آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-12-16, 03:32 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت السادس : بعض المواقف تجي وتروح ما تبقى... وبعض المواقف صداها بالعمر باقي... في سيارة جسار الكل متوتر ما كان ودهم يلجأون لذا الطريقه بس هذا الحل الوحيد عيالهم لهم يومين مفقودين دوروا في الاماكن المتوقع وجودهم فيها بس كأن الارض بلعتهم. نشوف كل واحد فكرة وين. منصور ساكت ويفكر اه يابنتي عارف الناس ما بترحمك معاد فيني صبر ابيك قدامي دام واثق فيك ما بتردد عمري ما توقعت يوم انحط في موقف زي هذا ما اقول الا اللهم اجرني في مصيبتي واخلف لي خير منها. فهد حاس فيك ياخوي اهون قدامك انا ولد ويقدر يشيل عيبه وشايل همه والله والله ما اخلي الكلام يمسك او يمسها بشيء هذي بنتي بعد وعيون عمها الله يردهم لنا سالمين ناصر اخ لو اعرف المتسبب والله ما اخليه راجح اه ياقلب اخوك وينك اشتاقت عيوني لك والله وينك قلبي تعب من الخوف والله واللي خلقها سبع ما يرتاح لي بال لين انتقم من المتسبب قطع تفكيرة صوت نغمة جوال جسار كان مركز في الطريق والسيارة اللي خلفهم من يوم طلعوا من البيت وصلوا المركز شاف السيارة باقي وراهم وقف بعيد عنهم نزلوا من السيارة جسار :ادخلوا وانا شوي والحقكم فهد :طيب لا تطول عشان ندخل على طول جسار :دقايق بس لف جسار للسياره ركز في الرقم قرب منها بس صاحب السيارة يوم حس فيه على طول حرك جسار :اخ يالقهر حاس انك ورا السالفه بس انا اوريك رجع للسيارة وقفلها بس نسى الجوال داخلها رجع لهم يالله ندخل. الكل توجهه للداخل حتى يتممون البلاغ على امل رجوع عيالهم. عند صاحب السياره كان يكلم في الجوال : ايوه طال عمرك توهم داخلين المركز شكهلم بيبغلون خلاص الرئيس : محد انتبة لك الرجال :الا طال عمرك واحد قرب مني بس مشيت بسرعة الرئيس :اوه علينا المهم تخلص من السيارة اكيد اخذ الرقم الرجال : طيب تامرني بشيء الرئيس :اسمع ارجع للمركز بعد ما يطلعون ابيك ترسل لهم رسالة مع صورة بنتهم وولدهم وتكتب فيها خلال يومين لو ما وصل راح ننشر صورة بنتكم وولدكم في هذي الوضعية وحدد لهم مكان ولا تنسى تقول لهم بعد لا ياحولون يبلغون احد لانهم مو في صالحهم ورجالنا اللي بيقابلهم بداله رجال. الرجال :ابشر اعتبره تم. الرئيس :تسلم. رجع الرجال وقف مكانه خرج جسار تذكر جواله في المركز تذكر جوالة شاف نفس السيارة واقفه الو ما انتبه له جسار راح جري بس بسرعة حركة السيارة قرب جسار من السيارة حاول يقرب من الباب دعس للسيارة وماقدر يقرب للباب جسار وقف وهو ياخذ انفاسه اوريك يا الكلب رجع للسيارة اخذ جوالة فتح الجوال شاف رسالة محتوها السلام عليكم انا فاعلة خير وبنتكم اعطتني رقمك عشان اخبرك بمكانهم ياليت تتواصل معي دخل المركز يجري فتح المكتب الغ البلاغ الكل التفت له العسكري :ليه جسار :من دون ليه سوى الغاء فهد :جسار عرفت شيء جسار :ايه عرفت العسكري :بس لازم تتدخل الشرطة حتى لو انت عرفت مكانهم جسار :انت عارف انا مين انا مو قاعد استشيرك في الغائه او في تدخل الشرطة انا اعطيك امر العسكري :ومن تكون جسار :انا الرائد جسار العسكري خاف دق التحية :امرك طال عمرك خرجوا وركبوا السيارة منصور :الحين علمنا بمكانهم جسار :عمي انتم برجعكم البيت وباخذ الشباب وبشوف مكانهم وين منصور :لا ما لتخطون خطوه الا واحنا معاكم جسار :عمي الله يخليك احنا شباب وقداها ان شاء الله ما يجي العشاء والا هم في البيت فهد :ياولدي اذا فيه خطر عليك قول لنا جسار :لا تخاف داهمنا اماكن صعبة وطلعنا منها وصلة مسج فتح الجوال على طول بس انصدم من اللي قراه واللي شافه فهد :وش اللي جاك ياجسار عساه خير جسار بصمت :خير خير دق على الشباب وخبرهم رجع ابوه واعمامه واخذ الشباب خبرهم بمحتوى الرسالة راجح :اه يالكلب والله ما اخليه الحين دق على الحرمه وشوف المكان جسار طيب دق ثالث رنة ردت عليه الممرضه :الو جسار :السلام عليكم الممرضه : وعليكم السلام جسار : معك جسار الفيصل لو سمحتي اختي دليني على المكان الممرضة : المكان هو.... بس ترا عليه حراس جسار : طيب اختي ممكن تخدمينا الممرضة :معليش اخوي انا اللي علي وصلته جسار حس انها خيفة :اسمعيني انا عسكري ومقدر انك خايفه بس انتي بحمايتي الممرضه حست انها تورطت ومالها مفر : طيب ايش اقدر اساعدك فية جسار : ابيك............ الممرضة :طيب جسار :الحين بقابلك امام المستشفى الممرضة : طيب مر جسار عليها خبرته بالمكان وصلوا للمكان المحدد جسار نزل الشباب في السيارة الثانية حتى ماينكشف امرهم وقال لهم يقفون بعيد لو احتاج لهم بيعطيهم رنة نزلة الممرضة راحة عند الحارس اللي عند الباب وكان معاه واحد الممرضة :السلام عليكم الحارس :نعم فيه شيء الممرضة : لا ما فية شي بس جبت علاج للمريضة اللي هنا نسيت اكتبة لها الحارس :خلاص اعطيني انا اوصلة لها الممرضة تفضل اخذ العلاج وطلع الحارس 2 :خير واقفه خلاص الممرضة : او نسيت شيء علاج في شنطتي الحارس2 :طيب هات اذا جاء صاحبي يوديه لها الممرضة :لحظة فتحت الشنطة قبل ما تخرجه فتحت الغطاء اول ما طلعتة بخت في وجهة وخدرت الرجال جسار بسرعة نزل من السيارة وسحب الرجال وربط يدة ورجلة وبعده ع الباب جسار : هات العلبة وارجعي السيارة بسرعة رجعت الممرضة اما جسار وقف جنب الباب حتى ما ينتبة له الحارس اذا نزل خرج الحارس وبسرعة جسار بخ في وجهة وربطة دخل جسار العماره وهو يمشي على مهلة شاف واحد واقف عند الباب اللي وصفتة الممرضة مشى بشويش حتى مايحس انه في احد خلفة وصل له وخدرة ونفس الطريقة ربط رجولة ويده دور للمفاتيح دخل يده في جيبة وفرح يوم لقاه فتح الباب :حاتم حاتم حاتم اول ما سمع الصوت فز وخرج بسرعة ضم اخوة :الحمد لله واخيراً جسار : انتم بخير حاتم :ايوه جسار :وين غيداء حاتم : في الغرفة جسار :طيب خذها بسرعة وانزلوا السيارة وحرك على البيت انا بتصرف مع اللي هنا دق على السباب واعطاهم خبر يجون ويطلعون الرجالين اللي تحت دخل حاتم لغيداء شاف كالعادة متكورة على نفسها وتبكي :غيداء قومي بسرعة نطلع غيداء :نطلع وين حاتم :غيداء بسرعه مافي وقت للكلام قامت غيداء مسك حاتم يدها ونزل للسياة شاف سيارتين عرف انهم الشباب ركب غيداء وصلوا الشباب حاتم :شباب نتقابل في البيت بطلع الحين الشباب : طيب شالوا الرجالين ودخلوا فيهم جسار : ثامر جيب موية وطشها عليهم راجح : وش بتسوي جسار :اصبر انت وبس شباب بعد السيارات من عند العمارة طلع جواله طلب سارة شرطة تجي لهم بعد ساعتين جاء ثامر بالموية صحوا الرجال هجموا كنان وراجح وثامر عليهم جسار : شباب خلاص اتركوهم طلع المسدس من جيبه الحين اللي ابيه منكم تعلموني لية خاطفينهم الرجال 1: والله ما ندري احنا عبيد مؤمورين جسار : طيب طلع جواله وقرب من واحد منهم حط المسدس على راسه :شوف قسم لو ما تكلمت لافرغ المسدس فيك ولا فكرت في اطلق شنب الرجال1 : والله لاقول اللي اعرفه جسار :انت تشتغل عند مين الرجال :عبد الكريم. جسار :حلو الاسم كامل الرجال :عبد الكريم الـ...... جسار :وين يشتغل الرجال : اعمال حرة جسار :طيب تعرف الرقم ذا ووراه الجوال الرجال :لا جسار :لا تكذب لا اطين عيشتك الرجال بخوف :ما اعرف جسار : اها قلت لي ما تعرف اطلق رصاصه على رجله صرخ الرجال بألم جسار :قلت لك جاوبني وما اضرك بس نتيجة تمردك رجع للرجال الثاني وكان يرتجف من الخوف جسار :وانت بعد ما تعرف الرجال 2 :الا اعرفه جسار :حلو مين الرجال2 :هذا اقرب شخص للمعزب جسار :طيب جوالك وين الرجال2: في جيبي طلعة جسار : الحين بدق علية وابيك تقول له يجي ضروري لو زدت حرف ولا نقصت مصيرك زي صاحبك الرجال2 :طيب دق عليه جسار ونفذ المهمة عند حاتم وغيداء غيداء فرحانه وماهي مصدقه بس مقهورة انها بترجع مو زي اول حاتم مبسوط واخيراً انفرجت حاتم :غيداء اللي صار لك لا يدري فيه احد غيداء بقهر :يعني الحين تعترف باللي صار لي حاتم :لا حول ولا قوة الا بالله انتي ليه ماانتي مصدقتني والحين اقول لا احد يدري لانه ماله داعي غيداء :اصلن ما بقول اخبرهم ان شرفهم ضاع حاتم :كيف اثبت لك غيداء :مو لازم وصلوا بيت منصور شاف سيارة ابوه موجودة ونزل نزلت غيداء بسرعه ومشت وهي شبة تجري دخلت البيت ماما بنات انا رجعت الكل سمع صوتها والتموا عليها فاطمة بنتي ضمت وهي تبكي وتبعدها عن وجهها وتطالع تشوف هي بخير وتضمها وجد وسديم راحوا وضموها مع امهم ماهم مصدقين فاطمة :انتي بخير غيداء : ايه ياماما بخير الحمدلله مريم وهي تبكي :خلاص اتركيها نسلم عليها اشتقنا لها فاطمة :ماني مصدقة يامريم بنتي رجعت لي مريم سحبت غيداء وضمتها بعدها تركت مجال للبنات لولوة يسلمون عليها فاطمة :تعالي يابنتي قولي لنا وش صار لكم مريم : انا بروح اشوف حاتم خرجت دانه وريم ورنا :استني ماما بنجي معاك مريم :هيا فاطمة : استني بنجي معاك انا ولولوة (معلومة طبعاً مريم ولولوة وفاطمة خوات تزوجوا بأخوان) دخل منصور ينادي :غيداء يا قلب ابوك وينك غيداء تجري وتضم ابوها غيداء ودموعها على خدها :اشتقت لك بابا منصور :واخيراً رجعتي لحضن ابوك ياقلبه غيداء :بابا احبك منصور ابتسم وفي نفس الوقت نزلت دموعه دموع فرح برجوع بنته اللي فقدها وكأنه دهر منصور :الحمدلله يوم رجعتي لي سالمة غيداء تدفن راسها في حضن ابوها وتشم ريحته حست بالامان في حضنة سحبها ابوها لغرفة فاضيه وجلس يطمن عليها نرجع عند جسار بعد انتظار دام ساعة شاف رجال وقف عند العماره جاء من وراه وحط المسدس على راسة ولا حركة قدامي على الشقة جاء الرجال بيلف بس ضربة جسار بالمسدس على راسة قلت ولا حركة مشى الرجال وهو ساكت على الشقة رماه جسار بين الشباب انقض علية راجح وهو يضرب فيه في كل مكان يطلع قهره فيه جسار :راجح وقف خلاص راجح :اسكت خلني اطلع قهري جسار : ولد كلنا مقهورين بس ما نصير مجرمين كنان اسحبه كنان كان وده ان راجح يخلص عليه بس عارف ان جسار بيطلعها من عيونهم تقدم من راجح وسحبة راجح ضرب الرجال في بطنه جسار :قرب من الرجال وطلع جواله :الحين الصور ما في نسخة منها الرجال وهو تألم من الضرب ولا هو قادر يتكلم هز راسة تفل علية جسار :ورنا مراجلك دق على الدورية :اطلع وخذ الحثالة من هنا وعلى طول على الحبس لين اداوم بعدها جات الدورية واخذت الرجال وطلعوا الشباب للبيت وصلوا الشباب سلموا على حاتم وتحمدوا له بالسلامة اطمأنت ارواحهم بعد رجوع حاتم وغيداء انسحبوا راجح ورائف وثامر وجابر حتى يشوفوا غيداء غيداء اول ما شافت اخوانها ارتمت في حضن راجح منصور :شباب خلاص لا تبكونها توها سكتت انا طالع انتبهوا لها غيداء مبسوطه في اخوانها كل واحد يضمها ويبوسها والثاني يسحبها من يده عند الرجال منصور :اسمعوا بكرة عشاء بمناسبة رجوع غيداء وحاتم لنا بالسلامة والحين كل واحد على بيته خلونا نرتاح فهد : افأ نعتبرها طردة منصور بضحكة من قلبة بعد ما قرت عينه برجوع بنته وولد اخوة :ههههههههههه لو ماني رايق كان وريتك قال طردة تبي تنام هنا حياك فهد : لالا خلني اروح بيتي وانا جنب زوجتي ابرك لي منصور :ههههههههههه تراك كبرت على ذا الكلام فهد : لا ما كبرت وش زيني شباب وانت لها كم سنة وتلحقني منصور :قلتها كم سنة فهد :اسكت بس خلني ادق عليهم قبل ما تطردهم الشباب مبسوطين شايفين الفرحة رجعت لهم دعوا في بالهم نها تدوم السعاده في قلوبهم هنا اتوقف عن كتابتة الجزء الاول من البارت السادس توقعاتكم للبارات القادمة \\ السلام عليكم ورحمة الله وبركاته متابعيني ابي تعليقات على البارتات مايصير كذا اكتب واحس ان ما احد يشوفها بنزل لين البارت العاشر بعدها لو شفت محد تفاعل معي بوقف | ||||
|  |
|
25-01-17, 11:12 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| همسه : إبتسم لحياتك .. وإبتسم لكل ماهو حولك .. وفكر في كل مايسعدك .. ولاتفكر في ما يقلقك فَ الأمل دواء .. والقلق عناء .. والتفاؤل رجاء .. ___________________ الجزء الثاني :البارت السادس. يوم جديد اطل على ابطال روايتي وهم فرحين لعودته ابنائهم الذين فقدوا البسمه والسعاده مع اختفائهم في بيت فهد: حاتم كان جالس مع وابوه كان يستفسر عن اللي صار فهد : الحمدلله ياولدي عدت على خير جسار : الحمدلله بس اكيد ما بيطلعون منها سالمين حاتم : اكيد خطف وكم متهمه معاهم اقل شي 10 سنوات جسار :اليوم العشاء عند عمي منصور فهد :ايه المغرب واحنا طالعين وانتم روحوا ساعدوا الشباب حاتم كان يفكر كيف وضعك الحين ياغيداء عارف اللي صار لكن مو هين ويخيلك ما تصدقيني ما فيه غير الحل اللي في راسي ما يهون علي اخليك تدمرين نفسك بالتفكير قطع عليه سرحانه ابوه فهد :حاتم في ايش تفكر حاتم : والله افكر في شيء وودي اطلبه منك وابيك تكلم عمي فيه اليوم فهد : عسى خير ابتسم حاتم على اهتمام ابوه :ابيك تخطب لي غيداء فهد بفرحه :تم ياولدي وخير ما اخترت بنات عمكم انتم اولى فيهم جسار ابتسم : اقول يالاخو شكلك تخرفنت ضحك فهد :دام تخرفن على غيداء يحق له ابتسم حاتم ؛جسار غمز له : شكل العلوم ضاعت رب ضارة نافعه قام حاتم وشمر اكمامه جسار : هههههههههههه حلفت ما تجي عندي والله ترجع مكانك رجع جلس حاتم :بس عشان حلفت ما ابيك تصوم فهد :ههههههههههههه لو انا منك كان ضربته وخليته يصوم فوقها ابتسم حاتم :لا حلف بربي لو ما حلف كان وريته دخلت امهم :يالله انك تحفظ لي ذا الوجيه الكل : امين ويخليك لنا حاتم اشر لامه بيده جنبه :تعالي هنا يالغاليه مريم :ابشر ياولدي فهد :أفا وانا اقول ما بتجلس الا عندي مريم :ههههههههههههههههه لا بجلس عند ولدي انت قدام وجهي 24س وولدي له كم يوم مختفي حاتم مبسوط مسك يد امه وباسها وباس راسها :اشتقت لريحتك يالغاليه وضمها امه تمسح على راسه :جعل عيني ما تبكيك ياولدي جسار :اقول يمه ترا انا وابوي غرنا يعني شوي شوي عليه تراه مو ورع حاتم :اقول مالك شغل انا ورع دام امي بتدلعني كذا مريم :اشوفك ما تقول كذا وانت عندي حاتم ببتسامه :اوه سكتوهم جسار :تمون الغاليه وتراه يا امي اسبوع وبيلاقي حضن غيرك وبيترك حاتم : اكون وقح لو انساها محد ينسيني دنيتي مريم :كأن اشم ريحة عرس ولا غلطانه فهد :خلوها لا تقولون لها خل حاتم ينفعك جسار صفر : هههههههههههههههه ابوي حقد فهد رماه بجواله :انكتم حاتم :ههههههههههههههههههه تستاهل جسار مسك جوال ابوه :لو مو جوالك كان خليته يطيح وينكسر فهد :هههههههههههههه ادري انك بتمسكه الا ما كان رميته ولو انكسر كان غرمتك وجبت جوالي جديد جسار :ابو النصب تمون يالغالي فهد :تعالي جنبي واقول لك السالفه قامت مريم جنبه ومسك يدها قرب منها وبهمس ما احد يسمعه غيرها :لو العيال مو موجودين كان وريتك اجل الدلع لعيالك بس مريم بنفس الهمس :اسكت بس محد تدلع علي كثرك حاتم : احم احم اقول ترا نعرف السالفه ما يحتاج كل الهمس ذا فهد طالع فيه :انت الحين وش دخلك عساني اجلس لين بكره كذا وش حارق دمك جسار :هههههههههههههههههههههههه� �هههههههههه نتف جبهتك حاتم ابتسم :والله بقوه مايرحم ما هقيت انه بؤنتفها كذا كان سكت جسار :هههههههههههههههههههههههه� �ههههه ابتسم فهد : ولدك يبني اخطب له غيداء مريم بفرحه بانت على وجهها : منجد حتوم فرحة حاتم لفرحة امه : صدق يا قلب حتوم مريم :الله يكتب اللي فيه الخير دخلت رنا على كلمتها وش فيه مريم :حاتم يبينا نخطب له غيداء رنا نطت جنب اخوها وباست خده :الله يوفقك يا اخوي منجد مناسبه لك حاتم :امين لو ما انتي فرحانه كان وريتك شغلك على ذا البوسه رنا :تعود ترا بتتزوج جسار اعجبته السالفه :منجد يبي لك تدريب لا تفشلنا عند بنت عمنا بعدين تقول ذا شكل اهله ما يحبونه ولا مدلعينه طالع حاتم في جسار :كبر على الفاضي يعني الحب ما يجي الا بالتبويس بعد اختك ذي كل ما شافتني باستني عناد رنا متعوده عليه قامت باسته :مابزعل عليك بس من حبي لك ضمها حاتم :ادري انك تحبيني وانتي عيوني ما تزعلين مني في بيت منصور : غيداء كانت جالسه في الغرفه لوحدها تفكر كيف اضحك وانا حياتي تدمرت كيف ابين للكل اني مبسوطه وامثل عليهم يارب ريح قلبي دخلت عندها وجد :شفيها اختي الحلوه انسي حبيبي اللي صار لا تخلينه واقع لايامك كلها احمدي ربي على اللي صار وان خرجتم سالمين منها ترا الدنيا ما تسوي غيداء في نفسها اه يا وجد جبتيها على الجرح اختك ما خرجت سالمه اختك اعتدوا عليها قطع تفكيرها دخول سديم :غيداء بابا يبغاك تحت غيداء :طيب نزلت غيداء لابوها :سم منصور :تعالي يا قلبي جلست جبنه بعد ما باست راسه كعدتها اذا دخلت على ابوها وامها لازم تبوس راسهم احترام لهم منصور :اليوم بنسوي عشاء زي ما انتي عارفه خاطرك في شيء تبينه ناقصك شيء غيداء :لا سلامتك بابا منصور :اكيد غيداء :اكيد منصور :اجل انا بروح بس قلت بشوف ماتبين شي غيداء :ربي يخليك تاج فوق روسنا منصور باس بنته على راسها وطلع في الليل الكل اجتمع في بيت منصور عند البنات: رنا كل شوي ترمي دقه لغيداء وهي تسلك لها والبنات مستغربين من نغزات رنا سديم :بنات اسمعوا صاحبتي مي تبيني اروح عندها البيت بتسوي حفلة تخرجها لمياء :سدومه بلاش منها انتي عارفه اهلنا وش سووا لولد عمها وعارفه مشكلتهم يعني من البدايه لا تعشمينها سديم :طيب لين متى هي وش ذنبها عشان ولد عمها ريم : ولو بس ابعد عن الشر وغني له سديم :والله انحرج منها كم مره ارفض اروح عندها انا بكلم بابا وبفهمه انه هي مالها دخل مو عشان ولد عمها حكموا على العايله كامله غيداء :طيب قولي لبابا وحاولي فيه سديم :خير ان شاء الله دخلت لولوه على البنات :متى تفرح عيني بشوفتكم عرايس وكل واحده في بيت رجالها البنات طالعوا فيها ومبتسمين لولوه :طيب احد يقول امين اقنعوني انكم ما تبون تعرسون رنا :امييييين امين سديم :هههههههههههههههههه من قلب وانا بعد امييييييين من بؤك لباب السماء لولوه : ههههههههههههههههههههه انتم بدري عليكم رنا : لا وين بدري لولوه :تعالي يامريم اسمعي بنتك مشفوحه على الزواج رنا نقزت عند لولوه :خالتي اسكتي لا تخربين سمعتي عند امي البنات فكوها ضحك على رنا عند الشباب رائف :اقول حتوم ما كأنك مبالغ بكشختك درينا العشاء عشانك بس تقول انك عريس حاتم ابتسم من قلب :شبه ذلك رائف :وش تقصد حاتم : اص بتعرف لا تستعجل رائف تحمس :حتوم حبيبي قول طالع فيه بنص عين : لا تحاول تعرفني رائف : اعرفك مالت عليك من ولد عم حاتم : ههههههههههههههههههههه احلى شي لا حرفت اعصابك رائف : خلني اقوم خلني اقوم عند كنان ابرك لي حاتم وهو مبتسم : الله معاك والقلب داعي لك رائف : بالله انطم حاتم : ههههههههههههههههههههههههه ه الكل طالع له مستغربين من ضحكه فهد ابتسم : ما عليكم منه لا تشرهون اليوم عليه رائف تحمس عشان عمه هرج : اقول ياعم حتى كشخته مبالغ فيها وش عنده فهد :تبي تعرف رائف :ايوالله ولدك قاهرني رافض يقول لي فهد : اجل لا اسمع حس وانت يقصد حاتم تعال جنبي الكل سكت ويطالعون في فهد فهد : احم اقول اخوي منصور ماله داعي الرسميات واحنا دايم مسنترين عند بعض منصور : خير وش افهم منك فهد ابتسم :نبي بنتك غيداء لحاتم منصور : اقول اطلب زين وبعدها افكر ارد عليك حاتم : لالا ياعمي ابوي عشان يمون عليك منصور :اص انت فهد ضرب حاتم بخفيف : اسكت عمك يطقطق عليك منصور :ههههههههههههههههههه والله ولدك واحد من عيالي واتمنى له الخير وهو رجال وينشد الظهر فيه وما بأمن على بنتي مع احد غيره كثره حاتم : تسلم ياعمي وان شاء الله ما اخيب ظنك فيني منصور ابتسم :هذا مو معناته اني وافقت ترا مو عشانك ولد اخوي بوافق لازم رأي بنتي حاتم :اكيد ياعمي وانا ياعمي متقبل اي قرار منها راجح :بما انه حاتم خطب وفتح الموضوع طبعا انا فكرت من زمان صح ما اعطيت ابوي خبر وعارف انه ما بيرفض توجهت الانظار عليه بعد ما كانت على فهد وحاتم ومنصور راجح انحرج عشان ابوه مستغرب بس تشجع وكمل :وبصراحه دام حاتم يبي يتزوج تكون الخساير واحده ابي اطلب منك ياعمي ناصر يد بنتك لمياء منصور استغرب ليه ما طلب يد فاتن اكبر من لمياء صغيره عليه بس سكت دام رغبة ولده ناصر : والله ياولدي اني اتمانك لواحده من بناتي والحمدلله انك مار حت بعيد والله يكتب اللي فيه الخير كنان : حركات ما فيه احد بعد رائف : ههههههههههههههههه مزاد هو ناصر :اقول تلحلح انت وهو واخطبوا بس فالحين تطقطقون نايف : ههههههههههههههه تسكيته ناصر لف له :قلك انت طالع منها نايف : والله انا عمري 27 سنه بس هم صكوا الثلاثين وفكرة الزواج تحت الدراسه جابر : ليه اختبار هو نايف : لا والله بس عشان اقتنع الحين احس فيه اشياء اهم جابر : اللي اشوفه انك الحمدلله متوظف وكل شي جهاز بس اشاره منك نايف : طيب حتى انت نفس وضعي جابر : خلاص خلاص قفل السالفه نايف ضحك عارف انه ما يفكر اساسا في الزواج _____________________ بكذا انتهى الجزء الثاني توقعاتكم للاحداث القادمه | ||||
|
| |
|
06-02-17, 08:37 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وأذكِرك بالأستغفار في كل حين؛ قال ابن تيمية ـ رحمه الله ـ : "إنه ليقف خاطري في المسألة التي تشكل عليّ , فاستغفر الله ألف مرة حتى ينشرح الصدر و ينحل إشكال من إشكال , و قد أكون في السوق أو المسجد أو المدرسة لا يمنعني ذلك من الذكر والاستغفارإلى أن أنال مطلوبي. وكان الحسن البصري يقول: أكثروا من الاستغفارفي بيوتكم، وعلى موائدكم و في طرقكم و في أسواقكم و في مجالسكم فإنكم لا تدورن متى تنزل المغفرة وقالت السيدة عائشة رضي الله عنها زوج رسول الله صلى الله عليه و على آله و صحبه وسلم (طوبى لمن وجد في صحيفته استغفاراًكثيراً) وقال ابن الجوزي (إن إبليس قال : أهلكت بني آدم بالذنوب و أهلكوني بالاستغفار و بـ (لا إله إلا الله) فيا من مزقه القلق ، و أضناه الهم، وعذبه الحزن.. عليك بالاستغفار فإنه يقشع سحب الهموم ويزيل غيوم الغموم..! و هو البلسم الشافي ، و الدواء الكافي.. ___________________________ البارت السابع : / بينما كان الكل مبسوط كان ثامر يجامل بس كان يفكر في نوف كان ندمان على اللي سواه حياتهم مو مستقره والسبب تسرعه كان يطقطق على الجوال بدون هدف جابر : ثامر فيك شيء ثامر : لا بس تعبان ما نمت زين جابر : الحين نتعشاء بعدها لا يردك الا السرير ثامر :اكيد اصلن ماني مشتهي شكله بعتذر واطلع جابر : اجل اذا مره اطلع وريح قام ثامر : انا استأذن والله تعبان ونفسي مسدوده عن الاكل منصور : العشاء الحين ياولدي بيجيبونه ثامر : والله مالي نفس ولو جلست ماباكل منصور : اجل الله يحفظك طلع ثامر وهو مهموم دخل البيت حس انه بيزيد همه خرج وركب السياره جلس يلفلف في الشارع بدون هدف مرت ساعتين وقف على جنب رجع راسه على ورا وغمض عيونه اه يانوف صح غلطت بس والله اني حبيتك وادري جرحتك بس الظاهر ما بتنسين اللي صار طلع جواله كتب مسج " برد الشتاء عليه مقدور ، بس المشاعر وش يدفي شتاها 💜" عند نوف سمعت نغمة جوالها على بالها ثامر بيقول لها تلحقه البيت شافت الرساله كتبت رد وارسلت بدون تردد ثامر وصله المسج على طول فتحه بس انصدم باللي فيه وش قصدك فيه يانوف رجع يقرأ وهو يركز في كل حرف " ترى اللي غلاته غير تاتي طعونه غير علامات سكينه مع الوقت ما تبرى ..!" كتب رد "نوف انا مو راجع البيت اذا تبين تنامين عند اهلك نامي " نوف "وين بتنام" ثامر "ما ادري متى ارجع" نوف "وينك طيب" ثامر "في السياره جالس افرفر تبين شيء" نوف "طيب انتبه لنفسك سلام" ثامر "سلام" في بيت ناصر : دخل كنان :السلام عليكم البنات :وعليكم السلام كنان : اوه نوف عندنا وانا اقول البيت زايد نوره نوف : تسلم حبيبي كنان :وينه ثويمر تاركك على باللي طلعت معاه نوف : لا هو قالي اقعد هنا كنان : ما كلمتيه شفتي كيفه نوف استغربت كلامه : ليه فيه شيء كنان حس ماله داعي يمكن ثامر مايبي يقلقها معاه : لا بس كان تعبان شوي وطلع قبل ما يجي العشاء نوف : يعني طلع من زمان كنان :ايوه تعذر من عمي وطلع نوف : ما قال لي انه تعبان كنان : لا هو بس كان مصدع قامت نوف تبي تروح البيت وتكلمه برحتها : اجل بطلع البيت كنان :لا تلقينه الحين نايم اكيد ما قال لك يبيك تنبسطين معاهم نوف عرفت انه قال لهم بيطلع البيت : لا بروح اشوفه يمكن محتاج شيء هنادي : اوه علينا اجلسي ما شبعنا منك نوف : بجيكم بكره استأذن الحين كنان :تبيني اطلع معاك نوف :من بعد البيت يعني كلها خطوتين كنان طالع في الساعه : الساعه الحين 3 حتي ولو البيت في البيت هذا ما يعني اني اخليك لوحدك نوف : طيب يالله يابنات مع السلامه لبست عبايتها وطلعت وصلها كنان لين عند الباب : ما اشوف سيارة ثامر لا يكون تعب وراح المستشفى نوف ماتبي تقلقه : لا حبيبي هو كلمني وطلع يلفلف كنان استغرب الاثنين ماهم طبيعيين وثامر شكله كان يكذب : فيكم شيء نوف : لا كنان : بمشيها لك الا واضحه الله يهديكم معاك مفتاح نوف : ايوه كنان : طيب انتبهي لنفسك نوف : خير ان شاء الله فتحت الباب طلعت غرفتها وبدلت ملابسها شافت كل شي زي ماهو طلعت جوالها بتدق عليه ترددت تذكرت اللي صار بينهم اليوم وانقهرت من نفسها صارت عقدتها ذاك اليوم ولا هي قادره تتخلص من شعورها ذاك اليوم ولا قادرة تنسى الايام اللي عاشتها في رعب خوف الحمل وخوف الفضيحه صح سامحته بس ماهي قادرة تتغلب على احاسيسها تشجعت ودقت مارد رجعت تدق على اخر رنه رد وصوته كله نوم ثامر : الو نوف : وينك اخذ نفس قوي حست فيه : في البيت نوف : انا في البيت وينك ثامر : ليه رجعتي مو قلت لك نامي عند عمي ما برجع نوف : تعال البيت استناك ثامر : نوف انا تعبان خلينا نبعد شوي عن بعض من يوم اجتمعنا واحنا تحت ضغط نوف : طيب تعال البيت وارتاح السياره تعب عليك ثامر : طيب بعد مرور ساعه وصل ثامر البيت جلس في الصاله مافيه حيل يطلع ويقابلها عارف نفسه مايقدر يكبت اكثر من كذا حركتها امس قهرته حس انه ولا شيء بالنسبه لها عرف ان اليومين اللي فاتت كانت بس تجامل لا اكثر وان اختفاء غيداء وحاتم في صالحها لانهم طول الوقت عند اهلهم وان اجتمعوا لوحدهم مو اكثر من ساعه او وقت النوم نوف حست فيه ونزلت شافته جالس ومهموم بقووه نوف : ثامر رفع راسه طالع فيها ثم نزل راسه نوف جلست قريب منه : عارفه ان مالك نفس تتناقش معي بس بقول اللي في خاطري لك ثامر : مانبي نجرح بعض اكثر نوف : طيب اسمعني واذا حسيت ان بجرحك في الكلام قولي اسكتي وابشر ما راح اكمل ثامر : دام ذي رغبتك قولي اللي عندك بسمعك نوف : ثامر انا ردت فعلي امس طبيعيه ما كان قصدي ان اخاف منك زي ما فهمتني انا لو اخاف منك ما جلست معك في نفس الغرفه انا واثقه فيك ثامر : اللي اتضح لي انك ما سامحتيني عارفه وش يعني كل ما ادخل عندك تخرجين انتي كانت فرصه لك اختفاء غيداء وحاتم كنت جنبي تهديني عارفه اني مارح اقرب منك وانا مهموم ووضعنا ما تصلح كنت تأدين واجبك كزوجه لازم تهتم في زواجها وتخفف عنه بمجرد مارجعت المياه لمجاريها وشفتيني خلاص ارتحت صار وجودي غير مرحب فيه اهم شي اكلي موجود وملابسي جاهزه اغراضي مرتبه فهميني هذا كله ليش ما تبيني ابشري ماراح اقرب لك ابد ووعد ماالمس فيك شيء اذا هذا اللي ودك فيه بس لا اشوف تهربك من تواجدنا مع بعض نوف انصدمت من كلامه فهم انا تتحاشي الجلوس معاه في نفس المكان بس اللي ماهو فاهمه انها ما تبي تجلس معاه في نفس المكان عشان خايفه تضعف هي تحبه من قبل اللي صار و اللي صار غير افكارها كلها وخايفه تكتشف اشياء فيه تصدمها وتزيد نفورها منه ثامر : اشوفك سكتي افهم ان كلامي صح نوف : لا وماني خايفه منك ثامر : اجل فهميني صححي اللي انا فاهمه غلط نوف : اذا فهمتك وعرفتك زين فهمتك ثامر : ليه غريب عنك نوف : افعالك خلتك غريب طالع فيها تأمل وجهها : ما سامحتيني اجل نوف طالعت في عيونه شافت فيها الندم والقهر : صدقني سامحتك بس خايفه ثامر طالع فيها بستغراب : وش اللي مخوفك قربي نوف : كان قربك بالنسبه لي حلم ثامر يبي يفهم اكثر : صار واقع ؟! نوف فهمت قصده من السؤال : صدقني انه صار واقع وواقع مر ثامر : يعني افهم انك كنت تمنيني زوج لك نوف حست انها بتغلط لو اعترفت له خايفه يفكر فيها الشين وان عقليته دقه قديمه عندهم الحب عيب ثامر : صعب السؤال نوف : لا مو صعب. الصعب انك تجاوب وماانت فاهم اللي قدامك كيف تفكيره ولوين بيروح ثامر : اجل عقدتك بفعلتي صدقيني يا نوف انا انسان غيور وغيرتي شينه ومجرد مااستوعب اكون خبصت الدنيا صح غلطت بفعلتي معك وقهرتك وندمت وحسيت اني ولا شيء بس احلى غلط دام جمعني فيك نوف : ثامر انا اللي ابيه وقت هز راسه ثامر : لك الوقت اللي تبينه يا بنت عمي واعتبرينا فتره خطوبه الفرق انك عندي اما بالنسبه لغرفتنا فهي مشتركه صعب ان احد يشوف وضعنا عندك اعتراض نوف : حلو وانا موافقه بعتبر انه ماصار شيء وان شاء الله اقدر انسى ابتسمت نوف بس ها تسوي لي زواج بعد م انسى ضحك ثامر بتعب واشر على خشمه : تم وقفت نوف ومدت يدها له تبي تغير جوه وتنسيه اللي صار مهما صار بينهم هي زوجته ومن واجبها تخفف عنه وقت ضيقته وهي عارفه ان ضيقته من اللي بينهم هي مو زعلانه متخوفه من تفكيره وتسرعه ثامر مسكك يدها وسحبها باس خدها : اتمنى تنسين قريب ويتعدل وضعنا دفته ببتسامه : اممممممم ترا كنت ابيك تقوم مو تبوسني غمز ثامر : لابد من ذي الحركات وقت الملكه يعني تعودي سرحت فيه انت طيب يا ثامر وحنون وهذا اللي خلاني احبك قبل اللي يصير بس ان شاء الله انسى انا يبي لي وقت ثامر لوح بيده قدامها : وين وصلتي نوف : قوم ننام ثامر عرف انها ماتبي تقول تركها براحتها دام وعدها يعطيها فرصه : يالله وانتهى هذا اليوم بكل ما فيه من مواقف اليوم الثاني في بيت منصور " منصور : انا ما بكلمها عارف انها بتنحرج مني بكلفها لكم ياعيال من يكلمها راجح : خلاص انا بكلمها وقف وطلع لغرفة البنات دق الباب سديم بصوت عالي : ما نستقبل احد راجح بجديه : اقول بدخل بس فتحت سديم الباب وتخصرت : نعم ممنوع دخول الشباب مسك اذنها : ترا انتي بتخرجين الحين ولا ابي اشوف وجهك غيداء صاحيه سديم : يا سلام الحين جاي غرفتي وتطردني راجح : سدومه حبيبي ابي اكلم غيداء في موضوع نادي وجد واطلعوا سديم شافت جديته وما فيه مجال للمزح : تفضل وجد امي تبينا خرجت بعد ما خرجوا البنات دخل حاتم وجلس على سرير غيداء طالعت غيداء فيه : اهلين حبيبي وانا اقول ليه الغرفه منوره راجح باس راس اخته : كيف عيون اخوها ابتسمت : عال العال ياربي لك الحمد دام انتم قدام عيوني وبصحه وعافيه راجح : ياجعلني فدا لذا الوجه غيداء : فديت من تفداني راجح : غيداء حبيبي ابي اكلمك في موضوع ماابيك تنحرجين مني لان هذا الشيء لا بد منه وانت تعرفين مصلحتك غيداء شدها كلامه : طيب تفضل راجح : حاتم ولد عمي امس في الليل طلبك من ابوي وحاتم معروف اصله وفصله وانسان محترمه وينشد الظهر فيه رجال وما عليه كلام ابيك تفكرين بنعطيك مهله من اسبوع لاسبوعين استخيري وفكري على مهلك واحنا عندك 4 اي سؤال في بالك لا تترددين ولا تخافين غيداء رفعت راسها ونزلت دموعها : بس ما ابي اتزوج ضمها راجح : ليه وش ناقصك وانا متأكد ان اللي بياخذك بتسعدينه وسنك مناسب للزواج وعمر حاتم مناسب لك ومااظن حاتم بيظلمك معاه فكري واستخيري واعطيني قرارك والله يسعدك وانا اخوك طلع راجح من عندها وتركت المجال لدموعها تنزل براحتها ليه ياحاتم خطبتني وانت عارف وش اللي صار لي دخلت وجد الغرفه : غيداء اشبك قامت غيداء بسرعه وضمتها وجلست تبكي وجد : بنت اشبك خوفتيني غيداء : حاتم خطبني وجد : طيب وش المشكله ليه البكى ذا كله غيداء : ما انتي فاهمه شي وجد : طيب استهدي بالله روحي غسلي وجهك وتعالي فهميني هزت راسها غيداء حست انها محتاجه تفضفض لاحد ويرشدها قامت حاولت تهدي نفسها غسلت وجهها وتوضت عشان ترتاح خرجت وجد : ها احسن هزت راسها وجلست جنب وجد غيداء : انا صار لي شيء دمرني وجد : صار بينكم شيء انتي وحاتم غيداء : لا صار لي انا وجد بخوف : اش اللي صار وليه ما قلتي بدت غيداء تحكي لها ودموعها ماوقفت وجد شاركتها في دموعها حست بكبر اللي صار لاختها وجد : بس حاتم قال انه ما صار لك شيء وكله بس عشان يخوفونك غيداء : واللي شفته والحين خطبني اكيد شفق علي وجد : شوفي حبيبي في كل الحالتين مصلحتك وحتى لو اللي توقعتيه صح حاتم عارف اللي صار لك احسن من انك تتزوجيني واحد ثاني ويظلمك وحاتم شهم ورجال ماظنتي بيظلمك فكري وصلي لك ركتعين وادعي ربي يوجهك للي فيه خير لك غيداء : ان شاء الله في بيت ناصر" اسمعي يابنتي راجح خطبك مني وغني عن التعريف رجال والنعم فيه لا تخافين من فارق العمر وفكري خذي الوقت اللي يعجبك وخرج ابوها لمياء في نفسها موافقه على الرجال اللي تقول عنه يابوي وليتك تعرف بسواته فيني كان ماقلت رجال مر اليوم عادي بدون اي احداث تذكر غير ان لمياء وغيداء يفكرون بالموافقه او الرفض اليوم الثاني كالعاده تجمعوا في بيت الجد جابر يدور مناقر طفشان ويبي يتسلى : اقول عيال ما تلاحظون حاتم وراجح ذا اليومين شايفين انفسهم علينا فادي غمز له : والله انا ملاحظ بس ساكت هقوتي عشان خطبوا تكبروا راجح طالع فيهم وابتسم وطنشهم حاتم : اجل اذا وافقوا البنات معاد بنسلم عليكم دق ايده راجح : ههههههههههههههههههه يبي لها والله فادي : قال ميتين عليكم بس التواضع يمدحونه ترا عادي حتى احنا نقدر نخطب ونتزوج قبلكم بعد جابر : اقول ترا حركات نص كم مو عندنا قسم اعلم جدي ثامر تحمس : انا تزوجت ما سويت سواتهم حاتم : ايه واكبر دليل دايم ساحب علينا ثامر : على الاقل سحبت معذور عريس لكن انتم توكم خاطبين ونافشين ريشكم حاتم : اقول انطم ثامر يلعب بحواجبه : ترا العروس اختي افر راسها بكلمتين عنك ترفضك حاتم : ههههههههههههههههههههه نذل بس اتزوجها اخليها تقطعك ثامر : اتحداك دق جوال ثامر طالع ورد وقطع حديثهم ثامر : ارحبي نوف : اهلين ثمور ثامر : امري تبين شي نوف : ايه نبي نطلب اكل من كذا مطعم ثامر : ابشري اكتبي طلباتكم وارسلوها نوف : طيب كثير ويبي لي افهمك ثامر : طيب تعالي معاي نوف : طيب الحين البس انا وغيداء ونطلع ثامر : انتظركم في السياره سلام قفل والتفت للشباب : البنات بيطلبون عشاء تبون شيء الشباب : نبي من مطعم ....... حاتم : بجي معاك اكيد كثيره عليك ثامر : طيب قوم طلعوا السياره وشوي خرجت غيداء ونوف قربوا من السياره شافت حاتم تمنت انها ما جات وطلعت واحده من البنات بدالها سمت بالله وركبت خلاص معاد فيه مفر البنات : السلام عليكم ردوا الشباب حاتم عرف انه صوتها تمنى انه يكلمها ويعرف رأيها بالموضوع بس صعب بوجود ثامر ونوف قطع تفكيره كلام ثامر : الحين كذا مطعم انتم تبون منه صح نوف : ايه نبي من كذا مطعم وذكرت اسمائها ثامر : طيب نوف بنزلك قسم النساء تطلبين وانا بمر وبحجز طلب الشباب وانزل غيداء تطلب بعدين نروح انا وحاتم ناخذ طلب الحريم ونرجع لكم طيب نوف وغيداء : طيب وصل ثامر نوف ونزلت تطلب بعدها مر المطعم يبي يحجز حاتم بمجرد نزول ثامر تكلم بسرعه : غيداء ابي رقمك ضروري ابي نتكلم في موضوعنا غيداء توترت : ليه في شيء حاتم : لا ما فيه شيء والحين مايمديني اتكلم عطيني الرقم قبل ما يجي ثامر صدقيني في كلام لازم تعرفينه غيداء : طيب 05.......... سجل حاتم الرقم واخذوا الطلبات ورجعوا للبيت وغيداء خايفه انها غلطت يوم اعطت حاتم رقمها بس برضه مشغول بالها تبي تعرف وش يبي منها / البارت انتهى وان شاء الله خلال هذي اليومين انزل البارت الثامن التعديل الأخير تم بواسطة لامارا ; 06-02-17 الساعة 11:02 AM | ||||
|
| |
|
20-02-17, 11:38 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "همسه" ،، لا إله إلا الله .. أجمل العبارات إن ضاقت الكربات ،، لا إله إلا الله .. إن زادت الآهات واشتدت الأزمات ،، فاللَّهم يافاطر السَّماوات ، وكاشف الظُّلمات ، ارزقنا نطقها عند الحاجات ونجنا بها بعد الممات ________________________ البارت الثامن & في بيت الجد : بعد العشاء رائف : يالله انا استأذن وراي بكره اجتماع مع وفد اشوفكم على خير الشباب : في حفظ ربي مر رائف من عند اعمامه وجده وسلم عليهم وطلع يوم خرج شاف غيداء تكلم جاء في باله يتمنذل فيها مشى بشويش لين وصل عندها حط يده على عيونها شهقت بقوه وفكت الجوال ضحك رائف كان كل هذا المنظر يشوفه شخص وواقف يبي يشوف النهايه ضمها رائف يبي يهديها بعد ما خوفها : بسم الله عليك انا رائف دانه بصوت فيه الخوف ونزلت دموعها : فكني رائف استغرب الصوت وفكها بسرعه : انا اسف على باللي انك غيداء لف رائف بسرعه وهو منزل راسه عشان تروح : روحي بسرعه بس انصدم وهي حست الدنيا ضاقت بها يوم سمعوا صوته : وقف انت وهي ماشاء الله اجل عندك اجتماع من بدري رائف : جدي مو زي ما انت فاهم الفيصل : ولا حرف دام انك تبيها اطلبها بالحلال ما بنقول لك لا دانه تحس ان لسانها وكل جزء فيها انشل ولا هي قادرة حتى تتنفس زين رائف : جدي والله احسبها غيداء الفيصل : لا يا شيخ اختك ما تعرفها اجل. المشكله انك رجال طول وعرض ولا كان عرفت اتصرف معك وهي مو بزر واعيه وفاهمه تعرف الحلال والحرام هذا اللي شفته وما خفي اعظم دانه ما قدرت توقف اكثر وجلست بنهيار الفيصل : اسبوع اسمع خبر خطوبتكم وانتي خليني اسمع رفضك انقلع عن وجهي رائف كان بيعترض بس تكلم الجد : رائف انقلع عن وجهي قلت وكلامي يتنفذ من فوق خشمك يأس رائد وتحرك من مكانه وهو مقهور ركب سيارته وحرك على البيت عند الجد ودانه الفيصل : قومي واتركي عنك الحركات ذي عمايل يدك هذا اللي جنيتيه دانه بدموع : والله ياجدي ما سويت شي لا تظلمني الفيصل : هي كلمه ورد غطاها بيطلبك رائف من ابوك وهو ما يشوف الدرب وانتي كلمه وحده تنطقينها موافقه وملكتكم مع العيال اذا وافقوا البنات وكلمه زياده ماابي والحين ادخلي قبل ما يخرج احد وان طلع الموضوع عنا الثلاثه لي تصرف ثاني معكم قامت دانه وهي تجر الخيبه والظلم معها دخلت البيت تمنت انها ماجات من الاساس شافتها فاتن : دانه اشبك ضمتها وجلست تبكي وتشاهق قلبها يوجعها وتحس بحرقه من الظلم ماهي قادره تبلع ريقها تحسه نشف وحلقها يوجعها غصه مؤلمه اللي صار كبير عليها وجدها حكم وانتهى ولولا ان الكل بيصدقه الا كانت اعترضت فاتن : دانه اشبك ياقلبي قولي لا اله الا الله احد صار له شي دانه كل ما سمعت فاتن تتكلم تبكي اكثر فاتن : دانه تكلمي معاد فيه صبر دانه خافت ان احد يشوفها وجدها يتكلم : صاحبتي ماتت فاتن : ادعي لها حبيبي بالرحمه هذا يومها وكلنا على هذا الطريق روحي صلي لك ركعتين صدقين بترتاحين دانه راحت تصلي ودعت ربها انه يهدي جدها بعد ما خلصت هدت شوي وراحت عند امها : ماما متى بنمشي مريم : اشبك حبيبتي دانه حست بالغضه ترجع لها من حنان امها بس تماسكت : تعبانه ابي ارجع البيت مريم : خلاص الحين اكلم ابوك ونطلع رجع الكل بيته تعالوا نشوف حال ابطالنا بعد ماتوجهوا لفراشهم *رائف : ليه ياجدي خربت كل شيء كنت ابيها بس مو اجبار نقصت من فرحتي وفرحتها لو كان كل شي طبيعي *دانه : يارب ان كان فيه خير لي تمم لنا وان كان شر لي ابعده عني ويسر لي امري مع جدي يارب صح انه تعجبني شخصية رائف بس مدري حياتنا بتبدأ بظلم اه الحمدلله على كل حال *راجح : بظلمك معي يا لمياء مانسيتهم ولا لحظه كيف بعيش معك وقلبي وعقلي متعلق فيهم عارف ان نظرتك لي مو حلوه بس شسوي كل شي صار بسرعه لعل وعسى في امرنا خير * لمياء : كسرتني ياراجح وخليتني احقد وانا مااعرف الحقد عيشتني رعب واجبرتني عليك عشان ماضي مالي دخل فيه كله خوف اخبر احد طيب لو ما ماتوا كان بتعترف ولا بتخليهم سر هه عمي غلط يوم خلاك تسافر لعبت بذيلك لكن هين *غيداء : وش تبي مني يا حاتم خليتني على اعصابي عند حاتم كان ماسك جواله ومتردد يرسل ولا لا اخاف ارسل ويكون الوقت غلط بتوكل على الله دخل الواتس ودخل على رقمها "السلام عليكم كيفك غيداء " غيداء سمعت نغمة الواتس وفتحته شافت رقم غريب حست انه حاتم لانه شخص يعرفها "وعليكم السلام مين معي" حاتم "انا حاتم" "كيفك" غيداء "الحمدلله وانت" حاتم "الحمدلله" غيداء "حاتم وش تبي" حاتم "اكيد مستغربه ليه خطبتك؟!" غيداء "اكيد شفقان" حاتم "هذا اللي كنت خايفه منه" غيداء "وش قصدك" حاتم "قصدي خطبتك رغبة في نفسي مو شفقه" غيداء "طيب ليه وانت عارف وش صار لي" حاتم "لاني ابيك" غيداء "من متى تبيني يوم خطفوني ودمروني" حاتم "صدقيني اني خطبتك عن قناعه انك مناسبه لي ولا همني شي صار حتى ولو انتي مالك يد فيه غيداء انتي دخلتي قلبي ببرائتك ولو اني شفقان ما كلمتك الحين ووضحت لك غيداء انا ابيك زوجه لي وام لعيالي وصدقيني موافقتك علي بتسعدني" غيداء قلبها يرجف من التوتر ومن كلامه ما عرفت وش ترد عليه صارت تكتب وتمسح حاتم ابتسم عرف ان كلامه احرجها ولاهي عارفه ترد كتب لها عشان مايوترها زياده ويتركها تفكر في كلامه "اخليك الحين وان شاء الله تفرحيني بموافقتك وبعدها فيه الف حل ولو ماوافقتي ربي يسعدك استودعتك الله" غيداء تنفست براحه يوم انهى النقاش وحمدت ربها لانها ماعرفت ترد على كلامه حاتم حس براحه يوم وضح لها انه ماخطبها شفقه هذي البدايه ولو وافقت بيوضح لها كل شي وان محد قرب منها مااقول غير الا الله يقدرني واسعدك اليوم الثاني : كنان طلب حاتم وابوه واعمامه وجسار وتجمعوا عنده في مكتبه الحين رفعنا قضيه خطف وسووا تحقيق معاهم بسألكم تعرفون عبد الكريم ال.......... فهد : اي يالكلب اكيد نعرف ذا النذل كنان : وش صلة المعرفه ناصر : سالفه قديمه مايحتاج نفتحها كنان : اللي قاله الرجال انه كان يبي يدمر سمعتكم ناصر : شيء متوقع منه بس خلوه يخيس في السجن لانه الظاهر عمره ما بيتعدل كنان : عموما الخطف فيه سجن وجلد وغير رفع السلاح على جسار لفقناها لمصلحة جسار لانه استخدمه برا عمله اكيد بتزيد من الحكم حاتم : يستاهل مهما صار ما يلجأ لذا الحركات مابتضرر غيره منصور : الحمدلله اهم شي عدت على خير حاتم ابتسم تذكر اللي صار صح انه ضرهم بس نفعهم لانه من يومها وغيداء في باله ووده انه عبدالكريم ورجاله يتعذبون اكثر من كذا بس مايقدر يقول شي لانه فيه ضرر كبير لغيداء اليوم اللي بعده قرر رائف يكلم ابوه يكلم عمه ويطلب يد دانه رائف : يبه ابيك تخطب لي دانه منصور : طيب متى تبي مع العيال ملكتك لو وافقوا البنات ولا بعدهم رائف : لا ابيها معاهم منصور : طيب الله يوفقكم ياولدي اجل بكلمه الحين طلع جواله وكلم فهد فهد فرح اثنين من عياله في يوم واحد بيفرح فيهم راح لدانه فرحان واعطاها خبر وقال فكري براحتك وقرارك ابيه مع البنات عشان الملكه تكون سوا بعد مرور اسبوع البنات اعلنوا موافقتهم الكل فرح سووا تحاليل بواسطه طلعت في نفس اليوم واتفقوا على موعد الملكه بعد اسبوعين الكل انشغل في الترتيبات والبنات يجهزون وكل يوم واحد يوديهم السوق مرت الاسبوعين في غمضة عين يوم الملكه بعد توجه الكل للقاعه عند الشباب حاتم ورائف مبسوطين لاخر درجه صح ان كل واحد له ضروف بس مهما كان هذا اليوم بتتغير حياتهم وان شاء الله للاحسن اما عند راجح الوضع مختلف كان يمثل الفرحه قدامهم بس من داخله ندم على ارتباطه في غير زوجته خايف يظلم البنت معاه عند البنات ما تركوا اغنيه الا ورقصوا عليها من فرحتهم بهذا اليوم اما عند العرايس الوضع مختلف لمياء خايفه من المجهول غيداء تحس بالنقص وهذا اللي مخرب فرحتها اما دانه مابين وبين تحس بالراحه بس مقهوره من حكم جدها وظلمه دخلت لولوه عند لمياء : الحين راجح بيدخل يتصور معك بعدها الزفه لمياء بصوت باين فيه الخوف : ماما خايفه لولوه : شيء طبيعي حبيبتي بس سمي وبعدين انا بجلس عندك لين وقت التصوير دق جوال لولوه ناصر : شوفي لنا الطريق احنا عند الباب لولوه : طيب دقايق سلام ناصر : سلام التفتت للمياء : قولي اذكارك وهدي اعصابك كلها دقايق ودخل راجح وابوها واخوانها لمياء بس حستهم نزلت راسها وارتجف جسمها من الخوف تقدمهم ابوها : مبروك ياقلب ابوك لمياء وقفت و بصوت يادوب واصل لابوها : يبارك فيك قبلها ابوها على راسها وكذا سووا اخوانها تقدم راجح وهنا لمياء تمنت انها تختفي من الخوف والاحراج دقات قلبها واضحه للكل قرب منها راجح : سلام بمجرد نطقه للكلمه طاحت دموعها انتبه كنان لدموعها راح لها بسرعه وضمها وهو يسمي عليها ابتسم : وانا اقول اختي قويه اثاري وضعك تعبان مره ضحك راجح : هههههههههههههههه حرام عليك اول مره يشوفها واحد غيركم دخلت المصوره وتصوروا معاهم بعدها طلعوا قرب منها راجح وبهمس : ما توقعت ولا واحد بالميه انك بتخافين كذا لمياء تحس معاد فيها توقف ولا تتحمل : راجح لو سمحت اللي تبيه وصار خلني في حالي راجح : لا ياحلوتي ماحزرتي لمياء جلست وهي تبكي طاقتها نفذت راجح حن عليها حس انه زودها يكفي انه غصبها عليه : تحمليني كلنا غلطنا انتي غلطتي يوم فتشتي في اغراض مو لك وانا غلطت يوم غصبتك علي تحمليني لين اتقبلك المصوره : لو سمحتم خلصونا ورايه اشغال راجح : معليش مد يده للمياء يبيها تقوم لمياء قامت وهي تمسح دموعها طلب من المصوره صور عاديه حتى ماتنحرج لمياء اما عند حاتم فالوضع مختلف حاتم : الحمدلله انك وافقتي وربي يقدرني واسعدك غيداء منزله راسها وتلعب في فستانها حاتم : اتمنى انك تنسين اللي صار ولا تضيعين فرحة هذا اليوم صدقيني انتي بنت وراح اثبت لك غيداء بس قال ذا الكلمه خافت انه يسوي لها شيء رفعت راسها بسرعه حاتم فهم وين راح تفكيرها ضحك بصوت عالي : مو اللي في بالك انحرجت غيداء لانه فهم عليها كمل حاتم : ان شاء الله استأذن من عمي يوم ونروح دكتورة نساء وتتأكدين بنفسك غيداء طالعت في وجهه شافت الصدق وحست براحه ابتسم حاتم حس انها اقتنعت بكلامه حب يحرجها : دامك طالعتي في وجهي شرايك حلو ابتسمت غيداء ونزلت راسها وهي ميته خجل احرجها بكلامه هي طالعت فيه تبي تشوف اذا صادق ولا يكذب دخلت المصوره : يالله ياحلوين لا تأخروني باقي ورايه عروسه وقف حاتم وسحب غيداء قدامه وحاوط خصرها حط راسه على كتفها غمز للمصوره : صورينا غيداء حست جسمها ولع وتمنت تعطيه كف لانه احرجها وبقوه هي لسى ما استوعبت دخول المصورة وطلبها يجي هو يسوي حركاته ضحكت المصوره : لا الظاهر ما بتغلبوني وبدأت المصورة تلقط صور لهم نروح لرائف ودانه رائف : انا من اول كنت ابيك وكنت اتمنى ان فرحتنا تكون كامله وما فيه طرف زعلان علينا او ظالمنا صدقيني جدي مصيره يعرف انه غلط يوم حكم علينا دانه : يمكن اللي صار خيره والله يكتب لنا اللي فيه الخير رائف : على فكره انا من اول احبك والحمدلله اللي جمعني فيك دانه خجلت قرب منها رائف باسها في خدها دانه بدون ماتحس بنفسها دفته : رائف لا تقرب رائف : ههههههههههههههههههه شسوي لك تجننين دخلت المصوره وبدأت تصورهم ورائف كان متحمس ومبسوط على خجل دانه انزفوا العرايس وكل واحده اجمل من الثانيه والكل يسمي عليهم خرجوا الشباب قابلهم الجد وسلموا عليه بارك لهم رائف كان اخر واحد وزعلان من جده بعد ما سلم عليه همس له : صار اللي تبيه بس من قناعه تامه مني ولو ما كنت ابيها من زمان ما وافقت بس بيجي اليوم اللي تصدق كلامي فيه واذا مو اليوم ربي مايضيع حق مظلوم الجد : اقول افرح اليوم واجل الكلام لبعدين قال مظلوم رائف هز راسه بيأس من جده ومشى حس الكلام ضايع مع جده هنا وينتهي البارت الثامن هل سوف تجري الاحادثه كما هي ام تتجدد بأشياء تغير مجرى فرحة كل بطل من ابطال روايتي هذا وما نكتشفه في البارتات القادمه دمتم بسعاده | ||||
|
| |
|
20-02-17, 11:39 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| همسه " يقول المغامسي : لاتمل من التوبه . . حتى وان تكرر الذنب . . أليس كلما اتسخ ثوبكَ غسلته ! كذلك كلما أذنبت إستغفر ربك لـِ يغفر لك . . مفردات تعيد لك الأمل ______________________________ البارت التاسع& دائما هناك اشياء توجعنا لا نعلم الحكمه منها ولكن لو تفطنا فيها بعد حين لعلمنا ان هناك خير كثير اقدرنا بين يدي ارحم الراحمين فالنؤمن بالقدر خيره وشره. في بيت منصور : كان العيال والبنات متجمعين واصواتهم عاليه جابر : يالله ان شاء الله انا ووجد وسدوم في يوم واحد بعد راجح : الغيره ذبحتك جابر : مابعد الله كتب قال الغيره رائف : هههههههههههه حجرة له ياشيخ جابر : هههههههههههههههه تصدق بفقدك بعدين انت ساكت ساكت لين قربت ملكتهم وهرجت رائف غمز له : وقتها ماالله اراد جابر : لا تقلد رائف : الا اقول غدو كيف حاتم امس غيداء طالعت فيه بمعنى خير راجح : هههههههه شعندك رائف : لا بشوف وضعها زي وضعنا ولا غير وغمز لراجح راجح : اسأل حاتم دق جوال غيداء طالعت في الرقم وارتبكت اول مره يدق عليها ويكلمها ووضعهم غير جابر : هههههههههههههه الطيب عند ذكره رائف : اقول ما فيه مكالمات هات جوالك سحب الجوال ورد عليه : خير شعندنا داقين حاتم ابتسم : اظن اني داق على جوال زوجتي رائف : تصدق ما دريت حاتم : اقول انثبر وهات غيداء رائف : معليش اختي خجوله ومكالمات ممنوع اذا صارت في بيتك دق عليها حاتم : ابو الغباء اذا صارت في بيتي هي بكبرها قدامي تخيل بالله ادق عليها وهي قدامي رائف : اقول مسوي تطقطق لا عاد تدق وهو العلم حاتم بنذاله : دام انت اللي تكلمت وجبت القانون هذا لا اشوفك داق على دانه رائف : لا ياشيخ نمزح معك ماتعرف تمزح هاك هذي هي جنبي حاتم : لا خلاص كلمة الرجال وحده ما تتغير رائف : اقول امسك كلمها واص رمى الجوال في حضن غيداء : كلمي النشبه ذا اخذت الجوال وطلعت غرفتها راجح : خلاك تبلع العافيه هههههههههههه رائف : دعابه وانا اخوك بس ماينمزح معه جابر : بلاك ماخذ اخته يالاثول ويقلده مكالمات ممنوع هههههههههههه ماانت بقدها لا تهرج عند غيداء :الو حاتم : ياحي ذا الصوت غيداء : يسلمك حاتم : كيفك غيداء :تمام وانت حاتم : تمام الحمدلله المهم بجيك اليوم بعد المغرب غيداء : طيب حياك الله حاتم : يسلمك انتبهي لنفسك تامرين على شيء غيداء : سلامتك حاتم : سلام غيداء : سلام قفل حاتم شافت الساعه كانت 5 قامت تتجهز اما بالنسبه لحاتم رجع البيت وهو من داخله فرحان شاف امه وابوه سلم عليهم واستأذن وطلع غرفته دخل واخذ شور لبس ثوبه والكبك والساعه والشماغ ختمها بالعطر وهو متجه للباب دخل جسار : على وين كاشخ حاتم : بيت عمي جسار : اوه مره م عندك وقت خل البنت تتنفس ههههههههههههههه حاتم ابتسم : حلاتها كذا بعد الملكه على طول جسار وهو لسى يضحك على اخوه : نشبه حاتم : ضف وجهك لا تأخرني بلحق على الصلاه جسار : روح روح الله يعينها بس عند غيداء لبست فستان هادي ومبين انوثتها طويل اخضر سوت مكياج خفيف لبست اكسسوراتها وحطت عطر نزلت تجهز عصير وخلصت وجهزت القهوه دخلت فاطمه المطبخ : مين بيجي غيداء وهي خجلانه : حاتم ابتسمت فاطمه تبي تحرجها : كبرنا وصار الناس يجونا مخصوص غيداء قلبت حمراء : ماما بلاش احراج فاطمه : ههههههههههههه انتي عندي كذا اجل اذا جلستي عنده وش بتسوين غيداء : بخلي راجح يجلس معنا فاطمه وهي خارجه : الله يسعدك غيداء : امين وياك ويخليك لي دخل رائف وصفر : اوه حركات غدو الله يعين حاتم غيداء سكتت تمنت تعطيه كف كأنها ناقصه خلقه هي متوتره يزيدها بالكلام رائف : المهم الشيخ ينتظرك في المجلس تبين ادخل معك غيداء : لا رائف بستهبال : اوخس تبي الجو يفضى لها ترا مايصلح تجلسون لوحدكم اخاف الشيطان يلعب في عقولكم غيداء عصبت ماتقدر تتحمل ضغط اكثر وهو يوترها بكلامه : لا ماابيك انت تدخل معي رائف : افأ غيداء : ابي راجح انت بتحرجني زياده ابتسم رائف : ماعليك اخذ حقك من اخته بحرجها لين تقول بس غيداء : رائف الله يسعدك مو ناقصتك رائف : لالا ماهقيتها منك انا بس كنت ابي اخفف عنك جو التوتر المهم ماراح احرجك تعالي وعد رجال غيداء رفعت راسها تبي تتأكد من كلامه ابتسم فهمها : ها ترا قلت وعد رجال ارتاحت لكلامه ونبرة الجد في صوته هي متعوده على نذالته وخافت حتى قدام حاتم يتمنذل فيها مد يده لها وسحبها وضمها : سمي بالله ترا مافيه شي يخوف وامس شفتي كيف كان عدى بسهوله ويسر وان شاء الله مع الوقت تتعودين عليه هزت راسها ومشت وهي ماسكه يد اخوها دخلوا المجلس رفع راسه حاتم لما حسهم غيداء : السلام عليكم وقف وهو يرد السلام مدت يدها وهو صافحها وحس انها تبي كذا ماحب يحرجها عارف ماتعودت عليه حاتم : كيفك غيداء وهي منزله راسها من يوم دخلت : الحمدلله وانت حاتم : الحمدلله وجلس يسولف شوي مع رائف يبيها تاخذ على الجو شوي غيداء رفعت راسها وجلست تطالع فيه قلبها خفق بقوه سمت عليه حمدت ربها انه نصيبها رجوله واخلاق وجمال طالع لها حاتم وعلطول نزلت راسها ودقات قلبها زادت كتم ضحكته على شكلها طالع في ساعته ثم طالع في رائف : رائف ممكن تتركنا شوي رائف اشر عليها : اذا رضت ابشر حاتم : ماعليه بس ابي اكلمها في موضوع تعرف شوي ويأذن العشاء بطلع رائف : طيب بجيب القهوه وتكون خلصت سالفتك حاتم : طيب خرج رائف وهو ناوي يعطيه شوية وقت حاتم طالع فيها كان يتأمل وجهها جت عينها في عينه ونزلتها علطول ابتسم حاتم ومن داخله يضحك من حركاتها : احم انا صرت زوجك واللي ابيه انك تكوني واثقه من كلامي جيتي اليوم عشان موضوع الكشف حسيت انك اقتنعتي بكلامي وهذا شي طيب انا فكرت وشفت الوقت المناسب يوم الجمعه اذا اجتمعنا في بيت جدي صعب اروح لعمي واقول بطلع مع بنتك وانتي عارفه عادتنا تمنع هذا الشيء غيداء : انا واثقه في كلامك ما يحتاج نروح حاتم : لا انسي اني اغير قراري مو عشان شيء اللي يهمني راحت نفسيتك حتى لو صدقتي كلامي من داخلك ما بتقتنعين وزي ما انتي عارفه زواجنا في الصيف يعني بعد 6 اشهر فتره طويله انا ابيك ترتاحين غيداء : طيب كيف بنطلع يوم الجمعه حاتم : انا بكلم وحده من خواتي على الاغلب بتكون ريم ما اظمن دانه اكيد رائف بينشب لها الجمعه ورنا اخاف تتحمس بزياده وتخرب الدنيا غيداء : طيب والمستشفى حاتم : بالنسبه لذا الشيء راح نروح خاص ونطلب دكتورة وانا راح احجز عندها بروح بكره واشوف واذا كل شي تمام بعطيك خبر غيداء : طيب على خير حاتم يبي يغير الموضوع دام اتفقوا : عموما انا جايك اليوم ابيك تتعودين علي وجلس يسولف معها تقريبا ربع ساعه وبدت تاخذ وتعطي معاه بكل راحه بعدها دخل رائف بالقهوه وانضم لهم راجح وجابر ربع ساعه وطلع حاتم بعد خروج حاتم طلع رائف غرفته فتح الواتس شاف دانه متصله حب يلعب بعصابها شوي يعجبه خجلها دور شي يرسله رسى على برودكسات حسه مناسب وبدون تردد ارسله "تدري وش اللي احتريه بـ مسائي صوتك وبحت نبرتك لا تكلمت..🎶" دانه شافت المسج عرفت نيته وده يحرجها هو ينبسط على احرجها وصرح لها بهذا الشيء دانه "طيب دق وش اللي رادك" قالت كذا تبي تبين له انه عادي تحمس رائف وارسل " نصفي الغايب .. عسى ربي يجيبك والله إني لـ النخآااع إشتقـت لك!" دانه اوه ذا ناوي على شيء نشوف اخرتها "طيب تعال" ضحك رائف من قلب عرف انها تكابر كتب بسرعه "ترا ان جيت بحوسك" دانه هذي نيتك من الاول هه طيب "تعال اتحداك تسوي شيء ابوي موجود" رائف هنا فكها ضحك عرف انها خايفه بس تسوي فيها "من قال لك بجي الحين على الساعه 1 او 2 اخذك ونفرفر في السياره شوي" دانه منجد ذا بايعها "ومن قال اني بطاوعك" رائف "عادي لا تطاوعيني الاثم عليك بزعل وبتجلس الملائكه تلعنك" دانه قفلت معاها "اقول امي تبيني عندك شيء عدل قول انت بس تبي تحرجني او ترفع ضغطي" رائف هههههههههه زعلت زعلت "امزح معاك كيفك" دانه لا بدري مره "الحمدلله وانت" رائف "تمام الحمدلله وبشوفتك اصير احسن" دانه ياربي ذا بايعها مره ومو مقدر اني مو متعوده "رائف الله يسعدك خلني اتعود عليك" رائف "تامرين امر بس انا كذا والله يادانتي ماصدقت ارتبط فيك صح جدي فرض علينا ذا الشيء بس والله اني ناوي اخطبك" دانه ياقلبي عليه حست بسعاده من كلامه "انسى اللي صار واعتبر انه محد فرض علينا ارتباطنا انت خطبتني وانا وافقت صدقني لو خطبتني بوافق لا تشيل هم اني مو راضيه على اللي صار" رائف "والله ماغلط قلبي يوم حبك" ضحكت على تعبيره وجلسوا الحلوين يتراسلون واندمجوا مع بعض في بيت ناصر ناصر : لين متى يابابا هذا 3 واحد يخطبك وترفضين فاتن : بابا انا خايفه خلني لين ارتاح من اللي صار لي ناصر : يعني فاتن : انا صليت وما ارتحت وبعدين والله اني خايفه خلني فتره انسى اللي صار هز راسه ناصر وطلع اه يابنتي اللي صار لك مو قليل ياخوفي انك معاد تتقبلين احد حسبي الله ونعم الوكيل على اللي تسبب لك في كل هذا فاتن جلست تبكي وهي تتذكر عقدتها صارت ترفض اي احد قبل سنه خطبها واحد شافتها امه في زواج واعجبتها ووافقت عليه ملكت وحبته وهو كان يمثل عليها قبل زواجها بأسبوعين دقت عليها واحد قالت لها روحي شوفي زوجك المغشوشه فيه يخونك ولا بعد في مدخل واحده قبلك كلمت كنان وارح معها شافوه في وضع مخزي انهارت وجتها صدمه تطلقت وقتها الكل تكلم عنها وكل واحد يألف قصه من بعدها صار كل ما احد يجيها ترفض واذا حاولوا فيها تجلس تبكي وتنهار صار يخافون عليها ولا يضغطون عليها يوم الخميس حاتم مر مستوصف خاص راح الاستقبال السلام عليكم الرجال : وعليكم السلام امر اخوي اش اخدمك فيه حاتم : حاب اسألك يوم الجمعه الدكتوره المداومه في قسم النساء مين الرجال : ثواني اشيك لك حاتم : خذ راحتك بعد دقايق : دكتوره اسمهان حاتم : موجوده الحين الرجال : نعم موجوده في الدور الثاني 3 مكتب على اليمين حاتم : مشكور الرجال : العفو طلع حاتم دق باب المكتب خرجة ممرضه : نعم حاتم : دكتوره اسمهان موجوده : نعم موجوده انتظر عندها مرضى حاتم : طيب انتظر ربع ساعه طلعوا اللي عندها خرجت الممرضه شافت حاتم تجاهلته وهي تكلم : طيب وينك عشان تدخلون جاء شخص عندها وحرمته الممرضه : تفضلوا انقهر حاتم خير بأي حق تدخلهم وهو جالس ينتظر : خير اختي من اول جالس انتظر وعشان تعرفينهم تسحبين علي الممرضه : معليش انتظر شوي حاتم بحده : لا مو منتظر والحين بدخل الممرضه : مو على كيفك انقهر حاتم ومر من جنبها وبصوت عالي : اجل على كيفك الشغله خرجت الدكتوره : خير ليه اصواتكم عاليه حاتم : اظن مو من حقها تدخل احد على حساب احد منتظر دورة بس عشانها تعرفهم الدكتورة بتفهم : طيب تفضل وانتي الحقيني الممرضه حقدت عليه وجلست تتوعد فيه دخلوا المكتب د.اسمهان : تفضل تبي نتائج تحاليل لاني مااشوف احد معاك حاتم : لا بس ابي موعد يوم الجمعه د.اسمهان : موعد لايش بالضبط حاتم : حكى لها السالفه بالمختصر يبي موعد للكشف لانها تعرضت لاعتداء وهو يبي يطمنها ان مااحد قرب منها ويبيها تشرح لها وتطمنها د.اسمهان : تامر موعدنا بيكون الجمعه الساعه 10ونص اول ماتجي علطول ادخل لي حاتم وهو يوقف : مشكوره يعطيك العافيه الممرضه ابتسمت بشر انتهى اليوم عادي دون احداث تذكر عند ثامر : كان جالس يعلب مع نوف نوف : ثامر بلا غش ثامر : ههههههههههههههههه ما غشيت بس ماتعرفين تلعبين نوف عصبت هين : رمت الاوراق اللي في يدها وراحت المطبخ لحقها ثامر : ليه قمتي نوف : معاد بلعب معاك ابد ابتسم : افأ نوف : اقول ابعد عني احسن لك لانك رافع ضغطي ثامر : اوف كله ولا زعلك بعدين انتي ماتعرفين تلعبين نوف : لا ياشيخ كأني ماقفطتك كم مره ثامر : ههههههههههههههههه طيب روحي البسي واطلبي اللي تبين اليوم بس ترا رضوه نوف ابتسمت بنذاله : قلت اطلبي ثامر : ترا بحدود لك حد من الف لخمسه الآف نوف : اجل هات الخمسه حطها في يدي من الحين لاني مستحيل اخلي منها شيء ثامر : منجد حريم ما ينعطون وجه عموما كنت بجيب لك هديه بها بس يالله خربيتها على نفسك نوف وهي ودها تعرف وش كان بيجيب لها بس ماتبي تحسسه انه عرف لها : اهم شيء انها لي سواء هديه او صرفتها علي ثامر : هههههههههههههه بس لو كانت هديه كانت احلى طعمها غير نوف : خلاص مره ثانيه ثامر : معاد فيها مره ثانيه طبعا مر يومهم بضحك ومزح وضعهم مثل ماهو هل بيدوم الوضع هذا او ماراح يتحمل ثامر كثير *يوم الجمعه * الكل تجمع عند الجد عند الرجال الفيصل : ها ياولدي بشر وافقت بنتك ناصر : لا والله عجزت ولا ابي اضغط عليها وتنهار زي كل مره انا خايف تصير لها عقده طول العمر جسار شده الكلام : تقصد فاتن ياعمي ناصر : ايوه وانا عمك تعبت هذا 3 واحد يخطبها وترفضه مع انهم رجال وسألت عنهم والبنت كارهه الزواج خير شر جسار يطمن عمه من يوم تطلقت وهو خايف عليها : انا عندي الحل ناصر : قول ياولدي جسار كان متردد هو كان يفكر في الحل من اول وخايفه يقول لعمه خاف يفهمه خطأ بس حن عليه : الحل هو............ ناصر : طيب لعل وعسى يفيد جسار : انا متأكد بيجي نتيجه ناصر : شورك وهداية الله رجعوا يسولفون عادي ناصر ارتاح للحل بعدها بساعه وقف رائف انتبه له الجد خرج يكلم دانه يبي يشوفها خرجت دانه وجلسوا يتمشون وهم يسولفون سكت رائف وجلست يتأمل وجهها جذبه شكلها بدون تردد ضمها بقوه بس ما لحق يتهنى الا وجده يقول : قبلها بفتره فينفسالمكان واليوم شفتك بنفس الوضع الاختلاف انها الحين حلالك مابتكلم بس ياليت تكون في مكان احسن من كذا رائف معاد فيه يتحمل : اظن قلتها حلالي واللي صار قبل كان خطأ ياليت ياجدي لو لي معزه عندك ليه اقول كذا لو لابوي معزه عندك خلني في حالي لاني جاي هنا احترام لك الفيصل : اجل دام احترام لي احترم المكان اللي انت فيه وحركات خلها بينكم ماله داعي نشوفكم دانه انقهرت من جدها ونزلت دموعها لين متى وهو يهينهم ليه مايخليهم في حالهم مشى رائف وطلع من البيت كله قرب الجد منها وضمها قال لها شي في اذنها خلها تبتسم وتمسح دموعها دانه : منجد الجد ابتسم وهز راسه الى هنا واتوقف عن الكتابه توقعاتكم للبارتات القادمه دمتم بسعاده | ||||
|
| |
|
20-02-17, 11:40 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| إذا إستوحشت ، أو ضاق عليك أمر من أمورك . . أو تعكر صفو حياتك بأمر ما ! فاعلم أن ” الله ” يريد أن يمحو عنك [ ذنبا ] أو يريد أن : يسمع منك ذكرا أو إستغفاراً أو يُريد أن يراك : راكعاً ، ساجداً فالكل يريدك لـنفسِه إلا . . الله: يُريدك لنفسِك ˛♥ _________________________________________ علمت ان الحياة بأمر ربي فتوكلت عليه في جميع اموري حينها علمت وايقنت ان البلاء رحمه يجب ان احمد الله عليها وان السعاده نعمه يجب ان اشكر ربي عليها البارت العاشر & في بيت الجد الساعه 9 حاتم : ريم تكفين تعرفين اخوك ماراح اسوي لها شيء ساعه بالكثير وارجعها ريم : حاتم انا خايفه بعدين عمي ماراح يمررها لك لو عرف حاتم : تطمني انتي بس غطي عليها وانا اعرف اتصرف سكتت ريم ماتدري وش تسوي ماتبي ترد اخوها وهو يترجها ومصر وهي خايفه يعرفون ويسوون له سالفه حاتم بتمثيل عشان يكسر خاطرها : ريم ها شقلتي لا تكسرين فرحتي ريم : اسمع انا مو خايفه منهم انا خايفه عليك وانا بغطي عليها بس صدقني هي ساعه بعدها ياويلك لو ماجبتها حاتم بفرحه : ساعه وربع بتمام وهي قدامك ريم : اتمنى حاتم : تدري اني احبك ريم : هههههههههههههه او حركات وصرنا نعرف نقول كلام حلو وين رنا تسمعك حاتم : ههههههههههههه خلي رنا مكانها المهم خمس دقايق وهي عندي طيب ريم : طيب حاتم : سلام ريم : سلام راحت لغيداء اوه حركات انتي وحويتم شوفي انا قلت لكم ساعه وربع بعدها ياويلك انتي وهو ابتسمت غيداء بأحراج : شسوي اخوك مصر ريم هزت راسها بتفهم : الحين اخرجي الحديقه وانا بلحقك من باب المطبخ بعبايتك وشنطتك وحاتم موقف سيارته برا غيداء : طيب بعدها بخمس دقايق خرجت بعباية غيداء وهي خايفه ان احد شافها : البسيها بسرعه لبست غيداء وطلعت وهي خايفه ينكشفون واكيد اللوم كله بيطيح على راس حاتم شافت السياره وحاتم كان واقف برا ركبت قدام سلام ابستم حاتم حس انها مغامره بس مغامره حلوه : وعليكم السلام حرك حاتم بسرعه طالع فيها حسها متوتره حدها مسك يدها طالعت فيه شافته منتبه للطريق وما كأنه مسوي شيء شد على يدها حست براحه بعد مدة تقريبا 15 دقيقه وصلوا لوجهتهم نزل حاتم وغيداء جنبه توجه علطول لمكتب الدكتوره بس قبل مايدخل اشر لغيداء على كرسي انتظري هنا دقايق بشوف اذا موجوده او لا دق الباب خرجت الممرضه : تفضل الدكتوره تنتظرك من اول وين مدامك حاتم اشر عليها : طيب ادخل بروح اناديها توجهه حاتم للدكتوره اما الممرضه توجهة لغيداء : لوسمحتي رفعت راسها غيداء : نعم اختي الممرضه : انتي مع الشخص اللي دخل للدكتوره غيداء : نعم الممرضه : طيب تفضلي بس ممكن اذا عندك جوال تعطيني بكلم احد من اهلي رصيدي انتهى غيداء بطيبة قلب : ايه تفضلي الممرضه اخذت الجوال ودقت على رقمها لين فصل الخط : مشكوره اختي واسفه اذا ازعجتك غيداء : العفو الناس لبعض قامت غيداء ودخلت المكتب اما الممرضه طلعت جوالها بسرعه وسجلت رقم غيداء وهي ناويه لحاتم على نيه والله يكون فيه عونه ___________________________ سبحان الله بعض الاحيان لاسباب تافهه يحقدون الناس على بعض ويصير الانتقام هدف لهم وينسون ان الله يمهل ولا يهمل وينسون ان الدنيا دار اختبار فقط لو ماتحساب على الدنيا يوم القيامه لا مفر من الحساب والعقاب وفي نفس الوقت كم من المصائب تحصل لانسان ملتزم والحكمه منها اختبار من الله له على صبره واحتماله للمصائب ويجازيه الله بقدر صبره ماارحمك ربي ومااحكمك فإن لكل شيء حكمه سبحانك ربي مااعظمك ____________________________ د.اسمهان : اهلا يابنتي تفضلي ارتاحي على السرير ماتخافيش كلها دقايق واحنا مخلصين غيداء حست بخوف فضيع خايفه من النتيجه ومتوتره لانها اول مره تنحط في موقف زي هذا بس مجبوره على المر طالع فيها حاتم ووقف لها ضمها وهمس لها : صدقني مهما كانت النتيجه وانا واثق فيها انتي دخلتي هذا مسك يدها وحطها على قلبه ومستحيل في يوم اتخلى عنك انا انتظرك برا خرج حاتم وتوجهت غيداء للسرير قربت منها الدكتوره : سمي بالله وارخي نفسك اما حاتم جلس برا وهو ينتظر تخلص بسرعه خايف احد يفقدها انتظر تقريبه 20 دقيقه وانفتح الباب شاف غيداء خارجه ومنزله راسها وقف لها يبي يشوف ردت فعلها بس تفاجأ يوم ضمته وبكت حاتم ضمها وهو يمسح على ظهرها : اشش ليه تبكين غيداء : انا احبك حاتم : ههههههههههههه وذا يبكي غيداء : لا بس فرحانه ماني مصدقه حاتم : ممكن ننسى اللي صار ونعيش حياتنا طبيعي هزت راسها وهي في حضنه ابتسم حاتم : بعدين شايفه احنا وين ووضعنا كيف حست غيداء على نفسها وضربت صدره ودفته : نسيت من الفرحه حاتم : هههههههههههههههههه تمونين يازوجتي يالله نمشي يادوب احلق اوصلك ولا بتسوي لنا ريم سالفه طلعوا من المستوصف وغيداء مبسوطه وحمدت ربها انه رزقها بحاتم صح صارت لها مصيبه بس هو وقف معها في كل شيء وكتم سرها واسعدها بالحقيقه والحين يبي يعيش معها فتره الملكه وفكرها بس فيه لاهم ولا غم وصلوا الحلوين بيت الجد وعدت سالفة خروجهم على خير وتيسر امرهم دخلت غيداء وشافت ريم في وجهها ريم : ها عسى استانستم وانا هنا قلقانه غيداء ضمتها بقوه : مشكووره احبك والله ريم : ههههههههههههههههه والله وضاعت علومك بس وش سر الفرحه هذي حتى وجهك منور والفرحه باينه فيه غيداء في نفسها الحمدلله ارتحت من هم والله يسعدك حاتم ويقدرني واسعده ريم : غيداء يابنت لا انتي عقلك ملحوس ودقتها غيداء انتبهت لها : ها ريم : هواء ينفخ بطن العدو اكلم مين انا غيداء : اسفه سرحت شوي ريم : الله يعوض اهلك خير غيداء : اقول ريم اقلبي وجهك ريم : الحين اقلبي وجهك هذا وجهي اذا عاد ساعدتكم غيداء : هذا اذا طلبناك من الاساس بتمنين علينا شهقت ريم : هين ياغيداء اوريك ومشت لحقتها غيداء وهي تضحك : لحظه انتظري امزح معاك فديت قلبك اصلن بقول لحاتم يعطيك هديه ريم مطنشه ولا كأنها تسمع دخلوا على البنات فاتن : خير وين كنتم مختفين ريم بنذاله : اسألي غيداء وين كنا غيداء : كنا برا نتمشى مو صح ريم وجلست جنب ريم وقرصتها ريم بألم وهمس: اي وجع لا تخليني افضحك غيداء : عشان انتفك وش يفكني منهم ريم : اجل قولي لحاتم يجب لي لاب جديد لابي خرب غيداء : اطلبيه انتي ريم : لا ياقلبي ابيك مقابل طلعتكم غيداء : طيب خلاص اكرميني بسكوتك _______________________________ الساعه واحده ردت نوف على ثامر : الو ثامر : انتظرك في السياره اطلعي نوف : طيب خرجت نوف بعد ماودعت الكل ركبت السياره : سلام ثامر : ارحبي وعليكم السلام نوف ابتسمت باين انه رايق بقوه : اش سر الروقان ثامر بجديه وصدق : انتي نوف الجمها رده استغربت كثير : انا ثامر هز راسه بدون مايتكلم شغل المسجل وانتشر صوت المعيقلي في السياره وعم السكوت بعدها بدقايق استغربت الطريق : ثامر وين رايحين طالع فيها وابتسم حس ان الايام اللي فاتت تقبلته كثير صارت تهتم فيه واذا غاب تسأل عنه وتخاف عليه حس انه لازم يبادر يمكن خجلها يمنعها رد عليها وهو مازال مبتسم : مفاجئه نوف ماارتاحت ماتدري ليه ولا حبت تتناقش سكتت وصلوا المكان المحدد كان شاليه استأجره ثامر 3 ايام يغيرون جوهم وينبسطون فيه وهو ناوي يغير مجرى حياتهم للاحسن : انزلي بنجلس 3 ايام هنا واذا اعجبنا الوضع مددنا ويمكن نسافر بعدها اسبوعين نوف : طيب الملابس ثامر : حطيت لك ملابس تكفي نزلوا اول مادخلوا تفاجأت بالمكان كان مليان شموع والورد منثور على الارض نزل الشنطه وسحبها لغرفه واعطاها كيس : ممكن تبدلين وتطلعين دخلت الغرفه كان فيها كنب بس بدلت ملابسها كان اللبس عباره عن فستان احمر ماسك من الصدر ووسيع من تحت فتحت الصدر عباره عن سبعه وكان معاه طقم فخم لبست الطقم وفتحت شنطتها عدلت مكياجها وتعطرت وخرجت كان ثامر ينتظرها برا شافها ووقف انبهر بشكلها هو اختار هذا اللون عارف انه بيطلع عليها روعه مع بشرتها البيضاء ابتسم : كنت اتوقع ان بيطلع عليك حلو بس طلع اليم اكثر مما توقعت زاد جماله يوم لبستيه طول عمرك انيقه وكل شيء عليك جميل تقدم منها ومسك كفها طبع عليها قبله احترام نوف ارتجفت وحست ان الوضع مو عاجبها تبي تكمل عشانه هو بس خايفه من نفسها هي تعرف نفسها بتكمل لين اللحظه الاخيره وبتصدمه دعت في قلبها ان الليله تمر على خير سحبها ثامر : تعالي بوريك شي مشت معاه مسيره وليست مخيره راحوا جهت المسبح انبهرت باللي شافته ماتوقعت ولا واحد بالمئه يطلع من ثامر كل هذا كان المكان مغطى بالورد الاحمر والابيض والشموع منوره المكان ويتوسطها طاوله وعليها هديه وكاستين عصير وشوية اكلات وكيكه والمسبح كان فيه بالونات حمراء وبيضاء ثامر لاحظ ان سكوتها طال قرب منها وسحبها صار ظهرها ملاصق لصدره حاوط خصرها وحط راسه على كتفها استنشق ريحة شعرها وبهمس : اسف احبك سامحيني وخلينا نبدأ من جديد نوف بمجرد ما ضمها لصدره تصلب جسمها واول ما سمعت كلامه حست انها بتنهار تحركت بسرعه ودفت ثامر وراحت تجري ودموعها تنزل بغزاره اول غرفه صادفتها دخلتها وقفلت الباب شهقت يوم شافتها كانت غرفته النوم وكان المكان لايقل رومنسيه وشاعريه عن الاماكن الثانيه كان السرير منثور عليه الورد الاحمر بشكل قلب كبير ومكتوب بالورد الابيض احبك وحروفهم واسف والشموع تحيط بالسرير وعلى التسريحه جلست مكانها تبكي هي خافت تكمل للاخير وتجرح ثامر وتصدمه مع انها تقبلته وبدت تنسى اما عند ثامر انصدم من ردت فعلها حس انه تسرع المفروض سألها قبل ان كان نست او لا. لام نفسه وانجرح حس بوجع في قلبه معاد فيه يتحمل وضعهم جر اذيال الخيبه دخل الصاله وشال الشنطه ورجعها في السياره مستحيل يجلس في المكان بعد ردت فعلها توقع الليله بتكون اسطوريه بالنسبه لهم رجع قرب من غرفة النوم توقع انها رجعت للغرفه اللي دخلت لها بس سمع صوت بكيها وتراجع دخل الغرفه الثانيه وانسدح على الكنب والنوم مجافيه بعد مده جلس يستغفر لين غلبه النوم اما نوف بكت لين نامت وهي في مكانها ___________________ راجح شاف عمه ناصر خارج هو وعائلته راح جهتهم طق القزاز نزله ناصر : هلا راجح وهو مبتسم : طلبتك ياعمي قول تم ضحك ناصر : وش عندك اخاف طلبك صعب راجح : والله مو صعب ناصر : والله ان كان صعب اعرف انه مرفوض راجح حك راسه : ابي اوصل لمياء البيت لمياء دعت من كل قلبها ان ابوها يرفض ناصر : تمشي وراي لا يمين ولا يسار راجح : ابشر والله سيده على البيت هز راسه طالع في لمياء : مانقدر نرفض طلب لزوجك لمياء كتمت قهرها ونزلت مشى وهي وراه توجهوا للسياره لمياء : خير وشعندك راجح : أفا فيه حرمه تقول لزوجها خير وشعندك بعد ابي اسولف معاك لمياء : بالله قال تبي تسولف وينك ماقد شفتك جيت بيتنا راجح : والله عاد ما ناسبني وقت الا كان جيتك لمياء : امانه تسكت لاني ممكن اصدقك على تمثيلك بس المشكله عارفه نيتك راجح : وش عرفك بالنوايا لمياء : واضحه انك مقصر وتبي ترقع لنفسك قدامهم شايف وضع الباقين بس ابشرك ماهمني انا مرتاحه منك راجح : طلعتي فاهمه .اوضح لك اكثر انتي اللي ماهميتيني همني عمي مايحس ولا يزعل ودام انك مرتاحه مني ابشرك قررت كل يومين وانا مرتز عندك امثل دور العاشق الولهان اما اليوم اللي ما بجيك فيه صدقيني صوتي مابيغيب عنك لمياء : تصدق ماشفت انسان منعدم ضميره كثرك راجح : اوه اكتشاف طيب وش بعد اكتشفتي فيني لمياء : نذل ماهمك الا نفسك جبان تعيش سعادتك على حساب غيرك راجح : وش دراك بهذا كله ياهانم لمياء : اكبر دليل زواجك بالسر وعدم اعترافك فيهم حتى بعد موتهم وخوفك اني افضحك راجح عصب : حدك عاد لا اوريك كيف اعيش سعادتي على حساب غيري قسم بالله وهذا انا حلفت حرف زياده لاخذك بيتي وزواج مافي ووقتها قولي اني منجد نذل وجبان لمياء سكتت يوم شافته عصب خافت منجد يسويها محد براده وصلوا البيت ونزلت بسرعه بدون اي كلام اما راجح ندم انه طلب من عمه يوصلها هو حزن عليها حتى لو ماتقبلها لها حقوقها وواجب عليه يلبيها شاف نفسه مقصر ما كان يبيها تشوف انها ناقصه عن غيرها بس لسانها سليط وينرفزه حرك من امام البيت ونزل عند بيتهم توجهه لغرفته طلع جواله وارسل لها "ماكنت ابيك عشان نتخاصم كنت ابي احسسك انك زي غيرك ولك حقوق صدقيني بتندمين على كلامك" لمياء شافت كلامه ماراح اصدقك ردت "استريح بس" راجح "هين دواك عندي" رمت الجوال وطنشته هذا راعي طويله مادري طالع لمين مستحيل احد في عايلتنا كذا ____________________________________ عند دانه دقت على رائف مايرد مقهوره عليه وتبي تسمع صوته زي ماتعودت دقت على وجد وجد : هلا مااسرع مااشتقتي لي دانه : ههههههههههه مره اشتقت لك وجد : من قدي دندون اشتاقت لي دانه : امممممم وجد وجد حست ان فيها شيء : لبيه دانه : رائف في البيت وجد : وانا اقول ليه داقه عموما ايه موجود بس ماادري اذا نايم او صاحي دانه : طيب روحي شوفيه واعطيه الجوال ابيه ضروري وجد : طيب ياقلبي دقايق خرجت من غرفتهم متوجهه لغرفة العيال دقت الباب جابر : تفضل وجد فتحت الباب :سلام الكل رد السلام طالعت في رائف صاحي ويطقطق على جواله قالت في بالها يمكن فيهم شيء قربت منه ومدت الجوال طالع فيها وحرك راسه بمعنى اش فيه وجد : امسك كلم رائف اخذ الجوال طالع شاف دندون : خلاص انا بدق عليها وجد : طيب قفلت منها وجد وهو خرج من الغرفه ودق عليها رائف : سلام دانه : وعليكم السلام رائف بهتمام : فيك شيء دانه بعتب : يعني اهون عليك ادق واقلق ولا ترد وانت صاحي رائف : لا ياقلبي ماتهونين بس والله متضايق دانه ونبرة صوتها تغيرت باين انها بتبكي : طيب كيف اللي متعود ما ينام لين يطمن على حبيبه وهو يشوفه يدق ويطنش وش نقول عنه رائف بنفس طالع من قلب : اسف ياروحي والله ماابي اضايقك زياده دانه : انت تسمع نفسك انا اتضايق اذا تجاهلتني رائف : احبك دانه : تسكتني ها ضحك رائف : تعرفين تروقيني دانه : اهم شيء انت ترتاح رائف : طيب واللي يقول لك راحته اذا شافك الحين دانه : ههههههههههههه مجنون انت رائف : والله صادق شرايك اجيك الحين دانه : لا اخاف احد يشوفنا ولا بابا بعدين تحرم تجيني رائف : تهقين دانه : ايوه خلنا كذا حلوين وكملوا سوالف لين الفجر بعد الصلاه رجع وكلمها بس ماطولوا وناموا __________________________ اليوم الثاني في بيت ناصر فاتن : بابا اليوم صاحبتي بتروح السوق وقالت لي اروح معها اش رأيك ناصر : طيب بس لا تطولين فاتن بفرحه : منجد هز راسه قامت فرحانه ودقت على شوق شوق : ها بشري فاتن بفرح : وافق شوق : اجل بعد المغرب كوني جاهزه لانه بنرجع بدري بابا مايخليني اطول اذا السواق بيوديني فاتن : طيب بعد المغرب توجهوا البنات للسوق وجات صاحبة شوق جلسوا في مقهى يسولفون شوق : بنات دق علي السواق يقول بيروح بابا طلبه ساره بسرعه : طيب خلاص انا اوصلكم بعد ماخلصوا كانت الساعه 9 توجهوا لسيارة سارة ركبوا البنات حرك بعد ربع ساعه كانت وراه سيارة شرطه وقفته : لو سمحت الرخصه والاستماره الرجال : خير ان شاء الله العسكري : فيه بلاغ مقدم عليك بعدين مين اللي معاك الرجال : بنات يبوني اوصلهم العسكري : وذي ليش معاك قدام الرجال بتوتر : زي ماانت شايف مافيه مكان ورا العسكري : لا تكثر ورا فاضي طلع جهازه يا55 العسكري2 : ارسل العسكري : عندي حاله مشتبه فيها سواق سعودي مع 3 حريم العسكري 2 :توجهه بهم للمركز وحقق معاهم رجع العسكري للرجال : تفضلوا انزلوا وبدون شوشره فاتن بدت تبكي من الخوف اول مره يحصل معها كذا اخذوهم للمركز دق العكسري الباب ودخل دق التحيه : سيدي هذي الحاله اللي تم البلاغ عنها هز راسه : دخلهم العسكري : ادخل انت وهي دخل الرجال والبنات يبكون فاتن تمنت الموت ولا الموقف هذا العسكري وهو منزل راسه على ملف ولا طالع فيهم : طبعا انت مبلغ عنك من اول واخيرا قدرنا نمسك بتهمه خلوه شرعيه شهقت فاتن وطالعت في العسكري وكانت هنا الصدمه رفع العسكري راسه : كل واحده فيكم تطلع بطاقتها وتدق على ولي امرها فاتن : جسار جسار طالع فيها ووقف الصوت ماهو غريب : مين انتي فاتن وهي تبكي : انا فاتن جسار بصوت عالي : فاتن فاتن بكت اكثر من اول جسار رجع جلس وحاول انه يمسك اعصابه وجهه سؤال للبنات : تعرفون الرجال هذا ساره وهي تبكي : لا والله ما نعرفه ركبنا معاه يوصلنا شوق بعصبيه : كيف تركبينا مع واحد ما تعرفينه ساره وهي تبكي : هذا مندوب دايم يوصلني جسار هز راسه : الحين بدبر لكم سواق يوصلكم بيوتكم وبتستر عليكم اما انت بتنحجز عندنا ونادى بأعلى صوته ياعسكري دخل العسكري ودق التحيه جسار : خذ الرجال وحطه في الحبس اما البنات شوف واحد يوصلهم بيوتهم العسكري : امرك سيدي اخذ الرجال والبنات توجهوا للخروج جسار : فاتن اجلسي انتي فاتن جلست وهي ترجف خايفه عارفه ان جسار بيوريها الويل هو اكثر شخص في العايله شغاله غيرته بعد خروج الكل التفت لها بعصبيه : وش جابك معاهم ها فاتن وهي تبكي : انا طلعت معاهم السوق وكنا بنرجع مع السواق بس راح السواق جسار بحده : الحين وش اسوي لك ادق على عمي واقول تعال شوف بنتك وين فاتن انهارت : لا الله يخليك لا الا ابوي وصلني البيت واستر علي جسار : بشرط فاتن : موافقه جسار : طيب اسمعي الشرط اول فاتن : مهما كان انا موافقه جسار : الشرط هو................... فاتن انصدمت وطالعت فيك : وش تقول جسار : اللي سمعتيه فاتن : شوف غيره جسار : ماعندي غيره بتوافقين ولا ادق على عمي واقول له السالفه عاد الرجال مشاء الله سمعته بطاله فاتن : طيب موافقه جسار هز راسه وطلع ورقه وكتب عليها وقال : ابصمي هنا فاتن اخذت الورقه وشافت المكتوب حست انها نهايتها بس مجبوره : بصمت على الوقه جسار : بعد يومين امرك ونتمم الامر والحين يالله قدامي اوصلك البيت انتهى البارت ياترى اش الشرط اللي بينهم وثامر ماردت فعله وماالسر الذي قاله الجد لدانه حاتم ورائف هل بيستمر وضعهم كذا ام ان هناك تغيرات في مجرى حياتهم هذا ما سنكتشفه في البارتات القادمه دمتم بسعاده | ||||
|
| |
|
03-03-17, 08:51 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سِر آلسَعآدَ? . . ! آنْ تَشعُر آنْ الله رَآضّي عنّگ . . فلآ تَنّسَى ذكَرآللّ? : {لا إله إلا آنتْ سّبحآنكَ إني كنتُ منُ آلَظآلميَن} ____________________________________ البارت الحادي عشر& لولآ آلخطآ محدن تعلم من آلنآس ولولآ آلجفآ محدن عرف قدر غآلي? " اليوم الثاني في الشاليه عند ثامر ونوف: قام ثامر من النوم طالع في ساعته كانت 1 الظهر استغفر ربه وقام يتوضى وصلى اللي فاته جلس في الصاله ينتظر نوف لين ماتقوم مايبي يدق الباب عليها جلس يفكر مرت ساعه وهو على حاله قطع حبل افكاره خروج نوف تكلم بدون ما يطالع فيها : انا في السياره انتظرك صلي والحقيني نوف هزت راسها تحس بصعوبه في الكلام اما ثامر خرج ولا انتظر رد منها بعد ما خلصت نوف لبست عبايتها وخرجت ركبت السياره وحرك ثامر بدون اي كلام نوف حست انها كسرته وجرحته ندمت على حركتها قررت انها تبدأ في الكلام وتعتذر منه : ثامر انا قطع كلامها بسرعه : ماابي اسمع شيء بذات في موضوع امس انسي اللي صار ولا تناقشيني ابد ولك مني يابنت عمي البعد ما اجبرك على اشياء ما تبينها نوف عرفت انه مجرد الكلام في اللي صار يجرحه : بس لازم تسمعني ثامر بحده مع عصبية بانت على نبرة صوته : قلت ماابي اسمع ولا شيء انتهى نوف التزمت الصمت حست ان الكلام في الموضوع الحين غلط انقهرت من نفسها تمنت انها في مكان لوحدها وتبكي لين ترتاح وصلوا بيتهم نزل ثامر وطلع غرفة النوم وهي وراه اول مادخل سحب شنطة وفتحها وحط فيها اغراضه نوف : لية تحط اغراضك في الشنطه ثامر : بروح غرفة الضيوف اتوقع انه مو مرحب فيني اشارك في نفس الغرفه نوف : لا ماتروح ثامر : اسمعي لين هنا وبس اظن ذا الشيء يفرحك اكثر من جلوسي معك وانا بترك لك الغرفه ومو بس الغرفه صدقيني وجودي معك بيصير زي عدمه انتي اخترتي البعد. احساس اني منبوذ منك ما ابيه سمعتي نوف نزلت دموعها ودخلت الحمام جلست وهي تبكي اه مو قصدي كذا انا غبيه والله احبك وبديت انسى بس اخاف اني مااتحمل وانهار ماابيك تجيني الا وانا واثقه من نفسي اني قادره خلص ثامر وخرج بااغراضه في غرفه ثانيه بعد مارتب اغراضه راح يجيب غداء لنوف حطه في المطبخ وخرج من البيت ارسل لها الغداء في المطبخ انا بتغداء برا ____________________________ عند جسار طلع جواله ودق على فاتن كانت جالسه تفرفر في الجوال يوم شافته اتصاله ارتبكت وخافت يفضحها لو طنشت اتصاله على اخر رنه فاتن : نعم جسار : الله ينعم عليك حبيت اذكرك بتفاقنا فاتن : مانسيت عشان تذكرني بعدين انت وش مستفيد فهمني جسار : بقهرك زي ماكنت بتقهرين عمي فاتن : والله انت ظالمني جسار : مادقيت عشان اسمع تبرير انزلي انا واقف برا ابي توقيعك فاتن : واذا احد شافنا جسار : بالله ماابي اضحك اتوقع تقدرين تصرفين نفسك عاد انتي خبره فاتن كتمت قهرها عارفه ماينلعب معاه جسار : اسمعي اركبي ورا ماني ناقص مشاكلك بسرعه فاتن : طيب لبست عبايتها وخرجت وهي خارجه شافتها امها : وين رايحه فاتن ارتبكت : بروح بيت عمي دانه تبيني ضروري لولوه : طيب لا تطولين فاتن : طيب وخرجت بسرعه شافته سيارته ركبت ورا جسار : وعليكم السلام فاتن : اخلص علي وين اوقع جسار : لف عليها واشر لها وقعت ونزلت دموعها : كلكم ياالرجاجيل انذال لكن صدقني راح تندم جسار : خلصتي كلامك انزلي فاتن نزلت دخلت البيت وطلعت غرفتها وجلست تبكي ____________________________ عند رائف بهمس خايف احد يسمعه : اقول حتوم شرايك يعني بما انك زوج اختي وانا بعد زوج اختك ومحد مخلينا براحتنا شوف هو اقتراح خذ اختك وانا بعد باخذ اختي ونتقابل في مكان وانا اخذ زوجتي وانت بعد ونفرفر شوي على راحتنا حاتم ابتسم لرائف : قدام بس بكره العصر ونرجع العشاء رائف ضحك : وانا كنت خايف ترفض بس شكلك رايح فيها حاتم : ابلع العافيه قبل مااخليك تبلعها غصب رائف : طيب لا تعلم دانه حاتم : لا م عليك مفاجئه راجح : شباب شرايكم بكره نروح نتمشى الكل وافق حاتم : انا اعذروني مشغول رائف : وانا بعد راجح : لو انك مو معي في الشركه كان قلت منجد مشغول بس مافيه شغل شعندك رائف : بقابل واحد من زمان عنه راجح : طيب عادي تعالوا معنا رائف : معليش والله هو عزمني وصعبه راجح : اجل معذور _______________________________ في بيت ثامر دخل البيت راح المطبخ يبي ماء شاف الاكل مثل ماهو خاف عليها اخر مره اكلت يوم جمعتهم طلع ناوي يشوفها دق الباب مافيه اي رد دخل شافها نايمه راح عندها وصحها : قومي بجيب شيء تاكلينه ولا تبين نروح مطعم نوف : مالي نفس ثامر : ماهو بكيفك والحين تقومين تغسلين وجهك وتصلين العشاء وتنزلين ياويلك تتأخرين نوف مااستغربت من اسلوبه وعاذرته قامت تسوي اللي قال عليه ماتبي تزيد الزعل بينهم _______________________________ عند رائف قاعد يكلم دانه رائف : حبيبتي انا بكره طالع البر مع اصحابي دانه : وشغلك رائف : اجازه كم يوم برتاح دانه : انت اصلن دايم مرتاح ماجات على بكره رائف : ههههههههههههه اوه حبيبتي شكلك ماتبيني ارتاح دانه : هههههههههههه يقال الحين زعلت رائف بتمثيل : ايوه زعلت ولا ماعندي مشاعر هذا وانا اقول باخذ اجازه شهرين اذا تزوجنا دانه : ياقلبي انا بعدين مو كأنها كثير شهرين رائف بجديه : شعندك دانه : كأنك ماتدري بس بخليك براحتك رائف : لا ماادري قولي دانه : مابقول انت عارف رائف : اعتبريني ماادري وقولي دانه : الحين اسبوعين كل ماكلمتك قلت ماانت فاضي تجي واشوفك فاضي للبر والكشتات رائف : اصحابي عزموني وملزمين علي وبعدين انتي عارفه ضروف شغلي دانه : اها قلت ملزمين ويوم الزم عليك مااشوفك تفضي نفسك رائف يغير السالفه : يعني مشتاقه دانه انقهرت منه بسرعه غير السالفه : ايه مره مشتاقه انا بقفل مشغوله رائف في نفسه اوخس المشغوله تتغلى لكن هين : طيب حبيبي انتبهي لنفسك واستودعتك الله دانه : سلام رائف في باله ههههههههههههه والله قافله : طيب مع السلامه قفل رائف وفكها ضحك عليها هو قصر معها ذا الاسبوعين بس غصب عنه دخل الواتس شافها متصله وزاد ضحكه ياحبني لك يالزعلانه دخل جابر الغرفه ابتسم على ضحك اخوه : خير يالاخو ضحكك واصل تحت رائف : شدخلك اضحك على شيء جابر : والله اعرفك ماتضحك كذا الا اذا سويت نذاله رائف : رفعت ضغطها جابر : مستانس ان شاء الله تطلعها من عينك رائف : ولو نراضيها جابر : الله يرحم رائف : جابر انخمد احسن لك جابر : هههههههههههههه تبي الفكه رائف : ماوراك دوام انت جابر : يادافع البلا عندي دوام بس بكره اختبار رائف : يعني بتطلع بدري جابر : لا وين اتحدا يطلعني بيخليني لنهاية الداوم قبل يومين مستأذن رائف : قلنا لك اترك التدريس وتعال اشتغل معنا في الشركه ماتسمع جابر : قلت لكم مالي الا الاجر والثواب رائف : الله يقويك جابر طنشه وتوجه لسريره بينام رائف رجع يطالع في الواتس شافها متصله ارسل هذي اللي مشغوله على طول خرجت رمى الجوال وتلحف بينام __________________________________ اليوم الثاني: راجح : خلينا ننسى لمياء : بكل بساطه تقول ننسى انت عشت فتره خطوبه طبيعيه قبل لك تجربتك بس انا نكدت علي وبكل بساطه تقول ننسى طيب افرض اني ماشيتك وقلت خلاص ننسى على بالك مابتبقى في قلبي مو بكل سهوله انسى ياخي انت عيشتني رعب يكفي تهديدك لي بصورتي راجح : انا عارف انه مو بكل سهوله بتنسين اللي صار بس تعايشي مع واقعك لا تخلين للماضي مجال في حاظرك بتتعبين وبتعب معك صدقيني ماهو في صالحك اذا بتعانديني لان امرك في الاخير بيدي واذا مارضيتي بطيب بترضين بالغصب في كل الحالتين بتتنفذ اوامري لمياء : هذا كلامك وتطلب مني انسى مغرور وشايفك نفسك انت بلوه في حياتي وعليه الصبر وانتظار الفرج راجح : دام هذا كلامك انتهينا من السالفه ذي وخليك على عنادك انا بجيك اليوم لمياء : مو لازم تجي عشان تبين للكل انك الزوج المحب ارتاح وريح راجح : حبيبي انا مو طرطور تمشيني على كيفك حطيها في بالك انا اذا قلت كلمه تتنفذ مو حرمه تمشيني على كيفها ويوم قلت بجي يعني بجيك الله لا يعوقني بشر وماهمني احد سوا شافوني زوج محب او لا انا ابجيك عشان احس اني متزوج وابي اعيش فترة الملكه بالطول والعرض حتى لو مارضيتي وصل ياقلبي لمياء بصوت يدل على انها قربت تبكي: انت اناني راجح : قلت لك انتي المتضرره والحين مالك الا دموعك لمياء حست انها لو كملت معاه بتنجن : تدري الله ينتقم منك وقفلت في وجهه راجح انتي اللي جبرتيني مو راضيه تنسين بس مالك الا اني اروضك لمياء اطلقت العنان لدموعها حبستها بمافيه الكفايه ______________________________ حاتم يكلم دانه وهو في السياره : دانه البسي عبايتك وتعالي لك 10 دقايق ولا تقولين للبنات ابيك ضروري دانه : طيب دقايق بعد مده خرجت دانه وركبت معاه دانه : وش فيه حتوم اقلقتني حاتم : شوي تعرفين بعدها بمده جنب السياره وارسل لرائف "ياولد وينك المفروض انك فيه" رائف "شسوي في غيداء طلعت عيني على بال ماخرجنا " حاتم ابتسم "دام كذا معذور" بعد ربع ساعه انتظار وحاتم طفش من دانه كل شوي تسأل وش فيه شاف سياره رائف وراه حاتم : دندونتي انتظري شوي وارجع لك دانه : طيب ننتظر من اول جت على الحين بعدها بدقايق فتح السياره وركب دانه وهي جالسه تطقطق على الجوال : شوف تراك رافع ضغطي قول وش وراك رفعت راسها بصدمه يوم قال اشتقت لك دانه تطالع فيه وهي مبققه عيونها رائف : مااشتقتي لي دانه : انت وش جابك رائف : لا ما هقيتها منك توقعت بتاخذين بالاحضان دانه : لا ياشيخ بعدين وين حويتم رائف : في سيارتي مع غيداء لفت دانه وجهها عنه تطالع في الشارع رائف مسك يدها وباسها : افأ حبيبة قلبي عتبانه دانه طالعت فيه وعيونها مليانه دموع هو عودها عليه كان طول الوقت يكلمها وتقريبا شبه يوميا يشوفها رائف : لالا تكفين الا دموعك والله ياقلبي انشغلت ويوم قلت لك بطلع مع اصحابي كنت متفق مع حاتم اسوي لك مفاجئه وقسم اشتقت لك وابي اعوضك دانه : حتى انا اشتقت لك حيل رائف رفع يدها مره ثانيه وطول وهو يبوسها : احبك ياقلبي دانه : لاعاد تعيدها رائف : ابشري دانه : وين تبينا نروح رائف : افكر نروح فندق وناخذ راحتنا فيه دانه : والله انك تحلم بعدين حاتم النذل كيف يتركني معك لوحدي رائف : هههههههههههه مالك الا انا حاتم اخذ مقابل دانه : صدق يالرجال ان مالكم امان رائف : يازينك بس دانه : منجد الحين وين بنروح رائف : والله انا صادق بنطول مع بعض نروح فندق احسن قسم بالله مااسوي شي بس اشوفك وناخذ راحتنا في الجلسه دانه ياويل منك حتى بجامتي مابدلتها كله منك ياحاتم النذل لو قايل لي على الاقل ابدل رائف سافها طولت وهي تفكر : ها ترا مابغصبك اللي يريحك نسويه دانه : ماادري رائف : اجل نروح فندق احسن _______________________________ الوضع عند حاتم نفس وضع رائف بس ماهم متزاعلين ☺ حاتم :ياقلبي اريح لنا الفندق غيداء : قلت لا حاتم : ترا حجزنا انا ورائف جنب بعض يعني الوضع امنا وجوالك معاك لو تضايقتي دقي عليه او اطلعي عنده غيداء بقهر : يعني مخطط انت وهو لكل شيء حاتم ابتسم : شنسوي مشتاقين والله ونبي قعده محترمه غيداء ابتسمت على حماسه : طيب طبعا الشباب فلوها لين العشاء ولازم من نذالتهم في البنات مستحيل مايحرجونهم ينبسطون اذا شافوا خجلهم وماخذين راحتهم فيهم ___________________________ في الليل الساعه واحده جسار دق على فاتن فاتن : نعم وش تبي جسار : انا عند الباب اطلعي لي فاتن : خير لايكون مصدق عمرك اني بطلع جسار : وليه مااصدق عمري وبلا هذره زايده اطلعي بسرعه فاتن : انت تبي تفضحنا جسار : اقسم بالله لو ماطلعتي لاوريك الفضيحه وشلون فاتن : انا خايفه جسار : مايهمني انتظرك فاتن قامت وهي مكسوره خرجت تشوف الوضع اذا فيه احد صاحي مابتطلع لو يفضحها شافت ان الكل نايم لبست عبايتها وطلعت ركبت السياره جسار : مافيه سلام بعدين ساعه انتظر حظرت جنابك تشرفين فاتن : انت اللي جبتها لنفسك وبعدين لو احد شايفني طالعه وش اقول اعلمهم بسواد وجهك جسار : عشان اعلمهم بسواد وجهك منجد وقتها فاتن : الحين وين تبينا نروح جسار : شقتنا ياحلوه فاتن : شقتنا بالله عليك الحين وش تبي مني جسار ابتسم : ابي زوجتي تنام في حضني فاتن : واذا احد عرف بعدين مستحيل انام معاك جسار : مااحد بيعرف قبل الفجر برجعك بعدين مو ميت عليك ابيك تنظفين الشقه توي مستاجرها ترين شقه مفروشه بس ابيك ترتبين اغراضي وجبت لك ملابس فاتن : من قال اني ابي ملابس جسار : بتحتاجينها للايام الجايه فاتن : لين متى ناوي تخلي زواجنا بالسر جسار : لين ربك يفرجها عليك ________________________ هنا وانتهى البارت دمتم بسعاده | ||||
|
| |
|
07-03-17, 07:01 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "همسه* إذا استعجلك الشيطان في صلاتك ! فَ تذكر أن كل ماتريد لحاقه ، وجميع مآتخشى فوآته ، بيد من وقفت أمامه ! " تأملها " ____________________________________________ البارت الثاني عشر & جسار : انزلي وصلنا فاتن خايفه من وضعهم الحين استفرد فيها ومافيه من يرده عن شيء صح ولد عمها بس هي ماعندها ثقه في الرجال ابدا واللي صار بينهم ابد مايشفع له جسار : ماانتي ناويه تنزلين ولا تستنين عزيمه فاتن بصوت منكسر والدموع في عيونها : انا خايفه جسار كسرت خاطره بس مابين وقسى قلبه : انا مو وحش او برميك في مكان ماهو بصاحي واترك انزلي واتركي الدلع فاتن ابد ماكانت ناقصه كلامه نزلت دموعها : رجعني بيتنا جسار بحده وقساوه مايدري من فين جاته : شوفي ماانتي براجعه البيت حتى تسوين اللي قلت لك عليه والحين بنزل وخليك في السياره لين يلين راسك فاتن خافت اكثر بيتركها في السياره لوحدها في اخر الليل هو ولد عمها وميته رعب اجل كيف الغريب اذا شاف فرصه اول ماشافته ينزل نزلت بسرعه جسار ابتسم وتنفس براحه توقعها بتعاند بس ماتستسلم بذا السهوله عرف انها خوفها بشكل كبير مشى قدامها وهي وراه كانت الشقه في الدور الثاني دخلوا الاصنصير وصلوا الشقه جسار : ارحبي هلا بعروستي والله فاتن طنشته سمت بالله ودخلت استودعت الله نفسها جسار : تعالي وراي طبعا زي ماانتي شايفه هذي الصاله ( كان فيها جلسه رايقه ومريحه كان فيها تلفزيون ) جسار مشى متجهه للمطبخ : وهذا المطبخ ( المطبخ كبير والدولاب كان ابيض وموف وكان موجود فيه طاولة طعام لاربعه اشخاص ) خرج من المطبخ ودخل غرفه كانت مجلس الحريم وكان فيه كنب وطاولات بعدها ورها مجلس الرجال وكان مثل مجلس الحريم بس الالوان غير بعدها دخل غرفه كانت غرفه نوم للضيوف ودخل غرفه ثانيه كانت غرفه اطفال اخر شيء غرفه النوم كان لونها ابيض فاتن اعجبها البيت كثير واستغربت انه شقه مفروشه بس ما تكلمت طبعا كل هذا وهي مانزلت عبايتها ولا فكت نقابها جسار طالع فيها : الى متى ناويه تجلسين بعبايتك ترا انا زوجك اذا ماانتي عارفه فاتن خايفه اول مره احد يشوفها غير اخوانها وابوها : اظن انا جايه عشان ارتب بس مااشوف شيء مو مرتب ومالك دخل في شكلي انا حابه اجلس كذا عجبك ماعجبك مو شغلي جسار هز راسه وتوجهه لها فاتن اول ماشافته يقرب منها ماتت رعب مدت يدها بمعنى وقف : وش تبي جسار : قلت يمكن ماتعرفين تفصخين عبايتك انا انزلها لك فاتن برجفه بانت عليها : طيب بفصخ نقابي بس الله يخليك بس لا تقرب جسار : تو تو قلت عبايتها مو بس نقابك فاتن : الله يخليك جسار جسار : اظن كلامي واضح ولا تبيني ادلع واجيك حاظرين فاتن : طيب فصخت نقابها وهي منزله راسها ودموعها تنزل ثم نزلت عبايتها جسار طالع فيها وهو منبهر من نعومتها اعجبه شكلها كثير وجمالها كان جذاب تكلم بسرعه عشان ماينجذب لها اكثر : بلاهه ذا الدموع والله مابسوي لك شيء مستحيل اضرك ارتاحي وهدي لي نفسك فاتن وهي تبكي اكثر : طيب وش تبي مني انت ضريتني وانتهى جسار قرب منها يبي يهديها بس وقفته صرختها : الله يخليك لا تقرب جسار انفجع : فاتن تعوذي من ابليس مابقرب منك خلاص الله يهديك بس بعدين حلفت والله مااسوي لك شيء ولا بضرك ارحمي نفسك فاتن هدت يوم شافته يحلف : طيب الحين وش اسوي مو قلت ابيك ترتبين جسار : انا رتبت كل شيء بس كنت ابي اشوفك ونجلس مع بعض شوي انقهرت فاتن مطلعها اخر الليل وعشان بس يشوفها ولا هو حاسب حساب شيء ولا خاف عليها ان احد يكشفها : الحين مطلعني ذا الوقت ومعيشني في رعب عشان بس تشوفني جسار : مااظن فيها شيء زوج ويبي يشوف زوجته مااجرمت فاتن بصراخ : الا اجرمت يوم انك متزوجني بالسر اجرمت يوم انك مطلعني في اخر الليل واهلي ماهم عارفين بنتهم رايحه وين المشكله مع ولد عمها اللي الكل يحسب له الف حساب اجرمت يوم انك غاصبني اوقف معاك بهذا الشكل ولا انت حاس بالخوف من احد ولا حاس بخوفي اجرمت يوم انك تلعب من ورا عمك جسار صرخ فيها وهو مايشوف من العصبيه: انكتمي واحترمي نفسك قبل مااوريك الاجرام على اصوله صوتك لا يرتفع عندي اوامري تتنفذ بالحرف ولا لي تصرف ثاني معاك اقسم باللي خلقها سبع ورفعها سبع ان عاد رفعتي صوتك لاوريك الاجرام كيف واخليك تعرفين تثمنين كلامك وتوزنينه انا لين الحين متساهل معاك نصيحه لا تخلين اوريك شيء مايعجبك واشوفك ماحسبتي حساب لاحد يوم انك طلعتي مع صاحبتك ولا احد يدري وينك فيه فاتن انرعبت من صوته وكتمت نفسها من الخوف ماتوقعت انه عصبي كذا جسار هدى شوي يوم شاف شكلها ندم انه خوفها بس هي لسانها متبري منها : اشوفك انطميتي فاتن انقهرت منه : الحين وش تبي يعني ارد عليك ترا كلك على بعضك ماخوفتني جسار بستهزاء : واضح فاتن بتهور ماحسبت حسابه : مااشوفك رجال عشان اخاف منك انصدمت من الكف اللي جاها : حدك عاد الا رجولتي مو انتي اللي تحكمين عليها ولو انك مو بنت عمي كان عرفتك معنى كلمتك هذي ووريتك معناها صح فاتن ماسكه خدها : انت انسان حقير وكل مره اكرهك بزياده واشوف حقارتك اكثر جسار : انكتمي ترا ماسك نفسي عنك بالقوه لا ارجع لاهلك مشوهه فاتن خافت منجد ترجع لاهلها وباين فيها الضرب فسكتت كفايه الكف ودعت انه مايبان جسار : عمري ماضرب حرمه بس الظاهر انتي بتغيريني نصيحه احترمي نفسك عشان تسلمين فاتن ساكته خلاص معاد فيها تجادل دام وصلت للضرب جسار وهو يأشر لها : شوفي فيه اكياس هناك جبت لك ملابس يمكن تحتاجينها تأكدي مقاسك ولا لا فاتن : ماراح البسها ولا راح احتاجها اللي يسمعك يقول بعيش معاك علطول هدي نفسك بس جسار : انا مااقول لك عشان تقولين بلبسها ولالا انا الحين ابيك تشوفينها اذا مقاسك ولا لا اظن انك تفهمين والحين يالله قدامي روحي افتحيها فاتن واقفه وهي تهز رجلها بتوتر ماتبي وخايفه جسار بصرخ : تحركي اشوف انا اكلم انسان مو حيوان حتى الحيوان يخاف ويتحرك فاتن من اول ماصرخ مشت بسرعه للاكياس تشوف المقسات فتحت الكيس الاول كان فيه بناطيل شافت المقاسات كانت تمام وشافت الكيس الثاني بلايز وكان تمام الكيس الثالث بعد وكان فيه بجايم اما الكيس الرابع فتحته وقامت علطول ابتسم جسار على عصبيته يوم شافها قامت زي المقروصه وكتم ضحكته وقفت وهي منزله راسها وتكلمت بصوت واطي : خلصت وتمام المقاسات جسار ووده يضضحك بس مايبي يخرب الهيبه : لا ماخلصتي فيه كيس ماشفتي مقاساته ولا شفتي اللي فيه فاتن كان ودها تبلعها الارض من الاحراج : مايلزمني اخر كيس ورجع اللي فيه لانه مستحيل البسها جسار ابتسم على جنب : لا مو مستحيل وصدقيني بتلبسينها وبرضاك بعد رفعت راسها مقهوره من ثقته مدت اصبعها لسبابه وهي تقول : اسمع قسم لو تذبحني ماالبسها عندك وكلامي ماراح اعيده جسار هز راسها وضحك ماقدر يكتمها اكثر من كذا فاتن انحرجت وتمنت تعطيه كف يبرد على قلبها بعد مده حاول يمسك نفسك : طيب دام المقسات تمام وطلع توقعي صح اكيد حتى قمصان النوم مقاساتها تمام والحين مابجادلك على لبسها بس تشوفيني هذا وهو ماسك شنبه مو على رجال اذا مالبستيها وبرضاك فاتن ودها تبكي من الاحراج ومن كلامه وثقته قالت في نفسها وقح وحقير مو مراعي شعوري طالع في ساعته اوه تصدقين لنا ساعه من يوم وصلنا ماحسيت بالوقت الحين الساعه 3 اربعه ونص نطلع من هنا واليوم اللي ماني مستلم فيه بمر لك وتجين عندي لين الفجر غير الايام اللي ابيك تسحبين على الجمعه وتدورين عذر واجيك من بدري فاتن بسرعه : لا يوم الجمعه مااقدر اخاف احد يكشفني جسار : لا مو دايم بس اذا بغيت ومااتوقع اني بحتاجها لاني ابيك تقولين للكل ان صاحبتك لقت وظيفه لك في البنك حسب علمي انك عاطله المهم تعرفين دوام البنك من 9 يبدأ لين 4 العصر وهذا الوقت ابيك تكونين في الشقه سوا انا موجود او لا فاتن بعتراض : لا مالكذب اصلن واضحه كيف عندي وظيفه بدون راتب وبعد وش اجلس اسوي لو ماانت فيه اناظر في الشقه جسار : يعني على بالك مافكرت فيها الراتب انا بحول لك كل شهر 5 آلاف من راتبي اما على الجيه بتجين لا تشيلين همها اهم شيء كوني راضيه عشان ماتجين بالغصب فاتن تبي تعترض بس قاطعها جسار : انتهى النقاش عليك التنفيذ وبس فاتن : شايفني حرامي قدامك وقاعد تلقي اوامرك عليه ترا انت الحين مو في عملك جسار ابتسم : يازينك بس الحين احمدي ربك انك مو حرامي الا كان لي تصرف ثاني معاك ماراح يعجبك ابد فاتن : اجل تصرفاتك كلها مو حلوه طنشها وتحرك : انا بروح اشوف لي فيلم سوي قهوه وتعالي وترا فيه حلا في الثلاجه وخرابيط جيبها معاك خرج بسرعه تارف بتعترض وبتسوي سالفه وفي الاخير بترضى وتويها غصب عنها فاتن انقهرت لانه مااعطها فرصه تعترض وعارفه العناد مابيفيد معاهةلانه بيمشي كلامه قررت تسوي اللي يبي وتريح نفسها خرجت شافته يقلب دخلت المطبخ دورت على الاغراض في الدولاب شافت فيه قهوه جاهزه بس تغليها فتحت الثلاجه شافت الحلا كان تشيزكيك بالتوت بعد 10 دقايق خرجت حطت الاشياء قدامه طالع في الصحن : وانتي ماتبين فاتن : لا مستحيل اتقهوى معاك جسار : بكيفك انتي الخسرانه صب له في فنجان قهوه واخذ الحلا اكله وهو يتلذذ يبي يقهرها فاتن اشتهت الحلا من اول ماشافته بس ماتبين تشاركه والحين تلذذ قدامها قهرها قالت عشان ماينتبه لها : الحين الساعه كم جسار وهو يطالع في الساعه : 4 قدامنا نص ساعه بأمكانك تضيعينها بالسوالف بس انتي الله يهديك حاقده خلاص طاح الفاس بالراس فاتن : خلاص عندك مو عندي جاسر : اجل بتتعبين فاتن بجديه : جسار لين متى بنجلس كذا على هذا الحال جسار : لين ربك يفرجها فاتن : طيب نهايتنا وش بتكون بتطلقني جسار طالع فيها شويه : شيلي من راسك الطلاق فاتن : طيب اذا احد خطبني وعجب ابوي جسار : اللي سمعته ان عمي مايغصبك على شيء وانك ماتبين الزواج وكل ماجاك احد رفضتيه فاتن انصدمت انه يعرف هي كانت تبي الشيء لصالحها بس انصدمت انه عارف ابتسم جسار : ترا اعرف كل شيء عنك وسهله اذا جاك احد ارفضي كالعاده فاتن : وعلى بالك ابوي كل مره بيقبل برفضي جسار : عاد تصرفي فاتن : طيب يمكن يجيني احد ويعجبني جسار طالع فيها بحده : شوفي الكلام اللي ماله داعي ثمنيه وانا عارف انك كارهه الزواج والرجال فلا تلعبين بالنار عشان ماتحرقك والحين قومي البسي برجعك ولا عاد اسمع هذا الكلام مره ثانيه لان الموضوع منتهي ودام اسمك ارتبط بأسمي مستحيل اطلق لو على قص رقبتي وبيجي اليوم اللي لازم يعرف الكل سكتت فاتن حست بجديته في الموضوع وانه حسم السالفه من الاساس قامت لبست عبايتها وطلعوا وطول الوقت كانت تفكر هل بيكون غير مابيخونها ولا بيطلقها مستحيل بيجي الوقت اللي يطفش ويطلقني ويغير بوحده ثانيه انا حظي كذا ياخوفي اتعلق فيك واحبك طالعت فيه وهو يسوق ومنتبه للطريق وعرق في جبينه ينبض تأملت وجهه جميل اجمل من هيثم بكثير خطيبها سابقا ملامحه تدل على الرجوله تدل على انه مايلعب وواضح اللي في قلبه يشويه لفت للجهه الثانيه تطالع في الشارع اصلن كلكم كذا غشاشين تبون الوحده تهتم فيكم وتقدركم بعدها تجرحونها بدون ضمير وترمونها انا جربت حظي مره مستحيل اعيدها وهذا انت الحين بدايتك ابدا ماتشفع لك ليه احبك وش اللي يخليني احبك وتصرفاتك كلها معي وقاحه ومن بدايتها ضرب بس الحق انا تماديت والمفروض ما قلت كلامي ذاك يالله عدت اما عند جسار فكانت افكاره جميل وجذابه بس لسانك طويل ويمكن من عقدتك كلامك مدري وش بسوي وانا بس فكرة اني اطلق قهرتني بصراحه دخلتي مزاجي مستحيل افرط فيك اخاف يجي الوقت اللي اتعلق واحبك واخسرك مستحيل اخليك تضيعين مني ماادري كيف الحمار فرط فيك وخانك جمال وادب انا عارف ان كلامك من اللي صار لك مالومك واكيد انك حبيتيه بس هو ماقدر حبك وربي كاتبك من نصيبي ان شاء الله مااقول غير الا الله يسهلها علينا وقف عند بيتهم شافها ماانتبهت انهم وصلوا جسار بتنهيده : فاتن وصلنا انزلي وانتبهي لنفسك واذ دقيت ردي اول ماتوصلين غرفتك طمنيني فاتن طول ماهو يتكلم كانت تطالع فيه وحست انها بتبكي وعيونها كانت مليانه دموع هو فتح احاسيس وافكار نزلت بدون ماتتكلم اما جسار شاف دموعها ماعرف ليه قلبه اوجعه من دموعها حس انها من وجع دخلت البيت وماكان فيه حس لاحد فسخت عبايتها وطلعت بسرعه لغرفتها جلست تفكر ارسل له ولا اطنش بس شافت جوالها يدق طلعته كان جسار اعطته مشغول فتحت الواتس وارسلت "خلاص انا في الغرفه" جسار رد عليها "طيب ليه ماارسلتي من اول عشان امشي" فاتن "ليه مامشيت بتقنعني انك بتتطمن ولا خايف" جسار "لو خايف كان مشيت ولا جلست افكر فيك انا واقف عشان ماابي احد يشوفك ويضرك" ماعرفت ترد عليه قامت فتحت الستاره شافته لسى واقف ارسلت "خلاص روح" جسار " لايهمّك لو لقيت الناس من حولك كثير . الأهَم إللي وفا من هـ الحبايب وش كثر الجروح أحيان تبقى داخلك مهما يصير . يعني مو كل الجروح تْطيب ، ماتترك أثر" شافت رسالته جلست تفكر في الكلام وش مغزاه منه راحت وانسدحت على سريرها وجلست تطالع في كل كلمه وتفكر بها ماحست في نفسها ونامت ₩اليوم الثاني₩ في بيت منصور : سديم : هيا بابا والله البنت مالها ذنب منصور : ياقلب ابوك انتي ادي ان البنت مالها ذنب وبعدين انت عارفه ان اكرهه هذي العايله مو عشان ولد عمها زي ماتقولين سديم : بابا والله البنت محترمه وماشفت عليها شيء الا كان ماصاحبتها منصور : بس انا خايف عليك البنت لو تجي هنا مااقول شيء لكن روحتك لها صعبه سديم : والله هي كذا مره تعزمني واعتذر وهذي المره لزمت علي وتحسست مني تقول انت كله عشان ولد عمي طيب انا مالي ذنب والله انحرجت يابابا منصور : طيب تروحين بس ساعتين وتخرجين سديم بفرحه قامت ضمت ابوها وباسة راسه : شكرا يااحلى اب في الدنيا ابتسم منصور مع انه معارض رواحتها عند البنت هذي بس مايبي يكسر خطرها العيال يتحلطمون مايقدرون يعترضون الكلمه كلمة ابوهم الا كان من البدايه مافكرت تقول ابي اروح عندها راجح : متى حفلتها عساها ماني بقايل سديم زعلت عارفه انه مقهور بس ماله دخل : يوم الجمعه راجح : ماشاء الله يوم جمعتنا يعني مالقيت غير هذا اليوم سديم : واللع عاد البنت حددت هذا اليوم وش اقولها غيري يوم جمعتنا راجح : انتي عارفه ان جدي مايبي واحد فينا مايكون موجود وانتي تبين تروحين من بيفضى لك رائف : انا بوديها مابروح من الأصل راجح : ليه رائف : شيء خاص فيني منصور : وش فيك ياولدي من متى وانت تسحب وماتروح لجدك رائف : من اليوم وجدي عارف ليه مااروح له وانتهى منصور : دام ابوي عارف بكيفك سديم : بس ترا بروح عند جدي لين العشاء وبها تودين رائف : يصير خير وترين من الحين اقول لك ماني متحرك من قدام بيتها الا وانتي معي سديم : اوف اوف كل هذا خوف علي ترا مابشرد رائف : اذا تبين تجلسين اتترضي كفايه ان مانقدر نرد كلمة يقولها ابوي سديم لفت عنه لانه باين انه يبي يتخاصم عشان يرفض ويلقى له عله ففضلت انها تسكت رائف حس انه متضايق من ذكر يوم الجمعه وجمعتهم عند الجد صار يكره يروح له كل ماشافه الا يرمي كلمه عليه ولا مايرتاح حتى ان اغلب الشباب لاحظوا ان الجد متغير على رائف بس ماقال لهم ومستحيل يقول رائف : انا بطلع اريح شوي تعبان تامرون على شيء الكل : سلامتك رائف : يسلمكم لي وطلع غرفته طلع جوالها وقفله هذا حاله اذا تضايق من سالفة جده يبتعد عن الكل جده اللي كان مايحب احد يغلط على رائف ولو بالمزح واللي صار هو اللي يغلط عليه ومو راضي يصدقه ويبوني اروح وانقهر زياده على الاقل مره اسحب ₩في بيت ثامر ₩ ثامر ينادي باأعلى صوت : يانوف تعالي نوف خرجت مفجوعه تحسب فيه شيء : اشبك ثامر طالع فيه : مافيني شيء بس جبت لنا غداء روحي جهزيه نوف : مو قلت سوي انا خرجت الاشياء ثامر : عاد قلت وجبت وبعدين ماسويتي رجعي الاشياء وانتهينا نوف : طيب اعصابك ثامر : تبين خصام يعني اظن ماصارخت او ضربتك ولا حتى الكلام ماتبينه نوف انفجعت هذا يألف من راسه : ماقلت انك خاصمت بس انت مو عاجبك كلامي وكأنك مو متحمل ثامر : ايوه برافوا عليك قلتها مو متحمل حتى نفسي مو متحملها ممكن الحين تروحين تجهزين الغداء عشان ماتنسد نفسي لاني ميت جوع نوف : ابشر مشت بس وقفها صوته : ولو سمحتي حطي لي لوحدي افضل نوف وجعها قلبها من كلامه حست العبره خنقتها مو لذا الدرجه يبعدها عنه ندمت من حركتها بس هو صد وشكل صده بيطول جهزت الغداء وخرجت حطته على الطاوله : ثامر الغداء جاهز توجه للطاوله جلس وهي جلست بعد ثامر مايبي يجرحها ويقول لها تقوم بس قرر يقول اللي في باله : نوف روحي بدلي ملابسك وتعالي تغدي طالعت في ملابسها كانت عاديه عرف من نظرتها انها تقيم لبسها وان مافيه شيء بس بالنسبه لها جميل واللون لايق عليها ومبين نعومتها ثامر : اذا تبيني اجلس واكل معك بدلي ولا بقوم ترا يابنت الناس معاد فيني حيل هذا تعب وهو يأشر على قلبه نوف انصدمت من كلامه وبابن انه طالع من قلبه قامت من عنده ماتبي تتعبه اكثر تبيه مرتاح لبست جلابيه ورجعت جلست عنده كل واحد ياكل بهدوء لدرجه ينشك انهم يتنفسون بعد الغداء نوف : تبي شاي ثامر : لا تسلمين جلست نوف وكانت مواجهه له ثامر لف وانسدح على الكنبه واخذ الريموت وجلس يقلب عرفت انه يتجاهل وجودها حست انها خلاص معاد تقدر تمسك نفسها سمع شهقتها عرف انها تبكي نوف قامت بسرعه ماتبي تبين له انها مقهوره اما ثامر رمى الريموت وجلس يتأفأف : لا في قربي رضت ولا في بعدي رضت ياربي الهمني الصبر خلني اخرج اتمشى شوي يمكن اوصل لحل ₩عند راجح ₩ بعد ماارسل لنوف انه بيجيها العصر واعتذر عن امس طلع غرفته يتجهز لبس بنطلون جنز وتيشيرت ابيض ولبس ساعته خرج من البيت بعد صلاة العصر توجهه لمحل ورد وسوى باقه لها لون الورد ابيض وموف بعدها توجهه لمحل عطور واخذ عطرها المفضل طبعا سأل خواته غلف العطر كان لون التغليف اسود وشريطته حمراء وفيه ورد احمر حطه في كيس اسود وحط الباقه معها توجهه لبيت عمه ₩في بيت ناصر ₩ ناصر : قوم يافادي ناد اختك ماصارت فادي مع ابتسامه يبي يقهر راجح : عادي الحين بتجي اتركها على راحتها اكيد الاخ بيطول راجح : على قلبك لين تقول روح فادي : ههههههههههههههه اجل اختي خجوله من اول ماتشوفك بتقول روح راجح : اها حلو ان قلت عشان لو قالتها اجلس فادي : نشبه ناصر : اجل انا اتركم تاخذون راحتكم راجح : افأ ياعم يعني انت بتنكد عليها والله الجلسه ماتحلى الا بك ناصر : ههههههههههههههههههههههههه هههههه اقول اترك عنك الهياط ترا مريت بوضعك كنت ابي فرصه عشان اتوحد فيها انحرج راجح اما فادي فكها ضحك : ماعليك انا عندهم ياابوي ماراح اتركهم لوحده اخاف على اختي من بعض الناس ناصر توجه لفادي ومسكه من اذنه : قوم قوم اترك النذاله دام انا خرجت مالك قعده فادي : ههههههههههههههههههههههههه ه ماهقيتها منك يالغالي راجح : تستاهل ماجاك خرج ناصر وفادي ناصر : روح ناد اختك ترا تأخرت على الرجال معاد فيه وقت عن الصلاه فادي : طيب طلع فادي عندها شافها جالسه على الجوال وشكلها عادي مكياج خفيف وشعرها رافعته ذيل حصان ولبسها كان عباره عن تنوره ميدي سوداء وبلوزه لونها احمر فاقع فادي : بنت وش تسوين انتي بعدين الرجال جالس يستنى من زمان وانا اقول اصبر اصبر في النهايه شكلك كذا لمياء : عادي وش فيه شكلي وش تتوقع بلبس يعني فادي : اقول لا يكثر وانقلعي المجلس ابوي قال نادها لمياء : طيب عند راجح والله اني عارف انك قاصده ذا التأخير لكن مو مشكله دواك عندي رفع راسه اول ماحس ان فيه احد دخل اعجبه شكلها مره صح ان لبسها عادي بس اللون الاحمر عجيب مع لون بشرتها لمياء كانت داخل وهي رافعه خشمها وبثقه اول ماشافت نظراته ارتبكت وتبخرت القوه اللي كانت فيها لمياء بأرتباك : السلام عليكم راجح طالع في وجهها وقرب منها : لالا مو كذا السلام مسك يدها وسحبها باس خدها وضمها لمياء اول مامسك يدها حست انها بتبكي يوم ضمها ماقدرت تمسك نفسها بكت خجل راجح حس فيها مسك كتوفها وبعدها عنه شوي : بسم الله عليك وش فيك لمياء ماقدرت ترفع راسها ودموعها ماوقفت وبصوت يادوب يطلع : بعد عني راجح : طيب طيب ها بعدت عنك وش فيك لمياء وهي لسى ترجف ماعرفت وش تقول هي بكت من الخجل راجح : بنت اكلمك انا وش فيك لمياء : مافيني شيء راجح : وهذا كله مافيك شيء اجل لو فيك شيء وش بتسوين جلس راجح وبعدها جلست لمياء دام الهدوء 5 دقايق راجح : هديتي الحين لمياء هزت راسها راجح : طيب ممكن تقولين لي وش فيك يعني ماتبين اضمك لمياء : انت احرجتني راجح : ههههههههههههههههههههههههه هههههه خرشتي اهلي لمياء انحرجت بزياده ماتدري كيف طلعت منها الكلمه راجح ابتسم من قلب على شكلها : كيفك لمياء : الحمدلله راجح : امس قلت بجيك وطلعت لي شغله مفاجئه في الشركه حتى الرساله مافضيت ارسل لك اسف يمكن اشغلتك معي لمياء بتوتر ماتدري وش اللي حصل لها مع انها كانت متوعده فيه ولا تبيه يجي لها بس كل الكلام ضاع من يوم دخلت وشافت نظراته راجح مد الكيس اللي عنده لها : تفضلي هذي هديه واتمنى تقبلينها وتعجبك رفعت راسها ماعرفت وش ترد عليه ماودها تاخذها بس اسلوبه ولباقته في الكلام احرجتها وصعب ترفض اخذت الكيس بدون ماتشوف اللي فيه : شكرا راجح : عفوا وتستاهلين اكثر عموما معاد يمديني اجلس اكثر من كذا الحين بيأذن اشوفك ان شاء الله مره ثانيه قرب منها يبي يودعها رجعت على ورا من غير ماتحس راجح يوم شاف ردت فعلها ضحك عليها لين قالت خلاص ارحمني بعد ماهدى ترا والله مااعض قرب منها وقبل جبينها وطلع اول ما طلع اخذت نفس راحه الحمدلله خرج على خير هذا اللي بسوي فيه وبسوي بلعت العافية يالله بس عشان مو متعوده عليه وهو رايق فتحت الكيس وشافت باقه الورد عجبها لونها كثير فتحت الهديه الثانيه شافت عطرها المفضل هذا كيف عرف اني احب يمكن شمه فيني وزوجته كان عندها مصيري اعرف طيب يمكن اختار وطلع نفس عطري ₩في بيت ناصر ₩ البنات جالسين وكان معاهم كنان هنادي : بنت تراك رجيتيني فيها فاتن : طيب مشتهيتها شسوي هنادي : هذا كنان عندك اطلبيه كنان كان جالس يشتغل على اوراق رفع راسه : خير وش فيه فاتن : لا حبيبي مافيه شي كمل شغلك ماعليك منها ذا الغبيه هنادي : لا والله اقول انطمي بس اسمع ترها من عصر ربي وهي راجتني مشتهيه تشيزكيك بالتوت ومافيه طلباته عشان نسوي مدري وين شافته فاتن بسرعه : شفته في صوره كنان : بس اخلص شغلي ويجيب جسار اوراق اروح اجيب لك جاهز تبين شي غيره فاتن بسرعه يوم سمعت سيرة جسار : لا ماابي شي حتى التشيز ماابيه هنادي : لا دخيلك اعرفها اذا اشتهت شيء ما تسكت حتى تاكله ابتسم كنان : تبشري هي بس تطلب ولها عيوني لو تبي هنادي تطالع فيه مفجوعه : هي ترا حتى انا اختك كنان : انتي لسانك اللي مايرحم يخرب عليك واسكتي خليني اخلص شغلي فاتن راحت جلست جنب كنان رفع راسه وابتسم : وش تبين فاتن باست خده : ولا شي ربي يخليك لي مد يده وضمها : ويخليك لي ياروح اخوك هنادي بصراخ : هي انت وهي راعوا مشاعري ترا انا اخاكم كنان عصب من صراخها : اقسم بالله لو ماقلبتي وجهك الحين مايصير لك خير انقلعي بسرعه على غرفتك هنادي اول ماصرخ فيها حطت رجلها عارفه انها خربتها رجع يكمل الاوراق قطع عليه نغمة جواله رد على المتصل _ارحب هلا والله _لا ياشيخ والله مشغول باخذ الاوراق وبروح اجيب حلا _هههههههههههههههههههههههه� �ه لا تعرفني مااحب الحلا بس اختي اشتهت _لا وين تجيب معاك جيب الاوراق وبس _دامك مصر على الطلعه اجل نبي تشيزكيك بالتوت _ان شاء الله اصلن ماباقي لي كثير واخلص انتظرك _سلام فاتن وكأنها ماتدري : من هذا كنان : جسار فاتن : اها عشان كذا قلت له يجيب معاه كنان : شسوي مصر على الطلعه يقول بجيب لك الاوراق بعدها نبي نطلع فاتن : طيب كان رحت انت وبعدين رحتم كنان : عاد اصر يقول مانبي نتأخر مستلم في الليل فاتن الحمدلله انه مستلم فكني من شره فتحت جوالها شافت فيه رسايل كثير فتحت الرسايل كانت من صاحباتها شوي شافت رساله من جسار "اكيد انتي اللي تبين الحلا لو انك اكلتي امس معي ماضرك بس شهيتي نفسك وحرمتيها على الفاضي والحين الله اللي بجيب بالهنا والعافيه وارسل فيس يغمز" انقهرت من الرساله حذفت المحادثه وخرجت وكرهت الحلا وانقهرت من هنادي ولسانها ___________________________ هنا وينتهي البارت توقعاتكم للاحداث القادمه دمت بسعاده | ||||
|
| |
|
23-03-17, 11:08 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث عشر يوم الجمعه الكل مجتمع عند الجد معاد رائف الجد : وين رائف منصور : في البيت ياابوي الجد : وليه ماجاء منصور : يقول جدي يعرف عاد حسيته مايبي يقول والا سألت هز راسه الجد والتفت يطالع راجح : راجح ياولدي تعال واشر جنبه توجه راجح لمكان ماأشر عليه الجد الجد طلع جواله : امسك اكتب رساله لرائف راجح : ابشر وش اكتب الجد : اكتب....... استغرب راجح من محتوى الرساله بس ماسأل يعرف لو الجد يبي يقول كان قال من البدايه من غير مااحد يسأله عند البنات : رنا : خير سدوم وش عندك متشيكه سديم : بروح حفلة مي رنا : وافق عمي اخيرا سديم : ايوه وافق بعد مايأست والله رنا : اهم شي وافق غيداء ودانه كانوا جالسين جنب بعض ويتكلمون بهمس فاتن : اقول وشعندكم من مصيبه غيداء طالعت فيها وابتسمت : وشعندك فاتن ضحكت : والله ان وراكم شي غيداء : ورنا جدار ماتشوفين فاتن : هههههههههههه سامجه دام اجتمعتم اكيد شي يخص حاتم ورائف اعترفوا دانه : هههههههههههه اقول بس ماتعلمين فاتن : ايه قولوا دانه : نفكر ننحاش معاهم شهقت فاتن : منجدكم دانه وغيداء : ههههههههههههههههههههههههه هههههه بشويش على نفسك ترا نمزح وجد : بنات شرايكم نلعب البنات : يالله وجد نبي نلعب صراحه او تختارين حكم سديم : معليش انا مو معاكم ماابي اخرب كشختي لمياء : فكينا بالله درينا انك رايحه عند مي ريم : ههههههههههههههه يبي لك تسوين دعايه سديم : سخيفات انطموا بس &رائف& اففف ياجدي يعني حتى وانا بعيد عنك ماخليتني في حالي طبعا الجد ارسل له "تبي تتهرب من فعلتك ماهو حل ولا بنساها لك طالما انا اشوفك او تتغيب عن الجمعه " والحل معاك والله تعبت منك وقف عند بيت جده دق على سديم وقال لها تطلع طلع كنان وشاف سياره رائف توجه له طق القزاز رائف فتح الباب ونزل يسلم عليه كنان : كيفك رائف : الحمدلله انت وش مسوي كنان : الحمدلله ها بتنزل رائف : لا والله استنى اختي بتروح لصاحبتها وبستناها لين تخلص كنان : ليه تستناها رائف : بتروح لعائله ال.... كنان عصب : وكيف وافقتم رائف: عاد مانبي نكسر كلمة ابوي كنان : طيب بخاويك رائف : تسوي فيه خير بدال الطفش ذا ركبوا السياره دقايق وركبت سديم وحركوا &عند الشباب& الاغلب كان يسولف عن الشغل حاتم يراسل غيداء ويتراجها تطلع له بس غيداء مسويه نذاله فيه ولا تبي تطلع عقاب على يوم الفندق حاتم "ترا اعيدها واستغل الفرصه صح واوريك قال عقاب" غيداء "ههههههههههههه معاد بثق في رائف" حاتم "مو شرط رائف اجيبك لو ابي" غيداء "هه هه قلت مو رائف طيب ورني" حاتم "تتحدين" غيداء وهي واثقه "يب يب" حاتم "اجل باي" حاتم راح لجده حاتم : جدي طلبتك الجد : عطيتك حاتم : ابي اطلع مع غيداء الجد : هههههههههههه لو اني عارف طلبك ماكان قلت عطيتك يانذل حاتم : ههههههههههههههههههههههههه هههههههههه عاد اعرفك ماتتراجع في كلمتك الجد : وين تبي تروح حاتم ببراءه : مطعم والله ومانطول الجد :طيب منصور دق على بنتك وخلها تروح مع حاتم منصور كان بيعترض بس قاطعه الجد : عطيت حاتم كلمه منصور : دام عطيته كلمه ماعاش من يردك ابتسم حاتم وطلع جواله فرحان دق عليها غيداء : الو حاتم يسوي فيها ثقيل قدامهم : السلام عليكم غيداء ابتسمت بالعاده يبدأ بغزل : وعليكم السلام ماعرفناك صراحه مسك ضحتكه فهم عليها : كيفك يابنت عمي غيداء : ههههههههههههههههههههههههه هههههه بالله لحظه خلني اتأكد من الاسم طالعت في الجوال : لا حاتم شعندك حاتم مطنش وهو بالقوه ماسك نفسه : اسمعي يالغاليه انا كلمت جدي وعمي واستأذنت منهم نطلع مشوار سوا تجهزي واطلعي انتظرك غيداء : وانا اقول اشبك ثقيل اثاريك عند ابوي وجدي حاتم : مردود عليها بس الحين تجهزي غيداء : اكلم ابوي اول اشوف حاتم : امسكي عمي بدال المشاوير اسأليه كلمت غيداء ابوها وقال انه موافق توهقت ولا تدري وش تسوي اهم شيء ماتطلع معاه اليوم وهو متوعد فيها غيداء تكلم نفسها : استاهل جنيت على نفسي دانه : خير وش فيك تتحلطمين غيداء : اخوك المتحمس ذا يبينا نطلع سوا تحديته على باللي ابوي مابيوافق بس للاسف خابت ضنوني دانه : ههههههههههههههههههههههههه هههههه محد قلك تتحدين حلال اللي بيسويه فيك غيداء : انطمي لا احرظ رائف عليك دانه : لا ياقلبي انا مرتاحه ومطمنه بعد رائف موفاضي لي غيداء : ياشيخه اشوف فيك يوم دانه : ياحؤام له له له تعيشين وتاكلين غيرها ويارب حاتم يطلع عيونك غيداء انقهرت ورمتها بجوالها انتبهت لها دانه ومسكت الجوال قبل يضرب فيها ابتسمت بنذاله: حبيبتي اذا ماتبين جوالك عادي قولي لحاتم مابيقول لك لا بجيب لك اخر شيء نزل واذا علي بعلم رائف بقول اختك تبي تشوهني مااظن بايعني غيداء : دانوه اقلبي وجهك تكفين لا اطلع حرتي فيك قسم محد بيفكك مني دانه وهي تقوم : لا حبيبتي بقوم قبل تسوين فيني شيء بس عجلي على اخوي اعرفه عجول ويستغل الوقت للاشياء اللي يحبها وغمزة لها وهربت صرخت غيداء بقهر وقالت بصوت عالي : والله لاخلي اخوي ياخذ حقي من عيونك رنا : ههههههههههههههههههههههههه هههههه وش فيك المفروض تفرحين انك طالعه معاه غيداء : يختي ذا ناوي علي رنا صفرت : وش ناوي عليه اخوي غيداء : والله نذاله هو ووجهه رنا : ههههههههههههههههههههههههه هههههه يالله انك ترزقني واحد مثل اخوي ماتوقعته كذا غيداء : والله من قرادة حظي مطلع نذالته فيني ومبسوط البنات كانوا مندمجين وهنا فكوها ضحك باين انه مطلع عيونها دق جوال غيداء وكان حاتم : نعم حاتم : ههههههههههههههه اوه الاخلاق خايسه المهم الله ينعم عليك بعدين ياقلبي ترين خيست وانا انتظرك اطلعي غيداء : طيب اصبر قاعده اكشخ لك البنات فتحوا عيونهم مصدومين من كذبها حاتم : هه قلتي لي تكشخين صدقتك مره غيداء : ليه لا يكون مااكشخ لك حاتم : الا ياقلبي تكشخين بس تعالي عشان نستغل الوقت واشوف كشختك غيداء : حاتم بلا ثقالة دم حاتم : طيب حبي انتظرك عجلي غيداء : طيب باي وقامت تلبس عبايتها &عند بيت مي& ماترد على الجوال الظاهر ماسمعت كنان : طيب بنزل ادق الباب رائف : لا خلك انا بنزل كنان : لا اخاف تقابل احد وتتمشكل معاه مااحنا ناقصين رائف : طيب نزل كنان قرب من الباب شافه مفتوح اعطى الباب ظهر وجاء بيدق الجرس بس وقف وسمع كلام صدمه مسك اعثابه لا يتهور ويدخل عليها ويوريها ان الله حق لف ودق الباب مي فتحت الباب علطول من غير تسأل مين على بالها صاحبتها لف كنان بسرعه : نادي سديم وقولي اهلك برا خليها تطلع مي : بدري خلها تتعشى كنان : ناديها قلت كلامي واضح ماهي بحاجة عشاك مي : وقح وقفلت الباب بقوه مشى كنان للسياره وهو يردد نجوم السماء اقرب لك منها قلة ادب مابتروحين بعيد مثلك مثل ولد عمك الحقير عايله خربانه اخ منك ياعمي لكن انا لك بالمرصاد عشر دقايق وطلعت سديم الكل كان في حاله صمت رائف يفكر في جده وكنان يفكر في اللي سمعه ياترى ايش الكلام اللي سمعه &في بيت الجد& عند الشباب: جابر : اوف محد يرد لي ساعه ادق جسار : وش تبي جابر : ياخي عطشان جسار : درعم على المطبخ جابر : اخاف يكون احد من البنات فيه جسار : لا دق الباب جابر : تهقى جسار : ايه مالك الا كذا قام جابر دق باب المطبخ محد رد عرف ان مافيه احد طبعا المطبخ له بابين باب يفتح على صاله تفتح على قسم الرجال جاء بيشرب الماء بس تفاجأ باللي دخلت المطبخ وتغني ولا هي داريه عن احد تنحنح وهي انتبهت على الصوت رنا : خير وش جايبك هنا بدون استأذان جابر : الظاهر عاجبك شكلنا كذا رنا : غض البصر واطلع من المطبخ لف جابر عنها : والله انك مو بطاله ودام لسانك طويل كذا فأنتي رنا رنا : والله اعلم ابوي عليك جابر : شرايك اروح عند عمي واخطبك رنا : ههههههههههههههههههههههههه هههههه اسكت بالله جابر: ترين صادق رنا : بالله بلا مزح بعدين محنا مناسبين لبعض جابر : من قال رنا : انا اقول ولا ماسمعت جابر : بالعكس اول مره اركز كذا والحين شرايك اخطبك وتوافقين ونشوف اذا مناسبين لبعض او لا رنا حسته صادق : اذا لك نصيب فيني بيصير وخرجت جابر والله الكلبه حلوه ماتوقعتها كذا ههههههههههههههههههههههههه هههههه باين اني تخرفنت على طول بخطبك عند رنا استخف الولد بس منجد مغامره خل نشوف مناسبين ولا لا &نروح لجسار& كان يكتب رساله لفاتن "بكره ابيك تكلمين عمي عن الوظيفه لاني بصراحه اشتقت لك بالكثير الثلاثاء وابيك في مداومه في شقتي" فاتن شافت الرساله وطنشت لانها في الاخير بتسوي اللي يبيه جسار انتظرها وعلى باله مو منتبهه دق على جوالها فاتن اعطته مشغول وعالطول دخلت "وش تبي تعرف ان الكل عندي" جسار "ادري ماطلبت منك تردين ابيك تشوفين الرساله" فاتن "شفتها وش تبيني اقول" جسار "يعني تطنيش" فاتن مالها خلقه ابد "لا ماطنشت بس مالي نفس ارد وبعدين بكلم ابوي وش تبي غيره" جسار ماحب يضغط عليها "طيب انا بس كنت انتظر ردك اسف لو خوفتك بتصالي تامريني على شيء" فاتن هه قال تامرين على شيء اللي يسمعه يقول معيشني احلى قصة حب مااقول الا مالت عليك "لا ماابي شيء بس لاترسل واذا كلمت ابوي بقول لك" جسار يبي يتركها فتره براحتها حتى تستوعب كل شيء " ابشري " رائف نزل كنان وسديم وابوه زعل عليه لانه مادخل يسلم على الكل بس كنان قال انه مشغول &عند الحلوين حاتم وغيداء& حاتم طول الطريق ماسك يدها ويسوق بيد غيداء : امممم حاتم حاتم : امري غيداء : احم ابتسم حاتم دايم لما يقول امري تخجل ولا تعرف تتكلم وهو يحب يشوف خجلها وارتباكها منه حاتم : حبيبي انتظرك وش تبين غيداء : ماابي مول نروح مكان هادي احسن حاتم : ابشري من عيوني اهم شيء راحتك غيداء في نفسها راحتي قربك وشوفتك مبسوط : تسلم وهذا كان يوم ابطالي توقعاتكم ايش الكلام اللي سمعه كنان وايش راح يسوي ثامر ونوف علاقتهم وونهايتها جسار وفاتن هل احد بيعرف عن زواجهم بالسر جابر ورنا هل ممكن يتزوجون | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
