلح راح يدوره مع الشباب لوفيه شي كان يمديهم لقوه تلقينه رايحن لاحد معارفه الي املى الارض جوزا بتأييد لسلمى : انتي تعرفين علي اخوياه مالهم عدد واذا مابغى ال مطلق يعرفون طريقه يقدر يتنقل بينهم سنه كامله محد جاب اخبره سلمى : هذا اذا ماكان عند واحد من الي قيدهم انشدوه ومنكره عنهم هنا النايفه بدت تهدى شوي ان شاء الله يكون هالكلام صحيح بس صدق لو كان صاير له حادث لاسمح الله كان يمديهم لقوه وبعدين العيال ماخلو مكان مانشدو فيه معناته هو الي مايبي احد يلقاه بس ليه ولمتى ادخلن سلمى وجوزاء لصاله والنايفه تمشي وراهن اجلسن سلمى والنايفه وجوزا نزلت السلال الي معها وراحت تجيب كاسات وفناجيل وارجعت تبن تعشن هالحين والاشوي سلمى : صبي القهوه وخلي العشاء اشوي تونا النايفه : انا مالي نفس في شي جوزاء : تعوذي من ابليس وتقهوي وعيني من الله خير تلقينه الحين تاكن يتقهوى والاجاب لنا خبر سلمى وجوزا يتضاهرن ان غياب علي عادي واكيد انه عند واحد من اخوياه والحقيقه ان القلق والخوف على علي ماكل اكبودن بس يحاولن يطمنن النايفه حتى مايأثر الانفعال الزايد على حملها لمى طال انتظار علي والوقت بدى يتاخر ونفسية النايفه بدت تتازم اكثر اضطرت سلمى انها تكذب على النايفه لمى كلمها مصعب في وقت متاخر وخبرها انهم مالقو له اثر وقتها كانت النايفه في المطبخ ولمى اسمعت صوت التلفون جت تشوف من يكلم سلمى الي ماسكه التلفون وتتكلم مع مصعب شافت النايفه جايه يمها وقلبت الكلام سيده : الله يبشرك بالخير طيب هو وصل لرياض والا باقي لهالحين / عمه وش فيك من الي وصل الرياض : اها ماخذ شقه في نص الطريق ويكلم منها مصعب اخيرا فهم / انتي تكلمين على سمع النايفه : ايه طيب ورى ماخذ النايفه واهو قايل بياخذها / حليها هالحين ليه ماخذ النايفه قولي راح يعبي بنزيم ودز وراه : مهوب صاحي عمك لاطرى عليه شي سواه / انا اشهد انه مهوب صاحي واخته سلمى اخذتن من حلاياه هنا سلمى ضحكت من قلب :هههههههههههههههههههههههه حرام عليك انا اخذ من ابو مطلق ابو مصعب اما علي هذا اخو جوزا اعقولهم مخلوطتن في ماعونن واحد /ههههههههههه الله يقطع شيطانك ياعمه ابو مطلق قام يقزني بنظرات ماتطمن : اجل توكل قدام تجيك العجرا على الصابر / هههه ابشري مع السلامه النايفه بلهفه : بشري وش صار سلمى تتصنع الارتياح وتبتسم : ابشرك طلع ماسكن خط الرياض وفي نص الطريق اخذ شقه بيبات فيها والصبح يكمل طريقه النايفه : طيب ليش ماخذني معه سلمى : يقول راح للمحطه يعبي بنزين ودز من اهناك النايفه صدقت خاصه انها تشوف سلمى مبتسمه ومبسوطه معناته صدق علي راح لرياض الله يصلحك ياعلي يعني ماهان عليك تطمني لوبتلفون اجل انا بدخل انام اظهري بينكسر من التعب تعالي ياجوزا طلعي لكن مفارش جوزاء جابت لها ولسلمى افرش وابسطتها لهن في غرفة الجلوس وبعد ماتطمنن ان النايفه نامت قالت سلمى لجوزاء الحقيقه وانهم مالقو علي والايعرفون عنه شي في اليوم الثاني يوم الخميس قام انس من النوم على الساعه ثمان وكانت صحته زينه ومافيه شي وعلشان يلحق يطلع يسئل عن علي ماحب يظيع وقت على طول غسل وتوجه للمطبخ صلح فطور وحضره على طاولة المطبخ وراح يصحي مناير تفطر معاه دخل غرفة الجلوس وشافها نايمه والحاف طايح عنها قرب منها وجلس جنبها على الفراش كانت منبطحه على بطنها وثانيه وحده من ارجولها والثانيه مادتها وايديها وحده تحت المخده والثانيه قريبه من وجهها ابتسم لمنظرها ودخل يده في شعرها وصار يلعب فيه واهو يصحيها : مناير قومي يالله الفطور جاهز مناير حست فيه وبدت تصحى تذكرت انه البارح كان عليه حراره فزت جالسه وحطت يدها على جبينه تقيس حرارته شافت انه طبيعي اجل مافيه داعي اتظاهر بالاهتمام : خير انس ابي انام انس : بس انا قيدني سويت الفطور تعالي افطري معي مناير : مابي فطور فيني نوم انس مروق وناوي يقومها معه اما بزينه والابشينه ماتفرق بتقوم يعني بتقوم اجل حتى انا بنام في حضن زوجتي الجميله وقرن الكلام بلفعل وانسدح على مخدتها مناير هذا الي كان ناقصني انا ماصدقت افتكيت منه الفجر بينشبلي الحين ناظرت فيه بنرفزه وقامت واقفه وقبل تطلع من الفراش شاتت ساقه برجلها: قم عن افراشي يكفيه تلوث من البارح للحين انس مايدري وش الانبساط والانتعاش الي هو حاس فيه رغم ان خويه مفقود والمفروض يكون قلقان عليه فز جالس وبلعانه عقبال مالوث راعيت الفراش تلوث عميق كانت عند اغراضها الي في الزاويه تطلع لها منشفة وجه غير الي كمدت فيها انس البارح اشهقت بروعه على تلميح انس : ياوصخ يامعفن ياسربوت انتبهت ان فرشات الشعر في يدها وحذفته ابها انس قدر يتفادى المشط : هههههههههههههه ياربي وش ذا البلوه مرتي حولا مناير قيدها اوصلت عند الباب بتطلع للحمام : حولا في عينك انت الي وخرت عنه انس ضحك بصوت اعلى من قبل :هههههههههههههه اجل تبيني اخليه يجي في جبهتي مناير طنشته وادخلت الحمام غسلت ورتبت شعرها وراحت للمطبخ لقت انس ينتظرها اسحبت الكرسي المقابل له واجلست بدو يفطرون بهدوء مناير تذكرت انها نامت البارح قبل يرجع وبعدها صحت لقته نايم جنبها محموم واليوم مافيه شي غريب امره هالرجال : ليش تاخرت البارح وين كنت / توقعت انك كارهه شوفتي قلت خلوني اتكي عند عمال المزرعه لحد ماتنام واريحها من غثاي اشوي مناير حست بحسره على نفسها لوكان زواجها طبيعي كان الحين اهي في شهر العسل على قولتهم يالله ماني متخيله اني في اول ايام زواجي وانا اكره زوجي وزوجي يكرهني ونقضي اغلب وقتنا في سب وشتايم والمهزله الحقيقيه انا بعد كل الشتايم الي تصير بينا نرجع نجلس ونسولف مع بعض وكنه ماصار شي صدق انا ليش ارجع اسولف معه امس قبل يطلع تهاوشنا هوشه وش كبرها وشلون اجي واجلس معه ببساطه كذا انس لاحظ كيف اسرحت وسرح هو الثاني على كثر ماكنت اكرها قبل بس مدري ليه الحين احس انها صارت جزء من حياتي ومقدر استغني عنها على كثر ماتهاوش معها مقدر اشيل في قلبي عليها وارجع اجلس معها وكأنه ماصار شي واهي بعد تطنش هواشاتنا وتتصرف معي طبيعي لحد ماندخل في الهوشه الي بعدها اما لو يجي يوم ونحب فيه بعض اكيد بتكون حياتنا حلوه ابتسم للفكره الي جت في باله وناظر في مناير شافها انتبهت له في نفس الحظه والتقت اعيونهم في بعض مناير استحت ووخرت عيونها عنه : اسمع مره ثانيه حتى لو متهاوشين لاتتاخر برى انا احتقر الرجال الي يرجع لبيته متاخر وكأنه ساكن فندق انس ابتسم لانه حتى هو يكره انه يتاخر برى في اليل : اسف ان شاء الله ماراح تتكرر مناير : انس تكفى ابي اشوف ابوي خله يجي انس انخطف لونه هالبنت حاسه في ابوها الله يستر لايكون صايرله شي من يوم جابها عندي ماجابت طاريه الامن بعد الهوشه :مناير ابوك انا حالف انه مايشوفك وماراح اقطع حلفي مناير : طيب موب لازم يشوفني خلني انا اشوفه لوبس نمر من قدامه على السياره انس ضاق صدره وش قصتها هالبنت وش جاها على ابوها فجأه : يصير خير بفكر كيف اقدر اوريك اياه من غير مايشوفك هو بس عاد يبيلها وقت يمكن بكره والا بعده مناير استانست انها بتشوف ابوها اخيرا كانت هبله يوم كانت تمر عليها ايام تقول في نفسها انها تكرهه بسب الي يسويه في امها لاوالله ماكرهه مع كل الي سواه فيني مستعده ابيع عمري كله بس اثبتله اني بريئه ومانزلت راسه بشي انا صحيح كنت غلطانه اني اكشف واتساهل بحجابي وبعد كنت اسولف مع اعيال خوالي واجلس معهم مثل اخواني بس ماخليت احد يلمسني ابد اه يالقهر معقوله ابوي صدق شاك اني مضيعه اشرفي لا لا موب معقوله طيب لوكان شاك فيني من جد كيف اثبتله ان شكه غلط اف عمتي قالت انس هو الوحيد الي يقدر يثبت برائتي وانس صديق ابوي يعني اكيد هو راح يعلم ابوي اني شريفه بس انا اكره انس ومو قادره اتقبله يارب صبرني انس كان يراقب تحول ملامح مناير من فرح لحزن لغضب لقرف وش فيها ذي قامت تشكل بس ملامح القرف الاخيره ذي متاكد انها تخصني ياترى وش الي تذكرته عني واقرفها كذا مناير انتبهت ان انس مركز فيها وماياكل : افطر وش فيك تبحلق فيني كذا انس ابي اسئلك سؤال وجاوبيني بصدق مناير من غير مبالاه اسئل انا لاحظت عليك قبل اشوي وانتي تفكرين اخر شي طلع على وجهك ملامح قرف وخمنت انك تفكرين فيني صح والا لا مناير : هههههههههههههههههههههه طيب كويس انك عارف نفسك انس : طيب ماعلينا بس ياليت تشيلين الافكار القديمه من راسك وتقيميني بموضوعيه بدل السخافات الي قاعده تحشين فيها مخك من امثال خادم وتشتغل عند جدي والي انتي اكثر وحده متاكده انه كلام فاضي وماله معنى مناير تنرفزت من وصفه لافكارها بالسخافه والغباء بعدت كرسيها عن الطاوله وقامت : انا بروح انام ابرك انس : يكون احسن بعد اصلا انا غلطان الي صحيتك مناير : اجل ياليت تتعلم من غلطك وماعاد تعيدها مره ثانيه انس كمل فطوره عادي وبعدها قام لبس وراح لبيت ابو مطلق دخل وسلم شاف ال مطلق مجتمعين كلهم ابو مطلق بعد ماشاف الكل حضر حتى انس صار موجود تكلم : اسمعو محمد ولد حمدان كلمني يقول انه جاي في الطريق هو واخوه حمود والوكاد ان حمود ماجاء مع اخوه الا وراهم سالفه ابومصعب : ضني انهم بيتعذرون عن هرج راكان محمد صديق علي من مبطي ويعزه وماهقيت انه يرضى بالي صار ابومطلق : كان هذا غرضهم اشهد انهم اسبقونا بالعلم الغانم وحنا الي بدينا بالغلط في حقهم وولدهم في مجلسنا والي غلط عليه اعيالنا وهذا هو ابو البنت بنفسه جاي يعتذر والمفروض انا حنا الي نتعذر منه انس : طال عمرك ال حمدان منا وفينا من مبطي وماهو مهم هالحين من المخطي المهم انا ندفن هالسالفه ونتصافا قدام تكبر وتجيب غيرها مفلح : صادق انس ال حمدان خوتهم مكسب ولاجو يبشرون بالي يطيب خواطرهم ابو مطلق : اجل اعزمو الرجال وجهزو الذبايح ولاحد يغيب عن المجلس يامصعب مصعب : سم طال عمرك ابومطلق : انت ونادر خلوكم في المجلس تباشرون الضيوف والشباب الباقين يروحون يدورون علي لين ياذن الظهر لاسمعتو الاذان عودو كلكم ابونادر : خل واحدن من الشباب يدور على طريق الرياض ابومطلق : انا علمت محمد ان علي غايب من امس وبينشد عنه في المحطات الي يمرها عند حمود ومحمد في الطريق وحمود السواق كان موقف عند محطه يعبي بنزين ومحمد نزل يكلم ابو مطلق ويعلمه انهم في الطريق محمد خلص المكالمه ورجع لسياره فتح الباب وركب حمود : وراك ابطيت محمد : عمي ابو مطلق يقول ان علي البارح راح لانس بيشوف بنته وانس عيا يخليه يدخل وتهاوشو وتضاربو ومن بعدها ماشافو علي ومن البارح يدورونه مالقوه علشان كذا مريت على عمال المحطه انشدهم كان شافوه والاشي حمود : لاحول والاقوة الابالله ...............دام الناس عندهم مصيبتن سادتهم عن غيرها اجل خلنا نسوي الواجب الي علينا ونتعذر لهم عن هرجة راكان ونسامحهم في الي لنا عندهم وندفنه كنه ماصار محمد : وهذا الي انا ناويه من يوم علمني عمي بغياب علي الله يرده لهم سالم محمد وحمود اوصلو لبيت ابومطلق واستقبلوهم ال مطلق بحفاوه وكرم ماله شبيه كان المجلس مليان من جماعة ابومطلق ومعارفه وشباب العائله الي راحو يدورن علي قيدهم ارجعو ومنتشرين بين الضيوف يرحبون ويهلون ويقدمون الضيافه محمد وحمود شافو حسن وعبد المحسن وسلمو عليهم بشكل طبيعي وكأنه ماصار شي قبل يقلطون الغداء راح انس لطباخين واخذ من عندهم غداء لمناير ووداه لها دخل انس بيته واتجه للمطبخ مباشره نزل الغداء على الطاوله ونادا مناير مناير مناير اسمعته وجت تشوف وش يبي : وش تبي انس رفع راسه يمها وتنح فيها كانت لابسه تنوره ضيقه طويله وبلوزه صوف وشعرها مستشور كان واضح انها توها متسبحه وشكلها ناعم وشيك انتبه على صوتها واهي توقف عند الطاوله :الغدا من عند جدي انس: ايه جايه اضيوف وانا بروح اتغدا مع الرجال مناير : ومن الي جايه انس : محمد ولد حمدان جاي بياخذ هنا يومين ويرجع هووامرته اسمعي انا بكون في المجلس طول الوقت ويمكن مارجع الا على عشر في اليل كان يتكلم واهو متجه لباب المطبخ علشان يطلع وعلى وجهه ابتسامه انبعت من شكلها الي اعجبه كثير لاكن هالابتسامه اختفت اول ماسمع كلام مناير مناير ابتسمت على طاري ابو وليد : الله الله اكيد ابوي هالحين مبسوط حيل ابوي يحب عمي محمد موت انس حس ريقه نشف من طاري علي وطلع من عندها من غير والاكلمه اول ماوصل مجلس ابومطلق قابله مفلح عند الباب : انت وش فيك وجهك متغير انس مسك مفلح بيده ومشاه معه بعيد عن الباب : ياخوك الهواجس اكلت قلبي بنت علي من يوم ادخلت بيتي ماجابت طاري ابوها قدامي الا من بعد هوشتي معه يوم دخلت عندها بعد الهوشه واهي تبلشني بالاسئله عنه مفلح عقد حواجبه : يمكن اسمعت صوت ابوها يوم تتهاوش معه انس : انا متاكد انها ماسمعت شي والاتدري ان هوشتي معه انا قايل لها اني متهاوش مع اثنين لي معهم خلاف قديم تبي الصدق انا خايف ان البنت حاسه بشي اخر ماجابت طاريه هالحين يوم وديتها الغدا واعرفت ان ابو وليد هنيا استانست وقالت اكيد هالحين ابوي مبسوط لانه يحب محمد مفلح بقلق :الله يستر هالحريم اقلوبهن مدري وش نوعها النايفه كاذبين عليها وقايلين لها ان علي راح لرياض وجوزاء تقول اول ماقلنا لها الكذبه صدقتها وراحت تنام ومن يوم قامت واهي مالها هرجه الا الله يستر على علي قلبي يقول فيه شي بعد ماتغدو اضيوف ال مطلق وبدو ينصرفون الناس ومابقى في المجلس الا ال مطلق ومحمد وحمود قامو محمد وحمود مع بعض وقبلو راس ابو مطلق وتكلم ابو وليد : حنا جايين نعتذر منك ومن ال مطلق كلهم على الهرج الي طلع من اولدي راكان راكان الله يهديه عصبي ولا زعل مايثمن كلامه ابومطلق : اجلسو مكانكم وجيتكم الحالها تسدنا عن الاعذار والخطاء ابتدى من عندنا وحقكم علينا اكبر من حقنا عليكم العذر والسموحه ياحمود وبنتك محشومه عن الردى ابو مطلق انهى كلامه وعطى حسن وعبد المحسن نظره خلتهم يفزون واقفين ويجون يقبلون راس حمود ومحمد ويتعذرون منهم حمود ابتسم لابو مطلق مسموحين طال عمرك والي بينا وبينكم اكبر من هالامور الصغيره اما الهرجه الي قالوها اعيالكم في بنتي فانا استاذنك اني اسمع العيال الي تكلمو رد صيته عليهم واهي موصيتني اوصلهم الرد على مسمع الي كانو في المجلس يوم اهرجو فيها ابو مطلق ابتسم ماخاب ضنه يوم قال هالبنت مالها شبيه بين البنات ابو مطلق اشر على حسن وعبد المحسن انهم يجون ياقفون قدام حمود : هذا هم العيال الي اهرجو فيها وكل الي كانو في هاك المجلس موجودين وازود سمعنا رد بنتك الي في المجلس صارو يناظرون في بعض مستغربين ان البنت بترد بنفسها على الكلام الي انقال عنها حمود : بنتي صيته ترد عليكم السلام جميع وبعده ردها موجه للاثنين الي تكلمو فيها وحط عينه في حسن وعبد المحسن ووجه كلامه لهم صيته تقول لونكم لاقين في سبه ماتمسكتو في وصية جدي وترا والوصيه ماهي خطيه جدي الله يرحمه رجال حكم في عياله واعياله راضين بحكمه ماله عليكم خطاء ولالكم عليه منقود هذي الاوله والثانيه لاصار في قلوبكم على ولد عمي حكه تحدوه في المراجل واعلوم الرياجيل ماهي من السلوم انكم تلوون يد الرجال بمره حسن وعبد المحسن التفتو على بعض بحده وعقدو حواجبهم بغضب جدهم عطاهم نظره حاره اجبرتهم انهم يتجاوزون الكلام الي انقال خاصه ان ال حمدان ماجابو طاري محاولتهم لتسبب في حادث لراكان واهم مجبورين ينهون السالفه زي مايبي جدهم حتى مايفتحون على انفسهم باب مايصك عبد المحسن : طال عمرك حنا كنا نمزح مع راكان ومافي نيتنا ردى واعترف انا اخطينا وجبنا هرجتن مالها سنع من غير قصد السموحه حسن : وصدورنا مافيها شي على راكان واهو ولد عمتنا ومنا وفينا وحنا وياه شين واحد مابينا لاتحديات والاغيره حمود ابتسم : مسموحين ابو مطلق اعجبه رد صيته وانها افهمت وش سبب الهوشه كلها اذا في قلوبكم على ولد عمي حكه جبتيها يابنت ابوك وانا اشهد ان في قلوبهم حكتن قويه عند سلمى الي جت في بيت ابوها من اعرفت ان زوجها جاي في الطريق اعرفت ان الظيوف مشو وماعاد في المجلس احد غريب البست عباتها ونقابها تحسبا لوجود انس و جت بتسلم على زوجها واخوه وقبل تدخل اسمعت كلامهم عن المشكله الي صارت بين ولدها واعيال خواله فاوقفت عند الباب تسمع وش يصير واول ماسكتو حمود والشباب ادخلت وردت السلام وردوه عليها تكلمت سلمى بحزم : دام صيته ردت عن نفسها رد بنت اخوي عندي يال حمدان حمود ابتسم يعرف مرة اخوه من نفس طينة بنته ماتسكت عن حقها ابد اما محمد توتر خاف ان سلمى تعقد الامور اكثر ابو مطلق عاجبه الوضع وال مطلق يترقبون يبونها ترد وخايفين السالفه تكبر انس ابتسم وفي نفسه الخيول الاصيله تقابلت سلمى : يال حمدان لكل جواد كبوه وكان تعثر من سرية مناير حصانن اصيل وراها اسود تقلط على الموت ماتهاب جدها ابراهيم واخوها ابراهيم وزوجها انس وعزوتها ال مطلق الي صيتهم الحاله يخلي راعي الشر يبرك على شره والايعترض لهم طريق محمد ابتسم لزوجته من صارت سالفة علي ومناير واهي في قلبها هرجه ومارتاحت لين جابتها : كفيتي ووفيتي يابنت مطلق وانا اشهد ان قولك حق وحنا معك فيه سلمى ابتسمت من تحت نقابها بانتصار اخيرا وصلت له المعلومه الي كان ودها توصلها له من يوم صار الي صار في بيت حمود هلا وحلا وصيته جالسات في مكتب صيته حلا تتصفح مجله شعريه صيته تقراء ديوان شعر وكل ماعجبها ابيات سمعتها البنات هلا تستعرض عناوين الكتب الي في المكتبه وكل اشوي تسحب كتاب تتصفحه على السريع ومن بين الكتب اسحبت كتاب اعجبها عنوانه وتبي تشوف عن ايش يتكلم واول ماتحرر الكتاب من الرف طاح من بين صفحاته صوره هلا انحنت على الصوره وارفعتها في يدها واشهقت : هذا اخو شيخه وش جاب صورته عندك صيته اسمعتها وعقدت حواجبها قامت من كرسيها وراحت عند هلا وحلا سوت نفس الشي صيته مدت يدها اخذت الصوره شققتها ورمتها في الزباله كانت تفكر وش تقول لهلا وفي النهايه قررت تقول الصدق : حب الطفوله الله لايعيده من حب هلا وحلا توسعت عيونهن حلا بعصبيه : تحبين نمر علشان كذا انتي تكرهين وليد صيته بثقه وثبات : قلت حب طفوله يعني سالفه قديمه وخلصت ويكون في علمكن شيخه شاورتني في اخوها قبل يخطب مضاوي وقالت انه يبي يعرف رايي واذا كنت موافقه بيخطبوني رسمي وانا رفضت هلا تحاول تجمع الحقائق : وليش رفضتيه دامك تحبينه صيته : رفضته لانه مايناسبني وسبق وقلت ان حبه كان مجرد هبل بزران وانتهى قبل حتى لاتخطبني اخته حلا : ووليد وش وضعه صيته : وليد الي صار بيني وبينه كان له سببين مالهم ثالث وصية جدي وطريقة لبسه يوم تجونا في الدوادمي هلا : حرام عليك ترا كان يلبس كذا يقلد المشاهير الاجانب الي كان معجب فيهم وبعدين عمي سواله صيانه في الوقت الي جلسناه عندكم حلا تذكرت هاك الفتره : يأنا ضيعنا على انفسنا وقت كان ممكن يكون اجمل ايام عمرنا هلا ضحكت : ههههههههههههه يارباه وش كثر كنا نكرهك في ذاك الوقت ونشوفك همجيه صيته اضحكت هي الثانيه : ههههههههههههههه عاد انا كنت اشوفكم متكبرات ودلوعات بس الصدق ماكرهتكم لاني اصلا ماكنت معطيتكم اهميه حلا : ههههههه وجع وجع يالمغروره صيته : الي حبيتها من اول لحظه هيفاء ياحبي لذيك البنت ياناس تجنن حلا : هيفاء تدخل القلب سيده اي مكان نروحله تلقين الناس يتبسمون لها ويرحبون فيها هلا : انا ماقهرني كثر الحنى الي لطشتيبه وليد صيته اضحكت من قلب : ههههههههههههههه يرحم امك لاتذكريني وبعدين تراكم ضالميني وليدوه الوصخ كان يتمسخر علي وعلى حناي علشان كذا اخذت حقي منه وخبصت الحناء في خشته حلا : اقول بنات وش رايكم ننزل نزبط لنا شاهي منعنع ونجلس في الحديقه هلا : الحديقه لا يكفي امس ذبحنا البرد خلونا نروح للمشب احسن صيته بتفكير: اجل وش رايكم اسوي لكم قرص جمر حلا بتقرف : لاتكفين بتسوين قرص سوي على الصاج بلا جمر بلا خبال صيته : هههههههه خلاص على الصاج والايهمك امشن ننزل عند الجازي اليوم خميس وفهد ماعنده جامعه وراح للمتجر من بدري يعني بيرجع بدري وصار الوقت المناسب انها تسوي خطة بدريه علشان ترجع تنام مع فهد في نفس الغرفه اتصلت في عمتها واطلبت منها ترسل لها السايق وترسل معه فلوس كاش لانها تبي اشيا خاصه ومستحيه من فهد وطبعا عمتها ارسلت لها الي تبي وبعكس بنات ال حمدان الي مايركبون مع السايق الا بوجود المرافقه الخاصه معهم الجازي طلعت مع سايق عمتها الحالها اطلبت منه يوديها مشغل ولان نساء ال سويلم يجونهم خبيرات التجميل في بيوتهن ماكان السايق يعرف اماكن المشاغل مشى في الشوارع لحد ماشاف مشغل وقف عنده وانزلت الجازي وقابلت الكوافيره الي ماكان عندها زباين غير الجازي جلستها الكوافيره على الكرسي الخاص وبدت تسئلها : عندك زواج والاعشاء عادي علشان اعرف ايش احطلك الجازي بسذاجه : لاهاذي والاهاذيك رجالي العله زعلان علي وابي اتزين له واراضيه الكوافيره : اها يعني بتسوين له ليله حمرا الجازي : يعني وشو ليله حمرا الكوافيره بدت تاخذ وتعطي مع الجازي لحد ماعرفت انها انسانه ساذجه وغبيه وسهل الواحد يلعب عليها : اذا تبين تجننين زوجك وتخلينه يحبك موت شوفي الفلبينيه الي هناك اشرت على فلبينيه جالسه على كرسي تبرد اظافرها هذي يوم اشتغلت عندي كان بيني وبين زوجي مشاكل وش كثرها كانت حياتي نكد في نكد لحد مادلتني هالفلبينيه كيف اكسب زوجي وتعلمت منها اشيا كثيره واشتريت منها اشيا خلت زوجي يصير خاتم في اصبعي الجازي تحمست ونادت الفلبينيه بعد اكثر من نصف ساعه اطلعت الجازي من عند الكوافيره بعد ماسوت لها مكياج كامل واستشورت شعرها والاهم كانت شايله في يدها كيس اسود ادفعت فيه مبلغ وقدره استانست الجازي لمى ارجعت للبيت ومالقت قدامها احد ادخلت غرفتها سيده وااول شي سوته خبت الكيس الاسود في ادراج الطاوله الي كان عليها التلفزيون والفديو في غرفة الجلوس الي تنام فيها بعد يجي ساعه ونصف رجع فهد من شغله وعلى دخلته سمع صوت السوالف طالع من مشب ابوه دخل ولقى العائله متجمعه على شبة النار اعيال خاله حمود وراكان وتركي وابوه وامه واغزيل سلم وجلس يتقهوى معهم وكلها دقايق وجابت امه العشاء مقلقل لحم وخبز تعشى وعين من الله خير وصعد لجناحه في الجناح كانت الجازي تنتظر فهد وازهقت من طول الانتظار شغلت التلفزيون واجلست تتفرج عليه كانت لابسه قميص نوم مع المكياج والاستشوار الي سوتهن في المشغل وكانت هذي هي خطة بدريه الخطيره...... بسيطه مباشره ساذجه دخل فهد الجناح وشاف الجازي بكامل زينتها وبقميص النوم ابتسم في داخله هذي دعوه صريحه ويسعدني تلبيتها بعد مااخذو فهد والجازي وقتهم مع بعض قام فهد تسبح ولبس ودخل سريره ينام الجازي ادخلت الحمام بعده وتسبحت وخلصت وادخلت السرير ليس لتنام بل لتراقب فهد متى ينام لان عندها فضول قوي علشان تعرف محتويات الكيس الاسود الي من كثر ماوصتها الكوافيره ان محتوياته تبقى سر خافت انها اتطلعها قبل يوصل فهد ثم يطب عليها ويشوف سرها الخطير بعد ماتاكدت الجازي ان فهد نام تسللت لغرفة الجلوس طلعت الكيس وشافت احد محتوياته ومن اول نظره اشهقت بفجعه حرااااااااام | ||||||||
|
| |
|
17-01-17, 07:43 PM
| #269 | ||||
| نجم روايتي وفراشة الروايات المنقولة 
| مشكوره فيتامين على النقل والجازي شكلها اشترت اشياء سحر ودجل والله يستر من غبائها وياترى بما انها بتخاف ربها هل سترميهم ام ستبقى عليهم من اجل ان تكسب فهد حسب زعم الفلبينيه \\\صيته دائما قوي وما بتخاف ورده على كلام ال مطلق كان قوى وسلمى كمان قدرت توقف الحكي عن علي ومناير \\\علي مازال مختفي والبحث عنه جاري هل علي يعاقب نفسه على فعلته بحق ابنته وانه جعلها مهته لعائلته وبعتقد هل الدرس حيغير علي وشخصيته السلبيه مع المشاكل ورميها على غيره والهرب منها \\\\انس ومناير لحدا الان مناير لم تتقبل انس وتفكر نفسها احسن منه صحيح هي اهتمت بمرضه ولكن بعد ماتحسن ابتعدت ورجعت لطريقتها المستفزه وممكن هي تعطي انس حقه لتثبت لعلي انها حاظت على نسها ولم تفرط بشرفها ولكن مازال قلبها خالي ولم يدق ويتقبل انس بالرغم من انه تقبلها البارت كثير حلو والله يستر من غباء الجازي | ||||
|
| |
|
22-01-17, 11:26 AM
| #270 | ||||||||
| مراقبة عامة ومشرفة منتدى الروايات المنقولة
| الجازي بعد ماشافت لمحه من محتويات الكيس الاسود خافت ورجعة كل شي في الكيس وخبته مكانه وراحت تنام لاكن النوم طار عنها الجازي حرام اخاف ربي يعاقبني احسن شي ارمي الكيس بالي فيه في الزباله لا لا لا الكوافيره قالت انه عادي مهوب حرام والاشي وبعدين هي مسلمه مثلي وتعرف الدين يمكن اكثر من عرفي اله ايه صح لوكان حرام ماشترته هي لنفسها وادفعت فيه الشي الفلاني وبعدين هي قالت اي شي تسوينه علشان تكسبين زوجك حلال وزودن على هذا كله تقول ناشدتن شيخ وقايل لها حلال علشانك تبين تكسبين زوجك وتملين عينه ايه خلاص مابعد نشدة الشيخ شي دام الشيخ قال حلال معناته حلال بس اجل من بكره لازم ابدا (كذبة ناشد شيخ المشهوره مازالت تنطلي على الكثير من امثال الجازي ) فهد قام على صلاة الفجر لقى الجازي نايمه قومها لصلاه لحد ماتأكد انها صحت وطلع يصلي في المسجد الجازي انتظرته لحد ماطلع وارجعت نامت ولأول مره تنام بعمد عن صلاة الفجر ويبدو ان تبعات بيات النيه على معصيه قد ظهرة فهد صلى ورجع للبيت سمع صوت في المشب طل فيه شاف امه تقرب الحطب من الوجار وشكلها ناوية تشب ضوء دخل عندها :صباح الخير التفتت قمرا لفهد : ياهلا صباح النور فهد : هاه وش عندك مصبحتن المشب قمرا : ابد رقدت البارح بدري ويوم قمت لصلاة الفجر ليني شبعانه نوم قلت اجي اشب النار اما تجيني عجوز حمود على ريحها ولا يقلط عندي الشايب ابو فهد فهد ضحك على كلام امه : هههههه هالحين ابوي وعمتي شايب وعجوز وانتي طالعه منها قمرا : ههههه انا اصغر منهم كلهم فهد تقدم للوجار بيشب النار عن امه على صوت ثالث يشاركهم الحديث ابوفهد : ياكبرها عند ربي اغزيل اصغر منتس بسنتين قمرا وهي تعرف ان كلامه صحيح : ايه افزع مع اختك ياعزتيلي الي اخواني مسافرين ماعندي من يفزعلي في الواقع مادعاها لتذمر من البدايه هو شوقها لاخوها حمود هو الوحيد الي اغيابه يصيب قلبها فهد :هههههههههههه يمه الي يسمعك يقول مقومين عليك حرب ابوفهد الي استقر في جلسته جنب زوجته : بلاك ماتدري امك قاطعن قلبها سفر حمود الي دوبه امس مشى من عندها انا لوني مسافرن شهر مادورتني فهد يشب النار ويضحك من قلب على امه الي تفقد اخوها اكثر من اي شخص ثاني وابوه الي يبدو ان الغيره اشتغلت عنده : يبه خلنا نسافر انا وياك دام سفرنا ماله ثقاله على امي قمرا : الله يسمح دروبكم سافرو وبيت اخوي مابيني وبينه الاخطوتين ابوفهد : افا نسافر ونخلي القمر ورانا الله لايجيبها من سفره الي تبعدنا عنتس يام فهد ابتسمت قمرا برضى على كلام زوجها ثم ارفعت راسها لفهد : يامك تعين لمحمد ياكودنه واعي يجي يجلس معنا بزين القهوه والفطور على الجمر فهد بمزح : هالمره انا الي بغار هالحين انا قدامك وجهي يجيب العافيه وتروحين تدورين محمد علشان تشوفين فيه حلايا اخوتس حمود قمرا بأبتسامه على طاري حمود الي محد يسبقه بالغلا عندها : ياجعلني مافقده والافقد قربه وحلاياه فهد : هالحين تلقينهم ارجعو يرقدون خلي لين فطورك يخلص وابشري اجيبيلتس اعيال اخوانتس كلهم مهوب محمد وبس قمرا قامت : اجل بروح ازين الفطور والقهوه داخل ناركم بتبطي ماجمرة بعد مادخلت قمراء بشوي جت اغزيل وادخلت للمشب ضحك ابوفهد : وانتي بعد ذابحتس الشوق لحمود اغزيل افهمت انهم كانو مستلمين قمراء قبلها وبمزح : انا اصلا ماجيت ادوركم جايه ابي قمراي حبيبتي اخبر حمود يحبها واحبها من حبه الها فهد ضحك : هههه قمراتس تدور محمد ولدك تقول بشوف زول حمود فيه من غير شر على حمود غزيل اضحكت من قلب : هههههههههههههه محمد انا ممتحنته من امس كل ماراح لدوامه دورتلي شغله ودقيت عليه يجي يسويها حتى يوم بغن البنات يرسلن السواق يجيب لهن اغراض من البقاله عييت ودقيت على محمد وخليته يوديني البقاله يوم شاف مقضاتي الي شريتها كلها خرابيط للبنات قال كان علمتيني واجيبها التس ياعزتي لوليدي مايدري اني اتهيول عليه ابي اشوف شبه حمود فيه ابوفهد ضحك لين دمعت عيونه من الضحك : هههههههههههههههههههههههه ياناس انا وين اروح لين اشوف انتن تدورن اشبهي في فهد والا عند اهل الجنوب قام انس لصلاة الفجر وكان مره برد توضى ودفى نفسه بالملابس زين وطلع لغرفة مناير يصحيها قبل يروح لصلاة دخل عندها وشافها تنتفض من البرد تحت البطانيه اتجه لزاويه الي فيها الاغراض واخذ البطانيه الثانيه ولحفها فيها وجلس جنبها وبدى يمسح على ظهرها من فوق البطاطين يحاول يدفيها رفع البطانيه عن وجهها بيده الثانيه مناير قومي صلي والبسي شي يدفيك شوفي كيف تنافضين من البرد كانت اسنانها تضارب في بعض : برد برد موت مقدر اقوم انس : ماعليه تصبري شوي علشان الصلاة وبعدين القميص الي عليك مايدفي في البرد ذا قومي صلي وبدلي مناير قامت واهي ترجف وانس سمع الاقامه وطلع يصلي مناير ماقدرت تصلي بالقميص الي عليها مع انه ثقيل خاصه بعد ماتوضت جمدت اعظامها من البرد افتحت شنطتها والبست بجامه لاصقه في الجسم قطن والبست من فوقها بجامه مخمل ومبطنه من داخل بفرو والبست شراب في رجولها وقبوع صوف حتى القفازات البست واخيرا حست انها تقدر تصلي من غير ماترقل صلت ونامت رجع انس من الصلاه ودخل عند مناير يتطمن عليها جلس جنبها على الفراش ولاحض ان رجفتها توقفت رفع البطانيه بيشوف البست والا وشافها لابسه بجامه مناير فتحت عيونها : وش عندك تفتش انت انس : حلالي وافتش على كيفي اسحبت البطانيه تلحف واشتغلت النحاسه عند انس فصخ البالطو الي كان لابسه والثوب وعلقهن في مشاجب مثبته في الباب وجاء اندعس معها في افراشها وعلى مخدتها مناير انهبلت وش يبي ذا : انس بلا سخافه قم رح لفراشك انس : عاد انا عاجبتني السخافه وبعدين انتي في البجامه ذي طالعه دب قطبي فخليني ادفي عمري اشوي الدنيا برد مناير واهي تحس فيه بدى يلزق فيها: انس رح لغرفتك والارحت لها انا انس عصب لذي الدرجه موطايقه قربي وبلعانه : لاتنسين انك زوجتي ومو من حقك تحرميني من نفسك سامعه والا اوريك انا وش اقدر اسوي هنا مناير انخرشت وشافت انه اسلم شي تنطم وتسكت ياجعلك ماتقوم ياانس استغفر الله استغفر الله حرام ادعي عليه مسلم مايجوز (لاصار الدين على هوانا نصير اتقياء بقوه ) كانت تضن انها مستحيل تنام في حضن انس لاكن الغريب انها حست بأمان وطمأنينه وياسرع مانامت استغرب انس انها بعد ماكانت لاصقه في الجدار وراها وجسمها كله متيبس بدون والاحركه علشان ماتحتك فيه بدت تدفن وجهها في صدره رفع راسه يشوف وش السالفه وتأكد انها نايمه ابتسم بقوه وفي نفسه جسمك يعرف زين وين تبغين تكونين حط ايده من ورى ظهرها وظمها له اكثر ونام قام انس على الساعه ثمان وهالمره اختار انه يصحي مناير ببوساته صار يبوس وجهها لحد ماصحت على بوساته : يالسربوت سعبلت وجهي انس : ههههههه وش اسوي قمت وشفت جنبي قمر يفتح النفس اكون اهبل لوخليت الفرصه تطير مني مناير استغربت من نفسها لان احساسها ببوسات انس اشعل عندها مشاعر الحياء والخجل الطبيعي عند البنات في الواقع كانت تظن انها راح تنقرف منه اجلست مناير وانس باقي منسدح ويناضر فيها : وش مصحيك بدري رفع راسه من المخده وحطه في حظنها : انا متعود اصحى بدري حاست شعره بيدها اجل قم عني باقوم اغسل جلس انس وانتظرها لحد ماطلعت من عنده للحمام قبل لايقوم لانه ماحب انها تشوف تاثيرها الخاص عليه بعد ماغسلو نادى انس مناير للمطبخ وبدى يعلمها كيف تسوي الفطور والقهوه مناير : يالله صباح خير وش لازمت العجين هالحين انت ماتطفش من ذا الطحين انس يبتسم : وش تبين احسن من البر واكلات البر مناير : ياخي ذا فطور يعني بيض فول عدس فاصوليا واذا تحمسنا كبده خبز مفتوت اما على الفطورات الي تسوونها احس المعده اول ماتحس ان صاحبها قام قالت يالله صباح خير ليتك انثبرت اشوي انس : هههههههههههههههههههههه لا لاتخافين المعده الجنوبيه تعشق اكلات البر معصوبه عصيده خبزه تصابيع وغيرها واجد مناير : انس حرام عليك انا كذا بصير تفخه تبي امي تذبحني يوم تشوف جسمي مدور كنه كوره انس : انتي اشتغلي وحركي دمك ومارح تنتفخين والاشي مناير تتابع الي يسويه وتتكلم : وش اشتغل فيه ياحسره اصلا انا ماعرف اسوي شي في البيت انس عقد حواجبه : وليه ماتعرفين ليش امك ماعلمتك تشتغلين مناير نزلت راسها بحرج : ماماتي مالها ذنب واهي تقولي تعالي اعلمك بس انا كنت ارفض لاني مااحب شغل البيت تذكرت امها وسالت دمعه حاره على خدها تحس انها اندمت على تفريطها في بر امها هالحين لو ترجع لها مستعده تشيلها فوق راسها امسحت دمعتها بسرعه وكملت كلامها : نواره هي الي تحب شغل البيت وقرف المطبخ ودائما تحب تكون جنب امي من اول ماتدخل المطبخ انس يا الله هالبنت ساذجه لدرجه ماتوصف ياترى بتتعلم وتسنع نفسها والى بتقعد زينه في ذا البيت : المفروض تكونين عارفه من البدايه انك بتتزوجين ويصير عندك بيت تقومين فيه مناير كانت معتمده على انها اذا تزوجت تجيب خدامات يسوون شغل البيت عنها بس لانها عارفه ان انس مستحيل يجيب لها شغاله ماحبت تكشف اوراقها له : ماكان في بالي اني اتزوج قبل لااخلص جامعه واتوضف واستقر في وضيفتي انس رفع حاجب : مافيه وضيفه مناير عصبت : ادري ان زواجي منك نهاية كل شي جميل في حياتي قالته وانفجرت تبكي راحت تركض لغرفة الجلوس ادخلت واضربت بالباب من وراها انس تنهد بقهر غسل ايدينه ولحقها فتح الباب عليها بعنف حتى انه ضرب في الجدار من قو دزته له شافها منكبه على مخدتها وتبكي بحرقه : انا ابي افهم وينه الجمال الي كان في حياتك علشان انهيه انتي انسانه سطحيه ساذجه ماعندك هدف في حياتك لاتقولين هدفي اني اكمل دراستي واتوضف هذا هدف مضاف الهدف الحقيقي يكون في ذاتك انتي انك تفهمين الحياه صح انك تستعدين لممارست ادوارك القادمه في الحياه صح انك تبرين امك وابوك وتعيشين حياتك الدينيه صح انك طول اليوم يكون تحت عينك هدف والوجودك قيمه حقيقيه في حيات الاخرين مناير مع كل كلمه ينطقها يزيد بكاها وتزيد شهقاتها انس ضاق صدره من منظرها تركها وراح لغرفته لبس وطلع لمجلس ابو مطلق بيشوف اخر اخبار علي ويطلع ايدوره اذا باقي مافيه عنه اخبار في بيت ابووليد الي في الجنوب سلمى سوت الفطور والقهوه بقت لها شوي فطور في المطبخ وودت لمحمد وحمود فطورهم واقهوتهم ارجعت للمطبخ صبت لها كوب حليب بالزنجبيل اخذته واجلست تفطر وفي نفسها الله يستر لايكون صار لعلي شي اختفى بعد صلاة المغرب يوم الاربعاء واليوم الجمعه ولهالحين ماله حس وين راح وليه ماكلم اذا مايبي يجي معقوله زعلان من اخواني علشانهم انطلقو عليه بعد هوشة راكان وزاده انس يوم تهاوش معه ايه اكيد شايلن في قلبه هو طيب ويتصرف بحسن نيه ومايدري ان سواياه هوايل لين يسمع هرج الناس فيه ثم انصدم بنفسه لانه كان طيب زياده عن الزوم انا متاكده انه يوم زوج مناير انس كان كل تفكيره ان انس رجالن نشمي وعاقل وبيعرف يسنعها ويشكلها على مايبا مادرى انه بسواته خرب حياة البنت وحياة انس معها والله اعلم اذا بيقدرون يتجاوزن هالمحنه والا ترجع له بنته مطلقه عند انس دخل مجلس ابومطلق لقاهم يفطرون افطر معهم وتقهوى وجوهم محمد وحمود على القهوه محمد : بشرو جاكم علم عن علي ابومطلق بهم : ماجانا عنه شي الله يحفظه ويرده سالم انس : انا بطلع ادوره في القرى الي حولنا محمد : انت لاتروح والاتجي خلك في بيتك انس عصب : وليه يوم تجلسني في بيتي حمود : علشان البنيه الي حابسها فيه اما جب البنت نزلها في بيت اهلها ورح دور على هواك والا اجلس عندها ال مطلق جاز لهم هرج ال حمدان ابو مصعب : ماقالو الا حق البنت توها صغيره وماتنترك الحالها جبها في بيتي ثم اطلع وين ماتبي انس خاف يجيبها عندهم ثم ماعاد ترجع له واهو مستحيل يتنازل عنها اصلا صارت جزء من حياته ومالحياته طعم بدونها التفت على محمد وعقد حواجبه : انا بجلس في بيتي بس ياويلك اذا مارجعت بعلي محمد بنظرة تحدي : علي انت سبب اختفائه وياويلك انت ان مالقيته كان موقف الاثنين غريب داخل المجلس اثنينهم اصدقاء علي المقربين بس هم مابينهم صداقه صحيح علاقتهم زينه بس ماتوصل لصداقه انس رجع لبيته وراح يدور مناير لقاها جالسه على فراشها وتتفرج على صور طبخات في كتاب طبخ ظخم جاء وجلس جنبها ببساطه وكأنه ماصار بينهم شي قبل يطلع : اختاري لنا طبخه نسويها غدا مناير التفتت عليه بتسائل : من جد اخاف اختار شي بعدين مانعرف نسويه وتنرمى النعمه : افا ماقلتك اني طباخ درجه اولى واي وصفه اقدر اضبطها من اول تجربه مناير افتحت كتاب الطبخ على مقلوبة بالحم : ابي اسوي هذي انس يعرف الطبخه من قبل بس قرر يسوي عمره اول مره يجربها وبيسويها معها على طريقة الكتاب : وش معنا ذي الاكله بالذات مناير تبدلت نظرتها لحزن وردت واهي تفرك ايديها : ماما تحبها واي احد يذوق المقلوبه من ايدينها يقول انها الذ من اي مقلوبه اكلها بحياته كلها انس : اجل قومي نطلع لحم من الفريزر علشان يذوب واعلمك كيف تسوين الخبزه والا نسيتي انك باقي مافطرتي والعجينه تنتظرك في المطبخ مناير ابتسمت : الله يعيني على عجينك ومن غير قصد انا اذا صرت انفاس مايحتاج اتعب امي واروح اتنفس عندها والله انك لتكد علي وتبلعني من العجين حقك انس استانس على كلامها عن النفاس معناته مقتنعه انها تستمر معي وتجيبلي اعيال وبابتسامه عريضه : ومن قال اني مجنون علشان اخليك عند اهلك اربعين يوم ويالله قومي للمطبخ لاتضيعين الوقت بالسوالف وراي صلاة جمعه بعد صلاة الجمعه بيت حمود وصل وليد من العيينه بعد ماخلص شغله هناك سلم على اهله وجلس مع الشباب في المجلس يتقهوون ويسولفون ولمى سئل عن امه وابوه وينهم علموه بكل الي صار في غيابه هوشة راكان وروحة ابوه وعمه للجنوب واختفاء علي وليد انقهر وعصب وشلون يصير كل ذا من غير محد يقوله : وليش ماقلتولي وانا كل يوم اكلمكم طوفه عندكم انا والا حيالله واحد من الشارع محمد : مابغينا نشغلك عن شغلك وليد بعصبيه : لااشغلوني عن شغلي الله لايعيده من شغل اذا بيقطعني عن اهلي راكان : ابوي هو الي منعنا نعلمك وليد التفت عليه : انت لاسمع صوتك ياساس البلا راكان : ساس البلا وكله اعيال خوالك ولايهون خالك علي محمد : بس خلاص تعوذو من ابليس وليد : ابراهيم درا راكان : لا مايدري عن شي ومايبونه يدري وليد بغضب : نعم نعم على كيفهم هم مايبونه يدري سالفة اخته وعديناها اما ان ابوه مختفي له يومين واهو مايدري ماهو من حق احد انه يخبي عنه موضوع مثل ذا يخصه اهو في الدرجه الاولى محمد : الرجال مسافر وش تبيهم يقولون له وليد بعصبيه : المسافر يرجع لو كان الغايب عمي حمود بترضى انهم يدسون عنك علشان شغل والا غيره ياشيخ لاعاد من شغل الي بيردني لاكون جنب ابوي لاصار في حاجتي كلام وليد اقنع الشباب فعلا محد منهم يرضى انهم يخبون عنه لوكان في مكان ابراهيم راكان : طيب وش بتسوي الحين وليد : بكلم راشد وهو يعلمه هات التلفون اشوف سالم قام جاب التلفون حطه قدام وليد وليد اخذ التلفون واتصل بمديره في مكتب هندسة الديكور واخذ منه اجازه اسبوع ثم دق على مديره في السوبر ماركت والمدير رفض يعطيه اجازه فترك وليد الشغل عندهم نهائي واخر اتصال كان بصديقه راشد الي قاله عن كل شي وطلب منه يعلم ابراهيم وقاله انه ينتظرهم في الرياض علشان يمرون ام ابراهيم يتطمنون عليها وبعدها ينطلقون مع بعض للجنوب في دبي كان راشد في الشقه لمى كلمه وليد اما ابراهيم فكان رايح يجيب اغراض لهم من السوق راشد اتصل بمديرهم فورا وطلب منه اجازة اسبوع له ولابراهيم ومن حسن حظهم ان علاقتهم بالمدير قويه واهم معروفين في الشركه بانهم من افضل المهندسين واكثرهم تفاني ونشاط في العمل الاجمل ان الشركه تكفلت بحجز رحلت راشد وابراهيم لسعوديه وقدرو يوفرون لهم حجز على اقرب رحله والي باقي لها ساعتين فقط قام يجهز شنطته وخلص منها قبل ابراهيم يوصل وبدون تردد بدى يجهز شنطة ابراهيم الي وصل ودخل الشقه ماشاف راشد في الصاله نزل اكياس الاغراض على الطاوله الي في الصاله وتوجه لغرفتهم دخل مع الباب المفتوح واستغرب من شنطة راشد المجهزه على السرير وراشد فاتح شنطته هو ويحط ملابسه فيها هنا انفجع ابراهيم : وش فيك صاير في اهل السعوديه شي راشد دارت فيه الدنياء هالحين كيف يعلمه بالمصايب الي صارت لاهله وبتوتر ووجه شاحب ومرتبك : فيه مشكله عند اهلي باروح اشوفها وابيك معي اخذت لنا اجازه اسبوع وحجزت على اول طياره لسعوديه ابراهيم بتعاطف مع راشد : اترك عنك الشنطه انا ارتبها راشد حده منهار ومايدري كيف يتصرف ترك الشنطه وجلس على السرير اركى مرافقه على اركبه ودفن راسه بين اكفوفه ابراهيم جلس جنبه وبتعاطف شديد حط يده على كتف راشد : تعوذ من ابليس وانا خوك وقلي وش صاير كل مشكله ولها حل راشد جت في باله فكره بيعلمه بالسالفه كانها له ويخلي ابراهيم ايواسي نفسه بنفسه ويحكم عقله في المشكله قبل يتمكن الغضب من نفسه : بس السالفه كبيره يابراهيم وتوجع ابراهيم : كل وجع له ادواء راشد : دخل في الموضوع مباشره اختي اطلعت مع بنت خالي من الجامعه بعد ماخلص دوامهن وولد خالي هو الي اخذهن سواء وبدال مايوديهم للبيت مباشره راح معهن لكوفي في واحد من الاسواق الكبيره ابراهيم قاطعه بغضب : الوقح مايستحي يتمشى ببنت الناس معه راشد بلع ريقه هذا واهو ماعرف انها اخته : المشكله ماهي هنا المشكله ان ابوي كان في نفس السوق وشاف اختي مع ولد خالي واخته وكانن البنات كاشفات اوجيهن هنا شهق ابراهيم : وشهو كاشفات قدام العالم كان بيكمل ويقول حقهن من دفنهن محلهن بس تذكر ان وحده منهن اخت خويه بلع غصته وسكت راشد كمل : المصيبه ان ابوي اخذ اختي من السوق ومانزلها الا في بيت واحد من الجماعه معروف انه رجال عاقل وطيب علمه بسالفت البنت وطلب منه يتزوجها والرجال قبل الزواج وعقدله عليها وطلع وتركها عنده ابراهيم هنا انصدم صدمة عمره ومن قو الصدمه بقى فتره في حالة ذهول وصمت راشد يوم شاف صدمته حمد ربه انه علمه بالسالفه على انها له لو قايل انها اخته هو كان صارله شي من الفجعه ابراهيم اخيرا انتبه من حالت الذهول الي دخل فيها وبقهر : ليه حرام عليه ضعيفه صح خطاها كبير وماينسكت عليه بس غلطت ابوك في حقها اكبر راشد : وهذا الي قاهرني هالحين انا وش اسوي مع اختي ووش اسوي مع الرجال الي تزوجها ووش اسوي مع ابوي ابراهيم صار يروح ويجي في الغرفه بتوتر وتفكير : ابوك ماتقدر تسوي معه شي مهما سوى يبقى هو الابو وماهو من حقك تحاسبه على تصرفاته اما الرجال الي اخذ البنت ماله ذنب في شي لو اي واحد منا في مكانه بيسوي الي سواه اما البنت على كبر جرمها بس الي صار فيها عقاب اكبر من ذنبها بكثير ويسدها عن غيره راشد بهم : يعني اسكت وكان ماصار شي ابراهيم : لا لاتسكت رح لبيت الرجال وطلع اختك من عنده راشد : بس هو ماله ذنب ابراهيم : حتى ولو البنت لو اقعدت عنده واهو متزوجها بالطريقه ذي بيذلها لازم نروحله ونطلعها من بيته راشد واذا قلتلك ان فيه مصيبه ثانيه ابراهيم انفعل : وش باقي بعد راشد حزن حيل على حال صاحبه وبصوت متحشرج : ابوي حس بالندم على الي سواه في اختي وراح بياخذها بس زوجها تهاوش معه وعيا يخليه يشوفها وقاله انه بيحرمه شوفتها سنه كامله علشان يعرف قيمتها وماعد يتجرى يهينها مره ثانيه ابراهيم بتفاؤل : معناته زوجها رجال كفو وبيعرف كيف يصونها دامه اخذ حقها من ابوك اكيد انه ماراح يخلي احد غيره يتجرى عليها راشد : يعني اخليها عنده ابراهيم : انت قابل اختك واذا هي تبي تجلس عنده خلها واذا ماتبيه اخذها راشد بحزن اكبر فيه مصيبه ثانيه ابراهيم خلاص ماعاد يستحمل اكثر كل ذا صار في اهل صاحبه ولهالحين بعد باقي مصايب سحب راشد لصدره وحضنه بقوه يواسيه وراشد احضنه اكثر ابراهيم : ياعزتي لك ياخوي كل ذا وباقي زود مصايب الله يفرج عنك ويصلح امرك كله راشد حس بقهر اكثر وصار تبليغه بالحقيقه اصعب بس لازم يعلمه : ابوي بعد هوشته مع رجل اختي اختفا ولهم يومين يدورونه ومالقوه هنا ابراهيم شهق : وش وش تقول انت وين راح راشد ماعاد قدر يستحمل اخذ شنطته واتجه لباب الشقه بيطلع وبصراخ مكتوم من قو نشفان حلقه : مدري مدري مدري بسرعه امش خلنا نلحق على الطياره ابراهيم سكر شنطته واخذها ولحق راشد يركض في مكان ما سيده في الثلاثين من عمرها تتحرك في غرفتها الصغيره واهي تجمع ملابسها واغراضها في شنطة سفر كبيره السيده كانت تلبس ثوب اسود بدون خصر مثل تفصيل الجلابيات صدره مطرز بنقوش جميله من خيوط الحرير الملون اكمام الثوب طويله والثوب نفسه طويل وتلبس على راسها طرحه سودا مربوطه برباط من قماش ملون كانت تبدو انيقه برزانه كبيره الغريب في السيده انها تلف على خصرها حزام رجالي مزدوج في احد جنوبه مسدس مع ذخيرته من الرصاص وفي احد جهاته الاماميه جنبيه (خنجر ) بغمد فضي مزخرف ومطعم بالاحجار الملونه وهو من انواع الخناجر النحيفه والحاده في الواقع ليس هذا السلاح الوحيد الموجود في حوزة السيده فهي الان تقوم بلف رشاش وبندقيه صيد في بطانيه وتحكم ربط البطانيه عليها في الجنوب وبعد صلاة العصر بنصف ساعه وقف علي سيارته قدام بيته الملاصق لبيت ابو وليد الي هو بيت ام ابراهيم في الجنوب نزل من سيارته فتح باب البيت والتفتت للحرمه الي انزلت من السياره بعده : ادخلي ياترفه ******** عدم التفاعل مع البارت يحجب البارت الي بعده | ||||||||
|
| |
|
| أدوات الموضوع | |
| انواع عرض الموضوع | |
|
|
415Likes
.png)
.png)
.png)
العرض العادي
